Годна @hodnaby Channel on Telegram

Годна

26 Jan, 13:59

26 студзеня 1990 года быў прыняты Закон аб мовах. Беларуская мова абвяшчалася адзінай дзяржаўнай😎

🙋‍♀️🙋332 дэпутаты падтрымалі закон, 27 прагаласавалі “супраць” і 9 “устрымаліся”. Можна пабачыць, што падтрымка была вельмі шырокай, а гэта ўсё яшчэ БССР, і ўсё яшчэ савет, які складаўся пераважна з камуністаў.

На беларускую мову пераводзілася камунікацыя ў дзяржаўных структурах, канцылярыі, судах. Беларуская станавілася мовай адукацыі, медыя і рэкламы. На беларускую мову пераводзіліся дзіцячыя садкі. У дакуменце замацоўвалася беларуская мова ва ўніверсітэтах і каледжах.
Руская мова заставалася мовай міжнацыянальных зносінаў.

Магчыма, на беларускай мове размаўляла б нашмат больш людзей, калі б сапраўды дзейнічала старая рэдакцыя Закона аб мовах. Але мы і зараз можам абіраць беларускамоўны кантэнт, набываць беларускамоўныя кнігі, падтрымліваць беларускіх музыкаў. Урэшце размаўляць па-беларуску. Беларуская мова нязломная, як і мы. І толькі мы можам паспрыяць яе развіццю.

180

Годна

21 Jan, 16:29

Ведаеце, што яднае дзявятага прэзідэнта Ізраіля, заснавальніка Marks&Spencer і “Лепшы нос Амерыкі”?

Усе яны паходзяць з Беларусі😎

Калі хочаце даведацца больш пра людзей, якія нарадзіліся ў Беларусі і пасля змянілі свет, раім падкаст Тутэйшыя.

Ужо выйшлі выпускі пра мастачку Надзею Хадасевіч-Лежэ, гімнастку Вольгу Корбут, прадпрымальніц Іду Разэнталь і Розу Блюмкін. Хапае і іншых цікавых матэрыялаў.

410

Годна

21 Jan, 12:10

Хто мы? Чаго нам не хапае? І дзе стэрэатыпы хлусяць пра нас?

😸 Мы не коцікі. Хопіць ужо гэтага! Так, сапраўды сярод беларусаў і беларусак ёсць шмат спагадлівых і ветлівых людзей. Але коцікі – гэта пра нешта мілае і з лапкамі. Але якія лапкі? Мы ўжо столькі вытрымалі, мы сапраўдная моц.

📌 Памяркоўнасць беларусаў і беларусак – гэта шматвяковы механізм выжывання, а не рыса характару.

😎 Беларусам і беларускам часам не хапае гонару. Мы ўсё азіраемся на кагосьці і слухаем іншых замест таго, каб прасоўваць сваё і захапляцца сваім.

🏠 Насамрэч выраз “мая хата з краю” ніколі не працаваў і не мог спрацаваць для беларусаў і беларусак. Беларускія землі заўсёды былі ўцягнутыя ў канфлікты, і фактычна, не было ніводнага спакойнага стагоддзя.

Ну і што б мы ні казалі, але тое, як нас будуць успрымаць і што мы самі будзем думаць пра сябе, шмат у чым залежыць ад нас. Бо мы будуем уласную будучыню, нават калі цяпер можа здавацца, што гэта зусім маленькія крокі.
Стаўце рэакцыю, калі згодныя, і калі не - таксама😉

448

Годна

20 Jan, 12:49

20 студзеня 1892 года нарадзіўся Браніслаў Тарашкевіч. Чаму важна пра яго ведаць?

📌 Менавіта дзякуючы Браніславу Тарашкевічу атрымалася стварыць нормы беларускай мовы. У 1918 годзе ў Вільні была выдадзеная “Беларуская граматыка для школ”.

📌 Стварыў больш за 200 беларускамоўных школ у Заходняй Беларусі.

📌 У польскім зняволенні пераклаў творы “Пан Тадэвуш” Адама Міцкевіча і “Іліяда” Гамера. Пераклад “Пана Тадэвуша” быў надрукаваны пасля смерці пісьменніка. А “Іліяду” дагэтуль не знайшлі.

📌 Заснаваў адну з найбуйнейшых партый на тэрыторыі Еўропы – Беларускую сялянска-рабочую грамаду.

📌 У 1933 годзе польскія ўлады абмянялі Браніслава Тарашкевіча на беларуса Францішка Аляхновіча. Легенда кажа, што падчас абмену Аляхновіч сказаў Тарашкевічу: “Бронюсь, куды ты ідзеш?”. У 1937 годзе Тарашкевіча затрымалі, а пазней – расстралялі.

Унёсак Браніслава Тарашкевіча ў беларускую культуру вялізны. Жыццё кожнага чалавека каштоўнае. А тут увогуле застаецца толькі здагадвацца, колькі яшчэ паспеў бы зрабіць беларус.

409

Годна

14 Jan, 17:15

Не забівайце павукоў! Чаму беларусы і беларускі з такой асцярожнасцю ставяцца да гэтых істотаў?

📌 Адна з прычынаў – павуцінне. Нашыя продкі верылі, што павуцінне валодае чароўнымі ўласцівасцямі: можа прыцягваць шчасце ці загойваць раны.
📌 Другая магчымая прычына – вера, што павукі прыносяць добрыя навіны.
📌 Пра іншую версію распавядае біблейская легенда. Быццам павук сваім павуціннем уратаваў і схаваў немаўля Ісуса.
📌 Некаторыя ўвогуле параўноўваюць павука са стваральнікам свету.

Ёсць сярод гэтых забабонаў і рацыянальны бок. Напрыклад, павукі могуць дапамагаць пазбаўляцца ад іншых насякомых у хаце. Ну і варта ўлічваць: на нашых землях павукі часцей за ўсё неатрутныя і бяскрыўдныя. У нашых продкаў проста не было негатыўнага досведу.

Пра вялікую пашану да гэтых істотаў ускосна могуць казаць і саламяныя павукі. Менавіта яны аберагалі хату ад усяго дрэннага цэлы год. І вось чаму іх назвалі менавіта “павукі”? Мы лічым, што гэта не супадзенне😌

548

Годна

13 Jan, 10:19

Цяжка пачаць працоўны тыдзень? Тады ў нас ёсць нешта для вас😉

Можаце пазнаёміцца з філасофіяй, матывацыяй і парадамі беларускіх пісьменнікаў і пісьменніц. Гартайце карткі і натхняйцеся словамі беларусаў і беларусак!

529

Годна

01 Jan, 12:24

Новы год ужо пачаўся, таму час даведацца, што нас там чакае✨
Першае слова, якое вам патрапілася, стане вашым прадказаннем на 2025 год. Стаўце рэакцыю, калі прадказанне спадабалася☺️

856

Годна

31 Dec, 16:01

Сустракаем Новы год разам з шоу, якое натхняе!

У гэтым святочным выпуску:
✨ Яркія госці: Міхась Зуй, Крысціна Дробыш, Міхась Ільін, Настасся Доль, Ketevan, Аляксандр Івулін.
🎶 Неймаверная музыка: Анастасія Рыдлеўская, NOCHY, Swada x Niczos.
🎙 І вядоўца, якая стварае асаблівы настрой: Лізавета Ветрава.

Госці паўдзельнічаюць у сапраўдных Годных гульнях і паспрабуюць перамагчы.

Вас чакаюць цікавыя размовы, гумар, жывыя выступленні і чароўная атмасфера!

Глядзець можна ўжо цяпер па гэтай спасылцы.

Адсвяткуем разам у цёплай і вясёлай кампаніі❤️

35,161

Годна

31 Dec, 09:30

Віншуем вас з Новым годам, дарагія падпісанты і падпісанткі✨

Зычым вам цяпла, спакою, падтрымкі, творчасці і любові.

Нам вельмі важна, што вы застаецеся з намі.

А вось нашае віншаванне з навагодняга выпуска, які можна глядзець ужо сёння а 19-ай.

📌 Глядзіце па спасылцы.

Адсвяткуем Новы год разам🤍

731

Годна

30 Dec, 16:08

Новы год на беларускіх землях. Што і як адзначалі нашыя продкі?

📌 Калі ўвогуле 1 студзеня стала пачаткам Новага года?
На беларускіх землях гэта адбылося з прыходам грыгарыянскага календара. У 1583 годзе кароль Стэфан Баторый увёў гэты каляндар на ўсёй тэрыторыі Рэчы Паспалітай. Але тады беларусы і беларускі не святкавалі Новы год.

📌 А што раней лічылася пачаткам года?
Звычайна нашыя продкі звязвалі пачатак года з днём зімовага сонцастаяння. Так што ў старажытнасці ў нас бы ўжо пачаўся новы год.

📌 Дык а ці святкавалі нешта 31 снежня?
Так, хаця гэты дзень ніяк не асацыяваўся ў нашых продкаў з пачаткам года, у гэтую дату быў Шчодры вечар. Беларусы і беларускі варажылі, шчадравалі, вадзілі казу, рыхтавалі застолле і ставілі на стол шчодрую ці багатую куццю. Таксама ў гэты вечар назіралі за надвор’ем і прадказвалі па ім, ці будзе год ураджайны.

📌 А калі пачалі святкаваць Новы год?
Новы год пачалі святкаваць пры савецкай уладзе. Пры гэтым, яшчэ да 1947 года 1 студзеня нават не было выходным днём!

623

Годна

28 Dec, 11:31

Хто прыходзіць да беларусаў і беларусак з падарункамі?

❄️ Ёсць, напрыклад, Зюзя – стары дзядуля бог зімы. Вось толькі ніхто не ведае, ці быў Зюзя сапраўдным зімовым богам і ці быў ён добрым. А яшчэ так называлі чалавека, які моцна п’е. “Напіцца ў зюзю” – знаёмы выраз?

🎁 Ёсць Дзед Мароз, але што не так з ім? Мы дакладна ўсе яго ведаем, але гэта зусім нетрадыцыйны для беларусаў і беларусак персанаж. Канчаткова ён замацаваўся ў савецкія часы, калі ніякіх хрысціянскіх святых і, тым больш, нейкіх там паганскіх багоў і не магло быць.

🎅Можа ўсё ж Святы Мікалай прыносіць нам падарункі? Ушанаванне яго пачалося, напэўна, яшчэ з Х стагоддзя, калі на беларускія землі прыйшло хрысціянства. Для тых, у каго ў сям’і галоўнае свята Каляды, – ідэальны варыянт, каб падарыць падарункі.

Ёсць і яшчэ адзін стоадсоткава беларускі персанаж. Менавіта яго клікалі: “Мароз, мароз, ідзі куццю есці!” Гэта прыродны персанаж, не добры і не злы. Але хто яго ведае, можа ў яго вялікі патэнцыял стаць нашым святочным героем.

619

Годна

27 Dec, 17:29

Навагодні выпуск Годна🔥

У відэа паказваем, што там будзе, і запрашаем паглядзець шоу разам з намі.

Пазначайце сабе:
📌 31 снежня
📌 19:00
📌 Ютуб-канал Годна

Госці: Міхась Зуй, Крысціна Дробыш, Міхась Ільін, Настасся Доль, Ketevan, Аляксандр Івулін.

Музыкі: Анастасія Рыдлеўская, NOCHY, Swada x Niczos.

Вядоўца: Лізавета Ветрава.

Адзначым святы разам❤️

1,061

Годна

26 Dec, 09:59

Нашае відэа да Дня роднай мовы ўдзельнічае ў галасаванні за відэа года ў беларускім YouTube😍

З гэтай нагоды вырашылі згадаць яго яшчэ раз і паказаць вам⬇️

Глядзіце па спасылцы, якое цудоўнае атрымалася✨

1,169

Годна

25 Dec, 10:49

Віншуем вас з Калядамі! Зычым больш шчаслівых момантаў, цяпла і любові.

І вось яшчэ некалькі фактаў пра свята.

❄️ Першапачаткова Каляды мелі сувязь з днём зімовага сонцастаяння. Калі на беларускія землі прыйшло хрысціянства, Каляды пачалі святкаваць на Раство. Доўжыўся святочны перыяд да Вадохрышча.

💫 Пад абрус на стале клалі сена. Пачыналася вячэра з узыходам першай зоркі. Перад пачаткам вячэры гаспадар мог узяць лыжку куцці і пакласці яе на акно ці на парог – для продкаў.

⭐️ Калядоўшчыкі. Галоўным персанажам была каза. Яна лічылася сімвалам дабрабыту, а яе смерць – сімвалам заканчэння старога году. Спачатку калядоўшчыкаў прымалі за духаў памерлых продкаў. З прыходам хрысціянства іх пачалі ўспрымаць як валхвоў, якія апавяшчалі пра нараджэнне Хрыста.

Каляды маюць шмат значэнняў, але цешыць тое, што беларусы і беларускі ўсё часцей звяртаюцца да традыцый, калі ладзяць імпрэзы і сямейныя святы🤍

А павіншаваць сваіх блізкіх можна з дапамогай нашага каляднага стыкерпака. Захоўвайце сабе і дасылайце іншым☺️

1,352

Годна

24 Dec, 16:11

Чулі, што на Каляды варожаць?
Вось некалькі спосабаў✨

⭐️ На Куццю клалі пад абрус сена, пасля цягнулі саломку. Хто выцягне доўгую, у таго будзе добры ўраджай ці доўгае жыццё.

⭐️ Яшчэ адзін спосаб: падслухаць лёс пад чужымі вокнамі. Маладая дзяўчына ідзе пад чужыя вокны і слухае, калі пачуе “ідзі”, то замуж хутка пойдзе, а калі “сядай” ці “сядзі” – у дзеўках сядзець будзе.

⭐️ Дапамагалі ў варажбе і хатнія жывёлы. Напрыклад, перад сабакам клалі аладкі. Чыю аладку сабака з’есць спачатку, тая дзяўчына хутка замуж пойдзе.

⭐️ Таксама дзяўчыны выходзілі на скрыжаванне і пыталіся імя ў першага хлопца, якога сустрэнуць (такое імя будзе і ў суджанага).

⭐️ Кідалі абутак. У які бок ён упадзе наском, у той бок выйдзеш замуж.

⭐️ Яшчэ адзін варыянт – на вадзе і воску. Воск трэба наліць у ваду і паспрабаваць разгледзець твар будучага жаніха.

Што ж, каб прыдумаць столькі спосабаў варажбы, трэба быць вельмі вынаходлівымі. Але мы ўсе тут беларускі і беларусы такія.

570

Годна

23 Dec, 11:13

Без чаго Каляды не Каляды?

📌 Куцця. З яе пачыналі калядную вячэру. У калядны перыяд было тры куцці: посная, багатая (ці шчодрая) і вадзяная. На калядны вечар, на Шчодры вечар (перад новым годам), на Вадохрышча.

📌 Калядаванне. Традыцыя паходзіць з паганскіх часоў. Калядныя персанажы маюць схаваныя сэнсы. Дзед і баба – гэта пра культ продкаў, каза – пра ўрадлівасць, смерць і адраджэнне прыроды. У хрысціянскай традыцыі вобразы калядоўшчыкаў маглі змяняць значэнне. Напрыклад, каза сімвалізавала клопат.

📌 Калядная зорка. У паганскай традыцыі – наноў народжанае Сонца, у хрысціянскай – зорка ў Віфлееме.

📌 Елка. У нашых продкаў лічылася, што дрэва звязвае свет жывых і свет памерлых. Таму яго галінкамі, напрыклад, часта ўпрыгожвалі могілкі. А святочным дрэва стала на беларускіх землях, дзякуючы нямецкім пратэстантам.

📌 Варажба. У калядны вечар нашыя продкі варажылі. Хаця хрысціянстве такія паводзіны не ўхваляліся.

Беларусы і беларускі заўсёды былі самабытнымі і мелі ўнікальныя традыцыі.

547

Годна

21 Dec, 17:29

А вы ведаеце, што сёння трэба святкаваць сапраўдныя Каляды?

21 снежня – дзень зімовага сонцастаяння. Дата самай доўгай ночы ў годзе. Свята мае паганскія карані і арыентуецца на дзень зімовага сонцастаяння. А супрацьлегласцю Калядам было Купалле.

У даўніну, яшчэ да хрысціянства, Каляды былі прымеркаваныя да руху Сонца па небасхіле. Некаторыя нават лічаць, што назва “Каляды” паходзіць ад слова “кола”, што і азначала “сонца”.
Нашыя продкі шанавалі сонейка і верылі ў надзвычайную магію свята. Прапусціш абрад – і ўвесь год будзе дрэнны. Пасля прыйшло хрысціянства і даты крыху змяніліся.

Цяпер паганскія і хрысціянскія традыцыі шчыльна змяшаныя ў час гэтых святаў.

Вось і беларусы ўсё пераадолеюць, як і паганскія традыцыі захаваліся, нягледзячы на ўсе забароны😌

543

Годна

19 Dec, 16:00

Ну няўжо ў беларусаў і беларусак праблемы з памяццю? 😮

Не, гэта проста цыклічнасць беларускай гісторыі. Заўважылі гэта? Вось прыклады.

📌 Вось паўстанне 1830-1831 гадоў. А крыху больш чым праз 30 гадоў новае пакаленне выступіла супраць царскай улады ў 1863-1864 гадах. Усе спадзяваліся на нешта і ўсе пацярпелі паразу.

📌 Новае пакаленне стварыла таемныя таварыствы ў 1820-ых і зноў пацярпела.
Возьмем іншае стагоддзе.

📌 Пісьменнікі 1920 – 1930-ых гадоў. Стваралі новую беларускую літаратуру і маглі б яшчэ больш узбагаціць нашую культуру. Але былі несправядліва пакараныя. І вось на абсалютна вычышчаным полі вырастае новае пакаленне беларускіх пісьменнікаў і пісьменніц.

Тут вельмі важна захоўваць гістарычную памяць. Каб не паўтараць усё з нуля і не рабіць аднолькавыя памылкі. Гэтым беларусы і беларускі часта грэбуюць, хаця будучыня залежыць ад нас. Але здаецца, беларусы і беларускі надзвычай адаптыўныя. Хацелася б спадзявацца, што ў постапакаліпсісе гэтая якасць нам таксама дапаможа.

625

Годна

18 Dec, 12:09

18 снежня 1917 года прайшоў Першы Усебеларускі з’езд. Чаму гэта важна?

📌 З’езд адбываўся ў будынку Мінскага гарадскога тэатра. На першым пасяджэнні прысутнічала 1872 дэлегаты.

☝️ З’езд прызнаў права беларускага народа на самавызначэнне. І, нягледзячы на рознагалоссі , па выніку дэлегаты склалі рэзалюцыю з 15 пунктаў. Прыняць паспелі толькі першы.

У ноч з 30 на 31 снежня з’езд разагналі бальшавікі. Пасля разгону частка дэлегатаў з’езда падпольна збіралася ў дэпо Лібава-Роменскай чыгункі. Гэта быў пачатак на шляху стварэння беларускай дзяржавы.

📌 Так згадваў з’езд адзін з дэлегатаў: “…калі мы пачулі нашу родную беларускую гаворку, калі пачулася беларуская песня, … – міжволі ўсе сэрцы пачалі аб’ядноўвацца, і патроху мы пачалі адчуваць сябе адзіным беларускім племем…”

Гэты з’езд важны, бо беларускі народ змог аб’яднацца ў часы вайны і дамовіцца між сабой. Беларусы і беларускі паказалі, што сапраўды моцныя ў сваёй салідарнасці. А такога шырокага прадстаўніцтва розных слаёў насельніцтва яшчэ доўга не будзе.

564

Годна

17 Dec, 17:35

5 калядных фільмаў па-беларуску🎄

Прыемнага прагляду і памятайце, што беларуская мова нязломная, як і мы💪

❄️ “Любоў насамрэч”
Брытанскі прэм’ер закахаўся ў сакратарку. Пісьменнік Джэмі едзе ў Францыю і знаходзіць сапраўднае каханне. Усё гэта акурат перад Калядамі.

❄️ “Адзін дома”
Сваякі Кевіна спяшаюцца ў калядны адпачынак у Парыж і выпадкова забываюць Кевіна. Гарэзлівы хлопчык нарэшце можа рабіць тое, што хоча. Але ў дом збіраюцца залезці рабаўнікі.

❄️ “Калядны дамок”
Найлепшая сяброўка Лэйсі просіць дзяўчыну пабыць дружкаю на сваім вяселлі і ўпрыгожыць дамок для мядовага месяца. Паводле сямейнай легенды, пара, што правядзе ноч у калядным дамку, знойдзе вечнае каханне.

❄️ “Гары Потэр і філасофскі камень”
У адзінаццаты дзень народзінаў жыццё Гары змяняецца. Пачынаецца яго падарожжа ў свет чараўніцтва.

❄️ “Аднойчы ў Токіа”
Напярэдадні Калядаў Джын, Хана і Міюкі знаходзяць кінутую дзяўчынку. Яны збіраюцца знайсці яе бацькоў, але не здагадваюцца, што гэтыя пошукі могуць прывесці іх да сябе сапраўдных.

1,303

Годна

16 Dec, 11:30

Вы ўжо шукаеце калядныя падарункі для блізкіх? 🎁
У нас ёсць для вас некалькі ідэй.

📌 Гарлячкі ці вышываныя ўпрыгожанні.

📌 Саламяныя вырабы.

📌 Кераміка. Па спасылцы першая і другая старонкі.

📌 Павукі ў самых розных варыянтах.

📌 Калядныя ўпрыгожанні.

Беларусь – наш дом, мы клапоцімся пра яе разам. Таму раім прадукты, якія робяць беларусы і беларускі. Вось так кожны і кожная зробяць адзін адному нешта прыемнае, і будучыня ўжо прыгажэй выглядае✨

507

Годна

15 Dec, 17:19

Як адбываліся здымкі Новага года Годна?
Невялічкі спойлер: так, мы ўжо падрыхтавалі для вас святочнае ютуб-шоу✨

Глядзіце нас на ютуб-канале Годна 31 снежня а 19-й☝️
А пакуль расказваем, як гэта было.

Падрыхтоўка пачынаецца загадзя. Неабходна знайсці тых, хто будзе працаваць над відэа: пісаць сцэнар, здымаць, прасоўваць і іншае.

🎄 Цікавы факт: хаця мы здымалі відэа восенню, разам з ялінкай, святочнымі ліхтарыкамі і мандарынкамі навагодні настрой з’явіўся сам сабою. Ну і, канечне, яго дапамаглі стварыць нашыя цудоўныя вядоўца і госці.

Сцэнар пісала майстарка каламбураў у нашай камандзе, таму павінна быць весела. Ну, мы спадзяемся😌

У час здымак самай адказнай працай займаецца здымачная каманда. Таксама здымак не было б без гасцей, музыкаў і вядоўцы. А яшчэ ёсць частка каманды, якая займаецца тэхнічнымі задачамі.

436

Годна

14 Dec, 09:34

Ва ўсіх беларусаў і беларусак біпалярка? 😮

Не панікуйце! Гэта ўсё пра дваістасць і шматбаковасць беларускай душы. Тлумачым падрабязней⬇️

“Дзве душы” ў Максіма Гарэцкага, Менск і Мінск, супярэчлівая гісторыя, усход і захад, хрысціянскія і паганскія традыцыі, каталіцтва і праваслаўе, заўсёды некалькі моваў, якімі карысталіся, шырокая рака Свіслач і загадкавая падземная Няміга ў Мінску…

Ці заўважаеце вы ў сабе нейкую дваістасць? Як спяваў спадар Вольскі: “падваенне асобы зрывае нам дах”.

🏠 Нават беларускі лад жыцця як быццам спалучае некалькі супярэчлівых спосабаў уладкавання ўласнага побыту. З аднаго боку, у Беларусі было шмат хутароў. А з іншага боку, “талака” – даўняя беларуская традыцыя, калі людзі збіраюцца для сумеснай працы.

І гэта адна з унікальных рыс беларусак і беларусаў. Яе можна прымаць і разумець, каб больш гарманічна існаваць у гэтым сусвеце, упэўнена будаваць будучыню, якая залежыць ад нас. А яшчэ такой самабытнасцю дакладна можна ганарыцца.

521

Годна

18 Nov, 17:13

5 акаўнтаў у TikTok па-беларуску. На самыя розныя тэмы☝️

📌 Hanna (@h_kaspiarovich). Лайфстайл і беларускасць. Тут можна натхніцца беларускай эстэтыкай і адкрыць для сябе беларускае зноўку.

📌 Праз космас (@praz_kosmas). Калі вас цікавяць планеты, зоркі і касмічныя палёты – вам сюды. Актуальныя навіны з касмічнай сферы.

📌 ГЕЙМ КУТ (@game_kut). Усё пра свет кампутарных гульняў. Тут можна і ўрыўкі са стрымаў паглядзець, і даведацца, якое беларускае свята з’явілася ў папулярнай гульні.

📌 Умоўныя (@um_podkast). Акаўнт падкаста пра жыццё беларускіх літаратараў і літаратарак. Жарты, лайфстайл і беларуская літаратура ў лёгкім і цікавым фармаце.

📌 Алена Браніславаўна (@toptusi). Пра смачную беларускую ежу і жыццё ў вёсцы. Шмат страваў акрамя дранікаў, пра якія і так усе ведаюць. Галоўнае, не глядзіце гэтыя відэа, калі не паелі!

Нехта не вылазіць з TikTok, нехта наадварот нават не збіраецца там рэгістравацца. Але ў любым выпадку цяпер вы будзеце ведаць, на каго падпісацца ў беларускамоўным сегменце гэтай сацсеткі.

230

Годна

15 Nov, 16:38

Узбагачаем беларускую мову✨ Знайшлі для вас 5 выразаў, каб дакладна гучаць на ўзровень С1.

📌 Ідзе слізка. Калі вы думаеце, што тут нешта пра слімакоў, то гэта не так. “Ідзе слізка” азначае, што нейкую страву ядуць хутка і са смакам. “Пасмажыла бульбу, дык слізка пайшло, за паўгадзіны цэлую патэльню з’елі!”

📌 Дзякаваны хлеб. Хаця тут і пра падзяку, і пра хлеб, але гэта нешта зусім нядобрае. “Вось табе і дзякаваны хлеб!” – можна сказаць чалавеку, які зрабіў нешта дрэннае, а яму пасля адпомсцілі тым жа.

📌 Кепікі строіць. З кепкамі тут нічога агульнага няма. Вось расказваеш ты нешта, а з цябе кепікі строяць, насміхаюцца, здзекуюцца, кпяць.

📌 На абаранкі зарабіць. “Асцярожна, вось заробіш на абаранкі!”. Гэта не пра хлебабулачны выраб і не пра стырно. Гэта папярэджваюць, што можаш атрымаць пакаранне.

📌 Плячысты на жывот. Амаль што бос KFC беларуская версія (толькі ў нас гэта не абраза і не пра знешнасць). Так кажуць пра тых, хто шмат есць.

437

Годна

11 Nov, 17:44

Падрыхтавалі крыху восеньскай лексікі, пакуль восень яшчэ не скончылася🍁
Гартайце карткі і стаўце рэакцыі, калі гэтай восенню выкарысталі ўжо ўсе словы, якія тут згадалі☺️

603

Годна

07 Nov, 11:36

Тры восеньскія песні на любы густ🍁

📌 "Штосьці добрае" Petlya Pristrastiya. Шчырая песня пра пошук святла ў штодзённым жыцці. Яна пра надзею, калі ў цемры раптам прабіваецца нешта цёплае і чалавечае.

📌 "Лістапад" Naviband. Светлая і лірычная гісторыя, якая прыгожа перадае восеньскі настрой. Пра цеплыню, якая не знікае нават у халодную пару года.

📌 "Uzory Vysyvat" Swada і Niczos. Атмасферны трэк, прасякнуты фолкам і сучасным гучаннем. Нешта адначасова аўтэнтычнае і дынамічнае.

633

Годна

06 Nov, 14:34

Запыталіся ў Chat GPT, як выглядалі б беларускія карты таро. Яшчэ і пераклалі на беларускую некалькі назваў😌

Марым, каб па-беларуску размаўлялі часцей, а кантэнт на беларускай мове быў звязаны з самымі рознымі тэмамі😉
Стаўце рэакцыі, калі згодныя!

488

Годна

04 Nov, 17:07

На што прыемна глядзець? На беларускае традыцыйнае адзенне🔥

Сёння хочам паказаць вам некалькі фота беларускага этнографа Міхася Раманюка.

Такая прыгажосць проста не можа не натхняць!
А яшчэ Міхась Раманюк выдаў цэлы альбом “Беларускі нацыянальны касцюм”☝️

449

Годна

03 Nov, 11:08

📚 Што пачытаць па-беларуску? Запыталіся ў пісьменніцы Святланы Курс (Евы Вежнавец).

“Вы папрасілі мяне параіць ці назваць 5 беларускіх кніг, вартых чытання. Аднак што й каму я магу параіць ці назваць? “Я стары, я вельмі стары чалавек”, як сказаў Беларэцкі, і галава мая павернутая назад, а не наперад, а кнігі – злёгку стомленыя, як і я. Аднак абяцала – назаву”, – напісала літаратарка. Так што гартайце карткі і запісвайце новыя кнігі ў ваш уласны спіс літаратуры💥

400

Годна

28 Oct, 16:56

Хацеў зрабіць беларускі тэатр беларускім. 28 кастрычніка 1884 года нарадзіўся Фларыян Ждановіч💥

Фларыян Ждановіч – адзін з тых, хто стаяў у вытокаў беларускага тэатра. Ужо ў 1913 годзе беларуская тэатральная трупа ўпершыню паказала “Паўлінку” ў Радашковічах. А ў 1920 годзе спадар Ждановіч стаў мастацкім кіраўніком Першага Беларускага дзяржаўнага тэатра.

Намер стварыць беларускі тэатр быў вельмі сур’ёзным. Скончыў Фларыян Ждановіч Варшаўскую драматычную школу. Але вярнуўся ў Беларусь, каб выступаць тут. Пазней выехаў у Крым, каб схавацца ад царскіх уладаў, але ізноў вярнуўся ў 1917 годзе.

У 1930 годзе Ждановіча арыштавалі па справе Саюза вызвалення Беларусі. Прысуд – 5 гадоў лагераў. У 1937 годзе арыштаваны паўторна і расстраляны.

На пачатку ХХ стагоддзя спрыяльных умоваў для беларускага тэатра не было: царская ўлада, войны, акупацыя, савецкія рэпрэсіі. Але насуперак усяму ён узнік, дзякуючы людзям, якія верылі ў гэтую справу.

175

Годна

28 Oct, 09:55

Свой апошні верш ён пакінуў на сценах турмы НКУС. Расказваем пра беларускага паэта Міхася Чарота. Сапраўднае імя – Міхась Кудзелька.

Яшчэ на пачатку 1920-х Міхась Чарот карыстаўся поспехам сярод маладзейшых літаратараў. Стаў адным з лідараў “Маладняку”. Напісаў паспяховую п’есу “На Купалле”. Янка Купала нават казаў, што яна лепшая за “Паўлінку”. Па яго аповесці “Свінапас” быў зняты адзін з першых беларускіх мастацкіх фільмаў “Лясная быль”👏

У 1930 напісаў верш “Суровы прыгавор падпісваю першым…”, дзе абвінавачваў затрыманых па справе Саюза вызвалення Беларусі ў нацыянал-дэмакратызме.

З пачатку 1930-х амаль не пісаў. Пачаў злоўжываць алкаголем. А ў студзені 1937 года пісьменніка затрымалі. Пасля катаванняў Міхася спойвалі, каб той назваў яшчэ больш імёнаў. У ноч з 29 на 30 кастрычніка паэта расстралялі.
“Мае палі,
Мае бары, —
Кажу вам — я не вінаваты!” – такімі словамі заканчваўся апошні верш пісьменніка.
#нерасстраляныя

228

Годна

27 Oct, 13:06

Гэты паэт лічыў, што значнае яшчэ наперадзе, але ён не ведаў, які лёс чакае яго. Расказваем пра Юрку Лявоннага. Сапраўднае імя – Леанід Юркевіч⬇️

Неяк літаратар паставіў мэту надрукавацца ў двух літаратурных часопісах розных плыняў. І зрабіў гэта. Яго надрукавалі і ва “Узвышшы”, які прытрымліваўся больш класічных узораў, і ў часопісе Літаратурна-мастацкай камуны “Росквіт”, дзе выступалі за эксперыменты з формай. Гэтым Юрка вельмі ганарыўся☝️

Паэт увесь час спадзяваўся, што напіша нешта лепшае: “Сапраўднае я яшчэ напішу. Значнае наперадзе. А пакуль што ў наш віхурны час патрэбны агітка і частушка…”

У 1936 годзе пісьменніка затрымалі. Апошнія месяцы трымаўся добра: дэкламаваў усёй турме навіны, казаў, што ніякай зачэпкі для абвінавачвання ў яго справе няма. Але аднойчы яго вывелі з камеры і больш ён туды не вярнуўся.

У 1937 годзе выйшла апошняя кніга, у стварэнні якой прымаў удзел Юрка Лявонны. Пераклад “20 000 лье пад вадой” Жуля Верна. Але і там на вокладцы ўжо не было яго імя.
#нерасстраляныя

280

Годна

25 Oct, 16:58

“Ходзім мы пад месяцам высокім, а яшчэ – пад ГПУ”. Расказваем пра тонкага і чуллівага лірыка Тодара Кляшторнага🌙

Тодар Кляшторны быў беларускім паэтам і перакладчыкам. Уваходзіў у “Маладняк”, “Узвышша” і нефармальны ТАВІЗ.

Яго вершамі зачытваліся падлеткі, эстэтыку твораў Кляшторнага не адмаўлялі нават крытыкі. Тым, хто чуў, як чытае вершы сам Кляшторны, таксама вельмі падабалася. Паэт рабіў гэта ціхім барытонам.

Мог злоўжываць алкаголь. Па некаторых звестках яго нават спецыяльна падпойвалі ў ЦК партыі, каб разваліць літаратурнае аб’яднанне “Узвышша”.

У кнізе “Пра зайца, ваўка і мядзведзя” праз метафары паказаў жыццё інтэлігенцыі ў таталітарнай сістэме.

Крытыкі абвінавачвалі паэта ва ўпадніцкіх настроях, песімізме. Казалі, што вершы свае аўтар піша “для падонкаў”. У 1936 годзе Тодара Кляшторнага затрымалі, а ў 1937 – расстралялі. Яму было 34 гады.

Тодар Кляшторны мог бы зрабіць яшчэ большы ўнёсак у беларускую літаратуру, але ў той сістэме не хацелі бачыць ні лірычнага, ні беларускага.
#нерасстраляныя

309

Годна

24 Oct, 16:08

Міхася Зарэцкага чыталі літаральна ўсе (нават супрацоўнікі НКУС)✨

У творах літаратару былі цікавыя паводзіны людзей у складаныя, гістарычныя і лёсавырашальныя часы. Напрыклад, “Голы звер” стаў вельмі папулярным праз добра прапісанага галоўнага героя, які быў адмоўным персанажам.

Разам з Алесем Дударом і Андрэем Александровічам напісаў “Ліст трох” супраць нападак на беларускіх пісьменнікаў. Выступіў за паказ большай колькасці беларускіх п’ес у тэатры.

Пісьменнік прыходзіць да нацыянальнай тэмы і ва ўласных творах. Стварыў драму “Рагнеда”. Пачаў пісаць раман “Крывічы”, але не паспеў яго скончыць. Абодва гэтыя творы так і не пабачылі свет.

У лістападзе 1936 года Міхася Зарэцкага затрымалі, у 1937 – расстралялі. Пісьменніку было 35 гадоў.

Міхась Зарэцкі да апошняга імкнуўся заставацца шчырым з сабою ва ўласнай творчасці. Напрыклад, яго твор “Вязьмо” крытыкаваў таталітарызм і працэсы, якія адбываліся ў беларускай вёсцы 1930-х.

#нерасстраляныя

436

Годна

24 Oct, 08:02

Адзін з пачынальнікаў прыгодніцкага жанру ў беларускай літаратуры. Кпіў з ахвяраў рэпрэсій 1930-х, а ў 1936 годзе арыштавалі і яго. Расказваем пра супярэчлівага, заўсёды пазітыўнага пісьменніка і драматурга Анатоля Вольнага (сапраўднае прозвішча – Ажгірэй).

Вучыўся ў БДУ, уваходзіў у “Маладняк”.

Ведаў шмат лайфхакаў: як папрасіць пазыку (рабіць найбольш бесклапотны выгляд), як абараніць свае рэчы ад рабаўнікоў у цягніках (распавесці, што там нічога няма)😎

Дрэнна валодаў беларускай мовай. Гэта адзначалі Уладзімір Дубоўка і Кузьма Чорны. А паэт Алесь Дудар навучаў пісьменніка✍️

Пры гэтым Анатоль высмейваў нацыянальную палітыку “Беларусьфільма”, сцвярджаў, што дзяцей таксама трэба гадаваць па-беларуску.

Часта завітваў у госці да Міхася Чарота. Некаторыя лічаць, што галоўнай прычынай магла быць жонка літаратара, якая падабалася Анатолю.

У 1935 годзе стаў заслужаным дзеячам мастацтваў БССР, а ўжо ў лістападзе 1936 года пісьменніка затрымалі. Расстралялі – у 1937-м. Яму было 35 гадоў.
#нерасстраляныя

357

Годна

23 Oct, 17:14

“Слабенькі беларускі камуніст і добры, моцны паэт Цішка Гартны…” – Максім Гарэцкі. 23 кастрычніка 1887 года нарадзіўся Зміцер Жылуновіч⬇️

Ён быў грамадскім дзеячам і літаратарам. Пісаў пад псеўданімам Цішка Гартны. Стварыў часопіс “Полымя”, кіраваў Цэнтральным архівам БССР.
Наладзіў выданне беларускіх падручнікаў і мастацкіх кніг. Любіў Беларусь і рабіў для яе, што мог⚡️

Падтрымліваў бальшавікоў, а пасля стаў ахвярай савецкага рэжыму. Мог стаць першым народным пісьменнікам Беларусі, але так ім і не стаў. Ужо на пачатку 1930-х газета Савецкая Беларусь, якую толькі пару гадоў таму рэдагаваў Жылуновіч, пісала пра яго ж, што беларус быў “адным з ідэолагаў нацыянал-дэмакратычнага ўклону”.

Арыштавалі паэта ў лістападзе 1936 года.
Зміцер Жылуновіч скончыў жыццё ў магілёўскай псіхіятрычнай лякарні.

У высылку адправілі жонку і дачку Жылуновіча. Вярнулася назад у Беларусь толькі дачка Галіна.
#нерасстраляныя

482

Годна

22 Oct, 16:44

Малады талент, якога забілі савецкія ўлады. Расказваем пра Юлія Таўбіна⬇️

Дзесяцігадовы Юлій прыехаў у Беларусь з бацькамі з Варонежскай губерні. Але гэта не перашкаджала яму любіць нашую краіну і натхняцца ёй.

У жыцці паэта было моцнае сяброўства. Разам з Аркадзем Куляшовым і Змітром Астапенкам хлопцы жылі ў мінскім пакойчыку на вуліцы Люксембург. Праз шмат гадоў сваім загінулым сябрам Юлію Таўбіну і Змітру Астапенку Аркадзь Куляшоў прысвяціў паэму “Маналог”.

Літаратар уваходзіў у нефармальны ТАВІЗ (Таварыства аматараў выпіць і закусіць). Збіраліся ў кагосьці на кватэры, у шашлычнай ці ў рэстаране пад Домам пісьменніка. Не толькі елі і пілі, а чыталі вершы і горача дыскутавалі.

Першы раз паэта арыштавалі ў 1933 годзе. Пакаранне – высылка ў Цюмень. Паўторна затрымалі ў 1936 годзе, а ў 1937 – расстралялі. Юнаку было 26 гадоў.

Застаецца толькі здагадвацца, колькі яшчэ змог бы зрабіць літаратар, каб не трагічная смерць.
#нерасстраляныя

402

Годна

21 Oct, 17:10

Першы беларускі перакладчык “Фаўста” Гётэ і адзін з заснавальнікаў літаратурнага аб’яднання “Маладняк”. Расказваем пра беларускага паэта Алеся Дудара📚

Беларус быў не толькі паэтам. Быў акторам у трупе Галубка, перакладчыкам, яркім, але супярэчлівым, літаратурным крытыкам. Здольнасці пісьменніка адзначаў Янка Купала.

Ніводны скандал не абыходзіўся без маладога паэта. Ён разам з іншымі напісаў “Ліст трох” супраць згортвання беларусізацыі ва ўніверсітэце. Падпісаў “Ліст сямі” разам з літаратарамі, заклапочанымі нацыянальнай палітыкай партыі.

У 1929, пасля верша “Пасеклі край наш папалам”, быў сасланы ў Смаленск. Там жа яго зноў арыштавалі па справе Саюза вызвалення Беларусі. У 1936 годзе паэта затрымалі яшчэ раз, а ў 1937 Алесь Дудар быў расстраляны. Яму было толькі 32 гады.

*Да 29 кастрычніка мы будзем распавядаць пра тых, хто пацярпеў ад савецкіх рэпрэсій. Запрашаем вас далучацца! Не забываць пра людзей, якія любілі Беларусь і праз гэта так несправядліва загінулі💔
#нерасстраляныя

409

Годна

16 Oct, 16:10

Што пачытаць? 5 самых беларускіх кніг ад каманды Годна💥

📌 Максім Гарэцкі “Дзве душы”.
Беларусы і беларускі часта сумяшчаюць у сабе супрацьлеглыя рысы. Беларуская гісторыя бывае вельмі супярэчлівай. Вось і галоўны герой кнігі вагаецца паміж дзвюма ўласнымі душамі.

📌 Ларыса Геніюш “Споведзь”.
У яе паэзіі адчуваецца трагічнасць лёсу разам з тым моцным духам, які і дазволіў да канца жыцця заставацца годнай беларускай.

📌 Уладзімір Караткевіч “Каласы пад сярпом тваім”.
Згадваць пра гэтага пісьменніка можна, пакуль усе беларусы і беларускі не прачытаюць яго кнігі. Базавы твор для таго, каб палюбіць Беларусь.

📌 Васіль Быкаў “Доўгая дарога дадому”.
Расповед і развагі пісьменніка пра падзеі яго ўласнага жыцця. Выдатная магчымасць хаця б крыху зразумець эпоху для тых, хто не бачыў той час на свае вочы.

📌 Ева Вежнавец “Па што ідзеш, воўча?”.
Самая сучасная з усіх кніг і разам з гэтым такая блізкая да нашых каранёў.

631

Годна

14 Oct, 11:42

Беларусь і бюстгальтар. Што яны маюць агульнага між сабой?

Менавіта ўраджэнка Беларусі Іда Кагановіч-Разэнталь стварыла бюстгальтар у сучасным выглядзе. Яна хацела зрабіць жыццё жанчын зручней💥

📌 1886 год – нарадзілася ў яўрэйскай сям’і ў Ракаве.
📌 1902 год – пераехала ў Варшаву, пачала працаваць швачкай.
📌 1904 год – пераехала ў ЗША.

Разам з мужам Іда адкрыла краму адзення Maiden Form. Кліенткі крамы скардзіліся на нязручныя гарсэты. Іда заўважыла праблему і дапамагла яе вырашыць.

Спадарыня Разэнталь і яе каляжанкі падзялілі бюстгальтар з нязручнай палоскі тканіны на дзве часткі-чашкі. Спачатку яго прадавалі як дапаўненне да сукенак, але аксесуар пачаў карыстацца такой папулярнасцю, што бюстгальтар пачалі прадаваць асобна.

Іда разам з мужам прыдумала мадэлі для цяжарных і маці, якія кормяць немаўля. Таксама з’явіліся шлейкі, даўжыня якіх рэгулюецца, стандарты чашак розных памераў, зашпілка, якая рэгулюецца па шырыні. Зараз гэта ўсё звычайныя і звыклыя мадэлі, а тады гэта было сапраўднае вынаходніцтва!

565

Годна

13 Oct, 16:31

Беларускія дзеткі стварылі больш выяваў Францыска Скарыны, чым ёсць у Google😮

Ім дапамаглі нейрасеткі. Скарыну спрабавалі намаляваць “супермэнам эпохі Адраджэння”⚡️

З красавіка гэтага года ініцыятыва “Дзеці для дзяцей” праводзіла семінары па нейраілюстрацыях для маленькіх беларусаў і беларусак у Польшчы. На семінарах дзеці стварылі некалькі сотняў ілюстрацый, прысвечаных Усяславу Чарадзею, Анастасіі Слуцкай, Вінцэнту Дуніну-Марцінкевічу і іншым беларускім дзеячам і дзяячкам.

Сачыць за ініцыятывай можна па спасылцы.

А мы паказваем вам некаторыя з гэтых выяваў☺️

562

Годна

10 Oct, 09:11

Кароль беларускай гістарычнай прозы💥
10 кастрычніка 1940 года нарадзіўся Кастусь Тарасаў.

Ён напісаў “Тры жыцці княгіні Рагнеды”, “Апошняе каханне князя Міндоўга”, папулярную кнігу “Памяць пра легенды” і не толькі. Калі вам надакучваюць сухія факты, ведайце, што можна пачытаць не толькі Караткевіча, а яшчэ, напрыклад, і Кастуся Тарасава📚

Спачатку пісьменнік атрымаў тэхнічную адукацыю. Працаваў слесарам, майстрам шкловарэння, тэхнолагам. Але пісаць беларус марыў яшчэ з юнацтва. Так што не спыняйцеся на шляху да сваіх мараў!

Роднай мовай Тарасава была руская. З цягам часу ён вывучыў беларускую і пачаў пісаць на ёй. Бачыце, ніколі не позна вучыцца новаму☝️

"Усё жыццё мяне цягнула мінулае, але цяпер мне стала цікава будучыня, гадоў гэтак праз дзвесце. Як людзі будуць жыць у ёй? І ці могуць у ёй захавацца беларусы, якія ў большасці сваёй не ведаюць сваёй мовы, гісторыі сваёй краіны, і якіх суседзі – рускія і палякі – заўсёды расцягвалі ў свае дзяржавы?" – такое пытанне дужа хвалявала аўтара.

834

Годна

06 Oct, 12:40

6 кастрычніка 1876 года нарадзіўся Ян Булгак. Распавядаем пра яго📷

Ян Булгак – этнограф, фалькларыст і пісьменнік. Але найбольш вядомы ён як фатограф. Здольнасць да фатаграфіі Булгак адкрыў выпадкова ва ўзросце 29 гадоў. Тады яго жонцы Ганне падарылі на Дзень нараджэння фотаапарат📸

Друкаваўся ў польскіх і нямецкіх часопісах, а пасля атрымаў пасаду штатнага фатографа пры віленскім магістраце. Па здымках Булгака можна вывучаць Беларусь пачатку ХХ стагоддзя. Захаваліся кадры з Міра, Крэва, Наваградка, Горадні, Нясвіжа, Пінска, Слоніма і іншых беларускіх мясцінаў🏠

Выкладаў мастацкую фатаграфію ва ўніверсітэце Стэфана Баторыя. Дарэчы, сам фатограф не навучаўся ў класічным акадэмічным асяродку. Але гэта не перашкодзіла яму выкладаць і дзяліцца ўласным прафесіяналізмам.

На пачатку ХХ стагоддзя фатограф пабываў у Сядзібе Булгакаў у Жылічах. Фотаздымкі, дзе Ян Булгак адлюстраваў інтэр’ер і знешні выгляд, апынуліся вельмі карыснымі на этапе рэстаўрацыі будынка.

650

Годна

05 Oct, 15:57

Падарожніца, першая жанчына, якая стала лекаркай у Рэчы Паспалітай, аўтарка мемуараў – Саламея Русецкая. Расказваем 5 прычынаў, чаму гэтая беларуска такая фантастычная✨

1) Шмат падарожнічала. Нават у наш час гэта захапляе. І хаця ў той час падарожнічаць было цяжэй, Саламея наведала Стамбул, Вену, Сафію, Пецярбург і іншыя гарады.

2) Была таленавітай лекаркай. Спачатку разам з мужам працавала ў Стамбуле. На некаторы час спынялася ў Міхала Казіміра Радзівіла Рыбанькі і Францішкі Уршулі Радзівіл у Нясвіжы.

3) Зарабляла ўласным майстэрствам і працай. Ад першага мужа ёй засталіся вялікія сродкі, але іх яна патраціла на падарожжы і дабрачыннасць. Далей працягвала жыць дзякуючы працы.

4) Напісала кнігу пра ўсе свае прыгоды.

5) Якім бы складаным не было яе жыццё, ніколі не адчайвалася. Яе беспадстаўна абвінавачвалі, спрабавалі атруціць, яна зведала здраду, а часам увогуле знаходзілася ў кроку ад смерці. Але працягвала жыць, працаваць і ствараць💥

444

Годна

03 Oct, 16:00

Што паглядзець на ўсходзе Беларусі? Распавядаем пра 5 цікавых месцаў у Мсціславе🔥

📌 Замкавая гара XII-XIII стагоддзя(1). Кажуць, што Мсціслаў стаіць на шасці гарах, і гэта – адна з іх. Хаця ўсе артэфакты там былі адноўленыя, але ўявіць старажытную атмасферу можна.

📌 Касцёл Унебаўзяцця Дзевы Марыі(2). Помнік архітэктуры XVII стагоддзя.

📌 Яшчэ ў Мсціславе можна наведаць гісторыка-археалагічны музей(3). Там вы зможаце пабачыць амаль такі ж друкавальны станок, як той, за якім працаваў Пётр Мсціславец.

📌 Мужчынская гімназія ХІХ стагоддзя(4). Пасля рэвалюцыі будынак пераўтварыўся ў педагагічны тэхнікум. Тут навучаліся беларускія паэты Аркадзь Куляшоў і Юлій Таўбін. Сюды завітваў і Якуб Колас, каб выступіць перад навучэнцамі.

📌 Фрагменты Тупічэўскага манастыра(5). Яго гісторыя пачалася яшчэ ў XVII стагоддзі. Цяпер на гэтым месцы знаходзіцца масласырзавод.

Больш пра ўсход Беларусі можаце даведацца ў нашым выпуску “Бусь Беларусь” Мсціслаў – Белая Царква – Стражэвічы.

499

Годна

Годна (Belarusian)

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

Годна

1,463

3,182

184

Best Similar Channel

Random Similar Channel