A.A HOUSING DEVELOPMENT & ADMINISTRATION BUREAU

https://vm.tiktok.com/ZMkP7edMk/

ከአፍሪካ የንግድና ልማት ባንክ ግሩፕ ፕሬዘዳንት ከሆኑት አቶ አድማሱ ታደሰ ጋር በጋራ በምንሰራባቸው ጉዳዩች ዙሪያ ተወያይተናል።

ከንቲባ አዳነች አቤቤ

በቀን 30 ሚሊዮን ሊትር ፍሳሽ የማጣራት አቅም ያለው የቦሌ አራብሳ ዘመናዊ የፍሳሽ ማጣሪያ ጣቢያን መርቀን ለአገልግሎት ክፍት አድርገናል::

ከለዉጡ ወዲህ ፕሮጀክቶችን በፍጥነት ጀምሮ የመጨረሶ አንዱ ማሳያ የሆነዉ ይህ ዘመናዊ የፍሳሽ ማጣሪያ ጣቢያ  የከተማችንን የፍሳሽ ማጣራት አቅም ከአምስት ዓመት በፊት ከነበረበት በቀን 48 ሺሕ ሜትር ኪዮብ ወደ በቀን233 ሺሕ ሜትር ኪዮብ ከፍ ማድረግ አስችሎናል::
ይህ የቦሌ አራብሳ ፍሳሽ ማጣሪያ ጣቢያ  ከ240 ሺህ በላይ የሚሆኑ የአካባቢውን ነዋሪዎች የዘመናዊ ፍሳሽ ማጣሪያ ፣ስርዓት ተጠቃሚ የሚያደርግ ነዉ። 

ለአንድ ከተማ ወሳኝ ከሆኑ መሰረተ ልማቶች መካከል የፍሳሽ አወጋገድ ስርዓትን ማዘመን ትልቅ ስራ ሲሆን ጤንነቱ የተጠበቀ ማህበረሰብ ከመፍጠር አኳያ ያለው ሚና እጅግ ከፍተኛ ነው፡፡በመሆኑም ይህ የፍሳሽ ማጣሪያ ስራ  የፍሳሽ አወጋገድ ስርዓታችንን የሚያዘምን፣ የከተማችን ነዋሪዎችን እና በአጎራባች አካባቢዎች የሚገኙ የህብረተሰብ ክፍሎት የረዥም ጊዜ ቅሬታን ምላሽ የሚሰጥ ፣ከተማችንን ከብክለት የጸዳች፣ ውብ እና ለነዋሪዎቿ ምቹ ለማድረግ የጀመርነውን ስራ እዉንየሚያደርግ  ነዉ።

ፕሮጀክቱ በፍጥነት እንዲጠናቀቅ አስተዋጽዖ ያደረጋችሁ የውሃና ፍሳሽ ባለስልጣን ኮንትራክተርና አማካሪ ድርጅት ክፍለከተማው ከምንም በላይ በፈቃደኝነት ለልማት ከቦታው የተነሱ አርሶ አደሮችን በነዋሪው እና በከተማ አስተዳደራችን ስም ላመሰግናቸው እወዳለሁ::

ፈጣሪ ኢትዮጵያን እና ህዝቦቿን ይባርክ
ከንቲባ አዳነች አቤቤ

በነገዋ የሴቶች ተሃድሶና ክህሎት ማበልጸጊያ ማዕከል ለሴተኛ አዳሪነት እና ለተለያዩ የማህበራዊ ችግሮች ተጋልጠዉ የነበሩ 400 እህቶቻችንን እና ሴት ልጆቻችንን ለሁለተኛ ዙር ስልጠና እንኳን ደህና መጣችሁ ብለናል።

በመጀመሪያ ዙር ስልጠና የወሰዱ ከ300 በላይ የሚሆኑ እህቶቻችን በ17 አይነት ዘርፎች የክህሎት እና ተሃድሶ ስልጠና ወስደዉ የሞያ ባለቤት ሆነዉ የስራ እድል ተፈጥሮላቸዋል ።

በማህበረሰባችን ውስጥ ስር በሰደደ ኃላቀር አስተሳሰብ፣ ኢፍታዊነት፣ ፆታዊ ጥቃት እና ተጋላጭነት ምክንያት በእህቶቻችን እና ሴት ልጆቻችን ላይ የሚደርስ ማህበራዊ ስብራትን በመጠገን ማህበራዊ ፍትህን ለማስፈን የጀመርነውን ስራ በመደገፍ ከጎናችን የቆማችሁ የከተማችን ልበ ቀና ባለሃብቶችን፣ የቦርድ አባላት፣በሞያችሁ እየደገፋችሁን ያላችሁትን እንዲሁም ራዕያችንን ወደ መሬት ለማውረድ የደከማችሁ የማዕከሉ አመራሮችንና፣ ሰራተኞች ና መምህራንን በእህቶቻችን ስም ላመሰግናችሁ እወዳለሁ።

የሁለተኛ ዙር ሰልጣኝ የሆናችሁ እህቶቻችን የማዕከሉ ቆይታችሁ እራሳችሁን የምትለውጡበት፣ ለቤተሰቦቻችሁ እንዲሁም ለሌሎች መለወጥ አርአያ የምትሆኑበት እንዲሆን አደራ እያልኩ የሚሰጣችሁን ስልጠና በትጋት በመከታተል እንደ መጀመሪያ ዙር ሰልጣኞች ስኬታማ እንድትሆኑ ጥሪ አቀርባለሁ።

ፈጣሪ ኢትዮጵያንና ህዝቦቿን ይባርክ
ከንቲባ አዳነች አቤቤ

የአዲስ አበባ ከፍተኛ አመራሮች “ከቃል እስከ ባህል”  በሚል መሪ ቃል ለሶስት ቀናት ስናካሄድ የነበረውን የብልጽግና ፓርቲ ሁለተኛ መደበኛ ጉባኤ የቅድመ ፓርቲ ጉባኤ ውይይታችንን አጠናቅቀናል።

ፓርቲያችን ብልጽግና ከምስረታው ጀምሮ ሀሳብን በማፍለቅ፣ ለህዝብ ቃል በመግባት እና በመተግበር አፈጻጸሙም ባህል ሆኖ እንዲዘልቅ በማድረግ ረገድ በርካታ ስኬቶችን  አስመዝግቧል።
በአንደኛው መደበኛ ጉባኤያችን ለህዝብ በገባነው ቃል መሠረት የፓርቲያችንን ህብረ ብሔራዊ አንድነት ያጠናከርን፣ አካታችና አብሮነትን እንዲሁም አሳታፊ የፖለቲካ ስርዓትን በመዘርጋት ውጤት ያመጣን ሲሆን በአዲስ አበባ ወቅታዊ እና ዉዝፍ ፈተናዎችን በመሻገር፣ የአመራር አንድነትን እና ቅንጅትን በማረጋገጥ ከተማችንን የስበት ማዕከል ያደረጉ ታላላቅ ፕሮጀክቶችንና ፍትሃዊ ተጠቃሚነትን ያረጋገጡ ሰው ተኮር ስራዎችን ማከናወን ችለናል።

ከዚህ በመነሳት በግንባር ቀደምትነት ህዝብን ተጠቃሚ የሚያደርጉ በርካታ የልማት ተግባራትን ማከናወን የቻልን ሲሆን አመራሩ በተለወጠ የስራ ባህል የተግባር እና የአስተሳሰብ አንድነቱን አጠናክሮ እንደ ሀገርም እንደከተማም ለተመዘገቡ ውጤቶች ከፍተኛውን ሚና ተጫውቷል።

በቀጣይም በሁሉም መስኮች የተገኙ ውጤቶችን በማላቅ እንደ ድክመት የሚነሱ የአገልግሎት አሰጣጥ እና የአሰራር ችግሮችን ደግሞ በዘላቂነት በመቅረፍ የሀሳብ ልእልናን በብቃት እየተገበርን በስራ አዳዲስ ባህል እየገነባን ለኢትዮዽያን ብልፆግና ተግተን እንሰራለን።

ፈጣሪ ኢትዮጵያን እና ህዝቦቿን ይባርክ
ከንቲባ አዳነች አቤቤ

ለተጨማሪ መረጃ
https://linktr.ee/aahdab

https://vm.tiktok.com/ZMkUxCwuU/

https://vm.tiktok.com/ZMkUxG4ud/

በምግብ ዋስትና ሴፍቲኔት ፕሮግራም የስራ እድል አግኝተው ሲሰሩ የነበሩ ከተረጂነት ወደ አምራችነት የተሸጋገሩ 31ሺ 2 የከተማችንን ነዋሪዎች አስመርቀናል።

የከተማችን ነዋሪዎች ሰርቶ በመለወጥ፣ በትጋት፣ የተገኘውን እድል ወደ ድል በመቀየር፣ ኑሯቸውን በማሻሻል እና ከተረጂነት በመላቀቅ አምራች ዜጋ እና ተወዳዳሪ በመሆን ከራሳችሁ አልፋችሁ ለሌሎች ዜጎች የስራ ዕድል በመፍጠር ለሀገር ኢኮኖሚ እድገት ተተኪ የሌለው ሚናችሁን እንድትወጡ ጥሪ አቀርባለሁ።

ከተረጂነት ወደ አምራችነት የተሸጋገራችሁ ነዋሪዎቻችን ኑሯችሁን በራሳችሁ አቅም በዘላቂነት ለመምራት በመቻላችሁ እና  ለምረቃ በመብቃታችህ እንኳን ደስ አላችሁ እያልኩ፣ ከጥር 1 ጀምሮ በመንግስት በጀት 154 ሺሕ ነዋሪዎችን ተጠቃሚ የምናደርግ ሲሆን ማህበራዊ ፍትህን በማረጋገጥ ለብዙ ዘመን አንገት ያስደፋንን እና ለተረጂነት የዳረገንን ድህነትን በማሸነፍ በልተን ማደር ብቻ ሳይሆን የኢኮኖሚ ሉዓላዊነታችንን ለማረጋጥ በትጋት የምንሰራ ይሆናል።

ፈጣሪ ኢትዮጵያንና ህዝቦቿን ይባርክ
ከንቲባ አዳነች አቤቤ

ለተጨማሪ መረጃ
https://linktr.ee/aahdab

በጂግጂጋ ከተማ ብሔራዊዉን የሌማት ትሩፋት ሥራ በትጋት እየተገበረ ያለው የሆርን አፍሪክ የዶሮ ርባታ ማዕከል 52000 ዶሮዎች በማርባት 35000 እንቁላሎችን በቀን እያመረተ ይገኛል። ሀገር አቀፉ ንቅናቄ ከመጀመሩ አስቀድሞ አጠቃላይ የክልሉ አመታዊ የእንቁላል ምርት 3.5 ሚሊዮን ነበር። በአሁኑ ወቅት ያለው የክልሉ አመታዊ የእንቁላል የምርት ግምት 56 ሚሊዮን ደርሷል።

ዛሬ ጠዋት እየተከናዋኑ ባሉ ጥረቶች ላይ ለመወያየት የብልጽግና ፓርቲ ማዕከላዊ ኮሚቴ ስብሰባ ጀምረናል።

ጠቅላይ ሚኒስትር ዐቢይ አሕመድ (ዶ/ር)

ለተጨማሪ መረጃ
https://linktr.ee/aahdab

https://vm.tiktok.com/ZMkkKqcBK/

ክልሎች ከአዲስ አበባ በጥራትና ፍጥነት ተጠናቀው ለአገልግሎት እየበቁ ከሚገኙ የልማት ስራዎች ትምህርት በመውሰድ ለዜጎች ተጠቃሚነት መስራት ይጠበቅባቸዋል:: የብልጽግና ፓርቲ ስራ አስፈፃሚ ኮሚቴ አባልና የገንዘብ ሚኒስትር አሕመድ ሽዴ

በአዲስ አበባ የሚከናወኑ የኮሪደር፣ የወንዝ ዳር እና የመልሶ ማልማት የመሰረተ ልማት ግንባታ ስራዎች ከተማዋን የሚያስውቡና የህዝብን ተጠቃሚ ያረጋገጡ ናችው ብለዋል::

በተለይም የኮሪደር ልማት ስራው የመዲናዋን ዕድገት በማሳለጥ ለዜጎች ዘመናዊ የከተሜነት አኗኗር ዘይቤን የሚፈጥር ነው ብለዋል።

የመንገድ፣ የአረንጓዴ ልማት፣ የውሃ፣ የኤሌክትሪክ፣ የመኖሪያ ቤት፣ የቴሌኮሙኒኬሽንና መሰል የመሰረተ ልማት ግንባታ ተግባራቱም ለቀጣዩ ትውልድ ምንዳ መሆናቸውን አንስተዋል።

የካዛንችስ የልማት ተነሽ ዜጎች የተሻለ ሕይወት የሚመሩበት የገላን ጉራ የልማት መንደርም በተሰናሰለ የመሰረተ ልማት ግንባታ በጥራትና ፍጥነት የተጠናቀቀ መሆኑን በምልከታ እንዳረጋገጡ አስረድተዋል።

በአጠቃላይ የብልጽግና ፓርቲ በመዲናዋ እያከናወነ የሚገኘው የመሰረተ ልማት ግንባታ አዲስ አበባን ጽዱ በማድረግ ለአፍሪካ ምሳሌ የሆነች ከተማ መፍጠር የሚያስችል መሆኑን አንስተዋል።

በወንዞች ዳርቻ እየተከናወነ ያለው ልማት ንጹህ አካባቢን ለመገንባት የሚያስችልና ለበርካታ ወጣቶች የስራ ዕድል የሚፈጥር መሆኑን ገልጸዋል።

የመዲናዋ የመሰረተ ልማት ግንባታ ስራዎችም የብልጽግና ፓርቲ መገለጫ ናቸው ያሉት ሚኒስትሩ፥ በቀጣይም ዘመናዊ የአኗኗር ዘይቤን የሚያላብሱ ውጤታማ የመሰረተ ልማት ስራዎችን በማስፋት ለህብረተሰብ ተጠቃሚነት በትጋት ይሰራል ብለዋል።

ክልሎች በመዲናዋ በጥራትና ፍጥነት ተጠናቀው ለአገልግሎት እየበቁ ከሚገኙ የልማት ስራዎች ትምህርት በመውሰድ ለዜጎች ተጠቃሚነት መስራት እንደሚጠበቅባቸው አስገንዝበዋል።

ለበለጠ መረጃ
https://linktr.ee/aahdab

https://vm.tiktok.com/ZMkkXfQb4/

https://vm.tiktok.com/ZMkkxYgKn/

ወደ ጋራ መኖሪያ ቤት እየገቡ የሚገኙ የልማት ተነሺዎችን ነባሩ ነዋሪ በአግባቡ ተቀብሎ ማኖር አካባቢውን ማልማት እና በጋራ ማደግ ይገባል

አቶ ሙሉነህ ፈይሳ
የቤቶች ልማት እና አስ/ቢሮ ም/ቢ/ኃላፊ

የቤቶች ልማት እና አስተዳዳር ቢሮ እና የቤቶች ልማት ኮርፖሬሽን ከጋራ መኖሪያ ቤት ማህበራት ተወካዮች ጋር ውይይት አካሂደዋል።

አቶ ሙሉነህ ፈይሳ ውይይቱን በንግግር ሲከፍቱ እንዳሉት በለውጥ ውስጥ ለምትገኘው ከተማችን እየተሰራ ላለው ልማት ቢሮው እና ኮርፖሬሽኑ  በርካታ ቤቶችን በጥራት እና በፍጥነት በመገንባት ለልማት ተነሺው ማስተላለፋቸውን ጠቁመው ወደ ጋራ መኖሪያ ቤት እየገቡ የሚገኙ የልማት ተነሺዎችን ነባሩ ነዋሪ በአግባቡ ተቀብሎ ማኖር  አካባቢውን ማልማት እና በጋራ ማደግ ይገባል ብለዋል።

ኃላፊው አክለውም በመቀራረብ ፤ ነዋሪውን በማሳተፍ ፤ ነዋሪው ሲገባና ሲወጣ ዋስትናውን መጠበቅ እና አካባቢውን ንፁህ አረንጓዴ እና ውብ ማድረግ ይገባልም ብለዋል።

ቤታችሁንም አካባቢያችሁንም እያፀዳችሁ ለኑሮ ምቹ በማድረግ ማህበራቶች ነዋሪዎችን አስተባብራችሁ ተግባብታችሁ እንድትኖሩ አደራ  ያሉት ደግሞ ኢ/ር መኮንን ምጀና የቤቶች ልማት እና አስተዳደር ቢሮ ም/ቢሮ ኃላፊ ናቸው ።

ኢ/ር ቶማስ ደበሌ የቤቶች ልማት ኮርፖሬሽን የቤት ማስተላለፍ ዘርፍ ምክትል ዋና ዳይሬክተር በበኩላቸው የጋራ መኖሪያ ቤት ነዋሪዎች ዛሬን በመተባበር ፤ አብሮ በመኖር ፣ በመደጋገፍ እና በመተሳሰብ  ፤ ነገን  እየሰራችሁ በጋራ በመለወጥ መሻገር ያስፈልጋል ብለዋል።

የማህበራት ተወካዮች በበኩላቸው ለነዋሪው ሞቅ ያለ አቀባበል በማድረግ በደስታ እየተቀበሉ መሆኑን እና አብረው ለመኖርም ዝግጁ መሆናቸውንም ገልፀዋል።

ለውይይቱ መነሻ ሰነድ ያቀረቡት አቶ አብዲሳ አራርሶ የቤቶች ልማት እና አስተዳደር ቢሮ ፅ/ቤት ኃላፊ ናቸው።

ለተጨማሪ መረጃ
https://linktr.ee/aahdab

የመንግስት እና የግል አጋርነት (PPP) ኘሮጀክት ትግበራ የ2017 በጀት አመት የ6 ወር አፈፃፀም ተገመገመ።

የቤቶች ልማት እና አስተዳደር ቢሮ ፤ የቤቶች ልማት ኮርፖሬሽን እና የመንግስት እና ግል አጋርነት ፅ/ቤት የስራ ኃላፊዎች  የመንግስት እና የግል አጋርነት (PPP) ኘሮጀክት ትግበራ የ2017 በጀት አመት የ6 ወር አፈፃፀም ገምግመዋል።

የቤቶች ልማት እና አስተዳደር ቢሮ ኃላፊ ክብርት ቅድስት ወ/ጊዮርጊስ በግምገማው ወቅት እንዳሉት አፈፃፀሙ በየጊዜው እድገት የሚታይበት ነው ያሉ ሲሆን የጋራ መኖሪያ ቤት ተመዝጋቢዎችን የቤት ባለቤት ለማድረግ ከነበረው አካሄድ በላይ በመፍጠን 7/24 መስራት እንደሚገባ ገልፀዋል።

አቶ ሽመልስ ታምራት የቤቶች ልማት ኮርፖሬሽን ዋና ዳይሬክተር በግምገማው ወቅት እንደተናገሩት ኮርፖሬሽኑ ሙሉ ሰአቱን በ70/30 ስራ ላይ ትኩረት አድርጎ እየሰራ በመሆኑ በየጊዜው ውጤት እየተመዘገበ ይገኛል ብሏል።

ወደ ስራ ከገቡ አልሚዎች ጋር ቦርድ በማቋቋም እና በየጊዜው የአፈፃፀም ሪፖርት በመገምገም ፤ የመስክ ጉብኝት በማድረግ እንዲሁም ያጋጠሙ ችግሮችም ከስር ከስር በመፍታት ቀጣይ አቅጣጫዎች እየተሰጡ እየሄዱ መሆኑን ዋና ዳይሬክተሩ አክለው ገልፀዋል።

ኢ/ር አስማማው ፈጠነ የምእራብ ቅርንጫፍ ጽ/ቤት ምክትል ስራ አስኪያጅ ወደግንባታ የገቡ አልሚዎች ያሉበት የአፈፃፀም ደረጃ  ፤ እየተሰሩ ያሉ እና ከእቅድ የዘገዩ ስራዎችን እንዲሁም ያጋጠሙ ችግሮችን በዝርዝር አቅርበው ውይይት ተደርጎበታል ።

ለበለጠ መረጃ
https://linktr.ee/aahdab

https://vm.tiktok.com/ZMkhxqA9U/

ዜና ቤቶች በሚል ርእስ በየወሩ እየተዘጋጀ የለንባብ የሚቀርበው የአዱስ አበባ ቤቶች ልማት እና አስተዳደር ቢሮ ዜና መፅሄት የህዳር ወር  እነሆ

ለበለጠ መረጃ ማህበራዊ ገፆቻችንን ይከታተላሉ

ፌስቡክ :- https://www.facebook.com/aahdaboffical

ቴሌግራም:- https://t.me/aahdabofficial

ቲክቶክ:- https://www.tiktok.com/@aahdabofficial

ኢንስታግራም :- https://www.instagram.com/aahdabofficial

ዩቲዩብ:-https://youtu.be/BcDWnOFjN5E?siH7q0qPFHYclnh9u7

ትዊተር:- https://x.com/aahdabofficial

በአዲስ አበባ ከተማ የመሬት ልማትና አስተዳደር ቢሮ እና በሲቪል ምዝገባና ነዋሪነት አገልግሎት ኤጀንሲ የተሰሩ የሪፎርም ስራዎች ልምድ የሚቀሰምባቸው ናቸው -የአዲስ አበባ ክፍተኛ አመራሮች

በአዲስ አበባ ከተማ የመሬት ልማትና አስተዳደር ቢሮ እና በሲቪል ምዝገባና ነዋሪነት አገልግሎት ኤጀንሲ የተሰሩ የሪፎርም ስራዎች በከተማ ደረጃ የአገልግሎት አሰጣጥን ለማዘመን እና ሌብነት እና ብልሹ አሰራርን ለመከላከል የሚያስችል ልምድ ሊቀሰምበት የሚችል መሆኑን የተቋማቱን የሪፎርም ስራዎች የጎበኙ አመራሮች ተናገሩ።

በብልፅግና ፓርቲ የአዲስ አበባ ቅ/ፅ/ቤት አዘጋጅነት በሪፎርሙ ስኬታማ የሆኑ ተቋማትን ልምድ ለመቅሰምና ለማስፋት የሚያስችል የከተማው ከፍተኛ የስራ ሀላፊዎች የመስክ ጉብኝት ተካሂዷል።

የከተማው አስተዳደር የተቋም ግንባታን ቁልፍ ተግባሩ በማድረግ 16 ተቋማት ተለይተው ወደ ሪፎርም እንዲገቡ እና አገልግሎት አሰጣጥን በማዘመን ሌብነት እና ብልሹ አሰራርን ለመከላከል የሚያስችል ስራ ሲሰራ መቆየቱ ተገልጿል።

በዚህ ውስጥ ስኬታማ የሆኑት የመሬት ልማት እና አስተዳደር ቢሮ እና የሲቪል ምዝገባ እና የነዋሪነት አገልግሎት ኤጀንሲ የሰሯቸው የሪፎርም ስራዎች እንደከተማም ብሎም እንደሀገር ተሞክሮ የሚቀሰምባቸው በመሆኑ የከተማው አመራሮች ልምዶችን እንዲቀስሙ እና ወደ ተቋሞቻቸው እንዲያሰፉ እየተደረገ መሆኑ ተመላክቷል።

ከተቋማቶቹ የቀስምናቸው ተሞክሮዎች በየተቋሞቻችን በማስፋት አገልግሎትን በኢንፎርሜሽን ኮሙኒኬሽን ቴክኖሎጂ የታገዘ በማድረግ ቀልጣፋ አገልግለ እንዲሰጥ ያስችለናል ብለዋል አመራሮቹ።

ቴክኖሎጂን በመጠቀም ሌብነት እና ብልሹ አሰራርን መታገል ብሎም የተገልጋይ እርካታን ማሳደግ እንደሚቻል መመልከታቸውንም አመራሮቹ ተናግረዋል።

በተለያዩ ሀገራዊ ጉዳዮች እና በልዩ ልዩ የፓርቲ አጀንዳዎች ላይ ለመወያየት፣ የብልጽግና ፓርቲ ሥራ አስፈጻሚ ኮሚቴ ዛሬ ጠዋት ስብሰባ ጀምረናል።

ጠቅላይ ሚኒስትር ዶ/ር ዓብይ አህመድ

የውጪ ጉዳይ ሚንስቴር ሰልጣኝ ዲፕሎማቶች እና በጎ ፍቃደኞች በመዲናዋ የተገነቡ የልማት ስራዎችን ተዘዋዉረዉ ጎብኝተዋል ፤ በአፍሪካ አመራር ልህቀት አካዳሚ የግንዛቤ ማስጨበጫ ሥልጠናም ተሰጥቷቸዋል::

የውጪ ጉዳይ ሚንስቴር ስልጣኝ ዲፕሎማቶች እና በጎ ፈቃደኞች በአዲስ አበባ ከተማ እየተሰሩ የሚገኙ የአዲስ ኢንተርናሽናል ኮንቬሽን እና ኤግዚዚብሽን ሴንተር ፣የኮሪደር ልማት ስራዎች :የአድዋ ድል መታሰብያ ሙዚየም ተዘዋውረው ጎብኝተዋል::

የኮረደር ልማት ስራዎች ውስጥ ማንነትን፣ ታሪክን፣ የትውልድ ቅብብሎሽን እንዲሁም የኢትዮጵያን ልክ የሚያሳዩ አኩሪና ህያዉ የሆኑ ስራዎች ናቸው ሲሉ የጉብኝቱ ተሳታፊዎች አስተያየታቸውን ሰጥተዋል።

የአዲስ አበባ ከተማ ኮሙኒኬሽን ቢሮ ኃላፊ ወ/ሮ እናትዓለም መለሰ ለጎብኚዎች እንደገለፁት በመዲናዋ አሁን ላይ የተሰሩ እና እየተሰሩ ያሉ በተግባር ያያችኋቸዉና ግንዛቤ የጨበጣችሁባቸዉ ዘርፈብዙ የልማት ስራዎችን የዉጪ ጉዳይ ሚንስቴር ዲፕሎማቶች እና በጎ ፍቃደኞች ለተለያዩ ዲፕሎማቶች እና አምባሳደሮች በማስተዋወቅ የሀገርን ገፅታ በመገንባት ረገድ የበኩላችሁን እንድትወጡ እና ከተማችሁን እንድታስተዋውቁም ጭምር ነው ብለዋል::

የቢሮ ሃላፊዋ አክለውም እነዚህ የልማት ስራዎች ለወጣቶች የስራ እድል ከመፍጠር ባሻገር የውጭ ምንዛሬን የሚያስገኙ ፣ የንግድና የቴክኖዎሎጂ ልውውጥ የሚያጠናክሩ እና የዲፕሎማሲ ስራዎችን ውጤታማ የሚያደርጉ በመሆናቸዉ ኃለፊነት ወስደን በተገቢዉ ልንጠቀምባቸዉ እና ልንከባከባቸው እንደሚገባ ተገልፀዋል።

የአዲስ ኢንተርናሽናል ኮንቬሽን እና ኢግዚቤሽን ሴንተር ምክትል ዋና ስራ አስኪያጅ አቶ ጋሻው አባተ ለጉብኝቱ ተሳታፊዎች በሰጡት ማብራሪያ ማዕከሉ በመንግስት እና በግሉ ዘርፍ በትብብር እየተገነባ እንደሚገኝና ስራዉ በመጠናቀቅ ላይ መሆኑን ተናግረዋል።

የውጪጉዳይ ኢንሰቲትዩት ምክትል ዋና ዳሬክተር እና የስልጠና ኃላፊ አቶ በረከት ደሪባ በበኩላቸው በአጭር ጊዜ ውስጥ በአዲስ አበባ ከተማ እየተሰሩ የሚገኙ የልማት ስራወችን አድንቀው አዲስ አበባ ከተማ በቅርቡ የአፍሪካን ህብረት ስብሰባ የምታካሂድ መሆኑን እና እነዚህን በመዲናዋ እየተሰሩ የሚገኙ የልማት ስራዎችን ከተለያዩ ሃገራት ለሚመጡ የህብረቱ አባል ሃገራት ድፕሎማቶች ለማስተዋወቅ በቂ ዝግጅት ማድረጋቸውን ተናግረዋል።

ከጉብኝቱ በኃላም ለ200 ስልጣኝ ዲፕሎማቶች እና በጎፍቃደኞች በአዲስ አበባ ከተማ አስተዳደር የተከናወኑ ግዙፍ የልማት ስራዎች ላይ ስልጠና የተሰጠ ሲሆን የወስዱትን ስልጠናም ሆነ በአካል የጎበኙትን የልማት ስራዎች በአግባቡ በማስተዋወቅ ሀገራዊ ሃላፊነታቸውን በብቃት እንዲወጡ ተጠቁሟል:

https://vm.tiktok.com/ZMkRpmbcX/

https://vm.tiktok.com/ZMkRx2LyL/

ከንቲባ ወ/ሮ አዳነች አቤቤ  አርባ ምንጭ ከተማ ገብተዋል።

ከንቲባ ወ/ሮ አዳነች አቤቤ እና  የክልል ርዕሳነ መስተዳድሮች በ19ኛው የኢትዮጵያ ብሔሮች፣ ብሔረሰቦችና ህዝቦች ቀን በዓል አከባበር ላይ ለመሳተፍ አርባምንጭ ከተማ ገብተዋል።

እንግዶቹ አርባምንጭ አለም አቀፍ አውሮፕላን ማረፊያ ሲደርሱ የደቡብ ኢትዮጵያ ክልል ከፍተኛ አመራሮች እና የጋሞ አባቶች ደማቅ አቀባበል አድርገውላቸዋል።

እንዲህ ዓይነት ቤትና ክብር በህይወቴ አያለሁ ብዬ አስቤም አላውቅም፣ አሁን ግን ሆኗል" የካዛንቺስ የልማት ተነሺና የገላን ጉራ ነዋሪዋ ምስክርነት

ወይዘሮ ትርሃስ ተኪኤ ይባላሉ  የቀድሞው ካዛንቺስ ተነሺ የአዲሱ የገላንጉራ ነዋሪ ናቸው።

ወይዘሮዋ በልማት ምክንያት ለበርካታ ዓመት ከኖርኩበት ካዛንቺስ ልትነሺ ነው ስባል ሰማይ ምድሩ የተደፋብኝ መስሎኝ ብዙ ቀን ተጨንቄያለው ብለውናል።

በዚህ ጭንቀት ውስጥ እያለሁ ጭራሽ ቤታችሁ ስለሚፈርስ ኑ ምትክ ቤት እጣ አውጡ ሲባል ጭንቀቴ በጣም ጨመረ ። ግን የማይቀር መሆኑን ስረዳ ወረዳ ሄጄ እጣ አወጣሁና የደረሰኝን ቤት ለማየት ቸኩዬ ሄጄ ሳየው ፈፅሞ ያልጠበኩት ሆኖ ሳገኘው እራሴን ማመን አልቻልኩም አሉን ወይዘሮ ትርሃስ።

ምክንያቱን ደግሞ ሲነግሩን ወይዘሮ ትርሃስ የደረሰኝ ቤት ሰፊና ፈረስ የሚያስጋልብ ሆኖ ማግኘቴ ነው ።

የደስታዬ ምክንያት ይህ ብቻ አይደለም ያሉት ወይዘሮ ትርሃስ ከቤት ስጦታው ባሻገር እቃችንን  ጭነውና አጓጉዘው ምንም ባላወጣንበት በዚህ ሰፊ ቤት ማስገባታቸውና የተደረገልን መስተንግዶ ጭምር ነው ብለውናል።

ወይዘሮ ትርሃስ አሁን ያሉበትን ሁኔታም "እድለኛ" በማለት ገልፀው ልማት እንዲህ ሲፈጥንና ህዝብን ሲጠቅም በእድሜዬ ያየሁት ለመጀመሪያ ጊዜያቸው መሆኑን አጫውተውናል።

ትምህርት ቤቱ፣ ጤና ጣቢያው፣ ሸማቹ፣መሰረተ ልማቱ ፣ውሃው መብራቱ ተሟልቶ በሰፊው ቤቴ በደስታ እየኖሩ እንደሆነም ሳይሰስቱ ነግረውናል።

እንዲህ ሰውን ያማከለ ልማት የሚበረታታ ነውና  ተጠናክሮ ይቀጥል ዘንድ የዝግጅት ክፍላችን ያሳስባል። መልዕክታችን ነው።

ከካዛንቺስ ልትነሳ ነው ስባል እጅጉን አዝኜ ነበር፣ አሁን ግን ገላን ጉራ በመምጣቴ እጅግ ደስተኛ ነኝ" የካዛንቺስ የልማት ተነሺና በገላን ጉራ በንግድ ስራ ላይ የተሰማራ ነዋሪ ምስክርነት

አቶ አሰፋ በለጠ  የቀድሞ ካዛንቺስ ግቢ ገብርኤል አካባቢ በንግድ ስራ የሚተዳደሩ ነበሩ።

የኮሪደር ልማት ስለመጣ ከካዛንቺስ ልትነሱ ነው ሲባል በሁለት ምክንያት መሬት የተደፋብኝ ያህል ደንግጬ ነበር። የመጀመሪያው ከምተዳደርበት የንግድ ስራ ብፈናቀል እንዴት እሆናለው በሚል፣ በሁለተኛ ደረጃ ለዘመናት አብሬ ከምኖረው ማህበረሰብ መለያየቱ አስግቶኝ ብለውናል ።

ዛሬ ግን የከተማ አስተዳደሩ በሰጠን ትኩረት  ያ ሁሉ ስጋቴ ጠፍቶ በደስታ መኖር ጀምሬያለው። ለዚህ ደግሞ ትልቁ ምክንያቴ ከካዛንቺስ በልማት ምክንያት ብንነሳም በክብር ሸኝተውን መኖሪያ ቤትና የንግድ ቦታ ስለሰጡን ነው ይላሉ አቶ አሰፋ ።

እንደካዛንቺስ ተነሺ እድለኛ አለ ብዬ አልገምትም ያሉን አቶ አሰፋ ለዚህ እንደ  ምክንያት የሚያነሱት ደግሞ ሁሉም ነገር ወደተሟላበት ቦታ መጥተን ኑረችንንም ስራችንንም በአግባቡ እየሰራን በመሆናችን ብለዋል።

ለዚህም የከተማ አስተዳደሩን አመሰግናለሁ ያሉት አቶ አሰፋ በቀጣይ በተሰጣቸው የንግድ ቦታ ጠንክረው በመስራት እራሳቸውንና ቤተሰባቸውን የመለወጥ ራዕይ መሰነቃቸውን አጫውተውናል።

ዛሬ ላይ በተሰጣቸው የመስሪያ ቦታ የአትክልትና ፍራፍሬ ንግዳቸውን እያጧጧፉት እንደሆነ ማስተዋል ችለናልና እንዲህ ዓይነት የሰው ልማትን መሰረት ያደረጉ ልማቶች ተጠናክረው ይቀጥሉ። መልዕክታችን ነው።

 በኮሪደር ልማት እና በወንዝ ዳርቻ የልማት ፕሮጀክት ምክንያት ከካዛንቺስ አካባቢ የተነሱ ነዋሪዎች በዕጣ የተላለፉላቸውን ምትክ የጋራ መኖርያ ቤቶች ጎበኙ፡፡
 
በአዲስ አበባ ከተማ በካዛንችሽ አካባቢ በሚካሄደው የኮሪደር ልማት እና በቀበና የወንዝ ዳርቻ የልማት ፕሮጀክት ምክንያት ከግንፍሌ አካባቢ የተነሱ 1,051 የሚሆኑ ነዋሪዎች በዕጣ የተላለፉላቸውን ምትክ ቤቶች ጎብኝተዋል፡፡

በትናንትናው እለት የምትክ ቤት ዕጣ ያወጡት እነዚህ ነዋሪዎች በዛሬው ዕለት ቤቶቻቸው በሚገኙባቸው የተለያዩ ሳይቶች በአካል በመገኘት የደረሷቸውን ቤቶች ያሉበትን ሁኔታ ተመልክተዋል፡፡   

በአያትና በአራብሳ የጋራ መኖርያ የግንባታ ሳይቶች በተካሄደው ጉብኝት ላይ የተገኙት የአዲስ አበባ ከተማ የቤቶች ልማትና አስተዳደር ቢሮ ኃላፊ ወ/ሮ ቅድስት ወ/ጊዮርጊስ ነዋሪዎቹ በከተማዋ እየተካሄዱ ከሚገኙት የልማት ስራዎች ተቋዳሽ በመሆናቸው ሊደሰቱ እንደሚገባቸው አመላክተው ቤቶቹ መሰረተ ልማቶች የተሟሉላቸው መሆናቸውን ገልጸዋል፡፡

ወደፊት ያልተሟሉ ጥቃቅን ችግሮች ካሉ በየግንባታ ሳይቶች የሚገኙ የስራ ኃላፊዎች በቅርበት እየተከታተሉ ለመፍታት ዝግጁ መሆናቸውንም ኃላፊዋ ጨምረው ገልጸዋል፡፡  

የአዲስ አበባ ከተማ ከንቲባ ፅህፈት ቤት ምክትል ኃላፊ አቶ መኮንን ያኢ በበኩላቸው ቤቶቹ  የሚገኙት ምድር ቤት በመሆናቸው ከፎቅ ከፍታ ጋር በተያያዘ ሲነሳ የነበረው ቅሬታ መፈታቱን ጠቅሰው ሌሎች ችግሮች ካሉ በሂደት እየታዩ መፍትሔ እንደሚሰጣቸው ተናግረዋል፡፡

ስራ አጥ ለሆኑ ነዋሪዎችም አቅም በፈቀደ መልኩ በየአካባቢያቸው የስራ እድል እንደሚመቻችላቸው ጠቅሰዋል፡፡

በአካል በመገኘት ቤቶቻቸውን የተመለከቱ ነዋሪዎች በበኩላቸው በከተማዋ እየተካሄዱ የሚገኙ የልማት ስራዎችን እንደሚደግፉ ገልጸው በደረሷቸው ቤቶችና በአዩት ነገር መደሰታቸውን ተናግረዋል፡፡

ቤቶቹና የሚገኙባቸው አካባቢዎች እስከዛሬ ሲኖሩባቸው ከነበሩት የተሻለ መሆኑን ገልጸው የትራንስፖርት አቅርቦት በመንግስት በኩል ትኩረት ሊሰጠው እንደሚገባ አሳስበዋል፡፡

በጉብኝቱ ላይ የአዲስ አበባ ቤቶች ልማትና አስተዳደር ቢሮ ኃላፊ ወ/ሮ ቅድስት ወ/ጊዮርጊስ፣ የአዲስ አበባ ከተማ ከንቲባ ፅህፈት ቤት ምክትል ኃላፊ አቶ መኮንን ያኢ፣ የአዲስ አበባ ቤቶች ልማት ኮርፖሬሽን ዋና ዳይሬክተር አቶ ሽመልስ ታምራትና ሌሎች የሚመለከታቸው የስራ ኃላፊዎች እና ምትክ ቤት የተላለፈላቸው ነዋሪዎች ተገኝተዋል፡፡    

።

በዛሬው እለት 1,051 የሚሆኑ የልማት ተነሺዎች ምትክ የጋራ መኖሪያ ቤት እጣ አወጡ።

በአዲስ አበባ ከተማ በካዛንቺስ አካባቢ በሚካሄደው የኮሪደር ልማት እና በቀበና የወንዝ ዳርቻ ልማት ፕሮጀክት ምክንያት ከግንፍሌ አካባቢ የተነሱ 1,051 የሚሆኑ ነዋሪዎች ምትክ ቤት ለመረከብ ዕጣ አውጥተዋል፡፡

እጣዉ ከእጅ ንኪኪ ነፃ በሆነ ዘመናዊ ቴክኖሎጂ የሚወጣ በመሆኑ ግልፅነትን የተላበሰ  ተአማኒነት ያለውና ከአድሎአዊነት ነፃ የሆነ አሰራር መሆኑን በየካ ክፍለ ከተማ አዳራሽ በተካሄደውና ከ851 በላይ የካዛንቺስ አካባቢ የልማት ተነሺዎች እጣ ባወጡበት መርሃ ግብር ላይ በክብር እንግድነት ተገኝተው እጣውን ያጀመሩት የአዲስ አበባ ከተማ የቤቶች ልማትና አስተዳደር ቢሮ ኃላፊ ወ/ሮ ቅድስት ወ/ጊዮርጊስ ገልፀዋል።

በዛሬው እለት በየካ ክፍለ ከተማ አዳራሽ 851 የካዛንችስ አካባባ ኮሪደር ልማት ተነሺዎች እንዲሁም በአራዳ ክፍለ ከተማ አዳራሽ 193 የቀበና ወንዝ ተፋሰስ የልማት ፕሮጀክት ተነሺዎች በድምሩ 1,051 ነዋሪዎች እጣ ማውጣታቸውን የገለጹት ኃላፊዋ ነዋሪዎች በፊት ከነበሩበት ምቹ ካልነበረ የመኖርያ አካባቢ ወደተሻለና ምቹ ወደሆነ የመኖርያ አካባቢ እየተሸጋገሩ መሆኑን ተናግረዋል።

የከተማ አስተዳደሩ ከነዋሪዎች  ፍላጎት የመነጩ  ቤቶችን ለማቅረብ ጥረት እንደሚያደርግ የገለፁት አዲስ አበባ ከተማ ከንቲባ ፅህፈት ቤት ምክትል ኃላፊ  አቶ መኮንን ያኢ በበኩላቸው አዲስ አበባ በማያቋርጥ የለውጥ ሂደት ላይ እንደምትገኝ ገልፀው ለነዋሪዎች የተመቸ  አካባቢን ለመፍጠር የሚደረገው ጥረት እንደሚቀጥል አስታውቀዋል።

በመርኃ ግብሩ ላይ የተገኙ የየካ ክፍለ ከተማ ዋና ስራ አስፈጻሚ አቶ ብርሃኑ ረታ በበኩላቸው አዲስ አበባ ከተማን ለመጪው ትውልድ አስውቦና ዘመን ተሻጋሪ አድርጎ ለማስረከብ በሚካሄዱ የልማት ስራዎች ነዋሪዎች ለሚያሳዩት መልካም ተሳትፎና ትብብር አመስግነው  ከነበሩበት ቦታ ወደተሻለ ቦታ እየሄዱ መሆኑን ገልጸዋል፡፡

ነዋሪዎቹ የቤተሰብ ብዛትን መሰረት ባደረገ መልኩ ከስቱዲዮ ጀምሮ እስከ ባለ 3 መኝታ ቤት እጣ ያወጡ ሲሆን ወደፊት የሚቀርቡ ቅሬታዎች ካሉ ቢሮዉ አሳማኝ እና ትክክለኛ መሆኑን አረጋግጦ ተገቢ ምላሽ እንደሚሰጥ በመድረኩ ተገልጿል።

በአራብሳ ሳይት የቤት ግንባታ ስራ ላይ ለተሳተፉ ሠራተኞች የማእድ ማጋራት መርሀ ግብር ተካሄደ።

በእጣ የተላልፉ የጋራ መኖሪያ ቤቶችን  ለነዋሪ ምቹ  ሁኔታ ለመፍጠር  በሚሰራው የግንባታ እና የመሰረተ ልማት  የማጠናቀቂያ ስራ ላይ 24/7 ለተሰማሩት ሞያተኞች በቤቶች ልማት እና አስተዳደር ቢሮ እና የቤቶች ልማት ኮርፖሬሽን ሰሜን ቅርንጫፍ ፅ/ቤት ስር ቦሌ አራብሳ ሳይት ባለድርሻ አካላትን በማስተባበር የማእድ ማጋራት መርሀ ግብር ተካሄደ።

በፕሮግራሙ ላይ የተገኙት የአዲስ አበባ ከተማ አስተዳደር ቤቶች ልማት እና አስተዳደር ቢሮ ኃላፊ ወ/ሮ ቅድስት  ወ/ጊዮርጊስ  እንዳሉት ሰራተኞችን በማበረታታት ሌት ተቀን በመስራት ከተማው በሚያደርገው የልማት ጉዞ ለምታደርጉት ትብብር የከተማ አሰስተዳደሩ ያመሰግናችኋል ብለዋል።

የለሚ ኩራ ክፍለ ከተማ ዋና ስራ አስፈፃሚ አቶ አድማሱ ደቻሳ በበኩላቸው የምትሰሩት ስራና የምትከፍሉት መስዋትነት አድናቆታችን የላቀ ነው ሲሉ በቀጣይም የጀግንነት ስራችሁን አጠናክራችው ቀጥሉበት ብለዋል።

አዲስ አበባን ፅዱ በማድረግ የተዋበች እና ለነዋሪዎቿ ምቹ የሆነች ከተማን መፍጠር የሁሉም ኃላፊነት ነው ተባለ

"ህዳር ሲፀዳ" በሚል መሪ ቃል ከተማ አቀፍ የፅዳት ዘመቻውን በመቀላቀል የቤቶቾ ልማት እና አስተዳደር ቢሮ እና የቤቶች ልማት ኮርፖሬሽን አመራሮች እና ሰራተኞች የስራ አካባቢያቸውን ዛሬ ማለዳ አፅድተዋል።

የአዲስ አበባን ፅዱ በማድረግ የተዋበች እና ለነዋሪዎቿ ምቹ የሆነች ከተማ ለመፍጠር ከተማ አስተዳደሩ እየሰራ ያለውን ስራ ሁሉም በተሰማራበት ዘርፍ የማገዝ ኃላፊነት አለበት ያሉት የፅዳት ዘመቻውን በንግግር ያስጀመሩት አቶ ሽመልስ ታምራት የቤቶች ልማት ኮርፖሬሽን ዋና ዳይሬክተር ናቸው።

የፅዳት ዘመቻው በአንድ ቀን ብቻ የሚያበቃ መሆን የለበትም ሁላችንም የራሳችን ጉዳይ አድረገን በመያዝ  በመደበኛነት የስራ አካባቢያችንን ማፅዳት አለብን ብለዋል።

አካባቢያችንን ብቻ ሳይሆን ውስጣችንንም  ከጥላቻ በማፅዳት ምሳሌ መሆን አለብን ብለዋል ዋና ዳይሬክተሩ።

ዛሬ በመላው አዲስ አበባ በሚገኙ የመንግስት መስሪያ ቤቶች የፅዳት ዘመቻ እየተካሄደ መሆኑ ይታወቃል።

ለበለጠ መረጃ:-
facebook:-https://www.facebook.com/aahdaboffical
Telegram:-https://t.me/aahdabofficial
Tiktok:-https://www.tiktok.com/@aahdabofficial
Instagram:-https://www.instagram.com/aahdabofficial
Youtube:-https://youtu.be/BcDWnOFjN5E?siH7q0qPFHYclnh9u7
Twitter:-https://x.com/aahdabofficial
Website:-http://www.aahdab.gov.et

በአዲስ ከተማ ክፍለ ከተማ ወረዳ አንድ መርካቶ ጃቡላኒ ህንፃ በተለምዶ "ድንች በረንዳ" እየተባለ በሚጠራው ቦታ ላይ የተነሳውን የእሳት ቃጠሎ በቁጥጥር ስር ማዋል እንደተቻለ የእሳትና አደጋ ስጋት ሰራ አመራር ኮሚሽን አስታወቀ።

የኮሚሽኑ ኮሚሽነር ፍቅሬ ግዛው እንዳስታወቁት ዛሬ ህዳር 8  በመርካቶ ድንች በረንዳ" ከቀኑ 6 ስአት 30 የደረሰውን የእሳት ቃጠሎ ለመቆጣጠር የእሳት አደጋ ሠራተኞች በቦታው ተገኝተው እሳቱን ለመቆጣጠር ባደረጉት ርብርብ በአሁኑ ስአት አደጋውን  ሙሉ በሙሉ መቆጣጠር መቻሉን አስታዉቀዋል።

ከንቲባ አዳነችን አቤቤ፣ የአዲስ አበባ ምክር ቤት አፈጉባኤ  እንዲሁም የከተማ አስተዳደሩ ከፍተኛ ሃላፊዎች ቦሌ ካርጎ ቡልቡላ እስከ አቃቂ ድልድይ ያለውን የአረንጏዴ ልማት ስራ ጎብኝተዋል::

ዛሬ የተጎበኘው የአረንጏዴ ልማት በክፍለከተማው የተገነባ ሲሆን በውስጡም:-

- 13 ኪ/ሜ የሚሸፍን የአረንጏዴ ልማት ስራን
-  አራት ዘመናዊ የህዝብ መዝናኛ ፓርኮች
- ሁለት የህጻናት መጫዎቻ ሜዳዎች
- አንድ የስፖርት ሜዳ
- አምስት ዘመናዊ የህዝብ መገልገያ የጋራ መጸዳጃ ቤቶች
- ደረጃውን የጠበቀ ሰፊ የእግረኞች መንገድ
- በከተማው ስታንዳርድ መሰረት የተሰራ የህንጻዎች እድሳት
- ፋውንቴኖች
- የመዝናኛ ፓርኮች
- የህዝብ መናፈሻ ቦታዎችን ያካተተ ስራ ነው::

በአዲስ አበባ የሚካሄደው የዘንድሮው ታላቁ ሩጫ በኢትዮጵያ ፍፁም ሠላማዊ ሆኖ እንዲጠናቀቅ ጥምር የፀጥታ ኃይሉ ዝግጅቱን  አጠናቆ  ወደ ስራ መግባቱን አስታወቀ።

በከተማችን አዲስ አበባ በየዓመቱ ከሚካሄዱ የአደባባይ ኩነቶች አንዱ የሆነው እና ዘንድሮ 50 ሺህ ተሳታፊዎች ይታደሙበታል ተብሎ የሚጠበቀው ታላቁ ሩጫ በኢትዮጵያ ለ24ኛ ጊዜ ህዳር 8 ቀን 2017 ዓ/ም ይካሄዳል፡፡

ስፖርታዊ ክንውኑ ፍፁም ሠላማዊ ሆኖ እንዲጠናቀቅ ለማድረግ አስፈላጊውን ቅድመ  ዝግጅት አድርጎ  ወደ ስራ መግባቱን ጥምር የፀጥታ ኃይሉ አስታውቋል። ለፀጥታው ስራው ማስፈፀሚያ በተዘጋጀው ዕቅድ ላይ በአዲስ አበባ ፖሊስ መሰብሰቢያ አዳራሽ ውይይት በተካሄደበት ወቅት የአዲስ አበባ ከተማ ሠላምና ፀጥታ አስተዳደር ቢሮ ኃላፊ ወ/ሮ ሊዲያ ግርማ ባስተላለፉት መልዕክት  በልዩ ልዩ የአደባባይ ኩነቶች ላይ  ጥምር የፀጥታ ኃይሉ በሚያከናውነው ተግባር ከተማችን ፍፁም የተረጋጋ ሠላም እንዲኖራት እና ፀጥታ የሰፈነባት እንድትሆን ማድረግ እንደተቻለ ገልፀዋል፡፡

ከዚህ በፊት የተከናወኑ የአደባባይ ኩነቶች በሠላም እንዲጠናቀቁ ሠላም ወዳዱ የከተማችን ነዋሪ ያበረከተው አስተዋፅኦ ከፍተኛ መሆኑን ያስታወሱት ወ/ሮ ሊዲያ፤ የዘንድሮው የታላቁ ሩጫ ስፖርታዊ ውድድርም በሠላም ተጀምሮ በሠላም እንዲጠናቀቅ ህብረተሰቡ ከፀጥታ አካላት ጎን በመቆም የተለመደ ትብብሩን እንዲያደርግ ጥሪ አቅርበዋል፡፡

የአዲስ አበባ ፖሊስ ኮሚሽነር ጌቱ አርጋው በበኩላቸው ስፖርታዊ ውድድሩ የከተማችንን መልካም ገፅታ የሚያጎላ መሆኑን  ጠቁመው ከስፖርታዊ ተልዕኮው ውጭ ማንኛውም ዓይነት የተቃረነ መልዕክትን ማስተላለፍ ፈፅሞ የተከለከለ መሆኑንና የፀጥታ ኃይሉም ጥብቅ ቁጥጥር እንደሚያደርግ አስታውቀው ውድድሩ በጨዋነት መንፈስ መካሄድ ይኖርበታል ብለዋል።

በዘንድሮው ታላቁ ሩጫ በኢትዮጵያ ላይ እንዲህ አይነት እንቅስቃሴዎችን መቆጣጠር በሚያስችል መልኩ ዝግጅት መደረጉን የገለፁት ኮሚሽነር ጌቱ፤ ተሳታፊዎቹ ለሠላም እና ለውድድሩ ዓላማ ብቻ በመቆም ለፀጥታ አካላቱ ተግባር  ሊተባበሩ ይገባል ሲሉ መልዕክታቸውን አስተላልፈዋል።

ከተሳታፊው ቁጥር አንፃር ፕሮግራሙን የሚመጥን ዝግጅት መደረጉን የጠቆሙት በኢትዮጵያ ፌዴራል ፖሊስ የፀጥታና ተቋማት ጥበቃ ዋና መምሪያ ኃላፊ ምክትል ኮሚሽነር አበራ ሁንዴ በውይይቱ ላይ ባነሱት ሃሳብ ቀደም ሲል የተከናወኑ ውድድሮች በሠላም የተጠናቀቁ ቢሆንም የራሳቸው አጀንዳ ያላቸው ግለሰቦችና ቡድኖች የውድድሩን ዓላማ ለማበላሽት ሙከራ ማድረጋቸውን አስታውሰው  ጥምር የፀጥታ ኃይሉ እኩይ ተግባራትን መቆጣጠር በሚያስችል ዝግጅት በቁርጠኝነት እንደሚሰራ ተናግረዋል።

በሁለተኛ ዙር በኮሪደር ልማት ምክንያት ተነስተው ለሚመጡት በሚገነባው ቤት በግንባታ ስራው ላይ ለተሳተፉ ባለሞያዎች የለሚ ኩራ ክፍለ ከተማ አስተዳደር እራት የማብላት ስነ ስርዓት አደረገ።

በፕሮግራሙ ላይ የተገኙት የአዲስ አበባ ከተማ አስተተዳደር የቤቶች ልማት እና አስተዳደር ቢሮ ሀላፊ ወ/ሮ ቅድስት ወ/ጊዮርጊስ እንዳሉት አዲስ አበባን ለነዋሪዎቿ ምቹ ለማድረግ በሚደረገው ሂደት ከተማ አስተዳደሩ  ለልማት ተነሺዎች  የመኖሪያ ስፍራን እያዘጋጀ ይገኛል። ተግባር በፍጥነት እንዲጠናቀቅ የሞያተኞች የስራ ድርሻ ከፍተኛ ነው። ሞያተኞችንም እራት ግብዣ ያደረጉትን  ወረዳዎችንም አመስግነዋል።

በዛሬው 4ተኛ አመት 3ተኛ መደበኛ የካቢኔ ስብሰባች ሁለተኛ ኮሪደር ስራ ያለበትን በጥልቀት ገምግሟል ።

በግምገማው በዋናነት ትኩረት ያደረግነው የልማት ተነሺዎች የተስተናገዱበትን አግባብ፤ በመንግስት የሚኖሩ የነበሩ የተነሱበት አግባብ፤ መሰረተ ልማት የተሟሉላቸው መሆኑን፤ በተመሳሳይ ሁኔታ የግል ተነሺዎች ደግሞ የካሳ  የ3 አመት የቤት ኪራይ  እና ምትክ መሬት መውሰዳቸውን ፤የትራንስፖርት አቅርቦት እና የሞራል ካሳ በህጉ መሰረት የተከፈለ መሆኑን የተተነተነ ሪፖርት በየኮሪደሩ አስተባባሪዎች ቀርቦ ተገምግሟል።

በግምገማውም ሁሉም ህጋዊ ውል ወይም ሰነድ ኑሯቸው እንዲሁም በመጠለያ በተገኙበት ተጠልለው የሚኖሩ ነዋሪዎችን ሁሉ የቤት መስተንግዶ እና የቤት መሰረተ ልማቶች በተሟላላቸው እጅግ የተሻለ ፣ ንፁህ ፣ መሠረታዊ መገልገያዎች የተሟሉላቸው ቤቶች የተስተናገድ ሲሆን፤ ለመኖር ምቹ አካባቢ ያገኙ ስለመሆኑ እና አንዳንድ ሳይቶች ላይ የመንገድ ደረጃውን ለማሻሻል  ግንባታ እየተካሄደ ስለመሆኑ ሪፖርት ቀርቦ ካቢኔው በፍጥነት እንዲጠናቀቅ ውሳኔ አስተላልፏል።

ሌሎች ሳይት ላይ አስፈልጊው መሰረተ ልማት ተጠናቆ ነዋሪዎች የየእለት ኑሯቸውን እንዲቀጥሉ ተደርጓል ፤የማህበራዊ  ኑሯቸው ሳይበታተን እድር ፤ ማህበር እና አብሮነታቸው የመሰረቱት ማህበራዊ መስተጋብር እንደተጠበቀ መስተናገዳቸው ን አቃቂ ፤ገላን ጉራ ፤ፉሪ ሃና ፤አራብሳ አምስት እና ስድስት አያት ሶስት፤ ላፍቶ ሃይሌ ጋርመንት እና ለሚኩራ አጠገብ የተሰሩት ሎኮስት ፤አየርጤና ቂርቆስ ለገሃር አካባቢ ፤አራዳ ሰባ ደረጃ አካባቢ በማሃል ከተማ የተገነቡ ቤቶች ላይም የተስተናገዳቸውን እና አፈፃፀሙም ጥሩ  መሆኑን ካቢኔው ገምግሟል።

የመሠረተ ልማት ቅንጅት አካላት ከከተማ እስከ ፌደራል ተቋማት የነበራቸው ተሳትፎ በምሳሌነት የሚጠቀስ መሆኑን ካቢኔው  በጥንካሬ ገምግሟል ።

በተጨማሪም መሬት እና ካሳ ምትክ እስካሁን ድረስ ብቻ ከ4.6ቢሊየን በላይ መከፈሉን  የሁለት አመት የቤት ኪራይ መከፈሉን እና ቀሪ ተነዴዎችም ቅድመ ዝግጅት ሂደት ካቢኔው በጥንካሬ ገምግሟል ።

በሌላ በኩል በኰሙኒኬሽን ሥራዎችን በደንብ ደጋግሞ ለሕዝብ መረጃን ማድረስ ላይ ከዚህ በላይ ማድረስ እና ተደጋጋሚ የሚዲያ ሽፋን ያላቸው የመረጃ ስርጭት ለህብረተሰቡ መድረስ እንዳለበት ካቢኔው አሳስቧል። 

መረጃን  የሚያዛቡ እና ሀገር እንዳትለማ ውዝንብር በሚፈጥሩ የተለያዩ ዝንባሌዎች የሚያሳዩ የመረጃ ምንጮችን እና አካላት ላይ ህጋዊ ርምጃ በመወሰድ እንዳለበት በአፅንኦት ኣንስተዋል ::

በ2ኛው ዙር ኮሪደር ልማት ስራ 2879 ሄክታር ስፋት ፤ 135ኪሎ ሜትር የኮሪደር ርዝመት ያለው ሲሆን ፤ 240ኪሎ ሜ የአስፋልት መንገድ፣ 237 የእግረኛ መንገድ ፣ 32 የህፃናት መጫዎች ቦታዎች ፣ 79 የህዝብ መዝናኛ ቦታዎች ፣ 114የታክሲ እና አውቶቡስ መጫኛ እና ማውረጃ ፣ 58 የኤሌክትሪክ መኪና ቻርጅ ማድረጊያ ቦታዎች፣ 368 ሄክታር አረንጋዴ ልማት ሽፋን ያላቸው ቦታዎች፣ የ 111 ኪ.ሜ ሳይክል መንገድ ፣ 17 የስፖርት ማዘውተሪያ ቦታዎች፣ 106 የህዝብ መፀዳጃ ቤቶች፣ 121 ኪ.ሜ የፍሳሽ ማስወገጃ መስመር ፣ 182 ኪ.ሜ ድሬኔጅ መውረጃ መስመር ፣ 50  የተሸርካሪና እግረኛ መተላለፊያ ፣ 75 ኪ .ሜ ሪቴይኒንግ (የድጋፍ ግንብ) ስራዎችን የሚያካትት ነው ::

ይህንኑ ግዙፍ ፕሮጀክቶች ክትትል ማሳደግ፤ ወጪ ቆጣቢ በሆነ መልኩ የተተገበሩ የ አንደኛ ዙር ኮርድር ልማት ልምዶች ተቀምረው ለ2ተኛው ዙር በተሻለ ብቃት መስራት እንደሚያስፈልግ ፤ ቅንጅታዊ አሰራርም በተጠናከረ መልኩት አሳድጎ በጥንካሬ አሁን ካለው በላይ ተጠናክሮ እንዲቀጥል ካቢኔው አሳስቧል።

የአዲስ አበባ ቤቶች ልማት ኮርፖሬሽን እቅዶችን ለማሳካት የሰራቸዉ ተግባራት የሚበረታቱ መሆናቸው ተገለጸ።

በአዲስ አበባ ቤቶች ልማት ኮርፖሬሽን የታየዉ የአሰራር ሪፎርም እና ባለፉት ወራት እቅዶችን ለማሳካት የሰራቸዉ ተግባራት የሚበረታቱ መሆናቸዉን የአዲስ አበባ ከተማ ምክር ቤት የመሬት እና ግንባታ ጉዳዮች ቋሚ ኮሚቴ አስታወቀ፡፡

በአዲስ አበባ ምክር ቤት መሬት እና ግንባታ ጉዳዮች ቋሚ ኮሚቴ የቤቶች ልማት ኮርፖሬሽን ያለፉት ወራት የስራ እንቅስቃሴ እና የእቅድ አፈፃፀምን እየገመገመ ነዉ፡፡

በምክር ቤቱ የመሬት እና ግንባታ ጉዳዮች ቋሚ ኮሚቴ ሰብሳቢ ወ/ሮ ኒዕመተላህ ከበደ፤ ኮርፖሬሽኑ ቤቶችን በአግባቡ ለማስተናገድ እና አገልግሎቱን የተሳለጠ ለማድረግ እየሰራ ያለዉ ስራ የሚበረታታ ነዉ ብለዋል፡፡

በግምገማዉም በቀጣይ መጠናከር እና መታረም ባለባቸዉ ጉዳዮች ላይ ሰፊ ምክክር ተደርጓል።

ኮርፖሬሽኑ በ2017 የመጀመሪያ ሩብ ዓመት ዕቅድ አፈፃፀም ላይ  ውይይት አደረገ።

በ2017 በጀት ዓመት የ1ኛ ሩብ አመት የዝግጅት ምዕራፍ ዕቅድ አፈፃፀም የተሻለ ውጤት የተመዘገበበት እና በግልም ሆነ በቡድን የታየው የስራ መንፈስ እንደ ዝግጅት ምዕራፍነቱ የሚበረታታ መሆኑን  የአዲስ አበባ ቤቶች ልማት ኮርፖሬሽን ዋና ዳይሬክተር አቶ ሽመልስ ታምራት  በውይይቱ ላይ ተናግረዋል።

በቀጣይ የበጀት ዓመቱ የተግባር ምዕራፍ ላይ ትኩረት የሚሹትን ጉዳዮች በማጤን በተሻለ ቅንጅት  በመስራት እንዲሁም ስራዎችን ከእጅ ንኪኪ በማፅዳት ተቋሙን በአገልግሎቱ የተመሰገነ ማድረግ እና የተሻለ ውጤት በማስመዝገብ ከተማችንን ወደ ተሻለ ደረጃ በማድረስ እንዲሁም የከተማዋን ነዋሪ ፍላጎት ለማሟላት በሁሉም  ዘርፍ ያለ አመራርና ሰራተኛ በመናበብ መስራት እንደሚገባ ዋና ዳይሬክተሩ አክለው ተናግረዋል።

የኮርፖሬሽኑ የቤት ማስተላለፍና ግንባታ ፋይናንስ ዘርፍ ም/ዋና ዳይሬክተር ኢ/ር ቶማስ ደበሌ እንዳሉት ሪፎርሙን በመተግበርና ቴክኖሎጂን በመዘርጋት የአሰራር ስርዓትን ከማዘመን አንፃር ባለፈው በጀት አመት የተሻለ እንደነበረ በማንሳት ለዚህም ስራዎች በርካታ ሽልማቶችን ኮርፖሬሽኑ ተበርክቶለታል ብለዋል።

አያይዘውም የ2017 በጀት አመት የ1ኛ ሩብ ዓመት የዝግጅት ምዕራፍ ዕቅድ አፈፃፀማችን በዚሁ ላይ መሰረት ያደረገ እንደሆነ በማንሳት በቀጣይም ያሉ ክፍተቶች በማስተካከል ከእጅ ንኪኪ የፀዳ እና  እውቀት ላይ መሰረት ያደረገ አሰራርን በመተግበር እንዲሁም ሌሎች አማራጭ የቤት ልማት ቴክኖሎጂዎችን በመጠቀም ተቋሙን ውጤታማ ማድረግ ይጠበቃል ብለዋል።

በውይይቱ የኮርፖሬሽኑ የማእከል እና የቅርንጫፍ ፅ/ቤቶች ከፍተኛ አመራሮች እና ሰራተኞች  ተሳትፈዋል።

“ይህ ዓመት በታሪካችን አይተን የማናውቃቸውን ውጤቶች እያየን ለትውልድ የማፅናት ሥራ የምንጀምርበት ዘመን ነው"
-  ጠቅላይ ሚኒስትር ዐቢይ አሕመድ

ይህ ዓመት ሪፎርሞቻችንን ጨርሰን በታሪካችን አይተን የማናውቃቸውን ውጤቶች እያየን ለትውልድ የማንፅናት ሥራ የምንጀምርበት ዘመን መጀመሪያ ነው ሲሉ ጠቅላይ ሚኒስትር ዐቢይ ገለጹ፡፡

ጠቅላይ ሚኒስትሩ የኢትዮጵያ ፌዴራላዊ ዲሞክራሲያዊ ሪፐብሊክ 6ኛው የሕዝብ ተወካዮች ምክር ቤት 4ኛ ዓመት የሥራ ዘመን 3ኛ መደበኛ ስብሰባ ላይ ከሕዘዝብ እንደራሴዎች ለተነሱላቸው ጥያቄዎች ምላሽና ማብራሪያ እየሰጡ ነው፡፡

ባለፉት ስድስት ዓመታት በሀገሪቱ የፖለቲካል ኢኮኖሚ ሪፎርም ሲካሄድ መቆየቱን ያነሱት ጠቅላይ ሚኒስትር ዐቢይ የሪፎርም ሥራዎች ቀሪ ሥራዎች እንደተጠበቁ ሆነው ሪፎርሙ ያልነካው ዘርፍ የለም ብለዋል፡፡

የተሠሩት ሪፎርሞችም በርካታ ትምህርቶች የተቀሰሙባቸው ናቸው ሲሉ አብራርተዋል፡፡

ይህ ዓመት ሪፎርሞቻችንን ጨርሰን ሀገራዊ ማንሠራራት የምንጀምርበትና በታሪካችን አይተን የማናውቃቸውን ውጤቶች እያየን ለትውልድ የማንፅናት ሥራ የምንጀምርበት ዘመን መጀመሪያ ነው ሲሉም ለምክር ቤቱ ገልጸዋል፡፡

በወንዝ ዳርቻ የልማት ስራ የሚነሱ 56 የልማት ተነሺዎች  የመንግስት መኖሪያ ቤት ዕጣ አወጡ።

በአራዳ ክ/ከተማ አስተዳደር በቀበና ሳይት በወንዝ ዳርቻ የልማት ስራ ምክንያት ለሚነሱ 56 የልማት ተነሺዎች የመንግስት የመኖሪያ ቤት ዕጣ ማውጣት  ስነስርአት ተካሄደ።

የዕጣ ማውጣት ሂደቱ ከእጅና ከወረቀት በፀዳ መልኩ በቴክኖሎጂ በተደገፈ መንገድ የተካሄደ ሲሆን በልማት ተነሺዎቹ ፊት የዕጣ ማውጣት ስነ-ስርአት ተካሂዷል።

የአዲስ አበባ ከተማ የቤቶች ልማት አስተዳደር ቢሮ ኃላፊ ወ/ሮ ቅድስት ወ/ጊዮርጊስ የእጣ አወጣጥ ስነ-ስርዓቱን ሲያስጀምሩ እንደተናገሩት እጣ አወጣጡ የሰው ንክኪ የሌለበትና በቴክኖሎጂ በተደገፈ መልኩ እጣው እንደወጣና  እንደደረሠ በሚያሣይ ፍትሃዊ በሆነ መንገድ የሚከናወን መሆኑን ገልፀዋል።

የአራዳ ክ/ከተማ ዋና ስራ አስፈፃሚ አቶ ጌታሁን አበራ በዕጣ ማውጣት ስነስርአቱ ላይ ተገኝተው እንዳሉት የልማት ተነሺዎቹ የልማቱ አጋሮች በመሆናቸው ምስጋናቸውን አቅርበው  ልማቱ  ከህዝብ ለህዝብ የመጣ እንደሆነና ይህን ዕውን ለማድረግ የሁሉም መተጋገዝና ርብርብ እንደሚያስፈልግ ጠቁመዋል።

ለልማት ተነሽዎች ከእስቱዲዮ እስከ ባለ 2 መኝታ የጋራ መኖሪያ ቤት በእጣው መሠረት ተላልፏል።

ቢሮው የ2017 የስራ ዘመን የመጀመርያ ሩብ ዓመት እቅድ አፈጻጸምን ገመገመ፡፡

የአዲስ አበባ ቤቶች ልማትና አስተዳደር ቢሮ የቢሮው አመራሮችና ሰራተኞች፣ የክፍለ ከተሞች እና የወረዳዎች የቤቶች ልማት ጽ/ቤት ኃላፊዎች በተገኙት የ2017 የስራ ዘመን የመጀመርያ ሩብ ዓመት እቅድ አፈጻጸም ላይ ውይይት አካሂዷል፡፡

የግምገማ መድረኩን በንግግር የከፈቱት የቢሮው ኃላፊዋ ክብርት ቅድስት ወ/ጊዮርጊስ የመጀመርያው ሩብ ዓመት ስራዎች የዝግጅት ጊዜ ስራዎች በመሆናው ለቀጣይ የተግባር ምዕራፍ ስራዎች ስንቅ መሆናቸውን ገልጸዋል፡፡

በበጀት ዓመቱ መጀመርያ በዓመቱ እቅድና ሊሰሩ በሚገባቸው አበይት ተግባራት ላይ ከሚመለከታቸው ፈጻሚዎች ጋር ውይይት በማድረግና የጋራ ግንዛቤ በመያዝ ወደስራ መገባቱ የተሻለ ውጤት ለማስመዝገብ እንዳስቻለ ኃላፊዋ ጨምረው ገልጸዋል፡፡

በሩብ ዓመቱ ለኮሪደር ልማት ተነሽዎች ምትክ ቤቶችን በማቅረብ ፣ ለነባር ቤት ግንባታ ማህበራት በግንባታ ዙሪያ የነበሩ ችግሮችን በመቅረፍ ወደ ስራ መገባቱ ፣ አዳዲስ የቤት ማህበራትን በማደራጀት ፣  የኪራይ ቤቶችን ውል በማደስ ፣ ለስራ ምቹ ከባቢን በመፍጠር ፣ አገልግሎቶች በቴክኖሎጂ እንዲደገፉ በማድረግና በማዘመን ፣ ከባለድርሻ አካላት ጋር በቅንጅት በመስራት ፣ የአከራይ ተከራይ ውል በማዋዋል እና መሰል ስራዎች መሰራታቸውን በቢሮው እቅድ ዝግጅት፣ ግምገማና ክትትል ዳይሬክቶሬት የቀረበው ሪፖርት ያብራራል፡፡

በሩብ ዓመቱ ለኮሪደር ልማት ተነሺዎች ምትክ 1,232 የመንግስት እና 1,802 የጋራ መኖርያ በድምሩ 3,034 ቤቶችን ቤት ማቅረብ መቻሉን ሪፖርቱ ያሳያል፡፡ ከ50,800 በላይ የመንግስት የመኖርያና የንግድ ቤቶችን ውል በማደስ ከ141 ሚሊዮን ብር በላይ ገቢ መሰብሰቡ ተመላክቷል፡፡

በግል አለሚዎች ለሚለሙ ቤቶች እና በሪል ስቴት አለሚዎች ለሚለሙ ቤቶች አስፈላጊው ድጋፍና ክትትል እንደተሰራ በሪፖርቱ ተመላክቷል፡፡

ከመደበኛ ስራ በተጓዳኝ ሰራተኞችንና ባለድርሻ አካላትን በማስተባበር ደም የመለገስ ፣ ከ40ሺ በላይ ችግኞችን የመትከል እና ከ210 ሺህ ብር በላይ በማሰባሰብ የተቸገሩ ህጻናትን በመርዳት ፣ በተለያዩ ማህበራዊ ችግር ውስጥ የሚገኙ ወገኖችን በማገዝ እና ማዕድ በማጋራት ቢሮው ማህበራዊ ሃላፊነቱን እንደተወጣ ተመላክቷል፡፡

ቢሮው በአዋጅ የሰጠውን በከተማዋ ውስጥ ያለው የመኖርያ ቤት ችግር ለመቅረፍ ቤቶችን የማልማት፣ የማስተላለፍና የማስተዳደር ኃላፊነቱን ለመወጣት እንዲሁም በከተማዋ የሚካሄዱ ልዩ ልዩ የልማት ስራዎችን በመደግፈ በርካታ ስራዎችን እያከናወነ ሲሆን በዚህም በተለያዩ ተቋማት የመልካም አፈጻጸም እውቅና እንደሰጠው ይታወቃል፡፡

ለጋራ መኖሪያ ቤት የሚሆኑ 81 የውሃ ፓምፖች በዛሬው ዕለት ገብተዋል

በአዲስ አበባ ቤቶች ልማት ኮርፖሬሽን በ40/60 የቤቶች ልማት ፕሮግራም በተለያዩ ሳይቶች ለተገነቡ የጋራ መኖሪያ ቤቶች የሚሆኑ 81 የውሃ ፓምፖች በዛሬው ዕለት ገብተዋል፡፡

ፓምፓቹ በሻሌ ፣ አያት ሳይት ሁለት እና ቡልቡላ ላሉ የ40/60 የጋራ መኖሪያ ቤቶች የሚገጠሙ ናቸው።

በቅርቡ ፓምፖቹ ወደ ሥራ ገብተው አገልግሎት መስጠት እንደሚጀምሩ ኮርፖሬሽኑ ገልጿል፡፡

በትላንትናው እለት 41 ለሚሆኑ የየካ ክ/ከተማ የኮሪደር ልማት ተነሺዎች ተለወጭ ቤት ተሰጠ

እጣ የማውጣት ስነስርአቱ  የተካሄደው  ከእጅ ንኪኪ በፀዳ ቴክኖሎጂ ነው ።

የአዲስ አበባ ቤቶች ልማት እና አስተዳደር ቢሮ በየካ ክ/ከተማ 41 ለሚሆኑ ለሁለተኛው ዙር የኮሪደር ልማት ተነሺዎች ተለዋጭ የመንግስት የጋራ መኖሪያ ቤት ለነዋሪው  በእጣ አስተላለፈ ።

የቢሮው የጽ/ቤት ኃላፊ የሆኑት አቶ  አብዲሳ አራርሶ እንደገለፁት እጣዉ የሚወጣዉ ዘመናዊ ቴክኖሎጂውን በመጠቀም ከእጅ ንኪኪ ነፃ የሆነ ዘመናዊ ቴክኖሎጂ  በመጠቀም ግልፅነትና  ታአማኒነት ባለዉ ፍፁም ከአድሎአዊነት ነፃ በሆነ አሰራር ለልማት ተነሺዎች እጣዉ እንደሚወጣ በመክፈቻ ንግግራቸው ገልፀዋል።

የልማት ተነሺዎቹ እጣዉ በደረሳቸው ሳይት በአካል በመሄድ የቤታቸዉን ቁልፍ መረከብ እንደሚችሉ አክለዋል።

እጣ የወጣላቸው ከየካ ክ/ከተማ  የኮሪደር ልማት ተነሺዎች ሲሆኑ እጣዉ የወጣዉ በለሚ ኩራ ክ/ከተማ ፣ በአራብሳ ጃርሶና በአራብሳ ገብርኤል ባሉ ሳይቶች በየካ ክ/ከተማ ጉራራ ሳይት ፣ በንፋስ ስልክ ክ/ከተማ ደግሞ ላፍቶ ሳይት አጠቀላይ 41 ለሚሆኑ የኮሪደር ልማት ተነሺዎች እጣ አዉጥተዋል።

በመጨረሻም እጣ የወጣላቸውን አካል ጉዳተኞችና  ሌሎች የህክምና ችግር ባለባቸዉ ተነሺዎች የሚያቀርቡ ቅሬታዎችን  ቢሮዉ አሳማኝ እና ትክክለኛ መሆኑን አረጋግጦ ተገቢ ምላሽ የሚሰጥ መሆኑን ገልጿል ።

በፅ/ቤት ዘርፍ  ስር ያሉ ዳይሬክቶሬቶች  የሩብ አመት የዝግጅት ምእራፍ  አፈፃፀም ተገመገመ

የቤቶች ልማት እና አስተዳደር ቢሮ የፅ/ቤት ዘርፍ ስር የሚገኙ ዳይሬክቶሬቶች የ2017 የሩብ አመት  የዝግጅት ምእራፍ አፈፃፀም ተገመገመ።

በሩብ አመቱ የዝግጅት ምእራፍ እቅድን ለቡድን እና ለሰራተኛ ከማውረድ እና ስራን በእቅድ ከመምራት ጀምሮ ከለውጥ ስራ ጋር  በተያያዘ የመልካም አስተዳደር እና የኪራይ ሰብሳቢነትን ለመከላከል የተሰሩ ስራዎች ተገምግመዋል።

አቶ አብዲሳ አራርሶ የቢሮው የፅ/ቤት ኃላፊ ስብሰባውን በመሩበት ወቅት እንደተናገሩት በዘርፉ በዝግጅት ምዕራፍ የተሰሩ ስራዎች አዳጊ እና መሻሻሎች የታዩባቸው መሆኑን አሳውቀዋል።

ኃላፊው አክለውም በሩብ አመቱ የታዪ ክፍተቶችን በመድፈን ዘርፉ አላማ ፈፃሚዎችን ደግፎ መስራት ላይ ትኩረት አድርጎ በመስራት የተግባር ምእራፉን በውጤት ማጠናቀቅ ይገባል ብለዋል።

በስብሰባው የፅ/ቤት ኃላፊ አቶ አብዲሳ አራርሶን ጨምሮ የዘርፉ ዳይሬክተሮች ተገኝተዋል።

ማስታወቂያ

የማህበር ቤት ተመዝጋቢ የሆናችሁ እና ቀደም ሲል ስም ዝርዝራችሁ ተገልፆ ቅጽ 01 አስሞልታችሁ የመመለሻ ቀን የተራዘመባችሁ ተመዝጋቢዎች በሙሉ።

ቅፁን እና አስፈላጊውን  መረጃዎች ይዛችሁ ከጥቅምት 13/2017ዓ.ም ጀምሮ እስከ ተቅምት 19/2017 ዓ.ም ባሉት ተከታታይ 5 የስራ ቀናት ብቻ ባምቢስ ግሪክ ትምህርት ቤት ፊት ለፊት በሚገኘው የቤቶች ልማት እና አስተዳደር  ቢሮ ህንፃ 6ኛ ፎቅ የቤት ማህበራት ዳይሬክቶሬት በመገኘት መረጃችሁን እንድታስገቡ እናሳወቃለን፡፡

የአዲስ አበባ ቤቶች ልማት እና አስተዳደር  ቢሮ

ጠቅላይ ሚኒስትር ዐቢይ አሕመድ (ዶ/ር) በዛሬው እለት የሚከተሉትን ሹመቶች ሰጥተዋል፡

1. ዶ/ር ጌዲዮን ጥሞቲዮስ፦ የውጪ ጉዳይ ሚንስቴር ሚንስትር
2. ወ/ሮ ሰላማዊት ካሳ፦ የቱርዝም ሚንስቴር ሚንስትር
3. ወ/ሮ ሃና አርአያስላሴ፦ የፍትህ ሚንስቴር ሚንስትር

ጠቅላይ ሚኒስትር ፅ/ቤት

በሁለተኛው ዙር የኮሪደር ልማት ተነሺዎች ለአረጋዊያን እና ለአካል ጉዳቶኞች ቅድሚያ በመስጠት አገልግሎት እየተሰጠ ይገኛል

የቤቶች ልማት እና አስተዳደር ቢሮ
ለሁለተኛው ዙር የኮሪደር ልማት ተነሺዎች እና ተለዋጭ ቤት የሚሰጣቸው  አረጋዊያን እና ለአካል ጉዳቶኞች ቅድሚያ በመስጠት አገልግሎት እየተሰጠ እንደሚገኝ ክብርት ቅድስት ወልደ ጊዮርጊስ ዛሬ ተገልጋዮችን እያስተናገዱ ባሉበት ወቅት ተናግረዋል።

በተለይም የጤና እክል ያለባቸውን ፣ አካል ጉዳተኞችን እና አረጋዊያንን ቅድሚያ በመስጠት ተደራሽ ለማድረግ እየተሰራ መሆኑን የቢሮ ኃላፊዋ  አሳውቀዋል።

ከተማ አስተዳደሩ የጀመረው እና ከተማዋን እያዘመነ ባለው የኮሊደር ልማት ስራ ለልማቱ ተነሺዎች ተለዋጭ ቤት በመስጠት ቢሮው የበኩሉን  አስተዋፅኦ እያበረከተ ይገኛል።