Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

@mandalaypeopledefenceforce

Mdy-PDF ၏ သတင်း နှင့် စစ်ရေးထုတ်ပြန်ချက်များ ကို တင်ပြသွားပါမည်။

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး) (Burmese)

Mdy-PDF သည် မန္တလေးတိုင်းရဲ့ စစ်ရေးနှင့် ထုတ်ပြန်ချက်များကို ဖြစ်သည်။ အခမဲ့ သတင်းများနှင့် နောက်ထပ် ရယူပြီး တင်ပြသွားပါပြီ။ Mandalay People's Defence Force သည် မာန္တလေးတိုင်းရဲ့ သတင်း၊ စစ်ရေးထုတ်ပြန်ချက်များကို တင်ပြသွားပါမည်။ ဤ channel သည် Mandalay နှင့် မန္တလေး၏ လူမျိုးများအတွက် အင်္ဂလိပ်စတိုးတွင် စစ်ရေးနှင့် လုပ်ငန်းများ နှင့် သတင်းများကို တင်ပြသွားလိမ့်မည်။

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

31 Jan, 07:51

သတင်းထုတ်ပြန်ချက်

၂၀၂၅ ခုနှစ် ၊ ဇန်နဝါရီလ (၃၁)ရက်

၁။ အကြမ်းဖက် စစ်ကောင်စီသည် ၂၀၂၅ ခုနှစ် ၊ ဇန်နဝါရီလ (၃၁)ရက် မနက် (၀၀:၁၅) အချိန်တွင် စဉ့်ကူးမြို့ပေါ်ရှိ မြို့နယ်ပြည်သူ့ဆေးရုံအား လေကြောင်းတိုက်ခိုက်မှုပြုလုပ်ခဲ့သည်။

၂။ စဉ့်ကူးမြို့နှင့်အနီးဝန်းကျင်သည် တိုက်ပွဲနှင့်အလှမ်းကွာသော နေရာဒေသတစ်ခုဖြစ်ပြီး အကြမ်းဖက် စစ်ကောင်စီအနေဖြင့် အကြောင်းမဲ့သက်သက် အများပြည်သူနှင့်သက်ဆိုင်သော မြို့နယ်ပြည်သူ့ဆေးရုံအား လေကြောင်းတိုက်ခိုက်မှုပြုလုပ်ခဲ့ခြင်း ဖြစ်ပါသည်။

၃။ အကြမ်းဖက် စစ်ကောင်စီသည် ယခုရက်ပိုင်းအတွင်း ပြည်သူ့ဆေးရုံများအား ဦးတည်တိုက်ခိုက်နေသည်ကို တွေ့ရှိရပြီး စစ်တပ်တစ်တပ်အနေဖြင့် ဂုဏ်သိက္ခာအကင်းမဲ့ဆုံး စစ်ရာဇဝတ်မှုများကို ပြောင်ပြောင်တင်းတင်း ကျူးလွန်နေခြင်းဖြစ်ကြောင်း သတင်းထုတ်ပြန်အပ်ပါသည်။

#MDY_PDF
#Singu

26,388

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

22 Jan, 08:38

တိုက်ပွဲသတင်းထုတ်ပြန်ချက်

၂၀၂၅ ခုနှစ် ၊ ဇန်နဝါရီလ (၂၂)ရက်

၁။ ၂၀၂၅ ခုနှစ် ၊ ဇန်နဝါရီလ (၂၁)ရက်နေ့မှစ၍ ပြည်သူ့ကာကွယ်ရေးတပ်မတော် (မန္တလေး) နှင့် အကြမ်းဖက် စစ်ကောင်စီအကြား တိုက်ပွဲများ ပြန်လည်ဖြစ်ပွါးလျက်ရှိသည်။

၂။ အကြမ်းဖက် စစ်ကောင်စီသည် မတ္တရာမြို့နယ်အတွင်း လက်နက်ကြီးပစ်ခတ်မှုများသာမက မြေပြင်စစ်ကြောင်းများပါ အင်အားဖြည့်တင်းလာသောကြောင့် ဖယောင်းတောင် ၊ ထန်းပင်ကုန်းကျေးရွာနှင့် မြို့ကုန်းကျေးရွာတစ်ဝိုက်တွင် တိုက်ပွဲများဖြစ်ပွါးလျက်ရှိသည်။

၃။ ထို့အပြင် နောင်ချိုမြို့နယ် သံဘိုကျေးရွာအနီးတွင်လည်းကောင်း ၊ သပိတ်ကျင်းမြို့နယ် (၇)မိုင်ကျေးရွာတွင်လည်းကောင်း စစ်ကောင်စီတပ်များနှင့် မိမိတို့ ပြည်သူ့ကာကွယ်ရေးတပ်မတော် (မန္တလေး) အကြား တိုက်ပွဲများ ခပ်စိပ်စိပ် ဖြစ်ပွါးလျက်ရှိသည်။

၄။ အကြမ်းဖက် စစ်ကောင်စီသည် နောင်ချိုမြို့နယ် လူနေရပ်ကွက်များအတွင်း ၂၀၂၅ ခုနှစ် ၊ ဇန်နဝါရီလ (၂၁)ရက် နှင့် (၂၂)ရက်နေ့များတွင် လေကြောင်းတိုက်ခိုက်မှုပြုလုပ်ခဲ့သောကြောင့် အရပ်သား ထိခိုက်သေဆုံးမှု အများအပြားရှိခဲ့သည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF

37,427

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

13 Jan, 06:13

``မြေပြန့်ဒေသ လွတ်မြောက်ရေးမှသည် တနိုင်ငံလုံး လွတ်မြောက်ရေးဆီသို့ ….’’

နွေဦးတော်လှန်ရေးအတွင်းမှ လက်နက်ကိုင်တော်လှန်ရေး အခန်းကဏ္ဍတွင် မြေပြန့်ဒေသများကို ပြည်သူ့လွတ်မြောက်နယ်မြေများအဖြစ် ပြောင်းလဲစေနိုင်ရေးဟာ ၂၀၂၅ ခုနှစ်အတွက် အသက်တမျှ အရေးကြီးလှပါတယ်။

စစ်အာဏာရှင်နှင့်တကွ အာဏာရှင် အဆက်ဆက် ခြေကုတ်ယူရာ မြေပြန့်ဒေသများကို ပြည်သူ့လွတ်မြောက်နယ်မြောက်နယ်မြေများအဖြစ် ဖော်ဆောင်နိုင်လေလေ စစ်အာဏာရှင် ကြုံလှီလေလေ ဖြစ်ပါလိမ့်မယ် ။

ထို့ကြောင့် ပြည်သူ့ကာကွယ်ရေးတပ်မတော်(မန္တလေး) နှင့်အတူ တဦးချင်းဖြစ်စေ ၊ အစုအဖွဲ့လိုက်ဖြစ်စေ ဆက်သွယ်ချိတ်ဆက်ပြီး စစ်ကိုင်းတပ်မဟာမှာ ပါဝင်ကာ တနိုင်ငံလုံးလွတ်မြောက်ရေးအတွက် အတူတကွ ရုန်းကန်လှုပ်ရှားကြပါစို့ ………

``စစ်ကိုင်းတပ်မဟာ မှာ ပါဝင်ကြ’’

(ပြည်သူ့ကာကွယ်ရေးတပ်မတော် (မန္တလေး)၏ Facebook Page တွင် ဆက်သွယ်မေးမြန်းနိုင်ပါသည်။)

#MDY_PDF
#စစ်ကိုင်းတပ်မဟာ

26,879

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

12 Jan, 03:14

၂၀၂၅ ခုနှစ် ၊ ဇန်နဝါရီလ (၁၂)ရက်နေ့တွင် ကျရောက်သည့် “(၆၂)နှစ်မြောက် တအာင်းအမျိုးသားတော်လှန်ရေးနေ့”အခမ်းအနားသို့ ပြည်သူ့ကာကွယ်ရေးတပ်မတော် (မန္တလေး)မှ ပေးပို့သော သဝဏ်လွှာ

#MDY_PDF

28,255

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

10 Jan, 03:10

ပြည်သူ့ကာကွယ်ရေးတပ်မတော် (မန္တလေး) အခြေခံစစ်ပညာသင်တန်း အပတ်စဉ်(၁၅) သင်တန်း မှတ်တမ်းပုံရိပ်များ

#MDY_PDF

25,110

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

30 Dec, 13:52

သတင်းထုတ်ပြန်ချက်

၂၀၂၄ ခုနှစ် ၊ ဒီဇင်ဘာလ(၃၀)ရက်

၁။ ပြည်သူ့ကာကွယ်ရေးတပ်မတော် (မန္တလေး) သည် ဖက်ဒရယ်ဒီမိုကရေစီရရှိရေးနှင့် စစ်အာဏာရှင်စနစ် အမြစ်ပြတ်ချေမှုန်းရေးအတွက် တစ်စိုက်မတ်မတ် တိုက်ပွဲဝင်နေသော တပ်ဖွဲ့ဖြစ်သည်။

၂။ မိမိတို့ ပြည်သူ့ကာကွယ်ရေးတပ်မတော် (မန္တလေး)သည် ၂၀၂၄ ခုနှစ် တစ်နှစ်တာအတွင်း အကြမ်းဖက် စစ်ကောင်စီအား အထိနာစေသည့် စစ်ဆင်ရေးကြီးများကို မိတ်ဖက်တော်လှန်ရေးတပ်ဖွဲ့များနှင့်အတူ စဉ်ဆက်မပြတ်ဖော်ဆောင်ခဲ့ပြီး ထိန်းချုပ်စိုးမိုးနယ်မြေ အမြောက်အမြားလည်း ရရှိခဲ့ပါသည်။

၃။ မိမိတို့အနေဖြင့် လာမည့် ၂၀၂၅ ခုနှစ်တွင်လည်း စစ်ကိုင်းတိုင်းဒေသကြီး၌ ပြည်သူ့ကာကွယ်ရေးတပ်မတော် (မန္တလေး)၏ တပ်မဟာအသစ် တစ်ခုဖွဲ့စည်း၍ စစ်ဆင်ရေးအရှိန်အဟုန်ကို တိုးမြှင့်ဖော်ဆောင်သွားမည်ဖြစ်သည်။

၄။ ပြည်သူ့ကာကွယ်ရေးတပ်မတော် (မန္တလေး)၏ စစ်ကိုင်း တပ်မဟာတွင် လာရောက်ပူးပေါင်းမည့် စစ်သည်တော်များနှင့် မိတ်ဖက်တော်လှန်ရေးတပ်ဖွဲ့များကို ကြိုဆိုဖိတ်ခေါ်ပါကြောင်းနှင့် စစ်ကိုင်းတိုင်းဒေသကြီးရှိ တော်လှန်ရေးတပ်ဖွဲ့များနှင့်လည်း စစ်ဆင်ရေးများကို ဟန်ချက်ညီညီ ပူးပေါင်းဆောင်ရွက်သွားရန် အဆင်သင့်ရှိပါကြောင်း အသိပေးထုတ်ပြန်အပ်ပါသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF

33,192

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

26 Dec, 12:39

တိုက်ပွဲသတင်းထုတ်ပြန်ချက်

၂၀၂၄ ခုနှစ် ၊ ဒီဇင်ဘာလ (၂၆)ရက်

၁။ ပြည်သူ့ကာကွယ်ရေးတပ်မတော် (မန္တလေး) နှင့် အကြမ်းဖက် စစ်ကောင်စီတပ်များအကြား မတ္တရာမြို့နယ် ၊ သပိတ်ကျင်းမြို့နယ် နှင့် နောင်ချိုမြို့နယ်တို့တွင် တိုက်ပွဲများ ဖြစ်ပွါးလျက်ရှိသည်။

၂။ ၂၀၂၄ ခုနှစ် ၊ ဒီဇင်ဘာလ (၂၆) ရက် ညနေ (၃:၂၀) အချိန်တွင် အကြမ်းဖက် စစ်ကောင်စီမှ ပစ်လွှတ်လိုက်သော လက်နက်ကြီးကျည်သည် မတ္တရာမြို့နယ် ၊ ထန်းတောကုန်းတဲတိုက် ဘုန်းကြီးကျောင်းသို့ ကျရောက်ပေါက်ကွဲခဲ့သည်။

၃။ ထိုသို့ အကြမ်းဖက် စစ်ကောင်စီ၏ မဆင်မခြင် လက်နက်ကြီးပစ်ခတ်မှုကြောင့် ကလေးငယ် (၂) ဦး အသက်ဆုံးရှုံးခဲ့ရပြီး ပြည်သူ (၃)ဦး ထိခိုက်ဒဏ်ရာရရှိခဲ့သည်။

၄။ အကြမ်းဖက် စစ်ကောင်စီသည် စစ်ရှုံးလာသည်နှင့်အမျှ ပြည်သူကို ပစ်မှတ်ထား၍ စစ်ရာဇဝတ်မှုများကို အကြိမ်ကြိမ် ကျူးလွန်လျက်ရှိကြောင်း ထုတ်ပြန်အပ်ပါသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2
#Madaya

52,949

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

21 Dec, 04:19

တိုက်ပွဲသတင်းထုတ်ပြန်ချက်

၂၀၂၄ ခုနှစ် ၊ ဒီဇင်ဘာလ (၂၁)ရက်

၁။ ၂၀၂၄ ခုနှစ် ၊ ဒီဇင်ဘာလ (၁၉)ရက်နေ့မှစ၍ မတ္တရာမြို့နယ်၌ ပြည်သူ့ကာကွယ်ရေးတပ်မတော် (မန္တလေး)နှင့် အကြမ်းဖက်စစ်ကောင်စီအကြား တိုက်ပွဲများ ပြင်းထန်လျက်ရှိသည်။

၂။ ၂၀၂၄ ခုနှစ် ၊ ဒီဇင်ဘာလ(၁၉)ရက်နေ့ မနက်(၉:၀၀)ခန့်တွင် မတ္တရာမြို့နယ် ထန်းပင်ကုန်းကျေးရွာအား အပြီးသတ်သိမ်းပိုက်နိုင်ခဲ့ပြီး အခြားသော နေရာများသို့လည်း ဆက်လက်ထိုးစစ်ဆင်လျက်ရှိသည်။

၃။ အဆိုပါ တိုက်ပွဲများအတွင်း ရန်သူ့ထံမှ လက်နက်ခဲယမ်းအချို့ သိမ်းဆည်းရမိခဲ့ပြီး စစ်သုံ့ပန်းများလည်း ဖမ်းဆီးရမိခဲ့သည်။

၄။ ထို့အပြင် သပိတ်ကျင်းမြို့နယ် နှင့် နောင်ချိုမြို့နယ်တို့တွင်လည်း ပြည်သူ့ကာကွယ်ရေးတပ်မတော် (မန္တလေး) နှင့် အကြမ်းဖက် စစ်ကောင်စီအကြား တိုက်ပွဲများ ပြင်းထန်လျက်ရှိသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2
#Madaya

34,665

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

10 Dec, 09:57

လူငယ်တွေပါ … စနစ်ဆိုးတစ်ခု ပျက်သုဉ်းဖို့
လက်နက်ကိုင် တိုက်ပွဲဝင်နေရပေမယ့်
ကူညီတတ်တယ်
စာနာတတ်တယ်
ပြီးတော့ ခံစားတတ်ကြပါတယ် …

ပြည်သူ့ကာကွယ်ရေးတပ်မတော် (မန္တလေး) ၊ လက်နက်ကြီးတပ်ဖွဲ့မှ ရဲဘော်များ ဖန်တီးရေးစပ်ထားတဲ့ “Tug of War” (လွန်ဆွဲပွဲ) သီချင်းကို တင်ဆင်ပေးလိုက်ပါတယ် …

#MDY_PDF

34,133

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

09 Dec, 04:07

တိုက်ပွဲသတင်းထုတ်ပြန်ချက်

၂၀၂၄ ခုနှစ် ၊ ဒီဇင်ဘာလ (၉)ရက်

၁။ ၂၀၂၄ ခုနှစ် ၊ ဒီဇင်ဘာလ (၆)ရက်နေ့တွင် ပြည်သူ့ကာကွယ်ရေးတပ်မတော် (မန္တလေး)သည် မတ္တရာမြို့နယ် အနောက်ဖက်ခြမ်းရှိ တော်လှန်ရေးတပ်ဖွဲ့များ ခေတ္တလက်လွှတ်ခဲ့ရသော ကျေးရွာများကို ပြန်လည်ထိုးစစ်ဆင် တိုက်ခိုက်ခဲ့သည်။

၂။ ယခုအခါ မတ္တရာမြို့နယ် အနောက်ဖက်ခြမ်းရှိ ရွာသစ်ကျေးရွာ ၊ ဝန်စုကျေးရွာ နှင့် ထိန်ပင်စောက်ကျေးရွာတို့ကို အပြီးသတ် ပြန်လည်သိမ်းပိုက်ရရှိပြီး ဖြစ်ပါသည်။

၃။ အဆိုပါ တိုက်ပွဲများတွင် အကြမ်းဖက် စစ်ကောင်စီထံမှ လက်နက်ခဲယမ်းအချို့ သိမ်းဆည်းရမိခဲ့သည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2
#Madaya

33,588

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

06 Dec, 12:40

တော်လှန်ကဗျာဆရာတွေ နဲ့ ဆုံမဲ့ည 💟
ကဗျာဆန်ဆန် တော်လှန်ကဗျာညဆိုပါတော့။
"မန်းတောင်ရိပ်ခို အောင်ပွဲကြို" ဖို့ တော်လှန်ကဗျာဆရာတွေနဲ့ အတူတူ ဝန်းရံကြစို့ တော်လှန် ထောက်ပို့ပြည်သူတို့။ 💟

"ငါတို့ဟာ
ကဗျာဆရာတွေပါ။

ကဗျာဆရာတွေရဲ့ရင်အုံ
ဒေါ်လာငါးထောင်မက
တန်တယ်။

ငါတို့ရင်ခုန်သံတန်ကြေး
နှစ်ဒေါ်လာဘယ်ကပါ့မလဲ။

ဟောဒီရင်အုံတွေက
ထုတ်လုပ်လိုက်တဲ့
သေနတ်တွေမှာ
စနိုက်ပါ ပါတယ်။
.......
........
အခုနွေဦးမှာ
ငါတို့ကဗျာတစ်ပုဒ်ဟာ
စစ်ခွေးတစ်အုပ်ပေါ့။

တော်လှန်ရေးမှာ
ကဗျာပါတယ်
ကဗျာဟာငါတို့လက်နက်။"

ဆရာကြီးအောင်ဝေးရဲ့ ကဗျာအတိုင်းပေါ့။

အတိတ်သမိုင်းရဲ့ လူထုတော်လှန်ရေးတိုင်းမှာ ကဗျာဟာ အင်အားကြီးတစ်ခု ဖြစ်ခဲ့ပါရဲ့။
ကဗျာဆရာတွေဟာ ကဗျာလက်နက်နဲ့ ခေတ်ရဲ့ အလင်းအမှောင်တွေကို ထင်ဟပ်ပစ်ခတ်ပြခဲ့ပါရဲ့။ အဓမ္မကိုတော်လှန်ပုန်ကန်ခဲ့ကြပါရဲ့။

ကဲ...ကိုယ့်လူတို့...8.12.2024 (Sunday)...တော်လှန်ကဗျာဆရာတွေရဲ့ တော်လှန်ကဗျာတွေကို တော်လှန်ရေး နှလုံးသားတွေနဲ့ နားသောတဆင်ရင်း....
ငါတို့လူထုရဲ့ တော်လှန်သွေးတွေ နွေးပူနေဆဲ ဖြစ်ကြောင်း ထောက်ပို့အင်အားပြကြရအောင်လား။ ဆုံတွေ့ကြမယ် သွေးချင်းတို့ရေ...💟

#MDYPDF
#မန်းတောင်ရိပ်ခိုအောင်ပွဲကြို

31,474

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

05 Dec, 12:44

၂၀၂၄ ခုနှစ် ဒီဇင်ဘာလ(၃)ရက်နေ့ မတ္တရာမြို့နယ် ၊ မြို့ကုန်းကျေးရွာတိုက်ပွဲအတွင်း စစ်သုံ့ပန်းအရှင် ဖမ်းဆီးရရှိမှု ရုပ်သံမှတ်တမ်း

#MDY_PDF
#1027_Part2
#Madaya

29,636

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

04 Dec, 04:21

တိုက်ပွဲသတင်းထုတ်ပြန်ချက်

၂၀၂၄ ခုနှစ် ၊ ဒီဇင်ဘာလ (၄)ရက်

၁။ ၂၀၂၄ ခုနှစ် ဒီဇင်ဘာလ (၂)ရက်နေ့ ညပိုင်းတွင် ပြည်သူ့ကာကွယ်ရေးတပ်မတော် (မန္တလေး)မှ ထိန်းချုပ်စိုးမိုးထားသော မတ္တရာမြို့နယ် အရှေ့ဘက်ခြမ်းရှိ မြို့ကုန်းကျေးရွာသို့ အကြမ်းဖက် စစ်ကောင်စီ စစ်ကြောင်းဝင်ရောက်လာသဖြင့် တိုက်ပွဲဖြစ်ပွါးခဲ့သည်။

၂။ ၂၀၂၄ ခုနှစ် ဒီဇင်ဘာလ (၃)ရက်နေ့တွင် အဆိုပါ စစ်ကောင်စီ စစ်ကြောင်းနှင့် မိမိတို့ တပ်များအကြား တစ်နေကုန်နီးပါး တိုက်ပွဲဖြစ်ပွါးခဲ့ပြီး ညနေပိုင်းတွင် စစ်ကောင်စီတပ်များ ပြန်လည်ဆုတ်ခွါသွားခဲ့သည်။

၃။ တိုက်ပွဲအတွင်း စစ်သုံ့ပန်း (၁)ဦး နှင့် လက်နက်ခဲယမ်းအချို့ သိမ်းဆည်းရမိခဲ့ပြီး ရန်သူ့အလောင်း(၇)လောင်းခန့်လည်း သိမ်းဆည်းရမိခဲ့သည်။

၄။ ပြည်သူ့ကာကွယ်ရေးတပ်မတော် (မန္တလေး)နှင့် အကြမ်းဖက် စစ်ကောင်စီတပ်များအကြား မတ္တရာမြို့နယ် ၊ သပိတ်ကျင်းမြို့နယ် နှင့် နောင်ချိုမြို့နယ်တို့တွင် နေ့စဉ်တိုက်ပွဲများ ဖြစ်ပွါးလျက်ရှိသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2
#Madaya

33,441

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

27 Nov, 13:42

တိုက်ပွဲသတင်းထုတ်ပြန်ချက်

၂၀၂၄ ခုနှစ် ၊ နိုဝင်ဘာလ (၂၇)ရက်

၁။ မတ္တရာမြို့နယ် ၊ သပိတ်ကျင်းမြို့နယ် နှင့် နောင်ချိုမြို့နယ်တို့တွင် ပြည်သူ့ကာကွယ်ရေးတပ်မတော် (မန္တလေး) နှင့် အကြမ်းဖက် စစ်ကောင်စီတို့အကြား တိုက်ပွဲများ ဖြစ်ပွါးလျက်ရှိသည်။

၂။ အကြမ်းဖက် စစ်ကောင်စီသည် ၄င်းတို့ လက်လွှတ်ဆုံးရှုံးခဲ့ရသည့် တပ်စခန်းများနှင့် နယ်မြေများကို ပြန်လည်ရရှိရန် ကြိုးစားလျက်ရှိသော်လည်း မိမိတို့ ပြည်သူ့ကာကွယ်ရေးတပ်မတော် (မန္တလေး) မှ အပြည့်အဝ ထိန်းချုပ်ထားဆဲဖြစ်သည်။

၃။ ၂၀၂၄ ခုနှစ် ၊ နိုဝင်ဘာလ (၂၇)ရက်နေ့ မနက်(၉:၁၅)အချိန်တွင် မတ္တရာမြို့နယ် ၊ လက္ကောင်းကြီးကျေးရွာအုပ်စု ၊ လက္ကောင်းကြီးရွာသစ်ရှိ ဓမ္မာရုံအား တိုက်ပွဲဖြစ်ပွါးခြင်းမရှိပဲ အကြမ်းဖက်စစ်ကောင်စီမှ ဒရုန်းဖြင့် လာရောက်တိုက်ခိုက်သောကြောင့် ကိုရင်(၁)ပါး နှင့် အမျိုးသမီးငယ်(၂)ဦး အသက်ဆုံးရှုံးခဲ့ရသည်။

၄။ အကြမ်းဖက် စစ်ကောင်စီသည် စစ်ရှုံးလာသည်နှင့်အမျှ ပြည်သူကို ပစ်မှတ်ထား၍ စစ်ရာဇဝတ်မှုများကို ပေါ်ပေါ်ထင်ထင် ကျူးလွန်လျက်ရှိသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2
#Madaya

43,318

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

25 Nov, 08:12

ကြေညာချက် (၁/၂၀၂၄)

၂၀၂၄ ခုနှစ် ၊ နိုဝင်ဘာလ (၂၅)ရက်

#MDY_PDF

14,856

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

22 Nov, 07:05

ကျွန်တော်တို့ ပြည်သူ့ကာကွယ်ရေးတပ်မတော် (မန္တလေး) အနေနဲ့
``စုဆောင်း ၊ လေ့ကျင့် ၊ စုဖွဲ့ ၊ တိုက်ပွဲဝင် ‘’ ဆိုတဲ့ လုပ်ငန်းစဉ် အဆင့်တိုင်း အဆင့်တိုင်းကို သက်ဆိုင်ရာ ဌာနများအလိုက် စနစ်တကျ အကောင်အထည်ဖော်ဆောင်ရွက်ကြပြီး တိုက်ပွဲပေါင်း ကြီး / ငယ် များစွာကို အနိုင်တိုက်ရုံတင်မက ပြည်သူ့လွတ်မြောက်နယ်မြေများ ဖော်ဆောင်ပေးလျက်ရှိပါတယ်။

တိုင်းရင်းသားဒေသကို အားပြုပြီး မြေပြန့်ကို ထိုးဖောက်ဝင်ရောက်လာခဲ့တဲ့ ကျွန်တော်တို့ MDY PDF ဟာ အခုချိန်မှာဆိုရင် တောင်စဉ်တောင်တန်းတွေကနေတဆင့် ဧရာဝတီမြစ်ကမ်းနံဘေးထိ ချီတက်လို့ ရောက်ရှိလာခဲ့ပြီဖြစ်ပါတယ်။

ရှေ့ဆက်မယ့် မြေပြန့်ဒေသ ခရီးစဉ်တွေအတွက် ရဲဝံ့တဲ့ တော်လှန်ရေးခရီးသွားဖော်တွေကို MDY PDF က လိုအပ်လျက်ရှိပါတယ်။

တော်လှန်ရေးအစမှာ ကျွန်တော်တို့ ပြည်သူတွေ သီဆိုဟစ်ကြွေးခဲ့ကြတဲ့ ``အရေးကြီးပြီ ညီနောင် အပေါင်းတို့ ……’’ ဆိုတဲ့ သီချင်းစာသားအတိုင်းပါဘဲ ရှေ့ဆက်ဖော်ဆောင်မယ့် မြေပြန့်ဒေသ လွတ်မြောက်ရေးအတွက် ရဲဝံ့သော ခိုင်မာသော ထက်သန်သော PDF စစ်သည် စစ်မေများစွာကို လိုအပ်လျက်ရှိတဲ့အတွက် ကျွန်တော်တို့ ပြည်သူ့ကာကွယ်ရေးတပ်မတော် (မန္တလေး) ကို အခုဘဲ ဆက်သွယ်ချိတ်ဆက်ကြဖို့ နှိုးဆော်လိုက်ရပါတယ် ။

58,273

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

30 Oct, 05:02

သတင်းထုတ်ပြန်ချက်

၂၀၂၄ ခုနှစ် ၊ အောက်တိုဘာ (၃၀)ရက်

၁။ ၂၀၂၄ ခုနှစ် ၊ အောက်တိုဘာလ (၃၀) ရက်နေ့ မနက်(၁:၀၀)အချိန်တွင် အကြမ်းဖက် စစ်ကောင်စီသည် ပြည်သူ့ကာကွယ်ရေးတပ်မတော် (မန္တလေး)၏ စစ်သုံ့ပန်းများထားရှိရာ အချုပ်ဆောင်အား လေကြောင်းတိုက်ခိုက်မှု ထပ်မံပြုလုပ်ခဲ့သည်။

၂။ အဆိုပါ လေကြောင်းတိုက်ခိုက်မှုကြောင့် စစ်သုံ့ပန်း ဗိုလ်မှုးတစ်ဦးအပါအဝင် (၄)ဦး သေဆုံးကာ ထိခိုက်ဒဏ်ရာရရှိသူ (၁)ဦး ရှိခဲ့သည်။

၃။ အကြမ်းဖက် စစ်ကောင်စီသည် သုံ့ပန်းအဖြစ် ဖမ်းဆီးခံရသော ၄င်းတို့၏ တပ်ဖွဲ့ဝင်များကို ပစ်မှတ်ထား၍ လေကြောင်းတိုက်ခိုက်မှုများ ပြုလုပ်လျက်ရှိပြီး (၂)ရက်တာအတွင်း သေဆုံးသူ(၁၆)ဦး အထိရှိလာခဲ့ပြီဖြစ်သည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2

16,862

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

29 Oct, 05:32

သတင်းထုတ်ပြန်ချက်

၂၀၂၄ ခုနှစ် ၊ အောက်တိုဘာ (၂၉)ရက်

၁။ ၂၀၂၄ ခုနှစ် ၊ အောက်တိုဘာလ (၂၈)ရက်နေ့ ညနေ (၁၈:၃၀)အချိန်တွင် အကြမ်းဖက် စစ်ကောင်စီသည် ပြည်သူ့ကာကွယ်ရေးတပ်မတော် (မန္တလေး)၏ စစ်ဆင်ရေးများအတွင်း ဖမ်းဆီးရမိခဲ့သော စစ်သုံ့ပန်းများထားရှိရာ အချုပ်ဆောင်အား လေကြောင်းတိုက်ခိုက်မှု(၂)ကြိမ် ပြုလုပ်ခဲ့သည်။

၂။ အဆိုပါ လေကြောင်းတိုက်ခိုက်မှုကြောင့် ဘီလူးစစ်ကြောင်းမှ စစ်သုံ့ပန်းများနှင့် အခြားစစ်သုံ့ပန်းများ ထားရှိရာ အဆောက်အအုံအား ထိမှန်ခဲ့ပြီး စစ်သုံ့ပန်း(၈)ဦး အပါအဝင် (၁၂)ဦး သေဆုံးကာ ထိခိုက်ဒဏ်ရာရရှိသူ (၆၀)ဦးဝန်းကျင် ရှိခဲ့သည်။

၃။ ပြည်သူ့ကာကွယ်ရေးတပ်မတော် (မန္တလေး)အနေဖြင့် စစ်ဆင်ရေးများအတွင်း ဖမ်းဆီးရမိခဲ့သော စစ်သုံ့ပန်းများကို သုံ့ပန်းဥပဒေနှင့်အညီ ကောင်းမွန်စွာထိန်းသိမ်းထားရှိခဲ့သော်လည်း အကြမ်းဖက်စစ်ကောင်စီသည် ၄င်းတို့၏ တပ်ဖွဲ့ဝင်ဟောင်းများကို ပစ်မှတ်ထား၍ လေကြောင်းတိုက်ခိုက်မှု ပြုလုပ်ခဲ့သည်ကို တွေ့မြင်ရသည်။

၄။ လေယာဉ်ဗုံးထိမှန်မှုကြောင့် ထိခိုက်ဒဏ်ရာ ရရှိခဲ့သော စစ်သုံ့ပန်းများကိုလည်း မိမိတို့ ပြည်သူ့ကာကွယ်ရေးတပ်မတော် (မန္တလေး)မှ ဆေးကုသမှုများ လုပ်ဆောင်ပေးလျက်ရှိသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2

23,938

Mandalay People’s Defence Force(ပြည်သူ့ကာကွယ်ရေးတပ်မတော် မန္တလေး)

22 Oct, 06:18

ပြည်သူ့ကာကွယ်ရေးတပ်မတော် (မန္တလေး) ၊

ပြည်သူ့ဆက်ဆံရေးနှင့် စည်းရုံးရေးဌာနမှ ပြုလုပ်ခဲ့သည့်

ပြည်သူနှင့်တွေ့ဆုံပွဲ မှတ်တမ်းပုံရိပ်များ

၂၀၂၄ ခုနှစ် ၊ အောက်တိုဘာလ (၂၂)ရက်

#MDY_PDF
#Sintgu
#Thabaikkyin

17,412