Yangon Police CDM Fighter @ypcfighter Channel on Telegram

Yangon Police CDM Fighter

@ypcfighter

ဖက်ဒရယ်ဒီမိုကရေစီရရှိရန် အနာဂတ်မှာမျိုးဆက်အတွက် မတရားမှုမှန်သမျှအား ပုဂ္ဂိုလ်အစွဲ၊ အဖွဲ့အစည်းအစွဲ မထားဘဲ နည်းလမ်းမျိုးစုံဖြင့် တွန်းလှန်သွားမည်။

Yangon Police CDM Fighter (Burmese)

ဖက်ဒရယ်ဒီမိုကရေစီရရှိရန် အနာဂတ်မှာမျိုးဆက်အတွက် မတရားမှုမှန်သမျှအား ပုဂ္ဂိုလ်အစွဲ၊ အဖွဲ့အစည်းအစွဲ မထားဘဲ နည်းလမ်းမျိုးစုံဖြင့် တွန်းလှန်သွားမည်။nn"Yangon Police CDM Fighter" သည် အနာဂတ်မှာမျိုးဆက်အတွက် မတရားမှုမှန်သမျှ ပုဂ္ဂိုလ်နည်းလမ်းမျိုးစုံဖြင့် အစွဲ၊ အဖွဲ့အစည်းအစွဲ တွန်းလှန်သွားပါသည်။ ဤအစပြုပြင်အပ်နှင့် ဖက်ဒရယ်ဒီမိုကရေစီသည် နောက်တော်လှည်းဖြင့် အာရေညာလေးနေရာပေါ်မှ ပြန်လည်ကြိုးစားခဲ့ပြီး ထို့နိုင်ဖို့အတွက် အနာဂတ်မှာ စက်ရုပ်ရှင်ဝယ်သူများ အတွက် အနီးအနားရွေးခံနိုင်ရန် ဖြစ်သည်။nnစာအုပ်ပါဝင်သည်တို့ ဖက်ဒရယ်ဒီမိုကရေစီ၏ စိတ်ချရေးဒဏ္ဍာ ကြိုးစားခဲ့ပြီး လှည်းဖြင့် မိန်းမတဝါစားရာ ကျန်းမာရေးသား မှ လွတ်လပ်သည့် ဝယ်လုံခြုံစာမှ ပန်းချီရရှိနိုင်ရန် ဖြစ်သည်။ အရေးကြီး အကျိုးဆောင်များ နှင့် အခြေအနေလည်း မိတ်ဆွေသောမှုမျိုးဆက်အတွက် အရေးသားနှင့် အညွှန်ဥက္ကဋ္ အသီးသားပြင် အမှန် အနောက် ဖြစ်ပါသည်။

Yangon Police CDM Fighter

16 Feb, 15:16

စစ်ရေးထုတ်ပြန်ချက်
================
ယနေ့ ည(၈)နာရီ (၁၉)မိနစ် အချိန်တွင်
ကျွန်ပ်တို့ Yangon UG People Army -YUPA နှင့် မဟာမိတ်ညီနောင်ဖြစ်​သော မြောက်ဥက္ကလာ ပကဖ တပ်ဖွဲ့ (၂) တို့ပူးပေါင်း၍ မရမ်းကုန်းမြို့နယ် ဘုရင့်နောင်လမ်း နှင့် ပါရမီလမ်းထောင့်ရှိ
တပ်ထိန်းတပ် ဂိတ်ပေါက်ဝအား လက်ပစ်ဗုံး( ၂)လုံးဖြင့် ပစ်သွင်းတိုက်ခိုက်ခဲ့ပါသည်။
စကစဘက်က အထိအခိုက်ကို ဆက်လက်စုံစမ်းနေဆဲဖြစ်ပြီး
ကျွန်ပ်တို့ရဲဘော်များအားလုံး ဘေးကင်းစွာပြန်လည်ဆုတ်ခွာနိုင်ခဲ့ပါသည်။
ကျွန်ပ်တို့ YUPA သည် မြို့ပြမစ်ရှင်များကို အရှိန်မြှင့်လုပ်ဆောင်မည် ဖြစ်ပါသော​ကြောင့် ပြည်သူများအနေဖြင့် စကစ များရှိသော နေရာများကို ရှောင်ရှားသွားလာကြပါရန် မေတ္တာရပ်ခံအပ်ပါသည်။

#YUPA
#2025Mission
120
Yangon Police CDM Fighter

08 Feb, 05:15

ရန်ကုန် လှော်ကား ရဲအကြပ်အတတ်သင်ကျောင်းကို ဗုံးပစ်လောင်ချာဖြင့် ပစ် ခတ် တိုက်ခိုက်မှု ရဲများ ထိခိုက်မှုရှိ

ဖေဖော်ဝါရီလ ၈ ရက် ၂၀၂၅

ရန်ကုန်မြို့၊ မင်္ဂလာဒုံမြို့နယ်၊ ထောက်ကြန့်ရှိ ရဲအကြပ်အတတ်သင်ကျောင်း (လှော်ကား)ကို ၇၉ မမ ဗုံးပစ်လောင်ချာဖြင့် ပစ်ခတ် တိုက်ခိုက်ရာ ရဲများထိခိုက်မှုရှိကြောင်း Rangoon Urban Column (RUC) စစ်ကြောင်း တာဝန်ခံ ကိုရဲခေါင် က ပြောဆိုသည်။

ဖေဖော်ဝါရီလ ၇ ရက်နေ့ ည ၉ နာရီ ၂ မိနစ်ခန့်အချိန် ထောက်ကြန့်၊ ရဲအကြပ်အတတ်သင်ကျောင်း(လှော်ကား)ရှိ ဝန်ထမ်း တန်းလျားကို ၇၉ မမ ဗုံးပစ်လောင်ချာဖြင့် RUC စစ်ကြောင်းမှ ရဲဘော်များက ပစ်ခတ် တိုက်ခိုက်ခဲ့ကြောင်း သိရသည်။

ထိုတိုက်ခိုက်မှု အတွင်း သင်တန်းကျောင်းဝင်းအတွင်းရှိ ရဲဝန်ထမ်းများ နေထိုင်လျက်ရှိသော တန်းလျားသို့ ကျရောက်ပေါက်ကွဲခဲ့ပြီး ရဲများ ထိခိုက်မှုရှိကြောင်း သိရှိရသည်။

" ထောက်ကြန့်မြို့နယ်က ရဲအကြပ်အတတ်သင်ကျောင်းရဲ့ ဝန်ထမ်းတန်းလျားကို ၇၉ မမ ဗုံးပစ်လောင်ချာနဲ့ RUC စစ်ကြောင်းက ပစ်ခတ်တိုက်ခိုက်ခဲ့ပြီး အောင်မြင်စွာ ပြန်လည်ဆုတ်ခွာနိုင်ခဲ့ပါတယ်။ အတတ်သင်ကျောင်းရဲ့ ရဲဝန်ထမ်းတွေနေတဲ့ တန်းလျာကို ထိမှန်ခဲ့လို့ ရဲတွေ ထိခိုက်မှုရှိတယ်။ အရေအတွက်ကိုတော့ အတည်ပြုနေတုန်းပဲ" ဟု Rangoon Urban Column (RUC) စစ်ကြောင်း တာဝန်ခံ ကိုရဲခေါင် က ပြောဆိုသည်။

RUC စစ်ကြောင်း၏ ရဲဘော်များ အနေဖြင့် မြို့ပြအတွင်း ခက်ခဲစွာ ရှင်သန်၍ ထိရောက်စွာ ဆက်လက် တိုက်ခိုက်နိုင်ရန်နှင့် ဝပ်ကျင်း၊ ရိက္ခာ၊ စစ်အသုံးစရိတ် စသည့် လိုအပ်ချက်များကို ဖြည့်တင်းနိုင်ရန်အတွက် တော်လှန် ပြည်သူများအနေဖြင့်လည်း ပါဝင် အားဖြည့်ပေးကြရန် မေတ္တာရပ်ခံကြောင်း ကိုရဲခေါင်က ဆက်လက်ပြောဆိုသည်။

#Telegram Link
https://t.me/YPCFighter

#Yangon Police CDM Fighter
1,277
Yangon Police CDM Fighter

04 Feb, 08:07

စလင်းနှင့် ချောက်မြို့နယ်တို့တွင် ပြည်သူကို ခြိမ်းခြောက်ဆက်ကြေးကောက် ဖမ်းဆီးနေ သည့် ဒုရဲအုပ် လဲလဲ့စိုး(ခ) ဝက်မ နှင့် စစ်တပ်ဒေါက်တိုင် ၁ ဦးတို့ ပစ်ခတ်ခံရပြီးသေဆုံး

ဖေဖော်ဝါရီလ ၄ ရက် ၂၀၂၅

မကွေးတိုင်း၊ စလင်းမြို့နယ်၊ တညောင်တိုက်နယ်ဈေးအတွင်း ဒုရဲအုပ် လဲလဲ့စိုး(ခ) ဝက်မက ဆက်ကြေး ဝင်ကောက်နေစဉ် ပစ်ခတ်ရှင်းလင်းခဲ့ရာ‌ ပွဲချင်းပြီး သေဆုံးသွားကြောင်း စလင်းမြို့နယ်ပြည်သူ့ ကာကွယ်ရေး အဖွဲ့မှ သတင်းနှင့် ပြန်ကြားရေး တာဝန်ရှိသူတစ်ဦးက ပြောကြားသည်။

ယနေ့ ဖေဖော်ဝါရီလ ၄ ရက် နံနက် ၈ နာရီ ၁၃ မိနစ်က စလင်းမြို့နယ်၊ တညောင်တိုက်နယ် ရဲစခန်း မှ ဒုရဲအုပ် လဲ့လဲ့စိုး (ခ) ဝက်မ သည် တညောင်ဈေးထဲ ပိုက်ဆံလိုက်ကောက်နေစဉ် ပြည်သူ့ကာကွယ် ရေး အဖွဲ့-စလင်းမှ လှည့်ကင်းရဲဘော်များက‌ တွေ့ရှိပြီး ပစ်ခတ်ရှင်းလင်းခဲ့ရာနေရာတွင် ပွဲချင်းပြီးသေ ဆုံးသွားကြောင်း သိရသည်။

“သူက ဈေးထဲမှာ ဆက်ကြေးကောက်နေတုန်း လှည့်ကင်းရဲဘော်တွေက တွေ့ပြီး ရှင်းခဲ့တာ၊ ပစ်ခတ် ရှင်းလင်းပြီးတဲ့အခါ တညောင်ခွဲရုံရှိတယ်၊ ဈေးနားဝန်းကျင်တွေရော အဆက်မပြတ် ဂန်းတွေဖောက် တယ်။ ဂန်းတွေဖောက်ပြီးတော့ လမ်းပိုင်းကို ခဏပိတ်ထားတယ်။ အခုတော့ ပြန်ဖွင့်လိုက်ပေးပြီ။ ရဲဘော်တွေအားလုံးဘေးကင်းစွာ ပြန်ဆုတ်နိုင်ခဲ့ပါတယ်” ဟု စလင်းမြို့နယ်ပြည်သူ့ ကာကွယ်ရေး အဖွဲ့မှ သတင်းနှင့် ပြန်ကြားရေး တာဝန်ရှိသူတစ်ဦးက ပြောကြားသည်။

သေဆုံးသူ ဒုရဲအုပ် လဲ့လဲ့စိုး (ခ) ဝက်မ အပါအဝင် ရဲများအားလုံးကို အလင်းဝင်ရောက်ကြရန် ၃ ကြိမ် တိတိ ဆက်သွယ်အကြောင်းကြားခဲ့သော်လည်း အလင်းဝင်ရောက်လာခြင်းမပြုသည့်အပြင်၊ ပြည်သူ များ အပေါ် ခြိမ်းခြောက်ငွေတောင်းရမ်းမှုနှင့် စစ်ရာဇဝတ်မှုများကျူးလွန်ခဲ့ကြောင်း သတင်းအတိ အကျရရှိထားသဖြင့် ပစ်ခတ်ရှင်းလင်းမှု ပြုလုပ်ခဲ့ခြင်းဖြစ်ကြောင်း အသိပေးထားသည်။

အဆိုပါ စစ်ရေးကို စလင်းမြို့နယ် ပြည်သူ့ကာကွယ်ရေးအဖွဲ့ ဇုန် ၃ ရဲဘော်များမှ လုပ်ဆောင်ခဲ့ခြင်း ဖြစ်ပြီး လတ်တလောတွင် တညောင်ရဲစခန်းနှင့် တညောင်- မြို့လှလျှပ်စစ်ဓာတ်အားပေးရုံမှ စစ်သား များက သေနတ်များပစ်ဖောက်ကာ တညောင်လမ်းပိုင်းများအား ပိတ်ထားကြောင်း သိရသည်။

အလားတူ မကွေးတိုင်း၊ ချောက်မြို့နယ်၊ အမှတ် ၁၅ နယ်မြေ ၊တိုးချဲ့ရပ်ကွက်တွင် နေထိုင်သူ အကြမ်းဖက်စစ်တပ် ထောက်တိုင် တင်လှ (ခ) ဒေါင်းတင်အား ပစ်ခတ်ရှင်းလင်းခဲ့ရာနေရာမှာပင် သေဆုံးသွားကြောင်း Chauk Guerrilla Force - C.C.F တာဝန်ခံကို Ko Paing က ပြောကြားသည်။

ယမန်နေ့ ဖေဖော်ဝါရီလ ၃ ရက် နေ့လည်ပိုင်းက ချောက်မြို့နယ် ၊ အမှတ် ၁၅ နယ်မြေ၊ တိုးချဲ့ရပ် ကွက်တွင်နေထိုင်သူ အကြမ်း ဖက်စစ်တပ်ထောက်တိုင် တင်လှ (ခ)ဒေါင်းတင်အား ပြည်သူ့ကာကွယ် ရေးတပ်ဖွဲ့ဝင်များက ဝင်ရောက်ဖမ်းဆီးပြီး မြို့ပြင်သို့ခေါ်ထုတ်၍ ပစ်ခတ်ရှင်းလင်းခဲ့ရာ သေဆုံးသွား ကြောင်း သိရသည်။

“မြို့ထဲအထိဝင်ဖမ်းခဲ့တာ၊ စခတွေမသိလိုက်ဘူး။ သူလာမယ်ဆိုတာ သတင်းကြိုရလို့ လူပြတ်တဲ့ လမ်းနေရာကနေ စောင့်ဖမ်းပြီးခေါ်ထုတ်လာခဲ့တာပါ။ မှတ်ပုံတင်တစ်ခုနဲ့ ဖုန်းတစ်လုံးတော့ သိမ်း ဆည်းရရှိခဲ့တယ်။ မြို့ပြင်တနေရာမှာ ခေါ်ထုတ်ရှင်းခဲ့တာဆိုတော့ အလောင်းလည်း လာမကောက် နိုင်လောက်ဆိုပြီး ကောင်းကောင်းမွန်မွန်နဲ့ မြေမြှုပ်သင်္ဂြိုလ်ပေးခဲ့ပါတယ်” ဟု Chauk Guerrilla Force - C.C.F တာဝန်ခံကို Ko Paing က ပြောကြားသည်။

သေဆုံးသူ တင်လှ (ခ) ဒေါင်းတင်သည် အကြမ်းဖက်စစ်တပ်၏ ပေါ်တာဆွဲ အတင်းအဓမ္မ စစ်မှုထမ်း စေခိုင်း သည့် ကိစ္စများကို ဦးဆောင်ကာ လုပ်ဆောင်ပေးနေသူဖြစ်သည့်အပြင် ၂၀၂၃ ခု နှစ်ကလည်း UG တပ်ဖွဲ့ဝင်များကို လိုက်လံစုံစမ်းကာ အကြမ်းဖက်စစ်တပ်ထံ တိုင်ကြားပြီး ဖမ်းဆီးခိုင်းမှုများရှိခဲ့ သ ဖြင့် ပြည်သူ့အကျိုးစီးပွားကို နှောက်ယှက် ဖျက်ဆီးနေသူ စစ်ရေးပစ်မှတ်အဖြစ် သတ်မှတ်ကာ မြို့တွင်း အထိဝင်ရောက်ဖမ်းဆီးခဲ့ပြီး ရှင်းလင်းခဲ့ရခြင်းဖြစ်ကြောင်း အသိပေးထားသည်။

အဆိုပါ ပစ်ခတ်ရှင်းလင်းမှုကို Chauk Guerrilla Force - C.G.F နှင့် မဟာမိတ်ပူးပေါင်းတပ်ဖွဲ့များက လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ ဘေးအန္တရာယ်ကင်းရှင်းစွာ ပြန်လည် ဆုတ်ခွာနိုင်ခဲ့ကြောင်း သိရသည်။

#Telegram Link
https://t.me/YPCFighter

#Yangon Police CDM Fighter
570
Yangon Police CDM Fighter

03 Feb, 12:39

ရခိုင်နှင့် ဧရာဝတီအစပ်တိုက်ပွဲများမှဒဏ်ရာရစစ်
ကောင်စီတပ်ဖွဲ့ဝင်များကို ​စစ်​ကောင်စီကဆေးကုပြီး​ရှေ့တန်းပြန်ပို့​နေ

ဖေဖော်ဝါရီလ ၃ ရက် ၂၀၂၅

ရခိုင် နှင့် ဧရာဝတီနယ်စပ်ဒေသမှတိုက်ပွဲများတွင် ဒဏ်ရာရစစ်ကောင်စီတပ်ဖွဲ့ဝင်များ နှင့် စစ်သားစုဆောင်းခံရသူများ တိုက်ပွဲပြင်းထန်နေသည့် ရခိုင်နှင့်ပဲခူးတိုင်းနယ်စပ်သို့ ထပ်မံပို့ဆောင်ခံနေရ​ကြောင်းတပ်မိသားစုဝင်အချို့က​ပြောသည်။

ရခိုင်နှင့် ဧရာဝတီနယ်စပ်ဒေသ ဂွနှင့် ရေကြည်မြို့နယ်အနီး ပြီးခဲ့သည့်၂၀၂၄ခုနှစ် နိုဝင်ဘာလကတိုက်ပွဲများတွင် ဒဏ်ရာရသည့်စစ်ကောင်စီတပ်ဖွဲ့ဝင်များကို ရေကြည် နှင့်ပုသိမ်မြို့ရှိ ဆေးရုံများတွင်ကုသ​ပေးခဲ့သည်။ထို​နောက် အနားယူခွင့်မ​ပေးပဲ ရခိုင်နှင့်ပဲခူးတိုင်းနယ်စပ်သို့ ပို့ဆောင်နေခြင်းဖြစ်သည်ဟုစုံစမ်းသိရသည်။

"တပ်ကိုပြန်မနားရဘဲ ရှေ့တန်းကို ထပ်လွှတ်တာ။ လူကို တွေ့ခွင့်ပေးတယ်။ ပြန်ခေါ်လာလို့မရဘူး။ ခေါ်သွားတုန်းက စစ်မှုထမ်းမဲပေါက်လို့ လိုက်သွားရတာ။ အခုတော့ ကိုယ့်သားကိုယ် ဝအောင်တောင်မကြည့်ခဲ့ရဘူး" ဟု ဧရာဝတီတိုင်း၊ ဟင်္သာတမြို့နယ်၊ နတ်မော် ကျေးရွာမှ ဒေသခံတစ်ဦးကပြောသည်။

အဆိုပါနတ်မော်ကျေးရွာတွင် စစ်ကောင်စီ၏ အမှတ် ၁၈ ခြေလျင်တပ်ရင်း (ခလရ-၁၈)ရှိသည်။ ဒေသခံလူငယ်အများအပြားကို စစ်မှုထမ်းဥပဒေအကြောင်းပြ၍ ခေါ်ဆောင်ပြီး စစ်သင်တန်းပေးကာ ရှေ့တန်းသို့ ပို့ဆောင်ခြင်းဖြစ်သည်။

၂၀၂၄ ခုနှစ် နိုဝင်ဘာလက AA၏ဂွမြို့သိမ်းတိုက် တိုက်ပွဲအတွင်း စစ်ကောင်စီတပ်ဖွဲ့ဝင်များအပြားသေဆုံးသလို ငါးသိုင်းချောင်း-ဂွလမ်းမှတဆင့် စစ်ကူပို့သည့် စစ်ကောင်စီစစ်ကြောင်းကိုလည်း AAက ဖြတ်​တောက်ပိတ်ဆို့တိုက်ခိုက်ရာ စစ်​ကြောင်းများပျက်ခဲ့သည်။

ဂွမြို့သို့ စစ်ကူပို့ခံရသည် ဟင်္သာတမြို့အခြေစိုက် ခလရ (၁၈) တပ်ရင်း၊အိမ်မဲမြို့အခြေစိုက်ခလရ (၆၃)၊ ခလရ (၅၁) နှင့် ရန်ကုန်၊ လှိုင်သာယာအခြေစိုက် ခမရ (၅၃၂)မှ စစ်ကောင်စီအင်အား ၂၀၀ နီးပါးကို ဂွမြို့နယ်၊သံခဲချိုင်ကျေးရွာကမ်း
ခြေအနီး နှင့်ကင်းပုံကျေးရွာအနီးတွင် တိုက်ခိုက်ခဲ့ရာ စစ်ကောင်စီဘက်မှ ၁၂၀ကျော်သေဆုံးပြီး စစ်သုံ့ပန်းအချို့ဖမ်းဆီးရမိသည်ဟု AAကဒီဇင်ဘာ ၆ ရက်တွင်သတင်းထုတ်ပြန်ခဲ့သည်။

ထိုတိုက်ပွဲများတွင် ဒဏ်ရာရပြီး လွတ်မြောက်လာသူများကို စစ်ကောင်စီက ရေကြည်နှင့်ပုသိမ်ဆေးရုံသို့ပို့ဆောင်ခဲ့သည်။ဆေးရုံ၌ထပ်မံသေဆုံးသူများလည်းရှိပြီး အသေးစားဒဏ်ရသူများသည် ယခုရက်ပိုင်းအတွင်း ဆေးရုံမှဆင်းခွင့်ရခဲ့သည်။ သို့သော်အိမ်ပြန်ခွင့်မရဘဲ ရခိုင် နှင့် ပဲခူးတိုင်းနယ်စပ်ဖြစ်သည် ဥသျှစ်ပင်မြို့၊ ပန်းတောင်းမြို့များသို့ ပို့‌ဆောင်ခံနေရခြင်းဖြစ်သည်။

ဧရာဝတီတိုင်း၊ပဲခူးတိုင်းနှင့် မကွေးတိုင်းနယ်စပ်ဒေသများ၌ တိုက်ပွဲများဆက်လက်ဖြစ်နေကြောင်း AAက ဇန်နဝါရီလ ၂၇ရက်၌သတင်းထုတ်ပြန်ထားသည်။ရခိုင်-ဧရာဝတီနယ်စပ်မှ စစ်ကောင်စီပွိုင့် (၂၆၃) စခန်း ပွိုင့် (၃၆၉) စခန်းကို ဇန်နဝါရီလ (၂၆ ) ရက်နှင့် ဇန်နဝါရီလ (၂၁ ) ရက်
၌ သိမ်းယူခဲ့ကြောင်း လည်းအသိ​ပေးခဲ့သည်။

ထို့အပြင် တောင်ကုတ်မြို့နယ်နှင့်ထိစပ်နေသော ရခိုင်ရိုးမတောင်တန်း ပေါ်မှ စစ်တောင်စီ၏ မိုးထိတောင်စခန်းကို ဇန်နဝါရီလ (၂၆) ရက်​နေ့တွင် သိမ်းပိုက်နိုင်သည်။ ယင်းဒေသများတွင် တိုက်ပွဲများလည်း ဆက်ဖြစ်ပွားနေသည်။

(ရခိုင် နှင့် ပဲခူးတိုင်းအစပ် ရခိုင်ရိုးမ​ပေါ်မှ မိုးထိ​တောင်စခန်းကို အာရက္ခတပ်ဖွဲ့ဝင်များက သိမ်းပိုက်ပြီး​နောက်​တွေ့ရစဥ်။
ဓါတ်ပုံ-AA Info Desk)

#Telegram Link
https://t.me/YPCFighter

#Yangon Police CDM Fighter
400
Yangon Police CDM Fighter

03 Feb, 12:39

သရက်ချောင်းနှင့် တနင်္သာရီမြို့တို့တွင် စစ်တပ် စစ်ကြောင်း၊ ယာဉ်တန်းနှင့် ကင်းပုန်း တို့ကို တိုက်ခိုက်မှု စစ်သား ၇ ဦးသေဆုံး

ဖေဖော်ဝါရီလ ၃ ရက် ၂၀၂၅

တနင်္သာရီတိုင်း၊ သရက်ချောင်းမြို့နယ်ဘက်သို့ ဝင်ရောက်လာသော အကြမ်းဖက်စစ်တပ် စစ် ကြောင်းကို ၃ ကြိမ်ကြားဖြတ်တိုက်ခိုက်ခဲ့ရာ စစ်သား ၇ ဦးသေဆုံးခဲ့ကြောင်း ထားဝယ်ခရိုင် တပ်ပေါင်းစု ဗျူဟာမှူးမှ ပြောဆိုသည်။

ဇန်နဝါရီလ ၁၄ ရက်နေ့မှစ၍ သရက်ချောင်းမြို့နယ် ဘက်သို့ စစ်ကြောင်းထိုးဆင်းလာသော အကြမ်း ဖက် စစ်ကောင်စီတပ်သားများကို‌ တော်လှန်ရေး ပူးပေါင်းတပ်ဖွဲ့မှ ၃ ကြိမ်ကြားဖြတ်တိုက်ခိုက်ခဲ့ရာ စစ်သား ၇ ဦးသေဆုံးကြောင်း၊ ထို့အပြင် အများအပြားထိခိုက်ဒဏ်ရာရရှိခဲ့ပြီး အရေအတွက်အတိ အကျ သိရှိနိုင်ရန် စုံစမ်းနေဆဲဖြစ်ကြောင်း သိရသည်။

အဆိုပါ တိုက်ခိုက်မှုကို ထားဝယ်ခရိုင်တပ်ပေါင်းစုနှင့် ထားဝယ်ခရိုင်ဒရုန်းတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း၊ ထားဝယ်ခရိုင်တပ်ပေါင်းစုအနေဖြင့် စစ်အာဏာရှင် အမြစ်ပြတ်ချေမှုန်းရေးအတွက် စည်းလုံး ညီညွတ်စွာဖြင့် အရှိန်အဟုန်မြှင့်ဆောင်ရွက်သွားမည်ဖြစ်ကြောင်း တပ်ပေါင်းစု ဗျူဟာမှူးက ဆက်လက်ပြောဆိုသည်။

ထို့ပြင် တနင်္သာရီတိုင်း၊ တနင်္သာရီမြို့နယ်၊ ဘန်းလမွတ်ကျေးရွာအနီးတွင် အကြမ်းဖက်စစ် ယာဉ် တန်းကို ၂ ကြိမ် မိုင်းဆွဲ ပစ်ခတ်တိုက်ခိုက်ခဲ့ရာ စစ်သား ၃ ဦး ဒဏ်ရာရရှိခဲ့ကြောင်း တနင်္သာရီမြို့နယ် ပကဖ ကပြောဆိုသည်။

ဇန်နဝါရီလ ၃၁ ရက် မွန်းတည့် ၁၂ နာရီခန့်က တနင်္သာရီမြို့ မှ မြိတ်မြို့သို့ပြန်ဆင်းသည့် အကြမ်း ဖက် စစ်ကောင်စီယာဥ်တန်းကို ဘန်းလမွတ်ရွာနှင့်ညောင်ပင်ကုန်းရွာအရောက် မိုင်းဆွဲပစ်ခတ်တိုက် ခိုက်ခဲ့ကြောင်း၊ အလားတူ ၃၀၆ အမြောက်တပ်ရင်းမှ ကြိုတင်လမ်းကင်းယူထားသည့် အကြမ်းဖက် စစ်သားများကို ထပ်မံ မိုင်းဆွဲ၍ ပစ်ခတ်တိုက်ခိုက်ခဲ့ရာ အကြမ်းဖက်စစ်ကောင်စီတပ်သား ၃ ဦး ထိ ခိုက်ဒဏ်ရာရရှိခဲ့ကြောင်း သိရသည်။

အဆိုပါ တိုက်ခိုက်မှုကို တနင်္သာရီပကဖ ဇုန် ၃၊တနင်္သာရီပကဖ ဇုန် ၅ နှင့် မြိတ်ပြည့်သူ့ကာကွယ်‌ ‌ရေး အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း၊ ထိုသို့ တိုက်ခိုက်ခံရမှုကြောင့် အကြမ်းဖက်စစ်ကောင်စီတပ်သားများ အထိနာ၍ ရမ်းဖိုညောင်ပင် ကုန်းရွာကို ဖြတ်ကာ ဘန်လမွတ်ကျေးရွာသို့ ပြန်လည် ဆုတ်ခွာသွားကြောင်း၊ ဘန်းလမွတ်ရွာ သို့ ပြန်အရောက်တွင် ဘန်းလမွတ်ရွာ တောင်ကုန်းပိုင်းရပ်ကွက်မှ ပြည်သူ့နေအိမ် ၄ လုံးကို မီးရှို့ဖျက်ဆီး ခဲ့ကြောင်း၊ ခရီးသွား ပြည်သူများ အနေဖြင့် အကြမ်းဖက်စစ်ကောင်စီယာဉ်တန်းနှင့် အနီးကပ်လိုက်ပါခြင်း မပြုကြရန် ပြည်သူ့ကာကွယ်ရေးတပ်ဖွဲ့များက သတိပေးထုတ်ပြန်ထားသည်။

#Telegram Link
https://t.me/YPCFighter

#Yangon Police CDM Fighter
347
Yangon Police CDM Fighter

02 Feb, 06:09

ရေးမြို့နယ်၊ မြို့မရဲစခန်းတွင် နိုင်ငံရေးပုဒ်မများဖြင့် ဖမ်းဆီးခံထားရသော အချုပ်သားများက လက်နက်လုယူ တိုက်ခိုက်ထွက်ပြေးမှု ဒုရဲအုပ် ၁ ဦး နှင့် တပ်သား ၂ ဦး သေဆုံးပြီး အချုပ်သား ၁ ဦးကို ရေးဘီလူးအဖွဲ့က ကယ်တင်ထားနိုင်

ဖေဖော်ဝါရီလ ၂ ရက် ၂၀၂၅

မွန်ပြည်နယ်၊ ရေးမြို့နယ်၊ မြို့မရဲစခန်းတွင် နိုင်ငံရေးပုဒ်မများဖြင့် ဖမ်းဆီးခံထားရသော အချုပ်သားများက လက်နက်လုယူ တိုက်ခိုက်ထွက်ပြေးမှုများ လုပ်ဆောင်ခဲ့ရာ အဆိုပါ တိုက်ခိုက်မှုအတွင်း ဒုရဲအုပ် ၁ ဦး နှင့် တပ်သား ၂ ဦး သေဆုံးပြီး အချုပ် သား ၁ ဦးကို ရေးဘီလူးအဖွဲ့က ကယ်တင်ထားနိုင်ကြောင်း ရေးဘီလူးအဖွဲ့ခေါင်းဆောင်က ပြောဆိုသည်။

ဖေဖော်ဝါရီလ ၁ ရက်နေ့ နံနက် ၉ နာရီ ထမင်းပုံးပို့ချိန် ရေးမြို့နယ်၊ မြို့ မရဲစခန်း အချုပ်ခန်းအတွင်းမှ အချုပ်သား ၇ ဦးသည် လက်နက်များ လုယူ၍ အစောင့်ရဲများကို ပြန်လည် တိုက်ခိုက်ကာ ထွက်ပြေးခဲ့ကြကြောင်း၊ အဆိုပါ တိုက်ခိုက်မှုအတွင်း ရဲတပ်ဖွဲ့ဘက်မှ ဒုရဲအုပ် ၁ ဦး ဦးခေါင်းပွင့်၍ သေဆုံးခဲ့ပြီး ရဲတပ်သား ၂ ဦးလည်း သေဆုံးခဲ့ကြောင်း၊ အချုပ်သား ၇ ဦးအနက်မှ ၁ ဦးကို ရေးဘီလူးတပ်ဖွဲ့က ကယ်တင်ထားနိုင်ခဲ့ကြောင်း သိရှိရသည်။

"အားလုံး အချုပ်ခန်းကနေ ထွက်ပြေးတာက ၇ ဦးရှိတယ်။ အဲဒီမှာ ပြန်မိတဲ့လူတွေလည်း ပြန်မိတယ်။ သူ့လမ်းနဲ့သူ ပြေးကြတော့ လူစုကွဲသွားတယ်။ ကျနော်တို့ ကယ်တင်ထားနိုင်တဲ့သူကို ကျနော်တို့ ကယ်တင်ပါတယ်" ဟု ရေးဘီလူးအဖွဲ့ခေါင်းဆောင်က ပြောဆိုသည်။

ယမန်နေ့ နံနက်ပိုင်း ရေးမြို့မရဲစခန်းတွင် အချုပ်ခန်း ဖောက်ပြေးမှု ဖြစ်ပွားပြီးနောက် စစ်တပ်က ရေးမြို့ အဝင်အထွက်ကို ပိတ်ဆို့ကာ စစ်ဆေးမှုများ လုပ်ဆောင်ခဲ့ပြီး လက်ရှိအချိန်တွင်လည်း လုံခြုံရေးများ တင်းကျပ်ထားဆဲဖြစ်ကြောင်း သိရှိရသည်။

ဓာတ်ပုံ- ရေးဘီလူးတပ်ဖွဲ့က ကယ်တင်ထားနိုင်သော နိုင်ငံရေးပုဒ်မဖြင့် တရားစွဲခံခဲ့ရသည့် အချုပ်သားတစ်ဦး။

#Telegram Link
https://t.me/YPCFighter

#Yangon Police CDM Fighter
305
Yangon Police CDM Fighter

02 Feb, 06:08

ကရင်နီပြည် နှင့် ကရင်နီ-ရှမ်းတောင် အစပ် တိုက်ပွဲများတွင် စစ်ကောင်စီ တပ်သား ၄၀ ကျော် သေဆုံး၊ မိုးဗြဲမြို့ကို စစ်တပ်က အင်အား အလုံးအရင်းဖြင့် ထိုးစစ် ဆင်တိုက်ခိုက်နေမှုကြောင့် နေ့စဉ် တိုက်ပွဲ ပြင်းထန်နေ

ဖေဖော်ဝါရီလ ၂ ရက် ၂၀၂၅

ကရင်နီပြည် နှင့် ကရင်နီ -ရှမ်းတောင်အစပ် တိုက်ပွဲများတွင် စစ်ကောင်စီတပ်သား ၄၀ ကျော် သေဆုံးခဲ့ပြီး မိုးဗြဲမြို့ကိုလည်း စစ်တပ်က အင်အားအလုံးအရင်းဖြစ် ထိုးစစ်ဆင်တိုက်ခိုက်နေမှု ကြောင့် နေ့စဉ်တိုက်ပွဲ ပြင်းထန်နေကြောင်း KNDF ဗဟိုသတင်းနှင့်ပြန်ကြားရေးဌာနက သတင်းထုတ်ပြန်သည်။

ဇန်နဝါရီလ ၁၉ ရက်နေ့ မိုးဗြဲအခြေစိုက် ခမရ ၄၂၂ တပ်မှ မိုးဗြဲမြို့တွင်းသို့ ဦးတည်၍ စစ်ကောင်စီဘက်မှ အင်အားအလုံး အရင်းဖြင့် ထိုးစစ်ဆင်တိုက်ခိုက်လာခဲ့သဖြင့် တစ်နေကုန် နီးပါး တိုက်ပွဲပြင်း ထန် ခဲ့ကာ ကရင်နီပူးပေါင်းတော်လှန်ရေးတပ်များမှ ကောင်းမွန်စွာ ခုခံတိုက်ခိုက်နိုင်ခဲ့ပြီး ယနေ့ချိန် ထိ မိုးဗြဲမြို့အား ထိန်းချုပ်ထားနိုင်ဆဲဖြစ်ကြောင်း၊ ထို့အတူ တိုက်ပွဲများဆက်လက်၍ ဖြစ်ပွားနေဆဲ ဖြစ်ကြောင်း သိရသည်။

စစ်ကောင်စီတပ်က ကရင်နီ-ရှမ်းတောင် အစပ်ရှိ မိုးဗြဲမြို့တွင်းသို့ ဝင်ရောက်နိုင်ရေး အတွက် စစ်ကြောင်းထိုးရန် ကြိုးပမ်းနေသောကြောင့် နေ့စဉ် ထိတွေ့မှုများရှိနေခဲ့ပြီး စစ်ကောင်စီ တပ်ဘက်မှ ဒရုန်း၊ လက်နက်ကြီးများကို အလွန်အကျွံအသုံးပြု၍ တိုက်ခိုက်မှုများကို နေ့စဉ်နီးပါး တိုက်ခိုက်လျက်ရှိကြောင်း သိရသည်။

ထို့အတူ ကရင်နီ - ရှမ်းတောင် အစပ်ရှိ ဆီဆိုင်မြို့နယ်၊ ရွှေတဂူကျေးရွာအပြင်ရှိ စေတီကုန်းပေါ်၌ တပ်စွဲထားသော စစ်ကောင် စီနှင့် PNO တို့ ပူးပေါင်း စခန်းကုန်းကို KNDF အပါအဝင်တော်လှန်ရေး တပ်များ ပူးပေါင်း၍ တိုက်ခိုက်သိမ်းပိုက်ခဲ့ကြောင်း၊ အကြမ်းဖက်စစ်သား ၃၀ ကျော်သေဆုံးကာ လက်နက် ကြီး ငယ်အစုံ ၂၈ လက်ကို သိမ်းဆည်းရရှိခဲ့ကြောင်း သိရသည်။

အလားတူ ဇန်နဝါရီလ ၁၂ ရက်နေ့ ဘောလခဲမြို့နယ်၊ မိုင်းထမ်းကျေးရွာနှင့် ဝမ်မလန်းကျေးရွာ ကြားသို့ စစ် ကြောင်းထွက်လာသော စစ်ကောင်စီတပ်ဖွဲ့များကို KNDF အပါအဝင် ကရင်နီ တော် လှန်ရေး တပ် ဖွဲ့များပူးပေါင်း၍ မိုင်းဆွဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၀ ဦးကျော် သေဆုံးကာ လက်နက် ၄ လက် သိမ်းဆည်းရရှိခဲ့ကြောင်း သိရသည်။

ဇန်နဝါရီလ ၁ လတာအတွင်း စစ်ဆင်ရေးများတွင် စစ်ကောင်စီတပ်များကို ရဲရင့်စွာတိုက်ခိုက်ရင်း KNDF မှ ရဲဘော် ၆ ဦး ကျဆုံးခဲ့ရကြောင်း သိရသည်။

ဇန်နဝါရီလ ၁ လတာအတွင်း ကရင်နီပြည်နယ်နှင့် ကရင်နီ-ရှမ်းတောင် နယ်စပ်တို့တွင် စစ်ကောင်စီ မှ အကြောင်းမဲ့ လေ ကြောင်း တိုက်ခိုက်မှု ၃၁ ကြိမ်ထက်မနည်းပြုလုပ်ခဲ့သလို လက်နက်ကြီးဖြင့် ပစ် ခတ်တိုက်ခိုက်မှု ၃၀ ကြိမ်နှင့်အထက် ပြု လုပ်ခဲ့ကြောင်းသိရသည်။

ထိုသို့ အကြောင်းမဲ့လေကြောင်း တိုက်ခိုက်မှုများနှင့် လက်နက်ကြီး ပစ်ခတ်တိုက်ခိုက်မှုများကြောင့် ကလေးငယ် ၂ ဦးအပါ အဝင် စုစုပေါင်းအရပ်သားပြည်သူ ၇ ဦးသေဆုံးခဲ့ပြီး ကလေးငယ် ၃ ဦး၊ ကိုယ် ဝန်ဆောင်မိခင် ၁ ဦးအပါအဝင် စုစုပေါင်းအရပ်သားပြည်သူ ၁၄ ဦး ထိခိုက်ဒဏ်ရာများ ရရှိခဲ့ကြောင်း သိရသည်။

မိုးဗြဲမြို့ကို စစ်ကောင်စီတပ်က လေယာဉ်၊ လက်နက်ကြီး ၊ဒရုန်းများဖြင့် အပြင်း အထန်တိုက်ခိုက်ခဲ့ မှုကြောင့် အရပ်သားပြည်သူ နေအိမ်ပေါင်း ၃၀ နီးပါးနှင့် ဘာသာရေးအဆောက်အအုံးများ ထိခိုက် ပျက်စီးခဲ့ကြောင်း၊ ကရင်နီပြည်နယ်တွင်းနှင့် ကရင်နီ-ရှမ်းတောင်နယ်စပ်တို့တွင် စစ်ကောင်စီ၏ လေ ကြောင်း ၊ လက်နက်ကြီး ၊ဒရုန်းများဖြင့် တိုက်ခိုက်ခဲ့ခြင်းကြောင့် ပြည်သူနေ အိမ် ၃၈ လုံး နှင့်အထက် ထိခိုက်ပျက်ဆီးခဲ့ပြီး စာသင်ကျောင်း ၂ ကျောင်း ၊ ဘုန်ကြီးကျောင်း ၅ ကျောင်း ထိခိုက်ပျက်စီးခဲ့ကြောင်း သိရသည်။

ဇန်နဝါရီလ ၁ လတာအတွင်း စစ်ကောင်စီတပ်မှ ဒုအရာခံဗိုလ် ၁ ဦး ၊ တပ်သား ၉ ဦး စုစုပေါင်း တပ် ဖွဲ့ဝင် ၁၀ ဦးသည် သေ နတ် ၇ လက်နှင့်အတူ KNDF သို့ ဘက်ပြောင်းခိုလှုံလာခဲ့ကြောင်း KNDF ဗဟို သတင်းနှင့်ပြန်ကြားရေးဌာနက ထုတ်ပြန်ထားသည်။

#Telegram Link
https://t.me/YPCFighter

#Yangon Police CDM Fighter
250
Yangon Police CDM Fighter

19 Jan, 06:23

မင်းတပ်မြို့သိမ်းတိုက်ပွဲမှ ထွက်ပြေးလာသည့် စစ်ကောင်စီတပ်သားနှင့် မိသားစုဝင် ၁၆ဦးထိ ဖမ်းမိထားဟု ယောဗျူဟာ ပြော

ဇန်နဝါရီလ ၁၉ ရက် ၂၀၂၅

ချင်းပြည်နယ်၊ မင်းတပ်မြို့ ခလရ(၂၇၄)တပ်ရင်းမှ စစ်ရှုံး၍ စခန်းစွန့်ထွက်ပြေးလာသည့် စစ်ကောင်စီတပ်ဖွဲ့များကို မကွေးတိုင်း ယောဒေသ အခြေပြု ဗျူဟာအမှတ်(၈၁) ယောဗျူဟာက သုံးကြိမ်ဖမ်းဆီးရမိခဲ့ရာ စစ်ကောင်စီတပ်သားနှင့် မိသားစုဝင် ၁၆ဦးအထိရှိသည်ဟု ယောဗျူဟာ တာဝန်ရှိသူ ကိုပုဂံက ပြောသည်။

ချင်းညီနောင်မဟာမိတ်များက ၂၀၂၄ ဒီဇင်ဘာ ၂၁ရက်တွင် ခလရ(၂၇၄)တပ်ရင်းကို အပြီးသတ်သိမ်းပိုက်နိုင်ခဲ့ရာ အဆိုပါတပ်စခန်းမှ စစ်ကောင်စီတပ်သားများ လက်နက်ချ အလင်းဝင်ရောက်မှုရှိသလို မကွေးတိုင်းဘက်သို့ ထွက်ပြေးသွားမှုများလည်းရှိခဲ့သည်။

ထိုသို့ထွက်ပြေးသူများအနက် ယောဗျူဟာက ဒီဇင်ဘာ ၂၇ရက်တွင် စစ်ကောင်စီတပ်သား ၈ဦးနှင့် မိသားစုဝင် ၄ဦး စုစုပေါင်း ၁၂ဦးကို ပထမအကြိမ်ဖမ်းမိခဲ့ပြီး ဒီဇင်ဘာ ၃၁ရက်တွင် စစ်ကောင်စီတပ်သား ၃ဦးကို ထပ်မံဖမ်းမိခဲ့သည်။

ထို့နောက် ဇန်နဝါရီ ၁၅ရက်တွင် မင်းတပ်မြို့မှ ထွက်ပြေးလာသည့် စစ်ကောင်စီတပ်ကြပ် တစ်ဦးအား ထပ်မံဖမ်းဆီးရရှိခဲ့သည်ဟု ကိုပုဂံကပြောသည်။

" တောထဲပုန်းအောင်းပြီးမှ လွတ်မယ်ထင်ပြီး ပေါ်လာကြတာနေမှာ။ လက်နက်တွေမပါလာဘူး။ လမ်းမှာ ဖွက်ထားခဲ့ကြတယ်"ဟု ကိုပုဂံက ပြောကြားသည်။

အဆိုပါ ဖမ်းမိထားသည့် စစ်ကောင်စီတပ်သား ၁၂ဦးနှင့် မိသားစုဝင် ၄ဦး စုစုပေါင်း ၁၆ဦးကို ယောနယ်တနေရာတွင် စစ်ဥပဒေနှင့်အညီ ဖမ်းဆီးထိန်းသိမ်းထားကြောင်းလည်း ယောဗျူဟာက အသိပေးထားသည်။

ယောဗျူဟာသည် ဂန့်ဂေါခရိုင် အမှတ်(၁၃၊ ၁၅၊ ၁၆၊ ၁၇၊၁၈) စသည့် တပ်ရင်း ၅ခုကို စုဖွဲ့ထားခြင်းဖြစ်ပြီး ယောဒေသအတွင်း စစ်ကောင်စီတပ်များကို တိုက်ခိုက်လျက်ရှိသည်။

ချင်းညီနောင် မဟာမိတ်တပ်များ၏ မင်းတပ်မြို့သိမ်းတိုက်ပွဲတွင် စစ်ကောင်စီတပ်သားနှင့် ရဲအများအပြားကို စစ်သုံ့ပန်းအဖြစ် ဖမ်းဆီးနိုင်ခဲ့ပြီး လက်နက်ခဲယမ်းများစွာကိုလည်း သိမ်းပိုက်နိုင်ခဲ့သည်။

မင်းတပ်မြို့သိမ်းပိုက်ပြီးနောက် နယ်မြေခြင်းဆက်စပ်နေသည့် ကန်ပက်လက်မြို့မှ စစ်ကောင်စီတပ်သားများနှင့် ရဲများလည်း မြို့ကို စွန့်ခွာသွားရာ ချင်းညီနောင်က ဒီဇင်ဘာ ၂၂ရက်တွင် ကန်ပက်လက်ကို သိမ်းနိုင်ခဲ့သည်။

အဆိုပါ ကန်ပက်လက်မြို့မှ ထွက်ပြေးသွားသည့် စစ်ကောင်စီတပ်ဖွဲ့ဝင်များကိုလည်း ယောဒေသရှိ တော်လှန်ရေးတပ်ဖွဲ့များက တိုက်ခိုက်ခြင်း၊ အရှင်ဖမ်းမိခဲ့သည့် ဖြစ်စဉ်အချို့ရှိခဲ့သည်။

(ထွက်ပြေးလာသည့် စစ်ကောင်စီတပ်ဖွဲ့ဝင်အချို့ကို မကွေးတိုင်း ယောဒေသ အခြေပြု ဗျူဟာအမှတ်(၈၁) ယောဗျူဟာက ဖမ်းမိထားစဉ်။ ဓာတ်ပုံ - ယောဗျူဟာ)

#Telegram Link
https://t.me/YPCFighter

#Yangon Police CDM Fighter
193
Yangon Police CDM Fighter

19 Jan, 06:23

မြောက်ဦးရှိ ယာယီအကျဉ်းစခန်းကို စစ်ကောင်စီ လေကြောင်းတိုက်ခိုက်၍ စစ်သုံ့ပန်းများ သေဆုံး

ဇန်နဝါရီလ ၁၉ ရက် ၂၀၂၅

ရခိုင်ပြည်နယ်တိုက်ပွဲများအတွင်း အာရက္ခတပ်တော်(AA)က ဖမ်းမိထိန်းသိမ်းထားသော စစ်သုံ့ပန်းများထားရှိသည့် မြောက်ဦးမြို့နယ်ရှိ ယာယီအကျဉ်းစခန်းကို စစ်ကောင်စီက ယမန်နေ့ညတွင် လေကြောင်းမှ ဗုံးငါးလုံးကြဲတိုက်ခိုက်ရာ စစ်သုံ့ပန်းအချ်ို့ သေဆုံးခဲ့သည်။

ယမန်နေ့( ဇန်နဝါရီ ၁၈ ရက်)ည ၉ နာရီခန့်တွင် စစ်ကောင်စီက လေကြောင်းမှ တိုက်ခိုက်ခြင်းဟု စစ်ရေးသတင်းရင်းမြစ်က ပြောသည်။

"ငါးလုံးတောင်ကြဲသွားတာ။ အဲ့နေရာက တပ်တော်က ယာယီအကျဉ်းစခန်ုလုပ်ထားတာ။ သေတာက သုံ့ပန်းတွေလို့ သိရပြီး။ အသေးစိတ် တော့ မေးလို့မရဘူး။ ကျနော်တို့မေးလည်းမမေးချင်ဘူးလေ"ဟု ဒေသခံတစ်ဦးက ပြောသည်။

မြောက်ဦးမြို့ကို AAက ၁၀၂၇ စစ်ဆင်ရေးနှင့် အတူ ၂၀၂၄ဖေဖော်ဝါရီ ၈ရက်တွင် သိမ်းယူထားခြင်းဖြစ်သည်။

စစ်ကောင်စီသည် ၂၀၂၄ စက်တင်ဘာ ၉ရက်နှင့် စက်တင်ဘာ ၁၀ရက်ကလည်း ပေါက်တောမြို့နယ်နှင့် မောင်တောမြို့နယ်ရှိ စစ်သုံ့ပန်းများထားရှိသည့်အကျဥ်းစခန်းကို လေကြောင်းမှ ဗုံးကြဲတိုက်ခိုက်ဖူးသည်။

အထက်ပါတိုက်ခိုက်မှုတွင် စစ်သုံ့ပန်းအများအပြားသေဆုံးခဲ့ကြောင်း AAက သတင်းထုတ်ပြန်ခဲ့သည်။ မြောက်ဦးမြို့ရှိ ယာယီအကျဥ်းစခန်း လေကြောင်းတိုက်ခိုက်မှုကို AAက သတင်းမထုတ်ပြန်သေးပေ။

AAသည် တိုက်ပွဲများအတွင်း၌ အနောက်ပိုင်းတိုင်းစစ်ဌာနချုပ် ဒုတိုင်းမှူး ဗိုလ်မှူးချုပ်သောင်းထွန်း၊ တိုင်းဦးစီးချုပ်ဗိုလ်မှူးချုပ် ကျော်ကျော်သန်း၊အမှတ် (၁၅) စစ်ဆင်ရေးကွပ်ကဲမှုဌာနချုပ် (စကခ-၁၅) စကခမှူးဗိုလ်မှူးချုပ်သူရိန်ထွန်း၊ စကခ (၉)စကခမှူး ဗိုလ်မှူးချုပ် ဇော်မင်းထွန်းတို့အပြင် စစ်ကောင်စီတပ်ဖွဲ့မှအရာရှိများနှင့် တပ်ဖွဲ့ဝင်အများအပြား ဖမ်းမိထားသည်။

လက်ရှိတွင် စစ်ကောင်စီနှင့် AAသည် ရခိုင်ပြည်နယ်၏ မြို့တော်စစ်တွေမြို့အနီးနှင့် ဧရာဝတီတိုင်းနှင့် ရခိုင်ပြည်နယ်စပ်ရှိ ဂွ-ရွှေသောင်ယံမြို့အနီး၊ တောင်ကုတ်နှင့် ဥသျှစ်ပင်လမ်းကြောနေရာအချို့၌ စစ်ရေးတင်းမာနေသည်။

(AAက ဖမ်းဆီးထားသော အမှတ် (၁၅) စစ်ဆင်ရေးကွပ်ကဲမှုဌာနချုပ်မှူး (စကခမှူး) ဗိုလ်မှူးချုပ် သူရိန်ထွန်းနှင့်အဖွဲ့အား တွေ့ရစဉ်။ ဓာတ်ပုံ - AA)

#Telegram Link
https://t.me/YPCFighter

#Yangon Police CDM Fighter
167
Yangon Police CDM Fighter

15 Jan, 09:56

ညောင်ဦးတွင် ကြံ့ဖွတ် စည်းရုံးရေးမှူး၊ ပျူစောထီး မြင့်စိုးက အသက်မပြည့်သေးသော အထက်တန်း ကျောင်းသူကို မုဒိမ်းပြုကျင့်ခဲ့ပြီး ငွေကျပ် သိန်း ၇၀ ဖြင့် အမှုကျေအေးခိုင်း၊ ရဲကလည်း အရေးယူခြင်းမရှိဘဲ အမှုဖွင့်ပေးရန် ငြင်းဆန်

၂၀၂၅၊ ဇန်နဝါရီလ ၁၅ ရက်

မန္တလေးတိုင်း၊ ညောင်ဦးမြို့နယ်၊ ထနောင်းစုရွာတွင် နေထိုင်သော ကြံ့ဖွတ်ပါတီ စည်းရုံးရေးမှူး ကျေးရွာဂေါပက အဖွဲ့ဝင် မြင့်စိုးက အထက်တန်းကျောင်းသူ တစ်ဦးဖြစ်သော Grade 12 ကျောင်းသူ တစ်ဦးကို အဓမ္မ မုဒိမ်းပြုကျင့်ခဲ့ပြီး ငွေကျပ် သိန်း ၇၀ ဖြင့် အမှုကြေအေးခိုင်းခဲ့ကြောင်း ဒေသပြည်သူများက ပြောဆိုသည်။

ညောင်ဦးမြို့နယ်၊ ထနောင်းစုကျေးရွာ၊ တောင်ဝကျောင်း တဲတိုက်တွင် နေထိုင်သော အသက် ၆၀ အရွယ် ကြံ့ဖွတ်ပါတီ စည်းရုံးရေးမှူး ကွမ်းဖလားဘုရားကြီး ဂေါပက အဖွဲ့ဝင် ပျူစောထီး မြင့်စိုး (ခ) တောက်တဲ့က ၎င်းနေထိုင်ရာ နေအိမ် မြောက်ဘက်ရှိ ချောင်းတစ်ဖက်ကမ်းတွင် နေထိုင်သော G12 ကျောင်းသူကို အတင်းအဓမ္မ ခေါ်ယူပြီး ချောင်းအတွင်း ကြောင်ပန်းခင်းတောထဲတွင် အဓမ္မ မုဒိမ်းပြုကျင့်ခဲ့ကြောင်း သိရသည်။

အဆိုပါ ဖြစ်စဉ်နှင့် ပတ်သက်ပြီး ကျောင်းသူလေး၏ မိဘများက နယ်မြေတောင်ဇင်းရဲစခန်းကို တိုင်ကြားခဲ့ပြီး ရဲစခန်းက ပျူစောထီး မြင့်စိုးကို အရေးမယူဘဲ ငွေကျပ် သိန်း ၇၀ ဖြင့် ဖြတ်တာ အမှုကျေအေးခိုင်းကြောင်း၊ ယင်း ကိစ္စနှင့် ပတ်သက်ပြီး ဒေသပြည်သူများက ကျေနပ်မှုမရှိသော်လည်း ပျူစောထီး မြင့်စိုးက အငြိုးထား၍ ဒုက္ခပေးမည်ကို စိုးရိမ်နေကြကြောင်း သိရှိရသည်။

ပျူစောထီးမြင့်စိုးသည် အမျိုးသမီး ၂ ဦးနှင့် တရားဝင် ပေါင်းသင်းနေသူဖြစ်ပြီး ၎င်း၏ သား၊ သမီးများသည် Non CDM ကျောင်းဆရာနှင့် ကျောင်းဆရာမများဖြစ်ကြောင်း သိရသည်။

"ရွာသူ ရွာသားတွေကတော့ မကျေနပ်ကြဘူး။ သိန်း ၇၀ ပေးတဲ့ ရဲတွေ သူတို့ရဲ့ သမီး ဆိုရင်လော သိန်း ၇၀ ပေးလို့ရလားလို့ ပြောချင်တယ်။ ဒီမုဒိမ်းကောင်ရဲ့ အသက်က ၆၀ လောက်ရှိနေပြီ သူ့မြေးလောက် အရွယ်လေးကို မုဒိမ်းကျင့်တာလေ။ သူ့မှာလည်း သားနဲ့ သမီးတွေရှိတယ်။ သူ့သားသမီးတွေဆိုလည်း Non CDM ကျောင်းဆရာ၊ ဆရာမတွေ ဒီမုဒိမ်းကောင်က လက်ရှိ မိန်းမ ၂ ယောက်နဲ့ ပေါင်းနေတာ ဒီကောင်က ကြံ့ဖွတ် ပျူစောထီးဆိုတော့ ရဲနဲ့က သားအဖတွေလိုနေတာ ရဲစခန်းက အမှုကြေအေးပေးလိုက်တာ ဘယ်သူမှ စောဒက မတက်ရဲဘူး။ ကောင်မလေး မိဘတွေကလည်း လူရိုး၊ လူအတွေ အဲဒါကို သိလို့ စော်ကားတာ ရွာက ပြည်သူတွေကလည်း အမှုကို ဦးဆောင်ပြီး မလုပ်ရဲဘူး။ ရဲနဲ့ ပေါင်းပြီး ဦးဆောင်တဲ့ မိသားစုကို ဒုက္ခပေးမှာ ကြောက်နေကျတာ ဒီမုဒိမ်းကောင်က ဗျတ္တဈေးမှာလည်း သူ့မိန်းမနဲ့ ဈေးရောင်းတယ်။ အဲဒါကြောင့် တစ်နယ်လုံး အနေနဲ့ ဒီမုဒိမ်းကောင်ဆိုင် ဈေးမဝယ်ဖို့၊ သူ့ပစ္စည်းတွေလည်း တဆင့်ပြန်ယူ မရောင်းဖို့ ဒီမုဒိမ်းကာင်ကို လူ့အသိုင်းအဝိုင်းကနေ ဖယ်ကြင်ဖို့ တိုက်တွန်းချင်တယ်။ ဒီအမှုကိုလည်း တရားမျှတဖို့ တော်လှန်ရေးအဖွဲ့တွေအနေနဲ့လည်း အပြစ်ပေး အရေးယူစေချင်တယ်" ဟု ဒေသပြည်သူ တစ်ဦးက ပြောဆိုသည်။

ရဲတပ်ဖွဲ့ကလည်း မုဒိမ်းမှုကို အမှုဖွင့်လှစ်ပေးခြင်းမရှိဘဲ ကျူးလွန်သူ ပျူစောထီး မြင့်စိုးကို အရေးယူ ဖမ်းဆီးရန် မဖြစ်နိုင်ဟုသာ တုံ့ပြန်ပြောဆိုနေကြောင်း သိရှိရသည်။

#Telegram Link
https://t.me/YPCFighter

#Yangon Police CDM Fighter
197
Yangon Police CDM Fighter

15 Jan, 06:37

မင်္ဂလာဒုံမြို့နယ်၊ ထောက်ကြန့် နယ်မြေ ရဲစခန်းကို အဝေးထိန်းမိုင်း ၂ လုံးဖြင့် ဖောက်ခွဲ တိုက်ခိုက်မှု စစ်ကောင်စီ တပ်သား ၂ ဦး ဒဏ်ရာရ

၂၀၂၅၊ ဇန်နဝါရီလ ၁၅ ရက်

ရန်ကုန်တိုင်း၊ မင်္ဂလာဒုံမြို့နယ်၊ ထောက်ကြန့် နယ်မြေ ရဲစခန်းကို အဝေးထိန်းမိုင်း ၂ လုံးဖြင့် ဖောက်ခွဲ တိုက်ခိုက်ရာ စစ်ကောင်စီ တပ်သား ၂ ဦး ဒဏ်ရာရရှိခဲ့ကြောင်း Operation Flame သတင်းနှင့် ပြန်ကြားရေး တာဝန်ခံက ပြောဆိုသည်။

ဇန်နဝါရီလ ၁၄ ရက်နေ့ ည ၆ နာရီ ၂၅ မိနစ်ခန့်တွင် မင်္ဂလာဒုံမြိုနယ်၊ ထောက်ကြန့် နယ်မြေရဲစခန်းကို Operation Flame အဖွဲ့မှ မြို့ပြ UG ရဲဘော်များက အဝေးထိန်းမိုင်း ၂ လုံးဖြင့် ဖောက်ခွဲတိုက်ခိုက်ခဲ့ကြောင်း သိရသည်။

ယင်း တိုက်ခိုက်မှုအတွင်း အကြမ်းဖက် စစ်ကောင်စီ တပ်သား ၂ ဦး ထိခိုက် ဒဏ်ရာရရှိခဲ့ပြီး ရဲစခန်းအတွင်း ထိခိုက် ပျက်စီးမှု အသေးစိတ် အခြေအနေကို ဆက်လက် စုံစမ်းနေဆဲဖြစ်ကြောင်း၊ တိုက်ခိုက်မှု ပြုလုပ်ပြီးနောက် မြို့ပြ UG ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။

"ထောက်ကြန့် နယ်မြေ ရဲစခန်းကို အဝေးထိန်းမိုင်း ၂ လုံးနဲ့ ဖောက်ခွဲ တိုက်ခိုက်ခဲ့တာပါ။ ရဲခွေး ၂ ကောင် ထိခိုက်မှု ရှိတယ်လို့ သိရပေမယ့် မြေပြင် အတည်ပြု စုံစမ်းနေဆဲပါပဲ" ဟု Operation Flame သတင်းနှင့် ပြန်ကြားရေး တာဝန်ခံက ပြောဆိုသည်။

Operation Flame အဖွဲ့အနေဖြင့် ဆက်လက်ပြီး ရန်ကုန် တော်လှန်ရေး မဟာမိတ်များ အားလုံးနှင့်အတူ လက်တွဲပြီး အကြမ်းဖက်စစ်တပ်ကို အရှိန်မြှင့် တိုက်ခိုက်ချေမှုန်းသွားမည်ဖြစ်ကြောင် ပြန်ကြားရေး တာဝန်ခံက ဆက်လက်ပြောဆိုသည်။

ဓာတ်ပုံ- ရန်ကုန်တွင် လုံခြုံရေးယူ စစ်ဆေးမှုများလုပ်နေသည့် အကြမ်းဖက်စစ်တပ်နှင့်ရဲများ။ (ပုံအဟောင်းဖြစ်ပါသည်။)

#Telegram Link
https://t.me/YPCFighter

#Yangon Police CDM Fighter
392
Yangon Police CDM Fighter

15 Jan, 06:37

လွိုင်ကော်တွင် ၇၃ နှစ်မြောက် ကယားပြည်နယ်နေ့ အခမ်းအနားတက်ရန် ဒုစစ်ခေါင်းဆောင် စိုးဝင်းရောက်ရှိချိန် ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်

၂၀၂၅၊ ဇန်နဝါရီလ ၁၅ ရက်

ကရင်နီပြည်၊ လွိုင်ကော်မြို့တွင် ၇၃ နှစ်မြောက် ကယားပြည်နယ်နေ့ အခမ်းအနားတက်ရန် ဒုစစ်ခေါင်းဆောင် စိုးဝင်းရောက်ရှိချိန် ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း Brave Warriors for Myanmar (BWM) အဖွဲ့ မှ တာဝန်ရှိသူတစ်ဦးကပြောဆိုသည်။

ယမန်နေ့ ဇန်နဝါရီလ ၁၄ ရက်နေ့ ည ၇ နာရီအချိန် Brave Warriors for Myanmar (BWM) အဖွဲ့၏ ဦးဆောင်စီမံမှုဖြင့် Mountain Knight Civilian Defense Forces (MKCDF) အဖွဲ့ နှင့် (Anti-Coup People’s Liberation Force – ACPLF) အဖွဲ့တို့ပူးပေါင်း၍ ဒုတိယကာကွယ်ရေးဦးစီးချုပ်စိုးဝင်းရောက်ရှိပြီး ညစာစားပွဲကျင်းပနေသည့် ကယားပြည်နယ် ခန်းမအတွင်းသို့ ၁၀၇ မမရှော့တိုက်ဒုံး ၅ လုံးကိုလည်းကောင်း၊ တပြိင်နက်တည်းတွင် ကရင်နီပြည်အတွင်းစစ်ရှုံးကောင်စီ၏ တပ်ဖွဲ့ဝင်များ ခြေကုပ်တပ်စွဲထားသော ဒေသကွပ်ကဲမှုစစ်ဌာနချုပ် - ဒကစ (လွိုင်ကော်)အတွင်းသို့ ၁၀၇ မမ ရှော့တိုက်ဒုံး ၂ လုံးကိုလည်းကောင်း ပစ်ခတ်ခဲ့ကြောင်း သိရှိရသည်။

တော်လှန်ရေးတပ်ဖွဲ့များက ပစ်ခတ်တိုက်ခိုက်ခဲ့သော ရှော့တိုက်ဒုံး ၇ လုံးတွင် ၆ လုံးကို အောင်မြင်စွာပစ်ခတ်နိုင်ခဲ့ပြီး မစ်ရှင်ကိုခက်ခဲစွာဖော်ဆောင်ခဲ့ရသော ရဲဘော်များအားလုံးလည်း အချိန်ယူ၍ခက်ခဲစွာပြန်လည်ဆုတ်ခွာခဲ့ရကြောင်း၊ ယခုအခါ ဘေး ကင်းလုံခြုံရာနေရာအသီးသီးသို့ ရောက်ရှိခဲ့ကြောင်း သိရှိရသည်။

"ပြည်သူ့အပေါ်ယုတ်မာတဲ့စစ်ရှုံးကောင်စီတပ်ဖွဲ့ဝင်တွေအားလုံး စိုးဝင်းလိုခေါင်းဆောင်မျိုးတောင် အမြဲမလုံခြုံတော့ဘူးဆိုတာ အသိပေးလိုပါတယ်" ဟု Brave Warriors for Myanmar (BWM) အဖွဲ့ မှ တာဝန်ရှိသူက ဆက်လက်ရှင်းပြသည်။

ရှော့တိုက်ဒုံးဖြင့် ပစ်ခတ်မှုကြောင့် စစ်တပ်၏ ထိခိုက်ပျက်စီးဆုံးရှုံးမှုနှင့် စစ်ကောင်စီတပ်ဘက်မှ သေဆုံးထိခိုက်မှု အခြေ အနေ မသိရှိရသေးပေ။

#Telegram Link
https://t.me/YPCFighter

#Yangon Police CDM Fighter
310
Yangon Police CDM Fighter

14 Jan, 04:53

တောင်သာ အထက (၁)တပ်စွဲထားတဲ့ စစ်တပ်ကို PDF ​တွေတိုက်ခိုက်

၂၀၂၅၊ ဇန်နဝါရီလ ၁၄ ရက်

တောင်သာမြို့အထက (၁) ထဲကို တပ်စွဲထားတဲ့ စစ်ကောင်စီတပ်တွေကို မြင်းခြံခရိုင်အမှတ်(၃)
တပ်ရင်းကဝင်ရောက်တိုက်ခိုက်ခဲ့ရာစစ်သား၁၀ဦးခန့်သေဆုံးပြီး ဒဏ်ရာနဲ့ထွက်ပြေးသွားတဲ့စစ်သားတွေလည်းရှိတယ်လို့တပ်ရင်း(၃)တပ်ရင်းမှူးက
​ပြောပါတယ်။

ဇန်နဝါရီလ (၁၃ )ရက်နေ့နေ့လည်၁၂ နာရီ၁၅မိနစ်မှာ တောင်သာမြို့၊အထက၁ကျောင်းထဲကိုတပ်စွဲထားတဲ့စစ်ကောင်စီတပ်ကို ဝင်​ရောက်တိုက်ခိုက်ခဲ့တာလို့သိရပါတယ်။

"အမြင်က ၈ ယောက် ၁၀ ယောက်လောက်သေတယ်။ဒဏ်ရာရတွေလည်းရှိတယ်။သူတို့အလစ်အငိုက်တိုက်ခံရတာ"လို့မြင်းခြံခရိုင်အမှတ်(၃)
တပ်ရင်းမှူးကပြောပါတယ်။

သေဆုံးတဲ့အထဲ နာမည်ကြီးတပ်ကြပ်ကြီးအောင်မင်းဆိုသူလည်းပါတယ်လို့သိရပါတယ်။

အထက(၁)မှာ စစ်သား၄၀​ကျော်လောက်တပ်စွဲထားတာဖြစ်ပြီး အဲဒီကနေတဆင့်ထွေအုပ်၊မြို့ဝင်ဂိတ်တွေနဲ့ဘဏ်တွေကိုလုံခြုံရေးပေးထားတာလို့သိရပါတယ်။

တော်လှန်ရေးတပ်တွေဝင်တိုက်စဥ်တခြားနေရာတွေကိုစစ်သားတွေကလုံခြုံရေးဖြန့်ပေးထားတာမို့ ကျောင်းအတွင်းမှာ၂၁​ယောက်လောက်သာရှိပြီး တိုက်ခိုက်ခံရစဥ် ထွက်ပြေးသွားတဲ့စစ်သားတွေလည်းရှိတယ် လို့သူကဆက်​ပြောပါတယ်။

စစ်တပ်ကိုတိုက်ခိုက်ပြီး စစ်ကောင်စီအလံကိုဖြုတ်ချပြီး PDF ခရိုင်တပ်ရင်း(၃) ရဲ့အလံကိုလွင့်ခဲ့သလို မြို့တွင်းကစစ်ကောင်စီဂိတ်တွေအားလုံးကိုလည်းဝင်ရောက်ပစ်ခတ်ခဲ့တယ်လို့ တပ်ရင်းမှူးကပြောပါတယ်။

ဒီတိုက်ခိုက်မှုမှာ RPGကိုပါအသုံးပြုတိုက်ခိုက်ခဲ့တာမို့ စစ်ကောင်စီလက်နက်တွေအပျက်အစီးရှိခဲ့ပြီး MA-1တလက်နဲ့ ကျည်ဘောက်၊ကျည်တချို့ကို သိမ်းယူနိုင်ခဲ့တယ်လို့သိရပါတယ်။

(စစ်တပ်ထံမှPDF​တွေ သိမ်းဆည်းရရှိခဲ့တဲ့​သေ
နတ်နဲ့ကျည်​ဘောက်။ဓါတ်ပုံ-မြင်းခြံခရိုင်အမှတ်
(၃) တပ်ရင်း ။)

#Telegram Link
https://t.me/YPCFighter

#Yangon Police CDM Fighter
281
Yangon Police CDM Fighter

14 Jan, 04:53

ပျဉ်းမနားမြို့တွင် မူးယစ်ဆေး ရောင်းဝယ်ဖြန့်ဖြူး သုံးစွဲနေသော ကျော်သိန်းက လူ ၁ ဦးကို မီးရှို့သတ်ဖြတ်မှု ရဲများက ဖမ်းဆီး အရေးယူမှု မရှိ

၂၀၂၅၊ ဇန်နဝါရီလ ၁၄ ရက်

နေပြည်တော်၊ ပျဉ်းမနားမြို့တွင် မူးယစ်ဆေး ရောင်းဝယ် ဖြန့်ဖြူးနေသော ကျော်သိန်းဆိုသူက ဆေးကြောင်၍ လူ ၁ ဦးကို မီးရှို့သတ်ဖြတ်ခဲ့ပြီး အဆိုပါ သတ်ဖြတ်မှုအတွက် ရဲများက တရားခံကျော်သိန်း ကို ဖမ်းဆီးအရေးယူခြင်းမရှိကြောင်း အသတ်ခံရသူ၏ မိတ်ဆွေတချို့က ပြောဆိုသည်။

၂၀၂၄ ခုနှစ် ဒီဇင်ဘာလ ၇ ရက်နေ့ ညသန်းခေါင်အချိန် ပျဥ်းမနားမြို့၊ ဦးကျေး ရပ်ကွက် ပေ ၈၀ ယုဇနလမ်းတွင် မူးယစ်ဆေးဝါး ရောင်းဝယ် ဖြန့်ဖြူးနေသော ကျော်သိန်းဆိုသူက ဆေးကြောင်ပြီး ရပ်ကွက်နေ ပြည်သူ ၁ ဦးဖြစ်သူ ကိုနေနေကို ဓာတ်ဆီလောင်း၍ မီးရှို့ခဲ့ခြင်းဖြစ်ကြောင်း၊ အဆိုပါ မီးရှို့ခံရမှု အတွင်း ရရှိခဲ့သော ဒဏ်ရာများကြောင့် ကိုနေနေသည် ဇန်နဝါရီလ ၁၂ ရက်နေ့တွင် သေဆုံးခဲ့ကြောင်း သိရသည်။

အဆိုပါ မီးရှို့မှု ဖြစ်စဉ်နှင့် ပတ်သက်ပြီး ရပ်ကွက်နေ ပြည်သူများက ပျဉ်းမနားမြို့ ရဲစခန်းသို့ ဖြစ်စဉ်ဖြစ်ပွားချိန် သွားရောက် တိုင်ကြားခဲ့သော်လည်း ၁ လကျော်ကြာသည်အထိ တရားခံကို လိုက်လံဖမ်းဆီးခြင်းမရှိဘဲ မူးယစ်ဆေးဝါး ရောင်းဝယ် ဖြန့်ဖြူးနေသော ကျော်သိန်းသည် လက်ရှိချိန်အထိ ထွက်ပြေး လွတ်မြောက်နေကြောင်း သိရှိရသည်။

လတ်တလော ပျဉ်းမနားမြို့ပေါ်၌ မူးယစ်ဆေးဝါးများ အလွန်ပေါများစွာ ရောင်းချနေပြီး နေရာတိုင်းတွင် အလွယ်တကူ ဝယ်ယူနိုင်ကြောင်း၊ စစ်တပ်နှင့်ရဲများက မူးယစ်ဆေးဝါးများကို လိုင်းကြေးနှင့်ဆက်ကြေးရယူ၍ တရားဝင်သဖွယ် ခွင့်ပြုထားကြောင်း၊ ဆေးသုံးစွဲသူများပြားလာကာ ဆေးကြောင်၍ ဖြစ်ပွားသော မှုခင်းများလည်း အလွန်များပြားနေပြီး ကျူးလွန်သည့် တရားခံများကို ရဲများက လိုက်လံဖမ်းဆီးခြင်းမရှိကြောင်း သိရသည်။

"ပျဥ်းမနားမြို့ ဦးကျေး ရပ်ကွက် ပေ ၈၀ ယုဇနလမ်းမှာ ၂၀၂၄ ခုနှစ် ဒီဇင်ဘာလ ၇ ရက်နေ့က WYနဲ့ စိတ်ကြွဆေး ဖြန့်ဖြူး ရောင်းချတဲ့ ကျော်သိန်းက ရပ်ကွက်နေပြည်သူ ကိုနေနေကို ဓာတ်ဆီလောင်းပြီး မီးရှို့သတ်မှု တစ်ခုဖြစ်ပွားခဲ့တယ်။ ရဲတွေက တရားခံကို အခုထိ လိုက်မဖမ်းဆီးဘူး။ ၁ လကျော်ပြီလွတ်နေတာ မီးရှို့ခံရတဲ့ ကိုနေနေက ဇန်နဝါရီလ ၁၂ ရက်နေမှာ ဆုံးသွားပါပြီ မီးရှို့သတ်ဖြတ်ခဲ့တဲ့ တရားခံက WYနဲ့ စိတ်ကြွဆေးတွေ ရောင်းဝယ်သူ အကြီးစားကြီး ပျဥ်မနားမြို့မှာ မူးယစ်ဆေးတွေ အလွန်ပေါနေပါတယ်။ နေရာများစွာမှာလည်း ရောင်းချနေတယ်။ နေရာတိုင်းမှာလည်း လွယ်ကူစွာတွေ့နေရတယ်။ ဆေးကြောင်ပြီးဖြစ်တဲ့ အမှုတွေကလည်း အများကြီးပဲ တရားခံတွေကို ရဲတွေက လိုက်ဖမ်းတာမရှိဘူး" ဟု သေဆုံးသူ၏ မိတ်ဆွေက ပြောဆိုသည်။

နေပြည်တော်တွင် အကြမ်းဖက်စစ်တပ်က မူးယစ်ဆေးဝါးသာမက လောင်းကစား၊ ဘောလုံးနှင့် နှစ်လုံးထိ၊ သုံးလုံးထီ၊ ပြည့်တန်ဆာလုပ်ငန်း အပါအဝင် တရားမဝင် လုပ်ငန်းများကို လိုင်းကြေးရယူ၍ ခွင့်ပြုလျက်ရှိကြောင်း ဒေသသတင်းရင်းမြစ်များက ပြောဆိုကြသည်။

#Telegram Link
https://t.me/YPCFighter

#Yangon Police CDM Fighter
284
Yangon Police CDM Fighter

11 Jan, 06:40

AA သိမ်းပိုက်ထားသော ကျောက်တော်မြို့ပေါ် လူနေထူထပ်သော ရပ်ကွက် နှင့် ဈေးအတွင်းသို့ စစ်တပ်က လေယာဉ်ဖြင့် ၃ ကြိမ် ဗုံးကျဲချမှု သေဆုံးဒဏ်ရာရရှိမှုများ ရှိ

၂၀၂၅၊ ဇန်နဝါရီလ ၁၁ ရက်

ရခိုင်ပြည်တွင် AA သိမ်းပိုက်ထားသော ကျောက်တော်မြို့ပေါ် လူနေထူထပ် သော ရပ်ကွက် နှင့် ဈေးအတွင်းသို စစ်လေယာဉ်ဖြင့် ၃ ကြိမ် ဗုံးကျဲချခဲ့ရာ ပြည်သူများ သေဆုံးဒဏ်ရာရရှိမှုများ ရှိကြောင်း AA က သတင်းထုတ်ပြန် သည်။

ယနေ့ ဇန်နဝါရီလ ၁၁ ရက်နေ့ နံနက် ၉ နာရီခန့် တစ်ကြိမ်၊ နံနက် ၉ နာရီ ၁၀ မိနစ်ခန့် ဒုတိယအကြိမ်၊ နံနက် ၉ နာရီ ၁၅ မိနစ်အချိန် ခန့်တွင် တတိယအကြိမ် အကြမ်းဖက် ဖက်ဆစ် စစ်ကောင်စီက ကျောက်တော်မြို့ပေါ်ရှိ ရပ်ကွက် နှင့် ဈေး အပါ အဝင် လူနေထူထပ်သည့် နေရာများသို့ အဓိကဦးတည်၍ ရည်ရွယ် ချက်ရှိရှိဖြင့် ဂျက်တိုက်လေယာဉ်များဖြင့် ၃ ကြိမ်တိုင်တိုင် လာရောက်ဗုံးကျဲတိုက်ခိုက်ခဲ့ကြောင်း၊ ၃ ကြိမ်အတွင်း ဗုံးအရေအတွက် ၁၅ လုံးခန့် ကို ကျဲချ၊ ပစ်ခတ်၊ တိုက်ခိုက်ခဲ့ကြောင်း သိရှိရသည်။

ထို ဗုံးကြဲ ပစ်ခတ်တိုက်ခိုက်မှုဖြစ်စဉ်အတွင်း အပြစ်မဲ့ ဈေးရောင်း၊ ဈေးဝယ်၊ လမ်းသွားလမ်းလာ အရပ်သားပြည်သူတချို့ သေဆုံး၊ ဒဏ်ရာရမှုများရှိခဲ့ပြီး၊ ဈေးဆိုင်တန်း၊ နေအိမ်အဆောက်အအုံ ထိခိုက်ပျက်စီးမှုများလည်း ရှိခဲ့ကြောင်း၊ ထိ ခိုက်၊ သေဆုံး၊ ပျက်စီးဆုံးရှုးမှု အရေအတွက်များကို ဆက်လက်တင်ပြသွားမည်ဖြစ်ကြောင်း AA က ထုတ်ပြန်ထားသည်။

ဇန်နဝါရီလ ၈ ရက်နေ့ကလည်း ရခိုင်ပြည်၊ ရမ်းဗြဲကျွန်း၊ ကျောက်နီမော်ကျေးရွာကို စစ်တပ်က တိုက်ပွဲဖြစ်ပွားခြင်းမရှိဘဲ စစ်လေယာဉ်ဖြင့် ဗုံးကျဲတိုက်ခိုက်ခဲ့ရာ ပြည်သူများစွာ ထိခိုက်သေဆုံးခဲ့ပြီး နေအိမ် ရာပေါင်းများစွာ မီးလောင်ပျက်စီးခဲ့ရသည်။

#Telegram Link
https://t.me/YPCFighter

#Yangon Police CDM Fighter
464
Yangon Police CDM Fighter

11 Jan, 06:39

ရန်ကုန်-မန္တလေး အမြန်လမ်း မိုင်တိုင် ၂၆၂ အနီး စစ်တပ်နှင့်တော်လှန်ရေးတပ်တို့အကြား တိုက်ပွဲဖြစ်ပွား

၂၀၂၅၊ ဇန်နဝါရီလ ၁၁ ရက်

ရန်ကုန်-မန္တလေး အမြန်လမ်း မိုင်တိုင် ၂၆၂ အနီးတွင် တော်လှန်ရေး တပ်ဖွဲ့နှင့် စစ်တပ်တို့ ထိပ်တိုက် တွေ့ဆုံကာ တိုက်ပွဲဖြစ်ပွားပြီး စစ်ကား ပျက်စီးခဲ့ကြောင်း Aung San's Land Natmauk အဖွဲ့တာဝန်ခံ ကိုဘာမထီ က ပြောဆိုသည်။

ဇန်နဝါရီ ၁၀ ရက်နေ့ နံနက် ၄ နာရီခန့်အချိန် ရန်ကုန်-မန္တလေး အမြန်လမ်း မိုင်တိုင် ၂၆၂ အထိ တော်လှန်ရေး တပ်ဖွဲ့များ ရောက်ရှိလာပြီးနောက် ရွာသစ်ကျေးရွာအနီးတွင် အကြမ်းဖက် စစ်ကားနှင့် ထိပ်တိုက်တွေ့ဆုံကာ တိုက်ပွဲဖြစ်ပွားခဲ့ကြောင်း၊တိုက်ပွဲအတွင်း စစ်ကားပျက်စီးခဲ့ကြောင်း၊ အကြမ်းဖက် စစ်ကောင်စီ တပ်သားများ ထိခိုက်သေဆုံးမှု အခြေအနေကို အတည်ပြုနိုင်ခြင်း မရှိသေးကြောင်း သိရှိရသည်။

တော်လှန်ရေးတပ်များက ရန်ကုန်-မန္တလေး အမြန်လမ်း မိုင်တိုင် ၂၆၂ ရှိ စိုင်ကောင်း ရဲစခန်းကို ဝင်ရောက် စီးနင်း တိုက်ခိုက်ရန် ရောက်ရှိလာစဉ် စစ်တပ်နှင့် ထိပ်တိုက်တွေ့ဆုံခဲ့ခြင်းဖြစ်ကြောင်း သိရှိရသည်။

"ရန်ကုန်-မန္တလေး အမြန်လမ်းမကို စစ်တပ် လော်ဘီ ကျော်စိုးဦးက မိုင်တိုင်၂၆၂ မှာ PDF ရှိတာ မဖြစ်နိုင်ဘူးဆိုတဲ့အတွက်ကြောင့် မိုင်တိုင် ၂၆၂ အမြန်လမ်းက စိုင်ကောင်းရဲစခန်းကို ဝင်ရောက် စီးနင်း တိုက်ခိုက်ဖို့ လာကြတာပေါ့။ ကျနော်တို့ ဆင်းလာတဲ့ အချိန်မှာ ရွာသစ်ကျေးရွာအနီးမှာ စစ်ကားနဲ့ ထိပ်တိုက် တွေ့တဲ့ တိုက်ပွဲဖြစ်တယ်။ ၄၀ မမ တွေ လက်နက်ငယ်တွေနဲ့ ပစ်ခတ် တိုက်ခိုက်ခဲ့တာ စစ်ခွေးကား ပျက်စီးသွားတယ်။ စစ်ခွေး အသေအပျောက် စာရင်းတော့ မသိရသေးဘူး။ အဓိကကတော့ စစ်လော်ဘီ ကျော်စိုးဦးက တော်လှန်ရေးတပ်တွေကို မိုင်တိုင် ၂၆၂ အထိ လာစေချင်တဲ့အတွက် စိုင်ကောင်းစခန်းကို ဝင်စီးဖို့ သွားတာပါ။ လမ်းမှာ မမျှော်လင့်ဘဲ ထိတွေ့ တိုက်ပွဲ ဖြစ်သွားတဲ့ အတွက် အစီအစဥ် ပျက်သွားတာပေါ့" ဟု Aung San's Land Natmauk အဖွဲ့တာဝန်ခံ ကိုဘာမထီက ပြောဆိုသည်။

အဆိုပါ စစ်ဆင်းရေးကို Aung San's Land Natmauk အဖွဲ့၊ ပျော်ဘွယ် -ရမ္မည်းသင်း ပကဖ နှင့် နတ်မောက် တပ်ပေါင်းစု တို့က ပူးပေါင်း လုပ်ဆောင်ခဲ့ကြောင်း သိရသည်။

ဓာတ်ပုံ- လွန်ခဲ့သော ဒီဇင်ဘာလတွင် နွားထိုးကြီးတော်လှန်ရေးတပ်ဖွဲ့က ရန်ကုန်-မန္တလေး အမြန်လမ်းပေါ်သို့ တက်ရောက် စစ်ဆေးနေစဉ်။

#Telegram Link
https://t.me/YPCFighter

#Yangon Police CDM Fighter
399
Yangon Police CDM Fighter

08 Jan, 13:59

စစ်အုပ်စု အရက်သောက်ရင်း စကားများပြီး ပစ်ခတ်မှုဖြစ်၊ သေဆုံးမှုရှိကာ စစ်သားတချို့ လက်နက်နဲ့ ထွက်ပြေး

၂၀၂၅၊ ဇန်နဝါရီလ ၈ ရက်

ရန်ကုန်တိုင်း၊ ခရမ်းမြို့နယ်၊ မက္ကသံ ကျေးရွာအတွင်း အကြမ်းဖက်စစ်ကောင်စီတပ်က စစ်သားတွေ အုပ်စုဖွဲ့ အရက်သောက်ရာကနေ စကားများပြီးသေနတ်နဲ့ ပစ်ခတ်မှုတွေအထိ ဖြစ်ပွါးခဲ့ကာ သေဆုံးမှုတွေလည်း ရှိခဲ့တယ်လို့ သိရပါတယ်။

ဒီဇင်ဘာ ၆ရက် ည ၁ နာရီလောက်မှာ ပစ်ခတ်မှု ဖြစ်ပွါးခဲ့ပြီး စစ်သားတချို့ သေဆုံးကျန်ရစ်ကာ ပစ်ခတ်မှု ကျူးလွန်ခဲ့တဲ့ စစ်သားတွေကတော့ လက်နက်တွေနဲ့အတူ ထွက်ပြေးလွတ်မြောက်သွားလို့ စစ်တပ်က ပိတ်ဆို့ရှာဖွေနေတယ်လို့ သိရပါတယ်။

"ညအချိန်မတော် သေနတ်သံတွေ ကြားနေရတယ်။ အနည်းဆုံး သေနတ်သံ အချက် ၂၀ ကျော်လောက် ကြားရတယ်။ ဘာဖြစ်မှန်းတော့ မသိရပေမယ့် ရွာထဲက လူတွေကတော့ စိုးရိမ်ထိတ်လန့်နေကြတာ။ မနက်မိုးလင်းမှ စစ်သားအချင်းချင်း အရက်မူးလွန်ပြီး သေနတ်နဲ့ပစ်ခတ်မှုဖြစ်တာ သိရတယ်” လို့ မက္ကသံကျေးရွာ ဒေသခံတစ်ယောက်က ပြောပါတယ်။

“အခုထိတော့ ဖမ်းဆီးရမိတာ မကြားရသေးဘူး။ ခရမ်းမြို့ပေါ်နဲ့ မက္ကသံကျေးရွာပတ်ချာလည်မှာ စစ်သားတွေ အပူတပြင်း ရှာဖွေနေတယ်။ သူတို့စစ်သားအချင်းချင်းဖြစ်တာဆိုတော့ ဘယ်သူမှ မကြည့်ရဲဘူး။ သေနတ်နဲ့ပစ်ခံရလို့ သေတဲ့စစ်သားတွေကိုလည်း ပြန်သယ်သွားတယ်။ ခရမ်းမြို့ပေါ်မှာတော့ စစ်သားတွေ ခြေရှုပ်နေပြီး သူတို့အချင်းချင်း ပစ်ခတ်မှုဖြစ်ပွားတဲ့သတင်းကိုတော့ ဖုံးဖိထားတယ်” လို့လည်း ခရမ်းမြို့ခံတစ်ယောက်က ဆိုပါတယ်။

လက်ရှိ အာဏာသိမ်းစစ်တပ်ဟာ စစ်မျက်နှာအသီးသီးမှာ တော်လှန်ရေးတပ်တွေရဲ့ ချေမှုန်းမှုကြောင့် သေဆုံးမှုတွေရှိသလို အလံဖြူထောင် လက်နက်ချသူတွေလည်း ရှိပါတယ်။ ဒါ့အပြင် ရှေ့တန်းမှာ ထွက်ပြေးမှုတွေရှိသလို အခုလို အချင်းချင်း ပစ်ခတ်မှုတွေပါ ဖြစ်ပေါ်နေတာပါ။ တဖြည်းဖြည်း အင်အားလျော့နည်းလာတဲ့ အာဏာသိမ်းစစ်တပ်ရဲ့ လက်ရှိအခြေအနေကို အားလုံးက ‘တပ်ပျက်နေပြီ’ လို့ ဆိုကြပါတယ်။

ပုံစာ - အကြမ်းဖက်စစ်သားတချို့ (ပုံဟောင်း)

#Telegram Link
https://t.me/YPCFighter

#Yangon Police CDM Fighter
218
Yangon Police CDM Fighter

08 Jan, 08:54

ကြည့်မြင်တိုင် ဗားကရာချောက်အနီးပစ်ခတ်မှု မိန်းမကိစ္စကြောင့်ဟုဆို

▪️မြို့ပြပြောက်ကျားရဲဘော်များ ပစ်ခတ်မှုမဟုတ်ဟု ပြော

၂၀၂၅၊ ဇန်နဝါရီလ ၈ ရက်

ရန်ကုန်မြို့၊ ကြည့်မြင်တိုင်မြို့နယ်၌ ဖြစ်ခဲ့သည့် ပစ်ခတ်မှုသည် တော်လှန်ရေးနှင့် မသက်ဆိုင်ပဲ မိန်းကကိစ္စ အရှုပ်အရှင်းကြောင့် ဖြစ်ခဲ့ခြင်းဖြစ်သည်ဟု ဒေသခံများက ပြောသည်။

"ဗားကရာလူသတ်မှုကတော့ အဓိကက မိန်းမကိစ္စနဲ့ ဖြစ်တယ်လို့ ကြားတယ်။ နောက်တစ်ခုက ပစ်ခတ်ရှင်းလင်းခံရတဲ့သူကစမ်းချောင်းမြို့နယ်မှာ လုပ်တဲ့ ပျူစောထီးသင်တန်းမှာ နောက်ဆုံးအသုတ်ဆင်းထားတဲ့ ပျူစောထီးတစ်ဦးဖြစ်ပြီးတော့ စမ်းချောင်းမှာရှိတဲ့ ပျူစောထီးခေါင်းဆောင်အနေနဲ့လုပ်နေတဲ့သူ ပစ်ခတ်ရှင်းခင်းခံရတာ။"ဟု စမ်းချောင်းပင်မသပိတ်စစ်ကြောင်းမှ ကိုပီတာက ပြောသည်။

အဆိုပါပစ်ခတ်မှုဖြစ်စဉ်သည် ဇန်နဝါရီ ၆ ရက် ညနေ ၅ နာရီခန့်တွင် ဖြစ်ခဲ့ခြင်းဖြစ်ပြီး ပစ်ခတ်သူက ‌သေနတ်အရှည်အသုံးပြုပြီး ပုဆိုးဖြင့်အုပ်ကာ လမ်းအလယ်အထိသွား၍ အနီးကပ်ပစ်ခတ်ခဲ့သည်ကို စီစီတီဗီ မှတ်တမ်းများ၌ ‌တွေ့မြင်ရသည်။

"ပစ်ခတ်တဲ့သူသုံးတဲ့‌ သေနတ်ကလည်းတော်လှန် ရေး အင်အားစုက သုံးတဲ့သေနတ်တွေမဟုတ်ဘူး။ အတိုလည်းမဟုတ်ဘူး။ M-16 တို့ AK-47 တို့ မဟုတ်ပဲ ရဲတွေသုံးတဲ့ အူစတို လို့ခေါ်တဲ့ သေနတ်ပုံစံဖြစ်နေတော့ ကျွန်တော်တို့အမြင်ကတော့ တော်လှန်ရေးအင်အားစုကလုပ်တာလို့ မမြင်ဘူး"ဟု ကိုပီတာကပြောသည်။

ရန်ကုန်တိုင်းစစ်ဒေသမှတာဝန်ရှိသူကလည်း "ကျနော်တို့လည်း အဲဒါစိတ်ဝင်စားနေတာဗျ။ ဘယ်အဖွဲ့မှန်းမသိဘူး။ ပြီးတော့ အရှည်နဲ့ပစ်တာလို့လည်း ပြောတယ်။ မြို့ထဲမှာ ကျနော်တို့အဖွဲ့တွေ အရှည်တစ်လက်မှကိုမရှိတော့တာ နှစ်ကိုမနည်းတော့ဘူး"ဟု ပြောသည်။

အဆိုပါပစ်ခတ်မှုနှင့်ပတ်သက်၍ Kyimyindaing Scout Channel ကလည်း သေဆုံးသူသည်စည်ပင်ဝန်ထမ်းဟောင်းဖြစ်ပြီး လက်ရှိတွင် စမ်းချောင်းမြို့နယ်ဘက်၌ ဆိုက္ကားနင်းနေကာ စစ်ကောင်စီ၏ ပြည်သူ့စစ်သင်တန်းဆင်းဖြစ်ကြောင်း ဖော်ပြထားသည်။

"လက်ရှိတွင် ကြည့်မြင်တိုင်တဖက်ကမ်း၌ နောက်မိန်းမနှင့် အတူနေကြောင်းလည်းသိရှိရ။ ထိုနောက်မိန်းမမှာလည်း ဗားကရာဂျောက်ခွေးကင်းမှ စစ်ခွေးများနှင့် ငြှိစွန်းအရှုပ်ထွေးများ ရှိနေကြောင်း စသည့်သတင်းများကို မြို့နယ်တွင်းမှ စုံစမ်းသိရှိရပါသည်။" ဟု KSC က ထုတ်ပြန်ထားသည်။

စီစီတီဗီမှတ်တမ်းထွက်ပေါ်လာသော်လည်း ပစ်ခတ်သူကို ဖမ်းဆီးနိုင်ခြင်းမရှိသောကြောင့် ပစ်ခတ်မှုဖြစ်ခဲ့သည့် ဈေးကလေးရပ်ကွက်ကို တင်းတင်းကျပ်ကျပ်စစ်ဆေးနေကြောင်း ဒေသခံတစ်ဦးကပြောသည်။

"အနေထားကို ကြည့်တော့ ပစ်ခတ်မှုသုံးတာ အရှည်နဲ့ရယ်၊ပစ်ကွင်းအနေထားက ကိုယ်တွေဖက်ဆို cctvရှောင်မှာမို့ မရွေးဖူး" ဟု မြေပြင်ရဲဘော်တစ်ဦးက အထက်ပါဖြစ်စဉ်အပေါ် ၎င်း၏အမြင်ကိုပြောသည်

ယင်းကိစ္စနှင့်ပတ်သက်၍ စစ်ကောင်စီလော်ဘီများက တော်လှန်ရေးအင်အားစုဘက်မှရှင်းလင်းခြင်းဖြစ်နိုင်သည်ဟု စွပ်စွဲပြောဆိုမှုများရှိသည်။

#Telegram Link
https://t.me/YPCFighter

#Yangon Police CDM Fighter
261
Yangon Police CDM Fighter

05 Jan, 08:30

ကျောက်နီမော်ကျေးရွာတိုက်ပွဲ၌ခမရ(၄၀၅) တပ်ရင်းမှူးသေဆုံး

၂၀၂၅၊ ဇန်နဝါရီလ ၅ ရက်

လောင်းလုံးမြို့နယ်၊ကျောက်နီမော်ကျေးရွာတွင် တိုက်ပွဲအပြင်းအထန်ဖြစ်ပွားခဲ့ပြီး အမှတ် (၄၀၅) ခြေမြန်တပ်ရင်း (ခမရ-၄၀၅) တပ်ရင်းမှူးအပါ
အဝင် ပျူစောထီးနှင့်စစ်ကောင်စီတပ်ဖွဲဝင် ၄၀ ကျော် သေဆုံးခဲ့သည်ဟုထားဝယ်ခရိုင်တပ်ပေါင်းစုကသတင်းထုတ်ပြန်သည်။

"ဟုတ်တယ်။ တပ်ပေါင်းစုက တိုက်တာပါ။ စခန်းလည်းသိမ်းနိုင်ခဲ့တယ်။ စစ်တပ်ကတော့လေ
ကြောင်းရော ရေကြောင်းရော ကုန်းလမ်းကပါ ပြန်တိုက်တယ်"ဟု ပြည်သူ့ကာကွယ်​ရေးတပ်ဖွဲ့ဝင်တဦးကပြောသည်။

ကျောက်နီမော်ကျေးရွာမှ စစ်ကောင်စီတပ်စွဲထားသည့်စခန်းများကို ဒီဇင်ဘာလ၂၃ရက်နေ့တွင် ထားဝယ်ခရိုင်တပ်ပေါင်းစုက စတင်တိုက်ခိုက်ခြင်းဖြစ်သည်။ဒေါနစစ်ကြောင်း တပ်ခွဲ-၇၊ ဖက်ဒရယ်ဓူဝံတပ်ဖွဲ့၊နွေဦးပျောက်ကြားတပ်ဖွဲ့တို့နှင့်ပူးပေါင်းတိုက်ခိုက်ခဲ့ခြင်းဟု ထားဝယ်ခရိုင်တပ်ပေါင်းစုကဇန်နဝါရီလ၅ရက်​နေ့၌သတင်း
ထုတ်ပြန်သည်။

စစ်ကောင်စီစခန်းတခုအား သိမ်းပိုက်နိုင်ခဲ့ပြီး ခမရ(၄၀၅) တပ်ရင်းမှူးအပါအဝင် ပျူစောထီးနှင့်စစ်ကောင်စီတပ်ဖွဲ့ဝင် ၄၀ဦးနှင့်အထက် သေဆုံးပြီး ခမဪ(၄၀၃)တပ်ရင်းမှူးအပါအဝင် ပျူစောထီးနှင့်စစ်ကောင်စီတပ်သားအများအပြားဒဏ်ရာရသွားသည်ဟု သတင်းထုတ်ပြန်ထားသည်။ထားဝယ်ခရိုင်တပ်ပေါင်းစုမှလည်း ရဲဘော်နှစ်ဦး ကျဆုံးပြီး ရဲဘော်အချို့ ဒဏ်ရာရခဲ့သည်ဟု ဆိုသည်။

ကာကွယ်ရေးတပ်ဖွဲ့များ သိမ်းပိုက်ထားသည့်စခန်းကို ဒီဇင်ဘာလ ၂၇ရက်နေ့တွင် စစ်ကောင်စီက ကြည်း၊ရေ၊လေ အင်အားအများအပြားသုံးပြီး တိုက်ခိုက်လာသဖြင့် ဆုတ်ခွာခဲ့ရသည်ဟု ထားဝယ်ခရိုင်တပ်ပေါင်းစုကထုတ်ပြန်ထားသည်။

ခမရ (၄၀၅)သည် တနင်္သာရီတိုင်း၊သရက်ချောင်းမြို့တွင်အခြေစိုက်သည့် တပ်ရင်းဖြစ်သည်။ အဆိုပါတိုင်းရင်းမှစစ်ကောင်စီတပ်ဖွဲ့ဝင်များသည် ကာကွယ်ရေးတပ်ဖွဲ့များထံ လက်နက်ချအလင်း
ဝင်မှုများ မကြာခဏရှိနေသည်။ အဆိုပါတပ်ရင်းသည် ၂၀၂၂ ခုနှစ်အတွင်းက ကရင်ပြည်နယ်၊ ဖာပွန်ခရိုင်အတွင်း စစ်ဆင်ရေးဝင်ရောက်နေစဉ်တပ်
တွင်းပုန်ကန်မှု ဖြစ်ပွားခဲ့ကြောင်း သတင်းထွက်ပေါ်ခဲ့ဖူးသည်။

(​ကျောက်နီ​မော် တိုက်ပွဲတွင် PDF များတိုက်ပွဲဝင်​နေစဥ် နှင့် ဖမ်းမိခဲ့​သောပျူ​စောထီး တဦး)

#Telegram Link
https://t.me/YPCFighter

#Yangon Police CDM Fighter
402
Yangon Police CDM Fighter

05 Jan, 08:30

စစ်ကိုင်းတွင် "PDF တွေ ငါ့ကို သတ်ချင်ရင် ၁၀ နှစ်ကြိုးစား" ဟု ကြွေးကြော်ထားသည့် ရဲတပ်ကြပ်ဟောင်း၊ ပျူစောထီး ခေါင်းဆောင် လွှမ်းမိုးနိုင် ပစ်ခတ်ခံရပြီး သေဆုံး၊ အလောင်းနှင့်အတူ မူးယစ်ဆေးဝါးများပါ သိမ်းဆည်းရရှိ

၂၀၂၅၊ ဇန်နဝါရီလ ၅ ရက်

စစ်ကိုင်းတိုင်း၊ စစ်ကိုင်းမြို့နယ်တွင် "PDF တွေ ငါ့ကို သတ်ချင်ရင် ၁၀ နှစ်ကြိုးစား" ဟု ကြွေးကြော်ထားသည့် ရဲတပ်ကြပ်ဟောင်း၊ ပျူစောထီး ခေါင်းဆောင် လွှမ်းမိုးနိုင် ပစ်ခတ်ခံရပြီး ပွဲချင်းပြီး သေဆုံးခဲ့ကာ အလောင်းနှင့်အတူ မူးယစ်ဆေးဝါးများကိုပါ သိမ်းဆည်းရရှိခဲ့ကြောင်း လင်းယုန်ညီနောင် ပြောက်ကျားတပ်ဖွဲ့မှ တာဝန်ရှိသူတစ်ဦးက ပြောဆိုသည်။

ဇန်နဝါရီလ ၃ ရက်နေ့ နံနက် ၁၀ နာရီခန့်အချိန် စစ်ကိုင်းမြို့နယ်၊ မြင်းမွေးရွာတွင် နေထိုင်သော ပျူစောထီး ခေါင်းဆောင်လည်းဖြစ်၊ ရဲတပ်ကြပ်ဟောင်းနှင့် ကျေးရွာ အုပ်ချုပ်ရေးမှူးဖြစ်သူ လွှမ်းမိုးနိုင် သည် ၎င်းနေအိမ်မှ ကားဖြင့် ထွက်လာစဉ် တော်လှန်ရေး တပ်ဖွဲ့များက လမ်း တစ်နေရာ၌ ဝိုင်းဝန်း ပိတ်ဆို့ ဖမ်းဆီးခဲ့ကြောင်း၊ သို့ရာတွင် လွှမ်းမိုးနိုင်က ခုခံထွက်ပြေးသွားကြောင့် ပစ်ခတ်ဖမ်းဆီးရာမှ ပွဲချင်းပြီး သေဆုံးခဲ့ကြောင်း သိရသည်။

သေဆုံးသွားသော ပျူစောထီး ခေါင်းဆောင် လွှမ်းမိုးနိုင်၏ ကား အတွင်းမှလည်း မူးယစ်ဆေးဝါးများ နှင့် ဆက်စပ် ပစ္စည်းများလည်း သိမ်းဆည်းရရှိခဲ့ကြောင်း၊ ၎င်းသေဆုံးသွားသော သတင်းကြောင့် ပြည်သူများလည်း အားရကျေနပ် ဝမ်းသာနေကြောင်း သိရှိရသည်။

ပျူစောထီး ခေါင်းဆောင် လွှမ်းမိုးနိုင်သည် ဆင်တပ်ကျးရွာရှိ ပျူစောထီးများကို ဦးဆောင်၍ အုန်းတောမြို့တွင် အထိုင်ချကာ စစ်ကိုင်းမြို့နယ်အတွင်း ပြည်သူများကို ဖမ်းဆီး၊ နှိပ်စက်၊ ငွေညှစ်၊ သတ်ဖြတ်နေသူဖြစ်ကြောင်း၊ ပြည်သူများ၏ အိုးအိမ်များကိုလည်း မီးရှို့ဖျက်ဆီးနေသူဖြစ်ပြီး မူးယစ်ဆးဝါးများ ရောင်းဝယ် ဖောက်ကားနေသူများ၊ လောင်းကစားဝိုင်းနှင့် 2D/3D များတွင် လိုင်းကြေးကောက်ခံကာ စစ်တပ်ကို ထောက်ပို့လုပ်နေကြောင်း၊ ထို့ပြင် တော်လှန်ရေး ရဲဘော်များ၏ သတင်းများကို လိုက်လံစုံစမ်းကာ စစ်ကောင်စီထံသို့ သတင်းပေး၍ တော်လှန်ရေးရဲဘော်များကို ဖမ်းဆီး သတ်ဖြတ်ရာတွင် ကိုယ်တိုင် ပါဝင်နေသူဖြစ်ကြောင်း သိရှိရသည်။

"သူက ခဏခဏ အပစ်ခံရတာ မသေဘူး ဆိုပြီး သူ့ကို သတ်ချင်ရင် PDF တွေ ၁၀ နှစ် ကြိုးစားလို့ကြွေးကြော်ထားတာ သူက စစ်ကိုင်းမြို့နယ်မှာ အမည်ကြီးဆုံး ပျူစောထီးခေါင်းဆောင်ပဲ သူ့ဇာတိကတော့ ရွာသစ်ကြီးရွာပါ။ မြင်းမွေးရွာမှာ အိမ်ထောင် ကျပြီး လာနေ နေတာ သူသေဆုံးလို့ ပြည်သူတွေ ပျော်နေကြတယ်" ဟု လင်းယုန်ညီနောင် ပြောက်ကျားတပ်ဖွဲ့မှ တာဝန်ရှိသူတစ်ဦးက ပြောဆိုသည်။

အဆိုပါ တိုက်ခိုက်မှုကို လင်းယုန်ညီနောင် ပြောက်ကျားတပ်ဖွဲ့မှ တော်လှန်ရေး ရဲဘော်များက လုပ်ဆောင်ခဲ့ခြင်းဖြစ်ပြီး အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

#Telegram Link
https://t.me/YPCFighter

#Yangon Police CDM Fighter
312
Yangon Police CDM Fighter

04 Jan, 12:19

မကွေး၊ ပဲခူး၊ ဧရာဝတီတိုင်းထိစပ်နေသည့် ရခိုင်ရိုးမတောင်ပေါ် ၄ နေရာတွင် စစ်ကောင်စီ စစ်စခန်းများကို AA နှင့် PDF များက ထိုးစစ်ဆင်တိုက်ခိုက်နေ

၂၀၂၅၊ ဇန်နဝါရီလ ၄ ရက်

မကွေးတိုင်း၊ ပဲခူးတိုင်း၊ ဧရာဝတီတိုင်းနှင့် ထိစပ်နေသော ရခိုင်ရိုးမတောင်တန်းပေါ်က အာဏာသိမ်း စစ်ကောင်စီ စစ်စခန်းများ၊ ကာကင်းစခန်းများကို အာရက္ခတပ်တော် AA နှင့် ဒေသခံ PDF တပ်ဖွဲများ ပူးပေါင်းကာ ထိုးစစ်ဆင်တိုက်ခိုက်နေသည်။

ဧရာဝတီတိုင်းထဲက စစ်ကောင်စီ၏ မိတ်သလင် ကာကင်းစခန်းကို ယမန်နေ့ ဇန်နဝါရီလ ၃ ရက်နေ့ ညနေပိုင်းက စတင်ပြီး AA နှင့် နယ်မြေခံ ဧရာဝတီ ပြည်သူ့ကာကွယ်ရေးတပ်ဖွဲ PDF များက ပူးပေါင်းတိုက်ခိုက်နေကြောင်း စစ်ရေးသတင်းရင်းမြစ်က ပြောသည်။

"မိတ်သလင် ကာကင်းစခန်းကို AA, ဧရာဝတီ PDF အဖွဲပေါင်းစုံက တိုက်ခိုက်နေတယ်။ ရခိုင်ရိုးမပေါ်မှာပဲ ဧရာဝတီနဲ့ ရခိုင်အစပ်မှာ ရှိတာပါ။ ဗေဒါစစ်ဆေးရေးဂိတ်နဲ့ သိပ်မဝေးဘူး။ ထိခိုက်မှုတွေတော့ မသိရသေးဘူး” ဟု ပြောသည်။

ပုသိမ်မြို့နယ်၊ မကျီးဇင်ကျေးရွာအနီးမှာလည်း စစ်ကောင်စီတပ်နှင့် AA တို ထိတွေ့တိုက်ပွဲဖြစ်ပွားနေပြီး မကျီးဇင်သည် ဂွမြို့နယ်နှင့် သိပ်မဝေးသော နေရာတွင်ရှိသည်။

ယင်းအပြင် ရခိုင်ပြည် ဂွမြိုနှင့် ဧရာဝတီ အသိုင်းချောင်းမြို ကြားရှိ ရိုးပေါ်က ဗေဒါစစ်ဆေးရေးဂိတ်ကိုလည်း အာရက္ခတပ်တော် AA ထိုးစစ်ဆင်တိုက်ခိုက်နေပြီး လက်ရှိတွင် တိုက်ပွဲပြင်းထန်နေကြောင်း သတင်းရင်းမြစ်က ဆိုသည်။

"ဗေဒါစစ်ဆေးရေးဂိတ်က အခုမှ စတိုက်တာတော့ မဟုတ်ဘူး။ ဂွမြိုမသိမ်းခင်ကတည်းက AA က တိုက်နေတာ။ ဂွမြိုကိုသိမ်းလိုက်ပြီဆိုတော့ အခုက ပိုပြီး ဖိပြီး တိုက်နေတဲ့ သဘောပါ။ ဗေဒါတိုက်ပွဲမှာ စစ်ကောင်စီက ငါးသိုင်းချောင်းမြိုရှိ အမှတ် ၃၄၄ အမြောက်တပ်ရင်းကနေ လက်နက်ကြီးတွေနဲ့ ပစ်ခတ်နေပါတယ်” ဟု ပြောသည်။

ဆက်လက်ပြီး အာရက္ခတပ်တော် AA သည် တောင်ကုတ်နှင့် ပဲခူးတိုင်း ဥသျှစ်ပင်မြိုကြားရှိ ရိုးပေါ်ရှိ ရခိုင်ပိုင်နက်ထဲက တောင်ပုံကြီးစစ်စခန်းကို ထိုးစစ်ဆင်တိုက်ခိုက်နေသည်။

"တောင်ပုံကြီးတိုက်ပွဲက ဆက်လက်ရှိနေပါသေးတယ်။ ပြီးခဲ့တဲ့ ၃ ရက်က ထိုးစစ်ဆင်တိုက်ခိုက်နေတာပါ။ ဒေသခံ ပြည်သူ့ကာကွယ်ရေးတပ်ဖွဲတွေလည်း ပါတယ်ပြောပါတယ်။ အဲဒီတောင်ပုံကြီး အနီးအနားက စွပ်ပျက်တော့၊ သပြေတော့၊ မိုက်ခရို စတဲ့ ရွာကိုဘက်ကို စစ်ကောင်စီက ဗုံးကြဲတိုက်ခိုက်နေပါတယ်။ အရပ်သား ၇ ယောက်လောက် သေဆုံးပြီး ဒဏ်ရာအများအပြားရကြတယ်။ ဥသျှစ်ပင်နဲ့ မဝေးတဲ့ ရိုးပေါ်က ညောင်ကျိုးရွာက ပြည်သူတွေဟာလည်း ဥသျှစ်ပင်မြိုကို စစ်ရှောင်သွားကြတယ်” ဟု ပြောသည်။

အမ်းမြိုနယ်နှင့် မကွေးတိုင်းကြားရှိ ရခိုင်ရိုးမတောင်ပေါ်ရှိ နတ်ရေစင် စစ်စခန်းကို အာရက္ခတပ်တော် AA က ထိုးစစ်ဆင်တိုက်ခိုက်နေသည်။

အမ်းမြိုနှင့် အနောက်ပိုင်းတိုင်းစစ်ဌာနချုပ် (နပခ) ကျပြီးနောက် အာဏာသိမ်း စစ်ကောင်စီသည် ရိုးပေါ်ရှိ စစ်စခန်းများကနေ ပြန်လည်ထိုးစစ်ဆင်ရန် ပြင်ဆင်ကာ နတ်ရေစင်စခန်းတွင် အမြောက်တပ်ပါ ထိုင်ထားကြောင်း စစ်ရေးသတင်းရင်းမြစ်များက ပြောသည်။

"အမ်းမြိုကို သိမ်းပြီးတာနဲ့ အမ်းနဲ့ မကွေးတိုင်းကြား ရိုးပေါ်မှာရှိတဲ့ စစ်ကောင်စီ စစ်စခန်းတွေကို AA နဲ့ ပူးပေါင်းအဖွဲတွေက တိုက်ခိုက်နေပါတယ်။ စစ်ကောင်စီဟာ အမ်းကို လက်လွှတ်ရပြီးနောက် နတ်ရေစင်ဘက်ကနေ အမြောက်တပ်တွေထိုင်ပြီး အမ်းဘက်ကို လှမ်းပစ်ခတ်နေတယ်။ ပြီးတော့ တရုတ်ပိုက်လိုင်တွေကနေ အကာအကွယ်ယူပြီး ပြန်လည်ထိုးစစ်ဆင်လာတာတွေရှိတယ်။ အဲဒါကြောင့် AA က နယ်မြေတွေကို အပြတ်ရှင်းလင်းနေတာဖြစ်ပါတယ်။ ဒီနတ်ရေစင်တိုက်ပွဲမှာ စစ်ကောင်စီဘက်က ၉ ဦးထက်မနည်း သေဆုံးသွားတယ်လို သိရပါတယ်” ဟု ပြောသည်။

အာဏာသိမ်း စစ်ကောင်စီနှင့် အာရက္ခတပ်တော် AA တိုမှာ အပြန်အလှန် ငြိမ်းချမ်းရေးကမ်းလှမ်း ထားကြသော်လည်း လက်တွေ့မြေပြင်တွင် ထိတွေ့ပြောဆိုဆက်ဆံမှုများမရှိကြောင်းနှင့် စစ်ကောင်စီက နေ့စဉ် ရခိုင်ကို ဗုံးကြဲတိုက်ခိုက်နေသည်။

ပြီးခဲ့သည့် ရက်ပိုင်းများက ပုဏ္ဏားကျွန်းမြိုနယ် ယိုးတရုပ်၊ အမ်းမြိုက ကျေးရွာအချိုနှင့် မြေပုံမြိုနယ် ကမ်းထောင်းကြီးကို စစ်ကောင်စီက လေကြောင်းဗုံးကြဲတိုက်ခိုက်ခဲ့သည်။

ထိုဗုံးကြဲတိုက်ခိုက်မှုများကြောင့် အပြစ်မဲ့အရပ်သားပြည်သူ ၆ ဦးထက်မနည်း သေဆုံးပြီး ၁၅ ဦးထက်မနည်း ထိခိုက်ဒဏ်ရာရရှိထားကြောင်း သိရသည်။

ရခိုင်ပြည်အတွင်း သိမ်းပိုက်ရန်ကျန်ရှိနေသေးသည့် စစ်တွေ၊ ကျောက်ဖြူနှင့် မာန်အောင်မြိုတိုတွင်လည်း အာဏာသိမ်းစစ်ကောင်စီတပ်နှင့် AA တိုမှာ နှစ်ဖက်စလုံး စစ်ရေးတင်းမာနေကြသည်။

#Telegram Link
https://t.me/YPCFighter

#Yangon Police CDM Fighter
147
Yangon Police CDM Fighter

04 Jan, 06:05

တောင်ငူလေတပ်စခန်းကို ရှော့တိုက်ဒုံး ၁၂ လုံးဖြင့် ပစ်ခတ်တိုက်ခိုက်မှု ဒုံး ၁၀ လုံး ထိမှန်ပေါက်ကွဲ

၂၀၂၅၊ ဇန်နဝါရီလ ၄ ရက်

ပဲခူးတိုင်း၊ တောင်ငူမြို့ရှိ ကေတုမတီလေတပ်စခန်းအတွင်းအတွင်းသို့ ၁၀၇ မမ ရှော့တိုက်ဒုံး ၁၂ လုံး ဖြင့် ပစ်ခတ်တိုက်ခိုက်ခဲ့ရာ ၁၀ လုံး အောင်မြင်စွာထိရောက်ပေါက်ကွဲခဲ့ကြောင်း Brave Warriors for Myanmar (BWM) အဖွဲ့မှ တာဝန်ရှိသူတစ်ဦးက ပြောကြား သည်။

ယနေ့ ဇန်နဝါရီလ ၄ ရက် နံနက် ၀၀ အချိန် ၀၅ မိနစ်က တောင်ငူမြို့ရှိ ကေတုမတီလေ တပ်စခန်း အတွင်းသို့ ၁၀၇ မမ ရှော့တိုက်ဒုံး ၁၂ လုံးဖြင့် ပစ်ခတ်တိုက်ခိုက်ခဲ့ရာ ၁၀ လုံးအောင်မြင်စွာ ထိရောက် ပေါက်ကွဲခဲ့ကြောင်း၊ စစ်ကောင်စီလေတပ်အတွင်း ထိခိုက်ပျက်စီးမှုအခြေအနေများကို ဆက်လက် စုံစမ်းလျက်ရှိကြောင်း အသိရသည်။

“ကျနော်တို့ပစ်တာက မနက် ၁၂ နာရီ ၅ မိနစ်မှာ ပစ်ပါတယ်။ ကျနော်တို့ပစ်ပြီး ၄ မိနစ်အကြာမှာပဲ ခွေးတွေဘက်က ၁၂၀ မမ လို့ယူဆရတဲ့လက်နက်ကြီးနဲ့ ပထမဆုံးတစ်လုံး စပြန်ပစ်ပါတယ်။ နောက် ၁၂ နာရီ မိနစ် ၂၀ မှာ နောက်ထပ် ၂ လုံးဆက်တိုက်ပြန်ပစ်ပါတယ်။ သူတို့ ရမ်းသမ်းပစ်တာပါ။ ဒါပေ မယ့်ကျနော်တို့ အဖွဲ့ဝင်တွေအားလုံး ဘေးကင်းလုံခြုံစွာ ပြန်လည်ဆုတ်ခွာနိုင်ခဲ့ပါတယ်။” ဟု Brave Warriors for Myanmar (BWM) အဖွဲ့မှ တာဝန်ရှိသူတစ်ဦးက ပြောကြား သည်။

အဆိုပါ တိုက်ခိုက်မှုကို Brave Warriors for Myanmar (BWM) အဖွဲ့၏ ဦးဆောင်စီမံမှုဖြင့် Mountain Knight Civilian Defense Forces (MKCDF)၊ Anti-Coup People’s Liberation Force (ACPLF) နှင့် သံတောင်မြောက်ပိုင်း အထူးဒေသ အဖွဲ့ တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

၁၉၄၈ ခုနှစ်တွင် အင်္ဂလိပ်ကိုလိုနီ လက်အောက်မှ လွတ်မြောက်ခဲ့ မြန်မာပြည်သူတို့သည် စစ်အာဏာ ရှင် အဆက်ဆက်လက်အောက်တွင် လွတ်လပ်မှုများဆုံးရှုံးနေခဲ့ရပြီး လွတ်လပ်ရေးနေ့ ဆိုသည့်တိုင် စစ်အာဏာရှင်အောက်မှ မလွတ်မြောက်သေးပဲ ပြည်သူလူထုမှာ နေ့စဥ်နှင့်အမျှ စစ်ကောင်စီ၏ နှိပ် စက်ညှင်းပန်းမှုအောက်တွင် ဒုက္ခရောက်နေကြရကြောင်း၊ ထို့ကြောင့် ပြည်သူတို့လွတ်မြောက်ရေး အတွက် အထောက်အပံ့ဖြစ်စေရန် မျှော်မှန်းကာ တိုက်ခိုက်ခဲ့ခြင်းဖြစ်ကြောင်း အသိပေးထား သည်။

တောင်ငူလေတပ်စခန်းသည် နှစ်သစ်ကူးည ကရင်နီဒေသကို ဗုံးကြဲမှုအပါအဝင် နိုင်ငံတဝှမ်းမှ ပြည် သူ လူထုကို လေကြောင်းမှ ဗုံးကြဲ တိုက်ခိုက်နေသော စစ်ကောင်စီ၏ လေတပ်များထဲမှ တောင်ပိုင်းရှိ အရေးပါသော လေတပ်စခန်းတစ်ခုဖြစ်ပြီး ပြည်သူတို့ကို လေကြောင်းတိုက်ခိုက်ရာတွင် အဓိက သုံး သည့် MiG-29 Jet Fighter နှင့် Y-12 Military Transport Aircraft တို့ ပုံမှန်အခြေပြုနေသော လေ တပ် စခန်းတစ်ခုဖြစ်ကြောင်း သိရသည်။

လေတပ်ပြိုလျင်မြန်မာပြည်တဝှမ်းရှိတော်လှန်ရေးအင်အားစုများ အနိုင်ရပြီး မြန်မာပြည်သူတို့ စစ် အာဏာရှင် လက်အောက်မှ အမှန်တကယ် လွတ်မြောက်နိုင်ပြီဟုယုံကြည်သောကြောင့် BWM နှင့် အတူ မဟာမိတ်အဖွဲ့တို့က ၇၇ နှစ်မြောက် လွတ်လပ်ရေးနေ့တွင် BWM ၏ mission 28 အဖြစ် ဖော် ဆောင်ရခြင်းဖြစ်သည်ဟု ဆိုသည်။

BWM နှင့် မဟာမိတ်များအနေဖြင့် တောင်ငူလေတပ်စခန်းကို တိုက်ခိုက်မှုမှာ ၆ ကြိမ်မြောက်တိုက် ခိုက်ခဲ့ခြင်း ဖြစ်ကြောင်း သိရသည်။

#Telegram Link
https://t.me/YPCFighter

#Yangon Police CDM Fighter
315
Yangon Police CDM Fighter

04 Jan, 06:05

အကျဉ်းသူ ၊ အကျဉ်း သား ခြောက်ထောင်နီးပါး စစ်ကောင်စီလွှတ်ပေးမယ်

၂၀၂၅၊ ဇန်နဝါရီလ ၄ ရက်

ဒီနေ့ ကျရောက်တဲ့ (၇၇) နှစ်မြောက် လွတ်လပ်ရေးနေ့မှာ အာဏာသိမ်းစစ်ကောင်စီက အကျဉ်းသူ ၊ အကျဉ်းသား ခြောက်ထောင်နီးပါး ကို လွှတ်ပေးမယ်လို့ ကြေညာလာပါတယ်။

အရေအတွက် အတိအကျအားဖြင့် အကျဉ်းသူ၊ အကျဉ်းသား ဦးရေ ၅,၈၆၄ ဦးကိုပြန်လွှတ်ပေးမှာပါ။

ပြန်လွှတ်ပေးမယ့် သူတွေထဲမှာ စစ်အာဏာသိမ်းမှုကိုဆန့်ကျင်လို့ မတရားဖမ်းဆီးခံရသူ နိုင်ငံရေးအကျဉ်းသားတွေ ပါဝင် မှု ရှိ မရှိကို မသိရသေးပါဘူး။

ပြီးခဲ့တဲ့ လွတ်ငြိမ်းတွေမှာတော့ ရာဇဝတ်မှုနဲ့ထောင်ချခံရသူတွေ အများအပြားပါဝင်ပြီး နိုင်ငံရေးပုဒ်မတွေနဲ့ မတရားဖမ်းဆီးထောင်ချခံရသူဦးရေကလက်တစ်ဆုပ်စာသာ လွတ်မြောက်ခဲ့တာပါ။

ဒီနေ့ လွတ်ငြိမ်းမှာ ရန်ကုန်မြို့က အင်စိန်ထောင်ရှေ့ လာရောက်စောင့်ဆိုင်းကြသူတွေ အများအပြား ရှိနေပါတယ်။ လွတ်ငြိမ်းခွင့်ရမယ့်သူတွေကို သယ်ဆောင်လာမယ့် YBS ကားအဝါကြီးတွေကတော့ အင်းစိန်ထောင်ထဲ ဝင်ရောက်သွားတာတွေ့ရပါတယ်။

စစ်တပ်အာဏာသိမ်းပြီးနောက် ဖမ်းဆီးခံခဲ့ရသူ စုစုပေါင်း ၂၈,၀၉၆ ဦးရှိပြီး အဲဒီအထဲက ၂၁,၄၉၉ ဦးဟာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ ၉, ၉၅၈ ဦးကတော့ ထောင်ဒဏ်တွေ ချမှတ်ခံထားရတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) က စာရင်းပြုစုထားပါတယ်။

#Telegram Link
https://t.me/YPCFighter

#Yangon Police CDM Fighter
231
Yangon Police CDM Fighter

04 Jan, 04:33

မြန်မာနိုင်ငံတစ်ဝန်း တော်လှန်ရေးတပ်များက မြို့နယ်ပေါင်း ၁၄၄ ခုကို စိုးမိုးအုပ်ချုပ်လျက်ရှိပြီး မြို့နယ် ၄၈ ခုကို အပြီးသတ်သိမ်းပိုက်ထား၊ ဗဟာဗျူဟာလမ်းမကြီးများ ၊ပြည်ထောင်စုလမ်းကြီးများနှင့် အဓိက ရေကြောင်းလမ်းများကိုလည်း တော်လှန်ရေးတပ်များက ထိန်းချုပ်

၂၀၂၅၊ ဇန်နဝါရီလ ၄ ရက်

မြန်မာနိုင်ငံတစ်ဝန်း တော်လှန်ရေးတပ်များက မြို့နယ်ပေါင်း ၁၄၄ ခုကို စိုးမိုးအုပ်ချုပ်လျက်ရှိပြီး မြို့နယ် ၄၈ ခုကို အပြီးသတ်သိမ်းပိုက်ထားကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက တရားဝင် အစီရင်ခံစာ ထုတ်ပြန်သည်။

စစ်အာဏာသိမ်းချိန်းမှစတင်၍ ၂၀၂၄ ခုနှစ်၊ ဒီဇင်ဘာလ အရောက် ပြည်သူ့ကာကွယ်ရေးတပ်မတော် (PDF) နှင့် တိုင်းရင်းသား တော်လှန်ရေးအဖွဲ့များက စိုးမိုးအုပ်ချုပ်လျက်ရှိသည့် မြို့နယ်ပေါင်း ၁၄၄ ခု ရှိပြီး ၎င်းတို့အနက်မှ မြို့ ၉၅ မြို့ ၊ မြို့နယ်အားဖြင့် ၄၈ ခုကို အပြီးသတ်သိမ်းပိုက်အုပ်ချုပ်နေကြောင်း ၊ ရာခိုင်နှုန်းအားဖြင့် တစ်နိုင်ငံလုံး၏ ၄၄ ရာခိုင်နှုန်းကို ပြည်သူ့ကာကွယ်ရေးတပ်များနှင့် တိုင်းရင်းသားတော်လှန်ရေးတပ်ဖွဲ့များက စိုးမိုးအုပ်ချုပ်လျက်ရှိကြောင်း၊ မြို့နယ် ၇၉ ခုတွင် တော်လှန်စစ်ဖြစ်ပွားလျက်ရှိသဖြင့် နယ်မြေဧရိယာ ၂၄ ရာခိုင်နှုန်းတွင် တော်လှန်စစ်ဖြစ်ပွားနေခြင်းဖြစ်ကြောင်း သိရှိရသည်။

အကြမ်းဖက်စစ်ကောင်စီက စိုးမိုးအုပ်ချုပ်ထားနိုင်သည့် မြို့နယ်ပေါင်း ၁၀၇ ခုသာရှိပြီး ရာခိုင်နှုန်းအားဖြင့် ၃၂ ရာခိုင်နှုန်းသာကျန်ရှိတော့၍ မြန်မာနိုင်ငံ၏ ၃ ပုံ ၁ ပုံကိုပင် စိုးမိုးအုပ်ချုပ်နိုင်တော့ခြင်းမရှိကြောင်း NUG ကာကွယ်ရေးဝန်ကြီးဌာန၏ အစီရင်ခံစာက ဆိုသည်။

ပြည်သူ့ကာကွယ်ရေးအဖွဲ့ (ပကဖ) အပါအဝင် ပြည်သူ့ကာကွယ်ရေးတပ်မတော်(PDF) များကိုယ်တိုင်သိမ်းပိုက်ထားသော မြို့များမှာ ခါမ်းပတ်မြို့၊ ရွှေပြည်အေးမြို့၊ မော်လူးမြို့၊ မြို့သစ်မြို့၊ စဉ့်ကူးမြို့၊ တကောင်းမြို့၊ သပိတ်ကျင်းမြို့၊ ပင်လည်ဘူးမြို့ အပါအဝင် စုစုပေါင်း မြို့ ၈ မြို့ရှိကြောင်း၊ ထို့ပြင် စစ်ကိုင်းတိုင်း၊ မကွေးတိုင်း၊ မန္တလေးတိုင်း၊ ပဲခူးတိုင်းနှင့် တနင်္သာရီတိုင်းတို့ရှိ အနည်းဆုံး ၆၇ မြို့ကို NUG လက်အောက်ခံ တပ်များက ဝန်းရံပိတ်ဆို့ တိုက်ခိုက်လျက်ရှိကြောင်း သိရှိရသည်။

မဟာဗျူဟာလမ်းများစိုးမိုး ထိန်းချုပ်မှုအခြေအနေဖြင့် မန္ဆလေး-ရွှေဘို-မြစ်ကြီးနားလမ်း၊ ရထားလမ်း၊ မန္တလေး-မတ္တရာ- သပိတ်ကျင်း-ဗန်းမော်လမ်း၊ မန္တလေး-လားရှိုး-မူဆယ်လမ်း၊ ပုသိမ်-မုံရွာလမ်း၊ ရန်ကုန်-မော်လမြိုင်-သံဖြူဇရပ်-ရေး-ထားဝယ်-မြိတ်-ကော့သောင်းလမ်း၊ ပဲခူး-သထုံ-ဘားအံ-မြ၀တီလမ်း၊ မုံရွာ-ကလေး-တမူးလမ်း၊ မင်းဘူး-အမ်း-စစ်တွေလမ်း၊ ပြည်-ပန်းတောင်း-တောင်ကုတ်လမ်းတို့၏ အစိတ်အပိုင်းများကို တော်လှန်ရေးတပ်များက စိုးမိုးထိန်းချုပ်ထားကြောင်း၊ ရေကြောင်းလမ်းအနေဖြင့်လည်း ဧရာ၀တီ၊ ချင်းတွင်း၊ သံလွင်၊ စစ်တောင်မြစ်ကြောင်းများ၏ အဓိက အစိတ်ပအိုင်းများကိုလည်း စိုးမိုးထိန်းချုပ်ထားနိုင်ကြောင်း သိရှိရသည်။

ဓာတ်ပုံ- စစ်ကောင်စီထံမှ ရရှိသော လက်နက်ခဲယမ်းများကို NUG ကာကွယ်ရေးဝန်ကြီး ဦးရည်မွန်က စစ်ဆေးနေစဉ်။ (ပုံအဟောင်းဖြစ်ပါသည်။)

#Telegram Link
https://t.me/YPCFighter

#Yangon Police CDM Fighter
135
Yangon Police CDM Fighter

04 Jan, 04:31

ငဖဲမြို့နယ်တွင် စစ်ကောင်စီကား ၂ စီး မိုင်းဆွဲပစ်ခတ်တိုက်ခိုက်ရမှု စစ်သား ၁ ဦးသေဆုံးပြီး ၆ ဦးဒဏ်ရာရ

၂၀၂၅၊ ဇန်နဝါရီလ ၄ ရက်

မကွေးတိုင်း၊ငဖဲမြို့နယ်၊ညောင်ကိုင်းကျေးရွာအနီးတွင် စစ်ကောင်စီကား ၂ စီးကို ကြားဖြတ်မိုင်းဆွဲတိုက်ခိုက်ပြီး လက်နက်ငယ်များပစ်ခတ်တိုက်ခိုက်ရာ စစ်သား ၁ ဦးသေဆုံးပြီး ၆ ဦးဒဏ်ရာရရှိကြောင်း မင်းဘူးခရိုင်တပ်ရင်း-၈ မှ တာဝန်ရှိသူထံမှသိရသည်။

ဇန်နဝါရီ ၃ ရက်နေ့ နံနက် ၇ နာရီခွဲဝန်းကျင်တွင် ငဖဲမြို့နယ်အခြေစိုက် အမှတ်-၁၄(ပကစ) မှ စစ်သား အင်အား ၅၀ ပါ စစ်ကောင်ယာဥ် ၂ စီးကို ပဒါန်း-ငဖဲ-စေတုတ္တရာကားလမ်းပိုင်း၊ငဖဲမြို့နယ်၊ညောင်ကိုင်းကျေးရွာအနီးတွင် မိုင်းဆွဲတိုက်ခိုက်ပြီးလက်နက်ငယ်များဖြင့် ပစ်ခတ်တိုက်ခိုက်ခဲ့ရာ အပြန်အလှန်ပစ်ခတ်မှု မိနစ် ၂၀ ဝန်းကျင်ခန့်ဖြစ်ပွားရာ စစ်သား ၁ ဦးသေဆုံးပြီး ၆ ဦးဒဏ်ရာရရှိခဲ့ခြင်းဖြစ်ကြောင်း မင်းဘူးခရိုင်အမှတ်-၈ တပ်ရင်း WOLFက ထုတ်ပြန်သည်။

“ကား ၂ စီးထဲကနေ ရှေ့ဆုံးကားကို မိုင်းဆွဲလိုက်တဲ့အချိန် ကားက ထိုးရပ်သွားတော့ နောက်ကကားလည်း ထပ်ရပ်သွားတယ်။အဲ့ဒီအချိန်မှာပဲ စပစ်တော့တာ။အပြန်အလှန်ပစ်ချိန် မိနစ် ၂၀ လောက်ရှိတယ်။နာရီဝက်လောက်ကြာတော့ မစခ-၉၀၅ နဲ့ ကပစ ၁၄ ကနေ ကားကြီး ၃ စီး ကလေး ၃ စီးနဲ့ စစ်ကူလာလို့ ကျနော်တို့လည်းပြန်ဆုတ်လာခဲ့ရတာ”ဟု မင်းဘူးခရိုင်အမှတ်-၈ တပ်ရင်း မှ တာဝန်ရှိသူကပြောသည်။

ယင်းမိုင်းဆွဲတိုက်ခိုက်မှုအပြီးတွင် ပဒါန်းမြို့နယ်အခြေစိုက် အမြောက်စခန်းကွပ်ကဲမှုဌာနချုပ်(မစခ)-၉၀၅ နှင့်ငဖဲမြို့နယ်အခြေစိုက် ပကစ-၁၄ တို့မှ စစ်ကား ၃ စီး Double Cub ၃စီးဖြင့် စစ်ကူလာသောကြောင့် တော်လှန်ရေးတပ်ဖွဲ့များ ထိခိုက်မှုမရှိပြန်လည်ဆုတ်ခွာလာခဲ့ကြောင်းသိရသည်။

“ပျက်းတဲ့ကားက ညနေထိ အဲ့ဒီနေရာမှာပဲရှိတယ်။ကျန်တဲ့ကားကတော့ ငဖဲကို ပြန်ဆုတ်သွားတယ်။ဒဏ်ရာရရှိသူတွေကိုတော့ ငဖဲဆေးရုံကိုပို့တယ်။စိုးရိမ်ရတဲ့သူကိုတော့ မကွေးကိုပို့တယ်လို့ ကျနော်တို့ အတွင်းသတင်းအရ သိရပါတယ်”ဟု ၎င်းကဆိုသည်။

ယင်းတိုက်ခိုက်မှုအတွင်း သေဆုံးစစ်သားနှင့်ဒဏ်ရာရရှိသူများကို လူနာတင်ကား ၂ စီးဖြင့် ငဖဲမြို့နယ်သို့ပို့ဆောင်ပြီး ဒဏ်ရာပြင်းထန်သူများကို မကွေးဆေးရုံသို့ပို့ဆောင်ခဲ့ကြောင်း သိရသည်။

အဆိုပါတိုက်ခိုက်မှုကို မင်းဘူးခရိုင်အမှတ် ၈ တပ်ရင်း၊ချင်းကာကွယ်ရေးတပ်-အရှို(CDF-Asho)နှင့်ငဖဲမြို့နယ်(ပကဖ)တို့ ပူးပေါင်းတိုက်ခိုက်ခဲ့ခြင်းဖြစ်သည်။

ဓာတ်ပုံ-မင်းဘူးခရိုင်အမှတ်-၈တပ်ရင်း

#မကွေး #ငဖဲ #တိုက်ပွဲ #PDF #စစ်ကောင်စီ

#Telegram Link
https://t.me/YPCFighter

#Yangon Police CDM Fighter
114
Yangon Police CDM Fighter

04 Jan, 04:31

အကျဉ်းသား ၅,၈၀၀ကျော်ကို ပြစ်ဒဏ်လွတ်ငြိမ်းခွင့်ပေး

၂၀၂၅၊ ဇန်နဝါရီလ ၄ ရက်

ယနေ့ (ဇန်နဝါရီ ၄ရက်) ကျရောက်သည့် (၇၇)နှစ်မြောက်လွတ်လပ်ရေးနေ့တွင် စစ်ကောင်စီကအကျဉ်းထောင်အသီးသီးရှိ အကျဉ်းသား၊ အကျဉ်းသူ ၅,၈၆၄ ဦးကို ပြစ်ဒဏ်လွတ်ငြိမ်းခွင့်ပေးလိုက်သည်ဟု ကြေညာသည်။

၎င်းတို့သည် နောက်တကြိမ်ပြစ်မှုထပ်မံကျူးလွန်ပါက ယခုကျခံရန် ကျန်ရှိသည့် ပြစ်ဒဏ်များကိုပါ ဆက်လက်ကျခံပါမည်ဟူသော သတ်မှတ်ချက်ဖြင့် လွတ်ငြိမ်းခွင့်ပေးလိုက်ခြင်းဖြစ်သည်။

ထို့အပြင် ထောင်ဒဏ်တသက် ကျခံနေရသူ အကျဉ်းသား ၁၄၄ ဦးကိုလည်း ထောင်ဒဏ် ၁၅ နှစ်သို့ လျော့ပေါ့ပြောင်းလဲပေးခဲ့ကြောင်း၊ နိုင်ငံခြားသားအကျဉ်းသား ၁၈၀ ကိုလည်း ပြစ်ဒဏ်လွတ်ငြိမ်းခွင့်ပြုပြီး ပြည်နှင်ဒဏ်ပေးကြောင်းလည်း စစ်ကောင်စီက ထုတ်ပြန်သည်။

စစ်ကောင်စီသည် အကျဉ်းသားများအား လွတ်ငြိမ်းခွင့်ပေးရာတွင် မတရားဖမ်းဆီးခဲ့သော နိုင်ငံရေးအကျဉ်းသားများအား အနည်းငယ်သာ ထည့်သွင်းလေ့ရှိသည်။ ယနေ့ ပြစ်ဒဏ်လွတ်ငြိမ်းခွင့်တွင်လည်း နိုင်ငံရေးအကျဉ်းသား မည်မျှပါဝင်သည်ကို မသိရှိရသေးပေ။

#Telegram Link
https://t.me/YPCFighter

#Yangon Police CDM Fighter
137
Yangon Police CDM Fighter

03 Jan, 05:04

အမရပူရ၊ မြစ်ငယ်မြို့ ၊ ၁၃ ရပ်ကွက် အုပ်ချုပ်ရေးမှူး စောနေထွန်း အရက်ဆိုင်တွင် ဆက် ကြေးကောက်ခံနေစဉ် ပစ်ခတ်ခံရပြီး သေဆုံး

၂၀၂၅၊ ဇန်နဝါရီလ ၃ ရက်

မန္တလေးမြို့၊ အမရပူရမြို့နယ်၊ မြစ်ငယ်မြို့၊ မြို့မ အုပ်စု (၁) ၁၃ ရပ်ကွက် အုပ်ချုပ်ရေးမှူး စောနေ ထွန်းသည် ဂျက်ဝမ်း အရက်ရောင်းဝယ်ရေးဆိုင်တွင် ဆက်ကြေးကောက်ခံနေစဉ် ပစ်ခတ်ခံရပြီး သေဆုံးသွားကြောင်း ပစ်ခတ်ခဲ့သော တော်လှန်ရေးတပ်ဖွဲ့ သတင်းရင်းမြစ်က ပြောကြားသည်။

ဇန်နဝါရီလ ၁ ရက်နေ့ ညနေ ၆ နာရီ ၁၀ မိနစ်အချိန် မန္တလေးတိုင်း၊ အမရပူရမြို့နယ်၊ မြစ်ငယ်မြို့၊ ရန်ကင်းရပ်ကွက်၊ စစ်ကိုင်း -မြစ်ငယ်ဒွေး လမ်းဘေး၊ “ဂျက်ဝမ်း” အရက်ရောင်းဝယ်ရေးဆိုင်ရှေ့တွင် လမ်းဖြတ် ကူးနေစဉ် ပစ် ခတ်ခဲ့ရာ ညာဘက်ရင်အုံကျည်ဖောက်ဝင်ဒဏ်ရာတစ်ချက်ရရှိပြီး မန္တလေးပြည်သူ့ ဆေးရုံကြီးသို့ ပို့ ဆောင်ကုသနေစဉ် ယင်းနေ့ ည ၈ နာရီအချိန်သေဆုံးသွားခဲ့ကြောင်း သိရသည်။

“အုပ်ကြီးစောနေထွန်းရယ်။ လက်နက်ကိုင် ပျူ ၈ ဦးရယ် ကား ၂ စီးနဲ့ ဂျက်ဝမ်း အရက်ရောင်း ဝယ် ရေး ဆိုင်မှာ ဆက်ကြေးကောက်ရင်း သောက်စားနေကြတယ်လို့ သတင်းရလို့ သွားပစ်ခဲ့တာပါ” ဟု တော်လှန်ရေးတပ်ဖွဲ့ သတင်းရင်းမြစ်က ပြောကြားသည်။

သေဆုံးသူ ရပ်ကွက်အုပ်ချုပ်ရေးမှူးစောနေထွန်းသည် စစ်ကောင်စီ အုပ်ချုပ်ရေးယန္တရား လည်ပတ်နိုင်ရန်အဓိက ထောက်ပံ့ လုပ်ဆောင်ပေးနေသူဖြစ်ပြီး ပျူစောထီးအဖွဲ့ကိုလည်း ဖွဲ့စည်းထားကြောင်း၊ ၎င်း၏နောက်လိုက်အပေါင်းပါများနှင့်အတူ ရပ်ကွက်နေပြည်သူလူထုအပေါ် ငွေညှစ်ခြင်း ၊ မမှန်သတင်းပေးတိုင်တန်းခြင်း၊ ဖမ်းဆီးနှိပ်စက်ခြင်း၊ စစ်ကောင်စီအတွက်ဆက်ကြေး ကောက်ပေးခြင်းတို့ လုပ်ဆောင်သူနေသူဖြစ်ကြောင်း သိရသည်။

#Telegram Link
https://t.me/YPCFighter

#Yangon Police CDM Fighter
201
Yangon Police CDM Fighter

07 Dec, 05:57

မှော်ဘီလေတပ်စခန်းကို ရှော့တိုက်ဒုံးဖြင့် ပစ်ခတ်တိုက်ခိုက်မှု အရာရှိနှင့်စစ်သားများ သေဆုံးပြီး လေယာဉ် ၂ စီးပျက်စီးဟုဆို

၂၀၂၄ ၊ ဒီဇင်ဘာလ ၇ ရက်

ရန်ကုန်မြို့၊ မှော်ဘီမြို့နယ်၊ မှော်ဘီလေတပ်စခန်းကို ၁၀၇ မမ ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ရာ အရာရှိ ၃ ဦး အပါအဝင် စစ်သား ၁၅ ဦးသေဆုံးပြီး ထောက်ပို့လေယာဉ် ၂ စီးပျက်စီးခဲ့ကြောင်း Brave Warriors for Myanmar (BWM) အဖွဲ့မှ တာဝန်ရှိသူတစ်ဦးက ပြောကြား သည်။

ဒီဇင်ဘာလ ၆ ရက် ည ၉ နာရီ ၄၃ မိနစ်အချိန်က ရန်ကုန်မြို့၊ မှော်ဘီလေတပ်စခန်းအတွင်းရှိ Y -12 တိုက်ခိုက်ရေးစစ်လေယာဥ်များထားရှိရာ လေယာဥ်ရုံ (Hangar) သို့ ပစ်မှတ်ထား၍ ၁၀၇ မမ ရှော့ တိုက်ဒုံး ၅ လုံး ဖြင့် အောင်မြင်စွာ ပစ်ခတ်တိုက်ခိုက်နိုင်ခဲ့ကြောင်း သိရသည်။

ထိုသို့ တိုက်ခိုက်မှုအတွင်း Y-8 ထောက်ပို့စစ်လေယာဥ်တစ်စင်း နှင့် Y-12 တိုက်ခိုက်ရေး စစ်လေယာဥ် တစ်စင်းထိခိုက်ပျက်စီးခဲ့သည့် အပြင် ဂိုဒေါင်၊ပြေးလမ်း နှင့် စီမံခန့်ခွဲသော ရုံးတို့လည်း မီးလောင်ပျက် စီးသွားကြောင်း၊ လေတပ်အရာရှိ ၃ ဦးနှင့် စစ်သည် ၁၂ ဦး စုစုပေါင်း ၁၅ ဦး‌ သေဆုံးပြီး လေတပ် စီမံ ခန့်ခွဲရေး လေအုပ်မှူးကြီး အပါအဝင် အရာရှိ ၂ ဦး နှင့် အခြား အဆင့်စစ်သည် ၅ ဦးပြင်းထန်စွာဒဏ် ရာရရှိခဲ့ကြောင်း သိရသည်။

ယခုထုတ်ပြန်မှုသည် ကနဦးစုံစမ်းသိရှိရခြင်းဖြစ်ပြီး နောက်ထပ်စစ်ရှုံးကောင်စီဘက် မှ ထိခိုက်ပျက် စီးမှု အခြေအနေများကိုလည်း ဆက် လက် စုံစမ်းနေဆဲဖြစ်ကြောင်း Brave Warriors for Myanmar (BWM) အဖွဲ့ က အသိပေးထားသည်။

"ပူးပေါင်းပါဝင်ပေးခဲ့ကြတဲ့ မြေပြင်မဟာမိတ်ရဲဘော်များကိုကျေးဇူးတင်ကြောင်းပြောချင်ပါတယ်။ ပြီးတော့ အခုလိုတိုက်ခိုက်မှုတွေဖြစ်ပြီးရင် စစ်ကောင်စီက ရှုံးမဲမဲပြီး ရမ်းကားဖမ်းဆီးတတ်တာမို့ အဲ့နားဝန်းကျင်တွေကို ပြည်သူတွေရှောင်ရှားကြဖို့ အထူးအသိပေးလိုပါတယ်" ဟု Brave Warriors for Myanmar (BWM) အဖွဲ့မှ တာဝန်ရှိသူက ရှင်းပြသည်။

အဆိုပါ တိုက်ခိုက်မှုကို Brave Warriors for Myanmar (BWM) အဖွဲ့နှင့် မဟာမိတ် Shadow SAF အဖွဲ့တို့ပူးပေါင်း၍ BWM ၏ Mission 25 အနေဖြင့်လည်းကောင်း၊ Shadow SAF အဖွဲ့၏ Urban Special Operation -U.S.O အနေဖြင့်လည်းကောင်း ဖော်ဆောင်ခဲ့ခြင်းဖြစ်ကြောင်း သိရှိရသည်။

မှော်ဘီလေတပ်သည် ကရင်နီ၊ ကရင်၊ မွန် နှင့် တနင်္သာရီ ကမ်းရိုးတန်း ကို အဓိက လေကြောင်း တိုက်ခိုက်မှု ပြုလုပ်သည့် လေတပ်စခန်း ဌာနချုပ်ဖြစ်ပြီး နိုင်ငံတကာမှ စစ်နှင့် အရေးကြီး ပစ္စည်း များကို လက်ခံဖြန့်ဖြူးသောအဓိကကျသည့် လေတပ် စခန်းလည်းဖြစ်ကြောင်း သိရသည်။

အထူးသဖြင့် တရုတ်မှလာသောစစ်လက်နက်ပစ္စည်းအားလုံး ထားရာ အထိုင် စခန်း လည်း ဖြစ်သည့်အတွက် BWM နှင့် မဟာမိတ် အဖွဲ့များက ယခုကဲ့သို့ပူးပေါင်းတိုက်ခိုက်ခဲ့ရခြင်း ဖြစ်ကြောင်း သိရှိရသည်။

မြန်မာနိုင်ငံအနှံ့ ပြည်သူလူထု၏အသက်အိုးအိမ်ကို နေ့စဥ်နှင့်အမျှခြိမ်းခြောက်ဖျက်ဆီးနေသော စစ် ရှုံး ကောင်စီ၏ လေတပ်စခန်းများကို အားနည်းချိနဲ့ပြိုလဲစေရေးအတွက် လေတပ်ပြို မစ်ရှင်များကို လည်း BWM က မဟာမိတ်အဖွဲ့များနှင့်အတူ တစိုက် မတ်မတ်ဆက်လက်ဖော်ဆောင်သွားမည်ဖြစ်ကြောင်း Brave Warriors for Myanmar (BWM) အဖွဲ့က ကြေညာထားသည်။

#Telegram Link
https://t.me/YPCFighter

#Yangon Police CDM Fighter
284
Yangon Police CDM Fighter

07 Dec, 05:55

စစ်သားအချင်းချင်း စိတ်ဝမ်းကွဲစေရန်၊ စည်းလုံးမှု ပြိုကွဲစေရန်နှင့် စစ်တပ်ကို ဖြိုခွဲရန် မီဒီယာများက တိုက်ခိုက်နေ၍ နားမယောင်ကြရန် အကြမ်းဖက် မင်းအောင်လှိုင် ထပ်ပြောပြန်

၂၀၂၄ ၊ ဒီဇင်ဘာလ ၇ ရက်

စစ်သားအချင်းချင်း စိတ်ဝမ်းကွဲစေရန်၊ ပြည်သူနှင့်စစ်တပ် စည်းလုံးမှု ပြိုကွဲစေရန်နှင့် စစ်တပ်ကို ဖြိုခွဲရန် မီဒီယာများက တိုက်ခိုက်နေသဖြင့် နားမယောင်ကြရန် လိုအပ်ကြောင်း အကြမ်းဖက် စစ်ခေါင်းဆောင် မင်းအောင်လှိုင်က ထပ်မံ ပြောဆိုပြန်သည်။

ယမန်နေ့ ဒီဇင်ဘာလ ၆ ရက်နေ့ ပြင်ဦးလွင် စစ်တက္ကသိုလ်အပတ်စဉ် ၆၆ သင် တန်းဆင်းပွဲတွင် ၎င်းက အထက်ပါအတိုင်း ထပ်မံ ပြောဆိုလာခြင်းဖြစ်ပြီး မြန်မာနိုင်ငံတွင် သတင်းအတု သတင်းအမှားများကြောင့် တည်ငြိမ်အေးချမ်းရေး ပျက်စီးနေသည်ဟု မင်းအောင်လှိုင်က အကြိမ်ကြိမ် ပြောဆိုနေခြင်းဖြစ် သည်။

စစ်ခေါင်းဆောင် မင်းအောင်လှိုင်က ယနေ့ကာလတွင် ဆိုရှယ်မီဒီယာကို လက် နက်သဖွယ် အသုံးပြု၍ အစိုးရနှင့်ပြည်သူ၊ စစ်တပ်နှင့် ပြည်သူ သွေးကွဲစေရန်၊ စည်းလုံးညီညွတ်မှု ပြိုကွဲစေရန် ထိုးနှက် တိုက်ခိုက်လျက်ရှိကြောင်း၊ အထူး သဖြင့် စစ်သားအချင်းချင်း စိတ်ဝမ်းကွဲစေရန် လည်း သတင်းအတု သတင်းအမှားများဖြင့် ထိုးနှက် တိုက်ခိုက်နေကြောင်း ပြောဆိုသည်။

ထို့ကြောင့် စစ်တပ်ဖြိုခွဲရေး ရည်ရွယ်ချက်ရှိရှိ လုပ်ဆောင်နေသော သတင်းအတု သတင်းအမှားကို နားမယောင်စေရန် သတင်းအတု၊ သတင်းအမှားများကြောင့် ယုံကြည်ချက်၊ ခံယူချက် မယိမ်းယိုင်သွားစေရန် တပ်တွင်း စည်းလုံးညီညွတ် ခိုင်မာအားကောင်းစေရန် စည်းရုံးလုပ်ဆောင်ကြရန် လိုအပ်ကြောင်း မင်းအောင်လှိုင်က ဆိုသည်။

စစ်တပ်ကို ဆန့်ကျင်သော လူပုဂ္ဂိုလ်များနှင့် မီဒီယာများက ပူးပေါင်း၍ စစ်တပ်ပုံရိပ်ကျဆင်းစေရန် ပြောဆိုရေးသားနေကြကြောင်း၊ အဆိုပါလုပ် ဆောင်ချက်များကြောင့် တပ်မတော်အပေါ်တွင်သာမက တစ်မျိုးသားလုံး စည်းလုံးညီညွတ်မှုအပေါ် ဆိုးရွားစွာ ထိခိုက်နိုင်ကြောင်း၊ ဆန့်ကျင်ဘက်အဖွဲ့များနှင့် မီဒီယာများ ၏ လုပ်ရပ်အပေါ် တပ်ပြင် စည်းရုံးရေးလုပ်ငန်းများကို အလေးထား လုပ် ဆောင်သွားရမည်ဖြစ်ကြောင်း မင်းအောင် လှိုင်က ဆိုသည်။

အကြမ်းဖက် မင်းအောင်လှိုင်သည် လုံခြုံရေး အလွန်စိုးရိမ်ရသည့်အတွက် ပြင်ဦးလွင်သို့ ခိုးကြောင်ခိုးဝှက် သွားရောက်ခဲ့ရပြီး စစ်တက္ကသိုလ် ကျောင်းဆင်းပွဲ တက်ရောက်နေချိန်တွင်လည်း ပြင်ဦးလွင်တစ်မြို့လုံးကို အထူးလုံခြုံရေး တင်း ကျပ်ထားခဲ့သည်။

#Telegram Link
https://t.me/YPCFighter

#Yangon Police CDM Fighter
204
Yangon Police CDM Fighter

07 Dec, 04:24

မှော်ဘီလေတပ်ကို ရှော့တိုက်ဒုံး ၅ လုံးဖြင့် ပစ်ခတ်မှုဖြစ်ပွားပြီး စစ်တပ်က ပိတ်ဆို့ စစ်ဆေးမှုများ လုပ်ဆောင်ခဲ့ကာ လူငယ်တချို့ကို ဖမ်းဆီးသွား

၂၀၂၄ ၊ ဒီဇင်ဘာလ ၇ ရက်

ရန်ကုန်တိုင်း၊ မှော်ဘီမြို့နယ်၊ မှော်ဘီလေတပ်ကို ရှော့တိုက်ဒုံး ၅ လုံးဖြင့် ပစ်ခတ်တိုက်ခိုက်မှုဖြစ်ပွားပြီး စစ်တပ်က ပိတ်ဆို့ စစ်ဆေးမှုများ လုပ်ဆောင်ခဲ့ကြောင်း ဒေသပြည်သူများနှင့် တော်လှန်ရေး သတင်းရင်းမြစ်ထံမှ သိရှိရသည်။

ယမန်နေ့ ဒီဇင်ဘာလ ၆ ရက်နေ့ ည ၁၀ နာရီအချိန် မှော်ဘီလေတပ်ကို ရှော့တိုက်ဒုံးများဖြင့် ပစ်ခတ်မှုများဖြစ်ပွားခဲ့ကြောင်း၊ ပေါက်ကွဲသံများ ဆက်တိုက်ထွက်ပေါ်လာပြီးနောက် စစ်တပ်က ပန်းတစ်ပွင့်တောင်အနီးရှိ လမ်းများ၊ ကျေးရွာများ၊ ဝါးနက်ချောင်းကျေးရွာဘက်ရှိ လမ်းများ၊ မှော်ဘီမြို့ ပြည်လမ်းအဝင်အထွက်လမ်းများနှင့် ဂိတ်များကို ပိတ်ဆို့စစ်ဆေးခဲ့ပြီး မသင်္ကာမှုဖြင့် လူငယ်တချို့ ဖမ်းဆီးခံခဲ့ရကြောင်း သိရှိရသည်။

"မှော်ဘီလေတပ်ထဲကနေ ပေါက်ကွဲသံ ၅ ချက်ထွက်ပေါ်ပါတယ်။ အသံအရမ်းကျယ်ပါတယ်။ အိမ်တွေပါတုန်တယ်။ အဲဒီနောက်မှာ ကျနော်တို့ ရွာနားမှာ ဧည့်စာရင်းတွေစစ်တယ်။ စခတွေကတော့အ သည်းအသန်ပြေးသွား လာနေကြတာ။ ပန်းတစ်ပွင့်တောင် သွားတဲ့လမ်းဘက်တွေမှာလည်း ဂိတ်ချ အစစ်အဆေးတွေ လုပ်တာတွေ့ရတယ်" ဟု ဝါးနက်ချောင်းကျေးရွာအနီးနေထိုင်သူ ဝါးနှီးရောင်းဝယ်ရေး ဒိုင်တစ်ဦးက ပြောဆိုသည်။

ရန်ကုန်မြို့ပြ တော်လှန်ရေးသတင်းရင်းမြစ်တစ်ခုကလည်း မှော်ဘီလေတပ်ကို ယမန်နေ့ညပိုင်း ရှော့တိုက်ဒုံး ၅ လုံးဖြင့် ပစ်ခတ်တိုက်ခိုက်ခဲ့ကြောင်း အတည်ပြုပြီး သက်ဆိုင်ရာတော်လှန်ရေးတပ်များက တရားဝင် သတင်းထုတ်ပြန်မည်ဖြစ်ကြောင်း၊ တော် လှန်ရေးရဲဘော်များအားလုံး ဘေးကင်းကြောင်း အတည်ပြုပြောဆိုသည်။

အလားတူ နိုဝင်ဘာလ ၉ ရက်နေ့ နံနက် ၁ နာရီဝန်းကျင်အချိန် မှော်ဘီလေတပ်အတွင်းသို့ ရှော့တိုက်ဒုံးဖြင့် ပစ်ခတ်မှုဖြစ်ပွားခဲ့ပြီး ပေါက်ကွဲသံများ ထွက်ပေါ်ခဲ့ကြောင်း ဒေသပြည်သူများနှင့် တော်လှန်ရေး သတင်းရင်းမြစ်က အတည်ပြုပြောဆိုသည်။

ဓာတ်ပုံ- မှော်ဘီလေတပ်စခန်း။ (ပုံအဟောင်းဖြစ်ပါသည်။)

#Telegram Link
https://t.me/YPCFighter

#Yangon Police CDM Fighter

https://www.facebook.com/share/p/1B7q78zykV/
168
Yangon Police CDM Fighter

07 Dec, 04:22

ဗန်းမော်မြို့တွင် ​လေးရက်ဆက် တိုက်ပွဲဖြစ်

▪︎“ဗန်းမော်ကတော့ မြစ်ကြီးနား ပြီးရင်တော့ ဒုတိ
ယ အကြီးဆုံးမြို့ဖြစ်နေတာ။ အဲဒီလောက်ဆိုရင်တော့ အားလုံးနားလည်ပြီးသားဖြစ်မှာ”
-ဗိုလ်မှူးကြီး​နော်ဘူ

၂၀၂၄ ၊ ဒီဇင်ဘာလ ၇ ရက်

ကချင်လွတ်လပ်ရေးတပ်မတော်(KIA) နှင့်မဟာမိတ်များက ဗန်းမော်နှင့် မံစီဒေသ တစ်ခုလုံးသိမ်းပိုက်နိုင်ရေး ထိုးစစ်ဆင်လျက်ရှိရာ ​လေးရက်​မြောက်​နေ့တွင်လည်း တိုက်ပွဲများဆက်ရှိနေကြောင်း KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောသည်။

ဗန်းမော်မြို့ နှင့် မံစီဒေသရှိလက်ကျန် စစ်ကောင်စီတပ်စခန်းများကို KIAက ဒီဇင်ဘာ ၄ရက်မှ စတင်တိုက်ခိုက်ခဲ့ရာ ဒေသတွင်း စစ်ရေးအခြေအနေနှင့်ပတ်သက်ပြီး KIAထံမေးမြန်းရာ သတင်းပြန်ကြားရေးဌာနတာဝန်ခံ ဗိုလ်မှူးကြီးနော်ဘူက
ဒီဇင်ဘာ ၇ရက်တွင် ​ဖြေကြားခြင်းဖြစ်သည်။

“ဗန်းမော်ဘက်က သတင်းထူးတွေမတက်ဘူး။ တိုက်ပွဲတော့ ဆက်ရှိနေတယ်” ဟု ဗိုလ်မှူးကြီးနော်ဘူက ပြောသည်။

ဒေသခံများစစ်ရှောင်ရမှု အခြေအနေကို မေးမြန်းရာ ဒေသခံအချို့ မြို့မှ ထွက်ကြပြီဟု ဗိုလ်မှူးကြီးနော်ဘူက ပြောသည်။

ဗန်းမော်တွင် KIAတပ် စစ်ကောင်စီတပ်စွဲရာနေရာအများအပြား သိမ်းပိုက်ထားနိုင်သည့် သတင်းများနှင့်ပတ်သက်၍ မေးမြန်းရာ ဗိုလ်မှူးကြီးနော်ဘူက တိုက်ပွဲသတင်း အသေးစိတ် အချက်အလက်များ မရသေးဘဲ တိုက်ပွဲ ဆက်ရှိနေသည်ဟုသာ ကြားရကြောင်း ပြောသည်။ လူမှုကွန်ရက်တွင် ကြိုက်သလို ရေးသား ဖော်ပြနေသည့် သတင်းများကို အတည်ပြုပေးနိုင်ခြင်းမရှိဟုလည်း ဗိုလ်မှူးကြီးနော်ဘူက ဆက်ပြောသည်။

ဗန်းမော်မြို့အနေဖြင့်ကချင်ပြည်နယ်၌ စစ်ရေးအရ အရေးပါမှုအခြေအနေကို မေးမြန်းရာ “ဗန်းမော်ကတော့ မြစ်ကြီးနား ပြီးရင်တော့ ဒုတိယ အကြီးဆုံးမြို့ဖြစ်နေတာ။ အဲဒီလောက်ဆိုရင်တော့ အားလုံးနားလည်ပြီးသားဖြစ်မှာ” ဟု ဗိုလ်မှူးကြီးနော်ဘူက ပြောသည်။

ထို့ပြင် ဗန်းမော်နှင့် မြစ်ကြီးနားကို တိုက်ခိုက်ခြင်းမပြုရန် KIAကို တရုတ်အစိုးရက ဖိအားပေးမှုရှိသည်ဟု သတင်းရင်းမြစ်အချို့၏ ပြောကြားချက်နှင့်ပတ်သက်ပြီးမေးမြန်းရာ ဗိုလ်မှူးကြီးနော်ဘူက “အဲဒါကတော့ ကျနော်ကတော့ မကြားဘူး။ တရုတ်ကတော့ နယ်စပ်ဒေသ တည်ငြိမ်အေးချမ်းရေး နယ်စပ်တကြောလုံးမှာ တိုက်ပွဲမဖော်ဆောင်ဖို့ ပြောတာတော့ရှိပါတယ်” ဟု ဖြေကြားသည်။

KIA အနေဖြင့် ပြီးခဲ့သည့် လများအတွင်းက မြန်မာ-တရုတ်နယ်စပ်ရှိ ကန်ပိုက်တီ၊ ဖီမော်၊ ပန်ဝါအပါအဝင် ဒေသတွင်းရှိ စစ်ကောင်စီ လက်
အောက်ခံ ဦးဇခုန်တိန့်ယိန်းဦးဆောင်သည့် ကချင်အထူးဒေသ(၁)နယ်မြေတစ်ခုလုံးကို တိုက်ခိုက်သိမ်းပိုက်ခဲ့သည်။ ထို့​နောက် စစ်အာဏာရှင်များက သတ်မှတ်ခဲ့သည့် ကချင်အထူးဒေသ(၁) သတ်မှတ်ချက်ကို ပယ်ဖျက်ခဲ့သည်။

ကချင်ဒေသ စစ်ရေးသတင်းရင်းမြစ်များ၏ ပြောပြချက်အရ ဗန်းမော်နှင့် မံစီ မြို့သိမ်း စစ်ဆင်ရေး ပထမနေ့တွင် စစ်ကောင်စီတပ်စွဲရာ နေရာ ၁၀နေရာကို KIA ပူးပေါင်းတပ်များက သိမ်းပိုက်နိုင်ခဲ့ပြီး ဒီဇင်ဘာ ၅ရက် စစ်ဆင်ရေး ဒုတိယနေ့တွင် စစ်ကောင်စီတပ်စွဲရာနေရာ ၅နေရာကို ထပ်မံ သိမ်းပိုက်နိုင်ခဲ့သည်ဟုဆိုသည်။ ဒီဇင်ဘာ ၆ရက်တွင် ဗန်းမော်မြို့မရဲစခန်းနှင့် ဌာနဆိုင်ရာ စုပေါင်းရုံးကို တိုက်ခိုက်ရှင်းလင်းနေကြောင်း ကချင်စစ်​ရေးသတင်းရင်းမြစ်က ပြောသည်။

စစ်ကောင်စီဘက်ကလည်း လေကြောင်း ပစ်ကူပေး တိုက်ခိုက်မှုများ ပြုလုပ်ခဲ့ရာ ဒီဇင်ဘာ ၆ရက်နေ့ တိုက်ပွဲတွင် လေကြောင်း တိုက်ခိုက်မှု ၁၃ကြိမ်ပြုလုပ်ခဲ့သည်။

“ဒီနေ့ (ဒီဇင်ဘာ ၆) ခလရ(၄၇)မှာ တိုက်ပွဲပြင်းထန်တယ်။ ဗန်းမော်မြို့မ ရဲစခန်းကို KIA ထိုးစစ်ဆင် တိုက်ခိုက်နေတယ်။ ဗန်းမော် မိုးမောက် ၇မိုင်၊ ၆မိုင် ဘက် တိုက်ပွဲပြင်းထန်တယ်။ မင်းလှ၊နောင်ခိုဘက် တိုက်ပွဲပြင်းထန်တယ်။ မံစီမြို့နားရှိ ခမရ(၆၀၁)၊ (၃၁၉)ဘက် တိုက်ပွဲပြင်းထန်တယ်။ လေကြောင်းပစ်ကူ ၁၃ကြိမ်ရှိတယ်” ဟု စစ်ရေးသတင်းရင်းမြစ်က ပြောပြသည်။

KIA၏ ဗန်းမော်မြို့သိမ်းတိုက်ပွဲအတွင်း တင့်ကားတစ်စီး၊ လက်နက်ခဲယမ်းများနှင့် အလင်းဝင်သူများရှိကြောင်း စစ်ရေးသတင်းရင်းမြစ်တို့က အသိပေးသည်။

ထိုအပြင် စစ်ကောင်စီ၏လက်နက်ကြီး လေ
ကြောင်းတိုက်ခိုက်မှုများကြောင့် ​ဒေသခံပြည်သူ အချို့ သေဆုံး ဒဏ်ရာ ရခဲ့​ကြောင်း​ဒေသခံအချို့က​ပြောသည်။တိုက်ပွဲ ပထမ ၂ ရက်တွင် စစ်တပ်က ပိတ်ဆ်ု့ထား၍ ​​ဒေသခံပြည်သူ အနည်းငယ်သာမြို့မှထွက်​ပြေးတိမ်း​ရှောင်နိုင်ခဲ့​သော်လည်း တတိယရက် ဒီဇင်ဘာ ၆ ရက်တွင် မြို့မှပြည်သူ ​​အများအပြားထွက်​ပြေးတိမ်း​ရှောင်နိုင်ခဲ့​ကြောင်း​ဒေသခံအချို့တင်ထား​သောရုပ်သံမှတ်တမ်းအချို့ တွင်​တွေ့ရသည်။

(KIA တပ်ဖွဲ့ဝင်များ စစ်​ရေး​လေ့ကျင့်​နေစဥ်။
ဓါတ်ပုံ-File Photo)

https://www.facebook.com/share/p/1DTCY3K23S/


#Telegram Link
https://t.me/YPCFighter

#Yangon Police CDM Fighter
153
Yangon Police CDM Fighter

06 Dec, 01:52

ဗန်းမော်မြို့ရှိ စစ်ကောင်စီဌာနဆိုင်ရာရုံံးများကို KIA ထိန်းချုပ်နိုင်ဟု စစ်ရေးသတင်းရင်းမြစ်ပြော

▪️ဗန်းမော်မြို့တွင်းကို စစ်ကောင်စီ လက်နက်ကြီး ရမ်းသန်းပစ်ခတ်၍ ပြည်သူ ၇ဦးထက်မနည်းသေဆုံး၊ ပြည်သူများကို စစ်ရှောင်ခွင့်မပြုဘဲ စစ်ကောင်စီ လူသားဒိုင်းအဖြစ်အသုံးချထားဟုဆို

၂၀၂၄ ၊ ဒီဇင်ဘာလ ၆ ရက်

ကချင်ပြည်နယ် ဗန်းမော်မြို့ရှိ စစ်ကောင်စီ၏ ဌာနဆိုင်ရာရုံးများကို ဒီဇင်ဘာ ၅ရက်တွင် ကချင်လွတ်လပ်ရေးတပ်မတော်(KIA)နှင့် မဟာမိတ်များက သိမ်းပိုက်နိုင်ခဲ့ကြောင်း ကချင်စစ်ရေးသတင်းရင်းမြစ်က ပြောသည်။

" ဗန်းမော်မြို့ထဲရှိ အစိုးရ ဌာနရုံးအားလုံးကို KIA ထိန်းချုပ်ထားလိုက်ပြီ။ ဒီနေ့( ဒီဇင်ဘာ ၅ရက်နေ့) မြို့ထဲ တိုက်ပွဲ ပြင်းထန်တယ်။ စခတွေမြို့ထဲ လက်နက်ကြီးရမ်းသန်း ပစ်ခတ်သဖြင့် ပြည်သူ အနည်းဆုံး ၇ယောက်သေ၊ ၁၀ယောက်ကျော်ဒဏ်ရာရသွားတယ်” ဟု ကချင်စစ်ရေးသတင်းရင်းမြစ်က ယမန်နေ့ညပိုင်းတွင် ပြောသည်။

ယမန်နေ့တွင် အမှတ်(၂၁)စစ်ဆင်ရေးကွပ်ကဲမှုဌာနချုပ်(စကခ-၂၁)တပ်နေရာ၊ မင်းလှတပ်၊ ဗန်းမော်တက္ကသိုလ်၊ ခလရ(၄၇)တပ်ရင်း၊ မံစီမြို့ရှိ စစ်ကောင်စီ လက်ကျန်စခန်းနေရာများ၌ တိုက်ပွဲပြင်းထန်ခဲ့သည်ဟု ဆိုသည်။

ဗန်းမော်နှင့် မံစီမြို့တိုက်ပွဲအခြေအနေနှင့်ပတ်သက်ပြီး KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ ဆက်သွယ်မေးမြန်းထားဆဲဖြစ်ပြီး အဆက်အသွယ်မရသေးပေ။

ဗန်းမော်နှင့် မံစီမြို့သိမ်းတိုက်ပွဲများကို KIAက ဒီဇင်ဘာ ၄ရက်တွင် စတင်ခဲ့ရာ စစ်ဆင်ရေးပထမရက်တွင် စစ်ကောင်စီတပ်စွဲရာနေရာ ၁၀နေရာ၊ စစ်ဆင်ရေး ဒုတိယရက် ဒီဇင်ဘာ ၅ရက်တွင် စစ်ကောင်စီတပ်စွဲရာ နေရာ ၅နေရာ သိမ်းနိုင်ခဲ့ကြောင်း အခြားစစ်ရေးသတင်းရင်းမြစ်က ပြောသည်။

ကချင်စစ်ရေး၊နိုင်ငံရေးလေ့လာသူ ဦးဇော်ဆန်ကလည်း ဗန်းမော်၌ တိုက်ပွဲများ ဆက်လက်ဖြစ်ပွားနေပြီး ဗန်းမော်မြို့ပြင်ရှိ စစ်ကောင်စီကာကင်းစခန်းအားလုံးနီးပါး ထိန်းချုပ်ထားနိုင်ပြီဟုဒေသခံများက ပြောဆိုကြောင်း ပြောပြသည်။

“စစ်ကောင်စီဘက်ကတော့ အရပ်သား ပြည်သူလူထုတွေကို အကာအကွယ်ယူတဲ့အနေနဲ့ မြို့တွင်းမြို့ပြင် အဝင်အထွက်ကို ပိတ်ထားတယ်လို့ ပြောတယ်။ လောလောဆယ်တော့ မြို့ထဲမှာ ရှိတဲ့အရပ်သား ပြည်သူလူထုတွေက တိုက်ပွဲရှောင်ချင်ရင်တောင်မှ မြို့ပြင်ထွက်လို့မရတဲ့အနေအထားပေါ့။ ဒီကိစ္စဟာဆိုလို့ရှိရင် စစ်ကောင်စီဘက်က အရပ်သား ပြည်သူလူထုကို တိုက်ပွဲမှာ လူသားဒိုင်းအဖြစ် အသုံးပြုနေတယ်လို့ပဲမြင်ပါတယ်"ဟု ဦးဇော်ဆန်က ပြောသည်။

မည်သည့်လက်နက်ကိုင်အဖွဲ့အစည်းမဆို အရပ်သားပြည်သူများကို အသုံးချပြီး အကာအကွယ်ယူခြင်း၊ လူသားဒိုင်းအဖြစ်အသုံးပြုခြင်းများသည် စစ်ရာဇဝတ်မှုမြောက်ကြောင်း ၎င်းက ပြောသည်။

“အကယ်၍ ဗန်းမော်မြို့ထဲက အရပ်သားပြည်သူလူထုတွေ စစ်ဘေးရှောင်ကုန်ကြပြီဆိုရင်တော့ စစ်ကောင်စီက မကြာခင်မှာပဲ ဗန်းမော်မြို့ကို လက်လွှတ်ဆုံးရှုံးနိုင်ခြေရှိပါတယ်။” ဟု ဦးဇော်ဆန်က ပြောသည်။

ဗန်းမော်- မိုးမောက်မြို့နယ်ကြား (၇)မိုင် အောင်မြေရွာရှိ စစ်ကောင်စီတပ်များလည်း ဗန်းမော်မြို့ထဲသို့ ဆုတ်ခွာသွားပြီဟု ဒေသခံများ သတင်းပေးပို့ထားဟု ဦးဇော်ဆန်က ပြောသည်။

(ဗန်းမော်မြို့တည်နေရာပြ မြေပုံ)

#Telegram Link
https://t.me/YPCFighter

#Yangon Police CDM Fighter
424
Yangon Police CDM Fighter

06 Dec, 01:47

အကြမ်းဖက် မင်းအောင်လှိုင် ပြင်ဦးလွင်သို့ ခိုးကြောင်ခိုးဝှက် ရောက်ရှိပြီး DSAနှင့် DSTA ကျောင်းဆင်းပွဲများ တက်ရောက်၊ တစ်မြို့လုံး လုံခြုံရေးတင်းကျပ်ထားပြီး ဒရုန်းများနှင့်ပါ ကင်းထောက်နေ

၂၀၂၄ ၊ ဒီဇင်ဘာလ ၆ ရက်

အကြမ်းဖက်စစ်ခေါင်းဆောင် မင်းအောင်လှိုင်သည် ပြင်ဦးလွင်သို့ ခိုးကြောင်ခိုးဝှက် ရောက်ရှိနေပြီး ကျောင်းဆင်းပွဲများ လုပ်နေပြီး တစ်မြို့လုံး လုံခြုံရေးတင်းကျပ်ထားကာ ဒရုန်းများနှင့်ပါ ကင်းထောက်နေကြောင်း ဒေသပြည်သူများက ပြောဆိုသည်။

ယခု ဒီဇင်ဘာလဆန်းပိုင်းတွင် ပြုလုပ်သည့် စစ်တက္ကသိုလ် (DSA) နှင့် စစ်နည်းပညာတက္ကသိုလ်(DSTA ) ကျောင်းဆင်းပွဲများ တက်ရောက်ရန် အတွက် အကြမ်းဖက် စစ်ခေါင်းဆောင် မင်းအောင်လှိုင်က ပြင်ဦးလွင်သို့ ရောက်ရှိနေခြင်းဖြစ်ကြောင်း၊ တော်လှန်ရေးတပ်များ၏ ရှော့တိုက်ဒုံးဖြင့် ပစ်ခတ်မည်ကို စိုးရိမ်ခြင်း၊ ဒရုန်းဖြင့် တိုက်ခိုက်ခံရမည်ကို ပူပန်သဖြင့် ၎င်း၏ ခရီးစဉ်ကို မင်းအောင်လှိုင်က ခိုးကြောင်ခိုးဝှက် လာရောက်ခြင်းဖြစ်ကြောင်း၊ စစ်ကောင်စီသတင်းစာများတွင် အကြမ်းဖက်စစ်ခေါင်းဆောင် မင်းအောင်လှိုင် ကျောင်းဆင်းပွဲ တက်ရောက်သည့် သတင်းများကို မဖော်ပြဘဲ ၎င်း ပြင်ဦးလွင်မှ ပြန်လည် ထွက်ခွာချိန်မှသာ သတင်း ပြန်လည်ဖော်ပြမည်ဖြစ်ကြောင်း သိရှိရသည်။

"မြို့တွင်းလမ်းတွေနှင့် DSA ဝင်လမ်းအားလုံးကို လုံခြုံရေးချထားတယ်။ အရင်ကာလတွေထက် လုံခြုံရေးက တင်းကျပ်တယ်။ မမြင်ဖူးတဲ့ စစ်ကားတွေနဲ့ပါ လုံခြုံရေးယူထားတာ။ နေ့ရော ညပါ ဒရုန်း တွေက ပြင်ဦးလွင်မြို့ပေါ်မှာ ပတ်နေတယ်။ အခုဆို မြို့သွားလာရအဆင်မပြေဘူး။ အခုလုံခြုံရေး တင်းကျပ်ထားတဲ့အပြင် လမ်းတွေပါ ပိတ်ထားတော့ လက်လုပ်လက်စား တွေလည်း အခက်အခဲဖြစ်ပြီး အလုပ်တွေပါ နားထားရတယ်" ဟု ပြင်ဦးလွင် ဒေသသတင်းရင်းမြစ်က ပြောဆိုသည်။

မင်းအောင်လှိုင် ပြင်ဦးလွင်သို့ ရောက်ရှိနေခြင်းကြောင့် Jammer တပ်ဆင်ထားသော စစ်ကားကြီးများ DSA စစ်တက္ကသိုလ်အနီးနှင့် DSTA အနီးတွင် ရပ်နားထားကြောင်း၊ ယင်းနေရာများသို့ ရောက်ရှိလျှင် ဖုန်းလိုင်းများ လုံး၀ ပြတ်တောက်သွားကြောင်း သိရှိရသည်။

" DSA နဲ့ DSTA တပ်နားနဲ့ လုံခြုံရေးအထူးချထားတဲ့ နေရာနားရောက်ရင် ဖုန်းလိုင်းမကောင်းဘူး။ လိုင်းကတော့အရင်လိုမဖြတ်ဘူး။ လိုင်းလည်း မကောင်းဘူး" ဟု ပြင်ဦးလွင် ဒေသသတင်းရင်းမြစ်က ဆိုသည်။

ယခုနှစ် ဧပြီလ ၁၄ ရက်နေ့ သင်္ကြန်ကာလ အကြမ်းဖက် မင်းအောင်လှိုင် ပြင်ဦးလွင်သို့ ရောက်ရှိနေချိန် တော်လှန်ရေးတပ်များက ရှော့တိုက်ဒုံး အလုံး ၃၀ ထက်မနည်းဖြင့် ပစ်ခတ်တိုက်ခိုက်မှုဖြစ်ပွားခဲ့ပြီး ၊ ပစ်ခတ်ခံရသည့် ဒုံးဖြင့် ပစ်ခတ်ခံရသည့်ည တွင်းချင်းပင် အကြမ်းဖက် စစ်ခေါင်းဆောင် မင်းအောင်လှိုင်မှာ ရဟတ်ယာဉ်ဖြင့် ပြင်ဦးလွင်မှ နေပြည်တော်သို့ ချက်ချင်း ထွက်ပြေးခဲ့ရသည်။

ဓာတ်ပုံ- စစ်တက္ကသိုလ်ကျောင်းဆင်းပွဲတစ်ခုသို့ တက်ရောက်ခဲ့သည့် မင်းအောင်လှိုင်။ (ပုံအဟောင်းဖြစ်ပါသည်။)

#Telegram Link
https://t.me/YPCFighter

#Yangon Police CDM Fighter
255
Yangon Police CDM Fighter

02 Dec, 17:21

အာဏာသိမ်း​ခေါင်း​​ဆောင်တက်​ရောက်မယ့်ဆိုတဲ့ စစ်တက္ကသိုလ်ကျောင်းဆင်းပွဲ သံချပ်ကာတပ်​ပါ​ ခေါ်ယူလုံခြုံ​ရေးမြှင့်​​နေ

၂၀၂၄ ၊ ဒီဇင်ဘာလ ၂ရက်

ပြင်ဦးလွင်မြို့မှာ စစ်တက္ကသိုလ်(DSA)ဗိုလ်​လောင်းသင်တန်းအမှတ်စဥ် (၆၆) သင်တန်းဆင်းပွဲကို အာဏာသိမ်း​ခေါင်း​ဆောင် မင်း​အောင်လှိုင် လာမှာဖြစ်လို့ နိုဝင်ဘာလနောက်ဆုံးပတ်ကစပြီး သံချပ်ကာတပ်တွေပါ​ခေါ်ယူပြီးလုံခြုံ​ရေး တင်းကြပ်နေတယ်လို့ မြို့ခံတွေက​ ပြောပါတယ်။

ဒီဇင်ဘာ ပထမပတ်အတွင်း ပြုလုပ်ရန်စီစဉ်နေတဲ့ DSAသင်တန်းဆင်းပွဲကို ဒီဇင်ဘာ ၃ ရက် ၊၄ရက် ၊ ၅ရက်​နေ့​တွေမှာ ပြုလုပ်မယ်လို့ သတင်းလွှင့်ထားတယ်လို့ မြို့ခံ အချို့က​ ပြောပါတယ် ။ဒါ​ပေမယ့် ​ကျောင်းဆင်းပွဲကို ဒီဇင်ဘာလ ၆ ရက်နေ့မှာပြုလုပ်မှာဖြစ်ပြီး ကျောင်းနည်းပြတွေနဲ့အရာရှိကြီးတွေကိုသာ ပေးသိထားတယ်လို့လည်းစုံစမ်းသိရပါတယ်။

ပြင်ဦးလွင်မြို့မှာရှိတဲ့ စစ်တက္ကသိုလ်​တွေထဲက စစ်တက္ကသိုလ်(DSA)နဲ့ တပ်မတော်နည်းပညာတက္ကသိုလ်(DSTA) ကျောင်းဆင်းပွဲ​တွေကို အရင်နှစ်​တွေတုန်းကလည်း ဒီဇင်ဘာပထမပါတ်မှာပြုလုပ်လေ့ရှိတယ်လို့ ပြင်ဦးလွင်မြို့ခံအချို့က ပြောပါတယ် ။

ဒါ​ပေမယ့်စစ်တပ်အာဏာသိမ်းပြီးနောက်ပိုင်းမှာ​တော့ စစ်တက္ကသိုလ်ကျောင်းဆင်းပွဲရက်​တွေကိုအတိအကျ မ​ပြော​တော့ပဲသတင်းလွှင့်ထာတဲ့
ရက်ထက် နောက်ကျပြုလုပ်လေ့ရှိပါတယ် ။

အခုသင်တန်းဆင်းမယ့် DSA အပါတ်စဥ် (၆၆)ဟာ စစ်တပ် အာဏာမသိမ်းခင် မှာ​ခေါ်ယူပြီးသင်တန်း​ပေးခဲ့တဲ့အထဲ ​နောက်ဆုံးအပါတ်စဥ်ဖြစ်တယ် လို့ စစ်​ရေးသတင်း​တွေ​ပုံမှန်​စောင့်ကြည့်ရေးသားတင်ဆက်​ပေး​နေတဲ့CDM ဗိုလ်ကြီးဇင်​ယော်က​ပြောပါတယ် ။ ဒီ​နောက်ပိုင်းအပါတ်စဥ်​တွေဟာ စစ်တပ်အာဏာသိမ်းပြီးမှ ​ခေါ်ယူခဲ့တဲ့ စစ်သား​တွေလို့သိရပါတယ် ။

"မြို့ပေါ်မှာ အစစ်အဆေးတွေရှိတယ်။ လူကြီး(မင်းအောင်လှိုင်) ကျောင်းဆင်းပွဲလာမှာ အဲဒါကြောင့် ဒီရက်ပိုင်းကြပ်နေတာ။ အခု ဘယ်နေ့ ကျောင်းဆင်းမယ်ဆိုတာ ကြိုအသိမပေးဘူး။ တပ်ထဲလည်း ကြိုမပြောဘူး"လို့ ပြင်ဦးလွင်မြို့ခံတစ်ဦးက ပြောပါတယ် ။

၂၀၂၃ ခုနှစ်ကကျောင်းဆင်းပွဲကို ဒီဇင်ဘာ ၈ရက်မှာပြုလုပ်ခဲ့​ပေမယ့်လည်း ဒီဇင်ဘာ ၁ ရက်နေ့ကတည်းက အဆင့်သင့်ပြင်ဆင်ခိုင်းထားခဲ့တာပါ။အရင်နှစ်က DSTA ကျောင်းဆင်းပွဲကို အာဏာသိမ်းခေါင်းဆောင်မင်းအောင်လှိုင်ကိုယ်တိုင် တက်ရောက်ခဲ့ပါတယ် ။အရင်က DSTA ကျောင်းဆင်းပွဲ​တွေကို တစ်ကြိမ်မှ မသွားခဲ့​ပေမယ့် ၂၀၂၃ခုနှစ်မှာ​တော့ မဲဆွယ်တဲ့သဘောနဲ့ပထမဆုံးအကြိမ် သွား​ရောက်ခဲ့တာလို့ စစ်တပ်နဲ့ နီးစပ်သူအချို့က​ပြောပါတယ် ။

ထူးခြားချက်က ဒီနှစ်ပြုလုပ်မယ့် ကျောင်းဆင်းပွဲဟာ အရင်နှစ်​တွေကထက် ပိုမိုလုံခြုံရေးတင်းကြပ်ထားတယ်လို့ မြို့ခံ​တွေက​ပြောကြပါတယ် ။

ကျောင်းဆင်းပွဲပြုလုပ်မယ့်နေရာနဲ့ (၁၆)မိုင်ခန့်ပဲဝေးတဲ့ နောင်ချိုမြို့နယ် ဂန့်ဂေါ်ရွာ အနီးဝန်းကျင်မှာ အောက်တိုဘာလလယ်ပိုင်းကတည်းကတိုက်ပွဲ​တွေ ဖြစ်ပွား​နေပါတယ်။ ပြင်ဦးလွင်မြို့အရှေ့
တောင်ဘက်မှာရှိတဲ့ တောင်းခမ်းကျေးရွာမှာလည်း တိုက်ပွဲ​တွေ ပြင်းထန်​နေပါတယ်။

ဒါ​ကြောင့် စစ်​ကောင်စီက မန္တလေးနဲ့ကျောက်ဆည်မြို့မှာရှိတဲ့ သံချပ်ကာတပ်နဲ့ တင့်ကာတပ်​တွေကိုပါခေါ်ယူပြီး လုံခြုံရေး စောင်ရွက်​နေတယ်လို့မြို့ခံအချို့က​ပြောပါတယ် ။

"အဲဒီကားတွေက မြို့ပတ်ချာလည်မှာ ထားတာ။ ဘယ်သူမှ မသိရဘူး။ မြို့ထဲမှာ မရှိဘူး"လို့ မြို့ခံတစ်ဦးက ပြောပါတယ် ။

စစ်ကောင်စီတပ်ဟာ အင်အား ထောင်ချီအသုံးပြုပြီး​တော့ ပြင်ဦးလွင်နယ်နမိတ်အစပ်​တွေအင်အားတိုးချထားတယ်လို့ဆိုပါတယ် ။

နိုဝင်ဘာလဒုတိယပါတ်ကစပြီး DSAကျောင်းအတွင်းနဲ့ ပတ်ဝန်းကျင်၊ ရထားသံလမ်း၊မြို့ပတ်လည်ကဂိတ်တွေနဲ့ နောင်ချိုမြို့နယ်အစပ်၊မတ္တရာမြို့နယ်အစပ်တွေအထိလုံခြုံရေးတိုးမြှင့်တာ၊အင်အားတိုးချထား​တွေလုပ်​နေတယ်လို့ ဒေသခံတွေဆီကသိရပါတယ်။

ဒါ့အပြင် ဒီကျောင်းဆင်းပွဲ ရက်ကို တပ်တွင်းမိသားစုတွေကိုပါ အသိမ​ပေးတိုးတိုးတိတ်တိတ်လုပ်နေတယ်လို့ မှီခိုမိသားစုဝင်တွေဆီကသိရပါတယ်။

နောင်ချိုမြို့နယ်ဘက်ကအဝင်အထွက်၊၁၆မိုင်တိုးဂိတ်၊မန္တလေးပြင်ဦးလွင်လမ်းပိုင်း၊ပြင်ဦးလွင်မြို့ပတ်လမ်းတွေမှာ နိုဝင်ဘာလနောက်ဆုံးပတ်က သုံးဘီးတွဲတွေ၊သဲကားတွေဖြတ်သန်းခွင့်ယာယီပိတ်ခဲ့တယ်လို့ဒေသခံတွေကပြောပါတယ်။

ဒါ့အပြင် အနီးစခန်းလေဆိပ်မှာလည်း နိုဝင်ဘာလ၂၈ရက်နေ့က လေယာဥ်အတက်အဆင်းမကြာခဏပြုလုပ်ကာ လူကြီးလမ်းကြောင်းရှိတဲ့ပုံစံမျိုးစုံလုပ်ပြခဲ့တယ်လို့ လေဆိပ်အနီးက ဒေသခံတဦးက ပြောပါတယ်။ဒါပေမယ့်စစ်တပ်နဲ့နီးစပ်သူတဦးရဲ့ပြောကြားချက်အရ အာဏာသိမ်းခေါင်းဆောင်မင်းအောင်လှိုင်အပါအဝင် မည်သူမျှရောက်မလာသေးဘူးလို့သိရပါတယ်။

"မနှစ်ကလိုပဲလေ။အရင်ရက်တွေလမ်းပိတ်ပြီးနောက်ရက်မှလုပ်တာ။နိုင်ငံတော်ရဲ့အကြီးဆုံးလာမှာပါဆို၊ဘယ်လိုလုပ်ပေးသိမှာလဲ"လို့ စစ်တပ်နဲ့နီးစပ်သူတဦးကဆိုပါတယ်။

ဒါပေမယ့်အနီးစခန်းလေတပ်မှာ ရဟတ်ယာဥ် ၂ စီးနဲ့ ပြင်ဦးလွင်မြို့ပတ်လည်ကို လုံခြုံရေးကင်းလှည့်တာတွေပြုလုပ်နေသလို၊ပြင်ဦးလွင်မြို့နယ်
မှာ ညစဥ်လုံခြုံရေးကင်းလှည့်တာတွေလုပ်နေတယ်လို့သိရပါတယ်။
227
Yangon Police CDM Fighter

02 Dec, 17:21

ကျောင်းဆင်းမယ့်ကျောင်းသားမိဘတွေကိုလည်း ပထမပတ်အတွင်းကျောင်းဆင်းမှာဖြစ်ပြီး အသင့်ပြင်ထားကြဖို့ကိုသာပြောဆိုထားပြီး ရက်အတိ
အကျမသိရသေးဘူးလို့ စစ်တပ်အသိုင်းဝိုင်းဆီကသိရပါတယ်။

"ကလေးတွေကိုယ်တိုင်တောင်သေချာသိသေးပုံမရဘူး။ဖုန်းအသုံးပြုခွင့်ကလည်းအရင်ကထပ်တင်းကြပ်ထားတော့သေချာပြောခွင့်မရဘူး။သူတို့အ
ကြောင်းကြားလာတာနဲ့ပထမအပတ်ထဲသွားဖို့တော့ ကျွန်မတို့ပြင်ဆင်ထားတယ်"လို့ မိခင်တဦးကပြောပါတယ်။

DSAကျောင်းမှာတက်နေတဲ့ဗိုလ်လောင်းတွေဟာ အရင်ကကိုယ်ပိုင်ဖုန်းအသုံးပြုခွင့်ပိတ်ထား​ပေမယ့်လည်းခိုးသုံးလို့ရကြပါတယ် ။ဒါ​ပေမယ့် နှစ်မှာဖုန်းအသုံးပြုခွင့်ကိုလုံးဝပိတ်ထားသလို စနေ၊တနင်္ဂနွေအပြင်ထွက်ခွင့်ပါလုံခြုံရေးအကြောင်းပြပြီးပိတ်ထားတယ်လို့သိရပါတယ်။

စစ်တပ်ဘက်က ကျောင်းဆင်းပွဲအတွက်တင်မဟုတ်ဘဲ ကျောင်းဆင်းပွဲအပြီးနောက်ရက်ညနေပိုင်းမှာတာဝန်ကျရာဌာနတွေကိုသွားဖို့ ယာဥ်တန်းတွေထွက်မှာဖြစ်ပြီး အဲဒီအတွက်ပါလုံခြုံရေးယာဥ်တန်းတွေပြင်ဆင်ထားတယ်လို့ သိရပါတယ်။

ပြင်ဦးလွင် လုံခြုံ​ရေးကို ကစထမှူးကိုယ်တိုင်ကြီးကြပ်​နေသလို ၊ ​နောင်ချိုမြို့နယ်ကိုသိမ်းပိုက်ထား​တဲ့ TNLAက နိုဝင်ဘာ ​နောက်ဆုံးပါတ်
တွင် ငြိမ်းချမ်း​ရေး​ဆွေး​နွေးဖို့ ကြေညာချက်ထုတ်ပြန်ထားတာ​ ၊ အရင်အပါတ်က ဇီးပင်ကြီးမှာ ရဲအုပ်​လောင်းသင်တန်းဆင်းပွဲ ကိုရဲချုပ်အသစ်ဖြင့်ဆင်းခဲ့​သောအ​ခြေအ​နေ​တွေ​ကြောင့်DSAကျောင်းဆင်းပွဲကို စစ်​ကောင်စီက အရင်နှစ်​တွေထက် ပိုခမ်းခမ်းနားနားလုပ်နိုင်တယ်လို့ CDM ဗိုလ်ကြီးဇင်​ယော်ကလည်း သုံးသပ်ပါတယ်။

"မနှစ်က​တော့ ခိုး​ကြောင် ခိုးဝှက်လုပ်တာ​ကို ။ဒီနှစ်​တော့ နည်းနည်း မီဒီယာ​တွေပါဖိတ်ပြီး ​သေချာလုပ်မယ့်သ​ဘောလို့မှတ်ရတယ်ဗျ ။အဲတာ​ကြောင့်မို့ ပြင်ဦးလွင်တဝိုက်​ပေါ့ စစ်တက္ကသိုလ်ဆင်းပွဲတဝိုက်​ကိုရောက်မလာ​နိုင်အောင် ​ဘေးနံ​ဘက်ပေါ့ ဂန့်​ဂေါဘက်အထိ ၊ ပြီး​တော့ဘန်ဘူး ဝက်ဝံဘက်အထိ့ဖြန့်ကျက်ထားတဲ့ အ​နေအထားမျိုးကို​တွေ့ရပါတယ်ဗျ" လို့ CDM ဗိုလ်ကြီးဇင်​ယော်က​ပြောပါတယ်။

စစ်တက္ကသိုလ် (DSA)ကို ၂၀၂၄ခုနှစ် ဧပြီ ၈ရက်​နေ့မှာ ၁၀၇ မမ ရှော့တိုက်ဒုံး​တွေနဲ့ ပစ်ခတ်တိုက်ခိုက်ခဲ့​တယ်လို့ အမျိုးသားညီညွတ်​ရေးအစိုးရ၊ ကာကွယ်ရေးဝန်ကြီးဌာန(MOD)က ထုတ်ပြန်ခဲ့ပါတယ် ။

မန္တလေးတိုင်းပြည်သူ့ကာကွယ်ရေးအဖွဲ့(ပကဖ)က DSAကို ၁၀၇ မမ ရှော့တိုက်ဒုံး ၅ လုံးနဲ့ ပစ်ခတ်တိုက်ခိုက်ခဲ့တာမှာ စစ်သား​တွေနေထိုင်တဲ့အ
ဆောင်အနီး ၄ လုံး ကျရောက်ပေါက်ကွဲခဲ့တယ်လို့အသိ​ပေးပါတယ် ။

ပြင်ဦးလွင်က စစ်တပ်နဲ့ဆိုင်တဲ့​နေရာတွေ တိုက်ခိုက်ခံရတဲ့ပြီး​နောက် ​ဒေသခံပြည်သူတချို့ ​ထိခိုက်​သေဆုံးတယ်လို့ စစ်​ကောင်စီဘက် ကသတင်းထုတ်ပြန်ပါတယ် ။တိုက်ခိုက်မှုဖြစ်ပြီးတဲ့​နောက် အာဏာသိမ်း​ခေါင်း​ဆောင်ဟာ ​နေပြည်​တော်ကိုချက်ချင်းပြန်သွားတယ်လို့သတင်း​တွေထွက်ခဲ့သလို ပြင်ဦးလွင်မှာစစ်တပ်လုပ်တဲ့ ၂၀၂၃ တပ်တွင်း သက်ြန်ကို အာဏာသိမ်း​ခေါင်း​​ဆောင်ဇနီး ​ဒေါ်ကြူကြူလှ ပဲတက်​ရောက်ခဲ့တာ​တွေ့ရပါတယ် ။

အသက် ၆၈ နှစ်အရွယ် မင်း​အောင်လှိုင်ကို ရိုဟင်ဂျာ​တွေအ​ပေါ် ၂၀၁၇ ခုနှစ်မှာကျူးလွန်ခဲ့တဲ့ လူမျိုးတုံးသတ်ဖြတ်ကျူးလွန်မှု​တွေအတွက် နိုင်ငံတကာရာဇဝတ်ခုံရုံး(ICC)က ဖမ်းဝရမ်းထုတ်​ပေးဖို့ နိုဝင်ဘာ ၂၇ ရက်မှာ ​တရားလို​ရှေ့​နေက လျှောက်ထားခဲ့ပါတယ် ။

(၂၀၂၃ ဒီဇင်ဘာ ၈ ရက်တွင် စစ်တက္ကသိုလ် ဗိုလ်​လောင်သင်တန်း အမှတ်စဥ် ၆၅ သင်တန်းဆင်းပွဲသို့ အာဏာသိမ်း​ခေါင်း​ဆောင်တက်​​ရောက်စဥ်။
ဓါတ်ပုံ-စစ်​ကောင်စီ)


#Telegram Link
https://t.me/YPCFighter

#Yangon Police CDM Fighter
289
Yangon Police CDM Fighter

02 Dec, 17:18

သတင်းထုတ်ပြန်ကြေညာခြင်း ။
အမှတ် ၂/မရ/၂၀၂၄
ယနေ့ 2.12.2024
မနက်(၆:၃၀)အချိန်ဝန်းကျင်ခန့်တွင် ရန်ကုန်တိုင်း ၊ ရွှေပြည်သာမြို့နယ်၊ ဎ13 ရပ်ကွက်တွင်နေထိုင်သော အကြမ်းဖက်စစ်ကောင်စီလက်အောက်ခံ ရဲမှူးမိုးညို၏အိမ်တွင် ရဲမှူးမိုးညိုနှင့်အပေါင်းအပါများရှိနေစဉ် ကျွန်ုပ်တို့ The Grand Unsung (TGU) နှင့် မဟာမိတ်တပ်ဖွဲ့ဖြစ်သော Black Tiger UG Team တို့မှ ပြင်းအားမြှင့် အဝေးထိန်းမိုင်းဖြင့် ထိရောက်စွာတိုက်ခိုက်ခဲ့ပါသည်။အဆိုပါတိုက်ခိုက်မှုကြောင့် ရဲမှူး၏ hondafix ကားမှာ မီးလောင်ကျွမ်းခဲ့ကြောင်း မျက်မြင်တွေ့ရပြီး နောက်ဆက်တွဲထိခိုက်မှုအခြေအနေများကို မိမိတို့အနေနှင့် စုံစမ်းဆဲဖြစ်ကြောင်း တော်လှန်ပြည်သူများသို့ အသိပေးထုတ်ပြန်အပ်ပါသည်။
နောက်နှောင်တွင်လည်း ပြည်သူများအား မတရားခြိမ်းခြောက်အနိုင်ကျင့်နေသော အကြမ်းဖက်စစ်ကောင်စီ၏ ထောက်တိုင်အကြီးစားများ နှင့် စစ်ကောင်စီလက်အောက်ခံများ ၊ အုပ်ချုပ်ရေးမှူးများအား ပြင်းပြင်းထန်ထန် ထပ်မံတိုက်ခိုက်သွားမည်ဖြစ်ကြောင်း ကြိုတင်သတိပေးလိုက်သည်။

The Grand Unsung (TGU)
Black Tiger UG Team
210
Yangon Police CDM Fighter

30 Nov, 08:07

မအူပင် နယ်မြေသတင်း                     
📅.၃၀.၁၁.၂၀၂၄
⏰.နေ့လယ် ၁၄ နာရီ ၂၇ မိနစ်

🔴🔴.30.11.2024 မအူပင်မြို့နယ်
နိုဝင်ဘာ ၂၉ ရက်၊ ည ၆ နာရီခွဲအချိန်၌ မအူပင်တံတားပေါ်တွင် ပရိုဘောက် Taxi နှင့် ဆိုင်ကယ်တစ်စီး မျက်နှာချင်းဆိုင်တိုက်မိရာ
ဆိုင်ကယ်မောင်းသူဖြစ်သည့် အမှတ် ၁၀ ရပ်ကွက်၊ ဗောဓီလမ်းသွယ် ၃ ၌နေထိုင်သည့် မြို့နယ်မြေစာရင်းရုံးမှ Non CDM စာရေး အောင်အောင်ကျော်စိုးဦး နေရာ၌ပွဲချင်းပြီးသေဆုံးသွားခဲ့တယ်ဟု သိရပါသည်။🔴🔴
275
Yangon Police CDM Fighter

12 Nov, 08:51

ပွင့်ဖြူမြို့နယ်ရှိ ကျေးရွာသုံးရွာကို စစ်ကောင်စီ လေကြောင်းတိုက်ခိုက်

၂၀၂၄ ။ နိုဝင်ဘာလ ၁၂ ရက်

မကွေးတိုင်း၊ ပွင့်ဖြူမြို့နယ်တောင်ပိုင်းရှိ ကျေးရွာအချို့၌ တိုက်ပွဲပြင်းထန်နေပြီး စစ်ကောင်စီက ယ‌နေ့( နိုဝင်ဘာ ၁၂ရက်)နေ့လယ်ပိုင်းတွင် ကျေးရွာ သုံးရွာကို လေကြောင်းမှ ဗုံးကြဲတိုက်ခိုက်ခဲ့သည်။

သုံးမိုင်ပေါက်၊ ကျွဲခြံနှင့် လယ်မကျေးရွာကို ဂျက်ဖိုက်တစ်စီးဖြင့် ဗုံးငါးလုံးကြဲချ တိုက်ခိုက်ခဲ့ခြင်းဟု ပြည်သူ့ကာကွယ်ရေးတပ်မတော်၊ မင်းဘူးခရိုင်အမှတ်(၇) တပ်ရင်းက သတင်းထုတ်ပြန်သည်။

နေ့လယ် ၁နာရီတွင် လေကြောင်းမှတိုက်ခိုက်ခြင်းဖြစ်ပြီး ထိခိုက်မှုအခြေအနေကို မသိရှိရသေးပေ။

"နိမ့်နိမ့်လေးပျံတာဗျ။ အသံကျယ်တယ်။ ဖုန်းလိုင်းတွေ ဖြတ်ထားတော့ ဘာမှမေးမရဘူးဖြစ်နေတယ်ဗျ။ ဂျက်ဖိုက်တာတွေက ပတ်ပျံနေသေးတယ်။ ရွာဘက်တွေမှာ တိုက်ပွဲဖြစ်နေတာက မှန်တယ်။ သုံးလေးရက်လောက်ရှိနေပြီ"ဟု ပွင့်ဖြူမြို့ခံတစ်ဦးက ပြောသည်။

လေကြောင်းတိုက်ခိုက်မှုကြောင့် ထိခိုက်မှုကို စုံစမ်းနေဆဲဖြစ်ကြောင်း မင်းဘူးခရိုင်အမှတ်(၇) တပ်ရင်းက ထုတ်ပြန်သည်။

စစ်ကောင်စီသည် နိုဝင်ဘာ ၉ ရက် နံနက်ကစ၍ ပွင့်ဖြူမြိုနယ်၊ မဲဇလီနယ်မြေရဲစခန်း၌ အင်အားဖြည့်တင်းပြီး အနီးရှိကျေးရွာများကို စစ်ကြောင်းထိုးကာ လက်နက်ကြီးများဖြင့် ပစ်ခတ်နေသည်။

ထို့အပြင် စစ်ကောင်စီတပ်စစ်ကြောင်းကြောင့် ပွင့်ဖြူမြို့နယ်တောင်ပိုင်း ကျေးရွာများမှ ဒေသခံပြည်သူများ ထွက်ပြေးတိမ်းရှောင်နေကြရသည်။

စစ်ရေးတင်းမာနေမှုကြောင့် မင်းဘူးမြို့နှင့် ပွင့်ဖြူမြို့ ဆက်သွယ်ထားသည့် ပုသိမ် - မုံရွာကားလမ်းပိုင်းရှိ ဝန်လိုရွာ၊ခိုနန်းရွာ၊ သုံးမိုင်ပေါက်၊ ငါးမိုင်ပေါက် လမ်းပိုင်းများကို လုံးဝအသုံးမပြလည်း ကြရန် မင်းဘူးခရိုင်အမှတ်(၇) တပ်ရင်းက နိုဝင်ဘာ ၉ရက်တွင် သတိပေးထားသည်။

#Telegram Link
https://t.me/YPCFighter

#Yangon Police CDM Fighter
911
Yangon Police CDM Fighter

12 Nov, 08:51

မိတ္ထီလာ ရှမ်းတဲ လေတပ်စခန်းကို ဒရုန်း ၂၄ စီးဖြင့် တိုက်ခိုက်မှု Y-12 လေယာဉ် ၂ စီး ထိခိုက်ပျက်စီးပြီး အရာရှိ ၂ ဦး အပါအဝင် စစ်ကောင်စီ တပ်သား ၆ ဦး ဒဏ်ရာရ

၂၀၂၄ ။ နိုဝင်ဘာလ ၁၂ ရက်

မန္တလေးတိုင်း၊ မိတ္ထီလာမြို့နယ်၊ ရှမ်းတဲ လေတပ်စခန်းကို ဒရုန်း ၂၄ စီးဖြင့် တိုက်ခိုက်ရာ Y-12 လေယာဉ် ၂ စီး ထိခိုက်ပျက်စီးပြီး အရာရှိ ၂ ဦ.အပါအဝင် စစ်ကောင်စီ တပ်သား ၆ ဦး ဒဏ်ရာရရှိခဲ့ကြောင်း ပကဖ ပြောဆိုသည်။

နိုဝင်ဘာလ ၁၁ ရက်နေ့ နံနက်အစာပိုင်း မိတ္ထီလာ ရှမ်းတဲ လေတပ်စခန်းများဖြစ်သော လေကြောင်းအတတ်သင် အရာရှိ အိမ်ရာ ၊ ခဲယမ်းသိုလှောင်ရုံ၊ လေကြောင်းထုတ်လုပ် အရာရှိ ရိပ်သာ ၊ တပ်မတော်အကြီးစားစက်ရုံ ၁၀ အရာရှိရိပ်သာ ၊ ရေဒါ စခန်းနှင့် တပ်မ ၉၉ တို့ကို တော်လှန်ရေးတပ်ဖွဲ့များက ဒရုန်း ၂၄ စီးဖြင့် တိုက်ခိုက်ခဲ့ခြင်းဖြစ်ကြောင်း သိရသည်။

ယင်းတိုက်ခိုက်မှု အတွင်း ထိခိုက်ပျက်စီးမှု အများဆုံးသည် ရှမ်းတဲလေတပ်နှင့် ထိစပ်လျက်ရှိတဲ့ ထုတ်လုပ်ရေး တပ်များဖြစ်ပြီး Y-12 စစ်လေယာဉ် ၂ စီး ထိခိုက်ပျက်စီးမှု ရှိခဲ့ကြောင်း၊ ထို့ပြင် အကြမ်းဖက် စစ်တပ်၏ ထုတ်လုပ်ရေး အဆောက်အဦ ၂ လုံးလည်း ထိခိုက် ပျက်စီးခဲ့ကြောင်း သိရှိရသည်။

ထို့ပြင် စစ်တပ်ဘက်မှ အရာရှိ ၂ ဦး နှင့် တပ်သား ၄ ဦး ထက်မနည်း ထိခိုက်ခဲ့ပြီး တိုက်ခိုက်မှုဖြစ်ပွားပြီးနောက် အကြမ်းဖက် စစ်ကောင်စီ တပ်သားများက ဖုန်းများကို သိမ်းယူပြီး လေတပ်စခန်းဝင်းအတွင်းရှိ သူများအားလုံးကို ပြင်ပနှင့် အဆက်အသွယ်ဖြတ်ရန် ကြိုးစားခဲ့ကြောင်း၊ မီးသတ်ကား ၂ စီးလည်း လေတပ်ဝင်းအတွင်း ဝင်ရောက်ခဲ့ပြီး မီးငြိမ်းသတ်ခြင်းများ ပြုလုပ်ခဲ့ကြောင်း သိရသည်။

အဆိုပါ တိုက်ခိုက်မှုကို မိတ္ထီလာမြို့နယ် ပကဖ၊ မိတ္ထီလာ ပကဖ ဒရုန်းတပ်ဖွဲ့၊ မိတ္ထီလာခရိုင် တပ်ရင်း (၃)၊ ၁၈၂၅ စစ်ကိုင်းခရိုင် ဒရုန်းတပ်ဖွဲ့၊ မြင်းခြံခရိုင် တပ်ရင်း ၈ နဲ့ အမည်မဖော်လိုတဲ့ ပူးပေါင်းမဟာမိတ်အဖွဲ့များက အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ ထောက်ပံ့ကူညီမှု၊ ရှာထူးဝေါ် နည်းပညာ အဖွဲ့၏ နည်းပညာပိုင်း အကူအညီနှင့် ရွှေလင်းယုန် Drone အထူးစစ် ဆင်ရေး အဖြစ် ပူးပေါင်းလုပ်ဆောင်ခဲ့ကြောင်း သိရှိရသည်။

ဓာတ်ပုံ- မိထ္တီလာ လေကြောင်းအတတ်သင်လေတပ်စခန်းဌာနချုပ်သို့ ရောက်ရှိခဲ့သော အကြမ်းဖက်မင်းအောင်လှိုင်။ (ပုံအဟောင်းဖြစ်ပါသည်။)

#Telegram Link
https://t.me/YPCFighter

#Yangon Police CDM Fighter
714
Yangon Police CDM Fighter

09 Nov, 01:18

မှော်ဘီလေတပ်စခန်း ရှော့တိုက်ဒုံးများဖြင့် ပစ်ခတ်ခံရပြီး မြောက်ဥက္ကလာပလျှပ်စစ်ရုံးကိုလည်း လက်ပစ်ဗုံး ၂ လုံးဖြင့် ပစ်ခတ်တိုက်ခိုက်မှုဖြစ်ပွား

၂၀၂၄ ။ နိုဝင်ဘာလ ၉ ရက်

ရန်ကုန်တိုင်း၊ မှော်ဘီမြို့နယ်ရှိ မှော်ဘီလေတပ်ကို ယနေ့ နံနက် ၁ နာရီဝန်းကျင်အချိန် ရှော့တိုက်ဒုံးများဖြင့် ပစ်ခတ်မှုဖြစ်ပွားပြီး ပေါက်ကွဲသံများကို ထွက်ပေါ်လာကြောင်း လေတပ်အနီးနေထိုင်သူ ဒေသပြည်သူများနှင့် တော်လှန်ရေး သတင်းရင်းမြစ်တချို့က အတည်ပြုပြော ဆိုသည်။

ယနေ့ နိုဝင်ဘာလ ၉ ရက်နေ့ နံနက် ၁ နာရီဝန်းကျင်အချိန် မှော်ဘီလေတပ်အတွင်းသို့ ရှော့တိုက်ဒုံးဖြင့် ပစ်ခတ်သံများကြားရပြီး ပေါက်ကွဲသံ ၂ ကြိမ်ခန့်မှာ အလွန်ကျယ်လောင်ကြောင်း၊ ထပ်မံ၍ အနည်းငယ်သာ ကြားရသော ပေါက်ကွဲသံ တချို့ကိုလည်း ဆက်လက် ကြားရကြောင်း မှော်ဘီလေတပ်အနီးရှိ တပ်ကြီးကုန်းကျေးရွာမှ ပြည်သူတချို့က ပြောဆိုကြသည်။

"ပေါက်ကွဲသံတွေကြားရတာ။ အဲဒါ လေတပ်ထဲက မိတ်ဆွေကို လှမ်းမေးတော့ ရှော့တိုက်ဒုံးနဲ့လာပစ်တာလို့ပြောတယ်။ ဘာတွေ ထိလဲမေးတော့ မသိသေးဘူးဆိုပြီးပြောတယ်။ ဒီမနက်အထိတော့ အဆက်အသွယ်မရသေးဘူး။ အရင် ပေါက်ကွဲသံအကျယ်ကြီး ၂ ချက်။ နောက်ပေါက်ကွဲသံ ခပ်သေးသေး ၁ ချက် ကြားရတယ်" ဟု တပ်ကြီးကုန်းကျေးရွာမှ ပြည်သူတစ်ဦးက ပြောဆိုသည်။

ရန်ကုန်အခြေစိုက် တော်လှန်ရေး သတင်းရင်းမြစ်တချို့ကလည်း မှော်ဘီလေ တပ်ကို ရှော့တိုက်ဒုံး ၄ လုံးဖြင့် ပစ်ခတ်တိုက်ခိုက်မှုဖြစ်ပွားခဲ့ကြောင်း အတည် ပြုပြောဆိုကြသည်။

အလားတူ ရန်ကုန်မြို့၊ မြောက်ဥက္ကလာမြို့နယ်၊ အဝိုင်းကြီးရှိ EPC ရုံး၌ စောင့်နေသော အကြမ်းဖက်စစ် ကောင် စီတပ်သားများကို လက်ပစ်ဗုံး ၂ လုံးဖြင့်ဖောက်ခွဲတိုက်ခွဲတိုက်ခိုက်ခဲ့ကြောင်း မြောက်ဥက္ကလာပမြို့ နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောကြားသည်။

ယမန်နေ့ နိုဝင်ဘာလ ၈ ရက်နေ့ ည ၇ နာရီခန့်အချိန် မြောက်ဥက္ကလာမြို့နယ်၊ အဝိုင်းကြီးရှိ EPC ရုံးတွင် အစောင့် ချထားသော အကြမ်းဖက်စစ်တပ်ကို ပြင်းအားမြင့် လက်ပစ်ဗုံး ၂ လုံးဖြင့် ပစ်ခတ်ဖောက်ခွဲတိုက် ခိုက်ခဲ့ရာ ထိရောက်စွာပေါက်ကွဲခဲ့ပြီး အကြမ်းဖက်စစ်ကောင်စီတပ်သား ထိခိုက်သေဆုံးမှုကို စုံစမ်း နေဆဲဖြစ်ကြောင်း သိရသည်။

“မိုင်းခွဲပြီးတော့ EP ရုံးနားမှာ ရဲခွေး၊ စစ်ခွေးတွေ အများကြီးရောက်နေတယ်။ လက်ရှိတော့ ခွေးတွေ ပြုံနေပြီ။ ခွဲပြီးမကြာဘူး စစ်ခွေးတွေထွက်လာပြီး မိုက်မိုက်ရိုင်းရိုင်းဆဲဆိုနေတာကြားခဲ့ရတယ်။ ပေါက်ကွဲမှုကလည်း အတော်ပြင်းတယ်။ မရမ်းကုန်းဘက်က အထိပါတယ်ကြားရတယ်လို့ သိရပါ တယ်” ဟု မြောက်ဥက္ကလာပမြို့ နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးကပြောကြားသည်။

အဆိုပါ တိုက်ခိုက်မှုကို ပြည်သူကာကွယ်ရေး မြောက်ဥက္ကလာပမြို့နယ် (ပကဖ)နှင့် ပူးပေါင်း မဟာ မိတ် Yangon UG People Army တို့ ပူးပေါင်းကာ ပြုလုပ်ခဲ့ခြင်းဖြစ်ပြီး ပြည်သူ့ကာကွယ်ရေး မြို့ပြ ပြောက်ကျား တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

ဓာတ်ပုံ- စစ်ကောင်စီ၏ လေတပ်စခန်းမှ တိုက်လေယာဉ်တစ်စီး။ (ပုံအဟောင်းဖြစ်ပါသည်။)

#Telegram Link
https://t.me/YPCFighter

#Yangon Police CDM Fighter
245
Yangon Police CDM Fighter

05 Nov, 08:05

ကန့်ဘလူ၊ ကာဘိုးရွာ အထိုင်စခန်းမှ စစ်ကောင်စီ တပ်သားများက အနီးအနားကျေးရွာများမှ ပြည်သူ ၁၀၀ နီးပါးကို ပေါ်တာဆွဲ ဖမ်းဆီး

၂၀၂၄ ။ နိုဝင်ဘာလ ၅ ရက်

စစ်ကိုင်းတိုင်း၊ ကန့်ဘလူမြို့နယ်၊ ကာဘိုးရွာ အထိုင်စခန်းမှ အကြမ်းဖက် စစ်ကောင်စီ တပ်သားများက အနီးအနားကျေးရွာများမှ ပြည်သူ ၁၀၀ နီးပါးကို ပေါ်တာဆွဲ ဖမ်းဆီးခဲ့ကြောင်း ဒေသတွင်း စစ်ရေးသတင်းရင်းမြစ်များက ပြောဆိုသည်။

အောက်တိုဘာလ ၃၀ ရက်နေ့မှ စတင်၍ ကာဘိုးရွာ အထိုင်စခန်းမှ အကြမ်းဖက် စစ်ကောင်စီ တပ်သားများသည် ကျီစုရွာ၊ ကျောက်တိုင်ရွာနှင့် အိုင်ပေါင်းချာရွာတို့ကို ဝင်ရောက် စီးနင်းခဲ့ပြီး ကျီစုရွာနှင့် ကျောက်တိုင်ရွာမှ နေအိမ် ၇၀၀ ခန့်ကို မီးရှို့ဖျက်ဆီးခဲ့ကြောင်း သိရသည်။

ယင်း အကြမ်းဖက် စစ်တပ် စစ်ကြောင်းသည် အိုင်ပေါင်းရွာမှ အရပ်သား ပြည်သူ ၃၇ ဦးကို ပေါ်တာဆွဲ ဖမ်းဆီးခဲ့ကြောင်း၊ နိုဝင်ဘာ ၁ ရက်နေ့တွင် ဝက်တိုး (တ) ရွာကို ထပ်မံ ဝင်ရောက် စီးနင်းခဲ့ပြီး နေအိမ် ၁၀၀ နီးပါးကို မီးရှိ့ဖျက်ဆီးကာ ပြည်သူ ၅ ဦးကို ထပ်မံ ပေါ်တာဆွဲ ဖမ်းဆီးခဲ့ကြောင်း သိရှိရသည်။

ယမန်နေ့ နိုဝင်ဘာလ ၄ ရက်နေ့ နံနက် ၁၀ နာရီ ၁၅ မိနစ်ခန့်တွင်လည်း ကာဘိုး ပျူစောထီး အထိုင်စခန်းမှ ကား ၃ စီးဖြင့် ထွက်လာသော အကြမ်းဖက် စစ်ကောင်စီ တပ်သားများသည် ဘူးကြီးရွာကို ထပ်မံဝင်ရောက် စီးနင်းခဲ့ပြီး ကျေးရွာအတွင်း ပိတ်မိနေသည့် အရပ်သား ပြည်သူ ၅၀ ကျော်ကို ပေါ်တာဆွဲ ဖမ်းဆီးခဲ့ကြောင်း သိရသည်။

"စစ်ခွေးတွေက ပေါ်တာဆွဲ ဖမ်းဆီးနေတာပါ။ ကန့်ဘလူနယ် ကာဘိုးကနေ ကားကြီးတွေနဲ့ ထွက်လာသော စစ်ခွေးတွေက မနေ့က ကျီစုရွာနဲ့ ညောင်ပင်ဆိပ်ရွာက ပြည်သူများကို လိုက်လံဖမ်းဆီးတာတွေလည်း လုပ်ဆောင်ခဲ့ပါတယ်။ ထန်းကုန်းကနေ ထွက်လာတဲ့ စစ်ခွေးကား ၇ စီးက ညောင်ပင်ဆိပ်ရောက်ရှိနေတယ်။ ဘူကြီးရွာက ပြည်သူတွေကိုလည်း တင့်ကားတပ်ရင်း ၆၀၀၆ ကို ဖမ်းဆီး ခေါ်ဆောင်သွားတယ်။ တစ်ယောက်မှ ပြန်မလွတ်သေးဘူး" ဟု ဒေသတွင်း စစ်ရေး သတင်းရင်းမြစ်က ပြောဆိုသည်။

အဆိုပါ အကြမ်းဖက် စစ်တပ် စစ်ကြောင်းသည် ၆ ရက်တာအတွင်း ကျေးရွာ ၃ ရွာမှ ပြည်သူပိုင် နေအိမ် ၈၀၀ နီးပါးကို မီးရှို့ဖျက်ဆီးခဲ့ပြီး အရပ်သား ပြည်သူ ၁၀၀ နီးပါးကို ပေါ်တာဆွဲဖမ်းဆီးကာ ၆၀၀၆ တင့်ကားတပ်ရင်းထဲတွင် လက်ရှိချိန်ထိ ဖမ်းဆီးထားကြောင်း သိရသည်။

#Telegram Link
https://t.me/YPCFighter

#Yangon Police CDM Fighter
297
Yangon Police CDM Fighter

05 Nov, 08:04

အာဏာသိမ်း​ခေါင်း​ဆောင်တရုတ်သွား​သော​နေ့တွင် ​နေပြည်​တော်အေလာလေဆိပ်မိုင်းပေါက်ကွဲ

၂၀၂၄ ။ နိုဝင်ဘာလ ၅ ရက်

အာဏာသိမ်းစစ်ခေါင်းဆောင်စီးနင်း​သော​ လေ
ယာဥ် တရုတ်သို့ထွက်ခွာပြီး ၂ နာရီခန့်အကြာ နေပြည်တော် အေလာလေဆိပ်၌ လက်လုပ်မိုင်းပေါက်ကွဲခဲ့​ကြောင်း စုံစမ်းသိရသည်။

​လေဆိပ်မိုင်း​ပေါက်ကွဲမှုသည်စစ်ခေါင်းဆောင်အားလုပ်ကြံမှုဟု စစ်တပ်အသိုင်းအဝိုင်းနှင့် ရဲတပ်
ဖွဲ့က သုံးသပ်နေကြသည်။

"တပ်ချုပ်လေယာဉ်ထွက်ပြီး နည်းနည်းကြာတော့ ပေါက်ကွဲသံကြားတာပဲ။ ဒါက တပ်ချုပ်လုပ်ကြံမှုကြီးလားလို့ ရှော့ခ်ဖြစ်ကုန်ကြတယ်။ စရဖရော စစ်တပ်ရော ရဲတွေရော အကုန်လုံး ခေါင်းမီး
တောက်နေပြီ" ဟု အေလာလေဆိပ်နှင့် နီးစပ်သူတစ်ဦးကပြောသည်။

အေလာလေယာဉ်ကွင်းပြေးလမ်း နှင့် ကားလမ်း
ကြားတွင် ယနေ့(နိုဝင်ဘာ ၅ ရက်)နံနက်၈နာရီ ၂၀မိနစ်ဝန်းကျင်တွင် လက်လုပ်မိုင်းဖောက်ကွဲခဲ့ခြင်းဖြစ်​ကြောင်းသိရသည်။

အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်သည် ယနေ့ နံနက် ၆ နာရီ ၃၀ မိနစ်တွင် MAI၏ အထူးလေယာဉ် Airbus 319 -XYALK ဖြင့် တရုတ်နိုင်ငံ၊ ကူမင်းမြို့သို့ ထွက်ခွာသွားခြင်းဖြစ်သည်။

" မနေ့ကတည်းက လေယာဉ်ကွင်းကို စစ်တပ်က လုံခြုံရေးယူခဲ့တာ။ အခု ပေါက်ကွဲတာက လက်
လုပ်မိုင်းဖြစ်တယ်။ ဒီလေယာဉ်ကွင်းကို သာမန်အချိန်တောင် အပြင်လူဝင်ဖို့မလွယ်ဘူးလေ။တပ်ချုပ်ခရီးစဉ်ရှိတဲ့နေ့ကျမှဖြစ်တာ။ ကျနော်တို့အ
ဆင့်တွေ လိုက်မမီနိုင်တော့ဘူး" ဟု အေလာလေဆိပ်နှင့် နီးစပ်သူကဆက်​ပြောသည်။

စစ်အုပ်စုသည် အေလာလေဆိပ်အတွင်းဝန်ထမ်းများကို ဖမ်းဆီးစစ်ဆေးနေပြီး လေဆိပ်ပတ်ဝန်း
ကျင်တွင်လည်း ကားများဖြင့် ကင်းလှည့်နေကြောင်း စုံစမ်းသိရသည်။

အဆိုပါပေါက်ကွဲမှုသည် အာဏာသိမ်းစစ်ခေါင်း
ဆောင်အား လုပ်ကြံမှုဖြစ်ကြောင်း ​လေဆိပ်မိုင်းကွဲမှုသတင်းကိုပထမဆုံး​ရေးသား​ဖော်ပြခဲ့​သောစစ်​ကောင်စီ​လော်ဘီ ကြီးအာပလာ (KRPL)တယ်လီဂရန်ကလည်း ရေးသားထားသည်။

အာဏာသိမ်း​ခေါင်း​ဆောင်ဗိုလ်ချုပ်မှူးကြီးမင်းအောင်လှိုင်သည် တရုတ်၏ ဖိတ်ကြားချက်အရ နိုဝင် ဘာလ ၆ ရက်နေ့မှ နိုဝင်ဘာလ ၇ ရက်နေ့ အထိ ကူမင်းတွင် ကျင်းပမည့် မဲခေါင်နိုင်ငံများ အစည်း အဝေး သို့တက်ရောက်မည်ဖြစ်သည်။နိုဝင်ဘာလ ၁၀ ရက်နေ့ ညနေပိုင်းတွင် နေပြည်
တော်သို့ ပြန်ရောက်မည်ဟုသိရသည်။ယနေ့ထွက်ခွာသွားသည့်၎င်း၏တရုတ်ခရီးစဉ်ကို စစ်ကောင်စီဒုတိယခေါင်းဆောင်လည်း လေဆိပ်သို့ လိုက်လံနှုတ်ဆက်သည်ကိုတွေ့ရသည်။

စစ်ခေါင်းဆောင်သည် ၂၀၂၂ နောက်ပိုင်း ပထမဆုံးပြည်ပခရီးစဉ်သွားရောက်ခွင့်ရခြင်းဖြစ်ပြီး ၎င်းမရှိချိန် တပ်တွင်းအာဏာသိမ်းမှုဖြစ်လာနိုင်ခြေရှိကြောင်းလည်း နိုင်ငံရေးအသိုင်းအဝိုင်းတွင် မှန်းဆပြောဆိုခြင်းအချို့ရှိနေသည်။

(အာဏာသိမ်း​ခေါင်း​ဆောင်ကို ဒုအာဏာသိမ်း​ခေါင်း​ဆောင်က ​နေပြည်​တော်​လေဆိပ်တွင် လိုက်ပို့စဥ်။ဓါတ်ပုံ-စစ်​ကောင်စီ )

#Telegram Link
https://t.me/YPCFighter

#Yangon Police CDM Fighter
164
Yangon Police CDM Fighter

05 Nov, 08:04

စစ်ခေါင်းဆောင်မင်းအောင်လှိုင် တရုတ်သွားသည့်နေ့တွင် စစ်တပ်က မြို့ရွာများ လေကြောင်းတိုက်ခိုက်နေ

၂၀၂၄ ။ နိုဝင်ဘာလ ၅ ရက်

အာဏာသိမ်းစစ်ခေါင်းဆောင်မင်းအောင်လှိုင် တရုတ်နိုင်ငံသို့ သွားသည့်နေ့တွင် စစ်တပ်က ယနေ့(နိုဝင်ဘာ ၅ရက်)နံနက်အစောပိုင်းတွင် လားရှိုးနှင့် မင်းတပ်မြို့အပါအဝင် အခြားဒေသများအား လေကြောင်းမှ ဗုံးကြဲတိုက်ခိုက်နေကြောင်း အဆိုပါမြို့ဒေသခံများက ပြောသည်။

‌နေပြည်တော် အေလာလေတပ်မှတက်လာသည့် ဂျက်ဖိုက်တာသည် ယနေ့ နံနက်စော နံနက် ၁နာရီ ၄၂ မိနစ်နှင့် ၁နာရီ ၄၇မိနစ်တွင် ဗုံးလေးလုံးကြဲပြီး ပွိုင့်ဖိုက်စက်သေနတ်ဖြင့်ပါ ပစ်ခတ်သွားသည်ဟု မင်းတပ်မြို့နယ်တွင်းအခြေအနေများကို ဖော်ပြပေးနေသည့် ကိုဟာကလေးက လူမှုကွန်ရက်မှတဆင့် အသိပေးထားသည်။

စစ်ကောင်စီသည် မင်းတပ်မြို့ပေါ်ရှိ နေအိမ်အချို့ကို ယမန်နေ့ကလည်း မီးရှို့ဖျက်ဆီးခဲ့သေးသည်။ စစ်ကောင်စီ၏ ‌ လေကြောင်းအန္တရာယ်ကိုရော မြေပြင်စစ်ကြောင်းကိုပါ သတိပြုရန် မင်းတပ်မြို့နယ် ပြည်သူ့ကာကွယ်ရေးအဖွဲ့(CDF-Mindat) က သတိပေးထားသည်။

" မြို့တောင်ပိုင်းကို ပစ်တာ။ စက်သေနတ်နဲ့ပါ ပတ်ပစ်သွားတာ။ လက်ရှိ သိသလောက်ကတော့ အထိအခိုက်မရှိဘူးပေါ့လေ။ ဒါပေမယ့် မြေပြင်ကို သွားကြည့်ဖို့တော့ မရတော့ အထိအခိုက်ကို ဘာမှန်းမသိရသေးဘူး"ဟု မင်းဒေသခံတစ်ဦးက ပြောသည်။

စစ်ကောင်စီသည် ပြီးခဲ့သည့် အောက်တိုဘာအတွင်း လေကြောင်းမှ ၇၇ကြိမ်တိုက်ခိုက်ခဲ့ပြီး နေအိမ် ၄၀ နီးပါးကို မီးရှို့ဖျက်ဆီးခဲ့သည်ဟု CDF-Mindatက နိုဝင်ဘာ ၁ရက်တွင် ထုတ်ပြန်ထားသည်။

" တစ်လအတွင်း ၇၇ကြိမ်။ တစ်နေ့ ၂ကြိမ်မကဘူး ပစ်တာ။ လေကြောင်းအန္တရာယ်ကို ဒေသခံတွေအတွက် ပိုပြီးတော့ကို သတိထားဖို့ လိုအပ်တယ်" ဟု ချင်းကာကွယ်ရေးရဲဘော်တစ်ဦးက ပြောသည်။

ထို့အပြင် ကိုးကန့်တပ်မတော်(MNDAA) ထိန်းချုပ်ထားသည့် လားရှိုးမြို့၊ တအာင်းတပ်မတော် (TNLA) ထိန်းချုပ်ထားသည့် နောင်ချိုမြို့နှင့် ကချင်လွတ်လပ်ရေးတပ်မတော်(KIA)နှင့် တိုက်ပွဲများဖြစ်ပွားနေသည့် မိုးမောက် - ဗန်းမော်ကြားကို လေကြောင်းတိုက်ခိုက်မှုထပ်မံပြုလုပ်ခဲ့ကြောင်း သတင်းရင်းမြစ်အချို့က ပြောသည်။

ယနေ့ (နိုဝင်ဘာ ၅ရက်) နံနက်အစောတွင် လားရှိုးမြို့ကို လေကြောင်း ဗုံးကြဲတိုက်ခိုက်ခဲ့ဟု ရှမ်းမြောက် စစ်ရေး၊ နိုင်ငံရေးလေ့လာသူ ဦးဇော်ဆန်က ပြောသည်။

လားရှိုးမြို့ဒေသခံ မနော်ဖောကလည်း စစ်ကောင်စီတပ်သည် နံနက်စော ၁၂နာရီ ၄၄မိနစ်နှင့် ၁၂နာရီ ၄၉ မိနစ်တွင် လားရှိုးမြို့ကို လေကြောင်း တိုက်ခိုက်ခံခဲ့ရသည်ဟု အသိပေးထားသည်။ တည်နေရာကို စုံစမ်းဆဲဖြစ်ပြီး ဒေသသတင်းရင်းမြစ်အချို့က လားရှိုးမြို့ မယ်ဟန်ဘက်၌ တိုက်ခိုက်ခံရသည်ဟု အသိပေးထားသည်။

“မနေ့က ညနေပိုင်း ၂နာရီ ၄၀ ဝန်းကျင်မှာလည်း နောင်ချိုမြို့နယ်ကို စစ်ကောင်စီက လေကြောင်း တိုက်ခိုက်မှု ပြုလုပ်ခဲ့တယ်လို့ ဒေသခံတစ်ဦး ပြောကြားထားတာရှိပါတယ်။ လောလောဆယ်ရှမ်းမြောက်မှာ စစ်ကောင်စီက TNLA နဲ့ MNDAA ထိန်းချုပ်ထားတဲ့နေရာတွေ အဓိက လေကြောင်း တိုက်ခိုက်မှု ပိုမိုလုပ်ဆောင်လာနေပါတယ်။ စစ်ကောင်စီရဲ့ လေကြောင်း တိုက်ခိုက်မှုကြောင့် ရှမ်းမြောက် အထူးသဖြင့် နောင်ချို၊ လားရှိုး၊ သိန္နီ၊ လောက်ကိုင် ၊နမ့်ခမ်း ဒေသတွေမှာရှိတဲ့ အရပ်သား ပြည်သူလူထုတွေ ထိခိုက်နစ်နာသေဆုံးမှု တော်တော်များသွားပါပြီ”ဟု ရှမ်းမြောက်စစ်ရေးသတင်းရင်းမြစ်က ပြောသည်။

ထို့အပြင် ကချင်ပြည်နယ် မိုးမောက် - ဗန်းမော်ကြား ၇မိုင် အောင်မြေရွာအနီးဝန်းကျင်ကိုလည်း စစ်ကောင်စီက ယမန်နေ့ နိုဝင်ဘာ ၄ရက်ည ၉နာရီခွဲတွင် လေကြောင်းတိုက်ခိုက်ခဲ့ဟု ကချင်စစ်ရေးသတင်းရင်းမြစ်က ပြောသည်။

အဆိုပါနေရာတွင် KIAနှင့် စစ်ကောင်စီအကြား တိုက်ပွဲများ ဆက်တိုက်ဖြစ်ပွားနေခြင်းဖြစ်ပြီး စစ်ကောင်စီက ၎င်းတို့ လက်လွှတ်ထားရသည့် မိုးမောက် ခမရ(၄၃၇) ပြန်သိမ်းပိုက်နိုင်ရေး လေကြောင်း ပစ်ကူရယူပြီး ထိုးစစ်ဆင်နေခြင်းဖြစ်သည်။

“ထိခိုက်သေဆုံးမှုရှိမရှိတော့ အခုအချိန်ထိ ဘာမှ သတင်းမရသေးပါဘူး”ဟု ကချင်စစ်ရေးသတင်းရင်းမြစ်က ပြောသည်။

အာဏာသိမ်းစစ်ခေါင်းဆောင်မင်းအောင်လှိုင်သည် ယနေ့ နံနက် ၆ နာရီ ၃၀မိနစ်တွင် MAI၏ အထူးလေယာဉ် Airbus 319 -XYALK ဖြင့် တရုတ်နိုင်ငံ၊ ကူမင်းမြို့သို့ ထွက်ခွာသွားသည်။

စစ်​ခေါင်း​ဆောင်မင်းအောင်လှိုင်သည် တရုတ်၏ ဖိတ်ကြားချက်အရ နိုဝင်ဘာ ၆ ရက်မှ နိုဝင်ဘာ ၇ ရက်အထိ ကူမင်းတွင်ကျင်းပမည့် မဲခေါင်နိုင်ငံများ အစည်းအဝေးသို့တက်ရောက်မည်ဖြစ်သည်။ နိုဝင်ဘာ ၁၀ ရက် ညနေပိုင်းတွင် နေပြည်တော်သို့ ပြန်ရောက်မည်ဟုသိရသည်။

(ယနေ့နံနက်က လားရှိုးမြို့ လေကြောင်းတိုက်ခိုက်မှုကြောင့် ပျက်စီးမှုများ။ ဓာတ်ပုံ - CJ)

#Telegram Link
https://t.me/YPCFighter

#Yangon Police CDM Fighter
165
Yangon Police CDM Fighter

04 Nov, 08:00

ဝက်လက်မြို့နယ်၊ ရွာသာကြီးရွာအတွင်း တပ်စွဲထားသော စစ်တပ်ကို တိုက်ခိုက်မှု စစ်သား ၃ ဦး သေဆုံး၊ ဂန့်ဂေါတွင် တိုက်ပွဲဖြစ်ပြီး ပျူစောထီး ၄ ဦးသေဆုံး

၂၀၂၄ ။ နိုဝင်ဘာလ ၄ ရက်

စစ်ကိုင်းတိုင်း၊ ဝက်လက်မြို့နယ်၊ ရွာသာကြီးရွာအတွင်း တပ်စွဲထားသော အကြမ်းဖက်စစ်တပ် ကို တိုက်ခိုက်ခဲ့ရာ စစ်သား ၃ ဦးသေဆုံးခဲ့ကြောင်း ကြောင်လက်သည်း LPDF တပ်ဖွဲ့မှ တာဝန်ရှိသူ တစ်ဦးက ပြောကြားသည်။

ယမန်နေ့ နိုဝင်ဘာလ ၃ ရက် ညနေ ၅ နာရီ ၄၅ မိနစ်အချိန်က ဝက်လက်မြို့နယ်၊ ရွာသာကြီးကျေး ရွာအတွင်း အထိုင်ချတပ်စွဲထား‌သော အကြမ်းဖက်စစ်သားများက ရွာတော်ဘက်အထွက် လေး လမ်းဆုံနှင့် မီတာ ၂၅၀ အကွာ အဝေးရှိ တံခါးပေါက်အား ပိတ်ရန် လာရောက်စဉ် ပြည်သူ့ကာကွယ် ရေးတပ်ဖွဲ့ဝင်များက ကင်းပုန်းဝပ်စောင့်ဆိုင်း ပစ်ခတ်တိုက်ခိုက်ခဲ့ရာ တံခါးပိတ်ရန် လာရောက်သည့် စစ်သားများအနက် ၃ ဦးသေဆုံးသွားကြောင်း သိရသည်။

“အပြန်အလှန် တိုက်ပွဲဖြစ်ခဲ့တာ ၁ နာရီလောက်ကြာခဲ့တယ်၊ ကျနော်တို့က ကင်းပုန်းယူပြီး တံခါး လာပိတ်တဲ့ ၂ ဦးကို အရင်ဆုံးဖြုတ်လိုက်တာ၊ နောက်တိုး ၅ ဦးလည်း ပြေးပြေးလွှာလွှားဖြစ်သွားပြီး တော့ တစ်ဦးထပ်သေတာ၊ သူတို့မှာ ၄၀ မမ၊ ၆၀ မမပါတယ်။ ပြီးတော့ ၃ ထပ်တိုက်ပေါ်ကနေလည်း ငါးကြင်းနဲ့ ကုတ်တယ်။ ကျနော်တို့ဘက်ကလည်း အင်အား ၇၀ လောက်နဲ့သွားတာ။ ငါကြင်းသမား ကို ၂၀ လောက်ဖိပြီးတော့ ကျန်တဲ့သူတွေက နောက်တိုးထပ်လာမယ့်သူတွေကို ထောက်ထားတာ၊” ဟု ကြောင်လက်သည်း LPDF တပ်ဖွဲ့မှ တာဝန်ရှိသူတစ်ဦးက ပြောကြားသည်။

အဆိုပါ တိုက်ခိုက်မှုကို ရွာသာကြီးတိုက်နယ် ကြောင်လက်သည်း ဦးဆောင်သောအဖွဲ့နှင့် မဟာမိတ် အဖွဲ့များဖြစ်သည့် မီးတောက် Local pdf ၊ တွေ့မရှောင် Local အဖွဲတို့ ပူးပေါင်းကာ တိုက်ခိုက်ခဲ့ခြင်း ဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။

အလားတူ မကွေးတိုင်း၊ ယောဒေသ၊ ဂန့်ဂေါမြို့နယ်မြောက်ပိုင်းတွင် နိုဝင်ဘာလ ၁ ရက်နေ့ မြောက်ခင်ရန်းပျူစောထီးကျေးရွာမှ တောင်ခင်ရန်းကျေးရွာဘက်သို့ စစ်ကြောင်းထိုးလာသည့် စစ်ကောင်စီ၊ပျူစောထီးပူးပေါင်းစစ်ကြောင်းနှင့် ဒေသခံကာကွယ်ရေးတပ်ဖွဲ့များအကြား တိုက်ပွဲဖြစ်ပွားပြီး ပျူစောထီး ၄ ယောက်သေဆုံးကာ ၁၀ ဦးကျော်ထိခိုက်ဒဏ်ရာရရှိခဲ့ကြောင်း ယောဒေသတော်လှန်ရေးသတင်းရင်းမြစ်က ပြောဆိုသည်။

"တိုက်ပွဲဖြစ်တဲ့နေ့က ၂ ယောက်သေတယ်။ နောက်တစ်နေ့ သူတို့ဆေးရုံမှာ နှစ်ယောက်ထပ်သေတယ်ဗျ။ သေတဲ့သူတွေက မြောက်ခင်ရန်းနဲ့ ကုက္ကားရွာက ပျူစောထီးတွေပါ" ဟု ဂန့်ဂေါမြို့နယ် မြောက်ပိုင်း ပြည်သူ့ကာကွယ်ရေး တပ်ဖွဲ့ဝင်တစ်ဦးက ပြောဆိုသည်။

https://www.facebook.com/share/p/u7cgDyMCx3UCY4Jk/

#Telegram Link
https://t.me/YPCFighter

#Yangon Police CDM Fighter
365
Yangon Police CDM Fighter

04 Nov, 07:07

လှိုင်သာယာတွင် မိထ္တီလာရှမ်းတဲလေတပ်မှ ဗိုလ်မှူး မျိုးလွင် မိသားစုပိုင် ကံ့ ကော် မြိုင် ဂတ်စ်မီးဖိုဆိုင်ကို ဗုံးခွဲတိုက်ခိုက်မှု ဆယ်အိမ်မှူး ၁ ဦးသေဆုံးပြီး ရာအိမ်မှူးနှင့် စစ်အရာရှိ၏ ညီဖြစ်သူတို့ ဒဏ်ရာရ၊ ကား ၂ စီး မီးလောင် ပျက်စီး

🟥 စစ်ကောင်စီ လေတပ်က ပြည်သူများကို တိုက်ခိုက်မှု မရပ်လျှင် လေတပ်ဖွဲ့ဝင်များကို ပြင်းပြင်းထန်ထန် တိုက်ခိုက်မည်ဟု သတိပေး

၂၀၂၄ ။ နိုဝင်ဘာလ ၄ ရက်

ရန်ကုန်တိုင်း၊ လှိုင်သာယာမြို့နယ်တွင် မိထ္တီလာရှမ်းတဲလေတပ်မှ ဗိုလ်မှူး မျိုးလွင် မိသားစုပိုင် ကံ့ကော်မြိုင် ဂတ်စ်မီးဖိုဆိုင်ကို ဗုံးခွဲတိုက်ခိုက်ခဲ့ရာ ဆယ်အိမ်မှူး ၁ ဦးသေဆုံးပြီး ရာအိမ်မှူးနှင့် စစ်အရာရှိ၏ ညီဖြစ်သူတို့ ဒဏ်ရာရရှိကြောင်း ရန်ကုန်မြို့ပြပြောက်ကျားအဖွဲ့တစ်ခုမှ တာဝန်ရှိသူတစ်ဦးက ပြောဆိုသည်။

ယမန်နေ့ နိုဝင်ဘာလ ၃ ရက်နေ့ နံနက် ၆ နာရီအချိန် လှိုင်သာယာအ​နောက်ပိုင်းမြို့နယ်၊ အပြင်ပဒံကျေးရွာ၊ အ​နော်ရထာလမ်း​ပေါ် ရှိ မိတ္တီလာရှမ်းတဲလေတပ်မှ ဗိုလ်မှူးမျိုးလွင် မိသားစုပိုင် ကံကော်မြိုင် ဂတ်စ်မီးဖိုဆိုင်ကို ဗုံးခွဲတိုက်ခိုက်ခဲ့ကြောင်း၊ ထိုသို့ ဗုံးခွဲတိုက်ခိုက်မှုကြောင့် ဆယ်အိမ်မှူး ၁ ဦးသေဆုံးပြီး ရာအိမ်မှူးနှင့် စစ်အရာရှိ၏ ညီဖြစ်သူတို့ ပြင်းထန်စွာ ဒဏ်ရာရရှိကြောင်း၊ ကား ၂ စီးလည်း မီးလောင်ပျက်စီးသွားကြောင်း သိရှိရသည်။

"ကား ၂ စီးကလည်း အဲဒီဂတ်စ်မီးဖိုဆိုင်က ကားတွေပဲ။ လူသေတယ်လို့လည်းကြားပါတယ်။ ပေါက်ကွဲမှုဖြစ်ပြီး မီးလောင်တာလည်း မှန်တယ်။ မနေ့ မနက် ပေါက်ကွဲမှုဖြစ်ပြီးတော့ မီးလောင်တော့ မီးသတ်က လာငြိမ်းတယ်။ ပြီးတော့ တပ်နဲ့ရဲတွေ ရောက်လာပြီး ဆိုင်ပတ်ဝန်းကျင်မှာ ရှာကြတယ်။ လမ်းလည်း ပိတ်သွားသေးတယ်" ဟု ဒေသပြည်သူတစ်ဦးက ရှင်းပြသည်။

ဖက်ဆစ်လက်ပါးစေ လေတပ်က ပြည်သူများအပေါ် လူမဆန်စွာ ရက်စက်သတ်ဖြတ်နေမှုများအပေါ် ပြင်းထန်စွာ တုံ့ပြန်မည့် စဦး တိုက်ပွဲ ဖော်ဆောင်မှု ဖြစ်ကြောင်း၊ အဆိုပါတိုက်ခိုက်မှုကို အရပ်သားပြည်သူများ ထိခိုက်မည်ကို ငဲ့ကွက်၍ ကာလကြာရှည်ဆိုင်းငံ့ထားခဲ့ပြီး စစ်ကောင်စီ လေတပ်က ဆက်တိုက် ကျူးလွန်နေသော လူမဆန်သော လုပ်ရပ်များကြောင့် နောက်ဆုံးအနေဖြင့် ချိန်ဆ သတိပေး တိုက်ခိုက်ခဲ့ရခြင်းဖြစ်ကြောင်း သိရှိရသည်။

လက်ရှိ တိုက်ခိုက်လိုက်သော ကံ့ကော်မြိုင် ဂတ်စ်မီးဖိုဆိုင်သည် လေတပ်မှ ဗိုလ်မှူးမျိုးလွင် မိသားစုပိုင်ဆိုင်သော စီးပွားရေးဖြစ်ပြီး အဆိုပါ စီးပွားရေးလုပ်ငန်းများ ချက်ချင်းပိတ်သိမ်းရမည်ဖြစ် ကြောင်း၊ ယခုတိုက်ခိုက်မှုသည် ထိခိုက်မှု အနည်းဆုံး ပစ်မှတ်ကို ရွေးချယ်တိုက်ခိုက်ခြင်းဖြစ်ပြီး ထပ်မံတိုက်ခိုက်မှုများ ဆက်လက် အကောင်အထည်ဖော်သွားမည်ဖြစ်ကြောင်း၊ ဖက်ဆစ်လက်ပါးစေ လေတပ်ဖွဲ့ဝင်များအနေဖြင့် ပြည်သူများအပေါ် အကြမ်းဖက် ဗုံးကျဲနေမှုများကို ရပ်တန်းကရပ်ရန် ပြင်းပြင်းထန်ထန် သတိပေးကြောင်း၊ သတိပေးချက်ကို မလိုက်နာပါက ကိုယ့်ကြမ္မာကိုယ်ဖန်တီးခြင်း သာ ဖြစ်သည်ဟု ထပ်ဆင့် သတိပေးလိုကြောင်း ရန်ကုန်မြို့ပြပြောက်ကျား Mission R တာဝန်ရှိသူက ရှင်းပြသည်။

#Telegram Link
https://t.me/YPCFighter

#Yangon Police CDM Fighter
131
Yangon Police CDM Fighter

04 Nov, 06:54

ကျောက်တံခါးမြို့နယ်တိုက်ပွဲ စစ်ကောင်စီတပ် ၃ဦးသေ၊လက်နက်ခဲယမ်းအချို့ရရှိ

၂၀၂၄ ။ နိုဝင်ဘာလ ၄ ရက်

ပဲခူးတိုင်းဒေသကြီး၊ ကျောက်တံခါးမြို့နယ်၊ ဆင်ရိုးခင်ကျေးရွာတွင် တပ်စွဲထားသော စစ်ကောင်စီတပ်အား တိုက်ခိုက်ရာတွင် စစ်ကောင်စီတပ်က ၃ဦးသေဆုံးကာ လက်နက်ခဲယမ်းများ သိမ်းရခဲ့ကြောင်း အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန ၊ပြည်သူ့ကာကွယ်ရေးတပ်မတော် တောင်ပိုင်းစစ်ဒေသက သတင်းထုတ်ပြန်သည်။

အဆိုပါ စစ်ကောင်စီတပ်ဖွဲ့ကို တောင်ပိုင်းစစ်ဒေသ၊ အမှတ် ၂ စစ်ဒေသခွဲ၊ တပ်ရင်း ၃၇၀၂၊ အထူးကွန်မန်ဒိုတပ်ရင်း ရိုးမ ၂ စစ်ကြောင်းနှင့် KNLA တပ်ရင်း ၉ ပူးပေါင်းတပ်ဖွဲ့တို့က နိုဝင်ဘာ ၁ ရက်နေ့က ဝင်ရောက်တိုက်ခိုက်ခဲ့ခြင်းဖြစ်သည်ဟု နိုဝင်ဘာ ၄ ရက်တွင်ထုတ်ပြန်အသိပေးသည်။

တိုက်ပွဲတွင် စစ်ကောင်စီတပ်၏ G3 ၁ လက်၊ G3 ကျည် ၁၇၄ တောင့်၊ G3 ကျည်ဘောက် ၃ ခု၊ ကိုးလုံးကျည် (၂၉) တောင့် နှင့် အခြားလက်လုပ်သေနတ်များကို သိမ်းဆည်းရမိခဲ့သည်ဟုဓါတ်ပုံ
နှင့်တကွ​ဖော်ပြထားသည်။

အထိနာသည့် စစ်ကောင်စီတပ်သည် ဆင်ရိုးခင်ကျေးရွာထဲသို့ လက်နက်ကြီးများပစ်ခတ်ခဲ့ရာ ပြည်သူ ၂ ဦး ထိခိုက်ဒဏ်ရာရရှိခဲ့ဟု သိရသည်။

နိုဝင်ဘာ ၁ရက်နေ့ကလည်း တောင်ပိုင်းစစ်ဒေသ နယ်မြေရှိ ပဲခူးတိုင်း ကျောက်ကြီးမြို့နယ် ရွာကြီးအင်းကျေးရွာ၌လည်း တိုက်ပွဲဖြစ်ပွားခဲ့ရာ စစ်ကောင်စီတပ် အထိနာခဲ့သည်။

PDF/KNLA ပူးပေါင်းတပ်များ၏ တိုက်ခိုက်မှုကြောင့် ရွာကြီးအင်းရွာ တိုက်ပွဲ၌ စစ်ကောင်စီတပ်က ၁၀ဦး သေဆုံးကာ ၁၅ ဦး ဒဏ်ရာရရှိခဲ့သည်။ထိုတိုက်ပွဲတွင်စစ်ကောင်စီတပ်က လေကြောင်း ပစ်ကူပေးသော်လည်း တော်လှန်ရေး ပူးပေါင်းတပ်မှ ထိခိုက်မှုမရှိ ဆုတ်ခွာနိုင်ခဲ့ကြောင်း တောင်ပိုင်းစစ်ဒေသက ထုတ်ပြန်ထားသည်။

(စစ်​ကောင်စီတပ်ထံမှ သိမ်းဆည်းရရှိ​သောလက်
နက်ခဲယမ်းများ။ဓါတ်ပုံ-​တောင်ပိုင်းစစ်​ဒေသ)

#Telegram Link
https://t.me/YPCFighter

#Yangon Police CDM Fighter
107
Yangon Police CDM Fighter

03 Nov, 15:27

၂နှစ်ကျော်ကြာ ပိတ်ထားတဲ့ လှည်းတန်းလူကူးတံတားကို စစ်ကောင်စီပြန်ဖွင့်

၂၀၂၄ ။ နိုဝင်ဘာလ ၃ ရက်

လူငယ်တွေဆန္ဒပြတာကြောင့် လွန်ခဲ့တဲ့ ၂ နှစ်ကျော်ကတည်းကစစ်ကောင်စီက ပိတ်ထားခဲ့တဲ့ ရန်ကုန်မြို့ ၊ လှည်းတန်းလမ်းဆုံ လူကူးတံတားကို ဒီနေ့မှာ ပြန်ဖွင့်ထားတယ်လို့ မြို့ခံတစ်ဦးကပြောပါတယ်။

စစ်ကောင်စီက လှည်းတန်းလူကူးတံတားပေါ်မှာ လူငယ်တွေ အာဏာရှင်ဆန့်ကျင်ရေးစာတန်းချိတ်ဆွဲတဲ့ အကြောင်းပြချက်နဲ့ ၂၀၂၂ မေလ လောက်ကတည်းက ဖြတ်သန်းခွင့်မပေး‌ တော့တာပါ။

ဒါကြောင့် လှည်းတန်း ကားမှတ်တိုင်ကိုရောက်ဖို့ ခရီးသွားပြည်သူတွေ ဟာ လမ်းလယ်ကျွန်း မှာ ကာရံထားတဲ့ သံပန်းစည်းရိုး ဖွင့်ထားတဲ့နေရာတွေအထိ သွားရောက်ပြီးမှ လမ်းကူးနေရပါတယ်။

ကားရှုပ်ထွေးတဲ့ လှည်းတန်းလိုနေရာမှာ လူကူးတံတားကို အသုံးပြုခွင့်မပေးတာက ပြည်သူတွေအတွက် အန္တရာယ်များပေမယ့် စစ်ကောင်စီကတော့ ဒါကို လျစ်လျုရူပြီး ၂ နှစ်ကျော်ကြာ ပိတ်ပင်ခဲ့တာပါ။

လူကူးတံတားကိုအသုံးပြုခွင့်မပေးတာကြောင့် ပြီးခဲ့တဲ့ နှစ်မေလ ၆ ရက် က လှည်းတန်းလမ်းဆုံ မှာ လမ်းဖြတ်ကူးတဲ့ အမျိုးသမီး YBS ဘတ်စ်ကားတိုက်ခံရပြီး သေဆုံးခဲ့ရတဲ့ဖြစ်စဉ်ဖြစ်ခဲ့ပါတယ်။

ဒီနေ့တော့ လှည်းတန်းလူကူးတံတား ပြန်လည်ဖွင့်ထားတာ‌တွေ့ခဲ့ရပြီး အမှတ်တရ ဓာတ်ပုံရိုက်ကူးသူတွေလည်း ရှိတယ်လို့ မြို့ခံ တစ်ဦးကပြောပါတယ်။

ဓာတ်ပုံ​- CJ

#Telegram Link
https://t.me/YPCFighter

#Yangon Police CDM Fighter
15
Yangon Police CDM Fighter

03 Nov, 14:20

အုတ်ဖိုမြို့အနီးတွင် PDF တပ်ဖွဲ့များကို စိန်ခေါ်ပြီး လောင်းကစားဝိုင်း၌ ဒိုင်ကိုင်နေသည့် အုပ်ချုပ်ရေးမှူး အောင်မင်းထက် ပစ်ခတ်ခံရပြီး သေဆုံး၊ လက်ပစ်ဗုံး ၁ လုံး သိမ်းဆည်းရမိ

၂၀၂၄ ။ နိုဝင်ဘာလ ၃ ရက်

ပဲခူးတိုင်း၊ အုတ်ဖိုမြို့အနီးတွင် PDF တပ်ဖွဲ့များကို စိန်ခေါ်ပြီး လောင်းကစားဝိုင်း၌ ဒိုင်ကိုင်နေသည့် အုပ်ချုပ်ရေးမှူး အောင်မင်းထက် ကို ပစ်ခတ်တိုက်ခိုက်ရာ သေဆုံးခဲ့ကြောင်း သာယာဝတီခရိုင် တပ်ရင်း ၃၈၀၂ သတင်းနှင့် ပြန်ကြားရေးတာဝန်ခံ ရဲဘော်ဒူးယားက ပြောဆိုသည်။

နိုဝင်ဘာလ ၂ ရက်နေ့ မွန်းလွဲ ၃ နာရီခန့်တွင် အုတ်ဖိုမြို့အနီး၌ အရပ်ဝတ်ဖြင့် စစ်ကောင်စီ တပ်သားများ လုံခြုံရေးယူ၍ မတောင့်တကျေးရွာအုပ်စု အုပ်ချုပ်ရေးမှူး ပျူစောထီး ခေါင်းဆောင် အောင်မင်းထက် ဦးဆောင်ပြီး ပျူစောထီးများနှင့် အုပ်ချုပ်ရေးမှူးများ ဒိုင်ကိုင်နေသည့် လောင်းကစားဝိုင်းကို သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖို၏ ရဲဘော်များက ရှောင်တခင် ဝင်ရောက် တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှုအတွင်း အကြမ်းဖက် စစ်ကောင်စီ တပ်သားများနှင့် ကျန်ရှိသူများ ထွက်ပြေးလွတ်မြောက်သွားသော်လည်း အုပ်ချုပ်ရေးမှူး အောင်မင်းထက်၏ ဦးခေါင်းကို သေနတ်ကျည် ၁ ချက် ထိမှန်ပြီး သေဆုံးခဲ့ကြောင်း သိရသည်။

အုပ်ချုပ်ရေးမှူး အောင်မင်းထက်ထံမှ လက်ပစ်ဗုံး ၁ လုံး၊ ဓားမြောင် ၂ လက်၊ ငွေသား ၅၀၀၀၀ ကျပ်နှင့် ခါးပတ်အိတ် ၁ ခု တို့ သိမ်းဆည်းနိုင်ခဲ့ကြောင်း သိရှိရသည်။

အဆိုပါ သေဆုံးသွားသော အုပ်ချုပ်ရေးမှူး အောင်မင်းထက်သည် အမည်ဆိုးဖြင့် ကျော်ကြားသည့် စစ်ကောင်စီ ထောက်တိုင် အုပ်ချုပ်ရေးမှူးဟောင်း သက်တင်၏ တူအရင်းဖြစ်ပြီး PDF များအနေဖြင့် သတ္တိရှိပါက ၄င်းအား လာသတ်ကြဟု မိုက်ကြေးခွဲစိန်ခေါ်ခြင်း၊ ပြည်သူများအား အတင်းအကြပ် ခြိမ်းခြောက်၍ စစ်မှုထမ်းရန် လူစုပေးခြင်းနှင့် ငွေကြေးကောက်ခံခြင်း၊ စကစ၏ သန်းခေါင်စာရင်းကောက်ယူရာတွင် ဦးဆောင်ပါဝင်ခြင်း၊ စကစများထံ တော်​လှန်​ရေး ရဲ​ဘော်​များ၏ အချက်အလက်များ​အား ထောက်​လှမ်း​သတင်းပို့ခြင်း၊ ဒေသခံလူငယ်များအား စည်းရုံး၍ စစ်ကောင်စီလက်ကိုင်တုတ် ပျူစောထီးအဖွဲ့အား ဖွဲ့စည်းပြီး ပြည်သူများအား အမျိုးမျိုးဒုက္ခပေးနေသောကြောင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သာယာဝတီခရိုင် တပ်ရင်း ၃၈၀၂ သတင်းနှင့် ပြန်ကြားရေးတာဝန်ခံ ရဲဘော်ဒူးယားက ရှင်းပြသည်။

"အဲ့လူက PDFတွေကို စိန်ခေါ်နေတာကြာပြီ ကျွန်တော်တို့အနေနဲ့ အုတ်ဖိုမှာဆို ရန်ကုန်-ပြည်ကားလမ်း အနောက်ဘက်မှာ စစ်ဆင်ရေးလုပ်တာမရှိဘူး။ ပြည်သူတွေကိုသူက ကျွန်တော်တို့ အဲ့ဘက်မဆင်းနိုင်တာကို အခွင့်ကောင်းယူပြီး ဒုက္ခပေးနေတာကြာပြီ သူက ဒိုင်ကိုင်နေတာ လောင်းကစားဝိုင်းမှာ သူ့ကို PDF က လာသတ်ရဲရင်သတ် ရင်ကော့ပြီး ခံမယ်ဆိုပြီး စစ်ခွေး၊ ရဲခွေး အားကိုးနဲ့စိန်ခေါ်နေတာ သူကနယ်ထိန်းတွေကိုတောင် အိမ်ခေါ်ပြီး ပါးရိုက်တာ စစ်ခွေး ဗိုလ်ကြီးနဲ့သူကပိုင်တော့ ထင်တိုင်းကြဲနေတာ သူ့ကြောင့် အိမ်ချိတ်ပိတ်ခံရသူ ထွက်ပြေးနေရသူတွေမနည်းဘူး။ ရှေ့လျှောက် ပြည်သူကိုဒုက္ခပေးရင် ဘယ်နေရာမှာပဲဖြစ်ဖြစ် ရအောင်အရေးယူသွားမှာပါ" ဟု သာယာဝတီခရိုင် တပ်ရင်း ၃၈၀၂ သတင်းနှင့် ပြန်ကြားရေးတာဝန်ခံ ရဲဘော်ဒူးယားက ပြောဆိုသည်။

#Telegram Link
https://t.me/YPCFighter

#Yangon Police CDM Fighter
31
Yangon Police CDM Fighter

03 Nov, 14:20

ဖာပွန်မြို့နယ်၊ ခေါပုတ်စခန်းသိမ်းတိုက်ပွဲတွင် ဗိုလ်ကြီး ၃ ဦးအပါအဝင် စစ်သုံ့ပန်း ၁၇ ဦး ဖမ်းဆီးရရှိပြီး စစ်သား အလောင်း ၁၄ လောင်းရရှိ

၂၀၂၄ ။ နိုဝင်ဘာလ ၃ ရက်

ကရင်ပြည်နယ်၊ KNU တပ်မဟာ ၅ နယ်မြေ၊ ဖာပွန်မြို့နယ်၊ ခေါပုတ်စခန်းသိမ်းတိုက်ပွဲတွင် ဗိုလ်ကြီး ၃ ဦးအပါအဝင် စစ်သုံ့ပန်း ၁၇ ဦး ဖမ်းဆီးရရှိပြီး စစ်သား အလောင်း ၁၄ လောင်းရရှိကြောင်း ဗမာပြည်သူ့လွတ်မြောက်ရေးတပ်တော်(BPLA)က သတင်းထုတ်ပြန်သည်။

အောက်တိုဘာ ၂၉ ရက်နေ့တွင် ခေါပုတ်စခန်းကို သိမ်းပိုက်ရရှိခဲ့ပြီး နိုဝင်ဘာလ ၃ ရက်နေ့အထိ ခေါပုတ်စခန်းမှ စွန့်ခွန်သွားသော စစ်ကောင်စီတပ်ဖွဲ့ဝင်များကို လိုက်လံရှင်းလင်းခဲ့ကြောင်း၊ အဆိုပါ စခန်းစွန့်ခွာ ထွက်ပြေးသော စစ်ကောင်စီတပ်ဖွဲ့ဝင်များနှင့် ထိတွေ့တိုက်ပွဲဖြစ်ပွားရာတွင် အလောင်း ၁၄ လောင်း၊ တပ်ခွဲမှူးအဆင့် ဗိုလ်ကြီး ၃ ဦး အပါအဝင် စစ်သုံ့ပန်း ၁၇ ဦးကို လက်နက်ခဲယမ်းများနှင့်အရှင်ဖမ်းဆီးရရှိကြောင်း သိရှိရသည်။

အဆိုပါတိုက်ပွဲတွင် BPLAမှ ရဲဘော် ၁ ဦး မြင့်မြတ်စွာကျဆုံးခဲ့ရပြီး ထိခိုက်ဒဏ်ရာရသူတချိုလည်းရှိကြောင်း၊ ထိုသို့ အပြီးသတ်တိုက်ခိုက်သိမ်းပိုက်မှုအပြီးတွင် အကြမ်းဖက်စစ်ကောင်စီ၏ 60mm ၁၁ လက်၊ RPG-7 ၃ လက်၊ 81mm ၁ လက်၊ K-3 ၉ လက်၊ မြေမြှုပ်ဗုံးတစ်လုံး၊ တိုပီတို ၁၉ ထုပ်၊ 16-နင်းမိုင်း ၁၆ လုံး၊ 14-နင်းမိုင်း ၁၀ လုံး၊ တိုက်ဗုံး ၉ လုံး၊ ဆက်သွယ်ရေးစကားပြောစက်ကြီး ၂ လုံး၊ 60mmကျည် ၁၃ တောင့်နှင့် RPG-7ကျည်ဖူး
၅ တောင့် အသီးသီးသိမ်းဆည်းရမိကြောင်း KNU မူတြော်က သတင်းထုတ်ပြန်သည်။

အကြမ်းဖက်စစ်ရှုံးကောင်စီ၏ခေါပုတ်တပ်စခန်းသည် မဟာဗျူဟာအရအရေးပါသည့်စခန်းတစ်ခုဖြစ်ကာ ၁၉၉၂ ခုနှစ်တွင်လာရောက်တပ်စွဲထားပြီးသည့်အချိန်မှစ၍ ဒေသတွင်းရှိအပြစ်မဲ့ပြည်သူများအား ညှင်းပန်းနှိပ်စက်ခြင်း၊ အကြောင်းမဲ့ဖမ်းဆီးသတ်ဖြတ်ခြင်းနှင့် ပေါ်တာဆွဲခိုင်းစေခြင်းများ စဥ်ဆက်မပြတ်ပြုလုပ်နေသည့်တပ်စခန်းတစ်ခုဖြစ်ကြောင်း၊ အဆိုပါခေါပုပ်တပ်စခန်းတွင် စစ်တပ်မှ ၏လူအင်အား ၁၀၀ ကျော်ခန့်ရှိကြောင်း သိရှိရသည်။

#Telegram Link
https://t.me/YPCFighter

#Yangon Police CDM Fighter
28
Yangon Police CDM Fighter

02 Nov, 15:06

တရုတ် - မြန်မာနယ်စပ်ရှိ စစ်ကောင်စီတပ်စခန်းတစ်ခုကို KIAထပ်မံ သိမ်းပိုက်

၂၀၂၄ ။ နိုဝင်ဘာလ ၂ ရက်

တရုတ်-မြန်မာနယ်စပ်ရှိစစ်ကောင်စီ၏ခလရ
(၂၉၈)တပ်ရင်း​၏ တပ်စခန်းတစ်ခုကို ကချင်လွတ်လပ်ရေးတပ်မတော်(KIA)က ယနေ့
(နိုဝင်ဘာ ၂ ) တိုက်ခိုက်သိမ်းပိုက်ခဲ့ကြောင်း ကချင်စစ်ရေးသတင်းရင်းမြစ်အချို့က ပြော
သည်။

အဆိုပါ တပ်စခန်းသည် ကချင်ပြည်နယ် ဆော့လော်မြို့နယ်အတွင်းတည်ရှိပြီး နယ်စပ် မှတ်တိုင် ဘီပီ - ၇ ၌ တည်ရှိပြီး ယနေ့ (နိုဝင်ဘာ ၂ရက်) တွင် သိမ်းနိုင်ခဲ့ခြင်းဖြစ်သည်ဟု ဆိုသည်။

"ဒီဟာကတော့ KIA ရဲ့ တပ်မဟာ(၇) တရုတ် ပြည်နယ်စပ် (၇)မိုင်က စစ်တပ်တစ်ခုကို သိမ်းလိုက်တယ်တဲ့။ ဒီမနက်ပဲ။ ခလရ( ၂၉၈)တပ်ကို KIAက သိမ်းလိုက်တယ်တဲ့"ဟု စစ်ရေးသတင်းရင်းမြစ်က ပြောသည်။

အဆိုပါတပ်စခန်းကို ခလရ(၂၉၈) ဒုတပ်ရင်းမှူး ရှင်းသန့်အောင် ဦးစီးပြီး ယနေ့ မွန်းလွဲ ၁နာရီခန့်တွင်သိမ်းနိုင်ခဲ့ဟု အခြားစစ်ရေးသတင်းရင်းမြစ်တစ်ဦးကလည်း အသိပေးသည်။

KIA ပူးပေါင်းတပ်သည် ခလရ(၂၉၈)မှ ဗိုလ်ကြီး ကိုကိုအောင် ဦးစီးသည့် ချီဖွေမြို့နယ် လဂွေ စာသင်ကျောင်း စခန်းကုန်းကို နိုဝင်ဘာ ၁ရက် တွင် တိုက်ခိုက်သိမ်းပိုက်ခဲ့သည်ဟု ဆိုသည်။

KIAသည် အောက်တိုဘာ ၃၁ရက်ကလည်း ချီဖွေမြို့နယ် ဖီမောဒေသ ဂမ်ဂွန်ရွာအခြေစိုက် နယ်ခြားစောင့်တပ်(BGF)-၁၀၀၁ ဌာနချုပ်စခန်းကို တိုက်ခိုက်သိမ်းပိုက်ခဲ့သည်။ အဆိုပါတပ်ရင်းဌာနချုပ်သည် ဌာနချုပ်ဟောင်းဖြစ်ပြီး
ယင်းစခန်းမှ စစ်ကောင်စီလက်အောက်ခံတပ်ဖွဲ့များသည် နယ်စပ်ရှိ ထန်တုံ၊ ကန်ဖန်းဘက်စုပြီးခံစစ်ပြင်နေကြသည်ဟု စစ်ရေးသတင်းရင်းမြစ်က အသိပေးသည်။

စစ်ကောင်စီ လက်အောက်ခံတပ်များ စစ်ရေးပြင်ဆင်နေသည့်ဆိုသည့်နေရာသည် (၁၀၀၁) တပ်ရင်းဌာနချုပ်နှင့် ၁၀မိုင်ခန့် ကွာဝေးသည်ဟုလည်း စစ်ရေးသတင်းရင်းမြစ်က ပြောသည်။

KIAသည် စက်တင်ဘာလကုန်ပိုင်းမှစ၍ စစ်ကောင်စီ လက်အောက်ခံ ဦးဇခုန်တိန့်ယိန်း ဦးဆောင်သည့် ကချင်အထူးဒေသ(၁)နယ်မြေကို ထိုးစစ်ဆင်ခဲ့ရာ ချီဖွေ၊ ဆော့လော်၊ ပန်ဝါမြို့များကို သိမ်းပိုက်ထားပြီး စစ်ကောင်စီ ဗျူဟာစခန်း
တပ်စခန်း၊ BGF တပ်ရင်းဌာနချုပ် သုံးခုနှင့် တပ်စခန်းကြီးငယ်များစွာတို့ကို တစ်လခန့်အတွင်း သိမ်းပိုက်ထားနိုင်ခဲ့သည်။

(ကချင်လွတ်လပ်ရေးတပ်မတော်(KIA)မှ ရဲဘော်များအား တွေ့ရစဉ်။ ဓာတ်ပုံ - CJ)

#Telegram Link
https://t.me/YPCFighter

#Yangon Police CDM Fighter
188
Yangon Police CDM Fighter

02 Nov, 15:06

ပဲခူးတိုင်းတွင် ခြေလျင်တပ်ရင်းမှူး သင်တန်း တက်ရောက်ရန် ခရီးထွက်လာသည့် အမှတ် ၁၂ တပ်မတော်ဆေးရုံ မှ ပါရဂူ သမားတော် ဗိုလ်မှူး ထိန်တောက်ကို အရှင် ဖမ်းမိ

၂၀၂၄ ။ နိုဝင်ဘာလ ၂ ရက်

ပဲခူးတိုင်းတွင် ခြေလျင်တပ်ရင်းမှူး သင်တန်း တက်ရောက်ရန် ခရီးထွက်လာသည့် အမှတ် ၁၂ တပ်မတော်ဆေးရုံမှ ပါရဂူ သမားတော် ဗိုလ်မှူး ထိန်တောက်ကို အရှင် ဖမ်းဆီးရရှိခဲ့ကြောင်း ရန်ကုန်တိုင်းစစ်ဌာနမှ တာဝန်ရှိသူ တစ်ဦးက ပြောဆိုသည်။

အောက်တိုဘာလ ၃၁ ရက်နေ့တွင် အကြမ်းဖက် စစ်ကောင်စီ​၏ တပ်မတော်(ကြည်း)၊ တိုက်ခိုက်ရေးကျောင်း(သံတောင်ကြီး) သို့ ခြေလျင်တပ်ရင်းမှူးသင်တန်း တက်ရောက်ရန် အတွက် ခရီးထွက်လာသော တဆရ - ၁၂/၁၀၀ (ထားဝယ်) မှ ပါရဂူသမားတော် ဗိုလ်မှူး ထိန်တောက်ဆိုသူကို ၎င်း၏ မိသားစုဝင်များနှင့်အတူ ပဲခူးတိုင်းဒေသကြီးအတွင်း လမ်းပိုင်းတနေရာ၌ ရန်ကုန်တိုင်းစစ်ဌာန၊ တပ်ရင်း ၅၁၀၂ မှ လက်ရဖမ်းဆီးနိုင်ခဲ့ခြင်းဖြစ်ကြောင်း သိရသည်။

"သူကိုတော့ လက်ရှိမှာ စစ်သုံ့ပန်းမူဝါဒနဲ့ အညီ ထိန်းသိမ်းထားရှိပြီး စစ်ဆေးမှုတွေ လုပ်ဆောင်နေပါတယ်" ဟု ရန်ကုန်တိုင်းစစ်ဌာနမှ တာဝန်ရှိသူ တစ်ဦးက ပြောဆိုသည်။

အဆိုပါ ဖမ်းဆီးရမိသော ဗိုလ်မှူးကို ရန်ကုန်တိုင်းစစ်ဌာနမှ စစ်သုံ့ပန်းမူဝါဒနှင့်အညီ ထိန်းသိမ်းထားရှိပြီး မိသားစုဝင်များကိုလည်း လူအခွင့်အရေး အပြည့်အဝရရှိစေရန် ဆောင်ရွက်ထားရှိကြောင်း ရန်ကုန်တိုင်းစစ်ဌာနက ထုတ်ပြန်ထားသည်။

#Telegram Link
https://t.me/YPCFighter

#Yangon Police CDM Fighter
166
Yangon Police CDM Fighter

22 Oct, 08:53

ဘုတလင်၊ စိုင်ပြင်လေးရွာကို စစ်တပ်က ၄ ကြိမ်မြောက် ထပ်မံမီးရှို့နေပြီး ကျေးရွာသား ၁၀ ဦးကိုလည်း ဆက်လက် ဖမ်းဆီးထား

၂၀၂၄ ။ အောက်တိုဘာလ ၂၂ ရက်

စစ်ကိုင်းတိုင်း၊ ဘုတလင်မြို့နယ်၊ စိုင်ပြင်လေးရွာကို အကြမ်းဖက် စစ်တပ်က ၄ ကြိမ်မြောက် ထပ်မံမီးရှို့နေပြီး ကျေးရွာသား ၁၀ ဦးကိုလည်း ဆက်လက် ဖမ်းဆီးထားကြောင်း စီပါကျေးရွာ ပကဖ တာဝန်ခံ ကိုမိုးသောက်က ပြောဆိုသည်။

ယနေ့ အောက်တိုဘာလ ၂၂ ရက်နေ့ နံနက် ၁၀ နာရီခန့်မှ စ၍ စိုင်ပြင်လေးရွာကို အကြမ်းဖက် စစ်တပ်က ၄ ကြိမ်မြောက် မီးရှို့ဖျက်ဆီးနေခြင်းဖြစ်ပြီး ရွာထဲ၌ စစ်ကောင်စီ တပ်သား အားလုံး တပ်စွဲထားကြောင်း၊ ထို့ပြင် စိုင်ပြင်လေး ကျေးရွာသား ပြည်သူ ၁၀ ဦးကိုလည်း အကြမ်းဖက် စစ်ကောင်စီ တပ်သားများက ဆက်လက် ဖမ်းဆီးထားကြောင်း သိရသည်။

"စိုင်ပြင်လေးရွာကို ဒီနေ့ ၁၀ နာရီဝန်းကျင်လောက်တည်းက ဆက်ရှို့နေတာ စစ်ခွေးတွေ စိုင်ပြင်လေးရွာကို မီးရှို့တာ ၄ ကြိမ်ရှိသွားပြီ ဖမ်းဆီးခံထားရတဲ့ ပြည်သူတွေအခြေအနေတော့ အခုထိ မသိရသေးဘူး။ စစ်ခွေး စစ်ကြောင်းက အဲတစ်ရွာလုံးမှာ ဖြန့်ပြီးတော့ တပ်စွဲထားတယ်" ဟု စီပါကျေးရွာ ပကဖ တာဝန်ခံ ကိုမိုးသောက်က ပြောဆိုသည်။

အဆိုပါ အကြမ်းဖက် စစ်တပ် စစ်ကြောင်းသည် အောက်တိုဘာလ ၁၉ ရက်နေ့မှ စတင်၍ စိုင်ပြင်လေးရွာကို ဝင်ရောက် စီးနင်းမီးရှို့ဖျက်ဆီးခဲ့ခြင်းပြီး လက်ရှိချိန်တွင် ၄ ကြိမ်မြောက် မီးရှို့ဖျက်ဆီးနေခြင်းဖြစ်ကြောင်း၊ စိုင်ပြင်လေးရွာသည် အိမ်ခြေ ၂၀၀ ကျော်ခန့်ရှိသော ကျေးရွာတစ်ရွာဖြစ်ကြောင်း သိရသည်။

ဓာတ်ပုံ - စစ်ကိုင်းတိုင်းအတွင်း အကြမ်းဖက် စစ်တပ် မီးရှို့ဖျက်ဆီးနေသော ကျေးရွာ တစ်ရွာကို တွေ့ရစဉ် (ပုံအဟောင်းဖြစ်သည်)

#Telegram Link
https://t.me/YPCFighter

#Yangon Police CDM Fighter
209
Yangon Police CDM Fighter

22 Oct, 08:50

လုပ်ငန်းရှင် ၃၀ နီးပါးကို ခြိမ်းခြောက်ငွေညှစ်သူ လင်မယား ၂ဦးကို ဖမ်းမိပြီလို့ စစ်ကောင်စီဆို

၂၀၂၄။ အောက်တိုဘာလ ၂၂ ရက်

မန္တလေး၊ တောင်ကြီး၊ မူဆယ်မြို့ကြီးတွေက စီးပွားရေးလုပ်ငန်းရှင် ၃၀ နီးပါးကို ခြိမ်းခြောက်ငွေညှစ်တဲ့ လင်မယားနှစ်ဦး ကို ပြင်ဦးလွင်မြို့မှာ ဖမ်းမိခဲ့တယ်လို့ စစ်ကောင်စီဘက်က သတင်းထုတ်ပြန်ပါတယ်။

သူတို့ ၂ ဦး ဟာ စီးပွားရေးလုပ်ရှင်တွေရဲ့ ဖုန်းနံပါတ်တွေကို မြန်မာ့စီးပွားရေးလမ်းညွှန် အက်ပလီကေးရှင်းကနေ ရှာဖွေပြီး ခြိမ်းခြောက်ငွေညှစ်တာလို့ စစ်ကောင်စီက ဆိုပါတယ်။

စီးပွားရေး လုပ်ငန်းရှင် ၂၇ ဦး ပစ်မှတ်ထား ငွေညှစ်ခံရပြီး ကျပ်သိန်း ၂,၂၀၀ ကျော် ရရှိခဲ့တာလို့ စစ်ကောင်စီက ပြောပါတယ်။

လားရှိုး ၊သီပေါ ၊ မူဆယ်၊ နမ့်ခမ်း ၊ တောင်ကြီး ၊ လွိုင်ကော် ၊ ပြင်ဦးလွင် ၊ နောင်ချို ၊ မန္တလေး က လုပ်ငန်းရှင်တွေ ခြိမ်းခြောက်ငွေညှစ်ခံရတာပါ။ခြိမ်းခြောက်ငွေညှစ်တဲ့ လင်မယားနှစ်ဦးကို ပြင်ဦးလွင်မြို့နယ် ၊ မိုးကြိုးပစ်ရွာ နေအိမ်မှာ အောက်တိုဘာလ ၂၀ ရက် ကဖမ်းမိတာလို့ စစ်ကောင်စီ က ထုတ်ပြန်ပါတယ်။

" ရဲကတော့ သီးသန့်လိုက်ပြီး မစုံစမ်းပေးဘူး၊ ငွေတောင်းခံရသူထဲကနေ သူ့ကိုခြေရာခံလိုက်ရင်းနဲ့ မိတယ်လို့ကြားတယ်"လို့ မန္တလေးမြို့က လုပ်ငန်းရှင်တစ်ဦးကပြောပါတယ်။

#Telegram Link
https://t.me/YPCFighter

#Yangon Police CDM Fighter
152
Yangon Police CDM Fighter

22 Oct, 08:49

မင်းတုန်းမြို့နယ်မှာ သန်းခေါင်စာရင်းကောက်ဖို့ လုံခြံရေးယူပေးနေတဲ့ အာဏာသိမ်းစစ်တပ်စစ်ကြောင်း မိုင်းဆွဲတိုက်ခိုက်ခံရလို့ ရှစ်ဦးခန့်သေဆုံး

၂၀၂၄ ။ အောက်တိုဘာလ ၂၂ ရက်

မကွေးတိုင်း၊ သရက်ခရိုင်၊ မင်းတုန်းမြို့နယ်မှာ သန်းခေါင်စာရင်းကောက်ဖို့ လုံခြုံရေးယူပေးနေတဲ့ အာဏာသိမ်းစစ်တပ်စစ်ကြောင်းကို မိုင်းဆွဲတိုက်ခိုက်ခဲ့တယ်လို့ သရက်ခရိုင် အမှတ်(၄)တပ်ရင်းက အောက်တိုဘာ ၂၂ရက် ဒီနေ့ နေ့လယ်မှာ သတင်းထုတ်ပြန်ထားပါတယ်။

‌အောက်တိုဘာလ ၂၁ရက် မနေ့က ညနေ ၅နာရီ ၁၅မိနစ်ဝန်းကျင်လောက်မှာ မင်းတုန်းမြို့နယ်၊ သရက်-မင်းတုန်း လမ်းပိုင်းပေါ်မှာရှိတဲ့
သဖန်းကိုင်းကျေးရွာအနီးမှာ အာဏာသိမ်းစစ်တပ်ကပြုလုပ်မယ့် တရားမဝင်ရွေးကောက်ပွဲအတွက် သန်းခေါင်စာရင်းကောက်ယူဖို့ နယ်မြေရှင်းလင်းလုံခြုံရေးယူပေးနေတဲ့ အင်အား ၂၅ဦးပါ အာဏာသိမ်းစစ်တပ်ရဲ့ခြေလျင်စစ်ကြောင်းကို တိုက်ခိုက်ခဲ့တာလို့ သိရပါတယ်။

အဲဒီတိုက်ခိုက်မှုကြောင့် အာဏာသိမ်းစစ်တပ်အဖွဲ့ဝင် ရှစ်ဦးခန့်သေဆုံးကာ ထိခိုက်ဒဏ်ရာရသူတွေလည်းရှိပြီး ပြည်သူ့ကာကွယ်ရေးရဲဘော်တွေကတော့ အထိအခိုက်မရှိဘဲ ပြန်လည်ဆုတ်ခွာနိုင်ခဲ့တယ်လို့ ထုတ်ပြန်ထားပါတယ်။

ထိခိုက်သေဆုံးသွားတဲ့ အာဏာသိမ်းစစ်တပ်အဖွဲ့ဝင်တွေကို သရက် ကပစ(၁၂)ကို သယ်ဆောင်သွားကြောင်းသိရတယ်လို့ ထုတ်ပြန်ချက်မှာဖော်ပြထားပါတယ်။

#Telegram Link
https://t.me/YPCFighter

#Yangon Police CDM Fighter
172
Yangon Police CDM Fighter

19 Oct, 12:50

ဘုတလင်မြို့နယ်၊ ညောင်ကန်ရွာကို စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်း၊ လက်နက်ကြီးဖြင့် ဗုံးကျဲ ပစ်ခတ်တိုက်ခိုက်မှု ရွာလုံးကျွတ် ထွက်ပြေးနေရ

၂၀၂၄ ။ အောက်တိုဘာလ ၁၉ ရက်

စစ်ကိုင်းတိုင်း၊ ဘုတလင်မြို့နယ်၊ ညောင်ကန်ကျေးရွာကို အကြမ်းဖက် စစ်တပ်က တိုက်ပွဲဖြစ်ပွားခြင်း မရှိဘဲ လေကြောင်း၊ လက်နက်ကြီးဖြင့် ဗုံးကျဲ ပစ်ခတ်တိုက်ခိုက်ခြင်းကြောင့် ရွာလုံးကျွတ် ထွက်ပြေးနေရကြောင်း ဒေသ ပြည်သူများက ပြော ကြားသည်။

ယနေ့ အောက်တိုဘာလ ၁၉ ရက် မွန်းလွဲ ၂ နာရီ ၃၀ မိနစ်ခန့်က မုံရွာမြို့ အနောက်မြောက်တိုင်း စစ်ဌာနချုပ်မှ တက်လာသော Mi 35 အမျိုးအစား ရဟတ်ယာဉ်ဖြင့် တိုက်ပွဲဖြစ်ပွားခြင်းမရှိဘဲ ဘုတ လင် မြို့နယ်၊ ညောင်ကန်ကျေးရွာကို အကြမ်းဖက် စစ်တပ်က ၆ ကြိမ် ဗုံးကျဲ ပစ်ခတ် တိုက်ခိုက်ခဲ့ရာ ကျေးရွာနေပြည်သူများ ထွက်ပြေး တိမ်းရှောင်နေကြရပြီး ထိခိုက်ပျက်စီးမှု အခြေအနေ မသိရသေးကြောင်း သိရသည်။

ထို့ပြင် အနောက်မြောက်တိုင်း စစ်ဌာနချုပ် - နမခ တပ်အတွင်းမှ ဟောင်ဝှစ်ဇာလက်နက်ကြီးများဖြင့် ၇ လုံး ပစ်ခတ်တိုက်ခိုက်ခဲ့ကြောင်း၊ ညောင်ကန်ကျေးရွာသည် ဘုတလင် - ကနီ -ကနဲ လမ်းပေါ်တွင် တည်ရှိပြီး အိမ်ခြေ ၈၀၀ ခန့်ရှိသော ကျေးရွာတစ်ရွာဖြစ်ကြောင်း သိရသည်။

"စစ်ကြောင်းလာတယ်ဆိုတဲ့အသံကြားရလို့ ကျွန်မတို့ရွာထဲကနေ ထွက်နေတဲ့အချိန် လေယာဉ်နဲ့ ဗုံးကျဲ ပစ်ခတ်တာ။ လူတွေကတော့ အကုန်အလွတ်ရုန်းထွက် ပြေးခဲ့ရတယ်။ အခုတော့ ဘေးလွတ် ရာကို ရောက်ပါပြီ ။ ဗုံးက ၆ ကြိမ်ကျဲတယ်။စက်လက်နဲ့လည်း ပစ်တယ်။ အခု ၃ နာရီ မထိုးခင်ကို နမခ စစ်တပ်ကနေ ဟောင်ဝှစ်ဇာနဲ့ ၇လုံးအထိပစ်တယ်။ရွာအတွင်းက အပျက်အစီးတော့ ဘာမှ မသိ ရသေးဘူး" ဟု ညောင်ကန်ကျေးရွာနေ ပြည်သူတစ်ဦးက ပြောဆိုသည်။

#Telegram Link
https://t.me/YPCFighter

#Yangon Police CDM Fighter
427
Yangon Police CDM Fighter

19 Oct, 12:47

ပြင်ဦးလွင် - လားရှိုးလမ်းပိုင်း၌တိုက်ပွဲဖြစ်နေ၍ လမ်းပိတ်ပြီး မော်တော်ယာဥ်များလှည့်ပြန်ခိုင်း

၂၀၂၄ ။ အောက်တိုဘာလ ၁၉ ရက်

ရှမ်းပြည်နယ်မြောက်ပိုင်း၊ နောင်ချိုမြို့နယ်ရှိ မန္တလေး - လားရှိုးလမ်းပိုင်း၌ တိုက်ပွဲဖြစ်ပွားနေ၍ လမ်းပိတ်ပြီး မော်တော်ယာဥ်များအား လှည့်ပြန်ခိုင်းနေကြောင်း သတင်းရရှိသည်။

ယနေ့(အောက်တိုဘာ ၁၉ရက်) နံနက်ပိုင်းက မန္တလေးမြို့မှ နောင်ချို၊ ကျောက်မဲ၊ သီပေါ၊ လားရှိုးမြို့ အတက်ကားများအား စစ်ကောင်စီအဖွဲ့က ပြင်ဦးလွင်မြို့နယ် မြိုင်ကြီးကွေ့လမ်းပိုင်းမှ လှည့်ပြန်ခိုင်းနေကြောင်း ခရီးသွားပြည်သူများက ပြောသည်။

" ဒီနေ့မနက်ခင်း နောင်ချို အုမ္မသီးလမ်းခွဲမှာ ထိတွေ့မှုဖြစ်လို့ မန္တလေးမှကျောက်မဲ သီပေါ လားရှိုးအတက်ကားတွေ ပြန်လှည့်ရတယ်။"ဟု ယာဥ်မောင်းတစ်ဦးက ပြောသည်။

လူနာတင်ယာဥ်များ၊ ဘုန်းကြီးကားများပါ လှည့်ပြန်နေရပြီး ပြင်ဦးလွင် - မန္တလေးယာဥ်များကိုမူ ပြင်ဦးလွင်မြို့အထိ သွားလာခွင့်ပြုထားကြောင်း နယ်ခံအချို့က ဆိုသည်။

" နောင်ချို - ပြင်ဦးလွင်ကြား သုံးဆယ်ဘက်မှာ တိုက်ပွဲဖြစ်နေပါတယ်"ဟု
ပြင်ဦးလွင်မြို့နယ်ပြည်သူ့ကာကွယ်ရေးအဖွဲ့(ပကဖ)မှ ပြန်ကြားရေးတာဝန်ခံက ပြောသည်။

တိုက်ပွဲဖြစ်ပွားမှုနှင့်ပတ်သက်ပြီး တအာင်းတပ်မတော်(TNLA)ထံ ဆက်သွယ်မေးမြန်းရာ ဆက်သွယ်၍ မရသေးပေ။

လက်တလောတွင် နောင်ချိုမြို့၌ ဆက်သွယ်ရေးလိုင်းများဖြတ်တောက်ထား၍ တိုက်ပွဲဖြစ်ပွားမှုအခြေအနေနှင့်ပတ်သက်ပြီး မသိရသေးကြောင်း အခြားဒေသရောက် နောင်ချိုမြို့ခံတစ်ဦးက ပြောသည်။ သို့သော် နောင်ချိုမြို့နယ် တောင်းခမ်းကျေးရွာ၌ တိုက်ပွဲပြင်းထန်နေသည်ဟု ကြားသိထားကြောင်း ၎င်းဆက်ပြောသည်။

ယနေ့နံနက် ၅ နာရီ ၁၅ မိနစ်ခန့်ကလည်း နောင်ချိုမြို့ကို စစ်ကောင်စီတပ်က ဗုံးကြဲတိုက်ခိုက်ခဲ့ရာ ကလေး နှစ်ဦးအပါအဝင် သားအဖသုံးဦးသေဆုံးကာ သုံးဦး ဒဏ်ရာရရှိခဲ့သည်။

ထို့အပြင် အောက်တိုဘာ ၁၇ ရက် သီတင်းကျွတ်လပြည့်နေ့ကလည်း နောင်ချိုမြို့ပေါ်နေရာအချို့အား ဗုံးကြဲတိုက်ခိုက်ရာ ပြည်သူလေးဦး ထိခိုက်ဒဏ်ရာရရှိခဲ့သည်။

(ပြင်ဦးလွင် - လားရှိုးလမ်း၊ မြိုင်ကြီးကွေ့ အတက်တနေရာ၌ တွဲကားတစ်စီးတိမ်းမှောက်နေသည်ကို တွေ့ရစဥ်။ဓာတ်ပုံ - CJ။ (ပုံအဟောင်းအသုံးပြုထားပါသည်)

#Telegram Link
https://t.me/YPCFighter

#Yangon Police CDM Fighter
250
Yangon Police CDM Fighter

19 Oct, 12:47

ရေးမြို့နယ်တိုက်ပွဲ စစ်ကောင်စီတပ် ဗိုလ်ကြီးအပါအဝင် ၅ဦးသေ၊ တော်လှန်ရေးရဲဘော် ၂ဦးကျဆုံး

၂၀၂၄ ။ အောက်တိုဘာလ ၁၉ ရက်

မွန်ပြည်နယ်၊ ရေးမြို့နယ်၊ ရေး-သံဖြူဇရပ် လမ်းပိုင်းတွင် စစ်ကောင်စီတပ်နှင့် တော်လှန်ရေး ပူးပေါင်းတပ်တို့ တိုက်ပွဲဖြစ်ပွားရာ နှစ်ဖက်ထိခိုက်မှုရှိခဲ့သည်။

အောက်တိုဘာ ၁၇ရက် နံနက်တွင် ရေး - သံဖြူဇရပ် ကားလမ်းမပေါ်ရှိ စံပြကျေးရွာအနီးတွင် တပ်စွဲထားသော ခမရ(၅၈၈)မှ ဆင်းလာသည့် စစ်ကောင်စီစစ်ကြောင်းနှင့် တော်လှန်ရေးပူးပေါင်းတပ်များ တိုက်ပွဲဖြစ်ပွားခဲ့သည်ဟု မွန် ပြည်တော်လှန်ရေးတပ်(MSRF)နှင့် ဒေါနစစ်ကြောင်းတို့က ယနေ့(အောက်တိုဘာ ၁၉ရက်) တွင် သတင်းထုတ်ပြန်သည်။

ထိတွေ့တိုက်ပွဲအတွင်း ရန်သူစစ်ကောင်စီဘက်မှ ဗိုလ်ကြီးလှိုင်ဝင်းထွဠ် အပါဝင် ၅ဦး သေဆုံးပြီး သုံးဦးဒဏ်ရာရရှိခဲ့ကြာင်းနှင့် တော်လှန်ရေး ပူးပေါင်းတပ်ဖွဲ့မှ ရဲဘော် ၂ဦးကျဆုံးပြီး တစ်ဦးဒဏ်ရာရခဲ့ဟု အသိပေးသည်။

စစ်ကောင်စီတပ်ထံမှ MA1 တစ်လက်နှင့် MA 2 တစ်လက်သိမ်းဆည်းရရှိခဲ့သည်ဟုလည်း ထုတ်ပြန်သည်။

တိုက်ပွဲဖြစ်ပွားမှု အခြေအနေနှင့် လက်ရှိစစ်ရေး အခြေအနေများကို MSRF တာဝန်ရှိသူထံဆက်သွယ်မေးမြန်းထားဆဲဖြစ်သည်။

ထို့အပြင် သေဆုံး၊ဒဏ်ရာရ စစ်‌ကောင်စီတပ်သားများအား လူနာတင်ယာဉ် ၄စီးဖြင့် ရေးမြို့ပြည်သူ့ဆေးရုံကြီးသို့ သယ်‌ဆောင်သွားကြောင်း သိရသည်ဟုလည်း ဖော်ပြသည်။

အဆိုပါ စစ်ကောင်စီ ယာယီအထိုင်စခန်းအား ဝင်ရောက်စီးနှင်းတိုက်ခိုက်စဉ် ခလရ (၁၀၆) မှ ၈၁မမ လက်နက်ကြီးဖြင့် လေးကြိမ်
ပစ်ခတ်ခဲ့ပြီး စံပြကျေးရွာအတွင်းသို့ ၃လုံးကျရောက်ပေါက်ကွဲခဲ့ဟုဆိုသည်။

အဆိုပါတိုက်ပွဲတွင် မွန်ပြည်တော်လှန်ရေးတပ် (MSRF) ၊ ပြည်သူ့ကာကွယ်ရေးတပ်မတော် ဒေါနတပ်ရင်း တပ်ရင်းလုံခြုံရေးတပ်ခွဲ၊ရေးပျောက်ကျားတပ် (YGF) ဒေါနတပ်ခွဲ(၃) ၊KNLA တပ်ရင်း(၂၇)၊ မွန်ပြည်သစ်ပါတီ စစ်အာဏာရှင်တိုက်ဖျက်ရေးအဖွဲ့ (NMSP - AD)၊မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး ABSDF တပ်ရင်း(၁)၊ YPDF
တို့မှပူးပေါင်းပြီး စစ်ကောင်စီတပ်အား တိုက်ခိုက်ခဲ့ခြင်းဖြစ်သည်ဟု အသိပေးသည်။

(ဒေါနစစ်ကြောင်းမှ ရဲဘော်များအပါအဝင် တော်လှန်ရေးပူးပေါင်းတပ်မှ ရဲဘော်များအား တွေ့ရစဉ်။ ဓာတ်ပုံ - ဒေါနစစ်ကြောင်း)

#Telegram Link
https://t.me/YPCFighter

#Yangon Police CDM Fighter
221
Yangon Police CDM Fighter

18 Oct, 09:07

မင်းတပ် တိုက်နယ်(၄)တွင် စစ်ကောင်စီ လေကြာင်းတိုက်ခိုက်၊ လူထိခိုက်ရှိနိုင်ဟု ဒေသခံပြော

၂၀၂၄ ။ အောက်တိုဘာလ ၁၈ ရက်

ချင်းပြည်နယ် မင်းတပ်မြို့နယ် တိုက်နယ်(၄)ရှိ နေရာ ကို စစ်ကောင်စီက ယမန်နေ့သီတင်းကျွတ်လပြည့်ညတွင် လေကြောင်းမှ ဗုံးကြဲတိုက်ခိုက်ခဲ့ကြောင်း မင်းတပ်ဒေသခံက အသိပေးသည်။

အောက်တိုဘာ ၁၇ရက် ည ၉နာရီခန့်တွင် စစ်ကောင်စီ၏ တိုက်လေယာဉ် ၃စီးသည် မင်းတပ် တိုက်နယ်(၄)ရှိ နေရာ နှစ်ခုကို ဗုံးကြဲတိုက်ခိုက်ခဲ့ခြင်းဖြစ်သည်ဟု ဆိုသည်။

လူထိခိုက်မှုရှိသည်ဟု ကြားသိရသော်လည်း ဖုန်းလိုင်းများ မရ၍ အသေးစိတ် အခြေအနေများ မသိရဟု မင်းတပ်ဒေသခံက ပြောသည်။

စစ်ကောင်စီတပ်သည် ယမန်နေ့ည လေကြောင်း တိုက်ခိုက်ရာတွင် ဖျက်အားပြင်း ပေါင် ၅၀၀ ဗုံးများ၊ ဗုံးအသေးများ အသုံးပြုတိုက်ခိုက်ခဲ့သည်ဟု အသိပေးသည်။

စစ်ကောင်စီအနေဖြင့် စက်တင်ဘာအတွင်းက မင်းတပ်မြို့နှင့် မြို့နယ်အတွင်း နေရာများကို လေကြောင်း တိုက်ခိုက်မှု အကြိမ်ကြိမ်ပြုလုပ်ခဲ့သော်လည်း အောက်တိုဘာတွင် မင်းတပ်မြို့နယ်အတွင်း လေကြောင်း တိုက်ခိုက်မှုမရှိရာ ယမန်နေ့ညတွင် ပြန်လည် ဗုံးကြဲတိုက်ခိုက်လာခြင်းဖြစ်သည်။

မင်းတပ် ချင်းဒေသကာကွယ်ရေးတပ်(CDF)၏ ထုတ်ပြန်ချက်အရ ဩဂုတ်နှင့် စက်တင်ဘာအတွင်း စစ်ကောင်စီက မင်းတပ်မြို့နယ်ကို လေကြောင်း တိုက်ခိုက်မှု ၄၄ကြိမ်ပြုလုပ်ခဲ့သည်ဟု ဆိုသည်။ လေကြောင်းတိုက်ခိုက်မှုအပြင် လက်နက်ကြီးများဖြင့် ပစ်ခတ်ခြင်း၊ ဒရုန်းဖြင့် တိုက်ခိုက်ခြင်း၊ မင်းတပ်မြို့ပေါ်ရှိ ပြည်သူလူထု နေအိမ်များ မီးရှို့ဖျက်ဆီးခြင်းများကို စစ်ကောင်စီက အကြိမ်ကြိမ်ပြုလုပ်ခဲ့သည်။

ထို့အပြင် ယမန်နေ့ သီတင်းကျွတ်လပြည့်ညတွင် ရှမ်းပြည်နယ်မြောက်ပိုင်း နောင်ချိုမြို့နှင့် စစ်ကိုင်းတိုင်း ဒီပဲယင်းမြို့တို့ကို စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့သည်။

(အောက်တိုဘာ ၁၅ရက်က မင်းတပ်မြို့ရှိ နေအိမ်များအား စစ်ကောင်စီတပ်သားများ မီးရှို့ဖျက်ဆီးနေစဥ်။ ဓာတ်ပုံ - Ĥkl Mindat)

#Telegram Link
https://t.me/YPCFighter

#Yangon Police CDM Fighter
133
Yangon Police CDM Fighter

18 Oct, 09:07

မိတ္ထီလာမြို့အဝင် စစ်ကောင်စီတပ် အစစ်အဆေးတင်းကြပ်နေ

၂၀၂၄ ။ အောက်တိုဘာလ ၁၈ ရက်

မြင်းခြံခရိုင် အထူးစစ်ဆင်ရေး စတင်ပြီးနောက်ပိုင်း မိတ္ထီလာမြို့အဝင်၌ စစ်ကောင်စီတပ်သားများက အစစ်အဆေးတင်းကြပ်နေကြောင်း မြို့ခံများက ပြောသည်။

မိတ္ထီလာမြို့တွင် စစ်ကောင်စီက ၎င်းတို့၏ လက်အောက်ခံ ပြည်သူ့စစ်(ခ) ပျူစောထီးများအား အာဏာပေး၍ မြို့အဝင်၊ အထွက်စစ်ဆေးခိုင်းထားကြောင်း မြို့ခံများက ပြောသည်။

"​နေပူပူလမ်း​လျှောက်ခိုင်းတာ ဆိုးတယ်။အသက်ကြီးသူ​တွေ​ရော စစ်တာ။ ငွေဆင်းပေးဒါမှမဟုတ် တခုခုပေးလိုက်ရင် မောင်းလို့ရတယ်။ မပေးရင်တော့ အသေရစ်ပြီပဲ။"ဟု မိတ္ထီလာမြို့ခံတစ်ဦးက ပြောသည်။

ထို့အပြင် စစ်ကောင်စီက မိတ္ထီလာမြို့နယ်အတွင်းရှိ ကျေးရွာများသွားရောက်ကာ ၎င်းတို့အဖွဲ့ဝင်ရောက်ရန်စည်းရုံးခြင်း၊ PDF သတင်းများစုံစမ်းခိုင်းခြင်းများ ပြုလုပ်နေကြောင်း ဒေသခံများက ပြောသည်။

မီတ္ထီလာ-ကျောက်ပန်းတောင်းလမ်း၌ မြင်းခြံခရိုင်အထူးစစ်ဆင်ရေးအဖြစ် ကာကွယ်ရေးအဖွဲ့များက စစ်ဆေးမှုများပြုလုပ်နေပြီး ပြီးခဲ့သည့် ဩဂုတ် ၃၁ရက်က ကျောက်ပန်းတောင်း မြို့မရဲစခန်းမှ ရဲတပ်ဖွဲ့ဝင်များ လိုက်ပါလာသည့် ကား ဖြတ်သန်းလာစဥ် အစစ်အဆေးမခံ၍ ပစ်ခတ်တိုက်ခိုက်ခဲ့ရာ ဒုရဲမှူးတစ်ဦး အပါအဝင် ရဲတပ်ဖွဲ့ဝင် သုံးဦး သေဆုံးခဲ့သေးသည်။

သြဂုတ် ၁၀ရက်က မြင်းခြံခရိုင်အထူးစစ်ဆင်ရေးစတင်ပြီးနောက် မြင်းခြံ၊ နွားထိုးကြီး၊ တောင်သာမြို့များရှိ စစ်ကောင်စီစခန်းများ၊ ရုံးများတိုက်ခိုက်ခံခဲ့ရသည်။ ထို့အပြင် နယ်မြေချင်းထိဆက်နေသော မလှိုင်မြို့နယ်၊ ကျောက်ပန်းတောင်းမြို့နယ်၊ ငါန်းဇွန်မြို့နယ်တို့၌ပါ စစ်ကောင်စီတပ်များ တိုက်ခိုက်ခံခဲ့ရသည်။

(မိတ္ထီလာမြို့အဝင်၌ စစ်ဆေးနေသော စစ်ကောင်စီတပ်သားများ အား တွေ့ရစဥ်။ဓါတ်ပုံ-ပသစ)

#Telegram Link
https://t.me/YPCFighter

#Yangon Police CDM Fighter
119
ချစ်လှစွာသောသတို့သား ( Golden Boy Version)
ချစ်လှစွာသောသတို့သား ( Golden Boy Version)
18 subscribers
မြန်မာစာတန်းထိုးဇာတ်ကြမ်းကားများသီးသန့် Main Channel 3
မြန်မာစာတန်းထိုးဇာတ်ကြမ်းကားများသီးသန့် Main Channel 3
28,797 subscribers
2D/3D Pann Ei Lwin
2D/3D Pann Ei Lwin
13,383 subscribers
မြန်မာသီချင်းဟောင်းများ
မြန်မာသီချင်းဟောင်းများ
9,172 subscribers
ဆန်းကြယ်လောက(သို့) System တစ်ခုထဲသို့ကျရောက်ခြင်း
ဆန်းကြယ်လောက(သို့) System တစ်ခုထဲသို့ကျရောက်ခြင်း
30,111 subscribers
𝗡𝗶𝗰𝗸𝗲𝗹𝗼𝗱𝗲𝗼𝗻 𝗵𝗼𝗿𝗿𝗼𝗿
𝗡𝗶𝗰𝗸𝗲𝗹𝗼𝗱𝗲𝗼𝗻 𝗵𝗼𝗿𝗿𝗼𝗿
463,043 subscribers
ဘောလုံးပွဲ တိုက်ရိုက်
ဘောလုံးပွဲ တိုက်ရိုက်
1,483 subscribers
နွေဦးအောင်ပွဲ
နွေဦးအောင်ပွဲ
1,817 subscribers
Gunner's Diary
Gunner's Diary
1,247 subscribers
ကဗျာ စာတို စုစည်းရာ
ကဗျာ စာတို စုစည်းရာ
2,275 subscribers

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.