အမှတ် ၁၀၀၃ တပ်ရင်းဌာနချုပ်ကို သိမ်းပိုက်ထားပြီဖြစ်ကြောင်း KIO အတည်ပြု
October 21,2024/ Kachin News Group
ကံပိုင်တည်မြို့စောင့်တပ်ဖြစ်တဲ့ အမှတ် ၁၀၀၃ တပ်ရင်းဌာနချုပ်ကို KIA ပူး ပေါင်းတပ်က ဒီညနေ ၅ နာရီဝန်းကျင် သိမ်းပိုက်ထားနိုင်ပြီလို့ KIO သတင်းနဲ့ပြန်ကြားရေး တာဝန်ခံ ဗိုလ်မှူးကြီး အင်ဖန်နော်ဘူ အတည်ပြုပြောဆိုပါတယ်။
" ၁၀၀၃ တပ်ရင်းဌာနချုပ်ကို ဒီညနေ သိမ်းနိုင်ပြီတဲ့။ ကျနော်တို့ဘက်က ခုမှ Confirm ရတယ်" လို့ ပြောပါတယ်။
နယ်ခြားစောင့်တပ်လက်အောက် အမှတ် ၁၀၀၃ တပ်ရင်းဌာနချုပ်ကို KIA ဘက်က အောက်တို ဘာလ ၁၆ ရက်နေ့ စတင်ထိုးစစ်ဆင်ပြီး ၆ ရက်အကြာမှာ သိမ်းလိုက်နိုင်တာဖြစ်ပါတယ်။
နယ်ခြားစောင့်တပ်လက်အောက် အမှတ် ၁၀၀၁၊ ၁၀၀၂၊၁၀၀၃ တပ်ရင်းဌာနချုပ် ၃ ခုရှိတဲ့အနက် လုပီရွာရှိ ၁၀၀၂ တပ်ရင်းဌာနချုပ်ကို အောက်တိုဘာ ၁၅ ရက်နေ့ သိမ်းပိုက်ထားပြီး စင်ကြိုင် ၁၀၀၃ တပ်ရင်းကို ဒီညနေ ထပ်သိမ်းလိုက်တာကြောင့် နိုဇွန်ဘွမ်ရွာရှိ ၁၀၀၁ တပ်ရင်းသာကျန်ရှိဝောာ့တာဖြစ်ပါတယ်။
Photo -၁၀၀၃ တပ်ရင်း( Crd- Eedy)