Белсат

💸Рост біткойну не спыняецца. Падобна, неўзабаве ён пераваліць за $100 000

Гэты працэс адбываецца на фоне перамогі на выбарах у Штатах Доналда Трампа, які абяцаў трансфармацыю ЗША ў глабальны крыптавалютны хаб і фармаванне рэзерваў з біткойнаў.

📍Падрабязней на старонцы

🇱🇹 Літоўскі міністр абароны пракаментаваў дэпартацыю былога «каліноўца» з В'етнаму ў Беларусь

На думку Лаўрынаса Кашчунаса, пераезд Верамейчыка ў В’етнам наўрад ці быў «найлепшым варыянтам», бо гэтая краіна мае сувязі з Расеяй і Аляксандрам Лукашэнкам.

Загад жа пакінуць Літву, які выдала яму міграцыйная служба, Кашчунас патлумачыў тым, што «так дзяржава вырашыла».

💬 «Аднойчы нам паставілі такую задачу: пашыхтавацца перад полем з бульбай і засоўваць у зямлю бульбу, якая была на паверхні»

Максім быў афіцэрам унутраных войскаў РБ. Яго накіроўвалі выконваць задачы ў рэзідэнцыі Лукашэнкі і загадвалі разганяць пратэсты. Максім сцвярджае, што нікога не збіваў і нават адпускаў затрыманых. А ў выніку звольніўся з унутраных войскаў, каб больш не мець дачынення да барацьбы з уласным народам.

Цяпер ён мае сваю стралковую школу ў Варшаве, дзе трэнуюцца ў тым ліку людзі, што ваююць на баку Украіны.

🔸А яшчэ – мілая гісторыя салідарнасці беларусаў, што дапамаглі былому беларускаму добраахвотніку Гошы, які на вайне атрымаў сур'ёзнае раненне нагі.

👀 Поўны выпуск праграмы «Беларус беларусу» – ужо на канале «Белсат LIFE»

☝️Паглядзіце наш сюжэт пра Васіля Верамейчыка, які выйшаў увесну гэтага года

Учора стала вядома, што Васіль быў дэпартаваны з В'етнаму ў Беларусь транзітам праз Маскву.

У Азіі ён апынуўся пасля таго, як Літва прызнала яго «пагрозаю нацыянальнай бяспецы» і загадала пакінуць межы Еўразвязу.

📺 Навіны за 5 хвілін

⬆️ Кінафестываль «Паўночнае ззянне» абвясціў пераможцаў беларускага конкурсу

🔻У Горадні ўведзены рэжым контртэрарыстычнай аперацыі

🔻З В'етнаму ў РБ экстрадаваны былы баец Палка Каліноўскага

🔻Лукашэнкаўцы хваляцца, што іхны кумір сабраў ужо 1,5 млн подпісаў

🔻У Клімавічах гарэла больніца

🔻Дзяржаўнае ТБ зноў сцвярджае, што «на Беларусь готовится нападение»

🔻Расея атакавала Дняпро міжкантынентальнай балістычнай ракетаю

🔻У Ісландыі зноў прачнуўся вулкан

Глядзіце ў кароткім выданні навін на Белсаце 💻

💬 «Маш, по "Южмашу" удар баллистическими ракетами, уже западные СМИ стали говорить. Не комментируем вообще»

Анекдот дня: спікерцы расейскага МЗС Марыі Захаравай патэлефанаваў хтосьці важны проста падчас брыфінгу. Размова відавочна павінна была быць прыватнаю, аднак цяпер яе пачуюць мільёны людзей 💁🏻‍♂️

👀 Глядзіце, як гэта было

☝️Міжнародны крымінальны суд выдаў ордэр на арышт ізраільскага прэм'ера Біньяміна Нэтаньяху

Аналагічны ордэр выданы і на арышт былога міністра абароны Ізраілю Ёава Галанта (ён пакінуў пасаду на пачатку лістапада).

Яны падазраюцца ў здзяйсненні вайсковых злачынстваў у Газе. У прыватнасці, зазначаецца, што дзеянні Нэтаньяху і Галанта прывялі да смерцяў цывільнага насельніцтва сектару Газы.

🔹Па ўкраінскім Дняпры ўдарылі міжкантынентальнай балістычнай ракетаю?

Пакуль нельга пацвердзіць гэта на 100%, аднак на гэта ўказваюць некаторыя факты. Калі тып ракеты сапраўды быў менавіта такі, то яго Расея ўжыла ў вайне супраць Украіны ўпершыню.

📍У сувязі з чарговай паветранай атакаю РФ сваю авіяцыю сёння ўздымала і Польшча. Чытайце падрабязней па спасылцы

👴🏻 У свежым выданні праграмы «Мова Нанова» пагаворым пра бацьку

Не пужайцеся, не пра таго 🫠

Гэтае слова з'явілася ў беларусаў задоўга да 1994-га года. І мае безліч сінонімаў!

👀 Глядзіце новы выпуск «Мовы Нанова» на YouTube-канале «Белсат LIFE»

🇵🇱 Супрацоўніцтва з беларускімі дэмсіламі з боку Польшчы ачоліў новы чалавек

Пра гэта паведаміў Павел Латушка.

📍Вось хто будзе новым спецпрадстаўніком МЗС у пытаннях кантактаў з беларускімі дэмакратычнымі палітыкамі

💱 Курсы валютаў 21 лістапада

Долар падрос амаль на паўтары капейкі. Еўра таксама дадаў у вартасці, хоць і сціплей.

Расейскі рубель мінімальна споўз уніз.

#курсывалютаў

🕯Ужо заўтра – 5 гадоў з моманту перапахавання ў Вільні парэшткаў паўстанцаў 1863 года

Памятаеце, як гэта было? У Вільню тады прыехалі сотні, а можа і тысячы беларусаў. Яны ўзялі ўдзел у працэсіі пад БЧБ-сцягамі.

Наш журналіст Зміцер Лупач таксама хацеў патрапіць на тую гістарычную падзею, аднак не змог – не паспелі зрабіць візу 💁🏻‍♂️

📍Прыгадайма разам, як адшукалі парэшткі Каліноўскага ды іншых паўстанцаў ды як адбывалася знакавая для беларусаў, палякаў і літоўцаў цырымонія

🇩🇪 У Нямеччыне – нешта падобнае да палітычнага крызісу

Там развалілася кіроўная кааліцыя, таму неўзабаве адбудуцца датэрміновыя парламенцкія выбары.

🤔 Як усё гэта адаб'ецца на Беларусі ды Украіне? Чытайце па спасылцы

🤔 Хто прывозіў Тыля Швайгера ў Беларусь? Пацягнулі за нітачку і раскапалі шмат цікавага

Галоўнага героя гэтага матэрыялу завуць Дзмітрый Саксонаў. І ён мае дачыненне да візітаў у Менск таксама іншых сусветных зорак.

А яшчэ Саксонаў звязаны са скандальна вядомым Дзмітрыем Баскавым, набліжаным да Лукашэнкі.

🔍 Болей пра Дзмітрыя Саксонава і звязаны з ім бізнес чытайце на нашай старонцы

🔥 Выйшла новая частка ўкраінскай культавай гульні STALKER

На момант рэлізу ў яе адначасова гулялі 113 тысяч чалавек.

Прэм'ера STALKER 2: Heart of Chornobyl («Сэрца Чарнобыля») апынулася вельмі ўдалай і атрымала 81% пазітыўных водгукаў. На інтэрнэт-пляцоўках гульня замацавалася як адзін з самых буйных рэлізаў года.

У гульні трэба даследаваць Чарнобыльскую зону адчужэння, поўную небяспечных ворагаў, анамалій і артэфактаў. Галоўны герой будзе выконваць заданні розных груповак і змагацца за выжыванне. Дзеянні ў ходзе гульні будуць уплываць на фінал.

Нагадаем, першы «Сталкер» выйшаў у 2007 годзе і стаў вельмі папулярным у тым ліку ў Беларусі. Пазней выйшлі яшчэ дзве гульні, якія дапоўнілі гісторыю першай часткі.

📍Раскрытыя імёны сілавікоў, якіх Лукашэнка пазбавіў званняў за падзеі 2020-га

Сярод іх, напрыклад, – былы гендырэктар футбольнага клубу БАТЭ Міхаіл Залеўскі.

🔍Чытайце на нашым сайце, хто яшчэ ў гэтым спісе