မန္တလေးသတင်းကွန်ရက်

အဆိုတော်ကြီး မာရဇ္ဇ မ‌နေ့ညပိုင်းက ရန်ကုန်တွင် ကွယ်လွန်

Jan 24, 9:38 AM

“မာကြီး”ဟု ချစ်စနိုးခေါ်ကြသည့် နိုင်ငံကျော် အဆိုတော် မာရဇ္ဇသည် မနေ့ည (ဇန်နဝါရီ ၂၃ ရက်၊ ညပိုင်း)က ရန်ကုန်မြို့ ဗဟိုရ်စည်ဆေးရုံ၌ ကွယ်လွန်သွားခဲ့ပြီဖြစ်‌ကြောင်း ဂီတအသိုင်းအဝိုင်းမှ သိရသည်။

“ကျနော့်ရဲ့ juke-boxBand နဲ့ လက်တွဲခဲ့တဲ့အဆိုကျော်(ကို)မာရဇ္ဇ မနေ့ညကကွယ်လွန်သွားတယ် သိရလို့ မိသားစုနဲ့ထပ်တူကြေကွဲရပါတယ်”ဟု ဂစ်တာသမားနိုင်ဇော်က လူမှုကွန်ရက်မှတဆင့် ရေးသားထားသည်။

ထို့အတူ မာရဇ္ဇကွယ်လွန်သည့်အပေါ် ဂီတလောကသားတွေကလည်း ဝမ်းနည်းကြောင်းပို့စ်များကို လူမှုကွန်ရက်ကတဆင့် ပြောကြားထားကြသည်ကို တွေ့ရပါသည်။

မာရဇ္ဇ သည် မြန်မာနိုင်ငံတွင် နာမည်ကြီး အမျိုးသားအဆိုတော် တေးရေးဆရာဖြစ်သည်။ ကော်ပီသီချင်းခေတ်တွင် ကိုယ်ပိုင်သံစဉ်များကိုသာ သီဆိုသူ တဦးအဖြစ် လူသိများသည်။

ဂမ္ဘီရမိုးကြိုး၊ မိစ္ဆာအတွက်ကရုဏာ၊ မျှော်လင့်ခြင်းလမင်း၊ ပုံရိပ်မဲ့ဂရပ်ဖစ်၊ ရွှေရောင်ကောင်းကင်၊ အချစ်ငတ်သားကောင်၊ ရွှေရတီ (၂၀၀၂)၊ သေချာပါတယ်စသည့် တေးစီးရီးများကို သီဆိုခဲ့သည်။

#မန္တလေးသတင်းကွန်ရက်
#မာရဇ္ဇ

"IGCSE အတွက် ကြိုတင်ပြင်ဆင်ပေးမယ့် ချင်းတွင်းပညာရေးဂရုက ဖွင့်လှစ်သော Pre-IGCSE သင်တန်းများ ရန်ကုန်မှာတင်မဟုတ်ဘဲ မန္တလေးမှာပါ စတင်ဖွင့်လှစ်တော့မယ်” (သင်တန်းလမ်းညွှန်)

Jan 23, 9:06 AM

🧐 နိုင်ငံတကာပညာရေးကို တက်လှမ်းချင်တဲ့ ကျောင်းသားတွေအတွက် IGCSE ဆိုတာ ကျော်ဖြတ်ရမယ့် စာမေးပွဲတစ်ခုဖြစ်ပါတယ်။ ကမ္ဘာတဝန်းက တက္ကသိုလ်တိုင်းနီးပါးက လက်ခံတဲ့ အရည်အချင်းစစ်စာမေးပွဲဖြစ်လို့ အပြိုင်အဆိုင်များပါတယ်။ စာကျက်နိုင်ရုံနဲ့တင်မရဘဲ အမှန်တကယ်တတ်မြောက်မှုရှိမှသာ အမှတ်ကောင်းတဲ့စာမေးပွဲဖြစ်လို့ မြန်မာကျောင်းသားများအတွက် ခက်ခဲတတ်ပါတယ်။ အင်္ဂလိပ်စာနဲ့ အစအဆုံး သင်ကြားစစ်ဆေးတာကြောင့်လည်း နားမလည်တာ၊ မလိုက်နိုင်တာတွေဖြစ်ပြီး IGCSE တက်လက်စ တဝက်တပျက်နဲ့ ရပ်တန့်သွားတာတွေလည်းရှိကြပါတယ်။

💡ကိုယ့်သားသမီးကို ကောင်းမွန်တဲ့နိုင်ငံတကာ ပညာရေးကိုလည်း ပေးချင်တယ်။ မလိုက်နိုင်မှာ၊ အမှတ်မကောင်းမှာလည်း စိုးတဲ့မိဘတွေအတွက် ချင်းတွင်းပညာရေးအဖွဲ့အစည်းရဲ့ Chindwin Technological College International (CTCi) မှာ IGCSE အကြို Pre-IGCSE သင်တန်းများ ရန်ကုန်မှာတင်မဟုတ်ဘဲ မန္တလေးမှာပါ စတင်ဖွင့်လှစ်တော့မှာဖြစ်တဲ့အကြောင်း သတင်းကောင်းပေးချင်ပါတယ်။

👍🏼 ၈ လကြာတက်ရောက်ရမယ့် IGCSE အကြို Pre IGCSE သင်တန်းကို Grade 8 ဒါမှမဟုတ် Secondary 1 ပြီးထားတဲ့ ကျောင်းသားတွေတက်ရောက်နိုင်မှာဖြစ်ပြီး IGCSE တက်ရောက်တဲ့အခါ မလိုက်နိုင်တာတွေမဖြစ်အောင် အခြေခံကအစ သင်ကြားပြင်ဆင်ပေးခြင်းတွေကို ပြုလုပ်ပေးမှာဖြစ်ပါတယ်။

သင်ကြားရမယ့်ဘာသာရပ်တွေကတော့
📖 English
📖 Maths
📖 Physics
📖 Chemistry
📖 Business
📖 ICT တို့ဖြစ်ပြီး အတွေ့အကြုံရင့် ဆရာ၊ဆရာမတွေနဲ့ လေ့ကျင့်သင်ကြားရမှာဖြစ်ပါတယ်။

💁‍♀️ စာမလိုက်နိုင်မှာကိုလည်း မပူနဲ့နော်။ IGCSE အတွက် အဆင်သင့်ဖြစ်အောင် ပြင်ဆင်သင်ကြားတာဖြစ်လို့ အကုန်လုံးကို အခြေခံကအစပြည့်ပြည့်စုံစုံသင်ကြားပေးမှာပါ။

✨ သင်တန်းပြီးဆုံးသွားလို့ IGCSE O Level တက်ရောက်တဲ့အခါမှာလည်း Major နဲ့ module ရွေးချယ်မှုမမှားစေဖို့အတွက် module consulting ဆွေးနွေးအကြံပေးခြင်း၊ IGCSE အတန်းအတွက် မိဘတွေသိလိုတာများကို ပြီးပြည့်စုံအောင် ဆွေးနွေးလမ်းညွှန်ပေးခြင်းများ ပြုလုပ်ပေးမယ့်အပြင် မိမိသားသမီးရဲ့ ပညာရေးနဲ့ပတ်သက်လို့ စဉ်ဆက်မပြတ်ဆွေးနွေးခွင့်လည်း ရရှိနိုင်မှာဖြစ်ပါတယ်။

📌 အထူးသတင်းကောင်း - အခုမတ်လဖွင့်လှစ်မယ့် Pre IGCSE အတန်းကို အပ်နှံမယ့် ပထမဆုံးကျောင်းသား (၆) ဦးအတွက် သင်တန်းကြေး (၁၀)သိန်း သက်သာခွင့်ရရှိနိုင်တဲ့ အစီစဉ်လည်းရှိပါတယ်။

🏫 ဒါ့အပြင် Pre IGCSE မတ်လတန်းခွဲများအတွက် ရန်ကုန်ရော၊ မန္တလေးမြို့မှာပါ On Campus တက်ရောက်နိုင်မှာဖြစ်ပြီး ခေတ်မီကျယ်ဝန်းတဲ့ Campus ကြီးနဲ့အတူ မိဘများ စိတ်ပူပန်မှုမရှိစေရအောင် လုံခြုံမှု ပြည့်ဝစွာ သင်ကြားနိုင်စေဖို့လည်း စီစဉ်ထားရှိပါတယ်။ ကျောင်းမအပ်ခင်မှာလည်း မိဘများကိုယ်တိုင် စာသင်ခန်းကို လာရောက်ကြည့်ရှုလေ့လာနိုင်မှာ ဖြစ်ပါတယ်။

💻 Online တက်ရောက်ချင်တဲ့သူများအတွက်လည်း စနစ်ကျတဲ့ အွန်လိုင်းစာသင်ကြားရေးစနစ်များနဲ့ တန်းခွဲများမှာ တက်ရောက်နိုင်ပါတယ်။

📱 အသေးစိတ်စုံစမ်းမေးမြန်းမှုများအတွက် ဖုန်းနံပါတ် 09-954 005 959 ကတဆင့် အမြန်ဆုံးဆက်သွယ်စာရင်းသွင်း အပ်နှံနိုင်ပါတယ်ခင်ဗျာ။

🏫 Yangon Campus: Simalite Business Tower, 1st Floor, Kamayut Township, Yangon.
🏫 Mandalay Campus: Block-1 Unit-19, Mingalar Mandalay, 73rd Street (between Thazin Street and Ngu Shwe War Street) Chanmyathazi Township, Mandalay.

#IGCSE
#PreIGCSE
#MarchIntake
#CTCi

ပါချုပ်ဆရာတော်ကြီး၏ သက်တော်(၈၅)နှစ်ပြည့် မွေးနေ့ပူဇာပွဲတွင် လူဦးရေသုံးသောင်းစာ စတုဒိသာကျွေးမည်

Jan 20, 11:59 AM

ကျေးဇူးတော်ရှင် ပါမောက္ခချုပ်ဆရာတော်ဘုရားကြီး ဒေါက်တာနန္ဒမာလာဘိဝံသ၏ သက်တော်(၈၅)နှစ်ပြည့် မွေးနေ့ပူဇာပွဲကို လာမည့်တပေါင်းလပြည့်နေ့(မတ်၁၃ရက်)တွင် ဆင်ယင်ကျင်းပမည်ဖြစ်ကြောင်း သိရသည်။

ဆရာတော်ကြီး၏ ညွှန်ကြားချက်ဖြင့် သက်တော်(၈၅)နှစ်ပြည့် မွေးနေ့ပူဇာပွဲကျင်းပမည့် ပြင်ဦးလွင်၊ အောင်ချမ်းသာ ဓမ္မစင်တာအတွင်း၌ တရားမဏ္ဍပ်၊ စတုဒိသာမဏ္ဍပ်၊ ကားပါကင် နေရာများအတွက် စတင်ရှင်းလင်းရေးလုပ်ငန်းများကို ဇန်နဝါရီ၂၀ရက်မှစတင် ဆောင်ရွက်နေပြီဖြစ်သည်။

မွေးနေ့ပူဇာပွဲသို့ အနယ်နယ်အရပ်ရပ်မှ တပည့်ဒါယကာ၊ ဒါယိကာမအပေါင်းတို့ လာရောက်ကြမည်ဖြစ်သောကြောင့် လူဦးရေ သုံးသောင်းစာကို စတုဒိသာကျွေးမွေးကုသိုလ်ပြုမည်ဖြစ်သည်။

#မန္တလေးသတင်းကွန်ရက်
သတင်းအချက်အလက်နှင့် ဓာတ်ပုံ အရှင်အရိယာနန္ဒ

ယနေ့နံနက် အမရပူရ၊ မှန်တန်းရပ်၌ မီးလောင်မှုဖြစ်ပွား

Jan 17, 11:38 AM

မန္တလေးမြို့၊ အမရပူရမြို့နယ်၊ မှန်တန်းရပ်ကွက်တွင် ယနေ့ဇန်နဝါရီ၁၇ရက် နံနက်ပိုင်းက မီးလောင်မှုဖြစ်ပွားသွား‌ကြောင်း မြန်မာနိုင်ငံမီးသတ်ဦးစီးဌာနမှ သတင်းထုတ်ပြန်သည်။

ယနေ့ နံနက်၁၀နာရီ၁၃မိနစ်အချိန်မှစတင်ကာ မီးလောင်ခြင်းဖြစ်ပြီး သတင်းရရှိသဖြင့် မီးသတ်ယာဉ်များ ထွက်ခွာငြှိမ်းသတ်ရာ နံနက်၁၀နာရီ၂၉မိနစ်တွင် မီးငြိမ်းသွားခဲ့သည်။

မီးလောင်မှုဖြစ်ပွားရသည့်အကြောင်းအရင်းနှင့် ဆုံးရှုံးမှုတန်ဖိုးကို စစ်ဆေးနေဆဲဖြစ်သည်။

အထက်ပါ မီးလောင်မှုဖြစ်ပွားရာ‌သို့ ရေဂါလံ ၃၄၀၀ ဆံ့ ရေသယ်ယာဥ်နှင့် တိုင်းရုံးအဖွဲ့ဝင်များ ထွက်ခွာကာ သက်ဆိုင်ရာမီးသတ်ကားများအတွက် လိုအပ်သည့် ရေအထောက်အကူပြု ကူညီဆောင်ရွက်ခဲ့‌ကြောင်းလည်း မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)မှ ထုတ်ပြန်ထားသည်။

#မန္တလေးသတင်းကွန်ရက်
ဓာတ်ပုံ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)

အားပျော့သည့် လာနီညာကြောင့် မြန်မာနိုင်ငံ၏ ဆောင်းရာသီရက် ကြာရှည်နိုင်

Jan 16, 11:26 AM

လာမည့်ဧပြီလအထိ အားပျော့သော"လာနီညာ" ဆက်လက်ဖြစ်နိုင်သောကြောင့် မြန်မာနိုင်ငံ၏ ဆောင်းရာသီရက်သည် ကြာရှည်နိုင်ကြောင်း နိုင်ငံတကာမိုးလေဝသစောင့်ကြည့်သူ ဆရာဝင်းနိုင်က သုံးသပ်ပြောဆိုလိုက်သည်။

ယခုနှစ် ဖေဖေါ်ဝါရီလမှ ဧပြီလအထိ အားပျော့သော "လာနီညာ"ဆက်ဖြစ်နေနိုင်မည့်အခြေအနေ ၅၉ရာခိုင်နှုန်းရှိနေပြီး မတ်လမှ မေလအတွင်း အယ်လ်နီညိုမဟုတ်-လာနီညာမဟုတ်သော ပုံမှန်ရာသီဥတု(Neutral)ဖြစ်နိုင်မည့်အခြေအနေ ၆၀ရာခိုင်နှုန်းရှိကြောင်း NOAA - Climate Prediction Center - CPC မှထုတ်ပြန်ချက်မှာဖေါ်ပြထားသည်ဟု ဆိုသည်။

အဆိုပါထုတ်ပြန်ချက်အရ မြန်မာနိုင်ငံ၏ ဆောင်းရာသီကာလသည်လည်း ရက်ရှည်ကြာပြီး ၂၀၂၅ ခုနှစ် မတ်လဆန်းအထိ အေးမြနေနိုင်မည်ဖြစ်ကြောင်း ခန့်မှန်းထားသည်။

“လတ်တလောအချိန်မှာ အအေးဆုံးအချိန်နဲ့ အပူဆုံးအချိန်တွေ သတိထားကြရပါမယ်။ အအေးဆုံးက မနက် စောစော ၂ နာရီလောက်မှ ၇ နာရီလောက်အထိ အအေးဆုံးအချိန်တွေဖြစ်ပြီး အပူဆုံးက နေ့လည် ၁ နာရီလောက်ကနေ ညနေ ၄ နာရီကျော်သည်အထိ အပူဆုံးအချိန်ဖြစ်နေတတ်ပါတယ်။ ညဦးပိုင်းသိပ်မအေးခင်မှာ အနွေးထည်မပါပဲ အိပ်တတ်ကြတဲ့အတွက် အအေးပိုလာချိန်မှာ မနိုးရင် လေဖြတ်သွားတတ်ပါတယ်။ ပူတဲ့အချိန်တွေမှာတော့ အရိပ်အောက်မှာနေခြင်း၊ ချွေးထွက်မလွန်အောင်နေခြင်းဖြင့် အန္တရာယ်ကို အသိရှိရှိကာကွယ်နိုင်ကြပါလိမ့်မယ်။ အခုအချိန်မှာတော့ လွန်ကဲတဲ့ အပူချိန်မဖြစ်သေးတာကြောင့် စိုးရိမ်စရာမရှိပါဘူး”ဟု ဆရာဝင်းနိုင်က လူမှုကွန်ရက်မှတဆင့် အသိပေးရေးသားထားသည်ကို တွေ့ရသည်။

#မန္တလေးသတင်းကွန်ရက်
ဓာတ်ပုံ ဆရာဝင်းနိုင်

မန္တလေးနန်းရှေ့ ရေနီမြောင်းတွင် အမျိုးသားတဦး ရေနစ်သေဆုံးမှု ယနေ့နံနက် ဖြစ်ပွားခဲ့

Jan 15, 10:34 AM

မန္တလေးနန်းရှေ့၊ ရေနီမြောင်းအတွင်း လူတဦးသေဆုံးမှုဖြစ်စဉ်တခု ယနေ့ဇန်နဝါရီ၁၅ရက်၊ နံနက်ပိုင်းက ဖြစ်ပွားခဲ့ကြောင်း နန်းတော်ရှေ့လူမှုကယ်ဆယ်ရေးအဖွဲ့မှ သတင်းထုတ်ပြန်ချက်အရ သိရသည်။

အဆိုပါဖြစ်စဉ်မှာ ယနေ့နံနက်၇နာရီခွဲအချိန်တွင် နန်းတော်ရှေ့လူမှုကယ်ဆယ်ရေးအဖွဲ့သည် သတင်းအရ မန္တလေးနန်းရှေ့၁၉လမ်း၊ ရေနီမြောင်းတွင်အမည်မသိအမျိုးသားတဦးရေနစ်သေဆုံးသည့်နေရာသို့ သွားရောက်ခဲ့သည်။

ဖြစ်စဉ်နေရာ၌ အမျိုးသား၏ အလောင်းအားဆယ်ယူ၍သေမှုသေခင်းစစ်ဆေးချက်များရယူပြီးနောက် မန္တလေးအထွေထွေရောဂါကုဆေးရုံကြီးသို့ပို့ဆောင်ပေးခဲ့ကြောင်း နန်းတော်ရှေ့လူမှုကယ်ဆယ်ရေးအဖွဲ့မှ ဆိုပါသည်။

သေဆုံးသူအမျိုးသား၏ နာမည်၊ နေရပ်လိပ်စာနှင့် သက်ဆိုင်ရာမိသားစုကို စုံစမ်းနေဆဲဖြစ်သည်။

#မန္တလေးသတင်းကွန်ရက်
ဓာတ်ပုံ နန်းတော်ရှေ့လူမှုကယ်ဆယ်ရေး

မန္တလေးသူဌေးကျွန်းတွင် ကျင်းပမည့် FREE SEMINAR ဖိတ်ကြားခြင်း

Jan 11, 1:56 PM

ဆရာအောင်စည်လင်းနှင့် ဆရာကောင်းဟိန်းစိုးတို့၏ “၂၀၂၅ရဲ့ အနာဂတ် ရင်းနှီးမြှုပ်နှံမှု”အကြောင်း ဟောပြောဆွေးနွေးပွဲသို့ ကြွရောက်ပေးပါရန်
လေးစားစွာ ဖိတ်ကြားအပ်ပါသည်။

နေရာ🏠
သူဌေးကျွန်း (မန္တလေး)
အမြန်လမ်း မိုင်တိုင် ၃၅၈/၅ဖာလုံ

အချိန်⏰
၁၂.၁.၂၀၂၅ (Sunday)
နံနက် ၁၀နာရီမှ ၁၂နာရီ

တည်ခင်းဧည့်ခံမှု🍜🍗🍤
သူဌေးကျွန်းမှ မွန်းတည့် ၁၂ နာရီတွင် ဘူဖေးစားသောက်ဖွယ်ရာများနှင့် ဧည့်ခံကျွေးမွေးပါမည်။

လူဦးရေကန့်သတ်ထားလို့ ဖုန်း (09.950050001, 09.950050002)
သို့ အမြန်ဆုံးစာရင်းပေးသွင်းနိုင်ပါတယ်။

#မန္တလေးသတင်းကွန်ရက်

ယခုနှစ် မြန်မာနိုင်ငံ နွေရာသီ၌ ၂၀၂၄ခုနှစ်ကလို ပူပြင်းမှုမလွန်ကဲပဲ ပုံမှန်ရာသီဥတုသာရှိနိုင်ဟုဆို

Jan 11, 1:05 PM

ယခုနှစ် နွေရာသီကာလ မြန်မာနိုင်ငံ၏ နေ့အပူချိန်များသည် ပြီးခဲ့သည့် ၂၀၂၄ ခုနှစ်က အယ်လ်နီညိုဖြစ်ခဲ့၍ ပူပြင်းမှုလွန်ကဲပုံစံမျိုးမဟုတ်ပဲ ပုံမှန်နွေရာသီအပူချိန်မျိုးသာဖြစ်နိုင်ကြောင်း နိုင်ငံတကာမိုးလေဝသစောင့်ကြည့်ပညာရှင် ဆရာဦးဝင်းနိုင်က ယနေ့ဇန်နဝါရီ၁၁ရက် နေ့လယ်ပိုင်းအချိန် လူမှုကွန်ရက်မှတဆင့် ရေးသား သုံးသပ်ထားသည်။

မြန်မာနိုင်ငံ၏ မိုးလေဝသဖြစ်စဉ်များသည်လည်း ပုံမှန်အတိုင်းသာရှိနိုင်ပြီး ဆောင်းရာသီ အေးမြခြောက်‌သွေ့၍ အပူချိန်ကျဆင်းသည့်ရက်များသည် ဖေဖေါ်ဝါရီနှင့် မတ်လအထိရှိနိုင်‌ကြောင်း၊ ထို့ပြင် ယခု ၂၀၂၅ ခုနှစ်၌ ဆိုးရွားသည့် သဘာဝဘေးများဖြစ်ပေါ်နိုင်ချေ လျော့ကျနိုင်ကြောင်း ဆိုပါသည်။

အားပျော့သည့် အစွန်းရောက်ရာသီဥတုဖြစ်စဉ်- "လာနီညာ"ဖြစ်ပေါ်လျက်ရှိရာ ယခုနှစ် ဖေဖေါ်ဝါရီလမှ ဧပြီလအထိ ဆက်လက်ဖြစ်ပေါ်နေနိုင်ချေ ၅၉ရာခိုင်နှုန်း ရှိနေကြောင်း သိရသည်။

“အစွန်းရောက်ရာသီဥတု လာနီညာက တော့ ဖြစ်နေပြီ၊ ပြင်းထန်တဲ့ အားကောင်းတဲ့ လာနီညာမဟုတ် အားပျော့တဲ့ လာနီညာအဆင့်သာဖြစ်တယ်။ ဒါကြောင့်လည်း ဆောင်းရာသီနဲ့နွေဦးရာသီကာလအတွင်း ပုံမှန် မိုးလေဝသဖြစ်စဉ်များအပေါ် လာနီညာသက်ရောက်မှုက အနည်းငယ်သာရှိနိုင်မယ်လို့ ကောက်ချက်ချထားတာတွေ့ရပါတယ်။ ဆက်လက်ပြီးသုံးသပ်ခန့်မှန်းနိုင်တာကက ၂၀၂၅ ခုနှစ်မှာ သဘာဝဘေးတွေကြီးကြီးမားမားဖြစ်စေနိုင်မယ့် ရာသီဥတုဖောက်ပြန်ပြောင်းလဲမှုဟာလည်း ပြီးခဲ့တဲ့ ၂၀၂၄ ခုနှစ်နဲ့မတူ လျော့ကျနိုင်မယ်”ဟု ဆရာဦးဝင်းနိုင်က ခန့်မှန်းထားသည်ကို တွေ့ရသည်။

#မန္တလေးသတင်းကွန်ရက်
ဓာတ်ပုံ ဦးဝင်းနိုင်
#လာနီညာ
#မိုးလေဝသ

ယနေ့ နံနက်ပိုင်း မန္တလေး လမ်း၃၀တွင် မီးလောင်မှုကြောင့် အခန်း၈ခန်း ပျက်စီးဆုံးရှုံး

မန္တလေးမြို့၊ ချမ်းအေးသာစံမြို့နယ်၊ ၂၉လမ်းနှင့်လမ်း(၃၀)ကြား၊ ၆၈လမ်းနှင့်၆၆လမ်းကြားတွင် ယနေ့ဇန်နဝါရီ၁၀ရက် နံနက်ပိုင်းက မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာနမှ သတင်းထုတ်ပြန်သည်။

အဆိုပါမီးလောင်မှုကို Level 1 ယာဉ်အုပ်စုအဆင့်ဖြင့် ထွက်ခွာငြှိမ်းသတ်ရာ နံနက်၉နာရီ၅၉မိနစ်တွင် မီးညွန့်ကျိုးမီးထိန်းနိုင်ခဲ့၍ နံနက်၁၀နာရီ၃မိနစ်တွင် မီးငြိမ်းသွားခဲ့သည်။

မီးလောင်မှုကြောင့် ၄ခန်းတွဲ သွပ်မိုး၊ ပျဥ်ကာ ၂​ဆောင်၊ စုစု​ပေါင်း အခန်း ၈ခန်း မီး​လောင်ဆုံးရှုံးခဲ့ပြီး ဖြစ်ပွားရသည့်အကြောင်းအရင်းနှင့် ဆုံးရှုံးမှုတန်ဖိုးကို မထုတ်ပြန်သေးပေ။

#မန္တလေးသတင်းကွန်ရက်
ဓာတ်ပုံ သန်းဌေး

မန္တလေးတောင်အဆင်းလမ်းတွင် လူ(၁၇)ဦးပါ ဘုရားဖူးယာဉ်တိမ်းမှောက်၍ တချို့ ပြင်းထန်ဒါဏ်ရာရရှိ

Jan 8, 5:05 PM

မန္တလေးတောင်အဆင်းလမ်းတွင် ယနေ့ဇန်နဝါရီ၈ရက် နေ့လယ်ပိုင်းက ဘုရားဖူးယာဉ်တစီး မတော်တဆတိမ်းမှောက်မှုဖြစ်စဉ် ဖြစ်ပွားသွားခဲ့ကြောင်း နန်းတော်ရှေ့လူမှုကယ်ဆယ်ရေးအဖွဲ့မှ ညနေပိုင်းအချိန် သတင်းထုတ်ပြန်ချက်အရ သိရသည်။

ဖြစ်စဉ်မှာ ယနေ့ နေ့လယ်၂နာရီခွဲအချိန်က မန္တလေးတောင်အဆင်းလမ်းတွင် လိုက်ထရပ်အမျိုးအစား ဘုရားဖူးယာဥ်သည် အရှိန်မထိန်းနိုင်ပဲ တောင်အောက်ချောက်ထဲသို့ထိုးကျ ကားမတော်တဆမှုဖြစ်ခဲ့သည်။

အဆိုပါယာဉ်မတော်တဆမှုဖြစ်စဉ်တွင် ယာဥ်မောင်းအပါအဝင်(၁၇)ဦးဒါဏ်ရာရ ကာ တိမ်းပါးသူမရှိပဲ ဒါဏ်ရာပြင်းထန် (၃)ဦးအပါအဝင် လူနာများအား ချက်ချင်းသွားရောက်ကယ်တင်၍ မန္တလေးအထွေထွေရောဂါကုဆေးရုံကြီး၊ အရေးပေါ်ပြင်ပလူနာဌာနသို့ ပို့ဆောင်ပေးခဲ့ကြောင်း ဦးသိန်းထွန်းအောင် (နန်းတော်ရှေ့လူမှုကယ်ဆယ်ရေးအဖွဲ့)မှ ဆိုပါသည်။

#မန္တလေးသတင်းကွန်ရက်
ဓာတ်ပုံ ဦးသိန်းထွန်းအောင်(နန်းတော်ရှေ့)

ငွေလိမ်ခံရသူများအား စိုက်ထုတ်ပေး‌နေဟု KBZ Pay ယနေ့ ထုတ်ပြန်

Jan 3, 12:26 PM

လတ်တလော ငွေကြေးလိမ်လည်ထုတ်ယူ လွှဲပြောင်းခံရသည့် KBZ Pay အသုံးပြုသူ ၃၁ ယောက်အတွက် ငွေကြေးဆုံးရှုံးမှုမရှိစေဖို့ ကြိုတင်အစားထိုး စိုက်ထုတ်ပေးနေကြောင်း KBZ Pay က ယနေ့ ဇန်နဝါရီ ၃ ရက်တွင် တရားဝင်သတင်းထုတ်ပြန်လိုက်သည်။

KBZ Pay မှ ဆက်လက်စုံစမ်းစစ်ဆေးမှုများအရ ဖုန်းဟန်းဆက်ပြောင်းလဲသည့် (Device Change) လုပ်ငန်းစဉ်ကိုသာ သက်ရောက်မှုရှိပြီး အဆိုပါ ဖြစ်စဉ် ၃၁ ခု၌ တွေ့ရှိခဲ့ရသည်ဟု ဆိုပါသည်။

ယခုအခါ အချို့ အော်ပရေတာများ၏ ဖုန်းဟန်းဆက်ပြောင်းလဲမှုများကို ခေတ္တရပ်တန့်ပြီး စနစ်ထိန်းသိမ်းမှုများကို ပြုလုပ်နေကာ ၂၀၂၅ ခုနှစ် ဇန်နဝါရီ ၇ ရက်တွင် ဖုန်းဟန်းဆက်ပြောင်းလဲမှု လုပ်ငန်းစဉ်ကို ပြန်လည်စတင် အသုံးပြုနိုင်မည်ဖြစ်ကြောင်း ဖော်ပြထားသည်။

KBZ Pay အနေဖြင့် မိုဘိုင်းငွေကြေး လုံခြုံရေးဆိုင်ရာ လုပ်ငန်းများကို အစဉ်တစိုက် လုပ်ဆောင်နေပြီး Mobile Network Operator များ၊ မြန်မာနိုင်ငံတော်ဗဟိုဘဏ်တို့နှင့် ပူးပေါင်းဆောင်ရွက်၍ စုံစမ်းစစ်ဆေးနေစဉ်ကာလ အတွင်း အသုံးပြုသူ ၃၁ ယောက်၏ ငွေကြေးဆုံးရှုံးမှု မရှိစေဖို့ ကြိုတင်အစားထိုး စိုက်ထုတ်ပေးမှုများကို ၂၀၂၄ ခုနှစ် ဒီဇင်ဘာလ ၃၁ ရက်က စတင်ဆောင်ရွက်နေကြောင်း ထုတ်ပြန်သည်။

ထို့ပြင် မိုဘိုင်းငွေကြေးများအား လိမ်လည်မှုဆောင်ရွက်နေသူ လူပုဂ္ဂိုလ်၊ အဖွဲ့အစည်းများကို စိစစ်ဖော်ထုတ်နေပြီး ထိထိရောက်ရောက် အရေးယူဆောင်ရွက်နိုင်ရေး အရှိန်မြှင့် ဆောင်ရွက်သွားမည်ဖြစ်ကြောင်းလည်း မြန်မာနိုင်ငံတော် ဗဟိုဘဏ်က အသိပေးကြေညာထားသည်ကိုတွေ့ရသည်။

#မန္တလေးသတင်းကွန်ရက်
#KBZ_Pay

ပါချုပ်ဆရာတော်ကြီး အဘိဓမ္မတက္ကသိုလ်(မန္တလေး)၏ ဇန်နဝါရီ၅ရက် ၂၀၂၅-၂၀၂၆ စာသင်နှစ်သင်တန်းများဖွင့်ပွဲ ကြွရောက်ချီးမြှင့်မည်

Jan 2, 9:54 AM

ပါမောက္ခချုပ်ဆရာတော်ဘုရားကြီး ဒေါက်တာဘဒ္ဒန္တနန္ဒမာလာဘိဝံသနှင့်
ဒုတိယပါမောက္ခချုပ်ဆရာတော် ဒေါက်တာဘဒ္ဒန္တဇောတိက(ဥယျာဉ်ဆရာတော်)တို့ ဦးဆောင်တည်‌ထောင်သော အဘိဓမ္မတက္ကသိုလ်(မန္တလေး)၌ ၂၀၂၅-၂၀၂၆ စာသင်နှစ်သင်တန်းများ ဖွင့်လှစ်မည်ဖြစ်ရာ လာမည့်ဇန်နဝါရီ၅ ရက် နံနက်၈နာရီ သင်တန်းဖွင့်ပွဲသို့ ဆရာတော်ဘုရားကြီးကိုယ်တော်တိုင် ကြွရောက်၍ တရားချီးမြှင့်ပေးတော်မူမည်ဖြစ်သည်။

ရုပ်နာမ်ဓမ္မသဘာဝတရားများ၏
နက်ရှိုင်းဆန်းပြားမှုများကို
သိပ္ပံနည်းကျကျခွဲခြမ်းစိတ်ဖြာ လေ့လာဆန်းစစ်နိုင်မည့် အခွင့်အရေးအဖြစ်
အဘိဓမ္မာသင်တန်းများကို ရဟန်း၊ သာမဏေ၊ သီလရှင်၊ လူပုဂ္ဂိုလ်၊ လူမျိုး/ဘာသာမရွေး သတ်မှတ်အရည်အချင်းနှင့် ကိုက်ညီသူမည်သူမဆို သင်တန်းအပ်နှံ၍ တက်ရောက်သင်ယူနိုင်သည်။

ယခုနှစ် ဖွင့်လှစ်မည့်အတန်းများမှာ အဘိဓမ္မဓရဒီပလိုမာ( Superior Diploma in Abhidhamma) (Level -1) & (Level -2) ကို စုစုပေါင်း (၂)နှစ်ခန့်၊ အဘိဓမ္မဆေကဘွဲ့(B.A.(Abhidhamma) (part - 1) & (part - 2) ကို စုစုပေါင်း (၂)နှစ်ခန့် တက်ရောက်ကြရမည်ဖြစ်ပြီး အောင်မြင်ထားပြီးသူများအနေဖြင့် မဟာအဘိဓမ္မဆေကဘွဲ့ (M.A Abhidhamma)ကို တက်ရောက်နိုင်သည်။

ပါမောက္ခချုပ် ဆရာတော်ဘုရားကြီး ဒေါက်တာနန္ဒမာလာဘိဝံသ ကိုယ်တော်တိုင် လမ်းညွှန်ရေးဆွဲထားသော သင်ရိုးညွှန်းတမ်းအသစ်များဖြင့် သဂြိုလ်၊ ဋီကာ၊ ဓမ္မသင်္ဂဏီ ပါဠိတော်၊ အဋ္ဌသာလိနီအဋ္ဌကထာ၊ ဓါတုကထာ၊ ဝိဘင်း၊ ကထာဝတ္ထု၊ ယမိုက်၊ ပဋ္ဌါန်းကျမ်း၊ ပုဂ္ဂလပညတ်၊ အသုံးချအဘိဓမ္မာ၊ သုတေသနစာတမ်းရေးသားနည်း (Research Methodology)၊ ပါဠိသဒ္ဒါတို့ကို သက်ဆိုင်ရာ အတန်းအလိုက် အင်္ဂလိပ်၊မြန်မာ (၂)ဘာသာဖြင့်
ပို့ချပေးမည်ဖြစ်ပြီး မိမိကြိုက်နှစ်သက်ရာ ဘာသာဖြင့် ရွေးချယ်သင်ယူ၊ဖြေဆိုနိုင်သည်။

သင်တန်းအချိန်မှာ အပတ်စဥ် စနေနှင့်တနင်္ဂနွေ(၂)ရက်၊ ညနေ(၄)နာရီမှ ည(၆)နာရီအထိဖြစ်ပြီး ဇန်နဝါရီ၁၁ရက်တွင် သင်တန်းများစတင်ဖွင့်လှစ်မည်ဖြစ်သောကြောင့် သင်တန်းတက်ရောက်လိုသူများသည် အဘိဓမ္မတက္ကသိုလ် (မန္တလေး)တည်ရှိရာ မေတ္တာနန္ဒဓမ္မဒူတကျောင်း၊ ၂၆လမ်း (၆၁လမ်းနှင့်၆၂ လမ်းကြား)၊ အောင်မြေသာစံမြို့နယ်၊ မန္တလေးမြို့သို့ ကြိုတင်စာရင်းပေးသွင်းနိုင်ပြီး လူကိုယ်တိုင်အပ်နှံလိုပါက သင်တန်းစတင်သည့်နေ့တွင် စာရင်းသွင်းအပ်နှံနိုင်ပါသည်။

#မန္တလေးသတင်းကွန်ရက်
#အဘိဓမ္မတက္ကသိုလ်

၂၀၂၅ နှစ်သစ်အစ မဟာမုနိရုပ်ရှင်တော်မြတ်ကြီး မျက်နှာသစ်တော်ရေဆက်ကပ်မင်္ဂလာ

Jan 1, 7:27 AM

ယနေ့ ၂၀၂၅ခု၊ နှစ်သစ် အစရက်ဖြစ်သည့် ဇန်နဝါရီ၁ရက် နံနက်အာရုဏ်တက်ချိန်တွင် မန္တလေးမြို့၊ မဟာမုနိရုပ်ရှင်တော်မြတ်ကြီးအား ရေတော်ဆရာတော်အမှူးပြု၍ ဗုဒ္ဓဝေယျာဝစ္စအဖွဲ့က မျက်နှာသစ်တော်ရေဆက်ကပ်ခြင်းမင်္ဂလာပြုလုပ်ပုံမြင်ကွင်းများကို အများပြည်သူ ကြည်ညိုသဒ္ဓါတရားပွားများနိုင်ရန် ဖော်ပြအပ်ပါသည်။

ဘုရားဖူးပြည်သူများ ကပ်လှူပူဇော်ထားသည့် ဆွမ်း၊ ရေချမ်း၊ ပန်းတို့ကိုလည်း မဟာမုနိရုပ်ရှင်တော်မြတ်ကြီးထံ ဆက်ကပ်ခဲ့ကြသည်။

မန္တလေးသတင်းကွန်ရက်ပရိသတ်များ ၂၀၂၅ခုနှစ်သစ်မှာ သက်ရှည်ကျန်းမာစိတ်ချမ်းသာ၍ လိုရာဆန္ဒကောင်းများပြည့်စုံ၊ စီးပွားလာဘ်လာဘများတိုးတက်နိုင်ပါစေ။

#မန္တလေးသတင်းကွန်ရက်
ဓာတ်ပုံ ဦးဌေးအောင်

၂၀၂၅နှစ်သစ်အစ ဇန်နဝါရီလအတွင်း အအေးလှိုင်းဖြတ်မည်ဟု လူမှုကွန်ရက်ပေါ် ရေးသားမှုများရှိနေသော်လည်း ပုံမှန်အအေးဓာတ်သာ ခံစားရမည်ဟုဆို

Dec 31, 6:15 AM

၂၀၂၅ နှစ်သစ်၊ ဇန်နဝါရီလ၏ ပထမဆယ်ရက်ပတ်အတွင်း မြန်မာနိုင်ငံတဝှမ်းတွင် အအေးလှိုင်းဖြတ်မည်/အအေးပိုမည်ဟု လူမှုကွန်ယက်စာမျက်နှာများတွင် ရေးသားဖော်ပြနေမှုများနှင့်ပတ်သက်၍ မိုးလေဝသမြန်မာ(ရန်ကုန်ဌာနခွဲ)မှ ပြန်လည်ရှင်းလင်းအသိပေးချက် ထုတ်ပြန်ထားသည်ကို တွေ့ရသည်။

မိုးလေဝသမြန်မာ(ရန်ကုန်ဌာနခွဲ)၏ အသိပေးချက်အရ ယနေ့မှ ၂၀၂၅ ခုနှစ်၊ ဇန်နဝါရီ ၇ ရက်အတွင်း စစ်ကိုင်း တိုင်း(အောက်ပိုင်း)တွင် ဇန်နဝါရီလ၏ ပျမ်းမျှညအပူချိန်အောက်(၁ ဒီဂရီဆဲလ်စီးယပ်မှ ၂ ဒီဂရီဆဲလ်စီးယပ်ခန့်)၊ ကချင်ပြည်နယ်(အထက်ပိုင်း)တွင် ဇန်နဝါရီလ၏ ပျမ်းမျှညအပူချိန်အောက်(၃ ဒီဂရီဆဲလ်စီးယပ်မှ ၄ ဒီဂရီဆဲလ်စီးယပ်ခန့်) လျော့ကျနိုင်ကြောင်း၊ မန္တလေးတိုင်းဒေသကြီး၊ ပဲခူးတိုင်းဒေသကြီး(တောင်ပိုင်း)၊ ဧရာဝတီတိုင်းဒေသကြီးနှင့် ချင်းပြည်နယ်တို့တွင် ဇန်နဝါရီလ၏ ပျမ်းမျှညအပူချိန်ထက်(၀ ဒသမ ၅ ဒီဂရီဆဲလ်စီးယပ်မှ ၁ ဒီဂရီဆဲလ်စီးယပ်ခန့်)၊ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်၊ ရှမ်းပြည်နယ်(တောင်ပိုင်း)နှင့် ကယားပြည်နယ်တို့တွင် ဇန်နဝါရီလ၏ ပျမ်းမျှညအပူချိန်ထက်(၁ ဒီဂရီဆဲလ်စီးယပ်မှ ၂ ဒီဂရီဆဲလ်စီးယပ်ခန့်)၊ ပဲခူးတိုင်းဒေသကြီး(အရှေ့ပိုင်း)နှင့် မကွေးတိုင်းဒေသကြီးတို့တွင် ဇန်နဝါရီလ၏ ပျမ်းမျှညအပူချိန်ထက်(၂ ဒီဂရီဆဲလ်စီးယပ်မှ ၃ ဒီဂရီဆဲလ်စီးယပ်ခန့်)ပိုနိုင်ကာ ကျန်တပြည်လုံးတွင် ဇန်နဝါရီလ၏ ပျမ်းမျှညအပူချိန်ခန့်သာရှိနိုင်ကြောင်း သိရသည်။

သို့ပါ၍ ဇန်နဝါရီလ၏ ပျမ်းမျှညအပူချိန်အောက်လျော့ကျနိုင်သည့် စစ်ကိုင်းတိုင်းဒေသကြီး(အောက်ပိုင်း)နှင့် ကချင်ပြည်နယ် (အထက်ပိုင်း)တို့တွင်သာ အနည်းငယ်မျှသောအအေးပိုခြင်းဖြစ်နိုင်၍ အအေးလှိုင်းဖြတ်မည်/အအေးပိုမည်ဆိုခြင်းများမှာမဟုတ်မှန်ဘဲ ဆောင်းရာသီ၏ ပုံမှန်အအေးဓာတ်ကိုသာ စတင်ရရှိခံစားလာရမည်ဟု မိုးလေဝသမြန်မာ(ရန်ကုန်ဌာနခွဲ)က အသိပေးထားပါသည်။

#မန္တလေးသတင်းကွန်ရက်

မန္တလေးလျှပ်စစ်မန်နေဂျာရုံးများရှိ ငွေလက်ခံကောင်တာများ ပိတ်ထားမည့် အများပြည်သူရုံးပိတ်ရက်များကို ကြိုတင်သိရှိနိုင်ရန် ထုတ်ပြန်ထား

Dec 27, 1:44 PM

မန္တလေးတိုင်းဒေသကြီးအတွင်းရှိ မြို့နယ်လျှပ်စစ်မန်နေဂျာရုံးများရှိ ငွေလက်ခံကောင်တာများကို အများပြည်သူရုံးပိတ်ရက်များတွင် ပိတ်ထားမည်ဖြစ်ကြောင်း မန္တလေးလျှပ်စစ်ဓာတ်အားပေးရေးကော်ပိုရေးရှင်းမှ ကြိုတင်ထုတ်ပြန်ထားချက်အရ သိရသည်။

ကရင်နှစ်သစ်ကူးနေ့ (ဒီဇင်ဘာ၃၀ရက်)၊ ဒီဇင်ဘာ၃၁ရက်၊ နိုင်ငံတကာနှစ်သစ်ကူးနေ့ (ဇန်နဝါရီ၁ရက်)၊ လွတ်လပ်ရေးနေ့(ဇန်နဝါရီ၄ရက်) တရုတ်နှစ်သစ်ကူးနေ့(ဇန်နဝါရီ၂၉ရက်)တို့တွင် ပိတ်ထားမည်ဖြစ်ပြီး ကျန်ရက်များတွင် နေ့စဉ်ရုံးချိန် နံနက်၈နာရီ မှ ညနေ၄နာရီ အတွင်း ပိတ်ရက်မရှိ ဖွင့်လှစ်ကောက်ခံပေးမည်ဟု ထုတ်ပြန်အသိပေးထားသည်။

သို့ဖြစ်၍ မန္တလေးတိုင်းဒေသကြီးအတွင်းရှိ လျှပ်စစ်ဓာတ်အားသုံးစွဲသူများအနေဖြင့် ၂၀၂၄ခုနှစ်၊ ၁၂လပိုင်း သုံးစွဲယူနစ်အတွက် ဓာတ်အားခငွေအား ငွေတောင်းခံလွှာပေါ်တွင် ဖော်ပြထားသည့် မိမိတို့၏နောက်ဆုံးပေးဆောင်ရမည့်ရက်များမတိုင်မီ ငွေလက်ခံကောင်တာများသို့ဖြစ်စေ၊ ဘဏ်များမှတဆင့်လည်း Mobile Application များဖြင့်ဖြစ်စေ ဓာတ်အားခပေးဆောင်နိုင်သည်။

မန္တလေးတိုင်းဒေသကြီးအတွင်းရှိ အောင်မြေသာစံ ၊ ချမ်းအေးသာစံ ၊ မဟာအောင်မြေ ၊ ချမ်းမြသာစည် ၊ ပြည်ကြီးတံခွန်၊ အမရပူရ ၊ ပုသိမ်ကြီး ၊ ပြင်ဦးလွင် ၊ ကျောက်ဆည်၊ စဉ့်ကိုင်၊ မိတ္ထီလာ ၊ ဝမ်းတွင်း ၊ ညောင်ဦး၊ ပုဂံ ၊ ကျောက်ပန်းတောင်း ၊ မြင်းခြံ ၊ ရမည်းသင်း ၊ ပျော်ဘွယ်မြို့နယ်များ၏ မီတာဘီလ်များကို မန္တလေးလျှပ်စစ်ဓာတ်အားပေးရေးကော်ပိုရေးရှင်း Webportal (www.mescmm.com)တွင် မိမိသုံးစွဲ သည့် မီတာအမှတ်၊ ကွန်ပျူတာကုတ်ရိုက်နှိပ်၍လည်း ကြည့်ရှုနိုင်သည်။

#မန္တလေးသတင်းကွန်ရက်
#လျှပ်စစ်

မန္တလေးတွင် ဇန်နဝါရီ၆ရက်ဖွင့်မယ့် Supervisory Skills Training (သင်တန်းလမ်းညွှန်)

Dec 26, 1:24 PM

The Journey from the Vine to Wine

တန်ဖိုးမြင့်တဲ့စက်ယန္တရားကောင်းတွေ ကောင်းကောင်းလည်ပတ်နိုင်ဖို့ သန့်စင်တဲ့စက်သုံးဆီ လိုအပ်ပါတယ်။

အများကြီးရင်းနှီး မြှုပ်နှံထားရတဲ့ လုပ်ငန်းတစ်ခုရဲ့ အနာဂတ်ဟာ လုပ်ငန်းရဲ့ Supervisor တွေအပေါ် မူတည်နေပါတယ်။

သူတို့ကို ခေတ်မီတဲ့ စီမံခန့်ခွဲမှု ပညာတွေနဲ့ ထိတွေ့ နီးစပ်အောင် မြှင့်တင်ပေးဖို့ လိုပါတယ်။

မနက်ဖန်အတွက် ရင်းနှီးမြှုပ်နှံဖို့ စဉ်းစားထားရင် ဒေါက်တာကောင်းလွန်းရဲ့ Brain Box Acumen College of Management မှာ Supervisory Skills Training ရှိနေပါတယ်။

ဇန္နဝါရီ ၆ ရက်နေ့မှာ Supervisory Skills အတန်းစပါမယ်။ လက်ခံမယ့် ဦးရေက ၃၀ ပါ။ ကိုယ့်လုပ်ငန်းရဲ့ Supervisor တွေကို လွှတ်ဖို့ စဉ်းစားထားရင် စာရင်း ကြိုသွင်းဖို့ လိုပါမယ်။

ကြော်ငြာမတင်ခင်မှာ ကြိုတင် စာရင်းသွင်းထားတာ ၁၁ ယောက် ရှိနေပါပြီ။

ဒေါက်တာကောင်းလွန်း တည်‌ထောင်တဲ့ Brain Box Acumen College of Management ကျောင်းသည် ၆၅လမ်း၊ ၁၀၂(အေ) လမ်းနှင့် ၁၀၃ လမ်းကြား၊ ချမ်းမြသာစည်မြို့နယ်၊ မန္တလေးမြို့တွင် တည်ရှိ၍ ယခုသင်တန်းကို တက်ရောက်လိုပါက ဖုန်း၀၉၇၈၀၈၁ ၆၆၁၃သို့ ဆက်သွယ်စုံစမ်းနိုင်ပါတယ်။

#မန္တလေးသတင်းကွန်ရက်
#brain_box_aucmen

မြန်မာနိုင်ငံတွင်းရှိ ဒေသအသီးသီး၌ ညအပူချိန်များ လျော့ကျလာ၍ အအေးပိုလာတော့မည်

Dec 25, 1:53 PM

မြန်မာနိုင်ငံတွင်းရှိ တိုင်းဒေသကြီးနှင့်ပြည်နယ်အားလုံးတို့၌ ယနေ့ ဒီဇင်ဘာ၂၅ရက်မှစတင်၍ ညအပူချိန်များ‌ လျော့ကျလာမည်ဖြစ်သောကြာင့် ၂၀၂၅ခု နှစ်သစ်သို့ကူး‌ပြောင်းမည့်ကာလတွင် အအေးပိုမှုကို သိသာစွာခံစားရမည်ဖြစ်ကြောင်း သိရသည်။

မြောက်ဘက် တိဗက်ကုန်းမြင့်ဒေသနှင့် ဟိမဝန္တာတောင်တန်းများပေါ်မှ လေအေးစီးကြောင်းများသည်"တောင်ဘက်"ရှိ မြန်မာနိုင်ငံအပါအဝင် အိန္ဒိယနှင့် ဘင်္ဂလားဒေ့ရှ်နိုင်ငံများဘက်သို့ ဦးတည်တိုက်ခတ်နေသောကြောင့်လည်း မြန်မာနိုင်ငံဒေသအားလုံးသည် နေ့အချိန်များ၌ သာယာပြီး ညပိုင်းတွင်အအေးပိုလာနိုင်တော့မည်ဖြစ်ကြောင်း နိုင်ငံတကာမိုးလေဝသစောင့်ကြည့်သူ ဆရာဦးဝင်းနိုင်က ယနေ့ဒီဇင်ဘာ၂၅ရက်နေ့လယ်ပိုင်းတွင် လူမှုကွန်ရက်စာမျက်နှာမှတဆင့် ရေးသားဖော်ပြထားသည်။

“ခရစ္စမတ်ကာလနဲ့ နှစ်သစ်ကူးကာလများအတွင်း ဖျက်မိုး/အခါလွန်မိုးများရွာနိုင်မယ့်အခြေအနေမရှိတော့ပဲ ၂၀၂၅ ခုနှစ်၊ နှစ်သစ်ကူးပွဲတော်ကို ခြောက်ခြောက်သွေ့သွေ့၊ အေးအေးချမ်းချမ်းကြိုဆိုဆင်နွှဲနိုင်ကြမှာပါ”ဟု ဆရာဦးဝင်းနိုင်ကသုံးသပ်သည်။

ကြိုတင်ခန့်မှန်းချက်များအရ မြန်မာနိုင်ငံတွင် ၂၀၂၅ ခုနှစ်၏ "မိုးကြိုကာလ"အတွင်းမှာပင် မိုးစတင်ရွာသွန်းနိုင်သဖြင့် မိုးဦးအကျစောနိုင်ကြောင်း၊ မိုးကြိုကာလအတွင်း ကုန်းတွင်းအပူချိန်များသည် နှစ်စဉ်ဖြစ်မြဲအထက် ၀.၅ °C မှ ၁ °C အထိ ပိုမိုနေနိုင်ကြောင်းတွေ့ရသော်လည်း ၂၀၂၄ အယ်လ်နီညို နှစ်ကြောင့် အပူပြင်းဆုံးရာသီဥတုဖြစ်ခဲ့၍ အပူချိန်ပြင်းထန်မှုများထက် များစွာလျော့နည်းနိုင်ကြောင်းလည်း သိရသည်။

#မန္တလေးသတင်းကွန်ရက်
ဓာတ်ပုံ ဦးဝင်းနိုင်

လေဖိအားနည်းရပ်ဝန်းကြောင့် မန္တလေးအပါအဝင် ဒေသတချို့ ဒီဇင်ဘာ၂၀ရက်မှ ၂၃ရက်အတွင်း အချိန်အခါမဟုတ် မိုးရွာနိုင်

Dec 19, 12:14 PM

ဘင်္ဂလားပင်လယ်အောင်တောင်ပိုင်းတွင် ဖြစ်ပေါ်လျက်ရှိသည့် လေဖိအားနည်းရပ်ဝန်းကြောင့် မြန်မာနိုင်ငံတွင်းရှိ မန္တလေးအပါအဝင် ဒေသတချို့၌ လာမည့် ဒီဇင်ဘာ၂၀ရက်မှဒီဇင်ဘာ၂၃ရက်အထိ အချိန်အခါမဟုတ် မိုးရွာနိုင်ကြောင်း သိရသည်။

အဆိုပါလေဖိအားနည်းရပ်ဝန်းသည် တောင်ဘက်မှ မြောက်ဘက်သို့ ရွေ့လျားလျက်ရှိပြီး အားပျော့ပျက်ပြယ်သွားမည်ဖြစ်သောကြောင့် မုန်တိုင်းအဆင့်အထိ မရောက်နိုင်ကြောင်း ဆိုသည်။

“ဘင်္ဂလားပင်လယ်အော်မြောက်ပိုင်းက ပင်လယ်ရေမျက်နှာပြင်အပူချိန်က ၂၄-၂၅ ဒီဂရီစင်တီဂရိတ်လောက်အထိ ကျနေပြီး မြောက်ဘက်က လေအေးတွေလဲ စီးဝင်နေတာရှိသလို မုန်တိုင်းအားကောင်းစေမယ့် အပူချိန်လည်းမရှိတာကြောင့် လေဖိအားနည်းရပ်ဝန်းဟာ မြောက်ပိုင်းရောက်လေ အားပျော့သွားလေဖြစ်နိုင်မယ်။ မြောက်ဘက်၊ ဘင်္ဂလားဒေ့ရှ်/မြန်မာနယ်စပ်အထိတော့ မရောက်နိုင်ဘူး။ အများဆုံး ဘင်္ဂလားပင်လယ်အော်အလယ်ပိုင်းမှာတင် တောင်ဘက်ကို ပြန်ကွေ့ပြီး အားပျော့သွားနိုင်ပါတယ်”ဟု နိုင်ငံတကာမိုးလေဝသစောင့်ကြည့်သူ ဆရာဦးဝင်းနိုင်က ၎င်း၏လူမှုကွန်ရက်စာမျက်နှာမှတဆင့် ပြောကြားထားသည်ာ

သို့ပါ၍ ကြိုတင်ခန့်မှန်းချက်များအရ လေဖိအားနည်းရပ်ဝန်းကြောင့် မြန်မာနိုင်ငံတွင်း၌ လာမည့်ဒီဇင်ဘာ၂၀ ရက်မှ ဒီဇင်ဘာ၂၃ ရက်အတွင်း ရခိုင်ပြည်နယ်မြောက်ပိုင်း၊ ချင်းပြည်နယ်နဲ့ ရှမ်းပြည်နယ်မြောက်ပိုင်းတို့တွင် မိုးအသင့်အတင့်၊ စစ်ကိုင်းတိုင်း၊ မကွေးတိုင်း၊ မန္တလေးတိုင်းရှိ ဒေသအချို့တွင် မိုးအနည်းငယ်ရွာနိုင်ကြောင်း သုံးသပ်ထားသည်။

#မန္တလေးသတင်းကွန်ရက်
ဓာတ်ပုံ ဦးဝင်းနိုင်

မန္တလေးမြို့ရှိ Brain Box Acumen College of Management တွင် စီးပွားရေးလုပ်ငန်းရှင်များအတွက် AI သင်တန်း ၃ရက်တိုင် ပို့ချမည်

Dec 12, 10:27 AM

Brain Box Acumen College of Management ကျောင်းတည်ရှိရာ ၆၅လမ်း၊ ၁၀၂(အေ) လမ်းနှင့် ၁၀၃ လမ်းကြား၊ ချမ်းမြသာစည်မြို့နယ်၊ မန္တလေးမြို့တွင် စီးပွားရေးလုပ်ငန်းရှင်များအတွက် AI သင်တန်းကို ၃ရက်တိုင်ဖွင့်လှစ်မည်ဖြစ်ရာ ထိုင်းဘုရင့်တက္ကသိုလ်မှ ဒေါက်တာအောင်ဝင်းထွန်း လာရောက်ပို့ချမည်ဖြစ်သည်။

အဆိုပါသင်တန်းကို ဒီဇင်ဘာ၁၄ရက်မှ ဒီဇင်ဘာ၁၆ရက်အထိ နေ့လယ်၁နာရီမှ ညနေ၃နာရီအထိ သင်ကြားမည်ဖြစ်ရာ လူဦးရေ၃၀သာ လက်ခံပို့ချမည်ဖြစ်သည်။

“ကိုယ့်စီးပွားတိုးတက်ဖို့က ကိုယ့်မှာပဲ တာဝန်ရှိတာပါ။ စီးပွားတိုးတက်ပြီး ကြီးပွားချင်ရင်အလျင်အမြန်ပြောင်းနေတဲ့ ခေတ်ကို အမီလိုက်နိုင်မှ ဖြစ်မှာပါ။
"မူလလက်ဟောင်း"ဆိုပြီး မပြောင်းမလဲပဲ ခင်တွယ်နေရင် ကျန်ခဲ့တာကိုတော်တော်ကြာမှ သိလာပါမယ်။ အခုအပြောင်းအလဲက AI.. AI.. AI ဖြစ်ပါတယ်။ တတ်အောင်သင်ပါမယ်။ တယောက်ချင်းရဲ့ လိုအပ်ချက် (Needs) တွေကို သူများကို အားမကိုးပဲ ကိုယ်တိုင်ဖြေရှင်းနိုင်စေရပါမယ်။ သင်တန်းမှာ(သိပ်မလွယ်ပေမယ့်) သိပ်ခက်တဲ့ အကြောင်းအရာတွေ မပါပါဘူး။ AI... ကို သင်ယူပြီးရင်ပြောင်းလဲ သစ်လွင်လွန်းတဲ့ (ကိုယ့်ရဲ့ ထွက်ငွေတွေကို ခြွေတာနိုင်မယ့်) နည်းလမ်းတွေကို သိတတ်ပြီး ကိုယ်တိုင် စွမ်းဆောင်နိုင်ပါလိမ့်မယ်”ဟု Brain Box Acumen College of Management တည်ထောင်သူ ဒေါက်တာကောင်းလွန်းက ပြောသည်။

သင်တန်းတက်ရောက်လိုသူများအနေဖြင့် Laptop/ Tablet ယူဆောင်လာရမည်ဖြစ်ပြီး အသေးစိတ်သိလိုပါကဖြစ်စေ၊ ကြိုတင်စာရင်းပေးသွင်းလိုပါကဖြစ်စေ ဖုန်း၀၉၇၈၀၈၁ ၆၆၁၃သို့ ဆက်သွယ်စုံစမ်းနိုင်သည်။

#မန္တလေးသတင်းကွန်ရက်
#brain_box_aucmen

YEC ရတနာပန်းခင်း မိဘမဲ့ကျောင်းတိုက်တွင် ဒုတိယအကြိမ် မဟာပဌာန်းရွတ်ဖတ်ပူဇော်ပွဲ ကျင်းပမည်ဖြစ်၍ ကုသိုလ်ရှင်များ ဆက်သွယ်လှူဒါန်းနိုင်

Nov 27, 10:19 AM

မန္တလေးမြို့၊ အမှတ်(၂၅)ဘက၊ YEC ရတနာပန်းခင်း ပရဟိတမိဘမဲ့ကျောင်းတိုက်ကြီးတွင် ဒုတိယ
အကြိမ်မြောက် အသံမစဲမဟာပဌာန်းရွတ်ပူဇော်ပွဲ အခမ်းအနားကို လာမည့်ဒီဇင်ဘာ၈ရက်မှ ဒီဇင်ဘာ၁၂ရက်အထိ ငါးရက်တိုင် ကျင်းပပြုလုပ်မည်ဖြစ်သောကြောင့် အလှူရှင်များ ဆက်သွယ်လှူဒါန်းနိုင်ကြောင်း တာဝန်ခံဆရာတော် အရှင်သောဘနက မိန့်ကြားသည်။

မဟာပဌာန်းရွတ်ဖတ်ပူ‌ဇော်နေစဉ်ရက်များအတွင်း ဆရာတော်သံဃာတော်များ အာရုဏ်ဆွမ်းအတွက် ကျပ်ငါးသိန်းနှင့်
အချိုပွဲအတွက် ကျပ်တသိန်းငါးသောင်း၊ နေ့ဆွမ်းအတွက် ကျပ်၇သိန်းနှင့် အချိုပွဲအတွက် ကျပ်တသိန်းငါးသောင်း၊ ညပိုင်း ဂျင်းသုပ်၊ လက်ဖက်သုပ်နှင့် အချိုရည်တို့အတွက် ကျပ်တသိန်းငါးသောင်းနှုန်း သတ်မှတ်ထားပြီး ‌ပဌာန်းရည် ရေသန့်ဘူးများကိုလည်း လာရောက်လှူဒါန်းနိုင်သည်။

YEC ရတနာပန်းခင်း ပရဟိတမိဘမဲ့ကျောင်းသည် မန္တလေးမြို့၊ ပြည်ကြီးတံခွန်မြို့နယ်၊ တံခွန်တိုင်ဈေးအရှေ့ဘက်၊ မြောက်ဥယျာဉ်ရပ်ကွက်၌ တည်ရှိပြီး သုံးလသားနို့စို့ကလေးအရွယ်မှ တက္ကသိုလ်ဝင်တန်းအရွယ်အထိ အရွယ်စုံ ကလေးဦးရေ ၅၀၀ကျော်ရှိကာ ယခု မဟာပဌာန်းရွတ်ဖတ်ပူဇော်ပွဲအတွက်ဖြစ်စေ၊ ကလေးများ၏ နံနက်စာ၊ နေ့လယ်စာ၊ အဆာပြေစာ၊ ညစာတို့အတွက်ဖြစ်‌စေ လှူဒါန်းလိုပါက တာဝန်ခံဆရာတော် ဖုန်း09256 500211,09775544255 သို့ တိုက်ရိုက်ဆက်သွယ်နိုင်ပါသည်။

#မန္တလေးသတင်းကွန်ရက်
#YECရတနာပန်းခင်း
#မိဘမဲ့ကျောင်း

Nov 25, 10:20 PM

ယနေ့ နိုဝင်ဘာ၂၅ရက်၊ တန်ဆောင်မုန်း လပြည့်ကျော် (၁၀)ရက်နေ့တွင် ကျရောက်သော (၁၀၄)နှစ်မြောက် အမျိုးသားအောင်ပွဲနေ့အား ကြိုဆိုဂုဏ်ပြုရင်း မြန်မာပြည်သူ/ပြည်သားများအားလုံး စိတ်၏ချမ်းသာခြင်း၊ ကိုယ်၏ ကျန်းမာခြင်းများနှင့်ပြည့်စုံပြီး စီးပွားလာဘ်လာဘများ ဒီရေအလားတိုးတက်ပါစေကြောင်း မန္တလေးသတင်းကွန်ရက်မှ ဆုမွန်ကောင်းတောင်းအပ်ပါသည် ခင်ဗျာ

#မန္တလေးသတင်းကွန်ရက်
#အမျိုးသားနေ့

ဒုံးကျည်အသစ်ကို အမေရိကန်အပါအဝင် အနောက်နိုင်ငံများ၏ လေကြောင်းကာကွယ်ရေးစနစ်များက တားဆီးနိုင်သည့် အစွမ်းအစမရှိဟု ရုရှားသမ္မတပူတင်က ပြောဆို

Nov 23, 8:22 PM

ယူကရိန်းနိုင်ငံရှိ ဒီနီပရိုမြို့သို့ ပစ်လွှတ်ခဲ့သည့် အသံထက်မြန်စနစ်အမျိုးအစား ဒုံးကျည်အသစ်ကို အမေရိကန်အပါအဝင် အနောက်နိုင်ငံများ၏ လေကြောင်းကာကွယ်ရေးစနစ်များက တားဆီးနိုင်သည့် အစွမ်းအစမရှိဟု ရုရှားသမ္မတပူတင်က နိုင်ငံတော်ရုပ်သံမိန့်ခွန်းမှတဆင့် ပြောဆိုခဲ့ကြောင်း ယနေ့နိုဝင်ဘာ၂၃ရက်ညပိုင်း AP သတင်းတရပ်က ဖော်ပြထားသည်။

ပြီးခဲ့သည့် ကြာသပတေးနေ့တွင် ဒီနီပရိုမြို့ရှိ စစ်ဘက်အဆောက်အအုံကို တိုက်ခိုက်ခဲ့သည့် ဒုံးကျည်သည် မြန်နှုန်း(တနာရီ ကီလိုမီတာ ၁၃၀၀၀ ကျော်) ဖြင့် ပျံသန်းခဲ့သည်။

နိုင်ငံတော်ရုပ်သံမိန့်ခွန်းတွင် အနောက်နိုင်ငံများအပေါ် ပြတ်သားသော သတိပေးမှုအနေဖြင့် တာလတ်ပစ် Oreshnik ဒုံးကျည်သုံး တိုက်ခိုက်ခဲ့မှုသည် ယူကရိန်းဘက်က အမေရိကနှင့် ဗြိတိန်တို့ပံ့ပိုးသော တာဝေးပစ်ဒုံးကျည်များသုံး၍ ရုရှားပိုင်နက်အတွင်းပိုင်းအထိ တိုက်ခိုက်ခဲ့ခြင်းအား လက်တုန့်ပြန်မှုဖြစ်သည်ဟုလည်း ရုရှားသမ္မတ ဗလာဒီမာပူတင်က ပြောဆိုသွားခဲ့သည်။

ထိုသို့ ရုရှားက စမ်းသပ်ဆဲ အသံထက်မြန်သော ဟိုက်ပါဆောနစ်ဒုံးကျည်သုံး တိုက်ခိုက်လာမှုကြောင့် နေတိုးအဖွဲ့နှင့် ယူကရိန်းတို့အကြား လာမည့် အင်္ဂါနေ့ (နိုဝင်ဘာ၂၆)တွင် အရေးပေါ် ဆွေးနွေးမှု ပြုလုပ်သွားမည်ဖြစ်သည်။

#မန္တလေးသတင်းကွန်ရက်
ကိုးကား အေပီသတင်း

နိုဝင်ဘာလကုန်ပိုင်း လေဖိအားနည်းရပ်ဝန်းကြောင့် မြန်မာပြည်တွင်းရှိ ဒေသတချို့ နေရာကွက်၍ မိုးကြီးနိုင်

Nov 21, 10:54 AM

ဘင်္ဂလားပင်လယ်အော်အနောက်တောင်ပိုင်းတွင် ဖြစ်ပေါ်နိုင်မည့်လေဖိအားနည်းရပ်ဝန်းကြောင့် နိုဝင်ဘာလကုန်ပိုင်း မြန်မာနိုင်ငံတွင်းရှိ ဒေသတချို့၌ နေရာကွက်၍ မိုးကြီးနိုင်ကြောင်း နိုင်ငံတကာမိုးလေဝသစောင့်ကြည့်သူ ဆရာဝင်းနိုင်က ယနေ့နိုဝင်ဘာ၂၁ရက် နံနက်ပိုင်းတွင် ခန့်မှန်းထားသည်။

ယနေ့ နံနက် ၉ နာရီအချိန်တွင် သင်္ချာပုံစံပြု မိုးလေဝသကြိုတင်ခန့်မှန်းရေးအချက်အလက်များအရ ဘင်္ဂလားပင်လယ်အော်တောင်ပိုင်း၊ ကော့သောင်းမြို့ အနောက်တောင်ဘက် မိုင် ၅၄၀ ခန့်၊ ထိုင်းနိုင်ငံဖူးခက်မြို့ အနောက်တောင်ဘက် မိုင် ၄၂၀ ခန့်၌ လေပွေလှိုင်းတခု အစပျိုးနေပြီး တဖြည်းဖြည်း အားကောင်းလာနိုင်ကြောင်း၊ မြောက်-အနောက်မြောက်ဘက်ကို ဆက်လက်ရွေ့လျားရင်း အားပိုကောင်းလာပြီး လာမည့် နိုဝင်ဘာ ၂၈ ရက် နံနက်ပိုင်းတွင် အားကောင်းသည့် လေဖိအားနည်းရပ်ဝန်း(Deep Depression)ဖြစ်လာနိုင်ကြောင်း၊ ယင်းနောက် နိုဝင်ဘာ ၂၈ ရက် ည ပိုင်း၊ နိုဝင်ဘာ၂၉ ရက် မနက်အစောပိုင်း အိန္ဒိယနိုင်ငံအရှေ့တောင်ပိုင်း တမီလ်နာဒူးပြည်နယ် ချင်နိုင်းမြို့အနီးမှ ကုန်းတွင်းကိုဝင်ရောက်သွားနိုင်မှာဖြစ်ကြောင်းကြိုတင်ခန့်မှန်းချက်များအရ တွေ့ရကြောင်း ဆိုပါသည်။

“လေဖိအားနည်းရပ်ဝန်းက မြန်မာနိုင်ငံဘက်ကိုဦးတည်ရွေ့လျားလာမှာမဟုတ်သော်လည်း နိုဝင်ဘာ ၂၈-၂၉-၃၀ ရက်များမှ ဒီဇင်ဘာလဆန်း ၁ ရက် ၂ ရက် နေ့များအထိ မြန်မာနိုင်ငံရဲ့ ပြည်နယ်တိုင်းဒေသအချို့မှာ မိုးအနည်းငယ်၊ မိုးအသင့်အတင့်နဲ့ နေရာကွက်ပြီး မိုးများနိုင်မယ့်အခြေအနေတွေဖြစ်ပေါ်နိုင်ပါတယ်”ဟု ဆရာဝင်းနိုင်က လူမှုကွန်ရက်မှတဆင့် ရေးသားထားသည်။

အသေးစိတ်ကြိုတင်ခန့်မှန်းချက်တွေအရ နိုဝင်ဘာ၂၈ရက်မှ ဒီဇင်ဘာ၂ရက်အတွင်း ဧရာဝတီတိုင်းမြောက်ပိုင်း၊ ဧရာဝတီတိုင်းအနောက်ဘက်ခြမ်းက ကမ်းရိုးတန်းဒေသများ၊ ပဲခူးတိုင်း၊ ရခိုင်ပြည်နယ်၊ ချင်းပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ကချင်ပြည်နယ်တောင်ပိုင်း၊ ရှမ်းပြည်နယ်၊ ကယားပြည်နယ်နှင့် နေပြည်တော်အပါအဝင် ပြည်နယ်တိုင်းဒေသအချို့တွင် မိုးအနည်းငယ်မှ မိုးအသင့်အတင့်ရွာနိုင်ပြီး ရခိုင်ပြည်နယ်မြောက်ပိုင်းနှင့် ချင်းပြည်နယ်ဒေသအချို့၌ နေရာကွက်၍ မိုးများနိုင်ကြောင်း သိရသည်။

#မန္တလေးသတင်းကွန်ရက်
ဓာတ်ပုံ ဆရာဝင်းနိုင်

ပုဂံဒေသတွင် ဆိုင်ကယ်ပျောက်ဆုံးမှုရှိလာသဖြင့် ဘုရားဖူးခရီးသည်များ သတိပြုကြရန်လို

မန္တလေးတိုင်းဒေသကြီး၊ ညောင်ဦးခရိုင်၊ ပုဂံရှေးဟောင်းယဉ်ကျေးမှုနယ်မြေသို့ သွားရောက်လည်ပတ်ရာတွင် ဆိုင်ကယ်ပျောက်ဆုံးမှုရှိလာကြောင်း ကိုယ်တွေ့ကြုံခဲ့ရသူတဦးက လူမှုကွန်ရက်စာမျက်နှာပေါ် ထုတ်ဖော်ရေးသားချက်အရ သိရသည်။

နိုဝင်ဘာ၁၈ရက် နေ့လယ်ပိုင်းက ရွှေကွန်ချာဘုရားတွင် ဆိုင်ကယ်ပျောက်ဆုံးခဲ့ခြင်းဖြစ်ပြီး Honda 100CC အမျိုးအစား၊ အစိမ်းနက်ရောင်၊ နံပါတ် MDY 79W 34175 ဖြစ်ကြောင်း ဆိုပါသည်။

“ဇက်သော့ခတ်ထားတယ်နော်။ ခိုးခံရတာက။ တွေ့တဲ့သူများ အောက်ပါဖုန်းနံပါတ်ကိုဆက်သွယ်ပေးကြပါ။ ( 0968575 2345 ) ယာဉ်မောင်းလိုင်စင်တွေရော၊ ပိုက်ဆံတွေရော မှတ်ပုံတင်တွေရော ဆိုင်ကယ်တူးဘောက်စ်ထဲ ထည့်ထားတာအကုန်ပါသွားပါတယ်။ ဘုရားဖူးဧည့်သည်များအထူးဂရုပြုသတိထားကြပါ”ဟု  ပုဂံညောင်ဦး သိလိုရာမေးဖြေ Facebook Group တွင် ၎င်းက ရေးသားထားသည်ကို တွေ့ရသည်။

ယခုနှစ် တန်ဆောင်တိုင်ပွဲတော်ကာလအတွင်း ပုဂံညောင်ဦးဒေသသို့ ဘုရားဖူး ပြည်တွင်း/ ပြည်ပ ခရီးသွားများ ဝင်ရောက်လည်ပတ်မှု များပြားသဖြင့် အထူးစည်ကားခဲ့ကာ ပြည်တွင်းခရီးသွားများ သာမက ပြည်ပခရီးသွားများလည်း စတင်ဝင်ရောက်နေပြီဖြစ်သည်။

ပုံဂံဒေသသို့ ခရီးသွားဝင်ရောက်မှုများလာသည်နှင့်အတူ ဒေသခံတို့အလုပ်အကိုင် အခွင့်အလမ်းများ ပိုမိုရရှိလာပြီး  ဒေသတွင်းရှိ ဒေသထွက်ကုန်၊ အစားအသောက်နှင့် ခရီးသွားဝန်ဆောင်လုပ်ငန်းမှုလုပ်ငန်းများ၊ ဟိုတယ်၊ တည်းခိုခန်းလုပ်ငန်းများလည်း အဆင်ပြေလာသည်။

#မန္တလေးသတင်းကွန်ရက်
#ပုဂံ

အပိုလိုဆေးရုံကြီးမှ နှလုံးခွဲစိတ်အထူးကု၊ ကင်ဆာအထူးကု၊ အရိုးအကြောအထူးကုဆရာဝန်ကြီးများရဲ့ ကျန်းမာရေးဟောပြောပွဲ

နိုဝင်ဘာလ၂၃ရက်မှာ 🇮🇳အိန္ဒိယနိုင်ငံ 🏥အပိုလိုဆေးရုံကြီးမှ အထူးကုဆရာဝန်ကြီးများ ရန်ကုန်မှာ ကျန်းမာရေးဟောပြောပွဲ ပြုလုပ်မှာ ဖြစ်တဲ့အတွက် စိတ်ပါဝင်စားသူများ တက်ရောက်နိုင်ရန် မျှဝေပေးလိုပါတယ်

ဟောပြောမယ့် ဆရာဝန်ကြီးများကတော့
• 𝐃𝐫 𝐓𝐚𝐦𝐚𝐬𝐡𝐢𝐬 𝐌𝐮𝐤𝐡𝐞𝐫𝐣𝐞𝐞 (နှလုံးခွဲစိတ်အထူးကုဆရာဝန်ကြီး)
Consultant Cardiothoracic, Vascular and Robotic Surgeon
M.B.B.S, DNB (Cardiothoracic surgery)

• 𝐃𝐫 𝐒𝐚𝐧𝐝𝐢𝐩 𝐆𝐚𝐧𝐠𝐮𝐥𝐲 (ကင်ဆာအထူးကုဆရာဝန်ကြီး)
M.B.B.S, MD (General medicine)
DM (Medical oncology)
Kidwai, Bangalore

• 𝐃𝐫 𝐒𝐨𝐮𝐦𝐞𝐧 𝐊𝐚𝐫 (အရိုးအထူးကုဆရာဝန်ကြီး)
Consultant Robotic Joint Replacement Arthroplasty and Trauma Surgeon
MS (Orthopedics), Mch (Ortho) USAIM

တက်ရောက်သင့်သူများဆိုရင်
မိမိ ဒါမှမဟုတ် မိမိ မိသားစုဝင်တွေထဲမှာ
• နှလုံးသွေးကြောကျဉ်းရောဂါရှိသူများ
• နှလုံးအဆို့ရှင်ပြဿနာရှိသူများ
• မွေးရာပါ နှလုံးရောဂါရှိသူများ
• နှလုံးအစားထိုးဖို့လိုအပ်သူများ
• သွေး‌ကြောရောဂါရှိသူများ
• အစာအိမ်နဲ့ အူလမ်းကြောင်းကင်ဆာရှိသူများ
• ရင်သားကင်ဆာရှိသူများ
• အဆုတ်နဲ့ရင်ခေါင်းပိုင်းမှာကင်ဆာရှိသူများ
• မီးယပ်ကင်ဆာရှိသူများ
• အရိုးအဆစ်ဝေဒနာ ခံစားနေရသူများ
• ဒူးဆစ်အစားထိုးဖို့ လိုအပ်သူများ တက်ရောက်သင့်ပါတယ်။

ပွဲအစီအစဉ်
🗓️နေ့ရက် : 23.11.24 ( Saturday )
🕙အချိန် : 10:00 Am to 2:00 Pm
📍နေရာ : Zealax Hotel, Ballroom
အမှတ်(၁၆) ကမ်းနားလမ်း၊ အလုံမြို့နယ်၊ ရန်ကုန်မြို့။

“ကရုဏာရှေ့ ထား ကုသပေးတာ အပိုလိုပါ၊ ကျန်းမာပျော်ရွှင်သော ဘဝကို ရရှိစေဖို့ အပိုလိုဆေးရုံနှင့် ဆက်သွယ်လိုက်ကြပါစို့”

𝐖𝐞𝐂𝐚𝐫𝐞 𝐇𝐞𝐚𝐥𝐭𝐡 𝐂𝐚𝐫𝐞 𝐒𝐞𝐫𝐯𝐢𝐜𝐞𝐬 𝐂𝐨.,𝐋𝐭𝐝.

ရန်ကုန်ရုံး
📍အမှတ် ၇၃၊ အုန်းပင်လမ်း၊ ကြည့်မြင်တိုင်၊ ရန်ကုန်မြို့။
☎️ဖုန်း 09970716074, 09254364535 , 095373256

မန္တလေးရုံး
📍အမှတ်၁၈၅၊ ၃၅လမ်း၊ ၇၇×၇၈လမ်းကြား၊ မဟာအောင်မြေမြို့နယ်၊ မန္တလေးမြို့။
☎️ဖုန်း 09451922992

ဘုရားကြီးအတွင်း၌ ရှင်မာလဲဘုရားပွဲတော်(ကြာပန်းပစ်ပွဲ)ကို နှစ်ရက်တိုင် ကျင်းပမည်

Nov 13, 1:20 PM

မန္တလေးမြို့၊ မဟာမုနိဘုရားကြီး ပရိဝုဏ်အတွင်းတည်ထားကိုးကွယ်သည့် ရှင်မာလဲဘုရားပွဲတော်(ကြာပန်းပစ်ပွဲ)ကို နိုဝင်ဘာ၁၄ရက်နှင့်၁၅ရက် နှစ်ရက်တိုင်တိုင် ကျင်းပမည်ဖြစ်ကြောင်း ဘုရားကြီးဂေါပကအဖွဲ့မှ ထုတ်ပြန်ထားသည်။

ရှင်မာလဲဘုရားပွဲ၏ ထူးခြားချက်မှာ တန်ဆောင်တိုင်ပွဲတော်၌ ကြာပန်းတမျိုးတည်းသာ လှူဒါန်းကြသည့်ပွဲဖြစ်သည်။

သမိုင်းကြောင်းအရ ရှင်မာလဲဘုရားကို ပုဂံပြည့်ရှင် အလောင်းစည်သူမင်း၏ သားတော်ကြီး မင်းရှင်စော တည်ခဲ့သည်။ မင်းရှင်စောသည် မန္တလေးရွှေတောင်အရပ်ဖြစ်သော ထွန်တုန်းပူတက်( ယခု ဗိုလ်တက်ကုန်း)တွင် ထီးနန်းစိုက် စံနေတော်မူစဉ်က တည်ခဲ့သည်ဟု သိရသည်။ မင်းရှင်စောသည် ရှင်မာလဲဘုရားကို တာဝတိံသာနတ်ပြည်မှ စူဠာမဏိစေတီတော် ပုံစံအတိုင်း ရည်မှန်းတည်တော်မူပြီး ကြာပန်းတမျိုးတည်းသာ ကပ်လှူပူဇော်ခဲ့သည်။

နှစ်စဉ် တန်ဆောင်မုန်းလဆန်း ၁၄ရက်၊ လဆန်း၁၅ ရက်(လပြည့်နေ့) ရှင်မာလဲဘုရားပွဲတော် ရောက်ပြီဆိုလျှင် မင်းရှင်စော ထီးနန်းတည်ခဲ့သည့် ဗိုလ်တက်ကုန်း၊ အောင်ပင်လယ်၊ နန္ဒါကန်နှင့် ဇောင်းကလောကန်ဒေသရွာများမှ အနွယ်တော်များသည် လှည်းများဖြင့် ရှင်မာလဲဘုရားပွဲတော်သို့ စုရုံးရောက်ရှိလာကြသည်။ လှည်းများကို ဘုရားကြီးအရှေ့ ၄၅တာကွင်းတွင် ချွတ်ပြီး ရပ်နားကြသည်။ ထိုနေ့ညစာအတွက် ပါလာသော စားအိုးစားခွက်များဖြင့် ချက်ပြုတ်စားသောက်ကြသည်။ ပြီးလျှင် ဖီးလိမ်းသန့်စင်ကာ မဟာမုနိဘုရားအား ဖူးမြော်ကြသည်။ မဟာမုနိဘုရားဖူးပြီးနောက် မိမိတို့ဒေသမှ ခူးဆွတ်လာသော ကြာပန်းများကို ရှင်မာလဲဘုရားအား တင်လှူပူဇော်ကြသည်။

အရုဏ်ဦးတွင် ရှင်မာလဲဘုရားအား ဃနာနို့ဆွမ်းကပ်လှူရန် ရည်မှန်း၍ အသင့်ယူဆောင်လာကြသော ဆန်တဆုပ်၊ ဆီတမှုတ်မှအစ တတ်နိုင်သလောက် လှူဒါန်းကြသည်။ အချို့အလှူရှင်များက ဃနာနို့ဆွမ်းအတွက် နွားနို့ ညှစ်လှူရန် နို့များများထွက်သော ကလေးအမေ နွားသားအမိကို လှူဒါန်းကြသည်။ ဃနာနို့ဆွမ်းအတွက် နွားသားအမိကို လှူဒါန်းရခြင်းမှာ မိမိအတွက် ကုသိုလ်ထူးများ ရရှိရုံသာမက ကာယကံမြောက် နို့ရည်လှူဒါန်းသော နွားသားအမိလည်း နောင်ဖြစ်လေရာ ဘဝတွင် ကောင်းသောဘဝရစေခြင်းငှာ ရည်ရွယ်လှူဒါန်းကြခြင်းဖြစ်သည်။

#မန္တလေးသတင်းကွန်ရက်
#ရှင်မာလဲဘုရား
#ကြာပစ်ပွဲ
ဓာတ်ပုံ ဂေါပကအဖွဲ့

သက်တော်ရှည် စစ်ကိုင်းဟံသာဂီရိဆရာတော်ကြီး၏ အဂ္ဂိဈာပန နိုဝင်ဘာ၁၃ရက်တွင် ပြုလုပ်မည်

Nov 11, 8:48 PM

စစ်ကိုင်းတောင်ရိုး၊ ဟံသာဂီရိပရိယတ္တိစာသင်တိုက်၊ တိုက်တည် ပဓာနနာယကဆရာတော်ကြီး ဘဒ္ဒန္တနန္ဒဝံသ၏ ကြွင်းကျန်ရစ်သော ရုပ်ကလာပ်တော်ကို လာမည့် နိုဝင်ဘာ၁၃ ရက်, ဗုဒ္ဓဟူးနေ့တွင် စစ်ကိုင်းတောင် အရိယဝံသရုပ်စုံကျောင်းအနီး၊ တောင်ဆင်းကားလမ်း အနောက်ဘက်၌ အဂ္ဂိဈာပနအဖြစ် ဆင်ယင်ကျင်းပမည်ဖြစ်သည်။

ဆရာတော်ကြီးသည် ၂၀၂၄ခုနှစ်၊ နိုဝင်ဘာ၉ရက်(စနေနေ့) နံနက် ၅ နာရီ ၁၇ မိနစ်တွင် တဘဝတခန္ဓာ ချုပ်ငြိမ်းတော်မူခဲ့ရာ သက်တော် ၉၃ နှစ်၊ သိက္ခာတော် ၇၃ ဝါရှိပြီဖြစ်သည်။

ဆရာတော်ကြီးဘဒ္ဒန္တနန္ဒဝံသကို စစ်ကိုင်းတိုင်းဒေသကြီး မြောင်မြို့နယ် ရွှေပေါက်ပင်ကျေးရွာတွင် ခမည်းတော် ဦးထွန်းလင်း - မယ်တော် ဒေါ်နွယ်တို့က ၁၂၉၃ ခုနှစ် တပေါင်းလဆန်း ၄ ရက်(စနေနေ့)တွင် ဖွားမြင်တော်မူသည်။

၁၃၀၃ ခုနှစ်၌ ပထမအကြိမ် ရှင်သာမဏေပြုသည်။ ၁၃၀၉ ခုနှစ်၌ ဒုတိယအကြိမ် ရှင်သာမဧဏပြုသည်။

၁၃၁၃ ခုနှစ်၊ ဝါဆိုလဆန်း ၁၂ ရက်နေ့၌ မြောင်မြို့နယ် ရွှေပေါက်ပင်ကျေးရွာ ရွှေသိမ်တော်ကျောင်း ဆရာတော် ဥုးဇယျာဝံသကို ဥပဇ္ဈာယ်ပြု၍ စစ်ကိုင်းမြို့ ရိုင်တန်းရပ် ဇမ္ဗူအေးပွဲရုံပိုင်ရှင် ဦးထွန်း-ဒေါ်အေး၊ သား ဦးအောင်ဘ၊ သမီး ဒေါ်တင်မေ မိသားစုတို့၏ ပစ္စယာနုဂ္ဂဟဖြင့် ရိုင်တန်းကျောင်း ခဏ္ဍသိမ်၌ ရဟန်းဖြစ်သည်။

၁၃၁၂ ခုနှစ်၌ အစိုးရပထမငယ်တန်း၊ ၁၃၁၃ ခုနှစ်၌ အစိုးရပထမလတ်တန်းနှင့် ၁၃၁၄ ခုနှစ်၌ အစိုးရပထမကြီးတန်းတို့ အသီးသီးအောင်မြင်သည်။

၁၃၁၇ ခုနှစ်၌ အစိုးရ သာသနဓဇဓမ္မာစရိယဘွဲ့ ရရှိသည်။ ၁၃၁၉ ခုနှစ်၌ မြန်မာဂုဏ်ထူးနှစ်ကျမ်းကိုအောင်မြင်၍ အစိုးရ သာသနဓဇ သိရီပဝရ ဓမ္မာစရိယဘွဲ့ ရရှိသည်။

၁၃၂၃ ခုနှစ် ပထမဝါဆိုလဆန်း ၈ ရက်၌ စာသင်သံဃာ ၁၈ ပါးဖြင့် ဟံသာဂီရိပရိယတ္တိစာသင်တိုက်ကို တည်ထောင်တော်မူသည်။ တနေ့လျှင် စာဝါ ၇ ဝါ ၇ နာရီ၊ ဓမ္မာစရိယတန်း၊ ငယ်၊ လတ်၊ ကြီး၊ ပါဠိပထမပြန်ဘာသာရပ်များ ကြိုးစားပို့ချပေးတော်မူသည်။

စာဝါပို့ချပေးရင်း (၁)ဓမ္မပဒအတ္ထာလင်္ကာရကျမ်း၊ (၂)သင်္ဂဟတ္ထာလင်္ကာရကျမ်း၊ (၃)သဒ္ဒတ္ထာလင်္ကာရကျမ်း၊ (၄)အလင်္ကာရတ္ထာလင်္ကာရကျမ်းတို့ကို ရေးသားတော်မူသည်။

နှစ်စဉ် ဝါမကပ်မီ ဝါဆိုဦး ၁၀ ရက် တရားစခန်း၊ နှစ်သစ်ကူးသင်္ကြန် ၁၀ ရက် တရားစခန်းများဖွင့်လှစ်၍ ၁၃၄၅ ခုနှစ်မှစ၍ ၁၃၇၅ ခုနှစ်အထိ နှစ်ပေါင်း ၃၀ တိုင် ယောဂီ ၅၀၀ ကျော်တို့အား အခမဲ့ ကျွေးမွေးလှူဒါန်းပြီး ဝိပဿနာတရားရှုမှတ်နည်းများ ဟောပြောသင်ကြားပေးခဲ့သည်။

ဓမ္မရက္ခိတကုန်းတော်ပေါ်၌ နှစ်ကျိပ်ရှစ်ဆူ ထိုင်တော်မူဆင်းတုတော်များ၊ ရွှေဟင်္သာမင်း ကိုးတောင်ပြည့်စေတီတော်၊ ၂၇ တောင်ရပ်တော်မူ ရုပ်ပွားဆင်းတု၊ ၁၈ တောင်ရပ်တော်မူကြေးဆင်းတု၊ ၂၁ ပေပတ်လည် ရေကန်ကြီးနှစ်ကန်၊ ဖြိုးရတနာရေစက်နှင့် သာသနာ့အကျိုးတော်ဆောင် ရေစက်ကြီးများ ပူဇော်တည်ထားခဲ့သည်။

၁၃၄၉ ခုနှစ်၌ စစ်ကိုင်းမြို့ မြို့နယ် သံဃနာယကအဖွဲ့(ရွှေကျင်)ဥက္ကဋ္ဌ၊ ၁၃၅၂ ခုနှစ်မှ ၁၃၇၃ ခုနှစ်အထိ စစ်ကိုင်းတိုင်း တိုင်းသံဃနာယကအဖွဲ့(ရွှေကျင်)ဥက္ကဋ္ဌ တာဝန်များ ဆောင်ရွက်တော်မူသည်။

ပြည်ထောင်စုမြန်မာနိုင်ငံတော်အစိုးရက မဟာဂန္ထဝါစကပဏ္ဍိတ(၁၃၅၃ ခုနှစ်)၊ အဂ္ဂမဟာပဏ္ဍိတ(၁၃၅၄ ခုနှစ်)နှင့် အဂ္ဂမဟာသဒ္ဓမ္မဇောတိကဓဇ(၁၃၆၀ ပြည့်နှစ်) ဘွဲ့တံဆိပ်တော်များ ဆက်ကပ်ခြင်းကို ခံယူရသည်။

ဆရာတော်သည် တပည့်များအား သာသနာအရေး လောကအရေးဆိုင်ရာ အဆုံးအမများ အခါအားလျော်စွာမိန့်ကြားကာ ဗုဒ္ဓါနုဿတိ၊ ကာယဂတာသတိ၊ အာနာပါနဿတိ၊ ဝိပဿနာကမ္မဋ္ဌာန်းများ မပြတ်စီးဖြန်းအားထုတ်လျက် သီတင်းသုံးနေထိုင်ခဲ့သည်။

#မန္တလေးသတင်းကွန်ရက်
#ဟံသာဂီရိ

တောင်ကြီးတန်ဆောင်တိုင်ပွဲတော်ကျင်းပမည့်ရက်ကို ပြောင်းလဲဟု ယနေ့ည ထုတ်ပြန်

Nov 8, 9:24 PM

ရှမ်းပြည်နယ်တောင်ပိုင်း၊ တောင်ကြီးမြို့တွင် ကျင်းပပြုလုပ်မည့် တန်​ဆောင်တိုင်ပွဲတော် ရိုးရာမီးပုံးပျံပြိုင်ပွဲကို ရာသီဥတုအ​​ခြေအ​နေကြောင့် နိုဝင်ဘာ၁၁ရက်မှ နိုဝင်ဘာ၁၇ရက်သို့ ပြောင်းလဲလိုက်ကြောင်း ပွဲတော်ကျင်းပရေးကော်မတီမှ ယနေ့နိုဝင်ဘာ၈ရက်ညပိုင်းတွင် အသိပေးထုတ်ပြန်ထားသည်။

မူလက တောင်ကြီးတန်ဆောင်တိုင်ပွဲတော်ကို နိုဝင်ဘာ၉ရက်မှ နိုဝင်ဘာ၁၅ရက်အထိ ကျင်းပမည်ဟု ထုတ်ပြန်ထားခြင်းဖြစ်ပြီး ယခုအခါ နိုဝင်ဘာ၁၁ရက်မှ နိုဝင်ဘာ၁၇ရက်အထိသို့ ရက်ပြောင်းလဲကျင်းပခြင်းဖြစ်သည်။

ယခုနှစ် တောင်ကြီးတန်ဆောင်တိုင် မီးပုံးပျံပွဲတော်တွင် အဝေရာမီးပုံးပျံကွင်း၌ ညမီးကျည် ၂၆ လုံး၊ စိန်နားပန် ၂၄ လုံးနှင့် နေ့လွှတ်မီးပုံးပျံ ၁၀၀ ကျော် လွှတ်တင်သွားမည်ဖြစ်ကြောင်း ရှမ်းပြည်နယ်(တောင်ပိုင်း) ရိုးရာမီးပုံးပျံပညာရှင်များအသင်းမှ ဆိုသည်။

#မန္တလေးသတင်းကွန်ရက်
#တောင်ကြီးတန်ဆောင်တိုင်
ဓာတ်ပုံများ မူရင်းဆရာများကို Credit

မြန်မာနိုင်ငံအိမ်ခြံမြေဝန်ဆောင်မှုအသင်း (မန္တလေးတိုင်းဒေသကြီး)သို့ အသင်းဝင်ကြေးနှင့်ကတ်ပြားဖိုး အခမဲ့ဖြင့် ဝင်ခွင့်ပြုမည့်အပေါ် အိမ်ခြံမြေလောကသားများ ဝမ်းသာကြိုဆို

Nov 8, 9:11 AM

မြန်မာနိုင်ငံအိမ်ခြံမြေဝန်ဆောင်မှုအသင်း(မန္တလေးတိုင်းဒေသကြီး)သို့ အသင်းဝင်ရာတွင် လာမည့် ၂၀၂၅ခုနှစ်မှစတင်၍ အသင်းဝင်ကြေးနှင့် အသင်းအသိအမှတ်ပြုကတ်ပြားဖိုး(လုံးဝ)ပေးရန်မလိုတော့ပဲ အခမဲ့စနစ်ဖြင့် ဆောင်ရွက်ပေးသွားတော့မည့်အပေါ် အသင်းဝင်လိုသည့် မန္တလေးအိမ်ခြံမြေလောကသားများက ဝမ်းသားအားရ ကြိုဆိုမှုရှိကြောင်း သိရသည်။

အသင်းဝင်လိုသော်လည်း အသင်းဝင်ကြေးနှင့်အသင်းကတ်ပြားဖိုးတို့ကိုပေးသွင်းဖို့ ဝန်ထုပ်ဝန်ပိုးဖြစ်နေသည့် အိမ်ခြံမြေဝန်ဆောင်မှုလုပ်ငန်းလုပ်ကိုင်သူများနှင့် အကျိုးတော်ဆောင်များ အဆင်ပြေစေရန်ရည်ရွယ်၍ မြန်မာနိုင်ငံအိမ်ခြံမြေဝန်ဆောင်မှုအသင်း(မန္တလေးတိုင်းဒေသကြီး) ဥက္ကဌ ဦးအောင်တိုး၏ စီစဉ်ပေးမှုဖြင့် ယခုလိုဆောင်ရွက်ပေးနိုင်ခြင်းဖြစ်သည်။

“အိမ်ခြံမြေအလုပ်လုပ်နေသူတွေထဲမှာ အဆင်မပြေ ရုန်းကန်နေရတဲ့သူတွေလည်းရှိတော့ အသင်းဝင်ချင်ပေမယ့် အသင်းဝင်ကြေးနဲ့ကတ်ပြားဖိုးကြောင့် အခက်အခဲဖြစ်နေတဲ့သူတွေအတွက် အလွန်ဝမ်းသာစရာကောင်းတာပေါ့။ အသင်းဝင်ဖြစ်ပြီးမှ စည်းစည်းလုံးလုံးနဲ့ အလုပ်လုပ်ကြမယ်ဆိုရင် အကျိုးတော်ဆောင်ပွဲစားတွေရဲ့ ဘဝဟာ ပိုမိုတိုးတက်မြင့်မားလာစေမှာပါ။ အခုအစီအစဉ်ကို အသင်း ဥက္ကဌ ဦးအောင်တိုးက အသင်းဝင်အသစ်တွေကိုယ်စား ဗဟိုကို သွင်းရမယ့်ငွေကိုစိုက်သွင်းပေးပြီး အလှူအနေနဲ့ လုပ်တာလို့ သိရတယ်။ အိမ်ခြံမြေလောကသမိုင်းမှာ ဘယ်တုန်းကမှ မရှိခဲ့ဖူးတဲ့ လုပ်ဆောင်မှုပါ”ဟု မန္တလေးမြို့မှ အကျိုးဆောင်တဦးကဆိုပါသည်။

ပုံမှန်အားဖြင့် မြန်မာနိုင်ငံအိမ်ခြံမြေဝန်ဆောင်မှုအသင်း(မန္တလေးတိုင်းဒေသကြီး)သို့ အသင်းဝင်လိုသည့် အသင်းသားသစ်များအနေဖြင့် အသင်းဝင်ကြေးနှင့် စမတ်ကတ်ဖိုး ငါးသောင်းကျပ် ပေးသွင်းကြရသည်။

အသင်းဝင်လိုသူများသည် မြန်မာနိုင်ငံအိမ်ခြံမြေဝန်ဆောင်မှုအသင်း (မန္တလေးတိုင်းဒေသကြီး)ရုံးတည်ရှိရာ မန္တလေးမြို့၊ ချမ်းအေးသာစံမြို့နယ်၊ ၇၇လမ်း၊ လမ်း၃၀နှင့် ၃၁လမ်းကြားသို့ လူကိုယ်တိုင် လာရောက်စုံစမ်း၍ ကြိုတင်စာရင်းပေးသွင်းနိုင်ပြီဖြစ်သည်။

မြန်မာနိုင်ငံအိမ်ခြံမြေဝန်ဆောင်မှုအသင်း (မန္တလေးတိုင်းဒေသကြီး) ဥက္ကဌ ဦးအောင်တိုးသည် ၂၀၂၄ခုနှစ် ဖေဖော်ဝါရီမှစတင်၍ ဥက္ကဌအသစ်အဖြစ် တာဝန်ယူပြီးနောက် အသင်းရုံးကိုဖွင့်လှစ်ပေးနိုင်ခဲ့ကာ အသင်းသူအသင်းသားများနှင့်စုပေါင်း၍ ဝါဆိုသင်္ကန်းကပ်လှူပွဲကျင်းပခြင်း၊ ရေဘေးသင့်ဒေသများသို့လှူဒါန်းခြင်း၊ အိမ်ခြံ‌မြေဥပဒေဆိုင်ရာအခမဲ့သင်တန်းဖွင့်လှစ်ခြင်းတို့ကို ဆောင်ရွက်နိုင်ခဲ့ပါသည်။

#မန္တလေးသတင်းကွန်ရက်

မဟာမုနိဘုရားကြီးထံကပ်လှူရန် (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ပူဇော်ပွဲ ကျင်းပမည်

Nov 7, 2:32 PM

မန္တလေးမြို့၊ မဟာမုနိရုပ်ရှင်တော်မြတ်ကြီးထံသို့ ကပ်လှူပူဇော်ရန်ရည်ရွယ်၍ (၃၅)ကြိမ်မြောက် မသိုးမြတ်သင်္ကန်းတော် ရက်လုပ်ခြင်းအခမ်းအနားကို လာမည့် တန်ဆောင်မုန်းလပြည့်နေ့မတိုင်ခင်တရက်ဖြစ်သည့် နိုဝင်ဘာ၁၄ရက်တွင် ကျင်းပပြုလုပ်မည်ဖြစ်ကြောင်း ဘုရားကြီးဂေါပကအဖွဲ့မှ ယနေ့ နိုဝင်ဘာ၇ရက် ထုတ်ပြန်သည်။

မသိုးမြတ်သင်္ကန်းကို ရက်ကန်းပညာရှင်များ၊ စက်ချုပ်ပညာရှင်များက နှစ်စဉ်လာရောက် ကုသိုလ်ယူ ရက်လုပ်ပူဇော်ကြခြင်းဖြစ်သည်။

နိုဝင်ဘာ၁၄ရက်(တန်ဆောင်မုန်းလဆန်း ၁၄ရက်)တွင် မဟာမုနိဘုရားကြီး၏ ရင်ပြင်တော်ပေါ်၌ ပြခန်းမဏ္ဍပ်များဖွင့်လှစ်ကာ ရက်ကန်းစင်တော်များဖြင့် စတင်ရက်လုပ်ပူဇော်ပြီးနောက် နိုဝင်ဘာ၁၅ရက် (တန်ဆောင်မုန်းလပြည့်နေ့) နံနက်ပိုင်းအချိန်တွင် မဟာမုနိရုပ်ရှင်တော်မြတ်ကြီးထံ ကပ်လှူပူဇော်ကြမည်ဖြစ်ပါသည်။

မသိုးသင်္ကန်းသည် နေ့ရက်မကူးစေဘဲ တရက်အတွင်း ပြီးအောင်ရက်လုပ်သော သင်္ကန်းဖြစ်ပြီး ကထိန်ကာလ၏ နောက်ဆုံးရက်ဖြစ်သော တန်ဆောင်မုန်း လဆန်း၁၄ ရက် ညနေပိုင်းတွင်သာ မသိုးသင်္ကန်းကို ရက်လုပ်ကာ တန်ဆောင်မုန်းလပြည့်နေ့ အာရုဏ်မတက်မီ အပြီးရက်လုပ်ကာ လှူဒါန်းရခြင်းဖြစ်သည်။

#မန္တလေးသတင်းကွန်ရက်

တန်ဆောင်တိုင်ကာလ ဒုဌဝတီမြစ်ကမ်းဘေးရှိ မန္တလေးသူဌေးကျွန်းသို့ လာရောက်အပန်းဖြေအနားယူနိုင်

Nov 6, 4:47 PM

မန္တလေးတိုင်းဒေသကြီး၊ အမရပူရမြို့နယ်၊ အမြန်လမ်းမကြီး မိုင်တိုင်၃၅၈/ ၅ဖာလုံ၊ ဒုဌဝတီမြစ်ကမ်းဘေး၊ ဖရဲကျွန်းအနောက်ရွာရှိ မန္တလေးသူဌေးကျွန်းသို့ တန်ဆောင်တိုင်ကာလအတွင်း အပန်းဖြေလာရောက်လိုသူများအတွက် ကြိုတင်ဘွတ်ကင်များကို စတင်လက်ခံပေးလျက်ရှိသည်။

နိုဝင်ဘာ၁၄ရက်မှ နိုဝင်ဘာ၁၆ရက်အတွင်း လာရောက်လည်ပတ်သူများအတွက် အပန်းဖြေအနားယူနိုင်မည့် Tent (တဲ)နေရာများနှင့် မီးပုံးပျံများ လွှတ်တင်နိုင်ရန် စီစဉ်ပေးထားသည်။

“ကျွန်းမှာဆိုရင် တန်ဆောင်တိုင်အားလပ်ရက်မှာ လာတဲ့သူတွေ စားရေးသောက်တာ အဆင်ပြေအောင် Food Court တွေလည်းစီစဉ်ပေးထားပါတယ်။ ဓာတ်ပုံရိုက်ရတာကို ကြိုက်နှစ်သက်သူတွေဆိုရင် ဒုဌဝတီမြစ်ကိုနောက်ခံထားပြီး ပုံလှလှလေးတွေရိုက်လို့ရတယ်။ ညနေဘက်ဆိုရင်လည်း နေဝင်ဆည်းဆာအလှကြည့်ပြီး အပန်းဖြေလို့ရပါတယ်။ သူငယ်ချင်းတွေ အဖွဲ့လိုက်သွားချင်သူတွေ၊ ဒါမှမဟုတ်ချစ်သူနဲ့နှစ်ယောက်တည်း သွားချင်တဲ့သူတွေအတွက် ပျော်ပျော်ပါးပါး Chill လို့ရတဲ့ သင့်တော်ပြီး လှပတဲ့နေရာလေးတခုဖြစ်ပါတယ်”ဟု မန္တလေးသူဌေးကျွန်းမှ တာဝန်ရှိသူတဦးက မန္တလေးသတင်းကွန်ရက်သို့ ပြောသည်။

တန်ဆောင်တိုင်ကာလ၌ လာရောက်အပန်းဖြေချင်သူများအနေဖြင့်
Tent တဲလေးများကို ကြိုတင် Booking ယူလိုပါက ဖုန်း09950050003၊ 099500 50005 သို့ ဆက်သွယ်နိုင်သည်။

တဲနေရာအတွက် ဈေးနှုန်းများမှာ Floating Tent ကျပ်ငါးသောင်း၊ ရိုးရိုး Tent ကျပ်သုံးသောင်း၊ Seat Tent ကျပ်နှစ်သောင်းဖြစ်ပြီး ဝင်​ကြေးမှည လူကြီးတဦး ကျပ်ငါးထောင်၊ ၅နှစ်အောက်ကလေးတဦး ကျပ်သုံးထောင် ဖြစ်သည်။

#မန္တလေးသတင်းကွန်ရက်
#မန္တလေးသူဌေးကျွန်း
#တန်ဆောင်တိုင်

Mandalay Weather News

Nov 5, 8:15 PM

ယနေ့နိုဝင်ဘာ၅ရက်ညပိုင်း မန္တလေးမြို့ကောင်းကင်ယံ၌ လျှပ်စီးလက်၊ တိမ်ထူထပ်နေပြီး ည၈နာရီကျော်အချိန်မှစတင်ကာ လေပြင်းတိုက်ခတ်မှု ဖြစ်ပေါ်နေသည်။ ဘင်္ဂလာပင်လယ်အော် လေဖိအားနည်းရပ်ဝန်းကြောင့် မန္တလေးအပါအဝင် နေရာဒေသများ မိုးရွာသွန်းဖွယ်ရှိကြောင်းလည်း သတင်းကြိုတင်ဖော်ပြခဲ့ပြီးဖြစ်သည်။

#မန္တလေးသတင်းကွန်ရက်

လေဖိအားနည်းရပ်ဝန်းကြောင့် ရှမ်းပြည်နယ်တွင် နိုဝင်ဘာ၆ရက်မှ ၈ရက်အထိ မိုးများနိုင်

Nov 3, 11:00 AM

ဘင်္ဂလားပင်လယ်အော်တောင်ပိုင်းတွင် ဖြစ်ပေါ်လာမည့် လေဖိအားနည်းရပ်ဝန်းကြောင့် နိုဝင်ဘာ ၆ ရက်၊ ၇ ရက်နှင့် ၈ ရက်နေ့များတွင် မကွေးတိုင်း၊ ပဲခူးတိုင်းအနောက်ခြမ်းနှင့် ရှမ်းပြည်နယ်အတွင်း မိုးများနိုင်မည်ဖြစ်ကြောင်း နိုင်ငံတကာမိုးလေဝသစောင့်ကြည့်သူ ဆရာဝင်းနိုင်က ယနေ့နိုဝင်ဘာ၃ရက် နံနက်ပိုင်းတွင် လူမှုကွန်ရက်မှတဆင့် ခန့်မှန်းရေးသားလိုက်သည်။

နိုဝင်ဘာ၆ ရက် မွန်းတည့် ၁၂ နာရီတွင် ဖြစ်ပေါ်လာနိုင်မည့် လေဖိအားနည်းရပ်ဝန်းသည် နိုဝင်ဘာ ၉ ရက်အထိ ဆက်လက်တည်ရှိနေပြီး နိုဝင်ဘာ ၉ ရက် နောက်ပိုင်းတွင် အနောက်ဘက်သို့ဆက်လက်ရွေ့လျားနိုင်မည်ဟု ဆိုသည်။

အဆိုပါ လေဖိအားနည်းရပ်ဝန်းကြောင့် ရှမ်းပြည်နယ်မှအပ ကျန်ပြည်နယ်တိုင်းများဖြစ်သည့် စစ်ကိုင်းတိုင်းတောင်ပိုင်း၊ မန္တလေးတိုင်း၊ နေပြည်တော်၊ မကွေးတိုင်း၊ ပဲခူးတိုင်း၊ ဧရာဝတီတိုင်းမြောက်ဘက်ပိုင်း၊ ရန်ကုန်တိုင်းတို့၌ မိုးရေချိန် များများရွာမည်မဟုတ်သော်လည်း စပါးရိတ်သိမ်းချိန် ပျိုးလှမ်းချိန်များနှင့် တိုက်ဆိုင်နေသဖြင့် အမှတ်မထင်ရွာလာနိုင်မည့် ဖျက်မိုးအန္တရာယ်ကို တောင်သူများ ဂရုစိုက်ကြရမည်ဟု ဆရာဝင်းနိုင်က ပြောသည်။

“ပြီးခဲ့တဲ့ ရေကြီးမှုဖြစ်စဉ်များကိုဖြစ်ပေါ်စေခဲ့သော မုန်တိုင်းအကြွင်းအကျန်တိမ်တိုက်များနှင့်လေပွေလှိုင်းဝင်ရောက်လာခြင်းကြောင့် ရွာသွန်းခဲ့တဲ့ မိုးရေချိန်ပမာဏရဲ့ ၃ ပုံ ၁ ပုံခန့်သာ ရှိနိုင်ပါမယ်။ ဒါကြောင့် ရေကြီးခဲ့တဲ့ ရှမ်းပြည်နယ်ဒေသများအတွက် ရေပြန်ကြီးမှာကို စိုးရိမ်စရာမလိုပါဘူး”ဟု ၎င်းက ရှင်းပြပါသည်။

နိုဝင်ဘာ ၉ ရက်နောက်ပိုင်း၌ လေဖိအားနည်းရပ်ဝန်းသည် အာရေဗျပင်လယ်ဘက်ရွေ့လျားသွားပြီးချိန်တွင် မြန်မာတနိုင်ငံလုံး ရာသီဥတု သာသာယာယာပြန်ဖြစ်လာနိုင်ကြောင်း သိရသည်။

#မန္တလေးသတင်းကွန်ရက်
ဓာတ်ပုံ ဆရာဝင်းနိုင်

ဒီပါဝလီပွဲတော်အပြီး အိန္ဒိယနိုင်ငံမြို့တော် ဒေလီ၌ လေထုညစ်ညမ်းမှုအဆင့် မြင့်တက်လာ

Nov 2, 10:27 AM

အိန္ဒိယနိုင်ငံ၊ မြို့တော်နယူးဒေလီ၌ ဒီပါဝလီပွဲတော်အပြီး ယနေ့ စနေနေ့ နံနက်ပိုင်းတိုင်းတာချက်များအရ လေထုအရည်အသွေးအညွှန်းကိန်းသည် ၃၆၂ အထိ ရောက်ရှိလာပြီး လေထုညစ်ညမ်းမှုအဆင့်မြင့်တက်လာကြောင်း နိုဝင်ဘာ၂ ရက် နံနက်ပိုင်း Tribune India သတင်းအရ သိရသည်။

ဒီပါဝလီပွဲတော်ကျင်းပရာတွင် ဗျောက်အိုးများ၊မီးပန်းများကို အချိန်၂နာရီသာ ဖောက်ရန် ညွှန်ကြားထားခြင်းဖြစ်သော်လည်း အများစုကမလိုက်နာသဖြင့် ဒီပါဝလီအပြီးတွင် နယူးဒေလီနှင့်အနီးတဝိုက်သည် ကမ္ဘာ့လေထုအညစ်ညမ်းဆုံးမြို့များစာရင်း၌ ပါဝင်လာခဲ့ခြင်းဖြစ်သည်။

ဒေလီနှင့်အနီးတဝိုက်မှ ပြည်သူများသည် သတ်မှတ်ချိန်ထက်ကျော်လွန်ကာ မီးရှူးမီးပန်းများကို ညလုံးပေါက်ဖောက်ကာ ရိုးရာပွဲတော်ကိုကျင်းပခဲ့ကြသဖြင့် လေထုညစ်ညမ်းမှုဖြစ်ပေါ်ခဲ့ရခြင်းဖြစ်ကြောင်း ဒေသတွင်း မီဒီယာများတွင်ဖော်ပြထားသည်။

ထို့ကြောင့် အာဏာပိုင်များအ‌နေဖြင့် နှလုံး ရောဂါနှင့် အဆုတ်ရောဂါအခံရှိသူများကို အထူးဆင်ခြင်ရန်နေထိုင်ရန်သတိပေးထားပြီး သက်ကြီးရွယ်အိုများနှင့် ကလေးငယ်များသည် ကြာရှည်ပြင်းထန်သည့် ကိုယ်လက်လှုပ်ရှားမှုများ၊ခန္ဓာကိုယ်ပင်ပမ်းစေမည့်အလုပ်များကို ရှောင်ကြဉ်သင့်သည်ဟုလည်းတိုက်တွန်းထားသည်။

#မန္တလေးသတင်းကွန်ရက်
Source Tribune India

မုန်တိုင်းဖြစ်စေမည့် လေဖိအားနည်းရပ်ဝန်း၏အရှိန်ကြောင့် ၄၈နာရီအတွင်း မန္တလေးအပါအဝင် နေရာဒေသတချို့ နေရာကွက်မိုးကြီးနိုင်

Oct 21, 3:16 PM

ဘင်္ဂလားပင်လယ်အော်တွင် ဆိုင်ကလုန်းမုန်တိုင်းဖြစ်စေမည့် လေဖိအားနည်းရပ်ဝန်း၏အရှိန်ကြောင့် ယနေ့ အောက်တိုဘာ ၂၁ ရက် ည ၁၁ နာရီမှ အောက်တိုဘာ ၂၃ ရက် ည ၁၁ နာရီအထိ (၄၈ နာရီအတွင်း) တနိုင်ငံလုံး နေရာအနှံ့အပြားမိုးရွာနိုင်ကြောင်း နိုင်ငံတကာမိုးလေဝသစောင့်ကြည့်သူ ဆရာဦးဝင်းနိုင်က ယနေ့ညနေပိုင်းအချိန် ခန့်မှန်းချက်အရ သိရသည်။

အထူးသဖြင့် မကွေးတိုင်း၊ မန္တလေးတိုင်းတောင်ဘက်ပိုင်း(မန္တလေးမြို့အောက်ဘက်)၊ နေပြည်တော်၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း(အနောက်ခြမ်း)၊ တနင်္သာရီတိုင်း(ထားဝယ်မြို့အောက်ဘက်) ဒေသတွေမှာတော့ ၄၈ နာရီအတွင်း မိုးရေချိန် ၂ လက်မ မှ ၃ လက်မအထိ ရွာသွန်းကာ နေရာကွက်ပြီး မိုးများနိုင်ကာ မြေပြင်လေတိုက်နှုန်း တနာရီ မိုင် ၂၀ မှ မိုင် ၃၀ အထိ ရှိနိုင်ကြောင်း ဆိုပါသည်။

လက်ရှိ လေဖိအားနည်းရပ်ဝန်းသည် လာမည့် အောက်တိုဘာ ၂၃ ရက် နေ့လယ် ၁ နာရီတွင် လေတိုက်နှုန်း တနာရီ ၅၂ မိုင်ဖြစ်လာပြီး ဒါနာအမည်ဖြင့် ဆိုင်ကလုန်းမုန်တိုင်းဖြစ်လာနိုင်ကြောင်း၊ အောက်တိုဘာ ၂၄ ရက် နံနက် ၁ နာရီ၌ လေတိုက်နှုန်း တနာရီ ၆၃ မိုင်အထိ ရှိလာပြီး အားကောင်းသောဆိုင်ကလုန်းမုန်တိုင်း(Severe Cyclonic Storm - SCS)ဖြစ်လာနိုင်ကြောင်း ကြိုတင်ခန့်မှန်းချက်များအရ သိရသည်။

မုန်တိုင်းလမ်းကြောင်းခန့်မှန်းချက်အရ မြန်မာပြည်ဘက်ကို ဦးတည်ရွေ့လျားနိုင်ရန် မရှိကြောင်းတွေ့ရပြီး ပင်လယ်ပြင်တွင် တနာရီ မိုင် ၄၀ ခန့်အထိ လေတိုက်နိုင်ကြောင်း၊ ကမ်းနီးပင်လယ်ပြင် လှိုင်းအမြင့် ၆ ပေ မှ ၁၀ ပေအထိရှိနိုင်ကြောင်း ဆရာဦးဝင်းနိုင်ကသုံးသပ်ထားသည်။

#မန္တလေးသတင်းကွန်ရက်
#မိုးကြီး
#လေိအားနည်း
#မုန်တိုင်း
ဓာတ်ပုံ ဦးဝင်းနိုင်

ယနေ့ သီတင်းကျွတ်လပြည့်ညတွင် လ ကို စူပါမွန်းအဖြစ် မြင်တွေ့ကြရမည်

Oct 17, 9:52 AM

ယနေ့ အောက်တိုဘာ(၁၇)ရက်၊ (သီတင်းကျွတ်လပြည့်နေ့) ညတွင် လသည် သူ၏ ပတ်လမ်းကြောင်းမှ ကမ္ဘာနှင့်အနီးဆုံးနေရာသို့ ရောက်ရှိချိန်နှင့် တိုက်ဆိုင်နေသဖြင့် လပြည့် လမင်းကြီးကို ပုံမှန်ထက် အရွယ်အစား အနည်းငယ်ကြီးမားစွာ မြင်တွေ့ရမည်ဖြစ်ကြောင်း ဆရာသန့်ဦး (အာကာသနှင့်စကြဝဠာ သင်ထောက်ကူ)က လူမှုကွန်ရက်သို့ ရေးသားထားချက်အရ သိရသည်။

ယခုအကြိမ်တွေ့ရမည့် စူပါမွန်းသည် ၂၀၂၄ ခုနှစ်အတွက် အနီးကပ်ဆုံးမြင်ရမည့် စူပါမွန်းဖြစ်သည်ဟုဆိုသည်။

လ နှင့်ကမ္ဘာသည် ပျမ်းမျှ မိုင်ပေါင်း ၂၃၈၀၀၀ ခန့် ကွာဝေးရာ လ၏ ကမ္ဘာကို ပတ်နေသည့် ပတ်လမ်းကြောင်းမှာ ဘဲဥပုံစံရှိပြီး အနီးဆုံးမှတ် (Perigee)အကွာအဝေး ၂၂၁၅၀၀ မိုင် နှင့် အဝေးဆုံးမှတ် (Apogee)အကွာအဝေး ၂၅၂၇၀၀ မိုင် ရှိသည်။

ယနေ့ သီတင်းကျွတ်လပြည့်နေ့ မနက် ၇ နာရီ မိနစ် ၂၀ အချိန် လသည် ကမ္ဘာနှင့်အနီးဆုံးမှတ် အကွာအဝေးဖြစ်သည့် မိုင်ပေါင်း ၂၂၁၈၃၀ အထိ ရောက်ရှိလာခဲ့ပြီဖြစ်၍ ယနေ့ညအချိန် မြင်ရမည့် လပြည့် လမင်းကြီးသည် ကမ္ဘာနှင့် အနီးဆုံးပတ်လမ်းနေရာ၌ ရှိနေမည့် လမင်းကြီးပင် ဖြစ်သည်။

သီတင်းကျွတ်လပြည့်ညအချိန် လမင်းကြီး တည်ရှိနေမည့် နေရာမှာ မိန်ရာသီ ကြယ်စုများအတွင်းမှာ ဖြစ်ပြီး ည ၆ နာရီဝန်းကျင် အနောက်အရပ်က နေဝင်ပြီးသည်နှင့် လ ကို နေ၏ ဆန့်ကျင်ဘက် အရပ်တည့်တည့်ဖြစ်သည့် အရှေ့အရပ်က ပေါ်ထွက်လာသည်ကို မြင်တွေ့ကြရမည်ဖြစ်သည်။

#မန္တလေးသတင်းကွန်ရက်
#စူပါမွန်း
ဓာတ်ပုံ သန့်ဦး (အာကာသနှင့်စကြဝဠာ သင်ထောက်ကူ)

သတင်းချစ်သူများအတွက် ဝါလကင်းလွတ် သီတင်းကျွတ် မင်္ဂလာဆုတောင်း

Oct 16, 1:31 PM

မြန်မာသက္ကရာဇ် (၁၃၈၆)ခုနှစ်၊ ဝါလကင်းလွတ် သီတင်းကျွတ်အခါသမယတွင် သတင်းချစ်သူ မိဘပြည်သူများအားလုံး ကိုယ်စိတ်နှစ်ဖြာ ဘေးကင်း ကျန်းမာရွှင်လန်းပြီး စီးပွားလာဘ်လာဘများ ဒီရေအလား တိုးတက်နိုင်ပါစေကြောင်း မန္တလေးသတင်းကွန်ရက်မှ ဆုတောင်းမေတ္တာပို့သအပ်ပါသည် ခင်ဗျာ ။

#မန္တလေးသတင်းကွန်ရက်
#သီတင်းကျွတ်

သီတင်းကျွတ်လပြည့်ည ကျုံးဘေးတွင် ဆီမီး(၁၀၀၀၀)ထွန်းညှိပူဇော်ပွဲနှင့် မီးထွန်းပွဲတော်ကို ကျင်းပပြုလုပ်မည်

Oct 14, 5:10 PM

လာမည့် အောက်တိုဘာလ၁၇ရက် (သီတင်းကျွတ်လပြည့်နေ့)ညတွင် မန္တလေးနန်းမြို့ရိုးကျုံးထောင့်တွင် ပုဂံရွှေစည်းခုံပုံတူစေတီကို ဆီမီး(၁၀၀၀၀) ထွန်း ညှိပူဇော်ပွဲကို ကျင်းပပြုလုပ်မည်ဖြစ်သောကြောင့် အများပြည်သူအနေဖြင့် လာရောက်ပူဇော်နိုင်ကြောင်း ပွဲကျင်းပရေးကော်မတီမှ သိရသည်။

ထို့အတူ သီတင်းကျွတ်လပြည့်နေ့ညအတွက် မီးထွန်းပွဲတော်ကို ကျုံးတောင်ဘက် ၂၆လမ်း၊ ၆၆လမ်းမှ ၇၃လမ်းကြားတွင် ရောင်စုံမီးပုံးအလှများချိတ်ဆွဲထွန်းညှိကာ အလှဆင်သွားမည်ဖြစ်သည်။
သီတင်းကျွတ်ပွဲတော်ဖွင့်ပွဲအခမ်းအနားကို သီတင်းကျွတ်လပြည့်နေ့၊ ည၆နာရီအချိန် ၂၆လမ်းနှင့် ၆၆ လမ်းထောင့်၌ ပြုလုပ်ပြီးနောက် မြို့တော်စည်ပင်သာယာရေးကော်မတီရုံးကြီး ဖျော်ဖြေရေးမဏ္ဍပ်တွင် နိုင်ငံကျော် အဆိုတော်များနှင့် မြို့ခံ အဆိုတော်များက မန်းစည်ပင်ခေတ်ပေါ်တေးဂီတအဖွဲ့နှင့်အတူ ပွဲတော်လာ ပြည်သူများကို ဧည့်ခံဖျော်ဖြေသွားမည်ဖြစ်သည်။

ထို့ပြင် ၂၆လမ်း ၊၆၆လမ်းနှင့် ၇၃လမ်းကြားတလျှောက် ပျော်ပွဲရွှင်ပွဲကစားစရာများ၊ဈေးပွဲတော်ဆိုင်ခန်းများဖွင့်လှစ်ကာ ၊စတုဒိသာ မဏ္ဍပ် ၁၂ခုတို့က ည ၆နာရီကမှ ည၁၀ နာရီထိ ပွဲတော်လာ ပြည်သူများကို ဧည့်ခံကျွေးမွေးမည်ဖြစ်ကြောင်း ပွဲတော်ကျင်းပရေးကော်မတီမှ ဆိုသည်။

#မန္တလေးသတင်းကွန်ရက်
ဓာတ်ပုံ The Mandalay Times

Oct 13, 1:11 PM

❣️ငယ်ဘဝတွေက အပူအပင်ကင်းတယ်...

ဖြစ်ချင်တဲ့ ဆန္ဒလေးတွေကို
👨🏻‍🦰 ဖေဖေ 👱🏻‍♀️ မေမေတို့က ဖြည့်ဆည်းပေးတယ်...

ပြီးတော့ အကောင်းဆုံးနဲ့ အပျော်ဆုံးက
🤡 ကစားကွင်းလိုက်ပို့ပေးတယ်ပေါ့နော်...

တကယ်တော့ ကျွန်တော်တို့ အားလုံးက
အပူအပင်ကင်းတဲ့ 👦🏻ကလေးဘဝလေးတွေကို...လူတိုင်းပြန်လိုချင်ကြသူတွေချည်းပါပဲ

အဲ့တော့ သားသား မီးမီးတို့က ကစား...
ကိုယ်တွေက သူငယ်ပြန်ရင်း...

❤︎ တခါပြန်ပြီး အရယူဖို့...

မြို့တော်ဥယျာဥ်ခေတ်မီကစားကွင်း ကို
👉🏻 အခုပဲ သွားစို့...

မိတ်ဆွေတို့ကို 💖အချစ်တွေနဲ့
အမြဲကြိုဆိုနေတယ်နော်...

ပျော်စရာတွေနဲ့ ပြည့်နေတဲ့ မြို့တော်ဥယျာဥ်ကို မိသားစုနဲ့လာလာ ချစ်သူလေးနဲ့ လာလာ

သူငယ်ချင်းတွေနဲ့ လာလာ😍 မိတ်ဆွေတို့ ပျော်ရွှင်ရရင် ကျွန်တော်တို့လဲ ပျော်ရပါတယ်... 🥰

ပျော်ရမယ့် ‌နေရာလေးကိုတော့ သိတယ်ဟုတ် 😍

📌၂၆ (B) လမ်း နှင့် ကမ်းနားလမ်းထောင့် ပိုက်ကျုံး,
ချမ်းအေးသာစံမြို့နယ်, မန္တလေးမြို့‌။
☎ 09 772 383 328 , 09 441 056 007 , 09 200 9189

#citypark #waterparks #amusementpark #happy
#amusementpark #amusementparks
#amusement

မန္တလေး ငလျင်သတင်း

Oct 11, 11:14 AM

မန္တလေးမြို့မှာ ယနေ့အောက်တိုဘာ၁၁ရက်၊ နံနက်၁၁နာရီ ၁၁မိနစ်အချိန်က အင်အားအသင့်အတင့်ရှိ ငလျင်တခု လှုပ်ခတ်သွားခဲ့ပါသည်။

#မန္တလေးသတင်းကွန်ရက်
#ငလျင်

မန္တလေးအပါအဝင် မြို့ကြီးများတွင် စက်သုံးဆီ ဝယ်ယူခွင့်ကတ်ကို စမ်းသပ်အသုံးပြုရန် စီစဉ်နေ

Oct 4, 7:09 PM

နေပြည်တော်၊ ရန်ကုန်၊ မန္တလေးမြို့ကြီးများ၌ စက်သုံးဆီ ဝယ်ယူခွင့်ကတ်ပြား (စမတ်ကတ်)ဖြင့် စက်သုံးဆီဝယ်ယူနိုင်သည့်စနစ်ကို မကြာမီ ဦးစွာစမ်းသပ်အသုံးပြုရန် စီစဉ်နေကြောင်း စက်သုံးဆီတင်သွင်းရောင်းချဖြန့်ဖြူးသူများအသိုင်းအဝိုင်းမှ သိရသည်။

ယင်းကတ်သည် ပြည်တွင်း၌ သုံးစွဲနေသည့် စက်သုံးဆီပမာဏ အတိအကျကို သိရှိပြီး မည်မျှတင်သွင်းရမည်ကို သိရှိစေရန် ရည်ရွယ်ဆောင်ရွက်ခြင်းလည်း ဖြစ်သည်ဟု ဆိုသည်။

ယခုလို စက်သုံးဆီဝယ်ယူခွင့်ကို စမတ်ကတ်စနစ်ဖြင့်ဆောင်ရွက်ခြင်းသည် တရက်လျှင် တကြိမ်သာ အကန့်အသတ်ဖြင့် ဆီဝယ်ယူရန် ဆောင်ရွက်ခြင်းမျိုးမဟုတ်ပေ။

သို့သော် စက်သုံးဆီ ဝယ်ယူခွင့်ကတ်ပြား (စမတ်ကတ်) ၌ပါရှိသည့် ယာဉ်အမှတ်ဖြင့်သာ စက်သုံးဆီ ဝယ်ယူခွင့်ရှိမည်ဟုလည်း သိရသည်။

#မန္တလေးသတင်းကွန်ရက်
Photos Credit

သင်တန်းလမ်းညွှန်

Oct 4, 11:07 AM

- လုပ်ငန်းတစ်ခုကို အစုအစည်းအသွင်နဲ့ လုပ်ကိုင်ဖို့ လိုလာပြီဆိုရင် Supervisor တွေရဲ့ အခန်းကဏ္ဍဟာ သိပ်ကို အရေးပါလာပါပြီ။

- လုပ်ငန်းရှင် ဒါမှမဟုတ် လုပ်ငန်းဦးဆောင်သူတွေဟာ လုပ်ငန်းရှင်သန်ဖို့ ရှေ့ဆက်နိုင်ဖို့ အာရုံစိုက်ပြီး ရုန်းကန်နေချိန်မှာ လုပ်ငန်းစဉ်တွေ ရပ်မသွားဖို့ လွဲချော်မသွားဖို့ တိမ်းစောင်းမသွားဖို့ ထိန်းသိမ်းတည့်မတ်ပေးရတာ Supervisor တွေဖြစ်ပါတယ်။

- လုပ်ငန်းရှင်တွေဟာ ကိုယ့်လုပ်ငန်းထဲက Supervisor တွေကို ပိုပြီးထူးချွန်တဲ့ ထက်မြက်သူများအဖြစ် မြင်တွေ့ချင်ကြပါတယ်။

- အဲဒီလိုထူးချွန်ထက်မြက်လာဖို့ ၊ ပြဿနာဖြေရှင်းတတ်ဖို့ ၊ ကောင်းမွန်တဲ့ ဆက်ဆံရေးတွေ ထူထောင်နိုင်ဖို့ Supervisory Skills Training လိုအပ်တယ်ဆိုရင်…………။

- Smart Supervisor တွေကို လေ့ကျင့်မွေးထုတ်ပေးနေတဲ့ Brain Box College of Management ရှိနေပါတယ်။

ချစ်ခင်စွာဖြင့်
ကောင်းလွန်း