آيَة.🇵🇸 @ayaragab1835 Channel on Telegram

آيَة.🇵🇸

@ayaragab1835

"إِنّما الأقصَىٰ عَقيدَة."🇵🇸

القناة صدقة جارية عنّي وأهلي والمسلمين أجمع؛ نسأل الله أن يتقبل هذا العمل خالصًا لوجهه.

خُذوا ما شِئتم دون إذن.🫧

آيَة. (Arabic)

تعتبر قناة آيَة. على تطبيق تليجرام واحدة من أبرز القنوات التي تهتم بنشر العلم الديني والتعليم الإسلامي. تحمل هذه القناة اسما مميزا يشير إلى الآيات القرآنية التي تحمل في طياتها الكثير من الحكم والعبر. يمكن للمشتركين في هذه القناة الاستفادة من مقاطع فيديو ونصوص دينية تثري معرفتهم وتقربهم أكثر إلى دينهم. يعد هذا المكان مفتوحا للجميع، حيث يمكن للجميع الاطلاع على المحتوى والاستفادة منه دون حاجة لإذن مسبق. بالإضافة إلى ذلك، تعتبر قناة آيَة. مكانا للصدقة الجارية عن القائمين عليها ولأهلهم ولكل المسلمين. ندعو الله أن يتقبل منّا ومنكم هذا العمل الصالح ويجعله في ميزان حسناتنا.

آيَة.🇵🇸

21 Nov, 09:49

بسم الله،

عارفين الأرقام دي متغيرتش من امتى؟
من زمان جدًا بجد!

ودا يدل على نُدرة التبرعات للأسف
في الأول كان الأرقام بتكتمل وبنقعد ندور على أرقام جديدة نجمع عليها

فلو كل حد طلع ١٠ جنيه بس والرسايل في العادي بيشوفها عدد كويس بفضل الله هنعمل مبلغ كويس بإذن الله وحده

ولو جمعتوا من أهلكم وصحابكم
بيوصلي من ناس تبرعات جميلة من ناس مجمعة من بعضها والله!

ولو شيرتوها عندكم أجور كمان والله!
وناس أكتر وربنا ييسر ونساهم

ومتنسوش تدعوا لأميرة والقائمين على الأمر
وادعوا لأنسام اللي بتوثق التبرعات في الشمال.
315
آيَة.🇵🇸

21 Nov, 08:26

كل ما أخسر شيء
أقعد أردد هذه ذنوبي أعرفها"((

الله لا يحرمنا بذنوبنا
الله يتجاوز عنّا")
419
آيَة.🇵🇸

21 Nov, 04:43

صبّحكم الله بالخير.

الأيام دي الإنسان بيجر نفسه للعبادة جر والله
وكل يوم بيقعد يذكر نفسه الصبح بتقصيره في حق المولى سبحانه وتعالى

وآخر اليوم قلبه بيكون واجعه بشكل مش مُتخيل لما بيقصر
وبيخاف ينام ميصحاش تاني وتبقى دي كانت آخر فرصة له:)

فبذكركم ونفسي إن مفيش شيء في الدنيا أهم من ربنا وإننا نعمل عباداتنا على أكمل وجه
وإن كل شيء في الدنيا هيزول
ومش هيظل لنا غير العمل اللي عملناه!")

يعني الشغل اللي بنضيع الصلاة عشانه مش هينفعنا
النوم اللي بنحبه أكتر من صلاة الفجر مش هينفعنا
الفلوس مش هتنفعنا
الأهل نفسهم مش هينفعونا

فاحنا نعمل لنفسنا محدش هيفكر فينا لما نموت!

استمسكوا بالوحي في زمن زادت فيه الفتن والإنسان بقا كل خطوة يمشيها بيُفتن
فالله ينجينا ويقبضنا غير مفتونين"(
597
آيَة.🇵🇸

20 Nov, 18:14

أنا بحب الحمد وبحب أحمد ربنا وبحب ربنا
وبحمد ربنا إني اتولدت مسلمة
الحمد لله
بستشعر دا كل لحظة
حتى شربة الماء بستشعرها فيها

لما بنام كويس بحمد ربنا الصبح
لما بروح أشتري حاجة بحمد ربنا إني معايا فلوسها
وبحمد ربنا إنها موجودة

الحاجات البسيطة دي بستوعبها اللي هو يا كريم أكرمتني بالحاجات دي بدون ما أطلبها؟

لما بدعي ربنا أوصل على معاد وهو بالعقل البشري مستحيل أوصل لكنه بييسرلي
سبحان الله

الواحد لما يقعد يتأمل نعم ربنا عليه من وقت ما يفتح عينه لحد ما ينام بيطمئن ونفسه بتمتن لربنا إنها مسلمة

يا رب يجعلنا دومًا من الحامدين
وندخل الجنة ونحمده على دخولنا الجنة
يا رب!
915
آيَة.🇵🇸

20 Nov, 16:59

عارفين الانتكاسة بتبدأ ازاي؟

كنت قاعدة أراقب نفسي في صلاة الفجر
إني ممكن أصحى وقت الأذان وأرجع أنام لحد قبل الشروق بنص ساعة مثلًا وأقوم أصلي
وبقول لنفسي احنا بنصلي قبل الشمس ما تطلع الحمد لله يعني

لكن لما قعدت أراقب نفسي شوية لقيت إني لو قعدت أسبوع بصحى قبل الشروق بوقت قليل
بيجي يوم وأصحى بعد الشروق بدقايق

بكون هتجنن بصراحة اللي هو ازاي دي دقايق!

المهم الانتكاسة بتبدأ بشيء مباح عادي خالص
يعني ممكن لو بس كسلت تكمل صفحة من الورد
دي بداية انتكاسة
ومش أڤورة والله

إنك تتساهل في سماع موسيقى لدقايق
إنك تتساهل في مقطع مسلسل وتنجرف بدون ما تمنع نفسك
وغيره وغيره!:)

الفكرة إن لازم الإنسان مجرد ما يحس في نفسه بتقصير يلحقها
لأنه بسهولة جدًا بنتجاوز خط الأمان وبننقلب

واحنا يعني اللي هنخسر مش حد تاني")

﴿ وَمَن يَنقَلِبۡ عَلَىٰ عَقِبَيۡهِ فَلَن يَضُرَّ ٱللَّهَ شَيۡـٔٗاۚ وَسَيَجۡزِي ٱللَّهُ ٱلشَّٰكِرِينَ ﴾
1,120
آيَة.🇵🇸

20 Nov, 16:17

هنخليها 130 سهم

قيمة السهم 100جنية

مش لازم السهم كامل ولو جنية
النبي قال صلّ الله عليه وسلم
"اتقوا النار ولو بشق تمره "

01094785804

))
812
آيَة.🇵🇸

20 Nov, 16:17

قال رسول الله صلى الله عليه وسلم : " أنا وكافل اليتيم في الجنة هكذا " وأشار بأصبعيه السبابة والوسطى)

معانا 13 طفل يتيم

الكفالة الشهرية 1000جنية

إلا ف الدارسة والأعياد يكون فيه زياده حسب حاجة الطفل

لو أحد يريد كفالة طفل يتواصل هنا

@Ragab_Ragab9_bot


رقم التبرع ثابت
متاح التبرع ولو بجنية .. لا تحقرن من المعروف شيء ..

01094785804


إنشروها وشاركوا
جزاكم الله خيراً
828
آيَة.🇵🇸

20 Nov, 16:09

متنسوش أهلنا🤍
883
آيَة.🇵🇸

19 Nov, 22:26

🤍🤍
1,208
آيَة.🇵🇸

19 Nov, 22:24

ادعولها:)
1,227
آيَة.🇵🇸

19 Nov, 21:25

في نظرات عينيكِ الخاطفة سرٌ! تمدني بالقوة كلما أوشكت روحي أن تذبل إنهاكا وتعبا!

أحمد شقير
1,203
آيَة.🇵🇸

19 Nov, 09:03

كل يوم الصبح احنا هنحاول
هنحاول نصلح نفسنا
هنحاول نتغير

آخر اليوم فشلت المحاولة
مش مهم المهم إننا بنحاول

يا رب فرصة كمان أتغير
يا رب فرصة كمان أتوب

فيجي تاني يوم أصحى وربنا ميقبضنيش
فأحمده إنه عطاني فرصة كمان وجديدة عشان أرجعله

فأستشعر معنى إن ربنا جميل
وإنه لما تتقرب منه بييسر لك القرب منه
بس احنا نجاهد
وناخد خطوة
ونحاول
ونحاول
لحد ما نموت
لعل الله يجازينا بالمحاولات دي:))
1,437
آيَة.🇵🇸

18 Nov, 19:43

ربّنا الودود!
1,401
آيَة.🇵🇸

18 Nov, 17:31

مسيطرة عليا حالة طيبة كدا وجميلة
وحاسة بسلام نفسي جميل
سبحان الله
الحالة دي بعيشها لما بقرر أرجع لطريق ربنا بعد بعد طويل

بحس نفسي مستكينة وهادية وراضية بكل شيء
وبتدعي ربنا يختار لها بس

عارفين اختيار ربنا دا جميل والله
جميل وعظيم!

كل مرة ربنا منع عني اختياري واختار لي هو برحمته ولطفه بيا
الحمد لله الحمد لله

استشعار كرم ربنا دا جميل
والرضى أجمل
والحمد لله🌿.
1,627
آيَة.🇵🇸

18 Nov, 14:19

الناس اللي صايمة تدعيلنا معاهم
وادعوا لأميرة شُراب وأهلنا في غزة وسوريا والسودا
وادعوا لأنسام اللي بتوثق لنا التبرعات في الشمال
بيتهم قُصف والوضع سيء..
1,649
آيَة.🇵🇸

17 Nov, 21:45

🌿.
1,878
آيَة.🇵🇸

17 Nov, 21:04

كل مرة يؤلمني رأسي أتذكر أن الصداع من علامات أهل الجنة فأحمد ربنا على بلائه

كل ما أحس بألم أحمد ربنا إنه ابتلاني
البلاء دا له أجر
والحمد لله نؤجر حتى على شك الشوكة

الحمد لله الحمد لله
بذنبي وما ظلمني ربي:))
1,826
آيَة.🇵🇸

17 Nov, 20:17

الله يكتب لنا العافية يا رب العالمين
كل شيء في الدنيا يهون قصاد لحظات العافية الجميلة:"(
1,718
آيَة.🇵🇸

17 Nov, 14:34

يا رب متزهقوش عشان لما بتحمس بنزل ٣٥ بوست في اليوم😂
1,964
آيَة.🇵🇸

17 Nov, 14:29

سبحان الله أنا ملغبطة في علاجي ومش بروح جلسات ولا أي حاجة
بس قاعدة بقول لنفسي احنا كدا كدا هنموت صح؟

اعملي حسنات كتير بقا عشان لما تموتي تعرفي تقابلي ربنا
ولا عايزين نموت عايزين نموت واحنا مش معانا حاجة نقابل بيها ربنا؟😅
1,866
آيَة.🇵🇸

17 Nov, 14:26

النهاردة يوم جميل
ونعمة من ربنا عليا والله
يمكن اليوم عادي
من الصبح عادي خالص كل حاجة عادية

لكن نفسي مش عادية
الإنسان لما بيحوش الطاقة لنفسه بتبقى لذيذة كدا

كل شيء فيا ممتن لربنا النهاردة والله
على كل مرة حاولت أنتحر وربنا عطاني فرصة وعشت تاني
على كل مرة كنت هأذي نفسي ومنعني لأن جسمي أمانة عندي
على كل مرة غلطت وأذنبت وربنا مقبضنيش وعطاني فرصة جديدة عشان أتوب

كل يوم قبل ما بنام بقول يا رب متقبضنيش غير وأنت راضي عني:)
يا رب أنا لسه بعيدة يا رب اعطيني فرص تانية
مش فرصة واحدة لا
فرص كتير يا رب عشان أنا سيئة وبضيع الفرص يا رب لا نمل يا رب! :"

يا رب نرجع لربنا ويعطينا القوة على الطريق
الطريق صعب فعلًا
بس لما بنستعن بالله ونحاول ربنا بيعين
والله

اتمسكوا بالقرءان اسمعوه
الله لا يحرمنا نعمه بذنوبنا
الله يردنا له ردًا جميلًا يا رب..
1,134
آيَة.🇵🇸

17 Nov, 11:25

آلام نفسية يعني
لكن احنا كلنا ضهرنا واجعنا عادي😔
1,168
آيَة.🇵🇸

17 Nov, 11:25

بكره رؤية الناس تتألم
وبكره أشوف اليأس في عيون الناس:))

فبسعى جاهدة إني أكون أمل حتى وقت يأسي🌿.

المهم يعني افتحوا مصحفكم ومرروا الآيات على قلوبكم
وخلوا اليأس يُمحى تمامًا من قلوبكم:)
1,149
آيَة.🇵🇸

17 Nov, 09:55

من النعم الطيبة اللي ربنا يُنعم على عبده بيها هي نعمة إنه يبقى كل أفعاله بيرجعها للحلال والحرام

يعني اتعرض عليه شغل معين
الشغل في ذاته حلال
لكن في تفاصيل في الشغل ممكن تكون حرام

زي مثلًا حد بيبيع منتج معين
البيع في ذاته حلال

لكن لو هبيع حاجة أنا معنديش خلفية عنها؟
لازم أتكلم بصدق وبحيادية عشان ميبقاش فيه غش

الإنسان لما يبقى هيعمل حاجة ويلاقي نفسه بيقول طب هل دا حلال؟
نعمة والله نعمة عظيمة والله والله!

في شيء في قلبك حي بيردك لله وحده
بيردك لخالقك!

فلما بتغلط
ولما بتقع في منكر
ولما بتغلط
تلاقي قلبك بيوجعك
فتُسارع في البعد عن الذنب
عشان ترتاح مرة تانية وتطمن ونفسك تسكن بالقرب من ربنا🤍

فدايمًا ادعوا ربنا يُنعم عليكم بالنعمة دي
إنك ترجع كل أفعالك للحلال والحرام كل كلامك كل همساتك
عشان نفسك تصلح

وندخل الجنة:)

يا رب ندخل الجنة🌿.
1,231
آيَة.🇵🇸

17 Nov, 09:41

طبيعي بنحب سورة يوسف بس بسبب التلاوة دي حفظ السورة كان ممتع بشكل مش طبيعي
اللي هو بحفظ وفي آذاني بيتردد صوت الشيخ

فكانت السورة لها حلاوة طاغية عليا كدا:))

القرءان جميل جميل
يا رب يتم علينا نعمه يا رب
1,198
آيَة.🇵🇸

17 Nov, 09:39

سورة يوسف - الشيخ عبدالله كامل -رحمة الله عليه-

متعوا آذانكم وقلوبكم 🤍
1,163
آيَة.🇵🇸

17 Nov, 09:36

الشيخ عبدالله كامل -رحمة الله عليه-

التلاوة دي جميلة أوي
كانت رفيقة ليا في ليالي حزن وخوف وقلق وسبحان مُفرج الكربات والله

القرءان جميل وسماعه جميل
الله يمتعنا بالقرءان 🤍
1,058
آيَة.🇵🇸

17 Nov, 09:34

🕊.
995
آيَة.🇵🇸

17 Nov, 09:23

❤️
950
آيَة.🇵🇸

17 Nov, 04:27

صبّحكم الله بالخير.

صاحية النهاردة جوايا امتنان كبير لربنا إنه لم يقبضني بالأمس

الحمد لله الحمد لله وهبني فرصة جديدة عشان أتوب من ذنوب الأمس

حاولوا تعيشوا النهاردة في طاعة الله
قربوا لربنا بخطوات الخطوات دي هتوصلنا بإذن الله

خلينا فاكرين محدش بيطلع السلم مرة واحدة :))

خدوها خطوة خطوة وكل خطوة ثبتوها كويس عشان تكلموا عليها بعد كدا وتبقوا متطمنين

خلونا فاكرين إن احنا هنا عشان الجنة
ونتصبر بيها
لحد ما نموت
ونعيش في نعيم أبدي بإذن الله
الله يرزقنا من فضله

متنسوش أذكاركم
ومتنسوش ورد القرءان

وخلوا عيونكم على أهلنا في غزة والمسلمين المستضعفين في الأرض
هم منا ونحن منهم:))
1,164
آيَة.🇵🇸

16 Nov, 22:42

صلوا بقا القيام كبداية
وادعوا لأميرة شُراب وأهلنا في غزة وسوريا والسودان
وادعوا الله يعز الإسلام والمسلمين💚

ولو ذكرتوني في دعواتكم هكون ممتنة🤍
1,174
آيَة.🇵🇸

16 Nov, 22:41

رمضان قرب جدًا وسبحان الله العظيم رمضان بيجي يرمم كل فساد القلب طول السنة

لكن لو احنا قلبنا مفيش وضايع مننا كل شيء
فطبيعي بنيجي في نص رمضان ونقع ويااه لو طلعنا بختمة واحدة كدا

دايمًا في الخطط اليومية أو لما أبدأ من جديد بحاول أقول لنفسي إن احنا هنعيش اليوم دا زي رمضان بالظبط
سواء صايمين أو لا

نصحى نصلي الفجر
وبعد الفجر نقرأ الورد والأذكار ونعمل جلسة الشروق ونصلي الضحى

وننام أو ننزل الشغل على حسب الوقت يعني

عارفين بنحس اليوم بيبتسم حتى لو نايمين ساعتين بس!

كنت دايمًا بحاول أنظم نومي بس لمجرد تنظيم النوم
لكن لما حطيت هدف إني هنظمه عشان الليل دا للسكن والراحة
والنهار دا للعمل

نومي ظبط بفضل الله

الحاجات الروتينية لما بيتخللها نية صالحة بتختلف تمامًا!

في الشغل بتاعي في الصيدلية
الناس بتحب تيجي تتعامل معايا جدًا
وبيقولوا احنا بنيجي ليكِ

ودا عشان عاملة نية إن الشغل دا لله والدكتور علمني إني مستغلش مريض أبدًا عشان أبيع!
ولا أستغل حاجته للعلاج الناقص وأمنعه عنه

عارفين الحاجات دي بتهون علينا لو حد بيدعي لنا دعوة جميلة وهو ماشي

ربنا يسترك يابنتي يا رب دعوة بالدنيا والله والله!

لما أهلنا في البيت يقولوا عاوزين حاجة بسيطة زي بابا قال عايز أشرب
ممكن نقعد نتأفف كدا اللي هو قوم هات لنفسك
لكن لو احتسبنا الأجر إنه بر والدين وممكن تكون سبب في دخولنا الجنة دا له مذاق تاني تمامًا!

النية جميلة
فحاولوا مثلًا بكرا كدا
تقرروا تعيشوا اليوم زي رمضان
تصلوا الفروض بالنوافل مع الأذكار وورد القرءان
تجددوا النية قبل أي عمل حتى لو هتشربوا مايه احنا بنشرب مايه عشان جسمنا ينتفع ومش نتألم ونقدر نقوم بالعبادات

نلتمس أي شيء فيه أجر
وننتهي عن أي شيء فيه ذنب
نحاول نبعد قلوبنا عن أي فتنة كبيرة أو صغيرة
نخلي عيوننا تبعد عن الحرام
وسمعنا يبعد عن كل فساد!


صدقوني الحياة بالقرب من ربنا جنة!
جنة من ذاقها عرف
ومهما بعد بيرجع لربنا تاني:)

افتكروا دايمًا إننا هنا عشان نعمل للجنة
وإن دا هدفنا
فالله يرزقنا الجنة🕊.
1,235
آيَة.🇵🇸

16 Nov, 22:41

قبل ما ننام وكدا خلوني أتكلم معاكم كدا 👈👉
1,198
آيَة.🇵🇸

16 Nov, 21:52

والله يردنا له ردًا جميلًا ويستعملنا ولا يستبدلنا🕊
1,237
آيَة.🇵🇸

16 Nov, 21:52

المهم مش هركز مع الرسايل السلبية
بس في رسايل عسولة

في بنت قالت لفت في الرسايل القديمة وانتفعت ففرحت الحقيقة❤️

الله يرضى عنها وعنكم🤍🤍
1,220
آيَة.🇵🇸

12 Nov, 21:16

ممكن تدعولي معاكم في القيام؟

لعل منكم لو أقسم على الله لأبره"(
816
آيَة.🇵🇸

12 Nov, 08:19

‏"فمَن أرادَ أن يَكونَ هاديًا مَهدِيًا، فَعَليهِ أن يُقبِلَ
عَلى القُرآنِ مُلتَمِسًا الهُدىٰ منهُ. "
1,606
آيَة.🇵🇸

11 Nov, 17:34

💚
1,655
آيَة.🇵🇸

11 Nov, 15:33

تخيل..
2,033
آيَة.🇵🇸

11 Nov, 10:02

فالواقع أنه لا يهم أي تخصص تدرس ولا يهم بأي طريق سيكون عملك.. لكن الأهم والقاعدة الأساسية في حياتك؛

"المُؤمن كالغَيث أينما حل نفع"

فأنت تسعى أن تأتي بالخير في أي طريق يوجّهك الله إليه.

واعلموا أن مُهمتكم ليست ورقة تنالونها، إنما مُهمتكم أمةٌ تُحيونها :"))

-نُقل
1,771
آيَة.🇵🇸

11 Nov, 08:05

رابط قناة الدورة:
https://t.me/+qvgZKu2hDiowZjY0
شرح وحفظ اللامية
مدة الدورة شهر واحد فقط
الدورة يسيرة جداً
الدورة مجانية،يشترط الجدية والإلتزام.
1,729
آيَة.🇵🇸

10 Nov, 16:17

إنّي تذكرتُ والذكرىٰ مؤرقةٌ
مجدًا تليدًا بأيدينا أضعناهُ")
1,919
آيَة.🇵🇸

10 Nov, 11:50

https://on.soundcloud.com/thcxPnbyZKzfcAHM8

"وما جُرمي؟
سوى بالحلمِ أنّي
صغيرُ العمرِ
أرهقني التمنّي"
1,960
آيَة.🇵🇸

10 Nov, 09:44

كنت أظن الرجوع للإيمان سهلاً متى ما أردت.

فذهلتُ وعدتْ، فلم أرَ سراديب الايمان تتَفتّح بسهولة، ولا وجدان الفاقد المُهتدي يشِعُّ نورَه الأول، ولا لذّة الوصل تَتَأتّى كما كانت، و وجدت حلاوة الإيمان ليست لَعْكَة تَلُوكها متى شئت و تَلفِظها متى ما أردت....

فيا حسرة العارف المحروم.. !!

فمن أنعم الله عليه بالإيمان و ذاق حلاوته فلا يغتَرّ، ويرعاه كما يرعى غرسه وولده، بل أشَدّ وأوفى، فالغرس يُعوَّض والولد يُعوَّض لكن الإيمان لا يُعوَّض.

و الإيمان أصل كل شيء؛ فإذا ذهب يذهب معه كل شيء.

ولا يكفي إيمان العقل واعتقاده بعقيدة الحق وحسن الظن فحسب، وإنما تحتاج معه تربية النفس، وإخضاعها بالعبادة، وتعهدها بمراجعة الإيمان، ورعاية الروح، والتزكي لها.

" فضلا من الله ونعمة"

-نُقل.
1,819
آيَة.🇵🇸

10 Nov, 04:45

صبّحكم الله بالخير

استعينوا بالله وجددوا نواياكم لله وحده

عيشوا اليوم كأنه آخر يوم لكم في الدنيا واتقوا الله وأحسنوا عملكم:))

الله يحسن ختامنا..
1,831
آيَة.🇵🇸

09 Nov, 20:41

موبايلي مؤخرًا بيفصل كتير جدًا وممكن الحاجات العادية مش بعرف أمارسها عليه

النهاردة الصبح وأنا في الشغل قبل ما أروح فصل وأبى إنه يفتح
وكل ما يفتح يفصل

فقررت أقرأ من كتاب واخده معايا بس رجعت قولت لا وفتحت المصحف وقولت هقرأ قدر بسيط بالأحكام اللي اتعلمتها

خليني أقولكم شيء بس
أنا بفكر في الانتحار بمعدل كبير جدًا كل يوم
مع كل نفس بتنفسه حرفيًا
وأنا نازلة الشغل وأنا بنام
وأنا نايمة
كل دا

النهاردة معدل التفكير في الانتحار قل وأنا راجعة النهاردة لأول مرة من وقت طويل مقفش في نص الشارع مستنية عربية تخبطني 😁

بالعكس لقيت نفسي بمشي في جنب وبروح البيت بهدوء تام الحمد لله وحده

وأنا راجعة قعدت أفكر إيه الشيء اللي قلل التفكير لحد دلوقتي لسه واخدة بالي

أنا مقرأتش قدر كبير على عكس العادي
بس قعدت أقرأ وكأن الآيات بتمر على قلبي بهدوء تام

فزرعت في قلبي الهدوء والثبات

أوكي فكرت في الانتحار كالعادة بس المعدل قل

ودا السبب اللي دايمًا كان بيخليني مكملش مع الدكاترة النفسيين
كلامهم علمي بحت
اللي هو قاومي حبي الحياة اعملي حاجة تحبيها

حتى فاكرة مرة لما قررت أنتحر في نوبة من النوبات
قولت هصلي الأول
لما كلمت الثيرابي قالتلي لو بتهدي بالصلاة ماشي

اللي هو طيب يا دكتور مش أوبشن إنك تقوليلي استغفري بدل تمارين بالنسبالي ملهاش لازمة؟

حتى تركت الثيرابي فورًا لما كلامها بقى ممل وبقيت بكون هنام في الجلسة وحلولها كانت مملة ومرة اقترحت عليا ذنب أعمله

فالفكرة كلها إنه المرض النفسي هو فيه جزء منه
كميا وخلل وكل دا
بس يظل القرءان والقرب من ربنا مهديء للإنسان
ومُثبت
ومهون عليه

الله يمن على عباده بالعافية ..
1,935
آيَة.🇵🇸

09 Nov, 19:51

💚
1,862
آيَة.🇵🇸

09 Nov, 18:27

لو زعلتوني هاخد بعض وهمشي☝️
1,961
آيَة.🇵🇸

09 Nov, 18:26

https://899377885.sarhne.com

اشتقنا🌹
1,948
آيَة.🇵🇸

09 Nov, 12:49

و الحياة إن لم تستثمرها في السير إلى الله عز وجل، ذهب أغلى ما تملك وهو "عُمُرك"
ويندم المرء منا يوم لا ينفع الندم..

-الشيخ سمير مصطفى
2,080
آيَة.🇵🇸

09 Nov, 11:08

هُنا الدُّنيا..
حيثُ الأمنيات المنقوصة، ومفاجآت البلاء عند وهم الاستقرار،
هُنا نَضحك وقبل أن نتمَّه تُدرِكُنا الغُصَص،
هُنا السِّجن؛ والإفراج يَوم تَطير الأرواح لِمُستقرِّها.

وهُناك!
هُناك الجَنَّة..
حيثُ لا شَيء يَسلبهُ الزَّمان منك.

- الشيخ: بدر آل مرعي.
2,059
آيَة.🇵🇸

09 Nov, 04:22

ابدأوا يومكم بتبرع لأهلنا في غزة💚
2,003
آيَة.🇵🇸

09 Nov, 04:22

صبّحكم الله بالخير

يوم جديد = فرصة جديدة = توبة جديدة

النهاردة السبت اللي استنينا عشان نبدأ من عنده

اكتبوا عبادات اليوم وعبادات هتلتزموا بيها بإذن الله وجاهدوا إنكم تلتزموا بيها وراقبوا نفسكم كويس جدًا
عشان تعرفوا إيه أسباب السقوط وعدم الالتزام

استعينوا بالله واعرفوا إن بجهدكم مش هتقدروا تعملوا شيء..
لازم تعرفوا إن لا حول ولا قوة لنا إلا بالله
استشعروا معنى الذكر وحياتكم فعلًا فعلًا هتتغير..

عامةً احنا في الدنيا للعبــــادة وأشياء أخرى
فبلاش الأشياء الأخرى دي تلهيكم عن الهدف الأساسي.

وآخيرًا ابدأوا بالقليل
وقليل دائم خير من كثير متقطع
وشدوا الهمة
الجهاد في الدنيا مش سهل
والجهاد للجنة صعب..
فلعل الله يجازينا بالمحاولات.
2,014
آيَة.🇵🇸

07 Nov, 19:29

في خلال الأيام اللي فاتت نوعًا تفرغت لذهني شوية وبدأت أحلل مشاعري وكل حاجة
ونوعًا ما وصلت لأسباب اللي أنا فيه

بس في شيء جميل الحقيقة
كنت كل ما حد يكلمني يقولي أكيد فيه منحة وراء البلاء
فكنت بقعد أقول أنا كل حاجة باظت!
كل حاجة حرفيًا
حياتي اتدهورت فين المنحة؟

يعني منحة في العبادة فعبادتي تتحسن
بس على العكس أنا أوقات مش بقدر أقف عشان أصلي أصلًا فازاي!

لكن سبحانه كريم والله كريم أكرمني بأعظم مما أتخيل
ومنحني أكثر من منحة تخليني أخجل من نفسي

المهم إن أجوبة كثيرة هنلاقيها بمجرد ما نرجع لربنا ويكون هو المقصد رقم واحد
لما ترفع عينك للسماء وتقول يا رب
وقتها يجبرك!
2,182
آيَة.🇵🇸

07 Nov, 19:19

مكنتش متخيلة إني مهمة كدا🐢

هتخلوني أتمسك بالحياة ولا إيه😔
2,006
آيَة.🇵🇸

02 Nov, 07:45

نستودعكم الله مرة تانية على وعد باللقاء مرة تانية هُنا أو جنات الخُلد بإذن الله وحده💚
1,253
آيَة.🇵🇸

02 Nov, 07:44

السلام عليكم ورحمة الله وبركاته

صبّحكم الله بالخير 🌿.

طبعًا زي ما قولت إني هوقف نشر لفترة مازلت عند قراري فعلًا

لكن لكثرة الرسايل لصحابي وليا محتاجة أوضح كم شيء

مكنتش متخيلة بصراحة إني عندي ناس قلقانة عليا للدرجة دي😅
أو ناس همها إني أكون كويسة
حسيت بمشاعر طيبة الله يرضى عنكم يا رب وتدخلوا الجنة

في ناس هنا متعودة عليا وأنا شغوفة بالحياة وتطوير النفس
والأمل إن فيه فرصة طلاما لسه بنتنفس

فمحتاجة الصورة دي تفضل
محتاجة أحس إن لسه فيه أثر لو مت دلوقتي هلاقي ناس تذكرني بالخير

يمكن كانت غلطة مني إني أشارك الجزء دا من حياتي -الخاص بتعبي يعني-
لأن مش ناس كتير هتتفهمه لأن الإنسان طول ماهو برا مش بيفهم غير لما يجرب:))

عامةً أنا مش بطلت أنزل لأن حد مزعلني الحمد لله منّ عليا بقلب مش بيشيل من حد حتى لو طعن فيا ومسامحة أي حد مهما كان عمل إيه فيا.
أنا هنا بقالي ٣ سنين ونص

اتعرضنا لكتير بصراحة
وكنت بتقبل عشان كنت في سلامي النفسي
لكن حاليًا لا أنا مش متحملة شيء فالعزلة أولى بيا لحد ما أحس إني قادرة.

مش عايزة أعمل نفسي حد مهم بقا وإن فيه ناس همها علي
بس الرسايل اللي وصلتني من صحابي منكم تخليني أتكلم حتى لو شخص واحد بس مهتم لأمري.

أنا بحب أقدم لأي حد حتى لو تعبانة
لكن المرادي معنديش شيء أقدمه غير حزن
فأشيله بنفسي أولى صح؟

المهم تذكروني في دعواتكم
وقريبًا نعود لرسايل صبحكم الله بالخير
ونرجع تاني زي ما اعتدنا نقوم بعد السقوط

وآخيرًا الحمد لله على البلاء
الحمد لله على تذكرته لنا إنها دنيا:)
فلازم نتعلم عشان تُنزع من قلوبنا..

لازم نتعلم عشان منبقاش شياطين في صورة بشر والدنيا واخدانا!

هنموت فلعل الله سبحانه يجازينا
ويكفر عنّا

متنسونيش من دعواتكم
وممتنة للناس اللي هنا رغم تحول المحتوى بالشكل دا

جزاكم الله عنّي خيرًا.
1,381
آيَة.🇵🇸

31 Oct, 13:07

السلام عليكم ورحمة الله وبركاته

لأن الأمر وسع مننا بدون ما ناخد بالنا

نستودعكم الله لحين ضبط النفس.

دعواتكم🌿.
1,732
آيَة.🇵🇸

31 Oct, 10:22

مش هسمح لحد بعد كدا يتطاول بكلمة، اللي عايز يتكلم يكلمني أنا وأنا هعرف أرد عليه كويس
أنما آية اللي هييجي ناحيتها هزعله
وهيشوف رد مش هيعجبه..
متستغلوش تعبها وضعفها وتجرحوها فيه

هي مش بإيدها ومش بمزاجها يعني!

في حاجة اسمها مرض، ربنا مش قال في القرآن ليس على المريض حرج!!

بيعاني وتعبان وكيميا الدماغ فيها شيء!
هي مش بمزاجها
دي أفعال هي مش متحكمة فيها!

فاتقوا الله يعني
ودا حسابي لو حد عايز يتفلسف اتفلسفوا معايا أنا هعرف أرد

محدش يزعل من ردي، بس أنتو زودتوها ولازم نضع حد لدا.
الله لا يريكم بأس فيمن تحبون ولا يريكم بأس في أنفسكم
1,997
آيَة.🇵🇸

31 Oct, 10:18

جماعة ممكن بعد إذن أي حد يخليه في حاله؟
حرام عليكم والله..

مش عارفة هينفع أقول كدا ولا لأ
بس احنا حوليها وبنساعدها
هي مش محتاجة منك تنصحيها بشيء زي دا
وأكيد محدش هيحب نفسه يكون في المساحة دي

متضيقوش عليها
واعرفوا أنه غصب عنها!
ولو مكنتوش حاسين بشيء
مش مطالب منكم تحسوا
بس اسكتوا..

أنتو كدة بتأثروا عليها بشكل سلبي..
واللي بيتأثر منكم يمشي
محدش ضاربكم على إيدكم على تفضلوا هنا
العشم في الناس لمجرد أنكم متابعينهم
مش بيديكم الحق أبدًا تدخلوا في حاجات ملكومش فيها!!

يا ريت نتعلم الأدب، ونحترم أن اللي قدامنا مريض مش بيدعي دا.
1,807
آيَة.🇵🇸

31 Oct, 08:43

غيروا منبهات الفجر 😁.
1,808
آيَة.🇵🇸

31 Oct, 08:42

مهم مهم.
2,298
آيَة.🇵🇸

31 Oct, 08:21

لما تشوفيها بلغيني عشان أحذفه
مبحبش أرد على رسايل صراحة.
1,760
آيَة.🇵🇸

31 Oct, 08:20

حبيبي والله البنت كلمت روضة وكلمتني والأمر انتهى واحنا مش زعلانين منها في شيء الحمد لله ❤️
وأنا كنت مسامحة عادي لكن آذى روضة مكنش سهل عليا 😅

الشيء التاني
الأمر مش بإيدي والله
ودا المتنفس الوحيد اللي ليا
وكنت وضحت دا في بوست قبل كدا.

الله يرضى عنك يا رب ❤️
1,805
آيَة.🇵🇸

31 Oct, 08:15

ما ضيّعكَ يا مِسكين؟
وصفتَ الطّريق لكلّ سائلٍ وضَللتَ أنت!
1,663
آيَة.🇵🇸

30 Oct, 19:43

حفظ وتدبر سورة الحجرات للشيخ حازم شومان
دورة مهمة جداً
أسرار سورة الحجرات لا تنتهي
سورة الأدب.
https://t.me/elkahfff
التدبر للجميع هنا .
https://t.me/+W8scEOrbdBtiMDRk
الحفظ للنساء فقط هنا
جوائز الدورة:
اختبار في نهاية الدورة
شهادة تقدير
صدقة جارية .
2,374
آيَة.🇵🇸

30 Oct, 13:02

وأسوأ ما قد يبتلى به المرء أنه يفقد معنى الحياة!

تائة بلا وجهه، مهما حاول وأنهك روحه كل الطرق لا تلائمه، وكل المَسرات ناقصة، والدنيا بأكملها باهتة وسخيفة في نظره.

نُقل.
1,852
آيَة.🇵🇸

30 Oct, 10:02

ما غَابت الجَنة عَن ناظري أحد أبدًا إلا ساء خُلقه، ويَبس طَبعه وانغمست نفسه في الدنيا انغماسًا عجِيبًا.

وعلى قَدر حضور الجَنة في القلب= تحضر الهمم،
وعلى قَدر غِياب الجنة= تجد الإنسَان روحه تضعَف، والذِمم تُخرَّب.

ولا حل للحالة الإيمانية الهشّة؛ إلا استحضار بريق الجَنة في النفُوس. :)

-الشيخ: مُحمد خَيري.
2,754
آيَة.🇵🇸

30 Oct, 08:13

الله لا يحرمنا اللحظات دي💚
1,998
آيَة.🇵🇸

29 Oct, 21:35

وطبعًا صلوا القيام وادعوا لأهلنا في غزة وسوريا والسودان والمستضعفين في بقاع الأرض
ومتنسوش أميرة شُراب من دعواتكم والدعاء لها بالشفاء والعافية💚
1,976
آيَة.🇵🇸

29 Oct, 21:34

قبل النوم اكتبوا حاجات محتاجين تعملوها بكرا ورتبوا يومكم عليها

يعني ممكن نكتب ٣ حاجات بس ونحاول نلتزم عليها

دا هيساعدوا نركز جهودنا في حاجات محددة في الأوقات الفاضية

وكمان آخر اليوم هنحس بالإنجاز ودا يحفزنا إننا نكمل🌿

فشدوا همتكم وجاهدوا
الطريق مش سهل أبدًا
لكن بالاستعانة بالله كله بيتيسر💚
1,976
آيَة.🇵🇸

29 Oct, 20:46

كتير بنمر بلحظات فقد
ونيجي نتحسر بأنه فلان لو موجود
وعلان هموت من غيره!

لو يعلم ربنا خيرًا لأبقاه،
دا سلام ليك وليه
وكأنك أعلم وأفهم من الله!

دي أقدار ربنا يا مؤمن،
سلم لله وحده
لأن ربنا السلام
سلام من كل العيوب صفاته كاملة من نقص
وأفعاله سلمت من كل شر
فالنظارة بتاعتك مشوشة وعليها غبار محتاج تمسحه
وتنظف نضارة التوحيد

ازعل عادي لأنك بشر
بس حركات قلبك لازم تكون موقنة في الله السلام الحكيم المدبر


عارف
آباء الأنبياء مختفيين من المشهد في القرآن ليه؟

يعني سيدنا محمد صلى الله عليه وسلم والده مات
وباقي الأنبياء مفيش والد حد فيهم دعمه مثلاً أو وقف جنبه
أو أو !

ربنا بيعلمنا هنا أن الولي هو الله
الوحيد سبحانه الذي سلم من كل نقص
أصل الموت دا نقص
والنوم دا نقص
والفقد دا نقص
فمفيش حد سالم من النقص غير ربنا، فسلِّم له.🌷
1,930
آيَة.🇵🇸

29 Oct, 20:40

بما أن آية في الشيفت ومش مركزة أوي تيجوا نتكلم كلام مُفيد🌷
1,749
آيَة.🇵🇸

29 Oct, 19:36

كأنَّ دُنياهُ ليست دُنيا الناس، ولكنّها دُنيا رأسِه ..

- الرّافعي.
1,872
آيَة.🇵🇸

29 Oct, 12:30

الحمد لله وحده.

لو كان السّخط على أقدار الله تعالى يغيِّر منها شيئًا فينتفع الإنسان في الدُّنيا، لكان حرامًا وإثمًا وحماقة، مع نفع الدُّنيا.
فكيف والسَّخط لا يؤثِّر في شيء؟!

قضاء الله نافذ، وربُّنا تعالى يحكم ما يريد، ويفعل ما يشاء.
إذا رضيتَ أو صبرتَ، فالقدر نافذ.
وإذا سخطتَ أو جزعتَ، فالقدر نافذ.

وإنَّما ينتفع الراضي الصابرُ والشَّاكرُ: بعمله، ويضرُّ الساخطَ والكافرَ عملُه.

فإذا كرهتَ ما أنت فيه من المرض أو الضِّيق أو السُّوء؛ فارض بالقضاء واصبر تؤجر.
وإذا رضيت بما أنت فيه من النعمة والإحسان؛ فارض بالقضاء واشكر تؤجر.
وخلاف ذلك إثم بلا طائل ولا فائدة.

-ش.خالد بهاء الدين
2,127
آيَة.🇵🇸

28 Oct, 14:36

جميل!
778
آيَة.🇵🇸

28 Oct, 13:32

أول سنوات الالتزام الإنسان كان ينام بدري ويضبط المنبه على وقت السحر

تماما نفس الوقت دا علشان يقوم يختلي مع ربه جل وعلا
يصلي ويبكي ويتباكى

وله حاجات لا يكف عن سؤال الله إياها..

كان يقوم وقلبه مليان حب وشغف تجاه الوقت دا

كان يقوم وهو مستشعر أن ملك الملوك تنزل للسماء الدنيا

وكأنه يلبي نداء الله هل من داع .. هل من مستغفر..


ااخ، اللهم عودة ..
كبلتنا ذنوبنا والله

-نقل
897
آيَة.🇵🇸

28 Oct, 11:50

الوضع الحالي 🌹
1,062
آيَة.🇵🇸

27 Oct, 20:54

طبعًا الوالدة كانت موصياني محدش يعرف
بس طبعًا أنتم مش حد🤩
1,421
آيَة.🇵🇸

27 Oct, 20:49

لا بأس بالضعف والسقوط في أوقات كتير جدًا عادي خالص

المهم منفضلش في القاع
البوست دا هو محاولة مني للتشبث بآخر أمل

وزي ما أختي بتقولي لو مش بتفكري في نفسك
فكري فينا

وبفتكر بابا لما قولتله وحزنه بحس دا دافع أكون أحسن

ويمكن أنا أكثر حظًا من ناس كتير بوجودي وسط ناس جميلة وناس بتحبني وناس بتدعمني

حتى الدكتور في الصيدلية اللي بشتغل فيها
بقا بيدعمني نفسيًا زي والدي بالظبط ويشيل عني أيام الجلسات

كل دي مواقف ممتنة لربنا فيها

أنا إنسان صُنع بالابتلاءات ولطف الله في كل بلاء والله

فراضية تمامًا بكل شيء
ومهما كانت النهاية هيظل قلبي مليان رضى
إنه اختارني وابتلاني
لعله يكفر عني ويردني له مرة تانية>>
1,437
آيَة.🇵🇸

27 Oct, 20:46

السلام عليكم ورحمة الله وبركاته

كيف حالكم يا كرام

فيه ناس كتير دخلت القناة مؤخرًا وعدد كبير كذلك خرج

مرحبًا بالناس الجدد وممتنة للناس اللي باقية رغم كل شيء:))

أنا آية
حد عادي خالص خالص خالص

في يوم قررت أحاول وأرجع لربنا وأتوب من كل ذنوبي
وكنت وقتها البلاءات تصب عليا صب والله

وسبحان الله لما قربت لربنا كل حاجة بدأت تتحل
الحمد لله الحمد لله

هنا كانت مساحتي في مشاركة كل شيء تطورات وعثرات ووقعات كل شيء حرفيًا أنا لما بلف في البوستات بحس إنها رسايل ليا وبفرح بإني كنت كدا وبيكون عندي أمل إني هبقى أحسن

كل حد فينا لازم يمر بوقعات كبيرة في حياته ودي اسمها اختبارات
الله سبحانه يرى هنتحمل ولا لا
هنقدر ولا ولا؟

المرادي الأمر مختلف عن كل مرة
يعني أنا مرة فقدت بصري
الحمد لله اتعافت رغم يأس كل اللي حواليا

أنا بقيت مريضة اكتئاب وثنائي القطب وفي شيء كمان شاكين فيه للأسف

عامةً دي مش المرة الأولى اللي يجيبي اكتئاب فيها
بس على عكس المرة الأولى أنا بواجه كل الألم دا

ورغم آلامي الجسدية بقاوم وبنزل الشغل وبشتغل كذا شيء بحاول أتفاعل مع الناس

كل دا بحاول أعمله فعلًا

عامةً المرض النفسي شيء بشع خاصةً لو مش لاقيين سبب ملموس تعالجوه

لذلك التحدي بيكون إنك ترجع تكون إنسان سوي
وبعدها تبدأ تعيش حياتك

فمش مطلوب مننا في الوقت دا غير إننا نرفق بنفسنا
نهديها ونهون عليها عشان تعدي الصعب وترجع تكون كويسة

ليه بقول دا دلوقتي؟

في أوقات النوبات بقعد أصيح هنا كتير
لأني زي ما قولت إني واخدة القناة كمتنفس ليا في كل شيء

فلما أصوات الزن بتزيد والألم بيزيد
بنزل لينك صراحة مع إني حذفته من زمان وكنت قفلاها
بس عشان أشتت نفسي

ومش عيب لو قولت إني فكرت في الانتحار كتير
والأمر مبقاش مجرد تفكير أنا بقيت بعمل محاولات بدون وعي مني

ودي حاجة مرعبة أنا عايزة أموت ميتة سوية وأدخل الجنة
متمناش أبدًا أموت بالشكل دا

عارفة إن في وسط ال ١١ ألف في ناس زيي
وناس بتعاني فعلًا

بس أنا مش بحس بخجل بصراحة لما حد يعرف عن تعبي
بالعكس أنا بحس إني بحاول أخرج من إطار يا عيني دي اتجننت لدرجة بتروح لدكتور نفسي

صرفت كتير جدًا على العلاج والجلسات والتنقل بين الدكاترة لعل حد يقولي عكس اللي حصل

بس الأمر بقا واقع

محتاجين نمشي في حياتنا في رحلة تعافي ونتقبل نفسنا عادي
وصدمتنا وآلامنا نواجهها منهربش منها

عشان ممكن تخلينا نتجننن
1,378
آيَة.🇵🇸

27 Oct, 20:19

https://899377885.sarhne.com

هلا🌹
1,258
آيَة.🇵🇸

27 Oct, 20:04

إنا لله
يفعل بنا ماشاء:))
1,361
آيَة.🇵🇸

27 Oct, 10:38

ادعولي بالشفاء يا جماعة
الوضع بقا سيء والله"))
1,889
آيَة.🇵🇸

27 Oct, 09:51

قَالَ لي ابنُ عَبَّاسٍ: ألَا أُرِيكَ امْرَأَةً مِن أهْلِ الجَنَّةِ؟ قُلتُ: بَلَى، قَالَ: هذِه المَرْأَةُ السَّوْدَاءُ؛ أتَتِ النَّبيَّ صلَّى اللهُ عليه وسلَّم فَقَالَتْ: إنِّي أُصْرَعُ، وإنِّي أتَكَشَّفُ، فَادْعُ اللَّهَ لِي، قَالَ: إنْ شِئْتِ صَبَرْتِ ولَكِ الجَنَّةُ، وإنْ شِئْتِ دَعَوْتُ اللَّهَ أنْ يُعَافِيَكِ، فَقَالَتْ: أصْبِرُ، فَقَالَتْ: إنِّي أتَكَشَّفُ، فَادْعُ اللَّهَ لي ألَّا أتَكَشَّفَ، فَدَعَا لَهَا.  [وفي رِوايةٍ عَنْ عَطاءٍ]: أنَّه رَأَى أُمَّ زُفَرَ تِلكَ، امْرَأَةً طَوِيلَةً سَوْدَاءَ علَى سِتْرِ الكَعْبَةِ.
1,653
آيَة.🇵🇸

27 Oct, 07:38

وإذا لم تنشرها فاعلم أن الشيطان قد منعك😂
1,679
آيَة.🇵🇸

27 Oct, 07:37

مهم ..
1,815
آيَة.🇵🇸

27 Oct, 07:31

إن كان لك وردٌ من القرآن فزده، وإن لم يكن فابدأ

الأيام ثِقال والحمل يزداد
وجمر الدين لم يحم بعد وعتمة القبر موحشة
ولم يكتب على أبواب المقابر يومًا أنها للكبار فقط!

"حَتَّىٰ إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ".

{ لعلي أعمل صالحًا ..}

أنت هُنا، فاعمل!

-نُقِل.
1,738
آيَة.🇵🇸

26 Oct, 22:12

صلوا القيام وادعوا لأهلنا في غزة وسوريا والسودان ..

ومتنسوش تدعوا لأميرة شراب
1,775
آيَة.🇵🇸

26 Oct, 16:16

حُلمِي الصغير أن أحيا بسلام
في بيتٍ تصحو بزواياه الأحلام:))
1,811
آيَة.🇵🇸

26 Oct, 16:10

الله يرحمه يا رب ويسكنه فسيح جناته ..
1,993
آيَة.🇵🇸

26 Oct, 14:01

‏ثم امشِ وامشِ وامشِ، حتى يلهيك الألم في قدمك عن كل ألمٍ آخر!

- فريد عمارة.
2,073
آيَة.🇵🇸

25 Oct, 17:49

بالنسبة لأهلنا في غزة
كلنا مقصرين
كلنا كلنا
عشان تكرار الرسايل نعمل إيه

نعمل إيه؟
في إيدينا كتير
لو مش عارفين نساعدهم

-نتقي الله لأن ذنوبنا بتأذيهم
-تبرعوا لهم فيه جهات كتيرة جدًا للتبرع
وأميرة قائمة على الأمر بفضل الله وثقة
-ادعولهم
-قاطعوا
-صلحوا نفسكم
-ادعموهم بكل كلامكم

لو كل حد فينا انتظر غيره يعمل حاجة محدش هيعمل حاجة

والحاجات اللي فوق دي مش كفاية لتسكين الضمير ولا حاجة
هنظل مقصرين
فاحنا هنعمل اللي في إيدنا
ونبقى عارفين إننا مقصرين بردو.
2,136
آيَة.🇵🇸

25 Oct, 12:27

وهكتب لصاحبي اللي سافر جواب..

وأقوله إن صاحبك حبيبك تعب"))
2,006
آيَة.🇵🇸

25 Oct, 09:43

عزاؤنا الوحيد أنها دنيا")
والحمد لله أنها دنيا..

يا رب ندخل الجنة
يا رب لا تحرمنا بسوء عملنا
الله يكرمنا بالجنة
الله يمن علينا برضاه علينا رغم ذنوبنا
يا رب ندخل الجنة
يا ربّ"))
2,043
آيَة.🇵🇸

24 Oct, 17:48

كل لحظة بدرك فيها إن الإنسان بدون القرءان هالك
لحظات التزامك الأولى بتبدأ لما تبدأ في طريقك للقرءان
كل خطوة في طريق القرءان بتعليك في حاجات تانية سبحان الله بدون ما تدري

لحظات انتكاستك بتبدأ من أول لحظة تهمل الورد بتاعك حتى لو هتترك منه آية واحدة بس
بتكون بداية للانتكاس

الإنسان في الزمان دا والفتن دي محتاج يتمسك بالوحي ويتمسك بالسنة

عن أبي هريرة -رضي الله عنه عن النبي ﷺ قال: «تركتُ فيكم شيئينِ لن تضلوا بعدَهما كتابَ اللهِ وسنتي ولن يفترقا حتى يردا علي الحوضِ»

تمسكوا بالدين الفتن بتأخذ الإنسان ومبيعرفش يرجع
حتى أشد الناس ثباتًا لما بتتفتن خلاص:))

وخلينا فاكرين محدش كبير على الفتنة
ولا أمان للإنسان لحد ما يموت وربنا يكرمه بالجنة.
1,579
آيَة.🇵🇸

24 Oct, 16:19

بين البر والعقوق
قصص الكثير من الفتيات الملتزمات
مجلس هام الساعة تسعة اليوم .
https://t.me/+JLp9e6AdxxUwNjE0

القناة للنساء فقط
1,432
آيَة.🇵🇸

23 Oct, 11:28

-
أفضل ما يمكن أن تقدمه لشخصٍ هو أن تجعله يتحدث مطمئنًا.
أن تُخرجه من دائرة الحسابات، والتفكير في كل كلمة قبل أن ينطق بها،
أن يظل آمنًا من تغيُّر صورته في عينيك مهما كان الذي أفضى به إليك..

بعض الأشخاص تجتمع عليهم الكلمات فتأكلهم ولا ينطقون بها؛ لأنهم لا يجدون من ينصت ويتفهم ويحنو،
ويظل مأمون القلب والجانب.

والكثير منّا إنما يحتاج محض الإنصات إليه،
لا حل، ولا محاولة إصلاح،

_فقط_ تستمع إلى قلبه وتأمّن خوفه لتخبره بذلك أن في العالم مكانًا يسعه مهما ضاق به.

-نُقل.
1,712
آيَة.🇵🇸

23 Oct, 04:08

الطَّرِيقُ إلى اللّٰه عزيز، والثَّبات عزيز، والقُرآن عزيز، كلُّ ما كان لِوجهِ اللّٰه سُبحانه؛ عزيز، ثقيل لا يُنَال بسهوله،

لأنَّ خلفه جَائزة ثَمينة تستحق أن تشقي النُّفوس فِي سبيلِ الوصول إليها؛

ألَا إنَّ سِلعةَ اللّٰه غاليةٌ، ألا إنَّ سِلعةَ اللّٰه الجنَّة!

- هاجر أبو الحسن.
1,699
آيَة.🇵🇸

22 Oct, 21:11

https://t.me/meraemad2016

ادخلوا🌷
1,650
آيَة.🇵🇸

22 Oct, 14:43

عن أنس بن مالك –رضي الله عنه-عن النبي ﷺ قال (أوَّلُ ما يحاسبُ بِهِ العبدُ يومَ القيامةِ الصَّلاةُ، فإن صلُحَت صلُحَ سائرُ عملِهِ، وإن فسَدت فسدَ سائرُ عملِهِ .
فلابد من وقفه مع صلاتنا
دورة مكثفة عملية أكثر من مجرد سماع مجالس
يتم استخراج التطبيقات العملية من المجالس ومتابعة ذلك عن طريق إرسال فورم
لتسجيل ماذا تغير فيكم

مدة الدورة ثلاث أسابيع
مدة المجالس : خمس ساعات
سددوا وقاربوا
وانشروا الإعلان بينكم تكن شريكاً في الأجر
دعوة للخشوع في الصلاة و دعوة غير المصلين للصلاة .
رابط الدورة 🔻
https://t.me/tobeactive2002
1,974
آيَة.🇵🇸

22 Oct, 14:02

توكل على الله، واجعل هذه الذكرى صانعة لك بأمر الله تعالى
انظر إلى أبطالٍ استعانوا بالله؛ فغيروا وجه العالم بأمره
رزقهم الله الصدق، والعمل، والإقدام، والبسالة

فَـ قم لله، واستعن به على صلاح أمرك، وعالج مشاكلك بقوة الله، وسله أن تكون مُباركًا على أمة محمد صلى الله عليه وسلم

نظم يومك، أكثر طاعاتك، تب من ذنوبك ولهوك وفسادك.

م/مريم أحمد سكاف.
1,872
آيَة.🇵🇸

22 Oct, 09:50

حد يعرف يجيبلي فيلوزاك ٢٠مجم 🤏🏻
مش عايزة بروزاك العلبة بتكفي أسبوع واحد للأسف🫠
وستاتومين ١٠٠مجم أو ٥٠ مجم

@AYA_RAGAB18
1,992
آيَة.🇵🇸

22 Oct, 09:09

يقولون: هو مؤدَّبٌ لكنه لا يصلي!

قولوا: إنما الأدب مع الله، وأوَّلُه ‍الصلاة.

هذا لا أعدَم أدبًا منه، وما تأدُّبه إلا رِئَاءٌ أو عجزٌ.

عبدٌ ينادي عليه سيِّدُه كل يومٍ خمس مراتٍ: الله أكبر.

سيِّدُه الذي هو أولى شيءٍ بإجابته؛ فإنه خالقه ورازقه وحدَه.

هذا الذي لا يجيب الله، أو يجيب مرةً ويُعْرِض مراتٍ؛ سَمِع بالأدب!

إنما الميزان ميزان الله، من خَفَّ فيه لم تُثْقِله من بعده موازينُ العالمين.

لا ترضَوا بالمفرِّط في الصلاة زوجًا ولا صديقًا؛ حتى يَرضى بالله حقًّا فنَرضى به.


حمزة أبو زهرة.

فيسبوك.
1,916
آيَة.🇵🇸

22 Oct, 08:32

رعب!
1,771
آيَة.🇵🇸

22 Oct, 04:09

"وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا"
1,763
آيَة.🇵🇸

22 Oct, 04:07

صبّحكم الله بالخير.

امبارح كنت قاعدة براقب علاقتي بربنا بقت عاملة ازاي وبشوف التقصير عشان أحاول أستدركه
فلقيت نفسي قصرت في كذا شيء
فحسيت كل حاجة بدأت تكركب فوق دماغي

لقيت في بالي بتتردد آية
﴿ وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ ﴾

حسيت باستشعار لمعنى الآية كأنّي أول مرة أسمعها
كل ما تبعد كل ما تتعذب أكتر

عامةً في أوقات البلاء أو البعد عن ربنا بحس إن كل حاجة بتحدثني بشكل خاص وكأنها موجهة ليا عشان أرجع تاني لطريق ربنا وإن مهما لفيت فالراحة الأبدية هتكون مع ربنا وبس!

النهاردة يوم جديد
وممكن يكون هو اليوم الفارق في علاقتنا بربنا

ندعي ربنا إنه يعين
ويثبتنا
ولازم ناخد بالنا إننا طلاما بدأنا في طريق ربنا
هنختبر
وهنتعب عشان نوصل
فلازم لازم نستعن بالله عشان محدش فينا بيثبت بمجهوده

يوم جديد ومحاولات جديدة لصلاح النفس وتغيريها
متنسوش أورادكم وأذكاركم

وحاولوا على الأقل نموت على الطريق🌿.
2,298
آيَة.🇵🇸

21 Oct, 13:41

السلام عليكن ورحمة الله تعالى وبركاته.

من حوالي خمس سنين فقط لم يكن لدينا ما يسمي بالتيك توك

ولم تكن تخرج النساء من بيوتهنّ التي أمرهنّ الله عز وجل بالستر والقرار فيها

لتصف لنا نفسها وبيتها وأهلها، لتعرض لنا ثيابها وماذا جلب لها زوجها وماذا فعلت بحماتها وماذا فعل ابنها، كنّ مستورات

لم تكن إحداهنّ تعرض علينا جدارن بيتها وكيف تنظفه!

حتي وصل بنا الأمر والتسابق علي الظهور أن المحسوبين علي الدين والألتزام صرنّ ينجرف وراء عبودية الظهور والسعي لإبراز كل ذلك.

حتي صار الأمر عمل يُدفع له الأموال لخروج نساء المسلمين ودفعهنّ للتخلي عن حيائهن ولهتك مفهوم الستر لديهنّ.

يا إماء الله
يا إماء الله
يا إماء الله
يا إماء الله

ما لكم لا ترجون للهِ وقار!
ما لكم لا ترجون للهِ وقار!
ما لكم لا ترجون للهِ وقار!


-منال آل شلبي
1,820
آيَة.🇵🇸

21 Oct, 07:27

رحمة الله عليه.

اللهم شفّع فيه القرآن.
2,276
آيَة.🇵🇸

21 Oct, 05:17

هل العمر يمر دون جدوى؟

ج) الحمد لله وحده.

إذا صليتَ الخمس صلوات، وصمتَ رمضان،
وأديت حق الله في مالك، وكففت شرَّك عن
نفسك وعن الناس، واستغفرت الله وتبت إليه كل
يوم: فالعمر يمرُّ بأعظم جدوى.

ومن استزاد زاد.

الشيخ خالد بهاء الدين
1,989
آيَة.🇵🇸

20 Oct, 11:58

عسل❤️
2,239
آيَة.🇵🇸

20 Oct, 11:10

أَمَا آن لكَ أن تتوب؟

أظنُّكَ ذُقتَ مرارة الذَّنب، ورأيتَ أثره، وعلِمتَ أنها لذَّة عابرة، لا سعادة دائمة، وقد علمتَ أنَّ للطاعةِ حلاوة، وأثرها واضح بيِّن في حياتك وجميع شأنك.

وأنَّ مِن البلايا العظيمة فقدانها والبعد عنها، فما آن لك أن تتوب من الذنوب والمعاصي؟

وتعود للجادةِ الصحيحة، طاعة الله تعالى ورسوله -ﷺ-؛ فلا سعادة ولا فلاح ولا نجاح ولا نجاة إلَّا بهما.

-نُقل.
2,252
آيَة.🇵🇸

20 Oct, 04:13

يا عبدالله إن إهمالك وردك القرآني، وابتعادك عن مصحفك ولو لساعات ضربة في بنيانك ليسقط، ومسمارٌ في نعش إيمانك، وفسادٌ في قلبك مهما كان الخير الذي انشغلت به عن القرآن
فما بالك إن انشغلت عن القرآن باللهو والعصيان

كلُ هذا في صحيفتك خُسران؟

-معلمة مريم أحمد سكاف.
2,822
آيَة.🇵🇸

20 Oct, 01:12

السلام عليكم ورحمه الله وبركاته
بداية مشروع جديد بفضل الله
نسأل الله القبول
حفظ وتدبر القرآن للنساء فقط
يتم الإعلان عن الدورات داخل القناة
https://t.me/+W8scEOrbdBtiMDRk
لا نقبل إلا أسماء نساء صريحة
بوركتم
2,049
آيَة.🇵🇸

19 Oct, 18:25

آه نسيت لما تختار تبدأ في حاجة واحدة
الشيطان هينفخك شتات
وهتلاقي دورات وكتب أد إيه جامدة طلعتلك من تحت الأرض

فاثبت
أنت عارف المشكلة من دلوقت أهو وعارف عداوة الشيطان
فاتحذه عدوًا
وكمل للنهاية..☝️
2,018
آيَة.🇵🇸

19 Oct, 18:24

كل دي أسباب آه
بس متنساش رب الأسباب
القوي المهيمن الفتاح المؤمن!

ادعيه واستغفر كتير!
وبس كدا بتمنالك أيام مليئة بالخير والبركة 💕
1,677
آيَة.🇵🇸

19 Oct, 18:22

وابدأ ولو بنص ساعة لحد ما تعلم نفسك الأدب..
ومتستقللش بالنص ساعة أو الساعة في الأول
اعملها بس واستمر عليها، أدومه وإن قل..

بالراحة وبهدوء محدش بيجري وراك بشكل نهائي لكن أمتك زي ما أنت شايف
فيا تيجي على نفسك وتبطل دلع
يا الفتن هتشلوحك
مجرد ما الشهر بيبدأ بتلاقيه بيخلص !

والوقت بيعدي بشكل عبيط
مش هتحس أصلاً بيه
هتزهق في الأول أيوة بس بالصبر هتعتاد
ومع سرعة الأيام مش هتحس
1,635
آيَة.🇵🇸

19 Oct, 18:20

هقولك كدا أنت موهوم...
وهتنام مش هتعمل أي حاجة في أي حاجة..
هقولك خد بأولوية الوقت
كليتك + حاجة واحدة أو اثنين بالتناوب تحسن نفسك فيهم
ومش هتبص لغيرهم لحد ما تخلص الأساسي ولا ما لا يسع المسلم جهله..

مثلاً هبدأ فقه وسيرة مع الكلية..

هتذاكر ٣ أيام للتخصص بتاعك، لأن دا واجبك
و٣ أيام تقسمهم في الفقه والسيرة وتدارك نفسك..
1,690
آيَة.🇵🇸

19 Oct, 18:17

واتعلموا الصبر، وإدارة الوقت والتخطيط..
طبعًا هتقولي أحلامي كتير أتعلم إي ولا إي ولا إي
نفسي أتعلم لغات وقرآن وحديث ونحو وصرف وسوفت اسكيلز وبيانات وحوارات!!
وشعر ونثر وكتابة محتوى!

واشتغل معلم قرآن، وتسويق وداتا وتخطيط وكوتش
وعلم نفس واستشاري وطبيب وداعية!
1,571
آيَة.🇵🇸

19 Oct, 18:16

أنما الحالة اللي احنا فيها خلتك هش في أي حاجة..
لأنك معندكش أصول في أي منهج..
تايه ومشوش
وأي معلومة هتيجي بدون الأصول لأي علم
هتكون عاملة زي القشور بالظبط!

فمتهملش الأصول علشان متتوهش
1,517
آيَة.🇵🇸

19 Oct, 18:14

في النحو مثلاً أو التفسير
اختار حاجة واحدة بس أو اثنين
وابدأ بكتاب بسيط أو دورة صغيرة
بس متزودش
حط أساسات وخلي أساسك متين..
990
آيَة.🇵🇸

19 Oct, 18:13

في وسط الأحوال اللي احنا فيها حاليًّا كتير بيكلموني أنهم واقعين ومش عارفين يعملوا حاجة..
كل عصر بيكون فيه بلاء
احنا بلاءنا كثرة المتاح وتشعب كل حاجة
يعني الموضوع الواحد فيه آلاف الكتب!

فأنت محتاج بهدوء تعرف احتياجاتك
وتعرف في كل حاجة منهم الأصول بس..
يعني ما لا يسع المسلم جهله في الفقه والعقيدة والحديث والتجويد وهكذا!
1,080
آيَة.🇵🇸

19 Oct, 18:08

يا ولاد موجودين نتكلم شوية 💕
1,051
آيَة.🇵🇸

19 Oct, 07:35

ذَنبُك المُتَعَمَّد، خَطؤك المَقصُود، كُلّها مَعاول هَدم، خَضَعتَ لها لِضَعفٍ منكَ، ثمّ سَلَبَت مِنك إرادَتك، أمَا آنَ أوانُ القُوّةِ بعد!

-قصي عاصم العسيلي.
1,499
آيَة.🇵🇸

19 Oct, 03:51

إن عجزت عن أذكار الصباح كاملة لا تعجز عن أربعه أذكار يسيرة، وأثرها كبير بإذن الله..

1- سبحان الله وبحمده عدد خلقه ورضا نفسه وزنه عرشه ومداد كلماته "ثلاثًا"
‏2-أعوذ بكلمات الله التامات من شر ما خلق "ثلاثًا".
‏3-رضيت بالله رباً وبالإسلام ديناً وبمحمد ﷺ رسولاً "ثلاثًا".
4- سورة الإخلاص والمعوذتين "ثلاثًا".
1,430
آيَة.🇵🇸

18 Oct, 18:22

تاني 😔
1,836
آيَة.🇵🇸

18 Oct, 18:22

https://t.me/+hyvh3sLKwVM2N2I8
للنساء فقط

مسابقة بجائزة قسيمة شراء ب 1000 جنيه مقدمة من متجر رفيق 🩷🦋

شروط المسابقة والكيفية في المنشور المثبت بالقناة
1,883
آيَة.🇵🇸

18 Oct, 17:28

ربح البيع!
1,888
آيَة.🇵🇸

18 Oct, 16:16

الله يهدينا ويتجاوز عنّا
2,439
آيَة.🇵🇸

18 Oct, 13:45

❤️
1,928
آيَة.🇵🇸

18 Oct, 13:27

_

من رواية "الشوك والقرنفل"، للقائد أبي إبراهيم السنوار -تقبله الله-، التي كتبها في سجنه عام 2004م، واليوم وبعد عشرين سنة، يرتقي إلى ربه شهيدًا على الطريقة التي يحبها.
1,881

2024 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.