Baz باز

دەستەی باڵای سەرژمێری: کارکردنی تیمەکان تا سبەی شەو، بەردەوام دەبێت

سەرۆکی حکومەت سەرەخۆشی لە ئازاد گەرماڤی دەکات

ئێوارەی ئەمڕۆ پێنجشەممە 11/21 ، مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە ئازاد گەرماڤی کرد بۆ کۆچی دوایی دایکی.

سەرۆکی حکومەت پرسە و سەرەخۆشی و هاوخەمی خۆی پێگەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵەکەیان ببەخشێت.

ئازاد گەرماڤی ، بە ناوی بنەماڵەکەیەوە، سوپاس و پێزانینی بۆ پەیوەندیی و هاوخەمی سەرۆکی حکومەتی هەرێمی کوردستان دەربڕی.

سبەی هەینی بە ئامادەبوونی سەرۆك بارزانی و سەرۆك كۆماری عێراق و سەرۆكی حكوومەتی هەرێمی كوردستان و سەرۆكی ئەنجوومەنی نوێنەرانی عێراق، هەروەها بە بەشداری 124 كەسایەتی سیاسی و ئەكادیمیست لە 40 وڵاتی جیهان، پێنجەمین كۆڕبەندی ئاشتی و ئاسایشی رۆژهەڵاتی ناوەڕاست (MEPS 2024) لە دهۆك دەست پێ دەكات و تا رۆژی یەكشەممە بەردەوام دەبێت.

لێژنەی باڵای سەرژمێری لە عێراق :

قەدەغەی هاتووچۆ لەنێوان پارێزگاکان سبەی هەینی بەردەوام دەبێت، لەنێو شارەکانیش کاژێر 12ـی ئەمشەو کۆتایی دێت.

ماوەی ئەنجامدانی پڕۆسەی سەرژمێری لە هەرێمی كوردستان درێژكرایەوە

وردەکاری زیاتر
https://www.facebook.com/share/p/1B3zThLMJS/

بە وێنە
لە دھۆک ئامادەکارییەکان بۆ کۆڕبەندی مێپس24 کۆتایی ھات، سبەی دەست پێ دەکات

د. ئومێد سەباح سەرۆکی دیوانی سەرۆکایەتی ئەنجومەنی وەزیران ئەم وێنانەی بڵاوکرووەتەوە و نووسیوویەتی: "لە کەرکووکی دڵی کوردستانەوە لە کاتی تۆمارکردنی سەرژمێری دانیشتوان، سوپاس بۆ خودا پڕۆسەکە بە باشی بەڕێوەدەچێت."

منداڵێکی تەمەن 10 ساڵ لە زێی بچووکدا خـــ*ــنکا

ئەمڕۆ پێنجشەممە، 2024.11.21، منداڵێکی تەمەن 10 ساڵان بە ناوی (ش.ش)، لە گوندی کڵێسەی سەر بە قەزای کۆیە، کەوتە نێو زێی بچووک و خــ*ــنکا و تا ئێستاش تەرمەکەی نەدۆزراوەتەوە.

ڕوونكردنەوەیەك لە ڕاگەیاندنی پارێزگای هەولێرەوە
پارێزگای هەولێر روونكردنەوە لەسەر ئەو هەواڵانە دەدات باس لە تێكدانی پاركی سامی عەبدولرەحمان دەكەن و سەرجەمی رەتدەكاتەوە.

ئەمڕۆ پێنجشەممە 21ـی تشرینی دووەم،  لە روونكردنەوەیەكی پارێزگای هەولێر هاتووە، لە سۆشیال میدیا و بەشێك لە میدیا و پێگە و پەیجەكان بڵاوكراوەتەوە، گوایە بەشێك لە هۆڵی شەهید سەعد عەبدوڵڵا و بەشێكی پارك بەرانبەر تولیب تێكدەدرێت و دەبێت بە باڵەخانە و پڕۆژە.

دەشڵێت، بە پێویستی دەزانین بۆ ڕای گشتیی و هاوڵاتییانی ڕوونبكەینەوە، ئەو هەواڵە دوورە لە ڕاستی و هیچ بنەمایەكی دروستی نییە.

دەزگای خێرخوازیی بارزانی، هاوكاری خۆراکی و ناخۆراکی بە سەر ژماره‌یه‌ك خێزان لە گوندی پەلکانەی سەر بە پارێزگای کەرکووک دابەش كرد. هاوكارییەكان(سەبەتەی خۆراک، پاکێجی پاککەرەوە، جلوبەرگ، کەلوپەلی مەتبەخ و هاوكاریی نەختێنە) بوون.