ሰሜን ወሎ ሀገረ ስብከት ሚዲያ

ጌታችን መድኀኒታችን ኢየሱስ ክርስቶስ በተወለደ በ40 ቀኑ ወደ ቤተመቅደስ የገባበት ዓመታዊ የንግስ በዓል በወልድያ ጎልጎታ መዝገበ ምሕረት ኢየሱስ ቤተክርስቲያን ተከብሯል።

የካቲት 08 ቀን 2017 ዓ/ም (ሰሜን ወሎ ሀገረ ስብከት)

ልደተ ስምዖን ከጌታችን ከመድኀኒታችን ከኢየሱስ ክርስቶስ ንኡሳን በዓላት አንዱ ነው። አበው ስያሜውን የሰጡት ጌታችን መድኀኒታችን ኢየሱስ ክርስቶስ በቤተ መቅደስ በተገኘ ጊዜ የዕድሜ ባለጸጋው አረጋዊው ስምዖን ጌታን ሲታቀፈው ክርስቶስ ስምዖንን ወደ ጎልማሳነት ያደሰበት ዕለት ስለኾነ ነው።

የብሉይ ኪዳንን መጻሕፍት ይተረጒሙ ዘንድ ከተመረጡት መካከል የኾነው ይኽ አረጋዊ፥ ይተረጒመው ዘንድ የደረሰውን የኢሳይያስን መጽሐፍ ምእራፍ 7 ቊጥር 14 በደረሰ ጊዜ የድንግልን መውለድ በመጠራጠሩ ሴት ትወልዳለች ቢልም በእግዚአብሔር መልአክ አማካይነት ድንግል እስክትወልድ በሕይወት እንደሚቆይ ነግሮት ነበር።

ከዚኽም በኋላ ጌታችን ኢየሱስ ክርስቶስ እስከተወለደና በዚች እለት ወደ ቤተ መቅደስ እስከ አስገቡት ድረስ ስምዖን ሦስት መቶ ዓመት ኖረ። ሕፃኑን ጌታችንንም በታቀፈው ጊዜ ታውረው የነበሩ ዓይኖቹ ተገለጡ፤ ኹለመናውም አዲስ ሆነ። መንፈስ ቅዱስም የምትጠብቀው የነበረ ሕፃን ይኽ ነው ብሎ ሲነግረው እግዚአብሔርን አመሰገነው። ባርያኽን በሰላም አሰናብተው። በአንተ ምክንያት በዚኽ በኀላፊው ዓለም ሕይወት ታስሬ ኖሬአለኹና። እነሆ፥ አኹን መጥተኽ ዐየኹኽ፤ ወደ ዘላለም ሕይወት እሔድ ዘንድ አሰናብተኝ፤ ዓይኖቼ ትድግናኽን ዐይተዋልና። በወገኖችኽ ኹሉ ፊት ያዘጋጀኸውን ለአሕዛብ ብርሃንን ለወገኖችኽ እስራኤልም ክብርን ትገልጥ ዘንድ አለ።

እመቤታችንን እናቱ ድንግል ማርያምንም ይኽ ልጅሽ ከእስራኤል ውስጥ ለብዙዎች ለመውደቃቸውና ለመነሣታቸው በሚፈረድባቸውም ገንዘብ ለምልክት የተዘጋጀ ነው። በነፍስሽ ሰይፍ ያልፋል ብሏታል። ከዚህም በኋላ በሰላም ዐረፈ።

ይኽም የሚታሰብበት ዓመታዊ በዓል ነው ዛሬ የካቲት 08 ቀን 2017 ዓ/ም በወልድያ ጎልጎታ መዝገበ ምሕረት ኢየሱስ ቤተክርስቲያን የተከበረው።

የሰሜን ወሎ ሀገረ ስብከት የማኅበራዊ ሚዲያ አማራጮችን ይወዳጁ ለሌሎችም ያጋሩ።

~ቴሌግራም፡ https://t.me/NWDnews

~ዩቲዩብ፡ https://youtube.com/c/NorthWolloDioceseMedia

~ድረገጽ፡ https://eotc-nw.org

~ፌስቡክ፡https://www.facebook.com/EOTCNWD?mibextid=ZbWK

የሰማዕቱ የቅዱስ መርቆሬዎስ ዓመታዊ በዓል ተከብሮ ውሏል።

ጥር ፳፭ ቀን ፳፻፲፯ ዓ/ም (የሰሜን ወሎ ሀገረ ስብከት)

ጥር ኻያ ዐምስት ቀን በዓሉ የሚከበርለት የሰማዕቱ ቅ/መርቆሬዎስ ዓመታዊ በዓል በሰሜን ወሎ መንበረ ጵጵስና ሀገረ ስብከት በጉባላፍቶ ወረዳ ቤተክህነት ስር በሚገኘው ገዶ ቅ/መርቆሬዎስ ቤተክርስቲያን ተከብሮ ውሏል።

ይኽች እለት ሰማዕቱ #ቅዱስ_መርቆሬዎስ በሥዕሉ ላይ አድሮ ቅዱሳን ባስልዮስንና ጎርጎርዮስን የረዳበት እለት ናት፡፡

መርቆሬዎስ ማለት የአብ ወዳጅ ወይም የኢየሱስ ክርስቶስ አገልጋይ ማለት ሲኾን መርቆሬዎስ ተብሎ ከመጠራቱ በፊት ፒሉፓዴር እንደነበር ገድሉ ይናገራል።

በዓሉ የተከበረው በዋዜማው ከመንበረ ክብሩ ተነሥቶ በታቦት ማደሪያው ካደረ በኋላ ዛሬ ጥር ፳፭ ቀን ፳፻፲፯ ዓ/ም ወደመንበረ ክብሩ በመመለስ ነው።

የሰሜን ወሎ ሀገረ ስብከት የማኅበራዊ ሚዲያ አማራጮችን ይወዳጁ ለሌሎችም ያጋሩ።

~ቴሌግራም፡ https://t.me/NWDnews

~ዩቲዩብ፡ https://youtube.com/c/NorthWolloDioceseMedia

~ድረገጽ፡ https://eotc-nw.org

~ፌስቡክ፡https://www.facebook.com/EOTCNWD?mibextid=ZbWK

በወልድያ ከተማ ውስጥ የሚገኙ የሰንበት ትምህርት ቤቶች የጥምቀት በዓል አከባበርን ገመገሙ።

ጥር 23 ቀን 2017 ዓ.ም (ሰሜን ወሎ ሀገረ ስብከት)

በሰሜን ወሎ መንበረ ጵጵስና ሀገረ ስብከት ቤተክህነት የወልድያ ከተማ አስተዳደር የሰንበት ትምህርት ቤቶች ሥራ አስፈጻሚዎችና የወረዳው ሰንበት ትምህርት ቤቶች አንድነት ተወካዮች የከተራ፣ የጥምቀትና የቃና ዘገሊላ በዓላት አከባበርን ዛሬ በሀገረ ስብከቱ መሰብሰቢያ አዳራሽ ገምግመዋል።

በሀገረ ስብከቱ የሰንበት ትምህርት ቤቶች ማደራጃ ዋና ክፍል አዘጋጅነት በተደረገው በዚሁ የምክክር መርሐ ግብር የሰንበት ትምህርት ቤቶች አባላት በአገልግሎት ላይ ያሳዩት መልካም እንቅስቃሴዎችና በቀጣይ መስተካከል የሚገባቸው ክፍተቶች መነሳታቸውን የክፍሉ ኀላፊ መ/ር ኤርምያስ አዳነ ተናግረዋል።

የሰንበት ትምህርት ቤቶችን በማሠልጠንና በመከታተል ሥርዓተ ቤተክርስቲያንን ጠብቀው እንዲያስጠብቁና መንፈሳዊ ኀላፊነታቸውን እንዲወጡ ለማድረግ ክፍሉ በእቅድ እየሠራ ነው ተብሏል።

የሰሜን ወሎ ሀገረ ስብከት የማኅበራዊ ሚዲያ አማራጮችን ይወዳጁ ለሌሎችም ያጋሩ።

~ቴሌግራም፡ https://t.me/NWDnews

~ዩቲዩብ፡ https://youtube.com/c/NorthWolloDioceseMedia

~ድረገጽ፡ https://eotc-nw.org

~ፌስቡክ፡https://www.facebook.com/EOTCNWD?mibextid=ZbWK

ሃይማኖታችኹን በልጆቻችኹ ልብ ላይ ዝሩ || ብፁዕ አቡነ ኤርምያስ

ሙሉውን በዚኽ ሊንክ ገብተው ያድምጡ!

https://youtu.be/n-s-KbVliqY?si=MKiXhzF-wD3fSF2d