Addis መረጃ™

ተመራጩ የአሜሪካ ፕሬዝዳንት ዶናልድ ትራምፕ ለራስ ገዟ ሶማሊላንድ የሀገርነት እውቅና ሊሰጡ እንደሚችል ተነገረ።

የቀድሞ የብሪታንያ መከላከያ ሚኒስትር ሰር ጋቪን ዊሊያምሰን በቀይ ባህር ላይ ወሳኝ ስትራቴጂካዊ ቦታ ስላላት የሶማሌላንድ ይፋዊ እውቅና ከትራምፕ የፖሊሲ ሀላፊዎች ጋር መነጋገራቸውን ለኢንዲፔንደንት ተናግረዋል።

ሚኒስትሩ ትራምፕ በመጪው ጥር ስልጣን በያዙበት ፍጥነት ለሀርጌሳ እውቅናን ሊሰጡ ይችላሉ ነው ያሉት።በ1991 ከሶማሊያ የተገነጠለችው ሶማሊላንድ የሀገርነት እውቅና እንድታገኝ ቅስቀሳ ሲያደርጉ የነበሩት የቀድሞ ሚኒስትር ከትራምፕ የፖሊሲ ሀላፊዎች ጋር ውይይት አድርገው እንደነበር ገልጸዋል።

በውይይቱም ለሀርጌሳ እውቅና መስጠት በቀጠናው ባሉ የውሀ አካላት እና አካባቢው ላይ ሊኖር የሚችለውን በጎ ተጽዕኖ ማስረዳታቸውን ነው የተናገሩት።ትራምፕ በስልጣን ላይ በነበሩበት ወቅት ከወሰኗቸው የመጨረሻ ውሳኔዎች መካከል የአሜሪካን ጦር ከሶማሊያ ማስወጣት የሚለው አንዱ ነበር ሆኖም ይህ ውሳኔ በባይደን አስተዳደር ተሽሯል።

የቀድሞ የእንግሊዝ ቀኝ ግዛት የነበረችው ሶማሊላንድ ከብሪታንያ ጋር ያላትን የጠበቀ ግንኙነት ያስቀጠለች ሲሆን የሀገርነት እውቅናን ለማግኝት የተለያዩ ባለስልጣናትን እንደምትጠቀም ይነገራል።የቀድሞ ሚኒስትር ለኢንዲፔንደንት እንደተናገሩት ትራምፕ እውቅናውን የሚሰጡ ከሆነ የቀጠናውን ጂኦፖለቲካ የሚቀይረው ይሆናል።

የሞቃዲሾን የሶማሊላንድ ይገባኛል ጥያቄ የሚደግፉት የቀድሞ የአሜሪካ ፕሬዝዳንት ባራክ ኦባማ እውቅና እንዲሰጣት የቀረበውን ጥያቄ ውድቅ አድርገውታል። ምንም እንኳን ሶማሊያ የአለም አቀፍ የባህር ላይ ወንበዴ እና የሽብርተኝነት ማዕከል ብትሆንም ፕሬዝዳንት ጆ ባይደን ይህንን አቋም አስቀጥለዋል።

@Addis_Mereja

ቢሊዮን ዶላሮች የሚያወጣ ቢትኮይን የዘረፈው አሜሪካዊ እስር ተፈረደበት!

በዓለማችን እጅግ ግዙፍ ከሚባሉ የክሪፕቶከረንሲ ዝርፊያዎች በአንዱ የተፈፀመውን ገንዘብ አዘዋውሯል የተባለው አሜሪካዊ የአምስት ዓመት እስር ተፈረደበት።ኢልያ ሊክችንስታይን ባለፈው ዓመት ነው ፍርድ ቤት ቀርቦ ጥፋተኛ መሆኑን ያመነው።

ቢትፋይኔክስ የተባለው የክሪፕቶከረንሲ መለዋወጫ መድረክ በአውሮፓውያኑ 2016 ተጠልፎ 120 ሺህ ቢትኮይን መዘረፉ ይታወሳል።ግለሰቡ የተሰረቀውን ክሪፕቶ ያዘዋወረው ከሚስቱ ሄዘር ሞርጋን ጋር ሲሆን የሂፕ ሆፕ ሙዚቀኛዋ ሚስቱ ራዝልኻን በተሰኘ የመድረክ ስሟ ትታወቃለች።ቢትኮይኑ በተሰረቀ ወቅት የገበያ ዋጋው 70 ሚሊዮን ዶላር ነበር። ነገር ግን በቁጥጥር ሥር ሲውሉ ዋጋው ተመንድጎ 4.5 ቢሊዮን ዶላር ደርሷል።

ግለሰቦቹ በቁጥጥር ሥር ሲውሉ 3.6 ቢሊዮን ዶላር ዋጋ ያለው ቢትኮይን ተይዞ ነበር።በወቅቱ ምክትል አቃቤ ሕግ ሊሳ ሞናኮ በአሜሪካ የፍትሕ ሚኒስቴር ታሪክ ይህ ከፍተኛው በቁጥጥር ሥር የዋለ ገንዘብ ነው ማለታቸው አይዘነጋም።

“እንዲህ ዓይነት ወንጀል ፈፅመው ሳይቀጡ እንደማያልፉ ማሳያ ነው። የሚፈፅሙት እያንዳንዱ ወንጀል መዘዝ አለው” ሲሉ ዳኛ ኮሊን ኮላር-ኮቴሊ ተናግረዋል።ሊክችንስታይን በአውሮፓውያኑ የካቲት 2022 ነው በቁጥጥር ሥር ውሎ እስር ቤት የገባው።ሰውዬው በፈፀመው ወንጀል መፀፀቱን ለችሎቱ ተናግሯል።

አክሎ እስሩን ጨርሶ ሲወጣ ችሎታውን ተጠቅሞ የሳይበር ወንጀለኞችን ለመከላከል እንደሚሠራ ቃል ገብቷል።ሚስቱ ሞርጋን በገንዘብ ማዘዋወር ውስጥ እጇ እንዳለበት አምና ጥፋተኛ ነው ያለችው ባለፈው ዓመት ነው። በሚቀጥለው ሳምንት ሰኞ ፍርድ ቤት ቀርቦ ብይን ይሰጣታል ተብሎ ይጠበቃል።

Via BBC
@Addis_Mereja

ጠ/ሚ ዐቢይ አሕመድ (ዶ/ር) ለዶናልድ ትራምፕ የእንኳን ደስ አለህ መልዕክት አስተላለፉ!

ጠቅላይ ሚኒስትር ዐቢይ አሕመድ (ዶ/ር) ለዶናልድ ትራምፕ የእንኳን ደስ አለህ መልዕክት አስተላለፉ።

ጠቅላይ ሚኒስትሩ በኤክስ ገጻቸው ባሰፈሩት መልዕክት “በእርስዎ የስልጣን ዘመን የሁለቱን ሀገራት ግንኙነት የበለጠ ለማጠናከር በጋራ እንሰራለን” ሲሉ አስፍረዋል።

@Addis_Mereja

#Update

ዘ ኒው ዮርክ ታይምስ ትራምፕ በምርጫው የማሸነፍ እድላቸው ከ95 በመቶ ማለፉን እየዘገበ ይገኛል።

@Addis_Mereja

ስድስት መራጮች ባሏት ከተማ ትራምፕ እና ሃሪስ እኩል ድምፅ አገኙ!

ዲሞክራቷ ካማላ ሃሪስ እና ተቀናቃኛቸው ዶናልድ ትራምፕ የምርጫ ቅስቀሳቸውን አጠናቀዋል።የምርጫ ኮሮጆ ለድምፅ ሰጭዎች ክፍት ያደረገችው የመጀመሪያዋ የአሜሪካ ከተማ ኒው ሀምፕሸር ግዛት የምትገኘው ዲክስቪል ኖች ናት።

በከተማዋ የምርጫ ጣቢያዎች የተከፈቱት በአካካቢው ሰዓት አቆጣጠር ሰኞ እኩለ ለሊት ነው። ከተማዋ ሁሌም የምርጫ ጣቢያዎቿን የምትከፍተው እኩለ ለሊት ነው። የምርጫ ጣቢያው ሁሉም መራጮች ድምፃቸውን እስኪሰጡ ክፍት ሆኖ ቆይቷል።ባለፈው ጥር በከተማዋ የመጀመሪያ ዙር ምርጫ ሲካሄድ ድምፅ ለመስጠት የተመዘገቡ ሰዎች ቁጥር 6 ነበር።

የአሜሪካ መገናኛ ብዙኃን ኒው ሀምፕሸር ግዛት የአሜሪካ ምርጫ ምን ሊመስል እንደሚችል ፍንጭ የምትሰጥ ግዛት ናት ይሏታል።ስድስቱም የአካባቢው ነዋሪዎች ድምፅ ከሰጡ በኋላ ቆጠራ የተደረገ ሲሆን ሃሪስ 3 ትራምፕ 3 ድምፅ አግኝተዋል።

Via BBC
@Addis_Mereja

የኢትዮጵያ አየር መንገድ በአፍሪካ የመጀመሪያ የሆነውን አውሮፕላን ተረከበ!

የኢትዮጵያ አየር መንገድ በአፍሪካ የመጀመሪያ የሆነውን ኤር ባስ A350-1000 አውሮፕላን በፈረንሳይ ቱሉዝ ከኤርባስ ኩባንያ መረከቡን አስታወቀ፡፡400 መቀመጫዎች ያሉት አውሮፕላኑ የላቀ አገልግሎት መስጠት የሚያስችል ቴክኖሎጂ የተገጠመለትና Ethiopia land of origins የሚል ስያሜ ተሰጥቶታል፡፡

በርክክብ ሥነ-ስርዓቱ ላይ የኢትዮጵያ አየር ኃይል ዋና አዛዥ እና የኢትዮጵያ አየር መንገድ ግሩፕ የቦርድ ሰብሳቢ ሌተናል ጄነራል ይልማ መርዳሳ፣ የኢትዮጵያ አየር መንገድ ዋና ሥራ አስፈፃሚ መስፍን ጣሰው፣ የአየር መንገዱ ከፍተኛ የሥራ ሃላፊዎች፣ በኢትዮጵያ የፈረንሳይ አምባሳደር አሌክሲ ለሚክ፣ የኤር ባስ ኩባንያ ተወካዮች እና ጥሪ የተደረገላቸው እንግዶች ተገኝተዋል ተብሏል።ጠቅላይ ሚኒስትር ዐቢይ አሕመድ (ዶ/ር) በቅርቡ ለሕዝብ ተወካዮች ምክር ቤት አባላት በሰጡት ማብራሪያ አየር መንገዱ 124 አውሮፕላኖችን ለመግዛት ማዘዙን መናገራቸው ይታወሳል፡፡

@Addis_Mereja

የአቡዳቢ አልጋወራሽ ግርማዊ ሼህ ኻሊድ ቢን መሃመድ ቢን ዛይድ ለይፋዊ ጉብኝት አዲስ አበባ ገቡ።

የኢትዮጵያ ጠቅላይ ሚኒስትር አብይ አህመድ ለአልጋወራሹ በቦሌ አለማቀፍ አውሮፕላን ማረፊያ አቀባበል አድርገውላቸዋል።ጠቅላይ ሚኒስትሩ በማህበራዊ ትስስር ገጻቸው ለአልጋወራሽ ግርማዊ ሼህ ኻሊድ ቢን መሃመድ ቢን ዛይድ የእንኳን ደህና መጡ መልዕክታቸውን አስፍረዋል።

@Addis_Mereja

ወላጆች ልጆቻቸውን ከመወለዳቸው በፊት በሚፈልጉት ጾታ፣ ቁመትና የማሰላሰል አቅም እንዲወስኑ የሚያደርግ አዲስ ፈጠራ ይፋ ሆነ🧐!

መቀመጫውን አሜሪካ ያደረገው አዲስ የቴክኖሎጂ ኩባንያ ለማሰብ የሚከብዱ ፈጠራዎችን ለአገልግሎት አብቅቻለሁ ብሏል፡፡

ሄሊዮስፔክት ጄኖሚክስ የተሰኘው ይህ አዲስ የቴክኖሎጂ ኩባንያ ልጆች ከመወለዳቸው በፊት ከፍተኛ የማሰላሰል አቅም ወይም አይኪው እንዲኖራቸው የሚያደርግ ነው ተብሏል፡፡ኩባንያው በሰውሰራሽ ቴክኖሎጂ ወይም በህክምና እገዛ በሚወለዱ ህጻናት ላይ በርካታ ሙከራዎችን ሲያደርግ መቆየቱን ዘ ጋርዲያን አስነብቧል፡፡

እንደ ዘገባው ከሆነ ቴክኖሎጂው ወላጆች ልጃቸው በሚፈልጉት ጾታ፣ ቁመት፣ የማሰላሰል አቅም መጠን እና ሌሎችም እንዲወለድ የሚያደርግ ነው፡፡ወላጆች ይህን አገልግሎት ለማግኘት እስከ 50 ሺህ ዶላር መክፈል የሚጠበቅባቸው ሲሆን አገልግሎቱን እያገኙ ያሉ ወላጆች እንዳሉም ተገልጿል፡፡

እስካሁን ለ12 ልጆችን በተፈጥሮ መንገድ መውለድ ላልቻሉ ነገር ግን በህክምና እገዛ ለወለዱ ወላጆች አገልግሎቱ ተሰጥቷቸዋል የተባለ ሲሆን ህጻናቱ በዚህ ቴክኖሎጂ የማሰላሰል አቅማቸው በተፈጥሯቸው ሊያገኙ ከሚችሉት ስድስት እጥፍ የተሻለ ነውም ተብሏል። ቴክኖሎጂው አይኪውን ከመጨመር በተጨማሪ ሊከሰቱ የሚችሉ እንደ የአዕምሮ ህመም፣ ከመጠን በላይ ውፍረትና ሌሎች ስጋቶች ህጻናቱን እንዳያጠቁ የሚያደርግ እንደሆነም ተገልጿል፡

ይህ ቴክኖሎጂ ለአገልግሎት መብቃቱን ተከትሎ አድናቆትና ትችቶችን ያስተናገደ ሲሆን ቴክኖሎጂው የማህበረሰብ ልዩነት እንዲፈጠር የሚያደርግና ተፈጥሮን የሚጋፋ ነው የሚል ትችት ቀርቦበታል፡፡ቴክኖሎጂውን ያበቃው ኩባንያ በበኩሉ አገልግሎቱ ገና በጅምር ላይ መሆኑንና በቀጣይ ለሁሉም እንዲቀርብ ሊደረግ እንደሚችል አስታውቋል(Alain)

@Addis_Mereja

ጌታቸው ረዳ በቲውተር ገፁ

" ተቀራርቦ መነጋገርን የመሰለ ነገር የለም"

👍
@Addis_Mereja

የሰነዶች ማረጋገጫና ምዝገባ አገልግሎት ለሚሰጣቸው አገልግሎቶች "ፋይዳ" መታወቂያ መቅረብ ግዴታ ነው አለ!

የሰነዶች ማረጋገጫና ምዝገባ አገልግሎት በአዲስ አበባ በሚገኙት 16 ቅርንጫፎች ለሚሰጣቸው አገልግሎቶች ደንበኞች "ፋይዳ" ዲጂታል መታወቂያ ማቅረብ ግዴታ እንዳለባቸው አስታወቀ።በዚህም መሠረት በአዲስ አበባ ከተማ አገልግሎት ለማግኘት "ፋይዳ" ዲጂታል መታወቂያ ወይም የተመዘገቡበትን ማስረጃ ማቅረብ አስፈላጊ መሆኑ እንደታመነበት አገልግሎቱ ባወጣው መረጃ ጠቁሟል።በመሆኑም ከሕዳር 1 ቀን 2017 ጀምሮ ተቋሙ ለሚሰጠው አገልግሎት ደንበኞች ፋይዳ ዲጂታል መታወቂያ ወይም የተመዘገቡበትን ማስረጃ የማቅረብ ግዴታ እንዳለባቸው አሳስቧል።

@Addis_Mereja

ኢትዮጵያ ከኤርትራ ሊያደርጉት የነበረው የእግር ኳስ ጨዋታ ተሰረዘ!

በቻን ማጣርያ የመጀመርያ ዙር ኢትዮጵያ ከኤርትራ ሊያደርጉት መርሐ ግብር ወጥቶላቸው የነበረው ጨዋታ ኤርትራ ከውድድሩ ራሷን ማግለሏን ካፍ በማሳወቁ ተሰርዟል።ኢትዮጵያ በቀጣይ ዙር የሱዳን እና ታንዛንያ አሸናፊን እንደምትገጥም የኢትዮጵያ እግርኳስ ፌዴሬሽን አስታውቋል።

በአፍሪካ ሀገራት ዋንጫ (ቻን) የማጣሪያ ጨዋታ ኢትዮጵያ ከኤርትራ ጋር ጥቅምት 21 ቀን 2017 እና ጥቅምት 24 ቀን 2017 የደርሶ መልስ ጨዋታዋን በደቡብ ሱዳን ጁባ እንደምታደርግ ተገልጾ እንደነበር ይታወሳል።

@Addis_Mereja

እስራኤል በኢራን ወታደራዊ ዒላማዎች ላይ የአየር ጥቃት ፈጸመች!

እስራኤል ከእኩለ ለሊት ጀምሮ በኢራን ወታደራዊ ተቋማት ላይ ተደጋጋሚ የአየር ጥቃት መፈጸሟን አስታወቀች።ኢራንም በበኩሏ ንጋት ላይ እንዳስታወቀችው በዋና ከተማዋ ቴህራን፣ ኹዜስታን እና ኢላም በተባሉ ግዛቶቿ ውስጥ የሚገኙ ወታደራዊ ሰፈሮች የእስራኤል ጥቃት እንደተፈጸመባቸው አስታውቃለች።

የእስራኤል መከላከያ ኃይል ጥቃቱን የፈጸመው ኢራን እና በመካከለኛው ምሥራቅ የሚገኙ አጋሮቿ የሆኑ ታጣቂ ቡድኖች ለፈጸሙት “ለወራት የዘለቀ ጥቃት" ምላሽ መሆኑን አስታውቋል።ይህ የእስራኤል ጥቃት የተፈጸመው ቴህራን ውስጥ ባለፈው ዓመት ሐምሌ ወር የሐማስ ፖለቲካ መሪ በመገደላቸው ኢራን ከ200 በላይ ባሌስቲክ ሚሳዔሎችን መስከረም 21/2017 ዓ.ም. በእስራኤል ላይ ከተኮሰች በኋላ ነው።

የእስራኤል አየር ኃይል ሌሊቱን የፈጸመው ጥቃት ኢራን በእስራኤል ላይ የተኮሰቻቸውን ሚሳኤሎች የሚያመርቱ ተቋማትን፣ የአየር ጥቃት መከላከያ እና የሚሳዔል ማስወንጨፊያ ሥርዓቶችን ዒላማ መደረጋቸውን ተገልጿል።ኢራን በወታደራዊ ይዞታዎቿ ላይ ጥቃት እንደተፈጸመባት አረጋግጣ፤ ነገር ግን “ጥቃቱ ውስን ጉዳት” ቢያደርስም በተሳካ ሁኔታ ማክሸፏን አስታውቃለች ሲል ቢቢሲ ዘግቧል።

@Addis_Mereja

ጎግል የተሰረቁ ሞባይል ቀፎዎች ዳግም እንዳይሰሩ የሚያደርግ ፈጠራ መተግበሩን ገለጸ

የስልክ ንጥቂያ ወንጀል ኢትዮጵያን ጨምሮ በበርካታ ሀገራት እየተስፋፋ ያለ ወንጀል ነው፡፡ የብሪታንያ መዲና በሆነችው ለንደን ይህ ወንጀል አሳሳቢ ሆኗል፡፡ የለንደን ከንቲባ ሳዲቅ ካሃን በከተማቸው የተስፋፋውን የስልቅ ነጥቆ መሮጥ ወንጀል ለመቀነስ የቴክኖሎጂ ኩባንያዎች ለዚህ እና መሰል ወንጀሎች ለመከላከል መፍትሔ እንዲፈልጉ ጥሪ አቅርበውም ነበር፡፡

ጎግል ለዚህ ወንጀል መልስ በሚል በሰው ሰራሽ አስተውሎት የታገዘ ቴክኖሎጂ ይፋ ማድረጉን አስታውቋል፡፡ ይህ ቴክኖሎጂ ሰዎች ስልካቸውን በስርቆት ሲያጡ ለስልክ ቀፎ አምራች ድርጅት ወዲያውኑ ማመልከት የሚችሉበትን ስርዓት ዘርግቷል ተብሏል፡፡ ከዚህ በፊት ሰዎች ስልካቸውን ሲሰረቁ ቀፎው እንዳይሰራ ለማድረግ ማዘጋት የሚችሉት የይለፍ ቃላቸውን ካስታወሱ ብቻ ነበር የተባለ ሲሆን አሁን ግን ስልክ ቁጥራቸውን መናገር ከቻሉ የተሰረቀው ስልክ እንዳይሰራ ማድረግ የሚያስችል እንደሆነ ቢቢሲ በቴክኖሎጂ አምዱ ዘግቧል፡፡

እንደ ዘገባው ከሆነ ሌቦች የስልክ ቀፎን ከወሰዱ በኋላ ለመደበቅ ቢሞክሩ እና ዳግም ጥቅም ላይ ለማዋል ሲሞክሩ ኤአይን በመጠቀም ለዘለቄታው ከአገልግሎት ውጪ እንዲሆን የሚያደርግም ነው፡፡ለአንድሮይድ ስልክ የተገጠመለት ኤአይ ቴክኖሎጂ ቀፎው ላይ በተገጠመለት ሴንሰር አማካኝነት እንዳይከፈት አድርጎ መዝጋት ይችላልም ተብሏል፡፡

ከዚህ በተጨማሪም ስልካቸውን የተሰረቁ ሰዎች የጠፋባቸውን መረጃዎች ወደ ሶስተኛ አካል ከመተላለፋቸው በፊት ያለምንም መቆራረጥ ዳም መልሰው እንዲያገኙ እንደሚያደርግ ተገልጿል፡፡

@Addis_Mereja

በእሳት ቃጠሎ ጉዳት የደረሰበት የመርካቶ ሸማ ተራ አካባቢ

@Addis_Mereja