ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ (ကန့်ဘလူခရိုင်)

25-1-2025/11:45AMတွင် ကန့်ဘလူမြို့နယ်၊ရွှေဘို-မြစ်ကြီးနား ဗျူဟာလမ်းပိုင်းအား ကျောက်ဆည်ကန်စစ်ကောင်စီအထိုင်မှ Drone 3 စီးဖြင့် ဗုံးသီးချ တိုက်ခိုက်ခဲ့၍ နန်းမြင့် ခရီးသည်ယာဉ်ကားတစ်စီး ထိခိုက်ပျက်ဆီးခဲ့ပြီး၊၎င်းကားပေါ်မှ ခရီးသည်ပြည်သူ ၆ ဦးအထိ အပြင်းအထန်ထိခိုက်ဒဏ်ရာရရှိခဲ့ကာ ၂ ဦးမှာ အသက်အန္တရာယ်စိုးရိမ်ရကြောင်း ကနဦးသတင်းရရှိသည်။ယခုချိန်ထိလဲ ဗျူဟာလမ်းပိုင်းအနီးရှိ ကျေးရွာများအား စစ်ကောင်စီတပ်ဘက်မှ Drone ဖြင့် ဆက်တိုက်ဗုံးသီးချ တိုက်ခိုက်နေကြောင်းသိရသည်။

ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ဓာတ်ပုံ#စစ်ကောင်စီတပ်မှ ဗုံးသီးချတိုက်ခိုက်၍ ခရီးသည်ရဟန်းတစ်ပါးပျံလွန်‌တော်မူခဲ့သည့် ပုံဟောင်း

နေကောင်းလား ဆိုတဲ့စကားကို မကြားနိုင်တဲ့ အကွာအဝေးကနေ မေးခဲ့ရတာ
ဒီတခါဆောင်းနဲ့ဆို နှင်းတွေမှုန်ဝါးခဲ့တာ
လေးခါတောင်ကြာသွားပေါ့.........

မြူနှင်းတွေဝေတိုင်း အလွမ်းတွေ တမြေ့မြေ့ကြွေခဲ့ရ..........
ဒီတဆောင်းကုန်လို့ တစ်နွေတစ်မိုးပြောင်း နောက်တစ်ဆောင်းကို ရောက်တဲ့အခါ........

မြူနှင်းဝေဝေမှာအလွမ်းတွေမကြွေရဖို့
တောင်းဆုတွေအလီလီနဲ့ တာဝန်တွေကိုယ်စီထမ်းရင်း အိမ်ပြန်ချိန် တမ်းတခဲ့ရတဲ့ ရဲဘော်တွေအတွက်..........

အလွမ်းရက်ရှည်ဆောင်း........

ရေး/ဆို=ဆရာကျောင်း

ကန့်ဘလူမြို့နယ်၊ပင့်သာတိုက်နယ်အတွင်းရှိ စစ်ဘေးရှောင်ပြည်သူ ၆၀၀၀ ကျော်အတွက် လိုအပ်နေသည့် ဆန်၊ဆေးဝါးနှင့် သောက်ရေသုံးရေအတွက် ရေတွင်းတူးဖော်နိုင်ရန် အလှူခံခြင်းဖြစ်ပါတယ်ဗျ။

ပင့်သာတိုက်နယ်အတွင်းမှာရှိသည့် မန်ကျီးကုန်း၊ပလူသာ၊ညောင်ကုန်း၊ပေကုန်း(တ)၊ရှမ်းကုန်း၊အင်းမ၊ချောင်းကြား နှင့် ဖလားရရွာမှ အိမ်ထောင်စု (၁၅၅၇) စု၊ပြည်သူ ၆၀၀၀ ကျော်သည် ၂၀၂၄၊နိုင်ဝင်ဘာ ၁၁ ရက်မှစ၍ စစ်ကောင်စီစစ်ကြောင်းထိုးခြင်းကြောင့် ထွက်ပြေးတိမ်းရှောင်နေရသည်မှာ ၂ လကျော်ကြာမြင့်လာပြီဖြစ်ပြီး ဆန်၊ဒန်အိုးဒန်ခွက်၊အခြေခံဆေးဝါးနှင့် နွေရောက်လာပြီဖြစ်သောကြောင့် စစ်ရှောင်များ သောက်ရေသုံးရေအခက်အခဲဖြစ်လာခြင်းကြောင့် ရေတွင်း‌တူးဖော်ပေးရန် လိုအပ်ချက်များစွာရှိနေခြင်းကြောင့် နိုင်သလောက်ပါဝင်လှူဒါန်းပေးကြပါအုံးဗျ။ကျွန်တော်တို့အနေနဲ့ အိမ်ထောင်စု ၁၅၅၇ စုစာလုံး မလှူဒါန်းနိုင်သည့်အတွက် ၎င်းတို့ထဲမှ တကယ်ခက်ခဲသည့် အိမ်ထောင်စု ၁၀၀ ကျော်ကို စီစစ်ခွဲထုတ်ပြီး လှူဒါန်းမှု ပြုလုပ်သွားမှာဖြစ်ပါတယ်ဗျ။ကျွန်တော်တို့ Pageမှာ ပါဝင်လှူဒါန်းလိုပါက_

ဆန်၁တင်းသယ်ယူစရိတ်ပါ= ၁ သိန်း

ရေတွင်း ၁ တွင်း = ၆ သိန်း နှုန်းဖြင့်လဲ ပါဝင်လှူဒါန်းပေးနိုင်ပါတယ်ဗျ။ပြည်တွင်းပြည်ပမှ အလှူရှင်များအနေဖြင့် နိုင်သလောက် ပါဝင်လှူဒါန်းပေးကြပါရန် မေတ္တာရပ်ခံအပ်ပါတယ်ဗျ🙏🙏🙏🙏

မှတ်ချက်#(စစ်ရှောင်တွေက ကန့်ဘလူမြို့နယ်ရော၊ကျွန်းလှမြို့နယ်ရော အများကြီးပါဗျ၊ဒါက ပင့်သာတိုက်နယ်စစ်ဘေးရှောင် မြေပြင်ကူညီတဲ့အဖွဲ့က ပုံလေးတွေကြိုးစားရိုက်ပြီး အကူညီတောင်းလာလို့ တင်ပေးတာပါဗျ၊ကိုယ့်ဒေသကပြည်သူ အဆင်ပြေဖို့ကလဲ ဒေသခံကလူတွေ တကယ်အလုပ်လုပ်ဖို့လိုပါတယ်ဗျ)


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၂၃-၁-၂၀၂၅

ကျွန်တော်တို့ page မှ စစ်ဘေးရှောင်ပြည်သူများအတွက် အလှူခံပိုစ့်တင်ဖို့ အကူညီတောင်းလာတာကြောင့် အလှူခံပိုစ့်တင်ဖို့ရှိပါတယ်ဗျ။ဘာကြောင့် အခုလိုကြိုပြောလဲဆိုရင်၊ကျွန်တော်တို့က အလှူခံတာရှားပါတယ်။ဖုန်းဘေလ်၊ဆီဖိုးနဲ့ စားစရိတ်လှူမယ့်သူမရှိလဲ ကိုယ့်ဆွေမျိုး၊မိတ်ဆွေအပေါင်းအသင်းတွေရဲ့ အကူညီနဲ့ပဲ ဖြစ်အောင်ရပ်တည်နေပါတယ်ဗျ။အလှူခံတဲ့ နေရာမှာလဲ လူရင်းကလွဲရင် personal အကောင့်တွေနဲ့ အလှူခံခြင်းမျိုး မလုပ်ပါဘူးဗျ။အခုလိုပြောရတာက ကျွန်တော်တို့ page ကပုံတွေယူသုံးပြီး personal အကောင့်တွေနဲ့ အလှူငွေလိမ်ယူတာမျိုးတွေရှိတာကြောင့် အကြိမ်ကြိမ်သတိပေးခြင်းဖြစ်ပါတယ်ဗျ။နောက်တခုက အလှူခံပိုစ့်တင်လိုက်ရင် အခွန်တွေကောက်တာဘယ်ရောက်သွားလဲမေးပြီး လာလာဆဲနေတာခဏခဏကြုံရပါတယ်၊အဲ့ဒီလိုမေးပြီးဆဲတဲ့ သူတွေကို သိစေချင်တာက ကျွန်တော်တို့pageက NUG အစိုးရအောက်မှာ အခွန်ကောက်နေတဲ့ အဖွဲ့မဟုတ်တာကြောင့် အခွန်ကောက်တဲ့ငွေတွေ ဘယ်ရောက်လဲ မသိပါဘူးဗျ။သိချင်ရင် ကိုယ့်ဘာသာသွားမေးကြပါ။ကျွန်တော်တို့က ကန့်ဘလူခရိုင်အတွင်းမှာရှိတဲ့ ဒေသတွင်းသတင်းလေးတွေ ပြည်သူတွေသိအောင်တင်ပေးတာနဲ့ စစ်ဘေးရှောင်ကူညီတာပဲ လုပ်ဆောင်နေပါတယ်ဗျ၊အလှူခံပိုစ့်တင်လို့ သဒ္ဒါစိတ်ဖြစ်လာရင် နိုင်သလောက်ပါဝင်လှူဒါန်းပေးကြဖို့ မေတ္တာရပ်ခံအပ်ပါတယ်ဗျ🙏🙏🙏🙏


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၂၂-၁-၂၅

ကန့်ဘလူမြို့ပေါ်ရပ်ကွက်များတွင် စစ်မှုထမ်းရန် လူငယ်များအား နေ့ရောညပါ အတင်းအဓမ္မဖမ်းဆီးနေ။


ဇန်နဝါရီ ၂၁၊၂၀၂၅။

ကန့်ဘလူမြို့ပေါ်ရပ်ကွက်များရှိ လူငယ်အချို့အား စစ်မှုထမ်းရန် နေ့ရောညပါအတင်းအဓမ္မ ဖမ်ဆီးခေါ်ဆောင်မှုများရှိနေပြီး ဇန်နဝါရီ လ ၂၁ ရက်နေ့ နေ့လယ် ၁ နာရီခန့်တွင်လည်း အမှတ်၂ ရပ်ကွက်ရှိ ဘိလိယက်ခုံတစ်ခု၌ ဘိလိယက်ထိုးနေသည့် လူငယ် ၇ ဦးအား အတင်းအဓမ္မဖမ်းဆီးခေါ်ဆောင်သွားကြောင်းသိရသည်။

“မြို့ပေါ် ရပ်ကွက်တွေမှာ သတင်းတွေစုံအောင်ကြားနေရတယ် ဝါသဝက လူ ၈၀ တောင်းတယ်လို့ပြောတယ်၊ဖမ်းနေတာက အခုမှမဟုတ်ဘူး အရင်ရက်တွေလဲ ညဝင်ဆွဲခံရတဲ့လူငယ်တွေရှိတယ်၊အခုကနေ့ခင်းကြီးလဲ ပေါ်တင်ဝင်ဆွဲတာ၊ဒီနေ့နေ့လယ် ၂ နာရီကို စစ်မှုထမ်းဖို့ အမှတ် ၁ ရပ်ကွက်ကမဲနှိုက်ရမယ်ပြောတာပဲ၊အသက်၃၅ကနေ ၅၀ အတွင်းလို့လဲ ပြောတယ်၊မြို့ပေါ်လဲလူငယ်တွေ မကျန်တော့ဘူး၊အကုန်ပြေးနေကြရတယ်၊မဲမနှိုက်ှိုက်ဘဲ ဆွဲခံရတဲ့သူတွေကအများကြီး၊တချို့လဲ ပိုက်ဆံပေးရင် ရတယ်ပြောတာပဲ၊မပေးနိုင်တဲ့ အခြေခံလူတန်းစားတွေပဲ ဒိုင်ခံလိုက်နေရတယ်” ဟု မြို့ခံတစ်ဦးမှ ပြောပြသည်။

၎င်းအပြင် ဇန်နဝါရီလ ၁၅ ရက်နေ့ကလည်း ကန့်ဘလူမြို့နယ်၊ကန်စွန်းအင်းရွာနှင့် ကန်သာလှရွာမှ လူငယ် ၃၀ ကျော်အား ကန့်ဘလူမြို့၊ထွေအုပ်ရုံးနှင့်ကပ်လျက် One Stop Service(OSS)ရုံးသို့ ဖမ်းဆီခေါ်ဆောင်ခဲ့ပြီး ဇန်နဝါရီလ ၁၉ ရက်နေ့တွင် ကန့်ဘလူ၆၀၀၆ မှတဆင့် Mi17 ဖြင့် နှစ်ကြိမ်တိုင် သယ်ဆောင်သွားကြောင်းသိရသည်။“ရွာတွေမှာအိမ်ထောင်စုစာရင်းတွေ အကုန်တောင်းလို့ ရွာလူကြီးကိုပေးရတာ၊အဲ့လိုပေးပြီး ညတွေ ပေါ်တာဝင်ဆွဲတာလက်နက်အားကိုးနဲ့ဆိုတော့ အကုန်ကြောက်နေရတာ ထွက်မပြေးရဲဘူး၊ကန်စွန်းအင်းနဲ့ ကန်သာလှပေါင်းရင် ၃၀ကျော် ၄၀ နားရှိတယ် ဖမ်းခံရတဲ့လူငယ်တွေ၊အကုန်ကန့်ဘလူခေါ်သွားတာ၊ပျူဆို နည်းနည်းအဆင်ပြေတယ်၊စစ်မှုထမ်းဆို သူတို့က ဖမ်းသွားပြီး လေယာဉ်နဲ့ ပို့လိုက်တာ သင်တန်းတက်ဖို့၊ပြီးရင်လဲ ပြန်မလာရဘူး နယ်ဝေးတွေအကုန်ပို့ပစ်လိုက်တာ၊ကျွန်းလှမြို့မြောက်ဘက်က ပေကုန်းရွာမှာလဲ အိမ်ထောင်စုစာရင်းတွေလိုက်တောင်းနေတယ် ကြားရတယ်” ဟု ကန့်ဘလူဒေသခံတစ်ဦးမှ ပြောပြသည်။

“ကန့်ဘလူမြို့ပေါ်မှာ ဟိုရက်က ရေသန့်ပို့တဲ့ကလေးနှစ်ယောက်လဲဆွဲခံရတယ်၊မဲနှိုက်တယ်သာ ပြောတာမဲက ဟန်ပြပဲ၊ခေါ်ချင်တဲ့သူတွေ ဆွဲခေါ်တာ၊ဒီနေ့ ဘိလိယက်ခုံဝင်ဖမ်းတော့လဲ ထွက်ပြေးတဲ့သူအကုန်ပစ်သတ်လို့ ပြောတယ်၊အမှတ် ၂ ဥက္ကဌ မိုးကျော်ကိုယ်တိုင် ဦးဆောင်ပြီး ပေါ်တာဆွဲတာ၊ဟိုတလောကလဲ ပေါ်တာဆွဲလာတဲ့ထဲက ကလေးတစ်ယောက်ထွက်ပြေးတာ ပြန်မိတော့ လမ်းဘေးတင် ထိုးကြိတ်ရိုက်နှက်နေတာ စိတ်မကောင်းဘူး၊ကြောက်လို့ ငြိမ်နေကြရတာရှိတာ ထွက်ပြေးဖို့ကလဲမလွယ်ဘူး ညတိုင်းလို ရပ်ကွက်တိုင်း ပေါ်တာဆွဲခံနေရတာ” ဟု ကန့်ဘလူမြို့ခံတစ်ဦးမှ ထပ်လောင်းပြောပြသည်။

ပြည်သူ့စစ်ခေါင်းဆောင် ဝါသဝသည် ကန့်ဘလူခရိုင်တွင် ပျူအင်အား၊စစ်မှုထမ်းအင်အား မည်မျှရှိသည်ဆိုပြီး အမြဲလိုလို ကြွားလုံးထုတ် ဝါဒဖြန့်နေသော်လည်း တကယ့်လက်တွေ့တွင် မြေဩဇာအဖြစ်များ၍ ပျူထုတ်လုပ်မှုမကျဆင်းစေရန် ၎င်းတို့စိုးမိုးထားသည့် မြို့ပေါ်နှင့် အနီးတဝိုက်ရှိကျေးရွာများမှ လူငယ်များအား အတင်းအဓမ္မပေါ်တာဆွဲဖမ်းဆီးပြီး၊စစ်မှုထမ်းပို့ဆောင်ခြင်းများနှင့် ပျူသင်တန်းပေးခြင်းများကို အင်အားသုံး လုပ်ဆောင်လျက်ရှိကြောင်းတွေ့ရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

19-1-25/12:30PM တံတားဦးမှ Jet fighter တစ်စီးနှင့် Mi35 တိုက်ခိုက်ရေး‌‌ယာဉ်တစ်စီး အနောက်မြောက်ဦးတည်ပျံသန်း၊အထူးဂရုစိုက်ကြပါဗျ။

ပြာသိုလပြည့် အမေနေ့မှာ အိမ်နဲ့ဝေး၊အမေနဲ့ဝေးနေတဲ့ ရဲဘော်လေးတွေ စိတ်ခံစားချက်အပြည့်နဲ့ ဂစ်တာတီးဆိုနေကြတာက “ကျေးဇူးပဲ မေမေ” တဲ့.......သူတို့ကလဲ ခံစားချက်အပြည့်နဲ့ဆိုနေတာ ကိုယ်တွေကလဲ သူတို့လေးတွေမသိအောင် ခိုးရိုက်🥰🥰🥰🥰

13.1.2025
09:27AM ကန့်ဘလူမြို့နယ်၊ပင့်သာတိုက်နယ်အတွင်းရှိ အင်းမရွာနှင့် ဖလားရ ရွာတို့အား ပင့်သာမှထွက်လာသော စစ်ကောင်စီတပ်နှင့် ပျူပူးပေါင်းအင်အား ၁၀၀ ခန့်မှ အကြမ်းဖက်မီးရှို့ဖျက်ဆီးနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

11.1.2025/10:45AM
ကန့်ဘလူမြို့နယ်၊ ကျောက်ပုံလမ်းခွဲမှ ထွက်လာသော စကစ+ပျူအင်အား(၈၀)ခန့်သည် စလွယ်ကျေးရွာမှတဆင့် ဂါးထာကျေးရွာသို့ရောက်ရှိနေကြောင်း သတင်းရရှိသည်။

11-1-2025/8:50AMကန့်ဘလူမြို့နယ်၊ပင့်သာ(တည်ပင်)ရွာအား ကျွန်းလှမြို့နယ်၊တောင်ယာဆိပ်ရွာမှထွက်လာသောစကစ+ပျူအင်အား ၁၀၀ ခန့်မှ အကြမ်းဖက်မီးရှို့ဖျက်ဆီးနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကျွန်းလှ-ကန့်ဘလူလမ်းပိုင်း၊သင်ပန်းတောလမ်းခွဲအနီးတွင် တော်လှန်ရေးအဖွဲ့များမှ မိုင်းဆွဲတိုက်ခိုက်၍ ပျူနှစ်ဦးသေဆုံးကာ တစ်ဦးဒဏ်ရာရ

ဇန်နဝါရီ ၇၊၂၀၂၅။

ဇန်နဝါရီ ၆ ရက်နေ့၊နေ့လယ် ၁ နာရီခန့်တွင် ကျွန်းလှ-ကန့်ဘလူလမ်းပိုင်းရှိ သင်ပန်းတောလမ်းခွဲအနီးတွင် တော်လှန်ရေးအဖွဲ့များမှ မိုင်းဆွဲတိုက်ခိုက်ခဲ့၍ ပျူနှစ်ဦးသေဆုံးကာ တစ်ဦးမှာ ပေါင်ထိမှန်၍ ကန့်ဘလူမြို့ ကုတင် (၁၀၀) ဆေးရုံ၌ ဆေးကုသမှုခံယူနေကြောင်း သိရသည်။

သေဆုံးသွားသည့် ပျူနှစ်ယောက်အား ယနေ့ ဇန်နဝါရီ ၇ ရက်နေ့မနက်တွင် ကားနှစ်စီးဖြင့် ကန့်ဘလူသုဿာန်သို့ ပို့ဆောင်သဂြိုဟ်ခဲ့ကြောင်းသိရသည်။“ ဖြစ်တာက ကျွန်းလှမြို့‌တောင်ဘက်အထွက် သင်ပန်းတောရွာလမ်းခွဲနားမှာ ဖြစ်တာ၊မိုင်းဆွဲပြီး သေနတ်နဲ့ပါ ပစ်သွားတာလို့ပြောတယ်၊အလောင်းကို တော်တော်နဲ့ မကောက်ရဲကြဘူး‌တဲ့၊ပျူနှစ်ယောက်က ဘယ်ရွာကလဲ မသိဘူး၊ဒီနေ့မနက် ခွေးဘီလူးနှစ်စီးနဲ့ အမြန်မောင်းသွားတာတွေ့ရတယ်၊ကန့်ဘလူမှာပဲ မီးသဂြိုဟ်လိုက်တာ၊ပေါင်ထိတဲ့သူကတော့ နည်းနည်းဝတယ်၊ကျွန်းလှမြို့ပေါ်ကလို့ပြောတာပဲ၊ဆိုင်ကယ် အဝါရောင်ဒိုစီးတဲ့သူတဲ့၊သူတို့‌တွေထိတာ သတင်းမထွက်အောင် ဖုံးဖိနေတာ ကိစ္စချတာတောင် အပြေးအလွှား၊အရင်ကလဲ မြို့ပေါ်ပျူတွေတိုက်ပွဲမှာ ကျလာရင် နာရေးတွေ လုပ်ခွင့်မပေးဘူး၊တိုးတိုးတိတ်တိတ်ပဲ ပြီးရတာ” ဟုဒေသခံများမှ ပြောပြသည်။ဇန်နဝါရီ ၃ ရက်နေ့တွင်လည်း ကြိုးကြာရွာအုပ်ကြီးနှင့်စစ်သားတစ်ယောက်အား ဝက်တိုးရွာအကျော် တံတားအနီး၌ တော်လှန်ရေးအင်အားစုများမှ ပစ်ခတ်ခဲ့ရာ အုပ်ကြီးမှာ လက်ထိမှန်ပြီး စစ်သားမှာ ဦးခေါင်ပွင့်၍ သေဆုံးသွားကြောင်းသိရသည်။

ကျွန်းလှ-ကန့်ဘလူလမ်းပိုင်းသည် စစ်ကောင်စီစိုးမိုးနယ်မြေဖြစ်ပြီး သင်ပန်းတောလမ်းခွဲမှာလည်း စစ်ကောင်စီတပ်တို့ သဖန်းဆိပ်ဆည်ဘက်ထွက်ရာ၌ တွင်တွင်ကျယ်ကျယ်အသုံးပြုသည့် လမ်း‌ပိုင်းတစ်ခုဖြစ်သည်။ မြို့ပေါ်နေပြည်သူများမှာ ၈ မိုင်သာ ဝေးသည့် ကျွန်းလှ မှ ကန့်ဘလူသို့ သွားရာတွင် မှတ်ပုံတင်အမြဲယူဆောင်သွားရပြီး မထင်ရင်မထင်သလို မှတ်ပုံတင် စစ်တတ်ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

31-12-2024/4:40PM ကန့်ဘလူမြို့နယ်၊မလယ်-ဇီးကုန်းလမ်းဆုံအား ယမနေမှထွက်လာသော စကစနှင့်ပျူများမှ အကြမ်းဖက်မီးရှို့ဖျက်ဆီးနေကြောင်းသိရသည်။

31-12-24/8:45AM ကန့်ဘလူမြို့နယ်၊တဲကြီးကုန်းရွာအား ကျောက်ဆည်ကန်ရွာသို့ ရောက်ရှိနေသော စကစ+ပျူများမှ Drone ဖြင့် ဗုံးသီးချ တိုက်ခိုက်ခဲ့ကြောင်းသိရသည်။

30-12-2024/4:20PM ကန့်ဘလူမြို့နယ် ကျောက်ဆည်ကန်ရွာအား စကစ+ပျူအင်အား ၃၀ ခန့်မှ အကြမ်းဖက်ပစ်ခတ်ဝင်ရောက်နေကြောင်း ကနဦးသတင်းရရှိသည်။

30-12-2024/3:30PM ကန့်ဘလူမြို့နယ်၊ကျောက်ဆည်ကန်ရွာအား ဇီးကုန်မြို့‌ပေါ်မှ စကစနှင့် ပျူများမှ Droneဖြင့် ဗုံးသီးချ တိုက်ခိုက်နေ ကြောင်းသိရသည်။

30.12.2024/ 6:25AM ကန့်ဘလူမြို့နယ်၊စံပါယ်နံ့သာအထိုင်မှ ထွက်လာသော စကစ+ပျူအင်အား ၃၀ ခန့်သည် ရေအေးသို့ ပစ်ဝင်ပြီး 7:15AMခန့်တွင် စံပါယ်နံ့သာသို့ပြန်ဝင်သွားကြောင်းသိရသည်။

30-12-24/8:20AM ကန့်ဘလူမြို့နယ် မြကန်သာကျေးရွာမှ ထွက်လာသော စကစ+ပျူ အင်အား(၃၀)ကျော်ခန့်သည် တုန်ဖုန်းကား၁စီး၊ကားပေါက်စ၂စီး၊တိုက်ခိုက်ရေး(Drone).၂စီးပါတင်ဆောင်ပြီး ဆားကုန်းရွာသို့ရောက်ရှိနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ခရီးသွားရင်း မမပွေးနဲ့တွေ့😁😁😁 တော်သေးဆိုင်ကယ်နဲ့တက်နင်းမိလို့သာပေါ့။ခြေလျင်ဆို မတွေးရဲ🥵🥵သီးနှံရိတ်သိမ်းချိန်ဆိုတော့ တောင်သူတွေ ဂရုစိုက်ကြပါခင်ဗျ🙏🙏🙏

အနီးနားမှာရှိတဲ့ စာသင်ကျောင်းလေးတွေကို လှူပေးဖို့ ကလေးကစားစရာပစ္စည်းလေးတွေရောက်ရှိ😍😍😍

ကြာလာတာနဲ့အမျှ တော်လှန်ရေးဆိုတာ ဘာလဲပြန်ပြန်မေးနေရတဲ့ အဖြစ်....
တရားဥပဒေဆိုတာလဲ မျက်နှာမွဲပြည်သူတွေဖိနှိပ်ခံရဖို့အတွက် သက်သက်ပဲလို့ မြင်လာတယ်၊မြေနိမ့်ရာ လှံစိုက်ကြတယ်......

ဆက်လုပ်ဖို့အားအင်မရှိလောက်အောင် အကြိမ်ကြိမ်ပြိုလဲတယ်......
တော်လှန်ရေးမှာ ကိုယ့်ကို ကိုယ်ထိလက်ရောက်စော်ကားပြီး အိပ်မက်ဆိုးမက်သည်အထိ စိတ်ကင်ဆာပေးခဲ့သူတွေနဲ့လဲ ကြုံဖူးတယ်......


စိတ်ဒဏ်ရာတွေရပြီး ခံနိုင်ရည်မရှိလို့ ကိုယ့်ကိုယ်ကိုယ် _တ်သေဖို့လဲ တွေးဖူးတယ်.......
အလုပ်တူတွဲလုပ်ခဲ့တဲ့ ရဲဘော်ညီလေးတစ်ယောက်သာ မဆုံးရှုံးခဲ့ရင် ဒီတော်လှန်ရေးကနေ ကျောခိုင်းလှည့်ပြန်မိတာကြာပြီ..........

သူမသိပေမယ့် ကိုယ့်ဘာသာပေးခဲ့တဲ့ကတိတည်ချင်လို့ စိတ်ဒဏ်ရာအပြည့်နဲ့ ဒီလမ်းကိုဆက်လျောက်နေမိတယ်။ကျွန်‌တော်တို့တွေ ဆုံးရှုံးသွားတဲ့ ရဲဘော်တွေရဲ့ ဝိညာဥ်ကိုတော့ မလိမ်မိဖို့ အရေးကြီးတယ်မို့လား........


မြေပြင်မှာတော်လှန်ရေးလုပ်တာက အခွင့်၊အာဏာ၊ရာထူး၊ဂုဏ်ဒြပ်တွေ၊အခြွေအရံတွေနဲ့ ဘုရားထူးခံချင်လို့ လုပ်ကြတာလားကိုတော့ ကိုယ့်ဘာသာသတိတရမေးခွန်းထုတ်ကြည့်ကြစေချင်တယ်.......

22.12.2024/9:30AM

ကျွန်းလှမြို့နယ် တောင်ယာဆိပ်အုပ်စုသို့ ရောက်ရှိနေသော စစ်ကောင်စီတပ်နှင့်ပျူစောထီးများမှ တောင်ယာဆိပ်အုပ်စုရွာများအား ထပ်မံမီးရှို့ဖျက်ဆီးနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ဒီဇင်ဘာ ၁၆ ရက်နေ့ မန်ကျည်းကုန်းရွာအနီး တိုက်ပွဲတွင် မိမိတို့ဘက်မှ သေနတ် ၁၁ လက်ရရှိပြီး၊စစ်ကောင်စီဘက်မှ ၁၆ ယောက်သေဆုံးခဲ့တယ်လို့ အမှတ်(၁)စစ်ဒေသက ထုတ်ပြန်ထားသည်။စစ်ကောင်စီဘက်မှ သေဆုံးသည့် ပျူများမှာ နတ်ပေး ၁ ၊သင်မန်းတော ၅၊ထန်းကုန်း ၂၊တောက္ကရှပ် ၁၊ဆိပ်ဖူးမြောင် ၁၊မန်ကျည်းအင်းရွာ ၁ ယောက် နှင့် ကျန်တာတော့ စစ်ကောင်စီတပ်သားတွေ ဖြစ်နိုင်ဟုသိရပြီး၊ဒီဇင်ဘာ ၁၈ ရက်နေ့ မီးသဂြိုဟ်သည့်အချိန်တွင် သုံးပွင့်ဗိုလ်ကိုယ်တိုင် လိုက်လံပို့ဆောင်သဂြိုဟ်ပေးခြင်းကြောင့် အကောင်ကြီးပါဟု ခန့်မှန်းရသည်။မနေ့ကလည်း ကန့်ဘလူ ကုတင် ၁၀၀ ဆေးရုံသို့ စစ်ကောင်စီဘက်မှ ထိခိုက်ဒဏ်ရာရရှိသူများ ထပ်မံသယ်ဆောင်လာကြောင်းပြီး တချို့မှာ မျက်နှာမမှတ်မိအောင် ပျက်ဆီးနေကြောင်း သိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

19.12.2024/1:45PM ကန့်ဘလူမြို့နယ်၊မန်ကျည်းကုန်းရွာရှိ အပြစ်မဲ့ပြည်သူပိုင်နေအိမ်များအား စစ်ကောင်စီတပ်နှင့် ပျူစောထီးများမှ အကြမ်းဖက်မီးရှို့ဖြတ်ဆီးနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကန့်ဘလူမြို့နယ် မန်ကျည်းကုန်းရွာအနီးတိုက်ပွဲတွင် စစ်ကောင်စီတပ်ဘက်မှ ၁၁ ဦးသေဆုံး အထိနာ၍ လေကြောင်းပစ်ကူ၊‌လက်နက်ခဲယမ်းအချို့သိမ်းဆည်းရမိ။


ဒီဇင်ဘာ ၁၈ ရက်၊၂၀၂၄။


ဒီဇင်ဘာ ၁၆ ရက်နေ့မနက် ၆ နာရီ ၂၀ မိနစ်တွင် ကျွန်းလှမြို့နယ်၊ကုက္ကိုကုန်းရွာအထိုင်မှ ထွက်လာသော စစ်ကောင်စီ+ပျူစောထီးစစ်ကြောင်းနှင့် ကန့်ဘလူခရိုင်အတွင်းရှိ တော်လှန်ရေးအင်အားစုများသည် ကန့်ဘလူမြို့နယ် မန်ကျည်းကုန်းရွာအနီးတွင် ထိတွေ့တိုက်ပွဲဖြစ်ပွါးခဲ့ရာ စစ်ကောင်စီတပ်ဘက်မှ ၁၁ ဦးသေဆုံးပြီး၊လက်နက်အချို့ သိမ်းဆည်းရမိခဲ့ရာ ၎င်းတို့ဘက်မှအထိနာ၍ လေကြောင်းပါ ပစ်ကူပေးခဲ့ကြောင်း မြေပြင်သတင်းပေးပို့ချက်များအရသိရသည်။

တိုက်ပွဲမှာ တနေကုန်နီးပါး ဖြစ်ပွါးခဲ့ပြီး စစ်ကောင်စီတပ်ဘက်မှ အကျအဆုံးများလာ၍ ဒီဇင်ဘာ ၁၆ ရက်နေ့ နေ့လယ် ၁၂ နာရီ ၅ မိနစ်နှင့် ၁၂ နာရီ ၁၂ မိနစ်တို့တွင် တံတားဦးတက် Jet Fighter တစ်စီးဖြင့် လေကြောင်းတိုက်ခိုက်မှု ၂ကြိမ်ပြုလုပ်ကာ လေကြောင်းပါပစ်ကူပေးခဲ့ခြင်းဖြစ်သည်။ထိုတိုက်ပွဲတွင် စစ်ကောင်စီတပ်ဘက်မှ ၁၁ ယောက်ကျပြီး၊ထိခိုက်ဒဏ်ရာရသူများကာ ကား၃ စီးဖြင့် ကျွန်းလှမြို့မှတဆင့် ကန့်ဘလူ ကုတင် ၁၀၀ ဆေးရုံသို့ပို့ဆောင်ကုသနေရကြောင်းသိရသည်။

စစ်ကောင်စီတပ်ဘက်မှ သေနတ် ၉ လက်နှင့် ခဲယမ်းမီးကျောက်အချို့ကိုလဲ မိမိတို့တော်လှန်ရေးအင်အားစုများက သိမ်းဆည်းရရှိခဲ့ကြသည်။တိုက်ပွဲအတွင်း တော်လှန်ရေးအင်အားစုများဘက်မှ Drone ၂ စီး ဆုံးရှုံးခဲ့ပြီး၊ရဲဘော်၄ ဦး ထိခိုက်ဒဏ်ရာရရှိခဲ့ကာ အသက်အန္တရာယ်မစိုးရိမ်ရကြောင်းသိရသည်။

နောက်ဆက်တွဲသတင်းအနေဖြင့် စစ်ကောင်စီတပ်ဘက်မှ ကျဆုံးစကစ+ပျူများအား ကန့်ဘလူ သုဿာန်တွင် ယနေ့နေ့လယ်၌ မီးသင်္ဂြုဟ်ပွဲပြုလုပ်ပေးခဲ့ကြောင်းသိရသည်။၎င်းတို့မီးသင်္ဂြိုဟ်သည့် အချိန်၌ သုဿာန်အနီး ပြည်သူပင်ဖြတ်သန်းခွင့်မရှိဟုသိရသည်။ သုဿာန်အနီး ဘန်ကာဆောက်၍ ဂိတ်ချထားသည်မှာ ကြာလှပြီဟုသိရသည်။ကျဆုံးပျူများထဲတွင် နတ်ပေးရွာမှ ပျူစောထီးတစ်ယောက်၊ သင်မန်းတောရွာမှ ငဖြိုးနှင့် ရာကျော်ဝင်းအပြင် အလောင်းပြန်မရသည့် ပိုင်ရှင်မဲ့အထုပ် ၅ ထုပ်လဲ ရွာပြန်ရောက်ခဲ့ကြောင်း မြေပြင်သတင်းပေးပို့ချက်များအရသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်


ဓာတ်ပုံ#ဒီဇင်ဘာ ၁၆ ရက်နေ့တိုက်ပွဲ၌ သေဆုံးခဲ့သည့် စစ်ကောင်စီဘက်မှ စကစ+ပျူ

16-12-2024 ရက်နေ့ ကန့်ဘလူမြို့နယ် မကျီးကုန်းရွာအနီးတိုက်ပွဲ video အမြည်း.....

16-12-2024 ကန့်ဘလူမြို့နယ်၊မြောက်ခြမ်းတစ်နေရာအား တံတားဦးတက် Jet Fighter တစ်စီးဖြင့် 12:05pm နှင့် 12:12pm တို့တွင် လေကြောင်းတိုက်ခိုက်မှု နှစ်ကြိမ်ပြုလုပ်ခဲ့ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

14-12-24/2:15PM
ကန့်ဘလူမြို့ ၆၀၀၆ တကရမှ ထွက်လာ‌သော တုန်ဖုန်းကား ၂စီး အင်အား ၆၀ ခန့်သည် ကျွန်းလှမြို့တောင်ဘက် လင်းရောင်ဝင်းဂိတ်တွင် အင်အားများချပြီး ကားအခွန်များ ကျွန်းလှမြို့ထဲသို့ဝင်သွားကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

စစ်ကောင်စီတပ်နှင့် ပျူစောထီးများ တပ်စွဲထားသည့် ကျွန်းလှမြို့နယ်၊မဒေါင်ရွာအား တော်လှန်ရေးတပ်ဖွဲ့များမှ ပြန်လည်သိမ်းပိုက်


ဒီဇင်ဘာ ၁၄၊၂၀၂၄။


ဒီဇင်ဘာလ ၁၃ ရက်နေ့တွင် စစ်ကောင်စီတပ်နှင့် ပျူစောထီး အင်အား ၇၀ ခန့် အထိုင်ချတပ်စွဲနေသည့် ကျွန်းလှမြို့နယ်၊မဒေါင်ရွာအား တော်လှန်ရေးအင်အားစုများမှ ပြန်လည်တိုက်ခိုက်သိမ်းပိုက်‌နိုင်ခဲ့ကြောင်း မြေပြင်သတင်းပေးပို့ချက်များအရသိရသည်။

ဒီဇင်ဘာလ ၁၃ ရက်နေ့မနက် ၅ နာရီ ၃၀ မိနစ်တွင် မဒေါင်ရွာအား ကန့်ဘလူခရိုင်အတွင်းရှိ တော်လှန်ရေးအင်အားစုများမှ ဝင်ရောက်တိုက်ခိုက်ခဲ့ရာ တိုက်ပွဲကြာမြင့်ချိန် ၅ နာရီ‌ကျော်ကြာပြီး နံနက် ၁၀ နာရီ ၄၅ မိနစ်ခန့်တွင် တော်လှန်ရေးအင်အားစုများမှ အပြီးသတ်ပြန်လည်တိုက်ခိုက်သိမ်းပိုက်နိုင်ခဲ့ကြောင်းသိရသည်။

၎င်းတိုက်ပွဲတွင် စစ်ကောင်စီတပ်ဘက်မှ တစ်ယောက်သေဆုံး၍၊အယောက် ၂၀ ခန့်အပြင်းအထန်ဒဏ်ရာရရှိပြီး ဒဏ်ရာရသူများဆွဲထုတ်ကာ လွှတ်တိုက်ရွာအရှေ့ဘက်သို့ ဆုတ်ခွါသွားကြသည်။စစ်‌ကောင်စီဘက်မှ MA1=၁ လက်၊5.56ကျည်=၄၆၀တောင့်၊ကျည်ဘောက်စ်=၅ ဘောက်စ်၊နင်းမိုင်းအကြီး=၁ လုံး၊အသေး=၆ လုံး၊ဦးထုပ်=၂ လုံး နှင့် icon =၁ လုံးတို့အား မိမိတို့‌တော်လှန်ရေးအဖွဲ့များမှ သိမ်းဆည်းရရှိခဲ့ကြောင်းလည်းသိရသည်။

ထိုစစ်ကောင်စီတပ်နှင့် ပျူစောထီးစစ်ကြောင်းသည် နိုဝင်ဘာလ ၂၀ ရက်နေ့တွင် ကျွန်းလှမြို့နယ်၊ကုက္ကိုကုန်းရွာသို့ အင်အား ၂၀၀ ခန့်ဖြင့် စစ်ကြောင်းထိုးဝင်ရောက်လာသည့် စစ်ကြောင်းဖြစ်ပြီး ကုက္ကိုကုန်းရွာတိုက်နယ်ဆေးရုံ၊မြဘုံသာနှင့် မဒေါင်ရွာတို့တွင် ခွဲ၍အထိုင်ချကာ ကုက္ကိုကုန်း၊လွှတ်တိုက်၊ဆွဲလှဲ နှင့် မဒေါင်ရွာတို့မှ ပြည်သူပိုင်ပစ္စည်းများခိုးယူကာ နေအိမ်များလှည့်ပတ်မီးရှို့နေသည်မှာ ၇ ကြိမ်ထိရှိနေပြီဖြစ်ပြီး ပျက်ဆီးဆုံးရှုံးမှုကို အခုထိအတည်မပြုနိုင်သေးကြောင်းသိရသည်။၎င်းအပြင် စစ်ကောင်စီတပ်နှင့် ပျူစောထီးများသည် အနီးအနားတဝိုက်ရှိ ပြည်သူပိုင် စပါးခင်းများအား စပါးရိတ်စက်များအသုံးပြု၍ ရိတ်သိမ်းကာ အကုန်ခိုးယူသယ်ဆောင်နေကြောင်းသိရသည်။

တော်လှန်ရေးအင်အားစုများ ပြန်လည်သိမ်းပိုက်ရရှိသည့် မဒေါင်ရွာမှာလည်း နိုဝင်ဘာလ ၂၁ ရက်နေ့တွင် စစ်ကောင်စီတပ်နှင့် ပျူစောထီးတို့၏ အကြမ်းဖက်မီးရှို့ဖျက်ဆီးခြင်းကို ၂ ကြိမ်တိတိခံခဲ့ရသည်။၎င်းအပြင် ၂၀၂၃ ခုနှစ် မေလ ၃၀ ရက်နေ့တွင်လည်း စစ်ကောင်စီတပ်၏ ပထမအကြိမ် မီးရှို့ဖျက်ဆီးခံခဲ့ရပြီး ပြည်သူပိုင်နေအိမ် ၈ လုံး မီးလောင်ပျက်ဆီးထားသည်။

ကျွန်းလှမြို့နယ်အတွင်းရှိကျေးရွာများအား စစ်ကောင်စီတပ်နှင့်ပျူစောထီးများမှ အထိုင်ချ စစ်ကြောင်းထိုးလှည့်ပတ်မီးရှို့ဖျက်ဆီး၍ Drone ဗုံးသီးချတိုက်ခိုက်နေသည်မှာ ယနေ့အပါအဝင် ၂၅ ရက်ရှိပြီဖြစ်ပြီး အပြစ်မဲ့ပြည်သူများ စစ်ဘေးရှောင်နေရသည်မှာလည်း ၁ လပြည့်တော့မည်ဖြစ်သည်။၁ လနီးပါးစစ်ဘေးရှောင်နေရသည့် ပြည်သူ ၂ သောင်းခန့်မှာ အခြေခံစားသောက်ကုန်၊ဆေးဝါး၊အနွေးထည်၊စောင် နှင့် အမိုးအကာများလည်း အရေးပေါ်လိုအပ်နေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

13-12-2024/10:40AM ကန့်ဘလူ ၆၀၀၆ မှ ထွက်လာသော တုန်ဖုန်းကား ၂ စီး အင်အား ၆၀ ခန့်သည် ကာဘိုးပျူအထိုင်စခန်းသို့ ရောက်ရှိနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

နှစ်ပတ်ကြာ စစ်ကြောင်းထိုးမှုအတွင်း ကျွန်းလှပြည်သူ ၂၀,၀၀၀ နီးပါး စစ်ဘေးရှောင်နေရ

စစ်ကိုင်းတိုင်း၊ ကျွန်းလှမြို့နယ်အတွင်း အကြမ်းဖက်စစ်တပ်နှင့် ပျူစောထီး ပူးပေါင်းအင်အား ၂၀၀ ခန့်က နိုဝင်ဘာ ၂၀ ရက်မှ ဒီဇင်ဘာ ၄ ရက်အထိ စစ်ကြောင်းထိုး မီးရှို့ဖျက်ဆီးနေမှုများကြောင့် အပြစ်မဲ့ ဒေသခံပြည်သူ ၂၀,၀၀၀ နီးပါးမှာ နှစ်ပတ်ကြာသည်အထိ စစ်ဘေးရှောင်နေကြရသည်။
နိုဝင်ဘာ ၂၀ ရက်က ကျွန်းလှမြို့မှ ကံပေါက်ရွာ ပျူစောထီးရွာသို့ ရောက်ရှိလာသည့် ယင်းစစ်ကြောင်းသည် ကုက္ကိုကုန်းရွာအား ၆၀ မမ ဗုံးသီးများသုံး၍ ဒရုန်းသုံး တိုက်ခိုက်ခဲ့ပြီးနောက် ကျေးရွာတိုက်နယ်ဆေးရုံ၌ စတင်တပ်စွဲထားခဲ့သည်။ ယင်းရွာသည် ၂၀၁၅ ခုနှစ် ရွေးကောက်ခံ ကြံ့ခိုင်ရေးအမတ် ဦးကျော်ညွန့်၏ ဇာတိရွာလည်း ဖြစ်သည်။ ၎င်းအပြင် ကုက္ကိုကုန်းနှင့်အနီးတဝိုက်ရှိ ကျေးရွာများအား ဂျက်ဖိုက်တာသုံး၍ နိုဝင်ဘာ ၂၀ ရက်က နှစ်ကြိမ်၊ ၂၁ ရက်က နှစ်ကြိမ်၊ ၂၂ ရက်က Mi-35 ဖြင့် နှစ်ကြိမ်၊ ၂၄ ရက်က Mi35 ဖြင့်လေးကြိမ် လေကြောင်းမှ ဗုံးကြဲတိုက်ခိုက်ခဲ့သေးပြီး ဒရုန်းသုံး တိုက်ခိုက်မှု၌ အပြစ်မဲ့အရပ်သားပြည်သူတစ်ဦး သေဆုံးခဲ့ရသည်။
ထို့နောက် နှစ်ပတ်ကြာ လှည့်လည်စစ်ကြောင်းထိုးစဉ် တော်လှန်ရေးတပ်ဖွဲ့များအား ထောက်ခံသည်ဟုဆိုကာ ကုက္ကိုကုန်းအား တစ်ကြိမ်၊ မဒေါင်၊ လွှတ်တိုက်နှင့် ဆွဲလှဲရွာတို့အား နှစ်ကြိမ်စီ၊ စုစုပေါင်း ခုနစ်ကြိမ်တိတိ စီးနင်း မီးရှို့ဖျက်ဆီးမှုများ ကျူးလွန်ခဲ့သည့်အပြင် ပြည်သူပိုင်ပစ္စည်းများအား ခိုးယူလုယက်ခြင်းများကို ပေါ်ပေါ်တင်တင် လုပ်ဆောင်ခဲ့သည်။ မြေပြင်သတင်းများအရ ယင်းလုယက်ထားသည့် တန်ဖိုးကြီးပစ္စည်းများအား ကံပေါက်ကျေးရွာ ပျူအထိုင်သို့ ကားများဖြင့် သယ်ဆောင်ကာ ဝေစုခွဲ ရယူနေခြင်းများ ရှိသည်ဟု သိရသည်။
လက်ရှိ စစ်ရှောင်နေကြရသည့် အပြစ်မဲ့ပြည်သူ ၂၀,၀၀၀ နီးပါးမှာ ကျွန်းလှမြို့နယ်အတွင်းရှိ ကုက္ကိုကုန်း၊ တကုန်း၊ သံပုရာပင်စု၊ လွှတ်တိုက်၊ မဒေါင်၊ ဆွဲလှဲ၊ တောင်ယာဆိပ်၊ ကန့်ဘလူမြို့နယ်မှ လက်ခုပ်ပင်ရွာ၊ ကောလင်းမြို့နယ်အတွင်းမှ ရွာသစ်၊ အောင်ချမ်းသာ၊ ပေတပင် စသည့် ကျေးရွာ ၁၁ ရွာမှ ဖြစ်ကာ ဆောင်းတွင်းကာလ၌ပင် အိုးအိမ်စွန့်၍ ဘေးလွတ်ရာ တိမ်းရှောင်နေကြရခြင်း ဖြစ်သည်။
ကျွန်းလှမြို့နယ်၊ ဆည်အနီးအနားရှိ ကျေးရွာအများစုမှာ ရွှေနှင့် တောင်ယာလုပ်ငန်း လုပ်ကိုင်သူများက စီးပွားရေး ပြေလည်ကြကြောင်း၊ အိမ်များ၌ တစ်နှစ်စာ ဆန်/ဆီအား သိုလှောင်ထားလေ့ ရှိကြောင်း၊ ယခုမှာ သီးနှံရိပ်သိမ်းချိန်ဖြစ်ကာ ဒေသခံများလက်၌ ရွှေနှင့် ငွေကြေး ရှိချိန်တွင် အကြမ်းဖက်စစ်အုပ်စုနှင့် ပျူစောထီးများက ယခုကဲ့သို့စစ်ကြောင်းထိုး မီးရှို့ကာ လုယက်ခြင်း ဖြစ်ကြောင်း၊ ယင်းလုယက်ရရှိသည့် ပြည်သူပိုင် ပစ္စည်းများဖြင့်ပင် အချို့သော ပျူစောထီးများ၏ မိသားစုများမှာ ရွှေ၊ ငွေစုဆောင်းနိုင်ခြင်းနှင့် တိုက်ကဲ့သို့သော နေအိမ်ဆောက်လုပ်နိုင်မှုများပင် ရှိလာကြောင်းလည်း မြေပြင်သတင်းပေးပိုချက်များအရ သိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ဓာတ်ပုံ#နိုဝင်ဘာ ၁၇ ရက်နေ့တွင် လေကြောင်းပစ်ခံရသည့် လိပ်ဆင်းတောင်ရွာမှတ်တမ်း
၄-၁၂-၂၀၂၄

ခရီးသည်လေယာဉ် ၂ စီး နီးနီးလေး ရှေ့ဆင့်နောက်ဆင့်မောင်းနေတာ အထူးအဆန်းတွေ့လို့ ရိုက်ထားတာ၊တွေ့ဖူးကြလားဗျ?၊ကျွန်တော်တော့ ပထမဆုံးမြင်ဖူးတာ🙂🙂🙂

1-12-2024/11:55AMကန့်ဘလူ 6006မှ Mi17 တစ်စီး မြောက်တက်

1-12-2024/11:19AM မုံရွာနမခမှ Mi 17 တစ်စီး အရှေ့မြောက်ဦးတည်ပျံသန်း

ဆောင်းတွင်းကာလ ခရီးသွားရင်း နောက်ကျတော့ ဆိုင်ကယ်တစ်စီးက မီးမပါဘူး၊ဖြစ်သလို မီးထိုးပြီးမောင်းခဲ့ရတယ်။

24-11-24/4:00PMနမခ တက် Mi-35 တစ်စီးဖြင့် ကျွန်းလှမြို့နယ် မြောက်ခြမ်း တစ်နေရာအား As ပြုလုပ်

24-11-24/3:26PMနမခမှ Mi-35 တစ်စီး အရှေ့မြောက်ဦးတည်ပျံသန်း။

24-11-24/1:40PM ကန့်ဘလူ600မှ Mi35 တောင်ဘက်တက်

24-11-2024/12:35PM ကျွန်းလှမြို့နယ်တနေရာအား နမခတက် Mi35 ဖြင့် လေကြောင်းတိုက်ခိုက်မှု 2ကြိမ်ပြုလုပ်ပြီး ကန့်ဘလူ 6006 သို့ ဆင်း၊Y8တစ်စီးလည်း ကျွန်းလှမြို့နယ်တွင်း ဝဲနေကြောင်းသတင်းရရှိသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကျွန်းလှမြို့နယ်ရှိ‌ ကျေးရွာများအား စစ်ကောင်စီတပ်ဘက်မှ ၃ ရက်ဆက်တိုက်လေကြောင်းပစ်၊စစ်ကြောင်းထိုးမီးရှို့ပြီး ပြည်သူပိုင်ပစ္စည်းများအား ခိုးယူသယ်ဆောင်သွား

နိုဝင်ဘာ ၂၂၊၂၀၂၄။

နိုဝင်ဘာ ၂၀ ရက်နေ့မှစ၍ ၂၂ ရက်နေ့အထိ ကျွန်းလှမြို့နယ်အတွင်းရှိ ကျေးရွာများအား စစ်ကောင်စီတပ်ဘက်မှ ၃ ရက်ဆက်တိုက် လေကြောင်းမှ ဗုံးကြဲတိုက်ခိုက်သည့်အပြင် ကျေးရွာများအား Drone ဖြင့် ဗုံးသီးချခြင်း၊ဟောင်ဝစ်ဇာပစ်ကူခြင်း နှင့် ပြည်သူပိုင်နေအိမ်များအား အကြမ်းဖက်မီးရှို့ဖျက်ဆီးကြပြီး ကျေးရွာအတွင်းရှိ ပြည်သူပိုင်ပစ္စည်းများအား ကားကြီးကားငယ်များဖြင့် ကံပေါက်ရွာသို့ ခိုးယူသယ်ဆောင်သွားကြောင်း မြေပြင်သတင်းပေးပို့ချက်များအရသိရသည်။

၎င်းစစ်ကောင်စီစစ်ကြောင်းသည် နိုဝင်ဘာ ၂၀ ရက်နေ့မနက်အ‌စောပိုင်းတွင် ကျွန်းလှမြို့မှ ကံပေါက်ရွာသို့ ကားများဖြင့် ထွက်လာ‌သောအင်အား ၂၀၀ ခန့်ပါသည့် စစ်ကောင်စီတပ်နှင့် ပျူစောထီးစစ်ကြောင်းဖြစ်ပြီး မနက် ၈ နာရီ ၃၀ မိနစ်တွင် ကံပေါက်ရွာမှ မြောက်ဘက်သို့ ဦးတည်ထွက်ခွါသွားရာ စစ်ကြောင်းထိုးသည့် လမ်းတစ်လျောက် Drone ဖြင့် ဗုံးသီးဆက်တိုက်ချ တိုက်ခိုက်ခဲ့ကြောင်းသိရသည်။ယင်းနောက် ၁၀ နာရီ ၃၀ မိနစ်တွင် ကုက္ကိုကုန်းရွာ တိုက်နယ်ဆေးရုံသို့ ရောက်ရှိတပ်စွဲခဲ့သည်။

ကုက္ကိုကုန်းရွာထဲ၌ အထိုင်ချထားသော စစ်ကောင်စီတပ်နှင့် ပျူစောထီးများသည် နေ့လယ် ၁ နာရီ ခန့်တွင် ကုက္ကိုကုန်းရွာအား အကြမ်းဖက်မီးရှို့ဖျက်ဆီးခဲ့ပြီး Drone ဖြင့် အနီးအနားရွာများအား ၆၀ ဗုံးသီးများဆက်တိုက်ချတိုက်ခိုက်ခဲ့သည်။၎င်းအပြင် နိုဝင်ဘာ ၂၁ ရက်နေ့ နေ့လယ် ၁ နာရီ နှင့်ညနေ ၄ နာရီ ၄၀ မိနစ်တွင် မဒေါင်ရွာ နှင့် ညနေ ၄ နာရီ တွင် လွှတ်တိုက်ရွာတို့အား အကြမ်းဖက်မီးရှို့ခဲ့ပြီး၊နိုဝင်ဘာ ၂၂ ရက်နေ့ ယနေ့ ညနေ ၃ နာရီ ၃၀ မိနစ်တွင် ဆွဲလှဲရွာအား ထပ်မံမီးရှို့ဖျက်ဆီးခဲ့ကြောင်းသိရသည်။


စစ်ကောင်စီတပ်ဘက်မှ ကျေးရွာများအား အကြမ်းဖက်မီးရှို့ဖျက်ဆီးသည့်အပြင် လေကြောင်းတိုက်ခိုက်မှုကိုလည်း ဆက်တိုက်ပြုလုပ်ခဲ့သည်။နိုဝင်ဘာ ၂၀ ရက်နေ့ ည ၇ နာရီ ၃၅ မိနစ်နှင့် ၇ နာရီ ၃၈ မိနစ်တို့တွင်တံတားဦးတက် JF ဖြင့် လေကြောင်းတိုက်ခိုက်မှု ၂ ကြိမ်၊နိုဝင်ဘာ ၂၁ ရက်နေ့ နေ့လယ် ၂ နာရီ ၄၆ မိနစ် နှင့် ၂ နာရီ ၅၀ မိနစ်တို့တွင် တံတားဦးတက် Jfဖြင့် လေကြောင်းတိုက်ခိုက်မှု နှစ်ကြိမ် နှင့် နိုဝင်ဘာ ၂၂ ရက်နေ့ နေ့လယ် ၃ နာရီ ကျော်တွင် နမခတက် Mi35 ဖြင့် တစ်ကြိမ် စုစုပေါင်း လေကြောင်းတိုက်ခိုက်မှု ၅ကြိမ်ပြုလုပ်ခဲ့ကြောင်းသိရသည်။

စစ်ကြောင်းထိုးနေသည့် ၃ ရက်အတွင်း စစ်ကောင်စီတပ်ဘက်မှ လေကြောင်းအပြင် ဟောင်ဝစ်ဇာဖြင့်လည်း ဆက်တိုက်ပစ်ကူခဲ့ကြောင်းသိရသည်။“ကျုပ်တို့က အုပ်စုရွာဆိုတော့ တကုန်း၊ကုက္ကိုကုန်း၊သံပုရာပင်စု၊မြဘုံသာ ၄ ရွာတစ်အုပ်စုကြီး၊တစ်ရွာနဲ့တစ်ရွာ ရွာလယ်လမ်းမကြီးပဲ ခြားကြတာ ၄ ရွာပေါင်းရင် အိမ်ခြေ ၁၀၀၀ ကျော်၊လူဦးရေ ၄ ထောင်ကျော်လောက်ရှိတယ်၊အရင်တခါစစ်ကြောင်းထိုးတုန်းကလည်း တောထဲစစ်ရှောင်တဲထုတ်ထားတဲ့ ဆန်၊စပါးကအစအကုန်မီးရှို့ခံရတာ။အခုကကျ ရွာထဲရှိသမျှ ပြည်သူပိုင်ပစ္စည်းတွေ ခိုးပြီး ကားတွေနဲ့ ကံပေါက်ဘက်သယ်သွားကြတာတဲ့ ပျူမလုပ်ချင်ဘဲလုပ်နေရတဲ့ အမျိုးမကင်းပျူတစ်ယောက်က လှမ်းပြောတာ၊တရွာလုံး အပြောင်ပဲတဲ့ သံပုရာပင်စုဘုန်းကြီးကျောင်းကတော့ သူတို့ဝင်ခါနီး Droneတွေနဲ့ ဗုံးသီးချပြီးဝင်တာ ဘုန်းကြီးကျောင်းထိလို့ တခြမ်းပျက်ဆီးသွားပြီလို့လဲ ပြောတယ်၊Droneနဲ့ကလဲ ၃ ရက်လုံး ဗုံးသီးချတာ ရွာတွေထဲကျတယ်၊ဗုံးသီးထိမှန် သေမှာလဲကြောက်ရတယ်။စစ်ကြောင်းထိုးတာ သီးနှံပေါ်ချိန် စပါးရိတ်ချိန်ကြီးဆိုတော့ ကျုပ်တို့တောင်သူလယ်သမားတွေအတွက်တော့ တအားဒုက္ခရောက်တာ၊အဆင်မပြေကြလို့၊စပါးပေး၊ပဲပေးယူပြီး တောင်သူလုပ်ရတဲ့သူတွေ တပုံကြီး၊ဒီကရမှ ပြန်ဆပ်ရတာ အခုတော့ အကုန်ဒုက္ခရောက်တာ၊ဆောင်းတွင်းလဲ ဖြစ်တော့ စစ်ရှောင်ရတာ ကလေးနဲ့သက်ကြီးရွယ်အိုတွေအတွက် အအေးဒဏ်ခံရတာမလွယ်ဘူး”ဟု ဒေသခံတစ်ဦးမှ ပြောပြသည်။

စစ်ကောင်စီတပ်နှင့် ပျူစောထီးများ၏ ၃ ရက်ဆက်တိုက် ကျေးရွာများနှင့် ပြည်သူများအား ပစ်မှတ်ထား၍ အကြမ်းဖက်စစ်ကြောင်းထိုးမီးရှို့ခြင်း၊လေကြောင်းတိုက်ခိုက်ခြင်း နှင့် Drone ဗုံးသီးချတိုက်ခိုက်ခြင်းတို့ကြောင့်ကျွန်းလှမြို့နယ်အတွင်းရှိ တကုန်း၊ကုက္ကိုကုန်း၊သံပုရာပင်စု၊မြဘုံသာ၊လွှတ်တိုက်၊မဒေါင်၊ဆွဲလှဲရွာ နှင့် ကန့်ဘလူမြို့နယ်အတွင်းရှိ လက်ခုပ်ပင်ရွာအပါအဝင် ကျေးရွာ ၈ ရွာမှ ပြည်သူ ၈၀၀၀ ကျော် ဘေးလွတ်ရာထွက်ပြေးတိမ်းရှောင်နေရကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်


ဓာတ်ပုံ#နိုဝင်ဘာ ၁၈ ရက်နေ့ ရွှေဘို-မြစ်ကြီးနားလမ်းပိုင်းတွင် စစ်ကောင်စီတပ်မှ Drone ဖြင့် ဗုံးသီးချတိုက်ခိုက်၍ ပျံလွန်တော်မူသွားသည့် ခရီးသည်ယာဉ်ပေါ်မှ ဘုန်းကြီးတစ်ပါး

20-11-2024/7:35PMကျွန်းလှမြို့နယ်၊တကုန်း၊ကုက္ကိုကုန်းရွာအနီးအား တံတားဦးတက် JF ဖြင့် ဗုံးသီး ၂ လုံးချကာ လေကြောင်းတိုက်ခိုက်မှုပြုလုပ်ခဲ့ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

20-11-24/1:05pm ကျွန်းလှမြို့နယ် ကုက္ကိုကုန်းတိုက်နယ်ဆေးရုံတွင် ရောက်ရှိနေသော စစ်ကောင်စီတပ်နှင့် ပျူစောထီးအင်အား ၂၀၀ ခန့်သည် ကုက္ကိုကုန်းရွာအား မီးစရှို့နေပြီး Drone ဖြင့် ၆၀ ဗုံးသီးများ ရွာပတ်လည် ဆက်တိုက်ချနေကြောင်းသိရသည်။ကျွန်းလှမြို့မှ နောက်ထပ်ထွက်လာသော ကား ၃ စီး အင်အားအပြည့်ဖြင့် ကံပေါက်ရွာသို့ ထပ်မံဝင်ရောက်သွားကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

20-11-2024/8:30AM ကျွန်းလှမြို့မှ ကံပေါက်ရွာသို့ ကားများဖြင့် ရောက်ရှိလာသော စစ်ကောင်စီတပ်နှင့် ပျူစုပေါင်းအင်အား 200 ခန့်သည် ကံပေါက်ရွာမှ မြောက်ဘက်သို့ ခြေလျင်စစ်ကြောင်းထိုးထွက်ခွါသွားပြီး Drone များဖြင့် အနီးအနားရွာများအား ဗုံးသီးချတိုက်ခိုက်နေခြင်းကြောင့် တကုန်း၊ကုက္ကိုကုန်း၊သံပုရာပင်စု နှင့် မြဘုံသာရွာမှ ပြည်သူများ ထွက်ပြေးတိမ်းရှောင်နေရကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကန့်ဘလူမြို့နယ်၊ ရွှေဘို-မြစ်ကြီးနားဗျူဟာလမ်းပိုင်း၌ စစ်ကောင်စီတပ်မှ ဗုံးသီးချတိုက်ခိုက်၍ ပြည်သူ ၃ ဦးသေဆုံးကာ ဘုန်းကြီးတစ်ပါးပျံလွန်တော်မူ‌ပြီး ၁၀ ဦး ဒဏ်ရာရရှိ။

နိုဝင်ဘာ ၁၈၊၂၀၂၄။


နိုဝင်ဘာလ ၁၈ ရက်နေ့မနက်တွင် ကန့်ဘလူမြို့နယ်တောင်ခြမ်း၊ရွှေဘို-မြစ်ကြီးနားဗျူဟာလမ်းပိုင်း၌ ဇီးကုန်းသကြားစက်အထိုင် စစ်ကောင်စီတပ်များမှ Droneဖြင့်ဗုံးသီးချ တိုက်ခိုက်ခဲ့သဖြင့် ခရီးသွားပြည်သူ ၃ ဦးသေဆုံးကာ ဘုန်းကြီးတစ်ပါးပျံလွန်တော်မူပြီး နောက်ထပ်ထိခိုက်ဒဏ်ရာရရှိသူ ၁၀ ဦး ရှိကြောင်းသိရသည်။

ယနေ့ မနက် ၇ နာရီ ၃၀ မိနစ်တွင် ကန့်ဘလူမြို့နယ် တောင်ခြမ်း ရွှေဘို-မြစ်ကြီးနားဗျူဟာလမ်းပိုင်းတစ်နေရာအား ဇီးကုန်းသကြားစက်အထိုင်မှ စစ်ကောင်စီတပ်နှင့် ပျူများမှ ပထမအကြိမ်Drone ဖြင့် 81 ဗုံးသီး သုံးလုံးနှင့် ၈ နာရီ ၂၀ မိနစ်တွင် နောက်ထပ် ဗုံးသီး နှစ်လုံး စုစုပေါင်း ဗုံးသီး ၅ လုံးချတိုက်ခိုက်ခဲ့ရာ ခရီးသွားကားဘေးတည့်တည့်ကျပြီး ကားပေါ်ပါလာသည့် ဘုန်းကြီးတစ်ပါး နှင့် အမျိုးသား၂ ဦး၊အမျိုးသမီးတစ်ဦး စုစုပေါင်း ၄ ဦးထိမှန်သေဆုံးခဲ့ပြီး နောက်ထပ်ခရီးသွားပြည်သူ ၁၀ ဦး ထိခိုက်ဒဏ်ရာရရှိခဲ့ကာ၊ကားနှစ်စီးလဲပျက်ဆီးသွားကြောင်းသိရသည်။

ထိခိုက်သေဆုံးသွားသည့် ဘုန်းကြီးတစ်ပါးနှင့် ပြည်သူ ၃ ဦးမှာ ငွေတိုးမန်း ခရီးသည်ကားဖြင့် လိုက်ပါလာသည့် ခရီးသွားပြည်သူများ ဖြစ်ပြီး အမည်နှင့် နေရပ်လိပ်စာများဆက်လက်စုံစမ်းနေစဲဖြစ်သည်။စစ်ကောင်စီတပ်နှင့် ပျူစောထီးများသည် ကန့်ဘလူမြို့နယ်နှင့် ကျွန်းလှမြို့နယ်တို့တွင် ပြည်သူပိုင်နေအိမ်များအား စစ်ကြောင်းထိုးမီးရှို့ပြီး ပြည်သူများသတ်ဖြတ်ခြင်း၊ ရွာများအားပစ်မှတ်ထားပြီး Drone ဗုံးသီးချခြင်း၊ပျူသင်တန်းတက်ရန် ပြည်သူများအားအတင်းအဓမ္မဖမ်းဆီးခေါ်ဆောင်ခြင်းများကို လုပ်ဆောင်နေသည်မှာ ၂ ပတ်ကျော်ကြာမြင့်ပြီ ဖြစ်ပြီး ၎င်းတို့ ဖမ်းဆီးခေါ်ဆောင်သွားသည့် ပြည်သူ (၁၃၀) ခန့်လဲ ယနေ့အထိ ပြန်လည်လွတ်မြောက်လာခြင်းမရှိသေးကြောင်းသိရသည်။

ထို့အပြင် နိုဝင်ဘာ ၁၆ ရက်နှင့် ၁၇ ရက်နေ့တို့တွင် ကန့်ဘလူမြို့နယ်၊အလယ်ခုံရွာ၊ကျွန်းလှမြို့နယ် ရွာကုန်းကြီးနှင့် လိပ်ဆင်းတောင်ရွာတို့အား တိုက်ပွဲဖြစ်ပွါးခြင်းမရှိဘဲ စစ်ကောင်စီဘက်မှ JF ဖြင့် နှစ်ရက်ဆက်တိုက်အကြောင်းမဲ့ လေကြောင်းတိုက်ခိုက်မှုများပြုလုပ်ခဲ့သဖြင့် ရွာကုန်းကြီးရွာမှ နေအိမ် ၃ လုံး မီးလောင်ပျက်ဆီးပြီး၊လိပ်ဆင်းတောင်ရွာမှ နေအိမ် ၆ လုံး၊ကားဝပ်ရှော့မှ ကားပေါက်စ ၇ စီး၊ကင်ဒါကားတစ်စီး၊ဆိုင်ကယ်တစ်စီး၊နွားတစ်ကောင်သေ၊တစ်ကောင်ထိခိုက် ပျက်ဆီးခဲ့ကာ ခပေါင်းရုံရွာမှာ ဦးမောင်နိုင် ဗုံးစထိမှန်၍ အသက်သေဆုံးခဲ့ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

18-11-2024/7:30AMနှင့် 8:20AMတွင် ကန့်ဘလူမြို့နယ်တောင်ခြမ်း၊
မန္တလေး-မြစ်ကြီးနား ဗျူဟာလမ်းပိုင်းအား ဇီးကုန်သကြားစက်အထိုင်မှ Droneဖြင့် နှစ်ကြိမ်တိုင် ဗုံးသီးချတိုက်ခိုက်မှုကြောင့် ခရီးသွား ပြည်သူ တစ်ဦးသေဆုံးပြီး ဒဏ်ရာရရှိသူများလဲ ရှိကြောင်း ကနဦးသိရသည်။



ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

17-11-2024/4:20PMကျွန်းလှမြို့နယ်၊လိပ်ဆင်းတောင်ရွာအား စစ်ကောင်စီတပ်မှ JF ဖြင့် လေကြောင်းတိုက်ခိုက်မှုပြုလုပ်ခဲ့သဖြင့် ကားဝပ်ရှော့မှ ကားများနှင့် နေအိမ် ၃ လုံးပျက်ဆီးကာ အပြစ်မဲ့ပြည်သူ အမျိုးသားတစ်ဦးသေဆုံးကြောင်း သတင်းရရှိသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

17-11-2024/7:35PM ကျွန်းလှမြို့နယ် အနောက်ခြမ်း၌ ကင်းထောက်‌လေယာဥ်တစ်စီး ဆက်တိုက်ဝဲနေကြောင်းသတင်းရရှိသည်။

17-11-2024/4:20PM ကျွန်းလှမြို့နယ် အနောက်ခြမ်းတစ်နေရာအား JF ဖြင့် လေကြောင်းတိုက်ခိုက်မှု 2 ကြိမ်ပြုလုပ်ခဲ့ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

Morning exercise🚶🚶🚶

16-11-2024/4:30PMကန့်ဘလူမြို့နယ်၊ဇီးကုန်းမြို့၊လက်ဆည်ရပ်ကွက်အား ဇီးကုန်းမြို့ပေါ်ရှိ စစ်ကောင်စီတပ်နှင့် ပျူစောထီးများမှ ဒုတိယအကြိမ် ထပ်မံမီးရှို့ဖျက်ဆီးနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

16-11-2024/5:26PM ကျွန်းလှမြို့နယ် အနောက်ခြမ်းကျေးရွာတရွာအား စစ်ကောင်စီတပ်မှ တံတားဦးတက် JF ဖြင့် လေကြောင်းတိုက်ခိုက်မှုပြုလုပ်သဖြင့် နေအိမ်တစ်ချို့မီးလောင်ပျက်ဆီး‌ကြောင်းသိရပြီး ပြည်သူထိခိုက်မှုရှိမရှိ ဆက်လက်စုံစမ်းလျက်ရှိသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

16-11-2024/ကျွန်းလှမြို့နယ် အနောက်ခြမ်းအား တံတားဦးတက် JF နှစ်စီးဖြင့် 5:26PM တွင် နှစ်ကြိမ်၊7:30PMတွင် တစ်ကြိမ် လေကြောင်းတိုက်ခိုက်မှုပြုလုပ်ခဲ့ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

14-11-2024 ရက်နေ့မနက် 9:30AM တွင် ကန့်ဘလူမြို့နယ်၊ဇီးကုန်းမြို့အနီးရှိ သပြေသာရွာအား ဇီးကုန်းမြို့မှ ထွက်လာသော စစ်ကောင်စီတပ် နှင့် ပျူစောထီးများမှ ဒုတိယအကြိမ် ထပ်မံအကြမ်းဖက်ဝင်ရောက်မီးရှို့ဖျက်ဆီးကြောင်းသိရပြီး၊၎င်းစစ်ကောင်စီတပ်နှင့်ပျူစောထီးများသည် နေ့လယ် 12 နာရီကျော်တွင် ဇီးကုန်းမြို့ထဲသို့ ပြန်လည်ဝင်ရောက်သွားကြောင်းသိရသည်။မီးလောင်ပျက်ဆီးဆုံးရှုံးမှုများအား ဆက်လက်စုံစမ်းနေစဲဖြစ်သည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ဓာတ်ပုံ#နိုဝင်ဘာလ ၉ ရက်နေ့တွင် စစ်ကောင်စီတပ်၏ မီးရှို့ဖျက်ဆီးခြင်းခံရသည့် သပြေသာရွာ၊ဖိုလ်ကုန်းနှင့် ကျောင်းကုန်း

ခရီးသွားရင်း.....

ဒီလို တိကျမှန်ကန်မှုမရှိသည့် သတင်းမျိုးကို ကျွန်တော်တို့ တင်ထားခြင်းမျိုးမရှိပါဘူးဗျ၊ကျွန်တော်တို့ သတင်းတစ်ခု တင်ရင် တိကျမှုမရှိတောင် အနီးစပ်ဆုံး သေချာလေ့လာစီစစ်ပြီးမှသတင်းတင်ပါတယ်။နောက်တစ်ခု စာလုံးပေါင်းသတ်ပုံကိုလည်း အလေးထားဂရုစိုက်တတ်ပါတယ်။တာဝန်ယူမှု၊တာဝန်ခံနိုင်မှုရှိမှလည်း သတင်းတင်ပါတယ်ဗျ။ကျွန်တော်တို့ page နာမည်ကို သုံးပြီး မြေပြင်မှာ ဖုန်းမက်ဆေ့ခ်ျနဲ့ သတင်းဖြန့်နေတာ ဘယ်လိုရည်ရွယ်ချက်လဲဆိုတာ မသိပေမယ့် စာလုံးပေါင်းတော့ ဂရုစိုက်စေချင်ပါတယ်ဗျ🙏🙏🙏


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကန့်ဘလူမြို့နယ်အတွင်း အောက်တို ဘာလ ၃၀ နေ့မှ နိုဝင်ဘာလ ၄ ရက်အတွင်း စစ်ကောင်စီတပ်၏ အကြောင်း မဲ့ဖမ်းစီးမှုကြောင့် အပြစ်မဲ့ပြည်သူပေါင်း ၁၂၂ ဦးထိရှိလာ

ကန့်ဘလူ
၅-၁၁-၂၀၂၄

အောက်တိုဘာ ၃၀ ရက်နေ့ ကာဘိုးအ ထိုင်စခန်းမှထွက်လာသော အကြမ်း ဖက်စစ်ကောင်စီတပ်နှင့်ပျူပူးပေါင်းအင်အား ၁၆၀ ခန့်သည် ကျောက်တိုင်၊ကျီစုကျေးရွာများကို မီးရှို့ဖျက်စီးခဲ့အပြီး အိုင်ပေါင်းချောင်ကျေးရွာမှ အပြစ်မဲ့ပြည်သူ ၃၇ ဦးကိုဖမ်းစီးခေါ်ဆောင်သွားခဲ့သည်။ထို့နောက် ၎င်းစစ်ကြောင်းသည် နိုဝင်ဘာ ၁ ရက်နေ့တွင် ကာဘိုးတိုက်နယ်အတွင်းရှိ ဝက်တိုး(တ)ရွာအားထပ်မံမီးရှို့ဖျက်ဆီးခဲ့ရာ ပြည်သူပိုင်နေအိမ် ၁၀၀ နီးပါးမီးလောင်ပျက်ဆီးခဲ့ပြီး အပြစ်မဲ့ပြည်သူ ၅ ဦးကိုလည်းဖမ်းဆီးခေါ်ဆောင်သွားခဲ့သည်။

နိုဝင်ဘာ ၄ ရက်နေ့ မနက် ၁၀ နာရီ ၁၅ မိနစ်တွင်လည်း ကာဘိုးပျူအထိုင်မှ ကား ၃ စီးဖြင့်ထွက်လာသောစစ်ကောင်စီတပ်နှင့် ပျူပူးပေါင်းအင်အား ၁၀၀ ခန့်သည်ဘူးကြီးကျေးရွာသို့၀င်ရောက်ခဲ့ပြီး ရွာထဲတွင်ပိတ်မိနေသည့် အပြစ်မဲ့ပြည်သူ ၅၀ အားဖမ်းဆီးခေါ်ဆောင်သွားခဲ့သည့်အပြင် ညနေ ၄ နာရီခွဲအချိန်တွင် ကျီကုန်းကျေးရွာသို့ဝင်ရောက်ခဲ့ပြီး အပြစ်မဲ့ပြည်သူ ၃၀ ဦးအားအကြောင်းမဲ့ ထပ်မံဖမ်းဆီးခေါ်ဆောင်သွားခဲ့သည်။

အောက်တိုဘာ ၃၀ ရက်မှ နိုဝင်ဘာ ၄ ရက်နေ့ထိ စစ်ကောင်စီတပ်၏ အ ကြောင်းမဲ့ဖမ်းဆီးခံရသူပေါင်း ၁၂၂ ဦးထိရှိလာခဲ့ပြီဖြစ်သည်။ထို့အပြင် ယနေ့နိုဝင်ဘာ ၅ ရက်နေ့ ညနေ ၃ နာရီ ၅၀ မိနစ်အချိန်တွင် ဇီးကုန်းမြို့၊လက်ဆည်ရပ်ကွက်ကို စစ်ကောင်စီတပ်နှင့် ပျူပူးပေါင်းအဖွဲ့မှ မီးရှို့ဖျက်စီးသွားခဲ့သည့်အပြင် အပြစ်မဲ့ပြည်သူများကိုလည်း ဖမ်းဆီးခေါ်ဆောင်သွားခဲ့ကြောင်းသိရပြီး အသေးစိတ်သိရှိနိုင်ရန်ဆက်လက်စုံစမ်း‌နေစဲဖြစ်ပါသည်။

ယနေ့နိုဝင်ဘာ ၅ ရက်နေ့၌ ကန့်ဘလူမြို့နယ်အတွင်း စစ်ကောင်စီတပ်နှင့်ပျူ‌စောထီးများသည်စစ်ကြောင်း (၃) ကြောင်းဖြင့် စစ်ကြောင်းထိုးနေပြီး မလယ်ရွာအထိုင်မှ ထွက်လာသော စစ်ကောင်စီစစ်ကြောင်း၊ကာဘိုးအထိုင်မှထွက်ပြီး ဇီးကုန်းမြို့၊လက်ဆည်ရပ် ကွက်ဘုန်းကြီးကျောင်း၌ ယာယီတပ်စွဲနေသောစစ်ကြောင်း နှင့် ကန့်ဘလူ ၆၀၀၆ တကရတပ်မှထွက်လာပြီး နတ်အင်းရွာသို့ ရောက်ရှိနေသောစစ် ကြောင်းတို့ဖြစ်ကြသည်။

ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကန့်ဘလူခရိုင်၊ကန့်ဘလူမြို့နယ်တွင်း နောက်ဆုံးရသတင်းများ

-ငါတို့ကျေးရွာမှထွက်လာသောစကစ+ပျူအင်အား(၁၂၀)ခန့်ပါစစ်ကြောင်းနတ်အင်းခွေးခြံ၏အရှေ့ဘက်ဝက်ပုတ်ကျေးရွာတွင်ယာယီတပ်စွဲထား

-မလယ်ခွေးခြံမှထွက်လာသောစကစ+ပျူအင်အား(၁၃၀)ခန့်ပါစစ်ကြောင်းညောင်အိုက်ကုန်းတောတိုက်သို့ရောက်ရှိ

-ဇီးကုန်းမြို့၊လက်ဆည်ရပ်ကွက်အားမီးရှို့ခဲ့သောစကစ+ပျူအင်အား (၁၀၀) ဝန်းကျင်ခန့်သည်လက်ဆည်ရပ်ကွက်ဘုန်းကြီး‌ ကျောင်းထဲတွင်ယာယီတပ်စွဲထား

-ကာဘိုးကျေးရွာမှထွက်လာသောစကစ+ပျူအင်အား(၆၀)ခန့်သည်-၁၂ဘီးကားဖြင့်ဇီးကုန်းသကြားစက်သို့ရောက်ရှိ

ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၅-၁၁-၂၀၂၄ ရက်နေ့ ၁၂နာရီအချိန်တွင် ကာဘိုးအထိုင်စခန်းမှ ထွက်ခွါလာသော စစ်ကောင်စီတပ်နှင့် ပျူပူးပေါင်းအဖွဲ့သည် ညနေ ၃ နာရီ ၅၀ မိနစ်အချိန်တွင် ဇီးကုန်းမြို့ပေါ်ရှိ လက်ဆည်ရပ်ကွက်ကိုစတင်မီးရှို့နေသည်ဟု ကနဦးသတင်းရရှိထားပါသည်။

ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

5-11-2024/8:00AM ကန့်ဘလူမြို့နယ်၊မလယ်ရွာအထိုင်မှထွက်လာသော ခမရ-361နှင့် ပျူစု‌ပေါင်းအင်အား 130 ခန့်သည် ထန်းတောရွာအရှေ့ဘက် ချောင်းဆုံကြီးသို့ ရောက်ရှိနေကြောင်း ကနဦးသတင်းရရှိသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

4-11-24/8:30PMကန့်ဘလူ 6006 တကရတပ် မှ ထွက်လာသော စကစ နှင့်ပျူပူးပေါင်းအင်အား ၁၅၀ ခန့်သည် ငါတို့ရွာနှင့် ရွာမရွာကြားရှိ ဆည်အနီးသို့ရောက်ရှိနေပြီး Drone နှစ်စီးပါရှိကြောင်းသိရသဖြင့် အနီးအနားကျေးရွာများရှိ ပြည်သူများ သတိထားကြစေချင်ပါတယ်ဗျ။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ကန့်ဘလူမြို့နယ်ထဲ ခရီးသွားရင် တွေ့ရတဲ့ အမောပြေ ကလေးလေးတွေ“မင်္ဂလာပါရှင့်/မင်္ဂလာပါဗျ”တဲ့၊စစ်ရှောင်ရင်း ကျောင်းတက်နေကြရပေမယ့် သိပ်ချစ်စရာကောင်းတဲ့ကလေးလေးတွေရယ်။အဲ့ဒီအမူအကျင့်လေးတွေရအောင် သင်ကြားပေးကြတဲ့ မြေပြင်ကဆရာ၊ဆရာမအားလုံးကိုလည်း အရမ်းလေးစားမိပါတယ်ဗျ။ကြုံရင် ကြုံသလို သကြားလုံးလေးတွေ ဝေငှပေးဖြစ်ပေမယ့် ဘာမှမပါတဲ့အခါ သူတို့နဲ့ပဲ အပြန်အလှန်နှုတ်ဆက်ဖြစ်ပါတယ်ဗျ။

ကန့်ဘလူမြို့နယ်တွင် စစ်ကောင်စီတပ်မှ ၆ ရက်အတွင်း နေအိမ် ၈၀၀ ခန့်မီးရှို့ဖျက်ဆီးပြီး ကျေးရွာ ၃ ရွာမှ ပြည်သူ ၉၂ ဦးအား ဖမ်းဆီးသွား။

စစ်ကောင်စီတပ်မှ အောက်တိုဘာလ ၃၀ ရက်နေ့မှ နိုဝင်ဘာလ ၄ ရက်နေ့အထိ ၆ ရက်အတွင်း ကန့်ဘလူမြို့နယ်၊ကာဘိုးတိုက်နယ်အတွင်းရှိ ကျေးရွာများအား မီးရှို့ဖျက်ဆီးခဲ့ခြင်းကြောင့် ကျေးရွာ ၃ ရွာမှာ နေအိမ် ၈၀၀ ခန့် မီးလောင်ပျက်ဆီးခဲ့ပြီး ပြည်သူ ၉၂ ယောက်လည်း ဖမ်းဆီခံထားရကြောင်း မြေပြင်သတင်းပေးပို့ချက်များအရသိရသည်။

အောက်တိုဘာလ ၃၀ ရက်နေ့တွင် ကန့်ဘလူမြို့နယ်၊ကာဘိုးပျူအထိုင်မှထွက်ခဲ့သော စစ်ကောင်စီတပ်နှင့် ပျူပူးပေါင်းအင်အား ၁၅၀ ခန့်မှ အကြမ်းဖက်ဝင်ရောက်မီးရှို့ဖျက်ဆီးခဲ့သဖြင့် ကျီစုရွာနှင့်ကျောက်တိုင်ရွာတို့မှ နေအိမ် ၇၀၀ နီးပါးမီးလောင်ပျက်ဆီးခဲ့ပြီး အိုင်ပေါင်းချောင်ရွာမှ အပြစ်မဲ့ပြည်သူ ၃၇ ဦး(က=၃၄/မ=၃)ဖမ်းဆီးခံခဲ့ရသည်။ထို့နောက်၎င်းစစ်ကြောင်းသည် နိုဝင်ဘာ ၁ ရက်နေ့တွင် ကာဘိုးတိုက်နယ်အတွင်းရှိ ဝက်တိုး(တ)ရွာအား ထပ်မံဝင်ရောက်မီးရှို့ဖျက်ဆီးခဲ့ရာ ပြည်သူပိုင်နေအိမ် ၁၀၀ နီးပါးမီးလောင်ပျက်ဆီးခဲ့ပြီး အပြစ်မဲ့ပြည်သူ ၅ ဦးကိုလည်း ဖမ်းဆီးခေါ်ဆောင်သွားကြောင်းသိရသည်။

၎င်းအပြင် နိုဝင်ဘာလ ၄ ရက်နေ့၊ယနေ့မနက် ၁၀ နာရီ ၁၅ မိနစ်တွင်လည်း ကာဘိုးပျူအထိုင်မှ ကား ၃ စီးဖြင့် ထွက်လာသော စစ်ကောင်စီတပ်နှင့် ပျူစောထီးစုပေါင်းအင်အား ၁၀၀ ခန့်သည် ဘူးကြီးရွာသို့ဝင်ရောက်ခဲ့ပြီး စစ်မရှောင်ဘဲ ရွာထဲပိတ်မိနေသည့် အပြစ်မဲ့ပြည်သူ ၅၀ အား ဖမ်းဆီးသွားကြောင်းသိရသည်။“ဘူးကြီးက စစ်ကြောင်းမဝင်ဖူးဘူး၊အဲ့ဒါကြောင့် စစ်မရှောင်ကြတာများတယ်၊တချို့လဲ ရှောင်တဲ့သူရှောင်ကြပါတယ်၊ရွာထဲမဝင်ဘူးထင်လို့ မရှောင်ဘဲနေကြတော့ အဖမ်းခံရတာများတာထင်တယ်” ဟု အနီးနားရှိ ဒေသခံတစ်ဦးမှ ပြောပြသည်။

ထိုစစ်ကောင်စီစစ်ကြောင်းသည် အောက်တိုဘာလ ၂၉ ရက်နေ့တွင် ကန့်ဘလူ ၆၀၀၆ တကရတပ်မှတဆင့် ကာဘိုးအထိုင်သို့ ပူးပေါင်းဝင်ရောက်ခဲ့သော စစ်ကြောင်းဖြစ်ပြီး ၎င်းတို့စစ်ကြောင်းထိုးသည့် ၆ ရက်အတွင်း ကန့်ဘလူမြို့နယ်၊ကာဘိုးတိုက်နယ်ရှိ ကျီစု၊ကျောက်တိုင်နှင့် ဝက်တိုး(တ)ရွာမှ ပြည်သူပိုင်နေအိမ် ၈၀၀ နီးပါး မီးလောင်ပျက်ဆီးဆုံးရှုံးခဲ့ပြီး အိုင်ပေါင်းချောင်ရွာ၊ဝက်တိုး(တ)ရွာ နှင့် ဘူးကြီးရွာတို့မှ စုစုပေါင်းပြည်သူ ၉၂ ဦးထိ ဖမ်းဆီးခံရပြီး ကန့်ဘလူ ၆၀၀၆ တကရတပ်သို့ ခေါ်ဆောင်သွားရာ ယနေ့ချိန်ထိ တစ်ယောက်မှပြန်လည်လွတ်မြောက်လာခြင်းမရှိသေးကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၄-၁၁-၂၀၂၄

4-11-2024/1:00PM ကန့်ဘလူမြို့နယ်၊ဘူးကြီးရွာမှ အပြစ်မဲ့ပြည်သူ ၅၀ အား စစ်ကောင်စီတပ်နှင့် ပျူစောထီးများမှ ဖမ်းဆီးကာ ကန့်ဘလူ၆၀၀၆ တကရတပ်သို့ ခေါ်ဆောင်သွားကြောင်း သတင်းရရှိသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

4--11-2024/10:15AM ကန့်ဘလူမြို့နယ်၊ကာဘိုးပျူအထိုင်စခန်းမှ ကား3စီးဖြင့် ထွက်လာသော စကစနှင့် ပျူစုပေါင်းအင်အား 100 ခန့်သည် ဘူးကြီးရွာသို့ ရောက်ရှိနေပြီး ရွာထဲပိတ်မိနေသည့် ပြည်သူများအား အစည်းဝေးလုပ်ရန် စုဝေးခိုင်းနေကြောင်း ကနဦးသတင်းရရှိသည်။

ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၄-၁၁-၂၀၂၄

ရဲဘော်တွေအတွက် ဆိုင်ကယ်တစ်စီးဝယ်ဖို့ အလှူခံတာ အလှူငွေ ၁၀သိန်း၅ သောင်းတိတိ ရရှိခဲ့ပါတယ်ဗျ။လိုနေတဲ့ ၂ သိန်း ၅ သောင်း ဖြည့်ပြီး ၁၃ သိန်းတန် ဆိုင်ကယ်လေး တစ်စီးဝယ်လိုက်ပါပြီဗျ။အလှူရှင်တွေကိုလည်း ကျေးဇူးတင်ပါတယ်ဗျ၊ဂုဏ်ပြုလွှာမယူတဲ့ အလှူရှင်တစ်ဦးမှ ၅သောင်းကျပ်ပါဝင်လှူဒါန်းထားပါတယ်ဗျ🙏🙏🙏


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၃၁-၁၀-၂၀၂၄

သတင်းတွေမတင်ဘူးနော်၊ဖုန်းလဲ ခေါ်မရလို့ဆိုပြီး ကျွန်တော်တို့ကို ခဏခဏမေးကြတယ်။သတင်းတင်ဖို့က အင်တာနက်လိုင်းက သိတဲ့အတိုင်းပဲ စတားလင့်ရှိမှ သုံးလို့ရတာ၊အရင်ကဆို သူများတွေဌာနေ လိုက်သွားပြီး သုံးရတာ၊အခုတော့ နည်းနည်းအဆင့်တက်လာပြီ စတားလင့်လေးနဲ့ သုံးနေရပြီ။အဲ့တော့ အကုန်ရပြီလားဆိုတော့လဲ မဟုတ်သေးဘူး။အဲ့ဒီစတားလင့် သုံးရဖို့ power stationကို တခြားဌာနေသွားပြီး နေ့တိုင်း အားသွားသွင်းရသေးတယ်။အဲ့လိုသွားရတာလဲ ဆိုင်ကယ်လေးနဲ့ဆို မြန်တာပေါ့ဗျာ ဆိုင်ကယ်မရှိရင်တော့ ကျောပိုးအိတ်ထဲ power station ထည့်ပြီး ခြေလျင်ဒိုးရတာပေါ့။အခက်အခဲ‌ တွေကြားမှာ ကျွန်တော်တို့တွေ အဆင်ပြေပါတယ်ဗျ။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်
၂၆-၁၀-၂၀၂၄

အလှူခံပိုစ့်ပါဗျ🙏🙏🙏

သွားလာရခက်ခဲတဲ့ ရဲဘော်တွေအတွက် ဆိုင်ကယ်လေးတစ်စီး ဝယ်ပေးချင်လို့ပါ။အသစ်မဟုတ်ပါဘူး တပတ်ရစ်ကို ၁၃ သိန်းပါတဲ့။ဆိုင်ကယ်လဲ လိုနေတာမို့ ဝယ်ပေးချင်တာပါဗျ။ကျွန်တော်တို့မှာလဲ ငွေအားမတတ်နိုင်တာကြောင့် တတ်နိုင်သလောက်ပါဝင်လှူဒါန်းပေးကြပါအုံးဗျ🙏🙏🙏🙏

မှတ်ချက် #ပုံထဲက ဆိုင်ကယ်က စခန်းမှာရှိတဲ့ အကောင်းဆုံးဆိုင်ကယ်တွေထဲက တစ်စီးပါဗျ😁😁


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၂၆-၁၀-၂၀၂၄

25.10.2024/1:25pm
ကန့်ဘလူ မြို့ ၆၀၀၆ တကရတပ်မှ မြောက်ဘက်သို့ထွက်လာသော ကားနှစ်စီးသည် စစ်ကောင်စီတပ်နှင့် ပျူအင်အား ၇၀ ခန့်နှင့် ဟောင်ဝစ်ဇာပါရှိပြီး ကျွန်းလှမြို့မှတဆင့် မြောက်ဘက်သို့ဦးတည်ထွက်ကာ ပေကုန်းရွာသို့ရောက်ရှိနေကြောင်းသိရသည်။

25.10.2024/2:35pm
ကန့်ဘလူမြို့၆၀၀၆တကရတပ်မှ အနောက်တောင်ဘက်သို့ ဦးတည်ထွက်သော တုန်ဖုန်းကားနှစ်စီးသည် စစ်ကောင်စီတပ်နှင့်ပျူအင်အား(၆၀)ခန့် ပါရှိပြီး ချင်မြစ်ကျင်းရွာမှတဆင့် ကာဘိုးသို့ 3:00pmတွင် ရောက်ရှိနေကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

ရည်းစားနှင့် လာတွေ့သည့် ဒုတပ်ကြပ်နှင့် ပျူစောထီးတစ်ဦးအား ဖမ်းဆီးရမိ

အောက်တိုဘာ ၁၅ ရက်နေ့မနက် ၁၀ နာရီခန့်တွင် ကန့်ဘလူမြို့နယ်၊ဇီးကုန်းမြို့ပေါ်သို့ ရည်းစားနှင့်လာတွေ့သည့် ဒုတပ်ကြပ် ကျော်မင်းနိုင်နှင့် ပျူစောထီး ဝေဖြိုးအောင်တို့အား KBU-တောလေးအဖွဲ့မှ သတင်းအတိအကျရ၍ အရှင်ဖမ်းဆီးရမိခဲ့ကြောင်းသိရသည်။အသက် ၄၅ နှစ်ရှိ ဒုတပ်ကြပ် ကျော်မင်းနိုင်မှာ ကျောက်ပန်းတောင်းဇာတိဖြစ်ပြီး ကြံစိုက်ပျိုးရေးတပ်မှ ဖြစ်ကာ လုပ်သက် ၂၅ နှစ်ရှိ၍ ယခုအခါ ချင်မြစ်ကျင်းရွာပျူအထိုင်၌ တာဝန်ထမ်းဆောင်လျက်ရှိသည်။၎င်းနည်းတူ အသက်၂၇ နှစ်ရှိ ပျူစောထီး ဝေဖြိုးအောင်မှာ တန့်ဆည်နယ်၊စံပယ်ဖြူကုန်းရိုး ဇာတိဖြစ်ပြီး ပျူစောထီးလုပ်သက် တစ်နှစ်ရှိ၍ ချင်မြစ်ကျင်းပျူအထိုင်၌ တာဝန်ထမ်းဆောင်နေသူဖြစ်သည်။

ချင်မြစ်ကျင်းရွာတွင် စစ်ကောင်စီတပ်နှင့် ပျူစောထီးများ အထိုင်ချတပ်စွဲထားခြင်းကြောင့် ချင်မြစ်ကျင်းရွာဒေသခံအချို့နှင့် အနီးအနားရှိကျေးရွာများမှာ ရွာထဲတွင်မနေရဲဘဲ စစ်ဘေးရှောင်နေရသည်မှာ တစ်နှစ်ကျော်ခန့်ကြာမြင့်ပြီဖြစ်ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၁၅-၁၀-၂၀၂၄

သက်တန့်နှစ်ခုဖြစ်နေလို့ ထိုင်ကြည့်ရင်းရိုက်ထားမိတယ်၊အ‌ပေါ်ကတစ်ခုက ဒီဗီဒီယိုမှာ သိပ်မမြင်ရပေမယ့် အပြင်မှာတော့ အတော်လှတယ်......

မြေပြင်တချို့ရဲဘော်တွေမှာ ဆိုင်ကယ်စီးစရာ မရှိကြဘူး။အသစ်ဝယ်ဖို့ဆိုတာ ဝေလာဝေး ရှိနေတဲ့အစုတ်တောင်ပြင်ရင် တစ်သိန်းခွဲ၊နှစ်သိန်းကုန်မှာမို့ နောက်တွန့်နေကြရတဲ့အဖြစ်တွေ။ဒီကြားထဲ ဆွေရှိ၊မျိုးရှိကူမယ့်သူရှိရင်ကတော်သေး ကူကယ်ရာမဲ့ ရဲဘော်တွေကျ ဖုန်းဘေလ်လေးထည့်ဖို့တောင် အနိုင်နိုင်ဘဝတွေပါဗျာ။ရဲဘော်တွေကို အလေးထားလှူဒါန်းပေးကြတဲ့ အလှူရှင်တစ်ဦးတစ်ယောက်စီတိုင်းကို ကျေးဇူးအများကြီးတင်ပါတယ်ဗျ။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၁၃-၁၀-၂၀၂၄

12-10-2024ရက်နေ့ နံနက်1:30AMတွင် ကန့်ဘလူမြို့နယ်၊အင်းလယ်ကြီးရွာအား ငါတို့ရွာပျူအထိုင်မှ Droneဖြင့် ဗုံးသီး 6 လုံးချတိုက်ခိုက်ခဲ့၍ အသက်မပြည့်သေးသည့် ကလေးငယ်နှစ်ဦးနှင့် မိခင်တစ်ဦးသေဆုံးကာ ပြည်သူ 9ဦးထိထိခိုက်ဒဏ်ရာရရှိ၍ ၎င်းတို့ထဲမှ အမျိုးသားတစ်ဦးမှာ အသက်အန္တရာယ်စိုးရိမ်ရကြောင်းသိရသည်။စစ်ကောင်စီတပ်နှင့် ပျူများ၏ ဗုံးသီးချတိုက်ခိုက်ခြင်းကြောင့် အပြစ်မဲ့ပြည်သူများ ထိခိုက်သေဆုံးရသည့်အပြင် နေအိမ် နှစ်လုံး ပျက်ဆီးဆုံးရှုံးပြီး နွား 6 ကောင်သေဆုံးခဲ့ကြောင်းသိရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၁၂-၁၀-၂၀၂၄

စစ်ကောင်စီတပ်ဘက်မှ Droneဖြင့် ဗုံးသီးချတိုက်ခိုက်၍ ကလေးငယ် ၂ဦးအပါအဝင် ၃ ဦးသေဆုံးကာ ၈ ဦးထိခိုက်ဒဏ်ရာရ။

အောက်တိုဘာလ ၁၂ ရက်နေ့ မနက် ၁ နာရီ ၃၀ မိနစ်တွင် ကန့်ဘလူမြို့နယ်၊အင်းလယ်ကြီးရွာရှိ ပြည်သူပိုင်နေအိမ်များအား ငါတို့ရွာပျူအထိုင်မှ စစ်ကောင်စီတပ်နှင့်ပျူစောထီးများမှ Drone ဖြင့် ဗုံးသီး ၃ လုံးချ တိုက်ခိုက်ခဲ့၍ ကလေးငယ် နှစ်ဦးအပါအဝင် ၃ ဦးသေဆုံးကာ ၈ ဦးထိခိုက်ဒဏ်ရာရရှိခဲ့ကြောင်း ကနဦးစုံစမ်းသိရှိရသည်။

ထိုစစ်ကြောင်းသည် အောက်တိုဘာလ ၁၁ ရက်နေ့ ည ၉ နာရီ ၃၀ မိနစ်တွင် ကန့်ဘလူ ၆၀၀၆ တကရတပ်မှ Drone ၂ စီးအပါအဝင် စစ်ကောင်စီတပ်နှင့် ပျူစုပေါင်းအင်အား ၇၀ ခန့်ဖြင့် ငါတို့ရွာပျူအထိုင်သို့‌ ရောက်ရှိခဲ့‌ခြင်းဖြစ်သည်။ယင်းနောက် ထိုစစ်ကောင်စီစစ်ကြောင်းသည် ကန့်ဘလူမြို့နယ်၊အင်းလယ်ကြီးရွာအား အောက်တိုဘာလ ၁၂ ရက်နေ့မနက် ၁ နာရီ၃၀ မိနစ်၊၂ နာရီ ၁၃ မိနစ်နှင့် ၂ နာရီ ၁၄ မိနစ်တို့တွင် Drone ဖြင့် ဗုံးသီး၃ လုံးချ တိုက်ခိုက်ခဲ့ရာ အပြစ်မဲ့ပြည်သူပိုင်နေအိမ်အချို့ပျက်ဆီးသည့်အပြင် မဖြူဝင်း (၃၀)နှစ်၊အသက်မပြည့်သေးသည့် မသိမ့်သိမ့်ဖြူ( ၄ )နှစ် နှင့် မငြိမ်းအိစံ(၁၀)နှစ်တို့ ၃ ဦးထိခိုက်သေဆုံးကာ နောက်ထပ် ၈ ဦးလဲ ထိခိုက်ဒဏ်ရာရရှိခဲ့ကြောင်းသိရသည်။

တချိန်တည်းမှာပင် ထိုစစ်ကြောင်းသည် အောက်တိုဘာလ ၁၂ ရက်နေ့မနက် ၂ နာရီခန့်တွင်လည်း ရွာမရွာရှိ ပြည်သူပိုင်နေအိမ်များပေါ်သို့လည်း Droneဗုံးသီးချတိုက်ခိုက်ခဲ့ရာ အထိအခိုက်ရှိမရှိ အတိအကျမသိရသေးချေ။ကန့်ဘလူ ၆၀၀၆ အထိုင်မှ ထွက်လာသော စစ်ကြောင်းများသည် ယခင်ကဲ့သို့ စစ်ကြောင်းထိုးခြင်းများမလုပ်ဘဲ အနီးအနားတဲတိုက်ရှိ ပြည်သူပိုင် ပစ္စည်းများနှင့် ကျွဲ၊နွား၊ဝက်၊ကြက်များအား ခိုးယူရှာဖွေစားသောက်ကာ ပျူအထိုင်စခန်းများမှ Drone ဖြင့် လှည့်ပတ်ပြီး ပြည်သူများနေထိုင်သည့် ကျေးရွာများအား အကြောင်းမဲ့သက်သက် ဗုံးသီးချတိုက်ခိုက်မှုများအား ဆက်တိုက်ပြုလုပ်လျက်ရှိသည်။ကန့်ဘလူမြို့နယ်တွင် ထိုသို့ စစ်ကောင်စီတပ်များ၏ ဗုံးသီးချ တိုက်ခိုက်ခဲ့ခြင်းကြောင့် စက်တင်ဘာလတွင်လည်း အပြစ်မဲ့ပြည်သူ ၆ ဦးအထိ ဗုံးသီးထိမှန်သေဆုံးခဲ့ရသည်။


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၁၂-၁၀-၂၀၂၄

ဓာတ်ပုံ#စက်တာလ ၂၉ ရက်နေ့တွင် ကန့်ဘလူမြို့နယ်၊ပင်းတည်းရွာလေကြောင်းပစ်ခတ်ခံရ၍ ပျက်ဆီးသွားသည့် ပြည်သူပိုင်နေအိမ်

အောက်တိုဘာ ၈ ရက်နေ့ညနေတွင် ကန့်ဘလူမြို့နယ်၊ဇီးကုန်းမြို့လယ်ခေါင်အရက်ဆိုင်၌ တော်လှန်ရေးအဖွဲ့များ သွားရောက်ပစ်ခတ်ရှင်းလင်း၍ သေဆုံးသွားသည့် ရဲတပ်ကြပ် ချင်းလေး(ခ)ခွါကြီး(ခ) ရန်ရှင်းခွါ ရဲ့ မှတ်တမ်းဓာတ်ပုံလေးပါဗျ။နတ်လူသာဓုခေါ်စေသော်......😏😏😁😁


ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်

၁၁-၁၀-၂၀၂၄

ဒေသခံပြည်သူတွေပေးတဲ့ မေတ္တာစာ စစ်စစ်🤤🤤🤤ကျွန်တော်တို့ ဒေသအခေါ် ဒေါင်းမှိုအဝါလေးတွေ.....