မြန်မာပြည် တိုက်ပွဲသတင်းများ

KNU ဥက္ကဋ္ဌ မူးတူးဆေးဖိုး သတိလစ်သွားသည့်အတွက် မဲဆောက်တွင် ဆေးဝါးကုသမှု ခံယူနေရပြီး ယခုအချိန် ပြန်လည်သတိရလာပြီဟု ဆို

၁၉. ၄. ၂၀၂၃
Written by Peya

ကရင်အမျိုးသား အစည်းအရုံး (KNU) ဥက္ကဋ္ဌ ဗိုလ်ချုပ်ကြီး မူးတူးဆေးဖိုး သတိလစ်သွားသည့်အတွက် မဲဆောက်တွင် ဆေးရုံတက်ကာ ဆေးဝါးကုသမှု ခံယူနေရပြီး ယခုအခါ သတိရလာပြီဖြစ်ကြောင်း ၎င်းနှင့် နီးစပ်သူတစ်ဦးက MT News သတင်းဌာနသို့ ပြောသည်။

ဗိုလ်ချုပ်ကြီး မူတူးဆေးဖိုးသည် ဧပြီလ ၁၈ ရက် ညနေပိုင်း ၆ နာရီကျော်အချိန်က နေအိမ်တွင် သွေးတိုးကာ မူးဝေအော့အန်ခြင်းဖြစ်ပြီး သတိလစ်သွားသည့် အတွက် မဲဆောက်မြို့က Maesotram Hospital ဆေးရုံသို့ တင်လိုက်ရခြင်းဖြစ်ပြီး ယခုအခါ သတိရလာပြီဖြစ်ကြောင်း သိရသည်။

ဗိုလ်ချုပ်ကြီး မူးတူးဆေးဖိုးသည် ဧပြီလ ၁၈ ရက်တွင် အသက် ၉၀ ပြည့်သွားခဲ့ပြီဖြစ်ကြောင်းလည်း သိရသည်။

သတိကတော့ အခုပြန်ရလာပြီ။ စကားပြောဖို့တော့ အားနည်းနေသေးတာတာပေါ့။ အပူရှိန်ကြောင့် ဖြစ်တယ်လို့ သိရတယ်။ ဆေးရုံမှာ ဆက်နေရဦးမယ်လို့ သိထားတယ်။ ကျန်းမာရေး စောင့်ရှောက်မှုကို အကောင်းဆုံး ခံယူနေပါတယ် ဟု အထက်ပါ နီးစပ်သူက ဆိုသည်။

#myanmar_transparency_news

Breaking News

လားရှိုး ရန်တိုင်းအောင် ဘုရားနားစျေးတန်းမှာ ဗုံးကွဲ၊
လူနာတင်ကား တော်တော်များများထွက်ခွာနေပါတယ်၊ သက်ဆိုင်ရာ လုံခြုံရေးတပ်တွေလဲ ရောက်ရှိပိတ်ဆို့စစ်ဆေးနေ. .

Photo. CJ

ကေအဲန်ယူ တပ်မဟာ (၇) ဘားအံခရိုင်၏ ထုတ်ပြန်ကြေညာချက်

KNU/KNLA(PC) စစ်ရေးချုပ် ဗိုလ်ချုပ် စောအယ်ခူ မိမိကိုယ့်ကို အဆုံးစီရင်

ဧရာဝတီတိုင်းမ်
ဧပြီလ ၁၁ ရက်

ကရင်အမျိုးသား လွတ်မြောက်ရေး တပ်မတော် ငြိမ်းချမ်းရေးကောင်စီ (KNU/KNLA-PC) စစ်ရေးချုပ် ဗိုလ်ချုပ် စောအယ်ခူသည် ယနေ့ ဧပြီလ ၁၁ ရက်၊ နံနက် ၉ နာရီကျော်ခန့်တွင် ကရင်ပြည်နယ်၊ မြဝတီမြို့နယ်၊ ထလော့ကျေးရွာရှိ သူ၏နေအိမ်တွင် အဆုံးစီရင်သွားကြောင်း KNU/KNLA-PC ပြောရေးဆိုခွင့်ရှိသူ ဗိုလ်မှူးကြီး စောကျော်ညွန့်က ဧရာဝတီတိုင်းမ်ကို အတည်ပြုပြောသည်။

KNU/KNLA-PC စစ်ရေးချုပ် ဗိုလ်ချုပ် စောအယ်ခူ အဆုံးစီရင်ရခြင်းအကြောင်းရင်းနှင့် ပတ်သက်၍ ဧရာဝတီတိုင်းမ် သတင်းဌာနမှ ဆက်လက်ဖော်ပြပေးသွားပါမည်။

#ကရင်ပြည်နယ် #KNU/KNLA-PC #ဗိုလ်ချုပ်စောအယ်ခူ #အဆုံးစီရင် #Ayeyarwaddy_Times

ရန်ကုန်-မန္တလေး လမ်းဟောင်းအနီး တိုက်ပွဲဖြစ်ပွားနေ၍
လမ်းမကြီးအား ခေတ္တပိတ်ခဲ့ရဟုဆို

ရန်ကုန်၊ ဧပြီ ၉

ပဲခူးတိုင်းအတွင်း၊ ရန်ကုန်-မန္တလေး လမ်းဟောင်းပေါ် ၊ ဖြူးနှင့် ကျောက်တံခါးမြို့နယ်တို့အစပ်၌ ယနေ့နံနက်အစောပိုင်းက နှစ်ဖက်ပစ်ခတ်မှုများ ဖြစ်ပေါ်ခဲ့သဖြင့် ကားလမ်းအား ခေတ္တပိတ်ထားခဲ့ရပြီး ယာဉ်များ ဖြတ်သန်းသွားလာရန် နာရီနှင့်ချီ၍ စောင့်ဆိုင်းခဲ့ရကြောင်း သိရသည်။

ဧပြီ ၉ ရက်၊ ယနေ့နံနက် ၃ နာရီခွဲကျော်မှ စတင်၍ ဖြူးနှင့် ကျောက်တံခါးမြို့နယ်အစပ်၊ တောင်ဂုံးတဲကျေးရွာနှင့် သံတံတားကြီးအနီးရှိ ရန်ကုန်-မန္တလေး လမ်းဟောင်းပေါ်နှင့် အနီးတစ်ဝိုက်၌ နှစ်ဖက်ပစ်ခတ်မှုများ ဖြစ်ပေါ်ခဲ့ကြောင်း ဒေသတွင်းသတင်းများအရသိရသည်။

ပစ်ခတ်မှုများမှာ ယနေ့နံနက် ၇ နာရီကျော်အထိ ရှိခဲ့ပြီး အဆိုပါလမ်းပေါ်သွားလာနေသည့် ယာဉ်များမှာ ဆက္လက်သြားလာ၍ မရသဖြင့် လမ်းပေါ်၌ပင် နာရီနှင့်ချီကာ ရပ်တန့်ထားရသည်ဟု ယာဉ်မောင်းတစ်ဦးက ဆိုသည်။

"တစ်နာရီလောက်တော့ အပြင်းအထန်ဖြစ်တယ်။ မနက် ၇ နာရီလောက်အထိက ပစ္ခတ်သံ အနည်းငယ်တော့ ကြားရသေးတယ်။ ကုန်ကားတွေကော၊ ခရီးသည်တင်ကားတွေပါ အကုန်ဆက်မသွားရဲတော့တာ ဟု အဆိုပါလမ်းသို့ ဖြတ်သန်းသွားလာခဲ့သည့် ကုန်တင်ယာဉ်မောင်းတစ်ဦးက ပြောသည်။

နှစ်ဖက်ပစ်ခတ်မှုမှာ နံနက်ပိုင်းအထိ အသံကြားရပြီးနောက် နံနက် ၉ နာရီဝန်းကျင်တွင် ယာဉ်များ ပြန်လည်သွားလာ၍ ရပြီဖြစ်သော်လည်း လုံခြုံရေးအတွက် သတိထားကာ သွားလာနေရသည်ဟုလည်း ဒေသခံတစ်ဦးက ပြောကြားသည်။

ပစ်ခတ်မှုအတွင်း နှစ်ဖက်ထိခိုက်သေဆုံးမှုများ ရှိခဲ့ကြောင်း သိရပြီး လမ်းခေတ္တပိတ်ဆို့ခဲ့ရသဖြင့် လမ်းခရီးနှောင့်နှေးမှုနှင့် ကုန်စည်စီးဆင်းမှု အချိန်ကြာမြင့်သည့် အခက်အခဲများ ဖြစ်ပေါ်ကြောင်း ဒေသခံများက ပြောကြားသည်။

မောင်ဇော်

ဓာတ္ပုံ - စီဂျေ

#ယနေ့ခေတ်

‘ဝ’၊ မိုင်းလား၊ SSPP ၃ဖွဲ့နဲ့ စစ်ကောင်စီ နေပြည်တော်မှာ ဒီနေ့တွေ့
မဲခေါင်၊ မတ် ၂၂
မြောက်ပိုင်းမဟာမိတ် - FPNCC အဖွဲ့ဝင်တွေဖြစ်တဲ့ ‘ဝ’၊ မိုင်းလား၊ SSPP ၃ဖွဲ့နဲ့ အာဏာသိမ်းစစ်ကောင်စီတို့ ဒီနေ့ မတ်လ ၂၂ရက်က နေပြည်တော်မှာ တွေ့ဆုံခဲ့တယ်လို့ စုံစမ်းသိရပါတယ်။
ဒီတကြိမ်တွေ့ဆုံမှုဟာ ၂ရက်ခန့်ကြာနိုင်ပြီး ဒေသတွင်းဖွံ့ဖြိုးတိုးတက်ရေး၊ တည်ငြိမ်အေးချမ်းရေး၊ ပညာရေး၊ ကျန်းမာရေး၊ လမ်းပန်းဆက်သွယ်ရေးနဲ့ ဒေသတွင်း ကူးလူးဆက်သွယ်မှု ပိုမိုကောင်းမွန်ရေးတို့ကို ဆွေးနွေးသွားမှာ ဖြစ်တယ်လို့ UWSA ‘ဝ’ တပ်ဖွဲ့ ပြောခွင့်ရပုဂ္ဂိုလ် ဦးညီရမ်းက မဲခေါင်ကို ပြောပါတယ်။

ဝင်းရတနာ ခရီးသည်တင်ကား မိုင်းပေါက်ကွဲ ခရီးသည် (၃)ယောက် သေဆုံး၊ (၂) ယောက်ဒဏ်ရာရ

ရန်ကုန်၊မတ်(၂၀)

ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်ကြီးမြို မှာ ဝင်းရတနာ ခရီးသည်ပိုဆောင်ရေးယာဉ်လိုင်း ကား ဒီနေ့မနက်ပိုင်းမှာ မိုင်းနင်းမိပြီး ပေါ်က်ကွဲခဲ့တာကြောင့် ခရီးသည်(၃)ယောက်သေဆုံးပြီး (၂)ယောက်ဒဏ်ရာရရှိခဲ့တယ်လို ဒေသခံတွေဆီက သိရပါတယ်။

အထူးဒေသ(၆)၊ ပအိုဝ်းအမျိုးသားအဖွဲ့ချုပ်(PNO) ဗဟိုဌာနချုပ် သဘောထားထုတ်ပြန်ချက်
=====================================
မတ်လ (၁၄)ရက်၊ ၂၀၂၃

KNDFနှင့်အပေါင်းအပါအဖွဲ့အစည်းများ ပအိုဝ်းနယ်မြေထဲသို့ ကျူးကျော်ဝင်ရောက်ခြင်းအပေါ် အထူးဒေသ(၆)၊ ပအိုဝ်းအမျိုးသားအဖွဲ့ချုပ်(PNO) ဗဟိုဌာနချုပ် သဘောထားထုတ်ပြန်ချက်ဖြစ်ပါသည်။

#PNA

ကသာ-နဘားလမ်းမှာ စစ်ယာဉ်တန်းကို တိုက်ခိုက်မှု စစ်သား ၂ ဦးထက်မနည်း သေဆုံးပြီး မိမိဘက်မှ ၈ ဦး ကျဆုံး

တောင်သာမြို့နယ်၊လျှပ်စစ်ဓာတ်အားပေးခွဲရုံ လုံခြုံရေး စစ်တပ်ကို ဝင်ရောက်ပစ်ခတ်မှုဖြစ်၊ ဆားလင်းကြီးမြို့ရဲစခန်းကို တိုက်ခိုက်မှု ရဲ ၁ ဦးသေဆုံး

ကန်ပက်လက်တွင် စစ်တပ်စခန်းကို တိုက်ခိုက်မှု စစ်သား ၅ ဦးသေဆုံး
ရန်ကုန်၊ မတ် ၁၃
ချင်းပြည်နယ်၊ တီးတိန်ဆေးရုံတွင် တပ်စွဲထားသော စစ်တပ်ကို PDF Zoland က ယမန်နေ့ညပိုင်း တိုက်ခိုက်ခဲ့ရာ စစ် သားများ ထွက်ပြေးပြီး ခဲယမ်းနှင့်စစ်အသုံးအဆောင်များ သိမ်းဆည်းရမိကြောင်း PDF Zoland က ပြောသည်။
မတ်လ ၁၂ ရက်နေ့ ညပိုင်း တီးတိန်ဆေးရုံကြီးတွင် တပ်စွဲထားသော စစ်သားများကို ပြည်သူ့ကာကွယ်ရေးတပ် PDF Zoland က ဝင်ရောက်တိုက်ခိုက်ရာ တိုက်ပွဲ ၁ နာရီမျှကြာမြင့်ခဲ့ကြောင်း၊ စစ်သားများမှာ စွန့်ခွာထွက်ပြေးသွားပြီး စစ်သားများ၏ လက်နက်၊ ဖုန်း နှင့် အခြားစ္စည်းတစ်ချို့ ဖမ်းဆီး သိမ်းဆည်းရမိကြောင်း သိရှိရသည်။
စစ်ကောင်စီတပ်ဘက်မှ သေဆုံးမှု၊ ထိခိုက်ဒဏ်ရာရရှိမှု အခြေအနေကို အတည် ပြု နိုင်ခြင်းမရှိဘဲ ပြည်သူ့ကာကွယ်ရေးတပ် PDF Zoland ရဲဘော်များ အထိအခိုက်မရှိကြောင်း သိရှိရသည်။

ကွဲပြားနေသည့် ကရင်လက်နက်ကိုင်များ စုစည်း၍ ကရင်လူထုနှင့်တွေ့ဆုံ

CNI News
၂၀၂၃ ခုနှစ်၊ မတ်လ ၁၀

ကွဲပြားနေသည့် ကရင်လက်နက်ကိုင်များ စုစည်းပါဝင်သည့် ကရင်လက်နက်ကိုင် တပ်ဖွဲ့စည်းလုံးညီညွတ်ရေး ကော်မတီသည် လူထုနှင့်တွေ့ဆုံပွဲကို ကရင်ပြည်နယ်၊ ဘားအံခရိုင် KNU ၏ တပ်မဟာ(၇)နယ်မြေအတွင်းမှာ ၂၀၂၃ ခုနှစ်၊ မတ်လ ၁၀ ရက်နေ့က ကျင်းပခဲ့သည်။

လူထုနှင့်တွေ့ဆုံပွဲတွင် ကရင်အမျိုးသားအစည်းအရုံး(KNU)ဘက်မှ ဥက္ကဋ္ဌ ဗိုလ်ချုပ်ကြီး စောမူတူးစေးဖိုးနှင့် စစ်ဦးစီးချုပ် ဒုဗိုလ်ချုပ်ကြီး စောဂျော်နီ၊ ကရင်အမျိုးသားအစည်းအရုံး/ကရင်အမျိုးသားလွတ်မြောက်ရေး တပ်မတော်- ငြိမ်းချမ်းရေးကောင်စီ(KNU/KNLA-PC)ဘက်မှ ဥက္ကဋ္ဌ စောထော့လေး၊ ဒုဥက္ကဋ္ဌ ဒေါက်တာ နော်ကပေါ်ထူး၊ ဒီမိုကရေစီအကျိုးပြုကရင်တပ်မတော်(DKBA)ဘက်မှ ဗိုလ်မှူးကြီး စောဆန်းအောင်၊ ကရင် ပြည်နယ် နယ်ခြားစောင့်တပ်(BGF)ဘက်မှ တွဲဖက် အတွင်း ရေးမှူး ဗိုလ်မှူးကြီးစောချစ်သူတို့ အသီးသီး တက်ရောက်ခဲ့ကြသည်။

နိုင်ငံရေးပါတီဘက်ကမူ ကရင်အမျိုးသားဒီမိုကရက်တစ်ပါတီဥက္ကဋ္ဌ မန်းအောင်ပြည့်စိုးနှင့် ရဟန်းသံဃာများ တက်ရောက်ခဲ့ကြသည်။

လက်ရှိ ကရင်ပြည်နယ်တွင် မြန်မာ့တပ်မတော်နှင့် KNU ၏ လက်အောက်ခံ KNLA တပ်ဖွဲ့နှင့် ပြည်သူ့ကာကွယ် ရေးတပ်ဖွဲ့(PDF) ပူးပေါင်းတပ်ဖွဲ့ကြား တိုက်ပွဲများ ဖြစ်ပွားလျက်#cninews

Photo- TST

UWSA အပါအဝင် တိုင်းရင်းသားလက်နက်ကိုင်သုံးဖွဲ့နဲ့ နစက တို့ နေပြည်တော်မှာတွေ့ဆုံ
ရန်ကုန်၊ ဇန်နဝါရီ ၆
ဝ ပြည်သွေးစည်းညီညွတ်ရေးတပ်မတော် (UWSA) အပါအဝင် တိုင်းရင်းသားလက်နက်ကိုင်အဖွဲ့သုံးဖွဲ့ဟာ နစက ငြိမ်းချမ်းရေးဆွေးနွေးရေးအဖွဲ့နဲ့ နေပြည်တော်မှာ တွေ့ဆုံဆွေးနွေးနေတယ်လို့ သိရပါတယ်။
ဝ ပြည်သွေးစည်း ညီညွတ်ရေးပါတီ (UWSP)၊ အမျိုးသားဒီမိုကရက်တစ်မဟာမိတ်အဖွဲ့(NDAA)နှင့် ရှမ်းပြည်တိုးတက်ရေး ပါတီ(SSPP) စတဲ့ လက်နက်ကိုင်သုံးဖွဲ့ဟာ မနေ့က ဇန်နဝါရီလ ၅ ရက်နဲ့ ၆ ရက် နှစ်ရက်ကြာ ဆွေးနွေးမှာဖြစ်ပါတယ်။
အဲ့ဒီဆွေးနွေးပွဲမှာ ၂၀၀၈ ဖွဲ့စည်းပုံအခြေခံဥပဒေရဲ့ အခြေခံကျတဲ့ ပုဒ်မတွေ ပြင်ဆင်ဖို့ နစကရဲ့ ငြိမ်းချမ်းရေးဆွေးနွေးရေးအဖွဲ့နဲ့ ဆွေးနွေးနေတာလို့ နစက ပြန်ကြားရေးက သတင်းထုတ်ပြန်ထားပါတယ်။
ဆွေးနွေးပွဲကို UWSA မှ ဒုတိယဥက္ကဋ္ဌ ဦးလော့ယာကု၊ NDAA မှ ဒုတိယဥက္ကဋ္ဌ ဦးစန်ပေ့၊ SSPP မှ ဒုတိယဥက္ကဋ္ဌ(၂) စဝ်ခွန်ဆိုင်နဲ့ ကိုယ်စားလှယ်တွေ တက်ရောက်ခဲ့တယ်လို့ သိရပါတယ်။