Bo Thu Channel

ဘင်္ဂလားဒေ့ရှ်လူငယ်များကို အလုပ်အကိုင်အခွင့်အလမ်းများ ဖန်တီးမပေးနိုင်ခဲ့ပါက အခြားတော်လှန်ရေးတစ်ခုခုဆီသို့ ဦးတည်နိုင် ကြောင်း အစိုးရအဖွဲ့အကြီးအကဲ ယူနွတ်ပြောဆို
=====
၁၉၇၁ ခုနှစ်တွင် ပါကစ္စတန်ဆီက လွတ်လပ်ရေးရအောင် တိုက်ပွဲဝင်ပေးခဲ့သည့်စစ်ပြန်များ၏ သားသမီးများအတွက် အစိုးရအလုပ် ၃ ပုံ ၁ ပုံ ခန့်အပ်မည့်ပေါ်လစီအပေါ် တက္ကသိုလ်ကျောင်းသားများက မကျေနပ်သည့်အတွက် ဆန္ဒပြဖို့ စတင်လှုံ့ဆော်ခဲ့ပြီးနောက် ဝန်ကြီးချုပ် ရှိုတ်ဟာစီနာအစိုးရ ပြုတ်ကျသည်အထိ ဖြစ်ပွားခဲ့ခြင်းဖြစ်သည်။

ယူနွတ်က ဘင်္ဂလားဒေ့ရှ်နိုင်ငံကို တာဝန်ထမ်းဆောင်မှု ကနဦးရက်(၁၀၀) အတွင်း ၎င်းတို့အစိုးရ ဆောင်ရွက်မည့်အစီအမံများနှင့်ပတ်သက်၍ ပြင်သစ်နေ့စဉ်သတင်းစာနှင့် တွေ့ဆုံစဉ် ယခုကဲ့သို့ ပြောကြားခဲ့ခြင်းဖြစ်သည်။ ဘင်္ဂလားဒေ့ရှ်နိုင်ငံသည် လူဦးရေသန်း(၁၇၀)ကျော် ရှိပြီး ၎င်း၏ထက်ဝက်မှာ အသက် (၂၇)နှစ်အောက် လူငယ်များဖြစ်သည်။

အစိုးရတာဝန်ရှိသူများ အနေဖြင့် လူငယ်များအတွက် အလုပ်အကိုင်အခွင့်အလမ်းများ ဖန်တီးမပေးနိုင်ပါက ယခင်က ဖြစ်ပွားခဲ့သည့် Revolution များကဲ့သို့ပင် ထပ်မံဖြစ်ပေါ်လာနိုင်သဖြင့် ရင်းနှီးမြှုပ်နှံမှုနှင့် စွန့်ဦး တီထွင်မှုကို အားပေးဆောင်ရွက်ကာ ဘဏ္ဍာရေးကဏ္ဍပြုပြင်ပြောင်းလဲရန် လိုအပ်ကြောင်း ပြောဆိုထားသည်။

၎င်းအနေဖြင့် တရုတ်၊ အိန္ဒိယ၊ အမေရိကန်၊ ပါကစ္စတန်နိုင်ငံတို့အပါအဝင် အခြားနိုင်ငံများနှင့် မိတ်ဖက်ဆက်ဆံရေးတည်ဆောက်လိုပြီး အနာဂတ်ကာလတွင်လည်း ၎င်း၏ စီးပွားရေးအတွေ့အကြုံများအပေါ် အခြေခံ၍ နိုင်ငံဖွံ့ဖြိုးတိုးတက်ရေးလမ်းကြောင်းသာ ဦးတည် လုပ်ဆောင်နိုင်ကြောင်း သုံးသပ်တွေ့ရှိရပါသည်။ #BoThu
https://t.me/channel21mts

ဘင်္ဂလားဒေ့ရှ်လူငယ်များကို အလုပ်အကိုင်အခွင့်အလမ်းများ ဖန်တီးမပေးနိုင်ခဲ့ပါက အခြားတော်လှန်ရေးတစ်ခုခုဆီသို့ ဦးတည်နိုင် ကြောင်း အစိုးရအဖွဲ့အကြီးအကဲ ယူနွတ်ပြောဆို

အင်ဒိုနီးရှားနိုင်ငံအနေဖြင့် ၂၀၁၄ ခုနှစ်ကတည်းက BRICS အဖွဲ့နှင့်လက်တွဲလုပ်ဆောင်လိုရန် ကြိုးစားခဲ့
=====
ဘရာဇီးနိုင်ငံ၌ ကျင်းပပြုလုပ်နေသည့် G20 ထိပ်သီးအစည်းအဝေးတွင် အင်ဒိုနီးရှားသမ္မတက ယခုကဲ့သို့ ပြောကြား ထားခြင်းဖြစ်သည်။

အင်ဒိုနီးရှားနိုင်ငံသည် လူဦးရေ ၂၆၁ သန်းခန့်ဖြင့် ကမ္ဘာပေါ်တွင် စတုတ္ထမြောက် လူဦးရေအများဆုံးနိုင်ငံဖြစ်သည့်အပြင် ကမ္ဘာ့အကြီးဆုံး မွတ်ဆလင်နိုင်ငံဖြစ်သည်။ ၎င်း၏အဓိက ကုန်သွယ်ဖက်နိုင်ငံများမှာ တရုတ်၊ အမေရိကန်၊ ဂျပန်၊ စင်ကာပူနှင့် အိန္ဒိယနိုင်ငံတို့ဖြစ်သည်။

သုတေသီများ၏အဆိုအရ အင်ဒိုနီးရှားနိုင်ငံသည် လာမည့် ၂၅ နှစ်အတွင်း ဩဇာသိသိသာသာ တိုးတက်လာမည်ဖြစ်ကြောင်း၊ ကမ္ဘာ့ဆဋ္ဌမမြောက် ကုန်ထုတ်စွမ်းအား ပိုင်ဆိုင်ထားသဖြင့် စီးပွားရေးတောင့်တင်းလာမည်ဖြစ်ကြောင်း သုံးသပ်ထားကြသည်။ ထို့အပြင် ဒီမိုကရေစီနှင့် စီးပွားရေး ပြုပြင်ပြောင်းလဲမှုတို့ ပေါင်းစပ်ထားပြီး ၎င်း၏ပထဝီနိုင်ငံရေးအရ တည်နေရာ၊ အရွယ်အစားနှင့် သယံဇာတများကြောင့် ကမ္ဘာ့ပါဝါနိုင်ငံများ အားပြိုင်မှုတွင် အဓိကဇာတ်ခုံဖြစ်လာခဲ့သည်။

အင်ဒိုနီးရှား ပါဝင်လိုသည့် BRICS အဖွဲ့သည် ကမ္ဘာ့ဘဏ် (IMF) ကဲ့သို့သော နိုင်ငံစုံပါဝင်သော ဘဏ္ဍာရေးအဖွဲ့ အစည်းဖွဲ့စည်းရေးနှင့် ဖွံ့ဖြိုးဆဲနိုင်ငံများကို စီးပွားရေးအရ ကိုယ်စားပြုခွင့်ရရေးတို့အတွက် ရည်ရွယ်ဖွဲ့စည်းထားခြင်းဖြစ်သည်။

BRICS အဖွဲ့၏ရှေ့လုပ်ငန်းစဉ်များနှင့် အင်ဒိုနီးရှားနိုင်ငံ၏ စီးပွားရေးပြုပြင်ပြောင်းလဲမှုလမ်းစဉ်များ လားရာတူညီနေခြင်းကြောင့်သာ အဖွဲ့ဝင်ဖြစ်ရေးနှင့် လက်တွဲလုပ်ဆောင်လိုခြင်းဖြစ်ကြောင်း သုံးသပ်တွေ့ရှိရပါသည်။
#BoThu
သတင်းသုံးသပ်ချက်များ ဖတ်ရှု့
နိုင်ရန် 👉👉👉
https://t.me/channel21mts

အင်ဒိုနီးရှားနိုင်ငံအနေဖြင့် ၂၀၁၄ ခုနှစ်ကတည်းက BRICS အဖွဲ့နှင့်လက်တွဲလုပ်ဆောင်လိုရန် ကြိုးစားခဲ့

အာရှ-ပစိဖိတ် စီးပွားရေး ပူးပေါင်းဆောင်ရွက်မှု (APEC) ခေါင်းဆောင်များ အစည်းအဝေးတွင် အမေရိကန်သမ္မတနှင့် တရုတ်သမ္မတတို့ တွေ့ဆုံ
=====
ပီရူးနိုင်ငံ၌ နိုဝင်ဘာလ ၁၅ ရက်မှ ၁၇ ရက်အထိ ကျင်းပပြုလုပ်သည့် အာရှ-ပစိဖိတ် စီးပွားရေးပူးပေါင်းဆောင်ရွက်မှု (APEC) ခေါင်းဆောင်များ အစည်းအဝေးတွင် သမ္မတနှစ်ဦး တွေ့ဆုံခဲ့ကြခြင်းဖြစ်သည်။

APEC (Asia-Pacific Economic Cooperation) သည် အာရှ-ပစိဖိတ်ဒေသတွင် ရေရှည်တည်တံ့သော စီးပွားရေးဖွံဖြိုးတိုးတက်မှုနှင့် သာယာဝပြောရေးကို မြှင့်တင်ရန်အတွက် ၁၉၈၉ ခုနှစ်တွင် စတင်တည်ထောင်ခဲ့သော ဒေသတွင်း စီးပွားရေးဖိုရမ်တစ်ခုဖြစ်သည်။ ၎င်းအဖွဲ့အစည်းတွင် အမေရိကန်၊ တရုတ်၊ ဂျပန်၊ သြစတြေးလျ၊ တောင်ကိုးရီးယားနှင့် မက္ကဆီကိုအပါအဝင် ပစိဖိတ်ကမ်းရိုးတန်းတစ်ဝိုက်မှ အဖွဲ့ဝင်နိုင်ငံ ၂၁ နိုင်ငံဖြင့် ဖွဲ့စည်းထားခြင်းဖြစ်သည်။

သမ္မတနှစ်ဦးတွေ့ဆုံစဉ် အမေရိကန်သမ္မတ ဂျိူးဘိုင်ဒင်က နှစ်နိုင်ငံ ဆက်ဆံရေးအရေးကြီးကြောင်း၊ နှစ်နိုင်ငံအကြား ပဋိပက္ခမဖြစ်ပွားရေး အလေးထားဖို့လိုကြောင်း၊ တရုတ်သမ္မတ ရှီကျင့်ဖျင်က ထိုင်ဝမ်းအရေးအလေးပေး ဆွေးနွေးထားပြီး တရုတ်နိုင်ငံ၏ ဖွံ့ဖြိုးတိုးတက်မှုအပေါ် ပူးပေါင်းစေလိုကြောင်း ဆွေးနွေးထားကြသည်။

တရုတ်နိုင်ငံအနေဖြင့် APEC အဖွဲ့ဝင်နိုင်ငံများသို့ ယခုနှစ်အတွင်း ပို့ကုန်သွင်းကုန်တန်ဖိုး ယွမ် ၂၁ ဒဿမ ၂၇ ထရီလီယံရှိပြီး ယခင်နှစ်ထက် ၅ ဒဿမ ၇ ရာခိုင်နှုန်း တိုးတက်ခဲ့ကြောင်း တွေ့ရှိရသည်။

နောက်တက်လာမည့် သမ္မတထရမ့်အနေဖြင့် ၎င်း၏မဲဆွယ်စည်းရုံးစဉ်က ပြောကြားခဲ့သည့်အတိုင်း သွင်းကုန် စည်းကြပ်ခွန် ၁၀ ရာခိုင်နှုန်းမှ ၂၀ ရာခိုင်နှုန်းအထိ တိုးမြှင့်ကောက်ခံနိုင်သည့်အပြင် ကိုယ်ကျိုးစီးပွား ကာကွယ်ရေးမူဝါဒများ ပိုမိုကျင့်သုံးလာနိုင်သဖြင့် အမေရိကန်နှင့်တရုတ်အကြား ကုန်သွယ်ရေး ပွတ်တိုက်မှုများ ပိုမိုဖြစ်ပေါ်လာနိုင်ပါကြောင်း သုံးသပ်တွေ့ရှိရပါသည်။
#BoThu
https://t.me/channel21mts

အာရှ-ပစိဖိတ် စီးပွားရေး ပူးပေါင်းဆောင်ရွက်မှု (APEC) ခေါင်းဆောင်များ အစည်းအဝေးတွင် အမေရိကန်သမ္မတနှင့် တရုတ်သမ္မတတို့ တွေ့ဆုံ

သမ္မတလောင်း ထရန့်က ၎င်း၏အစိုးရအဖွဲ့တွင် တရုတ်နှင့်သဘောထားတင်းမာသည့် Marco Rubio (မာကို ရူဘီယို) ကို နိုင်ငံခြားရေးဝန်ကြီးအဖြစ် ခန့်အပ်မည်
=====
အသက် ၅၃ နှစ်ရှိပြီဖြစ်သည့် ရူဘီယိုသည် အမေရိကန်နိုင်ငံရေးသမားတစ်ဦးဖြစ်ပြီး ၂၀၀၆ ခုနှစ်မှ ၂၀၀၈ ခုနှစ်ထိ ဖလော်ရီဒါပြည်နယ် အောက်လွှတ်တော်ဥက္ကဋ္ဌအဖြစ်လည်းကောင်း၊ ၂၀၁၁ ခုနှစ်တွင် ဖလော်ရီဒါပြည်နယ် အထက်လွှတ်တော်အမတ်အဖြစ်လည်းကောင်း၊ သမ္မတရွေးကောက်ပွဲများတွင် ပါတီအောင်နိုင်ရေးတာဝန်များကိုလည်းကောင်း ထမ်းဆောင်ခဲ့သူဖြစ်သည်။

ရူဘီယိုသည် ဆီးနိတ် လွှတ်တော်တွင် အမျိုးသားလုံခြုံရေး၊ နိုင်ငံခြားရေးမူဝါဒများ၊ ဘဏ္ဍာရေးမူဝါဒများနှင့် အခွန် ကိစ္စများနှင့်ပတ်သက်၍ ပြောဆိုဆွေးနွေးမှုများကြောင့် အထက်လွှတ်တော်တွင် ထင်ရှားသော ပုဂ္ဂိုလ်တစ်ဦးအဖြစ် လူသိများသည်။

၂၀၁၆ ခုနှစ်၊ ပါတီသမ္မတလောင်းများတွင် ထရမ့်နှင့် ရူဘီယိုတို့သည် အဓိကပြိုင်ဘက်များဖြစ်ခဲ့ပြီး တစ်ဦးနှင့်တစ်ဦးအပေါ် ဝေဖန်ပြစ်တင်ခဲ့ကြသည်။ ထရမ့်သမ္မတဖြစ်လာချိန်တွင်လည်း နိုင်ငံခြားရေးမူဝါဒနှင့် လူဝင်မှုကြီးကြပ်ရေးကဏ္ဍများတွင် ဝေဖန်မှုများ ရှိခဲ့သော်လည်း ၂၀၁၇ ခုနှစ်တွင် ချမှတ်ခဲ့သည့် အခွန်ဖြတ်တောက်မှုနှင့် တရားစီရင်ရေး ဆိုင်ရာ ခန့်အပ်မှုများတွင် သဘောထား တူညီခဲ့ကြသည့်အပြင် ၂၀၂၄ သမ္မတရွေးကောက်ပွဲတွင် နီးကပ်စွာ လက်တွဲလုပ်ဆောင်ခဲ့ကြသည်။

ရူဘီယိုသည် တရုတ်ကွန်မြူနစ်ပါတီနှင့်ပတ်သက်၍ တစိုက်မတ်မတ် ဝေဖန်ပြစ်တင်သူတစ်ဦးဖြစ်ပြီး ၎င်းသာ နိုင်ငံခြားရေးဝန်ကြီးဖြစ်လာပါက အမေရိကန်နှင့်တရုတ်အကြား ကုန်သွယ်ရေးစစ်ပွဲ ထပ်မံဖြစ်ပွားလာနိုင်ပါကြောင်း သုံးသပ်တွေ့ရှိ ရပါသည်။
#BoThu
https://t.me/channel21mts

သမ္မတလောင်း ထရန့်က ၎င်း၏အစိုးရအဖွဲ့တွင် တရုတ်နှင့်သဘောထားတင်းမာသည့် Marco Rubio (မာကို ရူဘီယို) ကို နိုင်ငံခြားရေးဝန်ကြီးအဖြစ် ခန့်အပ်မည်

သမ္မတလောင်း ထရမ့်က သဘောထားတင်းမာသည့် လူဝင်မှုကြီးကြပ်ရေးတာဝန်ရှိသူများကို နယ်စပ်ရေးရာအကြီးအကဲအဖြစ်ခန့်အပ်
=====
ဒေါ်နယ်ထရမ့်အနေဖြင့် ရွေးကောက်ပွဲဝင်စဉ်က ကတိပေးခဲ့သည့်အတိုင်း အထောက်အထားမဲ့ ရွေ့ပြောင်းနေထိုင်သူများကို နေရပ်ပြန်ပို့ရေးအတွက် ယခင်သမ္မတ သက်တမ်းတွင် ယာယီလူဝင်မှုကြီးကြပ်ရေးအကြီးအကဲဖြစ်ခဲ့ဖူးသူ Tom Homan ကို နယ်စပ်ရေးရာ အကြီးအကဲအဖြစ် ခန့်အပ်ခဲ့ခြင်းဖြစ်သည်။

ရွေးကောက်ပွဲမဲဆွယ်ကာလတွင် ဒေါ်နယ်ထရမ့်က အမေရိကန်နိုင်ငံတွင် အထောက်အထားမဲ့ ရွေ့ပြောင်းနေထိုင်သူ သန်း ၂၀ ခန့်ရှိကြောင်း ပြောဆိုထားပြီး ရွေးကောက်ပွဲကာလတွင်လည်း သမ္မတလောင်းနှစ်ဦးအနေဖြင့် လူဝင်မှုကြီးကြပ်ရေး မူဝါဒများ မတူညီသည်ကိုတွေ့ရှိရသည်။ ဒေါ်နယ်ထရမ့်က အထောက်အထားမဲ့သူများကို နေရပ် ပြန်ပို့ရေးနှင့် တစ်ဖက်သမ္မတလောင်းကမူ အမေရိကန်နိုင်ငံသားနှင့် လက်ထပ်ထားပါက အကာ အကွယ်ပေးမည်ဖြစ်ကြောင်း ပြောကြားထားသည်။

လူဝင်မှုကြီးကြပ်ရေးဥပဒေအရ နိုင်ငံသား လျှောက်ထားဆဲကာလတွင် ပြစ်မှုတစ်စုံတစ်ရာ ကျူးလွန်ပါက နေရပ်ပြန်ပို့နိုင်ပြီး ဒေါ်နယ်ထရမ့် ပထမအကြိမ် သမ္မတသက်တမ်းကာလတွင် မြန်မာနိုင်ငံသား ၃၀ ခန့် နေရပ်ပြန်ပို့ခံ့ခဲ့ရသည်။

၎င်း သမ္မတတာဝန်ထမ်းဆောင်ပါက လူဝင်မှုကြီးကြပ်ရေးမူဝါဒများ ပိုမိုတင်းကျပ်လာနိုင်သည့်အပြင် Immigration Law နှင့် Terrorist Law တို့သည်လည်း ဆက်စပ်မှုများရှိနေသဖြင့် မြန်မာနိုင်ငံရှိ အကြမ်းဖက်သောင်းကျန်းသူအဖွဲ့များအား ကူညီထောက်ပံ့ပေးနေသည့် အမေရိကန်ရောက် မြန်မာနိုင်ငံသားများအပေါ် သက်ရောက်မှုများရှိလာနိုင်ပါကြောင်း သုံးသပ်တွေ့ရှိရပါသည်။
#BoThu
https://t.me/channel21mts

သမ္မတလောင်း ထရမ့်က သဘောထားတင်းမာသည့် လူဝင်မှုကြီးကြပ်ရေးတာဝန်ရှိသူများကို နယ်စပ်ရေးရာအကြီးအကဲအဖြစ် ခန့်အပ်

မင်္ဂလာပါ ချစ်ခင်ရပါကျောင်းသား

"မြန်မာလူမျိုးများအတွက် ရုရှားဘာသာစကား" ချန်နယ်ကို လူသိများလာစေရန် သင်တို့၏ ကူညီမှုအား ကျွန်ုပ်တောင်းဆိုပါသည်။

https://t.me/russianlanguageformyanmar

သူငယ်ချင်းများ၊ အသိမိတ်ဆွေများကို ဖိတ်ကြားပြီး ယခု ချန်နယ်အား လူမှုကွန်ရက် (Facebook၊ VK၊ Instagram) တို့တွင် Share နိုင်ပါသည်။

ကြိုတင်ပြီးကျေးဇူးတင်ပါတယ်

* Share ထားသော screenshot အား ကျွန်ုပ် ထံ ပေးပို့နိုင်ပါသည် 🤝

မိုးကုတ်မြို့နေ ပြည်သူများ ငြိမ်းချမ်းစွာ နေထိုင်နိုင်ရေး ဝိုင်းဝန်း ကူညီပေးပါ

ကာတာနိုင်ငံသည် အစ္စရေးနှင့်ဟားမတ်စ်တို့အကြား အပစ်အခတ်ရပ်စဲရေးအတွက် ကြားဝင်စေ့စပ်သည့် ကြိုးပမ်းမှု များကို ရပ်တန့်တော့မည်
=====
ကာတာနိုင်ငံသည် အမေရိကန်၊ အီဂျစ်နိုင်ငံတို့နှင့်အတူ ဂါဇာကမ်းမြောင်ဒေသ၌ အပစ်အခတ်ရပ်စဲရေးနှင့် နယ်မြေအတွင်း ထိန်းသိမ်းခံထားရသော ဓားစာခံများကို လွှတ်ပေးရန် ကြိုးပမ်းခဲ့ခြင်းဖြစ်သည်။

စစ်မက်ဖြစ်ပွား နေသည့်နိုင်ငံများအနေဖြင့် ငြိမ်ချမ်းရေးလိုလားချိန်နှင့် ပါဝင်စေ့စပ်ဆွေးနွေးပေးသည့် နိုင်ငံများ အပေါ် အပြန်အလှန်လေးစားသည့်အချိန်ရောက်မှသာ ပြန်လည်ပါဝင်လာမည်ဖြစ်ကြောင်း ကာတာနိုင်ငံခြားရေးဝန်ကြီးဌာနမှ ထုတ်ပြန်ထားသည်။

အစ္စရေးတပ်မတော်၏စစ်ရေး စွမ်းရည်သည် ၂၀၂၃ ခုနှစ် Global fire power ၏ အဆင့်သတ်မှတ်ချက်များအရ ကမ္ဘာ့အဆင့် ၁၈ တွင် တည်ရှိပြီး ခေတ်မီလက်နက်စနစ်များ၊ ထောက်လှမ်းရေးနည်းပညာနှင့် ဆိုက်ဘာလုံခြုံရေး စွမ်းရည်တို့တွင်လည်း မြင့်မားလျက်ရှိသည်။ မော့ဆက်အပါအဝင် အစ္စရေးထောက်လှမ်းရေး အေဂျင်စီများ၏ သတင်းစုဆောင်းခြင်းနှင့် လျှို့ဝှက်စစ်ဆင်ရေး လုပ်ဆောင်ခြင်းများတွင်လည်း အလွန်အောင်မြင်ကြောင်း တွေ့ရှိရသည်။

ကာတာနိုင်ငံ၏အဆိုအရ အစ္စရေးတို့အနေဖြင့် စစ်ရေးစွမ်းရည် မြင့်မားခြင်းနှင့်အတူ အမေရိကန်အပါအဝင် အနောက်ဥရောပနိုင်ငံများ၏ ကူညီထောက်ပံ့ခြင်းများကြောင့်သာ အပစ်အခတ်ရပ်စဲရေး ကြန့်ကြာနေခြင်းဖြစ်ကြောင်း သုံးသပ် တွေ့ရှိရပါသည်။
#BoThu
https://t.me/channel21mts

ကာတာနိုင်ငံသည် အစ္စရေးနှင့်ဟားမတ်စ်တို့အကြား အပစ်အခတ်ရပ်စဲရေးအတွက် ကြားဝင်စေ့စပ်သည့် ကြိုးပမ်းမှု များကို ရပ်တန့်တော့မည်

နိုင်ငံတော်ဝန်ကြီးချုပ်၏ တရုတ်ခရီးစဉ်နှင့်ပတ်သက်၍ ဗိုလ်ချုပ် ဇော်မင်းထွန်း ပြောကြားချက် (ရုပ်သံ)

ရုရှားသမ္မတ ပူတင်က မြောက်ကိုရီးယားနှင့် ချုပ်ဆိုထားသည့် ကာကွယ်ရေးစာချုပ်ကို ဥပဒေအဖြစ် လက်မှတ်ရေးထိုး
=====
မြောက်ကိုရီးယားနိုင်ငံ ပြုံယမ်းမြို့တော်တွင် မြောက်ကိုရီးယားခေါင်းဆောင် ကင်နှင့် ရုရှားသမ္မတ ပူတင်တို့ တွေ့ဆုံချိန်တွင် သဘောတူခဲ့သည့် ကာကွယ်ရေးသဘောတူစာချုပ် လက်မှတ်ထိုးခဲ့မှုအပေါ် ရုရှားလွှတ်တော်များတွင် အဆင့်ဆင့်အတည်ပြုခဲ့ပြီးနောက် ယခုကဲ့သို့ ရုရှားသမ္မတ ပူတင်က လက်မှတ်ရေးထိုးခဲ့ခြင်းဖြစ်သည်။

သဘောတူစာချုပ်တွင် ၎င်းတို့နှစ်နိုင်ငံ အနေဖြင့် တိုက်ခိုက်ခံရမည်ဆိုလျှင် အချင်းချင်း အပြန်အလှန်အကူအညီပေးမည့် ကတိကဝတ် ပါဝင်သော မဟာဗျူဟာမြောက်အချက်များ ပါရှိသည်။ ယူကရိန်သမ္မတကလည်း မြောက်ကိုရီးယား စစ်သားများ ရှေ့တန်းစစ်မြေပြင်အထိ ရောက်ရှိနေပြီဖြစ်ကြောင်း၊ ဥရောပအပါအဝင် အနောက်နိုင်ငံများ အနေဖြင့် စစ်ရေးအကူအညီများ ထပ်မံတိုးမြှင့်ပေးလိုကြောင်း ပြောဆိုထားသည်။

နိုင်ငံတစ်နိုင်ငံ အနေဖြင့် နိုင်ငံရေးမောင်းနှင်အား၊ စီးပွားရေးမောင်းနှင်အားနှင့် ကာကွယ်ရေးမောင်းနှင်အားတို့ ဟန်ချက်ညီရန် အရေးကြီးပြီး ရုရှားနိုင်ငံအနေဖြင့် ၎င်းမောင်းနှင်အားများကို ဟန်ချက်ညီညီ အသုံးချလျက်ရှိသည်။

ရုရှား-ယူကရိန်းစစ်ပွဲသည် စစ်ရေးနှင့် လူသားချင်းစာနာထောက်ထားမှုဆိုင်ရာ ကပ်ဘေးကြီးတစ်ခုဖြစ်ပြီး နှစ်နိုင်ငံလုံး၏ စီးပွားရေးကိုသာ ရိုက်ခတ်မှုပြင်းထန်နေရုံမျှမက အနာဂတ်မျိုးဆက်များကို အစဉ်အဆက်ခြောက်လှန့်နေမည့် လူသားအရင်းအမြစ်ဆုံးရှုံးမှုလည်း ဖြစ်သည်။

လူဦးရေ သန်း ၁၄၀ ခန့်သာရှိသည့် ရုရှားနိုင်ငံအနေဖြင့် စစ်ရေးအင်အား တောင့်တင်း ခိုင်မာလာစေရန် ယခုကဲ့သို့ မြောက်ကိုရီးယားနိုင်ငံနှင့် “ကိုင်းကျွန်းမှီ ကျွန်းကိုင်းမှီ”နည်းလမ်းကို ရွေးချယ်လာခြင်းသာဖြစ်ကြောင်း သုံးသပ်တွေ့ရှိ ရပါသည်။
#BoThu
https://t.me/channel21mts

ရုရှားသမ္မတ ပူတင်က မြောက်ကိုရီးယားနှင့် ချုပ်ဆိုထားသည့် ကာကွယ်ရေးစာချုပ်ကို ဥပဒေအဖြစ် လက်မှတ်ရေးထိုး

အမေရိကန်နှင့်တရုတ်တို့ ခင်မင်ရင်းနှီးစွာဆက်ဆံနိုင်ရန် နည်းလမ်းရှာရမည်ဖြစ်ကြောင်း တရုတ်သမ္မတ ရှီကျင်းပင် ပြောကြား =====
နှစ်နိုင်ငံအကြား တွေ့ဆုံဆွေးနွေးမှုနှင့် ဆက်သွယ်မှုကို ပိုမိုတိုးမြှင့်ခြင်းနှင့် မတူကွဲပြားမှုများကို သင့်တင့်လျောက်ပတ်စွာ စီမံခန့်ခွဲနိုင်ပါက မကြာသေးမီနှစ်များအတွင်း ကုန်သွယ်ရေးမှအစ ထိုင်ဝမ်အရေးအဆုံး တင်းမာမှုများမြင့်တက်ခဲ့ပြီး ဆိုးရွားခဲ့သည့် နှစ်နိုင်ငံ ဆက်ဆံရေးတွင် ပြောင်းလဲမှုတစ်ခုဖြစ်လာနိုင်ပါသည်။

နိုင်ငံတကာဆက်ဆံရေးနှင့် ကမ္ဘာ့အခင်း အကျင်းများတွင် Hard Power ၊ Soft Power နှင့် Smart Power တို့ကို ကျင့်သုံးလျက်ရှိကြပြီး အမေရိကန်သည် တရုတ်နှင့်ပတ်သက်၍ ၎င်းတို့ဖန်တီးထားသော သဘောတရားတစ်ခုဖြစ်သည့် Sharp Power ကို ကျင့်သုံးလျက်ရှိသည်။

Sharp Power သည် သတင်းအချက်အလက်များကို ပစ်မှတ်နိုင်ငံရှိ ပြည်သူလူထု၏ အတွေးအခေါ် အယူအဆများ၊ နိုင်ငံရေးယုံကြည်ချက်/ ခံယူချက်များနှင့် ရွေးကောက်ပွဲလုပ်ငန်းစဉ်များတွင် မတရားသောနည်းလမ်းများဖြင့် လွှမ်းမိုးစေခြင်း (သို့မဟုတ်) သတင်းအချက်အလက်များကို လိုသလို ပုံဖော်လှည့်ဖျားခြင်းပင် ဖြစ်သည်။

အမေရိကန်နှင့် အနောက်အုပ်စုနိုင်ငံများသည် ၎င်းတို့၏ နိုင်ငံရေး၊ စစ်ရေး၊ စီးပွားရေး အင်အားကြီးမှုများကို အသုံးချ၍ ကမ္ဘာ့နိုင်ငံများကို နည်းလမ်းပေါင်းစုံဖြင့် ခြယ်လှယ်လျက်ရှိသည်။

မြန်မာနိုင်ငံရှိ တိုင်းရင်းသား လက်နက်ကိုင်အဖွဲ့များသည်လည်း တရုတ်နှင့်အမေရိကန်တို့၏ ကျောထောက်နောက်ခံအဖွဲ့များဖြစ်ခြင်း၊ ၎င်းနှစ်နိုင်ငံသည် ကမ္ဘာ့ Super Power နိုင်ငံများဖြစ်ခြင်းကြောင့် ၎င်းတို့ကျင့်သုံးသည့် နိုင်ငံခြားရေး မူဝါဒများသည် မြန်မာ့အရေးအား အနည်းနှင့်အများ ရိုက်ခတ်လာနိုင်ပါကြောင်း သုံးသပ်တွေ့ရှိရပါသည်။
#BoThu
https://t.me/channel21mts

အမေရိကန်နှင့်တရုတ်တို့ ခင်မင်ရင်းနှီးစွာဆက်ဆံနိုင်ရန် နည်းလမ်းရှာရမည်ဖြစ်ကြောင်း တရုတ်သမ္မတ ရှီကျင်းပင် ပြောကြား

သမ္မတလောင်း ဒေါ်နယ်ထရမ့် အနိုင်ရရှိခဲ့မှုအပေါ် ကမ္ဘာ့ခေါင်းဆောင်များက ဂုဏ်ပြုစကားများ ပြောကြား
=====
သမ္မတ ရွေးကောက်ပွဲအတွက် မဲရေတွက်မှုများ မပြီးဆုံးသေးသော်လည်း ပြည်နယ်ပေါင်း ၅၀ ရှိသည့် အမေရိကန်နိုင်ငံတွင် သမ္မတလောင်းဖြစ်ရန်အတွက် မဲအရေအတွက် ၂၇၀ နှင့်အထက် ရရှိရန် လိုအပ်ပြီး ဒေါ်နယ်ထရမ့်အနေဖြင့် လက်ရှိအချိန်ထိ ၂၉၅ မဲ ရရှိခဲ့ပြီဖြစ်သည်။

ဒေါ်နယ်ထရမ့်က အောင်ပွဲခံမိန့်ခွန်းတွင် အမေရိကန်ပြည်ထောင်စုကို ရွှေရောင်ခေတ်တစ်ခု ဆောင်ကျဉ်းပေးမည်ဟု ပြောကြားထားပြီး ရွေးကောက်ပွဲရှုံးနိမ့်ခဲ့သည့် ကင်မလာဟဲရစ်က ရွေးကောက်ပွဲရလဒ်ကို လက်ခံ ပါကြောင်းနှင့် အမေရိကန်ကို ကိုယ်စားပြုသည့် လွတ်လပ်မှု၊ အခွင့်အလမ်းနှင့် တရားမျှတမှုကို ဆက်လက်တိုက်ပွဲဝင်သွားမည်ဖြစ်ကြောင်း ပြောကြားထားသည်။

ဒေါ်နယ်ထရမ့်အား ကမ္ဘာ့နိုင်ငံ အများအပြားက ဂုဏ်ပြုလျက်ရှိပြီး လက်ရှိပဋိပက္ခစစ်ပွဲဖြစ်ပွားနေသည့် အစ္စရေးဝန်ကြီးချုပ်နှင့် ယူကရိန်းသမ္မတတို့လည်း အပါအဝင်ဖြစ်သည်။ အစ္စရေးဝန်ကြီးချုပ်က သမိုင်း၏ အကြီးအကျယ်ဆုံး တကျော့ပြန်လာမှုအတွက် ဂုဏ်ယူပါကြောင်း၊ အမေရိကန်-အစ္စရေးအကြား မဟာမိတ်ဆက်ဆံရေး ပိုမိုအားကောင်းလာဖို့ မျှော်လင့်ကြောင်းနှင့် ယူကရိန်းသမ္မတက ယူကရိန်းအတွက် ငြိမ်းချမ်းရေး ဆောင်ကျဉ်းပေးနိုင်ဖို့ မျှော်လင့်ပါကြောင်း၊ အမေရိကန်၏ ပံ့ပိုးကူညီမှုများ ဆက်လက်ပေးစေ လိုကြောင်း ပြောကြားထားသည်။

ဒေါ်နယ်ထရမ့်အနေဖြင့် American First ဆိုသည့်မူကို ကိုင်စွဲ ထားသဖြင့် ကမ္ဘာ့ရေးရာများတွင် ဝင်ရောက်စွက်ဖက်ခြင်းထက် အမေရိကန်အကျိုးစီးပွားအတွက်သာ ဦးစားပေးလုပ်ဆောင်ဖွယ်ရှိကြောင်း သုံးသပ်တွေ့ရှိရပါသည်။
#BoThu
https://t.me/channel21mts