Khaing Thu Kha

အာရက္ခရေပိုင်နက်အတွင်းသို့ ကျူးကျော်ဝင်ရောက် ငါးခိုးဖမ်းခဲ့သော ဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးအား လိုအပ်သောခေါ်ယူစစ်ဆေးမှုများပြုလုပ်ပြီးနောက် ငါးခိုးဖမ်းသမားများအား ပြန်လည်လွှဲပြောင်းအပ်နှံခြင်းဆိုင်ရာ သတင်းထုတ်ပြန်ချက်

၂၀၂၄ ခုနှစ်၊ နိုဝင်ဘာလ (၂၀) ရက်

၂၀၂၄ ခုနှစ်၊ နိုဝင်ဘာလ (၅) ရက်နေ့တွင် အာရက္ခရေပိုင်နက်အတွင်းသို့ ကျူးကျော်ဝင်ရောက်ကာ ငါးခိုးဖမ်းနေသော ဘင်္ဂလားဒေ့ရှ်နိုင်ငံဘက်မှ ငါးဖမ်းလှေ အစီး (၆၀) ခန့်ကို အာရက္ခတပ်တော်၊ ကမ်းခြေစောင့် လုံခြုံရေးတပ်ဖွဲ့ဝင်များမှ တွေ့ရှိခဲ့သဖြင့် ခေါ်ယူဖမ်းဆီးခဲ့ရာ ငါးဖမ်းလှေ (၁၅) စီး (စက်တပ်၍ ၂ စီး၊ စက်မပါဘဲ ၁၃ စီး) နှင့် ဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးကို ဖမ်းဆီးရမိခဲ့သည်။ ၎င်းဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးကို မိမိတို့ဘက်မှ (၂) ရက်ကြာ ထိန်းသိမ်းထားခဲ့သည်။ လိုအပ်သော စစ်ဆေးမေးမြန်းမှုများကို ပြုလုပ်ခဲ့ပြီးနောက် ၂၀၂၄ ခုနှစ်၊ နိုဝင်ဘာလ (၇) ရက်နေ့တွင် ဘင်္ဂလာဒေ့ရှ် နယ်ခြားစောင့်တပ် (BGB) လက်ထဲသို့ ကောင်းမွန်စွာ ပြန်လည်အပ်နှံခဲ့ပြီးဖြစ်ပါသည်။

မိမိတို့စစ်ဆေးမေးမြန်းချက်များအရ ၎င်းဘင်္ဂလားဒေ့ရှ်နိုင်ငံသား ရေလုပ်သား ငါးခိုးဖမ်းနေကြသော သူများမှာ ဆင်းရဲနွမ်းပါးသူများဖြစ်ပြီး မိသားစုစားဝတ်နေရေးအကျပ်အတည်းများကို ငါးဖမ်းခြင်းဖြင့် အသက်မွေးဝမ်းကျောင်းပြုကာ ဖြေရှင်းနေကြသူများဖြစ်ကြောင်း သိရှိရသည်။ သို့သော်လည်း နောက်နောင် အာရက္ခပိုင်နက်ထဲသို့ ကျူးကျော်ဝင်ရောက်ပြီး ငါးဖမ်းခြင်းများမပြုလုပ်ရန် ခံဝန်ကတိလက်မှတ်ထိုးပြီးမှ လွှဲပြောင်းပေးအပ်ခဲ့ခြင်းဖြစ်သည်။

အခြားတစ်ဖက်တွင် မိမိတို့ အာရက္ခတပ်တော် အနေဖြင့် အကြိမ်ကြိမ် ငါးခိုးဖမ်းနေကြသော ဘင်္ဂလားဒေ့ရှ်နိုင်ငံသား ရေလုပ်သားများ၏ မိသားစုစားဝတ်နေရေး အကျပ်အတည်းများကို ထောက်ထားငဲ့ညှာမှုနှင့်အတူ သက်ညှာပေးခဲ့ခြင်းဖြစ်သည်။ ထို့အပြင် ဘင်္ဂလားဒေ့ရှ်အစိုးရနှင့် မိမိတို့အဖွဲ့အစည်းအကြားရှိ နှစ်ဖက်နယ်စပ်ရေးရာကိစ္စရပ်များတွင် ပူးပေါင်းဆောင်ရွက်မှု ယခင်ထက် ပိုမိုအားကောင်းလာစေရန် ရည်ရွယ်၍ မည်သည့်ပြစ်ဒဏ်မျှပေးခြင်းမရှိဘဲ ငါးခိုးဖမ်းသမားများကို ချက်ချင်းပြန်လွှတ်ပေးခဲ့သော်လည်း ငါးခိုးဖမ်းလှေများကိုမူ ယနေ့တွင်မှ ပြန်လည်ပေးအပ်နိုင်ခဲ့သည်။

ဤကဲ့သို့ ရက်အနည်းငယ်ကြန့်ကြာနေရခြင်းမှာ မောင်တောဒေသ၌ စစ်ရေးပြင်ထန်နေမှုများနှင့် ငါးဖမ်းလှေများထိန်းသိမ်းထားရာနေရာမှ ပြန်လည်ပေးအပ်မည့်နေရာသို့ ပို့ဆောင်ရာတွင် ဖက်ဆစ်အကြမ်းဖက်စစ်ကောင်စီ၏ လေကြောင်းရန်အန္တရာယ်ကို သတိထားနေရသောကြောင့် ပင်ဖြစ်သည်။

၂၀၂၄ ခုနှစ်၊ နိုဝင်ဘာလ (၂၀) ရက်နေ့တွင်မှ အဆိုပါ ငါးဖမ်းလှေ (၁၅) စီး (စက်တပ်၍ ၂ စီး၊ စက်မပါဘဲ ၁၃ စီး) ထဲမှ (၇) စီးကို ဘင်္ဂလာဒေ့ရှ် နယ်ခြားစောင့်တပ် (BGP) သို့ ပြန်လည်လွှဲပြောင်းပေးနိုင်ခဲ့ပါသည်။ ကျန်ငါးဖမ်းလှေ (၈) စီးကိုလည်း လုံခြုံရေး အာမခံချက်ရှိသောအချိန်တွင် ဆက်လက်လွှဲပြောင်းပေးအပ်သွားမည်ဖြစ်သည်။

နောင်နောက်များ၌ မိမိတို့ အာရက္ခရေပိုင်နက်အတွင်းသို့ ယခုကဲ့သို့ ကျူးကျော်၍ ငါးခိုးဖမ်းရန် ဝင်ရောက်လာမည်ဆိုပါက မည်သူ့ကိုမဆို မိမိတို့၏ တရားဥပဒေနှင့်အညီ စစ်ဆေး၊ အပြစ်ပေး အရေးယူသွားမည်ဖြစ်သည်။

သတင်းနှင့်ပြန်ကြားရေး
အာရက္ခတပ်တော်

၁၉/၁၁

KIA ဌာနချုပ်နယ်မြီအတွင်းဟိ ဝေကြိုင်ဘွမ်၊ ဗိုလ်သင်တန်းကျောင်း၌ စစ်ပညာသင်ယူနီကတ်သော အာရက္ခတပ်တော်မှ ဗိုလ်လောင်း (၈) ဦးနန့် အခြားသောတိုင်းရင်းသားတော်လှန်ရီးလက်နက်ကိုင် အဖွဲ့အစည်းအချို့မှ ဗိုလ်လောင်းများအပါအဝင် စုစုပေါင်းဗိုလ်လောင်း (၂၃) ဦးရို့သည် ၂၀၁၄ ခုနှစ်၊ နိုဗမ်ဘာလ (၁၉) ရက်နိတွင် အကြမ်းဖက် ဖက်ဆစ် စစ်ကောင်စီတပ်မှ လက်နက်ကြီးများဖြင့် အလစ်အငိုက်အကောက်ကြံ ပစ်ခတ်တိုက်ခိုက်ခမှုကြောင့် အဆိုပါ KIA ဗိုလ်သင်တန်းကျောင်းဝင်းတနီရာ၌ တပြိုင်နက်တည်း အသက်ကြွီလွင့်ခရသည်။

ဂနိ ၂၀၂၄ ခုနှစ်၊ နိုဗမ်ဘာလ (၁၉) ရက်နိဆိုလျှင် အဆိုပါ ဗိုလ်လောင်းများ တိုင်းပြည်နန့် လူမျိုးအတွက် တာဝန်ထမ်းဆောင်ယင်း အသက်ပီးဆပ်ခရသည်မာ (၁၀) နှစ်တင်းတင်းပြည့်မြောက်ခဗျာယ်ဖြစ်သည်။ အာရက္ခတပ်တော် အနီဖြင့် နိုဗမ်ဘာလ (၁၉) ရက်နိကို ရောက်တိုင်း အဆိုပါ ဗိုလ်လောင်းများအတွက် ဝမ်းနည်းအောက်မိဖွယ် အထိမ်းအမှတ် အခမ်းအနားကို စစ်ရီး၊ နိုင်ငံရီး အခြေအနီပေါ်မူတည်၍ပြုလုပ်ခြင်း၊ ဗိုလ်လောင်းများလဲလျောင်းရာ အာဇာနည်ကုန်းတွင် လွမ်းသူ့ပန်းခွေများချကာ ဂါရဝပြုခြင်း၊ တပ်စခန်းများတွင် အောင်လံတဝက်လွှင့်ခြင်းများကို နှစ်စဉ်နှစ်တိုင်းပြုလုပ်ခသည်။

ဂနိ (၁၀) နှစ်ပြည့်နိတွင်လည်း စစ်ရီးအခြေအနီအရ ကျဆုံးဗိုလ်လောင်းများအတွက် ဝမ်းနည်းအောက်မိဖွယ် အထိမ်းအမှတ် အခမ်းအနားကို အကျဉ်းချုပ်မျှသာ ပြုလုပ်နိုင်ခသည်။ အာရက္ခတပ်တော်အနီဖြင့် နိုဗမ်ဘာလ (၁၉) ရက်နိကို ဇာခါလေ့သင့် မိလိမ့်မည်မဟုတ်ပေ။ ထို့အပြင် အဆိုပါ ဗိုလ်လောင်းများ၏ တိုင်းပြည်နန့် လူမျိုးအတွက် အသက်ပီးဆပ်ခမှုများကိုလေ့ အမြဲတမ်း သတိရနီကတ်မည်ဖြစ်သည်။

၂၀၂၄ ခုနှစ်၊ နိုဗမ်ဘာလ (၁၉) ရက်
#19/11

၂၀၂၄ ခုနှစ်၊ နိုဝင်ဘာလ (၁၃) ရက်နေ့တွင် RFA Burmese သတင်းဌာနမှ “ဘင်္ဂလားဒေ့ရှ် နိုင်ငံသား ခြောက်ယောက်ကို AA ဖမ်းဆီးခေါ်ဆောင်သွား” ခေါင်းစဉ်ဖြင့် ရေးသားခဲ့သည့်သတင်းတွင် ဖော်ပြပါရှိသော အကြောင်းအရာတစ်ခုဖြစ်သည့် "၂၀၂၄ ခုနှစ်၊ နိုဝင်ဘာလ (၁၃) ရက်နေ့တွင် ဘင်္ဂလားဒေ့ရှ်ပင်လယ်အော်အတွင်း နတ်မြစ်ကိုဖြတ်ကျော်ပြီး စိန့်မာတင်ကျွန်းသို့ မောင်းနှင်သွားလာနေသည့် ဆောက်လုပ်ရေးပစ္စည်းများ တင်ဆောင်လာသော သင်္ဘောနှစ်စင်းနှင့်အတူ သင်္ဘောပေါ်ပါရှိသော ဘင်္ဂလားဒေ့ရှ်နိုင်ငံသား (၆) ဦး အား အာရက္ခတပ်တော်မှ ဖမ်းဆီးခဲ့သည်ဟူသော စွပ်စွဲရေးသားဖော်ပြထားသောသတင်း" မှာ သတင်းမှားဖြစ်သည့်အပြင် မိမိတို့ အာရက္ခတပ်တော်မှ ဖမ်းဆီးထိန်းသိမ်းထားခြင်း မရှိပါကြောင်း လေးစားစွာဖြင့်အသိပေးအပ်ပါသည်။

ခိုင်သုခ
ULA/ AA ပြောရေးဆိုခွင့်ရှိသူ
၂၀၂၄ ခုနှစ်၊ နိုဝင်ဘာလ (၁၄) ရက်


On November 13, 2024, RFA Burmese News reported a story titled "AA Detains Six Bangladeshi Nationals." The report claimed that on November 13, 2024, the Arakan Army detained six Bangladeshi nationals aboard two ships carrying construction materials traveling across the Naf River toward Saint Martin Island in the Bay of Bengal. We respectfully inform that this report is incorrect, and the Arakan Army did not make any arrests or detentions.

Khaing Thukha
ULA/AA Spokesperson
November 14, 2024

ထို့အတူ ရက္ခိုင်အမျိုးသားလှုပ်ရှားမှု၊ အာရက္ခပြည်သူ့တော်လှန်ရေးကာလအတွင်း အဘက်ဘက်မှ ပုံစံအမျိုးမျိုးဖြင့် ပူးပေါင်းပါဝင်ခဲ့ကြသော အာရက္ခဒေသနေပြည်သူများ၊ မိမိတို့ အဖွဲ့အစည်းနှင့် မိမိတို့လူမျိုးကို အားပေးထောက်ခံကြသော ပြည်သူများ၊ မဟာမိတ်အဖွဲ့အစည်းများ၊ မိတ်ဖက်အဖွဲ့အစည်းအချို့နှင့် ကျေးဇူး တင်ထိုက်သော သူများအားလုံးကိုလည်း လေးနက်စွာ ကျေးဇူးအထူးတင်ရှိအပ်ပါသည်။

သတင်းနှင့်ပြန်ကြားရေး
အာရက္ခတပ်တော်

အာရက္ခဒေသနှင့် နယ်မြေဆက်စပ်နေပြီး မိမိတို့အား ဆယ်စုနှစ်များစွာလက်နက်ကြီးများဖြင့် တောက်လျှောက်ခြိမ်းခြောက်နေခဲ့သည့်အပြင် တောက်လျှောက်ပစ်ခတ်တိုက်ခိုက်နေခဲ့သော ပလက်ဝဒေသ တစ်ခုလုံးရှိ စစ်ကောင်စီ၏ စခန်းများအားလုံးကို အာရက္ခတပ်တော်မှ ၂၀၂၄ ခုနှစ်၊ ဇန်နဝါရီလ (၁၄) ရက်နေ့ တွင် စခန်းတစ်ခုမကျန် အပြီးသတ်သိမ်းပိုက်လိုက်နိုင်ပြီးနောက် ပလက်ဝဒေသသည် "စစ်ကောင်စီ ကင်းစင် သောနယ်မြေ” ဖြစ်လာခဲ့သည်။ ဆက်လက်၍ ရက္ခိုင်-ဘင်္ဂလာနယ်စပ် တစ်လျှောက်ရှိ ရန်သူ၏ အချက်အချာ ကျသော စခန်းကုန်းကြီးများ၊ တပ်စခန်းကြီး/ငယ်များနှင့် နယ်ခြားစောင့်တပ်စခန်းများအားလုံးကို မိမိတို့မှ စခန်းတစ်ခုပြီးတစ်ခု တိုက်ခိုက်သိမ်းပိုက်ရယူနိုင်ခဲ့သည်။

ထို့အတူ အာရက္ခဒေသစစ်ဆင်ရေး (၁) နှစ်ပြည့်ကာလအတွင်း မြို့သိမ်းတိုက်ပွဲ မှတ်တမ်းများအဖြစ်-
- ၂၀၂၄ ခုနှစ်၊ ဇန်နဝါရီလ (၁၄) ရက်နေ့တွင် ပလက်ဝဒေသတစ်ခုလုံးအား လည်းကောင်း၊
- ၂၀၂၄ ခုနှစ်၊ ဇန်နဝါရီလ (၁၉) ရက်နေ့တွင် ပေါက်တောမြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၁၃) ရက်နေ့တွင် ကျောက်တော်မြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၁၅) ရက်နေ့တွင် မြေပုံမြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၈) ရက်နေ့တွင် မြောက်ဦးမြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၂၆) ရက်နေ့တွင် မင်းပြားမြို့အား လည်းကောင်း၊
- ၂၀၂၄ ခုနှစ်၊ မတ်ချ်လ (၄) ရက်နေ့တွင် ပုဏ္ဏားကျွန်းမြို့အား လည်းကောင်း၊
- ၂၀၂၄ ခုနှစ်၊ မတ်ချ်လ (၁၁) ရက်နေ့တွင် ရမ်းဗြဲမြို့အား လည်းကောင်း၊
- ၂၀၂၄ ခုနှစ်၊ မတ်ချ်လ (၁၇) ရက်နေ့တွင် ရသေ့တောင်မြို့အား လည်းကောင်း၊
- ၂၀၂၄ ခုနှစ်၊ မေလ (၁၈) ရက်နေ့တွင် ဘူးသီးတောင်မြို့အား လည်းကောင်း၊
- ၂၀၂၄ ခုနှစ်၊ စက်တင်ဘာလ (၅) ရက်နေ့တွင် သံတွဲမြို့အား လည်းကောင်း အသီးသီး သိမ်းပိုက်ခဲ့ကြသည်။

အမ်းမြို့နယ် အနောက်ပိုင်းတိုင်းစစ်ဌာနချုပ်ရှိ အကြမ်းဖက် ဖက်ဆစ်စစ်ကောင်စီ၏ တပ်စခန်းများထဲမှ စွေ့ချောင်းဗျူဟာ၊ တောဟိန်းတောင်ဗျူဟာ၊ မဲတောင်ဗျူဟာကုန်းကြီးများနှင့် ကာကင်းစခန်းများအပြင်-
၁။ ခမရ (၃၇၃)-အမှတ် (၃၇၃) ခြေမြန်တပ်ရင်း
၂။ အမတ (၃၇၄)-အမှတ် (၃၇၄) အမြောက်တပ်ရင်း
၃။ လလစ (၇၅၇)-အမှတ် (၇၅၇) လျှပ်စစ်အလုပ်ရုံတပ်ခွဲ
၄။ စနခ (၃၄၅)-အမှတ် (၃၄၅) စစ်လက်နက်ပစ္စည်းတပ်ခွဲ
၅။ တစသ (၈)- အမှတ် (၈) တိုက်ပွဲဝင်စည်းရုံးရေးသင်တန်းကျောင်း
၆။ တဆရ(၂/၃၀၀)-အမှတ်-၂ /ကုတင် ၃၀၀ တပ်မတော်စစ်ဆေးရုံ
၇။ လကရ-လေကြောင်းရန်ကာကွယ်ရေးတပ်
၈။ စရဖ-စစ်ဖက်ရေးရာလုံခြုံရေးတပ်တို့အား အာရက္ခတပ်တော်မှ သိမ်းပိုက်ရရှိထားပြီးဖြစ်သကဲ့သို့
ကျန်ရှိ နေသေးသောစခန်းများဖြစ်သည့် -
(၁) နပခ-အနောက်ပိုင်းတိုင်း စစ်ဌာနချုပ်
(၂) ဆလအခွဲ (၉၄၆) - အမှတ် (၉၄၆) ဆောက်လုပ်ရေးအင်ဂျင်နီယာတပ်ခွဲ
(၃) ခမရ (၃၇၁) -အမှတ် (၃၇၁) ခြေမြန်တပ်ရင်း
(၄) ခမရ (၃၇၂) - အမှတ် (၃၇၂) ခြေမြန်တပ်ရင်း
(၅) လလစ (၇၅၇/၂) - အမှတ် (၇၅၇/၂) လျှပ်စစ်အလုပ်ရုံတပ်ခွဲ
(၆) ထပခ (၉၂၆) - အမှတ် (၉၂၆) ထောက်ပံ့နှင့်ပို့ဆောင်ရေးတပ်ခွဲ
(၇) ဆသလ (၉) - အမှတ် (၉) ဆက်သွယ်ရေးလုံခြုံမှုတပ်ရင်း
(၈) အဆရ (၈) - အမှတ် (၈) အဆင့်မြင့်ဆက်သွယ်ရေးတပ်ရင်း
(၉) တထခ (၁၀) - အမှတ် (၁၀) တပ်ထိန်းတပ်ခွဲ
(၁၀) စအရ (၉၁၉) - အမှတ် (၉၁၉) စစ်မြေပြင်အင်ဂျင်နီယာတပ်ရင်းများကို ထိုးစစ်ဆင်တိုက်ခိုက်လျက် ရှိသည့်နည်းတူ မိမိတို့သိမ်းပိုက်ရရှိထားပြီးသောစခန်းများမှ ထွက်ပြေးလွတ်မြောက်နေသော စစ်ကောင်စီ တပ်ဖွဲ့ဝင်များကို လိုက်လံချေမှုန်းတိုက်ခိုက်လျက်ရှိသောကြောင့် အမ်း၊ နပခဌာနချုပ်ရှိရာ ပတ်ဝန်းကျင်၌ တိုက်ပွဲများ ဆက်လက်ပြင်းထန်နေခဲ့သည်။

အာရက္ခတပ်တော်မှ အလုံးစုံသိမ်းပိုက်ရရှိထားသည့် မြို့များတွင် တော်လှန်ရေးလောကဓံကို ကြံ့ကြံ့ခံ ရင်ဆိုင်နေကြသည့် အာရက္ခပြည်သူများ၏ လူမှုစားဝတ်နေထိုင်ရေးဖူလုံရေးနှင့် ပြည်သူ့ဝန်ဆောင်ရေး လုပ်ငန်းများကို အာရက္ခပြည်သူ့တော်လှန်ရေးအစိုးရအနေဖြင့် မပြီးပြတ်သေးသော ထိုးစစ်များကို ဆက်လက် ဆင်နွှဲရင်း တစ်ပြိုင်နက်တည်း ကြိုးပမ်းဆောင်ရွက်လျက်ရှိနေသောကြောင့် လိုအပ်ချက်များရှိနေဆဲဖြစ်သည်။ ဤသည်ကို မိမိတို့အဖွဲ့အစည်းအနေဖြင့် ကောင်းစွာသိရှိနားလည်ပြီး လိုအပ်သည်များကို အနှေးနှင့်အမြန် ဖြည့်ဆည်းပေးသွားမည်ဖြစ်ပါသည်။

အာရက္ခဒေသနေ ပြည်သူလူထုနှင့် အာရက္ခတပ်တော်၏ အဓိက ရည်မှန်းချက်တစ်ခုဖြစ်သော အာရက္ခဒေသတွင်းရှိ “စစ်ကောင်စီတပ်ဖွဲ့များအားလုံး အလုံးစုံချုပ်ငြိမ်းစေရေး” ကို မိမိတို့သည် ဆက်လက် အကောင်အထည်ဖော်လျက်ရှိသည်။ တစ်နှစ်တာစစ်ဆင်ရေးကာလအတွင်း စခန်းသိမ်း၊ မြို့သိမ်းတိုက်ပွဲများ အတွင်း အသက်ပေးဆပ်စွန့်လွှတ်ခဲ့ကြသော အာရက္ခတပ်တော်နှင့် မိတ်ဖက်အဖွဲ့အစည်းအချို့မှ သတ္တိ ပြောင်မြောက်သော စစ်သည်တော်များ၊ ကိုယ်လက်အင်္ဂါပေးဆပ်ခဲ့ကြသော စစ်သည်တော်များနှင့် စစ်ဆင်ရေး ကို ပုံစံတစ်မျိုးမျိုးဖြင့် အထောက်အပံ့ဖြစ်စေသော ကျန်းမာရေးဝန်ထမ်းများအပါအဝင် သက်ဆိုင်သော သူများ အားလုံးကို မိမိတို့အဖွဲ့အစည်းမှ အလေးအနက်မှတ်တမ်းတင်ဂုဏ်ပြုပါသည်။

အာရက္ခ နှင့် ပလက်ဝဒေသစစ်ဆင်ရေး (၁) နှစ်ပြည့် သတင်းထုတ်ပြန်ချက်

၂၀၂၄ ခုနှစ်၊ နိုဝင်ဘာလ (၁၃) ရက်

၂၀၂၃ ခုနှစ် နိုဝင်ဘာလ (၁၃) ရက်နေ့မှစတင်၍ ဖြစ်ပွားလာခဲ့သော အာရက္ခဒေသအတွင်း တိုက်ပွဲများ မှာ ယနေ့ ၂၀၂၄ ခုနှစ်၊ နိုဝင်ဘာလ (၁၃) ရက်နေ့သို့ရောက်သည့်တိုင်အောင် တိုက်ပွဲအရှိန်သည် လျော့ကျ သွားခြင်းမရှိဘဲ တိုက်ပွဲများမှာ နေ့စဉ်နှင့်အမျှ ဆက်လက်ပြင်းထန်လျက်ရှိပြီး တိုက်ပွဲကာလမှာ (၁) နှစ်တိတိ ပြည့်မြောက်ခဲ့ပြီးဖြစ်သည်။ ထိုးစစ်စတင်သည့်ရက်မှ တစ်နှစ်ပြည့်သည်အထိ တစ်ရက်မှ တိုက်ပွဲရပ်တန့်ခြင်း မရှိဟု ဆိုရလောက်သည်အထိ မိမိတို့၏ ရက်ဆက်ထိုးစစ်များ၊ မြို့သိမ်းတိုက်ပွဲများနှင့်အတူ ရန်သူ၏ ကြည်း၊ ရေ၊ လေ ခုခံစစ်၊ တန်ပြန်ထိုးစစ်များကြောင့် တိုက်ပွဲများမှာ အာရက္ခ နှင့် ပလက်ဝဒေသ တစ်ခွင်လုံး၌ ပြင်းထန်ခဲ့သည်။

အာရက္ခဒေသတစ်ခုလုံး အာရက္ခပြည်သူ့လက်ထဲသို့ အမြန်ဆုံးရောက်ရှိစေရေး၊ စစ်ကောင်စီတပ်ဖွဲ့ဝင် များ ကင်းစင်ရေး အစရှိသည့် ရည်မှန်းချက်များအတွက် ဖက်ဆစ်အကြမ်းဖက်စစ်ကောင်စီ၏ လက်ကျန် စခန်းများကို အာရက္ခတပ်တော်မှ တစ်ခုပြီးတစ်ခု ထိုးစစ်ဆင်တိုက်ခိုက်လျက်ရှိသည်။ ထို့ကြောင့် အပြီးသတ် သိမ်းပိုက်ရန် လက်တစ်ကမ်းအလိုသို့ ရောက်ရှိနေပြီဖြစ်သော အမ်း၊ တောင်ကုတ်၊ ဂွ နှင့် မောင်တောမြို့များ၌ တိုက်ပွဲများ ဆက်လက်ပြင်းထန်လျက်ရှိသည်။ မောင်တောမြို့တွင်မူ မောင်တောမြို့တစ်ခုလုံးအား သိမ်းပိုက် ရယူထားနိုင်ပြီဟု ပြော၍ရသော်လည်း မြို့၏အပြင်စပ်၌ရှိသော နယ်ခြားစောင့် အမှတ် (၅)/နခခ(၅) စခန်း တစ်ခုသာကျန်ရှိနေပြီး အဆိုပါစခန်းအား မိမိတို့မှဆက်လက်ထိုးစစ်ဆင်တိုက်ခိုက်နေဆဲဖြစ်သည်။

၂၀၂၃ ခုနှစ်၊ အောက်တိုဘာလ (၂၇) ရက်နေ့တွင် ကိုးကန့်၊ တအာင်း၊ ရက္ခိုင် ပါဝင်သော ညီနောင်မဟာမိတ် (၃) ဖွဲ့တို့သည် ရှမ်းမြောက်တွင် "၁၀၂၇ စစ်ဆင်ရေး" ကို ဟန်ချက်ညီစတင်ခဲ့ကြသည်။ ထို့အတူ ကရင်နီအမျိုးသားများကာကွယ်ရေးတပ် (KNDF) အဖွဲ့သည် “၁၁၁၁ စစ်ဆင်ရေး” အမည်ဖြင့် ကရင်နီ ဒေသအတွင်း၌ စစ်ဆင်ရေးကို ၂၀၂၃ ခုနှစ်၊ နိုဝင်ဘာလ (၁၁) ရက်နေ့မှစတင်၍ အရှိန်အဟုန်မြှင့်ခဲ့သည်။

ဤကဲ့သို့သော စစ်ဆင်ရေးလှိုင်းလုံးကြားတွင် နွေဦးတော်လှန်ရေးထဲမှ ပေါက်ဖွားလာကြသော တော်လှန်ရေးအဖွဲ့အစည်းအချို့တို့သည် အတူပူးတွဲပါဝင်ကြသကဲ့သို့ ၎င်းတို့၏ နယ်မြေ၊ ဒေသများ၌လည်း ဖက်ဆစ်အကြမ်းဖက်စစ်ကောင်စီ၏ စခန်းကြီး၊ စခန်းငယ်၊ ရဲစခန်းများ၊ ကာကင်းစခန်းများအပါအဝင် စစ်ကောင်စီ၏ စစ်ရေးအရအားနည်းသောနေရာများကို ထိုးစစ်ဆင်တိုက်ခိုက်ခဲ့ကြသည်။

အထူးသဖြင့် စခန်းသိမ်းတိုက်ပွဲများမှတစ်ဆင့် မြို့သိမ်းတိုက်ပွဲအဆင့်သို့ တက်လှမ်းခဲ့ကြသော ထိုးစစ်ဆင်တိုက်ပွဲများဖြစ်ကြသည့်အလျောက် အကြမ်းဖက်စစ်ကောင်စီ၏ တပ်ရင်း၊ တပ်မ၊ ဗျူဟာ၊ စကခဌာနချုပ်၊ ဒကစဌာနချုပ်၊ တိုင်းစစ်ဌာနချုပ်များကို တော်လှန်ရေးလက်နက်ကိုင်အဖွဲ့အစည်းများမှ သိမ်းပိုက်ရယူနိုင်ခဲ့ကြသည်။ တနည်းဆိုသော် မိမိတို့အဖွဲ့အစည်းအသီးသီး၏ စစ်ရေးရည်မှန်းချက်များမှာ အတိုင်းအတာတစ်ခုအထိ အထမြောက် အောင်မြင်ခဲ့သည်ဟု ပြော၍ရသည်။

အာရက္ခ နှင့် ပလက်ဝဒေသများ၌ စစ်ဆင်ရေးစတင်သည်နှင့်တစ်ပြိုင်နက်တည်းတွင် မိမိတို့သည် နဂိုသတ်မှတ်ထားသော ရန်သူ့ပစ်မှတ်များကို မဟာဗျူဟာမြောက် အလစ်အငိုက် ထိုးစစ်ဆင် တိုက်ခိုက်နိုင်ခဲ့ပြီး ရန်သူ၏ အားနည်းချက်ကို အပြည့်အဝရယူနိုင်ခဲ့သောကြောင့် အချိန်တိုတိုအတွင်း ယခုကဲ့သို့ အောင်မြင်မှု ရယူနိုင်ခဲ့ခြင်းဖြစ်သည်။ အခြားတစ်ဖက်တွင် ကျယ်ပြန့်သော နိုင်ငံအနှံ့ စစ်မျက်နှာပြင်ထက်တွင် စစ်ကောင်စီအား ဘုံရန်သူအဖြစ်သတ်မှတ်ထားသော ဘုံရည်မှန်းချက်တူညီသည့် ဘဝတူ တော်လှန်ရေးအဖွဲ့အစည်းများမှ တစ်ပြိုင်နက်တည်း (သို့) ရှေ့ဆင့်နောက်ဆင့် ဟန်ချက်ညီ တိုက်ခိုက်နိုင်ခဲ့ကြသည်။ ယခုအချိန်အထိလည်း ပြောက်ကျားစစ်၊ ထိုးစစ်များနှင့် မြို့သိမ်းတိုက်ပွဲများမှာ မြန်မာနိုင်ငံအနှံ့ရှိနေဆဲဖြစ်သည်။

အာရက္ခ နှင့် ပလက်ဝဒေသများအတွင်း၌ အာရက္ခတပ်တော်၏ တစ်နှစ်တာကာလအတွင်း ထိုးစစ်များကို ဖော်ပြရသော်-

၂၀၂၃ ခုနှစ်၊ နိုဝင်ဘာလ (၁၃) ရက်နေ့တွင် ရသေ့တောင်မြို့နယ်၊ ချိန်ခါလီနယ်ခြားစောင့်စခန်း အပါအဝင် ရန်သူ၏စစ်ရေးအရအရေးပါပြီး အားနည်းသည့် တပ်စခန်းများကို အာရက္ခတပ်တော်မှ ဗျူဟာမြောက်ထိုးစစ်ဆင်တိုက်ခိုက်မှုများနှင့်အတူ ရန်သူ့စခန်းများအား တစ်ခုပြီးတစ်ခု မရပ်မနားဆက်တိုက် ထိုးစစ်ဆင်တိုက်ခိုက်ခဲ့သည်။ ထို့ကြောင့် ပလက်ဝဒေသ၊ ကျောက်တော်၊ မင်းပြား၊ မြောက်ဦး၊ ရသေ့တောင်၊ ဘူးသီးတောင်၊ ပုဏ္ဏားကျွန်း၊ ရမ်းဗြဲ၊ မြေပုံ၊ ‌ပေါက်တော၊ သံတွဲ နှင့် ကျိန္တလီမြို့များရှိ ရန်သူ့စခန်းအားလုံးကို စစ်ဆင်ရေး (၁) နှစ် မပြည့်မီကာလအတွင်း သိမ်းပိုက်ထိန်းချုပ်ထားနိုင်ခဲ့ပြီးဖြစ်သည်။

ထို့အတူ ရက္ခိုင်အမျိုးသားလှုပ်ရှားမှု၊ အာရက္ခပြည်သူ့တော်လှန်ရေးကာလအတွင်း အဘက်ဘက်မှ ပုံစံအမျိုးမျိုးဖြင့် ပူးပေါင်းပါဝင်ခဲ့ကြသော အာရက္ခဒေသနေပြည်သူများ၊ မိမိတို့ အဖွဲ့အစည်းနှင့် မိမိတို့လူမျိုးကို အားပေးထောက်ခံကြသော ပြည်သူများ၊ မဟာမိတ်အဖွဲ့အစည်းများ၊ မိတ်ဖက်အဖွဲ့အစည်းအချို့နှင့် ကျေးဇူး တင်ထိုက်သော သူများအားလုံးကိုလည်း လေးနက်စွာ ကျေးဇူးအထူးတင်ရှိအပ်ပါသည်။

သတင်းနှင့်ပြန်ကြားရေး
အာရက္ခတပ်တော်

အာရက္ခဒေသနှင့် နယ်မြေဆက်စပ်နေပြီး မိမိတို့အား ဆယ်စုနှစ်များစွာလက်နက်ကြီးများဖြင့် တောက်လျှောက်ခြိမ်းခြောက်နေခဲ့သည့်အပြင် တောက်လျှောက်ပစ်ခတ်တိုက်ခိုက်နေခဲ့သော ပလက်ဝဒေသ တစ်ခုလုံးရှိ စစ်ကောင်စီ၏ စခန်းများအားလုံးကို အာရက္ခတပ်တော်မှ ၂၀၂၄ ခုနှစ်၊ ဇန်နဝါရီလ (၁၄) ရက်နေ့ တွင် စခန်းတစ်ခုမကျန် အပြီးသတ်သိမ်းပိုက်လိုက်နိုင်ပြီးနောက် ပလက်ဝဒေသသည် "စစ်ကောင်စီ ကင်းစင် သောနယ်မြေ” ဖြစ်လာခဲ့သည်။ ဆက်လက်၍ ရက္ခိုင်-ဘင်္ဂလာနယ်စပ် တစ်လျှောက်ရှိ ရန်သူ၏ အချက်အချာ ကျသော စခန်းကုန်းကြီးများ၊ တပ်စခန်းကြီး/ငယ်များနှင့် နယ်ခြားစောင့်တပ်စခန်းများအားလုံးကို မိမိတို့မှ စခန်းတစ်ခုပြီးတစ်ခု တိုက်ခိုက်သိမ်းပိုက်ရယူနိုင်ခဲ့သည်။

ထို့အတူ အာရက္ခဒေသစစ်ဆင်ရေး (၁) နှစ်ပြည့်ကာလအတွင်း မြို့သိမ်းတိုက်ပွဲ မှတ်တမ်းများအဖြစ်-
- ၂၀၂၄ ခုနှစ်၊ ဇန်နဝါရီလ (၁၄) ရက်နေ့တွင် ပလက်ဝဒေသတစ်ခုလုံးအား လည်းကောင်း၊
- ၂၀၂၄ ခုနှစ်၊ ဇန်နဝါရီလ (၁၉) ရက်နေ့တွင် ပေါက်တောမြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၁၃) ရက်နေ့တွင် ကျောက်တော်မြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၁၅) ရက်နေ့တွင် မြေပုံမြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၈) ရက်နေ့တွင် မြောက်ဦးမြို့အား လည်းကောင်း၊
- ၂၀၂၄ ခုနှစ်၊ ဖေဖော်ဝါရီလ (၂၆) ရက်နေ့တွင် မင်းပြားမြို့အား လည်းကောင်း၊
- ၂၀၂၄ ခုနှစ်၊ မတ်ချ်လ (၄) ရက်နေ့တွင် ပုဏ္ဏားကျွန်းမြို့အား လည်းကောင်း၊
- ၂၀၂၄ ခုနှစ်၊ မတ်ချ်လ (၁၁) ရက်နေ့တွင် ရမ်းဗြဲမြို့အား လည်းကောင်း၊
- ၂၀၂၄ ခုနှစ်၊ မတ်ချ်လ (၁၇) ရက်နေ့တွင် ရသေ့တောင်မြို့အား လည်းကောင်း၊
- ၂၀၂၄ ခုနှစ်၊ မေလ (၁၈) ရက်နေ့တွင် ဘူးသီးတောင်မြို့အား လည်းကောင်း၊
- ၂၀၂၄ ခုနှစ်၊ စက်တင်ဘာလ (၅) ရက်နေ့တွင် သံတွဲမြို့အား လည်းကောင်း အသီးသီး သိမ်းပိုက်ခဲ့ကြသည်။

အမ်းမြို့နယ် အနောက်ပိုင်းတိုင်းစစ်ဌာနချုပ်ရှိ အကြမ်းဖက် ဖက်ဆစ်စစ်ကောင်စီ၏ တပ်စခန်းများထဲမှ-
၁။ ခမရ (၃၇၃)-အမှတ် (၃၇၃) ခြေမြန်တပ်ရင်း
၂။ အမတ (၃၇၄)-အမှတ် (၃၇၄) အမြောက်တပ်ရင်း
၃။ လလစ (၇၅၇)-အမှတ် (၇၅၇) လျှပ်စစ်အလုပ်ရုံတပ်ခွဲ
၄။ စနခ (၃၄၅)-အမှတ် (၃၄၅) စစ်လက်နက်ပစ္စည်းတပ်ခွဲ
၅။ တစသ (၈)- အမှတ် (၈) တိုက်ပွဲဝင်စည်းရုံးရေးသင်တန်းကျောင်း
၆။ တဆရ(၂/၃၀၀)-အမှတ်-၂ /ကုတင် ၃၀၀ တပ်မတော်စစ်ဆေးရုံ
၇။ လကရ-လေကြောင်းရန်ကာကွယ်ရေးတပ်
၈။ စရဖ-စစ်ဖက်ရေးရာလုံခြုံရေးတပ်တို့အား အာရက္ခတပ်တော်မှ သိမ်းပိုက်ရရှိထားပြီးဖြစ်သကဲ့သို့
ကျန်ရှိ နေသေးသောစခန်းများဖြစ်သည့် -
(၁) နပခ-အနောက်ပိုင်းတိုင်း စစ်ဌာနချုပ်
(၂) ဆလအခွဲ (၉၄၆) - အမှတ် (၉၄၆) ဆောက်လုပ်ရေးအင်ဂျင်နီယာတပ်ခွဲ
(၃) ခမရ (၃၇၁) -အမှတ် (၃၇၁) ခြေမြန်တပ်ရင်း
(၄) ခမရ (၃၇၂) - အမှတ် (၃၇၂) ခြေမြန်တပ်ရင်း
(၅) လလစ (၇၅၇/၂) - အမှတ် (၇၅၇/၂) လျှပ်စစ်အလုပ်ရုံတပ်ခွဲ
(၆) ထပခ (၉၂၆) - အမှတ် (၉၂၆) ထောက်ပံ့နှင့်ပို့ဆောင်ရေးတပ်ခွဲ
(၇) ဆသလ (၉) - အမှတ် (၉) ဆက်သွယ်ရေးလုံခြုံမှုတပ်ရင်း
(၈) အဆရ (၈) - အမှတ် (၈) အဆင့်မြင့်ဆက်သွယ်ရေးတပ်ရင်း
(၉) တထခ (၁၀) - အမှတ် (၁၀) တပ်ထိန်းတပ်ခွဲ
(၁၀) စအရ (၉၁၉) - အမှတ် (၉၁၉) စစ်မြေပြင်အင်ဂျင်နီယာတပ်ရင်းများကို ထိုးစစ်ဆင်တိုက်ခိုက်လျက် ရှိသည့်နည်းတူ မိမိတို့သိမ်းပိုက်ရရှိထားပြီးသောစခန်းများမှ ထွက်ပြေးလွတ်မြောက်နေသော စစ်ကောင်စီ တပ်ဖွဲ့ဝင်များကို လိုက်လံချေမှုန်းတိုက်ခိုက်လျက်ရှိသောကြောင့် အမ်း၊ နပခဌာနချုပ်ရှိရာ ပတ်ဝန်းကျင်၌ တိုက်ပွဲများ ဆက်လက်ပြင်းထန်နေခဲ့သည်။

အာရက္ခတပ်တော်မှ အလုံးစုံသိမ်းပိုက်ရရှိထားသည့် မြို့များတွင် တော်လှန်ရေးလောကဓံကို ကြံ့ကြံ့ခံ ရင်ဆိုင်နေကြသည့် အာရက္ခပြည်သူများ၏ လူမှုစားဝတ်နေထိုင်ရေးဖူလုံရေးနှင့် ပြည်သူ့ဝန်ဆောင်ရေး လုပ်ငန်းများကို အာရက္ခပြည်သူ့တော်လှန်ရေးအစိုးရအနေဖြင့် မပြီးပြတ်သေးသော ထိုးစစ်များကို ဆက်လက် ဆင်နွှဲရင်း တစ်ပြိုင်နက်တည်း ကြိုးပမ်းဆောင်ရွက်လျက်ရှိနေသောကြောင့် လိုအပ်ချက်များရှိနေဆဲဖြစ်သည်။ ဤသည်ကို မိမိတို့အဖွဲ့အစည်းအနေဖြင့် ကောင်းစွာသိရှိနားလည်ပြီး လိုအပ်သည်များကို အနှေးနှင့်အမြန် ဖြည့်ဆည်းပေးသွားမည်ဖြစ်ပါသည်။

အာရက္ခဒေသနေ ပြည်သူလူထုနှင့် အာရက္ခတပ်တော်၏ အဓိက ရည်မှန်းချက်တစ်ခုဖြစ်သော အာရက္ခဒေသတွင်းရှိ “စစ်ကောင်စီတပ်ဖွဲ့များအားလုံး အလုံးစုံချုပ်ငြိမ်းစေရေး” ကို မိမိတို့သည် ဆက်လက် အကောင်အထည်ဖော်လျက်ရှိသည်။ တစ်နှစ်တာစစ်ဆင်ရေးကာလအတွင်း စခန်းသိမ်း၊ မြို့သိမ်းတိုက်ပွဲများ အတွင်း အသက်ပေးဆပ်စွန့်လွှတ်ခဲ့ကြသော အာရက္ခတပ်တော်နှင့် မိတ်ဖက်အဖွဲ့အစည်းအချို့မှ သတ္တိ ပြောင်မြောက်သော စစ်သည်တော်များ၊ ကိုယ်လက်အင်္ဂါပေးဆပ်ခဲ့ကြသော စစ်သည်တော်များနှင့် စစ်ဆင်ရေး ကို ပုံစံတစ်မျိုးမျိုးဖြင့် အထောက်အပံ့ဖြစ်စေသော ကျန်းမာရေးဝန်ထမ်းများအပါအဝင် သက်ဆိုင်သော သူများ အားလုံးကို မိမိတို့အဖွဲ့အစည်းမှ အလေးအနက်မှတ်တမ်းတင်ဂုဏ်ပြုပါသည်။

အာရက္ခ နှင့် ပလက်ဝဒေသစစ်ဆင်ရေး (၁) နှစ်ပြည့် သတင်းထုတ်ပြန်ချက်

၂၀၂၄ ခုနှစ်၊ နိုဝင်ဘာလ (၁၃) ရက်

၂၀၂၃ ခုနှစ် နိုဝင်ဘာလ (၁၃) ရက်နေ့မှစတင်၍ ဖြစ်ပွားလာခဲ့သော အာရက္ခဒေသအတွင်း တိုက်ပွဲများ မှာ ယနေ့ ၂၀၂၄ ခုနှစ်၊ နိုဝင်ဘာလ (၁၃) ရက်နေ့သို့ရောက်သည့်တိုင်အောင် တိုက်ပွဲအရှိန်သည် လျော့ကျ သွားခြင်းမရှိဘဲ တိုက်ပွဲများမှာ နေ့စဉ်နှင့်အမျှ ဆက်လက်ပြင်းထန်လျက်ရှိပြီး တိုက်ပွဲကာလမှာ (၁) နှစ်တိတိ ပြည့်မြောက်ခဲ့ပြီးဖြစ်သည်။ ထိုးစစ်စတင်သည့်ရက်မှ တစ်နှစ်ပြည့်သည်အထိ တစ်ရက်မှ တိုက်ပွဲရပ်တန့်ခြင်း မရှိဟု ဆိုရလောက်သည်အထိ မိမိတို့၏ ရက်ဆက်ထိုးစစ်များ၊ မြို့သိမ်းတိုက်ပွဲများနှင့်အတူ ရန်သူ၏ ကြည်း၊ ရေ၊ လေ ခုခံစစ်၊ တန်ပြန်ထိုးစစ်များကြောင့် တိုက်ပွဲများမှာ အာရက္ခ နှင့် ပလက်ဝဒေသ တစ်ခွင်လုံး၌ ပြင်းထန်ခဲ့သည်။

အာရက္ခဒေသတစ်ခုလုံး အာရက္ခပြည်သူ့လက်ထဲသို့ အမြန်ဆုံးရောက်ရှိစေရေး၊ စစ်ကောင်စီတပ်ဖွဲ့ဝင် များ ကင်းစင်ရေး အစရှိသည့် ရည်မှန်းချက်များအတွက် ဖက်ဆစ်အကြမ်းဖက်စစ်ကောင်စီ၏ လက်ကျန် စခန်းများကို အာရက္ခတပ်တော်မှ တစ်ခုပြီးတစ်ခု ထိုးစစ်ဆင်တိုက်ခိုက်လျက်ရှိသည်။ ထို့ကြောင့် အပြီးသတ် သိမ်းပိုက်ရန် လက်တစ်ကမ်းအလိုသို့ ရောက်ရှိနေပြီဖြစ်သော အမ်း၊ တောင်ကုတ်၊ ဂွ နှင့် မောင်တောမြို့များ၌ တိုက်ပွဲများ ဆက်လက်ပြင်းထန်လျက်ရှိသည်။ မောင်တောမြို့တွင်မူ မောင်တောမြို့တစ်ခုလုံးအား သိမ်းပိုက် ရယူထားနိုင်ပြီဟု ပြော၍ရသော်လည်း မြို့၏အပြင်စပ်၌ရှိသော နယ်ခြားစောင့် အမှတ် (၅)/နခခ(၅) စခန်း တစ်ခုသာကျန်ရှိနေပြီး အဆိုပါစခန်းအား မိမိတို့မှဆက်လက်ထိုးစစ်ဆင်တိုက်ခိုက်နေဆဲဖြစ်သည်။

၂၀၂၃ ခုနှစ်၊ အောက်တိုဘာလ (၁၀) ရက်နေ့တွင် ကိုးကန့်၊ တအာင်း၊ ရက္ခိုင် ပါဝင်သော ညီနောင်မဟာမိတ် (၃) ဖွဲ့တို့သည် ရှမ်းမြောက်တွင် "၁၀၂၇ စစ်ဆင်ရေး" ကို ဟန်ချက်ညီစတင်ခဲ့ကြသည်။ ထို့အတူ ကရင်နီအမျိုးသားများကာကွယ်ရေးတပ် (KNDF) အဖွဲ့သည် “၁၁၁၁ စစ်ဆင်ရေး” အမည်ဖြင့် ကရင်နီ ဒေသအတွင်း၌ စစ်ဆင်ရေးကို ၂၀၂၃ ခုနှစ်၊ နိုဝင်ဘာလ (၁၁) ရက်နေ့မှစတင်၍ အရှိန်အဟုန်မြှင့်ခဲ့သည်။

ဤကဲ့သို့သော စစ်ဆင်ရေးလှိုင်းလုံးကြားတွင် နွေဦးတော်လှန်ရေးထဲမှ ပေါက်ဖွားလာကြသော တော်လှန်ရေးအဖွဲ့အစည်းအချို့တို့သည် အတူပူးတွဲပါဝင်ကြသကဲ့သို့ ၎င်းတို့၏ နယ်မြေ၊ ဒေသများ၌လည်း ဖက်ဆစ်အကြမ်းဖက်စစ်ကောင်စီ၏ စခန်းကြီး၊ စခန်းငယ်၊ ရဲစခန်းများ၊ ကာကင်းစခန်းများအပါအဝင် စစ်ကောင်စီ၏ စစ်ရေးအရအားနည်းသောနေရာများကို ထိုးစစ်ဆင်တိုက်ခိုက်ခဲ့ကြသည်။

အထူးသဖြင့် စခန်းသိမ်းတိုက်ပွဲများမှတစ်ဆင့် မြို့သိမ်းတိုက်ပွဲအဆင့်သို့ တက်လှမ်းခဲ့ကြသော ထိုးစစ်ဆင်တိုက်ပွဲများဖြစ်ကြသည့်အလျောက် အကြမ်းဖက်စစ်ကောင်စီ၏ တပ်ရင်း၊ တပ်မ၊ ဗျူဟာ၊ စကခဌာနချုပ်၊ ဒကစဌာနချုပ်၊ တိုင်းစစ်ဌာနချုပ်များကို တော်လှန်ရေးလက်နက်ကိုင်အဖွဲ့အစည်းများမှ သိမ်းပိုက်ရယူနိုင်ခဲ့ကြသည်။ တနည်းဆိုသော် မိမိတို့အဖွဲ့အစည်းအသီးသီး၏ စစ်ရေးရည်မှန်းချက်များမှာ အတိုင်းအတာတစ်ခုအထိ အထမြောက် အောင်မြင်ခဲ့သည်ဟု ပြော၍ရသည်။

အာရက္ခ နှင့် ပလက်ဝဒေသများ၌ စစ်ဆင်ရေးစတင်သည်နှင့်တစ်ပြိုင်နက်တည်းတွင် မိမိတို့သည် နဂိုသတ်မှတ်ထားသော ရန်သူ့ပစ်မှတ်များကို မဟာဗျူဟာမြောက် အလစ်အငိုက် ထိုးစစ်ဆင် တိုက်ခိုက်နိုင်ခဲ့ပြီး ရန်သူ၏ အားနည်းချက်ကို အပြည့်အဝရယူနိုင်ခဲ့သောကြောင့် အချိန်တိုတိုအတွင်း ယခုကဲ့သို့ အောင်မြင်မှု ရယူနိုင်ခဲ့ခြင်းဖြစ်သည်။ အခြားတစ်ဖက်တွင် ကျယ်ပြန့်သော နိုင်ငံအနှံ့ စစ်မျက်နှာပြင်ထက်တွင် စစ်ကောင်စီအား ဘုံရန်သူအဖြစ်သတ်မှတ်ထားသော ဘုံရည်မှန်းချက်တူညီသည့် ဘဝတူ တော်လှန်ရေးအဖွဲ့အစည်းများမှ တစ်ပြိုင်နက်တည်း (သို့) ရှေ့ဆင့်နောက်ဆင့် ဟန်ချက်ညီ တိုက်ခိုက်နိုင်ခဲ့ကြသည်။ ယခုအချိန်အထိလည်း ပြောက်ကျားစစ်၊ ထိုးစစ်များနှင့် မြို့သိမ်းတိုက်ပွဲများမှာ မြန်မာနိုင်ငံအနှံ့ရှိနေဆဲဖြစ်သည်။

အာရက္ခ နှင့် ပလက်ဝဒေသများအတွင်း၌ အာရက္ခတပ်တော်၏ တစ်နှစ်တာကာလအတွင်း ထိုးစစ်များကို ဖော်ပြရသော်-

၂၀၂၃ ခုနှစ်၊ နိုဝင်ဘာလ (၁၃) ရက်နေ့တွင် ရသေ့တောင်မြို့နယ်၊ ချိန်ခါလီနယ်ခြားစောင့်စခန်း အပါအဝင် ရန်သူ၏စစ်ရေးအရအရေးပါပြီး အားနည်းသည့် တပ်စခန်းများကို အာရက္ခတပ်တော်မှ ဗျူဟာမြောက်ထိုးစစ်ဆင်တိုက်ခိုက်မှုများနှင့်အတူ ရန်သူ့စခန်းများအား တစ်ခုပြီးတစ်ခု မရပ်မနားဆက်တိုက် ထိုးစစ်ဆင်တိုက်ခိုက်ခဲ့သည်။ ထို့ကြောင့် ပလက်ဝဒေသ၊ ကျောက်တော်၊ မင်းပြား၊ မြောက်ဦး၊ ရသေ့တောင်၊ ဘူးသီးတောင်၊ ပုဏ္ဏားကျွန်း၊ ရမ်းဗြဲ၊ မြေပုံ၊ ‌ပေါက်တော၊ သံတွဲ နှင့် ကျိန္တလီမြို့များရှိ ရန်သူ့စခန်းအားလုံးကို စစ်ဆင်ရေး (၁) နှစ် မပြည့်မီကာလအတွင်း သိမ်းပိုက်ထိန်းချုပ်ထားနိုင်ခဲ့ပြီးဖြစ်သည်။

အမ်းမြို့နယ်၊ အနောက်ပိုင်းတိုင်းစစ်ဌာနချုပ် (နပခ) အား ထိုးစစ်ဆင်တိုက်ခိုက်နေစဉ်အတွင်း အာရက္ခတပ်တော်မှ သိမ်းပိုက်ထားပြီးဖြစ်သည့် အကြမ်းဖက် ဖက်ဆစ် စစ်ကောင်စီ၏ တပ်စခန်းများထဲမှ မှတ်တမ်းဓာတ်ပုံအချို့

အာရက္ခဒေသ တိုက်ပွဲသတင်းများ

၂၀၂၄ ခုနှစ်၊ အောက်တိုဘာလ (၂၂) ရက်

အာရက္ခဒေသအတွင်း၌ ဖက်ဆစ် အကြမ်းဖက်စစ်ကောင်စီ နှင့် အာရက္ခတပ်တော်တို့၏ တိုက်ပွဲများမှာ မောင်တော၊ အမ်း၊ ကျိန္တလီမြို့ ပတ်ဝန်းကျင်များတွင် နေ့စဉ်ရက်ဆက် ဖြစ်ပွားလျက်ရှိနေသကဲ့သို့ တောင်ကုတ်မြို့ပတ်ဝန်းကျင်၌လည်း တိုက်ပွဲများ ရံဖန်ရံခါဖြစ်ပွားလျက်ရှိသည်။

စစ်တွေမြို့ရှိ ဖက်ဆစ်အကြမ်းဖက်စစ်ကောင်စီ၏ တပ်စခန်းများမှနေ၍ ပေါက်တော၊ ပုဏ္ဏားကျွန်း၊ ရသေ့တောင်မြို့များဘက်သို့ ပစ်ခတ်တိုက်ခိုက်နေသကဲ့သို့ ကျိန္တလီ၊ ကမ်းသာယာမြို့များမှလည်း တိုက်ပွဲဖြစ်ပွားရာနေရာများသို့သာမက တိုက်ပွဲဖြစ်ပွားခြင်းမရှိသော နေရာများ၊ မြို့၊ ရွာများသို့ပါ လက်နက် ကြီးများဖြင့် ပစ်ခတ်တိုက်ခိုက်လျက်ရှိသည်။ ပင်လယ်ပြင်တွင် တပ်စွဲထားသော အကြမ်းဖက် စစ်ကောင်စီ၏ စစ်သင်္ဘောကြီးများပေါ်မှလည်း လက်နက်ကြီးများဖြင့် ပစ်ခတ်တိုက်ခိုက်ခြင်း၊ လေကြောင်းမှ ဗုံးကြဲတိုက်ခိုက်ခြင်းများကိုလည်း နေ့တိုင်းပြုလုပ်လျက်ရှိသည်။ ဤကဲ့သို့ စစ်ကောင်စီ၏ ပစ်ခတ်တိုက်ခိုက်မှုကြောင့် အပြစ်မဲ့အရပ်သားပြည်သူများ သေဆုံး၊ ဒဏ်ရာရရှိမှုတို့မှာ နေ့တိုင်းဖြစ်ပျက်လျက်ရှိသည်။

မောင်တောမြို့တွင် ဖက်ဆစ်အကြမ်း ဖက်စစ်ကောင်စီ၏ နခခ (၅) စခန်းတစ်ခုသာ ကျန်ရှိနေပြီ ဖြစ်သော်လည်း မောင်တော နှင့် ဘူးသီးတောင်မြို့များ၌ အာရက္ခတပ်တော်မှ လောလောဆယ် လက်လှမ်းမမှီသေးသော နေရာအချို့နှင့် တောထူထပ်သောတောင်တန်းများထဲတွင် ARSA၊ RSO၊ ARA အစွန်းရောက်အကြမ်းဖက် လက်နက်ကိုင်တပ်ဖွဲ့ဝင်များသည် တပ်စခန်းများကို အခိုင်အမာတည်ဆောက်ပြီး ခိုအောင်းလျက်ရှိကြသည်။ ထို့အပြင် ၎င်းနေရာများကို ဗဟိုပြုထားပြီး ARSA၊ RSO၊ ARA အစွန်းရောက် အကြမ်းဖက် လက်နက်ကိုင်တပ်ဖွဲ့ဝင်များမှ အရပ်သားပြည်သူလူထုများအား လာရောက်ဖမ်းဆီး ခေါ်ဆောင်သွားခြင်း၊ အကြမ်းဖက် သတ်ဖြတ်သွားခြင်း၊ ပြန်ပေးဆွဲခြင်း၊ ငွေညှစ်ခြင်းတို့ကို ဆက်တိုက် ကျူးလွန်လုပ်ဆောင်လျက်ရှိသည်။ ထို့အတူ အချို့နေရာများ၌ ဖက်ဆစ်အကြမ်းဖက်စစ်ကောင်စီနှင့် ARSA ၊ RSO၊ ARA အစွန်းရောက်အကြမ်းဖက် လက်နက်ကိုင်တပ်ဖွဲ့ဝင်များသည် ပူးတွဲစစ်ရေးလှုပ်ရှားကာ မိမိတို့အား လာရောက်တိုက်ခိုက်မှုများ ရှိခဲ့သည်။

ဤအစွန်းရောက် အကြမ်းဖက်လက်နက်ကိုင်တပ်ဖွဲ့များ၏ အကြမ်းဖက်အန္တရာယ်မှာ အာရက္ခဒေသ အတွင်း၌သာမက ဘင်္ဂလားဒေ့ရှ်-အာရက္ခ နယ်စပ် နှစ်ဖက်တွင်နေထိုင်ကြသော အရပ်သားပြည်သူ လူထုများအတွက်ပါ များစွာစိုးရိမ်စရာ ကောင်းလှပါသည်။ ဤဖြစ်ရပ်များမှာ စိန်ခေါ်မှု အသစ်တစ်ခု ဖြစ်လာခဲ့ပြီး ဒေသတွင်းငြိမ်းချမ်းရေး၊ တည်ငြိမ်ရေး၊ ပြည်သူ့လုံခြုံရေးတို့ကို စိန်ခေါ်လျက်ရှိသည်။

ထို့ကြောင့် မိမိတို့ အာရက္ခတပ်တော်သည် မောင်တော နှင့်ဘူးသီးတောင်မြို့ပတ်ဝန်းကျင်များ၌ ARSA ၊ RSO ၊ ARA အစွန်းရောက် အကြမ်းဖက် လက်နက်ကိုင်တပ်ဖွဲ့ဝင်များ ခိုအောင်းနိုင်သော နေရာများ နှင့် စစ်ကောင်စီမှ သင်တန်းပေးထားပြီး ၎င်းတို့လက်နက်တပ်ဆင်ပေးထားသော မူဆလင်လက်နက်ကိုင် အချိုတို့အား လိုက်လံရှင်းလင်းလျက်ရှိသောကြောင့် ယခုရက်များအတွင်း မိမိတို့နှင့် ARSA အစွန်းရောက် အကြမ်းဖက်လက်နက်ကိုင်တပ်ဖွဲ့ဝင်များသည် ဘူးသီးတောင်မြို့နယ်၊ ခရုချောင်း (မူဆလင်) ကျေးရွာ၏ အနောက်မြောက်ဘက် (၆.၂) ကီလိုမီတာအကွာအဝေး၌ရှိသော တောင်တန်းတွင် ၂၀၂၄ ခုနှစ်၊ အောက်တိုဘာလ (၁၉) ရက်၊ နေ့လယ် (၁၂) နာရီ (၁၀) မိနစ်၌ စတင်ထိတွေ့တိုက်ပွဲဖြစ်ပွားခဲ့သည်။

ထို့နောက်တွင် အဆိုပါ ပတ်ဝန်းကျင်များ၌ ထိတွေ့တိုက်ပွဲ (၅) ကြိမ်ခန့်ဖြစ်ပွားခဲ့ပြီး ARSA အစွန်းရောက် အကြမ်းဖက်လက်နက်ကိုင်တပ်ဖွဲ့ဝင်များ အခိုင်အမာစခန်းချနေထိုင်ခဲ့သော နေရာ (၄) နေရာ၊ အကြမ်းဖက် စစ်ကောင်စီမှ တပ်ဆင်ပေးထားသော လက်နက်ခဲယမ်းများအပြင် အစွန်းရောက်အကြမ်း ဖက်လက်နက် ကိုင်တပ်ဖွဲ့ဝင် အလောင်းအချို့တို့ကို သိမ်းဆည်းရမိခဲ့သည်။

အလားတူ ၂၀၂၄ ခုနှစ်၊ အောက်တိုဘာလ (၂၂) ရက်၊ နေ့လယ် (၁၂) နာရီ (၁၀) မိနစ်ခန့်အချိန်တွင်လည်း မောင်တောမြို့နယ်၊ ဂြင်းတောစခန်း၏ အရှေ့ဖက် (၃.၇) ကီလို မီတာအကွာ၌လည်း ထွက်ပြေးနေသော ARSA အစွန်းရောက် အကြမ်းဖက်လက် နက်ကိုင် တပ်ဖွဲဝင်များနှင့် မိနစ်အနည်း ငယ်ခန့်ကြာ ထိတွေ့တိုက်ပွဲ ဖြစ်ပွားခဲ့သေးသည်။

တစ်ပြိုင်နက်တည်းတွင် ထွက်ပြေးလွတ်မြောက်နေသော အစွန်းရောက်အကြမ်းဖက်လက်နက်ကိုင် တပ်ဖွဲ့ဝင်များ နှင့် အကြမ်းဖက်စစ်ကောင်စီမှ စစ်သင်တန်းပေးပြီး လက်နက်တပ်ဆင်ပေးထားသော မူဆလင်တပ်ဖွဲ့ဝင်များကို မိမိတို့မှ လိုက်လံရှင်းလင်းတိုက်ခိုက်လျက်ရှိသည်။

သတင်းနှင့် ပြန်ကြားရေး
အာရက္ခတပ်တော်

Press Release on the Rescue and Transfer of 16 Bangladeshi Nationals Abandoned at Sea After a Pirate Attack in the Bay of Bengal into the Hands of Border Guard Bangladesh

October 14, 2024

Regarding the above press release, the incident occurred as follows:
1. Fourteen fishermen from Parhartuli Islampur (a.k.a. Shaharnoronorgor), Cox’s Bazar City, Cox’s Bazar District, Bangladesh.
2. One fisherman from Sapinpinsori Village, Teknaf City, Cox’s Bazar District, Bangladesh.
3. One fisherman from Fecharika Village, Cox’s Bazar City, Cox’s Bazar District, Bangladesh.

A total of 16 fishermen aboard a motorboat left to fish in the Bay of Bengal on September 28, 2024, at around 9 a.m. Their fishing expedition, led by Hamaar Ulaas, was to last approximately two weeks. However, after about one week, on October 4, 2024, around 6 p.m., their boat was attacked by a group of about 60 armed Bengali pirates. The pirates captured the fishermen and seized their motorboat. The pirate group, equipped with three motorboats, robbed the fishermen’s vessel.

The unidentified armed pirates threatened the fishermen with firearms. The fishermen were beaten with guns and batons, and all their money, phones, fuel, food supplies, rice, oil, salt, and fishing equipment were taken. The pirates detained Hamaar Ulaas and the fishermen for two days inside the boat's hold without food or water.

On October 7, 2024, around 4 a.m., the pirates planned to abandon them near Kyaukpandu Beach, Maungdaw, Arakan. However, the Arakan Coast Guard spotted the boat at around 6:30 a.m. on the same day. The coast guard successfully rescued Hamaar Ulaas and the 16 fishermen. The injured individuals, who had suffered beatings from the pirates, received medical treatment and were cared for.

Subsequently, the authorities contacted the relevant Bangladeshi officials, and on October 14, 2024, at 6:15 p.m., the 16 rescued individuals were safely handed over to the Bangladesh Border Guard and the police at Shaporir Port, Bangladesh.

#AAInfoDesk

ပင်လယ်ဓားပြအတိုက်ခံရပြီး ဘင်္ဂလားပင်လယ်အော်တစ်နေရာ၌ စွန့်ပစ်ထားခဲ့သော ဘင်္ဂလားဒေ့ရှ်နိုင်ငံသား (၁၆) ဦးတို့အား အာရက္ခပြည်သူ့တော်လှန်ရေးအစိုးရ၏ ကမ်းခြေစောင့်တပ်မှ ကယ်တင်ပြီး သက်ဆိုင်ရာ ဘင်္ဂလားဒေ့ရှ် နယ်ခြားစောင့်တပ်ဖွဲ့ထံသို့ လွှဲပြောင်းပေးအပ်ခြင်းဆိုင်ရာ သတင်း ထုတ်ပြန်ချက်

၂၀၂၄ ခုနှစ်၊ အောက်တိုဘာလ (၁၄) ရက်

အထက်ပါ သတင်းထုတ်ပြန်ချက်နှင့်ပတ်သက်၍ ဖြစ်စဉ်မှာ အောက်ပါအတိုင်းဖြစ်သည်။

၁။ ဘင်္ဂလားဒေ့ရှ်နိုင်ငံ၊ ကော့ဘာဇာခရိုင်၊ ကော့ဘာဇာမြို့၊ ပါဟားတူလီအစ္စလာမ်ပူ (ခ) ရှားဟာ့နိုရိုနော်ဂေါ် ကျေးရွာမှ (၁၄) ဦး၊

၂။ ဘင်္ဂလားဒေ့ရှ်နိုင်ငံ၊ ကော့ဘာဇာခရိုင်၊ တိုင်ကာနာမြို့၊ ဆားပြင်ပင်ဆိုးရီကျေးရွာမှ (၁) ဦး၊

၃။ ဘင်္ဂလားဒေ့ရှ်နိုင်ငံ၊ ကော့ဘာဇာခရိုင်၊ ကော့ဘာဇာမြို့၊ ဖီးချားရီကကျေးရွာ မှ (၁) ဦး

စသည်ဖြင့် စုစုပေါင်းရေလုပ်သား (၁၆) ဦး ပါဝင်သော မော်တော်ဘုတ်တစ်စီးသည် ၂၀၂၄ ခုနှစ်၊ စက်တင်ဘာလ (၂၈) ရက်နေ့၊ နံနက် (၉) နာရီခန့်အချိန်တွင် ဘင်္ဂလားပင်လယ်အော်အတွင်းသို့ ငါးရှာရန် ထွက်လာခဲ့ကြပါသည်။ နှစ်ပတ်ခန့်ကြာမြင့်မည့် ငါးဖမ်းလုပ်ငန်းကို “ဟာမာအူလာစ်” မှ ဦးဆောင်လာခဲ့ခြင်း ဖြစ်ပြီး တစ်ပတ်ခန့်အကြာ ၂၀၂၄ ခုနှစ်၊ အောက်တိုဘာလ (၄) ရက်နေ့၊ ညနေ (၆) နာရီခန့် အချိန်တွင် အမည်မသိလက်နက်ကိုင် ဘင်္ဂလီ (၆၀) ဦးခန့်ပါဝင်သော ပင်လယ်ဓားပြအဖွဲ့တစ်ဖွဲ့၏ ဓားပြတိုက်ခြင်းကို ခံခဲ့ရသည့်အပြင် အဆိုပါ ၎င်းတို့၏ မော်တော်ဘုတ်ထက်၌ပင် ဖမ်းဆီးလှောင်ပိတ်ခြင်းကို ခံခဲ့ရသည်။ ပင်လယ်ဓားပြအဖွဲ့သည် မော်တော်ဘုတ် (၃) စီးဖြင့် ဓားပြတိုက်ခဲ့ခြင်းဖြစ်သည်။

အဆိုပါ အမည်မသိလက်နက်ကိုင် ပင်လယ်ဓားပြအဖွဲ့သည် ဟာမာအူလာစ်တို့ ဘုတ်အား ၎င်းတို့၏ မော်တော်ဘုတ် (၃) စီးဖြင့် ဝိုင်းရံပြီး လက်နက်များဖြင့် ပစ်ခတ် သတ်ဖြတ်ရန် ခြိမ်းခြောက်ထားခဲ့သည်။ ထို့နောက် ဟာမာအူလာစ်တို့ ဘုတ်တွင်ပါရှိသော ရေလုပ်သားငါးဖမ်းသမားများအား သေနတ်ဒင်၊ ဒုတ်များဖြင့် ရိုက်နှက်ပြီး ဘုတ်တွင်ပါလာသမျှသော ပိုက်ဆံ၊ ဖုန်း၊ ရေနံဆီ၊ စားသောက်ကုန်၊ ရိက္ခာ၊ ဆန်၊ ဆီ၊ ဆား၊ ပိုက်ကွန်များအားလုံး ကို ယူဆောင်သွားသည့်အပြင် ဟာမာအူလာစ်နှင့် ရေလုပ်သားငါးဖမ်းသမား များအားလုံးကို မော်တော်ဘုတ်၏ ဝမ်းဗိုက်အတွင်း မည်သည့်အစားအစာ၊ ရေမျှ မတိုက်ကျွေးဘဲ နှစ်ရက်ခန့် ပိတ်လှောင်ထားခဲ့ပါသည်။

၂၀၂၄ ခုနှစ်၊ အောက်တိုဘာလ (၇) ရက်နေ့၊ နံနက် (၄) နာရီခန့်အချိန်သို့ရောက်သောအခါ၌မူ ပင်လယ်ဓားပြ များမှ အာရက္ခဒေသ၊ မောင်တောမြို့၊ ကျောက်ပန္ဒူကမ်းခြေအနီး၌ ကမ်းတင်ရန်စီစဉ်ထားခဲ့စဉ် အာရက္ခ ကမ်းခြေစောင့်တပ်မှ ၂၀၂၄ ခုနှစ်၊ အောက်တိုဘာလ (၇) ရက်နေ့၊ နံနက် (၆) နာရီခွဲခန့်အချိန်တွင်တွေ့ရှိ၍ အဆိုပါ ကမ်းတင်ဘုတ်တွင်ပါလာသော ဟာမာအူလာစ်နှင့် ရေလုပ်သားငါးဖမ်းသမား (၁၆) ယောက်စလုံးကို ကယ်တင်နိုင်ခဲ့ပါသည်။ မိမိတို့ ကယ်တင်ထားစဉ်တွင်လည်း ပင်လယ်ဓားပြများ၏ ရိုက်နှက်မှုများကြောင့် ဒဏ်ရာရလာသူများကို ဆေးကုသမှုပေးထားပြီး ကောင်းမွန်စွာ စောင့်ရှောက်ပေးထားခဲ့ပါသည်။

ထို့နောက်တွင် ဘင်္ဂလားဒေ့ရှ်နိုင်ငံ၊ နယ်ခြားစောင့်တပ်ဖွဲ့ နှင့် သက်ဆိုင်ရာတာဝန်ရှိသူများထံသို့ ဆက်သွယ်ပြီး ၂၀၂၄ ခုနှစ်၊ အောက်တိုဘာလ (၁၄) ရက်၊ ညနေ (၆) နာရီ (၁၅) မိနစ်အချိန်တွင် ဘင်္ဂလားဒေ့ရှ်နိုင်ငံ Shaporir ဆိပ်ကမ်း၌ ဘင်္ဂလားဒေ့ရှ် နယ်ခြားစောင့်တပ်ဖွဲ့နှင့် ရဲတပ်ဖွဲ့များထံသို့ ကောင်းမွန်စွာပြန်လည်အပ်နှံပေးခဲ့ပြီးဖြစ်ပါသည်။

သတင်းနှင့်ပြန်ကြားရေး
အာရက္ခတပ်တော်

အမည်မသိလက်နက်ကိုင် ဘင်္ဂလီ (၆၀) ဦးခန့်ပါဝင်သော ပင်လယ်ဓားပြအဖွဲ့တစ်ဖွဲ့၏လက်ထဲမှ ကယ်တင်ခဲ့သော ဘင်္ဂလားဒေ့ရှ်နိုင်ငံသား (၁၆) ဦးအား အာရက္ခတပ်တော်မှ ၂၀၂၄ ခုနှစ်၊ အောက်တိုဘာလ (၁၄) ရက်နေ့တွင် ဘင်္ဂလားဒေ့ရှ်နိုင်ငံဘက်သို့ ပြန်လည်ပို့ဆောင်ပေးနေစဉ်

Press Release Regarding the Transfer of 5 Bangladeshi Nationals Who Illegally Entered Arakan Territorial Waters to Fish, back to the Border Guard Bangladesh

October 10, 2024

On October 7, 2024, at 11:43 AM, a boat from two vessels that had illegally entered Arakan territorial waters near the Bangladesh border (Naff River) to fish was intercepted by Arakan Army and Coast Guards. One boat managed to flee back into Bangladeshi waters, while the other was seized. On board were five Bangladeshi fishermen:

1. Abdur Rahim (22 years old)
2. Md Rasel Mia (23 years old)
3. Md Saiful Mia (17 years old)
4. Borhan Uddin (19 years old)
5. Md Rashed (24 years old)

These individuals were temporarily detained for questioning, following proper security procedures, by the Arakan Army and Coast Guards.

In some parts of Maungdaw Township, where the Arakan Army is conducting operations but lacks full control, extremist armed groups such as ARSA, RSO, and ARA, trained by the Myanmar military, have been engaging in violence against innocent locals, traders, and fishermen, including abductions and attacks.

Furthermore, illegal border crossings, smuggling, and trespassing along the Bangladesh-Arakan border and the Naff River continue. There have been reports of armed extremists disguising themselves as fishermen to commit acts of violence in the area.

The Arakan Army, in collaboration with public security forces and Coast Guards remains dedicated to protecting innocent civilians in Arakan, regardless of ethnicity or religion, ensuring their safety, property, and security. The forces are working with local communities to maintain peace at the border, enforce the rule of law, and prevent extremist groups from gaining a foothold along the Naff River. Security forces are also pursuing extremist militants still at large.

There have been previous instances where fishermen who inadvertently entered Arakanese territorial waters due to storms or other circumstances were safely rescued and handed over to Bangladeshi authorities. In response to the requests of Bangladeshi officials, the five Bangladeshi nationals who were detained for illegal fishing were released on October 9, 2024, at 12:50 PM, after signing pledges not to engage in such activities again. The fishermen confirmed they were not mistreated during their detention.

Officials from the Border Guard Bangladesh (BGB) held a press conference to acknowledge the safe return of the five Bangladeshi nationals and provided details regarding the incident.

#AAInfoDesk

Press Release Regarding the Transfer of 5 Bangladeshi Nationals Who Illegally Entered Arakan Territorial Waters to Fish, back to the Border Guard Bangladesh

October 10, 2024

On October 7, 2024, at 11:43 AM, a boat from two vessels that had illegally entered Arakan territorial waters near the Bangladesh border (Naff River) to fish was intercepted by Arakan Army and Coast Guards. One boat managed to flee back into Bangladeshi waters, while the other was seized. On board were five Bangladeshi fishermen:

1. Abdur Rahim (22 years old)
2. Md Rasel Mia (23 years old)
3. Md Saiful Mia (17 years old)
4. Borhan Uddin (19 years old)
5. Md Rashed (24 years old)

These individuals were temporarily detained for questioning, following proper security procedures, by the Arakan Army and Coast Guards.

In some parts of Maungdaw Township, where the Arakan Army is conducting operations but lacks full control, extremist armed groups such as ARSA, RSO, and ARA, trained by the Myanmar military, have been engaging in violence against innocent locals, traders, and fishermen, including abductions and attacks.

Furthermore, illegal border crossings, smuggling, and trespassing along the Bangladesh-Arakan border and the Naff River continue. There have been reports of armed extremists disguising themselves as fishermen to commit acts of violence in the area.

The Arakan Army, in collaboration with public security forces and Coast Guards remains dedicated to protecting innocent civilians in Arakan, regardless of ethnicity or religion, ensuring their safety, property, and security. The forces are working with local communities to maintain peace at the border, enforce the rule of law, and prevent extremist groups from gaining a foothold along the Naff River. Security forces are also pursuing extremist militants still at large.

There have been previous instances where fishermen who inadvertently entered Arakanese territorial waters due to storms or other circumstances were safely rescued and handed over to Bangladeshi authorities. In response to the requests of Bangladeshi officials, the five Bangladeshi nationals who were detained for illegal fishing were released on October 9, 2024, at 12:50 PM, after signing pledges not to engage in such activities again. The fishermen confirmed they were not mistreated during their detention.

Officials from the Border Guard Bangladesh (BGB) held a press conference to acknowledge the safe return of the five Bangladeshi nationals and provided details regarding the incident.

#AAInfoDesk

အာရက္ခဒေသ၊ ဘူးသီးတောင်မြို့၊ အမှတ် (၂) ရပ်ကွက်၊ ရွာသစ်မှ ဝါးခုတ်ရန်သွားရင်း ပျောက်ဆုံးနေသည့် အရပ်သား ပြည်သူ (၂) ဦးအား ARSA မူဆလင်အကြမ်းဖက်လက်နက်ကိုင်တပ်ဖွဲ့ဝင်များမှ ခေါင်းဖြတ်သတ်ဖြတ်ကာ မြေမြှုပ်ထားခဲ့သောရုပ်အလောင်းများအား ရှာဖွေတွေ့ရှိ မှုနှင့်ပတ်သက်၍ သတင်းထုတ်ပြန်ချက်

၂၀၂၄ ခုနှစ်၊ အောက်တိုဘာလ (၁၀) ရက်

၂၀၂၄ ခုနှစ်၊ အောက်တိုဘာလ (၇) ရက်နေ့၊ နံနက် (၈) နာရီခန့်အချိန်တွင် အိမ်ဆောက်လုပ်ရန်အတွက် ဘူးသီးတောင်မြို့နယ် ဂုံးနားကျေးရွာဘက်သို့ ဝါးခုတ်ရန် ထွက်သွားခဲ့ကြသော အာရက္ခဒေသ၊ ဘူးသီးတောင်မြို့၊ အမှတ် (၂) ရပ်ကွက်၊ ရွာသစ်တွင်နေထိုင်ကြသော (ဘ) ဦးဖိုးမြစိန် - (မိ)ဒေါ်လှဝါဖြူ တို့၏သား ဦးစံရွှေမောင် (၆၇) နှစ် နှင့် (ဘ) မောင်သာပွင့် - (မိ) ဒေါ် စိန်မြညို တို့၏သား ဦးမောင်မြအောင် အသက် (၆၅) နှစ် တို့ နှစ်ဦး၏ ရုပ်အလောင်းအား ၂၀၂၄ ခုနှစ်၊ အောက်တိုဘာလ (၁၀) ရက်၊ နံနက် (၇) နာရီ (၄၀) မိနစ်အချိန်တွင် ဘူးသီးတောင်မြို့နယ်၊ ဂုံးနား (မူဆလင်) ရွာရှိ “ဖာရုပ်” ၏ နေအိမ်ခြံဝင်းအတွင်း ၌ ဦးခေါင်းကိုဖြတ်၍ မြေမြှုပ်ထားခဲ့သည်ကို တွေ့ရှိခဲ့ရပါသည်။

အဆိုပါရုပ်အလောင်းနှစ်လောင်းအား အာရက္ခပြည်သူ့တော်လှန်ရေးအစိုးရ၊ DLEPS ၏ အာရက္ခပြည်သူ့ လုံခြုံရေးတပ်ဖွဲ့ဝင်များ၊ အုပ်ချုပ်ရေးဘက်ဆိုင်ရာဝန်ထမ်းများ နှင့် မှုခင်းဆိုင်ရာ ဆေးဘက်ဝန်ထမ်းများ ပါဝင်သော ပူးပေါင်းအဖွဲ့မှ သွားရောက်တူးဖော်ပြီး လိုအပ်သော စစ်ဆေးမှုများကိုပြုလုပ်ခဲ့ပါသည်။ ထို့နောက် အသက်ဆုံးပါးသွားခဲ့ရသောသူနှစ်ဦး၏ မိသားစုဝင်များကို အကြောင်းကြားပြီး အလောင်းတွေ့ရှိခဲ့ သောနေရာအနီး၌ပင် ကောင်းမွန်စွာ ပြန်လည်မြေမြှုပ်သင်္ဂြိုဟ်ပေးခဲ့ပါသည်။

မိမိတို့အနေဖြင့်လည်း ဤအပြစ်မဲ့ရွာသားနှစ်ဦးအား သတ်ဖြတ်သွားခဲ့သော ARSA မူဆလင်အကြမ်းဖက် လက်နက်ကိုင်တပ်ဖွဲ့ဝင်များကို လိုက်လံရှာဖွေလျက်ရှိကြောင်း သတင်းထုတ်ပြန်အပ်ပါသည်။

သတင်းနှင့် ပြန်ကြားရေး
အာရက္ခတပ်တော်

ဘင်္ဂလာဒေ့ရှ်နိုင်ငံ၏ သက်ဆိုင်ရာတာဝန်ရှိသူများသည်လည်း ဘင်္ဂလာဒေ့ရှ်နိုင်ငံ၊ နယ်ခြားစောင့်တပ်ဖွဲ့ (Border Guard Bangladesh-BGB) မှ တာဝန်ရှိသူများမှ ၎င်းတို့ နိုင်ငံသား (၅) ဦးတို့အား ကောင်းမွန်စွာ လွှဲပြောင်းလက်ခံရရှိသည့်ကိစ္စနှင့် ပတ်သက်၍ အဆိုပါကိစ္စကို သတင်းစာရှင်းလင်းပွဲပြုလုပ်၍ အသိပေးထုတ်ပြန်ခဲ့ပြီးဖြစ်ပါသည်။

သတင်းနှင့်ပြန်ကြားရေး
အာရက္ခတပ်တော်

အာရက္ခရေပိုင်နက်အတွင်းသို့ ကျူးကျော်ဝင်ရောက်ငါးဖမ်းခဲ့သော ဘင်္ဂလာဒေ့ရှ်နိုင်ငံသား၊ ရေလုပ်သား (၅) ဦးတို့အား ဘင်္ဂလာဒေ့ရှ် နယ်ခြားစောင့်တပ်ဖွဲ့ထံသို့ ပြန်လည်လွှဲပြောင်းအပ်နှံခြင်းဆိုင်ရာ သတင်းထုတ်ပြန်ချက်

၂၀၂၄ ခုနှစ်၊ အောက်တိုဘာ (၁၀) ရက်

၂၀၂၄ ခုနှစ်၊ အောက်တိုဘာလ (၇) ရက်၊ နံနက် (၁၁) နာရီ (၄၃) မိနစ်အချိန်၌ ဘင်္ဂလာ‌ဒေ့ရှ်နယ်စပ်အနီး အာရက္ခရေပိုင်နက် (နတ်မြစ်) အတွင်းသို့ ဝင်ရောက်ငါးဖမ်းခဲ့သော စက်လှေနှစ်စီးအနက် တစ်စီးအား အာရက္ခတပ်တော်၊ ကမ်းခြေစောင့် လုံခြုံရေးတပ်ဖွဲ့ဝင်များမှ အချိန်မီ ဖမ်းဆီးထိန်းသိမ်းနိုင်ခဲ့ပါသည်။ အဆိုပါကျူးကျော်ဝင်ရောက်လာသည့် စက်လှေနှစ်စီးထဲမှ တစ်စီးမှာ ဘင်္ဂလာဒေ့ရှ်ရေပိုင်နက်အတွင်းသို့ ဦးလှည့်ထွက်ပြေးသွားပြီး ကျန်တစ်စီးမှ ဘင်္ဂလာဒေ့ရှ်နိုင်ငံသား၊ ရေလုပ်သား (၅) ဦး ဖြစ်ကြသည့်
(၁) Abdur Rahim (၂၂) နှစ်
(၂) Md Rasel Mia (၂၃) နှစ်
(၃) Md Saiful Mia (၁၇) နှစ်
(၄) Borhan Uddin (၁၉) နှစ် နှင့်
(၅) Md Rashed (၂၄) နှစ် တို့အား အာရက္ခတပ်တော်၊ ကမ်းခြေစောင့်လုံခြုံရေးတပ်ဖွဲ့ဝင်များမှ ၎င်းတို့အား လုပ်ထုံးလုပ်နည်း များနှင့်အညီ လုံခြုံရေးအရ ခေါ်ယူစစ်ဆေးမေးမြန်းရန် ယာယီထိန်းသိမ်းခဲ့ပါသည်။

လက်ရှိအချိန်တွင် အာရက္ခတပ်တော်မှ အလုံးစုံသိမ်းပိုက်ထားပြီးဖြစ်သည့် ဘူးသီးတောင်မြို့နယ်နှင့် လက်ကျန်မြို့သိမ်းတိုက်ပွဲ ဆင်နွှဲလျက်ရှိသော မောင်တောမြို့နယ်များရှိ မိမိတို့လုံခြုံရေးတပ်ဖွဲ့ဝင်များ လက်လှမ်းမမီနိုင်သေးသည့် နေရာအချို့တွင် ARSA၊ RSO နှင့် ARA ကဲ့သို့သော စစ်ကောင်စီ အကြမ်းဖက်သင်တန်းဆင်း အစွန်းရောက်အကြမ်းဖက်အုပ်စုများသည် အပြစ်မဲ့ ဒေသခံလမ်းသွားလမ်းလာများ၊ ကုန်ရောင်းကုန်ဝယ်ပြုလုပ်နေသူများ၊ ဝမ်းရေးအတွက် ဟင်းစားရှာဖွေနေသူများအား ဖမ်းဆီးသတ်ဖြတ်ခြင်း၊ ခြုံခိုတိုက်ခိုက်ခြင်းတို့ကို အလစ်အငိုက်ချောင်းကာ ခပ်စိပ်စိပ်ပြုလုပ်လာလျက်ရှိသည်။

တစ်ပြိုင်နက်တည်းတွင် ဘင်္ဂလာဒေ့ရှ် - အာရက္ခ နယ်စပ် နှင့် နတ်မြစ်တစ်လျှောက်တွင် တရားမဝင် နယ်စပ်ဖြတ်ကျော်၊ ဝင်ရောက်၊ ခိုးဝင်၊ ခိုးထွက်နေခြင်းများမှာလည်း ဆက်လက်ရှိနေဆဲဖြစ်ပါသည်။ ထိုဖြစ်စဉ်များထဲတွင် ARSA၊ RSO နှင့် ARA အစွန်းရောက်အကြမ်းဖက်လက်နက်ကိုင်အဖွဲ့ဝင်များသည် နတ်မြစ်ကြောင်းတစ်လျှောက်၌ ငါးဖမ်းသမားများအဖြစ် ဟန်ဆောင်ပြီး အကြမ်းဖက်မှုများကို ရံဖန်ရံခါ ပြုလုပ်ခဲ့သော သာဓကဖြစ်စဉ်များလည်း ရှိခဲ့ပါသည်။

အာရက္ခစစ်သည်တော်များ၊ ပြည်သူ့လုံခြုံရေးတပ်ဖွဲ့ဝင်များနှင့် ကမ်းခြေစောင့်တပ်ဖွဲ့ဝင်များသည် မိမိတို့ အာရက္ခဒေသနေ အပြစ်မဲ့ အရပ်သားပြည်သူများအား လူမျိုးမရွေး၊ ဘာသာမရွေး ခွဲခြားဘက်လိုက်မှုမရှိဘဲ ၎င်းတို့၏ အသက်၊ အိုးအိမ်၊ စည်းစိမ်နှင့် လုံခြုံရေးတို့ကို အထူးအလေးထားသကဲ့သို့ နယ်စပ်ဒေသတည်ငြိမ်အေးချမ်းရေး၊ တရားဥပဒေစိုးမိုးရေးနှင့် နတ်မြစ်ကြောင်းတစ်လျှောက်တွင် အကြမ်းဖက်သမားများ ခိုအောင်းကျက်စားနိုင်မှုမရှိစေရေးတို့အတွက် ဒေသခံပြည်သူလူ ထုများနှင့် ပူးပေါင်းကာ အကောင်းဆုံး ကြိုးပမ်းဆောင်ရွက်လျက်ရှိနေပါသည်။ ထို့အပြင် လက်နက်ကိုင်ဆောင်၍ ထွက်ပြေး လွတ်မြောက်နေ‌သေးသည့် အစွန်းရောက်အကြမ်းဖက်လက်နက်ကိုင်တပ်ဖွဲ့ဝင်အချို့တို့ကိုလည်း မိမိတို့၏ လုံခြုံရေးတပ်ဖွဲ့ဝင် များမှ လိုက်လံဖမ်းဆီးလျက်ရှိသည်။

ဘင်္ဂလာဒေ့ရှ်နိုင်ငံ၊ ရေပိုင်နက်ဖက်ခြမ်းမှ အကြောင်းအမျိုးမျိုးကြောင့် ယခုကဲ့သို့ ကျူးကျော်ဝင်ရောက်လာသူများ၊ မုန်တိုင်း ကြောင့် စက်လှေပျက် (သို့မဟုတ်) တိမ်းမှောက်ကာ မိမိတို့ရေပိုင်နက်ထဲသို့ ဆိုက်ကပ်ရောက်ရှိလာခဲ့ကြသူများအား မိမိတို့အနေဖြင့် မည်သည့်အချိန်၊ မည်သည့်နေရာတွင်မဆို ကောင်းမွန်စွာ ကယ်ဆယ်ထားပြီး ဘင်္ဂလာဒေ့ရှ် အာဏာပိုင်များထံ သို့ လွှဲပြောင်းအပ်နှံပေးခဲ့သော ဖြစ်ရပ်အချို့လည်း ရှိခဲ့ပြီးဖြစ်ပါသည်။

ယခုဖြစ်စဉ် အပါအဝင် ယခင်ဖြစ်စဉ်အချို့၌လည်း မိမိတို့မှ ဘင်္ဂလာ - အာရက္ခနယ်စပ်၊ နတ်မြစ်ကြောင်းတစ်လျှောက်တွင် နေထိုင်ကြသော အရပ်သားပြည်သူလူထုများ၏ နယ်စပ်ဖြတ်ကျော်ပြီးမှ ဝမ်းစာရှာဖွေရေးလုပ်ငန်းများကို လုပ်ကိုင်နေကြရမှု များကို သဘောထားကြီးစွာဖြင့် ညှာတာထောက်ထား၍ ပြန်လည်လွှတ်ပေးခဲ့သည်များရှိပါသည်။ ဘင်္ဂလာဒေ့ရှ် အာဏာပိုင်များ၏ ညှိနှိုင်းတောင်းဆိုချက်များအား အသိအမှတ်ပြုအလေးထားသည့်အနေဖြင့် အာရက္ခ ရေပိုင်နက် (နတ်မြစ်) အတွင်းသို့ ကျူးကျော်ဝင်ရောက်ငါးဖမ်းခဲ့သော ဘင်္ဂလားဒေ့ရှ်နိုင်ငံသား၊ ရေလုပ်သား (၅) ဦးတို့အား မိမိတို့မှ ခေတ္တ ခေါ်ယူ စစ်ဆေးမေးမြန်းပြီးနောက် ဆက်လက်ထိန်းသိမ်းထားခြင်းမပြုတော့ဘဲ ၂၀၂၄ ခုနှစ်၊ အောက်တိုဘာလ (၉) ရက်၊ နေ့လည် (၁၂) နာရီ (၅၀) မိနစ် အချိန်တွင် ဘင်္ဂလာဒေ့ရှ် - အာရက္ခ ရေပိုင်နက် နယ်စပ်မျဉ်း၊ တက္ကနာ-မောင်တော ရေပြင်တစ်နေရာ၌ နောက်နောင်များတွင် ဤကဲ့သို့ကျူးကျော်ငါးဖမ်းခြင်းများ ထပ်မပြုလုပ်ရန် ခံဝန်ကတိလက်မှတ်ထိုး၍ ပြန်လည်လွှတ်ပေးခဲ့ပါ သည်။ ထို့အပြင် မိမိတို့ ခေါ်ယူစစ်မေးနေသည့်အချိန်တွင်လည်း အတင်းအဓမ္မ စစ်ဆေးမေးမြန်းခြင်းများ၊ ရိုက်နှက်ခြင်းများ မပြုလုပ်ခဲ့ကြောင်းကိုလည်း ကာယကံရှင်များကိုယ်တိုင်မှ ထုတ်ဖော် ပြောကြားခဲ့ပြီးဖြစ်ပါသည်။

လူပျောက်ရှာဖွေရန်ထွက်လာသော DLEPS ၏ အာရက္ခပြည်သူ့လုံခြုံရေးအထောက်အကူပြုအဖွဲ့မှ တပ်ဖွဲ့ဝင်များအား ARSA မူဆလင်အကြမ်းဖက်လက်နက်ကိုင်အဖွဲ့၏ ခြုံခိုတိုက်ခိုက်ခြင်းကိုခံရ၍ တစ်ဦးကျဆုံး၊ နှစ်ဦးဒဏ်ရာရ

၂၀၂၄ ခုနှစ်၊ အောက်တိုဘာလ (၈) ရက်

၂၀၂၄ ခုနှစ်၊ အောက်တိုဘာလ (၇) ရက်နေ့၊ နံနက် (၈) နာရီခန့်အချိန်တွင် အာရက္ခဒေသ၊ ဘူးသီးတောင်မြို့၊ အမှတ် (၂) ရပ်ကွက်၊ ရွာသစ်တွင်နေထိုင်ကြသော (ဘ) ဦးဖိုးမြစိန် - (မိ)ဒေါ်လှဝါဖြူ တို့၏သား ဦးစံရွှေမောင် (၆၇) နှစ် နှင့် (ဘ) မောင်သာပွင့် - (မိ) ဒေါ် စိန်မြညို ၏သား မောင်မြအောင် အသက် (၆၅) နှစ် တို့ နှစ်ဦးသည် အိမ်ဆောက်လုပ်ရန်အတွက် ဘူးသီးတောင်မြို့နယ် ဂုံးနားကျေးရွာဘက်သို့ ဝါးခုတ်ရန် ထွက်သွားခဲ့ကြသည်။

၎င်းတို့နှစ်ဦးသည် နေ့လယ်အချိန်အထိ အိမ်ပြန်မရောက်လာသဖြင့် ဘူးသီးတောင်မြို့နယ်၊ ရွာမကျေးရွာရှိ အာရက္ခပြည်သူ့လုံခြုံရေး အထောက်အကူပြုအဖွဲ့ထံသို့ အသိပေး အကြောင်းကြားလာသောကြောင့် မိမိတို့၏ လုံခြုံရေးတပ်ဖွဲ့ဝင် (၃) ဦးတို့သည် ပျောက်ဆုံးနေသူနှစ်ဦးအားရှာဖွေရန် နေ့လယ် (၁) နာရီ (၃၀) မိနစ်တွင် ထွက်လာခဲ့ကြသည်။

ထွက်လာ၍ (၅) မိနစ်အကြာ၊ နေ့လယ် (၁) နာရီ (၃၅) မိနစ်အချိန်တွင် ဘူးသီးတောင်မြို့နယ်၊ ဂုံးနားမူဆလင်ကျေးရွာ အဝင်ဝအနီးသို့ ရောက်ရှိချိန်၌ ARSA မူဆလင်အကြမ်းဖက်လက်နက်ကိုင်အဖွဲ့မှ ခြုံခိုတိုက်ခိုက်ခံရ၍ မိမိတို့၏ လုံခြုံရေးတပ်ဖွဲ့ဝင် (၁) ဦးမှာ ဦးခေါင်းနှင့် ဝမ်းဗိုက်တွင် သေနတ်ကျည် ထိမှန်ကာကျဆုံးပြီး ကျန်နှစ်ဦးမှာ ဒဏ်ရာရရှိခဲ့သည်။ ထို့အပြင် ၎င်းတို့စီးလာသော ဆိုင်ကယ်မှာလည်း အဆိုပါ ခြုံခိုတိုက်ခိုက်ခံရသည့်နေရာ၌ပင် မီးရှို့ဖျက်ဆီးခြင်းခံခဲ့ရသည်။

ဤခြုံခိုတိုက်ခိုက်ခံရမှုဖြစ်စဉ်အတွင်း ကျဆုံးခဲ့ရသောသူမှာ အသက် (၄၁) နှစ်အရွယ် (ဘ) ဦးကျော်သာစိန် -(မိ) ဒေါ်မသိန်း တို့၏သား ဦးဇော်မြင့်ဦး (ခ) ချက်ဖား ဖြစ်ပြီး အုတ်တောင်ကျေးရွာဇာတိဖြစ်သည်။

ခြုံခိုတိုက်ခိုက်ခဲ့သော ARSA မူဆလင်အကြမ်းဖက်လက်နက်ကိုင်အဖွဲ့အား မိမိတို့ အာရက္ခပြည်သူ့လုံခြုံရေးတပ်ဖွဲ့ဝင်များနှင့် အာရက္ခတပ်တော်တို့သည် လိုက်လံဖမ်းဆီလျက်ရှိသည့်နည်းတူ ပျောက်ဆုံးနေသူ ရွာသားနှစ်ဦးအားလည်း ရှာဖွေလျက်ရှိသည်။

အာရက္ခတပ်တော်သည် အာရက္ခဒေသအတွင်း မည်သည့်အကြမ်းဖက်အဖွဲ့ကိုမှ အခြေချခွင့် ပြုမည်မဟုတ်သကဲ့သို့ အကြမ်းဖက်သမားနှင့် အကြမ်းဖက်အဖွဲ့အစည်းတိုင်းကို ရှင်သန်ခွင့်မပြုဘဲ အမြန်ဆုံးနှိမ်နင်းဆောင်ရွက်သွားမည်ဖြစ်သည်။

သတင်းနှင့်ပြန်ကြားရေး
အာရက္ခတပ်တော်

အာရက္ခဒေသအတွင်း တိုက်ပွဲသတင်းများ

၂၀၂၄ ခုနှစ်၊ အောက်တိုဘာလ (၇) ရက်

အာရက္ခတပ်တော်သည် အာရက္ခဒေသအတွင်း၌ မိမိတို့သိမ်းပိုက်ရန်ကျန်ရှိနေသေးသော ဖက်ဆစ်အကြမ်းဖက် စစ်ကောင်စီ၏ တပ်စခန်းများအားလုံးကို တစ်ခုမကျန်ဆက်လက်သိမ်းပိုက်ရယူရန်အတွက် ကြိုးပမ်းလျက် ရှိသောကြောင့် မောင်တော၊ ကျိန္တလီ နှင့် အမ်းစသည့်ဒေသများအတွင်း၌ တိုက်ပွဲများမှာ ဆက်လက်ဖြစ်ပွား လျက်သည်။

မောင်တောမြို့သိမ်းတိုက်ပွဲ၏ တစ်ခုတည်းသောစခန်းဖြစ်သည့် ဖက်ဆစ်အကြမ်းဖက် စစ်ကောင်စီ၏ နခခ (၅) စခန်းအား အပြီးသတ်သိမ်းပိုက်ရယူရေးအတွက် ဆက်လက်ဆောင်ရွက်လျက်ရှိသည်။ တစ်ပြိုင်နက်တည်းတွင် ARSO၊ RSO မူဆလင်အကြမ်းဖက် လက်နက်ကိုင်အဖွဲ့အစည်းများ၏ မောင်တော၊ ဘူးသီးတောင်ဒေသများ၌ အတင့်ရဲစွာ ပြုလုပ်လျက်ရှိသောအကြမ်းဖက် လုပ်ငန်းများကို တိုက်ဖျက်ဆောင်ရွက်လျက်ရှိသည်။

ကျိန္တလီဒေသအတွင်း၌လည်း တိုက်ပွဲများဆက်လက်ပြင်းထန်လျက်ရှိသည်မှာ တစ်ပတ်ခန့်ကြာမြင့်ခဲ့ပြီးဖြစ်သည်။ ရန်သူသည် ကျိန္တလီပတ်ဝန်းကျင်၌လည်း ကြည်း၊ ရေ၊ လေ ခုခံနေသည့်ကြားမှ စစ်ရေးအရများစွာရှုံးနိမ့်နေသည့် အပြင် ကျိန္တလီချောင်းအား ဖြတ်သန်းတည်ဆောက်ထားသည့် ကုလားပြင်တံတားအား ၂၀၂၄ အောက်တိုဘာ (၇) ရက်၊ နံနက် (၂) နာရီ (၃၀) မိနစ်ခန့်အချိန်တွင် တံတားအလယ်အား ဖောက်ခွဲဖျက်ဆီးပြီး ဂွဖက်သို့ ဆုတ်ခွာ သွားခဲ့ပြီဖြစ်သည်။

အာရက္ခတပ်တော်မှ ကုလားပြင်တံတားထိပ်ရှိ ကိုင်းခုန်နှင့် ကံဂေါ်တောင် (ကံကော်တောင်)၌ တပ်စွဲထားသော အကြမ်းဖက် စစ်ကောင်စီ၏ စခန်းများကို ၂၀၂၄ ခုနှစ်၊ အောက်တိုဘာလ (၆) ရက်နေ့တွင် သိမ်းပိုက်ရရှိခဲ့ပြီးနောက် ရန်သူသည် အဆိုပါတံတားအား ဖောက်ခွဲဖျက်ဆီးကာ ဆုတ်ခွာသွားခြင်းဖြစ်သည်။ မိမိတို့အနေဖြင့်လည်း ဆုတ်ခွာသွားသည့် ရန်သူများအား လိုက်လံချေမှုန်းတိုက်ခိုက်လျက်ရှိသည်။

အမ်းမြို့နယ်အတွင်း လက်ကျန်စခန်းများထဲမှ တစ်ခုဖြစ်သော မဲတောင်ဗျူဟာစခန်းတစ်ခုလုံးနှင့် ၎င်းအနီး ပတ်ဝန်းကျင်ရှိ ရန်သူ့စခန်းများအားလုံးကို ၂၀၂၄ ခုနှစ်၊ အောက်တိုဘာလ (၇) ရက်၊ ညနေ (၃) နာရီ (၅၀) မိနစ်တွင် အပြီးသတ်သိမ်းပိုက်ရယူနိုင်ခဲ့ပြီးဖြစ်သည်။ မဲတောင်ဗျုဟာကုန်း သည် အမ်း နပခ ဌာနချုပ်မှ အဖြောင့်တိုင်းလျှင် (၁၄) ကီလိုမီတာခန့်သာ ကွာဝေးသည်။

မဲတောင်ဗျူဟာကုန်းတွင် စစ်ကိုင်းတိုင်း၊ ကလေး၊ မော်လိုက်၊ ဟုမ္မလင်းအခြေစိုက် စကခ (၁၀) လက်အောက်ခံ တပ်ရင်းများဖြစ်ကြသော ခမရ (၃၆၂/၃၆၅/၃၆၉) တပ်ရင်းများ၊ အမ်း၊ နပခ ဌာနချုပ်လက်အောက်ခံ တပ်ရင်းအချို့ နှင့်စကခ (၅) လက်အောက်ခံ ခမရ (၃၄၆/ ၃၇၃/ ၃၇၂) တပ်ရင်းများ စုပေါင်းထားသော တပ်ရင်းများပါဝင်ပြီး မဲတောင် နှင့် အမ်းဌာနချုပ်ပတ်ဝန်းကျင်၌ လှုပ်ရှားကြသည်။ မဲတောင်ဗျုဟာ ကုန်းသိမ်းတိုက်ပွဲအတွင်းမှ ရန်သူ့ လက်နက်ခဲယမ်း၊ စစ်အသုံးအဆောင်ပစ္စည်းများကို သိမ်းဆည်းရမိခဲ့သည်။

မဲတောင်ဗျူဟာစခန်းကုန်းနှင့် ၎င်းနှင့်ဆက်စပ်စခန်းကုန်းများအား အာရက္ခတပ်တော်မှ ဝိုင်းရံပိတ်ဆို့ ဖြတ်တောက်ထားသည်မှာ ကာလအတန်ကြာမြင့်ခဲ့ပြီးဖြစ်သည်။ အမ်းမြို့နယ်၊ ကျောက်စကွဲကျေးရွာ၏ အနောက်ဘက် မီတာ (၄၀၀) ခန့်အကွာအဝေး၌ ၂၀၂၄ ခုနှစ်၊ စက်တင်ဘာလ (၂၆) ရက်နေ့၊ နံနက် (၁၁) နာရီ (၅၀) မိနစ်တွင် စတင်ထိတွေ့တိုက်ပွဲဖြစ်ပွားခဲ့ပြီးနောက် မဲဟာဗျူဟာကုန်း၏ စခန်းများအား တစ်ခုပြီးတစ်ခု သိမ်းပိုက်ခဲ့ခြင်းဖြစ်သည်။

စစ်ရေးအရ အရေးနိမ့်နေသော ဖက်ဆစ်အကြမ်းဖက်စစ်ကောင်စီသည် ရှုံးမဲမဲကာ အရပ်သားပြည်သူ လူထုများအား လေကြောင်းမှ ပစ်ခတ်တိုက်ခိုက်ခြင်းကို ပြုလုပ်လျက်ရှိပြီး စစ်ရာဇဝတ်မှုများနှင့် လူသားမျိုးနွယ်အပေါ် ပြစ်မှုကျူးလွန်ခြင်းများကို ဆက်တိုက်ပြုလုပ်လျက်ရှိသည်။

၂၀၂၄ ခုနှစ်၊ ဩဂုတ်လ (၇) ရက်နေ့၊ ည (၁၁) နာရီ (၁၀) မိနစ်ခန့်အချိန်တွင် တောင်ကုတ်၊ ရွာမရွာအတွင်းသို့ ဖက်ဆစ် အကြမ်းဖက် စစ်ကောင်စီ၏ လေကြောင်းမှ လာရောက်ဗုံးကြဲတိုက်ခိုက်မှုကြောင့် လူနေအိမ်များပျက်စီးကာ အပြစ်မဲ့အရပ်သားပြည်သူအချို့ ထိခိုက်သေဆုံး၊ ဒဏ်ရာရရှိမှုများရှိခဲ့သည်။

ဖက်ဆစ်အကြမ်းဖက်စစ်ကောင်စီ၏ တောင်ကုတ်၊ စကခ (၅) လက်အောက်ခံတပ်ရင်းများဖြစ်ကြသော ခမရ (၃၄၆/၅၄၄) တပ်စခန်းများ နှင့် အခြားသော စခန်းများကိုလည်း ဝိုင်းရံပိတ်ဆို့ထားပြီး အပြီးသတ် သိမ်းပိုက်ရယူနိုင်ရေးအတွက် ဆက်လက်ဆောင်ရွက်လျက်ရှိသည်။

သတင်းနှင့်ပြန်ကြားရေး
အာရက္ခတပ်တော်