Institute for Strategy and Policy- Myanmar @ispmyanmar Channel on Telegram

Institute for Strategy and Policy- Myanmar

@ispmyanmar

The ISP-Myanmar is an independent, non-partisan, and nongovernmental think tank, which supports the advancement of democracy and good governance.

Institute for Strategy and Policy- Myanmar (English)

Welcome to the Institute for Strategy and Policy- Myanmar, also known as @ispmyanmar on Telegram. This channel serves as a platform for individuals interested in the advancement of democracy and good governance in Myanmar. The ISP-Myanmar is an independent, non-partisan, and nongovernmental think tank dedicated to promoting political stability and social development in the region. The channel provides insightful analysis, research findings, and policy recommendations on a wide range of issues affecting Myanmar, including but not limited to governance, human rights, and economic development. By fostering informed discussions and engaging with stakeholders, the ISP-Myanmar aims to contribute to the democratic transition and sustainable peace in the country. Who is ISP-Myanmar? The Institute for Strategy and Policy- Myanmar is a team of experts and researchers who are committed to producing high-quality research and analysis on the political landscape of Myanmar. With an emphasis on objectivity and professionalism, the think tank works towards influencing policy decisions and advocating for reforms that benefit the people of Myanmar. What is ISP-Myanmar? The ISP-Myanmar is a platform for knowledge-sharing and dialogue among policymakers, academics, civil society organizations, and the general public. Through its research publications, events, and advocacy efforts, the channel seeks to raise awareness about key issues facing Myanmar and stimulate informed debates on how to address these challenges. Join @ispmyanmar on Telegram to stay informed about the latest developments in Myanmar's political scene, engage in constructive discussions, and contribute to the promotion of democracy and good governance in the country. Together, we can work towards a brighter future for Myanmar.

Institute for Strategy and Policy- Myanmar

06 Feb, 09:41

BEP အစီအစဉ် အဋ္ဌမပတ်အတွက် လျှောက်နိုင်ပါပြီ

__________________________

➤ သင်တန်းလျှောက်ထားရန်

[https://forms.gle/FT4SRVsQxUPYHmaw9]

ISP-Myanmar ၏ Bridge Education Program (BEP) က ပြန်လည်ကြိုဆိုပါတယ်။ ဒီအစီအစဉ်ဟာ အကြောင်းအမျိုးမျိုးကြောင့် ပညာသင်ယူခွင့် ဆုံးရှုံးနေကြရတဲ့ မြန်မာလူငယ်တွေရဲ့ ပညာရေးအတွက် ကြားကာလ ပညာရေး ဖြည့်ဆည်းပေးမှုအဖြစ် ISP-Myanmar က လုပ်ဆောင်နေတာ ဖြစ်ပါတယ်။ ၂၀၂၁ ခုနှစ် ဩဂုတ်လမှာ စတင် ဖွင့်လှစ်ခဲ့ပြီး လေးနှစ်တာ ကာလအတွင်းမှာ သင်တန်းအပတ်စဉ် ခုနစ်ခုပြီးမြောက်ခဲ့ပြီးပါပြီ။

လာမယ့်၂၀၂၅ ခုနှစ် ဧပြီလမှာ အဋ္ဌမမြောက် သင်တန်း အပတ်စဉ်ကို စတင်မှာ ဖြစ်ပါတယ်။ တက်လိုသူတွေအနေနဲ့ အပေါ်မှာ ဖော်ပြထားတဲ့ Google Form (link) မှာ အချက်အလက်တွေ ဖြည့်သွင်း လျှောက်ထားနိုင်ပါတယ်။ လျှောက်လွှာပိတ်ရက် (ဖောင်ပိတ်ရက်)က မတ် ၂ ရက် ညနေ ၅ နာရီ (မြန်မာစံတော်ချိန်) ဖြစ်ပါတယ်။ ဒီတကြိမ်မှာလည်း လူဦးရေ ၅၀ ဦးကို ရွေးချယ်သွားမှာ ဖြစ်ပါတယ်။ သင်တန်းကြေး တစုံတရာပေးဖို့မလိုဘဲ အခမဲ့ ဖြစ်ပါတယ်။

သင်တန်းအပတ်စဉ် ခုနစ်ခု ပြီးမြောက်ချိန်အထိ BEP အစီအစဉ်ကို နိုင်ငံတဝန်းက လျှောက်ထားသူ ၂,၇၄၇ ဦး ရှိခဲ့ပါတယ်။ ရွေးချယ်ခံခဲ့ရသူတွေထဲက ၃၂၁ ဦးဟာ သင်တန်းပြီးဆုံးခဲ့ပြီ ဖြစ်ပါတယ်။ အသေးစိတ် အချက်အလက်တွေကို ISP-Myanmar ဝက်ဘ်ဆိုက်မှာ ဝင်ကြည့်နိုင်ပါတယ်။

#ISP_BEP
1,444
Institute for Strategy and Policy- Myanmar

05 Feb, 04:15

စစ်ခေါင်းဆောင် မဖွင့်ရဲသော တံခါးတချပ်

__________________________

■ အဂ္ဂ

ဖေဖော်ဝါရီ ၁ ရက်ကို အာဏာသိမ်းနှစ်ပတ်လည်နေ့အဖြစ် မြန်မာပြည်သူတွေ မှတ်မိနေကြပေမဲ့ နောက်ထပ်အရေးကြီးတဲ့ ရက်စွဲတခုလည်းဖြစ်နေပြန်ပါတယ်။ အဲဒီနေ့ဟာ လွှတ်တော်တွေရဲ့ တတိယသက်တမ်းကို စတင်မယ့်နေ့ ဖြစ်ပါတယ်။

လွှတ်တော်ကနေ အစိုးရအဖွဲ့ကို တင်မြှောက်မယ့် အစီအစဉ်တွေကို အဖြစ်မခံတော့ဘဲ မြန်မာပြည်သူသန်းချီရဲ့ ဆန္ဒမဲတွေကို မျက်ကွယ်ပြုပြီး စစ်တပ်က အာဏာသိမ်းခဲ့ပါတယ်။ လွှတ်တော်ဆိုတာ အာဏာအထိန်းအထေရဲ့ ရေသောက်မြစ်တွေဖြစ်ပြီး ဥပဒေပြုရေး၊ အုပ်ချုပ်ရေး၊ တရားစီရင်ရေးတွေအပါအဝင် အခြေခံဥပဒေဆိုင်ရာခုံရုံး၊ ရွေးကောက်ပွဲကော်မရှင်၊ လူ့အခွင့်အရေးကော်မရှင်နဲ့ အဂတိလိုက်စားမှုတိုက်ဖျက်ရေးကော်မရှင်တွေလို သီးခြားလွတ်လပ်တဲ့ အင်စတီကျူးရှင်းအသီးသီးကို ဖွဲ့စည်းအတည်ပြုပေးရာ နေရာဖြစ်ပါတယ်။

လွှတ်တော်ခေါ်ပြီး အစိုးရသစ်တရပ် တင်မြှောက်နိုင်ခဲ့ရင် အရပ်ဘက်က နိုင်ငံရေးသမားတွေဟာ ပြည်ထောင်စုအင်္ဂါစဉ်မှာ ဗိုလ်ချုပ်ကြီးတွေရဲ့ရှေ့ကနေ နေရာယူနိုင်ကြမှာဖြစ်ပါတယ်။

အာဏာသုံးရပ်လုံးကို ကိုင်စွဲပြီး တကိုယ်တော်ရှိုးလုပ်နေတဲ့ စစ်ခေါင်းဆောင်အနေနဲ့ လွှတ်တော်အစီအစဉ်တွေကို မနှစ်သက်နိုင်ဘူးဆိုတာ သံသယဖြစ်စရာမရှိပါဘူး။ စစ်ခေါင်းဆောင်ဟာ အာဏာသိမ်းပြီး လေးနှစ်အတွင်း နိုင်ငံတဝန်းကို ခရီးစဉ်တွေထွက်ခဲ့ပေမဲ့ နေပြည်တော်က လွှတ်တော်တွေနဲ့တော့ တခါမှ ယှဉ်တွဲမြင်ခဲ့ရတာ မရှိပါဘူး။ လွှတ်တော်နဲ့ ခြံစည်းရိုးပဲခြားတဲ့ သမ္မတအိမ်တော်ကို အကြိမ်ပေါင်းများစွာ ရုံးသွားတက်တဲ့ ဗိုလ်ချုပ်မှူးကြီးဟာ လွှတ်တော်ဘက်ကို ခြေဦးမလှည့်ခဲ့ပါဘူး။ လှည့်ရမယ့် ခေါင်းစဉ်လည်း မရှိပါဘူး။ အာဏာသိမ်းပြီးချိန် အရေးပေါ်ကာလတနှစ်ပြည့်တဲ့ ၂၀၂၂ ခုနှစ် ဇန်နဝါရီ ၃၁ ရက်မှာ နောက်ထပ်ခြောက်လအတွင်း ရွေးကောက်ပွဲလုပ်ပေးမယ်လို့ ကြေညာနိုင်တဲ့အခွင့်အရေးကို ရခဲ့ပေမဲ့လည်း မျက်ကွယ်ပြုခဲ့ပါတယ်။အာဏာသိမ်းစစ်ခေါင်းဆောင်တွေနဲ့ ပြည်သူတွေကိုကိုယ်စားပြုတဲ့ လွှတ်တော်တွေဆိုတာ ဘုန်းကြီးနဲ့ ဘီးလို မသက်ဆိုင်တဲ့ အရာတွေမဟုတ်ပါလား။ ဗိုလ်ချုပ်ကြီးနေဝင်းရဲ့ ၁၉၆၂ ခုနှစ် အာဏာသိမ်းမှုကြောင့် လွှတ်တော်တံခါးတွေ ပိတ်သွားခဲ့ရတာ ဆယ်စုနှစ် ငါးခုနီးပါး ကြာခဲ့ပါတယ်။ ဗိုလ်ချုပ်မှူးကြီး သန်းရွှေလက်ထက်မှာတော့ ‘မြန်မာ့နိုင်ငံရေး ၂၀၀၈ မော်ဒယ်’ ကို ပုံဖော်ခဲ့ပြီး ၂၀၁၁ ခုနှစ်မှာ လွှတ်တော်တွေ ပြန်ပေါ်လာခဲ့ပါတယ်။

စစ်တပ်အာဏာသိမ်းဓလေ့နဲ့ ယဉ်ပါးနေတဲ့နိုင်ငံမှာ အာဏာအထိန်းအထေနဲ့ပတ်သက်ပြီး ဓာတ်မတည့်မှုကို ဦးသိန်းစိန်အစိုးရနဲ့ သူရဦးရွှေမန်းလွှတ်တော်၊ အမျိုးသားဒီမိုကရေစီအဖွဲ့ချုပ်လွှတ်‌တော်နဲ့ စစ်တပ်တို့အကြား အကွဲအပြဲတွေမှာ မြင်ခဲ့ရပြီးဖြစ်ပါတယ်။

၂၀၂၀ ပြည့်နှစ် အထွေထွေရွေးကောက်ပွဲမှာ ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ်က အနိုင်ရခဲ့ပေမဲ့ ဗိုလ်ချုပ်မှူးကြီး မင်းအောင်လှိုင်ဟာ တတိယအကြိမ်လွှတ်တော်ရဲ့ တံခါးတွေကို ဖွင့်ခွင့်မပေးခဲ့ပါဘူး။

‘ပြည်သူတွေရဲ့ အသံ’ လို့ တင်စားကြတဲ့ လွှတ်တော်တံခါးတွေကို ပိတ်လိုက်တာဟာ အကျိုးဆက်အဖြစ် အထွေထွေအကျပ်အတည်းကြီးထဲကို မြန်မာပြည်သူသန်းပေါင်းများစွာ ဆိုက်ရောက်ခဲ့ရတာပဲဖြစ်ပါတယ်။ နောက်ပြီး အထိအခိုက်အရှအနာများတဲ့ လက်နက်ကိုင်တော်လှန်ရေးဆီ သွားတဲ့လမ်းကို ဖွင့်ပေးလိုက်သလို ဖြစ်စေခဲ့ပါတယ်။

အခု ၂၀၂၅ ခုနှစ်ထဲမှာ ရွေးကောက်ပွဲလုပ်မယ်လို့ စစ်ခေါင်းဆောင်က လေသံပစ်ထားပါတယ်။ အတိုက်အခံတွေကတော့ အပြင်းအထန်ကန့်ကွက်နေကြပါတယ်။ ဒါပေမဲ့ စစ်ခေါင်းဆောင်ကိုယ်တိုင်ကရော ရွေးကောက်ပွဲလုပ်ပေးဖို့ အားတက်သရော ရှိပါ့မလားဆိုတာကတော့ သံသယဖြစ်စရာပါ။

ရွေးကောက်ပွဲသာ ဖြစ်မြောက်ခဲ့ရင် ချုပ်ကိုင်ထားတဲ့ အာဏာတွေကို ပြန်ခွဲပေးရမှာဖြစ်ပြီး ဒီအခါ ‘အာဏာစင်ပြိုင်’တွေ ပေါ်လာမှာဖြစ်တာကြောင့် ရွေးကောက်ပွဲကနေ အကျိုးအမြတ်အနည်းဆုံးရမှာက သူဖြစ်နေလို့ပါပဲ။

ယာယီသမ္မတ၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ်၊ တပ်မတော်ကာကွယ်ရေးဦးစီးချုပ် စတဲ့ လုပ်ပိုင်ခွင့်တွေကို တယောက်တည်းချုပ်ကိုင်ထားရာကနေ လက်လွှတ်လိုက်ရတော့မှာဖြစ်လို့ပါပဲ။ လက်ရှိ သူလုပ်ခွင့်ရနေတဲ့ တကိုယ်တော် ထင်တိုင်းကြဲနေခွင့်တွေ ဆုံးရှုံးသွားနိုင်ပါတယ်။ ဒီအချက်ကို အရပ်သားတပိုင်းအစိုးရလို့ တင်စားလေ့ရှိတဲ့ ဦးသိန်းစိန်အစိုးရကာလကို လှမ်းပြီးပြန်ကြည့်ရင်ပဲ မြင်နိုင်ပါတယ်။

အာဏာရှင်ဗိုလ်ချုပ်မှူးကြီးအတွက် ရွေးကောက်ပွဲဟာ နိုင်ငံရေးထွက်ပေါက်လို့ဆိုစေဦးတော့ လွှတ်တော်တံခါးတွေကို အမှန်တကယ်ပဲ သူဖွင့်ချင်ပါရဲ့လား။ ဖွင့်ရဲပါ့မလား။

➤ ဝက်ဘ်ဆိုက်တွင် အပြည့်အစုံဖတ်ရှုရန်

https://ispmyanmar.com/isp-column/20250204_ispc002/

[ယခုဆောင်းပါးသည် ISP-Myanmar ၏ အာဘော်မဟုတ်ဘဲ စာရေးသူ၏ အာဘော်သာဖြစ်ပါသည်။ ဆောင်းပါးကို ဖတ်ရှုအပြီး ဆင်ခြင်မိသည်များ၊ ပြန်လည်ချေပလိုသည်များ ရှိပါကလည်း တုံ့ပြန်ဆောင်းပါး (rebuttal article) ရေးသားပေးပို့နိုင်ပါသည်]

#ISP_Column
599
Institute for Strategy and Policy- Myanmar

04 Feb, 06:45

ဒီအခြေအနေတွေကနေ ဖောက်ထွက်နိုင်ဖို အားထုတ်မှုတခုအဖြစ် ‘ISP နှင့်အတူ မိနစ် ၃၀’ အစီအစဉ်ကို စတင်ခဲ့တာ ဖြစ်ပါတယ်။ မြန်မာနိုင်ငံမှာ လွတ်လပ်စွာ ကွဲလွဲမှုနဲ့ အမြင် မတူညီမှုအပေါ် သည်းခံနိုင်စွမ်းကို အားပေးတဲ့၊ သုတေသန အခြေခံတဲ့၊ အများပြည်သူလူထုရဲ့ အကျိုးစီးပွားကို မျက်ခြည်မပြတ်တဲ့ သိမှုဝန်းကျင် (epistemic community) တရပ် ပေါ်ထွန်းရေးကို တထောင့်တနေရာကနေ ထမ်းဆောင်ချင်လိုပါပဲ။ ဒီအစီအစဉ်ဟာ စည်းရုံးသွေးဆောင်ဖိုထက် မျှဝေဖိုကို ပိုအားထုတ်ပါတယ်။ သုတေသနတွေ့ရှိထားသမျှကို ရိုးရိုးသားသား တင်ပြမယ်၊ သိလိုစိတ်ကို နှိးဆွမယ်။ ဒီလိုဆောင်ရွက်ရာမှာ လက်ခံယုံကြည်ထားတာတွေကို မပြောင်းမလဲ အခိုင်အခံ့ ပြုတာထက် လက်ခံယုံကြည်ထားတာတွေကို တဆင့်ထက် တဆင့် မြင့်သထက်မြင့် ပိုမို ကောင်းမွန်လာအောင် အားထုတ်ခြင်းဖြင့် လေ့လာသင်ယူမှုကို မြှင့်တင်ပါမယ်။ ပညာပြာသာဒ် တည်ပါမယ်။ ISP-Myanmar က ခံယူထားတဲ့ အသိပညာနဲ့ ပတ်သက်လို တည်ကြည်မှု (integrity) ဟာ ဆိုခဲစေမြဲစေ၊ ရှေ့နောက်ညီစေ ဆိုတာမျိုး မဟုတ်ပါဘူး။ သိမှု အပေါ်မှာ ရိုးသားတာပါ။ သိမှုကို အချက်အလက် အထောက်အထားနဲ့ အမြဲ ဆန်းစစ်နေပြီး မှားရင်ပြင်၊ လိုရင်ထပ်ဖြည့်၊ အသစ်တွေ့ရှိချက်တွေကို ပေါင်းစပ်ပြီး တိုင်းပြည်အတွက် သိမှု အားကောင်းအောင် ဆောင်ရွက်ဖို စိတ်နှလုံးကို ဖွင့်ထားပြီး ရိုးသားတာမျိုး ဖြစ်ပါတယ်။

ဒီလို မျှော်မှန်းချက်တွေ ပေါက်မြောက် အောင်မြင်ရေးအတွက် အကြောင်းအရာပိုင်းမှာ ‘မဖြစ်မနေ စောင့်ကြည့်ရမယ့်ပွဲ’ (a must-watch show) ဖြစ်ဖို့ စီစဉ်ပါမယ်။ စတိုင်မှာလည်း အချက်အလက် မပါဘဲ တမေ့တမြောကြီး လန်ဘားကျောက်တံတား လျှောက်ပြောနေလို့ မဖြစ်ပါဘူး။ ပရိသတ်ရဲ့ စဉ်းစားဉာဏ်ကို အထင်သေး စော်ကားနေတာမျိုး မဖြစ်ရပါဘူး။ ရေပန်းစား၊ ပွဲဆူရေး ဖြစ်ဖို့ မဟုတ်ပါဘူး။ ‘ISP နှင့်အတူ မိနစ် ၃၀’ အစီအစဉ်မှာ ပထမ ၁၅ မိနစ်က သုတေသန အချက်အလက်တွေကို တင်ပြပါမယ်။ ကျန် ၁၅ မိနစ်က စဉ်းစားဖွယ် မေးခွန်းတွေ၊ ဆက်လက်ငြင်းခုံမှု တွေအတွက် တံခါးဖွင့်ထားမှာပါ။ အရေးကြီးဆုံးကတော့ ဆွေးနွေးပွဲ နားထောင်ပြီးပြန်သွားရင်၊ ရုပ်သံဖွင့် နားထောင်လိုက်လို့ အချိန် မိနစ် ၃၀ ပြည့်သွားရင် အလဟဿ ဖြစ်မသွားစေရဖို့ အာမခံပါတယ်။ စဉ်းစားတွေးတောစရာ တခုခု ရသွားနိုင်အောင် ကြိုးစားအားထုတ်ပါမယ်။ ISP-Myanmar ဘက်မှာလည်း တင်ပြစရာ အချက်အလက်တွေ အပြည့်၊ ကပြင်ရပ်ဝန်းသူ၊ ရပ်ဝန်းသားတွေမှာလည်း မိနစ် ၃၀ ပြီးသွားတာနဲ့ သုံးသပ်ဆန်းစစ် ချင်စရာတွေ ပြီးမသွားဘဲ တစိမ့်စိမ့် ဆင်ခြင်ခြင်းအပြည့်နဲ့ ပြန်သွားရတာမျိုးကို ထိုက်ထိုက်တန်တန် အကျိုးဖြစ်စေချင်ပါတယ်။

#30_Minutes_with_the_ISP
653
Institute for Strategy and Policy- Myanmar

04 Feb, 06:44

၂၀၂၄ ခုနှစ်ရဲ့ အဆိုးရွားဆုံးဒဏ်ချက်တွေကို အမျိုးသမီးထုမှာ တွေ့ရတယ်

__________________________

30 Minutes with the ISP (အမှတ်-၆)

ISP-Myanmar ရဲ့ သုတေသနကွန်ရက်က လေ့လာနေတဲ့ လူမှုစီးပွားလေ့လာတွေ့ရှိချက်တွေအပြင် ပြည်တွင်းနေ အမျိုးသမီးထုဆီက သိလာရတဲ့ လက်ငင်းအခြေအနေတွေကို ‘ISP နှင့်အတူ မိနစ် ၃၀’ (30 Minutes with the ISP) အစီအစဉ် ဆဋ္ဌမပွဲမှာ ဆွေးနွေးခဲ့ကြပါတယ်။ အဲဒီဆွေးနွေးချက်တွေကို စုစည်းဖော်ပြထားတာပါ။ ၂၀၂၄ ခုနှစ် ဒီဇင်ဘာ ၂၁ ရက်မှာ ISP ကပြင်ရပ်ဝန်းသူ ရပ်ဝန်းသားတွေနဲ့အတူ ပြုလုပ်ခဲ့တဲ့ အခုအစီအစဉ် ရုပ်သံဖိုင်ကို ISP-Myanmar ရဲ့ YouTube Channel မှာ ပြန်ကြည့်နိုင်သလို DVB ရုပ်သံလိုင်းကနေလည်း အပတ်စဉ် တနင်္လာမနက် ၁၁:၃၀ နဲ့ ဗုဒ္ဓဟူးည ၇:၃၀ အချိန်တွေမှာ ပြန်လည် ထုတ်လွှင့်ပေးနေပါတယ်။ 'ISP နှင့်အတူ မိနစ် ၃၀' အစီအစဉ် အမှတ်-၇ ကိုလည်း မကြာမီမှာ ပြုလုပ်ဖို့ ရှိပါတယ်။

➤ ယခုအစီအစဉ် ရုပ်သံကို ပြန်ကြည့်ရန်

https://www.youtube.com/watch?v=e2wy-s7xVdk

➤ ဆွေးနွေးချက် အပြည့်အစုံကို Download ရယူရန်

https://ispmyanmar.com/community/isp-publications/

➤ 30 Minutes with the ISP အစီအစဉ်အကြောင်း

https://ispmyanmar.com/community/ne-03/

▂

ISP ကပြင်ရပ်ဝန်းသူ၊ ရပ်ဝန်းသားတွေ ပါဝင် ဆွေးနွေးခွင့်ရှိမယ့် ‘ISP နှင့်အတူ မိနစ် ၃၀’ အစီအစဉ်ကို ၂၀၂၄ ခုနှစ် ဧပြီ ၆ ရက်မှာ စတင်ပြုလုပ်ခဲ့ပါတယ်။ စစ်အာဏာသိမ်းပြီး သုံးနှစ်အထိ မြန်မာ့အရေးမှာ လောလောဆယ် ဖြေရှင်းရမယ့် အရေးပေါ်ကိစ္စ (emergency) နဲ့ မတရားမှုတွေကို တွန်းလှန်ရာမှာ ကျောချင်းကပ် သွေးစည်း ညီညွတ်ကြောင်း ပြရမယ့်ကိစ္စ (solidarity) နှစ်ရပ်သာ သဘာ၀ကျစွာ အဓိက အာရုံစိုက်စရာတွေ ဖြစ်ခဲ့ပါတယ်။ ဒါပေမဲ့ ပိုင်းခြားစိတ်ဖြာ သုံးသပ်မှုနဲ့ ဆွေးနွေးဆင်ခြင်ခြင်း၊ အမြင်ဖလှယ်ခြင်း ‘သန္နိပါတ’ (analysis and deliberation) က ကိစ္စဉာဏ် အားနည်းခဲ့ပါတယ်။ စစ်ကောင်စီရဲ့ ဖိနှိပ်မှုအောက်မှာ ပျောက်ဆုံးခဲ့ရတဲ့ လွတ်လပ်စွာ ဖော်ထုတ်ခွင့်နဲ့ တိုင်းပြည်ရဲ့ ပဋိပက္ခမီး၊ ဝမ်းတထွာအရေး၊ ကပ်ဘေးတွေကြောင့် ပြည်တွင်းက မြန်မာနိုင်ငံသားတွေအတွက် ပိုင်းခြားဆင်ခြင်ဖို့ အချက်အလက်ရရှိမှုနဲ့ အလေ့အထ လုပ်ရမယ်ဆိုတဲ့ ဒီကိစ္စဉာဏ်ဟာ အခွင့်အလမ်း နည်းပါးခဲ့ရပါတယ်။ အခြားတဖက်မှာလည်း အမြင်မတူတာနဲ့ 'ရန်သူ့လူ'တံဆိပ် တန်းကပ်တဲ့ဓလေ့၊ ၀ိုင်းပြီး ဆွမ်းကြီးလောင်း ကန့်သတ် ဖယ်ထုတ်တဲ့ဓလေ့ (cancel culture) တွေကြောင့် လွတ်လပ်တဲ့အမြင် အယူအဆရှိသူတွေဟာ ကိုယ့်ကိုယ်ကိုယ် ဆင်ဆာ လုပ်လာကြပါတယ်။ ကိုယ့်အလို၊ ကိုယ့်အပြော၊ ကိုယ့်အလုပ်တွေကို ဖုံးကွယ်ရုပ်ဖျက်တာ (preference falsification) က ကျင့်ထုံး တခုလို ဖြစ်လာပြီး နိုင်ငံရေးမှာ မပြောရ မဆိုရ (taboo) တွေ ပိုတိုးလာပါတယ်။

ဖိနှိပ်မှု၊ ဆင်းရဲခေါင်းပါးမှုနဲ့ အမြင်အယူအဆကို အရင်းခံအတိုင်း ထုတ်ဖော်မပြောဝံ့မှုတွေကြောင့် မတူကွဲလွဲတဲ့ အမြင်တွေ ရှင်သန်ခွင့် အားနည်းခဲ့ပါတယ်။ အယူအဆတခုကို အမှန်၊ အမှား စောကြော သုံးသပ်ပြီး အပြန်အလှန် ဆွေးနွေးငြင်းခုံမှုတွေ အားနည်းလာကြပါတယ်။ အနာနဲ့ဆေး တည့်၊ မတည့် စမ်းသပ် ဆန်းစစ်ခွင့် နည်းပါးလာ ပါတယ်။ သိမှုကတုတ်ကျင်းတူးပြီး မရွှေ့မပြောင်း အုတ်မြစ်ချထားတာမျိုးအပြင် အွန်လိုင်းစကားဝိုင်း အများစုဟာ လည်း အမြင်တူသူတွေစုဖွဲ့ပြီး နာရီနဲ့ချီ အချိန်အကြာကြီးပြောကြတဲ့ ပုံစံစတိုင်တွေ ပိုများလာတာ၊ နားထောင်သူ တွေမှာ အချက်အလက်သစ်၊ အတွေးသစ်မတိုးဘဲ ငြီးငွေ့စရာဖြစ်လာပါတယ်။ တိုင်းပြည်မှာ ‘သန္နိပါတ’ လိုအပ်နေပေမဲ့ ပရိသတ်နည်းသွားလို့ ဆွေးနွေးပွဲတွေ နည်းလာတာ သတိပြုမိပါတယ်။
551
Institute for Strategy and Policy- Myanmar

03 Feb, 07:42

စစ်ကောင်စီ၏ လေကြောင်းတိုက်ခိုက်မှုများ

မြင်ကွင်းကျယ်မှတ်စုများ (၁၄၂)

__________________________

နိုင်ငံတဝန်း နယ်မြေတွေဆုံးရှုံးထားတဲ့ စစ်ကောင်စီဟာ လေကြောင်းတိုက်ခိုက်မှုတွေကို ပိုတိုးပြီး လုပ်လာခဲ့ပါတယ်။ အသိမ်းခံရတဲ့မြို့တွေဟာ ပိုပြီးခံရတာပါ။ ဒီအကြောင်းအရာကို ISP-Myanmar ရဲ့ အခုတပတ် မြင်ကွင်းကျယ်မှတ်စုမှာ အချက်အလက်အခြေပြု ဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေးဘောဂဗေဒဆိုင်ရာ ကိစ္စရပ်တွေအပြင် မြန်မာနိုင်ငံအတွင်းက လူမှုစီးပွားအခြေအနေတွေ စတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/
753
Institute for Strategy and Policy- Myanmar

31 Jan, 09:55

စာမူပို့နိုင်ပါတယ်

__________________________

ISP-Myanmar ရဲ့ အစီအစဉ်သစ် တခုဖြစ်တဲ့ ISP Column အတွက် စာမူတွေ ပို့လာကြတာကို အထူးပဲ ကျေးဇူးတင်ကြောင်း လေးလေးနက်နက် ပြောချင်ပါတယ်။ ဖေဖော်ဝါရီ ပထမပတ်ကစပြီး စာမူတွေကို ဆက်တိုက် ရွေးချယ် ဖော်ပြသွားဖို့ ရှိပါတယ်။ ဒါကြောင့်မို့ စာမူအသစ်တွေကိုလည်း ဆက်ပြီးလက်ခံနေပါတယ်။ စာမူပို့လိုသူတွေအတွက် အနည်းငယ် အကြံပြုလိုပါတယ်။ ပေးပို့မယ့် စာမူတွေဟာ A-4 စာမျက်နှာ နှစ်မျက်နှာထက် မကျော်စေဘဲ လိုရင်းတိုရှင်း ဖြစ်တဲ့ပုံစံမျိုးနဲ့ ရှင်းလင်းတဲ့ အမြင်၊ စူးရှတဲ့ ကြံဆချက်တွေ ဖြစ်ဖို့ပါပဲ။

စာမူရွေးချယ် ဖော်ပြခြင်းဆိုင်ရာ အခြေခံစံနှုန်းတွေ ရှိတာကိုလည်း သတိပြုစေချင်ပါတယ်။ ပေးပို့လာတဲ့ စာမူတွေဟာ ရှိရင်းစွဲ အယူအဆ၊ အတွေးအမြင်နဲ့ အဖြစ်အပျက်တွေကို အခြေခံပြီး

◆ အများပြည်သူအကြား အချေအတင် ဆွေးနွေးစရာဖြစ်အောင် တင်ပြနိုင်မှု၊
◆ အတွေးသစ်၊ အယူအဆသစ်တွေ ဖော်ထုတ်ဆွေးနွေးနိုင်မှုနဲ့ အတွေးသစ်၊
◆ အယူအဆသစ်တွေဖြစ်စေဖို့ နှိုးဆွနိုင်မှု
ဆိုတဲ့ အချက်သုံးချက်ထဲက တခုခုနဲ့လျော်ညီတယ်ဆိုရင် ရွေးချယ်ဖော်ပြသွားပါမယ်။

စာမူပေးပို့မှု လမ်းညွှန်နဲ့ မူဝါဒတွေကို အောက်က link မှာ ဖတ်ရှုနိုင်ပါတယ်။

https://ispmyanmar.com/isp-column/isp-column-policy/
1,085
Institute for Strategy and Policy- Myanmar

27 Jan, 11:50

မြ၀တီတကြောက ကျားဖြန့်နှိမ်နင်းရေး - ကြံ့ကြီးတကောင်တော့ ပြေးလာနေပြီ
______________________

■ လင်းထက်အောင်

ထိုင်း-မြန်မာနယ်စပ် မြဝတီနဲ့ အနီးဝန်းကျင်ဒေသမှာရှိနေတဲ့ ကျားဖြန့်လုပ်ငန်းတွေကို နှိမ်နင်းဖို့ ပြင်ဆင်လာတဲ့ပုံစံဟာ ‘စစ်ဆင်ရေး ၁၀၂၇’ မစတင်မီ တရုတ်-မြန်မာနယ်စပ် ရှမ်းမြောက်ဒေသက ကျားဖြန့်လုပ်ငန်းတွေကို နှိမ်နင်းဖို့အတွက် အာဘော်ဖန်တီးလာပုံ၊ ချဉ်းကပ်လာပုံတွေနဲ့ ဆင်တူပါတယ်။ တနည်းအားဖြင့် ကြုံပြီးသားဖြစ်စဥ်ကို နောက်တကြိမ်ပြန်ကြုံရတဲ့ဖြစ်စဉ် (Deja Vu)၊ တကျော့ပြန်ဇာတ်ထုပ်ကို ကြည့်နေရသလိုပါပဲ။

မြဝတီနဲ့ တရုတ်-မြန်မာနယ်စပ်က ကျားဖြန့်လုပ်ငန်းတွေကို အကြမ်းဖျင်းနှိုင်းယှဉ်ကြည့်မယ်ဆိုရင် ဆင်တူတာ သုံးချက်ရှိပါတယ်။

ပထမအချက်ကတော့ ကျားဖြန့်လုပ်ငန်းတွေကြောင့်ဖြစ်လာရတဲ့ ဆုံးရှုံးနစ်နာမှု၊ ဒါမှမဟုတ် သက်ရောက်မှု (Impact) တွေ ဖြစ်ပါတယ်။ နေရာနှစ်ခုလုံးမှာ ငွေကြေးလိမ်လည်ဖို့အတွက် နိုင်ငံစုံကနေ ရောင်းစားခံရလို့ ဘ၀ပျက်နေရသူပေါင်း ထောင်သောင်းချီ ရှိနေကြတာပါ။ မြ၀တီ ကျားဖြန့်ဖြစ်စဉ်တခုမှာဆိုရင် တရုတ်နိုင်ငံက နာမည်ကြီးသရုပ်ဆောင်နဲ့ အဆိုတော်တချို့ ရောင်းစားခံရတာအထိ ပါဝင်ပါတယ်။ ဒါ့အပြင် ထိုင်းဝန်ကြီးချုပ်ကိုတောင် ငွေကြေးလိမ်လည်ဖို့ ဖုန်းဆက်လာတာကို ကြုံဖူးတဲ့အထိပါပဲ။

ဒုတိယအချက်ကတော့ နောက်ဆက်တွဲစိုးရိမ်ပူပန်မှု (Concern) တွေပါ။ အထူးသဖြင့် ထိုင်းနိုင်ငံကို လာလည်ကြမယ့် တရုတ်ခရီးသွားတွေ ကြောက်လန့်ပြီး ခရီးစဉ်တွေ ဖျက်ခဲ့တာပါ။ ဒီနှစ်ထဲ တရုတ်ခရီးသွားရှစ်သန်း လာဖို့မှန်းထားတဲ့ ထိုင်းနိုင်ငံဟာ တရုတ်နှစ်သစ်ကူး ကာလမရောက်ခင်မှာတင် ဆုံးရှုံးမှုကြီးတဲ့သဘောပါ။ ဒါကြောင့် ထိုင်းဝန်ကြီးချုပ်ကိုယ်တိုင် တရုတ်ခရီးသွားတွေ လုံခြုံရေးမစိုးရိမ်ကြဖို့ အေအိုင်နည်းပညာသုံးပြီး တရုတ်စကားနဲ့ ပြောဆိုထားတဲ့ ဗီဒီယိုတခု ထုတ်ခဲ့ရပါသေးတယ်။ ‘No More Bet’ ရုပ်ရှင်လိုမျိုး ကျားဖြန့်လုပ်ငန်းတွေရဲ့ဆိုးရွားပုံကို ကြည့်ပြီးတဲ့နောက် တရုတ်ခရီးသွားတွေဟာ မြန်မာနိုင်ငံကို သွားလည်ဖို့ စိတ်ကူးနဲ့တင် ခြေဦးမလှည့်ရဲအောင် ကြောက်ရွံ့သွားကြပုံနဲ့တောင် ဆင်နေပါသေးတယ်။

တတိယအချက်ကတော့ မြဝတီကကျားဖြန့်နှိမ်နင်းရေးအတွက် ထုတ်ပြန်ပြောဆိုနေကြတဲ့ အာဘော်ဖန်တီးလာပုံ (Narrative-shaping) ပါ။ တရုတ်နယ်စပ်က ကျားဖြန့်တွေကို နှိမ်နင်းရေးမှာ အကျိုးစီးပွားပတ်သက်မှုတွေကြောင့် စစ်ကောင်စီအနေနဲ့ အချိန်ဆွဲနေခဲ့သလို အခုလည်း လျှပ်စစ်မီး၊ အင်တာနက်၊ အခြေခံအဆောက်အအုံနဲ့ လက်နက်တွေကို ထိုင်းဘက်က ထောက်ပံ့ပေးနေတာ၊ လူကုန်ကူးခံရသူတွေဟာ ထိုင်းနိုင်ငံဘက်ကတဆင့် ဝင်လာတာလို့ ပြောထားပါတယ်။ စစ်ကောင်စီကဘယ်လိုပဲဆိုဆို တရုတ်ဘက်ကတော့ ကျားဖြန့်နှိမ်နင်းရေးကို ပိုအာရုံစိုက်လာပါတယ်။ အခုဆိုရင် ကျားဖြန့်နှိမ်နင်းဖို့အတွက် ‘စင်ရော်စစ်ဆင်ရေး’ ဒုတိယပိုင်းကို စတင်သွားမယ်လို့ တရုတ်နိုင်ငံဘက်က ဆိုပါတယ်။ ဒါတွေကြောင့်ပဲ အခုချဉ်းကပ်လာပုံတွေဟာ ရှမ်းမြောက်ကကျားဖြန့်တွေကို နှိမ်နင်းဖို့ ပြင်ဆင်လာတာနဲ့ ဆင်တူတယ်လို့ ရှုမြင်မိပါတယ်။

ရှမ်းမြောက်အခြေအနေမှာတော့ စစ်ကောင်စီက အကွက်မမြင်ပေမဲ့ ညီနောင်မဟာမိတ်သုံးဖွဲ့ဟာ ကျားဖြန့်နှိမ်နင်းရေးကို အခွင့်အလမ်းအဖြစ် အကွက်မြင်မြင်၊ မဟာဗျူဟာကျကျ ရလဒ်ထွက်အောင်သုံးခဲ့ပါတယ်။ ‘စစ်ဆင်ရေး ၁၀၂၇’ ဖော်ဆောင်ပြီး ရှမ်းမြောက်တခွင် လွှမ်းမိုးနိုင်အောင် လုပ်ခဲ့ပါတယ်။ အခုတခေါက်မှာလည်း စစ်ကောင်စီဟာ အကွက်မြင်ပုံ မရသေးပါဘူး။ အခုအခြေအနေမှာ တရုတ်နိုင်ငံအနေနဲ့ ထိုင်းနိုင်ငံအပါအဝင် မြန်မာပြည်တွင်းက (စစ်ကောင်စီပဲဖြစ်ဖြစ်၊ တိုင်းရင်းသားလက်နက်ကိုင်တပ်ဖွဲ့တွေပဲဖြစ်ဖြစ်၊ နယ်ခြားစောင့်တပ်ပဲဖြစ်ဖြစ်) အနည်းဆုံး ဒေသခံတပ်ဖွဲ့တခုခုနဲ့ ပူးပေါင်းချေမှုန်းရေးလုပ်နိုင်ဖို့ လိုအပ်မှာပါ။ ဘယ်သူနဲ့ပေါင်းပြီး ဘယ်သူက ပစ်မှတ်ထားခံရမလဲ၊ ဘယ်သူ​တွေ ထိုးကျွေးခံရမလဲဆိုတာ စောင့်ကြည့်ရပါတော့မယ်။

မြန်မာနိုင်ငံအရှေ့တောင်ပိုင်းဒေသ (အထူးသဖြင့် ကရင်ပြည်နယ်) က ပဋိပက္ခဇာတ်ကောင်တွေအနေနဲ့ ကျားဖြန့်နှိမ်နင်းရေးအတွက် ထိုင်းနဲ့ (တရုတ်နဲ့) ပူးပေါင်းဆောင်ရွက်ရေး အခွင့်အလမ်းကို ဘယ်လောက်ဖန်တီးနိုင်စွမ်းရှိမလဲဆိုတဲ့အပေါ် မူတည်ပြီး ကရင်ပြည်နယ်ရဲ့ ပဋိပက္ခမြေပုံနဲ့ အခင်းအကျင်းဟာ အပြောင်းအလဲတွေ ဖြစ်သွားနိုင်ပါတယ်။ ကရင်အမျိုးသားအစည်းအရုံး (KNU) နဲ့ အမျိုးသားညီညွတ်ရေးအစိုးရ (NUG) တို့အပါအဝင် ဖက်ဒရယ်ဒီမိုကရေစီအင်အားစုတွေကတော့ ကျားဖြန့်နှိမ်နင်းရေးအတွက် ပူးပေါင်းဆောင်ရွက်ဖို့အသင့်ရှိကြောင်း ဇန်နဝါရီ ၂၀ ရက်မှာ ပူးတွဲသဘောထားထုတ်ပြန်ထားပါတယ်။ ဒီထုတ်ပြန်ချက်ဟာ ကြေညာချက်နိုင်ငံရေးနဲ့ပဲ ပြီးသွားမှာလား၊ တကယ်လက်တွေ့လုပ်ငန်းစဉ်အဖြစ် လှုပ်ရှားသက်ဝင်လာမှာလားဆိုတာကတော့ လာမယ့်လပိုင်းအတွင်း တွေ့ကြရမှာပါ။
2,297
Institute for Strategy and Policy- Myanmar

27 Jan, 11:50

ဒီအခြေအနေတွေကို ကြံ့တကောင်ပြေးလာပုံနဲ့ တင်စားချင်ပါတယ်။ ကြံ့ဆိုတာ ရန်ပြုခံရရင်ပဲဖြစ်ဖြစ်၊ စိတ်ခက်ထန်ဖွယ်ရာ ကြုံလာရင်ပဲဖြစ်ဖြစ် တရှူးထိုးပြေးလာတတ်ပြီး ရန်သူလွင့်သွားလောက်အောင် တိုက်ခိုက်နိုင်တဲ့ အဖျက်စွမ်းအားကြီး တိရစ္ဆာန်တမျိုးဖြစ်ပါတယ်။ ဖြစ်နိုင်ခြေများပြီး အကျိုးဆက် (အထူးသဖြင့် ဆိုးကျိုး) လည်း များနိုင်စရာ သဘောမျိုး၊ လာနေတာကို မသိလိုဟန်နဲ့ မျက်စိမှိတ်၊ နားပိတ်ပြီး အန္တရာယ်ကို လျစ်လျူရှုထားတဲ့သဘောမျိုးတွေကို မီးခိုးရောင်ကြံ့ကြီး (Gray Rhino) ရဲ့ လက္ခဏာတွေအဖြစ် စာရေးသူ Michele Wucker က ရည်ညွှန်းပါတယ်။ အခုလည်းပဲ ကျားဖြန့်နှိမ်နင်းရေးဆိုတဲ့ ကြံ့ကြီးတကောင်ကတော့ ကရင်ပြည်နယ်နဲ့ အရှေ့တောင်ပိုင်းတခွင်ကို တည့်တည့်ကြီး ပြေးလာနေပါတယ်။ မထိန်းနိုင်၊ မရှောင်နိုင်လို့ ထိပ်တိုက်တိုးမိရင် လွင့်ထွက်သွားလောက်အောင် ခွန်အားကြီးမားတဲ့ ကြံ့မျိုးပါပဲ။ အရှိန်နဲ့ ထင်ထင်ရှားရှားကြီး ပြေးလာနေတဲ့ ကြံ့ကြီးကို လက်ဦးမှုယူနိုင်ရင်တော့ ရှောင်ချိန်၊ ပြင်ဆင်ချိန်ရပါတယ်။ သုံးတတ်ရင် အားဖြစ်နိုင်သလို မဆိုင်သလိုနေပြီး သူများကို လက်ညှိုးထိုးနေရင်တော့ ကျားဖြန့်နှိမ်နင်းရေး ခေါင်းစဉ်နဲ့ ပြေးလာနေတဲ့ကြံ့ကြီးကို ထန်းလက်နဲ့ကာသလို ဖြစ်နေမှာပါပဲ။

➤ ဝက်ဘ်ဆိုက်တွင် အပြည့်အစုံဖတ်ရှုရန်
https://ispmyanmar.com/isp-column/250127_ispc001/

#ISP_Column
2,783
Institute for Strategy and Policy- Myanmar

27 Jan, 08:55

မြင်ကွင်းကျယ်မှတ်စုများ (၁၄၁)

ပြန်ဖွင့်လိုက်သော တရုတ်နယ်စပ်ဂိတ်များ

__________________________

တရုတ်နိုင်ငံရဲ့ ကြားဝင်ပေးမှုကြောင့် စစ်ကောင်စီနဲ့ မြန်မာအမျိုးသားဒီမိုကရက်တစ်မဟာမိတ်တပ်မတော် (MNDAA) တို့ အပစ်အခတ်ရပ်စဲရေး သဘောတူညီမှုရခဲ့ပါတယ်။ ဒီနောက်မှာတော့ ကိုးကန့်ဒေသနဲ့ ဆက်စပ်နေတဲ့ နယ်စပ်ဂိတ်သုံးခုကို တရုတ်ဘက်က ပြန်ဖွင့်ပေးခဲ့ပါတယ်။ ဒီအကြောင်းအရာကို ISP-Myanmar ရဲ့ အခုတပတ် မြင်ကွင်းကျယ်မှတ်စုမှာ အချက်အလက် အခြေပြုဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေးဘောဂဗေဒဆိုင်ရာ ကိစ္စရပ်တွေအပြင် မြန်မာနိုင်ငံအတွင်းက လူမှုစီးပွားအခြေအနေတွေ စတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/QBHpgYniass
918
Institute for Strategy and Policy- Myanmar

25 Jan, 06:12

ISP Column
ဆူညံဗလံအသံမှသည်
ဉာဏ်လှိုင်းခတ်ဆင်ခြင်သံဆီသို့
______________________

■ အယူအဆမှတ်စု

‘ISP Column’ ကဏ္ဍအသစ်ကို ဖွင့်လှစ်လိုက်ပါပြီ။ ISP-Myanmar အနေနဲ့ သုတေသနအခြေပြု အရည်အသွေးမြင့် ပိုင်းခြားစိတ်ဖြာ ဆန်းစစ်ချက်တွေနဲ့ ဒေတာအချက်အလက်ဖော်ပြမှုတွေကို ပုံမှန်ထုတ်ဝေနေခဲ့ပါတယ်။ ဒါပေမဲ့ ဘက်ပေါင်းစုံ အလေးဂရုပြုနိုင်တဲ့ ပညာရပ်နယ်ပယ် အကန့်အသတ်ရှိနေပါတယ်။ အများအားဖြင့်တော့ မြန်မာနိုင်ငံရဲ့ နိုင်ငံရေး၊ ပဋိပက္ခ၊ ငြိမ်းချမ်းရေး၊ လုံခြုံရေး၊ မြန်မာ-တရုတ်ဆက်ဆံရေးနဲ့ မြန်မာ့လူမှုစီးပွားအခြေအနေ စတဲ့ နယ်ပယ်တွေထဲကပဲ ဖော်ပြနိုင်ပါတယ်။

ISP-Myanmar ရဲ့ အစီအစဉ်သစ် ‘ISP Column’ က အကြောင်းအရာ အမျိုးအစား ပိုမိုစုံလင်ပါလိမ့်မယ်။ ပြင်ပက စာရေးသူတွေ ပါဝင်ရေးသားနိုင်ကြဖို့ရည်ရွယ်ပြီး ကဏ္ဍတခုဖွင့်လှစ်လိုက်တာပါ။ အထူးသဖြင့် လူငယ်တွေရဲ့ ရှုထောင့်စုံအမြင်တွေကို အားပေးချင်ပါတယ်။ အရင်ခေတ်တွေထက်စာရင် ဒီကနေ့ကာလမှာ စာဖတ်သူအများစုဟာ အွန်လိုင်းပေါ်မှာ အချိန်ပြည့်နီးပါး ရှိနေကြပါတယ်။ စာဖတ်သူသက်သက်မျှသာမဟုတ်ဘဲ ကိုယ်တိုင်ကိုယ်ကျ ဝင်ရောက် ဆွေးနွေးရေးသားလိုသူတွေ၊ ISP-Myanmar က တင်ပြနေတဲ့ ခေါင်းစဉ်ကြောင်းရာတွေအပြင် ပိုပြီးကျယ်ပြန့်တဲ့ အကြောင်းအရာတွေအပေါ် ဆွေးနွေးလိုသူတွေ ရှိနေပါတယ်။ ဒီလို တောင်းဆိုချက်ရှိနေတဲ့ အခြေအနေမှာ ISP-Myanmar ဝက်ဘ်ဆိုက်စာမျက်နှာနဲ့တွဲယှဉ်လို့ စာမျက်နှာသစ်ကို ဖွင့်လှစ်ဖိတ်ခေါ်လိုက်ပါတယ်။ မြင်သာအောင် ပြောရမယ်ဆိုရင်တော့ ပိုမိုလွတ်လပ်ပွင့်လင်းတဲ့ ဘလော့စာမျက်နှာ (Blogosphere) တခုနဲ့ ပိုတူပါလိမ့်မယ်။

စုံလင်တဲ့အကြောင်းအရာတွေ ပါဝင်ပါမယ်။​ စာရေးသူတွေအနေနဲ့ စိတ်ကြိုက်ခေါင်းစဉ် အကြောင်းအရာတွေကို တင်ပြနိုင်ပါလိမ့်မယ်။ နိုင်ငံရေး၊ မြန်မာ့ပဋိပက္ခ၊ ငြိမ်းချမ်းရေး၊ လုံခြုံရေး၊ နိုင်ငံရေးဆိုင်ရာ စီးပွားရေး၊ နိုင်ငံတကာ ဆက်ဆံရေး၊ ပထဝီနိုင်ငံရေးတွေအပြင် သမိုင်း၊ ယဉ်ကျေးမှုနဲ့ စာပေဆိုင်ရာတွေကိုပါ လွတ်လွတ်လပ်လပ် ရေးသား နိုင်ပါမယ်။ ရသစာတွေနဲ့ လူပုဂ္ဂိုလ်တဦးချင်းရဲ့ စိတ်ဝင်စားဖွယ် အတွေ့အကြုံဇာတ်လမ်းတွေလည်း ဖြစ်နိုင်ပါတယ်။ မြန်မာဘာသာအပြင် အင်္ဂလိပ်ဘာသာနဲ့လည်း ရေးသားနိုင်ပါတယ်။ ရေးသားမယ့်စာတွေဟာ ISP-Myanmar ရဲ့အမြင်နဲ့ ကိုက်ညီနေဖို့ မလိုအပ်ပါဘူး။ ပင်ကိုယ်မူရင်း ရေးသားချက်တွေဖြစ်ဖို့၊ အမုန်းစကားနဲ့ တိုက်ခိုက်မှုတွေမပါ ဝင်ဖို့နဲ့ အကျယ်အပြန့်သော ပရိသတ်တွေအတွက် စိတ်ဝင်စားဖွယ်၊ ဗဟုသုတဖြစ်ဖွယ်၊ ဖတ်ပျော်ရှုပျော်ဖြစ်မယ့် စာမျိုးတွေဖြစ်ဖို့ပဲ လိုအပ်ပါတယ်။ ပရိသတ်ကို အကျိုးဖြစ်စေဖို့ ဦးတည်တဲ့ စာမူမျိုး ဖြစ်ဖို့လိုပါတယ်။

သစ်ဆန်းတဲ့ တီထွင်ဖန်တီးမှုနဲ့ ရှုထောင့်စုံတဲ့ အမြင်တွေကို ဖိတ်ခေါ်ပါတယ်။ ဒီလိုဖိတ်ခေါ်ရာမှာ လူငယ်တွေကို ပိုလို့ဦးစားပေးချင်ပါတယ်။ လူငယ်တွေအနေနဲ့ အာရုံကျရာ၊ စိတ်စွဲသန်ရာ ကဏ္ဍတွေကို ဖော်ပြရေးသားကြစေချင်ပါ တယ်။ ဒါမှပဲ ‘ဆူညံဗလံအသံမှသည် ဉာဏ်လှိုင်းခတ် ဆင်ခြင်သံဆီသို့’ ဆိုတာနဲ့အညီ ဖမ်းဆုပ်နားလည်ဖို့ခက်တဲ့ ဆူညံသံတွေကို ရှင်းလင်းခိုင်မာတဲ့၊ ဉာဏ်ထုံမွမ်းတဲ့ ဆင်ခြင်ဖွင့်ဟသံတွေအဖြစ် ဖန်တီးအသွင်ပြောင်းပေးနိုင်မယ်လို့ ယူဆပါတယ်။ ISP-Myanmar အနေနဲ့လည်း လူငယ်တွေရဲ့ အပြောချင်ဆုံးစကား၊ လူထုပရိသတ်တွေ အကြားချင်ဆုံးအသံကို ‘ISP Coulmn’ကနေ ပို့ဆောင် ပေးနိုင်မယ်လို့ ယူဆပါတယ်။

‘ISP Column’ အတွက် ပေးပို့လာတဲ့ စာမူတွေကို အယ်ဒီတာအဖွဲ့က ရွေးချယ်၊ တည်းဖြတ်မှုတွေ လုပ်ဆောင်ပါမယ်။ ဒါပေမဲ့ မူရင်းပုံမပျက်ယွင်းစေဘဲ (လိုအပ်တဲ့) အနည်းဆုံး တည်းဖြတ်မှုပဲ ဖြစ်ပါလိမ့်မယ်။ ရွေးချယ်ဖော်ပြခံရတဲ့ စာမူတွေ အတွက်လည်း ဉာဏ်ပူဇော်ခချီးမြှင့်ဖို့ စီစဉ်ထားပါတယ်။​ ပါဝင်ရေးသားကြဖို့ တိုက်တွန်းပါရစေ။ စာမူမပို့ခင် လေ့လာနိုင်တဲ့ ‘စာမူပေးပို့မှုလမ်းညွှန်နဲ့ မူဝါဒတွေ’ကို ISP-Myanmar ဝက်ဘ်ဆိုက်မှာ ကြည့်နိုင်ပါမယ်။

➤ ISP Column အကြောင်း အသေးစိတ်ဖတ်ရှုရန်
https://ispmyanmar.com/isp-column/
1,278
Institute for Strategy and Policy- Myanmar

21 Jan, 02:55

မြင်ကွင်းကျယ်မှတ်စုများ (၁၄၀)

နေ့စဉ် ပြည်သူ့ဒုက္ခများ

__________________________

မြန်မာ့လူမှုစီးပွားအခြေအနေတွေကိုသိနိုင်ဖို့ နိုင်ငံရဲ့ မြို့နယ် သုံးပုံတပုံဖြစ်တဲ့ မြို့နယ် ၁၁၀ မှာ ISP-Myanmar ရဲ့ သုတေသနကွန်ရက်က လေ့လာနေပါတယ်။ ၂၀၂၄ ခုနှစ် မတ်လကနေ ဒီဇင်ဘာလအထိ ၁၀ လတာကာလအတွင်း မှာ လျှပ်စစ်မီးပြတ်တောက်မှုက ပြည်သူတွေအတွက် အဓိကအခက်အခဲ ဖြစ်ခဲ့ပါတယ်။ ဒီအကြောင်းအရာကို အခုတပတ် မြင်ကွင်းကျယ်မှတ်စုမှာ အချက်အလက် အခြေပြုဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေးဘောဂဗေဒဆိုင်ရာ ကိစ္စရပ်တွေအပြင် မြန်မာနိုင်ငံအတွင်းက လူမှုစီးပွားအခြေအနေတွေ စတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/
1,665
Institute for Strategy and Policy- Myanmar

19 Jan, 07:37

၂၀၂၄ ခုနှစ် တနှစ်တာအတွင်း ကိန်းဂဏန်းများကပြောသော ISP-Myanmar အကြောင်း

__________________________

ISP Insight Email (အတွဲ-၃၊ အမှတ်-၁)

➤ ဝက်ဘ်ဆိုက်တွင် အပြည့်အစုံဖတ်ရှုရန်

https://ispmyanmar.com/community/insight-emails/ie-v03-n01/

၂၀၂၄ ခုနှစ်အတွင်း မြန်မာ့အရေး သုတေသနပြုလေ့လာချက်တွေကို အခြေခံထားတဲ့ အကြောင်းအရာပေါင်း ၅၅၇ ခုကို ISP-Myanmar က ဖြန့်ချိခဲ့ပါတယ်။ တုံ့ပြန်မှုများစွာကိုလည်း ရရှိခဲ့ပါတယ်။ ဆိုရှယ်မီဒီယာတခုတည်းမှာတင် ကြည့်ကြ/ဖတ်ကြတာ ၄၈ သန်းကျော်အထိ ရှိခဲ့ပါတယ်။ သဘောမျှ၊ ဝေဖန်အကြံပြု၊ မျှဝေခဲ့ကြတဲ့ တုံ့ပြန်မှုပေါင်း ၃ ဒသမ ၆ သန်းကျော်ရှိပါတယ်။ ဒါတွေဟာ ရှေ့ဆက်ဖို့ရာလည်း ခွန်အားဖြစ်စေပါတယ်။ တိုင်းပြည်အရေး ဖြေရှင်းကြတဲ့အခါ လက်ရုံးရည်သာမက ဉာဏ်ခွန်အားကိုပါ လက်ကိုင်ပြုနိုင်ဖို့ အရေးကြီးပါတယ်။ ဒီအတွက် ဖြန့်ဖြူးသူနဲ့ ရယူသူဆိုတာဟာလည်း ‘ကိုင်း ကျွန်းမှီ၊ ကျွန်း ကိုင်းမှီ’ အညမညသဘော ဆောင်ပါတယ်။ တခုမရှိရင် တခုမှာ ရပ်တည်စရာလမ်းမမြင်ပါဘူး။ ISP-Myanmar ပရိသတ်တွေကို ကျေးဇူးတင်ကြောင်း အလေးအနက်ပြောပါရစေ။

➤ Download ရယူရန်

https://ispmyanmar.com/community/isp-publications/
1,562
Institute for Strategy and Policy- Myanmar

08 Jan, 13:06

၂၀၂၄ ခုနှစ်ရဲ့ အဆိုးရွားဆုံးဒဏ်ချက်တွေကို အမျိုးသမီးထုမှာ တွေ့ရတယ်

30 Minutes with the ISP (အမှတ်-၆)

__________________

စစ်အာဏာသိမ်းတာ အခုဆို လေးနှစ်ပြည့်ပါတော့မယ်။ ဒီလေးနှစ်အတွင်းမှာ မြန်မာပြည်သူ ပြည်သားတွေရဲ့ ဘဝဟာ နေ့မြင်ညပျောက်တဲ့ဘဝတွေ၊ လူမစုံတော့တဲ့ ထမင်းဝိုင်းတွေ၊ ပညာတတ်တွေ ပညာရဲရင့်ပွဲလယ်မတင့်တော့တဲ့အဖြစ်တွေ စတဲ့ မကြားစဖူး မယုံနိုင်စရာတွေကို တနေ့ထက်တနေ့ ပိုလို့ ကြားနေ၊ မြင်နေရပါတယ်။ စီးပွားရေးကကျပ်၊ နိုင်ငံရေးကခက်တဲ့အပြင် သဘာဝကပ်ဘေးကပါ ထပ်ဆင့်နေပါတယ်။ ဒီလို အဘက်ဘက်က ထိုးနှက်ချက်တွေကို ဆင်းရဲချမ်းသာ၊ လူကြီးလူငယ်၊ မြို့ပြကျေးလက်မရွေး တနည်းတဖုံ ခံစားနေရသူချည်းပါပဲ။

ဒါပေမဲ့ ဒီလိုရင်ဆိုင်ရတဲ့ ဒဏ်ရာဒဏ်ချက်တွေကို ဘုံချကြည့်ရင် အမျိုးသမီးတွေရဲ့ကျောမှာ အများဆုံးသွားတွေ့ရပါတယ်။ အတွင်းကျကျဆန်းစစ်ကြည့်ရင် အပေါ်ယံအံကြိတ်ထားတဲ့၊ ပါးကွက်ကြား၊ မိတ်ကပ်တွေနဲ့ ဟန်လုပ်ပြုံးနေတဲ့ မျက်နှာဖုံးတွေအောက်မှာ အမျိုးသမီးတွေရဲ့ဘဝဟာ တလွှာပြီးတလွှာ၊ တချက်ပြီးတချက် အမွှန်းခံထားရတာကို တွေ့ရပါတယ်။

အမျိုးသမီးတွေရဲ့ဘဝဟာ ဘာတွေထူးပြီး ခက်ခဲနေသလဲ။ ၂၀၂၁ ခုနှစ် စစ်အာဏာသိမ်းမှုအလွန်ကာလမှာ ဘယ်လိုဘယ်ပုံ ပိုကျပ်တည်းနေကြရပါသလဲ။ ISP-Myanmar ရဲ့ မိနစ် ၃၀ တင်ပြမှုကို ကြည့်ရှုဖို့ ဖိတ်ခေါ်ပါရစေ။

➤YouTube တွင်ကြည့်ရှုရန်
https://youtu.be/e2wy-s7xVdk

➤ Facebook တွင်ကြည့်ရှုရန်
https://www.facebook.com/share/v/18gfGtZs6G/?mibextid=wwXIfr

➤ 30 Minutes with the ISP အစီအစဉ်အကြောင်း
https://ispmyanmar.com/community/ne-03/
436
Institute for Strategy and Policy- Myanmar

08 Jan, 06:51

လူထုတွေ၊ အမျိုးသမီးတွေရဲ့ ကြံ့ကြံ့ခံနိုင်စွမ်းကို ပိုမတွက်မိဖို့လိုသလို တသမတ်တည်း တွက်ထားလို့လည်း မရစကောင်းပါ။ အချိန်နဲ့အမျှ တစတစ တိုက်စားခံနေရပါတယ်။ ပိုင်ဆိုင်မှုတွေကို ထုခွဲရောင်းချစားသောက်ရင်း အိတ်ကပ်တွေ တဖြည်းဖြည်း ပါးလာနေပါတယ်။ နစ်နာခံစားနေရတဲ့ လူထုတွေအတွက် စနစ်တကျထောက်ပံ့ပေးနိုင်တဲ့ ယန္တရားစနစ် (အင်စတီကျူးရှင်း) တွေကလည်း သေသေချာချာ ရှိမနေပါဘူး။ လူထုကပဲ လူထုကို အပြန် အလှန် အကူအညီပေးမယ့် အထောက်အပံ့တွေကလည်း ကောက်ရိုးမျှင်ပဲ ဖြစ်နေပါတယ်။ ဒီအခြေအနေမှာ ဒီမိုကရေစီစနစ် တနည်း ရွေးကောက်ပွဲအရ ခေါင်းဆောင်သူတွေပဲ ဖြစ်ဖြစ်၊ အာဏာသိမ်းပြီး ဖြစ်ဖြစ်၊ အာဏာထိန်းတယ် ဖြစ်ဖြစ်၊ လက်ရှိ အာဏာချုပ်ကိုင်ရယူထားသူတွေ၊ နိုင်ငံတော်အကျိုးကိုရည်သန်တဲ့ တော်လှန်ရေးလှုပ်ရှားသူတွေဟာ လူထုကောင်းကျိုးကို ဖော်ဆောင်နိုင်ရပါမယ်။ လူထုတွေရဲ့ သာယာဝပြောမှုကို ကြည့်ရပါမယ်။ လူထုတွေ ဒုက္ခမဖြစ်စေဘဲ ကောင်းကျိုးချမ်းသာ ခံစားစေရပါမယ်။ မူဝါဒဆုံးဖြတ်ချက်ချမှတ်ရာ နေရာတိုင်းမှာရှိနေသူ ခေါင်းဆောင်တိုင်းက အလေးထားရမယ့်ကိစ္စ ဖြစ်ပါတယ်။ ဒဏ်ရာ ဒဏ်ချက် အများအပြားနဲ့ ပြိုလုတည်းတည်း လူ့အဖွဲ့အစည်းမှာ အရေးတကြီး လိုအပ်နေတဲ့ လူမှုအသိုက်အဝန်းရဲ့ စိတ်ဓာတ်ပိုင်းပံ့ပိုးပေးမှု (Psycho-social supports) ကို ဘယ်လို ဖြည့်ဆည်းနိုင်ကြမလဲ စဉ်းစားဖို့လိုအပ်နေပါပြီ။

ISP-Myanmar ရဲ့ သုတေသနကွန်ရက်က လေ့လာနေတဲ့ လူမှုစီးပွားလေ့လာတွေ့ရှိချက်တွေ အပြင် ပြည်တွင်းနေ အမျိုးသမီးထုဆီက သိလာရတဲ့ လက်ငင်းအခြေအနေတွေကို အခု တပတ် ‘ISP နှင့်အတူ မိနစ် ၃၀’အစီအစဉ်မှာ ဆွေးနွေးထားပါတယ်။

ISP-Myanmar ရဲ့ မိနစ် ၃၀ တင်ပြမှုကို ကြည့်ရှုဖို့ ဖိတ်ခေါ်ပါရစေ။

➤ ကပြင်ရပ်ဝန်းအဖွဲ့ဝင် ဖြစ်ရန်

https://ispmyanmar.com/community/register/

➤ ယခင်ပွဲများအား ပြန်ကြည့်နိုင်ရန်

https://ispmyanmar.com/all-events/
441
Institute for Strategy and Policy- Myanmar

08 Jan, 06:50

၂၀၂၄ ခုနှစ်ရဲ့ အဆိုးရွားဆုံးဒဏ်ချက်တွေကို အမျိုးသမီးထုမှာ တွေ့ရတယ်

30 Minutes with the ISP (အမှတ်-၆)

__________________________

ဇန်နဝါရီ ၈ ရက်(ဗုဒ္ဓဟူးနေ့)၊ ၂၀၂၅ ခုနှစ်

မြန်မာစံတော်ချိန် ည ၇:၃၀ နာရီ

ISP ကပြင်ရပ်ဝန်းသူ ရပ်ဝန်းသားတွေနဲ့အတူ ပြုလုပ်ခဲ့တဲ့ ဆွေးနွေးချက်တွေကို ISP-Myanmar နဲ့ DVB TV News Facebook စာမျက်နှာတွေအပြင် DVB ရုပ်သံလိုင်းကနေလည်း တပြိုင်နက်တည်း ထုတ်လွှင့်သွားမှာ ဖြစ်ပါတယ်။ မြန်မာနိုင်ငံက အမျိုးသမီးတွေ ကြုံတွေ့နေရတဲ့ လူမှုစီးပွားဒုက္ခတွေအကြောင်းကို ISP Research Network ရဲ့ သုတေသနအခြေပြု တွေ့ရှိချက်တွေကို အခြေခံပြီး ဆွေးနွေးထားတဲ့ ‘ISP နှင့်အတူ မိနစ် ၃၀’ အစီအစဉ်ကို ကြည့်ရှုဖို့ ဖိတ်ခေါ်ပါရစေ။

■ အယူအဆမှတ်စု

အမျိုးသမီးတွေရဲ့ဘဝဟာ ဘာတွေထူးပြီး ခက်ခဲနေလဲ။ ၂၀၂၁ ခုနှစ် စစ်အာဏာသိမ်းမှုအလွန်ကာလမှာ ဘယ်လိုဘယ်ပုံ ပိုကျပ်တည်းနေကြရပါသလဲ။

စစ်အာဏာသိမ်းတာ အခုဆို လေးနှစ်ပြည့်ပါတော့မယ်။ ဒီလေးနှစ်အတွင်းမှာ မြန်မာပြည်သူ ပြည်သားတွေရဲ့ ဘဝဟာ နေ့မြင်ညပျောက်တဲ့ဘဝတွေ၊ လူမစုံတော့တဲ့ ထမင်းဝိုင်းတွေ၊ ပညာတတ်တွေ ပညာရဲရင့်ပွဲလယ်မတင့်တော့တဲ့အဖြစ်တွေ စတဲ့ မကြားစဖူး မယုံနိုင်စရာတွေကို တနေ့ထက်တနေ့ ပိုလို့ ကြားနေ၊ မြင်နေရပါတယ်။ အထူးသဖြင့် ဒီနှစ် ၂၀၂၄ မှာ စစ်မှုထမ်းဥပဒေကြောင့် သားသမီးတွေကို နယ်ဝေးနဲ့ နိုင်ငံရပ်ခြားပို့ပြီး မသေသေးရင်တော့ ပြန်တွေ့နိုင်ပါသေးတယ်ဆိုတဲ့စိတ်နဲ့ပဲ မျက်ရည်လည်ရွဲ မျှော်နေကြရပါတယ်။

စီးပွားရေးကကျပ်၊ နိုင်ငံရေးကခက်တဲ့အပြင် သဘာဝကပ်ဘေးကပါ ထပ်ဆင့်နေပါတယ်။ ဒီလို အဘက်ဘက်က ထိုးနှက်ချက်တွေကို ဆင်းရဲချမ်းသာ၊ လူကြီးလူငယ်၊ မြို့ပြကျေးလက်မရွေး တနည်းတဖုံ ခံစားနေရသူချည်းပါပဲ။ ဒါပေမဲ့ ဒီလိုရင်ဆိုင်ရတဲ့ ဒဏ်ရာဒဏ်ချက်တွေကို ဘုံချကြည့်ရင် အမျိုးသမီးတွေရဲ့ကျောမှာ အများဆုံးသွားတွေ့ရပါတယ်။ အတွင်းကျကျဆန်းစစ်ကြည့်ရင် အပေါ်ယံအံကြိတ်ထားတဲ့၊ ပါးကွက်ကျား၊ မိတ်ကပ်တွေနဲ့ ဟန်လုပ်ပြုံးနေတဲ့ မျက်နှာဖုံးတွေအောက်မှာ အမျိုးသမီးတွေရဲ့ဘဝဟာ တလွှာပြီးတလွှာ၊ တချက်ပြီးတချက် အမွှန်းခံထားရတာပါ။ ‘နောက်နှစ်ကုန်ရင် အောင်လံထူပြီ’ဆိုတဲ့ အနှစ်အသားမပါ၊ လက်တွေ့အကူအညီမလာတဲ့ လေလှိုင်းပေါ်က‘မိုတီ’စကားတွေကလည်း စိတ်ဓာတ်မတက်ကြွစေနိုင်တော့ပါဘူး။ ပရိယာယ်တွေနဲ့ ကြိုးရှည်ရှည်လှန်ထားသလို ရက်စက်ရာကျလွန်းတယ်လို့ ဆိုချင်ပါတယ်။ မြေပြင်က အမျိုးသမီးတွေရဲ့ လက်တွေ့ဘဝကို မြင်နိုင်ဖို့ ISP-Myanmar ရဲ့ အခုစကားဝိုင်းက လှစ်ဟပြချင်တာဖြစ်ပါတယ်။ ဒီမတိုင်ခင်ကလည်း မြန်မာအမျိုးသမီးတွေ နိစ္စဓူ၀ရင်ဆိုင်နေရကြရတဲ့ အခက်အခဲတွေအကြောင်းကို ISP- Myanmar ရဲ့ သုတေသနကွန်ရက် (Research Network) အစီအစဉ်က လေ့လာမှုတွေ လုပ်ခဲ့ပါသေးတယ်။ နိုင်ငံအနှံ့မှာရှိကြတဲ့ အမျိုးသမီး ၅၀၀ ကျော်ရဲ့ သဘောထားတွေကို ရယူခဲ့သလို သူတို့ရဲ့ အသံတွေကိုလည်း နားထောင်ခဲ့ပါတယ်။ ဒီအထဲက ၇၄ ရာခိုင်နှုန်းဟာ ဘ၀ရှေ့ရေးအတွက် စိုးရိမ်မှုတွေရှိနေပါတယ်။ ၈၈ ရာခိုင်နှုန်းကျော်ဟာ အလုပ်ရဖို့ခက်နေကြတဲ့အပြင် ဝင်ငွေထွက်ငွေ မမျှတတာကိုလည်း ကြုံနေရပါတယ်။ သုံးဆမကတက်လာတဲ့ ကုန်စျေးနှုန်းဒဏ်ကို ခံနေရသူက ၈၃ ရာခိုင်နှုန်း ရှိပါတယ်။ ပြည်တွင်းမှာပဲ ရတဲ့နည်းလမ်းနဲ့ ဖြေရှင်းဖို့ စဉ်းစားနေသူတွေက ၇၀ ရာခိုင်နှုန်းနီးပါးပါ။ အခုအခြေအနေတွေနဲ့ပတ်သက်လို့ ဆက်လက်လေ့လာစရာတွေ ရှိနေသေးပေမဲ့ ဒီကိန်းဂဏန်းနဲ့ အဖြေတွေဟာ လက်ရှိဖြစ်ပျက်နေတာတွေနဲ့ နီးစပ်မှုရှိပါတယ်။
358
Institute for Strategy and Policy- Myanmar

08 Jan, 04:05

ဘာဖြစ်လို့ မတရားခံနေရတာလဲ

(Promo Clip)
__________________________

ဇန်နဝါရီ ၈ ရက် (ဗုဒ္ဓဟူးနေ့)၊ ၂၀၂၅ ခုနှစ်

မြန်မာစံတော်ချိန် ည ၇:၃၀ နာရီ

‘၂၀၂၄ ခုနှစ်ရဲ့ အဆိုးရွားဆုံး ဒဏ်ချက်တွေကို အမျိုးသမီးထုမှာ တွေ့ရတယ်’ ဆိုတဲ့ ခေါင်းစဉ်နဲ့ ဆွေးနွေးထားတဲ့ ‘ISP နှင့်အတူ မိနစ် ၃၀’ အစီအစဉ်ကို ISP-Myanmar နဲ့ DVB TV News Facebook စာမျက်နှာတွေအပြင် DVB ရုပ်သံလိုင်းကနေလည်း တပြိုင်နက်တည်း ထုတ်လွှင့်သွားပါမယ်။

#30_Minutes_with_the_ISP #ISP_Gabyin #ISP_Myanmar #30MinWithTheISP
389
Institute for Strategy and Policy- Myanmar

07 Jan, 13:05

စိတ်တိုင်းမကျတာနဲ့ အရိုက်ခံရတယ်
(Promo Clip)
__________________________

ဇန်နဝါရီ ၈ ရက် (ဗုဒ္ဓဟူးနေ့)၊ ၂၀၂၅ ခုနှစ်

မြန်မာစံတော်ချိန် ည ၇:၃၀ နာရီ

‘၂၀၂၄ ခုနှစ်ရဲ့ အဆိုးရွားဆုံး ဒဏ်ချက်တွေကို အမျိုးသမီးထုမှာ တွေ့ရတယ်’ ဆိုတဲ့ ခေါင်းစဉ်နဲ့ ဆွေးနွေးထားတဲ့ ‘ISP နှင့်အတူ မိနစ် ၃၀’ အစီအစဉ်ကို ISP-Myanmar နဲ့ DVB TV News Facebook စာမျက်နှာတွေအပြင် DVB ရုပ်သံလိုင်းကနေလည်း တပြိုင်နက်တည်း ထုတ်လွှင့်သွားပါမယ်။

#30_Minutes_with_the_ISP #ISP_Gabyin #ISP_Myanmar #30MinWithTheISP
475
Institute for Strategy and Policy- Myanmar

07 Jan, 10:05

မသေချာမှုတွေ ပြည့်နေတယ်
(Promo Clip)
__________________________

ဇန်နဝါရီ ၈ ရက် (ဗုဒ္ဓဟူးနေ့)၊ ၂၀၂၅ ခုနှစ်

မြန်မာစံတော်ချိန် ည ၇:၃၀ နာရီ

ISP-Myanmar နဲ့ DVB TV News Facebook စာမျက်နှာတွေအပြင် DVB ရုပ်သံလိုင်းကနေလည်း တပြိုင်နက်တည်း ထုတ်လွှင့်သွားပါမယ်။

အမျိုးသမီးတွေ ကြုံနေရတဲ့ လူမှုစီးပွားဒုက္ခတွေအကြောင်းကို ISP Research Network ရဲ့ သုတေသနအခြေပြု တွေ့ရှိချက်တွေကို အခြေခံပြီး ‘၂၀၂၄ ခုနှစ်ရဲ့ အဆိုးရွားဆုံး ဒဏ်ချက်တွေကို အမျိုးသမီးထုမှာ တွေ့ရတယ်’ ဆိုတဲ့ ခေါင်းစဉ်နဲ့ ဆွေးနွေးထားတဲ့ ‘ISP နှင့်အတူ မိနစ် ၃၀’ အစီအစဉ်ကို ကြည့်ရှုဖို့ ဖိတ်ခေါ်ပါရစေ။

#30_Minutes_with_the_ISP #ISP_Gabyin #ISP_Myanmar #30MinWithTheISP
2,098
Institute for Strategy and Policy- Myanmar

06 Jan, 12:47

လွတ်ငြိမ်း ၁၆ ကြိမ်တွင် နိုင်ငံရေးအကျဉ်းသား ၈ ဒသမ ၆ ရာခိုင်နှုန်းသာပါဝင်

(၂၀၂၁ ခုနှစ် ဖေဖော်ဝါရီလမှ ၂၀၂၅ ခုနှစ် ဇန်နဝါရီ ပထမပတ်အထိ)

__________________________

စစ်ကောင်စီ အာဏာသိမ်းချိန် လေးနှစ်နီးပါးကာလအတွင်း လွတ်ငြိမ်းခွင့် ၁၆ ကြိမ် ကြေညာခဲ့ပြီး အကျဉ်းကျခံနေရသူ ၁၀၁,၇၂၉ ဦးကို ပြန်လွှတ်ခဲ့ပါတယ်။ ဒီအထဲမှာ နိုင်ငံရေးအကျဉ်းသား ၈,၇၆၂ ဦး၊ ရာခိုင်နှုန်းအနေနဲ့ ပြန်လွှတ်ပေးသူစုစုပေါင်းရဲ့ ၈ ဒသမ ၆ ရာခိုင်နှုန်းပဲ ပါခဲ့ပါတယ်။ စစ်အာဏာသိမ်းတာကို လက်မခံတာနဲ့ ဆန့်ကျင်တာတွေကြောင့် ဖမ်းဆီးခံထားရတဲ့ နိုင်ငံရေးအကျဉ်းသား ၂၁,၄၉၉ ဦးထက်မနည်း ရှိနေဆဲပါ။ အဲဒီအထဲက ၉,၉၈၅ ဦးထက်မနည်းဟာလည်း ထောင်ဒဏ်တနှစ်ကနေ အမြင့်ဆုံး သေဒဏ်အထိ ချမှတ်ခံထားရပါတယ်။

➤ PDF file Download ရယူရန်

https://ispmyanmar.com/community/isp-publications/

➤ ကပြင်ရပ်ဝန်းတွင် ဝင်ရောက်ဖတ်ရှုရန်

https://ispmyanmar.com/community/

အခုလို ISP-Myanmar က ပြုစုရေးဆွဲထားတဲ့ အချက်အလက်ပြရုပ်ပုံတွေအပြင် သုတေသန တွေ့ရှိချက်တွေနဲ့ သုံးသပ်ချက်ဆောင်းပါးတွေကို အရင်ဦးဆုံးဖတ်ရှုလို ဒါမှမဟုတ် Download ရယူလိုပါသလား။​

ISP ‘ကပြင်ရပ်ဝန်း’ အဖွဲ့ဝင်အဖြစ် အခုပဲ ချိတ်ဆက်လိုက်ပါ။

➤ ကပြင်ရပ်ဝန်းအဖွဲ့ဝင် ဖြစ်ရန်

https://ispmyanmar.com/community/register/

#ISP_Data Matters
2,660
Institute for Strategy and Policy- Myanmar

06 Jan, 06:54

မြင်ကွင်းကျယ်မှတ်စုများ (၁၃၈)

စစ်ကောင်စီ၏ လွတ်ငြိမ်းခွင့်

__________________________

၂၀၂၅ ခုနှစ် လွတ်လပ်ရေးနေ့မှာ စစ်ကောင်စီက လွတ်ငြိမ်းခွင့်တွေ ကြေညာခဲ့ပါတယ်။ နိုင်ငံရေးအကျဉ်းသား နှစ်သောင်းဝန်းကျင်ကတော့ အကျဉ်းထောင်တွေထဲမှာ ရှိနေဆဲပါ။ ဒီအကြောင်းအရာတွေနဲ့ပတ်သက်လို့ အခုတပတ် ISP-Myanmarရဲ့ မြင်ကွင်းကျယ်မှတ်စုမှာ အချက်အလက် အခြေပြုပြီး ဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေးဘောဂဗေဒဆိုင်ရာ ကိစ္စရပ်တွေအပြင် မြန်မာနိုင်ငံအတွင်းက လူမှုစီးပွားအခြေအနေတွေ စတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/O_6xC7UXCzs
2,413
Institute for Strategy and Policy- Myanmar

31 Dec, 03:07

မြင်ကွင်းကျယ်မှတ်စုများ (၁၃၇)

ဝန်အဆင့်ဆင့်အောက်က အမျိုးသမီးများ

__________________________

၂၀၂၄ ခုနှစ်အတွင်းမှာ အမျိုးသမီးတွေ ရင်ဆိုင်နေရတဲ့ အကျပ်အတည်းနဲ့ စိန်ခေါ်မှုတွေအကြောင်းကို ဒီတပတ် ISP-Myanmarရဲ့ မြင်ကွင်းကျယ်မှတ်စုမှာ ပိုင်းခြားဖော်ပြထားပါတယ်။ အမျိုးသမီးတွေဟာ အလုပ်လက်မဲ့ဖြစ်ရတာ၊၊ ဘဝရှေ့ရေး မရေရာတာ၊ လုံခြုံမှုမရှိလို့ နေရပ်စွန့်ခွာရတာ စတဲ့ အခြေအနေတွေကို ကြုံတွေ့နေကြရပါတယ်။ နိုင်ငံတဝန်းက အမျိုးသမီး ၅၀၀ ကျော်ကို မကြာသေးခင်ရက်ပိုင်းက ကောက်ယူခဲ့တဲ့ စစ်တမ်းတွေ့ရှိချက်တွေကို အခြေခံပြီး ဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေးဘောဂဗေဒဆိုင်ရာ ကိစ္စရပ်တွေအပြင် မြန်မာနိုင်ငံအတွင်းက လူမှုစီးပွားအခြေအနေတွေ စတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/EE-3Kztqn84
1,134
Institute for Strategy and Policy- Myanmar

29 Dec, 03:28

ရှမ်းမြောက်နှင့်ဆက်စပ်ဒေသများ၌ ထိန်းချုပ်ခံထားရသော တရုတ်စီမံကိန်း ၁၃ ခုရှိ

______________________

ရှမ်းပြည်နယ်(မြောက်ပိုင်း)အပါအဝင် ဆက်စပ်နေတဲ့ မြန်မာနိုင်ငံအလယ်ပိုင်းဒေသတွေမှာ တရုတ်ရင်းနှီးမြှုပ်နှံမှုစီမံကိန်း ၂၃ ခုရှိတဲ့အနက် ၁၃ ခုကို (၂၀၂၄ ခုနှစ် ဒီဇင်ဘာ ၂၄ ရက်အထိ အချက်အလက်တွေအရ) တိုင်းရင်းသားလက်နက်ကိုင်အဖွဲ့ (EAOs) တွေက အပြည့်အဝထိန်းချုပ်ထားပါတယ်။​ ရှမ်းပြည်နယ်(မြောက်ပိုင်း)အတွင်းက တရုတ်-မြန်မာ ရေနံနဲ့သဘာဝဓာတ်ငွေ့ပိုက်လိုင်း၊ နယ်စပ်ဖြတ်ကျော် ဓာတ်အားလိုင်းနဲ့ အပြည်ပြည်ဆိုင်ရာ ကုန်းတွင်း-ရေကြောင်း ကုန်သွယ်ရေးစင်္ကြံသစ် (ILSTC) အပါအဝင် မူဆယ်-မန္တလေးရထားလမ်းနဲ့ ကုန်သွယ်ရေးလမ်းကြောင်းတွေကိုလည်း EAOs တွေက တစိတ်တပိုင်း ထိန်းချုပ်ထားပါတယ်။​

➤ PDF file Download ရယူရန်
https://ispmyanmar.com/community/isp-publications/

➤ ကပြင်ရပ်ဝန်းတွင် ဝင်ရောက်ဖတ်ရှုရန်
https://ispmyanmar.com/community/

➤ ကပြင်ရပ်ဝန်းအဖွဲ့ဝင် ဖြစ်ရန်
https://ispmyanmar.com/community/register/
2,927
Institute for Strategy and Policy- Myanmar

28 Dec, 04:25

ရခိုင်ပြည်နယ်ရှိ တရုတ်စီမံကိန်း ၁၀ ခုကို AA က ထိန်းချုပ်ထား

__________________________

ရခိုင်ပြည်နယ်မှာ တရုတ်ရင်းနှီးမြှုပ်နှံမှုစီမံကိန်း စုစုပေါင်း ၁၁ ခုရှိတဲ့အနက် ၁၀ ခုကို (၂၀၂၄ ခုနှစ် ဒီဇင်ဘာ ၂၄ ရက်အထိ အချက်အလက်တွေအရ) အာရက္ခတပ်တော် (AA) က ထိန်းချုပ်ထားပါတယ်။ အဲဒီအထဲမှာ သံတွဲနဲ့ အမ်းမြို့တွေမှာရှိတဲ့ လေအားလျှပ်စစ်စီမံကိန်းတွေကို အပြည့်အဝထိန်းချုပ်ထားတာဖြစ်ပြီး ကျောက်ဖြူရေနက်ဆိပ်ကမ်းနဲ့ အထူးစီးပွားရေးဇုန် စီမံကိန်း၊ မန္တလေး-ကျောက်ဖြူ ရထားလမ်းစီမံကိန်း၊ ကျောက်ဖြူ-နေပြည်တော် ကားလမ်းစီမံကိန်း၊ တရုတ်-မြန်မာ ရေနံနဲ့သဘာဝဓာတ်ငွေ့ပိုက်လိုင်းအပါအဝင် ကုန်သွယ်ရေးလမ်းကြောင်းတွေကို တစိတ်တပိုင်း ထိန်းချုပ်ထားပါတယ်။

➤ PDF file Download ရယူရန်
https://ispmyanmar.com/community/isp-publications/

➤ ကပြင်ရပ်ဝန်းတွင် ဝင်ရောက်ဖတ်ရှုရန်
https://ispmyanmar.com/community/

အခုလို ISP-Myanmar က ပြုစုရေးဆွဲထားတဲ့ မြေပုံတွေအပြင် သုတေသန တွေ့ရှိချက်တွေနဲ့ သုံးသပ်ချက်ဆောင်းပါးတွေကို အရင်ဦးဆုံးဖတ်ရှုလို ဒါမှမဟုတ် Download ရယူလိုပါသလား။​
ISP ‘ကပြင်ရပ်ဝန်း’ အဖွဲ့ဝင်အဖြစ် အခုပဲ ချိတ်ဆက်လိုက်ပါ။

➤ ကပြင်ရပ်ဝန်းအဖွဲ့ဝင် ဖြစ်ရန်
https://ispmyanmar.com/community/register/
3,082
Institute for Strategy and Policy- Myanmar

25 Dec, 03:57

ဘေးနှစ်သွယ်အမြွှာဆင့်ချိန် - ဥတုကပ်နှင့် ပဋိပက္ခ

စစ်ရေးပဋိပက္ခတွေက ပြင်းထန်နေသလို ဥတုကပ်ဘေးတွေဟာလည်း အရှိန်ပြင်းပြင်း၊ အကြိမ်စိပ်စိပ်နဲ့ နှစ်စဉ်လိုလို ဖြစ်လာနေပါပြီ။ နိုင်ငံရေးပဋိပက္ခကြောင့် ဥတုကပ်ဘေးကို ခုခံနိုင်စွမ်း ယုတ်လျော့လာပါတယ်။ ပတ်ဝန်းကျင်အရည်အသွေးလည်း ကျဆင်းလာပါတယ်။ အခုအချိန်မှာ ဥတုဘေးကိစ္စတွေက အရေးမကြီးသေးဘူး၊ လောလောပူနေစရာမလိုဘူးလို့ ရှုမြင်ပြီး လျစ်လျူရှုထားတာတွေလည်း ရှိနေပါတယ်။ ဒါပေမဲ့လည်း ဥတုကပ်ဘေးဆိုက်လာတဲ့အခါ ဘက်လိုက်မှာ မဟုတ်သလို အညှာအတာလည်း ကင်းပါလိမ့်မယ်။ လက်ရှိမှာ မြန်မာလူထုတွေဟာ ‘သဘာဝမုန်တိုင်း’ ကိုရော ‘နိုင်ငံရေးမုန်တိုင်း’ ကိုပါ ရင်ဆိုင်နေရတာပါ။ ဘယ်မုန်တိုင်းကိုမှ နောက်ပို့ထားလို့ရတဲ့အနေအထား ရှိမနေပါဘူး။

➤ ဝက်ဘ်ဆိုက်တွင်လည်း ကြည့်ရှုနိုင်ပါသည်။

[link] https://ispmyanmar.com/community/

https://youtu.be/hlkkebjXhnQ?feature=shared

#ISP_Clips
#ISP_Gabyin
1,315
Institute for Strategy and Policy- Myanmar

24 Dec, 11:17

Dual Burdens on Women
_____________________
The survey report reflects the added socioeconomic burdens and challenges faced by Myanmar women across the country. The study covers a six-month observed period between March and August 2024 in 110 townships, one-third of the total townships.
‘အမျိုးသမီးများအပေါ် သက်ရောက်နေသော မမျှတသည့် ဝန်ထုပ်ဝန်ပိုးများ’ ခေါင်းစဉ်နဲ့ ၂၀၂၄ နိုဝင်ဘာလမှာ ဖြန့်ချိခဲ့တဲ့ သုတေသနတွေ့ရှိချက် အစီရင်ခံစာရဲ့ English Edition ကို Download ရယူ ဖတ်ရှုနိုင်ပါပြီ။
➤ Download ရယူပါရန်
https://ispmyanmar.com/.../20241224_Semi-Annual-Report...
➤ မြန်မာဘာသာဖြင့် Download ရယူပါရန်
https://ispmyanmar.com/.../20241129_Semi-Annual-Report...
➤ISP-Myanmar ရဲ့ သုတေသန တွေ့ရှိချက်တွေကို ကပြင်ရပ်ဝန်းမှာ ဦးဦးဖျားဖျား ရယူဖတ်ရှုနိုင်ပါပြီ။
ကပြင်ရပ်ဝန်း အဖွဲ့ဝင်ရန် https://ispmyanmar.com/community/
1,211
Institute for Strategy and Policy- Myanmar

23 Dec, 09:15

မြင်ကွင်းကျယ်မှတ်စုများ (၁၃၆)

အာဏာသိမ်းမှုနောက်ပိုင်း အဂတိ၊ အမှုအခင်းနှင့် ဖြေရှင်းမှုများ

______________________

မြန်မာ့လူ့ဘောင်အတွင်းက အဂတိလိုက်စားမှု၊ ရာဇဝတ်မှုတွေနဲ့ ဖြေရှင်းမှုတွေအကြောင်းကို ISP-Myanmar ရဲ့ အခုတပတ် မြင်ကွင်းကျယ်မှတ်စု အစီအစဉ်မှာ ပိုင်းခြားဖော်ပြထားပါတယ်။ လဝက၊ အုပ်ချုပ်ရေးနဲ့ တရားရုံးတွေကို လာဘ်ပေးရတာက အများဆုံးဖြစ်နေတာကို တွေ့ရပါတယ်။ မြန်မာနိုင်ငံရဲ့ လူမှုစီးပွားအခြေအနေတွေကို အခုနှစ် မတ်လကနေ ဩဂုတ်လအထိ လေ့လာတွေ့ရှိချက်တွေကို အခြေခံထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေးဘောဂဗေဒဆိုင်ရာ ကိစ္စရပ်တွေအပြင် မြန်မာနိုင်ငံအတွင်းက လူမှုစီးပွားအခြေအနေတွေ စတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/BP8LovH-Yxk?si=djZ70LvYkaOQzrMh

#ISP_Clips
#ISP_Gabyin
959
Institute for Strategy and Policy- Myanmar

20 Dec, 04:23

၂၀၂၄ ခုနှစ်ရဲ့ အဆိုးရွားဆုံးဒဏ်ချက်တွေကို အမျိုးသမီးထုမှာ တွေ့ရတယ်

30 Minutes with the ISP (အမှတ်-၆)

______________________

ဒီဇင်ဘာ ၂၁ ရက် (စနေနေ့)၊ ၂၀၂၄ ခုနှစ်

မြန်မာစံတော်ချိန် မွန်းလွဲ ၃:၀၀-၃:၃၀ နာရီ

ISP-Myanmar ရဲ့ Research Network Program က Zoom ကတဆင့် အွန်လိုင်းစနစ်နဲ့ မိနစ် ၃၀ ကြာ တင်ပြမှာဖြစ်ပြီး တက်ရောက်မယ်ဆိုရင် အောက်က link မှာ ကြိုတင် စာရင်းပေးထားလို့ ရပါတယ်။

https://us06web.zoom.us/.../WN_fbhS06uxQVin4BHGzVIwwA...

■ အယူအဆမှတ်စု

အမျိုးသမီးတွေရဲ့ဘဝဟာ ဘာတွေထူးပြီး ခက်ခဲနေလဲ။ ၂၀၂၁ ခုနှစ် စစ်အာဏာသိမ်းမှုအလွန်ကာလမှာ ဘယ်လိုဘယ်ပုံ ပိုကျပ်တည်းနေကြရပါသလဲ။

စစ်အာဏာသိမ်းတာ အခုဆို လေးနှစ်ပြည့်ပါတော့မယ်။ ဒီလေးနှစ်အတွင်းမှာ မြန်မာပြည်သူ ပြည်သားတွေရဲ့ ဘဝဟာ နေ့မြင်ညပျောက်တဲ့ဘဝတွေ၊ လူမစုံတော့တဲ့ ထမင်းဝိုင်းတွေ၊ ပညာတတ်တွေ ပညာရဲရင့်ပွဲလယ်မတင့်တော့တဲ့အဖြစ်တွေ စတဲ့ မကြားစဖူး မယုံနိုင်စရာတွေကို တနေ့ထက်တနေ့ ပိုလို့ ကြားနေ၊ မြင်နေရပါတယ်။ အထူးသဖြင့် ဒီနှစ် ၂၀၂၄ မှာ စစ်မှုထမ်းဥပဒေကြောင့် သားသမီးတွေကို နယ်ဝေးနဲ့ နိုင်ငံရပ်ခြားပို့ပြီး မသေသေးရင်တော့ ပြန်တွေ့နိုင်ပါသေးတယ်ဆိုတဲ့စိတ်နဲ့ပဲ မျက်ရည်လည်ရွဲ မျှော်နေကြရပါတယ်။

စီးပွားရေးကကျပ်၊ နိုင်ငံရေးကခက်တဲ့အပြင် သဘာဝကပ်ဘေးကပါ ထပ်ဆင့်နေပါတယ်။ ဒီလို အဘက်ဘက်က ထိုးနှက်ချက်တွေကို ဆင်းရဲချမ်းသာ၊ လူကြီးလူငယ်၊ မြို့ပြကျေးလက်မရွေး တနည်းတဖုံ ခံစားနေရသူချည်းပါပဲ။ ဒါပေမဲ့ ဒီလိုရင်ဆိုင်ရတဲ့ ဒဏ်ရာဒဏ်ချက်တွေကို ဘုံချကြည့်ရင် အမျိုးသမီးတွေရဲ့ကျောမှာ အများဆုံးသွားတွေ့ရပါတယ်။ အတွင်းကျကျဆန်းစစ်ကြည့်ရင် အပေါ်ယံအံကြိတ်ထားတဲ့၊ ပါးကွက်ကျား၊ မိတ်ကပ်တွေနဲ့ ဟန်လုပ်ပြုံးနေတဲ့ မျက်နှာဖုံးတွေအောက်မှာ အမျိုးသမီးတွေရဲ့ဘဝဟာ တလွှာပြီးတလွှာ၊ တချက်ပြီးတချက် အမွှန်းခံထားရတာပါ။ ‘နောက်နှစ်ကုန်ရင် အောင်လံထူပြီ’ဆိုတဲ့ အနှစ်အသားမပါ၊ လက်တွေ့အကူအညီမလာတဲ့ လေလှိုင်းပေါ်က‘မိုတီ’စကားတွေကလည်း စိတ်ဓာတ်မတက်ကြွစေနိုင်တော့ပါဘူး။ ပရိယာယ်တွေနဲ့ ကြိုးရှည်ရှည်လှန်ထားသလို ရက်စက်ရာကျလွန်းတယ်လို့ ဆိုချင်ပါတယ်။ မြေပြင်က အမျိုးသမီးတွေရဲ့ လက်တွေ့ဘဝကို မြင်နိုင်ဖို့ ISP-Myanmar ရဲ့ အခုစကားဝိုင်းက လှစ်ဟပြချင်တာဖြစ်ပါတယ်။ ဒီမတိုင်ခင်ကလည်း မြန်မာအမျိုးသမီးတွေ နိစ္စဓူ၀ရင်ဆိုင်နေရကြရတဲ့ အခက်အခဲတွေအကြောင်းကို ISP- Myanmar ရဲ့ သုတေသနကွန်ရက် (Research Network) အစီအစဉ်က လေ့လာမှုတွေ လုပ်ခဲ့ပါသေးတယ်။ နိုင်ငံအနှံ့မှာရှိကြတဲ့ အမျိုးသမီး ၅၀၀ ကျော်ရဲ့ သဘောထားတွေကို ရယူခဲ့သလို သူတို့ရဲ့ အသံတွေကိုလည်း နားထောင်ခဲ့ပါတယ်။ ဒီအထဲက ၇၄ ရာခိုင်နှုန်းဟာ ဘ၀ရှေ့ရေးအတွက် စိုးရိမ်မှုတွေရှိနေပါတယ်။ ၈၈ ရာခိုင်နှုန်းကျော်ဟာ အလုပ်ရဖို့ခက်နေကြတဲ့အပြင် ဝင်ငွေထွက်ငွေ မမျှတတာကိုလည်း ကြုံနေရပါတယ်။ သုံးဆမကတက်လာတဲ့ ကုန်စျေးနှုန်းဒဏ်ကို ခံနေရသူက ၈၃ ရာခိုင်နှုန်း ရှိပါတယ်။ ပြည်တွင်းမှာပဲ ရတဲ့နည်းလမ်းနဲ့ ဖြေရှင်းဖို့ စဉ်းစားနေသူတွေက ၇၀ ရာခိုင်နှုန်းနီးပါးပါ။ အခုအခြေအနေတွေနဲ့ပတ်သက်လို့ ဆက်လက်လေ့လာစရာတွေ ရှိနေသေးပေမဲ့ ဒီကိန်းဂဏန်းနဲ့ အဖြေတွေဟာ လက်ရှိဖြစ်ပျက်နေတာတွေနဲ့ နီးစပ်မှုရှိပါတယ်။

လူထုတွေ၊ အမျိုးသမီးတွေရဲ့ ကြံ့ကြံ့ခံနိုင်စွမ်းကို ပိုမတွက်မိဖို့လိုသလို တသမတ်တည်း တွက်ထားလို့လည်း မရစကောင်းပါ။ အချိန်နဲ့အမျှ တစတစ တိုက်စားခံနေရပါတယ်။ ပိုင်ဆိုင်မှုတွေကို ထုခွဲရောင်းချစားသောက်ရင်း အိတ်ကပ်တွေ တဖြည်းဖြည်း ပါးလာနေပါတယ်။ နစ်နာခံစားနေရတဲ့ လူထုတွေအတွက် စနစ်တကျထောက်ပံ့ပေးနိုင်တဲ့ ယန္တရားစနစ် (အင်စတီကျူးရှင်း) တွေကလည်း သေသေချာချာ ရှိမနေပါဘူး။ လူထုကပဲ လူထုကို အပြန် အလှန် အကူအညီပေးမယ့် အထောက်အပံ့တွေကလည်း ကောက်ရိုးမျှင်ပဲ ဖြစ်နေပါတယ်။ ဒီအခြေအနေမှာ ဒီမိုကရေစီစနစ် တနည်း ရွေးကောက်ပွဲအရ ခေါင်းဆောင်သူတွေပဲ ဖြစ်ဖြစ်၊ အာဏာသိမ်းပြီး ဖြစ်ဖြစ်၊ အာဏာထိန်းတယ် ဖြစ်ဖြစ်၊ လက်ရှိ အာဏာချုပ်ကိုင်ရယူထားသူတွေ၊ နိုင်ငံတော်အကျိုးကိုရည်သန်တဲ့ တော်လှန်ရေးလှုပ်ရှားသူတွေဟာ လူထုကောင်းကျိုးကို ဖော်ဆောင်နိုင်ရပါမယ်။ လူထုတွေရဲ့ သာယာဝပြောမှုကို ကြည့်ရပါမယ်။ လူထုတွေ ဒုက္ခမဖြစ်စေဘဲ ကောင်းကျိုးချမ်းသာ ခံစားစေရပါမယ်။ မူဝါဒဆုံးဖြတ်ချက်ချမှတ်ရာ နေရာတိုင်းမှာရှိနေသူ ခေါင်းဆောင်တိုင်းက အလေးထားရမယ့်ကိစ္စ ဖြစ်ပါတယ်။ ဒဏ်ရာ ဒဏ်ချက် အများအပြားနဲ့ ပြိုလုတည်းတည်း လူ့အဖွဲ့အစည်းမှာ အရေးတကြီး လိုအပ်နေတဲ့ လူမှုအသိုက်အဝန်းရဲ့ စိတ်ဓာတ်ပိုင်းပံ့ပိုးပေးမှု (Psycho-social supports) ကို ဘယ်လို ဖြည့်ဆည်းနိုင်ကြမလဲ စဉ်းစားဖို့လိုအပ်နေပါပြီ။

ISP-Myanmar ရဲ့ သုတေသနကွန်ရက်က လေ့လာနေတဲ့ လူမှုစီးပွားလေ့လာတွေ့ရှိချက်တွေ အပြင် ပြည်တွင်းနေ အမျိုးသမီးထုဆီက သိလာရတဲ့ လက်ငင်းအခြေအနေတွေကို အခု တပတ် ‘ISP နှင့်အတူ မိနစ် ၃၀’အစီအစဉ်မှာ ဆွေးနွေးကြပါမယ်။

ISP-Myanmar ရဲ့ မိနစ် ၃၀ တင်ပြမှုကို ကြည့်ရှုဖို့ ဖိတ်ခေါ်ပါရစေ။

➤ ကပြင်ရပ်ဝန်းအဖွဲ့ဝင် ဖြစ်ရန်

https://ispmyanmar.com/community/register/
1,252
Institute for Strategy and Policy- Myanmar

16 Dec, 06:36

မြင်ကွင်းကျယ်မှတ်စုများ (၁၃၅)

အမျိုးသမီးများအပေါ် သက်ရောက်နေသော မမျှတသည့် ဝန်ထုပ်ဝန်ပိုးများ (အပိုင်း-၂)

__________________________

မြန်မာ့လူမှုစီးပွားအခြေအနေတွေကို ဆန်းစစ်နိုင်ဖို့ နိုင်ငံ့သုံးပုံတပုံဖြစ်တဲ့ မြို့နယ် ၁၁၀ မှာ ISP- Myanmar ရဲ့ သုတေသနကွန်ရက်က လေ့လာနေပါတယ်။ ဒီလေ့လာမှုတွေရဲ့ တစိတ်တပိုင်းဖြစ်တဲ့ စစ် တမ်းတရပ်ကိုလည်း နိုဝင်ဘာလတုန်းက ဖြန့်ချိခဲ့ပြီးပါပြီ။ ၂၀၂၄ ခုနှစ် မတ်လကနေ ဩဂုတ်လ အတွင်း ရရှိတဲ့အချက်အလက်တွေကို အခြေခံထားတဲ့ အဲဒီစစ်တမ်းတွေ့ရှိချက်တွေကို အပိုင်းလိုက်ခွဲပြီး ဖော်ပြနေတာမှာ ဒီတပတ် အပိုင်း-၂ မှာတော့ ကျန်းမာရေးကဏ္ဍကို တင်ပြပါမယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

➤ အပြည့်အစုံ Download ယူရန်

https://ispmyanmar.com/community/isp-publications/

အခုဖော်ပြခဲ့တဲ့ အကြောင်းအရာတွေကို ကပြင်ရပ်ဝန်း စာမျက်နှာမှာ ပြန်ဖတ်နိုင်ပါတယ်။

➤ ကပြင်ရပ်ဝန်းအဖွဲ့ဝင် ဖြစ်ရန်

https://ispmyanmar.com/community/register/

#ISP_Clips
1,331
Institute for Strategy and Policy- Myanmar

03 Dec, 04:35

အမျိုးသမီးများအပေါ် သက်ရောက်နေသော မမျှတသည့် ဝန်ထုပ်ဝန်ပိုးများ

__________________________

➤ အပြည့်အစုံ Download ယူရန်

https://ispmyanmar.com/community/isp-publications/

■ စစ်တမ်းအကြောင်း

မြန်မာနိုင်ငံအတွင်းက လူမှုစီးပွား အခြေအနေတွေကို ဆန်းစစ်လေ့လာနိုင်ဖို့ မြန်မာ့မဟာဗျူဟာနဲ့ မူဝါဒလေ့လာရေး အင်စတီကျု (ISP-Myanmar) ရဲ့ သုတေသနကွန်ရက် (Research Network Program) က (နိုင်ငံအနှံ့ မြို့နယ် စုစုပေါင်းရဲ့ သုံးပုံတပုံ ဖြစ်တဲ့) မြို့နယ် ၁၁၀ မှာ ဒေသဆိုင်ရာအချက်အလက်တွေကို ကောက်ယူနေပါတယ်။ အခု စစ်တမ်းမှာ ၂၀၂၄ ခုနှစ် မတ်လကနေ သြဂုတ်လအတွင်း တွေ့ရှိရတဲ့ အခြေအနေတွေကို နေ့စဉ်လူမှုဘဝ အခက်အခဲ၊ ကုန်စျေးနှုန်း ကြီးမြင့်မှုနဲ့ အခြေခံ စားသောက်ကုန် အကျပ်အတည်း၊ ပြည်သူ့ဝန်ဆောင်မှု၊ မူးယစ်ဆေးနဲ့ လောင်းကစား၊ ဥတုကပ်ဘေးဆိုပြီး အပိုင်းငါးပိုင်းနဲ့ တင်ပြထားပါတယ်။

စစ်တမ်း တွေ့ရှိချက်တွေအရ ကုန်စျေးနှုန်း ကြီးမြင့်တာ၊ အလုပ်အကိုင်ရှားပါးတာနဲ့ လုပ်ခလစာ နည်းပါးတာတွေ အပါအဝင် စိတ်မလုံခြုံတဲ့ ပြဿနာတွေကို ပြည်သူတွေဟာ နိစ္စဓူဝ ရင်ဆိုင်နေကြရပါတယ်။ အခြေခံအကျဆုံးနဲ့ အရေးကြီးဆုံးတခုဖြစ်တဲ့ ကျန်းမာရေး စောင့်ရှောက်မှုယန္တရားကလည်း ချည့်နဲ့နေပါတယ်။ ငွေသုံးနိုင်မှ အသက်ကယ်နိုင်မယ့် အချိန်မှာ မရှိဆင်းရဲသား နင်းပြားတွေအဖို့ ရှင်နေပေမဲ့ အသက်ရှူရပ်မတတ် ဖြစ်နေကြရပါတယ်။ စစ်ကောင်စီရဲ့ ပြည်သူ့ကျန်းမာရေးဝန်ဆောင်မှုဆိုတာကလည်း ဆင့်ပါးစပ် နှမ်းပက်သလိုပါပဲ၊ မလုံလောက်ပါဘူး။ တဖက်မှာတော့ ရာဇဝတ်မှုတွေက များလာပါတယ်။ ခိုးမှု၊ လုယက်မှုနဲ့ ဖောက်ထွင်းမှုတွေကလည်း ကြီးစိုးနေပါတယ်။ ခံရသူတွေက တိုင်ပေမဲ့ မထိရောက်တဲ့အတွက် အချင်းချင်း ညှိနှိုင်း ဖြေရှင်းနေကြရပါတယ်။ ပြည်သူအများ ရင်ဆိုင်နေရတဲ့ ဒီအခြေအနေတွေရဲ့ ဝန်ထုပ်ဝန်ပိုးတွေက အမျိုးသမီးတွေ အပေါ်ကိုလည်း သက်ရောက် ဖိစီးနေပါတယ်။ အိမ်မှုကိစ္စနဲ့ စားဝတ်နေရေးအတွက် ရုန်းကန် ရင်ဆိုင်ရတာ၊ လုပ်ခလစာ အနှိမ်ခံရတာတွေကစလို့ အိမ်တွင်းအကြမ်းဖက် ခံရတာတွေအဆုံး ဆတိုးဒဏ်ရာတွေကို အမျိုးသမီးတွေ ခါးစည်း ခံနေကြရပါတယ်။

ISP-Myanmar ရဲ့ Research Network Program အနေနဲ့ နိုင်ငံအနှံ့ မြို့နယ်ပေါင်း ၁၁၀ က ပြည်သူ ၁,၀၀၀ ဦးကို မေးမြန်းတဲ့ သဘောထားအမြင် စစ်တမ်းတရပ်ကိုလည်း ၂၀၂၄ ခုနှစ် ဇူလိုင်လတုန်းက လုပ်ခဲ့ပါတယ်။ အဲဒီစစ်တမ်းနဲ့ ပတ်သက်ပြီး ‘နိုင်ငံကျွမ်းဆောက်၊ ပြည်ကြာလျှင် မှောက်ကရော့မည်–ပြည်သူ့စစ်မှုထမ်းဥပဒေ ပြဋ္ဌာန်းပြီးနောက်ပိုင်း စစ်တမ်း တွေ့ရှိချက်’ ခေါင်းစဉ်နဲ့ ၂၀၂၄ ခုနှစ် စက်တင်ဘာလမှာ ဖြန့်ချိပြီးပါပြီ။ အခု စစ်တမ်းမှာလည်း အဲဒီသဘောထားအမြင်စစ်တမ်းပါ တွေ့ရှိချက် တချို့နဲ့ ချိတ်ဆက်ပြီး အမျိုးသမီးတွေအပေါ် သက်ရောက်နေတဲ့ ဝန်ထုပ်ဝန်ပိုးတွေကို မြင်သာစေဖို့ ဖော်ပြထားပါတယ်။

➤ အပြည့်အစုံ Download ယူရန်

https://ispmyanmar.com/community/isp-publications/

အခုဖော်ပြခဲ့တဲ့ အကြောင်းအရာတွေကို 'ISP ကပြင်ရပ်ဝန်း' အဖွဲ့ဝင်တွေရဲ့ အီးမေးလ်တွေဆီ ကြိုတင် ပို့ပေးခဲ့ပြီးပါပြီ။ တကယ်လို့ အကြောင်းတခုခုကြောင့် အီးမေးလ် မရခဲ့ဘူးဆိုရင် ကပြင်ရပ်ဝန်း စာမျက်နှာမှာ ပြန်ဖတ်နိုင်ပါတယ်။

➤ ကပြင်ရပ်ဝန်းအဖွဲ့ဝင် ဖြစ်ရန်

https://ispmyanmar.com/community/register/
557
Institute for Strategy and Policy- Myanmar

02 Dec, 08:08

မြင်ကွင်းကျယ်မှတ်စုများ (၁၃၃)

‘ဝ’နဲ့ ထိုင်းစစ်တပ်အကြား နယ်မြေအငြင်းပွားမှု
__________________________

‘ဝ’ပြည်သွေးစည်းညီညွတ်ရေးတပ်မတော် (UWSA)နဲ့ ထိုင်းစစ်တပ်အကြား နယ်မြေအငြင်းပွားနေပါတယ်။ တပ်စခန်းတွေကို ဆုတ်ပေးဖို့လည်း ထိုင်းစစ်တပ်က တောင်းဆိုထားပါတယ်။ ISP-Myanmar ရဲ့ အခုတပတ်မြင်ကွင်းကျယ်မှတ်စု အစီအစဉ်မှာ ဒီအကြောင်းအရာကို လေ့လာဆန်းစစ် ဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/oqzCaeV1YUQ
608
Institute for Strategy and Policy- Myanmar

26 Nov, 10:10

မြင်ကွင်းကျယ်မှတ်စုများ (၁၃၂)

အာဏာသိမ်းမှုအလွန် နိုင်ငံခြားရင်းနှီးမြှုပ်နှံမှုများ

__________________________

စစ်အာဏာသိမ်းပြီးနောက်ပိုင်း မြန်မာနိုင်ငံကို ဝင်ရောက်လာတဲ့ နိုင်ငံခြားရင်းနှီးမြှုပ်နှံမှုတွေမှာ တရုတ်နိုင်ငံရဲ့ ရင်းနှီးမြှုပ်နှံမှုက အများဆုံးအဖြစ် ဦးဆောင်ထားပါတယ်။ ISP-Myanmar ရဲ့ အခုတပတ် မြင်ကွင်းကျယ်မှတ်စု အစီအစဉ်မှာ ဒီအကြောင်းအရာကို အချက်အလက်အခြေပြု ပိုင်းခြားဖော်ပြထားပါတယ်။
▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link]

https://ispmyanmar.com/community/

https://youtu.be/N576AWcYq6w?si=2IrB68Oe-p58qhqW
945
Institute for Strategy and Policy- Myanmar

18 Nov, 04:32

မြင်ကွင်းကျယ်မှတ်စုများ (၁၃၁)

နိုင်ငံတဝန်း မီးရှို့ဖျက်ဆီးခံရမှုများ

__________________________

စစ်အာဏာသိမ်းမှုအလွန် သုံးနှစ်ခွဲကျော်ကာလအတွင်း နိုင်ငံအနှံ့ လက်နက်ကိုင်ပဋိပက္ခတွေအကြား နေအိမ်နဲ့ အဆောက်အအုံပေါင်း တသိန်းကျော် မီးရှို့ဖျက်ဆီးခံခဲ့ရပါတယ်။ ISP-Myanmar ရဲ့ ဒီတပတ်မြင်ကွင်းကျယ်မှတ်စု အစီအစဉ်မှာ ဒီအကြောင်းအရာကို အချက်အလက်အခြေပြု ပိုင်းခြားဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/bDEmmquDXQQ
1,423
Institute for Strategy and Policy- Myanmar

12 Nov, 03:10

မြင်ကွင်းကျယ်မှတ်စုများ (၁၃၀)

မြင့်တက်လျက်ရှိသော စစ်ပြေးဒုက္ခသည်နှင့် အရပ်သား သေဆုံးမှု

__________________________

'စစ်ဆင်ရေး ၁၀၂၇' အလွန် နိုင်ငံအနှံ့ လက်နက်ကိုင်ပဋိပက္ခတွေကြောင့် နိုင်ငံတဝန်း စစ်ပြေးဒုက္ခသည်အရေအတွက်နဲ့ အရပ်သားသေဆုံးမှုဦးရေ တိုးလာနေပါတယ်။ ISP-Myanmar ရဲ့ ဒီတပတ်မြင်ကွင်းကျယ်မှတ်စု အစီအစဉ်မှာ ဒီအကြောင်းအရာကို အချက်အလက်အခြေပြု ပိုင်းခြားဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/6s3xWZ0oOWI
1,406
Institute for Strategy and Policy- Myanmar

07 Nov, 11:41

အခုချိန်မှာတော့ နယ်စပ်ဂိတ်တွေ ပိတ်ထားတာကြောင့် တရုတ်ထုတ်ကုန်တွေကို အလုံးစုံ မှီခိုနေရတဲ့ မြန်မာလူထုအဖို့တော့ သက်ရောက်မှု အင်မတန်ကြီးမားပါတယ်။ တချိန်တည်းမှာ ထိုင်းနယ်စပ် ကုန်သွယ်ရေးတွေလည်း ပြတ်တောက်နေပါတယ်။ စစ်ကောင်စီကလည်း တရားမဝင် ကုန်ပစ္စည်း တင်သွင်းမှုတွေကို ကြပ်မတ်စစ်ဆေးပြီး တရစပ်ဖမ်းဆီးမှုတွေ လုပ်နေတာကြောင့် လူသုံးကုန်ရှားပါး ပြတ်လပ်မှုတွေ ကြုံတွေ့နေရပါတယ်။

နိုင်ငံတကာနဲ့ ကုန်သွယ်ရေးအငြင်းပွားမှုတွေမှာ ဒဏ်ခတ်မှုနည်းနာတွေကို တရုတ်နိုင်ငံအနေနဲ့ မကြာသေးမီကာလမှာ အသုံးချလာခဲ့ပါတယ်။ အမေရိကန်နဲ့ ကုန်သွယ်မှု၊ အကောက်ခွန် စည်းကြပ်မှုတွေကို တန်ပြန်ရာမှာ အဓိကတွေ့ရပါတယ်။ အခြားနိုင်ငံတွေအနေနဲ့ ဩစတြေး လျဝိုင်အရက်၊ နော်ဝေနိုင်ငံက ဆယ်လမွန်ငါးနဲ့ တောင်ကိုရီးယား ခရီးသွားလုပ်ငန်းတွေကို ကန့်သတ်ခဲ့ဖူးပါတယ်။ ဒါပေမဲ့ မြန်မာနိုင်ငံရဲ့ နယ်စပ်ကုန်သွယ်ရေးတချို့အပေါ် အခုစတင်ကျင့်သုံးတဲ့ ဒဏ်ခတ်တင်းကျပ်မှုနဲ့တော့ သဘောသဘာဝ မတူညီပါဘူး။ အခုလို တရုတ်နည်းတရုတ်ဟန်နဲ့ ဆောင်ရွက်လာတဲ့ ပိတ်ဆို့ဒဏ်ခတ်မှုတွေက ဘယ်လိုသဘောဆောင်ပါသလဲ၊ မြန်မာ-တရုတ် နယ်စပ်ကုန်သွယ်ရေး ဘယ်လိုဆက်ရှိနိုင်ပါသလဲ စတဲ့အချက်တွေကို ‘ISP နှင့်အတူ မိနစ် ၃၀’ မှာ ဆွေးနွေးကြမှာ ဖြစ်ပါတယ်။

ISP-Myanmar ရဲ့ မိနစ် ၃၀ တင်ပြမှုကို ကြည့်ရှုဖို့ ဖိတ်ခေါ်ပါရစေ။

➤ ကပြင်ရပ်ဝန်းအဖွဲ့ဝင် ဖြစ်ရန်

https://ispmyanmar.com/community/register/
1,396
Institute for Strategy and Policy- Myanmar

07 Nov, 11:40

တရုတ်နည်းတရုတ်ဟန် ဆန်ရှင်
30 Minutes with the ISP (အမှတ်-၅)

--------------------------------------

နိုဝင်ဘာ ၉ ရက် (စနေနေ့)၊ ၂၀၂၄ ခုနှစ်
မြန်မာစံတော်ချိန် မွန်းလွဲ ၂:၀၀-၂:၃၀ နာရီ

ISP-Myanmar ရဲ့ China Studies Program နဲ့ Conflict, Peace and Security Program တို့က Zoom ကတဆင့် အွန်လိုင်းစနစ်နဲ့ မိနစ် ၃၀ ကြာ တင်ပြမှာဖြစ်ပြီး တက်ရောက်မယ်ဆိုရင် အောက်က link မှာ ကြိုတင် စာရင်းပေးထားလို့ ရပါတယ်။

https://ispmyanmar.com/community/events/ev-06/

■ အယူအဆမှတ်စု

၂၀၂၄ ခုနှစ် အောက်တိုဘာ ၁၈ ရက်ကစပြီး မြန်မာ-တရုတ် နယ်စပ်ဂိတ်တွေထဲက ၁၄ ခုထက်မနည်းကို တရုတ်အစိုးရက ကာလအကန့်အသတ်မရှိ ပိတ်ခဲ့ပါတယ်။ စစ်ကောင်စီကို တိုက်ခိုက်နေတဲ့ မြောက်ပိုင်းမဟာမိတ် တိုင်းရင်းသားလက်နက်ကိုင်အဖွဲ့ (EAOs) တွေကို ဖိအားပေးဖို့ ရည်ရွယ်တာလို့ ယူဆနိုင်ပါတယ်။ ဒီလိုပိတ်လိုက်တာကြောင့် တရုတ်နိုင်ငံကနေ မြန်မာဘက်ကို တင်ပို့နေတဲ့ စားသောက်ကုန်၊ လူသုံးကုန်၊ လျှပ်စစ်ပစ္စည်း၊ အိမ်ဆောက်ပစ္စည်း၊ ဆေးဝါးနဲ့ လောင်စာဆီစတဲ့ ကုန်စည်တွေအတွက် အခက်ဖြစ်စေပြီး ပြည်သူတွေကိုပါ သက်ရောက်မှု ကြီးခဲ့ပါတယ်။ မြန်မာ-တရုတ်နယ်စပ်က EAOs တွေအဖို့ စီးပွားရေး၊ ငွေကြေးစနစ်၊ ရိက္ခာ၊ ဆေးဝါးနဲ့ လောင်စာဆီတွေ ရရှိဖို့ တရုတ်နိုင်ငံကို အဓိကမှီခိုနေရတာပါ။ အခုပိတ်ဆို့မှုအသစ်ဟာ မဟာဗျူဟာဆုံးဖြတ်ချက် တခုအတွက် တရုတ်နိုင်ငံရဲ့ ရှားရှား ပါးပါး ဒဏ်ခတ်ပိတ်ဆို့မှု (sanctions) မျိုး ဖြစ်ပါတယ်။

ယေဘုယျအားဖြင့်တော့ အနောက်နိုင်ငံအစိုးရတွေဟာ သူတို့ရဲ့အကျိုးစီးပွားတွေကို ခြိမ်းခြောက်ခဲ့ရင်၊ နိုင်ငံတကာတန်ဖိုးထားမှုတွေကို ချိုးဖောက်ခဲ့ရင် အစိုးရနဲ့ အစိုးရမဟုတ်တဲ့ အင်အားစုတွေကို စီးပွားရေးဒဏ်ခတ်ပိတ်ဆို့မှုတွေ ချမှတ်တတ်ပါတယ်။ မြန်မာနိုင်ငံအပေါ် အနောက်နိုင်ငံတွေရဲ့ ဆန်ရှင်တွေက ကျင့်ဝတ်၊ တန်ဖိုးထားမှုဆိုင်ရာကိစ္စတွေနဲ့ ပိုသက်ဆိုင်ပြီး စစ်ကောင်စီရဲ့ အမူအကျင့်တွေ ပြောင်းလဲဖို့ ရည်ရွယ်ပါတယ်။ တရုတ်နိုင်ငံရဲ့ အခုပိတ်ဆို့မှုကတော့ အထူးသဖြင့် မြောက်ပိုင်းမဟာမိတ်တပ်ဖွဲ့တွေအပေါ် ပစ်မှတ်ထားပြီး စစ်ကောင်စီနဲ့ ညှိနှိုင်းဆွေးနွေးစေဖို့လို့ ခန့်မှန်းရပါတယ်။ ‘ဝ’ပြည်သွေးစည်းညီညွတ်ရေးပါတီ (UWSP/UWSA) ခေါင်းဆောင်တွေနဲ့ တရုတ်အထူးသံ တိန့်ရှီကျွန်းရဲ့ အစည်းအဝေးမှတ်တမ်း ပေါက်ကြားချက်အရ လားရှိုးမြို့ကို ပြန်လည်ပေးအပ်စေချင်တယ် ဆိုတာ ပေါ်လွင်ပါတယ်။ တချိန်တည်းမှာပဲ မြန်မာ-တရုတ်နယ်စပ်က EAOs တွေအပေါ် ‘ဖြတ်ငါးဖြတ်’ အဖြစ် လျှပ်စစ်၊ ရေ၊ အင်တာနက်၊ ထောက်ပို့နဲ့ လူအင်အားတွေကို ဖြတ်တောက်ခဲ့ပါတယ်။

မြန်မာ-တရုတ်နယ်စပ်က ဂိတ်တွေကို ပိတ်လိုက်ပြီးနောက် တရုတ်နိုင်ငံအနေနဲ့ ဘယ်လောက်အထိ ဆက်ပြီးဆောင်ရွက်မယ်ဆိုတဲ့ ရည်မှန်းချက်ကို မသိနိုင်ပါဘူး။ နိုဝင်ဘာ ၅ ရက်မှာတော့ စစ်‌ခေါင်းဆောင် ဗိုလ်ချုပ်မှူးကြီး မင်းအောင်လှိုင်ဟာ အာဏာသိမ်းပြီး လေးနှစ်နီးပါးကာလအတွင်း တရုတ်နိုင်ငံကို ပထမဆုံး သွားရောက်ခွင့်ရခဲ့ပါတယ်။ တရုတ်နိုင်ငံ ယူနန်ပြည်နယ် ကူမင်းမြို့မှာ ပြုလုပ်တဲ့ ရှစ်ကြိမ်မြောက် မဟာမဲခေါင်ဒေသခွဲ ထိပ်သီးအစည်းအဝေးနဲ့ ဆက်စပ်အစည်းအဝေးတွေတက်ဖို့ သွားခဲ့တာပါ။ အဲဒီမှာ တရုတ်နိုင်ငံဝန်ကြီးချုပ် လီချန်းနဲ့ တွေ့ဆုံခဲ့သလို ကမ္ဘောဒီးယားနဲ့ လာအိုနိုင်ငံက ဝန်ကြီးချုပ်တွေနဲ့လည်း သီးသန့်တွေ့ဆုံဆွေးနွေးတာတွေ ရှိခဲ့ပါတယ်။ စစ်ခေါင်းဆောင်နဲ့ တရုတ်ဝန်ကြီးချုပ်တို့ တွေ့ဆုံချိန်မှာ ‘နှစ်နိုင်ငံနယ်စပ်ဂိတ်များသည် အစိုးရ၏စီမံခန့်ခွဲမှုအောက်တွင် ရှိရမည်ဖြစ်ပြီး အပြည့်အဝစီမံခန့်ခွဲနိုင်ရေးအတွက်လည်း ဆက်လက်ဆောင်ရွက်သွားမည်ဖြစ်ကြောင်း’ တရုတ်ဝန်ကြီးချုပ်က ပြောခဲ့တယ်လို့ စစ်ကောင်စီက သတင်းထုတ်ပြန်ထားပါတယ်။
1,180
Institute for Strategy and Policy- Myanmar

04 Nov, 04:41

မြင်ကွင်းကျယ်မှတ်စုများ (၁၂၉)

စစ်ကောင်စီ၏ သဲကြီးမဲကြီးလေကြောင်းတိုက်ခိုက်မှုများ

__________________________

'စစ်ဆင်ရေး ၁၀၂၇' အလွန် နိုင်ငံအနှံ့ လက်နက်ကိုင်ပဋိပက္ခတွေမှာ စစ်ကောင်စီရဲ့ လေကြောင်းတိုက်ခိုက်မှုတွေ ပိုပြီး များပြားပြင်းထန်လာခဲ့ပါတယ်။ ISP-Myanmar ရဲ့ ဒီတပတ်မြင်ကွင်းကျယ်မှတ်စု အစီအစဉ်မှာ ဒီအကြောင်းအရာကို အချက်အလက် အခြေပြု ပိုင်းခြားဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/gL85GQPKOl8
1,342
Institute for Strategy and Policy- Myanmar

28 Oct, 07:12

မြင်ကွင်းကျယ်မှတ်စုများ (၁၂၈)

မရေမရာဖြစ်နေသော မြေရှားတူးဖော်မှုများ

__________________________

ကချင်ပြည်နယ်က နယ်စပ်ကုန်သွယ်ရေးစခန်းတွေကို တရုတ်နိုင်ငံက ပိတ်လိုက်တဲ့အတွက် မြေရှားသတ္တုတူးဖော် တဲ့ လုပ်ငန်းတွေ ရပ်နားသွားပါတယ်။ ISP-Myanmar ရဲ့ ဒီတပတ်မြင်ကွင်းကျယ်မှတ်စု အစီအစဉ်မှာ ဒီအကြောင်း အရာကို အချက်အလက် အခြေပြု ပိုင်းခြားဖော်ပြထားပါတယ်။

▂

ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။

➤ ဝက်ဘ်ဆိုက်တွင်လည်း ဖတ်ရှုနိုင်ပါသည်။

[link] https://ispmyanmar.com/community/

https://youtu.be/2f2m4iTJsSo
1,613

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.