#1 Гікаўскі - Кіно, Серыялы, Тэхналогіі, Гульні

Для тых хто да сіх пампуе Чакалкер 2 можаце пабавіць час і паглядзець стрым ад Toddzie

https://www.twitch.tv/toddzie

Sony вядзе перамовы аб набыцці Kadokawa Corporation, мацярынскай кампаніі FromSoftware, вядомай па такіх хітах, як Dark Souls і Elden Ring.

Калі здзелка адбудзецца, Sony атрымае кантроль над 70% акцый FromSoftware, а таксама над значнымі актывамі Kadokawa ў сферах анімэ і мангі. Улічваючы, што Sony ўжо валодае 14% акцый FromSoftware, гэтае набыццё можа ўмацаваць яе пазіцыі ў індустрыі забаў.

Kadokawa валодае правамі на такія франшызы, як Dark Souls, Armored Core і Elden Ring, а таксама на папулярныя анімэ, уключаючы Re:Zero і Delicious in Dungeon. Гэта набыццё адпавядае стратэгіі Sony па пашырэнні ўплыву ў галіне анімэ, што пацвярджаецца купляй Crunchyroll у 2021 годзе.

Перамовы працягваюцца, і афіцыйнае аб’яўленне можа адбыцца ў бліжэйшыя тыдні. Гэтае набыццё можа значна паўплываць на будучыя праекты FromSoftware і іх даступнасць на розных пляцоўках.

Майкл Доўс, дырэктар па выдавецтве ў Larian Studios, падзяліўся цікавым фактам у Twitter: у Ватыкане прададзеныя 2 копіі Baldur’s Gate 3, а яшчэ адна знаходзіцца ў “жаданым” спісе.

Ён пажартаваў, што хацелася б думаць, нібыта сам Папа Рымскі чакае вольны момант, каб зацаніць гульню. І цяпер галоўнае пытанне: які ў яго можа быць спіс модаў?

Раманы з дзяцьмі, прабачце

🎮 Намінацыі The Game Awards 2024: гатовыя да галоўнай бітвы года?

Абвешчаны намінанты галоўнай гульнявой прэміі The Game Awards 2024, якая адбудзецца ўжо 12 снежня. Лідэр па колькасці намінацый — Astro Bot, з цэлымі 7 шанцамі на перамогу. Лавіце поўны спіс намінантаў:

🎮 Гульня года
• Astro Bot
• Balatro
• Black Myth: Wukong
• Elden Ring: Shadow of the Erdtree
• Final Fantasy VII Rebirth
• Metaphor: ReFantazio

🎮 Лепшая рэжысура
• Astro Bot
• Balatro
• Black Myth: Wukong
• Elden Ring: Shadow of the Erdtree
• Final Fantasy VII Rebirth
• Metaphor: ReFantazio

🎮 Лепшая адаптацыя
• Arcane
• Fallout
• Knuckles
• Like a Dragon: Yakuza
• Tomb Raider: The Legend of Lara Croft

🎮 Лепшая экшн-гульня
• Black Myth: Wukong
• Call of Duty: Black Ops 6
• Helldivers 2
• Warhammer 40K: Space Marine 2
• Stellar Blade

🎮 Лепшая RPG
• Dragon’s Dogma 2
• Elden Ring: Shadow of the Erdtree
• Final Fantasy VII Rebirth
• Like a Dragon: Infinite Wealth
• Metaphor: ReFantazio

🎮 Лепшы саундтрэк
• Astro Bot
• Final Fantasy VII Rebirth
• Metaphor: ReFantazio
• Silent Hill 2
• Stellar Blade

Маё меркаванне: Elden Ring тут з мэтай забраць усё..... А што думаеце вы? Якая гульня заслугоўвае перамогі? 👾

💬 FromSoftware рыхтуе перапрацоўку Dark Souls 3?

Паводле інсайдараў, пацаны з FromSoftware, магчыма, хутка падараць нам рэмастэр Dark Souls 3. Пра гэта распавёў аўтарытэтны інсайдэр Нік Бэйкер. Калі верыць яго словам, новая версія гульні можа атрымаць круцейшую графіку з высокім разрозненні (бо, нагадаем, арыгінал на кансолях у 1080p).

Калі ўлічваць, што першым дзвюм часткам серыі ўжо накруцілі графон у выглядзе рэмастэраў, лагічна чакаць працяг серыі з трэцяй часткай. Але пакуль гэта ўсё толькі размовы.

А вось Bloodborne па-ранейшаму застаецца незаўважаным у рэмастэр-гаворках. Фанаты чакаюць, а FromSoftware ўсё маўчыць.

Што думаеце, ці патрэбны Dark Souls 3 рэмастэр, ці і так нармальна? І ці ёсць шанец на абнаўленне Bloodborne?

Бу! Напужаўся?
Не бойся, гэта ж мы, «Першы гікаўскі», мы цябе не абразім! Сядай побач, слухай 65-ы выпуск пакуль твае вушы не стомяцца.

👉 НАШ ПАТРЫЁН: https://www.patreon.com/piersy
👉 ТЭЛЕГРАМ КАНАЛ: https://t.me/piershy_hikauski

➡️Глядзець відэа: https://youtu.be/CqiQN4iPytE
➡️Слухаць аўдыё: https://pc.st/e/.9KciXwTRE_

Арганізатары The Game Awards пацвердзілі: DLC, рэмэйкі і рэмастэры могуць намінавацца ў любой катэгорыі, уключаючы “Гульню года”.

Гэтае рашэнне дазваляе такім праектам, як “Elden Ring: Shadow of the Erdtree” ці “Resident Evil 4 Remake”, змагацца за галоўныя ўзнагароды. Перадумовай з’яўляецца тое, што праекты павінны ўносіць дастаткова значныя змены або дапаўненні, каб іх лічылі асобнай працаю.

Арганізатары адзначаюць, што гэта павінна стымуляваць студыі рабіць больш якасныя абнаўленні сваіх гульняў.

Намінанты на The Game Awards 2024 будуць абвешчаны 18 лістапада, а сама цырымонія адбудзецца 12 снежня.

Там зараз другую частку бясплатна раздаюць калі што

вось тут: https://store.steampowered.com/app/220/HalfLife_2/

Sony распрацоўвае ШІ для аўтаматычнага пошуку памылак у гульнях

Sony працуе над унікальнай сістэмай штучнага інтэлекту, якая аўтаматычна знаходзіць памылкі ў гульнях. Гэтая тэхналогія не толькі дапамагае палепшыць якасць канчатковага прадукту, але і значна паскарае працэс тэсціравання. ШІ здольны выявіць багі, якія маглі б застацца незаўважанымі пры ручной праверцы, асабліва ў складаных гульнявых механіках ці вялікіх адкрытых святах.

Сістэма праходзіць інтэнсіўнае тэсціраванне і мае патэнцыял стаць незаменным інструментам для распрацоўшчыкаў. Акрамя выяўлення памылак, ШІ можа таксама аналізаваць патэнцыйныя праблемы ў механіках і даваць рэкамендацыі для іх паляпшэння. Гэта зніжае нагрузку на каманды тэставання і дазваляе студыям засяродзіцца на іншых аспектах распрацоўкі.

Аднак, у індустрыі не ўсё адназначна. Шмат тэстараў баяцца, што аўтаматызацыя прывядзе да скарачэння працоўных месцаў, асабліва ў буйных кампаніях, дзе працэсы тэсціравання займаюць значную частку распрацоўкі. Sony пакуль не далі афіцыйных каментарыяў пра тое, як гэтая тэхналогія паўплывае на рынак працы, але эксперты мяркуюць, што ШІ хутчэй стане інструментам для падтрымкі тэстараў, а не іх заменай.

Пакуль фанаты з нецярпеннем чакаюць навін пра магчымую Half-Life 3, другая частка серыі таксама прыцягвае ўвагу. У Steam з’явілася старонка рэмастэра Half-Life 2 RTX, які абяцае абнавіць класічную гульню з выкарыстаннем сучасных тэхналогій.

Асноўныя асаблівасці рэмастэра:
• Бясплатнае абнаўленне: Уладальнікі арыгінальнай версіі Half-Life 2 атрымаюць рэмастэр бясплатна.
• Графічныя паляпшэнні: Абноўленыя тэкстуры, мадэлі і асвятленне, а таксама поўная падтрымка трасіроўкі прамянёў, што надае гульні сучасны выгляд.
• Падтрымка DLSS 3.5: Тэхналогія NVIDIA DLSS 3.5 забяспечыць больш высокую прадукцыйнасць і якасць выявы, асабліва на сумяшчальных відэакартах.

Рэмастэр распрацоўваецца супольнасцю модэраў пад назвай Orbifold Studios з выкарыстаннем платформы NVIDIA RTX Remix. Гэты інструмент дазваляе ўзнаўляць класічныя гульні з падтрымкай сучасных графічных тэхналогій.

Хоць дакладная дата рэлізу пакуль не абвешчаная, з’яўленне старонкі ў Steam указвае на тое, што праект знаходзіцца на завяршальнай стадыі распрацоўкі. Фанаты серыі могуць чакаць вяртання ў свет Half-Life 2 з абноўленай графікай і сучаснымі тэхналогіямі.

Падвезлі свежыя інсайды пра Half-Life 3 (альбо HLX) ад датамайнера Gabe Follower, і здаецца, што Valve нарэшце рыхтуе нешта сапраўды маштабнае:

◽️ Тройка ў назве.
◽️ Сістэму транспарту даверылі распрацоўшчыкам Forza, так што падрыхтуйцеся да хуткасных паездак па свету HL.
◽️ Гравітацыйная сістэма будзе нагадваць тое, што мы бачылі ў Control і Prey — будзем лятаць і круціць усё вакол сябе!
◽️ Дынамічная змена надвор’я і часу сутак — значыць, свет HL будзе жыць па-сапраўднаму, і кожная гульнявая сесія будзе ўнікальнай.
◽️ Механіка тэмпературы цела і рэндэрынг валасоў — дэталі будуць прамяніста-кінематаграфічныя! Тэмпература цела, магчыма, уплывае на выжывальнасць героя, а валасы будуць рухацца натуральна, прывітанне DA.
◽️ Праработаная расчляненка — дык што ж, падрыхтуйцеся да эпічных сцэн бою, дзе кожны стрэл будзе адчувацца па-поўнай!

Гэтая гульня выглядае як спроба Valve падняць планку на новы ўзровень і, магчыма, здзівіць нават самых прыдзірлівых фанатаў!

Blizzard нарэшце выпусціла ремастэры культавых Warcraft: Orcs & Humans і Warcraft II: Tides of Darkness! Абедзве гульні ўжо можна загрузіць на ПК, і цяпер яны крыху падцягнулі графіку. Але калі хочацца акунуцца ў чысты настальгічны кайф — можна пераключыцца на арыгінальную версію. Ну і, вядома, мультыплэер у камплекце, каб зноў памерацца сілай у сетцы!

А яшчэ сёння прыехала абнаўленне для Warcraft III: Reforged. Трохі прамылі тэкстуры, узнялі якасць мадэляў і накінулі яшчэ пару рэмонтаў, каб усё выглядала больш шчыльна і стабільна.

Карацей, для ўсіх олдаў сёння сапраўднае свята! Самы час залазіць у стары добры Азерот і змагацца ў новым фармаце!

❗️Сябры з «Прышпільнай майстэрні» ладзяць розыгрыш!

🎁Сярод прызоў: зніжка 20% на ўсю прадукцыю брэнда, унікальны брэлок пад заказ і галоўны прыз — старажытная настольная гульня!

Для таго, каб паўдзельнічаць, дастаткова перайсці да гэтага поста ў інстаграм, паставіць яму падабайку, адзначыць у каментарах сябра і выкласці інстаграм-гісторыю з адметкай @pryspilnajamajsternia.

❗️Сам розыгрыш адбудзецца ўжо 30 лістапада, паспейце ўсё зрабіць! Жадаем усім поспехаў!

На правах рэклямы

🔥 Трэйлер анталогіі Secret Level ад стваральнікаў «Любоў. Смерць. Робаты» ўжо на гарызонце!

Гэтая новая анталогія з 15 эпізодаў адбываецца ў розных сусветах відэагульняў, дзе знойдуць сваё месца знакамітыя франшызы, такія як: Armored Core, Concord, Crossfire, Dungeons & Dragons, Exodus, Honor of Kings, Mega Man, New World: Aeternum, PAC-MAN, Sifu, Spelunky, The Outer Worlds, Unreal Tournament, і Warhammer 40 000.

Прэм’ера ўжо зусім хутка, 10 снежня!

Valve прадставіла абмежаваную версію Steam Deck з OLED-экранам у белым колеры

Гэта ўсё тый жа Steam Deck, але з удасканаленым OLED-экранам і тэрабайтам SSD, што дадасць яшчэ больш месца для вашых гульняў. У камплекце — стыльны белы чахол і сурвэтка з мікрафібры, таксама белага колеру, для дагляду за кансоллю.

Белая версія выйдзе абмежаваным тыражом — дакладная колькасць экзэмпляраў пакуль не раскрытая.

Продажы пачнуцца 19 лістапада, а кошт складзе $679.

OpenAI распрацоўвае новыя стратэгіі для вырашэння праблемы запаволення ўдасканалення штучнага інтэлекту

Наступная мадэль OpenAI, магчыма, не стане такім значным прарывам, як папярэднія, паводле новага даклада ў The Information.

Супрацоўнікі, якія пратэставалі новую мадэль пад кодавай назвай Orion, паведамілі, што, нягледзячы на паляпшэнні ў параўнанні з існуючымі мадэлямі OpenAI, скачок у прадукцыйнасці не такі значны, як пры пераходзе ад GPT-3 да GPT-4.

Інакш кажучы, хуткасць удасканалення, падобна, зніжаецца. Больш за тое, у некаторых галінах, напрыклад, у праграмаванні, Orion можа не быць надзейна лепшым за папярэднія мадэлі.

У адказ на гэта OpenAI стварыла каманду для вывучэння шляхоў далейшага паляпшэння мадэляў ва ўмовах недахопу новых навучальных даных. Паведамляецца, што сярод новых стратэгій – навучанне Orion на сінтэтычных даныз, якія генеруюцца мадэлямі ШІ, а таксама павышэнне якасці мадэляў на этапе пасля навучання.

OpenAI не далі каментара на гэты конт. У адказ на папярэднія паведамленні пра планы на новую мадэль кампанія заявіла, што “няма планаў выпуску мадэлі пад назвай Orion у гэтым годзе.”

Я ўжо не ассасін, я — Сім

У Assassin’s Creed Shadows гульцы змогуць не толькі пагрузіцца ў свет феадальнай Японіі, але і заняцца будаўніцтвам уласнага паселішча. Упершыню ў серыі прадстаўлена сістэма будаўніцтва, якая нагадвае элементы з The Sims ці City Skylines. Гульцы атрымліваюць участак зямлі, на якім яны могуць будаваць розныя будынкі, пракладаць дарогі і ствараць інфраструктуру па сваім гусце. Па меры развіцця паселішча адкрываюцца новыя магчымасці, што дазваляе ператварыць пустую тэрыторыю ў квітнеючы гарадок з паркамі, рынкамі і іншымі аб’ектамі. Гэты новы элемент дадае глыбіні гульнявому працэсу, спалучаючы элементы стратэгіі і ролевай гульні, і дазваляе гульцам ствараць унікальныя прасторы, якія адлюстроўваюць іх стыль і перавагі.

⚡️ У рэліз выйшаў беларускі пераклад Mass Effect 2

Вы гатовыя страціць усё, каб выратаваць галяктыку? Вы павінны быць гатовы, капітан Шэпард. Прыйшоў час сабраць наймацнейшых хаўрусьнікаў і заручыцца дапамогай лепшых байцоў галяктыкі, каб даць адпор Жняцам!

🎮 Пераклад у Steam
☁️ Пераклад на Google Дыск
🛑Patreon аўтара

❗️На дадзены момант даступна толькі вэрсія лацінкай!

Death Stranding: Director’s Cut цяпер на Xbox Series X|S — сюрпрыз для фанатаў Кадзімы

Раптоўна, як дождж з хіральных часціц, Death Stranding: Director’s Cut дабраўся да Xbox Series X|S! Цяпер уладальнікі кансоляў Microsoft могуць акунуцца і адчуць усю геніальнасць Генія, раней даступную толькі на PlayStation і PC. Гульня прадаецца ў Microsoft Store за $19,99 — ідэальны момант для знаёмства з гэтым атмасферным шэдэўрам.

Director’s Cut уключае новыя місіі, зброю і паляпшэнні, за якія гульню так любяць крытыкі і фанаты. Цяпер і карыстальнікі Xbox могуць прымерыць ролю Сэма Брыджэса, спрабуючы аднавіць сувязь у свеце пасля катастрофы — па-канонаўску эпічна і фірмова па-кадзімаўскі