Yupiterlik Markayeva

Yana bir narsani bilmoqchi edim.

Orangizda biror ko'zi tug'ma ojiz oila a'zosi yoki yaqin do'sti, tanishi borlar bormi?
Braille alifbosini bilishadimi?
Ranglar haqida savol berib ko'rganmisiz hech?

va qanday qilib ular bilan bog'lanishim mumkin?)

@yupiterlik

Hay, zakovat dasturi o'z nihoyasiga yetdi, 😅
Va bitta sir: tepadagi 5 ta savol sizdagi 5 ta psixologik kasalliklarni aniqlash uchun tuzilgan savollar edi)
Menimcha ko'pchilikda muammolar o'xshash) ishtirok etganlarga rahmat.

Menga berilgan savolni bermoqchiman:

Tanlang, o'zingizdan odamzodga shulardan faqat birini qoldira olasiz:

1. Kitob
2. Rasm
3. Kuy
4. Kino

Qaysi birini tanlardingiz?

@yupiterlik

Savollarni hammasini o'zim tuzganman, menda hali ko'p. Lekin uzoq o'ylashingizga to'g'ri keladi, keling shuning uchun easy mode ga qaytamiz) 😅

charchab qoldingizlarmi o'ylayverib)😂

5. Siz Alsgeymer kasalligiga chalingansiz (xotira tez-tez yo'qoladi) va tasodifan bir farroshni o'limida qotillikda ayblanuvchiga aylanib qoldingiz. Jinoyatni sodir etgan-etmaganingizni bilmaysiz hatto. Va sizni bu holatingizni inobatga olib, sizga ikkita tanlov qoldirishdi:

15 yil ozodlikda tekin farroshlik qilish (boshqa ish qilish mumkin emas)
15 yil qamoqda arzimagan pulga farroshlik qilish.

@yupiterlik

qani tepadagi 234 ta kommentlar))
IQ darajangizni ishga solingchi bir)

4. Yolg'onchi inson "yolg'on gapiryapman" dedi. Va siz o'ylanib qoldingiz, u rost ham yolg'on ham gapirayotgan bo'lishi mumkin.
Siz yoningizda turgan 3 ta obyekt, stakanda suv, oyna va butilka dan foydalangan holda buni aniqlay olasiz.
Obyektlardan qanday foydalangan bo'lardingiz, yaxshilab o'ylang.

@yupiterlik

3. Tasavvur qiling, siz shunday olamda yashaysizki, u yerda istalgan yoshingizda 10 yil qotib qolishingiz shart. Faqat siz qaysi yoshda qotib qolishni tanlasangiz, ota-onangizdan biri xuddi o'shancha vaqtga tez qarishiga to'g'ri keladi. Savol, qaysi yoshingizda qotib qolishni tanlardingiz?

@yupiterlik

2. Tasavvur qiling, xotirangizdan mutlaq ayrildingiz, va atrofingizda sizga o'zini "yaqinlaringiz" qilib ko'rsatayotgan odamlar paydo bo'ldi. Va siz ikkita imkondan faqatgina birini tanlab ularni eslay olishingiz mumkin:

birinichisi: rasmlar va videolarni ko'rib.
ikkinchisi: ovozingiz yozilgan audiolarni eshitib.

@yupiterlik

1. Agar ertadan boshlab butun dunyodagi jamiki obyektlar, hayvonlar va insonlar bir xil rangga kirib qolishiga to'g'ri kelsa, qaysi rangda bo'lishini afzal ko'rardingiz, yaxshilab o'ylab javob bering.

@yupiterlik

Menda savollar bor sizlarga, javoblaringizga qiziqyapman, vaqtingiz bormi?)

Hayrli kech🙃

umid qilamanki, sizlarda hammasi yaxshi)

Shu videoni saqlab qo'yingda, har safar o'zingizga va qobiliyatlaringizga noto'g'ri baho berganingizda ko'ring, menga doim foyda beradi.

@yupiterlik

Bitta gap-da hammaga,

bayram - kalendarda belgilangan qizil kunmas.

bayram - his va energiya.

his va energiyaga qachon ongli ravishda ruxsat bersangizgina u chiqadi tashqariga.

bo'lmasa, bir tiyin bari.
To'yiz kuniyam shkafni ichiga qamalib yig'lab o'tirasiz miyangizga to'g'ri buyruq bermasangiz.

@yupiterlik

Hay maylida, kechadan qogan bodom-pistalarni qachongacha qitir-qitir qilib o'tirasilar endi)

Ha azizlar.

Ketadiganlarni qo'lidan ushlaysanmi, oyog'idan tortasanmi, befoyda, sen yerga yotvolsang ham ular ketadi.
Va ichida "Ahmoq ekan yalinib" deydi.

Shuning uchun kimdir ketmoqchimi, u eshikdan chiqishigacha qarab o'tirma, u sumkasini zamogini ochib narsalarini yig'ishtirishni boshlagan zahoti - sen borib eshikni ochib kel.

Va ruhan xotirjamlik bilan, odamlar qarorini hurmat qil, u - seni do'stingmi, ishchingmi, hamkasbingmi, kanalingdagi uzun postlarni o'qimay prosta scroll qib qo'yadigan zerikarli odammi, indama.

Avval aytganman va yana aytaman:
Senikilar - senda qoladi.

Va ba'zi narsalar va odamlarni yo'qotish - mag'lubiyat emas, yutish ekanligini anglaysan.

@yupiterlik

Hamma chiroyli yil sarhisobi yozib, borgan joylari, qilgan ishlari, o'qigan kitoblarini post qilayotgan bir paytda men ko'chamiz boshidagi Anya opa nega hech qachon turmush qurmagani haqida o'ylab, devorga suyanib Chortoq ichib o'tiribman LDR ni albomlari bilan.

Qurbonlik hissi.
Ba'zan o'ylab qolaman, men qanchalar ulkan jasoratga ega bo'lishim kerak, kimdir yoki nimadir uchun o'zimni qurbon qilishga? Yoki barcha gumanitar aktlarim va individualligimdan kelib chiqqan holda "ha, o'zimni bag'ishlay olaman" deya olamanmi?

Anya opa ko'chamizni boshida onasi Katya momo bilan yashardilar, opa hech qachon oila qurmagan, bir ajoyib salatlar qilib, bozorda savdo qilardilar, esimda yakshanbada osh pishishidan avval darvozasini tagida 5 minglikni g'ijimlab, soatlab karam salat kutib o'tirgan paytlarim. Opa ko'p bo'lmasdilar uyda, Katya momoni esa qulog'i og'ir edi.

Opa o'z onasiga g'amxo'rlik qilish uchun uning yonidan jilmagan, aytishlaricha. Katya momo olamdan o'tdilar 3-4 yilcha burun. Opani shundan beri ko'p ko'rmayman ko'chada, (xuddi ko'chaga chiqib qo'shnilar bilan yaxshi networking yo'lga qo'ygandek gapirishimni, tovba)

O'ylayman,
men qanchalar insonparvar bo'lsam, odamlar "keraklilik" hissini tuyadi, va o'zini biroz yaxshiroq his qiladi deb.
Lekin bir nimalardan voz kecha olamanmi, ularga yaxshiroq bo'lishi uchun, o'z komfortimdan, issiq joyimdan, pulimdan, ba'zan vaqtim va asablarimdan?

Kechgan ekanman. Anchagina.
Lekin bu doim ham menga plyus bo'lib ishlamagan. Aksincha, ba'zida mutlaq qadrsizlantirgan. Lekin gap qachonki ota onam va oilam haqida ketsa, men qadrsizlanishga hatto tayyor ekanman. Ular uchun.

Ko'chada yuraman, ishga boraman, odamlar bilan ishlayman, bayram nishonlayman, yaxshi gapiraman, yomon gapiraman, do'stlar bilan vaqt o'tkazaman, suhbatlashaman, odamlarni dardini eshitaman. Lekin baribir kun oxirida, onamga borib arz qilaman. Onamga borib yorilaman, erkin nafas olaman o'zim bo'lib. Otamni maslahatiga muhtoj bo'laman.

Va oilaviy trauma bilan ulg'aygan, kuch va og'riqni jamiyatdan o'zlashtirgan odamlarga qarayman, ular hammadan chidamliroq va kuchliroq. Oilaga nimanidir bag'ishlash - ularda trauma response ga aylangan. Ba'zan qiyin bu.

Aytmoqchi bo'lganim,

Oila, ota-ona mehri - hamma narsadan ustun turadigan tuyg'u.
Undan to'yib ulg'aygan odam - yopinchiq kiymaydigan super qahramonlardek o'zini qurbon qila oladi, ular baxti uchun. Va shu bilan birga, shu mehrni ko'p his qilmagan odam - hayotda har bir qaroriga shubha bilan qaraydi, ikkilanadi, "menda bu holat takrorlanmasligi kerak" deb ekstra ehtiyot bo'lib yashaydi.

Shunday ekan,
ruhiy siniqlarga tuzattirish kiriting oilada, va hech sabab bo'lmang o'sha siniqlarga.

@yupiterlik

Nafas ob nafas ob yeymiz xalq

Kuningiz qanday o'tyapti🙃

Odamlarga nimanidir isbotlashga urinish - ichki tinchlikni ta'riflab bo'lmaydigan darajada buzadi.

Bu shunaqangi og'riqli ehtiyojki, u odatda, o'zini qabul qila olmaslik va boshqalar oldidagi rolidan qoniqmaslik hissidan kelib chiqadi.

Jamiyatga sig'ish uchungina, odamlar tomonidan "qadrli" deb topilish uchungina joningizni jabborga berib bir nimalarni isbotlashga urinish kerak emas.

O'z kuchingizni isbotlashingiz kerak bo'lgan yagona inson: bu o'zingiz.

Savol bering: Meni hechkim ko'rmaganida yoki bilmaganida, shunday harakat qilishni davom etarmidim yoki yo'q?

@yupiterlik

8 yillik yo'qolgan ilhom parilarim uchib kep qoldi:)

"Men boshqachaman" deya,
Ko'kragingni kermagin.
Begonaning bog'idan
O'g'irlab gul termagin.

Sen emassan yagona,
Sen bir narsa erursan:
Unutuvchi sen inson,
O'zgarasan har on-a.

"Men bittaman" yo'q afsus.
Sendaqalar - har yona.
Sen tupurgan yo'llarda
Kimdir yashar shohona.

"Mendek sevolmas" - yolg'on,
Jahling rost seni faqat.
Sen yig'latgan ko'zlardan,
Kimdir o'par pinhona.

"Menman ustun" - pastga tush,
Kibringga choy damlaymiz.
Nafsingdan kul - hur ona,
To'ldi bugun paymona.

Sen uzib ketgan gulni,
Kim terdi dona-dona?
Sendan nur kutganlarga
Mehring qilding durdona.

Bugun boshing olib ket,
O'zingdan sen nolib ket,
Onang yopgan kulchani
Tugunchangga solib ket.

Kimsan, vayron qilguvchi?
Yormisan yo yovmisan?
Sof qalblarni tilguvchi,
Farzand, do'st, "birov"misan?

Gulruh Markayeva
"Anglov".

Markayeva jangda o'lib po'lib qoldimi deganlar uchun, o'rtolar men qurollarim yetib kelishini kutyapman haliyam🥸

Minde o'ylab qarasam menga невыгодно ekan qurolsiz hujumga o'tish.

so we'll see what happens

Qanday o'tyapti kuningiz, bugun qanday his qildingiz o'zingizni)

Nimalar bilan bandsizlar, bayram shukuhi bormi?

I miss reading your comments, khalq
😄

🙃❤️.

Jangga kirmoqchiman, lekin qurolim juda kuchli emas. Dushman askarlari esa o'ta kuchli qurollangan. Lekin men kuchli qurol topgunimcha vaqt yo'qotishni istamayman. Yo shu kuchsiz ahvolimda ham himoya va hujumga o'taman, o'lim bilan qarshi kelib. Yoki shunchaki ularning qurboniga aylanaman.

Qaysi biri afzalroq?

@yupiterlik

Shunday 3 ta qoida bor. Yodda tutishingiz shart bo'lgan:

1. Jahlingiz chiqqanida hech qachon javob bermang.

2. Xursand bo'lganingizda hech qachon va'da bermang.

3. Xafa bo'lganingizda hech qachon qaror qabul qilmang.

Simple)

@yupiterlik

Muvaffaqiyatsizlik aslida mag'lubiyat emas.

Muvaffaqqiyatsizlik:

Muvaffaqiyatning Bir Qismi: Muvaffaqiyatsizlik muvaffaqiyatning teskari ta'rifi emas, balki uning eng muhim bosqichidir.

Qimmatli Dars Beradi: Muvaffaqiyatsizlik biz shu paytgacha ko'rmagan kamchiliklarimizni ochib beradi va muvaffaqiyat bilan sira o'rganib bo'lmaydigan saboqlarni o'rgatadi.

Bardoshlilikni Mustahkamlaydi: Qiyinchiliklar orqali insonda sabr shakllanadi va doim davom etishga undaydi.

Ijodiy Fikrlashga Undaydi: Yiqilish, omadsizlik yangi yechimlarni izlashga sabab bo'ladi, juda ko'p buyuk kashfiyotlar va dunyo tan olgan san'at asarlari bunga misoldir, J.K.Rowling ni eslang, Garri Potter asari necha marta rad etilgan?

Kamtarlik shakllanadi: Muvaffaqiyatsizlik bizni tap etib yerga tushiradi va har doim yana nimalarnidir o'rganishga ehtiyoj va imkoniyat borligini eslatadi.

Aniqlikni Ta'minlaydi: Yo'ldan adashish aslida bizni yaxshiroq maqsadga yo'naltirishi mumkin.

Muvaffaqiyatsizlikni To'g'ri Qabul Qiling

O'rgangan saboqlaringizni tahlil qiling.
Uni muvaffaqiyatga erishish uchun bir qadam sifatida ko'ring.
O'zingizni bardoshli, kreativ va maqsadga erishishga tayyor shaxs sifatida shakllantiring.

"G'alaba qilishni o'rgangan kishi muvaffaqiyat qozonadi. Ammo mag'lubiyatni o'rgangan kishi g'olibga aylanadi"

@yupiterlik

Biror narsani tezroq o'rganishni istasangiz, jarayonni qiziqroq, zavqliroq qiling.

Biror narsani yaxshiroq o'rganishni istasangiz, tez va qisqa tanaffuslar qiling.

Hayotni yaxshiroq tushunishni istasangiz, o'qing.

O'zingizni yaxshiroq tushunishni istasangiz yozing.

Kayfiyatingiz yaxshilanishini istasangiz, jismonan aktiv bo'ling.

Tiniq va aniq fikrlashni istasangiz meditatsiya qiling.

Boshqalarga yordam berishni istasangiz, o'zingizga yordam bering.

@yupiterlik

Live stream finished (2 hours)

boshladik.

o'zingizni qiziqtirgan savollarni qoldiring:)

Live stream started

General English o'qituvchilar his qiladi og'riqni)

@yupiterlik

hay.

Bollar uxlayapti yo ko'chada daydib yuribdi yo band

Presidential Tech Awards ga qatnashayotganlar bormi?)

no long posts and deep talks today, i can only give you deep hugs.

wear warmer, eat well, sleep enough and love yourself a little more today.
you are loved and important.

ALWAYS and FOREVER.

@yupiterlik

Har kuni post yozgim keladi, lekin mana bu narsani his qilganimdan keyin jim bo'lib qolaman:

Kam gapiradigan odam gapirganida hamma ESHITADI.

Ko'p gapiradigan odam gapirganida HAMMA eshitadi.

@yupiterlik

Darz ketgan joydan nur kiradi.

@yupiterlik

eski repost:

https://t.me/yupiterlik/1150

Odamlar: Yurakmi, miyami...qaysi birini eshitay?

men: oshqozonni eshit.
qogani bekor.

@yupiterlik

Qachondir o'zingizni qadrsizdek his qilsangiz, shularni o'qing:

1. Kimdir haligacha siz jo'natgan qo'shiqlarni eshitib, sizni eslaydi.

2. Kimdir haligacha siz aytgan latifa yoki hazilni eslab kuladi.

3. Kimdir haligacha sizni qanday uchratib qolganini boshqa birovlarga kulib aytib beradi.

4. Kimdir haligacha siz bergan kichik sovg'ani asrab avaylaydi, hatto boshqalar ko'rishini istamaydi.

5. Kimdir haligacha siz tavsiya qilgan kitobni "eng sevimli kitobim" deb hisoblaydi.

6. Kimdir haligacha siz aytgan gaplarni eslab, davom etishga kuch topadi.

7. Kimdir haligacha sizning o'sha kichik yordamingiz tufayli muammosi yengillashganini eslab, sizni duo qiladi.

8. Kimdir haligacha sizni sizga bildirmay ardoqlaydi, sevadi. Garchi buni siz hech qachon bilmasangiz ham.

9. Kimdir haligacha siz tavsiya qilgan filmlarni ko'rib yig'laydi va o'sha film obrazlaridan sizni qidiradi.

10. Kimdir haligacha biror yaxshi yomon narsani his qilsa, birinchi bo'lib sizni eslaydi.

Gap shundaki,
siz o'ylaganingizdan ko'proq qadrlanasiz, sevilasiz.

Va buni hech qachon to'liq anglay olmaysiz. Shudir hayotning chiroyli tragediyasi, balki.

@yupiterlik

Ha, hammamiz vaqt kamligidan noliymiz, vaqt yo'qligidan noliymiz. Juda ko'p vaqt istaymiz. Lekin u bizda bo'la turib, undan juda yomon foydalanamiz. Judayam yomon.
Va uni behudaga sovuramiz.

Masalan o'tib ketgan, ortiq o'zgartirib bo'lmaydigan narsalarni o'ylab.

Qo'lingdan ketgan narsa - miyangdan ham chiqib ketishi kerak.

Odamlar - tajribalar.
Narsalar - tajribalar.
Vaziyatlar - tajribalar.

Hayot - o'tib ketgan tajribalarni muhokama qilib yashash uchun o'ta qisqalik qiladi.

Bugunni kecha bilan yashaydiganlar uchun "ertaga" hech qachon kelmaydi.

@yupiterlik

"Kimdir mendan ko'proq azob chekyapti" deyish o'zingni og'rig'ingni pasaytirib qo'ymaydi.
Og'riqda miqdor va daraja bo'lmaydi.
U taqqoslanadigan nisbiyat emas.
U mavjud va boshqa barcha hislar kabi,
o'tkinchi.

Kuchli bo'ling.

@yupiterlik

Quyidagi 3 ta vaziyatni "eng xavflidan eng xavfsiz" iga qarab joylashtirib chiqing.

Jinoyatga guvoh bo'lib qolish va ayta olmaslik;

Jinoyatda gumondor shaxs bo'lib qolish va o'zini oqlay olmaslik;

Jinoyatni bilmagan holda o'zingiz sodir etganingizni tan ololmaslik.

Xo'sh?)

Hech kim bilmaydigan bir haqiqatni sir tutish vazifasi topshirildi sizga. Va shunday vaziyatdasiz, o'zingizni himoya qilishingiz uchun sirni aytishingiz kerak.

A. Aytaman, ilojim yo'q.
B. Aytmayman. Ilojim yo'q.

"Begona" so'zini eshitganingizda birinchi qaysi jins vakili hayolingizga keladi?

Bekatda yoki jamoat transportida g'ird begona inson sizni yoningizga yaqin o'tirib oldi. (boshqa bo'sh joylar bo'la turib) Nima qilasiz?

A. G'alati qabul qilib, boshqa joyga o'tvolaman.

B. Indamay ketaveraman.

C. Nimaga oldimga o'tirvoganini so'rayman.

Hozir ko'rasizlar qizlarni 90%i C deydi

Telefonda suhbatlashyapsiz. Zaryadingiz kam qoldi. Nima qilasiz?

A. Zaryadkaga qo'yib, davom etaveraman.
B. Suhbatni tugataman.
C. Kim bilan suhbatlashayotganimga bog'liq.

ana ko'rdizmi) qanaqa savolga kop odamlar javob beradi. 3 daqiqada 100 ta komment.

Telefoningiz zaryadi necha foiz hozir?

Bog'cha boshqa deb 15 marta aytingchi?

Hay. sizlarga hayotiy, hissiy va o'zlaringiz haqida savollar berish yaxshiroqmi deyman)

4. Qaysi mamlakatda 76 kun qorong'u bo'lmaydi? Kun umuman botmaydigan mamlakat?)

Kimdir "undan ko'ra 2:0 da qogani yaxshi edi" deb molxonaga chiqib ketdi.

Tushlar - signallardir. Hechnima shunchaki safsata emas, ayniqsa bu miyangiz va ruhingizga bog'liq bo'lsa.

Tushda hatto hayotda ko'rmagan, lekin eshitgan insonlaringizni yuzini ko'rishingiz mumkin, biroz boshqacharoq formada.

Tush insonning tasavvur qilish qobiliyatiga qarab, janr va ranglarga bo'linadi.

Kimnidir tushingizda ko'p va qayta-qayta ko'raversangiz, bu inson bilan o'rtada emotsional bog'liqlik va siz yoki u bilishni istaydigan mavzular, narsalar, yechilmagan muammo va jumboqlar borligini bildiradi.

"Nima haqida o'ylasa, tushiga kiradi" degan stereotip yolg'onligini menimcha hamma biladi.

Ko'p tush ko'radigan insonlarning ichki sezgisi tush ko'rmaydiganlarnikidan kuchliroq bo'ladi va ular uyqu paralizizga chalingan, yoki umuman yaxshi uxlay olmaydigan insonlar bo'ladi.

Shunaqa gaplar)

@yupiterlik

Deja-Reve yoki Deja-vu: Shu voqeani tushimda ko'rganmanmi yoki chindan boshimdan o'tkazganmanmi?

Hayotimda shunday paytlar bo'ladi, yangi biror mashg'ulot, yoki begona yo'l, yo bo'lmasa, biror begona insonning chehrasi - shunday tanish tuyuladiki, go'yo bu holat menda avval ham bo'lgandek, bu yo'ldan avval yurgandek, mana shu inson bilan avval suhbatlashgandek his qilaveraman. Shunday miyamni sirli bir nimalar qitiqlashni boshlaydi, elas-elas, siniq xotiralar paydo bo'ladi. Tush ko'rib unutgan holatimmi bu? Yoki esim og'ib qoldimikan?

Ko'pchilikda bunday holat uchraydi. Va odamlar tilida bu holatga "deja-vu" deb nom berilgan. Aslida u nima? Haqiqatdan shunday bo'lishi mumkinmi? Deja-vu bu - hayotda hech qachon avval tajribangizdan o'tmagan narsalar sizga tanish tuyulishi, siz aniq bilasiz bu holat sizda hech qachon bo'lmagan, lekin qanday qilib qabul qilishga hayron bo'lasiz.

Unda "Deja-reve" nima? Fransuz tilidan tarjima qilinganda, "allaqachon tushda ko'rilgan" degan ma'no kelib chiqadi bu atamadan. Sizga tanish tuyuladigan biror joy, yoki begona odamning yuzi, ovozi - hammasini qachondir tushda ko'rganingizni eslaysiz, ha azizim, bu haqiqiy, mavjud fenomen.
Misol uchun, siz ziyofatdasiz va siz ilgari hech qachon ko'rmagan odam sizga o'zini tanishtiradi. Siz bu odamni, xuddi shu ssenariyda, avval ham uchratganingizni his qilasiz. Lekin unday emas, chunki siz bu joyda hech qachon ziyofatda bo'lmagansiz va bu odam bilan uchrashmaganingizni ongli ravishda bilasiz. Va tushingizda bo'lgan voqealar, ranglar va detallar sekin esingizga tushishni boshlaydi. Garchi to'liq eslay olmasangiz-da.

Deja-reve ni 3 ta turi mavjud:

1. Epizodik: Xotirangizga darhol o'sha aniq bir tush kelishni boshlaydi.
2. Familiarity: Hammasi tanish tuyuladi, tushda ko'rgandek bo'lasiz, lekin hechnimani eslay olmaysiz.
3. Dreamy-state: Bu eng g'alati va abstrakt turi. Tush paytida bo'ladi bu. Hammasi aniq va yorqinlashadi, tush ko'rayotganingizni anglab, uyg'onasiz va yana ikkinchi tushga o'tganingizni his qilasiz. Shunchaki uyg'onib keta olmaysiz. Va birinchi tushda ko'rganlaringizni ikkinchisiga bog'lab ketolmaysiz)

Ana shunaqa)
Qanaqa odamlarda bunday bo'lishi va bu haqida psixologlarni fikri haqida alohida boshqa post tayyorlayman. Qiziq, sizda ham shunday holat hech bo'lganmi? O'z tajribalaringizni kichik hikoyalar bilan ulashing!

@yupiterlik

Nima yozishni bilmayabman anchadan beri)

Endi shu savollaringizga o'zingiz javob bering:)

Xuddi o'zingizga o'xshaydigan odamni uchratsangiz unga birinchi bo'lib qanday savol bergan bo'lardingiz?

Pauza qilib, energiyangizni qayta tiklashingizga ruxsat bering. Bu shunchaki ruxsat bersangiz "bo'ladigan" narsamas. Bu zarurat.

@yupiterlik

Ko'pchilik mendan Redpill loyihasi haqida so'rab yozgan ekan, avval bir marta mazkur loyihada guest speaker bo'lib ishtirok etgandim.
Blog kuzatuvchilari orasidan loyihaga qiziquvchilar ancha ko'paygandi, xursand bo'lgandim.

Yana shu haqida menga yozishibdi, o'zi nima u deb)

Redpill - shaxsiy rivojlanish maqsadida bo'lgan yoshlarni birlashtiradigan va turli xil yo'nalish va bosqichlarda sizni intizomli, vaqtini to'g'ri boshqara oladigan, kuchli shaxs bo'lishingizga yordam beradigan istiqbolli loyiha. Shu paytgacha 2000+ yoshlar ishtirok etgan ekan, o'zim ham biror keyingi sonida qatnashsammi deyapman😅

5 ta yo'nalish bo'yicha kunlik challenge lar bo'lar ekan:

1. Aqliy
2. Ruhiy
3. Jismoniy
4. Ijtimoiy
5. Moliyaviy

Qiziq)

Intizom va matonatini kuchaytirmoqchi bo'lganlar va jamoa bilan birga qilinadigan challenge larga qiziqadiganlar uchun ancha yaxshi imkoniyat deb o'ylayman)

Feedbacklar ni o'qishni istasangiz:
https://t.me/redpill_feedback

@yupiterlik

Don't forget:

1. Immediate pleasure < long-term happiness

2. Small talk < deep talks

3. Destination < Journey

4. To be seen < to be felt

5. To be loved < to be respected

Unutmang:

1. vaqtinchalik zavq < uzoq muddatli baxt

2. maqsadsiz suhbatlar < chuqur suhbatlar

3. Manzil < yo'l

5. Ko'rilish < his qilinish

6. Sevilish < hurmat qilinish.

@yupiterlik

Ba'zi narsalar qidirishni to'xtaganingizda topiladi.

@yupiterlik

Tasavvur qiling, hayotingiz haqida film suratga olinyapti, nima deb o'ylaysiz, sizni rolingizni qaysi aktyor/aktrisa zo'r o'ynagan bo'lardi?

Live stream finished (2 hours)

boshladik)

Live stream started

O'zingizni qiziqtirgan savollarni qoldirishingiz mumkin)

Mana shu mavzularda gaplashamiz:

1. Self- sabotage and the importance of self-love.
O'ziga o'zi to'sqinlik qilish, o'zini azobga qo'yish. O'zini sevishning ahamiyati.

2. Soul ties, Soul mates

3. How your home environment scultps you as an indvidual - Oilangizdagi muhit sizni shaxs bo'lishingizda qanday o'rin tutishi

4. Rejali hayot vs rejasiz hayot. Jadvallardan boshi og'riydigan milliarderlar.

5. Takerlar va giverlar, kim uzoq yashaydi?

10 daqiqada boshlaymiz)

@yupiterlik

Voicechat qilamizmi kechroq)🙃

O'qituvchi, psixolog va spiker sifatida sizdan nimadir o'rganib, nimagadir erishgan o'quvchingiz qachon sizni o'ta baxtli qila oladi bilasizmi?


5. Qo'rquvlarini yengib, katta maqsad qo'ya olsa va o'shanga qarab harakat qila olsa.
4. Siz kutgan natijani qo'lga kiritsa.
3. Sizdan yuqoriroq natijani qo'lga kiritsa.
2. Sizni doim eslab, xotirlasa.
1. Universitetga kirgach, qaysidir fandan "Eng zo'r notiq", "Mening role modelim" mavzusida bir to'da auditoriyaga siz haqingizda prezentatsiya qilib bersa.

Bir o'quvchim bo'lardi, Janona degan) 2021-yil o'quv markazim ochilganida Elementary guruhga kelgandi, ingliz tilidan faqat "to be" va hello deyishni bilardi) U shaharchamizning chekkasidan qatnardi, birinchi kun kelganida hatto taksiga o'tirishga qo'rqib "Ustoz, taksigacha men bilan bora olasizmi" deb so'ragani haligacha esimda.

O'ziga ishonchi ozroq pastligidan va introvertligidan ancha qiynalardi, darsdan keyin men bilan qolib, psixologik bir narsalar o'rganishga qiziqardi. Menga darsga kelib, dunyoqarashi o'zgargani uchun hatto sinfdoshlari tomonidan tanqid qilinardi) Lekin mana, u hammaga isbotladi, sertifikatlarini qo'lga kiritdi, Toshkent Davlat Yuridik Institutiga grant asosida talaba bo'ldi. Men 1 emas, 10 qarich o'sdim.

Bugun menga yozibdi. "Ustoz siz haqingizda hammaga prezentatsiya qilib berdim, hamma Bill Gates, Brian Tracy, Kennedy lar haqida qilgan, bitta meniki hammanikidan boshqacha bo'ldi, o'qituvchimiz rosa maqtadi" dedi) Va videolar ulashgan bir olam.

Birinchi o'zim tomosha qilib ozgina yig'ladim, keyin onamga ko'rsatdim, birga yig'ladik. 😄

Kimnidir hayoti biroz bo'lsa-da yaxshi tomonga o'zgarishiga sababchi bo'lish - boshqacha his, men sizga aytsam. Muhimlilik, qadrlilik - o'ta boshqacha.

600 dan oshiq o'quvchilar bilan ishlagan bo'lsam, hammasi o'z joyini, o'rnini allaqachon topishga ulgurdi. Va men nihollarim daraxt bo'lganidan cheksiz baxtiyorman va Ollohga shukr qilaman. Nihol ekishni yuragimga solgani uchun)

O'quvchilarimning heartfelt commentlarini kutaman, qani qaysi nihollarim bor ekan yonimda.

@yupiterlik

Quyosh yo'qligi va havo ancha sovib qolganligi tufayli, kayfiyatingizda biroz apasetik va melanxolik o'zgarishlar bo'lishi mumkin, o'zingizni shunaqa kunlarda ko'proq seving)

Telefon va boshqa qurilmalardan, sizni quritadigan suhbatlardan sal uzoqlashgan holda dam oling.

Issiq kofe, qalinroq kiyimlar, komfort shou yoki filmlar, o'qilmay qolib ketgan kitoblar, boshlayman deb boshlamay yurgan biror hobbyingiz, to'yimli ovqat va albatta yetarlicha uyqu.

Quchoqlar ham muhim. Pingvinlar sovuqotmaslik uchun bir birini qattiq bag'riga bosib turadi)

Sending you hugs🫂.
Take care.

@yupiterlik

I hope this message reaches wider audiences and finds its way through people's souls.

I do hope.

Qotillik.

"Atrofimdagi hammani hayoti menikidan yaxshiroq, kimdir doim mendan yaxshiroq, zavqliroq, muhimroq ishlar bilan band, men esa hechkim, hechnarsaman"

Insondagi biror bir o'zgachalikni eng tez o'ldirish usuli bu - taqqoslash.

O'zingizni kimgadir solishtirish - sizning o'lchamingiz bo'lmagan boshqa birovning oyoq kiyimini oyog'ingizga majburlab kiyishga urinishdek gap.

Hayot - bir safar. Sayohat.
Hamma har xil sayohat qiladi, kimdir mashinada, kimdir poyezdda, kimdir eshak aravada, yana kimdir oyoqyalang piyoda.

Piyoda bo'la turib, yo'lni tez bosib o'tadiganlarga o'zingizni taqqoslamang. Sizdagi o'sha faqat o'zingizgagina ma'lum boshqacha iste'dod yoki hali amalga oshmagan maqsad - mana shu usulda safarga chiqishingizni talab etishini tushuning.

Ko'zingizga minus yoki negativ bo'lib ko'rinadigan har bir vaziyatdan yarimta bo'lsayam pozitivlik qidiring.

Unutmang, bitta daraxtdan 1000 ta gugurt tayyorlash mumkin va bitta gugurt bilan 1000 ta daraxtga o't qo'yish ham mumkin.

Bitta negativ fikr barcha pozitiv tomonlarni yondirib yuboradi. Va siz hechnimani aslidagi kabi ko'ra olmaysiz.

Orzularingizni qotili bo'lmang.
Bu jinoyat uchun qamoqxonalar emas, qabrlar javob beradi.

@yupiterlik

Shanbangiz yaxshi o'tsin)🙃

Kimgadir berishingiz mumkin bo'lgan eng qimmat sovg'angiz - vaqtingizdir.

@yupiterlik

matchmaking haqida update berib ketay)

Yo bu nima ahvol, odamlarrrr)

Ariza qoldirgan qizlarni ko'pchiligi 1999,2000,2001,2002,2003,2004.

Yigitlarni 90% i esa - 2004-2005-2006.

8 % - 2002-2003.
qolgan 2% - 2000-2001

🙂.

Bu degani, yigitlar ancha uddaburon va shu yoshgacha topadigan odamini topib bo'lgan.

Va mana bu 18-19 yoshli yigitlar ayni qiziqqon davri, va shunchaki tekshirib ko'rmoqchi relationship degan narsani.

Afsus bu yerda maynavozchilikka yo'l qo'yilmagan holda match qilinadi juftliklar, bir qator faktorlarni inobatga olgan holda.

Holat hozircha shunday, e'tiboringiz uchun rahmat va sabr qiling🙂

2 hafta oldin qilgan voicechatimizdan inspired bo'lib yozilgan post!

shunchaki ajoyib.

Keshegi audiochattan....

Insan sharshaydı, ózin jalǵızlıqqa urıp dem alǵısı keledi. Sol waqıtta óshiw hám janıw arasındaǵı waqıt uzaq bolıp ketpewi kerek.

Kóp waqıt jalǵız qalıw insandı ruwxıy tárepleme sındıradı. "Comeback" qılıwdı keshiktirmeń, ol óz waqtınan erte da, kesh ta bolmay, óz waqtında orınlawı - bul haqıqıy qaytıw.

Jeke rawajlanıwda "ghost mode" or "team" methodlarınan paydalanıń. Bolmasa eń maqulı "Do it alone, go with team" mottosı.

Self-manipulyaciyadan paydalanıw sırtqı faktorlardan kóre jaqsıraq bolıwı múmkin. Bul biraq hámmede hár qıylı isleydi.

Qálegen zatıńdı ózińde barday sezin, óziń qálegen atmosferańdı jarat hám sonda jasa. Bara-bara soǵan sanań maslasıp, oyıńdaǵı zatlardı reallıqqa qaray alıp keleseń. Bul jerde "isenim" ahmiyetli faktor.

Keyingi háreket sennen. Tek ǵana aldıǵa qaray barıw.

Neni nege qáleytuǵınıńdı anıqlawǵa háreket qıl. Maqsetińnen sebepler dárejesi úlken bolıwı kerek. Bolmasa oǵan qaray barıw ańsat bolmaydı.

Heshkim belgilep bergen "time-line" joq, qısqası basqalardıń gápine bir sóz benen túpiriń.

Úmitińizdi heshqashan sóndirmeń, jámiyet belgilep bergen qaǵıydalar boyınsha emes, haqıqıy ózińiz bolıp jasań hám qanday jerde bolıwıńızǵa qaramastan háreket qılıwdan toqtamań.

Niyet-arzıwlardı heshqashan keshiktirmeń.

Disciplina, tártip júdá kerek. Biraq, ómirde ózińizdiń tiri ekenligińizdi sezip turıwıńız hám sezindiriwińiz da ahmiyetli. Salamatlıq, shańaraq hám doslar ortalıǵı.

Maqsetler tek materiallıq zat bolmastan, basqa haqıqıy joqarı nárselerdi qoya alıw insan sipatında ózgelerden ajiralıp turıwımızǵa imkan jaratadı.

Jetiskenlik bul hár bir jeńilisten keyin jáńe bir márte hárekettiń nátiyjesi!

Baxt - ózińde barına shúkir qılıw hám qálbtiń tınıshlıǵı!

CeoTony
YupiterlikMarkayeva
Abbaz Turdıbaev

Kelajagingiz haqida ishonchingiz komil bo'lmasligi - normal holat. Belgilangan algoritm bo'yicha qadam tashlashdan bosh tortib, endi buyog'iga nima qilishingiz kerakligini aniqlay olmaslik hatto nima xoxlashini bilmay qolish - xavotirli emas, o'zingizni ko'p qiynamang.
Shunchaki oddiy qabul qiling barchasini.

O'zingizga vaqt bering.

Hamma narsani 20 yoshlaringizda anglab yetishingiz aslida kerak emas.

22 yoshingizda orzuyingizdagi karyeraga qadam bosgan bo'lishingiz shart emas.

23 yoshingizda esa sevib qolib, butun umr birga bo'ladigan "odam"ingizni tanlashga majbur emassiz.

30 yoshgacha hammasi ideallashgan, barqaror ish, oila, bola-chaqa, garajda mashina, qo'shimcha biznes va ijtimoiy tarmoqlarda siz haqingizda "gapirib turadigan" bir nechta odamlaringiz bo'lishi ham shart emas.

Hechnima, hech qanaqasiga.

Aniq yosh,
aniq vaqt chizig'i uchun harakat qilmang. Boshqalarning hayot yo'liga va raqamlariga o'zingizni majburlab moslashtirishga urinmang.

Shunchaki, barcha tajribalarga "ochiq" bo'ling. Sinab ko'ravering barchasini. "Yo men nimani xoxlayman-a? Nima qilishim kerak o'zi, shumi endi meni kasbim? Shumi men yashaydigan joy? Men sevadiganlarim shumi?" deb hadeb savol beravermang o'zingizga.

Barchasini bir vaqtda aniqlashtirishga urinish - ortiqcha bosim ruhingizga.

Qiyin hobbylarga sho'ng'ing.
Uzoq masofaga yuguring.
Tatib ko'rmagan taomlaringizni sinab ko'ring.
Qo'rqadigan ishlaringizni qilib ko'ring.
Begona odamlar bilan suhbatlashing.
Ommaviy transportda odamlarni kuzating.
Qiyin tillarni o'rganing.
Dalalarda surat chizing.
Kichik detallarni kamerangizga muhrlang.

Aslida, siz orzu qiladigan ideal hayot - ideal kasb, ideal juft va ideal bank hisobidan iborat emas.

Hayot faqat shularga fokus qaratib yashashga o'ta qisqalik qiladi.

Idealist bo'lib, hayotni asl mohiyatini o'tkazib yuborish qayerda-yu, original obraz bo'lib yashash qayerda.

Eh.

@yupiterlik

Qalinroq kiyinib yuring.
Issiqroq ichimliklar iching.
Vaqtida ovqatlaning va yetarlicha dam oling.

Siz muhimsiz.
Anglaganingizdan-da ko'proq.

@yupiterlik

https://youtu.be/ukxZOwS4Obo?si=XO_WAm5ULrsDJfiT

Nomzodlar ichidan ukang chiqib qolganda: "oilaviy gruppaga screenshot has been sent"

Ey 2007-yil yigitlar qizlar, darslaringni qilsanglar bolmaydimi botga yozguncha a)😄

hurmatli botga yozayotgan yolg'izlar, hamma ma'lumotni bittada yozing, alohida alohida tashlamang, xabariz aralashib ketadi mingta xabarni ichida.

ahahah yigitlar молодцы 👏😁 tayyor turgan ekansilarku a) bot to'lyapti

Munosabatlar boshlashga tayyor bo'lgan, o'ziga mos juft qidirib charchab ketganlar diqqatiga)

mana bu @Wassup_in_jupiter_bot degan botga quyidagi ma'lumotlarni qoldirasiz:

1. Ism-familiyangiz
2. Tug'ilgan kun, oy, yil.
3. Yashash manzilingiz
4. O'qish/ish joyingiz
5. Hobby laringiz
6. O'zingiz haqingizda 3 ta qiziqarli fakt.
7. Bo'yingiz:)
8. 3 ta so'z orqali xarakteringizni ta'riflaysiz.
9. Qo'shimcha savol yoki taklifingiz.

Qani nechta juftliklarni birlashtira olarkanmiz)🙃 Birinchi 2 ta to'yga o'zim borib, kelin salom aytib beraman mayli, hehe.

@yupiterlik

Matchmaking ni boshlaymiz bugundan🙃

https://t.me/yupiterlik/5003

Diqqat, qidiruv:

1995-1998-yillarda Taurus, Pisces, Scorpio signi ostida tug'ilgan Temur ismli yigit va xuddi shu yillar oralig'ida Capricorn, Taurus, Scorpio, Pisces sign lari ostida tug'ilgan Xurshid ismli yigit qidirilmoqda.

Shunday tanishi borlar kommentga yozib qoldiring, rahmat🙃

@yupiterlik

Hayrli yomg'irli kun)
qanday his qilyapsiz o'zingizni bugun?

Hech qachon radikal bo'lmaganman, hech qanaqa mavzuda. Hech kimga.
Lekin bir tola sochim qolgunicha radikal feminist bo'lishga majburman butun dunyoda qizlar bilan bo'layotgan voqealardan keyin.

Shu yilning 4-oktyabr kuni Turkiyada 2 ta 19 yoshli qizlar, Ikbal Uzuner va Aysenur Hali - o'zining psixopat sinfdoshi Semih Celik tomonidan vaxshiyona o'ldirilgan. Holat juda qorong'u va chuqur.

Butun dunyo bo'ylab, Turkiyada femicide (ayollarning o'z joniga qasd qilishi) darajasi judayam baland. Sentyabr oyining o'zida 34 ta femicide, shu yil hisobidan esa 240 ta ayollar o'limi kuzatilgan.

Bu holat faqat Turkiyada emas. Hamma joyda bor. O'zimizda ham, yon-atrofingizda ham. "Ijtimoiy tarmoqlarda yoki televideniyeda broadcast qilinmaydi" degani bu holat mavjud emas deganimi?
Aslo. Shunchaki, ularning "og'zi, ko'zi bog'langan" xolos.

Martda Erondagi daxshatli voqealar, Avgust oyida Hindistonlik doktor voqeasi, Oktyabrda esa bunday mudhishlik. Dilim siyoh, miyam qabul qilishni istamaydi, ich-ichimdan "female rage" portlayapti.

Xabardorlikni, ogohlikni oshiring, qizlar. O'zingizni maksimal himoya qilishni o'rganing. Tegishli idoralarga xabar bering hatto cyberbullying, virtual tahdidlarni boshingizda o'tkazayotgan bo'lsangiz, yoki qandaydir noqulaylik his qilsangiz ham.

Jimlik - eng qo'rqinchli hikoya.
Jim turmang.

@yupiterlik

O'tgan hafta yakshanbada bo'lishi kerak bo'lgan, lekin ayrim sabablarga ko'ra bekor qilingan voicechat - bugun 21:00 da bo'lib o'tadigan bo'ldi.

Qiziqarli va manfaatli bo'ladi, bo'sh vaqti borlarni meni nomimdan auditoriyani to'ldirib, qo'llab-quvvatlab turishlarini so'rayman) Hammaga rahmat🙃

https://t.me/ceotony/566

they have some crazy stuff going on with the questions 😄

@yupiterlik

Yakshanba qanday o'tyapti)

Lahzalarni ehtiyot qiling, yillar o'zini o'zi ehtiyot qiladi shunda.

Yashab o'tgan yillaringiz emas, qanchasini mamnun, zavq bilan yashaganingiz muhim.

Kichkina narsalardan ham sabab toping kuningiz yaxshi o'tishiga, baxtli his qilishingizga.

O'zingizni hislaringizni his qila olmasangiz, atrofdagilarnikini o'g'irlab oling.

Jamoat transportidagi keksa juftlik, birinchi oyligini olib bolalariga shirinlik olib qaytayotgan amaki, bugun tug'ilgan kunini nishonlayotgan kimdir, maktabdan "ko'ppala" 5 olib qaytayotgan bolakay, qizalog'ini bog'chadan olib qaytayotgan dada, yomon ko'rgan ishidan va nihoyat bo'shagani haqida telefonda dugonasi bilan gaplashayotgan qiz.

Boshqalar uchun ham xursand bo'lishni o'rgansangiz, o'zingizni quvonchingiz tabiiy oshib ketaveradi, ishoning.

Momentlarni qadrlang, lahzalarni ehtiyot qiling siz. Hayot o'zini o'zi ehtiyot qiladi.

@yupiterlik

Hammasi yaxshilik bilan tugaydi.
Yaxshilik bilan tugamasa, demak hali davomi bo'ladi. Yashashda davom eting.

@yupiterlik