ရှု့ထောင့်သတင်းစုံ ဂျာနယ်

ရွှေပြည်သာ သံဖြူမှတ်တိုင်အနီးတွင် ​မော်​တော်ယာဥ်သုံးစီး ဆင့်တိုက်မှုဖြစ်

ရန်ကုန်၊ နိုဝင်ဘာ ၁၄

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ် ၄ လမ်းမ၊ သံဖြူဆိုင်မှတ်တိုင်အနီးတွင် နိုဝင်ဘာ ၁၄ ရက်၊ ည ၈ နာရီခွဲက ​မော်​တော်ယာဥ်သုံးစီး ဆင့်တိုက်မှုဖြစ်ပွားခဲ့​ကြောင်း သိရသည်။

​ဝိုင်ဘီအက်စ် ၆၆ ယာဥ်နှင့် ၁၂ ဘီး တွဲယာဥ်တစ်စီး၊ အိမ်စီး​​ပေါင်မုန့်ယာဥ်တို့ သုံးစီးဆင့်တိုက်မှုဖြစ်ပြီး နာရီဝက်ခန့်ကြာ ယာဥ်ကြောပိတ်ဆို့မှု ဖြစ်ပေါ်ခဲ့ကြောင်း သိရသည်။

"ရွှေပြည်သာကွေ့ဘက်ကလာတဲ့ ၁၂ ဘီးယာဥ်တစ်စီးက လေးကျိုးပြီး တစ်ခြမ်းစောင်း ရပ်တန့်သွားတယ်။ အဲဒီ​နောက်မှာ ဝိုင်ဘီအက်စ် ၆၆ ယာဥ်တစ်စီးက အရှိန်နဲ့ နောက်ဝင်တိုက်ပြီး ရပ်တန့်သွားတယ်။ ဝိုင်ဘီအက်စ် ၆၆ ယာဥ်လိုင်းကို ကျော်တက်လာတဲ့ အိမ်စီးပေါင်မုန့်ယာဥ်က ကြားညပ်သွားတာပါ"ဟု ​ရွှေ​မေတ္တာလူမှုကူညီ​ရေးအသင်းက တာဝန်ရှိသူတစ်ဦးကပြောသည်။

အဆိုပါ ၁၂ ဘီးယာဥ်နှင့် ဝိုင်ဘီအက်စ် ၆၆ ယာဥ်လိုင်းကြား ညပ်သွားသည့် အိမ်စီး​ပေါင်မုန့်ယာဥ်သည် တစ်စီးလုံး ကြေမွသွားပြီး ယာဥ်ပေါ် လိုက်ပါလာသူများ ထိခိုက်မှုဒဏ်ရာ ကြီးကြီးမားမား မရရှိခဲ့ကြောင်း သိရှိရသည်။

မကြာခဏ ဖောက်ထွင်းအခိုးခံနေရတဲ့ ဧရာချမ်းသာကွန်ဒို

ခိုးတဲ့လူကမရှက်ပေမဲ့ အခိုးခံရတဲ့လူ ကရှက်နေရပြီ။

မိမိကွန်ဒို၏ညံ့ဖျင်းမှုကို ဖော်ပြရသောကြောင့်
ကိုယ့်ဖင်ကိုယ်လှန်ပြသလိုဖြစ်နေပါပြီ

ဧရာချမ်းသာကွန်ဒိုသည် မကြာခဏဆိုသလို အမြဲဖောက်ထွင်းအခိုးခံနေရပါသည်။

ကွန်ဒိုဝင်းအတွင်းသို့ပြင်ပမှ ဧည့်သည်များ ဝင်ချင်သလိုဝင် ထွက်ချင်သလိုထွက်လို့မရပါ။
အစောင့်အထပ်ထပ် တံခါးအထပ်ထပ် ဖြတ်ကျော်ပြီးမှအိမ်ယာထဲသို့၎င်း၊ တိုက်ခန်းထဲသို့၎င်း၊ ဝင်ထွက်သွားလာနိူင်မည့် ဖြစ်ပါသည်။
Management အဖွဲ့မှလည်းကွန်ဒိုတိုက်ခန်းများ၏သော့များ၊အဝင်အထွက်တံခါးများမှ သော့များကိုကိုင်ထားကြပါသည်။

အမှန်မှာ သက်ဆိုင်ရာအခန်းသော့များကို အိမ်ပိုင်ရှင်များမှလွှဲ၍ ၎င်းတို့အဖွဲ့မှ လုံးဝကိုင်ပိုင်ခွင့်မရှိပါ။

Management အဖွဲ့သည် အရာရာ ငွေကြေးများကောက်ယူထားပြီး တာဝန်ယူမှု၊ တာဝန်ခံမှု၊ဖြေရှင်းပေးမှုဟူ၍ တခုမှ လုပ်ဆောင်‌ပေးမှုမရှိပါသောကြောင့် ....
အိမ်ပိုင်ရှင်များမှ စုပေါင်း၍ Management အဖွဲ့ကို အပြင်လူမပါစေဘဲ အိမ်ရှင်များသီးသန့်ပြန်လည်ဖွဲ့စည်းပေးသင့်ပါတယ်။

ဖြစ်စဉ်မှာ......

ယနေ့ ၁၄.၁၁.၂၀၂၄ ရက်နေ့ ၁၇း၀၀ နာရီခန့်အချိန်တွင် ဧရာချမ်းသာကွန်ဒို တိုက်နံပတ် (14 A) 9 လွှာ၌အိမ်ရှင်ခေတ္တအပြင်သွားနေစဉ် ပြူတင်းပေါက်တံခါးမှ ကျော်ဝင်၍ ၄၅ မိနစ်အချိန်တိုအတွင်းအခန်း၂ ခန်း ထဲသို့ဝင်ရောက် ဖောက်ထွင်းခိုးယူမှုတစ်ခု ဖြစ်ပွားခဲ့ပါသည်။
အခန်းတစ်ခန်းပိုင်ရှင်သည် ခရီးသွားရန် ပြင်ဆင်ထုပ်ပိုးထားသောအထုပ်၊ငွေသားများ၊လက်ဝတ်ရတနာများနှင့်

နောက်တစ်ခန်းမှ ပိုင်ရှင်သည် အထုပ်နှစ်ထုပ်
ခိုးယူခံရပါတယ်။

အခိုးခံရသည့်အခန်းသည်
၃၁၅ နှင့် ၃၁၆ ကပ်လျှက်အခန်းဖြစ်ပါသည်။

အခန်းတစ်ခန်သည် Laptop
i pad. Phone. လက်ဝတ်ရတနာအချို့နှင့်ငွေသား ခန့်မှတန်ဖိုး သိန်းတစ်ရာကျော် အခိုးခံလိုက်ပါသည်။

အခန်းတစ်ခန်းသည်အင်္ကျီအထုပ်ပါကင် ၂ထုပ် အခိုးခံလိုက်ရပါသည်။

သက်ဆိုင်ရာဌာနဆိုင်ရာအသီးသီးမှတာဝန်ရှိသူများအကျင့်ပျက်ချစား‌နေသော
Management အဖွဲ့ကိုလာရောက်စစ်ဆေးပြီး အရေးယူမှုပြုလုပ်ပေးပါရန်နှင့် အတင့်ရဲတောင်းကြမ်းနေသောသူခိုးအဖွဲ့များအမြန်ဖမ်းမိ‌ပေးနိူင်ပါရန် တင်ပြပါသည်။

အဓိက တာဝန်ရှိသူသည် ဧရာ
ချမ်းသာကွန်ဒို၏ Management အဖွဲ့ဖြစ်ပါသည်။ငွေကြေးအပြည့်အဝကောက်ခံရယူထားသည့်အတွက် တာဝန်ယူမှု တာဝန်ခံမှုအပြည့် ရှိရပါမည်။
အမြန်ပြန်လည်ဖြေရှင်းပေးရပါမည် ဖြစ်ပါသည်။

မာန်

ပဲခူးမြို့၌ တိုင်းဒေသကြီး၊ခရိုင်၊မြို့နယ်အမျိုးသမီးရေးရာအဖွဲ့နှင့် မိခင်နှင့်ကလေးစောင့်ရှောက်ရေးအသင်းဝင်အလှူရှင်များစုပေါင်း၍ နိဗ္ဗာန်စျေးပွဲတော်ကျင်းပပြုလုပ်
==========
ပဲခူး နိုဝင်ဘာ ၁၄

ပဲခူးမြို့ ဆုတောင်းပြည့်ရွှေမော်ဓောစေတီတော်မြတ်ကြီး၏ရင်ပြင်တော်ပေါ်တွင် နိုဝင်ဘာလ(၁၄)ရက်နေ့၊ ညနေပိုင်းအချိန်က ပဲခူးတိုင်းဒေသကြီး၊ခရိုင်၊မြို့နယ်အမျိုးသမီးရေးရာအဖွဲ့နှင့် မိခင်နှင့်ကလေးစောင့်ရှောက်ရေးအသင်းဝင်အလှူရှင်များစုပေါင်း၍ နိဗ္ဗာန်စျေးပွဲတော်ကျင်းပပြုလုပ်သည်။

အဆိုပါနိဗ္ဗာန်စျေးပွဲတော်တွင် ဘုရားဖူးလာပြည်သူများနှင့် တန်​ဆောင်တိုင်မီးထွန်းပွဲတော်လာပြည်သူများအား ပဲခူးတိုင်းဒေသကြီးအမျိုးသမီးရေးအဖွဲ့နှင့် ပဲခူးတိုင်းဒေသကြီးမိခင်နှင့်ကလေးစောင့်ရှောက်မှုကြီးကြပ်ရေးအဖွဲ့နာယက ဒေါ်စိုးစိုးသက်၊ ဥက္ကဌဒေါ်နန်းမြင့်သီတာ၊ အတွင်းရေးမှူးဒေါ်မိုးသူဇာကျော်နှင့်အဖွဲ့ဝင်များ၊ ခရိုင်၊မြို့နယ်ဥက္ကဌများနှင့်အဖွဲ့ဝင်များက နိဗ္ဗာန်စျေးပွဲတော်အလှူအဖြစ် အလှူငွေများ၊ လူသုံးကုန်ပစ္စည်းများ၊ စားသောက်ကုန်ပစ္စည်းများနှင့် အဝတ်အထည်များ စုစုပေါင်းတန်ဖိုးငွေကျပ်(၄၅)သိန်းကျော်အား မဲဖေါက်လှူဒါန်းပေးကြကြောင်းသတင်းရရှိသည်။

မန္တလေး မဟာမြတ်မုနိရုပ်ပွားတော်၏ နောက် ကျောပုံတော်များကို ပထမအကြိမ်အဖြစ် ဒါနပြုလှူဒါန်းမည်

"ထိုက်သူပန်"တိုင်းရင်းဆေးဝါးထုတ်လုပ်ရေးမှ မန္တလေးမြို့ရှိ မဟာမြတ်မုနိရုပ်ပွားတော်၏ နောက်ကျောပုံတော်များကို ပထမအကြိမ်အဖြစ် ဒါနပြုလှူဒါန်းသွားမည်ဖြစ်သည်။

အဆိုပါ မဟာမြတ်မုနိရုပ်ပွားတော်၏ နောက် ကျောပုံတော်သည် အမျိုးသမီးများဖူးမျှော်ခွင့်မရနိုင်သည့်နေရာဖြစ်ကာ "ထိုက်သူပန်"တိုင်းရင်းဆေးဝါးထုတ်လုပ်ရေးမှ ရုပ်ပွားတော်မြတ်ကြီးဂေါပကအဖွဲ့ထံ အကူအညီတောင်း၍ ရိုက်ကူးခဲ့ခြင်းဖြစ်သည်။

" မဟာမြတ်မုနိရုပ်ပွားတော်ရဲ့နောက်ကျောတော်ကို မြတ်စွာဘုရားရှင်က လက်တော်နဲ့သပ်ပြီးရင်ငွေ့လှုံပေးခဲ့တယ်လို့ ဆိုရိုးစကားကြားဘူးခဲ့တယ်။ အဲဒီ နောက်ကျောတော်နေရာက အမျိုးသမီးတွေဖူးမျှော်ခွင့်မရနိုင်တဲ့နေရာပါ။ အခုက ပထမအကြိမ်လှူဒါန်းတာဖြစ်တဲ့အတွက် အဝေးရောက် ဓမ္မမိတ်ဆွေတွေကိုလှူဒါန်းပေးနိုင်ခြင်းတော့မရှိသေးပါဘူး"ဟု ထိုက်သူပန်တိုင်းရင်းဆေးဝါးထုတ်လုပ်ရေး၏ ပဲ့ကိုင်ရှင်ဦးစိုးလှမြင့်ကပြောသည်။

"ထိုက်သူပန်"တိုင်းရင်းဆေးဝါးထုတ်လုပ်ရေးမှ ရိုက်ကူးရရှိခဲ့သည့် မဟာမြတ်မုနိရုပ်ပွားတော်၏ နောက်ကျောပုံတော်(၁၀၀)အား နေပြည်တော်တွင် နေ့စဥ် နံနက်/ညနေ ကျွေးမွေးလှူဒါန်းလျက်ရှိသည့် "ထိုက်သူပန်"အာဟာရဒါနအလှူနေရာသို့ လာရောက်သူများနှင့် "ထိုက်သူပန်"တိုင်းရင်းဆေးကိုယ်စားလှယ်များကို လှူဒါန်းပေးသွားမည်ဖြစ်သည်။

မူဆယ်မြို့(ပထမအကြိမ်)တန်ဆောင်တိုင်မီးထွန်းပွဲတော်နှင့်နိဗ္ဗာန်ဈေးပွဲတော်ကျင်းပမည်


ရှမ်းပြည်နယ်(မြောက်ပိုင်း)၊မူဆယ်မြို့(ပထမအကြိမ်)တန်ဆောင်တိုင်မီးထွန်းပွဲတော်နှင့်နိဗ္ဗာန်ဈေးပွဲတော်ကိုလေယာဉ်ကွင်းလမ်းဆုံ၌နိုဝင်ဘာလ(၁၄)ရက်နေ့မှ(၁၆)ရက်အထိစည်ကားသိုက်မြိုက်စွာကျင်းပမည်။

နိဗ္ဗာန်ဈေးပွဲတော်၌ ရခိုင်မုန့်တီ၊မုန့်လင်မယား၊ ကြာဇံဟင်းခါး၊လက်ဖက်ရည်+မုန့်၊ ပေါင်မုန့်+အအေး၊ကောက်ညှင်းပေါင်း၊ ကြာဇံကြော်၊ခေါက်ဆွဲကြော်၊သစ်သီးစုံဗူး၊နို့သာကူ၊ပေါက်စီ+လဖက်ရည်၊တို့ဟူးခေါက်ဆွဲ၊ကြက်ဉကြာဇံကြော်၊ ကြက်ဉခေါက်ဆွဲ၊သင်္ဘောသီးထောင်း+ကျောက်ကျော+အချိုရည်ကြက်+ဝက်+ငါး+သက်သက်လွတ်+မုံညင်းစော၊ဟမ်ဘာဂါ၊အအေး+မုန့်၊ကျောက်ကျော၊နို့သာကူ၊ငှက်ပျောကောက်ညှင်းထုပ်၊အချိုရည်၊မုန့် စသည့်ဒေသရိုးရာအစားအစာများကိုဈေးပွဲတော်လာရောက်သည့်ဧည့်ပရိသတ်များအားမဲစနစ်ဖြင့်ဧည့်ခံကျွေးမွေးမည်ဖြစ်သည်။

ထို့ပြင်ဈေးပွဲတော်လာဧည့်ပရိသတ်များအားအမှတ်တရလက်ဆောင်ပစ္စည်းများလည်းမဲဖောက်ပေးမည်ဖြစ်သည်။ဈေးပွဲတော်၌မီးပုံပျံများလွှင့်တင်ခြင်း၊ပျော်ပွဲရွှင်ပွဲများပြုလုပ်ခြင်းဖြင့်စည်ကားသိုက်မြိုက်စွာကျင်းပသွားမည်ဖြစ်ကြောင်းသိရှိရပါသည်။

ပဲခူးမြို့၊ ဥဿာမြို့သစ်(၇)ရပ်ကွက်၊ ဗိုလ်ချုပ်အောင်
ဆန်းလမ်းသွယ်(၆)ရှိ ဇရပ်တွင် အောက်တိုဘာလ ၂၄ရက်နေ့ ညပိုင်းက သက်ဆွေဝင်း၊ ၂၅နှစ်၊ စံပြလမ်း၊ ဥဿာမြို့သစ်(၈)ရပ်ကွက်၊ ပဲခူးမြို့နေသူနှင့် ၎င်း၏ရည်းစားဖြစ်သူ မအိန္ဒြေမွန်၊ ၂၀နှစ်၊ ပထမနှစ်(အရှေ့တိုင်းဘာသာ)၊ ကျောင်းသူ၊ ဘုရားကလေးကျေးရွာ၊ ပဲခူးမြို့နေသူတို့(၂)ဦး စကားပြောနေစဥ်။

သက်ဆွေဝင်း ၏သူငယ်ချင်းဖြစ်သူ ခန့်မင်းဇော်၊ ၂၁နှစ်၊ ပြည်တော်သာရပ်ကွက်၊ ပဲခူးမြို့နေသူသည် ဆိုင်ကယ်ဖြင့် ရောက်ရှိလာပြီး ခန့်မင်းဇော်မှ ကတ်ကြေး အသွား(၇)လက်မ၊ လက်ကိုင်ကွင်း(၃)လက်မခန့်၊ အရှည့်(၁၀)လက်မခန့်ဖြင့် မအိန္ဒြေမွန်၏ ဗိုက်အားထောက်၍ “မအော်နဲ့ ရွှေတွေချွတ်"ဟုပြောဆိုပြီး

မအိန္ဒြေမွန်ထံတွင် ပါရှိသည့် ကျောက်အဝါနားဆွဲတစ်ရံ ၅ ပဲ ၆ ရွေးခန့်(ကာလတန်ဖိုး သိန်း (၂၀)ကျပ်ခန့်)၊ ကျောက်တစ်လုံးလက်စွပ်တကွင်း ၂ ပဲ ၃ ရွေး (ကာလတန်ဖိုး (၉)သိန်းကျပ်ခန့်)နှင့် Infinix hot 30 အမျိုးအစား၊ ခဲရောင်ဖုန်း(၁)လုံး၊ ကာလတန်ဖိုး(၂)သိန်း ကျပ်ခန့်တို့အား ယူဆောင်။

မအိန္ဒြေမွန် မှ ရည်းစားဖြစ်သူ သက်ဆွေဝင်းအား ပစ္စည်းများလုယက်နေကြောင်းပြောရာ သက်ဆွေဝင်းမှမကူညီဘဲ ဇရပ်အပြင်ဘက်သို့ထွက်သွားပြီး ဆိုင်ကယ်အား စက်နှိုးကာ ခန့်မင်းဇော်အားတင်၍ မောင်းနှင်သွားခဲ့။

မအိန္ဒြေမွန်မှ ၎င်း၏ ပစ္စည်းများအား ခြိမ်းခြောက်ရယူသူ ခန့်မင်းဇော်နှင့် သက်ဆွေဝင်းတို့အား ဥပဒေအရအရေးယူပေးရန် တိုင်တန်း။

တာဝန်ရှိသူများက အမှုမှ တရားခံများဖမ်းဆီးရမိရေးအတွက် စုံစမ်းရာ ဥဿာမြို့သစ်(၈)ရပ်ကွက်၊ ဘုရင့်နောင်လမ်းရှိ ဦးမြင့်သန်း၊ ၅၆နှစ်၊ နေအိမ်တွင် သက်ဆွေဝင်း ငှားရမ်းနေထိုင်ကြောင်း စုံစမ်းသိရှိရသဖြင့် ယမန်နေ့ညပိုင်းအချိန်က နေအိမ်အားဝင်ရောက်ရှာဖွေရာ သက်ဆွေဝင်းနှင့်အတူခန့်မင်းဇော်အား တွေ့ရှိဖမ်းဆီးရမိ။

ဆက်လက်၍ ရှာဖွေရာ နေအိမ်အရှေ့ခန်းကွပ်ပျစ်ပေါ်တွင် အဖြူရောင်ပိတ်စဖြင့် ထုပ်ထားသည့် ကျောက်အဝါ နားဆွဲတစ်ရံ (နောက်ပိတ်တစ်ဖက်မပါ)(ကာလတန်ဖိုးသိန်း (၂၀)ကျပ်ခန့်)၊ ကျောက်တစ်လုံးလက်စွပ်တကွင်း (ကာလတန်ဖိုး (၉)သိန်းကျပ်ခန့်)၊ နှင့် နက်ပြာရောင်ပိုက်ဆံအိတ်(၁)ခုတို့အား ပြန်လည်တွေ့ရှိရပြီး သက်ဆွေဝင်းနှင့် ခန့်မင်းဇော်တို့အား ဖမ်းဆီးအရေးယူထားရှိကြောင်း သိရှိရသည်။

MGI 2024 ပြိုင်ပွဲဝင် မြန်မာအလှမယ် သဲစုငြိမ်း က တတိယဆု က သရဖူ ပြန်အပ်မည်ဟု ဆို

အောက်တိုဘာလ ၂၆ ရက်

Miss Grand International 2024 ပြိုင်ပွဲကြီးကို အောက်တိုဘာလ ၂၅ ရက် ည ၇ နာရီက ထိုင်းနိုင်ငံ ဘန်ကောက်မြို့ရှိ MGI Hall (Bravo Bkk) တွင် ကျင်းပခဲ့ရာ 2nd Runner Up ဆုရရှိခဲ့ပြီး ယင်းဆုကို ပြန်အပ်မည် ဖြစ်ကြောင်း သိရသည်။

ပြိုင်ပွဲတွင်Winner ဆုကို Miss Grand အိန္ဒိယနိုင်ငံကိုယ်စားပြုအလှမယ်၊ 1st Runner Up ကို ဖိလစ်ပိုင်နိုင်ငံ အလှ မယ်၊ 2nd Runner Up ကို မြန်မာအလှမယ် ၊ 3rd Runner Up ပြင်သစ်အလှမယ် ၊ 4th Runner Up Miss Grand ဘရာဇီးအလှမယ်တို့က အသီးသီးရရှိခဲ့ခြင်း ဖြစ်ကြောင်း သိရသည်။

Miss Grand International 2024 ပြိုင်ပွဲမှာ (၁၂) ကြိမ်မြောက်ဖြစ်ပြီး နိုင်ငံပေါင်း ၇၅ နိုင်ငံမှ နိုင်ငံကိုယ်စားပြု အလှမယ်များ ဝင်ရောက် ယှဉ်ပြိုင်ခဲ့ကြခြင်း ဖြစ်သည်။

ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း ဦးဆောင်၍ ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌများနှင့် (၇/၂၀၂၄)လုပ်ငန်း ညှိနှိုင်းအစည်းအဝေး ကျင်းပပြုလုပ်

အောက်တိုဘာ ၂၆

ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ ယမန်နေ့၊ နံနက်ပိုင်းက ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း ဦးဆောင်၍ ခရိုင်/မြို့နယ် စီမံအုပ်ချုပ်ရေးအဖွဲ့ ဥက္ကဋ္ဌများနှင့် (၇/၂၀၂၄) လုပ်ငန်း ညှိနှိုင်းအစည်းအဝေး ကျင်းပပြုလုပ်သည်။

ပဲခူးတိုင်းဒေသကြီးအတွင်း စိုက်ပျိုးထုတ်လုပ်မှုတိုးတက်မြင့်မားရေးနှင့် သီးနှံအလိုက် ပန်းတိုင်အထွက်နှုန်း ပြည့်မီကျော်လွန်ရေး လုပ်ငန်းညှိနှိုင်း အစည်းအဝေး အမှတ်စဉ်(၆/၂၀၂၄) ကျင်းပပြုလုပ်

အောက်တိုဘာ ၂၆

ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ အောက်တိုဘာလ(၂၅) ရက်နေ့၊ နံနက်ပိုင်းက ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်း ဦးဆောင်၍ တိုင်းဒေသကြီးအတွင်း စိုက်ပျိုးထုတ်လုပ်မှုတိုးတက်မြင့်မားရေးနှင့် သီးနှံအလိုက်ပန်းတိုင်အထွက်နှုန်း ပြည့်မီကျော်လွန်ရေး လုပ်ငန်းညှိနှိုင်း အစည်းအဝေး အမှတ်စဉ်(၆/၂၀၂၄) ကျင်းပပြုလုပ်သည်၊

ရန်ကုန်တိုင်းရွှေလုပ်ငန်းရှင် အသင်း ကသတိပေးစာထုတ်

ရန်ကုန်ုတိုင်း ဒေသကြီးအတွင်းရှိ ရွှေဆိုင်ပိုင်ရှင်များ လုံခြုံရေးအသိဖြင့် သတိရှိကြရန် ရန်ကုန်တိုင်းရွှေလုပ်ငန်းရှင် အသင်းက ယနေ့ အောက်တိုဘာ (၂၂) ရက်တွင် သတိပေး ထုတ်ပြန်ထားသည်။

ယမန်နေ့ညက လှိုင်မြို့နယ်တွင် ဖြစ်ပွားခဲ့သည့် ရွှေဆိုင်မှ အိမ်ပြန်သယ်လာသည့် ရွှေ (၅)ပိဿာပါ သေတ္တာသုံးလုံးကို လူ (၆) ဦးက ‌ေ-သနတ်ဖြင့် ပစ်ခတ်လုယက် ဓ-ားပြတိုက်မှု ဖြစ်စဉ်အပြီး ထိုကဲ့သို့ သတိပေးခြင်း ဖြစ်သည်။

သတိပေးချက်တွင် ရန်ကုန်တိုင်းဒေသကြီးအတွင်းရှိ ရွှေဆိုင်ပိုင်ရှင်များအနေဖြင့်မိမိရွှေဆိုင်များတွင် CCTV များ တပ်ဆင်သည့်အတိုင်း မိမိတို့နေထိုင်သည့် အိမ်နေရာ ပတ်ဝန်းကျင်နှင့် ကားပါကင်နေရာများတွင် CCTV Camera များ တပ်ဆင်ခြင်း၊ အရေးပေါ် Alarm Bell များတပ်ဆင်ခြင်း၊ မိမိတို့ ရွှေငွေ သယ်ဆောင်သည့် ကားများတွင် Camera တပ်ဆင်ခြင်း၊ GPS စနစ်များ ထားရှိခြင်းတို့ကို ကြိုတင်ပြင်ဆင်ထားခြင်းဖြင့် ဒုစရိုက်လုယက်မှုများ မဖြစ်ပေါ်အောင် ကာကွယ်ကြရန် တိုက်တွန်းထားသည်။

လက်ရှိတွင်လည်း ယမန်နေ့ညပိုင်းကဖြစ်ပွားခဲ့သည့် လုယက်မှုဖြစ်စဉ်တွင် ကျူးလွန်သူများအား ဖမ်းဆီးရမိရေးအတွက် ရဲတပ်ဖွဲ့ကဆောင်ရွက်နေကြောင်းလည်း သိရသည်။

လေဖိအားနည်းရပ်ဝန်း မုန်တိုင်းငယ်အဆင့်သို့ရောက်ရှိပြီး မြန်မာနိုင်ငံသို့ မဝင်ရောက်သဖြင့် အဝါရောင်အဆင့် သတ်မှတ်

လေဖိအားနည်းရပ်ဝန်း မုန်တိုင်းငယ်အဆင့်သို့ရောက်ရှိပြီး မြန်မာနိုင်ငံသို့ မဝင်ရောက်သဖြင့် အဝါရောင်အဆင့် သတ်မှတ်ထားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်သည်။

အောက်တိုဘာ ၂၂ ရက် ၉ နာရီခွဲ တိုင်းထွာချက်အရ ဘင်္ဂလားပင်လယ်အော်အရှေ့အလယ်ပိုင်းတွင် ဖြစ်ပေါ်နေသော အားကောင်းသောလေဖိအား နည်းရပ်ဝန်းသည် အနောက်-အနောက် မြောက်ဘက်သို့ရွေ့လျားခဲ့ပြီး၊ ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိခဲ့သည်။

၎င်းမှာ ဟိုင်းကြီးကျွန်းမြို့၏ အနောက်-အနောက်တောင်ဘက် ရေမိုင် ၁၈၅ မိုင်ခန့်၊ အိန္ဒိယနိုင်ငံ၊ အနောက် ဘင်္ဂလားပြည်နယ်၊ ဆာဂါကျွန်း၏ တောင်-အရှေ့တောင်ဘက် ရေမိုင် ၄၁၀ မိုင်ခန့်အကွာ ပင်လယ်ပြင်ကို ဗဟိုပြုနေကြောင်း၊ မုန်တိုင်းငယ်၏ လက်ရှိအခြေအနေမှာ မြန်မာနိုင်ငံဘက်သို့ ဦးတည်ရွေ့လျားမည့် အခြေအနေမရှိသဖြင့် အဝါရောင်အဆင့်ဟု သတ်မှတ်ထားကြောင်း မိုးဇလက ထုတ်ပြန်သည်။

အဆိုပါ မုန်တိုင်းငယ်သည် အနောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး၊ ပိုမိုအားကောင်းလာနိုင်ကာ အောက်တိုဘာ ၂၃ ရက်တွင် ဆိုင်ကလုန်း မုန်တိုင်းအဖြစ်သို့လည်းကောင်း၊ အောက်တိုဘာ ၂၄ ရက်တွင် ဘင်္ဂလားပင်လယ်အော်အနောက်မြောက်ပိုင်းတွင် အားကောင်းသောဆိုင်ကလုန်းမုန်တိုင်းအဖြစ်သို့ လည်းကောင်း ပိုမိုအားကောင်းလာနိုင်ကြောင်း၊ ထိုမှတစ်ဆင့် အနောက်မြောက်ဘက်သို့ ရွေ့လျားနိုင်ပြီး အောက်တိုဘာ ၂၅ ရက် နံနက်အစောပိုင်းတွင် ဩရိဿပြည်နယ်မြောက်ပိုင်း နှင့် အနောက်ဘင်္ဂလားပြည်နယ်ကမ်းခြေတို့ကို ပူရီမြို့နှင့် ဆာဂါကျွန်းတို့အကြားမှ ဖြတ်ကျော်နိုင်သည်ဟု မိုးဇလက ခန့်မှန်းထားသည်။

၀ါးခယ်မမြို့ မီးလောင်မှုတွင် အဘိုးအိုတစ်ဦး သေဆုံးပြီး ဆိုင်ခန်း ၁၁ ခန်းနှင့် အိမ်တလုံး ဆုံးရှုံးခဲ့

ဝါးခယ်မမြို့၌ မီးလောင်မှုဖြစ်ပွားခဲ့ပြီး ဆိုင်ခန်း (၁၁)ခန်းနှင့် လူနေအိမ်တစ်လုံး မီးလောင်ဆုံးရှုံးကာ အဘိုးအိုတစ်ဦးသေဆုံးခဲ့ကြောင်း သိရပါတယ်။

အဆိုပါမီးလောင်မှုဖြစ်စဉ်မှာအောက်တိုဘာလ (၂၁)ရက်နေ့၊ ညနေပိုင်းက မြောင်းမြခရိုင်၊ ဝါးခယ်မမြို့၊ ရေကျော်ရပ်ကွက်၊ ကုန်သည်လမ်း၊ မြို့မဈေးအနီး၌ ဖြစ်ပွားခဲ့တာပါ။

"ဆိုင်ခန်းကနေ မီးစလောင်တာပါ။ လူနေဆိုင်ခန်းပေါ့။ မီးလောင်ဆုံးရှုံးမှုက စုစုပေါင်း ဆိုင်ခန်း (၁၁)ခန်းနဲ့ လူနေအိမ်တစ်လုံး ဆုံးရှုံးသွားပါတယ်။ လူတစ်ဦးသေဆုံးတာရှိပါတယ်။သေဆုံးသူက အသက် (၈၇)နှစ်ရှိပါပြီ။ မီးလောင်မှုကြောင့်ပဲ သေဆုံးသွားတာပါ။မီးလောင်မှုအကြောင်းရင်းကတော့ ဖယောင်းတိုင်မီး ထွန်းထားရာကနေ မီးကူးစက်လောင်ကျွမ်းခဲ့တာပါ။ မီးလောင်နိုင်တဲ့ပစ္စည်းတွေကလည်း လူသုံးကုန်ပစ္စည်းတို့၊ကလေးအရုပ်ပစ္စည်းတို့၊ တစ်ရှုးတို့ ၊ ဒိုက်ဘာတို့လည်းရှိတော့ မီးလောင်မြန်တာပေါ့"ဟု ဝါးခယ်မမြို့နယ်ဒေသခံတစ်ဦးကပြောပါတယ်။

ယင်းမီးလောင်မှုဖြစ်စဉ်၌ အချိန်ယူငြှိမ်းသတ်ခဲ့ကြရပြီး Level 2အဆင့်ရှိတယ်လို့သိရပါတယ်။

ဘီးပေါက်၍ ရပ်တန့်ထားသော FUSO ယာဉ်အား လားရာတူနောက်မှ မောင်းနှင်လာသော SOJEN ယာဉ်မှ ဝင်ရောက်တိုက်မိမှုဖြစ်ပွား

အောက်တိုဘာ ၂၂

၂၂.၁၀.၂၀၂၄ ရက်နေ့၊ ၀၅ ၃၄ အချိန်ခန့်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် (၂၄၃/၅)နှင့် (၂၄၃/၆) ကြားတွင် ဘီးပေါက်၍ ရပ်တန့်ထားသော FUSO ယာဉ်အား လားရာတူနောက်မှ မောင်းနှင်လာသော SOJEN ယာဉ်မှ ဝင်ရောက်တိုက်မိမှုဖြစ်ပွားကြောင်း သတင်းရရှိသဖြင့် ဘုရားတောင်အမြန်လမ်းမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့တယ်လို့ဆိုပါတယ်။

အဆိုပါဖြစ်စဉ်ကြောင့် SOJEN ယာဉ်ပေါ်ပါ ကျား (၆)ဦးနှင့် မ(၈)ဦး စုစုပေါင်း (၁၄)ဦးအနက် ကျား(၁)ဦးနှင့် မ(၁)ဦး (သေဆုံး)၊ ထိခိုက်ဒဏ်ရာရရှိသူ ကျား(၁)ဦးနှင့် မ(၁)ဦး (စိုးရိမ်ရ)၊ ကျား(၄)ဦးနှင့် မ(၆)ဦး (မစိုးရိမ်ရ)တို့အား  ဘုရားတောင်အမြန်လမ်းမကြီးရဲစခန်းမှယာဉ်ဖြင့် နေပြည်တော် ကုတင်(၁၀၀၀)ဆေးရုံသို့  ကူညီပို့ဆောင်ပေးခဲ့ပါကြောင်းနှင့် FUSO ယာဥ်ပေါ်ပါ ကျား (၄)ဦး ထိခိုက်ဒဏ်ရာရရှိမှု မရှိဘူးခဲ့ဘူးလို့သိရပါတယ်။

ရန်ကုန်၊ အောက်တိုဘာ ၂၁

ရန်ကုန်တိုင်းဒေသကြီး၊ မရမ်းကုန်းခရိုင်၊ မရမ်းကုန်မြို့နယ် အ.ထ.ကအမှတ် ( ၁ ) အခြေခံပညာ အထက်တန်းကျောင်း မရမ်းကုန်းမြို့နယ်ရှိ စန္ဒီမာခန်းမတွင်း ဗုဒ္ဓဘာသာကလျာဏယုဝအသင်း (ဗဟို) YMBA. ပြည်တွင်းပြည်ပသာသနာပြု  "ပ" သုံးလုံးဆရာတော် ဘဒ္ဒန္တဝိမလဘိဝံသ၏ ( ၃၈ )ဖြာမင်္ဂလာနှင့် ယဉ်ကျေးလိမ္မာ အထောက်အကူပြုရှင်းလင်းပွဲအား ၂၁.၁၀.၂၀၂၄ ရက်နေ့ နေလည်(၁း၀၀ )နာရီအချိန်တွင် အခမ်းအနားဖြင့်ပြုလုပ်ခဲ့သည်။

ပထမဦးစွာ နမောတဿ သုံးကြိမ်ရွက်ဆိုဖွင့်လှစ်ခဲ့ပြီး "ပ" သုံးလုံးဆရာတော်မှ (၃၈) ဖြာမင်္ဂလာတရား နှင့်အညီ ကျောင်းသား-ကျောင်းသူလေးများအား နှုတ်ခွန်းဆက်သခြင်း၊ ဗုဒ္ဓဘာသာကလျာဏယုဝအသင်းကြီး နှင့် အုပ်ချုပ်ရေးအဖွဲ့ဝင်များ ဆရာ/ဆရာမ များ၊ ကျောင်းသားကျောင်သူ (၂၀၀) ကျော်တို့အား ၃၈ ဖြာနှင့် ယဉ်ကျေးလိမ္မာ အထောက်အကူပြုရှင်းလင်းပြသခဲ့ကြောင်းသိရှိရပါသည်။

အဆိုပါအခမ်းအနားသို့ ဗုဒ္ဓဘာသာကလျာဏယုဝအသင်း (ဗဟို) မှတာဝန်ရှိသူများ၊ တိုင်းဥက္ကဋ္ဌ ဦးသန့်စင် နှင့်အလုပ်အမှုဆောင်များ၊ မရမ်းကုန်းခရိုင်ဥက္ကဋ္ဌ နှင့် အမှုဆောင်များ၊ မြို့နယ် ဥက္ကဋ္ဌနှင့် အမှုဆောင်များ၊ မြောက်ဥက္ကလာပမြို့နယ် ဥက္ကဋ္ဌနှင့် အမှုဆောင်များ၊ ထန်းတပင်မြို့နယ် အတွင်ရေးမှုး ဦးရန်လင်းအောင်နှင့် အမှုဆောင်များ တက်ရောက်ခဲ့ကြပြီး အခမ်းအနားအား (၁၀ ၃၀ )အချိန်တွင် အောင်မြင်စွာ ရုပ်သိမ်းခဲ့ကြောင်း သိရသည်။

လှိုင်မြို့နယ်တွင်​ရွှေဆိုင်မှအိမ်ပြန်သယ်လာသည့်​ရွှေသေတ္တာသုံးလုံးကို​သေနတ်ဖြင့်ပစ်ခတ်လုယက်သွား

အောက်တိုဘာ၂၁

လှိုင်မြို့နယ်၊​(၄)ရပ်ကွက်၊အေးရိပ်မွန်လမ်းမကြီး၊ခြံအမှတ်(၂)​ရှေ့တွင်​အောက်တို ဘာလ၂၁ရက် ည​နေ ၆း၃၅နာရီအချိန်ကဆိုင်မှပြန်သိမ်းလာသည့်​ရွှေ​သေတ္တာသုံးလုံးကို​သေနတ်ပစ်​ဖောက်လုယက်သွား​ခဲ့တယ်လို့ဆိုပါတယ်။

ကမာရွတ်မြို့နယ်အင်းစိန်လမ်းနှင့်ဆင်​ရေတွင်းလမ်း​ထောင့်တွင်ဖွင့်ထား​သောမြ​ရွှေယုံ​ရွှေဆိုင်မှ​သေတ္တာသုံးလုံးဖြင့်ထည့်ထား​သော​ရွှေထည်ငါးပိသာကိုပိုင်ရှင်က​နေအိမ်သို့ကားဖြင့်ပြန်ပို့ခိုင်းသဖြင့်ကားသည်ဆိုင်မှထွက်လာပြီး​နေအိမ်ခြံ​ရှေ့အ​ရောက်တွင်​နောက်မှလိုက်လာသည့်စိစစ်ဆဲအဖြူ​ရောင်ကား​ပေါ်မှလူနှစ်ဦးဆင်းလာကာတစ်ဦးက​သေနတ်ဖြင့်ကားသမားကိုချိန်ပြီးတစ်ချက်ပစ်ခတ်ခဲ့သည်ဟုသိရပြီးနောက်တစ်ဦးကပစ္စည်းသယ်လာသည့်ကား၏​နောက်​လေကာမှန်ကိုတူဖြင့်ခွဲကာ​ရွှေထည်ထည့်ထားသည့်​သေတ္တာသုံးလုံးကိုယူ​ဆောင်ပြီးကားနှင့်ပြန်ထွက်​ပြေးသွားတယ်လို့သိရပါတယ်။​

သေနတ်ဖြင့်ပစ်ခတ်မှု​ကြောင့်လူထိခိုက်မှုမရှိပဲအိမ်သံတံခါးကိုထိမှန်ခဲ့​ကြောင်းနှင့်တရားခံများဖမ်းမိရန်ပူး​ပေါင်းအဖွဲ့ဖြင့်​ဆောင်ရွက်​နေ​ကြောင်းသိရပါတယ်။

အကြမ်းဖက်သမားအယောင်ဆောင်၍ စီးပွားရေးလုပ်ငန်းရှင်များထံ ခြိမ်းခြောက်ငွေကြေးတောင်းခံနေသည့် တရားခံများအား ဖမ်းဆီးရမိ။

နေပြည်တော်၊ ၂၀၂၄ အောက်တိုဘာလ ၂၁ ရက်

သတိပေးနှိုးဆော်
==========+=========