Беларусы Замежжа

Беларусь згуляла ў Лізе нацый з Балгарыяй унічыю. Гэта быў заключны шосты тур групы С3. Балгарскія фанаты сустрэлі супернікаў бчб-сцягамі і плакатамі.

Беларускія футбалісты застаюцца ў Лізе, але не палепшылі сваіх пазіцый. У сваёй групе яны занялі трэцяе месца.

Дарагія нашы вязні сумлення, лістападаўскія імяніннікі!

Шчыра віншуем кожнага з вас з Днём народзінаў!
Жадаем моцнага здароўя, вытрымкі і хутчэйшага вяртання дадому.

А наша возьме ўсё адно!
І Беларусі - жыць!
Дабро перамагае зло -
Інакш не можа быць!

Ад беларусак і беларусаў Беластоку

Беларусы Замежжа | Даслаць навіну

Назбаралася шмат рэчаў, якімі Вы ўжо не карыстаецеся?
Самы час знайсці для іх новых гаспадароў!

Прыходзьце ў гэтую суботу 23 лістапада ў 17:00 на Барахолку!

Тут Вы зможаце набыць ці прадаць адзенне, абутак, цацкі, кнігі і шмат іншага 👗👠🧸📚

🌱Кожная зробленая Вамі пакупка на Барахолцы паменшыць колькасць тэкстыльных адходаў, якія трапляюць у смецце. Адзенне, якое больш не патрэбна Вам, можа атрымаць новае жыццё, памяншаючы тым самым пластык і іншыя матэрыялы, якія забруджваюць навакольнае асяроддзе. Купляючы рэчы на ​​Барахолцы, Вы дапамагаеце зменшыць спажыванне рэсурсаў, т.к. карыстаецеся ўжо існуючыя рэчы замест таго, каб спрыяць вытворчасці новых.

Мы падрыхтавалі вельмі цікавую праграму:
🌿Лекцыя аб рацыянальным выкарыстанні ў модзе,  якую для нас правядзе Таццяна Сайета, практыкуючы стыліст і іміджмэйкер, настаўнік Школы стылю.
🌿 Майстар-клас па апсайклінгу адзення, дзе вы зможаце ўпрыгожыць любімае адзенне і зрабіць ручную шоўкаграфію. Кошт удзелу ў м/к 10 еўра. Папярэдняя рэгістрацыя.

🎈На месцы будзе арганізаваная дзіцячая зона.
Гарбата, прысмакі таксама ў праграме.
🧁Прыносіць з сабой прысмакі да агульнага стала вітаецца.

❗️Жадаючых выступіць у ролі прадаўцоў просім абавязкова запоўніць форму, каб мы маглі падрыхтаваць для кожнага месца. Кошт арэнды месца 5 еўра.

📆 23 лістапада
⏰ 17:00
📍 Цэнтр беларускай супольнасці і культуры (Vilniaus, 20)

💶 Пажадана, для разліку мець пры сабе гатоўку.

#БЗ_афіша

Беларусы Замежжа | Даслаць навіну

«Трэба ліквідаваць рэжым Лукашэнкі, і тады Беларусь стане дэмакратычнай»

Намеснік кіраўніцы Кабінета Павел Латушка выступіў на Познаньскім эканамічным кангрэсе ў рамках дыскусіі «Бяспека Польшчы, Еўропы, свету – дээскалацыя ці новая вайна?»

📌Цяпер усе гавораць пра Украіну, але ніхто не згадвае пра Беларусь. Падаецца, усе забываюцца, што Беларусь мае мяжу з Латвіяй, Літвой, Польшчай і Украінай. Гэта больш за 2000 кіламетраў мяжы. Рашэнне праблемы вайны Расіі супраць Украіны не азначае поўнага вырашэння праблемы бяспекі для Польшчы і Еўропы.

📌Да гэтага часу не існуе стратэгіі заходніх палітыкаў для Беларусі, і нават няма намеру стварыць такую ​​стратэгію. Калі яна не будзе створана, то праз некалькі гадоў на мяжы Польшчы, Літвы і Латвіі можа з’явіцца салдат беларускага паходжання, але ўжо ў расійскай форме, гатовы атакаваць межы Еўрасаюза.

📌За дзесяць гадоў расійская прапаганда стварыла антыўкраінскі наратыў. Цяпер гэта адбываецца ў Беларусі: фарміруецца антыпольскі, антынатаўскі, антыамерыканскі і антызаходні наратыў. Яны спрабуюць змяніць нашыя погляды і стаўленне да Заходняга свету.

📌Казаць аб неабходнасці інвестыцый ва ўзбраенне – гэта важна. Але ігнараваць неабходнасць працы з беларускім грамадствам – гэта фактычна набліжаць патэнцыйны канфлікт з тэрыторыі Беларусі пры ўдзеле Расіі.

📌Трэба разумець натуру дыктатараў. Дыктатар Пуцін не спыніцца на тым, што робіць ва Украіне. У зоне рызыкі – Казахстан, Грузія, мы бачым, што там адбываецца, Малдова, дзе рашэнне аб еўрапейскім выбары прынята з мінімальнай перавагай, Арменія, якая хоча быць у Еўропе, але гэтае пытанне таксама да канца не ўрэгулявана. А Беларусь, як мы бачым, фактычна прадаецца Лукашэнкам Пуціну.

📌Я задаў пытанне ў Берліне на апошняй канферэнцыі, прысвечанай Беларусі, усім прадстаўнікам кіруючай кааліцыі Германіі: «Ці азначае ліквідацыя рэжыму Лукашэнкі дэмакратызацыю Беларусі?» Яны адказалі: так.

📌Трэба ліквідаваць рэжым Лукашэнкі, і тады Беларусь стане дэмакратычнай. Вядома, могуць узнікнуць праблемы з транзітам, перадачай улады і гэтак далей, гэта трэба прадбачыць. Аднак ліквідацыя рэжыму Лукашэнкі мусіць быць мэтай. Гэта не павінна быць «чырвонай лініяй» для заходніх палітыкаў. Як і падтрымка Украіны не павінна з’яўляецца «чырвонай лініяй».

Падрабязней – на сайце НАУ.

@CabinetBelarus

⚖️За два мінулыя тыдні ў беларускіх судах разглядалі 91 палітычную крымінальную справу: за пратэсты судзяць 37 чалавек

У Беларусі з 4 па 16 лістапада разглядалі 91 палітычна матываваную крымінальную справу, у межах якіх судзілі 113 чалавек. Мінімум 10 судовых працэсаў праходзілі ў закрытым рэжыме.

У палітычных судах у згаданы перыяд прымалі ўдзел мінімум 64 суддзі. Найбольш распаўсюджаны крымінальны артыкул, па якім судзілі беларусаў — «народны» артыкул 342 КК. Па ім судзілі 37 чалавек. Агулам паводле дыфамацыйных артыкулаў судзілі 59 чалавек.

Распавядаем пра палітычна матываваныя крымінальныя суды за апошнія два тыдні.

Чытаць па спасылцы 👉 https://spring96.org/be/news/116717

«Ня бачу пакуль, калі вам стане магчымым бясьпечна вярнуцца дадому». Спэцдакладчыца ААН Марэн пра шэсьць гадоў працы з Беларусьсю

Апошнія шэсьць гадоў ураджэнка Францыі палітоляг Анаіс Марэн інфармавала сусьветную грамадзкасьць аб сытуацыі з правамі чалавека ў Беларусі ў якасьці спэцыяльнай дакладчыцы ААН.

Пасьля завяршэньня кадэнцыі інфармацыйнае агенцтва «Позірк» пагутарыла зь ёй пра тое, зь якімі цяжкасьцямі давялося сутыкнуцца за гэты час, у якой сытуацыі апынуліся беларусы і што можна параіць пераемніку ці пераемніцы.

— Я была ў стане рэпарцёра на вайне, прымала ўцекачоў зь Беларусі ў сваім доме. Потым пачалася поўнамаштабная вайна ва Ўкраіне, і мы ўсе перайшлі на такі рэжым, але я была ў ім ужо са жніўня 2020 года. Я не разумела, як можна на гэта не рэагаваць, я не лічыла свой час, працавала на 200% — днём, ноччу, па выхадных. Сваякі ахвяр і самі ахвяры дасылалі мне асабіста або мандату ў Жэневе скаргі: «Вось што здарылася, вось доказы, што нам рабіць?» https://smarturl.click/Eel4g

🤍❤️🤍 Беларусы Масквы адправілі віншаванне з Днём Народзінаў палітзняволеннай Золатавай Марыне

Палітвязні - нашы героі!

Гісторыю кожнага палітвязня, а таксама адрасы для лістоў і паштовак, глядзіце на сайтах:

ПЦ «Вясна»
politzek.me
Dissidentby.com

Жыве Беларусь! 🤍❤️🤍

#палітвязні

Беларусы Замежжа | Даслаць навіну

🇪🇺 Еўрапейскі саюз у межах праграмы «EU4Belarus – SALT (Support for Advanced Learning and Training)» аб'яўляе конкурс на атрыманне акадэмічных стыпендый для беларускіх даследчыкаў(-ц), выкладчыкаў(-ц) і дактарантаў(-к), якія пацярпелі з-за сваёй актыўнай грамадзянскай пазіцыі

Калі: Праходжанне стажыроўкі або правядзенне даследавання з 28 красавіка 2025 года па 31 жніўня 2026 года. Агульная працягласць можа быць ад 100 да 300 каляндарных дзён.  

Дзе: Універсітэты і даследчыя інстытуты ЕС. 

Для чаго: Стыпендыя пакрывае выдаткі на арганізацыю навуковай стажыроўкі або правядзенне даследаванняў ва ўніверсітэтах або даследчых цэнтрах краін Еўрапейскага саюза, у тым ліку збіранне неабходнай інфармацыі для даследаванняў, чытанне гасцявых лекцый, супрацоўніцтва для падрыхтоўкі прац, якія рэцэнзуюцца, удзел у семінарах або іншыя актыўнасці, накіраваныя на павышэнне кваліфікацыі. 

Дэдлайн: 15 студзеня 2025 года.
 
Больш пра магчымасці і ўмовы стажыроўкі па спасылцы: CPVA.LT

#БЗ_адукацыя

Беларусы Замежжа | Даслаць навіну

🌍 Навіны эстафеты ў падтрымку Беларусі «Voices Across Borders»

🇵🇱 9 лістапада ў Варшаве кулінарная блогерка і шэф-кухарка Алеся Княжэвіч зладзіла «Беларускі бранч» са смачнымі стравамі, жывой музыкай, прасэка і цёплай атмасферай.

🇦🇹 11 лістапада ў Вене прайшоў монаспектакль Марыны Якубовіч «Connection», прысвечаны палітвязням і ў прыватнасці Марыі Калеснікавай. Пасля спектакля таксама адбылася дыскусія з удзелам беларускіх палітычных дзеячаў і дзеячак.

🏴󠁧󠁢󠁥󠁮󠁧󠁿 12 лістапада ў Лондане прайшла выстава партрэтаў палітычных зняволеных «Мартыралог Беларусі» мастачкі Ксішы Ангелавай.

🇮🇱 14 лістапада ў Ашдодзе прайшоў вечар «БЕЛАРУСКІ НАПЕЎ» з цікавымі майстар-класамі, забаўляльнай праграмай, пачастункамі і сюрпрызамі.

Сёння стала вядома, што «Еўрарадыё» стала інфармацыйным партнёрам эстафеты — на апошнія навіны з Беларусі пра ўзмацненне рэпрэсій трэба адказваць, у тым ліку, умацаваннем салідарнасці.

Велізарная каштоўнасць і гонар эстафеты – гэта тое, што да яе далучаюцца не толькі буйныя арганізацыі, але і звычайныя людзі па у‌сім свеце.

Яўгенія – майстарка па бровах і перманенце, якая зараз жыве ў Вільні. Жонка былога палітвязня і не па чутках ведае, што адбываецца ў турмах Беларусі. Яна падтрымала эстафету «Галасы праз межы» і вырашыла пералічыць частку выручкі за дзень на падтрымку палітвязняў.

Сачыце за мерапрыемствамі ў Instagram, Facebook і
на сайце https://globalbelarus.info.
Далучыцца бяспечна да эстафеты можна 👉 тут.

Народныя амбасады | Ананімны зварот | Падтрымаць нас

Аліна Коўшык стане кіраўніцай «Белсата»

Аліна Коўшык прызначана галоўнай рэдактаркай тэлеканала «Белсат» і пакідае Аб'яднаны Пераходны Кабінет. Прадстаўніцтва па нацыянальным адраджэнні Кабінета працягне працу. Выконваць абавязкі прадстаўніка будзе намеснік Аліны Коўшык Павел Баркоўскі, пакуль не прызначаны новы прадстаўнік ці прадстаўніца.

Кіраўніца Аб’яднанага Пераходнага Кабінета Святлана Ціханоўская прывітала прызначэнне Аліны Коўшык на новую пасаду:

«Я шчыра віншую Аліну Коўшык з новым прызначэннем. Упэўнена, што яе праца на новай пасадзе ўзмоцніць «Белсат» і прынясе карысць нашай агульнай справе. «Белсат» мае вялізнае значэнне для Беларусі і дэмакратычнага руху, дае беларусам не толькі аб’ектыўную інфармацыю і пляцоўку для дыскусій, але і ўмацоўвае нашу нацыянальную ідэнтычнасць. З грамадскім і палітычным досведам, атрыманым у апошнія гады, Аліна вяртаецца да каманды, якую трэба захаваць і ўзмацніць у няпросты перыяд трансфармацыі тэлеканала.

Я ўдзячная Аліне за яе працу: міжнародныя сустрэчы высокага ўзроўню і гучны голас у абарону нацыянальнай ідэнтычнасці, арганізацыю канферэнцый, круглых сталоў па культурніцкай, адукацыйнай і гістарычнай праблематыцы, за стварэнне сеткі беларускіх школак у эміграцыі, за развіццё такіх праектаў, як Інстытут беларускай кнігі, Беларускі інстытут публічнай гісторыі і інш. Веру, што працу, распачатую Алінай, чакае дастойны працяг».

Аліна Коўшык: «Быць прадстаўніцай Аб’яднанага Пераходнага Кабінета – вялікі гонар. Працуючы ў гэтай камандзе, я многаму навучылася, пазнаёмілася са многімі замежнымі палітыкамі і кожную хвіліну імкнулася абараняць беларушчыну ўсімі дасяжнымі мне інструментамі. Я пакідаю каманду з распрацаванай Стратэгіяй, з шэрагам паспяховых кейсаў і канкрэтным планам на найбліжэйшую будучыню. Мы не развітваемся, я ўпэўненая, што беларускі дэмакратычны рух і «Белсат» непадзельныя. Нас чакае шмат выклікаў на ніве антыпрапаганды, стратэгічных камунікацый і папулярызацыі нацыянальнай культуры».

Нагадаем, Аліна Коўшык далучылася да Аб’яднанага Пераходнага Кабінета Беларусі ў верасні 2022 года. Да гэтага яна на працягу 15 гадоў працавала на «Белсаце», у тым ліку ў якасці галоўнай вядучай, рэдактаркі і прадзюсаркі тэлепраграм. Акрамя таго, Аліна Коўшык была сузаснавальніцай Цэнтра Беларускай Салідарнасці ў Варшаве і ІнБелКульт 2.0, а таксама клуба «Беларускі Варшавы». Па адукацыі Аліна Коўшык – гісторык. Выпускніца Гродзенскага дзяржаўнага ўніверсітэта імя Янкі Купалы, Цэнтра Усходняй Еўропы Варшаўскага ўніверсітэта і праграмы MBA ў сферы медыяменеджменту ў Стакгольмскай школе эканомікі ў Рызе.

@CabinetBelarus

Беларусы перад МУС Грузіі пратэставалі супраць адмовы ў палітычным прытулку

Акцыя супраць дыскрымінацыі беларусаў у Грузіі, у прыватнасьці адмовы ў палітычным прытулку, прайшла пад канцылярыяй ураду ў Тбілісі. Адзін з арганізатараў праваабаронца Раман Кісьляк кажа, што пікеты плянуюць ладзіцца штотыднёва, «пакуль дыскрымінацыя ня спыніцца і сытуацыя ня будзе вырашаная».

«Было шмат паліцыянтаў, яны цікавіліся, супраць чаго мы пратэстуем. Але не перашкаджалі», — распавёў Кісьляк:

https://smarturl.click/baep6

🇱🇹 Арганізацыя «Дапамога» звярнулася да сяброў Каардынацыйнай рады, а таксама да спадара Латушкі з прапановай узяць удзел у сустрэчы 17 лістапада а 17.00 у Замку.

Асноўная тэма сустрэчы — палітэмігранты-беларусы ў Літве і Польшчы, праблемы і шляхі іх вырашэння.

У праграме абмеркавання — дасягненні за 100-дзённы тэрмін работы Каардынацыйнай рады і іх планы на будучыню.

У гэтым абмеркаванні пацвердзілі ўдзел Вольга Вялічка, Аляксандр Клачко, Уладзімір Шанцаў, Стася Гліннік, Павел Церашковіч, Вадзім Пракоп'еў (анлайн). Павел Латушка таксама пацвердзіў удзел у сустрэчы (анлайн).

✍ Калі вы не можаце прысутнічаць, але хочаце, каб ваша пытанне было агучана, пішыце ў асабістыя @natalex_dapamoga

🗓 17 лістапада, 17:00
📍 Замак, Naujoji Riovoniu 10

Беларусы Замежжа | Даслаць навіну

❤️ «Гэта знак надзеі для ўсіх, хто змагаецца за дэмакратычныя каштоўнасці»

Рада Еўропы і Урад Літоўскай Рэспублікі падпісалі пагадненне аб стварэнні Інфармацыйнага пункту Рады Еўропы для беларускага народу ў Вільні.

Інфармацыйны пункт будзе прадстаўляць народу Беларусі інфармацыю аб працы, а таксама каштоўнасцях і прынцыпах Рады Еўропы і падтрымліваць дзейнасць, якая ажыццяўляецца ў Літве ў адпаведнасці з планам дзеянняў, узгодненым Кантактнай групай.

👉 Падрабязней

🇩🇰 У Капенгагене адкрылася арт-інсталяцыя, прысвечаная палітзняволеным праваабаронцам «Вясны»

На працягу лістапада ў сталіцы Даніі можна будзе наведаць арт-інсталяцыю «Нязломныя». Яе героі — пяцёра палітзняволеных праваабаронцаў «Вясны»: Алесь Бяляцкі, Валянцін Стэфановіч, Уладзімір Лабковіч, Марфа Рабкова, Андрэй Чапюк — якіх асудзілі на вялікія тэрміны за дапамогу людзям у адстойванні сваіх правоў.

📍 Israels Plads, 1361 Copenhagen
_____________________

Арт-інсталяцыя «Нязломныя» створана ў межах кампаніі салідарнасці з палітзняволенымі праваабаронцамі «Вясны» #FreeViasna. Паказ у Капенгагене стаў магчымы дзякуючы дапамозе Асацыяцыі беларусаў у Даніі «Талака». Праект ужо быў прадстаўлены ў Вільні (Літва), Познані (Польшча) і Берліне (Германія).

🎥 Гурт «Irdorath» прэзентаваў новы кліп «Vaukalak»

"Адноўленыя ў эміграцыі пасьля двух гадоў зьняволення з-за барацьбы за свабоду Беларусі, яны працягваюць прасоўваць беларускую культуру ў Эўропе ;)

Новая змрочная казка пра няпростыя абставіны і цяжкі выбар, заснаваная на беларускай міфалогіі. Цалкам створаная беларусамi, але, нажаль, не ў Беларусi.

Падтрымаць нашых артыстаў можна праглядам, а калі спадабалася - нават лайкамі і рэпостамі!"

https://youtu.be/NG7WQkqhScw

Беларусы Замежжа | Даслаць навіну

Беларускія дыяспары арганізоўваюць акцыі ў дзень забойства Рамана Бандарэнкі і іншых ахвяраў рэжыму лукашэнкі ў сваіх гарадах, далучайцеся:

09.11.2024 (субота)

🇱🇻 Рыга, Латвія, 13:00
Pils iela 21, Дэталі

10.11.2024 (нядзеля)

🇵🇱 Варшава, Польшча, 14:00, Wiertnicza 58, 02-953 Warszawa, каля амбасады Беларусі. Дэталі

🇱🇹 Вільня, Літва, 12:00, акцыя на плошчы Вінцэса Кудзіркі / Vinco Kudirkos aikštė, Дэталі

🇵🇱 Кракаў, Польшча, 14:30, каля помніка Адаму Міцкевічу на Рынку

🇵🇱 Гданьск,Польшча, 13:00, Długi Targ 13

🇵🇱 Шчэцін, Польшча, 16:00 каля Zegar Słoneczny на Aleja Kwiatowa, Дэталі

🇧🇪 Антвэрпан, Бельгія, 13:30, Koninklijke Museum,
Leopold de Waelplaats 1
Дэталі

12.11.2024 (аўторак)

🇵🇱 Беласток, Польшча, 18:00, skwer Wolnej Białorusi 1, кансулят РБ.  Дэталі

🇱🇹 Вільня, Літва, 20:00, Mindaugo g.13, каля амбасады Беларусі
Дэталі

🇵🇱 Уроцлаў, Польшча, 19:00, Rynek,Pręgierz
Дэталі

🇸🇪 Стакгольм, Швецыя, 18:00, Sergels torg

17.11.2024 (нядзеля)

🇩🇪 Кёльн, Нямеччына, 13:00,
Пляц Генрыха Бёля.
Дэталі

Мы ніколі не павінныя забыцца на смерць Рамана і іншых ахвяраў рэжыму лукашэнкі, мы не маем права супакоіцца, пакуль яго забойцы не будуць пакараныя справядлівым судом.

Вашага горада няма ў спісе - дасылайце нам у чат-бот.

#явыхожу #явыходжу

Беларусы Замежжа | Даслаць навіну

⚡️Памілаваны яшчэ 31 палітвязень

Пра гэта паведамляюць праўладныя тэлеграм-каналы.

Сярод іх 29 мужчын і 2 жанчыны. Паведамляецца, што трое маюць інваліднасць, 17 — хранічныя захворванні. 7 чалавек з ліку памілаваных — шматдзетныя бацькі.

Паведамляйце праваабаронцам пра вызваленых палітвязняў на @Viasnainfo

Праваабарончыя арганізацыі заклікалі дзяржавы МКС падтрымаць зварот Літвы ў Офіс пракурора МКС па здзейсненых рэжымам Лукашэнкі злачынствах супраць чалавечнасці

Праваабаронцы адзначаюць, што ў адпаведнасці з мандатамі накіруюць у Офіс пракурора МКС і дзяржавам-удзельніцам МКС доказы і інфармацыю, сабраную ў падтрымку папярэдняга расследавання.

Адкрыты ліст да дзяржаў-удзельніц МКС з заклікам аб падтрымцы звароту Літвы падпісалі: 

▪️DIGNITY – Дацкі інстытут супраць катаванняў,
▪️Еўрапейскі цэнтр па канстытуцыйных і правах чалавека (ECCHR), 
▪️Міжнародная федэрацыя за правы чалавека (FIDH), 
▪️Human Constanta,
▪️Міжнародная платформа па прыцягненні вінаватых да адказнасці па Беларусі (IAPB),
▪️Інстытут правоў чалавека Міжнароднай асацыяцыі юрыстаў (IBAHRI),
▪️Міжнародны камітэт па расследаванні катаванняў у Беларусі,
▪️Міжнароднае партнёрства за правы чалавека (IPHR),
▪️Міжнародная рада па рэабілітацыі ахвяр катаванняў (IRCT),
▪️Нарвежскі Хельсінкскі камітэт,
▪️Сусветная арганізацыя супраць катаванняў (OMCT),
▪️REDRESS,
▪️Праваабарончы цэнтр «Вясна».

Нагадаем, працу па дакументаванні доказаў і падрыхтоўцы матэрыялаў для Міністэрства юстыцыі Літвы, якія леглі ў аснову перададзеных у Офіс пракурора МКС матэрыялаў, лідзіравала Народнае антыкрызіснае ўпраўленне.

Абапіраючыся на гэтыя матэрыялы, літоўскі бок прыйшоў да высновы: падстаў меркаваць, што Лукашэнка і яго саўдзельнікі здзяйсняюць трансгранічныя злачынствы супраць чалавечнасці, дастаткова. Урад Літвы 30 верасня 2024 года перадаў у Офіс пракурора МКС дакументы для пачатку расследавання.

Беларусы былі вымушаныя ўцякаць у Літву і ў іншыя дзяржавы з-за рэпрэсій і пераследу. У справаздачы за сакавік 2024 года Упраўленне Вярхоўнага камісара ААН па правах чалавека ацаніла, што з 2020 года Беларусь пакінулі каля 300 тысяч чалавек.

Праваабаронцы заклікаюць дзяржавы-ўдзельніцы МКС разгледзець усе даступныя меры для прыцягнення Лукашэнкі і яго саўдзельнікаў да адказнасці за злачынствы. Сярод злачынстваў: адвольныя затрыманні, палітычна матываваны пераслед, несправядлівыя судовыя працэсы, незаконныя забойствы, сексуалізаваны гвалт, катаванні, прымусовая праца.

Намеснік кіраўніцы Кабінета, кіраўнік НАУ Павел Латушка: «Мы высока цэнім факт падтрымкі з боку вядучых міжнародных праваабарончых арганізацый у пытанні дасягнення адказнасці вінаватых за злачынствы супраць беларускага народа. У сваю чаргу мы працягнем сістэмныя, мэтанакіраваныя дзеянні для таго, каб садзейнічаць забеспячэнню правасуддзя за злачынствы, учыненыя Лукашэнкам і яго саўдзельнікамі ў Беларусі. Мы не адступім ад сваёй галоўнай мэты: адказнасць за злачынствы супраць беларускага народа павінна наступіць. І яна наступіць»

@CabinetBelarus

Open Call: Даследаванне сучаснай беларускай ідэнтычнасці праз мастацтва і дызайн

RAZAM прадстаўляе маштабны арт-праект пад кіраўніцтвам беларускай мастачкі, куратаркі і актывісткі Алены Рабкінай.

У рамках праекта будзе арганізавана мастацкая лабараторыя, выставы, выданне кнігі і стварэнне інтэрактыўнага сайта. Праект заклікае беларускіх мастакоў і дызайнераў пераасэнсаваць нацыянальныя сімвалы, падзяліцца ўнікальным культурным вопытам і перавызначыць беларускую ідэнтычнасць. Праграма пройдзе ў гібрыдным фармаце: у Берліне і анлайн.

Сустрэчы лабараторыі будуць праходзіць двойчы за месяц на працягу чатырох месяцаў і завершацца выставай і публікацыяй твораў. Мы просім беларускіх мастакоў і дызайнераў адправіць лісты з CV, партфоліё і кароткай матывацыяй удзелу па пошце: [email protected]

Больш інфармацыі

🧑‍🏫👨🏼‍🏫 Школа народнай дыпламатыі

Паважаныя сябры і сяброўкі!
Народныя амбасады Беларусі працягваюць цыкл лекцый у школе народнай дыпламатыі.

У сераду, 6 лістапада ў 21:00 па Менску (20:00 па Вільні ці 19:00 па Варшаве), нам прачытае лекцыю прадстаўніца фонда Байсол Ганна Дапшэвiчуце.

Тэма лекцыі: «Фінансаванне НДА інстытуацыйнымі донарамі».

Спадарыня Ганна раскажа нам пра:
— хто такія донары;
— як  працуюць донары і як працаваць з імі;
— па якіх крытэрыях ацэньваюцца заяўкі і на што важна звяртаць увагу;
— агульныя рэкамендацыі і тыповыя памылкі ў падрыхтоўцы праектных прапаноў;
— агульныя рэкамендацыі і тыповыя памылкі ў падрыхтоўцы праектных бюджэтаў.

Таксама будзе блок адказаў, дзе вы можаце задаць пытанні.

Для ўдзелу неабходна прайсці па спасылцы👇
https://us06web.zoom.us/j/87943271293?pwd=a7GqRWzmoXwWu1Ld2wgNBlo30osvrA.1

Чакаем вас!

#НА_адукацыя

Народныя амбасады | Ананімны зварот | Падтрымаць нас

🎤 Аўтары хіта "Август" запрашаюць усіх на свае канцэрты

Музыкі гурта «Intelligency» напісалі новы альбом і чакаюць сустрэчы са сваімі дарагімі гледачамі і слухачамі.

22 лістапада - Беласток
23 лістапада - Прага
28 лістапада - Рыга
29 лістапада - Вільня
30 лістапада - Варшава

Квіткі ў сетцы SMSTicket па спасылцы 👇
https://www.smsticket.cz/poradatele/12qrm1/chinana

Да сустрэчы!

#БЗ_афіша

Беларусы Замежжа | Даслаць навіну

🇱🇹 У суботу, 9 лістапада, у Вільні адбудзецца пяты фестываль беларускага фальклору "Беларусь старажытная"!

Вас насычаная праграма з удзелам лепшых беларускіх фальклорных калектываў:

Беларускі Цуд (Вільня)
Гоман (Вільня)
Валошкі (Вільня)
Світанак (Вільня)
Пацеркі (Вільня)
Ойра (Вільня)
Тургелянка (Тургелі, Літва)
Езнеле (Езнас, Літва)
Патрыда (Вільня)
Абра (Латвія)
Асочнікі (Польшча)
Жэмерова (Польшча)
Мальвы (Каўнас)
Паліна Курановіч (Вільня)
Юра Несцярэнка (Вільня)
Сяржук Доўгушаў (Польшча)

📍Пачатак а 14:00 у культурным цэнтры Новай Вільні (Gerovés, 1).

Не прапусціце магчымасць пагрузіцца ў свет беларускай культуры!

#БЗ_афіша

Беларусы Замежжа | Даслаць навіну

❤️Сегодня, 2 ноября, у фонда BYMEDSOL день рождения

Это отличный повод поддержать медиков, пострадавших за свой гражданский активизм с 2020 года.

В честь дня рождения Фонд запустил сбор средств для врачей, подписавших «Открытое письмо медиков против насилия и за новые выборы». Многие из них были задержаны и отправлены на сутки, некоторые прошли через допросы и обыски.

Сейчас эти врачи лишены возможности работать и нуждаются в поддержке. Собранные средства пойдут на покрытие их первоочередных нужд: аренду жилья, юридическую помощь и приобретение необходимых вещей.

В случае, если удастся собрать заявленную сумму, каждый врач получит по 500 евро.

Фонд обеспечит полную прозрачность: все этапы сбора будут открыты, а собранные средства направлены исключительно на помощь этим людям.

🫂Помочь можно здесь: https://www.bysol.org/ru/private/bymedsol112024/

При донатах не используйте карты РБ и РФ.

👣 13 дзён, 315 кіламетраў, дзясяткі новых сяброў, шмат гадзін у размовах пра Беларусь – праект «Camino For Belarus» скончаны

Учора Аляксандра Мамаева, прадстаўніца Народнай амбасады Беларусі ў Славеніі, дайшла да Санцьяга-дэ-Кампастэла – фінальнай кропкі Шляху святога Якуба.

Яна адправілася ў гэта падарожжа, каб падтрымаць эстафету салідарнасці «Галасы праз межы» («Voices Across Borders»).

Аляксандра ўзяла з сабой улёткі з інфармацыяй аб рэпрэсіях у Беларусі. А на заплечніку вандроўніцы быў QR-код, па якім лёгка падтрымаць збор, які праходзіць падчас эстафеты на платформе BYSOL.

«Мой праект «Camino For Belarus» скончаны, але барацьба за Беларусь працягваецца!» – распавяла Аляксандра пад канец падарожжа.

#Camino4Belarus #ГаласыПразМежы #VoicesAcrossBorders

Народныя амбасады | Ананімны зварот | Падтрымаць нас

Дзяды — старадаўні беларускі звычай ушанаваньня продкаў
Ці ведаем, што казаць, як што называць на Дзяды? Невялікі, але важны ТЭСТ:

https://smarturl.click/JdVq

Святлана Ціханоўская – да Дзядоў

«Дзень, які яднае беларусаў у памяці і ў сэрцах. Дзень, калі мы адмаўляемся ад мітусні і тлуму, каб ушанаваць тых, хто пакінуў след у нашым жыцці. Дзень памяці продкаў і родных, якія заўсёды застануцца часткай нашай душы і традыцыяў. Незалежна ад таго, дзе знаходзіцца кожны беларус, светлыя ўспаміны падтрымліваюць сувязь з роднай зямлёй, гісторыяй і каранямі.

Але цяпер мы ўшаноўваем памяць не толькі родных, але і нашых беларускіх герояў. Тых, хто аддаў жыццё за свабоду і незалежнасць. Тых, хто мужна супрацьстаяў рэпрэсіям і тыраніі. Тых, хто не адступіўся ад прынцыпаў у змаганні за Беларусь і за Украіну.

Праз памяць мы захоўваем святло надзеі ў сэрцах: пакуль мы памятаем і ганарымся, Беларусь жыве ў кожным з нас – моцная, свабодная і непераможная».

Можно ли выписать человека из квартиры, если он(а) является собственником(цей) и не может приехать в Беларусь? Что делать, если на жилплощади также зарегистрированы несовершеннолетние дети?

Подготовили большой гайд на эту острую для беларусов(ок) тему. Краткие ответы на некоторые вопросы в слайдах, полный материал вы найдете на нашем сайте.

📷 Instagram|💬 Facebook
📝 Дзен

❤️ Дабрачынная выстава-продаж адбудзецца ў гэтую суботу ў Музеі Вольнай Беларусі ў межах выставы Ніны Маргаевай “Крок насустрач”

Да ўдзелу далучыліся Лера Лазук, Света Баева, Ксіша Ангелава, Піт Паўлаў і іншыя мастакі і мастачкі.

100% сродкаў ад продажу твораў пойдуць на лячэнне і падтрымку Ніны Маргаевай, якой у студзені 2023 года дыягнаставалі БАС.

Адкрыццё выставы — 26 кастрычніка ў 16:00 з выступам Піта Паўлава. Выстава будзе працаваць да 2 лістапада.

Варшава, Foksal, 11

#БЗ_афіша

Беларусы Замежжа | Даслаць навіну

📌 Чэхія адмовіла беларусу ў міжнароднай абароне. Ён звярнуўся ў суд і выйграў

Увесну 2023 года менчуку Генадзю (імя змененае з меркаванняў бяспекі) Чэхія адмовіла ў міжнароднай абароне. У адказ мужчына падаў скаргу ў суд. Яе разгляд і сам працэс цягнуўся больш, чым паўтара года.

👉 Распавядаем, як гэта было і чым скончылася.

Сачыце за намі на тэлеграме @Belsat
Калі маеце важную інфармацыю, з намі можна звязацца праз тэлеграм @edytorBLST ці праз пошту [email protected]

Нямецкі аўтар зьняў фільм пра беларускую ідэнтычнасьць, яе сымптомы і мары беларусаў. Інтэрвію і фота з прэм’еры

«Сем сымптомаў беларускасьці» — так назваў свой фільм Якаб Вёленштайн, кіраўнік беларускага офісу фонду Конрада Адэнаўэра, які месьціцца ў Вільні. Рэпартаж з прэм'еры і інтэрвію з аўтарам.

https://smarturl.click/opxxw

У часы сталінсхіх рэпрэсій адна з самых жудасных падзей для беларусаў - Чорная ноч з 29 на 30 кастрычніка 1937 года ў Менску, калі супрацоўнікі НКУС адначасова расстралялі самы квіт нацыі, 132 чалавекі, выбітных прадстаўнікоў культуры і мастацтва, навукі і эканомікі.

"Ноч паэтаў" у Менску, ва ўрочышчы Курапаты (меркаванае месца пахавання трагічна загінулых) - даніна пашаны і памяці па забітых, у сучаснасці збірала тысячы неабыякавых людзей. 3 2021 года гэтае мерапрыемства праводзяць беларускія дыяспары ў замежжы.

Запрашаем далучыцца да сумеснай памінальная малітвы па ахвярах Чорнай ночы, дзе можна пачытаць і паслухаць (не) расстраляныя вершы расстраляных творцаў.

ПАЭТЫ ЖЫВЫ, ПАКУЛЬ ГУЧАЦЬ ІХ ВЕРШЫ!

Да сустрэчы.

🗓️ Дата: 30.10.2024
⌚ Час: 18.00
⛪️ Месца: Капела Касцёла Маці Божай Журботнай
🌃 Адрас: Вул. Замкавая, 5, Рыга (Pils Iela, 5, Rīga)
🤝 Арганізатары: SUPOLKA беларусаў Латвіі
Уваход вольны

#БЗ_афіша

Беларусы Замежжа | Даслаць навіну

💔 «Амаль 2 гады з Марыяй няма ніякай сувязі. Ніхто не ведае, дзе яна. Канешне, вядома, што яна ў турме. Беларускія ўлады ўтойваюць любую інфармацыю - аб яе месцазнаходжанні, аб умовах утрымання. І самае галоўнае - ці жывая яна»

Гэтымі словамі пачынаецца спектакль “Connection”, прысвечаны беларускім палітвязням і ў прыватнасці Марыі Калеснікавай – жанчыне, якая натхніла мільёны беларусаў і беларусак, жанчыне, якая стала сімвалам свабоды, творчасці і мужнасці.

📆 2 і 3 лістапада 2024
🕖 19.00
📍 Meno erdvės VILEIŠIO18 • P. Vileišio gatvė 18N, 10306 Vilnius, Vilniaus apskritis

Працягласць спектакля 60 хвілін.
Спектакль ідзе на ангельскай мове з рускімі субтытрамі.

Марына Якубовіч - больш за 16 гадоў была вядучай актрысай Belarus Free Theatre, галоўная гераіня фільма “Courage” Аляксея Палуяна.  Зараз стварае ўласныя тэатральныя праекты і выкладае акцёрскае майстэрства ва Універсітэце Моцартэум, Зальцбург (Аўстрыя)

🎟️Квіткі https://fienta.com/lt/connection-36737?8511b963ca495431f2f949bcd542ee4e=

#БЗ_афіша

Беларусы Замежжа | Даслаць навіну

📝Заява пра пачатак экспертнай місіі па назіранні за прэзідэнцкімі выбарамі* у Беларусі 26 студзеня 2025 года

Кампанія "Праваабаронцы за свабодныя выбары" абвяшчае пра пачатак працы экспертнай місіі па назіранні за выбарамі* прэзідэнта, якія пройдуць у Беларусі 26 студзеня 2025 года.

Мэтай місіі будзе ацэнка адпаведнасці выбарчай кампаніі-2025 міжнародным стандартам, што тычацца правядзення сапраўдных, свабодных і дэмакратычных выбараў, ды інфармаванне нацыянальнай і міжнароднай грамадскасці аб сваіх высновах. Экспертная місія будзе збіраць і аналізаваць інфармацыю аб выбарчай кампаніі паводле адкрытых крыніцаў і паведамленняў ад выбаршчыкаў з Беларусі.

Чытаць па спасылцы 👉 https://spring96.org/be/news/116549

*Для мэтаў гэтай заявы ды іншых дакументаў кампаніі "Праваабаронцы за свабодныя выбары" тэрмін "выбары*" у дачыненні да выбарчай кампаніі – 2025 выкарыстоўваецца з зорачкай, каб падкрэсліць умоўны характар гэтага тэрміна.

Агульная заява дэмакратычных сіл Беларусі да «выбараў» 2025

У 2025 годзе адбудуцца так званыя прэзідэнцкія выбары ў Беларусі, а на самой справе – бязвыбары, таму што права выбару ў людзей скрадзенае.

Электаральная кампанія праводзіцца ў сітуацыі глыбокага палітычнага крызісу ў Рэспубліцы Беларусь. Аляксандр Лукашэнка незаконна ўтрымлівае ўладу шляхам рэпрэсій супраць беларускага грамадства, абапіраючыся на падтрымку Крамля.

Мы патрабуем:

📌 спынення ўсіх відаў рэпрэсій;
📌 вызвалення ўсіх палітзняволеных;
📌 рэалізацыі права ўсіх грамадзян Беларусі на паўнавартасны ўдзел у выбарах незалежна ад месца жыхарства;
📌 забеспячэння свабоды сходаў і роўнага доступу да сродкаў масавай інфармацыі;
📌 правядзення выбараў у адпаведнасці з міжнароднымі стандартамі АБСЕ і пад кантролем назіральнікаў.

Калі гэтыя патрабаванні не будуць выкананыя рэжымам, мы лічым тое, што адбудзецца ў 2025 годзе, імітацыяй выбарчага працэсу і прапануем выказаць свой пратэст шляхам галасавання супраць усіх, хто крадзе нашае права голасу.

Мы таксама прапрацоўваем і прапануем іншыя варыянты як выказаць пратэст у залежнасці ад развіцця сітуацыі.

Такім чынам мы пакажам, што беларускае грамадства дагэтуль выступае супраць Лукашэнкі і патрабуе свабодных і справядлівых выбараў.

Цалкам заяву чытайце па спасылцы.

@CabinetBelarus

🎃Запрашаем на Арт МАРКЕТ: Art Craft House Halloween!🎃

🗓 27 кастрычніка
📌Nowy Świat 27a, Warszawa, Scena Chmielna
⏰ 11:00 - 19:00

Што будзе на Маркеце?

Вялікая колькасць вырабаў нашых таленавітых майстроў і разнастайныя смачныя прадукты!

🎃Так як гэта Halloween, то мы ўпрыгожым памяшканне.
🎃Мы зноў правядзем конкурс касцюмаў сярод майстроў.
🎃І не забудзьцеся, што цяпер на Арт Маркеце вы можаце набываць карціны, пласцінкі і мерч ад Лявона Вольскага

#БЗ_афіша

Беларусы Замежжа | Даслаць навіну

Прэзідэнцкія «бязвыбары» ў Беларусі адбудуцца 26 студзеня 2025 года

#БЗ_афіша

Беларусы Замежжа | Даслаць навіну

🎶 Як «гучыць» Беларусь?

Эстафета «Voices Across Borders» набірае абароты і галасы беларусаў і беларусак становяцца ўсё гучней!

Але ж, вядома, што галасы гучаць гучней пад добрую музыку. А пад добрую любімую беларускую музыку яны будуць гучней ўдвая.

Таму каманда эстафеты вырашыла скласці плэйліст беларускай музыкі ўсіх часоў. Менавіта гэты спіс кампазіцый дыяспары будут ўключаць замежнікам на вечарах «Get to know Belarus!», якія пройдуць ва многіх краінах па ўсім свеце ў рамках эстафеты.

«Агінскі, Рашчынскі, Вайцюшкевіч, N.R.M., «Песняры», «Нейра Дзюбель», «Троiца», «Петля пристрастия», «Ляпіс Трубяцкі», «Крамбамбуля», «Серебряная свадьба», «РСП», «Верасы», «Ulis»...

Мяркуем, можна працягваць яшчэ і яшчэ. Колькі крутой музыкі стварылі беларусы!

Мы звярнуліся да радыёжурналісткі, вядучай і арганізатаркі музычных імпрэз Марыны Савіцкай, каб яна склала свой асабісты Топ-5 трэкаў гэтага года: Nochy i Leibonik («Бяда»), Naviband («Мама»), «Петля Пристрастия» («Квант»), Molchat Doma («Белая Полоса»), KurwaDziki («Dačakajuś»)», - паведамляюць арганізатары эстафеты ў сваіх сацсетках.

Беларусы і беларускі замежжа, без вашае дапамогі не абысціся!

Далучыцца да эстафеты кожны і кожная з вас можа наўпрост напісаўшы ў каментарах назвы вашых любімых беларускіх песень, якія, на ваш погляд, павінны быць у плэйлісце эстафеты.

Беларуская музыка праз межы! 🎵

Беларусы Замежжа | Даслаць навіну

Беларус, якому пагражала экстрадыцыя на радзіму, атрымаў статус уцекача ў Армэніі

22 кастрычніка Служба міграцыі і грамадзянства МУС Армэніі прыняла рашэньне аб наданьні статусу ўцекача беларусу Ўладзімеру Баландзіну, паведамілі армянскай службе Радыё Свабода. Яго затрымалі ў Армэніі ў сакавіку на запыт Беларусі. 31 траўня Генпракуратура Армэніі прыняла рашэньне выдаць Баландзіна Беларусі, але цяпер яму больш не пагражае небяспека экстрадыцыі, бо ён мае статус уцекача ў Армэніі:

https://smarturl.click/1dJRb

🧑‍🏫👨🏼‍🏫 Школа народнай дыпламатыі

Паважаныя сябры і сяброўкі!
Народныя амбасады Беларусі працягваюць цыкл лекцый у школе народнай дыпламатыі.

У сераду, 23 кастрычніка ў 20:00 па Менску (20:00 па Вільні ці 19:00 па Варшаве), нам прачытае лекцыю прадстаўнік Аб'яднанага Пераходнага Кабінета Беларусі па міжнародным і еўрапейскім супрацоўніцтве, кіраўнік Місіі дэмакратычнай Беларусі ў Брусэлі Уладзімір Астапенка.

Тэма лекцыі: "Еўрапейская дыпламатыя: знешняя палітыка, палітыка бяспекі і абароны".

Спадар Астапенка  раскажа нам пра:
— Еўрапейскую дыпламатыю, у тым ліку болей падрабязна закране тэмы знешней палітыкі ў ЕС;
— Палітыка бяспекі і абароны;
— Чаму беларусам і беларускам замежжа трэба гэта ведаць і як з гэтым працаваць.

Таксама будзе блок адказаў, дзе вы можаце задаць пытанні.

Для ўдзелу неабходна прайсці па спасылцы👇
https://us06web.zoom.us/j/88120648459?pwd=7qXt3kBc0Ipv9mOiJ3IQgoAMWRIKYH.1

Чакаем вас!

#НА_адукацыя

Народныя амбасады | Ананімны зварот | Падтрымаць нас

Libereco і Razam e.V. праводзяць апытанне, каб вывучыць актуальную практыку і праблемы з атрыманнем пашпарта іншаземца ў Нямеччыне

Ваш адказ дапаможа ўстанавіць цяжкасці і данесці іх да нямецкіх уладаў! Анкета зойме ўсяго некалькі хвілін.

Прайдзіце, калі ласка, апытанне па 👉 спасылцы і падзяліцеся ім са сваімі сябрамі і сяброўкамі ў Нямеччыне.

📅 Збор дадзеных праходзіць працягам 2 месяцаў
❓ Узніклі пытанні? Пішыце на [email protected]
📣 Вынікі будуць апублікаваны ў тэлеграм канале LEGAL HELP DE.

Беларусы Замежжа | Даслаць навіну

Прежде чем начать лечение алкогольной зависимости, нужно понять, что это такое. Собрали факты об этой болезни, которые помогут лучше разобраться в проблеме.

Как в Беларуси лечат от алкогольной зависимости? Как получить помощь бесплатно и что делать, если вы столкнулись с этой проблемой за границей? Рассказываем об этом в новом материале на сайте.

Что делать, если член семьи в состоянии опьянения ведет себя агрессивно? Напоминаем о другом важном материале на эту тему на нашем сайте.

📷 Instagram|💬 Facebook
📝 Дзен

Прызналі «экстрэмісцкімі» некалькі суполак беларускіх дыяспар у свеце

21 кастрычніка Міністэрства інфармацыі абнавіла Рэспубліканскі спіс экстрэмісцкіх матэрыялаў.

У яго трапілі Telegram-каналы «Последний Русский / The Last Russian», «LES BELARUSSES EN FRANCE», Instagram старонка «gomelsociety», старонка ў «Аднакласніках» «Андрей Веренич», а таксама старонкі ў Facebook «Belarusian Canadian Alliance / Згуртаваньне Беларусаў Канады», «ДЫЯСПАРА БЕЛАРУСАЎ СВЕТУ або ДИАСПОРА БЕЛАРУСОВ МИРА».

🔗Хроніка палітычнага пераследу

‼️ Жудасныя лічбы дня...

Праваабарончы цэнтр "Вясна" паведамляе, што сёння палітвязнямі былі прызнаныя яшчэ 8 чалавек:

Аляксандр Якушкоў
Арцём Зянькоў
Валерый Мяфодзіенка
Андрэй Лабада
Марына Леановіч
Яўген Зайцаў
Яўген Сцяпанаў
Сяргей Паўлавіцкі

Пішыце палітвязням!
Вашыя лісты дапамагаюць ім не губляць сілу духу і падтрымліваюць у цяжкія часы.

Спіс усіх палітвязняў, гісторыя кожнага з iх і адрасы для лістоў тут:
ПЦ «Вясна»
politzek.me
Dissidentby.com

#палітвязні

Беларусы Замежжа | Даслаць навіну

🤔 «У ZUS акруглілі вочы: яны ніколі пра такое не чулі»

З 2022 года беларусы могуць атрымліваць сваю пенсію ў Польшчы, а польскія пенсіянеры – у Беларусі, але шмат хто пра гэтую функцыю дасюль не ведае. І гэта тычыцца не толькі саміх пенсіянераў, але, як аказалася, і працаўнікоў польскіх ужондаў.

Адна з беларусак, якая пераехала ў Польшчу расказала, што «працаўнікі акруглілі вочы: мястэчка маленькае, ніхто дасюль з такім пытаннем яшчэ не звяртаўся.»

👉 «Белсат» вырашыў расказаць, як гэта працуе, і падзяліцца досведам тых, каму ўдалося гэта зрабіць. ПА СПАСЫЛЦЫ

📍Запрацавала абноўленная табліца фігурантаў палітычных крымінальных спраў Беларусі — у яе шырокі функцыянал

У табліцы ужо больш за 6000 прозвішчаў — гэта людзі, якія былі асуджаныя па палітычных матывах у Беларусі з 2020-га году. Сярод іх не толькі палітвязні, але і тыя, хто не мае гэтага статуса.

Вы можаце адсартаваць людзей па розных кластарах: від пакарання, прад'яўленыя абвінавачванні, суддзя, пракурор, месца зняволення і г.д..

Таксама ёсць падзел людзей па фільтрах — па роду дзейнасці (блогеры, IT-спецыялісты, лекары, вайскоўцы, студэнты, спартоўцы і г.д.) і па іншых пазнаках (затрыманыя пасля вяртання ў Беларусь, шматдзетныя бацькі, пенсійны ўзрост, вайна ва Украіне і г.д.).

Табліца абнаўляецца аўтаматычна па меры з'яўлення новай інфармацыі.

https://prisoners.spring96.org/be/list

🤯Больш чым насельніцтва Давыд-Гарадка. Праваабаронцам вядомыя прозвішчы больш за 6000 чалавек, асуджаных па палітычных матывах у Беларусі з 2020-га году

Праваабарончаму цэнтру «Вясна» вядомыя прозвішчы амаль 7400 фігурантаў крымінальных палітычных спраў у Беларусі — з іх 6013 ужо асудзілі. Амаль чвэрць з гэтых людзей — жанчыны. Як мінімум 2336 чалавек былі асуджаныя да пазбаўлення волі, 681 — да «хіміі».

Адзначым, што гэта толькі тыя людзі, пра якіх вядома праваабаронцам — агулам жа фігурантаў крымінальных палітычных спраў у Беларусі значна больш.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS | @Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

🌍 «Галасы праз межы: Міжкантынентальная эстафета ў падтрымку Беларусі» стартавала ў Даніі

17 кастрычніка ў горадзе Хельсінгер адбылася сустрэча студэнтаў, студэнтак і выкладчыкаў International People’s College з Карымам Педэрсенам, кіраўніком аддзела міжнародных камунікацый Офіса Святланы Ціханоўскай.

Мерапрыемства, арганізаванае пры падтрымцы суполкі «Талака - Сябры Беларусі ў Даніі», праходзіла ў рамках эстафеты «Voices Across Borders», якая была анансавана на III Канферэнцыі беларусаў і беларусак свету ў Празе.

Падчас лекцыі «Выходзячы з ценю Пуціна» уздымаліся наступныя пытанні:
— Ці з'яўляецца Беларусь незалежнай краінай? А можа яна васальная тэрыторыя Расеі?
— Ці можна назваць жыццё ў Беларусі жыццём пад дыктатурай?
— Чаму варта цікавіцца тым, што адбываецца ў Беларусі?

Карым распавёў пра палітвязняў, якія утрымліваюцца рэжымам Лукашэнкі; барацьбу Беларусі за незалежнасць; пра ролю і інтарэсы Расеі, Украіны і Захаду ў барацьбе беларусаў і беларусак за свабоду; пра тое, што дэмакратычныя сілы вымушаныя працаваць у эміграцыі. Узгадаў, як простая беларуская жанчына - Святлана Ціханоўская - сталася на міжнароднай сцэне сімвалам дэмакратыі і моцнага жаночага кіраўніцтва.

Як паведамляюць арганізатары эстафеты (Народныя амбасады Беларусі і Служба хуткай гуманітарнай дапамогі), на дадзены момант да «Voices Across Borders» далучыліся ўжо 17 краін.

«Бяспечна далучыцца да эстафеты салідарнасці магчыма ў любым складзе, не залежна ад таго вы асоба, суполка ці цалкам дыяспара вашай краіны. Нават калі вы жывеце ў краіне, якая ўжо прадстаўлена, вы ўсё роўна можаце далучыцца наўпрост запоўніўшы нашу хуткую 👉 форму».

Эстафета працягнецца да 18 снежня. Сачыць за мерапрыемствамі і падзеямі можна ў Instagram, Facebook ці
на сайце https://globalbelarus.info/

«Грошы сабраныя Эстафетай пойдуць палітзняволенным, іх сем'ям, тым, хто ўжо прайшоў карны канвеер турэмнай сістэмы Беларусі і мае патрэбу ў рэабілітацыі здароўя і матэрыяльнай дапамозе. Менавіта гэтыя мэтавыя групы ў фокусе працы арганізацый-ўдзельніц нашай Кааліцыі», - паведамляе Служба хуткай гуманітарнай дапамогі.

Падтрымаць збор можна па спасылцы
https://bysol.org/be/initiatives/solidarityrelay/

#ГаласыПразМежы #VoicesAcrossBorders

Беларусы Замежжа | Даслаць навіну

Беларусы з міжнароднай абаронай змогуць зрабіць візы для сваякоў

Толькі для гэтага патрабуюцца натарыяльныя запрашэнні. МЗС Польшчы у адказ на запыт «блока Пракопьева-Ягорава» падцвердзіў легітымнасць гэтага спосабу:

«Запрашэнні, завераныя натарыяльна, з`яўляюцца легітымным дакументам для атрымання візаў»

Паводле міністэрства, цяпер важна загадзя ўзгадняць працэс падачы дакументаў. Таксама ідзе праца, каб натарыяльныя запрашэнні можна было падаваць непасрэдна праз кансулаты, а не візавыя цэнтры.

«Гэта важна для абароны персанальных звестак, якія змяшчаюцца ў такіх запрашэннях, і прадухілення іх перадачы трэцім асобам», — заявілі ў блоку Пракоп’ева-Ягорава.

Беларуская дыяспара выкупіла асобнік Трэцяга Статута ВКЛ і верне яго ў Беларусь

У межах працы па вяртаньні беларускіх каштоўнасьцяў на радзіму ініцыятыва Maldzis выкупіла Статут Вялікага Княства Літоўскага 1588-га году (Трэці Статут), надрукаваны ў Вільні ў 1693-м годзе на польскай мове. Статут ВКЛ 1588-га году — самае важнае выданьне, надрукаванае ў Вялікім Княстве Літоўскім за ўсе часы яго існаваньня, і адзін з самых дасканалых прававых дакумэнтаў у тагачасным сьвеце.

https://smarturl.click/B6QnQ

❤️ «Voices Across Borders»

Хочам падзяліцца з вамі цудоўнай навіной — старт эстафеты «Галасы праз межы: Міжкантынентальная эстафета ў падтрымку Беларусі» адбудзецца ў самы бліжэйшы час!

На дадзены момант да эстафеты, арганізатарамі якой з'яўляюцца Народныя амбасады Беларусі і Служба хуткай гуманітарнай дапамогі, якая аб'ядноўвае чатыры вядучыя структуры дапамогі беларускім палітвязням і рэпрэсаваным — ініцыятыва BY_Help, фонд салідарнасці BYSOL, праваабарончая ініцыятыва «Dissidentby», дабрачынны фонд «Краіна для жыцця», далучыліся наступныя краіны:

🇦🇺 Аўстралія
🇦🇹 Аўстрыя
🇧🇬 Балгарыя
🇩🇰 Данія
🇺🇸 ЗША
🇮🇱 Ізраіль
🇮🇹 Італія
🇨🇾 Кіпр
🇱🇻 Латвія
🇱🇹 Літва
🇱🇺 Люксембург
🇵🇱 Польшча
🇸🇮 Славенія
🇲🇪 Чарногория
🏴󠁧󠁢󠁳󠁣󠁴󠁿 Шатландыя
🇸🇪 Швецыя
🇪🇪 Эстонія

Бяспечна далучыцца да эстафеты салідарнасці магчыма ў любым складзе, не залежна ад таго вы асоба, суполка ці цалкам дыяспара вашай краіны. Нават калі вы жывеце ў краіне, якая ўжо прадстаўлена, вы ўсё роўна можаце далучыцца наўпрост запоўніўшы нашу хуткую 👉 форму.

Ваш голас, ваша творчасць, ваша падтрымка могуць зрабіць вялікую справу!

Нават калі ў вас няма пакуль ідэй, якія мерапрыемствы рабіць падчас эстафэты, не хвалюйцеся — мы прапануем вам гатовы план мерапрыемстваў «пад ключ».

Падпісвайцеся на сацсеткі эстафеты:
📱Instagram 📱Facebook, заходзьце на сайт https://globalbelarus.info/, распаўсюджвайце інфармацыю аб праекце па чатах вашых дыяспар — гэта ўжо будзе вялікі ўклад у нашую агульную справу!

Разам мы можам зрабіць больш! Далучайцеся і дапамажыце зрабіць нашыя галасы больш гучнымі!

Народныя амбасады | Ананімны зварот | Падтрымаць нас

‼️ Жудасныя лічбы дня...

Праваабарончы цэнтр "Вясна" паведамляе, што сёння палітвязнямі былі прызнаныя яшчэ 4 чалавека:

Юрый Бандарэнка
Вячаслаў Мурноў
Андрэй Рэбякоў
Кірыл Вевель

Пішыце палітвязням!
Вашыя лісты дапамагаюць ім не губляць сілу духу і падтрымліваюць у цяжкія часы.

Спіс усіх палітвязняў, гісторыя кожнага з iх і адрасы для лістоў тут:
ПЦ «Вясна»
politzek.me
Dissidentby.com

#палітвязні

Беларусы Замежжа | Даслаць навіну

🎥 «Хто, калі не мы?» ў Вільні

15 кастрычніка ў межах фестывалю кіно пра правы чалавека «Nepatogus kinas» у Вільні адбудуцца паказ фільма «Хто, калі не мы?» і дыскусія, прысвечаная сітуацыі ў Беларусі.

Фільм апавядае пра трох жанчын, якія працягваюць змагацца нават пасля здушэння пратэстаў у Беларусі.

🎤 Асаблівы госць: адна з гераіняў фільма.

📜 Ліст Насты Лойкі прагучыць у перакладзе на літоўскую.

🎟 Білеты: ад 3.35 да 6.35 еўра

📆 Дата: 15 кастрычніка
⏰ Час: 18:30 (час мясцовы)
📍 Месца: кінатэатр Scalvija, A. Goštauto g. 2/15, Вільня

#БЗ_афіша

Беларусы Замежжа | Даслаць навіну

🇧🇪 У Місіі дэмакратычнай Беларусі ў Брусэлі ў цёплай і сяброўскай абстаноўцы прайшла прэзентацыя кнігі Зьмітра Крэса “Рымская дарога”

Зьміцер Крэс - гэта не толькі хірург па сваёй адукацыі, а яшчэ таленавіты паэт і пісьменнік. Яго творчасць - гэта ўклад у развіццё і захаванне беларускай мовы. Філасофскія разважаньні і назіранні за навакольным светам, адлюстроўваюцца ў двух апавяданнях у яго кнізе.

Падчас прэзэнтыцыі было жывое абмеркаванне з аўтарам, усе асобнікі з яго аўтографам хутка разыйшліся.

Чытаем, слухаем і падтрымліваем сваіх нацыянальных талентаў.

Жыве Беларусь!

Беларусы Замежжа | Даслаць навіну

Партугалія пачне выдаваць гуманітарныя візы. Іх змогуць атрымаць і беларусы

Парлямэнт Партугаліі ўхваліў законапраект аб стварэньні гуманітарнай візы, паведаміла газэта Correio da Manhã.

Закон дазволіць людзям, якіх пераследуюць на радзіме, атрымаць спэцыяльную візу ў Партугалію, каб, прыехаўшы, папрасіць у ёй палітычны прытулак. Цяпер гэта можна зрабіць па турыстычнай візе, якую трэба атрымліваць у краіне грамадзянства ці ў іншай — пры наяўнасці ВНЖ.
Гуманітарныя вызы змогуць атрымліваць і грамадзяне Беларусі, паведамляе дарадца лідэркі дэмакратычных сілаў Беларусі Сьвятланы Ціханоўскай Франак Вячорка. https://smarturl.click/O02jA

‼️ Жудасныя лічбы дня...

Праваабарончы цэнтр "Вясна" паведамляе, што сёння палітвязнямі былі прызнаныя яшчэ 5 чалавек:

Сяргей Юнчыц
Алена Ляснеўская
Ала Дзясяцік
Таццяна Васільева
Уладзімір Лазарэвіч

Пішыце палітвязням!
Вашыя лісты дапамагаюць ім не губляць сілу духу і падтрымліваюць у цяжкія часы.

Спіс усіх палітвязняў, гісторыя кожнага з iх і адрасы для лістоў тут:
ПЦ «Вясна»
politzek.me
Dissidentby.com

#палітвязні

Беларусы Замежжа | Даслаць навіну

ВБЎ працягвае набор на курс "Шлях да Еўрапейскага звязу", які заснаваны на вучэбнай праграме Collegium Civitas.

Курс дае ўнікальныя веды аб выкліках і магчымасцях, з якімі сутыкаюцца новыя члены ЕС. Вы даведаецеся, як функцыянуе Еўрапейскі саюз і якія механізмы ляжаць у аснове сучаснай Еўропы.

Паспяховыя выпускнікі курса атрымаюць сертыфікацыю ад Collegium Civitas, а таксама 3 крэдыты ECTS, што можа спрыяць далейшай адукацыі і кар'ернаму росту.

Курс праводзіцца ў гібрыднай форме — можна абраць удзел анлайн ці афлайн у Варшаве. Гэта робіць яго даступным для студэнтаў з розных рэгіёнаў, уключаючы тых, хто аддае перавагу ананімнаму ўдзелу.

Для грамадзян Беларусі курс бясплатны, што дае магчымасць атрымаць каштоўную адукацыю і пашырыць веды ў галіне еўрапейскай інтэграцыі без фінансавых бар'ераў.

Не прамініце магчымасць палепшыць свае веды і навыкі - падавайце заяўку да 12 кастрычніка 2024 года!

📍Рэгістрацыя на курс: https://volny-uni.eu/collegium-civitas