PVTV Myanmar @pvtvmyanmar Channel on Telegram

PVTV Myanmar

@pvtvmyanmar

Public Voice is Public Power.

PVTV Myanmar (English)

Are you looking for a platform where your voice can be heard and your opinions can make a difference? Look no further than PVTV Myanmar! This Telegram channel, with the username @pvtvmyanmar, is dedicated to giving the public a voice and showcasing the power that comes with it. As their motto says, 'Public Voice is Public Power.' PVTV Myanmar is a community-driven channel where individuals from all walks of life can come together to discuss important issues, share their thoughts, and engage in meaningful conversations. Whether you have a passion for politics, social issues, or simply want to connect with like-minded individuals, PVTV Myanmar is the perfect place for you. By joining PVTV Myanmar, you will have the opportunity to stay informed about current events in Myanmar, participate in polls and surveys, and voice your opinions on a wide range of topics. The channel aims to empower individuals to be active citizens and make a positive impact on society. So, who is PVTV Myanmar? They are a group of dedicated individuals who believe in the power of public voice and are committed to providing a platform for meaningful discussions and community engagement. What is PVTV Myanmar? It is a space for individuals to come together, share their opinions, and work towards creating positive change in Myanmar. Join PVTV Myanmar today and be a part of a community that values your voice and believes in the power of public opinion. Together, we can make a difference! #PublicVoicePublicPower

PVTV Myanmar

29 Nov, 12:47

အကြမ်းဖက် မင်းအောင်လှိုင်ကို ဖမ်းဝရမ်းလျှောက်ထားမှု မြန်မာနိုင်ငံဆိုင်ရာ အထူးအကြံပေးကောင်စီ SAC-M ကြိုဆို
နိုဝင်ဘာ ၂၉ ၊ ၂၀၂၄
အကြမ်းဖက်စစ်ခေါင်းဆောင်မင်းအောင်လှိုင်ကို ဖမ်းဝရမ်းလျှောက်ထားတာဟာ တရားမျှတမှုအတွက် ခြေလှမ်းတစ်ရပ်ဖြစ်တယ်လို့ မြန်မာနိုင်ငံဆိုင်ရာ အထူးအကြံပေးကောင်စီ SAC-M က ထုတ်ပြန်ပါတယ်။
စစ်ခေါင်းဆောင် မင်းအောင်လှိုင်ကို နိုဝင်ဘာ ၂၇ ရက်က နိုင်ငံတကာရာဇဝတ်တရားရုံး (ICC)က ဖမ်းဝရမ်းထုတ် ပေးဖို့ စုံစမ်းစစ်ဆေးရေးရုံးက တောင်းဆိုထားလိုက်တဲ့ အပေါ် ကြိုဆိုကြောင်း SAC-M က နိုဝင်ဘာ ၂၈ ရက်မှာ ထုတ်ပြန်ခဲ့တာဖြစ်ပါတယ်။
အကြမ်းဖက်စစ်တပ်နဲ့ လုံခြုံရေးတပ်ဖွဲ့တွေဟာ ၂၀၁၆ နဲ့ ၂၀၁၇ ခုနှစ်တွေမှာ ရိုဟင်ဂျာတွေအပေါ်မှာ ရက်စက်ကြမ်း ကြုတ်မှုတွေပြုလုပ်ခဲ့တဲ့အတွက် ရိုဟင်ဂျာအသိုင်းအဝိုင်းက အကြောင်းမဲ့ ညှင်းပန်းနှိပ်စက်သေဆုံးခဲ့ရသူ တွေအတွက် တရားမျှတမှုကို တောင်းဆိုနေတယ်လို့ SAC-M က ပြောဆိုပါတယ်။
SAC-M ဟာ ကုလသမဂ္ဂရဲ့ မြန်မာနိုင်ငံဆိုင်ရာ လုပ်ပိုင်ခွင့်ကိုင်ဆောင်ထားသူတွေအဖြစ် မြန်မာနိုင်ငံက လူ့အခွင့်အရေးချိုးဖောက်မှုတွေနဲ့ ကြီးလေးတဲ့ ရာဇ၀တ်မှုတွေကို စုံစမ်းစစ်ဆေးပြီး အစီရင်ခံခဲ့တယ်လို့ ဆိုပါတယ်။
အကြမ်းဖက်စစ်ကောင်စီလက်အောက်က လက်နက်ကိုင်တပ်ဖွဲ့ဝင်တွေရဲ့ မထင်မှတ်လောက်အောင် ရက်စက် ကြမ်းကြုတ်မှုတွေက လွတ်မြောက်လာတဲ့ ရိုဟင်ဂျာတွေဆီက ထိတ်လန့်စရာ ကြားသိခဲ့ရကြောင်း SAC-M က ဖော်ပြထားပါတယ်။
မြန်မာအကြမ်းဖက်စစ်တပ်ရဲ့ အကြမ်းဖက်မှုတွေကို ရှင်းရှင်းလင်းလင်း စနစ်တကျ ထုတ်ဖော်တင် ပြထားပြီး လူမျိုးတုံးသတ်ဖြတ်မှု၊ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုတွေနဲ့ စစ်ရာဇ၀တ်မှုတွေ အတွက်အကြမ်းဖက် မင်းအောင်လှိုင်နဲ့ သူ့ရဲ့ ထိပ်တန်း အကြမ်းဖက်စစ်ခေါင်းဆောင်တွေကို စုံစမ်းစစ်ဆေးပြီး အရေးယူဖို့ အရေးတကြီး တောင်းဆိုထားကြောင်း ပြောဆိုပါတယ်။
မြန်မာပြည်သူတွေအပေါ် အဆိုးရွားဆုံး ရာဇ၀တ်မှုကျူးလွန်သူတွေကို ပြစ်ဒဏ်က လွတ်ငြိမ်း သက်သာ နေတာမျိုး မဖြစ်စေသင့်ကြောင်းနဲ့ သူတို့ရဲ့ဆိုးဝါးတဲ့အကြမ်းဖက်မှုတွေအတွက် အပြစ်ပေးခံရဖို့ ခြေလှမ်း တစ်လှမ်း နီးကပ်လာပြီဖြစ်ကြောင်း SAC-M က ပြောဆိုပါတယ်။
#SpringRevolution
#PVTV
PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့် တော်လှန် ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
755
PVTV Myanmar

29 Nov, 12:46

ထီးလင်းမြို့နယ်ပြည်သူ့အုပ်ချုပ်ရေးအဖွဲ့ အုပ်ချုပ်ရေးစွမ်းရည်မြှင့်ဆင့်ပွားသင်တန်းဖွင့်လှစ်ပို့ချ
နိုဝက်ဘာ ၂၉ ၊ ၂၀၂၄
မကွေးတိုင်း၊ ဂန့်ဂေါခရိုင်၊ ထီးလင်းမြို့နယ်မှာ မြို့နယ်ပြည်သူ့အုပ်ချုပ်ရေးအဖွဲ့တွေကို အုပ်ချုပ်ရေးစွမ်းရည် မြှင့်ဆင့်ပွားသင်တန်း ၁၀ ရက်တာ ပို့ချခဲ့တယ်လို့ ထီးလင်းမြို့နယ်ပြည်သူ့အုပ်ချုပ်ရေးအဖွဲ့ ထံမှ သိရပါတယ်။
အုပ်ချုပ်ရေးစွမ်းရည်မြှင့်ဆင့်ပွားသင်တန်းကို နိုဝင်ဘာ ၁၈ ရက် ကနေ ၂၇ ရက်အထိ ၁၀ ရက်တာ ပို့ချခဲ့တာ ဖြစ်ပြီး သင်တန်းကို ဂန့်ဂေါခရိုင်ပြည်သူ့အုပ်ချုပ်ရေးအဖွဲ့ နဲ့ ထီးလင်းမြို့နယ်ပြည်သူ့အုပ်ချုပ်ရေးအဖွဲ့တို့မှ အုပ်ချုပ်ရေးသင်တန်းအပတ်စဉ်(၁)၊ အမှတ်(၄) သင်တန်းကျောင်းဆင်း(၃)ဦးမှသင်တန်းပို့ချခဲ့တာပါ။
အဆိုပါသင်တန်းကို မြို့နယ်ပြည်သူ့အုပ်ချုပ်ရေးအဖွဲ့ဝင်များ တက်ရောက်ခဲ့ကြတာဖြစ်ပြီးတော့ သင်တန်းဖွင့်ပွဲမှာ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန တာဝန်ရှိသူမှ အဖွင့်အမှာစကားပြောကြား ခဲ့သလို ဂန့်ဂေါခရိုင်ပြည်သူ့အုပ်ချုပ်ရေးအဖွဲ့၊ အဖွဲ့ခေါင်းဆောင်နဲ့ ထီးလင်းမြို့နယ်ပြည်သူ့အုပ်ချုပ်ရေးအဖွဲ့၊ အဖွဲ့ခေါင်းဆောင်တို့မှ အဖွင့်အမှာစကား အသီးသီးပြောကြားခဲ့ကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
530
PVTV Myanmar

29 Nov, 12:45

ဒေါနတပ်ရင်းက ပြည်သူလူထုဝန်ထုပ်ဝန်ပိုးဖြစ်စေတဲ့ အခွန်ဆက်ကြေးကောက်ခံတာတွေ မလုပ်ဘူးလို့ထုတ်ပြန်
နိုဝင်ဘာလ ၂၉ ၊ ၂၀၂၄
ပြည်သူ့ကာကွယ်ရေးတပ်မတော်၊ဒေါနတပ်ရင်းက ပြည်သူလူထု ဝန်ထုပ်ဝန်ပိုး ဖြစ်စေတဲ့ အခွန်ဆက်ကြေးကောက်ခံတာတွေ မလုပ်ဘူးလို့ ဒီကနေ့ပြည်သူလူထုကို ထုတ်ပြန်အသိပေးလိုက်ပါတယ်။
ပြည်သူ့ကာကွယ်ရေးတပ်မတော် ၊ တောင်ပိုင်းစစ်ဒေသ ၊ စစ်ဒေသခွဲအမှတ်(၃)၊ ဒေါနတပ်ရင်း အနေနဲ့ ပြည်သူလူထုထံမှ ငွေကြေးကောက်ယူတာ၊ ငွေညှစ်တာ၊ လောင်းကစားဝိုင်းများ ခွင့်ပြုတာ ၊ အခွန်/ဆက်ကြေးကောက်ခံတဲ့ ပြည်သူလူထုပေါ် အကျင့်ပျက်အနိုင်ကျင့်တဲ့ လုပ်ရပ်များကို အဖွဲ့အစည်းစတင် တည်ထောင်ချိန်မှစလို အခုအချိန်ထိ ပြုလုပ်ခဲ့ခြင်းမရှိဘူးလို့ ဆိုပါတယ်။
နောက်နောင်မှာလဲ လုံးဝပြုလုပ်မှာ မဟုတ်တာကြောင့်မိဘပြည်သူများအနေနဲ့ ဒေါနတပ်ရင်း အမည်သုံး ပြီးဒီလို လုပ်ရပ်တွေပြုလုပ်ပါက (သို့မဟုတ်) ပြုလုပ်တာကိုတွေ့ရှိပါကသက်သေနဲ့တကွ တိုင်ကြားနိုင်ပြီး အကျင့်ပျက်လုပ်ရပ်များကို ထိထိရောက်ရောက်အရေးယူသွားမှာ ဖြစ်တယ်လို့ ထုတ်ပြန်ပါတယ်။
ဒါကြောင့် ဖုန်းနံပါတ် ၀၉ ၈၈၄၈၉၆၇၄၅ နဲ့ ဒေါနတပ်ရင်းရဲ့ တရားဝင် Daw Na Column -P29902 (ဒေါနစစ်ကြောင်း) Facebook Page သို့လည်း သက်သေနဲ့တကွဆက်သွယ်တိုင်ကြားနိုင်တယ်လို့ ဒေါနစစ်ကြောင်း ပြန်ကြားရေးက ထုတ်ပြန်အသိပေးထားပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
493
PVTV Myanmar

29 Nov, 07:01

ဖလမ်းမြို့နယ်က ပြည်သူ့ဆေးရုံကို အကြမ်းဖက် စစ်တပ်က ဗုံးကြဲတိုက်ခိုက်မှုအတွင်း ကျန်းမာရေးဝန်ထမ်းတွေ အပါအဝင် ၇ဦး သေဆုံး
နိုဝင်ဘာ ၂၉ ၊ ၂၀၂၄
ချင်းပြည်နယ်၊ ဖလမ်းမြို့နယ်၊ လုမ်သဲကျေးရွာမှာရှိတဲ့ Lumte ပြည်သူ့ဆေးရုံကို နိုဝင်ဘာ ၂၆ရက် မနက် ၁၁နာရီ ၃၀မိနစ်မှာ အကြမ်းဖက် စစ်တပ်က ရည်ရွယ်ချက်ရှိရှိ ပစ်မှတ်ထားပြီး လေကြောင်းကနေ ဗုံးကြဲတိုက်ခိုက်ခဲ့ရာ ကျန်းမာရေးဝန်ထမ်း (၂) ဦးအပါအဝင် အပြစ်မဲ့ပြည်သူ (၇) ဦး သေဆုံးပြီး (၄) ဦး ဒဏ်ရာရရှိခဲ့တယ်လို့ အမျိုးသားညီညွတ်ရေးအစိုးရ အဖွဲ့ ၊ ကျန်းမာရေးဝန်ကြီးဌာနက မနေ့က ထုတ်ပြန်ပါတယ်။
ဒါအပြင် ဆေးရုံအဆောက်အအုံနဲ့ အနီးအနားမှာရှိတဲ့ ပြည်သူ့နေအိမ်တွေစွာလည်း မီး လောင်ပျက်စီးခဲ့ရပါ ။
အကြမ်းဖက် စစ်တပ်ရဲ့ ဗုံးကြောင့် ကျဆုံးသွားတဲ့ ကျန်းမာရေးဝန်ထမ်းတွေ၊ ပြည်သူတွေရဲ့မိသားစုတွေနဲ့ထပ်တူ အထူးကြေကွဲဝမ်းနည်းရတယ်လို့ ကျန်းမာရေးဝန်ကြီးဌာန က ထုတ်ပြန်ထားပါတယ်။
သေဆုံးထိခိုက်ခဲ့ရတဲ့ ပြည်သူများ၊ ကျန်းမာရေးဝန်ထမ်းများ၊ တော်လှန် ရေးရဲဘော်များ အ တွက် တရားမျှတမှုကို ဆောင်ကျဉ်းသွားမည်ဖြစ်ပြီး အကြမ်းဖက်စစ်ကောင်စီနဲ့ ၎င်းတို့ရဲ့ လက်ပါးစေ ကြံရာပါတွေကို တရားဥပဒေအရ ပြင်းထန်စွာ အရေး ယူ ဆောင်ရွက်သွားမယ်လို့ ဝန်ကြီးဌာနအနေနဲ့ ဆိုပါတယ်။
လူစိတ်ပျောက်နေတဲ့ အကြမ်းဖက်စစ်ကောင်စီနဲ့ လက်တွဲဆောင်ရွက်နေသူများ၊ ထောက်ခံအားပေးနေသူတွေအနေနဲ့ မိမိတို့ရဲ့ လုပ်ရပ်တွေကို ရပ်တန်းကရပ်ကြဖို့ အလေးအနက် တိုက်တွန်းဖော်ပြထားပါတယ်။
အကြမ်းဖက်စစ်ကောင်စီက ဆေးရုံဆေးခန်းတွေနဲ့ ကျန်းမာရေးကဏ္ဍအပေါ် တမင်ပစ်မှတ်ထားပြီး တိုက်ခိုက်မှုတွေဟာ ဂျီနီဗာကွန်ဗန်းရှင်း (Geneva Conventions) ၊ ကမ္ဘာ့ကုလ သမဂ္ဂ လုံခြုံရေးကောင်စီ ဆုံးဖြတ်ချက်များ၊ လူသာချင်းစာနာထောက်ထားရေးနဲ့လူအခွင့်အရေးဆိုင်ရာ နိုင်ငံတကာဥပဒေများကို ပြောင်ပြောင်တင်းတင်း ချိုးဖောက်နေတာဖြစ်တယ်လို့ ဆိုပါ။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
658
PVTV Myanmar

29 Nov, 06:59

လက်ဗလာနဲ့စခဲ့တဲ့ တော်လှန်ရေး ကျရာတာဝန်ကို ကိုယ်စီထမ်းကြရင်းနဲ့ တနေ့ထက်တနေ့ အိမ်ပြန်လမ်းနီးပြီလို့ တောင်ပိုင်းစစ်ဒေသ အသိပေး
နိုဝင်ဘာ ၂၉ ၊ ၂၀၂၄
လက်ဗလာနဲ့စခဲ့တဲ့တော်လှန်ရေး ကျရာတာဝန်ကို ကိုယ်စီထမ်းကြရင်းနဲ့ တနေ့ထက်တနေ့ အိမ်ပြန်လမ်းနီး ပြီလို့ ပြည်သူ့ကာကွယ်ရေးတပ်မတော် ၊ တောင်ပိုင်းစစ်ဒေသက ထုတ်ပြန်ပါတယ်။
"အကြမ်းဖက်စစ်ကောင်စီ ပြိုကျဖို့ဆိုရင် စစ်ရေးကဏ္ဍက အရေးကြီးတဲ့ ကဏ္ဍမှာပါတယ်။ ကျတော်တို့ အရေးကြီးတဲ့ စစ်ရေးကဏ္ဍအရ ရည်မှန်းချက်ပြည့်မြောက်ဖို့အတွက် အဖက်ဖက်ကလိုအပ်နေတဲ့ လိုအပ် ချက်တွေကိုလည်း နောက်ကပံ့ပိုးပေးဖို့ လိုတယ်" လို့ ရဲဘော်စောရှားက ပြောပါတယ်။
ဒီလိုတိုက်ပွဲဝင်နေတဲ့ ရဲဘော်တွေကို နောက်ကနေပံ့ပိုးပေးနေတဲ့ တစ်ယောက်ချင်းစီတိုင်းကလည်း တိုက်ပွဲ တွေရဲ့ သူရဲကောင်းတွေဖြစ်တယ်လို့ သူကဆက်ပြောပါတယ်။
"နွေဦးတော်လှန်ရေးက အောင်မယ်လို့ မျှော်လင့်ထားတယ်။အောင်လည်းအောင်တော့မယ်။ သို့သော် အောင် တော့မယ်ဆိုပြီး တပ်ထောင်လို့မရဘူး။အားလုံးစည်းစည်းလုံးလုံးနဲ့ စစ်ကောင်စီမကျမချင်း တွန်းအားပေးဖို့ လိုတယ်"လို့ ရဲဘော်စောရှားက ပြောပါတယ်။
တောင်ပိုင်းစစ်ဒေသက စစ်အာဏာရှင်စနစ် အပြီးတိုင် ချုပ်ငြိမ်းသွားတဲ့အထိ အမြဲမပြတ် ထိုးစစ်ဆင် တိုက်ခိုက်သွားမှာဖြစ်တယ်လို့ ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသက ထုတ်ပြန်ထားပါ တယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
488
PVTV Myanmar

29 Nov, 06:57

နိုင်ငံတကာရာဇဝတ်ခုံရုံး ICCမှာ အကြမ်းဖက် စစ်ခေါင်းဆောင် မင်းအောင်လှိုင်ကို ဖမ်း၀ရမ်းထုတ်ဖို့ တင်ပြတဲ့အပေါ် တပ် နဲ့ ရဲ CDM တွေကြိုဆို
နိုဝင်ဘာ ၂၉ ၊ ၂၀၂၄
အကြမ်းဖက် စစ်ခေါင်းဆောင် မင်းအောင်လှိုင်ကို ဖမ်း၀ရမ်းထုတ်ဖို့ နိုင်ငံတကာရာဇဝတ်ခုံရုံး (ICC) ကို တင်ပြမှုကို ကြိုဆိုတယ်လို့ တပ် နဲ့ ရဲ CDM တွေရဲ့ ပြည်သူ့ပန်းတိုင်အဖွဲ့က ဒီနေ့မှာ ထုတ်ပြန်ပါတယ်။
နိုင်ငံတကာရာဇဝတ်ခုံရုံး (ICC)ရဲ့ ရှေ့နေချုပ် Karim A.A. Khan KC က ရိုဟင်ဂျာများအပေါ် ကျူးလွန်ခဲ့တဲ့ ရာဇ၀တ်မှုများအတွက် စစ်ခေါင်းဆောင် မင်းအောင်လှိုင် ကို ဖမ်းဝရမ်းထုတ်ဖို့ ICC ကိုလျှောက်ထား လိုက်တဲ့အပေါ် ပြည်သူ့ပန်းတိုင်က ကြိုဆိုတာပါ။
လူ့အခွင့်အရေး ချိုးဖောက်မှုများနဲ့ စစ်ရာဇဝတ်မှု ကျူးလွန်မှုများကို ဖော်ထုတ်မှတ်တမ်းတင်ဖို့ လိုအပ်သလို ထိ‌ထိရောက်ရောက် အရေးယူအပြစ်ပေးနိုင်ဖို့ ကြိုးပမ်းမှုတိုင်းကလည်း အလွန်ပင် အရေးကြီးပြီးအဲဒါမှသာ ခေတ်အဆက်ဆက် လူ့အခွင့်အရေးချိုးဖောက်မှုများ၊ ကျူးလွန်မှုများကို အဆုံးသတ်နိုင်ပြီး တရားမျှတမှုကို ဖော်ဆောင်နိုင်မယ်လို့ ပြည်သူ့ပန်းတိုင်က ပြောပါတယ်။
ပြည်သူ့ဘက်ကူးပြောင်းပြီး နွေဦးတော်လှန်ရေးမှာ ပူးပေါင်းပါ၀င်လာကြတဲ့ စစ်သားများနဲ့ ရဲများက သူတို့ကြုံတွေ့ခဲ့ရတဲ့ လူ့အခွင့်အရေးချိုးဖောက်မှုများနဲ့ ကျူးလွန်မှုများကို သက်သေများတင်ပြတာ၊ ထုတ်ဖော်ပြောဆိုတာ၊ မှတ်တမ်းပြုစုတာတွေ ဆောင်ရွက်မှုတွေမှာ ပူးပေါင်းပါဝင်နေတယ်လို့ ဆိုပါတယ်။
ပြည်သူ့ပန်းတိုင်က မြန်မာပြည်သူများအတွက် တရားမျှတမှုရရှိရေး ကြိုးပမ်းမှုများတွင် တတ်နိုင်တဲ့ဘက်က ပူးပေါင်းပါ၀င်သွားမှာဖြစ်ကြောင်းနဲ့နိုင်ငံတကာရာဇဝတ်ခုံရုံး (ICC) အနေနဲ့ စစ်အာဏာရှင် ဗိုလ်ချုပ်မှူးကြီး မင်းအောင်လှိုင်ကို အမြန်ဆုံးဖမ်း၀ရမ်းထုတ်ပြန်ပြီး ထိရောက်စွာ အရေးယူဆောင်ရွက်သွားဖို့ တိုက်တွန်းတယ်လို့ ပြည်သူ့ပန်းတိုင်အဖွဲ့က ပြောပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
424
PVTV Myanmar

29 Nov, 06:56

နိုဝင်ဘာလအတွင်း အကြမ်းဖက်စစ်အုပ်စုရဲ့ လေကြောင်းကနေ တိုက်ခိုက်မှုကြောင့် နိုင်ငံတဝန်းမှာ ပြည်သူ ၄၀ ဦးအထိ သေဆုံးခဲ့ရ
နိုဝင်ဘာ ၂၉ ၊ ၂၀၂၄
နိုဝင်ဘာလအတွင်း အကြမ်းဖက်စစ်အုပ်စုရဲ့ လေကြောင်းကနေ တိုက်ခိုက်မှုကြောင့် နိုင်ငံတဝန်းမှာ ပြည်သူ ၄၀ ဦးအထိ သေဆုံးခဲ့ရတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ထံမှ သိရပါတယ်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ ကောက်ယူထားတဲ့ စာရင်းတွေအရ နိုဝင်ဘာ ၁ ရက် ကနေ ၂၈ ရက်အတွင်း အကြမ်းဖက်စစ်အုပ်စုရဲ့ လေကြောင်းကနေ တိုက်ခိုက်မှုကြောင့် နိုင်ငံတဝန်းမှာ အမျိုးသမီး (၂၀) ဦး နဲ့ အမျိုးသား (၂၀) ဦး စုစုပေါင်း (၄၀) ဦး သေဆုံးခဲ့ရတာကို အမည်နဲ့ တကွ အတည်ပြုနိုင်ခဲ့တာလို့ ထုတ်ပြန်ခဲ့တာပါ။
အဆိုပါ သေဆုံးခဲ့ရသူ ပြည်သူ ၄၀ ဦးထဲမှာ အသက် ၁၈ နှစ်အောက် ကလေးငယ် ၁၄ ဦး ပါဝင်တယ်လို့ လည်း AAPP ရဲ့ ထုတ်ပြန်ချက်မှာ ဖော်ပြထားပါတယ်။ ဒါအပြင် သေဆုံးရသူ ၄၀ ဦးထဲက ရခိုင်ပြည် နယ်က ၁၉ ဦး နဲ့ သေဆုံးမှု အများဆုံးဒေသ ဖြစ်ခဲ့ရတယ်လို့ ဆိုပါတယ်။
နိုဝင်ဘာ ၁ ရက် ကနေ ၂၈ ရက်အတွင်းမှာပဲ အကြမ်းဖက်စစ်အုပ်စုရဲ့ လက်နက်ကြီးနဲ့ ပစ်ခတ်တိုက်ခိုက်မှု ကြောင့် အမျိုးသမီး (၅) ဦးနဲ့ အမျိုးသား (၉) ဦး စုစုပေါင်း (၁၄) ဦး သေဆုံးခဲ့တာကို အမည်နဲ့တကွ အတည်ပြုနိုင်ခဲ့တယ်လို့ AAPP က ထုတ်ပြန်ထားပါတယ်။
အဲဒီသေဆုံးသူအရေအတွက်ထဲမှာ အသက် ၁၈ နှစ်အောက် သေဆုံးသူ ၂ ဦး ပါဝင်ခဲ့တယ်ဆိုတာနဲ့ အဲဒီသေဆုံးသူတွေထဲက စစ်ကိုင်းတိုင်းက ၁၄ ဦး နဲ့ အများဆုံးဖြစ်တယ်လို့လည်း စာရင်းတွေအရ သိရပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
379
PVTV Myanmar

29 Nov, 04:08

အမ်း-ပဒါန်းလမ်းမှာ အကြမ်းဖက်စစ်ကောင်စီ စစ်ကြောင်းကို တိုက်ခိုက်၊ အကြမ်းဖက်တပ်သား ၂ဦး သေဆုံးပြီး ၁၄ဦး အရှင်ဖမ်းမိ
နိုဝင်ဘာ ၂၉ ၊ ၂၀၂၄
အမ်း-ပဒါန်းလမ်း တစ်နေရာမှာ စစ်ကြောင်းထိုးလာတဲ့ အကြမ်းဖက်စစ်ကောင်စီ စစ်ကြောင်းကို တော်လှန်ရေးတပ်တွေက စောင့်ကြိုပိတ်ဆို့ပြီး တိုက်ခိုက်မှုတွေ ပြုလုပ်ခဲ့တယ်လို့ အရှိုချင်းကာကွယ်ရေးတပ်(ACDF) က မနေ့ကညမှာ ထုတ်ပြန်လိုက်ပါတယ်။
အကြမ်းဖက်စစ်ကောင်စီရဲ့ အနောက်မြောက်ပိုင်းစစ်ဌာနချုပ်(အမ်း) ကွပ်ကဲမှုလက်အောက်ရှိ တစ်မိုင်ကုန်း စခန်းမှ ဆုတ်ခွာလာတဲ့ အကြမ်းဖက် ဗိုလ်မှူး ဇော်ထက်နောင် ဦးစီးတဲ့ အကြမ်းဖက်စစ်ကောင်စီ စစ်ကြောင်းကို နိုဝင်ဘာလ ၂၃ရက်က အမ်း-ပဒါန်းလမ်း တစ်နေရာမှာ တော်လှန်ရေးပူးပေါင်းတပ်တွေက စောင့်ကြိုတိုက်ခိုက်ခဲ့တာပါ။
အဆိုပါ တိုက်ခိုက်မှုအတွင်း အကြမ်းဖက်စစ်ကောင်စီတပ်သား ၂ဦး သေဆုံးပြီး စစ်သုံ့ပန်း ၁၄ဦး အရှင်ဖမ်းဆီးရမိခဲ့တဲ့ အပြင် လက်နက်ငယ် ၂လက်နဲ့ ခဲယမ်းတို့ကို သိမ်းဆည်းရမိခဲ့တယ်လို့ ဆိုပါတယ်။
တော်လှန်ရေးပူးပေါင်းတပ်တွေနဲ့ ထိတွေ့တိုက်ပွဲအတွင်း အကြမ်းဖက်စစ်ကောင်စီစစ်ကြောင်းမှာ ဖွဲ့စည်းပုံ ပျက်ပြီး တကွဲတပြားစီ ထွက်ပြေးနေတာကြောင့် နယ်မြေရှင်းလင်းခြင်းကို ဆက်လက်လုပ်ဆောင်နေတယ် လို့ ဖော်ပြထားပါတယ်။
အဆိုပါ တိုက်ခိုက်မှုကို အရှိုချင်းကာကွယ်ရေးတပ်(ACDF) နဲ့အတူ ကျောင်းသားလက်ရုံးတပ်တော်(SAF)၊ မင်းဘူးခရိုင် အမှတ်(၂) တပ်ရင်း စတဲ့ တပ်တွေက ပူး‌ပေါင်းတိုက်ခိုက်ခဲ့ပြီး ဖမ်းဆီးရမိထားတဲ့ စစ်သုံ့ပန်းတွေကို လိုအပ်တဲ့ ဆေးဝါးကုသမှုတွေ ဆောင်ရွက်ပေးပြီး စစ်သုံ့ပန်းမူဝါဒ နဲ့အညီ ထိန်းသိမ်းစောင့်ရှောက်ထားတယ်လို့ ထုတ်ပြန်ချက်မှာ ဖော်ပြထားပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
516
PVTV Myanmar

18 Nov, 15:15

အောင်လံလွှင့်မည် ရွှေရည်ကြည် သပိတ်စစ်ကြောင်းက “Airbus - စစ်ရာဇဝတ်မှုတွေမှာ ရင်နှီးမြုပ်နှံနေတာ အဆုံးသတ်" ဆိုပြီး ဆန္ဒပြ
နိုဝင်ဘာ ၁၈ ၊ ၂၀၂၄
စစ်ကိုင်းတိုင်း၊ ယင်းမာပင်မြို့နယ်ရဲ့ အောင်လံလွှင့်မည် ရွှေရည်ကြည်သပိတ်စစ်ကြောင်းက အကြမ်းဖက်စစ်တပ်ကျရှုံးရေး ဆန္ဒပြသပိတ်ကို ဒီနေ့မှာ ပြုလုပ်ခဲ့ကြပါတယ်။
ဆန္ဒပြတော်လှန်ပြည်သူတွေက ‘အောင်လံလွှင့်မည် ရွှေရည်ကြည် လူထုသပိတ်စစ်ကြောင်း’ ဆိုတဲ့ စာသားကိုင်ဆွဲပြီး “Airbus - စစ်ရာဇဝတ်မှုတွေမှာ ရင်နှီးမြုပ်နှံနေတာ အဆုံးသတ်" ဟစ်ကြွေးမှုတွေအပြင် အကြမ်းဖက်စစ်အာဏာရှင် အမြစ်ပြတ်ချေမှုန်းရေးဟစ်ကြွေးမှုတွေနဲ့ ချီတက်ဆန္ဒပြခဲ့ ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြားထဲကနေပဲ အကြမ်းဖက် စစ်တပ်ကျရှုံး ရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
219
PVTV Myanmar

18 Nov, 15:14

"အောင်လံလွှင့်မည် ဒေါင်းသွေးနီ သပိတ်စစ်ကြောင်း" က အကြမ်းဖက်စစ်တပ် ကျရှုံးရေးဆန္ဒပြသပိတ်ပြုလုပ်
နိုဝင်ဘာ ၁၈ ၊ ၂၀၂၄
ယင်းမာပင်မြို့နယ်မှာ "အောင်လံလွှင့်မည် ဒေါင်းသွေးနီ သပိတ်စစ်ကြောင်း" က တော်လှန်တန်ဆောင်တိုင် အဖြစ်နဲ့ ဒီနေ့မှာ အကြမ်းဖက် စစ်တပ် ကျရှုံးရေး ဆန္ဒပြသပိတ်ကို ပြုလုပ်ခဲ့ကြပါတယ်။
ဆန္ဒပြတော်လှန်ပြည်သူတွေက အောင်လံလွှင့်မည် ဒေါင်းသွေးနီ သပိတ်စစ်ကြောင်း" နဲ့ "Our Ambassador Myanmar’s Voice” ဆိုတဲ့ စာသားကို ကိုင်ဆွဲပြီး အကြမ်းဖက်စစ်တပ် ကျရှုံးရေး ဟစ်ကြွေးမှုတွေ ပြုလုပ်ခဲ့ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြား ထဲကနေပဲ အကြမ်းဖက်စစ်တပ်ကျ ရှုံးရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
107
PVTV Myanmar

10 Nov, 12:42

"နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း" က အကြမ်းဖက်စစ်တပ် ကျရှုံးရေးဆန္ဒပြ
နိုဝင်ဘာ ၁၀ ၊ ၂၀၂၄
ယင်းမာပင်မြို့နယ်ရဲ့ "နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း" က အကြမ်းဖက်စစ်တပ်ကျရှုံးရေး ဆန္ဒပြသပိတ်ကို ပြုလုပ်ခဲ့ကြပါတယ်။
တော်လှန်ပြည်သူတွေက "နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်း" ဆိုတဲ့ စာသား ကိုင်ဆောင်ပြီး အကြမ်းဖက် စစ်တပ်ကျရှုံးရေး ဟစ်ကြွေးမှုတွေ ပြုလုပ်ခဲ့ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြားထဲကနေပဲ အကြမ်းဖက်စစ်တပ်ကျရှုံး ရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
327
PVTV Myanmar

10 Nov, 12:40

"အောင်လံလွှင့်မည် ဒေါင်းသွေးနီ သပိတ်စစ်ကြောင်း" က အကြမ်းဖက်စစ်တပ် ကျရှုံးရေးဆန္ဒပြသပိတ်ပြုလုပ်
နိုဝင်ဘာ ၁၀ ၊ ၂၀၂၄
ယင်းမာပင်မြို့နယ်မှာ "အောင်လံလွှင့်မည် ဒေါင်းသွေးနီ သပိတ်စစ်ကြောင်း" က အကြမ်းဖက် စစ်တပ် ကျရှုံးရေး ဆန္ဒပြသပိတ်ကို ပြုလုပ်ခဲ့ကြပါတယ်။
ဆန္ဒပြတော်လှန်ပြည်သူတွေက အောင်လံလွှင့်မည် ဒေါင်းသွေးနီ သပိတ်စစ်ကြောင်း" နဲ့ "Our Ambassador Myanmar’s Voice” ဆိုတဲ့ စာသားကို ကိုင်ဆွဲပြီး အကြမ်းဖက်စစ်တပ် ကျရှုံးရေး ဟစ်ကြွေးမှုတွေ ပြုလုပ်ခဲ့ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြား ထဲကနေပဲ အကြမ်းဖက်စစ်တပ်ကျ ရှုံးရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
182
PVTV Myanmar

01 Nov, 09:57

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ကျောင်းသားတပ်မတော်) ဖွဲ့စည်းတည်ထောင်ခြင်း (၃၆) နှစ်ပြည့်အခမ်းအနားသို့ အမျိုးသားညီညွတ်ရေးအစိုးရက သဝဏ်လွှာပေးပို့
နိုဝင်ဘာ ၁ ၊ ၂၀၂၄
ဒီနေ့ကျရောက်တဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက် တစ်တပ်ဦး (မ.က.ဒ.တ) (ကျောင်းသားတပ်မတော်) (ABSDF) ကို ဖွဲ့စည်းတည်ထောင်ခဲ့တဲ့ (၃၆) နှစ်ပြည့်အခမ်းအနားသို့ အမျိုးသားညီညွတ်ရေးအစိုးရ က သဝဏ်လွှာပေးပို့လိုက်ပါတယ်။
သဝဏ်လွှာထဲမှာ ယခုလိုနေ့ထူးမှာ ကျောင်းသားတပ်မတော်ရဲ့ ခေါင်းဆောင်ကြီးများ၊ ဦးဆောင်ဗဟိုကော်မတီဝင်များနဲ့ အဖွဲ့ဝင်ရဲ‌ဘော်ရဲဘက်များ အားလုံး မင်္ဂလာအပေါင်းနဲ့ ပြည့်စုံပြီး ကိုယ်၏ ကျန်းမာခြင်း၊ စိတ်၏ချမ်းသာခြင်းနဲ့ ပြည့်စုံကြပါစေကြောင်း ဆုတောင်းမေတ္တာပို့သတယ်လို့ ဖော်ပြထား ပါတယ်။
ယနေ့နွေဦးတော်လှန်ရေး ခရီးလမ်းတွင်လည်း ကျောင်းသားတပ်မတော်(မ.က.ဒ.တ) အနေဖြင့် ပြည်သူနဲ့ အတူတကွ တသားတည်း ပြတ်ပြတ်သား ရပ်တည်ပြီး အမျိုးသားညီညွတ်ရေးအစိုးရရဲ့ ပြည်သူ့ကာကွယ်ရေးတပ်မတော်(PDF)၊ မဟာမိတ်တိုင်းရင်းသား တော်လှန်ရေးတပ်ဖွဲ့များနဲ့ အတူပူးပေါင်း ကာ ရှေ့တန်းမှ မားမားမတ်မတ်ရပ်တည် တိုက်ပွဲဝင်နေတာကို လေးစားဂုဏ်ယူစွာဖြင့် သမိုင်းမှာ မော်ကွန်းတင်ထားမယ်လို့ သဝဏ်လွှာထဲမှာ ဖော်ပြထားပါတယ်။
ကျောင်းသားတပ်မတော် (ABSDF) (မ.က.ဒ.တ)နဲ့ မြန်မာပြည်သူတရပ်လုံး မျှော်မှန်းတဲ့ အနာဂတ် ဖက်ဒရယ်ဒီမိုကရေစီပြည်ထောင်စု ပေါ်ပေါက်လာရေးအတွက် (မ.က.ဒ.တ) ညီလာခံမှ ခေါင်းဆောင်ကြီး များ ညီညွတ်စွာ ချမှတ်ထားသော နိုင်ငံရေးရည်မှန်းချက်များနဲ့ ရပ်တည်ချက်များကို ကိုင်စွဲလျက် နွေဦးတော်လှန်ရေး ခရီးဆုံးပန်းတိုင်ရောက်တဲ့အထိ မဟာမိတ်တိုင်းရင်းသား တော်လှန်ရေးတပ်ဖွဲ့များနဲ့ လက်တွဲကာ စစ်အာဏာရှင်မျိုးဆက် ကုန်ဆုံးတဲ့အထိ ဦးဆောင် ဦးရွက်ပြုတော်လှန်ကာ အောင်ပွဲဆင်နိုင်ရ မယ်လို့ အမျိုးသားညီညွတ်ရေးအစိုးရက ‌ကျောင်းသား တပ်မတော်နဲ့ ထပ်တူဆန္ဒပြုထားပါတယ်။
ခေတ်အဆက်ဆက် စစ်အာဏာရှင်ကို တွန်းလှန်တိုက်ခိုက်ရင်း ကျဆုံးခဲ့ရတဲ့ ကျောင်းသား တပ်မတော်မှ ခေါင်းဆောင်ကြီးများနဲ့ ရဲဘော်ရဲဘက်အပေါင်းအား လေးမြတ်စွာ ဂုဏ်ပြုဦးညွတ်တယ်လို့ သဝဏ်လွှာမှာ ဖော်ပြထားပါတယ်။
မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF) ကျောင်းသားတပ်မတော် က တိုင်းရင်းသားလူမျိုးပေါင်းစုံ ပြည်သူလူထုတရပ်လုံး အာဏာရှင်စနစ်အောက်မှ လွတ်မြောက်ရေး၊ ဒီမိုကရေစီနဲ့ လူ့အခွင့်အရေးထွန်းကားရေး၊ ပြည်တွင်းငြိမ်းချမ်းရေးနဲ့ စစ်မှန်သော ဖက်ဒရယ်ပြည်ထောင်စု ပေါ်ထွန်းရေးစတဲ့ နိုင်ငံရေးရည်မှန်းချက်မူများကို ကိုင်စွဲလျက် (၁၉၈၈ ) ခုနှစ်၊ နိုဝင်ဘာလ (၁) ရက်မှာ ကျောင်းသား ၊ အလုပ်သမား ၊ လယ်သမားနဲ့ လူငယ်များ စုစည်းပြီး ကော်သူလေးပြည်နယ်၊ ကောမူးရာစခန်းမှာ ဖွဲ့စည်းတည်ထောင်ခဲ့တာပါ။
ကျောင်းသားတပ်မတော် (ABSDF) (မ.က.ဒ.တ) က (၁၉၈၈) သမိုင်းဝင်လူထုအရေးတော်ပုံကြီးနဲ့ တွဲချိတ် မွေးဖွားလာခဲ့ပြီး လက်နက်ကိုင်တော်လှန်ရေးသမိုင်းမှာ ကျောင်းသားကိုယ်စားပြုတပ်အဖြစ် ပထမဆုံး ဖွဲ့စည်းခဲ့တဲ့ သမိုင်းဝင်တပ်ဖွဲ့လည်း ဖြစ်ပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
1,238
PVTV Myanmar

01 Nov, 09:57

မုံရွာမြို့နယ်မှာ အကြမ်းဖက်စစ်ကောင်စီပူးပေါင်းစစ်ကြောင်းက ရပ်ကျေး ပအဖတာဝန်ခံနဲ့ ကျောင်းဆရာတို့ကို ဖမ်းဆီးသတ်ဖြတ်
နိုဝင်ဘာ ၁ ၊ ၂၀၂၄
စစ်ကိုင်းတိုင်း၊ မုံရွာမြို့နယ်၊ ပုရစ်ကုန်းတောင်ရွာကို အောက်တိုဘာ ၃၁ရက်မှာ အကြမ်းဖက်စစ်ကောင်စီတပ်နဲ့ လက်ပါးစေ ပျူစောထီးတွေက စစ်ကြောင်းထိုးဝင်ရောက်လာပြီး ရပ်ကျေး ပအဖတာဝန်ခံနဲ့ ကျောင်းဆရာတို့ကို ဖမ်းဆီးသတ်ဖြတ်ကာ လူမဆန်တဲ့ အကြမ်းဖက်လုပ်ရပ်တွေကို ကျူးလွန်ခဲ့တယ်လို့ မုံရွာမြို့နယ် ပြည်သူ့အုပ်ချုပ်ရေးအဖွဲ့(ပအဖ) PVTV ကို ပြောပါတယ်။
ပုရစ်ကုန်းတောင်ရွာကို အကြမ်းဖက်စစ်ကောင်စီနဲ့ လက်ပါးစေ ပျူစောထီး ပူးပေါင်းတပ်တွေက စစ်ကြောင်းထိုး ဝင်ရောက်လာပြီး ရပ်ကျေး ပအဖ တာဝန်ခံ ဦးနိုင်ဝင်းနဲ့ ကျောင်းဆရာ ဦးကျော်ဇေယျတို့ နှစ်ဦးကို ဖမ်းဆီးခေါ်ဆောင်ကာ လူမဆန်စွာ သတ်ဖြတ်ခဲ့ပြီး ပြည်သူ့နေအိမ် ၅လုံးကို မီးရှို့ဖျက်ဆီးခဲ့တယ်လို့ ဆိုပါတယ်။
သတ်ဖြတ်ခံခဲ့ရတဲ့ ရပ်ကျေး ပအဖ တာဝန်ခံနဲ့ ကျောင်းဆရာတို့ရဲ့ ရုပ်အလောင်းတွေကို တိုက်နယ် ပအဖ၊ ပကဖ တာဝန်ခံတို့မှ ညတွင်းချင်း သဂြိုလ်ပေးနိုင်ရေး စီစဥ်ဆောင်ရွက်ပေးခဲ့တယ်လို့ သိရပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
707
PVTV Myanmar

01 Nov, 09:56

အကြမ်းဖက်စစ်ကောင်စီ အာဏာသိမ်းပြီး နောက် သတင်းသမားတွေကို ဖမ်းဆီးသတ်ဖြတ်နေတဲ့အဆိုးဝါးဆုံးနိုင်ငံစာရင်းမှာ မြန်မာ သုံးနှစ်ဆက်တိုက်ပါဝင်
နိုဝင်ဘာ ၁ ၊ ၂၀၂၄
အကြမ်းဖက်စစ်တပ် အာဏာသိမ်းပြီးချိန်ကစလို့ သတင်းသမားတွေကို ဖမ်းဆီးသတ်ဖြတ်နေတဲ့ ရာဇဝတ်မှုတွေကနေ ပြစ်ဒဏ် ကင်းလွတ်နေတဲ့ အဆိုးဝါးဆုံး နိုင်ငံတွေစာရင်းမှာ မြန်မာနိုင်ငံက ၂၀၂၄ ခုနှစ်အတွက် အဆင့် ၁၀ သတ်မှတ် ခံရပါတယ်။
အမေရိကန်ပြည်ထောင်စု၊ နယူးယောက်မြို့ အခြေစိုက် သတင်းသမားများ ကာကွယ်စောင့်ရှောက်ရေးကော်မတီ (CPJ) က ၂၀၂၄ ခုနှစ် ညွှန်းကိန်းအစီရင်ခံစာကို အောက်တိုဘာ ၃၀ ရက်မှာ ထုတ်ပြန်ခဲ့ပြီး ဒီစာရင်းမှာ မြန်မာနိုင်ငံ ဟာ အဆိုးဝါးဆုံး ဆယ်နိုင်ငံမှာ ပါဝင်နေပါတယ်။
မြန်မာနိုင်ငံဟာ ၂၀၂၂ ခုနှစ်မှာ သတင်းသမားတွေကို ဖမ်းဆီးသတ်ဖြတ်တဲ့ ရာဇဝတ်မှုတွေကနေ ပြစ်ဒဏ်ကင်း လွတ်နေတဲ့ အဆိုးဝါးဆုံး နိုင်ငံစာရင်းမှာ ပထမဆုံး ပါဝင်ခဲ့ပြီး အဆင့် ၁၁ ဖြစ်ပါတယ်။ ၂၀၂၃ ခုနှစ်မှာ အဆင့် ၉ နေရာကို ရခဲ့ပြီး ဒီနှစ် ၂၀၂၄ ခုနှစ်မှာတော့ အဆင့် ၁၀ အဖြစ် သတ်မှတ်ခံရပါတယ်။
၂၀၂၄ ခုနှစ်မှာ မြန်မာသတင်းသမားသုံးဦး ထပ်ပြီး သတ်ဖြတ်ခံခဲ့ရပြီး မြန်မာနိုင်ငံမှာ အကြမ်းဖက်စစ်တပ် အာဏာသိမ်းကာလ အတွင်း သတ်ဖြတ်ခံရတဲ့ သတင်းသမား ရှစ်ဦးအထိရှိလာပြီလို့ CPJ က ရေးသားပါတယ်။
လွတ်လပ်သော မြန်မာသတင်းစာဆရာများ အစည်းအရုံး (IMJA) ရဲ့ စာရင်းတွေအရ မြန်မာနိုင်ငံမှာ ၂၀၂၁ ခုနှစ် စစ်တပ်အာဏာသိမ်းပြီးနောက်ပိုင်း သတင်းသမား ၁၇၆ ဦးထိ ဖမ်းဆီးခံခဲ့ရပါတယ်။ သတင်းသမား ၅၂ ဦးဟာ အခုထိ အကျဉ်းထောင်တွေမှာ ဖမ်းဆီးခံထားရပါတယ်။
#SpringRevolution
#PVTV
PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့် တော်လှန် ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
568
PVTV Myanmar

01 Nov, 09:56

ရေစကြိုနဲ့မြိုင်နယ်အစပ်က ‌ပနိဆေးတောရွာ
ကို အကြမ်း ဖက် စစ်တပ်က ပစ်ခတ်ဝင်ရောက်စီးနင်းပြီး မီးရှို့
နိုဝင်ဘာ ၁ ၊ ၂၀၂၄
မကွေးတိုင်း၊ ရေစကြိုနဲ့ မြိုင်နယ်အစပ်က ‌ပနိဆေးတောရွာကို အကြမ်းဖက် စစ်တပ်က ဒီနေ့မနက်မှာ ပစ် ခတ်ဝင်ရောက်စီးနင်းပြီး မီးရှို့နေတယ်လို့ ဒေသခံတွေက ပြောပါတယ်။
" ယနေ့ နံနက်တွင် ရေစကြိုမြို့နယ်နဲ့ မြိုင်မြို့နယ်စပ်ရွာ နိပဆေးတော ၃ ရွာကို ပစ်ခတ်၀င်ရောက်ပြီး ယခု နေရာခွဲပြီး မီးရှို့နေပါတယ် " လို့ ဒေသခံတဦးက ပြောပါတယ်။
အင်အား ၁၀၀ဝန်းကျင်ပါတဲ့ အကြမ်းဖက် စစ်ကြောင်းဟာ ရေစကြိုမြို့နယ်က ပနိဆေးတောရွာကို ဒီနေ့နိုဝင်ဘာ ၁ရက် မနက်အစောပိုင်းကစတင်ပြီး ပစ်ခတ်မီးရှို့နေတာဖြစ်ပြီး လူထိခိုက်၊ နေအိမ်ပျက်စီးမှု အသေးစိတ်အခြေ အနေကိုတော့ မသိရသေးပါဘူး။
အဲဒီစစ်ကြောင်းဟာ ရေစကြိုမြို့နယ် ခလရတပ်ရင်းတွေ ဖြစ်တဲ့ ၂၅၆၊ ၂၅၇၊ ၂၅၈ တပ်ရင်း ၃ ရင်း ပေါင်းပြီး အောက်တိုဘာလ ၁၈ရက်က ၂၅၇တပ်ရင်းကနေ လင်းကတောကို ရိက္ခာပို့ထွက်လာတဲ့ စစ်ကြောင်းဖြစ်ပါတယ်။
အဲဒီအကြမ်းဖက် စစ်ကြောင်းဟာ မြိုင်မြို့နယ်မြောက်ဖျားတဲကြီးရွာက ပြည်သူတွေကို ဓားစာခံအဖြစ်ဖမ်းခေါ်ပြီး မြိုင်မြို့နယ်​ ဆားလင်းကြီးနယ်နဲ့ ရေစကြိုနယ်အစပ်က သုံးမြို့နယ်ဆုံရာ မြိုင်နယ်လင်းကတောစခန်းကို ၀င်ရောက်ခဲ့တာလည်းဖြစ်ပါတယ်။
အဲဒီနောက် အနီး၀န်းကျင် ရွာတွေကို စစ်ကြောင်းလိုက် ၀င်ရောက် စစ်ကြောင်းထိုးနေတာ နှစ်ပတ်ခန့်ရှိပြီဖြစ်ပြီး အနီးနားက ကျေးရွာတွေက ပြည်သူတွေ ထွက်ပြေးတိမ်းရှောင်နေရပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
582
PVTV Myanmar

01 Nov, 05:06

ကွတ်ခိုင်မြို့ကို အကြမ်းဖက် စစ်ကောင်စီတပ်က ဂျက်ဖိုက်တာ (၂)စီးနဲ့ ဗုံး(၈)လုံး လာရောက်ကြဲချတိုက်ခိုက်
နိုဝင်ဘာ ၁ ၊ ၂၀၂၄
တအာင်းပြည်၊ တပ်မဟာ(၅)နယ်မြေ ကွတ်ခိုင်မြို့နယ်၊ ရပ်ကွက်(၂)ကို အကြမ်းဖက် စစ်ကောင် စီတပ်က ဒီနေ့မနက်မှာ ဂျက်ဖိုက်တာ (၂)စီးနဲ့ ဗုံး(၈)လုံး လာရောက်ကြဲချတိုက်ခိုက်ခဲ့တယ်လို့ တအာင်းတပ် မတော် - TNLA က ဒီနေ့မှာ ထုတ်ပြန်ပါတယ်။
အကြမ်းဖက်စစ်တပ်က ဂျက်ဖိုက်တာ(၂)စီးနဲ့ ဒီနေ့ နိုဝင်ဘာ ၁ရက် ဒီနေ့မနက် ၃နာရီ ၂၈မိနစ်ကနေ ၃နာရီ ၃၈မိနစ်အထိ (၃)ကြိမ်လာရောက် ဗုံးကြဲတိုက်ခိုက်ခဲ့ရာ ကွတ်ခိုင်မြို့ ရပ်ကွက် (၂) အတွင်းမှာရှိ အကောက်ခွန်ဌာနရုံး၊ မီးသတ်ဌာနရုံး၊ (န.တ.လ) ကျောင်း၊ EPC ရုံး၊ အေရှာဝေါလ်တိုးဂိတ်အနီးနဲ့ ယူကလစ်တောအနီး‌ကို ကျရောက်ပေါက်ကွဲခဲ့ပါတယ်။
ဗုံးကြဲချတိုက်ခိုက်မှုကြောင့် တစ်ဦးထိခိုက်ဒဏ် ရာရရှိခဲ့ပြီး အဲဒီအနီးရှိ ကျွဲ(၁)ကောင်နဲ့ ဌာနဆိုင် ရာအဆောက်အဦးတစ်ချို့ ထိခိုက်ပျက်စီးခဲ့တယ်လို့ TNLAက ဖော်ပြပါတယ်။
ဒါအပြင် မပေါက်ကွဲသေးတဲ့ ဗုံး(၁)လုံးလည်း ကျန်ရှိနေပြီး PSLF/TNLA သက်ဆိုင်ရာတာဝန်ရှိသူတွေက ဖယ်ရှားဖို့ ကြိုးစားဆောင်ရွက်နေတယ်လို့ အသိပေးထားပါတယ်။
ပြီးခဲ့တဲ့ သြဂုတ်လ(၅)ရက်ကလည်း အကြမ်းဖက်စစ်ကောင်စီတပ်က ကွတ်ခိုင်မြို့ရှိ မြို့မစျေးမှာ လေကြောင်း(၄)ကြိမ် လာရောက်တိုက်ခိုက်မှုကြောင့် ဒေသခံပြည်သူ(၆)ဦး သေဆုံး၊ (၁၀)ဦး ထက်မနည်း ထိခိုက်ဒဏ်ရာရရှိကာ မြို့မစျေးဆိုင်ခန်းပေါင်း (၄၀၀)ကျော် မီးလောင်ပျက်စီးခဲ့ပါသေးတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
649
PVTV Myanmar

25 Oct, 15:10

ယင်းမာပင်မြို့နယ် မြောက်ခြမ်းကျေးရွာများသပိတ်က အကြမ်းဖက်စစ်တပ် ကျရှုံးရေး ဆန္ဒပြသပိတ်ပြုလုပ်
အောက်တိုဘာ ၂၅ ၊ ၂၀၂၄
ယင်းမာပင်မြို့နယ် မြောက်ခြမ်းကျေးရွာများသပိတ်က အကြမ်းဖက်စစ်တပ် ကျရှုံးရေးအဖြစ်နဲ့ ချီတက်ဆန္ဒပြ ပွဲကို ပြုလုပ်ခဲ့ကြပါတယ်။
ဆန္ဒပြ တော်လှန်ပြည်သူတွေက “ယင်းမာပင်မြို့နယ် မြောက်ခြမ်းကျေးရွာများသပိတ်” ဆိုတဲ့ စာသားကို ကိုင်ဆွဲပြီး အကြမ်းဖက်စစ်တပ်ကျရှုံးရေး ဟစ်ကြွေး မှုတွေနဲ့ ချီတက်ဆန္ဒပြ လှည့်လည်ခဲ့ကြတာပါ။
ဆန္ဒပြတော်လှန်ပြည်သူတွေက နယ်မြေမငြိမ်သက်မှု ကြားထဲကနေပဲ အကြမ်းဖက်စစ်တပ်ကျရှုံးရေး ဆန္ဒပြ သပိတ်ကို နေ့စဉ်ပြု လုပ်နေတာပါ။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
346
PVTV Myanmar

25 Oct, 15:10

"အောင်လံလွှင့်မည် ဒေါင်းသွေးနီ သပိတ်စစ်ကြောင်း" က အကြမ်းဖက်စစ်တပ် ကျရှုံးရေးဆန္ဒပြသပိတ်ပြုလုပ်
အောက်တိုဘာ ၂၅ ၊ ၂၀၂၄
ယင်းမာပင်မြို့နယ်မှာ "အောင်လံလွှင့်မည် ဒေါင်းသွေးနီ သပိတ်စစ်ကြောင်း" က အကြမ်းဖက် စစ်တပ် ကျရှုံးရေး ဆန္ဒပြသပိတ်ကို ပြုလုပ်ခဲ့ကြပါတယ်။
ဆန္ဒပြတော်လှန်ပြည်သူတွေက အောင်လံလွှင့်မည် ဒေါင်းသွေးနီ သပိတ်စစ်ကြောင်း" နဲ့ "Our Ambassador Myanmar’s Voice” ဆိုတဲ့ စာသားကို ကိုင်ဆွဲပြီး အကြမ်းဖက်စစ်တပ် ကျရှုံးရေး ဟစ်ကြွေးမှုတွေ ပြုလုပ်ခဲ့ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြား ထဲကနေပဲ အကြမ်းဖက်စစ်တပ်ကျ ရှုံးရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
277
PVTV Myanmar

25 Oct, 15:08

ခေတ်ဟောင်းချိုးဖျက် ဒို့မျိုးဆက် သပိတ်စစ်ကြောင်း" က အကြမ်းဖက်စစ်တပ် ကျရှုံးရေး ဆန္ဒပြသပိတ်ပြုလုပ်
အောက်တိုဘာ ၂၅ ၊ ၂၀၂၄
ခေတ်ဟောင်းချိုးဖျက် ဒို့မျိုးဆက် သပိတ်စစ်ကြောင်း" က အကြမ်းဖက်စစ်တပ်ကျရှုံးရေး ဆန္ဒပြသပိတ်ကို ပြုလုပ်ခဲ့ကြပါတယ်။
တော်လှန်ပြည်သူတွေက " ခေတ်ဟောင်းချိုးဖျက် ဒို့မျိုးဆက် သပိတ်စစ်ကြောင်း" ဆိုတဲ့ စာသား ကိုင်ဆောင်ပြီး အကြမ်းဖက် စစ်တပ်ကျရှုံးရေး ဟစ်ကြွေးမှုတွေ ပြုလုပ်ခဲ့ကြတာပါ။
ဒေသခံတော်လှန်ပြည်သူတွေက နယ်မြေမငြိမ်သက်မှုကြားထဲကနေပဲ အကြမ်းဖက်စစ်တပ်ကျရှုံး ရေး ဆန္ဒပြသပိတ်ကို နေ့စဉ်ပြုလုပ်နေကြပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။
136

2024 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.