Tanish Gaplar

"Вазиятга реал қаранг" десам, биттаси ҳафа бўляпти. Кейин билсам, Реални фанати экан. Нимагадир, кайфияти йўқ.. )

Хафа бўлманглар, ана Манчестер Юнайтедчиларнинг аҳволи унданам баттар. Чемпионшипга тушиб кетай деб юрибди командалари)

Менга ўхшаб, Арсеналга фанатлик қилиб қўявериш керак. Йил бўйи яхши ўйнаб, барибир чемпион бўлмайди. Зато, хафа бўлмайсиз, чунки ўрганиб қолган бўласиз))

@tanishgaplar

Ҳалиги Иқбол брат бундан кейин фаолиятини чет элда давом эттираркан деган гап бўлганди. Аллақачон бошлаворганмикан?))

Парик тақиб, қизил дўппи кийиб, соқол қўйвосам, танимайди деб ўйлайди шекилли))

Стилидан таниб турибмизу? 😂

@tanishgaplar

Статистикага кўра, инсон бир сўзни ўртача 70 йиллик умрида 255 500 марта ишлатар экан.

Агар бир сўзнинг талаффузидан бир сония тежаб қолинса, бутун умр давомида 255 500 сония ёки 72 соат ёки 3 сутка тежаб қолиш мумкин экан.

Шунинг учун "ёки" сўзини ишлатаётганда "ёкида" деб ишлатмаслик керак. Шунда охирги керакмас "да" қўшимчасидан тежаб қолинган 3 суткани бемалол бошқа ишларга сарфласангиз бўлади. Шу билан биргаликда, фикрингизни "ёки" сўзининг ўзи билан етказишда эса ҳеч қандай камчилик пайдо бўлмайди.

Ёкида ўзингиз биласиз)

©️Лингвист Конфуций

@tanishgaplar

* Турсунхон қаерда?
* Ҳамма меҳрибончилик қилган, дўконлар кийим бериб ўзини реклама қилиб олган, концертларга олиб чиқилган лўли йигитча қаерда?
* Ҳасан "табиб" қаерда?
* Ведосипедини кўтариб машҳур бўлган етказиб берувчи йигит қаерда?
* Космосга чиқиб, қайтганини айтиб тренд бўлган отахончи?
* Қолган тренд бўлганлар қаерда?

Улар ҳозир йўқ. Лекин улардан контентда фойдаланган блогерлар жойида турибди. Бугун бошқа қаҳрамонлар атрофида контентлар қилиняпти. Вақт ўтиб, бугунги кун қаҳрамонлари ҳам тарихга кўмилиб кетади. Блогерлар эса ўша пайтнинг қаҳрамонлари атрофида бўлишади.

Дунёнинг барча жамиятларида аҳвол шундай. Жамиятлар воқеалар ва кун қаҳрамонларини узоқ эслаб юра олмайди.

©️Жамиятшунос Конфуций

@tanishgaplar

Қаллоблар усулларини тинимсиз янгилаб бормоқда.

"Суддан чақирув", "Бу сизнинг видеоингиз, кўриш учун устига босинг" каби ёзувлар билан келган файлларни очманглар. Биринчидан, контактларингизнинг барчасига номингиздан хабар юборишга бу вирус орқали рухсат олиб олишади, иккинчидан, банк карта маълумотларингиз қаллоблар қўлига ўтади.

Шунингдек, "Банкдан ёзяпман, картангизга кимдир уланмоқчи, хавфсизлик учун id картангизни юзингиз ёнига қўйиб, селфи қилиб ташланг" деган қаллобнинг айтганини қилсангиз, номингиздан исталган операцияни амалга ошириш имкониятини бериб қўйган бўласиз.

Файлларни очманг. Шундай расм ёки думалоқ видео сўраганларни блокланг.

Постни зудлик билан яқинларингизга юбориб қўйинг.

@tanishgaplar

Яқинда халқаро оркестрни концертида талантли мусиқачилар инструментларининг овозини бефаросатлардан баъзиларининг попкорн шириқ-шириқи, қанақадир ширинликлар пакетинининг шириқ-шириқлари билан ремикс қилиб эшитиб келдим)

Концертнинг ярмигача судралиб одамлар кириб келиб, олдингиздан ўтаверади. Концерт бир соат аввал бошланган, энди нима қиламан кириб, демайди. Чет элларда баъзи жойларда 20 дақиқадан кеч қолган одам концертга киритилмайди. Тўғри қилишадиям-да.

Яна кимлардир қаергадир чиқаверади. Олдимдан ўтаверишларидан зерикиб, биттасига "қаерга?" десам, "қистаб қолди, майлими?" дейди. "Концертдан аввал кирвомапсизда", дедим.

Концертниям маданияти бўлиши керак. Бошланиш вақти аниқ, қанча давом этиши аниқ. Киришдан аввал ҳожатхоналар бор. Ҳар эҳтимолга қарши "пробегини" ноллаб кириш керак-да, концертни ўртасида қистаб қолавермаслик учун))

Кимдир телефонининг экрани билан ҳаммани кўзини олиб, телеграм гуруҳини ёки инстаграмини кузатиб ўтиради. Кимдир ғўнғиллаб суҳбатлашади.

Концертдан маънавий ҳордиқ ўрнига маънавий хўрлик олиб чиқиб кетаверасиз)

©️ Хўрланган Конфуций

@tanishgaplar

Корпоративларда ишхона ва жамоага омад, барака тилаб тост айтаётганда энг муҳими стол устидаги пичоқларни йиғиштириб қўйишни эсдан чиқармасликдир. Дуони кесиши мумкин))

@tanishgaplar

Британиялик олимларнинг изчил изланишлари натижасида маълум бўлишича, ароқни хўплашдан аввал "кху" деб қўйилишидан ароқнинг хабари йўқлиги туфайли таркибида бирор нарса ўзгариб, масалан, сувга айланиб қолмас экан.

©️ Кузатувчи Конфуций

@tanishgaplar

Интернетда учраб қолди)

Янги сўзларни қабул қилаётганда унинг нимадан ясалганидан эмас, вазифасидан келиб чиқиш мақсадга мувофиқроқ бўлади.

Масалан, "симёғоч" сўзи истеъмолга қабул қилинган даврларда устунлар ёғочдан бўлган. Ҳозир ёғочдан эмас, бетон, темирлардан ясаляпти. Аммо ҳалиям ўзбек тилида бу тушунча "симёғоч" дейилаверади.

"Тахтакач" сўзи ҳам эскириб боряпти, чунки у жиҳоз ҳам борган сари тахтадан эмас, турли бошқа материаллардан ясала бошланган. Пластикдан ясалсаям "тахтакач" бўлаверадими?

Тилчиларимиз қандай муқобилини таклиф қилишади?

@tanishgaplar

Аслида "тишингни оқини кўрсатиб тиржайма!" деган гапни ҳам "копмлимент", мақтов сифатида қабул қилиш керак. Чунки суҳбатдош бу гап билан кулганингиз ёқмаганини билдириш билан бир қаторда тишларингизнинг оқлигини эътироф этмоқда.

Агар ростданам кайфиятингизни бузгиси келганда "тишингни сариғини кўрсатиб тиржайма!", деган бўларди))

©️ Янги Конфуций

@tanishgaplar

Мана бунақа табибларам бор эди, эсингиздами?))

Янги-янги аферистлар чиқиб, йўқ бўлиб кетаверади, аммо уларга лаққа тушаверадиган соддалар йўқ бўлмайди-да..

Сохта табибларнинг битта олдингиси Ҳасан "табиб" ҳозирги Иқбол "табиб"ни ишларини кузатиб туриб, "ҳозирги ёшлар бизданам аферист бўлиб кетяпти", деётганмикин?

Нима бўляпти?
Борми лайк?
Борми изоҳ?

©️ Табиб Конфуций

@tanishgaplar

Эслатма!

Ҳурматли аёллар!

Бирор тадбирда эркак-аёллар аралаш умумий тушилган расмларни жойлашдан аввал ишлов бераётганда, фильтрларни фақат аёлларга қўлланилишига эътибор беринг.

Биз эркаклар юзимиз сип-силлиқ, киприкларимиз узунроқ, иякларимиз озғинроқ, лабимиз каттароқ ва қип-қизил кўринишининг тарафдори эмасмиз))

Бизни қандоқ бўлсак, шундай қолдираверинглар, барибир аёлларнинг фонида бизга биров эътибор бермайди 😅

©️ Расмшунос Конфуций

#torsde

@tanishgaplar

Тиниш белгиларининг аҳамияти.

"Тимсоҳлар! Бу ерда чўмилманг!" деб огоҳлантирмоқчи бўлишган. Икки жойда ундов белгисининг ишлатилмаганлиги оқибатида "Бу ерда тимсоҳлар сузмайди", деган мазмун чиқиб қоляпти. "Ҳавотирланмасдан чўмилаверинглар" дегандек гап))

@taniahgaplar

Ҳатто шу усулиям ўзиники эмас экан бизни аферист табибни 😂

@tanishgaplar

Британиялик олимларнинг аниқлашича, фильмларда бомба ясовчилар бомбани тўхтатувчига қулай бўлиши учун албатта қизил ва кўк симлардан фойдаланишар экан. Масалан, жигарранг ва яшил симдан фойдаланса, бомба тўхтамай қолиб, портлаш юз бериши эҳтимоли бор экан.

Бомба албатта портлашига бир сония қолганда тўхтатилиш керак бўлгани учун секундомер ўрнатиб қўйилар экан. Чунки, секундомер бўлмаса, бомбани 6 ёки 7 сония олдин тўхтатиб қўйилиши эвазига кинонинг қизиғи қолмай қолар эмиш.

©️ Киношунос Конфуций

@tanishgaplar

Британиялик олимларнинг аниқлашича, киноларда бирортасидан қочаётган одам албатта йиқилиб тушиши ва оқибатда масофани яқинлаштириб олиши шарт экан.

©️ Киношунос Конфуций

@tanishgaplar

«Клип» сўзини "видео кетма-кетлик" деб номлашибди. Сабаби, "клип" ажнабий сўз эмиш. "Видео" соф туркий сўзми шунда?))

Битта сўзни учта сўзга алмаштириб, барибир ичида ажнабий сўз қолдиришибди.

"Просто қоғозбозлик кўпайди холос!", деган анекдотни эслатворди 😅

©️ Лингвист Конфуций

@tanishgaplar

«Пиёдалар ўтиш йўлаги".

Бу ердаям камида "ўтиш" сўзи ортиқча. Шундоқ ҳам ҳеч ким "пиёдалар ётиш йўлаги" деб тушунмас эди 😂

©️Лингвист Конфуций

@tanishgaplar

Тил ҳамиша янги сўзлар билан бойиб бориш хусусиятига эга. Масалан, "компьютер", "самолёт", "телефон" каби сўзлар тилимизда кейинчалик пайдо бўлган сўзлар.

Аммо, шундай сўзларни қабул қилиб бориш қай йўсинда юз бериши мен учун қизиқ.

Масалан, "Автомобилларга ёқилғи қуйиш шаҳобчаси" деган тушунчани мана шундай узун шаклда қабул қилган инсонларни тушуниш қийин. Бир тушунча учун шунча сўз ишлатиш нимага керак бўлган экан?

"Автомобилларга" деб жудаям аниқлаштиришга эҳтиёж бормиди? "Ёқилғи қуйиш шаҳобчаси" ўзи шундоғам узун бўлар эди, ундан ташқари жойнинг нима эканлигини тўлиқ ифодалаб бера олардику. Мотоцикллар ҳам ўша ердан бензин олади, масалан)

Ўзбекчаси шунақа ноқулай бўлгани учун халқимиз "заправка" деб қўя қолади-да!

Инглиз тилида иккита сўз билан (petrol station), рус тилида 3 та сўз билан (Авто заправочная станция), туркларда 2 та сўз билан (benzin istasyonu) ифодаланган экан. Бизники 4 та сўз билан - чемпион))

"Автомобил, мотоцикл, мотороллер, автобус ва ҳоказоларга турли ёқилғилар қуйиб бериш шаҳобчаси" деб номлашмаганигаям раҳмат))


©️ Лингвист Конфуций

@tanishgaplar

P.s. Мени нима ишим бор экан-а шу сўзлар билан? 😅

Британиялик олимларнинг сўнгги илмий изланишларига кўра, қора кўзойнаклар рилс ёки клипларда секинлаштирилган кадр билан ечиш учун ўйлаб топилган экан)

Шу сабабли роликларда қаҳрамонлар юзига қуёш уриб турган бўлса ҳам секинлаштирилган кадр билан мажбуран кўзойнакларини ечиб, узоқларга маъноли қараб қўйишар экан))

©️Роликшунос Конфуций

@tanishgaplar

Қадим замонлардан инсоният иқлимни, фасллар алмашинувини ўрганиб келган. Бу уларга деҳқончилик, узоқ йўлларга тайёргарлик, совуқ ва иссиқдан ҳимоя учун керак бўлган.

Кейинчалик фаслларга номлар қўйилиб, календар ўйлаб топилди. Календар қоғозда, деворларда, столлар устида турар эди.

Технологиялар ривожланиб, ҳар ким телефони орқали ҳозир қайси фасл, ундан аввалги фасл нима эди, неча кундан кейин қайси фасл бошланади, у фаслда одатда об-ҳаво қандай бўлади, билиб олаверадиган бўлиб қолди. Яъни, мутлақо, ойнасиз, ҳамма жойи берк хонада йиллаб кўчага чиқмай яшайдиган одам ҳам телефони орқали кўчадаги фаслни, ҳароратни, кейинги ойнинг қайси фасл бўлишини бемалол айтиб бера олади.

Гапнинг лўндаси, қишнинг, совуқнинг кутилмасдан келиб қолиши эҳтимоли йўқ. Масалан, бу йил қиш келиши ўтган йилиям маълум эди. Инсонлар бундан минг йил аввал ҳам қачон қиш, қачон ёзлигини билган.

Исталган одамдан 2355 йили декабрдан қайси фасл бошланишини сўрасангиз, "қиш!" деб жавоб беради. 331 йил олдиндан аниқ билиб турибди, қойилмисиз?)

Лекин, афсуски, шунча имкониятлару, шунча маълумотларга қарамай, энергетика мутасаддиларига ҳар йили қиш кутилмаганда келиб қолаверади. Бу феномен илмий тилда "аномалия" дейилади. Аномалиянинг содда таърифи - ҳамма ўрганган, ҳаммага маълум бўлган қонуниятга бўйсунмай юз берадиган ҳодиса.

Шунинг учун ўша мутасаддилар интервюларида ҳам "аномал совуқ", "аномал қиш" каби терминларни ишлатиб туришади.

Бугунги дарсимиздан хулоса шуки, қишнинг келиши, қишда совуқ бўлиши аномаллик эмас, уни ҳамма билиб турганда билмай қолиш - аномалликдир.

©️ Жамиятшунос, иқлимшунос Янги Конфуций

@tanishgaplar

Каналдаги дўстларимизга махсус саломлар))

"Чет элда юриш муаммо эмас. Уни ҳеч ким билмай қолиши - муаммо!"

©️ Ишлари "кўпайиб" кетаётган Конфуций ))

Ҳазилни ҳазил деб ҳисоблаш учун, қилинган ҳазил ҳазил қилувчигаям, ҳазил объекти бўлаётган одамгаям ёқимли, кулгили бўлиши керак.

Бировга ёқмайдиган, ҳақорат ёки камситиш гапни гўёки ҳазил қилиб айтиб, охирида "ха-ха" деб қўйган билан у ҳазил бўлиб қолавермайди.

Масалан бировга "жуда ахмоқсиздааа.. Ха-ха" деган одам, ҳазил эмас, ҳақорат қилаётган бўлади.

Ҳазил билан бачканалик орасида фарқ бўлиши керак.

#torsde

©️Жамиятшунос Конфуций

@tanishgaplar

Энг қизиқ ёш бизнинг ёшимиз. Бир дўстимиз невара кўрганига ош қилиб берса, бошқа дўстимиз фарзанд кўрганига ош қилиб беряпти))

Қарияпмизми, ёшмизми, тушуниб бўлмаяпти))

Ўрта ёш дўстлар, сизлардаям шундай бўляптими?))

@tanishgaplar

Биринчидан, ҳазилни кўтармайдиган одам хингир-хингир қилиб ҳазил бошламаслиги керак.

Иккинчидан, бу бачкана одатга бизнинг тўйларда нима бор?

Юзлаб мана шундай видеолар чиқади, бир юз биринчи келин-куёв тўғри хулоса чиқариб олиш ўрнига яна ликиллаб шу ишни такрорлаб тураверади. Шу тортни бир-бирига едирмаса бахтли бўлмай қоладими янги оила?

Ота-боболаримиз шунақа бемаъни одатларсиз ҳам оила қуриб, ўнталаб фарзанд кўриб, бахтли яшаб келишган-ку!

Бу видеода юз фоиз куёвни айблайман. "Мени тўйимда бунақа бачкана ишлар керак эмас" деб, бўлажак оиланинг эркаги сифатида бу разолатнинг олдини олиши керак эди.

@tanishgaplar

P.s. Барчангизга ассалому алайкум!

Аксарият инсонлар табиатан адолат тарафдори бўлишади. Шунинг учун камроқ имкон ажратилган, яъни адолатсизликка учраганларнинг ғалабасини исташади. Агар видео бошиданоқ оқ шар учун қайғура бошлаган бўлсангиз, демак сиз ҳам яхши инсонсиз!

@tanishgaplar

Маълумотларга қараганда Дубай шоколади биринчи чиққанда олган одам шоколадни иккига бўлиб видеога олмай, камига историягаям қўймай еб қўйган экан, тил тортмай ўлиб қолибди. Шундан бери бу шоколадни ким олса, эҳтиёт чораси сифатида албатта иккига ажратиб видеога олиб, историясига қўя бошлашибди.

©️ Шоколадчи Конфуций

@tanishgaplar

- Ичкарида ким бор? Туристлар?? Чиқар ҳаммасини! Чиқааар! Ўқитувчилар! Қани ичкарига!

Минглаб доллар сарфлаб келган туристлар чиқариб юборилиб, ўрнига ўқитувчилар кириб кетаётганмиш))

Муҳтарам ўқитувчи ва мураббийларни келаётган касбий байрами билан табриклаймиз!

Ўқитувчи дўстларни белгилаб, шахсий хабарларига юбориб қўямиз. Даврлари келганда маза қилишсин ))

@tanishgaplar

Қўл остидагиларга, аёлига, умуман, жавоб қайтара олмайдиганларга зуғум қилиш болаликдаги психологик травмаларга боғлиқ бўлиши кўп кузатилади.

Мактабда синфидаги ҳамма ўғил болалар ичида энг охирги бўлиб юрган, бирорта тенгдошига кучи етмай, ичида алам билан хўрланиб катта бўлган болалар бирор жойга раҳбар бўлиб қолса, ходимларидан, бўлмаса, аёли ва болаларидан болаликдаги аламини олишга ҳаракат қилаверади. Шуларни қўлига одам бўйсиниб қолмасин-да!

Энг ёмони, бу алам ҳеч қачон чиқиб кетмайди. Болаликдаги травма бутун умр зарар бериб ўтади.

Шунинг учун болаларни ўзидан катталар билан мактабга бериш керак эмас. Тез-тез суҳбат қуриб, ўртоқлари билан муносабатини яхшилаб боришни ўргатиш керак.

Бўлмаса, катта бўлиб, қўлида 3-4 киши ишлатиб қолса, "биратшкамга уршасамми? Брга бр чқасамми?" деб чийиллаб юришни бошлайди.

Мана бу кассиргаям братишка топармикан?)

Кичкинагина қизчанинг ўлимига жудаям ачиндим. Аллоҳ қизчани жаннат билан сийласин, ота-онаси ва яқинларига сабр берсин.

Бир фалокат юз берса, шу нарса яна такрорланмаслиги учун нималар қилиш керак деган ўй айланаверади.

Биринчидан, йўлда секинроқ юриш керак. Телефон ва бошқа нарсаларга чалғимаслик керак. Автомобил бошқарувидаги аёл атрофни ҳис қилиб ҳайдаганда, қизчанинг йўлдан югуриб қолиши эҳтимолини ҳисобга олиб, бир неча сония аввалдан тормоз бериб, фалокатнинг олдини олиб қолиши мумкин эди.

Чунки қизча автобуснинг олдидан сакраб пайдо бўлмади, бер неча метр олдинроқдан ўтаётганди. Аёл келаётган ракурсдан қизчани урмасдан аввал илғашнинг иложи бор эди.

Иккинчидан, 9 ёшли болани катта йўлдан ўтиладиган йўналишда мактабга ёлғиз қатнатиш аввал бошиданоқ хато иш бўлган. Ота-онанинг вазифаси кўчада минглаб ҳайдовчи борлигини, уларнинг ичида турли хил билиб-билмай ҳам автомобил бошқариб юрганлар бўлиши мумкинлигини ҳисобга олиб, болаларини эҳтиёт қилишдир.

Ҳар бир кварталнинг ичида мактаб бор. Ўзининг кварталидаги мактабга юбориш бу рискни анча камайтиради. Агар кварталидаги мактабдан қониқмай бошқа жойга ёки узоқроқдаги хусусий мактабларга берса, ё ўзи олиб бориши керак, ёки кимнингдир олиб боришини ташкиллаштириш керак. Иккаласининг ҳам иложи бўлмаса, болага ҳар куни такрор ва такрор йўлдан қандай ўтишни ўргатиш ва эслатавериш керак.

Аслида, муаммонинг илдизи жуда чуқур. Бу воқеада ҳайдовчилик гувоҳномаси бериш тизими, керакли жойларда светофор ва ўтиш йўллари ташкиллаштириши керак бўлган ташкилотлар, мактабларга автобус ташкиллаштириб беришга кучи етмаётган иқтисодиётимиз, йўл қоидаларини керакли даражада ўргата олмаётган таълим тизими, боласига ҳавфсизлик қоидаларини сингдира олмаётган ота-оналар ҳам айбдор.

Ўзини эҳтиёт қилмай, сабабларининг ҳаммасини қилмай, бахтсиз ҳодиса бўлса "фалокат, тақдир экан-да.." деявериш муаммоларни ечмайди.

Мактабларда ҳар ўқув йили бошида мустақиллик дарсига бериладигандан кам бўлмаган эътиборни йўл ҳаракати хавфсизлиги дарсига ҳам бериш керак. Керак бўлса, биринчи дарс йўл ҳаракати хавфсизлиги дарси, ундан кейингиси мустақиллик дарси бўлсин. Мустақиллик нималигини болалар бир кун кейин ўргансаям ҳеч нарса бўлмайди, аммо бир кун кейин йўл ҳаракати хавфсизлигини ўргатгунча бир фалокат бўлиши мумкин.

Болалар тез унутади, тез чалғийди. Бир марта ўргатилди, демасдан, мактабда ҳам, уйда ҳам, қайта-қайта эслатиб туриш керак.

Аллоҳ ҳеч кимга бундай оғир синов бермасин..

Азиз юртдошлар!

Сизни мустақиллик байрами билан чин қалбимдан табриклайман! Юртимиз тараққиёти янада юксалиб, барча орзу-ниятларимиз рўёбга чиқсин. Ҳар бир хонадонда тинчлик ва фаровонлик ҳукм сураверсин. Мустақиллигимиз абадий бўлсин!

Байрамингиз муборак бўлсин!

@tanishgaplar

Диққат, савол:

Расмда нечта жўжа бор?

Бу саволни кеча берсам бўлмас эди, чунки изоҳда одамлар "нега жўжани санаяпмиз? Ёзда санасак сони тўғри чиқмайди-ку? Ёки, куз келдими?", деб чалкашиб кетишлари мумкин эди. Кеча шу расмдаги жўжаларни умуман санаб бўлмаётганди. Бугун санасам, бемалол саналяпти.

Кеча йўлдан қовурилган балиқ олгандим. Ейишга роса ҳаракат қилдим, лекин еб бўлмайди. "Демак, ҳали "р" ҳарфи бор ой кирмапти-да!", деган хулосага бордим. Бугун эрталаб еб кўрсам, ейилди. Демак, бугундан "р" ҳарфи бор ой кирибди. Британиялик олимлар ўзидан олдинги ой номида "р" ҳарфи бўлмаган ой фақат сентябр деган баёнот беришган эди.

Юқоридаги факт чекингларни изчил ўрганиб чиқиб, ҳодисаларни календар кунига солиштириб кўриб, шундай хулосага келиш мумкин: бугун 32-август эмас, айнан 1-сентябр!

Демак, ижтимоий тармоқларда куз сизни эшитмаса ҳам унга гўёки жонли одамга, жонли одам бўлгандаям, ўзбекчани тушунадиган жонли одамга мурожаат қилгандек, камига, триллионлаб йилдан бери бор кузни ўзингиздан кичкина кўрган ҳолда "сенлаб" мурожаат қилиб, "салом куз!", "хуш келдинг куз!", "куз, сени яхши кўраман" каби постлар қолдириш мумкин.

Бу ишларга масъулият билан ёндошиш дўстларингизнинг "бугун 32-август, ҳалиям ёз, деб, шортик ва шиппакларда кўчага чиқиб кетиб қолишларининг олдини олади.

©️Иқлимшунос Конфуций
#расмийхабар

@tanishgaplar

#Бастиан

Дўсти Бастианни Тошкент кўчаларида айлантириб юриб, бир неча савдо марказига кирибди. Барчасида қўриқлаш хизматидагилар дўстининг автомобили юкхонасини очиб кўришиб, кейин савдо маркази автотураргоҳига ўтишларига рухсат беришибди. Савол назари билан қараган Бастианга дўсти "турли хавфли нарсалар бор ёки йўқлигини шундай қилиб текширишяпти", деб тушунтирибди.

Бастиан "демак, бу ерда хавфли нарса олиб кирмоқчи бўлган одам фақатгина юкхонадан фойдаланар экан-да! Қўриқлаш хизматидагилар ҳатто ёмон ниятли одам келсаям, қоидаларга амал қилиб, хавфли нарсани албатта юкхонада олиб киришига ишонишар экан. Ёмон ниятли одамлар ҳам уларнинг ишончини суистеъмол қилмаслик учун автомобил салонига хавфли нарса қўймас экан", деб ўйлабди. Одамларнинг ўзаро ишончига яна бир бор қойил қолибди.

Бу пайтда Бастианнинг дўсти ҳам кўчалардаги ППХ хизматлари ва савдо маркази хавфсизлик хизматларининг юкхонани очиб-ёпиб қўйишларининг фалсафасини чуқур мушоҳада қилишни бошлабди. Унинг миясида ҳам "бирор нарсани яшириб олиб юрган одам ўша нарсани юкхонадан бошқа жойга қўя олмасмикан? Бошқа жойга ҳам яшириб олиб кириш эҳтимоли катта бўлса, юкхонани очиб, ёпиб қўйишдан маъно нима?" каби саволлар айлана бошлабди. Лекин Бастианнинг хавасдан чақнаб турган кўзларига қараб, бу ҳақда индамай қўя қолибди.

@tanishgaplar

Мана бу пост эсингиздами? Бу сафарги олимпиадада ҳам шу гапларим ўз исботини топди))

Боксчиларимизнинг тенги йўқлигининг асл сабаби шундамикин ажабо?))

@tanishgaplar

«Муз устида бокс" деган спорт турини амаллаб қишки олимпиадага киритиб олсак, қишки олимпиадаларниям ёрворардик-да!

#torsde

@tanishgaplar

Баъзи маданият, маърифат, инсонийлик, кимларнидир ҳимояси, оиласига муҳаббат, бахтлилик, садоқат, олийжаноблик ҳақидаги постларни ўқиб, ўзини шундай кўрсатаётган ва изоҳларда "сиз шундайсиз" деганларга "раҳмааат, раҳмааат", деб ўтирганларга жуда энсам қотади.

Пост эгаларини яқиндан таниганим учун..
Ва аслида, ҳаётда умуман бошқа одамлар бўлгани учун. Образи уни танийдиган одамлар кўз ўнгида мутлақо ўзига ярашмаётгани учун.

Ҳақиқий ҳаётда Алижон бўлса, ижтимоий тармоқда Алижон бўлиб кўрингиси келмаса, ҳеч бўлмаса Алибек, Аливой қилиб, ўзига яқинроқ кўриниш керак-да. Баъзилар ҳаётда Бўривой, ижтимоий тармоқларда ўзини Арслонбек деб кўрсаткиси келади. Эркаклардаям, аёллардаям бор шунақалари.

Масалан, биттасининг еттинчи хотини бахтли оила ҳақида пост қўйиб юради. Биттаси боласига алимент тўлашдан қочиб юриб, Фаластиндаги болаларга меҳрибонлик постини ёзади. Биттаси танишининг кийимини кийиб олиб, бошқасининг кийимини танқид қилади. Биттаси кўришганда машинасининг кредитига қарз сўрайди, тармоқда жаримадан нолиган одамга "ўлсин, 200-300$ нима дегани, шартта тўлавориш керак, онасини эмсин!", деб изоҳ ёзиб қўяди. Биттаси ўзини хотинини уриб юради, эридан нолиганроқ пост ёзган аёлга изоҳларда меҳрибонлик қилади. Баъзилар постда "тинг" этган нота кетиб қолса, "мусиқа харом" деб уришиб ташлайди, лекин ўзи бегона аёлларнинг личкасини тинғиллатавериб чарчамайди. Яна кимнидир профилда шер, бургут, Пўлат Алемдарлар, Майкл Корлеонэлар, пафосни пешонасидан отворадиган "крутой" гаплар, лекин бир ярим йилдан бери 200$ қарзини қайтаролмайди.

Умуман, гап кўп-у, кимларгадир тегиб кетиши аниқ-да..

Сал ўзингларга яқинроқ образда бўловринглар, ҳурматли лейдийз энд жентлменлар 😂

Ижтимоий тармоқ фақатгини сизларни танимайдиган аудиториядан иборат эмас-ку.

Қотиб, тараша бўлиб кетаётган энсани қаерда массаж қилдирса бўлади?))

P. S. Пост аксарият одамларга тегишли эмас. Фақат баъзиларга. Ўша "баъзилар"га ўхшаганлар ҳар бир инсонни дўстлигида бор. Сиз дўстларингиз орасидаги уларни ҳозир эсладингиз, эҳтимол..

#torsde

@tanishgaplar

Туркиялик Юсуф Дикеч ҳеч қандай линза ва ёрдамчи ускуналарсиз, бир қўлини чўнтагига солиб, ҳатто бир кўзини юммасдан отиш қилиб, давлатига кумуш медал ютиб бергани ижтиомий тармоқларни портлатяпти. Жамоасининг иккинчи вакили яхшироқ отганда шу отиши билан олтин ҳам олар экан. Қойил қолмасдан иложимиз йўқ.

Қўлни чўнтакка солиб, қоринни олдинроққа чиқариб, бемалол туриб ҳам медал олиш мумкинлигини билганимизда шундай қилиб иш битириб юборадиган ўнлаб амалдорларимизни юборар эканмиз-а.. Билмай қолибмизда ))

@tanishgaplar

Яхшиям илонлар ўз ҳуқуқларини билмайди.
Билганида, унинг тасвиридан берухсат фойдаланиб, дунёнинг барча нуқталарида бизнес қилаётган фармацевтикачиларни муаллифлик ҳуқуқи бузилиши бўйича судга берса, жарималари билан бирга тушган пулдан илонлар триллиардер бўлиб кетарди)

Ундан кейин улар ҳам "қизил каламушлар фонди", "сичқонларни авайлаш фонди" каби фондлар очиб, эл кўзига меценат бўлиб кўриниб, аслида ўзларига емиш кўпайтириш билан шуғулланган бўлишарди, эҳтимол.
Чунки пул илонниям бузади-да)

@tanishgaplar

"Бир жойга отланиш" ибораси ҳам эскирган иборалар қаторида.

Авваллари одамлар бирор узоқроқ жойга бормоқчи бўлиб, отга минганда, "қаерга отландингиз?", деган саволга "фалон жойга отландим" деб жавоб берган. Чунки у отда кетаётган бўлган.

Ҳозир "фалон жойга отландим" ибораси ўрнини замонавий шаклда "фалон жойга машиналандим, ёки, "таксиландим, поездландим, метроландим, самолётландим" дейиш тўғрироқ бўлади.

Масалан, бир дўстим бугун Цюрихга самолётланди. Мен эса кун бўйи турли меҳмонхоналарга машиналандим)

Сиз бугун қаерларга нималандиз? ))

©️Лингвист Конфуций

@tanishgaplar

P.s. Узоқ танаффусдан сўнг кўзи учиб турганларга ассалому алайкум!)

- 3 ойлик фарзандимниям ўзини бизнеси бор. Памперсига ўзи пул топади.
- Қандай қилиб 3 ойлик болани бизнеси бўлиши мумкин?
- Қариндош уруғ кўргани келганда кўрманага деб пул қистириб қўйишади. Шу пулга памперс оламиз. Буям бизнес. Сал катта бўлса, суннат қилдирамиз, ана унда бизнес янги босқичга ўтади.
- Буларни нимаси бизнес? Тушунолмаяпман
- Сиз бизнесга ёпиқ экансиз. Бизнесга, пулга очилишиз керак экан. Сизга тавсиям, 6745 марта "бизнес" денг ва менинг аслида 3 млрд сўм турадиган, лекин ҳозир скидка билан атиги 10 млн сўмга сотилаётган "Памперс тадбиркор" курсимни сотиб олинг. 2 миллионтаси сотилиб, бор-йўғи битта жой қолган. Шошилинг!

@tanishgaplar

Инфолўлилик шундай касалликки, мабодо бир жияни тиланчилик қиладиган бўлса, шунданам очко олиш учун "жиянимниям бизнеси бор. Унгаям маслаҳат бериб тураман, тиланчилик бизнесиям кучли, ҳалол бизнес. Чунки жияним тиланчилик қилиш орқали Аллоҳ берган актёрлик талантини сотяпти" деб юбораверади.

6 ёшлигида қўшнига бирор марта дўкондан бирор нарса олиб келиб берганда қўшни қайтимини олмай, яхшилик қилиб, "сенда қолаверсин, болам. Музқаймоқ оларсан", деган бўлса, "биринчи бизнесимни 6 ёшда бошлаганман. Қўшниларга дўкондан нарса олиб келиб, комиссия ишлаб олардим", дейди.

Кўпчилиги "Халқаро тадбиркор" бўлади. Суриштирсанг, шу ердаям инфобизнесдан бошқа бизнеси бўлмайди. Ёки, инфобизнесдан келган пул билан кейинчалик бирор бизнеси пайдо бўлган бўлади.

Ибро супермендан қутилдик. Турсик инфолўли йўқолди. Кўпчилиги йўқолиб кетди. Лекин баъзилари бор ҳалиям.

@tanishgaplar

Botir Qodirov sut bilan toʻldirilgan hovuzda suzish boʻyicha musobaqada qatnashyaptimi? Uni nima uchun bita bilan qoʻllab-quvvatlash kerak? Bita bilan nimanidir sindirish kerakmikan? Bitra bu Vitra sohibning ukasimi?

Savollar koʻp. Savodlar esa yoʻq))

Ozbey wov bznes eanglkllariga patpiska b6lila biradla!

P.s. Shaxsiy profilda oʻzining postini xato yozishini tushunish mumkin. To'g'ri, post yozish bu diktant yozish emas. Ammo, bu bilan professional tarzda, nashr sifatida shug'ullangandan keyin, kamiga pul tikib, target yoqiladigan post qilayotgan boʻlsa, yozuvlarni yarim og'iz birovga tekshirtirib olish kerak-da..

@tanishgaplar

Креатив агентликлари ажойиб, ҳеч кимнинг ҳаёлига келмайдиган ғоялар яратиш учун нос чекадиганларни ишга олишлари керак.
Чунки, креативлик борасида унча-бунча одам нос чекувчиларга ета олмайди.

Нос туфлаш учун ўйлаб топаётган ечимларига қарасангиз, сиз ҳам беихтиёр бу фикрга қўшиласиз))

Гул туваги, ҳожатхонадаги писуар, унитаз, палоснинг таги, сигарет пачкасининг ичи, оёғингизнинг таги.. Ҳаёлга келмайдиган жойларни топиб туфлаб юришади. Ижодкорликларига гап бўлиши мумкин эмас))

@tanishgaplar

Ўртоқлар, раз и навсегда келишиб олайлик:

"Машейник" эмас, "мошенник" бўлади.

Локация юбораётганда "gprs" эмас, "gps" ёқилади.

"Фейсбукдаги сайтим" эмас, "фейсбукдаги саҳифам" бўлади.

"Вертуал" эмас, "виртуал" бўлади. "Сенгвич" эмас, "сендвич" бўлади.

"Мурской" эмас, "мужской", "далний момент" эмас, "данный момент" бўлади.

Телефонда камера мегапикселини катталиги ҳар доим ҳам расмни сифатли бўлишини англатавермайди, пиксели катта аппаратда олинган расмни ҳажми катта бўлади. Сифати яхши ёки ёмон бўлиши - линза сифатига боғлиқ. Ундан ташқари, расмга олишдан олдин камера бирор латталик материал билан артилади.

Видеога олаётганда видеонинг ярмидан телефонни позициясини альбом режимдан горизонталга ёки тескарисига алмаштирилмайди. Қайси режимда видеога олиш аввалдан танланади ва оҳиригача бир ҳил позицияда видео олинади.

Қоронғуда расмга олинаётганда "спичка" эмас, "вспышка" ёнади.

Уйда "wifi" бўлиши учун ҳам қайсидир провайдердан интернет келиб, роутерга уланган бўлиши керак. "Уйингизда қайси интернетни ишлатасиз?" , деган саволга "менда wifi" дейилмайди.

Телеграмда каналлар ва гуруҳлар бор. Каналда фақат админлар пост қўяди, ўқувчи ўқийди. Ўқувчилар бир бирини кўрмайди. Гуруҳда иштирокчилар кўриниб туради ва маълумотига қарасангиз "группа" деб ёзилган бўлади. Шунинг учун бир каналдан олган маълумотни "фалон группадан олдим" дейилмайди..

АҚШ, Франция, Италия - "шаҳарлар" эмас, "давлатлар"дир. Дубай давлат эмас, шаҳар бўлади.

Отметка "@" билан, хэштег "#" билан амалга оширилади.

Ҳожатхона қоғози рулони деворга ёпишган тарафдан эмас, девордан узоқ тарафидан узиб олинадиган қилиб жойланади. Бўлмаса, ҳар сафар деворга қўл тегаверадиган бўлади.

"Сизни Айпадиз Самсунгми, Эплми?" деб савол берилмайди.

Навбатга турганлар олдидан "шундоқ битта нарсани сўраб олгани" ўтиб кетилмайди. Қолганлар ҳам ичкарига кириб ТВ кўриб ўтириш учун навбатга турмаган бўлади.

Бирор янги жой очилса, биринчи куни ур-тўполон қилиб борволмасдан, кейинги кунлар бемалол борилсаям бўлаверади.

Овқатни расмини тармоққа жойламай еса ҳам ҳазм бўлаверади.

Хўўўш, яна нималарни айтай?)


P.s. Бу гапларни аввал ҳам ёзгандим. Бироз тўлдирдим.
@tanishgaplar

Оғзига арзонроқ бўлсаям тиш қўйдиришга пул қизғонади. Лекин майдалаб-майдалаб ундан кўп пулни ичиб йўқотади.

"Сизни ҳурмат қиламан, ккеширас лекин" деб қўлни кўксига қўйиб туради, пастда шимни замоги очиқ қолган бўлади.

Одам шундай хор яшашни ўзига эп кўриш даражасига тушишини қабул қила олмайман.

Туркча биладиганлар Ютубга Cem Yılmaz alkolik nezaketi деб ёзиб кўринг, шундайларни зўр тасвирлаб берган.

Афсус..

@tanishgaplar