Adiss news

Channel የሚገዛ ካለ በዚህ አካውንት ያናግሩኝ። @Ckckck113

በደቡብ አፍሪካዊቷ ሀገር ዛምቢያ ጥንቆላ በሰፊው የሚታወቅ ሲሆን ሁለት ጠንቋዮች ፕሬዝዳንቱን ለመግደል ሲያሴሩ ነበር ተብሎል።

ፖሊስ በመግለጫው ላይ እንደጠቀሰው በዛምቢያ ዋና ከተማ ሉሳካ ውስጥ ሁለት ጠንቋዮች ፕሬዝዳንቱን ለመግደል ሲንቀሳቀሱ ተይዘዋል ማለቱን ቢቢሲ ዘግቧል፡፡ ከሁለቱ ተጠርጣሪዎች ጋር በተለምዶ እስስት የተሰኘው ተሳቢ እንስሳን ጨምሮ ሌሎች ቁሳቁሶች እንደተያዙም ፖሊስ አክሏል፡፡ ተጠርጣሪዎቹ ሰጡት በተባለው ቃልም ፕሬዝዳንቱን ለመግደል 73 ሺህ ዶላር እንደሚከፈላቸው ከቀጣሪዎቻቸው ጋር ተስማተዋልም ተብሏል፡፡

ኢማኑኤል ወይም ጃይ ጃይ ባንዳ የተሰኙት የዛምቢያ ተቃዋሚ ፖለቲከኛ ደግሞ ከዚህ ሁሉ የግድያ ሙከራ ጀርባ እጃቸው እንዳለበት ፖሊስ በመግለጫው ላይ ጠቅሷል፡፡ ይህ ተቃዋሚ ፖለቲከኛ አሁን ላይ በእስር ላይ ሲሆኑ በስርቆት ወንጀል ተጠርጥረው ከሀገር ሊኮበልሉ ሲሉ በቁጥጥር ስር ውለዋል ተብሏል፡፡

https://t.me/merejadote

ጄቱ በቀይ ባህር ተመትቶ ወደቀ❗️

የአሜሪካው የጦር መርከብ በቀይ ባህር ላይ በስህተት የራሱን ተዋጊ ጄት መትቶ መጣሉን የአሜሪካ ጦር አስታወቀ።

ሁለቱም የአሜሪካ የጦር ኃይል አባላት ጉዳት ሳይደርስባቸው መውጣት መቻላቸውን የጦሩ የማዕከላዊ ዕዝ ገልጿል።

https://t.me/merejadote

100%real የሆነ ሰዎችን በመጋበዝ የሚሰራ ነው ሞክሩት። ከገቡ ቀጥሎ ቻናላቸውን join ማድረግ የግዴታ ነው።


https://t.me/lucky_gems_official_bot/app?startapp=2E5yyz8c952Ncdp8SPGbivV2vyiLf5DWN8hszYTKf72se1Z

ሚስት ባሏን ደሀ ነህ ብላ በፈታች በማግስቱ ባል የሚሊዮን ዶላሮች ሎተሪ አሸነፈ

ሰውዬው ለተወሰነ ጊዜ ሥራ አጥ ነበር እና ሚስቱ በሂደቱ ላይ እምነት መጣል ትዕግስት ስለሌላት ወደ ፊት ለመቀጠል ወሰነች። ሆኖም የፍቺ ሰነዶችን ከፈረመ ከአንድ ቀን በኋላ ህይወቱን ሙሉ በሙሉ የሚለዉጠውን ሎተሪ አሸንፏል።

https://t.me/merejadote

በጉዞ ላይ የነበረ አውሮፕላን ባጋጠመው የቴክኒክ ችግር ወደ አዲስ አበባ ተመልሶ ቦሌ አለም አቀፍ አየር ማረፊያ በሰላም ማረፍ መቻሉን የኢትዮጵያ አየር መንገድ አስታወቀ!

የበረራ ቁጥሩ ET 612 የሆነ የኢትዮጵያ አየር መንገድ አውሮፕላን ታህሳስ 05 ቀን 2017 ዓ.ም. ከአዲስ አበባ ወደ ዱባይ በሚያደርገው በረራ ከተነሳ ከ30 ደቂቃ በኋላ የቴክኒክ ችግር ስላጋጠመው ወደ አዲስ አበባ ተመልሶ ቦሌ አለም አቀፍ አየር ማረፊያ በሰላም ማረፍ መቻሉን አየር መንገዱ አስታውቋል።

አየር መንገዱ በማኀበራዊ ትስስር ገፁ ባወጣው መግለጫ፣ ለጥንቃቄ ሲባልም መንገዶኞች እና የበረራ ሠራተኞች በአስቸኳይ ከአውሮፕላኑ እንዲወርዱ መደረጉን ገልጿል።

ሁልጊዜም ቢሆን የኢትዮጵያ አየር መንገድ ለክቡራን መንገደኞቹ ደህንነት ቅድሚያ እንደሚሰጥ ተገልጿል። በዚህ አጋጣሚ መንገደኞች ለደረሰባቸው መጉላላት አየር መንገዱ ይቅርታ የጠየቀ ሲሆን የቴክኒክ ችግሩ በመጣራት ላይ መሆኑም ተመላክቷል።

https://t.me/htaethio

የአዲስ አበባ ከተማ አስተዳደር ካቢኔ በተለያዩ አጀንዳዎች ላይ ተወያይቶ አፀደቀ!!

የአዲስ አበባ ከተማ አስተዳደር ካቢኔ 4ኛ ዓመት 4ኛ መደበኛ ስብሰባ ለከተማዋ ልማት ጉልህ ፋይዳ ያላቸው አጀንዳዎች ላይ ተወያይቶ አፅድቋል።

የጸደቁ አጀንዳዎች:-
1ኛ. የወንዝ እና የወንዝ ዳርቻ ልማት ብክለት መከላከል ረቂቅ ደንብ ላይ ተወያይቶ ለከተማዋ ነዋሪዎች ጤና፣ ፅዳት እና ውበት ወሳኝ እና ጠቃሚ መሆኑን በማረጋገጥ ደንቡን በሙሉ ድምፅ አፅድቋል።

2ኛ. በከተማ ፕላን ልማት ቢሮ የተዘጋጁና የሚዘጋጁ የአካባቢ ልማት ፕላን ዝግጀት፣ አፈፃፀም ቁጥጥር እና ደንብ ማሻሽያን መርምሮ በመወያየት በሙሉ ድምፅ አፅድቋል።

3ኛ. የአዲስ አበባ ከተማ አስተዳደር የኤሌክትሪክ አውቶቡሶች ማቅረብ በመጀመሩ የኤሌክትሪክ አውቶቡሶች አገልግሎት አስተዳደር ረቂቅ መነሻ ሀሳብ መርምሮ በጥልቅ በመወያየት በመንግስት እና  የግል አጋርነት (PPP) እንዲተዳደሩ ብሎም በከተማዋ የመንግስት እና የግል ትራንስፖርት አገልግሎት እስከ ምሽቱ 4፡00 ድረስ ግልጋሎት እንዲሰጡ እና በሁሉም የኮሪደር ልማት በሚተገበርባቸው ቦታዎች የትራንስፖርት አገልግሎት እለታዊ የጊዜ ሰሌዳ እንዲጠቀሙ እንዲደረግ

4ኛ. በሁሉም የከተማዋ ዋና ዋና መንገዶች ያሉ የንግድ እና የአገልግሎት መስጫ ተቋማት እስከ ምሽቱ 3፡30 ለህብረተሰቡ የተሟላ አገልግሎት እንዲሰጡ

5ኛ. ሁሉም ዋና መንገድ እና መጋቢ መንገድ ላይ ያሉ ተቋማት፣ ህንፃዎች እንዲሁም የግልና የመንግስት ቢሮዎች ምሽት መብራት ማጥፋት እንዲከለከል እና ሙሉ የመብራት አገልግሎት እንዲኖር ውሳኔ ማሳለፉን የከንቲባ ጽ/ቤት መረጃ ያመለክታል።
https://t.me/merejadote
 

ኢትዮጵያ እና ሶማሊያ ስምምነት ላይ ደረሱ።

ጠቅላይ ሚኒስትር ዐቢይ አሕመድ (ዶ/ር) እና የሶማሊያ ፕሬዝዳንት ሐሰን ሼክ ሞሐሙድ በቱርክ ፕሬዜዳንት ሬሲፕ ጣይብ ኤርዶጋን አሸማጋይነት በቱርክ አንካራ ስምምነት ላይ ደርሰዋል።

https://t.me/merejadote

ኮንጎ የተከሰተው በሽታ ምንነት አለመታወቁ ተገለጸ

የዓለም ጤና ድርጅት እና የአፍሪካው የጤና ተቋም ሲዲሲ በዲሞክራቲክ ኮንጎ የተከሰተውን ድንገተኛ በሽታ መመርመር ጀምረዋለ።

በዴሞክራቲክ ኮንጎ ሪፐብሊክ ውስጥ ምንነቱ ባልታወቀ በሽታ ከ 4 መቶ ሰዎች መሞታቸውን ተከትሎ የአለም ጤና ድርጅት እና የአፍሪካው ሲዲሲ የበሽታውን ምንነት ለማወቅ ምርመራ መጀመራቸው ታውቋል።

በኮንጎ በደቡባዊ ምዕራብ የሀገሪቱ ክፍል በሚገኘው ክዋንጎ ክፍለ ሀገር ውስጥ የተከሰተው ይህ በሽታ እስካሁን ከ 4 መቶ በላይ ሰዎችን ህይወት ቀጥፉል።

ከእነዚህም አብዛኞቹ ከአምስት አመት በታች የሆኑ ህጻናት ናቸው። ሳል፣ትኩሳት፣ ከባድ ራስ ምታት፣ እና የመሳሰሉ ምልክቶች አሉት የተባለው በሽታው የተከሰተበት አካባቢ ከከተማ መራቅ ለጤና ተደራሽነቱን አስቸጋሪ እንዳደረገው ተነግሯል ሲጂቲኤን አፍሪቃ ዘግቧል፡፡

https://t.me/merejadote

የሶማሊያ መንግስት ኢትዮጵያ ጦሯን ወደ ኪስማዮ አስገብታለች ሲል ያቀረበውን ክስ ጁባላንድ ውድቅ አደረገች

የጁባላንድ የደህንነት ሚኒስትር ጄኔራል ዩሱፍ ሁሴን ኦስማን ዱማል የሶማሊያ ፌዴራል መንግስት ሁለት የጦር መሳሪያ የጫኑ የኢትዮጵያ አውሮፕላኖች ቅዳሜ ዕለት ኪስማዮ አርፈዋል ሲል ያቀረበውን ክስ ውድቅ አድርገዋል። ሚንስትሩ፤ ወቀሳውን “መሰረ-ቢስ” ሲል ጠርተው “መንግስት ያለ ማስረጃ እንዲህ ያለ ክስ ማቅረብ የለበትም” ሲሉ ለቪኦኤ ሶማሊ ተናግረዋል።

ዱማል አክለውም የኢትዮጵያ ወታደሮች በቡላ ሃዎ ውስጥ የጦር ሰፈር ለመመስረት ሲሞክሩ ተቃውሞ ገጥሟቸዋል በማሉንም ውድቅ አድርገዋል። እንደ ጌዶ፣ ባይ፣ ባኮል እና ሂራን ባሉ ክልሎች የኢትዮጵያ ኃይል መኖራቸውን በመጥቀስ ይህም የተለመደ እንቅስቃሴዎች ነው ብለዋል።

ሚንስትሩ ይህን አስተያየት የሰጡት የሶማሊያ ምክትል የመረጃ ሚኒስትር አብዲራህማን ዩሱፍ አል-አዳላ ኢትዮጵያን "ህገወጥ እና ተስፋፊ እንቅስቃሴዎች" አድርጋለች በማለት መክሰሳቸውን ተከትሎ ነው። አል-አዳላ ኢትዮጵያ የጦር መሳሪያዎችን ወደ ፑንትላንድ እና ጋልሙዱግ እያስገባች እና በሂርሻቤሌ ውስጥ ሚሊሻዎችን እየመለመለች ነው በማለት ከሰዋል።

  https://t.me/merejadote

📍#አዲስአበባ

"ለተፈጠረው የዜጎች ድንጋጤና መረበሽ ይቅርታ እንጠይቃለን" - የአዲስ አበባ ፖሊስ

በአዲስ አበባ ከተማ በተለያዩ አከባቢዎች የተሰማው የጦር መሣሪያ ድምፅ የመንግስትን የሰላም ጥሪ ተቀብለው ወደ ተሃድሶ ሥልጠና ማዕከላት በሚጓዙ የቀድሞ የኦነግ ታጣቂ ቡድን አባላት የተሰማ መሆኑን የአዲስ አበባ ፖሊስ አስታወቀ
****

በአዲስ አበባ ከተማ በተለያዩ አከባቢዎች የተሰማው የጦር መሣሪያ ድምፅ የመንግስትን የሰላም ጥሪ ተቀብለው ወደ ተሃድሶ ሥልጠና ማዕከላት በሚጓዙ የቀድሞ የኦነግ ታጣቂ ቡድን አባላት የተሰማ መሆኑን የአዲስ አበባ ፖሊስ ኮሚሽን አስታውቋል፡፡

መንግሥት በሀገሪቱ የተለያዩ አከባቢዎች ታጥቀው ለሚንቀሳቀሱ ቡድኖች ባቀረበው የሠላም ጥሪ መሠረት የኦነግ ታጣቂ ኃይል አባላት የሰላም ጥሪውን ተቀብለው በስፋት እየገቡ መሆኑ ይታወቃል።

የታጣቂ ቡድኑ አባላትን ወደ ተዘጋጀላቸው የተሃድሶ ስልጠና ማዕከላት የማጓጓዝ ስራ በስኬት እየተከናወነ ይገኛል።

በዚህ መሀል ታጣቂዎቹ አዲስ አበባ ከተማን አቋርጠው ወደ ስልጠና ማዕከላት በሚንቀሳቀሱበት ወቅት እየጨፈሩና የደስታ ስሜት እያሰሙ ሲንቀሳቀሱ የተኩስ ድምጽ በማሰማታቸው በከተማው ነዋሪ ህዝብ ላይ ድንጋጤና መረበሽ ሊፈጠር መቻሉን ፖሊስ ገልጿል።

ለተፈጠረው የዜጎች ድንጋጤና መረበሽ ይቅርታ የጠየቀው የአዲስ አበባ ፖሊስ፤ በቀጣይ ተመሳሳይ ችግሮች እንዳይፈጠሩ ከፍተኛ ጥንቃቄና የማስተካከያ እርምጃ የሚወሰድ መሆኑን አስታውቋል።
https://t.me/merejadote
 

የቲክቶክ ይግባኝ ውድቅ መደረጉን ተከትሎ ከአሜሪካ ሊታገድ ነው

ቲክቶክ ከ 2025 መጀመሪያ ጀምሮ በአሜሪካ ውስጥ እንዲታገድ አልያም እንዲሸጥ የሚለውን ሕግ እንዲቀለበስ ያቀረበው የይግባኝ አቤቱታ ውድቅ ተደረገ።

የማህበራዊ ሚዲያው ኩባንያው ለፌደራል ይግባኝ ሰሚ ፍርድ ቤት ሕጉ ኢ ሕገመንግሥታዊ ነው፤ ምክንያቱም በ170 ሚሊዮን አሜሪካውያን ተጠቃሚዎቼ የመናገር ነፃነት ላይ የተጣለ "አስደንጋጭ" ተጽእኖ ነው በሚል ያቀረበው መከራከርያ ተቀባይነት ያገኛል ሲል ተስፋ አድርጎ ነበር ።

ነገር ግን ፍርድ ቤቱ "በኮንግረሱ እና በተከታታይ ፕሬዚዳንቶች የተደረገው ሰፊ የሁለትዮሽ እርምጃ መጨረሻ ነው" ያለውን ሕግ አጽንቷል።
ቲክ ቶክ ጉዳዩን አሜሪካ ጠቅላይ ፍርድ ቤት እወስዳለሁ ብሏል።

https://t.me/merejadote

ኢትዮጵያ አየር መንገድ ሠራተኛ ወድቆ ያገኘውን 50 ሺህ የአሜሪካ ዶላር ለባለቤቱ አስረከበ

በኢትዮጵያ አየር መንገድ የሴኪዩሪቲ ክፍል ባልደረባችን የሆኑት ፍሬዘር በቀለ ህዳር 16/2017 ከመንገደኛ ወድቆ ያገኙትን 50 ሺህ የአሜሪካ ዶላር ለባለቤቱ አስረክበዋል።

በአየር መንገዱ ሲቀጠሩ በገቡት ቃል መሰረት ተቋሙ የሚመራበትን መርህና ሥነ ምገባር እንዲሁም ሙያዊ ታማኝነታቸውን በብቃት በመወጣት ማስረከባቸውን የአየር መንገዱ መረጃ አመላክቷል።

https://t.me/merejadote

የአክሱም ፂዮን ዓመታዊ ንግስ እየተከበረ ነው

የአክሱም ፂዮን አመታዊ ንግስ እየተከበረ ነው። እንደ ኢትዮጵያ ኦርቶዶክስ ተዋህዶ ቤተክርስቲያን አስተምሮ
ቀዳማዊ ምኒልክ አባቱን ከኢየሩሳሌም ጎብኝቶ ሲመለስ የአክሱም ጽዮን ጽላትን በመያዝ ህዳር 21 ቀን አክሱም እንደገባ ይነገራል።

አክሱም ጽዮን(ርዕሰ አድባራት ቅድስተ ቅዱሳን ድንግል ማርያም ጽዮን) በትግራይ ክልል አክሱም ከተማ ትገኛለች፡፡ በመጀመሪያ የክርስትና ሃይማኖትን ወደ ኢትዮጵያ ይዞ በገባው አቡነ ሰላማ ዘመን እንደተገነባች የሚነገርላት የአክሱም ጽዮን ቤተክርስቲያን በዮዲት ጉዲት በመፍረሷ አሁን የተገነባው የአክሱም ጽዮን ቤተ ክርስቲያን ሕንጻ በአጼ ኃይለ ስላሴ ዘመን እንደተሰራ የታሪክ ድርሳናት ያስረዳሉ፡፡

https://t.me/merejadote

ሜክሲኮ ወደ አሜሪካ የሚገቡ ስደተኞችን ለማስቆም ተስማማች

የሜክሲኮዋ ፕሬዝዳንት ከሀገራቸው የሚነሱና ወደ አሜሪካ የሚገቡ ስደተኞችን ለማስቆም መስማማታቸውን ተመራጩ የአሜሪካ ፕሬዝዳንት ዶናልድ ትራምፕ አስታወቁ።

ከስደተኞች ጋር በተያያዘ ጥብቅ ፖሊሲ ለመተግበር በዝግጅት ላይ የሚገኙት ትራምፕ፤ በተለይም ከአሜሪካዋ ጎረቤት ሜክሲኮ ወደ ሀገራቸው በሚገቡ ስደተኞች በመማረራቸው በሀገራቱ ድንበር ላይ አጥር ለመገንባት ዕቅድ መያዛቸውንም ሲናገሩ ቆይተዋል።

የ78 ዓመቱ አዛውንት ከአዲሷ የሜክሲኮ ፕሬዝዳንት ክላውዲያ ሼንባውም ጋር ባደረጉት የስልክ ቆይታ፤ በሜክሲኮ በኩል ወደ አሜሪካ የሚገቡ ስደተኞችን ለማስቆም ፕሬዝዳንቷ መስማማታቸውን ገልጸዋል።

https://t.me/merejadote

ሩሲያ የዩክሬን ከተሞችን በክሩዝ ሚሳዔሎች ደበደበች

የኃይል መሰረተ ልማች የሩሲያ ሚሳዔሎች ኢላማ እንደበሩ ዩክሬን አስውቃለች። ሩሲያ ጦርነቱ ከተጀመረ ወዲህ ፈጣን የተባለውን ግስጋሴ እያደረገች ዩክሬን ግዛቶች እየተቆጣጠረች ነው።

https://t.me/merejadote

የፖሊስ አዛዥ በወርቅ ሥርቆት ተጠርጥረው ተያዙ

በደቡብ ኢትዮጵያ ክልል ጌዴኦ ዞን ሦስት ኪሎ ግራም ጥፍጥፍ ወርቅ በመሥረቅ የተጠረጠሩ የወረዳ ፖሊስ አዛዥ ታሠሩ ፡፡ በዞኑ የጮርሶ ወረዳ ፖሊስ አዛዥ በቁጥጥር ሥር የዋሉት በኮትሮባንድ ሲዘዋወር ከተያዘው ሰባት ኪሎ ግራም ጥፍጥፍ ወርቅ መካከል ሦስቱን ወደ ቤታቸው ይዘው በመሄዳቸው ነው ተብሏል ፡፡ አዛዡ ወርቁን ወደ ቤታቸው መውሰዳቸው ሊታወቅ የቻለው ወርቁን ሲያዘዋውሩ በቁጥጥር ሥር የዋሉት ሰዎች የተያዘብን ወርቅ ይሄ ብቻ አይደለም በሚል የሰጡትን ጥቆማ መሠረት በማድረግ በተካሄደ ምርመራ መሆኑን የዞኑ ፖሊስ መምሪያ አዛዣ ኮማንደር ግርማ በየነ ለዶቼ ቬለ ገልጸዋል፡፡

https://t.me/merejadote

መስከረም አበራ ተፈረደባት❗️

ኢትዮ ንቃት” የተሰኘው የማኅበራዊ ሚዲያ መሥራች እና ባለቤት መስከረም አበራ ከሦስት ሳምንት በፊት ጥፋተኛ በተባለችበት የኮምፒውተር ወንጀል ክስ የአንድ ዓመት ከአራት ወር እስራት ተፈረደባት።

የቅጣት ውሳኔው በፍርድ ቤት ሲገለጽ መስከረም አበራ ችሎት አለመገኘቷን ጠበቃዋ አቶ ሄኖክ አክሊሉ ለቢቢሲ ተናግረዋል።

በመስከረም አበራ ላይ የቅጣት ውሳኔውን ያስተላለፈው የፌደራል ከፍተኛ ፍርድ ቤት አንደኛ ልዩ ልዩ ከባድ ወንጀሎች ችሎት ነው።

https://t.me/merejadote

አሳዛኝ አደጋ🕯🕯

ከአዲስ አበባ ወደ ደሴ የሚጓዝ የህዝብ ማመላለሻ ተሽከርካሪ ከሲኖ ትራክ ተጋጭቶ የበርካቶ ህይወት ማለፉ ተሰምቷል

በዛሬው ዕለት በኦሮሚያ ክልል ሰሜን ሸዋ ዞን አለልቱ መንገድ ላይ ከባድ የትራፊክ አደጋ ደረሰ አደጋው አለልቱ አቅራቢያ ጮሌ ጸበል ጋር የተከሰተ ሲሆን፤ ከአዲስ አበባ ወደ ደሴ የሚጓዝ የህዝብ ማመላለሻ ተሽከርካሪ ከሲኖ ትራክ ተሸከርካሪ ጋር በመጋጨቱ መከሰቱን በስፍራው ያሉ ነዋሪዎች ገልፀዋል።

በአደጋው በርካታ ሰዎች መጎዳታቸውን እንዲሁም ለጊዜው ቁጥራቸው ያልታወቀ ሰዎች ሕይወት ማለፉን የተናገሩት ነዋሪዎቹ፤ የሲኖ ትራክ ተሸከርካሪው ረዳት መኪና ውስጥ ተቀርቅሮ በመቅረቱ እርሱን ለማውጣት ከአንድ ሰዓት በላይ ጥረት ቢደረግም ሕይወቱን ማትረፍ አለመቻሉን ተናግረዋል፡፡

በዚህም ምክንያት መንገዱ ለረጅም ሰዓት መዘጋቱ የተነገረ ሲሆን፤ በአደጋው ጉዳት የደረሰባቸውን ሰዎች ወደሆስፒታል የማድረስ ሥራ እየተሰራ መሆኑን ከአሐዱ ሬዲዮ ዘገባ ሰምተናል።(አሀዱራዲዮ)

https://t.me/merejadote

በኦሮሚያ ክልል ለወታደራዊ ስልጠና የሚደረግ አስገዳጅ ምልመላ መባባሱን ነዋሪዎች ገለጹ

በኦሮሚያ ክልል የተለያዩ አካባቢዎች በመንግስት የፀጥታ ኃይሎች ለወታደራዊ ስልጠና በግዳጅ የሚወሰዱ ወጣቶች ቁጥር በከፍተኛ ሁኔታ መጨመሩን ነዋሪዎች ለአዲስ ስታንዳርድ ተናገሩ።

ለደህንነታቸው በመስጋት ስማቸው እንዳይጠቀስ የጠየቁ በሰሜን ሸዋ ዞን ያያ ጉለሌ ወረዳ የፍታል ከተማ ነዋሪ ተማሪዎችን እና አርሶ አደሮችን ጨምሮ ከ250 በላይ ሰዎች በግዳጅ ወደ ወታደራዊ ስልጠና መወሰዳቸውን ገልጸዋል።

በ #አዳማ ከተማ ነዋሪ የሆኑ አንዲት እናት ህዳር 2 ቀን 2017 ዓ.ም የ17 አመት ልጃቸው ጌታቸው ተድላ ሂሪጎ በመንገድ ላይ ቆሎ እየሸጠ በነበረበት ወቅት በፖሊስ መታሰሩን ለማስለቀቅ 30,000 ብር መክፈል ባለመቻላቸው ልጃቸው ለውትድርና ስልጠና መወሰዱን አስረድተዋል።

በተመሣሣይ በጅማ ዞን ሰጠማ ወረዳ የግጦሽ ቦታ ለባለሀብቶች መሰጠቱን የተቃወሙ ግለሰቦች በቁጥጥር ስር ውለው ቤተሰቦቻቸው እስከ 70,000 ብር እንዲከፍሉ የተጠየቀባቸው ሲሆን መክፈል የማይችሉ ከሆነ ግን “ወታደራዊ ግዳጅ እንደሚጠብቃቸው” ነዋሪዎች ለአዲስ ስታንዳርድ ገልጸዋል።

 https://t.me/merejadote

ይሄ Airdrop ትክክለኛ እና የተረጋገጠ ቀጥታ የሚከፍል ነው

https://t.me/lucky_gems_official_bot/app?startapp=2E5yyz8c952Ncdp8SPGbivV2vyiLf5DWN8hszYTKf72se1Z
🎉 I've won 0.6 USDT! Click the link to help me earn more! You can also play & win money! 💰
👇 Join now and let's earn more together! 👇

ዛሬም የመርካቶ ሱቆች በአብዛኛው ዝግ ሆነዋል

በዛሬው እለት በርካታ የመርካቶ ነጋዴዎች ሱቆቻቸውን ዝግ እንዳደረጉ ታውቋል፣ ምክንያቱ ደግሞ ከሰሞኑ በመንግስት አካላት እና በነጋዴዎች መካከል ውዝግብ የፈጠረው የገቢዎች የደረሰኝ አጠቃቀም ጉዳይ መሆኑ ታውቋል።

ነጋዴዎች እየተጠየቁ ያሉት የደረሰኝ ቅጣት እና የቅጣት አፈፃፀም ከአቅማቸው በላይ መሆኑን ሲናገሩ የአዲስ አበባ ገቢዎች ቢሮ በበኩሉ በደረሰኝ እንዲገበያዩ የሚጠበቅባቸው ነጋዴዎች በደረሰኝ ግብይት እንዲፈጽሙ በመደረጉ ያነሱት ጉዳይ ነው ብሏል።

"በግምት ከዘጠና ፐርሰንት በላይ ሱቆች ዛሬ ዝግ ናቸው" ያለው አንድ ነጋዴ የመንግስት ባለስልጣናት ጭምር የተሳተፉባቸው የኮንትሮባንድ ምርቶች ወደ ገበያ ያለደረሰኝ እየተበተኑ ነጋዴውን ደረሰኝ ቁረጥ ማለት አግባብ አይደለም ብሏል።

ሌላ አንድ ስሜ አይጠቀስ ያለ የመርካቶ ነጋዴ የሱቅ መዝጋት አድማው "እስከ ስድት ቀን ሊቆይ ይችላል፣ እየተነጋገርን ነው" በማለት ለመሠረት ሚድያ ተናግሯል።

መንግስት ያለደረሰኝ ግብይት ሲፈፅም የተገኘ ነጋዴ ንብረቶቹ ይወረሳሉ በሚል 'ሀሰተኛ መረጃ' አንዳንድ ባለንብረቶችና ነጋዴዎች ሱቃቸውን የመዝጋትና እቃዎችን የማሽሽ ሁኔታዎች አሉ ቢልም ነጋዴዎቹ የዛሬ ሳምንት ገደማ ይርጋ ሀይሌ የገበያ ማዕከል ደረሰኝ አልተቆረጠም በሚል ምክንያት ከ200 ሚሊየን ብር በላይ የሚያወጡ የኤሌክትሮኒክስ እቃዎችን ደንብ አስከባሪዎች እንሰወሰዱባቸው ተናግረዋል። (መሠረት-ሚዲያ!)

 https://t.me/merejadote

የሄዝቦላህ ዋና ቃል አቀባይ መሐመድ አፊፍ በእስራኤል የአየር ጥቃት ተገደሉ

አንድ የሄዝቦላህ ባለስልጣንን ጠቅሶ አሶሼትድ ፕሬስ እንደዘበው፥ የሄዝቦላህ ዋና ቃል አቀባይ መሐመድ አፊፍ እስራኤል ዛሬ ባልተለመደ ሁኔታ በማዕከላዊ ቤይሩት በፈፀመችው የአየር ጥቃት ተገድለዋል።

የሄዝቦላው የሚዲያ ግንኙነት ኃላፊ መሐመድ አፊፍ በማዕከላዊ ቤይሩት በሚገኘው የአረብ ሶሻሊስት ባዝ ፓርቲ ጽ/ቤት ላይ በተፈፀመ ጥቃት መገደላቸውን ስማቸው እንዳይገለፅ የጠየቁ አንድ የሄዝቦላህ ባለስልጣን ተናግረዋል።

በሄዝቦላህ ከፍተኛ ባለስልጣናት ላይ ካነጣጠሩት የእስራኤል ጥቃቶች መካከል አንዱ የሆነው የዛሬው ጥቃት የተፈፀመው የሊባኖስ ባለስልጣናት አሜሪካ-መራሽ የተኩስ አቁም ስምምነት ይደረጋል ብለው እየተጠባበቁ ባሉበት ወቅት ነው።

እስራኤል የሄዝቦላህ ዋና መስሪያ ቤት በሚገኝበት የቤይሩት ደቡባዊ ዳርቻ ነዋሪዎች አካባቢውን ለቀው እንዲወጡ ካስጠነቀቀች በኋላ በፈፀመችው ተመሳሳይ ጥቃት በርካታ ሕንፃዎችን በቦምብ መደብደቧ ታውቋል።

እስራኤል ዛሬ ከቤይሩት አስቀድማ በጋዛ ሰርጥ፣ ፍልስጥዔም በፈፀበችው ሌላ ተመሳሳይ ጥቃት ቢያንስ 12 ሰዎች መግደሏን አሶሼትድ ፕሬስ በዘገባው ጠቅሷል።

  https://t.me/merejadote

የሩሲያና ዩክሬን ጦርነት በ2025 እንዲጠናቀቅ እፈልጋለሁ - ዜለንስኪ

የዩክሬኑ ፕሬዝዳንት ቮልደሚር ዜለንስኪ ዶናልድ ትራምፕ ፕሬዝዳንት ሆነው መመረጣቸውን ተከትሎ ጦርነቱ በሚቀጥለው አመት እንደሚጠናቀቅ ተስፋ እንዳለቸው ተናገሩ፡፡

ፕሬዝዳንቱ በዛሬው እለት ከዩክሬን ሬዲዮ ጋር በነበራቸው ቃለ መጠይቅ ግጭቱ በዲፕሎማሲያዊ መንገድ እንዲፈታ ፍላጎት እንዳላቸው ገልጸዋል፡፡“ሆኖም የሩስያው ፕሬዝዳንት ቭላድሚር ፑቲን የሰላም ስምምነት ላይ ለመድረስ ፍላጎት የላቸውም” ያሉት ዘለንስኪ፤ ሞስኮ ውግያውን በቀጠለችበት ሁኔታ ስለ ሰላም መነጋገር አዳጋች ሊያደርገው ይችላል" ሲሉ አብራርተዋል፡፡

በተጨማሪም "በእኛ በኩል ይህን ጦርነት በሚቀጥለው አመት እንዲያበቃ እና ዲፕሎማሲያዊ መንገዶችን ቀዳማዊ አማራጭ ለማድረግ ዝግጁ ነን" ብለዋል። 

ፕሬዝዳንት ዜለንስኪ የሩሲያ ወታደሮች በየካቲት 2022 በተጀመረው ዘመቻ ከያዟቸው ሁሉም አካባቢዎች ለቀው እስካልወጡ ድረስ ከሞስኮ ጋር ለመነጋገር ፈቃደኛ እንዳልሆኑ ከዚህ ቀደም በተደጋጋሚ ሲናገሩ መቆየታቸው ይታወሳል።ተመራጩ የአሜሪካ ፕሬዝዳንት ዶናልድ ትራምፕ ወደ ስልጣን መምጣት በዩክሬን ጦርነት ላይ በምዕራቡ አለም ከፍተኛ የፖሊሲ ለውጥን እንደሚያስከትል እየተነገረ መሆኑን ዶቼ ቬለ ዘግቧል፡፡

በኬቭ እና በሞስኮ መካከል ያለው ዲፕሎማሲ ግንኙነት በሁሉም ደረጃ ቆሟል፤ የሩሲያው ፕሬዝዳንት ቭላድሚር ፑቲን ከዩክሬን ጋር የሚደረገውን ውይይት የሚቀበሉት ዩክሬን ሞስኮ የያዘችው የዩክሬን ግዛቶች ላይ ጥያቄ የማታነሳ ከሆነ ብቻ ነው ይላሉ፤  ዜለንስኪ በበኩላቸው ይህን ሀሳብ ውድቅ ያደርጋሉ፡፡

https://t.me/merejadote

ቤተመንግስት ተገኘ የተባለው ወርቅ ከተሸጠ የመንግስት አካላት ተጠያቂነት እንደሚጠብቃቸው እናት ፓርቲ ገለፀ

ፓርቲው ባወጣው መግለጫው ጠቅላይ ሚኒስትር አብይ አህመድ በቅርቡ ከሕዝብ ተወካዮች ምክር ቤት አባላት ለቀረቡላቸው ጥያቄዎች ምላሽ በሰጡበት ወቅት “ባደረግነው የብሔራዊ ቤተ መንግሥት እድሳት ተቆልፎበት የተቀመጠ 400 ኪ.ግ. ወርቅ ኮሚቴ አቋቁመን ወደ ብሔራዊ ባንክ አስገብተናል” በሚል ያቀረቡት ገለፃ ላይ ለህዝብ ማብራርያ እንዲሰጡ ጠይቋል።

"የጠቅላይ ሚኒስትሩ ንግግር ግልጽ አይደለም" ያለው ፓርቲው "ከእርሳቸው ወደ ሥልጣን መምጣት አስቀድሞ ለ44 ዓመታት ደርግ እና ኢህአዴግ ሲመሩ ይህ የተጠቀሰው ወርቅ ከእይታ ተሰውሮ ተደብቆ የተገኘ አዲስ ግኝት ወይንስ የአገር ቅርስ በመሆኑ ለጥፋት እንዳይጋለጥ ተጠብቆ የቆየ ነው?" የሚለው ምላሽ እንደሚፈልግ ገልጿል።

እናት ፓርቲ በመግለጫው በጠ/ሚኒስትሩ የተጠቀሰው ወርቅ በቤተ መንግሥት አገልግሎት ላይ ይውሉ የነበሩ ከወርቅ የተሠሩ መገልገያዎች ወይንም ለነገሥታቱ ከውጭ አገራት መንግሥታት የተበረከቱ ከወርቅ የተሠሩ መገልገያዎች ከሆኑ እነዚህ ወርቅ ተብለው በወርቅ ዋጋ የሚገመቱና ተመዝግበው በብሔራዊ ባንክ የሚቀመጡ ባንኩም አግባብነት አለው ባለው ጊዜ የሚሸጠው ንብረት ሊሆኑ ከቶውንም አይችሉም ብሏል።

ይህን መሰል የአገር ቅርስ ወደ ተራ ወርቅነት ተለውጦ መልኩን እንዲቀይርና በወርቅም ሆነ በሌላ መልኩ ተሸጦ ወደ ገንዘብ የሚለወጥ ከሆነ የኢትዮጵያ መንግሥት በአጠቃላይና የኢትዮጵያ ብሔራዊ ባንክና የኢትዮጵያ ቅርስ ባለሥልጣን በተለይ የጋራ ተጠያቂነት እንደሚጠብቃቸው በመረዳት ከዚህ መሰል የጥፋት ሥራ እንዲታቀቡ እናት ፓርቲ በጽኑ ያሳስባል በማለት መግለጫውን አጠቃሏል።(መሰረት ሚዲያ)
https://t.me/merejadote

ፕሬዚዳንት ባይደን ትራምፕን በዋይት ሃውስ ተቀበሉ!

የአሜሪካ ፕሬዚዳንት ጆ ባይደን በዋይት ሃውስ ለዶናልድ ትራምፕ አቀባበል አድርገዋል፡፡

በዚሁ ወቅትም ፕሬዚዳንት ባይደን “ዶናልድ ትራምፕ እንኳን ተመልሰው መጡ” በማለት የመልካም ምኞት መልዕክታቸውን በመግለጽ ነው አቀባበል ያደረጉላቸው፡፡ በቅርቡ ከኃላፊነት የሚሰናበቱት ጆባይደን እና ተተኪያቸው ዶናልድ ትራምፕ በሥልጣን ሽግግሩ ላይ ስለሚኖሩ ሁኔታዎች እንደሚመክሩም ይጠበቃል ተብሏል፡፡

የስልጣን ሽግግሩም ሠላማዊ እንደሚሆን በሁለቱም ወገን መገለጹን ጠቅሶ ቢቢሲ ዘግቧል፡፡ የሩፐብሊካኑ ትራምፕ ሰሞኑን ካማላ ሃሪስን በሰፊ ልዩነት በማሸነፍ ለአሜሪካ ፕሬዚዳንትነት መመረጣቸው ይታወሳል፡፡

ትራምፕ ከፕሬዚዳንት ባይደን በፊት ለአንድ ተርም (አራት ዓመታት) አሜሪካን በፕሬዚዳንትነት መምራታቸው ይታወሳል፡፡

 https://t.me/merejadote

በህወሃት ክፍፍል ፌድራል መንግስቱ ጣልቃ እንዲገባ ተጠየቀ

በህውሃት እና ጊዜዓዊ አስተዳደሩ መካከከል  በተፈጠረው አለመግባበት  የገፈቱ ቀማሽ  ህዘቡ በመሆኑ የፌድራል መንግሰት  ጣልቃ በመግባት ውሳኔ ይስጥበት ሲለ የትግራይ ዲሞክራሲዊ ፓርቲ (ትዴፓ)  ገልጿል::

የፓርቲው ማዓከላዊ ኮሚቴ አባል  አቶ ገ/ጊዮርጊስ ግደይ ለጣቢያችን  እንደተናገሩት  ከቅርብ ጊዜዓት ወዲህ የተፈጠረው የህውሃት እና የጊዜዓዊ አስተዳደሩ አለመግባባት መቋጫው “የፌድራል መንገስት ጣልቃ በመግባት ውሳኔ ማሳለፍ ብቻ ነው” ብለዋል፡፡

https://t.me/merejadote

ትራምፕ በአንቶኒዮ ብሊንከን ቦታ ማንን ይሾማሉ?

የአሜሪካ የውጭ ጉዳይ ሚኒስትር የፕሬዝዳንቱ የውጭ ጉዳይ ዋና አማካሪ ሆኖ ያገለግላል። ሚኒስትሩ የፕሬዝዳንቱን የውጭ ጉዳይ ፖሊሲዎች ያከናውናል።

ታዲያ በዚህ ቁልፍ ቦታ አዲስ ተመራጩ ፕሬዝዳንት ዶናልድ ትራምፕ ማንን ይሾማሉ በሚለው ጉዳይ ሚዲያዎች ዘገባዎችን እያወጡ ነው። ተሿሚው ማን ሊሆኑ ይችላሉ? በአፍሪካ ቀንድ የሚኖራቸው ተጽዕኖስ ምን ሊመስል ይችላል?

ዶናልድ ትራምፕ የፍሎሪዳውን ሴናተር ማርኮ ሩቢዮን የውጭ ጉዳይ ሚኒስትር አድርገው ይሾማሉ ተብሎ እንደሚጠበቅ ዘገባዎች አመላክተዋል።

ትራምፕ በመጨረሻዎቹ ደቂቃ ሃሳብ ይቀይሩ ካልሆነ በስተቀር አሁን ባለው ሁኔታ ግን ስራውን ለሴናተሩ ሩቢዮ ለማቅረብ እያቀዱ መሆናቸው ታውቋል።

ትራምፕ የሀሳብ ለውጥ ሊያደርጉ ይችላሉ፤ ነገር ግን የውጭ ጉዳይ ሚኒስትር ቦታን ለሩቢዮ የወሰኑ መሆናቸውን ለጉዳዩ ቅርበት ያላቸው ምንጮች ነግረውኛል ሲል ዘ ኒው ዮርክ ታይምስ ዘግቧል።

ለሪፐብሊካኖቹ ቅርበት አለው የሚባልለት ፎክስ ኒውስ የተሰኘው ሚዲያም ዘግቦታል። በትራምፕ በኩልም ሆነ በሩቢዮ እስካሁን ማረጋገጫ ሀሳብ አልተሰጠም።

በፈረንጆቹ 2010 ለመጀመሪያ ጊዜ ለሴኔት የተመረጡት ሩቢዮ በኩባ፣ ኢራን እና ቻይና ላይ ባላቸው ጠንካራ አቋም ይታወቃሉ።

ከቅርብ ጊዜ ወዲህ ግን ከትራምፕ የውጭ ጉዳይ ፖሊሲ ጋር በመስማማት ተመራጩ ፕሬዝዳንት የሩስያ - ዩክሬን ጦርነት እንዲያበቃ ያቀረቡትን ጥሪ በማስተጋባት “መደምደሚያ ላይ መድረስ አለበት” የሚል አቋም ሲያንጸባርቁ ተስተውለዋል።

የማርኮ ሩቢዮ የውጭ ጉዳይ ሚኒስትር መሆን ለአፍሪካ ቀንድም ጠቃሚ ሊሆን እንደሚችል ተገምቷል። ሩቢዮ ስለ ቀጣናው ጠንቅቀው የሚያውቁ መሆናቸው ይነገራል።

https://t.me/merejadote

ፑቲን ከትራምፕ ጋር ለመነጋገር ዝግጁ መሆናቸውን ገለጹ

ጥቅምት 29/2017 የሩስያው ፕሬዝዳንት ቭላድሚር ፑቲን ሞስኮ ከተመራጩ የአሜሪካ ሪፐብሊካን ፕሬዝዳንት ጋር ለመነጋገር ዝግጁ ናት ሲሉ ገለጹ።

የሩሲያው ፕሬዝዳንት ዶናልድ ትራምፕ በአሜሪካ ምርጫ በማሸነፋቸው የእንኳን ደስ አለዎት መልዕክት አስተላልፈዋል።

ትራምፕ ከዚህ ቀደም ስለ ዩክሬን የሰጡት አስተያየት እና ከሩሲያ ጋር ያለውን ግንኙነት ወደነበረበት መመለስ ትኩረት የሚሻ ነው ማለታቸው በፑቲን የተወደደ ሀሳብ ሆኗል።

የሩስያው ፕሬዝዳንት በደስታ መግለጫ መልዕክታቸው ሞስኮ ከተመራጩ ሪፐብሊካን ፕሬዝዳንት ጋር ለመነጋገር ዝግጁ መሆኗን አስታውቀዋል።

ዶናልድ ትራምፕ ከምርጫ በፊት ከዩክሬን ፕሬዝዳንት ቮሎዲሚር ዘለንስኪ ጋር በተወያዩበት ወቅት ሩሲያ በዩክሬን የምታደርገውን ጦርነት በሰዓታት ውስጥ ማስቆም እንደሚችሉ ገልፀው አሜሪካ ለዩክሬን የምትሰጠውን እርዳታ ደጋግመው መተቸታቸው ይታወሳል።

https://t.me/merejadote

እነ ዮሃንስ ዳንኤል የእምነት ክህደት ቃላቸውን ሰጡ!

ከኢትዮጵያ አየር መንገድ ጋር ተያይዞ በወንጀል የተከሰሱት እነ ዮሃንስ ዳንኤል (ጆን ዳንኤል) የእምነት ክህደት ቃላቸውን ሰጡ።

ዮሃንስ ዳንኤል (ጆን ዳንኤል)፣ አማኑኤል መውጫ፣ ናትናኤል ወንድወሰን፣ ኤልያስ ድሪባ፣ ይዲድያ ነጻነት እና እሌኒ ክንፈ የተባሉ  ስድስት ተከሳሾች የኢትዮጵያ አየር መንገድ ደህንነትን አደጋ ላይ ለመጣል ተንቀሳቅሰዋል በሚል የቀረበባቸው ክስ ላይ የወንጀል ድርጊት እንዳልፈጸሙ ጠቅሰው በፌደራል ከፍተኛ ፍርድ ቤት 1ኛ ልዩ ልዩ ከባድ ወንጀል ችሎት ዛሬ ቀርበው የእምነት ክህደት ቃላቸውን ሰጥተዋል።

የፍትህ ሚኒስቴር የተደራጁና ድንበር ተሻጋሪ ጉዳዮች ዐቃቤ ሕግ በተከሳሾቹ ላይ ከአንድ ወር በፊት አውሮፕላንን ያለአግባብ መያዝ ወንጀል፣ የመንግስት ሰራተኛ የስራ ግዴታውን እንዳይፈጽም መቃወምና አለመታዘዝ ወንጀል ክስ እንዲሁም በ1ኛ ተከሳሽ ብቻ ደግሞ የአየር መንገዱን መልካም ስም ለሚያጎድፍ በተንቀሳቃሽ ምስል በኮምፒውተር ስርዓት አማካኝነት ማሰራጨት ወንጀል የሚል ክስ ማቅረቡ ይታወሳል።

ተከሳሾቹ የክስ ዝርዝር ከደረሳቸው በኋላ ያቀረቡት የዋስትና ጥያቄያቸው ውድቅ ተደርጎ በማረሚያ ቤት ሆነው ጉዳያቸውን እንዲከታተሉ በተሰጠ ትዕዛዝ መሰረት ከማረሚያ ቤት ቀርበው ጉዳያቸውን ተከታትለዋል።

የተከሳሾች ጠበቆች የክስ ዝርዝሩ እንዲሻሻል የመጀመሪያ ደረጃ የክስ መቃወሚያ ሲያቀርቡ፤ ከሳሽ ዐቃቤ ሕግ ደግሞ የክስ ዝርዝሩ ሊሻሻል አይገባም የሚል መልስ በጽሁፍ ሰጥቷል፡፡

ፍርድ ቤቱ የቀረበውን የክስ መቃወሚያ እና የዐቃቤ ሕግ መልስን መርምሮ በዛሬ ቀጠሮ ተከሳሾቹ ያቀረቡት የክስ መቃወሚያ ፍሬ ነገር ወደ ፊት በማስረጃ የሚጣራ መሆኑን ጠቅሶ ውድቅ አድርጎታል።

ከዚህም በኋላ ተከሳሾቹ በክሱ ዝርዝር የተገለጸውን የወንጀል ድርጊት ሰለመፈጸም አለመፈጸማቸው በፍርድ ቤቱ በቀረበላቸው ጥያቄ መሰረት "የወንጀል ድርጊቱን አልፈጸምንም " በማለት የእምነት ክህደት ቃላቸውን ሰጥተዋል።

ከሳሽ ዐቃቤ ሕግ ለወንጀሉ መፈጸም ያስረዱልኛል ያላቸው ምስክሮች ቃል እንዲሰማለት በጠየቀው ተለዋጭ ቀጠሮ መሰረት የምስክር ቃል ለመስማት ለሁለት ቀን ማለትም ለሕዳር 18 እና ለሕዳር 19 ቀን 2017 ዓ.ም ተለዋጭ ቀጠሮ ሰጥቷል።

https://t.me/merejadote

የኢትዮጵያ ንግድ ባንክ ከተወሰደብኝ ገንዘብ ያልተመለሰው 217 ሺሕ ብር ብቻ ነው አለ

የኢትዮጵያ ንግድ ባንክ የሳይበር ድህንነት ቀንን ምክንያት በማድረግ ለመጀመሪያ ጊዜ የሳይበር ድህንነት ቀን እያከበረ ይገኛል።

በክብረ በዓሉ ላይ የተገኙት የባንኩ ፕሬዝዳንት አቤ ሳኖ፤ ባለፈው ዓመት በራሳችን ስህተት በተፈጠረው የሲስተም ችግር ምክንያት ከተወሰደው ገንዘብ ሁሉም ተመልሶ የቀረው 217 ሺሕ ብር ብቻ ነው ብለዋል።

https://t.me/merejadote

ዚምባብዌ ፖሊሶች በስራ ላይ እያሉ ስልካቸውን እንደይጠቀሙ ከለከለች

ጥቅምት 26/2017 የዚምባብዌ መንግስት ፖሊሶች በስራ ላይ እያሉ ስልካቸውን እንዳይጠቀሙ ከልክሏል።

መንግስት መመርያው በፍጥነት ተፈጻሚ እንዲሆን አዟል።

እገዳው ማንኛውም የፖሊስ አባል በስራ ላይ ሆኖ የግል የመገናኛ መሳርያዎቹን በሙሉ መጠቀም እንዳይችል የሚከለክል ነው።

ፖሊሶች ወደ ጣቢያቸው ሲገቡ ስልካቸውን ለቅርብ አለቆቻቸው እንዲያሰስረክቡ መመርያው ያስገድዳል። መጠቀም የሚችሉትም በእረፍት ሰዓታቸው ብቻ እንደሆነም ተገልጿል።

በመመርያው ላይ ዕገዳው የተጣለው ለምን እንደሆነ አለልተገለጸም። ነገር ግን በፖሊስ አባለት የሚፈጸሙ የሙስና ተግባራትን ለመከላከል እንደሆነ ታምኗል።

ክልከላው የተደረገው ከጥቂት ቀናት በፊት በሀገሪቱ ዋና ከተማ ሀራሬ ሁለት የትራፊክ ፖሊሶች በቁጥጥር ስር መዋላቸውን ተከትሎ ነው። ምክንያቱ ደግሞ በማህበራዊ ድረ ገጾች ላይ በተለቀቀ ቪዲዮ ላይ ከህዝብ ትራንስፖርት መኪናዎች የሙስና ገንዘብ ሲቀበሉ በመታየታቸው ነው።

በመመርያው ላይ የፖሊስ አባላት በስራ ላይ ሆነው ስልካቸውን ይዘው ቢገኙ የፖሊስ አባሉ ብቻ ሳይሆን የቅርብ አለቃውም ጭምር ተጠያቂ ይሆናል መባሉን ቢቢሲ ዘግቧል።

https://t.me/merejadote

#ቦትስዋና👏

ከሰሞኑን በቦትስዋና በተካሄደው ፕሬዜዳንታዊ ምርጫ መሸነፋቸውን ያመኑት ሞከዌትሲ ማሲሲ ለአዲሱ ተመራጭ ፕሬዜዳንት ዱማ ቦኮ በይፋ በሰላም ፤ አቅፈዋቸውን ስልጣናቸውን አስረክበዋል።

ላለፉት 58 ዓመታት በሥልጣን ላይ የቆየው ' የቦትስዋና ዲሞክራቲክ ፓርቲ ' ህዝቡ በድምጹ ቀጥቶት ከባድ ሽንፈት አስተናግዶ መሪነቱን ተነጥቋል።

ይህ ፓርቲ አፍሪካ ውስጥ ረጅም ዓመታትን በግዢነት የቆየ ነው።

ተቃዋሚ ፓርቲ የነበረው ' አምብሬላ ፎር ዲሞክራቲክ ቼንጅ ' በከፍተኛ ብልጫ በማሸነፍ ፕሬዜዳንታዊ ስልጣኑን ተቆጣጥሯል።

ተሰናባቹ ፕሬዝዳንት በምርጫ መሸነፋቸውን ካመኑ በኃላ መላው ህዝብ በአንድነት አዲሱን የመንግሥት አስተዳደር እንዲደግፍ ጥሪ አቅርበዋል።

ቦትስዋና አፍሪካ ውስጥ በተረጋጋ ሰላም እና ዴሞክራሲያዊ ስርዓቷ በቀዳሚነት ትጠቀሳለች።

https://t.me/merejadote

በስፔን የተከሰተ የተፈጥሮ አደጋ ከባድ ጥፋት አደረሰ

በምስራቃዊ የስፔን ከተማ ቫሌንሺያ በጣለው ከባድ ዝናብ፤ ቢያንስ 72 ሰዎች እንደሞቱ የሀገር ውስጥ መገናኛ ብዙሃን ዘግበዋል።

https://t.me/merejadote

ኤርትራ የአየር ክልሏን ዘጋች

ኤርትራ የኢትዮጵያ አየር መንገድ በኤርትራ የአየር ክልል ውስጥ እንዳይበር መከልከሏን የኤርትራ እና የሶማሊያ ሚዲያዎች ዘግበዋል።

የኤርትራ ሲቪል አቬሽን ከወራት በፊት የኢትዮጵያ አየር  መንገድ የተጓዦችን ሻንጣ ጥሎብናል በሚል ክስ መስርቻለሁ ማለቱን ተከትሎ የኢትዮጵያ አየር መንገድ ወደ አስመራ በረራ ማቆሙ ይታወሳል።

አየር መንገዱ በኤርትራ የሚገኘውን ገንዘቡን ማንቀሳቀስ እንዳይችል መደረጉንም መግለፁ ይታወሳል።

  https://t.me/merejadote

በግጭቶች እና በተፈጥሮ አደጋዎች ምክንያት 5 ሺሕ 568 ትምህርት ቤቶች መዘጋታቸውን ተገለጸ

በኢትዮጵያ በሚገኙ የተለያዩ ክፍሎች በተከሰቱ እና በቀጠሉ ግጭቶች እንዲሁም በተፈጥሮ አደጋዎች ምክንያት 5 ሺሕ 568 ትምህርት ቤቶች መዘጋታቸውን የኢትዮጵያ ሰብዓዊ መብቶች ኮሚሽን (ኢሰመኮ) ገለጸ፡፡

ኮሚሽኑ ዛሬ ጥቅምት 20 ቀን 2017 ዓ.ም የማኅበራዊና ኢኮኖሚያዊ መብቶች ሁኔታ ላይ ያተኮረ ባለ 25 ገጽ ዓመታዊ ሪፖርት አውጥቷል።

በሪፖርቱም በትግራይ ክልል 105 ገደማ ትምህርት ቤቶች በጦርነት በመውደማቸውና የሀገር ውስጥ ተፈናቃዮች መጠለያ ጣቢያ በመሆናቸው ምክንያት ተገቢውን አገልግሎት እየሰጡ አለመሆኑን ገልጿል።

https://t.me/merejadote

#AddisAbaba

በአዲስ አበባ ከተማ የተለያዩ አካባቢዎች የመሬት መንቀጥቀጥ ንዝረት እንደነበር ነዋሪዎች ገልጸዋል።

ይህ የሆነው አሁን ከመሸ ነው።

በአንዳንድ ቦታዎችም ህንጻዎችን አንቀጥቅጧል።

የጋራ መኖሪያ ቤቶች የሚኖሩ ነዋሪዎች በስጋት ወደ መሬት ወርደው ተሰብስበዋል።

ተጨማሪ መረጃዎች ከባለሙያዎች ለማግኘት ጥረት እያደረግን ነው።

https://t.me/merejadote

አድማስ ዲጅታል ሎተሪ 27ኛ ዙር ዕጣ ዛሬ መስከረም 23 ቀን 2017 ዓ.ም በኢትዮጵያ ሎተሪ አገልግሎት በእድል አዳራሽ በህዝብ ፊት የወጣ ሲሆን የወጡት የዕጣ ቁጥሮችም ከዚህ ጋር ተያይዟል

 https://t.me/merejadote

እንኳን አደረሳችሁ!

ለመላው የክርስትና እምነት ተከታዮች፤
እንኳን ለብርሃነ መስቀሉ በሰላም አደረሳችህ!

በዓሉ የሰላም፣የፍቅር የደስታ እንዲሆንላቹ እንመኛለን።

 https://t.me/merejadote

አረጋዊ ካህን ዐራት ቤተሰባቸውን ጨምሮ ማንነታቸው ባልታወቁ ኃይሎች በአሰቃቂ ሁኔታ ተገደሉ
             
መልአከ/መ/ ቀሲስ ወልደ ኢየሱስ አያሌው የተባሉ በምሥራቅ ሸዋ ሀገረ ስብከት በሉሜ ( ሞጆ )  ወረዳ ቤተ ክህነት በቢቃ ደ/መ/ቅ/ሚካኤል ቤተ ክርስቲያን ለ 41 ዓመታት ያህል ከዲቁና እስከ ደብር አስተዳዳሪነት ድረስ በትሕትና ሲያገለግሉ መቆየታቸው ተገልጿል፡፡

ካህኑ ከባለቤታቸውና ከሦስት ልጆቻቸው ጋር ባሰቃቂ ሁኔታ ማንነታቸው  ባልታወቁ ኃይሎች በግፍና በአሰቃቂ ሁኔታ መገደላቸውን የሉሜ ወረዳ ቤተ ክህነት ጽ/ቤት የገለጸ ሲሆን ልጃቸው ዲ/ን መልአክ ወልደ ኢየሱስም የቤተ ክርስቲያን አገልጋይ እንደነበር ተጠቅሷል፡፡

ጸሎተ ፍትሐት  ሥርዓቱም  የሞጆ ሉሜ ወረዳ ቤተ ክህነት ዋና ሥራ አስኪያጅ መልአከ ሰላም ቆሞስ አባ ሰይፈ ገብርኤል ገረመው፣ የአድባራት አስተዳዳሪዎች ፣ አበው ካህናት ሊቃውንት ፣ በርካታ ምእመናን  በተገኙበት  በሞጆ ደ/ብ/ቅድስት ሥላሴ ቤተ ክርስቲያን በብፁዕነታቸው መሪነት እየተከናወነ ይገኛል።

ዘገባው የምሥራቅ ሸዋ ሀገረ ስብከት ሚዲያ ነው

  https://t.me/merejadote

አዲስ አበባ ውስጥ ከነገ ማለዳ 12 ሠዓት እስከ ዓርብ ማለዳ 12 ሠዓት ድረስ ሞተር ብስክሌት ማሽከርከር ተከለከለ!!

የከተማው ትራንስፖርት ቢሮ ፥ " ለመስቀል ደመራ በዓል አከባበር የመንገድ ትራንስፖርት ደህንነት ሲባል ከመስከረም 16 እና 17 ቀን 2017 ዓ.ም ማለዳ 12 ሠዓት ድረስ በመዲናዋ የሞተር ብስክሌት የትራንስፖርት አገልግሎት ተከልክሏል " ሲል አሳውቋል። የትራንስፖርትና የትራፊክ ተቆጣጣሪዎች እና የትራፊክ ፖሊሶች አፈፃፀሙን ተግባራዊ እንዲያደርጉም ማሳሰቢያ ተሰጥቷል።

https://t.me/merejadote

"ጀነራል ፃድቃን የቆየ ቂም በመወጣት፤ ስልጣን ለመጠቅለል አቅዷል" ደብረፅዮን ገብረሚካኤል

የትግራይ ግዚያዊ አስተዳደር ምክትል ፕሬዝደንት የሆኑት ጀነራል ፃድቃን ገብረትንሳኤ "የቆየ ቂም በመወጣት ስልጣን ለመጠቅለል በማቀድ ላይ ናቸው" ሲሉ ዶክተር ደብረፅዮን ገብረሚካኤል ከሰዋል፡፡

ህወሓት ባለፉት ቀናት መቐለን ጨምሮ በተለያዩ የትግራይ ከተሞች ህዝባዊ የተባሉ ስብሰባዎች ያካሄደ ሲሆን፤ በእነዚህ መድረኮች ላይ የፖርቲው አመራሮች ክፍፍል በስፋት መነሳቱ ተገልጿል፡፡

በመድረኮቹም ህወሓትን ለማጥፋት፣ ስልጣን ለመጠቅለል የሚንቀሳቀሱ ተብለው የተገለጹ አመራሮች በሥም እየተጠቀሱ ወቀሳ እንደተሰነዘረባቸው ተሰምቷል፡፡

https://t.me/merejadote

በእስራኤል የአየር ጥቃት የሄዝቦላህ ከፍተኛ አመራር ተገደለ

አርብ ዕለት በሊባኖስ ዋና ከተማ ቤሩት እስራኤል ባደረሰችው የአየር ጥቃት የሄዝቦላህ ከፍተኛ ወታደራዊ አዛዥ ተገደለ።

ሄዝቦላህ ኢብራሂም አቂል የተባለው ወታደራዊ አዛዡ መሞቱን ያረጋገጠ ሲሆን፣ እስራኤል በበኩሏ በአየር ድብደባው ከሞቱ በርካታ የሄዝቦላህ ቁልፍ ሰዎች መካከል አንዱ ነው ብላለች።

ቀደም ብሎ የሊባኖስ ባለሥልጣናት የእስራኤል የአየር ጥቃት በርካታ ሰዎች የሚኖሩበትን ዳሂህ የተባለ ሥፍራ ከደረሰ በኋላ ቢያንስ 14 ሰዎች መገደላቸውን እና በርካቶች መቁሰላቸውን ተናግረው ነበር። የአየር ጥቃቱ የተፈጸመበት ሥፍራ በኢራን የሚደገፈው ሄዝቦላህ ጠንካራ ይዞታ ነው ተብሎ ይታመናል።

ከጥቃቱ በኋላ የአደጋ ጊዜ ሰራተኞች ወደ ሥፍራው አምርተው በጥቃቱ ከተደረመሱ ሕንጻዎች ውስጥ በሕይወት የተረፉትን ለማውጣት ሲረባረቡ ታይተዋል።
https://t.me/merejadote

የፍቅር እስከመቃብር ፊልም በፍርድ ቤት እግድ ወጣበት።

ወደ ፊልም ተቀይሮ በኢቢሲ እየታየ የነበረው የክቡር ዶክተር ሐዲስ አለማየሁ «ፍቅር እስከ መቃብር» ልብወለድ እንዳይታይ ፍ/ቤቱ ትዕዛዝ መስጠቱ ተሰምቷል።

"የቀረበው ክርክር ተመርምሮ ውሳኔ ለመስጠት እስከተያዘው ተጠሮ ማለትም እስከ ህዳር 23 ቀን 2017 ዓ.ም ድረስ ወይም ከወዲሁ ትእዛዙ መነሳቱ እስከሚገልጽ ድረስ ወደ ፊልም የተቀየረው ተጠቃሹ የድርሰት ስራ በማናቸውም መንገድ ለህዝብ እይታ እንዳይቀርብ እንዳይሰራጭ በፍ/ብ/ስ/ስ/ህግ/ ቁጥር 154 መሰረት ታግዷል።" ያሳገዱትም የደራሲው ቤተሰቦች ናቸው ተብሏል።

 https://t.me/merejadote

አዲሱ የኤሌክትሪክ ታሪፍ ማስተካከያ አተገባበርን በተመለከተ ተጨማሪ ማብራሪያ!

ከመስከረም ወር 2017 ዓ.ም ጀምሮ ተግባራዊ የተደረገው አዲሱ የኤሌክትሪክ ታሪፍ ማስተካከያ ለቀጣይ 4 ዓመታት በየሶስት ወር ተከፋፍሎ በ16 ጊዜ ተግባራዊ እንደሚደረግ ይታወቃል፡፡ ይህም አነስተኛ የኤሌክትሪክ ኃይል መጠን የሚጠቀሙ ደንበኞችን እንዳይጎዳ፣ አሁናዊ የኑሮ ደረጃን ያገናዘበና ድጎማን መሰረት ያደረገ ማስተካከያ በመሆኑ ነው፡፡

ይህ የታሪፍ ማስተካከያ የመኖሪያ ቤት፣ ንግድ ተቋማት፣ ዝቅተኛ ኢንዱስትሪ፣ ከፍተኛ ኢንዱስትሪ እንዲሁም የመንገድ መብራት ተጠቃሚ ደንበኞች በሚል የተከፋፈለ ነው፡፡

የመኖሪያ ቤት ተጠቃሚዎችን በተመለከተ ሰባት እርከኖች ያሉት ሲሆን፤ እንደ አጠቃቀማቸው መሰረት ያደረገ ድጎማ ተደርጎበታል፡፡ በዚህም ከ0 እስከ 200 ኪሎዋት ሰዓት የሚጠቀሙ የመኖሪያ ቤት ደንበኞች የድጎማው ተጠቃሚ ናቸው፡፡

ለአብነት በአገራችን ካሉ የኤሌክትሪክ ቆጣሪዎች ውስጥ 75 በመቶ የሚደርሱት ለመኖሪያ ቤት አገልግሎት የሚውሉ ናቸው፡፡ የኢትዮጵያ ኤሌክትሪክ አገልግሎት ካሉት አጠቃላይ ደንበኞች ደግሞ ግማሽ የሚሆኑት በወር 50 ኪሎዋት ሰዓት እና ከዚያ በታች የሚጠቀሙ ናቸው፡፡

እንደ አጠቃቀም ደረጃ ካየነው በወር እስከ 100 ኪሎዋት ሰዓት የሚጠቀመው ደግሞ ቁጥሩ 65 በመቶ ድርሻ አለው፡፡ ከፍ አድርገን  እስከ 200 ኪሎዋት ሰዓት በወር ኤሌክትሪክ የሚጠቀመውን ብንመለከት ከአጠቃላይ የተቋሙ ደንበኛ እስከ 80 በመቶ ይደርሳል፡፡

#የኢትዮጵያኤሌክትሪክአገልግሎት

  https://t.me/merejadote

አዲስ አበባ ዩኒቨርሲቲ ከ500 በላይ ውጤት ላመጡ ተማሪዎች ነጻ የትምህርት ዕድል ሰጠ

መስከረም 8/2017 የአዲስ አበባ ዩኒቨርሲቲ በዘንድሮው የ12ኛ ክፍል ፈተና ከ500 በላይ ላመጡ 200 ተማሪዎች ነጻ የትምህርት ዕድል መስጠቱን አስታወቀ፡፡

ዩኒቨርሲቲው ራስ ገዝ መሆኑን ተከትሎ ተማሪዎችን በራሱ የቅበላ ሥርዓት ተቀብሎ ለማስተማር ምዝገባ እያከናወነ መሆኑንም ገልጿል፡፡

በቅርቡም ያዘጋጀውን የተማሪዎች መግቢያ ፈተና እንደሚሰጥና ብቃትን፣ ብዝኃነትንና ፍትሐዊነትን ማዕከል አድርጎ እንደሚቀበል አስታውቋል፡፡

ከዚሁ ጋር በተያያዘ በ2016 የትምህርት ዘመን የ12ኛ ክፍል ማጠናቀቂያ ፈተና ወስደው 500 እና ከዚያ በላይ ያዝመዘገቡ 200 ተማሪዎችን በውድድር ነፃ የትምህርት እድል ከመኝታና የካፌ አገልግሎት ጋር እንደሚሰጥ አመልክቷል፡፡

ይህም ዩኒቨርሲቲው ብቃትና ተሰጥዖ ያላቸው ተማሪዎች መዳረሻ ለመሆን ያለውን ቁርጠኝነት እንደሚያሳይ ከዩኒቨርሲቲው ያገኘነው መረጃ ያመላክታል፡፡

https://t.me/merejadote

ትራምፕ "ደህንነቱ የተጠበቀ" ቦታ ላይ እንደሚገኙ የአሜሪካ ባለስልጣናት አስታወቁ

መስከረም 6/2017 የቀድሞ አሜሪካ ፕሬዝዳንት እና የሪፐብሊካን ፓርቲ እጩ ዶናልድ ትራምፕ በፍሎሪዳ የተደረገባቸውን የግድያ ሙከራ ተከትሎ ለደኅንነታቸው ሲባል አስተማማኝ ጥበቃ ወደሚያገኙበት ቦታ እንዲዘዋወሩ መደረጋቸውን የአሜሪካ ባለስልጣናት አስታወቁ፡፡

የግድያ ሙከራው በሚስጥራዊ ደህንነት አባላት መክሸፉ የተገለጸ ሲሆን ግድያውን ሊፈጽም ነበር በሚል የተጠረጠረው ግለሰብ ትራምፕ ጎልፍ ከሚጫወቱበት መቶ ሜትሮች ርቀት ላይ እንደነበረ ተጠቁሟል።

ተጠርጣሪ የሆነው ራያን ዌስሊ ራውዝ የተባለ የ58 ዓመት የሁዋይ ግዛት ነዋሪ ኤኬ-47 ዓይነት ጠብመንጃ እና ሌሎች ቁሳቁስ በቦታው በመተው በተሽከርካሪ የሸሸ ቢሆንም በኋላ ላይ በተደረገ ክትትል በቁጥጥር ስር መዋሉን የአሜሪካ ባለስልጣናት አረጋገጠዋል።

ትራምፕ ለደጋፊዎቻቸው በፃፉት የኢሜይል መልዕክት “ለተጨነቃችሁልኝ እና መልካም ምኞታችሁን የገለጻችሁልኝን በሙሉ አመሰግናለሁ፤ “ደህና ነኝ” ብለዋል።

የአሜሪካው ፕሬዝዳንት ጆ ባይደን ዶናልድ ትራምፕ ምንም ዓይነት ጉዳት ሳይደርስባቸው በመትረፋቸው እፎይታ ተሰምቶኛል ማለታቸውን ቢቢሲ ዘግቧል፡፡

የሪፐብሊካን ፓርቲ እጩ የሆኑት ትራምፕ የግድያ ሙከራ ሲደረግባቸው ለሁለተኛ ጊዜ ሲሆን ከዚህ ቀደም በፔንሲልቫኒያ የምርጫ ቅስቀሳ ላይ እያሉ በተተኮሰባቸው ጥይት ጆሯቸው ላይ መጠነኛ ጉዳት ደርሶባቸው እንደነበር ይታወሳል
https://t.me/merejadote