ABRET PRO

ከጌቱዋ ወአዝ || ኺድማ
_______________________

ኺድማ እንደሆነ ጥሩ ነገር ነው::
የበረካ እቃ ነው::
በረካ ያስቀመጠበት እቃ ነው::
የበረካ ዳመና ነው::
በረካ የሚዘንብበት ቦታ ነው::
አዳቡን ጠብቆ ፥ ሹሩጡን ጠብቆ ሲኻድሙ ጥሩ ነው::
አንዱ ሹሩጡ... ዋናው ሹሩጡ ዓዲል መሆን ነው::
በሚኻድመው ነገር ነብሱን አለማስቀደም ነው::
ዘመዱም የሆነ እንደሆነ አለማስቀደም ነው::
ሁሉንም ሰው እኩል አድርጎ በአደቡ ማድረግ ነው::
አባቱ(ባለቤቱ) ቢያይ ልክ እንዲሁ ይሰራ ነበር እንደሚባል ሆኖ መስራት ነው::
የራሱ ነገር እንደሆነ አድርጎ ማየት ነው::
የሰው ነገር አድርጎ አለማየት ነው::

...... ይቀጥላል

ሞትን ቀዳሚዎቹ

ባለስልጣኑ የበለጠ ስልጣን ቢኖረው ከአላህ(ሱ.ወ) ፍርድ የሚያመልጥ ይመስለዋል፤ ባለጠጋው ሀብቱ ቢጨምር ከአላህ(ሱ.ወ) ፍርድ ሚያመልጥ ይመስለዋል ፤ ጉልበተኛው በጣሙኑ ቢጠነክር ከአላህ(ሱ.ወ) ፍርድ የሚያመልጥ ይመስለዋል...

ነገሩ ወዲህ ነው ንጉስ ብትሆን ፣ ባለጠጋ ብትሆን ፣ ብርቱ ብትሆን ፣ መሳፍንት፣ መኳንንት ብትሆን ከአላህ(ሱ.ወ) ፍርድ አትቀርም...

ሞትን ስለዘነጋሀት ፣ ስለረሳካት ሞትም አንተ ጋር አትቀርም... እሷን በመዘንጋትህ ታጣ እንደሆን አትጠቀምም...

አላህ(ሱ.ወ) አዝኖላቸው ሁሌ በሞት እቅፍ ውስጥ እንዳሉ ሳይዘነጉ አንድ እግራቸውን አንስተው ሌላኛውን እስኪያስቀምጡ በመሃላቸው እንኳ የሞትን መምጣት መቻሏን ጠንቅቀው ያልረሱ ለሷም አብዝቶ በመዘጋጀት ሞትን ቀዳሚዎች አሉ...

እንደ ሀጅ ታጁ መነን ያሉ የሙሀባ ወራሪ፣ የሙሀባ አዝማቾች አሉ...

ትዝ ይለኛል ከወራት በፊት ሼሆቹን ወደ እናንገራ ሸኝተን እንደተመለስን "የእኔም ሞት በዚህች አመት ነው... ከሼሆቼ ጋር የወራት እንጂ ልዩነት አይኖረኝም..." ብለውኝ ነበር...

ሐጅ ታጁ አብዝተው የሼሆቹ ወዳጅ ብቻ ሳይሆኑ ፈገግታቸውም ጭምር ነበሩ...

አንድ ቀን ከሼሆች ጋር በተቀመጥንበት ሀጅ ታጁ ኸድያ ይዘው መጡ...
ኸድያውም ከውጭ ሀገር የተላከላቸው አንድ ሙስባህ ነበር... ይህ ሙስባህ ያምር ስለነበር ቀልባቸው የወደደውን ለወደዱት ማምጣታቸው ነው... ለሼሆቹ በእጃቸው ሰጧቸውና "የወርቅ ሙስባህ ነው..." አሏቸው...
ሼሆቹም ጠንቅቀው ቀልደኛነታቸውን ያውቁ ስለነበር "ይህ ሙስባህ በወርቅ የተሰራ ነው?" ብለው ጠየቁኝ... እኔም አይኔ ያየቺውን "አይ የፕላስቲክ ይመስለኛል ግን የተቀባው ወርቃማ ቀለም ነው..." በዬ ከመመለሴ ጋሽ ታጁ ከአፌ ነጥቀው "ዎዎዎ... ሰይዲ አውቆ ነው... የወርቅ ሙስባህ ነው..." አሏቸው እኔን ቆጣ ብለው...

ሼሆችም በጣም ለደቂቃዎች ያለማቋረጥ ሳቁ... ሀጅ ታጁም ቀጣይ ክፍል ከውዳጆቻቸው ጋር ቀን ሙሉ "የወርቅ ሙስባህ አላህ ያድርገው..." ሲሉ ዋሉ...

አንድ አንድም ቀን በተቀመጥንበት ሼሆች ደበራቸው ካሉ ድንገት ይገቡና "ሰይዲ የሰጠዋቹ የወርቅ ሙስባህ የት አለ?" ብለው ይጠይቋቸዋል ሼሆችም ከዋጣቸው ሀሳብ ወተው መሳቅ ይጀምሩ ነበር...

እናም ሼሀቸውን ካጡ ወዲያ መኖር እነሱን የመካድ ያህል አድርገው ያዩት ነበር...

የዛሬ ሳምንት "ልሞት እኮነው!" ብለው አስደንገጠውን ነበር...

ከቀናት በፊት ወለቴ ሠይዲ ጋር መጥተው ሁሉንም ቤተሰብ ተሰናበቱ እኔም ጋር ስልክ በመደወል "ኸውላን የምወደውን ሰው ላገኝ ልሄድ ነኝ..." ብለው ነግረውኝ ተለቃቅሰን ስልኩ ተዘጋ...

ታዲያ ትናንት ከእድርተኛቸው ጋር ዱአ ውለው ማታ እቤታቸው በመግባት እራት በሉና ከኢሻ ሰላታቸው ቡሀላ ወደ መኝታቸው ገብተው ተኙ... ጥዋቱን ለቁርስ ሲቀሰቅሷቸው ነብሳቸው የለችም... በጣም የሚወዱት ሰው ጋር በቀን 19 በወርሀ ጥር በ2017አ.ም በእለተ ሰኞ ነብሳቸው ሄዳለች...

እናም ወንድሜ የሼሆቹ ጁንድ ይገርማል... በነሱ ማድ ያጎረሱት ስፍር ቁጥር የለውም...
ሀቂቃቸውን አንዴ ከፍተው ያሳዩት በዛቹ ቅፅበት ማረፊያው ሀድረቱላህ ነው... ፈይዳቸው ደሞ የዋዛ እንዳይመስልህ ዘውትር አይቋረጥም፤ ይበልጡኑ ይጨምራል...

ሙሀባ ያስተሳሰረውን ሞት አይለየውም... ሞ ት በሙሀባ መሀል የገባች ቀን ትዋረዳለች...

ፋቲሓ ባለንበት እናድርስላቸው...

✍🏻በኸውላን ሠይድ

ሳሒቡል ኢስራ ወልሚዕራጅ🥁

ترقى على البراق الى اول الطباق
فاجنحة المليكة الى المنتهى الاريكة
رفرف الحضرة تدلى زائرا لله المولى
لم تر مثل وصفه على سائر خلقه
….

አላሁመ ሶሊ ዓላ ሙሐመዴ
ዚ-ል-መዓሪጂ ወሠሊም ተስሊማ

🥁🥁🥁. 🥁🥁🥁. 🥁🥁🥁

ሰው ስህተት ላይ ይወድቃል... ስህተት የሚባለው ጥሩ እሰራለው ብሎ አዳልጦት በመጥፎ ነገር ላይ ሲወድቅ ነው... በዚህ አላህ አይፈልግበትም... ከዛ በሁዋላ ግን እዛው በወደቀበት ጭቃ ላይ አለመተኛት ነው... በፍጥነት ተነስቶ አጥቦ ማንሳት ነው::

💚 {ሠይዲ አባ ራሙዝ}

<<እናንተ የባእ ቤተሰቦች ሆይ ከቁባ አባ(ባኡ ሳኒ(ረ.ዐ)) የተዘረጋ የሆነ ገመድ(ቀጥተኛ መንገድ) አለ እሱን አጥብቃችሁ ያዙ>>

"ሠይዲ ሸይኽ ሚቅባሰል ኑር አልአብሬትይ (ቀ.ሢ)"

ያሙከሐለ ቢአንዋሪላህ
ያሙዐጠረ ቢተጀሊላህ

ጊያثُል አሕባብ ባቡ ፈድሊላህ

ኢማንህ ሲደክም ልብህ ጥርጣሬ ውስጥ ሲገባ ፥ በዱንያ ውጥረት አእምሮህ ሲጨነቅ ወደ አላህ ባሮች ጠጋ በል... ዝቅ ብለህ ጉልበታቸውን ሳም... ጣፋጭ ንግግራቸውን ስማ:: ጠጋ ብለህ መዘየር ካልቻልክ ከርቀትም ቢሆን ኑር የተላበሰ ፊታቸውን ተመልከት:: እሱንም ካልቻልክ ካለህበት ሆነህ በልብህ አስባቸው:: ኢማንህ ሲሞላ ጭንቀትህ ሲወገድ በግልፅ ታያለህ::

💚ሀያት ሸይኹና

➦ ከላይ በፎቶ ያያዝነው ልጥፍ ከቀናት በፊት ድሬ ትዩብ ላይ የተለጠፈ ነው:: ምንጩ ከየት እንደሆነ ባናውቅም የታሪኩ ይዘት ላይ ስህተት አለው:: የአብሬት ታሪክ የሚጀምረው በሰይዲ አባ ራሙዝ(ቀ.ሢ) እንደሆነ ነው ገልፁ ላይ የተፃፈው:: ምናልባትም ባለማወቅ ይሆናል… አልያም ሆን ተብሎ የተሳሳተ information ተሰጥቶት ሊሆን ይችላል:: አሁን ላይ በየቦታው ታሪክን ቀምተው(ሰርዘው) ታሪክ መቀየር የሚሹ ብዙ አካሎች ያሉበት ወቅት ላይ ነንና እንዲህ ያሉ ነገሮችን በጥንቃቄም በጥርጣሬም ማየቱ መልካም ነው::

➦ መጀመሪያ አብሬት(ቦታው) ላይ የሰፈሩት አያታቸው ሠይድ ኢብራሂም ሲሆኑ ሐሪማውን የቆረቆሩት ደሞ አባታቸው የቁባ አባ(የአባራሙዝ አባት) ናቸው:: ሐሪማው ከሁለት መቶ አመታት በላይ እድሜን ያስቆጠረ... የራሱ የሆነ ውብ እና ጥልቅ ታሪክ ያለው ነው:: በየግዜው የነበሩት ሸይኾቻችን ብዙ ዋጋ የከፈሉበት... ብዙ ውጣ ውረዶችን ያዩበት... ከነብያችንﷺ የቀጠለውን ኑራንይ የሲልሲላ ገመድ አሲዘው ቀጥተኛውን መንገድ የዘረጉበት ታላቅ የሙስሊሞች ቅርስ ነው::

➦ ስለ አብሬት ሲነሳ :-
(1)ቦታው ላይ ምንም ሙስሊም ሳይኖር ከጎይታኩየ ከመብረቅ አምልኮ መሪዎች ተወልደው በልጅነት ሰልመው ብቻቸውን ብዙ ጁህድ ያደረጉት ታላቁ ሰው ሠይድ ኢብራሂም
(2)አብሬትን የቆረቆሩት ፥ ጦሪቃውን ከዳና ያመጡት ፥ ሠይድ አባራሙዝን ጨምሮ ብዙ አካቢሮችን ያፈሩት ፥ መውሊዱን ተርቲቡን ሁሉ ነገሩን በአብሬት የረተቡት የቁባ አባ
(3)አብሬትን ከአባታቸው ተቀብለው ይበልጥ ያስፋፉት ፥ በዒልም ከፍ አድርገው ያጎለበቱት ፥ ብዙ የመድህ, የተሰዉፍ, የዓቂዳ ወ.ዘ.ተ ... ኪታቦችን ለሙስሊሙ ማህበረሰብ ያበረከቱት ፥ ጉራጌን በኑረል ኢማን ያበሩት ታላቁ ሸይኽ ሠይድ አባራሙዝ
(4)ጌቱዋ ከሀድራቸው መውጣታቸውን ተከትሎ ከአስር አመት በላይ የቆመውን መውሊድ ያስጀመሩት ፥ የቀዘቀዘውን ሀድራ ዳግም እንዲሞቅ ያደረጉት ፥ ብዙ መድሆችን የሰለዋት ኪታቦችን የከተቡት ጠቢቡ ታላቅ የአላህ ወልይ ሠይዲ ሸይኽ ሚቅባሰል ኑር... ስለ አብሬት ሲነሳ ሁሉም የአብሬት ሸይኾች አብረው ይነሳሉ::

ጥንፍፍ የጥንፍፍ ልጅ በአባቱም በእናቱ
ውልውልም የለው መድሀኒት ነቱ

አፈር ረጀቡ ታኹ ይፈዜ

የተዘየነው የተዘየነው
ያን ውብ ዛትሁን ምነው ባየነው

አፈር ረጀቡ ታኹ ይፈዜ

መን ራኣ ወጅሃል ባእ ራአ ኑቡወቲ

💚🔥

من رأى وجه الباء راى النبوة

አፈር ረጀቡ ታኹ ይፈዜ

አንቱ ነሁ ድርሻ’ዬ አንቱ ነሁ ፈንታዬ
ሠይዲ የማልዶዬ ሠይዲ የማታዬ
አንቱን ባነሳሳ ሄደ በሽታዬ

አፈር ረጀቡ ታኹ ይፈዜ

ጥሩ ስራ የሚሰራ ሰው ሲያዩ ካንተው ጋር ነኝ ሲሉት ጥሩ ነው... በማኢዳ መጥተው ሲቀመጡ ጥሩ ነው... ሙእሚን የሆነ እንደሆነ የጥሩ ነገር ማኢዳ አይቶ ትቶ አይሄድም... መ.ጥ.ፎ ስራ የሚሰራ ሰው ሲያይ ሊያስተወው እንጂ ትቶ አይሄድም::
{ሠይዲ አባ ራሙዝ(ቀ.ሢ)}

አብሬት መሄድ ከጥሩም ጥሩ ስራ ነው:: አብሬት የጀነት ማኢዳ ነው:: በዚህ ማኢዳ መገኘት እድለኝነትን ነው::
መውሊደ_ነቢﷺ የፊታችን ቅዳሜ እና እሁድ
💚🔥አብሬድ

💚💕አብሬት እና ወርሃ ረጀብ

ምስጋና ቀልብ ጥሩን ነገር ፣ እዝነትን እንዲሁም
ፀጋን ስትፈልግ ለምታስታውሰው አላህ ይሁን...
*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,

በአብዛኛዎቻችን ዘንድ እንደሚታወቀው የአብሬት መውሊድ በረቢእ ወር ከመከበር ይልቅ እንግዳ በሆነና ሌላ ቦታዎች ላይ ባልተለመደ መልኩ በረጀብ 15 ይውላል...

ለምን?? ያልክ እንደው ብዙ ይዘት ያላቸው ክስተትና ኩነቶች እንደ ምክኒያት ሊቀመጡ ይችላሉ...

በኢስላም ካላንደር ሰባተኛ ወር መጥባቱን ያበስራል ወርሃ ረጀብ... እንዲሁም በኢስላም ከተመረጡት 4 ወራት አንዱ ሲሆን የተቀሩትም ዙል ቃኢዳ ፣ ዙል ሂጃና ሙሀረም ናቸው... እነዚህ ወራት ከእስልምናም በፊት በነበሩ የመካከለኛው ምስራቅ አረቦች ይከበር እንደነበር መዛግብቶች በሰፊው ይተርካሉ...

ወደ ርእሳችን ስንመለስ ወርሃ ረጀብ ኢማም ሙሳ ካዚም እንደተናገሩት "ረጀብ ጀነት ውስጥ ያለ ከወተት የነፃ ከማር የጣፈጠ ወንዝ ስም ነው... በዚህ ወር ነብሳቸው ከወንጀል የፆመች በበጎ ስራ የተጠመደች ሰዎች የተመነዳች ናት..." ይላሉ...
ረጀብ የእስልምና አማኞች በሌላ ስሙ አሰብ እያሉ ይጠሩታል... ይህንንም ያሰኘው የአላህ እዝነት ፣ ፀጋና ይቅርራ ለባሮቹ የሚፈስበት የሚንቧቧበት ወር መሆኑ 'አሰብ' አሰኝቶታል...

አላህ በሱረቱ አት-ተውባህ
'የወሮች ቁጥር አላህ ዘንድ በአላህ መጽሐፍ ውስጥ ሰማያትንና ምድርን በፈጠረበት ቀን፥ ዐሥራ ሁለት ወር ነው ፤ ከነሱ አራቱ የተከበሩ ናቸው ፤ ይህ ቀጥተኛው ሃይማኖት ነው ፤ በነርሱ ውስጥም ነፍሶቻችሁን አትበድሉ፤'
[9:35]

በማለት ባሪያዎቹን በዚህች እዝነቱን ለእኛ ቅርብ ባደረገበት ወር ከወንጀል እንዲርቁ ያስጠነቅቃል...


በሌላ ሀዲስ የእዝነቱ ነብይ (ሰ.ዐ.ወ) " ረጀብ የአላህ ወር ነው... ሸእባን የኔ ወር ነው... ረመዳን የዑመቶቼ ወር ናት..." ማለታቸው ይታውቃል...
እርግጥ ነው የወራት ሁሉ ባልተቤትነት የአላህ ቢሆንም እቺ ረጀብ የተባለቺው ወር በውስጧ የያዘቺው ፀጋ እና ፍፁምነቷ የአላህ ወር አሰኝቷታል... በተለይ አላህ በመጨረሻው ነብዩ (ሰ.ዐ.ወ) አማካኝነት የሀቁን ጥሪ በዚቹ ወር 27 (በሸእሩል ቢእሳ) ለባሮቹም ማድረሱን እንደ አንድ ምክኒያት ኡለማዎች ያስቀምጡታል...

ሸህ ሰይድ ባኡ ሳኒ(አል አብሬትዩል አወል(ቀ)) የእዝነቱ ነብይ ﷺ በወርሃ ረጅብ ምን አልባትም በቀን 15 መረገዛቸውን ዘግበዋል...

ጀርባው ሲጠና በነዚህ እንዲሁም በተለያዩ ምክኒያቶች ሳቢያ አል አብሬትዩል አወል (ሰይዱ ባኡ ሳኒ) አላህን (ሱ.ወ) ፣ ለችሮታው ሰበብ የሆኑንን የእዝነቱን ነብይ (ሰ.ዐ.ወ) አልፎም ባሮቹን በፀጋ ያስተዋወቀውን ወር የመረጡት...
በተጨማሪ የእዝነቱ ነብይ (ሰ.ዐ.ወ) መረጋዛቸውም ፀጋን እና እዝነትን እንዳስተዋወቀን ፤ መረጋዛቸውም ብስራት እንደሆነ ያመላክታል...
ሸሆች ሰይድ ባኡ ሳኒ ዱኒያን ከተሻገሩዋትም በሁዋላ ለዑመተል ኢስላም በኢልምና ማእሪፋ በተቃኘው ምክኒያትና ሰበብ ወደ አላህ(ሱ.ወ) መንገድ ማቃረቡን ቀጥለዋል... እነሆ የአብሬት መውሊድ በሙሉከል አውሊያ ሰይድ ባኡ ሳኒ ከተጀመረ ከ140 አመታት በላይ አስቆጠረ...

አብሬት || አብሬድ
________የጦሪቃው አውራድ ጎርፍ መፍሰሻ

አብሬድ ማለት ከአውራድ የተያዘ ሲሆን የጦሪቃችን አውራድ ጎርፉ የሚፈስበት ቦታ ነው::
<ቀደሠላሁ ሢረሁ>
▪️
አብሬቶች ድቅድቅ ባለው ጨለማ ወቅት 7ቤት ጉራጌ ሁላ ለአምልኮ ከሚጟዝላቸው ፥ ከሚገብርላቸው ፥ እንደ ንጉስ ከሚያዩዋቸው ከጣኦት አምላኪያን መሪ ቤተሰብ የወጡ ፀሀይ ናቸው:: ተተኪ የሀይማኖቱ መሪ ይሆናሉ ተብሎ ሲጠበቁ ኑረል ኢማንን ይዘው ብቅ ያሉ ፥ ሺርክን ከስሩ መንግለው የጣሉ ፥ ለኸልቁ እንደ ፀሀይ የበሩ የአላህ ኑር ናቸው:: ሠይዲ አባ ራሙዝ በአንዱ መድሀቸው መሽረብ ሸይኻቸውን ሠይድ ባኡ ሳኒ <በድቅድቁ ጨለማ መካከል የበሩ ፍጹም የሆኑ ሙሉ ጨረቃ> ብለው ያወድሷቸዋል::

▪️ሠላም ዐለይከ ሸምሠል ዲነል ኪራሚ
▪️በድሩል ዘማን ፊ ወሰጢ ዞላሚ

በጉራጌ እና አጎራባቾቹ ላይ ያለ ሙስሊም ሁሉ የሁዋላ ታሪኩን ቢያጤን አራት እና አምስት አባቱን ወደሁዋላ ቢቆጥር ከመቶ መቶ ወይንም ዘጠና ዘጠኝ ፐርሰንቱ ጨለማ ላይ የነበረ ህዝብ ነበር:: ሙሉ ሰባት ቤት ጉራጌ ማለት ይቻላል መብረቅ አምላኪ ህዝብ ነበር:: በቀጥታ ወይም በተዘዋዋሪ መልኩ ለዛሬው ማንነታችን ለሂዳያችን ሰበብ ከአብሬት ሸይኾች አንዱ ሆነው እናገኛዋለን:: በተለይም ለጉራጌ ማህበረሰብ:: ነገር ግን ከአብሬት የወጣው ፀሀይ በጉራጌና አጎራባቾቹ ብቻ ተገድቦ የቀረ አይደለም:: ብዙሀኑን የሀገራችንን ክፍሎች አካሎ ከሀገር ውጪም ፀሀያቸው በርቷል::
▪️
በታላቁ የረጀብ ወር በእነዚህ ከዋክብቶች ሀሪማ ሐረመል አብሬት የከውኑ ሁላ ንጉስ የነብያችንﷺ መውሊድ እጅግ ደማቅ በሆነ መልኩ ይከበራል:: የጦሪቃው አውራድ እንደ ጎርፍ ይፈሳል ፥ የአላህ ራሕመት ይዘንባል ፥ የነብያችንﷺ ኑር ይንቧቧል ፥ መላይካው እንደ ጉድ ይወርዳል ፥ የታላላቅ አውሊያዎች ሩሕ ይሀደራል። ከሚታየው የማይታየው ታዳሚ ይበልጣል:: እናልህ ወዳጄ አብሬት ለመግባት ጟዝህን ጠቅልል ከዚህ ማኢዳ ተቋደስ::

አ ብ ሬ ት ..... ረ ጀ ብ

▪️ አሠላም አለይኩም ያኑረል ሙቀደም
▪️ ያሩኸል ከውኒላህ ያጀማሉል ዓለም

አ ብ ሬ ት .....
አህለን ቢሸህሪ ረጀቢል አሰብ 🎉

የተከበረው የረጀብ ወርን በተመለከተ በዑስታዝ ዓዲል live ገብተው ይከታተሉ👇

https://t.me/medinetululoom

➦ሰሞኑን በለጠፍነው የኺድማ ማስታወቅያ ብዙ ቀና ምላሾችን አግኝተናል... ሙሉ ሰአታቸውን ሰጥተው በአድሚንነት ለመስራት ፈቃደኛ የሆኑ እንዲሁም በተለያየ አይነት ሙያዊ እገዛ ለማድረግ ዝግጁ መሆናችውን ያሳወቁን ብዙ ወንድሞች አሉ:: አላህ ኸይር ጀዛቸውን ይክፈልልን🤲 የሁላችሁንም እገዛ እንሻለን::

ከደረሱን መልእክቶች ውስጥ በትክክል የሸኾቹ ወዳጅ ነቸው...በቂ ግዜ ይኖራቸዋል... ለገልፃችን ይዘትም ተስማሚ ናቸው ያልናቸውን ሁለት ወንድሞች አድሚን አድርገናል::

➦የደረሱንን መልእክቶች ለማየት inbox ስንበረብር ብዙ አሳፋሪ የሆኑ መልእክቶችን አይተናል:: አብሬት ላይ ያንዣበበውን አ'ደጋ ለሙሪዱ በማስገንዘባችን ብዙ ስድቦች ፥ ማስፈራሪያዎች ደርሶናል:: በአብሬት ጉዳይ አያገባችሁም ያለን ሰውም አልጠፋም:: ወዳጄ የሸይኾቻችን መንገድ እኮ ነቢﷺ ጋር አላህﷻ ጋር እንደርስበታለን ብለን ያመንበት ፥ በዛው ኖረን በዛው የምንሞትበት የአኼራ ስንቃችን ነው:: ለማንም ብለን አናወራም! ለማንም ብለንም ወደሁዋላ አንልም! በቤተሰብ ጉዳይ አትግቡ ያለንም ሰው አለ...ጉዳዩ የቤተሰብ አይደለም:: ከመች ጀምሮ ነው ወሀብያና ቤተሰብ አንድ የሆነው? የጌቱዋን ዓቂዳ በኩ,ፍር ለሚያጠለሹ ሰዎች ወደ ሀረማችን መግቢያ ቀዳዳ አናበጅላቸው ፥ ሴራቸውን ሊያሴሩ አንፍቀድላቸው ፥ ጥላ ከለላ አንሁናቸው ነው እኛ ያልነው:: ይህንን ደሞ አሁንም እንላለን ግዴታችንም ነው::

ስለ ትልቆቹ እንጫወት:- አራት

የአላህ(ሱ.ወ) ስራ እጅጉኑ የሚገርም ነው... ከፍጡራኑ የሚገዳደረው አሊያም በአንዳችም የሚመስለው የለም... ዙፋኖች የተንገዳገዱ ፣ የወደቁ ዘውዶች አፈር የበላቸው ግዜ ብቸኛ ዘወታሪ የሆነው ስልጣን ባልተቤት እሱ ነው...
ብርቱ የተባሉን ሰራዊቶች ይበትናል ፣ ንግሳኖች ስደተኛ ያደርጋል... ከምንም የፈጠራትን ህይወት ወደምንምነት ፣ ቀድሞውኑም እንዳልነበረች ያደርጋታል... እሱ ብቸኛው መጨረሻ የለሽ ኑረት ባለቤት ነው ምስጋና ይገፋው...

ነፊሳ የጌትዋና(ሸህ ሰይድ አባ ራሙዝ) በቅርብም ባይሆን የሩቅ የጥብቆ ወዳጅ ፣ አብዝቶ ከጃይ ናት...
ነፊሳ ለአንድ ደርባባ ወጣት ታጭታ የሰርግ ቀኗን እየተጠባበቀች ባለችበት ከጓደኛዎቿ ጋር እየተጫወቱ መንገድ አያውቁም ሁላቸውም ገና ኮረዳ ነበሩና ጠፍተው ለመመለስ ሲሞክሩ ከቀናት መንገድ ወዲህ አንድ ግራ የሆነ መንደር ደረሱ... የመንደሩ ሰዎች ከራሳቸው ጎሳ ውጪ ያሉ ግለሰብ ድንበራቸውን ዘልቆ ከገባ የሰዎ ልጅ የመብላት ልምድ አላቸው(ትክክለኛ ቦታው ባይታወቅም ባደረኩት ጥናት የደቡብ ሶዳን ድንብር እና የኮንጎ አንድ አንድ ማህበረሰቦች ላይ በግዜው የተለመደ ተግባር በመሆኑ የኢትዮጵያን ድንበር አልፈው ወደ ደቡብ ሱዳን ሳይገቡ አልቀረም...) ነፊሳን እና አራት ሚዜዎቿን በመያዝ ፀጉራቸውን ላጭተው፣ ጥፍራቸውን ቆርጠው አራቱንም ሚዜዎቿን በልተው እሷም ተራዋን መጠባበቅ ጀመረች...
እናም በዚህ መሀል የሩቁ ወዳጇ ጌትዋና ትውስ አሏትና እንዲህ ያለችበትን አወጋቻቸው፦
"አባቴ ትደርሳላችሁ ይባላል መች ነው የምትደርሱት
የሙሽራ ፀጉሬን ላጩት የሙሽራ ጥፍሬን ቆረጡት
የሙሽራ ሽፋሽፍት ቅንድቤን አነሱት
አባቴ ትደርሳላችሁ ይባላል ታዲያ መች ነው ምደርሱት..." ከጃዩ ከጀለ ተከጃዩም መለሰ... ከመቅፅበት በብረት መወርወሪያ የተቀረቀረው ዳህ በር ተከፈተ... ኑር ሆነው፣ ኑር ለብሰው፣ ኑር ተለቅልቀው ያ መልከመልካሞቹ ጌትዋና ብቅ አሉ... እንድትነሳና እንድታመልጥ ነገሯት... ድንጋጤዋ ሳይበርድ ተነስታ ክፍሉን ለቃ ወጣት እሷ ልትጣድበት እሳት ላይ የተቀመጠው ድስጥ ውሀው ይፍነከነካል፤ ገዳዮቾ የሞት ያህል እንቅልፍ ላይ ወድቀዋል... ወዲያው እግሬ አውጪኝ ብላ ሮጠች መመለሻ መንገዷ እንዳይጠፋባት በመሀል መሀል የሆነ ስአት ጌትዋናን ከሩቅ ታያቸዋለች... መንገድ እያመላከቷት መሆኑ ገብቷት እነሱን ተከትላ ቄዋ ፣ ወንዟ ደረሰች...

ይህንን ክስተት አንድ የጌትዋና የቅርብ ወዳጅና ደረሳ የነበሩት ሸህ ሱሩር ሰምተው ለጌትዋና አጫወቷቸው ጌቱዋም ፈገግ ብለው "የተደገፉት ሳይወድቅ፣ የተደገፈው አይወድቅም..." ብለው መለሱላቸው...

በል ያዝ ወንድም እነሱ እስኪወድቁ እኛ አንወድቅም...

አበቃሁ!

ክፍት የኺድማ ማስታወቂያ 📣

ምናልባትም ብዙዎቻቹ ልብ እንዳላችሁት እንገምታለን:: በAbret Pro ገልፆቻችን በ📱 youtube (over 18,000 subscribers) 📱Facebook (over 10,000 followers) እና ✈️telegram (over 3,900 subscribers) ይለቀቁ የነበሩት የመንዙማ ቪዲዮዎች እንዲሁም ፅሁፎች ከበፊቱ አንፃር በጣም ተቀዛቅዘዋል:: youtube ላይ ቪዲዮ ከለቀቅን ወራቶች አልፈዋል:: ይህ የሆነው በአድሚንነት ያገለግሉ የነበሩ ሁለት አድሚኖቻችን በነበረባቸው የስራ ጫና ምክንያት ከገልፁ በመውጣታቸው ነው:: ገልፆቻችን አክቲቭ ሆነው ይቀጥሉ ዘንድ በምትካችው ሀላፊነት የሚሰማቸው ሌላ ሁለት አድሚኖችን ለመጨመር ወደድን::

መስፈርት:-
➦ በቪዲዮ ኤዲቲንግ የተወሰነ እውቀት ያለው
➦ ለመሻኢኾቻችን ሐድራ ቅርብ የሆነ
➦ የተለያዩ ቀሰሶችን ፥ አስተማሪነት ያላቸው የተሰውፍ ፅሁፎችን ከመሻኢኾቻችን ንግግር ወይም ከቁርዓን አልያም ከሐዲስ አጣፍጦ መፃፍ የሚችል
➦ በኢስቲቃማ ለመኻደም ዝግጁ የሆነ
➦ ከገልፆቻችን ይዘት ጋር ተስማሚ የሆነ

ክፍያ :- ከአላህ

ከላይ የተጠቀሱትን መስፈርቶች አሟልቶ ለመኻደም ዝግጁ የሆነ ሰው ካለ በ 📱messenger መልእክት ያስቀምጥልን:: ከሚደርሱን ጥያቄዎች መሀል ለገልፃችን ተስማሚ ነው ብለን ያመንበትን ሁለት አድሚን መርጠን እናስገባለን::

ሼር በማድረግ ተደራሽ እንድታደርጉልን የትብብር ጥያቄ እንጠይቃለን🙏

እኛ ተሳስተን አልያም ውሸ'ታሞች ተብለን ሐሪማዎቻችን ከሴረ'ኞች ከይድ ቢጠበቁልን የብዙዎቻችን ምኞት ነው::

ትላንትና የተከበሩ ሙፍቲ ሐጅ ዑመርን እግር ስመው መጅሊስ ከገቡ ፥ በሁዋላም ከካ'ዱ ፥ ዑለሞችን ካሳ'ደዱ ፥ ኢማሞችን ካሳ'ሰሩ ፥ መስጂዶቻችንን ከቀ'ሙ ፥ ከፊት ሆነው ከገፉንና ሲመቻቸው ሱፍይ ሌላ ግዜ ደሞ ኢኽዋን እየሆኑ ተመሳስለው ካስጠ'ቁን ግለሰቦች ውስጥ አንዳቸው በሀሪማዎቻችን ጉዳይ ውስጥ ጣልቃ የገቡ ፥ እጃቸውን ያስገቡ እንደሆነ ለሸር እንጂ በምንም መልኩ ለኸይር ሊሆን እንደማይችል የሚያጠያይቅ ጉዳይ አይደለም:: ሀሪማዎቻችንን (የሸይኾቻችንን መንገድ) ነቃ ብለን በጥንቃቄ መጠበቁ የግድ ነው::

የማንቂያ ጥሪ! [አብሬት]

በአብሬት ሸይኾች የቆመውንና እስካሁን አብርቶ ያለውን ታላቁ የአብሬት ሀድራ ተርቲቦችን ለማፍረስ ፥ በሀሪማው የነበረውን የተሰውፍ መስመር ፥ ዒባዳና የትምህርት አሰጣጥን በልማት ስም ወይም የሂፍዝ መሀከል በማቋቋም ስም አስታኮ መስመር በሳቱ አካሄዶች ለመቀየር ታቅዷል::

የመሻኢኾቻችንን አቂዳ ሙሉ በሙሉ በሚቃረኑ በእነ አዩብ ደርባቸው ፥ ኑረዲን ደሊል ፥ ባቂል በደዊ እና ሌሎችም የሚመራ ስብስብ ወደ አብሬት ሐሪማ በልማት ስም ለመግባት አቅዶ እየተንቀሳቀሰ ነው:: ጉዳዩን በደምብ ያልተገነዘቡ አንዳንድ ሙሪዶችን እና አንዳንድ የሸኾችን ቤተሰብ አካታው ይዘው በግልፅ እንቅስቃሴ ጀምረዋል::

አብሬት ማንነታችን ፣ ህልውናችን ነው! ለሀገራችን እስልምና ታላቅ መሰረትም ነው:: ከመሻኢኾቻችን መንገድ ባፈነገጡ ስብስቦች የመማር ማስተማር ሂደቱ እንዲለወጥ ልንፈቅድ አይገባም! ህዝበ ሙስሊሙ ይህንን ሊያውቅ አውቆም ከዚህ ሴራ ሐሪማውን ሊታደግ ይገባል::

መልእክቱን copy & post ወይም share በማድረግ ተደራሽ እንድታደርጉልን እንጠይቃለን 🙏🏻

ስለ ትልቆቹ እንጫወት :- ሶስት

ጌትዋ(አባ ራሙዝ) ኧጆካ ታድመዋል... እንደነ ቀኝ አዝማች አመርጋ ፣ ተሰማ ነጋ ፣ ሸህ ሽፋ ፣ ሀጅ ራህመቶ ፣ ሽራር ሀሰን... ያሉ ባለአባቶችም የእለቱ ሸምጋዮች ነበሩ...

የተጣላ ታርቆ ፣ የተበደለ ተክሶ ፣ በዳይ ተቀጥቶ ካበቃ ወዲያ ጌትዋና ቀኝ አዝማች አመርጋን "አዝማች!" ብለው ጠሩ...
አዝማችም "አቤት ጌትዋ..." መለሰ...
"የሰው ልጅ አለም የያዘችው ሁሉ ኸይሯ ፣ ሁሉ ሀብቷ ቢሰጠው እንደው ምን ባይኖረው ምን ይገዛባት ነበር..." ጌትዋና ጠየቁ...

አዝማችም ፍቃድ ወስዶ ከታደሙት ባለአባቶችና ከእለቱ ሸማጋዮች ለጥቂት ደቂቃዎች ተማከሩ ፣ አወጡ ፣ አወረዱና... መልሱን ለመመለስ ዳግም ጌትዋና ፊት ቆሙ "የሰው ልጅ የአለም ኸይር ፣ የአለም ሀብት ቢሰጠው አቅፎ የሚያሳድገውን ፣ አድጎም የሚጦረውን ፣ ሲደክመው የሚደግፈውን ፣ ንብረቱን የሚያወርሰውን የራሱ የአብራኩን ክፋይ ልጁ ይገዛበት ነበር..." ብለው ሀቅ ያሉትን ፣ ጉራጌም ሀቅ ያለውን ምላሽ ሰጡ...

ጌትዋና አንገታቸውን ዝቅ አርገው ትንሽ ቆየት አሉና ቀና ብለው ዙሪያቸው ያለውን የጆካ ታዳሚ እየተመለከቱ "እኔ ደሞ ወላሂ ፣ ወላሂ እላቹዋለሁ የሰው ልጅ የወለደውን ፣ ልጁን አውጥቶ ገብያ ይሸጠው ነበር ትእግስት ፣ መቻልን ሊገዛበት ቢሆን..." እህህህ እያይጌታ ፣ እያይኑር ፣ እያዬጥላ...

እናም ወንድሜ በል ያዝ "የአለም ኒዕማ ፣ የአለም ሀብቷ ቢገኝ ትእግስት ይገዛባት ነበር..."

አበቃሁ!!!

ስለ ትልቆቹ እንጫወት:- ሁለት

አህመድ በእስልምና ማንነት ታንፆ ያደገ ጥንቁቅ ግለሰብ ሲሆን ጠሪቀተል ቃዲሪይን በሸምሰል አብሬት አልሳኒ ሸህ ሰይድ አባ ራሙዝ ተለቅነው ወደ አሩሲ በመውረድ ጠሪቀተል ቃዲሪያን በባሌ እንዲሁም በአሩሲ በወቅቱ ካስፋፉት የቃዲሪያ ጨረቃ ሸህ ከድር ወሊሶ የሲር አውራድ ያነሳ ግለሰብ ነበር...

አህመድ ትውልዱም ሆነ ኑሮውን ያደረገው በአሩሲ ቢሆንም ለጌትዋ እጅግ ውዴታ ነበረው...

ከእለታት ባንዱ ቀን ወደ ጌትዋ ሀድራ አብሬት ለመሄድ ስንቁን ቋጥሮ፣ ጓዙን ጭኖ ተነሳ...
የመሄዱም ዋነኛ ንያ ከሸሆቹ እቺን አለም ኖሮ የሚሰናበትበት ምክራቸውን አሊያም የመንፈሳዊ ህይወት ስንቅ ፍለጋ ነበር...

ከቀናት አድካሚ ጉዞ በሗላ አብሬት ሀድራ መግሪብ ካለፈ ወዲያ ደረሰ...

ጌትዋ ዘውትር ሀሙስ፣ ሀሙስ መግሪብ ከተሰገደ ወዲያ አንዲ ሲኒ ቡና ጠጥተው ወአዝ መናገር ይጀምራሉ...
እንደ ተውፊቁ ሆኖ የሀድራ መግቢያ በር ላይ ሲደርስ ጌትዋ ቡና ጠጥተው ወአዝ ጀመሩ:-
"ጥሩነት ጥሩ ነው፤
  ጥሩነት ለራስ ነው፤
  የሰው ልጅ ጥሩ ሲሆን ጥሩ ነው፤
  ጥሩ በመስራት ውስጥ ፀፀት የለበትም፤
  ጥሩነት ተሆነማ በጥሩ ያደርሳል፤
  ጥሩ ሁኑ፤ በጥሩ ትደርሳላችሁ..." እህህህ...
አህመድም ቀኝ እግሩን ወደ ሀድራ አስገብቶ በሩ ላይ ባይኑ የሚቀመጥበትን ቦታ እየቃኘ ሳለ ይህንን የጌትዋና ቃል ሰማ...
የአህመድን ቀልብ ይህቺ ቃል አጠገበቻት... ተዚህ በላይ የመጪዋ አለም ስንቅ ሊሆን የሚችል ነገር የለም አለና እግሮቹ ካዛላቸው የመንገድ ድካም ጥቂትም ሳያርፉ ፊቱን አዙሮ ዳግም መንገድ በመነሳት ወደ ቄው ተመለሰ...
ጥሩ ሆኖ፣ ጥሩ ሰርቶ፣ ጥሩ መክሮ፣ጥር ተናግሮ፣ በጥሩ ሞተ...

እንግዲ ወንድሜ በል ያዝ "ጥሩነት ለራስ ነው..."

አበቃሁ!!

   ስለ ትልቆቹ እንጫወት:- አንድ

ሸምሰል አብሬት ሸህ ሠይድ አባ ራሙዝን በሸንጎ መሀል አንድ ግለሰብ "ጥያቄ አለኝ!" ብሎ ለመናገር የጌትዋን ፍቃድ ተቀበለ...
ቀጠለና ጌትዋን እየተመለከተ ከተሰበሰበው ህዝብ መሀል ቆሞ "ከሰው ሁሉ ሞኝ ማን ነው?" የሚል ጥይቄ ሰነዘረ...
ጌትዋና እንደ ዘውትር በዝምታ አቀርቅረው ለደቂቃዎች ከቆዩ ወዲያ እንደ ሁል ግዜው "ሀቅን አናግረኝ..." ብለው ንግግራቸውን ጀመሩ "ከሰው ሁሉ ሞኙ ቤት የሚሰራ ሰው ነው..." የሚል ህዝቡን ግራ ያጋባ ምላሽ ሰጡ...
ጠያቂው ግለሰብ ከቆመበት ሳይቀመጥ "እንዴት?" መልሶ ጠየቀ...
"ቤት የሰራ ሰው በቤቱ ልጆች የሚያሳድግበት ፣ ያደጉትን የሚድርበት፣ ደግሶ የሚያበላበት ፣ ብዙ ኸይር ብዙ ቸር የሚያይበት ፣ ብዙ የሚዘወትርበት ይመስለዋል... ቤት የሰራ ሰው ያህል ሞኝ የለም..." ጌትዋና ዱንያን ጭንቀታቸው አድርገው የመጨረሻይቱን አለም ለዘነጉ ሰዎች እጅግ የሚያስደነግጥ ግን ሀቅነቱ የገነነ ምላሽ ሰጡ...
ሰውየው አሁንም ጠየቀ "ከመሬትስ ምኑ ይገርማቹዋል?"

ጌትዋና አሁንም ለደቂቃዎች ዝም አሉ... እነሱ ዝም ሲሉ ሰው ኧረ ምን ሰው ብቻ እንስሳ ፣ ምደር ሰማዩም አብረው ዝም ይላሉ...
ካቀረቀሩበት አንገታቸውን ቀና አድርገው "ከለፋላት ፣ ካለማት ፣ ከገነባት የማትኖረው ነገር ሁሌ ከባዳ ከአዲስ ሰው የምትኖረው ነገሯ አንደው እናስበውና ይገርመናል..." እህህህህ... ያሳሂበል ሀቅ....

እንግዲ ይኸው ነው ወንድሜ "ምድር ሁሌ ከባዳ ትኖራለች..." እንዳትረሳት...

አበቃሁ!

ልዩ የሆነች ሰለዋት

‎اللَّهُمَّ صَلِّ وَسَلِّمْ وَبَارِكَ عَلَى سَيِّدِنَا مُحَمَّدٍ النَّبِيِّ الأُمِّيِّ الْحَبِيبِ الْعَالِي الْقَدْرِ الْعَظِيمِ الْجَاهِ وَعَلَى آلِهِ وَصَحْبِهِ وَسَلِّمْ

አብሬትዬ መጅሙዕ ኪታባቸው ላይ ከትበውታል... (ጡባ ሊመን ቀረኣሃ) ብለው አክለውበታል:: ሶለዋቱ ሚን ባዕዲል ዓሪፊይን ነውም ብለዋል:: ኢማሙ ሡዩጢይን የመሳሰሉ ጠቢቦች እንዲሁም በተለያየ የአለሙ ክፍል ያሉ ዓሪፎች ስለዚህ ሶለዋት ብዙ ብዙ ብለዋል... ሠይዲ ሀገር ከመቀየራቸው የተወሰኑ ቀናቶች በፊት ስለዚህ ሶለዋት አንስተው ይህንን ሰለዋት አምስት መቶ ግዜ የቀራው ሰው የነብያችንን ሶለላሁ ዓለይሂ ወሰለም በረካ ያገኛል አሉን:: አክለውም ሶለዋቱ የሠይድ አሕመደል በደው መሆኑን ነገሩን:: ቀደሠላሁ ሢረሁም አጅመዒይን::

ለይልተል ጅሙዓም አይደል? ይህንን ውብ ሰለዋት እንከርረው

‎اللَّهُمَّ صَلِّ وَسَلِّمْ وَبَارِكَ عَلَى سَيِّدِنَا مُحَمَّدٍ النَّبِيِّ الأُمِّيِّ الْحَبِيبِ الْعَالِي الْقَدْرِ الْعَظِيمِ الْجَاهِ وَعَلَى آلِهِ وَصَحْبِهِ وَسَلِّمْ

ቃሙሡ ፉቱሓቲላህ
መዝሀሩ ሚን ጀማሊላህ
ወሑጅቡ ሊጀላሊላህ
🥁🥁🥁ሠይዲ ያረሡለላህ

ወለምዑ ዒንደ ባቢላህ
ወነጅሙ ሊአርዋሒላህ
ዲየቱ ቁተላኢላህ
🥁🥁🥁ሠይዲ ያረሡለላህ

ወኑሩ መዳኢኒላህ
ፈለቀ ሱብሑ ሢሪላህ
ጦልዓቱ ለውኒ ዐርሺላህ
🥁🥁🥁ሠይዲ ያረሡለላህ

አጊሥና ያረሡለላህ
መዝሀሩ ሚን ካእሣቲላህ
ጢራዙ ሊዉጁዲላህ
🥁🥁🥁ሠይዲ ያረሡለላህ

አድሪክና ያሐቢበላህ
ሙራዱን ሚን ሙራዲላህ
ኡክቱብና ፊዙምረቲላህ
🥁🥁🥁ሠይዲ ያረሡለላህ

ሸይኽ ሠይድ ሚቅባሰ ኑር አብሬትይ ቀደሰላሁ ሢረሁ የባጢንም የዛሂርም ሐኪም እንደነበሩ ብዙዎቻችን እናውቃለን:: በመድሃኒታቸው እጅግ ብዙ ሰው ሽሯል:: ሀኪም ቤት መድሀኒት አጥቶ እሳቸው ጋር ሄዶ የሻረው ቁጥር ስፍር የለውም:: ይህንን የሚያውቅ ሰው በስማቸው መሸቀጥ የፈለገ ይመስላል...

ይህ ከታች ያስቀመጥኩትን ፎቶ ከአንድም ሁለት ሶስቴ ፌስቡክ ላይ ተለጥፎ ታዘብኩት:: በዚህ ልክ መሻኢኾችን መዳፈር ለቁራሽ ዳቦ ብሎ በስማቸው መቅጠፍ እጅግ አሳፋሪ የሆነ ተግባር ነው:: ይህ ልጥፍ ማንነቱ በማይታወቅ ሰው የተለጠፈና አላማው ምን እንደሆነ በግልፅ ያልታወቀ መሆኑን ላሳውቅ ወደድኩ::

ሠይዲና አቡበከርን(ረ.ዐ) ከዑማው ሁሉ ሠይድ ያስባላቸው ምንድነው? ስል ሠይዲን ጠየቅኳቸው አለኝ አንድ ወንድሜ...

የኸልቁ አይነታ ነብያችን ሶለላሁ ዓለይሂ ወሠለም ወፋት ያደረጉለት ሶሀባው ተራበሸ... እንዳይሆኑ ሆነ ከፊሉ እራሱን ስቶ ወደቀ : ሠይዲና ዑመር(ረ.ዐ) እስቲ አንድ ሰው ሞተዋል ብሎ ይበለኝ ብለው ሰይፍ መዘዙ... ሠይዲና አቡበከር ሲነገራቸው ኢናሊላሂ ወኢና ኢለይሂ ራጂዑን ነበር ያሉት... ሀዘናቸውን በውስጣቸው ይዘው አሽረፈል ኸልቅﷺ ወዳረፉበት ዘለቁ ግንባራቸውንም ሳሙ... አንቱ ለተጨነቃችሁለት ፥ በሀያት ሳሉ ላሰቡለት ነገር ሁሉ እኔ አለሁ አሉ...

ወደ ሶሀባው ወጡ ሠይዲና ዑመርን ሶሀባውን ሁሉ አረጋጉ... ሙሐመድንﷺ የሚገዛ ካለ በእርግጥ ሙሐመድﷺ ሞተዋል! አላህን የሚገዛ ግን አላህ ዝንተ አለም ኗሪ ነው ብለው ሶሀባውን አስታወሱ...

ሠይዲ ይህንን አጫወቱኝና "አየህ ይህ ኢማናቸው ነው ከኡመቱ ሁሉ ሠይድ ያስባላቸው" አሉኝ አለኝ... ይህንን ያጫወተኝ በሁሉ ነገራችን ሠይዲን ተደግፈናቸው ኖረን ድንገት በአካል ስናጣቸው አቅም አጣን ብርክ ብርክ አለን ብዬ ስለው ነበር:: እንግዲ ሸይኾቻችን ለተጨነቁለት ላሰቡለት ዲን የምናስብ የምንጨነቅ ፥ ለቆሙለት ዲን የምንቆም ሪጃሎች አላህ ያድርገን🤲

ወስያዬ ነው! የጌቶች ፀጉር ሳጥኔ ውስጥ አለ... አላህ ብሎ ሞ^ት የመጣለት ነገ በጭንቁ ቀን ሸፈዓ ይሆንልኝ ዘንድ አደራ ልጆቼ በአይኔ በጆሮዬ በአፍንጫዬ ፀጉራቸውን አኑራችሁ ቅበሩኝ::
🔣ፊት ልጅ እያለሁ አባቴ ሰብስበው አደራ ያሉን🔣

አባቴ እጅግ አላህን ፈርተው የሚገዙ አብዝተው ቀብርን የሚፈሩ ጀላላው የተገለጠባቸውና መስቱር የሆኑ የአላህ ባርያ ናቸው:: ልቅናቸው በብዙ አካቢሮች ተመስክሮላቸዋል... አብሬቶቹ ሠይዲ አበራሙዝ እና ሠይዲ ሸይኽ ሚቅባስም (ቀደሠላሁ ሢረሁም አጅመዒን) በግልፅ ተናግረውላቸዋል:: የቁርአንና ሶለዋት ወዳጅ ፧ ሌት ተነስተው የሚቆሙ ፧ ነዋፊል የሆኑ ሰላቶች አንድም የማይቀራቸው ሌት ተቀን ውሎዋቸው ከቁርአንና ሰለዋት ጋር የሆኑ ሰው ናቸው:: ደሞም የመሻኢኾች ሁሉ ወዳጅ ናቸው... እሳቸው ጋር ተፈልጎ የሚጠፋ አንድም የሀገራችን መሻኢኽ ኪታብ ይኖራል ብዬ አልልም:: ያ ከመሆኑም ጋር ነገ አላህ ፊት ሸፈዓ ይሆነኛል ከአላህ ጋር ያስታርቀኛል ብለው የከጀሉት ግን የሸኾችን ፀጉር ነው::

ነገሩ ሶሀቦቹ በነብያችንﷺ ፀጉር ተበሩክ ያደርጉ እንደነበረው ፥ ፀጉራቸውን ሲላጩ ይሻሙ እንደነበረው ፥ ሠይዲና ኻሊድ(ረ.ዐ) ፀጉራቸውን ከኮፍያቸው ጋር ያደርጉት እንደነበረው ነው::

⭐️⭐️ከጌቱዋ ወአዝ የተወሰደ⭐️⭐️

ዮሄ ቃር ያትሻሞሂ ቃር የኸረ በኸረማ ወሄም ቃሩ:: የዒባዳ ያትሻሞሂ ቃር የኸረ በኸረማ ዒባዳሙ:: ዑቡዲያ ያትሻሞሂ ቃር ዑቡዲያሙ... ፈርድ ያስደገፊ ቃር በኸረ ፈርድሙ... ሱና ያትሻሞሂ ቃር በኸረ ሱናሙ... ከረሀ ያትሻሞሂ ቃር በኸረ ከረሃሙ... ሀራም ያስደገፊ ቃር በኸረ ሀራሙ::

ፎያት የኸረ በኸረማ አፊተሁታነ የሜናና ይደግፌሸ በባረ ፎያትም ሁታ ቲባዳው:: የዒባዳ ይደግፌሸ ቧርምታነ የራዊ በኸረማ ዌንት ሁታ ተኢባዳው... የወኔም የሰጠዊም በኸረ ብሮት ስጠዎት ሁታ ተኢባዳሙ....

✨✍️በአማርኛ

ከጥሩ ነገር ጋር ያስደገፉት ነገር የሆነ እንደሆነማ እራሱም ጥሩ ነገር ነው... ከዒባዳ ያስደገፉት ነገር የሆነ እንደሆነማ ያው ኢባዳ ነው:: ዑቡዲያ ያስደገፉት ነገር ዑቡዲያም ነው:: ፈርድ ያስደገፉት ነገር እንደሆነ ፈርድም ነው:: ሱና ያስደገፉት ነገር እንደሆነ ሱናም ነው:: ከረሃ ያስደገፉት ነገር ከሆነ ከረሃም ነው:: ሀራም ያስደገፉት ነገር ከሆነ ያው ሃራም ነው::

እረፍት የሆነ እንደሆነ አርፌ ለዒባዳ ያግዘኛል ካሉ እረፍቱም ከዒባዳ ነው:: ለዒባዳ ይደግፈኛል ብሎ የተተኛ እንደሆነ እንቅልፉም ከዒባዳ ነው... የበሉም የጠጡም እንደሆነ መብላት መጠጣቱ ከዒባዳም ነው::

ተወዳጁ ሸይኽ ሐቢብ ዑመር ሐፊዘሁላህ ለውዱ ሸይኻችን ሠይዲ ሸይኽ ሚቅባሰል ኑር ቀደሰላሁ ሢረሁ ዱዓ ሲያደርጉ

ምስል:- ሸይኽ ሐቢብ ዑመር ሠይዲ ሸይኽ ሚቅባስ አልኑር መኖሪያ ቤት ለዚያራ የሄዱለት

ግዜ ይበራራል... መጨረሻ ያለው ነገር ብዙም ግዜ ቢሆን መጥቶ ይደርሳል... መጀመሪያ ያለው ነገር አውሰጥ አለው... አውሠጥ(መሀል) ያለው ነገር መጨረሻ አለው... መጨረሻ ያለው ነገር ሁሉ መጨረሻው ቶሎ መጥቶ ይደርሳል::

መላይካ ብዙ ዘመን የሚኖሩ አሉ... በብዙ ሚሊየን አመት የሚቆጠር አመት የሚኖሩ አሉ... ቢቆዩም መጨረሻቸው ያው ሞ^ት ነዉ::

ሰው ሀሳቡ ምኞቱ ብዙ ነው... ይመጣል የተባለው ዘመን የሚመጣ አይመስለውም... ልጅ የሆነ እንደሆነ አድጌ ፂም አበቅላለው ብሎ አይልም... ደርሼ ሽማግሌ እሆናለሁ ብሎ አይልም... ሁሉም ግን ወዲያውኑ መጥተው ይደርሳሉ::

ከሰው ብዙ የኖረው 1000 አመት ነው:: አንድ ሁለት ሰዎች ከዛ የጨመሩ አሉ እንጂ... ሺ አመት የቆየውም ጨርሶ ሄዷል... ሰው የሆነ እንደሆነ እንደ እንጨት ቆሞ የሚኖር ነገር የለም:: እድሜው ትንሽ ነው... የሰራበት ከሆነ ብዙ ነው እንጂ ካልሰራበት እድሜው ትንሽ ነው... ዛሬም የሞተ ሰው በነብዩሏህ አደም(አ.ሰ) ግዜ ከሞተ ሰው ጋር ሄዶ ይቀላቀላል...

✍🏻ከሸምሰ ዲነል አብሬትይ ሠይዲ አባራሙዝ(ቀ.ሢ) ወአዝ የተወሰደ

✍🏻ክትበ ስንብት በኸውላን ሰይድ
ክፍል-3

8ቀን እለተ እሮብ ወርሃ ነሃሴ 2016 ከቀኑ 11ሰአት ሼሆቹ እቺን አለም ትተው ተሻገሩ...
(በሰፈር 10 1446 እንደ ሂጅራ አቆጣጠር)
ትላልቆቹን ያለፉበትን ቀን ዘግቦ ያስቀመጠ፣ ያስተላለፈ፣ ለሌሎች የተናገረ ያለፉት የሼሁ ሙሀባ በእሱ ላይ ግዴታ ይሆንለታል ፦ ጀማሉ ዲን አል አንይ ኪታብ የተወሰደ...
እናም ሼሆቹ የሄዱበትን ቀን ፃፉት፣ አስተላልፉት፣ ተናገሩት ውዴታቸውን ታሸንፉበታላቹ...

ወንድሜ ረስተከው ከነበር ሞ^ት እውነት ነው... ቀብርም እውነት ነው... ሞቶ መነሳትም እውነት ነው... አላህ(ሱ.ወ) ፊትም በእርሱና በሰራከው መሀከል አንዳችም ሂጃብ ሳይኖር መቆሙ እውነት ነው...
የሰው ልጅ ወንጀልን ምንም አልሰራሁም ብሎ ይምላል አሉ... በሰራው ላይ መስካሪው አላህ(ሱ.ወ) እንደሆነ የረሳው ይመስላል...

ጌትዋና(የአብሬቱ ሁለተኛ ኸሊፋ ሸህ ሰይዲ ባኡ ሳሊስ) አባታቸውን ለመዘየር በእናንገራ ተገኝተዋል...

በወክቱ የአብሬት ግምጃ ቤት አስተዳደር የነበረውን አህመድ ጉርባን አስጠሩት...
"ለበይክ ጌየትዋና!!" መለሰ...

ጌትዋና ከቀናት በፊት በአፍጥር በኩል በበቅሎዋቸው ተጭነው ሲያልፉ አንድ ገበሬ የሰፈር አማራ ሰፈር የሚባለው ቦታ ላይ የዘራውን ጤፍ አይተው ቦታው ቢዘራበት የሚሰጥ መሆኑ ስለተረዱ ከመሬቱ ቆርሶ እንዲሸጥላቸው አስማምተውት አፍጥር ሰፈር አካባቢ መሬት ገዝተውት ነበር...
"ለአንድ ለጠና ጉዳይ ፈልገንክ ነበር..." ጌትዋና ቀጠሉ "ከአብሬት በታች ከአፍጥር ገብያ አቅራቢያ በምትገኝ መንደር የሰፈር አማራዎች በሰፈሩበት ሰፈር የተባለ ቦታ ላይ አንድ መሬት ገዝቻለሁ... እና ይህንን መሬት አንተ አንድ የምትተማመንበትን ሰው ጨምረህ ጤፍ እንድትዘራበት ትእዛዝ ልንሰጥህ ነው..." ጌትዋና ተናግረው እንደጨረሱ በሀያ የተደፋውን አንገቱ ቀና ሳያደርግ አህመድ ጉርባ "አይ ጌየትዋና ከሰው፣ ከሙሪድ አርቃቹ አትጣሉኝ..." ንግግሩ ከጌትዋና የመራቁን ብሶት አሳስቦት እንጂ የድፍረት አይደለም...

ጌትዋና የአህመድ ጉርባ ጭንቀት ስለገባቸው ቅር ሳይሰኙ የማባበል ያህል "ከቀናት በፊት በኢሻራዬ ሱራዲቀተል ጀላል ላይ አንዲት የተለየች ከዚህ ቀደም አስተውያት የማላውቃትን ኑር አየሁ... የዚህችን ኑር ምንነት ለአንድ የአላህ አገልጋይ ጠየኩት እሱም 'ይህች ኑር ከአለመል አርዋህ አላህ(ሱ.ወ) ሊፈጥር ያወረዳት ሩህ ናት...' ብሎ መለሰልኝ ኑሩዋ ስለገነነብን ስሯን አስተዋልነው(ጌትዋና አንድ ከነሱ ውጪ ያልተሰጠች ስጦታቸው የአንቢያ ሆነ የአውሊያ አልያም የአህለ ሲር ደረጃን ጠንቅቀው ቦታውን ያውቁታል) ... እናም ከሌላ ሊፈጥረው የነበር ቢሆንም ይህ ሩህ ከኛ እንዲያደርገው ሀድረተላህ ተመላልሰን አላህም(ሱ.ወ) እሺ ብሎናል..." ጌትዋና አህመድ ጉርባን ተመለከቱት አሁንም አንገቱን ደፍቶዋል "እና የኛ ችግር የአንተ ችግር አይደል... ይህ ያልኩህ ልጅ በሀገራችን በሰፊው የሚበላውን ቆጮ ማይበላ ነው... ታዲያ አህመድ የኛ እንግዳ የአንተ እንግዳ አይደለም በወጉ አትቀበለውም..." ጌትዋና ንግግራቸውን እንደጨረሱ አህመድ ጉርባ ጉልበታቸውን ስሞ ወደ አብሬት በመሄድ አንድ በጉብዝናው የሚያምንበትን ጎልማሳ ይዞ ወደተባለው ቦታ ወረደ...

እቦታው ላይም ለራሱ ማደሪያ እልፍኝ፣ ለእህልም ማከማቻ የሚሆን ጎተራ በሰዎች ረዳትነት አቁሞ ግንቦት ላይ ገምሶ፣ በሀምሌ ዘርቶ እና አረሶ፣ በመስከረም አርሞ፣ በህዳር አጭዶ፣ በጥር ወቀቶ አመረተ በመቀጠልም እንደወጉ ጎተራ አስገብቶ ከመረ... ባበጀው መቀርቀሪያ ዘግቶ ወደ አብሬት አቀና...

አህመድ ጉርባም አብሬት እንደደረሰ ጌትዋና ዝያራ ቤት መሆናቸውን ስለተረዳ ወደዝያራ ቤት በመሄድ እጃቸውን ስሞ የጎተራውን ቁልፍ አስረከባቸውና "ያ ቆጮ አይበላም ያላቹት ልጅ የታል?" ብሎ ጠየቃቸው...

ጌትዋናም የጎተራውን ቁልፍ መልሰው እየሰጡት "ያማስ የኛ እና የአንተ ሚስጥር ነው... ያልኩህ ልጅ እናቱ ሌላ ቦታ አግብታ እየኖረች ነው... እኛ ጋር ልትገባ ገና ሶስት አመት ይቀራታል... እስከዛ ይህም ቁልፍ አንተ ጋር ይሁን ጎተራውም አመት ሞልቶ አዲስ ዘር ሊታጨድ ሲል ያለፈውን ለደረሳ ስንቅነት እያውልክ ስራህን ቀጥል..." አህመድ ጉርባ ይህንን ትዛዝ ተቀብሎ እጅ ስሞ ወደ መጣበት ዳግም ተመለሰ...

አህመድ ጉርባ እንደተናገረው "ጌትዋና ባዘዙኝ ሁኔታ ሶስት አመት ከቆየሁ በሃላ አንድ ቀን አስጠሩኝ... ወደ አንድ እልፍኛቸው ገባሁ እጃቸውን ዘየርኩኝ... ከጎናቸው መልከመልካሞቹ እሜት ዘሃራ(የጌኔ አዲ) ተቀምጠዋል... ገና የጌትዋና እና የእሜት ዛሃራ ኒካህ የታሰረ ቀን ነው... 'አህመድ ያልኩህ ልጅ እናት እሷ ናት የጎተራውን ቁልፍ አስረክባት...' የሚል ትእዛዝ ሰጥተውኝ ቁልፉን ለእሜት ዛህራ አስረከብኩኝ..."

ይህ የፅሁፍ ከዚህ በሃላ:-
ክፍል-4 ስለ አወላለዳቸው
ክፍል-5 ስለ አስተዳደግና የቂርአት ሂወታቸው
ክፍል-6 ስለ ሂወታቸው በአጭሩ
ክፍል-7 ለሙስሊሙ እንዲሁም ለሌላው ማህበረሰብ ስላበረከቷቸው አስተዋጽኦች
ክፍል-8 ስለ ኪታቦቻቸው
ክፍል-9 ስለ ስንብታቸው የሚያወሩ 6 ክፍሎች ይኖሩታል...

ይቀጥላል!!!
አላበቃሁም!!!

ወደ ቀልባቸው ምልስ አሉና እሜት ዛህራ ሶስቴ የታላቁን የአብሬት ሸህ ስም ጠሩ "ዝናዎን ሰምቻለው፣ ስራዎን ሰምቻለው ሰው እንደሚሎት ከሆናቹ ለዚህም ቢሆን መላ አታጡም..." ለመጀመሪያ ግዜ ከአብሬትዮቹ ጊያሳ ጠየቁ...

ብዙም ሳይቆይ የኒካዋ ቀን በደረሰችበት አጥብያ በአፄ ኃይለሥላሴ ክስ ቀርቦበት ሊያገቡት የነበረው የባላቸው ወንድም ታሰረ... 'እድሜ ይፍታህ' ተፈረደበት...

እሜት ዛህራም ይህንን ሲያዩ የሟች ባላቸውን ንብረት በአደራ ለዘመዶቻቸው ሰተው 'ለአባቴ ቁርአን አስቀራለሁ...' በማለት ከሁለት ሴት ልጆቻቸው ጋር ወደ ኧዣ አገና ወረዱ... ያው የሴትነት ወጉ ይዟቸው ኖሮ እንጂ ራሳቸው ለአብሬትዮቹ ሽምግልና ቢልኩ ደስ ይላቸው ነበር...

ገና የአባታቸው እልፍኝ ከመግባታቸውም ዳግም አጎታቸው ሸህ አህመድ ድባባ ከአብሬትዮቹ ሽምግልና ተልከው መጡ...

እሜት ዛህራ በአሁን የአጎታቸው አመጣጥ ምክንያቱ ግልፅ ስለነበር... ለትልቅ እንግዳ የሚቀርበውን ዱክቸ አሰርተው አበሏቸው...

ሸህ አህመድ ድባባ ይህንን ሲያዩ የወንድማቸው ልጅ እንቢታቸውን ወደ እሺታ መቀየራቸው ገባቸው... ሆኖም በአብሬትዮቹ የተላከ አንድ ደብዳቤ ነበርና እሱን ደብዳቤ አነበቡላቸው...

ደብዳቤው ሲነበብ ቆመው ሰሙ... ጉንጭ በእንባ ራሰ...

ሳይቀመጡም በቆሙበት "ለሸሆቹ እሜት ዛህራ አንድ ልመና አላት... ይህንን ልመና እሺ ያላቹ እንደሆን እሷም ለጋብቻው እሺ ብላለች ብላቹ ንገሩልኝ..."

ሸህ አህመድ ድባባ መስማማታቸውን አንገታቸውን ነቅንቀው ገለፁ...

እሜት ዛህራም ቀጠሉ "የእኔና የእናንተ ነገር ተነግሮኛል መጀመሪያውንም ማብቂያውንም አውቀዋለሁ... ስለዚህ የእኔ ልመና በዱንያ ብቻ ሳይሆን በአሄራም የእርሶ ሚስት እንድታረጉኝ ነው..." አቤታቸውን አሰሙ...

የዛኑ ቀን ሸህ አህመድ ድባባ ለአብሬትዮች የእሜት ዛህራን ልመና አደረሱ አብሬትዮቹም መስማማታቸውን ገለፁ...

ከወራት በሃላ እሜት ዛህራ አቦ ሐምዛ ኢዳቸውን ጨርሰው ወደ አብሬት በመውረድ ሸህ አህመድ ድባባ ወኪላቸው ሆነው ከሸህ ሰይድ ባኡ ሳሊስ ጋር ኒካህ ታሰረ...

እሜቴ የእርሶን ሸፈአ እንጂ ለችግሬ ወጥቼ ወርጄ ሌላን ዘዴን አላገኘሁም...

አላበቃሁም!!!
ይቀጥላል!!!

ክትበ ስንብት ✍🏻በኸውላን ሰይድ
ክፍል-2

8ቀን እለተ እሮብ ወርሃ ነሃሴ 2016 ከቀኑ 11ሰአት ሼሆቹ እቺን አለም ትተው ተሻገሩ...
(በሰፈር 10 1446 እንደ ሂጅራ አቆጣጠር)
ትላልቆቹን ያለፉበትን ቀን ዘግቦ ያስቀመጠ፣ ያስተላለፈ፣ ለሌሎች የተናገረ ያለፉት የሼሁ ሙሀባ በእሱ ላይ ግዴታ ይሆንለታል ፦ ጀማሉ ዲን አል አንይ ኪታብ የተወሰደ...
እናም ሼሆቹ የሄዱበትን ቀን ፃፉት፣ አስተላልፉት፣ ተናገሩት ውዴታቸውን ታሸንፉበታላቹ...

እናታቸው እምት ዛህራ አቦ ሃምዛ በዘመናቸው የመልከ መልካምነትና የቁንጅና ውሃ ልክ ነበሩ...
የመልካቸው ማማር የጉራጌን ድንበር አልፎ ጊቤን ተሻገረና የጅማ መኳንንት እና መሳፍንት ጆሮ ገባ... በወቅቱ በጅማ የሚገኝ የሰፊ ግዛት አስተዳደር የአባ ጅፋር የወንድማቸው ልጅ አባ ቦኩ የተባሉ ግለሰብ ሽምግልና ልኮ እሜት ዛህራን አስለምኖ በጋብቻ ወደ ጅማ ወሰዳቸው...

እሜት ዛህራም በዚህ ትዳር እንደ ሲቲ ጡባ(የጠሪቀተል ቲጃንያ ወደ ሐበሻ ምድር ያስገቡት የደንቢዶሎን ሸህ በማግባት እንደ ሰይድ ማእዊያ ያለ ጠሪቀተል ቲጃንያ ከፍ ያደረገ ልጅ በመውለዳቸው ይታወቃሉ) እንደ ቡሳ ሲቲ (የሰይድ ራሙዝ የመጀመሪያ ሚስትና የልጆቻቸው እናት) ያሉ ሁለት ሴት እና ሁለት ወንድ በድምሩ አራት ልጆችን ወለዱ...

ከግዜ በሃላ አግብተው የኖሩበትን እንዲሁም ልጆች ያፈሩበትን ትዳር የሚበጠብጥ አንድ ክስተት ተከሰተ... የልጆቻቸውን አባት በሞት አጡ...
ይህ ከሆነ ወዲያ እንደ አካባቢው ወግ የባላቸውን ወንድም እንዲያገቡ በሟች ባለቤታቸው ዘመዶች ውትወታ ይደረግባቸው ጀመር...

በዚህ መሀልም የአባታቸው ወንድም አጎታቸው ሸህ አህመድ ድባባ ይመላለስ ጀመር... የመመላለሳቸው ምክንያት የአብሬትዩ ሳኒ የሸህ ሰይድ ባኡ ሳሊስ የጋብቻ ጥየቃ ነበር...

ሸህ አህመድ ድባባ ወደ እሜት ዛህራ እልፍኝ አቀኑ... እሜት ዛህራም አጎታቸውን እንደ አጎት የሚደረገውን አድርገው ተቀበሉ...

"እኔ እንኳን አመጣጤ ልጫወት አይደለም... በአደራ የተላከ መልክት ይዤ ነው አመጣጤ..." ሸህ አህመድ ድባባ በጉዳይ መምጣታቸውን ገለፁ...
"አይ የልጅ ቤት ያለጉዳይም ይመጣል... ግን ከዛ ድረስ ያመጣቹ ጉዳይ ምን ነበር?" ጠየቁ እሜት ዛህራ...
"አንድ የዘመናችን ትልቁ ሰው እጅሽን ለትዳር ጠይቀው ነበር..." መለሱ ሸህ አህመድ ድባባ...
"ማን?" ግራ በመጋባት ምላሹን ተጠባበቁ...
ሸህ አህመድ ድባባ ፊታቸውን ቆምጨጭ አድርገው ቋጥረውት "እኔ የማወጋሽ የመሻይሆች ሁሉ ሸህ ስለሆነው ሰው ነው... ስለ አብሬትዮቹ ነው..."
"አይ አጎቴ እኔ ትቼ የወጣሁትን የገጠር ኑሮ ወደ ቸሐ መጥቼማስ ተመልሼ አልቀምሰውም..." በወቅቱ ጅማ የነቃች ከተማ ስለነበረች... እንዲሁም የነበሩበት የንግስት ኑሮን ትቶ መሄድ ከበዳቸው... እልፍኛቸው ወስጥ በቀን አንድ በሬ፣ አንድ በግ፣ አንድ ፍየል፣ አንድ ዶሮ ለእነሱ ብቻ ማጀት ይጣላል... ሲነሱ የሚያሿቸው ሁለት አሽክሮች አላቸው፣ ወደ እልፍኛቸው ለመግባት ማንኛውም ሰው ሰባት በሮችን ማለፍ አለበት... እናም ጥያቄውን በእንቢታ መለሱ...

እሜት ዛህራ በአባታቸው አቦ ሃምዛ በእናታቸው አጀቶ ፋጢማ ጠንካራ የሱፍይ እምነት ተፅእኖ ስር በማደጋቸው እነሱም ጠንካራ ሱፍይ ነበሩና ዘውትር እሮብ እሮብ እጣን አጪሰው፣ ሰንጋ ጥለው፣ ቄጤማ ጎዝጉዘው፣ ቡና አስፈልተው ይቀመጡ ነበር...
እናም አንድ ሱማሌ ሸህ ፈራህ የተባሉ አይናማ የጌታቸው ሰው እየመጡ የእሜት ዛህራ ሀምዛን ደውር ከብዙ ገበሮች ጋር ይሳተፉ ነበር...
በአንድ የእሮብ ጀልሳቸው ላይ ነው... እሜት ዛህራ የአብሬትዮቹን የትዳር ጥያቄ እንቢ ብለው የባላቸውን ወንድም ለማግባት ተስማምተው ኒካ ሊታሰር ኢዳቸውን እየቆጠሩ ባለበት ሸህ ፈራህ "እሜቴ ቸኮላቹ ሰማይም ምድርም የማይሸከማቸው ሰው እጃቸውን ጥለውባቹ ነበር..." ብለው በድብቅም የተወራ አውቃለሁ የሚል አይነት ጫወታ ጀመሩ...

እሜት ዛህራ ነገሩ ስለገባቸው መልስ ከመስጠት ዝምታን መረጡ...
"ይህ የምላቹ ሰው(ሸህ ሰይድ ባኡ ሳሊስን መሆናቸው ነው) አላህ(ሱ.ወ) የዋለላቸው ብዙ ነው... የዘመናቸው ጥላ የነካውን ሁሉ ከቅጣቱ እሳት ነፃ ብሎላቸዋል... አንዴ እግራቸውን አንስተው በአርሺል ከሪም...." ብቻ የሚነገርም፣ የማይነገርም፣ ድብቅም፣ ኢፋም፣ የረቀቀ፣ የጠለቀ ነገር በሚያምረው ድምፃቸው ልብን በሚነካ ቅላፄ እያንጎራጎሩ ስላለፉትም፣ ከበስተ ሁዋላቸው ለሚመጡትም የአላህ(ሱ.ወ) ስጦታ ባልተቤቶች አጎፋሪና አለቃ፣ ሁሉንም በእጃቸው ስለሚያጎርሱት ገወሱ ኩሊ ዘማን፣ ወኑሩ ኩሉል መካን ስለሆኑት ሸህ ሰይድ ባኡ ሳሊስ የራቀን ጫወታ አጫወቷቸው... ሸህ ፈራህ...

"አይ እውነት እንደምትሉት አይነት ታላቅ ሰው በኛው ጉራጌ ተፈጠረ..." እሜት ዘሀራ ጠየቁ...

"እርግጥም ፈጥሮዋል..." ሸህ ፈርሀን መለሱ...

"ታድያ እንዲ ያለው ሰው ከእኔ ምን ሊፈልግ ይችላል?" እሜት ዘሀራ መልስ የሹለትን ጥያቄ ሰነዘሩ...

"ከእናንተ እንዲህ ያለው ሰው ምን ሊፈልጉ ይችላሉ! አንድ ነገር ሲቀር..." ትንፋሻቸውን ሰበሰቡ ሸህ ፈራህ "በእናንተ የሚወለድ አንድ ታላቅ ሰውን እሱን ከጅለው ቢሆን እንጂ..."

ይህ ጫወታ ይበልጥ የእሜት ዛህራን ትኩረት ሳበው አይናቸው ይህ ልጅዎ ነው ስለተባለው ግለሰብ መስማት እንደከጀሉ ለሸህ ፈራህ አሳበቀ...

ሸህ ፈራህም ቀጠሉ "ይህ የምልሆ ልጅ አላህ(ሱ.ወ) ሀይባን አልብሶታል... የተመለከተውን ወኔ ይሰብራል... አንቢያም ሆነ አውሊያ ያከብሩታል... በበድር ጦርነት የአውሊዮቹ ፊት አውራሪ ነበር... ብቻ የአላህ(ሱ.ወ) ስጦታን የማያውቁ ሰዎችን ጥርጣሬ ውስጥ የሚከት፣ ለአላህ(ሱ.ወ) ስጦታን ገደብ የሚያበጁን ሰዎችን የሚያጠራጥር ሆኖም የአላህን(ሱ.ወ) የችሮታ መጠን ቁልጭ አርጎ የሚያሳይ ብዙ በአደባባይ ደፍረው የማያወሩትን ጫወታ ለእሜት ዛህራ አጫወቷቸው...

ከዛም ቀጠሉና በአንድ ዋንጫ ውሃ ስር የሆነች የቁርአን አያ ቀርተው ተፉበት... እንዲጠጡትም ለእሜት ዛህራን ዋንጫውን ሰጧቸው... እሜት ዛህራም ሁለቴም ሳያስቡ በድንጋጤ ውሃውን ጠብታም ሳያስቀሩ ጠጡት... ከዚህ ክስተት ቡሀላ እሜት ዛህራ በልባቸው ላይ ያለ ጥርጣሬ፣ ኩራት ሁሉ እንደተወገደላቸው ይናገሩ ነበር...

ሸህ ፈራህ ጫወታቸውን አልጨረሰም "እሺ ብላቹኝ እኚህን የአላህ(ሱ.ወ) ሪጃል ያገባቹ እንደው አራት ልጆች ይኖሯቹዋል..." ብቻ እሜት ዛህራ ያንን ቀን ሸህ ፈራህ ያልነገሩኝ የሆንኩት የለም ይላሉ...

ኢማም ፈራህ ንግግራቸውን ሲጨርሱ " እኔን ከዛሬ ወዲያ አያገኙኝም... የፊታችን አርብ ልሞት ነኝ... ግን እሺ ብላቹኝ ይህንን ታላቅ ሰው ያገባቹ እንደው ከነገርኳቹ ትንቢት መሃል አንዳቸው ካልሆኑ... ቀብሬ ሱማሌ ጃቢጠህናን የተባለ ቦታ ላይ ነው የሚሆነው... እዛ ደርሳቹ የሸህ ፈራህ ቀብር ብትሉ ማንም ያሳያቹዋል... አንድም ውሸት ተናግሬ ከሆን ቀብሬ ድረስ መታቹ በሙስሊም ቀብር ላይ እሳት አይነድም በኔ ቀብር ላይ እሳት አንድዱ..." አሉ...

እሜት ዛህራም በሸህ ፈራህ ላይ ብዙ ኸይር ስላዩባቸው ንግግራቸው ውሸት እንደሌለው ስላወቁ የዛን ቀን ተለቃቅሰው እና ተሰነባብተው ተለያዩ...

ቢሆንም ጥልቅ ሀሳብ ዋጣቸው የሟች ባላቸው የአባ ቦኩን ወንድም ለማግባት ተስማምተዋል... መልሰው እንቢታቸውን ቢገልፁ ከልጆቻቸው ዘመዶች ጋር ይጣላሉ...

ኢና ሊላሂ ወኢና ኢለይሂ ራጂዑን

በአብሬቱ ኑር ሠይዲ ሀገር መቀይር እንባችን ሳይደርቅ የታላቁና ቀደምቱ ሐሪማ ጀማ ንጉስ ኸሊፋ ሐጅ ሙሐመድ ዑስማንም ተከትለው ሔዱ... ታላላቆቹ ሀገር ሲቀይሩ ትልቅ የሆነ ክፍተትን ትተው ነው የሚሄዱት:: የአላህ ወልዮች, ዑለሞች, ተቅዮች, ሳሊሆች መሄድ ለመላው አለም በቀላሉ የማይሸፈን የሆነን ክፍተት ያመጣል:: እንግዲህ አላህ ይሁነን!

ለቤተሰብ, ዘመድ አዝማድ, ወዳጅ ሁሉ አላህ ሶብሩን ይስጠው:: ለሸይኻችን አልፋቲሓ

ረቢዕ አልአወል 12ኛው ለይል ፥ ከአስር ሰአት በሁዋላ የፈጅር ሶላት መቃረቢያው ነብያችንﷺ በተወለዱበት እንቅጭ ሰአቷ ላይ አብሬትዬ ሠይዲ አበል ራሙዝ ቀደሠላሁ ሢረሁ መድፍ ያስተኩሱ እንደነበር ከሠይዲ ሸይኽ ሚቅባሰል ኑር (ረ.ዐ) በተደጋጋሚ ሰምተናል:: ::

አብሬትዩ ሳኒ የመውሊድ ሲራ ኪታባቸው ዱረሩል መዓኒ ላይ የተወለዱበት ቀን ረቢዕ 12 መሆኑን እንዲሁም ሰአቱ ሰኞለት መሆኑን እና ቦታውን በዚህ መልኩ አስቀምጠውታል::

هَذا يَوْمُ الأزْهَارِ وَالبِشْرِ والتُّحَفِ
وَمِيقاتُ الوِلادَةِ لِلْحَبِيْبِ الأعْظَمِ

لثانِى عَشَرَة مِن رَّبِيعِ الأوَّل
بِهِ جَنَاحُ الْعِشْقِ لِمَكَّةَ الْحَرَمِ

وذاك وَقت الفجر فى ساعة العاشر
فى ليلة الإثنين بحرم مكّة

የስንብት ፅሁፍ
                                 ክፍል-1

8ቀን እለተ እሮብ ወርሃ ነሃሴ 2016 ከቀኑ 11ሰአት ሼሆቹ እቺን አለም ትተው ተሻገሩ...
(በሰፈር 10 1446 እንደ ሂጅራ አቆጣጠር)
ትላልቆቹ ያሉፉበትን ቀን ዘግቦ ያስቀመጠ፣ ያስተላለፈ፣ ለሌሎች የተናገረ የኛ ያለፈው የሼሁ ሙሀባ እሱ ላይ ፈርድ ይሆንለታል ፦ ጀማሉ ዲን አል አንይ ኪታብ የተወሰደ...
እናም ሼሆቹ የሄዱበትን ቀን ፃፉት፣ አስተላልፉት፣ ተናገሩት ውዴታቸውን ታሸንፉበታላቹ...

ዘራቸው እንደነ አሊ ሪዳ፣ ሙሳ ካዚም፣ ጃእፈር ሳዲቅ ካሉት ከአንጋፋ አሚሮች እና አህለል ቤቶች መንገዳቸውን ጠንቅቀን ከምናውቃቸው ታብእዮችና ሰለፈሷሊሂን ይመዘዛል...

አል ጀበርትይ፣ አል በደዎይ ሲሆኑ ዘራቸው ከሁሉቱም ሰይዶች ከሰይዲ ሀሰን፣ ከሰይዲ ሁሴን ከእዝነቱ ነብይﷺ የልጅ ልጆች በጠንካራ ሰነድ ይያያዛል...

ቅም ሀያታቸው ራሙ ሙጥጥየ(ንቅየ) ጎይታ ኩየ ዘራቸው በፈትሁል ሀበሻ እንደተቀመጠው የሰይድ አህመደል በደዊ የቅርብ ልጅ የሙጃሂዱ አህመድ አል ጋዚ ልጅ ከነበሩት ሲቲ ሸምሲያ(ሹመት፣ ዡምወት)የተቀጠለው ከእነሞር ጎሳ፣ ከእንቴዘራ ጥብ፣ ቤተ እድግ ነበሩ...
ሴት ቅም አያታቸው እሜት እንደሪየትም ከጎየቶ ጎሳ ፉዱዳ ሲሆኑ ከሰይድ ከቢር ሀሚድ ልጆች ናቸው...
ቅድም ሀያታቸው እሜት አሲያ ከቸሃ ጎሳ ሲሆኑ የሰይድ እስሜኢል ጀበርትይ ዘር የሆኑት የሞገመነ ቤት ናቸው...
አያታቸው ታላቅ እናታችን እሜት አቢዳ ከጎየቶ ጎሳ ከሰይደል አሪፊን ሸኸና ኑር ሁሴን ዘር የሆኑት ዊዘረት ቤት ናቸው...
እናታቸውም እሜት ዘሀራ ከኧዣ ጎሳ እነጌየራ ጎሳ የከቢሮቹ ልጅ ናቸው...

የእናታቸው አባ ሀምዛ ኑርየ ቀድመው በአብሬትየል አወል አል ሸህ ሰይድ ባኡ ሳኒ ግዜ እስልምናን ከተቀበሉት ሲሆኑ የሸሆቹ የቅርብ ወዳጅና ሙሪድ ነበሩ...

አቦ ሀምዛ ኑርየ በባለአባትነትና በአባትነታቸው፣ በድሃ አስጠጊነትና በቸርነታቸው ይታወቁ ነበር...
በአንድ አጋጣሚ ሸሆቹ(ሸህ ሰይድ ባኡ ሳኒ) አቦ ሃምዛ ኑርየን ለመጠየቅ ወደ ኧዣ ኑር አንባ ወደሚነኘው ቤታቸው አቀኑ...
አቦ ሀምዛ ኑርየም ሸሀቸውን የሚደረገውን፣ ከሚደረገውም በላይ ሰንጋ ጥለው መውሊድ አውጥተው ተቀበሏቸው...

ማታውኑ አቦ ሃምዛ ኑርየ አንድ መናም አይተው ኖረዋል ለሼሆቹ መናሙን እንዲ ሲሉ አጫወቷቸው...
*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,

"ማታ በመናሜ አንዲት ዛፎ አየሁ... ይህቺ ዛፍ ከዛፎች ሁሉ ትሰፋለች፣ ከዛፎች ሁሉ ትረዝማለች፣ ከዛፎች ሁሉ ታምራለች፣ ከዛፎች ሁሉ ተዘይናለች... እላዩዋ ላይ የሚያማምሩ ፍሬዎች አብቅላለች... ፍሬዎቹም ከፍሬዎች ሁሉ ያምራሉ፣ ከፍሬዎች ሁሉ ይወፍራሉ፣ ከፍሬዎች ሁሉ ይተልቃሉ...
"እናም እቺ የምታምር ዛፍ ላይ እኔና እርሶ(አል አብሬትዩል አወል ሸህ ሰይድ ባኡ ሳኒ) ተቀምጠናል... ከፍሬዎቿም ሁለታችንም እየቀነጠስን አንበላለን... የፍሬዎቿም ጣእም ከፍሬዎች ሁሉ ይጣፍጣል... አንድ እንነክስ እንጠግባለን ግን አንረካም ያለ ማቋረጥ እንበላለን..."

*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,

አቦ ሃምዛ ኑርየ መናመን ለሼሀቸው አል አብሬትዩ አወል ሸህ ሰይድ ባኡ ሳኒ ተናግረው ጨረሱ...

ሼሆቹም አል አብሬትዩ አወል ሸህ ሰይድ ባኡ ሳኒ መናሙን እንደሚከተለው ድሩዋንም፣ ወርቋንም ፈተው ነገሯቸው... "የእኛ እና የናንተ ዘር ይቀላቀላል... እኛን የሚያስታውስ ቀድሞ ስሩ በአለመል ኑር የተደገሰለት ልጅም ይኖረናል... እኛንና እናንተን እስከወዲያኛው አለም ያዛምደናል... ተነስና እቀፈኝ አሁን ወዳጅ ብቻ አይደለንም ተዛምደናል..." ሁለቱ ታላላቅ ሰዎች ተነስተው ተቃቀፉ...

እናም የአብሬትዩ ሳኒ ሸህ ሰይድ ባኡ ሳሊስ እና የእሜት ዛህራ አቦ ሀምዛ ኒካህ ሳይተዋወቁም በአባቶቻቸው የተዛመዱ የሁለት ኒካህ ባለቤቶች ናቸው...

አላበቃሁም!!!
ይቀጥላል!!! ✍🏻በኸውላን ሰይድ

በሙሐባ ስም ገደብ ማለፍ ፥ በሙሪድነት ስም ገደብ ማለፍ ፥ በተውሒድ ስም ገደብ ማለፍ ያወላግዳል:: በሁሉም ነገር የሸሪዓን መስመርና ዓደቡን ጠብቀን ካልተጏዝን በቀላሉ መንገድ ስተን መወላገዳችን አይቀሬ ነው::

ሸሪዓ ፥ ሐቂቃ ፥ ጦሪቃ ሶስቱንም ነው አብሮ ማስኬድ:: አንዱን የሳትን ግዜ ከመሻኢኾቻችን መንገድ ወጥተናል ማለት ነው::
ዓድብ! ዓደብ! ዓደብ!
ዓደብ ከሁሉም ነገር ይቀድማል::

የዛሬ ሁለት አመት ነበር ሠይዲዬ አባታቸው የተወለዱበት ቀንን በማስብ ተደስተው በረቢዑ የመጀመሪያ ኸሚስ እንዲህ ድምቅ ብለው ለልጆች ጣፋጭ ሲያድሉ የነበረው💔

ሰላም አለይኩም ያ ኑረል ዓለም
ሁሉም ትዝታ ነው ሁሉም ነገር ህመም
ሠይዲ ያላንቱ አይደምቅም አለም

ሐምደን ሊመን አዝሀረ ጠልዐተ አንዋሪሂ
ፊ ረቢዒል አወሊ ከልመውጂል ሙልተጠሚ
ሀዛ ረቢይዑ አታ ቢአንዋሪ ረቢሂ
ፊል ዉጁዲ የዝሀሩ ፊል ዲሕኪል ሙልተጠሚ

ረቢዕ💚🔥

የነፍስ ደረጃዎች (መራቲቡል አንፋስ) .... በቃዲሪያ አብሬትይ ሳዳቶች ዱስቱር የተከተበ

የመገርገብያ ለይል በአላህ ሰዎች ትንፋሽ ትመርልን - ይሄ የነፍስያ ዒልም ከነርሱ ዛት ተገኘ -እንጂማ የነቢ ጠላት የነፍስ ገደል ገፍታሪ እንጂ መሰላል አይልክም!!! ካሚሎቹ የሠይደል ዉጁድ ሓድራ አጣጥበው ሊሰዱት የሻቱትን በዚክር እንዶድ ሊያጸዱት ዱስቱራቸውን አቀበሉት...አላህ ከበረካቸው አይከልክለን ! ከመውላዬ አበል ራሙዝ አበል ሚቅባስ ሸምሰል አብሬት ሸምሰል ሓበሻ ኪታበ ተውሂድ ሂማ ቀስቃሽ ነዝማቸውን ጀባ ( ማብራሪያው ከተሰውፍ ኪታቦች የተጨመቀ ስለሆነ ምንጭ አልጠቀስኩም)

إن النفس أصنافها سبعة
ونورها وبابها ستة
أحدها قد تسمى أمارة
في ضمنها غوائل مظلمة

የነፍስ አይነታዋ 7 - ኑር እና በራፎቹኣ 6 ናቸው ' የመጀመሪያዋ ነፍሰል አማራህ(በመጥፎ እምታዝ ነፍስ) ናት - በሥሩኣ የጭለማ ሰንሰልቶች ተተብትበዋል። <ኸይር የላትም - ቀለሙኣ ሰማያዊ ነው ያለ ስፋት የጠበበች ናት፥ (ቃዲሪይ ሙሪድ አውራዱን አጥብቆ ይዞ አይኑን በሚጨፍንበት ወቅት ሰማያዊ ኑር ከተመለከተ በመጥፎ አዛዥ ነፍሱን ተመልክቱኣል- የኑሩ አወጣጥ እና አወራረድ የራሱ ምልከታ ስላለው ለሸይኹ ያየውን ይንገረው - ሸይኹ በህይወት ከሌለ ዱንያ ላይ ያለ ሙርሺድ ሸይኽ ላይ ቃልኪዳን ያድስ - ይህንን ካላደረገ ለበረካው እንጂ ለሱሉክ መዘከር ያዳግተዋል) አላህ ይወፍቀን

የዚህች ነፍስ ሰይር(የማዕና ጉዞ) ወደ አላህ ነው(ማለትም ከሓድረተላህ የተነጠለች መንገድ ጀማሪ ናት) - የሸር መፍለቂያ ምንጩኣ -የተንኮል ቋት ጉርሻዋ!
መለያ ሃል አላት ' ميل /ማዘንበል' - አላህን ማውሳት እንደተራራ ገዝፎባታልና አውራድ ወዚፋውን ኸረ ኸይር የተባለን ሁላ ትታ ብትገላገል ደስተኛ ናት- ዋሪዱኣ ሸሪዐ ነው(በሌላ ርዕስ እምናየው)
ወታደሮቹኣ አስቀያሚዎች ' ንፉግነት'ሥሥት'ቅናት'ኩራት'ስጋዊ ስሜት' ቁጣ'ስድ አደግነት' አልጠግብ ባይነት' ዝንጋቴ' አልባሌ ውሎ' ኸልቅን በእጅም በምላስ አዛ ማድረግ' ሾርኔ' ማላገጥ 'ልክ የሌለው ጥላቻ' ......የሳዳቶቹ ኪታቦች በጁንዱኣ ስም ዝርዝር ተሞልቱኣል- ምን አለፋን? ምንም ኸይር የለለው ነገርን ሁሉ አብዝታ ትወዳለች!

ይህች ነፍስ የሚበጅና የሚከፋውን መለያ አይኑኣ ተጠምሱኣልና የሸይጣን መርከብ ሆናለች - የትኛውም ሸይጣን ያለርሱኣ ሽምግልና አይንቀሳቀስም።

ሳዳተል ቃዲሪያ ይህችን ነፍስ ለመጋደል የሙጃሃዳ አቀባቶችን አስቀምጠዋል - ይህች ላይ የበረታ ነውኮ ወንድ ማለት አንተዬ?! እንቅልፍና እህል መቀነስ - ብቸኝነትን ማብዛት- የሸሪዐ ኢልምና ረቃኢቅን መቅሰም ሃይሉኣን እያመነመነው ይሄዳል(የጦሪቃ ሸይኽ ከያዙ በኋላ)
በሳዳተል ቃዲሪያ ዘንድ የዚህች ነፍስ ዚክር እንደአብዛኛው ጦሪቃ 'ተህሊል(ላኢላሃኢለላህ) ነው.... ይህንን ዚክር ከ300 እስከ 7ሺ - ከዚያም በሸይኽ ፍቃድ እስከ 12 ሺ - ከዚያም በኢናያው 70 ሺ ድረስ በነፍስ ስማይ ላይ የዚክር ዶፍ ይወርዳል ' ቅርንጫፍ በሆኑት የቃዲሪያ ጦሪቃዎች የዚክር አይነታዎች ቢኖሩም ዋናው የሙሪድ -ሳሊክ- ሰያር- መጅዙብ ዚክር ተህሊል ነው.....ሙርሺዱም ሳይቀር የተህሊል ውልፍ ነው - ሚስባሁ ሳሊኪን- የአንይ ሪሳላዎች ' ከቀዲሞቹም የነፈቂሁል ሙቀደም - ንጉሶች ኪታብ በሰፊው ስለተህሊል አደቦች ተከትቡኣል። ይህንን ዚክር የሚያበዛ ቃዲሪይ ሙሪድ ሶለዋትን በአንድላይ ማብዛት ግድ ይለዋል ' የአንይ ረውዳ' የአብሬት ኪብሪት ' ደላኢሉል ኸይራትን የቻለውን ያክል ይቅራ' ከኢስቲግፋርም ከ300 እስከ 1000 ይኑረው ።


መገን መታደሉ ወቅቱን ሁላ ለተህሊል የሰጠው የሃቂቃ ሙሪድ- ሰውነቱ እስኪግል- የወንጀል ስጋው እስኪቀልጥ- ጂስማኒያው ደክሞ ረውሃኒያው እስኪበረታ ድረስ መሀለል አለበት- ኢብኑ አጣኢላህ አሻዚሊዪ' ጅማሮው ያማረ መጨረሻውም ያምራል' ያሉት ለዚህ ግድም ሙጃሂድ ነው ..... አብሬትዬ የተህሊልን ኢላሂያ ክንድ ሹክ ሲሉን `` በትንሽ ቀናት ውስጥ በ30 አመታት ዳሰሳ የማይገኝ ዒልም በፈትህ ፈረስ አስጭና ታመጣለች እያሉ ነው' ..

ሁለተኛዋ ነፍሰ ለዋማህ ናት ' ኢን ሻ አላህ ይቀጥላል ....

ሰላም ይድረሶት ሆዴ ✍️በአይመን

የዘመናችን ትልቁ ሰው | 2 |
*************************ካለፈው የቀጠለ

ሁኔታው ሰይድ አህመድ አል ሪፋኢን ግራ አጋባ... ከሚህራባቸው ሳይንቀሳቀሱ ቀኑ ነጋ...
ይህ ባሪያ ተብዬው መንጋቱን ተከትሎ ወደ ሰይድ አህመድ አል ሪፋኢ መሲጊድ ገባና በአይኑ ፈልጎ ባሉበት አገኛቸው...
ወዳሉበትም አቀናና እንደ ሁል ግዜው ያደረበት ሶስት የወርቅ ሳንቲሞች ሰጣቸው...

ከገጠማቸው ነገር አንፃር በሁኔታው ግር ተሰኝተው ሰይድ አህመድ አል ሪፋኢ "አንተ ተአምርን አሳይተኸኛል!!! በእርግጥ ነው አንተ የአላህ(ሱ.ወ) እንጂ የሌላ ባሪያ አይደለህም... ከዛሬዋ ቀን ጀምሮ ነፃ ብዬሃለው..." ተናገሩ...
ባሪያውም ይሄንን ሲሰማ ካለበት ተነስቶ አንዴ አንድ እጃቸውን፣ አንዴ ግንባራቸውን፣ አንዴም እግራቸውን እየሳመ "ነፃ አላቹኝ... ከባርነት አወጣቹኝ...." አለ ደስታውን በሚያሳብቅ ሁኔታ...

ከመሄዱ በፊት ሊሸኛቸው እንደሚፈልግ ነግሯቸው እየተጨዋወቱ ወደ ሰይድ አህመድ አል ሪፋኢ ቤት አቀኑ...

በወቅቱ ሰይድ አህመድ አል ሪፋኢ ቤት የሚገኘው አንዲት ኮረብታማ ተራራ ስር ነበር... እዛም እንደደረሱ አስር ጎበዝ የማይገፋውን አንድ ትልቅ ድንጋይ ይህ ባሪያ ብቻውን ተሸክሞ ሰይድ አህመድ አል ሪፋኢ ጎን አመጣው... "ሰይድ አህመድ አል ሪፋኢ እርሶ በሀድረተላህ ከቀድሞዎቹ አንዳችም ሰው ያልደረሰበት መቃም አላህ (ሱ.ወ) አኑሮላቹዋል... እስክትደርሱበት መጠቃቀሚያ ይሆን ዘንድ..." አለና በእጁ ድንጋዩን ሲዳብሰው ወዲያው ወደ ወርቅነት ተቀየረ...

ይህንን ባሪያ ሰይድ አህመድ አል ሪፋኢ ከዛች ቀን በኋላ መልሰው ባያገኙትም በሱ ሰበብ ግዜያቸውን በፀጋ ኖሩ...

*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,

ይህንን ጫወታ ሼሆቼ ሲጨርሱት አይናቸውን ተመለከትኩ...
"መውላይ ይህንን (ሰይድ አህመድ አል ሪፋኢ የገዙትን ባሪያ ማለቴ ነው) ባሪያማ ጠንቅቄ አውቀዋለሁ..." ተናገርኩ...

"አዎ ጠንቅቀህ ታውቀዋለህ...." መውላ መለሱ...

"ይህ ባሪያማ አብሮኝ ተቀምጧል..." መልሼ ተናገርኩ...

"አዎን አብሮህ ተቀምጦዋል..." አሁንም መውላ መለሱ...

"ይህ ባሪያማ እርሶ ይመስሉኛል..." መልሳቸውን በፍራቻ ተጠባበኩኝ...

"አዎ እኔው ነኝ..." መውላ ተናገሩ...

እናም ወንድሜ የአላህ(ሱ.ወ) ስራ እጅግ ነው ገሚሱን የምታውቅ ከመሰለክ ሞኝ ነህ...

እንዴት ይህ ባሪያ አንቱ ኖት ለማለት እንደደፈርኩ አላህ(ሱ.ወ) ግዜ ከሰጠኝ ስለሌላ አስገራሚ ክስተት አጫውታቹ ይሆናል...

መውላዬ የዘመናችን ትልቁ ሰው... ከእንግዲህ አንቱን ስላሳወቀኝ የአላህ (ሱ.ወ)ን ስም ስጠራ ልቆም ነዝር አለብኝ...

✍️በኸውላን ሠይድ via abret pro

አበቃሁ!!

ኢነሁ ዉሊደ መክሑለል ዐይነይኒ
ፊ ረቢይዒል አወል ለይለተል ኢثነይኒ
ኢነሁ በሺይረን ፊ ኩለል ከውነይኒ
መቅሩነል ሓጂበይን በሪይቁል ዐይነይኒ
ሺፋኡ ሊልሠቀም አሽረፉ ሩሥሊሂ
ወሠሊም ዐለይሂ

የዘመናችን ትልቁ ሰው | 1 |
*************************

አንድ ሰው የተነጠቀች እናት "አላህ(ሱ.ወ) ሰጠ፣ አለህ(ሱ.ወ) ወሰደ..." ስትል ሰማሁዋት...
ወዳጄ አላህ(ሱ.ወ) ይሰጣል እንጂ አይወስድም... ከአላህ (ሱ.ወ) የተሰጠ ነገር የተሰጠ ነው... አላህ (ሱ.ወ) አንድን የሰጠንን ራህመት በቃቹ ሊለን ይችላል... ነገር ግን የተሰጠው እንደተሰጠ ነው...

እኔ ከመውላዬ ጋር ቢለየኝም...  በቃህ ቢለኝም ከነሱ ጋር ብዙ ደግ ቀናቶችን ሰጥቶኛል... እነዛ ቀናት አይወሰዱም... ሌላን አልጨመረም እንጂ... ምስጋና ይገባዋል...

እና ስለ እኔ መውላ ላጫውታቹ... ቢያሰድበኝ፣ ቢያሳማኝ፣ቢያስወቅሰኝ፣ ቢያስጎነትለኝ፣ ቢያቀያይመኝ፣ ቢያጣላኝ...
የለመዱ ያደጉበት
መች ይተዋል የኖሩበት
ይጨምራል እለት ተእለት
መች ይተዋል እቀሩበት
ዞሮ ያገኛል እንዳሉበት...

ስለ እኔ መውላ እስከዛሬ የዘነበችው ዝናብ እያንዳንዱ ጠብታ ስለ እኔ መውላ ልቅና አንድ ሂካያ (ንግርት) ይዛ ጠብ ብትል ኖሮ ፤ እሷንም ሁሉም ብሰማት፤ እየተናገረችም እያንዳንዱ ጠብታ በተለያየ ሂካያ (ንግርት) ቢመጡ ወላሂ ሱመ ወላሂ እስከ ቀን ፍፃሜ፣ እስከ መጨረሻዋ እለት አይጨርሱትም ነበር...

መውላዬ ፀሀይ ነበሩ... ከጎን ሆኖ ተናፋቂ፣ ርቆ አይረሴ፣ ቢታይ የማይጠገብ... አካሄድ አቀማመጣቸው፣ ሳቅም ቁጣቸው፣ ጨዋታ ዝምታቸው፣ አስተያየት አጠቋቆማቸው ብቻ መውላዬ ሁለንተናቸው ይርባል...

ከጎናቸው ስቀመጥ ከጌታዬ አላህ (ሱ.ወ) በጣም የቀረብኩ ይመስለኛል... ሲያዩኝ በጌታዬ በአላህ (ሱ.ወ) ጥበቃ ውስጥ እንዳለሁኝ አውቃለሁ...
የመውላዬ አይን ያምራል፣ ያምራል አላህ (ሱ.ወ) ከሰራው ሁሉ ውቡ ይመስላል... የመውላዬ አይን ያምራል፣ ያምራል ምን ይመስላል ካልከኝ የአላህ (ሱ.ወ) ትልቁን ራህመት ይመስላል...

ሰላም አለይኩም ሳዳቲ×2
አንተ ጢቡ ነፈሀቲ

አራ ኑረን ቢቁርቢከ
ከአነ ሸምስ ሳሂቡከ
ወል ቀመሩ ሸቢሁከ
ወል አፍላኩ ቢየዲከ
ወል ፈዳኡ መርሀሉከ

አንዴ ከመውላዬ ጋር የተጫወትናትን ላውጋቹ ... ትንሽ ተስፋ፣ ትንሽም ቁጭት ውስጥ እንድትገቡ...

መውላዬ በአንዲት ውብ ቀን ይህቺን ቂሳ አጫወቱኝ...

*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*,*

ሰይድ አህመድ አል ሪፋኢ አገልጋይ ባሪያ አስፈልጓቸው ስለነበር ወደገበያ በመውጣት አንድ ባሪያ ገዙ...

ታዲያ ይህ አዲሱ ባሪያቸው በጣም ሷሊህ ባሪያ ነው... ካዘዙትም በላይ ጉልበቱን ሳይሰስት ያገለግላቸዋል... ነገር ግን ሲመሽ ኢባዳቸውን ጨርሰው፣ ደረሳዎቻቸውን ሸኝተው ወደ እልፍኛቸው ሲገቡ "ሌላ ከእርሶ ቀድሞ የገዛኝ ጌታ ነበረ... ሌሊቱ እሱን ማገለግልበት ሰአት ነው..." ይልና ተሰናብቷቸው ይወጣል...

በማግስቱ ገና ወደ መስጊዳቸው ሲገቡ እኩል በሚባል ልዩነት ተከትሏቸው ይገባና ሶስት የወርቅ ሳንቲም በእጃቸው ላይ በማስቀመጥ "ይህ ማታ የወጣሁበት ክፍያ ነው..." ይላቸዋል... ያው በወቅቱ በባርነት ከተገዛህ የዛ ሰው ንብረት ነህ...

ግዜያት ባለፉ ቁጥር እሱም ማታ ማታ መሄዱን አልተወም በእያንዳንዱ ቀንም ሶስት የወርቅ ሳንቲም መስጠትም አልዘለለም... ይህ የወርቅ ሳንቲም ተጠራቅሞ በዛ ... ሰይድ አህመድ አል ሪፋኢ ባሪያውን ከገዙበትም ሳንቲም እጅግ በለጠ...

ሰይድ አህመድ አል ሪፋኢ ነገሩ ግራ ስላጋባቸው ልጆቻቸውን ሰብስበው ነገሩን አጫውተው ሲያበቁ "ይህ ሰው ይህንን ያህል ገንዘብ ከየት የሚያመጣው ይመስላቸዋል?" ብለው ጠየቁ...
አብዛኛዎቹ ልጆቻቸው "ይህማ የሰው ቤት ሰርሳሪ፣ የሰው ቤት አፍራሽ ዘራፊ ነው..." የሚል ምላሽ ሰጡ ...

ሰይድ አህመድ አል ሪፋኢም "ይህ የአላህ (ሱ.ወ) ስር ሰርሳሪ፣ ስር አፍራሽ እንጂ የሰውማ አይሆንም... ዘራፊ ዛሬ አግኝቶ ቢዘርፍ ነገ ላይሳካለት ይችላል... እኔ ማደርገውን አውቃለሁ..." አሉና ከልጆቻቸው ተለያዩ...

ሰይድ አህመድ አል ሪፋኢ በንጋታው ወደ ማታ ተሰናብቷቸው ሲወጣ በቀስታ ከጀርባ ይከተሉት ጀመር...

ትንሽ እንደተራመዱም አንድ ምትሀታዊ ስበት መጣችና ባሪያውን ጎተተችው በዚህ ግዜ ሰይድ አህመድ አል ሪፋኢ ተጠግተውት ኖሮ እነሱንም ጎትቶ አንዳች የማያውቁት ምድረ በዳ ወስዶ ከመቅፅበት ጣላቸው...

ሰይድ አህመድ አል ሪፋኢ በነገሩ እጅግ ግራ ተጋብተው ዙሪያቸውን ተመለከቱ... አንዳችም የተተከለች ዛፍ፣ አንዳችም ያቆረች ኩሬ፣ አንዳችም የበቀለች ሳር የለችም... መሀል መሀል ላይ ብቻ ጣል ጣል ያሉ ኮረብታዎች አሉ... ሰማዩ ያለ አንዳች ደመና ጥርት ብሎ ይታያል...

ሰይድ አህመድ አል ሪፋኢ ለሰአታት ቢራመዱም አንዳች  አይን የሚያረካ ነገርም ሆነ አንድ ሰው ማግኘት አልቻሉም...

ከቆይታ በኋላ አንድ ሰው ከሩቅ ታያቸው... ሰው የናፈቀው አይናቸው ይህንን ሲያይ ልባቸው በደስታ ዘለለ...
ሰውዬው ጎን እንደደረሱም ሰላምታ ተቀያየሩና ማንነታቸውን ጠየቃቸው "እኔ አህመድ አል ሪፋኢ ነኝ..." መለሱ...
ግለሰቡም በሹመቱ መዝገብ ላይ ቁልጭ ባለ መልኩ ስማቸውን ስላየው ምንም ሳይደብቅ ሰይዲና ኸድር መሆኑን ነገራቸው...

"ታዲያ ሰይድ አህመድ አል ሪፋኢ እዚህ ቦታ እንዴት ልትመጡ ቻላችሁ?" ጠየቁ ሰይዲና ኸድር...
ሰይድ አህመድ አል ሪፋኢም ምንም ሳይቀንሱ ሳይጨምሩ የገጠማቸውን አጫወቱት...

ሰይዲና ኸድር ቀጠሉ "አሁን ባሪያዬ ነው ያላቹት ግለሰብ ያ ተራራ ይታያቸዋል..." በጣታቸው ብቸኛ ሆኖ ወደሚታየው አንድ ተራራ ጠቁመው እያሳዩዋቸው... " በዚያ ተራራ ላይ ሶስት በሮች አሉ... በሁለተኛው (በመሀከለኛው) በር ስትገቡ እሱ ባሪያዬ ነው ያላቹት ግለሰብ ፈጅርን የአውሊያዎች ኢማም ሆኖ የሚያሰግድበት ሐድራ ታገኛላችሁ... እሱ አሰግዶ እስኪጨርስ ጠብቁትና ሲወጣ ከበስተኋላው ተከተሉት... አለዚያ የሺ ሰው እድሜ ቢጨመርላቹ እንኳ ሄዳቹ አገራቹ አትደርሱም...." የሚል ምክር ለገሷቸው...

ሰይድ አህመድ አል ሪፋኢም የሰይዲና ኸድርን ምክር ተቀብለው ያቺን ተራራ ወጥተው እንደጨረሱ ሶስት ግዙፍ በሮችን ተመለከቱ ፤ ወደ ሁለተኛው በር ሲዘልቁ ይህ ባሪያዬ ነው የሚሉትን ግለሰብ አዩት... እንደመድረክ ከፍ ባለ ነገር ላይ ተቀምጦ ያስገኘው ጌታውን አላህ (ሱ.ወ) ይገዛል...

በትዕይንቱ ተገርመው ባሪያ ያሉትን ሰው አላህ(ሱ.ወ) ምን ያህል እንዳላቀው ተመልክተው አንዲት ጥግ ላይ ተቀመጡ...

ባሪያ ተብዬው ከኢባዳው ለአንዲትም ሰከንድ ሳይዘናጋ ፈጅር ደረሰ...
የተለያዩ የአላህ(ሱ.ወ) ወዳጆች ቀስበቀስ እየመጡ ሀድራውን ሞሉት...
አንዳንዶቹ እንደ ፀሀይ፣ አንድ አንዳቸው እንደ ጨረቃ የተቀሩትም እንደ ከዋክብቶች ያበራሉ...
ይህንን ጭፍራ ባሪያ ተብዬው ኢማም ሆኖ ፈጅርን ካሰገደ ወዲያ እጁን ወደሰማይ ከፍ አደረገና "ፈጣሪዬ አላህ (ሱ.ወ) ሆይ!! እኔን በባርነት የገዛኝ ግለሰብ እዚህ እንድመጣ ይፈቅድልኝ ዘንድ የምሰጠውን ስጠኝ?" አለና ጌታውን ይለምን፣ ይማፀን ጀመር...
ወዲያውኑ እጁ ላይ ከሰማይ ሶስት የወርቅ ሳንቲሞች ቃ...ቃ...ቃ እያሉ ወደቁ...
እነዚያን የወርቅ ሳንቲም በእጆቹ ይዞ ከሀድራው ሲወጣ ሰይድ አህመድ አል ሪፋኢ ተከተሉት...
ትንሽ እንደተራመደ ያቺ ስበት መጣችና ጎትታ ስትወስደው ሰይድ አህመድ አል ሪፋኢ ቅርብ ነበሩና እነሱንም ከመቅፅበት ሚህራባቸው ላይ ወስዳ አስቀመጠቻቸው... ✍️ይቀጥላል

በኸውላን ሠይድ via abret pro

ሠይዲ ወፋት ያደረጉለት ፊታቸው እንደ ጨረቃ ያበራ ነበር:: ፈገግ ያለ ውብ የወጣት ፊት ይመስል ነበር:: የተኙበት ክፍል በፊታቸው ኑር ወገግ ብሎ በርቶ ነበር:: ለስንብት የተኙበት ክፍል የገቡ ብዙ ሰዎች, ዑለሞች ይህንን ኑር ተመልክተው መስክረዋል::

ከዑለሞቹ መሀከል አንዱ ይህንን ኑር አይተው በመገረም (ወጅሁሁ የተላእለእ) ፊታቸው ያበራል! ብለው ሲሉ ሸህ ሚስባ ጠሮ አይ! የለም የለም (ወጅሁሁ የተሸእሸእ) ያበራል ሳይሆን ከፊታቸው ኑር ይንቦቀቦቃል! ነበር ያሉት::
ረ.ዐ የኔ በሻሻ የአብሬቱ ኑር♥️

ምንም እንኳ በሸይኻችን ወፋት ልባችን እጅግ ቢሰበረም የአለሙ ዳኛ የከውኑ አለቃ የሁሉ ኢማሙ የተወለዱበት ወር ዘልቋል:: ቀዲም ሸይኾቻችን ሀያታቸውን ሙሉ ነቢ ነቢ ሲሉ ኖረው በዛው አልፈዋል:: መንገዳቸውን እንጠብቃለን የወደዷቸውን ሀያታቸውን ሙሉ ያወደሷቸውን ነቢﷺ እናወድሳሰን በቻልነው ቀድር እንነሽጣለን!

መርሐባ ያኑረል ዓይኒ መርሐባ
መርሐባ ጀደል ሑሰይኒ መርሐባ

ዉሊደል ሃዲል ሙሸፈዕ መርሐባ
ወሻፊል ከውኑ ሸዕሸዕ መርሐባ
ሳሒቡል ጃሂል መውሡዒ መርሐባ
ለይሠ ገይሩ ፊሂ ዩጥማዕ መርሐባ

አሠላም ዐለይኩም ያሠይዲ
አሠላም ዐለይኩም ያመደዲ
ያሳሂበ ታጂል ሙፈረዲ

{መድሁ ሠይዲ ለነብያችንﷺ የመደሁት ነው::}

https://youtube.com/shorts/Jmb1edkw2lY?si=H__nJpm8D0PtEJFK