EEP Communication

የቲርጋ ማከፋፈያ ጣቢያን ግንባታ  ለማፋጠን እየተሰራ ነው
………///………
ከአዲስ አበባ በ1 ሺህ 70 ኪሎ ሜትር ርቀት በደቡብ ኦሞ ዞን ኛንጋቶም ወረዳ ላይ እየተገነባ  የሚገኘውን የቲርጋ ባለ 132/33 ኪሎ ቮልት ማከፋፈያ ጣቢያ የግንባታ ሥራን ለማፋጠን እየተሰራ መሆኑን የብሔሪዊ  የኤሌክትሪክ ግሪድ ደቡባዊ ማስፋፊያ ፕሮጀክት ገለፀ።

የጣቢያው ሳይት ኢንጂነር አቶ ደረጀ ክፍሌ እንደገለፁት የግንባታ ግብዓቶች በቅርበት ባለመገኘታቸውና በአካባቢው ባለው የአየር ፀባይ ምክንያት ሥራዎችን በመርሃ ግብሩ መሰረት ማከናወን አልተቻለም።

ሥራ ተቋራጩ ለግንባታ ሥራ የሚያስፈልጉትን ጠጠር ከ150 ኪሎ ሜትር ፣ አሸዋ ከ250 ኪሎ ሜትር እንዲሁም ውሃ ከ80 ኪሎ ሜትር ርቀት ላይ እያጓጓዘ እንደሚጠቀም የሳይት ኢንጂነሩ አስረድተዋል።

እንደ አቶ ደረጀ ገለፃ በፕሮጀክቱ ቦታ ርቀት ምክንያት የተስተዋለው የግንባታ አቅርቦት ችግር እና በሙቀቱ ምክንያት በማሽነሪዎች ላይ የሚያጋጥሙ ብልሽቶች በሥራው ላይ መስተጓጎል ፈጥረዋል።

በአካባቢው ያለው ሙቀት በኮንክሪት መሠረት ሥራዎች እና በማሽነሪዎች ብልሽት ላይ እያሳደረ ያለውን ችግር ለመቅረፍ የምሽት ሥራ መጀመሩን የተናገሩት አቶ ደረጀ ለሥራው የሚያስፈልገውን በቂ የሠው ኃይልም ከሌላ ቦታ በማምጣት የማሟላት ሥራ እየተከናወነ ነው ብለዋል።

የፕሮጀክቱ ሥራ ተቋራጭ ሀዮሰንግ ሄቪይ ኢንደስትሪስ ኮርፖሬሽን የጥራት ቁጥጥርና ማረጋገጥ ሥራ አስኪያጅ አቶ አዲስዓለም ማሩ በበኩላቸው የፕሮጀክቱ የግንባታ ሥራ ቢጓተትም በአሁኑ ወቅት የሠራተኞች መኖሪያ ቤት፣ የመቆጣጠሪያ ክፍሉ እና የኤሌክትሮ ሜካኒካል ዕቃዎች መትከያ የመሰረት ቁፋሮና የኮንክሪት ሙሊት ሥራዎች እየተከናወኑ እንደሆነ አብራርተዋል።

የጣቢያው አጠቃላይ አፈፃፀም 8 ነጥብ 7 እንዲሁም የሲቪል ግንባታ ሥራው 3 በመቶ እንደተከናወ የጠቆሙት አቶ አዲስዓለም ሥራውን ለማፋጠን ተጨማሪ የሀገር ውስጥና የውጭ ባለሙያዎችን የማሳተፍና ተጨማሪ ማሽነሪዎችን ወደ ሳይቱ የማስገባት ሥራዎች እየተከናወኑ ይገኛሉ ብለዋል።

በፕሮጀክቱ የሳይት 2 ሥራ አስኪያጅ አቶ አርጋው ታዲ እንደገለፁት የማከፋፈያ ጣቢያው ግንባታ ሲጠናቀቅ በአካባቢው የመስኖ ልማትን ለማስፋፋት፣ በዙሪያው ለሚገኙ የህብረተሰብ ክፍሎችና በግንባታ ላይ ለሚገኘው የስኳር ፋብሪካ ኃይል ለማቅረብ እንዲሁም ከፋብሪካው ተረፈ ምርት የሚመነጨውን ብሔራዊ ግሪድ ለማስገባት ያስችላል።

ጣቢያው አንድ ባለ 132 ኪሎ ቮልት ጥምር ገቢ መስመር፣ አንድ ባለ 50 ሜጋ ቮልት አምፔር ትራንስፎርመር እና አምስት ባለ 33 ኪሎ ኪሎ ወጪ መስመሮች እንደሚኖሩት ተናግረዋል።

በግንባታ ግብዓቶች እጥረት ምክንያት በወቅቱ ያልተከናወኑ ሥራዎችን ለማፋጠን ሥራ ተቋራጩ ትኩረት ሠጥቶ እየሰራ እንደሆነም አቶ አርጋው ጠቅሰዋል።

የማከፋፈያ ጣቢያው የግንባታ ሥራ ከ8 ሚሊዮን የአሜሪካ ዶላር በላይ የሆነ በጀት ተይዞለት እየተከናወነ ይገኛል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 30 ቀን 2017 ዓ.ም

ዘርፉ ያስገነባው የዕቃ መጋዘን የሥራ መገልገያ መሣሪያዎችን በአግባቡ ለማደራጀትና ለመጠበቅ ያግዛል 
---///---
በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ግንባታ ዘርፍ ያስገነባው የዕቃ መጋዘን  ተጠናቆ አገልግሎት መስጠት ጀመረ፡፡

በዘርፉ የራስ ኃይል ግንባታ መምሪያ የሀብት  አስተዳደር ቢሮ ሥራ አስኪያጅ አቶ ኪሮስ ነጋሽ እንዳስታወቁት በዋና መስሪያ ቤት ቅጥር ግቢ ውስጥ የተገነባው የዕቃ መጋዘን የሥራ መገልገያ መሣሪያዎችን በአግባቡ ለማደራጀትና ለመጠበቅ እያገዘ ነው፡፡

አዲስ የተገነባው መጋዘን ያለ አግባብ በየቦታው ተቀምጠው የነበሩ ዕቃዎችን በአንድ ላይ በመሰብሰብ ከፀሐይ፣ ከአቧራ እና ከዝናብ ለመከላከል እንደሚያስችልም ነው የጠቀሱት፡፡

እንደ አቶ ኪሮስ ገለፃ የዕቃ ማስቀመጫ መጋዘኑ መገንባት የኃይል ማስተላለፊያ መስመር ዝርጋታዎችን ለማከናወን የሚረዱ በውጭ ምንዛሬ የተገዙ የተለያዩ መሣሪያችን ደህንነት ለማስጠበቅ፤  ምቹ የአሰራር ሥርዓቶችን ተግባራዊ በማድረግ ቀልጣፋና ዘመናዊ የቁጥጥርና ክትትል ሥራዎች እንዲከናወኑ ያግዛል፡፡

ለአገልግሎት ዝግጁ የተደረገው የዕቃ ማስቀመጫ መጋዘን ከ2 ነጥብ 4 ሚሊዮን ብር በላይ የሚገመት ቢሆንም በተቋሙ በራሱ በመሰራቱ 920 ሺህ ብር ወጪ ብቻ እንደተደረገበትም ነው ሥራ አስኪያጁ የጠቀሱት፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 30 ቀን 2017 ዓ.ም

የአርባ ምንጭ ሁለተኛ ማከፋፈያ ጣቢያ ፕሮጀክት የከተማዋን የኃይል አቅርቦት ያሳድጋል
………///……..
የአርባ ምንጭ ሁለተኛ ባለ 230 ኪሎ ቮልት የማከፋፈያ ጣቢያ የግንባታ ሥራ ሲጠናቀቅ የከተማዋን የኃይል አቅርቦት አሁን ካለበት ከአራት እጥፍ በላይ እንደሚያሳድገው የብሔራዊ የኤሌክትሪክ ግሪድ ደቡባዊ ማስፋፊያ ፕሮጀክት አስታወቀ።

በፕሮጀክቱ የሳይት አንድ ሥራ አስኪያጅ አቶ አንዱዓለም መላኩ እንዳስታወቁት ፕሮጀክቱ በአርባ ምንጭ ከተማ አካባቢ ሊገነባ ለታሰበው የተቀናጀ የግብርና ማቀነባበሪያ ኢንደስትሪ ፓርክ እና በ120 ኪሎ ሜትር ውስጥ ለሚገኙ አካባቢዎች አስተማማኝ ኃይል ለማቅረብ ታስቦ እየተከናወነ ይገኛል።

የማከፋፈያ ጣቢያው ሁለት ባለ 125 ፣ ሁለት ባለ 63 እና ሁለት ባለ 50 ሜጋ ቮልት አምፒር አቅም ያላቸው ትራንስፎርመሮች የተከላና ገጠማ ሥራዎች መጠናቀቃቸውን እና የአስር ባለ 33 እና አምስት ባለ 15 ኪሎ ቮልት ወጪ መስመሮች ፓኔል የማስቀመጥ ሥራዎች እየተከናወነ መሆኑን ሥራ አስኪያጁ ገልፀዋል፡፡

እንደ አቶ አንዱዓለም ገለፃ የፕሮጀክቱ የፕሮጀክቱ የሲቪል ሥራ 65 በመቶ እንዲሁም የኤሌክትሮ ሜካኒካል ሥራዎች 15 በመቶ ላይ የደረሰ ሲሆን አጠቃላይ አፈፃፀሙ ደግሞ ከ62 በመቶ በላይ ደርሷል።

ከአርባምንጭ 2ኛ ማከፋፈያ ጣቢያ በተጨማሪ በወላይታ ሶዶ ሁለተኛ ማከፋፈያ ጣቢያ ላይ እየተከናወነ ያለው የማስፋፊያ ሥራ አጠቃላይ አፈፃፀሙ 62 በመቶ መድረሱን ሥራ አስኪያጁ አስታውቀዋል።

በማስፋፊያ ሥራው 250 ሜጋ ቮልት አምፒር አቅም ያላቸው ሁለት ትራንስፎርመሮችን የማስቀመጥ ሥራ እንደተከናወነ ገልፀው የሁለት ባለ 230 ኪሎ ቮልት ወጪ እና ገቢ መስመሮች የስቲል ስትራክቸር ተከላ ሥራ በመከናወን ላይ እንደሆነም አስረድተበዋል፡፡

ለአርባ ምንጭ 2ኛ ማከፋፈያ ጣቢያ የግንባታ ሥራ ከ37 ሚሊዮን የአሜሪካ ዶላር በላይ እንዲሁም ለወላይታ ሶዶ 2ኛ ማከፋፈያ ጣቢያ የማስፋፊያ ሥራ ከ14 ሚሊዮን የአሜሪካ ዶላር በላይ በጀት ተይዞላቸዋል።

ከማከፋፈያ ጣቢያዎቹ በተጨማሪ ከወላይታ ሶዶ 2ኛ እስከ አርባ ምንጭ 2ኛ በሚዘረጋው የባለ 230 ኪሎ ቮልት ጥምር መስመር ላይ ከሚተከሉ 381 የኃይል ማስተላለፊያ መስመር ተሸካሚ የብረት ምሰሶዎች መካከል የ255ቱ የመሠረት ቁፋሮ ፣ የ242 የመሠረት ግንባታ እና የ22 ምሰሶዎች የተከላ ሥራ መከናወኑን ጠቅሰዋል።

የደቡባዊ ግሪድ ሳይት 1 የአንድ አዲስና የሁለት ነባር ማከፋፈያ ጣቢያዎችን የማስፋፊያ ሥራ እንዲሁም የ216 ኪሎ ሜትር የባለ 230 እና 132 ኪሎ ቮልት የኃይል ማስተላለፊያ መስመር ዝርጋታ ሥራዎችን ያካትታል።

የብሔራዊ የኤሌክትሪክ ግሪድ ደቡባዊ ማስፋፊያ ፕሮጀክት የግንባታ ሥራ ሃዮሰንግ ሄቪይ ኢንደስትሪስ ኮርፖሬሽን በተሰኘ የኮሪያ ኩባንያ በመከናወን ላይ ሲሆን የፕሮጀክቱ አጠቃላይ አፈፃፀምም ከ60 በመቶ በላይ ደርሷል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 29 ቀን 2017 ዓ.ም

የማከፋፈያ ጣቢያው በአካባቢው አስተማማኝ ኃይል እንዲኖር እያደረገ ነው
……..//……..
በኢትዮጵያ ኤሌክትሪክ ኃይል የሞጆ ባለ 230 ኪሎ ቮልት ማከፋፈያ ጣቢያ አስተማማኝ ኃይል እያቀረበላቸው መሆኑን የኢትዮጵያ ኤሌክትሪክ አገልግሎት እና የአንበሳ ቢራ ፋብሪካ የሥራ ኃላፊዎች ተናገሩ።

በአገልግሎቱ የሞጆ ደንበኞች አገልግሎት መስጫ ማዕከል ሥራ አስኪያጅ አቶ ወንዱ ደረጀ እንደተናገሩት የማከፋፈያ ጣቢያዎች ኃይል የመሸከም አቅም ደንበኞችን ለመሳብ ድርሻው የጎላ በመሆኑ በሞጆ ማከፋፈያ ጣቢያ ያለው አቅም ለደንበኞች በቀላሉ ኃይል ተደራሽ እንዲያደርጉ ዕድል እየፈጠረ ነው።

በማዕከሉ ሥር ከሚገኙ 18 ሺህ 500 ደንበኞች ውስጥ ለ12 ቆዳ ፋብሪካዎች፣ ለኢጀሬና ሞጆ ከተማ፣ አንበሳ ቢራ ፋብሪካ፣ ሸራ እና ቢዩ በሚባሉ አካባቢዎች ለሚገኙ የሕብረተሰብ ክፍሎች ከጣቢያው በሚያገኙት ኃይል እየሰጡ እንደሆነ ተናግረዋል።

እንደ አቶ ወንዱ ገለፃ በጣቢያው ያለውን አስተማማኝ አቅም በመጠቀም ለደንበኞች ተጨማሪ ኃይል ለማቅረብና አዳዲስ ደንበኞችን ለማፍራት እየተሰራ ነው።

የአንበሳ ቢራ ፋብሪካ የቴክኒክ ሥራ አስኪያጅ አቶ ምንውየለት መላክ በበኩላቸው የሞጆ ማከፋፈያ ጣቢያ ከዚህ በፊት ይስተዋል የነበረውን የኃይል መቆራረጥ በማስቀረት ከፍተኛ ሚና እየተጫወተ ይገኛል።

የሞጆ ማከፋፈያ ጣቢያ ከመገንባቱ በፊት ፋብሪካው ከዱከም መስመር ኃይል ያገኝ እንደነበር በመግለፅ በወቅቱ በመስመሩ ላይ በነበረው የኃይል ተጠቃሚ መብዛት የተነሳ የኃይል መቆራረጥ ያጋጥመው እንደነበር ሥራ አስኪያጁ አስታውሰዋል።

ይሁንና ከሞጆ ማከፋፈያ ጣቢያ በባለ 33 ኪሎ ቮልት ራሱን በቻለ መስመር ኃይል ማግኘት ከጀመረ ወዲህ የኃይል መቆራረጡ መቀረፉን አቶ ምንውየለት ገልፀዋል።

ይህም በምርት ሂደት ላይ የሚፈጠሩ ችግሮችን በመቅረፍ፣ ለነዳጅ የሚወጣውን ተጨማሪ ወጪ እና በኃይል መቆራረጥ ምክንያት የሚያጋጥሙ የመሣሪያ ብልሽቶችን በማስቀረት እንዲሁም ከተቋማቱ ጋር የነበረውን አለመግባባት እንዲፈታ በማድረግ የራሱን አስተዋፅዖ አበርክቷል ነው ያሉት።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 27 ቀን 2017 ዓ.ም

የማከፋፈያ ጣቢያውን አቅም  ለመጠቀም እየተሠራ ነው
……..///……….
የሞጆ ባለ 230 ኪሎ ቮልት የኃይል ማከፋፈያ ጣቢያ ያለውን የመሸከም አቅም ሙሉ በሙሉ ጥቅም ላይ ለማዋል እየተሰራ መሆኑን የጣቢያው ኃላፊ ገለፁ።

ኃላፊው አቶ ሚናስ ወንድምሞላ እንደገለፁት የማከፋፈያ ጣቢያው ከቢሾፍቱ ቁጥር 3 ማከፋፈያ ጣቢያ በ 230 ኪሎ ቮልት ኃይል ተቀብሎ  ለተለያዩ ከተሞችና ፋብሪካዎች ኃይል እያቀረበ ይገኛል።

ጣቢያው አስር ባለ 15 እና አራት ባለ 33 ኪሎ ቮልት ወጭ መስመሮች ቢኖሩትም አገልግሎት እየሠጡ የሚገኙት አራት ባለ 33 እና አራት ባለ 15 ኪሎ ቮልት ወጭ መስመሮች ብቻ መሆናቸውን ኃላፊው  ገልፀዋል።

በ 33 ኪሎ ቮልት ባሉት ወጪ መስመሮች ለአንበሳ ቢራ ፋብሪካ፣ ለኢጀሬ ከተማ፣ ለአረርቲ ከተማና ሴራሚክ ፋብሪካ እንዲሁም በባለ 15 ኪሎ ቮልት መስመሮች ለሞጆና ቢሾፍቱ ከተሞች፣ ለአየር ኃይል እና በአካባቢው ለሚገኙ ቆዳ ፋብሪካዎች አስተማማኝ ኃይል እያቀረበ ይገኛል ብለዋል።

ማከፋፈያ ጣቢያው አንድ ባለ 25 ሜጋ ቮልት አምፔር እና ሁለት ባለ 50 ሜጋ ቮልት አምፔር አቅም ያላቸው  ትራንስፎርመሮች እንዳሉትም ጠቁመዋል።

እንደ አቶ ሚናስ ገለፃ ሦስቱ ትራንስፎርመሮች 100 ሜጋ ዋት የመሸከም አቅም ቢኖራቸውም በአሁኑ ወቅት ለደንበኞች እየቀረበ ያለው ከ25 በመቶ የማይበልጠው ነው።

ማከፋፈያ ጣቢያው በአካባቢው ያለውን የኤሌክትሪክ ኃይል ተደራሽነት እንዳሳደገው የገለፁት ኃላፊው የጣቢያውን አቅም እና ዝግጁ የተደረጉ ሁሉንም ወጭ መስመሮች ጥቅም ላይ ለማዋል በአካባቢው ከሚገኘው የኢትዮጵያ ኤሌክትሪክ አገልግሎት ጋር ውይይት መደረጉን አንስተዋል።

ለአዳማ ከተማ ውሃ አገልግሎት፣ ለሞጆ ደረቅ ወደብ፣ ለሞጆ ከተማ እና በአካባቢ ለሚገኙ ዘጠኝ ፋብሪካዎች ተጨማሪ ኃይል ለማቅረብ የሚያስችሉ የማሰራጫ መስመር ዝርጋታ በአገልግሎቱ በኩል መጀመሩን ገልፀዋል።

የሞጆ ባለ 230 ኪሎ ቮልት የኃይል ማከፋፈያ ጣቢያ ከ2013 ዓ.ም ጀምሮ አገልግሎት እየሰጠ ይገኛል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 26 ቀን 2017 ዓ.ም

ተጨማሪ የኃይል ፍላጎቶችን ለማሟላት እየተሰራ ነው
.........///….....
በቢሾፍቱ ባለ 400 ኪሎ ቮልት ማከፋፈያ ጣቢያ ላይ እየቀረቡ ያሉ ተጨማሪ የኃይል ጥያቄዎችን ለመመለስ እየተሰራ መሆኑን የጣቢያው ሥራ አስኪያጅ ገለፁ።

ሥራ አስኪያጁ  አቶ ሲሳይ አይቸው እንደተናገሩት የማከፋፈያ ጣቢያው ከገላን ማከፋፈያ ጣቢያ በባለ 400 ኪሎ ቮልት ጥምር መስመር ኃይል ተቀብሎ ለቢሾፍቱ፣ ዱከም ቁጥር 2  እና ለሞጆ ማከፋፈያ ጣቢያዎች ኃይል ያከፋፍላል።

ማከፋፈያ ጣቢያው አገልግሎት መስጠት በጀመረበት ወቅት 100 ሜጋ ቮልት አምፔር አቅም ያላቸው ሁለት የ230/15 ኪሎ ቮልት ፓወር ትራንስፎርመሮች ብቻ እንደነበሩት የጠቆሙት ሥራ አስኪያጁ በአካባቢው በባለ 33 ኪሎ ቮልት ወጪ መስመር የኃይል ጥያቄ በመቅረቡ 100 ሜጋ ቮልት አምፔር አቅም ያላቸው ሁለት 230/33 ተጨማሪ ፓወር ትራንስፎርመሮች መተከላቸውን አስታውሰዋል።

በአቅም ማሳደግና ማስፋፊያ  ሥራዎች በወቅቱ የነበረውን የኃይል ጥያቄ መመለስ ቢቻልም በአካባቢው ካለው የኢንዱስትሪ መስፋፋት ጋር ተያይዞ የኃይል ጥያቄው ከጊዜ ወደ ጊዜ እያደገ መምጣቱን ሥራ አስኪያጁ ገልጸዋል።

እንደ አቶ ሲሳይ ገለጻ ያሉት የ400/230 አውቶ ትራንስፎርመሮች ተጨማሪ ደንበኞችን የማስተናገድ አቅም ቢኖራቸውም የአካባቢው የኃይል ፍላጎት በፍጥነት እየደገ ከመሄዱ ጋር ተያይዞ ለማሳራጫ መስመሮች ኃይል የሚያቀርቡ ሁሉም የፓወር ትራንስፎርመሮች ተጨማሪ ደንበኞችን የማስተናገድ አቅም የላቸውም።

በዚህም ጣቢያው በ15 እና 33 ኪሎ ቮልት ካሉት 22 ወጭ መስመሮች ሁለቱ የ33 ኪሎ ቮልት ወጭ መስመሮች አገልግሎት እየሰጡ አለመሆናቸውን ነው የገለፁት።

የኃይል ፍላጎቱ የጣቢያው ግንባታና የአቅም ማሳደግ ሥራዎች ሲከናወኑ ይመጣል ተብሎ ከታሰበው በላይ በፍጥነት እያደገ በመምጣቱ ተጨማሪ ጥያቄዎችን በወቅቱ ለመመለስ እንዳላስቻለ አቶ ሲሳይ ተናግረዋል።

ስለሆነም እያደገ የመጣውን የኃይል ጥያቄ በጊዜያዊነት ለመመለስ ተንቀሳቃሽ ማከፋፈያ ጣቢያ ለማስቀመጥ እየተሠራ መሆኑን ገልፀዋል።

በአሁኑ ወቅትም ተንቀሳቃሽ ማከፋፈያ ጣቢያው የሚቀመጥበትን ቦታ የመለየትና ሌሎች የጥናት ሥራዎች እየተከናወኑ ስለመሆናቸው ነው ሥራ አስኪያጁ የጠቀሱት።

ከህብረተሰቡ እና ከኢንዱስትሪዎች እየቀረቡ ያሉ የኃይል ጥያቄዎችን በዘላቂነት ለመመለስ የሚያስችል የአቅም ማሳደግና የማስፋፊያ ሥራዎችን ለማከናወን ዕቅድ መያዙንም አብራርተዋል።

የቢሾፍቱ ቁጥር 3 ኃይል ማከፋፈያ ጣቢያ ከሐምሌ 2012 ዓ.ም ጀምሮ አገልግሎት በመስጠት ላይ ይገኛል።


💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 26 ቀን 2017 ዓ.ም

የጎረቤት ሀገራትን በኤሌክትሪክ ኃይል ለማስተሳሰር እየተሰራ ነው
…....///….....
ኢትዮጵያ የጎረቤት ሀገራትን በኤሌክትሪክ ኃይል ለማስተሳሰር እየሰራች መሆኑን የኢፌዴሪ ፕሬዝዳንት ገለጹ።

ፕሬዝዳንት ታዬ አፅቀስላሴ በታንዛኒያ በተካሄደው የአፍሪካ ታዳሽ ኃይል ጉባዔ ላይ እንደተናገሩት ኢትዮጵያ በፓን አፍሪካኒዝም ፍኖተ ካርታ 13 ሀገራትን በኤሌክትሪክ ኃይል ለማስተሳሰር እየሰራች ነው።

ሀገሪቱ በአሁኑ ወቅት ለጅቡቲ፣ ለኬኒያና ለሱዳን ኃይል እያቀረበች መሆኑንና በቅርቡም ለታንዛኒያ ማቅረብ እንደምትጀምር ተናግረዋል።

በቀጣይም ያላትን እምቅ የታዳሽ ኃይል ሀብት በአግባቡ በመጠቀም ሌሎች የአፍሪካ ሀገራትን በኃይል ለማስተሳሰር የኢነርጂ ፖሊሲ ቀርፃ እየሰራች መሆኑን ገልጸዋል።

በኢትዮጵያ የታዳሽ ኃይል ፕሮጀክቶች ግንባታ ላይ ህዝቡ ንቁ ተሳታፊ መሆኑን የገለፁት ፕሬዝዳንቱ ለዚህም ታላቁ የኢትዮጵያ ሕዳሴ ግድብን ለአብነት አንስተዋል።

በሀገር ውስጥ ከኤሌክትሪክ ኃይል ተደራሽነት ጋር የሚታዩ ችግሮችን ለመፍታትም መንግሥት በቁርጠኝነት እየሰራ መሆኑንም ጠቅሰዋል።

በዚህም በየዓመቱ ለ3 ነጥብ 4 ሚሊዮን ቤተሰብ የኤሌክትሪክ ኃይል ተደራሽ እየተደረገ መሆኑንም ጠቁመዋል።

እንደ ሀገር ተቋማዊ ሪፎርም በማድረግ፣ የግል ዘርፉን በማሳተፍና ከልማት አጋሮች ጋር በትብብር በመስራት በዘርፉ ውጤት መገኘቱንም ገልፀዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 21 ቀን 2017 ዓ.ም

ጣቢያው ባለፉት ስድስት ወራት ከዕቅዱ በላይ ኃይል አመንጭቷል
........///.......
የፊንጫ የውሃ ኃይል ማመንጫ ጣቢያ በ2017 በጀት ዓመት የመጀመሪያዎቹ ስድስት ወራት ለማመንጨት ካቀደው የ17 በመቶ ብልጫ ያለው ኃይል ማምረቱን የጣቢያው ኃላፊ ገለፁ።

ኃላፊው አቶ ታደስ ፍቃዱ እንደገለፁት በግማሽ ዓመቱ 348 ጊጋ ዋት ሠዓት ኃይል ለማመንጨት አቅዶ 409 ነጥብ 3 ጊጋ ዋት ሠዓት ኃይል በማምረት የዕቅዱን 117 ነጥብ 62 በመቶ አሳክቷል።

ቀደም ሲል በጣቢያው የማቀዝቀዣ ሥርዓት ተፈጥሮ የነበረው ችግር በኃይል ማመንጨት ሥራው ላይ ተፅዕኖ አሳድሮ እንደነበር ኃላፊው አስታውሰዋል።

ይሁንና የማቀዝቀዣ ሥርዓቱ በግማሽ ዓመቱ በራስ ኃይል በመጠገኑ ለኃይል ማመንጨት አፈፃፀሙ ከፍ ማለት አስተዋጽዖ ማበርከቱን አመልክተዋል።

በራስ ኃይል የተከናወነው የጥገና ሥራ ተቋሙን ከተጨማሪ ወጪ እንዳዳነው የጠቆሙት አቶ ታደሰ ይህ ሥራ በውጭ ተቋማት ቢከናወን ኖሮ የባለሙያ እና የዕቃ ግዥን ጨምሮ 22 ሚሊዮን ብር ያስወጣ እንደነበር አስታውቀዋል።

እንደ ኃላፊው ገለፃ የጣቢያውን ዩኒቶች ደህንነት ለማረጋገጥ የፍተሻና ጥገና ሥራዎች በተያዘላቸው መርሃ ግብር መሠረት በአግባቡ ተከናውነዋል።

በአሁኑ ወቅት በግድቡ ላይ ያለው የውሃ መጠን በቀሪ ወራት ለማመንጨት የተያዘውን ዕቅድ ለማሳካት የሚያስችል መሆኑንም ተናግረዋል።

በ1967 ዓ. ም ኃይል ማመንጨት የጀመረው የፊንጫ ኃይል ማመንጫ ጣቢያ 134 ሜጋ ዋት ኃይል የማመንጨት አቅም አለው።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 20 ቀን 2017 ዓ.ም

ተቋሙ ባለፉት ስድስት ወራት በስርቆት ከ126 ሚሊዮን ብር በላይ ጉዳት ደርሶበታል
.........///…......
የኢትዮጵያ ኤሌክትሪክ ኃይል በ2017 በጀት ዓመት የመጀመሪያዎቹ ስድስት ወራት በኃይል ማስተላለፊያ መስመር ተሸካሚ ምሰሶ ብረቶችና ሽቦዎች ስርቆት ምክንያት ከ126 ሚሊዮን ብር በላይ ጉዳት እንደደረሰበት በተቋሙ የኃይል መሰረተ ልማት ደህንነት፣ ክትትልና ቁጥጥር ቢሮ ገለጸ።

የቢሮው  ሥራ አስኪያጅ አቶ ዋለ ታምሬ እንደገለጹት በኃይል ማስተላለፊያ መሠረተ ልማቶች ላይ የሚፈፀሙ የስርቆት ወንጀሎች የተቋሙ ብቻ ሳይሆን የብሔራዊ ደህንነት ስጋት ሆነዋል።

ባለፉት ስድስት ወራት በተለያዩ የሀገሪቱ ክፍሎች 16 የከፍተኛ የኃይል ማስተላለፊያ ተሸካሚ ምሰሶዎች በስርቆት ምክንያት መውደቃቸውን እና በስርቆቱ ከ92 ነጥብ 32 ሚሊዮን ብር በላይ ግምት ያላቸው 43 ሺ 671 ብረቶች መሰረቃቸውንም ተናግረዋል።

የወደቁ የኃይል ማስተላለፊያ ተሸካሚ ምሰሶዎችንና የተሰረቁ የኮንደክተር ሽቦዎችን መልሶ ለመተካት ከ34 ነጥብ 35 ሚሊዮን ብር በላይ ወጭ መደረጉን የጠቆሙት አቶ ዋለ ባለፉት በስድስት ወራት ብቻ በስርቆቱ ምክንያት ሳይሸጥ የባከነውን ኃይል ሳይጨምር ተቋሙ በአጠቃላይ ከ126 ነጥብ 81 ሚሊዮን ብር በላይ ጉዳት እንደደረሰበት ተናግረዋል።

እንደ አቶ ዋለ ገለፃ በበጀት ዓመቱ ከባለድርሻ አካላት ጋር በትብብር ሠፊ የግንዛቤ ማስጨበጫ ሥራዎች በመከናወናቸው ምክንያት በኃይል ማስተላለፊያ ተሸካሚ የብረት ምሰሶዎች ላይ ይፈፀሙ የነበሩ የስርቆት ወንጀሎች ካለፉት ዓመታት ተመሳሳይ ወቅቶች ጋር ሲነጻጸር መቀነስ አሳይቷል፡፡

የችግሩን አሳሳቢነት በመረዳት ይበልጥ ተደራሽ ለመሆን ተቋሙ በ2017 በጀት ዓመት የኃይል መሰረተ ልማት ደህንነት፣ ክትትልና ቁጥጥር የሥራ ክፍልን አቋቁሞ ወደ ሥራ መግባቱንም ሥራ አስኪያጁ አስታውሰዋል።

የሥራ ክፍሉን በቁሳቁስና በሰው ኃይል ለማደራጀት እየተሰራ እንደሆነና በክልል ከተሞች ጭምር መዋቅሩን ለመዘርጋት በቅጥር ሂደት ላይ እንደሚገኝም ነው የተናገሩት፡፡

የክፍሉ መደራጀት በሁሉም የሀገሪቱ ክፍሎች የሚገኙ የማህበረሰብ ክፍሎች የኃይል ማስተላለፊያ መስመር ተሸካሚ ምሰሶዎችን በባለቤትነት ስሜት እንዲጠብቁ የሚያስችል ሠፊ የግንዛቤ ማስጨበጫ ሥራዎችን ለመስራት እንደሚያግዝ  ገልጸዋል።

በአሁኑ ወቅት በግንባታ ላይ የሚገኙ የኃይል ማስተላለፊያ መስመር ፕሮጀክቶችን ሳይጨምር በተቋሙ 41 ሺ 747 የኃይል ማስተላለፊያ ተሸካሚ ምሰሶዎች በኦፕሬሽን ላይ ይገኛሉ፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 19 ቀን 2017 ዓ.ም

ምርታማነትን ለማሳደግ ምቹ የሥራ ከባቢ መፍጠር ያስፈልጋል
....//....
ለኃይል ምርታማነት ምቹ የስራ ከባቢን መፍጠር ላይ ትኩረት ሰጥቶ እንደሚሰራ የኃይል ማመንጫዎች ኦፕሬሽን ዘርፍ አስታወቀ።

በኢትዮጵያ ኤሌክትሪክ ኃይል የማመንጫ ጣቢያዎች ኦፕሬሽን ዘርፍ የ2017 በጀት ዓመት የመጀመሪያ ስድስት ወራት ዕቅድ አፈጻጸሙን በአዳማ ከተማ ገምግሟል።

በግምገማው ወቅትም የተሽከርካሪ፣ የመለዋወጫ ዕቃዎችና የሥራ ላይ መሣሪያዎች እጥረት፣ የደመወዝና ጥቅማ ጥቅም፣ የሠራተኞች ደህንነትን ከማረጋገጥ፣ የመኖሪያ ቤት ካለመሟላት እንዲሁም ከትምህርት ቤትና የህፃናት ማቆያ በበቂ ሁኔታ አለመኖር ጋር በተያያዘ የተነሱ ችግሮች እልባት እንዲሰጣቸው በጣቢያዎቹ የሥራ ኃላፊዎችና በሠራተኛ ማህበር የዘርፉ ተወካዮች በኩል ተጠይቋል።

በተጨማሪም በተቋሙ እየተከናወነ ስላለው የመዋቅር ማሻሻያ ሥራ፣ ከደረጃ ዕድገትና ዝውውር፣ ከጣቢያዎች የሠው ኃይል አደረጃጀትና  የሠራተኛ እጥረት፣  ከመሬት ይዞታ ማረጋገጫ፣ ከመድኃኒትና ከሠራተኞች የደንብ ልብስ አቅርቦት እንዲሁም ከ"ፒቲ ካሽ" በጀት አመዳደብ ጋር በተያያዘም ጥያቄዎች ተነስተዋል፡፡

ለተነሱ ጥያቄዎች ማብራሪያ የሰጡት የዘርፉ ሥራ አስፈፃሚ አቶ እያየሁ ሁንደሳ ተቋሙ የተጣለበትን ተልዕኮ በአግባቡ እንዲወጣ ለሠራተኞች ምቹ የሥራ ከባቢ መፍጠር ያስፈልጋል ብለዋል።

በዚህም የማመንጫ ጣቢያ ሠራተኞችን ደረጃ ከማሻሻል ጀምሮ የመለዋወጫ ዕቃዎችን፣ የደንብ ልብስ፣ የደመወዝና የጥቅማ ጥቅም ጥያቄዎችን ለመመለሰ እየተሰራ እንደሆነም አስረድተዋል።

በቀጣይ በኃይል ማመንጫ ጣቢያዎች  ለሚስተዋሉ ችግሮች ከሚመለከታቸው አካላት ጋር በመነጋገር መፍትሔ በመስጠት ሠራተኛው ተረጋግቶ ሥራውን የሚያከናውንበትን ምቹ የሥራ ከባቢ ለመፍጠር ትኩረት ተሰጥቶ እንደሚሰራም ነው ሥራ አስፈፃሚው የተናገሩት።

በተቋሙ ተግባራዊ እየተደረገ ያለው የመዋቅር ማሻሻያ ሥራ ተቋማዊ ለውጥ ለማምጣትና ስትራቴጅክ ዕቅዱን ለማሳካት እንደሚያስችል የገለፁት አቶ እያየሁ ሠራተኛው በመዋቅር ማሻሻያው ሳይረበሽ ሥራው ለይ ትኩረት በማድረግ ኃላፊነቱን በአግባቡ መወጣት እንደሚኖርበትም አሳስበዋል።

የአሠራር ሥርዓትን ለማዘመን እየተተገበረ ያለውን ሳፕን ጨምሮ በበጀት አጠቃቀም፣ በዕቅድና ሪፖርት አዘገጃጀት፣ በሠራተኞች አቅም ግንባታ እና እውቀት ሽግግር ላይ በትኩረት እንዲሰራ ሥራ አስፈፃሚው  አቅጣጫ አስቀምጠዋል።

በዕለቱ የተቋሙን ዋና ሥራ አስፈፃሚ ወክለው መልዕክት ያስተላለፉት በዋና ስራ አስፈፃሚ ጽ/ቤት የዶክመንቴሽንና አስተዳደራዊ ጉዳዮች ቢሮ ሥራ አስኪያጅ አቶ ዋለ ታምሬ በበኩላቸው ሠራተኛው ዘርፉ ለተቋሙ የጀርባ አጥንት መሆኑን ተገንዝቦ የተሰጠውን ሥራ በአግባቡ ማከናወን እንደሚጠበቅበት አስታውቀዋል።

ከደመወዝ፣ ከተሽከርካሪ እጥረት፣ ከደረጃ እድገትና ዝውውር እንዲሁም ከአደረጃጀት ጋር በተያያዘ የሚነሱ ጥያቄዎች እየተከናወነ ባለው የመዋቅር ማሻሻያ መፍትሔ እንደሚሰጣቸው የጠቆሙት አቶ ዋለ ማሻሻያው በሠራተኛው ኽልውና ላይ አሉታዊ ተፅዕኖ እንደማያሳድርም አረጋግጠዋል።

በቀጣይ በወጭ ቅነሳ፣ ምቹ የሥራ ከባቢ ፈጠራ፣ ክፍት ቦታዎችን በጓሮ አትክልት ማልማት እንዲሁም ሥራን በአግባቡ ለመፈፀም ራስን ማዘጋጀትና ማብቃት ላይ ትኩረት ሰጥቶ መስራት እንደሚገባ ዋና ሥራ አስፈፃሚው ማሳሰባቸውን አቶ ዋለ ተናግረዋል።

ተቋሙ ባለፉት ስድስት ወራት 13 ሺ 517 ነጥብ 6 ጊጋ ዋት ሠዓት ኃይል በማምረት የዕቅዱን 115 ነጥብ 6 በመቶ አፈፃፀም ማስመዝገቡን በግምገማው ወቅት ተገልጿል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 17 ቀን 2017 ዓ.ም

የሦስትዮሽ የኃይል ሽያጭ ሥምምነት ተፈረመ
.......///.......
የኢትዮጵያ ኤሌክትሪክ  ኃይል፣ የታንዛኒያ የኤሌክትሪክ አቅራቢ ኩባንያ እና የኬንያ የኤሌክትሪክ ማስተላለፊያ ኩባንያ ሲያካሂዱት የቆዩትን የሦስትዮሽ የኃይል ሽያጭ ድርድር አጠናቀው ስምምነት ላይ ደረሱ።

ስምምነቱ በኤሌክትሪክ ኃይል ሽያጭ ላይ ያተኮሩ የህግ፣ የኮሜርሻል እና የቴክኒክ ጉዳዮች ላይ  መሠረት ያደረገ እንደሆነ በፊርማ ሥነ-ሥርዓቱ ወቅት ተገልጿል።

የሦስትዮሽ ድርድሩን መጠናቀቅ ይፋ ለማድረግ በተዘጋጀው የፊርማ ሥነ-ሥርዓት ላይ ኢትዮጵያ ከታንዛኒያ ጋር የኃይል ሽያጭ እንዲሁም ኬንያ ከታንዛንያ ጋር የኃይል ማስተላለፊያ መስመር የኪራይ ውል ሥምምነት ተፈራርመዋል።

የኃይል ሽያጭ ሥምምነቱ በሀገራቱ ከፍተኛ የሥራ ኃላፊዎች ፀድቆ ከሚያዝያ 2017 ዓ.ም ጀምሮ ተግባራዊ እንደሚደረግ የተገለፀ ሲሆን በሥምምነቱ መሠረት ኢትዮጵያ ለታንዛኒያ 100 ሜጋ ዋት የኤሌክትሪክ ኃይል ሽያጭ ታከናውናለች።

ሥምምነቱን በኢትዮጵያ ኤሌክትሪክ ኃይል የህግ መምሪያ ዳይሬክተር አቶ መርክነህ ይገዙ፣ የኬንያ የኤሌክትሪክ ማስተላለፊያ ኩባንያ (KETRACO) ስትራቴጂ ሥራ አስኪያጅ ሚስተር ጎድፍሬይ ካሪዩኪ እና የታንዛኒያ የኤሌክትሪክ አቅራቢ ኩባንያ (TANSCO) የዕቅድ፣ ምርምር እና ኢንቨስትመንት ምክትል ዳይሬክተር ሚስስ ሬንታ ንድጌ ተፈራርመዋል።

በፊርማ ሥነ-ሥርዓቱ ወቅት ንግግር ያደረጉት በኢትዮጵያ ኤሌክትሪክ ኃይል የህግ መምሪያ ዳይሬክተር አቶ መርክነህ ይገዙ ሀገራቱ የሦስትዮሽ ድርድሩን ለማሳካት ላደረጉት ጥረት ምስጋናቸውን አቅርበዋል።

የሦስትዮሽ ሥምምነቱ ከኃይል ሽያጭ ባለፈ ለቀጣናዊ የንግድና ኢኮኖሚ ትስስር ፋይዳው የጎላ እንደሆነም ነው የገለፁት።

ከዚህ ቀደም በኢትዮጵያና ኬንያ መካከል የኃይል ሽያጭ ውል ሥምምነት ተፈርሞ ተግባራዊ እየተደረገ እንደሚገኝ ያወሱት ዳይሬክተሩ ከኃይል ሽያጩም ከፍተኛ የውጭ ምንዛሬ ማግኘት መቻሉን ተናግረዋል።

እንደ አቶ መርክነህ ገለፃ ሦስቱ ተቋማት የህግ፣ ኮሜርሻልና ቴክኒክ ጉዳዮች እንዲሁም በጋራ ተባብረው በሚሰሩበት ዙሪያ በጥልቀት ገምግመው የኃይል ሽያጭ ሥምምነቱን አፅድቀዋል።

የሦስትዮሽ ሥምምነቱ ኢትዮጵያ በኬንያ በኩል ለታንዛኒያ የኤሌክትሪክ ኃይል ሽያጭ ለማከናወን የሚያስችላትን መብት የሚሰጣት መሆኑንም ነው ዳይሬክተሩ ያብራሩት።

የታንዛኒያ የኤሌክትሪክ አቅራቢ ኩባንያ የዕቅድ፣ ምርምር እና ኢንቨስትመንት ምክትል ዳይሬክተር ሚስስ ሬንታ ንድጌ ድርድሩ በተሳካ ሁኔታ መጠናቀቁ እንዳስደሰታቸው ገልፀው ተቋማቱ ለተግባራዊነቱ በቁርጠኝነት እንዲሰሩ ጠይቀዋል።

የኬንያ የኤሌክትሪክ ማስተላለፊያ ኩባንያ ስትራቴጂ ሥራ አስኪያጅ ሚስተር ጎድፍሬይ ካሪዩኪ በበኩላቸው የሦስትዮሽ የኃይል ሽያጭ ድርድሩ በተሳካ ሁኔታ እንዲጠናቀቅ ላደረጉ የሦስቱ ተቋማት ባለሙያዎችም ምስጋናቸውን አቅርበዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 16 ቀን 2017 ዓ.ም

ዘርፉ የስድስት ወሩን የሥራ አፈፃፀም እየገመገመ ይገኛል
...//...
የኃይል ማመንጫዎች ኦፕሬሽን ዘርፍ የ2017 በጀት ዓመት የመጀመሪያ ስድስት ወራት ዕቅድ አፈፃፀምን በአዳማ ከተማ እየገመገመ ይገኛል።

በግምገማው ላይ የኃይል ማመንጫ ጣቢያዎች የግማሽ ዓመት ዕቅድ አፈፃፀም፣ የተስተዋሉ ጠንካራ ጎኖች፣ ያጋጠሙ ችግሮች እና ለችግሮቹ የተወሰዱ የመፍትሔ ሃሳቦች እየቀረቡ ውይይት እየተደረገባቸው ነዉ።

ውይይቱ በማመንጫ ጣቢያዎች የሚስተዋሉ የመለዋወጫ ዕቃዎች፣ የሥራ ላይ መሳሪያዎች አቅርቦት እና ሌሎች ችግሮች እልባት ለመስጠት ያግዛል።

ከዚህ በተጨማሪም የስድስት ወሩን የሥራ አፈፃፀም በመገምገም በቀጣይ ቀሪ ወራት የተያዘውን ዕቅድ ለማሳካት የሚያስችል አቅጣጫ ለማስቀመጥና በጣቢያዎች መካከል ልምድ ለመለዋወጥ እንደሚያስችል ተገልጿል።

ከጥር 15 ቀን 2017 ዓ.ም ጀምሮ ለሁለት ቀናት እየተካሄደ ባለው ውይይት የዘርፉን ሥራ አስፈፃሚ አቶ እያየሁ ሁንዴሳን ጨምሮ ሌሎች የዘርፉ እና የሁሉም ኃይል ማመንጫ ጣቢያዎች የሥራ ኃላፊዎች እንዲሁም የየማመንጫ ጣቢያ የመሠረታዊ ሠራተኞች ማህበር ተወካዮች በመሳትፍ ላይ ናቸዉ።

ውይይቱን የዘርፉ ሥራ አስፈፃሚ አቶ እያየሁ ሁንዴሳ እና በዋና ሥራ አስፈፃሚ ጽ/ ቤት የዶክመንቴሽንና አስተዳደራዊ ጉዳዮች ቢሮ ሥራ አስኪያጅ አቶ ዋለ ታምሬ እየመሩት ይገኛል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 16 ቀን 2017 ዓ.ም

ክልሉ ለተቋሙ አስፈላጊውን ድጋፍ እንደሚያደርግ ገለጸ፤
...//...
የቤንሻንጉል ጉሙዝ ክልል የኢትዮጵያ ኤሌክትሪክ ኃይል ለሚያከናውናቸው የኃይል መሰረተ ልማት ሥራዎች አስፈላጊውን ድጋፍ እንደሚያደርግ ገለጸ።

የኢትዮጵያ ኤሌክትሪክ ኃይል የሥራ ኃላፊዎች ከቤንሻንጉል ጉሙዝ ክልል አመራሮች ጋር የአሶሳ ማከፋፈያ ጣቢያ የመሬት ይዞታ ለውጥን በተመለከተ ውይይት አድርገዋል።

በኢትዮጵያ ኤሌክትሪክ ኃይል የኃይል ማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ የሪጅኖች ማስተባበሪያ መምሪያ ዳይሬክተር አቶ ጋሻው እንድሪያስ እና የንብረት አስተዳደር መምሪያ ዳይሬክተር አቶ ከሊል ሽፋ ከማከፋፋያ ጣቢያው የመሬት ይዞታ ለውጥ ጋር ተያይዞ በተቋሙ በኩል የሚነሱ ቅሬታዎችንና የማከፋፈያ ጣቢያው የኃይል አቅርቦት በተመለከተ ገለፃ አድርገዋል።

የሥራ ኃላፊዎቹ በገለጻቸው የመሬት ይዞታ ለውጡ በአሶሳ ማከፋፈያ ጣቢያ ላይ በሚከናወነው የማስፋፊያ ሥራ፣ በጣቢያው ደህንነት እና በኃይል አቅርቦቱ ላይ ችግሮችን የሚያስከትል መሆኑን ጠቁመዋል፡፡

የአሶሳ ከተማ ከንቲባ አቶ አብዱልካሪም አብዱራሂም የመሬት ይዞታው ለውጥ በከተማው እየተካሄደ ካለው የኮሪደር ልማት ጋር ተያይዞ የተከሰተ መሆኑንና ለማከፋፈያ ጣቢያውም ምትክ መሬት እንደሚሰጥ ተናግረዋል፡፡

የርዕሰ መስተዳድሩ የመሠረተ ልማት ዘርፍ አማካሪ አቶ አበራ ባያታ በበኩላቸው ከታላቁ የኢትዮጵያ ሕዳሴ ግድብ - አሶሳ ለሚዘረጋው የኃይል ማስተላለፊያ መስመር ግንባታ እና በነባሩ የአሶሳ ማከፋፈያ ጣቢያ ውስጥ ተቋሙ ለሚያከናውናቸው የማስፋፊያ ሥራዎች የክልሉ መንግስት ተገቢውን ክትትልና ድጋፍ እንደሚያደርጉ አስታውቀዋል።

የክልሉ ምክትል ርዕሰ መስተዳድር አቶ ጌታሁን አብዲሳ በውይይቱ ወቅት እንደተናገሩት ከማከፋፈያ ጣቢያው የመሬት ይዞታ ለውጥ ጋር ተያይዞ እየተነሱ ያሉ ቅሬታዎች በግንኙነትና በመረጃ ክፍተት የተፈጠሩ ናቸው፡፡

ለክልሉ ሁሉን አቀፍ እድገት የኤሌክትሪክ መሰረተ ልማት ወሳኝ መሆኑን የገለጹት አቶ ጌታሁን ከተቋሙ ጋር በትብብርና በቅንጅት ለመስራት ዝግጁ መሆናቸውን ተናግረዋል፡፡

ክልሉ ከተቋሙ ጋር በቅርበት ተባብሮ ለመስራት አሶሳ ከተማ ውስጥ የኢትዮጵያ ኤሌክትሪክ ኃይል ቢሮ እንዲያደራጅ ምክትል ፕሬዝዳንቱ ጥሪ አቅርበዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 14 ቀን 2017 ዓ.ም

ተቀዳሚ ምክትል ከንቲባው የኃይል ማከፋፈያ ጣቢያ ፕሮጀክቱን ጎበኙ
.........///.........
የደሴ ከተማ አስተዳደር ተቀዳሚ ምክትል ከንቲባ እና የደሴ ከተማ  የንግዱ ማኅበረሰብ አባላት በከተማዋ የተጀመረውን ባለ 230/33/15 ኪሎ ቮልት የኃይል ማከፋፈያ ጣቢያ ጎበኙ፡፡

ፕሮጀክቱ ከማከፋፈያ ጣቢያ ግንባታ በተጨማሪ 5 ነጥብ 6 ኪሎ ሜትር ርዝመት ያለው የማስተላለፊያ መስመር ዝርጋታን ያካትታል፡፡

1 ነጥብ 6 ቢሊየን ብር በጀት የተመደበለትን የማከፋፈያ ጣቢያ ግንባታ እና የማስተላለፊያ መስመር ዝርጋታ በሁለት ዓመት ተኩል ጊዜ ውስጥ ለማጠናቀቅ ዕቅድ ተይዞለታል፡፡

የፕሮጀክቱ ግንባታ በኢትዮጵያ አሌክትሪክ ኃይል የራስ ኃይል ግንባታ መምሪያ የሚከናወን ሲሆን በአሁኑ ወቅት የማከፋፈያ ጣቢያው አጥር እና የትራንስፎርመር ማስቀመጫ መሰረቶች ግንባታ በመከናወን ላይ ይገኛል፡፡

የከተማዋ ተቀዳሚ ምክትል ከንቲባው ሳሙኤል ሞላልኝ ከጉብኝቱ በኋላ እንደተናገሩት የማከፋፈያ ጣቢያው የከተማውን ህዝብ የረጅም ጊዜ ጥያቄ የሚመልስ ነው፡፡

ግንባታው ሲጠናቀቅ የከተማዋን የኃይል መቆራረጥ ከማስቀረት ባለፈ ለከተማዋ አጎራባች ለሆኑ የአማራና የአፋር
ክልሎች ወረዳዎች ተጨማሪ ኃይል ለማቅረብ ያስችላል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 09 ቀን 2017 ዓ.ም

ሪጅኑ ባለፉት ስድስት ወራት በስምንት ማከፋፈያ ጣቢያዎች ላይ አስቸኳይ የጥገና ሥራዎችን አከናውኗል
……..///…….
በኢትዮጵያ ኤሌክትሪክ ኃይል የደቡብ ምዕራብ ሪጅን ማስተላለፊያ መስመሮችና ማከፋፍያ ጣቢያዎች ኦፕሬሽንና ጥገና መምሪያ ባለፉት ስድስት ወራት በስምንት ማከፋፈያ ጣቢያዎች አስቸኳይ የጥገና ሥራዎችን ማከናወኑን ገለጸ፡፡

የሪጅኑ ዳይሬክተር አቶ ጌታሁን ሲሳይ እንደገለጹት ሪጅኑ የኃይል አቅርቦቱን አስተማማኝነት የሚያሳድጉ በዕቅድ ላይ የተመሰረቱ የጥገና ሥራዎች በማከፋፈያ ጣቢያዎችና በማስተላለፊያ መስመሮች ላይ ያከናውናል፡፡

በዚህም በ2017 በጀት ዓመት የመጀመሪያዎቹ ስድስት ወራት በስምንት ማከፋፈያ ጣቢያዎች ላይ አስቸኳይ የጥገና ሥራዎችን መስራቱን ተናግረዋል፡፡

በሚዛን፣ በጅማ አንድና ሁለት፣ በመቱ፣ በበደሌ እና ሌሎች ማከፋፈያ ጣቢያዎች ላይ ከፓወር ኬብል፣ ከትራንስፎርመር፣ ከብሬከርና ከባትሪ ጋር በተገናኘ የተከሰቱ የአስቸኳይ ጥገናዎችን ማከናወኑን ገልጸዋል፡፡

በተጨማሪም ከግልገል ጊቤ 1 ኃይል ማመንጫ - ሰኮሩ ማከፋፈያ ጣቢያ በተዘረጋው ባለ 400 ኬሎ ቮልት ማስተላለፊያ መስመር ላይ በስድስት ቦታዎች የኮንዳክተር የጥገና ስራ ተከናውኗል፡፡

የጥገና ሥራው በማከፋፈያ ጣቢያዎቹና ማስተላለፊያ መስመሮች ላይ በተደጋጋሚ ያጋጥም የነበረውን የኃይል መቆራረጥና በየጊዜው የሚከሰቱ የአስቸኳይ ጥገና ሥራዎችን መቀነሱን ጠቁመዋል።

በሪጅኑ የሚገኙ የማከፋፈያ ጣቢያዎችን ለማዘመን በርካታ ተግባራት መከናወናቸውንና በደሌ 33 ኪሎ ቮልት ስዊች ጊር በጂአይኤስ የመቀየር ሥራ መሰራቱን ተናግረዋል፡፡

በመቱ፣ በጅማ እና ግልገል ጊቤ 1 ማከፋፈያ ጣቢያዎች ደግሞ ለማስፋፊያ ሥራው የሲቪል ሥራዎች እየተከናወኑ ናቸው ብለዋል፡፡

የደቡብ ምዕራብ ሪጅን አስራ አንድ የማከፋፈያ ጣቢያዎችን እና 1900 ኪሎ ሜትር ሴርኪዩት የማስተላለፊያ መስመሮች ያስተዳድራል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 09 ቀን 2017 ዓ.ም

የብድርና ቁጠባ ማህበሩ የምስጋና ፕሮግራም አካሄደ
.........///.........
የኢትዮ ኤሌክትሪክ ገንዘብ ቁጠባ እና ብድር ህብረት ሥራ ማህበር በኢትዮጵያ ኤሌክትሪክ ኃይል እየተደረገለት ላለዉ ቁሳዊና ቴክኒካል ድጋፍ ምስጋና አቀረበ፡፡

ማኅበሩ ባዘጋጀዉ የምስጋና ፕሮግራም አስተዋጽኦ ላደረጉለት ለኢትዮጵያ ኤሌክትሪክ ኃይል እና ለኢትዮጵያ ኤሌክትሪክ አገልግሎት እንዲሁም በሁለቱ ተቋማት ለሚገኙ ለተለያዩ የሥራ ክፍሎች የእዉቅና ምስክር ወረቀት አበርክቷል፡፡

በመርሃ ግብሩ ላይ ንግግር ያደረጉት የማህበሩ የቦርድ ሰብሳቢ አቶ አንበስ ግዛቸዉ የኢትዮጵያ ኤሌክትሪክ ኃይል ለማህበሩ እያደረገ ስላለዉ ሁሉን አቀፍ ድጋፍ አመስግነዉ ስለማህበሩ ቀጣይ ዕቅዶች ይፋ አድርገዋል፡፡

የማህበሩ የብድር ጣሪያውን ወደ አንድ ነጥብ ሁለት ሚሊዮን ብር ለማሳደግ እና የማህበሩን አሰራር የሚያዘመንና የሚያሳልጥ አሰራር ለመዘርጋት የተለያዩ ጥረቶች መጀመራቸውን የቦርድ ሰብሳቢዉ አስታዉቀዋል፡፡

በማህበሩ ጠቅላላ ጉባዔ ላይ የሚሳተፉ የማህበሩ አባለትን ተቋማቱ ከሚገኙባቸው የሥራ ቦታዎች በተመረጡ ተወካዮቻቸዉ እንዲሳተፉ የሚያስችል አሰራር እንደሚተገበር ጠቁመዋል፡፡

ለሆነም በቅርቡ የቦርዱ ስራ አመራሮች ጠቅላላ ጉባዔ ተሳታፊ ተወካይ አባላትን ለማስመረጥ በሚሄዱባቸው የስራ ቦታዎች የሚመለከታቸው ኃላፊዎች አስፈላጊውን ትብብር እንዲያደርጉላቸው ጠይቀዋል፡፡

እንደ አቶ አንበስ ገለፃ አዲስ የማህሩ አባል ለመሆን የሚፈልግ ሠራተኛ ቀደም ሲል ይጠየቅ የነበረዉን የደመወዙን ስድስት በመቶ የመመዝገብያ ክፍያ ከጥር 8 እስከ መጋቢት 8 2017 ዓ.ም ድረስ ከክፍያ ነጻ መሆኑን ገልጸዋል። ሠራተኛዉ ይህን አጋጣሚ ተጠቅሞ የማህበሩ አባል እንዲሆን ጥሪ አቅርበዋል።

የኢትዮጵያ ኤሌክትሪክ ኃይል ከፍተኛ የስራ ሃላፊዎች ባስተላለፉት መልእክት ማህበሩ ጽ/ቤቱን እዚህ መክፈቱ የአግልግሎት ፋለጊ ሰራተኞችን የስራ ጊዜ በመቆጠብ እርካታውን የሚያሳድግ በመሆኑ በቀጣይም ማህበሩን ይበልጥ ለማጠናከር ከማህበሩ ጎን እንደሚቆሙ ተናግረዋል፡፡

ማህበሩ እንደሌሎች የቁጠባ እና ብድር ማህበራት ወደ ባንክ በሚያድግበትን እና የሠራተኛውን የመኖሪያ ቤት ችግር በሚቀርፍበት አግባብ ላይ ትኩረት አድርጎ እንዲሰራም ተጠይቋል።

በመርሃ ግብሩ ላይ የኢትዮጵያ ኤሌክትሪክ ኃይል እና የኢትዮጵያ ኤሌክትሪክ አገልግሎት ከፍተኛ የሥራ ኃላፊዎች እና ተወካዮች እንዲሁም ጥሪ የተደረገላቸው እንግዶች ተገኝተዋል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 08 ቀን 2017 ዓ.ም

ጣቢያው ባለፉት ስድስት ወራት ከ226 ጊጋ ዋት ስዓት በላይ ኃይል አምርቷል
......//......
በኢትዮጵያ ኤሌክትሪክ ኃይል የመልካ ዋከና የውሃ ኃይል ማመንጫ ጣቢያ በ2017 በጀት ዓመት ያለፉት 6 ወራት 226 ነጥብ 75 ጊጋ ዋት ሠዓት ማምረቱን የጣቢያው ሥራ አስኪያጅ ገለጹ።

ሥራ አስኪያጁ አቶ ቴዎድሮስ በቀለ እንደገለጹት ጣቢያው ባለፉት 6 ወራት 246 ነጥብ 41 ጊጋ ዋት ስዓት ኃይል ለማምረት አቅዶ 226 ነጥብ 75 ጊጋ ዋት ሠዓት ኃይል በማምረት የዕቅዱን 92 በመቶ አሳክቷል።

በ2016 በጀት ዓመት የመጨረሻ ወራት በጣቢያው ግድብ ላይ የነበረው ውሃ በከፍተኛ ደረጃ በመቀነሱ በግድቡ የተሻለ ውሃ ለመያዝ ሲባል በበጀት ዓመቱ የመጀመሪያዎቹ ወራት በአንድ እና ሁለት ዩኒት ብቻ እንዲሰራ በመደረጉ አፈፃፀሙ ዝቅ ማለቱን ተናግረዋል።

በጣቢያው ላይ የቅድመ መከላከል፤ የትንበያና የሁኔታ አመላካች ጥገና ሥራዎች በእቅድ ተይዘው እየተከናወኑ በመሆኑና በግድቡ በቂ ውሃ በመኖሩ በቀጣይ በጀት ዓመት የተሻለ ኃይል ለማምረት እቅድ ተይዞ እየተሰራ መሆኑን ገልጸዋል።

ጣቢያው ያለምንም መልሶ ግንባታ ከ37 ዓመት በላይ በማገልገሉ በየጊዜው የተለያዩ ችግሮች እየተከሰቱ መሆኑን የጠቆሙት አቶ ቴዎድሮስ  ካሉት አራት ተርባይኖች አንዱ ከ2004 ዓ.ም ጀምሮ አገልግሎት እየሰጠ አለመሆኑን ጠቁመዋል፡፡

የመልሶ ግንባታ ሥራ ለመስራት ከሩሲያ ከመጡ ባለሙያዎች ጋር ውይይት መደረጉን ገልጸው ስምምምቱ ተፈርሞ በአፋጣኝ ወደ ሥራ እንዲገባ ከሚመለከታቸው አካላት ጋር በቅንጅት እየተሰራ ነው ብለዋል፡፡

በአራት ተርባይን 153 ሜጋ ዋት የማምረት አቅም ያለው የመልካ ዋከና የውሃ ኃይል ማመንጫ ጣቢያ ከ1980 ዓ.ም ጀምሮ አገልግሎት በመስጠት ላይ ይገኛል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 06 ቀን 2017 ዓ.ም

የተሽከርካሪ ጥገና አሰራርን ለማዘመን እየተሰራ ነው
.........///.........
የተሽከርካሪ ጥገናን በዘመናዊ አሰራር በመታገዝ ለማከናወን የሚያስችል ዝግጅት እያደረገ መሆኑን በኢትዮጵያ ኤሌክትሪክ ኃይል የተሽከርካሪ አስተዳደር መምሪያ ገለፀ።

መምሪያው የተሽከርካሪ ጥገናን በሳፕ ቴክኖሎጅ በመታገዝ ለማከናወን የሚያስችል ስልጠና ለተሽከርካሪ ጥገና አስተዳደር ባለሙያዎችና የሥራ ኃላፊዎች እየሠጠ ይገኛል።

ስልጠናውን በንግግር ያስጀመሩት በተቋሙ የተሽከርካሪ አስተዳደር መምሪያ ዳይሬክተር አቶ ኃይላይ ተስፋይ እንደገለፁት የሁለተኛው ምዕራፍ የሳፕ ትግበራ አካል የሆነውን የተሽከርካሪና ማሽነሪ ጥገናና አስተዳደር ማኑዋልን በአግባቡ ለመተግበር ለባለሙያዎች ሥልጠና መስጠት ያስፈልጋል፡፡

ስልጠናው ከዚህ በፊት በማኑዋል ሲከናወን የነበረውን የተሽከርካሪ የጥገና ሥራ በዘመናዊ የአሰራር ስርዓት በመታገዝ ለማከናወን እንደሚያስችል ተናግረዋል::

እንደ አቶ ኃይላይ ገለፃ ሞጁሉ ተግባራዊ ሲደረግ የቅድመ መከላከል ጥገና እና በአጋጣሚ የሚከሰቱ የሥራ ላይ ብልሽት ጥገና ሥራዎችን በቀላሉ ለማከናወን ይረዳል።

የአሰራር ስርዓቱ ለተሸከርካሪዎች በወቅቱ የጥገና አገልግሎት እንዲያገኙ በማድረግ የአገልግሎት ጊዜያቸውን ለማራዘም፣ የአደጋ ተጋላጭነትን ለመቀነስ፣ የመረጃ አያያዝን ለማሳደግ እና በየጊዜው የሚስተዋሉ ብልሽቶችን በማስቀረት ለተሽከርካሪ ጥገና የሚወጣውን ወጭ ለመቀነስ እንደሚያግዝ አቶ ኃይላይ አስረድተዋል።

ሞጁሉ ሥራዎችን በቀላሉ ለማከናወን እንደሚያግዝ በመገንዘብ ሰልጣኞች ስልጠናውን በአግባቡ በመከታተል ለተግባራዊነቱ የበኩላቸውን ሚና መወጣት እንደሚጠበቅባቸውም ዳይሬክተሩ አሳስበዋል፡፡

ሥልጠናውን እየሰጡ የሚገኙት በተቋሙ የተሸከርካሪ ጥገና አስተዳደር ባለሙያ የሆኑት አቶ ብርሃኑ ታፈሰ በበኩላቸው ስልጠናው ከተሸከርካሪ ጥገና ጋር በተያያዘ የሚያገለግሉ መረጃዎችን በአሰራር ስርዓቱ እንዴት ማስገባት እንደሚቻል እና በጥገና ሂደቶቹ ላይ ትኩረት ያደርጋል ብለዋል፡፡

የአሰራር ስርዓቱ የተሸከርካሪዎችን አጠቃላይ መረጃዎች፣ በጥገና ሥራዉ ላይ ምን ሥራዎች እንደሚከናወኑ፣ ተሸከርካሪው በማን ሥር እንደሚገኝና ጥገና የት እንደሚደረግለት እንዲሁም የሚከናወኑ የጥገና አይነቶችንና ጥገናው የሚካሄድበትን ጊዜ እንደሚያሳውቅ አቶ ብርሃኑ አስረድተዋል፡፡

ለአምስት ቀናት በሚቆየው ስልጠና ላይ አስራ ስድስት የተሽከርካሪ ጥገና አስተዳደር ባለሙያዎች እና የሥራ ኃላፊዎች እየተሳተፉ ሲሆን በቀጣይ ለኃይል ማመንጫ ጣቢያዎች እና ለሪጅን የተሸከርካሪ ጥገና ባለሙያዎች ተመሳሳይ ስልጠና ለመስጠት መታቀዱ ተገልጿል።

የኢትዮጵያ ኤሌክትሪክ ኃይል በአሁኑ ወቅት ከ1 ሺ 200 በላይ ተሽከርካሪዎችና ማሽነሪዎች ያስተዳድራል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 05 ቀን 2017 ዓ.ም

ተቋማቱ የኃይል አቅርቦትን ለማሻሻል በጋራ ተስማሙ
........///........
የኢትዮጵያ ኤሌክትሪክ ኃይል እና የኢትዮጵያ ኤሌክትሪክ አገልግሎት ከፍተኛ የሥራ ኃላፊዎች ለህብረተሰቡ አስተማማኝ ኃይል ለማቅረብ በሚያስችሉ የሁለትዮሽ ጉዳዮች ላይ ተወያዩ።

የሁለቱን ተቋማት የጋራ ውይይት የኢትዮጵያ ኤሌክትሪክ አገልግሎት ዋና ሥራ አስፈፃሚ ኢንጂነር ሽፈራው ተሊላ መርተውታል።

በሁለቱ ተቋማት የተለዩና መፍትሄ የተበጀላቸው ጉዳዮች በዝርዝር ቀርበው ውይይት ተደርጎባቸዋል።

በአዲስ አበባና በሌሎችም ከተሞች የኃይል አቅርቦቱን አስተማማኝ ለማድረግ በተሰሩና መሰራት ባለባቸው ጉዳዮች ዙሪያ ማብራሪያ ቀርቧል።

ከኃይል አቅርቦት ጋር በተያያዘ ለቅድመ መከላከል ጥገናም ሆነ ለማሻሻያና መልሶ ግንባታ ሥራ የሚቋረጥ ኃይል ላይ ሁለቱ ተቋማት በቅንጅት ሊሰሩ እንደሚገባ መግባባት ላይ ተደርሷል፡፡

ተቋማቱ የሚሰጡት አገልግሎት ለሀገር ማህበራዊና ኢኮኖሚያዊ ዕድገት ያለው ፋይዳ የጎላ መሆኑ በሠራተኞች ዘንድ ተመሳሳይ ግንዛቤ መያዝ እንዳለበት አቅጣጫ አስቀምጠዋል።

በውይይቱ ላይ የሁለቱ ተቋማት ከፍተኛ የሥራ ኃላፊዎች ተገኝተዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 02 ቀን 2017 ዓ.ም

ዘርፉ የግማሽ ዓመቱን አፈፃፀም ገመገመ
.........///........
በኢትዮጵያ ኤሌክትሪክ ኃይል የንብረት አስተዳደርና ጠቅላላ አገልግሎት ዘርፍ የተሽከርካሪ ስምሪትና አስተዳደርን የግማሽ ዓመት የሥራ አፈጻጸም በመገምገም ከአሽከርካሪዎች ጋር ተወያየ።

ውይይቱን የመሩት የዘርፉ ሥራ አስፈጻሚ ወ/ሮ ስመኝ አያሌው እንደገለጹት  መድረኩ የተቋሙን ስትራቴጂክ ግቦች መሰረት የተዘጋጀው በሥራ ክፍሉ የተከናወኑ ተግባራትን፣ ያጋጠሙ ችግሮችን እና የተወሰዱ የመፍትሄ እርምጃዎችን እንዲሁም የሥራ ላይ ምክክር ለማድረግ ታስቦ ነው፡፡ 

ሥራ አስፈፃሚዋ ባቀረቡት የአፈጻጸም ሪፖርት የሥራ ክፍሉ በግማሽ ዓመቱ 396 የተሸከርካሪ አገልግሎት ጥያቄ ቀርቦለት ለ241 ጥያቄዎች ምላሽ መስጠቱን እና ለ104 ተሸከርካሪዎች የቴክኒክ ምርመራ ለማድረግ አቅዶ ለ108 ተሽከርካሪዎች ምርመራ ማድረጉን ገልፀዋል።

ወጪን ከመቀነስ አኳያ በሥራ ክፍሉ በሚገኙ የፑል ተሸከርካሪዎች ላይ በተደረገው የነዳጅ ቁጥጥር 1274 ሊትር ነዳጅ በመቀነስ ከ109,974 ብር በላይ ማዳን መቻሉን ጠቅሰዋል፡፡

በግምገማው ላይ ከጂ.ፒ.ኤስ. አጠቃቀም፣ ከተሽከርካሪ ጥገና፣  ከጋራዥ አገልግሎት አሰጣጥ እና ከሥራ ክፍሉ ጋር የተያያዙ የተለያዩ ጥያቄዎች ከሠራተኞች ቀርበው ምላሽ ተሰጥቶባቸዋል።

ከጂ.ፒ.ኤስ. አጠቃቀም ጋር ተያይዞ ለተነሳው ጥያቄ ምላሽ የሰጡት ሥራ አስፈፃሚዋ ጂ.ፒ.ኤስ. በተሸከርካሪዎች ላይ መገጠሙ የተሽከርካሪ አስተዳደር አሰራር ን ማዘመኑን ገልፀዋል።

ቴክኖሎጂው ተሽከርካሪዎች የት እንዳሉ ለማወቅ፤ ከአንድ ቦታ ወደ ሌላ ቦታ አዘዋውሮ ለማሰራት፣ የነዳጅና ጎማ አጠቃቀምን ወጪ ቆጣቢ በሆነ መንገድ ለማስተዳደር እንዳስቻለ አስረድተዋል።

እንደ ወ/ሮ ስመኝ ገለፃ የቴክኖሎጂው መተግበር የተቋሙ ተሽከርካሪዎችን የፍጥነት ገደብን በመወሰን አደጋን ለመቀነስ፣ ተሸከርካሪዎች የሄዱበትን አቅጣጫና ምን ያህል ኪሎ ሜትር እንደተጓዙ በማሳየት የተቋሙን ሀብት ለታለመለት ዓላማ ለማዋል አስችሏል።

የዘርፉ የሥራ ኃላፊዎች ከሠራተኞች ለተነሱት ጥያቄዎቹ ተጨማሪ ማብራሪያና አስተያየት ሰጥተዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 01 ቀን 2017 ዓ.ም

የዞንና የወረዳ መስተዳድሮች የጣቢያውን ጥብቅ ወሰን እንዲያስከብሩ ተጠየቀ
….//….
የገናሌ ዳዋ የኃይል ማመንጫ ጣቢያ ተልዕኮውን በአግባቡ እንዲወጣ የዞንና የወረዳ መስተዳድር አካላት የጣቢያውን ጥብቅ ወሰን የማስከበር ኃላፊነታቸውን እንዲወጡ የኢትዮጵያ ኤሌክትሪክ ኃይል ጥሪ አቀረበ፡፡

የኢትዮጵያ ኤሌክትሪክ ኃይል የሥራ ኃላፊዎች፣ የኦሮሚያ ክልል የልማት ተነሺ እና የውሃ ሀብት ቢሮ አመራሮች እንዲሁም የዞንና የወረዳ መስተዳድር አካላት በገናሌ ዳዋ የውሃ ኃይል ማመንጫ የጥብቅ ወሰን ወይም በፈር ዞን የመስክ ምልከታ አድርገዋል፡፡

በተቋሙ የኃይል መሰረተ ልማት ደህንነት፣ ክትትልና ቁጥጥር ቢሮ ሥራ አስኪያጅ አቶ ዋለ ታምሬ በመስክ ምልከታው ወቅት እንደገለጹት የጣቢያውንና የማህበረሰቡን ደህንነት ለማስጠበቅ ጥብቅ ወሰን በመከለል ተቋሙ ከቦታው ለተነሱ ሰዎች ካሳ ከፍሏል፡፡

ሆኖም ተቋሙ ካሳ ክፍሏቸው እስከ አሁን ከጥብቅ ወሰኑ ያልተነሱ የልማት ተነሽዎች ከመኖራቸው በተጨማሪ ሌሎች ሰዎችም ወሰኑን አልፈው እርሻ በማረስ በግድቡ ደህንነትና በኦፕሬሽን ሥራው ላይ አደጋ መደቀናቸውን ተናግረዋል፡፡

አቶ ዋለ አክለውም በግድቡ ወሰን ውስጥ የሚገኙ የማህበረሰብ ክፍሎች በክረምት ወራት ለጎርፍ አደጋ የተጋለጡ መሆናቸውንም አንስተዋል፡፡

ይህም የማህበረሰቡን ደህንነት ለአደጋ በማጋለጥ ተቋሙን ለአላስፈላጊ የካሳ ጥያቄ እንደሚዳርገው ነው የተናገሩት።

በጣቢያው ጥብቅ ወሰን ውስጥ ሆነው ካሳ ሳይከፈላቸው የቀሩ ሰዎች ካሉ ተቋሙ በትክክለኛ ማስረጃ ላይ ተመስርቶ ለማስተናገድ ዝግጁ መሆኑን የጠቆሙት አቶ ዋለ የዞንና የወረዳ የመስተዳድር አካላት ግድቡ ትልቅ አገራዊ ፕሮጀክት መሆኑን ከግምት በማስገባት የጣቢያውን ጥብቅ ወሰን የማስከበር ኃላፊነታቸውን እንዲወጡ ጠይቀዋል፡፡

የኦሮሚያ ብሔራዊ ክልላዊ መንግስት የልማት ተነሺዎች ኤጀንሲ ዋና ዳይሬክተር አቶ አለማየሁ ተስፋ በበኩላቸው የግድቡ ውሃ በሚተኛበት ዙሪያ የሚከናወኑ የልማት ሥራዎች በግድቡና በአካባቢው ማህበረሰብ ደህንነት ላይ ከፍተኛ ሥጋት መደቀናቸውን ተናግረዋል፡፡

የዞንና የወረዳ የመስተዳድር አካላት ከጣቢያው ወሰን ውስጥ የሰፈሩ የልማት ተነሺዎችን አማራጭ ቦታ በማዘጋጀት ወሰኑን ማስጠበቅ እንዳለባቸው ያሳሰቡት አቶ አለማየሁ ከካሳ ጋር ተያይዞ የሚነሱ ችግሮች ካሉም በቀጣይ በትክክለኛ መረጃ ላይ ተመስርተው እንደሚመለሱ ገልጸዋል፡፡

የነገሌ ቦረና ከተማ የውሃ አቅርቦት ፕሮጀክት ከግድቡ ጥብቅ ወሰን ውስጥ በመሰራቱ በክረምት ወራት የግድቡ ወኃ ሲሞላ በፓምፖቹ እና የውኃ መግቢያ (intake) ላይ ጫና እንደሚፈጥር በመስክ ምልከታቸው ማረጋገጣቸውንም አብራርተዋል፡፡

ይህም በአካባቢው የንጹህ የመጠጥ ውኃ አቅርቦት ላይ እንቅፋት መፍጠሩን ገልጸው ችግሩን በዘላቂነት ለመፍታት የውኃ ፕሮጀክቱን ከጥብቅ ወሰኑ ውጭ የቦታ ቅያሬ (Relocate) ለማድረግ በቅንጅት እንደሚሰራ ጠቁመዋል፡፡

በተጨማሪም ተቋሙ ካሳ በከፈለበት የጣቢያው ጥብቅ ወሰን የይዞታ ማረጋገጫ ካርታ ለማግኘት ላቀረበው ጥያቄም አፋጣኝ ምላሽ ለመስጠት ከመስተዳድር አካላት ጋር መግባባት ላይ መደረሱን አቶ አለማየሁ ተናግረዋል።

ጉጅና ባሌ ዞንን የሚያስተሳስረው የገናሌ ዳዋ የውኃ ኃይል ማመንጫ ጣቢያ ጥር 27 ቀን 2012 ዓ.ም ተመርቆ አገልግሎት መስጠት የጀመረ ሲሆን 254 ሜጋ ዋት የማመንጨት አቅም አለው።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥር 01 ቀን 2017 ዓ.ም

በበዓሉ የነበረው ከፍተኛው የኃይል ጭነት 3 ሺ 884 ሜጋ ዋት ሆኖ ተመዝግቧል
……..///…….
በትላንትናው ዕለት በተከበረው የ2017 ዓ.ም የገና በዓል 3 ሺ 884 ሜጋ ዋት ኃይል መመዝገቡን በኢትዮጵያ ኤሌክትሪክ ኃይል የብሔራዊ ኃይል መቆጣጠሪያ ማዕከል አስታወቀ።

የማዕከሉ ዳይሬክተር አቶ ሚኪያስ ወንድሙ እንዳስታወቁት ከበዓሉ ዋዜማ ጀምሮ በበዓሉ ዕለት የኃይል መቋረጥ እንዳያጋጥም ከኃይል ማመንጫ እስከ ማስተላለፊያና ማከፋፈያ ጣቢያ ድረስ አስፈላጊው ቅድመ ዝግጅት ተደርጎ የተለያዩ ሥራዎች ሲከናወኑ ነበር።

ለበዓሉ እና ለዋዜማው 4 ሺ 750 ሜጋ ዋት ኃይል ዝግጁ መደረጉንና በዋዜማው 4 ሺ 309 ሜጋ ዋት እንዲሁም በበዓሉ ዕለት 3 ሺ 884 ሜጋ ዋት ኃይል መመዝገቡን ነው ያስታወቁት።

ይህም ለማቅረብ ከተዘጋጀው ውስጥ በዋዜማው 441 ሜጋ ዋት እንዲሁም በበዓሉ ዕለት 866 ሜጋ ዋት ትርፍ ኃይል እንደነበር አቶ ሚኪያስ ተናግረዋል።

በዋዜማው የተመዘገበው ኃይል ከ2016 ተመሳሳይ ወቅት ጋር ሲነፃፃር በ787 ሜጋ ዋት ወይም የ22 በመቶ እንዲሁም የበዓሉ ዕለት በ1 ሺ 196 ሜጋ ዋት ወይም የ44 በመቶ ብልጫ ያለው መሆንኑ ጠቅሰዋል።

እንደ ዳይሬክተሩ ገለፃ ከመንዲ- አሶሳ በተዘረጋው መስመር ላይ በበዓሉ ዋዜማ ምሽት ባጋጠመ ችግር ምክንያት ከተቋረጠ ኃይል ውጭ በሌሎች መስመሮች፣ በማመንጫ እና ማከፋፈያ ጣቢያዎች ምንም ዓይነት ችግር ስላልተከሰተ ኃይል አልተቋረጠም።

በመስመሩ በተተከሉ ስድስት የኃይል ማስተላለፊያ ተሸካሚ ምሶሶዎች ላይ ባጋጠመ ስርቆት ምክንያት በበዓሉ ዋዜማ ከምሽት ጀምሮ ኃይል መቋረጡን የጠቆሙት ዳይሬክተሩ የሪጂኑ የጥገና ባለሙያዎች በበዓሉ ዕለት ጉዳት የደረሰባቸውን የኃይል ተሸካሚ ምሰሶዎች በመጠገን ከቀኑ 9 ሠዓት ጀምሮ የተቋረጠውን ኃይል መልሶ ማገናኘት ተችሏል ብለዋል።

በበዓሉ ዋዜማና በዕለቱ የኃይል እጥረት ባለማጋጠሙ ከፍተኛ ኃይል ተጠቃሚ ኢንዱስትሪዎች እና ጎረቤት ሀገራት ጭምር ኃይል ከዚህ በፊት ይቀርብ በነበረው አግባብ እንደተስተናገዱ አንስተዋል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 30 ቀን 2017 ዓ.ም

ለገና በዓል የኃይል እጥረት እንዳያጋጥም ዝግጅት ተደርጓል
........///.......
በነገው ዕለት ለሚከበረው የገና በዓል የኃይል አቅርቦት የኃይል እጥረት እንዳያጋጥም አስፈላጊው ዝግጅት መደረጉን በኢትዮጵያ ኤሌክትሪክ ኃይል የብሔራዊ ኃይል መቆጣጠሪያ ማዕከል አስታወቀ።

የማዕከሉ ዳይሬክተር አቶ ሚኪያስ ወንድሙ እንዳስታወቁት የገና በዓል የኃይል አጠቃቀም ከሌሎች በዓላት የኃይል ጭነቱ ከፍ የማለት አዝማሚያ ስለሚስተዋል ይህን ታሳቢ ያደረገ ዝግጅት ተደርጓል፡፡

በመሆነም በበዓሉ ወቅት የኃይል እጥረት እንዳያጋጥም ካለፉት ዓመታት የበዓል የኃይል አጠቃቀም አዝማሚያ በመነሳት 4 ሺህ 750 ሜጋ ዋት ኃይል ዝግጁ መደረጉን ነው ዳይሬክተሩ የተናገሩት።

በ2016 ተመሳሳይ በዓል የነበረው የኃይል አጠቃቀም 3 ሺ 522 ሜጋ ዋት እንደነበር ያስታወሱት አቶ ሚኪያስ ዘንድሮ ግን በዓሉ ሳይደርስ የነበረው የታህሳስ ወር ከፍተኛው የኃይል ጭነት 4 ሺ 630 ሜጋ ዋት ሆኖ መመዝገቡን ነው የተናገሩት።

ይህም በበዓሉ ወቅት የኃይል እጥረት እንደማያጋጥም አመላካች እንደሆነና በዓሉ ወቅት ይኖራል ተብሎ ከታሰበው የኃይል ፍላጎት በላይ ከመጣ ፍላጎቱን ማስተናገድ የሚያስችል ተጨማሪ 300 ሜጋ ዋት የኤሌክትሪክ ኃይል ለመጠባበቂያነት ዝግጁ መደረጉን አስታውቀዋል፡፡

እንደ ዳይሬክተሩ ገለፃ ለዘንድሮው የገና በዓል ዝግጁ የተደረገው ኃይል አምና በተመሳሳይ ወቅት ከቀረበው ጋር ሲየፃፀር የ34 በመቶ ብልጫ ያለው ነው።

በበዓሉ ዕለት የኃይል አቅርቦት ችግር እንዳያጋጥም ለማድረግ በኃይል ማመንጫ ጣቢያዎች ሁሉም ዩኒቶች ላይ የፍተሻ ሥራዎችን በማከናወን ዩኒቶቹ ዝግጁ መደረጋቸውን ገልፀዋል።

ከፍተኛ የኃይል ማስተላለፊያ መስመሮችና ማከፋፈያ ጣቢያዎች ለኃይል መቋረጥ ምክንያት እንዳይሆኑ የቅድመ መከላከልና የፍተሻ ሥራዎች መከናወናቸውንም አስረድተዋል።

በበዓሉ ምክንያት ለከፍተኛ ኃይል ተጠቃሚ ኢንዱስትሪዎች እና ለጎረቤት አገራት በሚቀርበው ኃይል ላይ ተፅዕኖ  እንደማይኖርም ጠቁመዋል፡፡

ለማህበረሰቡ አስተማማኝ ኃይል ለማቅረብ ሲባል ከ11 ማከፋፈያ ጣቢያዎች ኃይል የሚያገኙ የአገልግሎቱ የኢንዱስትሪ ደንበኞች በበዓሉ ወቅት አጠቃቀማቸውን እንዲቀንሱ ከኢትዮጵያ ኤሌክትሪክ አገልግሎት ጋር ንግግር መደረጉንም አንስተዋል።

በበዓሉ ወቅት ኃይል በተገቢው ሁኔታ ለተጠቃሚው እንዲደርስ ለማድረግ እና ከበዓሉ ጋር በተያያዘ ለሚያጋጥሙ ችግሮች መፍትሔ ለመስጠት ከኃይል ማመንጫና ማከፋፈያ ጣቢያ ኃላፊዎች፣ ከሁሉም ሪጅኖች የጥገና ኃላፊዎችና ሠራተኞች እንዲሁም ከኢትዮጵያ ኤሌክትሪክ አገልግሎት ጋር ውይይት ተካሂዷል ብለዋል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 28 ቀን 2017 ዓ.ም

እንኳን ለኢየሱስ ክርስቶስ የልደት በዓል በሰላም እና በጤና አደረሳችሁ! በዓሉ የሠላም እንዲሆን ከልብ እንመኛለን!

ማመንጫ ጣቢያው  ከዕቅድ በላይ ኃይል ማምረት ችሏል
……..///….…
በኢትዮዽያ ኤሌክትሪክ ኃይል ግልገል ጊቤ አንድ የውሃ ማመንጫ ጣቢያ  መንፈቀ ዓመት ከዕቅድ በላይ ኃይል ማምረቱን የጣቢያው ሥራ አስኪያጅ አቶ ደሳለኝ  ንጉሳ   ገለፁ።

ሥራ አስኪያጁ   እንደገለፁት ጣቢያው  ባለፉት ስድስት ወራት 572,855,721 ኪሎ ዋት ስዓት  ኃይል ለማምረት አቅዶ 587,411,770 ኪሎ ዋት ስዓት በማምረት የዕቅዱን 102.57 በመቶ ማሳካት ችሏል ፡፡

የጣቢያው የማመንጨት አፈፃፀም ከፍ ሊል የቻለው የቅድመ ጥገና  ስራዎች  በተያዘላቸው ዕቅድ መሰረት በመከናወናቸውና  ለኦፕሬንሽን ስራዎው አስፈላጊው ቅድመ ዝግጅት በመደረጉ ሦስቱም ዩኒቶች በሙሉ አቅማቸው እየሰሩ በመሆኑ እደሆነ  አቶ ደሳለኝ ገልፀዋል።

አመታዊ ዕቅዱን ከማሳካት አንፃር ግዱቡ በቂ ወሃ መያዙንም  ሥራአስኪያጁ አክለው ገልፀዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 26 ቀን 2017 ዓ.ም

የሚቀርቡ ቅሬታዎችን በመፍታት የእኔነት ስሜትን ለማሳደግ ይሰራል
........///……...
የኢትዮጵያ ኤሌክትሪክ ኃይል ከገናሌ ዳዋ የኃይል ማመንጫ ጣቢያ ጋር ተያይዞ የሚነሱ የካሳ ክፍያ እና የውሃ አቅርቦት ችግሮችን በዘላቂነት ለመፍታት ያለመ ውይይት ከባለድርሻ አካላት ጋር በትላንትናው ዕለት አካሂዷል።

በውይይቱ ላይ ከካሳ ክፍያ፣ ከጣቢያው የጥብቅ ወሰን (በፈር ዞን)፣ ከግድቡ የውሃ አለቃቀቅ እና የልማት ተነሺዎችን መልሶ ከማቋቋም እንዲሁም በኃይል ማመንጫው የውሃ መግቢያ (intake) አካባቢ ስለተገነባው የነገሌ ቦረና ከተማ የውሃ አቅርቦት ፕሮጀክት ጋር የተያያዙ ጥያቄዎች ተነስተዋል።

ለተነሱ ጥያቄዎች ምላሽና ማብራሪያ የሰጡት በተቋሙ የኃይል መሰረተ ልማት ደህንነት፣ ክትትልና ቁጥጥር እንዲሁም የአስተዳደራዊ ጉዳዮችና ዶክመንቴሽን ሥራ አስኪያጅ አቶ ዋለ  ታምሬ በተደጋጋሚ የሚነሱ የካሳ ጥያቄዎች ለተቋሙና ለጣቢያው የኦፕሬሽን ሥራ ፈተና ሆኖበታል፡፡

ተቋሙ ቅሬታዎችን ለመፍታት የተለያዩ ሥራዎችን ሲያከናውን እንደነበርም ያስታወሱት ሥራ አአስኪያጁ በፕሮጀክቱ ለልማት ተነሽዎቹ 3 ቢሊዮን ብር ካሳ መከፈሉን ገልፀዋል።

ይሁንና በዚህ ሂደት ካሳ ያልተከፈለው የልማት ተነሺ ስለመኖሩ በትክክለኛ መረጃ ላይ ተመስርቶ ከቀረበ በህጋዊ አግባብ እንደሚስተናገድ አስታውቀዋል።

የነገሌ ቦረና ከተማ የውሃ አቅርቦት ፕሮጀክት ከግድቡ ጥብቅ ወሰን ውስጥ መሰራቱንና ይሄም ትክክል እንዳልነበር የጠቁሙት አቶ ዋለ ችግሩ በዘላቂነት በሚፈታበትና ማህበረሰቡ ንጹህ የመጠጥ ውሃ በሚያገኝበት ዙሪያ ተቋሙ ከባለድርሻ አካላት ጋር ተባብሮ ለመስራት ዝግጁ መሆኑንም አረጋግጠዋል።

ተቋሙ በጣቢያው ዙሪያ ባሉ የህብረተሰብ ክፍሎች የሚቀርቡ ቅሬታዎችን በመፍታት በጣቢያው ላይ የእኔነት ስሜትን ለማሳደግ የሚያስችሉ የልማት ሥራዎችን እንደሚያከናውንም ተናግረዋል።

የኦሮሚያ ብሔራዊ ክልላዊ መንግስት የልማት ተነሲዎች ኤጀንሲ ዋና ዳይሬክተር አቶ አለማየሁ ተስፋ በበኩላቸው የማመንጫ ጣቢያው የሀገር ብሔራዊ ኩራት ከሆኑ ግዙፍ ፕሮጀክቶች አንዱ ነው ብለዋል።

ከጣቢያው ጋር ተያይዞ የሚነሱ ጥያቄዎች ተገቢነታቸውን ዳግም በመፈተሽና በማረጋገጥ ለቅሬታዎች አፋጣኝ ምላሽ መስጠት ያስፈልጋል ነው ያሉት።

የልማት ተነሺዎች ችግር በተጋነነ የካሳ ክፍያ ብቻ የሚፈታ ነው የሚል የተሳሳተ አመለካከት መኖሩን የጠቆሙት አቶ አለማየሁ ካሳ እየተገባቸው ሳያገኙ የቀሩ ካሉ መረጃዎቻቸውን በማሰባሰብና በማረጋገጥ እንደሚፈታ ተናግረዋል።

ከውሃ አቅርቦት ጋር ያለው ችግር በአፋጣኝ መፍትሄ እንዲሰጠው ከሚመለከታቸው አካላት ጋር በትብብር እንዲሠራም ጠይቀዋል።

በውይይቱ የተነሱ ሀሳቦችን እንደግብዓት በመውሰድ ችግሮቹን በዘላቂነት ለመፍታት አመራሩ በትብብር መንፈስ ማህበረሰቡን ማዕከል አድርጎ መስራት እንዳለበትም አሳስበዋል።

በውይይቱ ላይ የክልሉ የልማት ተነሺ እና የውሃ ሀብት ቢሮ የሥራ ኃላፊዎች እንዲሁም የዞንና የወረዳ መስተዳድር አካላት ተሳትፈዋል።


💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 24 ቀን 2017 ዓ.ም

በጣቢያው ከካሳ ክፍያና ከውኃ አቅርቦት ጋር ተያይዞ የሚነሱ ችግሮችን ለመፍታት ያለመ ውይይት እየተካሄደ ነው
....//....
በኢትዮጵያ ኤሌክትሪክ ኃይል የገናሌ ዳዋ የኃይል ማመንጫ ጣቢያ ጋር ተያይዞ የሚነሱ የካሳ ክፍያ እና የውኃ አቅርቦት ችግሮችን በዘላቂነት ለመፍታት ያለመ ውይይት በነገሌ ቦረና ከተማ መካሄድ ጀምሯል።

በተቋሙ የኃይል መሰረተ ልማት ደህንነት፣ ክትትልና ቁጥጥር እንዲሁም የአስተዳደራዊ ጉዳዮችና ዶክመንቴሽን ሥራ አስኪያጅ አቶ ዋለ ታምሬ እንደገለጹት ፕሮጀክቶች በሚገነቡብት አካባቢ ለሚነሱ የማህበረሰብ ክፍሎች ደርጅቱ የካሳ ክፍያዎችን እንደሚፈጽም ተናግረዋል።

ሆኖም ከልማት ተነሺዎች የሚቀርብ የተጋነነ የካሳ ክፍያ ጥያቄ ለተቋሙ ፈተና እየሆነ መምጣቱን ያወሱት አቶ ዋለ ችግሩን ለመፍታትም ተቋሙ ከመስተዳድር አካላት ጋር በትብብር እየሰራ ነው ብለዋል።

አቶ ዋለ አክለውም በገናሌ ዳዋ የኃይል ማመንጫ ጣቢያ ከካሳ ክፍያ እና ከውኃ አቅርቦት ጋር ያሉ ችግሮችን በዘላቂነት ለመፍታት ተቋሙ ቁርጠኛ መሆኑን አንስተዋል።

በውይይቱ ላይ የተቋሙና የጣቢያው ኃላፊዎችን ጨምሮ የኦሮሚያ ውኃ ሥራዎች ድርጅት፣ የልማት ተነሽዎች ኤጀንሲ፣ የዞንና ወረዳ መስተዳድር አካላት እየተሳተፉ ይገኛል።

ከዚሁ በተጨማሪም በማመንጫ ጣቢያው አካባቢ የሚገኙ የህብረተሰብ ክፍሎች የኤሌክትሪክ ኃይል ተጠቃሚ በሚሆኑበት መንገድ ላይም ውይይት ይካሄዳል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 23 ቀን 2017 ዓ.ም

የውጤት ማስታወቂያ

በአዲስ ዘመን ጋዜጣ ጥቅምት 29 ቀን 2017 ዓ.ም በፋርማሲስት 2ኛ እንዲሁም ህዳር 11 ቀን 2017 ዓ.ም በሞግዚት (Child Care) የስራ መደብ በቋሚነት ለመቅጠር ማስታወቂያ ማውጣታችን ይታወቃል፡፡

ስሆነም መስፈርቱን አሟልታችሁ ከተመዘገባችሁት ተወዳዳሪዎች መካከል በፋርማሲስት 2ኛ በተ.ቁ 1 የተገለፁት እና በሞግዚት (Child Care) ከተ.ቁ 1 እስከ 4 የተገለጻችሁ በተሰጠው የጽሁፍ ፈተና አብላጫ ውጤት ያመጣችሁ በመሆኑ ከታህሳስ 23 ቀን 2017 ዓ.ም ጀምሮ ባሉት 5 (አምስት) ተከታታይ የስራ ቀናት ውስጥ በዋናው መ/ቤት ኮተቤ ብረታብረት በሚገኘው የሰራተኛ ምደባ ቢሮ ማስረጃችሁን ዋናውን እና ኮፒ በመያዝ እየቀረባችሁ የቅጥር ፎርም እንድትሞሉ እናሳውቃለን፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 23 ቀን 2017 ዓ.ም

የተቋረጠው የጅማ  - ቦንጋ መስመር ተጠግኖ አገልግሎት መስጠት ጀምሯል
.........///........
በአደጋ የተነሳ ኃይል ማስተላለፍ አቋርጦ የነበረው የጅማ-ቦንጋ ባለ 132 ኪሎ ቮልት የከፍተኛ ኃይል ማስተላለፊያ መስመር ተጠግኖ ትናንት ምሽት ከ3:00 ጀምሮ አገልግሎት መስጠት መጀመሩን በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ አስታወቀ።

በዘርፉ የደቡብ ምዕራብ ሪጅን ዳይሬክተር አቶ ጌታሁን ሲሳይ ኤሌክትሪክ የተቋረጠባቸው አካባቢዎች የሚገኙ ደንበኞች ችግሩ እስኪቀረፍ ድረስ በትዕግስት ስለጠብቁ አመስግነዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 19 ቀን 2017 ዓ.ም

የፈተና ጥሪ ማስታወቂያ
---//---
የኢትዮጵያ ኤሌክትሪክ ኃይል በሹፌር 2ኛ የስራ መደብ ሰራተኞችን አወዳድሮ ለመቅጠር ነሐሴ 15 ቀን 2016 ዓ.ም የውጪ ማስታወቂያ ማውጣቱ ይታወቃል፡፡

በዚህም መሰረት ህዳር 17 ቀን 2017 ዓ.ም. የጽሁፍ ፈተና ተፈትናችሁ በመንገድ ትራንስፖርት በሚፈቅደው ህግ እና ደንብ መስረት 74 እና ከዚያ በላይ ውጤት ያመጣችሁ ከተራ ቁጥር 1 እስከ 37 ለተግባር ፈተና ያለፋችሁ ስለሆነ ከተራ ቁጥር 1 እስከ 18 ታህሳስ 24 ቀን 2017 ዓ.ም ከጠዋቱ 2፡30 እንዲሁም ከተራ ቁጥር 19 እስከ 37 ታህሳስ 25 ቀን 2017 ዓ.ም ከጠዋቱ 2፡30 የታደሰ መንጃ ፈቃድ በመያዝ ኮተቤ ብረታብረት ፊትለፊት በሚገኘው በዋናው መ/ቤት ተሽከርካሪ ጥገና አስተዳደር ቢሮ የተግባር ፈተና የሚሰጥ በመሆኑ ለፈተና እንድትገኙ እናሳስባለን፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 18 ቀን 2017 ዓ.ም

በሳፕ የ2ኛው ምዕራፍ ላይ በሚተገበረው የመጋዘን አስተዳደር ሞጁል ላይ ስልጠና እየተሰጠ ነው
---//---
የኢትዮጵያ ኤሌክትሪክ ኃይልን ሀብት ዕቅድ ሥርዓት (Enterprise Resource Planining) የሚያዘምነው የሳፕ ሁለተኛው ምዕራፍ ትግበራ አካል በሆነው የመጋዘን አስተዳደር ሞጁል ላይ ለመጋዘን አስተዳደር ባለሙያዎች ስልጠና መሰጠት መጀመሩን የንብረትና ጠቅላላ አገልግሎት ዘርፍ አስታወቀ፡፡

በዘርፉ የንብረት፣ ሪስክ እና ኢንሹራንስ ሥራ አስኪያጅ አቶ ሳህሌ ደግፍ እንዳስታወቁት ተቋሙ እየተጠቀመበት ያለው የንብረት አስተዳደር ሞጁል ከዕቃ ግምጃ ቤት አጠቃቀም እስከ "ፕላንት እና ስቶሬጅ ሎኬሽን" ድረስ ብቻ የተገደበ ነበር፡፡

በመጋዘን ውስጥ የሚከናወኑ ሥራዎችን ለማቀላጠፍ ተጨማሪ ሲስተም መተግበር አስፈላጊ ሆኖ መገኘቱን የጠቀሱት ሥራ አስኪያጁ የተራዘመ የመጋዘን አስተዳደር (SAP Extended Warehouse Management) ሞጁል ከዕቃ ግምጃ ቤት አጠቃቀም እስከ ፕላንት እና ስቶሬጅ ሎኬሽን ድረስ ብቻ የነበረውን አሰራር እስከ መጋዘን ውስጥ የቦታ ምልከታ ድረስ ለማመላከት ያስችላል ብለዋል፡፡

እንደ አቶ ሳህሌ ገለፃ ሞጁሉ ሲተገበር አንድ ዕቃ የተቀመጠበትን ትክክለኛ ቦታ በመጠቆም የሠራተኛውን ድካም ለመቀነስ፣ ንብረቶች የሚገኙበትን መደርደሪያ እና ልዩ መለያ ቦታን ለማመላከት እንዲሁም ማንኛውም አካል በየትኛውም ቦታ ላይ ሆኖ ማየት ያስችላል፡፡

ይህም ንብረቶች ለታቀደላቸው ዓላማ ብቻ እንዲውሉ ለማድረግ ከፍተኛ ሚና ይኖረዋል ነው ያሉት፡፡

ስልጠናው ነባርና አዲስ የመጋዘን ሠራተኞች የተለየ የመጋዘን ቁጥጥር ወይም ዕቃዎችን ለይቶ የማወቅ ችሎታና ልምድ ሳያስፈልጋቸው ሲስተምን በማወቅና በመጠቀም ሥራውን ለማቀላጠፍ ያስችላል ብለዋል።

ሲስተሙ የካይዘን አሰራር ስታንዳርድን መጠቀም ስለሚያስገድድ ከካይዘን አሰራር ጋር ተያይዘው የሚመጡ ለውጦችን መጠቀም እንደሚያስችልም ተናግረዋል።

እንደ ስራ አስኪያጁ ገለፃ የSAP EWM ሲስተም በተቋሙ መጋዘን ውስጥ የሚቀመጡ ዕቃዎች መጀመሪያ የገባው ዕቃ መጀመሪያ እንዲወጣ - First In First Out (FIFO) እና የአገልግሎት ጊዜው አጭር የሆነ ዕቃ ቀድሞ እንዲወጣ -First Expired First Out (FEFO) ደረጃዎችን መጠቀም ያስችላል።

ለሰባት ቀናት በሚቆየው ስልጠና ላይ በአዲስ አበባ ዙሪያ ከሚገኙ ሶስት ሪጂኖች እና ከዋናው ዕቃ ግምጃ ቤት የተውጣጡ 15 የዕቃ ግምጃ ቤት ባለሙያዎች እየተሳተፉ ይገኛሉ፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 18 ቀን 2017 ዓ.ም

የተቋረጠውን የጅማ  - ቦንጋ መስመር ለመጠገን ርብርብ እየተደረገ  ነው
.........///........
በጅማ-ቦንጋ ባለ 132 ኪሎ ቮልት የከፍተኛ ኃይል ማስተላለፊያ መስመር ላይ በደረሰ ጉዳት ኃይል መቋረጡን በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ አስታወቀ።

በዘርፉ የደቡብ ምዕራብ ሪጅን ዳይሬክተር አቶ ጌታሁን ሲሳይ እንደገለፁት  በጅማ ዞን ሸቤ ሶምቦ ወረዳ በለጠ  ጫካ በሚባል ልዩ አካባቢ  መስመሩ ላይ ለጊዜው ማንነታቸው ያልታወቁ ሰዎች ዛፍ በመጣላቸው ኃይል ተቋርጧል።

በዚህ የተነሳ በካፋ ዞን - በቦንጋ፣ በሚዛን አማን፣ በቤንች ሸኮ ዞን - ጀሙ፣ ምዕራብ ኦሞ ዞን  - ቴፒ፣ ከፊል ሸካ ዞን - ሜጪ፣ ዲማ እና በዙሪያቸው ባሉ የወረዳ ከተሞች   ኤሌክትሪክ  ተቋርጣል።

ኃይል ከተቋረጠበት ሰዓት አንስቶ ችግር የደረሰበትን መስመር እና ቦታውን የመለየት እንዲሁም ለጥገና የሚያገለግሉ ባለሙያዎችና ቁሶችን ወደስፍራው የማድረስ ሥራ የተከናወነ በመሆኑ ችግሩ እስኪቀረፍ ድረስ ደንበኞች በትዕግስት እንዲጠብቁ ዳይሬክተሩ ጠይቀዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 17 ቀን 2017 ዓ.ም

ግድቦቹ በበጀት ዓመቱ ለማመንጨት የታቀደውን ኃይል ለማሳካት የሚያስችል ውሃ ይዘዋል
……….///………
ባለፈው የክረምት ወቅት ወደ ኃይል ማመንጫ ግድቦች የገባው የውሃ መጠን በበጀት ዓመቱ ለማመንጨት የተያዘውን ዕቅድ ለማሳካት እንደሚያስችል የኃይል ማመንጫዎች ኦፕሬሽን ዘርፍ አስታወቀ።

በዘርፉ የዕቅድ ቢሮ ሥራ አስኪያጅ ወ/ሮ ጥሩወርቅ ሽፈራው እንደገለጹት ኃይል ማመንጫ ጣቢያዎች በሙሉ አቅማቸው ኃይል እንዲያመነጩ ለማድረግ ግድቦች በቂ ውሃ መያዝ ይኖርባቸዋል፡፡

በክረምቱ ወቅት ከፍተኛ የውሃ መጠን ያከማቹ ማመንጫ ጣቢያዎች ከፍተኛ ኃይል እንዲያመነጩ በማድረግ አነስተኛ ውሃ የነበራቸው ግድቦችን የኃይል ጭነት በመቀነስ በተገቢው መጠን ውሃ እንዲይዙ መደረጉን ሥራ አስኪያጇ ተናግረዋል።

በአሁኑ ጊዜ ግድቦቹ የያዙት የውሃ መጠን በበጀት ዓመቱ ለማመንጨት የታቀደውን ለማሳካት እንደሚያስችል በመጀመሪያው ሩብ ዓመት የነበረው ኃይል የማመንጨት አፈፃጸም ማሳያ ነው ብለዋል።

እስከ ጥቅምት 30 ቀን 2017 ዓ.ም ድረስ በተሰበሰበው መረጃ መሰረት ስምንት የማመንጫ ግድቦች የሞሉ ሲሆን ሁለቱ ደግሞ በበቂ ደረጃ ውሃ መያዛቸውን ነው ሥራ አስኪያጇ የጠቆሙት።

እንደ ወ/ሮ ጥሩወርቅ ገለፃ ግልገል ጊቤ 1ኛ፣ ፊንጫ፣ መልካ ዋከና፣ ጣና በለስ፣ ተከዜ፣ ገናሌ ዳዋ፣ ቆቃ እና ህዳሴ የኃይል ማመንጫ ግድቦች የሞሉ ሲሆን ጊቤ 3ኛ እና አመርቲ ነሼ ኃይል ማመንጫ ግድቦች ደግሞ በበቂ ደረጃ ውሃ ይዘዋል፡፡

ሁሉም ግድቦች አሁን ያላቸው የውሃ መጠን በበጀት ዓመቱ የታቀደላቸውን ኢነርጂ ለማመንጫት እንደሚያስችላቸውም አረጋግጠዋል፡፡

ግድቦች የያዙትን የውሃ መጠን በአግባቡ ለመጠቀም ከጥገና፣ ከውሃ አስተዳደር እና ከመለዋወጫ ዕቃዎች አቅርቦት ጋር በተያያዘ ትኩረት ተሰጥቶ እንደሚሰራ ወ/ሮ ጥሩወርቅ አመልክተዋል፡፡

የ2017 በጀት ዓመት የግድቦች የውሃ አያያዝ ከባለፈው ተመሳሳይ ወቅት ጋር ሲነፃጸር የተሻለ እንደሆነ በዳሰሳ ጥናት መረጋገጡን ጠቁመዋል፡፡

በተያዘው የበጀት ዓመት ከተለያዩ የኃይል ምንጮች ከ25 ሺ ጊጋ ዋት ሰዓት በላይ የኤሌክትሪክ ኃይል ለማምረት ታቅዶ እየተሰራ ይገኛል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 17 ቀን 2017 ዓ.ም

ጣቢያው ተጨማሪ የኃይል ፍላጎትን የማስተናገድ አቅም አለው፤
...….///…...
በኢትዮጵያ ኤሌክትሪክ ኃይል የቢሾፍቱ ቁጥር 3 ባለ 400 ኪሎ ቮልት የማከፋፈያ ጣቢያ ተጨማሪ ደንበኞችን የማስተናገድ አቅም እንዳለው የጣቢያው ተወካይ ኃላፊ ገለጹ፡፡

ኃላፊው አቶ ሀብታሙ ከበደ እንደገለጹት ማከፋፈያ ጣቢያው በ 400/230 ኪሎ ቮልት ሁለት አውቶ ትራንስፎርመሮች 1 ሺ 200 ሜጋ ቮልት አምፔር የመጫን አቅም ቢኖረውም አሁን ላይ እየሰጠ የሚገኘው ከ15 ነጥብ 6 በመቶ ያልበለጠ ነው።

ቢሾፍቱ የኢንዱስትሪ መናኸሪያ ከመሆኗ ጋር ተያይዞ በአሁኑ ወቅት በርካታ ኢንዱስትሪዎችና ፋብሪካዎች በመገንባት ላይ መሆናቸውን የጠቆሙት አቶ ኃብታሙ ማከፋፈያ ጣቢያው በግንባታ ላይ ለሚገኙና በቀጣይ የሚመጡ የኃይል ጥያቄዎችን ለመመለስ ዝግጁ መሆኑንም ገልጸዋል፡፡

የኃይል አቅርቦት ችግር እንዳያጋጥም በማከፋፈያ ጣቢያው ላይ የማሻሻያና የማዘመን ሥራዎች መከናወናቸውንም ተወካይ ኃላፊዉ ጠቁመዋል፡

ግንባታው በተጠናቀቀበት ወቅት 50 ሜጋ ቮልት አምፔር አቅም ያላቸው 230/15 ኪሎ ቮልት ሁለት ፓወር ትራንስፎርመር ብቻ የነበረ ሲሆን በአካባቢው በባለ 33 ኪሎ ቮልት ወጪ መስመር ከፍተኛ ፍላጎት በመኖሩ ምክንያት ተጨማሪ 50 ሜጋ ቮልት አምፔር አቅም ያላቸው 230/33 ኪሎ ቮልት ሁለት ፓወር ትራንስፎርመሮች ማስፋፈያ ተደርጓል፡፡

እንደ አቶ ሀብታሙ ገለፃ ማከፋፈያ ጣቢያው ሁለት ባለ 400 ኪሎ ቮልት ከገላን ማከፋፈያ ጣቢያ ገቢ መስመር ያለው ሲሆን በ230 ኪሎ ቮልት ለዱከም ቁጥር-2 በሁለት መስመሮች እንዲሁም ለሞጆ ማከፋፈያ ጣቢያዎች በመስጠት ላይ ይገኛል፡፡

ጣቢያው አስር ባለ15 ኪሎ ቮልት እና አስር ባለ 33 ኪሎ ቮልት ወጭ መስመሮች እንዳሉትም አመላክተዋል፡፡

በማከፋፈያ ጣቢያው ያሉት ብሬከሮች ጂ አይ ኤስ በመሆናቸው የኃይል መቆራረጥን በመቀነስ በኩል ሚናቸው ከፍተኛ ነው ብለዋል።

በትራንስፎርመሮች ውስጣዊ ችግር ምክንያት የእሳት አደጋ ቢከሰት አደጋውን ለመከላከል የሚረዳ ጨምሮ ሌሎች ዘመናዊ ቴክኖሎጂዎች የተገጠሙለት መሆኑንም ተናግረዋል፡፡

የቢሾፍቱ ቁጥር 3 ባለ 400 ኪሎ ቮልት የማከፋፈያ ጣቢያ ከመስከረም 21 ቀን 2013 ዓ.ም ጀምሮ አገልግሎት በመስጠት ላይ ይገኛል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 16 ቀን 2017 ዓ.ም

ለጥገና ሥራ በተለያዩ አካባቢዎች የሚቋረጥ የኃይል አቅርቦት

ነገ ሐሙስ ታህሳስ 17 እና ዓርብ ታህሳስ 18 ቀን 2017 ዓ.ም ለ24 ሰዓት እንዲሁም ቅዳሜ ታህሳስ 19 እና እሁድ ታህሳስ 20 ቀን 2017 ዓ.ም ለ 12 ሰዓት በጅማ አባ ጎሪቃ የኃይል ማስተላለፊያ መስመር ላይ የጥገና ሥራ ይከናወናል፡፡

ስለሆነም በአባ ከተማ፣ በተርጫ፣ በአመያ፣ በጭዳ፣ በቂራራ፣ በከርቤላ፣ በዋካ፣ በገሳ፣ በኢሰራ ከተማ፣ በጨበራ ጩርጩራ ፓርክ፣ በዘባ ገዙ ወረዳ፣ በደሳ ወረዳ፣ በማረካ ወረዳ፣ በቶጫ ወረዳ፣ በገና ወረዳ እና በዋራ ከተማዎች ኤሌክትሪክ ተቋርጦ ይቆያል፡፡

በተመሳሳይ ቅዳሜ ታህሳስ 19 ቀን 2017 ዓ.ም. ከጠዋቱ 12፡00 ሰዓት እስከ ረፋዱ 8፡00 ሰዓት ድረስ በአዲስ ሴንተር ማከፋፈያ ጣቢያ የፓወር ትራንስፎመር ጥገና ለማከናወን ሲባል በሜክሲኮ፣ በለገሀር፣ በመስቀል አደባባይ፣ በቦሌ ማተሚያ ቤት አካባቢ፣ በገነት ሆቴል አካባቢ፣ በኢዩቤልዩ ቤተመንግስት፣ በብሔራዊ፣ በሳር ቤት፣ በዑራኤል አካባቢ የኤሌክትሪክ ኃይል ይቋረጣል፡፡

በሌላ በኩል እሁድ ታህሳስ 20 ቀን 2017 ዓ.ም. ከጠዋቱ 12፡00 ሰዓት እስከ ረፋዱ 8፡00 ሰዓት ድረስ በቃሊቲ ኖርዝ ማከፋፈያ ጣቢያ የፓወር ትራንስፎመር ጥገና ለማከናወን ሲባል በቼራሊያ፣ በኢንዱስትሪ መንደር በከፊል፣ በዩሮ ኬብል፣ በአቃቂ ስታዲየም፣ በመኮድ፣ በአየር ኃይል ካምፕ፣ በገላን ጉራ ባቡር ጣቢያ ጀርባ፣ በዋሊያ ብረታ ብረት፣ በቂሊንጦ ኮንዶሚኒየም እና አካባቢው የኤሌክትሪክ ኃይል ተቋርጦ ይቆያል፡፡

ስለሆነም ክቡራን ደንበኞቻችን ይህንኑ በመገንዘብ ከወዲሁ ተገቢውን ቅድመ ዝግጅት እንድታደርጉ በአክብሮት እናሳስባለን፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 16 ቀን 2017 ዓ.ም

የኃይል ማከፋፈያ ጣቢያዎችን የመቆጣጠሪያ ሥርዓት ለማዘመን የሚያስችሉ ሥራዎች እየተከናወኑ ነው
……...///……..
የኃይል ማከፋፈያ ጣቢያዎችን የመቆጣጠሪያ ደህንነት ሥርዓት ለማዘመን እና ለማሻሻል የሚያስችሉ ሥራዎች እየተከናወኑ መሆኑን በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ አስታወቀ።

በዘርፉ የዲጂታላይዜሽን እና አቅም ማሳደግ ፕሮጀክት መምሪያ የምስራቅ አንድ ሪጅን የፕሮጀክቱ አስተባባሪ አቶ ጠይብ መሐመድ እንደገለፁት የመቆጣጠሪያ ደህንነት ሥርዓት የማዘመን እና አቅም የማሳደግ ሥራው በተመረጡ 69 የኃይል ማከፋፈያ ጣቢያዎች ላይ ተግባራዊ ይደረጋል።

የጣቢያዎችን እና ማስተላለፊያ መስመሮችን የመቆጣጠሪያ ደህንነት የማዘመን እና የማሻሻል ሥራው በማዕከላዊ አንድ፣ ማዕከላዊ ሦስት እና ምስራቅ አንድ እንዲሁም ደቡብ አንድ ሪጅን ሥር በሚገኙ 15 የኃይል ማከፋፊያዎች ላይ መጀመሩንም ነው የተናገሩት።

በአሁኑ ወቅት የአምስት የኃይል ማከፋፈያ ጣቢያዎችን የመቆጣጠሪያ መሳሪያዎች የማዘመን እና አቅም የማሳደግ ሥራ ተጠናቆ ሥራ መጀመራቸውንም ነው የገለፁት።

እንደ አቶ ጠይብ ገለፃ ፕሮጀክቱ በዋናነት በማከፋፈያ ጣቢያዎች ውስጥ የሚገኙ ትራስፎርመሮችን እና የመቆጣጠሪያ መሳሪያዎችን ደህንነት በማዘመን ለደንበኞች አስተማማኝ የኃይል አቅርቦት እንዲኖር ማስቻል ነው።

በተቋሙ የኢንጅነሪንግ ዘርፍ የኮንትራት እና ሱፐርቪዥን መምሪያ የምስራቅ አንድ ሪጅን አስተባባሪ አቶ ክብሮም በርሔ በበኩላቸው የሥራ ክፍሉ የፕሮጀክቱን እንቅስቃሴ የመቆጣጠር እና በኮንትራቱ መሰረት እንዲጠናቀቅ የማድረግ ሥራዎችን እያከናወነ ይገኛል ብለዋል።

ፕሮጀክቱ የኃይል ማከፋፈያ ጣቢያዎችን ደህንነት ለረጅም ዓመታት ሲቆጣጠሩ የቆዩ፣ የተበላሹ እና ውስንነት ያለባቸው የሪሌይ ዕቃዎችን በአዲስና ዘመናዊ መሳሪያዎች ለመቀየር ያለመ እንደሆነም ነው የገለፁት።

እንደ አቶ ክብሮም ገለፃ በጣቢያዎቹ የሚገጠሙት ዘመናዊ የመቆጣጠሪያ መሳሪያዎች የማከፋፈያ ጣቢያዎቹን ደህንነት የማስጠበቅ ሥራ ወጥነት ባለው መልኩ በአንድ ሪሌይ ብቻ የማከናወን አቅም የሚፈጥሩ ናቸው።

የኃይል ማከፋፈያ ጣቢያዎችን የመቆጣጠሪያ ሥርዓት የማዘመንና አቅም የማሳደግ ሥራውን የቻይናው ሲ.ዋይ.ጂ ሱርሚ ኃላፊነቱ የተወሰነ የግል ኩባንያ እያከናወነ ሲሆን የተቋሙ የኮንትራት እና ሱፐርቪዥን መምሪያ ደግሞ በአማካሪነት እየተሳተፈ እንደሚገኝ ተገልጿል።

ፕሮጀክቱን በ18 ወራት ጊዜ ውስጥ ለማጠናቀቅ ከ4.6 ሚሊዮን የአሜሪካን ዶላር በላይ በጀት የተያዘ ሲሆን የፋይናንስ ወጪውም ሙሉ በሙሉ በኢትዮጵያ ኤሌክትሪክ ኃይል የሚሸፈን ነው።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 16 ቀን 2017 ዓ.ም

የማከፋፈያ ጣቢያው ለአገልግሎት ዝግጁ የሚሆንበት ደረጃ ላይ ደርሷል
……..///……….
የማሻ ባለ 230/33 ኪሎ ቮልት ማከፋፈፈያ ጣቢያ ፕሮጀክት የኤሌክትሮ ሜካኒካል መሳሪያዎች  ገጠማ እና ፍተሻ ተጠናቆ የሙከራ ሥራ መከናወኑን የፕሮጀክቱ ሳይት ሥራ አስኪያጅ ገለጹ፡፡

ሥራ አስኪያጁ አቶ ጌታቸው አሳዬ እንደገለፁት የሰርኪዩት ብሬከሮች ተከላ፣ 50 ሜጋ ዋት የመሸከም አቅም ያላችው ሁለት ባለ 31 ነጥብ 5 ሜጋ ቮልት አምፒር ትራንስፎርመሮች ተከላ፣ የስዊችያርድ እና ሌሎች የኤሌክትሮ ሜካኒካል ዕቃዎች ተከላና የማገናኘት ሥራ ተጠናቋል፡፡

የማከፋፈያ ጣቢያው አጠቃላይ አፈጻጸም ከ90 በመቶ በላይ መድረሱን የጠቆሙት ሥራ አስኪያጁ የማስተላለፊያ መስመሩ ዝርጋታ እንደተጠናቀቀ ለአገልግሎት ዝግጁ እንደሚደረግ ገልጸዋል፡፡

ከዓለም በተገኘ ከ6 ነጥብ 6 ሚሊዮን ዶላር በላይ ብድር እየተገነባ የሚገኘው የማከፋፈያ ጣቢያው አንድ ባለ 230 ኪሎ ቮልት ገቢ እና ስድስት ባለ 33 ኪሎ ቮልት ወጪ መስመሮች አሉት፡፡

ግንባታውን ሲኖ ኃይድሮ ኮርፖሬሽን የተባለው የቻይና ኩባኒያ ሲያከናውን በአማካሪነት ደግሞ ኢ. ኤል. ሲ. (ELC) የተባለ የጣሊያን ኩባንያ እየተሳተፉበት ይገኛሉ፡፡

ፕሮጀክቱ ሲጠናቀቅ ለማሻና ለአካባቢው አስተማማኝ የኃይል አቅርቦት እንዲኖር ከማድረጉ ባሻገር የደቡብ ምዕራብ ኢትዮጵያን ኃይል ትስስር በማሳለጥ በኩል ከፍተኛ አስተዋጽኦ ይኖረዋል ተብሎ ይጠበቃል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 15 ቀን 2017 ዓ.ም

የኃይል ማመንጫ ግድቡን ደህንነት ለመጠበቅ እየተሰራ ነው
……...///…..….
በኢትዮጵያ ኤሌክትሪክ ኃይል የግልገል ጊቤ አንድ የውሃ ኃይል ማመንጫ ግድብ ደህንነትን ለማስጠበቅ የሚያስችሉ ተግባራትን እያከናወነ መሆኑን ጣቢያው አስታወቀ።

የጣቢያው የጥገናና የዳም ሞኒተሪንግ ሥራ ክፍል መሪ አቶ ሀብታሙ ጌቱ እንደተናገሩት የዕይታ ፍተሻ እና የግድብ ደህንነት መከታተያ መሣሪያዎችን በመጠቀም የኃይል ማመንጫውን ግድብ ደህንነት የማረጋገጥ ሥራ እየተሰራ ነው፡፡

የግድብ ደህንነት ክትትልና ቁጥጥር ሥራው በውሃ መግቢያው (ኢንቴክ)፣ በውሃ ማስተንፈሻ (Spillways) እና በግድቡ የተለያዩ ክፍሎች ላይ እንደሚከናወን ጠቁመዋል።

የግድቡ ስርገትን (Dam settlement) በተመለከተ በዲዛይን ወቅት በተቆፈሩና እስከ 38 ነጥብ 2 ሜትር ጥልቀት ባላቸው አምስት ጉድጓዶች ውስጥ በተቀመጡ ቀለበቶች አማካኝነት ክትትልና ቁጥጥር እንደሚደረግ ገልጸዋል።

በተጨማሪም 1 ነጥብ 7 ኪሎ ሜትር በሚረዝመው በግድቡ ሥር ባለ የመሬት ውስጥ ዋሻ የታችኛው ወለል የውሃ ፍሳሽ መጠን መቆጣጠሪያዎች አማካኝነት የቁጥጥር ሥራ ይሰራል።

ይህም የግድቡን ደህንነት ስጋት ላይ ሊጥሉ የሚችሉ ያልተጠበቁ ሰው ሰራሽና የተፈጥሮ ክስተቶችን በመከላከል እና አስፈላጊውን የማስተካከያ እርምጃ በወቅቱ በመውሰድ ደህንነቱን ለመጠበቅም ያግዛል ብለዋል፡፡

በተጨማሪም በግድቡ የሚከናወነው የክትትልና ቁጥጥር ሥራ የግድቡን ደህንነት በመጠበቅ የኃይል ማመንጫ ጣቢያው የሚጠበቅበትን ኃይል በአግባቡ እንዲያመርት ከማድረግ ባሻገር ከግድቡ በታች የሚገኙ የህብረተሰብ ክፍሎችን ከድንገተኛ ጎርፍ ለመከላከል የሚያስችል መሆኑን ተናግረዋል።

የግድብ ክትትልና ቁጥጥር ሥራው በግድቡ ላይ በየሳምንቱና በየወሩ ፍተሻ በማካሄድ የሚከናወን መሆኑንም ገልጸዋል።

የኢትዮጵያ ኤሌክትሪክ ኃይል የኃይል ማመንጫ ግድቦችን ደህንነት ለመጠበቅ በዲዛይን፣ በግንባታ ሂደት፣ ግድቡ ለመጀመሪያ ጊዜ ውሃ መያዝ ሲጀምር እንዲሁም በአገልግሎት ጊዜ የክትትልና የቁጥጥር ሥራዎችን ያከናውናል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ታህሳስ 15 ቀን 2017 ዓ.ም

ኃይል የተቋረጠው በከፍተኛ የኃይል ማስተላለፊያ መስመር ላይ በተከሰተ ችግር ነበር
.........///..........
በመላው ኢትዮጵያ ትላንት ምሽት ኃይል ተቋርጦ የነበረው ከታላቁ ህዳሴ ግድብ - ደዴሳ - ሆለታ በተዘረጋው ባለ 500 ኪሎ ቮልት ከፍተኛ የማስተላለፊያ መስመር ላይ አደጋ በማጋጠሙ መሆኑን በኢትዮጵያ ኤሌክትሪክ ኃይል የብሔራዊ ኃይል መቆጣጠሪያ ማዕከል አስታወቀ።

በማዕከሉ የሪል ታይም ኦፕሬሽን ሥራ አስኪያጅ አቶ ጉልላት እንግዳ እንዳስታወቁት ትላንት ምሽት ኃይል የተቋረጠው በከባድ ንፋስ የተነሳ ዛፍ በኃይል ማስተላለፊያ መስመሩ ላይ በመውደቁ ነው።

የከፍተኛ የኃይል ማስተላለፊያ መስመሮችን ደህንነት ለማስጠበቅ እስከ 30 ሜትር ድረስ አካባቢውን ከዛፍ የማፅዳት ሥራ ቢሰራም ለመስመሩ ደህንነት ማፅዳት ከተቻለው ውጪ የበቀሉ ትላልቅ ዛፎች ለኃይል መቋረጡ ምክንያት ሆነዋል ብለዋል።

በተከሰተው ችግር የታላቁ የኢትዮጵያ ህዳሴ ግድብ በአራት ዩኒቶች እያመነጨ የነበረው 1 ሺህ 300 ሜጋ ዋት ኃይል ወደ ሌሎቹ የኃይል ማመንጫዎች በመተላለፉ ምክንያት የኃይል ጭነቱ በግሪድ የኔትወርክ ሥርዓቱ ላይ ከፍተኛ ችግር እንዲፈጠር ማድረጉን ተናግረዋል።

የኃይል መቆጣጠሪያ ኔትወርኮች ህብረተሰቡ ከሚጠቀምባቸው ኔትወርኮች የተለዩ መሆናቸውን የገለፁት አቶ ጉልላት የተቋረጠው ኤሌክትሪክ በሳይበር ጥቃት አልያም በውጫዊ ኃይል የተፈፀመ እንዳልሆነም አብራርተዋል።

የኃይል መቆጣጠሪያ የኔትወርክ ሥርዓቱ ከሳይበር ጥቃት ስጋት የፀዳ መሆኑን የጠቀሱት ሥራ አስኪያጁ መሰል ጥቃቶችን ለመከላከል የሚያችል ጠንካራ ሥርዓት መዘርጋቱን ነው የተናገሩት።

በመላው ሀገሪቱ ያለው የኃይል አቅርቦት ሥርጭት በአንድ ማዕከል ስር መቆጣጠር በሚያስችል የመረጃ ልውውጥ ሥርዓት ታግዞ እየተሰራ እንደሚገኝም ገልፀዋል።

እንደ ሥራ አስኪያጁ ገለፃ በተለያዩ ምክንያቶች የሚቋረጠውን የኤሌክትሪክ ኔትወርክ መልሶ ለማገናኘት ከሦስት ሰዓት ያልበለጠ ጊዜ ይወስዳል።

ይሁን እንጂ ትላንት ማምሻውን ያጋጠመውን ችግር በፍጥነት ማስተካከል ያልተቻለው ኃይል የተቋረጠበት ሰዓት ሁሉም የህብረተሰብ ክፍል ኤሌክትሪክ በስፋት የሚጠቀምበትና ከፍተኛ የኃይል ጭነት የሚበዛበት በመሆኑ ነው ብለዋል።

የተቋረጠውን ኃይል ወደ ነበረበት ለመመለስ በኃይል መቆጣጠሪያ ማዕከል፣ በኃይል ማመንጫዎች እና ማከፋፈያ ጣቢያዎች ከፍተኛ ርብርብ ሲደረግ እንደነበርም ነው ያነሱት።

በመላ ሀገሪቱ የሚገኙ የከፍተኛ የኃይል ማስተላለፊያ መስመሮችን ደህንነት መጠበቅ የዜጎች ኃላፊነት መሆኑን በመገንዘብ ሁሉም የድርሻውን እንዲወጣ ጥሪያቸውን አቅርበዋል።

የተፈጠረው ችግር እስኪፈታ ድረስ በትዕግስት ለጠበቁ ሁሉ ምስጋናቸውን ያቀረቡት አቶ ጉግላት ለተከሰተው ችግር በተቋሙ ስም ይቅርታ ጠይቀዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 29 ቀን 2017 ዓ.ም

በመላው ሀገሪቱ የተቋረጠው ኃይል ወደነበረበት ተመልሷል
........///.........
ዛሬ ከቀኑ 11:00 ጀምሮ በሲስተም አለመረጋጋት ምክንያት በመላው ሀገሪቱ ተከስቶ የነበረው የኃይል መቋረጥ ወደነበረበት መመለሱን የብሔራዊ የኃይል መቆጣጠሪያ ማዕከል አስታውቋል።

ማዕከሉ የተፈጠረው ችግር እስኪፈታ ድረስ በትዕግስት ለጠበቃችሁ ደንበኞች ምስጋናውን አቅርቧል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 28 ቀን 2017 ዓ.ም

በመላው ሀገሪቱ ከተቋረጠው ኃይል ከግማሽ በላይ የሚሆነው ወደነበረበት እየተመለሰ ነው
........///.........
በመላው ሀገሪቱ ከተቋረጠው ኃይል ከግማሽ በላይ የሚሆነው ወደነበረበት እየተመለሰ መሆኑን የብሔራዊ የኃይል መቆጣጠሪያ ማዕከል አስታወቀ።

ማዕከሉ እንዳስታወቀው በአዲስ አበባ 85 በመቶ በሚሆነው በአብዛኛዎቹ አካባቢ፣ በአዳማ፣ በሀዋሳ፣ በጅማ፣ አርባምንጭ፣ ወላይታ ሶዶ፣ ሻሸመኔ፣ ወልቂጤ፣ መቀሌ፣ አድዋ፣ አላማጣ፣ ዲላ፣ ቦንጋ፣ ሚዛን እና ሀገረማርያም ኃይል ተመልሶ ተገናኝቷል።

እስካሁን ከ50 በመቶ በላይ በሚሆኑ የሀገሪቱ አካባቢዎች ኃይል መመለሱን የገለፀው ማዕከሉ በቀሪዎቹ አካባቢዎች መልሶ ለማገናኘት ርብርቡ መቀጠሉን ገልጿል።

የተፈጠረው ችግር ሙሉ በሙሉ እስኪቀረፍ ድረስ ደንበኞች በትዕግስት እንዲጠባበቁም ጠይቋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 28 ቀን 2017 ዓ.ም

የተቋረጠው ኃይል ወደነበረበት እየተመለሰ ነው
........///.........
ዛሬ ማምሻውን በሲስተም አለመረጋጋት ምክንያት ተቋርጦ የነበረው ኃይል ወደነበረበት እየተመለሰ መሆኑን የብሔራዊ የኃይል መቆጣጠሪያ ማዕከል አስታወቀ።

ማዕከሉ እንዳስታወቀው የሲስተሙን ቮልቴጅ በማረጋጋት የተቋረጠውን ኃይል ደረጃ በደረጃ ለመመለስ የሚያስችል ሥራ እየተከናወነ ነው።

በአዲስ አበባ በአንዳንድ አካባቢዎች እንዲሁም በክልል ከተሞች የተቋረጠው ኃይል ወደነበረበት መመለሰ መጀመሩን ገልጿል።

ስለሆነም የተፈጠረው ችግር ሙሉ በሙሉ እስኪፈታ ድረስ በትዕግስት እንድትጠብቁን በአክብሮት እንጠይቃለን።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 28 ቀን 2017 ዓ.ም

በመላው ሀገሪቱ የተቋረጠውን ኃይል ወደነበረበት ለመመለስ ርብርብ እየተደረገ ነው
........///.........
ዛሬ ማምሻውን በሲስተም አለመረጋጋት በተፈጠረ ችግር የተነሳ በመላው ሀገሪቱ የኃይል መቋረጥ አጋጥሟል።

ችግሩን በመፍታት የተቋረጠውን ኃይል ወደነበረበት ለመመለስ በኃይል ማመንጫዎች እና በማከፋፈያ ጣቢያዎች ከፍተኛ ርብርብ እየተደረገ ነው።

የተፈጠረው ችግር እስኪፈታ ድረስ በትዕግስት እንድትጠብቁን በአክብሮት እየጠየቅን ያሉትን መረጃዎች በፍጥነት የምናሳውቃችሁ መሆኑን እንገልፃለን።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 28 ቀን 2017 ዓ.ም

በልዩ የኢኮኖሚ ዞኖችና በድሬዳዋ ነፃ የንግድ ቀጠና የኃይል አቅርቦትን ተደራሽ ለማድረግ እየተሰራ ነው
.........///..........
የኢትዮጵያ ኤሌክትሪክ ኃይል በልዩ የኢኮኖሚ ዞኖች እና በድሬዳዋ ነፃ የንግድ ቀጠና የኃይል አቅርቦቱን በተሟላ ሁኔታ ተደራሽ ለማድረግ እየሰራ እንደሚገኝ አስታወቀ።

የተቋሙ ዋና ሥራ አስፈፃሚ ኢንጂነር አሸብር ባልቻ የኢንዱስትሪ ፓርኮች ልማት ኮርፖሬሽን በልዩ የኢኮኖሚ ዞኖች ያለውን የኃይል አቅርቦት ለማጠናከር ከባለድርሻ ተቋማት ጋር ባካሄደው ውይይት ላይ እንደገለፁት የሀገርን ልማት ለማረጋገጥ ተቋሙ ከኃይል ፈላጊዎች ጋር በቅንጅት ይሰራል።

ይህን ለማረጋገጥም ከኢትዮጵያ ኤሌክትሪክ አገልግሎት  እና ከኢንዱስትሪ ፓርኮች ልማት ኮርፖሬሽን የተውጣጣ ኮሚቴ መዋቀሩንም ጠቅሰዋል።

እንደ ኢንጂነር አሸብር ገለፃ ኮሚቴው በልዩ የኢኮኖሚ ዞኖች እና በድሬዳዋ ነፃ የንግድ ቀጣና ለሚያጋጥሙ የኃይል መቆራረጦች ፈጣን ምላሽ ለመስጠት የሚያግዝ ነው።

የኢንዱስትሪ ፓርኮች ልማት ኮርፖሬሽን ዋና ሥራ አስፈፃሚ ፍስሃ ይታገሱ (ዶ/ር) እንደገለፁት በልዩ የኢኮኖሚ ዞኖች ውስጥ የሚሳተፉ ባለሃብቶችን ለመጋበዝ አስተማማኝ የኃይል አቅርቦት መኖር ቀዳሚ ጉዳይ ነው።

በልዩ የኢኮኖሚ ዞኖች ያለውን የኃይል አቅርቦት ለማጠናከር እንዲቻል ከኃይል አቅራቢ ተቋማቱ ጋር በትብብር መስራት እንደሚገባም ነው ዋና ሥራ አስፈፃሚው የጠቆሙት።

በኢንዱስትሪ ፓርኮቹ የኃይል አቅርቦት ችግር ሲያጋጥም ተቋማቱ ፈጣን ምላሽ ሲሰጡ መቆየታቸውን ያስታወሱት ዶ/ር ፍስሃ የተጀመረው ጥረት ተጠናክሮ እንዲቀጥል ጠይቀዋል።

በኢንዱስትሪ ፓርኮች ልማት ኮርፖሬሽን ዋና መስሪያ ቤት በተካሄደው ውይይት ላይ የኢትዮጵያ ኤሌክትሪክ ኃይል፣ የኢትዮጵያ ኤሌክትሪክ አገልግሎት እና የኢንዱሰትሪ ፓርኮች ልማት ኮርፓሬሽን ከፍተኛ የሥራ ኃላፊዎች ተገኝተዋል።
  
💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 28 ቀን 2017 ዓ.ም

የጨረታ ማስታወቂያ
…………/…………….
የጨረታ ማስታወቂያ ቁጥር /EEP/DS/01/17

የኢትዮጵያ ኤሌክትሪክ ኃይል ለተለያዩ አገልግሎት ሊውሉ የሚችሉ ንብረቶችን ባሉበት ቦታና ሁኔታ በብሔራዊ ግልጽ ጨረታ ለመሸጥ እንደሚከተለው በሎት በመከፋፈል አቅርቧል፤

ሎት-1- 08(ስምንት) ያገለገሉ ተሽከርካሪዎች፤ቦታ ኮተቤ አካባቢ ብረታ ብረት ፊት ለፊት ከሚገኘው የተቋሙ ዋና መ/ቤት ግቢ፤

ሎት-2- ለተቋማችን አገልግሎት የማይሰጡ የብረት፣ የተሽከርካሪና የማሽነሪ ስክራፖች፤(ሞተር እና ቻንሲ ቆራርጦ የሚረከብ) ፤ ቦታ ኮተቤ አከባቢ ብረታ ብረት ፊት ለፊት ከሚገኘው የተቋሙ ዋና መ/ቤት ግቢ እና አዳማ ሁለት የንፋስ ኃይል ማመንጫ ጣቢያ ግቢ፤

ሎት-3- የጠጠር ማምረቻ (መፍጫ) ክሬቸር ማሽን፤ቦታ በኦሮሚያ ብሔራዊ ክልላዊ መንግስት በምዕራብ አርሲ ዞን መልካ ዋከና ኃ/ማመጫ ጣቢያ ግቢ፤

ሎት-4- ለመልካ ሰዲ የዕንፋሎት ኃ/ማመንጫ ጣቢያ ለመገንባት የመጡ ከፍተኛ መጠን፣ ዓይነትና ዋጋ ያላቸው ዕቃዎችና ማሽነሪዎች፤ ንብረቶቹ የሚገኙበት ቦታ በአፋር ብሔራዊ ክልላዊ መንግስት መልካ ሰዲ ከተማ በፕሮጀክት ጣቢያ ቅጥር ግቢ፤

ስለሆነም ከዚህ በታች የተገለጹትን መስፈርቶች የሚያሟሉ ማንኛውም ህጋዊ ተጫራቾች መወዳደር ይችላሉ፤

ማሳሰቢያ፡- ውድድሩ የሚከናወነው ሙሉ በሙሉ በኦክሽን ኢትዮጵያ አክሲየን ማህበር በፈጠሩት የማወዳደሪያ ሲስተም መተግበሪያ https://onelink.to/njnamp መሰረት መሆኑን እየገለጽን መስፈርቶቹ ከዚህ እንደሚከተለው ቀርቧል፡-

1. በጨረታው የሚወዳደሩ ተጫራቾች ኢትዮጵያዊ ዜግነት ያላቸው ሆኖ ይህንኑ የሚያረጋግጥ ማስረጃ ወይም የታደሠ መታወቂያ ሊኖራቸው ይገባል፡፡

2. ስለጨረታው አካሄድ እና ንብረቶች ዝርዝር መግለጫ የያዘውን ሰነድ የኦክሽን ኢትዮጵያ ፕላትፎርም ላይ ከንብረቶቹ መግለጫ ስር ተያይዞ የሚገኝ ስለሆነ በነጻ አውርደው መመልከት ይችላሉ።

3. ተጫራቾች የጨረታው ማስታወቂያ ከወጣበት ከሰባተኛው ቀን ጀምሮ ኦክሽን ኢትዮጵያ አክሲየን ማህበር ጋር ቀጠሮ በማስያዝ ዘወትር በስራ ቀናት ከጠዋቱ 3፡00 እስከ 10፡00 ሰዓት ንብረቶቹ በሚገኙበት የተቋሙ ጣቢያዎች በመገኘት መመልከት ይቻላል፤
4. ተጫራቾች ለሚያቀርቡት ዋጋ 15% ቫትን ጨምሮ ማቅረብ አለባቸው፡፡

5. ተወዳዳሪዎች በሎት ሁለት ላይ ለመሳተፍ በብረት አቅላጭ ድርጅትነት የተሰማሩ መሆን ያለባቸው ሲሆን፤ የታደሰ ሕጋዊ ንግድ ፍቃድ እና የዘመኑን ግብር የከፈሉ መሆናቸውን የሚገልጽ ማስረጃ ማቅረብ ይኖርባቸዋል፡፡

6. ተጫራቾች ለጨረታ ማስከበሪያ ለሎት አንድ በጨረታ ሰነዱ ላይ በተቀመጠው መሰረት ሲሆን ፣ ለሎት ሁለት ብር 2,000,000.00 (ሁለት ሚሊዮን)፣ ለሎት ሶስት ብር 300,000.00(ሶስት መቶ ሺህ) እና ለሎት አራት ብር 500,000.00(አምስት መቶ ሺህ) በኢትዮጵያ ኤሌክትሪክ ኃይል ስም ብቻ ሲ.ፒ.ኦ. በማሰራት የኦክሽን ኢትዮጵያ መተግበሪያ ላይ የሚጫረቱበትን ዋጋ ማስገባት ይችላሉ።


7. ጨረታው ከ27/03/2017 እስከ 11/04/2017 ዓ.ም እስከ ጠዋት 4፡00 ድረስ ይካሄዳል ስለሆነም ተጫራቾች ወይም ህጋዊ ወኪሎች የጨረታዉን ሂደት በቀጥታ (online) መከታተል ይችላሉ።

8. ተጫራቾች የኦክሽን ኢትዮጵያን መተግበሪያ ከአፕ ስቶር ወይም ኘሌይ ስቶር (Auction Ethiopia) ብለው በማውረድ ወይም (auction.et) ላይ መመዝገብ እና መጫረት ይችላሉ።


9. በጨረታው አሸናፊ ለምትሆኑ ተጫራቾች ለወደፊት አሸናፊነታችሁ በሚገለፅላችሁ ቀን ጀምሮ የሚቆጠር አምስት ተከታታይ የሥራ ቀናት ውስጥ የአሸነፉችሁበትን ዋጋ ሙሉውን ክፍያ ለወደፊት በምናሳውቃችሁ በተቋማችን ሂሳብ ቁጥር ገቢ በማድረግ የሽያጭ ውል ስምምነት መፈጸም ግዴታ ይኖርባችኋል፤ ሆኖም ግዴታቸውን የማይወጡ ተጫራቾች ለወድድር ያስያዛችሁት የጨረታ ማስከበሪያ ሲ.ፒ.ኦ. ለተቋማችን ገቢ ይደረጋል፤

10. ከላይ የተጠቀሰውን እና በጨረታ ሠነዱ ላይ የተቀመጡ መመሪያዎችን ያላሟላ ተጫራች ከጨረታው ውድቅ/ሊሰረዝ ይችላል፤
11. ተቋሙ ጨረታውን ለመቀበል ወይም ላለመቀበል የሚችል ሲሆን በማንኛውም ጊዜ ጨረታውን በከፊልም ሆነ በሙሉ የመሰረዝ መብቱ የተጠበቀ ነው፤

12. የኦክሽን ኢትዮጵያን መተግበሪያ በተመለከተ የጥሪ ማዕከሉን ለማግኘት በአጭር የስልክ መስመር 9164 ወይም 09-05-11-5511/ 011-666-8828 በመደወል ማግኘት ይችላሉ።


13. ንብረቶቹን በተመለከተ በስልክ ቁጥር 011-558-14-24 ወይም 011-558-06-49 ደውሎ መጠየቅ ይቻላል፡፡

ለበለጠ መረጃ አርብ ህዳር 27 ቀን 2017 ዓ.ም የወጣዉን አዲስ ዘመን ጋዜጣ መመልከት ይቻላል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 27 ቀን 2017 ዓ.ም

ቡድኑ ወደ ድል ተመልሷል
........///.......
በ7ኛ ሳምንት የሴቶች ፕሪሚየር ሊግ ኢትዮ-ኤሌክትሪክ ከአዳማ ከነማ ጋር ተጫውቶ ሁለት ለባዶ አሸንፏል።

ኢትዮ-ኤሌክትሪክ ሙሉ የበላይነት በወሰደበት በዚህ ጨዋታ ማህሌት ምትኩ እና ኢየሩስ ወንድሙ የማሸነፊያ ጎሎቹን ለክለባቸው አስቆጥረዋል።

በጨዋታው አንድ ጎል ያስቆጠረችው እና ድንቅ እንቅስቃሴ ያሳየችው ማህሌት ምትኩ ኮከብ ተጫዋች በመሆን ሽልማት ተበርክቶላታል።

በ8ኛ ሳምንት መርሃግብር ኢትዮ-ኤሌክትሪክ በመጪው ታህሳስ 02 ቀን 2017 ዓ.ም ከመቻል ጋር የሚጫወት ይሆናል።
  
💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 27 ቀን 2017 ዓ.ም

ተቋሙ ያገለገሉ ንብረቶችን በዲጂታል ሥርዓት ሊያጫርት ነው
.........///.........
የኢትዮጵያ ኤሌክትሪክ ኃይል አገልግሎት የማይሰጡ ንብረቶችን በዲጂታል ሥርዓት ለማጫረት የሚያስችል ስምምነት ከኦክሽን ኢትዮጵያ ጋር ተፈራረመ።

ሥምምነቱን በኢትዮጵያ ኤሌክትሪክ ኃይል  በኩል የንብረትና ጠቅላላ አገልግሎት ዘርፍ ሥራ አስፈፃሚ ወ/ሮ ስመኝ አያሌው እና በኦክሽን ኢትዮጵያ በኩል ዋና ሥራ አስፈጻሚው አቶ ዮሴፍ አንኩ ተፈራርመዋል፡፡

ሥራ አስፈፃሚዋ ወ/ሮ ስመኝ አያሌው እንደተናገሩት ስምምነቱ ተቋሙ ያገለገሉ ንብረቶቹን ለማስወገድ የሚያደርገውን የማኑዋል  የጨረታ ሂደት ወደ ዲጂታል ሥርዓት ለመቀየር የሚስችለው ነው፡፡

አገልግሎት የማይሰጡ ንብረቶችን ለማስወገድ ተቋሙ የሚያደርገውን አድካሚ ሂደት፣ ጊዜን እና ወጪን ቆጣቢ በሆነ መልኩ በማዘመን  ለማቀላጠፍ  ትልቅ ፋይዳ ይኖረዋል ብለዋል፡፡

ሀገር በቀል የዲጂታል አጫራች ድርጅቱ ጨረታዎችን በማውጣትና ተደራሽነቱን በማስፋት በአጭር ጊዜ  ተቋሙ ማግኘት የሚገባውን ጥቅም እንደሚያስገኝ እምነታቸውን ገልፀዋል።

የጨረታ ሂደቱ ከሰዎች ድርድር እና ንከኪ የጸዳ፣ ለብልሹ አሰራር የማያጋልጥ እንዲሁም በመላው ሀገሪቱ ያሉ ተጫራቾች በእኩልነት ለማሳተፍ የሚያስችል እና አገልግሎቱን ለመጠቀም ምንም ዓይነት ወጪ የማያስወጣ በመሆኑ ተመራጭ እንደሆነ ወ/ሮ ስመኝ አስረድተዋል፡፡

የሀገር በቀሉ የዲጂታል አጫራች ድርጅት የኦክሽን ኢትዮጵያ  ዋና ስራ አስፈጻሚ አቶ ዮሴፍ አንኩ በበኩላቸው ድርጅታቸው  በጨረታ የሚሸጡ  ንብረቶች በዲጂታል ሥርዓት ተደራሽ በማድረግ ተገቢውን ዋጋ እንዲያገኙ እየሰራ መሆኑን ተናግረዋል።

በአንድ ዓመት ጊዜ ውስጥ ከ32 ሺህ በላይ ተጫራቾችን እና ከ500 በላይ አጫራቾች ድርጅቶችን ይዞ ከ1 ነጥብ 6 ቢሊዮን ብር ባለይ ማገበያየቱን ገልፀዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 27 ቀን 2017 ዓ.ም

ኢትዮ-ኤሌክትሪክ ተሸንፏል
........///........
በአበበ ቢቂላ ስቴዲየም ዛሬ በተከናወነ የ6ኛ ሳምንት የሴቶች ፕሪሚዬር ሊግ ጨዋታ ኢትዮ-ኤሌክትሪክ በኢትዮጵያ ንግድ ባንክ አንድ ለባዶ ተረቷል።

የንግድ ባንክን ብቸኛ የማሸነፊያ ጎል ብርቱካን ገ/ክርስቶስ በ27ኛው ደቂቃ አስቆጥራለች።

በጨዋታ የበላይነት የነበረው ኢትዮ-ኤሌክትሪክ በርካታ ግብ ሊሆኑ የሚችሉ ኳሶችን ቢያገኝም በሚያስቆጭ ሁኔታ ዕድሎቹን አምክኗል።

በአንፃሩ ንግድ ባንኮች ያገኘውን ብቸኛ ዕድል ወደ ጎል በመቀየር ማሸነፍ ችሏል።

በ7ኛ ሳምንት መርሃግብር ኢትዮ-ኤሌክትሪክ ከአዳማ ከነማ ጋር ህዳር 26 ቀን 2017 ዓ.ም ይጫወታል።
  
💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 21 ቀን 2017 ዓ.ም

ለጥገና ሥራ ሲባል የሚቋረጥ የኃይል አቅርቦት
.........///.......
ቅዳሜ ህዳር 21 ቀን 2017 ዓ.ም በአንፎ የኃይል ማከፋፈያ ጣቢያ ትራንስፎርመር ላይ የጥገና ሥራ ይከናወናል፡፡

ስለሆነም ከጠዋቱ 12፡00 እስከ ቀኑ 8፡00 ሰዓት ድረስ በዓለምባንክ፣ በአንፎ፣ በቤቴል፣ በአሸዋሜዳ፣ በዲያስፖራ ሰፈር፣ በፊሊዶሮ እና አካባቢው ኤሌክትሪክ ተቋርጦ ይቆያል።

በተመሳሳይ  እሁድ ህዳር 22 ቀን 2017 ዓ.ም በቆቃ - አዳማ 2 ባለ 230 ኪሎ ቮልት የኃይል ማስተላለፊያ መስመር ላይ የጥገና ሥራ ይከናወናል፡፡

ስለሆነም ከጠዋቱ 12፡00 እስከ 1፡00 ሰዓት ድረስ በአዳማ እና በአዋሽ ከተማ ኤሌክትሪክ ይቋረጣል።

በተጨማሪም እሁድ ህዳር 22 ቀን 2017 ዓ.ም በኮተቤ የኃይል ማስተላለፊያ ጣቢያ ትራንስፎርመር ላይ የጥገና ሥራ ይከናወናል፡፡

ስለሆነም ከጠዋቱ 1፡00 እስከ ቀኑ 9፡00 ሰዓት ድረስ በኮተቤ ብረታብረት ፣ በኪዳነምህረት፣ በአንቆርጫ እና አካባቢው ፣ በላምበረት መናኸሪያ፣ በእስራኤል ኤምባሲ ፣ በቤተመንግስት ፣ በዑራኤል፣ በጃንሜዳ እና አካባቢው ኤሌክትሪክ ተቋርጦ የሚቆይ ስለሆነ ክቡራን ደንበኞቻችን ይህንኑ በመገንዘብ ከወዲሁ ተገቢውን ቅድመ ዝግጅት እንድታደርጉ በአክብሮት እናሳስባለን፡፡
  
💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 20 ቀን 2017 ዓ.ም

ስርቆትን ለመከላከል ህብረተሰቡን ባሳተፈ መልኩ ሊሰራ ይገባል
........///........
በአፋር ክልል በሚገኙ የኤሌክትሪክ መሠረተ ልማቶች ላይ እየተፈፀመ ያለውን ስርቆት ለመከላከል ህብረተሰቡን ባሰተፈ መልኩ እንደሚሰሩ ከክልሉ፣ ከአውሲ ረሱ ዞንና ከተለያዩ ወረዳዎች ከተውጣጡ አመራሮች፣ የፀጥታ አካላት እና የጎሳ መሪዎች ጋር በተካሄደው ውይይት ላይ የተሳተፉ የሥራ ኃላፊዎች ተናገሩ።

የክልሉ ፖሊስ ኮሚሽን ኮሚሽነር ቢልኤ አህመድ በዚሁ ወቅት እንደገለፁት በኃይል መሠረተ ልማቶች ላይ እየተፈፀመ ያለው የስርቆት ወንጀል የብሄራዊ ደህንነት ስጋት እየሆነ መጥቷል።

ከዚህ በፊት በስርቆት የወደመውን ንብረት መመለስ ባይቻልም ውድመቱ እንዳይቀጥል ከሚመለከታቸው አካላት ጋር መግባባት ላይ ተደርሶ እየተሰራ እንደሆነ አመልክተዋል።

"ስርቆትን መከላከልና የሀገርን ሀብት መጠበቅ ፖሊስ ብቻ ሳይሆን ሁሉም ማህበረሰብ ኃላፊነት አለበት" ያሉት ኮሚሽነሩ ለዚህም ህብረተሰቡን ባሳተፈ መልኩ እንደሚሰራ ነው የተናገሩት።

የክልሉ ሠላምና ፀጥታ ምክትል ቢሮ ኃላፊ አቶ ሁሴን መሃመድ በበኩላቸው በመሰረተ ልማቶቹ ላይ እየተፈፀመ የሚገኘውን የስርቆት ወንጀል ለማስቆም በየደረጃው ከሚገኙ የተለያዩ የፀጥታ አካላት ጋር እየተሰራ ነው ብለዋል።

ለመሠረተ ልማት ስርቆት ችግሮች መፍትሔ ለመስጠት እንደ ክልል ቁርጥራጭ ብረቶቹን የሚገዙ ነጋዴዎች በክልሉ እንዳይሰማሩ የሚያደርግ አሰራር መዘርጋቱንም ተናግረዋል።

በክልሉ የሚፈጠሩ የስርቆት ችግሮችን ለመፍታት የፀጥታ አካላት ኃላፊነት ወስደው እንደሚሰሩ ገልፀው ይህ ውጤታማ እንዲሆን ማህበረሰቡና ተቋሙ ከፀጥታ መዋቅሩ ጋር ተቀራርቦ መስራት እንደሚጠበቅበት አሳስበዋል።

የክልሉ ጠቅላይ ፍ/ቤት ፕሬዚዳንት አቶ ሙሳ አብዶ እንደተናገሩት የክልሉ ማህበረሰብ አኗኗር የተበታተነ ከመሆኑ ጋር ተያይዞ መሠረተ ልማቱን በቅርበት ለመጠበቅ አስቸጋሪ ሊያደርገው ይችላል።

ይሁንና ማህበረሰቡ በኃላፊነት ጥበቃ ማድረግ በሚችልበት ሁኔታ ላይ አመራሩ የግንዛቤ ማስጨመጫዎችን በስፋት መስጠት ይጠበቅበታል ብለዋል።

የአውሲ ረሱ ዞን ብልፅግና ጽ/ ቤት ኃላፊ አቶ ናስር ሃመዱ በበኩላቸው ማህበረሰቡ መሠረተ ልማቱን በኃላፊነት እንዲጠብቅ፣ ስርቆቱ በሀገር ኢኮኖሚ እና አስተማማኝ የኤሌክትሪክ ኃይል ለማቅረብ በሚከናወነው ሥራ ላይ የሚያሳድረውን አሉታዊ ተፅዕኖ በማስገንዘብ እንደሚሰራ አስታውቀዋል።

ለህብረተሰቡ አገልግሎት በሚሰጡ የመሠረተ ልማት አውታሮች ላይ የሚፈፀሙ ስርቆቶችን ለመከላከል ከአማራ ክልል የአጎራባች ወረዳዎች ጋር በቅንጅት እንደሚሰራም አስረድተዋል።

የአጎራባች አካባቢዎችም ከዞኑ ማህበረሰብ ጋር ተቀናጅተው በመስራት የስርቆት ወንጀሎችን በትብብር እንዲከላከሉ አቶ ናስር ጥሪ አቅርበዋል።

የስርቆት ድርጊቱ የክልሉ መገለጫ እንዳይሆን የፀጥታ ኃይሉ ህብረተሰቡን በማንቃት ትኩረት ሰጥቶ እንደሚሠራ እና ማህበረሰቡም ከፀጥታ ኃይሉ ጎን እንዲቆም ኃላፊዎቹ አሳስበዋል።

እንደ ሥራ ኃላፊዎቹ ገለፃ ውይይቱ ለስርቆት ተጋላጭ የሆኑ ቦታዎችን በመለየት ጥበቃ የሚደረግበትን አግባብ እና የመረጃ ልውውጡ የሚካሄድበትን ሥርዓት ለመዘርጋት ዕድል ይፈጥራል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 20 ቀን 2017 ዓ.ም

ኢትዮ-ኤሌክትሪክ አቻ ተለያይቷል
.........///.......
ድሬዳዋ ከተማ እየተካሄደ ባለው የኢትዮጵያ የወንዶች ፕሪሚየር ሊግ ኢትዮ-ኤሌክትሪክ ከድሬዳዋ ከነማ ጋር ነጥብ ተጋርቷል።

ትናንት ምሽት አንድ ሰዓት የተከናወነው የሁለቱ ቡድኖች ጨዋታ ያለምንም ግብ ተጠናቋል።

ግብ የሚሆኑ ኳሶችን በተደጋጋሚ ሙከራ በማድረግ ድሬዳዋ ከነማ የተሻለ ሲሆን ኢትዮ-ኤሌክትሪክ በአንፃሩ በመልሶ ማጥቃት ጎል ለማግኘት ጥረት ሲያደርግ ተስተውሏል።

የኢትዮ-ኤሌክትሪክ ግብ ጠባቂ ኢድሪሱ አብዱላሂ በርካታ ጎል ሊሆኑ የሚችሉ ኳሶችን በማዳን ክለቡን ታድጓል።

ውጤቱን ተከትሎ ኢትዮ-ኤሌክትሪክ በ14 ነጥብ መቻልን ተከትሎ በሊጉ የደረጃ ሰንጠረዥ በጊዜያዊነት በሁለተኛ ደረጃ ላይ ተቀምጧል።

በ10ኛ ሳምንት መርሃግብር ኢትዮ-ኤሌክትሪክ በመጪው ህዳር 27 ቀን 2017 ዓ.ም ከስሁል ሽረ ጋር የሚጫወት ይሆናል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 20 ቀን 2017 ዓ.ም

ለጥገና ሥራ ሲባል የሚቋረጥ የኃይል አቅርቦት

እሁድ ህዳር 15 ቀን 2017 ዓ.ም በቃሊቲ 2 የኃይል ማከፋፈያ ጣቢያ፤ በቡታጅራ የኃይል ማከፋፈያ ጣቢያ እና በገፈርሳ የኃይል ማከፋፈያ ጣቢያ ትራንስፎርመሮች ላይ የጥገና ሥራ ይከናወናል፡፡ በተጨማሪም የለገጣፎ -ኮምቦልቻ 2ኛ መስመርን ኢነርጃይዝ የማድረግ ሥራ ይሠራል፡፡

ስለሆነም በተጠቀሰው ዕለት በቃሊቲ 2 የማከፋፈያ ጣቢያ በሚከናወነው የጥገና ሥራ በሃና ማርያም፣ በብሔረ ፅጌ፣ በአዲስ ጎማ ፋብሪካ፣ በሳሪስ፣ በቦሌ ቡልቡላ፣ በአዋሽ ቆዳ ፋብሪካ፣ በአዲስ ሰፈር፣ በኦሳካ ብረታብረት ፋብሪካ አካባቢ ከጠዋቱ 12፡00 እስከ ቀኑ 7፡00 ሰዓት ድረስ፤ እንዲሁም በቡታጅራ የማከፋፈያ ጣቢያ በሚከናወነው ጥገና በቡታጅራ፣ በወራቤ፣ በቡኢ እና በዙሪያው ባሉ አካባቢዎች ከጠዋቱ 1፡00 እስከ ቀኑ 9፡00 ሰዓት ድረስ ኃይል ተቋርጦ ይቆያል፡፡

በገፈርሳ የኃይል ማከፋፈያ ጣቢያ በሚከናወነው የጥገና ሥራ ደግሞ ከጠዋቱ 1፡00 እስከ ቀኑ 9፡00 ሰዓት ድረስ በፊቼ ከተማና አካባቢው ኤሌክትሪክ ተቋርጦ የሚቆይ ይሆናል፡፡

በተመሳሳይ ዕለት እሁድ ህዳር 15 ቀን 2017 ዓ.ም የለገጣፎ -ኮምቦልቻ 2ኛ መስመርን ኢነርጃይዝ የማድረግ ሥራ ስለሚከናወን ከጠዋቱ 12፡00 ሰዓት እስከ ጠዋት 1፡00 ሰዓት ድረስ በደብረብርሃን ከተማ፣ በሲኖ ብረታ ብረት ፋብሪካ እና በለሚ ሲሚንቶ ፋብሪካ ኤሌክትሪክ ተቋርጦ የሚቆይ በመሆኑ ክቡራን ደንበኞቻችን ይህንኑ በመገንዘብ ከወዲሁ ተገቢውን ቅድመ ዝግጅት እንድታደርጉ በአክብሮት እናሳስባለን፡፡

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@Ethiopianelectricpower
ድረ - ገፃችንንም ይጎብኙ www.eep.com.et
ህዳር 13 ቀን 2017 ዓ.ም

ጣቢያዎቹ ከ72 ጊጋ ዋት ሰዓት በላይ ኃይል አምርተዋል
......///......
በኢትዮጵያ ኤሌክትሪክ ኃይል የአዋሽ ሁለትና ሦስት የውሃ ኃይል ማመንጫ ጣቢያዎች በ2017 የመጀመሪያው ሩብ ዓመት ከ72 ጊጋ ዋት ሰዓት በላይ ኃይል ማምረታቸውን የጣቢያው ሥራ አስኪያጅ ገለጹ።

ሥራ አስኪያጁ አቶ ጌታቸው አበበ እንደተናገሩት በሩብ ዓመቱ በአዋሽ ሁለት 24 ነጥብ 6 ጊጋ ዋት ሰዓት ኃይል ለማምረት ታቅዶ 17 ነጥብ 65 ጊጋ ዋት ሰዓት ኃይል በማምረት የዕቅዱን 71 ነጥብ 73 በመቶ ማሳካት ተችሏል፡፡

በአዋሽ ሦስት ኃይል ማመንጫ ጣቢያ ደግሞ 56 ነጥብ 32 ጊጋ ዋት ሰዓት ኃይል ለማምረት ታቅዶ 55 ነጥብ 25 ጊጋ ዋት ሰዓት ኃይል በማምረት የ98 ነጥብ 11 በመቶ አፈጻጸም ተመዝግቧል፡፡

የአዋሽ ሁለት አፈጻጸሙ ዝቅ ሊል የቻለው ዓመታዊ ጥገና በሚከናወንበት ጊዜ በተርባይን ቤሪንግ ቫይብሬሽን ላይ የተከናወነው ጥገና ከታቀደው በላይ ጊዜ በመውሰዱ እና የክረምቱ የውሃ መጠን በማነሱ እንደሆነ ጠቁመዋል።

የመጀመሪያው ሩብ ዓመት አፈጻጸም ከዕቅዱ ዝቅ ያለ ቢሆንም በአዋሽ ሦስት ኃይል ማመንጫ ጣቢያ የተመረተው ኃይል ግን ካለፈው ሁለት በጀት ዓመት ተመሳሳይ ወቅት ከነበረው የኃይል ምርት የ 6 በመቶ ብልጫ ያለው ነው ብለዋል።

ጣቢያዎቹ ከዕድሚያቸው አኳያ የመልሶ ግንባታ ሥራ የሚያስፈልጋቸው መሆኑን የተናገሩት አቶ ጌታቸው የታቀደውን ኃይል ለማማረት የሚያስችሉ የጥገና ሥራዎችን በማከናወን ውጤታማ ሥራ መሰራቱን ገልጸዋል።

የአዋሽ ሁለት እና ሦስት የውሃ ኃይል ማመንጫ ጣቢያዎች እያንዳንዳቸው 32 ሜጋ ዋት ኃይል የማመንጨት አቅም አላቸው፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 13 ቀን 2017 ዓ.ም

ችግሮችን በምክክር በመፍታት ምርታማነትን ማሳደግ ይገባል
.........///.........
በኢትዮጵያ ኤሌክትሪክ ኃይል በሥራ ላይ ሊከሰቱ የሚችሉ ችግሮችን በምክክር ለመፍታት የሚያስችል የግንዛቤ ማስጨበጫ ሥልጠና ተሰጠ።

ከተቋሙ የተለያዩ የሥራ ክፍሎች ለተውጣጡ የሥራ መሪዎች እና ሠራተኞች የተሰጠውን ሥልጠና በንግግር የከፈቱት በተቋሙ የህዝብ ግንኙነትና ኮሙዩኒኬሽን ቢሮ ሥራ አስኪያጅ አቶ ፍስሃ ጌታቸው እንደገለፁት ለሚፈጠሩ ችግሮች ወቅታዊ መፍትሔ ለመስጠት ምክክር የማይተካ ሚና ይኖረዋል።

የግንዛቤ ማስጨበጫ ሥልጠናው ጤናማ የሆነ ምክክር በማድረግ ተቋሙን ወደ ተሻለ ደረጃ ለማሻገር እንደሚያስችልም ጠቁመዋል።

"የኢንዱስትሪ ማህበረሰብ ምክክር ለምርታማነት" በሚል ርዕስ ሥልጠናውን የሠጡት በሥራና ክህሎት ሚኒስቴር የማህበራዊ ምክክር ባለሙያ አቶ ጌታቸው ታምሩ እንደተናገሩት  ሥልጠናው በቀጣይ በተቋሙ የሚካሄዱ ምክክሮች ውጤታማ እንዲሆኑ በግብዓትነት ያግዛል።

ምክክሩ አሰሪውና ሠራተኛው በተቋሙ ያሉ ችግሮችን በመፍታት ምርታማነትን ማዕከል ያደረገ የኢንዱስትሪ ግንኙነት እንዲፈጠር ያስችላል ብለዋል።

እንደ ባለሙያው ገለፃ በምክክር ሂደቱ ላይ አሰሪ፣ ሠራተኛ እና መንግስት የሁለትዮሽና የሦሰትዮሽ ውይይቶችን በማድረግ መሳተፍ እንደሚጠበቅባቸው ጠቅሰዋል።

የምክክር ሂደቱ "ከክርክር ወደ ምክክር፣ ከምክክር ደግሞ ወደ ምርታማነት" ለመሸጋገር ሚናው የጎላ መሆኑን ጠቅሰዋል፡፡

ምክክሩ የተቋም ምርታማነትና ተወዳዳሪነትን  ለማሳደግ፣ ማህበራዊ ፍትህን ለማረጋገጥ፣ የሥራ ባህል ለውጥ ለማምጣት፣ የአሰሪና ሠራተኛን ተጠቃሚነት ለማረጋገጥ እና ምቹ የሥራ ከባቢ ለመፍጠር እንዲሁም የሚያጋጥሙ ችግሮችን ለመለየትና መፍትሔዎቻቸውን ለማመላከት እንደሚያግዝ አስረድተዋል፡፡

በኢትዮጵያ ኤሌክትሪክ ኃይል የመረጃና ዕውቀት አስተዳደር ቢሮ ሥራ አስኪያጅ አቶ ጌታቸው ከበደ እና የተቋሙ መሠረታዊ ሠራተኞች ማህበር ፀሐፊ አቶ ኃይሉ ወልዴ በበኩላቸው ምክክሩ ሠራተኛው ለተቋሙ ምርታማነት ማነቆ የሆኑ ጉዳዮችን በውይይት በመለየት ለችግሮቹ የመፍትሔ አማራጮቹን ለማስቀመጥ ይረዳል ብለዋል።

በሥልጠናው ላይ የተሳተፉ ሠራተኞቸ እና የሥራ መሪዎች በየሥራ ክፍላቸው የሚካሄዱ ምክክሮችን በበላይነት እንደሚመሩ አስታውቀው ምክክሩ ውጤታማ እንዲሆንም ሁሉም የበኩሉን ድርሻ እንዲወጣ ጥሪ አቅርበዋል።

በዕለቱ በምክክር ሂደቱና ተያያዥ ጉዳዮች ላይ ከተሳታፊዎች ለተነሱ አስተያየቶችና ጥያቄዎች ከሥራና ክህሎት ሚኒስቴር በመጡ ባለሙያዎች ማብራሪያ ተሰጥቶባቸዋል።

የተቋማትን ምርታማነት ለማሳደግ "የኢንዱስትሪ ማህበረሰብ ምክክር ለምርታማነት" የሚል ስትራቴጅ ተቀርጾ እየተሰራ ሲሆን ምክክሩም ህዳር 16 ቀን 2017 ዓ. ም እንደሚጀምር ለማወቅ ተችሏል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 12 ቀን 2017 ዓ.ም

ሠራተኛው በሚከናወኑ የልማት ሥራዎች ላይ ግልፅ ግንዛቤ በመጨበጥ ኃላፊነቱን እንዲወጣ ጥሪ ቀረበ
……...///……..
የመንግስትን ፖሊስ የሚያስፈጽሙ ሠራተኞች በመላው ሀገሪቱ በሚከናወኑ የልማት ሥራዎች ላይ ግልፅ ግንዛቤ በመጨበጥ የሚጠበቅባቸውን ኃላፊነት እንዲወጡ የኢትዮጵያ ኤሌክትሪክ ኃይል ዋና ሥራ አስፈጻሚ አሳሰቡ፡፡

ዋና ሥራ አስፈጻሚው ኢንጂነር አሸበር አሸበር ባልቻ የተቋሙ አመራሮችና ሠራተኞች በወቅታዊ ሀገራዊ ጉዳዮች ላይ ባካሄዱት ውይይት ማጠቃለያ ላይ እንደተናገሩት ኢትዮጵያ ባለፉት አምስት ዓመታት በኮቪድ፣ በዓለም የኢኮኖሚ ቀውስ፣ በእርስ በእርስ ግጭት እና በመሳሰሉት ችግሮች ውስጥ ሆና ዕድገት አስመዝግባለች፡፡

የተመበዘገበው ዕድገት ትሩፋቶቸና የመጣው ለውጥ ሀገራችን የገጠማትን ተግዳሮቶች አልፋ መሄድ እንደምትችል ከማሳየት ባለፈ ለውጡ በተቋሙ በግልጽ የሚታይ እንደሆነም አስረድተዋል፡፡

የተቋሙ ሠራተኞች ከጨለምተኛ አመለካከት ወጥተው ትክክለኛ መረጃ በመያዝ ለአላስፈላጊ ነጣለ ትርክት ተጋላጭ እንዳይሆኑ ጥንቃቄ ማድረግ እንደሚገባ ተናግረዋል፡፡

የታላቁ የኢትዮጵያ ህዳሴ ግድብ ከለውጡ በፊት ምን ደረጃ ላይ እንደነበር የሚዘጋ አይደለም ያሉት ዋና ሥራ አስፈጻሚው ከለውጡ በኋላ በምን ያህል መስዋትነት እና ቁርጠኛ አመራር አሁን ላለበት ደረጃ መብቃቱ ተጨባጭ ማሳያ ነው ብለዋል፡፡

ይሁንና ተቋሙ በፕሮጀክቶች አፈጻጸም እና መዘግየት የሚያጋጥሙትን ከፍተቶች ለማስወገድ የሚመለከታቸው የሥራ ክፍሎች በትኩረት እንዲሰሩ አቅጣጫ መቀመጡን ገልፀዋል፡፡

ስለሆነም ሠራተኞች የሚመለከቷቸውን የብልሹ አሰራር ክፍተቶች የሚያሳዩ ማስረጃዎችን በመያዝ ድርጊቱን እንዲዋጉ ኢንጂነር አሸብር ጠይቀዋል፡፡

በውይይቱ ከሠራተኞች የተነሱትን የተለያዩ ጥያቄዎች ዋና ሥራ አስፈጻሚው እና ሌሎች የተቋሙ ከፍተኛ አመራሮች ምላሽ ሰጥተውባቸዋል ፡፡

ይህ በእንዲህ እንዳለ የኢትዮጵያ ኤሌክትሪክ ኃይል አመራሮችና ሠራተኞች ካካሄዱት ውይይት ጎን ለጎን የደም ልገሳ አካሂደዋል፡፡

የደም ልገሳ መርሃግብሩ በተለያዩ ምክንያቶች ደም ለሚያስፈልጋቸው የህብረተሰብ ክፍሎች እንዲውል ታስቦ የተዘጋጀ ነው፡፡

መርሃ ግብሩን አስመልክቶ ንግር ያደረጉት በደምና ህብረ ህዋስ ባንክ አገልግሎት የትምህርት እና የቅስቀሳ ባለሙያ ሲስተር አሰጋሽ ጎሳ እንደተናገሩት ደም በፋብሪካ የማይመረት በመሆኑ በደም አጦት ማንም ሰው ህይወቱን ሊያጣ አይገባም፡፡

ሠራተኛው የወገን ደራሽነቱን ደም በመለገስ በተግባር ማሳየት እንደሚገባው የተናገሩት ባለሙያዋ ደም በለገስ ከኮሌትሮል፣ ከደም ውስጥ የብረት መጠን ክምችት፣ ከካንሰርና ከሌሎች በሽታዎች የመታደግ የጤና ጠቀሜታዎች እንዳሉት አስረድተዋል፡፡

ደም የሚሞት እና የሚያረጅ እንዲሁም የሚተካ በመሆኑ በሚተካ ደም የማይተካ የሰው ህይወት ልናድንበት ይገባል ብለዋል፡፡
💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 09 ቀን 2017 ዓ.ም

በሀሳብ ልዕልና እንጂ በጠመንጃ ሀገረ መንግስት አይገነባም
………..///………..
የኢትዮጵያ ኤሌክትሪክ ኃይል አመራርና ሠራተኞች የሀሳብ ልዕልና ለሁለንተናዊ ብልጽግና በሚል መሪ ሀሳብ በሀገራዊና ወቅታዊ ጉዳዮች ላይ በተቋሙ ዋና መስሪያ ወይይት አካሂደዋል፡፡

በውይይቱ ላይ የተቋሙ ሠራተኞች የኑሮ ውድነትን፣ ተንቀሳቅሶ ለመስራት ያለውን የጸጥታ ችግር እና የሠራተኛውን የመኖሪያ ቤት ችግር ለመፍታት እየተሰሩ ካሉ ሥራዎች ጋር የተያያዙ ጥያቄዎችን አንስተዋል፡፡

ከኑሮ ውድነት ጋር ተያይዞ ለተነሱት ጥያቄዎች ምላሽ የሰጡት የተቋሙ የፋይናንስ ዘርፍ ሥራ አስፈጻሚ አቶ ደመረ አሰፋ እንደተናገሩት የኑሮ ውድነቱ ከዓለም አቀፋዊ የዋጋ ግሽበት ጋር የሚያያዝ በመሆኑ መንግስት ችግሩን ለመቅረፍ የማክሮ ኢኮኖሚ ፖሊሲ ማሻሻያ ጨምሮ በልማት ትሩፋት ሥራዎች ገበያውን የማረጋገት ስራ እየሰራ ይገኛል፡፡

ከጸጥታ ጋር ተያይዞ ለተነሱት ጥያቄዎች ዋና ሥራ አስፈጻሚው ኢንጂነር አሸበር ባልቻ በሰጡት ምላሽ አብዛኛዎቹ የፀጥታ መደፍረስ ችግሮች ከነጠላ ትርክቶች የሚነሱ በመሆኑ ለሀሳብ ልዕልና ቦታ አልተሰጠውም ነበር፡፡

በመሆኑም መንግስት የዜጎችን ሠላምና ደህንነት ለማረጋገጥ ሀገረዊ ምክከር ኮሚሽን ከማቋቋም አንስቶ በጠመንጃ ሳይሆን በሀሳብ ልዕልና እንጂ ላይ የተመሰረተ ሀገረ መንግስት ለመገንባት የተያዩ ጥረቶችን እያደረገ ይገኛል ብለዋል፡፡

ለተፈጠሩት የጸጥታ ቸግሮች መፍትሄ ለማስገኘት የሚደረገው ጥረት የሁሉንም ተሳትፎ የሚፈልግ በመሆኑ ሁሉም ከመንግስት ጎን እንዲቆም ጠይቀዋል፡፡

የመኖሪያ ቤት ችግርን በተመለከተ ዋና ሥራ አስፈፃሚው በሰጡት ምላሽ ከከተማ አስተዳደሩ ጋር በመነጋገር የተጀመሩ ሥራዎች እንዳሉ በመጠቆም ጥያቄው መፍትሔ እስኪያገኝ ድረስ ከሚመለከተው አካላት ጋር በቅርበት መስራቱን እንደሚቀጥል ተናግረዋል፡፡
💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 09 ቀን 2017 ዓ.ም

https://vm.tiktok.com/ZMhG95L8k/

የኃይል ማስተላለፊያ መስመር ላይ የወጣ ወጣት በተአምር ህይወቱ ተርፏል
…….///…….
በከፍተኛ የኃይል ማስተላለፊያ መስመር ተሸካሚ የብረት ምሰሶ ላይ የወጣ ወጣት ኃይል እንዲቋረጥ ማድረጉን በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ አስታውቋል፡፡

በዘርፉ የደቡብ ሁለት ሪጅን እንደገለፀው ወጣቱ ዛሬ ከቀኑ 8:00 ጀምሮ ከወላይታ ሶዶ ወደ ሳውላ በሚሄደው ከፍተኛ የኃይል ማስተላለፊያ መስመር ላይ ወጥቶ አልወርድም በማለቱ በደቡብ ኢትዮጵያ ክልል በሚገኙ ጎፋ ዞን፣ አሪ ዞን፣ ባስኬቶ ዞን እና ኦሞ ዞን ሙሉ በሙሉ እንዲሁም ጋሞ ዞን በከፊል ከሦስት ሰዓታት በላይ ኃይል ተቋርጦ ቆይቷል፡፡

በምን ምክንያት የኃይል ማስተላለፊያ መስመሩ ላይ እንደወጣ ያልታወቀው ወጣት በአካባቢው ሽማግሌዎችና የመስተዳድር አካላት ቢለመንም ለመውረድ ግን አስቸግሮ እንደነበር መምሪያው ገልጿል፡፡

የኢትዮጵያ ኤሌክትሪክ ኃይል ባለሙያዎች ኃይል በማቋረጥ ወጣቱ ሳይጎዳ በገመድ አስረው በማውረድ በተአምር ህይወቱን ታድገዋል፡፡

የከፍተኛ ኃይል ማስተላለፊያ መስመሮች የሚያስተላልፉት የቮልቴጅ መጠን ከፍተኛ በመሆኑ ህብረተሰቡ ጥንቃቄ እንዲያደርግ መምሪያው አሳስቧል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 06  ቀን 2017 ዓ.ም

በማከፋፈያ ጣቢያው መቆጣጠሪያ ላይ የተከናወነው ጥገና ተጠናቋል
…….///………
በአዲስ አበባ ጎፋ ማከፋፈያ ጣቢያ ችግር አጋጥሞት የነበረውን የከረንት ትራንስፎርመር መቆጣጠሪያ የመቀየር ሥራ መጠናቀቁን በኢትዮጵያ ኤሌክትሪክ ኃይል የማዕከላዊ 3 ሪጅን የማከፋፈያ ጣቢያዎች ኦፕሬሽንና ጥገና መምሪያ አስታውቋል፡፡

ችግሩ እስኪቀረፍ ድረስ ደንበኞች በትዕግስት ስለጠበቁ መምሪያው አመስግኗል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 06  ቀን 2017 ዓ.ም

በሀረር እና ጅግጅጋ ከተሞችና አካባቢያቸው የተቋረጠው ኃይል ተመልሷል
.......///.......
ከድሬዳዋ 3 ወደ ሀረር የተዘረጋው ባለ 132 ኪሎ ቮልት የኃይል ማስተላለፊያ መስመር ላይ የገጠመው ችግር ተጠግኖ አካባቢዎቹ ዳግም ኃይል ማግኘታቸውን በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ የምስራቅ አንድ ሪጅን የኦፕሬሽንና ጥገና መምሪያ አስታውቋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 06 ቀን 2017 ዓ.ም

ቡድኑ ሁለተኛ ሽንፈት አስተናግዷል
........///......
የኢትዮ-ኤሌክትሪክ የሴቶች እግር ኳስ ቡድን ከልደታ ክፍለ ከተማ ጋር ባደረገው ጨዋታ አንድ ለባዶ በሆነ ውጤት ተረቷል።

ዛሬ ከጠዋቱ 3 ሰዓት በተከናወነው ጨዋታ ሳሮን ሰመረ ብቸኛዋን የማሸነፊያ ጎል ለክለቧ አስቆጥራለች።

ኢትዮ-ኤሌክትሪክ በኳስ ቁጥጥር የበላይነት ወስዶ ቢጫወትም ጎልን ከመረብ ማዋሀድ ሳይችል ቀርቷል።

በአንፃሩ የመከላከል አጨዋወት ስልት የተከተሉት ልደታዎች ያገኟትን ብቸኛ የግብ አጋጣሚ ወደ ጎል በመቀየር  ሶስት ነጥብ ማግኘት ችለዋል።

ኢትዮ-ኤሌክትሪክ በ4ኛ ሳምንት መርሃ ግብር በመጪው ህዳር 10 ቀን 2017 ዓ.ም ከሀምበርቾ  ክለብ ጋር የሚጫወት ይሆናል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 06 ቀን 2017 ዓ.ም

በሀረር እና ጅግጅጋ ከተሞችና አካባቢያቸው የተቋረጠውን ኃይል ለመመለስ ርብርብ እየተደረገ ነው
.......///.......
ከድሬዳዋ 3 ወደ ሀረር የተዘረጋው ባለ 132 ኪሎ ቮልት የኃይል ማስተላለፊያ መስመር ላይ በገጠመ ችግር ኃይል መቋረጡን በኢትዮጵያ ኤሌክትሪክ ኃይል የማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ አስታወቀ።

በዘርፉ የምስራቅ አንድ ሪጅን የኦፕሬሽንና ጥገና መምሪያ እንደገለፀው ከድሬደዋ ቁጥር ሦስት ወጥቶ ወደ ሀረር እና ጅግጅጋ ከተሞች በሚሄደው መስመር የታወር መገናኛ (Jumper) ቦታ ላይ ችግር አጋጥሟል።

በዚህ የተነሳ ከማከፋፈያ ጣቢያው ኃይል የሚያገኙት የሀረር እና ጅግጅጋ ማከፋፈያ ጣቢያዎች እንዲሁም ከጣቢያዎቹ ኃይል የሚያገኙ የምስራቅ ኢትዮጵያ ከተሞች ኃይል መቋረጡን መምሪያው አስታውቋል።

የተቋረጠውን መስመር ለመጠገን የጥገና ባለሙያዎች ርብርብ እያደረጉ በመሆኑ በተጠቀሱት አካባቢዎች ያሉ ደንበኞች በትዕግስት እንዲጠብቁ መምሪያው ጠይቋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ህዳር 06 ቀን 2017 ዓ.ም

ማህበሩ ከ48 ሚሊዮን ብር በላይ የተጣራ ትርፍ አግኝቷል
.......///.........
በ2016 የበጀት  ዓመት ከ48 ነጥብ 21 ሚሊዮን ብር በላይ የተጣራ ትርፍ ማግኘቱን የኢትዮጵያ ኤሌክትሪክ የገንዘብ ቁጠባና ብድር ኃ/የተ/የህ/ሥራ ማህበር አስታወቀ።

የህብረት ሥራ ማህበሩ የጠቅላላ ጉባኤውን ዛሬ በኢትዮጵያ ኤሌክትሪክ ኃይል የስብሰባ አዳራሽ አካሂዷል።

የማህበሩ የሥራ አመራር ቦርድ ሠብሳቢ አቶ አንበሴ ግዛቸው እንደገለፁት ማህበሩ በ2016 በጀት ዓመት 49 ሚሊዮን ብር የተጣራ ትርፍ ለማግኘት አቅዶ ከ48 ነጥብ 21 ሚሊዮን ብር በላይ ትርፍ በማግኘት የዕቅዱን 98 በመቶ ማሳካት ችሏል።

በበጀት ዓመቱ የተገኘው ትርፍ ከቀዳሚው በጀት ዓመት ጋር ሲነፃፀር የ2 ነጥብ 7 ሚሊዮን ብር ወይም የ6 በመቶ ብልጫ እንዳለውም ጠቁመዋል።

እንደ አቶ አንበሴ ገለፃ ማህበሩ በበጀት ዓመቱ ከተለያዩ ምንጮች ከ129 ነጥብ 46 ሚሊዮን በላይ ብር ገቢ ማግኘቱንና ይህም ከ2015 በጀት ዓመት ተመሳሳይ ወቅት ጋር ሲነፃፀር ከ25 ሚሊዮን ብር በላይ ብልጫ ያለው ነው።

የማህበሩ አጠቃላይ ካፒታል ከ1 ነጥብ 53 ቢሊዮን ብር በላይ እንደደረሰ እና ከ2015  በጀት ዓመት ጋር ሲነፃፀር በ21 በመቶ እድገት እንዳለውም አመልክተዋል።

ማህበሩ ለአባላቱ እስከ አሁን 1 ነጥብ 2 ቢሊዮን ብር የሚጠጋ ብድር  መስጠቱንም ሠብሳቢው አስታውሰዋል።

በ2017 በጀት ዓመት አባላቱ በማህበሩ ላይ ያላቸውን የገንዘብ እንቅስቃሴና የብድር መረጃዎችን በቀላሉ በስልካቸው የሚያገኙበትን አሰራር ለመዘርጋት፣ ተጨማሪ የሠው ኃይል ቅጥር ለመፈፀም፣ የህንፃና ተሽከርካሪ ግዥ ለመፈፀም ማቀዱንም አቶ አንበሴ አስረድተዋል።

የማህበሩ የቁጥጥር ኮሚቴ ሠብሳቢ አቶ ደረጀ አጥናፌ በበኩላቸው የቁጥጥር ኮሚቴው በጠቅላላ ጉባኤው ላይ የሚሰጡ ውሳኔዎች ተፈፃሚ እንዲሆኑ እየሰራ ይገኛል ብለዋል።

ኮሚቴው ከአባላቱ  የሚነሱ ጥያቄዎች እልባት እንዲሰጣቸው በቅርበት እየተከታተለ እንደሆነ አንስተው የአባላቱን እርካታ ለማሳደግ በቀጣይ  ትኩረት ተሰጥቶ እንደሚሰራም አረጋግጠዋል።

የማህበሩን የ2016 የሂሳብ ኦዲት ሪፖርት  ያቀረቡት ወ/ሮ አስናቀች መንገሻ በበኩላቸው የኦዲት ሪፖርቱ በማህበሩ የሚቀርቡ የተለያዩ ማስረጃዎችን በማረጋገጥ እንደተከናወነ ተናግረዋል።

ማህበሩ በበጀት ዓመቱ ከተለያዩ ምንጮች ከ129 ነጥብ  46 ሚሊዮን ብር በላይ ገቢ ማግኘቱን እና ከዚህ ውስጥ ከ77 ነጥብ 46 ሚሊዮን ብር በላዩ ለተለያዩ አገልግሎቶች ወጪ መደረጉን በሂሳብ ሪፖርቱ ላይ ቀርቧል።

በበጀት ዓመቱ ከተገኘው የተጣራ ትርፍ ውስጥ 33 ነጥብ 75 ሚሊዮኑ ለትርፍ ክፍፍል ድልድል የሚውል ሲሆን ቀሪው 14 ነጥብ 46 ሚሊዮን ብሩ ደግሞ ለመጠባበቂያነት እንደሚቀመጥ  ተመላክቷል።

በጉባኤው ላይ የተገኙት በአራዳ ክፍለ ከተማ የህብረት ሥራ ማህበራት ማደራጃ ቢሮ የኢንስፔክሽን ቡድን መሪ አቶ ዳኜ ከበደ እና የማህበራት አስተባባሪ አቶ አስናቀ ጫላ በበኩላቸው ማህበሩ በክፍለ ከተማው ሥር ከሚገኙ አራት ማህበራት መካከል በአባላት ብዛትና የካፒታል መጠን  ቀደሚ ነው ብለዋል።

ህብረት ሥራ ማህበሩ ያለውን ዝና ለማስቀጠል የማህበሩ አባላት ከሥራ አመራር ቦርዱ ጋር በትብብር መስራት እንዳለባቸውም አሳስበዋል።

ክፍለ ከተማው በማህበሩ ላይ ከዚህ በፊት ያጋጠመው ችግር መፍትሔ እንዲሠጠው በትኩረት እየሠራ እንደነበር አውስተው በቀጣይ በተለያዩ ጉዳዮች ላይ የሚያደርገውን ድጋፍና ክትትል አጠናክሮ እንደሚቀጥል  አረጋግጠዋል።

በጉባኤው ላይ የማህበሩ የ2016 በጀት ዓመት የዕቅድ አፈፃፀም፣ የቁጥጥር ኮሚቴና የሂሳብ ኦዲት ሪፖርት እንዲሁም የ2017 በጀት ዓመት ዕቅድና በጀት ጨምሮ ከማህበሩ አባላት መተዳደሪያ ደንብ ጋር በተያያዘ መሻሻል የሚገባቸው የተለያዩ  ድንጋጌዎች ቀርበው በጠቅላላ ጉባኤው አባላት ፀድቀዋል።

የገንዘብ ቁጠባና ብድር ህብረት ሥራ  ማህበሩ ከ13 ሺ 300 በላይ አባላት አሉት።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 29 ቀን 2017 ዓ.ም

የፈተና ጥሪ ማስታወቂያ

የኢትዮጵያ ኤሌክትሪክ ኃይል በቁጥር ኢኤ.ኃ/8.4/23/16 ነሐሴ 15 ቀን 2016 ዓ.ም በሹፌር 2ኛ የስራ መደብ ለውጭ አመልካቾች ማስታወቂያ ማውጣታችን ይታወቃል፡፡

ስለሆነም ከዚህ በላይ ስማችሁ የተገለጸው አመልካቾች በሙሉ ህዳር 17 ቀን 2017 ዓ.ም ከጠዋቱ 3፡00 ሰዓት ማንነታችሁን የሚገልጽ የታደሰ መንጃ ፈቃድ በመያዝ ኮተቤ ብረታብረት በሚገኘው የድርጅቱ ዋና መ/ቤት የስብሰባ አዳራሽ የጽሁፍ ፈተና የሚሰጥ በመሆኑ ለፈተና እንድትገኙ እናሳስባለን፡፡

ማሳሰቢያ፡- ለፈተና በምትመጡበት ወቅት ስማችሁ የተገለጸበትን ተራ ቁጥር ማወቅ አስፈላጊ መሆኑን እንገልጻለን፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 29 ቀን 2017 ዓ.ም

10 ሰዓታት የፈጀው የጥገና ሥራ በስኬት ተጠናቋል
……..///………
ከትናንት በስቲያ በእሳት አደጋ ምክንያት በጊዜያዊነት አገልግሎት መስጠት ያቋረጠውን የድሬዳዋ ቁጥር 3 ማከፋፈያ ጣቢያ መስመር የማዛወር ሥራ ሙሉ በሙሉ መጠናቀቁን በማስተላለፊያ መስመሮችና ማከፋፈያ ጣቢያዎች ኦፕሬሽን ዘርፍ አስታወቀ።

በዘርፉ የምስራቅ አንድ ሪጅን የኦፕሬሽንና ጥገና መምሪያ ዳይሬክተር አቶ ወርዲ መሀመድ እንደገለፁት ትናንት ምሽት ከ1:00 ሰዓት እስከ ሌሊት 11፡00 ከሁርሶ ወደ ድሬዳዋ አንድ፣ ወደ ሀረር እና ጅግጅጋ የሚሄዱ መስመሮችን የማዛወር ሥራ ተሰርቷል፡፡

ዛሬ ረፋድ መስመሩን የመፈተሽ ሥራ ተከናውኖ ወደሁሉም አካባቢዎች ኃይል እንደደረሰ መረጋገጡን ገልፀዋል።

የሁርሶ ማከፋፈያ ጣቢያ ጉዳት እንዳጋጠመው ተደርጎ የተሰራጨው ዘገባ የሀሰት መሆኑን የጠቀሱት ዳይሬክተሩ ከሁርሶ ማከፋፈያ ጣቢያ ተጨማሪ ወጪ መስመር በማዘጋጀት ችግሩ መፈታቱን አስታውቀዋል፡፡

ፈታኝ የሆነው የመስመር ማዛወር ሥራ ተጀምሮ እስኪጠናቀቅ ድረስ የኃይል መቋረጥ አጋጥሟቸው በነበሩ አካባቢዎች የሚገኙ ደንበኞች በትዕግስት ስለጠበቁ ምስጋናቸውን አቅርበዋል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 25 ቀን 2017 ዓ.ም

የኢትዮ-ኤሌክትሪክ የሴቶች ቡድን ሊጉን በድል ጀምሯል
........///........
በኢትዮጵያ ሴቶች ፕሪሚየር ሊግ የመጀመሪያው ጨዋታ ኢትዮ-ኤሌክትሪክ ድል ቀንቶታል።

ቡድኑ ዛሬ ከጠዋቱ ሦስት ሰዓት በአበበ ቢቂላ ስቴዲየም ከቂርቆስ ክ/ከተማ ጋር ባከናወነው ጨዋታ አምስት ለባዶ አሸንፏል።

የኢትዮ-ኤሌክትሪክ እንስቶች ሙሉ የጨዋታ የበላይነት ባሳዩበት መርሃግብር  ማህሌት ምትኩ ለቡድኗ ሁለት ጎል ስታስቆጥር ቀሪዎቹን ሶስት ጎሎች ህዳት ካሱ፣ ዙፋን ደፈርሻ እና ሳባ ኃ/ሚካኤል ከመረብ አሳርፈዋል።

ኢትዮ-ኤሌክትሪክ ኳስን ተቆጣጥሮ በመጫወት እና ቶሎ ቶሎ ወደ ግብ በመድረስ ከተጋጣሚያቸው የላቀ እንቅስቃሴ ማድረግ ችሏል።

ቂርቆስ ክፍለ ከተማ በአንፃሩ በመከላከል ላይ የተመሰረተ አጨዋወት ቢከተልም ከሽንፈት አልዳነም።

የኢትዮ-ኤሌክትሪክ የአማካይ ተጫዋች ሀና ሲሳይ ኮከብ ተጫዋች በመሆን ተመርጣለች።

በሁለተኛ ሳምንት የጨዋታ መርሃ ግብር ኢትዮ-ኤሌክትሪክ ከሐዋሳ ከተማ በመጪው ቅዳሜ ጥቅምት 30 ቀን 2017 ዓ.ም የሚካሄድ ይሆናል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 25 ቀን 2017 ዓ.ም

ጣቢያው የማህበረሰቡን ተጠቃሚነት የሚያሳድጉ የማህበራዊ ኃላፊነት ሥራዎችን እየሰራ ነው
.......//......
የመልካ ዋከና የውሃ ኃይል ማመንጫ ጣቢያ የአካባቢውን ማህበረሰብ ተጠቃሚነት የሚያሳድጉ የማህበራዊ ኃላፊነት ሥራዎችን እየሰራ መሆኑን አስታወቀ።

የጣቢያው ሥራ አስኪያጅ አቶ ቴዎድሮስ በቀለ እንደገለጹት ጣቢያው ከተመሰረተበት ጊዜ ጀምሮ በርካታ የማህበራዊ ኃላፊነት ሥራዎች ተከናውነዋል።

በጣቢያው ዙሪያ በሚገኙ አምስት ቀበሌዎች ላይ የውሃ ጉድጓዶችን በማስቆፈር ማህበረሰቡን የንጹህ መጠጥ ውሃ ተጠቃሚ ከማድረግ ባሻገር የኃይል ማመንጫ ጣቢያው ኢብሳ ጤና ጣቢያን ሰርቶ ማስረከቡን ገልጸዋል።

በኃይል ማመንጫ ጣቢያው ዙሪያ የሚገኙ 12 ቀበሌዎችን ከ65 ሚሊዮን ብር በላይ በማውጣት የመብራት ተጠቃሚ መደረጋቸውን የጠቆሙት ሥራ አስኪያጁ ቀሪ አካባቢዎችን ተጨማሪ 330 ሚሊዮን ብር በመመደብ የመብራት ተጠቃሚ ለማድረግ እየተሰራ ነው ብለዋል።

እንደ አቶ ቴዎድሮስ ገለፃ ሮቤ ጌርጀዳን ከጌዴዶ ከተማ የሚያገናኝ 10 ኪሎ ሜትር የጠጠር መንገድ ጣቢያው መስራቱንም ተናግረዋል።

በአሁኑ ወቅትም ከጣቢያው እስከ በቆጂ መገንጠያ ያለውን 26 ኪሎ ሜትር የጠጠር መንገድ እና ከጣቢያው እስከ አዳባ ያለውን 30 ኪሎ ሜትር የጠጠር መንገድ የጥገና ሥራ ለመስራት በሂደት ላይ መሆኑን ጠቅሰዋል።

በጣቢያው ግቢ የሠራተኞችና የአካባቢው ማህበረሰብ ልጆች የሚማሩባቸው ከኬጂ እስከ 8ኛ ክፍል የሚያስተምሩ ትምህርት ቤቶች መኖራቸውን የተናገሩት አቶ ቴዎድሮስ 250 ለሚሆኑ የቅድመ መደበኛ የአካባቢው ተማሪዎችም የትራንስፖርት አገልግሎት እያገኙ መሆኑን ተናግረዋል።

የዋቤ ኢብሳ 1ኛ ደረጃ ትምህርት ቤት ርዕሰ መምህር የሆኑት አማና ፈቶ እንደገለጹት ጣቢያው ውሃ፣ መብራት እና የትምህርት ቁሳቁስ ለትምህርት ቤቱ እያቀረበ ነው።

ይህም ልጆቹ ርቀው ሳይሄዱ ጥራት ያለው ትምህርት እንዲያገኙ ከፍተኛ አስተዋጽኦ ማበርከቱን ገልጸዋል።

የአካባቢው አባገዳ የሆኑት ሐጂ እንድሪስ ሐጂ ጉራሪ በበኩላቸው ጣቢያው ለአካባቢው ማህበረሰብ ትምህርት ቤት፣ ጤና ጣቢያና መንገድ ከመስራት ባለፈ የውሃና የመብራት ተጠቃሚ እያደረገ ነው ብለዋል።

በዚህም የአካባቢው ማህበረሰብ ርቆ ሳይሄድ ንጹህ የመጠጥ ውኃ እንዲያገኝ፣ ልጆቹን እንዲያስተምርና የሕክምና አገልግሎት እንዲያገኝ ማድረጉን ጠቁመዋል።

የኃይል ማመንጫ ጣቢያው እያከናወነ ላለው የልማት ስራ ምስጋናቸውን ያቀረቡት አስተያየት ሰጪዎቹ በዚህም ማህበረሰቡ በጣቢያው ላይ ያለው የእኔነት ስሜት እያደገ እያደገ መምጣቱን ገልጸዋል።

በቀጣይም ከጣቢያው የሥራ ኃላፊዎች ጋር በመሆን የጣቢያውን ደህንነት ለመጠበቅ እንደሚሰሩ ተናግረዋል።

የመልካ ዋከና ውኃ ኃይል ማመንጫ ጣቢያ ሥራ የጀመረው በ1980 ዓ.ም ሚያዚያ 15 ቀን ነው።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 25 ቀን 2017 ዓ.ም

የሀገርን ሀብት መጠበቅ ለነገ የሚተው ጉዳይ አይደለም
.........///.........
የሀገርን ሀብት መጠበቅ ለነገ የሚተው ጉዳይ አለመሆኑን የምዕራብ አርሲ ዞን ፖሊስ መምሪያ አዛዥ ገለፁ።

ከምዕራብ አርሲ ዞን እና ከዞኑ የተለያዩ ወረዳዎች እንዲሁም ከሻሸመኔ ከተማ አስተዳደር የተውጣጡ አመራሮች፣ የፀጥታ እና ደህንነት የሥራ ኃላፊዎች ጋር በኃይል ማስተላለፊያ መስመር ተሸካሚ የብረት ምሰሶዎች ላይ የሚፈፀሙ የስርቆት ወንጀሎችን ለመከላከል በተዘጋጀው የውይይት መድረክ ላይ አዛዡ ኮማንደር ቶሎሳ መልካ እንደገለፁት ህብረሰቡን በማሳተፍ መሰረተ ልማቱን በባለቤትነት ስሜት እንዲጠብቅ ማድረግ ይገባል።

በኃይል ማስተላለፊያ መስመር ተሸካሚ የብረት ምሰሶዎች ላይ የተጋረጠው የስርቆት ወንጀል ከዞኑ የፀጥታ አቅም በላይ እንዳልሆነ አዛዡ ተናግረዋል።

የኢትዮጵያ ኤሌክትሪክ ኃይል ከዞኑ የፀጥታ መዋቅር ጋር ተቀራርቦ በመስራት ችግሩን ለመፍታት መስራት እንደሚገባ ኮማንደር ቶሎሳ ጠቁመዋል።

የፖሊስ አዛዡ እንደገለፁት ህብረተሰቡን በማስተባበር ወንጀልን ለመከላከል ከሚደረገው ጥረት በተጓዳኝ ዝርፊያ በሚፈፅሙ አካላት ላይ አስተማሪ ህጋዊ እርምጃ ይወሰዳል።

በሻሸመኔ ከተማ የቢሻን ጉራቻ ክፍለ ከተማ አስተዳዳሪ አቶ አየለ ዲካሞ እንደተናገሩት የልማት አውታሮች ላይ ዝርፊያ የሚፈፅሙ አካላት በሀገር ኢኮኖሚ ላይ እንቅፋት እየፈጠሩ በመሆኑ ከድርጊታቸው እንዲታቀቡ የሚያደርግ የተጠናከረ ርምጃ መውሰድ ይገባል።

በኃይል ማስተላለፊያ ተሸካሚ የብረት ምሰሶዎች ላይ የሚፈፀሙ ዝርፊያዎች በሀገር ዕድገት ላይ ያላቸውን አሉታዊ ተፅዕኖዎች ለህብረተሰቡ በማስገንዘብ ችግሩን መከላከል ይቻላል።

የስርቆት ወንጀሉ ከተማና ገጠርን በኃይል አቅርቦት ተደራሽ ለማድረግ በሚደረገው ጥረት ላይ እንቅፋት መፍጠሩን ከውይይቱ መገንዘባቸውን አቶ አየለ ገልፀዋል።

የኢትዮጵያ ኤሌክትሪክ ኃይል በመሰረተ ልማት ስርቆት ዙሪያ ወጥነት ያለው የመረጃ ልውውጥ ሥርዓት እንዲዘረጋና ተቀራርቦ የመስራት ባህልን እንዲያዳብርም ነው ያሳሰቡት።

የሻላ ወረዳ ፖሊስ አዛዥ ኮማንደር ተሾመ ደገፋ በበኩላቸው በወረዳው ባለፉት ዓመታት ለኃይል ተሸካሚ የብረት ምሰሶ ስርቆት ተጋላጭ የሆኑ ቦታዎችን በመለየት ለህብረተሰቡ ሰፊ የግንዛቤ ማስጨበጫ ሥራዎች መከናወናቸውን አስረድተዋል።

በወረዳው በብረት ማቅለጥና ተያያዥ የጋራዥ ሥራዎች ላይ የተሰማሩ ነጋዴዎች ላይ ጥብቅ ክትትል በማድረግ ስርቆቱን መቀነስ መቻሉን ተናግረዋል።

የኤሌክትሪክ ኃይል ማስተላለፊያ መስመር ተሸካሚ የብረት ምሰሶዎችን ከስርቆት ለመታደግ ያለመ የግንዛቤ ማስጨበጫ ሥራ በወረዳው ስር ባሉ የመንግሥት መዋቅሮች እየተሰራ እንደሚገኝም ነው ኮማንደር ተሾመ ያብራሩት።      

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 22 ቀን 2017 ዓ.ም

ፕሮጀክቱ በግብዓት አቅርቦት ችግር ምክንያት እንዳይጓተት እየተሰራ ነው
........///.........
የገዳ ልዩ ኢኮኖሚ ዞን የኃይል ማከፋፈያ ጣቢያ ፕሮጀክት የግብዓት አቅርቦቱ የተቀላጠፈ እንዲሆን እየተሰራ መሆኑን በኢትዮጵያ ኤሌክትሪክ ኃይል የማስተላለፊያ መስመሮች እና ማከፋፍያ ጣቢያዎች ግንባታ ዘርፍ አስታወቀ።

በዘርፉ የራስ ኃይል ግንባታ መምሪያ የግዥና ፋይናንስ ቢሮ ሥራ አስኪያጅ አቶ ሙሉቀን ዮሴፍ እንደተናገሩት ለፕሮጀክቱ አስፈላጊ የሆኑ ግብዓቶች ወቅቱን ጠብቀው እንዲሟሉ እየተደረገ ነው።

የፕሮጀክቱ የግብዓት አቅርቦት እንዲፋጠን የሥራ ክፍሉ ለፕሮጀክቱ የሚያስፈልጉ ብረቶችን በጨረታ ገዝቶ አስቀድሞ ማስገባቱን ተናግረዋል፡፡

በተጨማሪም በግዥ ሥርዓቱ ላይ የሚያጋጥመውን መጓተት ለመቅረፍ እንዲሁም ጊዜንና ወጪን ለመቆጠብ በሳይቱ ላይ ጥራት ያለው ብሎኬት በራስ ኃይል መመረቱን ገልጸዋል።

በዚህም ከ50 ሺ በላይ ብሎኬት በማምረት ከሦስት ሚሊዮን ብር በላይ ወጪ ማዳን ተችሏል ብለዋል፡፡

እንደ አቶ ሙሉቀን ገለፃ በራስ አቅም ከሚከናወነው ሥራ በተጓዳኝ ከመከላክያ ግንባታ ግብዓቶች ማምረቻ ድርጅት ጋር ስምምነት በመፈጸም የኮንክሪት ሙሌት ሥራ በፍጥነት እየተከናወነ መሆኑን አብራርተዋል።

ይህም በራስ ኃይል መምሪያ በኩል እየመጣ ያለውን የአሰራር ለውጥ ብቻ ሳይሆን የሥራ ውጤትንም ያሳየ መሆኑን ጠቁመዋል፡፡

ሥራ አስኪያጁ እንደሚሉት ለፕሮጀክቱ አስፈላጊ ግብዓቶችን በወቅቱ ለማቅረብ የሚያስችሉ ሥራዎች ቀድመው በመከናወናቸው እና ሳይት ላይ በመድረሳቸው የፕሮጀክቱ አፈጻጸም የተሻለ እንዲሆን አድርጎታል፡፡

ለግንባታ ሥራው የሚቀርቡ ግብዓቶች በጥራት ተቆጣጣሪ ሱፐርቫይዘሮች በአግባቡ ክትትል እንደሚደረግባቸውም አስረድተዋል፡፡

በግብዓት አቅርቦት ችግር ምክንያት የሚጓተት የፕሮጀክት ሥራ መኖር የለበትም በሚል ሲሰራ መቆየቱን ያወሱት አቶ ሙሉቀን በቀጣይ የግብዓት አቅርቦቱ እንደተሳለጠ እንዲቀጥል የግብዓት ፍላጎት ዕቅድ ከ15 ቀን በፊት እንዲቀርብ እየተደረገ ነው ብለዋል፡፡

በአሁኑ ወቅት ከፕሮጀክቱ ማጠናቀቂያ ሥራዎች ጋር በተያያዘ ከወር በኋላ የሚያስፈልጉ ግብዓቶች ግዢ ለመፈፀም በጨረታ ሂደት ላይ እንደሚገኝ ገልጸዋል።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 22 ቀን 2017 ዓ.ም

የዞኑ አስተዳዳሪ በየደረጃው የሚገኙ የመንግስት መዋቅሮች የመሰረተ ልማት ስርቆትን ለማስቀረት ተገቢውን የህግ ማስከበር ሥራ እንዲሰሩ አሳሰቡ
.........///……..
በኦሮሚያ ክልል የምዕራብ አርሲ ዞን  ዋና አስተዳዳሪ የመሰረተ ልማት ስርቆትን ለማስቀረት በሚደረገው እንቅስቃሴ ላይ በየደረጃው የሚገኙ የመንግስት መዋቅሮች ተገቢውን የህግ እርምጃ  የማስወሰድ ሥራዎች እንዲሰሩ አሳሰቡ።

ዋና አስተዳዳሪው አቶ አህመድ ሀጂ የኢትዮጵያ ኤሌክትሪክ ኃይል ከምዕራብ አርሲ ዞን እና ከተለያዩ ወረዳዎች የተውጣጡ አመራሮች፣ የፀጥታ እና ደህንነት የሥራ ኃላፊዎች እንዲሁም ከሻሸመኔ ከተማ አስተዳደር አመራሮች ጋር በከፍተኛ የኃይል ማስተላለፊያ መስመር ተሸካሚ የብረት ምሰሶዎች ላይ ስለሚፈፀሙ የስርቆት ወንጀሎችና ተያያዥ ጉዳዮች ውይይት አድርገዋል፡፡

በውይይቱ ላይ በተቋሙ የኮርፖሬት ኮሙዩኒኬሽን መምሪያ ዳይሬክተር አቶ ሞገስ መኮንን እንደገለፁት ተቋሙ ለህብረተሰቡ ኤሌክትሪክ ለማዳረስ በሚያደረገው ጥረት ውስጥ በኃይል ማስተላለፊያ መስመር ተሸካሚ የብረት ምሰሶዎች ላይ እየተፈፀሙ ያሉ  የስርቆት ወንጀሎች ፈተና ሆነዋል።

ተቋሙ በ2016 በጀት ዓመት በስርቆትና የተሰረቁ የኃይል መሰረተ ልማቶችን መልሶ ለመገንባት ከአንድ ቢሊየን ብር በላይ ወጪ ማውጣቱን የጠቀሱት ዳይሬክተሩ ከዚህ ውስጥ በኦሮሚያ ክልል ብቻ 450 ሚሊየን ብር ጉዳት እንደደረሰበት ተናግረዋል።

እንደ አቶ ሞገስ ገለፃ ተቋሙ ባለፉት ሦስት ዓመታት በምዕራብ አርሲ ዞን በኃይል ተሸካሚ የብረት ምሰሶዎች ላይ በተፈፀመ ስርቆትና ጉዳት የደረሰባቸውን የኤሌክትሪክ መሰረተ ልማቶች መልሶ ለመገንባት ከ18 ሚሊየን ብር በላይ ወጪ አውጥቷል።

በዞኑ የተፈፀሙ የኤሌክትሪክ መሰረተ ልማት የስርቆት ወንጀሎች ያደረሱት ጉዳት የአዲስ አበባ ከተማ አስተዳደርን ጨምሮ በሲዳማ፣ ቤኒሻንጉል  ጉሙዝ፣ ሶማሌ እና ሐረሪ ክልሎች ከተፈፀመው ድምር ጉዳት ከፍ ያለ መሆኑንም ነው አቶ ሞገስ የገለፁት።

በኃይል ተሸካሚ የብረት ምሰሶዎች ላይ የወንጀል ድርጊት በሚፈፅሙ አካላት ላይ የፍትህና ፀጥታ ዘርፎች የሚያከናውኗቸው የምርመራና አስተማሪ ውሳኔ የመስጠት ሥራዎች ተጠናክረው መቀጠል እንዳለባቸውም ነው ያስገነዘቡት።

የደቡብ አንድ ሪጅን የማስተላለፊያ መስመርና ማከፋፈያ  ጣቢያዎች መምሪያ ዳይሬክተር አቶ ምትኩ ንጉሴ እንደገለፁት ባለፉት 3 ዓመታት በምዕራብ አርሲ ዞንና በሻሸመኔ ከተማ አስተዳደር ዙሪያ 11 የኃይል ማስተላለፊያ መስመር ተሸካሚ የብረት ምሰሶዎች ወድቀዋል።

በዞኑና በከተማ አስተዳደሩ በሚፈፀሙ ተደጋጋሚ የስርቆት ወንጀሎች ሳቢያ  ህብረተሰቡ ኃይል ተቋርጦ እንዳይቆይበት ለማድረግ የወደቀውን ምሰሶ በእንጨት ምሰሶ በመተካት ጊዚያዊ መፍትሔ ለመስጠት እየተሞከረ እንደሚገኝ ነው አቶ ምትኩ የጠቀሱት።

እንደ ዳይሬክተሩ ገለፃ ባለፉት ዓመታት ከዞን፣ ከወረዳና ከከተማ አስተዳደር የፀጥታ አካላት ጋር በመሆን በኤሌክትሪክ መሰረተ ልማት ስርቆት ላይ ተሳትፎ የነበራቸውን ተጠርጣሪዎች ለህግ የማቅረብ ሥራ ተሰርቷል።

በኢትዮጵያ ኤሌክትሪክ ኃይል የዋና ሥራ አስፈፃሚ ጽ/ቤት የኤሌክትሪክ መሰረተ ልማት ክትትልና ቁጥጥር ቢሮ ሥራ አስኪያጅ አቶ ዋለ ታምሬ እንዳስታወቁት በኃይል መሰረተ ልማቶች ላይ እየተፈፀሙ የሚገኙ የስርቆት ወንጀሎች የኃይል መቆራረጥና የአገልግሎት ጥራት ችግር እንዲከሰት ምክንያት ሆነዋል።

በዞንና በወረዳዎች የተለያዩ የህብረተሰብ ክፍሎችን በማደራጀት መሰረተልማቶቹን የመጠበቅ፣ ዛፎችን የማስመንጠር እና ስርቆትን የመከላከል ሥራዎችን ለመስራት መታቀዱንም ነው የገለፁት።

የፀጥታ እና የፍትህ አካላት በኤሌክትሪክ መሠረተ ልማቶች ላይ የስርቆት ወንጀል በሚፈፅሙ ህገ- ወጦች ላይ የማያዳግም እርምጃ እንዲወስዱም ነው አቶ ዋለ ያሳሰቡት።

የምዕራብ አርሲ ዞን ዋና አስተዳዳሪ አቶ አህመድ ሐጂ እንደተናገሩት በዞኑ በኃይል መሰረተ ልማቶች ላይ በተፈፀሙ  የስርቆት ወንጀሎች የደረሰው ጉዳት የችግሩን ጥልቀት ያሳያል።

በዞኑ በህዝብ ጥቅም ላይ ጉዳት በሚያደርሱ አካላት ላይ በየደረጃው የሚገኙ የመንግስት መዋቅሮች ተገቢውን የህግ እርምጃ  የማስወሰድ ሥራዎች እንዲሰሩ አሳስበዋል።

የሻሸመኔ ከተማ አስተዳደር ከንቲባ አቶ አዳነ ተ/ጊዮርጊስ በበኩላቸው በኃይል አቅርቦትና ተደራሽነትን ለማሳደግ ለሚሰራው  ሥራ የአመራሩ ሚና የጎላ ሊሆን ይገባል።

በመሰረተ ልማቶቹ ላይ የሚፈፀሙ የስርቆት ወንጀሎችን ከምንጩ ለማድረቅ የኢትዮጵያ ኤሌክትሪክ ኃይል፣ የምዕራብ አርሲ ዞን እና የሻሸመኔ ከተማ አስተዳደር በቅንጅት ሊሰሩ እንደሚገባም ነው ከንቲባው ያሳሰቡት።

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 21 ቀን 2017 ዓ.ም

የፈተና ውጤት ማስታወቂያ

በአዲስ ዘመን ጋዜጣ መጋቢት 11 ቀን 2016 ዓ.ም በሲቪል መሀንዲስ 1ኛ የስራ መደብ በቋሚነት ለመቅጠር ማስታወቂያ ማውጣታችን ይታወቃል፡፡

ስለሆነም መስፈርቱን አሟልታችሁ ከተመዘገባችሁት ተወዳዳሪዎች መካከል ከተ.ቁ 1 እስከ 11 ያላችሁ በተሰጠው የጽሁፍ ፈተና አብላጫ ውጤት ያመጣችሁ በመሆኑ ከጥቅምት 26 ቀን 2017 ዓ.ም ጀምሮ ባሉት 5 (አምስት) ተከታታይ የስራ ቀናት ውስጥ በዋናው መ/ቤት ኮተቤ ብረታብረት በሚገኘው የሰራተኛ ምደባ ቢሮ የትምህርት ማስረጃችሁን ዋናውን እና ኮፒ በመያዝ እየቀረባችሁ የቅጥር ፎርም እንድትሞሉ እናሳውቃለን፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 21 ቀን 2017 ዓ.ም

''የኤሌክትሪክ መሰረተ ልማቶችን መጠበቅ ግዴታችን ነው'' የአዳማ ከተማ አስተዳደር ከንቲባ
….....///……....
የአዳማ ከተማ አስተዳደር የኤሌክትሪክ መሰረተ ልማቶችን የመጠበቅ ግዴታውን እንደሚወጣ የከተማ አስተዳደሩ ከንቲባ አቶ ኃይሉ ጀልዴ ገለፁ።

የኢትዮጵያ ኤሌክትሪክ ኃይል የሥራ ኃላፊዎች ከከተማ አስተዳደሩ ከንቲባ አቶ ኃይሉ ጀልዴ ጋር በከፍተኛ የኃይል ማስተላለፊያ መስመር ተሸካሚ የብረት ምሰሶዎች ላይ ስለሚፈፀሙ የስርቆት ወንጀሎችና ተያያዥ ጉዳዮች ዙሪያ ውይይት አድርገዋል፡፡

የተቋሙ የኮርፖሬት ኮሙዩኒኬሸን መምሪያ ዳይሬክተር አቶ ሞገስ መኮንን ለከንቲባው እንደገለፁት በአሁኑ ወቅት በኤሌክትሪክ ኃይል መሰረተ ልማቶች ላይ እየተፈፀሙ የሚገኙ የስርቆት ወንጀሎች እየጨመሩ መጥተዋል።

ተቋሙ በ2016 በጀት ዓመት በስርቆትና የተሰረቁ የኃይል መሰረተ ልማቶችን መልሶ ለመገንባት ከአንድ ቢሊየን ብር የሚበልጥ ጉዳት እንደደረሰበት ዳይሬክተሩ አስረድተዋል።

በከተማ አስተዳደሩ ስር በሚገኙ ቀበሌዎች እየተስፋፋ የመጣውን የኤሌክትሪክ መሰረተ ልማት ስርቆት ለመከላከል የከተማ አስተዳደሩ በሁሉም መዋቅሮቹ ትኩረት ሰጥቶ እንዲሰራ ጠይቀዋል።

በተቋሙ የዋና ሥራ አስፈፃሚ ጽ/ቤት የኤሌክትሪክ መሰረተ ልማት ክትትልና ቁጥጥር ቢሮ ሥራ አስኪያጅ አቶ ዋለ ታምሬ እንዳስታወቁት በአዋሽ መልካሳ-ወለንጪቲ በተዘረጋው መስመር ኡላጋ ቀበሌ ላይ 3 ምሰሶዎች በስርቆት የተነሳ በመውደቃቸው እስካሁን የጥገና ሥራ ማከናወን አልተቻለም።

ተቋሙ ከማህበረሰቡ ጋር ተቀራርቦ በመስራት በኩል መልካም ጅምሮች እንዳሉት የጠቀሱት ሥራ አስኪያጁ ይሁን እንጂ በወንጀል ፈፃሚዎቹ ላይ የሚጣለው ቅጣት ጠንካራና አስተማሪ አለመሆኑን አንስተዋል።

የአዳማ ከተማ አስተዳደር ከንቲባ አቶ ኃይሉ ጀልዴ በሰጡት ምላሽ ከተማ አስተዳደሩ ተጨማሪ የኃይል አቅርቦት እየጠየቀ ባለበት በአሁኑ ወቅት የኤሌክትሪክ መሰረተ ልማቶችን መጠበቅ ግዴታው መሆኑን ይረዳል።

በኤሌክትሪክ መሰረተ ልማቶች ላይ እየተፈፀመ ያለውን ስርቆት ለመከላከል በሚከናወነው ሥራ የቅድሚያ ትኩረት ሰጥተው እንደሚከታተሉትና በየደረጃው ለሚገኙ አመራሮች መመሪያ እንደሚሰጡ አስረድተዋል፡፡

ከኃይል ማስተላለፊያ መስመር ተሸካሚ የብረት ምሰሶ አካላት ስርቆት ባሻገር በኃይል ማስተላለፊያ መስመሮች ሥር የሚከናወኑ ግንባታዎችን በመከላከል የህብረተሰቡን እና የመስመሩን ደህንነት የማስጠበቅ ሥራ ለመስራት መታቀዱንም ከንቲባው ገልፀዋል።

ከተማ አስተዳደሩ በቀጣይ ሊሰራቸው ላሰባቸው ኢንዱስትሪዎችና ሌሎች አዳዲስ ፕሮጀክቶች የሚያስፈልገውን ኃይል ተቋሙ ታሳቢ አድርጎ እንዲሰራም ጠይቀዋል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 21 ቀን 2017 ዓ.ም

በስርቆት ምክንያት ኃይል ተቁርጣል
……….///……..
በበደሌ - መቱ ባለ 230 ኪሎ ቮልት የከፍተኛ ኃይል ማስተላለፊያ መስመር ተሸካሚ የብረት ምሰሶ ላይ በተፈፀመ ስርቆት ኃይል ተቋርጧል፡፡

በኢትዮጵያ ኤሌክትሪክ ኃይል የደቡብ ምዕራብ ሪጅን የማስተላለፊያ መስመሮች እና ማከፋፈያ ጣቢያዎች ኦፕሬሽን መምሪያ ዳይሬክተር አቶ ጌታሁን ሲሳይ እንደገለፁት በስርቆት ምክንያት ታወሩ የወደቀው ከበደሌ ከተማ በ 69 ኪሎ ሜትር ርቀት ላይ ነው፡፡

በዚህ የተነሳ በኢሉ አባቦር ዞን ፣ በሸካ ዞን፣ በቄለም ወለጋ ዞን እና በጋምቤላ ክልል የኤሌክትሪክ ኃይል መቋረጡን አስታውቀዋል፡፡

በስርቆት ምክንያት የወደቀው የብረት ምሰሶ መልሶ ለመተካት እንቅስቃሴ መጀመሩን የጠቆሙት ዳይሬክተሩ ችግሩ አስኪስተካከል ድረስ ደንበኞች በትግስት እንዲጠባበቁ ጠይቀዋል፡፡

የኃይል መሰረተ ልማቶች ስርቆት በተለያዩ አካባቢዎች ለኃይል መቋረጥ ምክንያት እየሆነ በመምጣቱ ህብረተሰቡና የሚመለከታቸው የፀጥታ አካላት ድርጊቱን ለማስቆም እንዲረባረቡ አቶ ጌታሁን አሳስበዋል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 15 ቀን 2017 ዓ.ም

ማመንጫ ጣቢያው ከዕቅድ በላይ ኃይል አምርቷል፤
........//.........
በኢትዮጵያ ኤሌክትሪክ ኃይል የግልገል ጊቤ 2 የውሃ ኃይል ማመንጫ ጣቢያ በ2017 የመጀመሪያው ሩብ ዓመት ከዕቅድ በላይ ኃይል ማምረቱን የጣቢያው ሥራ አስኪያጅ ገለጹ።

ሥራ አስኪያጁ አቶ ሹመት በላቸው እንደገለጹት ጣቢያው በሩብ ዓመቱ 565 ነጥብ 5 ጊጋ ዋት ሰዓት ኃይል ለማመንጨት አቅዶ 631 ነጥብ 53 ጌጋ ዋት ሰዓት በማምረት የዕቅዱን 111 ነጥብ 68 በመቶ ማሳካት ችሏል።

ጣቢያው በየወሩ በአማካይ እስከ 360 ነጥብ 59 ሜጋ ዋት ኃይል ሲያመርት እንደነበረም ሥራ አስኪያጁ ገልጸዋል።

የጣቢያው አራቱም ተርባይኖች ውሃን ለመቆጣጠር የሚያገለግለው ሹል ጫፍ ያለው የብረት አካል ወይም ኖዝል በመበላቱ ምክንያት የአንድ ተርባይን የማመንጨት አቅም ከ105 ሜጋ ዋት ወደ 25 ሜጋ ዋት ድረስ ቀንሶ እንደነበር አቶ ሹመት አስታውሰዋል፡፡

እንደ ሥራ አስኪያጁ ገለፃ ጉዳት የደረሰባቸውን የኖዝል አካላት በራስ አቅም በመጠገን አራቱም ዩኒቶች ወደ ሥራ መግባታቸው ለአፈጻጸሙ ከፍ ማለት በምክንያትነት ጠቅሰዋል።

ከኖዝል በተጨማሪ የጣቢያውን ኃይል የማምረት አቅም አስተማማኝነት የሚያረጋግጡ የጥገና ሥራዎች ቀድመው መሰራታቸውም ለአፈጻጸሙ ከፍ ማለት ሚናቸው የጎላ መሆኑንም ጠቁመዋል።

ጣቢያው በበጀት ዓመቱ 1 ሺ 859 ነጥብ 13 ጊጋ ዋት ሰዓት ኃይል ለማምረት አቅድ እየሰራ ነው ያሉት አቶ ሹመት በመጀመሪያው ሩብ ዓመት የተመዘገበውን የተሻለ ውጤት አስጠብቆ በመቀጠል ዓመታዊ ዕቅዱን ለማሳካት የቅድመ መከላከል፤ የትንበያ እና የሁኔታ አመላካች ጥገና ሥራዎች በዕቅድ ተይዘው እየተከናወኑ ይገኛሉ ብለዋል።

በ2002 ዓ.ም አገልግሎት መስጠት የጀመረው የጊቤ 2 የውኃ ኃይል ማመንጫ ጣቢያ በአራት ተርባይኖች 420 ሜጋ ዋት የማመንጨት አቅም አለው።


💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 15 ቀን 2017 ዓ.ም

የፈተና ጥሪ ማስታወቂያ


የኢትዮጵያ ኤሌክትሪክ ኃይል በአድምኒስትሬሽን ኦፊሰር 1ኛ እና ፋይናንስ ኦፊሰር 1ኛ የስራ መደብ ለመቀጠር ታህሳስ 12 ቀን 2015 ዓ.ም በአዲስ ዘመን ጋዜጣ የውጭ ማስታወቂያ ማውጣቱ ይታወሳል ፡፡

ስለሆነም ከዚህ በታች ስማችሁ የተገለጸው አመልካቾች በሙሉ ጥቅምት 22 ቀን 2017 ዓ.ም ከቀኑ 6፡30 ሰዓት ማንነታችሁን የሚገልጽ የታደሰ መታወቂያ በመያዝ በኢትዮጵያ ሲቪል ሰርቪስ ዩኒቨርሲቲ የጽሁፍ ፈተና የሚሰጥ በመሆኑ ለፈተና እንድትገኙ እናሳስባለን፡፡

ማሳሰቢያ፡-በኢትዮጵያ ሲቪል ሰርቪስ ዩኒቨርሲቲ ለፈተና ከተጠራችሁበት ሰዓት ቀድማችሁ እንድትገኙ በጥብቅ አሳስቧል።



💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 14 ቀን 2017 ዓ.ም

የታወር ስርቆትን ለመከላከል መገናኛ ብዙኃን ህብረተሰቡን በማንቃት ኃላፊነታቸውን እንዲወጡ ጥሪ ቀረበ
……...//……...
የኤሌክትሪክ መሰረተ ልማቶች ላይ የሚፈጸሙ ስርቆቶችን በዘላቂነት ለመከላከል የመገናኛ ብዙኃን ህብረተሰቡን በማንቃት ኃላፊነታቸውን እንዲወጡ የኢትዮጵያ ኤሌክትሪክ ኃይል ጥሪ አቀረበ፡፡

የተቋሙ የኮርፖሬት ኮሙኒኬሽን መምሪያ ዳይሬክተር አቶ ሞገስ መኮንን እንደገለጹት ተቋሙ የኃይል መሰረተ ልማቶችን በሁሉም የሀገሪቱ አካባቢዎች ለማስፋፋት በሚያከናውነው ሥራ ላይ የኤሌክትሪክ ማስተላለፊያ መስመር ተሸካሚ የብረት ምሰሶዎች ስርቆት ዋነኛ ፈተና ሆኖበታል፡፡

ችግሩን በዘላቂነት ለመፍታት በየደረጃው ከሚገኙ የክልል የመስተዳድርና የጸጥታ አካላት እንዲሁም ከተለያዩ የኅብረተሰብ ክፍሎች ጋር የውይይትና የግንዛቤ ማስጨበጫ መድረኮችን በመፍጠር እየተሰራ መሆኑን ተናግረዋል፡፡

እንደ አቶ ሞገስ ገለፃ ችግሩ በሚጎላባቸው አካባቢዎች ከሚካሄዱት የምክክር መድረኮች በተጨማሪ ተቋሙ በአማርኛና በአፋን ኦሮሞ ቋንቋዎች በኢትዮጵያ ሬዲዮና ቴሌቪዥን እንዲሁም በአዲስ ዘመን ጋዜጣ እና በሌሎችም የኮሙዩኒኬሽን አማራጮች ግንዛቤ ለመፍጠር እየሰራ ነው ብለዋል፡፡

ይሁንና ከችግሩ ስፋት አንጻር እስከ አሁን በተቋሙ በተከናወኑ ሥራዎች የሚፈለገውን ውጤት ማምጣት አለመቻሉን ነው ዳይሬክተሩ የተናገሩት፡፡

ስለሆነም መገናኛ ብዙኃን በኤሌክትሪክ መሰረተ ልማት ላይ በሚፈጸሙ ስርቆቶች እየደረሰ ያለውን ዘርፈ ብዙ ጉዳት የሚያሳዩ፣ የእኔነት ስሜትን የሚያሳድጉ እና የኃይል መሰረተ ልማቶችን ለመጠበቅ በወጡ ህጎችና አተገባበራቸው ላይ ለኅብረተሰቡ ግንዛቤ የሚፈጥሩ ዜናዎችንና ፕሮግራሞችን በዕቅድ ይዘው ሊሰሩ እንደሚገባ ገልጸዋል፡፡

ስርቆቱ በኅብረተሰቡ ላይ እያሳደረ ያለውን ተፅዕኖ ለመቀነስና ችግሩን በዘላቂነት ለመፍታት ተቋሙ ከመገናኛ ብዙኃን ጋር በቅርበት እየሰራ መሆኑን የጠቆሙት አቶ ሞገስ በኃይል መሠረተ ልማቱ ላይ የሚፈፀሙ ስርቆቶችን ለመከላከል ሚዲያዎች የግንዛቤ ፈጠራ ሥራዎች ላይ ትኩረት ሠጥተው እንዲሰሩም ጥሪ አቅርበዋል።

ተቋሙ በ2016 በጀት ዓመት ብቻ በስርቆት ምክንያት ከ800 ሚሊዮን ብር በላይ ጉዳት ሲደርስበት የደረሰውን ጉዳት ለመጠገን ደግሞ 200 ሚሊዮን ብር ለማውጣት መገደዱን መዘገባችን ይታወሳል፡፡

💡 "ንፁህ ኢነርጂ ለተሻለ ህይወት!”

የኢትዮጵያ ኤሌክትሪክ ኃይል ይፋዊ የማኅበራዊ ትስስር ገጾችን በመቀላቀል ትኩስ መረጃዎችን በፍጥነት ያግኙ
ፌስቡክ↠ https://www.facebook.com/Ethioelectric ;
ቴሌግራም↠ https://t.me/EEPCommuication
ትዊተር ↠ https://twitter.com/EEPethiopia
ዩትዩብ ቻናል↠ https://www.youtube.com:/@ethiopowermedia
ቲክቶክ አካውንት↠https://tiktok.com/@ethio_power
ድረ - ገፃችንንም ይጎብኙ www.eep.com.et
ጥቅምት 14 ቀን 2017 ዓ.ም