Mikrofon ko‘targan ayol

Охирги вақтларда “Нетфликс” да фақат ҳужжатли фильмлар кўряпман.

Биринчидан, ҳужжатли фильмларнинг менга жанр сифатида техник-ташкилий жиҳатлари жуда қизиқ. Замонавий медиа бундай жанрларни қандай суратга оляпти, кадр-монтаж-матн ечими, даврийликни бериш услуби ва ҳатто одамларни қандай гапиртираётганигача диққат билан ўрганяпман.

Иккинчидан, сериаллар, кинофильмлар назаримда менга оний реакция учун хизмат қилади ва камдан кам ҳолда кўрган бадиий фильмимдан бирор информация эслаб қоламан. Ҳужжатли фильмлар эса воқеликнинг бир лавҳаси, кейинчалик уни тарих ва бугунда кечган воқеаларга боғлаб, таҳлил қилса бўлади.

Хўп, энди нималарни кўрганим ҳақида ҳозир гапириб бергим келди.

Биринчи фильмим—
«Our father» (“Бизнинг умумий отамиз”).

Бу фильмни кўриб, воқеа иштирокчиларини тинглаб даҳшатга тушдим. Тасаввур қилинг, кичик шаҳарда қизалоғингизни спорт тўгарагига олиб боряпсиз. Унинг тренери жудаям сизга ўхшайди. Худди шу тўгаракка қатнайдиган йигитча сизнинг қизингиз билан учраша бошлади ва ўша йигитча ҳам сизга жуда ўхшайди. Шубҳалана бошлайсиз... Бу сценарий Индиана штатида тахминан шунга ўхшаш ҳолатда содир бўлиш эҳтимоли юқори. Ва бу даҳшат. Қандай қилиб?

2014 йилда Жейкоб Баллард исмли аёл ўзининг ДНКсини текшириб кўради ва секин-аста у билан бир хил қариндошлик ДНКсида бўлган 8 та ака-укаларини аниқлайди. Бу инсонларнинг тарихи ўрганилганда уларнинг бепуштликдан қийналган ота-оналари индианаполислик репродуктолог шифокор Доктор Доналд Клайн клиникасида даволанган, доктор оналарга “сунъий уруғлантириш” амалиётини ўтказган. Жейкоб махсус платформада бошқа ака-укаларини қидиради ва текширувларга чорлайди. Шу тариқа, турли йилларда сунъий уруғлантиришдан туғилган 94 нафар боланинг (бу аниқлангани) биологик отаси битта одам бўлиб чиқади: Доктор Клайннинг ўзи!

Клайн унга мурожаат қилган барча аёлларга бу донор материали деб туриб ўзининг биоматериалидан фойдаланган экан. Қоида бўйича, донорлар уруғидан 3 мартадан кўп фойдаланиш мумкин эмас ва устига устак, Клайнда аутоиммун касаллик бўлган, бундай ҳолатда унинг донорлик қилишига рухсат йўқ.

Маълум бўладики, ўртача 40 км ҳудудда яшайдиган 100га яқин одам битта отадан туғилган ва улар бундан бехабар. Ҳолатнинг даҳшатини қондошларнинг интервьюларидан тушунасиз: “тасаввур қилинг, биз ҳатто фарзандларимиз ким биландир учрашишидан аввал унинг партнерини текширишимизга тўғри келади, акс ҳолда битта отанинг болалари турмуш қуриши, муносабатга киришиши мумкин”.

Хуллас, ҳужжатли фильмда жараённинг фош бўлиши, доктор Клайннинг нима мақсадда бундай тажриба ўтказгани, дастлаб нега уни жазолашмагани ва Индиана штатида донорлик фирибгарлигига оид қонун қабул қилиш кейси ҳақида батафсил ҳикоя қилинади.

Мен фильмни кўргач, нима учун кўплаб давлатларда, шунингдек, Ислом динида ҳам, католик черкови, протестантлар, яҳудийликда ҳам фақат никоҳда бўлган эр-хотин ўртасида сунъий уруғлантиришга рухсат берилганини яққолроқ тушундим. Нефтликсга обуна бўлганларга тиниқ спойлер қилган бўлсам ҳам, шахсан кўришни тавсия қиламан. Обуна бўлмаганлар эса Википедиядан Donald Cline кейсини топиб ўқишлари мумкин.

Вақтим бўлганида бошқа кўрган ҳужжатли фильмларим ҳақида ёзаман. Агар сизнинг вақтингиз бўлса, "Vatican girl" ҳужжатли фильмини кўриб турсангиз бўлади.

Муаммо биздамас, муаммо одамларнинг бошларида!

Жуда ноодатий ва таъсирли анимация. 5 дақиқа ичида кўрасиз.

1-симфония. Сеҳрли, мўъжизавий

2-симфония. Шаҳзода рақси. Қувонч, қайғу, сароб ва рўёб.

3-симфония. Гуллар вальси. Умидлар куйи.

Аминманки, ҳаммасини бир марта бўлсаям эшитгансиз ва сизга ёқади.

@qurbonova_a

“Қарсилдоқ”

Қишки таътил бошланиши билан ўғилларим телефон экранига “ёпишиб қолиш” режимига ўтишди. Бугун оламда нима гаплигини кўрсатгани ва балет билан илк марта таништиргани Алишер Навоий номидаги опера ва балет театрида қўйилаётган “Қарсилдоқ” балетига олиб тушдим.

Балет? Болалар? Иккита ўғил?
Бўларкан-ей.

Жуда хурсанд бўлдим, бошида нималигини тушунмай турган ўғилларимга сал-пал воқеани тушунтириб турдим, сўнг қарсак чалишдан тўхташмади, ҳатто қўли гипс бўлган Ислом ҳам.

“Қарсилдоқ” / “Щелкунчик” —Янги йил байрамида дунё академик театр саҳналарининг энг муҳим томошаси.

Балет сюжети Эрнст Теодор Амадей Гофманнинг машҳур “Қарсилдоқ ва сичқонлар қироли” ҳикояси асосида Пётр Чайковскийнинг мусиқаси билан саҳналаштирилган.

Сюжетни бир эсланг. Рождество кечасида Штальбаумлар, уларнинг болалари Мари ва Фриц меҳмонлар билан байрам қилаётган пайтда амакиси Дроссельмейер пайдо бўлади. У болаларга қўғирчоқлар ва ўйинчоқлар совға қилади.
Марига Қарсилдоқ (ёнғоқ чаққич қўғирчоқ) тақдим этади. Укаси Фриц Қарсилдоқни синдириб қўяди, Дроссельмейер уни таъмирлайди.

Тунда барча ухлаб қолганида Мари Қарсилдоқни кўриш учун ётоқхонадан чиқади ва ғайриоддий воқеалар бошланади: ўйинчоқлар жонланади, Сичқонлар галаси ва уларнинг қироли ҳамда Қарсилдоқ армияси пайдо бўлади. Аскарларнинг мағлубиятини кўрган Мари бу ёвуз сичқонларни енгишга ёрдам беради. Туфлисини ечиб, сичқонлар қиролига отади ва Қарсилдоқ армияси ғолиб бўлади.

Мари тушунадики, Қарсилдоқ аслида сеҳрланган шаҳзода. Уёғи энди классика. Уйғун рақс, сеҳрли бўса ва ёнғоқ чақувчи ўйинчоқнинг жонланиши.

Шаҳзода Марини қорли ўлкага, Қандолат қироллигига олиб боради. Байрам-томоша бошланади. Мари-малика, Қарсилдоқ эса шаҳзода, иккаласи ҳам тўй либосида.

Шу жойида балет Марининг уйғониши билан тугайди. Аламлиси, Мари қўлида ёнғоқ чақувчи Қарсилдоқ билан уйғонади. Бу тушмиди, ёки воқеликми деган савол билан томошабин ўйга толади.

Якунда Алибек Кабдураҳмонов дирижерлик қилган симфоник оркестр ўша машҳур юракни ўртовчи симфонияни чалади.

Мен балетни томоша қилдиму кўпроқ юрагимга Чайковский кирди. Сиз ҳам бу симфонияларни киноларда, мультфильмларда, сеҳрли кечаларда эшитганингиз аниқ. Қуйида 2-3 тасини каналга жойлайман, “ҳааа бу ўша мусиқаку” дейишингиз аниқ. Худди болаларимда бўлгани каби.

Балет раққосларининг ижросига гап йўқ, замонавий декорация, 3Д ўлчамли саҳналар Қарсилдоқнинг гўзал томошасига маромида интеграция бўлган. Яхши режиссура.

Ажойиб балетни ташкиллаштиргани учун Маданият ва санъатни ривожлантириш жамғармасига катта раҳмат. Энди эса Чайковскийдан буюк ҳикояларни тингланг.

Oliy ta'lim, fan va innovatsiyalar vaziri Kongratbay Sharipov yoshlar bilan.

Баъзан дўстмиз, баъзан рақиб.
Баъзан ҳамкор, баъзан танқид.
Баъзан ёшмиз, баъзан кекса.
Баъзан Одам, баъзан Ҳавво.
Баъзан хато, баъзан даво.

Менки олов, сиз-да ёмғир
Сизки ҳаёт, менки хаёл.
Сизда севги, менда севги
Уч фарзандда бизга севги.

Бирга босиб ўтилган йиллар учун раҳмат. Туғилган кунингиз муборак бўлсин, жаноб Қурбонов.

Жуда кўпчилик тармоқлардаям ёзди, бу йил пақилдоқлар сеанси қисқа ва сезиларли даражада кам бўлди деб.

Кеча кун давомида маҳалламиз инспекторлари рейд қилиб юрди, тиқ этган товуш бўлмади. Бўларкану, дедим.

Лекин 24:00 дан кейин “чийййпақ” лар кучайгандан кейин кун бўйи мақталган Божхонага яна саволлар кўпайди. Биз буни доим божхоначиларга боғлаймиз, амалда эса петардалар фақат божхона постларидан эмас, асосан чегарани бузган ҳолда олиб кирилади. Чегара назорати тузилмалари ҳам борлиги ва бунга масъуллигини эсдан чиқарамиз.

Хўп, қанчадир миқдорда кирди дейлик, бозорларда, маҳаллаларда рейдни кучайтирса, жазо муқаррар бўлса, пиротехника воситалари айланмасини бемалол жиловлаб олса бўлади. Вояга етмаган болаларки пақилдоқлар сотувчисига етиб бора олаётган экан, 2-3 та сўроқ билан бу занжирга етиб олса бўлади. Янги йилда ҳамма дам олса, бундай майда ишларга минглаб делоларни ким очади, кимга зарил деган фикр ҳам ўтади одамда.

Бутун бошли даҳшатлар — ёшлар ўртасида наркотиклар, таблеткалар айланмаси олдида ҳам ожизлигимиз кўриниб турибдику.

Бўпти, қисқа қила қолай, тинч ўтган ҳар бир кунимиз байрам бўлсин.

Гапимни қайтариб олдим, пақиллаб кетдик роса:)

Салом, 2025!

Бугун маҳаллада деярли пақилдоқ отилмади. Божхоначилар зўр ишлабди.

Ҳозир бир-икки салют бўлди. Текинга томоша қилиб, уйга кирдик)

5 дақиқа қолди. Соат бонг уради. Ва яна бир ёшга улғаямиз.

Хайр, 2024.

Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
—
Новогоднее поздравление Президента Республики Узбекистан Шавката Мирзиёева народу Узбекистана

Prezident.uz|Facebook|Instagram|YouTube|X

2024 йил:

- Яхши ва ёмон хабарлар ичида жуда кўп руҳий-ҳиссий эврилишни ўтказдим. 5 йилдан бери тугамайдиган хаёлларни инстаграм тилида айтганда “қўйвордим” ва йил якунида енгиллашдим.

- Овсинимни йўқотдим. Бу йил оғир келишини билардим, 5 йиллик дард тугатаётган эди, ўзлари сезиб-сезмасаларда шу йил охиргиси бўлиши мумкин, деб ичим ёнарди. Янги йилга етиб борармикинлар дердим. 28 октябрда кетдилар. Аллоҳ дардларини олиб, раҳматига муяссар қилгани рост бўлсин.

- Блогингдан анча узоқлашдим, пассивлашдим. Мен ёзмасам ҳам ҳамма ёзяптику деган кайфият ҳукмронлик қилди. Концентрациям асосан оилага бўлди.

- 2 та оила қурилишига сабабчи бўлдим. Бирида тавсия, иккинчисида эса курашишга тўғри келди. Ёшлар бахтли бўлишсин, охири билан суюнтирсин.

- Адашмасам, 4 кишининг тўлақонли ишли бўлишига кичик бўлса-да ҳиссам қўшилди. Яна бир неча лойиҳага оёқ-қўли чаққон, билимли ёшларни топиб бердим. Кимдир биринчи ойлигини олганида меҳмон қилди, кимдир отасининг “раҳмат, болам” деган хабарини юборди. Бу зўр ҳиссиёт.

- Ишга ўзим ҳам тўлақонли қайтдим. Йил якунида командировкани бошладим ва қизим катта қиз бўлишни тан олди.

- Ҳовли қурилиши давом этди ва эсга тушганда уста ишлатадиган бизга кўра, яна узоқ давом этса керак:)

- Усмон Ал Хоразмий номидаги IT мактабига ўқишга кирди. Ислом Туркияга мусобақага борди. Катта фарзандларимизда ҳар куни имтиҳон, ҳар куни бир янгилик. Ўсмирлик нималигини ўсмирлигимда эмас, она бўлиб тушуняпман.

- Шу қадар комфорт зонага ўрнашиб олдимки, қимирлагим келмай қолди, қачонлардир қўл етмас орзу бўлган иш таклифларига ҳам йўқ дедим, на пул, на мансаб ҳозирча менга жозибалимас экан деб ўзим учун ҳар сафар қарор қилдим. Бу яхшими-ёмонми, ҳозирча билмайман.

- Шундай қилиб, бир маромда яшаш ва ишлаш ҳадисини оволдим. Қозиқнинг учи ҳам, ости ҳам бўлмай. Ўртасида зарба сезилмайди деб ўзимни ишонтираман. Аммо зарба бошдамас, юракда ҳис қилинаётганини бир ўзим, бир Худо билади.

- Ҳозир дунё гўзали 3 та сўзли гаплар туза оладиган 2 ёшли дунё донишмандига айланган. Охирги 5 йилда қилган энг яхши ишим 3-бор она бўлишга қарор қилганим бўлди. Ўғилларим менинг тафаккур асарим бўлса, шу бурнини жийириб, расмга тушишни истамайдиган қизим — менинг санъат асарим.

- Атай одамлар ҳақида ёздим сарҳисобимда. Чунки на-да ютуқ ва на рақамлар одамдан устун эмас.

- Яратгандан миннатдорман, хатоларимни кўмиб, ютуқларимни кўпайтираётгани, ота-онам, яқинларим, фарзандларимизни соғ-омон сақлаётгани, иш жойимда азиз қилгани, яхшилик истовчи дўстларимни бисёр қилгани учун Аллоҳдан қарздорман.

Шукр, барига шукр.
Энди Сиз гапиринг, Сизда нима бўляпти?

Gazeta.uz biz hech qachon unutmaslik kerak bo’lgan, yaqin tariximizdagi fojiaga bag’ishlangan maqola tayyorladi.

O’qimasangiz bo’lmaydi: Dorisiz jannatga ketgan bolalar

Lekin, bu fojia haliyam oxiriga yetmagan.

“Dok-1 Maks” ishi sabab 68 bola halok bo‘lgani ko‘pchilikka ma’lum-u, omon qolgan 20 dan ziyod bola taqdiri ko‘pincha e’tibordan chetda qolyapti.

Ularning davolanishi uchun sud
hukmida belgilangan kompensatsiya imkon qadar tezroq to‘lab berilishi kerak. “Gazeta.uz” jabrlanuvchi 23 bolaning hikoyasini havola qiladi.

<<…Bir qator bolalarning hayoti esa aynan shu kompensatsiya pullarining tezroq berilishiga bog‘liq — qanchalik tez pulni olsa, shunchalik tez zarur muolajalarni boshlaydi. Bu muolajalar orqali ko‘rmay qolgan bolalar ko‘rishni, eshitmay qolgan bolalar eshitishni, yurolmay qolganlari esa yurishni boshlashi mumkin.

Eng asosiysi, ota-onalardan biri ta’kidlaganidek, “tirik qolgan bolalarni saqlab qolish kerak”.

https://www.gazeta.uz/oz/2024/12/29/compensation/

#repost #ulashing

11 yoshli yurtdoshimiz Jahongirning koʻzlari ojiz, lekin u ishonch va qat’iyat bilan orzulariga erishish yoʻlidan bormoqda.

U bilan istalgan mavzuda suhbat qura olasiz, ham tarixga, ham siyosatga, ham sportga, ham san’atga befarq boʻlmagan Jahongir xalqaro tanlovlar gʻolibi boʻlishga ham ulgurgan.

U hozirda Samarqand shahridagi 59-sonli “Nurli maskan” maktab-internatining faxrli oʻquvchisi va hamma yutuqlariga birinchi navbatda oʻz onasini sababchi deb biladi.

Madinaxon farzandi va uning kelajagi uchun oʻz umrini bahshida qilayotgan qahramon ona. Shu sababdan, biz ularga haqli ravishda “Xalq ta’limi a’lochisi” koʻkrak nishonini topshirdik.

Yurtimizda qahramon onalar koʻpligiga ishonamiz. Biz bunday e’tiroflarni an’anaga aylantirmoqchimiz.

Qahramonlarimiz haqida kichik film tayyorladik, umid qilamizki, film Jahongirning tengdoshlari va koʻplab onalar uchun manfaatli boʻladi.

@hilola_umarova

3-қисмга келдим. Мен ичимда ўйлаганларимни ўзимдан ҳам зиёда ва кучлироқ қилиб Элдор Асанов ёзиб қўйибди.

Squid Game'нинг 2-мавсумидан бир-икки қисм кўрдим. Сифатига, мазмунига келсак — олдинги мавсумнинг такрори бўлиб қолган: яна ўша ўйин, яна ўша интрига, бу жиҳати менга ёқмади.

Лекин ижтимоий мулоҳаза кучайтирилган. Сериал ўзи бошидан ижтимоий тенгсизлик ва жамиятда ресурс учун курашнинг бир истиораси эди, аммо очиқ айтилмас эди. Бу сафар шулар очиқ айтиляпти, қолаверса, жамиятга аллюзия кучайтириляпти: ҳар бир раунддан сўнг иштирокчилар овоз бериб, ўйинни тўхтатиши ёки давом эттириши мумкин. Яъни бунда сиёсий сайловларга бир ишора бор: одамлар қандай овоз беради, нимага қараб танлов қилади.

Қизиғи, халқнинг сайлови ҳар доим ҳам оқилона бўлмаслиги кўрсатилган: энг мантиқан тўғри, оқилона йўл ҳаётингни сақлаб қолиш бўлса ҳам, жамиятнинг каттароқ қисми пулни ёки қандайдир мафкурани ҳаётидан, фаровонлиги ва тинчлигидан устун қўяди. Сериалда кўпчилик ўлиб кетиши аниқ — охирида ҳамма ўлиши аниқ, бир киши тирик қолади, шунга қарамай, салкам 500 киши ўша бир киши мен бўламан деб умид қилади ва ҳаётини хавф остига қўйишда давом этади. Тирик қолиш имкони 500 дан бир бўлса ҳам.

Шунинг учун жамиятда яшайдиган одам "бу менинг ишим эмас" дея олмайди, деган хулоса қилинади сериалда — бировларнинг пул ёки мафкура иштиёқи туфайли сен қурбон бўлиб кетишинг мумкин.

@AsanovEldar

2016 — 2024

5 та фарқни топинг:)

Бугун Тўрабоева Маҳлиё Озод қизи “Ўзбекистон белгиси” кўкрак нишони олди.

2016 йилда Маҳлиё Телерадио коллежида ўқирди, мени табриклаб ромашкалар кўтариб борганди. Ўшанда унга ичимдан “Синчалак бу” деб ном қўйгандим.

2024 йилда мен ҳақиқий Синчалакни табриклаб хризантемалар олиб бордим.

Уни @sinchalak_blog номи билан кўпчилик танийди. “Синчалак” - сиёсий-маданий муҳим тадбирлар ҳақида ноодатий видеорепортажлар блоги кеча 1 ёшга тўлди. Аммо унинг ўзи ўша коллеж давридан бери тв журналистикасида яшайди, ривожланди, ўсди, улғаймоқда!

Чин юракдан табриклайман! Бошланиши бўлсин.

Аллоҳ юзингни, йўлингни ёруғ қилсин.

​Ишдан келсам, Ислом “ойи, нимадир доставка қилайлик” деди.
- Пулим йўқ.
- Ишонмиман.
- Доставка учун пулим йўқ.
- Алдамен.
- Доставка егим келмаяпти.
- Унда нима еймиз?!
- Картошка, пиёз арт.
- Эээ.
- Арт дедим.
Гўштни эрит.
Мясорубкага сол, қийма қил.

Қозонга ўзим ёғ қуйдим. Пиёзни ўзим тўғрадим. Ислом картошкани махсус артгичда пўчоғини артади, пичоқда эплолмайди, ярим картошкани кесиб ташлайди.

- Пиёзни сол қозонга. Ёғ сачраши мумкин.
- Ойи, ман ҳали боламан. Ўзиз қилинг.
- А йўғей? Ман сани ёшингда 7 та устани боқардим.
- Ҳозир унақа времямаску.
- Время ўзгармаган. Қорин ҳалиям очади. Пиёз сал ўлганидан кейин қиймани сол. Кейин қовурасан.

Ҳаяжонланиб, қовушиб-қовушмасдан қозонда тарақлатиб капгир айлантирди.

- Адангларга тел қил, нон опкелсинлар.
- Ойи, қанаққилиб, овқат қовурвомманку.
- Нима бўпти, битта қўлда бола кўтариб, овқат қиламан ман.
- Аралаштирмасдан турсам бўладими?
- Бўлади, кўп аралаштириб бўлмайди, лекин тепасидан кетма.

Яримта картошкани кубик тўғраш йўлини кўрсатдим, ичимда “наҳотки шуни билмайди”! Ҳар хил шаклда тўғради амаллаб. Чеснокниям тўғратдим. Ярим қошиқ томат солдирдим. Приправа нималигини биринчи марта кўрди. Туз, сув солдирдим, туз идиши қаердалигини ўрганди.
Зеленни қаерини кесишни кўрсатдим. Яхшилаб ювдирдим.
Орада амаллаб қовуриб турди. Телефонга чалғиб қолгандим, кашнични умуман тўғрамасдан катта-катталигича соворибди. Қайтариб ўзига олдирдим, қайта йирикроқ тўғратдим.

Ўзимни биринчи марта қилган овқатимни эсладим. Онам дежурдалар, адамлар дежурдалар. Адам ишга кетаётганда “қозонга сув солиб, ҳамма нарсани соласан, мош очилгандан кейин гуруч соласан” деганлар. Ёғда қовуришни хавфли деганлар шекилли. Хуллас, меҳр билан мошхўрда қилганман ва ўхшаган. Ҳозиргача мошхўрдани яхши кўраман.

Бир амаллаб, она-бола дуэтида шу овқатимиз пишди.

Ислом 13 ёшида қилган биринчи овқат —макарон жаркоб бўлди. Мазаси зўр.

Яна сабрим етиб, 1 ой бу бола билан шуғуллансам, ошхона эгасини топади.

И волки сыты и овцы целы.

Бугун Саида қизим 2 ёшга тўлди.
Сана муносабати билан #Saidatalks суратга олиниб, мухлисларга тақдим этилмоқда. Ўткир сюжет, экшн, драма—ҳаммаси бор.
Лайк, патписка, шейр эпрешейтся.

👍 Mahalla — xalqimiz hayotining ajralmas qismi

🔍Hurmatli Prezidentimiz Shavkat Mirziyoyev mahallaning xalq va davlat o'rtasida o'ziga xos ko'prik bo'lishi lozimligini ko'p ta'kidlaydilar.

🔍Shu maqsadda mahallalar Yangi O‘zbekistonga mos va xos bo‘lishi uchun xalqimizning manfaat va ehtiyojlaridan kelib chiqib mutlaqo zamonaviy tizim - “Yettilik” yaratildi.

🎥 Ushbu videolavha orqali "yettovlon" fidoyilarning faoliyati, vazifa-yu vakolatlarini sodda va xalqchil tilda tushuntirishga harakat qildik.

💬 @Kuranbayev_K
📹 Instagram.com/Kuranbayev_K

Spektaklga yozilgan ajoyib taqriz. Spoyleri ko’p, lekin o’qib chiqsangiz, endi yanayam o’zingiz borib ko’rgingiz keladi.

https://oyina.uz/uz/article/2684

Мен кеча ўзимни ўзим суд қилдим.

“Дийдор” экспериментал театр-студиясининг “Автоҳалокат” номли спектаклини томоша қилиб чиқдик. Ҳар кимнинг ичида ўз жиноятчиси яшайди, дейдику. Ўшанинг юзига ойна тутадиган санъат асари бўлибди.

Шедевр.

Бу спектаклни албатта кўришингиз керак.
Iticketдан атиги 55 мингга чипта олдим. Спектакл бундан кўпроғига арзийди.
Фарҳод Абдуллаев, Карим Мирходиев, Абдухалил Мингноров — браво!

Видеочани кўринг.

“Qizlar akademiyasi”ning sarhisobiga kirdik. Judayam eksklyuziv taqdimot.

Ilovani qizlaringizga ko’chirib bering, 18 yo’nalishda onlayn darslar bor: hunarlar o’rganish mumkin, psixologik kurslar tinglashadi.

Odamlar Wikipediaga turizm bo’yicha status maqola yozib, Ozarbayjonga ketyapti)

Mazzaku a?

Uzwikistipendiya paramarafoni g’olibi Hasan Alimovni eshiting.

Eldor Asanov “1000kitob” loyihasi haqida

1000КИТОБ лойиҳасининг 2024 йилги фаолияти якунларига бағишланган тақдимотга боролмаганлар уни Ютуб орқали жонли эфирда томоша қилиши ҳам мумкин: https://www.youtube.com/live/HTpMk7_lr54

Farg‘onadagi portlash yuzasidan ayrim fikrlarim

Farg‘onadagi “zapravka”da ro‘y bergan portlash bo‘yicha davlatning reaksiyasi tushunarsiz va sovuqqon bo‘ldi, nazarimda. Aslida quyidagi chora-tadbirlar ko‘rilishi lozim edi, deb o‘ylayman:

🔹bu bo‘yicha zudlik bilan komissiya (hech bo’lmasa viloyat hokimi boshchiligidagi komissiya) tuzilishi;
🔹hodisaning insoniy va boshqa talafotlari o‘rganilib, bu borada tezkorlik bilan axborot berib borilishi;
🔹halok bo‘lganlarning yaqinlariga rasman hamdardlik izhor etilib, ularga kompensatsiya ajratilishi;
🔹yong‘indan uyi, do‘koni, mashinasi zararlanganlarga ko‘rilgan zarar to‘liq qoplab berilishi;
🔹holat yuzasidan ochilgan jinoyat ishi doirasida aynan kimlar tergov qilinayotgani ochiqlanishi;
🔹faqatgina “zapravka”ning xo’jayinlari emas, balki odamlar gavjum, atrofi uy-joy va boshqa ijtimoiy binolar bilan to‘la bo‘lgan nuqtada “zapravka” qurishga ruxsat berganlar ham javobgarlikka tortilishi;
🔹viloyat hamda butun respublikadagi gaz “zapravka”larning joylashgan o‘rni hamda ulardagi texnik holatlar to‘liq tekshirilib, aholi yashash manziliga yaqin masofada joylashganlari boshqa hududga ko‘chirilishi va boshqalar.

Shunday yo‘l tutilganida, voqea jabrlanuvchilari, qurbonlarning yaqinlari va keng jamoatchilikda yuzaga kelgan norozilik kayfiyati nisbatan bosilgan bo‘lardi-ku!

Balki shu ishlar allaqachon qilinayotgan, zarur choralar ko‘rilayotgandir, lekin nega axborot berilmayapti? Agar zaruriy axborot berilganida OAV, blogerlar va ijtimoiy tarmoq foydalanuvchilari portlash bilan bog’liq ma’lumotlar yashirilayotganini emas, balki davlat tomonidan talafotlarni bartaraf etish bo‘yicha ko‘rilayotgan choralar, jabrlanganlarning yaqinlariga ko‘rsatilayotgan ko‘mak haqida gapirardi, yozardi-ku!

Lekin, afsuski, unday qilinmadi. Aksincha, internet nashrlari va voqea guvohlari portlash qurbonlarining aslida ancha ko‘pligi, ularning soni kamaytirib ko‘rsatilayotgani haqida gapirmoqda. Yong’indan moliga talafot yetganlar esa zararni kim qoplaydi, degan savollari bilan yolg‘iz qolgan.

Hodisa guvohining internetda yozgan izohi ko’z oldimda gavdalanib, shu fikrlarni yozdim. Uning aytishicha, portlash vaqtida yonib ketgan ayol ko‘z o‘ngida kuyib kul bo‘layotgan bolalarini qutqarishga harakat qilgan, lekin ingrab-ingrab o‘zi ham bolalar ham halok bo‘lgan. Dahshat!

Telegram | Instagram | Facebook | YouTube

Ҳаво совиши билан Онам:
- Сардор, шапка кий.
- Қобилжон, шапкангиз қани?
- Азиза, шапка кий! Эрталаб бош ювма, невралгиянг қўзиб қолади.
- Ғайбулло, шапка кий бошингга!
- Ойиси, қани болани шапкаси?!

Онам 40 га яқинлашаётган ўғилларигаям, куёвларигаям, келинларигаям, набираларигаям, менгаям айтадиган гаплари битта: “Шапка кийинглар”.

#onangizni_aytganini_qilinglar
#shapka_kiyinglar

1000 kitob loyihasi va UzWikistipendiya mehmonga chaqiryapti. Boramizmi?

Taklifnomadagi qizil shapkali qizni tanimayman:)

Даҳшат!

Ўзи ҳайвонот боғи керакми деб ўйлаб ҳам қолади киши. На одамга яхши, на ҳайвонга.
https://t.me/jahongirolimov_rasmiy/748

Prezident ayollar orasida onkologik kasalliklarni nazorat qilishga doir davlat dasturini ma’qulladi.

Dastur milliy va xalqaro ekspertlar jamoasi tomonidan bir yilga yaqin vaqt davomidagi muhokamalardan so‘ng qabul qilindi.

Ushbu hujjatga xalqaro klinik amaliyotlar asos qilib olingan. 30 yoshdan boshlab ayollar har 10 yilda inson papillomasi virusiga test topshirishi, 45 yoshdan 65 yoshgacha esa har 2 yilda mammografiyadan o‘tishi kerak bo‘ladi. Har bir ayol elektron ro‘yxatga kiritiladi va har qanday xavfli o‘zgarishlar aniqlanganda tizimda “yo‘qolib qolmaydi”. Dastur aniq harakatlar va davolash protokollarini o‘z ichiga olgan. Albatta, bu juda katta qadam va ushbu o‘zgarishlar jarayoni shaxsan o‘z nazoratim ostida bo‘ladi.

_

Президент одобрил государственную программу по контролю женских онкологических заболеваний.

Около года экспертная команда с участием национальных и международных специалистов обсуждала все детали положений Программы.

За основу были взяты международные клинические практики. С 30 лет каждые 10 лет женщина должна будет бесплатно сдавать тесты на вирус папилломы человека, а с 45 до 65 лет делать маммографию каждые 2 года. Создаётся электронный регистр, чтобы ни одна женщина не «потерялась» в системе при обнаружении злокачественных изменений. Программа включает в себя чёткие алгоритмы действий и протоколы лечения. Это большие изменения, и они будут находиться под моим личным контролем.

Нимагадир оилавий зўравонликка қарши чиққанларни оилабузар дейишмоқда. Зўравонликка йўқ деганлар эмас, зўравонлик қилганлар оилабузар асли. Чунки сабрнинг охири бор, бир куни барибир тўладиган сабр косасига оиланинг келажагини боғлаб бўлмайди.

Зўравонлик, зулм бошланган куниёқ оила моҳиятан йўқ бўлади, шакли қолади, ичи бўш нарса мўрт бўлади. Бир-бирининг қадрини яксон қиладиган одамлар бир уйда яшаши – бу оила эмас!

Оилани сақлаб қолишни жуфтини қадрлашдан бошлаш керак. Зулм борки, унга нисбатан исён ҳам бўлади, бу оқибат, сабаб – зулм!

Агарки зулмга қаршилар оилани бузяпти деб ҳисобласангиз, зулмга барҳам беринг, унга қаршилар ҳам йўқолади.

@shahnozxon

🚨🚨🚨📤📤📤📤
📢28-ноябрь куни Best Med клиникасига 🇮🇳Ҳиндистондан машҳур пластик ва реконструктив жарроҳлик бўйича мутахассис Dr. Mohit Sharma ташриф буюради!

Ихтисосликлари:
🔸Қўл трансплантацияси
🔸Юз, бурун ва қулоқ реконструкцияси
🔸Дудоқ ва танглай ёриқларини тузатиш
🔸Диабетик оёқ ва куйиш деформацияларини тиклаш
🔸Юз ва бўйин жарроҳликлари
🔸Жинсий аъзолар ва кўкрак реконструкцияси

❗ Жойлар чекланган!
Бугуноқ ёзилинг ва юқори малакали мутахассисдан маслаҳат олинг!

📅 Сана: 28-ноябрь
📍 Манзил: Тошкент ш. Чилонзор тумани, кичик халка йули 11, Best Med клиникаси
📞 Рўйхатдан ўтиш учун телефон: (55)514-05-05

Соғлигингизни энг яхши қўлларга топширинг!

​Аёлларимиз билан боғлиқ муаммоли вазиятларда мен кўрган сабаблар...

• Кўп хотин-қизлар оила ва жамиятда кучли босим остида яшайдилар;
• Аёллар турмушда руҳий, жисмоний, маънавий, молиявий зўравонлик ва тазйиқларга дуч келадилар;
• Хотин-қизлар руҳий зўриқишларда кимга мурожаат қилишни билмайди; (1146 ишонч телефони мавжуд)
• Маҳаллий ННТ тузилмалар вазиятларда асосан аёлнинг ўзини айбдор санайди;
• Хотин-қизлар хато қилса, жамиятдаги муросасизлик туфайли унинг ошкор бўлишидан қўрқади; (ўз жонига қасд қилиш, фарзандини нобуд қилиш)
• Оилада қизлар таълимига жиддий эътибор берилмайди;
• Аксарият хотин-қизлар мактаб ва коллежда яхши таҳсил олмайди;
• Қизларни эрта турмушга бериш ҳолатлари кўп кузатилади;
• Эрта туғруқ аксарият аёллар руҳияти ва саломатлигида салбий ўзгаришларга сабаб бўлади;
• Хотин-қизларнинг ўқиш ва ишлаш, турмушга чиқишда эркин қарор қабул қилиш имкони чекланган;
• Хотин-қизлар ишга қабул қилинишда кўп дискриминацияга учрайдилар;
• Ўз эътиқодига қатъий амал қиладиган аёллар учун таълим ва иш жойи бўйича танлов имконияти кам;
• Социумга кўра, хотин-қизлар ўзини намоён этиши мумкин бўлган соҳалар бармоқ билан санарли; ( аксарияти таълим ва тиббиёт, саноат ва қишлоқ хўжалигида банд)
• Хотин-қизлар ҳуқуқни ўрганмайдилар ва қўллай билмайдилар;
• Қишлоқ жойларда инфратузилма етарли бўлмагани учун хотин-қизларнинг бўш вақтини мазмунли ташкил қилиш амалиёти деярли йўқ;
• Аксарият хотин-қизларнинг бўш вақти сериал томошасида ва интернетда ўтади;
• Қизлар билан жинсий тарбия ҳақида очиқ суҳбатлашилмайди;
• Хотин-қизлар иш ва ҳунарли бўлмагани ёки бунга рухсат ололмагани учун молиявий мустақиллиги чекланган;
• Хотин-қизлар никоҳни расмийлаштириш жараёнига бефарқ қарайдилар;
• Социумга кўра, никоҳ шартномаси ҳақида гапиришга ҳали эрта;
• Ажрим туфайли аёл ҳаётнинг бирламчи эҳтиёжларига қадар муҳтож бўлиб қолади;
• Ишсизлик ва унинг ортидан келган меҳнат миграцияси оилаларни тарқоқ яшашга мажбур этади;
• Меҳнат миграцияси туфайли айрим аёллар руҳий, жинсий, молиявий зўравонликка учрайди; (240 минг аёл чиқиб кетган)
• Аёллар ўз саломатлигини тиклаш ва назорат қилишда эркин эмаслар;
• Аёллар ажрим, алимент олиш жараёнида суд томонидан ҳаракатсизлик, ижронинг ўз вақтида бўлмаслигига дуч келади;
• 3 ёшгача фарзанди бўлган аёллар жамиятда фаол қатлам таркибига киролмайдилар(давлат боғчаси 3 ёшдан олади);
• Жамиятда гендер тенглиги бўйича саводхонлик етарли эмас;
• Хотин-қизлар билан боғлиқ ҳолатлар ОАВда ёритилаётганда, холисликка амал қилмаслик кўп кузатилади;
• Аёллар масалалари билан шуғулланувчи ННТлар ночор аёлларга хайрия уюштириш учун fundraising, crowdfunding платформасига эгамаслар, тажриба йўқ;
• Эркак ва аёл ҳуқуқлари давлат қонунлари бўйича тенг, амалда эса жамият кўпроқ эркакларга ён босади (уларнинг хатоларини кечириш ва шанс бериш маъносида) ва ҳоказо ва ҳоказо...

Аслида рўйхат янада узун. Аслида яшаш эркакка ҳам, аёлга ҳам осонмас. Шу шафқатсиз ҳаётда ҳеч йўқ аёллар бир-бирларини қўлласалар, аёл сифатида ўзларининг адашган ёки хато қилган ҳамжинсларини тушунишга уринсалар, камроқ муҳокама қилиб, кўпроқ ёрдам қўлини чўзсалар... боласини туалетга ташлайдиган, ўзини сувга отадиган, шифтга осадиган аёллар сони камаяди... Аёлни хатолар кетидан хатолар қилишга жамият сўроқ-саволи, игноридан қўрқув олиб боради.

Яхши ролик.

“…Ўтган куни сенинг телефонинг вафот этди.

Ўйлама, фақат инсонлар ўлмайди, телефон рақамлари ҳам ўлади.

Умр бўйи кўплаб рақамларни унутасан: паспорт рақамингни, охирги ишингда олган маошингни, дўстингнинг улови номерини, ойга қадар бўлган масофани, яшаётган шаҳрингнинг аҳолиси миқдорини…
Шунингдек, бошқа кўпгина рақамларни, барчасини унутасан.

Биргина бу беш рақамдан бошқа барчасини. Бу беш рақам сен учун энг азиз ҳадялардан бири эди. Беш рақам, унинг овози ва телефон дастагидан келган бинафша ифори…

Баъзида мен бу қора телефоннинг дастагини нафис овозли бир роялнинг қопқоғини ёпган каби қўйсам, баъзида тобут қопқоғини ёпгандек чуқур ғамгинлик билан жойига қайтараман.

Энди бу рақам йўқ. Йўқ-йўқ, аслида бор, бироқ мен учун йўқ. Мен учун бу рақам энди таъқиқланган ҳудуддир.
Шундоқ бармоқларим ёнида, телефон қорнининг остида жойлашган бу беш рақам эндиликда мен учун босиб ўтиб бўлмас бир масофа — қанчадир километр, қанчадир мил ёҳуд чақиримдир.

Мен бу масофанинг бешдан тўртини кечиб ўта оламан, яъни тўрт рақамни тўплашим мумкин, аммо ҳеч қачон сўнгги рақамни — бешинчисини боса оламайман. Сенинг рақаминг қулфланган эшикдир — мен эса калитни йўқотганман.”

Таниқли озарбайжонлик ёзувчи Анор(Ризаев) нинг бу ҳикояси жуда гўзал ёзилган. Яқин орада бунақа мазза қилиб ҳеч ҳикояни ўқимагандим. Албатта, ўқинг.
Фильми ҳам бор экан, топиб бир кўраман.

Kechki mutolaa
(o‘qish yoki eshitish uchun 47 daqiqa vaqtingiz ketadi)

Anor. Men, sen, u va telefon

Izoh: Telefon raqamlari hech o‘xshamas bir-biriga, biroq barchasida inson ovozi bor… Yomon kunlar hech o‘xshamas bir-biriga, birida o‘zing jim qolasan, birida telefon…

📖 Matnni o‘qish uchun: https://teletype.in/@xushnudbek/anor-men-sen-u-va-telefon

🎧 Audio hikoyani eshitish uchun: https://youtu.be/D8TFrNQZuWk

🎙Bugungi hikoya audiosini Aziza Qurbonova o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Шоира Нозима Ҳабибуллаеванинг шеърини Эркин Бозоров ижросида эшитиб, этим жимирлади. Шеър оиласини боқиш ташвишида мусофирликда юрган оталар ҳақида ёзилган. Инстаграмда Эркин Бозоров саҳифасида бир киши шундай коммент қолдирибди: “Ватан ҳам майли, фарзандлари унутмасин оталарини”…

***

…“Мусаффо” кунларнинг бирида
Отам мусофирга кетган маҳали,
Укам билан “сариқ” бўлгандик ёмон.
Дўхтирга, дорига пул йўқ шекилли
Жўҳори попугин қайнатиб бергач
Кўйимизга боқиб,
Сизнингда рангингиз бўлганди сомон.
Сариқ рангни шундай англайман ҳамон.

Отам ватанини севарди жуда.
Унутмаслик учун уни сафарда
Баҳор ифорини кўтариб бошга
Дўпписин остида кетди авайлаб.
Тўрт фасл ортидан қайтди саҳарда
Оппоқ дўппи бўлиб сочлари...
Бошидан,
кўнглидан не ўтса ўтди.
Чизмай қўйди,
чалмай қўйди,
айтмай қўйди...
Сўнг алам устида айтдим, онажон:
Отамни ватани унутди!

Соғинч шеърлар ёздим қучиб рубобни,
Укам қўшиқ айтди отамнинг овозида.
Отам дала чопди,
Сиз орзу ёпдингиз.
Қамаша бошлади дунёнинг ранги.
Ишончим – рубобнинг торлари эди.
Шунда ҳам чаляпман дилда борини.
Аммо,
Келажак кўзига тик боқай деса
Ватан унутмасин Оталарини!

Bugun Toshkentda katta shanbalik bo’ldi. Bu shanbalikda shaxsan Prezident ham qatnashdi. Bektemir tumani hududidan Sergeliga ketaverishdagi katta trassa bo’yiga yuzlab daraxtlar ekildi. Deputat va senatorlar, yangi hukumat, hokim va vazirlar, elchilar ham har birlari bittadan daraxtga endi mas’ul.

Odatda ko’chat ekiladi, rasmga tushiladi va shu bilan hammaning esidan chiqadi. Daraxt ekkanlardan shu haqida alohida so’radim, “parvarish qilamiz” degan va’dalarni yozib oldim.
@Sinchalak_blog

Деворга скотч билан ёпиштирилган банан 6,2 миллион долларга сотилди

Дунёдаги энг қимматли банан Sotheby аукционида 6,2 миллион долларга сотилди. Бу ноодатий асар 2019 йилда италиялик провокатор рассом Маурицио Каттелан томонидан яратилган “Комедиант” номли инсталляциянинг бир қисми. Асарнинг ўзи оддий банан бўлиб, у деворга скотч билан ёпиштирилади. Инсталляция сертификати ва бананни чириб қолганда алмаштириш бўйича йўриқнома билан бирга сотилади.

Аукционда беш дақиқа давом этган кескин савдода хитойлик криптовалюта тадбиркори Жастин Сан ғолиб чиқди. Унинг фикрига кўра, бу санъат асари жамиятда янгича фикр ва баҳсларни келтириб чиқаради.

Нью Йорк Таймснинг ёзишича, унга ишлатилган банан аслида Манҳэттендаги Юқори Ист-Сайддаги мева растасидан 35 центга сотиб олинган. Бангладешлик сотувчи унинг банани шунча катта суммага сотилаётганини билмаган.

“Комедиант” биринчи марта 2019 йилда Майамидаги Art Basel кўргазмасида намойиш этилган ва катта шов-шувга сабаб бўлган. Бу санъат асари замонавий санъат чегараларини синовдан ўтказиб, унинг моҳияти ҳақида баҳсларга сабаб бўлмоқда.

Бу банан санъатнинг янги чегараларини белгилаб, унинг қадр-қимматини қайта кўриб чиқишга чақирув бўлди.

Қизиғи, сотиб олган криптачи бананни ўзи емоқчи экан:)

Сиз нима дейсиз, буни санъат асари дейиш мумкинми?

Шу қўқонлик Иқболжон Солиев силаб-сийпалаб ҳаммани минг дарддан фориғ қилаётган видеолари тарқалгандан кейин ОАВ бу фаолият миш-мишлар асосига қурилгани, сохта пиар экани, шубҳали ишлари кўплиги ҳақида бот-бот ёритиб келяпти. Лекин бирор орган бу “соҳиби каромат”нинг фаолиятига ҳуқуқий баҳо бергани йўқ.

Ёки маҳалла раиси репортажда айтганидек, “маҳаллани боқяпти, одамлар келганларга перашка сотяпти” деб бошқа одамларнинг саломатлигини хавфга қўйиш ва буни оқлаш мумкинми?

Касал одам ҳар хасга, ҳар касга ёпишиб, дардига шифо топмоқчи бўлади. Касал пайтида одам танқидий таҳлил қилишиям қийин, чиқмаган жондан умид дейди.
Шунинг учун ҳам аҳмоқона ҳаракатлари билан даволайман деб айниқса қўли калта беморларни ишонтирадиган шунақа табиблар, хандон писта чақтирувчилар (уям баҳарнав, ҳар ҳолда пистани ўзиз чақасиз), онкологиянгни даволайман деб оҳак, хитой қўнғизи едирувчилар ва ажалингдан беш кун бурун ўлдирувчилар чиқаверади, чиқаверади. Одамлар энг сўнгги чақасини шуларга ташийди ва баъзан даволаниши учун энг муҳим даврни ёлғон муолажаларга алданиб, ўтказиб юборади.

Давлатнинг ҳуқуқий органлари фирибгарлар кўпаймаслиги учун масъул.

Одамлар айтади, “ана давлат индамаяпти, маҳаллани тўсиб олсаям, маҳалла инспектори жим, демак бу катта одам, катта кучга эга, ростанам табиб мўъжиза кўрсатади, агар ёлғончи бўлса, давлат ташлаб қўймасди” дейди.

Аслида эса шунчаки органларнинг сукутлари муаммоларни кўпайтираверади. Аҳмадбойни эсланг.

Жамиятда ишончсизлик, иқтисодий зарарлар кўпаймаслиги, қонунсизлик авж олмаслиги учун Аҳмадбойлару Иқболжонлар кейсига жиддий қараши шарт.

@qurbonova_a

#qiymat
Odam hayotidagi narsa, shaxs, umuman borining asl qiymatini anglash uchun o'zini vafot etyapman deb o'ylab ko'rishi kerak, nazarimda.

Qanday qilib bu mavzu esimga kelib qolgan edi, hozir eslolmayman-u, 2021-yili 11-sinflarga "Agar vafotimga uch oy qolgan bo'lsa" mavzusida esse yozdirgan edim.

Ba'zilar hazilaralash "Byudjet qancha?" deb so'rab olgan, "himm..hozir qanday bo'lsa, shunday" , deb javob berganimdan keyin "eee, unda qiziqarli matn chiqmaskan" deb kulgan ham edi.

Xullas, bir-biridan ajoyib matnlarni o'qigan edim. Maktabni tamomlash arafasidagi o'g'il-qizlarning (har biri o'ziga xos dunyoqarashga ega bir - biridan aqlli va qobiliyatli o'quvchilarning!) fikrlarini o'qish uchun bir necha soat sarf qilgan edim.

Ularning ayrimlari xorijga safar qilishini, boshqalari yaqinlaridan uzr so'rashini, yana kimdir La - Mansh bo'g'ozida suzish orzusini amalga oshirishini yozgan, xullas, o'limning asl mohiyatini to'la his qilib ko'rmagan bolalarning beg'uborlik to'la mulohazlari, tuyg'ulari aks etgan varaqlarning birini qo'yib, boshqasini olib, har biridan keyin o'ylanib ham o'tirgan edim..

Ammo oxirida bir esseni o'qishni boshlaboq tomog'imga achchiq bir nima tiqilib qolgan edi.
U oiladagi katta o'g'il sifatida ukasi ikkalasini yolg'iz katta qilayotgan onasiga qanday g'amxo'rlik qilishi rejasini yozib chiqqan edi go'yo.
So'zma-so'z esimda yoq, biroq matnda taxminan shunday fikrlar bor edi:
"Men, avvalo, maktabdan ketaman. Modomiki kelajagim yo'q ekan, ta'limning ham keragi yo'q. Onam mendan keyin qiynalmasligi uchun unga ko'proq pul qoldirish uchun ham kunduzi, ham kechasi ishlayman. Matematika o'rgata olaman, tunda qorovullik ham qilishim mumkin. Ukam onamning yagona suyanchig'i bo'lib qolsa, demak, unga onamga g'amxo'rlik qilishni tayinlayman. Keyin, onam mensiz yashashga ko'nikishni boshlashi uchun ko'ziga kamroq ko'rinaman, toki meni sog'inib qiynalmasin..."

Matn meni lol qoldirgan edi. Uch oy uchun tuzilgan reja ichida na hayotga to'ymagan bolaning armoni bor edi, na kelajak orzulari ushalmay qolishi bilan bog'liq o'kinch. Unda onasi oldida qarzini uzolmayotgan farzandning tashvishi bor edi.

Yig'ladim.
Bunaqa mavzu bermay qolay deb o'zimni yandim. O'quvchimning onasiga o'glini erkak qilib tarbiyalay olgani uchun havasim ham keldi.
Va oxirgi partada deyarli gapirmay o'tiradigan kamsuqum bolaning ulkan va toza qalbi borligidan hayratga tushdim. Unga hurmatim ortdi.

Men uchun unutilmas yozma ish bo'lgan edi.
Bu mavzuni qaytib hech kimga bermadim.
Uni yozish uchun bitta bola bir marta qiynalsa, hammasini o'qish uchun o'zim bir necha marta qiynalishimni o'yladim.

Alloh har birining umrini uzoq qilsin, ilmi ziyoda bo'lsin, ota-onasiga tirgak bo'lsin. Hech kimga farzand dog'ini ko'rsatmasin..
@suvaydo

Видеони кўрдингизми?

Жадид Хайринисо Мажидхоновага атаб ёзилган мактуб орқали жадид қизлар шахсига бўлган қизиқиш ортади деган умидимиз бор.

17 ёшида Германияга ўқишга кетган ва Ватанга қайтиб, шифокорлик, журналистлик қилган, 32 ёшида Сталин қатағонига учраб, отилган…

Суратда Хайринисонинг ватанга қайтиб, шифокор сифатида болаларни тиббий кўрикдан ўтказаяпти.

Хайринисо Мажидхонова ҳақида яхши мақола: https://www.bbc.com/uzbek/uzbekistan-45370763.amp

Тошкент Ситимолга борсангиз, албатта жадидлар ҳаётига бағишланган кўргазмага киринг. Инноватив, информатив. Яхши бир китоб ўқигандек бўласиз, нодир суратларни кўрасиз.

Президент Олий Мажлис депутатлар корпуси муҳокамасига Бош вазир лавозимига номзод сифатида Абдулла Арипов номзодини кўрсатди.

“Nazdimda, sizning ikkinchi nomingiz jurʼat edi...ʼʼ

“Moziyga maktublar” loyihasi doirasida “Tashkent City Mallʼʼdagi ko‘rgazmaga mikrofon koʻtargan ayol – bloger Aziza Qurbonova ham qadam ranjida qildi. O‘z maktublaringizni biting, his-tuyg‘ularingiz bilan baham ko‘rishing va video xabarlaringizni tasmaga tushirib, ularni Instagram’da #LetterToThePast heshtegi ostida chop eting. Toki dil izhorlaringiz davrlarni bogʻlovchi rishtaga aylansin.

Oʻz videolaringizni ijtimoiy tarmoqlarga joylashtirar ekansiz @acdfuzʼni belgilashni unutmang!

Ўйлаб олиш учун концерт

Бугун хитойлик пианист Ланг Ланг концертига тушдик. Кириш учун навбатни қаранг.

У биринчи марта Тошкентда концерт беряпти. Ташкилотчи — Ўзбекистон Маданият ва санъатни ривожлантириш жамғармаси.

Мусиқий билимларим чегараланган, кимнинг кимлигини доим ҳам билавермайман. Ланг Ланг кимлигини шоша-пиша википедиядан ўқиб олиб бордим: 3 ёшидан бери фортепиано олдида, 5 ёшидан бери концерт бериб келади. Хитойнинг энг ёш қаҳрамони бўлган, ЮНЕСКОнинг тинчлик элчиси сифатида ёшларга мусиқий таълим грантларини беради. АҚШда яшайди, кўплаб мукофотлар соҳиби. Биз билган “Кунг-фу панда” 3 анимацион мульфильмида унинг мусиқаси янграйди; катта тантаналар, масалан, Хитойда ўтган Олимпия ўйинлари унинг ижроси билан очилган.

Хуллас, гений.

Форумлар саройида ўтган Ланг Ланг репертуари мен учун бошланишига жуда сокинлик қилди. Укам Алишер қачонлардир Глиэрда ўқиганида ишлатадиган ноталаридаги “Адажио”, “анданте” терминлари эсга тушди.

Бугун пианист-виртуоз Ланг бастакорлар Фредерик Шопен, Роберт Шуман, Жорж Фуре асарларидан асосан “адажио”ларни ижро этди. Тингланиши енгил, ижрода эса жуда машаққатли, орада сукунатлари бор концерт. Бундай классик лирика одамни ўйлаб олишга, мулоҳаза қилишга чорлайди.

Мен ўйладим, бирданига ҳамма нарса ва ҳеч нарса ҳақида. Бахтимга телефоним қуввати тугаб, мутлоқ ўчиб қолганди.

— Яқинда вафот этган инсоним ҳозир нима қиляпти экан-а? Руҳи қаерда? Нега ҳеч тушимга кирмайди?

— Мен ҳикоялар ёзишим керак. Негадир шунга ичимда иштиёқ етилиб келяпти. Масалан, битта шаҳарда яшаб, умуман бир-бирини кўрмайдиган эски танишлар битта концертга ёнма-ён чипта олиб, учрашиб қолиши ҳақида. Нима шунақа бўлиши мумкинку. “Ёнма-ён чипта” деб номлайман ва мутлақо тасодиф бўлмаган тасодиф ҳақида бўлади бу ҳикоя.

— Ислом дарсини қилганмикин? Усмон презентациясини тугатганмикин? Саида қийнмаяптимикин, ошини еганмикин?

— Адаси командировкада. Энди икки кун ўтди. Проблемалар аллақачон бошланди. Саида “адаа” деб қолади кечаси. Бугун ухлаб қолдик, мактабга кеч қолдик. Уйдан иссиқ сув тушмаяпти.

— Тошкентда ёмғир чиройли ёғди-е, қани вақт бўлса, болаларинг катта бўлса-ю, ҳозир оёқда туфлимас, кроссовка бўлса, 3-5 км пиёда юрсанг. Маҳлиё, ҳеч бўлмаса, шерик топиб сан айлансангчи-ей!

— Форумлар саройи зўр қурилган. Акустикаси ҳеч қаерда йўқ. Ижараси ҳам палон пул бўлса керак.

— Олий Мажлисдан лавҳамни монтажини кечаси уйда қилсаммикин, ёки тинчгина одамдек ухлаб, эртага қилсаммикин?

— Эҳ телефоним ёнсайди…
— Охранага ачиндим. Оёқлари оғриб кетгандир.

— Ие, ўзимизнинг Муҳиддин ва Истеъдод аками ёки Расулми? Расул? Йўқ, Истеъдод.

— Пианистлар роса қўлларини эҳтиёт қилса керак. 1.5 соатдан бери чаляпти ахир.

— Ланг Ланг. Исмиям мусиқий. АҚШга эммиграция қилгани учун ҳам имкониятлари кўпайган. Ҳа, истеъдодлар Шарқда туғилиб, Ғарбда достон бўлади…

— Хитойга содиқ. Концертининг сўнгги куйида гуллар очилиши ҳақида хитойча анъанавий мусиқасини ижро этяпти. Ватанпарвар. Бизнинг четга кетган виртуозлар ҳам шундай қилармикин?

— Бундай концертларга асосан бошқа миллат вакиллари чипталарни талашиб сотиб олиб, кутиб, интиқиб, ясаниб тушади. Ўзбекзабон аудитория, умуман ўзбек аудиториясини классикага қизиқтириш керак.

Ланг Ланг эса бу орада одамни янаям чуқур ўйга толдиради. Мен чуқурлашмаслик учун шеригим Маҳлиёга қисқа гапдан пичирлайман. У ҳали перепост учун кофемас, нақ ужин олиб берди. Мендан кейинги қаторда ўтирган аёл норози қиёфада қарайди. Жим бўламан.

Уёғи яна адоғи йўқ хаёллар… Одамлар тўхтовсиз қарсак чалади. Ланг Ланг яна куйга оғади.

Гардеробдан плашни оламиз. Кейин ёмғирли Тошкент бўйлаб 29 дақиқа таксида йўл. Яна хаёллар…

Ҳа, ўзинг билан ўзинг бўлиб ўйлаб олишга ҳам ҳозир фурсат керак. Бугун шунга имкон бўлди. Ажойиб мусиқий мулоҳаза оқшомига таклиф учун Жамғармага ташаккур.

@qurbonova_a

Qonunchilik palatasining ovoz berish jarayonidagi jingl-musiqaning muallifi kim?

“Roziman” tugmasini bosganda kimlar nimani his qiladi? Fraksiya yetakchilarining bu chaqiriqdagi missiyasi qanaqa?

Nega yosh deputat Shahnoza Joldasova yig'lab yubordi?

Shularning hammasini “Sinchalak” qisqa reportajga yig’ib chiqdi. Ko’rib, komment yozib qo’yarsizlar:

https://t.me/Sinchalak_blog/2627

P.S. Mahliyo, sandan kofe

Конституциянинг 101-моддасига мувофиқ, Президент Олий Мажлис Сенати Раиси лавозимига сенатор Танзила Нарбаева номзодини тақдим этди.

Танзила Нарбаева давлат ва жамоат бошқарувида бой тажрибага эга экани, ўтган даврда шу лавозимдаги самарали фаолияти натижасида мамлакатимизда хотин-қизлар, болалар ҳуқуқларини таъминлаш ва уларнинг қонуний манфаатларини ҳимоя қилиш бўйича вазият сезиларли равишда яхшилангани таъкидланди.

Шунингдек, Сенат Раисининг биринчи ўринбосари лавозимига сенатор Содиқ Сафоев, Сенат Раисининг ўринбосари лавозимига сенатор Аманбай Оринбаев номзодлари тавсия этилди.

Шавкат Мирзиёев:
- Қонунчилик палатаси таркиби қарийб 60 фоизга янгиланиб, 87 нафар янги депутат сайланди.
- Депутатларнинг 11 нафари 35 ёшгача, илк бор ёшлар парламентининг 2 нафар вакили Қонунчилик палатаси депутати этиб сайланди.
- Тарихимизда илк бор ногиронлиги бўлган фуқаромиз Қонунчилик палатаси депутати этиб сайланди.
- Янги таркибда 63 нафар депутат қайта сайлангани эса парламент ишида узвийлик ва профессионализмни таъминлашга хизмат қилиши қайд этилди.
- Ўтган 5 йил ичида Қуйи палата томонидан 130 дан ортиқ янги ва яхлит қонунлар қабул қилинди.

Шавкат Мирзиёев: Аёллар раҳбар бўлган жойда адолат кўпроқ бўлади.

Депутатларнинг 38 фоизини аёллар ташкил этади. Бу Ўзбекистон тарихида энг юқори кўрсаткич.

@qurbonova_a

Депутат Мавлуда Ходжаева (шифокор-педагог, ЎзЛиДеП) Олий Мажлис Қонунчилик палатаси Спикерининг биринчи ўринбосари этиб сайланди.

Депутат Раҳимжон Ҳакимов Спикер ўринбосари этиб сайланди.

@qurbonova_a

Шавкат Мирзиёев Нуриддин Исмоиловнинг Спикер этиб сайлангани ҳақида муносабат билдираётиб, шундай деди:

“Халқ буюк, унинг ноиби бўлиш — катта масъулият юки.

Бу йил сайловчиларимиз ўз иродаларини кўрсатиб, овоз бердилар.

Спикер Нуриддин Исмоилов ҳам ўз ёнига ёш жамоани тўплаб, келгуси 5 йилда мутлоқ янгича ишлаш, янги парламент тузишда ўз тажрибаси, фидойилигини кўрсатади деб ўйлайман”.

@qurbonova_a

Қонунчилик палатаси Спикери лавозимига номзод кўрсатиш учун депутатлар орасидан Қонунчилик палатасига сайловда иштирок этган ҳар бир сиёсий партиядан уч нафар депутатдан иборат Сиёсий партиялар вакиллари кенгашини туздилар. 

Қисқа танаффусдан сўнг, Сиёсий партиялар вакиллари кенгашининг таклифига биноан, депутатлар яширин овоз бериш йўли билан ХДП депутати Нуриддин Мўйдинхонович Исмоиловни Ўзбекистон Республикаси Олий Мажлиси Қонунчилик палатасининг Спикери этиб сайладилар.

@qurbonova_a

Олий Мажлис Қонунчилик палатасининг биринчи йиғилиши бошланди.

Парламентдаги 150 депутатлик ўрни қуйидагича эгалланган:

- 64 нафар депутат ЎзЛиДеПдан (42,7%),

- 29 нафари “Миллий тикланиш” дан (19,3%),

- 21 нафари “Адолат” (14%),

- 20 нафари ЎзХДП  (13,3%),

- 16 нафар депутат Экологик партия (10,7%) дан.

Депутатларнинг 30 фоизи иқтисодчи, 22 фоизи ҳуқуқшунос, 18.7 фоизи педагог, 17 фоизи муҳандис, 9.3 фоизи тиббиёт вакиллари ва 8 фоизи тадбиркорлар, фермерлар ва маданият соҳаси вакилларидан иборат.

Марказий сайлов комиссияси раиси З.Низамходжаевнинг Қонунчилик палатасига бўлиб ўтган сайлов якунлари тўғрисидаги ахборотидан

Бугун, 18 ноябрь. Ўзбекистон Республикаси давлат байроғи қабул қилинган кун.

Байроғимизнинг боши доим баланд бўлсин.

Бироздан сўнг Олий Мажлис Қонунчилик палатасининг биринчи мажлиси бошланади.
 

Бугун халқаро талабалар куни экан. Талабалар куни билан, талабалар!

Ўзимни даврим эсга тушди, расмларни бўлишяпман.
Ўзбекистон жаҳон тиллари университети халқаро журналистика факультети корейс тили гуруҳи 1 курсда.

Суратларда гуруҳимизнинг илк таркиби: Зебо (староста), Дип (Дилафруз), Мадина (раҳматли), Гулбаҳор (шоира), Нигора (15 йилдан бери кўрмадим), Бекзод (Кореяда), Олимжон (Кореяда), Фаррух ва Эрпўлат…

Кейинчалик гуруҳимизда Машҳура, Рахшона, яна бошқа Фаррух ва Авазмо деган курсдошларим ўқишган.

Бу суратларга 19 йил бўлди…

Операторларимиз камераси 8 кг, штативи 8 кг ва яна бошқа техникалар билан 20 кг юкни доимий кўтариб юришади.

Ва яна доим тез ҳаракат қилиш керак, улгуриш керак, кўпинча югуриш керак, ҳеч нимани кўздан қочирмаслик керак, записни босиш керак, овозни текшириш керак, ёруғлик билан ҳисоблашиш керак. Сифатли ишлаш керак.

#уларбизнингқаҳрамонлар

Каспий денгизи ҳам бой берилган экан. Километларга чўзилган қирғоқларда нефть сизиб юрибди. Кечқурун денгизга қарасангиз, умуман еру осмон ажралмайди, қоп-қора йўқликни кўрасиз.

Йўқотилган ва зарарланганлар учун тўлаш

COP29 нинг Бокудаги анжуманига бу йил қудратли давлатларнинг ҳамма раҳбарлари ҳам келмади. Охирги вақтларда иқлимчиларга қарши антииқлимчилар ҳам кўпайяпти. Яъни Ер сайёрасининг экотизимидаги муаммолар — бу табиий жараён, у ҳеч қандай антропоген омилларга боғлиқ эмаслигини исботлашга уринишади. Ўзим бунда абсолют ҳақиқат икки томонда ҳам эмас, деб тушунаман ва кўпроқ табиатнинг тез суръатда эврилишларига инсоният аралашуви ҳам сабаб деб ўйлайман.

Гегемон давлат сиёсатчиларига антииқлимчи қарашлар ёқиши аниқ, чунки бу ерда пул масаласи бор, нега бекордан бекорга бошқа давлатларга донат қилаверишим керак дейди улар.

Шундай бўлсаям, COP29 конференцияси иқлим молиясини кўп муҳокама қилди. Бу сафар “Йўқотилган ва Зарарларга Жавоб Фонди”га Германия 100 миллион доллар, Франция: 50 миллион доллар, Канада 30 миллион доллар, Япония 20 миллион доллар, Нидерландия 15 миллион доллар, Швеция 10 миллион доллар, Дания ва Норвегия 5 миллион доллардан ва ҳк жами ҳисобда 240 млн доллар миқдорида маблағ ажратилган. Бу маблағлар иқлим ўзгариши таъсиридан жабр кўрган ривожланаётган давлатларга ёрдам беришга йўналтирилади.

Ҳива ҳовлиси қиёфасидаги Ўзбекистоннинг миллий павильонига келиб кетувчилар билан гаплашиб ичимдаги саволларни босаман. Бу анжуманни мен кўриб турган фойдаси бор: у одамларни бир-бирига боғлайди. Мен ўзим қанча одам билан танишиб улгурдим, янги фикрлар эшитдим, 15 дан ортиқ интервью олганим— маҳаллий ва хорижий қарор қабул қилувчилар ҳам шундай деяпти: олимлар, фаоллар, ОАВ мулоқоти орқали локал ва глобал сиёсат қарорлари ўзгаради, ғоя ва технология алмашинуви юз беради.

Китга қайтиб
Айтганчи, хушхабар ҳам бор. Бугун отелга келганимдан кейин қирғоққача келган кит мавзусини фактчекинг қилиб кўрдим. Аслида бу кит тирик китмас, инсталляция экан. 16 метр узунликдаги гиперреалистик кашалот фожиаси орқали COP29 саммити доирасида денгиз муҳитини ва сув ҳавзаларини ҳимоя қилишга қаратилган муҳим экологик хабарни етказишига умид қилинган. Ўша ерда Норвегиядаги кит овлаш, Фарер оролларидаги дельфинлар овлаш ҳамда ҳар йили 100 миллиондан ортиқ акула қалқон қанотларининг кесилиши каби масалаларга бағишланган мулоқотлар ўтказилибди. Ҳа, энг камида одамлар бундай анжуманлар орқали дунё экологик мундарижасидан кўпроқ бохабар бўлишади, эҳтимол хулоса ҳам қилишади. Шу охиргиси энг муҳими. Чунки, бизда бошқа сайёра йўқ. Эҳтимол ҳозирча.

Бокуда дунё ташвишларидан уйқуси ўчиб кетган Қурбонова.

“Виждонга ҳавола”
Сайёрамиз ҳарорати ўтган асрнинг 60 йилларидан буён тўхтовсиз равишда фақат кўтарилиб боряпти. Чунки айни шу даврга келиб ривожланган давлатларда қазиб олинадиган ёқилғилар ҳажми кескин ортган, саноат ривожланган, одамлар ҳам кўпайган. 80 йилларда Озон қатламининг емирилаётгани илмий жиҳатдан исботланди. 90 йилларда глобал исиш ва иқлим ўзгариши ҳақида илмий таҳлиллар кучайди. 1997 йилда Киото протоколи қабул қилинди ва фақат саноатлашган давлатларга иссиқхона газлари чиқиндисини камайтириш мажбурияти қўйилди. 2015 йилда эса бой ва камбағал, ривожланаётган давлатлар учун бирдек кучга эга Париж келишуви ишлаб чиқилди. Бунга кўра, давлатлар глобал ҳароратни саноат инқилобидан аввалги даражага нисбатан 2 градусдан паст даражада ушлаб туриш учун ўз миллий режаларини тузадилар.

Ўзбекистон 2017 йилда Париж келишувини ратификация қилган ва иқлим ўзгаришига қарши курашиш бўйича мажбуриятларни олган. Президент ўтган йили Дубайда ва бу йил Бокуда ўтказилган саммитда ушбу келишув бўйича бажарилган ишларни ва янги миллий ташаббусларни халқаро жамоатчиликка етказиб келади.

Шавкат Мирзиёев бугунги нутқида 2050 йилга қадар иссиқхона газини камайтириш ва яшил энергетика улушини 40 фоизга етказиш учун қилинаётган ишларни сўзлаб берди, 5 йўналишда ташаббусини айтди. Ва COP29 платформасидан унумли фойдаланди, мавзуга доир ва яна бошқа тематикаларда 10 га яқин президентлар, халқаро ташкилотлар раҳбарлари билан музокара қилди.

Мен анчадан бери хизмат сафарларида бўлмаганим учун яна янгитдан Ўзбекистон делегациясининг масъулиятини ичкаридан ҳис қилиб кўрдим. Бирор келишувга эришиш, бирор фойдали ишга ҳамкор топиш халқаро майдонда ниҳоятда қийин. Дунё—рақобат майдони. Ташқаридан бир доллар топиш азоблигини яна эсладим.

“Ҳаракат қилиш вақти келган”
Ўзбекистон павильонида Орол денгизидан сув келтириб қўйишган экан. Бир томчисини ичиб кўрдим. Бу мен татиб кўрган денгиз сувларининг шўридан ҳам шўр сув эди. Биз барча халқаро платформаларида бу фожиани эслатганимиз каби бу анжуманда ҳам барча давлатлар ўз муаммоларини гапириб, дунёни ҳамкорликка чақиришга, молиявий кўмак олишга интилади.
Назаримда, Париж келишувнинг энг катта минуси бунга амал қилиш давлатлар учун ихтиёрий, ҳеч қайси халқаро ташкилотда буни назорат ва жазолаш учун ричаг йўқ.

Хўш, биримиз иккинчимиздан зарар кўрмаслигимиз учун нима қилиш керак?
Нельсон Мандела айтганидек, аввал ўтириб гаплашиш керак!
Хўп, неча замон гаплашиш керак? COP29 номидан ҳам маълумки, давлатлар 29-марта бир-бири билан гаплашиш учун йиғилди. Озарбайжоннинг улкан стадионидаги Blue zoneда ташкил этилган саммит деворларида “It’s time to act” деб ёзилган. Ҳаракат қилиш учун, дейлик, Париж келишувини бажариш учун биринчи навбатда давлатларга пул керак. Бойларку қайта тикланувчи энергия лойиҳаларига пул, сармоя топар. Лекин ривожланаётган, камбағал давлатлар нима қилади? Уларга ким ёрдам беради?

Экологларнинг катта армияси таъкидлашича, ривожланаётган давлатлар бугун тўқнаш келаётган экологик муаммоларга ҳозирги қудратли давлатлар асосий сабабчи. Улар ўз даврида ва ҳозир ҳам нефть қазиб оляпти, саноатга куч бериб ётибди, улар олдида тарихий жавобгарлик ва масъулият бор. Уларда углерод изини камайтириш учун ресурслар етарли, қолганларда бундай имкон йўқ. Ривожланган давлатларнинг бойиши йўлида бой берилган табиий ресурслар ва тоза ҳаво, тоза сув, тоза тупроқда бутун инсониятнинг ҳам ҳаққи бор. Иқлимчилар мана шу ғояни илгари суради.

1-2

Шамоллар ва оловлар шаҳри Бокуга келиб қолган кит ва 70 минг одам ҳақида таассуротларим

3 кундан бери Бокудаман. Бу ерга Ўзбекистон делегацияси таркибида COP29-БМТнинг Иқлим ўзгариши бўйича саммитини ёритгани келганман.

Кеча нонуштада ҳамкасбим Оҳун бир видео кўрсатди. “Қаранг, биз турган меҳмонхонадан 3 км узоқда Каспий қирғоғига 20 тонналик кит келиб ўзини отибди, ўлиб ётибди. Ўзи Каспийда бунақа кит умуман бўлмаскан. Агар съемка қилсангиз, кутилмаган хабар бўларди”. “Китга вақт қаерда, ишимиз роса кўпку” дедим ачиниб ва ишонқирамай. Сўнг Озарбайжон тармоқларида вирус бўлиб тарқалган, бир киши ишонч билан гапириб бераётган ўлик кит видеосини кўрдим, ҳайратда қолдим.

Ҳамкасбларимга бундай ҳодиса ҳақида Чингиз Айтматовнинг “Кассандра тамғаси” асарида ўқиганимни гапириб бердим. Асарда айтилишича, кит ва дельфинларнинг қирғоққа ўзини отиб, жонига суиқасд қилиши охирги асрда кўп кузатиляпти, бунга денгиз остида ўтказиладиган ҳарбий-техник синовлар, сувдаги шовқиндан зарарланиш сабаб деган гипотеза бор.

Шунча одам бу ерда нима қиляпти ўзи?
Кун бўйи кит ҳақида ўйлашга вақт бўлмади очиғи. БМТ ҳар йили ўтказадиган, аудиторияси ва географияси бўйича иккинчи ўринда турадиган COP29 жаҳон етакчилари саммитининг асосий йиғилиши бугун бўлди. Душанба куни 25 минг қадам, сешанба 18 минг қадам юрганимдан тушунаверинг, жараён қандай бўлганини:)

Бутун дунё Бокуга келган, еру кўк, ўнгда ҳам, чапда ҳам одам. Турли ирқ, турли дин вакиллари, икки юз хил миллат, ўн минглаб хилма хил қиёфа. Бунақанги ранг-баранг одамзотни аввал қачон кўрганман, эслолмадим. Боя брифингда айтишларича, саммитнинг ялпи мажлисида 80 дан ортиқ президентлар ва бош вазирлар, халқаро ташкилотлар раҳбарлари иштирок этди. 198 та давлатдан 67 мингга яқин иштирокчи рўйхатдан ўтган, 4 мингга яқин киши анжуманни онлайн кузатяпти.

Нега бунча ажиотаж, бунча одам нимани гаплашмоқчи ва нимани қандай ҳал қилмоқчи, улар бир биридан нима истайди деб ўзимга ўзим савол бераман. Равшанки, сайёранинг экологик муаммолари кўп ва бу муаммолар миллий чегараларни тан олмайди. Бу ерда табиатшунослар тили билан айтганда “капалак эффекти” ишлайди. Яъни, дунёнинг бир томонида кичик бир капалак қанот қоқса, шу тўлқин дунёнинг нариги томонида узоқ ўлкада довул келтириб чиқариши мумкин.

Соддароқ тушунтирсам, масалан яқин ўтмишда пахтани деб Аму ва Сир чўлларга ҳайдалди, Орол бассейнига етарли сув бормади, сўнг Орол ўрнида дунёдаги энг ёш саҳро —Оролқум пайдо бўлди. Оролқум устида кўтарилган шамол тузли чангни Антарктидагача етказиб олиб борди. Амазонка ёки Австралиядаги ёнғин, Сахаранинг кенгайиши, Хитой ёки Ҳиндистоннинг смогли кунлари – булар ҳаммаси занжир реакциясини ишга туширади ва биз бу муаммоларни ҳис қилмаймиз деб бўлмайди.

1-1

Kechki mutolaa
(o‘qish yoki eshitish uchun 27 daqiqa vaqtingiz ketadi)

Raxshona Ahmedova. Orzu va dengiz

Izoh: Tastubeklik Amangeldi otani bilmaydigan odam yo‘q. Yoshi yetmishdan oshgan bu qariyani butun ovul taniydi. O‘zi qotmadan kelgan, chuvakkina chol, lekin tinim bilmaydi. Cho‘qqaygan soqoli, yakkam dukkam mo‘ylovi bor, butun yuzini tirish qoplagan bu chol sahiyligi bilan ham nom qozongan. Orolga kelgan borki, uning mehmoni. Shungamikan, otani butun Orol bo‘yi, hatto Toshkan taniydi...

📖 Matnni o‘qish uchun: https://teletype.in/@xushnudbek/raxshona-ahmedova-orzu-va-dengiz

🎧 Audio hikoyani eshitish uchun: https://youtu.be/FprIrociI-8

🎙Bugungi hikoya audiosini Aziza Qurbonova o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Ишингни зўри бўлсанг, пул топиш муаммомас.

1 ой олдин 23 ёшли кимё ўқитувчиси Моҳирадан интервью олганимда 2 йил кетма-кет медалист ўқувчилар чиқаргани учун 250 млн ва 350 млн сўм олганини айтганди. Бу йил 1 млрд бўп қолар десам, у кейинги йилга деганди. Айтганимдек, шу йилнинг ўзидаёқ яна 318+93 млн (манимча яна қандайдир сумма бор) олибди. Жами 1 млрддан ошиб кетибди.

Бугун Мактабгача ва мактаб таълим вазирлиги турли олимпиадалар (энг нуфузли олимпиадалар, халқаро олимпиадалар ва минтақавий халқаро олимпиадалар) ғолибларини алоҳида таснифлаб, мукофотлади.
Тадбирга боролмадим, лекин чиққан материалларни кўриб, ичимдан хурсанд бўлиб, ғолиб болаларнинг ота-онаси, устозларига ҳавас қилиб ўтирдим.

Бу йил спорт олимпиада ғолибларига пул мукофотлари ҳақида ёзганимда кўпчилик таълим, илм-фанни рағбатлантириш масаласини параллел қўйганди. Нега бизда спортга пул бору фан олимпиадаси ғолибига ҳеч нарса йўқ деб. Тармоқлар ҳам бундай комментларга тўлиб-тошди. Масалан, Бутунжаҳон немис тили олимпиадаси B1 даража йўналишида олтин медал олган Райёна Иброҳимовага фақат ноутбук берилгани роса муҳокама бўлганди.

Ўшанда мактаб ўқувчилари қатнашадиган халқаро фан олимпиадаларининг тури, мақоми, даврийлиги, нуфуз даражасини кўпчилик унча яхши фарқламаслигини, чунки бу мавзу кўп ёритилмаганини тушунгандим.

Аслида мактаб ўқувчилари ўртасида ўтказиладиган ва дунёда тан олинган энг нуфузли 5 та халқаро фан олимпиадаси бор: Халқаро математика олимпиадаси, Халқаро физика олимпиадаси, Халқаро кимё олимпиадаси, Халқаро биология олимпиадаси, Халқаро информатика олимпиадаси. Бу йил Ўзбекистондан иштирок этган ўқувчилар ушбу энг асосий мусобақаларда 11 та медал олиб келишди. 2019 йилдан буён бундай мусобақаларда олтин медал олган ўқувчига 187 млн 500 минг сўм (устозига 168 млн 750 минг сўм). Кумуш медалга 112 млн 500 минг (устозига 93 млн 750 минг), бронзага эса 75 млн сўм (устозига 56 млн 250 минг сўм) берилади. Бундан ташқари, бу ўқувчилар давлат ОТМларига имтиҳонсиз грантга киради. Агар улар кейинчалик ўқитувчи бўлиб ишласа, ҳар ойлигига 150 фоиз устама ҳам берилади. 2019 йилгача ғолибликка тайёрлаган ўқитувчилар деярли эсланмасди, ҳозир уларга келгуси ўқув йили учун 200 фоизгача устама белгиланади ва тўғридан тўғри олий малака тоифаси тақдим қилинади.

Яқинда ўқитувчилар кунида телерепортаж тайёрлаганимда, 10 дан ортиқ ғолибларни ўқитган 23 ёшли кимё фани ўқитувчиси Моҳира Болтаевадан сўрагандим: “Ҳамма ғолиб ўқувчиларингиз туфайли олган мукофот пулларингиз 1 миллиардга етиб қоладими? – Кейинги йил етади, насиб қилса”.

Бу ўқув йилидан бошлаб, давлат бюджетидан энг асосий олимпиада таснифига кирмаса ҳам, халқаро олимпиадаларда қатнашган, хусусан, Райёна Иброҳимова каби ғолибларга ҳам пул мукофотлари ажратиладиган бўлди, олдин бунинг ҳуқуқий асоси йўқ эди. Сентябрда Президент қарори чиқди, бунга кўра, энди Райёна қатнашган халқаро олимпиадага ўхшаш танловларда ўқувчи олтин медал олса 56,25 млн. сўм (ўқитувчисига 18,75 млн. сўм), кумуш медалга — 37,5 млн.сўм (ўқитувчисига 13,125 млн. сўм), бронзага — 18,75 млн. сўм (ўқитувчисига 11,25 млн. сўм) бериладиган бўлди. Бугун Райёна 56 млн 250 минг сўм, устози Муқаддасхон Қосимова эса 18 млн 750 минг сўм мукофот билан тақдирланибди. Кўриб, жуда хурсанд бўлдим.

Иқтидорли, хос ўқувчилар билан ишлашда ниҳоят тизим яратилаётгани учун Ўзбекистон ўқувчилари илк марта халқаро фан олимпиадаларида 122 медал қўлга киритиб, жами 9 млрд. сўм мукофот олишди. Бу ҳозиргача энг катта кўрсаткич.

Ҳозир вазирлик каналидаги ғолиб болаларнинг видеоларини кўриб чиқиб, дуо қилдим. Ҳаммамизнинг болаларимиз ўзлари қизиққан йўналишларда муваффақият қозонишсин.

Яна бир фикримни айтиб кетмасам бўлмайди. Кўпинча тармоқларда “манабу бола манави мамлакатнинг манамундоқ олимпиадасида қатнашиб келди, уни ҳеч ким тақдирламади, кутиб олмади” деган гапларни ўқиб қоламан. Очиғи, бирор мамлакатда тижорий олимпиада ташкил қилиб, 5-10 давлатдан иштирокчиларни чақириб, турли йўналишда билим синовлари ўтказиш урфга кирган, бунда ҳомий ота-онанинг ўзи бўлади ва бундай ўзи пул тўлаб бориладиган мусобақаларда деярли ҳамма ғолиб бўлиб, қандайдир медал кўтариб қайтади. Албатта бундай иштирок бола учун катта тажриба, мотивация ва яна мақсадли, фойдали саёҳат ҳам дегани. Лекин бу халқаро таълим кўрсаткичларида нуфузли ва тан олинган эътироф ҳисобланмайди. Буни фарқлаш керак. Ҳар ҳолда иккита ўқувчи ўғлимга тинимсиз шундай тижорий мусобақаларга таклиф келавергани учун мен жараённи шундай тушунаман.

Ҳокимият учга бўлинади: қонун чиқарувчи, ижро этувчи, суд ҳокимияти. Идеалда булар бир-бирини мувозанатда ушлаб туриши керак. Ҳоким — маҳаллий ижро ҳокимияти раҳбари, лекин шу вақтгача ҳокимларнинг маҳаллий Кенгашга раис бўлиши ушбу “тийиб туриш-мувозанат” қоидасини бузиб қўярди.

27 октябрдаги сайловларни маҳаллий бошқарувнинг “қайта тикланиши”, деб ҳам аташ мумкин. Сайлов ўтиши билан халқ депутатлари маҳаллий Кенгашларининг сессиялари ҳам бўлиб ўтди. Унда депутатлар ўз раисларини сайладилар. Энди вилоятларда, Тошкент шаҳрида ҳокимлар маҳаллий кенгаш раиси эмас, балки депутатларнинг ўзлари сайлаган алоҳида шахс уларга раислик қилади. Худди футбол командаси сардорини футболчиларнинг ўзлари танлагандек. Аввалгидек, Ҳоким ўзи қарор чиқариб, ўзи депутатлар маҳаллий кенгаши раиси бўлиб тасдиқлаб олмайди.

Янгиланган Конституция билан “ҳоким бир вақтнинг ўзида маҳаллий кенгаш раиси бўлади”, деган қоида билан хайрлашяпмиз. Ушбу ўзгариш, маҳаллий ижро органларининг халқ олдида кўпроқ масъулиятли бўлишига имкон беради.

Кенгаш раисини ҳокимдан ажратиш нафақат бошқарувни янада самаралироқ қилади, балки маҳаллий Кенгашларнинг тўлиқ қувват билан ишлашига имкон беради, назаримда.

Яна битта бонус янгилик бор: ушбу сайловларда учта аёл депутат маҳаллий кенгаш раислари бўлишибди.
Ахмеджанова Покиза Шавкатовна - Сирдарё вилояти Кенгашига, Хушмуродова Исмигул Бердимуродовна - Қашқадарё вилояти Кенгашига, Файзиева Сайёра Мавляновна - Тошкент вилояти Кенгашига раиси сифатида ўз фаолиятини бошлади. Буёқда Қонунчилик палатаси аёл депутатлари улушиям деярли қирқ фоизга етди.

Бу йилги сайловлар маҳаллий ҳокимият учун тоза ҳаво бўлди. Ҳокимиятдаги аёллар сонини кўпайтириш, ҳоким ва маҳаллий кенгашлар ўртасида ваколатларни тақсимлаш — янада очиқ ва ҳисобдор тизимга ўтиш қадамларидир.

“Озодликка чиққан шарқ аёллари энди ҳокимият учун курашмоқда”, деган хазиломуз ибора ҳам энди ҳақиқатга айланяпти. Нима дедингиз?

АҚШ ҳаливери аёл киши президент бўлишига тайёр эмаслигини яна кўрсатди.

Шоир Мансур Жумаев оламдан ўтгани ҳақидаги хабар сиқилиб турган дунёйимни яна эзди.

Мансур Жумаев билан мана шу роликни тасвирга олган пайтда танишгандим. Ролик қисқагина, мустақиллик, сиёсат, ёшлик мавзуларига яқин бўлгани учун унинг кўп фикрларини беролмагандим, шоир кўнгли очилмаганди. Лекин ёш шоирнинг катта ва тўлиқ юраги борлигини кўриб, суҳбатлашиб, руҳим ором топганди. Дунёқараши кенг, лирикаси қуйма, ҳассос ижодкор эди.

Рафиқаси шоира Шоҳсанам Нишонованинг Мансур Жумаевга аталган “Мен кўйлагинг дазмоллаган пайт” шеърини жуда яхши кўрардим…

Шоҳсанамга, фарзандларига, Мансур аканинг яқинлари, мухлисларига Аллоҳдан чексиз сабр тилайман.

Инна лиллаҳи ва инна илайҳи рожиъун.

Бу сафарги АҚШ президенти сайлови натижаси ғирт омадга боғлиқ сайлов деяпти баъзи экспертлар.

Биринчи марта менда ҳеч қайси номзодга ёнбосиш йўқ, на Камала Ҳаррисга, Доналд Трампга нисбатан симпатия йўқ. Менинг фикрим ҳеч нарсани ҳал қилмайдикуя (давлатим бошқа, фуқаролик бошқа), лекин бутун дунё ўзини бу сайлов натижаларига дахлдор деб билгани ва қизғин муҳокама қилгани учун бирнималар қоралаб қўйгим келди.
Иккала номзоднинг тарихдаги ўрни ва сиёсий дастурини ЧатжиПиТи билан ҳамкорликда таққослаб чиқдим.

Камала Ҳаррис:
- Биринчи аёл, қора танли ва Жанубий Осиёлик вице-президент. Ҳаррис 2020-йилги сайловларда ғалаба қозониб, АҚШ тарихида биринчи марта аёл ва ранг-баранг ирққа мансуб шахс сифатида вице-президент лавозимига сайланди.
- Сенатор сифатида Ҳаррис полиция ва адлия тизимида ислоҳотлар олиб боришга катта ҳисса қўшган. У ижтимоий адолат масалаларига катта эътибор қаратиб, ирқий тенглик ва инсон ҳуқуқларини ҳимоя қилиш бўйича фаолият юритди.
- Ҳаррис вице-президент сифатида иқлим ўзгаришига қарши курашда фаол иштирок этиб, яшил энергетикани ривожлантириш ва иқлим адолатини тарғиб қилишда етакчи.

Доналд Трамп:
- Трампнинг президентлик даврида АҚШ иқтисодиёти бир муддат кучли ўсишни бошдан кечирди. У солиқларни камайтириш ва тартибга солишларни қисқартириш орқали иқтисодиётни рағбатлантиришга ҳаракат қилди.
- Трампнинг ташқи сиёсати “Америка биринчи” тамойилига асосланган, халқаро ташкилотлар ва иттифоқлар билан муносабатларни қайта ўзгартирди. У савдо келишувларини музокара қилди ва протекционистик сиёсат юритди.
- Трамп АҚШ тарихида икки марта импичмент жараёнига дуч келган биринчи президент бўлди. Ҳар икки жараён ҳам катта сиёсий ва ижтимоий баҳс-мунозараларга сабаб бўлди.

Номзодларнинг сиёсий дастуридаги фарқлар жуда кескин.

Иқтисодиёт:
- Камала Ҳаррис: Ўрта синф ва кам даромадли оилаларни қўллаб-қувватлашга қаратилган иқтисодий сиёсатни илгари суради. У солиқларни бойлар ва йирик корпорациялар учун оширишни, соғлиқни сақлаш ва таълим соҳаларига инвестицияларни кўпайтиришни режалаштиряпти.
- Доналд Трамп: Солиқларни камайтириш ва тартибга солишларни қисқартириш орқали иқтисодий ўсишни рағбатлантирмоқчи. У савдо сиёсатида протекционистик (миллий ишлаб чиқарувчиларни қўллаб-қувватлаш) ёндашувни қўллаб-қувватлаб, Америка саноатини ҳимоя қилишга интилади.

Ижтимоий сиёсат:
- Камала Ҳаррис: Аёллар ҳуқуқлари, LBGTQ+ ҳуқуқлари ва ирқий тенгликни тарғиб қилади. У қурол назорати бўйича қатъий чораларни қўллаб-қувватлайди ва иқлим ўзгаришига қарши курашда фаол иштирок этади.
- Доналд Трамп: Анъанавий оилавий қадриятларни ҳимоя қилади ва иммиграция сиёсатини қатъийлаштириш тарафдори. У қурол ҳуқуқларини ҳимоя қилади ва иқлим ўзгариши бўйича халқаро келишувлардан чиқишни қўллаб-қувватлаган.

Ташқи сиёсат:
- Камала Ҳаррис: Халқаро иттифоқларни мустаҳкамлаш ва дипломатияни кучайтиришга интилади. У инсон ҳуқуқларини ҳимоя қилиш ва глобал иқлим ўзгаришига қарши курашда етакчилик қилишни мақсад қилади.
- Доналд Трамп: “Америка биринчи” сиёсатини давом эттириб, халқаро ташкилотлар ва иттифоқлар билан муносабатларни қайта кўриб чиқишни мақсад қилади. У савдо келишувларини қайта музокара қилиш ва ҳарбий харажатларни камайтиришни қўллаб-қувватлайди.

Ютуқлар ва камчиликлар:
- Камала Ҳаррис: Вице-президент сифатида иқлим ўзгариши ва ижтимоий адолат масалаларида фаол иштирок этган. Бироқ, баъзи танқидчилар унинг прокурорлик фаолиятидаги баъзи қарорларини танқид қилишган.
- Доналд Трамп: Президентлик даврида солиқ ислоҳотлари ва иқтисодий ўсиш бўйича ютуқларга эришган. Аммо, унинг сиёсий услуби ва баъзи қарорлари кўплаб баҳс-мунозараларга сабаб бўлган.

Ҳаррисни машҳурлардан Барак Обама, Эминем, Тейлор Свифт, Леонардо Ди Каприо, Бейонсе қўллаб-қувватлаяпти.
Трамп партиясини эса Илон Маск, Канье Уэст, Кид Рок, Розанна Барр қўлламоқда.

Сизнингча, ким ютиши мумкин?

Роппа роса 4 йил олдин Ислом ва Усмон ўғлим билан Байден ва Трамп сайлови ҳақида гаплашган эканмиз. Аудиони эшитиб, болаларимнинг ширин овозлари ва фикрларини соғинганимни билдим. Ўшанда Трампнинг пули 8 млрд$дан кўп деб ўйлаган эканман, ўзи 3 млрд экан.

Ислом ўшанда 9 ёш эди ва жуда катта қизиқиш билан кузатган сайлов натижаларини. Ҳозиргача геополитикани киши билмас мустақил ўрганади, подкастлар эшитади, ҳужжатли фильмлар кўради. Мактабда тарих, географиядан конспект ёзмай, нуқул паст баҳо олса ҳам, дунё сиёсий харитасини яхши тушунади. Усмон эса доим тренд мавзуни эшитиб қўяди, а вдруг унга керак бўлиб қолганида ишлатиши учун) Ўзимга ўхшайди бу тарафи)

Уйга борганда яна фикрларини сўрасам бўларкан. Буям ҳар 4 йилда бўладиган битта қизиқарли тарих-да.
Ислом, Усмон, бу сафар ким тарафсизлар, Харрисми ёки Трампми?
Тайёрланиб туринглар дебатга.

Buyuk Britaniyada o’qishni istovchilar diqqatiga:

Shu yilning 5 noyabr kuni Toshkent shahrida Buyuk Britaniyaning Top Universitetlari bilan hamkorlikda “UniFair” ta’lim ko’rgazmasi bo’lib o’tadi.

UniFair Manzili:
U-ENTER Innovatsiyalar Markazi,
Toshkent shahri, Mirobod tumani, Shahrisabz ko’chasi, 25-uy

Mo’ljal:
Westminster Universitetini orqa tomonida, TOBB Universiteti yonida.

Vaqti:
11:00 - 18:00

Ta'lim ko'rgazmasida qatnashish mutlaqo BEPUL!

Ro'yxatdan o'tish uchun link:
https://www.ukunifair.co.uk/tashkent/

Инсон қадри қанча?
Инсон хотираси қанча?
Инсон қалби қиймати қанча?
Инсон садоқати нархи қанча?

Неча пул?
Неча кун?
Неча килограм?
Неча тийин?


Кўп кимгадир бино қўйманг, кўп жонингизни бераверманг, кўп ўзингиздан кечаверманг. Мен кимгадир муҳимман, менсиз шу ишнинг бориши, шу одамнинг ҳаёти тўхтаб қолади, деяверманг.

Ёнингиздагилар юрагини очиб кўролмайсиз, улар наздидаги асл баҳоингизни билолмайсиз, ортингиздан нималар айтишлари мумкинлигини тасаввурингизга сиғдиролмайсиз. Сиз умрингиз, соғлиғингиз, ёшлигингизни бағишлаган иш/одамлар сизни дарров унутишга тайёр туради. Инсон улар-"инса"-унутувчи улар.

Сизга ҳар дақиқа ўзингиз ва руҳингиз олдида хиёнатга тайёр эканликларини хаёлингизнинг бир четига ҳам келтирмай яшайсиз.

Сизга яхши гаплар гапиришлари мумкин, қандайдир ҳозир ёзаётганим бачкана гапларни тўқиб беришлари, ишонтиришлари мумкин.

Лекин, аччиқ ҳақиқат шуки, ҳамма ўз умрини ўзи учун яшашга келади. Якка келади, якка кетади.

Сиз уларнинг эркаликлари, истаклари, хизматларига жон фидо қилиб ўтасиз-кетасиз, сизсиз ҳам дунё давом этаверади, ҳаёти сизга туташ бўлган одамлар сизсиз бўлган ҳаётини қуради ва бамайлихотир яшашда давом этади.

Садоқатига ишончингиз комил бўлиб турган пайтда ҳам ёдда сақланг, ҳамма нарса ўткинчи ва нисбий. Ишонманг.

Бизлар сизни алдаймиз.

— Ўпкам тўлиб йиғлабман, медаль олганизни ўқиб. Роса боргим келди Тошкентга кўргани.
— Ўйнаб-кулиб, соғ бўп юрсез, ўша ҳақиқий медаль. Келинг, ювамиз.

— Азизахон, ман севгига ишонмайман. Битта севган манмидим.
— Севги борлигига ишонганиз учунам хапасизде.
— Ҳа, тўғри айтас.

— Сиз ман ҳақимда китоб бошланг. Зўр бўлади, ҳамма ўқийди, ман бир бошдан гапириб бераман. Гапиришим шартмас, ўзиз ҳаммасини кўряпсизку.
— Ооо, ҳамма қариндошларни исм-фамилияси билан ёзвурайми?
— Сал-пал ўзгартирасизда. М дан бошланса бўлди геройизни номи.
— Бўпти, сал сувлар оқсин, кейин ёзаман. М исмли аёл ҳақида китоб дейманми отини. Қизил гиламлардан юриб кесез-а китобизни тақдимот қилсам? Кейин интервьюлар бериб юрасизми))
— Ўргатасда нима дейишни.

— Палатамдаги оғир экан. Оғзига ўғиллари сув томизиб турибди, сўлаги ажралмаяпти, тинимсиз артишяпти. Уни кўриб шукр қилиб ўтирибман.

— Яхшиям сизлар борсизлар.
— Маъмурапа сиз ўзиз яхшисиз, шуничун олам яхши. Биттаям гуноҳиз қолмагандира, озмунча дард ўтказдизми.

— Маъмурапа, шу постни ёзувдим. Қўйвормоқчиман.
— Ўқиб чиқдим. Қўймай қўяқолинг. Инсоф берар.

— Қобилжон кичкиналигида келин бўп келганман. Нима иш буюрсам, югуриб қилиб келарди. Кулиб турарди. Маҳаллани пахани эди. Энг яхши Қурбонов сизга насиб қилган Азизахон.

— Маъмурапа, қўрқвоссизми?
— Йўқ, нега қўрқаман. Ҳамма бир кун ўлади-да… Худо берганича яшайсизда…
Лекин кимни ўлгиси келади. Қанча орзу-ҳавасим бор эди-я…


— Маъмурапа, таслим бўлманг. Яна келамиз. Или ўзиз борасиз 15 кунда Тошкентга, дўхтирга.
— Хўп. Рози бўлинг.

Мен сўролмадим розилик ўша куни…
Тилим бормади. Қўлимдан келмади, Маъмурапа…Етиб боролмадим, Маъмурапа… Китобимизга ном топиб бермадиз ҳали…

Мен билган энг яхши аёл, қиёматли опам, овсиним Маъмурапам гулдек 46 ёшида чин дунёга кетди. Фариштадек пок кетди бу оғриқлардан, 5 йил саратон билан курашди, гоҳ ғолиб бўлди, гоҳ ютқазди. Мени улғайтирган, мени шукрга ўргатган, бир умрлик кучли қилган опам энди йўқ.

Юрагимда улкан PAIN қолди.

Инна лиллаҳи ва инна илайҳи рожиъун.

Она-бола биз ҳам умримизда биринчи марта электрон овоз бердик. Хотин-қизлар қўмитаси биносидаги сайлов участкасида электрон овоз бериш ускункаси бор дейишди. Дунё гўзали билан бирга Учтепадан Дархонга бордик, рўйхатга олиш-анъанавий тарзда бўлди. Овоз бериш жараёни машина ёрдамида— 6 мартача кнопка босиб овоз бердим.

Кимларга овоз берганимни кўрсатмадим, бу мумкинмас.

Электрон овоз беришнинг онлайн овоз беришдан фарқи ва афзалликлари ҳақида Шаҳноза опам яхши ёзибдилар:

https://t.me/shahnozxon/4136

Маккада ҳам Ўзбекистон Парламент сайлови бўлиб ўтмоқда

Барчага маълум, бугун 27 октябрь куни Олий Мажлис Қонунчилик палатаси ва маҳаллий кенгашлар депутатлиги сайлови бошланган.

Маккада ҳам ватан равнақига бефарқ бўлмаган ватандошларимиз сайловда иштирок этишмоқда.

Маълумотларга кўра, Тошкент вақти билан 8:00да Макка шахридаги 39-сайлов участкаси очилган. Соат 9 га қадар 50та овоз берилган.

Сиз-чи сайловда қатнашяпсизми?

#sаylоv24
@qurbonova_a

Менга ўғлим савол беряпти:

— Агар депутатга номзодларни танимасангиз, уларга қанаққилиб овоз берасиз?

Ўзимнинг овоз беришдаги принципларимни айтдим.
Олдин таржимаи ҳолини, дастурини ўқийман. Агар бу таассурот қолдирмаса, биринчи навбатда аёл номзодга овоз бераман.

— Агар иккита аёл номзод турган бўлса-чи?

Ёшроғига овоз бераман. Агар номзод олдин ҳам депутат бўлган бўлса-ю мен уни бирор марта ҳеч қаерда учратмаган, ўқимаган, кўрмаган бўлсам, унга овоз бермайман. Чунки, ахборот соҳасида ишлаб турган ҳолимда 5 йилда ҳеч бўлмаса бир марта номини эшитган бўлишим керак эди.

Партияга овоз бераётганда эса, ўтган 5 йил ичида энг кўп фаол бўлган партияга овоз бераман.

#менинговозберишпринципим

Сайловда қандай овоз берилади?

Эртага сайловчиларга овоз бериш учун тўртта бюллетень берилади. Бюллетенлар ранги сайлов турига қараб фарқланади: Қонунчилик палатасининг бир мандатли сайлов округи учун — мовий, ягона сайлов округи учун — яшил, Қорақалпоғистон, вилоятлар ва Тошкент шаҳар кенгашлари сайлови учун — сариқ, туман ва шаҳар кенгашлари сайлови учун — кулранг.

Биринчи варақада Қонунчилик палатаси учун аниқ бир депутатни (мажоритар тизим), иккинчисида — аниқ бир партияни (пропорционал тизим), кейинги иккитасида эса, мос равишда, вилоят ва туман (шаҳар) кенгашлари учун депутатларни танлаш керак бўлади.

Сайловчи сайлов бюллетенини олгач, уни яширин овоз бериш кабинасида ёки хонасида тўлдиради.

#saylov24
@qurbonova_a

Бироздан сўнг сукут куни бошланади ва сайлов кампаниялари тўхтатилади.

Мен бу сафарги сайловда номзод сифатида иштирок этаётган қадрдон опам, маслакдошим, устоз телевизион журналист Назира Мамбетшариповага парламент сайловида чин юракдан омад тилайман.

Назира опам Ўзбекистон Либерал-демократик партиясининг Жўқорғи Кенес депутатлигига Тўрткулдаги 16 - Уллибоғ округидан кўрсатилган номзод. Назира опани узоқ йилдан бери биламан, қорақалпоқ ва ўзбекка бирдек меҳр бериб, одамларга доим ёрдамга тайёр, юраги денгиз инсон. Тўрткўлликлар тўғри танлов қилишади деган умиддаман.

Ҳар бир аёл зўравонлик ва тазйиқлардан ҳоли бўлиши керак

Бугунги ўтказилган дебатда гендер тенглик муҳокама мавзуларидан бирига айланди. Бу эса партия вакилларининг жонли чиқишлари ва саволларида яққол намоён бўлди.

Хусусан, “Миллий тикланиш” партияси вакили томонидан замонавий жамиятда аёлларнинг ўрнига доир савол кўтарилди. Саволга жавобан, ЎзЛиДеП вакили тушунтириш бериб, жамиятда гендер тенглиги тушунчасини нотўғри талқин қилишга ҳаракатлар ҳали ҳам давом этаётганини, бу тушунчага салбий мазмун беришга уринишлар мавжудлигини таъкидлади.

Шу билан бирга, ЎзЛиДеП вакили гендер тенглик деганда аёллар оилада раҳбар бўлиши керак, деган ғоя ҳеч қаерда айтилмаганини, бу ҳеч қандай расмий ҳужжатларда кўзда тутилмаганини қўшимча қилди. Партия вакили таъкидлашича, оиладаги муносабатлар миллий қадриятлардан келиб чиққан ҳолда ҳал қилиниши, эътиборни асосан аёлларни зўравонликдан ҳимоя қилиш, уларнинг хавфсизлиги ва фаровонлигини таъминлашга қаратиш лозим.

Бугунги кунда ИИБ томонидан расмийлаштирилган ҳимоя ордерлари, оғриқли масала эканини ҳеч ким инкор этмаслигини, биргина 2024 йил 9 ойда ИИВ томонидан аёлларимизга 40 мингга яқин ҳимоя ордерлари берилганини қайд этиб ўтди.

Гендер тенглик эса аёлларнинг ҳуқуқларини ҳимоя қилиш, камситишдан холи бўлишини таъминлашга қаратилганини, бу борада ЎзЛиДеП позицияси жамиятда аёлларнинг ривожланиши ва ўзини намоён қилиши учун хавфсиз ва тенг ҳуқуқли муҳит яратишга қаратилганини айтиб ўтди.

Мен ҳам аёл сифатида аёл ва қизларнинг ҳуқуқлари ҳимоя қилинишини, ҳар бир аёл жамиятда ўз ўрнини топиши тарафдориман.

#saylov24
@qurbonova_a

“Адолат” — соғлом жамият учун барча имкониятларни ишга солиш тарафдори!

“Адолат” социал-демократик партияси ҳар бир фуқаронинг малакали ва адолатли тиббий хизмат олиш ҳуқуқини тўлиқ рўёбга чиқаришни мақсад қилган.

Партиянинг саъй-ҳаракатлари фуқароларнинг асосий ҳуқуқларини таъминлашга қаратилган бўлиб, улар тиббиёт ходимларининг ижтимоий ҳимоясини кучайтириш, иш шароитларини яхшилаш ҳамда уларнинг ҳуқуқларини мустаҳкамлашни устувор вазифа сифатида белгилаган. Бу билан “Адолат” партияси тиббий хизмат сифатини ошириш ва барча аҳоли қатламлари учун етакчи шифокорлар хизматидан фойдаланиш имкониятини яратишни мақсад қиляпти.

Партиянинг асосий таклифларидан бири — “Ақлли тиббиёт” тизимини жорий қилиш орқали соғлиқни сақлаш тизимини тўлиқ рақамлаштириш. Бу тизим орқали беморлар ўз тиббий маълумотларини электрон шаклда кўриши, даволаниш жараёнини онлайн кузатиши ва зарурият туғилганда масофадан маслаҳат олиши мумкин бўлади. Яна, партия “Электрон поликлиника” ва “ягона электрон анкета” каби лойиҳаларни амалга ошириш орқали тиббий хизматлардан фойдаланишни янада қулайлаштириш ниятида.

Бундан ташқари, “Адолат” партияси тиббиёт муассасаларининг тижоратлашувининг олдини олиш мақсадида нодавлат тиббиёт ташкилотларини “тижорат ташкилоти”дан “нотижорат ташкилоти”га ўтказиш тарафдори экан. Бу таклиф тиббиёт соҳасини даромад манбаига айлантирмасликка қаратилган бўлиб, барча учун тенг ва сифатли тиббий хизматларни кафолатлайди деб умид қиламиз.

#sаylоv24

Партиямиз соғлом оилаларни шакллантиришни мақсад қилган — “Миллий тикланиш” вакили

Бугун “Дебат Холл”да экология, соғлиқни сақлаш, хотин-қизларни қўллаб-қувватлаш масалаларига бағишланган охирги дебат бўляпти. Муҳокамалар давомида “Миллий тикланиш” демократик партияси хотин-қизлар иштирокида соғлом ва мустаҳкам оилаларни шакллантиришни ўз мақсади сифатида белгилаганини билдирди.

“Бугунги кунда турли соҳаларда ислоҳотлар олиб боришда хотин-қизларимиз илгарилаб кетмоқда. Шу боис ҳам партиямиз соғлом оилаларни шакллантиришни мақсад қилган”, — деб таъкидлади партия вакили Динора Ёқубова.

Ҳақиқатан, бу таклиф аёлларимизнинг нафақат оилада, балки жамиятнинг турли жабҳаларида ҳам фаол иштирок этишлари учун муҳим деб ўйлайман. Ҳар биримизга соғлом ва бақувват оилалар асосини яратиш зарур. Бу каби ташаббуслар эса бизни янада кучли қилади. Шахсан менга бу фикр жуда маъқул келди.

#sаylоv24

Кеча репортажим учун тошкентликларнинг мусори қаерга ташланишини кўриб келдим.

60 гектарли Оҳангарон полигони. 45 та футбол стадионига тенг. 1970 йилда жарлик ўрнида очилган, йиллар давомида тўлиб-тошиб, ҳозир 13 этаж уй баландлигида чиқинди тоғи ҳосил бўлган. Дайди итлар, санитар қушлар тоғи.

Кроссовкамда қолган ҳидни ҳозирча ювиб ҳам кеткизолмадим. Эсласам, ҳозир ҳам ўқчий бошлаяпман. Ҳамма зидду заҳар, метан гази, ҳашорату инфекция ташувчилар макони экан.

Тез орада бу улкан чиқиндихонага мусор ташиш тўхтатилади. Янгиси очилади.

Камроқ целлофан, пластик ишлатайлик ўртоқлар, мусорни саралашни ўрганайлик. Шунда қайта ишлаш осон бўлади. Пўчоқ, озиқ-овқат қолдиқларини ерга кўмсак, тайёр ўғит бўлади. Ҳатто дарахтдан тушган хазон ҳам аслида ерга фойда. Табиатда ҳамма нарса бир-бирига узвий боғланган, фақат бу занжирда инсон ўйин қоидаларини бузади. Эвазига ифлос ҳаво, тупроқ ва сувдан жазоимизни олиб ўтираверамиз.

KUN.UZ қизиқ дебат ўтказибди! Йўғ-ей, номзодлар шундай эркин гаплаша олар экан-да! дейишдан олдин уни кўришингизни тавсия қиламан.

Авваламбор, дебат формати менга ёқди. Берилган саволарга "ўтлаб" кетилгани йўқ, қисқа вақтда аниқ ва лўнда жавоб берилди. Номзодлар ҳам ўзларини эркин тутишди, ўзаро маданиятли баҳслашиш мумкинлигини ҳам кўрсатиб беришди.

Ким ютиб чиқди?

Ҳар бир номзод сайловчиларга ёқадиган жавоб қайтаришга ҳаракат қилди. Табиийки, дебатга энг муносиблар чиқади. Айниқса, "Миллий тикланиш" демократик партияси вакили Нодир Тилаволдиевнинг фикрини баён этишидан билимли экани ҳам сезилиб турди. Анчагина, оғир-босиқ ва вазмин позицияни кўрсата олди. Яна айтишдики, Нодир Тилаволдиев АҚШда таҳсил олган, Стетсон университети битирувчиси экан. Бундай депутатлар кўпайиши тарафдориман. Жамиятга янги фикр, янги ғоя бера олади. Популистлар бизга керак эмас. ЎзЛиДеП ва "Миллий тикланиш"нинг таклифлари анча халққа яқин деб ўйлайман.

Бундай ноодатий форматдаги дебатларни кўпроқ ташкил қилишса янаям қизиқ бўларди. Афсус, сайловга ҳам 1 кун қолди. Ҳар ҳолда партиялар сайловолди дастурларини зўр бериб сайловчига етказишга уринди. Ким учун овоз беришимизни аниқлаб олиш муҳим. Эртага мен сиз учун овоз берганман, энди шунга муносиб бўлинг деган талабни қўйишимиз ҳам шарт.

#sаylоv24
@qurbonova_a

Табиат учун бирлашишга даъват қилаётган Экопартиянинг тарғибот ролиги

Партиянинг сайловолди дастуридан автомобил йўли қатнов қисмида скутер ва велосипедлар учун алоҳида йўлак ташкил этиш, тамаки маҳсулотларига қўшимча солиқ солиш, Қизил китобдаги ўсимликлардан фойдаланиш ва ёввойи ҳайвонларни овлашга муддатсиз мораторий эълон қилиш ва бошқалар ўрин олган.

Энг аввало, Экопартия аҳолининг қулай атроф-муҳитга эга бўлиш ҳуқуқларини рўёбга чиқаришни мақсад қилиб қўйган.

Якшанба кунги сайловда барча партияларга омад тилайман!

#sаylоv24
@qurbonova_a

“Ренессанслар қачон бўлган? Илмда эркинлик бўлганида”, - Ҳилола Назирова. Видеонинг тўлиғи.

ХДП Сурхондарёда сайловолди тарғиботига бағишланган оммавий тадбир ўтказди

Унда партия етакчилари сайловчилар билан учрашган. Тадбир байрамона руҳда турли соҳа вакиллари, жамоатчилик фаоллари ва ёшлар иштирокида ўтган. Йиғилганларга сайловолди дастури ҳақида маълумот берилган.

Хабарингиз бор, партия ўз дастурида 2030 йилгача мамлакатнинг иқтисодий барқарорлигини таъминлаш орқали Ўзбекистонни аҳоли турмуш даражаси ва сифати бўйича дунёнинг ўрта ривожланган давлатлари даражасига олиб чиқишни режа қилган.

Эслатиб ўтаман, парламент сайловига ҳам 2 кун қолди. Овоз беришга тайёрмисиз?

#sаylоv24
@qurbonova_a

👁 Шу беғуборлик Сизнинг эътиборингизга тушса эди!

☘️ “Сен кучлисан” жамоаси бемор болажонлар иштиёқини ошириш учун янги танлов эълон қилди. Шарти жуда оддий – кузги барглардан чиройли нарсалар ясаш.

✅ Ҳозир https://t.me/senkuchlisanm телеграм каналимиз ҳақиқий санъат асарларига тўлиб тошган. Бола болада барибир. Битта мақтов, бир оғиз ширин сўзга маҳтал (аслида биз катталар ҳам шундаймиз). Сиздан илтимосимиз, шу каналга киринг ва болалар ижодига бир эътибор қаратиб қўйинг. Имконингиз бўлса оддий совғалар билан йўқланг, қўлланг. Имкон қадар ҳамма иштирокчиларни рағбатлантиришни режалаштирганмиз.

🍃 Асарларнинг фақат айримларинигина эътиборингизга ҳавола қиляпман. Кўринг, завқланинг.

Аброр Зоҳидов
Телеграм | Инстаграм

Мана шу зарисовкага ChatGPT чизиб берган суратни қаранг:)

Навбатдаги учрашув Андижонда

Кеча, "Адолат" социал демократик партияси Андижон шаҳрида ўзининг навбатдаги оммавий тадбирини ўтказибди.

Тадбир партия раиси бошчилигида бўлиб, партия аъзолари томонидан сайловчиларга партия сайловолди дастури ва сайловдан кейинги вазифаларини таништирилган.

#saylov24
@qurbonova_a

"Миллий тикланиш" партияси "Оила - қадриялар бешиги, ватан ичра кичик бир ватан" мавзусида видеоролик тақдим этибди.

Ҳаммамизга маълумки, маънавий баркамол ва жисмоний соғлом авлодни тарбиялашда оиланинг ўрни жуда муҳим. Инсон, аввало, оилада тарбияланади, айнан оилага тааллуқли бой ва сермазмун миллий анъаналар ўргатилади, наслдан-наслга қолдирилади. Ҳар бир оила ўзининг қадриятларига эга бўлсада, лекин жамиятимизда уни умумбашарий қадриятлар билан уйғунлаштириш, оила ва никоҳнинг муқаддаслигини ёш авлод онгига чуқур сингдириш йўли билан оилаларнинг мустаҳкамлигини таъминлаш, оила аъзоларининг ҳуқуқий саводхонлигини ошириш муаммоларини илмий ўрганишни ва фуқароларга бу масалаларда амалий ёрдам беришни мувофиқлаштириш ишлари кенг йўлга қўйилган.

Ҳа айтганча, Парламент сайловига ҳам 3 кун қолибди. Сиз ҳам овоз беришга тайёрмисиз?

#saylov24
@qurbonova_a

Сайлов кампанияси бошлангандан бери таниш-билишлар сайловда қатнашяпсанми, расмингни хато қўйишибди деб турли жойдан, баннерлардан расм жўнатишяпти. Шуни билиб қолдимки, бу йил Азиза Қурбонова деган икки адашим сайловда қатнашишяпти)

Бири Қурбонова Азиза Тоҳировна "Адолат" партиясидан Олий Мажлис Қонунчилик палатасига, иккинчи Қурбонова Азиза Толибовна эса "Миллий Тикланиш" партиясидан Тошкент шаҳар кенгашига номзодини қўйган.

Иккала адашимни ҳам ҳаётда танимайман, лекин Азизаларнинг ҳаммаси яхши, Қурбонова Азизалар эса икки карра яхши деган принципда кампанияларига қўшилгим келди.

Хуллас, ҳурматли тошкентлик сайловчилар бюллетенингизда Азиза Қурбоноваларни кўриб қолсангиз, танловда қийналмайсиз деган умиддаман))

Ҳурмат билан Қурбонова Азиза Абдусобитовна

Биз ёшларни сифатли таълим олиши тарафдоримиз — ХДП

Халқ демократик партияси ўзининг таълимга оид таклифларини эълон қилди. Партия таълим соҳасини замонавий технологиялардан фойдаланган ҳолда ривожлантириш тарафдори.

Партия таклифига кўра:
➖Олий таълим муассасаларида ногиронлар ишлаш бўлимларини ташкил этиш, улар учун барча инфротузилмаларни яратиш, шу жумаладан, ўқув машғулотларига кар-соқов талабалар учун сунъий интеллектдан фойдaланган ҳолда, сурдо шарҳловчиларни жалб этиш;
➖ёшларнинг замонавий касбларни ҳамда хорижий тилларни чуқурлаштириб ўргатиш;
➖сунъий интеллект бўйича мутахассисларни тайёрлаш дастурларини қабул қилишни режалаштирган.

Таклифлар жуда ўринли. Таълим сифатидаги ҳар қандай ривожланиш ва янгиликларни қўллаб-қувватлайман. Сиз-чи?

#saylov2024
@qurbonova_a

ЎзЛиДеПнинг навбатдаги тарғибот тадбири Нукус шаҳрида бўлибди.

Сайловолди тарғиботлар ҳам байрамдек ўтмоқда. Бундай кўтаринки руҳдаги тадбирлар ўтказилаётгани одамни қувонтиради.

Сайловчилар ҳам сиёсий майдонга анча яқинлашди. Бу йил партиялар анча ҳаракат қилди. Бошланиши ёмон эмас.

Хабарингиз бор, тадбиркорлар ва ишбилармонлар ҳаракати — Ўзбекистон либерал демократик партияси ўзининг сайловолди дастурида таълим соҳасини ривожлантиришга оид кўплаб таклифларни илгари суряпти.

Таълим сифати ҳар бир ўқитувчининг малакаси ва ўз касбига фидойилигидан ташқари, жамиятнинг таълимга муносабатига ҳам бевосита боғлиқ. Шу боис партия дунёдаги энг нуфузли 500 та хорижий олийгоҳлар билан ҳамкорликда камида 50 та қўшма ўқув дастури ва «икки дипломли тизим»ни жорий этиш, олийгоҳлар учун қўшимча 120 минг ўринли ўқув бинолари ва 150 минг ўринли талабалар турар жойларини қуриш, олий таълим муассасалари илмий салоҳиятни 70 фоизга етказишни мақсад қилган.

Бир инсондан бутун бир жамият пайдо бўлади. Агар биз биргина ўсаётган ёш авлоднинг келажаги учун, ҳаёти учун қўлимиздан келган ёрдамни аямасак, биз бутун бир жамиятга ёрдам берган бўламиз.

#saylov24
@qurbonova_a

“Миллий тикланиш” жуда ёқимли табрикнома-таклифнома қилибди.

Боя менга ҳам атаб ТВга бериб кетишган экан. Киришда твда ишлайдиган аёл қўлимдагига ҳавас билан қараб қолганди, биратўла ҳадя қилиб юбордим. Битта гул иккита аёлни хурсанд қилса-қилибди-да!

Партия топилмасига 5 баҳо.

Ўзбек тили — миллатимизнинг таянчи, ўзига хослиги ва қадриятларини мужассам этувчи бой маънавий хазина. Унинг давлат тили сифатидаги мақоми халқимизнинг ўзига хос маданияти, тарихи ва келажагини сақлаб қолишда беқиёс аҳамиятга эга. Бугун, 21 октябрь — ўзбекистонликлар учун ўта муҳим кун.

Шу муносабат билан “Миллий тикланиш” демократик партияси ҳамюртларимизни бу сана билан табриклаб, ўз видеоролигида шунчаки оғизда эмас, балки натижалар билан юртдошларимизни хурсанд қилмоқчи эканини таъкидлабди. Ҳақиқатан ҳам, барча ўзбекистонликлар тилимиз нафақат кундалик мулоқот воситаси, балки миллатимиз руҳиятининг муҳим ифодаси эканлигини англаши керак деб ўйлайман.

Ўзбек тили — фақат ахборот алмашиш ёки расмий ҳужжат юритиш тили эмас, балки халқимиз жонли тарихининг бир парчаси. Уни асраб-авайлаш, ривожлантириш — ҳар биримизнинг бурчимиз.

Байраминг муборак, ўзбек тили!

Энг ёқимли лаҳза бу — ишдан уйга қайтяпсан, қулоғингда наушник, унда Блант куйлаяпти, кўнглинг тинч, соғломсан, уйга йўл қисқариб боради, ҳозир уйга борасан, олдингдан юзига ҳуснбузар тошган, интроверт, лекин глубокий либерал-демократ-толерант катта ўғлинг ғўлдираб чиқиб салом беради, кейин ҳар куни ниманидир янгиликни айтиш учун кутиб турган иккинчи боланг чиқади олдингга, сўнг югуриб, баъзан ҳиқиллаб, баъзан кайфи чоғ бўлиб, Ажияя деб учинчинг пешвоз чиқади. Адаси ҳали қайтмаган бўлади, “нима керак уйга, ёзворинг” деган смс келади.

Шуларни тасаввур қилиб, ичингда минг шукр дейсан. Ҳозирча эса Блантни жим тинглаб, шу ёқимли лаҳзадан баҳра олишда давом этасан.

Бугун 21 октябрь - ўзбек тилига давлат тили мақоми берилган кун. Алишер Қодиров бошчилигидаги муҳофазакор ўнг партия бўлмиш Миллий Тикланиш "Ўзбек тилим ўз тилим" ролигини эълон қилди.

Аввалроқ партия сайловолди дастурида ташқи ёзувларни тартибга солишга қаратилган “Ташқи ёзувлар тўғрисида”ги қонунни қабул қилиш, “Давлат тили ҳақида”ги қонунни бузганлик учун жавобгарликни кучайтириш, давлат тилида иш юритмаган раҳбарларга кескин чоралар кўриш каби ташаббуслар илгари сурилаётгани ҳақида ёзгандим.

Ўзбек тили ҳақида сўз кетар экан сиёсий майдонда "Миллий тикланиш" энг аввал ёдга келади. Шундай жонкуяр партияга раҳмат!

Барчангизни табриклайман!

#saylov24
@qurbonova_a

Ertaga nima bo’larkin?

Bugun 21-oktabr — o’zbek tiliga davlat tili maqomi berilganiga 35 yil bo’ldi.

Бир ҳафтадан кейин — сайлов!

27 октябрь куни бўлиб ўтадиган сайловлар ҳар доимгидан кўра муҳим ва катта янгиликларга бой бўлиши кутиляпти. Бу йил сайлов жараёни илғор технологиялар асосида ташкил этилиши эса жуда зўр янгилик. Чунки замонавий воситалардан фойдаланиш сайлов жараёнининг янада шаффоф ва осон кечишини таъминлайди.

Айниқса, бу йилги сайловларда аралаш тизимнинг жорий этилиши муҳим ўзгариш деб ўйлайман. Бу тизим фуқароларга ҳам номзодлар, ҳам сиёсий партиялар учун овоз бериш имконини беради, бу эса кенгроқ танлов қилиш имкониятини тақдим этади.

Бу ўзгаришлар нафақат сайлов жараёнини замонавийлаштириш, балки халқнинг сиёсий жараёнлардаги иштирокини янада кучайтиришга қаратилган. Сиз ҳам ўзингизга берилган имкониятдан фойдаланиб, 27 октябрь куни ўтадиган сайловларда фаол иштирок этинг ва келажакда мамлакатимизда амалга ошириладиган ўзгаришларга таъсир кўрсатинг!

Сизнинг овозингиз муҳим!

#sаylоv24

“Матонат” фильмини шу ерда кўришингиз мумкин:

https://youtu.be/oTCyEmyI1jo

"Миллий тикланиш" давлат тилида иш юритмаган раҳбарларга кескин чора кўришни таклиф қиляпти

Бухоро шаҳрида “Миллий тикланиш” демократик партиясининг “Қадриятларга таянган тараққиёт!” шиори остида навбатдаги оммавий тадбири бўлиб ўтди.

Тадбир партиянинг 2025-2029 йилларга мўлжалланган Сайловолди дастури ҳамда номзодлар билан таништиришга қаратилган.

Партия сайловолди дастурида ташқи ёзувларни тартибга солишга қаратилган “Ташқи ёзувлар тўғрисида”ги қонунни қабул қилиш, “Давлат тили ҳақида”ги қонунни бузганлик учун жавобгарликни кучайтириш, давлат тилида иш юритмаган раҳбарларга кескин чоралар кўриш каби ташаббуслар илгари суриляпти.

Миллий тилимизнинг мавқейи ва софлигини сақлаш, эъзозлаш, ўзбек тилининг давлат тили сифатида, энг аввало, мамлакатимизда, қолаверса, дунё миқёсида нуфузи, обрўйини ошириш керак албатта. Давлат тилимизни сақлаб қолиш ва уни кенг тарқалиши тарафдориман.

Давлат тили — миллат тимсоли!

#saylov24
@qurbonova_a

Мен кўрган «Матонат» ва матонатлар ҳақида

Бугун Панорамада "Имкон" ижтимоий лойиҳаси доирасида олинган ҳужжатли фильм намойиши бўлди.

Қишлоқ аёли. Ҳаммага ўхшаб оиласи билан бир маромда ҳаёт кечираётганди. Даладаги ҳашарчи комбайнчиларга қарашаман деб, комбайннинг плуги томонга ўтиб, сомон ташлайди. Фалокат юз бериб, ҳаракатланаётган плугга узун халати илашиб қолади ва плуг аёлнинг оёғини опкириб кетиб қолади...

Аёл бир умрга икки оёғидан ажралади. Аёлнинг ҳақиқий ҳикояси энди бошланади.

Спойлер қисмини ўчирдим, узр.

Аёлнинг фильм бошида чиққан ҳазин овози якунга бориб дадил ва ишончли янграй бошлайди. Нега бундайлигини эртага Ютубда премьерасини кўриб, биласиз.

Ўзбекнинг аёлида у, ярим тана бўлиши мумкин, аммо яримта бўлолмайди. Шу ярим тана билан уйларини тозалайди, нонини муштлайди, бир аёл қилиши мумкин бўлган ҳамма нарсани удда қилаётганини кўриб, этинг жимирлайди. Ҳамма ишига асосий ёрдамчиси – катта овсинини чин дилдан мақтайди. Энг яқин дўсти, қиёматли опаси эканини айтади.
Лекин фильм ярмига келгунча ичим оғрийверади, қани у, қаерда у? Наҳотки, мен қўрққаним бўлса, эри қани ахир? Икки оёқсиз қолган хотинини ташлаб кетиб қолганми? Наҳотки, дунёда мўъжиза йўқ?!

Мен шундай тақдирли ижтимоий лойиҳаларда ишлаганимдан биламанки, бундай ҳолатда кўпинча турмуш ўртоқлар оиласидан кетади, ёки оилани иккита қилади. Энг даҳшатлиси, аёл бу ҳақда гапиради: “ўзим бунга айтдим, сизга ҳам, менга ҳам қарайди... уйланақолинг”
Титраб кетди одам. Лекин ҳақиқий титроқ кейинги интервьюда бўлди. Фильм ўртасида оила эркаги кадрда кўринди ва 4 та сўз билан тушунтирди: “эркак киши бундай қилолмайди”.

Мен биринчилардан қарсак чалишни бошладим. Ва бутун зал қарсак чалди.

Фикримча, тақдирнинг тақозоси билан бир умр оёқсиз қолган Дилором Йўлдошева, шубҳасиз, катта матонат эгаси, аммо унинг атрофидаги яхши инсонлар матонати ҳам ундан кам эмас. Оши-ю нонини тенг бўлашиб келаётган, овсинига иккиоёқ бўлаётган катта Овсин ҳам катта матонат эгаси. Аёлини борича қабул қилиб, ёнида елкадош бўлиб турган Эркак ҳам ҳақиқий матонат соҳиби. Очиғи, бахтли экан Дилором опа дедим атрофимдагиларга... Чунки давлат кўп нарсада ёрдам бериши мумкин, аммо яқинларнинг ғамхўрлиги ва муҳаббатини ҳеч ким қилиб беролмайди. Яхши оилада бўлиш аёл учун катта бахт...

Фильм Ўзбекистонда оғир аҳволдаги фуқароларга турли тизимлар орқали қандай ёрдам берилаётгани ҳақида очиқ-ойдин, тушунарли, ўзига хос йўриқнома вазифасини ўтайди. "Имкон" лойиҳаси учун Адлия вазирлиги жамоаси ва “Аёл ва замон” ННТ га алоҳида миннатдорлик билдираман.

Фильм эртага премьера қилинади. Ҳаволасини улашаман.

Унгача эса ёзда Ижтимоий ҳимоя агентлиги билан тайёрлаганимиз — яна шундай тақдирли аёл ҳақидаги "Инсон" номли роликни улашмоқчиман. Бу ҳам деярли ўхшаш ҳикоя, аммо дарди бошқа. Аёл авария туфайли оёғидан ажраган. Агентлик томонидан унга 45 миллионлик протез оёқ берилган. Лекин бу аёлнинг ҳаётига ҳали кўп ёруғлик кириши керак. Унинг турмуш ўртоғи ёнида эмас, унинг ҳали битган бошпанаси йўқ... Бекободга борганимда йиғлаб қайтганим шу аёлнинг тақдири эди...

50 та нуфузли хорижий бренд билан махсус экспорт зоналарини ташкил қиламиз — ЎзЛиДеП

Ўзбекистон Либерал-демократик партияси раҳбари билан Хоразм вилояти Тупроққалъа туманида жойлашган “Ҳазорасп”эркин иқтисодий зонасида учрашув бўлиб ўтди.

Партия раиси сўзларига кўра, экспорт ҳажмини 45 миллиард долларга етказиш, 50 та нуфузли хорижий бренд билан махсус экспорт зоналари ташкил қилиш режалаштилмоқда.

Шунингдек, экспортчи тадбиркорлар учун кредит фоиз ставкалари камайтирилиши қайд этилган.

Бундан ташқари, партия ҳар бир туманда камида мингта иш ўрни яратадиган 2 тадан янги саноат зоналарини ташкил қилишни таъкидлаган.

Таклифлар яхши, натижаларни кутамиз.

#saylov24
@qurbonova_a

Теледебатлар ишқибозлари учун, 19 октябрь куни соат 18:00 да сиёсий партиялар вакиллари ва сайловчилар учрашуви эфирга узатилар экан.

Учрашувни Ўзбекистон 24, Ўзбекистон, Ёшлар, Маҳалла, Тошкент, Маданият ва маърифат телеканалларида — ўзбек тилида, Дунё бўйлаб телеканалида — рус тилида, Foreign language телеканалида — инглиз тилида, Қарақалпақстан телеканалида — қорақалпоқ тилида томоша қилишингиз мумкин.

Бунга қадар бир неча бор шундай дебатлар ўтказилди ва барчасида қизғин баҳслар, муҳокамаларга гувоҳ бўлдик. Эртага бизни қанақа баҳс кутяпти экан-а, қизиқ.

#saylov24
@qurbonova_a

Бу эса десертига. Ўзимнинг тавсиям. Кўп эшитиб юрибман шу кунларида.

Бобур ғазали Озодбек Назарбеков ижросида.

Қаду хатинг била кўзу юзунг, эй сарви симинтан,
Бири сарву бири райҳон, бири наргис, бири гулшан.

Ҳадису лаълу рафтору жамолингдин эрур ҳар дам
Тилим гўё, сўзум рангин, кўшул хуррам, кўзум равшан.

Мени мадҳушу мискин, найлай, ул шўх бало билан,
Мен асру бедилу бехуд, ул асру пурдилу пурфан.

Фалак жавру жафосидин, ул ой дарду балосидин
Чекарман нолаю афғон, қилурман гиряю шеван.

Балои ишқу ёлғузлуқ, дағи ҳижрону ғурбатда
Отим — Мажнун, кишим — меҳнат, ишим — зори, ерим — гулхан.

Ўқуң билан хаёлинг, дардингу меҳрингга Бобурдек,
Таним — манзил, кўзум — маскан, кўкс — маъво, кўнгул — махзан.

@qurbonova_a

Таксида эшитдим, улашгим келди.

Шу кунларнинг трендидаги Жасмин ва тренддаги ашуласи.

Мен ўзим озгина консерваторман, янги қўшиқчиларни қандайдир қабул қилишим қийин.

Кўпчилик ўзимга ва ботимга каналингиз плейлистини машинамда қўйиб, эшитиб юраман дейди. Шу сандиқчага яна битта трек қўшиб қўяйлик.

@qurbonova_a

ЎзЛиДеП тиббий хизматлар учун кредит ажратиш тизимини жорий қилмоқчи

Андижон Давлат тиббиёт институтида ЎзЛиДеП раиси Актам Хаитов билан учрашув бўлиб ўтибди.

Учрашувда партия раиси ўзларининг келгусида режа қилаётган мақсад ва вазифалари билан талабаларни таништирибди. Жумладан:

➡️аҳоли ўртасида касалликларни кескин камайтириш, соғлом турмуш тарзини жорий этиш, ўртача умр давомийлигини 78 ёшга етказиш;
➡️бюджетдан тиббиётга ажратиладиган йиллик маблағ ҳажмини камида 2 карра ошириш;
➡️оналар ва болалар ўлими, болалар ўртасидаги ирсий касалликларни камида 2 баробарга, онкологик, юрак-қон томир, қандли диабет бўйича эрта ўлимни эса 2,5 баробарга камайтириш;
➡️хотин-қизлар ўртасида онкологик касалликларни камайтириш мақсадида 40 ёшдан ошган аёллар учун тегишли даврийликда тиббий кўрикдан ўтиш тизимини жорий қилиш.

Шу билан бирга, партия дастурида фуқароларга тиббий хизматлар учун кредит ажратиш тизимини жорий қилиш, саломатликни тиклаш учун банкдан 3 йил имтиёзли муддат билан кредит олиш имкониятини яратиш масалалари илгари сурилмоқда.

Юрагида нуқсони бор 5 минг болани ва кўриш қобилиятини йўқотиш эҳтимоли юқори бўлган 10 минг чақалоқни ҳар йили бепул даволаш чораларини кўриш ҳам режа қилинган.

Тиббиёт ва таълимни ривожлантириш барча мамлакат учун муҳим. Бу икки соҳага бефарқлик қилиб бўлмайди.

#saylov24
@qurbonova_a

Ким ўзи сунъий интеллект?

Сунъий интеллектни медиада қўллаш бўйича эксперт Ҳикматилла Пўлатовнинг айтишича, Ўзбекистон халқ артисти Афзал Рафиқовнинг коронавирусдан сўнг овозида ўзгариш бўлган экан. Мўъжизавий дубляж соҳибини кўпчилик соғинганди.

Актёрнинг рухсати билан сунъий интеллект ёрдамида овозни қайта тиклашибди. Эшитиб кўринг.