Walta Tv ዋልታ ቲቪ

ፑቲን ከትራምፕ ጋር ለመነጋገር ዝግጁ መሆናቸውን ገለጹ

ጥቅምት 29/2017 (አዲስ ዋልታ) የሩስያው ፕሬዝዳንት ቭላድሚር ፑቲን ሞስኮ ከተመራጩ የአሜሪካ ሪፐብሊካን ፕሬዝዳንት ጋር ለመነጋገር ዝግጁ ናት ሲሉ ገለጹ።

የሩሲያው ፕሬዝዳንት ዶናልድ ትራምፕ በአሜሪካ ምርጫ በማሸነፋቸው የእንኳን ደስ አለዎት መልዕክት አስተላልፈዋል።

ትራምፕ ከዚህ ቀደም ስለ ዩክሬን የሰጡት አስተያየት እና ከሩሲያ ጋር ያለውን ግንኙነት ወደነበረበት መመለስ ትኩረት የሚሻ ነው ማለታቸው በፑቲን የተወደደ ሀሳብ ሆኗል።

የሩስያው ፕሬዝዳንት በደስታ መግለጫ መልዕክታቸው ሞስኮ ከተመራጩ ሪፐብሊካን ፕሬዝዳንት ጋር ለመነጋገር ዝግጁ መሆኗን አስታውቀዋል።

ዶናልድ ትራምፕ ከምርጫ በፊት ከዩክሬን ፕሬዝዳንት ቮሎዲሚር ዘለንስኪ ጋር በተወያዩበት ወቅት ሩሲያ በዩክሬን የምታደርገውን ጦርነት በሰዓታት ውስጥ ማስቆም እንደሚችሉ ገልፀው አሜሪካ ለዩክሬን የምትሰጠውን እርዳታ ደጋግመው መተቸታቸው ይታወሳል።

የእስራኤሉ ጠቅላይ ሚኒስትር እና የፈረንሳይ ፕሬዝዳንት ለትራምፕ የእንኳን ደስ አለዎት መልዕክት አስተላለፉ

ጥቅምት 27/2017 (አዲስ ዋልታ) የእስራኤሉ ጠቅላይ ሚኒስትር ቤኒያሚን ኔታንያሁ እና የፈረንሳይ ፕሬዝዳንት ኢማኑኤል ማክሮን ለዶናልድ ትራምፕ የደስታ መልዕክት አስተላለፉ።

ኔታንያሁ ትራምፕ ምርጫውን እንዳሸነፉ ባመላከቱበት የእንኳን ደስ አለዎት መልዕክት "ይህ ትልቅ ድል ነው" ብለዋል።

ጠቅላይ ሚኒስትሩ በፈስቡክ ገፃቸው ባስተላለፉት መልዕክት የትራምፕን ወደ ዋይት ሃውስ መመለስን" ታሪካዊ" ነው በማለት "ለአሜሪካ አዲስ ጅምርና በእስራኤል እና አሜሪካ መካከል ላለው ታላቅ ህብረት ዳግም ጠንካራ የሆነ ቁርጠኝነትን የሚያመጣ ነው" ሲሉም አክለዋል።

የፈረንሳይ ፕሬዝዳንት ኢማኑኤል ማክሮን በኤክስ ገፃቸው ባስተላለፉት መልዕክታቸው ከፕሬዝዳንት ትራምፕ ጋር ከዚህ በፊት ትራምፕ በነበራቸው አራት የስልጣን ዓመታት አብረው እንደሰሩ በጋራ ለመስራት ዝግጁ መሆናቸውን ገልጸዋል።

ለበለጠ ሰላምና ብልጽግና አብረው እንደሚሰሩም አመላክተዋል።

በተጨማሪም የዩክሬን ፕሬዝዳንት ቮሎዲሚር ዘለንስኪ ለትራምፕ የእንኳን ደስ አለዎት መልዕክት አስተላልፈዋል።

ጠ/ሚ ዐቢይ አሕመድ (ዶ/ር) ለዶናልድ ትራምፕ የእንኳን ደስ አለህ መልዕክት አስተላለፉ

ጥቅምት 27/2017 (አዲስ ዋልታ) ጠቅላይ ሚኒስትር ዐቢይ አሕመድ (ዶ/ር) ለዶናልድ ትራምፕ የእንኳን ደስ አለህ መልዕክት አስተላለፉ።

ጠቅላይ ሚኒስትሩ በኤክስ ገጻቸው ባሰፈሩት መልዕክት “በእርስዎ የስልጣን ዘመን የሁለቱን ሀገራት ግንኙነት የበለጠ ለማጠናከር በጋራ እንሰራለን” ሲሉ አስፍረዋል።

ዚምባብዌ  ፖሊሶች በስራ ላይ እያሉ  ስልካቸውን እንደይጠቀሙ ከለከለች

ጥቅምት 26/2017 (አዲስ ዋልታ)  የዚምባብዌ መንግስት ፖሊሶች በስራ ላይ እያሉ ስልካቸውን  እንዳይጠቀሙ ከልክሏል።

መንግስት መመርያው በፍጥነት ተፈጻሚ እንዲሆን አዟል።

እገዳው ማንኛውም የፖሊስ አባል በስራ ላይ ሆኖ የግል የመገናኛ መሳርያዎቹን በሙሉ መጠቀም እንዳይችል የሚከለክል ነው።

ፖሊሶች ወደ ጣቢያቸው ሲገቡ ስልካቸውን ለቅርብ አለቆቻቸው እንዲያሰስረክቡ መመርያው ያስገድዳል። መጠቀም የሚችሉትም በእረፍት ሰዓታቸው ብቻ እንደሆነም ተገልጿል። 

በመመርያው ላይ ዕገዳው የተጣለው ለምን እንደሆነ አለልተገለጸም። ነገር ግን በፖሊስ አባለት የሚፈጸሙ የሙስና ተግባራትን ለመከላከል እንደሆነ ታምኗል።

ክልከላው የተደረገው ከጥቂት ቀናት በፊት በሀገሪቱ ዋና ከተማ ሀራሬ ሁለት የትራፊክ ፖሊሶች በቁጥጥር ስር መዋላቸውን ተከትሎ ነው።  ምክንያቱ ደግሞ በማህበራዊ ድረ ገጾች ላይ በተለቀቀ ቪዲዮ ላይ ከህዝብ ትራንስፖርት መኪናዎች የሙስና ገንዘብ ሲቀበሉ በመታየታቸው ነው።

በመመርያው ላይ የፖሊስ አባላት በስራ ላይ ሆነው ስልካቸውን ይዘው ቢገኙ የፖሊስ አባሉ ብቻ ሳይሆን የቅርብ አለቃውም ጭምር ተጠያቂ ይሆናል መባሉን ቢቢሲ ዘግቧል።

የግብርና ምርታማነት ማሳየ በአፋር

- ጠቅላይ ሚኒስትር ዐቢይ አሕመድ (ዶ/ር)

https://t.me/PAWSOG_bot/PAWS?startapp=tVsRX5wN

በተያዘው በጀት ዓመት፡-

👉የኢንዱስትሪ ዘርፉ 12 ነጥብ 8 በመቶ እንደሚያድግ ይጠበቃል

👉 የሌማት ትሩፋት ምርቶች የ5 ነጥብ 4 በመቶ እድገት ያስመዘግባሉ

👉 በዓመቱ 12 ቢሊዮን ሊትር የወተት ምርት ይጠበቃል

👉 8 ቢሊዮን የዶሮ እንቁላል ለማግኘት ታቅዷል

👉 218 ሺሕ ቶን ስጋ እና 297 ሺሕ ቶን የማር ምርት ለማምረት እቅድ ተይዟል

👉 በዘንድሮው በጀት ዓመት 8 ነጥብ 4 በመቶ እድገት እንደሚመዘገብ ይጠበቃል

👉 30 ሚሊዮን ሄክታር መሬት በማረስ 1 ነጥብ 4 ቢሊዮን ኩንታል ምርት ይጠበቃል

👉72 ትልልቅ ፕሮጀክቶች ስራ ይጀምራሉ

👉 በኢንዱስትሪ ሴክተር 12 ነጥብ 8 በመቶ እድገት ይጠበቃል

👉 በማኑፋክቸሪንግ 12 በመቶ በኮንስትራክሽን ደግሞ 12 ነጥብ 3 በመቶ እድገት ለማስመዝገብ ታቅዷል

ጠቅላይ ሚኒስትር ዐቢይ አሕመድ (ዶ/ር) ከሕዝብ ተወካዮች ምክር ቤት አባላት ለተነሱ ጥያቄዎች ከሰጡት ምላሽና ማብራሪያ የተወሰደ።

Dogs ላመለጣችው ይህ እንዳያመልጣችው
👉https://t.me/PAWSOG_bot/PAWS?startapp=Hr56aL0M

ዛሬ በእንግሊዝ ፕሪሚየር ሊግ አርሰናል ከሊቨርፑል የሚያደርጉት ጨዋታ ይጠበቃል

ጥቅምት 17/2017(አዲስ ዋልታ) ዛሬ ምሽት 1 ሰዓት ከ30 ላይ አርሰናል ከሊቨርፑል የሚያደርጉት ግጥሚያ በሊጉ የ9ኛ ሳምንት ተጠባቂ ጨዋታ ነው።

በአርሰናል በኩል ተከላካዩ ዊሊያም ሳሊባ በቅጣት እንዲሁም ዲያጎ ጆታ፣ አሊሰን ቤከርና ሃረቬይ ኢሊዬት ከሊቨርፑል በኩል በጉዳት እንደማይሰለፉ ተረጋግጧል።

ሊቨርፑል እስካሁን ካደረጋቸው 8 ጨዋታዎች በአንዱ ብቻ ሲሆን የተሸነፈው አረሰናል በበኩሉ ሁለት አቻ ወጥቶ በአንዱ ተሸንፏል።

በሌሎች የሊጉ ጨዋታ መርሃ ግብር ቸልሲ ከኒውካስትል፣ ክሪስታል ፓላስ ከቶተንሃም እንዲሁም ዌስትሃም ከማንችስተር ዩናይትድ በተመሳሳይ 11 ሰዓት ላይ ይጫወታሉ።

የሳምንቱን ታላቅ ጨዋታ የሆነውን የአርሰናል ከሊቨርፑል ውጤት ይገምቱ!

ም/ጠ/ሚኒስትር ተመስገን ጥሩነህ ከዩናይትድ ኪንግደም MI6 ኃላፊ ሰር ሪቻርድ ሙር ጋር ተወያዩ

ጥቅምት 13/2017 (አዲስ ዋልታ) ምክትል ጠቅላይ ሚኒስትር ተመስገን ጥሩነህ ከዩናይትድ ኪንግደም ሚስጥራዊ ኢንተለጀንስ አገልግሎት ወይም MI6 ኃላፊ ሰር ሪቻርድ ሙር ጋር በዓለም አቀፋዊ እና ቀጣናዊ የፀጥታ እና ደህንነት ጉዳዮች እንዲሁም ሰላም መረጋገጥ ዙሪያ ተወያይተዋል፡፡

ምክትል ጠቅላይ ሚኒስትሩ በማህበራዊ ትስስር ገጻቸው ባሰፈሩት መልዕክት ኢትዮጵያ ከዩናይትድ ኪንግደም ጋር ላላት ጥልቅና የረጅም ጊዜ ዲፕሎማሲያዊ ግንኙነት ትልቅ ቦታ ትሰጣለች ብለዋል፡፡

በመሆኑም ኢትዮጵያ ለአፍሪካ ቀንድ እና ቀጠናዊ  ሰላም እና ደህንነት ዙሪያ እንደ ዩናይትድ ኪንግደም ካሉ አጋር ሀገራት ጋር በትብብር እና በቅርበት ትሰራለች ነው ያሉት። 

በውይይታቸውም በጋራ በትብብር ለመስራት ከስምምነት መድረሳቸውን ጠቁመዋል።

ባለፉት ሶስት ወራት ለህዳሴ ግድብ ግንባታ ከ271 ሚሊዮን ብር በላይ ድጋፍ ተሰበሰበ

ጥቅምት 13/2017 (አዲስ ዋልታ) በበጀት ዓመቱ የመጀመሪያ ሩብ ዓመት ለታላቁ የኢትዮጵያ ህዳሴ ግድብ ግንባታ ከ271 ሚሊዮን ብር በላይ ድጋፍ መሰብሰቡን የታላቁ ሕዳሴ ግድብ ማስተባበሪያ ፕሮጀክት ጽህፈት ቤት አስታወቀ።

የፕሮጀክት ጽህፈት ቤቱ የፐብሊክ ዲፕሎማሲ ህዝብ ግንኙነትና ኮሙኒኬሽን ስራ አስፈጻሚ ሰለሞን ዳንኤል በ2017 በጀት ዓመት ለህዳሴ ግድብ ግንባታ 1 ነጥብ 6 ቢሊዮን ብር ድጋፍ ለመሰብሰብ መታቀዱን ገልጸዋል።

በመጀመሪያው ሩብ ዓመት በሀገር ውስጥና በውጭ ከሚኖሩ ኢትዮጵያዊያንና ትውልደ ኢትዮጵያዊያን በቦንድ ሽያጭ፣ በ8100 አጭር የፅሑፍ መልዕክትና በስጦታ ከ271 ሚሊየን ብር በላይ ድጋፍ መሰብሰቡን ተናግረዋል።

በዓመቱ የታቀደውን ድጋፍ ለማሰባሰብ በትኩረት ይሰራል ያሉት ስራ አስፈጻሚው ህዝቡም እስከ ግንባታው ፍጻሜ ድጋፉን እንዲቀጥል ጥሪ ማቅረባቸውን ኢዜአ ዘግቧል፡፡

መገናኛ ብዙኃንና እውቅ የማህበራዊ ሚዲያ አንቂዎች የገቢ ማሰባሰቢያ አማራጮችን ለህብረተሰቡ በማሳወቅ ሚናቸውን እንዲወጡም ጠይቀዋል።

👉ላልጀመራችው እንዳያመልጣችሁ
http://t.me/hrummebot/game?startapp=ref652246848

አሜሪካ ዩክሬን ድሮን ለማምረት እንድትችል የ800 ሚሊዮን ዶላር እርዳታ ልትሰጥ ነው

ጥቅምት 12/2017 (አዲስ ዋልታ) አሜሪካ ዩክሬን ድሮን ማምረት እንድታቋቋም የሚያግዛት 800 ሚሊዮን ዶላር እርዳታ ለመስጠት መወሰኗን ፕሬዝዳንት ቮሎድሚር ዘለንስኪ ገለጹ።

ይህ ዕርዳታ በቅርቡ ኬየቭ ተጉዘው የነበሩት የአሜሪካ መከላከያ ሚኒስትሩ ሎይድ ኦስተን ቃል ከገቡት 400 ሚሊዮን ዶላር የጦር መሳሪያ እርዳታ በተጨማሪ መሆኑን ሮይተርስ ዘግቧል።

ፕሬዝዳንት ዘለንስኪ ዕርዳታውን አስመልክተው “ዩክሬን ስተደረገላት ዕርዳታ ታመሰግናለች፤ በዓለም ላይ የተጋረጠውን ማንኛውም ፖለቲካዊ አደጋ ዩክሬን ሉዓላዊነቷን እና ነጻነቷን ለማስከበር ቁርጠኛ መሆኗን ማረጋገጥ ያስፈልጋል” ብለዋል።

ዩክሬን ከሩሲያ ጋር ጦርነት ከገባች ጀምሮ  የጦር መሳሪያና ተተኳሽ በአገሯ ለማምረት ትኩረት ሰጥታ  እየሰራች መሆኗን መረጃዎች ያመለክታሉ።

ፕሬዝዳንት ዘለንስኪ ከጦር መሳሪያ አምራች ኩባንያ ባለስልጣናት ጋር በነበራቸው ውይይት አገራቸው በዓመት 4 ሚሊዮን ድሮን ለማምረት አቅም እንዳላት ገልጸዋል።

በመርካቶ ሸማ ተራ አከባቢ በተከሰተው የእሳት አደጋ በንብረት ላይ ለደረሰው ጉዳት እጅግ አዝነናል - ከንቲባ አዳነች አቤቤ

ጥቅምት 11/2017 (አዲስ ዋልታ) በመርካቶ ሸማ ተራ አከባቢ በተከሰተው የእሳት አደጋ በንብረት ላይ በደረሰው ጉዳት ማዘናቸውን የአዲስ አበባ ከተማ አስተዳደር ከንቲባ አዳነች አቤቤ ገለጹ።

የተከሰተውን የእሳት አደጋ ለመቆጣጠር ከእሳት አደጋ እና ስጋት መከላከል እንዲሁም  ከአካባቢው ማህበረሰብ ጋር በመሆን ርብርብ እየተደረገ መሆኑንም ገልጸዋል።

አደጋውን ቶሎ ለመቆጣጠር እየተደረገ ያለዉን ጥረት አዳጋች ያደረገዉ የአካባቢው መንገድ የእሳት አደጋ መኪና በተሟላ ሁኔታ ለመንቀሳቀስ አስቸጋሪ በመሆኑ ምክንያት በሄሊኮፕተር ለመጠቀም እየጣርን  ነው ብለዋል። 

ይህንን አደጋ ለመቀነስ ርብርብ እያደረጋችሁ ያላችሁ አካላት ሁላ ጥረታችሁን አጠናክራችሁ እንድትቀጥሉ አሳስባለሁ ሲሉም በማኅበራዊ ትስስር ገጻቸው አስገንዝበዋል።

የባህር ዳር ከተማ ስማርት ሲቲ ፕሮጀክት ለመስራት የሚያስችል ስምምነት ተፈረመ

ጥቅምት 11/2017 (አዲስ ዋልታ) የባህር ዳር ከተማ የስማርት ሲቲ ፕሮጀክት ለመስራት የሚያስችለውን ስምምነት የባህር ዳር ከተማ አስተዳደር ከኢትዮ ቴሌኮም ጋር ተፈራረመ፡፡

በስምምነቱ ወቅት የኢትዮ ቴሌኮም ዋና ስራ አስፈፃሚ ፍሬህይወት ታምሩ ተፈጥሮ የቸረችንን ውበት ዘመኑ ባፈራው ቴክኖሎጂ በመታገዝና በመጠቀም ለሀገራዊ ኢኮኖሚና ለዜጎች ልንጠቀም ይገባል ብለዋል፡፡

ለዚህም በስማርቲ ሲቲ ፕሮጀክት እንደ ባህር ዳር ከተማ ያሉ ከተሞችን ለመገንባትና የቱሪዝም መዳረሻ ለማድረግ እየሰራን እንገኛለን ነው ያሉት፡፡

ባህር ዳርን በፕሮጀክቱ ለመገንባት የተሰራው ዲዛይን ለጎብኝዎችና ለነዋሪዎች ምቹ ከማደርግ ባለፈ የትራፊክ ፍሰትን የሚቀንስ መሆኑንም ገልጸዋል፡፡

የባህር ዳር ከተማ ከንቲባ ጎሹ እንደላማው በበኩላቸው ባህር ዳር ከተማ የዘመናዊነት ከተማ ማሳያ እንድትሆን አዲስ ምዕራፍ ከኢትዮ ቴሌኮም ጋር መጀመራቸውን ገልጸው ከተማዋን ለነዋሪዎቿ ምቹና ተስማሚ እንዲሁም በጎብኝዎች ተመራጭ የሆነች ከተማ ለመፍጠር እየተሰራ ይገኛል ብለዋል፡፡

በከተማዋ ከዚህ በፊት በ22.5 ኪሎ ሜትር የኮሪደር ልማት ፕሮጀክት እየተተገበረ መሆኑንም ጠቁመዋል፡፡

ከተማዋ የጎብኝዎች መዳራሻ እንደመሆኗ የቱሪስት ንብረቶች ሲጠፉ ትራክ አድርገው ንብረታቸውን ማግኘት የሚያስችል እንደሆነም ተጠቁሟል፡፡

ሰማኸኝ ንጋቱ (ከባህር ዳር)

የ5G ኔትዎርክ አገልግሎት በአማራ ክልል ተደራሽነቱን አስፍቶ ለተጠቃሚዎች ቀርቧል

ጥቅምት 10/2017(አዲስ ዋልታ) የ5G ኔትዎርክ አገልግሎት በአማራ ክልል ተደራሽነቱን አስፍቶ ለተጠቃሚዎች መቅረቡን የኢትዮ ቴሌኮም ዋና ሥራ አስፈጻሚ ፍሬሕይወት ታምሩ ገለጹ።

ኢትዮ ቴሌኮም በባህር ዳር ከተማ የአምስተኛውን ትውልድ (5G) ኔትወርክ በዛሬው እለት በይፋ አስጀምሯል፡፡

እንደ ሀገር ሀብትን በአግባቡ ለመጠቀም ቴክኖሎጂ ወሳኝ ነው ያሉት ሥራ አስፈፃሚዋ በቴክኖሎጂ ተግዳሮት ሲገቱ የነበሩ የብልፅግና እሳቤዎችን ለመፍታት የ5G ኔትዎርክ አስተፅኦው የጎላ መሆኑን ገልጸዋል።

ለአብነትም ባህር ዳር ከተማን ስማርት ሲቲ ከማድረግ ጀምሮ የግብርናውን፣ የጤናውን ዘርፍና ሌሎችን አገልግሎቶችን በማሳለጥ የዜጎችን ኑሮ የሚያዘምን ነው ሲሉ ጠቁመዋል።

በዚህም ዛሬ ይፋ የተደረገው የአምስተኛውን ትውልድ (5G) ኔትወርክ በባህር ዳር ቅዱስ ጊዮርጊስ ቤተክርስቲያን፣ በባህር ዳር መናኸሪያ፣ በባህር ዳር ዩኒቨርስቲ ፖሊ ካምፓስና በተለያዩ የከተማዋ አካባቢዎች እንደሚሰራ ገልጸዋል።

79 ሚሊዮን ደምበኞች ያሉት ኩባንያው በየጊዜው በተለያዩ የቴክኖሎጂ አማራጮች አገልግሎቱን ቀልጣፋና ምቹ በማድረግ ኢትዮጵያውንን ተጠቃሚ ለማድርግ እየሠራ ይገኛልም ነው ያሉት።

ለዚህም ኢትዮ ቴሌኮም የወደፊቷን ዲጂታል ኢትዮጵያን በመገንባት ረገድ በትጋት የበኩሉን ሚና እየተወጣ ያለ ተቋም ነው ሲሉ ተናግረዋል።

በሰማኸኝ ንጋቱ (ከባሕር ዳር)

የአውሮፓ ህብረት በኢራን ላይ አዲስ ማዕቀብ ጣለ

ጥቅምት 5/2017 (አዲስ ዋልታ) የአውሮፓ ህብረት ለሩሲያ ሚሳኤል እና ድሮን ሰጥታለች በሚል በኢራን ላይ አዲስ ማዕቀብ ጣለ።

አዲሱ ማዕቀብ ሚሳኤሎቹንና ድሮኖቹን ወደ ሩሲያ በማስተላለፍ ተሳትፈዋል በተባሉ ተቋማትና ግለሰቦች ላይ ያነጣጠረ ሲሆን ንብረታቸው መታገዱንና የጉዞ ዕቀባ እንደተደረገባቸው ተጠቅሷል።

የኢራን ምክትል መከላከያ ሚኒስቴር፣ የአብዮታዊ ጥበቃ ኃይል (ቃድ) ከፍተኛ አባላት እና ሶስት የአገሪቱ አየር መንገዶች ጨምሮ ከ12 በላይ የሚሆኑ ግለሰቦችና ተቋማት የአዲሱ ማዕቀብ ሰለባ መሆናቸውን አልጃዚራ ዘግቧል።

የአውሮፓ ህብረት ኮሚሽን ፕሬዝዳንት በኤክስ ገጻቸው ባሰፈሩት መልዕክት “የኢራን መንግስት በዩክሬን ላይ ጦርነት ላወጀችው ሩሲያ የሚያደርገው ድጋፍ ተቀባይነት የለውም፤ መቆም አለበት” ብለዋል።

በኢራን ላይ የተጣለውን ማዕቀብ አስመልክቶ የዩክሬን ውጭ ጉዳይ ሚኒስትር ጸብ አጫሪነትን የሚደግፉ ሁሉ ኃላፊነት ይወስዳሉ፤ ዋጋም ያስከፍላቸዋል ብለዋል።

የኢራን የውጭ ጉዳይ ሚኒስቴር ቃል አቀባይ በበኩላቸው አገራቸው ድርጊቱን አለመፈጸሟን ገልጾ የህብረቱ እርምጃ ዓለም አቀፍ ህግን የጣሰ ነው ሲልም ኮንኗል።

የኢራን ፕሬዝዳንትም አገራቸው በጉዳዩ እጇ እንደሌለባት ገልጸዋል።

"ዛሬ የኢፌዴሪ ፕሬዝዳንት ሆነው ለተሾሙት አምባሳደር ታዬ አጽቀሥላሴ  እንኳን ደስ አለዎት ለማለት እፈልጋለሁ።

በዚህ ትልቅ የኃላፊነት ቦታ ሀገራችንን በቅንነት፣ በጥበብ እና በጥልቅ የዓላማ ስሜት እንደሚያገለግሉ ሙሉ ዕምነት አለኝ። በአገልግሎት ዘመንዎ የላቀ ስኬት እንዲኖርዎት እመኛለሁ።

በተጨማሪም ላለፉት ስድስት ዓመታት ኢትዮጵያን በፕሬዝዳንትነት ላገለገሉት ክብርት ሣሕለ ወርቅ ዘውዴ ላበረከቱት የላቀ ለአገልግሎት ምስጋናዬን ለማቅረብ እወዳለሁ፡፡" - ምክትል ጠቅላይ ሚኒስትር ተመስገን ጥሩነህ

"ማምሻዉን በመዲናዋ የተለያዩ አከባቢዎች የተሰማው የመሬት ንዝረት ፈንታሌ ላይ በደረሰው የመሬት መንቀጥቀጥ ምክነያት የተከሰተ መሆኑ ተገለፀ።

የአዲስ አበባ ዩኒቨርሲቲ የጂኦ ፊዚክስ እና ስፔስ ሳይንስ ዳይሬክተር ዶ/ር ኤሊያስ ሌዊ እንዳገለጹት ዛሬ ማምሻውን በከተማችን አዲስ አበባ የተከሰተው የመሬት ንዝረት በስምጥ ሸለቆ በተለይም ፈንታሌ አካባቢ ዛሬ ብቻ ሳይሆን ላለፉት 10 ቀናት ዉስጥም እየተከሰተ የነበረ የመሬት መንቀጥቀጥ ምክንያት መሆኑን እና በአዲስ አበባም እየተከሰተዉ የነበረው የመሬት ንዝረት በዚሁ ምክንያት መሆኑን ገልጸዋል ።
የከተማችን ነዋሪዎች ሳይደናገጡ በባለሙያው የተገለጹ መደረግ የሚገባቸው ጥንቃቄዎችን እንዲያደርጉ ይህን መረጃ አጋርቻለሁ።"

ከንቲባ አዳነች አቤቤ

ሰሞኑን በጅቡቲ የባህር ዳርቻ በደረሰው አደጋ የሞቱት ዜጎች ኢትዮጵያዊያን መሆናቸው ተረጋገጠ

መስከረም 23/2017 (አዲስ ዋልታ) ሰሞኑን በጅቡቲ የባህር ዳርቻ በደረሰው የጀልባ መስጠም አደጋ የሞቱት ዜጎች በሙሉ ኢትዮጵያዊያን መሆናቸው መረጋገጡን በጅቡቲ የኢትዮጵያ ኤምባሲ አስታወቀ፡፡

መስከረም 21 ቀን 2017 ዓ.ም ማምሻውን ከየመን ወደ ጅቡቲ 320 መደበኛ ያልሆኑ ፍልሰተኞች ይዘው የተነሱት ሁለት የስደተኞች ጀልባዎች በጅቡቲ ባህር ዳርቻ አከባቢ ሲደርሱ በደረሰው አደጋ የዜጎች ህይወት ማለፉ ይታወሳል።

አደጋውን ተከትሎ 48 ፍልሰተኞች ህይወታቸው ሲያልፍ፣ 197 ፍልሰተኞች ከአደጋው ተርፈው ኦቦክ የሚገኘው ዓለም አቀፉ የስደተኞች ካምፕ መድረሳቸው ተጠቅሷል።

የተቀሩት 75 ፍልሰተኞችን አካል የማፈላለጉ ስራ በነፍስ አድን ሠራተኞች መቀጠሉም ተገልጿል።
 
እስከአሁን በስፍራው በተደረገው የዜጎች ማጣራት ሂደት ሁሉም ፍልሰተኞች ኢትዮጵያዊያን መሆናቸውን ከሚመለከተው አካላት በተገኘው መረጃ ማወቅ መቻሉን በጅቡቲ የኢትዮጵያ ኤምባሲ አመልክቷል።

ኤምባሲው በዚህ ከባድ አደጋ ምክንያት ህይወታቸውን ባጡ ዜጎች የተሰማውን ጥልቅ ሀዘን በመግለጽ በህገ-ወጥ የሰዎች ዝውውር ምክንያት በየጊዜው እየደረሰ ያለውን ሞት ለመቀነስ ሁሉም ተቋማት በርብርብ ሊሰራ እንደሚገባ አሳስቧል፡፡

ህገ-ወጥ የሰዎች አዘዋዋሪዎች ከዚህ ድርጊታቸው እንዲቆጠቡ ያሳሰበው ኤምባሲ በቀጣይ መንግስት እነዚህ ግለሰቦች ላይ ጠንካራ እርምጃ የሚወስድ መሆኑን መግለጹን ከኤምባሲው የተገኘ መረጃ ያመላክታል።

ኢትዮጵያ በካርቱም የተባበሩት አረብ ኤሜሬቶች አምባሳደር መኖሪያ ቤት ላይ የደረሰውን ጥቃት አወገዘች

መስከረም 21/2017 (አዲስ ዋልታ) ኢትዮጵያ በሱዳን ካርቱም በሚገኘው የተባበሩት አረብ ኤሜሬቶች አምባሳደር መኖሪያ ቤት ላይ የተፈፀመውን ጥቃት እንደምታወግዝ አስታወቀች፡፡

ኢትዮጵያ በሱዳን ያሉ ሁሉም ወገኖች ዓለም አቀፍ ዲፕሎማሲያዊ ደንቦችን እንዲያከብሩና የዲፕሎማቲክ ሰራተኞችን እና ተቋማትን አደጋ ላይ ከሚጥል ድርጊት እንዲቆጠቡ ጥሪ አቅርባለች፡፡

የሚኒስትሮች ምክር ቤት ባካሄደው 39ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ አሳለፈ

መስከረም 21/2017 (አዲስ ዋልታ) የሚኒስትሮች ምክር ቤት በዛሬው ዕለት ባካሄደው 39ኛ መደበኛ ስብሰባ በተለያዩ ጉዳዮች ላይ ተወያይቶ ውሳኔ አሳለፈ፡፡

በ39ኛ መደበኛ የሚኒስትሮች ምክር ቤት ስብሰባ ላይ የተላለፉ ውሳኔዎች የሚከተሉት ናቸው፡-

1. በቅድሚያ ምክር ቤቱ የተወያየው ብሔራዊ የመካከለኛ ዘመን 2017-2020 የገቢ ስትራቴጂ ላይ ነው፡፡ ስትራቴጂው የታክስ ሥርዓቱን ለማዘመን እና ለግል ኢንቨስትመንቱ ምቹ ሁኔታን ለመፍጠር የታለመ ሲሆን አጠቃላይ የታክስ ፖሊሲዎችን እና አስተዳደራዊ ሪፎርሞችን እንዲሁም ማሻሻያዎችን ለመተግበር የሚያስችል ነው፡፡ ሰትራቴጂው ከ10 ዓመቱ የልማት ዕቅድ ጋር የተጣጣመ እንዲሆን ተደርጎ ቀርቧል፡፡ ምክር ቤቱም በስትራቴጂው ላይ በዝርዝር ከተወያየበት በኋላ በምክር ቤቱ ውሳኔ ካገኘበት ቀን ጀምሮ ተግባራዊ እንዲደረግ በሙሉ ድምጽ ወስኗል፡፡

ጠ/ሚ ዐቢይ አሕመድ (ዶ/ር) ለመስቀል በዓል የእንኳን አደረሳችሁ መልዕክት አስተላለፉ

መስከረም 16/2013(አዲስ ዋልታ) ጠቅላይ ሚኒስትር ዐቢይ አሕመድ (ዶ/ር) ለመስቀል በዓል የእንኳን አደረሳችሁ መልዕክት አስተላልፈዋል።

የጠቅላይ ሚኒስትሩ የእንኳን አደረሳችሁ መልዕክት እንደሚከተለው ቀርቧል።

ለ2017 ዓመት የመስቀል በዓል እንኳን አደረሳችሁ

የመስቀል በዓል የሕልም ጉልበት የታየበት በዓል ነው፡፡

ንግሥት ዕሌኒ መስቀሉን ለማውጣት ያለመችው ምንም አመቺ ነገር ባልነበረበት ጊዜ ነው፡፡ ዙሪያዋ ጨለማ ነበር፡፡ መንገዶች ሁሉ ዝግ ነበሩ፡፡ ነገሮች ሁሉ አስቸጋሪ ነበሩ፡፡ ማንም በማያስበው ጊዜ፤ አይቻልም አይሞከርም በሚባልበት ወቅት፤ አንድ ቀን፤ ፈጣሪዋ ሲፈቅድ፤ መስቀሉን ከተቀበረበት ሥፍራ ለማውጣት ሕልም ነበራት፡፡

ሕልሟ እንዲሳካ ሠራች፤ ታገለች፡፡ ጨለማውን እየገፈፈች፤ አስቸጋሪውን ጎዳና እየጠረገች፤ ከውስብስብ ችግሮች ጋር እየተጋፈጠች ወደ ፊት ተጓዘች፡፡ በመጨረሻም ኢየሩሳሌም ተሻግራ፣ መስቀሉን ከተቀበረበት ሥፍራ ለማውጣት በቃች፡፡ ሕልሟ እውን ሆነ፡፡ ታሪክን ቀየረች፡፡ ልዕልናን ዐወጀች፡፡ ደመራ ለሚታገል፤ ተስፋ ለማይቆርጥና እስከ መጨረሻው ለሚጸና ሰው ሕልሙ አንድ ቀን እውን እንደሚሆን የሚያሳይ ትእምርት ነው፡፡

በ አንድ ሳምንት ብቻ ከ 12M በላይ ሰው የጀመረው Airdrop_Moonbix

ለመጀመር👉https://t.me/Binance_Moonbix_bot/start?startapp=ref_652246848&startApp=ref_652246848

የከፈቾ ብሔር ዘመን መለወጫ በዓል "ማሽቃሮ" በድምቀት እየተከበረ ነው

መስከረም 13/2017(አዲስ ዋልታ) የከፈቾ ብሔር ዘመን መለወጫ በዓል "ማሽቃሮ" በተለያዩ ዝግጅቶች በቦንጋ ከተማ እየተከበረ ይገኛል።

“ማሽቃሮ” በካፈቾ ብሔር ዘንድ በታላላቅ ኩነቶች ታጅቦ በድምቀት የሚከበር ከአሮጌው ዓመት ወደ አዲስ ዓመት የሚሸጋገሩበት በዓል ነው።

በ አንድ ሳምንት ብቻ ከ 12M በላይ ሰው የጀመረው Airdrop_Moonbix

ለመጀመር👉https://t.me/Binance_Moonbix_bot/start?startapp=ref_652246848&startApp=ref_652246848

ጠ/ሚ ዐቢይ አሕመድ (ዶ/ር) የኢጋድ የቱሪዝም ሻምፒዮን ሆኑ

መስከረም 9/2017(አዲስ ዋልታ) ጠቅላይ ሚኒስትር ዐቢይ አሕመድ (ዶ/ር) ለሚቀጥሉት ሦስት ዓመታት የምስራቅ አፍሪካ የልማት በይነ መንግስታት ባለስልጣን (ኢጋድ) የቱሪዝም ሻምፒዮን ሆነው ተመርጠዋል።

“ጠቅላይ ሚኒስትር ዐቢይ አሕመድ (ዶ/ር) አዲሱ የኢጋድ የቱሪዝም ሻምፒዮን መሆናቸውን ስንገልፅ ኩራት ይሰማናል” ሲል የኢጋድ ጽሕፈት ቤት በኤክስ ገጹ አስፍሯል።

ጽሕፈት ቤቱ የጠቅላይ ሚኒስትሩ ባለራዕይ መሪነት በቀጠናው ቱሪዝምን ለማሳደግ በሚደረገው ጥረት ከፍተኛ ሚና እንደሚኖረው በመግለጽ አመራራቸውም በኢጋድ አባል ሀገራት የኢኮኖሚ ዕድገትን ለማምጣት፣ ቅርሶችን እና አካባቢን ለመጠበቅ ከፍተኛ አስተዋፅኦ ያደርጋል ብሏል።

አዲስ አበባ ዩኒቨርሲቲ ከ500 በላይ ውጤት ላመጡ ተማሪዎች ነጻ የትምህርት ዕድል ሰጠ

መስከረም 8/2017 (አዲስ ዋልታ) የአዲስ አበባ ዩኒቨርሲቲ በዘንድሮው የ12ኛ ክፍል ፈተና ከ500 በላይ ላመጡ 200 ተማሪዎች ነጻ የትምህርት ዕድል መስጠቱን አስታወቀ፡፡

ዩኒቨርሲቲው ራስ ገዝ መሆኑን ተከትሎ ተማሪዎችን በራሱ የቅበላ ሥርዓት ተቀብሎ ለማስተማር ምዝገባ እያከናወነ መሆኑንም ገልጿል፡፡

በቅርቡም ያዘጋጀውን የተማሪዎች መግቢያ ፈተና እንደሚሰጥና ብቃትን፣ ብዝኃነትንና ፍትሐዊነትን ማዕከል አድርጎ እንደሚቀበል አስታውቋል፡፡

ከዚሁ ጋር በተያያዘ በ2016 የትምህርት ዘመን የ12ኛ ክፍል ማጠናቀቂያ ፈተና ወስደው 500 እና ከዚያ በላይ ያዝመዘገቡ 200 ተማሪዎችን በውድድር ነፃ የትምህርት እድል ከመኝታና የካፌ አገልግሎት ጋር እንደሚሰጥ አመልክቷል፡፡

ይህም ዩኒቨርሲቲው ብቃትና ተሰጥዖ ያላቸው ተማሪዎች መዳረሻ ለመሆን ያለውን ቁርጠኝነት እንደሚያሳይ ከዩኒቨርሲቲው ያገኘነው መረጃ ያመላክታል፡፡

🗼Binance ያስጀመረው አድስ Airdrop
ሳይዘገይ ቶሎ ጀምሩት
👎👎👎👎👎👎👎
https://t.me/Binance_Moonbix_bot/start?startapp=ref_652246848&startApp=ref_652246848