Onlíner па-беларуску @onlinerbel Channel on Telegram

Onlíner па-беларуску

@onlinerbel

Моўныя віктарыны, тэсты для аматараў вандровак па Беларусі, цікавосткi са стужак навін, анонсы фестываляў і культурных падзей.

Пра рэкламу ў канале 👉https://b2bblog.onliner.by/2022/04/20/partnerskie-posty-v-telegram-onliner-usloviya-razmeshheniya

Onlíner па-беларуску (Belarusian)

На канале "Onlíner па-беларуску" вы найдете множество интересных материалов на белорусском языке. Этот канал предлагает мовныя віктарыны, тесты для аматораў вандровак па Беларусі, цікавосткi са стужак навін, анонсы фестываляў і культурных падзей. Если вы хотите узнать больше о языке и культуре Беларуси, то этот канал - отличное место для этого. Загляните, чтобы расширить свои знания и найти новые увлекательные материалы. Подробнее о рекламе в канале можно узнать по ссылке: https://b2bblog.onliner.by/2022/04/20/partnerskie-posty-v-telegram-onliner-usloviya-razmeshheniya

Onlíner па-беларуску

14 Feb, 13:42

Мерч Onliner × Сэнс — гісторыя, напісаная горадам.

Onlíner — 24 гады. З гэтай нагоды запускаем новы мерч пра Мінск, людзей і любоў.

Горад дыхае ўспамінамі, смехам сяброў, начнымі размовамі ды ідэямі, якія аднойчы стануць праектамі. Кожная вуліца — гэта маршрут да нечага новага.

Прынты — зашыфраваныя гісторыі. Яны толькі рыхтуюцца стаць часткай ягонай будучыні.

👍 Купіць мерч можна ў Каталогу з хуткай дастаўкай Príme.

https://catalog.onliner.by/onliner_merch/onliner?utm_source=tg
2,630
Onlíner па-беларуску

13 Feb, 11:54

Жужу вярнулі на запраўку.

Як гавораць супрацоўнікі АЗС, наваспечанаму ўладальніку (ужо былому) абрывалі тэлефон фанаты Жужы — гэта і стала прычынай яе вяртання.

Нагадаем: учора стала вядома, што сабака пакінуў запраўку — яму вырашыў даць прытулак адзін з фанатаў.

— Жужа сумавала ў новым доме?

— Не сумавала. Кажуць, за адным з хлопцаў, якія забралі Жужу, яна хвосцікам хадзіла, — распавялі нам на АЗС.
3,445
Onlíner па-беларуску

12 Feb, 19:32

❤️‍🩹 Жужа больш не жыве на запраўцы — яе забралі ў дом.

Адзін з фанатаў папулярнага сабачкі вырашыў даць прытулак Жужы, паведамілі нам работнікі АЗС.

Самі супрацоўнікі вельмі сумуюць і збіраюцца наведаць Жужу праз некаторы час. Новы ж гаспадар сказаў, што, калі сам сабака будзе сумаваць, яго прывязуць назад.

Так што, калі збіраліся прыехаць на АЗС, планы давядзецца адмяніць.
2,972
Onlíner па-беларуску

11 Feb, 10:34

Усе любяць Жужу. Як сабака з беларускай запраўкі стаў зоркай TikTok

У сацыяльных сетках вірусяцца ролікі з Жужай — мілай укормленай дварняжкай, якая жыве на адной з беларускіх заправак. У сабачкі ёсць фірмовыя рухі: ён падае лапку, схіліўшы галаву ў процілеглы бок, а яшчэ «паркуецца» бачком да людзей, прапаноўваючы такім чынам яго пагладзіць.

Мы адшукалі Жужу і пагутарылі з работнікамі АЗС, якія клапоцяцца пра зорку TikTok.
3,172
Onlíner па-беларуску

07 Feb, 12:25

Сёння раскажам аб малавядомай рэзідэнцыі Радзівілаў — Мядзельскім замку.

Ён даўно знік з карты Беларусі, але пакінуў пасля сябе цікавыя загадкі. Давайце даведаемся, што вядома пра яго сёння.
3,782
Onlíner па-беларуску

31 Jan, 07:04

Сёння раскажам пра малавядомы Ульскi замак. Чулі пра такі?

Яго ўзводзіў майстар з Венецыі, захопліваў Іван Грозны, дабудоўваў Стэфан Баторый. Ульскі замак стаў месцам лютых бітваў падчас Лівонскай вайны, але ягоны век, на жаль, быў нядоўгі.
3,810
Onlíner па-беларуску

28 Jan, 13:57

«Луч» выпусціў гадзіннікі, натхнёныя слуцкімі паясамі

У калекцыі пяць мадэляў. Кошт кожнай — 419 рублёў.

Усе мадэлі выходзяць разам з скуранымі папружкамі, якія ўпрыгожаны арыгінальнымі ўзорамі. Таксама да іх прыкладаюцца зменныя шаўковыя хусткі, выкананыя ў падобным стылі.
4,041
Onlíner па-беларуску

24 Jan, 13:30

Ці чулі вы што-небудзь пра Аршанскі замак?

Яго лёс прасякнуты гераізмам і загадкамі. Замак не раз станавіўся арэнай жорсткіх бітваў, гарэў і адраджаўся. Урэшце шматлікія войны знішчылі яго дашчэнту, і сёння нам застаўся толькі пагорак.
3,932
Onlíner па-беларуску

22 Jan, 16:04

Ледзяное валоссе ў Белавежскай пушчы. Бачылі такое?

Супрацоўнікі нацыянальнага парка паспелі зрабіць фотаздымкі цікавай з'явы.

Размова ідзе пра тонкія белыя нітачкі льду, якія нагадваюць сапраўднае валоссе. Фарміруюцца яны на вільготнай гнілой драўніне.

З'ява гэтая характэрна выключна для паўночнага паўшар'я. Для яе існавання павінны супасці адразу некалькі фактараў: вялікая колькасць вільгаці ў драўніне і ў паветры, тэмпература каля нуля. Як толькі ўмовы пачнуць мяняцца, валасінкі знікнуць.
3,481
Onlíner па-беларуску

22 Jan, 14:08

У Беларусі знайшлі рэдкую птушку. У апошні раз у нас яе бачылі больш за 100 гадоў таму

Гаворка ідзе пра караткапальцага паўзунка. Птушку ў старым парку горада Высокае, на захадзе Брэсцкай вобласці, выявіў бёрдвотчар Яўген Місіюк, распавядае тэлеграм-канал «Дзікая прырода побач».

У Еўропе пражываюць два віды паўзункоў. Звычайны сустракаецца па ўсёй тэрыторыі Беларусі, а вось караткапальцага ў апошні раз бачылі больш за 100 гадоў таму. Як піша «Дзікая прырода побач», адрозніць іх няпроста — птушачкі выглядаюць практычна аднолькава. Самы надзейны спосаб — гэта фатаграфія або галасавы запіс.

Яўген, у сваю чаргу, звярнуў увагу на доўгую дзюбу, западозрыў, што гэта караткапальцы паўзунок, і, як аказалася, меў рацыю.
2,701
Onlíner па-беларуску

17 Jan, 12:57

А вы ведалі, што белая царква ў Заслаўі калісьці была часткай старажытнага замка?

Зараз раскажам гэтую гісторыю.
4,202
Onlíner па-беларуску

13 Jan, 14:59

У Калодзішчах знайшлі закамянеласць, якой 400 мільёнаў гадоў

Галісты, ці ланцужковыя каралы, даўно вымерлі: апошнія прадстаўнікі старажытных арганізмаў існавалі каля 412 мільёнаў гадоў таму.

Выявіў закамянеласць прафесар кафедры БНТУ Дзмітрый Сцепаненка, распавяла газета «Прысталічча». Хоць яго спецыялізацыя не звязаная з прыродазнаўствам (Дзмітрый працуе на кафедры канструявання і вырабу прыбораў), навуковым даследаваннем прыроды ён займаецца ўжо шмат гадоў.
4,674
Onlíner па-беларуску

11 Jan, 08:33

Не пусціць у хату калядоўшчыка — дрэнная прыкмета. Як і дзеля чаго калядавалі беларусы
Слова «Каляды» мае некалькі значэнняў: і ежа, і гульбішчы, і нават, на думку некаторых даследчыкаў, асобнае боства, з чым, праўда, не пагаджаецца наш эксперт. Але Каляды перадусім — цыкл свят, абрадаў, падчас якіх нашы продкі адзначалі нараджэнне чагосьці новага.

Адкуль узяўся звычай калядавання, якія персанажы прымалі ўдзел і якія спевы выконвалі — аб гэтым і не толькі мы пагаварылі з фалькларыстам доктарам філалагічных навук Таццянай Валодзінай.

people.onliner.by/go/1175884
55,749
Onlíner па-беларуску

10 Jan, 10:29

А вы ведалі, што калісьці на тэрыторыі Беларусі існавала такое дзiва, як замкі на астравах?

Адзін з іх — на возеры Іказнь у Браслаўскім раёне. Сёння расказваем, калі ён з'явіўся, як выглядаў і чаму знік амаль без следу.
3,520
Onlíner па-беларуску

04 Jan, 12:26

Птушка года ў Беларусі — грыцук

Яшчэ 40 гадоў таму гэтая птушка была звычайным відам для Беларусі, аднак колькасць грыцукоў стала хутка скарачацца. Сярод прычын — страта месцаў пражывання праз меліярацыю і зарастанне пойменных лугоў. У 2004 годзе птушку ўпершыню ўключылі ў Чырвоную кнігу.

Грыцук гняздуецца ад Ісландыі да Далёкага Усходу, а ў вырай адпраўляецца ў Афрыку, Азію і нават Аўстралію. У Беларусі гэтую птушку часцей за ўсё можна ўбачыць у цэнтральнай і паўднёвай частках краіны.
4,303
Onlíner па-беларуску

31 Dec, 21:38

З Новым годам, сябры 🎄

Няхай 2025 год прынясе новыя выданні па-беларуску, цікавыя апытанкі, выставы, спектаклі і, вядома, добрыя навіны!
5,150
Onlíner па-беларуску

27 Dec, 07:36

Замкі, якіх больш няма

Сёння размова пойдзе аб рэзідэнцыі роду Сангушак у Смалянах — шэдэўры беларускага Рэнесансу.

Гэты ўнікальны помнік мог бы стаць такім жа прыцягальным, як Мірскі замак, сапраўдным скарбам паўночнага ўсходу Беларусі. Але, на жаль, да нашых дзён ад яго амаль нічога не засталося.
5,913
Onlíner па-беларуску

26 Dec, 10:16

Пабывалі ў адзінай у Беларусі краме з каляднымі аздобамі, якая працуе ўвесь год

Калі ранняй ліпеньскай раніцай вы прачняцеся з думкай: зараз бы павыбіраць елачныя аздобы ўжывую, — мы ведаем, куды можна адправіцца ў Мінску.

Як сцвярджаюць самі стваральнікі, «Калядная крама» — адзіная ў Беларусі афлайн-крама тавараў для зімовых свят, якая працуе круглы год.

А некалькі гадоў таму ў крамы з'явілася ўласная мануфактура, дзе робяць упрыгожанні з адсылкай да беларускіх традыцый.

money.onliner.by/go/250329
4,434
Onlíner па-беларуску

24 Dec, 11:52

Шукаем вашы старыя фотаздымкі!

Гэтым разам — навагоднія і калядныя, для тэматычнай падборкі пра тое, як вы адзначалі галоўнае свята года.

Пашукайце ў дамашніх альбомах! Цікава ўсё: здымкі са святочных гулянняў, з навагоднімі елкамі на гарадскіх плошчах, у дзіцячых садках і дома. Дасылайце фотакарткі з кароткімі гісторыямі пра іх у наш бот @newsonliner_bot ці на пошту журналісту: [email protected]

Умова: прымаюцца менавіта рэтрафота савецкіх часоў і 1990-х. Не толькі з Мінска, але і з іншых мясцін Беларусі.
3,556
Onlíner па-беларуску

20 Dec, 10:15

Замкі, якіх больш няма

Пост пра Ляхавіцкі замак натхніў нас на невялікі цыкл пра зніклыя замкі Беларусі.

Мы адправімся ў падарожжа па мясцінах, дзе калісьці ўзвышаліся велічныя крэпасці, чуўся звон рыцарскіх мячоў і пляліся палацавыя інтрыгі. Раскажам, што засталося ад гэтых замкаў сёння, якія таямніцы акружаюць іх руіны і чаму яны назаўжды застануцца часткай нашай гісторыі.

Сёння распавядаем пра Геранёнскі замак.
4,283
Onlíner па-беларуску

04 Dec, 14:46

Гэта герб Бярозы. Калісьці там знаходзіўся адзіны ў Вялікім Княстве Літоўскім кляштар картэзіянцаў. Манахаў гэтага ордэна сюды запрасіў Казімір Леў Сапега.

Будоўля вялася 40 гадоў і завяршылася ў 1689 годзе. Велізарны комплекс, апроч кляштара, уключаў у сябе жылыя карпусы, багатую бібліятэку, шпіталь, трапезную, аптэку, розныя гаспадарчыя пабудовы. Галоўным збудаваннем стаў касцёл, да фасада якога была далучана вежа-званіца.

Усё гэта было абнесена магутнымі сценамі, па перыметры стаялі вежы з гарматамі, а адзіным уваходам служыла манументальная брама з байніцамі. Па сутнасці, кляштар быў горадам-крэпасцю, здольным вытрымліваць працяглую аблогу.

У XIX стагоддзі касцёл і іншыя збудаванні пачалі разбіраць, выкарыстоўваючы цэглу для ўзвядзення казармаў. Сёння калісьці велічны кляштар ляжыць у руінах. Ад яго засталіся толькі ўязная брама (гэта яна на гербе горада), фрагменты званіцы, рэшткі палаца Сапегаў, дзе яшчэ можна знайсці ўзоры старажытнай ляпніны.
2,471
Onlíner па-беларуску

29 Nov, 14:31

Адгадайце пісьменнікаў па іх псеўданімах. Наш новы тэст

Сёлета ў мінскім выдавецтве «Тэхналогія» выйшаў грунтоўны энцыклапедычны слоўнік-даведнік, прысвечаны беларускім псеўданімам і крыптанімам.

З гэтай нагоды мы падрыхтавалі тэст. Ваша задача вельмі простая — адгадайце аўтараў па іх псеўданімах. Фотаздымкі выкарыстаны ў якасці дадатковых ілюстрацый і падказкамі не з'яўляюцца. Пачынаем!

people.onliner.by/go/1166763
46,875
Onlíner па-беларуску

29 Nov, 13:02

*партнёрскi пост

🍦Што аб'ядноўвае ГЗЦ «Тытан» і Нацыянальны аэрапорт?

Пяшчотны вяршковы пламбір, мягкі, натуральны, з тым самым сапраўдным смакам з дзяцінства. У крэманцы, з топінгам або пасыпкай — выбіраць вам. Калі вы пакаштуеце гэтае марозіва аднойчы, абавязкова захочаце яшчэ.

Аўтамат з тым самым кобрынскім марозiвам знаходзіцца на трэцім паверсе, насупраць магазіна «Букваешка».

ТАА "Паспяховая кіруючая кампанія"
УНП 192333238
3,526
Onlíner па-беларуску

29 Nov, 10:34

Па-першае, гэта прыгожа. Mark Formelle выпусціў калекцыю «Планета El'nya».

Пры яе стварэнні дызайнеры натхняліся краявідамі знакамітага балота Ельня. Як нядаўна высветлілася, яму хутка стукне 13 тысяч гадоў.

У капсулу ўвайшлі жаночыя, мужчынскія і дзіцячыя касцюмы, худзі, світшоты і футболкі цёмна-зялёнага, сіняга, шэрага і чырвонага колераў — апошні ўвасабляе журавіны, якія восенню спеюць на балотах. У якасці прынтаў — выявы буслоў і арлоў, а таксама стылізаваная пад вінтаж назва прыроднага заказніка.
3,106
Onlíner па-беларуску

27 Nov, 14:47

Гэта герб Ляхавічаў. У канцы XVI стагоддзя ў горадзе быў пабудаваны замак, адзін з самых непрыступных ва ўсім Вялікім Княстве Літоўскім.

Фартэцыя мела чатырохкутную форму (памерам 175х220 метраў), а на кожным яе куце размяшчаўся бастыённы выступ, абсталяваны брустверамі і байніцамі для стралкоў і артылерыі. У бастыёнах знаходзіліся склады з боепрыпасамі. Да таго ж яны злучаліся паміж сабой падземнымі хадамі.

Вакол замка быў выкапаны роў, прайсці да збудавання можна было толькі па драўляным мосце. Але ў выпадку небяспекі мост падымаўся, і замак пераходзіў у стан аблогі. Унутры ж знаходзіўся двухпавярховы мураваны палац.

За сваю гісторыю замак перажыў мноства штурмаў і аблог (як з захаду, так і з усходу), але ўзяты быў толькі аднойчы. Гэта ўдалося шведам у 1706 годзе.

Пасля падзелаў Рэчы Паспалітай замак страціў сваё абарончае значэнне. Ён працягваў разбурацца, пакуль усе яго камяні канчаткова не расцягнулі для будаўніцтва дамоў. Так гонар Ляхавічаў стаў гісторыяй.
2,564
Onlíner па-беларуску

26 Nov, 08:01

Апублікавала reels пра Караткевіча і выйшла замуж праз восем месяцаў. Гісторыя кахання двух беларусаў.

Ірына, філолаг па адукацыі, заўсёды захаплялася беларускай культурай і творчасцю Уладзіміра Караткевіча.

У пэўны момант дзяўчына расчаравалася ў рамантычных стасунках і перастала верыць, што сустрэне свайго чалавека, які будзе гэтак жа любіць беларускую мову, Караткевіча і вэнджаную скумбрыю.

Усё змянілася 26 лістапада 2022 года, у дзень нараджэння беларускага класіка, дзякуючы творчасці каторага Ірына сустрэла свайго будучага мужа. Сёння мы зноў згадваем Уладзіміра Сямёнавіча і дзелімся з вамі асаблівай гісторыяй кахання.

people.onliner.by/go/1165861
47,552
Onlíner па-беларуску

20 Nov, 19:06

Гэта герб Пружанаў, i ён мае італьянскае паходжанне.

Герб з выявай змея, з пашчы якога нараджаецца немаўля, належаў герцагам міланскім Вісконці і Сфорца. З роду апошніх паходзіла Бона, каралева польская і вялікая княгіня літоўская. Пасля заключэння дынастычнага шлюбу з Жыгімонтам I Старым яна атрымала ва ўладанне Пружаны.

Пасля яе смерці горад перайшоў да дачкі Ганны Ягелонкі. У 1588 годзе яна даравала яму магдэбургскае права разам з гарадской пячаткай і гербам — родавым сімвалам сваёй маці.

Сёння гэты ж старажытны герб выкарыстоўваецца і на лагатыпе аўтамабільнай кампаніі Alfa Romeo, створанай у Мілане.
5,258
Onlíner па-беларуску

18 Nov, 12:21

Гіль і бацян: перакладзіце назвы птушак з беларускай на рускую. Тэст

Чарговы тэст мы вырашылі прысвяціць крылатым прадстаўнікам жывёльнага свету Беларусі — птушкам. Чаго чакаем ад вас? Усё проста: перакладзіце назвы з беларускай мовы на рускую.

Пытанні як простыя, так і не вельмі. Фота выкарыстаны ў якасці дадатковых ілюстрацый і падказкамі не з'яўляюцца. Ну што? Пачынаем!

people.onliner.by/go/1164125
51,109
Onlíner па-беларуску

13 Nov, 14:33

Гэты герб падобны да герба Мінска. Але насамрэч ён належыць Мар'інай Горцы.

Паходжанне назвы горада Мар’іна Горка сягае ў дахрысціянскія часы. Паводле легенды, на ўзвышшы знаходзілася паганскае капішча. Тут пакланяліся нявесце Сонца, багіні-маці, апякунцы нараджэння дзяцей Марэ.

Пазней на гэтым месцы была пабудавана царква. Храм быў вядомы старажытнай іконай «Маці Божая», якую мясцовыя жыхары асабліва шануюць. Гэтая ікона і стала прататыпам гарадскога герба.

Дарэчы, выява Дзевы Марыі даволі распаўсюджаная ў геральдыцы. Сярод беларускіх гарадоў яна сустракаецца на гербах Мінска, Маладзечна, Кобрына і Бялынічаў.
5,901
Onlíner па-беларуску

06 Nov, 15:41

У 1762 годзе Шклоў атрымаў магдэбургскае права, а разам з ім — пячатку і герб з выявай рукі, якая трымае бязмен. Ужо ў тыя часы Шклоў быў даволі прагрэсіўным горадам, дзе развіваліся рамёствы, прамысловасць, квітнеў гандаль. Таму знак шаляў зусім не выпадковы. Шалі таксама з'яўляюцца эмблемай справядлівасці, закона і правасуддзя.

З тых часоў гэты сімвал не змяніўся. Гараджане захавалі свой гістарычны герб і ганарацца ім. Сёння ён вянчае шпіль гарадской ратушы, выкарыстоўваецца на розных указальніках і ў памятных месцах.
5,452
Onlíner па-беларуску

06 Nov, 07:06

«Сапраўдны цуд». У Нацыянальным мастацкім музеі пад работай вядомага мастака выявілі яшчэ адну карціну

«Дзяўчына» Філіпа Малявіна была створана на мяжы 1900-х і ўжо даўно знаходзіцца ў экспазіцыі мастацкага музея. Гэтая работа ўдзельнічала ў выставах, прысвечаных творчасці мастака, і іншых праектах.

У 2023-м пачалася планавая рэстаўрацыя карціны, і мастак-рэстаўратар Юлія Місючэнка выявіла, што пад карычневым пластом знаходзіцца іншае палатно. У выніку на рэстаўрацыйным савеце прынялі рашэнне раздубліраваць два малюнкі, і пасля ўсіх рэстаўрацыйных работ у музеі з'явілася яшчэ адна карціна — нацюрморт з кветкамі.
5,320
Onlíner па-беларуску

02 Nov, 14:52

Так беларусы шануюць сваіх продкаў. Наш фотарэпартаж

У першыя дні лістапада беларусы памінаюць памерлых. Гэтая старадаўняя традыцыя, якая характэрна для ўсіх рэгіёнаў Беларусі, атрымала народную назву Дзяды.

З цягам часу звычай моцна знітаваўся з хрысціянствам. Сярод праваслаўных памінальны дзень позняй восенню вядомы як Змітраўская (або Дзмітрыеўская) субота, у каталікоў — як Успамін усіх памерлых вернікаў.

Журналісты Onlíner наведалі некалькі вёсак, пагутарылі з мясцовымі жыхарамі і вярнуліся з атмасферным рэпартажам пра тое, як беларусы шануюць сваіх спачылых.

people.onliner.by/go/1160662
53,060
Onlíner па-беларуску

01 Nov, 14:55

«Былі тыя, хто прыехаў у 6 раніцы». Мінчане сталі ў велізарную чаргу дзеля... квіткоў на беларускія спектаклі.

У рэдакцыю Onlíner напісала чытачка Вольга і распавяла, што сёння яе муж паехаў па квіткі на спектакль у лялечны тэатр. Хацелі купіць квіткі на «Пансион „Belvedere“», але як альтэрнатыву разглядалі пастаноўку «Записки юного врача». Аказалася, што купіць квіткі не так проста: у 09:30 раніцы перад мужчынам ужо была велізарная чарга. Па яго словах, былі і тыя, хто стаяў у чарзе з шостай раніцы.

Продаж квіткоў у касе пачаўся а 10:00. Анлайн — а 14:00. Але не вытрымаў і сайт.

У тэатры пацвердзілі, што па квіткі людзі сталі прыходзіць сёння з самай раніцы. Расцягнулася чарга прыкладна да станцыі метро «Купалаўская». А цяпер уявіце, што зала, дзе праходзяць спектаклі, змяшчае 236 чалавек. Наўскідку людзей у чарзе было значна больш, адзначылі ў тэатры.
4,843
Onlíner па-беларуску

31 Oct, 13:13

Дзеля аднаго здымка гатовы ехаць на ўскраек Беларусі. Расказваем, як мы лавілі камету

Віктар Малышчыц па адукацыі фізік-ядзершчык. Ён кажа, што са сваім дыпломам зараз мог бы працаваць на АЭС, аднак, як нярэдка бывае, у жыцці ўсё склалася іначай.

Яго з самага дзяцінства прываблівала другое — фота і бязмежны Сусвет. У выніку беларус здолеў аб'яднаць два хобі і стаў са сваімі начнымі краявідамі адным з самых вядомых беларускіх астрафатографаў.

А яшчэ Віктар — актыўны папулярызатар астраноміі: ён вядзе свой блог у Instagram, ладзіць тэматычныя экскурсіі і рыхтуе школьнікаў да алімпіяд.

Журналісты Onlíner з'ездзілі з Малышчыцам у невялічкую экспедыцыю, даведаліся, як правільна фатаграфаваць зорнае неба, дзе гэта рабіць лепш за ўсё, і ў выніку нечакана сфатаграфавалі камету разам з зубрам.

people.onliner.by/2024/10/29/susvet
4,453
Onlíner па-беларуску

30 Oct, 15:42

Гэта герб Старых Дарог. Але адкуль жа на ім істота са старажытнагрэчаскай міфалогіі? А ўся справа ў тым, што кентаўр быў сімвалам князёў Гальшанскіх — першых з дакументальна вядомых уладальнікаў горада.

Геральдычны кентаўр (гіпацэнтаўр) адрозніваецца ад звычайнага наяўнасцю змяі (цi цмока) замест хваста. Дарэчы, яго можна ўбачыць таксама на гербе Гальшанаў.

Ну а з перакрыжаванымі посахамі ў ніжняй частцы герба ўсё прасцей — гэта сімвал дарог — прамая адсылка да назвы горада. У такім выглядзе герб Старых Дарог быў зацверджаны ў 1996 годзе.
3,774
Onlíner па-беларуску

28 Oct, 10:41

Выйшаў дадатковы наклад кнігі пра звонкае «дзе» і густое «чаго»

Днямі выйшаў з друку дадатковы наклад навукова-папулярнай кнігі «Як гавораць беларусы» (Onlíner пісаў пра яе ў чэрвені). Прыгожа аформленае выданне пра беларускую мову аказалася даволі запатрабаваным, таму мінскае выдавецтва «Тэхналогія» прыняло рашэнне дадрукаваць наклад, каб кніга трапіла да яшчэ большай колькасці чытачоў.

Нагадаем, у кнізе даступна расказваецца пра тое, чым беларуская мова адрозніваецца ад рускай і ўкраінскай, якая ў яе дыялектная аснова і што адметнага ёсць у гаворках Беларусі. 

З нядаўняга часу выданне зноў можна набыць у інтэрнэт-краме Onlíner Prime.
5,134
Onlíner па-беларуску

23 Oct, 15:27

Гэта герб Шчучына. Сімвал, так падобны на знак даляра, вядома, ніякага дачынення да амерыканскай валюты не мае. У манаграме з лацінскіх літар I і S зашыфраваны ініцыялы генерал-маёра Ігнацыя Сцыпіёна, выхадца са старажытнага італьянскага роду Сцыпіёнаў дэль Кампа. Ён валодаў горадам у часы, калі Шчучыну было дадзена магдэбургскае права. Гэта адбылося ў 1761 годзе.

Каралеўскі прывілей дазваляў праводзіць у Шчучыне таргі два разы на тыдзень і кірмашы 12 разоў на год. Апроч гэтага, жыхары атрымалі права на выбар мясцовага самакіравання. Хоць магдэбургскае права праіснавала ў горадзе нядоўга, яго ўвядзенне сведчыла аб павышэнні значнасці мястэчка.

Дарэчы, сучаснікі называлі Шчучын горадам асветы і навукі. Пры Сцыпіёнах набылі вядомасць манастыр і калегіум ордэна піяраў, быў закладзены палац і батанічны сад.
5,323
Onlíner па-беларуску

16 Oct, 15:42

Сярод гербаў беларускіх гарадоў гэты — адзін з самых незвычайных. Ён належыць Браславу і існуе з 1792 года, быў прысвоены гораду ў адпаведнасці з прывілеем караля Станіслава Аўгуста Панятоўскага.

Пагаворваюць, не абышлося без уплыву на Панятоўскага ідэй масонства. Аднак, афіцыйная трактоўка трыкутніка з выявай вока гучыць інакш і звязана з хрысціянствам. Вока сімвалізуе назіранне Бога за жыццём і ўчынкамі людзей, а трыкутнік — старажытны сімвал Святой Тройцы.

Такім чынам, герб Браслава абазначае, што горад знаходзіцца пад апекай Божай.

Браслаўчане любяць і паважаюць свой герб. Яго можна ўбачыць на дарожных указальніках пры ўездзе ў горад, а таксама на розных турыстычных аб’ектах і сувенірах.
5,838
Onlíner па-беларуску

09 Oct, 15:22

Гэта герб Слоніма, і ў такім выглядзе ён існуе з 1591 года! Тады кароль Жыгімонт III Ваза пацвердзіў права горада на самакіраванне і надзяліў яго ўласным геральдычным сімвалам.

Звяртае на сябе ўвагу дэталь — у правай лапе залаты леў трымае срэбную стралу з дзвюма перакладзінамі на дрэўку. Гэта родавы герб «Ліс», які паказвае на прыналежнасць горада Сапегам. Такі ж сімвал, дарэчы, можна разгледзець на гербах Бешанковічаў і Беразіно, якія таксама знаходзіліся ва ўладанні Сапегаў.

Калі вы былі ў Слоніме ў апошнія гады, то маглі заўважыць усталяваны ў цэнтры горада помнік знакамітаму Льву Сапегу. Ён быў слонімскім старастам, канцлерам Вялікага Княства Літоўскага, з яго імем звязана з'яўленне Статута 1588 года — старажытнага помніка прававой культуры.

Дзякуючы намаганням Сапегі, Слонім са звычайнага правінцыйнага мястэчка ператварыўся ў важны палітычны цэнтр княства.
5,460
Onlíner па-беларуску

09 Oct, 12:00

«За сто гадоў усяго чатыры сустрэчы». У Мінскай вобласці ўбачылі рэдкую для Беларусі птушку.

Размова ідзе пра сярэдняга паморніка, знайшлі яго на Любанскім вадасховішчы, піша тэлеграм-канал «Дзікая прырода побач».

Дагэтуль у Беларусі сярэдняга паморніка адзначалі ўсяго 3 разы: у 1926 годзе ў Віцебскай вобласці, у 1931 і ў 1998 гадах — у Гомельскай.

Сярэдні паморнік — буйная драпежная птушка. Яна гняздуецца ў арктычнай тундры, сілкуецца грызунамі-лемінгамі, астатні час праводзіць у тропіках, палюючы на дробную рыбу. Птушка, верагодна, ляцела на поўдзень на зімоўку і праклала свой шлях праз Беларусь.
4,807
Onlíner па-беларуску

02 Oct, 15:06

Так склалася, што Лагойск, заснаваны яшчэ ў 1078 годзе, свайго гістарычнага герба не меў. Сучасны ж геральдычны сімвал з'явіўся ў горада толькі ў 1998 годзе.

У яго верхняй частцы мы бачым зорку і паўмесяц пад ёй — элементы старажытнага герба «Ляліва», які належаў Тышкевічам. Гэты шляхецкі род доўгі час валодаў Лагойскам і меў тут сваю галоўную рэзідэнцыю, ад якой сёння засталіся толькі руіны.

Праўда, герб «Ляліва» мае шасціканцовую зорку, а на гербе Лагойска зорка пяціканцовая. Такая iнтэрпрэтацыя можа быць адсылкай да савецкага мінулага.

Дарэчы, «Ляліва» аб'ядноўвала мноства родаў на землях Беларусі, Польшчы, Літвы і Украіны. Таму не дзiўна, што зорку з паўмесяцам можна ўбачыць на гербах розных гарадоў i мястэчак. Напрыклад, Ганцавічаў і Крэва.

А ў ніжняй частцы герба намаляваны ўзгоркі — сімвал мясцовасці, на якой ляжыць Лагойск.
5,318
Onlíner па-беларуску

29 Sep, 08:00

*партнёрскi пост

☕️📚«Культурныя Людзі»: новая калабарацыя ГЦ «Тытан» і кавярні «Кава Саўнд» («Кофе Саунд»)

Гандлёвы цэнтр «Тытан» і кавярня «Кава Саўнд» прапануюць усім жыхарам і турыстам горада М атрымліваць асалоду не толькі ад шопінгу, але і ад якаснага часу з кнігай і кавай.

«Культурныя Людзі» — інавацыйны праект для адпачынку і натхнення. Ён накіраваны на стварэнне прыязнай атмасферы для ўсіх. Гэта прастора стане месцам, дзе фарміруюцца новыя сувязі, узнікаюць ідэі і рэалізуюцца творчыя задумы.

У рамках праекта таксама плануюцца дабрачынныя акцыі, дзе чытачы змогуць пакідаць свае кнігі і абменьвацца імі з іншымі.

ТАА "Паспяховая кіруючая кампанія"
УНП 192333238
3,882
Onlíner па-беларуску

26 Sep, 12:44

Да снежня месцаў няма. У музеі Петруся Броўкі праводзяць вечаровыя спатканні — на іх сапраўдны ажыятаж.

Літаратурны музей Петруся Броўкі знаходзіцца ў доме Свянціцкага на вуліцы Карла Маркса, 30. Яго пабудавалі больш за стагоддзе таму.

Як адбываецца спатканне? Музей працуе да 19:00. Пасля, калі на вечар ёсць адпаведны запіс, прыходзіць пара. Для наведнікаў праводзяць невялічкую рамантычную экскурсію, а пасля праводзяць у дальні пакой — з французскімі вокнамі і відам на праспект — і частуюць гарбатай.

Праводзіць час у фармаце спаткання ў музеі можна да 23:00. Увесь гэты час у музеі знаходзіцца супрацоўнік, да якога ў любы момант можна звярнуцца па дапамогу: папрасіць плед ці задаць пытанне.

Каштуе такі вечар 60 рублёў.

Падрабязнасці — па спасылцы.

people.onliner.by/2024/09/26/spatkanne-muzei
5,446
Onlíner па-беларуску

25 Sep, 15:02

Гэта Мазыр. Але чаму арол? Усё проста. Арол — сімвал Радзівілаў. Гэты княскі род валодаў Мазыром, калі горад набыў магдэбургскае права. Здарылася гэта ў 1577 годзе.

Першапачаткова на грудзях арла быў яшчэ адзін геральдычны элемент Радзівілаў — шчыт з гербам «Трубы» (тры паляўнічыя ражкі). Пазней «Трубы» змяніліся на шчыт з літарай «S» у гонар Стэфана Баторыя, які дараваў гораду магдэбургскае права.

Герб змяніўся, калі Мазыр стаў часткай Расійскай імперыі. І выглядаў ён крыху дзіўна. На ім было ўжо два арлы! У верхняй частцы — царскі двухгаловы, а ў ніжняй — радзівілаўскі аднагаловы.

На сучасным гербе горада намаляваны ўсё той жа чорны арол. Амаль як і ў XVI стагоддзі, але ўжо без шчыта на грудзях.
4,814
Onlíner па-беларуску

25 Sep, 13:01

*партнёрскi пост

🧑‍💻 Праграмна-інжынерная лабараторыя «СЕНЛА» шукае ў каманду Java Developer і QA Automation Engineer (Java).

Разглядаюцца кандыдаты ўсіх узроўняў: джуны, мідлы і сеньёры. Як гэта працуе:

• дасылаеце заяўку на ўдзел;
• праходзіце 15-хвіліннае інтэрв’ю з рэкрутарам;
• удзельнічаеце ў 60-хвілінным тэхнічным сумоўі;
• пры паспяховым праходжанні ўсіх этапаў атрымліваеце прапанову працаўладкавання ў той жа дзень.

Усе этапы праходзяць анлайн. Тэхнічныя сумоўі адбудуцца ў суботу, 28 верасня. Падрабязнасці — на сайце «СЕНЛА».
4,327

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.