AdvokatNews

Til shunchaki muloqot vositasi emas: u insonning ichki olamini ifodalaydi, dunyoni teran idrok qilishiga koʼmaklashadi, dunyoqarashi va kamolotini belgilab beradi. Shuning uchun ham har qanday davlat oʼz tilining mavqeini yuksaltirishga intilishi shart.

Til millatning millat sifatida dunyo tamaddunida oʼz munosib oʼrnini egallashida katta ahamiyat kasb etadi. Buyuk tariximiz va ajdodlarimizning merosi ham aynan ona tilimiz orqali bizgacha yetib kelgan.

Bugun ona tilimizga Davlat tili maqomi berilganligining 35 yilligini nishonlamoqdamiz. Tilimizga hurmat va ehtirom koʼrsatish nafaqat ushbu kunni munosib nishonlash, balki tilning sayqallanishi, sof oʼzbek tilining avlodlarimizgacha yetib borishiga oʼz hissamizni qoʼshish bilan namoyon boʼladi. Bu masʼuliyatni har birimiz yodda tutaylik!

Til bayrami muborak boʼlsin, azizlar!

“Адвокатура тизимида меҳнат қилаётган деярли олти мингга яқин ҳамкасбларимизга нисбатан бугунги кунда давлат томонидан рағбатлантириш масаласида бўлаётган эътибор ҳавас қилгулик даражада эмас, деб ўйлайман. Масалан, Ўзбекистон Республикаси давлат мустақиллигининг 33 йиллиги муносабати билан суд, ҳуқуқни муҳофаза қилувчи идоралар ходимларининг бир гуруҳи давлатимизнинг медаль ва орденларига муносиб деб топилиб, тақдирландилар. Лекин кўп сонли адвокатлар жамоасидан ҳеч кимга бирон медаль ёки орден берилгани йўқ. Ўтган йили ҳам шунақа бўлган эди. Ваҳоланки, Адвокатлар палатаси ҳар йили ўз Бошқарув мажлисларида давлат медаллари ва орденларини олишга лойиқ бир неча номзодларни тасдиқлаб, уларни мутасадди идораларга тақдим этиб келмоқда. Шахсан мен ўзим учун бундан хафа бўлмайман. Чунки, 2022 йилда «Шуҳрат» медалига лойиқ деб топилдим ва бундан беҳад миннатдорман. Дарвоқе, ҳозирча мамлакатимизда медалга муносиб кўрилган охирги адвокат бўлиб турибман. Лекин масала бошқа ёқда: мамалакатимизда қонун устуворлигини, адолатни таъминлашга ёрдам бераётган касб эгаларининг хизмати наҳот бошқаларникидан кам бўлса?!

Яна бир эътибор қаратилиши лозим бўлган жиҳат. Нима учундир адвокатлар фақат ва фақат «Шуҳрат» медалига тавсия қилинади. Мамлакатимизнинг бошқа орден-медаллари йўқми? Мен бу билан «Шуҳрат» медалини камситмоқчи эмасман, соҳа ходимларига эътиборни назарда тутмоқдаман, холос. Ростини айтиш керакки, анча йиллар олдин адвокатларга ҳам «Дўстлик» ордени берилган, аммо улар орасида ўзбек адвокатлари йўқ.

Бундан ташқари, адвокатура тизимида фаолият юритаётган бирорта ҳамкасбимизга шу пайтгача «Ўзбекистонда хизмат кўрсатган юрист» унвони берилганлигини эслай олмайман. Ваҳоланки, ҳамкасбларимиз орасида нафақат адвокатура, балки юриспруденция соҳасини ривожлантиришга ўз ҳисссасини қўшиб келаётган олим адвокатлар талайгина. Баъзида шуларни ўйлаб адвокатура ўгай соҳами, дегим келади”.

Баҳром САЛОМОВ,
юридик фанлар доктори, адвокат

(Мақолани “Advokat-Press” газетасининг 2024 йил сентябрь сонида тўлиқ ўқишингиз мумкин).

https://youtu.be/tgkjeRwPtng

Адолат астойдил қидирганда топиларкан....

“Асака” банк бошқаруви раиси номига адвокатлик сўрови киритиб, иш учун зарур бўлган айрим маълумотларни сўраган эдим. Бошида менга бу маълумотларни адвокатга тақдим этишга қонун йўл қўймайди деб жавоб беришди. Орадан қарийб 40 кун ўтганидан кейин эса маълумотлар тақдим этилди.

Айни ҳолатда “Адвокатура тўғрисида”ги қонун талаблари очиқдан-очиқ бузилган эди. Лекин “Асака” банк бошқаруви раисини маъмурий жавобгарликка тортиш тўғрисида киритган аризамни ЖИБ Миробод туман суди раиси Сардор Содиқов кўриб чиқиб, банк раисининг хатти-ҳаракатларида маъмурий ҳуқуқбузарлик ҳодисаси ёки аломати йўқ деб топди.

Қарор мени ҳайрон қолдирган ва ёмон хаёлларга етаклаган бўлсада, қарийб 25 йилдан бери судда ишлайдиган С.Содиқов адвокатлик сўровига жавоб беришнинг муддати 15 кун эканлигидан хабари бўлмаса керак деган яхши гумонга бордим.

Ушбу қарор устидан келтирган шикоятим бугун Тошкент шаҳар суди судьяси М.Юсупов томонидан кўриб чиқилиб, туман судининг раиси чиқарган қарор бекор қилинди ҳамда ҳуқуқбузар МЖтКнинг 197-1-моддасида кўзда тутилган ҳуқуқбузарликни содир этган деб топилиб, унга тегишли жазо қўлланилди. Қонунни ҳамма нарсадан устун қўя оладиган, қатъиятли судьяларимиз бор бўлсин!

Адвокат Руслан Муҳаммадиев

💬 Бизнинг телеграм каналга аъзо бўлинг

Адвокат сўровига жавоб бермаган туман ҳокими ўринбосари жавобгарликка тортилди

“Only Justice” адвокатлик бюроси адвокати Собиржон Темиров Тошкент шаҳри Мирзо Улуғбек тумани ҳокимининг архитектура, капитал қурилиш ва коммуникацияларни ривожлантириш бўйича ўринбосари Абдулазиз Абдулхаковни адвокат сўровига жавоб бермагани учун судга бериб, ўз фойдасига қарор чиқарилишига эришди.

ЖИБ Мирзо Улуғбек тумани суди (раислик қилувчи судья Д.Халикназарова) маъмурий ишни 11 сентябр куни кўриб чиқиб, А.Абдулхаковни МЖтКнинг 197-1-моддаси билан айбдор деб топди ва унга нисбатан БҲМнинг икки баравари миқдорида (680 минг сўм) жарима жазоси тайинлади.

Суд қарорида айтилишича, ҳуқуқбузар суд мажлисида адвокат сўровига жавоб бермаганини тан олган ва буни “сўровнома бошқа сўровномалар орасида қолиб кетганлиги, шу сабабли кўрмай қолганлиги” билан изоҳлаб, қилган ишидан пушаймонлигини билдирган.

249 нафар адвокат “Advokatura sohasiga qo‘shgan hissasi uchun” кўкрак нишони билан тақдирланди

Хабарингиз бор, Ўзбекистон Республикаси Адвокатлар палатаси Бошқарувининг қарори билан “Advokatura sohasiga qo‘shgan hissasi uchun” кўкрак нишони таъсис этилган эди. Низомга кўра, ушбу нишон билан адвокатура соҳасида фидокорона меҳнат қилаётган (меҳнат қилган), ўзининг юқори касб-маҳорати, ватанпарварлик фазилатлари билан эл-юрт ўртасида ҳурмат қозонган, фаол ва ташаббускор, ёш кадрларни тайёрлаш ва уларга устозлик қилиш борасида намуна кўрсатиб, соҳани ривожлантиришда, нуфузини оширишда муносиб ҳисса қўшаётган (ҳисса қўшган) шахслар тақдирланади.

Мустақиллик байрами арафасида 249 нафар адвокатга мазкур фахрий нишон тантанали равишда топширилди. Улар орасида нафақадаги адвокатлар ҳам бор. Хусусан, Тошкент шаҳридан – 58, Самарқанд вилоятидан 41 нафар адвокат нишондор бўлди.

(Тўлиқ рўйхат “Advokat” журналининг 4-сонида чоп этилмоқда).

ТОШКЕНТ ШАҲРИНИНГ АДВОКАТЛАРИ БАРЧАНГИЗГА БАЙРАМ МУБОРАК БЎЛСИН! Адвокат ЗАФАРБЕК УСМОНОВ дан Сизга байрам туҳфаси!

Адвокатлар палатасининг Сирдарё ҳудудий бошқармасида бўлиб ўтган тадбирдан лавҳа.

Эълон!!!

Ўзбекистон Республикаси Адвокатлар палатаси раиси ёрдамчиси лавозимига ёш адвокатларни ишга таклиф қиламиз!!!
Номзодларга қўйиладиган талаблар:
1) 30 ёшдан ошмаган бўлиши;
2) Рус ва инглиз тилини мукаммал билиши (яна битта қўшимча тилни билиши устунлик беради);
3) Тошкент шаҳрида фаолият юритаётган бўлиши керак.

Қўшимча маълумот олиш  учун соат 9:00дан 18:00 га қадар +99890-943-93-99 рақамига телеграм ижтимоий тармоғи орқали мурожаат қилишингиз мумкин.

📣📣📣 Ўзбекистон Республикаси Адвокатлар палатаси Минтақавий мулоқот ХНТ билан ҳамкорликда “Йил адвокати 2024” танловини эълон қилади.

Танловдан мақсад муносиб адвокатларни инсон ҳуқуқлари ҳимоясидаги беқиёс саъй-ҳаракатлари ва ютуқлари, Ўзбекистон Республикасида адвокатура ва одил судлов тизимини ривожлантиришга қўшган ҳиссаси учун муносиб тақдирлашдир. 🏆

Аризалар 1 октябрь 23:59 гача ушбу ҳавола орқали қабул қилинади.


📣📣📣 Палата адвокатов Республики Узбекистан совместно с МНПО "Региональный диалог" объявляет конкурс “Адвокат года-2024”.

Целью конкурса является определение и награждение достойных адвокатов за исключительные усилия и достижения в области защиты прав человека, вклад в развитие адвокатуры и системы правосудия Республики Узбекистан. 🏆

Заявки принимаются до 1 октября 23:59 по этой ссылке.

“Адвокатлар палатаси раиси кубоги” турнирида “Uzbekistan Lawyers” жамоаси ғалаба қозонди

Кеча, 18 август куни “Бунёдкор” ўйингоҳида “Адвокатлар палатаси раиси кубоги” ўйинлари якунланди. Мусобақа финалида “Uzbekistan Lawyers” жамоаси “Andijon”ни 4:0 ҳисоби билан мағлуб этиб, чемпион бўлди.

3-ўрин учун кураш “Lochinlar” ва “Nurafshon” жамоалари ўртасида кечди. Ўйиннинг асосий вақти жанговар дуранг (1:1) билан тугади, пенальтилар сериясида эса “Lochinlar”нинг қўли баланд келди – 3:2.

Ғолиб ва совриндорларни Адвокатлар палатаси раиси Шухрат Садиков шахсан тақдирлади.

Мусобақа ғолиби “Uzbekistan Lawyers” жамоасига диплом, чемпионлик кубоги ва олтин медаллар топширилди.

2-ўринни эгаллаган “Andijon” жамоаси – кумуш медаллар ва диплом, 3-ўринни қўлга киритган “Lochinlar” жамоаси эса бронза медаллар ва диплом билан тақдирланди.

Бундан ташқари, энг фаол футболчилар учун таъсис этилган индивидуал совринлар ҳам ўз эгаларига топширилди.

Энг яхши ҳужумчи, 11 та гол урган Нажибулло Азамқулов (“Uzbekistan Lawyers”) – “Олтин тўп” совринига сазовор бўлди.

Энг яхши ҳимоячи Авазбек Солижоновга (“Andijon”) “Олтин бутса” насиб қилди.

Турнирда энг кам гол ўтказган Улуғбек Абдураҳимов (“Uzbekistan Lawyers”) эса энг яхши дарвозабон деб эътироф этилди.

FUTBOL BO‘YICHA «ADVOKATLAR PALATASI RAISI KUBOGI» TURNIRIGA START BERILDI

Xabaringiz bor, O‘zbekiston Respublikasi Advokatlar palatasi tomonidan so‘ngi yillarda advokatlar o‘rtasida sog‘lom turmush tarzini targ‘ib qilish, birdamlik va do‘stona aloqalarni yo‘lga qo‘yish va ishdan bo‘sh vaqtlarini mazmunli o‘tkazish maqsadida mini futbol bo‘yicha turli musobaqalar o‘tkazib kelinmoqda.
Shu kabi tadbirlarning davomi sifatida joriy yilning 16-18 avgust kunlari, Toshkent shahrida mini futbol bo‘yicha «Advokatlar palatasi raisi kubogi» musobaqasini o‘tkazish rejalashtirilgan edi.

|🌐 Paruz.uz |🚀Telegram |🔵 Facebook |🇺🇿Ўзбек Кирилл |Instagram|

Адвокатура мавзусида илмий иш қилган иккинчи фан доктори

“Advokat” журналининг таҳрир ҳайъати аъзоси, Олий Мажлис Қонунчилик палатаси ҳузуридаги Парламент тадқиқотлари институти директори ўринбосари Валишер Давлятов фан доктори (DSc) унвонига эга бўлди.

Валишер адвокатура институти бўйича илмий тадқиқот олиб бораётган камсонли олимлардан биридир. У фалсафа доктори (PhD) унвонини ҳам адвокатура соҳасига оид тадқиқотлари учун олган.

Ёш олимнинг куни кеча муваффақиятли ҳимоя қилинган докторлик диссертация эса “Адвокатура институтининг ташкилий-ҳуқуқий асосларини такомиллаштириш” мавзусига бағишланган.

Шу тариқа Валишер Давлятов адвокатура соҳасидаги илмий фаолияти учун фан доктори унвонига сазовор бўлган иккинчи олим бўлди (биринчиси Баҳром Саломов).

Валишерни юксак илмий унвон билан муборакбод этиб, фаолиятида янги-янги ютуқлар тилаймиз!

Палатанинг Қашқадарё вилояти ҳудудий бошқармасига янги бошлиқ тайинланди

2009 йилдан бери Адвокатлар палатаси Қашқадарё вилояти ҳудудий бошқармасини бошқариб келаётган Хуршида Урақова нафақага кузатилди. Унинг ўрнига Отабек Тоштурдиев бошлиқ вазифасини бажарувчи этиб тайинланди. Бу ҳақда АП Жамоатчилик билан алоқалар хизмати маълум қилмоқда.

Бугун, 1 август куни ҳудудий бошқарма биносида бошқарма бошлиғи Уракова Хуршида Астановна нафақага чиқиши муносабати билан йиғилиш ташкил қилинди. Йиғилишда Адвокатлар палатаси раиси Шуҳрат Садиков, Қашқадарё вилоят суди ўринбосари Эргаш Умиров ва адлия бошқармаси вакили Олим Абасаидовлар иштирок этди.

Сўзга чиққанлар Хуршида опанинг адвокатура тизимидаги кўпйиллик самарали меҳнати, ҳудудий бошқарма бошлиғи сифатида тизимни малакали кадрлар билан тўлдириш, адвокатлик касбининг обрўси ва нуфузини оширишдаги хизматлари ҳақида гапирдилар.

Адвокатлар палатаси раиси Шуҳрат Садиков ана шу хизматларининг эътирофи сифатида Хуршида Урақовани “Адвокатура соҳасига қўшган ҳиссаси учун” кўкрак нишони билан тақдирлади.

Шундан сўнг, айни пайтгача ҳудудий бошқарма тизимида фаолият юритиб келаётган Тоштурдиев Отабек Баҳрамкулович ҳудудий бошқарма бошлиғи вазифасини бажарувчи этиб тайинлаганлиги ҳақидаги буйруқ ўқиб эшиттирилди.

Отабек Тоштурдиев 1974 йилда туғилган, олий маълумотли ҳуқуқшунос, муқаддам ички ишлар органларида ишлаган. 2010 йилдан бери адвокатлик фаолияти билан шуғулланади.

Палата PhD ва DSc даражаларини олган адвокатларни моддий рағбатлантиради

Ўзбекистон Республикаси Адвокатлар палатаси адвокатура соҳасида илмий иш қилган амалиётчи адвокатларни Палата ҳисобидан бир марталик пул мукофотлари билан рағбатлантиради. Бу ҳақда Палата Бошқарувининг 27 июль куни бўлиб ўтган йиғилишида тегишли қарор қабул қилинди.

Бошқарув қарорига мувофиқ:

– фалсафа доктори (PhD) илмий даражасини олган адвокатларга – БҲМнинг 100 баравари;

– фан доктори (DSc) илмий даражасини олган адвокатларга – БҲМнинг 150 баравари миқдорида бир марталик пул мукофоти берилади.

5 нафар адвокат давлат мукофотига тавсия этилади

Ўзбекистон Республикаси Адвокатлар палатаси Бошқарувининг бугун, 27 июль куни бўлиб ўтган йиғилишида 1 сентябрь – Мустақиллик куни муносабати билан давлат мукофотига тавсия этиладиган адвокатлар танлаб олинди.

Бошқарув аъзоларининг фикри билан қуйидаги 5 нафар адвокатнинг номзодлиги қўллаб-қувватланди:

Қамбарали АБДУЛҲАЕВ, “Adolat shamchirog’i” адвокатлик фирмаси адвокати (Фарғона вилояти);

Азамат ЭШОНҚУЛОВ, “Samarqand qonunchilari” адвокатлар ҳайъати бошқарувчиси, адвокат (Самарқанд вилояти);

Бибисара УТАМБЕТОВА, «Nizam ustinligi» адвокатлар ҳайъати адвокати (Қорақалпоғистон Республикаси);

Ганишер ТАДЖИБАЕВ, “Universal Koʼmak Plyus” адвокатлик фирмаси адвокати (Сирдарё вилояти);

Мавлудахон ҚОДИРОВА, “Namangan Advokatlar Hay'ati” адвокатлар ҳайъати адвокати (Наманган вилояти).