Aqlli ikkichi

@aqlli_ikkichi

Muallif: Ravshan Turgunov

Biznes qilyapman. Xulosalarim va xatolarim sizga pul va vaqt tejab beradi.

Aqlli ikkichi (Uzbek)

Aqlli Ikkichi kanali, Ravshan Turgunov tomonidan yaratilgan va boshqarilgan Telegram kanalidir. Bu kanalda biznes sohasida foydali maslahatlar, yaratuvchining xulosalari va o'z muvaffaqiyatlaridan chet eldan maishiy ushbu kanalga a'zo bo'lish, xatolaridan o'rganish va uning tajribalaridan foydalanish imkoniyatiga ega bo'lasiz. Ravshan Turgunovning istiqbollari, muvaffaqiyatlari va xatolaridan o'rgangancha o'z fikrlarizni o'zgaritiring va biznesda muvaffaqiyatga erishish uchun kerakli qulay fikrlar bilan tanishing

'Aqlli Ikkichi' sizga pul va vaqt tejab beradi, bu erda siz eng yaxshi biznes strategiyalarini o'rganib, xatolarini yoki muvaffaqiyatlarni ulashing, bu esa sizning biznesingizga o'z tajribangizni qo'shishga yordam beradi. Ushbu kanalga azo bo'lib, o'z biznesingizni rivojlantirishingiz uchun kerakli eng yangi bilim va texnologiyalardan xabardor bo'ling. Sizga ko'rsatilgan fikrlardan foydalaning va sodda yollar bilan muvaffaqiyatga yeting. 'Aqlli Ikkichi' kanali sizning barcha savollaringizga javob topadi va o'z bilimingizni oshirishga yordam beradi

Aqlli Ikkichi kanaliga qo'shilish orqali, biznes sohasida o'z bilim va mahoratingizni oshirish imkoniyatiga ega bo'lasiz. Sizni 'Aqlli Ikkichi' kanaliga o'tkazishni so'raymiz, bu esa sizning biznesingizni muvaffaqiyatga olib borish uchun birinchi bosqich bo'ladi. Biznesda o'z rivojlanganliklarini ko'rsatuvchi va xatolarini yopuvchi quvvatga ega bo'lish uchun 'Aqlli Ikkichi' kanali sizning eng yaxshi do'stingiz bo'ladi.

Aqlli ikkichi

27 Dec, 16:20

Managementda eng muhimi - bu tizim

Biznes qilyapsiz, 1 mijoz mahsulotingizdan norozi bo'ldi va pulini qaytarib berishni so'rayapti. Tizim muhimligini ushbu misolda ko'rib chiqamiz.

Tizim bor:
- Pul qaytarilish holatlarini oldindan tayyorlangan va xodimlar bunga tayyor.
- Qaytarilayotgan tovar holati bo'yicha aniq talablar bor, tovar ishlatilmagan bo'lishi kerak.
- Biznesning moliya modeli shunga tayyor va kassada doim pul bor.

Tizim yo'q:
- Xodimlar bunday vaziyatda nima qilishni bilishmaydi va sizga telefon qilishadi, siz ishga borib o'zingiz hal qilasiz.
- Sizda ham aniq qoidalar yo'q va 10 marta shu voqea qaytarilsa, 10 marta qaror qilish uchun energiya sarflaysiz.
- Moliya modeli bunga moslashmagan, balkim qaytarishga pul yo'q

Tizim muhim, tizim bo'lmasa doim o'ylash kerak. Xodimlaringiz o'ylashini xohlamasangiz, tizim qiling. Ko'p o'ylash kerak bo'lmagan ishni qilish osonroq va arzonroq.

P.S. Management bo’yicha hamkasbim va tizimlashtirish bo'yicha kuchli mutaxassis Abdulloh aka Shamsutdinov 20 odam uchun yanvarda boshqaruv kursini tashkil qilyaptilar. 3 joy qolgan ekan, tavsiya qilaman (batafsil)

2,134

Aqlli ikkichi

26 Dec, 14:23

Tizimlashtirish deganda nimani tushunish kerak

Soham - boshqaruv va tizimlashtirish, ko‘pincha tadbirkorlar kompaniyasini tizimlashtirib berishni so‘rashadi, lekin tizim nimaligini to‘liq tushunishmaydi.

Tasavvur qiling, siz osh tayyorlayapsiz, uni tayyorlash uchun aniq retsept bor. Aniq ketma-ketlik bor (boshida yog‘, keyin piyoz, keyin go‘sht, sabzi va hokazo).

Undan tashqari har bir masalliqni miqdori va har bir harakatning (qovurish, dimlash) davomiyligi bor. Ushbu ishlarni to‘g‘ri qilsangiz, natijada yaxshi osh pishadi.

Agar siz miqdorlarni, ketma-ketligini yoki qaysidir harakat davomiyligini noto‘g‘ri qilsangiz, unda kerakli natija bo‘lmaydi. Ko‘p dimlab qo‘ysak, shavla chiqadi.

Tizim ham shunday ishlaydi, u aniq ish ketma-ketligi orqali sizga bir xil natija beradi.

Ko‘p mijozlar bilan ishlaydigan kompaniyalarda doim bir xil natija bo‘lishi kerak, shuning uchun ular kuchli tizimlarni qo‘llashadi.

Tizimlashtirishni boshlash uchun birinchi qadam - biznes jarayonlaringizni yozib chiqing, bitta ish qanday qilinadi, qancha qilinadi va uning yakuniy ko‘rinishi qanday bo'ladi.

Kompaniyangizda qaysidir ish aniq bir qoida bo’yicha emas, balkim shaxs qarori orqali bajarilsa, demak sizda tizim yo'q va ertaga kengaya olmaysiz.

@aqlli_ikkichi

2,891

Aqlli ikkichi

19 Dec, 19:09

Reputatsiyani pulga sotib ololmaysiz

Kompaniyalarni tizimlashtirish bilan pul topaman, bittada bir nechta loyihani qilish uchun loyiha menejerlar bilan ishlayman. Bitta xodim moddiy qiynalib qolganligida men uni shunday loyihaga oldim va muammosini yechib berdim.

Lekin u loyiha davomida ishlarni o'rganib olib, buyurtmachi bilan to'g’ri-ma-to'g’ri ishlab meni chiqarib yubordi. Ishlarni o'rganib, xiyonat qildi. Oradan 1 yil ham o'tmadi, lekin 2-3 odamni u bilan ishlashdan allaqachon qaytardim.

Qanday qilib qaytardim? U haqida bo'lgan fikrimni aytib. Oradan 10 yil o'tsa ham u haqida gap ketsa, o'sha qilgan ishi ko'tariladi. Reputatsiyani pulga sotib ololmaysiz, lekin reputatsiyani ba'zilar pulga sotib yuboradi.

Ushbu xodim reputatsiyani 2-3 ming dollarga sotib yubordi, sizning ismingiz esa qancha turadi? Necha pul orada tursa siz o'zingizni yo’qotib qo'yasiz? Tavsiyaman pul oldida qaltiramaslik, pul uni quvlamaydigan odamga keladi.

O'zbekiston mutaxassislar bozori kichkina, bugun emas ertaga hamma yana ko'rishadi, lekin qo'ldagi kir ketmaydi. Reputatsiyani pulga sotmang, shunda reputatsiyangiz ertaga katta pul olib keladi.

Menda bor eng qimmat narsa - bu Ravshan Turgunov degan ismim va aqlim. Hamma pulimni olib qo'yishsa, ertaga shu ikkita mulkim bilan qayta tiklanib olaman. Sizning eng qimmat mulkingiz esa nima?

@aqlli_ikkichi

5,510

Aqlli ikkichi

18 Dec, 08:17

Jangda o‘lishga tayyor odam ko‘proq yutadi

Oldin qoni qaynoq yosh yigit edim, sal gapga urishib ketishga tayyor edim. Pulim va yo‘qotadigan narsam yo‘q edi.

Hozir vaziyat o‘zgardi, minglab odamlar meni kuzatyapti va oilam bor, endi og‘irroqman. Ko‘chada diplomatiya.

Yo‘qotadigan narsasi yo‘q inson bilan konfliktga bormaslikka harakat qilaman, u kichkina masalada katta qurbonliklilarga tayyor.

Ko‘chada bezori yigitlar vaziyatda haq bo‘lib chiqish uchun birovni kaltaklab, qamalib ketishga ham tayyor.

Jangda o‘lishga tayyor inson bilan jangga chiqmayman, u yutish uchun ko‘proq narsaga tayyor. Gap faqat ko‘cha haqida emas.

Ayol va erkak kishi munosabatida ham shunday, yo‘qotishni qo‘rqadigan inson doim qiynaladi, u doim qadam qiladi.

Sotuvda ham shunday, sotuvchi sotishga intilmasa qimmatroq sotadi. Sotish shartligi bildirib qo‘ysa, mijoz narxni yerga uradi.

Ishxonada ham bu qoida ishlaydi, xodimni yo‘qotishdan qo‘rqadigan rahbar unga doim yanga sharoitlar qilib beradi va ko‘proq pul to‘laydi.

Afzallik siz tarafingizda bo‘lishini xohlasangiz, soha maydonida o‘lishga tayyor bo‘ling. Shunda ko‘proq yutasiz.

@aqlli_ikkichi

6,415

Aqlli ikkichi

07 Dec, 15:02

Ixtiyoriy sport bilan shug‘ullanmagan baribir majburan shug‘ullanadi

Jamiyatga qarang: 51% aholida ortiqcha vazn bor, 28% aholi semizlikdan azob chekadi, qayerga qaramasangiz apteka va xususiy klinika.

Aslida muammoni sabablari bilan olishish kerakligida, biz faqat oqibatlari bilan kurashamiz. Sport bilan shug‘ullanmasdan dori ichamiz.

"Bugun o‘z oyog‘ing bilan zalga kelmasang, ertaga shifokorning buyrug‘i bilan kelasan" deb yangi podcastimizning mehmoni aytdilar.

Tanangiz o‘zi Ferrari, lekin siz uni 60 km/s tezlikda haydayapsiz, ya’ni hayotdagi bor go‘zalliklardan foydalanmayapsiz.

Hayotingiz uchun premium obunani olmoqchi bo‘lsangiz Axad aka Xudayarov bilan yangi Asoschilar podcastni ko‘ring.

@aqlli_ikkichi

9,953

Aqlli ikkichi

30 Nov, 17:14

Kam bilgan narsamiz oson tuyiladi

Jurnalist Arnold Shvartsnegger bilan suhbat qilyapti:
Jurnalist: Arnold, sening figurang xunuk, hech qachon sendaka bo‘lgim kelmas edi.
Arnold: Qo‘rqma, sen hech qachon bo‘lmaysan..

Birovning natijasiga qaraganda, unga erishish uchun qilingan mehnatni tasavvur ham qila olmaymiz.

Mehnatni qiyinligini tasavvur qilish uchun o‘sha sohada ko‘proq vaqt o‘tkazib ko‘rishimiz kerak.

Bo’lmasa tarixdagi eng taniqli bodibilderning 25 yillik mehnatini mensimagan jurnalist bo‘lib qolamiz.

Ba’zi oson deb o‘ylagan natijalarga xohlasak ham erisha olmaymiz.

Qilib ko‘rsak qiyinligini tushunamiz.

Tadbirkorlarda ham shu muammo, o‘zini sohasi qiyin tuyiladi, birovnikida esa marja baland va raqobat sustroq.

Agar qaysidir ish yoki natija oson tuyilsa, demak siz hali uni yaxshi bilmaysiz.

@aqlli_ikkichi

11,298

Aqlli ikkichi

27 Nov, 18:38

Hozirgi holatingizni 2-3 yil oldin tanlagansiz

O‘tgan kuni eski do‘stim bilan ko‘rishdik, suhbatda muammolarini aytishni bo‘shladi.

"24 yoshman, hech narsaga erishmagandek bo‘lyapman. Mashinam, uyim va oilam yo‘q" dedi.

Mendan nimani noto‘g‘ri qilayotganini so‘radi. Men unga hozir emas 2-3 yil oldin noto‘g‘ri ishlarni qilganini aytdim.

2-3 yildan beri o‘z ustida ishlamadi, netvorkingni kuchaytirmadi, yangi narsalarni sinab ko‘rmadi.

Agar hozir bo‘sh vaqtingizni maqsadsiz ishlarga sarflayotgan bo‘lsangiz, holatingiz hozir yomonlashadi degani emas.

Buni 2-3 yildan keyin sezishni boshlaysiz, sizdan o‘tib ketgan tengdoshlaringizga e’tibor berganingizda.

Bugun qiyin, ertaga undan ham qiyin, lekin indinga go‘zal. Ko’pchilik ertaga kechki payt o’ladi. (c) Jack Ma

@aqlli_ikkichi

11,592

Aqlli ikkichi

23 Nov, 15:34

Dam olish kuni nima ko’rishni bilmayotgan bo’lsangiz Asoschilar podcastini yangi soni chiqdi.

75 daqiqali foydali kontent iste’mol qilish uchun havola: https://youtu.be/SWptG3l9T0I

10,352

Aqlli ikkichi

21 Nov, 09:12

Nega maktab tadbirkorlarni tayyorlamaydi?

Ta'lim tizimiga e'tibor beraylik, u yerda muvaffaqiyatli bo'lish uchun biz qizil diplom bilan bitirishimiz kerak.

Qizil diplom olish uchun 3-4 yil davomida hamma fanlar 5 bahoga yopiladi. Agar oxirgi yili bitta fandan 3 chiqsa - oddiy diplom.

Hayotda esa boshqacha, doim yutib kelishingiz shart emas. 10 marta biznes qilib bankrot bo'lsangiz ham muammo emas, bir marta o'xshasa yetadi.

Hayotning eng go’zal tarafi - o'sha 1 yutuq qachon va nechta muvaffaqiyatsizlikdan keyin bo'lishini bilmaysiz.

Shuning uchun har safar boringizni berasiz.

@aqlli_ikkichi

12,247

Aqlli ikkichi

12 Nov, 15:50

Yolg’onning umri qisqa

Bitta loyiha ustida bir bola bilan ishlashni boshladim, gaplashishidan yaxshi odamga o‘xshadi. Doim kulib turadi va maqtaydi sizni.

Ishni boshlaganimda bir narsaga ahamiyat berdim, biz rahbar sifatida bitta narsani kelishsak, u xodimlarga bu gapni boshqacha aytar edi.

Uning gapni yetkizish usuli kichkina bo‘lsa ham, lekin yolg‘on edi. Uning yolg‘oni tezroq vaziyatdan chiqib ketishga yoki achchiq haqiqatni aytmaslikka qaratilgan edi.

Bu narsaga boshida uncha katta e’tibor bermadim, lekin loyiha davomida kattaroq muammolar paydo bo‘lishi sari, uning yolg‘onlari ko‘payib va jiddiylashib bordi.

Natijada uning yolg’onlari mening qarorlarim sifatiga ta’sir qilishni boshladi va men qaysi gapiga ishonishni ham bilmadim.

Ko'p yolg’on ishlatishni tagiga yetmoqchi bo‘ldim, demak odamlarga to‘g‘ri lekin achchiq haqiqatni aytishni o‘rniga, u bola noto‘g‘ri lekin oson yolg‘onni ishlatyapti.

Yolg‘onni tagi - bu to‘g‘ri yo‘lni emas, balkim oson yo‘lni tanlash. Lekin bu qisqa muddatli tanlov.

Doimiy yolg‘on uzoq muddatda sizni sindiradi, siz bilan ishlashmaydi va sizga ishonishmaydi.

Faqat bugun emas, balkim hayot davomida yutmoqchi bo‘lsangiz - faqat qulay bo'lganida emas, balkim doim haqiqatni gapiring.

@aqlli_ikkichi

12,758

Aqlli ikkichi

06 Nov, 16:05

99% odamlar qilayotgan ishlarni qilmang

Ko‘p pul topmoqchisiz, katta natijalarga erishib, hammadan o‘tib ketishni xohlaysiz, lekin nima qilishni bilmaysiz.

Internetga kirib qidirsangiz, muvaffaqiyatli bo‘lish haqida ko‘p videolar topa olasiz, u yerda odatda nima qilish aytiladi.

Katta natijaga olib keladigan ishlar ko‘p, har biri ishlashi ham mumkin, lekin ularni sinab ko‘rishga vaqtingiz yetmaydi.

Bir narsani qiling deb ayta olmayman, lekin nima qilmaslikni bilaman.

Atrofimizda aksariyat o‘rtacha natijalar bilan yuribdi, ularga e’tibor bering, ular nimalar qilyapti? O‘sha ishlarni qilmang.

G‘oliblar soni cheklangan, hamma g‘olib bo‘la olmaydi. O‘zbekistonda 307,000ta ro‘yxatdan o‘tgan kompaniyalar bor, orasidan 100tasini ham bilmaymiz.

Dunyoda 130,000ta professional futbolchilar bor, futbol muxlislari ham 200-300sini tanisa kerak.

Katta natijaga erishmoqchi bo‘lsangiz, o‘rta natijaga erishgan odamlar qilayotgan ishlardan qoching, siz 1% bo‘lishingiz kerak.

@aqlli_ikkichi

12,530

Aqlli ikkichi

02 Nov, 15:06

Odamlar ucha olar, lekin qanotlari yo‘q

Algoritmda litseyda o‘qiganman, muhit rasvo, atrof to‘la bekorchilar, balkim men ham ulardan biriman. Harakat yo‘q, lekin doim bir narsa haqida o‘ylar edim - tez boyib ketishni. Bunday ishlamas ekan.

Oradan 9 yil o‘tdi, 24/7 ish orqali qo‘limizdan nimadir kelishni boshladi. Litseydagi bitta futbolchi tanishimni ko‘rib qoldim, futbolni tashlab biznesga o‘tibdi. 6 marta bankrot bo’lib, 100 ming dollar qarzga ham tushibdi.

Taslim bo‘lmasdan yana bir marta urinib ko‘ribdi, 10 oyda 4 million dollarlik kofeyna qurdi, nomi YESS coffee. Umidsiz joylardan ham kimdir bo‘lib chiqish mumkin, uning uchun ichingizdagi umidni saqlab qolish kerak.

Do‘stim bilan shu mavzuda podcast oldik, marhamat - https://youtu.be/-ogN5jtrxs0?si=VKV0im1K_AjU5RAW

@aqlli_ikkichi

12,617

Aqlli ikkichi

29 Oct, 18:57

"Maktabda negadir eng kerakli fan yo‘q, o‘zini anglash degan fan har bir maktabda bo‘lishi kerak" (c) Oskar Xartman

Katta ishlarni qilib tashlashni xohlaymiz, qo‘limizda odamlar ishlasin, biz bilan faxrlanishsin, yoshlarga o‘rnak bo‘laylik, oila a’zolarimizning og‘irini yengil qilaylik.

Katta natijaga erishishni sirini men bilmayman, faqat umumiy qoidalar. Mana sizga ulardan biri (menimcha eng asosiysi) - o‘zingizni o‘rganing. Uning uchun pastdagi savollarga javob berib ko‘ring:
1) Men hozir kimman?
2) 1/3/10 yildan keyin kim bo‘lmoqchiman?
3) Qaysi vaqt men samaradorliman?
4) Qanday muhitda men yaxshi ishlayman?
5) Kunim yaxshi o‘tishi uchun men ertalab nechida turishim kerak va kechasi nechida yotishim kerak?
6) Energiyam kun davomida nimalarga yetadi? Nimalarga uni ketkazmagan yaxshi?
7) Qanday odamlar bilan men o‘zimni yaxshi his qilaman?
8) Qanday odamlar mening energiyamni/kayfiyatimni/vaqtimni uvol qiladi?

Biz biologik mashinamiz, har birimiz har xil model. Ishlatish instruksiyasi berilmagan, o‘zingiz self-study qilasiz.

Balkim siz Jeep’siz va yomon yo‘llarda yaxshi yurasiz. Balkim siz Mers’siz va shaharga mo‘ljallangansiz.

Agar o‘zingizni anglamasangiz, siz somon tashiyotgan Bugatti bo‘lishingiz mumkin. Bir tarafdan ish qilinyapti, lekin ancha kattaroq ish ham qilsa bo‘lar edi.

@aqlli_ikkichi

15,201

Aqlli ikkichi

25 Oct, 16:32

Instagramni qayta yurg’izishni boshladim. Aqlli ikkichi blogdagi fikrlarni endi video formatda ko’rsa bo’ladi.

Obuna bo’lib qo’ying, bu men uchun muhim, oxirgi 2 video siz uchun - https://www.instagram.com/tuurgunov

1,371

Aqlli ikkichi

21 Oct, 15:45

Brendingiz bo’lmasa siz hech kimsiz

21-asrning kapitalizmida raqobat kuchli, tirik qolish uchun siz birovlardan ajralib turishingiz kerak, sizni birovlar tanishi kerak, brendingiz bo’lishi kerak.

Qanday qilib uni qurish kerak? Qanday qilib uni ishlatsa bo’ladi? Barchasini Hasan aka Mamasaidov Asoschilar podcastning yangi sonida aytib berdilar.

2 soat mazza qilasiz, marhamat.

@aqlli_ikkichi

14,852

Aqlli ikkichi

18 Oct, 16:39

Shuni qilay, keyin baxtli bo’laman

IELTS olsam, o‘qishga kirsam, uni bitirsam, mashina olsam, uylansam, bolalik bo‘lsam, ota-onamni Umraga jo‘natsam, ko‘p pul topsam keyin baxtli bo‘laman.

Ungacha-chi? Ungacha ham yashaysiz-ku? Qandaydir natijaga erishganingizdan keyin, sizning miya hujayralaringiz tuzilishi o‘zgarib qolmaydi. Baribir o‘sha-o‘sha odam bo‘lasiz, faqat xotirangizga yangi voqea qo‘shiladi.

Miya - bu kompyuter, uning maqsadi - muammolarni yechish. Bitta masalani yechganidan keyin, u yangisini o‘ylab topadi. Ichki xotirjamlikni qandaydir manzilga bog‘lab qo‘ysangiz, u yergacha hech qachon yetib bormaysiz.

Har yili yangi iPhone chiqishi kabi, yaxshiroq mashinalar va qiziqarliroq sayohat lokatsiyalari ham topiladi. Komfort orqasidan poyga hech qachon tugamaydi, 10 minglik mashinadan keyin 30 minglik, undan keyin 75 minglik va hokazo.

Turishga joy, tinchlik, yeyishga ovqat va yurishga oyoqlaringiz bo‘lsa, siz birlamchi ehtiyojlarni yopib bo‘ldingiz. Undan keyin esa baxtsiz bo‘lish - bu sizning ongli qaroringiz.

@aqlli_ikkichi

17,565

Aqlli ikkichi

16 Oct, 04:53

Qarzga botdik

Markaziy bankning ma’lumotlariga ko‘ra, O‘zbekiston fuqarolari banklardan 39 milliard dollar kredit olgan. Ushbu raqamni kishi boshiga bo’lsa, har bir kishida o‘rtacha $1048 krediti bor ekan.

Davlat YIM’ning 43% qarzlarimizga teng. Kreditlar bizni uzoqqa olib bormaydi, iqtisodiyotni katta qismi sun’iy pullarni to‘lashga ketmasligi kerak.

@aqlli_ikkichi

14,029

Aqlli ikkichi

15 Oct, 15:24

Eng xavfli odamlar

Bir kun oldimga yangi shogird keldi, management bo‘yicha bitta kitob o‘qigan ekan. Men xodimlar bilan ishlashimni ko‘rib, meni to‘g‘rilashni boshladi.

O‘qigan kitobida boshqa usulda ishlash yozilgan ekan, lekin men ham u kitobni o‘qigan edim, ammo bu uni qiziqtirmadi. Bor bilimini menga ko‘rsatish unga qiziqroq edi.

Men uchun eng xavfli odamlar - faqat bitta kitob, manba yoki odamdan o‘rganadiganlar. Bitta taraflama yondashuv uzoqqa olib bormaydi, manzilga yetib borish yo‘llari ko‘p bo‘ladi.

Bitta kasb yoki mavzu bo‘yicha kitob o‘qisangiz, siz bitta tarafdan uni ko‘rasiz va u sizga yagona to‘g‘ri deb tuyilib qolishi mumkin. Lekin 10ta manba = 10ta yondashuv.

Tahlil qiling, usullar ko‘p, orasidan o‘zingizga ko‘proq to‘g‘ri keladiganini tanlang, birovda ishlagani sizda ishlamasligi mumkin va teskarisi.

Birinchi kitob/manba - bu faqat birinchi qadam, uni o‘qib bo‘lib o‘zingizni cho‘qqida his qilib yubormang, endi yo‘lga chiqdiz.

@aqlli_ikkichi

13,342

Aqlli ikkichi

05 Oct, 15:35

Oddiy marketing usullari ishlamayapti

Tadbirkorlarga yangi mijozlarni jalb qilish qiyinlashib boryapti, mijozlar oddiy reklamadan charchashdi, yangiliklar kerak.

Soha ekspertlari «zapusk» usuli orqali vebinar qilib, o’z kurslarini sotishyapti. Lekin ushbu usulni boshqa sohalarda ham ishlatib 4-5 baravar ko’proq savdo qilsa bo’ladi, shu haqida biz yangi podcast oldik.

U yerda shu usul orqali 2 oy ichida 45 million dollarga yangi uylar sotgan marketolog Shohruh Yusupov barcha sirlarni ochib berdilar.

Podcastni ko’rish: https://youtu.be/ES3-GCsdp2U?si=0TdMPFUJx0d0U5Om

12,955

Aqlli ikkichi

05 Oct, 12:46

Bir umr ishlashga arziydigan joylar

2021-yil sentyabr oyida uchta eng katta o‘quv markazlarga ishga topshirdim, birinchi bo‘lib Merit kompaniyasiga suhbatga bordim. U yerda meni @azizrakhimov_blog kutib oldilar, 1.5 soat suhbat qildik, tashqarida boshqa kandidatlar kutib qoldi.

U yerdan chiqib qolgan 2 joyga borib ham o‘tirmadim. Men Meritda ishlagim keldi, natijada u yerda deyarli 2 yil ishladik. Tepada sabr bilan bitta joyda ishlash haqida gaplashdik, endi o‘sha joyni qanday tanlash kerakligini ko‘rib chiqamiz.

Odam 2-3 oydan 5-6 ishxonada ishlab chiqayotganini "tajriba yig‘ish" deb atayotgan bo‘lsa, aslida bu "noto‘g‘ri joyga ishga kirish" deyiladi. Shunchaki qaysidir joy xodim qidirayotgani uchun u yerga ishlashga bormang, balkim sizga u yer to‘g‘ri kelmaydi.

Ish xonaning oyligi va ofisidan ko‘ra, uning rahbari, mahsuloti, qadriyatlari va o‘sish trayektoriyasi muhimroq. Yaxshi jamoa bilan topilgan $500 yomon jamoa bilan topilgan $1000 dan barakaliroq.

Sizga yoqadigan kompaniyalarning ro‘yxati tuzing va o‘sha yerga topshiring. Ish suhbatiga tayyorlanib boring, taklif qilishgan lavozimga kirib turing, vaqt o‘tib sizga to‘g‘ri keladigan lavozimga o‘tib olasiz.

Ishlash uchun ishlash emas, qayerda va kim bilan ishlash.

@aqlli_ikkichi

12,025

Aqlli ikkichi

01 Oct, 15:50

21-asrda ustoz kim?

Ustoz - o‘zingiz ham o‘rgana oladigan bilimni tezlashtirib bera oladigan inson. YouTube va GPT bor paytda ma’lumot muammo emas, ma’lumot ko‘p, uni o‘rganishga intizom yo‘q.

Ustoz bor ma’lumotni sizga tizimlashtirib va moslashtirib beradi. U siz ham yashasa bo‘ladi, lekin turtilib va qoqilib yuraverasiz, natijada 10 qadamli yo‘lda 30-40 qadam bosib qo‘yasiz.

Lekin ustoz deb atamaydigan odamlarimizdan ham ko‘p narsa o‘rgana olamiz, agar kibr bizni boshqarmasa, istalgan odamdan narsa o‘rgansa bo‘ladi.

Odamlardan lol qolishni o‘rganaylik, atrof to‘la ustozlar, ulardan o‘rganishni boshlaylik, o‘rganadigan narsamiz kam emas.

Ustozlarimiz ko’p bo’lsin.

@aqlli_ikkichi

12,187

Aqlli ikkichi

28 Sep, 11:02

Ko'p joylarda ishlab chiqqanlar

Ishga topshirgan kandidatlarni ko‘rib chiqyapman, bittasiga ko‘z tashladim: 20 yosh va 9ta joyda ishlab ko‘rgan ekan. Hayron qoldim, 25 yoshgacha 2 joyda ishlagan ekanman.

Uni ustiga, ba’zi kandidatlar bu bilan faxrlanib aytib berishyapti, "Aka, 18 yosh bo‘lishimga qaramay 7ta joyda ishlaganman" dedi bittasi. Ko‘p joydan ishlab chiqish - bu afzallik emas, balkim katta kamchilik.

Bunday jihat chidamsiz va bitta joydan ikkinchi joyga sakrab yuradigan xodimni ifodalaydi. Ish beruvchilar esa bitta vakansiyani yopib, unga qaytmaslikni xohlaydi.

Barcha yoshlarga bitta joyda qotib, u yerda yillar davomida o‘sishni tavsiya qilaman. Katta natijaga erishishni yagona yo‘li - bitta nuqtani topib olib, u yerga to‘xtamasdan urish.

Lekin har 2-3 oyda ishni almashtiradiganlarga bunday go‘zal sabr berilmagan.

@aqlli_ikkichi

13,000

Aqlli ikkichi

07 Sep, 15:17

Asoschilar podcast chiqdi

Mehmon - nutqni rivojlantirish bo’yicha mutaxassis va teleradio boshlovchi Najot Nur

Asosiy mavzular:
- Qanday gapirish nima gapirishdan muhimroqmi?
- Odamlarni boshqara olish uchun nutq qanday bo’lishi kerak?
- Muzokaralarni olib borish uchun oltin qoidalar
- To’g’ri nutq qanchali daromadni oshiradi

Podcastni ko’rish: https://www.youtube.com/watch?v=e-OVBFcKr-g&t=2s

16,362

Aqlli ikkichi

31 Aug, 11:45

Dunyo oq-qora emas

Milliy TV’ni ko‘rsangiz - hammasi yaxshi va gullayapmiz. Negativ blogerlarni kuzatsangiz - hammasi yomon va yaqinda o‘lamiz.

Odamlarga ahamiyat bersangiz ham, ikkita taraf bo‘lib olishgan, bitta taraf ikkinchisini umuman qabul qilmaydi.

Management haqida 1-kitobni 4 yil oldin o‘qiganimda o‘zimni eng zo‘r manager deb o‘ylashni boshlaganman.

10 kitobdan keyin esa management ancha chuqurligini tushundim, bitta muammoga 4-5 potensial yechimlar bor ekan.

Dunyo oq-qora emas, dunyo - dunyo. Yaxshi odamda yomon taflari bor, yomon odam esa ko‘p savob ishlar qilayotgan bo‘lishi mumkin, hamma kulrang.

Odamlarni, ideologiyani yoki zamonni mutlaqga olib chiqish - radikalizm deb nomlanadi, u esa bilim kamligidan bo‘ladi.

Radikallarni aniqlash oson, ular boshqa tarafni o’rganishmaydi va yaxshi-yomon kabi sifatlarni ko’p ishlatishadi.

@aqlli_ikkichi

16,926

Aqlli ikkichi

27 Aug, 14:59

Asoschilar podcast chiqdi

Mehmon - oddiy Namanganning qishlog’idan chiqib, milliard dollarlik holding qurgan odam Bahodir Abdullaev

Asosiy mavzular:
- Imkoniyatlar yo’qligida nima qilish kerak
- 20 kompaniyani ichida 4000 xodimni ishlatish
- 5 muvaffaqiyatli qiz bola farzandni tarbiyalash
- O’zbekistondagi imkoniyatlar

Podcastni ko’rish: https://www.youtube.com/watch?v=t4t0kRzosaw

13,588

Aqlli ikkichi

26 Aug, 08:49

Katta natija = katta qurbon

Tarixiy Manchester United futbol klubining sardori Rio Ferdinanddan klubdoshi Kristiano Ronaldo haqida qiziq hikoya:

- Men ikkinchi marta Ronaldoning uyiga bormayman! Bir kun uning tug‘ilgan kuni edi va u men bilan klubdoshimiz Patris Evrani mehmonga chaqirdi. Uyida o‘tiribmiz, hamma pivo ichyapti, Ronaldo esa oddiy suv. 21:00 bo‘lganida Ronaldo bizga mazza qilib party’ni davom etishni aytdi va uxlashga kirib ketdi".

Siz esa nimalarni qurbon qilyapsiz?

@aqlli_ikkichi

16,033

Aqlli ikkichi

23 Aug, 15:35

3 yil

3 yil oldin, shu kuni va shu payt aqlli ikkichi Telegram kanali ochildi va birinchi post chiqdi.

Shu vaqt ichida ko‘p narsa o‘zgardi. Kanal orqali o‘zbek tilida yozishni va fikrlashni o‘rganib oldim.

Eski fikrlarimni o‘qib eski Ravshan ahmoq bo‘lgan ekan deb o‘ylayman, 3 yil o‘tib bugungi post haqida ham shunday o‘ylash nasib qilsin.

Boshidan meni kuzatib kelgan obunachilarga rahmat. Men siz tufayli o‘sishga majbur bo‘ldim, sizlarga ham foyda bergan bo‘lsam, xursandman.

Blog yozsangiz yoki yozmasangiz ham 3 yil o‘tib ketar ekan, bu gap barcha ishlarimizga taalluqlik.

Vaqt baribir o‘tib ketadi, lekin qiyin yo‘lni tanlasak, bir kun mevasini olishimiz mumkin.

Ishonch uchun rahmat, Ravshan Turgunov.

12,471

Aqlli ikkichi

23 Aug, 07:10

Bir kuni yoki birinchi kun?

Yakshanba kunlari ertalab 7:30 klubdoshlarim bilan yugurishni boshladik, 1-kun 10 odam edik, 2-kun 4 odam keldi. Yuguradigan joyimizda ham bir marta ko‘rgan odamimni ikkinchi marta ko‘rmadim, har hafta yangi odamlar chiqyapti.

Eski ishxonada hamkasblar bilan 1.5 yil bitta gym’ga chiqdik. Boshida 4 kishi boshladik, oxirida kam shu 4 kishi qoldik, lekin shu payt ichida bizga 20 tanishimiz qo'shilib, tashlashga ham ulgurdi.

Bu qandaydir g‘arbli shoirning motivatsion kitobidan olingan gaplar emas, bu siz bilan bitta shaharda bo‘layotgan kuzatuvlar. Sizning atrofingizda ham bunday xulosalar kam emas, e’tibor bering, tahlil qiling.

Ishni boshlash qiyin bo‘lsa, ishni davomiy olib borish 10x qiyin. Ko‘plar boshlay olmayotgan bo‘lsa, boshlaganlarning hammasi baribir intizom muammosiga duch keladi.

O'zingizda nima gap, o'zingiz kim bo'lasiz? Bitta yonib o‘chib qoladigan zajigalkamisiz yoki kichkina bo‘lsa ham, lekin doimiy olovmisiz?

@aqlli_ikkichi

11,395

Aqlli ikkichi

19 Aug, 11:19

Tasodifiy maslahatlar

Kecha bitta obunachi maslahat so‘ragani yozdi: "Ravshan aka, tajribangizdan chiqib top 3 maslahat bera olasizmi?"

Xulosalar aslida 3 dona bo‘la olmaydi, lekin hayolimga birinchi kelgan 3 aktual insightlarni yozdim, balkim foydali bo‘lar:

1) Ko‘proq sinab ko‘rish kerak, 7 marta qilib 1 marta o‘lchash. O‘ylashga ko‘p vaqt ketkazmang, yo‘qotadigan narsangiz ko‘p bo‘lmasa.

2) Natijasi yig‘iladigan ishlarni davomiy qilish kerak, natija yillardan keyin ko‘riladi.

3) Lox bo‘lmaslik muhim, odamlar nimadir desa u to‘g‘ri bo‘lmasligi mumkin. To‘g‘ri savollar berib ko‘rish kerak, atrof to‘la yolg‘on va to‘la imkoniyat. Loxlar yolg‘onga ishonadi, noto‘g‘ri xulosalar chiqaradi va imkoniyatlarni o‘tkazib yuboradi.

@aqlli_ikkichi

11,358

Aqlli ikkichi

16 Aug, 08:50

Natijasi yig’iladigan ishni qiling

2020-yil eng muvaffaqiyatli investor Uoren Baffetning boyligi 84,5 milliard dollarga baholangan. Uning ichidan 84,3 milliardni 50 yoshdan keyin topgan, 60 yoshdan keyin esa 81,5 milliardni.

50 va 60 yoshdan keyin ham oldin qilgan ishni qilyapti, lekin vaqt o‘tib natijalar o‘zgaryapti. Nega? Bu «cumulative compound» effekti deb ataladi, ya’ni natijalar eski natijalar ustiga yig‘ilyapti va kelasi natijalar kattalashib ham boryapti.

Agar oyiga 1,5-2 ming dollar bilan moliyaviy ehtiyojlaringizni yopa olsangiz, bu terminni bilishingiz ham shart emas. Lekin katta pullar bu effektsiz topilmaydi, katta pulni topish uchun natijasi yig‘iladigan ishni qiling.

Yangi bilim olish, tanishlar orttirish, biznes qilish, moliyani o‘rganish, biznesni tahlil qilish jarayoni har safar yaxshilashib boradi va davomiy buni qilish sizga 30-40 yildan keyin 1000x natija beradi.

Ba’zi bir jarayonlar ularni 100 marta qilsangiz ham har doim bir xil natijani beradi. Aytaylik mashina yuvish, natijada faqat toza mashina olasiz va 3-4 kundan keyin yana yuvish kerak.

Ushbu effektni men biznesda qo‘llayman, mijozlar yig‘ilib keladigan va qayta sotuvlar bor biznes modellar bilan ishlashga harakat qilaman.

@aqlli_ikkichi

11,421

Aqlli ikkichi

12 Aug, 19:37

Asoschilar podcastining yangi soni chiqdi

Mehmonimiz sotuv bo’yich expert - Sarvar Zaynutdinov. Sotuvni o’rganmoqchi yoki kuchaytirmoqchi bo’lganlarning barachisiga ushbu podcast foydali bo’ladi.

Sotuvni o’zingiz uchun qayta ochmoqchi bo’lsangiz, podcastni ko’rishni tavsiya qilaman.

Ko’rish: https://youtu.be/iH7WmBq1tT0?si=EyFYQalsdDkT7eZE

10,587

Aqlli ikkichi

12 Aug, 12:30

Qilingan ishlar keyin ham qaytariladi

Hayotimiz tanlovlardan iborat. Yomon do‘st, turmush o‘rtoq, xodim yoki biznes sherikni tanlashdan qo‘rqamiz.

Har xil narsalarga qaraysiz: ko‘rinishiga, gaplariga, oilasiga, aqliga, va’dalariga. Lekin bu kriteriyalar aldab qo‘yishi mumkin.

Kimdir kelajakda o‘zini qanday tutishini aniqlovchi yagona usul - o‘tmishda qanday ishlar qilganligini aniqlash.

10 yildan beri kitob o‘qib kelgan odam yana 10 yil o‘qiydi. 20 loyihani muvaffaqiyatli bitirgan odam 21-loyihani ham eplay oladi.

Lekin umrida muntazam ravishda sport bilan shug‘ullanmagan odam ertaga sog‘lom turmush tarzini olib borishi ehtimoli kam.

O‘tmishda 10 korxonada 2-3 oydan ishlab chiqqan xodim siz bilan yillar davomida ishlashiga ishonmang.

O‘tmishda 3 biznes sherigini pulga otgan odam katta ehtimol bilan sizni va yana ikkitasini kiydiradi, tajribasi bor.

Yashab kelar ekanmizki, o‘tmishda qilgan ishlarimizni qilamiz. U ishlarda biz mutaxassismiz, ularda biz tajriba yig‘ib qo'ydik.

Qilinmagan yangi ishlar bo’yicha esa hech narsa ayta olmaymiz, yetarlicha ma'lumot yo'q.

@aqlli_ikkichi

11,736

Aqlli ikkichi

05 Aug, 13:42

Miyada saqlamang, esdan chiqadi

Ishlarimiz ko’p, hammasini qilishga ba’zilarida ulgurmaysiz.

Eng achinarlisi bittasini qilayotganda ikkinchisi esga keladi, chalg’itadi va stress olib keladi.

Bunday bo‘lmasligi uchun samaradorlikni eng asosiy qoidasini ishlating - ma’lumotlarni tashqarida saqlang.

Vazifalar, xulosalar, noteslar, fikrlar, iqtiboslar, uchrashuvlar miyada uzoq turmaydi, vaqt bilan esdan chiqadi.

Taktikaning ahamiyati yo‘q, istalgan ilova yoki bloknot to‘g‘ri kelaveradi.

Eng asosiysi - strategiya, tashqarida saqlash va xotirga ishonmaslik.

@aqlli_ikkichi

12,003