Take me home

Orzudagi ish stoli🧡

Amallar - sen Allohga taqdim qilayotgan narsalar.
Sen Allohga taqdim qilayotgan narsalar qayda - yu, Allohning senga taqdim qilayotganlari qayda…

Shu yaqin kunlardagi hayot…

«Qavmning javobi: «Ularni qishlog'ingizdan chiqarib yuboring, chunki ular juda ham pokiza bo'laveradigan odamlar ekan», deyishlaridan boshqa narsa bo'lmadi». (82 oyat)

Lut qavmining javobi esingizdami?
O’zi gunohkor va fosiq bo’lgan odam halol va pokiza insonlarni yomon ko’radi.
O’zi aroqxo’r bo’lsa ichmaydigan odamlardan nafratlanadi.
Og’ri hamma unga o’xshagan og’ri bo’lishini xohlaydi.
Yomon axloqli kishi odob egasini axloqiga toqat qila olmaydi.

Go’yo haqdagi insonlar gunohdan tiyilib ularni yashashiga halaqit qiladigandek…

(c) darslikdan xulosalar

Seni qalbing nimani eng koʻp xohlasa shu bilan sabring sinaladi.

Bu yil ko’p kitob o’qishni o’zimga reja qilmagan edim. Lekin ko’p vaqtim borligi sabab Alloh qodir qilgancha ko’proq kitob o’qishga harakat qilyapman.
1. Mukoshafatul qulub - G’zzoliyning kitobi. Men uchun eng manfaatlilaridan biri bo’ldi. Yana bir bor o’qishim kerak deb yuribman. Nafs islohi, gunohlarga tavba qilish, qalbni sayqallash va shunga o’xshash mavzular keng yoritilgan.

2. Hislatli hikmatlar sharhi 1-2 kitoblar. Shayximizning kitoblaridan biri. Men uchun eng tushunish qiyin bo’lgan kitoblardan biri bo’ldi. Aslida qiyin emas shunchaki meni zehnim bu kitoblarni tushunadigan darajada ochilmadi deb o’ylayman.

3. Tonggi suhbatlar. Menga eng yoqqan kitob. Shunchaki dam olish va tafakkur qilish uchun zo’r kitob. Har xil ibratli hikoyalar va ularning orqasidan undan olinadigan dars berilgan. Shuni o’qiganimdan keyin Tunggi suhbatlarni ham olishga qaror qildim.

4. Gunohi kabiralar. Bu ham G’azzoliyning kitobi. Diniy ilm olish uchun juda yaxshi kitob. Gunohi kabiralarni ko’pini hatto bilamagan ekanman (!) Yana o’qishim kerak esimda qolishi uchun.

5. Chunki Sen Allohsan Meni eng eng eng yaxshi ko’rgan kitobim. Hammaga birdek tavsiya qila oladigan kitobim. Eng kerakli paytda o’qigan kitobim. Shunchaki o’qib ko’ring ko’p narsalarni tafakkur qilishni boshlaysiz. #kitoblar

Bilasanmi odamlar nimadan taskin izlaydilar?

O’tkinchi muhabbatdan;
To’qima kinolardan;
Mungli musiqalardan;
Insonlarning asli soxta mehribonchiliklaridan…

Aslida hech biri seni yupata olmaydi. Qalbinga haqiqiy taskin berolmaydi.
Hammasi vaqtincha og’riq qoldiruvchi - hechqachon davolamaydigan doriga o’xshaydi…

Yolg’on narsalardan taskin izlab yurganingni izlagan taskiningni topolmaganingda anglab yetasan.

Ammo haqiqiy taskin aslida nimada ekanini tushuningda buni bila olasan…

O’ylab qarasam yozganlarimni barchasi avval o’zimni o’zim yupatish uchun, o’zimga o’zim eslatma qilish uchun yozilgan maktublar ekan.

Yana hech kimga aytmagan sirmni ochaymi sizga?

Menga taskin kerak bo’lsa o’zim avval yozganlarimni o’qishni yaxshi ko’raman. Huddi o’tmishdagi men kelajakdagi menga eslatma yozgandek tuyiladi.

Ammo yozganlarim sizga ham taskin bersa, yoki yupatsa demak bu faqat men uchun foyda bo’lmabdi, siz uchun ham hursandman qadrli meni o’qiyotgan omma.🥹🧡

Kechagina sinovim og’ir bo’ldi ortiq sabrim yetmaydi deb ko’z yoshlar to’kkanim ko’z oldimda…

Kechagina.

Eng og’ir kuningda esa kechagina baxtli edima deysan.
Dunyo hayoti shunday.
O’tmaydi degan og’irqlar ham tez o’tadi aslida faqat sabr har doim qiyin bo’lgan.

Baxtli kunlar ham tez o’tadi.
O’zi vaqt tez o’tadi.
Kechagina go’dak edim,
qachon ulg’aydim deysan.

Huddi bir zum yashagandek bo’lasan aslida bu dunyoda…

#fikrlar

Afsuski sal puli ko'paysa Alloh meni sevgani uchun boy qildi deydigan insonlar, boshqalarga ham shu fikrni singdiryapti.

Alloh molu davlatni hammagayam beraveradi, ammo iymonni O’zi sevgan bandalariga beradi.

Eslatma

Taqdir har doim ham o’zinga o’xshagan insonlar bilan seni yuzlashtiravermaydi.

Yaxshi inson bo’lganing bilan eng yomon insonlar bilan yo’llaring kesishib qoladi ba’zan.
Ulardan ham nimadir o’rgan, ammo ulardan aslo rang olma))

Dunyodagi eng gunohkor insonni ko’rsang ham undan o’zingni past ko’rgin. Undan yaxshiroqman demagin.

Chunki ikkingizni ham qay holda o’lim bilan yuzlashishingizni bilmaysan…


Darslikdan eshitgan eslatmalarimdan biri

Alloh qalbingda nimani saqlayotganingni biladi.
Qalbing faqat yaxshiliklarga to’la bo’lsin…🪴

Odamlarni asl yuzini koʻrishni xohlasangiz shunchaki ularga "yo'q" deb koʻring ))

Nega bu sodir bo'lyapti deyishni o'rniga bu menga qanday dars beryapti deyishga urinib ko'r...

Hayotimda yaqinlarim yo'q bo'lib qolishini ba'zida tasavvur qilib ko'raman. Qo'rqib ketaman. Lekin qachondir shu kun kelishini ham aniq bilaman.

Hech kimni o'zimiz bilan qabrga olib keta olmaymiz axir. Hayotimda men sodir bo'lishini biladigan lekin yuzlashishdan qo'rqadigan kunlar qachondir keladi. Bu aniq.

Kuz ranglari…

Vaqt o’tib orqaga qarab qilgan ishlaringdan hursand bo’lish - yaxshiyam shunaqa yo’l tutibman deyish ham baxt aslida.

Ammo vaqt o’tib nadomatga sabab bo’luvchi amallarni qilganingni anglash - nihoyatda alamli va og’riqlidir.
Mana shu aslida o’zinga o’zing zulm qilishga o’xshaydi…

O’ylab ko’rsak qalb kasalliklarini ko’pi, qalb ta’sirlanmay qolishi, hasad, g’iybat, chaqimchilik va hakazo illatlarga sho’ng’ib ketishimizni boshi dunyoga muhabbatdan boshlanar ekan.

Dunyoni sevamiz, pul topishga yaxshi hayotga qiziqamiz, ibodatlarni unutamiz.

Dunyo sevgisi juda xatarli. Seni shunday sehrlaydiki unutasan hammasini: ayniqsa nega yaralganingni…

#fikrlar

Rejalaring sen xohlagan ko'rinishda amalga oshmasligi mumkin ammo sening tasavvuringdagidan ham a'lo ko'rinishda amalga oshadi. Chunki bu Alloh rejalarining go'zalligidir.

Ba'zida eng yaxshi koʻrganlaringdan senga ozor yetadi.
Qalb ogʻrigʻi shunday seni parchalarga boʻlgandek boʻladi.

Lekin sen bu ogʻriqlarga aldanma.
Chunki vaqt toʻxtab qolgani yoʻq, u davom etyapti.

Vaqtdagi nasibangni foydali ishlarga qarat.
Kul, mutolaa qil, oʻzingga gul hadya qil. Yaqinlaringni xursand qil.
Robbinga shukur ayt.

Chunki vaqt oʻtib ketyapti...
Sen gʻamgin boʻlsang ham xursand boʻlsang ham u baribir tugab boraveradi.
Sen uni yaxshiliklarga sarfla

#shunchaki

Taslimiyat kuchi ichingizdagi har qanday olovni oʻchirishi mumkin...

Insonlarning boshida aytgan gaplariga emas, oxirida qilgan ishlariga qaraladi.
Boshida hamma ham yaxshi…

(c) Nxauthor

Aslida hayotimiz to’la imtihonlardan iborat.

Insonni ulg’ayganini qachon bilinadi?

- Muammolardan qochish yechim emasligini tushunib yetganida

- O’z qo’rquvlari bilan yuzlashishni o’rganganida

- O’zining hayotiga va muammolariga faqat o’zi javobgar ekanligini bilganida.

- Qiyin ahvoldaligiga boshqalarni ayblamaganida.

- O’ziga o’zi do’st bo’la olganida.

- Nolish o’rniga har qanday holatda shukur qilishni tanlaganida.

Xo’sh aytingchi insonlarning qanchasi haqiqatda ulg’aygan insonlar?

#fikrlar

Eng qorong’u tundagina eng yorqin yulduzlar yaqqol ko’rinadi.

Eh judayam mayda narsalar bilan o’ralashib qolgan odamlar bo’lib qoldik…

Kim kim bilan oila quryapti
Kim kimni tashlab ketdi
Kim qachon bolali bo’ladi
Kim qayerga ketdi

Biz chi biz.
Bugun nima qildik.
Hech bo’lmaganda o’zimizni so’roq qilmadik…

Ishlaringni barakasi Ota onang sendan roziligiga ham bog'liq ekan.

Baʼzida hammasini vaqt izmiga tashlab qoʻyish eng toʻgʻri yoʻldek tuyuladi...

Kuz yomg’iri..

Hayotda ko’p afsuslandimmi?
Ha afsuslandim.

Lekin o’ylab qarasam afsusdan hech qanday foyda yo’q ekanligini tushundim.

Aslida men qilishim kerak bo’lgan ish o’tgan ishlardan dars olib kelajakda takrorlamaslik - afsus qilmaslikka bugundan harakat qilish ekan…

Eng yaxshi yo’l- uy tomon yo’l.