የስብዕና ልህቀት

አሻም ቴሌቪዥን የህዝብ ድምፅ ነው። ይህ አንድ እና ሁለት የለውም።

ዜና እወዳለሁ። በተቻለኝ መጠን ሁሉንም ሚዲያዎች እከታተላለሁ። ሁሉም አይነት ፅንፍ ላይ የቆሙ መገናኛ ብዙሃን የሚሉትን እሰማለሁ። (የኢትዮጵያን ፖለቲካ ለመረዳት የተሻለው መንገድ ሁሉንም ዋልታ መከታተል ነው ብዬ አስባለሁ)

በዚህ ሁሉ መሓል የአሻም ቴሌቪዥን ዜናዎች ይለዩብኛል። ድምፅ ለሌላቸው ድምፅ ሆነዋል። ጋዜጠኞቹ ራሳቸውን አደጋ ላይ ጥለው ከህዝብ ጎን ቆመዋል።

ጋዜጠኞች እውነተኛ ነፃነት ያስፈልጋቸዋል። ከተዋጣለት ዘገባ ጀርባ የሞያ ነፃነት እና እውቀት አለ። የአሻም ዜና ክፍል ይህን ያገኘ ይመስለኛል።

የአሻምን ዜናዎች በመከታተል ብቻ የዜና ክፍል ሃላፊው ፕሮፌሽናል እንደሆነ አምኛለሁ። የዜና ክፍል ሃላፊው ለሞያው መርሆች የሚታመን ፥ ለህዝብ የሚወግን ፥ ከእውነት የሚተባበር ባይሆን ኖሮ የአሻም ዜናዎች ሌላ መልክ ይኖራቸው ነበር።

መገናኛ ብዙሃን ለጥቅማጥቅም በገበሩበት ዘመን ፥ ለሹማምንት በተንበረከኩበት ወቅት አሻም ቴሌቪዥን ከእውነት እና ከመርህ ጋር ተባብሯል። የአሻም ቴሌቪዥን ዜናዎች ከሐቅ ጋር ሲወግኑ የዜና ክፍሉ መሪ ዮሐንስ የሚባል ግለሰብ ነው። እንዴት ያለ መሪ እንደ ሆነ ዜናዎች ምስክር ናቸው።

አንድ ቀን ለአሻም ቴሌቪዥን ጋዜጠኛ ሚስጥረ ስላሴ ታምራት "ዜናዎቻችሁን እወዳለሁ" አልኳት። አመሰገነችኝ።
"የዜና ክፍሉ መሪ ማን ይባላል?" ብዬ ጠየቅኳት
"ጆዬ ነው"
"ፕሮፌሽናል ሰው መሆኑን ዜናዎቻችሁ ይመሰክራሉ"
"ከምትገምተው በላይ ምርጥ ሰው ነው"

ሚስጥረ ስለ ዮሐንስ አውርታ አትጠግብም። ሐቀኛ እና ጎበዝ መሆኑን እልፍ ጊዜ ነግራኛለች። በተገናኘን ቁጥር ከአንደበቷ ከማይጠፉ ስሞች መካከል ዮሐንስ ይገኝበታል።
ሌላኛዋ የአሻም ጋዜጠኛ ህሊና ተክሌም ስለ ዮሐንስ በጎ ነገሮችን ነግራኛለች።

አንድ መሪ በሰራተኞቹ የሚወደድ ከሆነ እድለኛ ነው። ዮሐንስ በዚህ እድለኛ ነው።

ዛሬ ዮሐንስ ከአሻም ቴሌቪዥን ለቋል። እኚያን የህዝብ ድምፅ የሆኑ ዜናዎችን የመራው ዮሐንስ ከአሻም ተለያይቷል።

በቅርቡ የአሻም ቴሌቪዥን ባለቤት በፀጥታ ሐይሎች ታፍነው ነበር። (ኢትዮ ፎረም እንደዘገበው ከሆነ ይህን ክስተት ተከትሎ የቴሌቪዥኑ ስራ አክኪያጅ ለቀዋል)

ዛሬ ደግሞ ዮሐንስ መልቀቁ ተሰምቷል።

ዮሐንስን ከስራው ውጪ አላውቀውም። እሱም አያውቀኝም። ነገር ግን ባላደንቀው ባለ እዳ እሆናለሁ።

በሄደበት መልካም ይግጠመው


@Tfanos

ግብህን ካላወክ የትኛውም መንገድ ይወስድሃል

“ቁም ነገሩ ከየት እንደመጣህ አይደለም፣ ዋናው ቁም ነገር ወደ የት እንደምትሄድ ማወቅህ ነው” – Brian Tracy

አንድ መንገደኛ ሰው ረጅምና አድካሚ የሆነ ጎዳናን ካለፈ በኋላ መንትያ መንገዶች ላይ ደረሰ፡፡ በዚያ የቆመን አንድ ሌላ የሀሃገሩን ሰው አየና፣ “ከእነዚህ ሁለት መንገዶች ትክክለኛው መንገድ የቱ ነው?” ብሎ ጠየቀው፡፡ ይህ የሃገሩ ሰው፣ “መሄድ የምትፈልገው ወደ የት ነው?” ብሎ ለመንገደኛው ጥያቄውን በጥያቄ መለሰለት፡፡ መንገደኛውም፣ “ወደ የት መሄድ እንደፈለኩ ገና አላወኩም” አለው፡፡ የቆመውም ሰው፣ “እንግዲያውስ፣ ሁለቱም ትክክለኛ መንገዶች ናቸው” በማለት ለአንዴና ለመጨረሻ ጊዜ መለሰለት፡፡ መንገደኛው፣ “የምትሄድበትን ካላወቅህ የትኛውም መንገድ ይወስድሃል” የሚልን መልእክት ተቀብሎ፣ “መልእክቱ ገብቶኛል” በሚል ዝምታ ተዋጠ፡፡

ብዙ ሰዎች በደመ-ነፍስ ነው የሚኖሩት፡፡ ከየት ተነስተው ወደ የት መሄድ እንዳለባቸው በቅጡ አያውቁትም፡፡ ወደ የት እንደሚሄዱ ማወቅ በሕይወት ላይ ያለውን ተጽእኖ በፍጹም አስበውት አያውቁም፡፡

የግብ ጉዞ የምርጫ ጉዞ ነው - “የትኛውን ጎዳና ብመርጥ ወደ ዋናው የሕይወቴ አላማና ራእይ ያደርሰኛል” የሚል ምርጫ! ግቡን በቅጡ ያላወቀ ሰው የመጣውን ያስተናግዳል፣ ወደተከፈተለት ይገባል፣ ጊዜአዊ ደስታን በሰጠው ነገር ላይ ጊዜውን ያባክናል፡፡

ሕይወት በምርጫ የተሞላች ነች፡፡ ጠዋት በስንት ሰአት ከመኝታዬ መነሳት እንዳለብኝ ከምወስነው ውሳኔ አንስቶ ማታ በስንት ሰአት ወደመኝታዬ መሄድ አለብኝ እስከሚለው ድረስ የምንመርጠው ምርጫና የምንወስነው ውሳኔ በአላማችን ላይ ጣልቃ ይገባል፡፡

“ብዙ ሰዎች የሚያስፈልጋቸው አሳ እንዳልሆነ ሳይገባቸው እድሜ ልካቸውን አሳ ሲያጠምዱ ይኖራሉ” –Henry David Thoreau

“የምትፈልገውን ነገር ካልተከታተልከው አትጨብጠውም፡፡ ካልጠየክ መልሱ ሁልጊዜ የእምቢታ ነው፡፡ ወደፊት ካልተራመድክ ዘወትር ራስህን ባለህበት ታገኘዋለህ” – Nora Roberts

“ግቡ አልደረስ ያለ ሲመስልህ መቀየር ያለብህ ግቡን አይደለም አካሄድህን እንጂ” - Unknown Source


የስብዕና ልህቀት
@Human_Intelligence

የቆራጥነት እና የፅናት ተምሳሌት ማህተመ ጋንዲ

ተራኪ እና ፀሀፊ ግሩም ተበጀ

የስብዕና ልህቀት
@Human_Intelligence

💬ለራስህ ያለህን አመለካከት የሚለውጡ አራት ነጥቦች
How to change your Self -image.

✍ሚስጥረ አደራው

🔘ኸርል ናይቲንጌይል በሰው ልጆች ባህሪ እና አስተሳሰብ ላይ ትልቅ አስተዋጽዎ አበርክተው ካለፉ ተናጋሪ እና ጸሃፊያን መካከል ቅድሚያ የሚሰጠው አሜሪካዊ ነው። በብዙ ስዎች ዘንድ “The Strangest Secret” በተሰኘው ስራው ዛሬም ድረስ ይታወሳል። የናይቲንጌይል ስራዎች ሁሉም መሰረታቸው አንድ ነው “ሰው የራሱ ህይወት ፈጣሪ ነው” የሚል። በተለያየ ስራዎቹ ላይም፤ የሰው ልጅ አስተሳስበ በህይወቱ ላይ ያለውን እጅግ ትልቅ አስተዋጽዎ ሳይጠቅስ አያልፍም። ለዛሬም ከስራዎቹ መካከል የተወሰነውን  እንዲህ አቀነባብሬ አቅርቤያለው

⚪️በምናብ እራስህን በትያትር መድረክ ፊት እንደተቀመጠ ተመልካች ቁጥረው። በመድረኩ ላይ የሚተወነው ቲያትር ስለ አንድ ጠቃሚ ሰው ነው። የዚህ ቲያትር ደራሲና አዘጋጅ አንተ ነህ። እንደ ተመልካች ቲያትሩን ስትመለከተው ፤ሊያስቅህ፤ ሊያሳዝንህ፤ ሊያስጠላህ አልያም ሊያሳፍር ህ ችላል። ጥሩ ነገሩ የቲያትሩ ደራሲ እና አዘጋጅ አንተ ስለሆንክ፤ ፍጻሜው እንዲያምርም ሆነ እንዲያስጠላ የማድረግ ጥበቡ እና ችሎታው አለህ። በቲያትር ምሳሌ የተመሰለው አንተ ለራስህ ያለህ አመለካከት ወይም ምስል ነው (self Image).

⚫️ስዎች ለራሳቸው ያላቸው አመለካከት፤ ካሳለፉት የህይወት ልምድ፤ ከውድቀታቸው፤ ከስኬታችው እንዲሁም ሌሎች ሰዎች ከሚያሳርፉባቸው ተጽዕኖዎች በመነሳት የሚሳል ምስል ነው። ይህ ስለራሳችን ያለን ምስል የኑሮዋችን ሁሉ ቁልፍ ነው። ሁላችንም  ኑሮዋችንን የምንመራው ስለራሳችን ከያዝነው ምስል በመነሳት ነው። ስለራሳችን መልካም ምስል ካለን፤ ህይወታችንን ቀላል ያድርገዋል። ብዙዎቻችን ግን የተሳሳተ የራስ ምስል ስላለን፤ በኑሮዋችን መኖር ከሚገባን ደረጃ በታች እንድንኖር ተገደናል። መልካሙ ነገር ግን፤ ስለራሳችን ያለንን አመለካከት በማንኛውም ጊዜ መለወጥ መቻላችን ነው።

⚪️ምናልባት ለራሳችን ያለንን ምስል እስከዛሬ አስበንበት የማናውቅ ከሆነ፤ ዛሬ ማሰቡ መልካም ነው። ልክ ቅድም እንዳነሳሁት፤ የራሳችንን ህይወት በምናብ በትያትር መድረክ ላይ መተወን ብንችል እራሳችንን እንዴት አድርገን መሳል እንችላለን? በራሱ የሚተማመን፤ አይናፋር፤ ፈሪ፤ ተናጋሪ ወይስ ምን? ስለራሳችን ሌሎች ያስባሉ ብለን የምንገምተው ግምትም ፤እኛ ለራሳችን ካለን ምስል ጋር ጥልቅ ቁርኝት አለው።

⚫️ታዲያ ሰዎች ስለራሳቸው ትክክለኛ እና ጤናማ ምስል እንዲኖራቸው እንዴት ማድረግ ይችላሉ?

⚪️ሰዎች ለራሳቸው መልካም አመለካከት እና ምስል እንዲኖራቸው የሚረዱ አራት ዋና ነጥቦች እኒህ ናቸው። የሚከተሉትን አራት ነጥቦች በእለት ተዕለት ኑሮዋችን ማከናወን ከቻልን፤ ለራሳችን መልካም ምስል ከመያዛችን አልፎ፤ ከውጣችን ጋር ሰላማዊ ግንኙነት እንዲኖረን እንዲሁም ከሌሎች ስዎች ጋር ጤናማ ግንኙነት እንድንፈጥር ይረዱናል። እኒህ አራት ነጥቦች የሚከተሉት ናቸው።

    ፩)  ያስቀየሙህን ሁሉ ይቅር በል

ያለምንም ቂም ሰዎችን ይቅር በል። ያስቀየሙህን ሰዎች በሙሉ ከልብህ ይቅር በላቸው፤ ይህንን የምታድረገው ለሌሎች ሰዎች ብለህ ሳይሆን፤ ለራስህ የአይምሮ ሰላም ስትል ነው። ቂም ለተያዘበት ሳይሆን ጉዳቱ ቂም ለያዘው ነው። ይህንን የመጀመሪያውን ትዕዛዝ ማክበር ከተሳነህ፤ ቀሪዎቹን ሶስት ነጥቦች ተዋቸው፤ ምክንያቱም ገና አልበሰልክም ማለት ነውና።

        ፪) እራስህን ይቅር በል-

  እውነት ነው ሌሎችን ይቅር ከማለት በላይ እራስን ይቅር ማለት ይከብዳል። ነገር ግን ከራስህ ጋርም ሆነ ከሌሎች ጋር ጤናማ ግንኙንት ለመፍጥር በመጀመሪያ እራስህን ይቅር ማለት አለብህ። ለሰራሃቸው ስህተቶች፤ ላጠፋሃቸው ጥፋቶች፤ ሌሎች ሰዎች ላይ ላደረግካቸው በደሎች ሁሉ እራስህን ያለምንም ቅራኔ ይቅር በለው። እራስህን በርህራሄ አይን ተመልከተው። ካንተ የሚወጣ ወቀሳ ከምንም በላይ በራስ መተማመንህን ዝቅ ያደርገዋል።

    (፫) እራስህን በመልካም መነጸር ተመልከተው-

ቀንህን ስትጀምር ሁለት ምርጫዎች አሉህ፤ አንደኛ ቀንህን በጭንቀት መጀመሩ ሁለተኛው ደግሞ ቀንህን በራስ በመተማመን መጀመር። ሁሌም ሁለተኛውን ለመምረጥ ሞክር። በተቻለህ መጠን ቀንህን በብሩህ አይምሮ ለመጀመር ጣር።

፬) ከራስህ ጋር ብቻ ተፎካከር-

ያንተ የኑሮ አካሄድ ከአንዳንዶች ይፈጥናል፤ ከአንዳንዶች ይዘገያል። በምንም ተዓምር ያንተ ኑሮ ከሌላው ሰው ጋር ሊመሳሰል አይችልም። ስለዚህ ሌሎች ሰዎች ህይወታቸውን እንዴት እንደሚመሩ አያሳስብህ። የራስህን ኑሮ ኑር፤ ስለሌሎች ሰዎች ኑሮ ብዙም አትጨነቅ። በራስህ እርምጃ ተራመድ፤ ሌሎች ቀስ አሉ ብለህ አትዘግይ፤ ሌሎች ፈጠኑ ብለህ አትፍጠን። ጎዳናችሁም መድረሻችሁም ይለያያልና።

🔘እኒህን አራት ነጥቦች በእለት ተእለት ኑሮህ መተግበር ከቻልክ፤ በመጨረሻ ለራስህ መልካም ምስል ይኖርሃል፤ ያ ማለት ደግሞ በራስህ መተማመንህም አብሮ ይጨምራል ማለት ነው።

         መልካም ጊዜ!!🙏

#ሼር ይደረግ

የስብዕና ልህቀት
@Human_Intelligence

"ጽናት!!!...በዓለም ላይ የጽናትን ቦታ የሚተካ ምንም ነገር የለም። ብቃትም  አይደለም።  እንደውም ብቃት ያላቸው ስኬታማ እንዳልሆኑ ብዙ ቁጥር ያለው የለም።  የረቀቀ ዕውቀትም አይደለም እንደውም ሰዎች እንደማወቃቸው ስኬታማ አለመሆናቸው ቢታይ አስገራሚ   ትዕይንት ነው። መማርም አይደለም። ዓለማችን በተማሩና በማይሰሩ ሰዎች የተሞለች ናት። ጽናትና ቁርጠኝነት ግን ሁሉንም ነገሮች ናቸው።የአላማ ፅናት ያለቸው ሰዎች ከየትኛውም ቦታ ተነስተው  ያሰቡት ቦታ ለመድረስ ሊያቆማቸው የሚችል ነገር የለም።"

                         - ካልቬን ኮሌጅ

"እያንዳንዱ ታላላቅ  የስኬት ታሪክ የትልልቅ ውድቀቶች ውጤት ነው ። ልዩነቱ ተሸናፊዎች በወደቁበት ተኝተው ሲቀሩ አሸናፊዎች ግን ከያንዳንዱ ውድቀታቸው በኀላ ዳግመኛ በታላቅ ብርታት መነሳተቸው ነው"

                         -ፊዮዶር ዶስቶቭስኪ

የስብዕና ልህቀት
@human_intelligence

`` በክረምት ጥልቀት ውስጥ የማይጠፋ በጋ በራሴ ላይ አገኘሁ። አእምሮ በውጥረት ልባችንን በህመም የሚሞላ መከራ እስካልገጠመን ድረስ ምን ያህል ጠንካራ እና ኃያል እንደሆንን አናስተውልም። በሁላችንም ውስጥ ታላቁን ተራራ የመቋቋም ድፍረት እና ችሎታ እንዳለን ስንገነዘብ፤ በመንገዳችን ላይ ያለው ከባድ ጊዜ ለጥንካሬ የተዘጋጀ ግብዣ አድርገን እንወስደዋለን። ያለደም ስርየት የለም!፤ የምንነጻው ስንጨማለቅ ነው.. ``

  አልበርት ካሙስ

የስብዕና ልህቀት
@human_intelligence

በህይወት ኑባሬ ፡ ለከፍታ የገነባው ነው ድልድይ አዳልጦን  : ከመተታነንስ አረንቋ ራሳችን እናገኘዋለን ፡፡

በመኖር ፍቅር ተጠምደህ ለአዝማናት የገነባኽው  የህልም ማማ ቅንጣት በምትመስል ሰበብ ሲናድ ፡ሲፉረከረክ  ታገኘዋለህ፡፡

በይሆናል ጅማሮ ፡ በአዕምሮህ የፈተልከው የሀሳብ ዝሐ ፡ ብል በልቶት የመዳረሻህ ፍኖት ብዙ አድካሚ እና አሰልቺ የህይወት ደፋ ቀና  ወስዶት ልም ገላህን ድካም ቢገርፍህም ፡ የህይወት  መርህ ሻገር ሲልም ውበት  ነው፡፡

እናም አንዳንድ መሸነፍ የሚመስሉ ስኬቶችን  መቀብል ማመን  አለብህ፡ አለመቻልህን  ስታውቅ  አታስመስል፡ በመንተልህ ጭቃ ገብተህ ፡አትላቁጥ  በእልህኝነት ፡ ስካር ለሌላ የድካም ቋት አትሰናዳ  ፡ በስሁት መንገድ ብርሃን አትፈልግ...ለአዕምሮህ ፡ አለመቻልህን እመንለት ፡ ለልብህ የማይበርድ ፡ህመም  ለገላህ የማይሽር ቁስል አትሁንባት ፡፡

© የአባ ልጅ ነኝ

የስብዕና ልህቀት
@Human_Intelligence

እስቲ ና ዝቅ በል ውረድ ወደ መሬት
አይተህ ብትረዳው አይንህ ቢመለከት
የኛን ኑሮ የኛን ህይወት
🎶 🎶 🎶 🎶

የናንተ ቁምነገር የናንተ ክርክር
ጥማድ ለኔ አይገዛ አያድስም ሞፈር
የሚታይ የሚናፈሰው በየሞገዱ ላይ
ቅንጣት ደስታን እንጂ የኛን ችግር አያይ
🎶 🎶 🎶 🎶

ናቲ ማን
እመነኝ

የስብዕና ልህቀት
@Human_Intelligence

"ራሳችንን ብናጠፋ ይሻለናል"
(ተስፋአብ ተሾመ)
* * *

ዶክተሮች "ብንሄድ ይሻለናል" እያሉ ነው። መሰረት ሚዲያ በሰራው ዜና በኑሮ ጫና የተነሳ የጤና ባለሞያዎች "በጋራ እራሳችንን እና.ጥፋ" የሚል እቅድ ይዘዋል።

ምክኒያቱ የኑሮ ጫና ነው። ጥያቄያቸው ከመንግሥት ምላሽ ሊያገኝ አልቻለም። አንዳንድ ሐኪሞች ኩላሊታቸውን መሸጥ ፈልገው ሳይሰምርላቸው ቀርቷል። ስለዚህ መፍትሄው ራስን መግ.ደል መስሏቸዋል።

መምህራን የኑሮ ጫናን መቋቋም እንዳቃታቸው ይታወቃል። በቀን ሶስቴ ለመብላት የሚቸገሩ የዩኒቨርስቲ መምህራን አሉ። ደሞዛቸው መሰረታዊ ፍላጎታቸውን አያሟላም። መምህራን ፥ጋዜጠኞች ፥ ዶክተሮች ወዘተ ከደህነት ወለል በታች ናቸው። ድህነታቸው መሰረታዊ ፍላጎታቸውን የማይሞላ ነው።

በሐገራችን የሚቸገሩት ስራ አጦች ብቻ አይደሉም። ሰዎች ስራ እየሰሩ በቀን 3ቴ መመገብ የማይችሉ ሆነዋል።

ልጆች ሳለን ዶክተር መሆን ብርቅ ነገር ነበር። ዶክተር የሆነ ያልፍለት ነበር። ዛሬ ግን ዶክተሮች ረሀብተኞች ሆነዋል።

ሐገሬውን ተመልከቱ። ራስን ማጥፋት መደበኛ ሆኗል። "ኮሪደር ልማት" የሚሉት መንግስታዊ ስላቅ ቤታቸውን እያፈረሰባቸው ራሳቸውን ያጠፉ ሰዎች አሉ። ኑሮ ከብዷቸው ራሳቸውን የገደ.ሉ ጥቂት አይደሉም። ይህ ሁሉ ሳያንሰን ዶክተሮች "በጋራ ሰብሰብ ብለን ራሳችንን እናጥፋ" እያሉ ነው።

የአረብ ፀደይ የሚባለውን አብዮት የቀሰቀሰው ቡአዚዝ የሚባል ወጣት ራሱን በእሳት አቃጥሎ መግደ.ሉ ነበር። ቡአዘዝ ራሱ ላይ የለኮሰው እሳት አብዮት ወልዶ ሹማምንትን ላይ ነደደ።

በእርግጥ የቡአዚዝ እሳት ስንጥር ነው። የግመልን ወገብ የሰበረ ስንጥር!

አንድ ግመል ብዙ ሸክም ነበረበት። ጀርባው ላይ ከአቅሙ በላይ የተጫነ ሸክም ያለበት ግመል አንዲት ስንጥር ስትጨመርበት ወገቡ ተሰበረ። የግመሉን ወገብ የሰበረው ስንጥሩ ሳይሆን የቀደመው ጭነት ነው።
የቡአዚዝ ራሱን ማጥፋት ስንጥር ሆኖ የአረብን አብዮት ቀሰቀሰ።

ስለ እኛ ሐገር መገመት አይቻልም። በየእለቱ ሕዝቡ ላይ ሸክም ይጫንበታል። ዜጎች ሸክሙ አጉቡጧቸዋል።

በዚህ ሁሉ መሐል ትልልቅ አእምሮዎች እየመከኑ ነው። ባለ ተስፋ ወጣቶች ተስፋ እያጡ ነው። ራስን ማጥፋት መፍትሄ እየሆነ ይመስላል።


@Tfanos

`` ስትቸግሩ ከእኔ ዘንድ ለጋስነትን፤ ክፉ ሆናችሁ ሳለ ደግነትን፣ ከወስላታነታችሁ ታማኝነትን፣ ከመሰሪ ፊታችሁ ፈገግታን ከእናንተ የማላገኘውን ከእኔ አትጠብቁ። ``

               -ናጊብ ማህፉዝ

የጠፋብን ውስጥ፣ የምንፈልገው ውጭ

አንድ ሰው አንድ ቀን ማታ እቤቱ እያለ ውድ የተባሉ እቃዎቹን ከሚያስቀምጠበት ሳጥን ውስጥ አንድ በጣም የሚወደውን ዳይመንድ መርጦ አወጣና በእጁ ይዞ እየተመለከተው ሳለ፣ በድንገት መብራጥ ጠፋበት፡፡

ልክ መብራቱ እንደጠፋበት በእጁ የያዘው ውድ ዳይመን ከእጁ አመለጠውና ወደቀ፡፡ ወዲያውኑ ሊፈልገው ቢሞክርም ጨለማ ነበረና የት እንደገባ እስከማይገኝ ድረስ ጠፋበት፡፡ ብዙ ሞክሮ ሲደክመው ከቤቱ ወጣ ሲል የመንገድ መብራቶች አካባቢውን ደመቅ አድርገው አብርተውት ተመለከተ፡፡ ከዚያም፣ “የጠፋብኝን ዳይመንድ እቤቴ ጨለማ ስለሆነ ስላላገኘሁት እዚህ ብርሃን ያለበት ቦታ ልፈልገው” ብሎ በማሰብ መፈለጉን ተያያዘው፡፡

ያንን በማድረግ ላይ እያለ አንድ በአካባቢው የሚዘዋወር ፖሊስ አገኘውና፣” ምን እየፈለክ ነው” አለው፡፡

ሰውዬውም መልሶ፣ “ዳይመን ከእጄ ወድቆ ጠፍቶብኝ ነው” አለው፡፡

ፖሊሱም ትንሽ ካፋለገው በኋላ ሲደክመው፣ “ለመሆኑ የቱ ጋር ነው የጠፋብህ” ብሎ ጠየቀው፣ ሰውየው፣ የጠፋብኝማ እቤቴ ነው፣ ነገር ግን  እቤቴ መብራት ስለሌለና ጨለማ ስለሆነብኝ ነው እዚህ መብራት ያለበት ቦታ መፈለግ የጀመርኩት” አለው ይባላል፡፡

የብዙዎቻችን ችግር ይህ ይሆን! እኛው ውስጥ የጠፋብንን ነገር ሌላ ቦታ፣ ሌላ ሰው ጋር፣ ሌላ ሁኔታ ውስጥ ስንፈልግ መባዘናችን! እኛው ጋር ካለው የዝቅተኝነት ስሜት፣ ራስን ያለመቀበል ቀውስ፣ የመገፋት ህመምና የመሳሰሉት “ጨለማዎች” የሰወረብንን ውድ ነገር ሌላ ቦታ እንፈልገዋለን፡፡

“ሰዎች ቢቀበሉኝ እኮ . . .” እንላለን፣ ከተቀበሉን በኋላ ደግሞ ሰዎቹ ትተውን እንዳይዱ እንጨነቃለን፡፡ “ሃብት ብናገኝ እኮ . . .” እንላለን፣ ካገኘን በኋለ ደግሞ ሃብቱ እንዳይከስር ስንጨነቅ ቁጭ ብለን እናድራለን፡፡ “ዝነኛ ብሆንና Follower ባገኝ እኮ . . .” እንላለን፣ ካገኘን በኋላ ግን እያንድንዱ unfollow ያደረገን ሰው ሁኔታ ይጫጫነናል፡፡

ውስጣችሁ የጠፋባችሁን ነገር ሌላ ቦታ አትፈልጉት፤ ፈጽሞ አታገኙትም፡፡ በመጀመሪያ የጨለመባችሁንና ግራ የገባችሁን ነገር ፈጣሪ ይፍታላችሁ፡፡  

ዶ/ር እዮብ ማሞ

የስብዕና ልህቀት
@Human_Intelligence

ወደ አሜሪካን ጎት ታለንት ( American Got Talent) ከሚመጡ ተወዳዳሪዎች መሃል Jane Marczewiski (በቅጽል ስሟ Nightbird) የምትባለውን ብዙዎች አይረሷትም፡፡ ተወዳዳሪዋ ወደ መድረክ በመጣች ጊዜ የዕለቱ ተረኛ ጠያቂ ሀዋርድ "እንዴት ነሽ!?" አላት:: በጣም ደስተኛ ነኝ:: እዚህ በመሆኔ በጣም ደስ ብሎኛል አለች"
ሀዋርድ ቀጠለና "ምንድንው የምታቀርቢልን!?" አላት:: እሷም "It is Ok” የሚል የራሴን ስራ ነው" አለች:: ሁላቸውም ባንድ አፍ እሺ ቀጥይ አሉ:: ሀዋርድ ቀጠለና "ግን ሁሉ ደህና ነው ስለምንድነው?" ሲላት ከካንሰር ጋር ስትታገል የኖረችውን የሕይወት ውጣውረድ ነገረቻቸው:: የሁሉም ፊት ጨለማ የእሷ ፊት ግን የደስታ ጨረር ከመርጨት አላቆመም:: ኮምጨጭ አለችና "አረ ሁሉ ደህና ነው:: እኔ ሰላም ነኝ" አለቻቸው::
ከዚያም ሳይመን "አንድ ጥያቄ ልጠይቅሽ? አሁን እንዴት ነሽ!?" አላት:: እሷም "የመጨረሻውን ምርመራ ሳደርግ በሳንባዬ፣ ጣፊያዬና ጉበቴ ላይ ካንሰር እንዳለ ተነግሮኛል ስትል ሳይመን በድንጋጤ ተመለከታት ፡፡ ቀጠለና ሀዋርድ "ስለዚህ ደህና አይደለሽም ማለት ነዋ" አላት:: "በርግጥ በሁሉም መልኩ አይደለም" ስትል ሀዋርድ ተገርሞ "ማንም ምን አይነት ሁኔታ ውስጥ እንዳለሽ እስከማያውቅ ድረስ ለሌሎች የደስታ ጨረር የሚረጭ አስገራሚ ፈገግታ አለሽ" አላት ተገርሞ!!
Nightbird የሕይወት ታሪኳን አሳማኝ በሆነ መልኩ በዜማ ካቀረበች በሗላ የዳኞች ውሳኔ የሚሰጥበት  ሰአት ደረሰ:: ሁሉም ሳግ እየተናነቃቸው በስሜት የተሞሉ አዎንታዊ አስተያየቶችን ሰጡ:: ተራው ሲደርስ ተጠባቂው ሳይመን ሌሎች ዳኞች በሰጡት አስተያየት ሙሉ በሙሉ እንደሚስማማ ገልፆ ተጨማሪ ስሜቱን እንዴት መግለጥ እንዳለበት ግራ ገብቶት ሲያመነታ ሳለ መኻል ላይ አቋርጣ በከፍተኛ ፈገግታ በመሞላት፡
"ደስተኛ ልትሆን ለመወሰን ሕይወት ከዚህ በፊት ከነበረው ከባድነት ቀላል እስኪሆን መጠበቅ የለብህም" የሚል እጅግ አስገራሚ አስተያየት ሰነዘረች::
ያ ንግግር ብዙዎችን ያስገረመ ቢሆንም ሳይመንን ለደቂቃዎች አፍዝዞ እንባ ከሁለቱ ዓይኖቹ ፈሰሱ::
ከፊቱ ያለውን ተጎንጭቶ ሳግና እንባውን አወራረደ:: በመቀጠልም  አስተያየቱን ሰነዘረ:- "በዚህ ዓመት ታላላቅ ችሎታ ያለቸውን ሰዎች  አይቻለሁ:: ሆኖም ላንቺ 'yes’ አልሰጥም" ሲል ከዳኞች እስከ ታደሚ በቅሬታ አጉተመተሙ:: ሳይመን አልጨረሰም ነበር:: "የሚሰጥሽ  ከ'yes’ የተሻለ ነገር ነው" አለና እጆቹ ወደ Golden Buzzer ሄደ:: አደራሹ በከፍተኛ ደስታ ሲያስተጋባ Nightbird የወርቁ ብናኝ ላይ በደስታ እንባ ተደፋች!!
በአንድ ጽሑፏ ሕመሟን በተመለከት "ፈጣሪ አብዛኛውን ጊዜ ወሳጅ ሳይሆን ሰጪ ነው:: ከመውሰድ ይልቅ ይጨምራል" ትላለች:: “ጨለማዬን አልወሰደውም ግን ብርሃን ጨመረልኝ:: ብቸኝነቴን አልፈወሰደውም ግን እርሱ ይበልጥ ቀረበኝ" ትላለች:: በሕመሟ ተስፋዋ ይጨምራል እንጂ ተስፋ ቢስ አይደለችም:: በመሆኑም  "በህመሜ ተስፋ የማደርገው የፈጣሪን ቅርበት በዚያ ስላወቅሁ ነው" ትልም ነበር፡፡በመጨረሸም እንዲህ ነበር ያለቸው፦
"ለመኖር ሁለት ፐርሰንት ዕድል ብቻ እንዳለኝ በሀኪሞች ተነግሮኛል:: ነገር ግን ሁለት ፐርሰንት ማለት ዜሮ ማለት አይደለም:: ሁለት ፐርሰንት ማለት የሆነ ነገር እንደሆነ ሰዎች ሁሉ እንዲያውቁ እፈልጋለሁ!!"

@shewitdorka

❤❝ትዝታ ማለት በህይወት ረቂቅ ሚስጥር ውሰጥ የምናገኘው የፍቅር ትሩፋት ፤ የትናንት አስቤዛ ለነገ መጓዧ በትናንት እውነታ ውስጥ ሺህ ዛሬን ማንገሻ ነው ። በርግጥ ሁላችንም የተዘበራረቀውን የህይወታችንን ዳስ ለማደስ ስንቴ ምሶሶዎቻችንን አፈረስን ፤ በመጥበቅ እና በመመላላት ትርጉማችንን አረከስን .........??

እስከ ምንስ ድረስ ነው የትዝታ እውነታ ጠፍቶብን "ትዝታ " ብለን ሚዛን የማይደፋውን የእንክርዳድ እሳቤያችን ውስጥ ለመደበቅ ያለ ስሙ ያለ ማእረጉ የምንከተው መቀመቅ ? ወዴትስ ነው ዛሬን ከእኛ አሽሸን በራዕያችን አድማስ ተንሸራተን ትናንት ውስጥ ምንኮበልለው.......??

ትዝታ ማለት ከዛሬ መደበቂያ ሳይሆን ለነገ መወንጨፌያ የፅናት በትር ናት።❞

✍ህሊና በላይነሽ

@zephilosophy

"ዋጋ አውጪለት"
(መልአኩ ስብሐት ባይህ)
*
በመንታ መንገድ ላይ መንታ ልቤን ይዤ
አንድዜ ደንዝዤ አንድዜ ፈዝዤ ።
ምግባሬን ከምግባርሽ ሳማታ
ሳላጋ ሳጣልዝ ሳውታታ ።
በውጥንጥን ውጥን ስመትር ስለካ
በጭንቅንቅ ጭንቀት ስጋግር ሳቦካ ።
በፋኖሱ መሀል ጮራውን እያየሁ
ከጮራው መሀከል ያንቺን ወዝ እሻለሁ ።

ደሞ አንድዜ ቆም ዘገም - ዘገም ቆም እላለሁ
አሁንም ከዚያው ነኝ በዛው እነጉዳለሁ ።

የኋሊት መመለስ ቀልቤን ቢከጅለው
እኔ ግና እዛው ነኝ - እዛው ፣ እንደተውሺኝ አለሁ ።

ትንቢታዊ ነገር
ለነፍሴ ሲነገር ።
መንታ መንታን ወልዶ መንታ እየፀነሰ
ለስሜ ማበሻ ምጡ እየቀነሰ ።
በነጸብራቅሽ ውጋጋን
በጭላንጭሉ ትልምሽ ስር
ካንቺነትሽ ስፍር ላንቺነትሽ ክብር ።

እንደ ወፍ ዘራሽ በድንገት
ከሥርሽ ስክመት በቅዬ
ተንጋልዬ ተጋድሜ ተጠቅልዬ ።

በልባምነቴ ቡርቅቅ ውግዝ
በአንጀታምነቴ ሽምቅ ከለል
ሸክፌሽ ስካለል ።

ፍቅሬ ፍቅሬ ምሥጢረ ወክሬ
ፍቅሬ ፍቅሬ ዙፋነ ወክብሬ
ፍቅሬ ፍቅሬ መስዋዕተ ወዝክሬ

እያልሁ አዘግማለሁ
ቃላቶች ስላጣሁ ቃላት እተክላለሁ
ልሳኔ ተዘግቶ እነጋገራለሁ
ሙገሳ ጠፍቶብኝ አሞካሽሻለሁ
ውዴ ውዴ ውዴ
ውዴ እልሻለሁ
ባንቺ ውድ መሆን እርካሽ ሆኛለሁ ።

የስብዕና ልህቀት
@Human_Intelligence

...እሺ በቃ እወድሻለሁ "አላት የሞት ሞቱን።ቃላቱ አልወጣ ብለው ተናንቀውት ነበር። "እወድሻለሁ ማለት መሸነፍ የሚመስላችሁ ለምንድን ነው?'' አለች ሰብለ።
ደስታ የሰማውን አላመነም ''አልሰማሽም እንዴ፤እወድሻለሁ ነው እኮ ያልኩት ''አለ። 'እሱንማ ሰምቼዋለሁ።

የጠየቁህ ግን ያንን ለማለት የፈጀብህን ጊዜ እና ሂደት ከግምት ውስጥ በማስገባት "እወድሻለሁ"ብሎ ደፍሮ ፊት ለፊት መናገር ለምን ይከብዳቸዋል ብዬ ነው አለች።''ትልቅ መሸነፍ ነው የሚሆንባችሁ"አለችው ከሱ መልስ ሳትጠብቅ። "መሸነፍማ ነው አላት። "ምን?ምን አልክ?"አለች እሷም በተራዋ የሰማችውን ባለማመን።

"አዎን መሸነፍ ነው ።ፍቅር መሸነፍ ነው።ፍቅር መያዝ ነው።ፍቅር ለስሜት ተገዢ መሆን ማለት ነው።ፍቅር ከምክንያት ውጪ ሆኖ መኖርን መቀበል ነው።ፍቅር ከራስ ቁጥጥር ውጪ መሆን ነው" ስለዚህ አዎ መሸነፍ ነው።ያስፈራል ፍቅር ፣የማይታከሙት ህመም፣የማይጠገን ቁስል፣የማያባራ እንባና ሰቆቃ :: ሊሆን ይችላል።

የሚያስፈራው ያፈቀርሽው ሰው ሳይሆን ፤ማፍቀር ራሱ ነው"ካፈቀርሽ በኋላ"እኔ የምትይው ሁሉ ይጠፋል።ለራስሽ ትርፍ ትሆኛለሽ።በፈቃደኝነት ከራስሽ የምታስቀድሚውና የምታስበልጪው ሌላ ሰው ይኖራል ማለት ነው።"
ፍቅር ያለ ውጊያ መማረክ ነው፣እጅ መስጠት፣ወዶ

መግባት ፣ከራስ መነጠል፣መጥፋት ፣በማያውቁት ሰው ዓለም ውስጥ ገብቶ መሰደድ ።አያስፈራም አትበይኝ ያስፈራል ::''

ወንድ ወይንም ሴት ስለሆንን ግን አይደለም ፍቅርን የምንፈራው።ሰው ስለሆንን ነው።

ማናችንም ብንሆን የህይወታችንን መንገድ መቆጣጠር ባንችል እንኳን ማቀድና መምራት እንፈልጋለን ።አንቺን ወደድኩሽ ስል ይህን ሁሉ መተው ማለት ነው።አንቺን በመውደዴ ከዚህ ቀደም የኖርኩት፣ ያቀድኩትና እያሰብኩት ሁሉ ተጠራርጎ ገደል ይገባል። ምን እንደሚሆን፣ምን እንደሚመጣ፣ምን እንደሚፈጠር አላውቅም፡፡ምክንያቱም ከኔ ቁጥጥር ውጪ ነው"
አለማወቅ ደግሞ ያስፈራል።

ራሴን እንኳን እየተቆጣጠርኩ ባለሁበት ሁኔታ፣ስለ ህይወቴ አካሄድ የማውቀው ጥቂት ነው።ግን የማውቅ ስለሚመስለኝ በሰላም እኖራለሁ "ፍቅር ግን መምሰልን ያጠፋል።ከፊት ለፊቴ የተቀመጠው ስራዬ፣ዕውቀቴ፣ ጓደኞቼ ወዘተ የምላቸው የኑሮ ማስመስያዎች በሙሉ ትርጉም ያጣሉ።ከዚህ ሁሉ በላይ ግን ምን እንደሚያስፈራ ታውቂያለሽ ?አላት። ምን ? አለችው።

አፏን ከፍታ ስታዳምጠው ስለነበር ጥያቄውን ያነሳችው እሷ ራሷ መሆኗ ሁሉ ጠፍቶባት ነበር::
"ፍቅር መተወን አይችልም

በመሆኑም ከልቡ የወደደና ያፈቀረ ሰው ማፍቀሩን ማወጅ ቢያስፈራው አይደንቅም።በቀላሉ እወድሻለሁ የሚል ሰው መውደዱን ገና ያላወቀ ወይንም አስመሳይ ነው" አላት።

መፅሀፍ-አለመኖር
ደራሲ- ዳዊት ወንድማገኝ

የስብዕና ልህቀት
@Human_Intelligence

ፍቅር እንዳማረበት እንዲዘልቅ የሚያደርጉ 10 መንገዶች
#Share (ላገባም ላላገባም የሚሰራ ነው።)
__
የፍቅር ተፈጥሮአዊ አካሄድ አልጋ በአልጋ እንዳልሆነ ይታወቃል፡፡ የፍቅር ግንኙነቱ ሲጀመር የነበረው ፍቅር በሂደት እየቀነሰ የነበረው እንዳልነበረ ሊሆን ሁሉ ይችላል፡፡ በመሰረቱ ካልታረመ፣ ካልተኮተኮተ፣ በጥቅሉ አስፈላጊው እንክብካቤ ካልተደረገለት ዝም ብሎ ማበቡን እና መልካም ፍሬ ማፍራቱን የሚቀጥል ምንም ነገር የለም፡፡ ያልተሰራበት ግንኙነት እጣ ፈንታው ደስታ አልባ መሆን ነው፡፡ ሌላው ቀርቶ እጅግ በጣም ጥሩ የሚባሉ፣ ለብዙዎች ምሳሌ ሆነው የሚቀርቡ የፍቅር ግንኙነቶች እንኳን ፍፃሜያቸው የማታ ማታ መራራቅ አልፎ ተርፎም መለያየት ሊሆን ይችላል፡፡ ትልቁ የፍቅር ሕይወት ፈተና ሲጀመር የነበረው ፍቅር እንዳማረበት እንዲዘልቅ ማድረግ ነው፡፡

ምንም እንኳን ፍቅርን ለመመስረት ሁለት ሰዎች አስፈላጊ ቢሆኑም እንዲፀና እና ይበልጥ አስደሳች እንዲሆን ለማድረግ ግን አንድ ሰውም በቂ ሊሆን ይችላል፡፡ ኃላፊነቱን ግን አስቀድሞ መውሰድ ይጠይቃል፡፡ የፉክክር ቤት ሳይዘጋ ነው የሚያድረው፡፡ ክፍቱን የተተወ ቤት ውስጥ ብዙ ነገር ገብቶ ይወጣል፤ ብዙ ነገር እንዳልነበረ ይሆናል፡፡ ያለመጠባበቅ የቻልነውን ያህል ለማድረግ ጥረት ማድረግ አስፈላጊ የሚሆነው በዚህ ምክንያት ነው፡፡ ውጤቱ ላይ ትኩረት ማድረግ ጥሩ ነው፡፡ ዋናው ነገር ከእሷ ወይንም ደግሞ ከእሱ መምጣቱ ሳይሆን ዞሮ ዘሮ የሁለቱ የፍቅር ግንኙነት ጣፋጭ እና ፅኑ መሆኑ ነው፡፡ ፍቅራችሁ የሚፀናበት ይበልጥ የፈካ እና የደመቀ፣ ዘመናትን የተሻገረ መሆን የሚችለው ያለመጠባበቅ ኃላፊነት ወስዳችሁ መስራት ያለባችሁን መስራት ስትችሉ ነው፡፡ ምንም ተባለ ምንም አንድ ሰው ሁልጊዜም ኃላፊነቱን መወጣት መጀመር አለበት፡፡ በራሱ ሊንቀሳቀስ እና ሊለወጥ የሚችል ምንም ነገር የለም፡፡ የትዳር ግንኙነት ሲሆን ደግሞ ለማደስ ጥረት ካልተደረገ ወደ መፍረሱም ሊያቀና ይችላል፡፡

ቀጥሎ የትዳር ህጎች ከሚል መጽሐፍ ውስጥ ያገኘናቸውን 10 ፍቅር እንዳማረበት እንዲዘልቅ ያደርጋሉ የሚባሉ ህጎችን አለፍ አለፍ ብለን እናስቃኛችሁ፡፡ እነዚህ ተግባራት ላገቡ ብቻ ሳይሆን ላላገቡና በፍቅር ግንኙነት ላሉም የሚጠቅሙ ተግባራት ናቸው ፡፡

1✍ስሜትን የሚያነቃቁ ነገሮችን ማድረግ

መቼም አብሮ ሲኖር የሚያጋጭ፣ የሚያቀያይም፣ ቅሬታ የሚፈጥር ወዘተ ብዙ ነገር ይኖራል፡፡ ስሜት ይህንን ተከትሎ ይቀዘቅዛል፡፡ ፍቅር ስሜትም ነው በአንድ ጎኑ፡፡ በመሆኑም ስሜትን የሚያነቃቃ ደስታ የሚፈጥር ነገር ማድረግ የአድናቆት አስተያየት መስጠት ለአብነት ያህል አስፈላጊ ነው፡፡ ስራዬ ብላችሁ ማድነቅን ተለማመዱ፡፡ “ትላንት ማታ ጓደኛዬ ቤት በጣም ተጫዋች ሆነህ ነበር ያመሸኸው፤ ደስ ብሎኛል”፣ “አምሮብሻል” ወዘተ ዓይነት አድናቆት ሊሆን ይችላል፡፡ ከትችታችን ይልቅ አድናቆታችን በጣም መብለጥ ይኖርበታል፡፡

2✍ትችትን መቀነስና አድናቆት መጨመር

በአንፃሩ ትችት ትዳር ሲመሰረት አካባቢ አስፈላጊ ነው ይላሉ ብዙ ሰዎች፡፡ ጊዜ በነጎደ ቁጥር ግን ሰዎች ለትችት አለርጂክ መሆን ይጀምራሉ፡፡ ስለዚህ በተቻለ መጠን ትችትን መቀነስ አንድ አንድ ነገሮችን አይቶ እንዳላዩ ማለፍም ያስፈልጋል፡፡ መነገር አለበት የምንለው ነገር ካለም ከሁለት እና ሶስት አረፍተ ነገር ባልበለጠ እርዝማኔ መገልፅ ይመከራል፡፡ እርግጥ ነው ለትዳርና ፍቅር መጽናት አስፈላጊ የሆኑ መስተካከል ያለባቸው ነገሮች ከሆኑ፤ ግንኝነቱን በማይጎዳ መልኩ መነጋገሩ አስፈላጊ ነው፤ ምክኒያቱም አለባብሰው ቢያርሱ በአፈር ይመለሱ እንዳይሆን፡፡ ስለዚህ ትችቱ ለፍቅር ግንኝነቱ ሲባል እንጂ እጸጽን ነቅሶ ለማውጣትና የእራስን ትክክለኝነት ለማጉላት መሆን የለበትም፡፡ ትችት በምንሰጥበት ጊዜ ከጥሩ ጀምረን መሀል ላይ ትችታችንን ገልጸን ከዛም በአድናቆት ወይም በበጎ ነገር መደምደም ይመከራል (ሳንድዊች እስታይል እንደሚባለው)፡፡

3✍አዳማጭ ሁኑ

ማደመጥ ለፍቅረኛችን ወይንም ለትዳር አጋራችን የምንሰጠው ትልቁ ስጦታ ነው፡፡ ትርጉም መስጠታችሁን፣ ተሳሳተ የምትሉትን መረጃ ማስተካከላችሁን ጥላችሁ በሙሉ ልባችሁ ማዳመጥ ጠቃሚ ነው፡፡

4✍ራሳችሁ ላይ ትኩረት አድርጉ

ለራሳችሁ፣ ጓደኞቻችሁ፣ ቤተሰባችሁ ወዘተ ከትዳራችሁ በተጨማሪ ጊዜ መስጠት ጥሩ ነው፡፡ የግላችሁ ጊዜ ማሳለፊያ ልምድ ይኑራችሁ፡፡ በራሳችሁ እና በራሳችሁ ጉዳይ ላይ ምንም ትኩረት የማታደርጉ ይልቁንም ሙሉ ትኩረታችሁ የትዳር አጋራችሁ ላይ ከሆነ ተቺዎች ወይንም ደግሞ ጭንቀታሞች ትሆናላችሁ፡፡ እያንዳንዷን እዚህ ግባም የማትባል ጉዳይ እያነሳችሁ ስትጥሉ አሰልቺ እና አፋኝ ዓይነት ግንኙነት እንዲኖራችሁ ታደርጋላችሁ፡፡

5✍ይቅርታ ጠይቁ

ምንም እንኳን ለተፈጠረው ችግር የእናንተ እጅ ድርሻ ትንሽ እንደሆነ ብታስቡም “እኔ ይኼ ችግር እንዲፈጠር ለተጫወትኩት ሚና ይቅርታ ይደረግልኝ” ማለትን ተለማመዱ፡፡

6✍ይቅርታ ካልተጠየኩኝ ሞቼ እገኛለሁ አትበሉ

አንድ አንድ ጊዜ ይቅርታ ሳይጠይቁ ሰዎች መተዋቸውን፣ ለውጥ ለማድረግ ፍላጎት እንዳላቸው በተለያየ መንገድ ሊገልፁ ይችላሉ፡፡ይቅርታ ካልተጠየኩ ሞቼ እገኛለሁ ማለት ግን አላስፈላጊ ተደራራቢ ችግር ይፈጥራል፡፡ ዋናው ቁም ነገር ተፈላጊው ለውጥ መምጣቱ ነው፡፡

7✍ዘወትር ፈላጊዎች አትሁኑ

በስሜት የራቀ የሚመስል ሰው ጫና ሲደረግበት ይበልጥ ይርቃል፡፡ መተንፈሻ አየር መስጠት፣ ራስ ላይ ትኩረት ማድረግ በአንፃሩ የራቀንም ያቀርባል፡፡ የት ወጣች የት ገባች ውጤታማ አይደለም፡፡

8✍ሀሳባችሁን አጭር እና ለስላስ በሆነ መንገድ ግለፁ

ደጅ ደጁን የሚል ሰው አንድ አንድ ጊዜ ህመም የሚፍጥረበትን የቃላት ልውውጥ ሽሽት ውስጥ ይሆናል፡፡ ስለዚህ ሀሳብን አጠር አድርጎ፣ በተለሳለሰ መንገድ መግለፅ ጥሩ ነው፡፡ ከዚህ በተጨማሪ ድምፅንም ጭምር ዝቅ አድርጎ መናገር ተገቢ ነው፡፡ ከጣራ በላይ ድምፅን ከፍ አድርጎ መናገር ቁጣ ይመስላል፤ ከሆነም በዛ መልኩ መግለፁ አስፈላጊ አይደለም፤ ከመፍትሄነት ይልቅ የባሰ ችግር ፈጣሪነቱ ይጎላል፡፡

9✍ሁሉን መስዋዕት አታድርጉ

ተለዋወጭ ሰው መሆን አስፈላጊ ባይሆንም ሁሉንም ነገር ለእርስ በእርስ ግንኙነቱ ሲባል መስዋዕት ማድረግ ግን አይመከርም፡፡ ጫና እየተደረገባችሁ ሁሉንም እምነታችሁን፣ ምርጫችሁን እና መንገዳችሁን ገደል አትክተቱ፡፡

10✍በመጠኑም ቢሆን ሁለታችሁም የግልጊዜ ይኑራችሁ

ሰዎች በባህሪያቸው የሚሳቡት ከእርስ በእርስ ግንኙነቱ ውጪ ሌሎች ተጨማሪ የሚወዳቸው የራሱ ነገሮች ወዳሉት ሰው ነው፡፡ የመጽሐፍት ክበብ፣ በጎ ፍቃድ፣ ዋና ወዘተ ሊሆን ይችላል ባላችሁ ትርፍ ጊዜያችሁ መሞከሩ ይመከራል፡፡ ለብቻችሁ የሚኖራችሁ ጊዜ በጋራ ለሚኖራችሁ ጥሩ ቆይታ አስተዋፅዖ ያደርጋል፡፡ሁሌ አብሮ መሆን መዛዛግና መሰለቻቸት ሊፈጥር ይችላል ፡፡

በነጋሽ አበበ

የስብዕና ልህቀት
@Human_Intelligence

“I believe in the sun
even when it is not shining
and I believe in love,
even when there’s no one there.
And I believe in God,
even when he is silent.
I believe through any trial,
there is always a way
But sometimes in this suffering
and hopeless despair
My heart cries for shelter,
to know someone’s there
But a voice rises within me, saying hold on
my child, I’ll give you strength,
I’ll give you hope. Just stay a little while.
I believe in the sun
even when it is not shining
And I believe in love
even when there’s no one there
But I believe in God
even when he is silent
I believe through any trial
there is always a way.
May there someday be sunshine
May there someday be happiness
May there someday be love
May there someday be peace….”
– Unknown Author

የስብዕና ልህቀት
@Human_Intelligence

የስብዕና ልህቀት
በዚህ ቻናል
⚡ህይወትን የሚያንፁ የስነ-ልቦና ምክሮች
⚡መሳጭ የፍቅር ታሪኮች እና ወጎች
⚡ውብ የጥበብ ስራዎች
በፅሁፍ እና በድምፅ/Audio ይቀርባሉ።

#join በማድረግ የዚህ የእውቀት እና የጥበብ ድግስ ታዳሚ ይሁኑ
👇👇👇
@Human_Intelligence
@Human_Intelligence

አደጋን ተጋፈጥ

ከብዙ ሰዎች የበለጠ ውድቀት ይገጥመኛል፡፡ በንግድ ሥራዬ ውድቀት ግጥሞኛል፡፡ በማህበራዊ ግንኙነት ውድቀት ገጥሞኛል፡፡ በሕይወቴ ብዙ ጊዜ ውድቀት ይገጥመኛል፡፡ ይህ ለምን እንደተከሰተ በመገረም አስባለሁ፡፡ በውድቀቴ እማረር ነበር፡፡ አሁን ግን ገብቶኛል፡፡ ውድቀት ከታላቅ ደረጃ ለመድረስ የሚከፈል ዋጋ ነው፡፡ ውድቀት የታላቅ ስኬት መሠረታዊ ግብአት ነው፡፡ አዲስ ነገር በመፍጠር ጠቢብ የሆነው ዴቪድ ኬሊ ይህን ብሏል፡- «ቶሎ ውደቅና ፈጥነህ ተነሥ››.. ከምቾት ቀጠናህ ሳትወጣና በተጠና መልኩ አደጋን ካልተጋፈጥህ ልታሸንፍ አትችልም፡፡

ብዙዎቻችን የምንኖረው የደህንነት ስሜት በሚፈጥርልን በሚታወቅ «ወደብ› ላይ ሆነን ነው። ለሃያ ዓመታት አንድ ዓይነት ምግብ ስንመገብ ኖረናል፣ ለሀያ ዓመታት በአንድ ሥፍራ ተወስነን ኖረናል፤ ለሀያ ዓመታት በአንድ መንገድ ተመላልሰናል፣ ለሀያ ዓመታት አንድ ዓይነት አስተሳሰብ አንጸባርቀናል። በዚህ መልኩ አስደሳች ሕይወት ለመምራት አይቻልም፡፡ እስከዛሬ ስትሰራ የኖርከውን መሥራት ከቀጠልክ እስከዛሬ ስታገኝ የቆየኸውን ማግኘትህን ትቀጥላለህ፡፡ አይንስታይን እብደትን የገለጸው «ተመሳሳይ ነገር እየሰሩ የተለየ ውጤት መጠበቅ» በማለት ነው። እውነተኛ ሐሴትን ልትጎናጸፍ የምትችለው አደጋን ተጋፍጠህ ወደ ታላቁ ባሕር ቀዝፈህ ስትገባ እንጂ ከወደብ ላይ ተወስነህ ስትቆም እይደለም፡፡

ውድቀት ደረጃህን ከፍ የማድረግ ሂደት አካል ነው። በምድሪቱ ላይ የሚገኙ ግዙፍ ስኬታማ ተቋማት ስኬትማ ከመሆናቸው በፊት ብዙ ውድቀትን አስተናግደዋል፡፡ በጣም ስኬታማ ሰዎች ከተራ ሰዎች ይበልጥ ውድቀት
አስተናግደዋል።  ለእኔ፣ ውድቀት ለመሞከር ና ለመድፈር አለመቻል ነው። እውነተኛ አደጋ ያለው አደጋ አልባ ሕይወት በመምራት ነው፡፡ ማርክ ትዌይን ትዝብቱን እንዲህ ሲል አስፍሯል፡- ‹ከሀያ ዓመታት በኋላ ከሠራሃቸው ይልቅ ባልሰራሃቸው ነገሮች ትበሳጫለህ›› ስለዚህ፣ ከዛሬ ጀምር፡፡

✍️ሮቢን ሻርማ


share : @Human_Intelligence

🔑Conditioned Mind

"It is not because things are difficult that we do not dare; it is because we do not dare that things are difficult." - Seneca
---
🔆በሕንድ መንደሮች ውስጥ ሲዘዋወር የቆየ አንድ እንግዳ ሰው ነዋሪዎቹ ዝሆኖቻቸውን የሚጠብቁበት መንገድ ግራ አጋብቶታል... እጅግ ግዙፍ የሚባሉ ዝሆኖች በቀላሉ ሊበጠሱ በሚችሉ ገመዶች ታስረው በጸጥታ የመቆማቸው ምስጢር እውነትም እንቆቅልሽ ነበር... 'እንዴት ሊሆን ይችላል?'...

⚜️ግራ መጋባቱ እየቀጠለ ሲሄድ ወደ አንድ የዝሆኖች አሰልጣኝ ዘንድ ቀርቦ 'ይህን እንዴት ማድረግ ቻላችሁ?... ዝሆኖች በምድር ላይ በጉልበታቸው ተስተካካይ የሌላቸው ፍጥረታት መሆናቸው ይታወቃል... በዚህ ሰላላ ገመድ ታስረው እንዲቆዩ ያደረጋቸው ምስጢር ምንድነው?...' ሲል ጠየቀ... 'ደህና...' አለ ዝሆኖችን የሚገራው ሰው... በእንግዳው ሰው ጥያቄ አንዳችም መገረም ሳያሳይ... 'በዚህ ገመድ መታሰር የሚጀምሩት ከደረጁ.. ጉልበት ካበጁ በኋላ አይደለም... ገና ግልገል ሳሉ ነው... በዚያ የማለዳ ዕድሜ አሁን የምታየው ገመድ እነርሱን አስሮ ለመቆየት በቂ ነበር... እየቆዩ ሲሄዱ ገመዱን የሚበጥስ አቅም ቢፈጥሩም በልጅነታቸው የታተመባቸው እምነት ግን ዛሬም ገመዱን መበጠስ እንደማይችሉ ይነግራቸዋል'...

🔆ሰውየው በጥበባቸው ተገረመ... ግዙፉን ዝሆን ለማሰር ግዙፍ ሰንሰለት አላስፈለጋቸውም... አስተሳሰባቸውን የሚያስር የማለዳ ልማድ በቂ ነበር... ነገሩ ሰንሰለት ካሰረው ልማድ ያሰረው ነው... 'ልማድ ከብረት ይጠነክራልና' ሼክስፒር እንዳለው...

🔆የኑረት ውበት በየደረሱበት መጠየቅ... የሰውነት ከፍታም በየመዳረሻው መርቀቅ ቢሆንም ከተነገረው ዘሎ 'ለምንና እንዴት' ለማይል አዕምሮ የነበረን ማስጠበቅ እንጂ 'አዲስ ነገር' ማፍለቅ አይሆንለትም... የኑረት ስኬትም ሆነ ውድቀት በእምነትህ ልክ ይገነባል... ቡድሃ "All that we are is the result of what we have thought. The mind is everything. What we think we become. " የሚለውን ቃል በትምህርቱ መጀመሪያ ላይ ያስቀመጠው ለዚሁ ነበር...

💫የምታምናቸውን ነገሮች ለምን እንዳመንካቸው ጠይቀህ ታውቃለህ?... የተቀበልካቸውን እሳቤዎች ልክነት በ'እንዴት' ዓይን መዝነህ ታውቃለህ?... የነገሩህን መጽሐፍትና ያስተማሩህን አንደበቶች መርምረህ ታውቃለህ?... እርግጠኛ ስለሆንክባቸው ጉዳዮች ቢያንስ ለራስህ በታማኝነት የምታቀርበው መልስ አለህ?... ወይስ እንደ ግዙፉ ዝሆን በሰላላ የአስተሳሰብ ወደሮ ታብተሃል?... መጠየቅስ አድክሞህ ይሆን?... Wynn Bullock የተባለ ሰው... "If you stop searching, you stop living, because then you're dwelling in the past. If you're not reaching forward to any growth or future, you might as well be dead." ብሎ ነበር... ሶቅራጥስ በበኩሉ "The unexamined life is not worth living" ብሏል...

✨ከማለዳ ውልደት እስከ ውድቅት ህልፈት የምትሳበው ኑረት ሁለንተናዋ በጠነከረ ልማድ የተቀየደ ነው... ከመጋረጃ ጀርባ ሆኖ የትወናዋን አካሄድ የሚወስንላት መራሔ ተውኔት ልማድ ወይም እምነት ይባላል... የምታምነውን ነው የምትሆነው... ግና.. የማለዳ እምነትህ ረፋድ ላይ... የረፋድ እሳቤህ ቀትር ላይ... የቀትር ግንዛቤህ በተሲዓት... የተሲዓት እውነትህ በምሽት ካልተመረመረ ከልማድ እስረኛነትህ ሳትፈታ ውድቅትህ ይመጣል... "The world is a prison and we are the prisoners.Dig a hole in the prison wall and let yourself out." ይልሃል ሩሚ...

🔑'ተለምዷል' የሚልህ ሰው ሲበዛ ጠርጥር... ቅኝት ነው... 'ምንም ማድረግ አይቻልም' ካለህ ተቃኝቷል በቃ... 'ያለ ነው'... 'ባሕል ነው'... 'አሰራር ነው'... 'እከሌ የሚባል ሰው ወይም መጽሐፍ ላይ ሰፍሯል'... ወዘተረፈዎች የቅኝት መገለጫዎች ናቸው... እዚህ መንደር ውስጥ 'ለምን' ባይ የተገኘለት የእብደት ታፔላ ይለጠፍለታል...

🔆ዕድሜ ልኩን ጥርሱን ሳያጸዳ የኖረ ሰው ለተወሰኑ ቀናት ብሩሽ ተጠቅሞ በመተዉ የአፉን ሽታ ቢያስተውል ሊል የሚችለው አንድ ነገር 'የጥርስ ሳሙና አፍ ያሸታል' ነው... ብሩሽ ከመጠቀሙ በፊት ሽታውን ተላምዶት ስለቆየ 'አፍህ ይሸታል' ቢሉት አይቀበልም ነበር... ብሩሹ ካለመደው ንጽህና በኋላ ግን የትኛውንም ሽታ መረዳት ይጀምራል... ተለማምዶ እስኪዘነጋው ድረስ... ጠረን እንድትለይ የሚረዱህን 'ብሩሾች' ስንቴ 'ያሸታሉ' ብለህ ጣልክ?... ስንቴስ ወደ ቀደመ ሽታህ ተመለስክ?...

ኒቼ በተወልን ድንቅ መስመር የማያልቀውን እንጨርስ... "If you have a 'why' to live by, you can live with any 'how'."

የ'ለምን' እና 'እንዴት' ድፍረት ይስጠን!!
                 ሰላም...❤️

                             ✍ ደምስ ሰይፉ

@Human_Intelligence

የአንተ ክብረ-ወሰን ምንድን ነው?

ፈላስፋው አርተር ሾፐን-አወር ይህን ተናግሯል፡፡ ‹‹ብዙ ሰዎች የራሳቸውን የራእይ ገደብ የዓለም ወሰን አድርገው ይወስዳሉ፡፡ ጥቂቶች ግን እንዲያ አያስቡም፤ ከእነርሱ ጎራ ተሰለፍ፡፡» በጣም ጥልቅ ነጥብ ነው፡፡አሁን የምትኖረውን ሕይወት ባለህ አቅም ልክ እየኖርክ ነው?? ምናልባት ነገሮችን የምትመለከተው በፍርሐት፣ በገደብና በሀሰተኛ ግምት እይታ ይሆናል። የመስኮትህን መስታወት ወልውለህ ወደ ውጭ ስትመለከት አዲስ አማራጮችና እድሎች ይከሰታሉ፡፡

ዓለምን የምንመለከተው እንደሆነው ሳይሆን እኛ እንደሆንነው መሆኑን አስታውስ፡፡ ከአስርት ዓመታት በፊት ደስታ የራቀው ጠበቃ ሆኜ ሕይወቴን የምመራበት የተሻለ መንገድ እየፈለግሁ ሳለ ይህ ሐሳብ ሕይወቴን ለውጦታል፡፡
ከ1954 ዓ.ም. በፊት የአንድ ማይል ርቀትን ከአራት ደቂቃ በታች በሩጫ ሊሽፍን የሚል ሯጭ እንደማይኖር ይታመን ነበር፡፡ ነገር ግን፣ ሮጀር ባኒስተር ይህን ክብረ ወሰን ከሰበረ በኋላ በሳምንታት ውስጥ የእርሱን ክብረወሰን በርካታ አትሌቶች ለማሻሻል በቁ፡፡ ለምን? ምክንያቱም ምን እንደሚቻል ለዓለም እርሱ አሳይቷልና፡፡ ከእርሱ በኋላ የሮጡ አትሌቶች አዲስ ማነፃፀሪያ ነጥብ አግኝተዋል። ያን እምነት ታጥቀውም ሰዎች የማይቻለውን ለማድረግ በቁ፡፡

የአንተ ክብረ-ወሰን ምንድን ነው? ለመሆን እንደማትችል ለማድረግ እንደማትችል፣ ልታገኝ እንደማትችል በማሰብ ስለራስህ የያዝከዉ የውሽት ግምት ምንድን ነው? አስተሳሰብህ እውነታህን ይፈጥራል፡፡ እምነቶችህ ድርጊቶችህን ስለሚመሩ ከአስተሳሰብህ ጋር በሚቃረን መልኩ ፈጽሞ ምንም ነገር አታደርግም፡፡

የሕይወትህ ደረጃ የአስተሳሰብህ ደረጃ ነፀብራቅ ነው። በሕይወትህ አንዳች ነገር ሊከሰት እንደማይችል ካሰብክ ያን ግብ እውን ለማድረግ የሚያስፈልጉ እርምጃዎችን የምትወስድበት አንዳችም መንገድ አይኖርም፡፡ የ«አይቻልም» አስተሳሰብህ ራሱን እውን ያደርጋል። በራስህ ላይ የምትፈጥረው ገደብ መድረስ ከሚገባህ የታላቅነት ደረጃ እንዳትደርስ ጠልፎ የሚጥልህ ሰንስለት ነው፡፡

✍️ሮቢን ሻርማ

Share : @Human_Intelligence

ወንድሜ ነው እኔን አይከብደኝም!!

በጃፓን ጦርነት ወቅት የወንድሙን ሬሳ (አስክሬን) በጀርባው አዝሎ በጥልቅ ስሜት ሊቀብር ይሄድ የነበረውን ታዳጊ ሕጻን ያስተዋለ አንድ ወታደር!

"ለምን እራስህን ታደክማለህ የሕጻኑን እሬሳ ጥለኸው ብትሄድ እኮ ድካምህ ይቀንስልህ አልነበር?" ሲል ጠየቀው::

ሕጻኑም ሲመልስ እንዲህ አለ:- "ወንድሜ ነው እኔን አይከብደኝም" አለው::

ያን ጊዜ ጥያቄውን ያቀረበው ወታደር ራሱን መቆጣጠር አልቻለም ... ስሜቱ በጣም ተነካ ... ዓይኖቹ በዕንባ ታጠቡ::

ከዚያን ጊዜ ጀምሮ በጃፓን ይህ ምስል ... የወንድማማችነት፣ የአንድነት ተምሳሌት ሆነ::

እናም ... የሕይወት መርሃችን እንዲህ ቢሆንስ:-

ወንድሜ ነው እኔን አይከብደኝም !
እህቴ ናት እኔን አትከብደኝም !
ወንድምህ ቢወድቅ አንሳው !
እህትህ ብትደክም ከጉኗ ቁም !
ወንድምህ ቢስት በቅን መንፈስ አቅናው !
እህትህ ስህተት ብትሰራ ይቅርታህን አትንፈጋት!

የስብዕና ልህቀት

የፍልሚያችን ውጤት
(ተስፋኣብ ተሾመ)
* * *

ጭቆናን ለማክሰም
ያለአንዳች መታከት፥ በብርቱ ብንተጋም
አርነት ለመውጣት
በፅኑ ተጋድለን ፥ጡንቻችን ቢዝልም

ከፍልሚያችን ማግስት፦
የተቀናጀነው፥ የመራብ ነፃነት
ማሳካት የቻልነው ፥የመታረዝን መብት
ሃብታችን የሆነው ፥የህመም ክምችት
የተማርነው ጥበብ፥ ሳይደክሙ መፎከት።

በመፋለም ብዛት፥ ቀድሞ የታነፀው፥ ስለፈራረሰ
ከልብ ምንጫችን ላይ፥ የሚፈልቀው ኹሉ ፥ስለደፈረሰ
ርቱዕ የነበረ ፥አንደበታችንም ፥ባ'ፍረት ተለጎመ
ከልባችን መዝገብ ፥ድል ማድረግ ተፍቆ፥ መሸነፍ ታተመ


@Tfanos

ጊዜህን በርካሽ ዋጋ አትሽጥ!!

"ሴኔካ አካላዊ ንብረቶቻችንን መጠበቅ ላይ ጥሩ የሆንነውን ያህል፣ አእምሯዊ ድንበሮቻችን ማስመር ላይ ግን ግድ የለሽ መሆናችንን . ያስታውሰናል። ማንም እንዳሻው ድንበራችንን አልፎ ሲገባ አንቃወመውም: ንብረት ተመልሶ ሊገኝ ይችላል፤ እንዲያውም ገና ብዙ የምድር ሃብቶች በሰው አልተነኩም። ጊዜ ግን? ጊዜ ፈጽሞ ሊተካ የማይችል ሀብታችን ነው፤ ተጨማሪ መግዛት አንችልም፡፡ ማድረግ የምንችለው በተቻለ መጠን ለመቆጣጠር ጥረት ማድረግ ብቻ ነው፡፡"

"በሕይወታችን ውስጥ ሌሎች ጣልቃ እንዲገቡ በቀላሉ እንፈቅዳለን፤ የከፋው ነገር ደግሞ በአብዛኛው ጊዜያችንን ሊያጠፉት ለሚችሉት ሰዎች መንገድ የምናመቻች መሆናችን ነው። ማንም ሰው ለአላፊ አግዳሚው ገንዘቡን አይሰጥም፤ ግን እያንዳንዳችን ለምን ያህል ሰዎች ሕይወታችንን ሰጥተናል!ለንብረትና ለገንዘብ እጃችን አይፈታም፣ ሁላችንም እጅግ ስስታሞች መሆን ለሚገባን ለሚባክን ጊዜ ግን የምናስበው እጅግ ትንሽ ነው።”
- ሴኔካ

"የሕይወታችንን ቀናት ልክ እንደ ገንዘባችን አንመለከተም? በትክክል ለምን ያህል ቀናት በሕይወት እንደምንቆይ ስለማናውቅ፣ አንድ ቀን የምንሞት የመሆኑን ሀቅ በቻልነው ሁሉ ላለማሰብ ስለምንሞክር፣ ጊዜያችንን በነጻነት ለማባከን ፍቃድ የተሰጠን ይመስለናል። እዚህ ላይ እኔ በምትኩ የማገኘው ምንድነው?” ብለን እምብዛም ሳንጠይቅ በዚያችው ባለችን ጊዜ ላይ ሰዎችና ክስተቶች ጊዜያችንን እንዲሰርቁን እንፈቅድላቸዋለን፡፡"


"እንዴት እንደምትጠቀምበት ካወቅክ፣
ሕይወት ረጅም ነው ነገሩ፣ ለመኖር ያለን ጊዜ አጭር ስለመሆኑ ሳይሆን ብዙውን ያባከንነው ስለመሆናችን ነው። በደንብ ከተጠቀምንበት ሕይወት በበቂ ሁኔታ ረጅም ነው ብዙ ታላላቅ ነገሮችን ለመስራት በበቂ ሁኔታ ተለክቶ የተሰጠ ነው። በድሎትና ችላ በማለት ውስጥ ካባከንነው፣ መልካም ፍጻሜ ለማግኘት ካልሰራን፣ በመጨረሻ ማለፉን እንኳን ከመረዳታትን በፊት አልፎ እናገኘዋለን። ስለዚህ የተቀበልነው ሕይወት አጭር አይደለም፤ አጭር ያደረግነው እኛ
ነን።”
-ሴኔካ

ስለዚህ ዛሬ ራስህን ስትጣደፍ ወይም “በቂ ጊዜ የለኝም፡፡” የሚሉትን ቃላት ስትናገር ብትሰማው፣ ቆም በልና ጥቂት ሰከንዶች ውሰድ፡፡ ይህ እውነት ነው? ወይስ ብዙ አላስፈላጊ ነገሮች በመስራት ተጠምደህ ነው? በእርግጥ ውጤታማ ነህ፣ ወይስ በሕይወትህ ውስጥ ብዙ የባከነ ነገር እንዳለ ትገምታለህ? በህይወታችን አብዛኛውን ጊዜ  የምናባክነው በማይጠቅሙን ሀሳቦች እና በማይረቡ ነገሮች ላይ ነው። እያንዳንዱን ደቂቃ የምንጠቀም ቢሆን ምን ያህል ጊዜ ሊተርፈን እንደሚችል አስቡ!!


"እንዲህም እላለሁ እንዲት ቀንም ቢሆን አልሰጥም - ማንም ቢሆን አንድ ቀኔን ሊመልስልኝ አይችልምና!!

እንዲህም እላለሁ እያንዳንዷ ሰከንድ የእኔ ናት በባለቤትነት እና በስልጣን አስተዳድራታለሁ:: አልፋኝ የምትሄድ ሽርፍራፉ ሰከንድ አትኖርም!!"

የእለት ፍልስፍና


የስብዕና ልህቀት
Share : @Human_Intelligence

የመሪ ያለህ !
(ተስፋኣብ ተሾመ)


ኢትዮጵያ ውስጥ ብዙ ችግር እያለ ሕዝቡ ዝምታን መምረጡ ስንፍና አልያም ግድ የለሽነት የሚመስላቸው ሰዎች አሉ። ይህ ስህተት ነው።

ሕዝብ እንዴት መተባበር እንዳለበት አያውቅም።

ፖለቲካ የሙሉ ጊዜ ስራቸው የሆኑ አካላት ካልመሩት በቀር ህዝብ መንግስታትን ለመጋፈጥ ቢሞክር ችግር ይከሰታል። ባንክና ታንክ ካለው አካል ጋር ሕዝብ ቢጋፈጥ የእሳት እራት ከመሆን አይተርፍም።

ይልቅ ፖለቲካ የሙሉ ጊዜ ስራቸው የሆነላቸው ሰዎች ቸልታ አሳሳቢ ነው። የፓርቲዎች ስንፍና የሚወቀስ ነው።

ሕዝብ መሪ ይፈልጋል።

ሚሊዮን ሰዎች እንዴት ይግባባሉ? ሚሊዮን መረጃዎች እንዴት ይተነተናሉ እንዴትስ ይተገበራሉ?፥ ህዝብ መረጃን እንዴት ይቀባበላል?፥ ግብ ላይ ለመድረስ የሚረዳው ስትራቴጂ ምንድነው?

ለጥያቄዎቹ መልስን ማበጀት የሚችለው መሪ ነው።

የፖለቲካ መሪ የጠፋው ለምንድነው?

የደርግ ዘመን እሳት ሙህራንን በላ፥ መምራት የሚችሉትን አኮላሸ። የኢህአዴግ ዘመን በተደራጀ መንገድ ድንቁ*ርናን አመረተ። ፖለቲካ እውቀት መሆኑ ቀርቶ ተራ ነገር ሆነ። ጥቂት አዋቂዎች የቀደሙትን የበላው እሳት እንዳይበላቸው "ፖለቲካን በሩቁ" አሉ።

መሪ የለንም። መተማመን የለም። የአንዱ መሪ ለሌላው ጠላ*ት ነው። የጋራ መሪም የጋራ አላማም የለም።

ለምንድነው መሪ አልባ የሆንነው? ሕዝባችን መሪ ለመውለድ መክነ ወይስ የተወለዱ መሪዎች ተጨናገፉ?


@Tfanos

ፍቅርና ጋብቻ

“ፍቅር ምንድን ነው?” ሲል ተማሪው ለመምህሩ ጥያቄ አቀረበ፡፡ “ለጥያቄህ መልስ ለመስጠት በቅድሚያ በአንድ የስንዴ ማሳ ሂድና ትልቁን ስንዴ መርጠህ ይዘህ ናና መልሱን እነግርሃለሁ፡፡

ነገር ግን ልብ አድርግ የአሰራር ሕጉ የሚፈቅደው በስንዴው ማሳ አንድ ጊዜ ብቻ በማለፍ የስንዴውን ዛላ ይዘህ ትመለሰላህ እንጅ በማሳው ውስጥ መመላለስ አይቻልም አለው” መምህሩ፡፡

ተማሪው እንደተባለው ወደ ስንዴው ማሳ ገባና የመጀመሪያውን ሽና (መደዳ) ይዞ ሲጓዝ አንድ ትልቅ የስንዴ ዛላ አገኘ ነገር ግን ይሄን አድንቆ ሌላ ከዚህ የላቀ ትልቅ ይኖራል በማለት ፍለጋውን ቀጠለ እንዳሰበውም ከበፊቱ የተሻለ ትልቅ አገኘ፡፡

ምን አልባትም እስካሁን ካየሁት የበለጠው እየጠበቀኝ ይሆናል በማለት ፍለጋውን ቀጠለው፡፡

የስንዴውን ማሳ ከግማሽ በላይ ካደረሰ በኋላ ከዚህ በፊት ካገኛቸው የስንዴ ዛላዎች የበለጠ እንደማይኖር ተረዳና ቀደም ብሎ አግኝቶት በነበረውና ባመለጠው ትልቅ የስንዴ ዛላ እየተቆጨ ባዶ እጁን ወደ መምህሩ በተመለሰ ጊዜ “ፍቅር ማለት እሱ ነው፡፡

የተሻ ፍለጋው አልገታ ብሎህ ፍለጋውን ቀጠልክ ነገር ግን የተሻለውን እንዳጣህ ዘግይተህ ተገነዘብክ” አለው መምህሩ፡፡

“ታዲያ ጋብቻ ማለትስ ምንድን ነው?” ሲል ሁለተኛ ጥያቄውን አቀረበ

መምህሩም “አሁንም ጥያቄህን ለመመለስ ባንድ የማሽላ ማሳ ሂድና ትልቅ ነው ያልከውን ማሽላ ይዘህ ተመለስ፡፡

ታዲያ አሁንም እንደበፊቱ የአሰራር ሕጉ የሚፈቅድልህ አንድ ጊዜ ማለፍ እንጅ ተመልሶ መፈለግና ማንሳት አይቻልም” አለው፡፡

ተማሪው ወደ ማሽላው ማሳ በደረሰ ጊዜ ከበፊት ስህተቱ ተምሮ ስህተቱን ላለመድገም ከማሳው ግማሽ እንደደረሰ አንድ በቂ ነው ብሎ ያሰበውን መካከለኛ ማሽላ ይዞ ወደ መምህሩ ተመለሰ፡፡

መምህሩም “አሁን ጥሩውን ፈልገህና የተሻለ ነው ብለህ ያሰብከውንና ምርጡንም እንዳገኘህ አምነህ በእምነት ይዘህ መጠሀል ይህ ማለት ጋብቻ ነው” በማለት ጥያቄዎቹን መለሱለት፡፡


የስብዕና ልህቀት
Share; @Human_Intelligence

አእምሮአችን በሰው ልጅ የአፈጣጠር ታሪክ ውስጥ ልዩ የሆነ የእግዚአብሔር ስራ ነው፡፡ እግዚአብሔር የፈጠራቸውን ነገሮች ሁሉ አንድ በአንድ ብንፈትሽ የፀሀይን መጥለቅና መውጣት፣ የውቅያኖሶችን ስጥመት እና መሰል አስደናቂ የተፈጥሮ ምስጢራት ብንመረምር፤ እንደሰው አእምሮ ረቂቅ የሆነ ነገር ግን አናገኝም፡፡ አእምሮአችን በህይወታችን ጉዞ ሁሉ የሚከተለን ጠባቂያችን ግን ደግሞ ልንከተለው ያልፈለግነው ዋነኛ የእኛነታችን አሻራ ነው፡፡

አእምሮአችን ራሱን የቻለ ሰፊ ውቅያኖስ ቢሆንም እኛ ግን ከዚያ ሁሉ ማዕበል የምንጠቀመው የአንድ ማንኪያ ጠብታ ያህሉን ብቻ ነው። ምርጫችንም የምናደርገው የውቅያኖስ ያህል ስፋት ካለው አቅማችን ይልቅ በዚህችው ጠብታ ላይ ነው፡፡ በዚህ ኢምንት ጉዳይ ላይ መመርኮዝ ደግሞ አንድ መሠረታዊ እውነታ እንዲያመልጠን ያደርጋል። አብዛኛው ጊዜያችንና ገንዘባችን ሰውነታችን ለማስዋብ የሚጠፋ ነው፡፡ እዚህ ላይ የምናጠፋውን እሩብ ያህል ጊዜ አእምሮአችንን ለመሞረድ ብናጠፋ ግን ጥቅማችን ዘርፈ - ብዙ ይሆናል፡፡ በዚህ ዘመን በህይወት ያለ ሰው ሶቅራጥስን፣ ኮንፊሺየስን፣ ሼክስፒርን ወይም ቤትሆቨንን በአካል የሚያቃቸው አይገኝም፡፡ ነገር ግን የአእምሮአቸው ውጤት የሆነው ስራቸው በክፍለዘመናችን ሁሉ ገናና ሆኖ እየኖረ ነው፡፡

ቪጄ ኤስዋሪን

የስብዕና ልህቀት
Join: @Human_Intelligence

ድንቅ ትረካዎች
ተራኪ -አንዱአለም ተስፋዬ
@Human_Intelligence

ማራኪ የፍቅር ታሪክ
ተራኪ- ግሩም ተበጀ

@Human_Intelligence

በጨዋታ መሃል ፦

<<በራስህ አትተማመንም አይደል>> አለቺኝ ?

እንዴት ልበ ሙሉነት የተጠናወተኝ ሰው እንደሆንኩ ከራሴ ጋ እየተሻማው አወራሁ... አብራራሁ... ዘበዘብኩ

በእርጋታ ከሰማቺኝ በኃላ
<<እንዴት እንደዚህ አልሽ ብትለኝ እና ያስተዋልኩትን ብነግርህ  አይሻልም?>> አለቺኝ

<<ቀጥይ>> አልኳት ደስ ባላለው ፊት እያየኃት

<<ስላለህ፣ ስላስደመምከው  ፣ስላደረከው ነገር ብዙ ሰአት ሁል ግዜ ታብራራልህ ።  የተጣላኸውን የጠላኸውን ያናደደህን  ሰው ስህተት እና ያንተን ቅድስና ታስረዳለህ ፣

ሰው ስለራሱ ሲያወራህ ቀጥለህ እኔ.. እኔም.. ብለህ ስለ ራስ ታወራለህ ምንም ነገር ስትሰማ ከራስህ ጋ እያወዳደርክ ነው መሰለኝ ።

ሰው ሲቃወምክ ስለምታወራው ነገር ሳይስማማ ሲቀር ቅር ይልሃል... ብዙ ታብራራለህ ። ያመንከው እና የሆንከውን እንዲመሰከርልህ እንዲጨበጨብልህ ጉንጭህ እስኪዝል ታስረዳለህ  ።

ስላደረከው እና ስለሆንከው ነገር አስተያየት ትጠይቃለህ ደስታህ የሰው አስተያየት ላይ ተንጠልጥሎል።

እምቢ ማለት ይከብደሃል ። እምቢ ከማለት መዋሸት ትመርጣለህ ። ባላሳቀህ ነገር ትስቃለህ ፣

የአዲስ ሰው ቀልብ ለመሳብ እሱ የሚወደውን ነገር ለማውራት ለመሆኑ ጥረት ስታደርግ ብዙ ግዜ ያስተዋልኩ ይመስለኛል ።

ሰው እንዳይቀየም ስትል መጠየቅ ያለብህን አጠይቅም ።

ያበደርከውን ብደር እንኳን ስትጠይቅ ችግር እንዳጋጠመክ አብራርተህ ነው ።

ራስህን አታከብርም መሰለኝ እራስን አለማክበር  አንደኛው  በራስ ያለመተማመን ውጤት ነው !!

ከጠላት ሁሉ ጠላት  የሚከፋው የውስጥ ጠላት ነው ። ከራስህ ጋ የታረክ  ግዜ አለም ቢጣላህ እንኳን አትሸበርም ።

ስታወራ ረጋ ብለህ  ተናገር !
ለመወደድ ስቃይ አትብላ !
ሰው አክብር  እንጂ አክብደህ አትይ !
ሁሉንም እቅድህን ለሁሉም አታውራ!
የተሰማህን ሁሉ አትናገር !
እምቢ አልችልም ማለት ልመድ !
ስለተሳካልህ ነገር ሂደት በየሜዳው አታብራራ !

ያልተቀበልከው ማንነት ካለ የበታችነት ስሜት የሚያሰማህ ሁነት ካለ ረጋ ብለህ አጥናውና መላ ፈልግለት ።

ብቻህንም መሆን ልመድ ሁሌ አብሮ ሰው እንዲሆን አታስስ

ዝም ብዬ አየኋት ።

ልክ ካልሆንኩ፣ ያልኩት እውነት ከሌለው እንደቀባጠርኩ ከተሰማህ አፉ በለኝ
ካወራውት ፍሬ ነገር ካገኘህበት ደሞ ደግ >>

አሁንም ዝም አልኳት ።  ዝምታዬ ውስጥ ግን መደነቅ እና ድብርት  ነበረበት

"የተከፈለ ዋጋ " ስህተት
ያለፈውን መርሳት የሚገባን ለምንድ ነው?

ልናየው የጀመርነው ፊልም መጥፎ ነበርና ከግማሽ ሰዓት በኋላ ሚስቴን ‹እንሂድ› አልኳት። እሷ ግን ‹‹በጭራሽ፣ 30 ዶላራችንንማ ዝም ብለን አንጥልም›› አለቺኝ፡፡ ‹‹ይህ ለመቆየት ምክንያት አይሆንም›› ብዬ ተቃወምኳት፡፡ ገንዘቡ አንድ ጊዜ ወጥቷል - ይህ የተከፈለ ዋጋ ስህተት የሚባል የአስተሳሰብ ስህተት ነው፡፡ ሎሚ የገመጠች ይመስል ፊቷን አኮሳተረችብኝ፡፡ ‹‹ከመቆየታችንና ካለመቆየታችን ጋር ሳይያያዝ 30 ዶላሩን አንድ ጊዜ ወጪ አድርገናል ፤ ስለዚህ ይህ ነገር ለውሳኔያችን መሰረት መሆን አይችልም›› ብዬ ሁኔታውን ለማብራራት ሞክርኩ፡፡ ጥረቴ አልተሳካም፣ ተመልሼ ተቀመጥኩ፡፡

በቀጣዩ ቀን በአንድ ስብሰባ ላይ ተቀመጥኩ፡፡ የማስታወቂያ ዘመቻችን ላለፉት አራት ወራት እየተካሄደ ቢሆንም አንዱንም ግቡን እንኳን አላሳካም ነበር፡፡ እኔ ማስታወቂያው እንዲቀየር ፍላጎት ስለነበረኝ ይሄው እንዲፈፀም ሃሳብ አነሳሁ፡፡ የማስታወቂያ ክፍል ሃላፊያችን ግን አጥብቃ ተቃወመች፡፡ ‹‹ብዙ ገንዘብ አውጥተንበታል፤ አሁኑኑ ከተውነው የከፈልነው ገንዘብ መና ቀረ ማለት ነው›› የሚል ነበር መከራከሪያዋ - ሌላ የተከፈለ ዋጋ ስህተት ሰለባ፡፡

አንድ የሴት ጓደኛ ያለችው ወጣት በተረበሽ ግንኙነታቸው ውስጥ ለመቀጠል ብዙ ታገለ፡፡ የሴት ጓደኛው እየደጋገመች ከእሱ ውጪ ትማግጥበታለች፡፡ ይሄን ችግሩን ለእኔ የገለፀልኝ እንደዚህ ብሎ ነበር። ‹‹በዚህ ግንኙነት ውስጥ ብዙ ኃይል አባክኛለሁ፤ ብዙ ዋጋም ከፍያለሁ፡፡ አሁን ላይ ግንኙነቱን ማቋረጥ አልችልም፤ ልክ አይመስለኝም፡፡» - የተከፈለ ዋጋ ስህተት አይነተኛ ሰለባ፡፡

ይህ የተከፈለ ዋጋ ስህተት የበለጠ አደገኛ የሚሆነው ደግሞ ብዙ ጊዜ፣ ገንዘብ፣ ጉልበትና ፍቅር የከፈልንበት ነገር ላይ ሲሆን ነው፡፡ - ይዘነው ልንቀጥለው እየታገልንለት ያለው ጉዳይ የሞተ ነገር ቢሆን እንኳን እንዳንጨክንበት ያደርገናል፡፡ ነገሩ ምንም እንደማይጠቅመን እያወቅን ከነገሩ ጋር ጊዜያችንን እና ገንዘባችንን እናባክናለን።

በአንድ- ነገር ላይ ከፍተኛ ጥረት ካደረግክና ብዙ ጊዜያት ከከሰከስክበት ለውጤቱ የምትሰጠው ዋጋ የተጋነነ ይሆናል። የምትሰራቸውን ስራዎች ሁሉ በምክንያት  እንምትሰራቸው አስተውል። በአንድ ነገር ላይ ብዙ ጊዜ እና ጉልበት ባባከንክ ቁጥር ወደ ኋላ እየተመለስክ ውጤቱን ተመልከት - ውጤቱን ብቻ። አምስት አመታትን ለፍተህ የተማርከው ትምህርት (ዲግር) ተግባራዊ እውቀት ካልሰጠህና ጥሩ የስራ እድል ካልፈጠረልህ  ተወው!! አምስት አመታትን ወስደህ ያዘጋጀው መጽሐፍ ጠያቂ ከሌለው መጽሐፉ ላይረባ እንደሚችል አስብ። አምስት አመት ሙሉ ለፍቅር የለመንካት ሴት ከዚያ በኋላ በጥቂት ወራት ውስጥ ተዋውቀሃት ካገባሃት ሴት ትበልጣለች? አስተውል አንድን ነገር ብዙ ደክመህበታል ማለት ነገሩ ጥሩ ነው ማለት አይደለም!!

ነጋዴዎቸና ኢንቨስተሮች በዚህ ስህተት ተጠቂዎች ይሆናሉ።  የከፈልነው ዋጋ እና ኢንቨስትመንት ከፍ ያለ በሆነ ቁጥር ከጉዳዩ ጋር ለመቀጠል ያለን ፍላጎትም ከፍ እያለ ይሄዳል፡፡ብዙውን ጊዜ የንግድ ውሳኔዎቻቸውን በከፈሉት ዋጋ ላይ የሚንጠለጠል ያደርጉታል፡፡ ‹‹በዚህ ቢዝነስ ውስጥ ብዙ ገንዘብ ከስክሻለሁ ስለዚህ ስኬታማ ሊሆን ባይችልም አሁን ልተወው አልችልም›› ይላሉ፡፡  ይህ ኢ ምክንያታዊነት ባህሪ ወጥ በመሆን ፍላጎት የሚመራ ነው፡፡ ከሁሉም በላይ ወጥነት የታማኝነት (credibility) ማሳያም ይመስለናል። ሃሳብ መቀያየር እንደነውር ነው የሚታየው፡፡ በግማሽ የሄደ ፕሮጀክትን መተው መሸነፍን እንደማመን ይቆጠራል። ይህ ስህተት ከፍተኛ ዋጋ የሚያስከፍል፣ አንዳንድ ጊዜም የተሳሳተ ውሳኔ ላይ እንድንደርስ የሚያደርግ ነው። አሜሪካ የቬትናም ጦርነት ውስጥ መቀጠልን የመረጠችው በዚህ የተነሳ ነው። ‹‹ለዚህ ጦርነት ብዙ ዋጋ ከፍለናል፤ አሁን ማቆም ስህተት ነው የሚሆነው›› በሚል አረዳድ በመታጠር፡፡


በእርግጥ አንድ ነገር እስኪጠናቀቅ መስራትና መጨረስ ውስጥ ብዙ ጥሩ ምክንያቶች ሊኖሩ ይችላሉ፡፡ ለተሳሳቱ ምክንያቶች አንድን ነገር ይዘህ እየቀጠልክ አለመሆንህን ግን እርግጠኛ ሁን፡፡ ለምሳሌ ተመልሰው ለማይገኙ (non recoverable) ወጪዎች ሲባል አንድን ነገር ይዞ መቀጠል አግባብ አይደለም፡፡ ምክንያታዊ ውሳኔ ሰጪነት እስከእለቱ ድረስ የወጡ ወጪዎችን እንድንረሳ ያስገድደናል፡፡ ምን ያህልም ግን ያፈስስክበት ነገር ቢሆን አሁን ላይ ውሳኔ ለመስጠት ከግምት ውስጥ ልታስገባቸው የሚገቡህ ነገሮች የወደፊት ወጪዎችና ጥቅሞችን ብቻ ናቸው።

✍️ሮልፍ ዶብሊ

የስብዕና ልህቀት
Share&Join
@Human_Intelligence

ውብ ታሪኮች-1
ድንቅ አጫጭር ትረካዎች በአንድ ላይ

ተራኪ-ግሩም ተበጀ

የስብዕና ልህቀት
Join: @Human_Intelligence

ድፍረት ማለት ያለ ፍርሀት መኖርና እየደነፉ ማውራት ማለት ሳይሆን ፣ከሚገባው በላይ ብንፈራና ብንደነግጥም እንኳን ያሰብነውን ነገር ከማድረግ ወደ ኋላ አለማለት ነው ።

በአስቸጋሪ ጊዜና ሁኔታ ውስጥ ተረጋግቶ መውጫ ቀዳዳ በመሻት  መውጣት የድፍረት አንድ አካል ነው

ድፍረት ማለት የፍርሀት አለመኖር ሳይሆን ፍርሀት ላይ የምንቀዳጀው ድል እንደሆነ ተማርኩ፤ ጀግና የሚባለው ፍርሀት የማይሰማው ሳይሆን ፍርሀትን መማረክ የቻለው ነው!

----ኔልሰን ማንዴላ

የሁላችንም ጥንካሬ ያለው በተመቻቸው ስፍራ ሳይሆን ሁኔታዎች ፈር ሲለቁ ጨለማ ሲከበንና ህይወት መውጫ የሌላት መስላ ስታስጨንቀን በምንወስነው ውሳኔ ውስጥ ነው። የማንነታችን ትርጉም የሚለካው ነን ብለን የምናስበው ማንነታችን ፈተና ሲገጥመው በምንወስደው እርምጃ ነው። እራሳችንን የፍቅር ጥግ አርገን የምንይ ከሆነ የፍቅር ጥግ መሆናችንን የሚረጋገጠው ጥላቻ ግድ የሚሆንበት ቦታ ላይ የፍቅርን ፀዳል መልቀቅ ስንችል ነው። የይቅርታ ሰው መሆናችን የሚታወቀው ይቅርታ ለማረግ በሚያስቸግርበት ሁኔታ ላይ ይቅር ማለት ስንችል ነው።

የስብዕና ልህቀት
@Human_Intelligence

"ሞት ሰራቂው ሞተ" በጣም የሚደንቅ ታሪክ!

በአንድ ወቅት አንድ ሰው የፈጣሪን ተአምር ለመመስከር እሩቅ አገር ለመሔድ ከተሳፋሪዎች ጋር በአውቶብስ ጉዞ ይጀምራል። ጉዞ ከተጀመረ በኋላ ግን መንገድ ላይ አንድ ከተማ ውስጥ ተሳፋሪው በሙሉ ምሳ ለመብላት ይወርዳል።

......ከተሳፋሪዎቹ መሐከልም አንዱ ወደ አንድ ምግብ ቤት ይሔድና ምሳውን ከበላ በኋላ ለመክፈል ቦርሳውን ሲፈልግ ያጣዋል።

......መሰረቁንም ከተረዳ በኋላ ለምግብ ቤት ባለቤቱ የደረሰበትን ስርቆት አስረድቶ በነበረበት ከተማ የሚያውቀው ዘመድ ስለነበር ገንዘብ አምጥቶ እንደሚከፍል ተናግሮ ገንዘብ ይዞ መጥቶ ይከፍልና ወደ አውቶብሱ ሲሔድ አውቶብሱ ለካ ጠብቆ ጠብቆ የደረሰበትን ነገር ስላላወቀ ትቶት ሔዷል።

........ ሠውየውም ገንዘቡም ተዘርፎ አውቶብሱም ጥሎት መሔዱ እየገረመው
"#ይሄ_ፈተና_ነው_ሰይጣን_እፈር እኔ እንደሆነ ከአገልግሎት አልቀርም ብሎ ብዙ ከተንከራተተ በኋላ በሌላ አውቶብስ ተሳፍሮ ጉዞ ይጀምራል።

. ...... በመንገድ ላይም  አንድ ትልቅ ገደል ውስጥ የገባ አውቶብስ ያያል። ከተሳፋሪዎቹም የተረፈ ሰው አለመኖሩ ይመለከታል። ደነገጠ።

....በጣም አዝኖ እያለም ወርዶ አውቶብሱን በደንብ
ሲያየው እርሱ ተሳፍሮባት የነበረችውና ጥላው የሔደችው አውቶብስ መሆንዋን ይረዳል።

....በጣም ገርሞት ለካ አውቶብሱ ጥሎኝ የሔደው #ለበጎ_ነው በሚል ፈጣሪውን እያመሠገነ ጉዞ ይጀምራል። የሚያገለግልበት ቦታ ደርሶም ስለተደረገለት ነገር ለአንድ ሣምንት እዛው ፈጣሪውን ሲያመሰግን ሰንብቶ ወደ ቤቱ ሲመለስ መኖሪያ ቤቱ ድንኳን ተተክሎ ያያል።

.....ምን ተፈጥሮ ይሆን? በሚል ጠጋ ብሎ ሲመለከት ለቅሶ ነው። ጎረቤቶቹ በሙሉ ደንግጠው እርሱን ሲያዩት ያያል። ሠውየውም "ማን ነው የሞተው?" ብሎ ይጠይቃል።
እነርሱም "አንተ" ይሉታል።

እርሱም እንዴት እኔማ ይሄው አለሁ አይደል። ይላል። የእርሱን በሕይወት መምጣት የሰሙ ቤተሰቦቹም ማመን አቅቷቸው እየመጡ ይጠመጠሙበታል።

ሐዘኑም ወደ ደስታ ይለወጣል። ሰውየውም ቤተሰቡም ጎረቤቱም ረጋ ብለው ስለተፈጠረው ሁኔታ ያወራሉ።
...ለካ አውቶብሱ ሲገለበጥ አደጋው የከፋ ስለነበር የሰዎቹ ማንነት በመልክ መለየት ስላልተቻለ የሟቾች ኪስ ፓሊስ እየበረበረ ማንነታቸውን መለየት ሲጀምር የሰውየውም የጠፋው ቦርሳ አንዱ የሰረቀውና አንዱ ሟች ኪስ ውስጥ ይገኛል።

...ፓሊስም በመታወቂያው መሠረት ለሰውየው ቤተሰቦች መርዶ ይነገራል። ለቤተሰቡም በቤ/ክን በተዘጋጀ አዲስ የመቃብር ቦታ ይቀብሩታል።
ለካ ሠውየው ነው ተብሎ የተቀበረው #ሌባው ነው። ሁሉም ሠው ይህን ሲሰማ ይገረማል።

ከሰወችም መካከል አንዷ ልጁ "የአንተ አዲሱ መቃብር የተቀበረው ሌባው ነው። አንተ መቃብር ላይ ሌባ አይቀበርም። #ይውጣ።" ስትል

....ሠውየው አንድ አስገራሚ ነገርተናገረ "
አይሆንም ሌባውን #እወደዋለሁ ሞቴን የወሰደልኝ ሞቴን የሰረቀኝ ባለውለታየ ነው። እርሱ ቦርሳየን ሰርቆኝ ለምሳ መክፈያ ብር ፍለጋ ባልሔድ ኖሮ አውቶብሱ አያመልጠኝም ነበር። እኔም ሟች ነበርኩ። አትንኩት።" ነበር ያለው።

ፈጣሪ ሲፈቅድ ለካ ሞትም ይሰረቃል። አይገርምም?
የሰውየው ንግግር በጣም ይገርማል። "ነገር ሁሉ ለበጎ ነው።'' ሁሌም በመንገዱ ፈጣሪውን ያስቀደመ አያፍርም!

የስብዕና ልህቀት
@Human_Intelligence

ለክርስትና እምነት ተከታይ የቻናላችን ቤተሰቦች እንኳን ለብርሃነ መስቀሉ አደረሳችሁ!!

መልካም በዓል!!

አዋዋልህ ሕይወትህን ይወስናል!!

አዋዋልህ የህይወትህ መገለጫ ነው፡፡ አንዲቷን ቀን የምታሳልፍበት መንገድ የዘመናት ሕይወትህን ይወስናል፡፡ ዛሬ የምትሠራው ነገር የወደፊት ሕይወትህን ይፈጥራል፡፡ የምትናገራቸው ቃላት፣ የምታፈልቀው ሐሳብ፣ የምትመገበው ምግብ እንዲሁም የምትወስዳቸው እርምጃዎች እጣ ፈንታህን ይወስናሉ፣ ማንነትህንና ሕይወትህን ይቀርፃሉ፡፡ ትናንሽ ውሳኔዎች በጊዜ ሂደት ግዙፍ ውጤት ያስከትላሉ። ‹‹ትርጉም አልባ» እለት የሚባል ነገር የለም፡፡

እያንዳንዳችን ለታላቅነት የሚያበቃ ጥሪ አለን፡፡ እያንዳንዳችን በውስጣችን ታላቅ ኃይል አለ፡፡ እያንዳንዳችን በዙሪያችን በሚገኙ ሰዎች፣ ሁናቴዎችና ነገሮች ላይ ተጽእኖ ማድረግ እንችላለን። በውስጣችን የሚገኘውን ይህን ኃይል ለማጎልበት ልንጠቀምበት ይገባል፡፡ ይበልጥ ተግባራዊ ስናደርገው የበለጠ ይጎለብታል፤ ብርቱ ይሆናል። ይሄን ኃይል ይበልጥ ስትጠቀምበት ይበልጥ ልበ-ሙሉ፤ በራስህ የምትተማመን ትሆናለህ፡፡

ከእኛ መካከል ይበልጥ ስኬታማ የሆኑት ሰዎች ከተቀረነው የተለየ ስጦታ ያላቸው አይደሉም፡፡ ወደ ታላቁ ሕይወት ሲጓዙ በየእለቱ ጥቂት ደረጃዎችን በትክክለኛው አቅጣጫ የሚራመዱ ናቸው፡፡ . ቀናት ወደ ሳምንታት፣ ሳምንታት ወደ ወራት ይሸጋገራሉ. . . ሳይታወቃቸው የተለየ» ተብሎ ከሚታወቅ ሥፍራ ይደርሳሉ፡፡

✍️ሮቢን ሻርማ

#share
የስብዕና ልህቀት
@Human_Intelligence

አዲሳባ እየፈረሰች ነው። ደሰሳ ቤቶች "አዲሳባን አይመጥኑም" ተብለው እየፈረሱ ነው።

አዲሳባን ዘመናዊ ህንፃ ሳይሆን ደሳሳ ቤት ነው የሚመጥናት። ኢትዮጵያ የደሐ ሐገር ናት። አዲሳባ ደግሞ የድሆች መኖሪያ ነው። ሚሊዮኖ ድሆችን እያስተዳደሩ "የደሀ ቤት ከተማችንን አይመጥንም" ማለት አሳፋሪ ስላቅ ነው።

ደሳሳ ቤቶችን ማስወገድ መፍትሔ አይሆንም። ድህነታችንን የሚመጥነውን የደሐ ቤት ማፍረስ ትርፉ ሌላ መከራ ነው።

መፍትሔው የደሐውን ኑሮ ማሻሻል ነው። የደሐ ኑሮ ሲሻሻል ደሳሳ ቤቶች በራሳቸው ጊዜ በዘመናዊ ቤት ይተካሉ።

ቅድሚያ ለድህነት ቅነሳ ፖሊሲ!


@Tfanos

የሹፌሩ ማስታወሻ
በእወቀቱ ስዩም

@Human_intelligence

የማይረቡ ወይም የማይጠቅሙ ነገሮችን ከሕይወትህ ቆርጠህ አስወግዳቸው

በሕይወትህ መንገድ ላይ ምን እንዳጣህ ሳታውቅ፤ ስንት መሆን ያለባቸው ነገሮች ሳይሆኑ ቀሩ? በማይረቡ ሃዘኖችህ፣ በሞኝ ደስታዎችህ፣ በሥሥታም ፍላጎቶችህ እና በማህበር ፍንደቃዎችህ ውስጥ ምን ያህል አጣህ? ምን ያህልስ ለራስህ አስቀረህ? የመሞቻ ቀንህ ከመድረሱ በፊት እየሞትክ እንደ ሆነ ታውቆሃል?”
-ሴኔካ

በሕይወት ውስጥ ካሉ ከባድ ነገሮች ውስጥ አንዱ “#አይ #አይሆንም”  ማለት ነው። ለግብዣዎች፣ ለጥያቄዎች፣ ለግዴታዎች እና ሁሉም ሰው ለሚያደርጋቸው ተለምዷዊ ነገሮች “እምቢ” ማለትን ልመድ። እነዚያን ለማልፈቅደው ነገር እሺ በማለት ያጠፋኋቸውን ጊዜያቶች እንዴት ልመልሳቸው እችላለሁ ብለህ ታውቃለህ? ያልተጨናነቀ እና በስራዎች ያልተወጠረን ጊዜ ማሳለፍ ትፈልጋለህ?.. “እምቢ!” የማለትን ኃይል መማር ጀምር:: እንዲህ በል “አይ አይሆንም አመሰግናለሁ” ፧ “አሁን ላይ ይህን ላደርግልህ አልችልም” ፤ “በፍጹም ይህን ማድረግ አልችልም::”

ምናልባትም የአሉታ መልስህ ሰዎችን ሊጎዳ ይችላል፤ ምናልባትም ሰዎችን ካንተ ሊያርቅ ይችላል። ይህን ማድረግ በእጅጉም ሊከብድህ ይችላል። ሆኖም በሕይወትህ ውስጥ ያሉ እና የማይጠቅሙህን ነገሮች , “እምቢ” ስትል፤ ለሕይወትህ አስፈላጊ ነገሮችን “እሺ” ማለት , ትጀምራለህ። እሺ ያልካቸውም እንድትኖር እና ሕይወትን . እንድታጣጥማት ያደርጉሃል። እንደፍቃድህም ትኖራለህ።

✍️ርያን ሆሊደይ
የስብዕና ልህቀት
@Human_intelligence

ለመላው የእስልምና እምነት ተከታይ የቻናላችን ቤተሰቦች በሙሉ እንኳን ለ1 ሺህ 499ኛው የነብዩ መሀመድ ልደት (መውሊድ) በዓል በሰላም አደረሳችሁ!!

አስገራሚ የሆኑ የሳይኮሎጂ (psychology) ግኝቶችና እውነታዎች

1)በጥናቶች መሰረት ገንዘብን ንብረት ማካበት ላይ ከማዋል ይልቅ በ experience(በተግባር ነገሮችን ማየት) ላይ ማጥፋት የበለጠ ደስተኛ ያደርጋል።

2) በደስተኞች ሰዎች እራሳችንን መክበብ ወይም ከደስተኞች ጋር ብዙ ጊዜ አብሮ መሆን እራሳችንንም ደስተኛ እንድንሆን ያደርገናል።
በPsychoneuroendocrinology journal ላይ የታየ አዲስ ጥናት መሰረት ደስታም ሆነ ጭንቀት ተላላፊነት ባህሪይ አለው፡፡ እና ከየትኛውም አይነት ሰዎች ጋር መሆን የኛ ስሜት ላይ በዛው መሰረት ተጽዕኖ ያደርጋል፡፡

3) ዘፈን ስለ ማንኛውም ነገር ያለን አመለካከታችን ላይ ተጽእኖ ያደርጋል:
በ Groningen University በተካሄደው ጥናት መሰረት ዘፈን አመለካከታችን ላይ ትልቅ አስተዋጽኦ ያደርጋል፡፡ በተለይ አሳዛኝ ዘፈን እና የደስታ ዘፈን ስንሰማ ስለአለም ያለን አመለካከታችን ላይ በዛው መሰረት ተጽእኖ ያደርጋል፡፡


4) ብዙ የዛሬ ልጆች(በተለይ ምዕራባዊያን) በ ፈረንጆች አቆጣጠር በ 1950 ዎቹ ከነበሩት የአእምሮ በሽተኞች ተመሳሳይ መጠን ያለው ጭንቀት አለባቸው።

ጥናቶች እንደሚያመለክቱት ከሆነ የዛሬ ሰው ከድሮው ሰው እጅግ በበለጠ ሁኔታ ጭንቀት አለበት። ለዚህ ምክንያት ከሆኑት አንዳንዶቹ ሱሰኛ መሆን፣ ከህብረተሰቡ ጋር ብዙ ተቀራራቢነት አለመኖር፣ ስራ መቀያየር፣ የኑሮ ቦታ መቀያየር አንዳንዶቹ ናቸው፡፡

5)ጥናቶች እንደሚያሳዩት ከሆነ ገንዘብን ለሌሎች ማዋል በራስ ከማዋል የበለጠ ደስታን ይሰጣል:
በ Harvard buisness school በተደረገው ጥናት መሰረት ሰዎች ለሌሎች ሰዎች ገንዘብ ሲሰጡ ከማይሰጡ ይልቅ የበለጠ ደስተኞች ናቸው፡፡

6) ገንዘብ ደስታን ሊገዛ ቢችልም ከተወሰነ የገንዘብ መጠን ካለን በኋላ ግን መጨመሩ ደስታችን ላይ ብዙም ለውጥ አያመጣም።

7) አንዳንድ እንደፀሎት እና ቤተ ክርስቲያን መከታተል አይነት ሃይማኖታዊ ልምዶች የአእምሮን ጭንቀት ይቀንሳሉ:
“The American Psychiatric Publishing Textbook of Mood Disorders” ባጠናው ጥናት መሰረት ሃይማኖታዊ ልማድን የሚያዘወትሩ ሰዎች ከማያዘወትሩት ሰዎች በጭንቀትና በሌሎች የአእምሮ ችግሮች ለመሰቃየት ያላቸው እድል በጣም ያነሰ ነው፡፡

8) ከ 18 እስከ 33 አመት ዕድሜ ያላቸው ሰዎች ከየትኛውም ዕድሜ ክልል ካሉ ሰዎች የበለጠ ጭንቀት አለባቸው፡፡ ከ33 አመት በኋላ የጭንቀት መጠን እየቀነሰ ይሄዳል፡፡

9) እራስን በቂ ተኝቻለሁ ብሎ ማሳመን በቂ ባይተኛ እራሱ ካለማሳመኑ ይልቅ በዕለት ተግባራችን ላይ የተሻለ ንቃት እንዲኖረን ያደርጋል።
በJournal of Experimental Psychology በታተመው ጥናት መሰረት ጥናት የተደረገባቸው ሰዎች በቂ ሳይተኙም ከበቂ በላይ ተኝታችኋል ተብለው ሲነገሩ ካልተነገሩት ይልቅ እጅግ የተሻለ ንቃትና የንቃት ተግባር አሳይተዋል፡፡

10) አእምሮአቸው ብሩህ የሆኑ ሰዎች ስለራሳቸው ዝቅ አድርገው ነው የሚያስቡት፡፡ ብሩህ ያልሆኑና ብዙም የማያውቁ ሰዎች ግን በተጋነነ መልኩ ስለራሳቸው ከፍ ያለ ስሜት አላቸው፡፡

11) ከአሁን በፊት የተደረገ ክስተትን ስናስታውስ በሚያስገርም ሁኔታ  ድርጊቱን ሳይሆን የምናስታውሰው አሁን ካስታወስነው በፊት ስለሱ ያስታወስንበትን ጊዜ ነው፡፡

12) አፍ ከፈቱበት ቋንቋ ውጪ ሌላ ቋንቋ ከቻሉ ውሳኔዎችን በሌላኛው ቋንቋ መወሰን ውሳኔው የበለጠ ምክንያታዊ እንዲሆን አስተዋጽኦ ያደርጋል፡፡

ምንጭ:-/psychology.html

የስብዕና ልህቀት
Join: @Human_Intelligence

የህይወት ክህሎት

ሕይወት ክህሎት ነው። እንደየትኛውም ክህሎት መሠረታዊ ሕግጋቱን ካወቅህና ለመለማመድ በቂ ጊዜ ከመደብህ በኋላ የተሻልክ ለመሆን ትችላለህ፡፡ ለሕይወት ራስህን አሳልፈህ ስትሰጥ ጠቢብነትን ልትጎናጸፍ ትችላለህ፡፡በሕይወት ታላቅ ለመሆን ትችል ዘንድ ማድረግ የሚኖርብህ ሦስት ነገሮች ተከታዮቹ ናቸው፡

1.ለሕይወት ትኩረት ስጥ፡ - በህይወትህ ለምን ዓላማ ለመቆም እንደምትፈልግ፣ ከእስካሁኑ ኑሮህ ምን እንደተማርክ እንዲሁም ትተኸው የምታልፈው ልምድ ምን እንደሚሆን ለማሰብ ጊዜ መድብ፡፡ ጊዜ ዳግም ላይመለስ ደቃቅ አሸዋ በጣቶቻችን መካከል ሾልኮ እንደሚፈስሰው ሁሉ ያመልጠናል፡ : ተሰጥዖህ ምን እንደሆነ ለማወቅ ቀኖችህን ተጠቀም፡፡ ኤርማ ቦምቤክን ንግግር ያስታውሰኛል ፡- ‹‹በሕይወቴ ፍፃሜ ከእግዚአብሔር ፊት ስቆም «የሰጠኸኘን መክሊት በሙሉ ተጠቅሜአለሁ ለማለት እችል ዘንድ ተስፋ አደርጋለሁ፡፡››
ዘወትር ማለዳ ከዓለም ጋር ከመደባለቅህ በፊት ማስታወሻ የመጻፍ ልምድ አዳብር፡፡ ቀኑን በስኬት እንዳጠናቀቅህ ይሰማህ ዘንድ ማከናወን ስለሚኖርብህ ግቦች አስብ፤ በጽሑፍ
አስፍራቸው፡፡ አጥብቀህ ስለምትይዛቸው እሴቶችህ አስብ፤ ካለፈው እለት የቀሰምከውን እውቀት አስብ፡፡ ይህም ከስህተትህ እንድትማር መንገድ ይሆነሀል።

2.ሕይወትን አጣጥሞ መኖር፡- ከዘመናት ተሞክሮዬ አንድ ነገር ተምሬአለሁ፡- ሕይወት የምትመልስልህ የሰጠሃትን ነው፡፡ ትናንት ምሽት ከጓደኞቼ ጋር ራት እየተመገብን ሳለ ስለ ግብ ማስቀመጥ መነጋገር ጀመርን። ከመካከላችን አንዱ ‹‹ነገር ግን በሕይወት እርግጠኛ ለመሆን ሳንችል ግብ ለምን እናስቀምጣለን?›› በማለት ጠየቀ፡፡ የእኔ ምላሽ ይህ ነበር፡- ‹‹በሕይወት እርግጠኛ ለመሆን አለመቻል ታላቅ የመሆን ኃይልህን ተግባራዊ ማድረግ አይኖርብህም ማለት አይደለም፡፡ ግቦችህን አስቀምጥ፡፡ እቅዶችህን ንደፍ፣እርምጃ ውሰድ ፤ ሕልሞችህን እውን ለማድረግ ትጋ፡፡ የግል ኃላፊነት ማለት ይኸው ነው፡፡ ነገር ግን የቻልከውን ነገር ሁሉ ከፈጸምክ በኋላ የተቀረውን ነገር ሁሉ ለሕይወት ተወው፡፡

3.በሕይወት ሀሴት አድርግ፡- ሕይወትን ቀላል አድርገን አንመለከትም፡፡ ነገር ግን የቢሊየነሩም ሆነ የጎዳና አዳሪው መጨረሻ ሞት መቀበር ነው፡፡ ሁላችንም ወደ አፈር እንመለሳለን፡፡ ስለዚህ እንዝናና። ሚግለን ማክላፍሊን እንዳለው ‹‹ጥቂቶቻችን ግሩም ልብ-ወለድ ልንጽፍ እንችላለን፧ ሁላችንም ግን ያን ልብ-ወለድ ልንኖር እንችላለን፡፡››

✍️ ሮቢን ሻርማ

የስብዕና ልህቀት
@Human_Intelligence