አግኣዝያን (Agazian tigray)

#ሂወት_ዝቕይሩ_ጥቕስታት

1) 🔺️ኣይኮነን ዝወጠንካዮ ዝሓዝካዮ እውን ይወድቀካእዩ። 👉ተስፋ ኣይትቑረጽ::

2)🔺️እናረሓቕካዮ ዘይርሕቀካ ከብዲ ወላዲት ጥራሕ እዩ። 👉ወላዲትካ ኣኽብር::

3)🔺️ቀዋሚ ፈታዊ ኣዝዩ ውሑድ እዩ።
👉ስሚዒታትካን ባህግታትካን ንመን ከም ተርእዮ ኣስተውዕል::

4)🔺️ብዙሕ ዝገበርካሉ ብዙሕ ክጎድኣካ ይክእል እዩ።
👉ተዳሊኻሉ ጽናሕ።

5)🔺️ትምህርቲ ድንቁርና እምበር ዕሽነት ኣየጥፍእን እዩ። 👉ካብ ዓያሹ ምሁራት ተጠንቀቕ::

6)🔺️ሚእቲ ጥቕልልቲ ናቕፋ ብሓደራ ከተቐምጠሉ ንዝሃበካ ሰብ ክልተ ሓሙሳ ጌርካ እውን ኣይትምለሰሉ።
👉እምነት ምጉዳል እቲ ዝሓሰረ ተግባር እዩ እሞ እሙን ኲን::

7)🔺️ብዙሓት ሰባት ከምቲ ንሓስቦም ኣይኮኑን።
👉ዝግ ኢልካ ተዓዘብ።

8)🔺️ዘይሓልፍ መከራን ግዜን የልቦን።
👉 ክብረትካን መትከላትካን ብዝኾነ ይዂን ዋጋ ናብ ዕዳጋ ከይተውርድ ተጠንቀቕ።

9)🔺️ዘየድልካ ሰብ ካብ ሂወትካ ንምውጻእ ኣይትሰከፍ።
👉ሓደራ ግን ኣይትቀየም።

10)🔺️ምልእቲ ልብኻ ስለዘሃብካዮም ዘሕምቑኻ ዝመስሎም ብዙሓት እዮም።
👉ልብኻ ንመን ከም ትህባ ኣስተውዕል።

11)🔺️ሰባት ከኽብሩኻ እንተደሊኻ::
👉 ንገዛእነብስኻ ከመይ ኣቢልካ ከም ተኽብራ ኣብነት እናርኣኻ ምሃሮም።

#አግኣዝያን_ትግራይ _ሚድያ

ተፅሓፈ፦ ብዶክተር ዲያቆን ቢንያም ተስፋይ

‼️ #መርዓ_ኣብርሃም ዶ #ሓዳር_ኣብርሃም? ‼️
ኣብ ብዙሕ መርዓታት "መርዓ ኣብርሃምን ሣራን ይግበረልኩም" ኢሎም ዝምርቑ ብዙሓት እንትኾኑ፣ ንዓይ ግን ካብ ምረቓነቱ ናብ መርገም ዝቐረበ መሲሉ ይስመዐኒ። ንዓይ! ንምንታይ?
📌1) ካብ መጀመሪኡ እንትንሪኦ ናይ ኣብርሃምን ሣራን መርዓ ከመይ ከምዝነበረ ኣይፍለጥን። መጽሐፍ ቅዱስ እውን "ኣብራምን ናሆርን ድማ ኣንስቲ ኣእተዉ። ስም ሰበይቲ ኣብራም ሣራ እዩ" [ዘፍ 11:29] ካብ ምባል ሓሊፉ ብዛዕባ ሓዳሮም እምበር፣ ብዛዕባ መርዖኦም ዝዛረቦ ዋላ ሓንቲ ነገር የለን። ስለዘየድልየና ኣይተፅሓፈን። መርዓ ሓንቲ መዓልቲ፣ ሓዳር ግና ሙሉእ ህይወት እዩ፤ ሰባት ንመርዓኻ እግዚአብሔር ድማ ንሓዳርኻ ይሓስብ። ስለዚ ድማ መርዓ ኣብርሃምን ሣራን ዝበሃል ነገር ኣይንረኽቦን።

📌2) መርዓ ኣብርሃምን ሣራን ሥምረት ኣምላኽ ዘይነበሮ፣ ጎይታ ዘይባረኾን፣ ገና ኣብ ኣምልኮተ ጣዖት እናሃለዉ ዝተፈፀመን እዩ። ኣብርሃምን ሣራን ጣዖት የምልኹሉ ኣብዝነበሩሉ እዋን #ቅድስናን_በረኸትን አምላኽ ምስኦም #ስለዘይነበረ ነታ መርዖኦም ብጣዖታት እምበር ብጎይታ ዝተባረኸት ኣይነበረትን። አብርሃም ገና <አብራም>፣ ሣራ እውን <ሦራ> እናሃለወት ዝገበርዎ መርዓ እዩ። ድሕሪ ጊዜ እዩ ናይ ናይ ኣብርሃም ልቢ ሪኡ ባዕሉ ጎይታ ዝተገለፀሉን ካብ ጣዖት አምልኮ (ካብ ዓዱን ቤተሰቡን) ንክወፅእ ኣዚዙ ዝባረኾን። "እግዚኣብሄር ድማ ንኣብራም በሎ፤ ካብ ምድርኻን ካብ ኣዝማድካን ካብ እንዳ ኣቦኻን ኣነ ናብ ዘርእየካ ምድሪ ኣቢልካ #ውጻእ። ንዓብዪ ህዝቢ ኽገብረካን ክባርኸካን ከኣ እየ፡ ንስምካውን ከዕብዮ እየ፡ #ንበረኸት ድማ ክትከውን ኢኻ" [ዘፍ 12:1-2]

📌እሞ ድኣ "መርዓ ኣብርሃምን ሣራን ይግበረልኩም" ምባል ድኣ ካበይ መፀ? መንኸ ኣምሀረና? ስለዚ ምረቓ እንተደሊና :- "ናይ አብርሃምን ሣራን #ሓዳር ይግበረልኩም" ምባል ዶ ኣይምሐሸን። ብአምሓርኛ እውን እንተኾነ "የአብርሃምና የሣራ ጋብቻ ይሁንላችሁ" እምበር "ሠርግ ይሁንላችሁ" ኣይበሃልን። ንምንታይ እንተይልና:- 1) መጽሐፍ ቅዱስ ብዛዕባ ኣብርሃምን ሣራን ሓዳር እምበር መርዓ ስለዘይነግረና። 2) ኣብርሃምን ሣራን እነመስግኖምን እነድንቖምን ብመርዐኦም እንተይኮነስ ብሓዳሮም እዩ። እዚ ድማ ጎይታ ዝባረኾን፣ ኣብ ማእኸሎም ድማ ብድኽነትን ብመከራን ዘይኸሰመ ሓያል ፍቅሪ ብምንባሩ እዩ። 3) ጎይታ ንአብርሃምን ሣራን ዝሃቦም ውላድ ድማ ይስሐቅ ስለዝኾነ። ንክሕረድ ኽሳዱ ዝህብ ናይ ክርስቶስ ምሳሌ ዝኾነ ቅዱስ ውሉድ! ይስሐቅ ግና ናይ ሓዳሮም ፍረ እምበር ናይ መርዐኦም ውፅኢት ኣይኮነን።

📌ብሱሩ እውን ሰብ ሓዳር ንክገብር እምበር፣ መርዓ ናይ ምግባር ግዴታ የብሉን። ብቅዱስ ስግኡን ብክቡር ደሙን ዝተባረኸ ሓዳር ንክገብር እምበር «ብላዕ ስተ» ንክብል ኣይግደድን። መርዓ ብቊርባን እምበር ግድን ብድግስ ንክኸውን ኣይተፅሓፈን። ሰብ ኣብ መርዓኻ፣ እግዚአብሔር ድማ ኣብ ሓዳርኻ ስለዝሰርሕ። እንተደሊና ግና ከምቶም ኣብ መርዕኦም ጎይታ ምስ ኣዲኡ ዝተረኸበሎም ናይ ዶኪማስ ገዛ ንክኸውን "መርዓ ዶኪማስ ይግበረልኩም" ምባል ይከኣል።

📌እሞ ዘመነ መርዓዊ (ወርሒ ጥሪ) ኢና ዘለና'ሞ ናብቲ ሕጋዊ ሓዳር ብቁርባኑ ንዝኣተኹም ኲልኹም ኣቐዲማ "ናይ ኣብርሃምን ሣራን #ሓዳር ይግበረልኩም፣ መርዓኹም እውን #መርዓ #ቤተ_ዶኪማስ ይኹነልኩም" እብል።

#አግኣዝያን_ትግራይ_ሚድያ

ልኾነ ኮይኑ ኣብ ዓለም ሰብ ኮይንካ ምንባር ዝኸኣለ ሰብ እዩ ምንባር ዘስተማቕራ😍
ሰናይ ለይቲ

#አግኣዝያን_ትግራይ_ሚድያ

ፃንሒት ምስ ዓምዶም
https://youtu.be/hmWcV8Z4ffY?si=qKtwoSPVtRm7-bCU

#አግኣዝያን_ትግራይ_ሚድያ

ዝተፈላለዩ ኽዳዉንቲ
መንፈሳዉያን መጻሕፍቲ ልምእዛዝ
👇
https://t.me/haymimd

ገለ ትረኽቦ ገለ ትስእኖ!ኣብ ህይወት ኸምዝኾነልካ እምበር ኸምዝሓሰብካዮ ኣይኸዉንን እዩ ግን?

#ኣብ ፍቕራዊ ህይወት ኸምቲ መጀመርትኡ መፈጸምትኡ ዘይኽጽብቕ ይኽእል እዩ። ቀንዲ ምኽያቱ ድማ ?ኣብ ኣጀማምርኡ ብዘይ ርድኢት  !ማለት ብግዝያዊ ስሚዒት ስለ ዝኾን ኹሉ እቲ ግዝያዊ ነገር ናሃሰሰ ኣብዝኸደሉ እዋን እቲ ብስምዒት ዝተመስረተ  ፍቕሪ መሳሊ ጽልኢ ይሃስስ።

#ሓደ ሰብ ኸምቲ ዘለዎ !ድኣምበር በቲ ዘለዎ ትሕዝቶ ይኩን  ግዝያዊ ጽባቐ  ወይ ድማ ጊዝያዊ ትሕዝቶ  ተቀሪብካዮ  ኹሉ ምስ ተወድአ ኸምቲ ቀልጢፍካ ዝቐረብካዮ ቀልጢፍካ ድማ ኽትርሕቖ ኣየሸግረካን።

#ኣብ መብዛሕትኡ ፍቕራዊ ህይወት?ጥልመት የጋጥም እሞ እቲ ዝተጠለመ ኣካል  ዘይተጸበዮ ብዝኣመኖ ኽጥለም ኸሎ ኽትሓርቕ  ኽትነብዕ !ባህርያዊ እዩ ።ግን?ኣብ መብዛሕትኡ ምስቲ ዝጠሎሞ ኣካል ?ልነብሱ ድማ ምስኡ ይጠልማ
#ይሓምቕ
#ነብሱ ኸም ሓንቲ ዘይትረብሕ ይሪኣ
#ግድድ ዝበለ ድማ ኽሕቕ እየ ኽሞት እየ ኽብል ይስማዕ😔
#ሓደ ሰብ ስለ ዝጠለመካ ልመን ኽጥዕሞ ነብስኺ/ኻ /ኽተጥፍ እቲ ምሳኻ በሊዑ ኣብ ነብስኻ ተጋሲሱ ኽብርኻ ሪኡ  ልዉላዱ  ልሰበይቱ ጠሊሙ ዝኸደ ኻብ ሕልንኡ ዝርሓቀ ልሰብ!ኺሒዱ መሲልዎ ልነብሱ ዝኽሓደ ኣካል )እኳ ዘይተሓነቀ ኻልእ ህይወት ጀሚሩ   ጢዒምዎ ላነበረ/

#ኣነ ግን  ነብሰይ ኸጥፍእ ዘይሕሰብ እዩ!ልመን ኽጥዕሞ ኣነዉን ኣብደስስ ዝበለኒ ኸይደ ኽነብር  !እኳ ድኣስ  ተመስሌት ጥንካሬ ኾንካ ብዘይ እቲ ዝጠለመኒ ኣካል ድማ ተመችዩኒ ይነብር ዘለኹ ምኳነይ እየ ልነብሰይ ደዉዉ ኽብለላ ዘለኒ💪።

#ጽባሕ ንጉሆ ምስኹሉ ቑንጅናኻ ትሕዝቶኻ )ምንም ኸይተማላእኻ ሞት ትጠልመካ ምኳና ትፈልጥ እንተኾንካ -ኣብልዕሊ ማንም ፍጡር ኽት ጠልም ኣይትኽእልን ዕድሜኻ ሓጻር ምዃና ኣሚንካ  እሙን ኾንካ ኽትነብር የገድደካ።

#ሰብ ኮይኑ ነቲ ምስኡ ዘሎ ሰብ ዝጠልም ዝብድል ሰብ?ኣይተረድኦን እምበር መጀመርታ ዝበደላ ልነብሱ እዩ።ኻብ ሕልንኡ ዝርሓቐ ሰብ  የንዶ ልሰብ ?ልቲ ልፈጠሮ ፈጣሪኡ እዉን ክኽሕድ ሰዓታት የኾነይ ደቓይቕ ኣይወስደሉን ።


#እቲ ኣብህይወትካ  ደስታ ዘዉህብ  ፍቕሪ ዝተኸለ ሰብ ኣብ ዝልዓለ ኾፍ ኣብሎ!እቲ ኣሚንካዮ  ፍቕርኻ መንጢሉ ዝኸደ ሰብ ግን ?መሊስካ ዕድል ኣብህይወትካ ኣይትሃቦ።ምስ ነብስኻ ጠጠዉ በል ።


ንዝኣመነካ=እሙን
ንዘፍቀረካ=ፈቃር
ንዘኽበረካ= ኽቡር
ኩን።ብኽብርኻ ንዝጫወት ሰብ  ግን?ኽባር ምዃንካ መሊስካ ምሃሮ።

#አግኣዝያን_ትግራይ _ሚድያ

#ጥምቀት
#ጥምቀት ዝብል ቃል ካብ ኣጥመቀ ኣጥመቐ ዝብል ግሲ ዝወጸ ኮይኑ ትርጕሙ ከኣ ምጥማቕ ማለት ኢዩ።

#ዓይነታት_ጥምቀት
ኣብ ቤተክርስቲያና ጥምቀት ምሳሊያውን ኣማናውን ተባሂሉ ይኽፈል፦

#ምሳሊያዊ_ጥምቀት
ምሳሊያዊ ጥምቀት ዝበሃሉ 4ተ ኢዮም፦
1. እግዚኣብሔር ማይ ኣይኅ ኣብ ዘምጽኣሉ ጊዜ ንምድሪ ስለ ዝሓጸባ ኣጥመቓ ንብሎ። 1ይ መቃ 14፡1
2.እስራኤላውያን ብባሕርን ብደመናን ዝተጐዓዝዎ ጥምቀት ንብሎ። 1ይ ቆሮ 10፡2
3.ታቦተሕግ ኂዞም ዝኸዱ ዝነበሩ ካህናት ድማ ብዮርዳኖስ ማእኸል ስለ ዘኃለፉ ጥምቀት ንብሎ። ኢያ 3፡15
4. ናይ ዮሓንስ ጥምቀት ካብ ሥጋዊ ሕማም ንምድኃን ስለ ዝነበረት ጥምቀት ንብላ። ማቴ 3፡11

---እዞም ኵሎም 4ተ ዓይነታት ጥምቀት ናይ ሥጋ ድኅነት እንበር ናይ ነፍሲ ድኅነት ስለ ዘየምጽኡ ነቲ ናይ ነፍሲ ድኅነት ዘምጽእ ጥምቀት ምሳሊያዊ ኮይኖሞ ይርከቡ።

#ኣማናዊ_ጥምቀት
ኣማናዊ ጥምቀት ኣብ 4ተ ኢዩ ዝኸፈል፦
1.ናይ ጎይታ ጥምቀት።
2.ናይ ንብዓት ጥምቀት።
3. ናይ ባሕረእሳት ጥምቀት።
4.ናይ ደመሰማዕት ጥምቀት።

#መግለጺ
1. ናይ ጎይታ ጥምቀት፣
ናይ ጎይታናን መድኃኒትናን ጥምቀት ኣማናዊ ጥምቀት ኢዩ። እዚ ከኣ ብማይ ካብ ኢድ ዮሓንስ ዝተጠመቖ ጥምቀት ኢዩ። ጎይታናን መድኃኒና ኢየሱስ ክርስቶስ ካብ ኵሎም ኣፍላጋት ንዮርዳኖስ፣ ካብ ኵሎም ፈሰስቲ ንማይ ኢዩ መሪጹም እዚ ከኣ ንምንታይ መረጸ ዝብል ሕቶ ክንምልስ እንተ ኾይና፦

#ማይ_ዝመረጸሉ_ምኽንያት፦
1.ብማይ ዝተሓጸበ ክዳን እንዳ ኃደረ ኣብዝመጽኣሉ ጊዜ ትረት ክዳኑ እንዳ ወሰኸ ከምዝኸይድ፣ ብጥምቀት ዝተሓደሰ ሰብነት ከኣ እንዳ ኃደረ ገድላትን ትሩፋትን ክሰርሕ ይጅምር።
2.ማይ ዝወሰዶ ረስሓት ኣሰሩ ከምዘይርከብ ብጥምቀት ዝተደምሰሰ ኃጢኣት ከኣ ኣሰሩ ኣይርከብን(እዚ ነቶም ንዑሰ ክርስቲያን እንብሎም ኢዩ እንበር ንሕፃናት ኣይኮነን።
3.ማይ ኣታኽልቲ የለምልም፣ ጥምቀት ከኣ ልምላሜ ሥጋ ነፍስ ይህብ።
4. ሥጋዊ ሕጸ ብማይ ከምዝነበረ(ናይ ርብቃ፡ ሲፖራ ሕጸ)፡ መንፈሳዊ ሕጸ ከኣ ብጥምቀት ንምግባር።
5.ማይ ናይ ሥጋ መልክዕ ከምዘጽሪ፡ ጥምቀት ናይ ነፍሲ መልክዕ የጽሪ።

#ዮርዳኖስ_ዝመረጸሉ_ምኽንያት
ጎይታ #ዮርዳኖስ ዝመረጸሉ ምኽንያቱ ትንቢትን ምሳሌን ስለ ዘለዎ ኢዩ።

#ናይ_ዮርዳኖስ_ትንቢት
“ጎይታ ማያት ረኣዩኻ፡ ፈርሑ ከኣ፣ ናይ ማይ ቀላያት ሰንበዱ ድምጺ ማዮም ከኣ ኣስምዑ” መዝ 76፡16
“ባሕሪ ከኣ ረኣየት ጐየየት ድማ ዮርዳኖስ ውን ናብ ድኅሪቱ ተመልሰ” መዝ 113፡3

#ናይ_ዮርዳኖስ_ምሳሌ
1.ዮርዳኖስ ኣብክብገስ ከሎ ሓደ ኢዩ፡ ቀጺሉ ብደሴት ክልተ ሩባ ይኸውን፡ ነቲ ደሴት ምስ ኃለፎ ከኣ ሓደ ይኸውን።
--ንሕና ድማ ኣቦና ኣዳም ሓደ ኔሩ፡ ቀጺልና ብግዝረት ክልተ ሕዝቢ ኮነ፡  ቀጺልና ከኣ ብጥምቀት ጎይታ ሓደ ኮና።

2.ዮርዳኖስ ኣብ ክረምቲ ኣይመልእን ኢዩ፣ ኣብ ሓጋይ ከኣ ኣይጎድልን ኢዩ።
--ጥምቀት ከኣ ንጎይታ ዝምልኣሉ ኮነ ዘጕድለሉ የብሉን።

3.ብዙሓት ነኣሽቱ ቀላያት ናብ ዮርዳኖስ የኣትዉ ኢዮም፣ ንሱ እንበር ንሳቶም ግና ወልሓንቲ ሓገዝ ኣይኮንዎን ኢዮም።
--ጥምቀት ከኣ ንጎይታ ዘይኮነስ ንዓና ኢዩ ውሉድነት ዘውህበና።

2.1.#ናይ_ንብዓት_ጥምቀት
ናይ ንብዓት ጥምቀት ብንብዓት ዝጥምቕዎ ኮይኑ መብዛሕትኡ ጊዜ ንምእመናን ንመነኮሳትን ኢዩ ዝገልጽ።

3.#ናይ_ባሕረእሳት_ጥምቀት
ናይ ባሕረእሳት ጥምቀት ናብ እሳት ምድርባይ ናብ እሳት ምውርዋር ዘመልክት ጥምቀት ኢዩ። እዚ ከኣ ንሰማዕታት ዝምልከት ጥምቀት ኢዩ። ንሰማዕታት ወይ ነቶም ሓደሽቲ ኣመንቲ፡ ብተኣምር ኮነ ብትምህርት ንዘኣመኑ ከይተጠመቑ ናብ እሳት ከእትውዎም ከለዉ ኢዩ። እዚ ከኣ ከም ጥምቀት ይኾኖም ማለት ኢዩ።

4.#ናይ_ደመሰማዕት_ጥምቀት
ሰማዕታት ብስሕለት ብሰይፊ ደሞም ኣፍሲሶም ዝጥመቕዎ ኢዩ። እዚ ከኣ ሰማዕታት ስለ እምነቶም ኢሎም ብሰይፊ ክስየፉ ከለዉ እንተ ደኣ ኣብ ኣረማዊነት ዝነበሩ ኮይኖም እቶ ደሞም ከም ጥምቀት ይኾኖም ማለት ኢዩ።
#ስለምንታይ_ጎይታ_ተጠሚቑ?
ጎይታ ዝተጠመቐሉ ምኽንያት “ኅድግ ምዕረሰ እስመከመዝ ውእቱ ተድላ ለነ ወይደልወነ ከመንፈጽም ኵሎ ጽድቀ” ከምዝብል ማቴ 3፡15. ጎይታ ከኣ ንዓና ኣብነት ንምዃን ኢዩ ዝተጠመቐ።
#እቲ_ጥምቀት_ከኣ_ይጠቕሞ_ዶ?
ጥምቀት ጎይታ ንጎይታ ምንም ዝጠቕሞ የብሉን፣ ኣቐዲመ ከምዝበልክዎ ንኣብነት ኢዩ እንበር ምንም ዝጠቕሞ የብሉን።

#ንዓና_ኸ_ይጠቕመና_ዶ?
#ጥምቀት ንዓና ይጠቕመና ጥራይ ዘይኮነስ ሕይወትና ውን ኢዩ። እዚ ማለት ከኣ ጎይታ ንኒቆዲሞስ “ካብ ማይን መንፈስቅዱስን ዘይተወልደ ንመንግሥተሰማያት ክርእያ ኣይክእልን ኢዩ” ከምዝበሎ ዮሓ 3. ንሕና ድማ ተጠሚቕና እንተ ደኣ ካብ መንፈስቅዱስ ተዘይተወሊድና መንግሥተሰማይ ኣይምልከተናን ኢዩ።
#ስለ’ዚ
ከምቲ ካብ ኣቦ ብዘርኢ ካብ ኣደ ከኣ ብደም ሰብ ኮይና ንውለድ፣ #ብጥምቀት ከኣ ካብ መንፈስቅዱስ ተወሊድና ሕያውናን ሰብ ርስቲ መንግሥተሰማይት ዝምልከተና ኮይና ንውለድ።
እሞ

---------------------ነዛ ቅንዕቲ #ኦርቶዶክስ_ተዋሕዶ_ቤተክርስቲያና እምነትና ነዚ ኵሉ ምስጢራት ኂዛ ንዓና ንድኅነት ዋና መርከብ ክትኮነን ካብ #ቅድስት_ድንግል_ማርያም ተወሊዱ ንዓና ብመንፈስ ክንውለድ #ጥምቀት 24/7 ከነመስግኖ ዝሃበና ጎይታ፣ ንዕኡ ናይ ባሕሪኡ ምስግና ነዲኡ ናይ ጸጋ ምስግና ይብጽሓዮም።


#አግኣዝያን_ትግራይ_ሚድያ

➺እንኳዕ ንዓመታዊ ብርሃነ
ጥምቀቱ ብሰላም ኣብፀሐና ኣብፀሐኩም👏
➺ዓመት ንዓመት ይዕቆረና

#አግኣዝያን_ትግራይ _ሚድያ

https://yt.psee.ly/6zjtdb

♡ታይ ክህበኪ ትደልዪ
♤ግዜኻ ሃበኒ

♡ታይ ክሽልመኪ ዘይበሊ ሽልማት ምረፂ
♤እምነትካ(ተኣማንነትካ) ሸልመኒ

♡ኣብ ምንታይ ከንብረኪ ትደልዪ ምዉቅ ስፍራ ድለዪ
♤ኣብ ልብኻ

♡ታይ ክሕልወልኪ ትደልዪ
♤ክብረይ ሓልወለይ:(ኣኽቢርካ ኣፍቅረኒ)

♡ናበይ ክምርሐኪ ናበይ ከሸራሽረኪ ደስ ዝበለኪ ቦታ ምረፂ
♤ናብ መንገዲ እግዚአብሔር

♡ክንዲ መን ክኾነልኪ ምደለኺ ናይ መን ቦታ ክሽፍነልኪ
♤ከም ኣዶ ተረዳኢ:ከም ሓፍተይ ሓላይ: ከም ዓብዪ ሓወይ ቀፃዒ: ከም ንኡሽተይ ሓወይ ተማእዛዚ: ከም መሓዛይ መማኸሪ መታን ሙሉእ ግዜየይ ምሳኻ ከሕልፎ እዚኦም ሸፍነለይ

♡ከሊእ'ኸ?
♤ንደቅኻ ሓላፍነታዊ ኣቦ ኹነሎም:ትርጉም ኣቦነት ኣባኻ ክሪኦ'የ ዝደሊ:ጓል ናይ መጀመርያ ኣፍቃሪኣ ኣቦ'ኣ እዩ
ወዲ ዉን ናይ መጀመርያ ጀግንኡ ኣቡኡ እዩ ክበሃል ብዙሕ ግዜ እየ ዝሰምዕ:እስኪ ካብ ምስማዕ ሓሊፈ ኣባኻን ኣብ ደቀይን ክሪኦ ብግብሪ ኣሪአኒ!!

#አግኣዝያን_ትግራይ _ሚድያ

ዋው እንኳዕ ደስ በለካ ተስፍሽ
👇👇👇
https://youtu.be/vc9rYg6IYc0?si=j3BX-Do7caf4oFnO

ምክሪ ለባማት

* ነቲ ክባር መግቢ እቲ ሕሳር ጨው ከምዘመቅሮ፡
* ንህይወት ከኣ ትሕትና ዩ ዘመቅሮን ዘክብሮን።

*እቶም ዝገብሩ ኣይጃህሩ፡ ኣይፍክሩ፡ኣይዛረቡ፡ኣየዕገርግሩ፡
ኣይጭነቁ፡ኣየማርሩ፡ኣይህወኹ፡ኣይንድሩ፡ብህድኣት ስርሖም ይገብሩ።

*ንመልሓስካ ጥዑም ክተስተማቅረላ እምበር ሕማቅ ክትዛረበላ ኣይኮነትን ተዓድላትካ፡፡

*ሰብኣውነት ዝባሃል ብዘይካ ኣምላኽን እቲ ዝሕገዝ ዘሎ ሰብን ዋላ ሓደ ሰብ ከይራኣየን ከይ ሰመዐን ትህቦ ሓገዝ ዩ።

*ራኣዩኒ ራኣዩኒ ዝብል ሰብ ኣብ መወዳእታ ሕብኡኒ ሕብኡኒ ዩ ዝብል።

* ጌጋ ደቂ ሰባት እምበር ጌጋካ ክራኣየካ ስለ ዘይክእል ንነብስካ ምፍታሽ ብልሓት ዩ።

#አግኣዝያን_ትግራይ _ሚድያ

ዋላ ኣነ ተሰነፍኩ ንስኻ ተልዕልኒ ኢኻ
ኣነ ተሓመቕኩ ሕመቐይ ሸፊንካ ተፀብቐኒ ኢኻ
ከማኻስ መን ጎይታይ ተመስገን መድሀኒአለም🙏
ሰናይ ዕለት

#አግኣዝያን_ትግራይ_ሚድያ

ምንባር ማለት እንታይ ማለት እዩ?

🥀ምንበር ማለት ብቡዝሕ ቃላት ከግለፅ ይክእል እየ ነገር ግን ካብቲ ብዝሑ ብውሕዱ ክገልፅ ይፈቱ

✅ምንባር ማለት ተፈትንኻ ምማሃር ተማህርካ ምዕዋት ኣብ ዝለዓለ ደረጃ ምብፃሕ።

✅ምንባር ማለት ገድሊ እዩ ኣብ ዓለም ብሰናይ ተግባር ተጋድልካ ምሕላፍ ኣብ መወዳእታ ኣክሊል ዓወት ምሽላም።

✅ምንባር ማለት ካብ ሕልፍኻ ምምሃር ዝሓለፈ ሂወትኻ ፅብቁን ሕማቅን ሂወት ኣሕልፍኻ ትኸውን ኢኻ ነገር ግን ነቲ ፅብቁ እናወስኻ ንበረሉ ነቲ ሕማቅ ኻዓ ተማሃረሉ እንበር ኣይትጨነቀሉ።

✅ምንባር ንዘለኻ ምፍቃር እዩ ኣብ ዓለም ሙሉእ ዝባሃል ነገር የለን ብዝጎደለኻ ከተማርር ዘይኮነስ በዘለኻ ኣመስግን ዓለም #9ተ ዘይትመልእ #10ተ እናበልካ  በቲ #ሓንቲ ዝጎደለትኻ ኣይተማርር በተን #9ተ ዝተዋሃባኻ እመስገንኻ ንበር ምክንያቱ ኣብ ምስጋና ዕጋበት ዕረፍቲ ሰላም ወዘተ ኣሎ።

✅ምንባር ብተስፍ ኣብ እዋን ዝወደቅኻሉ ወይ ድማ ዝተፈተንካሉ ተስፍ ከይቆረፅኻ ብሓይሊ እግዚአብሔር ኣምላክ ክብፀሖ እየ ኢልካ ተበገስ ተስፍ ማለት ነቲ ዘይረአ ነገር ከም ዝረአ ገይርኻ ብተስፍ ምጉዓዝ ተስፍ ናይ ሂወት ብራሃን እያ ስለዚ ተስፍ ከይቆረፅኻ ተጎዒዝ።

✅ምንባር ንሕልናኻ ንበር ሕልና ልዕሊ ማንም ደኛ እዩ ስለዚ ብሕልናኻ ዝበለኻ ንበርን ተጎዓዝን ንግዜዊ ጥቅሚ ወይ ደስታ ክትብል ሕልናኻ ዘይፈቅደልኻ ነገር ኣይትስራሕ ብሕልናካ ተተጓዒዝኻ መጨረሻኻ ፅብቅ ክኾነልኻ እዩ ስለዚ ንሕልናኻ ስማዕ።

#አግኣዝያን_ትግራይ _ሚድያ

ሚልዮን ሽምዓ ኣብርህ ለይቲ ላብ ቀትሪ
ጸልማት ላብ ብርሃን ክቅይር ዝክኣሎ ፍጡር የለን ብዘይካ ንስኻ ኣምላኸይ ኽብሪ ንዓኻ ይኹን❤🙏


ሰናይ 🌅ታ


#አግኣዝያን_ትግራይ _ሚድያ

ኣዝያ ጥዕምቲ ዝኾነት ዛንታ

ሰበይትን ሰብኣይን እዮም
ካብ ዝምርዓው ድሮ 6 ዓመት ኣሕሊፎም ግን ውላድ ክወልዱ ኣይክኣሉን።
ካብ ማዓልታት ሓደ መዓልቲ ጠንቂ ዘይ መውለዲኦም ንክፈልጡ ተተሓሒዞም ንሕክምና ይከዱ ዘድለ መርመራታት ውን ጌሮም ወዲኦም ውጺኢቶም ንምፍላጥ ግን
ካልኣይ መዓልቲ ቆጾሮ
ማዓልቲ ቖጾርኦም ከይተወድኣ ኮሎ እቲ ሰብኣይ ኣቀዲሙ ናብቲ ዝተመርመረሉ ዶክተር ብምካድ ውጺኢቶም ንክነግሮም ሓተቶ ።
ወዮ ደክተር ውን ትክክለኛ ውጺኢት መርመረኦም
ከምዚ ክብል ነገሮ።
ዝሕዝን ኣጋጣሚ እዩ ብዝተገበረልኩም መርመራ ትምኒት ብዓልቲ ቤትካ ክትወልድ ከምዘይ ትክእል እዩ መካን ከምኳና እዩ ዝሕብረና ዘሎ ይብሎ።
ዎዮ ሰብኣይ ኣዝዩ ድሕሪ ምሕዛን......ነቲ ዶክተር ሓንቲ ነገር ክትሓባበሮ ተወኮሶ።
ሰበይተይ ሒዘያ ክመጽእ እየ እሞ..... ንሳ ከምዘይትወልድ ኣይትንገራ ኢኻ ኣነ ከምዘይ ወልድ ኣነ ጸገም ዘለኒ ኣነ ምኻነይ ንገራ ኢካ ቦሎ።ወየ ደክተር ውን ብሓሳቡ ተሳማምዐ።
ወዮ ደክተር ኩሉ እቲ ሰብኣያ ዝበለ ይነግራ እሞ....ሰበይቲ ፈጣሪኣ እንዳ ኣመስገነት ንገዝኣ ተመልሰት ።
ጠንቂ ዘይ ምውላዶም ድሕሪ ምፍላጥ ውን
ንኣስታት 4 ዓመት ሓዳሮም ቀጸሉ ።
ድሕሪ 4 ዓመታት ግን ሰበይቲ ክተንጸርጽር ጠባያ ክትቅይር ትጅምር ።
ኮፍ ኣቢሉን ከዘራርባን ከህድኣን ኣብዝፈተነሉ ሓደ መዓልቲ ከምዚ ክትብል መለሰትሉ ።
ስማዕ ኣነ ክወልድን ክስዕምን ፍረ ማህጸነይን ክርኢ ይደሊ ኣለኩ በለቶ።
ስለዚ ንፈላለ በለቶ"
ሰብኣይ ርኡሱ ኣድኒኑ ብዙሕ ድሕሪ ምሕዛን
ከምዚ ክብል መለሰላ
ዓለመይ ኣነ የፍቅረክን ይፈትወክን እየ ።
ዘይምውላደይ ድማ ፍቃድ ፈጣሪ እዩ ስለዚ
ተዓገስኒ ይብላ ።
ሰበይቲ በቃ እዛዓመት እዚኣ ክጽመመካ እየ ኢላ ሓሳባታ ትድምድም።
ኮይኑ ግን ኣብታ ዓመት ከም ኣጋጣሚ ብሕማም ኮላሊት ሓሚማ ናብ ሕክምና ትኣቱ
እሞ ኩሉ ኮላሊታ ካብጥቅሚ ወጻኢ ከምዝኮነ ይንገራ።
ጠንቂ ሕማመይ ውን ንስካ ኢካ ንፈላለ ምስ በልኩካ ስለ ዝኣበካኒ ኢኻ ብምባል ኣዝያ ትመቅሶ ንሰብኣያ።
ሰብኣያ ግና ኣብ በይኑ እዩ ዝርንዝሕ ዝነብዕ።
ብድሕሪዚ ወዮ ሰብኣያ ኣነ ኮላሊት ዝህበና ሰብ ክደሊ እየ ብምባል ካብ ሕክምና ይወጽእ
እሞ ንሓደ መንእሰይ ሒዙ ይምለሳ ዝያዳይ ኮላሊት ዝህበና ሰብ ረኪበ ኣለኩ ኣጆኪ ቅርብ ኢሉ ሲዒምዋ ይከይድ ....እሞ ነቲ ዶክተር ከምዚ ክብል ተዛረቦ ።
ዶክተር ንባዓልቲ ቤተይ ኮላሊት ክህባ ፍቃደያ እየ ።
ግን ሓደራ ኣነ ከምዝሃብክዋ ከይትነግራ ይብሎ።
ዘድሊ መጥባሕቲ ጌሮም ምስ ወዱኡ ተሓሒዞም ንገዝኦም ይምለሱ ።
ድሕሪ ቅሩብ ዓመታት እውን ሰበይቲ ትጠንስ ቀልዓ ይወልዱ።
ካብ ማዓልታት ሓንቲ መዓልቲ እታ ሓንቲ ዝኮነት ዓቃቢት ምስጢር ደብዳበ ኣብ ትርኣሱ ረሲዕዋ ስራሕ ይከይድ እሞ..... ሰበይቲ ዓራት እንዳ ኣንጸፈት ትረክባ እሞ ኩሉ ቲ ሓቂ ተንብቦ ብብክያት ድሕሪ ምንክናኻ ...ናብ በዓል ቤታ ደዊላ .....ኩሉ እቲ ሓቂ ፈሊጠዮ
ንምንታይ ግን ክንድዚ ዝኣክል ሂወት ትከፍለለይ ብክያታ ትቅጽል....ሰብኣያ እውን ንብዓት እሞ ይስዕሮ ከምዚ ክብል ድማ መለሰላ....ዓለመይ እዚ ንዓኪ ዝከፈልክዎ ዋጋ ክከፍሎ ይግብኣኒ እዩ....ብርክትን ክብርትን ብዓልቲ ቤተይ እንድኪ።
ካብ ወለድኺ ሚሒለን ጢሒለን ክወስደኪ ከለኩ ክእብደክን ክሕብሕበክን....እምበር ከዋርደኪ ኣይኮንኩን ኢሉ ብልቡ ከም ዝፈትዋ
ይነግራ እሞ ንሳ እውን ካብኡ ከምዘይ ትፍለ ቃል ብምእታው ምዉቅ ዝኮነ ሓደር ይሕልፉ ኣለው ፈጣሪ ጥዑም እንታይ ይስኣኖ
3 ቖልዑ ወሊዶም ምውቅ ዝኮነ ሓዳር ይሕልፉ ኣለዉ

#አግኣዝያን_ትግራይ_ሚድያ

ሓቀኛ ነባሪ❤

#እቲ ካባኻ ክርሕቅ ዝደለየ ንእሽተን ጉድለት እዩ ዝደሊ

#እቲ ብሓቂ ምሳኻ ኽነብር ዝደሊ ሰብ ድማ ጉድለትካ ሸፊኑ ብፍቕሪ ኽስዕር ይጽዕር።

# ሰናይ ወጋሕታ ምስ ሰንበት

#አግኣዝያን_ትግራይ _ሚድያ

በዓል ልደት 2017ዓ/ም ኣብ አፅቢ ምስ Sami Tigray ❤

2016 እውን ሪያድ ኣብዒልና ነይርና😊

📷 Sami Tigray Media

ናይ ሳሚ ፕራንክ ዝተገበረሉ ቪድዮ 👇👇👇
https://youtu.be/HDB6PWRd35w?si=TOzz1izte5GXOiI3

https://youtu.be/ud9pfgWcgqU?si=F5EBPZ3Pn3cmB2JM

https://youtu.be/-TQcRKTdXFQ?si=MM_qy4XITFX1f9Xy

ታሪኻዊ ኣመፃፅኣ #ሁራ_ሰለስተ ‼️
===
#ሁራ_ሰለስተ ካብቶም ዘይድህሰሱ ባህላውን ሃይማኖታውን ሓድግታትና ሓደ ኰይኑ ብዝተፈላለየ ቅድን ውቕዒትን ኣብ ትግራይ #ትሸዓንተ ዓዲ ዳራ፣ 33 ዓዲ #ኣፅቢ ፣ 12 ዓዲ #ወንበርታ ዝፅወት (ዝርገፅ) #ባህላዊ ትውፊት እዩ።

#ታሪኻዊ ኣመፃፅኡ ምስ ስልጣነ #ኣኽሱም ዝተተሓሓዘ #ታሪኽ ዘለዎ ኰይኑ ኣብ ዘበነ ንጉስ #ኢዛናን #ካሌብን ካብ 4ይ-6ይ ክፍለ ዘበን ገኒኑ ይፅወት ከምዝነበረ ታሪኽ ድርሳናት ይሕብሩ/በላይ፣ 1991 ፤ ግርማ፣ 1995፤ ሰለሙን፣ 2005/። ኣብ ዘበን እዞም #ነገስታት ንናይ ንጉሳዊ #ኣኽሱማይ ሰራዊት #ሃገራዊ መንፈሶም ንምሕላው #ወተሃደራዊ ሰልፊ ዘኻይድሉ #ውቑብ ባህሊ ነይሩ።

ብመሰረት #ስርዓተ ቤተ ክርስትያን ተዋህዶ ድማ ኵሉ ጊዜ ምስ ምውዳእ #ፆመ #ነብያት ተታሓሒዙ ብምኽንያት በዓል #ልደት ፤ #ውልደት መድሓኒና እየሱስ ክርስቶስ ኣብ ዘሎ ናይ #ታሕጓስን #ብስራትን እዋን ክበዓል ምክኣሉ #ሁራ #ሰለስተ #ሃይማኖታዊ መሰረትን መበገሲን ኣለዎ። እቲ #ሃይማኖታዊ ትሕዝትኡ ነቲ ባህሊ ክብደት ፤ ባህላዊ ትሕዝትኡ ድማ ነቲ በዓል ድምቀት ከምዘለዎ ምግንዛብ የድሊ።
ቴሌግራም👉https://t.me/hmedul
© Mezgebe Ze Bazien

#አግኣዝያን_ትግራይ_ሚድያ

#ምፍላጥ

ዝተፈላለዩ ኣቑሑት ፈርኒቸር እትደልዩ ኣብዚ ሊንክ ኣቲኹም ምረፁ👇👇👇
https://t.me/ciyanawoodwork

#አግኣዝያን_ትግራይ_ሚድያ

‼️‼️‼️እዋናዊ ሓበሬታ‼️‼️

ሎሚ ዓርቢ ምሸት ሰዓት 2:00 ከባቢ 5.5 ሬክተር ስኬል ዝዕቀን ምንቅጥቃጥ መሬት ኣብ ክልል ዓፋር ኣዋሽ ከባቢ ከምዘጋጠመ ኢትዮጵያ ኢንሳይደር ገሊፁ።

ሓበሬታ ኢትዮጵያ ኢንሳይደር 👇👇👇
በኢትዮጵያ ከሰሞኑ ከተከሰቱት የመሬት መንቀጥቀጦች ከፍተኛ የሆነው እና በሬክተር ስኬል 5.5 የተመዘገበ ርዕደ መሬት ዛሬ አርብ ምሽት መከሰቱን የአሜሪካ እና የአውሮፓ ተቋማት አስታወቁ። የመሬት መንቀጥቀጡ በአፋር ክልል አዋሽ አካባቢ የተከሰተው ከምሽቱ ሁለት ሰዓት ገደማ ነው። (ኢትዮጵያ ኢንሳይደር)

እግዚአብሔር ምሕረቱ ይልኣኸልና🙏

ቴሌግራም 👉https://t.me/hmedul

#አግኣዝያን_ትግራይ_ሚድያ

ኣቱም ደንጎላታት ኣወዳት :ኣንብቡዎ ክጠቕመኩም እዩ 🙄
ከመይ ጌርና ስምዒት ጓል ኣንስተይቲና ንከናኸን... 🌹

1. ምሳኻ ክትዛረብ ከላ ዓይኒ ዓይኒ ርኣያ፡ ኣገዳሲት ኮይና ከም እትስምዓ ይገብራ

2. ንፋስ ክትወጽእ ከላ ክትዛረብ ፍቐደላ። ኣብ ውሽጣ ነገራት ኣብ ጥርሙዝ ዘይምቕማጥ ጥዕና ኣለዎ።

3. ንኽትንክፋ። ኢዳ ምሕኻኽ፡ ሕቝፋ ሒዝካ፡ ስዓማ። ኣካላዊ ምትንኻፍ ንስምዒታታ መስኮት እዩ።

4. ክትበኪ ከላ ካብቲ ክፍሊ ኣይትውጻእ። ብሰንክኻ ይኹን ብኻልእ ጉዳይ ትነብዕ ሓቚፍካ ኣጸናንዓያ

5. ከመይ ከምዘላ፡ ከመይ ከምዝደቀሰት፡ መዓልታ ከመይ ከምዝነበረት ሕተታ። ሰናይ ንጉሆ፡ ሰናይ ለይቲ ሓልዮት ከም ዝስምዓ ይገብራ

6. ዓቢ ነገር ኣብ ዘይረኸብካሉ ጉዳይ ክትሰርሕ ከላ፡ ንእሽቶ እያ ኣይትበላ። እዚ ድማ ዝተረድኣ ኮይኑ ክስምዓ ይገብራ

7. ብዛዕባ እቲ እትጥቀመሉ ሜላታት ውጥን ስድራቤት ዝያዳ ፍለጥ። ገለ ካብኣቶም ንሆርሞናታ ይጸልዉ፡ ሆርሞናታ ንስምዒታ ይጸልዉ

8. ኣብ እዋን ወርሓዊ ጽግያት ከመይ ከም እትመላለስ ፍለጥ። ገለ ደቂ ኣንስትዮ ኣብቲ እዋን ናይቲ ወርሒ ስሚዒት ይወስዳ። ንግስቲኻ ኣጽንዕ

9. ፍቕሪ ኣብ ልዕሊኣ ብግልጽን ብውልቅን። ንሳ ጥራይ ምዃና ንጹርነት ሃባ፡ ንኻልኦት ደቂ ኣንስትዮ ኣይተዘናግዓ። እዚ ድማ ውሕስነት ከም ዝስምዓ ይገብራ

10. ንብዓት ሓጎስ ክትበኪ ከላ ተረዳእ። ልባ ክሳብ ንብዓት ክትትንክፎ ከለኻ alot ትርጉም ኣለዎ።

11. ንጽባቐኣ ምስ እትጠራጠር፡ ጽብቕትን ሴክሲን ምዃና ኣዘኻኽራ

12. ብዛዕባ ሓደ ነገር ከተማርር ከላ ከም በደል ኣይትውሰዶ፡ ብሓቂ ከመይ ጌርካ ብዝበለጸ ከም እተፍቅራ ምኽሪ ትህበካ ኣላ። ዳግማይ ከተማርር ምእንቲ ከይትግደድ ነቲ ምኽሪ ተጠቐመሉ።

13. ዕብዳን ምስ ዘይርጉእን ምስኣ ኣይትጽንበር እሞ ውን ትዕበድን ዘይርጉእን ኩን። እታ ክትከላኸለላ ከም ዘይትኽእልን ንቑልቁል ዝወሓደ ጫፍ ከም ዝስምዓን ዝገብር ህዱእን ርግጸኛን ድምጺ ኩን።

14. ኣድኒቕካ፡ የመስግነካ ንገራ፡ ኩሉ እትገብሮ ድማ ኣለሊ። ሓደ ሓደ ግዜ፡ ጓል ኣንስተይቲ ፍቕሪ ክስምዓ ዘድልያ እዚ ጥራይ እዩ።

15. ዝጎድእ ቃላት ብምዝራብ ብስምዒት ኣይትበሳጨዋ። ከምዚ ዝኣመሰለ ቃላት ንዓመታት ክስዕባ ይኽእል እዩ።

16. ክልቴኹም ከም እትጸንሑ እንተጠራጢራ፡ ዋላ እኳ ከቢድ ግዜ ትሓልፍ እንተኾንኩም፡ ከም ዘይትገድፋ መረጋገጺ ሃባ That alone wll encourage her to stand with you

17. ኣብ ቅድሚኣ ጸልየላ። ብዙሓት ደቂ ኣንስትዮ ሰብኣየን ብመንፈሳዊ መዳይ ክሽፍነን ይናፍቓ እየን።

18. ኣብ እትጎድኣሉ እዋን ጾታዊ ርክብ ኣይትጠልብ። ከምኡ ምግባር ኣብ ጥቕሚ ዝውዕልን ናይ ጾታዊ ርክብ መጻወቲን ኮይኑ ክስምዓ ጥራይ እዩ።

19. ምስ በደልካያ ይቕሬታ ​​ሕተት። ገለ ደቂ ኣንስትዮ "ይቕሬታ" ጥራይ ስለዝተጸበየን ንዓመታት ልበን ተሰቢሩ ኣሎ። ኢጎኻ ቃና ኣውርድ እሞ ስምዒታዊ ክትፈትዋ ኢኻ።

#አግኣዝያን_ትግራይ _ሚድያ

ነገረ ድሕነት

ቀዳማይ ክፋል(ካልኣይ ቅጻይ)

<ንክርስቶስ ኣሚንካ እንዳሃለኻ ናብ ሲኦል ናብ ገሃነም ሓዊ ዘእቱ ኹነታት>
"""""""""""""""""""""""""""""""""""""""""""""""""""""""""""""""""""""""""""""""""""""""""""""""

ነቲ <ድሕነት ብእምነት ጥራሕ እዩ ዝርከብ> ዝብል ናይ መናfkaን ሓሳብ እንድሕር ብእምነት ጥራሕ ድሕነት ዝርከብ ኮይኑ ብመጽሓፍ ቅዱስ መሰረት ገይርና እስኪ ንመዝኖ፦

1) ሸይጣን
ሓደ ሰብ ንሸይጣን ረኺቡ ንእግዚኣብሄር ዶ ትኣምን ኢኻ? እንተዝብሎ እቲ ሰይጣን እንታይ ይብሎ ይመስለና ይኾን? እወ ኣጸቢቀ እየ ዝኣምን እዩ ኽብሎ። መጽሓፍ ቅዱስ ድማ ሰይጣን ንእግዚኣብሄር ይኣምን ከምዝኾነ ይምስክረልና እዩ፦ “.........ኣጋንንቲውን ይኣምኑን ይንቅጥቀጡን እዮም።” (ያእቆብ 2፥19) እሞ ሰይጣን ንእግዚኣብሄር ስለዝኣመነ ድሒኑ እዩ ዲና ኽንብል? እቲ ግብሪ ኣብ ውሽጢ እቲ እምነት እዩ ዝርከብ ንብሎ ዝነበርና ደኣ ኣብዚ ናበይ ኸደ? እቲ ሰይጣን ብርግጽ ንእግዚኣብሄር ኣሚኑ ኣሎ፡ ሰይጣን ስለዝኣመነ መንፈስ ቅዱስ ኣብቲ ሸይጣን ሓዲሩ ሰናይ ግብሪ ንምንታይ ደኣ ዘይሰርሐ? ንምንታይ መንፈስ ቅዱስ ተፈሊዩዎ ኣሚኑ እንዳሃለወ? ስለዚ ድሕነት ብእምነት ጥራሕ እንተዝርከብ ነይሩ ሰይጣን እውን ምደሓነ ነይሩ።

2) እቶም ንጎይታ ኢየሱስ ክርስቶስ <ጎይታ> ከምዝኾነ ዝኣመኑሉ ሰባት ግና ድማ ዘይደሓኑ

መጀመርታ ንጎይታ ኢየሱስ ክርስቶስ <ጎይታ> ኢሎም ኽጽውዕዎ ዝኽእሉ እቶም ኣይሁዳውያንን ፣ እቶም ዝከሓዱዎን፣ እቶም ዘይኣመኑን ዘይኮነስ፤ እቶም ጎይታ ከምዝኾነ ዝኣመኑ ሰባት እዮም ኽጽውዑዎ ዝኽእሉ።“ስለዚ ሓደ እኳ ብመንፈስ ኣምላኽ ዚዛረብ፡ ኢየሱስ ርጉም እዩ ኸም ዘይብል፡ መንፈስ ቅዱስ ተመሪሑ እንተ ዘይኰነ ኸኣ፡ ኢየሱስ ጐይታ እዩ ኺብል ንሓደ እኳ ኸም ዘይኰነሉ፡ ኤፍልጠኩም ኣሎኹ።” (1ይ ቆረ 12፥3)

ቀጺልና ድማ ኸምዚ ዝብል ጽሑፍ ንረክብ፦ "ፍቓድ እቲ ኣብ ሰማይ ዘሎ ኣቦይ ዚገብር እምበር፡ ጐይታይ፡ ጐይታይ፡ ዚብለኒ ኹሉ፡ መንግስተ ሰማይ ዚኣቱ ኣይኰነን። በታ መዓልቲ እቲኣ ብዙሓት፡ ጐይታይ፡ ጐይታይ፡ ብስምካ እተነቤናዶ ኣይኰናን? ኣጋንንትስ ብስምካዶ ኣየውጻእናን? ብስምካስ ብዙሕ ሓይሊዶ ኣይገበርናን? ኪብሉኒ እዮም። ሽዑ ኣነ፡ ኣቱም ገበርቲ ዓመጻ፡ ከቶ ኣይፈልጥኩኹምን፡ ካባይ ርሐቑ፡ ክብሎም እየ።" (ማቴ 7፡21-23)

እዚ መልእኽቲ ብጣዕሚ ዘፍርሕን ዘደንግጽን እዩ።

ኣብዚ ጽሑፍ ከምቲ ዝረኣናዮ እቶም ጎይታይ ጎይታይ ዝብሉ ዘለው ንጎይታ ኢየሱስ ክርስቶስ ዝኣመኑ እዮም። እቲ ኣብዚ ዘሎ ክርክሮም ንኣምነካ ኢና ወይ ኣይንኣምነካን ዝብል ኣይኮነን ዝኒሀ። እኳ ደኣስ ካብ ምእማን ሓሊፎም ብሽምካ ትንቢት ተናጊርና ኢና፣ኣጋንንቲ እውን ኣውጺእና ኢና፣ ብዙሕ ሓይሊ ጌርና እንዳሃለና ንምንታይ ናብ ገሃነም ሓዊ ትድርብየና ኣለኻ? እንዳበሉ እዮም ዝከራኸርዎ ዘለው። ጎይታኸ እንታይ እዩ ዝብሎም ዘሎ? ንስኻትኩም ንዓይ ስለዘይኣመንኩምኒ ኪዱ ካባይ ርሓቁ ዶ ኢሉዎም እዩ? ኣይኮኑን። ምእማንስ ይኣምኑ ነይሮም እዮም።

እዚኦም ንጎይታ ኢየሱስ ክርስቶስ እንዳኣመኑ እንዳሃለው ከለው ንምንታይ በቲ እምነቶም ደኣ ዘይደሓኑ? ንምንታይ ኣሚኖም እንዳሃለው ከለው ናብ ገሃነም ሓዊ ዝርበዩ? ስለዚ ካብዚ ክንርዳእ ከለና እምነት በይኑ ጥራሕ ሒዝካ ድሕነት ክርከብ ከምዘይከኣል እዩ ዘረድኣና።

እሞ እቲ ነቶም ትእዛዛት ንስኻ ንኽትፍጽሞም ስለዝኸብደካ ጎይታ ኢየሱስ ክርስቶስ ኣብ ክንዳኻ ተተኪኡ ነቲ ትእዛዛት ባዕሉ ፈጺሙልካ እዩ ካባኻ ክትፍጽሞ ዝግበኣካ ትእዛዝ የብልካን ኣይትጨናነቅ፡ ንስኻ ጥራሕ እመን እምበር ክትድሕን ኢኻ ዝበሃል ዝነበረ ኣበሃህላ ናበይ ከደ? ንምንታይ ደኣ እዚኦም ናብ ገሃነም ሓዊ ንኽኣትው ተፈሪዱሎም?

3) እቶም ኣብ ፍርዲ ግዜ ብጸጋም ዝተፈለዩ ንክርስቶስ ዝኣምኑ ሰባት

እዚኣቶም ድማ ኣብ ማቴዎስ ወንጌል ተገሊጾም ኣለው። እቲ ፍጻመ ድማ ኸምዚ ይመስል፦
"ድሕርዚ ኣብ ጸጋሙ ንዘለዉ ይብሎም፡ ኣቱም ርጉማት፡ ካባይ ርሐቑ፡ ናብቲ ንሰይጣንን ንመላእኽቱን እተዳለወ ናይ ዘለኣለም ሓዊ። ጠምየ ነበርኩ እሞ፡ ኣየብላዕኩምንን። ጸሚኤ፡ ኣየስቴኹምንን። ገይሸ፡ ኣይተቐበልኩምንን። ዐሪቐ፡ ኣይከደንኩምንን። ሐሚመ፡ ተኣሲረ፡ ኣይበጻሕኩምንን።
ሽዑ ንሳቶም፡ ጐይታይ፡ መኣዝ ጠሚኻ ርኤናካ፡ ወይ ጸሚእካ፡ ወይ ጌሽካ፡ ወይ ዐሪቕካ፡ ወይ ሐሚምካ፡ ወይ ተኣሲርካ፡ ዘየገልገልናካ፧ ኢሎም ይመልስሉ።
ሽዑ ንሱ፡ እቲ ኻብዞም ናእሽቱ ንሓደ ዘይገበርኩምሉ ንኣይ ከም ዘይገበርኩምለይ፡ ብሓቂ እብለኩም አሎኹ፡ ኢሉ ይመልሰሎም። እዚኣቶም ናብ ናይ ዘለኣለም ስቓይ፡ ጻድቃን ግና ናብ ዘለኣለም ህይወት ኪኸዱ እዮም።" (ማቴ 25፡42-46)

ካብዚ ጽሑፍ ኽንርዳእ እንከለና፦ እቲ ኣብ መንጎ ብጸጋሙ ዘለው ሰባትን ኣብ መንጎ ጎይታን ዘሎ ክርክር ብዛዕባ ናይ ምእማንን ዘይምእማንን ዘከራኽር ነገር የለን ዘሎ። ጎይታ ምዃኑ ኣሚኖም "ጎይታ" እንዳበሉ ይጽውዕዎ ኸምዘለው ንርኢ ኣለና። ጎይታ እውን ንምንታይ ዘይኣመንኩምኒ ዝብል ሕቶ ኣየቅረበሎምን ምኽንያቱ እቶም ብጸጋሙ ዘለው ከምዝኣምኑዎ ፈሊጡዎም ኣሎ። እቶም ዘይኣመኑ ሰባት ኣብዚ መድረኽ የለውን ዘለው ማለት ብየማን ይኹን ብጸጋም ኣይተሰለፉን ዘለው። እቶም ንጎይታ ኢየሱስ ክርስቶስ ብጸጋሙን ብየማኑን ተሰሊፎም ዘለው ኩሎም ናፍቲ መድረኽ ቀሪቦም ዘለው እቶም ዝኣመኑ ሰባት ጥራሕ እዮም ዘለው።

እሞ ነቶም ብጸጋሙ ኣመንቲ ዝኾኑ ደኣ ንምንታይ እዩ ናብ ገሃነም ሓዊ ንኽድርብዮም ዝተወሰነሎም? ጠሚዩ ፣ ጸሚኡ፣ ገይሹ፣ ዓሪቁ፣ ሓሚሙ፣ ተኣሲሩ ከሎ ስለዘየገልገልዎ እዩ ናብ ገሃነም ሓዊ ንድርብዮም ዝወሰነ።

እሞ እዚኣቶም እቶም ብጸጋም ዝነበሩ ንክርስቶስ ዝኣምኑ ዝነበሩ ሰባት፡ እንታይ ኾይኑ እቲ እምነቶም ዘይኣድሓኖም? እቲ ሰናይ ምግባር ኣብ ውሽጢ እምነት እዪ ዝርከብ ዝበሃል ዝነበረ ደኣ ናበይ ከደ? እቲ እምነት ጥራሕ ሓዝ እምበር ብጸጋኡ ክትድሕን ኢኻ ዝተበሃለ ደኣ እንታይ ኮይኖም እዚኦም ናብ ገሃነም ሓዊ ዝድርበዩ?

4) እተን ንጎይታ ኢየሱስ ክርስቶስ ይጽበያ ዝነበራ ሓሙሽተ ዓያሹ ደናግል


#አግኣዝያን_ትግራይ -ሚድያ

"ፈጣሪ ንኣዲኡ ፈጠረ ድንግል ማርያም ንፈጣሪኣ ወለደት" ቅዱስ ኤፍሬም ሶርያዊ
ወላዲተ ኣምላክ ርድኤታ አይፈለየና🙏
#አግኣዝያን_ትግራይ_ሚድያ

እንኳዕ ንዓመታዊ ክብረ በዓል መልኣከ ራማ ብስራታዊ መልአክ ቅዱስ ገብርኤል ብሰላም አብፀሐና አብፀሐኩም🙏

#አግኣዝያን_ትግራይ_ሚድያ

ዝገርም መልእኽቲ👇👇👇

https://youtu.be/w41QBbi3zX8?si=zd8B37nRd5Vkej_G

#አግኣዝያን_ትግራይ_ሚድያ

እቱ ናይ ብሓቂ ዘፍቅረኪ ወይ ጽቡቕ ቅርበት ዘለዎ ምሳኺ እቲ ክትፈርሒ ከለኺ ዘተባባዓኪ፡ሕልምኺ ንኽሰምር መሳልል ዝኾነኪ፡መንፈሳውነትኪ፡ልቦናኺ፡ፍልጠትኪ፡ርእሰ ምትእምማንኪ ንኽዓቢ ንኽትጽልዩ፡ብሓባር ንኸተንብቡ፡ጽሙዋ ንኽትመርጹ፡ጽቡቕ ምኽሪ ንኽትሰምዑ ዘተበባዓኪ ኢዩ፡፡

ካልእ ዘፍቅረኪ እቲ ኣብ ዝኾነ ዝከላኸለልክን ዝማጎተልክን ኣይኮነን፡፡ዘፍቅረኪ ወላ ጌጋ እናገበርኪ ዝከላኸለልክን ዝማጎተልክን ተኾይኑ እዚ ፍቕሪ ክኸውን ኣይክእልን፡፡ሓቀኛ ኣፍቃሪኺ ንጌጋኽን ንሕማቕ ኣካይዳኽን ዝእርምን፡ዝግስጽን ምስ ዝኸውን'ዩ፡፡

ዉሽጣዊ ንጽህንኡ እምበር ምሕቋፉ መግለጺ ፍቕሩ ክኸውን ኣይክእልን... ኣኽብሮቱን ምክንኻኑን እምበር ምስዓሙ መግለጺ ፍቕሩ ክኸውን ኣይክእልን...ሓቂ ዝመልኦ ቃላትን ሓሳብን ዝዛረበክን ንዕብየትን ዝሕግዘኪ እምበር ...ክቡር ህያብ ገዚኡ ምሃቡ መግለጺ ፍቕሩ ክኸውን ኣይክእልን ።

ብኣኽብሮቱ፡ብሓልዮቱ፡ብእሙኑነቱ ወትሩ ከጸብቐኪ ዝጽዕር እምበር ደጋዊ ጽባቐኺ ምድናቕን ምንኣድን መግለጺ ፍቕሩ ክኸውን ኣይክእልን...

በተግባሩ መዓልታዊ መንነቱ ከርእየኪ ዝውዕል እምበር መዓልታዊ ማሕላ ምምሓሉን መብጽዓ ምእታውን መግለጺ ፍቕሩ ክኸውን ኣይክእልን። እቲ ምንታይ ፍቕሪ ኣብ ምኽንያት፡ልቦና፡መንፈሳውነት ዝተመርኮሰ ክኸውን ኣለዎ፡፡ፍቕሪ ዝመስል ወይ ኣብ ፍቕሪ ዘመኽኒ ግና ከኣ ኣዝዩ ሃስዩ ብዙሕ ስለዘሎ፡፡

ሓደ የፍቅረኒ ኢዩ ትብልዮ እንተድኣ ንጽቡቕ ሽምኪ ዘበላሹ፡ንኽብሪ #ንጽህናኺ ዝደፍር፡ናብ ሕማቕ ልምድታት ከም መስተ ሺሻ ናይት ክለብን ካልእን ንዕናይ ዝብለኪ፡ ተኾይኑ እዚ የፍቅረኪ ድዩ ወይስ የዕንወኪ ኢዩ ዘሎ ? ።

ዘፍቅረኪ ወዲ እንተድኣ ተስተውዕሊ ኮይንኪ ንምንታይ ኢዩ ዘተባባዓኪ ርኣዮ ንጽቡቕ'ዶ ወይስ ንሕማቕ፡፡ቅድሚ ኩሉ ብዛዕባ ፍርሃት እግዚአብሔር እንታይ ዓይነት ሓሳብን ኣረኣእያን ኣለዎ ምዘኒ፡፡ካልእ እንታይ ዓይነት ዘረባ እናተዛረበ ኢዩ ኣተሓሳስባኺ ዝሃንጽ ወይ ዘፍርስ ዘሎ ኣስተውዕሊ፡፡

ምስ ከም ምንባብ፡ጸሎት፡ቅንዕና፡እሙኑነት፡ኣኽብሮት፡ኣተሓሳስባ፡ተግባር፡ኣካይዳ እንታይ ዓይነት ቅርበት ኣለዎ ምዘኒ ወይ ብዛዕብኦም እንታይ ይሓስብ ተዓዘብን ርኣይን፡፡
#አግኣዝያን_ትግራይ _ሚድያ

ብጣዕሚ ዝገርም ፃንሒት ነይሩና እግዚአብሔር ይመስገን
Biruktawit Gebremedhin
Z Selam Ambaye
Mebrahtu Zeurael
መምህር ኤርምያስ ሓጎስ ሰይፉ ክብሪ ይሃበለይ የመስግን🙏❤
ቪድዮ👇👇👇
https://youtu.be/Fu8H6jTejzo?si=euZ1z1-j4wdPDO9M

#አግኣዝያን_ትግራይ_ሚድያ

ዝገርም ፃንሒት ምስ #ዘማሪት_ብሩክታዊት
👇👇👇
https://youtu.be/Fu8H6jTejzo?si=zVzh0MPPvPav7v0t

#አግኣዝያን_ትግራይ_ሚድያ

እንኳዕ ልቅድስቲ ሰንበተ ክርስትያን ብሰላም ኣብጸሐና❤🙏

ምጽሓፍ ቅዱስና ኤፌሶን ምዕራፍ5

ከምቲ ክርስቶስ ርእሲ ማሕበሩ ዝዀነ፡ ንሱ ምድሓን ስጋኡ ኸኣ እዩ፡ ሰብኣይ ከኣ ርእሲ ሰበይቱ እዩ እሞ፡ ኣትን ኣንስቲ፡ ከም ንጐይታ ጌርክን ንሰብኡትክን ተኣዘዛኦም።
ከምቲ እታ ማሕበር ንክርስቶስ እትእዘዞ፡ ከምኡ ድማ ኣንስቲ ንሰብኡተን ብዅሉ ይተኣዘዛኦም። ከምቲ ክርስቶስ ንማሕበሩ ዘፍቀራ፡ ኣቱም ሰብኡት፡ ኣንስትኹም ኣፍቅሩ። ክርስቶስ ብቓሉ ገይሩ ብምሕጻብ ማይ ምስ ኣጽረያ ምእንቲ ኪቕድሳ፡ ርስሓት ወይስ ዕጣር ወይስ ገለ ነዚ ዚመስል ዜብላ፡ ብዘይ መንቅብ ቅድስትን ክብርትን ማሕበር ገይሩ ንእኡ ምእንቲ ኬቕውማ ኢሉ፡ ርእሱ በጃኣ ሃበ። ሰብኡትውን ከምኡ፡ ነተን ኣንስቶም ከም ስጋኦም ገይሮም ኬፍቅርወን ይግባኦም እዩ።
: ሰብ ንስጋኡ ይምግቦን ይካናኸኖን እምበር፡ ሓደ እኳ ዚጸልኦ የልቦን። ኣካላት ስጋኡ ስለ ዝዀንና፡ ክርስቶስ ከምኡ ንማሕበሩ ይካናኸና ኣሎ። ስለዚ ሰብኣይ ኣቦኡን ኣዲኡን ሐዲጉ ምስ ሰበይቱ ይለግብ፡ ክልቲኦምውን ሓደ ስጋ እዮም ዚዀኑ።: እዚ ምስጢር እዚ ዓብዪ እዩ፡ ኣነ ግና ብናይ ክርስቶስን ማሕበሩን እብሎ ኣሎኹ።
ንስኻትኩምውን ከምኡ ነፍሲ ወከፍኩም ነታ ሰበይቱ ኸም ነፍሱ ገይሩ የፍቅራ፡ እታ ሰበይቲውን ንሰብኣያ ትፍርሃዮ።

ፍርሃት እግዚኣብሔር ዘለዎ ሓዳር ይዓድለና ፈጣሪ ናሰንበት በረከት ይሕደረና❤🙏

#አግኣዝያን_ትግራይ _ሚድያ

#ኣይ ኽእሎን ኽንብል ዘጀመረና!

#ደኺመ ኽንብል ሓይሊ ዝሃበና

#ተስፋ ኽንቆርጽ ኣጆኻ ዝብለና

ፈቃር ኣምላኽ ስለ ዘለና ኽብሪ ንዕእኡ ይኹን።🙏

#አግኣዝያን_ትግራይ _ሚድያ

ምስ ዓምዶም ን2ይ ግዜ #Surprise ገይርናዮ
👇👇👇
https://youtu.be/CRsHQLNzIxI?si=e7gUkycdu_IEZtCP

#አግኣዝያን_ትግራይ_ሚድያ

ፃንሒት ምስ መርኣያ ስራሕ ዝኾኑ መናእሰይ
👇👇👇
https://youtu.be/e_xioSHQ5CA?si=J0tJGcpFP3HpNxUN

#አግኣዝያን_ትግራይ_ሚድያ

ምስ ምዝራብ ዝሰኣነ ተጋዳላይ ክንደያ 2ይ ግዜ ተራኺብና
👇👇👇
https://youtu.be/A4sEUkqkYVM?si=RNLoplUo387Vd_WT

ክጠቅመኹም እያ ኣምብብዋ

ክልተ ኣመና ዝፋቐራ ዝነበራ ኣንስቲ ተጻላኣ'ሞ፡ እቲ ብርቱዕ ፍቕረን ብርቱዕ ጽልኢ ወለደ። ኩሉ ግዜ ኣብ ቤተክርስትያን ይረኣኣያ፡ ጸጸግዐን ሒዘን ጸልየን ናብ ቤተን ይምለሳ።

ንጽልአን ዘስተውዓለት ለባም ሰበይቲ ንኽትዓርቐን ሓደ ሓሳብ ሓሰበት፡ ነታ ሓንቲ ጸዊዓ "ስምዕንስከ ንስኺ ድኣ ንምንታይ ኢኺ ይቅረ እናበለትኺ እምቢ ኣይዕረቕን ዝበልኪ ብምባል ሓተተታ።

ሰበይቲ ብሕርቓን ዕብድ በለት ''ኣይበለትንን '' እናበለት ነደረት። ሽዑ እታ ለባም ሰበይቲ ''ኣነስ ከምኣ'የ ሰሚዐ ሰብ'ዩ ነጊርኒ፣ ይቕረ እንተ ትብለኺ'ኸ ምተዓረቕክያ'ዶ፥ ብምባል ምስ ሓተተታ "እወ" ዝብል መልሲ ረኸበት።

ብተመሳሳሊ ነታ ልክዕ ከምኣ ደገመታ እታ ካልኣይቲ ሰበይቲ'ውን ልክዕ ከምኣ መልሲ ሃበታ። ኣብታ ቀጽሪ ቤተክርስትያን ንኽልእቲአን ጸዊዓ፡ "በላ ኣነ ዝሰማዕክዎ የለን፣ ክልቴኽን ግን ስኣን ይቕረ ኢኽን ትጻልኣ ዘለኽን፡ ሕጂ መን'ዩ ካብ ክልቴኽን ቀዲሙ ይቕረ ዝብል፥ ብምባል ሓተተን! ክልቲአን ኣጽቀጣ።

ድሕሪ ሒደት ደቓይቕ መሊሳ ሓተተት፡ ሽዑ ውን ደፊራ ይቕረ ትብል ኣይረኸበትን። "በላ ዕጫ ክንገብር እታ ቁጽሪ ሓደ ዝበጽሓታ ኣቐዲማ ይቕረ ትብል እታ ቁጽሪ ክልተ ዝበጽሓታ ድማ ብድሕሪኡ ይቕረ ትብል ''ኢላ ኣሰማምዓተን።

ዕጫ ምስ ገበራ ናይ ክልቲአን ጽሑፍ ኣይነበሮን። እተን ኣንስቲ ተገሪመን ብሓባር "ናተይ ቅጽሪ የብላን'' ብምባል ነታ ለባም ሰበይቲ ወረቐተን ኣርኣይኣ።

ሽዑ እታ ለባም ሰበይቲ 'ርኢኽን ኣሕዋተይ፣ እቲ ይቕረ ዝብል እታ ሓጥያቱ ብኸምዚኣ'ያ ትድምሰሰሉ፣ ምእንቲ ክልቴኽን ብሓደ ክትከስባ ተሓቋቊፍክን ብማዕረ ይቕረ ተባሃሃላ ብምባል ኣእማኒ ሓሳብ ሂባ ብሰላም ዓረቐተን።

ሰብ ዝዓርቆ'ዩ ዝስእን'ምበር ተጻሊኡ ክነብር ዝደሊ የለን። ኩሉ ቂምታ፡ ጽልኢ፡ ብይቕረ'ዩ ዝውዳእ።

#አግኣዝያን_ትግራይ _ሚድያ

ዝገርም ፃንሒት ምስ #ጓል_ራያ & #ይርጉን #Surprise ገይረየን
👇👇👇
https://youtu.be/6xXSUHdmIV8?si=0D0OUB_RiafAu4Hk

#አግኣዝያን_ትግራይ_ሚድያ

ተጠንቅቅክን ኣፍቅራ ✍️

ኣብ ፍቅሪ ዘለዉ ነገራት ክንግረክን ብፍላይ ኣዋልድ ኣሕዋተይ ልቢ❤ ኢልክን ኣስተውዕላ።

✅1 ንሰብ ብቃላቱ ዘይኮነስ ብተግባሩ ክትምዝንኦ ኣለክን

✅2 እንታይ ይዛረብ ዘይኮነስ እንታይ ይሰርሕ ብፍላጥ ኣገዳሲ እዩ ምክንያቱ ዘረብኡን ስርሑን ዘይራኸብ ሰለ ዝኸውን

✅3 ደጋዊ መልክዕ ዘይኮነስ ውሽጣዊ መልክዕ ተመልከታ

✅4 ሃፍታም ገንዘብ ዘይኮነስ ሃፍታም ሕልና ዘለዎ

✅5 ሓሳዊ ዘይኮነስ ሓቀኛ

✅6 ብመልሓሱ ዘይኮነስ ብተግባር ፍቅሩ ዘርእየኺ

✅7 ዝጉረምርም ዘይኮነስ ብዘለዎ ተመሰገን ዝብል

✅8 ሰበይቲ ዝቅይር ዘይኮነስ ናብራኡ ዝቅይር

✅9 እሙን ትኣማኒ ዝኮነ ወዲ ምረፂ

✅10 ናብ ክለብ ቤት ዝወስድ ዘይኮነስ ናብ ቤተክርስቲያን ዝወስድ

✅11 ገንዘብ ሃብኒ ዘይኮነስ ገንዝብኺ ኣክቢ ዝብለኪ ወዲ

✅12 ስራሕ ዘማርፅ ዘይኮነስ ዝረኸቦ ዝሰርሕ

✅13 ኮፍ ኢሉ መሻርፍ ዘይኮነስ ስሪሑ ዝበልዕ ወዲ

✅14 ዕላማ ዘለዎ ወዲ

✅15 ብሓቂ ድኣ ምሳኺ ክነብር ዝሓሰብ ተኮይኑ ስርሒ እምበር ኩሉ ግዜ ንዒ ኣይብለክን

✅16 ንስኺ ትሰርሕዮን ንሱ ዝሰርሖን ንመፃኢ ሓዳርኹም እዩ ሰለዚይ ንስራሕ እምበር ኮፍ ንበል ዝብለኪ ወዲ ድሕሪ ግዜ ንበይንኺ ኮፍ ኣቢልኪ ናብዘለዋ ክከይድ እዩ

✅17 ምክንያቱ ንስኺ መሕለፍት ግዜ እምበር መናብርቱ ኣይኮንኽን ሰብ ሎሚ ተዘይሃልይካ መስስ ዝብል ምኻኑ ክትፈልጣ ኣለክን ሓፍተይ

✅18 ፍቅሩን ሓሳቡን ዝገልፀልኺ

✅19 ምስ ቤተሰቡ የፋልጥኺ ንስኪ እውን ምስ ቤተሰብኪ ኣፋልጥዮ ምስ የዕርክትኺ ጭምር

✅20 ናይ ብሓቂ ድዩ ዘፍቅረኪ ዋላስ ንግዜኡ እዩ ክትፈልጢ ዘለኪ መማረፂ ኣነ ክነግረኪ እቲ ፈቃርን ለባምን ዝኾንኺ ወዲ ንዓኺ እንተደኣ ደሊኪ ወይ ቅምነገረኛ ፍቅረኘኡ ክትኾኒ እንተ ድኣ ደሊኺ ቅድሚ ምብዳልኺ ንገርዮ ሓሳብኺ ታይ ትደልዪ ታይ ክገብረልኺ ከምዝለዎ ንገርዮ ናይ ልባማት መልሲ ምስ ሰማዕክሉ ብስርዓተ ሃ/ኖት ቤተክርስትያን #ብቃል_ኪዳን መርዓኺ ግበርዮ።

✅21 ብስርዓተ ሃይማኖቱ(ብቃለ-መሓላ) እንተ ድኣ ኣክቢርኪ ርግፀኛ እየ ከምዝፍቅረኪ

ሰለዚይ ብስርዓተ ቃል ኪዳን ንፈፅም በልዮ ብጋናኺ ቅድሚ ምንባዕኺ ብቲ ትእዛዝ እግዚአብሔር ይኩን ምርጫኺ✅

#አግኣዝያን_ትግራይ _ሚድያ

✅.ኣብ ሓደ ጹሑፍ ከምዚ - ዝብል ኣንቢበ !!

☑.ሓደ ሃፍታም ሰብኣይ መስኾት ከፊቱ ጠመተ:ሓደ ድኻ ሰብኣይ ካብ ጎሓፍ ገለ ክለቅም ርእዩ!
🙏.ንፈጣሪኡ ኣመስጊኑ :ኣነኻ ድካ ኣይኾንኩን ኢሉ::

☑.እቲ ድኻ ሰብኣይ ተገልቢጡ ሓደ ዕርቃኑ ዝወጸ ሰብኣይ ኣብቲ ጽርግያ ክከይድ ረኣየ:ንሱ ድማ ከምዚ በለ!
🙏.ንፈጣሪኡ እንዳመስገነ:ኣነ እኻ ኣይዓብድኩን በለ::

☑.እቲ ዕቡድ ሰብኣይ ንቅድሚት ጠሚቱ ኣንቩላንስ ረኣየ :ኣ
ብታ ኣቩላንስ ብሕማም ዝሳቀ ሕሙም ራኣየ::

ሽዑ እቲ ሕሙም ኣብ ሆስቢታል ሬሳ/ጅናዛ ርኣየ:
🙏.ንፈጣሪኡ እንዳመስገነ ድማ :ዝሞተ ሰብ ስለዘየመስግን
ኣነ እኻ ኣይመትኹን በለ::

👉.ስለዚ ንስኻ እውን በቲ ዘለኻ ነገር ተመስገን በል::ከምቶም ነቲ ዘለዎም ገዲፎም:ነቲ ዘይብሎ
ም ክጥምቱ ህይወት ዝጠለመቶም ከይትከውን::

#አግኣዝያን_ትግራይ _ሚድያ

ድሙቕ በዓል ቅዱስ ጴጥሮስ ተፍፃሜ ሰማእት ካብ ቤተክርስቲያን ቅዱስ ጴጥሮስ ኣሰርቲ👇👇👇
https://youtu.be/0Ovrs76_aZw?si=6Hu4zWRG8i8-P5zW

እንኳዕ ንዓመታዊ ክብረ በዓል ተፍፃሜ ሰማእት ቅዱስ ጴጥሮስ ብሰላም አብፀሐና አብፀሐኩም🙏😍

#አግኣዝያን_ትግራይ_ሚድያ

#ውእቱ_ኢየሱስ_ክርስቶስ / #ንሱ_ኢየሱስ_ክርስቶስ_እዩ!

✍ሞገስነ ወክብርነ ቀርነ መድኃኒትነ ውእቱ ኢየሱስ ክርስቶስ / ሞጎስናን ክብርናን ናይ ምድሓና ቀርኒ #ንሱ_ኢየሱስ_ክርስቶስ_እዩ።

✍ትእምርተ ሰላምነ ዘኪያሁ ንትአመን ዐረፍተ መድኃኒትነ በዘቦቱ ናሰምክ እብነ ህይወት ርእሰ ማዕዘንት ውእቱ ኢየሱስ ክርስቶስ / ንዑኡ እንእመን ምልክት ሰላምና ፡ ኣብኡ እነዕርፈሉ መንደቕ ድሕነትና፥ እምኒ ህይወት ፥ ርእሲ መኣዝን #ንሱ_ኢየሱስ_ክርስቶስ_እዩ።

✍ወርቅ ዘተመክዐበ ወመድፍን ዘተረክበ ምናን ዘበዝኃ ወመክሊት ዘረብሐ ውእቱ ኢየሱስ ክርስቶስ / [ዋግኡ] ዕፅፊ ዝኾነ ተቐቢሩ ምስ ፀንሐ ዝተረኽበ ወርቂ ፥ ዝበዝሐ ሃፍቲ(ገንዘብ) ፥ ዝበርከተ መኽሊት #ንሱ_ኢየሱስ_ክርስቶስ_እዩ።

✍ልብስ ዘኢተአንመ ወክዳን ዘኢተፈትለ ብሑእ ዘአግመሮ ለሐሪፅ ጼው ዘአጥዓሞ ለልሱሕ ውእቱ ኢየሱስ ክርስቶስ / ኣላማይ(ኢድ ሰብ) ዘይኣለሞ ልብሲ ፥ ዘይተፈትለ ኽዳን ፣ ንሕሩፅ ዘብኹዐ ፥ መቐረት ንዘይብሉ ዘመቀረ ጨው #ንሱ_ኢየሱስ_ክርስቶስ_እዩ።

✍አርዑት ሠናይ ወጾር ቀሊል ውእቱ ኢየሱስ ክርስቶስ / ሰናይ ኣርዑት ፥ ቀሊል ጾር #ንሱ_ኢየሱስ_ክርስቶስ_እዩ።

✍ፍኖት ለኀበ አቡሁ አንቀጽ ዘመንገለ ወላዲሁ ውእቱ ኢየሱስ ክርስቶስ / መንገዲ ናብ ኣቡኡ ፥ ኣፍደገ ናብ ወላዲኡ #ንሱ_ኢየሱስ_ክርስቶስ_እዩ።

✍ሐመርነ ዘኢይቀርቦ ሞገድ መዝገብነ ዘኢይረክቦ ሠራቂ ወኢያማስኖ ጻጼ ወቍንቍኔ ውእቱ ኢየሱስ ክርስቶስ / ማዕበል ዘይቀርቦ መርከብና ፥ ሰራቂ ዘይረኽቦ ጻጸን ቁንቁነን ዘየበላሽዎ ሃፍትና(መዝገብና) #ንሱ_ኢየሱስ_ክርስቶስ_እዩ።

✍ዘርዕ ንጹሕ ዘይፈሪ ውስተ ሥጋሆሙ ለቅዱሳን ውእቱ ኢየሱስ ክርስቶስ / ኣብ ሥጋ ንጹሃን ዝፈሪ ንጹሕ ዘርኢ #ንሱ_ኢየሱስ_ክርስቶስ_እዩ።

✍ሊቀ ካህናት ዘይቀውም ሎሙ ለንጹሐን በደብተራ ስምዕ እንተ እግዚአብሔር ተከላ ውእቱ ኢየሱስ ክርስቶስ / ኣብታ እግዚኣብሄር ዝተኸላ ናይ ምስክር ድንኳን ንንጹሓን ዘገልግሎም ሊቀ ካህናት #ንሱ_ኢየሱስ_ክርስቶስ_እዩ።

✍ኮከበ ብርሃን ጽባሓዊ ጸሐየ ጽድቅ አርያማዊ ዘበንጽሕ መርዓዊ ውእቱ ኢየሱስ ክርስቶስ / ኮኾብ ብርሃን ምብራቃዊ ፥ ሓቀኛ ጸሓይ ኣርያማዊ ፥ ብንጽሕና መርዓዊ #ንሱ_ኢየሱስ_ክርስቶስ_እዩ።

✍ዘበኀበ አብ ወልድ ወዘበመንፈስ ቃል ዘእምድንግል ህፃን ዘበነቢያት ነብዪ ዘበሐዋርያት ሐዋርያ ዘበሰማዕታት አክሊል መምህር ሊቀ ማኅበር ውእቱ ኢየሱስ ክርስቶስ / ብኣብ ወልድ ፥ ብመንፈስ ቃል ፥ ኣብ ድንግል ህጻን ፥ ኣብ ነቢያት ነብይ ፥ ኣብ ሃወርያት ሃወርያ ፥ ኣብ ሰማእታት ኣኽሊል መምህር ሊቀ ካህናት #ንሱ_ኢየሱስ_ክርስቶስ_እዩ።

✍ለእለ ቦቱ አመነ ወእለ ኪያሁ አምለክነ ሰላም ወሳሕል እምኀበ አቡሁ ይርከበነ /ብእኡ ዝኣመንና ንዑኡ ዘምለኽና ሰላምን ይቅሬታን ካብ ኣቡኡ ይርከበና።

.....እናበለት ብምስጋና ብዜማ ቤተ ክርስቲያን ንክርስቶስ ኣፀቢቓ ትሰብኮ።

ጎይታና ኣምላኽና ኢየሱስ ክርስቶስ ንኹለና ይምሓረና🙏

ፍልፍል፦ኣባ ጊዮርጊስ ዘጋሥጫ ካብ ዝደረሶ መጽሓፈ ሰዓታት

#አግኣዝያን_ትግራይ _ሚድያ

ናዓምዶም ዩቲብ👇👇👇https://youtube.com/@amdomtube?si=IJwTVdLvy4-iXNYC

ን ዓመዶም ዓምዶም #Surprise ገይረዮ😍
👇👇👇
https://youtu.be/7Op3MPwM0cE?si=VTsrmm-oBQxdiuMG

ዋው ዝገርም Surprise🙂
👇👇👇
https://youtu.be/Avj_71N52YY?si=V-Qj4gnoZ8xMCTE9

"ንክርስትያን ሓዉካ ብፍቅሪ ኣብ ዝረአካሉ ግዘ ንእግዚኣብሔር  ምርኣይ እዩ።(ኣባ ቀላሜንጦስ ዘእስክንድርያ)

"ብሓቂ ፍቅሪ ሰማያዊ ሕብስትን ናይ ኣእምሮ ምግብን እዩ። (ኣቦና ማር ይስሓቅ)

"ንሰባት ካብ ፍቅሪ ንላዕሊ ብዝኮነ ዓይነት መንገዲ ካብ ክፍኣቶም ክንመልሶም ኣይንክእልን "ፍቅሪ" ግን ንሰባት ካብ ክፍእ ተግባሮም መሊሳ ሰባት ከም ዝኮኑ እትገብር ዓባይ "መምህር"እያ። (ቅድሰ ዮሃንሰ ኣፈወርቂ)

"እቲ ዘየፍቅር ኣብ ሞት ይነብር።(ቅድሰ ዮሃንሰ ኣፈወርቂ)
"ሓጥያትና ብፍቅሪ ይቅር ይበሃለልና።(ቅድስ ቀላሜንጦስ)

"እታ ንእግዚኣብሔር እተፍቅሬ ነብሲ እያ ዕረፍቲ ትረክብ።(ቅድሰ ይስሓቅ ሶርያዊ)
"ሃልሃልታ ናይ ፍቅሪ ምሰ ዝቃፀል ሜላታት ናይ ሰይጣን ይዓኑ።(ቅድስ ኣሞፍሎኮዮስ)

                 ✝️💟💫

"ንሰብ ፀላኢኡ ሰብ ኣይኮነን ድያቭሎሰ እዩ። (ኣባ መቃርዮስ)

"~ሓደ ፀላኢ ጥራሕ ኢና ተኣዚዝና ንሱ ድማ ድያቭሎሰ እዩ። ምስኡ ፈፂምኩም ከይትዕረቁ ምሰ "ሓዉኩም" ግንኣብ ዉሽጢ ልብኩም ፍፁም ፅሌኢ ኣይሃልኩም።(ቅድሰ ዮሃንሰ ኣፈወርቂ)

"ቂምታ ዋይ ፅልኢ ኣብ ልቡ ከለዎ ዝፅሊ ሰብ ኣብ ባሕሪ ዘርኡ ምህርቲ ክሓፍስ ምፅባይ እዩ።(ማር ይስሓቅ)

እግዚአብሔር  ኣምላክ ብፍቅሪ ብሕብረት የንብረና ካብ ፀልኢ ቂም በቀል ይሰዉረ። "
#አግኣዝያን_ትግራይ _ሚድያ

ክዛረብ አይክእልን ፀገመይ ከተንፍስ ተጋ,ክንደያ😭

Account 1000654263478- ክንደያ ፃድቕ ሓጎስ
ስልኪ 0993111994- ተጋ,ክንደያ
ብፃዩ ተጋ, ክብሮም 0996131533

በይዛኹም ሓደራ ዛቪድዮ ሰሚዕኹም ሼር ከይገበርኩም ከይትሓልፉ👇👇👇
https://youtu.be/WJZG3jIlyu8?si=dnW96N2PxUXrBJow

፣💒በስመኣብ ወወልድ ወመንፈስ ቅዱስ ኣሃዱ ኣምላኽ ኣሜን ፫
          #ብሂል -ኣበው
✍️ነፍሲ ወከፍ ሰብ ብዛዕባ ሓጥያቱ እንተዝዝክር ብዛዕባ ናይ ብጻዩ ሓጥያት ኣይምዘከረን ።
             #ኣባ ሙሴ ጸሊም
✍🏻እቲ ካብ ፈተና ዝሃድም ካብ እግዚአብሔር እዩ ዝሃድም ።
                #ኣባ ጳዉሊ
✍🏼ሓንቲ ሕማቅ ቃል ንሓደ ጥዑይ ሰብ ጨካን ትገብሮ ሓንቲ ልእምቲ ቃል ዉን  ንሓደ ጨካን ሰብ ጥዑይ ትገብሮ ።
               #ቅዱስ_ኣባ _መቃርስ
✍🏾ጣዕሳ እታ እንኮ መንገዲ ንስሓ እያ ።
      #ቅዱስ _ዮዉሃንስ _ኣፈወርቂ
✍🏿ደቂ እቶም ክቡራት ኣቦታት ክትኮኑ እንተ ደሊኹም ንሳቶም ዝጽሓፍዎ እምበር ካልኦት ዝጽሓፍዎ ኣይትመኑ።
       #ቅዱስ _ ኣትናቴዎስ
✍️ቅዱሳት መጽሓፍቲ እንተ ኣንቢብኩም : ንሳቶም ከመይ ክትነብሩ ከም ዘለኩም ክነግርኹምን ከድሕንኹምን እዮም ።
              #ቅዱስ_ ኣንጦንስ
✍️ዕረፍቲ ነፍሲ ክትረክብ ዘዉትር ቅዱሳት መጽሓፍቲ ምምልካት ፍቶ ።
           #ማር _ ይሳሓቅ
✍️ቅዱሳት መፅሓፍቲ ምንባብ ካብ ኩናት ሓጥያት ዝከላኸል ጽኑዕ ዋልታ እዩ ።
               #ኣባ _ ኤጴፋንዮስ
✍️መፅሓፍ ቅዱስን ቅዱሳት መንፈሳዉያን ጽሑፋትን ዘየንብብ ሰብ ሓጥያት ምስ ዝገብር ሓጣኣት ከም ዝገበረ ኣይፈልጦን ክብደት ሓጥያት እዉን ኣይስምዖን ። 
                #ማር _ ይሳሓቅ
✍️ንዘመናት ተስፋ ስኢንና ክንነብር ከለና ኣብ መወዳእታ ዘመን ጎይታና መድሓኒና ኢየሱስ ክርስቶስ  ህይወት መሊስልና ስለዚ ከነመስግኖ ኢና ።
                #ኣባ _ ሄርማን
✍️ንርስኻ ብሓሶት ኣይትዉቀሳ ንርእስኻ ምኽሳስ ትሕትና ኣይኮነን ዓብይ ትሕትና ሰባት ክወቕሱኻ ከለዉ ምዕጋስ እዩ ።
           #ቅዱስ _ ስራፕዮን
✍️ጸጋ እንተ ተዋሂብካ በቲ ዝተወሃበካ ጸጋ ኣመስግን : ዘይተወሃበካ ጸጋ ክትደሊ ኢልካ ነቲ ዝተዋሃበካ ከይትስእን ።
               #ማር _ ይሳሓቅ
✍️ወርቂ ኩሉ ብሓዊ ከምዝፍተን ናይ ክርስቶስ ጸጋን ክብርን ክይተፈተንካ ምርካብ ኣይከኣልን ናይ ዓለም ፈተናን እሳትን ቀልጢፉ ይሓልፍ ሓጢያተኛታት ዝኣትዉዋ ገሃንም እሳት ግን ንዘለዓለም እንዳነደደ ይነብር ።
              #ቅዱስ _ ሚናስ
✍️ብመንፈሳዉነት እንተድኣ ዘይተቂሕናስ ትኽስ ንብል እንተደቂስና ድማ እቲ ጸላኢና ዴያብሎስ ይመጽእ እሞ ባህ ዝብሎ ተኸልልና ይኸይድ ።
            #ቅዱስ _ ቄርሎስ ሣድሳዊ
✍🏻ወድ ሰብ ስግኡን ወይ ኣካሉን ነፍሱን ዝተዋሃዱ እዩ ስጋና ወይ ኣካላትና ምግቢ እንተዘይ ተመጊብና ክንነብር ኣይንኽእልን ነፍስና ድማ ጸሎትን መንፈሳዉነት ፍልጠትን እንተዘይ ተመጊብና ምዉት እዩ ።
              #ቅዱስ _ኤፍሬም ሶርያዊ
✍️ንኣምላኽ ኢልካ ድኣ ንሰብ ፍራሕ እንበር ንሰብ ኢልካ ንኣምላኽ ኣይተገልግል ።
             #ቅዱስ _ ዮሐንስ _ ኣፈወርቂ
✍🏻ዓስቢ ትሕትና ፊርሃት እግዚአብሔር ሃፊትን ክብረትን እዩ ።
                 #ጥበበኛ _ ሰሎምን
✍️ኸሉ ድኽመታትካ ኣብ ቅድሚ እግዚአብሔር ደርብዮ እሞ እግዚአብሔር ድማ ሓይልኻ ክኾነካ እዩ ።
                  #ኣቦና _ ሙሴ _ጸሊም
✍️ምዉዳቅ ኣዳማዊ እዩ ካብ ዝወደቅካዮ ዘይምትንሳእ ግና ሰይጣናዊ እዩ ።
                   #ቅዱስ _ዮዉሃንስ_ ኣፈወርቂ.
✍🏻መኻሪ ኣየድልየንን እዩ ካብ ምባል ዝዓቢ ትዕቢት የለን ።
                   #ኣቦና _ ቅዱስ _ ባስልዮስ
✍🏻ብዙሕ ብምዝራበይ ብዙሕ ግዜ ተጣዒሰ ሱቅ ብምባለይ ግን ተጣዒሰ እዃ ኣይፈልጥን ።
                     #ቅዱስ _ ኣርሳንዮስ
በረኸት ናይ ቅዱሳን ኣቦታትና ይሕደረና :
ኣሜን፫👏

#አግኣዝያን_ትግራይ _ሚድያ

🕆8 ናይ ዓቢ ፆም ሰሙናት ዝባሃሉ
"""""""""""""""""""""
1. ዘወረዴ____ 5. ደብረ ዘይት
2 .ቅድስት___ 6. ገብርሄር
3. ምኩራብ ___ 7. ኒቆድሞስ
4. መፃጉኡ__ 8. ሆሳእና ትንሳኤ ፍሲካ እዮም

🕆12 ሃዋርያት
""""""""
1. ጴጥሮስ--------- 7. ማቴዎስ
2. እንድሪያስ------ 8. ቶማስ
3. ያእቆብ--------- 9. ያዕቆብ ወዲ እልፍዮስ
4. ዮሐንስ----------- 10. ስሞኦን
5. ፌሊጶስ-------- 11. ታዴዎስ
6. በርተለሜዎስ------- 12. ንሞት ኣሕሊፋ ዝሃቦ ይሁዳን እዮም።

🕆10 ትእዛዛት
""""""""
1. ካባይ ካብ እግዝኣቢሄር ኣምላኽካ ወጻኢ ካልኦት ኣማልኽቲ ኣይተምልኽ
2. ናይ እግዚአብሔር ስም ብከንቱ ኣይተልዕል
3. ሰንበት ኣኽብር
4. ኣቦኻን ኣዴኻን አኽብር
5. ኣይትቕተል
6. ኣይትዘሙ
7.ኣይትስረቕ
8. ብሓሶት ኣይትመስክር
9. ናይ ሰብ ገንዘብ ኣይትመነ
10. ንብጻይካ ከም ነፍስኻ ኣፍቅር

በስመ ኣብ፥ ወወልድ ፤ወመንፈስቅዱስ፥ኣሃዱ ኣምላክ ኣሜን

ሰላም ሰላም ሰላም ስድራ እግዚኣብሄር ኣፍቀርቲ እመብርሃን ከመይ ኣለኹም ። እሺ እንብኣር ፍቁራት ህዝበ ክርስትያን
ኣብ ቤተ ክርስትያና እቶም መሰረታውያን ክንፈልጦም ዝግብኣና እዞም ኣብ ታሕቲ ተዘርዚሮም ዘለው እዮም👇
እሞ ገለ ክንፈልጥ ነንብቦም እቶም ዘይፈልጡ የሕዋትና ድማ ንኽፈልጡ ናዕና ኽኣ ንበረኸት ክኾነና ሸር ንበሎ🙏 ።

🔴7 ሊቃነ መላእክት ዝበሃሉ
""""""""""""""""
1.ቅዱስ ሚካኤል
2.ቅዱስ ገብርኤል
3. ቅዱስ ሩፋኤል
4. ቅዱስ ራጉኤል
5. ቅዱስ ፋኑኤል
6. ቅዱስ ሳቁኤል
7.ቅዱስ ኣፍኒን

🔴7 ኪዳናት ዝበሃሉ
""""""""""""
1. ኪዳነ አዳም
2. ኪዳነ ኖህ
3. ኪዳነ መልከ ፀድቅ
4. ኪዳነ ኣብርሃም
5. ኪዳነ ሙሴ
6. ኪዳነ ዳዊት
7. ኪዳነ ምህረት እዮም

🔴7 ኣጽማዋት ዝበሃሉ
"""""""""""""
1. ዓቢ ፆም (ጾም ኣርብዓ)
2. ናይ ሃዋርያት ፆም
3. ጾመ ፍልሰታ
4. ፆመ ነብያት
5. ፆመ ገሀድ
6. ፆመ ነነዌ
7. ፆመ ድሕነት እዮም

🔴7 ናይ ጸሎት ጊዜያት
""""""""""""""
1. ናይ ንጉሆ ዝጽለ ጸሎት ወጋሕታ ስዓት 6
2. ናይ ስዓት 9 ንጉሆ ጸሎት
3. ፍርቂ መዓልቲ ወይ 12 ስዓት ፋዱስ ዝጽለ ጸሎት
4. ናይ ድሕሪ ቀትሪ ስዓት 03 ዝጽለ ጸሎት
5. ኣጋ ምሸት ስዓት 05 ዝጽለ ጸሎት
6. ናይ ምሸት ስዓት 09 ዝጽለ ጸሎት
7. መንፈቕ ለይቲ 12 ዝጽለ ጸሎት

🔵7ተ ሚስጥራተ ቤተክርስቲያን ዝበሃሉ
""""""""""""""""""""""""
1. ሚስጥረ ጥምቀት
2. ሚስጥረ ሜሮን
3. ሚስጥረ ቁርባን
4. ሚስጥረ ክህነት
5. ሚስጥረ ተኽሊል
6. ሚስጥረ ንሰሓ
7. ሚስጥረ ቀንዲል እዮም

🔵7ተ ሰማያት ዝባሃሉ
"""""""""""""
1. ጽርሃ ኣርያም /ካብ ሰማያት ሰማያት
2. መንበረ መንግስቲ /መንበረ ብረሃን መንበረ ፀባኦት መንበረ ስበሃት
3. ሰማይ ውድድ /መንበረ መንግስት ዝተዘርገሓሉ
4. እየሩሳሌም ሰማያዊት መንግስተ ሰማያት
5. እዮር
6. ራማ
7. ኤረር /ናይ መላእኽቲ ከተማ እዮም

🔴7ተ ኣቦታት ዝባሃሉ
"""""""""""""
1. ናይ ሰማይን ናይ ምድርን ልዑል እግዚአብሔር
2. ናይ ንሰሓ ኣቦ/አባት ነፍሲ
3. ወላዲ ኣቦ
4. ናይ ክርስትና ኣቦ
5. ናይ ጡብ ኣቦ ማለት /ዘይወለደካ ግን ከም ኣቦ ኮይኑ ዘዕቢ
6. ናይ ስልጣን ኣቦ/ ናይ ሃገር መራሒ
7. ናይ ቀለም ኣቦ ብ መንፈሳዊ/ ወይ ብ ዓለማዊ ዝምህሩ እዮም።

🕆7ተ ኣነ እየ ዝበሎም ጎይታ
"""""""""""""""""
1. ናይ ሂወት እንጀራ ኣነ እየ _ ዮሐንስ 6÷35
2. ናይ ዓለም ብርሃን ኣነ እየ___ ዮሐንስ 8÷12
3. ኣፍ ደገ ( በሪ) ኣነ እየ ___ ዩሓንስ 10-9
4. ሕያዋይ ጓሳ ኣነ እየ _ ዮሐንስ 10÷11
5. ትንሳኤን ሂወትን ኣነ እየ___ ዮሐንስ 11÷25
6. መንገድን ሓቅን ሂወትን ኣነ እየ___ ዮሐንስ 14÷
7. ናይ ሓቂ ጉንዲ ወይኒ ኣነ እየ___ ዮሐንስ 15÷1

🕆7ተ ቃላት ጎይታና ኣብ መስቀል ዝተዛረቦም
"""""""""""""""""""""""""""
1. ኣምላኸይ ኣምላኸይ ንምንታይ ሓዲግካኒ___ ማቴ 27÷46
2. ኦ ኣቦ ዝገብርዎ ኣይፈልጡን እዮም ሞ ይቕረ በለሎም___ ሉቃ 23÷34
3. ብሓቂ ብሓቂ እብለካ ኣለኹ ሎሚ ኣብ ገነት ምሳይ ኣሎኻ___ሉቃ 23÷43
4. ንድንግል ማርያም እንሆ ወድኺ በላ፡ ንዮሃንስ ድማ እነሀት ኣዴኻ በሎ ። ዮሓ፡ 19÷26--27
5. ጸማእኩ___ ዮሐንስ 19÷30
6. ኦ ኣቦ ንነፍሰይ ኣብ ኢድካ አማዕቁባ ኣለኹ በለ።____ ሉቃ 23÷46
7. ተፈፀመ ___ዮንሐስ 19÷30

🕆7ተ ናይ ክርስቶስ መንነት ዝምስክሩ
"""""""""""""""""""""""
1. ናይ ባህሪ ኣቦ ምስክርነት____ ዮሐ 5=34÷37 8÷18
2. ባዕሉ ወልድ ናይ ክርስቶስ ምስክርነት___ ዮሐ 8 ~18~58
3. ናይ መንፈስ ቅዱስ ምስክርምነት____ ዮሐ 15፦ 26 ÷16 ÷12
4. ን ሃዋርያት ዝሃቦም ምስክርነት____ ዮሐ 5÷36--10-- 25
5. ናይ መፅሓፍ ቅዱስ ምስክርነት____ ዮሐ 5÷39 ~46
6. ናይ መጥምቁ ዮሃንስ ምስክርነት___ ዮሐ 1 ÷7--5--33
7. ናይ ተማሃርኡ ምስክርነት____ ዮሐ 15÷27~ 19~35 እዮም

🕆7ተ ተአምራት ጎይታና ምስ ተሰቕለ ጊዜ
"""""""""""""""""""""""""
1. ፀሓይ ጸልመተት
2. ወርሒ ደም ሰሪባ
3. ከዋኽብቲ ረጊፎም
4. እምባታት ጎቦታት ተሰናጢቖም
5. መቓብራት ተኸፍቱ
6. ምውታት ተንስኡ
7. ናይ ቤተመቕደስ መጋረጃ ተተርተረ

🕆7ተ ብ እግዝኣቢሄር ዝፍንፈኑ ነገራት
""""""""""""""""""""""
1. ትዕቢተኛ ዓይኒ
2. ሓሳዊት መልሓስ
3. ናይ ንጹሃን ደም እተፍስስ ኢድ
4. ክፏእ ሓሳብ ዘፈልፍል ልቢ
5. ናብ ኩፋእ ነገር እትጎዪ እግሪ
6. ብሓሶት እትምስክር ሓሳዊት መልሓስ
7. ኣብ ሞንጎ ኣሕዋት ጽልኢ ዝተክል

🕆12 ናይ ድንግል ማርያም ኣስማት
""""""""""""""""""""""
1. ወላድተ አምላክ-------ማቴ 1÷21
3. ናይ አምላኽ ኣደ ------ሉቃ 1÷40
4. ዘልኣለማዊት ድንግል-----ህዝቄ 40÷2
5. ብርኽቲ ----ሉቃ 1÷42
6. ብጽእቲ---- ሉቃ 1÷49
7. ንግስቲ ናይ ኩሉ ----መዝ 44÷9
8. ናይ ዓለም ንግስቲ-------መዝ44÷9
9. ኣደ ናይ ኩሉ ሰብ----------መዝ86 ÷5
10. ኣማላዲት---------'ዮሐንስ 2
12. ናይ ድሕነትና ናይ ኣምላኽ ኣደ-------መዝ 59÷4 ኢሳ 7÷1።

🕆7ተ ኣብ ግዜ ሓደጋ ዝንበቡ
"""""""""""""""""
1. ክኸፍኣካ እንከሎ____ ዮሐንስ 14
2. ሓጥያት ምስ እትሰርሕ____ መዝሙር 51
3. ምስ እትጭነቕ____ መቴወስ 6 19÷34
4. ሓደጋ ምስ ዘጋጥም____መዝሙር 19
5. ሰላምን ዕረፍትን ምስ ዝርሕቐና___ ማቴ 11 ÷25--30
6. ጁባና ባዶ ምስ ዝኸውን____መዝሙር 37
7. ብሕትውና ምስ ዝስመዐና ____መዝሙር 23

🕆 6 ቃላተ ኢየሱስ ክርስቶስ ብትሪ ዝተዛረበን
"""""""""""""""""""""""""""
1. ኣብ ሓዉ ብከንቱ ዝተቖጠዐ ክፍረዶ እዩ
2. ን ጓል ኣንስተይቲ ብዓይኑ ሪኡ ዝተመነያ ፡ ኣመንዚሩ
3. ብዘይ ዝሙት ምኽንያት ሰበይቱ ዝፈትሐ፡ ዝተፈትሐት ዝተመርዓወ አመንዚሩ
4. ፈጺምኩም ኣይትምሓሉ
5. ክፋእ ብኽፋእ ኣይትመልሱ
6. ጸላእትኹም ኣፍቅሩ

🕆4 ወንጌላውያን ዝባሃሉ
"""""""""""""""
1. ማቴዎስ
2. ማርቆስ
3. ሉቃስ
4. ዮሐንስ እዮም

🕆5 ናይ ሕጊ መጽሓፍቲ
""""""""""""""
1. ኦሪት ዘፍጥረት
2. ኦሪት ዘለላውያን
3. ኦሪት ዘፀአት
4. ኦሪት ዘውልቁ
5. ኦሪት ዘዳግም እዮም

🕆 5 አእማደ ሚስጥራት
"""""""""""""
1. ሚስጥረ ስላሴ
2. ሚስጥረ ስጋዊ
3. ሚስጥረ ጥምቀት
4. ሚስጥረ ቁርባን
5. ሚስጥረ ትንሳኤ ሙታን

🕆5 ቅንዋተ መስቀል
""""""""""""
1. ሳዶር
2. እላዶር
3. ዳናት
4. አደራ
5. ሮዳስ እዮም

#ብስለት እንታይ እዩ : በሳላት ሰባት ዝብሃሉ ካብ ዘርእዩዎም 10 ነጥብታት👇
1⃣❗#ብኣፋላላይ ይኣምኑ እዮም : ኩሉ ሰብ ከማይ ይኹን ኣይብሉን ::ለምሳሌ ኣነ ዘምረ ንስኻ ዘምር :ኣነ ሳዕስዐ ንስኻለ ከማይ ሳዕስዕ :ኣነ ፈላጥ እየ ንስኻለ ፍለጥ :ከምዚ ከማይ ኩን ኣይብሉን :: ብብገፁ ኹሉ ነናቱ ውህብቶን : ፍልጠትን ውሳኔን ከምዘለዎ ይኣምኑ :: መንገዶም ይግዓዙ ናይ ሰባት መንገዲ : የኽብሩ ::

2⃣❗#ንግግሮም :ቁጡብ እዩ ዝዛረቡዎ ዘረባ ! ብስርዓት እና ብኣክብሮት እዮም ዝዛረቡ:: ክዛረቡ ኣብዝግብኦም ይዛረቡ ስቕ ክብሉ ኣብዝግብኦም ስቕ ይብሉ ::

3⃣❗ብቀልሉ ኣይፈርዱን: ኣይትፍረድ ክፍረደካ እዩ ዝብል ሕጊ የኽብሩዎ እዮም :: ንካልኦት ከም ሓጥእ ገይሮም ንነብሶም ከም ፃዲቅ ኣይሓስቡን :: ኣነ ካባኻ ይፈልጥ ኣይብሉን ::

4⃣❗ #ፍቕሪ ብግዴታ ኣይኣምኑሉን ፍቕሪ ውሽጣዊ ጥልቕ ዝበለ ስምዒት እምበር : ብምኽንያት ድርደራን ብግዴታን እዩ እሎም ኣይኣምኑን::

5⃣❗#ፅልኢ ናብ ህይወቶም ኣይዕድሙን👌 : ንዝመፆም ኩሉ ብስቕታ እዮም ዝሓልፉዎ :: ስምዒቶም ሓብኦም ነገራት ተፃውሮም ናይ ምጉዓዝ ዓቕሚ ኣለዎም ::

6⃣❗#ይቅርታ ናይ ምሕታት እና ይቅር ናይ ምባል ብቅዓቶም 99/100ዊ እዩ : ልባዊ ይቅርታ ብምሕታት ኮነ ብምቕባል ኣብ ውሽጦም ሰላም ይነግስ ብይቅርታ ይኣምኑ እዮም :: ይቅር ዘይብሃሎ በደል የለን ይብሉ ::

7⃣❗ኣብ ዕረፍቲ ግዚኦም ካብ ጭፈራ / ፓርቲ /ኩሉ ግዜ ጫውጫውታ #ድቃስ ይመርፁ👌 :: ብጥዑም ድቃስ ሰውነቶም ይምግቡ ኣብዘይምጥኖም ኣይውዕሉን ገንዘብ ኣውፅኦምን ጉልበት ወድኦም ካብ ዝዓብዱ ብነፃ ዝተውሃቦም ድቃስ የስተማቕሩ ምስ ነብሶም ጥዑም ግዜ የሕልፉ ::

8⃣❗ ናይ #ልቢ ስብራት ብደስታ ይቕበሉ ወድቖም :ተክሕዶም :ተሰይሮም እውን ከም ብሓድሽ ብጠንካራ መንፈስ እዮም ዝትስኡ እምበር ተስፋ ኣይቆርፁን :: ልቢ ክስበር ከሎ ኣእሙሮ ምስራሕ ይጅምር እሎም ይኣምኑ😍 ::

9⃣❗#ኣእሙርኦም በሊሕን :ዝተኸፈተን እዩ ! ናይ ፈጠራ ክእለቶም ሰፍሕ እዩ ! ምስ ውሽጦም እናተማራመሩ ብዙሓት ዝጠቅሙዎም ብልሓታት ይፈጥሩ ሓድሽ ነገር ንምሙካር ኣይፈርሑን:: ፈላጥ እየ ኣይብሉን ንምፍላጥ ግን ኣእሙርኦም ይኸፍቱዎ ! ንክፈልጡ ድማ ብዙሕ ይመራመሩ ::

🔟❗ #ደስትኦም ኣብ ውሽጦም እዩ :: ብህይወቶም :ብነብሶም! ብመንነቶም ብውሽጦም ሕጉሳት እዮም :ምስ ማንም ኣይወዳደሩን ! ኣነ ኣነ ስለ ዝኾንኩ ክሕጎስ እየ ንዓይ ዝመስል የለን እናበሉ : ምስ ውሽጦም ይሕጎሱ ::

#አግኣዝያን_ትግራይ _ሚድያ

https://yt.psee.ly/6rh8c7

ውዕሎ ቤተመንግስት 2ይ ክፋል
👇👇👇
https://youtu.be/tCZsoriBXaU?si=wl72KmZfdckovpty

#በስመአብ_ወወልድ_ወመንፈስ_ቅዱስ_አሃዱ_አምላክ_አሜን

55 #ሓጸርቲ_ሕጊታት_ክርስቲያናዊ_ህይወት

ሰላም እግዚአብሔር ኣምላኽ ምስ ኲልና ህዝበ ክርስትያን እሺ እምበአር እዘን ሕግታት ኣብ ሓደ ክርስትያን ኣብ ሂወቱ ክገብሮ ዘለወን ሕግታት እየን።

1.♥️ኲሉ ግዜ ምስ ክርስቶስ ኲን

2.♥️ክትደሊ ከለኻ ዘይዀነስ፣ ከም ዓቕምካ ጸልይ

3.♥️ብዘይ ምቁራጽ ብዲሲፕሊን እትፍጽሞ ናይ ጸሎት ስርዓት ይሃልወኻ

4.♥️እግዚኦ መሓረነ ክርስቶስ” ትብል ጸሎት መዓልታዊ ደጋግሞ

5.♥️ኣእምሮኻ ናጻ ክኸዉን እንከሎ ምእንቲ:ክትጽልይ፣ ብቃልካ ዘጽናዕካዮ ሓጺር ጸሎት ይሃልወኻ

6.♥️ክትጽሊይ ከለኻ ስገድ

7.♥️ጽቡቕ መግቢ ብዓቀን ብላዕ

8.♥️ናይ ቤተክርስቲያን ናይ ጾም ሕጊታት ሓሉ

9.♥️መዓልታዊ ብስቕታ ተሕልፈሉ ግዜ ይሃልወኻ

10.♥️ብሕቡእ ናይ ግብረ ሰናይ ስራሕ ግበር

11.♥️ቀጻሊ ብስሩዕ ኣብ ቅዳሴ ተሳተፍ

12.♥️ብስሩዕ ሓጢኣትካ ተናዘዝን ቅዱስ ቁርባን ተቐበልን

13.♥️ዝርብሸኻ ሓሳብን ስምዒትን ኣይትቐበል፣ ገና ካብ መጀምርትኡ ኣወግዶም

14.♥️ኲሉ ግዜ ሓሳብካን ስምዒትካን፣ ንሓደ እሙን ሰብ ኣካፍሎ

15.♥️መጽሓፍ ቅዱስ ብቀጻሊ ኣንብብ

16.♥️ሕልፍ ኢልካ፣ ጽቡቃት መጽሓፍቲ ኣንብብ

17.♥️ምስ ቅዱሳን ሕብረት ፍጠር

18.♥️ታራ ሰብ ኲን

19.♥️ምስ ኲሉ ትሑት ኲን

20.♥️ኣብ ገዛኻ ንጽህናን ስርዓትን ሓሉ

21.♥️ጥዑይ ተገዳስነት (hobby) ይሃሉኻ

22.♥️ብስሩዕ ኣካላዊ ምንቅስቃስ ግበር

23.♥️ኣብ ሓደ እዋን፣ ንሓንቲ መዓልቲን፣ ንክፋል መዓልቲን ጥራይ ክትነብር ፈትን /Live a day, and a part of a day, at a time./

24.♥️ኲሉ ግዜ ሓቀኛ ኲን፣ ብቀዳምነት ምስ ገዛእ ርእስኻ

25.♥️ብነኣሽቱ ነገራት ኲሉ ግዜ እሙን ዂን

26.♥️ዕዮኻ ኲሉ ፈጽሞ፣ ብድሕሪኡ ረስዓዮ

27.♥️ነቲ ኣዝዩ ከቢድን ዘሸግረኻን ነገራት ቅድም ግበሮ

28.♥️ንህልው ኲነታት መኽቶ

29.♥️ብዂሉ ነገር ኣመስግን

30.♥️ኲሉ ግዜ ሕጉስ ኲን

31.♥️ተራ፡ ሕቡእ፡ ሱቕ በሃሊን፡ ንኢሽተይን ኲን

32.♥️ናብ ገዛእ ርእስኻ ጠመተ ኣይትስሓብ

33.♥️ሰብ ክዛረበካ እንከሎ፣ ስማዕ

34.♥️ንቁሕን ኣስተብሃሊን ኲን

35.♥️ብዛዕባ ነገራት ካብቲ ዝግብኦም ንላዕሊ፣ ኣይትዛረብን ኣይትሕሰብን

36.♥️ዘርባኻ፣ ንጹር፡ ቀሊል፡ ጽኑዕን ቀጥታዊን ይኹን

37.ሓሳባት ምሕሳብን፣ ምምርማርን፣ ምስልሳልን ሕደግ (ንናይ ቀትሪ ሕልሚ ዝዓይነቱ ሓሳብ)

38.♥️ስጋዊን ዝሙታዊን ነገራት ገና ካብ መጀመርትኦም ህደመሎም

39.♥️ኣይተማርር፡ ኣይተጉረምርም፡ ኣይተዕዘምዝም፡ ምኒን ዉን ኣይትበል

40.♥️ንገዛእ ርእስኻ ምስ ካልኦት ኣይተወዳድራ

41.♥️ካብ ካልኦት ሰባት፣ ድንጋጸ ይኹን፣ ዉዳሰ ኣይትጸበ

42. ♥️ንዝዀነ ሰብ ብዝዀነ ምኽንያት ኣይትፍረድ

43.♥️ንሓደ ነገር ኢልካ ሰባት ክተእምን ኣይትጽዓር

44.♥️ንገዛእ ርእስኻ ኣይትከላኸል፣ ቅኑዕ ምዃንካ ከተረጋግጽ ኣይትፈትን

45.♥️ብኣምላኽ ጥራይ ዝተመስከረልካን ዝተወሰንካን ኲን

46.♥️ርእይቶን ነቀፌታን ተቐባሊ ዂን፣ ኮይኑ ግና ንኲሉ መርምሮ

47.♥️ምዕዶ ክትህብ ምስ ተገደድካ ወይ ዉን ምስ ተሓተትካ ጥራይ ሃብ

48.♥️ሰባት ባዕሎም ክገብርዎ ዝኽእሉ፣ ወይ ዝግባኦም፣ ንስኻ ኣይትግበረሎም

49.♥️መዓልታዊ፣ ሕንቃቐን ቀበጥበጥ ዘይተሓወሶ፣ ንጥፈታት ይሃልወኻ

50.♥️ምስ ገዛእ ርእስኻን ምስ ካልኦትን፣ መሓሪ ኲን

51.♥️ክሳብ መወዳእታ እስትንፋስካ፣ ክትፍተን ምዃንካ ደኣ ዘክር እምበሪ፣ ካልእ ዓይነት ትጽቢታት ኣይሃሉኻ

52.♥️ኣብ እግዚአብሔርን ብርሃንን፣ እምበር፣ ኣብ ሓጢኣትና ጸልማትን ኣይተቶክር

53.♥️ካብቲ ናትካ ድኽመት ንላዕሊ፣ ምሕረት ኣምላኽ ዓቢ እዩ እሞ፤ ኲሉ ግዜ ንዘጋጥመካ ፈተና፡ ዉድቀትን፡ ሓጢኣትን ብሰላም ተጻወሮ።

54.♥️እንድሕር ወዲቕካ፣ ቅልጥፍ ኢልካ ተንስእ እሞ፣ ከም እንደገና ጀምር

55.♥️ሓገዝ ከድልየካ እንከሎ፣ ከይሓፈርካን፡ ከይፈራሕካን ሕተት

ነዚ ክንገብር ቅዱስ እግዚአብሔር አምላኽና ብቸርነቱ: ድንግል ማርያም ብአማላድነታ: ቅዱሳን መላእኽት ብተረዳእነቶም: ቅዱሳን ኣቦታት ብጸሎቶም: በረኸቶምን ረድኤቶምን ኣይፈለዩና።

#አግኣዝያን_ትግራይ _ሚድያ

https://youtu.be/KHYdnTt2UIg?si=76Wv2IRfV6dxOcgg

#በስመስላሴ_በስመአብ_ወወልድ_ወመንፈስ_ቅዱስ_አሃዱ_አምላክ_አሜን

ብሂል ኣቦታት

1// እግዚኣብሄር ኣባካ ዘለዎ ፍቅሪ ፣ ንስካ ንገዛእ ርእስካ
ካብ ዘለካ ፍቅሪ ንላዕሊ ይበልፅ

ቅዳስ ዮሓንስ ኣፈወርቂ።

2// ቤተ መቅደስ ክንከውን ኢና፣ንሱ ድማ ኣብ ውሽጥና ብምኻን አምላኽና ክንኸውን ኢዩ።

ቅዱስ ኣግናጥዮስ።

3// አምላኽ ብሳይንስ ኣይተፈለጠን እንታይ ዳኣ ብመንፈስ ቅዱስ።

ቅዱስ ስልዋን ኣቶናዊ።

4// ንሕይወት ኮነ ንሞት ጎይተኦም፣ እግዚኣብሄር ኢዩ።

ብሂለ ኮንጋውያን።

5// ብዝተዓደሎ፣ ፀጋ ዘይነብር ፣ስብ ቀፅሪ ወይ ፣ ድማ ሓላዊ ዘይብላ ሃገር ይመስል።

ማር ይስሃቅ።

6// ሰብ ባዕሉ ንርእሱ ካብ ዝጎድኣ ፣ንላዕሊ፣ ማንም ክጎድኦ ኣይኽእልን።

ቅዱስ ዮሓንስ ኣፈወርቂ።

7// ብፈተና ዘይሓልፍ ፣ሰብ መንግስተ ሰማያት ኣይወርሳን ምክንያቱ ብዘይ ፈተና ማንም፣ ኣይድሕንን ኢዩ ።

ቅዱስ እንጦንስ።

8// ስጋኡ ፣ ዘፍቀረ ሰብ ፀጋ እግዚኣብሄር ፣ ኣይረክብን እዩ

ማር ይስሃቅ።

9// ሕልና መፅሓፍ ተፈጥሮ እዩ ፣ እቲ ኣንቢቡ ዘተግብሮ ስብ ፣ ድማ ረድኤት ፣እግዚኣብሄር ፣ይረክብ ።

ቅዱስ ማርቆስ ባሕታዊ።

10// ሰብ ከም መላእኽት ምንባር ፣እንተዘይከኣለ ።ከም እንስሳታት ፣ግና ክነብር የብልን።

ቀሲስ መዝገቡ።

11// ሰብ ክደክም ፣ከሎ ከዐርፍ ደኣ እምበር፣ ክድቅስ ኣይተፈጠረን።

ቀሲስ መዝገቡ።

12 //ቂመኛ ሰብ ስጋ ዝለበስ ሰይጣን እዩ።

ኣቦታት።

13// ናይ ሰብ ሞት ፣ ነብሲ ካብ ስጋ ምፍላይ እዩ።ናይ ነፍሲ ሞት ግና፣ ካብ ፈጣሪ ካብ እግዚኣብሄር ምፍላይ እዩ።

ሊቀ ኣጎሰጢኖስ

14 // ንነፍሱ ጥበበኛ ዝኩነ ብፅእ እዩ ።

ማር ይሳሃቅ።

15// ምስ እግዚኣብሄር ታዓረቅ ብድሕሪዚ ፣ስማይን ምድርን ምሳካ ክዕረቁ እዮም።

ቅዱስ ዮሓንስ ኣፈወርቂ

16// እግዚኣብሄር ንደቂ ሰባት ብፍቅሪ ይስሕቦም ዳኣ እምበር ብግዴታን ብተፃዕኖን ኣየቅርቦምን እዩ።

ቅዳስ ዮሓንስ ኣፈወርቂ።
17 ፈሪሃ እግዚአብሔር እንተዘይብልካ ንስሓ፡ምእታው የለን ዝበለ ቅዱስ ኣቦ መን ይበሃል ?

⬅️ቅዱስ ማርቆሰ ይሰሐቅ

18 /ቅዱስ ሚካኤል ሓለቃ ቅዱሳን መላእክት ከም ዝኮነ ዝጸሓፈ ቅዱስ መን ይበሃል ?

⬅️ሃወርያ ቅዱስ ዮውሃንሰ ይብሃል ራእይ ዮውሃንስ 12÷7 ንመልከት።

19 ንመጀመርታ ግዜ እግዚአብሔር ይፍታሕካ ዝበሉ ቅዱስ መን ይበሃል ?

⬅️አቦና ቅዱስ ድሜጥሮሰ ይበሃል።

20 ኣቦና ቅዱስ አባ አርሳንዮሰ ብክንደይ ዓ, ም ተወሊዶም ?

⬅️ 360 ዓ,ም ተወለዶም

21 ንጸሎት ኣብ እትቆመሉ ግዜ ኣብ ቅድሚ ሓዊ ከም ዝቆምካ ብጥንቃቁ ቁም ዝበሊ ኣቦ መን ይበሃል?

⬅️ ኣቦና ማር ይሳቅ ይበሃል።

22 ንመጀመርታ ግዜ ካህን ኮይኑ ዝተመረፀን ንአገልግሎት ዝተፀወዐን ቅዱስ አቦ መን ይበሃል ?

⬅️ አቦና ቅዱስ መልከ ፃድቅ

23 ንመጀመርታ ግዜ ኣብ ምድረ ኣጋእዚት ሊቀ ጳጳስ ኮይኑ ዝተሾመ ኣቦ መን ይበሃል?

⬅️አባ ሰላማ ከሳቴ ብርሃን ይበሃል።

24 ካብ ብሓጥያት ምውደቅ እግረይ ናብ ሓዊ ምእተዊ ይሕሸኒ ዝብል ቅዱስ ኣቦ መን ይበሃል ?

⬅️አቦ ቅዱስ መርትያኖሰ ይበሃል።

25/ ስላሴ ኢሉ ዘውጸአ ኣቦ መን ይባሃል?

⬅️ ኣቦና ቅዱስ ኣግናጢዎስ ይባሃሉ።

26 ቤተ ክርስቲያን ንምእመናን እትመርሓሎም ዓበይቲ ነገራት ጸዉዕ ወይ ጸዉዒ ?

➡️ዶግማ
➡️ቅኖና
➡️ትውፊት

27ንኣዴና ቅድስት ማርያም ኣብ ቤት ክርስቲያን ዝምግባ ዝነበረ መልኣክ መን ይበሃል?

➡️ቅዱስ ፋኑኤል ።

28 ንስጥሮስ ብመን ተወጊዙ ?ኣበይ ?መኣስ ዓ.ም ጥቀስ?

➡️ብቅዱስ ቄርሎስ
➡️ኣብ ጉባኤ ኤፌሶን
➡️ብ 431

29 ብጸሎቱ ፡መሳኩቲ ሰማይ ንሰለስተ ዓመትን ሽዱሽተ ወርሕን ዝዓፀወ ነብይ መን ይበሃል?

➡️ነብይ ኤልያስ ይበሃል ።

30 ብጸሎቱ ንጸሓይ ደው ዘበለ ነብይመን ይበሃል ?

➡️ነብይ እያሱ ይባሃል።

31 ዮናስ ካብ እግዚአብሔር ንምህዳም ናበይ ክከይድ ተበጊሱ ?

⬅️ ን ተርሲስ

32 ንንእማን ኣብ ፈለግ ዮርዳኖስ ሸውዓተ ግዜ ተሓጸብ እሞ ክትሓዊ ኢካ ዝበለ ኣቦ መን ይበሃል ?

⬅️ ኤልሳእ

33 ኣብ ባሕሪ ውሽጢ ኣርባዓ መዓልትን ኣርባዓ ለይትን ዝተቀመጠ ሃዋርያ መን ይበሃል ?

⬅️ ዮሃንስ ።

34 ሊቀ ነብያት ሙሴ ኣብ ክንደይ ዕድሜኡ ሞይቱ ?

⬅️120 ዓመቱ ሞይቱ።

35 ናይ ቅድስቲ ድንግል ማርያም ኣርጋኖ ዝጸሓፈ ቅዱስ ኣቦ መን ይብሃል?

⬅️ ኣባ ጊዮርጊስ ዘጋስጫ።
36 እታ ሓጥያት እትገብር ነብሲ ክትመውት እያ። ዝብለ ነብይ መን ይባሃል?

⬅️ ነብይ ሕዝቅኤል 18÷4

37 ሳኣሊ ለነ ቅድስት ዝብል ጸሎት ኣብ ውዳሴ ማርያም ዝጸሓፈ ወይ ዝወሰከሉ ቅዱስ መን ይባሃል?

⬅️ማኅሌታይ ሊቀ ቅዱስ ያሬድ ይባሃል።

38 እቲ ጸላኢተይ እንተ ወደቅኩ ክትንስእ እየ ኣብ ጸልማት እንተ ተቀመጥኩውን እግዚኣብሔር ብርሃነይን እዩ እሞ ብኣይ ኣይተሐጎሱ ዝብል ነብይ መን ይባሃል?

⬅️ ነብየ ሚክያስ 7÷8

#አግኣዝያን_ትግራይ _ሚድያ

https://yt.psee.ly/6ql2sv

ይደክም እወ ሓቀይ ካብ ልፍላፈ ስቕታ፡ካብ ምጭካን ልውህና፡ካብቲ ዘይምጽዋር ተጸዋርነት ዘይትመርጺ ምስ ኮንክለይ !

ይደክም እወ ሓቀይ ልብኺ ብዓቕለይ ገዲፉ ብደጋዊ መልክዐይ፡ብንጽህና ውሽጠይ ገዲፉ ብደጋዊ ኣከዳድናይ፡ብቕንዕና ዝጽዕሮ ገዲፉ ብትሕዝቶ ጁባይ ምስ ተገደሰ !

ይደክም እወ ሓቀይ ! ውዕሎኺ ክንዲ ኣብ ምንባብ ኣብ ሜድያ፡ክንዲ ኣብ ነብስኺ ምፍላጥ ንኻልኦት ኣብ ምሕማይን ምውራይን፡ክንዲ ኣብ ምንቃሕ ምስ ካልኦት ምውድዳር ምስ ኮነ !

ኣይይይ ! ይደክም እወ ሓቀይ ስልማትኪ ህዱእ መንፈስ፡ልውህና፡ምርድዳእ፡ትዕግስቲ፡ጡዑም ቃል ክንዲ ዝኸውን ከምዚ ደልየ፡ክስቶ ከምዚ ገዚኣ፡እዚ ኣይኣኽለንን፡ኣይጥዓመንን ምስ ኮነ !

ይደክም እወ ሓቀይ ኣብ ብርሃን ድቅስቲ ኣብ ጸልማት ድማ ንቕሕቲ ምስ ኮንኪ፡፡ምንባብ፡ምጽላይ፡ሓሳብ ምልውዋጥ፡ዝጠቕመካ ምስማዕ ንዝኣመሰሉ ብርሃናት ድቅስቲ እንተ ንቲክቶክ፡ኢንሰተግራም፡መስትያት ምርኣይ፡ናይት ክለብ፡ምጽብባቕ፡ናብ እንዳ ሓጎስ ንምኻድ ግን ኣዚኺ ንቕሕቲ ምስ ኮንኪ !

ህምምምም ! ይደክም እወ ሓቀይ ክንዲ ዓይንኺ ንብዓት እናቖጸረ ሰብኣየይ ሓቀኛ ኢዩ፡ይሓልየለይ ኢዩ፡ኣኽባሪ ኢዩ፡ጻዕራም ኢዩ ኢልኪ ክንዲ ምምስጋን ሰብኣየይ ሃፍታም ኢዩ፡ጽቡቕ ኢዩ፡ምሁር ኢዩ፡ህቡብ ኢዩ ኢልኪ ዓዶኽዶኽ ክትብሊ ትመርጺ ሙዃንኪ !

ይደክም እወ ሓቀይ ልዕሊ ብመምርሒ ብጽባቐ ምስ ተገደስኪ፡፡ብሉጽ ማርካ ናይ ክዳን፡ጨና፡ጫማ፡ንገጽኪ ዘጸባብቑ ሎሽናት፡ሳምና፡ንጸጉርኺ ዘጸብቑ ዘይትታት ተገዲስኪ ኣብ ምፍላጥ ላዕሊ፡ከም ሰብ ከቑሙኽን ከኽብሩኽን ንዝኽእሉ ከም ቅንዕና፡መትከል፡ነብሰ ምግታእ ኣብ ተገዲስኪ ኣብ ምፍላጥ ግን ድሕርቲ ምስ ኮንኪ !

ስለዚ ዘይጸዋር፡ዘይለባም፡ዘየፍቅር ኢልኪ ንዓይ ጥራሕ ካብ ምኽሳስ ተቖጠቢ ! ኣነ ንኽጽወርን ክፍቀርን ዘኽእል ባህሪ ኣለኒ'ዶ ኢልኪ ውን ንነዊሕ ምስ ገዛእ ነብስኺ ሕሰቢ፡፡ተጠንቀቒ ንዓይ ዝጸርክንን ክትጸርኒ እትሓስብዮን ጥራሕ ካብ ምሕሳብ ኣነ ዝጸርኩኽን ክጸረኪ ዝሓስቦን ውን ኣብ ግምት የእትዊ !

ኣብ መወዳእታ ሓይሊ ናይ ከበባኺ፡ድኽመት ስጋኺ፡ጽልዋ ናይ መዛኑ ንኽትቃወምዮ ማዕረ ክንደይ ኣሸጋሪ ሙዃኑ ይዝክሮ ኢየ እሞ እንሆ ምሳኺ ኮይነ " ኦ ኣምላኸይ ንልብናን ሓሳብናን ናብ ቃልካ ኣቕንዓዮ ! ኣብ ምሉእ ልብናን ሓሳብናን ድማ ልክዕ ከም ጠሊ ይዕለብ !

እንሆ ከምቲ ደቂ መዛሙርትዃ ማዕበል ምስ ሃወጾም ርድኣና ርድኣና ዝበልዎ ንብል ! እቲ ምንታይ እንሆ ሓጥያት ውሽጥና፡ክፉእ ፈተና ዓለም፡ፍትወት ስጋና፡እቲ ዝጓዝም ጸላኢ ሰናያት ክውሕጠና ኣዝዩ ይደሊ እሞ ! እኖና ኣብ ዘናውጽ ማዕበል፡ኣብ ዘጥሕል ማይ፡ኣብ ገምገም ጸድፊ፡ኣብ ኣዝዩ ኣፍራሂ ቦታ ኮይና ርድኣና ርድኣና " ይብል !

" እምበር ኣነ ከንግሰኪ ኢለ ብዙሕ ኢየ ዝጋደል፡ልቢ ከዕቢ ኢለ ብዙሕ ኢየ ዝጋደል፡ኣህ ግን ! ንዓኺ ምንጋስን ልቢ ምዕባይን ግዲ ኣሸጋሪ ኮይኑ እንሆ ዓቕሚ ይውሕደኒ፡ምጻምም ዓቐበት ይኾነኒ !

" ሰብ ሙዃንኪ ግን ኣይርስዖን ! ! !

" ፊሊ ወናኒ ሙቁር ቃንዛ '

#አግኣዝያን_ትግራይ_ሚድያ

ስልኪ ዓምዶም👉0955099902
ባንኪ ሒሳብ ኣንበሳ ባንክ 👉00312665574-88 ዓምዶም ገ/ሂወት
ፃንሒት ምስ ሓው ዓመዶም ዓምዶም 👇👇👇
https://youtu.be/qefsPzr1A-A?si=IwHH4Angi8Knhbz9

ኣሸናፊ ንምዃን!
👉ጥፍኣታትካ ብሰብ አይተመኻኒ
👉 ዓርስኻ አይትውቀስ
👉ንዝተገበረልካን ዘይተገበረልካን ኣመስግን
ተመስገን ፈጣሪ

#አግኣዝያን_ትግራይ_ሚድያ

በስመአብ ወወልድ ወመንፈስ ቅዱስ አሃዱ አምላክ አሜን /፫/
#ትሕትና

"ትሕትና" ማለት ብሓይሊ፣ምሕረት፣ጸጋ ፣ ጥበብን ፍቓድን እግዚአብሔር እንተዘይኮይኑ ከንቱ ምዃንካ ፈሊጥካ፡ ንርእስኻ ምትሓት፡ ዘይምዕባይን ዘይሙኽራዕን እዩ። እትፈልጥ ከሎኻ ከምዘይፈልጥ፡ ክቡር ከሎካ ከም ሑሱር፡ ሰናይ ግብሪ እናሰራሕካ ከምዘይሰራሕካን ዝግብኣኒ እየ ዝሰራሕኩ ምባልን እናሃለወካ ከም ዘይብልካ ንርእስካ ኣትሒትካ ምርኣይን ማለት እዩ።

ትሕትና ማለት ግና ግቡእካ ንከይትሠርሕ ዝዓግት ሕመቕን ድሕረትን ከምኡ’ውን ድክመትካ ዝሽፍን ጥበብ ኣይኮነን።

እቶም ትሑታት ቅዱሳን ንዝተጸውዕሉ መንፈሳዊ ዕዮ ብትሕትና ይፍጽሙ፡ እናገበሩን ምስ ፈጸሙን “ንሕና ዘይንጠቅም ባሮት ኢና፡ እቲ ኽንገብሮ ዝግብኣና ኢና ዝገበርና” ይብሉ። (ሉቃስ 17÷10) ጸጋኦም ሸፊኖም ብትሕትና የገልግሉ እምበር ከምቶም ሥራሖም ምእንቲ ኽፍለጠሎም መጥቅዕ ሃሪሞም ዝእውጁን ግኑን ስም ንኽረኽቡ ውዳሴ ከንቱ ዝናፍቑን ምሁራትን ጥበበኛታትን ኣይኮኑን። በዚ ከኣ ቅዱሳን ሕይወቶም ኣመቂሮም፡ ንኣመንቲ ጥራሕ ዘይኮነስ ንዘይኣመንቲ ኣሕዛብ’ውን የመቅሩ።

ካብ ጕስነት ክሳብ ንጉሥነት ጸጋ እግዚአብሔር ዘይተፈለዮ፡ ከም ልበይ ዝተባህለ፡ ሃብተ መዝሙርን ሃብተ በገናን፡ ሃብተ ትንቢትን ራእይን ዝተዋህቦ ቅዱስ ዳዊት ብዛዕባ ገዛእ ርእሱ ክዛረብ ከሎ፦ “ኣነ ግና ሓሰኻ እምበር ሰብ ኣይኮንኩን፡ ብሰብ ዝተነዓቕኩን ኵሉ ሰብ ዜላግጸለይን እየ።” በለ።(መዝሙር ዳዊት 22÷6) ኵሉ ጊዜ ኃጢኣቱ ኣብ ቅድሚ ዓይኑ ነበረ። (መዝሙር ዳዊት 51÷3) ምሉእ ለይቲ’ውን ንመደቀሲኡ ብንብዓት የጠልቅዮ ነበረ። (መዝሙር ዳዊት 6÷6)

መምህረ ትሕትና ጎይታናን መድሓኒትና ኢየሱስ ክርስቶስ “ካባይ ተመሃሩ ኣነ ለዋህ እየ፡ ልበይ’ውን ትሑት እዩ” ክብል ምሂሩና እዩ። (ማቴዎስ 11÷29) ካብ ክርስቶስ ዝተማህረን ኣሰሩ ተኸቲሉ ንእኡ ዝመሰለን (1ይ ቆሮንቶስ 10÷1) ሓዋርያ ቅዱስ ጳውሎስ ድማ “ኣነስ ነታ ማኅበር ኣምላኽ ስለዘሳጐግክዋ፡ ምንኣስ ኵሎም ሓዋርያት እየ እሞ ሓዋርያ ክስመ ብቑዕ ኣይኮንኩን፡” (1ይ ቆሮንቶስ 15÷9) ይብል ነበረ። ዋላ’ውን መዓርገ ፍጽምና በጺሑ እንተነበረ “. . . ቅድሚ ሕጂ ከምዝረኸብክዎ ወይሲ ቅድሚ ሕጂ ፍጹም ከምዝኾንኩ ኣይኮነን” ይብል። (ፊልጶስ 3÷12-13)

ስለዚ ነቲ ንእግዚአብሔር እነቕርቦ መሥዋዕቲ ዘመቅር (ቅቡል ዘግብር) ትሕትና እዩ። “መሥዋዕቲ ባህ ኣይብለካን እዩ . . . መሥዋዕቲ ኣምላኽ ስቡር መንፈስ እዩ፡ ንስቡርን ቁጥቁጥን ልቢ ኣይትንዕቆን ኢኻ” ከምዝብል። (መዝሙር ዳዊት 51÷17) መሥዋዕቲ ርእስናን ኣገልግሎትናን ብዘይ ትሕትና ከንቱ ምዃኑ ዝተረድኡ ቅዱሳን ክምዕዱ ከለዉ “እግዚአብሔር ጸጋኡ እንተሃበካ ንዕኡ እትፆረሉ ምስኡ ትሕትና ክህበካ ሕተቶ፡ እንተዘይኮይኑ ነቲ ጸጋ ክወስዶ ለምኖ” ይብሉ። ከመይ! ጨው ኣገልግሎት ትሕትና ስለዝኾነ። ኣገልጊልካ ከይሰጎምካ ጕያይ ወዲአ ኢልካ ምእዋጅ፡ ርእስኻ ኣልዒልካ ንካልኦት ምውራድ ናብ ኣምላክ ዘየቕርብ ጽዩን ኣገልግሎት እዩ። ሃብትና፡ ውህበትና፡ ፍልጠትና፡ ኃይልና . . . ካብ ኣምላኽና ምዃኑ ፈሊጥና ጨው ትሕትና እንተኃዝና መቐረት ሕይወት ነስተማቕር።

ብኣንጻሩ ትሕትና ዘይብሉ ሕይወት ትዕቢት እዩ። ኣነ እበልጽ፡ ኣነ ዓቢይ፡ ኣነ እፈልጥ፡ . . . ዝብል ኣነነት ውፅኢቱ ውርደትን ውድቀትን እዩ። ንዲያብሎስ ክሳዕ እስከ ዘይብሉ ጸናፌ ጸልማት ዝተደርበየ ብትዕቢት እዩ። ብዛዕዛ’ዚ ጥበበኛ ሰሎሞን ክገልጽ ከሎ፦ “ንውርደት ትዕቢት ይቕድሞ፡ ንውድቀት ድማ ኩርዓት” ይብል። (ምሳሌ 16÷18) ጐይታናን መድኃኒናን ኢየሱስ ክርስቶስ’ውን “እስመ ኵሉ ዘአዕበየ ርእሶ የኀስር፡ ወዘአትሐተ ርእሶ ይከብር/ ርእሱ ልዕል ልዕል ዘብል ይዋረድ፣ ርእሱ ዘትሕት ግና ልዕል ይብል” ይብለና።

ሊቀ ሓዋርያት ቅዱስ ጴጥሮስ ብወገኑ፦ “ኣቱም መንእሰይ! ከምኡ ነቶም ዝዓብዩኹም ተገዝእዎም። ኣምላኽ ንዕቡያት ይመዓቶም፡ ንትሑታት ግና ጸጋ ይህቦም እዩ እሞ ኵላትኩም ንሓድሕድኩም ምእንቲ ኽትግዝኡ ትሕትና ተዓጠቑ። ደጊም ብጊዜኡ ንሱ ልዕል ምእንቲ ከብለኩም ኣብ ትሕቲ እታ ጽንዕቲ ኢድ ኣምላኽ ትሕት በሉ።” ብምባል ትሕትና ኽንለብስ ይምዕደና። (1ይ ጴጥሮሰ 5÷5-6)

እግዚአብሔር ንዕቡያት ዝመዓቶም፡ ኣብቶም ትሑታት ግና ጸጋ ኣምላኽ ዝዓዝዝ ካብ ኮነ ብመንገዲ ትሕናት ከነሳጉም ቅድስት ቤተ ክርስቲያንና ትምዕደና።

ጽቡቅ ነገረ ኩሉ ዝገበርና እንተገበርና ትሕትና እንድሕር ዘይብሉ ብትዕበት ተኮይኑ ዓሰብና ድካም ጥራሕ እዩ መንፈስ ትዕቢት ኣርሒቕና ትሕትና ክንለብስ ልዑል እግዚአብሔር ብጸጋኡ ይደግፍና አሜን/፫/

ወስብሓት ለእግዚኣብሔር
ወወላዲቱ ድንግል
ወለመስቀሉ ክቡር አሜን/፫/

#አግኣዝያን_ትግራይ -ሚድያ

ሓዳር ጥዑም እዩ ብፍቕሪ
ዘሰንበት ጽሑፍ💚
1⃣ ሓዳር ቤት ማእሰርቲ ኣይኮነን፡ ንመጻምድትኻ እሙን ምዃን ጥራይ እዩ ዘድልየካ
..እዚ ከምዚ ኢሉ ከሎ ፍርሃት ኣምላኽ ኣባኻ ከዘይሃልዩ ፈጺምካ እሙን ክትከውን ኣይትኽእልን ኢኻ✅

2⃣ ቅድሚ መጻምድትኻ ምምራጽካ እቲ ትመርጾ ዘለኻ ንኣምላኽ ከም ዝፈልጥ፡ኣብ ኣምላኽ ከም ዝኣምን፡ፍርሃት ኣምላኽ ከም ዘለዎ ኣረጋግጽ✅

3⃣ መጽሓፍ ቅዱስ ፍርሃት ኣምላኽ መጀመርታ ጥበብ እዩ ይብል። ንሓዳር ንምቕጻል ጥበብ ኣምላኽ ጥራይ እዩ ዝሓትት።

4⃣ ዝኾነ ሓዳር ፍጹም ኣይኮነን ይብሉ፣ግን ካብ ልቢ እመኑኒ፣ ሰላማዊ ሓዳር ፍጹም ፋይናንሳዊ ኩነታት ብዘየገድስ እዩ። ገንዘብ ኣብ ሓዳር ፍጹም ኣይኮነን

ዘድልየና ንኣምላክ ምእማን እዩ

ከምቲ ባሕሪ ኤርትራ ኣብ ክልተ መቂሉ ንእስራኤላውያን ኣሳጊሩ ሕብስቲ ዝመገቦም ናዓና ውን ኮሙ

ስለዚ መጀመርያ ፍቕሪ እና እምነት ፍርሃት ኣምላኽ ይኹን

#አግኣዝያን_ትግራይ _ሚድያ

#ለባም_ሰበይቲ ንግስቲ ናይ ቤታ ንግስቲ ናይ ነብሳ ምእዝዝቲ ንባዓል ቤታ እያ::

#ለባም_ሰበይቲ ድሌት ትእዛዝ ናይ ባዓል ቤታ ክተማልእ ምእዝዝቲ ድልውቲ እያ::ስለምታይ እግዛኣብሄር

#ንሂዋን_ክፈጥራ ከሎ #ንኣዳም ኣብ ግዜ ሽግሩ ዉድቀቱ ሓጎሱ ኩሉ ግዜ ኣብ ጎኑ ክትኾኒ ኢሉ ሰለ ዝፈጠራ ካብ #ዓፅሚ_ጎኒ_ናይ_ኣዳም ስለ ተፈጠረት ስለ ትፈልጥ ኩሉ ግዜ ምእዝዝቲ እያ ንባዓል ቤታ::

#ለባም_ሰበይቲ ንባዓል ቤታ ከም ነብሳ ተፍቅሮ
ተክብሮ ትእዛዙ እዉን ተክብር ተተግብር
ስለምታይ ካብ መስዋእቲ ትእዛዝ ዝዐበይ ምዃኑ ስለ ትፈልጥ::

#ለባም_ሰበይቲ ፍራሃት እግዛብሄር ስለ ትፈልጥ ንደቂ ሰባት አይትንዕቅን እያ::ንኩሉ ኸም ነብሳ እያ ትሪኦ

#ለባም_ሰበይቲ ትሕት ኢላ እበር ልዕል ኢላ አይትከድን እያ ስለምታይ ነቶም ትሕት ኢሎም ዝኸዱ እግዛብሄር እውን ንዕኦም ጥራሕ ትሕት ስለ ዝብለሎም
ስለ ትፈልጥ::

#ለባም_ሰበይቲ ምስ ደቂ ሰባት ሓጎስ ፍቅሪ ጨወታ ሳሓቅ እያ ትፈቱ ግን ካዓ ገሊኡ ይንእዳ ገሊኡ ይጎዳኣ ስለምታይ ለዋህ ገራህ ስለ ዝኾነት::

#ለባም_ሰበይቲ ኣብ ጉዕዞ ሂወታ ቅንዕቲ ኣብ ሽግራ ዕግስቲ ኣብ ስራሓ ፅፍፍቲ ኣብ ነብሳ እድብቲ ኣብ ሃይማኖታ እምንቲ እያ ::

#ለባም_ሰበይቲ ኣብ ሂወታ ጠንካራ በላሕ እያ ተስፋ ዝባሃል አይጥቆርፅን እያ::መኽንያቱ ኩሉ ግዜ ኣብ እግዛኣብሄር ስለ ትዉክል::

#ለባም_ሰበይቲ ናታ እበር ናይ ዳማታ ኣይትደልን
ኣይትጥምትን እያ::ዘይናትካ ናትካ ስለዘይኮን ስለ ትፈልጥ

#ለባም_ሰበይቲ ንኻሊእ ክትመስል ኢላ አይትፍትንን እያ ንነብሳ መሲላ እያ ትነብር መኽንያቱ ዘይንስካ ምምሳል ዕንወት ምዃኑ ስለ ትፈልጥ::

#ለባም_ሰበይቲ ኣብ ቅድሚ ባዓል ቤታ ኩሉ ንዉሽጣ ገይራ ፍሽኽ ትብል ፍሽክታ ናታ ንባዓል ቤታ ዕግበት ምዃኑ ስለ ትፈልጥ ፍሽኽ እዳበለት ሕልየት ክብረት ፍቅሪ ትልግሰሉ ንባዓል ቤታ

#ሽዑ ከምዝይ ይብላ ባዓል ቤታ ድማ ፅቡቅ ዝገብራ ቡዛሓት አንስቲ ኣለዋ ካብ ኹላተን ግን ንስኺ ዝበለፅኪ ኢኺ ለባም ሰበይቲ መን ይረኽባ ኢሉ የመስግና ዝያዳ የኽብራ የፍቅራ::


#አግኣዝያን_ትግራይ _ሚድያ

✅.ዝሓሰብክዎ ስለምንታይ ዘይሰለጠኒ ኣይትበል: ሓደ ሓደ ግዜ
#ፈጣሪ ነቲ ንስኻ ዝሓሰብካዬ ነገር ከም ዝጎድኣክን ከም ዘይጠ
ቅመካን ፈሊጡ ንሰናይ ናትካ ኢሉ ከም ዘትርፎ ፍለጥ::

🌿.ፈጣሪ ብዛዕባ መጺኢካ ፈጺሙ ከምዘይርስዕ : ኣስተውዕል
ደቂ - ሰባት ግን ረሳዕቲ ኢና:: ኩላቶም ዝድንጉዩካ ነገራት ንጸቡኻ
ምኻኑ እመን ::ጥራይ ትዕግስቲ ይሃልካ ::

ወዲ - ሰብ ክልተ ነገራት ኣይክእልን እዩ

➡.ኣብ ግዜ ዓወቱ ትሕና !
➡.ኣብ ግዜ ውድቀቱ ድማ ዓቅልን: ትዕግስትን ኣይገብርን::

🌿.ሓያል ሰብ - እቲ ንጸገማቱ ዝስዕርን : ኣብግዜ ውድቀትን :ስዕ
ረትን ድማ ኢዱ ዘይህብን : ኩሉ ክሓልፍ ምኻኑ #ንፈጣሪኡ ኣሚኑ
ዝጋዓዝን እዩ::
#አግኣዝያን_ትግራይ _ሚድያ

📌ኣብ ገዛእ ነብስካ እመን ካልኦት ሰባት ዓወት ጨቢጦም ክቡኻ ኣይትጸበ ምንጪ ዓወት ነብስካ ንስካ ኢካ።

📌ዕድል ስለ ዝረከብካ ሰብ ኣይትበድል ግዜ ምእንቲ ርእሱ ከም ዝቅየር ዘክር።

📌ሲኢነ ኢልካ ኣይተማርር ወላ ዝረከበ ዕግበት የብሉን ድካ ብጨርቁ ሃብታም ብወርቁ ኩሎም እዮም ዝጭነቁ።

📌ከምቲ ረኪብካ ትሕጎስ ክትስእን እንከለኻ ውን ታዓገስ።

📌 ንዘይብሉ ሰብ ምሕጋዝ ውሽጣዊ ዕግበት ይፈጥር 'ዩ እሞ ፈትኖ።

📌ዓወት ተውህቦ
ኣይኮነን ብጻዕሪ ዝመጽእ እዩ።

📌እቲ ንዓካ ከጋጥመካ ዘይትደልዮ ነገር ንሰባት ኣይትመነዮ ።
📌ቅድሚ ኣፍካ ምክፋትካ የእሞሮካ ክፈት።

📌አብዚ ግዜ እሙን ምሓዛ አለኒ ኢልካ ናውሽጥካ ኤትዛረብ
ንስካ አሚንካ ምሓዛይ ዓርከይ ኢልካ ዘዕለልካዮ ነቶም ብደገ ዘለው አዕርክቱ እዩ ዝነግሮም ስለዚ ተጠንቀቅ።

📌 አብዚ ግዜ እሙኑን ሓቀኛን ፈጣሪ ድአምበር
እሙንን ሓቀኛን ሰብ የለንዩ እሞ ተጠንቀቅ።

📌 ግዝይኡ ክፉእ እዩ ዘሎ እሙን ሓቀኛ ነበረ ሓሳዊ ይከውን
ግን አስተውዕል ግዜ ናይ ቀደሙ እዩ ሰብ ግዜ ኢና ከፊእና።

📌 አብዚ ግዜ ንሰብ አሚንካ ምስጢርካ ካብ ምክፋል
ንአራዊት በረካ አሚንካ ስጋ ምሕዳግ ይበልፅ።

📌ካብ ንሰብ አሚንካ ምፅጋዕ ንፈጣሪካ አሚንካ
ድንግል ማርያም ተማሕፂንካ ምንባዕ ይበልፅ።

#አግኣዝያን_ትግራይ _ሚድያ

ተኸታተሉ👇👇👇

https://youtu.be/L03n-lAVeXs?si=xlmRLHUDPl3-bClk

"'#ብህል_አበው"'
✍️ናይ ባዕለይ ሓጥያት:-
ብድሕረይ እንዳፈሰሰ ከመይ ገረ ብሓወይ ክፈርድ።

➻#ሙሴ_ፀልም

✍️ይቅር ምባል ንኻልኦት እንህቦ ህያብ እዩ ምርሳዕ ድማ ንነፍስና እንህቦ ህያብ እዩ። ➻#ብፅእ_ወቅዱስ_አብነ_ሸናዳ3ይ

✍️ታአምራት ምስራሕ እንተደሊኹም:-ብደርፉ ዝደንቆረ እዝንኹም መዝሙር ክሰምዕ ግበርዎ።ደቂ አንስትዮ ብምርኣይ ዝዓወረ ዓይንኹም እግዝአብሔር ንክርኢ ግበርዎ።ብስርቂ ዝዓወረ እድኩም ንእግዚአብሔር ምምፅዋት አለማምድዎ።
ናብ ሓጥያት ብምኻድ ዝሰከለ እግርኹም ናብ እግዚአብሔር ከም ዝኸይድ ግበርዎ።
ሓሜት ብምዝራብ ዲዳ ዝኾነ ከንፈር ፅቡቅ ዘረባ ንኽዛረብ ግበርዎ።ከታአምር ዝበለፀ ታአምር እዚ እዩ።

➻#ቅዱስ_ዮሐንስ_አፈወርቅ

✍️አነ ሰለስተ ነገራት ክሓስብ ከለኹ እፈርሕ አለኹ:-ነፍሰይ ካብ ስጋይ ክትፍለ ሳዓት፤ናብ እግዚአብሔር ፍት ክቀርብ መላአኽቲ ክወስድኑ ሳዓት፤
ከፉጣሪ አንደበት ናይ ፍርዲ ቃል ዝሰምዓሉ ሳዓት፤

➻#ቅዱስ_ያዕቆብ_ዘሥርግ

✍️መብርቅ ክዳመፅ ኩሉ ከም ዝድንግፅ:-ናትኪ ሹም ክሰምዕ ከሎ ዴያብሎስ ይድንግፅ
ንስኺ ካብ ትውለዲ ጀምሩ ዕርፍቲ አይረኸበን ባአኺ ሓመመ
ብወድኺ መስቀል ተሳቀየ
ስለዚ ካብ ፍጥረታት ናዓኺ ይፀልእ።

➻#ቅዱስ_ጊዮርጋስዘጋስጫ

✍️ሰባት ክፀርፍኻ ከለው:-
ጎረሮኦም ክትዓፆዎም አይትኽእልን ምስኦም ዘየምዝራብ ግን ትኽእል እኻ።

➻#ቅዱስ_ማር_ይሳቅ

✍️የዕርኹትኻ:-ሓደ ሽሕ ክኾኑ ይኽእሉ እዮም ናትካ ምስጥር ደብቁ ዝሕዝ ግን ሓደ ሰብ እዩ።

➻#ቅዱስ_ዮሓንስ_አፈወርቅ

✍️ናይ ክርስትያን መሳርሒ:-
ሴፍ በእዶም ምዕጣቅ ዘይኮነስ እዶም ናብ ሰማይ ናብ ፆሎት ምዝርጋሕ እዩ።

➻#ቅዱስ_አትናቴዎስ_ዘእስከንደርያ

✍️ፍቃድካ ከም ዝፈልጥ ግበረኒ ናብቲ ሓይሊ ዝረኽበሉ
ምርሓኒ እንድሕር ወድቀ ወይ
ሓጥያት ተጌረ ይቅር በለለይ
ብእደይ ሓዘኒ ምእንታን ክትስእ።

➻#ፓፕ_ሸናዳ_3ይ

✍️ንሕና ንመፃኢ እንታይ ከም ዘጋጥም አይንፈልጥን እና ግና
ኸ ሐደ ርጉፅ ነገር ንፈልጥ
ንሱ ድማ መፀኢ አብ እድን ፍቅርን ጥብብብን አምላኸ
ምዃኑ እዩ ስለዚ በቲ ኺሉ ዝመፅእ ካብኡ ምዃኑ ንታአማመን እና።

➻#ፓፕ_ሻኖዳ 3ይ

✍️ብዙሕ ግዜ ይዛረብ
ብምዝራበይ ይሓዝን
ስቅኽ ብምባለይ ግን ዝሓዘንኩሉ ግዜ የብለይን።

➻#ቅዱስ_አርሳንዮስ

✍️እታ ዝዓበየት ፀሎት"ዎ"ጐይታ ንስኻ ንኹሉ ትፈልጥ እኻ ።አባይ ድማ ኩሉ ከም ፍቃድካ ግበሮ"ትብል'ያ።

➻#ቅዱስ_ቲዮፍን

ናይ ቅዲሳን አቦታትና በረከቶም አይፈለየና

#አግኣዝያን_ትግራይ _ሚድያ

(  ክፍል ፩ )

     (ምክር ሠናይት ለኵሉ ዘይገብራ)

        ስብሐት ለእግዚአብሔር

➊ብዘይምንም ምክንያት ብዝጸልአካ ሰብ ከይተጨነቕካ
ብዘይምን ምክንያት ብዘፍቅረካ ብእግዚአብሔር              ተሓጎስ። (ዮሐ 3፥16)

➋ብዝትገበረልኻን ብዘይተገበረልኻን ኩሉ ጊዜ ንፈጣሪኻ አመስግኖ (እግዚአብሔር ይመስገን።)
                

➌ከም ሳምራዊ ንሰብ ርሕሩሕ፣ ሓዛኒ ኹን።(ሉቃ10፥።33)
     

➍ንሰብ አሚንካ ሓንቲ ስጉምቲ እውን አይትሰጉም
ንእግዚአብሔርን ንርእስኻን አሚንካ ጥራሕ ተጉዓዝ።
                   (መዝ 118፥8)

➎ሰብ ዋላ ይበድልኻ ደአ ንስኻ  ግን ንሰብ አይትበድል
ተጠቃሚ ንስኻ ኢኻ ትኸውን።

➏ሰብ ኽፉእ ነገር ተገይሩካ ብዘይምፍላጡ እዩ እኮ፣ ተዝፈልጥ ነይሩ ከምኡ አይገብርን  ኢልኻ ሸለል በሎ፣ ቂም አይትሓዘሉ።    

➐ምስጢርካ ማንም ዝሕልወልኻ ሰብ ከምዘየለ ተረዲእኻ  ምስጢርካ ንምንም አይትንግር።ገመናኻ ዝሽፍን እግዚአብሔር ጥራሕ እዩ ሞ።

➑ንዝበደለካ ይቅርታ ግበረሉ ኢየሱስ ክርስቶስ ንዝሰቕልዎ አይሁድ አብ መከራ እናሃለወ ይቕረ በሎም ኢሉ እዩ ሞ።
(ሉቃ 23፥34)
    

➒ብሓጢአትካ ንዝበልካዮ እግዚአብሔር ይቕረ ክብካ  ተደሊኻ አቐዲምኻ ይቅርታ ንዝደልዩ ሰባት ይቅርታ ግበረሎም።(ማቴ 6፥18  ማቴ 18፥35)

➊⓪ተስፋካ እግዚአብሔር ጥራሕ ግበር ፣ዘይልወጥ ንሱ ጥራሕ እዩ ሞ።(መዝ 25፥3)

➊➊ሎሚ ብዝሰአንካዮ ነገር አይትጨነቕ
ጽባሕ ከምእትረኽቦ ሙሉእ ተስፋ ግበር አይትጠራጠር።

➊➋ጥዕና ስለዘለካ አመስግን ።ጥዕና ዘይብሎም መላእ ሕይወቶም አብ ዓራት ደቂሶም ዘለዉ ከማኻ ሰባት አለዉ እዮም ሞ።

➊➌በግዚያዊ ስምዒት ተለዓዒልካ ኅሊናኻ ዘይአምነሉ ነገር  አይትናገር ፣አይትስራሕ ጠጠው ኢልካ ሕሰብ ምስሓለፈ ከሐጉሰካ እዩ ሞ።

➊➍ትዕግሥተኛ ኹን፤ ትዕግሥቲ ሕይወትኻ ካብ ኽፉእ ነገር ተናግፍ እያ ሞ (ሉቃ 21፥19)

➊➎ፈጣሪ መዓዘ ከም ዝጽውዐካ ስለዘይትፈልጥ ንስሓ አቲኻ፣ ተዘጋጂኻ ንበር።(ሉቃ 12፥40)

➊➏ውዕለታ ረሳዒ አይትኹን ዝሓለፈ ዘክር ።(ዘፍ 40፥23)

➊➐ንሰብ እንተይኮነስ ንሕሊናኻ ንበር ሽዑ ዕረፍቲ ትረክብ ኢኻ።

➊➑ንሰብ ከም ርእስካ አፍቅር።ፍቅሪ ናይ እግዚአብሔር ውህብቶ እዩ።( ዘሌ 19፥18)

➊➒ብሰብ ተመሪሕካ ሕሊናኻ ዘይአመነሉ፣ ዘይኾን ነገር አይትግበር።ብኅሊናኻ ጥራሕ ተመራሕ።

➋⓪ምስጢር ሰብ ዓቃቢ ኹን።ዝተነገረካ ምስጢር ትናገር እንተደአ ኮይንካ እቲ ትነግሮ ዘለኻ ሰብ እውን ተመሊሱ ይዕዘበካ እዩ ድሕሪኡ አይአምነካን ሞ።

➋➊በይንኻ ዋላ ኹን ከም ኖኅ ብሓቀኛ መንገዲኻ ጽናዕ ድሕሪኡ ናይ ቅኑዕ ሕሊናኻ ውጽኢት ናይ ድሕነት መርከብ ክዘጋጀየልካ እዩ ሞ።(ዘፍ 7፥1)

➋➋ዘተናገረ በጽባሕ ኢይደግም በሠርክ ከም ዝብል ብብጊዚኡ ዝለዋወጥ ጸባይ አይሃሊኻ ፣ኹሉ ጊዜ ቃልካ እሙን ፣ጸባይኻ ዘይልወጥ ሠናይ ይኹን።

➋➌ንሰብ እትቐርቦ አማራጺ ክትስእን እንተለካ ፣ ንግዚያዊ ጥቅምኻ ፣ክኸፍአካ ከሎ ጥራሕ እንተይኮነስ ብዝኾን ይኹን ጊዜ ብሰውነቱ ቕረቦ።

➋➍ክትእመን እንተደሊኻ ንስኻ እውን ተአማኒ ኹን።

➋➎ንዝተስሓሓተ ሰብ ብምኽሪ፣ብጸባይ ደአ ብጸርፊ፣ ብሓይሊ ክትምልሶ አይትፈትን።ሰብ ዝሽነፍ፣ዝምለስ ብጸባይ ፣ብፍቕሪ ጥራሕ እዩ ሞ።

➋➏ዓቢዪ ንእሽቶይ ከይበልኻ ንኹሉ አኽብር።

➋➐ትሕትና ይሃልየካ፤ ትሕትና ካብ ታሕቲ ናብ ላዕሊ ተደይበካ መሳልል እያ ሞ።(ማቴ 23፥12)

➋➑ ብዘለካ ነገር አይትመካሕ። እቲ ሒዝካዮ ዘለኻ ኹሉ መዓዘ ከም ዝጠልመካ አይትፈልጥን ሞ።
ትምክሕቲ እውን ናይ ውድቀት መፋጠኒት እያ ሞ።

➋➒አይትህፀፅ ፣ርግዓት ይሃልየካ ፣ብርግዓትካ ደሓረ ትሕጎስ ኢኻ ሞ ዝረግዐ ጻባ ጠስሚ ይወጽኦ።

➌⓪ብሕማቕ ንግግርካ ሰብ ከይሓዝን አስተውዕል!
ክፉእ ቃል ካብ ኹሉ ንላዕሊ ኽፉእ እዩሞ።

➌➊ንዝሓልፍ ጊዜ ዘይሓልፍ ቃል አይትናግር።

➌➋  ከይፍረደካ አይትፍረድ (ማቴ 7፥1)
ንምፍራድ አይትህፀፅ  ንርእስካ ፍረድ ።
ፈራዲ እግዚአብሔር እዩ  ሞ።

➌➌መሓዛካ ክረክብ ከሎ ደስ ይበልኻ ደአ አይትቅናእ።
ብቅንኢ ፣ብምቀይነት እግዚአብሔር ዝሃቦ ናይ መሓዛካ ፀጋ ብፍጹም ክትወስድ አይትኽእልን ሞ።

➌➍አብ ዝምልከተካ  (ዘእትወካ ) ➺ጥራሕ ደአ
አብ  ዘይምልከተካ (ዘየእትወካ) ነገር አይትእቶ።

➌➎ ናይ ሰብ ስሕተት፣ ናይ ሰብ ሓጢአት ፣ናብ ሚድያ እናውጻእካ አይትግለጽ ብዘይካ ጽቡቕ ነገር ስሕተቶምን ሓጢአቶምን ንሰባት አይትንገር። ናይኻ ሓጢአት እግዚአብሔር እንተገሊጽዎ ኸመይ ትኾን ነይርኻ?

➌➏እግዚአብሔር ናይ በሪ ሕይወትካ ከይዓፅወልካ ፍራሕ ደአ ሰብ ዝዓፀዎስ እግዚአብሔር ክኸፍቶ እዩ።

➌➐በይነይ እየ ኢልካ አይትጨነቕ ።ካብ ሓቀይኛ መንገዲኻ እውን አይትውጻእ።እግዚአብሔር ምስ ሓቀኛ ደአ ምስ በዝሒ አይኮነን ዝኸውን ሞ። ካብ ኖኅን ሎጥን ኤልያስን  ትምህርቲ ውሰድ።

➌➑ብዝኾነ ይኹን ተስፋ አይትቑረጽ ፣ብእግዚአብሔር ተአማመን ።አብ ውቅያኖስ ማእኸል ኮይንካ ዶ ማይ ክጸምአካ ይኽእል? ንእግዚአብሔር ሒዝካ ድማ  ተስፋ ይቑረጽ ?

እግዚአብሔር ይመስገን!
እግዚአብሔር ይመስገን!
እግዚአብሔር ይመስገን!

ስብሐት ለእግዚአብሔር ።
#አግኣዝያን_ትግራይ _ሚድያ

ኣብ ፍቅሪ ዘለዉ ነገራት ክንግረክን ብፍላይ ኣዋልድ ኣሕዋተይ ልቢ❤ ኢልክን ኣስተውዕላ።
✅1 ንሰብ ብቃላቱ ዘይኮነስ ብተግባሩ ክትምዝንኦ ኣለክን

✅2 እንታይ ይዛረብ ዘይኮነስ እንታይ ይሰርሕ ብፍላጥ ኣገዳሲ እዩ ምክንያቱ ዘረብኡን ስርሑን ዘይራኸብ ሰለ ዝኸውን

✅3 ደጋዊ መልክዕ ዘይኮነስ ውሽጣዊ መልክዕ ተመልከታ

✅4 ሃፍታም ገንዘብ ዘይኮነስ ሃፍታም ሕልና ዘለዎ

✅5 ሓሳዊ ዘይኮነስ ሓቀኛ

✅6 ብመልሓሱ ዘይኮነስ ብተግባር ፍቅሩ ዘርእየኺ

✅7 ዝጉረን ዘይኮነስ ብዘለዎ ተመሰገን ዝብል

✅8 ሰበይቲ ዝቅይር ዘይኮነስ ናብራኡ ዝቅይር

✅9 እሙን ትኣማኒ ዝኮነ ወዲ ምረፂ
✅10 ናብ ክለብ ቤት ዝወስድ ዘይኮነስ ናብ ቤተክርስቲያን ዝወስድ

✅11 ገንዘብ ሃብኒ ዘይኮነስ ገንዝብኺ ኣክቢ ዝብለኪ ወዲ

✅12 ስራሕ ዘማርፅ ዘይኮነስ ዝረኸቦ ዝሰርሕ

✅13 ኮፍ ኢሉ መሻርፍ ዘይኮነስ ስሪሑ ዝበልዕ ወዲ
✅14 ዕላማ ዘለዎ ወዲ
✅15 ብሓቂ ድኣ ምሳኺ ክነብር ዝሓሰብ ተኮይኑ ስርሒ እምበር ኩሉ ግዜ ንዒ ኣይብለክን

✅16 ንስኺ ትሰርሕዮን ንሱ ዝሰርሖን ንመፃኢ ሓዳርኹም እዩ ሰለዚይ ንስራሕ እምበር ኮፍ ንበል ዝብለኪ ወዲ ድሕሪ ግዜ ንበይንኺ ኮፍ ኣቢልኪ ናብዘለዋ ክከይድ እዩ

✅17 ምክንያቱ ንስኺ መሕለፍት ግዜ እምበር መናብርቱ ኣይኮንኽን ሰብ ሎሚ ተዘይሃልይካ መስስ ዝብል ምኻኑ ክትፈልጣ ኣለክን
✅18 ፍቅሩን ሓሳቡን ዝገልፀልኺ
✅19 ምስ ቤተሰቡ የፋልጥኺ ንስኪ እውን ምስ ቤተሰብኪ ኣፋልጥዮ ምስ የዕርክትኺ ጭምር

✅20 ናይ ብሓቂ ድዩ ዘፍቅረኪ ዋላስ ንግዜኡ እዩ ክትፈልጢ ዘለኪ መማረፂ ኣነ ክነግረኪ እቲ ፈቃርን ለባምን ዝኾንኺ ወዲ ንዓኺ እንተደኣ ደሊኪ ወይ ቅምነገረኛ ፍቅረኘኡ ክትኾኒ እንተ ድኣ ደሊኺ ቅድሚ
ምብዳልኺ ንገርዮ ሓሳብኺ ታይ ትደልዪ ታይ ክገብረልኺ ከምዝለዎ ንገርዮ ናይ ልባማት መልሲ ምስ ሰማዕክሉ ብስርዓተ ሃ/ኖት #ብቃል_ኪዳን ግበርዮ።
✅21 ብስርዓተ ሃይማኖቱ(ብቃለ-መሓላ) እንተ ድኣ ኣክቢርኪ ርግፀኛ እየ ከምዝፍቅረኪ
ሰለዚይ ብስርዓተ ቃል ኪዳን ንፈፅም በልዮ ብጋናኺ ቅድሚ ምንባዕኺ

#አግኣዝያን_ትግራይ _ሚድያ

Really ☑
#ሰብኣይ_ማለት ምስ ሰበይቲ ሓዲሩ ዘጥነስ #ዘይኮነስ፡ ንሰበይቱ ኣክቢሩ #ንውላዱ ሓላፍነት ወሲዱ ዘዕቢ እዩ።
❤️🌹 ኣቦነት መዓርግ ኣይኮነን። #ሓላፍነት እዩ።
ኣቦ ናይ ወዲ ቀዳማይ ጅግና ናይ ጓል ድማ ቀዳማይ ፍቕሪ’ዩ። ተራ ኣቦ ኣብ ዕብየትን ምዕባለን ህጻናት ኣዝዩ ኣገዳሲ ምዃኑ ዘጠራጥር ኣይኮነን።

❤️🌹ኣቦ ኩሉ ግዜ ሓላዊ እዩ። #ሓላፍነት ዝስምዖም ኣቦ ደቁ ብኣካልን ብኣእምሮን ንኽዓብዩ ጥዑይ ሃዋህው ከም ዝረኽቡ ኩሉ ግዜ የራጋግፀሎም። ህጻናት ኣቦኦም ኣብ ከባቢኦም ምስ ዝህልዎም ውሕስነትን ድሕንነትን ይስምዖም።

❤️🌹 #ኣቦነት ንጓል ኣንስተይቲ ክትጠንስ ምኽኣልካ(ስለዘጥነስካ ኣቦ ኢካ ማለት) #ኣይኮነን። ከም ሓቂ ፍርያምነት ንሱ እዩ። ኣቦነት ሓላፍነት ምውሳድ እዩ።  ናይ ዓራት ጨወታ ኣይኮነን።

ኣቦነት መስዋእቲ የጠቓልል። ካብ ስነ-ህይወት ለጋሲ ዘርኢ ወዲ ተባዕታይ ምዃን ሓሊፉ ዝኸይድ ሓደ ሓላፍነት እዩ።

❤️🌹 ኣቦነትን ልግሲ ዘርኢ ወዲ ተባዕታይን ኣይኮነን ምኽንያቱ ዝኾነ ሰብ ዘርኢ ወዲ ተባዕታይ ክለግስ ወይ ከጥንስ ይኽእል እዩ ግን ኣቦ ንምዃን ብዙሕ እዩ ዝሓትት።

❤️🌹 ዘሕዝን ግን ደቆም ክዓብዩ ከለዉ(ነታ መዐበይት ሰበይቲ ምንም ሓገዝ ከይገበሩ) ብተጸጊሞም ዝነበሩ ኣቦታት ኢና ዝብሉ እፈልጥ እየ። ስለዚ ደቂ ኣንስትዮ የሕዋተይ ንቁሓት ኩና ካብ ሓላፍነት ኣቦ ዘይስምዖ ሰበኣይ ጥንቃቄ ግበራ ምክንያቱ ካብ ሓላፍነት ዘይስምዖም ጠኒሰን ካሊእ ሓዳር ከይምስርታ 👉 ውላድ ሒዘን ፤ ካብ ሓዳር ርሒቀን በይነይ ውላደን ክዕብያ ኣብ ፀገም ዝወደቃ ኣዴታት ውሑዳት ኣይበሃላን። ስለዚ #ንቁሓት  ኩና🙏

❤️🌹 ክቡራት የሕዋተይ ንደቅኹምን ህላወኹምን ኣይትኽልኡ። ኣቦነት ንስድራቤትካ ኣገልግሎት ምሃብ እዩ። ፍቕሪ፡ ትዕግስቲ፡ ልዕሊ ኩሉ ድማ ግዜ ይሓትት።

ኣብ ጉዕዞ ህይወትና ምዕዋት ንኣንስታትናን ደቅናን ሕብረተሰብናን ጽቡቕ ውርሻ ኣብ ምድላው ናይ ምፍቃር፡ ሓልዮት፡ ምቕራብ፡ ምሕላው፡ ምምራሕን ምትብባዕን ሓላፍነት ዝጽውዕ ጻውዒት’ዩ። ምስ ምዕባይ ቆልዓ ዝወዳደር ሓጎስ ግን የለን። እዚ እቲ ዝዓበየ ምዕራፍ ህይወት እዩ። 

❤️🌹 ኣብዚ እዋን’ዚ ኣብ ዓለም ካብ ዘለዉ ዓበይቲ ጸገማት ሓደ ውጽኢት #ዘይሓላፍነታዊ_ኣቦነት እዩ። ብዙሓት ህጻናት መንገዲ ዝኸዱ፣ ወልፊ ሓሽሽ፣ ገሊኦም ናብ ምንዝርና፣ ገሊኦም ናብ ምዝማት ብዙሓት እውን ኣብ ሕብረተሰብ ጸገም ኮይኖም ኩሎም ብሰንኪ ዘይሓላፍነታዊ ኣቦነትን ኣብ ገዛ ዘይርከቡ ኣቦታትን እዮም። ክቡራት የሕዋተይ (ኣቦታት) ደቅኹም ኣብ ምዕባይ፣ ክብርታት ኣብ ምምሃርን ብዘይ ቅድመ ኩነት ምፍቃሮምን ተሳተፉ።

❤️🌹 ኣብ መደምደምታ ንደቅኹም ብመንገዲ እግዚኣብሄር ኣምህርዎም እሞ መክበርትኩምን ምኡዝዛትን ክኮንልኩም እዮም። እግዚኣብሔር ኣምላክ ሓላፍነት ዝስምዖ ሰበኣይ ይሃብክን ኣሓተይ!ኣሜን።

ኣቦነት መዓርግ ኣይኮነን። ሓላፍነት እዩ።
እግዚኣብሄር ንኹሎም ሓላፍነታዊ ዝስመዖም ኣቦታት ይባርኽ💜💥

#አግኣዝያን_ትግራይ_ሚድያ

በስመ ኣብ ወወልድ ወመንፈስ ቅዱስ ኣሃዱ ኣምላኽ ኣሜን።
ሓሙስ 21 ጥቅምቲ በዚ ዕለት እዚ ጎይታናን ኣምላኽናን መድሓኒናን እየሱስ ክርስቶስ ክብሪ ምስጋና ይኹኖ ኣሜን። በዚ ወንጌል ቅዱስ ዮሓንስ ምዕራፍ 11:38--46 ዘሎ ቃለ እግዚኣብሔር ኣምላኽ ምስ እነንብብ ከምዚ ዝስዕብ ብምባል የስተምህረና ኣሜን ኣሜን ኣሜን።
** ጎይታ ንኣልኣዛር ካብ ሞት ከም ዘተንሰኦ **
38.ሽዑ ጎይታናን ኣምላኽናን መድሓኒናን እየሱስ ክርስቶስ ከም ብሓድሽ ጉድለት እምነቶም እንዳረኣየ ብልቡ ጎሃየ።ናብቲ መቓብር ከደ:እቲ መቓብር ከኣ ብእምኒ ዝተዓጽወ በዓቲ ነበረ።
39.ጎይታናን ኣምላኽናን መድሓኒናን እየሱስ ክርስቶስ ድማ ነዚ እምኒ ኣልዕልዎ በሎም። ማርታ ሓብቲ እቲ ሙዉት ድማ:ን ጎይታ ከምዚ በለቶ። ራብዕቲ ስለ ዝገበረ ፈጺሙ ጨንዩ እዩ በለቶ።
40.ጎይታናን ኣምላኽናን መድሓኒናን እየሱስ ክርስቶስ ድማ ከምዚ በላ። እንተ እሚንክስ : ክብሪ ኣምላኽ ክትርእዪ ኢኺ ዶ ኣይበልኩኽን በላ። ሽዑ ነቲ እምኒ ኣልዓልዎ።
41.ጎይታናን ኣምላኽናን መድሓኒናን እየሱስ ክርስቶስ ከኣ:ኣዕይንቱ ንላዕሊ ቋሕ ኣቢሉ ከምዚ በለ: ኦ ኣቦ ስለ ዝሰማዕካኒ ኣመስግነካ ኣለኹ በለ።
42.እዞም ኣብ ዙሩያይ ደው ኢሎም ዘለዉ ሕዝቢ ንስኻ ከም ዝለኣኽካኒ ምእንቲ ክኣምኑ ደኣ እየ እዚ ዝበልኩ እምበር: ኣነስ ኩሉ ሳብ ከም እትሰምዕኒ እፈልጥ እየ በለ።
43.እዚ ምስ በለ ዓው እሉ ብዓብይ ድምጺ ኣልኣዛር ኣልኣዛር ንዓ ውጻእ ካብ መቓብር በለ።
44.ሽዑ እቲ ሙዉት ብግንዙ ኣእዳዉን ኣእጋሩን ብእሱሩን ገጹ እውን ብዓለባ ተሸፊኑ ከሎ ወጸ። ጎይታናን ኣምላክናን መድሓኒናን እየሱስ ክርስቶስ ድማ: ፍትሕዎ እሞ ይኺድ ሕደጉዎ በሎም።
45. ሽዑ ካብቶም ናብ ማርያምን ማርታን ዝመጹ ብዙሓት ኣይሁድ: ነቲ ጎይታናን ኣምላኽናን መድሓኒናን እየሱስ ክርስቶስ ዝገበሮ ርእዮም ብእኡ ኣመኑ።
46.ገሊኦም ግና ናብ ፈሪሳውያን ከይዶም ከሰሱዎ። ነቲ ጎይታናን ኣምላኽናን መድሓኒናን እየሱስ ክርስቶስ ዝገበሮ ኩሉ ድማ : ነገሩዎም።ኣሜን ኣሜን ኣሜን።
ዓመታዊ በዓላት
1.ዓመታዊ በዓለ ፍልሰተ ስጋኡ ን ኣቦና ኣልኣዛር ሓወን ን ማርያን ማርታን ዘሃገር እስራኤል እዩ። ጸሎቱን ኣማላድነቱን ኣይፈለየና ኣሜን ኣሜን ኣሜን።
2. ዓመታዊ በዓለ ዕረፍቱ ን ኣቦና ቅዱስ ኣባ ዮሓንስ ሊቀ ጳጳሳት ዘሃገረ ቅድስት እየሩሳሌም እዩ። ኣቦና ቅዱስ ዮሓንስ ኣብ ኩሉ መዋእለ ሂወቶም ብ ቅድስናን ብ ትሕትናን እዮም ሓሊፎሞ። ኣብነት ናይ ጾምን ጸሎትን ስግዳንን ዝኾኑ ቅዱስ ኣቦ እዮም። መዓልታዊ ድማ መዝሙር ዳዊት ኣንቢቦም ይውድእዎ ነበሩ። ጸሎቶምን ጸጋ በረኸቶምን ኣይፈለየና ኣሜን ኣሜን ኣሜን።
3.ዓመታዊ በዓለ ዕረፍቱ ን ነብይ እዩኤል ጻዲቅ ወልደ ባቱኤል ዘሃገረ እስራኤል እዩ።መጽሓፈ ትንቢተ እዩኤል ምዕራፍ 2:1--8 ተመልከቱ። ኣሜን ኣሜን ኣሜን።
4.ዓመታዊ በዓል ዝኽሪ ኣዴና ቅድስት ድንግል ማርያም ን ሓዋርያ ቅዱስ ማትያስ ዝተራድኣቶ ዕለት እዩ። ሓዋርያ ቅዱስ ማትያስ ወንጌል ከስተምህር ክብል ተኣሲሩ ስለ ዝነበረ። ኣዴና ቅድስት ድንግል ማርያም ድማ ብ ኣማላድነታ ማዕጾ ቤት ማእሰርቲ ከፈተቱሉ። ካብ ቤት ማእሰርቲ ድማ ወጸ። ጸሎታን ኣማላድነታን ናይ ኣዴና ቅድስት ድንግል ማርያም ኣይፈለየና።ኣሜን ኣሜን ኣሜን።
ወርሓዊ በዓላት
1. ወርሓዊ በዓለ ዕረፍቱ ን ሓዋርያ ቅዱስ ጢባርዮስ ዘሃገረ እስራኤል እዩ። ሓዋርያ ቅዱስ ጢባሪዮስ ሓደ ካብቶም 72 ቅዱሳን ኣርድእት ናይ ጎይታናን ኣምላኽናን መድሓኒናን እየሱስ ክርስቶስ እዩ። ጸሎቱን በረኸቱን ኣይፈለየና ኣሜን ኣሜን።
2. ወርሓዊ በዓለ ዕረፍታን ቅዳሴ ቤታን ን ኣዴና ቅድስት ድንግል ማርያም እዩ። በዓለ ዕረፍታ 21 ጥሪ እዩ። ቅዳሴ ቤታ ድማ 21 ሰነ እዩ። ጸሎታን ኣማላድነታን ኣይፈለየና ኣሜን።
3.ወርሓዊ በዓለ ሰማእትነቶም ን ሓዋርያ ቅዱስ በርናባስን ሓዋርያ ቅዱስ ኣናሲሞስን እዩ። ሓዋርያ ቅዱስ በርናባስ ሓደ ካብቶም 72 ቅዱሳን ኣርድእት እዩ። ሓዋርያ ቅዱስ ኣናሲሞስ ድማ ወደ መዝሙር ናይ ሓዋርያ ቅዱስ ጳውሎስ እዩ። ጸሎቶምን በረኸቶም ኣይፈለየና ኣሜን ኣሜን ኣሜን።
ዝንበቡ ጠቕስታት
መዝሙር ዳዊት 45:9--10...ወንጌል ቅዱስ ሉቃስ 1:39--57..መልእኽቲ ጳውሎስ ናብ ሰብ ሮሜ 10:9--16..ካልኣይ መልእኽቲ ዮሓንስ 1:5--8...ግብሪ ሓዋርያት 2:14--22..መዝሙር ዳዊት 105:14--15..ወንጌል ቅዱስ ዮሓንስ 11:38--46 እዩ። ሰላም ናይ እግዚኣብሔር ኣምላኽናን ፥ ኣማላድነት ናይ ኣዴና ቅድስት ድንግል ማርያምን: ረዲኤት ናይ ኩሎም ቅዱሳንን ምስ ኩላትና ሕዝበ ክርስቲያን ይኹን ኣሜን።

#አግኣዝያን_ትግራይ _ሚድያ

#ኩሉ_ጊዜ_አብ_ሂወትና

#ተሪር_ሰብ_ኩን ማለት
ኣይትውደቕ ማለት ኣይኮነን እንታይ ደኣ ወዲቕካ ምትሳእ ልመድ ማለት እዩ።

#ስቕ_በል ማለት
ኣይትዛረብ ማለት ኣይኮነን እንታይ ደኣ ካልኦት ሰባት ክዛረቡ እንከለዉ ጽን በል ንምባል እዩ።

#በላዒ_ኣይትኹን ማለት
ምግቢ ኣይትብላዕ ማለት ኣይኮነን እንታይ ደኣ ዘይናትካ ናይ ሰብ ሓቂ ኣይትውሰድ ማለት እዩ።

#ኣይትሕረቕ ማለት
ስምዒትካ ኣይትግለጽ ማለት ኣይኮነን እንታይ ደኣ ካብ ሕርቃን ቀልጢፍካ ተመለስ ንምባል እዩ።

#ይቕሬታ_ግበር ማለት
ኣይተጎዳእኻን ማለት ኣይኮነን እንታይ ደኣ ቂምታ ምሓዝ ንባዕልኻ እዩ ዝጎድእ ንምባል እዩ።

#ንፀላኢኻ_ፍቶ ማለት
ፀላኢኻ ጥዑ እዩ ማለት ኣይኮነን እንታይ ደኣ ካብ ፅልኢ ንላዕሊ ፍቕሪ እዩ ዝሓይሽ ንምባል እዩ።

#ሕጉስ_ኩን ማለት
ኹሉ ይሃልውካ ማለት ኣይኮነን እንታይ ደኣ ብዘለካ ነገር ተሓጎስ ንምባል እንበር።

#ስራሕካ_ፍቶ ማለት
ትሰርሖ ስራሕ ፅቡቕ እዩ ማለት ኣይኮነን እንታይ ደኣ ፅባሕ ፅቡቕ ስራሕ መታን ክሕልወካ ሎሚ ትሰርሖ ዘለኻ ስራሕ ፍቶ ንምባል እዩ።

#ወረኛ_ኣይትኹን ማለት
ኣይትዛረብ ማለት ኣይኮነን እንታይ ደኣ ብዛዕባ ዘይትፈልጦ ነገር ኣይትዛረብ ንማለት እዩ።

#ንበይንኻ_ኣይትኹን ማለት
ጎይኻ ሓዳር ሓዝ ማለት ኣይኮነን እንታይ ደኣ ልብኻን ግዜኻን ዘለኻ ኩሉ ኣሕሊፍካ ንምሃብ ድልው ኹን ንምባል እዩ ።

#ሓቀኛ_ሰብ_ኩን ማለት
ሰባት ኣብ ዘለውሉ ቦታ ጥራይ ሓቂ ተዛረብ ማለት ኣይኮነን
እንታይ ደኣ ንባዕልኻ ዋላ ሓቀኛ ህይወት ይሃልወካ ማለት እዩ ።

#ኣይትበኣስ ማለት
ምስ ሰብ ኣይትጋጮ ማለት ኣይኮነን እንታይ ደኣ ቂምታ ሂዝካ ኣይትፅናሕ(ቂምታ አይትሓዝ) ማለት እዩ ።

#ኩሩዕ_ኣይትኹን ማለት
ነብስካ ኣይትእለ ማለት ኣይኮነን እንታይ ደኣ ንካልኦት ሰባት ኣይትንዓቕ ማለት እዩ።

ወስብሐት ለእግዚአብሔር
ወለ ወላዲቱ ድንግል
ወለ መሰቀሉ ክቡር አሜን/፫/

#አግኣዝያን_ትግራይ _ሚድያ

1.መዓልታዊ ተማሃር። ንቑሕ ንኽኸውን ሓንጎልካ ከተሰልጥኖ ኣለካ። መዓልታዊ ንምምሃር ኣብ መዓልቲ መጽሓፍ ምንባብ ኣየድልየካን እዩ። ካብ ጌጋታትካ ተማሃር። ካብ ከባቢኻ ዘለዉ ሰባት ተማሃር ነቲ ክምህሩኻ ዝኽእሉ ክፉት ኩን።

2. ቅድሚ ምድኻምካ ኣዕርፍ። ዋላ እኳ ስራሕካ ትፈትዎ፡ ነፍሲ ወከፍ መዓልቲ ድማ በዓል ትመስል እንተኾንካ፡ ግዜ ወሲድካ ከተዕርፍ ኣለካ። ሰብ ኢኻ ኣንድሮይድ ኣይኮንካን ከምኡ ምዃንካ ፈጺምካ ኣይትረስዕ።

3 . ኣይትፍረድ። ሰባት ካባኻ ዝተፈልየ ምርጫ ስለ ዝገብሩ ጥራይ ዓያሹ ኣይኮኑን። ከምኡ ውን ብዛዕባ ሰባት ኩሉ ስለዘይትፈልጥ ኣይትፍረዶም-ሓግዞም።

4. ብዛዕባ ካልኦት ሕሰብ። በቃ ኣእምሮኻ ምሓዝ፡ እዚ ጥራይ እዩ። ኩላትና ስድራቤት፡ ክንከፍሎ ዘለና ሕሳብ፡ ከምኡ’ውን ናይ ገዛእ ርእስና ጉዳያት ኣለና። ኩሉ ግዜ ኩሉ ብዛዕባ ገዛእ ርእስኻ ግበር።

#አግኣዝያን_ትግራይ _ሚድያ

በስመ አብ ወወልድ ወመንፈስ ቅዱስ አሐዱ አምላክ አሜን።
ሰናይ ለይቲ ይግበረልና ክቡራተይ😇

✟ #ዝተባረከት ዓይኒ ቃል ኣምላኽ ንምንባብ ዝተጸመደት እያ ።

✟ #ዝተባረከት እዝኒ ናይ ንስሃ መዝሙር ብምድማጽ ትሕጎስ
✟ #ዝተባረኸት ጎሮሮ ዝተቀደስ ማይ ይወርደላ ፣

✟ #ዝተባረኸት መልሓስ ናይ ኣምልካ ቅዱስ ስጋ ክቡርን ደምን ትቅበል ፣

✟ #ካብ ዝተባረኸት ኣንደበት እግዚሐብሔር ይመስገን ዝብል ቃል ኣይጠፍእን ፣

✟# #ዝተባረኸት ክሳድ ብደም ክርስቶስ ዝተቀደስ ቅዱስ መስቀል ትሽከም ፤

✟ #ዝተባረኸት ልቢ ኢየሱስ ክርስቶስ ፣ ድንግል ማርያም ኣንጊሳ ብፍቅሪ ትምላእ፤

✟ #ዝተባረኸት ኢድ ዝቀረበላ ምግቢ ብስም ሥላሴ ትባርኽ፤

✟ #ዝተባረኸት እግሪ ንጉሆን ምሸትን ቤተክርስቲያን ትመላለስ ፣


#አግኣዝያን_ትግራይ _ሚድያ

♈ምስጢራት ድልዱል ዝምድና ምህላው

ኩሉ ሰብ ኣዝዩ ሕጉስ ፍቅሪ ክህልዎ ይሓልም። ዝኾነ ይኹን ብዘየገድስ ዘፍቅረካ ሰብ ትደሊ፣ ምስኡ ክትዘናጋዕ ትደሊ ልዕሊ ኩሉ ድማ ሕጉስን ዕግበት ዘለዎን ህይወት ክትካፈል ትደሊ።
ምስ መጻምድትኻ ፍቕራዊ ህይወት ርክብ ክህልወካ እንተደሊኻ፡ ክልቴኹም ነዚ ዝስዕብ ልምድታት ክትክተሉ ይግባእ።

🔰 ኣብ ፍቅርኹም ወፍሪ ግበሩ፤
ብዛዕባ ፍቅሪ ምፍታሕ ግርጭታትን ናይ ምዝርራብ ክእለትን ዝገልጽ መጻሕፍቲ ምንባብ ንፍቅርኩም ክሕግዞ ይኽእል እዩ። ኣብ ፍቅርኹም ብዝያዳ ወፍሪ ብዝገበርኩም መጠን፡ ዝያዳ ዋጋ ክህልዎ እዩ። ልዕሊ ዅሉ ድማ ካብቲ ንኻልእ ሰብ እትሕዞ ንላዕሊ ንመጻምድትኻ ዝሓሸ ኣተሓሕዛ ግበረሉ።

🔰ብግልጽነት ምዝርራብ፤
እመኑ ኣይትእመኑ፡ ምዝርራብ ሕጉስ ፍቅሪ ንኽህልወና መፍትሕ እዩ። ምትእስሳር ፈጺምካ ኣይተቋርጽ። ኣብ ሓደ ገጽ ጽናሕ። መጻምድትኻ ኩሉ ግዜ ከመይ ከም ዝስምዓካ ከም ዝፈልጥ ኣረጋግጽ። ንጹር ርክብ ንፍቅርኹም ክትገብሮ እትኽእል ዝበለጸ ነገር ምዃኑ ብዘየማትእ መንገዲ ግለጽ።
ኩሉ ግዜ ብዛዕባ እንታይ ከም እትደልን እንታይ ከም እትጽበን ንጹር ምዃንካ ኣረጋግጽ። ጽቡቕ ርክብ ንፍቅሪ ዕዉት ዝገብሮ ምዃኑ ኣይትረስዕ።

🔰ተስፋ ኣይትቑረጽ፤
ኣብ ጽቡቕን ሕማቕን እዋን ንመጻምድትኹም ንዘልኣለም ከተፍቅሩ ቃል ትኣትዉ ኢኹም። ሓደ ሓደ ግዜ ግን እቲ ሕማቕ ካብቲ ጽቡቕ ኣዝዩ ይበዝሕ እሞ ፍቅሪ ይፈርስ። ይኹን እምበር: እቲ ሕጉስ ፍቅርኹም ንዘለኣለም ንኽጸንሕ ክትገብሮም እትኽእል ነገራት ኣሎ። ጽቡቕ ግዜ፡ ሕማቕ ግዜን ካልእን ኣሎ። እቲ ጽቡቕ ካብቲ ሕማቕ እንተበዚሑ፡ እንተወሓደ ብቑሩብ ፍቅሪ ክህሉ እዩ። ነቲ ጽቡቕ ብዝያዳ ኣድኒቕካ ነቲ ሕማቕ ክጥወየሉ ብዝፈተንካ መጠን፡ ንዓኻ ዝቐለለ ክኸውን እዩ፡ ንመጻምድትኻ ድማ ዝያዳ ፍቕርን ምትእስሳርን ክስምዓካ እዩ።

🔰ምስማዕ ተማሃር፤
ምስ መጻምድትኻ ድልዱል ዝምድና ክትሃንጽ እንተደሊኻ፡ ውሑድ ምዝራብን ዝያዳ ምስማዕን ኣገዳሲ እዩ። ኩሉ ግዜ መጻምድትኻ ዝብሎ ዘሎ ከተቕልበሉ ኣገዳሲ እዩ። ንመጻምድትኻ መዓልቱ ከመይ ከም ዝዋዓለ ሕተቶ እሞ ብዛዕባ መዓልቱ ክዛረብ ከሎ ስምዓዮ።

🔰 ውልቃዊ ህይወትካ ብሕታዊ ግበር፤
ርክብካ ኣብ ማሕበራዊ መራኸቢታት ምስ እተቐምጦ፡ ሰባት ናብ ርክብካ ትዕድም። ውልቃዊ ጉዳያትካ ብሕታዊ ግበር። ኣብ መንጎኻን ኣብ መንጎ መጻምድትኻን ዝህሉ ርክብ እምበር ኣብ መንጎኻን ኣብ መንጎ መጻምድትኻን ህዝብን ኣይኮነን። ሕጉስ መዓልታትካ ምስ መጻምድትኻ ወይ ገለ ምቁራት ስእልታት ኣብ ናይ ፌስቡክ ወይ ኢንስታግራም ኣፕካ ከተካፍል ትኽእል ኢኻ ግን ኣድላዪ ኣብ ዝኾነሉ እዋን መስመር ምስኣልካ ኣረጋግጽ።

🔰ነገራት መዓስ ከም ዝንሳፈፉ ምፍላጥን ግርጭታት ከመይ ጌርካ ከም እተመሓድርን ምፍላጥ፤
ንኣሽቱ ነገራት ብምግዳፍ ኣብ ምዝርራብኩም ንዝፍጠር ተደጋጋሚ ግርጭት ንምንካይ ዝሕግዙ መንገድታት ምድላይ ምስ መጻምድትኹም ዝያዳ ድልዱል ዝምድና ንምህናጽ ይሕግዘኩም። ኣብ ምዝርራብ ክትዕ ንቡር እዩ ግን ኣብ እዋን ባእሲ ንመጻምድትኻ ፈጺምካ ከምዘይትጸርፍ ከተረጋግጽ ይግባእ። ኩሉ ግዜ ኣብ እዋን ባእሲ መጻምድትኻ እንታይ ከም ዝብል ስምዓዮ።

🔰ተወፋይነት፤
ምስ መጻምድትኻ ድልዱል ዝምድና ክህልወካ እንተደሊኻ ተወፋይነት ኣዝዩ ኣገዳሲ እዩ። መጻምድትኻ ክህልዎ ዝኽእል ጉድለታት ብዘየገድስ ምስ መጻምድትኻ ክትጸንሕን እቲ ዝምድና ከም ዝሰርሕን ክትውስን ኣለካ። መብጽዓኦም ብቃልን ብግብርን ዘሐድሱ መጻምድቲ ናብ ዝጠናኸረ ዝምድና ኣብ መንገዲ ይርከቡ።

🔰ናይ ክልቴኻ ግዜ ምህላው፤
ድልዱል ዝምድና ክትሃንጽ እንተደሊኻ ምስ መጻምድትኻ ጽሬት ዘለዎ ግዜ ምሕላፍ ኣገዳሲ እዩ። ንሓቢርካ ዝጸንሕ ግዜ መተካእታ የብሉን። ክሳብ ክንደይ ትሑዝ ብዘየገድስ፡ ኩሉ ግዜ ምስ መጻምድትኻ ብሕት ኢልካ ናይ ምዝርራብ ግዜ ይሃሉኻ።

🔰 ምሉእ ብምሉእ ግሉጽነት ይሃሉኻ፤
ኣብ ድልዱል ዝምድና ዘለዉ መጻምድቲ ምስጢር የብሎምን። ምስ መጻምድትኻ ድልዱል ዝምድና ክትሃንጽ እንተደሊኻ ምስ መጻምድትኻ ምሉእ ብምሉእ ግሉጽ ክትከውን ኣለካ። ድልዱል ዝምድና እንተደሊኻ ኣብ ርክብካ ብሕትውና ኣየድልየካን እዩ።

🔰ንመጻምድትኻ ኣመስጋኒ ኩን፤
ንዓበይቲ ፍጻመታት ናእዳ ክትዕቅብ እኣየድልየካን እዩ፣ ንመጻምድትኻ ምምስጋን ስሩዕ ተርእዮ ግበሮ። ንመጻምድትኻ ከተሞግስ ከለኻ፡ ፍሉይን ሞጎስን ከም ዝስምዖን ግበር፡ እዚ ድማ ድልዱል ዝምድና ንምህናጽ ይሕግዝ።

🔰"የፍቅረካ እየ" ምባል ፈፂምካ ኣይተቋርጽ፤
ምስ መጻምድትኻ ድልዱል ዝምድና ክትምስርት እንተደሊኻ እዘን ሰለስተ ንኣሽቱ ቃላት "#የፍቅረካ እየ" ኣገደስቲ እየን። መዓልትኻ ክንደይ ነዊሕ ወይ ከቢድ ብዘየገድስ፡ ኩሉ ግዜ ንመጻምድትኻ ክሳብ ክንደይ ከም እተፍቅሮ ብምንጋር መዓልትኻ ዛዝማ። "#የፍቅረካ" ብዝብል ቃላት መዓልትኻ ዛዝማ።

🔰ብኸመይ ክትዋጽኣሉ ከም እትኽእል ተማሃር፤
ድልዱል ዝምድና ክትሃንጽ እንተደሊኻ፡ ረብሓታት ምድምማጽ ክትርዳእ ኣለካ። ኩሉ ግዜ መጻምድትኻ ዝደልዮ ክትገብር ዘይትደሊ ትኸውን፡ ንመጻምድትኻ ኣገዳሲ እንተኾይኑ ግን ብፍሽኽታ ኣተግበሮ።
፦ ምስ መጻምድትኻ ተሓጐስ ኣብ ነንሕድሕድካ
ዘለካ ፍቕሪ ካብ ሓይሊ ናብ ሓይሊ ክዓቢ ተዓዘብ።


#አግኣዝያን_ትግራይ_ሚድያ

💥 ❝አብ ዓለም ክንነብር ከለና ክልተ ሓሳባት ወርቃውያን ዝኾኑ ሓቅታት አለዉ❞
1. አብዚ ዓለም ክናኽብሮም ዝግባእ፤
➣ ወለድን ፤
➣ መምህራንን ፤

2. አብዚ ዓለም ክንርሕቖም ዝግባእ ፤
➣ ኃጢአት ምስራሕን ፤
➣ ቂም ምሓዝን ፤

3. አብዚ ዓለም ክንሕልዎም ዝግባእ ፤
➣ እምነትን ፤
➣ ሠናይ ምግባር ፤

4. አብዚ ዓለም ክህልዉና ዘይግባእ ፤
➣ ሓሜትን ፤
➣ ሕማቕ ምስራሕን ፤

5. አብዚ ዓለም ክንውንኖም ዝግባእ ፤
➣ ፍልጠትን ፣
➣ ትሕትናን ፤

6. አብዚ ዓለም ክንዓልዮም ዝግባእ ፤
➣ ትዕቢትን ፤
➣ ምትላልን ፤

7. አብዚ ዓለም ክንከናኽኖም ዝግባእ ፤
➣ ስድራ ቤትናን ፤
➣ መጻኢናን ፤

8. አብዚ ዓለም ክንቆፃፀሮም ዝግባእ ፤
➣ መልሓስናን ፤
➣ ድሌታትናን ፤

9. አብዚ ዓለም ትኹረት ክንገብረሎም ዝግባእ ፤
➣ አድማፂ ምኻንን ፤
➣ ዘረባ ምቕናስን ፤

10. አብዚ ዓለም ከናዕብዮም ዝግባእ ፤
➣ ፅቡቅ ጠባይን ፤
➣ ፅቡቅ ሥነ ምግባርን ፤

11. አብዚ ዓለም ዝዓበዩ ህያብ ዝኾኑ ፤
➣ ጥዕናን ፤
➣ ውላድን ፤

12. አብዚ ዓለም ክንዝክሮም ዝግባእ ፤
➣ ገነትን ፤
➣ ሲኦልን ፤

13. አብዚ ዓለም ክንዓልዮም ዝግባእ ፤
➣ ሕመቕን ፤
➣ ሌብነትን ፤

14. አብዚ ዓለም ክናፍቅሮም ዝግባእ ፤
➣ ፈጣሪናን ፤
➣ ብፃይናን ፤

15. አብዚ ዓለም ክንልውጦን ዘይንኽእሎም ፤
➣ መዓልትን ፣ ለይትን ፤
➣ ብርሃንን ፣ ፀልማትን ፤
➣ ነዊሕን ፣ ሓፂርን ፤
➣ ቀይሕን ፣ ፀሊምን ፤
➣ ርሑስን ፣ ደረቕን ፤
➣ ለወሃን ፣ ክፉእን ፤
➣ ጥዑምን ፣ መሪርን ፤
➣ በረኸትን ፣ ርግማንን ፤
➣ ዝሑልን ፣ ትኩስን ፤
ከምኡ እናበለ ይቕጽል ንወዲ ሰብ አብዚ ዓለም ዝገጥምዎ ነገራት እዮም ።

💥 ሃይማኖትን ሁማኒትን(Humanity) ብበይኖም እዮም ። ሃይማኖት ኣለና ኢና ንብል ሰባት ኣብ ክፉእ ስራሕ ክንዋፈር እንውዕል ሰባት በዚሕና ኢና ዘለና ይመስለኒ ። እቶም ሃይማኖት ዘይብሎም ግና ከዓ ድማ እቲ እግዚአብሔር ዝብሎ ግብሪ ዝገብሩ እንተ ደኣ ኮይኖም እቲ እግዚአብሔር አምላክ ንመን እዩ ዝቐርብ ። ነቶም ኣይነምልኸካን ኢና ዝብሉ ሰባት ግና ከዓ ግብርታቱ ዝፍጽሙ ዶስ? ወይ ድማ ነቶም ነምልኸካ ኢና እንዳበሉ ግብርታቱ ዘይፍጹም ዘይተግብሩ? እዛ ሕቶ እዚኣ ንኹልና እያ ከመይ ትርእይዋ?

💥 ፈጺምካ ከተደናግሮ ዘይትኽእል ፣ ፈጺምካ ክትክሕዶ ዘይትኽእል ጻድቅ ግና ከዓ ናይ ሕይወትካ ብፃይ እንተ ደኣ ሃልዩ «ኅሊናኻ’ዩ»። ኅሊና ሓቀኛ’ዩ’ ኅሊና ጻድቅ’ዩ ። ኅሊና ዓሌት ፣ ኣውራጃ ፣ ብሔር ፣ ቋንቋ ፣ ሕብሪ ቆርበት ፣ ከይፈለየ ምሉእ መዓልቲ ክትገብሮ ዝወዓልካ ፣ ግብሪ ለይቲ ምስ ደቀስካ ኣብ እዝኒ ቅርብ ኢሉ ሕሹኽ ዝብል’ዩ ኅሊና ። ብፍጹም ኣይፈርሓካን እዩ ። ግና አብ ጎንኻ ኮይኑ ብሓቂ ዝምጉት ሰብ ኅሊና’ዩ ። እዞም ደቀይ ንባብ እንፍተው ።

© እምነቶሙ ለአበው 🌿🌿🌿ዕለት 9/2/2017 ዓ.ም

#አግኣዝያን_ትግራይ_ሚድያ

https://youtu.be/0lwCY2LIfzA?si=DHvbMNw-z5awlVVd

ቃላት ቅዱሳን፣
ኣእምሮኹም ስም ኣምላክ ብምጽዋዕ እንተነቂሑ ክዋግእኹም ዝሓሰቡ ጸላእትኩም ክፈርህኹም እዪም።( ቅዱስ ኤጲፋንዮስ )

ብፍትወት ሎሚ እትጽልዮ ጸሎት ወላካ እንተዘይተረደኣካ ኣብ ዝርያኻ ዘለው ኣጋንንቲ ግና እናተረደኦም ካብ ዝርያኻ ከልግሱ እዮም እሞ ከየቓረጽካ ጸሊ።( ቅዱስ ዮሓንስ ኣፈወርቅ )
1"ተሰ- 5፣17

¶ ፍረ ሸለል ምባል ሕማቅ እዩ፡፡
ፍረ ጸሎት ግና ብዙሕ ጸጋታት ኣለዎ።
እዚ ከኣ ኩሉ ሳዕ ንጸሎት ዝነቕሕ ሰብ ስም ኣምላክ ይጽውዕ፡ስም ኣምላክ ብምጽውዑ ከኣ እከይ ስርሑ ይዕገት። ( ማር ኤፍሬም )

¶ቅዱስ ኣባ ኣጋቶን ክሓትዎ ከለው_ >>> _ዝዓበየ ጸጋ ኣብ ገድሊ እንታይ እዩ በልዎ_? ንሱ ከኣ""""" ኩሉ ግዜ ናብ እግዚኣብሄር ክትጽሊ ምስ እትደሊ እዩ እቲ ዝዓበየ ገድሊ፡ምኽንያቱ ዝኾነ ሰብ ክጽሊ ምስ ዝደሊ ሰይጣን ክዕንቕጾ ይመጽእ ሓይሊ ኣጋንንቲ ዘድክም መሳርሒ ጸሎት ስለ ዝኾነ ኩሉ ግዜ ኣብ ቅድሚ እግዚኣብሄር ምጽላይ ንሰይጣን ሓደገኛ ሰለ ዝኮነ ሰይጣይ ኣይቐስንን።

¶ሕይወት ምስ እግዚኣብሄር ግን ከኣ ብዘይ ጸሎትስ ከም ሕይወት ብዘይ ትርግታ ልቢ ማለት"ዩ።
ጸሎት ዘየዘውትር ሰብ ከምቲ ናብ ዝወስድዎ ዘይፈልጥን ብርሃን ከይረኣየ ብሕብርታት ክካታዕ ዝውዕል ዓይነ ስውር ይመስል። ( ቅዱስ ኣባ ዘሲማስ )

*ኣቱም ምእመናን ነቲ ኣብ ልዕሊ መስቐል ደው ኢሉ ( +"ተሰቂሉ "+ ) ምእንታና ደሙ ዘፍሰሰ እግዚኣብሄር ወልድ ተገዝእሉ ከየቃረጽኩም ስሙ ጸውዑ፡ስም ኣዲኡ ድማ ካብ ስሙ ከይትፈልዩ*።
( ኣባ ቅዱስ ጊዮርግስ ዘጋስጫ )

¶ _ስም ኣምላክ ካብ ምጽዋዕ ብፍጹም ኣይተቃርጽ፡ ምክንያቱ ከተቃርጽ ከለኻ ክውሕጡኻ ዝደልዩ ኣጋንንት ስለዝለዓሉ_።
ሰማያዊ ነገራት ዝደሊ ምድራዊ ነገራት ኣይናቱን እዩ
።
_ኣምላክ ቐልጢፉ ዝሰምዖን ደስ ካብ ዝብሎን ነገር ሰብ ብውድቐቱ ዝልምኖ ምሕረት እዩ።
( ቅዱስ በኻምዮስ )

< ልብኻ ብብርሃን ኣምላክ ምእንቲ ክምላእ ኩሉ ግዜ ንጸሎት ኣፍቅራ፡ሕስረተይ ብጸሎት ይቅንጠጥ፡ካልእ በሪ ናይ ንስሓ ከም ዘሎ ድማ ይሕብረኒ>።
<ካብ ፈተና ሰይጣን ከኣ የናግፈኒ>፡<ጸሎት ዘየዘውትር ሰብ ካብቲ ዕውር ብርሃን ክርኢ ዘይክእል ኣይፍለን እዩ>።

* <ፍቅሪ ኣምላክ ናይ ህይወትና ጨው እዩ>።<ብጸሎት ድማ ፍቅሪ ኣምላክ ይበዝሓልና ፡በዚ ጨው እዚ ድማ ህይወትና ይምቕር"ሞ ጥዑማት መግቢ ንኣምላክ ንኸውን>።ጸሎት ክብል እንከለኹ፡ልባዊ ዘይኮነን ናይ ልማድ ጸሎት ወይ ሰዓት ኣኪሉ ጥራይ ኢልካ ካብ ልቢ ዘይነቐለ ዝቐርብ ኣይኮነን፡ነቲ ካብ ልብን ብሓቅን ብሂግካ ዝቐርብ ጸሎት ለይትን መዓልትን እትውንኖ ናይ ሕልና ኪናት ማለተይ እምበር። ( ቅዱስ ዮሓንስ ኣፈወርቕ )

* <ንቅድስቲ ድንግል ማርያም ኣዚኻ ካብ ምፍታው ኣይትፍራህ፡ ወዳ ኢየሱስ ክርስቶስ ካብ ዝፈትዋ ንላዕሊ ክትፈትዋ ኣይትኽእልን ስለ ዝኾንካ>።
( ቅዱስ ያዕቆብ ዘስሩግ )

ወስብሐት ለእግዚአብሔር!!!

ቃላት ቅዱሳን



#አግኣዝያን_ትግራይ _ሚድያ

ልዕሊ ኹሉ ግን....

✅ምስ መን ከም ትነብር ምረጽ::

✅ ህይወት ምርጫ እያ፡ ልዕሊ ኹሉ ግን ጥበብ እያ።

✅ ፍቕሪ ጥዑም እዩ፡ ልዕሊ ኹሉ  ሩፋታ እዩ።

✅ምንባር ጻዕሪ እዩ፡ ልዕሊ ኹሉ ግን ምስትውዓል እዩ።

✅ተስፋ መንደቕ ህይወት እዩ፡ ልዕሊ ኹሉ ግን ናይ መጻኢ ብርሃን እዩ።

✅ልቦና መንፈሳዊ ሓይሊ እዩ፡ ልዕሊ ኹሉ ግን እሙን ጓሳ እዩ::

✅ትምህርቲ ሃብቲ እዩ፡ ልዕሊ ኹሉ ግን ዕቤት እዩ።

✅ ክብረትካ ንሰባት ኣሕሊፍካ ኣይትሃብ፡ ልዕሊ ኹሉ ግን ግዜኻ ::

✅ ኣብ ልብኻ ቂምታ ኣይትሓዝ፡ ልዕሊ ኹሉ ግን ክፋእ ኣይትሕሰብ።

✅ሰማዒ ኹን፡ ልዕሊ ኹሉ ግን ተረዳኢ ኹን ::

#አግኣዝያን_ትግራይ _ሚድያ

1, እትደልዮ ንምርካብ እንተዘይተጋዒዝካ፡ ክትውንኖ
ኣይትኽእልን ኢኻ።

2, ማዕጾታት ብዘይ መፍትሕ ኣይስርሑን እዮም፡
ብተመሳሳሊ ኣምላኽ ጸገማት ብዘይ መፍትሒ ኣይህበካን
እዩ። ተዓገስ!

3, ኣብ ህይወትካ ንዝኾነ ሰብ ኣይተማርሮ፡ ንፉዓት
ሰባት ሓጎስ ክህቡኻ እንከለዉ፡ ሕማቃት ሰባት ተመክሮ
ይምህሩኻ፡ ዝኸፍኡ ሰባት ኣርእስቲ ይፈጥሩልካ፡ እቶም
ዝበለጹ ሰባት ከኣ ተዘክሮታት ይገድፉልካ።

4, ዕርክነት ምስ ብሉጻት ሰባት ልክዕ ከም ተኽሊ ሽኮር
እዩ። ክልሕጸጽ፡ ክቅንጠብ፡ ክቁረጽ፡ ክፍንጨል፡ ክምንቆስ፡
ክጠሓን ይኽእል እዩ፡ መቐረቱ ግን ፍጹም ኣይልወጥን
እዩ'ሞ ምስ ብሉጻት ሰባት ተጋዓዝ።

5, ኣብ ህይወትካ ንዘጋጠመካ ሕማቕ ነገራት ከተመስግን
ኣለኻ፡ ምክንያቱ ቅድሚ ሕጂ ኣድህቦ ዘይሃብካዮም ነገራት
ክትዕዘብ ስለ ዝኽኣለካ።

6, ሓደ ሓደ ግዜ ኣብ ውሽጥኻ ምስ መንነትካን እምነትካን
ክትመውት ክትክእል ኣለኻ፡ ሓያልን ውርዙይን መንነት ሒዝካ
ከም ብሓድሽ ክትውለድን ክትንስእን ግን ኣለኻ።

7, ካብ ምስ እኩባት ብጌጋ መንገዲ ዝኸዱ ሰባት ምጉዓዝ፡
ንበይንኻ ብቅኑዕ መስመር ምጉዓዝ ይበልጽ።

8, ምስ ሕሉፍካ ተዓረቅ፡ መታን ነዚ ዘለኻዮ ህይወት
ከይብርዞ።

9, ንህይወትካ ምስ ናይ ካልኦት ህይወት ኣይተነጻጽራ፡ ኩሉ
መንገድታት ህይወት ስለ ዘይብጻሕ።

10, ፍሽኽ በል! ኣስተውዕል! ኣብ ዓለም ንስኻ ጥራይ
ኣይኮንካን ጸገም ዘለካ።


#አግኣዝያን_ትግራይ -ሚድያ

https://youtu.be/J12KVGjYMho?si=v1zNzXksit5__GyN

ጥቅምቲ 4 ዓመታዊ በዓል ቅዱሳን አብርሃ ወአጽብሃ

በስመአብ ወወልድ ወመንፈስቅዱስ አሐዱ አምላክ አሜን/፫/

እንዃዕ ናብ ቅዱሳን ነገሥታት "አብርሃ ወአጽብሃ" ዓመታዊ ናይ ዕረፍቲ በዓሎም ብሰላም አብጸሓና አብፀሐኩም

ቅዱሳን_አብርሃ_ወአጽብሃ

እዞም ነገሥታት ሞጎስናን: ብርሃንናን እዮም እሞ ደስ እንዳበለና ንፈትዎምን: ነኽብሮምን:: ቅድሰተ ሰላሴ መሪጸሞም ሎሚ ንዘለናዪ ሂወት መሰረት ገዲፎም ሓሊፎም እዮም::

እዞም 2ተ ቅዱሳን ነግሥታት መንታ ክኾኑ ከለዉ ወለዶም ንጉሥ ታዜር / አይዛና / ሰይፈ አርዕድን ንግሥት አሕየዋ / ሶፍያ ይበሃሉ:: ንጉሥን በዓል ቤቱን ቆልዓ ብዘይ ምህላዎም ናብ እግዚአብሔር ለመኑ:: ፈጣሪ ድማ ብናይ ቅዱስ ሚካኤል ኣብሳሪነት 2 ዑንቂ ኣረከቦም::

ንግስቲ አሕየዋ (ሶፍያ ድማ) መጋቢት ዕለት 29 ኣብ 311 ዓ,ም ጸኒሳ: ታሕሳስ ዕለት 29 ኣብ 312 ዓ,ም ን2ቲኦም ቅዱሳን ወለደቶም:: "ኣምላክ ንዕቀተይ ኣርሓቀለይ" ክትብል ድማ "አዝጉዋጉ" በለቶም:: እዞም 2 ፍሬ ኣብቲ ወቅቲ ሊቀ ካህናት ካብ ዝነበረ እንበረም ኦሪት ጠንቂቆም ተመሃሩ::

ካብ እግዚአብሔር ዝተዋሃቡ እዮም እሞ ኣብ 12 ዓመቶም ናብ ቤተ መቅደስ ኣተዉ:: ቅሩብ ጸኒሑ ግን ኣቦኦም ታዜር ስለ ዝዓረፈ ህዝቢ ን2ቲኦም ቅዱሳን "ንገሱልና" በልዎም:: ንሶም ድማ "ንሕና ናይ ፈጣሪ ኣገልገልቲ ኢና እሞ ኣይንኽእልን" ብምባሎም ንዝተወሰነ ግዜ ኣደኦም ኣማሓደረት::

ድሕሪኡ ግን ቅዱስ ሚካኤል ንሊቀ ካህናት እንበረም "ናይ ፈጣሪ ፍቃዱ ስለ ዝኾነ ኣይትሕዘኑ:: 2ቲኤኹም ኣብ ሓደ ዙፏን ንገሱ: ዓቢ ጸጋ ነዛ ሃገር ክኸውን እዩ በሎም" በሎ::

ሊቀ ካህናት እንበረም ድማ ዝተኣዘዞ ተዛሪቡ: ኣብ 19 ዓመቶም: ን2ቲኦም ኣብ ልዕሊ ሓደ ዙፋን "ነገሥተ ኢትዮዽያ" ክብል ኣቀሚጡ ቀበኦም:: ስሞም ድማ "ኢዛና" / "ሳይዛና" በሎም:: እዞም ቅዱሳን ምስ ነገሱ ዝቀደመ ስራሖም ዝቀንዐት ሃይማኖት ምድላይ ኮነ::

ናይቲ ወቅቲ ፍሬምናጦስ (ድሕሪኡ አቡነ ሰላማ ክሳቴ ብርሃን ዝተበሃሉ) ኣብ ውሽጢ ቤተ መንግስት ናይ ቀረባ ኣማኻሪ ስለ ዝነበረ ጸዊዖም ኣዛራረብዎ:: "ኣንታ ሓውና! ክርስቶስ ክወርድ: ክውለዱ እዩ ተባሂሉ ዝተቆጸረ ሱባኤ እኮ ሓሊፉ እዩ:: ንምንታይ ደኣ ዘይመጸ? እቲ ሓቀኛ ምሥጢር ንገረና" በልዎ::

ቅዱሰ አቦና አባ ሰላማ ክሳቴ ብርሃን ድማ ኣትቶ: ኣመስጢሩ: ቅድሚ 300 ዓመታት ኣምላክ ሰብ ከም ዝኾነን ዓለም እውን ከም ዘድሓነን መሃሮም:: "ኣጥምቀና?" እንተበልዎ "ኣይክእልን" በሎም:: ንሶም ምስ ብዙሕ ውህበታት ናብ ግብጺ ለኣኽዎ::

ቅዱስ አትናቴዎስ ድማ ንፍሬምናጦስ "አቡነ ሰላማ" ኢሉ ምስ ብዙሕ መጻሕፍቲ ለኣኾ:: ኣብ መጀመርታ ኢዛናን ሳይዛናን ተጠመቁ:: ስሞም ድማ "አብርሃ ወአጽብሃ" ተበሃለ:: ቀጺሎም ድማ ሰራዊቱን ህዝቡን ተጠመቁ::

ሃገርና ድማ ብምኽንያት እዞም ቅዱሳን ካብ ጸልማት ናብ ብርሃን መጸት:: ናይ ክርስትና ደሴት ኮነት:: ሃገረ እግዚኣብሔርነታ ድማ ኣጽነዐት:: እዞም ቅዱሳን ድሕሪኡ ብሞገስ ክርስትና ምእንቲ ከስፋሕፍሑ ደኸሙ:: ልዕሊ 154 ኣብያተ ክርስቲያናት ክሃንጹ ከለዉ መብዛሕቲኡ ዝተፈልፈለ ነበረ::

ብፍላይ ግን ኣብ ከተማ ኣክሱም ዝሃነጽዋ 12 ቤተ መቅደስ ዝነበራ ናይ ጽዮን ቤተ ክርስቲያን ክትሪኣ ተናፍቅ እያ:: እዛ ቤተ ክርስቲያን ኣብ 10ይ ክፍለ ዘመን ዮዲት ጉዲት ብእሳት ኣውዲማታ እያ:: መሰረቱ ግን ክሳብ ሎሚ ኣሎ::

ቅዱሳን አብርሃ ወአጽብሃ ግን ክርስትና ንምስፍሕፋሕን መንግስት ንምጽናዕን ክብሉ ካብ ኣክሱም ብተወሳኺ ኣብ ሽዋ እውን ዙፋን ዘርገሑ:: ንብዙሕ ዓመታት ድማ ኣምላክ ብዝፈቀዶ መንገዲ ክሳብ የመን ገዝኡ:: ክርስትና እውን ኣስፋሕፈሑ::

ኣብርሃ ካብ ዝውለድ ኣብ 52 ዓመቱ: ኣብ 364 ዓ,ም ጥቅምቲ 4 ክዓርፍ ከሎ ሓዉ ን15 ዓመታት ንበይኑ ኣማሓደረ:: ኣብ 379 ዓ,ም ድማ ብተመሳሳሊ ጥቅምቲ 4 ቅዱስ ኣጽብሃ ካብ ዝውለድ ኣብ 67 ዓመቱ ብኽብሪ ዓረፈ::

ካብ ልዕሊ ናይ ክልቲኦም መቃብር ድማ ን30 መዓልቲ ናይ ብርሃን ምሰሶ(ዓምዲ) ተተኺሉ ተራኣየ:: ጎይታና ድማ ብዘይሕሶ ቃሉ "ስምኩም ዝጸውዐ: በዓልኩም ዝገበረ ክምሕረልኩም እየ" ክብል ቃል ኪዳን ኣተወሎም።

ናይ እግዚአብሔር ምሕረት ናይ ቅዱሳን አብርሃ ወአጽብሃ በረከት ይሕደረና ንዓመታ ከምዙይ እውን እዚ ጸልማት ናይ ሓዘን እዋን ሓሊፉ ብሰላም ብጥዕና አብ ቅዱሰ) ገዳሞም ንብዕሎ ይግበረና አሜን/፫/

ምንጩ፦ስንክሳር ጥቅምቲ 4

ወስብሐት ለእግዚአብሔር
ወለ ወላዲቱ ድንግል
ወለ መሰቀሉ ክቡር አሜን/፫/

#አግኣዝያን_ትግራይ _ሚድያ

ካብ ሰለሰተ ነገራት ተጠንቀቅ?
👉ካብ ወልፊ!
👉ካብ ቅንኢ!
👉ካብ ትዕቢት!
ሰለሰተ ነገራት ተጠቀምሎም?
👉ንአሰነት!
👉ንግዚየ!
👉ንዕዱል!
ብሰለሰተ ነገራት ኣትመካሕ?
👉ብሓይሊ!
👉ብፋልጠት!
👉ብሃብቲ!
ንሰለሰተ ነገራት ተዳሎ?
👉ንዓወት!
👉ንውደቀት!
👉ንምት!
ንሰለሰተ ነገራት ኣትታሃወክ?
👉ንምዝራብ!
👉ንመብፃዓ!
👉ንናአዳ!
#አግኣዝያን_ትግራይ -ሚድያ

https://youtu.be/64pAMGU6E_A?si=3diDiDFfgSrwFnp5

""ዓቅሊ ""

✔️ዓቅሊ ማለት ክትጽውዓ ቀላል ግን ድማ ኣብ ዉሽጣ ብዙሕ ፍረታት ዝሓዘት ሩፍታ ናይ ሂወት እያ ::

✔️ዓቅሊ:-ሱቅታ :ጽምዋ :ትሕትና :ልቦና :ክእለት :ተስፋ :ወዘተ ጠቅሊላ ዝሓዘት ናብ መንገዲ ዓወት ትወስድ ሰረት ናይ ሂወትና እያ ::

➛ዓቅሊ ማለት ልቦና እዩ።
➛ዓቅሊ ማለት ትዕግስቲ እዩ።
➛ዓቅሊ ማለት ተፃዋርነት እዩ።
➛ዓቅሊ ማለት ምፅማም እዩ።

✔️ ዓቅሊ ልክዕ ከምቲ ዘይድፈር ከውታ ለይቲ እያ።እታ ለይቲ ቀስ እላ ትወግሕ ተስፍ እቲ ዓቃል ሰብ ድማ ካብ ግዜ ናብ ግዜ እናበርሀ እዩ ዝረአ ።ስለዚ ነታ ፅባሕ ትበርቅ ፀሓይ ብዓቅሊን ትዕግስቲን ንፀበያ።

➛ ሂወት ብዘይ ተስፍ መቀረት የብላን።
➛ተስፍ ተዘይ ሃሊካ መፃኢ የብልካን።
➛ስለዚ ሂወት ክንድ ዝመረረት ትምረር ተስፍ ክትቆርፅ የብልካን።
➛ምክንያቱ ተስፍ ሓይሊ መቀረት ሂወት እያ። ➛ኣብ ተስፍ ዓቅሊ ኣሎ።
➛ኣብ ዓቅሊ ፅምዋ ኣሎ።
➛ኣብ ፅምዋ ሩፍታ ኣሎ።

✔️ መወዳእታ ዘይብሉ የለን ንኩሉ ግዜ ኣለዎ ኣብቲ ዝተመደበሉ ግዜ ድማ ሰናይ ክከውን እዩ።

✔️ ዕላማ ማለት መገዲ ሓጎስካ መለለዪ ጉዕዞካን ማለት እዩ።

✔️ ኣብ ዕላማ ሓደ ክትፈልጦ ዘለካ ዓቢ ነገር ኣሎ። ኣብ ዕላማ ኣብቲ ፈለማ ግዜ ኣዝዩ ከቢድን ክሳብ ዝሓሰብካዮ ክተቋርጸሉ ትኽእል ኩነትን ክሳብ ትበጽሕ እዩ ዝገብረካ። እዚ ማለት ከኣ ኩሉ ግዜ ሓይልካ ኣብ መጀመርታ ኢካ ተርእየሉ ማለት እዩ። ሓደ እግርካ ምስ ሰጎምካ ነታ ሓንቲ እግርካ ከትስሕባ ክቀለካ እዩ።

✔️ዕላምካ ኣብ ተግባር ኣብ ተውዕለሉ ግዜ እታ ናይ መጀመርታ ወይ ድማ ሰረት ግዜ እያ ::

✔️ ነቲ ዝሓዝካዮ ወይ ዝጀመርካዮ ካብ ክፋል ዕላማካ በብቁሩብ ኣብ ተግባር ኣውዕሎ። በቃ ተንቀሳቀስ እሞ ከየብዛሕካ ፈልሞ፡ ብፉጹም ግን ኣንፈትካ ከይጠፍኣካ ካብ ምስራሕን ወይ ምትግባር ኣይተቋርጽ።

✔️ ዓቅሊ ግበር። ብዘይዓቅሊ ኣብትበጽሖ ከምዘይብልካ ኣስተውዕል። ብሰንኪ ዓቅሊ ዘይምቅባር ቡዙሕ ሰብ እዩ ዝጉዳእ።

✔️ ኣብ ዕላማካ ስጉምቲ ኣብ ምውሳድ ላንጋ ላንጋ ኣይትኩን። ነቲ ዝሓሰብካ መንገዲ ደሊካ ስጉምቲ ውሰድ።

✔️ ንከይትጋገ ኣይትፍራሕ፡ ካብ ምፍታን ከይትተርፍ ደኣ ፍራሕ።ምኽንያቱ ኣብ ጌጋን ፈተናን ሓደ ዓብይ ዓወት ወይድማ ብዙሕ ፍልጠት ኣሎ ::



#አግኣዝያን_ትግራይ _ሚድያ

ህንኩቶ ትፈልጥዎ ዶ??
👇👇👇
https://youtu.be/Mhr9nxidLWk?si=kfsvWSz8N0hOQiXk

#ፈተና_ክመፀካ_ከሉ_ክትሕጎስ_ይግባእ

ምክንያቱ ክርስቶስ እቲ ካብ ፈተና ዝሃድም ካብ እግዚኣብሄር ኣህዲሙ መንገዲ እከይ ናመሃዘ ንዓለም ዝፍቅር እዩ ።

ግና ኣብዛ ሒጂ ስዓት ዘሎ ወለዶ ፈተና እንተ በዝሖ እግዚኣብሄር ዝሓደጎ ይመስሎ ከምኡ ኣይኾነን እቲ ትክክል ፍትወይ/ተይ

ኣብታ ፈተና #እንፍተና ስዓት ግና ከም ኣቦና እዮብ ብትዕግስቲ ንኩሉ በቲ ሓይሊ ዝሃበኒ ክርስቶስ ክክእሎ እየ ኢልና ክንቅበሎ ይግባእ ክቡራት ስድራ ክርስቶስ

ምክንያቱ ከምቲ #ንወርቂ ብሓዊ እትፍተን ንደቂ ሰባት ድማ ኣብዛ ዘይትረብሕ ዓለም ፈተና ክንፍተን ግድን እዩ ንኩሉ ግና ምእንታን ክንሰግሮ #ብቲ ሓይሊ ክርስቶስ ኢና ክንሰግር ንክእል እሞ ክሳዕ እቲ እግዚኣብሄር ዝፈቀደልና ስዓት ክሳዕ መጨረሻ ብትዕግስቲ ክንፅበ ይግባእ ።


ኣብቲ ፈተና #ትፈተኖ ስዓት ክኣ ናብ ጭፍ ዓወት ክርስቶስ ዝብፅሐካ ሰብ ንህወይትካ ከም ሓዳሽ ተክሊ ትጭግን ከም ዘላ ድሕሪ እቲ ፈተና ድማ ናይ ክርስቶስ ትእዛዝን ስርዓትን ተከቲልካ #ቅዱስ ክርስትያን ምኻንካ ናባራትዕ ፈተና ከም እትውድእ ዝገብረካ ንሱ እቲ ክርስቶስ ኣበይ ኣሎ እትብል ነበርካ ኣብ #ብፃይካ ሓዲሩ ንኩሉ ክትሰግሮ ዘገብረካ ኣብ ዝኾነ ይኹን ኣምላክ ምሳካ ከም ዘሎ ኣስተውዕል።

#ኣብቲ ፈተና ስዓት ንኩሉ ብጉልበትካ ከም እትገብሮ ከም እትሰግሮ እተን ሰናይ ክትገብረልን ዝተፈጠራ ኣእዳውካ ደም ሰብ ክተፍስስ ዝደፍካ እቲ ናብ ውግዕን ናብ ባእስን ክፉኡን ዝመርሐካ ዝመክረካ ዝነበረ ሰብ ድማ ካብ ሰይጣን ዝተልኣከ ነቲ ዘልኣለም ኣብ ፀልማት ክትነብር
ዝሓስብ ዝነብረ #ዲያውሎስ እዩ ';'

#ስለዚ ካብ ፈተና ብዙሕ ኢካ ትመሃር
ትዕግስቲ
ትሕትና
እምነት
ፍቅሪ
ምስትውዓል
እንብኣር ካብ ሐጂ እቲ ፈተናስ ኩሉ ካብ እግዚኣብሄር ከም ዝወረደ ከም ዝተኣዘዝ ክትፈልጡ ይግባእ ግና ንኩሉ ካብ ኣምላክ ካብ ወረደስ ምእንቲ #ክርስቶስ ኢልኩም ንኩሉ ክትፃወርው እዩ ዝሓይሽ ከመይ በሉ ኣብቲ ሽዑ ግዜ ኣምላክ ምስካ ስለ ዘሎ ንፀላኢካ ዲያውሎስ ክትዋግኦ ከልካ ነቲ ዲያውሎስ ዝፈትዎ ስራሕ ክትሰርሕ ዘይኾነስ ነቲ ኣምላክ ዝፈትዎ ብምልክት ነገብርካ ንፀላኢካ ዲያውሎስ ከተሕፍሮ እዩ ዝግባእ ምክንያቱ ኣምላክ ምሳካ ጠቢቁ ዘሎ ውን ብሓይሊ እግዚኣብሄር ከም አተሸንፎ ስለ ዝፈልጥ እዩ ።

ግና ኣቱም ደቀይ ኣብቲ ፈተና ስዓት ናባይ ምስ ተፀጋዕኩም ብዙሓት ሓገዝትኩም ኣዕርኩቱካ መሲሎም #ካብ ሸያጡን ዝተልኣኩ ነቲ ናተይ ስም ረጊጾም ንኩሉ ብኩፉእ ግብሪ ከም እትፍፆም ክደፋፍኡኩም እዮም ሞ ተጠንቀቁ ።

ኣብቲ መንከራ ስዓት ድማ ብዙሓት
ምእንቲ #ስመይ ከኣ ኵሉ ኺጸልኣኩም እዩ እቲ ኽሳዕ መወዳእታ ዚዕገስ ግና ንሱ ኺድሕን እዩ።
(ማርቆስ 13:13)

ስለዚ ሓንቲ ናይ ፈተና ስዓት ክኣ ብዙሓት ናትካ ዘይኾኑ ሰባት ከም ትፈልጥ ትገብረካ እያ ሞ #ኣብ ፈተና ስዓት ናትካ ኾይኖም ኣክሊል ህይወት ከም እትቅበል #ዝገብሩካ ሰባት ክንመርፅ ይግባእ ፍቁራት ኣሕዋተይ ።

( 2ይ ተሰሎንቄ 3:13)
ኣቱም ኣሕዋትና፡ ንስኻትኩም ግና ሰናይ ንምግባር ኣይትሰልክዩ።

1ይ ተሰሎንቄ
27: ነዛ ደብዳበ እዚኣ ኣብ ኵሎም ኣሕዋት ከተንብብዋ፡ ብእግዚኣብሄር ኤማሕጽነኩም አሎኹ።


#አግኣዝያን_ትግራይ _ሚድያ

https://youtu.be/JCInbt96lEQ?si=fXxcuyBpKrlKIMlG

#አግኣዝያን_ትግራይ_ሚድያ

"ተባዕ ሓያል ጓል ሂዋን ንምኳን መጀመርታ ክትኮኒ ሕሰቢ ካልኣይ ምኳን ጀምሪ ሳልሳይ ኩኒ ድሕሪኡ ሂወት ኣይክትከብደክን እያ ።

" ክብረትኪ ብዋጋ ቃላት ደቂ ሰባት ኣይትዓቅንዮ ።

" ንስኪ ናይ ሂወትኪ ንግስቲ ኢኪ ኩሉ ግዜ ድማ ናይ ሂወትኪ ንግስቲ ምካንኪ እመኒ።

"ክትደኒ ምስትጅምሪ ዋላ ፈተውትኪ ምሳኪ ኣብ ጎንኪ ኣይክህልውን እዮም ።

"ድክመታትኪ ምስ ዝሪኡ ስልኪ ዋላ ምልዓል ክኣብዩኪ እዮም ኣይጉደስልኩን።

"ዓለም ናይ ሓያላት እያ ድኩማት ሰባት ኣብዛ ዓለም ቦታ የብሎሙን ።

"ካብ ንዓኪ ዘይምጥን ዘየክብረኪ ሰብ ርሓቂ።

✅ ስለዚ ንውሽጣ እተስምዕ ንነብሳ ግዜ ትህብ ነብሳ ተክብር ኩሉ ግዜ ንፀገማታ ፊት ንፊት ገጢማ
እትስዕር ጠንካራ ሂዋን ኹኒ።

#አግኣዝያን_ትግራይ _ሚድያ

#ጾመ_ጽጌ

በስመ አብ ወወልድ ወመንፈስ ቅዱስ አሐዱ አምላክ አሜን!

እንቋዕ ናብ ዘመነ ጽጌ( ጾመ ፈቃድ) ብሰላም ኣብጽሓና፡ ናይ ኣምላኽና እግዚአብሔር ምሕረት ናይ ድንግል ማርያም ኣማላድነት ኣይፈለየና ኣሜን።

ጾመ ቁስቋም (ጾመ ጽጌ)
ዝጅምረሉ፡-ዕለት 26/10/መስከረም/2017 ግዕዝ

ዝውድኣሉ ድማ
ዕለት 06/11/ሕዳር/2017 ዓ,ም,ግ
እግዚአብሔር ኣምላኽና በረኸተ ድንግል ማርያም የካፍለና" እንጾሞ ጾም ሓጢኣትና ዘደምሥስ መግስተ ኣምላኽ ዘውርስ ይግበረልና።

ናይዚ በረኸት ኩሉ ታኻፈልቲ ክንከውን #ሸር_sher ንበለሎም!

ኦ ድንግል ነቲ ብፈቃዱ ካባኺ ኣብ ቤተ-ልሔም
ኣብ እዋን ቁሪ ዝተወልደ በጭርቅቲ'ውን ዝተጠቅለለ ኣድግን ላምን ብትንፋሶም ዘማሞቅዎ አዘክርልና ኣሜን!

ኦ ድንግል ብዘመን ርጉም ሄሮድስ ካብ ሃገር ናብ ሃገር ምስኡ እናጎየኪ ዝተሰደድኪ ስደት ዘኪርኪ ሓጢአትና ናብ ወድኺ ኣዘክርልና ኣሜን!

ኦ ድንግል ካብ ኣዕይንቲኺ ናብ ገጽ ፍቁር ወድኪ እናጠመታ ዝወሐዘኦ መሪር ንብዓትኪ እናዘከርኪ ሓጢአትና ኣዘክርልና ለምንልና ኣሜን!

ኦ ድንግል ጥሜት ጽምኢ መከራ ሓዘን ኩሉ ንዕዑ ዝመስል ጸበባ ንዓና ኪትብሊ ዝረኸብክዮ ኩሉ እናኣዘከርኪ ናብ ፍቑር ወድኺ ለምንልና።

ስብሐት ለእግዚአብሔር
ወለወላዲቱ ድንግል
መለመስቀሉ ክቡር
አሜን!

#አግኣዝያን_ትግራይ _ሚድያ

📚📚 ✍#ዓወት 📚📚✍

#ዓወት ማለት ኣብ ዝተፈላለዩ ሰባት ዝተፈላለየ ትርጉም ክዋሃቦ ይክእል ኢዩ።
👉ሓደ ሓደ ሰባት ሓዳር ገርካ ወሊድካ ምንባር ክከውን ይክእል ኢዩ።
👉ገለ ገለ ሰባት እውን ተማሂርካ ዲግሪ ምሓዝ ክከውን ይክእል ኢዩ።
👉ሓደ ሓደ ሰባት እውን ኣብ ዝምነይዎ ቦታ ምብጻሕ ክከውን ይክእል ኢዩ ።
👉ሓደ ሓደ ሰባት ውን ስልጣን ስለ ዝረከቡ ክከውን ይክእል ኢዩ።
👉ሓደ ሓደ ሰባት እውን ብስፖርት ስለ ዝተሸለሙ  ክከውን ይክእል ኢዩ።
👉ሓደ ሓደ ሰባት እውን ፍሉጣት ስለ ዝኮኑ ክከውን ይክእል ኢዩ።
👉ሓደ ሓደ ሰባት ድማ ሚልዮናት ኣቅራሽ ኣብ ባንክ ምቅማጥ ክከውን ይክእል ኢዩ።

👉ንዓይ ግን ዓወት ማለት ማዓልታዊ ንገዛእ ርእሰይ ምሽናፍ ኢዩ።
ማዓልታዊ ናብ ዓራተይ ክከይድ ከለኩ ሕልናይ እንታይ ገርካ እንታይ ሰሪሕካ ኢሉ ክጥይቀኒ እንከሎ መልሲ ምሃብ ኢዩ።
በቲ ዝመለስክዎ  ማዓልታዊ ሕልናይ እንተ  ኣዕጊቡ ኢዚ ንዓይ ዓወት ኢዩ።
ምክንያቱ ዓወት  መጨረሻ ዘይብሉ መንገዲ ስለ ዝኮነ።

ዓወት ማለት ሙሉእ ሂወትካ እትጓዓዘሉ መንገዲ እምበር  መዕረፊ ቦታ ኣይኮነን፡
ኢቲ ዝገርም ድማ ኣብ ዓወት ኢቲ ጉዕዙ'ዩ ደስ ዝብል እምበር መጨረስትኡ  ዘይ ምኳኑ ኢዩ።
ግደ ሓቂ፡ ምሕደራ ግዜ ምሕደራ ህይወት’ዩ። ገዛእ-ርእስኻ ብውጥን ክትመርሕ ከምኡ’ውን ናይ ትግባረ ቅደም-ተኸተል ክትቈጻጸር ምኽኣል ማለት’ዩ። ናይ ግዜ ኣጠቓቕማ፡ኣስዒብካ እንታይ ከም እትሰርሕ ምፍላጥ እዩ።ነቲ ኣስዒብካ እትሰርሖ ንኽትመርጽ ድማ ወትሩ ነጻ ኢኻ። ስለዚ፡እቲ ዝጠቅም ካብቲ ዘይጠቅም ናይ ምምራጽ ክእለትካ፡ ኣብ ህይወትካን ኣብ ስራሕካን ናይ ዓወት መፍትሕ እዩ።
 
” መዓልታዊ ነቶም ኣገደስቲ ዝዀኑ ስራሓትካ ንምዕማም ግዜ ሃብ። ነቲ ክትሰርሖ ዝግብኣካ ኣቐድም ኣቢልካ _ ወጥን። ኣቐዲምካ ብንግሆኡ ክትዓሞም ዝግብኣካ ተግባራት ፍለይ፤ ድሕሪ’ዚ ኣድህቦ ሂብካ ብትግሃት ዛዝሞም

ዕዉት ልምዃን ምዓልታዊ ሂወትካ ወጻኢኻን ኣታዊኻን ብደምቢ ፍለጥ ነቲ ኽትሰርሖ ዝግብኣካ ኣቀዲምካ ወጥን ዓወትካ ኽዓምም ድማ ኣብ እግዚኣብሔር እመን ድሕሪኡ ድማ ብግባእ ጽዓር ብትግሃት ድማ ዛዝም
ብንእሽተን ጀምር እሞ ኽትዓቢ ኢኻ ኣይትንዓቆ እሞ ኽትዕወት ኢኻ

እንታይ ኸምትሰርሕ  ፍለጥ ነቲ ሲዒብካ ትሰርሖ ድማ ብዓል ተስፋ ኹን  ኣብሂወትካን  ስራሕኻን ናይ ዓወት መፍትሕ እዩ

ዓወት ኣብ ሓደ ምዕራፍን ቦታን በጺሕካ ምምላስ ዘይኮነስ ቀጻሊ ተሪርን ጉዕዞ እዩ

ዕዉን ኽትከዉን ኣብገዛእ ርእስኻ እመን  ጽኑዕ እምነት ይሃሊኻ

ዕዉት ንምኳን ምስራሕ ጥራሕ ዘይኮነ  እግዚኣብሔር ምስማር ምዓልታዊ ድልየትካን ዉሽጣዊ ሓሳባትካን ል እግዚኣብሔር ንገር ድሕሪ ምንጋር ጠንኪርካ ስራሕ


ቅኑዕ ወይ ኣወንታዊ ኣተሓሳስባ ዘለዎ ሰብ ካብቲ ኽሰርሖ ዝደለየ ነገር  ዕላምኡ ኻብ ምስኻዕን ዝዓግቶ ነገር የለን

ኣሉታዊ ኣተሓሳስባ ዘለዎ ሰብግን ሓንቲ ኸስልጥ ኣይኽእልን


ቅድሚ ዓወትካ ኽትገብሮ ዝደለኻ ነገር ልሰብ ኣይትናገር

ዓወት ማለት ዘይምዊዳቅ ዘይኮነ ኻብዉድቀትካ ተሲእኻ ኣበርቲዕኻ ምጽዓር እዩ

ዓወት ኩነታት ኣተሓሳስባ ዉጺእት ተሶፋካን እዩ

ብዙሓት ሰባት ኣብ ጉዕዞ ሂወት ስዕረት ዘጋጥሞም ኢዶም ክህቡ ኸለዉ ኽንደየናይ ናብ ዓወት ቀሪቦም ኸምዘለዉ ኣይፈልጡን።
ብዙሓት ሰባት ኣብ ጫፍ ዓወት ምስ በጽሑ ስኣን ቁሩብ ምጽናን  ናብዉደቀት የምርሑ

ዓወት ብዘይ ጻዕሪ ፍረ ብዘይ ዓቅሊ ኣይትርከብን እያ ብሂወት ኽሳዕ ዘለኻ ካብጻዕሪ ኣይትህደም ልፈተና ኣይትፍራሕ ብሰብ ኣይትመራሕ

ቀንዲ ዓወት  ምሕረት እግዚኣብሔር ምርዳእ እዩ እሞ ልኡ ተሞርኮስ ኸምትዕወት ድማ እመን

ዓወት ኸመይ ገይረ ኽሰርሖ ይኽእል ዝብል ዘይኮነ ኣብቲ ይኽእሎ እየ ዝብል ሰብ ይርከብ

ዕዉት ኽትከዉን ወረ ኣይትፍተ ታይ ተገበረ ኣይትበል !

ዕዉታት ተባሂሎም ዝጽዉዑ ዝረኸቡ ዘይኮኑ ዝጽዓሩ እዮም እሞ ኽሳዕ ብሂወት ዘለኻ ጻዕርን ስራሕን ኣይንዓቅ

#አግኣዝያን_ትግራይ_ሚድያ

#ምኽሪ_ንደቂንስትዬ_የሕዋተይ

በስመ ሥላሴ እቀጠቕጥ ከይሴ!!!

#ኣብ ዓለም ካብ ዘለው ኣውዳት ንዓኺ መጻምድቲ ወይ በዓል ቤትኪ ክኾነኪ ዝኽእል ሰብ መሪጽኪ ዶ?

እሞ እቲ ንዓኺ በዓል ቤትኪ ንደቅኺ ድማ፡
   #ኣቦ ክኾነም ዝኽእል  ዝመረጽክዮ ከመይ ዝበለ ወዲ እዩ ።

#ምክንያቱ ንደቅኺ ብቁዕ ዝኾነ #ኣቦ ክህልዎም  ይግባእ ።

#ኣስተብህሊ ኣብ ዓለም ካብ ዘለው ኣወዳት ሓደ ንዓኺ ዝኸውን ወዲ ክትመርጺ እንከለኺ ንዓኺ ሰብኣይ ዝኾነኪ ጥራሓ ኣይኮንክን ትመርጺ ዘለኺ፡

ምክንያቱ ንደቅኺ ውን #ኣቦ ኢኺ ትመርጽሎም ዘለኺ

#እሞ ንደቅኺ #ኣቦ ክትመርጽሎም ከለኺ ድማ
#1ይ ንክርስቶስ ዝፈልጥ።

#2ይ ነብሱ ብናይ ክርስቶስ
ትምህርቲ ዝዕቢ 
#3ይ ፍቃድ ኣምላኽ ዝኽተል ንነብሱ ንቃል ኣምልኽን ንጸሎትን ግዜ ዝህብ ክኸውን ኣለዎ ።

# ከምቲ ኢየሱስ ክርስቶስ ንቤተክርስትያን ዘፍቅራ
# ከምኡ ድማ ንዓኽን ንደቅኽን ከፍቅር ዝኽእል
# ብመንፈሳዊ ንገራቱ  ዝበልጸገ ማንነት ዘለዎ #ኣቦ ንደቅኺ ክትመርጽሎም ይግባእ  ።

#ሓደራ ፈታዊት ነብሳ ከይትኾኒ  ብስሚዒት ተደሪኽኪ ንደቅኺ ብናይ ዓለም ነገራት ዝሰኸረ ኣቦ ከይትመርጽሎም

#ንኢየሱስ ክርስቶስ ዘይፈልጥ #ኣቦ ከይትመርጽሎም

#ሓደራ ብጸጋ እቲ ካብ ቃል ኣምላኽ ዝርከብ መንፈሳዊ ዕቤት ክዓቢ ዘይደሊይን
ነብሱ ብናይ ክርስቶስ  ዕቤት ክዕቢ ዘይደሊ ሰብኣይ ብምምራጽኪ መሰረታዊ ዝኾነ ጌጋታት ከይትጋገይ

# ምክንያቱ ሓዳር
  ናይ መንግሰተ ሰማያት ጉዳይ ስለ ዝኾነ ።

# እቲ ኣብ ጥቃኺ ዘሎ ሰብኣይኪ  ንደቅኺ ኣቦ ዝኾኖም  እቲ ወዲ ንኢየሱስ ክርስቶስ ዝፈልጥ ናይ ቤተክርስትያን ሚስጥር ብዝግባእ ዝተረድአ ዝፈለጠን እንተኾይኑ
ምስኡ ናብ መንግስተ ሰማያት ክትጎዓዚ ትኽእሊ ኢኺ ።

# ንዓኺ ውን ከምቲ ዝግባእ ጌሩ ዝፈትወኪ
ከፍቅረክን ክከናኸነክን ዝኽእል መንፈሳዊ ስብእና ክህልዎ እንከሎ እዩ እሞ 
ሓፍተየ ብስምዒት ዓዊርኪ ንጎይታ ዘይፈልጥ ነብሱ ብናይ ቤተክርስትያን ግደ ዘይብሉ ነብሱ ብናይ ክርስቶስ ፍቃድ ክዕቢ ፈጺሙ ፍቃድ ዘይብሉ
ውዲ ብምምራጽኪ በጃኺ ጌጋ ከይትገብሪ ።

# ምክንያቱ ንደቅኺ ፈቃር #ኣቦ ክህልዎም ይግባእ
ከምቲ እግዚኣብሄር ኣብ ደቁ ፈቃር ዝኾነ
ከምኡ ደማ ንደቅኺ ፈቃር ኣቦ የድልዮም ስለ ዝኾነ ።

# ስለዚ ንደቅኺ ኣቀዲምኪ #ኣቦ ትመርጽሎም ንስኺ ኢኺ እሞ
                 ሓደራ ኣስተውዒልኪ ምረጽሎም

#ንደቅኺ ክርስቶስ ዝፈልጥ
#ንደቅኺ መንፈሳዊ ሂወት ዘለዎ
#ንደቅኺ ብመንፈሳዊ ሂወት ንምንባር ፍቃደኛ ዝኾነ  ብሉጽ  ኣቦ ምረጽሎም
ስለዚ ንደቅኺ ነዚ #ኣቦ ክትመርጸሎም ዝኽእል
ንስኺ ኢኺ እሞ ብስሚዒት
ከይዓወርኪ ብሉጽ ኣቦ ንምምራጽ ህድእ ኢልኪ ምረጺ ።

ኤፌሶን 5:25-28
**
  ኣቱም ኣሰብኡት ከምቲ ክርስቶስ ንቤትክርስያን  ብቓሉ  ብምሕጻብ ማይ ኣጽርዩ ምእንቲ ኺቕድሳ፡ ርስሓት ወይስ ዕጣር ወይ ድማ   ንእኡ  ዚመስል  ካልእ ክፍኣት ዘይብላ ቅድስትን መንቅብ ዘይብላን  ክብርቲ ቢተክርስያን  ገይሩ  ናብኡ ምእንቲ ኬቕርባ ኣብ ክንድኣ ገዛእ ርእሱ በጃ ክሳብ ምሃብ ዘፍቀራ   ነንስትኩም ኣፍቅርወን።
  ከምኡ ኸኣ ኣቱም ሰብኡት  ነተን ኣንስትኹም ከም ገዛእ ሰብነትኩም  ጌርኩም  ኣፍቅርወን። እቲ ንሰበይቱ ዜፍቅር  ንገዛእ ርእሱ እዩ ዜፍቅር።

#አግኣዝያን_ትግራይ _ሚድያ