Oromia Urban Planning Inistitute

Amajjii 24,2017.
OUPI.COM.
Inistiitiyuutiin Pilaanii Magaalota Oromiyaa Raawwii Hojii Baatiiwwan jahan darbanii Bara 2017 bakka Qooda Fudhatootnni isaa hundi argamanitti gamaggaamaa jira.
Gamaggaamaicha irratti haasa kan taasisan Daayirikteerri Olaanaan Inistiitiyuutii Pilaanii Magaalota Oromiyaa obbo Margaa Oliiqaa akka jedhanitti ;Inistiitiyuutii pilaanii magaalota Oromiyaa fi caasaan isaa sadarkaan jiran tarsiimoo Mootummaa galmaan gahuuf bara kana karoora tarsima’aa fi kallatii mootummaan kaa’ee qabachuun hojiiwwan hedduu hojjechuuf dhadannoo lafa magaalomsuu, nama magaalomsuu, kenninsa tajaajila amayeessuun fayadamummaa uummataa mirkaneessuu jedhuun hojjecha kan jirr yoo ta’u baatiwwaan jahan darban keessa Milkaa’inoota gurguddoo ;Labsii Pilaanii magaalota Oromiyaa qopheessuun Caffee Oromiyaan mirkaneessifnnee hojii keessa galuu keenyaan Oromiyaa keeessatti Pilaanii Seera magaalotaa akka ta’ee hubatamuu fi kabajamuu gonneerra, qajeelffamootaa fi dambiiwwan hojmaata keenya si’eessaniifi milkaa’inota nu gonfachiisan qopheessinee ittiin hojjechuu eegallee jirra, Tarsiimoo Lafa Magaalomsuutiin; hojii hundeeffamaa Mootummaa Gandaa keessatti gaheen Inistiitiyuutiin keenya qabu olaanaa fi sadarkaa 1ffaa irratti kan waamamu ta’uu bira darbee qabatamaan baadiyyaan Oromiyaa hundi haaromanii gidduu gala Diinagdee, Carrraa hojii fi maddaTeekinoloojii akka ta’aniif hojiin qajeelffama haaromee qopheessuun, qophiin Pilaanii Haaromee hojjechaa jirru milkaayina keenya baatiiwwan jahan darban keessatti hojjennedha jedhaniiru
Dabalataan Magaalonnii Riijiyoo,Muummee fi Magaalonni gidduu galeessa pilaaniin hooganamuu akka qabaniif hojjiin hojjechaa jirruus jajjabeessadha ta’uu di Gamaggaama kana yeroo gageessinutti hojii baatiiwwan jahan darban keessatti karoorsinee raawwanneen milkaa’inoota arganne itti leellifnuu fi hanqinoota raawwii keenya keessatti mul’atan ammoo adda baafannee kurmaanota itti aanaanitti milkaa’inoota keenya qabachuun hanqinoota keenya maqsuuf kutannoo fi qindoomina yeroon gaafatuun akka hojjennuuf itti of qopheessinuu fi akeektuu waloo kahannu ta’uu jedhaniiru
Gamaggamicha iratti gabaasnni raawwi hojii baatiwwaan jahan darbanii Dameelee Inistiitiyuutichaa afranii fi Waajjira Pilaanii fi Misooma Magaalaa shaggar dhiyaatee irratti mari’atamaa jira
Gamaggamichi guyyaa borus bakka hojjeetotnni Inistiitiyuutichaa marti argamanitti kan itti fufu ta’uu Sagantaa bahe irraa hubachuun danda’ameera.

Amajjii 22,2017
OUPI.COM.
Juuriin Pilaanii Caasawaa fi Pilaanii misooma Kooridarii Magaalaa Naqamtee Hooggantootaa fi Ogeessota Inistiitiyuutii pilaanii magaalota Oromiyaaf dhiyaate irratti mari’atamaa jira.
Inistiitiyuutiin pilaanii magaalota Oromiyaa Magaalaan Naqamtee pilaaniin hoogganamtee jiruu fi jireenya hawaasaaf Mijooftuu, gidduu gala diinagdee fi daldalaa akka taatuuf bara kana Pilaanii caasawaa fi Pilaanii misooma Kooridarii qopheessaafi jira ;qophii pilaanii caasawaa fi Pilaanii misooma kooridarii mgaalichaaf qophaa’aa jiruufis ogeessonnii inistiitiyuutichaa qorannoowwan garaagaraa qorachaa kan jiran yoo ta’u qorannoowwan qoratamaa jiranii fi pilaaniin qophaa’aa jiru hooggantootaa fi Ogeessota Inistiitiyuutichaaf dhiyaatee irratti mari’atamaa jira.
Kaayyoon Marichaas Pilaaniin Caasawaa fi Pilaaniin Misooma Kooridarii Magaalaa Naqamteef qophaa’aa jiru karaa qulqullina qabuun qophaa’ee fayyadamummaa hawaasa magaalitti akka mirkaneessuu danda’uuf hirmaatotnni marichaa yaadaan akka gabbisaniifidha.
Pilaanii Caasawaa fi pilaanii misooma Kooridarii qophaa’aa jiru galttee yaadaan erga gabbbateen booda xumuramee hojii irraa kan oolu ta’a.

Amajjii 10,2017.
OUPI.COM
Hordoftoota Amantaa Kiristaanaa Hundi 𝐁𝐚𝐠𝐚 𝐀𝐲𝐲𝐚𝐚𝐧𝐚 Kataraa fi 𝐂𝐮𝐮𝐩𝐡𝐚𝐚 𝐁𝐚𝐫𝐚 𝟐𝟎𝟏𝟕 Kabajamu 𝐍𝐚𝐠𝐚𝐚𝐧 𝐆𝐞𝐞𝐬𝐬𝐚𝐧! Nagaan Geenye.
Ayyaanaa Gaarii.
Inistiitiyuutii Pilaanii Magaalota Oromiyaa.

Amajjii 8,2017
OUPI.COM
Hundeen Paartii Badhaadhinaa Inistiitiyuutii Pilaanii Magaalota Oromiyaa Konfiraansii Jala Bultii Yaa’ii 2ffaa Paartichaa Gagessees.
Konfiraansichi kan gaggeeffame bakka Miseensonnii Seelii 1ffaa fi Seelii 2ffaa Hundee paartii Badhaadhinaa Inistiitiyuutichaa argamanitti yoo ta’u ; konfiraansichi kan barbaachiseef yaa’ii paartiin Baadhadhinaa bara kan yeroo 2ffaaf gageessuuf qophii barbaachisu taasisuu fi Miseensota Hundee partiichaa bakka bu’uun yaa’ii 2ffaa irratti hirmaatan filachuuf ta’uu dura taa’aan hundee paartii Badhaadhinaa fi Itti aanaan Daarikteera Olaanaa Inistiitiyuutiii pilaanii Magaalota Oromiyaa Obbo Shallamaa Abbabbaa Dubbaataniiru.
Konfiiraansicha irratti Wixinee dambii ittin bulmaata paartiichaa irratti mariin kan gaggeeffame yoo ta’u; Konfiiraansichaan Daayirikteera Olaanaan Inistiitiyuutyii Pilaanii Magaalota Oromiyaa Obbo Margaa Oliiqaa fi Itti Aanaan Daayirikteera Olaanaa Inistiitiyuutii pilaanii magaalota Oromiyaa fi dura taa’aan hundee Paartii Badhaadhinaa Inistiitiyuutichaa obbo Shallamaa Abbabaa Miseensota hundichaa bakka bu’uun yaa’ii Paartii Badhaadhinaa 2ffaa irratti akka hirmaataniif filatamaniiru.

Amajjii 6,2017.
OUPI.COM.
Miseensonnii Hundee Paartii Badhaadhinaa Inistiitiyuutii Pilaanii Magaalota Oromiyaa Konfiraansii Qophii Yaa’ii 2ffaa Dhaadannoo Waadarraa hanga Aadeffannaati jedhuun gageessuu eegalan.
Injifannoowwan gama hundaan Waggoottan shanan darban keessatti paartii badhaadhinaan argaman irratti Miseensonni hundi hubannoo wal fakkaataa qabaatanii yaa’ii 2ffaa paartichi bara kana gageessuuf qophii barbaachisaa akka Konfiraansichi kan barbaachise ta’u Daayirikteerri Olaanaa Inistiitiyuutii Pilaanii Magaalota Oromiyaa Obbo Margaa Oliiqaa dubbataniiru.
Dabalataniis Itti Aanaan Daayirikteera Olaanaa fi Dura taa’aan Hundee Paartii Badhaadhinaa Inistiitiyuutii Pilaanii Magaalota Oromiyaa Obbo shallamaa Abbabaa akka jedhanittii konfiraansiin ammaa gageessaa jirru kun yeroo murteessaa paartiin keenya waadaa yaa’ii 1ffaa irratti seeneen injifannoowwaan argaman miseensaa fi hawaasa bal’aa itti hubachiifnnu akkasumas ciminootaa fi hanqiinota keenya hunda gama hojii paartii fi mootummaan jiran ittiin adda baafannee yaa’ii 2ffaaf itti qophoofnnuu waan ta’eef miseensonni hundee paartii Inistiitiyuutichaa hundi xiyyeefannoo guutuun konfiraansicha irraatti hirmachuu qabuu jedhaniiru
Konfiraansichaan Matadureewwan garaagaraa irratti marii kan taasifamu fi guyyoota sadan itti aanaaniif Kan turu Ta’uu Sagantaa bahe irraa hubachuun danda’ameera.

Mudde 28 ,2017
OUPI.COM.
Ummattoota Naannnoo keenyaa hundaa fi Hojjettoota Inistiitiyuutii Pilaanii Magaalota Oromiyaa Sadarkan Jirtan Mara Baga Ayyaana Qillee bara 2017 kabajamu nagaan geessan nagaan geenye.
Ayyaanni kun kan gammachuu,kan jaalaalaa fi Nageenyaa akka Isiniif ta’u hawwaa yeroo Ayyaana kana kabajnutti Aadaa Miira gareen hojjechuun milkaa’ina hojii keenya keessatti qabnnu qabachuun; kan dhabe gargaaruu fi kan dhukkubsatee gaafachuun ta’uu qaba.
Ayyaana gaarii. Inistiitiyuutii Pilaanii Magaalota Oromiyaa.

Mudde 25,2017
OUPI. COM.
Inistiitiyuutiin pilaanii Magaalota Oromiyaa Bu’aa Ooditii Pilaanii Caasawaa Magaalaa walisoo Irratti mari’achaa jira,
Hojiiwwaan gurguddoo bara kana Inistiitiyuutichaan xiyyeffannoon hojjetamaa jiran keessaa Hordoffii fi Ooditiin pilaanii Magaalotaa tokkodha; Oditii Pilaanii Caasawaa magalaa Walisoo Ogeessonnii Ministeera Misooma Magaalaa fi Bu’uralee Misoomaa fi Ogeesonnii Inistiitiyuutii pilaanii magaalota Oromiyaa taasisan argannoon bu’aa Odiitii bakka Daayirikteera Olaanaan Inistiitiyuutii pilaanii Magaalota oRomiyaa Obbo Margaa Oliiqaa argamanitti dhiyaate irratti mari’atamaa jira.

Lafa Magaalotaa Pilaanii Magaalaatiin Hogganuun Dhimma Murteessaa Ta’uun Eerame
~~~~~~~~
Leenjii fi madaalliin ogeessota pilaanii lafa magaalaa fi faayiinaansii magaalaa irratti hojjetaniif kennamaa jira.
Leenjii fi madaalliin ogeessotaa pilaanii lafa magaalaa fi faayiinaansii magaalaa irratti qindeessummaa Ministeera Magaalaa fi Bu’uuraalee Misoomaatti Waajjira Pirojektii Riifoormii Galii Magaalaatiin ogeessota magaalota Oromiyaa keessaa walitti ba’an 123 ta’aniif Yuunivarsiitii Ambootti guyyoota 45f kennamaa jira.
Leenjii fi madaalliin kunis ogumaawwan shaniin:
• Urban Plan and Land Administration
• Cadaster Survey and Mapping
• Cadaster Registry System
• Real Property Valuation fi
• Urban Finance irratti kennamaa jira.
Kaayyoon ijoo leenjii fi madaallii kanaas ogeessonni pilaanii magaalaa hubachuun magaalonni itti fayyadama lafaa akkaataa pilaanii qofaan lafarra akka buusanii fi imaammata fi tarsiimoowwan lafaa magaalaa fi dhimmoota lafaa magaalaa waliin walqabatan hubachuun haalaan hojiirra akka oolchaniif ogeessonni amanamummaa fi namuusaa olanaatiin hojii isanii akka hojjetaniif kan qophaa’ee ta’uu Ministeera Magaalaa fi Bu’uuraalee Misoomaatti Itti gaafatamtuun bulchiinsaa fi Faayiinaansii Waajjira Pirojektii Riifoormii Galii Magaalaa Aadde Selomee xilahuun himaniiru.
Dabalatanis aadde Selomeen akka jedhanitti ogeessonni leenjii kanarratti hirmaatan gama hojii Pilaanii magaalaa fi bulchiinsa lafa magaalaa irratti ogeessota ga’umsa qaban uumuun dogogoroota ogummaa waliin walqabatanii uumaman hambisuuf jecha leenjichi qophaa’uu eeraniiru.
Yuunivarsiitii Ambootti Itti Aantuu Pirezidantii dhimma akkaadamii kan ta’an Piroofesar Bizunash Miidhaksaa akka jedhanitti “lafti lafee keenyaa” kan jedhamu dhaadanoorra darbee hojii qabatamaan agarsiisuun murteessaa waan ta’eef ogeessonni leenjii fudhaachaa jiran lafa magaalaa qusannaa fi akkaataa pilaaniin magaalaa ka’uu qofaan hojiirra oolchuun tajaajila si’aataa kennuu fi magaalonni galii mataasanii maddisiisuun humna isaanii akka cimsataniif leenjii kennama jiru murteessaa ta’uu dubbataniiru.
Guyyaa har’aattis leenjii daree fi dirree irratti kennamaa ture kan xumuramee fi guyyoota itti aananitti ogeessota kannenniif madalliin ga’umsa ogummaa kan kennamu ta’a.

Sadaasa 24,2017.
OUPI.COM.
Inistiitiyuutiin pilaanii magaalota Oromiyaa fi Inistiitiyuutiin Ispees Saayinsii fi Ji’ooispaashaalaa Itoophiyaa Karoora qindoominaa hojii waliinii irratti mari’atan.
Inistiitiyuutiin pilaanii magaalota Oromiyaa fi Inistiitiyuutiin Ispeessaayinsii fi jii’ooispaashaalaa Itoophiyaa waggoottann lamaan darban irraa eegalee qindoominaan karoora hojii shan irratti waliin hojjetaa jiru.
Inistiitiyuutileenn lameen hojii waliin hojjechaa jiran bakka hooggansi Inistiitiyuutii pilaanii magaalota Oromiyaa fi qooda fudhatootnnii Inistiitiyuutii Ispeessaayinsii fi ji’oo ispaashaalaa Itoophiyaa argamanitti mari’ataa jiru.
Barbaachisummaan marichaa hojii hanga ammatti Inistiitiyuutileen lameen waliin hojjechaa jiran keessatti ciminootaa fi hanqinoota hojii adda baasuu fi ciminoota mulatan itti fufsiisuuf hanqinoota hojii mul’atan ammo maqsuuf ta’uu Daayirikteera Olaanaan Inistiitiyuutii pilaanii magaalota Oromiyaa Obbo Margaa Oliiqaa himaniiru.

Sadaasa 16,2017.
OUPI.COM.
Manaajimeentiin Inistiitiyuutii Pilaanii Magaalota Oromiyaa Maanuwaalii qophii pilaanii Misooma koolidarii Inistiitiyuutichaan qophaa’aa jiru irratti Mari’ate..
Maanuwaaliin qophii pilaanii Misooma Koolidarii Daayiriktoreetii Qo’annoo fi Qorannoo Inistiitiyuutichaan qophaa’a jiru Miseensota Manaajimeentii Inistiitiyuutichaaf dhiyaatee irratti mari’atameera.
Maanuwaaliin qophaa’aa jiru kun Qophiin pilaanii Misooma Koolidarii Naannoo keenya keessatti hojjetamuu fi hojjetamaa jiru hundi karaa qulqullina qabuu fi fayyadamummaa hawaasaa mirkaneessuu danda’uun akka qophaa’an taasisuuf qooda olaanaa qaba.
Maanuwaaliin qophaa’aa jiru erga galtee yaada qooda fudhattoota maraan gabbateen booda mirkanaa’ee hojii irra kan oolu ta’a.

Sadaasa 12,2017
OUPI.CO
Hooggantootnnii fi Hojjeetonnii Inistiitiyuutii Pilaanii Magaalota Oromiyaa Ayyaana hundeeffama paartii Badhaadhinaa Waggaa 5ffaa Sababeeffachuun sochii Ispoortii garaagaraa taasisan.

Sadaasa 7,2017
OUPI.COM.
Inistiitiyuutiin pilaanii Magaalota Oromiyaa Damee kibbaa Pilaanii Haaromee gandoota Baadiyyaa 12 Godina Baale jala jiraaniif kenne.
Inistiitiyuutiin pilaanii Magaalota Oromiyaa Damee kibbaa Pilaanii Haaromee 12 godina Baalee jala jiran hojjetee xumuruun wal-harkaa fuudhinsa bakka Itti Aanaan Bulchaa godina Baalee, gageessitoonni Seekteraalee qoodaa fudhatoonni fi Bulchitootnni Gandaa argamanitti taasisuu isaa itti gaafatamaan Inistiitiyuutii pilaanii magaalota Oromiyaa Damee kibbaa Obbo Kalifaa Haaruun himan.
Pilaaniin Haaromee qophaayee xumuramuun wal harkaa fuudhinsi taasifame kunneen karaa gurmaa’insa haaraa milkeessuu danda’uu fi lafa irraa bu’uu danda’uun xiyyeffannoo guutuun wal-ta’insa Waldaalee IMX Godina Baalee qophii pilaanii irratti gurmaa’anii, Ogeessota Inistiitiyuutii pilaanii Magaalota Oromiyaa Damee kibbaa, Hirmaachisummaa hawaasaa fi Seekteraalee qooda Fudhattootaan kan qophaa’an ta’uu Obbo Kaliifaan himaaniiru.

https://youtu.be/4z-by0jVjYo?si=Lc4Wp7VKPniAuImJ

Sadaasa 6,2017
OUPI.COM.
Inistiitiyuutiin Pilaanii Magaalota Oromiyaa Damee kibbaa Dhimma Pilaanii Haaroomee Ganda Baadiiya Gurmaa'insa haaraa irraatti haaromee Godina Balee Aanoota hunda jala jiraniif hojii hubannoo uumuu kennaa jira. Bifuma wal-fakkaatuun pilaanii Haaromee qophaa’anii xumuramniis bakka bulchitootnni gandootaa, Itti gaafatamaan Inistiitiyuutii pilaanii magaalota oromiyaa Damee kibbaa obbo Kaliifaa Haruun fi itti gaafatamaan waajira bulchiinsaa godina Baalee Obbo Muktaar aragamanitti boru wal-harkaa fuudhinsa kan taasisu ta’uu Inistiitiyuutiin pilaanii magaalota oromiyaa Damee kibbaa beeksiseera.

Onkoloolessa 29,2017

OUPI.COM.

Milkaa'inoota gurguddoo argaman qixaan hubachuudhaan injifannoo caalmaaf ni hojjenna ‘ dura taa’aa Hundee paarii Badhaadhinaa fi Itti Aanaa Daayirikteera Olaanaa fi Hoogganaa Damee qophii pilaanii Inistiitiyuutii Pilaanii magaalota Oromiyaa obbo Shallamaa Abbabaa’.

Miseensotni Paartii Badhaadhinaa hundee paartii Inistiitiyuutii pilaanii magaalota Oromiyaa Konfaransii paartii kurmaana 1ffaa bara 2017 hundeeffama Paartii Badhaadhinaa waggaa 5ffaa yaadachuun gaggeessniiru.

Kabajni hundeeffama waggaa 5ffaa Paartii Badhaadhinaa kun milkaa’inoota gurguddoo gama siyaasaa, diinagdee fi hawaasummaatiin argaman qixaan hubachuudhaan injifannoo caalmaaf hojjechuuf qophaa’ummaa jiru mul'isuun kan kabajamuu fi Qormaatilee waggoottan shanan mul’atan maqsuuf qophaa’ummaa guutuun hojjechuuf miseensonnii hundee paartii Inistiitiyuutichaa hundi kutannoon hojjechuu qabu jechuun dura taa’aan hundee paartii fi Itti aanaan Daayirikteera olaanaa fi Hoogganaan damee qophii pilaanii Inistiitiyuutii Pilaanii magaalota Oromiyaa obbo Shallamaa Abbabaa dubataniiru.

Miseensonni hundee paartii Badhaadhinaa Inistiitiyuutichaa tokko tokko Yaada kennaniin waggoottan Shanan darban akka biyyaa fi Naannoo keenyatti milkaa’inoonni gaggariin mul’ataniiru jedhanii; milkaa’inoota argaman kunneen itti fufsiisuuf kutannoo guutuun kan hojjetan ta’uu dubbataniiru..

Onkoloolessa 29,2017.
OUPI.COM.
Inistiitiyuutiin Pilaanii Magaalota Oromiyaa Leenjii Dandeettii Raawwachiisummaa Miseensota Paartii Badhaadhinaa kennaa ture kallattii fuulaa dura ka’uun guddunfe !
Leenjiin kunis Mata duree "Humna Abjuu Guddina Amansiisaf" jedhuun mataa dureewwan garaagaraa irratti guyyoota 3ndarbaniif kennamaa turee jira.
Leenjiin kennamaa turee dandeettii raawwachiisummaa miseensota cimsuudhaan imala badhaadhina biyya keenyaa galmaan gahuu keessatti iddoo guddaa kan qabu ta’u Dura taa’aan hundee Partii Badhaadhinaa Inistiitiyuutii Pilaanii Magaalota Oromiyaa fi Itti Aanaa Daayirikteera Olaanaa fi Hooganaan Damee qophii pilaanii Inistiitiyuutichaa obbo Shallamaa Abbabaa himaniiru,
Dabalataaniis guduunfa leenjicha irratti yaada kennanin Miseensi leenjii kana irraa hubannoo aragatee kaka'umsa cimaadhaan tokkummaa fi miiraa qajjeltummaa gaarii qabuun tajaajila qulqulluu fi dhaqabaamaa hawaasaaf kennuun Imaala Badhaadhinaa Biyya keenyaa dhugoomsuuf kutannoo Cimaan hojjechuu qabu jechaan obbo Shallamaan dubbataniiru.
Hirmaattotni leenjii kanaa fudhachaa turaanis yaada kennaniin hubannoo leenjii kanaan argatan hojii qabatamaadhaan agarsiisuudhaan badhaadhina biyyaatiif xiiqiin akka hojjatan dubatanii jiruu

Qooddatoota Haala Dandeessisoo Magaalomsuu Oromiyaa

Omisha Beekumsa Magaalomsuu: Omishti beekumsaa, murtee sakatta’iinsa haalota kallattii hundaan jiran irratti hundaa’e kennuuf daran murteessadha. Adeemsa kufaatii magaalomsuu numuudate keessaa bahuuf, giddugalawwan “data” magaalaa funaanan, haalan kuusan, xiinxalanifi tamsaasan hundeessuu, akkasumas kanneen jiran waliin tumsaan hojjechuun barbaachisaadha. Amaloota aggeessummaa magaalaa yeroo ammaa barbaannu horachuufis, hoggansi sadarkaan jiru, hordofuu, mari’achuu, dubbisuu, qorachuufi xiinxaluu amaleeffachuu qaba.

Hammatoo Seeraa Ammayyaa Magaalomsuu: Adeemsa magaalomsuu karaa qajeelchuuf hammatoo seeraa yabbuun murteessadha. Hunda dura garuu, hoggansi sadarkaan jiru mataa isaatin, seerota hojiirra jiranifi qajeelfamoota diriirfaman kabajuu qaba. Ittaansun, seeronni itti fayyadama lafaa, mirga abbaa qabiyyummaafi misooma magaalaa qajeelchaa jiran, fedhii ammayyaa magaalaa waliin deemufi dhiisuu isaanii adda baafachuun dirqama. Haata’u malee, hoggansa keenya, seerotaafi hijimaatilee haaraa hojiirra oolchuu mitii, kanneen hangaa ammaa jiran qofaaf amanamu osoo danda’ee, magaalomsuu irratti raajii hojjechuu akka danda'amu hubatamuu qaba.

Al-seerummaa hanga ammaa tureefi fedhiin fafa kana ittifufsiisuu edu hanga jirutti, rakkoo magaalaafi magaalomsuu kamiiyyuu hinhiiknuu; bara baraaf magaalaa mijataa ijaaruun hin danda'amu. Hammatoo seeraa tarkaanfataan, adeemsa seeraa walxaxoo kan salphisuufi birokiraasii dhedheeraa gabaabsun sakaallaa misooma magaalaa kan muru. Caasaa seeraa dhaweessummaa (entrepreneurship)fi invastimantii jajjabeessu, akkasumas sektaroota dhuunfaa adeemsa cehumsa magaalaa keessatti qooda akka qabaatan hawwatu kan diriirsuudha.

Gurmaa’insa Dhaabbilee (Institutional Arrangements): Gaggeessummaan magaalaa horatameefi hoggansi magaala argame, akkasumas seerrifi hojmaanni diriire gurmaa’insaan lafa qabachuu qaba. Gurmaa’insi dhaabbileefi caasaa mootummaa qabnu, walxaxiinsa magaalotaa dabalaa dhufe waliin ammayyaawaa deemuu qaba. Kun, qindoomina qaamolee mana qopheessaa gidduu jiru fooyyeessuu, manaajaroota magaalaa ogummaa bulchiinsa bu’a qabeessa ta’e hidhachiisufi dandeettii dhaabbilee ijaaruu kan gaafatu ta’uun hubatamuu qaba.

Gama birootin, gurmaa’insa ganda baadiyyaafi magaalaa irraa kaasee hanga naannootti jiru sakattaanee, tarsiimodhaan hogganuun adeemsa magaalomsuu keenya ittiin sirreesuufi ariifachiisuuf gargaaramuu qabna. Keessattuu Giddugala Guddina Baadiyyaa (GGB) Haaromee kuma torbaa ol qabnu keessatti ijaarru akka carraa guddaatti fayyadamuun dhimma murteessaadha.

Qindoominaafi Hirmaachisummaa: Milkaa’inni adeemsa Magaalomsuu Haaraa Oromiyaa qindoomina sektaroota garaagaraa, fkn, seektara mootummaa, damee dhuunfaa, misoomaa, ummaataa, dhaabbilee barnootaa, dhaabbilee qorannoofi qo’annoo keessafi gidduu jiruun kan murtaa’udha.

Bu’uura kanaan, gaggeessitoonni qindoomina irratti milkaa’an fedhiiwwaan garaagaraa biratti amanamummaa waan argataniif, bu’a qabeesummaa pirojektoota magaalaa dhugoomsuu ni danda'u.

Leenjiin " Humna Abjuu, Guddina Amansiisaaf" jedhu Kennamaa jira
****
Leenjiin "Humna Abjuu, Guddina Amansiisaaf " jedhu miseensota Paartii Badhaadhinaa IPMOf Kennamaa jira.

Leenjichis kan barbaachiseef miseensota paartichaa hubannoo walfakkaataa qabaachuun guddina fi waligalte biyyaalleessaa uumuu keessatti gahee irraa eeganu akka ba'ataniif ta'uu dura taa'aa hundee paartii IPMO fi I/A Daay. Olaaanaa fi qindeessaan damee qophii pilaanii Obbo Shallimaa Abbabaa himaniiru.

Leenjichis guyyoota walitti aanan sadiif kan geggeeffamu ta'a.

Caaseffama Dinagdee Oromiyaa Imala Magaalomsuu Keessatti

Rakkoolen magaalomsuu keenyaa, gama tokkoon bu’uura seenaa irraa yoomaddu, gama birootin, akkaataa adeemsa haaraa itti hogganne irraa kan maddu jedhu Pirezidaantiin MNO Obbo Shimallis Abdiisaa, barreeffama mataduree “Sakatta’iinsa Adeemsa Magaalomsuu: Barbaachisuummaa Hammatoo Haaraa Oromiyaa” jedhuun tibbana baasaniin. Pirezidaantiin MNO, yaadama magaalomsuu haaraa mootummaan isaanii qabate yeroo ibsan, akka hoggansa jijjiiramaatti, maddoota rakkoolee lameen irraa barannee, daba jiru meelchuf, caaseffama dinagdee, faca’iinsa bu’uuraalee misoomaafi haala humnoota misoomaa naannoo keenyaa irratti sakatta’iinsa adeemsisuun gulantaa irra jirru baruun dirqama jedhu. Nutis qoddatoota sadan keessaa “caaseffama dinagdee” akka armaan gadiitti isiniif dhiyeessina.

Caaseffama Dinagdee Oromiyaa

Magaalonni naannoo keenyaa lakkoofsan hedduu ta’anis amala magaalaa hinqaban. Lakkoofsaan 700 ol ta’anis, qubsuma walitti dhihoo qabaachuun ala wanta magaalaa isaan jechisiisu hinqaban. Ummata keenya keessaa jiraataan magaalaa %22 hincaalu. Lakkoofsi kun akka addunyaatti qofa osoo hintaane akka biyyaattuu gadi aanadha. Gama birootin, jiraataa magaalaa qabnu keessaa %40, hojii qonnaa, mala jiruufi jireenyaa kallattiin magaalaa hintaane irratti kan bobba’edha.
Akka waliigalaattis, ummanni naannoo keenyaa harki caalufi dinagdeen keenya qonna aadaa irratti gar-malee kan hirkatedha. Magaalonni babaldhachaa dhufanis, qonni damee murteessoo dinagdee naannoo keenyaa ta’uun itti fufeera. Haata’u malee, humna namaa amma kanaa liqimsus, gaheen qonni omisha waliigalaa naannoo (GDP) keessatti qabu %44 kan hincaalle ta’uun isaa, caaseffama dinagdee keenyaa, yaadama magaalomsuu haaraa naannoo keenyatti madaqsuuf yaadnun walsimsiisun hojii baldhaa kan nurraa barbaadu ta’uu agarsiisa. Imala kana karaatti deebisuun dura, ilaalcha egeree akeeku, yaadamaafi beekumsa magaalomsuu bara teknoolojii olaanoo (high-tech) horachuun dhimma bakka hinbu’amne ta’uu hoggansaafi caasaa mootummaa sadarkaan jiru ciimsee hubachiisun barbaada.
Caaseffamni dinagdee keenyaa boodatti hafaafi dhukkubsataa ta’ee osoo jiruu, qaamoleen qonna irratti raawwii ajaa’ibaa galmeessaa akka jirrutti seenessuu eegalan nimul’atu. Warra kana caasaan dinagdee keenyaa ammas hedduu boodatti hafaa ta’uufi reefu tuqaa jalqabbii irra jiraachuu keenya irra deebin yaadachiisun barbaada. Fakkeenyaaf, osoo roobni waqtii tokko hafee caasaan dinagdee keenya dandamataa? Osoo weerarri hawwaannisaa ka’ee, dhukkubni daddarboo biqilaa/beeyladaa faca’ee, caasaan dinagdee qabnu too’ataa? Dhugaan jiru, har’as hirkattummaa roobaa jala jiraachuu keenya; mana kuusaa omisha ofirraa hafee itti dilbeessinu kan hinqabne ta’uudha; mala akkasumas dandeettii ittisaafi dandamannaa weerara ilbiisafi dhukkubaa kan hinhoranne ta’uu isaati. Dinagdeen keenya har’as dinagdee ji’oota sadiiti kan jennu asirraa kaaneti.
Amalli caaseffama dinagdee keenyaa inni biroo al-idilee ta’uu isaati. Qorannoon bara 2014 bahe akka muldhisutti, ummata keenya keessaa %90 hojii dhunfaa hinidiloofneen jiraata. Lakkoofsi ummata jiraataa magaalaa keenya gadi aanaa ta’us, sababoota garaagaraa irraa kan ka’e haala walirraa hincinneen guddachaa dhufeera. Haata’u malee, caasaa dinagdee carraa hojii gahaa umuu dhabuu irraa kan ka’e hojidhabdummaan dargaggoota magaalaafi gartokkeen magaalaa yaaddoo guddaa ta’ee hafeera.
%43.8 ummata keenyaa dargaggoota umurii 15-29 gudduu jiran ta’us, hedduu isaanitti ogummaafi dhaweessummaa waan hinhorreef, omishaafi oomishtummaa tokko malee akka qisaasaman ta’eera. Gama birootin, dargaggoonni keenya, carraa hojii dameelee akka maanufaakchariingii, ijaarsafi teknoolojii odeeffannoo yeroo ammaa dagaagaa jiran keessatti akka hinbobbaane, hanqina ogummaa baldhaafi rakkoo qophaa’ummaa kan qaban ta’uun isaa dhimma tarkaanfii hatattamaa barbaadudha.
Walumaagalatti karoora bara 2050’tti, ummata keenya %50 jiraataa magaalaa taasisuuf qabanne dhugoomsuu akka dandeenyu dirqama yaadama magaalomsuu haaraa hojiitti hiikun caasaa dinagdee keenya ceesisuu qabna.

https://youtu.be/JBVgdsg9s5c

Onkoloolessa 4,2017
OUPI.COM
Guyyaan Alaabaa Sirnoota gara garaan akka Naannoo Oromiyaatti kabajamaa jira
Guyyichi mata duree “Alaabaan Keenya Tokkummaa Biyyaalessaaf, Birmadummaa fi Olka’iinsaa Itiyoophiyaaf” jedhuun kabajamaa jira.

Onkoloolessa 4,2017.
OUPI.COM.
Haaromee: Motora Cehumsa Baadiyyaa Oromiyaa!
Haala baramaa baadiyyaa keenyaa jijjiiruuf sababoota dirqisiisoo hedduutu jiru. Dhiibbaalee adda addaatiin, baadiyyaaleen Oromiyaa gama hedduun magaalotarratti hirkachuuf saaxilamaniiru. Jiruufi jireenyi bu’uuraa magaalaa, baroota hedduuf baadiyyaa adiyyoomsuu irratti hundaa’ee ture har’as guutummaatti hinjijjiiramne. Hariiron tokko qorqee tokko ‘sooru’ kun, gara walitti dhufeenya gar-lameenuu fayyadamoo taasisutti cehuu qaba.
Ummanni keenya %78 jiraataa baadiyyaati; godaansi baadiyyaarra gara magaalatti taasifamu itti fufus, lakkoofsi ummata baadiyaa ammas dabalaa jira. Kunis gama tokkoon lafti baadiyyaa dhiphachaa, oomishtummaan isaa gadi bu’aafi mancaatiin qabeenya umamaa dabalaa akka dhufu taasisus xiyyeeffannoo barbaachisu hinarganne. Gama birootin, magaalonni keenya, godaantota baadiyyaa ogummaa carraa hojii magaalaatti argamu madaalu hinqabneen akka guutaman dirqisiisee jira. Hanqinni bu’uuraalee misoomaa, dhiyeessii tajaajila hawaas-dinagdee adda addaa akkasumas sochiin dinagdee daangeffamaa, jiraattota baadiyyaa godaansa, hojii hiikuu, tajaajiloota hawaas-dingdeen ala ta’uu, jedhees hiyyummaafi boodatti hafummaaf saaxileera. Kun akkuma jirutti ta’ee, fedhiin bu’uuraalee misoomaa, tajaajila hawaas-dinagdee jiraattota baadiyyaa ariitiin dabaluu irratti argama. Gama birootin, qubsumni jiraattota baadiyyaa irra caalaan faffaca`aa ta’uun isaa, dhiyeessiifi dhaqqabummaa tajaajila hawaas-dinagdee baadiyyaa daran rakkisaa taasiseera.
Mootummaan Jijjiiramaa Naannoo Oromiyaa, rakkoolee hammaachaa dhufan kanniin hiikuu qofa osoo hintaane, baadiyyaa gara carraa motora cehumsa caasaa hawaas-dinagdee qabatamaatti ceesisuun akka danda’amu, kuni ta’uu dhabnaan, madda gaaga’amiinsa siyaas-dinagdee akkasumas hawaasummaatti kan ce’u ta’uu hubachuun sochiitti galeera. Oomishtummaa lafaa dabaluu (dhiyeessii galtee qonnaa, tajaajila ogummaafi eegumsa naannawaa), ogummaa dagaagsuu (qonnaan bulaa hojii qonnaa aadaa irraa dhaale cinaatti ogummaa adda addaa horachiisuu), akkasumas qubsuma ummata baadiyyaa dhiyeessifi qaqqabummaa tajaajiloota hawaas-dinagdee mootummaan guutuu edu danquuf fala kaa’uf imaammata, tarsiimoo, karoorafi sagantaa cehumsa baadiyyaa qopheessee raawwitti galaa jira. Haaluma kanaan, lafa teessuma mootummaa gandaa/araddaa, Adoolessa bara 2016 hojiitti galeefi argama Giddugala Guddina Baadiyyaa (GGB) cehumsi hawaas-dingdee baadiyyaa itti addeemsifamu ta’eefi moggaasa maqaa HAAROMEE jedhuu kennameef gandoota naannichaa hunda keessatti kan hundeeffaman ta’a.
Sagantaan kun toora qabiyyee sadi irratti hundaa’e:
Bu’uuraalee Misoomaa: gama kanaan, misooma bu’uuraalee misoomaa akka daandii, dhiyeessii bishaan qulqulluu, anniisaa/ibsaa, neetwoorkii qunnamtiifi wiirtuu leenjii ogummaatif duursa kennu. Dandii yoofudhanne, baadiyyaafi magaalaa, baadiyyaafi gabaa gurguddaa, lafa omishaafi GGB (dhaabbileen tajaajila itti mandheeffatan) walqunnamsiisun guddina dinagdee kan si’eessu ta’a. Bu’uuruma kanaan, akkaata barbaachisummaafi fedhii iddoodha iddootti jiruun, aburraan pilaanii daandii baldhina meetira 30, 20’fi 15 qabu hojjatamee qophii ta’eera.
Tajaajila Hawaasummaa: tokkoon tokkoon Haaromee, GGB tajaajila bulchiinsaa (waajjiraalee sektarootaa, iddoo turtii abbootii dhimmaa, kaafteeriyaa, galmoota ummanni dhimma itti bahu, lafa dhaabbii konkolaataa), tajaajila hawaasummaa (manneen barnootaa, keellaa fayyaa, mana fincaanii), lafa mana jireenyaa (abbaa m2 500 - “biogas” fi manduubee qabufi abbaa m2 200), wiirtuu geejjibaa, akkasumas lafa banaafi iddoo magariisaa haara-galfii kan hammate ta’uun isaa jiraattota baadiyyaatif tajaajila sadarkaa magaalatti kennamu qe’eetti dhiyeessuun naannawa guutummaa qabu kan umufidha.

Wiirtuwwan Dinagdee: wiirtuwwan dinagdee Haaromee, gola xixiqqoo tarsiima’aa sochii hawaas-dinagdee baadiyyaa kakaasuf tajaajilanidha.Tajaajiloonni dinagdee kanneen akka giddugala dabarsa beekumsa qonna ammayyaafi dagaagina ogummaa (itti fayyadamaafi suphaa maashinoota qonnaa, ijaarsa manneen GGB, kurfeessa omishaalee qonnaafi kkf), golee industirii maanifaakchariingii xixiqqaa, agarsiisa qonna hammayyaa (hoorsiisa beeyladaa, lukkuu), lafa gabaa banaafi daldalaa (dhiyeessii boba’aafi galtee ijaarsaa dabalatee) fi dhaabbilee tajaajila faayinaansii (liqiifi qusannaa) kennan wiirtuu kanatti dhiyaatu. Mootummaan haala adeemsi kun umutti gargaaramuun, carraa hojii baldhisuufi invastimantii qonnaan bulaa jajjabeesu, hundaa’ol, qonnaan bulaan beekumsa qonnaa aadaa irraa dhaale cinaatti, ogummaa dabalataa akka horatu dandeessisuu irratti kan hojjatu ta’a. Kanaanis si’attummaafi damdaneessummaa dinagdee baadiyyaa akkasumas godaansa gara magaalatti taasifamu daran hirdhisuu kan mirkaneessu ta’a.
Inisheetiviin Haaromee, aadaa, duudhaa, diraa hawaasummaafi akeeka egeree ummata Oromoo irraa ka’a. Milkaa’ina karoorichaatif kalaqa, ogummaafi ammayyummaa qonnaa babaldhisuu, bu’uuraalee misoomaa diriirsufi tajaajila hawaas-dinagdee (bulchiinsa gandaa/araddaatin) giddugala tokkotti dhiyeessu akka tooftatti fayyadama. Gara birootin, hirmaannaa hawaasni araddaa/gandaa adeemsa murtee sagantaa kanaa keessatti taasisu baldhisuufi buleessummaa (itti fufiinsa) hawaas-dinagdeefi naannaawaatif duursa olaanaa kenna. Sagantaan haala qabatamaa keenyafi muuxannoowwan gaggaarii idil-addunyaa irraa ka’uun qophaa’e kun, deemee deemee qaawwa misooma baadiyyaafi magaalaa gidduu jiru cufuu, baadiyyaafi magaalaa waldeeggarsaan misoomsufi jiruufi jireenya ummataa ammayyoomsuun cehumsa hawaas-dinagdee baadiyyaa jedhees magaalaa milkeessuu akka galmaatti kan kaawwate.
Maddi Fuula Face book ; Shimmallis Abdisaa Perizidaantii MNO.

Waldaalee IMX qophii pilaanii iratti boba'anii hojjechaa jiraniif yeroo yeroon hubannoo uumuun qulqullina hojii dabaluuf qooda olaana qaba.

Leenjiin Waldaalee Hojii Qophii Pilaniirratti gurmaa'uun hojjechaa jiraniif kennamaa jiru Waldaalee IPMO Damee Bahaattis itti fufee jira