Shunchaki... @suvaydo Channel on Telegram

Shunchaki...

@suvaydo

Muallifning yozuvchilikka da'vogarligi yo`q. Barcha hikoyalar - ko'rgan-kechirganlari asosidagi xayolot mahsuli, xulosalari, ijod, ta'bir joiz bo'lsa.
Shunchaki yozilgan deb hisoblang-u shunchaki o'qing.. hurmat bilan Zulfiya_R

Shunchaki Telegram Channel (Uzbek)

Shunchaki Telegram kanali - Bu suvaydo nomli kanal muallifning yozuvchilikka da'vogarligi yo'q. Kanalda barcha hikoyalar ko'rgan-kechirganlari asosidagi xayolot mahsuli, xulosalari, ijod, ta'bir joiz bo'lsa. Bu kanal orqali siz o'zingizni hikoyalarga qo'shing va yozgan hikoyalarni boshqalar bilan baham ko'ring. Kanalda yozilgan hikoyalarni yaxshi ko'rish va o'qish imkoniyati mavjud. Suvaydo kanalida odamlar o'z fikrlarini, hikoyalarni yozish va ularga ovoz berish imkoniyatiga ega. Kanalda adolat, hurmat va zabt aniq qoidalar asosida olib boriladi. Agar siz ham hikoyalarni sevuvchi va yaratuvchi odamsiz, shunchaki Suvaydo kanaliga obuna bo'ling va yangi yaratishlar bilan tanishing.

Shunchaki...

11 Feb, 08:24

#Kun_xulosasi
Magistratura menda sabrni tarbiyalayapti. Soatlab telefon, televizor, ovqat - hech nimaga chalg'imay bitta maqolani tushunishga va u haqida xulosalarni yozishga urinish - mashaqqatli ish. Ishonavering.
Alloh qo'llasin.. Eplay olish nasib qilsin..
Bir kuni diplom olishga muvaffaq bo'lsam, juda katta ish qilgan bo'laman.
@suvaydo
539
Shunchaki...

10 Feb, 13:01

Xushxabar

Maktablardagi oʻzbek tili (davlat tili) fani oʻqituvchilarimiz uchun ajoyib yangilik.

Oʻzbekiston Respublikasi Prezidentining “Oʻzbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi toʻgʻrisida”gi Farmoni qabul qilindi.

Farmonga koʻra, 2025-yil 1-fevraldan boshlab Maktabgacha va maktab taʼlimi vazirligi tizimidagi umumiy oʻrta taʼlim muassasalarida oʻzbek tili (davlat tili) fani boʻyicha dars beruvchi hamda Bilim va malakalarni baholash agentligining milliy baholash tizimida olingan tegishli darajadagi oʻzbek tili va adabiyoti sertifikatiga ega boʻlgan pedagog kadrlarga ularning tarif stavkasiga nisbatan 50 foiz miqdorida har oylik qoʻshimcha ustama toʻlanadi.

#davlat_tili #ustama

@hilola_umarova
802
Shunchaki...

09 Feb, 12:39

#Navoiy_day
#Navoiy_tavalludining_584_yilligi

📍Toshkent shahridagi Prezident maktabida buyuk mutafakkir adib va shoirimiz Alisher Navoiyning tavalludi munosabati bilan g’azallar chellenji tashkil etildi.

Siz ham chellenjda faol ishtirok eting.

🏛Toshkent shahridagi Prezident maktabining rasmiy sahifalari:
🌐Telegram | 🌐Instagram | 🌐Facebook
692
Shunchaki...

09 Feb, 12:35

#tugilgankun
Bugun Hazrat tug'ilgan kun.
Odatda, hamma qo'lidan kelganicha Alisher Navoiy haqida so'z aytadi, bayt-challenge degan atamalar ham paydo bo'ldi.
Men esa o'zimga yoqqan ayrim baytlarni xotirlab, ulug' Amir haqiga duo qilib qo'yaman.
***
Oshiqki, murodi kom o'lmish,
Oshiqlik anga harom o'lmish.
***
Vale Har neki Tangri qilsa taqdir
Kishiga yo'q rizodin o'zga tadbir
***
Shorid agar shayxulislom, va gar qozidir,
Agar ustod andin rozi, Tangri rozidir.
***
Nedur ahvoling ey zori g'aribim
Visolim davlatidin benasibim.
***
Kishi aybing desa, dam urmag'ilkim, ur erur ko'zgu,
Chu ko'zgu tuyra bo'ldi, o'zga aybing zohir aylarmu?
***
Shoh yonin farzin kibi kojlar maqom tutmish ne tong
Rostravlar arsadin gar tutsalar ruhdek qiroq.
***
Ilmni kim vositayi joh etar,
Ozini ham, xalqini gumroh etar.
***
Yigitlikda yig' ilmning maxzanin
Qarilik chog'ida xarj qilg'il ani.
***
Xazon sipihiga ey bog'bon, emas mone,
Bu bog' tomida gar ignadin tikan qilg'il.
***
Oshiq o'ldim, bilmadi yor o'zgalarga yor emish,
Olloh-Olloh ishq aro mundoq balolar bor emish
***
Tushda ko'rdim yorimi xandon raqibim o'truda,
Rashkdin har lahza tish qirchillaturmen uyquda.
***
Insonni so'z ayladi judo hayvondin
Bilki, guhari sharifroq yo'q ondin.
***
Hozircha bittada esimga kelgan baytlar shular bo'ldi.
Alloh u Zotdan rozi bo'lsin.
Yaxshiyam o'zbekning baxtiga Navoiy tug'ilgan ekan, aks holda, siz bilan siz hozir tojikcha gaplashib o'tirgan bo'larmidik..
@suvaydo
802
Shunchaki...

05 Feb, 09:30

#kun_fotosi
Kursdoshlar guruhidan olindi.
Krujkada talabalar ko'z yoshii. Hali iliq deb yozilgan.
@suvaydo
1,287
Shunchaki...

04 Feb, 18:12

#facebookdan
She'rmisan she'r..
Shoirmisan shoir..
Dardmisan dard..
Millatmisan..?
@suvaydo
1,293
Shunchaki...

04 Feb, 17:12

https://www.youtube.com/watch?v=rStL7niR7gs&pp=ygUQcnVsZXMgZm9yIHJ1bGVycw%3D%3D
1,152
Shunchaki...

04 Feb, 16:29

#muqoyasa
Bu - ikki shahardagi ko'rsatkich.
"Indeks kachestva vozduxa" degan qismiga ahamiyat bering.

Ibn Sino "Agar chang va g'ubor bo'lmaganida..." deganmidi?
@suvaydo
1,132
Shunchaki...

04 Feb, 13:45

#xumson
Toshkent viloyatida Kristall, Xumson degan ikkita yonma-yon joylashgan dam olish maskani bor.
Toza havo, xotirjamlik, kundalik tashvishdan biroz chalg'ish niyatida bo'lganlarga tavsiya qilaman.

Meni ham qadrdonlar taklif qilib bir borgan edim-da..

Hozir havoning ifloslanish darajasi haqidagi raqamlarni ko'rib, o'sha kunni esladim..

Huv o'sha suratdagi uydacha bir kecha tunab kelgan edik eski hamkasblar bilan..
@suvaydo
871
Shunchaki...

04 Feb, 12:19

#xalqaro_konferensiya

🔔 XALQARO ILMIY-AMALIY KONFERENSIYA OʻTKAZILADI

📆 Joriy yilning 4-5-aprel kunlari Ixtisoslashtirilgan ta’lim muassasalari agentligi tomonidan “Ijodiy pedagogika: ta’lim jarayoniga zamonaviy yondashuv” mavzusida xalqaro ilmiy-amaliy konferensiya oʻtkazilishi rejalashtirilgan.

📝Unda professor-o‘qituvchilar, doktorant, mustaqil tadqiqotchilar, magistr va iqtidorli oʻquvchilar hamda talabalar ishtirok etishlari mumkin.

📶 Konferensiyada:
➖Ta’lim jarayonida tanqidiy fikrlash malakasini shakllantirish va
rivojlantirish usullari va strategiyalari;
➖Loyihaga asoslangan ta’lim: amaliy ko‘nikmalarni rivojlantirish;
➖Mezonlarga asoslangan baholash: maqsad va vazifalar;
➖Raqamli ta’lim muhitida XXI asr o‘qituvchilari uchun zarur bo‘lgan ko‘nikmalar boʻyicha tadqiqot natijalari, tajriba va g‘oyalar muhokama qilinadi.

✅ Konferensiya oʻzbek va ingliz tillarida olib boriladi.

📥 Ta’lim sohasiga oid maqola, tezis, metodik tavsiyalar 2025-yilning 1-martiga qadar ([email protected] e-mail pochtasi orqali) qabul qilinadi.

🗂Talabgorlar maqolalarini o‘zbek, qoraqalpoq va ingliz tillarida topshirishlari mumkin.

🔎Maqola topshirish boʻyicha YO’RIQNOMA

📞Qoʻshimcha ma’lumot uchun: 71-207-20-17 (ichki raqam 161).

Telegram | Facebook | Instagram | YouTube
657
Shunchaki...

04 Feb, 03:52

#orzu
Bir boqishda muhabbat degan ibora mutlaqo odamlar haqida emas, U aynan go'zal manzali maskan haqida. Facebook lentamdan shu joy chiqib qoldi - yu, o'ziga maftun etdi.
Ha, aynan shu yerga borgim kelyapti.
Yaxshi niyat - yarim davlat. Allohga oson. Bir kuni o'sha yerdan turib suratlar yuborsam, duolar ijobatidan bo'ladi, inshaallah.
@suvaydo
661
Shunchaki...

30 Jan, 13:57

#qor
Havo shunday kirki, ko'chadagi chiroqlarda chang g'ujg'on ko'rinadi.
Nafas olish qiyin.
Alloh mehribon, qor boshladi. Changlar arir, inshaallah.
@suvaydo
308
Shunchaki...

30 Jan, 08:28

Rasm nechog'li haqqoniy?
1,921
Shunchaki...

29 Jan, 15:57

#andijonuchunovozbering
Andijon – Muhammad Yusuf
Qani Bog’ishamol kezgan yellaring,
Qirlarda kekkaygan qirg’ovullaring,
Eslab ezilmasmu endi dillaring,
Nega yig’lamaysan, ahli Andijon?..
Ming yillik chinorlar bo’ldi-ku o’tin,
Qoshu qabog’ingga to’ldi-ku tutun,
Soyingda qoldimi suving bir yutum,
Nega yig’lamaysan, ahli Andijon?
Rizqu-ro’zin sochib aylanar falak,
Sen esa dalangdan topolmay halak —
Bolashta bergali bitta handalak,
Nega yig’lamaysan, ahli Andijon?
Nahoringda paxta, shomingda paxta,
Ayvoningda paxta, tomingda paxta.
Oqar og’u bo’lib qoningda paxta,
Nega yig’lamaysan, ahli Andijon?
Qirq yil chorla, go’rdan chiqmaydi Bobur,
Chiqsa ham bag’ringga sig’maydi Bobur.
Hindu quchog’ida uxlaydi Bobur,
Nega yig’lamaysan, ahli Andijon?
Qayinzor qa’ridan uzildi bir o’q,
Yurakda dog’ qoldi, yurakda bir cho’g’,
Cho’lponing bor edi,
Cho’lpon endi yo’q.
Nega yig’lamaysan, ahli Andijon?..
Bulbulzabonlaring xazon yopdimi,
Dunyo ularning hech tengin topdimi,
Muhammad Yusufing shoir bo’ptimi?..
Nega yig’lamaysan, ahli Andijon?
***
Biz tomoshabinlikdan o'zgasiga ham yaraylik. Hech bo'lmasa, ovoz berib qo'ying.
***
O'sha bog' mening ham bolaligimni eslatadi. Dadam rahmatli yakshanba kunlari bizni olib kelardi. Oldin bearmon uchardik zanjirli aylana arg'imchoqda. Keyin burgut haykali ostida muzqaymoq yerdik.
Talabaligimda kursdoshlar bilan kelardik.
**
Andijonda chinor qolmadi hisob. Borsam, tanimayman ko'chalarini.
Avlodlarga chang havo, sement yo'laklar, pala-partish qurilgan binolar, qurigan ariq o'zanlaridan boshqa narsalar ham qoldiraylik!
@suvaydo
694
Shunchaki...

29 Jan, 15:11

🚨 SHOSHILINCH: Andijondagi Alisher Navoiy bog‘ini saqlab qolaylik! 🚨


Do‘stlar, Andijonning naq markazida, Alisher Navoiy nomidagi madaniyat va istirohat bog‘i o‘rniga "Andijon city" biznes markazini qurmoqchi ekanlar. Bu barcha shahar aholisiga tegishli bo‘lgan 10,7 gektar yashil hududdir. Daraxtlar o‘rnida 18 qavatli 19 ta baland bino va 28 qavatli 7 ta osmono‘par bino qurishmoqchi.


Atrofi allaqachon to‘silgan. Ular bizni jim turib, unutib yuboramiz deb o‘ylashyapti. Lekin biz unutmaymiz.


❗️ Shaharda shundoq ham istirohat bog‘lari yetishmaydi. Shahar aholisining roziligisiz bu hududni yo‘q qilish - Andijon aholisi manfaatlariga to‘g‘ridan-to‘g‘ri zid.


📢 Biz nimani talab qilamiz:


Qurilishni darhol to‘xtatishni.

Alisher Navoiy bog‘ini hozirgi holatida saqlab qolishni.
Ishbilarmonlik markazi qurilishini boshqa joyga ko‘chirishni.
Biz allaqachon petition.gov.uz saytida ariza topshirganmiz, ammo byurokratiya uni cho‘zib yuborishi mumkin. Shuning uchun Avaaz’dagi arizaga imzo qo‘yishingizni so‘raymiz - bu bizning ovozimiz eshitilishi uchun imkoniyat.

Arizaga imzo qo‘ying va bog‘ni saqlab qolishga hissa qo‘shing! Bu xabarni do‘stlaringiz orasida tarqating, toki safimiz kengaysin. Kech bo‘lmasidan oldin tezkor harakat qilish nihoyatda muhim!



—



🚨 СРОЧНО: Спасём парк Алишера Навои в Андижане! 🚨

Друзья, в самом центре Андижана, на месте парка культуры и отдыха имени Алишера Навои, собираются построить бизнес-центр "Andijon city". Это 10,7 гектаров зелёной зоны, которая принадлежит всем жителям города. На месте деревьев и тропинок хотят возвести 19 высоток по 18 этажей и 7 небоскрёбов по 28 этажей.

Ограждение уже установлено. Они надеются, что мы промолчим и забудем. Но мы не забудем.

❗️ В городе и так катастрофически не хватает парков. Уничтожение этой территории без согласия горожан – это прямое нарушение интересов жителей Андижана.

📢 Что мы требуем:
- Немедленно приостановить строительство.
- Сохранить парк Алишера Навои в его нынешнем виде.
- Перенести строительство делового центра в другое место.

Мы уже подали петицию на сайте petition.gov.uz, но бюрократия может её затянуть. Поэтому просим подписать петицию на Avaaz – это наш шанс быть услышанными.

Подпишите петицию и помогите спасти парк! Распространите этот пост среди друзей, чтобы нас стало больше. Важно действовать быстро, пока не стало поздно!


#BogniSaqlabQolamiz #Andijon #Urbanizm #ShaharInsonlarUchun
609
Shunchaki...

27 Jan, 17:29

#kun_xulosasi
Johillarning eng qo'rqinchlisi - ilmlisi. U dalil, manba keltirib bahslashadi-yu, hech kimni eshitmaydi. O'zini mutlaq haq hisoblab boshqalarni pisand qilmaydi.
***
Onalik, farzandlik hissi birga yashash, tarbiyalash hosilasi. Genlardan mehr o'tmaydi.
***
Bir vaqtda ikkita ish qilib vaqtdan yutasan-u, sog'liqdan yutqazasan.
***
Rahbar lavozimidagi insondan uning turmush o'rtog'iga qiyinroq.
***
Sen ilojsizlik sababini tushuntirayotganingda betoqatlanib nigohini bir o'ngga, bir chapga olishni boshlagan hamsuhbatga gapni kalta qil: u senga ishonmayapti.
***
Odamzot - ojiz maxluq. Dard oldida. Sinov oldida. Ilojsizlik oldida.
@suvaydo
1,408
Shunchaki...

26 Jan, 13:56

#kun_xulosasi
Odam astoydil xohlasa, o'rgana oladi. Kamina bugun o'g'limdan o'zim tayyorlaydigan videodarslarni montaj qilib YouTube kanalimga joylashni o'rgandim. Negaki hafta yakunlanishi va xaloskorim kelishini kutib ancha fursatni boy beryapman. O'g'lim ham o'z darslaridan ortmayapti. Uning dam olish onlarida daxl qilyaman deb vijdonim ham qiynalayotgan edi.
Mana endi yana bitta "hunar"ni egalladim deb o'zimdan faxrlanishga bahona topilib qoldi..
Allohga shukr barcha ne'matlari uchun.

Siz esa azizlar, darslarni ko'ring, "yoqdi" belgisini bosish orqali xolisona mehnatimizni qo'llab-quvvatlang. Fikrlaringizni izohlar qismida yozib qoldiring.
@suvaydo
1,044
Shunchaki...

26 Jan, 13:38

https://www.youtube.com/watch?v=tSeUVCCun3M
1,091
Shunchaki...

26 Jan, 13:33

https://www.youtube.com/watch?v=TTWWIDlK4pA
1,070
Shunchaki...

26 Jan, 11:23

https://youtu.be/1Dp77mxdF14?feature=shared
1,114
Shunchaki...

25 Jan, 17:34

#kun_xulosasi
Ko'pincha o'zi rosa yoshligida qizlar bilan yurgan erkaklar hammadan gumonsiraydigan rashkchiga aylanadi.
@suvaydo
1,194
Shunchaki...

24 Jan, 03:27

#kun_xulosasi
Talaba yoshida bo'lmasang, universitetda hamma seni Ustoz deb o'ylaydi. Salom beradi. Eshik ochadi. Yopiq turgan auditoriya kalitini farroshlardan so'rasang, o'qituvchilar uchun kalit oladigan joy borligini eslatishadi.
Va shunda talaba ekanligingni aytib, ularning reaksiyasini tomosha qilasan.
Hayot go'zal. 😊😏
@suvaydo
1,249
Shunchaki...

23 Jan, 02:09

#maktab_formasi

Баъзан йўқ жойдан “мактаб формаси”, вазирлик стандарти, “долзарб форма ойлиги” деган гаплар чиқиб қолади. Ҳамма бир хил кийиниши керак, палон пулга мактаб тасдиқлаб берганини олсин, ҳаммаси мажбурий деган “қатъий талаблар”дан, рости, энсам қотади.

Бундай қоидаларни мактабига хоҳлаганини кийиб, вақти келса, пижамаси, уй шиппаги, севимли ўйинчоғи билан дарсда ўтирадиган эдмонтонлик ўқувчи эшитиб, миясига сиғдиролмаса керак. Бола ўзига қулайини кийиб келади.

Тўғри, ҳар нарсада меъёр, муайян чеклов бор – бу ердагилар ҳам шунга риоя этади, жуда бачканалашмайди. Аммо жонажонда формадан-да муҳим ишлар тиқилиб ётганда яна форма дейилса, ёмғир ёғиб, лой-балчиққа айланган йўлдан мактабига қатнаётган болалар расми кўз олдимга келади.

Мактаблари таъмирталаб, канализация етиб бормаган ёки ичимлик сувда муаммоси талай, дарсликлари баҳсталаб, танқидлар ичида қолган, ўқитувчилари маоши паст бўлган бир пайтда формага ёпишиш – пойдевори қулай деяётган уйни косметик таъмирлашга ўхшайди мен учун. Ялтираб турса бўлди-да.

Қизим 1-синфга Эдмонтонда чиқди (бундан, рости, хурсандман. Чунки икки давлат таълим тизимини таққослайвермайди). Ҳеч қандай форма, алоҳида кийим олиб бермадик. Бисотида борини, ҳали кичраймаган бўлса, ювиб, дазмоллаб кийиб чиқаверди. Август охирида мактаб бозорига югур, янги носки, сочига тасма, кофта-юбка, дафтар-ручка ол қилмадик.

Ўқув қуроллари мактаб маъмурияти имейлга юборган ҳавола орқали буюртма берилади – онлайн дўконнинг ўзи мактабга етказади. Бир йилда бир марта. Фонд пули, ремонт пули, дарслик ижараси, ўқитувчилар байрамига йиғ, 8-мартга совға ол, битирув кечасига кўйлак тиктир деган гаплар умуман йўқ.

Боланинг бор эътибори ўқиш, саводини яхшилаш, танқидий/ижодий фикрлашни ўстириш, жисмоний машғулотлар ва ижтимоий фаолликда бўлади.

Биз ота-оналар олдига мактаб маъмурияти қатъий талаб ёки шартлар қўймади бирор масалада. Аксинча, қандайдир тадбир, лойиҳа бўлса, узрхоҳлик билан имейл ёзилади ва вақт-шароитга қаралади. Боланинг ўқишдаги камчилиги, сустлиги ё муаммоси бўлса, синф раҳбари индивидуал гаплашиб, бирга ечим қидиради.

Афсуски, оҳори тўкилмаган форма жорий қилган билан таълим ривожланиб, болалар ақлли, илмда пешқадам бўлиб кетмайди-да.

@chnizomiddinova
1,375
Shunchaki...

21 Jan, 18:02

Assalomu alaykum, tahlil uchun rahmat. Postni haqiqatan ham noto'g'ri talqin qilinishi mumkin ekanligini hisobga olib o'chirdik. Aslida biz hech qanday kamsituvchi fikr yoki mulohaza emas, shunchaki til o'rganishga urg'u bermoqchi edik. Biz Abduqodirning o'zbek tilida gapirganidan xursandmiz. Aksincha, undan hamkasblari o'rtasida o'zbek tilini o'rganmoqchi bo'lganlarga ham yordam bera olamiz.

Marhamat, Sizlar ham ingliz tilida so'zlashuvchi do'stlariningizga jo'natishingiz mumkin:

👉https://youtu.be/Vuvlskrg1Bk?si=aPQ0xdE-wPDozbJi
1,209
Shunchaki...

21 Jan, 13:36

Yana reklama haqida

Hozir instagramda ko‘zim tushdi. Abduqodir Husanovning rasmi bilan "Ibrat farzandlari" loyihasi reklama chiqaribdi. Matn: ingliz tili qanchalik tez kerak bo‘lib qolishini bilmay qolasiz. Shunday ekan, "Ibrat farzandlari" bilan ingliz tilini o‘rganishni hoziroq boshlang".

Psixolingvist sifatida xulosam: bu omadsiz/muvaffaqiyaysiz, hatto noadekvat reklama. Nima uchun?
1. Abduqodir Husanovning Angliyada o‘zbekcha intervyu berishiga salbiy munosabat implitsit ifodalangan. Loyiha mualliflari, garchi bu reklama intervyudan oldin tayyorlanganini aytganlar. Ammo bu mohiyatni o‘zgartirmaydi. Baribir, Abduqodirni ingliz tilini bilmaydi va bu uning nuqsonli jihati degan implitsit ifoda, yaʼni tagmaʼno bor.
2. Abduqodir Husanov o‘z sohasida shu darajada muvaffaqiyatga erishganki, uning professionalizmi inglizlar uchun uning ingliz tilini bilishidan muhimroq. Abduqodirning Angliya premyer ligasidagi eng kuchli komandaga taklif qilinishi o‘z sohasining yaxshi mutaxassisi bo‘lish til bilishdan muhimroq degan xulosani beradi. Shuning uchun bu vaziyatdan til kurslari reklamasi uchun foydalanish mantiqsizlikdir. Ko‘proq antireklamaga o‘xshab qolgan.
3. Bu reklama menga taxminan o‘n yillar oldin Jo‘rabek Jo‘rayevning rus televideniyesidagi ko‘rsatuvda chiqib, o‘zbekcha gapirganini muhokama qilib, uyat, ota-onasi rus tilini o‘rgatmagan ekan degan ayrim "ziyoli" larimizning gapini eslatdi.
Bu bizdagi bir yarim asrlik mustamlaka natijasida shakllangan o‘z millati, tilidan uyalish, o‘zini nuqsonli his qilish bilan bog‘liq.

Xulosa sifatida, bo‘ldi-da endi... Biz ingliz tilini bilishimizdan emas, ona tilimizda shunday yuksak minbarlarda gapirayotganimizdan g‘ururlanaylik!

@psixolingvist
1,038
Shunchaki...

21 Jan, 04:48

#mashina
Kecha maktabimizda ajoyib kun bo'ldi. Abu Dhabida o'tkazilgan tanlovda g'olib bo'lgan ikki nafar o'quvchi va ularga hamrohlik qilgan ustoz BYD avtomashinasi bilan taqdirlanishdi.
Yangiliklardan bilgan bo'lsa kerak hamma (deb o'ylagan edim har holda) negaligini. Bolalar yomg'ir suvlarin qayta ishlab ichimlik suviga aylantirish loyihasi bilan borgan edi tanlovga.

Xullas, rasmiy tadbirdan so'ng maktab jamoasi mashinani tomosha qilgani chiqishdi. Suratga tushishdi, kimlardir rulga o'tirib ham ko'rdi va hk.
A Kamina Instagram va Facebook tarmog'idagi sahifamga lavha (story) qo'ydim. "Mana bugun maktabimizda tarixiy voqea" deganman unda va uch mashinani ko'rsatganman. Odamlar gavjum u yerda.. Tamom..
Mashina aynan menga berilgan deb tushunadigan birorta ishora, so'z ketib qoldimi deb o'zim ham ikki marta ko'rdim olingan videoni. Yo'q. Unday gap yo'q. Ammo shunda ham ko'pchilik tanishlarim meni yutug'im (!) bilan tabriklab yozishdi.

Keyin qayta video joyladim izoh berib. Egalari suratini ham joylab.

Va eng ajoyibi shundaki, mashina menga emas deb shaxsiydan yozganimdan keyin menga tasalli bera boshlashdi. Sizga ham berib qolishadi degan mazmunda.

Miyamda (har doimgiday) turfa variantda javoblar qalashdiki, birin-keyin yozsam.
1. Meni hukumat
tomonidan mashina sovg'a qilinadigan ish qila oladi deb o'ylaganingiz uchun rahmat. Katta ishonch bu. Zo'r bu.
2. Ishxonam mehnatini qadrlab mukofotga tavsiya qiladi deb o'ylashibdi. Yaxshi bu.
3. Meni birovning muvaffaqiyatiga samimiy quvona oladi deb o'ylashmabdi. Ular uchun yaxshi emas bu.
4. Mashina olmaganimga o'kinyapti deb xulosa qilishibdi. Kamsitish bu .

Men nega mashina olmadim, deylik. Chunki buni Allohdan so'raganim yo'q. Xayolimga ham kelmagan taqdirlanish.
Men harakat ham qilganim yo'q axir xalqaro miqyosda loyiha qilishga.
Lekin nafsilamrini aytganda, mashina, orden yo unvon uchun emas, insoniyat tarixida iz qoldirish uchun ham nimadir qilish kerak..
@suvaydo
1,238
Shunchaki...

19 Jan, 15:51

#hammabopozbektili
Bugun o'g'lim ko'rsatib qoldi. Oxirgi oy ichida "Hammabop o'zbek tili" kanalimdagi darslar 68 ming marta ko'rilibdi.

Uni dunyoning qaysi nuqtalarida turib kuzatishyapti ekan deb qiziqdim. Qarang..

Xullas, mehnatimiz kimlargadir asqatayotganidan xursandman.

Ilgari shu mavzularni pulga o'rgatar edim, ammo o'shanda ham hozirgichalik mamnuniyat va qoniqish hissini tuymas edim.
Allohga shukr.

Meni ma'nan va moliyaviy qo'llab-quvvatlayotganlarga alohida rahmat.

PS. Kimdir hali obuna bo'lishga ulgurmagan bol'sa, hozir ayni vaqti :)
https://www.youtube.com/@Hammabopozbektili
@suvaydo
1,546
Shunchaki...

19 Jan, 15:43

#reklama
Azizlar, kimdir kanalimda reklama bermoqchi bo'lsa, oldin ruxsat so'rasin, iltimos.
shahar bedarvoza emas, deydi-yu..
@suvaydo
1,513
Shunchaki...

18 Jan, 13:12

she'rning aynan nimasi menga yoqdi?
Birinchidan, she'rda aynan bizning tushunchalalrimiz, xatolarimiz haqida so'z boradi. Biz ko'pincha farzandlarimizga shaxsiy mulkimizday munosabatda bo'lamiz. Uning qanday kiyinishi, qayerda o'qishi, kelajakda qanaqa kab tanlashi, kim bilan oila qurishi hatto kimlar bilan do'stlashishini ham o'zimiz hal qilmoqchi bo'lamiz. Aksar hollarda ularning fikri, tuyg'ulari bilan hisoblashmaymiz.

Chindan ham, shoir aytganiday, biz ularning ertasiga kirib ololmaymiz, ming tirishmaylik, o'zimizga o'xshata olmaymiz, ular - biz emas.
Va ota-ona - yoy qancha egilsa (mashaqqat cheksa, sinovlarga duch kelsa), o'q - farzandlar shunchalik shiddat bilan uzoqqa bora oladi.

Farzand - omonat. U hali qorningizdaligidagina sizniki, hayotining dastlabki 4-5 yilidagina u bilan uzzu-kun birga bo'ish baxtiga musharrafsiz. Keyin uning diqqati, mehri bog'chadosh, maktabdosh, kursdoshlariga bo'linadi. Ulg'aygani sari sizdan uzoqlashaveradi.

Ota-ona bolalarini duo qilib, har biri o'z hayotini yashashini, o'z oilasini qurishini kuzata oladi. Baxtni uning baxtliligini his qilibgina tuya oladi.
Alloh farzand ne'mati bilan siylaganiga shukr.
@suvaydo
1,997
Shunchaki...

17 Jan, 05:47

#kun_xulosasi
Bugungi Transformative learning darsida Xalil Jibronning ikkita she'rini tahlil qildik. Bir-biridan chiroyli va ajoyib she'r bo'lgani uchun sizlarga ham ilindim.

***
"And the woman with the child at her breast said: Tell us about the Children. And he answered thus:

Your children are not your children.
They come through you, but not from you,
And though they are yours, you are not their master.
You may give them your love, but not your thoughts,

Because they have their own thoughts.

You may house their bodies, but not their souls,
For their souls dwell in the house of Tomorrow, which you cannot visit, not even in your dreams.
You may strive to be like them, but do not strive to make them like you.
For life does not go backwards, nor does it wait for Yesterday.
You are but bows from which the living arrows are sent forth, which you call your children.
The Archer sees his mark on the path to the infinite, and it is He who bends you with His power, that His arrows may fly swiftly and far.
Let your bending in the hands of this Archer be your joy,
For He loves not only His arrow that flies, but also His bow, though it be still."

***
Ruscha tarjimasi
«И женщина с ребёнком на груди сказала: Скажи нам о Детях. И он ответил так:

Ваши дети — это не ваши дети.
Они появляются через вас, но не из вас,
И, хотя они принадлежат вам, вы не хозяева им.
Вы можете подарить им вашу любовь, но не ваши думы,

Потому что у них есть собственные думы.

Вы можете дать дом их телам, но не их душам,
Ведь их души живут в доме Завтра, который вам не посетить, даже в ваших мечтах.
Вы можете стараться быть похожими на них, но не стремитесь сделать их похожими на себя.
Потому что жизнь идет не назад и не дожидается Вчера.
Вы только луки, из которых посланы вперед живые стрелы, которые вы зовете своими детьми.
Лучник видит спою цель на пути в бесконечное, и это Он сгибает вас своей силой, чтобы Его стрелы могли лететь быстро и далеко.
Пусть ваше сгибание в руках этого Лучника будет вам на радость,
Ведь он любит не только свою стрелу, что летит, но и свой лук, хотя он и неподвижен».

***
Kimdadir vaqt bo'lsa, o'zbekchaga tarjima qilsa. O'zim kechroq urinib ko'raman, Ayni paytda bunga iloj yo'q.
@suvaydo
1,966
Shunchaki...

16 Jan, 19:28

#darvoqe
1-dars bo'lgani uchun hamma bilan tanishib chiqdi ustoz. Ismingni to'g'ri talaffuz qilyapmanmi deb so'radi.
Shunda Azamat ismli bola "mening amerikacha otim Adam, Adam deb chaqiravering", degan edi ustoz: men ismlarni amerikachalashtirish tarafdori emasman, Azamat deyaveraman, - dedi.
Esiz.
Silvia bo'volarmidim men ham bahonada. 😏
@suvaydo
1,634
Shunchaki...

16 Jan, 19:17

#kun_xulosasi
Kunim yana dars bilan o'tdi. Mavzuni tushunaman, materiallarni o'zlashtiraman deb qanday kech kirganini payqamadim. Qiyin, ammo maroqli.
Huv o'sha magistraturaga kirganimda o'qimaymanmi shularni deb qo'yaman.
Taqdir qilgani ekan-da.
Hozir yopdim laptopni va miyamga shu satr keldi:
Boshimni zo'r ishga berib qo'yibmen 😅
@suvaydo
1,411
Shunchaki...

16 Jan, 15:34

#facebookdan
Bir hamkasbimning sahifasida ko'rib qoldim.
Mazmuni: Modomiki cho'ntagingda bir dirham pul yo'q ekan, o'g'ri tushadi degan tashvishing ham bo'lmaydi.
Aytmoqchi bo'lganim: puling bo'lmasa, xotirjamroqsan.
😊😏
@suvaydo
1,408
Shunchaki...

15 Jan, 15:00

#rashk
***
"Eri rashk qilmaydigan xotinning hayoti yovg'on sho'rvaga o'xshaydi"
Abdulla Qahhor
***
Rashk — bamisoli bir maxluq, u o‘zidan-o‘zi boshlanib,yo‘q gaplarni yuzaga chiqaradi.
V. SHEKSPIR
***
Muhabbatning rashkdan yaqinroq do‘sti bo‘lmaganidek, undan battarroq dushmani ham yo‘q: bu ayni temirning o‘zida paydo bo‘lib, keyin uning qattor dushmaniga aylanadigan zangning o‘zginasidir.
J. BRUNO
***
Rashkchilar chumolini — fil, qumursqani — bahaybat maxluq, taxminni — rost qilib ko‘rsatadigan vahima oynagi orqali qaraydilar.
M. SERVANTES
***
Rashkning bir foizi muhabbat, to‘qson to‘qqiz foizi esa shaxsiyatparastlikdan iboratdir.
F. LAROSHFUKO
***
Rashk xususiy mulkchilik tuyg‘usining bir ko‘rinishidir.
P. LAFARG
***
Yoqtirmaslik, hadik, shubha hamda rashk hurmat va ishonchning yetishmasligidan kelib chiqadi.
D. I. PISAREV

Xullas, rashk masalasida mashhurlar turlicha fikr bildirgan ekan. G'arb buni yovvoyilik, madaniyatsizlik, qoloqlik deb tushunsa, Sharqda rashkka munosabatlardagi muhim omil deb qaraladi.

Shu o'rinda islom olamida rashk haqida nima deyilishini ham eslab o'tmoqchiman:

قال رسول الله صلى الله عليه وسلم إن الله يَغَارُ وإن المؤمن يغار وغيرةُ الله أن يأتيَ المؤمنُ ما حرم اللهُ.

Rasululloh (sollallohu alayhi va sallam) marhamat qiladilar: “Albatta, Alloh taolo rashk qiladi. Mo‘min ham rashk qiladi. Mo‘min banda Alloh unga harom qilgan narsani qilishiga Alloh taoloning rashki keladi”, dedilar (Imom Buxoriy rivoyati).

Rashk Alloh taolo yaratgan insoniy tabiat va his-tuyg‘udir.

Kishi o‘z ahlini va yaqin mahramlarini begonalardan himoya qilishi va ularning turli nazaridan saqlashi ham rashk hisoblanadi. O‘z ahlini va yaqin mahramlarini begonalardan qizg‘anmaydigan va rashk qilmaydigan kimsa dayus deyiladi. Dayuslik esa ulkan gunoh bo‘lib, u haqda qattiq va’id va ogohlantirishlar bordir.

Rasululloh (sollallohu alayhi va sallam): “Uch kishiga Alloh taolo qiyomat kuni nazar qilmaydi: ota-onasiga oq bo‘lgan; o‘zini erkaklarga o‘xshatgan ayol (kiyinish, yurish-turish va muomalada); dayus”, deganlar.

Ammor ibn Yosir (roziyallohu anhu)dan rivoyat qilinadi: “Rasululloh (sollallohu alayhi va sallam) aytdilar: “Jannatga uch kishi kirmaydi:

dayus;
o‘zlarini erkakka o‘xshatadigan ayollar;
aroq ichishda mukkasidan ketgan kishi”.
Payg‘ambarimiz (sollallohu alayhi va sallam)dan so‘radilar: “Yo Rasululloh, aroq ichishda mukkasidan ketgan kimsani bilamiz, ammo dayus kim?”

Dayus shunday kishiki, o‘z ahlining oldiga kimlar kirib chiqadi, parvo qilmaydi, – dedilar.
***
Erlik g‘ururing bo‘lsa, ey Alloh suygan,
Ahli ayoling bezatib chiqarma uydan.
Mevali shox agar chiqsa ko‘chaga,
Tama qilar o‘tgan yo‘lovchi undan.
Pahlavon Mahmud

***
Xullas, sinfda ham bahs rashkning zarurligi haqidagi e'tirof bilan tugadi (bahs tugamadi, vaqt tugadi)

Men bu hikoyada xotinini yomon ko'zlardan qizg'angan erni emas, poyezdda kelayotiboq o'zini xotiniga noloyiq hisoblaydigan o'ziga ishonchi past erkakni ko'rdim. U avvalboshdanoq xotini haqida yaxshi gumonda emas edi, vaholanki, u bilan olti yil birga yashagan ekan.
Rashkchi nimani ko'rishni istasa, shuni ko'radi.
Men buni muhabbat kuchliligi emas, o'ziga va xotiniga bo'lgan ishonchning pastligi deb qabul qildim.
Siz qanday fikrdasiz?
Rashk haqidagi qaysi mutafakkir so'zlariga qo'shilasiz?
@suvaydo
1,406
Shunchaki...

15 Jan, 14:43

#mulohaza
Bugun 11-sinf o'quvchilari bilan Andre Moruaning "Qaytish" hikoyasini o'qidik.
Mutolaadan so'ng fikr almashdik.
Sizlarga savol:
1. Bu voqeada kimni ayblash mumkin?
a) Renoning urushdan kelayotganini aytgan qishloq oqsoqoli. U xabar bermaganida ayol tayyorgarlik ko'rmas edi va shuncha muammo yo'q edi.
2. Ayol. Erining fe'lini bilarkan, uyda jimgina kutsa bo'lmasmidi?
3. Er. Agar hadeb yomon gumonga boravermay xotini ishonganida edi, qiziqqonlik qilmay uning qaytishini kutganida edi, hammasiga oydinlik kiritgan bo'lardi.

Gap shundaki, sinfdagi o'g'il bolalar erkakning rashkini normal holat deb baholashdi.
- Erining rashkchiligini biladigan ayol sifatida uyda o'tirishi kerak edi. Ayolda ayb.
- Erkaklar biladi odatda erkak kishi ayollar haqida qanday o'ylashi haqida, shuning uchun ham rashk qiladi, odamlar ko'zidan pana qilgisi keladi.
- Agar ayol kishi bilganida edi unga qaragan erkak xayolidan nima o'tishini temirdan kiyim kiyib yurardi degan gap bor-ku.
qabilidagi mulohazalar bo'ldi.

Havoladan kirib hikoyani o'qing. Keyin fikr bildiring.
@suvaydo
1,324
Shunchaki...

15 Jan, 14:35

https://kh-davron.uz/kutubxona/jahon/andre-morua-qaytish-hikoya.html
1,253
Shunchaki...

14 Jan, 16:35

#agar
Quyida qoralama nusxadagi matnni e'tiboringizga havola etyapman.
Uning tahrirlangan, savolga moslangan, tarjima qilingan versiyasini Canvaga joyladim.
***
Agar men 1990-yilga, o’zimning 10 yosh davrimga qaytsam, o’ziga quyidagilarni aytgan bo’lar edim:
Salom, Zulfiya. Bilaman, bu sen sevib o'qiydigan badiiy asarlar syujetlarini eslatadi, ammo ishon, men kelajakdan, XXI asrdan keldim.

Sen hozir har kuningni kitob o’qib o’tkazyapsan, maktabingda bironta tuzukroq do’sting yo’qligi uchun ham uyingdagi shaxsiy kutubxona va qishloqdagi ikkita kutubxonaning barcha kitoblarini birin-ketin o’qib chiqishni maqsad qilgansan, ishon, bu kitoblar senga butun umring davomida yordam beradi.

Bir yildan keyin O’zbekiston mustaqil davlatga aylanadi va oilangiz pulsizlikdan qiynaladi. Yeyishga ovqat topolmay qolgan paytlaringiz bo’ladi, mamlakatda iqtisodiy qiyinchiliklar boshlanadi. Ammo sen bundan qo’rqma, hammasi izga tushib ketadi. Sen hech nimaga chalg’imay ilm olishda davom et.

Yana uch yildan keyin Toshkent shahridagi Nafis San'at litseyining adabiyot sinfiga o’qishga qabul qilinasan va u yerda chinakam do’stlaringni topasan, mamlakatning eng yaxshi professor, dotsentlaridan saboq olasan. 15 yoshingda universitet talabasi bo’lasan. Ammo qo’rqma, sen hammasini uddalaysan.

Dadang magistratura uchun O'zbekiston Milliy universitetini tanlaganingda seni baribir o’qishga kirolmaysan deb ahdingdan qaytarmoqchi bo’ladi. Begona shaharda, ota-onangdan uzoqda bir o’zing yasholmaysan, dunyoda yomon odam ko’p deb seni ogohlantiradi. Sen qo’rqma, dunyo yaxshi odamlardan iborat. O'qishga esa eng yuqori ball bilan kirasan.

Urdu tilini o’rganishni bas qil, baribir hech qayerda kerak bo’lmaydi, rus tilini o’rganganing uchun hali ko’p xursand bo’lasan, ammo ingliz tilini o’rganishni ham boshla. Aks holda, 37 yoshingda bolang tengilar ichida ingliz tili kurslariga qatnashga majbur bo’lasan.

Sen irodalisan, o’zingga ishonasan, qiyinchiliklardan qo’rqmaysan.

Seni iqlim o'zgarishi, iqtisodiy beqarorliklar, zilzilalar, inflyatsiya, yaqin insonlaring vafoti kabi ko’plab sinovlar kutyapti. Ammo shuni bilki, Alloh sen bilan.

Vaqtingni behuda o’tkazma, Alloh nimaiki bersa, shukr qil, uning mehribonligiga shubha qilma.
@suvaydo
1,522
Shunchaki...

14 Jan, 16:19

#kun_xulosasi
Bugun uzzu-kun Transformative learning fanidan berilgan topshiriqlarni bajarish bilan bad bo'ldim. O'ziyam naq 5ta uy ishi berilgan edi. Turli kitoblardan parchlar, maqolalar o'qish, har biriga oid savollarga javob berish kerak edi. Yana pedagogik faoliyatimga oid bo'lgan bitta voqea- misol haqida ham yozishim kerak ediki, unda mening qarashlarim, xulosalarim o'zgargani haqida bayon qilishim kerak edi.

Men PMga ishga kirib o'zbek tilini o'rgatish uslubim xatoligini anglab yetganim haqida yozdim.

Grammatik qoida+ mashq tarzida o'qitish natija bermasligini, 4 lisoniy ko'nikma rivojlanishi uchun ingliz tili darsliklariga asoslanganimni, o'zbek tilini 2-3- darajali deb hisoblaydigan yoki fikrlash tili rus va ingliz tili bo'lgan bolalarga qanday qilib o'zbek tilini o'rgatganim haqida yozdim.

Maqolalarni oldin ingliz tilida, keyin rus tiliga tarjima qilib, kein tarjimasni asliga solishtirib o'qidim.

Transformative learning, qisqacha va sodda til bilan aytganda, o'zgarishlar, evrilishlar haqidagi fan ekan. Odam hayotida u yoki bu hodisa tufayli o'z qarashlarini o'zgartirgani kabi o'qituvchi ham faoliyati davomida ta'limga munosabati, yondashuvini o'zgartirishi haqida. (bu eendi 1-darsdan olgan xulosalarim, hali 2oy o'qiymiz)

Men o'ylaganimdan aaaancha qiyin ekan talabalik. PMning sobiq o'quvchilaridan biri, baxtimga, ta'tilga O'zbekistonga kelgan edi, u menga Canvadan foydalanish, matnni tahrirlashni o'rgatdi.

Ikkinchi fanimdan berilgan 1-uy ishi esa o'tmishga qaytib, 10 yoshlik o'zimga maktub yozish ekan. Yozyapman-u, ko'zimga yosh kelyapti.
Balki, matnning o'zbekchasini sizlar bilan bo'lisharman..
@suvaydo
1,131
Shunchaki...

14 Jan, 08:18

#facebookdan
Илмий унвон ва илмий даражалар номларини инглиз тилига таржима қилиш бўйича тавсиялар

Аспирант – Postgraduate

Иқтисодиёт кафедраси аспиранти (муайян кафедра аспиранти эканлиги аниқ кўрсатилганда) – Postgraduate at the Department of Economics

Декан – Dean

Директор – Director

Таянч докторант, докторант – Doctoral сandidate

Доцент (лавозим) – Associate professor

Иқтисодиёт кафедраси доценти (муайян кафедра доценти эканлиги аниқ кўрсатилганда) – Associate professor at the Department of Economics

Доцент (илмий унвон) – Docent

Кафедра мудири (лавозим) – Head of Department

Иқтисодиёт кафедраси мудири (муайян кафедра мудири эканлиги аниқ кўрсатилганда) – Head of the Department of Economics

Кафедра – Department

Ўзбекистон Республикаси Фанлар Академияси академиги – Member, Uzbekistan Academy of Sciences

Иқтисодиёт фанлари номзоди, иқтисодиёт фанлари бўйича фалсафа доктори – PhD in Economics

Иқтисодиёт фанлари доктори – Doctor of Economics
Abduqahhor Iminoxunov sahifasidan olindi.
@suvaydo
1,222
Shunchaki...

14 Jan, 05:57

#bayram_muborak
Bu sana garchi kalendarda qizil rang bilan belgilanmagan, dam olish kuni sifatida nishonlanmaydigan bo'lsa-da, uni nafaqat Vatan himoyachilari, balki barcha erkak zotini tabriklaydigan bayram sifatida qabul qilganmiz.

Odatda, erkaklarga sovg'a tanlash juda mushkul. O'zim shu kungacha -doshlarga berilgan sovg'alarni eslasam,
- soqol olish uchun krem, ko'pik va hk,
- hafta kunlari nomi yozilgan 7talik paypoq,
- kamar,
- hamyon,
- har birining oti yozilgan krujka,
- soyabon (yomg'irpo'sh),
- yoningda olib yurishga mo'ljallangan kichkina joynamoz va Qur'on
va hklar keldi xotiramga..
Ha, yana, PM qizlari qora rangli fartuk sov'a qilishganini, bolalar uni taqib kelishganini ham esladim. Juda yoqqan edi shu g'oya (muallifiga tahsinlar)
Tabrik so'zi sifatida esa: "Vatanni himoya qilishda davom etinglar" degan jumla keladi-yu, ammo buyam kinoyadan eshitiladi hatto o'zimga, zero, aksariyati harbiy xizmatga ham bormagan, qurol ko'tarmagan, Vatan himoyasi uchun nimadir qilmagan.
ammo

oilasini, yaqinlarini himoya qilayotgan, ularga g'amxo'rlik ko'rsatayotgan ERKAKLAR borki, ularga rahmat aytish, shu sana bahona minnatdorchilik va ehtirom izhor qilish KERAK!

Qadrli erkaklar, bayramingiz muborak.
Yaxshiyam siz borsiz hayotimizda, g'am chekmaymiz. Bozorlik qilish kerak, soliq to'lash kerak, uyni ta'mirlash vaqti keldi kabi tashvishlarimiz yo'q.
Kasal bo'lsak, sizlarga suyanish mumkin, tushkun paytimizda qo'llab-quvvatlaysiz, bayramlarda gullar va sovg'alarni ayamaysiz, muhabbat izhoriga ko'mmasangiz-da, qo'limizdan og'ir yukni olganingizda, charchaganimizda kechki ovqatga buyurtma berib qo'ya qolganingizda, chaqaloqni ko'chaga sayrga olib chiqib ketib uxlab olishga imkon yaratganingizda, xullas, barcha mehribonchilikni manoyon qilgan oningizda biz Sizning mehringizni his eta olamiz.
Boringizga shukr.
Yana bir bor bayram muborak, Erkaklar!
@suvaydo
1,295
Shunchaki...

13 Jan, 12:47

#kun_xulosasi
Chindan ham, viruslar mutatsiyaga uchrab oldingidan ham kuchlilashganmi yoki shunchaki tanam yosh emasligini tan olish kerakmi, har holda, shamollashim hali ham o'tib ketmadi.
Umumiy holsizlik hanuz bor.
Sportzal haqida o'ylay ham olmayapman. Ammo hech bo'lmaganda piyoda yurishga o'zimni majburlashim kerak.
Sherik bo'lsa edi..
Xullas, o'zingizni ehtiyot qiling, azizlar.
@suvaydo
1,356
Shunchaki...

11 Jan, 17:08

https://youtu.be/xXJ8pl9acdM?si=m0kjl7e4KcGNSjh5
1,568
Shunchaki...

11 Jan, 13:26

#talaba
Xullas, aytganimday, kamina o'qish boshladim. 1-marta darsga bordim. Partaning narigi tomonida emas, bu tarafida bo'lish yoqdi.
Jadvalda 8:30 deyilgan edi, eski kasallik, kechikolmayman, vahima bilan erta turib otlandim.
Auditoriyaga kirganimda faqat o'qituvchimiz o'tirgan ekan darsga tayyorgarlik ko'rib. Salomlashdim. 1-partaga joylashdim.
Ekran yoqiq edi va zoom orqali online o'qishni tanlagan kursdoshlar ham qo'shila boshlashdi. Dars boshlangach birin - ketin yana 7ta talaba kirib keldi.
Fanning nomi "Transformative learning" edi.
Dastlab hamma o'zini tanishtirdi. Men "sinfdagi eng yoshi katta talaba bo'lsam kerak" deb gap boshladim va ayni paytda qayerda ishlashimni, qaysi fandan dars berishimni va bu kursda nimalarni kutayotganimni aytdim. (o'qituvchimiz menda ham kattaroq talabalar borligini aytib tasalli bergan bo'ldi ))
Keyin ustoz "transformative learning" atamasi haqida nima bilishimizni so'radi, so'ng o'zi ta'rif berdi, turli video, slayd orqali atamani, fanning mohiyatni tushuntirdi.
Orada "fikringizni butunlay o'zgartirgan qanday voqea yuz bergan hayotingizda?" deb so'radi. Har kim o'z tajribasi bilan o'rtoqlashdi.
10 daqiqalik tanaffus ham berdi.
2-juftlikda activity o'tkazdi. Qanday qilib jamoaning fikrini o'zgartirish mumkin? degan savol berdi va bizni 4 guruhga bo'ldi. Maktabgacha ta'lim, boshlang'ich, o'rta va yuqori sinf o'quvchilari misolida har bir jamoa o'z fikrini bayon qildi.
Muhokama qismida o'qituvchining o'zi Google yoki ChatGPT orqali savolga javob izlab ko'rishni tavsiya qildi.
Kamina bog'cha bolalari rag'batni yaxshi ko'radi, shuning uchun ularni chapak chalib yoki shirinlik berib maqtash samarali bo'ladi degan fikrni ilgari surdim. Hammani eshitgach, o'qituvchi izoh berdi, masalan, mening fikrimni yoqlashini, ammo shirinlikka kimningdir allergiyasi bo'lishi mumkinligini hisobga olib, buyum ko'rinishidagi kichkina hadyalar bergan ma'qulligini aytdi. Qaysidir jamoadoshlarga esa "bolalarga xatolarini tushunib olish imkonini berish" yoki "o'z maqsadlari yo'lida kurashishi" kabi fikrlarni aytayotganida gap bog'cha bolasi haqia ketayotganini unutmasligini aytdi va hk.
Dars yakunida uy ishlarini qachongacha qilish va aynan qaysi platformaga joylash kerakligini tushuntirdi. Ko'chirmakashlik va plagiatdan qaytardi.
Xullas, darsdan chaqog'i bosilgan sayyohday to'lib chiqdim. Yonimdagi bir talaba instagramda tovaning reklamasini tomosha qilib o'tirganiga ko'zim tushib qoldi-yu, o'yladim: "men vaqtni isrof qilishday hashamni o'zimga ravo ko'rolmayman". Ehtimol, yosh bo'lganimda keyinroq o'qib olaman, deb o'ylay olardim, ammo hozir.. dam bu damdir..

Qiziquvchanlar uchun esa endi yozaqolay: kamina Webster universitetining magistraturasiga kirdim. Tanlagan yo'nalishim: EDIN (Education and innovation - Ta'lim va innovatsiya) deb nomlanadi.
Har kuni nimani o'rgansam, yozib boraman devorardim-u, 1-darsning o'zidayoq 5ta vazifa berilganidan ma'lumki, vaqtim bo'lmaydi.
Duolaringizda eslab qo'ying, Alloh oson qilsin, salomatlik bersin, zehnimni o'tkir qilsin.
@suvaydo
1,561
Shunchaki...

09 Jan, 09:51

#kun_xulosasi
Umraga borishga ketgan puldan ko'proq ketadi qarindosh - urug'ni kuzatishga.
Nima emish:
- kelganlarning har biriga sovg'a berish shart ekan. Oq ro'mol, oq do'ppi, tasbeh, joynamoz va va hk.

- tashrif buyurganlarga zamzam suvi yaltiroq idishda suzib ulashilmasa bo'lmaskan. Bu yerda choynakning ham tillarang bo'lishi g'oyat ahamiyatli

- hoji oq rangdagi sarpoda namoyon bo'lishi kerak ekan mehmonlarga.

- Qo'y so'yib, qozon osib, ziyofat berarkansan.
Va hk..

He, o'zim o'rgilay orzu-havaslarimizdan.
Ibodat - har kimning shaxsiy ishi.
Mana men xurmo va zamzam olib keldim, yaqinlarimga ulashdim. Tamom.

Ziyofat bermadim. Mahallam boshidan poyandoz solib kutib olmadi hech kim. Kechasi birov ko'rmadiyam qaytganimni.
Hayot davom etyapti.
Ammo...
Ba'zilarga uqtirib bo'lmaydi..
G'alati xalqmiz-a..
@suvaydo
1,754
Shunchaki...

09 Jan, 05:36

#Feedback #onalikmaktabi #ona_madrasadir

✍Ona – madrasadir kursida o’qishim farzandlarimni ta’lim tarbiyasi uchun qilgan eng foydali ishim bo’ldi deb o’ylayman. Ham ta’lim, ham tarbiya, ham diniy ta’lim berish, ham olimlarni ilmiy ishlarini o’z ichiga olib tuzilgan bu kurs keng qamrovli. Menga o’xshab g’arbda yoki O’zbekistonda yashayotgan onalar hozirgi zamon talablariga javob beradigan ta’limni qanday yo’lga qo’yish kerakligi to’g’risida bilim va ko’nikmalar o’rgatildi.

Avvalo, ustozimiz hamfikr, maqsadi bir, intiluvchan, ilmli va iste’dodli ayollarni bir oraga keltirib, fikr va tajriba almashishga imkon yaratib berganlari eng kotta yutug’im bo’ldi. Men kursdagi ayollardan ruhiy dalda va ilhom oldim, ko’p narsa o’rgandim.

O’qish mobaynida bolalar bilan qanday muomala qilishni, ular qanday o’rganishini bildim. Hamma bolani o’zini o’rganish uslubi bo’lgani uchun har bir bolaga individual yondashuv kerakligini o’rgandim. Ta’lim bu faqat partada daftar qalam bilan o’qituvchi dars o’tishi emasligini tushundim. Dars rejasini tuzish, qanday qismlardan iboratligini o’rgandim, amalda bitta dars o’tib ko’rishga imkon bo’ldi.

Kurs boshida oldimga qo’ygan maqsadlarimga erishdim, lekin kurs davomida yangi maqsadlar paydo bo’ldi va ularni amalga oshirish uchun kerakli yo’l yo’riqlar va resurslar berildi.

Kurs davomida o’zim uchun ta’lim va bolalar tarbiyasi sohasida kitoblar yozgan insonlar bilan, ularni falsafalari, g’oyalari, ilmiy tadqiqotlari bilan tanishdim. Ustozimiz Iroda opa o’zlari tajribada qo’llab ko’rgan, sinalgan resurslar bilan bo’lishdilar. Bu bizni ancha vaqtimizni va pulimizni tejaydi, chunki hamma resurslarni yutuq va kamchiliklari bilan bo’lishdilar, shunga qarab o’zimizga mosini tanlashda qaror qabul qilish ancha oson bo’ladi. Men uchun yaxshi kitob, yaxshi resurslar bilan tanishish katta boylik topishga teng.

Kurs kontenti, yetkizib berish jarayoni menga yoqdi, kamchilik topa olmayapman. Ustozimiz va boshqa o’quvchilar orasida aloqada bo’lish judayam oson bo’ldi, savollarimni istalgan vaqtda berib javobini doim tez oldim.

✍ Nigora Usmonova
———
Ona Madrasadir 2025 uchun qabul 10chi yanvargacha davom etadi. Darslar shanba 11 yanvar kunidan boshlanadi. Batafsil ma'lumotlar uchun ushbu ilovaga bosing

https://raising-scholars.com/courses/homeschooling/ona-madrasadir/

Ro'yxatdan o'tish uchun @yaqin1bot ga murojaat qiling.

https://t.me/YaqinOzbek
1,446
Shunchaki...

07 Jan, 04:16

#so'z
Fizioterapiya muolajasini qilayotgan hamshira qizdan:
- Vay, bugun ko'rinishingiz yaxshi. Ko'zlaringiz ochilib chaqchayib qolibdi.
- Rahmat lekin "chaqchayish" ijobiy ma'nodagi so'z emas.
- Nega?
-...
🤦‍♀
@suvaydo
1,827
Shunchaki...

06 Jan, 13:17

#kun_xulosasi
***
Tanangda quvvat bo'lmasa, miyang tiniq ishlamaydi. Hech nimani tahlil qilmaysan.
Shunchaki uyxlaysan-uyg'onasan..
Balki, shuyam kerakdir odamga gohida.
***
Bemor uchun eng kerakli odam - suv, ovqat berib turadigan kimdir.
***
Vrachga borib, dori yozdirib, ularni sotib olib, keyin ichishga ikkilanadiganlar bormi?
@suvaydo
1,655
Shunchaki...

06 Jan, 09:26

#bemorlik
Bir haftadan beri qanchalik o'zimni va atroffagilarimni sog'ligimga ishontirishga urinmay, kecha tan oldim: ha, shamolladim. Mazam yo'q.

Yo'tal, bosh va tomoq og'rig'i, umumiy holsizlik, gaymorit - hammasi birda.

Dard - gunohlarga kafforat deyishadi. Alloh yana bir marta menga marhamat ko'rsatyapti.
2019-yil koviddan beri bunaqa astoydil shamollamagan edim..
Duolaringizda eslab qo'yarsiz.
@suvaydo
1,214
Shunchaki...

05 Jan, 15:53

#salomatlik
Men odam yilda bir marta tibbiy ko'rikdan o'tishi kerak deb hisoblayman. Pul berib qog'ozga "o'tdi" degan muhr bostirib emas, rasmana

Bu unchalik katta mablag' talab qilmaydi. To'g'ri, tekin emas, arzon ham emas.
biroq..
1-holat
Yaqin bir insonim kutilmaganda vafot etdi. Qon bosimi oshib ketib. Hali yosh edi. Vrachga borishni orqaga surgan edi uyidagi ta'mirlash ishlari tufayli.

2-holat
Menga begona ayol. Qizining to'yiga sep-sidirg'a qilaman deb bozorda yurganida oshqozonidagi yara ochilib ketib kasalxonaga tushib qoldi. To'yda qatnasholmadi. Haytovur, hayotini asrab qolishdi shifokorlar. U to'y o'tsa, keyin vrachga uchrayman deb yurgan edi.

3-holat.
Ayolning mazasi bo'lmay tez yordam chaqirtirishadi. Vrach bemorning eriga qarab turib, rangingiz boshqacha, qon bosimingizni o'lchab ko'raylik-da sizning, deb qoladi. 220/100 chiqadi. Kasal aslida siz ekansiz deydi-yu, shifoxonaga shoshadi, yetkaza olmaydi, yo'lda vafot etadi.

4-holat
Bola daraxtdan yiqiladi. 1-2 kun oqsoqlanadi-yu yana chopqillab ketadi. Hech kim jiddiy ahamiyat ham bermaydi. 18 yoshida armiyaga olishmaydi bukri deb, chindan ham, ko'p o'tmay qaddini tutolmaydigan bo'lib qoladi.

Ha endi, taqdir-da, dersiz, ehtimol. Ajali yetsa, bir bahona bo'lib qoladi-da, ham deysiz va haqsiz, bahslashmayman..
Ammo.. tana ham Allohning omonati. Uni asrash kerakmi?
Beparvo yuravermaslik kerak kasallik avj olmagunicha, bedavo dardga aylanmagunicha..
Salomatligingizdan pul qizg'anmang.
Alloh barcnangizga sog'liq bersin.
@suvaydo
1,318
Shunchaki...

05 Jan, 15:41

#u
Uning hayoti moslashishga urinish bilan o'tmoqda. El qatori, albatta.
Bolaligida sinfdoshlari bilan kelishmovchilik bo'lib, sinf almashtirdi - o'rgana olmadi. Keyin mutlaqo boshqa maktabga o'qishini ko'chirmoqchi bo'ldi. Bo'lmadi. Bino ham, atrofidagi ko'zlar-u ovozlarga ko'nika olmadi.
Baxtiga, litsey u qidirgan joy bo'lib chiqdi.
Keyin.. Universitetga moslashishiga bir yil ketdi.
Birinchi ishxonasida ham o'zini begonaday his qilaverdi. O'z joyini topmagunicha almashtirdi. Qo'nim topdi.
Oila qurganida bittada o'zini erkin, uyidagiday his qildi.
O'ylab qarasa, nuqul yangi muhit, davraga duch kelaverar, har gal noldan boshlashiga to'g'ri kelganida cho'chimas ekan.. ammo...
O'zini topish muhim, o'ziga xayrixohlarni topish mushkul.
axir hayot izlanishdan iborat.
Yo moslash, yo boshqa joyga ketib qidir..
@suvaydo
1,233
Shunchaki...

05 Jan, 15:27

#negativ
Menga "negativ gaplar yozmay qo'ydingiz" deyishdi kanalimga.
Shu bilan 2-odam meni negativchi deb o'ylarkan degan xulosa qildim.
Balki, hamma narsaga, kimsaga shubha bilan qaraganim, kosa tagida nimkosa (g'araz, shaxsiy manfaat, tagma'no, kinoya) qidirganim (va odatda topganim) uchun shunday ko'rinarman?
Bilmayman.
Har holda, ichimdagi "taftish komissiyasi" shunday xulosa qildiki,
- birinchidan, bu kanalni kundalik daftar o'laroq tashkil qigandim, nimani his qilsam, o'ylasam, xulosa qilsam, nimadandir ranjisam, hayratlansam, qo'yingki, ilgari kundalik daftarim bajaradigan vazifani shunga yuklasam va unutib qo'yishni istamagan voqea va xulosalarimni qayd etib qo'ysam degan niyat bor edi avval boshdanoq.

- ikkinchidan, odam shodligini ko'pam bo'lishavermaydi, shavkatrahmonona fikr ham yo'q emas (Baxtiyorman degan birgina so’zni
aytish uchun kerak qancha kuch, chidam,
garchi baxt so’zlarning eng yoqimligi, garchi tursa hamki tilning uchida.
Og’ir botmasmikin bu so’z kimgadir,
tegib ketmasmikin oh-vohlariga,
qandoq bardosh berib yashayman keyin baxtsiz kimsalarning nigohlariga).
chunki.. men xursand bo'lsam, bu haqda yozolmayman, siqilgan paytimgina qog'oz qoralayman, she'r yozaman, shuningdek, baxtli odam ham mamnun holida ijtimoiy tarmoq kezadi deb o'ylamayman. tushkun odam tasalli, hamdard izlaydi.. ana o'shalarga asqatar, ehtimol, yozganlarim..

- uchinchidan, yozganlarim aksariyat kayfiyat hosilasi, ertasiga, bir yildan keyin boshqacha o'ylashim ham mumkin..

Katta mas'uliyatni bo'ynimga olishni istamaganim uchun ham kanal nomi - "shunchaki". Men axborot tarqatmayman, shunchaki oniy kayfiyat va xulosalarimni sizlar bilan bo'lishaman xolos. (Ba'zida ijod namunalarimni ham, agar shunday atash mumkin bo'lsa)
Alloh umringizga baraka bersin.
@suvaydo
1,109
Shunchaki...

04 Jan, 10:22

#antiqadialoglardan
- Zubayr, nima qilsam, uyqum kelmaydi?
- Uxlasangiz.
***
- Zubayr, atrofimiz toʻla "-iston"lar, dengiz yo ummonga chiqolmaymiz.
- Mayli, qoʻyavering, mabodo toʻfon boʻlsa, omon qolamiz.
***
- Zubayr, "gradusnik"ni yerga tashlama, ichidagi simob radiatsiya tarqatadi.
- U zaharli, lekin radiaktiv emas. Aks holda, shisha himoya qilolmagan boʻlardi.
@suvaydo
1,242
Shunchaki...

03 Jan, 18:00

https://youtu.be/kSoaLbZ30VI?feature=shared
1,237
Shunchaki...

01 Jan, 18:04

#kun_xulosasi
9 kunlik farog'at, ibodat, mutlaqo boshqa olamdan asl hayotingga qaytish - bu o'z uyingdagi kundalik tashvishlarga sho'ng'ish emas. Yo'q. Hatto ishxonangdagi topshiriqlar ham emas. Bu - tuman va chang havo, ijtimoiy tarmoqlardagi nola va shikoyatlar, gaz va elektr muammosi...
Yerga tushasan - qo'yasan.
@suvaydo
1,684
Shunchaki...

01 Jan, 10:29

#2025
".. Yilim ketmay turib yilim kelmoqda.."
(Muhammad Yusuf)
**"
Mana,, umrimizning yana bir yili qaytmas bo'lib ketdi.
Samolyotda, uyga qaytayotganimizda, uchuvchimiz yangi yil kirdi deb tabrikladi, hamma chapak chaldi. Shamollab bosh og'rig'idan ko'z ocholmayotgamgami, o'zi umr o'tib fursatlarim boy berilayotganini bayram qilish erish tuyulib qolganigami, har qalay, mamnuniyat his qilmadim.

Xullas, men uchun yangi yilga qadam qo'yish bu eski yilda erishmagan - erishganimni sarhisob qilib, o'zimga yangi maqsadlar qo'yishdir.

2024-yil davomida
- ikkita maktabda parallel ishlab ko'rdim va bu to'g'ri emas ekan deb xulosa qildim,
- Yotubedagi Hammabop o'zbek tili kanalimga yangi darslar qo'shdim va bu uchun O'zbek tilini rivojlantirish jamg'armasi tomonidan taqdirlandim.
- Sinf rahbari sifatida o'quvchilarim bilan Qo'qonga, Qashqadaryoga sayohat qildim, ularning oxirgi yili esdaqolarli bo'lishi uchun harakat qildim, oxirgi qo'ng'iroq bayramiga she'r va sahna ko'rinishi uchun ssenariy yozdim, ayrimlariga universitetlari uchun tavsiyanoma berdim.

- Maktab kanali uchun haftalik darslar oldik, yangi o'quv yili uchun boshqa sherik topib, u bilan ham hamkorlik qilmoqdaman.

- Maktabda an'anaviy kitobxonlik tanlovi o'tkazdim yil davomida.

- oilam bilan Batumiga sayohat tashkillashtirdim.

- Bolalar uchun mo'ljallangan mo'jaz tafsir kitobchasiga muharrirlik qildim.

- 28 yil ko'rishmagan sinfdoshlarimni topdim.

- sog'ligimga ahamiyat berishga harakat qildim, sportzalga va suzish havzasiga qatnadim.

- kitoblar o'qidim, spektakllarga tushdim.

- hali qanchalik o'qib keta olaman, bilmayman, ammo bitta univetsitetga magistraturaga qabul oldindim va kelasi haftadan darsga qatnash niyatidaman.

- yilni yana bir xatm va Umra safari bilan yakunladim, Allohga shukr.

2025-yildagi eng muhim masala - yaqinlarim salomat bo'lishi uchun ularning haqiga duo qilish va universitetda ta'lim olish.

Darvoqe, tavofda, sa'yda kanalim a'zolarini ham duo qildim, Alloh sizlar uchun ne'matlarning eng xayrlisini bersin!

2025-yil barchangiz uchun barakali bo'lsin.
Alloh Sizni va oilangiz ahlini hifz-u himoyasida asrasin.

Eng muhimi - sog'liq, tanangiz salomat bo'lsa, ko'nglingizga hamma narsa sig'adi, uringaningizni uddalay olasiz.
@suvaydo
1,798
Shunchaki...

31 Dec, 06:17

#umra_kundaligi
Madina Makkaga qaraganda ancha salqin, serdaraxt, bahavo. O'ziga xos havosi, shabadasi, sakinati bor.
Xurmozorlar, oq masjidlar shaharni go'zal qiladi.
***
Ammo yana shuni ham aytish kerakki, bu yerlik odamlarda shaharni ozoda saqlash tushunchasi yo'q ekan. Hamma istagan yeriga qo'lidagi chiqindisini otib ketaverarkan. Yerlarda axlat b
uyumlarini ko'rib ta'bingiz xira bo'ladi.
***
Eng ko'p eshitgan gapim "Yalla, Haji" bo'ldi.
***
Hind-u, urdu, pushtu ko'pligidan o'zimni Hindistonda yurganday his qildim. Qayerga bormang, xizmat ko'rsatuvchi - hind. Bir paytlar urdu tili o'qiganim ham ish berdi. Sotuvchi bola narx aytayotib: Ek kilo das riyal, - dedi. (Bir kilosi 10 riyal)
***
Kecha o'zimizcha oshxona qidirdik mehmonxona atrofidan. Hammayoqda hind oshxonasi. Bu yerda dasturxon sifatida kleyonka ishlatilarkan. Ana shu kleyonkaning o'ziga guruchni to'kib uch-to'rt odam har yoqdan yeb o'tiradi. Qo'lini silkib qo'yadi ovqat ustiga.
Oshpazlarga qarab ham gigiyenaga rioya qilinayotganiga shubha tug'iladi.
***
Kuniga minglab o'zbek kelsa ham, na Haramda o'zbekcha yozuvlar bor (arabcha, hindcha, turkcha, hatto bironta inglizni uchratmagan bo'lsam-da inglizcha matnlar ham bor, ammo negadir bizning tilimizda yo'q), na ko'chalarda o'zbek oshxonasi bor.
Ittiifoqo ko'zimiz "Samarqand shabbodasi" degan yozuvga tushdi-yu bolalik qadrdonini uchratganday sevinib ketdik. Mastava, sho'rva, lag'mon oldik.
Bu yerdagi o'zbeklar, asosan, hojilarni tashish, mehmonxonaga joylash bilan shug'ullanarkan, shekilli.
***
Do'konga kirsang, "Turkiy? Buxoriy?" deb so'rashadi. Buxoriylikka da'vo qilishga istihola qilasan.
***
Madinadagi narx-navo Makkaga nisbatan balandroq ekan. Mehmonxona, oziq-ovqat, buyumlar misolida aytyapman.
***
O'rtog'im aytganiday: Vatan oshxonadan boshlanadi. O'zimizning taomlarni qo'msay boshlaysan. Notanish narsa tatib koʻrsang ham, o'zmizdagi nimagadir qiyoslaysan.
@suvaydo
1,422
Shunchaki...

30 Dec, 06:49

#umra_kundaligi
Allohga shukrki, yana bir marta baytida mehmon bo'lisni nasib etdi. Bu yil o'tgan yilgiday har kuni nimanidir yozishga xohish bo'lmadi.
Ibodat qilish, zikr va istig'for aytish orqali ruhim yengillashganday, qalbimdagi zanglar, g'uborlar yuvilganday bo'ldi. Allohdan so'raydiganlarim juda ko'payib ketgan ekan, duo qilishga soatlar sarfladim. Allohga shukr, cheksiz shukr.
NImani his qilganimni ifodalab berolmayman, shunchaki xulosalarim o'laroq nimalarnidir qoralamoqchiman xolos.
***
Umraga kelishni niyat qilgan bo'lsangiz, oz-ozdan pul jamg'arib boring;
***
Safar uchun qish faslini mo'ljallang, chunki bu paytda Madinada 23-25, Makkada 30-33 gradus issiq bo'ladi.
***
Oldin Madinada, keyin Makkada bo'lgan ma'qul ekan, chunki Madinada, asosan, bir jouda o'tirib ibodat qilasiz, charchab qolmaysiz, Makkada esa tavof, sa'y uchun kuch kerak. Yana Haj va Umrani bola-chaqadan qutulib, pensiyaga chiqqandan keyinga reja qilmaslik kerak ekan, chunki keksayib quvvatdan ketganingizda qiynalarkansiz.
***
Kelishdan oldin Umra va Haj amallariga oid qo'llanma va ko'rsatmalarni o'qib, o'rganib, aytiladigan duolarni yodlab olish kerak ekan, chunki aks holda tuzuk-quruq hech nimani bilmay dovdirab yurishga to'gri keladi. Amallarni to'g'ri bajaryapmanmi-yo'qmi, xato qilib qo'ymadimmi, deb ikkilanib yurilmaydi.
***
Duo qilayotganda Alloh shuni ijobat qiladimi yo'qmi deb shubhaga bormang. Allohga oson.
***
Iloj boricha, sheriklaringiz bilan dunyoviy mavzularda gaplashmang, g'iybatga o'tib ketib qolganingizni bilmay qolasiz. Madinada o'qilgan 1 rakat namoz 1000taga, Makkada o'qilgan 1 rakat namoz 100 000ga teng, demakki, guoh va savobingiz ham shuncha ortadi. Yaxshisi, masjidda o'tirganlarga tarqatish uchun bodom, mayiz, turshak kabi quruq mevalar olib oling.
***
Ka'bani tavof qilishga mahsi qulay ekan, oyoqdan zax o'tmaydi. Shippaklar oyoqni kimdir bosib olganda tushib qolarkan.
***
Tavof payti yerda yotgan ( odamlar tushirib qoldirilgan) shippak, ro'mol, ro'molga sanchiladigan nina, suv idishlari kabilarni terib yuring, tavof tugagach chiqindi qutisiga tashlang va savobini ota-onamga bag'ishlayman deb ayting, - deb o'rgatdilar ustoz Arofat opa. Shunga amal qildik baholi qudrat.
***
Ka'bani ushlashim kerak deb odamlarni itarish, birovga ozor yetkazishdan saqlanish kerak.
***
O'zbekiston musulmonlar idorasi 48yoshdan oshgan ayollarga mahramsiz borishga ruxsat bergan ekan, ammo tiqilinchda sizni suyaydigan, himoya qiladigan mahramingiz - baquvvat odam bo'lishi kerak (aeroportda jomadon ko'tarish, sudrash kabilarda-yu, ayniqsa)
***
Ka'baga ko'zing tushganida so'ragan 1-narsangizni Alloh albatta ijobat qiladi, shuning uchun o'sha paytda "Ey Alloh, meni duosi mustajob bo'ladiganlardan qil, deb so'rang, - dedilar Ayam. Shunda bitta emas, barcha so'raganlaringiz qabul bo'ladi, inshallah.
***
Mening yetarlicha ilmim yo'q, onam va ukam o'rgatganlari, kitoblardan o'qiganlarim, o'zim xulosa qilganlarim asosida, baholi qudrat ibodat qilyapman. Hech kimga aql o'rgatish niyatim ham yo'q.
***
Ammo samimiiy duodamanki, Alloh har biringizni panohida asrasin, astoydil niyat qilganlarni baytida mehmon qilsin.
@suvaydo
1,770
Shunchaki...

28 Dec, 16:41

#havaskorsuratkash
Bugun
@suvaydo
1,850
Shunchaki...

28 Dec, 14:18

#korzinka
Panda nomli supermarketga kirgandik. Bizning Korzinkaga o'xsharkan.
5 litr zamzam suvi 9:75 riyol turarkan. (100 dollar =375 riyol)
@suvaydo
1,585
Shunchaki...

28 Dec, 14:18

#umra_kundaligi
Mashinada tavofdan qaytyaomiz. Ustoz bizni mashinada olib yurgan ahli imdan so'radilar:
- Nega bomdod, shom, xufton namozini imom baland ovoz bilan o'qiydi - yu, peshin va asarda unday emas?
- Bu payg'ambarimiz davridan qolgan. Mushrikalr bomdod va xufton payti uxlayotgan, shom vaqti ovqatlanayotgan bo'lgan. Shuning uchun bu paytda ovoz chiqarib o'qiy olishgan. Peshin va asrda mushriklar poylab turgan. Shuning uchun bu paytda hammaga eshitilardigan shaklda o'qilmagan.
@suvaydo
1,318
Shunchaki...

27 Dec, 20:03

#mustajob_duo
Mana men so'ragan yomg'ir.
Yomg'iiir.
@suvaydo
1,563
Shunchaki...

27 Dec, 20:01

Umumiy o'rta va o'rta maxsus ta'lim tizimlarida (maktab, litsey) faoliyat yuritayotgan ona tili va adabiyot o'qituvchilari uchun so'rovnoma

Hurmatli ustozlar! Ona tili va adabiyot fanlarini o'qitishda qo'llanilayotgan baholash usullarining ta'lim samaradorligiga ta'sirini o'rganish hamda ta'lim samaradorligini oshirishi mumkin bo'lgan baholash usullarini taklif qilishga qaratilgan ilmiy tadqiqot doirasida so'rovnoma o'tkazilmoqda. So'rovnomani to'ldirish uchun bir oz vaqtingizni ayamasdan, tadqiqotga hissa qo'shishingizni iltimos qilaman.

So'rovnoma doirasida yig'ilgan barcha ma'lumotlar faqat umumlashtirilgan holda ilmiy ish doirasida ishlatiladi. Ilmiy etiket qoidalariga muvofiq, so'rovnomada qatnashganlarning shaxsini aniqlashga yordam berishi mumkin bo'lgan ma'lumotlar oshkor qilinmaydi.

So'rovnoma havolasi: https://xalqtaliminfo.uz/questionnaires/14/uform
1,216
Shunchaki...

26 Dec, 17:21

https://youtu.be/GOxnD_9u6F4?si=BKnnCYUM3UF-4Ivp
251
Shunchaki...

25 Dec, 18:46

#havaskorsuratkash
Niyat qilganlarni yetkazsin.
@suvaydo
622
Shunchaki...

23 Dec, 04:46

Ozgina izoh beraman endi.

1. Ayni vaqtda jamiyatimizdagi dolzarb mavzuga sarkazm (kesatiq) bilan ishora qilgan.
2. Ikki sonini so‘z bilan emas, raqam bilan yozgan, bu matnni qabul qilishni osonlashtiradi/tezlashtiradi.
3. Aynan ikkita non deb urg‘u bergani, bu odamlar avval odat bo‘lganiday ikkita emas, bitta non olishi holati ko‘payganini bildiradi (shaxsan o‘zim non deyarli yemayman, ikkita olsak yeyilmay qolgan holatlari bo‘lgani uchun bitta olgan paytim ko‘p bo‘lgan).
4. "Ovuring" shevada yozilgan. Yaʼni mahalliy isteʼmolchilarni nazarda tutgan. Buni u qadar to‘g‘ri yechim deb o‘ylamayman, boshqa sheva vakili duch kelsa bu matnga unga aks taʼsir qiladi. Begonalik hisini uyg‘otadi.
5. Ijtimoiy tarmoqda keng qo‘llanadigan, hazil/tabassumni ifodalaydigan belgilar majmuyining :) qo‘llanishi isteʼmolchiga yaqinlik hisini berib, ishonch uyg‘otadi, matn muallifiga nisbatan xayrixohlik paydo qiladi.

P. S. Bu psixolingvistik tahlil EMAS. Bu matn pragmatikasi, yaʼni til birliklarining ayni vaziyatda qanday maqsadda qo‘llanib, qanday mazmun ifodalashga xizmat qilayotgani yuzasidan filolog mutaxassisning sharhi xolos.
Psixolingvistik tahlil uchun matnni qabul qiluvchilar bilan tajriba o‘tkazilishi va tajriba natijalari tahlil qilinishi shart.

@psixolingvist
893
Shunchaki...

23 Dec, 04:45

Rasm facebookdan.
Marketingning o‘zbekchalashayotganiga yana bir misol.

Psixolingvist sifatida muallifga olqishlarim.

@psixolingvist
775
Shunchaki...

22 Dec, 22:08

#uyavzifasi
Ona tili darsida o'qituvchi so'radi:
- Xo'sh, kim o'zi yashaydigan joy etimologiyasi haqida yozib keldi?
- Men. Biz yashaydigan joyni Oxunboboyev deb atashadi...Hmm... qadimda Oxun bobo degan chol bo'lgan ekan. Rosa aqlli odam bo'lgan ekan. O'sha odamni nomiga...
- To'xta. Yo'ldosh Oxunboboyev degan odamni eshitganmisan?
- Yo'q, Ustoz.
- Xo'p, o'tir. Yana kim yozib keldi?
- Men. Haligi.. Biz O'rikzor mahallasida turamiz.
- Xo'sh - xo'sh?
- Etta oldin hamma o'rikka zo'r bo'lgan ekan.
Ustoz:
- 🤦‍♀
@suvaydo
962
Shunchaki...

22 Dec, 09:46

⚡️2025 йил 1 январдан она тили ва тарих ўқитувчиларига 50% устама бериш тартиби жорий этилади

Ўзбекистон Республикаси Президентининг 2024 йил 21 февралдаги ПФ-37-сон Фармонида 2025 йил 1 январдан бошлаб умумий ўрта таълим муассасаларида она тили ва адабиёт ҳамда тарих фанлари бўйича Билим ва малакаларни баҳолаш агентлигининг миллий баҳолаш тизимида олинган тегишли даражадаги сертификатга эга бўлган ва ушбу фанлардан дарс берувчи педагог кадрларга уларнинг тариф ставкасига нисбатан 50 фоиз миқдорида ҳар ойлик қошимча устама тўланиши белгиланган

Мазкур вазифанинг тўлиқ, сифатли сўзсиз бажарилиши учун масъул этиб Мактабгача ва мактаб таълими вазири Ҳилола Умарова белгиланган. Яъни, вазирлик ҳеч қандай важларсиз мазкур топшириқ ижросини 1 январдан бошлаб бажариши шарт қилиб қўйилган.

Ҳозирги кунда Ўзбекистон Республикаси Президентининг 2022 йил 11 майдаги ПФ- 134-сон Фармонига увофиқ миллий сертификатга эга бўлган она тили ва адабиёт ҳамда тарих фани ўқитувчиларига тўланадиган устама миқдори 20 фоизни ташкил этади.

📍2025 йилдан бошлаб эса ушбу устамалар миқдори 50 фоизга оширилиши белгиланган.

☎️Биз билан телефон орқали боғланиш учун босинг!

💻Биздан шахсий, сифатли консултация олиш учун босинг!

Каналимизга уланиш учун👇

@yuristmaslahatlarii
1,183
Shunchaki...

21 Dec, 11:24

#Kun_xulosasi
***
Oq it, qora it - baribir it.

***
Jinoyatlar ko'p-u, jinoyatchi yo'q. (Shavkat Rahmon)

***
Ishongan tog'da kiyik yotmas.
@suvaydo
1,418
Shunchaki...

21 Dec, 02:52

#Kun_xulosasi
Agar oʻqituvchi oʻz oʻquvchilariga imtihonlarda gʻirromlik qilish harom ekanligini oʻrgata olmagan boʻlsa, demak, u hech narsa oʻrgata olmabdi.
@suvaydo
1,967
Shunchaki...

20 Dec, 13:11

#havas
Abdulloh Mahmudov mening Zoom orqali tanishgan, faqat onlayn o'qitgan o'quvchim.
U haqida PMda doim eng yuqori ball olib o'qigan o'quvchim - xolavachchasi - aytgan va qarindoshlar bir - biriga o'xshasa kerak degan yaxshi gumon bilan birga ishlashga rozi bo'lgan edim.
Abdulloh bilan o'tgan o'quv yilidan beri adabiyot kursi doirasida suhbatlashamiz. Asarlar tahlil qilamiz.

U har safar o'ziga xos qarashlari, xulosalari bilan hayratga soladi.

Mana bu xabar esa eng yoqimlisi bo'ldi:
Abdulloh MIT universitetining bakalavriga kirgan 1-o'zbek farzandi bo'libdi.

Faxr tuydim.
Havas qildim.
Tabrikladim.
Duo qildim.
Alloh bizning farzandlarimizga-da mana shunday ta'lim dargohlarida o'qishni nasib qilsin deb astoydil orzu qildim.
Bu xursandchilikni sizlar bilan ham baham ko'ray dedim.
@suvaydo
10,171
Shunchaki...

18 Dec, 17:47

#hikmat
O'zingni shod tutqil, g'am yema dunyo uchun zinhor,
Ki bir dam g'am yemakka arzimas dunyoyi farsuda.
Bobur
@suvaydo
3,067
Shunchaki...

10 Dec, 03:21

#kun_falsafasi
Hayotimizdagi barcha qiyinchiliklarning yuzaga kelishiga ikkita sabab bor:
1. Aslida yo'q narsani ko'ramiz.
2. Bor narsani ko'rmaymiz.
@suvaydo
183
Shunchaki...

09 Dec, 17:04

#kun_xulosasi
Qayerda edi haftaning 4 kunida ishlab, 3 kunida dam olinadigan tizim?
Bizgayam shunaqasi kerak ekan. Ana o'shanda dam olish kunining 1-kunida ishxonaning ishlarini, 2-kunida uy ishlarini qilib, 3-kunida chinakam hordiq chiqarishing mumkin..
@suvaydo
439
Shunchaki...

09 Dec, 05:49

#vinyetka
Sinfimiz adabiyot sinfi edi. Deyarli hamma shoir edi. Aktyor, rassom, qo'shiqchilar 11-sinfligimizda San'at sinfi tarqatilganidan keyin bizga qo'shib yuborilgani sababli birga tamomlagan.
Informatika (u paytda EHM deyilardi) dan Ra'no opa degan chiroyli ayol dars berardilar. Sherzod o'sha ustozga atab she'r yozgan edi:
EHMdan ishlarimning yo'qdir tobi,
RETURNni bossam hamki, yo'q javobi.
Tushunmayman tugmachalar ma'nosin,
Kompyuterlar sevar o'zin Ra'nosin.

U paytda ENTER emas, RETURN tugmasi bo'lardi va biz foydalanuvchi sifatida emas, dasturchi sifatida o'rganardik. Pravets, Yamaha degan kompyuterlarimiz bor edi. Elas-elas eslayman, dastur tuzish uchun allaqanday raqamlar va so'zlar ketma-ketligini yozish kerak edi oxirida ekranda besh qirrali yulduz tasviri paydo bo'lardi. Hammamizda yulduz paydo bo'lgan-u, faqat bittasida yulduz chetida nuqtaday nur o'chib-yonib turgan edi. Hammamiz "4" olganmiz, faqat o'sha bola "5".
@suvaydo
598
Shunchaki...

09 Dec, 04:26

#vinyetka
Vinyetkada ikki tarbiyachi bor, Birinchisi - Naima opa, juda qattiqqo'l, jahldor salga o'qishdan haydash bilan tahdid qilardilar (bunga erishgan ham ko'p marta). Turmushga chiqmagan va farzand tarbiyalab ko'rmaganigadir, ehtimol, bizni tushunishga harakat ham qilmagan edi. Baqirib, buyruq berar, deyarli kulmas, tanbeh bergani bergan edi.

Oxirgi yilgisi - Karomat opa, injiq, konservator va o'g'il bolalar va qizlarni bir-biriga yomonlab urishtirib qo'ygan va oqibatda oylab sinfda "sovuq urush" kayfiyati hukm surishiga sababchi bo'lgan edi. Afsuski, ular bilan bog'liq yaxshi xotiralarim yo'q ekan.
Darvishnamo g'alati oshiq sinfdoshimdan bezor bo'lib arz qilsam "Sizni birov shunday sevsa shukr qiling, hali ko'rasiz, sizni qaytib hech kim u kabi astoydil yaxshi ko'rmaydi, o'shanda gapimni eslaysiz" degan battar jig'ibiyronimni oshirib.
Shukrki, chindan ham, boshqa hech kim u kabi oshiq bo'lmadi. Zotan, o'nlab she'r yozadigan, derazam tagida soatlab o'tiradigan, ko'rsa gap topolmay qotib qoladigan, darslarda termiladigan bu bolaning shaydoligida odamni cho'chitadigan nimadir bor edi.

Suratda sevgan Ustozlarim ham bor. Saida opa Zohidova - adabiyotdan kirgan - mehribon, oqila ayol bo'lib, qizlarim, bolalarim deb gaplashar, musofir yurtda qiynalyapsizlar-a deb hol so'rardilar.
Bir gal somsa pishirib kelib hammamizni mehmon qilgandilar.
Menga Toshkentga o'qishga topshirsang, manikida turasan, xo'p, joy qidirma, mani qizim yo'q, degandilar.
Qachon ustozlarimni duo qilsam, Saida opa xayolimga keladilar.
Ha, men qaysar, tinib-tinchimas, bo'ysunmas, tez va ko'p gapiradigan o'quvchi edim. Sinfdoshlarimdan kichik edim. Bola edim naq. Buni tushungani kam bo'lgan. Egib qo'ymoqchi bo'lganlar ko'proq bo'lgan...
Saida opadan Alloh rozi bo'lsin.
@suvaydo
611
Shunchaki...

09 Dec, 04:08

#vinyetka
Vinyetkamizga negadir ko'p ustozlar tushmay qolgan ekan (oshpaz esa bor, qiziq)
Direktorimiz So'lmas akani qattiqqo'l edilar deyolmayman, vazmin inson edilar, saflanishlardagi nutqlarini, unda qo'llaydigan maqollarni yoddan bilardik. Nazarimda, maktabni ikkita "zam" boshqarardi, a ulardan "adang kelsin" qabilida bizni qo'rqitish uchun foydalanishardi.

Go'zal Hasanovna (zavuch) va Arofat opadan (ma'naviyatchi) hamma qo'rqardi. Ular anchayin qattiqqo'l edilar.
Go'zal opa meni yoqtirmasdi, shekilli, bir necha marta litseydan haydamochi bo'lgan (Qoidaga ko'ra chorakda birorta fandan "3" bo'lsa, ketish kerak edi maktabdan, menda matematika va jismoniy tarbiya ba'zan, fizika va kimyo doim "3" bo'lardi)

Arofat opa tadbirlar borasida ijodkor edilar. Bizga sahna madaniyatini, intonatsiyani, rolni samimiy ijro etish nimaligini o'rgatganlar. Har bir bayram, tadbir qoyilmaqom o'tkazilgan.

Kamina shoir va ssenariy muallifi o'laroq haydalishdan qutulib qolardim.

Rol o'ynasak, yo she'r aytsak, "yo'q, chiqmayapti", deb to ko'ngillari to'lmaguncha repetitsiya qildiraverardilar. Zo'r chiqsa, quchoqlab olardilar. Maqtardilar.

Menda tadbirlarga ma'suliyat bilan, ijod deb qarash o'shandan qolgan bo'lsa kerak. Haligacha tadbir o'tkazsam, o'zim she'r yozaman, sahna ko'rishi uchun ssenariy, dialoglarini astoydil o'ylab chiqaman. Har obraz aynan qaysi o'quvchimga mosligini ko'z oldimga keltiraman. Maqtana olaman bemalol: har biri zo'r chiqqan 😊
Vinyetka ko'p voqelarni esga tushirdi.
@suvaydo
578
Shunchaki...

09 Dec, 03:52

#vinyetka
Oq-qora vinyetka qilgan oxirgi avlod biz bo'lgan bo'lsak kerak. O'sha paytda rangli fotosuratlar ham urfga kirgandi, ammo bizga arzon deb shuni tanlashgan bo'lsa kerak.
Biz vinyetka bilan bog'liq hech nimani tanlamaganmiz: na suratkashni, na unga yozilajak matnni. O'zi, umuman, oquvchi bilan ko'p narsada hisoblashilmasdi ham. Litseyda kurator yo'q edi, faqat tarbiyachi bor edi va u sinfga mas'ul - rahbar maqomida bo'lardi.

O'quvchilik tariximda shu paytgacha 3 marta vinyetka qildirdim sinf rahbari bo'lib. Har gal o'quvchilar bilan birga tanladik vinyetka turi, narxi, surat qanday tushilishini. Suratkash betoqatlansa ham qayta-qayta suratga tushishiga xotirjam qaradim. Vinyetka ular uchun yaxshi xotira bo'lishiga harakat qildim. Erinmay ular bilan rasmga tushishga ham bordim. Sinfim o'quvchilik davrini yaxshi xotiralar bilan eslashiga qo'limdan kelgancha harakat qildim.
Vinyetka kerak emas degan sinfim ham bo'ldi. Uni ham qabul qildim.
O'zimga esa vinyetkam yoqmaydi.
@suvaydo
562
Shunchaki...

09 Dec, 03:09

#Кайфият #Бадиҳа

ҚОРХАТ

Субҳаналлоҳ, оппоқ нур ёғар кўкдан,
Лаҳзада ўзгарар мезон куйлари.
Оқ яктак кийгач ҳам оғочлар ўктам,
Борлиққа ярашиб турар бўйлари.

Аста гулга дўнар шаффоф томчилар,
Севгимиздай нафис, меҳримиздай пок.
Гўё Орзу сари йўллар очилар,
Олдга бошлар ҳассос илоҳий идрок.

Ҳикматлар ўқиймиз оппоқ дунёдан,
Бахтли саҳфаларни очиб бирма-бир.
Сўзлар ярми кумуш, ярми тиллодан,
Олам тўла маъно, олам тўла сир.

Бу қор биринчи ё охиргисимас,
Биздан олдин, биздан кейин ҳам бордир.
Хотималар абас, ҳижронлар абас,
Ҳали ҳаётимиз биринчи қордир.

Шукрона илмини ўргансин юрак,
Ёмғирига шукур, қорига шукур.
Менинг қорхатим ҳам шу эзгу тилак:
Борига барака, барига шукур!

2011

© Беҳзод Фазлиддин @Behzod_Fazliddin

#Кутмаган_кунларим_кутган_кунларим
491
Shunchaki...

08 Dec, 15:38

#u
U bolaligidan tinmay kitob o'qiyverardi. Yana badiiy asarlarni. Roman, qissa, ertak, drama - farqi yo'q. Faqat unda syujet bo'lishi kerak edi.
Ha, kino ko'rishni ham yaxshi ko'rardi: detektiv, romantik komediyalarni, ayniqsa, oxiri yaxshilik bilan tugaydigan filmlarni.

Bir kuni.. Kino ko'rib o'tirgan edi, hadeb qo'rqinchli film ko'raveradigan bir qahramon o'rtog'iga bu g'alati shaydolik sababini izohlarkan, dedi:
- Dahshatli filmlar menga o'z hayotimdagi fojialari arzimas qilib ko'rsatadi.
U o'ylanib qoldi.
***
Boshqa bir kuni yana bir filmda bosh qahramon - yozuvchi ayol aytdi:
- Mening hayotimdan farqli o'laroq, yaratgan qahramonlarim saodatmand bo'lishi, ularning muhabbat tarixi baxtli yakun topishi kerak.
U yana o'ylanib qoldi:
- Men nima, o'z hayotimdagi reallikdan qochib syujet ketidan quvamanmi?
O'zgalarning baxtiyorligi haqidagi tomoshalar muammolarim haqidagi o'ylovdan qutulishga urinishdanmi?
..
U naq uch kun o'yladi bu haqda.
Keyin.. xulosa qilish o'rniga qo'liga kitob oldi. Unda Skarlet aytardi:
- Men bu haqda bugun o'ylamayman. Ertaga o'ylayman.
@suvaydo
668
Shunchaki...

08 Dec, 15:18

#kun_xulosasi
Har kim o'z boshidagi qorni o'zi kuraydi.
@suvaydo
658
Shunchaki...

08 Dec, 03:37

#qor
Qashqadaryodan xolajon qo'ng'iroq qildilar va oyijondan so'rayaptilar:
- Qor yog'imi sizlarga?
- Ha.
- Laylaqqormi?
- Yo'q, pishakizi.
***
Kuldim. Bunaqa ifodani bilmaskanman. Mushuk izi bilinadigan darajada degani bo'lsa kerak-da.
Ps. Rasm yangi. Hozir oldim.
@suvaydo
1,589
Shunchaki...

07 Dec, 13:40

#Kun_xulosasi
Hamid Olimjonning "Oygul bilan Baxtiyor" asari 5-sinf adabiyoti darsligiga mutlaqo mos emas. Savol tuzaman desam, fikr kelmaydi.
- Nega hamma xonlar zolim, kambagʻallar mehribon, aqlli?
- Baliqdan topilgan gavhar boʻlmasa, shahar barpo etolmasdi-yu demak, pul kerak ekan-da baribir..
- 5-sinf bolaga qanday qilib tushuntirish mumkin bu "trillernamo" misralarni:

Soqchilar zolim xonni
Bu ajoyib hayvonni.
Ogʻilda ushladilar,
Oʻlguday mushtladilar"
(ajoyib-a))

Qizning oldida bu xirs
Koʻrsatib yovvoyi hirs.
(xoʻsh, qanday izohlash mumkin buni)

Qiz undan jirkanardi
Oʻt ichida yonardi

Jambilning zolim xoni
Kechar elning qonida
(tasavvur qilib koʻring bu manzarani)

Yotar edi qoq yerda
tanlari burda-burda
(bunisini katta odamga tavsiya qilmayman)

Dahshat ichra yonib xon
Har tomon qildi farmon
Toʻxtamay dovul yoqdi
Maydonlarga oʻt yoqdi.
Oʻz holiga qilib or
tikib qator-qator dor
Koʻzlariga toʻlib qon
zambaraklar boʻshatdi
tani zaharga botdi..
**
Bolajonlar, hamma tushundimi asarni?
Kimda savol bor?
@suvaydo
821
Shunchaki...

07 Dec, 04:05

#xotira
- Eee, xotiram yomon, dedim yozgʻirib.
- Unaqa emas,- dedi oʻgʻlim.
- Shunaqa, narsalarimni yoʻqotib yuraman, qilaman degan ishlarimni unutib qoʻyyapman, - dedim.
- Men qachon oʻtirganman 1-marta?
- 2009-yil 1-aprel kuni.
- Qachon yurganman?
- 2009-yil 20-avgustda.
- Necha kilo tugʻilganman?
- 3200. bir oydan keyin 4,5 boʻlgansan, 2 oylikda 6,5.
- Samiyya 1-aytgan soʻz qaysi boʻlgan?
- Ada. ma. keyin.. "Avaz" deb chaqirgan bitta oʻquvchimni.
- Oyi, koʻrdizmi, gap prioritetda. Siz oʻzingizga muhim deb hisoblagan narsalarni unutmaysiz hecham. 15 yil yil oldin oʻqitgan oʻquvchingizni ham eslaysiz. Familiyasini, darsda nima deganini. Hozir nimanidir esdan chiqarib qoʻyayotgan boʻlsangiz, demak, miyangiz uni muhim deb hisoblamaganingiz uchun oʻzida saqlab qolmayapti.

Xotirjam boʻlib qoldim-eee..
16 yashar bolang shunaqa deb tursa-ya )))
Allohga shukr
@suvaydo
789
Shunchaki...

07 Dec, 01:36

"The Diplomat" O'zbekistonda femisid haqida

"O'zbekiston qonunchiligida "femisid" tushunchasiga ta'rif berilmagan. O'zbek jamiyatidagi patriarxal normalar nafaqay ayollarning o'ldirilishiga imkon yaratadi, buni oqlaydi va ko'rmaganga oladi, balki aybni ham qurbonga ag'daradi", deyiladi "The Diplomat" nashri e'lon qilgan "O'zbek erkaklari ayollarni qanday o'ldiradi? Impulsiv, shafqatsizlik bilan va asosan uyda" sarlavhali maqolada.

Maqola mualliflari oxirgi 10 yil davomida 334 kishi qurbon bo'lgan 304 femisid holatini o'rganishgan va hujjatlashtirishgan. Tadqiqot mualliflarining xulosalariga ko'ra, aksar quronlar erkaklar tomonidan (shunda ham ko'pchiligi yaqin qarindoshlari - erlar, otalari, aka-ukalari tomonidan) va uyida o'ldiriladi. Aksar hollarda ayollar pichoq bilan yoki urib o'ldiriladi. Mualliflar fikricha, buning sabablaridan biri - erkaklar ayollarni "shaxsiy mulk" sifatida ko'rishi. Mualliflar keltirgan bir misolda ayol ikki oylik kasal farzandiga tez yordam chaqirgani fojia bilan tugaydi - er ayoliga 16 marta pichoq uradi.

Og'riqli maqola. Og'riqli tadqiqot. Og'riqli xulosalar.
687
Shunchaki...

06 Dec, 18:34

#facebookdan
ЧИН ЎЗБЕКЧА ОТЛАР

Бу рўйхатни икки йил олдин эълон қилгандим. Шундан бери у яна тўлдирилди, рўйхат охирида Кошғарий бобомиз “Девону луғотит-турк”да келтирган минг йил олдинги туркий исмлар ҳам илова қилинди. Албатта уларнинг кўпчилигини бугун истеъмолга қайтариб бўлмайди, лекин улар минг йил олдин аждодларимизнинг исм қўйиш удумлари қандай бўлганлиги ҳақида бизга тасаввур бериши мумкин.
Ҳозирги ўзбек исмларини асосан уч катта қисм: арабча, форсча ва турк-ўзбекча исмлар гуруҳларига бўлиш мумкин. Афсуски, улар ичида энг ғариби, энг кам учрайдигани – чин ўзбекча отлардир. Кейинги пайтларда эса уларнинг сони янада, кескин камайиб бормоқда. Ўз фарзандини ўз тилидаги от билан аташга ор қиладиган ўзбекдай миллат бўлмаса керак.
Шунингдек, ўзбек исмлари ичида аралаш: арабча-ўзбекча (Аллоберди), форсча-ўзбекча (Гулюз), форсча-арабча (Дилмурод) исмлар ҳам жуда кўп.
Маълумки, Исломдан кейин, ҳар бир мусулмоннинг исми исломий бўлиши керак, деган ақида таъсирида соф туркий исмлар қўйиш удуми ўрта асрлардаёқ тараққий этишдан тўхтаган. Ўтмишда форс тили араб тилидан кейин иккинчи мадраса тили, адабиёт тили мақомида бўлган. Шу боис форсча исмлар турк исмларига нисбатан араблаштиришдан кам зиён кўрган. Шундай бўлсада, ўтмишда аждодларимиз чин ўзбекча исм қўйиш удумини сақлаб келишган. Дейлик, бундан эллик йил бурун оталаримиз, боболаримиз мансуб авлодлар ичида чин ўзбекча отлар анча кўп эди. Аммо бугунги кунда, ўзбек тили араб, форс тиллари таъсиридан анча мустақил бўлган бир пайтда, чин ўзбекча отлардан мутлақо воз кечилмоқда. Бугунги авлод фарзандига сериалларда кўрган бирор қаҳрамоннинг қулоғи ёқтирган ажнабий, маъносини ўзи ҳам тушунмайдиган исмини раво кўриши мумкин, аммо ўзбекча исм қўймайди. Ўзбекча исм гўёки эскилик сарқити, “модный” эмас.
Мен арабча, форсча ёки бошқа тилдан ўзлашган исмларни мутлақо қўймаслик керак, демоқчимасман, фақат фарзандингизга исм қўйишдан олдин ўзбекча отларни ҳам ўйлаб кўринг. Бошқа тилдан чиройли исм қидиришдан олдин ўз тилингизда янги исмлар яратишга, янги исмлар билан тилимизни бойитишга ҳаракат қилиб кўринг. Умид қиламанки, келажакда яна ўзликка қайтиш кайфиятлари бўлади, исм қўйишдаги бугунги мезонлар ҳам ўзгариб, келажак авлод жарангдор ажнабий исмлардан кўра ўзлигини кўпроқ англатадиган чин ўзбекча отларни кўпроқ қадрлайди.
Эслатиб ўтаман, ушбу рўйхатга аралаш исмлар (мисол, Худойберди) эмас, балки бутунлай туркий (Тангриберди) исмлар киритилди. Ўзбекча аралаш исмлар рўйхати эса анча узун.
(Ушбу рўйхатда бўлмаган чин ўзбекча отларни таклиф этувчиларга олдиндан миннатдорчилик билдираман. Фақат илтимос, бирор исмни таклиф этишдан олдин уни ушбу рўйхатда бор-йўқлигини текшириб кўрсангиз, арабча ёки форсча эмаслигига амин бўлмангиз, уни келтирсангиз яхши бўларди)

ЧИН ЎЗБЕКЧА ОТЛАР

@ Тузувчи Абдувоҳид Ҳайит

А

Абрай
Адашбой
Акабой
Алп
Алпарслон (Салжуқий ҳукмдорлардан бирининг оти)
Алпомиш
Алптегин (Ғазнавийлар давлати асосчиси)
Алпэр
Арслон
Аттила
Б
Байрам (+али. Али – арабча)
Балқия
Барчин (Маъноси “ипак”, “парча”. “Девону луғотит-турк” инд.57)
Баҳодир
Беги
Бегимой
Бегойим
Бегимқўл, Бегимхон
Бегхон
Бек
Бектой
Бектош
Бектурсун
Бейбарс (Мамлуклардан бирининг оти)
Бекбўта
Бектемир
Бектурсун
Бекқул
Бекча
Бекчик (“Темур тузуклари” 18-бет. Дашти Жете амирларидан бирининг оти)
Бекхон
Берди, Бердибек
Беркин
Биби
Бибихон
Билга
Бобобек
Бобоқул
Бойбек
Бойбўри
Бойбўта
Бойир
Бойкелди
Бойкенжа
Бойсун
Бойсари
Бойсунғур
Бойқобил
Бойқул
Болабек
Болибек
Болқибой
Болбуви
Болта
Ботир
Босим
Бошбек
Боқи(жон)
Бурхон (арабча “бурҳон” эмас, қадимги туркийдаги “бурхан”, “бурқан”. Яъни "х" билан ёзилса, унга туркча деб қараш мумкин. "Девону луғотит-турк"да: "бурхан – бут. Ҳайкалга "базар бурхан" дейилади", деб изоҳланган (ДЛТ. I т.1960.409-бет). «Будда» исмининг қадимги туркийдаги кўриниши)
Бургут
Бўри
Бўривой
Бўритош
Бўрихон
Бўрон
Бўта

В

Г

Гўзал

Д

Дадахон
Дамир
Денгиз

Е

Етмишбой

Ё

Ёвқоч (Жовқоч)
Ёвқочди
Ёвқур
Ёзи
Ёзибек
Ёлқин
Ёмонқул
Ёмғир
Ёрқин
Ёрқиной
Ёғду

Ж

Жайлов
Жанғил
Жовли
Жонгил

З

И

Избосар
Избоскан (Избосган)
Илаш
Илгиз
Илғор
Инжу
Иноқ
Ипак
Истам

Й
703
Shunchaki...

06 Dec, 18:34

Йўлдош
Йўлбарс
Йўлчи
Йўляхши
Йигитали (-али – арабча)

К

Катта, Каттабек
Каттабуви
Кенгбой
Кенжа
Кетмон
Кийик
Кимсан
Кимсанбой
Култегин
Кундуз
Кунсулув
Кунтуғмиш
Кўкламбой
Кўпайсин
Кўркли
Кўчакбой
Кўчар
Кўчим
Кўчимхон
Кўкалп

Л

Лочин

М

Майрам
Мангу
Мангуберди
Марқа, Марқабой
Мели
Мелиқўзи
Менгбой
Менгбўта
Менгир
Менгли
Менглихон
Мингбой
Момохон (Момохол: “хол” – форсча)
Момобуви (биби)
Мунчоқ
Мўғулбек

Н

О

Ойбалқи
Ойбарчин
Ойбек
Ойбека, Ойбика
Ойбиби
Ойдай
Ойдин
Ойимхон
Ойман
Ойсара
Ойсулув
Ойтош
Ойтўла
Ойчечак
Ойчучук
Ойхон
Ойхоним
Ойқиз
Олмахон
Олмос
Олтибой
Олтин
Олтмишбой
Олчин
Олчинбек
Олғу (“Олғу Чиғатойнинг набираси тутур”. Абулғозий. Шажарайи турк. 89-бет)
Онахон
Оппоғой
Орол
Ортиқ
Орқабой
Отабек
Отабой
Отахон
Очил
Очилди
Оқбой
Оқин
Оқбилак
Оққиз
Оғабек

П

Памуқ

Р

С

Сабуктегин (эски туркийда: “севимли шаҳзода”. Маҳмуд Ғазнавий отасининг оти)
Саксонбой
Салжуқ
Санжар
Сарибой
Саримсоқ
Севар
Севара
Севги
Севинч
Севил
Сотволди, Сотиболди
Сотим
Сотқиной
Соғинч
Сувхон
Сузук
Сулув
Суюн
Суюнбек
Суюнбека
Суюндиқ
Суюнч (Шайбонийхон ўғлининг исми)
Суянч
Суяр
Суярқул
Суқсур

Т

Тангриберди
Тангрибек
Танишбек
Тарағай, Тўрғай
Тархон (Таркан)
Тегин
Тегина (Тегинабегим)
Теша, Тешавой
Тилов
Тилак
Тинибек
Тиниқ
Тиркаш
Тойлоқ
Тоймас
Тойчоқ
Толмас
Тонготар
Тош
Тошболта
Тошбуви, Тошбиби
Тоштемир
Тоштурди
Тоштўхта
Тошқин, Тошқинбой
Тоғай
Тоғбой
Тугал
Туйма, Туймабой
Туйғу
Туман
Тумор
Турар
Турат
Турди, Турдибек
Турдим
Турконбегим
Турон
Турғун
Турғунбой
Турмиш (Турмиш оқа Амир Темур даврида Қарши бекларидан Жоку барлоснинг қизининг исми. 1354 йили Темурбек, 18 ёшида, Турмиш оқага уйланган)
Турсун, Турсунбой
Турсуной
Туғлуқ (Туғли, Тухли)
Туғрулбек (Салжуқийлар давлати асосчиларидан)
Туқтемур (“Темур тузуклари” 18-бет. Дашти Жете амирларидан бирининг оти).
Тўйчи
Тўла
Тўлаган
Тўлан, Тўланбой
Тўлғон
Тўлғоной
Тўлқин
Тўлиш
Тўмарис (массагетлар масаласи мунозарали. Ушбу исм ҳозирча шартли равишда қўшилди)
Тўра, Тўрақўл
Тўхта
Тўхтабой
Тўхтавул
Тўхтамиш
Тўхтасин
Тўхта
Тўқал (Амир Темурнинг аёли)
Тўқсонбой
Тўқсулув
Тўғон, Тўғонбек
Тўғри, Тўғрибек, Тўғрибой

У

Узоқ
Уйтўл, Уйтўлой
Уйтўла
Уланбой
Улаш
Улкан
Уллибиби
Улбўлсин
Улуғбек
Улуғберди
Улуғбой
Улуғхон (Ҳиндистонда ҳукмронлик қилган мамлуклар сулоласидан Деҳли султонлиги тўртинчи ҳукмдорининг исми. (1265—1287) Ғиёсиддин Балбан)
Улғай
Умид, Умида (бу исм форсча дейилади, лекин қадимги туркийда “умид” маъносида “умду”, “умунч” сўзлари бўлган. Шу каби “умунчлиғ” – умидли, “умундим” – умидландим)
Унсин, Унсиной
Урдуш
Учқун

Ф

Х

Хонтемир
Хонкелди
Хонбиби
Хоним
Хонимой
Хонимқул
Хоқон

Ч

Чарос
Чағрибек (Салжуқийлар давлати асосчиларидан бирининг оти. “Чағри” эски туркман тилида “лочин”)
Чақир
Чечак
Чинни (Чиннихол, чиннигул)
Чингиз
Чинни
Чинтемир
Чирой
Чучук
Чўли (Чўлли)
Чўян

Ш

Шодлик
Шайманбой
Шунқор

Э

Эгамқул
Эгамберди, Эгамберган
Эгиз
Эзгу
Элбарс
Элбек
Элкезар
Элсари
Элсевар, Элсуяр
Элтой
Элтузар
Элтутмиш (Ҳиндистонда ҳукмронлик қилган мамлуклар сулоласидан Деҳли султонлиги учинчи
ҳукмдорининг исми. (1211—1236)Тўлиқ исми: Шамсиддин Элтутмиш ибн Ялам)
Элхон
Элчи
Элчин
Эмин
Энахон
Энақиз
Эпкин
Эралп
Эран
Эрбек
Эргаш
Эрбой
Эрйигит
Эрка
Эркабой
Эркенжа
Эркин
Эркли
Эртой
Эртўғрул
Эрқул
Эсиргап
Эсон
Эш
Эшбек
Эшберди
Эшбой
Эшбўри
Эшим
Эштурди
Эштўхтар
Эшқобил (“қобил” исмини мен арабча “қобилиятли” маъносидаги “қобил” сўзига эмас, Чингизхоннинг бобоси, Тумнахоннинг ўғли — Қобилхонга боғлайман. Қобилхон — чингизийларнинг бобоси, унинг укаси Қачули Баҳодир — темурийларнинг)
Эшқора
Эшқул

Ю

Юлдуз
Юртсевар

Я

Яйра
Янгибой
Янглиш
Яраш
Ярлақаб
Яшар
Яшнар
Яшин
Яхшибой

Ў

Ўдабой
Ўзбек
Ўзбегойим
Ўктам
Ўлмас
Ўлжабой
Ўлжой
Ўлмас
Ўлмасой
Ўнар
Ўнгбой
Ўнгал
Ўнгар
Ўрин
Ўринбой
Ўрол
Ўроз
Ўроқ
Ўрмон
Ўрхон
Ўсар
Ўскан
Ўта, Ўтабой
Ўтаган
Ўтанбек, Ўтанбой
Ўткир
Ўғилой, Ўғилхон
Ўғилча
Ўғлон
Ўғузбек (Ўғузхон)
Ўқтой

Қ
703
Shunchaki...

06 Dec, 18:34

Қайнар
Қайтар
Қайтмас
Қалдирғоч
Қамбар
Қамчи, Қамчибек
Қарол
Қарши, Қаршибой
Қарғабой
Қашқир
Қизларбеги
Қизларбиби
Қизларсулув
Қизлархон
Қизсулув
Қилич
Қилич Арслон (салжуқий ҳукмдорнинг оти)
Қирмиз
Қирчечак
Қирғизбой
Қобил (Қобилхон – Чингизхоннинг бобоси)
Қобилбек
Қозоқбой
Қоплон
Қоравой
Қоракўз
Қорасоч
Қорахон
Қорача
Қорақул
Қорёғди
Қоржов
Қувноқ
Қувончбек
Қувондиқ
Қуёш
Қулбул
Қултой
Қумри
Қундуз
Қуроқбой
Қутлуғ
Қутбука
Қутлибека (Қутлуғбека)
Қутлуққиз
Қўзи, Қўзибой
Қўйли
Қўйсин
Қўлдош
Қўлли
Қўралай
Қўрқмас
Қўш(ш)а
Қўшоқ
Қўчқор

Ғ

Ҳ

Ҳулкар

МАҲМУД КОШҒАРИЙ “ДЕВОНУ ЛУҒОТИТ-ТУРК”ДА КЕЛТИРГАН БУНДАН МИНГ ЙИЛ ОЛДИНГИ КИШИ ОТЛАРИ
Аби – эркаклар исми
Азақ – ўғуз бекларидан бирининг исми
Айас – қул исми
Алп Айа – эр киши исми
Алп Артун – эр киши исми
Алп эр Тўнга – эр киши исми. Қорахонийлар Алп эр Тўнга ва Афросиёбни бир шахс деб билишган
Алп Тэгин – “Баҳодир қул”. Эр киши исми
Бадруқ – эр киши исми
Байзан – эр киши исми
Барман – эр киши исми. “Афросиёбнинг ўғли”
Барсған – эр киши исми. “Афросиёбнинг ўғли”
Бэги – эр киши исми
Бэкач Арслон Тэгин – эр киши исми
Бэклан – эр киши исми
Бэктур – эр киши исми
Биста – эр киши исми
Бўғра – Бўғра қарахақан, Қорахоний ҳукмдорлардан бирининг исми
Бузрач/Будрач/Бузруж – “ябақулар бегининг исми”.
Булуч – эр киши исми
Булғақ – эр киши исми
Бурслан – эр киши исми
Йэнши – Хўтан бегининг исми
Инал Уз – қипчоқ хонларидан бирининг исми
Йавлақ сариғ – беклардан бирининг исми (лекин “йавлақ”нинг маъноси – “ёмон, тубан, қаттиқ, мустаҳкам”. А.Ҳ.).
Йалингуқ – Одам алайҳиссаломнинг номи
Йаған тегин – киши номи (аммо “йаған”нинг маъноси – “фил”)
Кумуш тегин – киши исми
Куч тегин – киши исми
Ўтамиш – эр киши исми
Рум – киши исми
Селжук – султонлар бобосининг исми
Селжук Субаши – киши номи
Сунгиш – эр киши исми
Сули – қул исми
Табар – хон исми
Табду – киши исми
Текиш – эр киши исми
Тўнга Алп Эр – (юқорида “Алп Эр Тўнга”га қаранг)
Тўнгахон – киши исми
Тўнга тегин – киши исми
Тоқиш – киши исми
Тўғрил – киши исми
Турумтой – киши исми
Тутуш – киши исми
Тутуқ – эр киши исми
Турк – киши исми
Утар – киши исми
Утуш – киши исми
Қабан – киши исми
Эрвўз – эр киши исми
Қаз – “Девон”да: “Афросиёб қизининг исми” деб изоҳланган. Маъноси – ғоз.
Қай – эр киши исми
Қалалдуруқ – эр киши исми
Қангли – киши исми
Қатмиш – эр киши исми
Қиличхан – эр киши исми. “Девон”да: “хоқонларнинг лақаби”.
Қўтан – эр киши исми
Қулбақ – киши исми
Қулуч – эр киши исми
Қумуқ – “бекнинг исми”
Қутлуғ – эр киши исми
Қутлуғ тегин – “шаҳзода исми”
Чағрибек – эр киши исми
Чағри тегин – “шаҳзоданинг исми”
Чучу – турк шоирларидан бирининг исми
Чўғлан – киши исми
Шу – “Девон”да: “турклар шоҳининг исми”, деб изоҳланган.
***
Yaxshi ma'lumotlar bor ekan.
@suvaydo
783
Shunchaki...

06 Dec, 18:10

#islom_litseyi
O'zgacha bir fayzi bor shu litseyning.
Konstitutsiya kuniga bag'ishlangan videorolik ham yaxshi chiqibdi. Ilindim.
@suvaydo
682
Shunchaki...

06 Dec, 17:51

🎬403-guruh
"8-dekabr O‘zbekiston Respublikasining Konstitutsiyasi qabul qilingan kuni"ga ga bag'ishlangan  videorolik.

✅Telegram | 🌐Instagram |
✅Facebook
754
Shunchaki...

06 Dec, 17:51

🎬403-guruh
"8-dekabr O‘zbekiston Respublikasining Konstitutsiyasi qabul qilingan kuni"ga bag'ishlangan videorolik.

✈️Telegram | 🌐Instagram | ✅Facebook
806
Shunchaki...

02 Dec, 17:36

https://youtu.be/atdM1foQgxo?si=3agKiqddlbRbLXrR
196
Shunchaki...

02 Dec, 13:12

⚡️Toshkent shahridagi Prezident maktabining ona tili va adabiyot fani o'qituvchisi Zulfiya Rashidova va 10-sinf o'quvchisi Firdavs Olimjonov bu yilgi videodarslarda adabiyot darsliklaridagi asarlarni tushunishga koʻmaklashishi maqsadida har bir mashgʻulotda muayyan asarda qo'llangan so'z yoki iboralarni izohlab borishmoqda.

✅Bugungi mavzu: Rabg'uziyning "Qissasi Rabg'uziy" asari.

🏛Toshkent shahridagi Prezident maktabining rasmiy sahifalari:
🌐Telegram | 🌐Instagram | 🌐Facebook
412
Shunchaki...

01 Dec, 16:51

#qish
Mana, rasman qish keldi.
Huv bir zamonlar "Qish sonatasi" degan serial juda mashhur boʻlgandi-ya..
Mendan boshqa hamma koʻrgan va sevgan edi.
Hadeb tavsiya qilaverishganidan keyin oʻtkazib-zerikib-esnab-ishonib-ishonqiramay tomosha qilgandim.
Menga kino uchun tanlangan aktyorlar, kiyimlari, manzaralar, hatto dublyaj ustalarining ovozi ham yoqqan edi.
Lekin syujet, voqealar rivoji, dialoglar juda zerikarli tuyulgan edi. (Yana tvda namoyish qilishar-a shu kunlarda?)
Keyin, indamas, yuvosh qizlar hech ijobiy va ibratomuz boʻlib koʻrinmaydi menga. Shaddod, kuchli, magʻrur qizlar maʻqul kaminaga.. "Muhabbat qahvasi"dagi Gavyota, masalan..
Qishni yaxshi koʻradiganlarni esa tabriklayman jonajon mavsumga yetib kelganlari bilan.
Qishda tunlar uzun.. Uxlashni yaxshi koʻrmaydiganlar tongni intiqlik bilan kutishadi..
ayozni sevmasam-da..
Qish-moʻminning bahori. Qurʻon oʻqish uchun qulay fursat.
Allohga har bergan kuni uchun hamdlar aytaman, yetkazganiga shukr.
@suvaydo
619
Shunchaki...

01 Dec, 16:19

❓9-dekabr, dushanba dam olish kuni bo’ladimi?

✅ Qisqa javob: ha, dam olish kuni.

📋 Batafsil javob: Mehnat kodeksining 208-moddasiga binoan, ishlanmaydigan bayram kunlari dam olish kuniga to’g’ri kelib qolsa, unda dam olish kuni keyingi ish kuniga ko’chiriladi. Jaydari tilda aytganda, bayramlar yakshanba to’g’ri kelib qolsa, dushanba kuni ham dam olish kuni bo’ladi.

Joriy yilda 8-dekabr — Konstitutsiya bayrami yakshanba kuniga to’g’ri keladi. Shu sababli dushanba, 9-dekabr kuni ham dam olish kuni, deb e’lon qilingan. Bu 2023-yil 23-dekabrdagi Prezident farmonida ham belgilangan.

Demak, besh kunliklar uchun 7, 8 va 9-dekabr kunlari (3 kun), olti kunliklar uchun esa 8 va 9-dekabr kunlari (2 kun) dam olish kuni bo’ladi.


👉 @xushnudbek 👈
660
Shunchaki...

01 Dec, 13:38

Ko'ngli tilagan murodiga yetsa kishi,
Yo barcha murodlarni tark etsa kishi,
Bu ikkisi muyassar o'lmasa  olamda
Boshini olib bir sorig'a ketsa kishi
(Bobur)
Ana shu bir sorig'a ketishbop poyezd ekanmi..
@suvaydo
684
Shunchaki...

01 Dec, 09:44

Mana oʻsha shov-shuv boʻlgan dars.
Koʻring va mulohaza bildiring.
689
Shunchaki...

01 Dec, 07:12

#mulohaza
O'zbeklarda g'alati maqol bor:
Pulingdan bir pul qolsa ham, osh ye,
Kuningdan bir kun qolgan bo'lsa ham, osh ye, - degan.
Agar shu maqolni o'zingizga moslab o'zgartirsangiz, "osh ye" o'rniga nima qo'yardingiz?
@suvaydo
678
Shunchaki...

01 Dec, 04:56

Ўзбекистон фуқаролари номаълум сабабларга кўра БАА ҳудудига киритилмаяпти

Тошкент—Абу-Даби йўналиши бўйича Wizz Air авиақатнови орқали учиб борган 31 нафар Ўзбекистон фуқароси номаълум сабабларга кўра амирликлар ҳудудига киритилмаган. Элчихона ҳолат юзасидан маълумот берди.

👉 https://kun.uz/kr/17541845

Kun.uz расмий канали
618
Shunchaki...

01 Dec, 04:50

#afsus
Tushingda dengizda quloch otib suzayotgan bo'lasan. To'lqinlar qirg'oqqa chiqarib tashlaydi-yu, sen bo'sh kelmaysan. Muvozanat ushlash qiyin holda suvda tebranasan, lekin ich-ichingdan huzur his qilasan.
Keyin allaqaysi qo'shningning otini aytib chaqirayotgan qiz tovushi yoqimli onlarningning beliga tepib uyg'onib ketasan.
"Eh. Meni dengiz chorlayapti" deb o'ylaysan..
Bileti arzonroq Abu Dhabiga borib kelsammi deb xayollanasan.
Keyin telefoningni qo'lingga olsang, kunuz xabariga ko'zing tushadi-yu reallikka qaytasan-qolasan.
"O'zbeklar noma'lum sabablarga ko'ra BAA hududiga kiritilmayapti"
Yashsha.. vor, o'zbegim!
@suvaydo
646
Shunchaki...

01 Dec, 04:43

#kuz
Xonangda derazani ochib qo'yib, yomg'ir va shamol ijrosidagi tabiat konsertidan bahramand bo'lish baxti, hech qayoqqa oshiqmasdan musaffo havodan o'pkani to'ldirib nafas olish ne'mati uchun O'ziga shukrlar bo'lsin..
@suvaydo
693
Shunchaki...

28 Nov, 17:39

Bugun gazeta uz ning "Mifonomika" podkastini ko‘rdim. Inson hayoti qancha turadi degan savolga iqtisod nuqtayi nazaridan tushuntirish berilgan.

Hammamiz inson hayotining bahosi yo‘q, deymiz. Bu juda ko‘p hollarda go‘yoki moddiy vositalar - pul, mol-mulk va hkz lar bilan o‘lchab bo‘lmaydi degan balandparvoz yondashuv bilan inson hayotining bahosini tekinga aylantirishga obkeladi, ha, bundan kimlardir manfaatdor.

Men e'tibor bergan joyi yo‘l transporti ishtrokidagi halokatlarda bizda bir yilda ikki mingdan ortiq odam o‘lishi va bizdan ko‘ra ko‘proq avtomashinaga ega Shvetsiyada bu raqam bizga qaraganda o‘n baravar kam ekanligi haqidagi gap bo‘ldi.

Biz ajali yetgan ekan, o‘libdi deyishga o‘rganib qolganmiz. Nega unda Shvetsiyada unaqa bo‘lmayapti?! Holatning keskin farqli ekanligi odamni uyg‘otishi kerak. Nima uchun bunaqa ekanligini o‘rganish va sabablarni bartaraf qilish kerak.

Shuningdek, xususiy sug‘urta kompaniyalarining o‘zi zarar ko‘rmasligi uchun korxona, tashkilotlarning xavfsizlik choralarini kuchaytirishga majburlashi, mavjud standartlarga javob berishini talab qilishi - bu naqadar to‘g‘ri mexanizm.

Shu o‘rinda bir voqea esimga tushib ketdi. Chin dildan uzr so‘rayman, ko‘ngli bo‘shlar o‘qimasin shu joyini. Taxminan o‘n yillar oldin mahalladagi go‘zallik saloniga chiqqan kelin 2 yoshli farzandi bilan borgan. Bolaga kiriyeshki olib bergan. Bola uni yeb bo‘lib suv so‘ragan. Sartaroshning stolidagi baklajkani suv deb o‘ylab, bolasiga ichirgan. Unda esa vodorod periksi bo‘lgan.
O‘shanda sartarosh o‘zini umuman aybdor his qilmagan va hatto salonda ishini hech nima bo‘lmaganday davom ettiravergan. Aslida esa bunaqa inson hayoti uchun xavfli moddani tegishli talablarga ko‘ra saqlamagani uchun bir norasida nobud bo‘ldi.
Mana nima uchun kerak bunaqa xavfsizlik choralarini kuchaytirish.

Biz mifologik qarashlarimizdan voz kechib, mas'uliyatni o‘z qo‘limizga olishni, dunyoda qayta-qayta isbotini topib bo‘lgan ilmiy qarashlar asosida ishlashni o‘rganishimiz kerak... Bu endi... men uchun orzu...

Podkastni ko‘ring.
https://youtu.be/nW-bmzTD944?si=_0bJPptfKhsXg7oD

@psixolingvist
650
Shunchaki...

28 Nov, 17:17

#bullying
Har qanday maktabda bullying - birovga tazyiq o'tkazish, zo'rovonlik qilish, laqab qo'yish, masxaralash, yakkalab qo'yish kabi holatlar bor.
O'quvchi - bola, u tushunibmi, tushunmaymi qilar bu ishni. Lekin agar ustoz qilsa-chi buni...

Bolaligimda anglab yetmagan ekanman, lekin o'ylab qarasam, o'qituvchilarimizning aksariyati bolalarni kamsitgan, masxalashga sabab bo'lgan ekan.

Litseyda jismoniy tarbiya ustozimiz mashqlarni arang bajaradigan ozg'inroq, nimjonroq sinfdosh bolalarni mazaxomuz ohangda chaqirar ediykan.
Rangpar, ko'p kasal bo'ladigan bitta bolani "tuberkulyoz" deb chaqirardi, qo'shiq aytadiganini "petux" deb.

Balki, men ham hazil yo kinoya qilib kimgadir shunday ozor bergandirman...

eslaganim..
75-maktabda yangi ish boshlagan paytim 5-sinf bolaga familiyasini "Aasomov" yozgani uchun tanbeh bergan edim. O'zimcha tushunarli bo'lishi uchun:
A-a-somovmisan yo Asomov? - degandim (ikkita a ni ajratib aytib)
Hamma kulvorgan va shu bilan unga "Aasomov" deb laqab qo'yib olishgan edi.

Bolalar bir - biriga hurmat bilan munosabatda bo'lishi, boricha qabul qilishiga, avvalo, kattalar mas'ul.
@suvaydo
732
Shunchaki...

28 Nov, 16:28

#shokolad
Ko'rdingizmi, yo'qmi, yangi urf emish bu.
O'quvchilar o'z ustozlarini (aniqrog'i, sinf rahbarini) shokolad bilan siylar ekan mana shunday kutilmagan paytda.

Bugun qizim ham sinf rahbarini tug'ilgan kuni bilan mana shu tarzda tabriklashganini aytib qoldi.
- Ustozing xursand bo'ldilarmi?
- Ha, sizlardan kutmagan edim dedilar.
- Unda yaxshi.
Keyin o'ylab turib so'radi:
- Siz - chi, agar..
- Men shokolad yemayman.
- E-ha.. Esiz. Manga opkelardiz.
- Sinf rahbarligim yo'q.
😶
Bu urfga qanday qaraysiz?

Tug'ilgan kuni yo bayramda emas, shunchaki kutilmagan bir paytda nima bilandir odam birovga xush kayfiyat berolsa.. Yaxshi - ku 😊
Lekin ustoz jiddiy turib:
- Men shokolad yemayman.
- Parhezdaman
- Pora bu doood!
deb qolsami!? 😂
@suvaydo
895
Shunchaki...

27 Nov, 17:56

#byurokratizm
Ishxonalarda ortiqcha qog'ozbozlikni yo'qotamiz deb bong uramiz-u, lekin hech qutula olmaymiz.
Nega?
Nega kimdir chindan ishlayotganiga ishonmaymiz? Uni qog'ozda isbotlashini so'raymiz?
Mutaxassis sifatida qanday faoliyat olib borayotganini ko'rsatadigan narsa natija emasmi?
Aytaylik, o'qituvchi qanday ishlayotgani o'quvchilarining bilimini tekshirish orqali aniqlanadi, shunday ekan, undan hisobot so'rash nega kerak?
Masalan, qaysi o'quvchi necha ball olgani jurnalda turibdi, ammo o'qituvchi hisobot degan qog'ozga bittalab o'sha baholarni ko'chirib chiqadi. Nega?
Ana shu baholar elektron jurnalda turibdi va uni hamma: ota-ona, rahbariyat ko'ra oladi-yu?
Xullas.. g'alati narsalar ko'p..
@suvaydo
1,433
Shunchaki...

26 Nov, 16:25

#delfinrangavto
Bir kuni kitobga buyurtma bergandim,
Chopar (kuryerga bundan mos so'z kelmadi xayolimga) men mutlaqo kutmagan bir paytda (ya'ni ertaroq) kelib qoldi:
- Assalomu alaykum, buyurtmangizni olib keluvdim, shoshib turibman, tez tusha olasizmi?
- Yaxshi, mana chiqyapman,, qanaqa rangli mashina?
- Delfinrang.
- Ol-aa, delfinrang? Men umrimda delfinni ko'rmaganman, o'zbekcha nomi yo'qmi bu rangning? - dedim azbaroyi shoshganimdan miyamga kelgan gapni qaytarmay, tahrirlamay.
Chopar kulvordi va:
- Shu.. ko'k, havorang.
Chiqsam, mana shunaqa rangdagi mashina ekan.

(kulrang, olovrang, siyohrang (vaholanki, siyoh desa qora rang keladi xayolga) kabilarga o'rganib qolganmiz, ammo delfinraaang. Dengiz bo'yida yashamaydigan xalq bo'lsak..deyman-da..)

Sizningcha, bu rangni qanday atagan ma'qul?
@suvaydo
1,250
Shunchaki...

26 Nov, 15:10

Kun surati
1,529
Shunchaki...

26 Nov, 14:25

#bookclub
Bir paytlar, Islom litseyining 55-guruhi bilan har oyda bir kitob o'qib, so'ng uning muhokamasiga yig'iladigan yaxshi bir odatimiz bor edi.
Keyin qizlar birin-ketin o'z hayoti, olamiga sho'ng'ib uchrashuvlar ham barham topdi.
Ma'lum vaqt uni online ham davom ettirdik, ammo..

xullas..
Bugun ayni paytda men o'qitayotgan qizlardan yana shu taklif chiqib qoldi-yu, men yo'q deyolmadim, zotan, asarni o'qish ham, u haqida suhbatlashish ham yoqadi..

16 yosh qizlar bilan o'qishga mos asar(lar) tavsiya etolsangiz, mamnun bo'lardik..
@suvaydo
926
Shunchaki...

26 Nov, 01:55

#havaskorsuratkash Subhidam surati
@suvaydo
963
Shunchaki...

18 Nov, 08:48

#kun_xulosasi
Bugun ikkita insondan qayg'uli xabar eshitdim. Birining otasi, boshqasining opasi soppa-sog' yurgan holda, kutilmaganda yurak xuruji qilib olamdan o'tishgan.

Alloh rahmatiga olgan bo'lsin, jannati bilan siylasin, orqasida qolganlarga sabr bersin va.. xulosa shuki..
- oson vafot etish ham bir ne'mat
- umr - g'animat, inson - omonat. Savob ish qilishga, ertaga surayotgan ishlarimizni bajarishga, tavba va munojotga ulgurib qolish kerak.

- bugun tadbir-u ko'ngilxushlik, seriallar-u futbol, g'iybat-u muhokama kabilarga vaqt isrof qilishimiz, ishxonamizda javlon urib "o'ta muhim" ishlarga jon kuydirishimiz, lavozim taqozosi deb birovning dilini og'ritishimiz, o'zgalar haqiga xiyonat qilishimiz..bular haqida mushohada qilishga ishora emasmikan bunday xabarlar..
@suvaydo
411
Shunchaki...

17 Nov, 18:19

#mutolaadan_keyin
Qizim bilan kunora 'Kichkina shahzoda" asaridan bir-ikki bet o'qiymiz-da, keyin muhokama qilamiz.
Bugun tulki bilan tanishgan qismiga kelgan edik.
"Qo'lga o'rgatish" nimaligini gaplashdik. Keyin bug'doyzor bolaning sochini eslatishini o'qiy turib, kitobni yopdim. Misollar keltirdim qaysi buyum, qo'shiq, film kimni eslatishini.
Qizimning o'ylanib turib.. ko'zi yoshlandi. "Ammam.." deb qoldi.
Qizimning har yozgi ta'tilni birga o'tkazadigan sevimli ammasi kutilmaganda yurak xurujidan vafot etgan, o'sha kuni ham u ammasi quchog'ida uxlagan, uyg'onganida esa .. ammasidan ayrilgan edi..
Bunga uch yil bo'ldi. Bolalarim "ammang bo'lmay qoldilar" deyishganida "mazasi bo'lmay qoldi" deb tushunishgan va uyga oldiniga "tez yordam" mashinasi, keyin odamlar kela boshlaganida qo'shnilarnikida hech nimani tushunmay uyqusirab o'tirishgan ekan..

Xullas, qachon ayriliq haqida gap ketsa, u ammasini eslaydi.
Hozir ham asar muhokamasi yig'iga aylandi.
.. Tulki shahzoda bilan xayrlasharkan, uni sog'insa, bug'doyzorga kelishini aytadi.
Qizim, dedim unga, - Ammangni sog'inganingda uylariga borish mumkin. va
istaysanmi-yo'qmi, biz o'zimiz yaxshi ko'rganlarimizdan bir kuni baribir ayrilamiz.
Lekin ana shu ayrilgungacha vaqtda u bilan baxtli onlarni kechiramiz. o'sha baxtiyor kunlar uchun ham arziydi kim bilandir do'st bo'lish, yaqinlashish, qadrdon bo'lish..

Uyog'ini o'qiy olmadik. Xonasiga ketdi.
Odamni.. musibatlar ulg'aytiradi..
@suvaydo
791
Shunchaki...

17 Nov, 18:04

#izoh
"Paxta xotiralari" ancha oldin yozilgan, Facebookdagi sahifamda e'lon ham qilingan edi (Ancha-muncha imloviy, uslubiy xatolar bor ekan matnda, tahrirsiz qayta qo'yganim uchun ma'zur tutasizlar)

O'shanda mendan katta avlod vakili (o'rtog'imning otasi) paxtani maroq bilan eslashini aytgandi.

Ya'ni bu hikoya mendan katta odamlarga dangasalik, besabrlik, noshukurlik bo'lib ko'rinsa, yosh avlodga mubolag'a tuyulsa kerak..
@suvaydo
466
Shunchaki...

17 Nov, 17:30

#paxta_xotiralari
6-qism
Yana domla almashdi. Bu gal xushchaqchaq, yumshoqko'ngil domla keldi.
Men ham deyarli dalaga chiqmay qo'ydim..

Dalada allaqachon paxta qolmagan, ko’sak terardik, keyin hamma bir joyga yig'ilib, gulxan yoqib, atrofida aylana bo'lib o'tirgancha, tosh bilan ko'sak yorib, ichidan chiqqan paxtani (paxta deb bolmasdi uni) to'plardik.

Ovqatdan butkul maza qochgan, biz ko'p paxta termaganimiz uchun (o'zi yo`q bolsa paxta???) bizga beriladigan kartoshka-sabzi ham kamaytirilgan, suyuq ovqat suvdan iborat bo'lib qolgan, talabalar kasal bo'lib ketaverganidan kamaygan, domla tergamas, kunimiz "plan to'ldi, qaytinglar" deyishlarini kutish bilan o'tardi.
Endi norma ham yo`q edi..

Lekin havo keskin sovigan, kleyonka qoqilgan deraza-yu yaxshi yopilmaydigan eshikdan kechasi sovuq kirar, toqatimiz toq bo'la boshlagan edi.
Tug'ilgan kunimda ko'sak yorish..alam qildi, uydan esa hech kim kelmadi. Kechqurun "Sizni kutdim, kelmadingiz hech" deb she'r yozdim...
72 kun paxtada bo'ldik!!!!

Uyga ruxsat bo'lganida hammamiz gulxan atrofida o'yin tushdik, qo'shiq aytdik, idishlarni sindirdik! Men esa, gulxanga tikilib o'tirib boshqa HECH QACHON paxtaga kelmayman, bolalarimni ham hech qachon yubormayman deb qasam ichdim!

Kolonna bo`lib Universitetga qaytdik, hamma oftobda qoraygan, qo'llar yorilgan, tirnoqlar o'sgan (ko'sak yorishga kerak, deb atay olishmasdi), charchagan, ularni kutib olishga kelgan ota-onasi bag'riga otilgan..
2 kun dam olib, keyin o'qishga! - dedi zamdekan.
Ana shunaqa..

Ahdimda qat'iy turdim, qaytib paxtaga bormadim, VKK qildirdim. 4-kursligimda Dadam: Bo'ldi, endi katta kurssan, boraver,- deganlarida, geppatit bilan og'ridi degan qog'oz sotib olib, 3 kun turli adabiyotlar o'qib, simptomlari va davolash haqida o'rganib, VKKning 7 a'zosini ishontirib chiqdim.

Televizorda paxta dalalarida yasanvolib terayotganlarni ko'rsam g'ashim keladi, Internetga paxta terayotgan bo'lib rasm qo'ygan artistlarga ensam qotadi..
Bir shoirning "Ajab, bosh chanoqdek oppoq chanoqlar" misralari xayolimga keladi.
Tamom. Sabr bilan o'qiganlarga rahmat...
@suvaydo
442
Shunchaki...

17 Nov, 17:30

#paxta_xotiralari
2-qism
Xullas, shiyponga joylashdik. Hammamizga terim uchun ikkitadan etak berildi, qoida tushuntirildi:
Kunlik norma 80 kilo, ertalab 6da uyg'onish, yuz yuvish (ariq bo'yida qatooor o'tirib, suv 7 dumalasa halol, shiori bilan), nonushta (sal eskirgan buxanka, choy, 1 osh qoshiq shakar), tushlik va kechki ovqatga suyuq makaron (har kuni!) Tushlikdan va kechki ovqatdan oldin taroziga tortib, qancha terganingiz nomingizga yozib qoyiladi, keyin "shtab" - norma bajarmaganlarga dakki berish marosimi. Uyqu.

Katta kurslar bilan bir shiyponda bo'lishning yaxshi va yomon tomonlari bor edi. Yaxshisi shuki, ular ko'p narsa o'rgatishardi: qaysi domla qattiqqo'l, talabchan, qaysisi rahmdil (domlalar har 15 kunda almashardi), ovqatdan pashsha chiqsa, e'tibor betmaslik, shtabda urishishsa pinak buzmaslik, nima qilsa paxta og'irroq chiqishi, qayerdan qovun-tarvuz o'g'irlab yeyish mumkinligi, buxanka jonga tegsa mahalliy aholidan uy noni sotib olish yo'li va hk..

Yomon tomoni, hamma yengil ishlarni ular bo'lishib olgandi: hisobchi, tabelchi, zavxoz, domlalarga oshpaz, talabalarga oshpaz, choy qaynatuvchi - hammasi ulardan edi, biz "birlar" faqat terimchi edik.

1-kundanoq bildim: paxta terish oson emas ekan, u hurpayib ko'p ko'rinsa ham, taroziga olib borsam, 14-15 kilo chiqar, egilib belim qotib qolar, bir qad rostlasam keyin egilgim kelmas, qizlarga o'xshab qo'shiq aytib, hazil-huzul qilgim kelmas, shtabdagi dakkilardan mantiq topolmas, zerikarli kun tartibidan qochib ketgim kelardi.
Hammadan ham, paxtaga kelganimizning 4- yo 5-kuni, yakshanba edi, men sodda, bemalol uxlab yotsam, tepamga 5-kursdagi N.opa keldi: Hoy, turmaysizmi?
-Bugun yakshanba-ku!

Bo'ldi kulgi!! Hamma: kursdoshlarim ham, katta kursdagilar ham kulishar, bosh chayqashardi. Bu battar jahlimni chiqardi:
-Nimasi kulgili, hammada dam olish kuni boladi-yu! -dedim jiddiy va zarda bn. Kulgi tindi.
-Yetar, dedi N.opa,- paxtada dam olish kuni bo‘lmaydi!
@suvaydo
327
Shunchaki...

17 Nov, 17:30

#paxta_xotiralari
5-qism
Yana domla almashdi, bu galgisi Arabistonda ishlagan, Toshkentda o'qigan, anchayin madaniyatli, ziyoli edi.
Paxta terayotgan egatimga kelib:"Sizmi Toshkentda o'qigan?"-deb so'radi. Litseyim haqida, arab tilidan kim dars bergani haqida qiziqdi, uni qarangki, litseydagi arab tili o'qituvchimizni tanirkanlar ham.

Kunlarimga sal mazmun kirganday bo'ldi, Domla bilan kitoblar haqida gaplashsa bo'lardi va ular bema'ni shtab majlislari qilmasdilar, terolmaydigan odam ming baqirganim bilan terolmaydi, tajriba kerak bungayam, derdilar.

Yomg'irli kunlar boshlandi, endi loy egatlarga kalish botib qolar, etak loyga sudralaverganidan og'irlashib yurishni qiyinlashtirar, qizlar tez-tez shamollar, kimlarnidir baland harorat bilan uylariga olib ketishar, kunning esa o'tishi qiyinlashardi..

Bir kuni daladan kelsam, 5-kurslardan Kenja opa imlab orqa oshxonaga chaqirdilar. Borsam, kosada DIMLAMA! Ham xursand, ham hayron bo'ldim, “Yeng, faqat hech kim ko'rmasin”,- dedi. Anchadan beri bunaqa mazali ovqat yemaganimgami, kimdir meni paxta terolmaydigan noshud emas, INSON hisoblab mehr ko'rsatganigami..g'alati hisni tuydim.
Bilsam, K.opa hadeb nimani qitir-qitir qilib yozadi kechasi deb, yostig'im tagidan kundaligimni olib o'qibdi.
“Siz boshqa qizlarga o'xshamaysiz, dala odami emassiz”,- derdi.

K.opam domlalarga oshpaz edi, menga har kuni ularga qilingan ovqatdan beradigan bo'ldi. Adolatsizlik shunda ediki, biz har kuni makaron sho'rva ichsak, domlalar osh, qozon kabob, dimlama kabi ovqat yerkan, kamiga ba'zan boshqa shtabdagilari ham kelib aroq ichib maishat ham qilib turisharkan (arab tili domlamiz mustasno)

Esimda qolgan, ana shunday maishatlardan keyin bir mehmon domla (ming bor uzr-u) qayt qilib shundoq kiraverishni boplab ketgandi. N.opa polni tozalaganga 30 kilo paxta yozib berishni va'da qildi.

Ko'p teradigan terimchimiz menga qarab:"Sen hammadan kam terasan, qarz bo`lib ketding.." deb gap boshlagandi g'azabim qaynadi: Nima? Undan ko'ra 50kilo qarz yozib qo'yinglar yana! O'lsam ham aroqxo'rlarning qusug'ini tozalamayman!!

Kam terishimni pisanda qilgani emas, hammadan ham, meni 5-6 kilo paxta-yu unga to'lanadigan 3-4 so'm pul uchun ...pol artadi deb o'ylashgani alam qilgandi..
Bir qizimiz rozi bo'ldi..
Domlalardan ko'nglim qola boshladi..O'qishga qaytsak, shularning ma’ruzasini qanday eshitarkanman, deb o'ylardim.

Arab tilichi domla 15 kundan keyin, ketishidan oldin meni chaqirdi: "Usmonova, eslab qoling, paxta qiz bola keladigan joy emas, qaytib dalaga kela ko'rmang, VKK qilish qimmat, lekin sog'lig'izdan qimmat emas!!
@suvaydo
325
Shunchaki...

17 Nov, 17:30

#paxta_xotiralari
3-qism

2 hafta bir xil o'tdi: paxta va yana paxta. Makaron va yana makaron. Uydan g'amlab kelgan murabbo-yu patirlar tugadi, ota-onalar ham har kuni yo'qlamay qo'yishdi..
Keyin..Domla almashdi.

Yangisi baqir-chaqirroq chiqdi. Shtabda 4-5 qiz doim "qahramon" edik, tanbehlarga pinak buzmaslikni o'rganib olgandik, Domla, gapi bizga ta'sir qilmayotganini sezdi, chog'i, 3-kuni boshqacharoq yo'l tutdi. Hamma paxtasini torttirib bo'lib, kechki ovqatga yig'ilganida: Normani bajarmaganlar, senlarga ovqat yo'q, chunki senlar ovqatga yarasha terganing yoq, dalaga qaytlaring!- deb baqirdi.
Qorin och, charchagan, dam olishsiz ishlayotganimdan alamzada, Nafis San'at litseyiday joydan dalaga kelib qolganimdan norozi bb yurganimgami.. Domlaga e'tiroz bildirdim: Kun bo'yi 30 kilo tergan odam qanaqa qilib kechasi 50kilo terib normaga yetkazamiz? Kamiga och va charchagan bo'lsak? Qani mantiq?

16 yashar mahmadonaning mantiq so'ragani domlani tutaqtirib yubordi: Hey, aqlliligingni uyingda qilasan, jo'na dalaga!
5-kurs akalar shiyponga chegaradosh dalaga bizni boshladi, sheriklarim piq-piq yig'lab etaklarini sudrab dalaga yo'l olishdi. Men esa yig'lagim kelmas, nima qilsam ekan deb o'ylab borardim. 5-kurs akalar traktor farasini yoqib sal yorug' qilib berishdi, biri menga maslahat berdi: Domladan kechirim so'rang! -So'ramayman, -dedim qat'iy.
Egat oraladik, qorong'i..

Men sal-pal qo'limga ilingan paxtani terdim-da, ichkariroqqa borib, yostiq qilib uydim, boshimni paxtaga qo'yib, cho'zildim: Teradigan ahmoq yoq!

15-20 daqiqalar o'tdi, chamasi, Domla "shafqat" qildi. “Bo'pti, opchiq hammasini”,- dedi. Eshitdim-u, indamadim. Sheriklarim chiqishdi, Domla: “Iye, yana bittasi qani, anavi gap qaytargani?”-deb qoldi. Katta kurslar otimni aytib baqirishdi, atay indamadim. Domla xavotirga tushdi: “Tez toplaring, yana bir nimà bo'p qolsa baloga qolmay!”
4-5 odam egatlar oralab meni izlashga tushdi, Domla hatto "Ota-onasiga nima deyman?" ham dedi. Ichimda "Menda ham ota-ona borligi, men ham birovning bolasi ekanimni esladi-ya" dedim, lekin endi "Men shu yerda edim"- deb bo'lmasdi. Topilishimni kutishga qaror qildim.

Bir payt tepamga kelgan 5-kurs aka: “Mana ekan!”- deb baqirdi. Men “uxlab qopman”, deb qovoq uyib sekin daladan chiqdim. Domla indayolmadi.
Bunaqa jazo boshqa qo'llanmadi
@suvaydo
293
Shunchaki...

17 Nov, 17:30

#paxta_xotiralari
4-qism
..Oktabrda kunlar salqinlashdi. Ertalab dalalarga tushgan shudringdan kiyimlar ho'l bo'lar, buxankadan jig'ildon qaynar, hamma uyini, uy ovqatlarini qo'msay boshlagandi. Paxta kamayib, kunlik norma 60 kiloga tushdi.

Aytishim kerakki, barcha kursdoshlar ham menday xafa emasdi, kuniga 100-120 kilo teradiganlar har besh kunda pul olar, normani obedgacha terib qoyib, kunning 2-yarmida Qo'qon bozoriga borib o'ziga kiyim-bosh sotib olar, yeyish-ichishi ham biznikidan yaxshiroq edi. Kechqurunlari esa, 5-kurslarning magnitofonini varanglatib diskoteka bo'lar, qizlar o'ziga oro berib, toza va chiroyli kiyimlar kiyib chiqar, o'yin-kulgi qilishardi.

Uyimizda esa opamga to'y boshlashgan, hamma band va meni ko'rgani atigi 1 marta kelib ketishgandi.
Dadamga paxta qiyin ekan mazmunida shikoyat boshlaganimda: Men studentligimda 31-dekabrgacha terganmiz, paxta nimaligini bilaman, pishasan, chida!- deganlaridan keyin damim ichimga tushib indayolmay qolgandim. Yagona ovunchim kundalik yozish edi. Hech kim qo'liga qalam ham, kitob ham olmas, men esa nimalarnidir o'qigim, yozgim kelardi.

Ana shunday kunlarning birida bir kursdosh qizimiz kasal bo'lib qoldi, qornini ushlab og'riqqa chidolmay yig'lar, katta kurslar ko'richak deb o'zicha tashxis qo'ygan ham edi. U paytda u joylarda telefon ham yoq edi ota-onasiga xabar bergani (o'zimni dinozavrday his qilyapman) 4-kurs qiz dadillik qildi: "O'zimiz kasalxonaga olib boramiz, kimda qancha pul bor?" Hamma berolganicha pul tashladi

Shiyponimizda traktordan boshqa transport yo'qligidan, qishloqqacha traktorda olib borishdi, u yerdan mashinali odam topib, yig'gan pulimizdan berib shaharga olib borishdi, rostdan ham ko'richak bo'lgan ekan, darrov operatsiyaga olishibdi..
@suvaydo
295
Shunchaki...

17 Nov, 17:30

#paxta_xotiralari
(bu hikoya ancha oldin yozilgan, kimlargadir tanish, shunday bo`lsa ham, qatordan qolmasin deb e'lon qilishga ahd qildim. )

1-qism
Kamina 1996-yil AndDU talabasi bo'lganman. 1 hafta o'qigach, zamdekan kirib: "Dushanbadan paxtaga!"-dedi va 38 qizdan iborat auditoriyada: Uraaa!!! -sadosi yangradi.
Ochig'i, 7-sinfgacha qishloq maktabida o'qigan bo'lsam-da, hech paxta termagan edim (onam maktabda direktor bo'lganlarigadir, balki), 7-sinfdan keyin Toshkentda o'qigan odam sifatida dalalar bn ishim yo'q, kitoblar olamida edim.
Xullas, kursdoshlarimning shodon hayqirig'dan paxta zo'r narsa bo'lsa kerak deb o'yladim.

Tayinlashganiday, raskladushka (raskala derdi talabalar), ko'rpacha, yostiq, adyol, kiyim-kechak, kosa-piyola olib, universitetga keldim.
Pritseplarga hammaning raskalasi, avtobuslarga talabalar joylandi, qatooor kolonna bo`lib shodon qiy-chuvlar bilan Bo'z tumaniga otlandik.
Yetib borgach, bildimki, 1-kurs filologlar va 4-5-kurs jurfak talabalari (ular 8-10tagina edi) 4 tomon paxtazorning o'rtasidagi shiyponga joylashtirilarkanmiz.
Qizlar, 1-kurs bo'lsa ham, xuddi doim shu ish bn shug'ullanib yurganday, raskala sudrab o'zlariga joy qidira boshlashdi. Shiyponning old qismida ikkita katta, o'rtada kichik bir xona, orqa tomonida yana 2 ta xona bor edi. Kichik xona domlalarga ekan, o'ng tomondagi xonaga 4-5-kurs qizlari va biz, chap tomondagisiga 4-5ta jurfak yigitlari, orqa tomonga yana bizning kursdoshlar joylashdi. Kamina tajribasizligimdanmi, 1 hafta o'qigan bo'lsak ham, hali birov bn yaqin bolib ulgurmaganimdanmi, oldiniga karaxt bo`lib turdim, keyin lampochka tagidagi bo`sh joyga borib raskalamni yoydim.

Xonamizda yonma-yon qilib 13 ta raskala qo'yilgandi, derazada oyna yoq, kleyonka qoqilgan, lampochka ham "vklyuchatel" yoqligidan, mening raskalamga chiqib burab yoqib-o'chirilardi.. Kechga borib chiroq atrofida nimalardir uchar, boshimga qo`nar,,nega aynan shu joyni hech kim band qilmaganini tushungandim..

Bizga nazoratchi qilib bir domla ham kelgandi.
Shiyponda vodoprovod yoq, yuz-qo'l, idish, kir yuvishga ariq suvidan foydalanardik. Ichishga haftada 2 marta suv olib kelishar, uni ovqat va choyga ishlatishardi.
@suvaydo
344
Shunchaki...

17 Nov, 17:13

#talabalik
Bugun Xalqaro talabalar kuni.
Shu munosabat bilan men ham talabalik kunlarimni esladim.
15 yoshda talaba bo'lishga muvaffaq bo'lganim ko'pchilikning havasini keltirgan bo'lsa-da, tan olish kerakki, Toshkentdagi Nafis San'at litseyidan keyin Andijonga moslashishim oson bo'lmagan.
Birinchi yili darslar zerikarli tuyulgan. Kursdoshlar ichida o'zimga o'xshaydiganini qidirganman.. Paxtaga borish juda qiyin sinov bo'lgan va..

Xotiramning burchak-burchaklaridagi kiiir.. qo'lansa voqealar bu har qadamda uchraydigan axloqsiz, shilqim erkaklar bilan bog'liq.

Hozir qanaqa bilmayman-u, o'sha paytlarda (1996-2000) ko'cha-ko'yda yurgan qiz-juvonlarga gap otish, avtobuslarda suykalish oddiy hol edi.

Har kuni universitetga borishdan bezillardim. 394-avtobus xuddi ichida 394 odam borligi, 394 bekatda to'xtashi va imillab 394 soatda manzilga olib borgani uchun ham shunday ataladiganday edi, nazarimda.

Erkak-ayol, yosh-qari aralash-quralash tiqilib ketadigan bu avtobusdan bo'lak transport yo'qligi uchun ham shaharga ish, o'qish, bozor-o'char qilish, davolanish kabi turli sabab bilan otlanganlarning hammasi shuning ichida eson-omon yetib olish uchun kurashardi.

Keksalarga joy berishardi, har holda, ammo talabalar, ayniqsa, qizlarning holi chatoq edi. Eslasam, ijirg'anaman..
Men bor- yo'gi 16 yosh edim, aqlim ham yetmasdi hech nimaga.. Keyin.. mendan ikki yosh katta kursdoshim o'rgatgan edi yoningda katta to'g'nog'ich olib yur, kim shilqimlik qilsa, o'shani sanchib olasan, nari ketadi deb.

Universitetda.. fanini yaxshi bilmaydigan Domlalar talaygina edi.. Jismoniy tarbiya kafedrasida ishlaydigan bir ayol (ustoz deyishga tilim bormaydi) qalin tilla zanjir taqib yurar, og'zidan bodi kirib shodi chiqar, bemalol shang'illab so'kina olardi.. 2-kursligimizdamikan, ro'molli qizlarni haqorat qilib, boshidan ro'molini yechib olganini ko'rib dahshatga tushgan edim..

Negadir.. bayram bugun deb o'yladim-u, salbiy va yoqimsiz xotiralar jonlandi xayolimda..

Yaxshilariga kelsam, Bahrom Jalilovning adabiyot tarixi darslari doim qiziqarli bo'lardi, seminarda eng yaxshi javob bergan talaabni alohida e'tirof etishi yoqardi. "Bugungi darsda —eva qahramon bo'ldi!" deb tantana bilan e'lon qilardiki Domla, buning zavqi o'zgacha edi..

Hozirgi o'zbek adabiy tili fanidan dars bergan 80 yoshli Ziyayevadan va taxminan unga tengdosh Rasulovdan "5" olish g'oyat mushkul, ammo maroqli va sharafli jarayon bo'lgan edi.

Past ovozda gapiradigan Muhiddin Rahimovni boshida qancha yoqtirmagan bo'lsam, keyin shunchalik hurmatim ortib 1-partada diqqat bilan tinglaydigan bo'lgan edim.

Halim Karim va Ilhom Ubaydullayevning o'ziga xos yumori, rus tili ustozimizning nazokati, Saidxonov (dialektologiya)ning qiziqtirish uslubi, Ne'mat Ahmedov (metodika)ning g'oyat zahar sarkazmi bor ediki, har birining darsini kutardim, shunchaki jim tinglaydigan talaba bo'lolmaganman, tinmay savol berardim, luqma tashlardim, ehtimol, xalaqit ham berardim..

Dilmurod Quronov darslari eng qiziqarli, ajoyib ma'ruzalar edi. Har gal xuddi ichimdagi kemtiklar to'lib butunlashayotganday his qilardim tanaffusga chiqqach. Ham qaysidir savollarimga javob olardim, ham qanaqadir savollar tug'ilib o'yga botardim..

Uch yil "men AndDUda o'qimasligim kerak edi" deb ToshDUga ko'chirish haqida o'ylab yurgan bo'lsam-da, 4-yil, aynan shunaq aimkoniyat bo'lganida ketgim kelmagan, kursdoshlarim bilan o'qishni tamomlashni xohlagan edim..

Lekin kundaliklarimning birida shunday jumla borligini aniq eslayman: "Talabalik - oltin davr" deydiganlar oltin so'zini qo'shtirnoqqa olib yozgan bo'lsa kerak".

Nima bo'lsa ham, o'sha davr meni ulg'aytirdi, o'zgartirdi, kurashuvchanlikni oshirdi, ko'plab xulosalar qilishimga sababchi bo'ldi va oxiri, qizil diplom bilan taqdirladi...

Vaqt orqaga qaytmaydi, bilaman, ammo qaytganida edi, men boshqacha o'qirdim, boshqacha yashardim..

Hozirgi talabalarga esa.. havasim keladi...
@suvaydo
433
Shunchaki...

17 Nov, 16:25

https://youtu.be/sGH7FA_HJXQ?si=htxi0wZRNMapk6LE
487
Shunchaki...

17 Nov, 05:26

#talabalar_kuni

Sobiq va joriy talabalarimni hamda meni kuzatadigan barcha talabalarni talabalar kuni bilan tabriklayman! Alloh yo‘lingizni ochiq, yuzingizni yorug‘, qalbingizni pok qilsin!

... degandan keyin nasihatga o‘tib ketgim keldi: o‘qish sizning mas'uliyatingizda ekanini anglash, shunga yarasha o‘zingizni tutish, qoldirgan darslaringiz, qilmagan vazifalaringiz uchun domlaga iddao qilmaslikka o‘rganish, ilm olish dunyoda umrni sarflashga eng arziydigan mashg‘ulot ekanligini qalb-qalbingizdan anglash, shunga yarasha yashash nasib qilsin!!!

@psixolingvist
471
Shunchaki...

16 Nov, 03:06

"Mentor Hub" guruhi asoschisi, Toshkent Xalqaro Vestminster universiteti katta oʻqituvchisi Nodira Isamuhamedova bilan taʼlimda tadqiqotlarning oʻrni, ilmiy tadqiqotlarga asoslangan taʼlim siyosati qanday boʻlishi kerakligi haqida suhbatlashdik.

Darvoqe, "Mentor Hub"ning Youtube kanalini kuzatib borishni tavsiya qilaman. Nodira opa jiddiy va pedagoglar uchun kerakli mavzularda suhbatlar tashkil qilmoqdalar.
504
Shunchaki...

14 Nov, 15:13

#lirik_chekinish

Kuz haqida eng yaxshi ko‘rgan she'rlarimdan biri Behzod Fazliddinning she'ri.

***
Bir muddatga kitobingni yop,
Mavhumotdan nigohingni uz.
Tabiatning oʻzi zoʻr kitob,
Bugun uning qahramoni – Kuz.

Qara, asar topilmas bunday,
Tebranadi bogʻlar – ruhafzo.
Nelarnidir esga olganday,
Entikadi zaʼfaron dunyo.

Tura tursin eski koʻzoynak,
Boqqin ochiq koʻz bilan bundoq.
Derazangga barg otgan kuzak
Muncha maʼyus, munchalar quvnoq.

Oʻylatmasin ortiq tartibi,
Shundogʻicha olam mukammal.
Qoʻya turgin havo tarkibin,
Toʻyib-toʻyib nafas ol avval.

Qushlar kelib, qushlar qaytmoqda,
Bilganicha chalib surnaylar.
Kimlar uchun vido aytmoqda
Tiriklikka tashna toʻrgʻaylar.

Hayot shudir – qancha tejamay,
Vaqti-bevaqt toʻkilgan xazon.
Bor boʻyicha, boʻyab-bejamay
Tasvirlaydi musavvir Mezon...

2010

© Behzod Fazliddin

#Kutmagan_kunlarim_kutgan_kunlarim

http://behzodfazliddin.uz/mezon/

https://t.me/Behzod_Fazliddin/4670

@psixolingvist
701
Shunchaki...

14 Nov, 14:51

#tavsiya
Kichkina sinflarga dars beradigan adabiyot ustozlariga bolalarga o'qitish uchun hikoyalar tavsiya qilmoqchiman. O'zim "Mutolaa" ilovasidan eshitdim.
Umar Sayfiddin (Turkiya) hikoyalarini, albatta, o'qiting. G'urur, sha'n, sadoqat, vatanparvarlik kabi tuyg'ularni o'stirishga yordam beradi.
1. Ont
2. Tutqun
3. Pushti dur to'n
4. Qashov
5. Naqarot
6. Pora
7. Oq yuz
8. Xari
va hk.
@suvaydo
Darvoqe, nima tavsiya qilmang, oldin o'zingiz to'liq o'qib chiqing!
@suvaydo
786
Shunchaki...

14 Nov, 14:38

#taksi_hangomalari
Deyarli har kuni taksi ximatidan foydalanaman. Uklon ham bor, Yandex ham..

Albatta, orqa o'rindiqda ketaman va haydovchining yuziga qaramayman, ularni eslab qolishga harakat ham qilmayman.

Lekin salon tozaligiga, sigaret hidi anqimayotganiga va mabodo haydovchi tilga kirsa, shevasiga ahamiyat beraman. Shu.

Aksariyat haydovchilar lom-mim demay olib kelib qo'ysa (ana o'shalarga hurmatim baland), boshqalari bilan ayrim dialoglar ham bo'lib turadi..

***
O'sha kuni qo'limda bir necha xarid qilgan narsalarim bilan taksiga o'tirgan edim. Masofam yaqin edi, shuning uchun 18 ming ko'rsatdi ilova. Yetay deganda taksichiga 100 ming so'mlik uzatdim. U pulni olmadi, maydasi yo'qligini aytdi va bitta do'kon oldida to'xtatdi:
- Ana, kiring-de, maydalab chiqing!

Yoshgina yigitning qo'pollik qilgani malol keldi.
- O'zingiz maydalab kela qoling, - dedim qattiq gapirvormaslikka harakat qilib.
Yigitning yuzida kibr aks etdi.
- Maan? Nega endi man tusharkanman. Man tushmiman. Boring, o'ziz maydalab keling!
Xotirjam, ammo sovuq ohangda, keskin gapirdim:
- Uzr, pul to'lash - mening ishim, qaytim berish - sizning.
Yigit kutilmaganda gazni bosdi. Ikki daqiqada manzilga olib bordi-da, to'xtatdi:
- Pulingiz kerak emas, tushavering.

Endi kulgim qistadi: "bu qanday yosh bolalik" degim keldi-yu, uning o'rniga:
- Pul topaman deb uydan chiqqan odam kibr qilmaydi, - deb yana pul uzatdim. U qaramadi ham, arazlagan bola ko'yi o'tiraverdi.
-Ha, mayli, Alloh adashtirmasin, - deb mashinadan tushdim.
@suvaydo
740
Shunchaki...

14 Nov, 14:15

#kasb
Odam qanday kasbning boshini tutmasin, uni astoydil qilsa, sohasida tengsiz bo'la oladi.

Kecha bir taksiga chiqdim. Haydovchi - taxminan 22-27 yosh o'rtalaridagi yosh yigit - e'tibor beradigan darajada po'rim kiyingan, sochlari salkam yelkasiga tushadi. Mashina saloni ozoda, xushbo'y, atir ham qo'yib qo'ygan old tomonga.

Telefonidan nafaqat xarita uchun foydalanyapti, balki qo'shiq ham qo'yib qo'ygan. Ora - orada ruscha, o'zbekcha, inglizcha qo'shiqqa almashtiradi.

Telefonim quvvati qolmagandi, darrov ulab qo'ydi.

Telefonga tikilmaganim uchun ham yo'lga qarab ketyapman. Tirbandlik bo'lsa, chaqqonlik bilan boshqa yo'lga o'tib oladi. Lekin buni qoia buzsi yoki boshqa mashinalar harakatlanishiga xalaqit berish ham deb bo'lmaydi. Kimdir qo'ng'iroq qilgan edi, keyin gaplashamiz, hozir ruldaman, deb gapni qisqa qildi.

Men ko'rgan taksichilar yo "aslida o'zi taksichi emas, shunchaki bo'sh vaqtida chiqqan" o'rta yoshlilar, yo hali o'pkasini bosolmagan qoidabuzar shovvoz yigitchalar yoki pensiyada bekor o'tirmaslik uchun ermakka shahar aylanib mijozlar bilan otamlashib ketadigan keksalar bo'lardi.

Birinchi marta ko'rishim taksichilikni mehr bilan, astoydil qilayotgan iltifotli haydovchini..

Xullas, beshta yulduzni bosib qo'ydim minnatdorchilik tariqasida va.. nima ham derdim, omadini bersin..
@suvaydo
769
Shunchaki...

14 Nov, 03:56

#kun_shiori
Omon bo'lsin sen anglagan,
seni anglar odamlar!
(EV)
@suvaydo
776
Shunchaki...

14 Nov, 03:46

#mulohaza
Odam faqat yaxshi maosh uchungina o'ziga yoqmaydigan ish bilan shug'ullana olmaydi yoxud ko'ngliga o'tirmagan muhitda ishlay olmaydi.

Prinsiplaringga qarshi borish o'zingga xiyonat qilish demakdir..
@suvaydo
845
Shunchaki...

13 Nov, 18:15

#kun_xulosasi
Sinfda yaxshi oʻqimaydiganlar bolalar boʻlishi tabiiy. Ammo aʻlochilarning boʻyni qisiqligi, oʻziga ishonchi pastligi yomon. Qornini yorsa alif chiqmaydiganlar sinfning zoʻri boʻlib olib oʻqituvchining savoli javob berolganlarni masxaralashi va aqllilarning oʻzini himoya qila olmay yerga qarashi - fojia.

Bolalarni oʻziga ishonchi baland qilib tarbiyalash kerak, toki kallavaram sinfdoshlari laqab qoʻysa ham siniq jilmayadigan lapashang boʻlmasinlar
@suvaydo
982
Shunchaki...

12 Nov, 13:23

#kun_xulosas
***
Shunday o'quvchilaring bo'ladiki, ularni deb sarflayotgan umringga rozi bo'lasan
va aksincha, shundaylari bo'ladiki, o'sha zahoti ariza yozib nafaqat sinfxona yoki bino, balki kasbingni tark ketging keladi.

***
Qobiliyat, salohiyat, iqtidor gendan o'tishi mumkin, ammo tarbiya va xulq emas.
@suvaydo
985
Shunchaki...

12 Nov, 03:56

tavsiya ))
860
Shunchaki...

12 Nov, 03:54

#tomosha
Vaqti-vaqti bilan oilamiz bilan birgalikda bironta kino, spektakl yoki multfilm tomosha qilamiz. Keyin uni muhokama qilamiz.

Kecha qizimning tashabbusi bilan "Moana" multfilmini koʻrdik.
Hali tugamasidan qizim soʻrab qoldi:
- Nega inglizcha multfilmlarda doim har bir qahramon oʻzini topishga harakat qiladi? Bu shunchalik muhimmi?
- Ha, - dedim. - Bu juda muhim. qaysi kasb, ishda betakrorligingni, hammadan zoʻr qila olishingni, nima seni baxtiyor qilishini anglash doim muhim!
- Unda men nima qilishim kerak? Hatto qaysi kasb tanlashim kerakligini ham aniq bilmayman-ku?
- Sen ham qidirishing kerak.

Multfilmdan qator xulosalar qilish mumkin.
- Ota-onalar bolalarini oʻzlari yoʻl qoʻygan xatolardan asramoqchi boʻladi. Men qiynaldim endi bolalarim azoblanmasin deydi. Ammo bu bilan bolani tashqi olamdan, oʻz hayot yoʻlini topishdan cheklab boʻlmaydi. Har kimning oʻz xatosi va oʻz mashaqqatlari ketma-ketligi boʻlishi kerak.

- Odam oʻz ildizlarini: ota-bolalari, millati, qavmi, asliyatini unutmasligi kerak.

- Qiyinchiliklar ortidan, albatta, rohat-farogʻat keladi. Kurashlar odamni chiniqtiradi, yanada kuchli qiladi.

- Hayot yoʻlingda seni qoʻllab-quvvatlaydigan doʻst, yor, sherik kerak!

- Senga zolim koʻrinayotgan raqib (dushman) aslida ojiz va alamzada jabrdiyda boʻlishi mumkin. Qahrga mehr bilan javob qaytarib ham vaziyatni yumshatish mumkin.

- Odam xudbinlarcha oʻz nafsi, (qorin-qursoq) gʻamidagina yashamasligi kerak, u oʻz oilasi, millati, xalqi uchun manfaat keltiradigan ishlar ham qilishi kerak.

va oxirgisi, oilangiz bilan birga biror asarni muhokama qilib turing, bolalar uchun unutilmas xotira boʻlib qoladi keyinchalik ham.
@suvaydo
759
Shunchaki...

11 Nov, 02:57

#chindost
Allohning bandasiga  marhamat cheksiz, shularning ichida bizga chin Do'st ato etganini buyuk ne'mat deyish mumkin.

Bugun ana shunday qadrdonimning tug'ilgan kuni.

Salkam chorak asrlik do'stim Iroda Azimova yaxshi kunimda men uchun chin dildan xursand bo'la oladigan, og'ir kunimda tasalli va yordam bera oladigan, mushkul vaziyatda aqlli maslahatlari bilan jonimga oro kira oladigan, har qanday vaziyatga xolisona, adolat va halollik bilan baho bera oladigan samimiy va chinakam DO'STdir.

Tezligimiz, xulosalarimiz, qarashlarimiz, qiziqishlarimiz, hatto gapirish ohangimiz va ovozimizni ham o'xshash hisoblashadi.

Bir kunda bir necha marta gaplashmasam, fikrini so'ramasam yo o'z xulosalarim bilan o'rtoqlashmasam ozimni yarimta his qilaman.

Gapirmasimdan, izohsiz ham tushuna oladi. Doim namozni, qadarni, oxiratni eslatib turadi.

"Endiiii" deb boshlansa, bilamanki, mendan o'tgan bo'ladi, insof yo sabrga chaqiradi.
"Nega endi" deb boshlansa, fikrlarimni himoya qilayotgan bo'ladi.
"Bilasizmi nima" deb gap boshlansa, demak, o'z xulosasini aytmoqchi bo'ladi.

Irodani o'z jigarimday, balki ulardan ham ortiq yaxshi ko'raman.

Bunga sabab juda ko'p.
Aqlli, zakiy, zehnli, zo'r hazilkashligi uchun; hayotimdagi eng sinovli onlarda kerakli so'zni ayta olgani uchun; samimiyat, halollik, mehribonlik, to'g'riso'zlik kabi noyob fazilatlari uchun; hech kim payqamagan narsani qalb ko'zi bilan ko'ra olgani uchun, hamisha oldin tahlil qilib , oxirida aqlli xulosa chiqara olgani uchun; meni hamma "g'alati" deb hisoblaganida ham tushuna va qabul qila olgani uchun, umuman, hayotimda borligi uchun cheksiz mehr bilan yaxshi ko'raman.

Rasm chizishi, she'r yozishi, pianino chalishi, so'zamolligi, rus, ingliz, turk tillarida bemalol so'zlasha olishidan Irodani o'zi yaxshi ko'radigan Mr Darsi va Mr Batler zamonidan kelib qolgan xonimlarga o'xshataman.

Qaysi ishim yoqqanki, Alloh menga  marhamat ko'rsatib, mana shunday do'st berdi, alhamdulillah.

Ilohim, mening va uni yaxshi ko'radigan boshqa ko'plab insonlarning baxtimizga doim sog' bo'lsin!

Happy birthday, @lingvist_azimova
@suvaydo
855
Shunchaki...

10 Nov, 17:08

Siz uchun 6 mavzuda top 11 kitob!

❗️ Bunday narxdagi to’plam yana bir yil davomida bo‘lmasligi mumkin. Shuning uchun bu imkoniyatni o‘tkazib yubormang va yaqinlaringizga ham xabar bering!

Bog'lanish uchun:
@ibook_uzbekistan

📞 +998971891199

Manzillarimiz:

📍Chilonzor, Shuhrat chorrahasi
📍Chorsu kitob bozori
780
Shunchaki...

09 Nov, 03:08

https://youtu.be/FrogW4dUwa4?si=ZWHTQSV3-qWdq6xb
970
Shunchaki...

01 Nov, 10:57

#facebookdan
Otabek Bakirov fikriga qo'shilasizmi?
@suvaydo
396
Shunchaki...

01 Nov, 04:49

#facebookdan
Hayot nima? - degan savolga subyektiv javoblar.
@suvaydo
489
Shunchaki...

31 Oct, 14:01

“Bugun har bir xonadonda kutubxona va kitoblarning bo‘lishi qanchalik muhim bo‘lsa, uy sharoitida IT muhit ya’ni kompyuter yoki noutbuk bo‘lishi ham shu qadar muhimdir.” — Shuhrat Sattorov, Raqamli ta’limni rivojlantirish markazi direktori.
626
Shunchaki...

31 Oct, 13:30

#happybirthday
Kanal ahli, mabodo kimdir men bilan shunchaki suhbatlashib o'tirgani Toshkentga kelmoqchi bo'lsa (5-6-noyabr kunlari, masalan), xabar bering, biir shunday gap bo'lgan edi chatda, kamina bajonidil vaqt ajrataman "adabiy gurung" uchun.

Bironta tinch topamiz va u yoqdan bu yoqdan gaplashib o'tiramiz..
PS. bu payt ta'til vaqti, har qalay
PPS tug'ilgan kunimda o'zimga sovg'a qilmoqchiman aqlli suhbatlarni.
@suvaydo
602
Shunchaki...

29 Oct, 15:55

#baxt
Baxt haqidagi qarashlar yosh bilan bog'liq holda o'zgaraveradi..

Bolaligingda sevgan o'yinchog'ingga ega bo'lish - baxt..

Keyin..maktabda "besh" baho olsang..
talabalikda "beshchilar" stipendiyasiga ilinsang..

sen pinhona ko'ngil qo'ygan odam ittifoqo sen tomonga qarab qo'ysa..

oila qurish uchun o'zing tanlov qilsang..

farzandli bo'lsang.. bolang kulsa, emaklasa, yursa, gapirsa, maktabga chiqsa...

va bir kun kelib.. joning og'rimagan holda uyg'ona olsang..
o'z oyog'ing bilan yurib borib do'kondan ehtiyojingga narsa ololsang..
uzoqda bo'lsa ham, do'st-u jigarlaring sog'-omon ekanini bilsang..

baxt nima o'zi?
bemorga malham, tushkunga tasalli, yolg'izga hamsuhbat - baxt..
va odamzod..odatda baxtni kuta-kuta baxtiyor damlarini o'tkazib yuborganini payqamay ham qoladi..
@suvaydo
883
Shunchaki...

28 Oct, 17:17

#u
U necha kunki, tushida bolaligini koʻradi: goh oʻrtoqlari bilan yugurayptgan boʻladi quvlashmachoq oʻynab, goh kimdir uzoqdan uning ismini aytib chaqiradi-yu choʻchib uygʻonib ketadi, soʻng anchagacha oʻziga kelolmaydi - qayerdaman? chaqirgan kim edi? tanish ovoz, lekin kim edi u?

eslolmaydi. uzuq-yuluq xotiralar..

kelajagi yoʻq odam oʻtmishi bilan yashaydi, degan gap boʻlardi, ammo uning kelajakdan umidi katta-ku, nega olis bolalaigini bezovta qila boshladi? nimaga ishora qilmoqda?
...
ulgʻaysam, savollarimga javob topaman de oʻylardi bir zamonlar, ammo angladiki, yangi, ilgarilaridan ham mushkulroq savollar tugʻilaverarkan baribir, xotirjamlikka esa.. erisholmaskan kishi..
***
Notanish odamlar, yangi davralar endi jozibali tuyulmay qoʻygan, eski tanishlarini, qadrdonlarini qoʻmsaydigan boʻlgan..

sezyaptiki..
begona odamlardan oʻzini olib qochishga urinadigan boʻlib qolgan, oʻzi haqida maʻlumet berish yoqmaydi, birov haqida ham bilgisi kelmaydi..

-voy rosa... ekansiz-a qabilidagi eʻtirof yoki "kashf"lar gʻashiga tegadi.

u..
nimadir boshqacha.. deb oʻylay boshladi..
@suvaydo
795
Shunchaki...

28 Oct, 14:21

#havaskorsuratkash
Men bugun payqagan go'zallik
@suvaydo
835
Shunchaki...

25 Oct, 09:50

Bu uch surat o'quvchilar tomonidan chizdirilgan. Navoiy aynan shuanqa maxluqni nazarda tutganmi-yo'qmi, bilmadim..
@suvaydo
1,373
Shunchaki...

25 Oct, 09:46

#saddiiskandariy
10-sinf adabiyot darsligidan Alisher Navoiyning "Saddi Iskandariy" dostonini o'qiyapmiz.
ya'juj-ma'jujlar tasviriga kelganda o'quvchilar sun'iy idrok orqali uning tasvirini yaratdilar.

Quyida tasvir tabdil shaklida:
...
Bu ya’juj deganimiz yuz ming tuman
balodan iborat bo‘lib, biz shu
behisob balolardan qochganlarmiz.
Ular Xudoning g‘azabidan yaratilgan,
juda ko‘p xalqlarga ulardan
zulm yetgan. Ularning qilmishlarini
aytib tugatish qiyin, ularni bayon
qilishga til ham gung va loldir. Ularni
hisoblamoqchi bo‘lsangiz, sonsanog‘
i yo‘q, zarar va shikastlari
esa, behisobdir.
Barmoqlari alvasti barmog‘iga, tirnoqlari
esa dev tirnog‘iga o‘xshaydi.
Xunuk yuzlari sap-sariq bo‘lib,
qizil tuklaridan poklik hazar qiladi.
Ko‘zlari baayni maymunning ko‘zini
eslatadi, lekin har biri shayton
ko‘zidek shumshuk.
Burunlarining ichini tillari bilan
yalab “tozalab” lazzatlanganlaridan
o‘yin-kulgi qiladilar. Ularning
bu harakatlari xalojoyni tozalash
vaqti dagi kishilarning kurak
solishi ga o‘xshaydi. Og‘zidan
toʻng‘iz tishlariga o‘xshagan ikki
tish chiqib turadi, ular bu tish bilan
yer ham qaziydilar. Ular qayerni
tishlari bilan qazisalar, qiyomatgacha
u joydan giyoh unmaydi.
Gap-so‘zlari boshdan oyoq
g‘avg‘o-yu surondan iborat bo‘lib,
og‘izlari xuddi o‘raga o‘xshaydi.
Erkagining ham, urg‘ochisining
ham ikki emchagi osilib yotadi.

Ko'z oldingizga qanday maxluq keldi?
@suvaydo
1,043
Shunchaki...

22 Oct, 04:52

ПУБЛИЦИСТИК ШЕЪР

Ҳозирча чўпоннинг суруви
Сочилиб юрибди яйловда.
Ҳозирча далада ўт сийрак,
Сигири ҳалиям байловда.
Кейинроқ ўйлайди Қомусни,
Кейинроқ қатнашар сайловга.

Ҳозирча деҳқоннинг дарди мўл,
Журат йўқ қилмоққа шикоят.
Ҳокимлар гоҳида сўкса ҳам,
Шукрки, ер қилди иноят.
Кузгача ҳосилни йиғса бас,
Қизиқмас ҳозирча сиёсат.

Ҳозирча савдогар бозорда
Молини сотолмай оввора.
Шундоқ ҳам қийпинчоқ бошини
Солиб не қилади ғавғога?
Юрт ҳақда бошқалар қайғурсин,
Бошқалар топишсин бир чора.

Ҳозирча мулланинг ўйи кўп,
Аёллар ёпиқроқ кийса бас.
Йигитлар олдирмай соқолин,
Ҳар айтган гапига кўнса бас.
Давлатнинг ҳукми ўз йўлига,
Сиёсат охират ишимас.

Ҳозирча бир гала тепутат,
Қўй санаб ётибди мудрабон.
Ҳозирча сайловга анча бор,
Ҳозирча ҳаёти чароғон.
Ҳозирча уйғониш шарт эмас,
Бошида турса бас шу сарбон.

Ҳозирча ҳокиму тўранинг
Ҳукмдир чиқарган ҳар саси.
Қомус не, қонун не, ҳозирча
Сўзидан паст эрур ҳаммаси.
Ўзгарса ўзгарсин, фарқи не?
Бу юртда яшамас боласи.

Ҳозирча кексалар қумсайди
Гугуртлар бир тийнлик пайтларни:
“Шукрки, ҳалиям Оға бор,
Бўлмаса, биз шўрлик қайтардик?
Нон нархи тушмади, ўзинг кўр,
Бирор иш бўлмади айтарлик”.

Ҳозирча ёшларнинг дардини
Тинглашга қулоқ йўқ арзирли.
Гар “сурса” не бўлар, гар қолса,
Нима ҳам қиларди хайрли.
Тепани кексалар банд этган,
Ҳаққини ололмас айириб.

Ўртада бир авлод оввора,
Ҳозирча етади саботи.
На четда, на юртда дарди бор,
Тинч ўтса бўлгани ҳаёти.
Берса ер, гар урса, бемалол,
Оёқни узатиб ўлади.

Айтгандай, ҳозирча аёлнинг
Бошида нўхта бор, қўлида тушов.
Айтгандай, ҳозирча аёлнинг
Сўзига қулоқ ҳам солмайди биров.
Айтгандай, ҳозирча аёлга
Бутун бир жамият эга ҳамда ғов.

Шукрки, ҳозирча умид бор,
Бир ховуч уйғоқ бор, бор ҳали имкон.
Бир ёруғ қон бордир оқарга,
Айтарга сўз бордир бегумон.
Бир ёвқур руҳ бордир шуурда,
Ватан бор—арзирли берса жон.

Н.Э.
Июнь, 2022

https://t.me/Najmiddin_Ermatov
1,257
Shunchaki...

21 Oct, 16:30

#ozmat
Xullas, "O'zbek tilim - iftixorim" bayram tadbirida O'zMAT natijalari e'lon qilindi.

O'qib tushunish, tinglab tushunish, og'zaki nutq va yozma nutq ko'nikmalari tekshirilgan test natijalari shuni ko'rsatdiki, 24 ishtirokchidan faqat 1 nafari 5.5 ball, 2 nafari 6.5 ball, 12 nafari  7 ball,
7 nafari 7.5 ball va bitta o'quvchi -
Shoxoj'ayev Nizomiddin 8 ballik sertifikatni qo'lga kiritdi.

Ta'lim, asosan, ingliz tilida olib boriladigan maktab o'quvchilari uchun bu yaxshi ko'rsatkich, quvonarlisi shuki, eng murakkab hisoblanadigan yozma nutq testidan aksariyat o'quvchilar baland ball olgan. Aynan o'qib tushunish testi natijalari nisbatan pastroq bo'lgani  esa o'zbek tilidagi matnlarni o'qish hamda undagi so'z va iboralarning ko'chma, tag ma'nolarini anglash ustida ishlash kerakligini ko'rsatdii

Nima bo'lganda ham, bu - ilk qadam. Loyiha davom etsa, ommalashsa, natijalar tahlil qilinsa,
Ona tili o'qitilishiga yondashuv ham o'zgarsa...
@suvaydo
1,425
Shunchaki...

21 Oct, 09:55

#test
Aytishim kerakki, Abdulla Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti ikki yil oldin OʻzMAT loyihasini eʻlon qilgan va unda biz - sakkiz nafar testolog bir yi davomida ishlagan edik.
Toʻrt koʻnikma boʻyicha testlar tuzgan, jamoada muhokama qilgan, maktablarga borib aprobatsiyadan oʻtkazgan va natijalarga qarab testlarni qayta ishlagan edik.
Shartnomaga koʻra yil oxirida 8 variantdan iborat test bazasini yaratib, taqdim qilgan edik.

Negadir mana shu testlar hali-hanuz ishlatilmay yotibdi.
Men uning 9-variantidan, yaʻni foydalanuvchilar uchun yaratilgan yoʻriqnoma (qoʻllanma-kitobcha)ga kiritilgan namuna testidan foydalandim.

Testda Prezident maktabining 10-sinf oʻquvchilari( 24 nafar) ishtirok etdi, ogʻzaki nutqni diktofonga yozib oldim va xolislik boʻlishi uchun Shokir Tursun (@shokirtursunb) ga joʻnatdim.

Test natijalarini haliroq toʻliq eʻlon qilaman.

Xuddi IELST kabi 9 ballik tizimda baholangan bu test haqida hozircha shuni aytolamanki, ishtirokchilardan faqat bittasi 8 ballni, bittasi 5,5 ballni qoʻlga kiritdi (qolganlari 6.5, 7, 7.5 olgan)
@suvaydo
1,266
Shunchaki...

21 Oct, 08:36

📍Toshkent shahridagi Prezident maktabida oktabr - ona tili fani oyligi davomida, 10-sinf o'quvchilari orasida O'zMAT (o'zbek tili malakasini aniqlash testi) o'tkazildi.

➡️Unda o'quvchilardagi to'rt lisoniy ko'nikma: o'qib tushunish, tinglab tushunish, og'zaki nutq va yozma nutq qay darajada rivojlanganligi maxsus tuzilgan test asosida tekshirildi va 9 ballik tizimda baholandi.

🟢Test natijalari o'zbek tiliga Davlat tili maqomi berilganligining 35 yilligi nishonlanadigan bayramda, ya'ni bugungi “O’zbek tilim - iftixorim" tadbirida e’lon qilinadi.

📁Ma’lumot uchun, Toshkent shahridagi Prezident maktabining ona tili va adabiyot fani o'qituvchisi Zulfiya Rashidova ushbu loyiha rahbari hamda barcha tashkiliy ishlarga mas'ul hisoblanadi. Shuningdek, u “Hammabop o’zbek tili” videodarslari muallifi hamdir.

Test natijalari sizga ham qiziqmi? U holda bizni kuzatishda davom eting.

🏛Toshkent shahridagi Prezident maktabining rasmiy sahifalari:
🌐Telegram | 🌐Instagram | 🌐Facebook
878
Shunchaki...

21 Oct, 08:10

#savol
- O'zbekiston fuqarosi sifatida shu mamlakat uchun nima qilyapsiz?
- o'zbek sifatida ona tilingiz uchun nima qilyapsiz?
- shu sayyora yashovchisi sifatida tabiat uchun nima qilyapsiz?
@suvaydo
1,199
Shunchaki...

21 Oct, 08:05

#tilbayrami
Assalomu alaykum muhtaram vatandoshlar, o'zini o'zbek hisoblaydiganlar, o'zbekcha o'ylaydiganlar, o'zbekcha so'zlashadiganlar, Davlat tilini hurmat qiladiganlar!
Bayramimiz muborak!

Aslida ona tilimizga hurmat faqat shu sanada yoki oktabr oyida izhor qilinishi g'alati, bayram darajasiga ko'tarilishi ham tilga e'tibor sustligidan dalolat. Bizda milliy g'urur yetishmaydi, nafsilamrini aytganda.

Nutqimizda ruscha, inglizcha so'zlarni aralash-quralash qo'llayveramiz, ismimiz ma'nosini bilmaymiz, ism-familiyamiz hujjatlarda xato yozilganiga parvo qilmaymiz, savodxonlik darajamiz juda past-u, uni ko'tarishga harakat ham qilmaymiz! Ko'cha to'la xato yozilgan so'z va jumlalar-u biz ularning xatoligini-da bilmaymiz, mabodo bilsak ham bizga farqi yo'q.

Internet manbalaridan birida o'qidim: har haftada bitta til yo'qolib boryapti ekan. Agar biz ham dunyoda o'zbek degan til, millat yo'qolib ketishini istamasak, o'z ona tilimizni asrab qolishga, uni chalajon holda saqlab qolishgagina emas, boyitishga, rivojlantirishga hissamizni qo'shishimiz kerak.

Buning uchun esa
jilla qursa
- savodxonligimizni yaxshilashga,
- o'zbek tilida matn o'qiganda notanish va so'z va iboralarning ma'nosini qidirib topishga va shu orqali lug'at boyligimizni oshirishga,
- turli uslublarda matn tuzishni o'rganishga,
- nutqimizni varvarizm ("uje", "prosto" kabi boshqa tildagi so'zlar), parazit (behuda takrorlanaveradigan "anaqa", "haligi" kabi ortiqcha so'zlardan) tozalashga,
- kafe, restoran, mehmonxona (va hk) ochsak, o'zbekcha nom tanlashga va uning bexato yozilishiga ahamiyat berishga,
- internetdagi saytlarga o'zbek tilidagi maqolalar, kitoblar joylanishiga hissa qo'shishga,
- farzandlarimiz va o'quvchilarimizda milliy tilga hurmat uyg'otishga, nutqini nazorat qilishga,
harakat qilishimiz kerak.

hech bo'lmasa..

Davomi bor...
@suvaydo
1,269
Shunchaki...

21 Oct, 07:04

Ya'ni buni misol bilan tushuntirsam, tasavvur qilamiz rus sinfga bir bola boshlang‘ichdan bordi. Ikkinchi bola boshlang‘ichda o‘z ona tilida o‘qidi. Keyinroq shu ikkala bolaning rus tilini bilish darajasi solishtirilganda ikkinchi bolaning o‘zlashtirishi birinchi boladan yaxshiroq chiqqan. Chunki til o‘rganish, o‘zlashtirish kognitiv jarayon, uning sifatli bo‘lishini boshlang‘ichda o‘z ona tilida ta'lim olish ta'minlaydi, deydi tadqiqot xulosasi.

Bir necha yillar avval bir jurnalist savol bergandi: tillar yo‘qolib boradi, degan qarash bor, o‘zbek tili yo‘qolishi mumkinmi, deb. Men o‘shanda ham, hozir ham "yo‘q", deb ishonch bilan aytaman. FIkrimning asosi quyidagicha: O‘zbekiston mustaqil davlat, o‘zbek tilida so‘zlashadigan odamlar kam emas, bizda juda yaxshi badiiy adabiyot bor (tarixiy va zamonaviy).
Albatta, bunga bevosita yo bilvosita ta’sir qiladigan omillar mavjud. Xususan, tilning mavqeini unda ma’lumot olish imkoniyati belgilaydi. Ma’lum tilda original ma’lumotning ko‘p yoki kam bo‘lishi esa o‘sha jamiyatda turli sohalarning rivojlanganiga bog‘liq. Aksariyat sohalarning rivojlanishi esa iqtisodiy farovonlikka borib taqaladi.
Xulosa o‘laroq aytmoqchi bo‘lgan gapim: ona tilingizdan faxrlanasizmi yoki undan uyalasizmi - bu sizning tanlovingiz, sizning qaroringiz. O‘zbek tili til sifatida hech qaysi tildan kam joyi yo‘q.
2/2
@psixolingvist
577
Shunchaki...

19 Oct, 16:50

“Beshbattar”dagi besh nima?

Baʼzi soʻzlar hamisha ham biz oʻylagan yoki taxmin qilgan maʼnoga ega boʻlmasligi mumkin. Bu holat ayniqsa omonimlarda yaqqol koʻzga tashlanadi. Agar biror soʻzning shakldoshi borligini bilmasangiz, uni yanglish tushunishingiz hech gap emas. Beshbattar soʻzi tarkibidagi besh ham xuddi shunaqa soʻzlardan.

Biz besh soʻzini asosan son maʼnosida tushunamiz. Shu sababli beshbattar soʻzi maʼnosini besh baravar yomon, besh daraja yomon deb taxmin qilishimiz mumkin. Aslida esa bu soʻz umuman boshqa maʼnoni anglatadi.

Beshbattar forschadan kirgan, uning tarkibidagi besh soʻzi koʻp, ortiq, ziyoda maʼnolarini bildiradi. Battar esa juda yomon degani.

Beshbattar oʻzbek tilida nihoyat darajada, oʻtaketgan darajada, haddan ortiq; juda ogʻir, qiyin maʼnolarida, salbiy maʼnoni ifodalash uchun ishlatiladi:

Qassobning esiga dafʼatan tunov kungi dilxiralik tushib, koʻngli beshbattar gʻash tortdi.
“Yoshlik”.

Ey bechoralar... Bu shaharda bizdan ham beshbattar kambagʻallar borga oʻxshaydi.
P. Tursun, “Oʻqituvchi”.

@oriftolib
169
Shunchaki...

19 Oct, 15:28

#havaskorsuratkash
Bugun olgan rasmlarimdan..
@suvaydo
327
Shunchaki...

19 Oct, 13:41

Oʻzingga yoqadigan ish bilan shugʻullanish erkin boʻlishdir.

Volter

Telegram | YouTube
364
Shunchaki...

17 Oct, 16:35

#qizimdanmaktabhangomalari
–Oyi, texnologiyada hech nima yasamaymiz, faqat yozamiz. Kitobdagini daftarga koʻchiramiz. Lekin negadir hammamiz darsda fartuk taqib oʻtirishimiz kerak. Aks holda, ikki ball olib tashlaydilar.

Uyda qatlama pishiringlar-da, rasmga olib menga yuboringlar,- dedilar, qanday pishirishni oʻrganmadik lekin darsda.
Men endi internetdan qatlama rasmini topib joʻnataman.
zoʻrmi?

Men bosh irgʻayman. Indamayman.

Qizimning umri shunaqa maktabda oʻtayotgani uchun vijdonim qiynaladi...
@suvaydo
625
Shunchaki...

17 Oct, 16:31

#kayfiyat
- Hammasi tamommi?
- Hammasi tamom.
Koʻpriklarni yoqib ketyapman ildam.
Unutib yubordim, qara, batamom
izhorlaring tugul ovozingni ham.

Sensiz ham kunlarim oʻtmoqda shodon,
Quyosh ham nur sochar, koʻkda balqar oy,
Qushlar chugʻurlashib uygʻotar har tong,
goʻzallikka toʻla olam bepoyon.

qanchalar anoyi boʻlganman-a, eh..
@suvaydo
617
Shunchaki...

17 Oct, 11:14

“Ochiq dars” loyihasi oʻzbekzabon ustozlarga sohaga oid bilimlarni muntazam oʻrganish uchun imkon yaratadi. “Ochiq dars”da xorijiy taʼlim bloglaridan maqolalar tarjima qilinadi. Oʻzbekistonlik mutaxassislarning ham mualliflik maqolalari eʼlon qilib boriladi. Maqolalarni oʻqish yoki ovozli shaklda tinglash mumkin. Loyihaning Telegram kanali — https://t.me/ochiqdarsuz
625
Shunchaki...

17 Oct, 09:46

#tahlil
"Urushning so'nggi qurboni" hikoyasini hamma o'qigan bo'lsa kerak. G'oyat ta'sirli sujet.
- Nahotki bitta qulupnayni deb odam qotillikka qo'l ursa? - degan savol tug'ilgan bo'lsa ajab emas..

Xullas, menga O'tkir Hoshimov yaratgan ona obrazlari yoqmaydi: mushtipar, bechora, mushfiq.

"O'zbeklar" hikoyasidagi Otinoyi, "Dunyoning ishlari"dagi Ona va yuqorida zikr qilingan hikoyadagi Umri xola...

Bunday toifadagi onalar farzandlari ayb ish qilib qo'ysa, otasining jazosidan qutqarib qolish uchun balogardon bo'lib beradi: "Men qilgan edim buni, dadasi, urishmang"

Bolalari manfaati uchun yolg'on gapiradi, o'g'irlik qiladi va hk.

Natijada bolalar xudbin bo'lib o'sadi. O'zi qilgan ishi uchun jazo muqarrarligini his qilmaydi. U uchun kimdir qurbon bo'lishiga oddiy qaraydi.

"O'zbeklar"dagi Vohid onasidan xabar ham olmay qo'yadi, xotini bilan alohida chiqib ketadi yagona o'g'il bo'lsa ham.

"Dunyoning ishlari"dagi "men" onasi uning kitobini qadrlamaydigan qo'shnilarga berib yuborgani uchun zarda qiladi, oyisi birga suratga tushaylik desa, e'tibor bermaydi va hk.

"Urushning so'nggi qurboni"gi Shoikrom esa xotini ovqat qolmadi deb aldayotganini bilsa ham, onasi uchun bir kosa taom ilinolmaydi, og'ir yotgan ukasidan xabar olmaydi..

Umuman, ona obrazi rahmdil, mushfiq, ojiza bo'lishi to'g'rimi?

U kuchli, keskin, qattiqqo'l bo'lmasligi kerakmi?

Oloy malikasi - Qurbonjon dodxohni bilasizmi?
***
— Bolam! — dedi dodxoh. Ovozi bir lahza titrab ketdi-yu, shu ondayoq mardona, qahrli tus oldi. — Bolam! Shahid o‘lmoq bizga meros! Ota-bobolaring ham dushman qo‘lida o‘lgan! Alvido, bolam! Bergan sutim oq bo‘lsin! — U shunday deya oyog‘ini uzangiga tirab, otning sag‘risiga zarb bilan qamchi urdi. Bedov osmonga sanchib, suvorini ko‘tara ketdi.
—Rozi bo‘ling, ena! — Qamchibek o‘pkasi to‘lib xirqirab qoldi. — Rozi bo‘ling!
—Mingdan-ming roziman! — Dodxoh qo‘lini fotihaga ochdi. — Diydor qiyomatga qoldi, bolam! — So‘ng ilkis orqasiga qayrilib, kunchiqar tomon ot qo‘ydi.
***

Bu - mutlaqo boshqacha ona. U bolasi tirik qolishi uchun yalinmadi, bosh egmadi, dor ostidagi o'g'li bilan mardonavor vidolashdi.
Ehtimol, shuning uchun ham uning o'g'li qo'rqoq, irodasiz, yolg'onchi emas, mard, jasur..
***
Shunchaki.. mulohazalar-da..
@suvaydo
716
Shunchaki...

17 Oct, 07:15

https://piima.uz/news/etirof-etibor-ehtirom

va yana man bunga ham duch kelib qoldim ))
610
Shunchaki...

17 Oct, 06:59

Facebookdosh do'stlarim orasida ChatGPTdan o'zi haqida ma'lumot so'rash urf bo'lgan ekan, men ham qatordan qolmay deb savol bersam, meni taniydigan bo'lib chiqdi-ye..
hayrat -ul abror ))))
@suvaydo
610
Shunchaki...

17 Oct, 06:57

⚡️Toshkent shahridagi Prezident maktabining ona tili va adabiyot fani o'qituvchisi Zulfiya Rashidova va 10-sinf o'quvchisi Firdavs Olimjonov 2024-2025-o'quv yili uchun mo'ljallangan videodarslarni e'tiboringizga havola qilmoqdalar.

✅Bu yilgi videodarslar adabiyot darsliklaridagi asarlarni tushunishga koʻmaklashishi maqsad qilingan. Har bir mashgʻulotda muayyan asarda qo'llangan so'z yoki iboralar izohlab borilmoqda.

Bugungi mavzu: Said Ahmadning "Ufq" romani.

🏛Toshkent shahridagi Prezident maktabining rasmiy sahifalari:
🌐Telegram | 🌐Instagram | 🌐Facebook
531
Shunchaki...

17 Oct, 06:54

#kun_xulosasi
oxir-oqibat, hamma xudbin, o'zini o'ylaydi va shunday bo'lishi ham kerak aslida..
va..har qanday fidoyilik ...parvarlik tagida shaxsiy manfaat yotadi..
@suvaydo
632
Shunchaki...

16 Oct, 07:51

Дубай амирининг Ўзбекистонга келиб лочинларимизни овлаётганини энди қандай оқлаб берсак бўлади

Ов қилишга келадиган Дубай амири қушлар овини қайсидир маънода бизникиларга ҳам тарғиб қилади. Гўёки қушлар ови бу бойлик, даража, культ…

Ғарбда ов қилишдан кўра, тошбақалар, денгиздаги мавжудотлар, қумурсқаларни асрайдиган бугунги замонавий ривожланиш чиқиндиларидан қутқарувчи ташкилот, жамоатчиликлар кўплигини биламиз.
Бугунги кунда ҳайвонат оламини қириш эмас, асраш — маданият, тарбиянинг бир бўлаги бўлиши керак.

Дубай Амири қушларни кўпайтиришгаям маблағ ажратишини эшитганман, аммо экологларга кўра бу билан уни ов қилишини оқлаб бўлмайди.

@anora_sodiq
713
Shunchaki...

13 Oct, 02:34

#ona
Onalar bolalarinining birini ikkinchisiga yomonlamasligi kerak.
Har qaysisining kamchiligini yuziga aytishi kerak, orqasidan akasi yoki singlisiga emas.
Bu ularning bir - birini yomon ko'rib qolishiga olib keladi, mehr ko'tariladi, oqibat yo'qoladi.
@suvaydo
1,127
Shunchaki...

12 Oct, 16:17

#kun_xulosasi
***
Hammaga ilm o'rgatib nasihat qilish boshqa, aytayotganlariga o'zi amal qilishi boshqa.

***
Odam o'zgarmaydi.
Fe'l qolaveradi.
Bitta sabab bilan darhol asl yuzini ko'rsatadi.
@suvaydo
1,333

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.