Authority for Civil Society Organization (ACSO)

በአላባ ዞን በኢትዮጵያ መካነ ኢየሱስ ቤተክርስቲያን  የተገነባ የውሃ ፕሮጀክቶች ተመረቀ፡፡
በአላባ ዞን በ2ኛ መቃላ ሀ እና የሸቃጤ ወልድያ ቀበሌዎች ለማህበረሰቡ  የሚያገለግል የንጽህ መጠጥ ውሃ በዋና ዳይሬክተር አቶ ሳምሶን ቢራቱ ተመርቋል፡፡
የዞኑ ም/ዋና አስተዳዳሪ ሀጂ ኑሪዬ  እንደገለጹት በአላባ አብዛኛው አከባቢዎች  የንጽህ መጠጥ ውሃ  ችግር መኖሩን ገልጸው ከዚህ አልፎ እናቶች ከሃያ ኪሎ ሜትር በላይ ተጉዘው እንደሚቀዱ ካልሆነም ከኩሬ ቀድተው ይጠቀሙ እደነበር አንስተዋል፡፡
አሁን ላይ በኢትዮጵያ መካነ ኢየሱስ ቤተክርስቲያን በሁለቱ ቀበሌዎች ከሃያ ሺህ በላይ ማህበረሰባችንን ተጠቃሚ ያደረገ የውሃ ፕሮጀክት በመገንባቱ የዞኑ አስተዳደርና ማህበረሰቡ ምስጋና ያቀርባል ሲሉ ገልጸዋ፡፡
ይህ የውሃ ፕሮጀክት ከማህበረሰቡ አልፎ ለትምህርት ቤቶችና ጤና ተቋማት አገልግሎት እንደሚሰጥ ተጠቅሷል፡፡
የኢትዮጵያ መካነ ኢየሱስ ቤተክርስቲያን  ፕሮግራም ዳይሬክተር አቶ ቢቂላ አብያ በፕሮጀክት መጠናቀቅ አስተዋጽኦ ላደረጉ ሁሉ ምስጋናቸውን አቅርበው የተገነቡ የውሃ ፕሮጀክቶችን ማህበረሰቡ በጥንቃቄ መያዝና ቀጣይነቱን ማረጋገጥ ይገባቸዋል ብለዋል፡፡ አክለውም የአላባን የውሃ ችግር ለመቅረፍ በቀጣይ የፕሮጀክት እቅዶች ላይ በማካተት እንደሚሰሩ ለማህበረሰቡ ቃል ገብተዋል፡፡

በደቡብ ኢትዮጵያ ክልል ኮንሶ ዞን ጃርሶ ቀበሌ የማኅበረሰቡን ችግር የቀረፈ ፕሮጀክት፡፡
በደቡብ ኢትዮጵያ ብ/ክልላዊ መንግስት ኮንሶ ዞን በኢትዮጵያ መካነ ኢየሱስ ቤተክርስቲያ የተሰሩ ፕሮጀክቶች በዋና ዳይሬክተር አቶ ሳምሶን ቢራቱ በተመራ ልዑካን ቡድን ተጎብኝቷል፡፡
በኢትዮጵያ መካነ ኢየሱስ ቤተክርስቲያን በኮንሶ ዞን ጃርሶ ቀበሌ ያንዳ ፋሮ ሰገን ሰዋቴ የምግብ ዋስትና ፕሮጀክት በአከባቢው ያሉ አንድ ሺህ አባወራን በመስኖ እና አምስት መቶ አባወራ ከብት በማደለብ ተጠቃሚ ማድረጉን የፕሮጀክቱ ፕሮግራም ኦፍሰርና ኢንጅነር አቶ ግዛቸው ቶሪያቶ አስረድተዋል፡፡
የኢትዮጵያ መካነ ኢየሱስ ቤተክርስቲያን በአከባቢው በ1962 ዓ.ም በተከሰተ ድርቅ የእርዳታ ስራ መጀመሩን ገልጸው የእርዳታ እህል መስጠት ብቻውን ዘላቂ ለውጥ እደማያመጣ በማመን የፖሊሲ ለውጥ መደረጉን አብራርተዋል፡፡ በዚህም ለሰዎች እርዳታ በየጊዜው ከመስጠት ይልቅ አምርተው እራሳቸውን የሚችሉበትን ሁኔታ ማመቻቸት እንደሚቻል በማሰብ በአከባቢው  የሚገኘውን ወንዝ ወደ መስኖ ስራ መቀየራቸውን አብራረተዋል፡፡
በዚህ ስራ ድርጅቱ ከ PADD  ከሚያገኘው የገንዘብ ድጋፍ 5850 ሄክታር መሬት የማልማት ስራ የሰራ ሲሆን ማህበረሰቡ ይህንን ተከትሎ  ካናሎችን እና የመስኖ ስራዎችን  በእጥፍ የማስፋፋት ስራ መስራታቸውን ገልጸው ፐሮጀክቱ ማህበረሰቡ በኢኮኖሚ ተጠቃሚ ከማድረጉም ባሻገር ከባቢያዊ ሁኔታውን የቀየረ እና የአከባቢውን ነዋሪ የማህበራዊ መስተጋብርን በእጅጉ ያስተሳሰረ መሆኑን  ተናግረዋል፡፡
በዚህ ፕሮጀክት እንደ አቶ ጸጋዬ ያሉ ነዋሪዎችን ደግሞ ከእለት የእርዳታ ፍላጎት ወደ ባለሃብትነት መቀየር መቻሉን አያይዘው ተናግረዋል፡፡ 
አቶ ጸጋዬ በኮንሶ ጃርሶ ነዋሪ ሲሆኑ በድርቁ ጊዜ በመካነ ኢየሱስ ቤተክርስቲያን እርዳታ ተጠቃሚ እና በኋላም በያንዳ ፋሮ ሰገን ሰዋቴ የምግብ ዋስትና ፕሮጀክት ስልጠና በመውሰድና በመስኖ ስራ ላይ በመሰማራት በወር በሙዝ ሽያጭ እስከ ሰላሳ ሺህ ብር ገቢ የሚያገኙ ባለሃብት መሆን መቻላቸውን ተናግረዋል፡፡
ከዚህ ቀደም በአከባቢው ባለ ውሃ እንዴት መጠቀም እንዳለብን ባለማወቅ ብዙ  ፈተናዎች ደርሶብናል ያሉት ሌላው የአከባቢ ነዋሪ መካነ እየሱስ ከመጣ በኋላ  በመስኖ የሰብል እና  የሙዝ ምርት በመጀመር ተጠቃሚ መሆናቸውን ገልጸው  ድርጅቱ የሰራው ስራ ነዋሪውን ከሞት ወደ ህይወት የቀየረ  እና ከስደት ያዳነ ነው  ሲሉ አስተያየታቸውን ሰጥተዋል፡፡
መካነ እየሱስ በአከባቢው አስራ ሁለት ወተር ፖይንት መስራቱን፣በተለያየ ዘርፍ ስልጠና  እና መነሻ ገንዘብ በመስጠት ማህበረሰቡ  ከእርሻ በተጨማሪ ከብት በማደለብና የዶሮ እርባታ ላይ ተሰማርተው በኢኮኖሚ  እንዲለወጡ ማድረጉንም አክለው  አብራርተዋል፡፡
ዋና ዳይሬክተር አቶ ሳምሶን ቢራቱ በሰጡት አስተያየት ድርጅቱ በኢትዮጵያ ለረጅም አመታት ሲሰራ መቆየቱን ገልጸው  በጉብኝቱም በመሬት የሚታይና በተግባር የማህበረሰቡን ህይወት የለወጠ ፕሮጀክት በመመልከታቸው መደሰታቸውን ገለጸዋል፡፡
አያይዘውም ድርጅቱ የማህበረሰቡን ዘላቂ ተጠቃሚነት እና ከእርዳታ ይልቅ ሰርቶ መለወጥ ላይ ትኩረት አድርጎ እየሰራ ያለውን ተግባር  አጠናክሮ መቀጠል እንዳለበት በመግለጽ  ተቋማቸውን በሚችለው ሁሉ ድጋፍ ለማድረግ ዝግጁ መሆኑን ተናግረዋል፡፡

ይህንን ፕሮጀክት በገንዘብ የደገፈው PADD ሲሆን  በዋናነት በፓርትነር በኩል የፋይናንስ ድጋፍ በማድረግ ፕሮጀክቶችን ተግባራዊ እንደሚያደርግ ተገልጿል፡፡

በትግራይ ክልሉ የሚንቀሳቀሱ የሲቪል ማህበረሰብ ድርጅቶች የልማት ፕሮጀክቶችን በተጠናከረ መልኩ እንዲሰሩ ተጠየቀ - ኢዜአ አማርኛ
https://www.ena.et/web/amh/w/amh_5623096

4ኛው የሲቪል ማኅበረሰብ ድርጅቶች ሳምንት ተጠናቀቀ፡፡
*********
በየዓመቱ የሚካሄደው የሲቪል ማህበራት ሳምንት በተለያዩ ፕሮግራሞች በድምቀት ሲካሄድ ቆይቶ ተጠናቋል፡፡
የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር በመተባበር አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) ከህዳር 27-29/2017 ዓ. ም በግዮን ሆቴል ሲያካሂድ ቆይቷል፡፡

ፕሮግራሙ ሲቪል ማህበራት በኢኮኖሚና ማህበራዊ አገልግሎቶች ረገድ በሃገራችን ውስጥ ያላቸውን አስተዋጽኦ ለማህበረሰቡ ለማስተዋወቅ እና መንግስት የግሉ ሴክተር ከሲቪል ማህበራት ጋር ያላቸውን ትብብር ለማጠናከር ዓላማ በማድረግ የተዘጋጀ ፕሮግራም ነው፡፡

በሶስት ቀናት ቆይታው ከፍተኛ የመንግስት የስራ ሃላፊዎች የተሳተፉበት የመክፈቻ ዝግጅት (Grand opening)፣በተለያዩ ርዕሰ ጉዳዬች ላይ የተደረጉ ፓናል ውይይቶች እና የሲቪል ማህበረሰብ ድርጅቶች ስራቸውን ያስተዋወቁበት የባዛርና ኤግዚቭሽን ተካሂዷል፡፡

በማጠቃለያ ስነስርዓቱ ላይ የኢፌዴሪ የመንግስት ኮሙኒኬሽን አገልግሎት ሚኒስቴር ዴኤታ አቶ ተስፋሁን ጎበዛይ ፣ የባለስልጣን መስሪያቤቱ ዋና ዳይሬክተር እና ከሲቪል ማህበረሰብ ድርጅቶች ምክር ቤት ም/ፕረዝዳነት መልዕክት በማስተላለፍና ለተሳታፊዎች ሰርተፍኬት በመሸለም ተጠናቋል፡፡

በባዛርና ኤግዚቭሽኑ ላይ ከሌሎች ዓመታት በተለየ ሁኔታ ያማረና በተለይም የጎብኚዎች ቁጥር በእጅጉ ጎልቶ የታየበት ነበር፡፡

እንድትጎበኙ ተጋብዛችኋል!!

ዛሬ በጊዎን ሆቴል ከቀኑ 7:30 ጀምሮ አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) በታላቅ የመክፈቻ ዝግጅት (Grand opening) ይጀመራል፡፡
ይህ ከዛሬ ጀምሮ እስከ እሁድ የሚቆየው የኢትዮጵያ የሲቪል ማህበረሰብ ድርጅቶች ሳምንት ድርጅቶች ስራቸውን የሚያስተዋውቁበት ታላቅ ኤግዚሽን ነው፡፡
ከ27-29/2017 ዓ•ም

ይምጡ ይጎብኙ!!

እንድትጎበኙ ተጋብዛችኋል፡፡
ዛሬ በጊዎን ሆቴል  አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) በታላቅ የመክፈቻ ዝግጅት (Grand opening) ይጀመራል፡፡
ይህ ከዛሬ ጀምሮ እስከ እሁድ የሚቆየው የኢትዮጵያ የሲቪል ማህበረሰብ ድርጅቶች ሳምንት ድርጅቶች ስራቸውን የሚያስተዋውቁበት ታላቅ ኤግዚሽን ነው፡፡

ይምጡ ይጎብኙ!!

ጠንካራ፣ በሃላፊነት ስሜት የሚንቀሳቀስ፣ አስተውሎት ያለው፣ እምነት የሚጣልበት እና በህዝብ ተቀባይነት ያለው የሲቪል ማህበራት ዘርፍ ለመገንባት በጋራ መንቀሳቀስ ያስፈልጋል ።
ዋና ዳይሬክተር አቶ ሳምሶን ቢራቱ
****
ይህ የተባለው የሲቪል ማኀበረሰብ ድርጅቶች ዘርፍ የህግና የፖሊሲ ማዕቀፎች ዙሪያ ስልጠና በተሰጠበት ወቅት ነው፡፡

በስልጠናው  የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን  ዋና ዳይሬክተር አቶ ሳምሶን ቢራቱ ባስተላለፉት መልዕክት  ባለፉት የለውጥ ዓመታት መንግስት ባካሄደው ሪፎረም የሲቪክ ምህዳሩ ከመቼውም ጊዜ በላይ እንዲሰፋ መደረጉን ገልጸው የተጀመረው የሲቪል ማህበራት ሪፎርም የበለጠ እንዲጎለብት እና ሕብረተሰቡን በተጨባጭ እንዲጠቅም ቀጣይነቱን እና ውጤታማነቱን የሚያረጋግጡ ስራዎችን ለይቶ ማከናወን አስፈላጊ  መሆኑን አብራርተዋል።

ከዚህ አኳያ በሰብዓዊ መብት መከበርና መስፋፋት ላይ ለመስራት የተቋቋሙ ድርጅቶች የሚጠበቅባቸውን ኃላፊነት ትርጉም ባለው መንገድ እንዲወጡ ማስቻል በትኩረት ሊሰራበት የሚገባ ጉዳይ ተደርጎ የተወሰደ መሆኑን አንስተዋል፡፡

በሲቪል ማህበረሰብ ድርጅቶች አዋጅ እንደተደነገገው የሲቪል ማህበራት በተሰማሩባቸው መስኮች የአድቮኬሲ ስራዎችን የማከናዎን እንዲሁም ከየትኛውም ህጋዊ ምንጭ ሃብት በማሰባሰብ በልማት፣ በዴሞክራሲ እና በሰብዓዊ መብት ጉዳዮች ላይ ያለገደብ መስራት የሚችሉበት አውድ የተፈጠረ መሆኑ አንስተው ከአገራዊ ለውጡ በፊት ከነበረበት በእጣት ከሚቆጠሩ ጥቂት ድርጅቶች በአሁኑ ጊዜ በሰብዓዊ መብትና በዴሞክራሲ ጉዳዮች ላይ ለመስራት የሚንቀሳቀሱ ድርጅቶች ቁጥር  መጨመሩን ገልጸዋል።

የሲቪል ማህበረሰብ ድርጅቶች ባለስልጣን እና የፋይናንስ ደህንነት አገልግሎት በትብብር ለመስራት ተስማሙ፡፡
ባለስልጣን መ/ቤቱ በአዋጅ ቁጥር 1113/2011 በተሰጠው ሃላፊነት መሰረት የሲቪል ማህበራት ህግን እና የተቋቋሙበትን ዓላማ አክብረው እንዲንቀሳቀሱ እንዲሁም የፋይናንስ እንቅስቃሴያቸው ህግን በተከተለ መልኩ ለህዝብ ጥቅም መዋሉን ለማረጋገጥ የቁጥጥርና የክትትል ስራዎችን እያከናዎነ የሚገኝ ሲሆን ይህንን ኃላፊነቱን በመወጣት ህግን ያልተከተሉ አካሄዶች እንዲታረሙ በማድረግ የሲቪል ማህበራት ዘርፍ የበለጠ ተኣማኒነትና ተቀባይነት ያለው ሆኖ በዘርፉ የተከናዎነው ሪፎርም ግቡን በተሟላ መልኩ እንዲመታና እንዲፀና ጥረት በማድረግ ላይ ይገኛል፡፡

ባለስልጣን መ/ቤቱ በአዋጁ አንቀፅ 6(16) እንዲሁም የፋይናንስ ደህንነት አገልግሎት በአዋጅ 780/2005 እና በተቋቋመበት ደንብ እንደተመለከተው በወንጀል ድርጊት የተገኘ ገንዘብ ወይም ንብረትን ህጋዊ ማስመሰል እና ሽብርተኝነትን በገንዘብ መርዳትን ለመከላከል የሚያስችሉ ተግባራትን የማከናወን ስልጣንና ኃላፊነታቸው ለመወጣት በጋራና በትብብር ሲሰሩ የቆዩ ሲሆን የበለጠ ውጤታማ ትብብር ለማድረግ በማሰብ በዛሬው እለት የጋራ መግባቢያ ስምምነት ተፈራርመዋል፡፡ የጋራ ስምምነቱ ሁለቱ ተቋማት በህግ እና ዓለም አቀፍ መርሆዎችን መሰረት በማድረግ የሲቪል ማህበረሰብ ድርጅቶች የፋይናንስ እንቅስቃሴ ህግን የተከተለ እንዲሆንና የፋይናንስ ምንጫቸው ከህጋዊ ምንጭ አንዲሆን ለማድረግ በተለይም ሽብርተኝነትን በገንዘብ የመርዳት ወንጀሎችን መከላከል ላይ ግንዛቤ የማስጨበጥ፣ የእርስ በእርስ የቁጥጥር ስርዓት እንዲዘረጉ ማስቻል እንዲሁም ተገቢውን የቁጥጥርና የክትትል ስራዎችን ለማከናዎን የሚያስችላቸው እንደሆነ በውይይቱ ላይ በስራ ኃላፊዎቹ ተገልፆል፡፡

4ተኛውን የሲቪል ማህበረሰብ ድርጅቶች ሳምንት ዝግጅቶችን አስመልክቶ የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር የጋራ ጋዜጣዊ መግለጫ ሰጡ።
በመግለጫው የተቋሙ ም/ዋና ዳይሬክተር አቶ ፍሲካው ሞላ የኢፌዴሪ መንግስት ባለፉት የሪፎርም ዓመታት ካካሄዳቸውና ውጤት ካስመዘገቡ የሪፎርም እርምጃዎች መካከል በሲቪል ማህበረሰብ ድርጅቶች ዘርፍ ያካሄደው ዘርፈ ብዙ ሪፎርም መሆኑን ገልጸው በዚህም የሲቪል ማህበራት የሃገረ-መንግስት ግንባታ ቁልፍ ተዋናይ መሆናቸው ላይ ግልጽ የፖሊሲ አስተሳሰብ በመያዝ የህግ ማሻሻል እና የተቋማት ሪፎርም በጥልቀት የተካሄዱ ሲሆን ዘርፉን የበለጠ በማጠናከር የህዝብ ጥቅምን የሚያረጋግጥ ሥራዎችን እንዲያከናውን የክትትልና የድጋፍ ሥራዎችን ላለፉት ተከታታይ የሪፎርም ዓመታት ተከናውኗል ሲሉ ገልጸዋል።

ይህንን ሪፎርም የበለጠ ለማጠናከር በየዓመቱ የሲቪል ማህበራት ሳምንት በተለያዩ ፕሮግራሞች እንደሚካሄድ ጠቅሰው በያዝነው ዓመትም ተቋማችን የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር በመተባበር አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) ከህዳር 27-29/2017 ዓ. ም በግዮን ሆቴል እንደሚያካሂድ አብራርተዋል።

ፕሮግራሙ ሲቪል ማህበራት በኢኮኖሚና ማህበራዊ አገልግሎቶች ረገድ በሃገራችን ውስጥ ያላቸውን አስተዋጽኦ ለማህበረሰቡ ለማስተዋወቅ እና መንግስት የግሉ ሴክተር ከሲቪል ማህበራት ጋር ያላቸውን ትብብር ለማጠናከር ዓላማ በማድረግ የተዘጋጀ ፕሮግራም መሆኑም ተገልጿል፡፡

ሁለቱ ተቋማት በስደተኞች ዙሪያ የሚሰሩ የሲቪል ማህበረሰብ ድርጅቶችን ለመደገፍ፣ለመከታተልና ለመቆጣጠር የሚያስችል የጋራ የስምምነት ሰነድ ተፍራረሙ።

የተቋሙ የክትትልና ምርመራ ባለሙያዎች በወለጋ የሚገኙ የሲቪል ማህበረሰብ ድርጅቶችን የስራ እንቅስቃሴ ተመለከቱ፡፡
***********************
የኢትዮጵያ ወንጌላዊ ቤተክርስትያን መካነ ኢየሱስ የልማትና ማህበራዊ አገልግሎት ኮሚሽን፣የFH ኢትዮጵያ፣የካቶሊክ ሪሊቭ ሰርቪስ፣ኢማጂን ዋን ዴይ፣ጋሩማ የልማት ድርጅት እና የሲቪል ማህበረሰብ ድርጅቶች በተለያየ ዘርፍ የሰሯቸውን ስራዎች ተመልክተዋል፡፡
ድርጅቶቹ በትምህርት፣በውሃ፣በሰብዓዊ ድጋፍ፣በአቅም ግንባታ፣በስራ አድል ፈጠራና ቁጠባ፣ሴቶችና ህጻናት ላይ እንዲሁም ሌሎች የስራ ዘርፎች ላይ በወለጋ ነቀምት ከተማና አጎራባች ቀበሌዎች ላይ የሰሯቸውን ፕሮጀክቶች በመገምገም ግብረ መልስ የመስጠት ስራ ተሰርቷል፡፡
ድርጅቶቹ በሰጡት አስተያየትም ከምንግዜውም በበለጠ በጦርነትና በተለያየ ችግር ጉዳት ያጋጠማቸውን የማህበረሰብ ክፍሎች የመደገፍና ማህበራዊ አገልግሎት የሚሰጡ የትምህርት እና የጤና ተቋማትን መገንባ እና መልሶ ማቋቋም ላይ ትኩረት ሰጥተው በመስራት ላይ መሆናቸውን ገልጸዋል፡፡

ለማህበረሰቡ የሰብዓዊ ድጋፎችን በማድረግ እንዲሁም ዘላቂ ልማትና ሰላምን የሚያረጋግጡ ስራዎችን በማከናዎን ረገድ የሲቪል ማህበረሰብ ድርጅቶች የበኩላቸው ሚና እንዳላቸው ይታወቃል፡፡

የፍትህ ሚኒስቴር እና ተጠሪ ተቋማት  የኢትዮጵያ ብሮድካስቲንግ ኮርፖሬሽንን ጎበኙ፡፡
ጎብኚዎቹ አዲሱን የሚዲያ ኮፕሊክስ ጨምሮ የስራ ከባቢን ላይ ምልከታ አድርገዋል፡፡
በጉብኙቱ የተቋማችን ዋና ዳይሬክተር አቶ ሳምሶን ቢራቱን ጨምሮ የፍትህ ሚኒስቴር ተጠሪ ተቋማት ሃላፊዎችና ሰራተኞች ተሳታፊ ሆነዋል፡፡

በጎ ፍቃደኞች እንድትሳተፉ የቀረበ ጥሪ

ለመመዝገብ ይህንን ሊንክ ይጠቀሙ https://ethiocoders.et/

ተመዝገቡ!! አስመዝግቡ!
የ5 ሚሊየን ኢትዮጵያውያን ኮደርስ መርሃ ግብር
ኢኒሼቲቩ በተባበሩት አረብ ኤምሬትስና ኢትዮጵያ መንግስታት የሚተገበር ሲሆን፤ በሀገር አቀፍ ደረጃ ያሉ 5 ሚሊዮን ወጣቶች በኦንላይን የኮዲንግ ስልጠና የሚወስዱበት ነው፡፡
የአምስት ሚሊዮን ኮደርስ መርሃግብር ታላቅ እድል የሚፈጥር እና ሀገር በቀል መፍትሔዎችን የሚሰጥ ነው፡፡
ስለሆነም ማንኛውም የሲቪል ማህበረሰብ ድርጅት ሰራተኞች የዚህ ነጻ እድል ተጠቃሚ እንድትሆኑ  ጥሪ እናቀርባለን፡፡
መርሃ ግብሩ በዌብ ፕሮግራሚንግ፣ በአንድሮይድ ማበልፀግ፣ ዳታ ሳይንስ እና አርቴፊሻል ኢንተለጀንስ መሠረታዊ የዲጂታል ክሂሎት የሚያስጨብጥ ነው።

17ኛው የብሔራዊ የሰንደቅ ዓላማ ቀን “ሰንደቅ ዓላማችን ለብሔራዊ አንድነታችን፣ ለሉዓላዊነታችንና ለኢትዮጵያ ከፍታ!” በሚል መሪ ቃል በተቋማችን ተከብሯል፡፡
*********************************************
የተቋሙ ዋና ዳይሬክተር አቶ ሳምሶን ቢራቱ ባስተላለፉት መልዕክት የብሔራዊ የሰንደቅ ዓላማ ቀን በየዓመቱ ጥቅምት ወር የመጀመሪያው ሳምንት ሰኞ እንደሚከበር በአዋጅ መደንገጉን ተናግረው ማንኛውም ኢትዮጵያዊ ዜጋ ለሰንደቅ ዓላማ የሚገባውን ክብር መስጠትና የማክበር ኃላፈነትና ግዴታ እንዳለበት ጠቁመዋል፡፡
ከዚህ ተጨማሪም የባንዲራውን ቀለማትና ዓርማ ትርጉም ለብሔሮች፣ብሔረሰቦችና ህዝቦች የሰጠውን እኩልነት መረዳት ያስፈልጋል ሲሉ መልዕክታቸውን አስተላልፈዋል፡፡
ፕሮግራሙም የኢትዮጵያ ብሔራዊ መዝሙር በመዘመርና ቃል በመግባት ተጠናቋል፡፡

የሲቪል ማህበረሰብ ድርጅቶች ባለስልጣን ለተለያዩ የትምህርት ተቋማት የትምህርት ቁሳቁስ ድጋፍ አደረገ።
******************************************
የሲቪል ማህበረሰብ ድርጅቶች ባለስልጣን በቦሌ ክፍለ ከተማ ወረዳ 5 ትምህርት ፅህፈት ቤት ስር ለሚገኙት አዲስ ራዕይ የመጀመሪያ ደረጃ ትምህርት ቤትና በቦሌ አጠቃላይ ሁለተኛ ደረጃ ትምህርት ቤት በመገኘት የትምህርት መርጃ መሳሪያዎች ድጋፍ አድርጓል።
ድጋፉን የባለስልጣኑ ዋና ዳይሬክተር አቶ ሳምሶን ቢራቱ ያስረከቡ ሲሆን የወረዳ 5 ትምህርት ፅህፈት ቤት ሀላፊ አቶ እሸቱ ኢፋ እና የየትምህርት ተቋማቱ ተወካዮች ተቀብለዋል።
የትምህርት ቁሳቁስ ድጋፉ ከ212,784 ብር በላይ ወጪ የተደረገበት ሲሆን የትምህርት ቁሳቁስ ድጋፉ ለችግር ተጋላጭ ለሆኑ ተማሪዎች የተደረገ ድጋፍ ነው።

4ተኛው የሲቪል ማህበረሰብ ድርጅቶች ሳምንት ከዴሴንበር /December  6-8 እንደሚከበር ኮሚቴው አሳውቋል፡፡
በሲቪል ማህበረሰብ ድርጅቶች ባለስልጣን እና በኢትዮጵያ ሲቪል ማህበረሰብ ድርጅቶች ምክር ቤት የሚዘጋጀው 4ተኛው የሲቪል ማህበረሰብ ድርጅቶች ቀን አከባበር  ላይ አብይ ኮሚቴው ዛሬ ስብሰባ ያካሄደ ሲሆን በውይይቱም በርካታ ጉዳዬች ላይ ውሳኔ ሰጥቷል፡፡
ቀኑ ከዴሴንበር /December  6-8 እንደሚከበር ያሳወቀው ኮሚቴው በሁነቱ ፓናል ውይይት፣ኤግዚቪሽን እና የመክፈቻ ስነስርዓት እንደሚኖረው እንዲሁም ከ80 አስከ 100 ሲቪል ማህበረሰብ ድርጅችም እንደሚሳተፉበት አሳውቋል፡፡
የሲቪል ማህበረሰብ ድርጅቶች ሣምንት ዓላማ የሲቪል ማህበረሰብ ድርጅቶች በኢትዮጵያ ሁለንተናዊ ልማት ላይ ያላቸውን  አስተዋፅዖ ለማሳደግ እና ዘርፉን ለማስተዋወቅ ያለመ ነው።
ኮሚቴው በቀጣይ የሚካሄድበትን ቦታ ጨምሮ  ሌሎች ጉዳዬችን እያሳወቀ እንደሚሄድ ገልጿል፡፡

ተቋሙ EU-CSF Plus ፕሮግራምን እያስፈጸሙ ከሚገኙ ሶስት የሲቪል ማህበረሰብ ድርጅቶች ጋር አብሮ በሚያሰሩ ጉዳዮች ላይ የስምምነት ሰነድ ተፈራረመ፡፡
ለባለስልጣን መስሪያ ቤቱ የአቅም ግንባታ ስልጠናዎችን መስጠት፣ ከባለድርሻ አካላት ጋር ያሉ የጋራ መድረኮች እንዲጠናከሩ ማገዝ ፣ የተቋሙ አገልግሎት አሰጣጥ እንዲዘምን እና በዚህም የአገልግሎት አሰጣጡ እንዲሻሻል እገዛ ማድረግን ዓላማ ያደረገ የስምምነት ሰነድ ነው፡፡
የስምምነት ሰነዱ የተፈረመው ከጀርመን አግሮ አክሽን፣ Consortium of Self-help group Approach Promoters (CoSAP) እና Development Expertise Center (DEC) ጋር ነው፡፡
ድርጅቶቹ በEU-CSF Plus ፕሮግራም የሃገር በቀል የሲቪል ማህበረሰብ ድርጅቶችን አቅም መገንባትና የማብቃት ስራ ላይ ትኩረት በማድረግ እየሰሩ መሆኑ ተገልጿል፡፡

ለሲቪል ማህበረሰብ ድርጅቶች በሙሉ!!
ገዳዩ፡- በ2016 ዓ.ም የክረምት ወራት የበጎ-ፈቃድ አገልግሎት እና አረንጓዴ አሻራ የችግኝ ተከላ መርሃ ግብር ሪፖርት እንዲትልኩ ስለማሳወቅ፤
በ2016 ዓ.ም የክረምት ወራት በበጎ ፈቃድ አገልግሎት እና አረንጓዴ አሻራ የችግኝ ተከላ መርሃ ግብር ላይ ተሳትፎ ያደረጋችሁ የሲቪል ማህበረሰብ ድርጅቶች አገር አቀፍ መረጃዎችን እያሰባሰብን ሲሆን ከዚህ መልእክት ጋር በተያያዘው ቅጽ መሰረት ድርጅታቸው ያደረገውን ተሳትፎ በመሙላት እስከ ሀሙስ 23/12/2016 ዓ.ም በባለስልጣኑ ኢሜል ሪፖርት እንዲትልኩ እናሳውቃለን፡፡
ከሰላምታ ጋር!!