Ali Zairov | Blog

On Creativity, by HBR'S 10 must reads
Bergan bahoyim: 7/10
7.12.24 — 10.12.24
201 bet

Kitob Kreativlik haqida Harvard Business Review'da chop etilgan Top11 ta maqolani o'z ichiga olgan. Kitobda har qanday inson kreativ fikrlay olishi mumkinligi haqida urg'u beriladi. Muammolarda qanday qilib nostandard yechimlar berish mumkinligi haqida misollar bilan tushuntirilgan.

Ko'pchilik insonlar o'zini kreativ emas deb o'ylashadi, lekin aslida unday emas. Balki, aslida ularda noaniqlikdan qo'rquv, odamlar muhokama qilishidan qo'rquv, birinchi bo'lib boshlashdan qo'rquv va nazoratni yo'qotib qo'yishdan qo'rquv bor, shuning uchun ham ko'pchilik o'zini kreativ emas deb hisoblaydi, shular to'g'rilansa har qanday inson kreativ bo'lishi mumkin degan messej beriladi kitobning bir qismida.

Kitob menga juda nazariydek tuyuldi. Keys kamroq kelgan.

Olgan ba'zi insaytlarim:

— Kreativlik bu — tug'ma talant emas, balki uni mashq qilsa va rivojlantirsa bo'ladi.
— Atrofga boladek nazar soling, atrofingizda nimalar sodir bo'layotganini tushunishga harakat qiling. Mohiyatni anglashga harakat qiling.
— O'ziga ishonch bu — faqatgina g'oyalaringiz yaxshi ekanligiga ishonish emas, balki sog'lom kritika qila olish hamdir.
— Siz qanaqa jamoada yoki qayerda ishlashizdan qat'iy nazar — tashqaridan beriladigan fikrlar ichkaridagiga taqqoslaganda ko'proq bo'ladi.
— Mardlik bu shunchaki kichik qadamlardan tashkil topgan yo'ldir.
— "Innovatsiya qilish yoki o'lish — bu biznesning yakuni deb qaralsa nega bugun bizneslar ikkinchi yo'lni tanlayapti?"
— Xodimning dunyoqarashi qanchalik keng bo'lsa, unda izlanish uchun va muammolarni yechish uchun shunchalik ko'p imkoniyat bo'ladi.
— Xodimlarga qaysi tog'ga chiqishni ko'rsating, ular esa o'zlari qanday qilib chiqish kerakligini hal qilishsin.
— Tashkilotlar ko‘pincha kreativlikni buzib, uni sun’iy ravishda tezlashtirishga harakat qilishadi. Bu esa ishonchsizlikka olib keladi va bajarib bo‘lmaydigan muddatlarni belgilash orqali insonlarni jismoniy va ma’naviy jihatdan charchatadi.
— Xodimlarga ularning ishlarining ahamiyatini his qildiring.
— Pul o'z-o'zidan insonni ishiga muhabbatli qilib qo'ymasligini tushunish kerak. Inson qalbining tubidan ishini zerikarli deb bilsa, unda uni hech qanday miqdordagi pul mukofoti uni ishiga muhabbatli qilib qo'ya olmaydi.
— Menejerlarning eng ko'p tarqalgan xatolaridan biri bu — jamoasiga bir xil fikrli insonlarni yig'ishidir. Oqibatda esa ish jarayonida turli fikrlar kam bo'ladi.
— Pixar misolida, xodim biror muammoni hal qilmoqchi bo'lsa unda, u har qanday bo'limga kirib uni hal qila olish imkoniyatiga ega edi, hattoki u yerdagi odamlar bilan to'g'ridan-to'g'ri ishlamasa ham.
— O'zingizdan aqlliroq odamlarni ishga olish bu — normalno. Shunaqa qilish kerak.
— Multfilm ishlab chiqarilishida, boshqaruvda Producer va Rejissor bo'lishi shart. Hamda, jamoa to'liq produkt g'oyasi ustida ishlashi kerak. G'oyani detaligacha kirishish kerak. Kunlik qilingan ishlarni kun oxirida to'liq jamoa bilanbrif qilish foydali.
— ""Oltin" qoidalar haqida unuting, unaqasi yo'q"
— Tanqid oxir oqibat baribir sizning yaxshi qaror chiqarishingizga xizmat qiladi.
— Har qanday muammoni hal qilish ikki bir-biriga bog'liq harakatdan iborat: maqsadni belgilash va ushbu maqsadga erishish uchun resurslarni hozirlash.
— Qiziquvchan insonlar ishda samaradorligi yuqori bo'ladi.
— "Xodimlarning o'qib/rivojlanib ketib qolishi, o'qimasdan bizda qolganidan afzaldir".
— Savol berishdan cho'chimang, ahmoqona savol bo'lsa ham beravering. Edvin Lend (Edwin Land) kichkina qizi "Nega rasm chiqishini buncha kutishimiz kerak?" deb savol berganidan keyin Polaroid fotoapparatni ixtiro qilgan.
— "Biz hozir qilib turgan ishimizni qilishdan to'xtasak nima bo'ladi?"
— Ba'zida o'zingizning qanchalik ahamiyatli ekanligingizni bildirish uchun savol berishning o'zi kifoya bo'ladi.

Kitobda ko'plab juda yaxshi xulosalar kelgan. Juda ilmiy va instruksion kitob bo'lganligi uchun menga oldingi va bundan keyingi o'qigan kitoblarimga taqqoslaganda unchalik yoqmadi. Lekin ancha ma'lumot oldim.

Sizga qaysi insaytlar yoqdi?)

@alizairov

Mening odatiy prinsiplarimga qarshi-yu, lekin toʻgʻri fidbek ekan.

No Rules Rules, by Reed Hastings & Erin Meyer
Bergan bahoyim: 10/10
26.11.24 — 6.12.24
378 bet

Kitob Netflix kompaniyasidagi prinsiplar haqida, aniqrog'i hech qanday qoidalarsiz ham jamoada mas'uliyat shakllantirish haqida. Kitob Netflix xodimlariga erkinlik berganida qanaqa muammolar kelib chiqqani va uni qanday qilib ketma-ket to'g'rilagani haqida aytib beradi. Kitob Netflix asoschisi Reed va Netflix madaniyati experti Erin tomonidan yozilgan, kompaniya qanday qilib bosqichma-bosqich "Hech qanday qoidalarsiz" prinsipiga o'tganini boshqaruv tomonlama tushuntirib berishgan. Kompaniyada ochiqlik va erkinlik eng katta qadriyat ekanligi haqida ko'p misollar keltirilgan.

Bir xodim Netflixdan oldingi ishlagan kompaniyasida bir ideyani amalga oshirish uchun 20 kishidan imzo olishi kerak bo'lgani va bu uchun 6 hafta vaqt ketgani haqida yozilgan, va bu xodim Netflixga kelganida men bir ideyani qilmoqchiman, bu kompaniya uchun foydali bo'ladi deb o'ylayman deydi, va kimdan ruxsat olishim kerak deb rahbaridan so'raydi. Rahbari esa, o'zing imzo qo'y va qilaver deb javob beradi. U esa shokka tushib qoladi...

Netflix 4k texnologiyasida tarixda birinchi marta Geoffrey Fowlerga taqdimot qilib berishidan bir kun oldin chiqqan katta bir muammoni kompaniyaning oddiy bir ishchisi, berilgan erkinlik sababidan, hal qilganligi misoli kelgan (kitobning eng ta'sirli joylaridan biri)).

Kitobda juda ko'p qiziqarli voqealar kelgan, o'zlariz o'qib olarsizlar).

Quyida qisqacha olgan insaytlarimni yozaman:
— Boshqaruvchilarga instruksiyalardan emas, balki vaziyatdan kelib chiqib qaror chiqarishni o'rgating. Xodimlarga esa, ishlashdan maqsad rahbariyatni xursand qilish emasligini o'rgating.
— Agar sizda 5 ta zo'r xodim va 2 ta o'rtacha xodim bo'lsa, unda sizda 7 ta o'rtacha xodim bor. Xodimlar eng zo'ri bo'lishi kerak yoki ishlamasligi kerak.
— Will Felps tomonidan o'tkazilgan eksperimentga ko'ra jamoada har qanday salbiy xarakterga ega xodim jamoani 30%-40% orqaga tortadi. Kitobda shu eksperiment haqida yozilgan, xulosasi jamoangizda har qanday salbiy xarakterga ega xodim bo'lmasligi kerak.
— "Bor kuchida ishlamaydigan xodim bu alohida bir muammo emas, balki bu jamoaning potensial muammosidir. "Tormoz" effekti hammani orqaga tortadi."
— 2001-yillarda Netflix 30 foiz xodimni bo'shatib yuboradi, lekin jamoa kam odam qolgan bo'lsa ham oldingidan ko'ra yaxshiroq ishlaydi. Netflix jamoadan aynan o'rtacha va yomon xodimlarni bo'shatgan bo'ladi.
— "Insonlar haqida gapirganingizda faqatgina ularning yuziga ayta oladigan gaplaringizni gapiring"
— "Senda kompaniyaga yordam berish imkoniyati bor edi, lekin sen bundan foydalanmading!"

davomi

— Powerful, by Patty McCord
Bergan bahoyim: 8/10
19.11.24 — 25.11.24
183 bet

Kitob Netflixda erkinlik va mas'uliyatlilik madaniyati qanday shakllantirilgani haqida yozilgan. Bu kompaniyadagi xodimlar erkin, lekin hamma mas'uliyatni oladi, qochmaydi. Fikrlarni erkin aytadi, kreativlikni cheklaydigan qoidalar yo'q, har bir kishi o'zi xohlagan paytda ta'til oladi. Lekin, erkinlikni xodimlar suistemol qilishmaydi. Rahbar va boshqaruvchi sifatida xodimlar bilan qanaqa munosabatda bo'lish to'g'ri ekanligi, ularning motivatsiyasi aslida turli EVP'larda emasligi, balki xodim kompaniyada o'z kelajagini ko'rishi uning uchun katta motivatsiya ekanligi haqida kitobda ko'plab misollar va yechimlar keltirilgan.

Juda ko'p insaytlar oldim, ba'zilarini keltiraman:

— Kompaniyadagi barcha xodimlar biznes va mijozga qanday xizmat ko'rsatishni bilishi kerak.
— Kompaniyada har qanday qoida va siyosatlardan voz kechilsa, xodimlar tezroq va kattaroq ishlar qila oladi.
— Kichkina ijodkor jamoa, katta mehnatkash jamoadan yaxshiroq natija qiladi.
— Biznesning maqsadi — xodimlarni xursand qilish emas.
— Eng zo'r jamoa ishlar qiyin kechayotganda shakllanadi.
— Eng zo'r fikrlar ahmoqona yoki ahamiyatsiz deb o'ylangan savollardan keyin paydo bo'ladi. Xodimlarda savol berish madaniyatini shakllantirish kerak.
— Muammoni ochiq va aniq aytish kerak. Biror kishida muammo ko'rsangiz, uning o'ziga ayting va ochiqchasiga gaplashib oling. Shaxsiyatga o'tmang.
— Xodimga biror narsani tushuntirayotgan bo'lsangiz, xuddi onangizga tushuntirayotgandek tushuntiring.
— O'rganishning eng zo'r yo'li — kirishish.
— Ochiqlik va hurmat bilan haqiqatni aytish — qo'pollik emas.
— Ochiqlik insonlarni o'stiradi.
— Modomiki faktlar bilan isbotlamasangiz, fikrlaringiz befoyda. Fikr bersangiz albatta fakt bilan gapiring.
— Faqatgina biznes va mijoz manfaati uchun bahslashing.
— Jamoangiz aynan qaysi muammo ustida ishlayapti? Siz aynan nima bo'yicha qaror qabul qilishingiz kerak?
— "Siz jangga hozirgi sizda bor qo'shin bilan boryapsiz. Kelajakda bo'ladigan yoki o'zingiz kelgusida bo'lishini istayotgan qo'shin bilan emas". Jamoangiz hozir kuchli bo'lishi kerak, siz jangdasiz.
— Zo'r jamoani shakllantira olish — raqobatdagi eng katta ustunlikdir.
— Siz jamoa quryapsiz, bola o'stirmayapsiz. Jamoangiz professional bo'lishi kerak.
— Jamoa — oila emas. Oila a'zosidan voz kechib bo'lmaydi. Yaxshi ishlamayotgan xodim bilan xayrlashish kerak.
— Agar siz zo'r xodimlarni qabul qilishni bilmasangiz, unda yaxshi ishlamayotgan xodimingizni ham bo'shata olmaysiz.
— Jamoangizda nechta odam bo'lishi emas, balki vazifasiga loyiq nechta odam borligi muhim.
— Motivatsiya bu — jamoaning jipsligi va jozibador/tushunarli vazifalardir.
— Biz mijozlarimizni aniq va tushunarli produkt bilan xursand qilish uchun mavjudmiz.
— Sizning HR jamoangiz biznes odamlari bo'lishi shart.
— Intervyudagi kandidat sizga yoqmasa ham, u bilan yaxshi aloqada qoling. Balkim u sizga yoqmas, lekin uning qo'shnisi sizga yoqishi mumkin.
— Bir jamoada zo'r natijalarni ko'rsatgan kishi, boshqa jamoada zo'r bo'lmasligi mumkin. Bu tabiiy.
— Sport klublarida o'yinda g'alaba qozonish muvaffaqiyatning yagona ko'rsatkichidir. Shuning uchun ham sport jamoalari nafaqat o'yinchilarni, balki murabbiylarni ham almashtiradi.

Sizga qaysi insaytlar yoqdi? Qaysilari yoqmadi?)

@alizairov

Toʻliq boshqaruvga ehtiyoj sezayotgan xodim notoʻgʻri olingan boʻladi.

Rasman: 2024-yilning 15 foizi tugadi.

Hammani xursand qilmoqchi boʻlsangiz, rahbar boʻlmang. Muzqaymoq soting.

@premiumfikrlar

Budjetga imtihonsiz kirsangiz shunaqa yozasiz.

Jamoamiz uchun maxsus yopiq suhbat bo’lib o’tmoqda.

Bugungi mehmonimiz Aziz aka Rahimov.

Mavzu: Jamoada mas’uliyat va intizom orqali hurmat topasiz.

HR suhbati mavzusidagi master-klassni kutganlar bormi?

«Najot Ta'lim»da ko'plab o'quvchilarimiz talablariga binoan ishga kirish jarayonida eng muhim bosqichlardan biri bo'lgan HR suhbati mavzusida master-klass tashkil etiladi!

— HR suhbatida "dovdirab" qolmaslik uchun nima qilish kerak?
— Qanday qilib doim maqtov eshitadigan xodimga aylanish mumkin?
— Kompaniya xodimi qanday fikrlashi kerak?

🔥 Shu kabi ko'plab savollarga HR bo'yicha 5 yilga yaqin tajribaga ega bo'lgan, «Najot Ta’lim» HR bo'limi rahbari va «Abutech» dasturiy ta’minot kompaniyasi rekruteri — Ali Zairov bilan bo'lib o'tadigan master-klassda javob olasiz.

📅 Qachon: 18-noyabr, shanba, soat 14:30
🙋 Kim uchun: Barcha uchun ochiq
🙌 Qatnashish: Bepul
📍 Qayerda: «Najot Ta'lim», Chilonzor filialida

🔗 Ro'yxatdan o'tish uchun havola

P. S. Suhbat barcha uchun birdek manfaatli bo'lishiga ishonamiz.

OpenAI kompaniyasi oʻzbekistonliklarga ChatGPTʻdan foydalanishga ruxsat berdi

ChatGPT’dan endi o‘zbekistonliklar ham rasmiy tarzda foydalanishi mumkin. Bungacha mazkur xizmatdan faqat VPNʻni yoqqan holda, chet el raqamlar orqali roʻyxatdan oʻtish mumkin edi.

Endi Oʻzbekistondagi aloqa operatorlari raqamlari orqali ham roʻyxatdan oʻtish mumkin.

👉 @kunonline

Xayrli kech barchaga.

Oʻzbekistondagi qaysi kuchli HR sohasi vakillarini bilasizlar?

Izohlarda boʻlishinglar. Rahmat.

Eee rahmaaat, shu gapni bir necha yildan beri aytib kelaman. Har gal aytganimda eshitganlar qarshi chiqishgan.

https://t.me/AlisherIsaev_blogi/3594

Today we present the first version of the Tashkent city metaverse project. The main goal of the project is to help our compatriots understand the streets of the city and introduce the city of Tashkent to foreigners. We have many plans for the future. Stay tuned for updates.

www.poytaxt.com

Birinchi navbatda qil.

Keyin toʻgʻrila.

Keyin yaxshila.

Manam, bloger boʻlib ketmasam boʻldi. Har baloni post qilaverib. Eng yomon koʻrganim shu oʻzi 😂

Puling boʻlsayu, lekin miyang boʻlmasa degan rasm.

Mashina “marshrutka” turadigan joyga qoʻyilgan

😂😂😂

Ish joyida qimor o'ynagan Farg'onaning Uchko'prik tumani hokimi yordamchisi va moliya bo'limi boshligi ishdan olindi.

👉 @kunonline

Kelayotgan yakshanba kuni — 29-oktyabrda Najot Ta’lim markazida Job Fair bo’lib o’tadi.

Bunga qatnashish uchun faqat siz ro’yxatdan o’tmabsiz xolos)

1062 (bir ming oltmish ikki) kishi Job Fairda qatnashish uchun ro’yxatdan o’tdi.

Ushbu tadbirda Najot Ta’limdagi bo’sh ish o’rinlari, talab va takliflar, bizda ishlab qanday ko’tarilish mumkinligi kabi ma’lumotlarni batafsil taqdim etamiz.

Bundan tashqari markaz, uning jamoasi va rahbariyati batafsil tanishtiriladi, hamda tezkor ish suhbatlari o'tkaziladi.

Ro’yxatdan o’tish uchun: havola

Job Fair 11:00 da boshlanadi.

😭🤨

Junior "Frontend"chilar diqqatiga!

"Abutech" dasturiy ta'minot kompaniyasi Frontend yo'nalishidan amaliyot e'lon qiladi.

🔰 Dasturlashning Frontend yo'nalishida faoliyat olib boruvchi yoshlar uchun "Abutech" kompaniyasida amaliyot o'tash va yakunida jamoaga qo'shilish imkoniyati.

🕹 Amaliyot muddati 3 oyni tashkil etadi. Amaliyot davomida Senior va Middle dasturchilar ish o'rgatadi. Amaliyotni muvaffaqiyatli yakunlagan salohiyatli dasturchilar kompaniyada ish faoliyatini davom ettirish imkoniyatiga ega bo'ladi.

🗂 Dasturchilar amaliyotga saralash orqali tanlab olinadi. Saralashdan o'tganlar amaliy topshiriq asosida amaliyotga qabul qilinadi.

✅ Talablar
- To'liq kun davomida vaqt ajrata olish;
- O'sishga intiluvchanlik;
- Reactjs bo'yicha kuchli nazariy bilimga ega bo'lish.


Quyidagi havola orqali ro'yxatdan o'tishingiz mumkin.

🔗 Havola

Zoʻr ish boʻlibdi shu:

https://t.me/kunonline/16458