Benishangul Gumuz Education Bureau

Tracing Alphabet Activity for Kindergarten

ማስታወቂያ
12ኛ ክፍል ሀገር አቀፍ ፈተናን በድጋሚ የሚፈተኑ ተፈታኞች በራሳቸው የሚመዘገቡበትን አድራሻ https://register.eaes.et/Online በመጠቀም በበየነ መረብ መመዝገብ ይችላሉ።

ይህ የበይነ መረብ ምዝገባ መተግበሪያ ራስ አገዝ (self services ) ሲሆን ተመዝጋቢዎች የሚፈልጉትን ድጋፍ በመጠየቅ ከማዕከል ማግኘት ይችላሉ።

ከዚህ መልዕክት ጋር የተያያዙ መረጃዎች ተመዝገቢዎች በቀላሉ መመዝገብ እንዲችሉ አጋዥ ስለሆኑ ተጠቀሙባቸው።

የትምህርት ምዘናና ፈተናዎች አገልግሎት

የስራና ተግባር ትምህርትን ለሚያስተምሩ መምህራን በመማር ማስተማር ስነ-ዘዴ ላይ የአቅም ግንባታ ስልጠና እየተሰጠ ነው
- - - - - - - - - - - - - - - - - - - - - - - - - - - - - - - - - -
(ታህሳስ 19/2017 ዓ.ም ፤ አሶሳ) የቤኒሻንጉል-ጉሙዝ ክልል ትምህርት ቢሮ ከኢ.ፌ.ዴ.ሪ. ትምህርት ሚኒስቴር ጋር በመተባበር የስራና ተግባር ትምህርትን ለሚያስተምሩ የሁለተኛ ደረጃ መምህራን የአቅም ግንባታ ስልጠና እየተሰጠ ነው፡፡

በሀገር አቀፍ ደረጃ የተዘጋጀውን የትምህርትና ስልጠና ፍኖተ-ካርታን መሰረት ያደረገ የስራና ተግባር ትምህርት በመንግስት ልዩ ትኩረት እንደተሰጠው የገለጹት በክልሉ ትምህርት ቢሮ የትምህርት ፕሮግራሞች ዘርፍ ምክትል ቢሮ ሃላፊ አቶ በሽር አብዱረሂም መምህራን ለሙያ ትምህርት ልዩ ትኩረት ከሰጡና ተነሳሽነት ኖሯቸው ትምህርቱን እንዲሰጡና ሌሎችንም መምህራን ማገዝ እንዲገባቸው ስልጠናውን በይፋ ሲያስጀመሩ ገልጸዋል፡፡

የሙያና ተግባር ትምህርት አሰጣጥ በተለይም የመማር ማስተማር ስነ-ዘዴውን በአግባቡ እንዲከታተሉና ወደ መጡበት ትምህርት ቤት ሲመለሱን ሃላፊነት እንደተሰጠቸው አቶ በሽር ለተሳታፊ መምህራን አሳስበዋል፡፡

ያለምንም ወጪና በጥቂት ወጪዎች የሙያ ትምህርቱን መስጠት እንደሚቻል የገለጹት ደግሞ በክልሉ ትምህርት ቢሮ የትምህርት ቤት አመራርና የመምህርን ልማት ዳሬክተሩ አቶ ናሽናል ድሪርሳ ሲሆኑ የሙያና ተግባር ትምህርትን የመማር ማስተማር ስነ-ዘዴ ላይ የመምህራንን አቅም ማሳደግ ዋና ዓላማ ያደረገው ስልጠና መምህራን በንቃት እንዲሳተፉ ዳሬክተሩ አክለው አሳስበዋል፡፡

የሙያና ተግባር ትምህርት አሰጣጥ አስመልክቶ ለመምህራን ገለጻ የሰጡት በክልሉ ትምርት ቢሮ የሙያና ተግባር ትምህርት ተጠሪው አቶ አልህንዲ መርቀኒ የሙያና ተግባር ትምህርት አስፈላጊነት ፣ የሙያ ትምህርትን ተማሪዎች በምን አግባብ መምረጥ እንደሚችሉ ፣ ከሙያ ትምህርት ጋር በተያያዘ የትምህርት ቤቶችን ተግባርና ሃላፊነት ፤ የክፍለ ጊዜ ድልድል ፣ ከሙያ ትምህርቱ ጋር ተዛማጅነት ያላቸው መምህራን የሙያ ትምህርት መስኮችን ማስተማር እንደሚችሉና ከሙያና ተግባር ትምህርት ጋር በተያያዘ የቀጣይ ትኩረቶችንም ማብራሪያና ግንዛቤ ለመምህራን አስጨብጠዋል፡፡

የሙያና ተግባር ትምህርት ወደ ከፍተኛ ትምህርት መግባት ላልቻሉ ተማሪዎችን ከወደሁ በሌሎች የስራ ፈጠራ ላይ ለማሳፍ የሚያዘጋጅ መሆኑ፤ ተደጋጋሚ የህብረተሰቡን ጥያቄዎችን ለመመለስ ፤ ከፍተኛ የትምህርት ተቋም ለሚገቡ ተማሪዎች የተሻላ የትምህርት አቀባበል እንዲኖራቸው ከብዙ በጥቂቱ የትምህርት መስኮቹ ፋይዳ እንዳላቸው በስልጠናው ማስጀመሪያው ላይ ተነስቷል፡፡ በቀጣይ ዓመታትም የሚሰጡ የሙያና ተግባር ትምህርቶችንም ማስፋት ላይ እንደሚሰራ በስልጠናው ላይ ተነስቷል፡፡

በክልሉ የሙያና ተግባር ትምህርት በያዝነው ዓመት ለ11ኛ ክፍል ተማሪዎች መስጠት መጀመሩንም ለማዎቅ ተችሏል፡፡ በስልጠናው ላይ የሙያና ተግባር ትምህርቱን ይሰጣሉ የተባሉ ከክልሉ የተውጣጡ መምህራን ተሳታፊዎች ናቸው፡፡ ዘገባው የቢሮው ኮሚኒኬሽን ዳሬክቶሬት ነው፡፡

በመንግስት ግዢ ላይ የሚፈፀም ሙስናን ለመከላከል ሁሉም ሀላፊነቱን እንዲወጣ ተጠየቀ
…………………………………………………………..
(ታህሳስ 15/2017 ዓ.ም-አሶሳ) የቤኒሻንጉል ጉሙዝ ክልል ትምህርት ቢሮ በመንግስት ግዢ ላይ የሚፈፀም ሙስናን መከላከልና በግንባታ ህግና ደንቦች ዙሪያ ለቢሮ ሰራተኞች የግንዘቤ ማስጨበጫ ስልጠና ተሰጠ፡፡ይህን ስልጠና በንግግር የከፈቱት በቢሮው ስርዓተ ትምህርትና ተቋማት ዘርፍ ምክትል ቢሮ ሀላፊ አቶ መሀመድ ዑስማን ሲሆን በመልዕክታቸውም በተለይ በቢሮው በግንባታ፤በህትመትና በተለያዩ የግዢ ሂደቶች በከፍተኛ በጀት እንደሚከናወን ጠቁመው በነዚህ ሂደቶች ውስጥ ሙስና ተከስቶ መንግስት ያለአግባብ ከፍተኛ ሀብቶችን እንዳያጣ ብሎም ደረጃቸውን ያልጠበቁ ግንባታዎች እንዳይከናወኑ የሚመለከታቸው አካላት ብርቱ ክትትል ሊያደርጉ እንደሚገባ አሳስበዋል፡፡አቶ መሀመድ አክለውም ይህን አስመልክቶ በሚቀርቡ ሁለት ዋና ዋና ሰነዶችን በአግባቡ እንዲከታተሉ አሳስበዋል፡፡

በቢሮው የህግ ባለሙያ የሆኑት ወ/ሮ ፋጡማ ሀሰን በመንግስት ግዢ ላይ የሚፈፀም ሙስናን አስመልክቶ ሰነድ ያቀረቡ ሲሆን በሰነዳቸውን በመንግስት ግዢ ላይ በተለያዩ አጋጣሚዎች ሙስና እንደሚፈጠር አውስተው ሙስና ከሚፈጠርባቸው ጉዳዮች መካከልም የተጭበረበሩ ሰነዶችን ማቅረብ፤ጥራታቸውን ያልጠበቁ ግንባታዎች በመፈፀም ተቀባይነት እንዲኖረው ማድረግ እና የመሳሰሉ ጉዳዮች ሊከሰቱ እንደሚችል በሰነዳቸው አብራርተዋል፡፡ይህም በህግ እንደሚያስጠይቅ ገልፀው በተለይ በተለያዩ የጨረታ ሂደቶች ውስጥ ከፍተኛ ጥንቃቄ ማድረግ ይሻል ብለዋል፡፡

ሌላው በተጋባዥነት ሰነድ ያቀረቡት ደግሞ በክልሉ ፍትህ ቢሮ አቃቢ ህግ የሆኑት አቶ ታደሰ አሰፋ ሲሆኑ በግንባታና ኮንስትራክሽን ህግና ደንቦች ዙሪያ ለሰራተኞቹ ገለፃ አድርገዋል፡፡ባቀረቡት ሰነድም የመንግስት አስተዳደር መስሪያ ቤቶች በተለያዩ ክንውኖች በሚያደርጋቸው ውሎች አቅራቢ ድርጅት በውሉ መሰረት አለመፀሙ ሲረጋገጥ ያስያዘው የውል ማስፈፀሚያ ሙሉ በሙሉ ሊወረስ የሚችልበትን ህጎች ከህግ አግባብ ለሰራተኞቹ ሰፊ ገለፃ ካደረጉ በኋላ የተለያዩ በውል የሚፈፀሙ ተግባራት ዙሪያ ከህግ አንፃር መቃኘት እንዳለበት በሰነዳቸው አመላክተዋል፡፡

በመጨረሻም በቀረቡት ሰነዶች ዙሪያ ውይይት ተደርጎባቸዋል፡፡
ዘገባው የክልሉ ትምህርት ቢሮ ኮሙኒኬሽን ዳይሬክቶሬት ነው

በካማሺ ከተማ ከታህሳስ 16-17/2017 ዓ.ም
የአጠቃላይ ትምህርት ጥራትን በማስጠበቅ የተማሪዎችን ውጤትና ስነ-ምግባር ለማሻሻል የተዘጋጀ የምክክር መድረክ ከሁሉም የትምህርት ቤት ርዕሳነ መምህራን ጋር በነገው ዕለት መካሄድ ይጀምራል።

ተማሪዎችን የአገልጋይነትንና መልካም ስነ-ምግባር እንዲላበሱ በማድረግ ላደረጋችሁት ድጋፍ ምስጋና ይገባችኋል።

ወጣት ባለሀብት አቶ ኢሳቅ መንሱር በመንጌ ወረዳ በበጎ ፈቃደኞች ድጋፍ የማጠናከሪያ ት/ት ለሚወስዱ ተማሪዎች የዩኒፎርም አልባሳት ድጋፍ አበረከቱ*****
መንጌ፣ታህሳስ፣9/2017/ዓ.ም

በመንጌ ወረዳ መንጌ 1ኛ/ደ/ት/ቤት በበጎ ፈቃደኞች ለሚማሩ ተማሪዎች ወጣቱ ባለሀብት አቶ ኢሳቅ መንሱር ለተማሪዎቹ የዩኒፎርም አልባሳት ድጋፍ አበርክተዋል።

የመንጌ ወረዳ ዋና አስተዳዳሪ አቶ ኢብራሂም መንሱር በድጋፍ ርክክቡ የተገኙ ሲሆን
ዋና አስተዳዳሪውም እንደገለፁት"ህፃናትን በዕውቀት፣በስነ ልቦና እንዲሁም በስነ ምግባር ታንፀው እንዲያድጉ የሁሉም ዜጋ አስተዋፆኦ እና ድጋፍ ያስፈልጋቸዋል ብለዋል።

"ህፃናትን፣ማስተማር ትውልድን ማስተማር ነው" ነገ የሀገር ባለቤት እንዲሆኑ በትኩረት ሊሰራ ይገባል ያሉት ዋና አስተዳዳሪው ወጣት ባለሀብቱ እና የመንጌ በጎ አድራጎት የትምህርቱን ዘርፍ ለመደገፍ ላደረጉት አስተዋፆኦ ዋና አስተዳዳሪዉ ምስጋና አቅርበዋል። Via Menge Woreda Communication

የክልሉ ከፍተኛ የስራ ሀላፊዎች በዑራ ወረዳ የተገነባውን የባሮ ሴቶች አዳሪ ትምህርት ቤት ጎበኙ
                               ………………………………      ……………………………..             ……………………………
(ታህሳስ 10/2017 ዓ.ም-አሶሳ) በኦሮሚያ ክልላዊ መንግስት የገንዘብ ድጋፍ የተገነባውን የባሮ ሴቶች አዳሪ ትምህርት ቤት ግንባታው ሙሉ በሙሉ መጠናቀቁን ተከትሎ የክልሉ ከፍተኛ የስራ ሀላፊዎች በስፍራው ተገኝተው ጎብኝተዋል፡፡

በተለይ በክልሉ የሚታየውን የሴቶች የትምህርት ተሳትፎ በእጅጉ እንደሚያጎላ የሚጠበቀው ይኸው የሴቶች አዳሪ ትምህርት ቤት የምርቃት ስነ ስርዓትም በቅርቡ ይደረጋል፡፡በዚሁ ሴቶች አዳሪ ትምህርት ቤት በክልሉ መንግስት የማስፋፊያ ፕሮጀክት እየተገነባ ሲሆን የፕሮጀክቱን ቀሪ ስራዎች በፍጥነት ለማጠናቀቅ እንዲቻልም በትኩረት እየተሰራ ነው፡፡

የክልሉ ትምህርት ቢሮ ሀላፊ ተመሰገን ዲሳሳ(ዶ/ር) የማስፋፊያ ፕሮጀክቱ በፍጥነት ተጠናቆ ለአገልግሎት መብቃት እንዳለበት ተናግረው ይህንንም ከክልሉ ከፍተኛ አመራሮች ጋር በመነጋገርና ቀሪ ስራዎችን ለማጠናቀቅ የሚቻልበትን ሁኔታ እናመቻቻለን ብለዋል፡፡

የቀጠና 2 መንደር 131 አንደኛና መከካለኛ ደረጃ ትምህርት ቤት ተሞክሮ ለሌሎች ትምህርት ቤቶችም አርአያ ሊሆን ይገባል

(ፓዊ፤ኅዳር 28/2017ዓ.ም) በፓዊ ወረዳ ከሚገኙ 45 ትምህርት ቤቶች መከካል የቀጠና 2 መንደር 131 አንደኛና መከካለኛ ደረጃ ትምህርት ቤት አንዱ ነው።

ትምህርት ቤቱ እንደሀገር ትኩረት ተሰጥቶ እየተሠራ ያለውን የተማሪ ምግባ ፕሮግራም ተግባራዊ በማድረግ በተማሪዎች ላይ የሚስተዋለውን መጠነ ማቋረጥና መድገምን ለማስቀረት በቁርጠኝነት እየሠራ ይገኛል።

በአሁኑ ሰዓት በትምህርት ቤቱ 140 የሚሆኑ ተማሪዎች ትምህርታቸውን እየተከታተሉ የሚገኙ ሲሆን፤ከዚህም ውስጥ 20 ተማሪዎች በኢኮኖሚ ችግር ውስጥ የሚገኙ ናቸዉ።

እኒህ ተማሪዎች ከችግራቸው የተነሳ ትምህርታቸውን እንዳያቋርጡ የትምህርት ቤቱ አመራሮች፣መምህራንና የቀበሌ አመራሮች የጋራ ውይይት በማድረግ በሳምንት ሁለት ጊዜ የምግባ ፕሮግራም ማስጀማራቸውን የትምህርት ቤቱ ርዕሰ መምህር የሆኑት ደረሰ ሰይድ ይናገራሉ።

በትምህርት ያልተገነባ ትውልድ ሀገርን አይገነባም ያሉት ርዕሰ መምህር ደረሰ፤ተማሪዎች ውጤታማ እንዲሆኑ ለማስቻል ደግሞ የተማሪዎች ምግባ አይነተኛ ሚና አለው ብለዋል።

አሁን ላይ ከሳምንት ሁለት ጊዜ የተመረጡ ተማሪዎችን ለመመገብ የጀመሯቸው ፕሮግራም ቀጣይነት እንዲኖርውም ሁሉም ባለድርሻ አካል የበኩሉን አስተዋጽኦ እንዲያደርግ ርዕሰ መምህሩ አጽንኦት ሰጥተው አሳስበዋል።

የወረዳው ትምህርት ጽህፈት ቤት ኃላፊ አቶ ሀብታሙ በለጠ፤ የቀጠና ሁለት መንደር 131 አንደኛና መከካለኛ ደረጃ ትምህርት ቤት አመራሮችና ባለድርሻ አካላት የሀቅመ ደከማ ቤተሰብ ተማሪዎች በኢኮኖሚ ችግር ምክንያት ከትምህርት ገበታ ውጭ እንዳይሆኑ በማሰብ እያደረጉት ያለው ተግባር ለሌሎች ትምህርት ቤቶችም በተሞክሮነት የሚወሰድ ነው ብለዋል።

የወረዳው ትምህርት ጽህፈት ቤትም ለዚሁ ተግባር የሚውል(10 ሺህ) አስር ሺህ ብር ድጋፍ ማድረጉን የገለፁት አቶ ሀብታሙ በቀጣይም ተቋሙ በሚችለው ሁሉ ሁለንተናዊ ድጋፍ እንደሚያደርግና ተግባሩ በወረዳው በሚገኙ በሁሉም ትምህርት ቤቶች በስፋት ተግባራዊ እንዲደረግ ጥረት ያደርጋልም ብለዋል።

የቀጠና ሁለት መንደር 131 አንደኛና መከካኛ ደረጃ ትምህርት ቤት የማህበራዊ ሳይንስ መምህርና የፕሮግራሙ አስተባባሪ የሆኑት ተመስገን ወንዲፈር በበኩላቸው፤ ትምህርት ቤቱ ተማሪዎች በኢኮኖሚ ችግር ምክንያት ትምህርታቸውን እንዳያቋርጡ በትኩረት እየሰራ የሚገኝ መሆኑን ገልፀው ይህን በጎ ተግባር በማስቀጠል ውጤታማ ስራን ለማከናወን የአጋር አካላት ትብብር አስፈላጊ መሆኑን ተናግረዋል። Pawi woreda communication

እንኳን ለ19ኛው የኢትዮጵያ ብሔር ብሔረሰቦችና ህዝቦች ቀን በሰላምና በጤና አደረሳችሁ።
መልካም በዓል
የቤ.ጉ.ክ.መ. ትምህርት ቢሮ

https://learn-english.moe.gov.et የተሰኘ ያለ ምንም የኢንተርኔት ክፍያ የሚሰራ የእንግሊዝኛ

የትምህርት ቤት ስታንዳርድ ሳያሟሉ በጥረታቸው የተማሪዎችን ውጤት ያሻሻሉ የትምህርት ቤት ርዕሳነ-መምህራን አሉ፡፡ ተቋሞቻቸውን የለወጡ በዚህም ከዓመት ዓመት የተማሪዎችን ውጤት እያሻሻሉ ከመጡ ርዕሳነ መምህራን ተሞክሮ መውሰድ ይገባል፡፡ የቤኒሻንጉል-ጉሙዝ ክልል ርዕሰ መስተዳድር ክቡር አቶ አሻድሊ ሀሰን ከክልሉ የሁለተኛ ደረጃ ት/ቤት ርዕሳነ-መምህራን ጋር ባደረጉት ውይይት ከተናገሩት የተወሰደ፡፡

የባምባሲ ሁለተኛ ደረጃ ትምህርት በ2017 ዓ.ም ሀገር አቀፍ ፈተና ከሚወስዱ ተማሪዎች ጋር መክሯል፡፡ የምክክሩ ዋና ዓላማ ተማሪዎች የጊዜ አጠቃቀማቸውን በውል እንዲጠቀሙ ፤ በተለይም ደግሞ ያላቸውን ውድ ጊዜ በጥናት እንዲያሳልፉና ለትምህርታቸው ትኩረት እንዲሰጡ ዓላማ ያደረገ ነው፡፡ በሌሎችም ትምህርት ቤቶች ይሄው ተግባር ተጠናክሮ መቀጠል አለበት፡፡

የባሮ ሴቶች አዳሪ ትምህርት ቤት ማስፋፊያ ፕሮጀክት ግንባታ አፈፃፀም ከ35 ፐርሰንት በላይ መጠናቀቁ ተገለፀ
……………………………………………………………
(ህዳር 27/2017 ዓ.ም-አሶሳ)በኡራ ወረዳ በባሮ ቀበሌ እየተገነባ የሚገኘው የሴቶች አዳሪ ትምህርት ቤት ማስፋፊያ ፕሮጀክት የግንባታ አፈፃጸም ከ35 ፐርሰንት በላይ መድረሱ ታውቋል፡፡
ባለፈው ግንቦት ወር የተጀመረው ይኸው ግንባታ 22 የመኝታ ክፍሎች፤2 የተማሪዎች መዝናኛ ክፍል፤የተማሪዎች መመገቢያ ካፌ አጠቃላይ የንፅህና አጠቃላይየሴት ተማሪዎች የንፅህና መጠበቂያን ያካተተው ዘመናዊ ህንፃ ግንባታውን ለማጠናቀቅ እየተሰራ እንደሆነም ተገልፅዋል፡፡
በቢሮው በስርዓተ ትምህርትና ተቋማት ዘርፍ ምክትል ቢሮ ሀላፊ አቶ መሀመድ ዑስማን እና ከቢሮው የሚመለከታቸው አካላት በስፍራው ተገኝተው ጉብኝት አጠቃላይ የግንባታውን ሂደት ጉብኝት አድርገዋል፡፡
አቶ መሀመድ በጉብኝቱ ወቅት እንዳሉት በአጭር ጊዜ ውስጥ ግንባታው እዚህ ደረጃ መድረሱ የሚደነቅ ሲሆን በተጀመረው ፍጥነት የህንፃ ተቋራጮቹ አጠናቀው ለማስረከብ ጥረት እንዲያደርጉም አሳስበዋል፡፡
በቢሮው የምህንድስና ባለሙያው አቶ መንግስቱ አስማረ የግንባታውን አጠቃላይ ሂደት ለምክትል ቢሮ ሀላፊውና ለሚመለከታቸውየስራ ክፍሎች ገለፃ አድርገዋል ሲል የየክልሉ ትምህርት ኮሙኒኬሽን ዳይሬክቶሬት ዘግቧል፡፡

We must learn about other cultures in order to understand, in order to love, and in order to preserve our common world heritage.”

ፋሮ-አሶሳ ትምህርት ቤት የኢትዮጲያ ብሔር፣ብሔረሰቦችና ሕዝቦች በዓልን በደማቅ ኩነቶች አከበረ
ህዳር 20 ቀን 2017 ዓ.ም አሶሳ
በቤኒሻንጉል-ጉሙዝ ክልላዊ መንግሥት አሶሳ ከተማ አስተዳዳር የሚገኘው የፋሮ-አሶሳ የመጀመሪያና ኹለተኛ ደረጃ ትምህርት ቤት 19ኛውን የኢትዮጲያ ብሔር፣ብሔረሰቦችና ሕዝቦች በዓል በደማቅ ኩነቶች አከበረ፡፡
በዓሉን በንግግር የከፈቱት የትምህርት ቤቱ ርዕሰ-መምህር ተስፋዬ ሸዋረጋ፤ ኢትዮጲያ የተለያዩ ብሔሮች፣ ብሔረሰቦችና ሕዝቦች በፍቅር፣ በአንድነትና በመከባባር የሚኖሩባት ሀገር እንደኾነች በማስታወስ፤ ሀገር ተረካቢ የኾኑ ተማሪዎችም ይኽንን ከጥንት ጀምሮ ሲወራረድ የመጣውን የሀገር አንድነት፣ ለጠላት አይበገሬነት፣ መከባባርና ለሥራ መትጋት ለማስቀጠል የሚቻለው የኹሉም ብሔሮች፣ብሔረሰቦችና ሕዝቦች አንድነትና ኅብረት ሲጠናከር እንደኾነ በማስገንዘብ፤ ተማሪዎችና መምህራን በዓሉን ለማክበር የሚያደርጉትን ተሳትፎ አድንቀዋል፡፡
በበዓሉ ዕለት በተማሪዎች የተዘጋጁ የተለያዩ ማድመቂያዎች የተካተተቱ ሲኾን፤ የሀገራችንን ብሔረሰቦችን አልባሳት፣ዜማና ውዝዋዜ ያካተተ ትርዒት፣ሥነ-ግጥምና የጥያቄና መልስ ውድድር ተከናውኗል፡፡
ለጥያቄና መልስ ውድድር ተሳታፊ ተማሪዎችም እንደየአሻናፊነታቸው ትምህርት ቤቱ ያዘጋጀውን ሽልማት ሸልሟቸዋል፡፡
በዕለቱ የተማሪዎቹ ተሳታፎ እጅግ አስደሳች እንደነበር ያስተዋልን ሲኾን፤በሚቀጥለው ዓመት ከዚኽ በበለጠ ኹኔታ ለማክበር አስቀድመው እጅግ ባማረ ኩነት ለማክበር እንደሚዘጋጁም የትምህርት ቤቱ ርዕሰ-መምህር ተስፋዬ ሸዋረጋ ነግረውናል፡፡
ዘገባው የቤኒሻንጉል-ጉሙዝ ክልል ትምህርት ቢሮ የኮሙኒኬሽን ዳይሬክቶሬት ነው

በድባጢ ወረዳ በዘንድሮ የትምህርት ዘመን ከ20 ሺህ 800 በላይ ተማሪዎች በ53 ትምህርት ቤቶች መደበኛ ትምህርታቸውን እየተከታተሉ እንደሚገኙ የወረዳው ትምህርት ጽ/ቤት አስታወቀ፡፡

የድባጤ 2ተኛ ደረጃ ትምህርት ቤት ተማሪዎች በትምህርት ቤቱ የመማር ማስተማር ስራው በመምህራኖቻቸው ታግዘው ውጤታማ ለመሆን ጥረት እያደረጉ መሆኑን ተናግረዋል፡፡

ሆኖም በትምህርት ቤቱ ከንድፈ ሀሳብ ጎን ለጎን የተግባር ትምህርት የሚወስዱባቸው የኮምፒዩተርና ቤተ-ሙከራዎች እንዲሁም ቤተ መጻህፍት፣ በቂ አጋዥ መጻህፍት አለመኖርና አለመደራጃት አቅማቸውን ለማጎልበት ተግዳሮት እንደሆነባቸውም ተማሪዎች ይናገራሉ፡፡

የትምህርት ቤቱ መምህራን በበኩላቸው ተማሪዎቻቸው እውቀት እንዲያገኙ የበኩላቸውን ጥረት እያደረጉ እንደሚገኙ ተናግረዋል፡፡

ተማሪዎቻቸው የተግባር ትምህርት የሚውስዱበት የፊዚክስና ኬሚስትሪ ቤተ ሙከራዎች አለመኖር እንዲሁም የኮምፒዩተሮች እና የአዲሱ ስርዓተ ትምህርት መጻህፍት በበቂ ሁኔታ አለመሟላት ደግሞ በማስተማሩ ሂደት ላይ ተግዳሮት መፍጠሩን መምህራኖቹ ገልጸዋል፡፡

የትምህርት ቤቱ የይዞታ ማረጋገጫ አለመኖር ደግሞ ተቋሙ የውስጥ ገቢውን ሊያሳድግ የሚችልበት ስፍራ በግለሰቦች እንዲወሰድ አድርጎታልም ብለዋል መምህራኖቹ፡፡

የድባጢ ወረዳ ትምህርት ጽ/ቤት ኃላፊ አቶ አክሊሉ አርገታ እንዳሉት በወረዳው ሰላሙ ከተመለሰ ወዲህ የትምህርት ንቅናቄ በማድረግ 20 ሽህ 8 መቶ 52 ተማሪዎችን በ53 ትምህርት ቤቶች በማስተማር የእቅዱን 83 በመቶ ማሳካት መቻሉን ተናግረዋል፡፡

ባለፉት ዓመታት የመማር ማስተማር ስራ ያልጀመሩና በጸጥታ ውቅት የተጎዱ ትምህርት ቤቶችን በህዝብ ተሳትፎ በአካባቢ ግብዓት በመጠገን ህጻናት በትምህርት ገበታ ላይ እንዲገኙ ተደርጓልም ብለዋል፡፡

ከአዲሱ የትምህርት ፍኖተ ካርታ የመማሪያ መጻህፍት እጥረትን በተመከተም በሶፍት ኮፒ በማባዘት ጥቅም ላይ ማዋል የተቻለ ሲሆን በሀርድ ኮፒ የመጡትን ደግሞ የትምህርት ዓይነቱንና ብዛታቸውን በመለየት ለማሰራጨት ተሞክሯል ብለዋል፡፡

የትምህርት ቤቱ ይዞታን ለማስተካከልም ከከተማው ማዘጋጃ ጋር በመነጋገር እልባት እንዲያገኝ እየተሰራ መሆኑን አቶ አክሉሉ መግለጻቸውን ቤኒሻንጉል ጉሙዝ ክልል ሚዲያ ዘግቧል።

በፓዊ ወረዳ የቀጠና ሁለት መንደር 131 አንደኛና መካከለኛ ደረጃ ትምህርት ቤት ፤ ለተማሪዎቹ ምገባ ፕሮግራም አገልግሎት ጀምሯል።

በ2017 ዓ.ም የ8ኛ ክፍል ማለፊያ ወደ 50 ፐርሰንት ለማስጠጋት ቢሮው ይሰራል ፤ ለዚህም የትምህርት ቤት አመራሮችና መምህራን አበክረው ሊሰሩ ይገባል።የክልሉ ትምህርት ቢሮ ኃላፊ ተመስገን ዲሳሳ (ዶ/ር)
--- -------- ------- ------- ------------ -----------
የክልሉ ትምህርት ቢሮ ኃላፊ ተመስገን ዲሳሳ (ዶ/ር) ለርዕሳነ-መምህራን ምን ምን ጉዳዮች አነሱ?
-ጥራቱንና ተገቢነት ያለው መረጃ ላይ ትኩረት መስጠት ተገቢ ነው።
-የመምህርነት ሙያ ፤ የሙያዎች ሁሉ የበላይ ነው። በዚህ ልክ መስራት ተገቢ ነው።
-የትምህርት ቤት አመራር ለመምህሩ መሪ ነው። በዚህ ልክ ለስራው ቁርጠኛ መሆን
-የትብብር መንፈስ ማሳደግ።
-ሴት መምህራን በአመራርና በመምህርነት እንዲበዙ ይደረጋል።
-ትምህርት ቤቶችን ባደረግነው በምልከታ ጉድለት እንዳለባቸው ተመልክተናል። ይህን ወደ ስራ ስተመለሱ ትምህርት ቤቶችን መፈተሽ አለባችሁ።
-የትምህርት ቤት አመራሮች ሃላፊነት ድርብርብ ነው፤ የተማሪዎች ውጤት ማሽቆልቆል ግንበር ቀደም ተጠያቂ ናችሁ።
-የትምህርት ቤት አመራሮች ለመምህራን ሞዴል መሆን አለባቸው
-የተማሪዎች ስነ-ምግባር የሚታነጸው በታችኛው የትምህርት እርከን ነው። እዚህ ላይ ስራ ይፈልጋል።
-የ8ኛ ክፍል ውጤት አስደንጋጭ ነው፤ ችግሩ የእኛ ማለት ይገባል።
-የአፍ መፍቻ ቋንቋ ትምህርት ላይ ከፍተኛ ችግር አለበት። ቢሮው በጥናት ለመመለስ እየሰራ ነው። ይህን ስራ የእናንተን እገዛ ይፈለጋል።
-የትምህርት ብክነት እንዳይኖር ጥንቃቄ ይደረግ።
-መምህሩ በበቂ ዝግጅት ማስተማር አለበት።
-መጽሐፍ በተቻለ መጠን ለተማሪዎች ተደራሽ አድርጉ።
-የውስጥ ገቢ ላይ ህብረተሰቡ ጋር በመሆን ማሳደግ።
-የትምህርት ቤት አመራሮች instructional leader መሆን አለበት። ዘገባው የቢሮው ኮሚኒኬሽን ዳሬክቶሬት ነው።

(Constructing the table of sepecifications)

🕺(ህዳር 14/2017 ዓ.ም )

🕺❤🕺የኢንዚ 1ኛና 2ኛ ደረጃ ት/ቤት ዛሬም በተመሳሳይ መልኩ ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን በተለያዩ ኩነቶች ያከበረ ሲሆን በአሉን ምክንያት በማድረግና በተማሪዎችና መላው የት/ቤቱ ማህበረሰብ ዘንድ ልጆቻችን ከመደበኛው ት/ት በተጨማሪ የክፍል ለክፍል ተማሪዎችና መምህራን የሰላም ዋንጫ በማዘጋጀት ከጥሎ ማለፍ በኋላ መምህራን ከተማሪዎች ጋር በተደረገ ውድድር ተማሪዎች 8 ለ 4 በሆነ ውጤት በማሸነፍ የሰላም ዋንጫ ባለቤት ሆነዋል። Via Abdu

(ህዳር 14/2017 ዓ.ም) ተማሪዎችን የመማር ብቃታቸውን ከመመዘን ጋር በተያያዘ የሚስተዋሉ ችግሮችን ለመፍታት እንዲያስችል ለአንደኛና መካከለኛ ደረጃ ርዕሳነ መምህራን በተማሪዎች ምዘና (Constructing the table of sepecifications) የአቅም ግንባታ ስልጠና እየተሰጠ ነው።

ባህልና ዕሴቶቻችን ለህብረ- ብሔራዊነት (ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች ቀን ፤ ቤኒሻንጉለኛ)

የአሶሳ ሁለተኛ ደረጃ ትምህርት ቤት ተማሪዎችና መምህራን ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች ቀንን በዳማቅ ሁኔታ አክብረዋል፡፡

የሁለተኛ ደረጃ ትምህርት ቤት ርዕሳነ-መምህራን በአሶሳ 2ኛ ደረጃ ትምህርት ቤት ተገኝተው ልምዶችን ወስደዋል
- - - - - - - - - - - - - - - - - - - - - - - - - - - - - - - - - - - - - - -
(ህዳር 10/2017 ዓ.ም ፤ አሶሳ) በቤኒሻንጉል-ጉሙዝ ክልል የሚገኙ የሁለተኛ ደረጃ ትምህርት ቤት ርዕሳነ-መምህራን በአሶሳ 2ኛ ደረጃ ትምህርት ቤት ተገኝተው በመማር ማስተማር ልምዶችን ወስደዋል፡፡

የትምህርት ቤቱ ርዕሰ መምህር ኤቢሳ ፣ ምክትል ርዕሰ መምህር ሰይፉ ጨምሮ የትምህርት ቤቱ ተማሪዎች ለአሶሳ ከተማ አስተዳደር ትምህርት መምሪያ ሃላፊ ወ/ሮ ጎጃም አያና ፣ ለክልሉ ትምህርት ቢሮ ዳሬክተሮች እንዲሁም ርዕሳነ መምህራንን አቀባበል አድርገውላቸዋል፡፡

በትምህርት ቤቱ የቤተ-ሙከራ ማዕከል ፣ የአይሲቲ ማዕከል ፣ የስርዓተ-ጾታ ክበብ ፣ በማበልጸጊያ ማዕከልና የቤተ-መጽሐፍት አገልግሎት አሰጣጥን ተዘዋውረው ጎብኚተዋል፡፡ የትምህርት ቤት ርዕሳነ መምህራንም በትምህርት ቤቱ የመማር ማስተማር ዙሪያ ገለጻ የተደረገላቸው ሲሆን በትምህርት ቤቱ ስለሚከናወን የመማር ማስተማር ስራ ዙሪያ ተወያይተዋል፡፡

ትምህርት ቤቱ የ12ኛ ክፍል ተፈታኝ ተማሪዎችን ከወዲሁ እያዘጋጀ ያለበተን ሁኔታ ርዕሳነ መምህራን አድንቀዋል፡፡ ትምህርት ቤቱ በ2016 ዓ.ም በክልሉ በርካታ ተማሪዎች በማሳለፍ ሻለ ያለ አፈፃፀም አስመዝግቧል፡፡ ዘገባው የቢሮው ኮሚኒኬሽን ዳሬክተሮት ነው፡፡

Manahil Ahimed !!! From Benishangul - Gumuz Region.

ግሩም ምክር ነው !!! ወላጆች ጆሮ ሰጥተን እናዳምጥ።

ልጆቻችን በትምህርታቸው ውጤታማ እንዲሆኑ ዓመቱን ሙሉ ለመመገብ ተዘጋጅተን ወደ ስራ ገብተናል ፤ የተማሪ ወላጆች
---------    --------    ---------    --------    ----------
(ህዳር 6/2017 ዓ.ም) በማኦ እና ኮሞ ልዩ ወረዳ ቦቦስ እሽቃባ አንደኛ ደረጃ ትምህርት ቤት ልጆቻቸው በትምህርታቸው ውጤታማ እንዲሆኑ ዓመቱን ሙሉ ለመመገብ ተዘጋጅተን ወደ ስራ ገብተናል ሲሉ የተማሪ ወላጆች ገለጹ።

በፕሮግራሙ ማስጀመሪያ ላይ የልዩ ወረዳዉ ምክትል ዋና አስተዳዳሪን ጨምሮ የወረዳ አመራሮች በት/ቤቱ ተገኝተዋል።

ምክትል ዋና አስተዳዳሪ አቶ መሀመድ ሀብቴ ማህበረሰቡ በራሳቸዉ ተነሳሽነት 150  ህፃናት በመለየት የምገባ ፕሮግራም ማስጀመሩ አርአያነት ያለው ተግባርና ተጠናክሮ መቀጠል ያለበት መሆኑን ጠቅሰው ህብረተሰቡ በምገባ ፕሮግራም የጀመሩት ምርጥ ተግባር በማስቀጠል የተማሪዎች ዉጤት ማሻሻል ላይ በተግባር በማሳየት ሊመሰገን ይገባል።


የተጀመረዉ የተማሪዎች የምገባ ፕሮግራም የተማሪዎች የማቅረት፣ የማቋረጥ እና የመድገም ምጣኔን በመቀነስ የተማሪዎች ዉጤታማነት በማሻሻል ትምህርት ጥራት ለማረጋገጥ ወሳኝ መሆኑን በዕለቱ ተጠቅሷል።


የልዩ ወረዳው የትምህርት  ጽ/ቤቱ ኃላፊ አቶ ከማል የምገባ ፕሮግራሙን ለማስቀጠል ከማህበረሰቡ ጎን በማቆም አስፈላጊ ድጋፊ ሁሉ እንድሚያደረጉ ቃል ገብቷል።

የት/ቤቱ ር/መ/ር አቶም አምነላ በተያዘዉ የትምህርት ዘመን ከ530 በላይ ተማሪዎችን ተቀብሎ የመማር ማስተማር ስራዉን እያካሄደ መሆኑን ጠቅሰው 150 ተማሪዎች ከትምህርት ገበታቸዉ ላይ እንዳያቋረጡና እንዳይቀሩ ከህብረተሰቡ፣ ከወተመህ እና ከቀበሌ ማህበረሰብ ጋር በመሆን የድርሻቸዉን እንደወጡ በማድረግ የምገባ ፕሮግራም መጀመሩን ጠቅሰዋል።

በቀጣይነት ተግባራዊ እንድሚደርጉ ገልጿል።

በትምህርት ቤቶች የቀጠለው ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን አስመልክቶ ትምህርት ቤቶች ለተማሪዎቻቸው ግንዛቤ የማስጨበጥ ስራ ቀጥሏል
- - - - - - - - - - - - - - - - - - - - - - - - - - - - - - - - - - - - - - - - - -
(ህዳር 6/2017 ዓ.ም ፤ አሶሳ) በቤኒሻንጉል-ጉሙዝ ክልል በሚገኙ ትምህርት ቤቶች ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን አስመልክቶ በስነ-ዜጋና ስነ-ምግባር መምህራን አማካኝነት በተማሪዎች ሰልፍ ላይ ግንዛቤ አስጨብጠዋል፡፡
በማኦ እና ኮሞ ልዩ ወረዳ በታጃ ጃሊስ አንደኛና መካከለኛ ደረጃ ት/ቤት ከፌደራሊዝም ምንነትና አስፈላጊነት እንዲሁም ከኢ.ፌ.ዴ.ሪ. ህገ-መንግስት ጋር ተያይዞ በስነ-ዜጋና ስነ-ምግባር መምህርት በኩል ግንዛቤ የማስጨበጥ ስራ ተከናውኗል፡፡ በዕለቱም በተማሪዎች በኩል ግንዛቤ የሚያስጨበጥ ስነ-ጽሁፎችም ለተማሪዎች ቀርቧል፡፡ ይህም በአካል ብቃት እንቅስቃሴ ፣ በፌደራሊዝም ዙርያ እና በስነ ዜጋና ስነምግባር መ/ር አማካኝነት ግንዛቤ የተሰጠ ስሆን በበዓሉ ዙርያ ተማሪዎች ግጥም በማቅረብ ቅድመ ዝግጅት እየተደረገ ይገኛል።

በማኦ እና ኮሞ ልዩ ወረዳ ትምህርት ጽ/ቤት በያዓ-ብልድግስ 1ኛ እና መካከለኛ ደ/ት/ቤት የ19ኛውን የኢትዮጵያ ብሔር ብሔረሰቦችና ህዝቦች ቀን በዓል ምክንያት በማድረግ ለት/ቤቱ ተማሪዎች ግንዛቤ ማስጨበጫ ትምህርት እና የተማሪዎች ጥያቄና መልስ ውድድር ተካሄዷል::
በቀጣይም በተለያዩ ኩነቶች በዓሉን ለማክበር ት/ቤቱ በዝግጅት ላይ ይገኛል::ሲል ልዩ ወረዳው ያደረሰን መረጃ ያመለክታል፡፡

በ2016 ዓ.ም የዩኒቨርሲቲ መግቢያ ፈተና ማለፊያ ዉጤት ላመጡ ተማሪዎች የማበረታቻና የምስጋና ፕሮግራም ተካሄደ
- - - - - - - - - - - - - - - - - - - - - - - - - - - - - - - - - - - - - -
(ህዳር 5/2017 ዓ.ም ፤ ቶንጎ) በቤኒሻንጉል-ጉሙዝ ክልል የማኦና ኮሞ ልዩ ወረዳ በ2016 ዓ.ም የዩኒቨርሲቲ መግቢያ ፈተና የማለፊያ ዉጤት ላመጡ ተማሪዎች የማበረታቻና የምስጋና ፕሮግራም አካሄደ፡፡

በፕረግራሙ ላይ የልዩ ወረዳዉ ምክትል ዋና አስተዳዳሪን ጨምሮ የወረዳ አመራሮች ፣ የሀይማኖት አባቶች ፣የተማሪ ወላጆች ፣ የሀገር ሽማግሌዎች ፣ተ ጽዕኖ ፈጣሪ ግለሰቦች እና ተሸላሙ ተማሪዎች ተገኝተዋል።

በ2016ዓ.ም የሀገር አቀፍ ፈተና ያለፉ ተማሪዎችን በማበረታታት በቀጣይ ወደ ዩኒቬርሲቲ የሚያልፉ ተማሪዎች ቁጥር ለማሳደግና ለማበረታታት ብሎም የትምህርት ባለድርሻ አካላትም የነቃ ተሳትፎ እንዲያደርጉ ዓላማ ያደረገ መሆኑን የወረዳው ምክትል አስተዳዳሪ አቶ መሀመድ ሀብቴ ገልጸዋል፡፡

የልዩ ወረደዉ ምክትል ዋና አስተዳዳሪ አቶ መሀመድ ሀብቴ እና የትመህርት ጽ/ቤት ኃላፊው አቶ ካማል አብዱራሂም በ2017ዓ.ም ቁጥራቸው ከፍ ያሉ ተማሪዎች ወደ ዩኒቬርሲቲ ለማሳለፍና የተማሪዎች ዉጤታማነት ለማሻሻል ከተሳታፊዎች ጋር ሰፊ ዉይይት ያደረጉ ሲሆን በዉይይቱ በባለፈዉ ዓመት የተስተዋሉት ችግሮች የመምህራን አቅምና የማስተማር ስነ ዘዴ፣ የግብዓት ዉስንነት፣ የወላጆች ክትትልና ድጋፊ አነሳ መሆኑ እና የተማሪዎች ቁርጠኝነት ውስንነት መኖሩንና የቀጣይ ትኩረት አቅጣጫ በማስቀመጥ ውይይቱ የተጠናቀቀ ኆኗል፡፡

በመጨረሻም ለተማሪዎች የእዉቅናና ሽልማት በመስጠት ፕሮግራሙ ተጠናቋል። መረጃውን ያደረሰን የልዩ ወረዳው የትምህርት ጽ/ቤቱ ነው፡፡

ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን አስመልክቶ ትምህርት ቤቶች ለተማሪዎቻቸው ግንዛቤ የማስጨበጥ ስራ ተጀምሯል
- - - - - - - - - - - - - - - - - - - - - - - - - - - - - - - - - -
(ህዳር 5/2017 ዓ.ም ፤ አሶሳ) በቤኒሻንጉል-ጉሙዝ ክልል በሚገኙ ትምህርት ቤቶች ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን አስመልክቶ በስነ-ዜጋና ስነ-ምግባር መምህራን አማካኝነት በተማሪዎች ሰልፍ ላይ ግንዛቤ የማስጨበጥ ስራ ተጀምሯል፡፡
በገመሃሩ አንደኛና መካከለኛ ደረጃ እንዲሁም በገማሃሩ በሁለተኛ ደረጃ ትምህርት ቤቶች በዛሬው ዕለት ከፌደራሊዝም ምንነትና አስፈላጊነት እንዲሁም ከኢ.ፌ.ዴ.ሪ. ህገ-መንግስት ጋር ተያይዞ በስነ-ዜጋና ስነ-ምግባር መምህርት በኩል ግንዛቤ የማስጨበጥ ስራ ተከናውኗል፡፡በዕለቱም በተማሪዎች በኩል ግንዛቤ የሚያስጨበጥ ስነ-ጽሁፎችም ለተማሪዎች ቀርቧል፡፡

ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን አስመልክቶ ትምህርት ቤቶች ለተማሪዎቻቸው ግንዛቤ የማስጨበጥ ስራ ጀምረዋል፡፡
- - - - - - - - - - - - - - - - - - - - - - - - - - - - - - - - - -
(ህዳር 4/2017 ዓ.ም ፤ አሶሳ) በቤኒሻንጉል-ጉሙዝ ክልል በሚገኙ ትምህርት ቤቶች ለ19ኛ ጊዜ የሚከበረውን የኢትዮጲያ ብሔር ብሔረሰቦችና ሕዝቦች በዓልን አስመልክቶ በስነ-ዜጋና ስነ-ምግባር መምህራን አማካኝነት በተማሪዎች ሰልፍ ላይ ግንዛቤ የማስጨበጥ ስራ ተጀምሯል፡፡
በአሶሳ አንደኛና መካከለኛ ደረጃ ትምህርት ቤትም በዛሬው ዕለት ከፌደራሊዝም ምንነትና አስፈላጊነት እንዲሁም ከኢ.ፌ.ዴ.ሪ. ህገ-መንግስት ጋር ተያይዞ በስነ-ዜጋና ስነ-ምግባር መምህርት በኩል ግንዛቤ የማስጨበጥ ስራ ተከናውኗል፡፡

በአፍ መፍቻ ቋንቋ ትምህርት የሚሰተዋሉትን መሰረታዊ ችግሮችን ለመፍታት ያስችላል ተብሎ በቀረበው ሰነድ ላይ ውይይት ተካሂዷል
- - - - - - - - - - - - - - - - - - - - - - - - - - - - - - - - - - - - - - - - -
(ህዳር 2/2017 ዓ.ም ፤ አሶሳ) የቤኒሻንጉል-ጉሙዝ ክልል ትምህርት ቢሮ በአፍ መፍቻ ቋንቋ ትምህርት አተገባበርና ውጤታማነት ዙሪያ ችግሮችን ለመፍታት እንዲቻል በቀረበው ሰነድ ላይ ውይይት አካሂዷል፡፡

ቢሮው በየደረጃው የሚገኙ ተማሪዎች ውጤትና ስነ-ምግባር ለማሻሻል በአፍ መፍቻ ቋንቋ ትምህርት የሚስተዋሉ መሰረታዊ ችግሮችን በአጭር ፣ በመካከለኛና በረጅም ጊዜ ለመፍታት ሰንድ የሚያዘጋጅ በቴክኒካል ባለሙያዎች የተቋቋመው ቡድን የመጀመሪያ ስራውን በማጠናቀቅ ሰነዱን ለቢሮ አቅርበዋል፡፡

የክልሉ ትምህርት ቢሮ ሃላፊ ተመስገን ዲሳሳ (ዶ/ር) እንደገለጹት ሕፃናት በአፍ መፍቻ ቋንቋ የመማር ህገ-መንግስታዊ መብት ብቻ ሳይሆን በተባበሩት መንግስታት ድርጅት የትምህርት ፣ የሳይንስና የባህል ድርጅት (ዩኒሴኮ) በጥናት ያረጋገጠን መሆኑን አንስተው የቀረበውን ሰነድም ተገቢው ትችትና ማስተካከያ ተደርጎ በቅርቡ ወደ ተግባር እንደሚገባ አመላክተዋል፡፡

ሕፃናት ጥራቱ የተጠበቀ ትምህርት እንዲያገኙና በሚማሩት የአፍ መፍቻ ቋንቋ ትምህርት እየተስተዋለ ያለውን ችግር ለመቅረፍ ጥናቶችንና ተያያዥ ሰነዶችን በመፈተሸ ሰነዱን መቅረብ መቻሉን ሰነዱን ያቀረቡት አቶ ሀብታሙ ቀልቤሳ ተናግረዋል፡፡

ሰነዱን ዓለም አቀፍ ፣ ሀገራዊ ጥናቶችንና እንዲሁም በክልሉ በአፍ መፍቻ ቋንቋና ተያያዥ ጥናቶችን በመፈተሽ የቀረበ መሆኑን ከቀረበው ሰነድ ለማዎቅ ተችሏል፡፡ በቀጣይ ሰነዱ ማስተካከያዎች ተደርገውለት ለውይይት እንደሚቀርብና ከክልሉ ትምህርት ቢሮ እስከ ወረዳና ትምህርት ቤቶች የሚፈጸሙ ተግባራትን የመለየትና ከቢሮው አቅም በላይ የሆነና ውሳኔ የሚሻ ጉዳይ ለክልሉ መንግስት ይቀርባል ተብሏል፡፡ ዘገባው የቢሮ ኮሚኒኬሽን ዳሬክቶሬት ነው፡፡

ሠላምታችን በያላችሁበት ይድረሳችሁ ፤ 19ኛውን የኢ/ያ ብሔር ብሔረሰቦችና ሕዝቦች ቀን በትምህርት ቤቶች ደረጃ እንዲከበር ቢሮው ዕቅዱንና ሪፖርት መላኪያ ፎርማት ልከናል በዚህም መሰረት በወጣው ፕሮግራም መሰረት ትምህርት ቤቶች ወደ ስራ እንዲገቡ በናንተ በኩልም ተገቢውን ክትትልና ድጋፍ እንድታደርጉ እንጠይቃለን፡፡

በቅርቡ የትምህርቱን ስራ የሚደግፉ ሞተር ሳይክሎች ለወረዳዎች ይሰራጫሉ
-----------     ---------     -----------    ----------    -----------
(ጥቅምት 30/2017 ዓ.ም) የቤኒሻንጉል-ጉሙዝ ክልል ትምህርት ቢሮ ከአጠቃላይ ትምህርት ጥራት ማሻሻል-ለፍትሐዊነት ፕሮግራም በድጋፍ ያገኛቸውን ሞተር ሳይክሎች ቀደም ሲል ላላገኙና የመማር ማስተማር ስራ ለመደገፍ ችግሩ ጎልቶ ለሚታይባቸው ወረዳዎች ይሰጣሉ ተብሏል፡፡

በቢሮው የትምህርት ፕሮግራሞች ዘርፍ ምክትል ቢሮ ሃላፊ አቶ በሽር አብዱረሂም እንደገለጹት ሞተር ሳይክሎቹ ትምህርትን ለማገዝ ብቻ አገልግሎት የሚሰጡ ሲሆን ትምህርት ቤቶችን በቅርበት በመደፍና በመከታተል ለወረዳዎች አቅም ይሆናሉ ብለዋል፡፡

በዚሁ ፕሮግራም ቀደም ሲል የተከፋፈሉ ሞተር ሳይክሎች መኖራቸውን ያወሱት አቶ በሽር በሁለተኛ ዙር የመጡትን ሞተር ሳይክሎች ቀደም ሲል ላልደረሳቸውን ወረዳዎችና ቀደም ባሉት ዓመታት ግጭት ተከስቶባቸው የመማር ማስተማር ስራ ለተስተጓጎለባቸው ወረዳዎች ቅድሚያ ትኩረት በመስጠት ይሰራጫሉ ብለዋል፡፡

ወረዳዎችም የሚሰጣቸውን ሞተር ሳይክሎች ለትምህርት አግልግሎት ብቻ እንዲያውሉና ትምህርት ቤቶችን በቅርበት እንዲደግፉበት ተስቦ የመጡ መሆናቸው በማሳሰብ ፤ ይህንኑ ተረድተው ሞተር ሳይክሎችን ለታለመላቸው ዓላማ እንዲያውሉ አሳስበዋል፡፡ ዘገባው የቢሮው ኮሚኒኬሽን ዳሬክቶሬት ነው፡፡

መንግስትን ሳንጠብቅ የተማሪዎችን ምግባ ፕሮግራምን በራሳችን አቅም -ጀምረናል ፤ አጠናክረን እንቀጥላለን በትምህርት ቤታችን አንድም ተማሪ አያቋርጥም ፤ የዌጼ ወዴሳ ቀበሌ ነዋሪዎች
- - - - - - - - - - - - - - - - - - - - - - - - - - - - -- - - - - -- - - - -
የዌፃ ወዴሲ አንደኛ ደረጃ ትምህርት ቤት ርዕሰ መምህር ፀጋ ሽፈራው እንደተናገሩት በተያዘው የትምህርት ዘመን 7መቶ 20 ተማሪዎችን ተቀብሎ እያስተማረ ሲሆን ከነዚህም ውስጥ ከ1መቶ 50 በላይ ተማሪዎች ምገባ እንደሚያስፈልጋቸው በመለየት የምገባ ፕሮግራም ማስጀመሩን ገልፀዋል፡፡

በትምህርት ቤቱ ጊቢ ውስጥም በሁለት ሄክታር ማሳ ላይ ኑግ፤ ጤፍና የተለያዩ ሰብሎችን በማምረት ወደ ስራ የተገባ ሲሆን ከዚህም በሚገኘው የምርት ውጤት የቁርስ ምገባው ቀጣይነት እንደሚኖረው ተናግረዋል፡፡

የወላጅ ተማሪ መምህር ህብረት ሰብሳቢ አቶ ሲራጅ ካባ በትምህር ዘመኑ በቅጥር ጊቢ ውስጥ በተጀመረው የእርሻ ስራ ከ2 መቶ 50 በላይ የማህበረሰብ ክፍሎች ተሳታፊ እንደሆኑ ጠቁመዋል፡፡

በቢሮው ኮሚኒኬሽን ዳሬክቶሬትና በንጋቱ አዲሱ ከማኦና ኮሞ ልዩ ወረዳ (ቶንጎ)