New Vision Media(Myanmar)

ပါကစ္စတန်နယ်စပ်က စခန်းလေးငါးခုကို အာဖဂန်တာလီဘန်တွေ တိုက်ခိုက်
……………………………………………

နိုင်ငံတကာ၊ ဒီဇင်ဘာ ၃၀

ပါကစ္စတန်လေတပ်က အာဖဂန်နစ္စတန်နိုင်ငံတွင်း လာရောက်တိုက်ခိုက်ပြီးနောက် ရက်ပိုင်းအတွင်းမှာပဲ အာဖဂန်တာ လီဘန်တပ်ဖွဲ့ဝင်တွေက အိမ်နီးချင်းပါကစ္စတန်နယ်စပ်က စခန်းလေးငါးခုကို ပစ်မှတ်ထား တိုက်ခိုက်ခဲ့ကြောင်း အာဖဂန် ကာကွယ်ရေးဝန်ကြီးဌာနက ကြေညာပါတယ်။

အာဖဂန်ကာကွယ်ရေးဝန်ကြီးဌာနထုတ်ပြန်ချက်မှာ “ပါကစ္စတန်နိုင်ငံကို တိုက်ခိုက်တယ်” လို့ တိုက်ရိုက်ဖော်ပြမထားဘဲ “စိတ်မှန်းခြေနယ်စပ်မျဉ်းတစ်ဖက်ကနေရာတွေကို” တိုက်ခိုက်ခဲ့ကြောင်းသာ ဖော်ပြထားပါတယ်။

“အာဖဂန်နစ္စတန်ကို လာရောက်တိုက်ခိုက်ခဲ့တဲ့ အဖွဲ့တွေမှာတာဝန်ထမ်းဆောင်နေတဲ့ စိတ်မှန်းခြေ နယ်စပ်မျဉ်းတစ်ဖက်ခြမ်းက စခန်းလေးငါးခုကို လက်တုံ့ပြန်တဲ့အနေနဲ့ တိုက်ခိုက်ခဲ့တာဖြစ်ပါတယ်။” လို့ အာဖဂန်ကာကွယ်ရေးဝန်ကြီးဌာန ထုတ်ပြန်ချက်မှာ ဖော်ပြထားပါတယ်။

ဒီထုတ်ပြန်ချက်ဟာ ပါကစ္စတန်နိုင်ငံကို ရည်ညွှန်းတာလားဆိုတဲ့ မေးခွန်းကို “ကျွန်တော်တု့ိ အဲဒီနေရာကို ပါကစ္စတန် နယ်မြေလို့ သဘောမထားပါဘူး။ ဒါ့ကြောင့် အဲဒီနယ်မြေဟာ ဘယ်သူ့နယ်မြေဖြစ်တယ်ဆိုတာကို ကျွန်တော်တို့ အတည် မပြုနိုင်ဘူး။ ဒါပေမဲ့ အဲဒီနေရာဟာ စိတ်မှန်းခြေနယ်စပ်မျဉ်းတစ်ဖက်မှာ ရှိနေပါတယ်။” လို့ အာဖဂန်ကာကွယ်ရေးဝန်ကြီး ဌာနပြောခွင့်ရပုဂ္ဂိုလ် အန်နေယာတူလက်ခိုဝါရာဇမီက ပြောပါတယ်။

၁၉ ရာစုအတွင်း အဆိုပါအငြင်းပွားနယ်မြေက တောင်တန်းတစ်လျှောက် ဗြိတိသျှကိုလိုနီအစိုးရက ရေးဆွဲခဲ့တဲ့ ဒါရန်း မျဉ်းလို့ သိထား ကြတဲ့ နယ်စပ်ဒေသသတ်မှတ်မှုမျဉ်းကို အာဖဂန်အစိုးရက အသိအမှတ်မပြုခဲ့တာ နှစ်ပေါင်းများစွာ ကြာမြင့်နေပြီဖြစ်ပါတယ်။

အာဖဂန်တာလီဘန်တွေတိုက်ခိုက်မှုကြောင့် ထိခိုက်ကျဆုံးမှု အသေးစိတ်ကိုတော့ မသိရသလို ပါကစ္စတန်စစ်တပ်နဲ့ နိုင်ငံခြားရေးဝန်ကြီးဌာနကလည်း ပြန်လည်တုံ့ပြန်ဖြေကြားခြင်းမရှိပါဘူး။ ဒါပေမဲ့ အာဖဂန်တာဘီလန်တွေနဲ့ အပြန်အလှန်တိုက်ခိုက်ရာမှာ ပါကစ္စတန်အရန်တပ်ဖွဲ့ဝင်တစ်ဦး ကျဆုံးသွားပြီး ခုနစ်ဦးဒဏ်ရာရခဲ့ကြောင်း လုံခြုံရေးသတင်းရင်းမြစ်တစ်ဦးက AFP သတင်းဌာနကို ပြောပါတယ်။

ပါကစ္စတန်နိုင်ငံ ခိုင်ဘာပတ်တန်ခွာပြည်နယ်နဲ့ အာဖဂန်နစ္စတန် ခို့စ်ပြည်နယ်ကြားက နယ်စပ်တစ်လျှောက်မှာ လက် နက်ကြီးပစ်ခတ်မှုတွေအပါအဝင် ကြိုကြားကြိုကြား ထိတွေ့မှုတွေဖြစ်နေတယ်လို့ နှစ်နိုင်ငံစလုံးက အာဏာပိုင်တွေက ပြောပါတယ်။

ပြီးခဲ့တဲ့သီတင်းပတ်အတွင်း ပါကစ္စတန်လေကြောင်းတိုက်ခိုက်မှုကြောင့် အာဖဂန်နစ္စတန်က အမျိုးသမီးနဲ့ ကလေးသူ ငယ်တွေအပါအဝင် ၄၆ ဦးသေဆုံးသွားတဲ့ဖြစ်စဉ်အပြီး အခုလို တိုက်ခိုက်မှုတွေ ထွက်ပေါ် လာခဲ့တာဖြစ်ပါတယ်။

ပါကစ္စတန်အစိုးရကတော့ ၎င်းတို့အနေနဲ့ အာဖဂန်နယ်စပ်မှာရှိတဲ့ အကြမ်းဖက်သမားတွေကို တိုက်ခိုက်ခဲ့ခြင်းသာဖြစ်ကြောင်း ပြောဆိုထားပါတယ်။

Ref: Afghan Taliban hit ‘several points’ in Pakistan in retaliation for attacks

#Newvisionmedia

တွေ့ဆုံဆွေးနွေးမှုများအတွက် အစဉ်အမြဲဖိတ်ခေါ်ကြိုဆိုတံခါးဖွင့်ထားပြီး၊ ငြိမ်းချမ်းရေးအတွက် ကြိုးစားဆောင်ရွက်သွားမည်ဖြစ်ကြောင်း နစကဥက္ကဋ္ဌပြောကြား
…………………………………………

နေပြည်တော်၊ ဒီဇင်ဘာ ၃၀

တွေ့ဆုံဆွေးနွေးမှုများအတွက် အစဉ်အမြဲဖိတ်ခေါ်ကြိုဆို တံခါးဖွင့်ထားပြီး၊ ငြိမ်းချမ်းရေးအတွက် ကြိုးစားဆောင်ရွက်သွားမည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်မှ ကရင်အမျိုးသားနှစ်သစ်ကူးနေ့သို့ ပေးပို့သည့် သဝဏ်လွှာတွင် ပြောကြာထားသည်။

နိုင်ငံတော်၏ ပကတိအနှစ်သာရဖြစ်သော ပြည်တွင်းငြိမ်းချမ်းရေးနှင့် ငြိမ်းချမ်းရေးရလဒ်များ တည်ငြိမ်မှု ရှိစေရေးအတွက် ယနေ့မိမိတို့ နိုင်ငံတော်စီမံအုပ်ချုပ်ရေးကောင်စီအနေဖြင့် အလေးထားဆောင်ရွက်လျက်ရှိ ကြောင်း၊ တိုင်းရင်းသားများအချင်းချင်း အပြန်အလှန်လေးစားခြင်း၊ တစ်ဦးနှင့်တစ်ဦးအကြား ပူးပေါင်း ဆောင်ရွက်မှုဖြစ်ပေါ်စေပြီး နားလည်မှုလွဲမှားခြင်းနှင့် ပဋိပက္ခများကို လျှော့ချကာ တွေ့ဆုံဆွေးနွေးခြင်းဖြင့် ဖြေရှင်းနိုင်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက နိုင်ငံတော်စီမံအုပ်ချုပ်ရေးကောင်စီသည် ထာဝရငြိမ်းချမ်းရေး ရရှိရေးအတွက် နိုင်ငံရေးပါတီများ၊ တိုင်းရင်းသားလက်နက်ကိုင်အဖွဲ့အစည်းများနှင့် တွေ့ဆုံဆွေးနွေး လျက်ရှိပြီး နှစ်ဖက်ဆွေးနွေးချက်များမှရရှိလာသည့် သဘောထားမှတ်ချက်များကိုလည်း နောင်လာမည့် လွှတ်တော်အစည်းအဝေးများတွင် ဆွေးနွေးအတည်ပြုနိုင်ရန် မှတ်တမ်းတင်ဆောင်ရွက်နိုင်ခဲ့ကြောင်း၊ တွေ့ဆုံဆွေးနွေးမှုများအတွက် အစဉ်အမြဲဖိတ်ခေါ်ကြိုဆိုပြီး တံခါးဖွင့်ထားကြောင်း၊ ရှေ့ဆက်၍လည်း ငြိမ်းချမ်းရေးအတွက် ကြိုးစားဆောင်ရွက်သွားမည်ဖြစ်ကြောင်း ပြောသည်။

ယနေ့နိုင်ငံတော်တွင် လိုအပ်လျက်ရှိသော တည်ငြိမ်အေးချမ်းရေး၊ တရားဥပဒေစိုးမိုးရေးနှင့် လူမှုစီးပွားဘဝ ဖွံ့ဖြိုးတိုးတက်ရေးတို့အတွက် ကရင်ပြည်နယ်မှ ကရင်တိုင်းရင်းသားများအပါအဝင် တိုင်းရင်းသား ပြည်သူ အားလုံးက ဝိုင်းဝန်းအကောင်အထည်ဖော် ဆောင်ရွက်သွား ကြရမည်ဖြစ်ကြောင်း၊ ကရင်ပြည်နယ်အပါအဝင် မိမိတို့နေထိုင်ရာ နေရာဒေသများအတွင်း တိုက်ပွဲများနှင့် ဆူပူအကြမ်းဖက်မှုများ လျော့နည်းပပျောက်လာစေရန် အချင်းချင်းဝိုင်းဝန်းဆောင်ရွက်ပြီး တိုင်းရင်းသားများအားလုံး စည်းလုံးညီညွတ်ခြင်းဖြင့် ပြည်ထောင်စုကြီး အေးချမ်းသာယာဝပြောရေး ဖော်ဆောင်ကြကာ တည်ငြိမ်အေးချမ်းမှုနှင့် ဖွံ့ဖြိုးတိုးတက်မှုရလဒ်ကောင်းများကို ပိုမိုရရှိနိုင်ပါစေကြောင်းဖြင့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောကြားခဲ့သည်။

#Newvisionmedia

ပေါက်မြို့နယ်၊ ကုက္ကိုစု ပြည်သူ့စစ်ကျေးရွာကို စစ်သွေးကြွများ နေ့စဉ် ဒရုန်းနဲ့ ဗုံးကြဲမှုကြောင့် ပြည်သူများ နေ့စဉ် သေကြေနေရ
…………………………………………………

နေပြည်တော်၊ ဒီဇင်ဘာ ၃၀

မကွေးတိုင်းဒေသကြီး၊ ပေါက်မြို့နယ်၊ ကုက္ကိုစုပြည်သူ့စစ်ကျေးရွာကို စစ်သွေးကြွ PDF အဖွဲ့ဝင်များက နေ့စဉ် ဒရုန်းဖြင့် ဗုံးကြဲမှုကြောင့် ပြည်သူများ နေ့စဉ် သေကြေနေရသည်။

စစ်သွေးကြွ PDF အဖွဲ့ဝင်များအနေဖြင့် ဒီဇင်ဘာလ (၂၄)ရက်မှ စတင်ကာ ကုက္ကိုစု ပြည်သူ့စစ်ကျေးရွာ အတွင်းသို့ ဒရုန်းဖြင့် ဗုံးများ နေ့စဉ် ကြဲချနေခြင်းဖြစ်သည်။

စစ်သွေးကြွ PDF အဖွဲ့ဝင်များသည် ပေါက်မြို့နယ် ကမ်းပျိုကျေးရွာတွင် အထိုင်ချနေထိုင်ခြင်းဖြစ်ပြီး သနပ်ပင်ဇင်းကျေးရွာ၊ ဆယ်ပင်ကျေးရွာ၊ အင်ပင်ကျေးရွာ စသည့်ကျေးရွာများမှလည်း ဒရုန်းများ လွှတ်တင်ကာ ကုက္ကိုစု ပြည်သူ့စစ် ကျေးရွာကို နေ့စဉ် ဗုံးကြဲချနေခြင်းဖြစ်ကြောင်း သိရသည်။

ယင်းအတွက်ကြောင့် စစ်သွေးကြွ PDF အဖွဲ့ဝင်များ အမှီပြုအခြေချနေသည့် ကျေးရွာများကို လေကြောင်းဖြင့် ရှင်းလင်းပေးရန် ဒေသခံများက တောင်းဆိုနေကြသည်။

#Newvisionmedia

မြန်မာနိုင်ငံထဲက တိုက်ပွဲတွေကြောင့် ဘင်္ဂလီဒုက္ခသည်တွေ နိုင်ငံထဲဝင်ရောက်လာမှာ အိန္ဒိယစိုးရိမ်နေ
……………………………………………

နိုင်ငံတကာ၊ ဒီဇင်ဘာ ၃၀

မြန်မာနိုင်ငံထဲက တိုက်ပွဲတွေကြောင့် ဘင်္ဂလီဒုက္ခသည်တွေ အိန္ဒိယနိုင်ငံထဲ ဝင်ရောက်လာမှာ စိုးရိမ်တဲ့အတွက် မြန်မာ- ဘင်္ဂလားဒေ့ရှ်နယ်စပ်ကို အိန္ဒိအစိုးရက အနီးကပ်စောင့်ကြည့်နေကြောင်း India.com မှာ ရေးသား ဖော်ပြထားပါတယ်။

မြန်မာနိုင်ငံတွင်း အထူးသဖြင့် ရခိုင်ပြည်နယ်မှာ ပြီးခဲ့တဲ့နှစ်ပတ်အတွင်း အခြေအနေတွေ ဆိုးသထက်ဆိုးလာပြီး ရခိုင့် တပ်တော်ခေါ် AA သူပုန်အဖွဲ့က စစ်ရေးအသာစီးရနေကာ မြန်မာ့တပ်မတော်ဘက်က မြို့ရွာစခန်းတွေ လက်လွှတ်ဆုံး ရှုံးနေရကြောင်း သတင်းမီဒီယာတွေမှာ ဖော်ပြထားပါတယ်။

အဲဒီလို အခြေအနေကြောင့် ဒေသတွင်းကို ဘင်္ဂလီဒုက္ခသည်တွေ နောက်ထပ် ပြေးဝင်လာမှာကို အိမ်နီးချင်းနိုင်ငံတွေက စိုးရိမ်နေကြပါတယ်။

အိန္ဒိယအစိုးရဟာ မြန်မာအစိုးရနဲ့ရော သူပုန်အဖွဲ့တွေနဲ့ပါ ဆက်ဆံရေးထိန်းသိမ်းထားပေမဲ့ ဘင်္ဂလီဒုက္ခသည်တွေ နိုင်ငံ ထဲကို အလုံးအရင်းဝင်ရောက်လာမယ့် စိန်ခေါ်မှုအသစ်နဲ့လည်း ရင်ဆိုင်နေရတယ်လို့ ဆိုပါတယ်။

အိန္ဒိယအစိုးရအတွက် နောက်ထပ်စိုးရိမ်စရာတစ်ခုက အိန္ဒိယအစိုးရကို လက်နက်ကိုင်ပုန်ကန်နေတဲ့အဖွဲ့တွေ ဟာ မြန်မာ နိုင်ငံက မတည်ငြိမ်မှုကို အခွင့်ကောင်းယူပြီး မီဇိုရမ်တို့ မဏိပူရ်တို့လို နယ်စပ်ပြည်နယ်တွေမှာ ခြေကုပ်စခန်းတစ်ခုတည် ထောင်သွားနိုင်တဲ့ အရေးပဲဖြစ်ပါတယ်။

“မြန်မာနိုင်ငံထဲက အခြေအနေတွေကို ကျွန်တော်တို့ အနီးကပ်စောင့်ကြည့်နေပါတယ်။” လို့ အိန္ဒိယနိုင်ငံခြားရေးဝန်ကြီး ဌာနပြောခွင့်ရပုဂ္ဂိုလ် ရန်းဒီးယားဂျိမ်းစ်ဝေါက ပြောပါတယ်။

“ကျွန်တော်တို့ရဲ့ရပ်တည်ချက်ကတော့ ငြိမ်းချမ်းရေးနဲ့ ဒီမိုကရေစီကို အမြန်ဆုံး ပြန်လည်ထိန်းသိမ်းနိုင်ဖို့ အတွက် မြန်မာနိုင်ငံထဲက ပါဝင်ပတ်သက်သူအားလုံး အပြုသဘောဆောင်တဲ့ တွေ့ဆုံဆွေးနွေးမှုတွေကနေ အဖြေရှာသွားဖို့ပဲဖြစ်ပါ တယ်။” လို့ ၎င်းက ပြောပါတယ်။

“မြန်မာနိုင်ငံက အကျပ်အတည်းကို မြန်မာနိုင်ငံကပဲဦးဆောင်ဖြေရှင်းပြီး မြန်မာနိုင်ငံသားတွေကပဲ ဖြေရှင်းသွားရမှာဖြစ် ပါတယ်။ မြန်မာနိုင်ငံနဲ့ နယ်နိမိတ်ထိစပ်နေတဲ့အတွက် ကျွန်တော်တို့နိုင်ငံအနေနဲ့ အထူးစိုးရိမ်ပူပန်ပါတယ်။” လို့ ၎င်းက ပြောပါတယ်။

မြန်မာနိုင်ငံထဲမှာ အချိန်အတော်ကြာဖြစ်ပျက်နေတဲ့ ပျက်စီးယိုယွင်းမှုတွေရဲ့ ရိုက်ခတ်မှုတွေနဲ့ ပတ်သက်ပြီး ဂရုပြုဖို့ အိန္ဒိယအစိုးရကို အိန္ဒိယလုံခြုံရေးအဖွဲ့အစည်းတွေက တောက်လျှောက် သတိပေးနေပါတယ်။

မြန်မာသူပုန်တွေလက်ထဲမှာရှိနေတဲ့ ခေတ်မီလက်နက်တွေဟာ အိန္ဒိယအရှေ့မြောက်ပိုင်း ပြည်နယ်တွေမှာ လှုပ်ရှားနေ တဲ့အကြမ်းဖက်အဖွဲ့အစည်းတွေလက်ထဲကို ရောက်ရှိသွားမှာကို အိန္ဒိယလုံခြုံရေးအဖွဲ့အစည်း တွေက စိုးရိမ်နေကြပါတယ်။

ဒါ့အပြင် ရန်ပုံငွေရရှိဖို့အတွက် မြန်မာနိုင်ငံက သူပုန်အုပ်စုတွေက မူူးယစ်ဆေးဝါးမှောင်ခိုကုန်ကူးမှုကို တိုးမြှင့်ဆောင်ရွက် နေတယ်ဆိုတဲ့သတင်းတွေကလည်း အိန္ဒိယနိုင်ငံအတွက် နောက်ထပ်စိုးရိမ်ပူပန်စရာ တစ်ခုဖြစ်ပါတယ်။

Ref: India on alert as danger of migration of Rohingya Muslims from Bangladesh…., rebel Arakan Army in Myanmar is…

#Newvisionmedia

နှစ်ရက်အတွင်း တရားမဝင်ကုန်သွယ်မှုအမှုတွဲ (၃၁) မှုမှ ကျပ်သိန်းပေါင်းသုံးသောင်းကျော်တန်ဖိုးရှိ ပစ္စည်းများကို ဖမ်းဆီးရမိ
…………………………………………

နေပြည်တော်၊ ဒီဇင်ဘာ ၃၀

တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာတားဆီးအရေးယူနိုင်ရေး ဆောင်ရွက်လျက်ရှိရာ ဒီဇင်ဘာ ၂၇ ရက်နှင့် ၂၈ ရက်တို့တွင် ဖမ်းဆီးရမိမှု အမှုတွဲ ၃၁ မှုမှ ကျပ်သိန်းပေါင်း သုံးသောင်းကျော် တန်ဖိုးရှိဘပစ္စည်းများကို ဖမ်းဆီးရမိခဲ့ကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီမှ သိရသည်။

ဖမ်းဆီးရမိခဲ့သည့် တရားမဝင် ပစ္စည်းများထဲတွင် လိုင်စင်မဲ့မော်တော်ဆိုင်ကယ်များ၊ စားသောက်ကုန် ပစ္စည်းများ၊ လုပ်ငန်းသုံးပစ္စည်းများ၊ တရားမဝင်ကျွန်းသစ်များ၊ Dump Truck အမျိုးအစား မြေသယ်ယာဉ်များ၊ လူသုံးကုန်ပစ္စည်းများနှင့်ညပစ္စည်းများ တင်ဆောင်လာသည့် ယာဉ်များကို ဖမ်းဆီးရမိခဲ့ခြင်းဖြစ်ကြောင်း သိရသည်။

သို့ဖြစ်၍ ဒီဇင်ဘာ ၂၇ ရက်နှင့် ၂၈ ရက်တို့တွင် ဖမ်းဆီးရမိမှု စုစုပေါင်းမှာ အမှုတွဲ ၃၁ မှု ခန့်မှန်းတန်ဖိုးငွေကျပ် ၃၀၆၁၅၇၇၅၁၄ ကို ဖမ်းဆီးရမိခဲ့ကြောင်း သိရသည်။

ဖမ်းဆီးရမိမှုများတွင် လုပ်ငန်းသုံးပစ္စည်းများ ပြည်ပမှ တရားမဝင်တင်သွင်းလာမှုများကြောင့် သွင်းကုန် အစားထိုး ပြည်တွင်း ကုန်ထုတ်လုပ်မှုလုပ်ငန်းများနှင့် စက်မှုဇုန်များရှိ အသေးစား၊ အလတ်စား လုပ်ငန်းများကို ထိခိုက်နစ်နာမှုများဖြစ်ပေါ်စေပြီး နိုင်ငံ၏ စီးပွားရေး ဦးတည်ချက်များကိုပါ ထိခိုက်လာစေကာ ဆုံးရှုံးနစ်နာမှုများ ဖြစ်ပေါ်စေနိုင်ကြောင်း သိရသည်။

#Newvisionmedia

ထိုင်ဝမ်ကိုလက်နက်ထောက်ပံ့တဲ့ ကုမ္ပဏီ ၇ ခု ကို တရုတ်အစိုးရ ပိတ်ဆို့အရေးယူ
…………………………………………

နိုင်ငံတကာ၊ ဒီဇင်ဘာ ၃၀

ထိုင်ဝမ်ကို စစ်လက်နက်ပစ္စည်းတွေ ရောင်းချပေးမှုနဲ့အတူ တခြားအကူအညီတွေ ထောက်ပံ့ခဲ့တဲ့အတွက် တရုတ်အစိုးရ က ဒီဇင်ဘာ ၂၇ ရက်နေ့ (သောကြာနေ့) က ကုမ္ပဏီ ၇ ခု ကို အရေးယူပိတ်ဆို့မှုတွေ ချမှတ်လိုက်ပါတယ်။

အမေရိကန်ထောက်ပံ့မှုတချို့ကို အခုသီတင်းပတ်အတွင်းမှာပဲ အမေရိကန်သမ္မတဂျိုးဘိုင်ဒန်က လက်မှတ်ရေးထိုးခဲ့တာ ဖြစ်ပါတယ်။

တရုတ်အစိုးရက အရေးယူလိုက်တဲ့ ကုမ္ပဏီတွေကတော့ Insitu ၊ Hudson Technologies၊ Saronic Technologies၊ Raytheon Canada၊ Raytheon Australia၊ Aerkomm နဲ့ Oceaneering International Inc တို့ဖြစ်ကြောင်း တရုတ် နိုင်ငံခြားရေးဝန်ကြီးဌာနက ထုတ်ပြန်ကြေညာခဲ့ပါတယ်။

နာမည်အသေးစိတ်ထုတ်ပြန်ခြင်းမရှိပေမဲ့ သက်ဆိုင်ရာ ကုမ္ပဏီတွေက ထိပ်တန်းအမှုဆောင်အရာရှိ တွေကိုလည်း အရေးယူပိတ်ဆို့လိုက်ကြောင်း ဖော်ပြထားပါတယ်။

လာမယ့်ဘဏ္ဍာရေးနှစ် အမေရိကန်တပ်မတော်နဲ့ လုံခြုံရေးဆိုင်ရာအဖွဲ့အစည်းတွေအတွက် ပြဋ္ဌာန်းလိုက်တဲ့ ဒေါ်လာ ၈၉၅ ဘီလျံရှိ အမျိုးသားကာကွယ်ရေးခွင့်ပြုချက်အက်ဥပဒေ (NDAA) ထဲမှာ ထိုင်ဝမ်နိုင်ငံကို စစ်ရေးအကူအညီတိုးမြှင့် ပေးအပ်သွားဖို့လည်း ပါဝင်ပါတယ်။

“စစ်သတင်းစုဆောင်းရေး၊ စောင့်ကြည့်ထောက်လှမ်းရေး၊ ကင်းထောက်တာဝန်တွေ ထမ်းဆောင်ခြင်း၊ ဂျက်တိုက်လေယာဉ်နဲ့ မောင်းသူမဲ့လေယာဉ်များတိုးချဲ့ခြင်း၊ လေကြောင်းရန်ကာကွယ်ရေးလက်နက် တွေနဲ့ တခြားလက်နက်စနစ်တွေ တိုးချဲ့ခြင်းတို့အတွက် ဒေါ်လာ သန်း ၃၀၀ လျာထားမှုအပါအဝင် ဒီအကူအညီတွေ ထဲက တချို့ကို ထိုင်ဝမ်အစိုးရရဲ့ စစ်ရေးနဲ့ လုံခြုံရေးအတွက် တိုက်ရိုက်ထောက်ပံ့ဖို့ စီစဉ်ထားတာဖြစ်တယ်လို့ ဆိုပါတယ်။

အမျိုးသားကာကွယ်ရေးခွင့်ပြုချက်အက်ဥပဒေ (NDAA) ထဲမှာပါဝင်တဲ့ တခြားပြဋ္ဌာန်းချက်တွေကတော့ ထိုင်ဝမ်ကာ ကွယ်ရေးနဲ့ပတ်သက်ပြီး တခြားမဟာမိတ်နိုင်ငံတွေ၊ တခြားနိုင်ငံတွေနဲ့လည်း ပိုမို ပူးပေါင်းဆောင်ရွက်သွားဖို့လည်းပါဝင်ပါတယ်။

အဲဒီအထဲမှာ အမေရိကန်၊ ဗြိတိန်၊ သြစတေးလျ သုံးနိုင်ငံ AUKUS စီမံချက်ထဲမှာ ဂျပန်နိုင်ငံကို ထည့်သွင်းသွားနိုင်ရေး အတွက် ဖြစ်နိုင်ခြေဆန်းစစ်လေ့လာမှုကို အမေရိကန် နိုင်ငံခြားရေးဝန်ကြီးဌာနနဲ့ ကာကွယ်ရေးဝန်ကြီးဌာနက ပြုလုပ် သွားဖို့လည်း ပါဝင်ပါတယ်။

“အမေရိကန်အစိုးရအနေနဲ့ ထိုင်ဝမ်ကို လက်နက်ထောက်ပံ့နေတာတွေ ချက်ချင်းရပ်ဆိုင်းရမှာဖြစ်သလို တရုတ်နိုင်ငံနဲ့ တရုတ်-အမေရိကန် ဆက်ဆံရေး ဖွံ့ဖြိုးတိုးတက်မှုတို့ကို ဓမ္မဒိဋ္ဌာန်ကျကျ၊ သဘာဝကျကျ ရှုမြင်ရမှာဖြစ်ပြီး တရုတ်နိုင်ငံနဲ့ ပတ်သက်ပြီး အပျက်သဘောဆောင်တဲ့ဆောင်ရွက်ချက်တွေကို မလုပ်ဖို့၊ တရုတ်နိုင်ငံရဲ့ အကျိုးစီးပွားကို ထိခိုက်စေမယ့် ပြောဆို/ဆောင်ရွက်မှုတွေကို ရပ်တန့်ဖို့ တောင်းဆိုကြောင်း” တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် မော်နင်းက ပြောပါတယ်။

“ကျွန်မတို့နိုင်ငံရဲ့ အချုပ်အခြာအာဏာ၊ လုံခြုံရေးနဲ့ ဖွံံ့ဖြိုးတိုးတက်မှုအကျိုးစီးပွားတွေကို ကာကွယ်စောင့် ရှောက်ဖို့အတွက် တရုတ်နိုင်ငံအနေနဲ့ လိုအပ်သလို အရေးယူဆောင်ရွက်သွားမှာဖြစ်ပါတယ်။” လို့ မော်နင်းက ပြောပါတယ်။

Ref: Beijing sanctions 7 companies in response to latest US support of Taiwan

#Newvisionmedia

အာဖဂန်နစ္စတန်က နောက်ဆုံးဆုတ်ခွာခဲ့တဲ့ အမေရိကန်ဒုတိယဗိုလ်ချုပ်ကြီးကို အထက်လွှတ်တော်ရာထူး တိုးမြှင့်ပေး
……………………………………………

နိုင်ငံတကာ၊ ဒီဇင်ဘာ ၃

အမေရိကန်တပ်တွေ အာဖဂန်နစ္စတန်ကဆုတ်ခွာစဉ်မှာ ဦးဆောင်ခဲ့တဲ့အကြီးအကဲဖြစ်သူ ကြည်းတပ် ဒုတိယဗိုလ်ချုပ်ကြီးခရစ္စတိုဖာဒေါ်နက်ဟျူကို ရီပတ်ဘလီကန်အမတ်တစ်ဦးက ကဖျက်ယဖျက်လုပ်ခဲ့ပေမဲ့ အမေရိကန်အထက်လွှတ် တော်က ဒီဇင်ဘာ ၂ ရက်နေ့က ရာထူးတိုးမြှင့်ပေးလိုက်ပါတယ်။

ဒုတိယဗိုလ်ချုပ်ကြီး ဒေါ်နက်ဟျူကို ကြည်လေးပွင့်ဗိုလ်ချုပ်ကြီးအဖြစ် အဆင့်တိုးမြှင့်ပေးပြီး ဥရောပဒေသ အမေရိကန် ကြည်းတပ်ရဲ့အကြီးအကဲအဖြစ်တာဝန်ထမ်းဆောင်ခွင့်ပြုမယ့်ကိစ္စကို ရီပတ်ဘလီကန် အထက်လွှတ်တော်အမတ်မတ် ဝိန်းမူလင်က နှောင့်နှေးကြန့်ကြာအောင် လုပ်ခဲ့တာဖြစ်ပါတယ်။

၂၀၂၁ ခုနှစ်မှာ အမေရိကန်တပ်ဖွဲ့တွေ အာဖဂန်နစ္စတန်က ပြန်လည်ဆုတ်ခွာလာတာကို ဒေါ်နယ်ထရမ့်နဲ့ မဟာမိတ်တွေ က ပြင်းပြင်းထန်ထန် ပြစ်တင်ရှုတ်ချခဲ့ပြီး ဒီကိစ္စနဲ့ပတ်သက်လို့ တာဝန်ရှိသူတွေကို အရေးယူသွားမယ်လို့ ပြောကြားခဲ့ပါတယ်။

အာဖဂန်နစ္စတန်ကို ကပ်ဘေးဆိုက်အောင်လုပ်ခဲ့တဲ့ ထိပ်တန်းအရာရှိအားလုံးကို နုတ်ထွက်ခိုင်းသွားမှာ ဖြစ်ကြောင်း မဲဆွယ်ပွဲကာလ သြဂုတ်လအတွင်းက ထရမ့်က ပြောပါတယ်။ ဒေါ်နက်ဟျူရဲ့ ရာထူးတိုးမြှင့်မှုကို တနင်္လာနေ့မှာ အထက်လွှတ်တော်အမတ်အားလုံးက တညီတညွတ်တည်းထောက်ခံခဲ့တာဖြစ်ပါတယ်။

ဒေါ်နက်ဟျူဟာ အမေရိကန်တပ်ဖွဲ့တွေ အာဖဂန်နစ္စတန်က ပြန်လည်ဆုတ်ခွာလာစဉ် အမှတ် ၈၂ လေကြောင်းချီတပ်မ ကို အုပ်ချုပ်ကွပ်ကဲခဲ့သူဖြစ်ပြီး ၂၀၂၁ ခုနှစ် သြဂုတ်လမှာ အာဖဂန်နစ္စတန်က နောက်ဆုံးဆုတ်ခွာခဲ့တဲ့ အမေရိကန်စစ်သားဖြစ်ပါတယ်။

ရိုင်ဖယ်သေနတ်ကိုင်ပြီး အာဖဂန်နစ္စတန်က နောက်ဆုံးထွက်ခွာမယ့် C-17 သယ်ယူပို့ဆောင်ရေးလေယာဉ်ပေါ် ကို နောက်ဆုံးတက်ရောက်ခဲ့တဲ့ ဒေါ်နက်ဟျူရဲ့ပုံရိပ်ဟာ အာဖဂန်နစ္စတန်က ဖရိုဖရဲဆုတ်ခွာခဲ့ရမှုနဲ့ အနက်တူ အဓိပ္ပါယ် ဆောင်တယ်ဆိုပေမဲ့ ၎င်းကို အမေရိကန်တပ်မတော်မှာ အရည်အသွေးအပြည့်ဝဆုံး ကြည်းတပ် ခေါင်းဆောင်တွေထဲက တစ်ယောက်အဖြစ် သတ်မှတ်ထားကြပါတယ်။

အမေရိကန်အထက်လွှတ်တော်ဥပဒေစည်းမျဉ်းတွေအရ အထက်လွှတ်တော်အမတ် ၉၉ ယောက်က အခုလိုကိစ္စကို အလျင်အမြန် ဆုံးဖြတ်ချင်ရင်တောင်မှ လွှတ်တော်အမတ်တစ်ယောက်က ကြန့်ကြာအောင် အချိန်ဆွဲထားနိုင်ပါတယ်။

Ref: US Senate Approves Promotion of General Involved in Afghanistan Withdrawal

#Newvisionmedia

ပန်ဆောင်-အိန္ဒိယ နယ်စပ်ဂိတ်အား ဒီဇင်ဘာ ၁၅ ရက်နေ့တွင် တရားဝင်ဖြတ်သန်း သွားလာခွင့်ပြုမည်
………………………………………………

မြစ်ကြီးနား၊ ဒီဇင်ဘာ ၃

စစ်ကိုင်းတိုင်းအထက်ပိုင်း နာဂကိုယ်ပိုင်အုပ်ချုပ်ခွင့်ရဒေသ ပန်ဆောင်မြို့နှင့် အိန္ဒိယနယ်စပ်ဂိတ်အား ဒီဇင်ဘာ ၁၅ ရက်နေ့တွင် တရားဝင် ဖြတ်သန်းသွားလာခွင့်ပြုမည်ဖြစ်ကြောင်း ဒေသခံများထံမှ သိရသည်။

ပန်ဆောင်-အိန္ဒိယ နယ်စပ်ဂိတ်အား တရားဝင် ဖြတ်သန်းသွားလာခွင့်ပိတ်ပင်ထားသည်မှာ ဆယ်နှစ်နီးပါး ရှိခဲ့ရာမှ အိန္ဒိယ-မြန်မာ နယ်စပ်ဈေး ပူးတွဲ ကော်မတီ သဘောတူညီချက်များဖြင့် ဒီဇင်ဘာ ၁၅ ရက်နေ့တွင် ပြန်လည်ဖွင့်လှစ်ပေးမည်ဖြစ်ကြောင်းကို အိန္ဒိယနိုင်ငံပိုင်များမှ ထုတ်ပြန်ကြေငြာခဲ့ကြောင်း ပန်ဆောင်မြို့နေ ပြည်သူတစ်ဦးထံမှ သိရသည်။

"ဟိုလကတည်းက သူတို့က နှစ်ကုန်ပိုင်းမှဖွင့် ပေးမယ်လို့ ထုတ်ပြန်ထားတာဟုတ်တယ်။ အခုတော့ ဒီလ ၁၅ ရက်နေ့မှာ တရားဝင် ဖွင့်လှစ်ပေးမယ်ဆိုပြီး ရက်စွဲနဲ့ ပြန်ထုတ်ပြန်လာတယ်။ အခုလို တရားဝင်ခွင့်ပြုပေး တော့ ဒေသခံတွေအတွက် အရမ်းအဆင်ပြေတာပေါ့။ ကုန်ပစ္စည်းတွေကို လွယ်လွယ်နဲ့ သယ်ယူနိုင်ပြီလေ" ဟု ၎င်းမှ ဆိုသည်။

ယင်းကဲ့သို့ နယ်စပ်ဂိတ်အား ဖွင့်လှစ် တော့မည့်သတင်းကြားပြီး ဒေသခံပြည်သူများအနေဖြင့် ယခင် လမ်းဖွင့်ချိန် ဆိုင်များဖွင့်လှစ်ခဲ့သည့် နယ်စပ်ဈေး၊ မြေနေရာ၊ အဆောက်အဦးများအား ပြုပြင်ဆောက်လုပ်မှုများ လုပ်ဆောင်လာကြပြီး ယခင်အတိုင်း နယ်စပ်ဈေးများ ဖွင့်လှစ်ရောင်းချရန် ပြင်ဆင်နေကြကြောင်းလည်း သိရသည်။

အလင်း(EPN)

#Newvisionmedia

ကားကိုရှောင်ရင်းအရှိန်လွန်၍ အဘွားအိုတစ်ဦး ရေနုတ်မြောင်းထဲသို့ ပြုတ်ကျ၍ သေဆုံး
……………………………………

နေပြည်တော်၊ ဒီဇင်ဘာ ၃

ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်၊ ပဲခူးမြစ်လမ်းထောင့်နှင့် ဧရာဝဏ်လမ်းထောင့်ရှိ ရေနုတ်မြောင်းထဲတွင် အဘွားအိုတစ်ဦး ကားကိုရှောင်ရင်း အရှိန်လွန်၍ ထိုရေနုတ်မြောင်းထဲသို့ ပြုတ်ကျ၍ သေဆုံးသွားကြောင်း သိရသည်။

ဖြစ်စဉ်မှာ ဒီဇင်ဘာလ ၂ ရက်နေ့တွင် ညနေ ၇ နာရီဝန်းကျင်တွင် ဒဂုံဆိပ်ကမ်းမြို့၊ (၆၅) ရပ်ကွက်တွင် နေထိုင်သည့် သေဆုံးသူအဘွားဖြစ်သူ၏ သားမှ ၎င်း၏နေအိမ်တွင် မိခင်ဖြစ်သူမတွေ့ရှိသောကြောင့် လိုက်လံရှာဖွေရင်း ပဲခူးမြစ်လမ်းထောင့်နှင့် ဧရာဝဏ်လမ်းထောင့်ရှိ ရေနုတ်မြောင်းထဲတွင် သေဆုံးနေသည့် မိခင်၏ရုပ်အလောင်းကို တွေ့ရှိခဲ့ကြောင်း သိရသည်။

ထိုရုပ်အလောင်းကို သွားရောက်သယ်ဆောင်သည့် အကြင်နာကုသိုလ်ပြုလူမှုကူညီရေးအသင်းမှ တာဝန်ရှိ သူအား ဆက်သွယ်မေးမြန်းရာ “သားကအလုပ်သွားတော့ အိမ်ကိုပိတ်ခဲ့တာ။ အဲ့မှာအမေက သူ့သားကို လိုက်ရှာရင်းနဲ့ လမ်းမှာကားကိုရှောင်ရင်းနဲ့ (၁၅) ပေခန့်ရှိခဲ့ ရေမြောင်းထဲကို လျော်ကျသွားတာ။ သူ့သားက အိမ် လည်းပြန်ရောက်တော့ အမေဖြစ်သူအိမ်မှာမရှိတော့လိုက်ရှာတာ အဲ့မှာအလောင်းကို ရေမြောင်းထဲမှာသေ နေတာ” လို့ ဖြေကြားသည်။

အဆိုပါရေနုတ်မြောင်းထဲသို့ပြုတ်ကျသည့် အသက် (၇၄) နှစ်အရွယ် အဘွားဒေါ်တင်ရီ၏ ရုပ်အလောင်းကို အကြင်နာ ကုသိုလ်ပြုလူမှုကူညီရေးအသင်းမှ စံပြဆေးရုံသို့ ပို့ဆောင်လိုက်ကြောင်း သိရသည်။

#Newvisionmedia

ပြင်စည် လျှပ်စစ်ဓာတ်အားခွဲရုံကို လက်လုပ် ဒရုန်းနဲ့ ဗုံးကြဲခံရပြီး ရဲတပ်ဖွဲ့ဝင်နှစ်ဦး အသေးစား ဒဏ်ရာရ
………………………………………

နေပြည်တော်၊ ဒီဇင်ဘာ ၃

မန္တလေးတိုင်းဒေသကြီး၊ နွားထိုးကြီးမြို့နယ်၊ ပြင်စည်ကျေးရွာအနီးရှိ ပြင်စည် လျှပ်စစ်ဓာတ်အားခွဲစက်ရုံကို စစ်သွေးကြွ PDF အဖွဲ့ဝင်များမှ လက်လုပ်ဒရုန်းဖြင့် ဗုံးကြဲမှုကြောင့် ရဲတပ်ဖွဲ့ဝင် နှစ်ဦး အသေးစား ဒဏ်ရာရရှိခဲ့ကြောင်း သိရသည်။

ဒီဇင်ဘာလ (၂)ရက် နံနက် (၆)နာရီခွဲအချိန်ခန့်က ပြင်စည်လျှပ်စစ်ဓာတ်အားခွဲစက်ရုံအား စစ်သွေးကြွ PDF အဖွဲ့ဝင်များမှ နွားထိုးကြီးမြို့နယ် ထန်းတောကြီးကျေးရွာနှင့် တက်စည်ကျေးရွာကြားမှ လက်လုပ်ဒရုန်းဖြင့် အမြင့်မီတာ (၁၀၀၀) ခန့်မှ ဒရော့ဗုံး (၁၀)လုံးဖြင့် ပစ်ချတိုက်ခိုက်ခဲ့သည်။

ယင်းအပြင် လျှပ်စစ်ဓာတ်အားခွဲစက်ရုံ မြောက်ဘက်နှင့် အနောက်ဘက် (၂)ဖာလုံခန့်ရှိ ကွင်းပြင်၊ ခြုံပုတ်များ အတွင်းမှ စစ်သွေးကြွ PDF အဖွဲ့ဝင်များမှ လက်နက်ငယ်များဖြင့် လာရောက်ပစ်ခတ်ခဲ့ကြောင်း သိရသည်။

ယင်းသို့ ပစ်ခတ်ခံရမှုကြောင့် ဓာတ်အားခွဲစက်ရုံဝန်း အရှေ့ဘက်ရှိ ဘန်ကာတွင် လုံခြုံရေးဆောင်ရွက်နေသည့် ဒုရဲအုပ်တစ်ဦး၏ ယာလက်ဖျံ ပေါက်ပြဲ သွေးထွက်ဒဏ်ရာ(မစိုးရိမ်ရ) ရရှိခဲ့ပြီး ရဲတပ်သားတစ်ဦး၏ ဝဲဘက်ခါးနှင့် ပေါင်တို့တွင် ပေါက်ပြဲသွေးထွက်ဒဏ်ရာ (မစိုးရိမ်ရ) ရရှိခဲ့သည်။

#Newvisionmedia

Kaiser လိပ်ပြာပုံ (၂၀၀ ကျပ်တန်) စာပို့တံဆိပ်ခေါင်းသစ်တစ်မျိုး ရောင်းချပေးမည်
…………………………………………

နေပြည်တော်၊ ဒီဇင်ဘာ ၃

မြန်မာနိုင်ငံ၌တွေ့ရှိရသော လိပ်ပြာမျိုးစိတ်အဖြစ် မှတ်တမ်းတင်သဘောထားမှတ်ချက်ပြုထားသည့် Kaiser လိပ်ပြာပုံ (၂၀၀ ကျပ်တန်) စာပို့တံဆိပ်ခေါင်းသစ်တစ်မျိုးကို ဒီဇင်ဘာ ၆ ရက်မှ စတင်ကာ ရောင်းချပေးမည် ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန မြန်မာ့စာတိုက်လုပ်ငန်းမှ သိရသည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနက မြန်မာနိုင်ငံ၌တွေ့ရှိရသော လိပ်ပြာ မျိုးစိတ်အဖြစ် မှတ်တမ်းတင်သဘောထားမှတ်ချက်ပြုထားသည့် Kaiserလိပ်ပြာပုံ (၂၀၀ကျပ်တန်) စာပို့ တံဆိပ်ခေါင်းသစ်တစ်မျိုးအား ၂၀၂၄ ခုနှစ်၊ ဒီဇင်ဘာ ၆ ရက်၊ မြန်မာသက္ကရာဇ် ၁၃၈၆ ခုနှစ်၊ နတ်တော်လဆန်း ၆ ရက် (သောကြာနေ့) နံနက် ၉ နာရီခွဲမှစတင်၍ နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ပြည်နယ်များရှိ စာတိုက်ကြီးများတွင် တစ်ပြိုင်တည်း ရောင်းချ ပေးသွားမည်ဖြစ်ကြောင်း သိရသည်။

အထူးအစီအစဉ်တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေး စာတိုက်ကြီးတို့တွင် ၂၀၂၄ ခုနှစ်၊ ဒီဇင်ဘာ ၆ ရက် (သောကြာနေ့) တွင် ဝယ်ယူသော စာပို့တံဆိပ်ခေါင်း များပေါ်တွင် နေ့စွဲအမှတ်အသားတံဆိပ် ရိုက်နှိပ်ပေးသွားမည်ဖြစ်ကြောင်း သိရသည်။

#Newvisionmedia

မြန်မာ့တပ်မတော်က ဖမ်းဆီးထားတဲ့ ထိုင်းရေလုပ်သားတွေရဲ့ နောက်ဆုံးအခြေအနေ ထိုင်းကာကွယ်ရေးဝန်ကြီး ရှင်းပြ
……………………………………………

နိုင်ငံတကာ၊ ဒီဇင်ဘာ ၃

မြန်မာ့ရေပိုင်နက်ထဲကို ကျူးကျော်ဝင်ရောက်လာတယ်ဆိုတဲ့စွပ်စွဲချက်နဲ့ မြန်မာ့တပ်မတော်က ပစ်ခတ်ဖမ်းဆီးသွားတဲ့ ထိုင်းရေလုပ်သား ၄ ဦးနဲ့ ပတ်သက်ပြီး နောက်ဆုံးအခြေအနေတွေကို ထိုင်းကာကွယ်ရေးဝန်ကြီး ဖမ်သမ်ဝီချာယာချိုင်း က ရှင်းလင်းပြောကြားခဲ့ပါတယ်။

ဒီကိစ္စနဲ့ ပတ်သက်ပြီး နှစ်နိုင်ငံ မြို့နယ်အဆင့် နယ်စပ်ကော်မတီတွေက ကိုယ်စားလှယ်တွေ ဆွေးနွေးနေကြကြောင်း ၎င်းက ပြောပါတယ်။

ဒါ့အပြင် နိုင်ငံခြားရေးဝန်ကြီးဌာနက ကန့်ကွက်လွှာတစ်စောင်ထုတ်ပြန်ခဲ့ပြီး ထပ်မံဆွေးနွေးဖို့အတွက် ထိုင်းနိုင်ဆိုင်ရာ မြန်မာသံအမတ်ကို ဆင့်ခေါ်ထားကြောင်း၊ အခုကိစ္စကို သံတမန်လမ်းကြောင်းကတစ်ဆင့် ဆက်လက်ဆောင်ရွက်သွား မှာဖြစ်ကြောင်း ၎င်းက ပြောပါတယ်။

ဒါပေမဲ့ ထိုင်းတပ်မတော်အနေနဲ့ အခြေအနေပေါ်မူတည်ပြီး ကိုင်တွင်ဆောင်ရွက်သွားမှာဖြစ်ကြောင်း ၎င်းကပြောပါတယ်။

ထိုင်းရေလုပ်သားတွေ မြန်မာရေပိုင်နက်ကို ကျူးကျော်ဝင်ရောက်ခဲ့ခြင်း ရှိမရှိဆိုတာ ရှင်းရှင်းလင်းလင်း မသိရသေး ကြောင်း၊ ရေလုပ်သားတွေပါလာတဲ့ အဲဒီစက်လှေဟာ လက်နက်တပ်ဆင်ထားတဲ့ စက်လှေမဟုတ်ဘဲ အမှန်တကယ် ငါးဖမ်းစက်လှေတစ်စင်းကို အင်အားအလွန်အကျွံသုံး ပစ်ခတ်ခဲ့တဲ့အတွက် ကန့်ကက်လွှာပို့ခဲ့တာဖြစ်ကြောင်း ၎င်းက ပြောပါတယ်။

ဖမ်းဆီးခံရတဲ့ရေလုပ်သား ၃၁ ဦးမှာ ထိုင်းနိုင်ငံသားက ၄ ဦးသာပါပြီး ကျန်တဲ့ ၂၇ ဦးဟာ မြန်မာနိုင်ငံသားတွေဖြစ်ကြောင်း၊ ထိုင်းနိုင်ငံသားတွေ ပြန်လည်လွှတ်မြောက်ရေးအတွက် ညှိနှိုင်းပြီး ကြိုးပမ်းဆောင်ရွက်နေကြောင်း “မြန်မာနိုင်ငံ အနေနဲ့ အဲဒီထိုင်းနိုင်ငံသားတွေကို ပြန်လွှတ်ပေးရမှာဖြစ်ကြောင်း” ၎င်းက ဒုတိယဝန်ကြီးချုပ်လည်းဖြစ်တဲ့ ဖမ်သမ်က ပြောပါတယ်။

လွန်ခဲ့တဲ့အနှစ် ၃၀ ကျော်ကလည်း အလားတူဖြစ်ရပ်မျိုးတွေ ဖြစ်ပွားခဲ့ဖူးပြီး ဘာပြဿနာမှ မတတ်ဘဲ ဖြေရှင်းနိုင်ခဲ့ ကြောင်း ကာကွယ်ရေးဝန်ကြီးက ပြောပါတယ်။

ကျွန်းငယ်လေးတွေ အများအပြားရှိပြီး နှစ်နိုင်ငံ ပြည်သူတွေ ဖြတ်သန်းသွားလာနေကြတဲ့ မေးခွန်းထုတ် စရာနေရာ ဖြစ်တဲ့ အဲဒီရေပြင်မှာ နယ်စပ်ဖြတ်ကျော်လုပ်ငန်းဆောင်ရွက်မှုတွေ ပုံမှန်ရှိနေတတ်ကြောင်း ၎င်းက ပြောပါတယ်။

“နှစ်ဖက်စလုံးက အဲဒီနေရာကို ပိုင်ဆိုင်ကြောင်း ပြောဆိုဖို့ အခွင့်အရေးရှိကြပေမဲ့ အဲဒီနေရာဟာ နှစ်နိုင်ငံပြည်သူတွေ ရေလုပ်ငန်းလုပ်ကိုင်ဆောင်ရွက်နိုင်တဲ့ နေရာတစ်ခုအဖြစ် တည်ရှိသွားနိုင်ဖို့ မျှော်လင့်ပါတယ်။ ဒါ့ကြောင့် နိုင်ငံခြားရေး ဝန်ကြီးဌာနက ညှိနှိုင်းဆောင်ရွက်နေတာဖြစ်ပါတယ်။ ဒီအဆင့်မှာ အလျင်စလို ကောက်ချက်မချမိဖို့ လိုပါတယ်။” လို့ ဖမ်သမ်က ပြောပါတယ်။

တနင်္လာနေ့ (ဒီဇင်ဘာ ၂ ရက်နေ့) မနက် ၁၁ နာရီအထိ ရရှိတဲ့သတင်းတွေအရ ထိုင်းနိုင်ငံသား ရေလုပ်သားတွေ ဘေး ကင်းစွာရှိနေတယ်လို့ သိရကြောင်း ထိုင်းတပ်မတော်ကာကွယ်ရေးဦးစီးချုပ် ဆောင်းဝတ်နန်းပက်ဒီးက ပြောပါတယ်။ မြန်မာဘက်က အင်အားအလွန်အကျွံအသုံးပြုလို့ အခုလိုဖြစ်ရတာလားလို့ မေးမြန်းရာမှာ “အဆိုပါမေးခွန်းမျိုးကို တော်ဝင်ထိုင်းရေတပ်ကို တိုက်ရိုက်မေးဖို့” ၎င်းက ပြောပါတယ်။

Ref: Phumtham updates on arrest of Thai fishermen by Myanmar military

#Newvisionmedia

မြောက်ဥက္ကလာပမြို့နယ်တွင် သိန်း ၃၀၀၀ တန်ဖိုးရှိ စိတ်ကြွရူးသွပ်ဆေးပြားများနှင့် တရားခံ ၄ ဦးအား ဖမ်းဆီးရမိ
……………………………………………

နေပြည်တော်၊ နိုဝင်ဘာ ၁၄

ရန်ကုန်တိုင်းဒေသကြီး မြောက်ဥက္ကလာပမြို့နယ်တွင် ငွေကျပ်သိန်း ၃,၀၀၀ တန်ဖိုးရှိ စိတ်ကြွရူးသွပ်ဆေးပြား များနှင့်အတူ တရားခံ ၄ ဦးအား ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။

နိုဝင်ဘာလ ၁၀ ရက်နေ့ ညနေ ၄ နာရီ ၁၀ အချိန် ပူးပေါင်းအဖွဲ့သည် သတင်းအရ သက်သေများနှင့်အတူ မြောက်ဥက္ကလာပမြို့နယ်၊ (ဈ)ရပ်ကွက်၊ သုဓမ္မာလမ်းရှိ ကားဂိတ်အား ဝင်ရောက်ရှာဖွေရာ အောင်မြင့်ဦး(ခ) အောင်ကြီး၊ မစိုးစိုးလှိုင်(ခ)မစိုး တို့နှင့်အတူ စိတ်ကြွရူးသွပ်ဆေးပြား ၃၀၀,၀၀၀ ပြား(ဒေသကာလပေါက်ဈေး တန်ဖိုးငွေကျပ်သိန်း ၃,၀၀၀)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။

ကွင်းဆက်ဖော်ထုတ်ချက်အရ နိုဝင်ဘာလ ၁၁ ရက်နေ့ မွန်းလွဲ ၃နာရီ ၃၀ အချိန် အဆိုပါ စိတ်ကြွရူးသွပ် ဆေးပြားများ သယ်ဆောင်ရောင်းဝယ်ရာ၌ ပူးပေါင်းပါဝင်သူ မသီသီဆင့်(ခ)မဆင့် အား ဒိုက်ဦးမြိုနယ်၊ ကျွဲတဲအင်းကျေးရွာအနီးတွင် လက်ကိုင်ဖုန်း ၁ လုံးနှင့် လည်းကောင်း၊ ည ၈နာရီ ၃၀ အချိန် မောင်စိန်ညွန့်(ခ) ဆရာ(ခ)ကိုရခိုင် အား အင်းစိန်မြို့နယ်၊ ဖော့ကန်ရပ်ကွက်တွင် လက်ကိုင်ဖုန်း ၂ လုံးနှင့်လည်းကောင်း ထပ်မံ ဖမ်းဆီးရမိခဲ့သဖြင့် အောင်မြင့်ဦး(ခ)အောင်ကြီး(၅၂)နှစ်၊ မစိုးစိုးလှိုင်(ခ)မစိုး(၄၀)နှစ်၊ မသီသီဆင့်(ခ) မဆင့် (၅၂)နှစ်နှင့် မောင်စိန်ညွန့်(ခ)ဆရာ(ခ)ကိုရခိုင်(၅၁)နှစ်တို့အား မြောက်ဥက္ကလာပမြို့မရဲစခန်းတွင် မူးယစ် ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။

#Newvisionmedia

မိုးညှင်းမြို့နယ်တွင် သိန်း ၁၆၀၀ ကျော်တန်ဖိုးရှိ မူးယစ်ဆေးဝါးများ ဖမ်းဆီးရမိ
………………………………………………

နေပြည်တော်၊ နိုဝင်ဘာ ၁၄

ကချင်ပြည်နယ်၊ မိုးညှင်းမြို့နယ်တွင် ငွေကျပ်သိန်း ၁၆၀၀ ကျော် တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။

နိုဝင်ဘာလ ၁၀ ရက်နေ့ ညနေ ၅နာရီ ၅၅ အချိန် တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေ များနှင့်အတူ မိုးညှင်းမြို့နယ်၊ နန့်စီးအောင်ကျေးရွာအနီးတွင် မော်တော်ယာဉ်များအား စစ်ဆေးရှာဖွေစဉ် စိုင်းသူရ(ခ)ရာဇာမြင့် မောင်းနှင်ပြီး မစိန်းမြ နှင့် မမျိုးသူဇာလှိုင်(ခ)သူဇာ တို့လိုက်ပါလာသော သုံးဘီးဆိုင်ကယ် အား ရပ်တန့်စစ်ဆေးရှာဖွေရာ ဆိုင်ကယ်ပေါ်တွင် သိုဝှက်သယ်ဆောင်လာသော ဘိန်းဖြူ အလေးချိန် ၄.၄ ကီလို(ဒေသကာလပေါက်ဈေးတန်ဖိုးငွေကျပ်သိန်း ၁,၁၀၀)နှင့် လက်ကိုင်ဖုန်း ၂ လုံးတို့အား တွေ့ရှိ သိမ်းဆည်းရမိခဲ့ကြောင်း သိရသည်။

ကွင်းဆက်ဖော်ထုတ်ချက်အရ နိုဝင်ဘာလ ၁၁ ရက်နေ့ နံနက် ၉နာရီ အချိန် ဂမ်ဒီး(ခ)ဂမ်အောင်အား မိုးညှင်းမြို့၊ အောင်သပြေ(၁)ရပ်ကွက်ရှိ ၎င်း၏နေအိမ်မှ စိတ်ကြွရူးသွပ်ဆေးပြား ၂၈,၅၀၀ ပြား(ဒေသကာလ ပေါက်ဈေးတန်ဖိုးငွေကျပ်သိန်း ၅၇၀)၊ TOYOTA HILUX SURF မော်တော်ယာဉ် ၁ စီးနှင့် လက်ကိုင်ဖုန်း ၁ လုံးတို့အား ထပ်မံတွေ့ရှိသိမ်းဆည်းရမိခဲ့သဖြင့် စိုင်းသူရ(ခ)ရာဇာမြင့်(၂၃)နှစ်၊ မစိန်းမြ(၆၄)နှစ်၊ မမျိုးသူဇာလှိုင် (ခ)သူဇာ(၃၂)နှစ်နှင့် ဂမ်ဒီး(ခ)ဂမ်အောင်(၃၄)နှစ်တို့အား မိုးညှင်းမြို့မရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိ ကြောင်း သိရသည်။

#Newvisionmedia

ညစ်ညမ်းစာများဖော်ပြပါရှိသည့် ထုတ်ဝေစာများအား အရေးယူဆောင်ရွက်ပြီး၊ ရွှေနိုင်ငံ စာပေနှင့် ပိုစတာ ဖြန့်ချိရေးမှ ထုတ်ဝေသူအား ပုံနှိပ်ဥပဒေလိုက်နာရန်ပျက်ကွက်၍ ထုတ်ဝေခြင်းလုပ်ငန်းအသိအမှတ်ပြု လက်မှတ်ရုပ်သိမ်း
……………………………………………

နေပြည်တော်၊ နိုဝင်ဘာ ၁၄

ညစ်ညမ်းစာများဖော်ပြပါရှိသည့် ထုတ်ဝေစာများအား အရေးယူဆောင်ရွက်ပြီး ရွှေနိုင်ငံစာပေနှင့် ပိုစတာ ဖြန့်ချိရေးမှ ထုတ်ဝေသူအား ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေ ပုဒ်မ ၁၁ (ခ)နှင့် ပုဒ်မ ၁၈ တို့ကို လိုက်နာရန် ပျက်ကွက်ကြောင်းတွေ့ရှိရသဖြင့် ထုတ်ဝေခြင်းလုပ်ငန်းအသိအမှတ်ပြုလက်မှတ် ရုပ်သိမ်း လိုက်ကြောင်း ပြန်ကြားရေးဝန်ကြီးဌာနမှ ကြေညာထားသည်။

ပုံနှိပ်သူ ဦးရာဇာရဲထွဋ် (Right ပုံနှိပ်တိုက်-၀၁၃၃၇) နှင့် ထုတ်ဝေသူ ဒေါ်စိန်ကြည် (The Destiny Book House- ၀၃၂၆၆) တို့မှ ပုံနှိပ်ထုတ်ဝေသောစာရေးသူ Mahuyar ရေးသားသည့် "1500 Miles to you" နှင့် “အမုန်းနဲ့ပျိုးတဲ့ ချစ်ခြင်းအလင်္ကာ” စာအုပ်များတွင် ပုံနှိပ်ခြင်းနှင့်ထုတ်ဝေခြင်း လုပ်ငန်းဥပဒေပုဒ်မ ၈၊ ပုဒ်မခွဲ (ဂ) ပါ စည်းကမ်းချက်ကိုဖောက်ဖျက်၍ ဟီရိဩတ္တပ္ပကင်းသော၊ မြန်မာ့လူ့အဖွဲ့အစည်းက လက်မခံသော၊ လူငယ်များ၏ တွေးခေါ်မြော်မြင်မှုနှင့် ခံစား နားလည်မှုကို လွဲမှားစေနိုင်သော ညစ်ညမ်းစာများ ဖော်ပြပါ ရှိကြောင်း တွေ့ရှိရသည်။

သို့ဖြစ်ပါ၍ ၂၀၁၄ ခုနှစ်၊ ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေပုဒ်မ ၈၊ ပုဒ်မခွဲ (ဂ) ပါ စည်းကမ်းချက်ကို ဖောက်ဖျက်၍ ပုံနှိပ်၊ ထုတ်ဝေဖြန့်ချိခဲ့သည့် ပုံနှိပ်သူ ဦးရာဇာရဲထွဋ် (Right ပုံနှိပ်တိုက်-၀၁၃၃၇) နှင့် ထုတ်ဝေသူ ဒေါ်စိန်ကြည် (The Destiny Book House-၀၃၂၆၆) တို့၏ လုပ်ငန်းအသိအမှတ်ပြု လက်မှတ်များကို ၂၀၂၄ ခုနှစ်၊ နိုဝင်ဘာလ ၆ ရက်နေ့တွင် ရုပ်သိမ်းခဲ့ပြီး ယင်းစာအုပ်များအား တရားမဝင်ထုတ်ဝေစာဖြစ်ကြောင်း ထုတ်ပြန်ကြေညာခဲ့ပြီးဖြစ်ကြောင်းနှင့် ပုံနှိပ်သူနှင့်ထုတ်ဝေသူတို့အား ပုံနှိပ်ခြင်းနှင့်ထုတ်ဝေခြင်းလုပ်ငန်း ဥပဒေနှင့်အညီ တရားစွဲဆို အရေးယူဆောင်ရွက်သွားမည်ဖြစ်ကြောင်း အသိပေးကြေညာထားသည်။

ဆက်လက်ပြီး ထုတ်ဝေသူ ဦးမောင်မောင်လှ (ရွှေနိုင်ငံစာပေနှင့်ပိုစတာဖြန့်ချိရေး)သည် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေပုဒ်မ ၁၁ (ခ)နှင့် ပုဒ်မ ၁၈ တို့ကိုလိုက်နာရန် ပျက်ကွက်ကြောင်းတွေ့ရှိရသဖြင့် ၎င်းအားထုတ်ပေးထားသည့် ထုတ်ဝေခြင်းလုပ်ငန်း အသိအမှတ်ပြုလက်မှတ်ကို ၂၀၂၄ ခုနှစ်၊ နိုဝင်ဘာလ ၁၃ ရက်နေ့မှစ၍ ပြန်လည်ရုပ်သိမ်းလိုက်ကြောင်း၊ ယင်းထုတ်ဝေခြင်းလုပ်ငန်းသည် မီဒီယာအမျိုးအစားတစ်ခုခုကို အသုံးပြု၍ဖြစ်စေ၊ နည်းပညာတစ်ရပ်ရပ်ကိုအသုံးပြု၍ဖြစ်စေ မည်သည့်ထုတ်ဝေစာကိုမျှ ထုတ်ဝေဖြန့်ချိ ဆောင်ရွက်ခြင်းမပြုရန် အသိပေးကြေညာထားသည်။

#Newvisionmedia

တရားမဝင်ကျွန်းအပါအဝင် အခြားသစ် ၁၅၇ ဒသမ ၄၁၄၈ တန်နှင့်အတူ တရားခံ ၁၃ ဦး ဖမ်းဆီးရမိ
…………………………………………………

နေပြည်တော်၊ နိုဝင်ဘာ ၁၄

နေပြည်တော်၊ ပြည်နယ်နှင့် တိုင်းဒေသကြီးများမှ တရားမဝင် ကျွန်း၊ သစ်မာနှင့် အခြားသစ် စုစုပေါင်း ၁၅၇ ဒသမ ၄၁၄၈ တန်နှင့်အတူ တရားခံ ၁၃ ဦးတို့ကို ဖမ်းဆီးရမိခဲ့ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနမှ သိရသည်။

နိုဝင်ဘာ ၄ ရက်မှ ၁၀ ရက်အထိ နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်း ၃၅ ဒသမ ၃၀၉၄ တန်၊ သစ်မာ ၈ ဒသမ ၄၄၃၀ တန်၊ အခြားသစ် ၁၁၃ ဒသမ ၆၆၂၄ တန် စုစုပေါင်း ၁၅၇ ဒသမ ၄၁၄၈ တန်၊ ယာဉ်/ယန္တရားခြောက်စီး၊ တရားခံ ၁၃ ဦးတို့ကို ဖမ်းဆီးရမိခဲ့ကြောင်း သစ်တောဦးစီးဌာနမှ သိရသည်။

#Newvisionmedia

Gripen ဂျက်တိုက်လေယာဉ်တွေရောင်းချပေးဖို့ Saab ကုမ္ပဏီက ကိုလမ်ဘီယာကို ကမ်းလှမ်း
…………………………………………

နိုင်ငံတကာ၊ နိုဝင်ဘာ ၁၄

ဆွီဒင်စစ်လက်နက်ထုတ်လုပ်ရေးကုမ္ပဏီ Saab က ကိုလမ်ဘီယာနိုင်ငံကို JAS 39 Gripen ဂျက်တိုက်လေ ယာဉ်တွေရောင်းချပေးဖို့ ကမ်းလှမ်းလိုက်ပါတယ်။

အရေအတွက် ဖော်ပြမထားတဲ့ Gripen ဂျက်တိုက်လေယာဉ်တွေကို Saab ကုမ္ပဏီက ကိုလမ်ဘီယာနိုင်ငံကို ရောင်းချပေးမယ့် အကြောင်းကို ဆွီဒင် သတင်းဌာန Sveriges Radio က ပထမဦးဆုံးအကြိမ် ထုတ်ဖော်ပြော ကြားလိုက်တာ ဖြစ်ကြောင်း Reuters သတင်းဌာနက ပြောပါတယ်။

လက်တင်အမေရိကနိုင်ငံ ကိုလမ်ဘီယာကို ပြိုင်ဘက်မရှိဘဲ ကမ်းလှမ်းထားတာဖြစ်ကြောင်း Saab ကုမ္ပဏီရဲ့ CEO မိုက်ကယ်လ်ဂျိုဟန်ဆန်က မကြာသေးခင်ကပြုလုပ်ခဲ့တဲ့ အင်တာဗျူးတစ်ခုမှာ ပြောပါတယ်။

ကိုလမ်ဘီယာနိုင်ငံရဲ့ အိမ်နီးချင်းဖြစ်တဲ့ ဘရာဇီးနိုင်ငံအတွက် Gripen ဂျက်တိုက်လေယာဉ် ၂၅ ရာခိုင်နှုန်း တိုးမြှင့်ရောင်းချပေးဖို့ ပြီးခဲ့တဲ့အပတ်က ဆွီဒင်အစိုးရနဲ့ ကာကွယ်ရေးစာချုပ်ချုပ်ဆိုလိုက်ပြီးနောက် အခုလို ပြောကြားချက် ထွက်ပေါ်လာခဲ့တာဖြစ်ပါတယ်။

ဆွီဒင်နိုင်ငံက တောင်အမေရိကနိုင်ငံ ဘရာဇီးကို ၂၀၁၄ ခုနှစ်မှာ Gripen ဂျက်တိုက်လေယာဉ် ၃၆ စင်း စတင် ပို့ဆောင်ပေးခဲ့တာဖြစ်ပါတယ်။

ဒီကနေ့အချိန်အထိ ဆွီဒင်က ဘရာဇီးကို နောက်ထပ် Gripen ဂျက်တိုက်လေယာဉ် ၈ စင်း ထပ်မံပို့ဆောင်ပေးခဲ့ ပြီးဖြစ်ပြီး Saab ကုမ္ပဏီက ဘရာဇီးအတွက် ဂျက်တိုက်လေယာဉ်တွေ ထပ်မံထုတ်လုပ်ပေးရာမှာ အထောက်အ ကူဖြစ်စေဖို့အတွက် ဘရာဇီးနိုင်ငံမှာ ၂၀၂၃ ခုနှစ်က တိုက်လေယာဉ်ထုတ်လုပ်ရေးစက်ရုံတစ်ရုံ ဖွင့်လှစ်ခဲ့ပါ တယ်။

အဲဒီစက်ရုံကနေ ဘရာဇီးအတွက် Gripen ဂျက်တိုက်လေယာဉ် ၁၅ စင်း ထပ်မံထုတ်လုပ်ပေးသွားမှာဖြစ်ပါ တယ်။

Saab ကုမ္ပဏီကနဲ့ ဘရာဇီးအစိုးရတို့ဟာ ပီရူးနိုင်ငံအပါအဝင် တခြားလက်တင်အမေရိကနိုင်ငံက ဝယ်လက် တွေအတွက် ဂျက်တိုက်လေယာဉ်တွေထုတ်လုပ်ပေးနိုင်ဖို့ Gripen ဂျက်တိုက်လေယာဉ်ထုတ်လုပ်ရေးပင်မ စက်ရုံတည်ဆောက်မယ့်နေရာကို ရွေးချယ်ဖို့ စီစဉ်နေပါတယ်။

Gripen ဂျက်တိုက်လေယာဉ်ဟာ ၅၂ ပေ (၁၆ မီတာ) ရှည်လျားပြီး တောင်ပံနှစ်ဖက်ထိပ်အကွာအဝေးက ပေ ၃၀ (၉ မီတာ) အရှည်ရှိပါတယ်။

တစ်နာရီကို ၁၃၀၅ မိုင် (၂၁၀၀ ကီလိုမီတာ) ပျံသန်းနိုင်တဲ့ Gripen ဂျက်တိုက်လေယာဉ်ဟာ လက်နက်အလေး ချိန် ၁၅,၈၇၃ ပေါင် (၇,၂၀၀ ကီလိုဂရမ်) သယ်ဆောင်နိုင်ပါတယ်။

General Electric ကုမ္ပဏီထုတ် F414 တာဘိုအင်ဂျင်တစ်လုံးတပ်ဆင်ထားတဲ့ Gripen ဂျက်တိုက်လေယာဉ် မှာ ဝေဟင်-ဝေဟင်ပစ်ဒုံးကျည်တွေ၊ ဝေဟင်-မြေပြင်ပစ်ဒုံးတွေနဲ့ သင်္ဘောဖျက်ဒုံးကျည်တွေ တပ်ဆင်ထားပါ တယ်။

Ref: Saab Confirms Gripen Supersonic Fighter Jet Offer to Colombia

#Newvisionmedia

ပုလဲမြို့ကို တပ်မတော်မှ စစ်ကူများရောက်ရှိပြီး နယ်မြေရှင်းလင်းနေ၊ စစ်သွေးကြွ ပုလဲနဂါးအဖွဲ့ အကျအဆုံးများပြီး ပြန်ဆုတ်သွား
…………………………………………………

နေပြည်တော်၊ နိုဝင်ဘာ ၁၄

စစ်ကိုင်းတိုင်းဒေသကြီး၊ ပုလဲမြို့တွင် တပ်မတော်မှ စစ်ကူစစ်ကြောင်းများ ရောက်ရှိကာ နယ်မြေရှင်းလင်း နေသဖြင့် စစ်သွေးကြွ ပုလဲနဂါးအဖွဲ့ အကျအဆုံးများပြီး ပြန်ဆုတ်သွားကြောင်း သိရသည်။

ယနေ့ နိုဝင်ဘာလ (၁၄)ရက် နံနက်ပိုင်းမှ စတင်ကာ တပ်မတော်မှ လေကြောင်းဖြင့် ရှင်းလင်းမှုကြောင့် ပုလဲမြို့ စုပေါင်းရုံးကို တိုက်ခိုက်နေသည့် စစ်သွေးကြွ ပုလဲနဂါးအဖွဲ့သည် အထိအခိုက်အကျအဆုံးများစွာဖြင့် ပြန်ဆုတ်သွားသည်။

ယင်းနောက် နံနက် (၁၀)နာရီခန့်တွင် တပ်မတော်မှ စစ်ကူစစ်ကြောင်းများ ရောက်ရှိလာပြီး ပုလဲမြို့ကို နယ်မြေရှင်းလင်းနေခြင်းကြောင့် စစ်သွေးကြွ ပုလဲနဂါးနှင့်အဖွဲ့သည် ပုလဲဆေးရုံအနီး ရွှေဥဒေါင်းရပ်ကွက်တွင် သေဆုံးသွားသည့် စစ်သွေးကြွ အလောင်းများကိုတင်ကာ နေအိမ်များကို မီးရှို့ခဲ့ကြောင်း သိရသည်။

လက်ရှိတွင် တပ်မတော်မှ နယ်မြေရှင်းလင်းနေခြင်းကြောင့် စစ်သွေးကြွ ပုလဲနဂါးအဖွဲ့သည် ပုလဲမြို့မှ ပြန်ဆုတ်ကာ အနောက်ဘက်ရှိ မြကုန်းကျေးရွာတွင် စုဝေးနေကြကြောင်း သိရသည်။

#Newvisionmedia

မလှိုင်နှင့် ကျောက်ပန်းတောင်းတို့တွင် PDF သတ်ဖြတ်မှုကြောင့် အုပ်ချုပ်ရေးမှူးအပါအဝင် အမျိုးသား ၃ ဦး သေဆုံး
………………………………………………

နေပြည်တော်၊ နိုဝင်ဘာ ၁၄

မန္တလေးတိုင်းဒေသကြီး၊ မလှိုင်မြို့နယ်နှင့် ကျောက်ပန်းတောင်းမြို့နယ်တို့တွင် PDF အကြမ်းဖက်သမားများ သတ်ဖြတ်မှုကြောင့် အုပ်ချုပ်ရေးမှူးအပါအဝင် အမျိုးသား ၃ ဦး သေဆုံးခဲ့ကြောင်း သိရသည်။

နိုဝင်ဘာလ ၁၁ ရက်နေ့ နံနက် ၉ နာရီ ၄၀ မိနစ်တွင် မလှိုင်မြို့နယ်၊ ဆပ်ခင်းကြီးကျေးရွာနေ ကျေးရွာ အုပ်ချုပ်ရေးမှူးဖြစ်သူ ဦးတင်ထွန်းမိုး (၅၄) နှစ်နှင့် တစ်ရွာတည်းနေ ဦးထွန်းမြင့်ရွှေ (၅၂)နှစ်တို့သည် ၎င်းတို့၏နေအိမ်အသီးသီး၌ ရှိနေစဉ် PDF အမည်ခံ အကြမ်းဖက်သမား ၁၀ ဦးခန့်က ဆိုင်ကယ်ငါးစီးဖြင့် ရောက်ရှိလာပြီး ဓား၊ သေနတ်များ ဖြင့် ထိုးခုတ်ပစ်ခတ်၍ ဦးတင်ထွန်းမိုး၏နေအိမ်မှ လက်ကိုင်ဖုန်းသုံးလုံးနှင့် ဦးထွန်းမြင့်ရွှေ၏ နေအိမ်မှ MDY 2J/5369 Mitsubishi FUSO Canter Truck အမျိုးအစားမော်တော်ယာဉ် တစ်စီး၊ Click 125 အမျိုးအစား ဆိုင်ကယ်တစ်စီး၊ Click 160 အမျိုးအစားဆိုင်ကယ်တစ်စီး၊ လက်ကိုင်ဖုန်း လေးလုံးတို့အား လုယက်ယူဆောင်သွားခဲ့သဖြင့် ဦးတင်ထွန်းမိုးနှင့် ဦးထွန်းမြင့်ရွှေ တို့တွင် ဓားဒဏ်ရာ၊ ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။

အလားတူ နိုဝင်ဘာလ ၁၂ ရက်နေ့ နံနက် ၇ နာရီတွင် ကျောက်ပန်းတောင်းမြို့နယ်၊ ကုန်းပေါ်နက်ကျေးရွာနေ ဦးအောင်စိုး(၅၇)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမား ငါးဦး(စိစစ်ဆဲ)က ဆိုင်ကယ်နှစ်စီးဖြင့် ရောက်ရှိလာပြီး သတင်းပေး၊ ဒလန်ဟု စွပ်စွဲ၍ ဓားဖြင့် ထိုးခုတ်သတ်ဖြတ်သွားခဲ့သဖြင့် ဦးအောင်စိုးတွင် ဓားဒဏ်ရာများရရှိကာ သေဆုံးသွားခဲ့ကြောင်း သိရသည်။

#Newvisionmedia

ရွှေဘိုမြို့နှင့် တစ်မိုင်ကျော်သာကွာဝေးသည့် ချီပါကျေးရွာတွင် ရိက္ခာသွားပို့သည့် ပြည်သူ့စစ်အဖွဲ့ဝင်များကို စစ်သွေးကြွတွေ ဝန်းရံပိတ်ဆို့ တိုက်ခိုက်နေ
…………………………………………

နေပြည်တော်၊ နိုဝင်ဘာ ၆

စစ်ကိုင်းတိုင်းဒေသကြီး၊ ရွှေဘိုမြို့နယ် အနောက်ခြမ်းရှိ ပလိုင်းကျေးရွာကို ရိက္ခာသွားပို့သည့် လုံခြုံရေး တပ်ဖွဲ့ဝင်များနှင့် တည်သီးတောကျေးရွာ ပြည်သူ့စစ် အဖွဲ့ဝင်များကို စစ်သွေးကြွ PDF အဖွဲ့ဝင်များမှ ဝန်းရံပိတ်ဆို့ တိုက်ခိုက်နေကြောင်း သိရသည်။

စစ်သွေးကြွများအနေဖြင့် တည်သီးတောပြည်သူ့စစ်အဖွဲ့ဝင်များကို ရွှေဘိုမြို့နှင့် တစ်မိုင်ကျော်သာ ဝေးကွာသည့် ချီပါကျေးရွာတွင် ပိတ်ဆို့ကာ တိုက်ခိုက်နေခြင်းဖြစ်ပြီး ဒရုန်းများဖြင့် ပစ်ခတ်တိုက်ခိုက် နေခြင်းဖြစ်ကြောင်း သိရသည်။

ချီပါကျေးရွာသို့ ရောက်ရှိနေသည့် ပြည်သူ့စစ်အဖွဲ့ဝင်များကို ရွှေဘိုမြို့နယ်ရှိ ငါးဆူကုန်း၊ လုံးတော်၊ မဲတောရွာ စသည့်ကျေးရွာများမှ စစ်သွေးကြွ PDF အဖွဲ့ဝင်များက ပူးပေါင်းကာ ပိတ်ဆို့ တိုက်ခိုက်နေခြင်း ဖြစ်သည်။

#Newvisionmedia

Facebook အသုံးပြုသူတွေရဲ့ သတင်းအချက်အလက်တွေကို စုဆောင်းခဲ့တဲ့အတွက် တောင်ကိုရီးယားအစိုးရ က Meta ကုမ္ပဏီကို ဒဏ်ငွေ ဒေါ်လာ ၁၅ သန်း ချမှတ်
……………………………………………

နိုင်ငံတကာ၊ နိုဝင်ဘာ ၆

Facebook သုံးစွဲသူတွေရဲ့ လျှို့ဝှက်သတင်းအချက်အလက်တွေကို စုဆောင်းပြီး ဥပဒေနဲ့မညီဘဲ ကြော်ငြာ လုပ်ငန်းရှင်တွေကို ပေးအပ်ခဲ့တဲ့အတွက် facebook ကုမ္ပဏီဖြစ်တဲ့ Meta Platforms ကို တောင်ကိုရီးယား နိုင်ငံက ဒဏ်ငွေ ဝန် ၂၁.၆၂ ဘီလျံ (ဒေါ်လာ ၁၅.၆၇ သန်း) ပေးဆောင်ဖို့ အမိန့်ချမှတ်လိုက်ကြောင်း ဆိုးလ် မြို့ သတင်းအချက်အလက်ကာကွယ်ရေးအေဂျင်စီက ပြောပါတယ်။

အမေရိကန်နည်းပညာကုမ္ပဏီဟာ တောင်ကိုရီးယားနိုင်ငံက Facebook အသုံးပြုသူ ၉၈၀,၀၀၀ ဝန်းကျင်ဆီက ဘာသာရေး၊ နိုင်ငံရေးအမြင်နဲ့ လိင်ပိုင်းဆိုင်ရာခံစားချက်အမြင်တွေကို သက်ဆိုင်ရာအသုံးပြုသူတွေရဲ့ ခွင့်ပြု ချက်မတောင်းခံဘဲ ရယူစုဆောင်းခဲ့ကြောင်း ကိုယ်ရေးကိုယ်တာသတင်းအချက်အလက်ကာကွယ်ရေး ကော်မ ရှင်က အင်္ဂါနေ့ (နိုဝင်ဘာ ၅ ရက်) က ထုတ်ပြန်ကြေညာခဲ့ပါတယ်။

အဲဒီစုဆောင်းရရှိထားတဲ့ သတင်းအချက်အလက်တွေကို ကြော်ငြာကုမ္ပဏီ ၄၀၀၀ က အသုံးပြုခဲ့တယ်လို့ အေ ဂျင်စီက ပြောပါတယ်။

ဒီကိစ္စနဲ့ပတ်သက်ပြီး Meta ကိုရီးယားအရာရှိတစ်ဦးကို မေးမြန်းရာမှာ ပြန်လည်ဖြေကြားဖို့ ငြင်းဆိုခဲ့ပါတယ်။

“အထူးသဖြင့် Meta ကုမ္ပဏီဟာ Facebook သုံးစွဲသူတွေ like လုပ်ထားတဲ့ ပေ့ဂျ်တွေနဲ့ သူတို့ click လုပ်ထား တဲ့ကြော်ငြာတွေလို အမူအကျင့်သတင်းအချက်အလက်တွေကို ခွဲခြမ်းစိတ်ဖြာပြီး အကဲဆတ်တဲ့သတင်းအချက် အလက်တွေနဲ့ ဆက်နွယ်တဲ့ ကြော်ငြာ message တွေ ဖန်တီးထုတ်လုပ်ခဲ့ကြောင်း တွေ့ရှိရပါတယ်။” လို့ ကော် မရှင်က ပြောပါတယ်။

အဲဒီလိုဆောင်ရွက်ရာမှာ Facebook အသုံးပြုသူတွေကို ဘာသာရေးဖော်ပြခြင်း ဒါမှမဟုတ် လိင်ပြောင်းထား သူများနဲ့ မိန်းမလျာများအဖြစ်လည်းကောင်း မြောက်ကိုရီးယားဘက်ပြောင်းခိုလှုံသူများအဖြစ်လည်းကောင်း အမျိုးအစား ခွဲခြားဖော်ပြထားတာတွေ ပါဝင်တယ်လို့ အေဂျင်စီက ပြောပါတယ်။

ဒါ့အပြင် Meta ကုမ္ပဏီဟာ ကိုယ်ရေးအချက်အလက်တွေကို ရယူသုံးစွဲဖို့ Facebook သုံးစွဲသူတွေရဲ့ မေတ္တာ ရပ်ခံချက်ကိုလည်း တရားမဲ့ ငြင်းပယ်ခဲ့သလို ဟက်ကာတွေ ချိုးဖောက်ဝင်ရောက်တာခံခဲ့ရတဲ့ တောင်ကိုရီးယား လူမျိုး ၁၀ ဦးရဲ့ သတင်းအချက်အလက်တွေကို ကာကွယ်ဖို့အတွက်လည်း ပျက်ကွက်ခဲ့တယ်လို့ အေဂျင်စီက ပြောပါတယ်။

Ref: South Korea fines Meta about $15 million over collection of user data

#Newvisionmedia

ဟုမ္မလင်းမြို့၏ အရှေ့ဘက်တွင် အင်အားရစ်(ခ်)တာစကေး (၃.၄) အဆင့်ရှိ မြေငလျင်လှုပ်ခတ်
……………………………………………

နေပြည်တော်၊ နိုဝင်ဘာ ၆

ဟုမ္မလင်းမြို့၏ အရှေ့ဘက်တွင် အင်အားရစ်(ခ်)တာစကေး (၃.၄) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်သွားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရသည်။

၂၀၂၄ ခုနှစ်၊ နိုဝင်ဘာလ (၆) ရက်နေ့၊ မြန်မာစံတော်ချိန် (၁၂) နာရီ၊ (၅၉) မိနစ်၊ (၃၃) စက္ကန့်အချိန်တွင် တမူးမြေငလျင်စခန်းမှ အရှေ့မြောက်ဘက် (၉၆) မိုင်ခန့်ကွာဝေးသော မြန်မာနိုင်ငံ ပြည်တွင်း (ဟုမ္မလင်းမြို့၏ အရှေ့ဘက် (၄၆) မိုင်ခန့်အကွာ)၊ မြောက်လတ္တီတွဒ် (၂၄.၈၉) ဒီဂရီ၊ အရှေ့လောင်ဂျီတွဒ် (၉၅.၆၂) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၃.၄) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ခတ်သွားကြောင်း တိုင်းထွာရရှိကြောင်း သိရသည်။

#Newvisionmedia

အိန္ဒိယက ပြည်ပပို့ကုန်ကန့်သတ်ချက်တွေ ရုပ်သိမ်းလိုက်တဲ့အတွက် ထိုင်းဆန်ကုန်သည်တွေ ဈေးကွက်ပြိုင်ဆိုင်မှုနဲ့ ရင်ဆိုင်နေရ
………………………………………

နိုင်ငံတကာ၊ နိုဝင်ဘာ ၆

ပြည်ပပို့ကုန်ကန့်သတ်တားဆီးမှုတွေကို အိန္ဒိယနိုင်ငံက ပြန်လည်ရုပ်သိမ်းဖို့ ဆုံးဖြတ်ချက်ချလိုက်တဲ့အတွက် ကမ္ဘာ့ဆန်ဈေးကျဆင်းဖို့ ခြိမ်းခြောက်နေတာကြောင့် ပြည်ပကိုဆန်တင်ပို့နေတဲ့ ထိုင်းဆန်ကုန်သည်တွေဟာ ပြိုင်ဆိုင်မှုမြင့်တက်မှုနဲ့ ရင်ဆိုင်နေရကြောင်း ထိုင်းနိုင်ငံ ဆန်တင်ပို့သူများအသင်းက သတိပေးလိုက်ပါတယ်။

မကြာခင်ရင်ဆိုင်ရမယ့် စိန်ခေါ်မှုတွေ ရှိနေပေမဲ့လည်း အောက်တိုဘာလမှာ ဆန်တန်ချိန် ၇၀၀၀၀၀ ထက်မ နည်းတင်ပို့သွားနိုင်မယ်လို့ ခန့်မှန်းထားကြောင်း ထိုင်းနိုင်ငံဆန်တင်ပို့သူများအသင်းဥက္ကဋ္ဌ ဒုတိယဗိုလ်မှူးကြီး ချာရွန်လာအိုသမာတက်စ်က ပြောပါတယ်။

ဖိလစ်ပိုင်နဲ့ ဂျပန်အပါအဝင် အဓိကအာရှဈေးကွက်တွေနဲ့ စာချုပ်ချုပ်ဆိုထားတဲ့အပြင် ခရစ္စမတ်နဲ့ နှစ်သစ်ကူး ကာလတွေမှာ ဆန်သိုလှောင်ထားဖို့အတွက် အာဖရိကဆန်တင်သွင်းတဲ့နိုင်ငံတွေက ဝယ်လိုအား မြင့်တက် လာတာကြောင့် အခုလို မှန်းဆထားတာဖြစ်တယ်လို့ဆိုပါတယ်။

အမေရိကန်ပြည်ထောင်စု၊ ကနေဒါ၊ ဟောင်ကောင်နဲ့ စင်္ကာပူတို့လို ပုံမှန်ဈေးကွက်တွေကတော့ စံပယ်ဆန် ခေါ် ထိုင်းဆန်မွှေးကို ဆက်လက်မှာယူနေဆဲဖြစ်ကြောင်း ဆန်တင်ပို့သူများအသင်းက ပြောပါတယ်။

ဒါပေမဲ့ အိန္ဒိယနိုင်ငံက ပြည်ပပို့ကုန်အခွန်ကောက်ခံမှုကိုရော ပြည်ပဆန်တင်ပို့မှု အနိမ့်ဆုံးလိုအပ်ချက်တွေကို ရော ရုပ်သိမ်းလိုက်ပြီးနောက် အိန္ဒိယဆန်တင်ပို့သူတွေဟာ ကန့်သတ်တားဆီးမှုမရှိဘဲ ဆန်တင်ပို့လာနိုင်တဲ့အ တွက် ဈေးကွက်အခြေအနေ သိသိသာသာ ပြောင်းလဲလာမှာဖြစ်တယ်လို့ ဆိုပါတယ်။

၂၀၂၄ ခုနှစ် ပထမ ၉ လအတွင်း ထိုင်းနိုင်ငံဟာ ဆန်တန်ချိန် ၇.၄၅ သန်း တင်ပို့နိုင်ခဲ့တဲ့အတွက် ပြီးခဲ့တဲ့နှစ် ထက် ၂၂% မြင့်တက်လာခဲ့သလို ၂၀၂၃ ခုနှစ် ကာလတူအချိန်နဲ့နှိုင်းယှဉ်ရင် ပြည်ပပို့ကုန်တန်ဖိုးကလည်း ၄၅.၈% မြင့်တက်လာခဲ့ကြောင်း အကောက်ခွန်ဦးစီးဌာနထုတ်ပြန်ချက်မှာ ဖော်ပြထားပါတယ်။

၂၀၂၄ ခုနှစ် စက်တင်ဘာလ ဆန်တင်ပို့မှုဟာ ၈၇၈၇၁၁ တန်ရှိတဲ့အတွက် သြဂုတ်လထက် ဝ.၈% ကျဆင်း သွားခဲ့ပါတယ်။ ပေါင်းဆန်နဲ့ ဆန်ကြမ်း ပြည်ပတင်ပို့မှု ကျဆင်းခဲ့ပေမဲ့လည်း ဆန်ဖြူနဲ့ စံပယ်ဆန်တို့ကတော့ ရောင်းအား ကောင်းနေဆဲဖြစ်ပါတယ်။

အီရတ်၊ ဖိလစ်ပိုင်၊ တိုဂို၊ ကမ်မရွန်း၊ ကန်ညာ၊ မိုဇမ်ဘစ်၊ ဘီနင်းနဲ့ ဂျပန်အပါအဝင် အဓိက ဆန်ဝယ်ယူတဲ့နိုင်ငံ တွေကို ဆန်ဖြူ ၅၀၇,၇၉၅ တန် ပို့ဆောင်ခဲ့ပါတယ်။

အိန္ဒိယဆန်တွေ ဈေးကွက်ထဲပြန်ဝင်လာရင် ထိုင်းဆန်ဈေးတွေ လျှော့ချရမယ့် အခြေအနေနဲ့ ရင်ဆိုင်ရမှာဖြစ် ကြောင်း လယ်ယာစီးပွားရုံး (OAE) က ပြောပါတယ်။

အောက်တိုဘာလ ၃၀ ရက်နေ့အထိ ထိုင်း ၅% ဆန်ဖြူဈေးဟာ တစ်တန်ကို ၅၀၇ ဒေါ်လာပေါက်ဈေးရှိပြီး ဗီယက်နမ်ဆန်ကတော့ တစ်တန်ကို ၅၂၄ ဒေါ်လာကနေ ၅၂၈ ဒေါ်လာအထိ ရှိပါတယ်။

အိန္ဒိယဆန်ကတော့ တစ်တန်ကို ၄၄၄ ဒေါ်လာကနေ ၄၄၈ ဒေါ်လာရှိပြီး ပါကစ္စတန်ဆန်က တစ်တန်ကိုယ ၄၆၁ ဒေါ်လာကနေ ၄၆၅ ဒေါ်လာအထိ ရှိပါတယ်။

၂၀၂၄-၂၅ ကမ္ဘာ့ဆန်ထုတ်လုပ်မှုဟာ တန်ချိန် ၅၃၀.၄ သန်း ရှိတဲ့အတွက် ၂၀၂၃-၂၄ ခုနှစ်ထုတ်လုပ်မှုထက် ၁.၇၁% မြင့်မားကြောင်း အမေရိကန် လယ်ယာစိုက်ပျိုုးရေးဝန်ကြီးဌာနက ထုတ်ပြန်ခဲ့တဲ့အတွက် ကမ္ဘာ့ဆန် ကုန်သွယ်မှုအခြေအနေဟာ အကောင်းဘက်မှာ ရှိနေဆဲဖြစ်တယ်လို့ ပြောနိုင်ပါတယ်။

ထိုင်း၊ ဗီယက်နမ်၊ ပါကစ္စတန်၊ မြန်မာ၊ သြစတေးလျနဲ့ တူရကီတို့အပါအဝင် အဓိကဆန်တင်ပို့နေတဲ့နိုင်ငံတွေ အနေနဲ့ ပြည်ပပို့ကုန်တန်ဖိုး လျော့ကျမယ်လို့ ခန့်မှန်းထားသလို သွင်းကုန်ဝယ်လိုအားကလည်း ဈေးကွက်အ များအပြားမှာ မြင့်တက်လာနိုင်တယ်လို့ ခန့်မှန်းထားပါတယ်။

အဲဒီ ဝယ်လက်နိုင်ငံတွေကတော့ ဖိလစ်ပိုင်၊ ဗီယက်နမ်၊ တရုတ်၊ ဆော်ဒီအာရေးဘီးယား၊ အိုင်ဗရီကို့စ်၊ အီရန်၊ ယူအေအီးနဲ့ အာဖရိကနိုင်ငံ လေးငါးနိုင်ငံတို့ပဲဖြစ်ပါတယ်။

Ref: Thai rice exports face pressure as India lifts export ban

#Newvisionmedia

ဒီမိုကရေစီအရေး၊ လူမျိုးစုအရေးများကို ရုပ်ပြအဖြစ်အသုံးပြုပြီး စစ်ဘုရင်ဝါဒကို ပြန်လည်အသက်သွင်း နေကြောင်း နစကဥက္ကဋ္ဌပြောဆို
………………………………………………

နေပြည်တော်၊ နိုဝင်ဘာ ၆

ဒီမိုကရေစီအရေး၊ လူမျိုးစုအရေး စသည့် အရေးများကို ရုပ်ပြအဖြစ် အသုံးပြုပြီး စစ်ဘုရင်ဝါဒကို ပြန်လည် အသက်သွင်းနေသည်ကို တွေ့မြင်ရကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောဆိုသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌသည် ယမန်နေ့ နေ့လယ်ပိုင်းတွင် တရုတ်ပြည်သူ့သမ္မတနိုင်ငံ၊ ကူမင်းမြို့၊ HUALUXE Kunming Hotel၌ တရုတ်-မြန်မာ ရင်းနှီးမြှုပ်နှံမှုနှင့် စီးပွားရေးလုပ်ငန်းရှင်များ တွေ့ဆုံခဲ့စဉ် ပြောဆိုလိုက်ခြင်းဖြစ်သည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက လက်နက်ကိုင်အကြမ်းဖက် သောင်းကျန်းသူများအနေဖြင့် နိုင်ငံတော်အစိုးရ၏ ငြိမ်းချမ်းရေးကမ်းလှမ်းချက်များနှင့် နိုင်ငံရေးအရ တွေ့ဆုံဆွေးနွေးရန် ဖိတ်ခေါ်မှုများကို မျက်ကွယ်ပြုပြီး နယ်စပ်ဒေသ တည်ငြိမ်အေးချမ်းမှုပျက်ပြားအောင် ရည်ရွယ်ချက်ရှိရှိ လုပ်ဆောင်ခဲ့ကြောင်း၊ တရုတ်နိုင်ငံက မြန်မာနိုင်ငံအပေါ် အထင်အမြင်လွဲမှားအောင် နည်းမျိုးစုံဖြင့် ပြုလုပ်ပြီး နိုင်ငံရေးအရ၊ စစ်ရေးအရ အမြတ်ထွက်အောင် ဆောင်ရွက်ခဲ့ကြောင်း၊ နယ်စပ်ဒေသများတွင် တရားမဝင်ကုန်သွယ်မှု လုပ်ငန်းများကို အားပေးဆောင်ရွက်နေ ခြင်းသည် နှစ်နိုင်ငံအစိုးရများနှင့် နှစ်နိုင်ငံပြည်သူများအတွက် အကျိုးဖြစ်ထွန်းမှုမရှိဘဲ ဒေသတည်ငြိမ်ရေးအတွက် အန္တရာယ်များကြောင်း ပြောသည်။

“အခုချိန်မှာလည်း ဒီမိုကရေစီအရေး၊ လူမျိုးစုအရေး စတဲ့ အရေးတွေကို ရုပ်ပြအဖြစ် အသုံးပြုပြီးတော့ စစ်ဘုရင်ဝါဒကို ပြန်လည်အသက်သွင်းနေတာကို တွေ့မြင်ရပါတယ်။ ကျားသေကို အသက်ပြန် မသွင်းမိကြစေဖို့ ပြောလိုပါတယ်။”ဟု ဗိုလ်ချုပ်မှူးကြီး မင်းအောင်လှိုင်က ပြောသည်။

လက်နက်ကိုင်သောင်းကျန်းမှု၊ တရားမဝင်လုပ်ငန်းများလုပ်ဆောင်မှုများသည် ကူးစက်တတ်သည့် သဘောရှိကြောင်း၊ ယင်းသောင်းကျန်းသူများသည် ယခင်အတိတ်ကာလကလည်း နယ်စပ်ဒေသများတွင် မူးယစ်ဆေးဝါးလုပ်ငန်းများ၊ မှောင်ခိုလုပ်ငန်းများနှင့် တရားမဝင်လုပ်ငန်းများလုပ်ဆောင်ပြီး စစ်ဘုရင်ဝါဒကို အသက်သွင်းခဲ့သည့်သူများ ဖြစ်ကြောင်း၊ မိမိတို့ နှစ်နိုင်ငံအနေဖြင့် နယ်စပ်ဒေသကုန်သွယ်ရေးသည် နှစ်နိုင်ငံ ပြည်သူများ၏ လူမှုစီးပွားဘဝတိုးတက်ရေးကို တိုက်ရိုက်အထောက်အကူပြုသောကြောင့် နယ်စပ်ဒေသ တည်ငြိမ်ပြီး ကုန်သွယ်ရေးလုပ်ငန်းများ ပြန်လည်စတင်နိုင်အောင် တတ်နိုင်သရွေ့ ဝိုင်းဝန်းပူးပေါင်းဆောင် ရွက်ပေးကြရန် ပြောကြားလိုကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောကြားသည်။

#Newvisionmedia

အမေရိကန်ရေတပ်ကန်ထရိုက်တာ “ဖက်လီယိုနဒ်” ထောင်ဒဏ် ၁၅ နှစ် ချမှတ်ခံရ
……………………………………………

နိုင်ငံတကာ၊ နိုဝင်ဘာ ၆

အမေရိကန်ရေတပ်ရဲ့ အဆိုးရွားဆုံး အကျင့်ခြစားမှုမှာပါဝင်ခဲ့တဲ့အတွက် “ဖက်လီယိုနဒ်” လို့ လူသိများတဲ့ မလေးရှားလူမျိုး စစ်ဘက်ဆိုင်ရာကန်ထရိုက်တာ လီယိုနဒ်ဖရန်စစ်ကို အင်္ဂါနေ့ (နိုဝင်ဘာ ၅ ရက်နေ့) က ထောင်ဒဏ် ၁၅ နှစ် ချမှတ်လိုက်ပါတယ်။

အသက် ၆၀ အရွယ် ဖရန်စစ်ကို အမေရိကန်ရေတပ်ကို ဒေါ်လာ သန်း ၂၀ လျော်ကြေးပေးဖို့ ဆန်ဒီယာဂိုမြို့က တရားသူကြီးတစ်ဦးက အမိန့်ချမှတ်ခဲ့သလို မရိုးမဖြောင့်ရရှိခဲ့တဲ့ ဒေါ်လာ ၃၅ သန်းကို ပြန်လည်အပ်နှံဖို့ တောင် ပိုင်းကယ်လီဖိုးနီးယားပြည်နယ် အမေရိကန်ရှေ့နေရုံးက ထုတ်ပြန်ချက်မှာ ဖော်ပြခဲ့ပါတယ်။

စင်္ကာပူအခြေစိုက် Glenn Defense Marine Asia ခေါ် စစ်ဘက်ဆိုင်ရာကန်ထရိုက် ကုမ္ပဏီတစ်ခုကို ဦးစီး ဆောင်ရွက်နေတဲ့ ဖရန်စစ်ကို ၂၀၁၃ ခုနှစ်မှာ ဖမ်းဆီးခဲ့တာဖြစ်ပါတယ်။

အာရှ-ပစိဖိတ်ဆပ်ကမ်းတွေမှာရှိတဲ့ ၎င်းပိုင်ဆိုင်တဲ့ သင်္ဘောကျင်းတွေမှာ လုပ်ငန်းဆောင်ရွက်ဖို့အတွက် ရေ တပ်အရာရှိတွေကို လာဘ်ထိုးခဲ့ပြီးနောက် လုပ်ငန်းဆောင်ရွက်မှုအတွက် အမေရိကန်ရေတပ်ဆီက ဒေါ်လာ ၃၅ သန်း မတန်တဆဈေးတင်ရယူခဲ့ကြောင်း ၂၀၁၅ ခုနှစ်မှာ ဖရန်စစ်က ဝန်ခံခဲ့ပါတယ်။

ဖရန်စစ်ဟာ ရေတပ်အရာရှိတွေကို ငွေသား ဒေါ်လာ ၅၀၀၀၀၀ ကျော် လာဘ်ထိုးခဲ့သလို တန်ဖိုးကြီးဟန်းဘက် အိတ်တွေ၊ လက်ပတ်နာရီတွေလို ပစ္စည်းတွေ လက်ဆောင်ပေးခြင်းအပါအဝင် ပြည့်တန်ဆာတွေနဲ့ ဧည့်ခံခြင်း၊ ပထမတန်းစားခရီးစဉ်တွေ စီစဉ်ပေးခြင်း၊ ဇိမ်ခံဟိုတယ်ကြီးတွေ စီစဉ်ပေးခြင်းနဲ့ တန်ဖိုးကြီးအစား အ သောက် တွေ ကျွေးမွေးဧည့်ခံခြင်းတို့ ဆောင်ရွက်ခဲ့ကြောင်း တရားရုံးမှတ်တမ်းတွေမှာ ဖော်ပြထားပါတယ်။

ဖရန်စစ်ကို ၂၀၂၂ ခုနှစ် စက်တင်ဘာလမှာ အမိန့်ချမှတ်ဖို့ စီစဉ်ထားပြီးဖြစ်ပေမဲ့လည်း ၎င်းဟာ နေအိမ်အကျယ် ချုပ်ကျခံနေရစဉ်အတွင်း GPS တပ်ဆင်ထားတဲ့ ခြေကျင်းကို ဖြတ်တောက်ပြီး ဗန်နီဇွဲလားနိုင်ငံကို ထွက်ပြေး သွားခဲ့ပါတယ်။

ဒါပေမဲ့ နှစ်နိုင်ငံ အကျဉ်းသားလဲလှယ်ရေးအစီအစဉ်အရ ၂၀၂၃ ခုနှစ် ဒီဇင်ဘာလမှာ ဖရန်စစ်ကို ဗင်နီဇွဲလား နိုင်ငံကနေ အမေရိကန်ပြည်ထောင်စုကို ပြန်လည်ပို့ဆောင်ခဲ့ပါတယ်။

ပြစ်ဒဏ်သက်သာစေဖို့အတွက် အပြစ်ရှိကြောင်းထွက်ဆိုရန် ညှိနှို်င်းချက် (plea agreement) အစိတ်အပိုင်း တစ်ခုအနေနဲ့ ဖရန်စစ်ဟာ ပြစ်မှုကျူးလွန်ခဲ့တဲ့ အမေရိကန်ရေတပ်က အဆင့်မြင့်အရာရှိကြီးတွေနဲ့ ပတ်သက် တဲ့ သတင်းအချက်အလက် အသေးစိတ်ကို အစိုးရစုံစမ်းစစ်ဆေးရေးမှူးတွေကို ပြောပြခဲ့ပါတယ်။

Ref: US Navy Contractor ‘Fat Leonard’ Sentenced to 15 Years in Prison

#Newvisionmedia

ကနီမြို့နယ် NUG ပညာရေးတာဝန်ခံနဲ့ ၎င်း၏ မိသားစုဝင်များကို စစ်သွေးကြွ PDF မှ အချင်းချင်း နှုတ်ပိတ် သတ်ဖြတ်
………………………………………

နေပြည်တော်၊ နိုဝင်ဘာ ၆

စစ်ကိုင်းတိုင်းဒေသကြီး၊ ကနီမြို့နယ်၊ တပုန်းကျေးရွာတွင် ကနီမြို့နယ် NUG ပညာရေးတာဝန်ခံနှင့် ၎င်း၏ မိသားစုဝင်များကို စစ်သွေးကြွ PDF အဖွဲ့ဝင်များမှ အချင်းချင်း နှုတ်ပိတ်သတ်ဖြတ်လိုက်သည်။

နိုဝင်ဘာလ (၄)ရက် ကနီမြို့နယ် NUG ပညာရေးတာဝန်ခံတစ်ဦးဖြစ်သည့် ဦးဝင်းဌေးသည် တပုန်းကျေးရွာတွင် ဇနီးဖြစ်သူ ဒေါ်ခြိမ့်ခြိမ့်သဲဝေ၊ အသက် (၄)လ အရွယ်ရှိ သမီးဖြစ်သူ မရွှေဝတ်ရည်လွှာတို့နှင့်အတူ နေထိုင်စဉ် စစ်သွေးကြွ PDF အဖွဲ့ဝင်များ ရောက်ရှိလာကာ ဓားဖြင့် ထိုးခုတ်သတ်ဖြတ်သွားခြင်းဖြစ်သည်။

စစ်သွေးကြွ PDF အဖွဲ့ဝင်များအနေဖြင့် ကနီမြို့နယ် NUG ပညာရေးတာဝန်ခံဖြစ်သူ အသက် (၄၀)အရွယ် ဦးဝင်းဌေးနှင့် ၎င်း၏ ဇနီးကို နေအိမ်ရှိ ကုတင်ပေါ်တွင် ဓားဖြင့် ထိုးခုတ်ကာ သတ်ဖြတ်ခဲ့ပြီး ၎င်းတို့၏ သမီးဖြစ်သူ အသက် (၄)လအရွယ် မရွှေဝတ်ရည်လွှာ၏ လည်ပင်းကို ဓားဖြင့်လှီးကာ သတ်ဖြတ်သွားကြောင်း သိရသည်။

#Newvisionmedia

ဟိုပန်မြို့တွင် လူသတ်မှုကျူးလွန်သူအား လူမြင်ကွင်း၌ UWSA မှ သေဒဏ်ပေး
…………………………………………………

နေပြည်တော်၊ အောက်တိုဘာ ၃၀

UWSA ထိန်းချုပ်ရာ ဟိုပန်မြို့တွင် လူသတ်မှု ကျူးလွန်သူအား လူမြင်ကွင်း၌ သေဒဏ်ပေးပြီး မုဒိမ်းမှု ကျူးလွန်သူ ၆ ဦးကို တစ်သက်တစ်ကျွန်းနဲ့ ထောင်ဒဏ် ၁၅ နှစ်စီချမှတ်လိုက်ကြောင်း "ဝ" အခြေစိုက် မီဒီယာ၌ ဖော်ပြထားသည်။

UWSA အဖွဲ့၏ တရားစီရင်ရေး အခမ်းအနားကို ယနေ့ နံနက်ပိုင်းက ဟိုပန်မြို့ ယဉ်ကျေးမှုကွင်းတွင် ပထမဆုံးအကြိမ် ကျင်းပခဲ့သည်။

လူသတ်မှုကျူးလွန်သည့် အသက် ၂၀ ဝန်းကျင် အရွယ်ရှိ စိုင်းကျော်ထွန်းကို သေဒဏ်ချမှတ်ခဲ့ခြင်းဖြစ်ပြီး၊ မုဒိမ်းမှုကျူးလွန်သူများထဲမှ ဦးဆောင်သူအား ထောင်ဒဏ် တစ်သက်တစ်ကျွန်းနှင့် ကျန်ပါဝင်သူ ၅ ဦးကို ထောင်ဒဏ် ၁၅ နှစ်စီချမှတ်ခဲ့ခြင်းဖြစ်ကြောင်း သိရသည်။

ပြီးခဲ့တဲ့ သြဂုတ်လ ၃ ရက်တွင် ဟိုပန်မြို့တွင်း ကုန်စုံဆိုင်တစ်ခု၌ ဖြစ်ခဲ့သည့် ဓားပြတိုက်မှုတွင် ၈ နှစ်အရွယ် ကလေးသေဆုံးခဲ့ပြီး နှစ်လအကြာတွင် ကျူးလွန်သူကို သေဒဏ်ချမှတ်ခဲ့ခြင်းဖြစ်သည်။

Photo – Credit

#Newvisionmedia

ဥရောပဒရုန်းစီမံချက်လေ့လာသူနိုင်ငံအဖြစ် အိန္ဒိယလျှောက်ထားမှု ဂျာမနီလက်ခံ
……………………………………………….

နိုင်ငံတကာ၊ အောက်တိုဘာ ၃၀

ဥရောပဒရုန်းစီမံချက် (Eurodrone program) ကို လေ့လာသူအဖြစ် တက်ရောက်လေ့လာခွင့်ပြုဖို့ အိန္ဒိယနိုင်ငံ ရဲ့ လျှောက်ထားချက်ကို ဂျာမနီနိုင်ငံက လက်ခံလိုက်ပါတယ်။

အခုလို လက်ခံလိုက်တဲ့အတွက် အိန္ဒိယနိုင်ငံဟာ ဂျာမနီ၊ ပြင်သစ်၊ အီတလီနဲ့ စပိန် လေးနိုင်ငံ ပူးပေါင်းဆောင် ရွက်နေတဲ့ ဒရုန်းစီမံချက်ကို အနီးကပ်လေ့လာခွင့်ရရှိသွားမှာဖြစ်ပါတယ်။

အခုလို လေ့လာခွင့်ရတဲ့အတွက် အိန္ဒိနိုင်ငံအနေနဲ့ အနာဂတ်ကာလမှာ အဲဒီဒရုန်းတွေဝယ်ယူရာမှာ သတင်းအ ချက်အလက်တွေ ပိုမိုသိရှိခွင့်ရသွားသလို အိန္ဒိယနိုင်ငံရဲ့ ပြည်တွင်းဒရုန်းထုတ်လုပ်မှု စီမံချက်တွေအတွက် လည်း ရရှိထားတဲ့သင်ခန်းစာတွေကို ပေါင်းစပ်ထည့်သွင်း အသုံးပြုသွားနိုင်မှာဖြစ်ပါတယ်။

လေ့လာခွင့်ရနိုင်ငံအနေနဲ့ အိန္ဒိယနိုင်ငံဟာ ဒရုန်းရဲ့ နည်းပညာပိုင်းဆိုင်ရာ အချက်အလက်တွေနဲ့ စွမ်းဆောင် ရည်ပိုင်းဆိုင်ရာအချက်အလက်တွေနဲ့ ပတ်သက်တဲ့ အစည်းအဝေးတွေကို တက်ရောက်ခွင့် ရရှိမှာဖြစ်ပါတယ်။

“ဥရောပဒရုန်းစီမံချက်မှာ လေ့လာခွင့်ရနိုင်ငံအဖြစ် လျှောက်ထားလာတဲ့ အိန္ဒိယနိုင်ငံရဲ့ လျှောက်ထားမှုကို ဂျာမနီက ကြိုဆိုပါတယ်။” လို့ အိန္ဒိယ-ဂျာမနီ ပူးတွဲကြေညာချက်မှာ ဖော်ပြထားပါတယ်။

အိန္ဒိယနိုင်ငံဟာ ပြည်တွင်းဒရုန်းထုတ်လုပ်ရေးကဏ္ဍမှာ ပြိုင်ဘက်နိုင်ငံတွေထက် နောက်ကျကျန်ရစ်နေတဲ့အ တွက် ပြည်ပနိုင်ငံတွေကနေ ဒေါ်လာဘီလျံပေါင်းများစွာ အကုန်အကျခံပြီး ဝယ်ယူနေရပါတယ်။

အိန္ဒိယနိုင်ငံဟာ TAPAS ဒရုန်းစီမံချက်ကို ဇန်နဝါရီလမှာ ဆက်မလုပ်တော့ဘဲ ရပ်တန့်ထားလိုက်ပြီး အမေရိ ကန်ထံက MQ-9B ဒရုန်း ၃၁ စင်းကို ဝယ်ယူဖို့ ဆုံးဖြတ်ခဲ့ပါတယ်။

အိန္ဒိယတပ်မတော်ရဲ့ စစ်ဆင်ရေးလိုအပ်ချက်တွေကို ဖြည့်စွမ်းပေးနိုင်ခြင်းမရှိတဲ့အတွက် ဒေါ်လာသန်း ၂၀၀ တန်ကြေးရှိပြီး ၁၃ နှစ်ကြာဆောင်ရွက်လာတဲ့ အမြင့်ပေအလယ်အလတ်/တာဝေးပျံ ဒရုန်းထုတ်လုပ်ရေးစီမံချက် ကို ရပ်ဆိုင်းခဲ့ပါတယ်။

စီမံချက်ရပ်ဆိုင်းလိုက်ရတဲ့ အဓိကအကြောင်းရင်းတွေထဲမှာ ဒရုန်းအင်ဂျင်ထုတ်လုပ်ရေးကိစ္စလည်း ပါဝင်တယ် လို့ ကျွမ်းကျင်သူတွေက ပြောပါတယ်။

“TAPAS ဒရုန်းရဲ့ အဓိကနည်းပညာချို့တဲ့မှုက အဲဒီဒရုန်းအင်ဂျင်ထုတ်လုပ်ရေးပဲဖြစ်တယ်။ ဒီအင်ဂျင်ထုတ်လုပ် ရေးဟာ တီဂျက်စ်အပေါ့စားတိုက်လေယာဉ်တို့လို အိန္ဒိယရဲ့ တခြားလေယာဉ်ထုတ်လုပ်မှုစီမံချက်တွေကို ဒုက္ခ ပေးနေတဲ့ အခြေခံအားနည်းချက်ပဲဖြစ်ပါတယ်။” လို့ အိန္ဒိယအခြေစိုက် စောင့်ကြည့်လေ့လာရေးသုတေသန ဖောင်ဒေးရှင်းရဲ့ အကြီးတန်းအဖွဲ့ဝင် ကာတစ်ဘမ်မာကန်တီက ၎င်းရဲ့ဆောင်းပါးတွေထဲမှာ ထည့်သွင်းရေးသား ထားပါတယ်။

ဥရောပဒရုန်း (Eurodrone) ဟာ Dassault Aviation ၊ Airbus နဲ့ Indra Sistemas ကုမ္ပဏီတို့ ဒီဇိုင်းရေးဆွဲ ထုတ်လုပ်တဲ့ လက်နက်စနစ်တွေထဲက အနာဂတ်တိုက်ခိုက်ရေးလေကြောင်းစနစ်ရဲ့ အဓိက အမာခံကျောရိုး လက်နက်စနစ်ဖြစ်ပါတယ်။

ပထမဦးဆုံး ဥရောပဒရုန်း (Eurodrone) ကို ၂၀၂၇ ခုနှစ်မှာ ဂျာမနီနိုင်ငံနဲ့ ၂၀၂၈ ခုနှစ်မှာ ပြင်သစ်နိုင်ငံကို လွှဲ ပြောင်းပေးနိုင်မယ်လို့ ခန့်မှန်းထားပါတယ်။

ပထမဦးဆုံး ဥရောပဒရုန်း (Eurodrone) ကို စစ်သတင်းစုဆောင်းရေး၊ စောင့်ကြည့်ထောက်လှမ်းရေး၊ ပစ်မှတ် ရှာဖွေရေးနဲ့ ကင်းထောက်တာဝန်များထမ်းဆောင်ရေးတို့လို (ISTAR) စစ်ဆင်ရေးတာဝန်မျိုးစုံထမ်းဆောင်နိုင် အောင်ရည်ရွယ်ပြီး ဒီဇိုင်းရေးဆွဲ ထုတ်လုပ်ထားတာဖြစ်ပါတယ်။

Ref: Germany Invites India as Observer to Eurodrone Project

#Newvisionmedia

ရွှေရောင်းဝယ်ခြင်းလုပ်ငန်းဆောင်ရွက်ရန်အတွက် သတ်မှတ်ထားသည့်စည်းကမ်းချက်များကို လိုက်နာခြင်း မရှိပါက အရေးကြီးကုန်စည်နှင့် ဝန်ဆောင်မှုဥပဒေနှင့် အရေးယူမည်
…………………………………………………

နေပြည်တော်၊ အောက်တိုဘာ ၃၀

ဓာတ်သတ္တု(ရွှေ) ရောင်းဝယ်ခြင်းဝန်ဆောင်မှုလုပ်ငန်း လုပ်ကိုင်ဆောင်ရွက်ရန်အတွက် ထုတ်ပြန်သည့် အမိန့်ကြော်ငြာစာအမှတ် ၀၅၅/၂၀၂၄ နှင့်အညီ လုပ်ငန်းလိုင်စင် လျှောက်ထားရယူရန်နှင့် သတ်မှတ်ထားသည့် စည်းကမ်းချက်များကို လိုက်နာခြင်းမရှိပါက အရေးကြီးကုန်စည်နှင့်ဝန်ဆောင်မှုဥပဒေပုဒ်မ ၅ နှင့်အညီ အရေးယူခံရမည်ဖြစ်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ အသိပေး ထုတ်ပြန်ထားသည်။

ပြည်ထောင်စုအစိုးရအဖွဲ့သည် အောက်တိုဘာလ ၂၄ရက်နေ့တွင် အမိန့်ကြော်ငြာစာအမှတ်၊ ၃၅/၂၀၂၄ ဖြင့် အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၄၊ ပုဒ်မခွဲ (ဂ) အရ ဓာတ်သတ္တု (ရွှေ) ရောင်းဝယ်ခြင်းဝန် ဆောင်မှုလုပ်ငန်းကို အရေးကြီးဝန်ဆောင်မှုအဖြစ် သတ်မှတ်ကြေညာပြီး ယင်းဝန်ဆောင်မှုနှင့်သက်ဆိုင်သည့် ကိစ္စရပ်များနှင့်စပ်လျဉ်း၍ တားမြစ်မိန့်၊ စည်းမျဉ်းသတ်မှတ်မိန့်၊ ကြီးကြပ်မိန့်၊ ကာကွယ်မိန့်နှင့် လိုအပ်သလို ဆောင်ရွက်စေသည့် အမိန့်ထုတ်ပြန်နိုင်ခွင့်ကို သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန အား အပ်နှင်းခဲ့သဖြင့် ဝန်ကြီးဌာနက ဓာတ်သတ္တု (ရွှေ) ရောင်းဝယ်ခြင်းဝန်ဆောင်မှုလုပ်ငန်းကို အရေးကြီး ဝန်ဆောင်မှုအဖြစ် သတ်မှတ်သည့်အမိန့်ကို အောက်တိုဘာ ၂၅ ရက်နေ့တွင် အမိန့်ကြော်ငြာစာအမှတ် ၀၃၈/၂၀၂၄ ဖြင့် ထုတ်ပြန်ခဲ့ပြီးဖြစ်သည်။

အဆိုပါ အမိန့်ကြော်ငြာစာအရ ဓာတ်သတ္တု (ရွှေ) ရောင်းဝယ်ခြင်းဝန်ဆောင်မှုလုပ်ငန်း လုပ်ကိုင်ဆောင်ရွက်ရန် အတွက် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနက အောက်တိုဘာလ ၂၅ ရက်နေ့တွင် ထုတ်ပြန်သည့် အမိန့်ကြော်ငြာစာအမှတ် ၀၅၅/၂၀၂၄ နှင့်အညီ လုပ်ငန်းလိုင်စင် လျှောက်ထားရယူရန်နှင့် သတ်မှတ်ထားသည့် စည်းကမ်းချက်များကို လိုက်နာခြင်းမရှိပါက အရေးကြီးကုန်စည်နှင့်ဝန်ဆောင်မှုဥပဒေပုဒ်မ ၅ နှင့်အညီ အရေးယူခြင်းခံရမည်ဖြစ်ကြောင်း အသိပေးကြေညာထားသည်။

#Newvisionmedia

ဆိုက်ဘာ တပ်ဖွဲ့ခွဲတစ်ခု သီးခြားဖွဲ့စည်းဖို့ ယူကရိန်းတပ်မတော် စဉ်းစားနေ
……………………………………………

နိုင်ငံတကာ၊ အောက်တိုဘာ ၃၀

ယူကရိန်းနိုင်ငံမှာ လက်ရှိတပ်မတော်ထဲမှာပဲ သီးခြားဆိုင်ဘာတပ်ဖွဲ့ ထပ်မံဖွဲ့စည်းရေးအတွက် ယူကရိန်းတပ်မ တော်၊ လွှတ်တော်အမတ်တွေနဲ့ အကြံပေးအရာရှိတွေ ဆွေးနွေးတိုင်ပင်နေကြပါတယ်။

အရေးကြီတဲ့စစ်ဘက်ဆိုင်ရာ အခြေခံအဆောက်အအုံတွေကို ဆိုက်ဘာတိုက်ခိုက်မှုတွေပြုလုပ်လာတဲ့အခါ ပြန် လည်တိုက်ခိုက်နိုင်အောင် “တန်ပြန်ဆိုက်ဘာတိုက်ခိုက်ရေးစင်တာ” တစ်ခု ဖွဲ့စည်းခဲ့ပြီးဖြစ်ပေမဲ့ စီစဉ်ပြီးဖြစ်တဲ့ ဆိုက်ဘာတပ်ဖွဲ့ဟာ ကျယ်ပြန့်လှတဲ့တာဝန်တွေကို ထမ်းဆောင်ရမှာဖြစ်ပါတယ်။

အသစ်ဖွဲ့စည်းမယ့် ဆိုက်ဘာတပ်ဖွဲ့ဟာ ကြည်း၊ ရေ၊ လေနဲ့ အာကာသတပ်ဖွဲ့တွေထဲက ကျယ်ပြန့်လှတဲ့ ဆိုက် ဘာတာဝန်တွေကို ထိရောက်စွာစီမံချက်ရေးဆွဲပြီး အကောင်အထည်ဖော်ဆောင်ရွက်ရာမှာ ယူကရိန်းတပ်မ တော်ရဲ့ စွမ်းရည်တွေကို မြှင့်တင်ပေးသွားမှာဖြစ်ကြောင်း ယူကရိန်းတပ်မတော် စစ်ဦးစီးအဖွဲ့အစီရင်ခံစာမှာ ဖော်ပြထားပါတယ်။

ယူကရိန်းတပ်မတော်စစ်ဦးစီးချုပ် ဒုတိယဗိုလ်ချုပ်ကြီးအနာတိုလီဘာဟီလီဗစ်ချ် ဦးဆောင်တဲ့ အဲဒီအစည်းအ ဝေးမှာ တက်ရောက်လာသူတွေက ထောက်ပံ့မှုတွေ၊ ထမ်းဆောင်ရမယ့်လုပ်ငန်းတာဝန်တွေနဲ့ အနာဂတ် ဆိုက် ဘာတပ်ဖွဲ့ခွဲရဲ့ လုပ်ငန်းတွေအကြောင်းကို ဆွေးနွေးခဲ့ကြပါတယ်။

ဒါ့အပြင် အစည်းအဝေးတက်ရောက်လာသူတွေဟာ ၂၀၂၂ ခုနှစ် ရုရှားကျူးကျော်တိုက်ခိုက်မှုစတင်ကတည်းက တခြားဦးဆောင်နိုင်ငံတွေရဲ့ ဆိုက်ဘာစစ်ဆင်ရေးတွေနဲ့ ၎င်းတို့တပ်ဖွဲ့ဝင်တွေကြုံတွေ့ခဲ့ရတဲ့ အတွေ့အကြုံတွေ ကိုလည်း ပြန်လည်ဆန်းစစ်လေ့လာခဲ့ကြပါတယ်။

ရုရှားအစိုးရနဲ့ ဆက်နွယ်နေတဲ့ အုပ်စုတွေဟာ ယူကရိန်းတပ်မတော်အရာှရိတွေရဲ့ လူမှုကွန်ရက်တွေကို စိမ့်ဝင် ထိုးဖောက်ခဲ့သလို အစိုးရဝက်ဆိုက်တွေက အရေးကြီးတဲ့ သတင်းအချက်အလက်တွေကိုလည်း ခိုးယူသွားခဲ့ပါ တယ်။

နေတိုးအဖွဲ့က ယူကရိန်းရဲ့ ဆိုက်ဘာတပ်ဖွဲ့တွေနဲ့ ဆိုက်ဘာလုံခြုံရေးကို အကူအညီပေးခဲ့သလို အမေရိကန်နိုင် ငံကလည်း ၂၀၂၂ ခုနှစ် ဖေဖော်ဝါရီလကစပြီး ယူကရိန်းရဲ့ ဆိုက်ဘာနဲ့ ဒစ်ဂျစ်တယ်ကဏ္ဍအတွက် ဒေါ်လာ ၈၂ သန်း အကူအညီပေးခဲ့ပါတယ်။

Ref: Ukraine Armed Forces Considering Cyber Forces Branch

#Newvisionmedia

ရွှေတိဂုံစေတီတော်တွင် (၃၆) ကြိမ်မြောက် မသိုးရွှေကြာသင်္ကန်းရက်လုပ်ကပ်လှူပူဇော်ပွဲကျင်းပမည်
……………………………………………………

နေပြည်တော်၊ အောက်တိုဘာ ၃၀

ရွှေတိဂုံစေတီတော်မြတ်ကြီး (၃၆)ကြိမ်မြောက် မသိုးရွှေကြာသင်္ကန်းရက်လုပ်ကပ်လှူပူဇော်ပွဲအခမ်းအနားကို နိုဝင်ဘာလအတွင်း ကျင်းပမည်ဖြစ်ကြောင်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှ သိရသည်။

ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့ကကြီးမှူး၍ တန်ဆောင်မုန်းလ အဖိတ်နေ့နှင့် လပြည့်နေ့ တို့တွင် (၃၆)ကြိမ်မြောက် မသိုးရွှေကြာသင်္ကန်း ရက်လုပ်ကပ်လှူပူဇော်ပွဲအခမ်းအနားနှင့် သာမညဖလအခါ တော်နေ့ အခမ်းအနားများကို သတ်မှတ်နေရာအသီးသီးတွင် ကျင်းပပြုလုပ်သွားမည် ဖြစ်ကြောင်း သိရသည်။

နိုဝင်ဘာလ ၁၄ ရက်နေ့ ညနေ ၄ နာရီတွင် ဘဏ္ဍာတော်ထိန်းဂေါပက အဖွဲ့ဝင်များ၊ ဗုဒ္ဓဝေယျာဝစ္စအသင်း အဖွဲ့များ၊ ဝန်ထမ်းများနှင့် ရက်ကန်းပြိုင်ပွဲဝင်အဖွဲ့များက စေတီတော် ရင်ပြင်တောင်ဘက် ရှေးဟောင်းဗုဒ္ဓ ရုပ်ပွားတော်များတန်ဆောင်းရှေ့စုရပ်မှ စေတီတော်မြတ်ကြီးအား လက်ျာရစ်တစ်ပတ်လှည့်လည်ပူဇော်ပြီး ရာဟုထောင့်အောင်မြေတွင် ရက်ကန်းပြိုင်ပွဲဖွင့်ပွဲ အခမ်းအနား ကျင်းပပြုလုပ်သွားမည်ဖြစ်ကြောင်း၊ ယင်းနောက် ၂၂၀၀ နာရီတွင် ရက်ကန်းပြိုင်ပွဲ ဆုပေးပွဲအခမ်းအနား ကျင်းပပြုလုပ်၍ ဆုရရှိသည့် ရက်ကန်းစင်တော်များအလိုက် ဆုချီးမြှင့်ခြင်း၊ ရရှိလာသော ပိတ်သားများကို ရွှေကြာသင်္ကန်းတော်များအဖြစ် ညတွင်းချင်းအပြီးချုပ်လုပ်ခြင်းတို့ ဆောင်ရွက်သွားမည်ဖြစ်ကြောင်း သိရသည်။

နိုဝင်ဘာလ ၁၅ရက်နေ့ နံနက် ၄နာရီတွင် ဘဏ္ဍာတော်ထိန်း ဂေါပကအဖွဲ့ဝင်များ၊ ဗုဒ္ဓဝေယျာဝစ္စအသင်း အဖွဲ့များ၊ ဝန်ထမ်းများ၊ ရက်ကန်းပြိုင်ပွဲဝင်အဖွဲ့များက ရွှေကြာသင်္ကန်းတော်များ ကိုင်ဆောင်လျက် စေတီတော်မြတ်ကြီးအား လက်ျာရစ်တစ်ပတ်လှည့်လည် ပူဇော်၍ အာရုံခံမုခ်ဦးများအတွင်းရှိ ပွင့်တော်မူပြီး သော ဘုရားရှင်(၄)ဆူတို့၏ ရုပ်ပွားတော်များ၊ အထက်ပစ္စယံရှိ ပတ္တမြားမျက်ရှင်ရုပ်ပွားတော်နှင့် သတ်မှတ်တန် ဆောင်းများအတွင်းရှိ ရုပ်ပွားတော် များအား မသိုးရွှေကြာသင်္ကန်းများ လှည့်လည်ပူဇော်ကပ်လှူသွားမည် ဖြစ်ကြောင်း သိရသည်။

နံနက် ၅နာရီအချိန်တွင် ရင်ပြင်တော်တောင်ဘက် ဧည့်ခံတန်ဆောင်း၌ အရုဏ်ဆွမ်းတော်ကြီး ကပ်လှူ ပူဇော်ခြင်း၊ နံနက် ၅နာရီ ၃၀တွင် ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယဆရာတော်ကြီး များအား အရုဏ်ဆွမ်းဆက်ကပ်လှူဒါန်းခြင်းနှင့် နံနက် ၆နာရီအချိန်တွင် ဆရာတော်ကြီးများထံမှ သာမညဖလအခါ တော်နေ့ဆိုင်ရာ တရားတော်များနာကြား၍ ပြုခဲ့သောကုသိုလ်ကောင်းမှု အစုစုတို့အတွက် ရေစက်ချအနု မောဒနာအခမ်းအနားများ ကျင်းပပြုလုပ်သွားမည်ဖြစ်ပါ၍ သဒ္ဓါကြည်လင် ပါရမီရှင်အပေါင်း တို့လာရောက် ကုသိုလ်ပြုလှူဒါန်းနိုင်ကြောင်း သိရသည်။

ထို့အပြင် တန်ဆောင်မုန်းလ အဖိတ်နေ့ နိုဝင်ဘာလ ၁၄နေ့တွင် ညအိပ်ကုသိုလ်ပြုမည့် ဘုရားဖူး ပြည်သူများ အနေဖြင့် ရင်ပြင်တော်တောင်ဘက်ရှိ လုံခြုံ/မီးသတ်ဌာနရုံးခန်းနှင့် သတ်မှတ်တန်ဆောင်းများတွင် ညအိပ်ဧည့်စာရင်းတိုင်ကြားနိုင်ရေးအတွက် နိုင်ငံသားစိစစ်ရေးကတ်ပြားများ ယူဆောင်လာကြရန်လည်း ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှ အသိပေးထားသည်။

#Newvisionmedia