የፍቅር ታሪክ 🇪🇹

❤️ተማሪዋ❤️



🌹…………ክፍል 50 ………..🌹

የመጨረሻ ክፍል

" ምን እያልሽ እንደሆነ እንኳን ለኔ ለራስሽም የሚገባሽ አይመስለኝም ቃልዬ ፣  ዛሬም ዛኪን እንደምታፈቅሪው  ብቻ ነው የገባኝ አሁን ያልሽኝን ልረዳውም ላምንሽም አልችልም ።

መቼም እንዳላምንሽ አርገሽ ልቤን ሰብረሽዋል አሁን የምፈልገው ከዚህ በላይ ምንም ክፍ ቃል ካፌ ሳይወጣ እንድትሄጅልኝ ብቻ ነው" አልኳት።  ቀና ብዬ ቃልዬ ስትሄድ ላለማየት እንዳቀረቀርኩ።
ረጅም ደቂቃ እያለቀሰች ቆየች። ከዝምታ ውጪ ምንም አላልኩም።
"ኤፍዬ ይቅርታ እሺ" ብላኝ እያለቀሰች ቤቱን ለቃ ወጣች።

እኔም ወጣሁ። ታምሜ ተኛሁ።

አስር ቀን ሙሉ ምን እንወሆነ በማይታወቅ በሽታ  ታመምኩ  ስራ አልሰራሁም ። የቃልዬ ምርቃት ቀን እንደምንም ተነስቼ ቀደም ብዬ የገዛሁላትን ስጦታ እና አበባ ይዤ ወደ ግቢ ሄድኩ።
ከቤተሰቦቿ መሀል ሆና ከግቢ እንደወጡ ከጀርባ ጠጋ አልኩና
"ቃልዬ" ብዬ ጠራኋት።
ዘወር ብላ እንዳየችኝ ከቆመችበት አልተንቀሳቀሰችም ። ቤተሰቦቿ ወደፉት እየሄዱ ነው። ቃልዬ እዛው ቆማ እያየችኝ በዝግታ እየተራመድኩ አጠገቧ ስደርስ እነዛ አይኖቿ ላይ ያቀረረው እንባ በጉንጯ ላይ ቀልቀል ወረደ።
ስጦታዋን ሰጠኋት። ተቀበለችኝ። አመሰግናለሁ ሳይሆን  ምናልባትም ለአስረኛ ግዜ•••
"ኤፉዬ ይቅርታ እሺ" ነበር ያለችኝ።
ፉቴን መልሼ ካጠገቧ ሄድኩ። ምናልባት ቃልዬም ከአንድ ከሁለት ቀን በሁዋላ ከቤተሰቦቿ ጋር ወደ አዲስ አበባ ትሄዳለች።
ህይወት ፣ ምኞት፣ ደስታ ፣ ስራ፣ ተስፋ ሁሉ ፣ እራሱ መኖር  ትርጉሙ አልገባህ አለኝ። ለምን እንደምኖር እራሴን ስጠይቅ ለመኖር የሚያስገድደኝ አንድ ምክንያት ብቻ ነበር ያገኘሁት።
እሷም እህቴ ነች።
የምኖረው ልኔ ብዙ ለደከመችው ለእህቴ ስል ብቻ ነበር።
የናትና ያባቴ ምትክ እህቴ እኔን ብታጣ ምን እንደምትሆን ማሰብ አልችልም። ለሷ ስል እኖራለሁ። ሂወት ቀጠለ።
ለወራት የክቡር ዶክተር አርቲስ ጥላሁን ገሰሰን  ሳላስብ ትተሽኝ የሚለውን ሙዚቃ ሳላዳምጥ ተኝቼ አላውቅም።
ከስምንት ወር በሁዋላ አይቼው የማላውቀውን የፌስቡክ አካውንቴን ከፍቼ ስመለከት መጀመሪያ ላይ የመጣው ፎቶ ቃልዬ ከሁለት ቀን በፊት የለጠፈችው ቀለበት ስታስር የተነሳችው ፎቶ ነበር። ቀለበት ያሰረችው ግን ከዛኪ ሳይሆን ከሌላ ወንድ ጋር ነው።
"ቃልዬ ከተመረቅን በሁውላ ከዛኪ ጋር አብረን እንደማንቀጥል እርግጠኛ ነኝ " ያለችው እውነት ነበር ማለት ነው አልኩ። ስልኬን ወርውሬ ግርግዳው ላይ ለጠፍኩት ፣ ብትንትኑ ወጣ።
ከተበታተነው የስልኬ ስብርባሪ መሀል ግን የቃልዬ የቀለበት ፎቶ ቅዳጅ አልነበረም።
ዳግም ህመም ዳግም ግርሻት ፣ ዳግም ስቃይ። አወይ ፍቅር ግርሻቱም አይጣል ነው ለካ።
ስልኬን ከሰበርኩት ከአንድ ወር በሁዋላ እህቴ ከወራት በፉት  በገዛችልኝ ሚኒባስ ውስጥ ቁጭ ብዬ ሰው እስኪሞላ መሪው ላይ ተደፍቼ  እየጠበኩ ነው።
መኪና ውስጥ የሚለጠፉ ጥቅሶችን እያዞረ የሚሸጥ አንድ እድሜው ከአስራ አራት የማይበልጥ  ልጅ እግር  በጋቢናው በኩል መጥቶ ምርጥ ምርጥ ጥቅሶች በቅናሽ ዋጋ እያለ የያዛቸውን ጥቅሶች ተራ በተራ እያነበበ ነው ።  አራት ጥቅሶችን አንብቦ አምስተኛው ላይ ሲደርስ እንደመባነን ብዬ ከመሪው ላይ በፍጥነት ቀና አልኩና•••
"እስቲ ቆይ ቆይ አሁን ያልከውን ድገመው !" አልኩት። ደገመው ከጠየቀኝ ሂሳብ በላይ እጥፉን ከፍዬ ጥቅሱን ገዛሁትና መኪናዬ ዳሽ ቦርድ ላይ ለጠፍኩት።

ወረቀቱ ላይ የተፃፈው  ••••
"ባልንጀራህን እንደራስህ አድርገህ ውደድ ቢልም ፣ ለባልጀራህ ሁሉን ሚስጥርህን ንገረው ግን አይልም"
የሚል ጥቅስ ነበር ። መታሰቢያነቱ ለኪያ።           .
                      .
                      .
                      .
      •••••••ተፈፀመ ••••••••
                      .
                      .
                      .
                      .
ለነበረን ቆይታ ከልብ አመሰግናለሁ ❤❤


.

.
ቤተሰቦቼ በሌላ ልብ ወለድ እንገናኛለን። በአጠቃላይ በታሪኩ ላይ ጠቅለል ያለ ሀሳብ አስተያየታችሁን ፣ ወደፊት ቢስተካከል የምትሉትን ነገር ሁሉ በኮሜንት መስጫው ስር እንደምታስቀምጡ ተስፋ እናደርጋለን 🙏🏻

https://vm.tiktok.com/ZMkkFephM/

❤️ ተማሪዋ ❤️


❤️….. ክፍል 49 …….❤️


"ምን እሚሉት ጥያቄ ነው እስከዛሬ ምን ያህል እንደማፈቅርህ አታውቅም እና ነው ቆይ ምንድን ነው የሆንከው ፊትህ እኮ ልክ አይደለም?"
"ፉቴ ብቻ አይደለም ሁሉ ነገሬ ልክ አይደለም ቃል እባክሽ ለምጠይቅሽ ጥያቄ ብቻ መልስ ስጪኝ አንቺ ምንም ነገር አትጠይቂኝ"
"እሺ"
"ታፈቅሪኛለሽ ቃል"
"አዎ ኤፍዬ አፈቅርሀለሁ"
"ዛኪንስ ታፈቅሪዋለሽ ቃል?" ስላት ፊቷ ላይ ያየሁት ድንጋጤ እኔኑ አስደነገጠኝ።
ያ ድንጋጤዋ ነበር  የመጨረሻውን መርዶ ያረዳኝ። በቃ የቃልዬን መልስ  ድንጋጤዋ ውስጥ አየሁት።
ቃልዬ ብዬ ጠራሁዋት አይን አኗን እየተመለከትኩ።
ወዬ ማለት አልቻለችም። በቃ አቃታት። የኔም የሷም አይኖች እኩል እንባ አቀረሩ።
" ቃልዬ!" ብዬ ደግሜ ጠራኋት።
አይን አይኔን ከማየት ውጪ አቤትም ወዬም ማለት ተሳናት ቃል አፏ ተለጎመ።  የስረኛው ከንፈሯ  ይንቀጠቀጥ ጀመር።
ጣቴቻን በጣቶቿ እያፍተለተለች ተለጎመች የኔ ቃል።
ሁሉን ነገር እንደደረስኩበት ውስጧ ነግሯታል።
ይህን  ሳስብ አመመኝ ።
ቃልዬ ሁኔታዋ አንጀት ይበላል።
የሚታዘንልኝ እኔ ሆኜ ሳለሁ ቃልዬ በዛ ልክ ጭንቅ ጥብብ ሲላት ሳይ አሳዘነችኝ።
ያን ሲተናነቀኝ የነበረውን እውነት መናገር ጀመርኩ•••
ቃልዬ አውቃለሁ ሁሉን አውቃለሁ።  ከቀናት በፊት ሀረር እስከሄዳችሁባት አስቀያሚ ቀን ድረስ ይቺ ቅፅበት በኔና ባንቺ መሀል እንዳትፈጠር ስሸሻት ኖሪያለሁ።
ነገር ግን እውነትን መሸሽ ከሞት እንደማያድነኝ ተረዳሁ። አዎ ቃልዬ አንቺን ከማጣ ሞቴን እመርጣለሁ፣ መሞት አልፈልግምና አንቺን ማጣት እፈራለሁ።
እኔ ስለፈራሁት  እኔ ስለሸሸሁት የሚቀር ነገር የለም።
ሁሌም አፈቅርሻለሁ። ምንም ብትበድይኝ ምንም ብትጎጂኝ አንቺን አለማፍቀር እስክችል ድረስ አፈቅርሻለሁና  ዛሬም ቢሆን አንቺን  ክፉ የምናገርበት አንደበት የለኝም።
ክፉ ይናገረኛል አልያም ይጎዳኛል ብለሽ እንዳታስቢ እሺ? ፣ እኔ አንቺን የማፈቅርሽ የእውነት ነው ፣ የማፈቅርሽ ግን የኔ ስለሆንሽ ብቻ አይደለም።
ዛሬም የማልፈልገው አንቺን አለማፍቀር ሳይሆን እየታመምኩ፣ እየተረበሽኩ፣ እንቅልፍ እያጣሁ፣ የተበዳይነት፣ የተገፊነት ስሜት እያንገላታኝ ማፍቀርን ነው።

ነገ ከነገ ወድያ ላጣሽ ልትለይኝ እንደምትችይ እያሰብኩ ማፍቀር ደከመኝ ቃልዬ።
አብሬሽ ሆኜ የተሰቃየሁት ስቃይ አጥቼሽ ከምሰቃየው ጠናብኝ ቃልዬ ።
ሀለቱም ለኔ ህመም ቢሆንም ከእውነት ጋር መታመም ይሻላል እውነትን ሸሽቼ የማላመልጥበት ደረጃ ላይ ደርሻለሁና የምደበቅበት የምሸሽበት የለኝም እውነቱን ልጋፈጠው የተገደድኩት ሁሉ ነገ ካቅሜ በላይ እስከሚሆን ታግሼ ነውና በውሳኔሽም በውሳኔዬም እንደማልፀፀት ተስፋ አደርጋለሁ።
አንድም ቀን በዚህ ልክ ትጎጂኛለሽ ብዬ አስቤ አላውቅም ነበር ቃልዬ።
ዛሬ እውነቱን ካንቺ አንደበት ሰምቼ ሀቁን ልጋፈጠው ወስኛለሁ። ስለትናንት አልወቅስሽም፣  ስለነገም አላውቅም አሁን የምፈልገው በራስሽ አንደበት እውነቱን እንድትነግሪኝ ብቻ ነው ቃልዬ።
" ዛኪን ታፈቅሪዋለሽ አደል ቃል?"
"እ ቃል እባክሽ ንገሪኝ ዛኪን ታፈቅሪዋለሽ አደል?"
ቃልዬ መልሷ ማልቀስ ብቻ ሆነ። ከጎኔ ቁጭ ብላ ስታለቅስ ሰውነቴ መንቀጥቀጥ ጀመረ። እራሴን ፈራሁት። ስሜታዊ ሆኜ ቃልዬ ላይ እጄን እንደማልሰነዝር ባውቀውም እራሴን ፈራሁት ከአጠገቧ ተነስቼ  በመራቅ  ፊት ለፉቷ ተቀመጥኩ።
አቀርቅራ ስታለቅስ ቆየችና ድንገት ቀና ብላ
"ኤፍዬ ይቅርታ!" አለችኝ። ሰማይ ተደፋብኝ። ቤቱ የሚሽከረከር መሰለኝ። ከተቀመጥከበት እንዳልወድቅ አይኔን ጨፍኜ ግርግዳውን ተደገፍኩ።
"ኤፍዬ ይቅርታ !" አለች በድጋሚ። መልስ አልሰጠኋትም።
ቃልዬ ቀጠለች ••••

"እኔና ዛኪ እዚህ ግቢ ትምህርት እንደጀመርኩ የዛሬ ሶስት አመት ነው በፍቅር አብረን የሆነው ፣ " ስትል ገና ከግር ጥፍሬ ጀምሮ ሁለመናዬን ወረረኝ። እያየኋት ልሰማት አቅም አጣሁ። ጭንቅላቴን ጉልበቶቼ መሀል ደፍቼ አቀረቀርኩ ። ቃልዬ ቀጠለች...

"ፍቅር ጀምረን ወራት ያህል እንደቆየን ስለሱ ብዙ ነገር እሰማ ጀመር ከብዙ ሴት ጋር እንደሚቀራረብ ባውቅም አምነው ነበር። ሁሉንም ነገር የምሰማው በውሬ ነው። ስጠይቀው ይክደኛል ። ያን ቀን አንተና እኔ በተገናኘንበት ምሽት አንዷ ሴት ጋደኛዬ ዛኪ ከሌላ የግቢ  ሴት ጋር  የለበትን ሆቴል ነግራኝ ነበር ሳንቲም እንኳን ሳልይዝ አለ ወደተባለበት በርሬ የሄድኩት።
ግን አጣሁት መመለሻ ሳንቲም እንኳን ልነበረኝም ። ዛኪን ከዛ በኋላ አብሬው ላልቀጥል ወስኜ ነበር። ለምን በዛ ሰአት እዛ ሆቴል በር ላይ እንደቆምኩ አንተ  ስጠይቀኝ ሌላ ግዜ እነግርሀለሁ ነበር ያልኩህ። ዛኪን አየሁት ብላ የደወለችልኝ ሴት ያንን አጋጣሚ ተጠቅማ አብረዋት  ከነበሩ ሁለት ወንዶች መሀል ከአንደኛው ጋር ልታቀራርበኝ ስትሞክር ተናግሪያት ወጣሁ። በዛ ሰአት ነበር አንተ መጥተህ ፊት ለፉቴ የቆመከው ። ይህንን ደሞ በመጠኑም ቢሆን ነግሬሀለሁ። ኤፍዬ የኔና ያንተ ነገር  ከተዋወቅንባት ምሽት ጀምሮ መቀራረባችን እና ወደ ፍቅር መግባታችን እንዴት እንዴት እንደፈጠነ ታውቃለህ።
እኔና አንተ ወደፍቅር በገባንባት ሁለት ወር ውስጥ  ከዛኪ ጋር ተኮራርፈን ነበር ።ድጋሚ የምታረቀውም አልመሰለኝም ነበር።
ነገር ግን ልጅቷ ሆን ብላ እኔን ለሌላ ወንድ ለማጣበስ ስለሱ መጥፎ እያወራች እንዳጣላችን በየቀኑ እየመጣ ይነግረኝ ነበር።  መውጫ መግቢ መቆሚያ መቀመጫ አሳጣኝ። ካንተ ጋር ሆኜ እንኳን ስንቴ እንደሚደውልና ስንቴ ተነስቼ ካጠገብህ እየሄድኩ እንደማዋራው ታስታውሳለህ።
በቃ ታረቅን።  እኔና እሱ ስንታረቅ በጣም ተጨነቅኩ።  ዛኪን የታረቅኩት ትምህርቴን ተረጋግቼ ለመጨረስ ብቻ ነበር።
አንተን ልጎዳ ብዬ ያደረኩት ምንም ነገር የለም ። ከዛኪ ጋር እዛ ግቢ ውስጥ እስካለሁ ድረስ መውጫ መግቢያ ስለሚያሳጣኝ መለያየት ከባድ ቢሆንም አብረን እንደማንዘልቅና ከተመረቅን በኋላ እንደምንለያይ እርግጠኛ ነኝ። አንተን •••ብላ ልትቀጥል ስትል መስማት አቅለሸለሸኝ።

የመጨረሻ ክፍል ረቡዕ ማታ 2:00 ላይ ❤️🙏🏻

https://www.instagram.com/reel/DD6fkUSu_mv/?igsh=MWRkNjA2dWFvMzg1eg==

❤️❤️ተማሪዋ❤️❤️
.

🌹🌹…….ክፍል 48 ……🌹🌹

.

አላወቅኩም ቆይ እስቲ ጥበቃውን ልጠይቅልሽ " ብያት ወደ ጥበቃው ስመለስ አሁንም እማርኛ እና የነጮቹን አፍ እየቀላቀለች ስላስቸገርኩህ ይቅርታ አይነት ነገር አለች ። መልስ ሳልሰጣት ሄጄ ጥበቃውን...

"አባባ የሚላላከው ልጅ አለ እንዴ ? ዲያስቦራዋ ፈልጋው ነበር?'' አልኳቸው።

"ውይ ፈለገችው እሱማ መሄጃ ሰአቱ ደርሶ ወጣኮ ምሽት ሁለት ሰአት ወደ ቤቱ ሄደ። ምን ፈልጋ ይሆን ?" እያሉ አብረውኝ ተመለሱና ልጁ እንደለለ ነገሯት።

እዛው ቆም ብዬ እኔ ከወጣሁ በኋላ የተያዙና መብራት የበራባቸውን ክፍሎች ገልመጥ ገልመጥ እያልኩ ስቃኝ። ዲያስቦራዋ ልጁን የፈለገችው ቢራ ከውጪ ገዝቶ እንዲያመጣላት እንደነበር ስትነግራቸው ጥበቃው አንዴ እሷን

አንዴ እኔን አንዴ በሩን በየተራ እየተመለከቱ።

"አይይይ ግድ ከሆነና ካስፈለገሽ እኔው ሄጄ ላምጣልሽ ይሆን የኔ ልጅ?••• ልጁማ ሰአቱ ደርሶ ወጣኮ ቀደም ብትይ ደግ ነበር?'' አሏት። አሳዘኑኝ። ለሷ ሳይሆን ለሳቸው ስል አንዳፍታ ገዝቼ ላቀብላትና ገብቼ ልተኛ አሰብኩና

"ችግር የለውም አባቴ እርሶ ከሚሄዱ እኔ አመጣላታለሁ"

ስላቸው ገና መርቀውኝ ሳይጨርሱ ለሳቸው ጉርሻ መቶ ብር ጨምራ የቢራ መግዣውን ብር ሰጠቻቸው ።

የሳቸውን ለሳቸው ሰጥቼ ቢራውን ልገዛላት ስንቀሳቀስ ከዳግም ምርቃታቸው አስከትለው ቆይ የኔ ልጅ ጠርሙስ ካልያዝክ ማስያዣ ይጠይቁሀል ጠብቀኝ ጠርሙስ ላምጣ ብለውኝ ግቢ ውስጥ ወዳለ አንድ ክፍል አምርተው አራት የቢራ ጠርሙስ ይዘውልኝ መጡ።

ተቀብያቸው ልወጣ በሩን ከከፈትኩ በኃላ እዛ አከባቢ በግራም በቀኝም ሆቴል አለማየቴን አሰብ አድርጌ••••

"እታች ወርጄ ነው የምገዛው አደል አባባ እዚህ አከባቢ በቅርብ ሆቴል የለም አደል?" ስላቸው •

"ውይ የኔ ነገር የምትገዛበትን ሳላመላክትህ ሰደድኩህ አደል የኔ ልጅ ፣ ለካ አታውቀውም እያሉ ከግቢ ወጡና ካለንበት በቀኝ በኩል ትንሽ ሄደት ብዩ ወደ ግራ ቁልቁል የምትወስድ ቀጭን

መንገድ እንዳለችና ገባ እንዳልኩ ሆቴል እንደማገኝ ነገሩኝ። ከዚህ በፊት አላውቀውም ሆቴሉን ምናልባት በቅርብ የተከፈተ ይሆናል እያልኩ ወደ ሆቴሉ አቅንቼ ግቢ ውስጥ ስገባ ግቢው ጭር ያለ ነው ። ወደ ሆቴሉ ከሩቅ ሳማትር አለፍ አለፍ ብለው ወንበር ይዘው በተከፈተው ለስላሳ ሙዚቃ የሚዝናኑ ውስን ሰዎች ይታያሉ።

ራመድ ራመድ እያልኩ ወደሆቴሉ ዘው ብዬ እንደገባሁ ፊት ለፊት ባየሁት ነገር ልቤ ስንጥቅ አለች። ወይኔ አምላኬ ምንድን

ነው የማየው ? ጭራሽ እኔ የገዛሁላትን አዲሷን ልብስ••• እያልኩ በሁለቱም እጆቼ ሁለት ሁለት ባዶ የቢራ ጠርሙዝ እንዳንጠለጠልኩ ድንጋጤዬ አብረክርኮት አልራመድ ያለኝን እግሬን በግድ እየጎተትኩ በቀስታ ወደ ተቀመጡበት ወንበር ተጠጋሁ በሆቴሉ ውስጥ  ጭልም ደሞ ብርት የሚሉ ሲበሩም ደብዛዛ ብርሀን የሚፈነጥቁ ጌጣማ አንፖሎች እዛም እዛም ተሰቅለዋል ፣
ቀረብ ስል ግራ ገባኽ አብሯት ያለው ወንድ ፊቱ በደንብ ታየኝ። ዛኪ አይደለም።ገዘፍ ያለ ነው። አስተያየቱ  ደሞ ያስፈራል። ገልመጥመጥ ሲያደርገኝ እነሱን እያየሁ በቀጥታ ወደነሱ መሄዴን ቀየር አደረኩና እንደማለፍ ብዬ አየት ሳደርግ ልጅቷም ቃልዬ አይደለችም። ቀሚሱዋም ዲዛይኗ የቃልዬ አይነት ቢሆንም ' ከለሯ 'በተወሰነ መልኩ ይለያል።
የስራሽን ይስጥሽ ቃልዬ፣ ግራ የገባኝ ደግሞ ተከትያት ሀረር ከመጣሁ በሁዋላ የተጠናወተኝ በቅርብ ርቀት ያየኋት ሴት ሁሉ ቃልዬን የምትመስለኝ በሽታ ነው ፣ ይሄ መታመም ካልሆነ ምን ይሆናል ? እያልኩ ቢራውን ገዝቼ ተመለስኩ።
የግቢው ጥበቃ የቀራቸውን ምርቃት ሁሉ አሟጠው መረቁኝ።
"የእኔን እድሜ ያድለህ ፣ ጧሪ አያሰጣህ፣ የማታ እንጀራ ይስጥህ፣ የልጅ ልጅ ያሳይህ•••••" ሌላም ሌላም ብዙ ምርቃቶች።
"አባባ " አልኳቸው እንደጨረሱ።
"ወዬ የኔ ልጅ"
"ፍቅር ይዝለቅልህ!" ብለው ይመርቁኝ አልኳቸው እንባ እየተናነቀኝ።
"ፍቅር ይዝለቅልህ ፣ የወድድካትን ያፈቀርከትን ክፉ አይይብህ ፣ ትዳርህን ይባርክልህ !
" አሜን አሜን አሜን አባቴ" አልኳቸው ዋናው እሱ ነው ። እኔ የልጅ ልጅ ማየት የምፈልገው ከቃልዬ ነው። ከቃልዬ ከነጠለኝ በሁዋላ ረጅም እድሜ ምን ሊጠቅመኝ። እያልኩ ቢራውን ሰጥቻት ወደ ክፍሌ ገባሁ።

ቃልዬ ከዛኪ ጋር ማደሯን ማሰብ አስፈሪ እንደሆነብኝ ድካምና ረሀቡ ነው መሰለኝ የወደቅኩበትን ሳላውቅ ነጋ።
ጥዋት ወደ ድሬ ዳዋ ስመለስ ቃልዬ እራሷ እስክትደውል ላልደውልላት በናቴ ማልኩ።
ሳትደዉል መሸ፣ ሳትደውል ነጋ ፣ ሁለተኛ እና ሶስተኛ ቀንም እንደዛው ልደውል ስልኬን ካወጣሁ በሁዋላ በናቴ መማሌ ትዝ ሲለኝ  ስልኬን ወደ ኪሴ እመልሰዋለሁ።
በአራተኛው ቀን ደወለች ።
"ይቅርታ ኤፍዬ በዚህ ምርቃት ሰበብ ተዋክቤ፣ ቻርጀሬ ጠፍቶ ፣ ባትሪ ዘግቶ••••"   ብዙ ብዙ  አለች ፣ ለመጥፋቷ  ብዙ ምክንያት ብዙ ሰበብ  ተናገረች ቃል። ዝም ብዬ ሰማኋት።
ስትጨርስ አንድ ነገር ብቻ ተናገርኩ ።   አንድና አንድ  ነገር ብቻ አልኳት።
"ችግር የለውም ቃልዬ በጣም ላገኝሽ እፈልጋለሁ መች ይመችሻል?" የሚል ጥያቄ ብቻ ሰነዘርኩላት። ድምፄ መሰባበሩ ለኔ ቢታወቀኝም ለሷ አላታወቃትም አልያም አላስተዋለችውም።
"ኤፍዬ አብረን ለመዋል ከሆነ ነገ ፣ ለማደር ከሆነ ግን ከነገ ወድያ"
"አይ ችግር የለውም አብረን ውለን ትሄጃለሽ"
"በቃ ነገ ከሰአት ደውልልኝ "
የቃልን ስልክ እንደዘጋሁ ጌትነት ስልክ ላይ ደወልኩ።
እቤቱን ለአንድ ቀን እንደምፈልገው ነገርኩት።
"ችግር የለውም ኤፍዬ ማደርም ትችላለህ እኔ ጀለሶቼ ጋር እሄዳለሁ" አለኝ።
ቃልዬን ላመጣት ስሄድ ለጌትነት ደውዬ  ልመጣ ነውና ቁልፉን አስቀምጠህልኝ ሂድ አልኩት።

ደረስኩ ተገናኘን ። ስማኝ ከጀርባ ገባች። ደንዝዣለሁ። ምንም አላወራም ቃልዬ ግን ምን ያህል እንደናፈቅኳት ፣ ስለሰሞኑ የምርቃታቸው ወከባ ምን ያህል ግዜ እንዳሳጣት እያወራችልኝ የማውራት እድል ሳትሰጠኝ  እነ ጌትነት ቤት ደረስን።የማውራት እድል ብትሰጠኝ ምን እንደማውራ አላውቅም።
ገብተን ትንሽ እንደቆየን ከምን እንደምጀምር ምን እንደምላት ጨነቀኝ።
ካንድም ሁለት ሶስቴ ልጀምር እልና የሆነ የሚረብሽ ስሜት እየተናነቀኝ አቋርጠዋለሁ። ተነስቼ ወደ መታጠቢያ ቤት እሄድና በቀዝቃዛ ውሃ ፊቴን ታጥቤ እመለሳለሁ።
ቃልዬ ቡና ለማፍላት እየተንጎዳጎደች ሁኔታዬን ማስተዋል አልቻለችም።
አቦሉን እንደጠጣን •••
"በቃ ሁለተኛውን አታፍይ ይቅር " አልኳት።
"ለምን ኤፍዬ?" አለችኝ ፊት ፊቴን እያየች።ፊቴ ልክ እንዳልሆነ ያስተዋለችው ያኔ ነበር። መጥታ አጠገቤ ተቀመጠች።
"ምን ሆነሃል ኤፍዬ ችግር አለ?" አለችኝ አገጬን ይዛ ወደግራም ወደቀኝም ገልበጥ ገልበጥ እያደረችኝ።
"አዎ ችግር አለ ቃል"አልኳት አገጬ ላይ ያለውን እጇን ይዤ ከአገጬ ላይ እያወረድኩት።
"ምንድን ነው እሱ?" አለችኝ ልቧን በግራ እጇ ደገፍ አድርጋ እየተመለከተችኝ። ልቧ ነገራት ብዬ በውስጤ እያሰብኩ  ዝም አልኩ።
"ኤፊዬ!" ብላ ተጣራች።
"ወዬ ቃል"
"ምን ሆነሀል ?" ምን ሆንኩ እንደምላት ቸገረኝ።
"ቃልዬ" አልኳት።
"ውዬ"
"ታፈቅሪኛለሽ?"
.
.
ክፍል 49 ከ150 ላይክ ቡሀላ ይቀጥላል



https://t.me/saloda_trading

❤️ ተማሪዋ ❤️

🌹………ክፍል 47 …………🌹
.
.
.
.
ሊጠናቅ 3 ክፍሎች ብቻ ቀሩት 🫶ሼር ይደረግ

…
ጅቦቹ ቢኖሩም እነቃልዬ እዛም የሉም። የት ይሆኑ? እኔና እሷ ያደርንበት ሆቴል ይዛው ትሄድ ይሆን? እሱም ለሀረር አዲስ ከሆነ ሁለቱም ሀረርን በደንብ ስለማያውቋት ወደምታውቀው ወደዛው እኔና እሷ ወደነበርንበት ነው ይዛው የምትሄደው በርግጠኝነት ሌላ ቦታማ አያድሩም።

ደሞ ፀጥታውን ወድጄዋለሁ ስትል አልነበር እዛ ነው የሚሄዱት።

እኔና ቃልዬ ያደርንበት ፔንስዬን በር ላይ ስደርስ ከምሽቱ ሶስት ሆኖ ነበር።

ገባሁ... ጥበቃውን ሰላም ስላቸው አላስታወሱኝም። ቀጥታ ወደሚከፈልበት ክፍል ገብቼ ከፈልኩና ቁልፍ ወስጄ ቁልፉ ላይ ባለው ቁጥር መሰረት ወደ ክፍሌ አመራሁ። ቃልዬ እዛው ግቢ ውስጥ ብትሆን እና ብታየኝ ደንታ አልነበረኝም። እሷ አየኝ አላየኝ ብላ ትፍራ እንጁ እኔ ምን አስፈራኝ እያልኩ ከክፍሌ ወጥቼ የግቢው ጥበቃ ወደሆኑት ሰው ሄድኩና ሰላም ብያቸው እዛው እሳቸው ካሉበት በስተግራ የግንብ አጥሩ ስር ባለች አንዲት ጠፍጣፋ ድንጋይ ላይ እየተቀመጥኩ...

"ስገባ አላወቁኝም አደል አባባ? እኔም እገሌ ነኝ ሳልሎት ገባሁ እንጂ እንዳላወቁኝ አውቁያለሁ?" አልኳቸው።

"ኧረ አለየሁህም የኔ ልጅ ይቅር በለኝ የኔ ልጅ"

"ችግር የለውም የዛሬ ሶስት ወር አከባቢ ከሴት ጓደኛዬ ጋር መጥተን ነበር"

"አይ የኔ ልጅ እዚህ ስንቱ በየእለቱ እየመጣ ይሄዳል ማንን ከማን ለይቼ አውቃለሁ ብለህ ነው?"

"በርግጥ ልክ ኖት ከባድ ነው፣ ያኔ ግን ልንሄድ ተሰናብተናት ከወጣን በሁዋላ ተመልሰን መጥተን ነበር ፣ እንደውም ደግ አደረጋችሁ እንኳን ተመለሳችሁ የማታ ጉዞ ጥሩ አይደለም ብለውን ነበር አያስታውሱም?"

ውይ ውይ ውይ አስታወስኩ ጥዋት ስትሄዱ ቁርስ ይብሉበት አባቴ ብላ ብር የሰጠችኝ ልጅ ከሷ ጋር የነበርከው አንተ ነህ አደል ይቅር በለኝ የኔ ልጅ ታድያ እሷን የት ጥለሀት መጣህ ደና ነች??

እሷ ጣለችኝ እንጂ እኔማ ቃልዬን ጥዬ የት እሄዳለሁ አልኩና ለራሴ ለሳቸው...

"አይ እኔ አልተመቸኝም ነበርና እሷ ከወንድሟ ጋር ቀድማኝ ነው የመጣችው፣ ደሞ ክፋቱ ስልኬን እቤት ረስቼው መምጣቴ ነው፣ እዚሁ አልጋ እንደሚይዙ ነበር ከመምጣታቸው በፊት ያወራነው

ምናልባት በአንዱ ክፍል ከሆኑ ብዬኮነው ወደዚህ አልመጡም አደል አባቴ ?"

"ኧረ አልመጡም የኔ ልጅ ይሄው እንግዲህ አዳሬም ውሎዬም እዚሁ ነው ። ዛሬ በግቢው ሶስት ክፍል ብቻ ነው የተያዘው ሁለቱ ጠና ጠና ያሉ ሰዎች ናቸው።

አንደኛዋ እንኳን እዚሁ ነው የከረመችው እዛ አንተ አሁን ገብተህ ከወጣህበት ጎን በስተግራ ነው ያለችው ። ዲያቦራ ነው ምን አላችሁት ስማቸውን ብቻ ከውጪ ነው የመጣችው "

"ዲያስቦራ”አልኳቸው

" አዋ እንደዛ ነች ቀን ቀን ዘመዶቿ ዘንድ እየዋለች አዳሯ እዚህ መሆኑን ነው የሰማሁት " ከነሱ ውጪ ማንም የለም እንግዲህ ምናልባት ከተማ አምሽተው ሊመጡ ይሆን የኔ ልጅ ? " አሉኝ። "ይሆናላ አባቴ" እስቲ መጣሁ ከሌላ ሰውም ቢሆን ስልክ ለምኜ ልደውልላት። ብያቸው ልወጣ ስል

"እህ ና ከዚሁ መደወል ትችላለህ የኔ ልጅ ና ግባና ሂሳብ ክፍሏን አስደውይኝ በላት" አሉኝ ፡፡

"ችግር የለውም አባቴ ስልክ አላጣም" ብያቸው ወጣሁ። ስልክ መች አጣሁ የጠፋችብኝው ቃልዬ ነች እንጂ እያልኩ ። ስልኬን ከኪሴ አወጣሁና ቃልዬ ስልክ ላይ ደወልኩ።

"የደወሉላቸው ደንበኛ ከአገልግሎት መስጫ ክልል ውጪ ናቸው ትላለች ፣ ቃልዬ እኔን ከገልግሎት መስጫ ክልል ውጪ አደረገችኝ እንጂ እሷማ እዚሁ ነች።" እያልኩ ሁለተኛ ዙር ፍለጋዬን ጀመርኩ እኔና ቃልዬ የሄድንበትንም ያልሄድንበትንም ቦታ ሁሉ እየገባሁ ፈለኳት የለችም። የሚወስድ ይውሰደውና የት እንደወሰዳት ግራ ረባኝ።

ምናልባትም ቃልዬ ያን ግዜ መጨፈር እየፈለገች በግድ ይዣት ስለወጣሁ እስኪወጣላት ልትጨፍር ወደዛ ጭፈራ ቤት ቆይተውም ቢሆን መምጣታቸው አይቀርም በሚል ተስፋ ወደዛው ሄድኩና ጥጌን ይዤ መጠጣት ጀመርኩ። በባዶ ሆዴ ስለነበር የምጠጣው ወድያው ነበር አናቴ ላይ የወጣው። እነ ቃልዬ ሳይመጡ የቃልዬ ዘፈን መጣ፣ ያ ከወጣን በሁዋላ ገብተን ካልደነስንበት ያለችኝ ዘፈን••• የብሶት ስሜት ከደረቴ ስር

ሲፈነቀል የተሰማኝ ገና ክላሲካሉ ላይ ነበር ።

ዘፈነ ፀሀዬ...

ጥንድ ጥንድ ሆነው ሲሄዱ ባይ ሳጣሽ የኔን ሲሳይ ፣ ቀናሁ በሰዎች ላይ ዛሬም ሳላይሽ ላድር ነው ወይ እባክሽ ነይ ዝርያዬን ባስስ ባስስ አንቺ እንደሁ የለሽም

ባንጋጥጥ ወደሰማይ••••

ቃልዬን በአይነ ህሊናዬ ፊት ለፊት እያየኃት አብሬው ዘፈንኩ። ቃልዬ ሳትመጣ ዘፈኑ አለቀ።

በር በሩን እያየሁ እኩለ ለሊት አለፈ። ከብዙ ግራ የገባቸው ዘፈኖች በኋላ የመጣው አንድ ዘፈን የብሶት ሰንኮፌን ሁሉ አጥቦ አወጣው።

በቃልዬ ፍቅር የመጨረሻውን ብሶት እና ምሬት ፣ የመጨረሻውን ሀዘን እና መከፋት የማስተናግድበት የመጨረሻው ሰአት እስኪመስለኝ ዘፈኑንን እየሰማሁ አብሬው ስዘፍን እስከዛሬ ለማንም አልቅሼ የማላውቀው እኔ ኤፍሬም ለቃልዬ አነባሁላት። ዘፈኑ ሲያልቅ ወደ ዲጄው ሄድኩና በፍቅር አምላክ ይሁንብህ ይሄን ዘፈን ድገመው አልኩት።

"ኧረ ጣጣ የለውም ከፈለክ በመሀል በመሀል ሌላ ዘፈን እያስገባሀ አምስቴ እደግምልሀለሁ አያሳስብህ!"

"አይ በመሀል ሌላ ዘፈን ሳታስገባ አሁኑኑ ድገመው እባክህ" አልኩት ደገመው...

ሳላስብ ትተሽኝ ቢጠፋኝ ሚስጥሩ በንባ ተጥለቅልቀው አይኖቼም ታወሩ አንቺ አለሽኝ ብዬ ለሁሉም ሳወራ ብቸኛ አረግሽኝ ለንባዬ ቦይ ልስራ ትዝ አይልሽም ወይ አቅፌሽ አቅፈሽኝ...

ያ. ጫወታና ሳቅ እየደባበሽኝ በዛ ደስታ ምትክ እንባ ፈረድሽበት ኧረ ምን ተሰማሽ ምን ይላል ያንቺ አንጀት....ዘፈኑ ሲያልቅ ውስጤ የነበረው መጥፎ ስሜት ሁሉ በንባ ተጠርጎ የወጣ ያህል ቅልል አለኝ። ከዛ በሁዋላ እዛ ቤት መቆየትም ሌላ ዘፈን መስማትም ቃልዬን መፈለግም አልፈለኩም። አልጋ ወደ ያዝኩበት ክፍል አመራሁ። የግቢው ጥበቃ በሩን እንደከፈቱልኝ

"አላገኘሀቸውም የኔ ልጅ?" አሉኝ።

"አዋ አባባ " ብያቸው ብቻ ገባሁ።

ወደክፍሌ ሳመራ ዲያስቦራ የተባለችው ከኔ ክፍል ጎን ያለችው ሴት የክፍሏን መስኮት ከፍታ በለሊት ልብስ እንደቆመች ፀጉሯን እየነካካች ወደ ግቢው ታማትራለች። እድሜዋ ከሰላሰ ብዙ አይርቅም። ስታየኝ አየኋት። ምን ታፈጣለች እሷም እንደኔ የጠፋባትን ፍቅረኛዋን ፍለጋ ነው እንዴ የመጣችው እያልኩ ወደ ክፍሌ እየሄድኩ ደግሜ አየት ሳደርጋት አሁንም እያየችኝ ነው። አስተያየቷ የሆነ ነገር ልትጠይቀኝ የፈለገች ትመስላለች ። ፊቴን መልሼ ወደ ክፍሌ ራመድ ስል••..

"ይቅርታ ወንድም ኢዝ ዜር ኖ ሆስት?" አለችኝ። ወይ ጣጣ ለራሴ ሂወት ተደበላልቆብኛል የምን ድብልቅልቁ የወጣ ነገር ነው የምትናገረው ይቺ ደሞ አልኩና ለራሴ ። ግቢው ውስጥ አልጋ ለያዙ ሰዎች የሚያስፈልጋቸውን ከውጪ ገዝቶ የሚያቀርበውን አስተናጋጁን ፈልጋ እንደጠየቀችኝ ቢገባኝም

"ምን አልሽኝ?" አልኳት እሷን።

"ሰው የለም ግቢ ውስጥ መልክት መላክ ፈልጌ ነበር" አለችኝ ያው እንግሊዘኛውን እንግሊዘኛውን በሚል አነጋገር። እና ከውጪ ቆልፈውብሽ ነው እንዴ የሄዱት ወጥተሽ አጠይቂም እያልኩ በሆዴ...
.
.

https://vm.tiktok.com/ZMk8WD6kN/

ቀጣይ ክፍል 46 ማታ 2 ሰአት ይለቀቃል

❤️ተማሪዋ❤️
.

.

🌹…….. ክፍል 45…….🌹
.
.
ልክ እሩብ ጉዳይ ለሰባት ላይ ዛኪ በርሳ ጀርባው ላይ ጣል አድርጎ ከግቢ ብቅ ሲል አየሁት።ቃልዬ ተከተለችው ፣ ዘንጣለች። ቀድመው ደወለው ነው መሰል ባጃጅ በር ላይ ነበር የጠበቃቸው።

ተከታትለው ገቡ፣ ከሀለቱ ውጪ ሌላ ሰው ወደባጃጇ አልገባም።

ባጃጇ ተነስታ መሄድ እንደጀመረች ብዙም ሳትርቅ ተከተልኳት።

ቀጥታ ወደ መነሀሪያ ነው እየሄዱ ያሉት። የምይዝ

የምጨብጠው ግራ ገባኝ።

ልክ ሼል ደርሰው ወደ መናሀሪያ ከመዞራቸው በፉት አንዲት ሚኒባስ ስትክለፈለፍ መጣች። ሀረር ሁለት ሰው አለ ረዳቱ

አንገቱን ብቅ አድርጎ።

እነቃልዬን የጫነው ባለባጃጅ ለሚኑባስ ረዳት በእጁ ምልክት አሳየው ሚኒባሷ ቆመች ። እነቃልዬ ከባጃጇ ላይ ወርደው ሚኒባሷ ውስጥ ገቡ። ወደ ሀረር ነጎዱ።

የሰው ባጃጅ መሪ በቡጢ እየመታሁ እዛው በቅርቤ ወዳለው ማደያ አስጠጋሁና አቆምኳት፣ ቀልፉን እኔም ጋደኛዬም ለምናውቀው ነዳጅ ቀጂ ሰጥቼው ለጋደኛዬ ደውዬ ነገርኩትና ወደ ሀረር ለመሳፈር ወደመናሀሪያ ሮጥኩ።የገባሁበት ሚኒባስ አልሞላም። ተቁነጠነጥኩ።

እንደምንም ሞላ እነቀልዬ ወደሀረር ጉዞ ከጀመሩ ከሀያ አምስት ደቂቃ በኃላ የተሳፈርኩባት ሚኒባስ ወደ ሀረር ጉዞ ጀመረች ከፊት ለፊት ሚኒባስ ባየሁ ቁጥር ይሄ እነቃልዬ ያሉበት ይሆን?

እያልኩ። እነሱን ተከትዬ ወደሀረር እየተጓዝኩ ነው ። ከቃልዬ ጋር ስንሄድ አምስት ደቂቃ የተጓዝኩት ያልመሰለኝ መንገድ አምስት ቀን የተጓዝኩ ያህል ቢረዝምብኝም ሀረር ደረስኩ....

ሀረር እንደደረስኩ ለምን እንደመጣሁ፣ ምን እንደማደርግ፣ ወዴት እንደምሄድ ግራ ግብት አለኝ። ምግብ ትናንት ምሳ ሰአት ላይ እንደበላሁ ነኝ። የት እንደማገኛቸውም ፣ ባገኛቸው ምን እንደምላቸውም የማውቀው ነገር አልነበረም።

የሆነ ቦታ ተቀምጠው አልያም ከተማ ውስጥ እኔ ያስጎበኘኋትን የጀጎል በሮች ልታስጎበኘው ዘወር ዘወር እያሉ ፊት ለፊት ብንገጣጠም ፣ ምን እንደሚሰማኝ፣ ምን እንደማደርግ፣ ምን እንወምትል፣ እና ምን እንደምላት አላውቅም ። ይህን ሳላውቅ ነው እንግዲህ ቅናት የሚባል ዛር እያንዘረዘረኝ ተከትያቸው የመጣሁት። ግን ይሄ ቅናት ነው እንዴ? የምን ቅናት ቅናት እማ አይደለም። ይሄ መከዳት፣ መበደል፣ መገፋት፣ የወለደው መጥፎ ስሜት እንጂ ተራ ቅናት ሊሆንማ አይችልም። ይህን አይቶ እና ሰምቶ ፍቅረኛው ጋር ያለውን እውነት ለማወቅ ተከትሎ የማይመጣ ወንድ አለ እንዴ? ኧረ የለም። ቀናተኛ ነህ፣ ትጠረጥረኛለህ፣ አታምነኝም ስለዚህ በድብቅ ትከታተለኛለህ ትነዛነዛለህ ፣ ትጨቃጨቃለህ ላለመባል ብዙ ታግሻለሁ ይህንን ግን ልታገስና አይቼ እንዳላየሁ ላልፈው አልችልም። ባልፈውም ሰላም አላገኝም ፣ ሰላም ፍለጋ ሰላሜን አጣሁ፣ ፍቅርን ፍለጋ ፍቅሬን እስከማጣ መታገስ ምን ፋይዳ አለው? ምንም። ፍለጋዬን ልጀምርና እውነቱን ልጋፈጥ ብዬ ፍላጋዬን ከመጀመሬ እሷ ሳታየኝ እኔ ቀድሜ ባያቸው እንዳያዩኝ የምደበቅ መስሎ ተሰማኝ።

" እንዴ ቆይ ለምንድን ነው የምደበቀው ?" አልኩት የራሴ ስሜት እኔኑ አስደንግጦኝ።

እሺ ምን ታደርጋለህ አለኝ ያ ለብዙ ወራት ድምፁን አጥፍቶ የነበረውና ቃልዬ ውስጤ ያስቀመጠችው ጠበቃዋ እስኪመስለኝ ድረስ እኔና ቃልዬ ፍቅር በጀመርን ሰሞን ሲሞግተኝ የነበረው የራሴ ሀሰብ።

በርግጥ አሁን ላይ ምን እንደምላና ምን እንደማደርግ አላውቅም ፣ በቃ ልክ ሳያት የሚሰማኝን፣ ውስጤ በል በል የሚለኝን እላለሁ። ልክ ሳያት ተደበቅ ተደበቅ የሚል ነገር ከተሰማኝም የምደበቀው መጨረሻቸውን ለማየት ነው። ተደብቄ ለመከታተልና እዚሁ አብረው አንድ ክፍል ውስጥ እንደሚያድሩ ለማረጋገጥ እንጂ ለመሸሽ አይደለም። እንዴ ለምን እሸሻለሁ? እኔ ምን አጠፋሁና እሸሻለሁ? ከዚህ በላይ እውነቱን ላለመጋፈጥ ብሸሽሽስ ሸሽቼ የት እደርሳለሁ? ፣ ብቻ ላግኛት እንጂ ልክ ስንተያይ እሷ እራሷ የምታሳየኝ ስሜትና የምትለኝ ነገር ምን ማድረግ ምን ማለት እንዳለብኝ ያመላክተኝ የለ እንዴ ። ባገኛት ምንድን ነው የምላት እያለኩ ምን ያስጨንቀኛል?" ብዬ ለራሴም ለቃልዬ ጠበቃ ለሆነው የውስጤ ስሜትም ምላሽ እንደሰጠሁ ፣ ••••ቆይ አንተ ሳታያት እሷ ብታይህስ የሚል የላኪ አድራሻ የለለው ጥያቄ አቃጨለብኝ።

ይህንን ነው መፍራት፣ ድንገት ቀድማ ከሩቅ ብታየኝ እንኳን እንዳትለየኝ ምን ላድርግ? የሆነ እራሴን የምደብቅበት ኮፍያ ነገር መግዛት አለብኝ ። ኮፍያ ብቻ ሳይሆን ማክስም ማድረግ አለብኝ።ዘወር ዘወር አልኩና ዙርያዬን ቃኘሁ። ከሚርመሰመሰው የከተማው ሰው መሀል ማክስ ያደረገ አንድም ሰው አልታየህ አለኝ። አይኑራ ታድያ እኔ ባደርግ ምን ችግር አለው። ያየኝም በውስጡ የሚለውን ከማለት ባለፈ ቀርቦ ለምን ማክስ አደረክ የሚለኝ የለ። ይልቅ ኮፍያና ማክሴን ልግዛና የት ሊሆኑ የት ሊሄዱ እንደሚችሉ ማሰብና ፍለጋዬን መጀመር ነው ያለብኝ። መነፀርም ልግዛ እንዴ? አይ አይ መነፀሩስ ቢቀር ይሻላል ፣ ኮፍያና ማክስ አድርጌ በዛ ላይ መነፀርም ጨምሬበት ከተማ ውስጥ ወደዚህ ወደዛ ስል ፖሊስ እራሱ ቢያየኝ ዝም ብሎ የሚያልፈኝ አይመስለኝም። እራሴን ለመደበቅ የምሞክር ወንጀለኛ ልመስላቸው ሁላ ችላለሁ።

አይ መነፀሩ ይቅርና ማክስና ኮፍያውን ብቻ ልግዛ ብዬ ወሰንኩና ገዝቼ በኮፍያና በማክሱ እራሴን በመጠኑም ቢሆን ለመደበቅ ሞክሬ ፍለጋዬን ለመጀመር ተሰናዳሁ። ከሱሪዬ በስተቀር ከላይ የለበስኩትም ከዚህ ቀደም ለብሼው አይታኝ ስለማታውቅ ቃልዬ ቀረብ ብላ ካላየችኝ በስተቀር ከሩቅ ብታየኝ እንኳን ቁመናው እና አካሄዱ ኤፍሬምን ይመስላል ብላ ትጠራጠር ይሆናል እንጂ እርግጠኛ መሆን እንደማትችል እርግጠኛ ነበርኩ።

ፍለጋ ጀመርኩ በአንድ ድፍን ከተማ ውስጥ ሁለት ሰው መፈለግ መጃጃል መስሎ ቢታየኝም ሊሄዱ ይችላሉ ብዬ የማስባባቸውን ቦታዎች ብቻ ኢላማ አድርጌ ስለምፈልጋቸው አላገኛቸውም የሚል ተስፋ መቁረጥ ውስጥ ሳልገባ እየፈለኩ በየመሀሉ ግን ሴትና ወንድ ሆነው ተቃቅፈው አልያም ጎን ለጎን ሆነው የሚሄዱ ጥንዶችን ባየሁ ቁጥር ምንም እንኳን ቃልዬና ዛኪ ከግቢ ሲወጡ የለበሱትን ልብስ ያየሁና ያን አለባበሳቸውን እንኳንስ በዛች ቀን ወደፊትም እድሜ ልኬን የማልረሳው ቢሆንም ምናልባት እዚህ ደርሰው ቀይረው ቢሆንስ እያልኩ ጥንዶች ባየሁ ቁጥር ልቤ እየደለቀ ጥንዶቹ ወዳየሁበት አቅጣጫ ስገሰግስ፣ አንዳንዶቹን ቀርቤ እነቃልዬ እንዳልሆኑ ሳረገግጥ አንዳንዶቹ እኔ አጠገባቸው ከመድረሱ በፊት ታክሲ

ይዘው ሲፈተለኩ ቀልቤ አብሯቸው ሲፈተለክ እነቃልዬን ሳላገኛቸው መፈለግ ደከመኝ።

ቀኑ ደንገዝገዝ አለ። እንዴ ስንት ሰአት ሆኖ ነው ብዬ ሰአት ስመለከት አስራ ሁለት ሰአት አልፏል። ሳይታወቀኝ ምን ያህል ሰአት እነሱን ፍለጋ ከተማው ውስጥ እንደባዘንኩ አሰብኩና ለራሴ አዘንኩ።

የከተማ ውስጥ ፍለጋዬን ገትቼ ካንዱ ሆቴል ወደ ሌላ ሆቴል ስገላበጥ እነቃልዬን የበላ ጅብ ሳይጮህ ከምሽቱ ሁለት ሰአት ሆነ።

ነገሩ የሀረር ጅብ ምን በወጣው እሱ መች ሰው ይበላና ቃልዬን የበላትማ ዛኪ የተባለ ...•ብዬ ያሰብኩትን ተናግሬ ሳልጨርሰው ተውኩትና ፣ ምናልባት የሀረርን ለማዳ ጅቦች ልታሳየው ይሄዱ ይሆን? እሷ ባለፈውም መጠጋት ፈርታ ነበር ምናልባት ለሱ ለማሳየት ስትል ይዛው ትሄድ ይሆናል እያልኩ ወደዛው አቀናሁ።
.
.

ከ 200 ላይክ በኃላ ክፍል 46 ይለቀቃል❤️

❤️ ተማሪዋ ❤️

🌹…….. ክፍል 44 ………..🌹

.
.
.
.
.

.
እኔማ ግዜ እውነቱን ያውጣው ብዬ ትቼው ነበር እድሜ ለኪያ የቃልዬን እና የዛኪን ዱካ እየተከታተለ አልፈልግም ብለውም በግድ ወሬ እያቀበለኝ ወዳሉበት ሁሉ ይልከኛል። ካየሁዋቸው ደግሞ መረበሼ አይቀርም። ምንሽ ነው አልላት ነግራኛለች ። ለምን ከሱ ጋር እንዲህ ትሆኛለሽ እንዳልላት የምከታተላት፣ የማላምናት፣ የምጠረጥራት ይመስላታል ትጣላኛለች ብዬ እፈራለሀ። የጨነቀ ነገር ሆኖብኝ እንጂ የምቀየረው እሄስ ባህሪ የኔ አልነበረም።

አቦሉን እንደጠጣን..

"ኤፍዬ"

"ወዬ ቃል"

"እስቲ ስለኔም እናውራ" ስትለኝ ደነገጥኩ።

ስላንቺ ምን ቃሌ?"

"አንተስ የምትወድልኝን እና የምትጠላብኝን ባህሪ አትነግረኝም?"

"ቃልዬ የምወድልሽን ነገር መናገር ብጀምር እየደለም እሄ ምሽት ነገ ቀኑም ቢጨመር መሽቶ እስኪነጋ አውርቼ የምጨርስ የሚበቃኝ ይመስልሻል?"

"እሺ በቃ የምትጠላብኝን ባህሪ ንገረኝ"

"ቃሌ የምጠላው ሳይሆን ብትሆኝልኝ ወይ ብትለምጂልኝ ብዬ የምመኘውን አንድ ሁለት ነገር ልንገርሽ አንደኛው ቃልዬ ውሎ እንዴት ነበር ? የሚባል ነገር አለማወቋ ያበሽቀኛል" ስላት "ማለት?" አለችኝ።

"ማለትማ በፍቅር ሂወት መሀል አንዱ ወሳኝ ነገር ውሎ እንዴት ነበር ብሎ ማውራት ነዋ፣ አንቺ ደሞ አልፈጠረብሽም "

"አልገባኝም ኤፍዬ"

"እኔ ስንገናኝ ከመገናኘታችን በፊት ባሳለፍነው ቀን የነበርንበትን ሁኔታ ብናወራ ደስ ይለኛል ፣ አንቺ ግን እንኳንስ ሳልጠይቅሽ ልትነግሪኝ ስጠይቅሽም ደምሽ ይፈላል" ስላት ትን እስኪላት ሳቀች።

"ወይ ኤፍዬ እና አንተ እምትፈልገው ልክ ስንገናኝ ዛሬ ጥዋት ልክ አስራ ሁለት ሰአት ከአርባ አምስት ደቂቃ ላይ ከእንቅልፌ ነቃሁ፣ ሁለት ተኩል ላይ ቁርስ በላሁ፣ አራት ሰአት ክላስ ገባሁ፣ ስድስት ሰአት ከክላስ ወጣሁ፣ መንገድ ላይ አንድ ለከፈኝ፣ ግቢ ውስጥ አንዱ ወደድኩሽ አለኝ፣ ከግቢ ውጪ አንዱ ሰደበኝ እያልኩ ሪፖርት እንዳቀርብልህ ነው ኪኪኪ"

"አትሳቂ ቃልዬ ኮተታ ኮተቱን ሁሉ እንድታወሪልኝ ሳይሆን በጥቅሉ ያለውን ነገር እና ወጣ ያለ ፕሮግራም ምናምን ሲኖርሽ መናገሩ ጥሩ ነው ፣ ደስ ይላል እኮ፣ ደስ ስለሚል ብቻ ሳይሆን አብረን ባልሆንበትም ሰአት አብረን እንዳለን ያህል እንዲሰማን ያደርጋል፣ ግልፅነትን እና መተማመንን ያጠነክራል፣ብዙ ጥቅም አለው ቃሌ"

"ኦ. ማይ. ጋድ. ግን በጣም አሰልቺ አይሆንም ኤፍዬ እሺ ሌላስ?"

"ሌላውም ያው የዚሁ ግልባጭ ነው ። ስለነገ ማውራትም አትወድን ቃልዬ። ይሄም ግን አስፈላጊ ነው። ስለነገ ስልሽ ሰለነገ ሳይሆን ስለወደፊት እንዲሆን እምትፈልጊውን እንዲሁም ለማድረግ ያሰብሽውን ነገር ማውራት ደስ ይላል ለምሳሌ እኔ ሁሌም ሀሳብ የሚሆንብኝ ቃልዬ ከተመረቀች በሁዋላ የት ነው ተቀጥራ ስራ መስራት የምትፈልገው ድሬ ነው ወይስ አዲስ አበባ የሚለው ነገር በጣም ያሳስበኛል። እንኳን ስለወወፊቱ ስለዛሬም ስጠይቅሽ ጭቅጭቅ ስለሚመስልሽና ቶሎ ስለሚሰለችሽ ግን ጠይቄሽ አላውቅም ።"ስላት በስስት እያየችኝ ከተቀመጠችበት ተነስታ ወደኔ መጣችና አቀፈችኝ። ኤፍዬ ሙት አንጀቴን አላወስከው። እንደተመረቅኩ ያው ቤተሰቦቼ ለምርቃቴ መምጣታቸው ስለማይቀር አብሪያቸው ሄዳለሁ ትንሽ ቆይቼ ወደዚህ ተመልሼ ነው ስራ መፈለግ የምጀምው ከፈለክ አንተ ወደ አዲስ አበባ ትመጣና ወደዚህ አብረን እንመለሳለን ፣ይሄንን ቀደም ብዬ ሳስብት ነበር ኤፍዬ አፈቅርሀለሁ እሺ" ስትለኝ ያለንበት ቤት ብቻ አይደለም ምድር የጠበበችኝ እስኪመስለኝ በደስታ ተጥለቀለቅኩ። እንቅፋት የገጠመው የመሰለኝ ፍቅራችን በዚች በቃልዬ ንግግር እንቅልፋቱ ሁሉ ሲጠራረግ ታየኝ። ተስፋዬን አለመለመችው። በዚች ምሽት ቃልዬ ልትመረቅ ሁለት ወር ነበር የቀራት። መድረሱ ያስፈራኝ የቃልዬ ምርቃት ቀን ናፈቀኝ። እህቴ እገዛልሀለሁ ያለችኝ ሚኒባስ ደግሞ ሶስት ወር ነው የቀረው። እያንዳንዷ ቀን መሽታ በነጋች ቁጥር የምመኘውን ሂወት ወደምጀምርበት ቀን የምታወጣኝን መሰላል እየወጣሁ ያጋመስኩ ያገባደድኳት መስሎ ይሰማኝ ነበር።

ቃክዬ መመረቂያ ግዜዋ እየደረሰ ነው አንድ ወር አከባቢ ሲቀረው የመመረቂያ ፅሁፍ ገለመሌ እያለች በጣም ትዋከብ ነበር።ልክ ቃልዬ ልትመረቅ ሁለት ሳምንት ሲቀራት ስራ ላይ እያለሁ፣ በአንድ ቀን አመሻሹ ላይ ከምሽቱ ሁለት ሰአት አከበቢ ባጃጄ ውስጥ ቁጭ ብዬ ሞባይሌን እየነካካሁ ቴሌግራም አካውንቴ ላይ መልዕክት ገባ። ቴሌግራሜን ከፍቼ ስመለከተው መልዕክቱ የተላከው ደግሞ ከዛ ከማላውቀው ቁጥር ነው። ቃልዬ ጭፈራ ቤት ከዛኪ ጋር ያመሸች ቀን የጭፈራ ቤቱ ስም ተፅፎ የተላከበትን ቁጥር የማይታወቅ ብዬ ይዤው ነበር።
ቴሌግራም ላይ የተላከው መልክት በዛ ቁጥር ነው፣ የተላከው መልክት ፎቶ ነው።ጫን ብዬ ካልከፈትኩት ምንነቱ የማይታወቅ ፎቶ መልክቱን ከፍቼ ማየት ፈራሁ። ሳመነታ ቆየሁ፣ በመጨረሻም ከፈትኩት ። ፎቶው የሰው ፎቶ አይደለም፣ ሁለት ሰዎች የተላላኩትን መልክት 'እስክሪን ሹት' አድርገው ነው የላኩልኝ። የመልክት ልውውጡ እንዲህ ይላል•••

"ዛኪ ነገ የት ነህ አንገናኝም?"

"ነገ ግቢ የለሁም ባክህ?"

-"የት ልትሄድ ነው?"

" ከችኳ ጋር ሀረር ልንሄድ ነው"

"ኧረ ባክህ ደስ ይላል ፈታ ልትሉ ነዋ ፣ ስንት ሰአት ነው የምትሄዱት በጥዋት ነው ያቺን መፃፍ ፈልጌ ነበር?''

"አይ በጥዋት አይደለም ከምሳ ሰአት በኋላ የምንሄድ ይመስለኛል እስከስድስት ሰአት አለሁ ናና ውሰድ ወይ እኔ እራሴ አቀብልሀለሁ"

"በቃ ለማንኛውም ጥዋት እንደዋወል"

የሚል ነበር ። ዛኪ ከአንድ ግቢ ካለ ወንድ ጋደኛው ጋር የተለዋወጠው መልክት መሆኑ ግልፅ ነው።

ያንን ፎቶ አንስተው የላኩልኝ ዛኪ ሀረር የሚሄደው ከቃል ኪዳን ጋር እንደሆነ ሊነግሩኝ መሆኑን ሳስበው በተቀመጥኩበት ቢዥዥዥ አለብኝ። አዞረኝ። ባጃጄ ውስጥ የነበረውን ኮዳ አነሳሁና ውስጡ ያለውን ውሃ አናቴ ላይ አፈሰስኩት። በውሃ የሚቀዘቅዝ መች ሆነና። ምን እንደማስብ ምን እንደማደርግ ግራ ገባኝ። ከባጃጄ ላይ ወርጄ ጭለማ ቦታ መርጬ ድንጋይ ላይ ቁጭ አልኩ።

ለብዙ ደቂቃዎች ምናልባትም ለአንድ ሰአት ያህል ቁጭ አልኩ። ትንሽ ስረጋጋ ወደ ቃልዬ ስልክ ደወልኩ።,በቃ ነገ እፈልግሻለሁ እላታለሁ፣ አይመቸኝም ካለች የማይመቻት ከዛኪ ጋር ሀረር ለመሄድ እንደሆነ በግልፅ እነግራታለሁ። እኔ ብሸሸውም እየተከተለ ስቃዬን ያበላኝን እውነት አፍርጬው የምትለውን እሰማታለሁ ። ብዬ ከወሰንኩ በኋላ ነበር ወደ ቃልዬ ስልክ የደወልኩት።ስልኩን አንስታ.. "እንዴት ነህ ኤፍዬ?" ስትለኝ ደፍሬ ያንን ልበላት አልበላት ግን እርግጠኛ ልነበርኩም ። ብቻ ደውልኩ ። የቃልዬ ስልክ ጥሪ አይቀበልም።ከደረሰኝ መልክት በላይ የቃልዬ ስልክ ዝግ መሆኑ ቅስሜን ሰበረው። በሩጫ ግቢያቸው ድረስ ሂድና ስሟን እየጠራህ ጩህ ጨህ አለኝ ። ነገርግን ከተቀመጥኩባት ድንጋይ ላይ አልተነሳሁም። ሶስት ግዜ እየቆየሁ እየቆየሁ ብሞክርላትም ስልኳ ጥሪ አይቀበልም፡፡ ሀሳቤን ቀየርኩ ቃልዬ ስልክ ላይ መደወሌን ትቼ ፍፁም ወደሚባል እንደኔው ባጃጅ ያለው ጋደኛዬ ጋር ደወልኩ ለነገ ባጃጁን እንዲያውሰኝ እና ከፈለገ የኔን ባጃጅ መጠቀም እንደሚችል ስነግረው ።
እኔ ነገ ስራ አልወጣም ናና ውሰድ አለኝ። ምንም ሳልተኛ አደርኩ። ጥዋት ሶስት ሰአት ላይ የሱን ባጃጅ ይዤ እነቃልዬ ዩንቨርስቲ መግቢያ አከባቢ አደፈጥኩ።
.
.

https://vm.tiktok.com/ZMk1XrBAJ/

❤️ ተማሪዋ ❤️
.
.

🌹🌹 ክፍል 43 🌹🌹


.

አለች እንጂ የኔዋ ያፈር ገንፎ የመሰለች ወድጄ መሰለህ እንዴ እንዲህ አፈር የመስልኩት። እቺ እኮ ጣፋጭ ጠረኗ ሁሉ እስካሁን እስካሁን ባጃጁ ውስጥ አለ ። አለች እንጂ የኔዋ የላብ ገንቦ ወድጄ መሰለህ እንዴ አፍንጫዬ ላይ ማድያት ያወጠሁት።
ያንተ እኮ ሀፒታይዘር በላት ሽንኩርት የሆነች ልጅ አለች እንጂ የኔ ዘጊ ምግብ ስነላ ፊቴ ተቀምጣ ካፈጠጠች ምግቡ ይዘጋኛል ወድጄ መሰለህ እንዴ እንዲህ ባጥንቴ የቀረሁት።"

ወድጄ መሰለህ እያለ ሁሉንም የሱን እንከን በሚስቱ ላይ ሲለድፍ ግራ ገብቶኝ ከሳቄ መልስ ..ቆይ ጠልፋህ ነው እንዴ ያገባሀት?" አልኩት
"እንዴት?
"ፈልገህ አደል እንዴ ያገባሀት?" አልኩት።
"መጀመሪያ እማ ያገባሁዋት ላባቷ አንድ ልጅ ነች ብቸኛ ወራሽ እሷ ነች ብዬ ነበር።
አባቷ ሲሞት ለካ በየቀበሌው ሁለት ሁለት ወልዷል ተጠራርተው ስምንት ሆነው መጡ ከኔዋ ጉድ ጋር ዘጠኝ አትልም አንዷን ውርስ ለዘጠኝ በጣጥሰው ሲካፈሏት ክው አልኩ። ለሚስቴ የደረሳት ብር አመትም አልቆየ አለቀ፣  ከዛ በሀላ በሰላም ውለንም አድረንም አናውቅም ጭራሽ ያባቷን ፈለግ ተከትላ ስምንት ልጅ በየቀበሌው ልትወልድ ነው መሰለኝ አርፋ አትቀመጥም ወድጄ መሰለህ እንዴ እንዲህ የምጠጣው ?"  ብሎኝ ወረደ።

የቃልዬ ዳንስ አይኔ ላይ እየተርገበገበ፣ የኪያ ንግግር ጆሮዬ ላይ እያቃጨለ አልጠፋ አለኝ። ለሶስት ቀን ያህል ከገባሁበት ድባቴ አልወጣሁም። ከቃልዬ ጋር በስልክ እንደነገሩ ከማውራት ውጩ ሶስቱንም ቀን አልተገናኘንም።ቃልዬ በደወልኩም በደወለችም ቁጥር ምን ያህል እንደምታፈቅረኝ ሳትነግረኝ ስልኩን አትዘጋም።
ናፍቆት ፀናብኝ። የቃልዬ ናፍቆት ዳንሱንም ከአይኔ ላይ የኪያን ንግግርም ከጆሮዬ ላይ ጠራርጎ ድራሹን አጠፋው። ሶስት ቀን ያላየኋት  ቃልዬ በብርቱ ናፈቀችኝ።
ንዴቴም ፣ ብሶቴም፣ ኩርፊያዬም በቃልዬ ናፍቆት ታጥቦ ገደል ገባ። እሷን ከማግኘት ረሀብ ውጪ የሚሰማኝም የሚታየኝም ነገር ጠፋ። በሶስተኛው ቀን ማታ ወደቃልዬ ስልክ ደወል።
"ሄሎ" አለኝ የወንድ ድምፅ ነው ። ክፉኛ ደንግጬ ስልኩን ከጆሮዬ ላይ አወናጭፌ አወረድኩትና አፈጠጥኩበት ። አልተሳሳትኩም ቃልዬ ላይ ነው የደወልኩት ..ሄሎ ....አልኩ ደግሜ ካሁን አሁን ዛኪ ነው መቸስ ስልኳን ያነሳሁ ማነህ አንተ ቢለኝ ማነኝ እንደምለው እያሰብኩ ሄሎ አልኩ። ቃልዬ ''ኤርሚያስ ምነካህ የሰው ስልክ አይነሳም እሺ ብልግና ነው " እያለች ስልኩን ስትቀበለው ተሰማኝ።
"ሄሎ ቃልዬ!" አልኩ በልቤ አወይ ጣጣዬ ኤርሚያስ ደሞ ማን ይሆን እያልኩ።
"ሄሎ ኤፍዬ ይቅርታ እሺ አንዱ የክላስ ልጅ ነው መመረቂያ ፅሁፉን በግሩፕ ስለምናዘጋጅ አንድ ግሩፕ ነን እና ዶክመንት ልላክ ብሎ ተቀብሎኝ ስልኬ እሱ ጋር ነበር ይቅርታ እሺ?"አለችኝ። "ችግር የለውም ቃልዬ ናፍቀሽኛል ቃሌ ነገ ላገኝሽ እፈልጋለሁ" አልኳት። እኔም ንፍፍፍቅ ነው ያልከኝ" አለችኝ። በቃ ምንም እንዳልተፈጠረ በንጋታው ምሳ ሰአት ላይ ቃልዬን እስካገኛት ጓጓሁ።

በንጋታው ምሳ ሰአት ደረሰ አልደረሰ እያልኩ አራት ሰአት ላይ ጌትነት ስልኬ ላይ ደወለ። የደወለው ማን እንደሆነ እንዳየሁ ነበር ገና ስልኩን አንስቼ ሳላናግረው የኔና የቃልዬ የምሳ ቀጠሮ ወደ አዳር እንደሚቀየር እርግጠኛ የሆንኩት። "ሄሎ ጌትሽ አማን ነው ?" ወዬ ኤፍዬ እንዴት ነህ ? አቦ ድንገት ለሆነ ጉዳይ ተደወለልኝ እና ከድሬ ልወጣ ነው ፣ እቤት እንድታድርልኝ ላስቸግርህ ነው ጋደኛዬ" ኧረ ጣጣ የለውም አባቴ ገና ስትደውል ነው ባየር ላይ የምሳ ቀጠሮዬን ወደ እራት የቀየርኩት" ካካካ ያው እራት ማለት ደሞ አዳር ነው በለኛ"
''እሱ ግልፅ ነው መጠየቁስ" ሀዬ ኤፍዬ በቃ ቁልፉን የተለመደው ቦታ ሱቋ ውስጥ አስቀምጬ ሄዳለሁ"

"እሺ ጌት ሰላም ግባ"

ወድያው ለቃልዬ ደውዬ የምሳ ቀጦሮኣችን ወደ አዳር መቀየሩን ከነ ምክንያቱ ስነግራት እሺ ኤፍዬ ልትወስደኝ ስትመጣ ደውልልኝ" አለችኝ። እስከ ምሽቱ አስራ ሁለት ሰአት ስሰራ አመሸሁና ቃልዬን ይዣት ወደዛው አመራን።
"ዛሬ እራት ምርጥ ጥብስ ነው የምሰራልህ ስጋ ገዝተን እንግባ ኤፍዬ" ጥሬ አይሻልም ቃል?" "ጥሬማ ምን ስራ ያስፈልገዋል? እኔ ግን ጥብስ ሰርቼ ባብላህ ነው ደስ የሚለኝ ቡናም እናፈላለን " አለችኝ። አልገባትም ቃልዬ። ጥሬ አይሻልም ስላት የሀረሩ ትዝ ብሏት ትስቃለች ብዬ ጠብቄ ነበር። ገብተን እየተጋገዝን እራት ሰርተን እየተጎራረስን በልተን እንዳበቃን ቡና እየጠጣን "ቃልዬ ቅድም ጥሬ ምናምን ስልሽ ምንም ትዝ አላለሽም እኔ ታስታውሽዋለሽ ብዬ ጠብቄ ንበር" ምኑን ኤፍዬ?"

"ትገርሚያለሽ የሀረሩን ቆይታችንን ረስተሽዋል ማለት ነው"

"ኦኬ. ካካካካ የእውነት ግን ጥሬ ስትለኝ አልመጣልኝም እንጂ የሀረሩን ቆይታችንን አንድም ቀን ሳላስታውሰው አድሬ አላውቅም ሁሌ ነው ስተኛ ስተኛ ትዝ የሚለኝ" "እህ ለምንድን ነው ስተኚ ስተኚ ትዝ የሚልሽ ቀንስ?"

"ያው ቀን በተለያየ ነገር ማለት በትምህርት፣ በጥናት፣ ባንተ ሀሳብ፣ በቃ በብዙ ነገር ቢዚ ሆኜ ስለምውል ነዋ ። ጋደም እንዳልኩም ስላንተ አስባለሁ ያኔ ለመጀመሪያ ግዜ አብረን ያደርንበት ሀረር ትዝ ትለኛለች ። ከዛ ያንተ ወሬ ፣ ጥሬ ስጋው ዳንሱን ሁሉ በየተራ አስታውሰዋለሁ"

''ለመጀመሪያ ግዜ አብረን ያደርነው ሀረር ነው እንዴ ቃል" ሂድ ወደዛ እና በተገናኘን በዛው ምሽት ያደርነውን አዳር እንደአዳር ላስታውሰው እንዴ?" ለምንድን ነው የምታስታውሽው ያኛው በደረቁ ስለሆነ ነው"

"ኪኪኪኪ አቦ ያድርቅህ ወደዛ ሞዛዛ" አለችኝ። ቃልዬ አፈረች።

"እኔማ ሀረርን የረሳሻት መስሎኝ ገርሞኝ ነበር"

"እንዴት ይረሳል ኤፍዬ ያኔ ስታወራ የነበረውን ወሬ ባስታወስኩት ቁጥር እስቃለሁ አይ ኤፍዬ ግልፅነትህ እኮ ደስ ይላል!! ስትለኝ ሀረር እያለን ከግልፅነቴ ውጪ የምትወጁልኝ ምንድን ነው ስላት ሌላ ግዜ ነግርሀለሁ ያለችኝ ትዝ አለኝ። ጠየኳት።

" ኤፍዬ ሙት ሁሉ ነገርህን እወድልሀለሁ ብቻ አንዳንዴ•••'' ብላ እያየችኝ ዝም ብላ ቆየችና

"በቃ አሁን ቡናውን እንጠጣ አታስለፍልፈኝ " አለች፡፡

"ቃልዬ ደሞ አንዴ ጀመርነው እኮ ቆይ ከኔ ባህሪ የማይመችሽ ወይ የማትወጂው አለ ? እሱን ንገሪኝ እስቲ"

"ኤፍዬ ሙት ብዙ የለም ብቻ አንዳንዴ ድንገት የሚቀይርህ ነገር አለ ዝም ብሎ የሚከፋህ ነገር ያኔ እጨነቃለሁ"

"ሌላስ?"..

"ሌላው ደሞ ቶሎ ግንፍል የምትለው ነገር ያስፈራል ኤፍዬ እኔ ላይ አይደለም ግን በቀደም ያንን ሰካራም ሰውዬ ልታንቀው ስትንደረደር ላየህ ሁኔታህ በጣም ያስፈራ ነበር እኔ እራሴ ፈራሁህ። እንዴ ኤፍዬ እንዲህ አይነትም ባህሪ አለው እንዴ ነው ያልኩት። ሀረር እያለንም እየደንነስን አንዱ ሳያውቅ ገፋ አድርጎኝ እንዴት እንዳሽቀነጠርከው ትዝ ይልሀል ? ደስ አይልም ቶሎ ወደ ፀብ የምትገባ ሰው እንድትሆን አልፈልግም"

"እሺ ቃልዬ አስተካክላለሁ" አልኳት።

ቃልዬ እንዳለችው ቶሎ ወደ ፀብ የመግባት ድክመቴን አምኜ እቀበላለሁ። በርግጥ ከድሮው አንፃር አሁን እሻላለሁ። ቃልዬ ድሮ ብታውቀኝ ደንብራ ካጠገቤ ትጠፋ ነበር አልኩ በውስጤ። ድንገት የሚቀይር ድንገት የሚከፋህ ያለችው ነገር ግን በሷና በዛኪ ድፍንፍን ባለ ግኑኝነት ምክንያት የመጣብኝ አዲስ ህመም ነው።

ምን ላድርግ ተናግሬም የማይወጣልኝ ትቼም የማልተወው ህመም ሆነብኝ።
.
.

https://vm.tiktok.com/ZMhTas2wC/

❤️ተማሪዋ ❤️

.

🌹…………ክፍል 42 ……….. 🌹
.
በአይነ ህሊናዬ ታየኝ ፣ ከዚህ ጭለማ በላይ የኔ ሂወት ሲጨልም ታየኝ  እውን የሆነ ያህል ደንግጬ •••
"ኧረ ቃልዬ!" አልኩ ሳይታወቀኝ በደመነፍስ ።
"ምንድን ነው የምትለኝ ኤፍዬ ግባና ንዳ እንጂ ቀስ እያልክ ንዳ ማለት ይህን ያህል ያናድዳል?" ስትለኝ ከሄድኩበት የሀሳብ አለም ባንኜ።
"ምናልኩሽ?" አልኳት ደንግጬ።
ግባና ንዳ እራስሽ ንጂው አልነዳም እየተባባልን ስንጨቃጨቅ አንድ ስካር ጢንቢራውን ያጠናገረው ሰካራም ከየት እንደመጣ እንጃ ጎንበስ ቀና እያለ መጣና ድንገት ባጃጇ ውስጥ ጥልቅ አለ።
"ወይኔ ኤፍዬ ድረስ !!" ብላ ጮኸች ቃልዬ ደንግጣ። ዛኪዬ ድረስ አለማለቷም ተመስገን ነው።
"እሰይ  እኔን እብድ ስትይ የለየለት መጣልሽ " አልኩ በውስጤ ሰውየውን እያየሁት።
"የየየየየ የምን ኤፍዬ ነው ? የኔ ስም ገረመው ነው ቆንጅት ኤፍዬ ትያለሽ እንዴ ገረመውብለሽ ጥሪኝ ህቅ•••እስቲ ገረመው በይ?" አላት ። ከመስከሩ የተነሳ ቁጭብ ሎም መሸከም ያቃተው ጭንቅላቱ ብቻውን ይንገዳገዳል።
"አሁን ትወርዳለህ አትወርድም ገረመው እኔ ሰው አልጭንም " አልኩት።
"ምናልክ ሹፌሩ ሰው አልጭንም እና ኩንታል ልትጭን ነው እንዴ የቆምከው በባጃጅ ኩንታል ወግ ነው ሲዳሩ ማልቀስ አቅምን አውቆ መኖር ጥሩ ነው የሚለውን ዘፈን ጨርሰህ ዝፈነው እሺ ያኔ አቅምህን ታውቃለህ። እኔ እዚህ ጨለማ ውስጥ ባጃጅ ጥበቃ ስንት ሰአት እንደቆምኩ ታውቃለህ  ሰው አልጭንም ይላል እንዴ እና ይቺ ከጎኔ የተቀመጠችው ኩንታል ነች እንዴ ? እሄው በደንብ አየኃት አይደለችም " እያለ ወደ ፉቷ ጠጋ ብሎ ሲመለከታት ቃልዬ ሽምቅቅ ብላ  ባጇጇ ላይ ተጣበቀች።
"አይዞሽ የኔ ቆንጆ አስደነገጥኩሽ አደል ይቅርታ አንቺኮ  በጭለማ ውስጥ ያለሽ   የ-የ-የ-የ የብርሀን ጭላንጭል ነሽ ።
አይገርምሽም ታምሪያለሽ አይገልፅሽም።
  አለች እንጂ የኔ ሚስት በጨለማ አትታይ በፀሀይ አትታይ ምኗን አይቼ  እንዳገባሁዋት  ግራ ገብቶኛል።
ወድጄ መሰለሽ የምጠጣው ምናልባት ምኗን አይቼ እንደወደድኳት ስጠጣ ቢገለጥልኝ ብዬኮነው።
ሴት መሰለችሽ ሰላቢ በያት እሄው እሷን ስከታተል ስንት አመት ሆነኝ እሳን እጅ ከፍንጅ እይዛለሁ ብዬ  ስከተላት  ስንት ቦታ ፈንጅ ረገጥኩ መሰለሽ።
እኔና ሚስቴኮ አብረን እየኖርን የተፋቷን ብቸኛ ባለትዳሮች ነን ።
አብረን እየኖርን አብረን እያደርን ነው አሁንም ድረስ ግን ተፋተናል።
ብዙ ወሬ ሰማሁ ወሬ ሰምቼ ከምወስን በገዛ አይኔ አይቼ ቢለያኝ ይሻላል ብዬ ምንም እንዳልሰማ ባል ሆኜ በድብቅ እከታተላት ጀመር እኔ እሷን ተደብቄ ልከታተል እሷው ተደብቃ እኔን ትከታተለኝ እስከሚምታታብኝ ድረስ እንኳንስ በማታ በቀንም ላገኛት አልቻልኩም ቀን ከስራ እቤት መጥቼ የለሽም የት ነበርሽ ስላት አጠገብህ ትለኛለች ። በቃ ሁሌ ያለሁበት ቦታ ሁሉ ያለች ይመስለኛል ወድጄ መሰለሽ ድምፄን ቀንሼ የማወራው የምትሰማኝ እየመሰለኝ እኮ ነው ።
" ባጃጁን ያቆምኩት ላንተ አይደለምና ውረድ!" አልኩት በንዴት!።
"ስማ ሹፌሩ አንተም ወንድ ነህ ነገ ማግባትህ መውለድህ አይቀርም የጀመርኩትን ወሬ ልጨርስበት አታቋርጠኝ ምን ይመስላል በሚስቴ ሞት።
ለኔማ ነው ያቆምከው!  ለሌላ የቆምክ መስሎህ ነው እንዴ?
እኔን  እኮ ነኝ  እዛ ጋር ቆሜ ያየከኝ።  ሌላ ሰው ቢኖር ለምን እስካሁን አልመጣም?  ይልቅ አንተ ስራህን ስራ ከልጅቷ ጋር ላውራበት" ሲል ቃልዬ ሳቀች። አንገቱን ከኔ ላይ መንጭቆ  በፍጥነት ወደሷ ዞረና•••
"ምን ምን ምን ምን እስቲ በናትሽ ሳቅሽን ድገሚው  የተኮረኮረ ህፃን ልጅ እኮ ነው የምትመስይው !
ግን ግን በናትሽ ካላስቸገርኩሽ ያሁኑን ሳቅ አንዴ ድገሚልኝ !" አላት ። ተበሳጨሁ።
"ስማ ሰውዬ  የሷ ሳቅ ስትጋት ያመሸከው ጠጅ መሰለህ እንዴ የሚደገመው  አሁን የምትወርድ ከሆነ በፀባይ ውረድልኝ? አልኩት።

"ጠጅ አልጠጣሁም አረቄ ነው ጠጅ ስጠጣ አይተሀል? ነበርክ? እኔ ጠጅ አልጠጣሁም  አረቄ ነው ነው የጠጣሀት ዝም ብለህ በመላ ምት ጠጅ ትላለህ እንዴ?
ደሞ ሳቅ እንጂ ሌላ ነገር ድገሚኝ አላልኳት ምን አቃጠለክ ኪኪኪኪ " ብሎ ሳቀና ደሞ ወደሷ ዞሮ
"እኔኮ ተሳፋሪ መስለሽኛል  ! ፍቅረኛሽ ነው እንዴ ለካ! በቅናት አንገበገብኩልሻ  አንበሳ ነኝ አደል አንበሳ••••" እያለ ሳቁን ቀጠለው።
ትግስቴ አለቀ።  አንቄ ላወርደው ገና ያዝ ሳደርገው•••
"ኤፍዬ ኤፍዬ ለኔ ስትል ስሞትልህ ኤፍዬ ልቀቀው እራሱ ይወርዳል!" አለች ቃል ግብግብ ብላ።
" አፌ ቁርጥ ይበልልሽ  አንቺ ባትኖሪ ምን  ይውጠኝ ነበር  ሆሆሆሆ ሊበላኝ ነው እንዴ?
እራሱ ድብን ይበል አንቺ ለምን ብለሽ ነው የምትሞችው?  እውነቴን ነው  እድሜ ለሴቶች እንበል  እናንተ ባትኖሩ እኮ እኛ ወንዶች እሄን ግዜ እንደ ዳይኖሰር እርስ በርስ ተበላልተን ከምድረገፅ በጠፋን ነበር! ምኑ ዳይኖሰር ነገር ነው በሚስቴ ሞት ተከመረብኝ እኮ"
"እሺ አሁን ትወርዳለህ አትወርድም?"  አልኩት ወደሱ እየተጠጋሁ..

"እራስህ እኮ ነህ አቁመህ የጫንከኝ !"
"ላንተ አልቆምኩም አልኩህ እኮ!
"ታድያ ለማን ነው የቆምከው?"
"ለሷ!"
"ለሷ ካካካ እሷኮ አብራህ ነው የመጣችው አሃሃሃ  ልታወርዳት ነበር እንዴ የቆምከው ገባኝ !
ታድያ ምን አጣደፈህ ቀስ ብለህ አትቆምም  ብቻሽንማ አትወርጂም ነይ በይ እንውረድ!"
ሲላት•••
ሳላውቀው  በንዴት ውስጥ ሆኜ  ሳቄ መጣብኝ እንደምንም ላለመሳቅ እየታገልኩ ኮሌታውን ይዤ ጎትቼ ላወርደው ስል•••
"እባክህ  ተወው እንደዛ አታድርግ ! ቆይ የት ነው መሄድ እምትፈልገው አንተ ?!" አለችው።
"ብዙ አርቅም እኮ እሄኛው  መጠጥ ቤት ስለተዘጋብኝ  እቅዴ ደሞ አዳሬን መጠጣት ስለሆነ ቤት ልቀይር ነው እዛች ጋ ያለችው ግሮሰሪ ልጠጣ እየሄድኩ ነው ።
ያቺ ግሮሰሪ  አትዘጋም።  ሙች እውነቴን ነው  ያቺ ግሮሰሪ  ካልታሸገች በስተቀር  አትዘጋም
ወደዛ ነው እምሄደው. ዝግ ከሆነች ወደ ከተማ እመለሰላሁ"ሲላት
"በናትህ ኤፍዬ ጣል አርገነው እንለፍ ?" እለችኝ ባይኗ እያባበለችኝ።
ብስጭት እንዳልኩ ባጃጇን አስነስቼ ከነፍኩ።
"ምን አርጊ ነው እምትላት እነጨርሳለን እንጫረሳለን እያልክ ታስፈራራለህ እንዴ?" አለ

እስቲ ዝምበል ስለው ጭራሽ ባሰበት•••
"ዝም አልልም እንደውም እሱን ተይው አንቺ ብቻ  እሺ በይኝ ?"
"ምን ?"
"አንዴ ብቻ የቅድሟን ሳቅ ድገሚልኝ " አላት ቃልዬስ ሳቂልኝ የሚላት  አግኝታ ነው ለቀቀችው። ደስ አለው።
በናትሽ ይህን ሹፌር እናቃጥለው አሁንም ድገሚው ሲላት እኔ እራሴ ሳልፈልግ ሳቄ መጣ።
"ግን ምን ሆነሽ ነው ከዚህ ባለ አስፈሪ ፊት ሹፌር ጋር በጭለማ ብቻሽን የምትሄጂው ?" ሲላት አልቻልኩም። ሳቄን ለቀቅኩት።
"ግሮሰሪዋ ዝግ ነች ምን ይሻልሀል?"
" ዉ ይ ዝግ ነው እንደውም ባንተ ባጃጅ መሄድ አልፈልግን እዛው የጫንከኝ ቦታ መልሰኝ "
"ምን ?" አልኩት እያቆምኩ።
"ኪኪኪኪ ኤፍዬ በናትህ በቃ አድርሰኸኝ ስትመለስ ጣል አድርገው"
"አንቺ ደሞ አበዛሽው!"
ቃልዬን ግቢ በር ላይ አድርሻት እንደወረደች ።
"ኬት ጠብ አደረካት ይቺን የመሰለች ልጅ እባክህ አንባሳ ነህ አባቴ ይሙት ኮራሁብህ ጀግና " ሲለኝ አሁን ገላጋይ የለም ብሎ እያባበለኝ መሆኑ ገባኝና ፈገግ አልኩ።

https://vm.tiktok.com/ZMh7Q9na4/

❤️….. ተማሪዋ ……❤️

🌹🌹ክፍል 41 🌹🌹

አልኳት አዎ አውቀዋለሁ " አለችኝ ፀጉሯን በጣቶቿ እየነካካች።
"ስንቴ መጥተሻል?"
"አንድ ሁለቴ"
"ከማን ጋር?"
"ከግቢ ልጆች ጋር ነዋ ብቻዬን አልመጣ ምነው ኤፍዬ?"
"አይ ምንም መች ነበር የመጣሽው?"
"እህህህ ኤፍዬ ምንድን ነው፣ መጥቻለሁ ከግቢ ልጆች ጋር አልኩህ ፣ የግድ ቀንና ሰአቱን ማስታወስ አለብኝ  የወንጀል ምርመራ ጥያቄ አስመሰልከው እኮ"
"በይው"
"በ. ይ. ው. ምኑን ነው እምለው ኤፍዬ. መነታረክ ትተን ነበር ደሞ ሊጀምርህ ነው?" ስትለኝ ሀሞቴ ፍስስ አለ። በቃ እኔ የምጠላው ነገር በቃልዬ መፈረጅ ነው። ቃልዬ ጨቅጫቃ፣ ነትራካ፣ ተጠራጣሪ፣ የሚቀና ወንድ አድርጋ ስታስበኝ ያመኛል ። ምንም ነገር መጠየቅም መስማትም ያስጠላኛል።  መነታረክ ትተህ ነበር ሊጀምርህ ነው ስትለኝ ገና እራስ ምታቱ ጀመረኝ።ዝምምም አልኩ።
" በቃ እንሂድ " አለችኝ።
"ለምን ቃል?" አልኳት በደከመ ድምፅ ። የራሴ ሁኔታ እኔኑ አሳዘነኝ።
"ብዙ አልቆይም ስለናፈቅከኝ አግኝቼህ ልመለስ ብዬህ አደል የመጣሁትአለች። መግባት አለብኝ " አለች።
ብዙ ግዜ ብዙ አልቆይም አየት አድርጌህ ልመለስ ብላኝ መጥታ አብረን አድረናል። አሁን ለምን ጥያቄ አበዛብኝ ብላ እንጂ ሌላ የምትሄድበት በቂ ምክንያት ቢኖራት ትነግረኝ ነበር። ። እንድትቆይ ላግባባት አልችልም ውስጤ በሚያስጠላ ስሜት እየተተራመሰ ነው ፣ መበሳጨቴን መደበቅ አልቻልኩም።
ቃልዬን ክፉ ነገር ከምናገራት ብሸኛት እንደሚሻል  አሰብኩና
"እኔም እራሴን እያመመኝ ነው ልክ አይደለሁም ነይ በቃ ላድርስሽ"  ብያት ወጣን ።
የራስ ምታቴ ምክንያት ምን እንደሆነ መች ይገባታል። ምን ሸቶህ ነው ፣ ጉንፋን ሊይዝህ ይሆን ለምን ከፋርማሲ መድሀኒት አንገዛም እያለች ስትወተውተኝ
"ተይኝ ቃልዬ እፈልገዋለሁ!"አልኳት።
" ምኑን?" አለች ግራ ገብቷት።
"በሽታውን እራስ ምታቱን "
"ኤፍዬ ምን ሆነሀል ዛሬ?"
"እራሴን አሞኛል አልኩሽ አይደል ቃሌ"
"እሱን እማ ፈልገዋለሁ ተመችቶኛል እያልክ አይደል እንዴ"
"አንዳንዴ ቢያሳምሙሽም  አብረውሽ እንዲሆኑ እምትፈልጊያቸው ነገሮች አሉኮ
"በናትህ ኤፍዬ አታላግጥ ይልቅ መድሀኒቱን እንግዛ"
"አልገዛም መታመሙን እፈልገዋለሁ አልኩሽ እኮ"
ተናዳ ዝም አለች። እኔም ዝም አልኩ። ከግማሽ መንገድ በላይ በፀጥታ ከሄድን በኋላ
"ኧረ ቀስ ብለህ ንዳ  ኤፍዬ ! እንዴ እንዴት እንዴት ነው የምትነዳው ? ያስፈራል " አለችኝ።
ባጇጇን ቀጥ አደረኩና " ሰአቱ ሄደ መሸብኝ እቤት ይቆጡኛል ገለመሌ ብለሽ ያጣደፍሽኝ አንቺው አይደለሽ እንዴ? ነይ ንጂዋ እንግዲህ እስቲ ንጂውና እንዴት እንዴት መሄድ እንዳለብኝ አሳይኝ!" ስላት እሷ ገና እቤት ይቆጡኛል የሚለው ንግግሬ ጋር መሳቅ ስለጀመረች ከዛ በኋላ የተናገርኩትን የሰማችኝ አልመሰለኝም።
እኔ በብስጭት የምይዝ የምጨብጠው ጠፍቶኛል እሷ ትስቃለች።
"እና አሁን ለምንድን ነው እዚህ ጭለማ ውስጥ የቆምከው"
"በቃኣ አነዳድህ አልተመቸኝም እያልሽ አይደል ነይና ንጂዋ"
"ሆሆሆ እብድ" አለችኝ። ካበድኩ ስለቆየሁ ስድብ ሳይሆን ስሜ መሰለኝ።ጭራሽ ከባጇጇ ወርጄ በቀኝ በኩል በመቆም " ውረጂና ንጂ እኔ ከጀርባ እቀመጣለሁ ያለበለዚያ እዝቹ ባጃጅ ውስጥ እናድራታለን እንጂ አልነዳም አልኳት።
"አሪፍ ነዋ እንደውን ወደፉት እያስታወስነው የምንስቅበት ጥሩ ትዝታ ይሆነናል " ስትለኝ ደሞ በረድ አልኩ።
በአንዲት ቃል ስታቀዘቅዘኝ እራሴን ታዘብኩት " ምን ይሻልሀል ኤፍሬም በቃ ቃልዬ ስትፈልግ የምታነድህ ስትፈልግ በአንዲት ንግግር ብቻ የምታበርድህ የኤሌትሪክ ምድጃ ሆነህ አረፍከው የኤሌትሪክ ምድጃ እንኳን በጣም ከጋለ በኃላ ሶኬቱ ቢነቀልም ለመቀዝቀዝ ግዜ ይወስድበታልኮ!" አልኩት እራሴን ።
ለወደፊቱ እያስታወስን የምንስቅበት ጥሩ ትዝታ ይሆነናላ ስትለኝ ቃልዬ ከኔ ጋር እስከመጨረሻው መዝለቋን ያረጋገጠችልኝ ያህል በንዴት ውስጥም ሆኜ ደስ ስሊኝ ገርሞኝ።
በርግጥ ለወደፊት በፍቅር በትዳር አብሮ ስለመዝለቅ ከቃልዬ አንደበት ሲወራ ሰምቼ አላውቅምና ይህ ንግግሯ ብርቅ ቢሆንብኝ በኔ አይፈረድም። ቢሆንም ባጃጁን አለመንዳትና ቃልዬን ማበሳጨት የኔን ንዴት ያበርደው ይመስል ባለመንዳት አቋሜ ፀናሁ።
ንዳ አልነዳም ስንነታረክ ለምን ትናንት እዛ ጭፈራ ቤት ኮንትራት የፈለገ ሰው ደውሎልኝ ስመጣ አየሁሽ ብያት አልገላገልም በውስጤ ይዤው ከምብሰከሰክ እንደዛ ብያት ብገላገልስ አልኩ።
ያው መልሷ የታወቀ ነው መቸስ ።
"ትናንት የዛሬው ጭፈራ ቤት አየሁሽ ልበላት እንዴ?"
ጭንቅላቴ ከመፈንዳቱ በፊት ተንፍሸው ልገላገል የምትለውን ትበል።
በቃ ለኔ ሁለቱም ያው ነው ፣ እኔ በጭንቀት ከመፈንዳቴ በፊት ጭንቀቴን ተንፍሸው ያበጠው ይፈንዳ።
ምን ብዬ ልጠይቃት•••
"ቃልዬ ከአንድ ቀን በፊት ዛሬ የሄድንበት ጭፈራ ቤት አየሁሽ ልበል?" ስላት
ቃልዬ  ብስጭት ንጭንጭ እያለች
" አዎን እኔና ጓደኞቼ  እና የአክስቴ ልጅ  ሆነን ወጣ ብለን ነበር "
"ኡፍፍፍ••• እና ያክስትሽ ልጅ ከሆነ  ከሱ ጋር እንደዛ እየተሻሹ መደነሱ ለምን አስፈለገ?"

ምን ? ምናልክ እንኳንም በግዜ አወቅኩህ ለካ እንደዚህ አይነት ሰው ነህ?"
"እንዴት"
"ኦኦኦ ተደብቀህ እኔን መከታተል ጀመርክ ገና ፍቅረኛህ ሆኜ እንዲህ እየተደበቅክ የምትከታተለኝ ብታገባኝማ እቤት ውስጥ ቆልፈህብኝ ነው የምትወጣው እንኳንም በግዛ አወቅኩህ ። እንኳንም ወደፊት ምን አይነት የቅናት ዛር የሚያንዘረዝርህ ቅናታም ባል እንደምትሆን በግዜ እንድነቃ አደረከኝ።  ከዚህ ቀደም ዛኪ ማነው አልከኝ፣ ማንነቱን በግልፅ ነገርኩህ ፣ ከዚህ በላይ ምን ፈለክ ?  ተሻሸሽ ይላል እንዴ እንኳን ተሻሸሁ ደግ አደረኩ በራሴ ገላ ምን አገባህ።  ሆ•••• አንሶላ ስጋፈፍ የያዘኝ አይመስልም በጌታ፣ ምን ውስጥ ነው የገባሁ ትገርማለህ ግን ከማንም ጋር ያሻኝን የመሆን መብት አለኝ እሺ፣ ምንም ነገር የማደርገውም የማላደርገውን አንተን ፈርቼ ከመሰለህ
ለራስህ የሰጠኸው ቦታ የተሳሳተ መሆኑን እወቀው። ሰማንያ ቆርጠህ፣ ሽማግሌ ልከህ ፣ ደግሰህ ያገባኸኝ መሰለህ እንዴ?
ያኔማ  በየመንገዱ ምንድን ነው ለሰውየው ፈገግ አልሽለት እንዴ ? ለምንድን ነው ትኩር ብሎ ያየሽ ? ታውቂዋለሽ እንዴ? እና ካላወቅሽው በየመንገዱ ምን ያስገለፍጥሻል? እያልክ መሳቅ ስፈልግ በናትህ ሳቅ አፈነኝ ልሳቅ እንዴ ኤፍዬ እያልኩ እንዳስፈቅድህ ሳታስገድደኝ አትቀርም።
ተሻሸሽ ይለኛል እንዴ እንኳን ተሻሸሁ ፣ ታድያ አሁንስ ከኔ ጋር ምን ታደርጋለህ አንተም አንዷን ፈልገህ አትተሸሽም?።
ይሄው አንድ አመት ሊሞላን ነው ካንተ ያተረፍኩት ነገር ቢኖር ጭቅጭቅ ብቻ ነው። እኔ ነፃነቴን እፈልገዋለሁ። ቤት ገባት ቤት ወጣሽ ? ማንን አገኘሽ? ከማን ነሽ? እሚለኝ ፍቅረኛ አይደለም እንዲኖረኝ በጭራሽ አልፈልግም!። ካሁን በሁዋላ እንዳትደርስብኝ አልደርስብህም። ድርሽ እንዳትልብኝ። ዞርበልልኝ አትጠጋኝ ኤፍሬም ። እንዳትጠጋኝ እኔ ጮኻለሁ ኤፍሬም!"
እያለች ኤፍዬ ስትለኝ እንዳልነበር ስሜን ከነአሰስ ገሰሱ እየጠራች ፣ እንደአብድ እያደረጋት ፣ ንፋስ ላይ እንደተሰጠ ጨርቅ እየተወናጨፈች ሜዳ ላይ ገትራኝ ስትሄድ....
.
.
ከ 150 ላይክ በኃላ ክፍል 42 ይለቀቃል

https://vm.tiktok.com/ZMhYMxcmU/

❤️ ተማሪዋ ❤️
.
.

🌹…… ክፍል 40……..🌹

ኢትዮጲያ ውስጥ የትም ቦታ የትኛዋም ሴት ከአክስቷ ልጅ ጋር እንደዚህ የምትደንስ አይመስለኝም ።ለቃልዬ ባክስት ልጅ እና በኔ መካከል ያለው ልዩነት ምንድን ነው ።  ጭፈራ ቤቱ ጥግ ላይ እንደግርግዳ ቋሚ ተለጥፌ እነቃልዬን እያየሁ ስንጨረጨር ስልኬ ጮኸች። ከጭፈራ ቤቱ እየወጣሁ ስልኬን ስመለከታት ያ መልክት የተላከበት የማይታወቅ ስልክ ነው። አነሳሁት።ሄሎ ስል የሚያስጠላ የሴት ልጅ ሳቅ። ፈጣሪዬ ሆይ እኔ አላብድ ያልኳቸው ሰዎች በዙርያዬ አሉ እንዴ ? ደሞ ይሄንን ሳቅ አውቀዋለሁ። መቼ እና የት እንደሆነ ባላውቅም ይህንን ሳቅ የሆነ ቦታ አውቀዋለሁ። ለማስታወስ ሞከርኩ። የመክሊት ሳቅ ነው ። አዎ እራሷ ነች ። በገንኩ ። እንደእብድ አደረገኝ ። አይ ኪያ የቶማስ ሳያንሰው ለመክሊትም አሳልፎ ሰጠኝ ። ደግማ ከሳቀች ለማረጋገጥ ደወልኩ አይነሳም ።
ይሄ ልጅማ ከኔ ጋር የከረረ ፀብ ፈልጓል ፣ጭራሽ ለመክሊት ፣ ወይኔ ኤፍሬም እኔና ኪያ የሚለይልን ዛሬ ነው።
ወደ ጭፈራ ቤቱ መመለስ ይኑርብኝ ወደኪያ መሄድ መወሰን አቅቶኝ ጭለማው ላይ እንዳፈጠጥኩ ደቂቃዎች አለፉ። ኪያን ምን እንደበደልኩት ለማስታወስ ሞከርኩ። ምንም ትዝ አይለኝም ። አንድ ሰፈር ተወልደን አንድ ላይ ተምረን እንደየፍላጎታችን በምንፈልገው የስራ ዘርፍ ተሰማርተን ሂወትን ለማሸነፍ መፍጨርጨር እስከጀመርንበት ድረስ የከረረ ፀብ እንኳን ተጣልተን አናውቅም እንደማንኛውም ያንድ ሰፈር ልጆች በተለያየ ግዜ በተለያየ ጉዳይ ከመከራገር ከመበሻሸቅ፣ከመኮራረፍ እና መልሶ አስታራቂ መሀላችን ሳይገባ በጫወታ ሞቅታ ከመታረቅ ያለፈ ክፉ ነገር በመሀላችን ተፈጥሮ አያውቅም።
ቢያውቅም የዛሬን ያህል በኪያ የተከፋሁበት ቀን የለም የማትነካውን እየነካብኝ ነው ኪያ በማይመጣው እየመጣብኝ ነቅ ኪያ ማንንም ልታገስ በማልችልበት ደካማ ጎኔ እየመጣብኝ ነው። ኪያ ሁሉ ነገሬ ከራሴም በላይ በማፈቅራት በቃልዬ ከመጣብኝ አብሮ ማደግ፣ አብሮ መማር፣  ጓደኝነት፣ወንድምነ ሁሉ ለኔ ቦታ አይኖራቸውም ምክንያቱም ቃልዬ እንኳንስ ከኪያ ከራሴም በላይ አፈቅራታለሁ። እሷ ካጣሁ እኔ እራሴ የታለሁና ቃልዬ እኮ ነች እጅ ላይ በሚጠለቅ ቀለበት ሳይሆን በፍቅሯ ልቤ ላይ ቃልኪዳን ያሰረች የኔ ፍቅር ቃልኪዳን ነች ድጋሚ ወደ ጭፈራ ቤቱ ብገባና ቃልዬን በዛ መልኩ ከልጁ ገር ስትጨፍር ባያት  ያስችለኝ ይሆን በጭራሽ ።
መሀላቸው ገብቼ ቃልዬን ከዛኪ ላይ መንጭቄ እየጎተትኳት ስወጣና ማንው ደሞ ይሄ ጥጋበኛ እያለ ስከተለኝ በደምፍላት ዞሬ አፍንጫውን ብዬ ደሙን ሳንዥቀዥቀው ታየኝ። ከዛ ቡሀላስ በኔና በቃልዬ ማሀል ምን ይፈጠራል?
ሁሉም ነገር  ድብልቅልቁ  ሲወጣ ታየኝ። ስልኳ ላይ ሞከርኩ አሁንም ጥሪ አይቀበልም። የማደርግ የምሆነው ነገር ግራ ገባኝ።
የቃልዬ አደናነስ ፉቴ ላይ ይውለበለባል ተቃጠልኩ።  በኪያ ተንኮልና ወሬ ቃልዬ ላይ መናደድ የሱን ሀሳብ ማሳካት መስሎ ቢታየኝም አለመናደድ አልቻልኩም። እኔኮ የቃልዬን ገላ አይደለም የቃልዬን ቀሚስ ንፋስ እንኳን ሲገልበው እቀናለሁ። ታድያ  እንደዛ ተጠብቃበት ስትጨፍር እያየኃት እንዴት ብዬ ነው አለመናደድ የምችለው።

ስለኔና ስለቃልዬ ለኪያ ያወራሁባትን ቀን ያቺን አርብ ምሽት ክፉኛ ጠላኋት ፣ከአያቴም ከእናቴም የሰማሁትን እርግማኖች ሁሉ ረገምኳት።
ግን ቀኗ ምን ታድርገኝ ። በግድ አፌን ፈልቅቃ አላስወራችኝ። እራሴው ነኝ የግል ሚስጥሬን  ሳልጠየቅ የለፈለፍኩት ሊያውም ለኪያ ። እሄ የተረገመ ልጅ አሁን የት ነው ያለው? በሱ ወሬ ከቃልዬ ጋር ሳይሆን ከሱ ጋር እንደምጣላ ከዚህ ቀደም ነግሬዋለሁ ። ዛሬ በተግባር አሳየዋለሁ እያልኩ ባጃጄን አስነስቼ ከነፍኩ።
እንዴት እና በምን ፍጥነት እቤት እንደደረስኩ አላውቅም። ኪያ እቤት ውስጥ የለም። ገራዡ ዝግ ነው። ገኒ ጋርም ፈለኩት እዛም የለም።
ጭለማ ውስጥ ባጃጄን ተደግፌ እንደቆምኩ እንድ ጥያቄ ውልብ አለብኝ። አዋ እንዴት ግን ቅድም ልክ ጭፈራ ቤቱ በር ላይ ስደርስ ጠብቀው "አትወጣም" ብለው መልክት ላኩልኝ? ያ ማለት እኮ ስገባ እያዩኝ ነበር ማለት ነው። በቃ ኪያ ከመክሊት ጋር እዛው ጭፈራ ቤት አልያም እዛው አከባቢ ነው ያለው። እሄን ሁሉ ነገር የሚያደርገው መክሉትን ለማስደሰት እንደሆነ ግልፅ ነው ። እሱ መክሊትን ለማስደሰት ቶማስን ከዛኪ ጋር እንዲተዋወቅና የት ምሳ እንደሚበሉ የት እንደሚያመሹ መረጃ እንዲያቀብለው አደረገ።  ከዚህ የከፋ ነገር አለመሸረቡንስ ማን ያውቃል እስቲ እንተያያለና እንግዲህ ። ድጋሚ ወደ ጭፈራ ቤቱ ገሰገስኩ።
እነቃልዬ ጭፈራ ቤቱ ውስጥ የሉም ሄደዋል። ኪያንም በዛው ጭፈራቤትና በአከባቢው ባሉ ሆቴሎች ፈልጌ አጣሁት። ቃልዬ ስልክ ላይ ሞከርኩ አሁንም ዝግ ነው። ወደቤት ስመለስ ኪያ አልገባም። ጭራሽ ሳይመጣ አደረ። እንቅልፍ ባይኔ ዝር ሳይል አስቀያሚና ረጅሙ ለሊት እንደምንም ነጋ። እንደተነሳሁ ቀጥታ ወደ ገራዥ አመራሁ። ከኪያ ጋር ክፉኛ ተጣላን። የገራዡ ሰራተኞች  መሀላችን ገብተው ባይገላግሉን ከሱ ጋር ከመነጋገር መደባደቡ ይሻለኝ ነበር።
በዛ ተምዘግዛጊ ምላሱ ከአስር ግዜ በላይ  •••" ኤፍሬም ይልቅ አይንህን ግለጥ !" ይለኛል። ጭፍኜ ስሄድ የት እንዳየኝ እሱ ነው እሚያውቀው ስለኔ እንደማይመለከተው ደጋግሜ ስነግረው እየደጋገመ
"ኤፍሬም ይልቅ አይንህን ግለጥ ከኔ ጋር በመጣላት የምታተርፈው ነገር የለም ትርፉ መቀያየም ነው ። አንተን እና ቃልኪዳንን የማውቃችሁ እኔ ብቻ ነኝ እንዴ? ድሬ ዳዋ ዩንቨርስቲ የሚማረው የድሬ ዳዋ ልጅስ ቶማስ ብቻ ነው እንዴ? ብዙ ተድሬ ልጆች እኮ እዛ ይማራሉ። እሷን ስታደርስ እና ስትመልስ የሚያይህ ብዙ ነው ። ከኔ ላይ አይንህን አንሳና ዙርያህን ተመልከት ፣ እውነቱን በመሸሽ ወይም ከኔ ጋር በመጣላት ፍቅርህን ማትረፍ የምትችል መሰለህ እንዴ? ና ምታኝ ምታኝ ችግር የለውም ፣ እኔን በመምታት ንዴትህ የሚወጣልህ፣ ቃል ኪዳንም ታማኝ የምትሆንልህ ከመሰለህ ምታኝና ደስ ይበልህ!" ሲለኝ እራሴን አቅቶኝ ዘልዬ አንገቱን አነቅኩት። ምታኝ ምታኝ ከማለት ውጪ ለመሰንዘር አልሞከረም ። የገራዥ ልጄች እንዳላቀቁን ምንም ማለት ምንም መናገር አልቻልኩም ወወቤት ገብቼ ተኛሁ።

አመሻሹ ላይ እህቴ ጋር ሄጄ እራት በልቼ ስመለስ ኪያ የራሱን ልብስና መኝታ ይዞ አብረን ከምኖርበት ቤት ለቋል።
እራስ ምታት እያጣደፈኝ ነው የዋለው ። ማታም አለቀቀኝም። ለቃልዬ አልወልኩም እሷም አልደወለችም ።
በሁለተኛው ቀን አመሻሹ ላይ ደወልኩላት። እንዳነሳችው ገና  ለምን ስልክሽን ዘጋሽ  ብዬ ሳልጠይቃት ቀድማ ከትናንት ወድያ ቻርጅ ዘግቶባት እንደነበርና ቻርጅ ስታደርገው ብዙ ግዜ መደወሌን መልክት እንደደረሳት መደወል ፈርታ እስክደውል እየጠበቀችኝ እንደነበር ፣ እንደናፈቅኳትና አሁን ለአጭር ሰአትም ቢሆን ልታገኘኝ እንደምትፈልግ፣  ከቻልኩ ወደ ግቢ ሄጄ እንድወስዳት ነገረችኝ ።
መጣሁ እየወጣሽ ጠብቂኝ ከማለት ውጪ ምንም አላልኳትም።
ግቢ ስደርስ ቆማ እየጠበቀችኝ ነበር።  ምንም ሳልናገር ቀጥታ ከአንድ ቀን በፊት ከዛኪ ጋር ወደጨፈረችበት ጭፈራ ቤት ይዣት ሄድኩ።

በሩ ላይ ስንደርስ "እንዴ ኤፍዬ ዛሬ እዚህ ነው የምናመሸው?" አለችኝ።
"አዎ" ብያት ገብተን ትንሽ እንደቆየን
"ምነው ቃል ቤቱ አልተመቸሽም እንዴ ? ይሄን ቤት ከዚህ በፊት ታውቂዋለሽ?"
.

ከ150 ላይክ በኃላ ክፍል 41 ይለቀቃል 🌹

https://t.me/saloda_trading

❤️ተማሪዋ❤️


ክፍል 39

.


.


.
ማነው ምናልባት ኮንትራት የፈለገ ደንበኛዬ ይሆን በማላውቀው ስልክየላከው። እንደዛማ አይሆንም ቢያንስ ናልኝ እዚህ ቦታ መሄድ ፈልጌ ነው ይል ነበር። እና ማነው እያልኩ መልክቱ በተላከበት ቁጥር ላይ ደወልኩ ። አይነሳም። ደግሜ ሞከርኩ ተነሳ።
"ሄሎ ሄሎ ሄሎ" ከአንድ የታፈነ ከሚመስል የሴት ልጅ ሳቅ በስተቀር መልስ የለም። እንዴ ቃልዬ ትሆን እንዴ የምታላግጠው እያልኩ ቃልዬ ስልክ ላይ ስደውል ጥሪ አይቀበልም።

"ኦኦኦ ነገር አለ" አልኩና ወደ ጭፈራ ቤቱ መሄድ ጀመርኩ። እኔ ከነበርኩበት ትንሽ ራቅ  ቢልም መንገዱ ነፃ ስለነበር አስር ደቂቃም ሳይፈጅብኝ ነበር በሩ ላይ የደረስኩት።እንደነገሩ ስሰራ አምሽቼ ወደቤት ስገባ ኪያ እንቅልፍ የወሰደው ለመምሰል ማንኮራፋት ጀመረ የለበሰውን ገፍፌ ቀሰቀስኩት።
"ምንድን ነው ኤፍሬም ? ምን ሆነሀል ሰላም አይደለህም እንዴ?" አለኝ የተደናገጠ በመምሰል።
"ምን ሰላም አለ አንተ እያለህ"
"እንዴት ምን እያልክ ነው?"
"ማነው ቃልዬ እዛ ሆቴል ምሳ እየበላች እንደሆነ የነገረህ ቶማስ ነው አይደል? እሺ ከፈለገችው ሰው ጋር ምሳ በላች እና ምን ይሁን ? መብቷ መሰለኝ ከፈለገችው ሰው ጋር ምሳ መብላት ፣ ስማኝ ኪያ ለአንዴና ለመጨረሻ ግዜ አንድ ነገር  ልንገርህ ጓደኛዬ ነህ ከዛም በላይ አብሮ አደግ ወንድሜም ነህ ፣ነገር ግን ልለምንህ ለኔ መተው ያለብህን አንዳንድ የግሌን ጉዳዬች ለኔ ብቻ ተውልኝ።
በቃ ለኔ አስበህ ለኔ ብለህም ቢሆን በኔና በቃል መሀል አንድትገባ አልፈልግም።
እኔና ቃልዬ ጥሩ ሁኔታ ላይ ነን  አንተ ቆፍረህ የምታወጣልኝ ምንም ጥሩ ነገር የለም። ስለቋልዬ ስተትም ይሁን ጥፋት ለማወቅ  ደግሞ እንኳንስ ሌላ ሰው እኔም በድብቅ ልከታተላት አልፈልግም። የሷን መጥፎ ፍለጓ ለምን እባዝናለሁ?
እንደዛ የሚያደርገው እኮ  ያፈቀረ ሳይሆን ለመጣላት ሰበብ የቸገረው ሰው ብቻ ነው።
እኔን የቸገረኝ የቃልዬን ፍቅር መቋቃምና እራሴን መቆጣጠር እንጂ ከሷ ጋር የምጣላበት ሰበብ አይደለም።

ያ ማለት ግን ቃልዬ ልቤን የሚሰብር ስህተት እየሰራች ተሰብሬም አብሪያት እቀጥላለሁ ማለት አይደለም።
ነገር ግን  ቃልዬ ከኔ ጀርባ ድብቅ ማንነት ካላትና ከኔ ጀርባ እኔን የሚያስከፋ ነገር እያደረገች ከሆነ እኔ ባልከታተላትም ፈጣሪ በፈቀደ ግዜ እውነቱ መውጣቱ አይቀርም።

እኔ ግን አሁን ላይ አይደለም  የሷን ስተት ለመፈለግ  የሷን ፍቅር ለማጣጣም እንኳን ቀንና ሳምንቱ አልበቃ ብሎኛል።
ማንም ሰው ቃልዬ እንዲህ ነች እንዲህ እያደረገች ነው ብሎ ቢነግረኝ ቀድሜ የምጠላው የነገረኝን ነው።

እስቲ ንገረኝ ኪያ የሷን ሚስጥርም ይሁን ከኔ የደበቀችውን እውነት ለማጣራት ይህን ያህል ጠልቀህ መቆፈሩ እኔን የማያስደስተኝ ከሆነ ለማን ብለህ ነው የምትደክመው።
ለኔ ያልተገለፀልኝ ድብቅ ማንነት ካላትም በግዜው ይገለፃል። እውነትም ይሁን ሀሰት ስለቃልዬ መጥፎ ነገር መስማት እንደሚያሳምመኝ አወቅ። ህመም ልትሰጠኝ አትጠደፉ።

መታመም ካለብኝ መታመም ባለብኝ ሰአት ልታመም እንጂ በሽታዬን  ፍለጋ አልሯሯጥም ካንተም ለመቀበል አልፈልግም።
እና ኪያ በቃል ዙርያ የምታደርገውም ልታደርግ ያሰብከውም ካለ ተወው ፣ ያሰማራኸው ወሬ አቀባይም ይሁን ወሬ አነፍናፊ ካለም ከዛሬ ጀምሮ አስቁመው ። አደራ !" አልኩት።
ዝም ብሎ በግርምት ሲያዳምጠኝ ቆየና
"ሲጀመር እኔ አየኋት አልኩህ እንጂ ማንም አልነገረኝም "
"እሱን ተወው ኪያ በአካል አይተዃት የማታውቀውን ልጅ ፌስ ቡክ ላይ ፎቶዋን በማየት ብቻ በባጃጅ ስታልፍ ከሩቅ አይተህ ለየኻት አይደል ? የማይመስል ነገር አትናገር እኔ አሁን ከዚህ በፊት ስላለው ነገር ማን ነገረህ ? አየሀት አላየሀት እያልኩ ልነታረክ አልፈልግም ግን በቃ ከዚህ በኋላ ፍላጎቴን ተረድተህ እሷን መከታተልህን አቁም እያልኩህ ነው"
"እሺ " አለኝ ።
"በቃ ጨርሻለሁ እሄው ነው ብዬው ተኛሁ" እሱም ተኝቶ ትንሽ ቆየና
"እህህህም አንዳንድ ተረቶች ግን ይገርማሉ" አለ።
"የምን ተረት?" ቀና ብዬ
"አይ አንቺው ታመጪው አንቺው ታሮጪው የሚለው የድድድድሮ ተረት ገርሞኝ ነው"

"አይ ኪያ ነገር ማርዘም ግዜ ከመግደል ያለፈ ፋይዳ የለውም በግልፅ አትናገርም
ስለቃል እኔ እንደነገርኩህ፣ ስለልጁ ለማጣራት የፈለከውም በራስህ ሳይሆን እኔ በነገርኩህ ነገር ላይ
ተነስተህ እንደሆነ አላጣሁትም ግን በቃ አላስፈላጊ መሆኑን አስቤ ተወው እንዳልኩህም እንዳትረሳው"
"ኧረ አረሳውም በቃ ተውኩት እኮ ኤፊ"
"አዎ ተወው ካሁን በሁዋላ በዚህ ጉዳይ ላይ ማውራት አልፈልግም " ብዬው ተኛሁ።
"ለማንኛውም የፈለገ ብታፈቅርም ማሩን ብቻ ሳይሆን እሬቱንም አምነህ ለመቀበልና ሁሉንም እንደየአመጣጡ ለማስተናገድ እራስህን ዝግጁ ብታደርግ ይሻልሀል ጓደኛዬ የከረረ ነገር ጥረ እይደለም ፍቅርም ቢሆን "
"የሚሻለኝን የማውቀው እኔ ነኝ ኪያ በፈጠረህ በቃ ከዚህ በላይ ምንም አትበለኝ"
"እሺ ደና እደር"
"ደና እደር" ተኛን።

ቃልዬን ስለምሳው  ምንም አልጠየኻትም በነበርንበት ሁኔታ ፍቅራችንን ቀጠልን።
ኪያ ከኔና ከቃል መሀል እንዲወጣ በነገርኩት ልክ በአምስተኛው ቀን ጥዋት ላይ ኪያ ወደ ሽንት ቤት በሄደበት ቅፅበት ስልኩ ጠራ አየት ሳደርገው ቶማስ ይላል አንስቼ  ወሬ አተመላልስ አርፈህ ተቀመጥ ልለው ዳዳኝና የሰውን ስልክ አንስቶ ያን መናገር መቅለል መስሎ ስለተሰማኝ መልሼ ተውኩት።
ኪያ ከሽንት ቤት ሲመለስም •••
"ቃልዬ ቁርስ የት እየበላች እንደሆነ ሊነግርህ ነው መሰለኝ በጥዋት የደወለው ጠርቶ ነው የዘጋው ደውልለት" ልለው አልኩና  ካፌ መለስኩት በቃ ስለቃልዬ ከኪያ ጋር ማውራት በጣም ነበርና ያስጠላኝ ምንም ማለት አስጠላኝ ስልኩን አንስቶ ተመለከተው ቀና ብዬ እንኳን ላየው አልፈለኩም ። ወደስራ ወጣ እኔም ትንሽ ቆይቼ ወደ ስራዬ ሄድኩ።

ይህ በሆነ ከስስት ከአራት ሳምንት በኋላ ቅዳሜ ቀን ከምሽቱ አራት ሰአት ላይ ስራ ላይ እያለሁ ከአንድ ከማላውቀው ስልክ መልክት ደረሰኝ።
መልእክቱ ቡም ጭፈራ ቤት ብቻ ነው የሚለው ። ቡም ጭፈራ ቤት ምን ? ግራ ገባኝ በቃ ቡም ጭፈራ ቤት ብቻ ከፊትም ከውሃላም ማብራሪያ የለውም  በቅርቡ አዲስ የተከፈተውን የጭፈራ ቤት ቅፅል ስም ብቻ ነው ተፅፎ የተላከልኝ።

ከባጃጄ ውስጥ በቅርብ የገዛሁትን ባለ ኮፍያ ጥቁር ጃኬት ለበስኩና ኮፍያውን አጥልቄ ወደ ጭፈራ ቤቱ መግቢያ ጠጋ እንዳልኩ በድጋሚ በዛው ስልክ መልክት ደረሰኝ። ሌላ መልክት በዛው ስልክ። መልክቱ •••
"አትመለስም!" ይላል።ማነው በዚህ ሰአት የህፃን ልጅ ቀልድ የሚቀልደው እያልኩ ወደጭፈራ ቤቱ ዘው ስል ቃልዬን ፊት ለፊት ስትውረገረግ አየኋት። ክፉኛ ደንግጬ በገባሁበት በር የውሀሊት ወጣሁ። ተመልሼ ገባሁ ፣ አዎ እራሷ ቃልዬ ነች ከፊቷ ከሷ ጋር እየተሳሳቁ የሚደንሱ ሁለት ሴት ጓደኞቿ አሉ። ቃልዬ የምትደንሰው ግን ከሴት ጋር ሳይሆን ከወንድ ጋር ነው። ያክስቴ ልጅ ከምትለው ከዛ መከረኛ ልጅ ከዛኪ ጋር እየተሻሸች ስትደንስ አየኋት።
ደሜ ቀጥ አለ።ከመደነሷ አደናነሷ በጣም ያበሳጫል። ምን ነካት ግን? ከአክስት ልጅ ጋር እንዚህ ሲደነስ የት ነው ያየችው።
.
.
ከ 150 Like በኃላ ………….

https://vm.tiktok.com/ZMhpWGFL5/

❤️ተማሪዋ❤️


❤️….ክፍል 38 ….❤️
.
በመሀላችሁ ያለው ፍቅር ነዋ አሁንም እንደሞቀ ነው?"
"ጭራሽ ብሶበት እየተንቀለቀለ ነው"ስለው አስቀያሚ ፈገግታ ከንፈሩን ወደ ጎን ለጥጦ ፈገግ ይልና
" ለማንኛውም በረድ ቀዝቀዝ ማለቱ ጥሩ ነው የተንቀለቀለን ነገር በቀላሉ ማጥፋት ከባድ ነው"ይላል።  ዝም ብለውም ሲደጋገም

"ሁሌም እንዲህ ትላለህ ኪያ ቆይ ምን ልትለኝ እየሞከርክ ነው?••••

በክፋት አትየው ኤፊ ጋደኛዬ ሁሉም የመጀመሪያ ፍቅር አይሳካም በቃ እንከን አያጣውም አብዛኛው ሰው መጀመሪያ የፈቀራትን ወይ የፈቀረችውን አያገባም መጀመሪያ ከፈቀሩት ጋር የተጋቡ በጣም ጥቂቶች እንደሆኑ ደሞ እኔ ሳልሆን ያለው ሀቅ ነው የሚያረጋግጠው ። ቢሳካልህ እና ከቃልኪዳን ጋር ብትዘልቁ እኔም ደስ ይለኛል። ምናልባት ባይሳካ ግን በጣም እንድትጎዳ አልፈልግም ። እና በረድ አርገው የምልህ ለዛ ነው በሌላ አትየው"
ይለኛል።
"እባክህ ኪያ እኔ በቃ ምንም ልልህ አልፈልግም። ለምን እንዲህ አልክ ምን አየህ ምን ሰማህም አልልህም።  ነገር ግን ፍቅር ስትፈልግ እምታነደው ስትፈልግ ውሃ አርከፍክፈህ የምታጠፋው የምድጃ ፍም አይደለምና ይህንን ብቻ ተረድተህ እኔን ተወኝ። በቃ እኔና አንተ ማውራት ካለብን ከኔና ከቃልዬ ውጪ በሆነ ነገር ላይ ብቻ እናውራ ካልሆነ ዝም ማለቱ ይሻላል" አለዋለሁ ኪያ ግን በሆነ ሰበብ ስቦ እንደዚህ አይነት ነገር እንድናወራ ከመወትወት ታቅቦ አያውቅም።
አንዳንዴ ንድድ ብዬ መልስ አልሰጥ ስለው ዝም ይላል፣ በሌላ ወሬ መሀል ሲያነሰብኝ እንዳልሰማሁ ሆኜ አልፈዋለሁ አልያም በቀጥታ ወደሌላ ርእስ በመሄድ አጨናግፍበታለሁ።
በዚህ ሁኔታ እኔና ቃልዬ ፍቅራችንን እያጣጣምን ቀጠልን። ከሀረር በመጣን ሁለት ወር እንደሞላን አከባቢ ስራ ላይ እያለሁ ድሬ ዳዋ ያለወትሮዋ ሰማዩዋ ጭፍግግ ብላል፣   አየሯም ይበርዳ፣  ባልተለመደ ሰአት ቀን አስራ አንድ ሰአት አከባቢ ጃኬት ልወስድ ወደቤት እየሄድኩ ከዋናው አስፋልት ወደኛ ሰፈር መግቢያው ጫፍ ላይ ኪያ ከቶማስ ጋር ቆሞ እያወራ ከሩቁ አየሁት።

ሳልጠጋ ባጃጇን አዙሬ በሌላ መንገድ ወደ ቤት ገባሁና ጃኬት ደርቤ ወደስራዬ ወጣሁ።
ከምሽቱ አምስት ሰአት አከባቢ ወደ ቤት ስገባ  ኪያ  ገነት ሱቅ በር ላይ ቁጭ ብሎ እየጠጣ ነው።
"ገኒ ሰላም ነው ? ኪያ እንዴት ነህ?  ቀዝቀዝ ያለ ገኒዬ "  አልኳትና ሄጄ አጠገቡ ተቀመጥኩ።
በሌላ ርእስ ላይ ስንጨዋወት ቆየንና በመሀል
"ዛሬ ከቶማስ ጋር ቆመህ አየሁህ ልበል እላይ መግቢያው አከባቢ?" አልኩት።
"ምነው?" አለኝ።
"አይ ምንም ከሩቁ ስለሆነ ያየኋችሁ ለማረጋገጥ ነው"
"አዎ ቆመን ነበር ድንገት ተገናኘንና ቆመን ሰላም ተባብልን ምነው እኔና ቶማስ ካንተ ጉዳይ ውጪ ሌላ ነገር ማውራት አንችልም እንዴ?"
"ቆማችሁ ነበር ወይ አልኩህ አዎ አልክ አደል አበቃ ትርፍ ነገር ማውራት አያስፈልግም ስለኔ ምን ታወራላችሁ አንተ ነህ እንጂ እዛው ላይ የተቸነከርከው እኔ ከረሳሁት ቆየሁ እኮ ምን ያለበት ምን አይችልም አሉ " ብዬው በመነሳት ወደቤት ስሄድ።

"አይ እንደዛ መስሎህ ከሆነ ብዬ ነዋ ግን እርግጠኛ ነህ ኤፊ ረስተኸዋል? አለኝ።
መልስ ሳልሰጠው ወደቤት ገባሁ። ከቶማስ ጋር ባየሁት በሳምንቱ ስራ ላይ ሆኜ ምስ ሰአት ላይ ስልኬ ጠራ። አውጥቼ ተመለከትኩት ኪያ ነው። የጫንኳቸው ሰዎች መውረጃቸው ተቃርበው ስለነበር ዝም አልኩት ። ወድያው ደግሞ ደወለ፣ አላነሳሁትም። ሰዎቹን አድርሼ ሂሳቤን ከተቀበልኩ በኋላ እዛው እንደቆምኩ ደወልኩለት።
" ሄሎ ኤፊ"
"እ  ኪያ አማን ነው"
"አማን ነኝ የት ነህ?"
"የት ነህ ማለት? ስራ ላይ ነኛ"
"እርግጠኛ ነህ ? ተው ባክህ ስራ ላይማ አይደለህም"
"ምን ማለት ነው ስራ ላይ አይደለህም ማለት?"
"አሁን ኮኔል መለዋወጫ ገዝቼ ስመለስ ያየሁት እናንተን አይደለም እንዴ?"
"እናንተን ማለት?"
"በርግጥ እሷን ነው እንጂ በደንብ ያየኋት አብሯት ያለው ወንድ አንተ ሁን አትሁን መለየት አልቻልኩም"
"ምን እያወራህ እንደሆነ ሊገባኝ አልቻለም ኪያ ለምን በግልፅ አትናገርም?"
"አሁን ከአንድ ከአስር ደቂቃ በፊት ከቃልኪዳን ጋር ምሳ ልትበሉ ወደ ሆቴል ስትገቡ አልነበር?"
"እንደዚህ አይነት ቀልድ ያስጠላኛል ስራዬን ልስራበት እሺ"
"በእውነት እየቀለድኩ አይደለም ቃል ኪዳንን በደንብ አይቻታለሁ የተሳፈርኩበት ባጃጅ ፍጥነር ስለነበረው እልፍ ስንል አብሯት የነበረውን ወንድ በጨረፍታ ስላየሁት ነው እርግጠኛ ያልሆንኩት "
እሄ ልጅ ከኔና ከቃልዬ አናት ላይ አለመውረዱን ሳስብ  ውስጤ ሲነድ ተሰማኝ።
"የት ሆቴል ነው ስንገባ ያየኸው?" አልኩት የሆቴሉን ስም ነገረኝ። ቻው በቃ አልኩትና ወደሆቴሉ በረርኩ። እሄ ልጅ የምሩን አይቷት ይሆን እንዴ ? በፍፁም ሊያያት አይችልም ። በዛው በቶማስ በኩል የማጣራት ስራውን እንደቀጠለበት እርግጠኛ ሆንኩ።
ሆቴሉ አብዛኛውን ደንበኛቹን የሚያስተናግደው እቤት ውስጥ ሳይሆን ሰፋ ባለው ነፋሻማ ግቢው ውስጥ ነው። ከውጪ ወደ ግቢው በደንብ ስለሚታይ ወደ ውስጥ መግባት አያስፈልገኝም።
ባጃጄን ጠጋ አድርጌ አቆምኩና ሳልወርድ እዛው ባጃጄ ውስጥ ሆኜ ወደ ውስጥ አማተርኩ። ከሆቴሉ በር በስተቀኝ በኩል ካሉት ተስተናጋጆች መሀል ቃልዬ የለችም።
ትንሽ ዝቅ ብዬ አየት ሳደርግ ከሆቴሉ መግቢያ በር በስተግራ ባለች አንዲት ዛፍ ስር ባለ ወንበር ላይ ቃልዬን አየሁዋት።እየበሉ ነው። አጠገቧ ያለው ዛኪ ነው። ጠቅልሎ ሲያጎርሳት አብሪያት አፌን ከፈትኩ።

ምን ሆኖ ነው ለሴት ልጅ ይህንን የሚያህል ጉርሻ ፣  የሚሰፋ ይስፋው እና አፏን ሊያሰፋው ነው እንዴ?••••
እያልኩ ወጥተው ወዴት እንደሚያመሩ ብቻ ለመመልከት ራቅ ብዬ አደፈጥኩ።

ቃልዬ ከዛኪ ጋር ምሳ መብላቷ ሳይሆን  የኪያ ቃልዬን መከታተል አንጀቴን አሳረረው። ደሞ ሳልፍ አየኋችሁ ሲል አያፍርም እንዴ ገገማ!" እያልኩ እነቃልዬ ከሆቴሉ ወጥተው ወደግቢ ስሄዱ ከጀርባ ሆኜ ሸኘኋቸውና ለአንዴና ለመጨረሻ ግዜ ከኔና ከቃልዬ መሀል እንዲወጣ ላስጠነቅቀው ኪያ ወደሚሰራበት ገራዥ በደም ፍላት እየተንተከተኩ ባጃጄንም እያንተከተኩ  ሄድኩ።
ገራዥ አብረውት የሚሰሩ ጓደኛቹ ኪያ የለም እቃ ሊገዛ ወጥቷል ቢሉኝም አልተዋጠልኝም። ደወልኩለት አያነሳም ። እዛው ገራዥ ውስጥ ሆኖ የለም እንዳስባለ እርግጠኛ ነበርኩ።
ወደስራዬ ብመለስም ቀልቤን ሰብስቤ መስራት አልቻልኩም። እርብሽብሽ አልኩ። ለቃልዬ ደወልኩላት፣ እንደሁልግዜው በፍቅር አወራችኝ። ከዛኪ ጋር ምሳ ስትበይ አየሁሽ አላየሁሽ ልላት ባልፈልግም እኔ ባልጠይቃትም ብትነግረኝ ግን ደስ ይለኝ ነበር። ባለመናገሯ ቅር አለኝ።
ኤፉዬ ዛሬኮ ከአክስቴ ልጅ ጋር ምሳ ልበላ ወጣ ብዬ ነበር ብላ ብትነግረኝ ሲሆን ሲሆን ዛሬ ከዛኪ ጋር ወጣ ብለን ምሳ ልንበላ ነው ብላ ብትነግረኝ ምናለበት? ቆይ ምናለበት? ምንም በቃ ምንም የለበትም። ምሳ ከሱ ጋር መብላቷ እኔን አያስከፋኝ።
እሷ ያን ያህል ግልፅ ብትሆን ግን ኪያን ከመሳሰሉ ፀረ ፍቅር ሰላዬች አትጋለጥም ነበር። እኔንም ከመረበሽ ታድነኛለች። ግን እሷ ምን ታድርግ እራሴው አይደለሁ እንዴ ለኩያ የቀባጠርኩት?። ኡፍፍፍፍ ።
.
.
.

https://vm.tiktok.com/ZMhgxmFMK/

♥️ ተማሪዋ ♥️ ...
.
.
🌹...ክፍል 37...🌹
.
.

አይ ኤፍዬ የሆነ ሌላ አገር የምሄድና የምንራራቅ አስመሰልከው እኮ ሁለታችንም የተለያየ ቦታ እንሁን እንጂ ከድሬ አልወጣን ዛሬ ብንለያይ መገናኘት በፈለግን ሰአት በደቂቃዎች ውስጥ መገናኘት እንችል የለ እንዴ የሆነ አየር መንገድ አድርሰኸኝ የምትመለስና ወደ ሌላ ቦታ የምበር መሰለህ እንዴ?"
"ልክ ነሽ መገናኘቱንማ ማን ይከለክለናል" አልኳትና አሁንም ዝም አልኩ። ንግግሯ በድጋሚ አቃጨለብኝ።
  ለካ እሱም አለ። ያንን ስሜትማ መቋቋምም አልችል። አያምጣው ነው እንጂ አያድርስ አለች ዘፋኟ።
እስከግቢ ሸኝቻት ስመለስ ወደዛ ቤት መግባት ቢያስጠላኝም ግድ ነው እና ገባሁ። ፍራሼ ላይ ጋደም እንዳልኩ ምን ግዜ እንቅልፍ እንደጣለኝ አላውቅም ብንን ስል መሽቷል ።
ተነስቼ ከቃልዬ ጋር በስልክ አወራሁና ወጣ ብዬ ገኒ ሱቅ ሄጄ በሩ ላይ ቁጭ እንዳልኩ  ገኒ ሳላዛት ቀዝቀዝ ያለ ቢራ ይዛ መጥታ ከፍታ ሰጠችኝና እዛው አጠገቤ ቁጭ አለች።

እንዴት ነበር የሄድክበት ፕሮግራም ኤፍዬ መች መጣህ ?"
"አሪፍ ነበር ገንዬ በጥዋት ነው የመጣሁት ገብቼ ተኛሁ"
"ኪያ ክከትናንት ወዲያ መጥተህ መሄድህን ሲያውቅ ቆሌው ነው የተገፈፈው ••••" ብላ ልትቀጥል ስትል
"እንኳን ቆሌው ቆዳውም ይገፈፍ አይመለከተኝም በናትሽ ገንዬ በዚህ ርእስ ላይ የማውራት ፍላጎቱ የለኝም ሌላ ነገር እናውራ ከይቅርታ ጋር" አልኳት።
"ውይ እንደዚህማ አታምርር ኤፍዬ ደሞ ቀሽት ያዱገነት ችክ መያዝህን ነግሮኛል"  እያለችኝ  ሌላ ሰው ለማስተናገድ ተነስታ ሄደች ። መልስ አልሰጠኋትም።
ትንሽ ቆይቶ ኪያ እራሱ መጣ ሱቁ በር አከባቢ እስኪደርስ መኖሬን ስላላስተዋለ እንዳየኝ እንደመደንገጥ አለና
"አማን ነው ኤፏ የት ሄደህ ነው እህትህ ትናንት ካንድም ሁለቴ መጥታ አጣችህ ስልክህን ዘግተህ የት ጠፍተህ ነው?"
"የትም" አልኩት። ዝም አለ ።
ለህቴ ሳልነግራት መሄዴ ልክ እንዳልነበር እያሰብኩ አሁን ብሄድ ባለቤቷ እቤት ስለሚሆን እሱ ደሞ ለኔ ካለው ጥሩ አመለካካት የተነሳ እንድትናገረኝ ስለማይፈልግ እሱ ፊት ብዙ አትበሳጫጭብኝም አሁኑኑ ሄጄ ብገላገል ይሻላል አልኩና ተነስቼ ወደ እህቴ ቤት ሄድኩ።
ስገባ ባሌቤቷ እቤት የለም።
"ቁጭ በል"  አለችኝ ። ቁጭ አልኩ። የታላቅነቷን ትንሽ ቆጣ ቆጣ አለችና ወድያው ቀዝቀዝ ብላ እራት እንድበላ እያቀረበችልኝ
"ኤፍዬ እቁቡን ችላ አትበለው እንጂ፣ ቆይ ባጃጅ ሹፌር ሆነህ   መቅረት የምትፈልገው? እስካሁን ስምንት ወር ጥለኻል የቀረህ አራት ወር ብቻ ነው። እኔ እቁብ ጥለህ ባጃጁ የተገዛበትን  ሂሳብ ለኔ ትመልሳለህ ያልኩህ ሆን ብዬ ነው። ላንተው መሻሻል ነው ጭንቀቴ እንደምንም ብለህ ጨርስ። ከዛ ሀረር ያለውን የአያቶቻችንን ቤት •••"
ስትል አቋረጥኳት።
"እታለም እንሸጠዋለን ልትይኝ ባላሆነ ? ተይ መሸጥ በሚባል ነገር እኔ አልስማማም እንዲሁ እየተከራየ ቢቆይ ይሻላል ። መሻሻል ካለብኝም በራሴ ደክሜ በማመጣው እንጂ በመሸጥ መሆን የለበትም"
"እስቲ መጀመሪያ እኔን አስጨርሰኝ እኔም ሙሉ በሙሉ ቤቱን እንሽጠው አላልኩም ። ግቢው  ሰፊ ነው አምስት መቶ ካሬ ሜትር ስለሆነ ሁለት መቶ ሀምሳውን ከፍለን ባዶ መሬቱን ብቻ በመሸጥ ከእቁቡ ጋር ቀላቅለን የሚበቃ ከሆነ ሚኒባስ ገዝተህ ሀረር ድሬ መስመር እንድትሰራ ነው ያሰብኩት። ካልበቃ እኔ እጨምርልሀለሁ የሚተርፍህ ከሆነ ደግሞ ጎሮ አነስ ያለች ቦታ ገዝተህ ቀስ በቀስ ጎጆህን ትቀልሳለህ" አለችኝ። በእህቴ ሀሳብ በጣም ደስ አለኝ። ከሀረር መልስ የተጫነኝ ድብርት በኖ ጠፋ።
"አመስግናለሁ እህቴ በጣም ምርጥ ሀሳብ ነው" አልኳት።
"በል በርታ በልና የቀረችውን እቁብ ጥለህ ጨርስ ። መንጃ ፍቃድም ማውጣት አለብህ ነገ ዛሬ ሳትል ጀምር!"
"የምን መንጃ ፍቃድ መንጃ ፍቃድማ ገና አስራ አንደኛ ክፍል እያለሁ እኮ ነው የወሰድኩት እቴቴ"
"ነው እንዴ ? እና እሱ የባጃጅ አይደል እንዴ?"
"ኧረ የምን የባጃጅ የባጃጁንማ አስረኛ ክፍል ሆኜ ነው የወሰድኩት ከዛ ሶስተኛ ወሰድኩ ረሳሽው እንዴ እታለም?"
"ለካ ገና ሳትፈተን ነው የወደቅከው ?"
"ማለት?"
"ሹፌር የመሆን ህልምህን ስታሳድድ ነዋ ትምርቱን ችላ ያልከው ቤት በኩል ታልፋለህ ፣ የማይፈልጉት ፈተና አይታለፍ"

"እህእ በይው " ብያት  ከእህቴ ቤት በጣም ደስ ብሎኝ ነው የወጣሁት። ከአራት ወር በኋላ የሚኒባስ ባለቤት እንደምሆን ሳስበው ፊቴ ድቅን ያለችው ቃልዬ ነች።
አብሮ የመኖር ህልሜ በአጭር ግዜ ውስጥ እንደሚሳካ ሳስበው መንገድ ለመንገድ እንደህፃን ልጅ እየቦረቅኩ ነበር ወደ ገኒ ሱቅ የሄድኩት።
የጀመርኩትን ቢራ እንደቅድሙ በድባቴ ሳይሆን በአዲስ ተስፋ እና ደስታ እያጣጣምኩ  ስጎነጨው ቆየሁና ገብቼ ተኛሁ።
በንጋታው በአዲስ የመነቃቃት ስሜት ስራዬን ጀመርኩ። ቀንም ማታም በርትቼ መስራቴን ቀጠልኩ።
ሀረር ሄደን ከመጣን ግዜ ጀምሮ በኔና በቃልዬ መሀል ያለው ፍቅር ይበልጥ ተጋግሎ ሳንተያይ ማደር ሁለት ሶስቴ ሳንደዋወል መዋል የማይሞከር የማይታሰብ ሆኗል።
ሀረር ከመሄዳችን በፊት በነበሩት ስድስት ወራት ፍቅር እኔን እያንገላታ ቃልዬን የሚያሞላቅቅበትን ምክንያት እንዲነግረኝ እንዳልጨቀጨኩት ለምን ፍትሀዊ አትሆንም  እያልኩ እንደወቀስኩ እንደረገምኩት ሁሉ ቃልዬንም ተቆጣጥሮ ፍቅራችንን በማመጣጠን እኩል የምንነፋፈቅ፣ እኩል የምንንሰፈሰፍ፣ እኩል አንዳችን ለአንዳችን የምንጨነቅ አድርጎ ሲሰራንም ከማመስገን አልቦዘንኩም።
ቃልዬ አብራኝ ሆና የሚደወልም ከኔ አጠገብ ሄዳ የምታናግረውም ፣ ብዙ ግዜ ሀሙስ እና ቅዳሜ አይመቸኝም የምትለው ነገርም ከሀረር መልስ ቀርቷል።
እኔ እንደማፍቅራት ታፈቅረኝ ይሆን እኔ እንደምታመንላት ትታመንልኝ ይሆን በሚባል የስጋት ማእበል የማይናጥ ፣ ከዛኪ ጋር ሌላ ግኑኝነት ይኖራቸው ይሆን? ቢሚል የጥርጣሬ ውሽንፍር  የማይናወጥ ፍቅራችንን  ተዝቆም ተቀድቶም በማያልቀው የፍቅር ውቅያኖስ ላይ በፍቅር እየቀዘፍን መንሳፈፉን የየእለት ውሎ አዳራችን ሆነ ።
በሳምንት ውስጥ በትንሹ ሁለት ቀን አብረን እናድራለን።   ጌትነት የሚባል እናቱ በሂወት የለሉ አባቱ በስራ ምክንያት ብዙ ግዜ ድሬ ዳዋ የማይኖሩ ለቤተሰቦቹ ብቸኛ የሆነ ጓደኛዬ ከድሮም ጀምሮ እሱ ካባቱ ጋር ከድሬ ውጪ ከሆነ እቤታቸው እያደረን የምንጠብቅላቸው እኔና ጓደኞቼ ነን።
ደውሎ ኤፊ ፋዘር ጋር ልሄድ ነው ከጓደኛህ ጋር እቤት እደሩልኛ ይለኛል  (ጓደኛ የሚለው ኪያን መሆኑ ነው )
ከሀረር መልስ እንደዛ ብሎ ሲደውልልኝ የምን ጓደኛ ፍቅረኛህን አትልም እንዴ እያልኩ በሆዴ ቃልዬን ይዣት እሄዳለሁ።እዛ  ዙርያውን በግንብ በታጠረ ሰፊ ግቢ ውስጥ ባለ ቪላ ቤት እኔና ቃልዬ ብቻችንን ስናድር ስሜቱ ልዩ ነው። በተለይ ቃልዬ እንደድሬ ሴቶች ሺቲዋን ለብሳ እራት ለመስራት ቡና ለማፍላት ጉድ ጉድ ስትል ሳያት አባ ወራ የሆንኩ ይመስለኛል።
እንዲህ በራሳችን ቤት የምንኖርበት ግዜ መች ይሆን እያልኩ በምኞትም እቀልጣለሁ መሆኑ እንደማይቀር እስብና በነገ ተስፋ ዛሬዬን በደስታ እሞላታለሁ። በቃልዬ ደስተኛ ነኝ።
ሁሌም የሚረብሸኝ ኪያ አለፍ አለፍ እያለ በሚሰነዝረው ቀፋፊ ሀሳብ እና በሚጠይቀኝ ግራ የገባው ጥያቄ ብቻ ነው።
ገብቼ ገና አረፍ ስል ይጠብቅና "ኤፊ ቃልዬ እንዴት ነች?"
"ደና ነች "
"እንዴት ነው ታድያ?"
"ምኑ"

♥️ ተማሪዋ ♥️ ...

🌹...ክፍል 36...🌹
.
.

.
.
ጆሮዬን ማመን ተሳነኝ። ከባልቦላው ያጠፋችኝ ያህል ውስጤ ድርግምግም አለ። ከነበርኩበት ጣፋጭ  የፍቅር ትኩሳት ወርጄ በረዶ ሆንኩ።
ተወርውሬ ደብዘዝ ያለውን መብራት ቦግ ሳደርገው ከስሬ የተንጋለለችው ቃል  አይኗን ከሀይለኛው ብርሀን ለመከላከል በክንዷ እንደመጋረድ እያለች "ምነው ኤፍዬ?" ስትለኝ በዝምታ አፈጠጥኩባት።
"ምነው ኤፊ ለምን አበራኸው?" አለችኝ ደግማ ክንዷን ገለጥ አድርጋ እየተመለከተችኝ።

"አአአአ አሁን ምንድን ነው ያልሽው ቃል?" አልኳት
"ለምን አበራኸው ነዋ ያልኩህ አይሰማህም እንዴ ኤፍዬ"
"አይ ከዛ በፊት"
"ከዛ በፊት ማለት?"
"ከማብራቴ በፊት ምንድን ነው ያልሽው

ኪኪኪ እንዴ እሱንም እማ አልደግመውም "
"ለምን ? ለምንድን ነው እማትደግሚው?"
"እህ በፍቅር እና በስሜት ውስጥ ሆነህ ያወራኸውን ነገር እኮ ሲደገም ይለዛል ለዛው ይጠፋል ደስ አይልም"
"ግድ የለም እኔ መስማት ስለምፈልግ ድገሚው"
"መስማት ስለፈለክ ነው ወይስ ደግመህ መስማት ስለፈለክ"
"ደግሜ መስማት ስለፈለኩ ?" አልኳት እሷ በፈገግታ ውስጥ ሆና እያወራችኝ ስለነበር ደግማልኝ እስክሰማው መደንገጤም መለወጤም እንዳይታወቅብኝ እየሞከርኩ።
"በናትህ መብራቱን እንደቅድሙ አድርገው ኤፍዬ?"
"ንገሪኛ መጀመሪያ"
"እንዴ ካልደገምኩልህ አታጠፋውም እኔ አጠፋዋለሁዋ ምነው ማሽከርከር የሚያቅተኝ መሰለህ እንዴ ብላ ቀና አለችና ማብሪያ ማጥፉያውን ወደ ግራ ዘውራ አደበዘዘችው።
" እና አትነግሪኝም "
"አልነግርህም "
"ቃልዬ እባክሽ "
"እንዴ••የምርህን ነው አንጣ  ወረቀትና እስክርቢቶ ያልኩትን ልፃፍልህና ሌላ ግዜ አልተሸነፍኩም ብዬ ብክድ እንኳን   ማስረጃ ይሆንሃል ከፈለክም  ደጋግመህ  ታነበዋለህ ኪኪኪኪ"
ቃልዬ ምን እያለች እንደሆነ ሊገባኝ አልቻለም።በዚህ ሰአት ወረቀትና እስክርቢቶ ኬት ያመጣል ብላ ነው አደል የምትጫወትብኝ አልኩና ስልኬን አንስቼ  ከስልኬ ላይ የማስታወሻ መፃፊያውን መተግበሪያ ከፍቼ
"ይሄው መጨረሻ ላይ ያልሽኝን እዚህ ላይ ፃፉልኝ ወረቀት ምናምን  ኬት ይመጣል በዚህ ሰአት "
"አይ ኤፍዬ!" እያለች ሞባይሉ ላይ ፃፈችና ሰጠችኝ።

ፅሁፉን ሳነበው ሽምቅቅ ብዬ አንድ ፍሬ አከልኩ ። ቃልዬ ሞባይሌ ላይ ፅፋ የሰጠችኝ •••" ዛልኩልህ የኔ ፍቅር ይላል።

ጆሮዬ እና አይኔ መስማማት አቃታቸው። ማንን እንደምረግም ግራ ገባኝ ።  ጆሮዬን ልርገም ሀሳቤን? ። ውስጤ ያ ሀሳብ ያ ጥርጣሬ ባይኖር ጆርዮ ኬት አምጥቶ "ዛልኩልህ የኔ ፍቅር " የሚለውን ንግግር ዛኪዬ የኔ ፍቅር ብሎ ይሰማል።
ጥርጣሬ የፍቅር ሰንኮፍ የደስታ ጭንጋፍ ነው ። እኔ የምፈልገው ከቃልዬ ጋር በደስታ እና በፍቅር መቀጠል ነው። ስለዛ ልጅ ማሰብ ካላቆምኩ ደግሞ ያንን ማጣጣም አልችልም።  ለአንደና ለመጨረሻ ግዜ ከአይምሮዬ ላወጣው ምንም ሳይፈጠር ምንም የተጨበጠ ነገር ሳይኖር ዝም ብዬ ስለሱ ላላስብ ላልጨነቅ ቃልዬንም ላላስጨንቅ ለራሴ ቃል ገባሁ።
"አንተ ጨቅጫቃ ሴቭ አድርገውና ሁሌ አንበበው እሺ መሸነፏን ትክዳለች ብለህ ነው አደል ካልደገምሽው ብለህ እርርይ ያልከው ኪኪኪ ሆሆ በቃ አሸንፈኻል ተሳክቶልሀል እሺ ኤፍዬ እሁንስ ደስ አለህ? " አለችኝ። አቅፋኝ እየተኛች። በኔና በቃልዬ መካከል ያለውን የሀሳብ ልዩነት ሳስበው ዘገነነኝ። እኔ ሌላ ነገር ልቀሰቅስ ደስታችንን ላደፈርስ ያልተናገረችውን ተናገረች ብዬ ላስደግማት ስጋጋጥ እሷ ግን እዚህ ሀረር ከመጣን ጀምሮ ስናወራ ስንቃለድ ከነበርንበት ርዕስ ሳትወጣ እዛው የፍቅር ወግ ላይ ነበረች። እንኳንም ለነገር ቸኩዬ እንዲህ ስትይ ሰማሁ አላልኳት እያልኩ  ከጎኗ ጋደም አልኩ።
ምን ብዬ እንደማመልጥ ግራ ገብቶኝ በዝምታ ቆየሁና መንተዕፍረቴን " አይ አመመኝ በቃህ ያልሽኝ መስሎኝ ነበር ለዛ ነው እሺ ቃልዬ" ስላት።
"እስካሁን እዛው ላይ ነህ እንዴ በቃ እርሳው  እንተኛ  እቀፈኝ"አለችኝ አቅፊያት ተኛሁ። አይነጋ የለ ነጋ ። አይደርስ የለ ወደ ድሬ የምንሄድበት ሰአት ደርሶ ተነሳን።
ተሳፍረን ትንሽ እንደሄድን
"ኡፍፍፍ ምናለበት ባትሄጂ በቃ አሁን ሄደንም አብረን አንድ ቤት ውስጥ የምንገባ ቢሆን ቃልዬ" አልኩና የልቤን መሻት ተነፈስኩላት። ጣቶቼን በጣቶቿ መሀል እያፍተለተለች
"እኔም እንደዛ መሆን ቢችል ደስ ይለኝ ነበር ፣ አሁን ባይሆንም ሁሉም ነገር በግዜው ይሆናል፣ ሂወት እኛ በፈለግነው ልክ ቀላል አትሆንም ያንን አውቀን  መቅደም ያለበትን ማስቀደም ግድ ነው አደል ኤፍዬ?"
"አዎ ልክ ነሽ " አልኳት ። ቃልዬን ማስጨነቅም መጨቅጨቅም አልፈልግም። የሀረርን ደስ የሚል ቆይታ ልበርዘው አልፈልግምና እሷን ልክ ነሽ ብዬ ፋይሉን ዘጋሁና በውስጤ ከፍቼው ከራሴ ጋር መጨቃጨቄን ቀጠልኩ
መቅደም ያለበትን ማስቀደም ስትል ምን ልትለኝ ፈልጋ ይሆን? ለቃልዬ ከፍቅር በፊት መቅደም ያለበት ምን ይሆን?
ቃልዬ ከፍቅር እና በፍቅር ተሳስሮ አብሮ ከመኖር በፊት እንዲሟላ  የምትፈልገው  የህይወት ጣጣ ምን ይሆን?
እሱማ ስንት ጣጣ አለ። ይህቺ አለም ጣጣዋ መች ያልቅና ?። እኔ ከቃልዬ ጋር ብኖር የሚርበኝ ሁላ አይመስለኝም።
ቢሆንም መምስል እና መሆን እንደሚለያይ ማመን ግድ ነው። የማይርበኝ ቢመስለኝም ሊርበኝ ይችላል። ነገሩ ከሆድ ውጪ ስንት ጣጣ አለ ። ለሆድማ የባጃጇ ገቢ መች ያንሰናል። ግን ብዙ ነገር አለ በትንሹ ቃልዬም ትምህርቷን መጨረስ እኔም አሁን ካለሁበት የተሻለ ደረጃ ላይ መድረስ ግድ ይላል።
አይ በኔ በኩል እንኳን ችግር የለም ከቃልዬ ጋር ሆኜ ለመስራት ለመለወጥ ለማደግ ምን ይከለክለኛል ? ምንም ። ቢሆንም የቃልዬን እቅድ እና ፍላጎትም ማክበር አለብኝ።

ማን ያውቃል ልክ ስድስት ወር ሙሉ ተገናኝተን እና ተጨዋውተን ስንለያይ በዚህ ሁኔታ እስከመቼ ነው የምንቀጥለው ለምንድን ነው ? የግኑኝነታችን  ሁኔቴ ወደ ሌላ ደረጃ ማደግ የለበትም እንዴ?  ብዬ ሳልጫናት፣ ሳልጨቀጭቃት፣ እሷ በፈለገችና በፈቀደች ሰአት ይህንን ጣፋጭ የሀረር ቃይታችንን  እንዳመቻቸችው ሁሉ  የኔን የአሁን ፍላጎት ተቀብላ አብረን መኖር እንድንጀምር መወሷንን ታበስረኝ ይሆናል።
እያልኩ በሀሰብ ማእበል ስወዘወዝ "ኤፊዬ" የሚለው የቃልዬ ጥሪ አባነነኝ።
"ወዬ ቃል"
"ምን እያሰብክ ነው ረጅም መንገድ ዝም ያለከው? ዘጋኸኝ እኮ"
"ምንም ቃልዬ ብቻ እንደትናንት ማታው አይነት ስሜት እየተሰማኝ ነው"ትናንት ማታ ብዙ ስሜቶች አስተናግደናል የተኛው ነው አሁን የተሰማህ?"
"ሚኒባስ ውስጥ ከገባን ቡሀላ  ድሬ እንደደረስን አንቺም ወደግቢ እኔም ወደቤት እንደምንሄድና እንደምንለያይ ሳስበው የተሰማኝ ውረድ ይዛሀት ውረድ የሚል ስሜት"
"ካካካካ በቃ አሁንም እንውረድ "
'የት እዚህ ሀሮማያ ደርሰናል እኮ"
"እህህህህ አንተ የምሬን መሰለህ እንዴ ?"
"የምርሽን ቢሆን ደስ ይለኛል በቃ ሀረር እንመለስና አያቴ ቤት የተከራዩትን ሰዎች አስወጥተን እንኑር""ሂድ ወደዛ"
"የትም አልሄድም ቃልዬ ካንቺ የሚለየኝ "
"እንዳጨርሰው ኤፊ እንደዚህ አይነት ንግግር ይረብሸኛል"
"እሺ አልጨርሰውም" ብያት ዝም አልኩ ከንቺ የሚለየኝ ሞት ብቻ ነው ልላት ነበር  እውነትም የሚረብሽ ነገር አለው አልኩ ለራሴ ።
.
.
ከ 150 ላይክ ቡኋላ ክፍል 37 ይለቀቃል🌹
https://vm.tiktok.com/ZMhV8Ma3n/           

♥️ ተማሪዋ ♥️ ...
           .
          .
🌹...ክፍል 35...🌹
.
.

.
.
ኤፍዬ"
"ወዬ ቃል"
"ልቀቀኝ እኔ መጨፈር እፈልጋለሁ አልኩህ እኮ አሰማም ? ቆይ እኛ ዶሮ ነን እንዴ በዚህ ሰአት ገብተን የምንተኛው?
እንብየው እንብየው እኔ መግባት አልፈልግም ልቀቀኝ "
እያለች እቅፍ አድርጌ የመሸከም ያህል ይዣት ስወጣ•••
"ቆይ እንቅልፍ ምን ያደርጋል? እንቅልፋም ነገር ነህ እሺ ኤፍዬ እንቅልፍም፣  ኪኪኪኪ ቆይ ቆይ ፣ አቅም ግንባታ ፣ያልጋ ላይ ጫወታ፣  እግዞዬታ ኡኡታ እያልክ ስትፎክር የዋልከው ገብቶ ለመተኛት ነው እንዴ ? እስቲ ወንድ ዛሬ ገብተህ ትተኛና እንተያያለና ኪኪኪ ቆይ ቆይ ቆይ ኤፊዬ. "ድብድቡ ሳይጀመር አንድ ቢራ"  ያለው ማን ነበር. ኤፊዬ ? እኛም ድብድቡ ሳይጀመር የምንጠጣው አንዳንድ ቢራ ይዘን መግባት አለብንኮ ባዶ እጃችንን ልንገባ ነው?  ቆይ እሺ ልቀቀኝና ሁለት ቢራ ይዘን እንምጣ"
"ቃልዬ በጣም መሽቷል እኮ ስድስት ሰአት አልፏል"
"ይለፋ ገና አሁን አይደል እንዴ የወጣነው ፣  ስማ ስማ ኤፍዬ ቆይ የሰከርኩ መስሎህ ነው አደል ? እሄው እይ ባንድ እግሬ ስቆም እሺ ብሰክር ባንድ እግሬ እቆማለሁ ልቀቀኝ ቆሜ ላሳይህ "
ትልና አንድ እግሯን ብድግ አድርጋ ሳጨርስ ተንገዳግዳ እኔው ደረት ላይ ዘፍ ትላለች።
"ካካካካካ " በቃ ሳቋ ማቆሚያ የለውም።
"እሺ እሺ በናትህ ኤፍዬ ስሞትልህ በዚች ዘፈን ብቻ እንደንስና እንገባለን ሰማው ዘፈኑን እዚህ ድረስ ይሰማል እኮ ይሰማሀል ኤፍዬ የፀሀዬ ዮሀንስ ዘፈን••
ጥንድ ጥንድ ሆነው ሲሄዱ ባይ 
ሳጣሽ የኔን ሲሳይ ፣  ቀናሁ በሰዎች ላይ
ዛሬም ሳላይሽ ላድር ነው ወይ እባክሽ ነይ
ዝርያዬን ባስስ ባስስ አንቺ እንደሁ የለሽም
ባንጋጥጥ ወደሰማይ ዘፈኑን   ፍቅረኛው አጠገቡ የለለች ሰው ይመሰጥበት እኛ እንግባ  እኛ እኮ ጥንድ ነን ቃልዬ "
"ምን አልክ ኤፊ? ጥንድ ነን ነው ያልከው? መስሎህ ነው ባክህ እኛማ ጥንድ ብቻ አይደለንም። ከጥንድም በላይ ነን። ቆይ ከጥንድ በላይ የሆኑ ፍቅረኛሞች ግን ምንድን ነው የሚባሉት ?
ታውቃለህ እንዴ? ባክህ አታውቅም እኔ ነኝ እንጂ ማወቅ የነበረብኝ አንተ ምን በወጣህ ፣ ግን እስከዛሬ ፍቅረኛሞች ከጥንድ በላይ ይሆናሉ ብለህ አስበህ  ታውቃለህ ኤፊዬ?
" አላውቅም"
"እኔም አስቤ አላውቅም ነበር ግን ሆነ አይገርምን ኤፊ"
"አይገርምም" አልኳት ምን እያለች እንደሆነ ስላልገባኝ ።
"ኪኪኪኪኪ አይገርምም ይላል እንዴ ፣ ባክህ አንተ ስለማታውቅ ነው ያልገረመህ "
ስትለኝ ምን እያወራችልኝ ነው? ምን ማለቷ ነው? ከጥንድ በላይ የሆኑ ፍቅረኛሞች ማለት ስንት ነው? ስስት ነው አራት? ወይስ ከዛ በላይ። አራት ከሆኑ ያው ሴትና ወንድ ሴትና ወንድ ሁለት ጥንዶች ማለት ነው ። ሶስት ከሆኑስ እንዴት ነው የሚሆነው?
ሁለት ሴት እና አንድ ወንድ ነው ? አይ እንደዛማ አይሆንም እሺ ሁለት ወንድ እና አንድ ሴት ቢሆንስ ብዬ ሳስብ ወረረኝ።
ቃልዬ ስለምን እያወራች ነዉ በሷ በኩል ሌላ ወንድ ይኖር ይሆን ብዬ ከማሰብ በላይ ምን የሚወር ነገር አለ?
እና ቃልዬ ምን እያለችኝ ይሆን  ይሄ ነገር "ሆድ ያባውን ብቅል ያወጣዋል " ይሉት አይነት ንግግር ነው  እንዴ?
"ስማ ኤፊዬ "
"እ ምንድን ነው?"
"ኤፊዬ  አንተኮ ታማኝ፣ ንፁህ፣ደግ፣ ግልፅ ፣ ተጫዋች በቃ የሆንክ ፍቅር የሆንክ ልጅ ነህ ፣ የኔ የዋህ፣ አፈቅርሀለሁ እሺ ?"
አለችኝ። ቃልዬ ያን ያህል ብዙም አልጠጣችምና ከሞቅታ ውጪ የለየለት ስካር ውስጥ አልገባችም።
በምትናገረው ነገር ግን የተዘበራረቀ ስሜት ውስጥ እየከተተች እኔኑ  አሰከረኝ።

እንደምንም መንገድ ለመንገድ እየተጓተትን ክፍላችን ገባን።
አልጋው ላይ አረፍ እንዳለች እኔ ወደ መታጠቢያ ቤት ገባሁና ልብሴን ውልቅልቅ አድርጌ ይሄን የሀረር ቀዝቅልዛ ውሃ አናቴ ላይ ለቀቅኩት።
ኳኳኳ " ክፈት ኤፊ"  ከፈትከላት።
"ለምንድን ነው ብቻህን የምትታጠበው እኔም መታጠብ እፈልጋለሁ "
ብላ ከነልብሷ ልትነከር ስትል ያዝ አደረኩና ከላይ የለበሰችውን አውልቄ ፀጉሯ እንዳይበላሽ ቦርሳዋ ውስጥ የያዘችውን የተለየ ስም ይኑረው አይኑረው ባላውቅም ብቻ  ሴቶች ድንገት መንገድ ላይ ሆነው ዝናብ ሲመጣ እና ሲታጠቡ የሚያጠልቁትን ከፍያ መሳይ ላስቲክ ነገር ጭንቅላቷ ላይ አጠለኩላት  ።
"አመሰግናለሁ እሺ የኔ አሳቢ !" ብላ ብላ ሳመችኝና አብረን መታጠብ ጀመርን።
እየተሳሳቅን ተጣጥበን እንደወጣን ለቀቃት ቀዝቀዝ አለች። ጋደም ብለን ስንጨዋወት ቆየን።  ውስጤ ጥያቄ ቢፈጥርብኝም ቅድም በጥንዶች ዙርያ እንዲህ ብለሽ ነበር ምን ለማለት ፈልገሽ ነው? ብዬ በመጠየቅ ሌላ ውዝግብ ውስጥ እንድንገባና  ያንን ደስ የሚል የሀረር ቆይታችንን ላደበዝዘው ስላልፈለኩ ተውኩት።
መብራቱን ሳየው አይኔን እያጭበረበረኝ ነው የሚቀነስ ከሆነ ሀይሉን ቀንሰው ያለበለዚያ አጥፋው አለችኝ።
በጣም እንዳይጨልም በጣምም ቦግ እንዳይል አድርጌ አደበዘዝኩት። እድሜ ለቴክኖሎጂ። ትንሽ ቆይቶ በኔ እና በቃልዬ መሀል  መነካካት ተጀመረ። ቀስ ነቀስ መሳሳም ቀጥሎም ወደ ወናው ወደ ጥሎ ማለፍ ጫወታው ሰተት ብለን ገባን።
የመጀመሪያው ግብግብ በኔና  በቃልዬ መሀል ብዙ የጎላ ልዩነት ሳይኖር ተመጣጣኝ በሆነ የሀይል ሚዛን ተጠናቀቀቅ።
"ሽንቴን ልሽና መጣሁ ኤፍዬ መተኛት አይፈቀድም ብላኝ ወደ ሽንት ቤት  ስትሄድ  ሳቅ እየተናነቃት እንደሆነ አነገገሯ ያስታውቅ ነበር።
ከአንደበቷ ባይወጣም "እንደፎከርከው አልሆነልህም ምን ትሆን እንግዲ ድንቄም ጥሬ ስጋ ?" እያለች ያላገጠችብኝ ያህል ነው ተሰማኝ።
በእረፍት ሰአት የታክቲክ እና የቴክኒክ ለውጥ ማድረግ እንዳለብኝ ሳስብ ቆየሁ። ሁለተኛው ዙር ላይ አዲሱን ስልት መተግበር ጀመርኩ።
ቅልጥ ያለ የፍቅር  ጦርነት ውስጥ ከመግባታችን እና ቃልዬ እንደእንዝርት ከመሾሯ  በፊት ስልታዊ ማፈግፈግ በማድረግ እና  መላ አካሏን  በመውረር ቁልፍ ቁልፍ ቦታዎችን በመሳም፣  በዳበሳ እና በዳሰሳ  ማጥቃት ጀመርኩ ።
ወደ ወሳኙ ጦርነት ሳንገባ  ቃልዬ አተነፋፈሷ እየተቀየረ የልብ  ትርታዋ እየጨመረ መጣ።
ለደቂቃዎች በተደረገባት የጣት እና የከንፈር ወረራ  መላ አካላቷ ላይ በሚርመሰመሱት ጣቶቼና እና ካንገት በላይ  የስራ ድርሻውን በሚወጣው ከንፈሬ ገና ሳይጀመር የጋለችው  ቃልዬ በፍቅር ጫወታው ትግበራ ላይ   የጫወታውን አይነት ፣የጫወታውን ቦታ፣  የጫወታውን  ፍጥነትና ሁኔታ የመወሰኑን ስልጣን ለኔ ለማስረከብ ተገደደች።
ሁሉም ነገር በኔ  ስልጣን በኔ ቁጥጥር ስር ዋለ። እስካሁንም የጫወታው ቁልፍ  ቅድመ ጫወታ ላይ ያለው የማሟቂያ ግዜ መሆኑን አለማስተዋሌ ነው የጎዳኝ አልኩ ለራሴ ። ቃልዬ እኔ በምልክትም በቃላትም ሁኚ የምላትን መሆን ብቻ ሆነ እጣ ፋንታዋ።በዚህ መልኩ የደስታን ጥግ እያጣጣም ደቂቃዎች አለፉ።
  ወደ ማሳረጊው አከባቢ  ቃልዬ ስሜት ውስጥ ሆና የተናገረችው ነገር በሚሳኤል የተመታሁ ያህል ጆሮ ግንዴን አደባየው።
ቃልዬ ድክም በለ ድምፀት በስሱ "ዛኪዬ የኔ ፍቅር አልቻልኩም"  የሚሉ ቃላቶች ብትናገርም ወደ ጆሮዬ ሲደርሱ ግን ጩኸታቸው የመብረቅ ያህል አስደንጋጭ ነበር።
.
.
ከ 200 ላይክ ቡኋላ ክፍል 36 ይለቀቃል🌹
https://vm.tiktok.com/ZMh9xdBnV/           

♥️ ተማሪዋ ♥️ ...
           .
           .
🌹...ክፍል 34...🌹

.
.
"አመረርክ እንዴ ትናንት እኮ እኔን ለማሳቅ ብለህ እኔን አሸናፊ አንተን ተሸናፊ አድርገህ  እንደቀለድክ እንጂ ከልብህ እንዳልሆነ ነበር ያሰብኩት፣ ኤፊዬ ሙት እኔ  ትናንት በነበረው ነገር በጣም ደስተኛ ነኝ፣  ምንም ያጎደልክብኝ  ነገር የለም ተመችቶኛል"
"ገሎ ማንሳት፣ ጠብሶ ማሸት የሚባል ነገር ታውቂያለሽ"
"ገሎ ማንሳት አላውቅም ጠብሶ ማሸት ግን ለበቆሎም ሊሆን ይችላል ለሰውም ይሆናል ያው ጠብሰክ እያሸኸኝ  አይደል እንዴ ኤፊዬ?"

"ካካካ አንቺ ነሻ ገለሽ የምታነሽው ጥሬ ስጋ ወንድ ያደርጋል እንዴ ብለሽ ከገደለሽኝ በሁዋላ አይደለም በሽንገላ በክሪክ አልነሳም።
ያለው  አማራጭ ወንድነቴን ማሳየትና ማስመከር ብቻ ነው"
"ክሪክ ምንድን ነው ኤፊ ?"
"የተሽከርካሪ ጎማ ለመቀየር ለሌላም ጉዳይ ብቻ መኪናው  ከፍ የምናደርግበት ነዋ " አልኳት በቃ ወሬህ ዞሮ ዞሮ ከትራፊክ ህግና ከተሽከርካሪ አይወጣም አይደል እንዳትለኝ  ውስጥ ውስጡን እየተሳቀቅኩ።
"እኔ እንግዲህ ወንድነትህን አይቼዋለሁ ሌላ የምታሳየኝ አዲስ ነገር አለ?"
'አዎ አለ"
"እና አሳየኛ "
"አሁን አይደለም ስንመለስ " ብዬ እጇን ይዤ በመጎተት ከአልጋው ላይ አነሳኋትና ይዣት ወጣሁ።
እየሄድን መንገድ ላይም "አይ ኤፊ" እያለችና ዝም ብላ እያየችኝ ትስቃለች።
"ለምንድን ነው  የምትስቂው ቃልዬ?"
" ኤፊዬ ግልፅነትህ በጣም ደስስስስስ እንደሚለኝ ታውቃለህ ግን?"
"አላውቅም ነበር ይሄው አሁን ነገርሽኝ። እና ግልፅነቴ ብቻ ነው ደስ የሚልሽ?"
"ሌላውን ሌላ ግዜ እነግርሀለሁ"
"በጣም የሚገርመኝ ባህሪሽ የሆነ ነገር ለማውራት ቀጠሮ የምትይዥው ነገር ነው"
"ሁሉም ነገር እኮ ባንድ ግዜ አይወራም ኤፍዬ"አለችኝ ወገቤን አቀፍ አድርጋ ወደሷ በመጎተት በዳሌዋ ገጨት እያደረገችኝ።
ተንገዳግጄ ልወድቅ ነበር ። የሴት ቀጭን የለውም አለች አያቴ። ቃልዬ በርግጥ የሰማዩ ንጉስ ክብሩ ይስፋና  ከወገቧ ቀጠን ከዳሌዋ ሰፋ አድርጎ ስላስዋባት በዛ ዳሌ ተገጭቼ ብንገዳገድ በኔ አይፈረድም።  ቃልዬ
" ና በደንብ ልግጭህና ውደቃ በቃ ነጋ ሳረግህ ተንገዳገድክኮ መውደቅ አምሮህ ነው" እያለች ድጋሚ ልገጨኝ ስትሞክር አንገቷን አቅፌ ተረፍኩ።
ለጥሬ ስጋ እስከዚህም ብትሆንም አንተ የበላኸውን ነው የምበላው ሌላ ምግብ አላዝም ብላ አብራኝ በላች።
በልተን እንደጨረስን እዛው በስሱ ማወራረጃውን እየተጎነጨን ቆየን። እንደትናንትናው ከዚህ በላይ እንዳትጠጣ  በቃህ አላለችኝም። እኔም በነፃነት በላይ በላይ እልፈው ጀመር።
ነገር ግን ቃልዬም እንደስከዛሬው ከሁለት በላይ አልጠጣም የምትለውን ረስታው ይሁን ትታው ደገም ደገም ስታደርግ ኦኦ ሁለታችንም ከሰከርን ማን ማንን ሊጠብቅ ነው ? አልኩና የኔን መጠጣት ገታ ማድረግ እንዳለብኝ ወሰንኩ።
ጭራሽ " ጠጣ እንጂ ኤፊዬ"  ስትለኝ እየጠጣሁ ነው ጠጪ እያልኩ ከንፈሬን እያረጠብኩ መመለስ ጀመርኩ።
እንዲሁም በትንሽ በትልቁ ሳቅ ሳቅ የሚላት ቃልዬ ምንም ሳናወራ ሁላ  ዝም ብላ እያየችኝ መሳቅ ጀመረች።
ይውጣላት አልኩና ከምግቤቱ ይዣት በመውጣት  ቅልጥ ወዳለ ጭፈራቤት ይዣት ሄድኩ።
እንደገባን ጭፈራውን ታቀልጠው ጀመር ። ጭፈራው ላይም የዋዛ አልነበረችም። እኔ ደከመኝ ብዬ ጥግ ጥግ ላይ ወዳሉ
"ባለጌ ወንበሮች" ሄጄ ለመቀመጥ ስሞክር እየጎተተች ታስነሳኛለች።
ያልጨፈረችበት የዘፈን አይነት የለም። ወደጆሮዋ ጠጋ ብዬ•••
"ቃልዬ ያ የውዝዋዜ ዳኛው ትናንት ያደነቀሽ የእውነት መሰለሽ እንዴ? አቀለጥሽው እኮ" ስላት
ሙዚቃውን  ያስናቀም ያሳቀቀም ሳቅ ሳቀች ። መቀመጥ የሚባል ነገር የማይሞከር ሆነ ።
"ተነቅቶብሻል ባክሽ ወይ በዳንስ አድክመሽ ልታስተኝኝ አስበሻል ወይ ትናንት የጀመርሽውን ወገብ ሰበራ በዳንስ ልትጨርሽው ፈልገሻል " አልኳት።
ቃልዬ እኔ ባወራሁ ቁጥር ስትስቅ በተለይ ቀዝቀዝ ያለ ዘፈን ሲሆን የሷ ሳቅ ጎልቶ እየወጣ በቤቱ ያሉ የተወሰኑ ሰዎችን ትኩረት መሳባችንን እንዳስተዋልኩ ማውራቴን ተውኩት።
ቃልዬ ግን እኔ ማውራት ባቆምም ከዚህ ቀደም ከወር እና ከሁለት ወር በፊት ያወራነውን ሁሉ እያነሳች በትዝታ መሳቅ ጀመረች።
ከምሽቱ አምስት ሰአት አለፍ እንዳለ ሌላ ቦታ የተሟሟቁና የሰከሩ ወጣቶች ወደ ጭፈራ ቤቱ በብዛት መግባት ጀመሩ። ሰው እየበዛ ቤቱም እየሞላ መጣ። ይዣት ለመውጣት ብወስንም ቃልዬን ከዛ ቤት ይዞ መውጣት ቀላል ስራ አልነበረም።
በብዙ ውትወታ  እና ልመናም እሺ ብላ አልወጣ አለችኝ። በግድ  ተሸክሜም ቢሆን ይዣት መውጣት ነበረብኝ።
"እንግባ ይበቃናል ቃልዬ ነገ ጥዋት አራት ሰአት ክላስ አለሽ እኮ በጥዋት ስለምንሄድ ገብተን መተኛት አለብን" 
.
.
ከ 200 ላይክ ቡኋላ ክፍል 35 ይለቀቃል🌹
Like አርጉ እኛም ቶሎ እንልቀቀው 🙏           
https://vm.tiktok.com/ZMh9xdBnV/

♥️ ተማሪዋ ♥️ ...
           .
           .
🌹...ክፍል 33...🌹
.
.

አጥብቄ አቀፍኳት።ሀረር መሀል ከተማ  አላፊ አግዳሚው ሳያስጨንቀን እኔም በሷ ጉያ እሳም በኔ ጉያ  ውስጥ ተጣብቀን ቀረን።
" እና እሺ አሁን ወዴት እንሂድ ?" አለችኝ ከቅፌ ሳትወጣ።
እና አሁን የት እንሂድ
"እኔ እንጃ ቃልዬ"
"እንዴ እኔ እ ን ጃ እና እንዲሁ መንገድ ለመንገድ እየዞርን እንደር?"
"እሺ የት እንሂድ  እዛው የነበርንበት እንመለስ ቤቱን ወደሽዋል ነው እንቀይር ?"
"ኧረ እዛው ይሻላል ፀጥታው ደስ ይላል'
" ነይ በቃ አልጋ እንያዝና ቦርሳሽን አስቀምጠሽ እንወጣለን"
ተያይዘን ሄድን ።
ልክ ቃልዬ አዋክቤ ከመኪናው ላይ ሳወርዳት እቃ የረሳሁ እንደመሰላት ሁሉ የቤቱ ጥበቃ የሆኑት ጠና የሉ ሰውም እንዳዩን እቃ ረስተን የተመለስን መስሏቸው"
"ምነው ልጆቼ ምን ዘንጋታችሁ ወጣችሁ?" አሉን።
"አይ ምንም አረሳን አባቴ የመሄድ ሀሳባችንን ለነገ አሻገርነው ና ተመለስን" አለቻቸው ቃልዬ።
"ይሁን ከመሸ መሄዱም ደግ አደለም ነገ ብትሄዱ ይሻላል ግቡ ግቡ ልጆቼ " አሉን።
"አየሽ እኔም ታውቆኝ ነበር እኮ ለ አዛውንት እና ለህፃን ልጅ እኮ ይታየዋል "አልኳት የክፍላችንን ቁልፍ ተረክበን  ትናንት ከነበርንባት በተቃራኒው በኩል ጥግ ላይ ያለችን ክፍል ውስጥ ከፍተን እንደገባን።
"ምኑ ነው የሚታየው ኤፍዬ?"
"በማታ ሲጓዝ መንገድ ላይ  ምን እንደሚያጋጥመው ነዋ"
"ኪኪኪ እና እሺ አዛውንቱ እሳቸው ናቸው እንበል ህፃኑ ታድያ ማነው ኤፍዬ?"
"እኔ ነኛ "
"ማመንህም ደስ ይላል"
"ምኑን?"

"ህፃንነትህን ነዋ"
"ማነው ህፃን?"
"ኪኪኪ እንዴ ትቆጣለህ እንዴ ? አንተው እኮ ነህ ያልከው"
"እሺ እኔ ለማለት ያህል ልበል አንቺ ግን አጋጣሚውን ተጠቅመሽ የልብሽን መተንፈስሽ ይገርማል"
"ይሄኔ ነው መሸሽ አለ መሸሻ" አለች እየሳቀች።
"ማነው ደሞ መሸሻ"
"የድሬ ዩንቨርስቲ ጥበቃ"
"እሱ ደሞ ጥበቃ ሆኖ ማባረር ሲገባው ጭራሽ ይሸሻል እንዴ?  ፈሪ በይው ፣ ለማንኛውም የልብሽን ተናግረሽ በመሸሻ ማምለጥ እይቻልም ማብራሪያ እፈልጋለሁ ቃልዬ ሙች አለቅሽም "
አልኳት አንገቷን አንቄ አልጋው ላይ በጀርባዋ እያንጋለልኳት።
"ታድያ ማብራሪያውን የምትፈልገው በተግባር  ነው በአንደበት" አለችኝ በታነቀ ድምፅ።
"እንዴት?"
"አንገቴን አንቀኸኝ እንዴት ላብራራልህ?
" በተግባር ብልሽስ እንዴት ልታብራሪው ነው?" አልኳት አንገቷን ለቀቅ አድርጌ ፀጉሯን እየነካካሁ።
"እንደትናንት ማታው  ነዋ" ስትለኝ ህፃን ተባልኩ ብዬ  ኮስተር ለማለት የሞከርኩት ሙከራ መክኖ ሳቅ አፈነኝ።
"ምን ያስቅሀል?"  አለችኝ እራሷ እየሳቀች።።
"እሺ በአንደበት ይብራራልኝ"
"ምነው የተግባር ማብራሪያውን ፈራኸው እንዴ?"
"አልፈራሁትም ፣ ለምንድን ነው የምፈራው ዛሬ ከድሬ ያስቀረሁሽ ለምን ሆነና እልህ ስለያዘኝ አይደል እንዴ"
"የምን አልህ ኤፍዬ?"
"ትናንት በመበለጤ ነዋ!"
"ኪኪኪ እና ምን ልትሆን?"
"ምን ልትሆን አልሽ ቃል ? ዛሬ አቅም ግንባታ ላይ ትኩረት አድርጌ በመስራት ልክሽን ላሳይሽ ነዋ"
"ኪኪኪ ምንድን ነው  ደሞ አቅም ግንባታ ?"
"አሁን ከዚህ ስንወጣ የሀረርን ሰንጋ ጥሬ ስጋ ነው የምበላው ከዛ ወንዱና ሴቱ ይለያል እንግዲህ"
ስላት ጥበቃው " አቤት  ጠራችሁኝ እንዴ ልጆች?"  ብሎ ክፍላችን ድረስ እስኪመጣ ነበር ሳቋን ጥበቃው ቤት ድረስ እስኪሰማ  የለቀቀችው።
ጥበቃውን  ነገሩ ወዲህ  ብዬ በሩን ዘግቼ   ስመለስም እየሳቀች ነው።
"ኪኪኪ አይ ኤፍዬ •••ኤፍዬ ሙት ጫወታህ እኮ አይጠገብም ።
" የምን ጫወታ ?  አዎ ላንቺ ጫወታ ነው ዛሬ ልክሽን ካላሳየሁሽ ወንድ ያባቱ ልጅ አይደለሁማ"
"በ. ም. ን   በ ጥሬ. ስጋ ?" እያለች በሳቅ ስትንከተከት እኔም አብሩያት ስንተከተክ ቆየሁና•••

ቃልዬ ሙች ትናንትም እኮ መብላት የፈለኩት ጥሬ ስጋ ነበር ግን ያንቺ ምርጫ ስላልነበር ነው የተውኩት"
"እና ዛሬም የኔ ምርጫ ጥሬ ስጋ መብላት  ባይሆንስ?"
"ብቻሽን ትበያታለሻ ቀልድ የለም ፣ ከጥሬ ስጋ ውጪ ወይፍንክች ብያለሁ ወይ ፍንክች"
"ቆይ ቆይ ጥሬ ስጋ ወንድ ያደርጋል እንዴ?"
"ይሄኔ ነው መሸሽ ማለት ያለበት አሁን ነው መሻሻ!  እንዴ ቃልዬ እንደቀልድ እያዋዛሽ ሞራሌ ላይ ታንክ መንዳት ጀመርሽ አደል?"
"እንዴ እንዴት  ስለምን ታንክ ነው የምታወራው?"

"ከዚህ በላይ የሰውን ሞራል በታንክ መደፍጠጥ አለ እንዴ የምን ታንክ ትያለሽ እንዴ ደሞ?  ጥሬ ስጋ ወንድ ያደርጋል እንዴ ? ማለትሽ ትናንትና ወንድ አልነበርክም ዛሬ ጥሬ ስጋ በልተህ ወንድ ልትሆን ነው ወይ? ማለትሽ አይደል እንዴ?"
"ጫ. ን.   ያ.  ለ.  ው መጣ" አለች ቃልዬ ጋደም ካለችበት ቀና እያለች።
"ማን ነው ጫንያለው?  የጥበቃው ስም ጫን ያለው ነው እንዴ?" አልኳት ወደ በሩን አየት አድርጌ።
"ኤፍዬ ሙት አንዳንዴ እየቀለድክ ይሁን እያመረርክ ይምታታብኛልኮ ለማንኛውም ኤፍዬ እኔ እንደዛ ለማለት ፈልጌ አይደለም ወንድማ ወንድ  ነህ ሊያውም መለሎ ቁመት፣ ጠይም ፊት ፣ ያልወፈረ ም ቀጭን የማይባልም ተክለሰውነት ያለው ፣ ፊቱ ላይ ያለው የደስደስ ወደሌላው የሚጋባ ደስ የሚል  የሀበሻ ወንድ!" አለችኝ።
የሰውነቴ ሙቀት በአንድ ግዜ እጥፍ ሲሆን ተሰማኝ። የድሬ ከተማ ህዝብ በሙሉ ተሰብስቦ ቃልዬ አሁን ያለችኝን ቢለኝ እንካን ይህን ያህል ሙቀቴ የሚጨምር አይመስለኝምበሚያፈቅሩት ሰው መሞካሸት  የሚፈጥረው የደስታ ስሜት ልዩ ነው።
"አመሰግናለሁ ቃልዬ!" አልኳት። ከሰከንዶች ዝምታ በኃላ•••
"ኤፍዬ "
"ወዬ ቃል"
.
.
ከ 200 ላይክ ቡኋላ ክፍል 34 ይለቀቃል🌹
https://vm.tiktok.com/ZMhu2unUT/           

♥️ ተማሪዋ ♥️ ...
           .
           .
🌹...ክፍል 32...🌹
.

"ልክ እኔ እና አንቺ የአልጋላይ ጫወታውን እንደጨረስን
ያ ጠይሙ የውዝዋዜና የዳንስ ዳኛ ብድግ ብሎ አንቺን አንቺን ብቻ እያየ
"ዋው ዋው  ዋው " እያለ ያጨበጭብና ቁጭ ይላል።
ቁጭ እንዳለ ማይኩን ብድግ አድርጎ•••የሚገርም ኬሮግራፊ፣ የተጠናና እና ውበት ያለው እንቅስቃሴ፣ የሚገርም ወገብ ፣ ዋው በአስር ደቂቃ ውስጥ  ሁሉንም የጭፈራ አይነቶች ማሳየት መቻል ድንቅ ብቃት ነው።
ለብዙዎች እስቴጁን ተጠቀሙበት ስንል ምን ማለታችን እንደሆነ ነው በተግባር ያሳየሽልን።
አልጋውን ማለቴ መድረኩን አጠቃቀምሽ ልዩ ነበር፣ ያልጨፈርሽበትን የአልጋ ክፍል ማግኘት ይከብዳል።በተለይ መሀል አከባቢ እሱ ቁጭ እንዳለ አንቺ እሱ ላይ ተቀምጠሽ ያሳየሽን እንቅስቃሴ ገራሚ ነው።
እንደዛው እንደተቀመጥሽ ወደላይ ወደላይ እያልሽ  የአፋሮችን ባህላዊ ውዝዋዜ ስትስትጫወቺው ያየ ሰው አልጋውን ማለቴ መድረኩን አጠቃቀምሽ ልዩ ነበር፣ ያልጨፈርሽበትን የአልጋ ክፍል ማግኘት ይከብዳል።በተለይ መሀል አከባቢ እሱ ቁጭ እንዳለ አንቺ እሱ ላይ ተቀምጠሽ ያሳየሽን እንቅስቃሴ ገራሚ ነው።
እንደዛው እንደተቀመጥሽ ወደላይ ወደላይ እያልሽ  የአፋሮችን ባህላዊ ውዝዋዜ ስትስትጫወቺው ያየ የሰው ልጅ ቁጭ ብሎም መዝለል ይችላል እንዴ? ማለቱ የማይቀር ነው።ወድያው ከአፋርኛ ወደ ሸጎዬ ቢት ቀይረሽ ግራ ቀኝ ዘንበል ቀና ስትይ ልዩ ትእይንት ነበር ።
እሱን አይተን ሳንጠግበው እንቅጥቅጥን ታስነኪው ጀመር፣ እዛ ላይ እንደተመሰጥን ወደ ጀርባሽ ድንገት ዝንጥፍ ብለሽ ስትታጠፊ እኔ በእውነት ወገብሽ ቅንጥስ ያለ ሁላ መስሎኝ ልጮህ ነበር።
ቃልዬ ሳቋን መቆጣጠር እያቃታት እያቃረጠች ብታስቸግረኝም  ስቃ ጋብ እስክትል እያረፍኩ የዳኛውን ማብራሪያ   ቀጠልኩ•••

አንድ ሳልነግርሽ ማለፍ የማልፈልገው ድንቅ እንቅስቃሴ  መጨረሻ አከባቢ አንቺ ከስር ሆነሽ እሱን ከላይ ካደረግሽው በኋላ እግሮችሽን ወገቡ ላይ አጠላልፈሽ ያሳየሽው አለም ነው ።
እሱን አላላውስ ቢለውም ድንቅ ፍትወቶግራፊ የታየበት የዳኞቹን እና የ ተመልካቾችን ስሜት ሰቅዞ  የሚይዝ ድንቅ ፐርፎርማንስ ነበር።
በዚሁ ቀጥይ ነገ ትልቅ ቦታ እንደምትደርሺ አልጠራጠርም ።
ይልና ባንዴ ፊቱን ዘፍዝፎት ወደኔ ይዞራል ከዛ እንዲህ ይለኛል •••
" ወዳንተ ስመጣ በጥቅሉ የሷ እንቅስቃሴና ፍጥነት ከጠበቅከው ውጪ የሆነብህና ግራ የተጋባህ መሆኑን ነው ያስተዋልኩት።
ለዚህ ማሳያው ዙሩ እየከረረ  እና እየተጋጋለ ሲመጣ አንተም እንደኛው በሷ ሁኔታ የተገረምክ በሚመስል ሁኔታ ሙሉ በሙሉ የእንቅስቃሴያችሁን ቁጥጥር  አንቺ እንዳሻሽ እንደፈቀድሽ አድርጊኝ ብለህ ለሷ በመተው ለመሳተፍ ሳይሆን እንደኛው ለመዳኘት የመጣህ ይመስል በአድናቆት ስትመለከታት ማየቱ በቂ ነው" ይለኛል ።
ከዛ የድምፅ ዳኛው  ማይኩን ይቀበልና
ማነሽ ቃልኪዳን እኔ ላንቺ አድናቆቴን የምገልፅበት ቃል የለኝም።
በጥቅሉ ስታሰሚን የነበረው በስሜት የበለፀገ ድምፅ  እንደ እንቅስቃሴው የሚፈጥን እና የሚረግብ ሪትሙ ልክክ ያለ ፣ ቴምፖው የተመጠነ ለጆሮ የሚጥም ድምፅ ነበር።
ወደ ኤፍሬም ጋር ስመጣ  እእእ ኤፍሬም አንተ ጋር የነበረው ነገር በጣም ግራ የሚያጋባ ግራ የገባው ድምፅ ነው ።
እኔ የምታወጣው ድምፅ ማጓራት ይሁን ማቅራራት በፍፁም ሊገባኝ አልቻለም። እንቅስቃሴው ትንሽ ከበድ ብሎህ ስለነበር ድምፅህን አዛብቶታል።
ላንተ ያለኝ ምክር ሰፈራችሁ ጫካ አልያም ተራራ ካለ ባይኖርም ከከተማ ወጣ ብለህ  ሰው ወደማይኖርበት ጫካ በመሄድ ጮክ ብልህ  የድምፅ (ቮካል ) ልምምድ በመስራት ይህንን አባጣ ጎርባጣ ድምፅህን ልትሞርደው ይገባል " ይለኛል።
"ካካካካ አባጣ ጎርባጣ ድምፅ ግን ምን አይነት ነው ቃልዬ?" ስላት ቃልዬ እየሳቀች ስለነበር መልስ አልሰጠችኝም።
"ከዛ ሶስተኛው ዳኛ ደሞ•••" ብዬ ልቀጥል ስል•••
"ኧረ ኤፍዬ በቃህ መሳቅ ደከመኝ  ኪኪኪኪ በእውነት ሆዴን አመመኝ በቃህ" አለችኝ።
ከወንበሬ ላይ ተነስቼ ወደ አልጋው በመሄድ ቃልዬን አቅፊያት ተኛሁ።

እሁድ አመሻሹ ላይ ወደ ድሬ ተሳፈርን። የሚኒባሱ የመጨረሻ ወንበር ላይ ያለነው እኔና ቃልዬ ብቻ ነን።
ሚኒባሱ ገና አልሞላም ከመናሀሪያ ቢወጣም ከመንገድ ላይ ለሞሙላት
"የሞላ የሞላ አወዳይ፣ ሀሮማያ ፣ደንገጎ ፣ ድሬ ዳዋ ሁለት ሰው" እያለ ይጣራል።
ውስጤ እርብሽብሽ አለብኝ ።  ከቃልዬ ጋር ድሬ ስንደርስ መለያየታችን ግድ መሆኑን ሳስበው አ
ስጠላኝ።
"ቃልዬ ተነሽ እንውረድ !" አልኳት እጇን ያዝ አድርጌ እየተነሳሁ።
"ምነው ኤፍዬ ምን ረስተህ ወጣህ " እያለች ተከተለችኝ።
"ሀይ በቃ ሊነሳ ነውኮ ግቡ እንጂ አለ ረዳቱ"
"ዝም ብዬው የቃልዬን ክንድ ይዤ እየጎተትኩ  ትንሽ እንደተራመድን
" አንተ ልበ ቢስ ምን ረስተህ ነው ?  ለምንድን ነው የወረድነው?" አለችኝ።
"ምንም አረሳሁም ቃልዬ"
"እና ለምን ወረድን ይሄም በግድ ነው የሞላው ሌላ እናገኛለን ኤፍዬ ?"
"ወደድሬ መሄድ አስጠላኝ ቃልዬ !   ድሬ ዳዋ ገና ግብት እንዳልንባት አንቺን ከኔ ነጥቃ በመውሰድ እዛ ግቢ ውስጥ እንደምትወረውርሽ ውል ሲልብኝ መሄድ ቀፈፈኝ! "አልኳት  አይን አይኗን እያየሁ።
ቃልዬ ማውራት ብትፈልግም ማውራት አልቻለችም እንባ እየተናነቃት  ሲፈታተናት ዝም ብላ  አቀፈችኝ። አጥብቃ አቀፈችኝ።
.
.
ከ 200 ላይክ ቡኋላ ክፍል 33 ይለቀቃል🌹
           

♥️ ተማሪዋ ♥️ ...
           .
           .
🌹...ክፍል 31...🌹
.
.
አዘጋጅ እና አቅራቢ=- ከደራሲያን አለም የቴሌግራም ቻናል ✍
.
.
በተለያየ አጋጣሚ ሁለቴ ከሞሞካከር በስተቀር እኔ በዚህ ዙርያ ብዙ ልምዱ እንዳልነበረኝ ባልክድም ያ ሙከራ እንጂ ትግበራ ለመባል እንኳን የማይበቃ መተሻሸት እንደነበረ ያመንኩት አሁን ነው።
ቃልዬ እያገለበጠች ስታንገላታኝ  በተለይ አንደኛዋ ከዚህ ቀደም ያጋጠመችኝ ሴት ትዝ አለችኝ ። ምን ሆና ነው ግን እንደዛ አይኗን ጨፍና የተጋደመችው? ማደንዘዣ መርፌ ተወግታ ነው እንዴ የመጣችው?  አልኩ።
ቃልዬ ትለያለች ። ወንድ ነኝ እኔ መብለጥ ነበረብኝ እንዴት እበለጣለሁ ብዬ በአጉል ትእቢት ደስታዬን መቀነስ አልፈለኩም።
ሁልግዜ ወንድ መብለጥ አለበት የሚል ነገር በአንዳንዶቻችን ወንዶች ጭንቅላት ውስጥ ያለ ኩፈሳ እንጂ ከተግባሩ ጋር ሲነፃፀር እውነቱ ሌላ የሚሆንበት አጋጣሚ እንዳለ እንደቃልዬ አይነት ተውረግራጊ የአልጋ ንግስቶች ያጋጠሟቸው ወንዶች መች ይክዳሉ።
እኔም መበለጤን አምኜ ስታጋድመኝ ስጋደም ፣ ስታስቀምጠኝ ስቀመጥ፣ ስታስቆመኝ ስቆም ፣ ስትንጠለጠልብኝ ስሸከም፣ ስትጨፍርብኝ ሳስጨፍር ወገቤ ተንቀጠቀጠ፣ ጉልበቴም ተብረከረከብኝ።
ሁለት እጄን ወደላይ ሰቅዬ •••
" ቃልዬ ገደልሽኝኮ የዕረፍት ሰአት የለም እንዴ ?"ልል ትንሽ ነበር የቀረኝ። እየተሽከረከረችና እያሽከረከረች ልኬን ስታሳየኝ እኔም እሷም ውስጥ የነበረው የደስታ ሲቃ ልዩ ነው።
እና እኔ ነኝ ቃልዬን ለምን ልጃገረድ አልሆንሽም ብዬ ለመደንፋት ሞራል ያለኝ?።  ከድንግልናዋ ምን ጉዳይ አለኝ። ኧረ ምንም ። ብራንባር ቅብርጥሴ ኧረ የታባቱ ። ደሞ እሱ ኖረ አልኖረ ብዬ ልጨነቅ እንዴ። ጥንቅር ይበል ።
   ብር አንባር ድሮስ  ምን ያደርጋል ?እንደዉም ድንግልናኮ የወንዶች  ባላንጣ ነው፣ የምሬን ነው  ድንግልና  ምቀኛ ነገር ነው።
እንደአመፀኛ ሚዜ በር ዘግቶ አላስገባም ሰርገኛ አርፈህ ተኛ እያለ ከመከላከል በቀር ምን ስራ አለው? ምንም።
እና እባክህ አሳልፈኝ በሞቴ ልግባ አልግባ እያልኩ  ከሱ ጋር ግብግብ መግጠም  ምን ያደርግልኛል? ምንም።
ኧረ እንኳንም አልኖረ ፣ ድንግል ሆና ዝም ብላ በጀርባዋ ተንጋላ በል ከቻልክ ግባ ካልቻልክ ስራህ ያውጣህ ብትለኝና  ነገር አለሙን ሁሉ ለኔ ብትተወው ምን ይውጠኛል?እንደዛች ማደዘዣ መርፌ የተወጋች እንደምትመስለው ልጅ ሳትገላበጥ ሰትላወስ አይኗን ጨፍና በመጋደም ኧረ አሳመምከኝ ቀስ በል እንጂ ኤፊ አመመኝ እኮ እያለች የአልጋ ላይ ትራፊክ ሆና ብታሳቅቀኝ መሳቀቅ እንጂ ምን አተርፋለሁ?።
ልጃገረድ ብትሆን ለሷ ትልቅ ነገር ሊሆን ይችላል። ለኔ ግን  ከሱ ጋር ትግል ገጥሜ ላቤን ከማንቆርቆር በስተቀር ምንም እንደማይሰራልኝ  ያሳመነችኝ እራሷ ነች ።
ድንግል ከምትሆን ይልቅ እንዲህ እላዬ ላይ እንደቬንትሌተር እየተሽከረከረች አለሜን ብታሳየኝ እንደሚሻለኝ ያወቅኩት በሌላ በማንም ሳይሆን በቃልዬ ነው።
ይህንን ደስታ ድንግልና ኬት አባቱ አምጥቶ ይሰጠኛል።
ትርፉ ድካምና ሰቀቀን ብቻ ።ኧረ ወደዛ እንኳንም ቀረብኝ ።
ቃልዬ ፍቅር ሲይዝ እንዴት እንዴት እንደሚያደርግ ብቻ ሳይሆን ፍቅር እንዴት እንደሚሰራም ዛሬ አስተማረችኝ።
ቃል ለኔ የ ፍቅር አስተማሪዬ ነች ። እኔ ደሞ ተማሪዋ ።
ይህን ሁሉ  የምለው ቃልዬ መታጠቢያ ቤት ገብታ እኔ ደግሞ  ዝብርቅርቁ የወጣው አልጋ ላይ በጀርባዬ ተንጋልዬ ያንቃቃችውን  ወገቤን እያሸሁ ነው  ።
ታጥባ እንደጨረሰች አጠገቤ መጥታ ጋደም አለችና
"ምን እያሰብክ ነው ጣራ ጣራ የምታየው ?" አለችኝ አንገቴን እየሳመችኝ።
"ያሯሯጥሻት ልቤን እስክትረጋጋ እየጠበኳት ነው"
"ኪኪኪ እሺ ሌላስ?"
"ሌላስ ምን ቃልዬ?"
"ሌላስ ምን እያሰብክ ነበር?"
"ሌላ ሌላ ሌላ  ደሞ ያንቺ  ፍቅረኛ በመሆኔ ምን ያህል እድለኛ እንደሆንኩም እያሰብኩ  ነበር"
"ሌላስ?"
"ሌላማ ቃልዬ እንዲህ ስብርብር ያደረግሽውን ኤፍሬም እንዴት እንደምታድኝውና ይዘሽው ወደድሬ እንደምትመለሽ እያሰብኩ ነበር"
"ኪኪኪ•••ስንደጋግምበት ይለቅሀል እሺ ኤፍዬ" ብላኝ እርፍ።
"በለው በለው ያልቅልሃል ነው ይለቅሀል?" አልኩ የእውነት ደንግጬ።
ቃልዬ ከልቧ ሳቀችና
"እና ሌላስ ምን አሰብክ ምን ተሰማህ ደስ ብሎሀል ኤፊዬ?"
እየደጋገመች ሌላስ ሌላስ የምትለኝ ድንግል ነሽ ብዬ ጠብቄ ነበር እንድላት ሊሆን እንደሚችል አሰብኩ።
ብላት ምን ሊሰማት እንደሚችልም አሰብኩ።ባይከፋትም የጠበኩትን ስላጣሁ ቅር ያለኝ ሊመስላት ስለሚችል እንደዛ ማለት አልፈለኩም።
"በጣም ደስ ብሎኛል ቃልዬ. ፣ ሌላ ነገር ግን ምን እንዳስብኩ ልንገርሽ?" አልኳት።
" እስቲ ንገረኝ ምንድን ነው እሱ?" አለችኝ ቀና ብላ በመቀመጥ አይን አይኔን እያየች
"የዳንስ፣ የውዝዋዜና፣ የመዝፈን ተሰጥኦ ያላቸውን በየቴሌቭዥኑ የሚዳኙት ዳኞች አሁን እኔና አንቺ እዚህ አልጋ ላይ  ከደቂቃዎች በፊት  ያደረግነውን ግብግብ
ተመልክተው የዳኝነት አስተያየት እንዲሰጡ ቢጠየቁ ምን ሊሉ  እንደሚችሉ እያሰብኩ ነበር  ስላት•••
" ኪኪኪ ምን ስትል አሰብከው በጌታ ! ፣  እስቲ ምን የሚሉ ይመስልሀል ኤፍዬ? አለችኝ እየሳቀች።
"ምን እንደሚሉ ልንገርሽ? ••• ቆይ ልክ እንደነሱ  ፊት ለፊት ወንበር ላይ ተቀምጬ ነው የምነግርሽ እንደውም" እያልኩ ገና የቀጨችውን ወገቤን ደግፌ ስነሳ ነበር ሁለት ትራስ ደራርባ እግሮቿን ወደፊት ዘርግታ  ግርግዳውን በመደገፍ መሳቅ የጀመረችው።
ክፍሉ ውስጥ ያለውን ወንበር ወደ ክፍሉ በር አከባቢ ወስጄ በቃልዬ ትይዩ ተቀመጥኩና•••
.
.
ከ 200 ላይክ ቡኋላ ክፍል 32 ይለቀቃል🌹
   https://vm.tiktok.com/ZMhPw4syW/        

♥️ ተማሪዋ ♥️ ...
           .
           .
🌹...ክፍል 30...🌹
.
.
አዘጋጅ እና አቅራቢ=- ከደራሲያን አለም የቴሌግራም ቻናል ✍
.
.
ልክ ወደግቢው ስንቃረብ ግን የሁለታችንም አንደበት ተዘጋ። ተመካክረን በቃ ዝም እንበል የተባባልን ያህል አልጋ ወደያዝንበት ግቢ ልንደርስ ትንሽ እርምጃዋች ሲቀሩን በመካከላችን ፀጥታ ሰፈነ።
እንደተቃቀፍን በፀጥታ እራሳችንን ማዳመጥ ጀመርን። የልብ ትርታዬ ከእጥፍም በላይ  ሳይሆን አይቀርም ምናልባት የቃልዬም እንደዛው ሆኖባት እሱን እያዳመጠች ይሆናል ዝም ያለችው። ምነው ዝም አልክ ምነው ዝም አልሽ እንኳን ለመባባል አልፈለግንም። ለምን ዝም ፀጥ ረጭ እንዳልን ሁለታችንም ገብቶናል ። የግቢውን በር አንኳኳሁ በሩ ስር ያለው ጥበቃ ወድያው ከፈተ። አሁንም በፀጥታ ወደ ክፍላችን አመራን።
የክፉሉን በር ከፍተን እንደገባን በውስጥ በኩል በሩ ላይ አስደግፌ አየኋት የቃልዬ አይኖች ተስለመለሙ  ከንፈር ለከንፈር ተናነቅን።
ቃልዬ የላይኛውንም የስረኛውንም ከንፈሯን ገጥማ አፌ ውስጥ ስትሞጅረው አየር ማስወጣት የለ አየር ማስገባት መንገዱ ተዘጋ።ትንፋሽ አጠረን።
ከንፈሮቻችን ሳይላቀቁ እንደተጣበቁ እጄን ወደ ፁጉሯ ልኬ ፀጉሯ ላይ የተሻጠውን የፀጉር ማስያዣ መዘዝኩት ። ፀጉሯ እኔም እሷም ፊት ላይ ተነሰነሰ። ሳንላቀቅ ወዳልጋው እየተጠጋን የአንድ እጄ ጣቶች ፀጉሯ መሀል እየተርመሰመሱ የሌላኛው እጄ ጣቶች ወደጀርባዋ አምርተው  የቀሚሷን ዚብ ከላይ ከትከሻዋ ጀምሬ እስከ ቀጭኑ ወገቧ ድረስ ተረተርኩት። ቀሚሷ እየተንሸራተተች ወርዳ ቀጭን ወገቧን ተሻግራ  ዳሌዋ ላይ ጉዞዋ ተገታና እንደጉርድ ቀሚስ  ተንጠለጠለች።
የቀሚሷን መሄድ ተከትለው ጡቶቿ ከጡት ማሳይዣዋ አፈትልከው ለመውጣት አመፅ ላይ ያሉ ይመስል  እንደተወጣጠሩ ሳያቸው ልቤ ዝቅ አለች።
ከንፍሯ ከከንፈሬ አፍንጫዋ ከአፍንጫዬ  እንደተያያዙ የፍቅርን ረቂቅ ጣእም በትንፋሽ እና በፈሳሽ መልክ እየማጉ በቃልዬም በኔም ሰውነት ውስጥ ሲያሰራጩ የፈጠሩት ሙቀት መንደድ ጀመረ።
ምላሷ ላይ የሚንከባለለውን ምላሴን  ከምላሷ እያፋታሁ ዝቅ ብዬ አንገቷን ከፍ ብዬ ጆሮዋን ስስማት መላ አካላቷ በንዝረት ሲርገፈገፍ ይታወቀኛል።በፍቅር ሲቃ  እየቃተተች የምታወጣው ድምፅ አቅሌን አሳጣኝ ።
በስሜት ማእበል እየቀዘፉ ወደ ጀርባዋ ያመሩት እጆቼ የጡት ማስያዣዋን ፈትተው ለቀቁት። በከፊል ብቅ ያሉት ጡቶቿ ነፃነታቸውን አውጀው  ከደረቴ ጋር ለመፋለም የተቀባበሉ ይመስል ወደ ፊት ተቀሰሩ።
ወደጀርባዬ ገፋ አድርጋኝ ትንፋሿ ቁርጥ ቁርጥ እያለ ከላይ የለበስኩትን ነጭ ሸሚዝ ቁልፎች ስትከፍት ፊት ለፍት እያየኋት ዋጣት ዋጣት የሚል ስሜት የፈነቀለው ልዩ ግፊት ሁለመናዬን ናጠው።
ሸሚዜን አውልቃ አሽቀንጥራ ጣለችውና ከደረቴ ጀምራ በከንፈር በምላሷ እያራሰች በአንገቴ በኩል ወደላይ ተሻግራ ከንፈሬን ስትጎርሰው የጋለው ሰውነቴ እንደኤርታሌ እስተ ጎመራ ፈንድቶ  መፍለቅለቅ ጀመረ ።
ብድግ አድርጌ አልጋው ላይ በጀርባዋ አንጋለልኳት። እግርና እጆቿን

ሸሚዜን አውልቃ አሽቀንጥራ ጣለችውና ከደረቴ ጀምራ በከንፈር በምላሷ እያራሰች በአንገቴ በኩል ወደላይ ተሻግራ ከንፈሬን ስትጎርሰው የጋለው ሰውነቴ እንደኤርታሌ እስተ ጎመራ ፈንድቶ  መፍለቅለቅ ጀመረ ።
ብድግ አድርጌ አልጋው ላይ በጀርባዋ አንጋለልኳት። እግርና እጆቿን ግራ ቀኝ ከፋፍታ፣ የተቀሰሩት ጡቶቿ በትንፋሿ ልክ እላይ ታች እያሉ ፣  አይኗን ከደን ከፈት እያደረገች ወደላይ ስትመለከተኝ አልጋው ጠርዝ ላይ ቆሜ እየተመለከትኳት   የፍቅር አውሎንፋስ ከቆምኩበት ወደላይ አንስቶ ሲያንሳፍፈኝ ተሰማኝ። እንደዛው እየተንሳፈፍኩ ዝርግትግት ያለው የቃልዬ ገላ ላይ አረፍኩ።
በአልጋው ሜዳ ላይ የፍቅር ፍልሚያው ተጀመረ። ከዚህ  በኋላ በያንዳንዷ ሰከንድ የተፈጠርው ነገር ለኔም የማልቋቋመው  ተዓምር ሆነብኝ•••
ድንግልናዋ የለም። ነገር ግን  አይደለም ድንግል አይደለሽም እንዴ ብዬ የምጠይቅበት አንደበት ለትንፋሽ የሚሆን ግዜ ስታሳጣኝ ድንግል ለምኔ የሚል አዲስ ነጠላ ዜማ  መዝፈን  ጀመርኩ።
የሷን ድንግል ልወስድ ቋምጬ እኔ እራሴ እስከዛሬ ምንም የማላውቅ ድንግል እንደነበርኩ ያሳመነችኝ የፍቅር ድብድቡ በተጀመረ በአራት ደቂቃ ውስጥ ነበር።
ከአራት ደቂቃ ቡሃላ አጠቃላይ እንቅስቃሴያችንን በበላይነት የተቆጣጠረችው ቃልዬ ነች።
የሚሰበር ነገሬን ሁሉ ሰባብራ እና ከጥቅም ውጪ አድርጋ ለመዘረር ዘጠኝ ደቂቃዎች ያህል ካልጋው ጫፍ እስከጫፍ ስታሽከረክረኝ እንደዚህም አይነት ሴት አለች ለካ  እያልኩ በሷ መደመም ብቻ ሳይሆን  ከዚህ ቀደም አንቀላፍተው እንቅልፌን የሚያመጡብኝን ሁለት ሴቶች ጭምር አስረገመችኝ።
.
.
ከ 200 ላይክ ቡኋላ ክፍል 31 ይለቀቃል🌹
        https://vm.tiktok.com/ZMhfjFSYU/

♥️ ተማሪዋ ♥️ ...
           .
           .
🌹...ክፍል 29...🌹
.
.
አዘጋጅ እና አቅራቢ=- ከደራሲያን አለም የቴሌግራም ቻናል ✍
.
.
ስለው " ውይ ኤፍዬ እልሁን ተወዋ በቃ ይልቅ ንገረው ሄዶ ያምጣልህ ሄደህ ክፈት አልከፍትም ስትጨቃጨቅ አከራዬቹም ሊደብራቸው ይችላል" አለችኝ ገነት። ነገርኩት ። 
ሊያመጣልኝ እንደሄደ " በቃ ይዞ ይምጣና እዚሁ እኛ ቤት ቀያይረህ ትሄዳለህ " አለችኝ።
ከአስር ደቂቃ በኋላ ይዞልኝ መጣ።
"ምናልህ?" አለችው ገነት።
" አይ ምንም አላለም ምን ይላል ብለሽ ነው?" አላት።
"አንተ ግን የእውነት ጓደኛው ከሆንክ ምከረው ፣ ቆይ እሱ እድሜ ልኩን እንደወህኒ ቤት እስረኛ ሌላው ካልቀመሰለት አይበላም እንዴ? ሀይ ሁሌ ጓደኞቹ የጀማመሯቸው ሴቶች እያፈላለገ መጨረስ ነው ስራው ?" ስትለው ሳቄን አመጣችው።
"ገኒ ደሞ ጥፋቱ የሱ ብቻ ነው እንዴ ሴቶቹ ባይፈልጉ በግድ አያመጣቸው" አለ የኪያ ጠበቃ ተስፋዬ።
"ስማ ተስፋዬ አንተ ለኪያ የምትከራከረውን ያህል እሱ እራሱ ለራሱ እንዲህ ሲከራከር አይቼም ሰምቼም አላውቅም ትገርማለህ አቦ" ስለው እኔን እንዳልሰማ  አልፎኝ ከገነት ጋር የጀመረውን ክርክር ቀጠለ።
እነሱ ሲከራከሩ እኔ ከሱቁ ጀርባ ወዳለው የነገነት ቤት ገባሁና ተጣጥቤ ልብሴን በመቀየር እኔና ቃልዬ ወደተቀጣጠርንበት መናሀሪያ ሄድኩ።

ቀድሚያት ነው የደረስኩት። ደወልኩላት ። እየደረስኩ ነው አለችኝ። ከአምስት ደቂቃ በኃላ ቃሌ ከመጣችበት ባጃጅ ወርዳ ወደኔ ስትመጣ አየሁዋት።
አምሮባታል። አጠገቤ እስክትደርስ አላስችል ብሎኝ ወደሷው ሄድኩና እቅፍ አድርጌ
"እንዴት እንዳማረብሽ የኔ ቆንጆ"
"አመሰግናለሁ አንተም አምሮብሃል ኤፍዬ"
ወደ ሀረር ጉዞ ተጀመረ። እኔና ቃልዬ እያወራን አምስት ደቂቃ ያህል የተጓዝን ሳይመስለን ነበር ሀረር የደረስነው።
"አሁን ወዴት ነን ኤፍዬ?" አለችኝ እንደወረድን።
"መጀመሪያ ምሳ እንብላ ከዛ ማየት የምትፈልጊውን ሄደን እናያለን።
ቃልዬ በዋናነት ማየት የምትፈልገው አምስቱን የጀጎል ግንብ በሮች እና የሀረርጌን ለማዳ ጅቦች ነው።
ምሳ በልተን እንደጨረስን ወደ ጀጎል ይዣት ሄድኩ።

መካከለኛውን በር አይተን በስተቀኝ በኩል ወዳሉት ሁለት በሮች እየሄድን
" እና ዝም ብዬ ነው እንዴ የማየው አስጎብኝዬ?" አለችኝ ፈገግ ብላ
"እየጮህሽም ማየት ትችያለች እመቤት"
"ኪኪኪኪ•••አንተን ብሎ አስጎብኚ  ፣ እንዴ አስጎብኚ እያብራራ ሲያስጎበኝ ነው እኔ የማውቀው ነው አንተም ምንም አታውቅም?"
"አቦ አያቴ እዚህ ነበር የምትኖረው ሶስት አመት እዚህ ተምሪያለሁ አላልኩሽም እንዴ ከፈለግሽ አምስቱንም በር በአምስት አይነት ቋንቋ እየነገርኩ አስጎበኝሻለሁ እሺ ቀልደኛ እድሜ ላያቴ ሀረርን በደንብ ነው የማውቃት"
"እኔ ፎክርልኝ መች አልኩህ ካውቅክ መናገር ነው እንኳን በአምስት ቃንቋ በአንንዱም ባወቅከው ኪኪኪ"
"የምሬን ነው ቃልዬ አምስቱም የሀረር በሮች በአምስት ቋንቋዎች የተለያዩ ስያሜዎች እኮ ነው ያላቸው "
"ኧረ ባክህ?"
"እና በኦሮምኛ፣ በአማርኛ ፣በሀረሪ፣በአረብኛ እና በሱማሊኛ ቋንቋዎች ስያሜ አላቸው በፈለግሽው ቋንቋ ልነግርሽ እችላለሁ በየትኛው ልንገርሽ?
" አቤት ጉራ እሺ በአምስቱም ካውቅካቸው በአምስቱም ንገረኝ እስቲ"
"አቦ ስሚ እንግዲህ አያውቅን ብለሽ ነው አደል
ያ መጀመሪያ ያየሽው  መሀለኛው በር
በኦሮምኛ -ከርረ ሀማሬሳ ፣በአማርኛ- ሸዋ በር፣ በሀረሪ- አስማእዲን በሪ፣ በአረብኛ- ባቡል ነስር፣ በሱማሊኛ-    አልባብ ሀማሬይሳ    ይባላል።
ይሄ በስተቀኝ ያለው የመጀመሪያው በር
በኦሮምኛ -ከርረ ቡዳዋ፣ በአማርኛ-  ቡዳ በር፣ በሀረሪ-  በድሮ በሪ ፣በአረብኛ- ባቡል ሓኪም፣ በሱማሊኛ- አልባብ ቢዳ  ይባላል።
እሄ በስተቀኝ ያለው ሁለተኛው በር ደግሞ
በኦሮምኛ - ከርረ ሶፊ፣ በአማርኛ-  ሰንጋ በር፣ በሀረሪ- ሱጉድ አጥ በሪ፣ በአረብኛ- ባቡል ቀላም ፣ በሱማሊኛ- አልባብ ቢስዲሞ. ይባላል
"እንዴ ኤፊ አልተቻልክም ኪኪኪኪ "
"ድሬ እና ሀረር ያደገ አብዛኛው  ወጣት  እኮ ከአፍ መፍቻው በተጨማሪ በትንሹ ሁለት እና ሶስት ቃንቋ ያውቃል ። እንደናንተ እንግሊዘኛ ለማወቅ ብቻ የምንጋጋጥ መሰለሽ እንዴ?"
"ኪኪኪ •••እኛ እነማን እኔ ብቻ አይደለሁ እንዴ አብሬህ ያለሁት " አለች ወደቀኝም ወደግራም ገልመጥ ገልመጥ እያደረገች ።
"  አዎ  አንቺን ማለቴ ነው ልክ ነሽ ስላንቺ እንጂ ስለሌላው ምን አውቃለሁ ፣ ነይ አሁን በስተግራ ወዳሉት ሁለት በሮች እንሂድ።

" እሄውልሽ እሄ ከመሀለኛው በስተግራ ያለው የመጀመሪያው በር በኦሮምኛ - ከርረ. ፈልኣና፣በአማርኛ- ፈላና በር፣ በሀረሪ- አሰሱም በሪ፣ በአረብኛ- ባቡል ፍቱሕ፣ በሱማሊኛ- አልባብ ፈልዳና  ይባላል።
ይህ በስተግራ ሆኖ  የታችኛው በር  ደግሞ
በኦሮምኛ -ከርረ ኤረር ፣በአማርኛ- ኤረር በር፣በሀረሪ- አርጎብ በሪ፣ በአረብኛ-  ባቡል ራሕማህ፣ በሱማሊኛ- አልባብ ኤረር  ይባላል።
ጨረስን እያንዳንዱ ስያሜ ለምን እንደተሰጠ ተጨማሪ ማብራሪያ ትፈልጊያለሽ?
ስላት እያጨበጨበች "  አመሰግናለሁ ኤፍዬ ቀጣይ ምንድን ነው እምታሳየኝ?"
አለችኝ።
"ትንሽ አረፍ ብለን ቡና እንጠጣና ጅቦቹ ጋር እንሄዳለና ?"
"ወይኔ ጉዴ እኔ ግን እፈራለሁ አልጠጋቸውም "
"በቃ እኔ ሳበላቸው ታያለሻ ምን ችግር አለው "

ቃልዬ በቃ ወደድሬ እንመለስ እንዳትለኝ በውስጤ ብፈራም ጭራሽ የመሄድ ሀሳብም ሳታነሳልኝ ሲመሻሽ ከስጋት ተላቅቄ ደስታዬን ማጣጣም ጀመርኩ።
ቃልዬ ስለፈራች ጅቦቹን በሩቁ አይተን ከመመለስ በቀር አልተጠጋንም።
ፀጥ ረጭ ያለ የመኝታ አገልግሎት ብቻ የሚሰጥ ቤት አልጋ ያዝንና እራት ለመብላትኗ  በዛውም ትንሽ ዘና ለማለት ወጣ አልን ።እኔም ቃልዬ ፉት ላይ ያለው ደስታ ልዩ ነው።
መጠጣት ብፈልግም ቃልዬ ብዙ እንድጠጣ ስላልፈለገች በስሱ ጠጥተን ወጣን።
በሀረር ጎዳናዎች ላይ  በከተማው እኔና ቃልዬ ብቻ ያለን እስኪመስለኝ ድረስ እየተቃቀፍን ፣ ደሞ እየተላቀቅን፣  እየተላፋንና  እየተሳሳቅን አልጋ ወደያዝንበት አመራን ።
.
.
ከ 200 ላይክ ቡኋላ ክፍል 30 ይለቀቃል🌹
https://vm.tiktok.com/ZMhUh1Ynb/           

♥️ ተማሪዋ ♥️ ...
           .
           .
🌹...ክፍል 28...🌹
.
.
አዘጋጅ እና አቅራቢ=- ከደራሲያን አለም የቴሌግራም ቻናል ✍
.
.
"ቁልፍህን ይዘሀል አደል ኤፊ?"
"የምን ቁልፍ?"
"የባጃጇን ነዋ ረስተህ እንዳትወጣ ብዬ ነው"
"እንዴ ገና አልነቃህም ልበል ? እየቃዥህ ነው እንዴ አንተ ልጅ ረስቼ ብወጣስ በምን አስነስቼ እነዳለሁ?"
"አቦ ታድያ  ተመልሰህ ቁልፉን ለመውሰድ እንዳትደክም ብዬ ነዋ"
"እዚሁ ግቢ በር ላይ ነች እኮ ባጃጇ የት ያደረች መስሎህ ነው? እዚሁ ገኒ ሱቅ በር ላይ እኮ ነው ያሳደርኳት"
"ሀይ እዚሁ ነች እንዴ?" አለና ትንሽ ቆይቶ ደግሞ
"መንጃ ፍቃድ ዋሌት ገለመሌህንስ ይዘሀል አደል ኤፊ?" አለኝ። "አዎ ይዣለሁ "አልኩት ሳቅ እያፈነኝ።
ዝም አለና ልክ ልወጣ ስል ጠብቆ
" ምንም አረሳህም አይደል ኤፍዬ መታወቂያ እና ሌሎች የሚያስፈልጉህን ነገር በሙሉ ይዘሀል ?" ሲለኝ በጤናው አልመስልህ አለኝ።ዛሬ ለሊቱን ሙሉ በህልሙ  እኔ እቃ ረስቼ ስወጣ ያየም መሰለኝ።
"ቆይ አንተ ከመች ወዲህ ነው እኔ መታወቂያ መንጃ ፍቃድ ረስቼ እንዳልወጣ ማሰብና ማስታወስ የጀመርከው"
"ዛሬ ብጀምርስ ምን ችግር አለው"
"ምንም ችግር የለውም ኪያ ፣ አንተስ ጭንቅላትህን ይዘኸዋል አይደል?"
"ማለት?"
"አይ ያው በትንሹም ቢሆን ለማሰብ ይጠቅምሀል ብዬ ነው ፣ረስተኸው እንዳትወጣ እሺ" ብዬው እየሳቅኩ ወጣሁ።

ቁርስ በልቼ ፣ ፀጉሬን ተስተካክዬ ስመለስ አራት ሰአት ሆኗል።
ቃልዬ ጋር ተገናኝተን ወደ ሀረር ለመሄድ  የቀረችኝ አንድ ሰአት ነች። ቃልዩ ጋር ደውዬ ልትወጣ እየተዘገጃጀች እንደሆነ አረጋገጥኩ።
ገላዬን ተጣጥቤ ልብስና ጫማዬን ቀያይሬ ለመውጣት ወደቤት እየሄድኩ በር ላይ እንደደረስኩ  እኔና  ኪያ ተከራይተን ከምኖርባት ግቢ ፊት ለፊት ካለችው ሱቅ
"ኤፊ ፣ ኤፍሬም " ብለው ተጣሩ ባለስቋ ገኒና ሱቁ በር ላይ የቆመ አንድ  ተስፋዬ የሚባል  የኪያ ጓደኛ ።
"አቤት ምነው ?" አልኳቸው በሩቁ።ባለሱቋ ገኒ የታላቅ እህቴ እኩያ ነች ። ከታላቅ እህቴ ጋር አብረው ነው የተማሩት። ና አንዴ አለችኝ በምልክት።
እኔ ልቤ ተሰቅሏል ምን ፈልገው ነው የሚጠሩኝ ?  እያልኩ ጠጋ ብዬ
"ምነው ፈለግሽኝ ገኒ ?" አልኳት። ከተስፋዬ ጋር ተያዩ እና ዝም አሉ። ግራ ገባኝ
"ምንድን ነው? ለምን ጠራችሁኝ " አልኳቸው ሁለቱንም በየተራ እየተመለከትኩ።
"ኤፊ ምነው ዛሬ ስራ የለም እንዴ?" አለኝ ተስፋዬ።
"እንዴ ይህንን ልትጠይቁኝ ነው የጠራችሁኝ ?"
"አይ አደለም ፣ ኣረ አይደለም " አሉኝ በየተራ አሁንም እየተያዩ።
"እህ እና ምንድን ነው ?"
"አይ ወደቤት ልትገባ ከሆነ ቤቱ ዝግ ነው"
"ምንድን ነው እየቀለድክ ነው ተስፋዬ ዝግ ቢሆንስ  የቤቱ ቁልፍኮ  እኔም ጋር አለ"
"አይ ኤፍዬ ከውስጥ ነው የተዘጋው ኪያ ውስጥ ከሰው ጋር ነው ያለው እንግዳ አለበት ኪኪኪኪ" አለች ባለስቋ ገኒ።
"ገ. ባ. ኝ " አልኳት ፈገግ ብዬ ።
ተያይተው እሷ ስትስቅ ተስፋዬ ፊት ላይ ግን ፈገግታ ሳይሆን ጭንቀት ነበር የሚነበበው።
"ኪያ ጥዋት ስወጣ  ያለወትሮው እቃ ረስቼ እንዳልወጣ አስታዋሽ የሆነበት ሚስጥር ተገለጠልኝ"
ስል ገነት "ኪኪኪኪኪ  እቃ ረስተህ እንዳትመለስ እያሳሰበህ ነበር  አይ ኪያ ይገርማል"ስትል
"አቦ ገኒ ደሞ ተያ ነገር አታጋግይ " አላት ተስፋዬ።
"ስለምን ነገር ማጋጋል ነው የምታወራው ፣ ለማንኛውም እኔ ልብስ ቀይሬ ልወጣ ነው ብዙ አልቆይም"
ብያቸው ልሄድ ስል
"አይ አትሂድ ይቅርብህ ኤፊ ብትደውልም አያነሳም ብታንኳኳም አይከፍትልህም  ልብስ ለመቀየር ከሆነ የምትገባው ይቅርብህ ፣ ትርፉ መቃቃር ነው" እያለ  እንዳልገባ ሲሞግተኝ ጤነኛ መስሎ አልታይህ አለኝ።
"ማነው ውስጥ ያለው ኪያ አይደል እንዴ? ማለቴ  ከማንም ጋር ይሁን ግን ኪያ ነው ውስጥ ያለው አይደል?"
"አዎ እሱማ ኪያ ነው ሌላ ማን ይሆናል"
"እና ታድያ ምን እያልከኝ ነው ለምንድን ነው የማይከፍትልኝ ልብስና ጫማዬን በር ላይ ሆኜ እንዲያቀብለኝ መንገር እንጂ መግባት አልፈልግ"
" በሩን ከፍቶ እንደማያቀብልህ እርግጠኛ ስለሆንኩ ነው" ብሎኝ እርፍ ። ብልጭ አለብኝ።
"ቆይ ውስጥ ከማን ጋር ነው ያለው?"
"ከሴ ጋር"
"እና ከሴት ጋር ቢሆንስ ታድያ ቆይ ማነች ሴቷ እኔ አውቃታለሁ?" ስለው ለኔ መልስ ሳይሰጠኝ ልንገረው አልንገረው በሚል ዳይለማ ውስጥ በገባ ስሜት  እንዴ እኔን  አንዴ ከሳቋ ጋር የምትታገለውን ገነትን  ሲመለከት ኪያ ከማን ጋር እንደሆነ ገባኝ።
"ተወው አትንገረኝ ከማን ጋር እንዳለ ገብቶኛል ፣ ከመክሊት ጋር ነው አይደል?"
"አዎ ኤፊ " አለኝ ፈራ ተባ እያለ።
"እንኳን መክሊትን ዘር ማንዘሮቿን ይዞ ቢጋደም  ለደንታው ነው እኔ ገብቼ ልብሴን ወስዳለሁ ሳንኳኳ አይክፈትና እንትያያለን እንግዲህ!" ብዬ ልሄድ ስት ክንዴን ያዝ አድርጎ
"ኤፍሬምና ኪያ በሴት ተጣሉ ሲባል አይደብርም ኤፊ  ፣ ልብስ መቀየሩ ይቅርብህ አትግባ"
" ሀ••••ይ አቦ ልቀቀኛ እንግዲህ አታበሳጨኝ ከመክሊት ጋር ስለሆነ ነው ከሱ ጋር የምጣላው ዝም ብለህ በማታውቀው ነገር ውስጥ ገብተህ አትንቦጫረቅ ልቀቀኝ አቦ"
ስለው ጭራሽ ወገቤ ላይ ተጠምጥሞ " ኤፊ ኤፊ የለበስከው እኮ አፖስቶ ነው በቃ ዛሬ ቅዴ ቢሆንም በዚሁ ልብስ ብትውል ብዙ አያሳጣም ልጅቷም ኪያም ከሚደብራቸው"
ሲለኝ ከኪያ በላይ በማያገባው ገብቶ የሚንዛዛብኝ ጓደኛው ደሜን አፈላው።
"ተስፋዬ የምሬን ነው ከኪያ ጋር ሳይሆን ካንተ ጋር ልጣላ ነው ፣ ሰአቴን አትግደልብኝ ፣ አሁን ትለቀኛለህ አትለቀኝም?"
"አለቅህም ኤፊ" ሲለኝ ..ትዕግስቴ በዚህ መሀል ባለስቋ ገነት ከሱቅ ወጥታ መሀላችን ገባች።
"ኤፊዬ በሱም አትፍረድ እንዳትጣሉ ብሎ እኮ ነው ፣ አንተ ደሞ እላዩ ላይ እንደባብ ተጠምጥመህ ነው እንዴ እንዳይገባ የምታደርገው ኧረ ትገርማለህ" እያለች አላቀቀችኝ።
"ኤፍዬ እንደድሮው በረባ ባረባው በየመዳው መጣላት እንደተውክ አውቃለሁ ፣ ብትሄድም እንደማትጣላው እርግጠኛ ነኝ ግን ኤፍዬ የግድ አሁን ገብተህ ልብስህን መቀየር አለብህ?"
"አዎ ገኒ ዛሬ ስራ አልሰራልም ሌላ ፕሮግራም አለኝ አሁኑኑ ልብሴን ቀይሬ መሄድ አለብኝ " አልኳት ሰአት እያየሁ አራት ሰአት ከሀያአምስት ሆኗል።
"ከልጅቷ ጋር ስለሆነ አልተናደድክም አይደል ኤፍዬ?
"ኧረ ገኒ ምናገባኝ እና እና ነው የምናደደው? ዛሬ ነው እንዴ ኪያ ከመክሊት ጋር የጀመረው ቆየኮ፣ የዚህ ድርቅ ማለት ነው እንጂ የገረመኝ እኔ ስወጣ ትገባለህ ኤፍሬም እንዳይመጣብን ጠብቅልን ብሎሃል እንዴ?  ወዳ ከተደፋች እንኳን አንተና ኪያ ስትፈልጉ የገራዥን ወንዶችን  በመሉ አስለፋችሁ አስገቡላት አይመለከተኝም ፣ ያንተ ግግም ማለት ግን ያስጠላል እሺ"
ስለው ዝም አለ።
"በቃ ኤፍዬ እራሱ ተስፋዬ ሄዶ ልብስና ጫማህን ያምጣልህ አንተም እርግጠኛ ነኝ ባታየቸው ነው የምትመርጠው ፣ ሂድ እራስህ ይዘኽለት ና ፣ ንገረው ኤፍዬ እንዲያመጣልህ የምትፈልገውን ልብስና ጫማ!" አለችኝ።
"አሪፍ መላ ነው ገንዬ እንዴት እንደዚህ አይነት ሀሳብ እስካሁን እንዳልመጣልኝ ይገርማል " አለ ተስፋዬ።
"ይገርማል አደል የምትገርመው እማ አንተ ነህ። አንተ እንድታመጣልኝ አልፈልግም እራሴ ሄጄ ነው የምወስደው...።

ክፍል 29 እሁድ ጠዋት 4:00 ይለቀቃል🌹
  https://vm.tiktok.com/ZMhUh1Ynb/         

♥️ ተማሪዋ ♥️ ...
           .
           .
🌹...ክፍል 27...🌹
.

.
.
ብፅአት ስዩም "አቤት አቤት ሲጥም" ብላ ለምን እንደዘፈነች የገባኝ አሁን ነው።
የቃልዬን ከንፈር ጥፍጥና በምን እንደምገልፀው ቸገረኝ። ማር ማር ይላል አልል ነገር  ማር የሚጣፍጠው ምላስ ላይ ብቻ ነው። የቃልዬ ከንፈር ጥፍጥና  የሚፈጥረው ስሜት ግን ከራስ ፀጉር እስከግር ጥፍር ይሰማል።
እኳንስ የፍቅር ከንፈር የፍቅር ዱላም ይጣፍጣል ስትል የሰማኋት ተከራይ ማን ነበር ስሟ ጠፋብኝ። በቃ ሚስጥሩ እዛ ላይ ነው። ጥንዶች በነፃነት የሚዝናኑበት ከለል ያለ ቦታ ላይ ስለሆንን ሰው አየን አላየን ብለን አልተጨነቅም። 
ከንፈር ከመምጠጥ ያለፈ ..

ትንሽ አቆይቻት ለቀቅ አደረኳትና "  ማን ጀምሪ አለሽ ቃልዬ እኔ ቅምሻ አልወድም  መላቀቅ የለም" ስላት ያንን ሳቃን ልትለቀው ስትንደረደር አፏን በአፌ ከድኜ አቋረጥኳት ።
ወደጀርባዬ ገፋ አደረገችኝ እና እየሳቀች ቁጭ አለች። ከፊት ለፉቷ ልቀመጥ ስል " ና እንጂ ከጎኔ ሁን ኤፍዬ" አለችኝ። በጠረጴዛው ዙርያ ሶፋ መሰል መቀመጫ ነው ያለው ።
አንደኛው ላይ ጎን ለጎን ተቀመጥን።
"ከትናንት ወድያ እኮ ኪሴ ውስጥ ብር ስላልነበር እንጂ ስለወደድሻት እንደምገዛልሽ እያሰብኩ ነበር የወጣሁት እኔም በጣም ወድጃታለሁ ይቺን ቀሚስማ እስክገዛ ቃልዬን አላገኛትም  ብዬ ነው ግብዣሽን ያልተቀበልኩት አልከፋሽም አደል ቃሌ?"
"ኧረ አልከፈኝም ኤፍዬ ያው ምክንያቱን ስንገናኝ አወራሻለሁ ብለኸኝ የለ? በቃ በቂ ምክንያት ቢኖረው ነው ብዬ አሰብኩ እንጂ አልከፋኝም። ግንኮ ኤፊዬ ባለፈው የገዛኽልኝን እስካሁን አለበስኳትም"
"አዎ  ለብሰሻት አላየሁም ያው ስላልወደድሻት ሊሆን እንደሚችል አስቤ ዝም አልኩ"
"ውይ ኤፍዬ ሙት ስላልወደድኳትማ አይደለም ያለበስኳት"
"እና ለምንድን ነው?"
"ምክንያቱን አሁን አልነግርህም"
"ባክሽ ስላልወደድሻት ነው ፣  እኔ ስለገዛሁልሽ አልወደድካትም ብትይኝ ቅር የሚለኝ መስሎሽ ነው፣ ይልቅ በወቅቱ ማለት ወድያው ብትነግሪኝ ሄደን እንቀይራት ነበር"
"ኤፊ ሙት ብዬ እየማልኩልህ አታምነኝም"
" ከመሀላ ምክንያቱን ብትነግሪኝ አይሻልም ቃልዬ?"
"እምብየው አልነግርህም" አለች። ዝም አልኳት። መልሳ ደግሞ "ልንገርህ?" አለችኝ።ምን ሆና ነው ቃልዬ በጣም ቀላሉን ነገር ለማውራት ይህን ያህል ልመና የፈለገችው ? ብዬ አሰብኩና

"በቃ ተይው ቃልዬ መናገር ካልፈለግሽ ያን ያህል የሚያሳስብ ነገር አይደለምኮ "እያልኳት ዘወር ስል አስተናጋጁ 
ሊታዘዘን ቆሟል ። ቃልዬ የምትወደውን ምግብ አዝዤው ካጠገባችን እንደሄደ " ለምን መሰለህ እስካሁን ያለበስኳት? የዛሬ ሁለት ወር ምን እንዳወራን ታስታውሳለህ ? እንደውም ድሬ ከመጣሁ ሁለት አመት ቢያልፈኝም እስካሁን ድረስ ሀረርን ሄጄ አላየኋትም ። አንድ ቀንማ ሄጄ ሀረርን መጎብኘት እፈልጋለሁ ስልህ ምን ነበር ያልከኝ?"
"እኔ ወስጄ በደንብ አስጎበኝሻለሁ እንደውም ለምን ሰሞኑን አንሄድም ? ስልሽ አይ አሁን አይደለም ግን መሄዳችን አይቀርም ነበር ያልሽኝ ከዛ ወዲህ ስለሀረር አውርተን አናውቅም"
"አዎ አውርተን አናውቅም ግን የሆነ ቀን እንደምንሄድ እያሰብኩ ልብሱን ገዝተህ ስጦታ ሰጠኸኝ ከዛ ። በቃ ያኔውኑ ከኤፍዬ ጋር ሀረር ስንሄድ ነው የምለብሳት ብዬ ነው ያስቀመጥኳት ?" ስትለኝ ሀረር የመሄዳችን ጉዳይ እውን ሊሆን መሆኑ ታወቀኝና የደስታ ስካር አዝሮ ሊደፋኝ ደረሰ።
መልሳ ደሞ "አሁን ግን ሀሳቤን ቀየርኩ" ስትለኝ
"ሀሳቤን ቀየርኩ ማለት?" አልኳት የመሄድ ሀሳቧን የቀየረች ስለመሰለኝ በጋለው  የደስታ ስሜቴ ላይ ቀዝቃዛ ውሃ የደፉበት ያህል ቅዝቅዝ ብዬ።
"፣በቃ ሀሳቤን ቀየርኳ ይቺን ነው ለብሼ መሄድ የምፈልገው፣ መች እንሂድ ኤፍዬ በዚህ ሳምንት ቅዳሜ ወይ እሁድ ብንሄድስ ይመችሀል?" ስትለኝ ውስጤ በደስታ ጎርፍ ተጥለቀለቀ።
ግማሽ ፉታን የሸፈነውን ፀጉራን ወደ ጀርቧዋ ብትን አድርጌ ግንባሯን ሳም አደኳትና " እንኳን ቀጣይ ቅዳሜ አሁን በዚህ ምሽት እንሂድ ብትይኝ ትራንስፖርት ብናጣ እንኳን ተሸክሜሽ እሄዳለሁ እንጂ አይ በቃ መሽቷል ትራንፖርትም የለም የምልሽ ይመስልሻል ቃልዬ?"  ስላት ረጅም ሳቅ ሳቀች።
"በቃ ቅዳሜ እንሄዳለን ሃሳብሽን አትቀይሪም አደል ቃል?"
"ኤፍዬ ሙት እንሄዳለን ምነው ድንገት አሁን የወሰንኩ መሰለህ እንዴ ? ሳስብበት ነበርኮ" ስትለኝ የተሰማኝ የደስታ ስሜት ቃልዬን ካገኘኃትም፣  ከዛ በፉትም፣  በቃ ከተወለድኩ ጀምሮ ተስምቶኝ የማያውቅ ልዩ ስሜት ነበረው።
በቃልዬ ትንሽ ስከፋ በዚህ ምድር ላይ አንድ የከፋው ሰው ቢፈልግ እኔ ብቻ የምገኝ የሚመስለኝን ያህል በቃልዬ ደስ ሲለኝም እንዲሁ  በአለም ላይ የኔን ያህል ደስተኛ የሆነ ያለም አይመስለኝ።
ደስ የሚል ምሽት አሳለፍን። ሸኝቻት ስመለስ ቀን ቆጠራ ጀመርኩ። እስከቅዳሜ ድረስ ስንት ቀን ነው ያለው? ዛሬ ማክሰኞ ፣ እእ ማክሰኞ እማ አይቆጠርም በቃ ነጋኮ እሮብ ሀሙስ አርብ ሶስት ቀን አለ ገና ብዙ ነው ። ሶስት ቀኑ የሶስት ወር ያህል ረዝሞ ታየኝ። ሀረር ከሄድን በትንሹ አንድ ቀን ሳንድር እንደማንመለስ እርግጠኛ ነበርኩ።አብረን ካደርን ደግሞ ••••አልኩኖ ሳልጨርሰው ኪያ ትዝ አለኝ። እሱን ብሎ አማካሪ ፣ አቦ ካሁን በሁዋላ ስለቃዬ ከኪያ ጋር በጭራሽ ማውራትም የለብኝም ። ጭራሽ ትንፍሽ አልልለትም። እዛው ገራጅ የተበላሸ መኪኖ እያስጎተቱ ከሚመጡ  ሹፌሮች ጋር ይመካከር። ድሮስ እሱ ስለመኪና እንጂ ስለፍቅር የት ያውቃል። ቢያቅም የሚያውቀው በፍቅረኛሞች ፀብ ማሀል ገብቶ የራሱን ማብሰል እንጂ ሌላ ምን ያውቃል ? ምንም አያውቅም እያልኩ ጋደኛዬን ብቻዬን እያማሁት ሰፈር ደረስኩ።
ገብቼ ከሰላምታ ዉጪ ከኪያ ጋር ምንም ሳላወራ ተጠቅልዬ ለሽ አልኩ ።

አይደርስ ነገር የለ ቅርፍፍ እያሉ እልሔን ያስጨረሱኝ ሶስት ቀኖች አልቀው ቅዳሜ ደረሰ።  ትናንት ማለትም አርብ ማታ ከቃልዬ ጋር ተደዋውለን  ከአራት ተኩል እስከ አምስት ሰአት ባለው ግዜ ውስጥ ተገናኝተን ለመሄድ ቀጠሮ አስረናል። ፀጉሬን መስተካከል ብቻ ነው በኔ በኩል የቀረኝ ስራ ። ማታ ዘወትር የሚቆርጠኝ ልጅጋ ፀጉሬን ልስተካከል ብሄድም ወረፋ ስለነበር   ጥዋት  ሁለት ሰአት  ቀጠሮኛል።
ከእንቅልፌ የነቃሁት  አስራሁት ሰአት ላይ ቢሆንም እዛው እየተገላበጥኩ  እንደምንም አንድ ሰአት ተኩል ሆነ።
ተነሳሁ።ለወትሮው ከአንድ ሰአት በፉት ስራ የሚሄደው ኪያ ተጋድሟል።
ከላይ የለበሰውን ጎተት ሳደርገው ተገላብጦ መልሶ ተኛ። ወዝወዝ አደረኩት።
"እ ምንድን ነው?" አለኝ እጅና እግሩን ወደላይ እና ወደታች እየወጣጠረ ።
  "ስራ አትሄድም እንዴ ረፍዷል እኮ ?"
"ደና አደርክ ኤፊ ስራ ገባለሁ ግን ትንሽ አርፍጄ ነው የምገባው ብዬ ነው የተኛሁት እራሴን አሞኛል ባክህ አንተ ልትሄድ ነው ?" እያለኝ ተነስቶ መለባበስ ጀመረ።
"አዎ ልሄድ ነው" አልኩት እኔ የምሄደው ፀጉሬን ልቆረጥ እንደሆነ ልቤናዬ ቢያውቀውም ለኪያ ምንም ላለማውራት ለራሴ ቃል በገባሁት መሰረት  ስለኔና ስለቃል የሀረር ጉዞ ልነግረው አልፈለኩም።
.
.
ከ 150 ላይክ ቡኋላ ክፍል 28 ይለቀቃል🌹
           

♥️ ተማሪዋ ♥️ ...
           .
           .
🌹...ክፍል 26...🌹
.
.

.
.
የባጃጇ ሞተር በብሶት እስኪያጓራ ወደተገኘው አቅጣጫ ሁሉ ስበር ለሊቱ ተጋመሰ። በንጋታውም በለሊት ተነስቼ ነበር ስራ የጀመርኩት። ከምሳ እረፍት ዉጪ ግዜ አላባከንኩም ስሰራ አምሽቼ ገባሁ። ከቃልዬ ጋር ከሶስቴ በላይ ተደዋውለናል ። ቃልዬ እኔ የምፈልጋትን አይነት ቃልዬን ስለሆነችልኝ አምላኬን አመሰገንኩት።
ማክሰኛ ረፋድ አምስት ሰአት አከባቢ ስራ ላይ እያለሁ ቃልዬ ደውላ•••

" ዛሬ ምሳ እምጋብዝህ እኔ ነኝ እንገናኝ " ብትለኝም ያቺን ቀሚስ ሳልይዝ ቃልዬን ማግኘት አልፈለኩም።
ለመጀመሪያ ግዜ ከቃልዬ የመጣልኝን ግብዣ ለመጀመሪያ ግዜ ውድቅ አደረኩት።
" ቃልዬ ከትልቅ ይቅርታ ጋር  አልችልም ለምን እንደሆነ ስንገናኝ እነግርሻለሁ የምሳ ግብዣው  ለነገ ምናልባት ደሞ ለማታ ይዙርልኝ ለማንኛውም እደውልልሻለሁ " አልኳት ።  አይመቸኝም ስላት ቅር እንዳይላት ውስጤ እየፈራ።
"እሺ ኤፍዬ ካልተመቸህ ችግር የለውም" አለችኝ። ይህን ሶስት ቀን ቃልዬ ላይ የነፈሰው የተባረከ ንፋስ ከየት በኩል ነው የመጣው በፈጣሪ ፣  አቦ ቃልዬ ሁሌም እንዲህ በሆነች ብዬ ከልቤ እየተመኘሁ ዘመቻዬን ቀጠልኩ።

ስጦዝ ውዬ  ቀን ዘጠኝ ሰአት የኮንትራት ደንበኛዬ የሆነው ሱማሌው አብዱራህማን ሲደውል•••
"ዋውው አቦ ይመችህ በቃ የቃልዩ ቀሚስ ተገዛ እያልኩ ስልኩን አነሳሁ"
"ወርያ የት ነው ያለው እኔ አንተን ጫት ተራ መላክ ይፈልጋል" አለኝ።
"መጣሁ መጣሁ አብዱዬ ቅርብ ነኝ" አልኩትና በረርኩ ወደሱ።
ምርጥ ከፋዬች ከሚባሉት ደንበኞቼ ተርታ የሚመደብ ነው።
እንደጠበኩት የቀሚሷን  ዋጋ ለመሙላት የሱ መልክት ብቻ በቂ ሆነ።  ተጨማሪ ትንሽ ሰራሁና ወደ ፑቲኳ በረርኩ።
እንደደረስኩ ባጃጄን ጥግ አስይዤ እያቆምኩ  ኬት ተክለፍልፎ እንደመጣ እንጃ •••"ቀሚሷ ተሽጣ ቢሆንስ?" የሚል ጥያቄ ሹክ ሲለኝ። ኧረ አይሸጥም በዛ ዋግ ማን ይገዛል ? ቢሸጥስ አንድ ብቻ ነው እንዴ የለው ከለለም የገባበት ገብቶ ያመጣል እንጂ ሌላ ቀሚስ አልገዛ " እያልኩ ዘው ብዬ ስገባ እዛው ቦታዋ ላይ ተሰቅላለች። ቃልዬ ቀሚሷ ውስጥ ሆና ፈገግ ስትል ታየችኝ።
ቀንስልኝ እንኳን እንዳላልኩት ትዝ ያለኝ ብሩን ከፍዬ በስጦታ መጠቅለያ አስጠቅልዬ ወደነ ቃልዬ ግቢ መብረር ከጀመርኩ በኋላ ነበር።
ምን ሆኜ ነው ግን ትናንት በጠራበት ዋጋ ከፍዬው የወጣሀት? አይ መጣደፍ እያልኩ ባጃጇን ከአቅሟ በላይ እያጣደፍኩ ግቢ አከባቢ እንደደረስኩ ቆምኩ።
ስልኬን ከኪሴ አውጥቼ ለቃልዬ ከመደወሌ በፉት ድንገት ቀና ብዬ ፉት ለፉት ወዳሉ ተማሪዎች አየት ሳሳደርግ
ከግቢ ወደከተማ የሚወጡ፣ ከከተማ ወደግቢ የሚገቡ እንዲሁም እዛው በሩ አከባቢ ለወሬ አልያም ታክሲ ጥበቃ ከቆሙ የተማሪዎች ግርግር  መሀል ቆሞ  እኔ ባጃጅ  ላይ እንዳፈጠጠ አየሁት ። አጠገቡ ያለችው•••ሲያፈጥብኝ ኪያ የቃልኪዳንን እና የዛኪን ግኑኝነት እንዲያጣራ ልላከው ሲለኝ ይቅር ያልኩትን ልጅ ቶማስ መሆኑን ለመለየት አድጎ በተንጨፈረረው ፀጉሩ ምክንያት ተቸግሬ ነበር።

ቶማስ መሆኑን እንዳወቅኩኝ  ፀጉሩን እየነካካ ትክ ብሎ ወደኔ ባጃጅ ሲመለከት የፀሀይ መከላከያውን አውርጄ ወደተቃራኒ አቅጣጫ ፊቴን በማዞር ማዶ ማዶውን ማየት ጀመርኩ።
  ከሰከንዶች ቆይታ በኃላ አየት ሳደርገው አሁንም አይኑ ወደኔ አቅጣጫ ነው ።
ካጠገቡ አንዲት ቀጭን ሴት ፊቷን ከሱ ጀርባ ወዳለች ሌላ ሴት አዙራ እያወራች ቆየችና ልጅቷ እንደሄደች ከቶማስ ጋር ማውራት ጀመሩ።
ይለየኝ አይለየኝ ባላውቅም አጠገቡ ካለችው ልጅ ጋርም እያወራ አይኑ ግን እኔ ባጃጅ ላይ ነው።
ምናልባት ወደከተማ መሄድ ፈልገው ወደጊቢ ሰው ይዞ በሚመጣ ባጃጅ ለመሄድ እየጠበቁ ሳይሆን አይቀርም።
ቶማስ እነቃልዬ ግቢ ቢማርም እስከዛሬ ድረስ ለብዙ ግዜ ወደዚህ ግቢ ስመላለስ አንድም ግዜ አይቼው አላውቅም።
ከኪያ ጋር ስለሱ ካወራን ሳምንት እንኳን ሳይሞላ ሳየው ገረመኝ።
አንዲት ደብተር ጠቅልሎ እንደያዘ የጎፈረ ፀጉሩን እየጠቀለልና ከልጅቷ ጋር እያወራ ካሁን ካሁን ተጠጋ አልተጠጋ ብሎ እየጠበቀኝ ነው መሰል ወደኔ ባጃጅ አማትሮ ማየቱን ቀጥሏል።
ከሱ ጋር ሰላም መባባልም መተያየትም ስላልፈለኩ ባጃጄን አስነስቼ ከነሱ በተቃራኒው ሽቅብ ትንሽ ጠጋ አልኩና  በኔና በነሱ መካከል ያለውን ርቀት አስፍቼ  በማለፍ  ጠጋ ብዬ ቆምኩ።

በጎን መስታወት አየት ሳደርግ ጭራሽ ልጅቷም ተጨምራ ሁለቱም አይናቸው እኔ ባጃጅ ላይ ነው። እሱ ያወራል ልጅቷ ወደኔ እያየች ትስቃለች ።
" ምን እያወራላት ነው የምትስቀው?  ኪያ ችክ ካለ አይመለስ አትንገረው ይቅር እያልኩት ስለኔና ስለቃልዬ ነግሮት ይሆን እንዴ ? ኪያ  አያደርገውም አይባልም ፣ ድሮም ተው ሲሉት ይብስበታል  ።
ብቻ ነግሮት ይሁንና እኔና ኪያ ተጋደልን" እያልኩ እነሱ እስኪሄዱ ቃልዬ ጋር ሳልደውል ቆየሁ።
ፎርስ በመባል የሚታወቀው ከፍ ያለ ባጃጅ መጥቶ ቶማስን እና ልጅቷን ጨምሮ  አጠገባቸው የቆሙትን  ጠራርጎ እንደወሰደልኝ ቃልዬ ጋር ደውዬ በር ላይ መሆኔን ነገርኳት።
ከመምጣቷ በፊት የገዛሁላትን ስጦታ ብር በማስቀምጥበት  የባጃጇ ዳሽቦርድ ውስጥ አስገብቼ ቆለፍኩበት።
ቃልዬ ከግቢ እየወጣች ከሩቅ እንዳየኋት ልቤ መዝለል ጀመረች።
የናፈቀችው  እናቱ ከገበያ ስትመጣ አሻግሮ እንዳያት ህፃን ልጅ ሮጠህ ተጠምጠምባት ተጠምጠምባት የሚለኝ ነገር መቼ እንደሚቆም እያሰብኩ ፈገግ አልኩ።
በቃልዬ ምርጫ ከድሬ ሆቴሎች ወደ አንዱ አመራን።
ሆቴሉ በር ላይ እንደደረስን
" ቃልዬ ሂጂ ግቢ መጣሁ በዛ በኩል ላቁማት እዚህ ጋር መንገድ ዘጋለሁ " ስላት።
"እንብየው ብቻዩን አልገባም እዚሁ ጋር ልጠብቅህ ሂድ አቁማትና ና " አለችኝ።
ጠጋ ብዬ አቆምኩና ስጦታዋን ከጀርባዬ ደብቄ ተያይዘን ገባን።
እሷ ቁጭ ስትል እኔ ዝም ብዬ ከፊት ለፉቷ በመቆም ስመለከታት ቀና ብላ እያየችኝ•••
"እህህህ ምን ሆነህ ነው እንደዚህ የምታየኝ ኤፊዬ  ቁጭ አትልም እንዴ ?" አለችኝ።
ስጦታውን ከጀርባዬ አውጥቼ ሰጠሁዋት ።
"ምንድን ነው ኤፊዬ?"
"ከፍተሽ እይዋ"
ከፍታ እንዳየችው "እኔ አላምንም ኤፍዬ ፣ ወይኔ ጉዴ  በጣም በጣም ነው እሺ የማመሰግነው ኤፍዬ " አለችና የቀሚሷን ትከሻ ይዛ በመቆም ገላዋ ላይ ለጥፋ "እንዴት እኮ እንደምታምር  አመሰግናለሁ እሺ የኔ ፍቅር" ብላ ጠጋ አለችና ከንፈሯን ከንፈሬ ላይ መረገችው።
.
.
ከ 150 ላይክ ቡኋላ ክፍል 27 ይለቀቃል🌹
           

♥️ ተማሪዋ ♥️ ...
           .
           .
🌹...ክፍል 25...🌹
.
.

.
"አይዞህ እንዲያጣርልኝ ለምልከው ሰው ስላንተ እና ስለቃልኪደን ምንም ነገር አልነግረውም አትጨነቅ ግን በቃ ለኔ ተወው"
"ኪያ የኔን ጉዳይ ለምንድን ነው ላንተ እምተወው ቢያንስ በምን መልኩ በማን በኩል ልታጣራ እንዳሰብክ እኮ ማወቅ አለብኝ "
"ቶማስኮ ድሬዳዋ ዩንቨርስቲ ነው የሚማረው"
"ቶማስ ቶማስ ቶማስ ደሞ የቱ ነው እኔ አውቀዋለሁ?
" እንዴ ተማስን በደንብ ነዋ የምታውቀው አብሮን ኳስ ይጫወት ነበር እኮ ከሶስት ነው ከአራት አመት በፊት ከግንፍሌ ወጥተው ግሪክ ካምፕ ሰፈር  ቤት ገዝተው የገቡት ማን ነበር ስሟ እህቱ የሚስጥረ ወንድም ቶማስ ነዋ አስታወስከው?"
"አዎ አስታወስኩት እኔኮ እሱ ልጅ ጢባሩ ብዙም አይመቸኝም"
"ተወው ስለ ጢባሩ ምናገባን ፣ ጢባሩ ምናምን ትላለህ እንዴ ሲጀመር እኔ ስላንተ ምንም አልነግረውም ዝም ብዬ ቃልኪዳን እና ያ ዛኪ ያልከው ልጅ የእውነት ዘመዳሞች መሆን አለመሆናቸውን ብቻ እንዲያጣራኝ ነው የምነግረው ልጅ ደሞ ፈጣን ነው በርግጠኝነት በዚህም በዛም ብሎ አጣርቶ ይነግረኛል ። ቃል ኪዳን በዚህ አመት መጨረሻ  ትመረቃለች አደል?"
"አዎን "
" ምን ዲፖርትመት ነበር የምትማረው?" አለኝ። ነገርኩት።
"ካንተ ጋር ፌስ ቡክ ላይ ፍሬንድ ናችሁ!"
"አዎ ምነው?"
"ፎቶዋን ከዛ ላይ በቀላሉ ማግኘት ይቻላል። በቃ ይሄን ጉዳይ በኔ ጣለው ሳምንት አይፈጅብኝም " አለኝ። በዚህ ተስማምተን ተኛን ። ኪያ በቶማስ በኩል ለማጣራት ያሰበውን ሀሳብ ማታ ተስማምቼ ባድርም ጥዋት ላይ ግን ቀፈፈኝ በቃ በቶማስ በኩል ቃልዬን መከታተል ቀፈፈኝ።
አብረን ኪኪያ ጋር ቁርስ እየበላን ነው።
"ኪያ የማታውን ሀሳብ ትቸዋለሁ አንተም ተወው በቃ ይቅር ባክህ "
"ምኑን?"
"በቶማስ በኩል ያልከውን  ለምን እንደሆነ አላውቅም በቃ ደበረኝ ይቅር ተወው በራሴ መንገድ እውነቱን እስካውቅ ድረስ ቃልዬ ያለችኝን ነገር ማመን ነው እምፈልገው እሷን ከጀርባ መከታተሉ ቀፎኛል ይቅር ኪያ ተወው ለሱም ምንም አትበለው እሺ ኪያ?"
"እሺ ኤፍዬ ከደበረህ ይቀራላ ምን ችግር አለው"
"አዎ ይቅር በቃ አደራ ምንም አትንገረው ለሱም "
"ጣጣ የለውም ኤፊ ቅድም ወደዚህ ለቁርስ እየመጣን  ዛሬ እፈልግሀለሁ ሲመችህ ደውልልኝ ብዬ መልክት ልኬለታለሁ ከደወለም የሆነ ነገር ልጠይቅህ ነበር በቃ ሌላ ሰው ነገረኝ ምናምን ብዬ አስቀይሰዋለሁ "
"በቃ አዎ እንደዛ በለው " አልኩት ድሮ ለቶማስ እንደዛ ብሎ መልክት መላኩ እየገረመኝ።
ኪኪያ ጋር ተለያይተን ስራ ጀምሬ ትንሽ እንደቆየሁ ከረፋዱ  አራት ሰአት አከባቢ ቃልዬ ደወለች።
እንዲሁ ሰላም ልበልህ ብዬ ነው ብላ ትንሽ አወራን። ለስራ ሳይሆን ለቁርስ የወጣሁ እንደመሰላት ባውቅም ምንም አላልኳትም።
ቀን ዘጠኝ ሰአት አከባቢ ደግማ ወወለች። እህቴ ጋር ምሳ በልቼ ለሊቱን ደህና እንቅልፍ ስላልተኛሁ ትንሽ አረፍ ለበል ብዬ ጋደም ብያለሁ።
"አንተ እንቅልፋም እስካሁን ተኝተኻል?"  ብላ በመጀመር አሁንም እንዲሁ ልታወራኝ ፈልጋ እንደሆነ ነግራኝ አምስት ደቂቃ ያህል የባጥ የቆጡን ስናወራ ቆየንና ከመሰነባበታችን በፊት•••
"ኤፍሬሜ"
"ወዬ ቃል"
"አፈቅርሀለሁ እሺ "
"እኔም ከምታስቢው በላይ አፈቅርሻለሁ ቃልዬ"
ተባብለን ነበር ስልኩ የተዘጋው።
ቃልዬ እንዲህ ለመሆን ለምን ስድስት ወር እንደፈጀባት ግራ ገባኝ።  ስድስቱንም ወር እኔን ፍቅር ከግራ ወደ ቀኝ ከቀኝ ወደ ግራ እያላጋ ሲጫወትብኝ እሷ ግን በመሳቅ ነበር ያሳለፈችው።
ውስጧን ማየት ስሜቷን ማወቅ እስክቸገር ብዙ የማትናገር ፣ እንድታወራ ስወተውታት ፣ ጭቅጭቅ የሚመስላይ ፣ ጨቀጨከኝ ላለመባል መደወል እየፈለኩ ያልደወልኩባቸው ማውራት እየፈለኩ ዝም ያልኩባቸው ቀናቶች ብዙ ናቸው።
እኔ በማውቀው  መንግስትም ሆን የግል ድርጅት አንድን ሰራተኛ በቋሚነት ለመቅጠር የሙከራ ግዜ የሚባለው የስራ ቆይታ አርባ አምስት ቀን ነው።
ቃልዬ ስድስት ወር በሞላን ማግስት ያልተመደ ለውጥ ያሳየችኝ  እኔን በቋሚነት ለመቀበል እና አሁን እንደምትደውለው ቶሎ ቶሎ ለመደወና ፍቅሯን በግልፅ ለመናገር ስድስት ወር ሙሉ የቆየችው ስድስት ወሩ የሙከራ ግዜ ነበር ማለት ነው?
በቃ ይህ የቃልዬ  ሁኔታ ለኔ አዲስ ነው ፣ ቃልዬ እና እኔ የምንገናኝበትን ቦታ ለመቀጣጠር የት ደረሽ የት ደረስክ ለመባባል ካልሆነ በስተቀር በስልክ ብዙ አናወራም ብናወራም እኔ በቃ ናፈቅሽኝ ድምፅሽን ልስማው ብዬ ካልደወልኩ ቃልዬ ብዙ አትደውልም። ያው አስፈላጊ ካልሆነ በስተቀር በጥናት እና በትምህርት መሀል ከተደዋወልን ሀሳቧ እንዳይበታተን ብላ እንደሆነ ስለነገረችኝ እኔም ባለመደወሏ ቅር ብሎኝ አያውቅም ባልልም መቻል ግዴታዬ ነበር።
ትናንት በዛ ሁኔታ ከተለያየን በኃላ ሶስተኛ  ግዜ መደወላ ብቻ ሳይሆን አወሯሯ እና የምትለኝ ነገር በሙሉ  ግራ ቢያጋባኝም የደስታው ስሜት ያመዝን ነበር። በቃ እኔ ቃልዬ እንዲህ እንድትሆን ነበራ የምፈልገው።ማታም ደወለች ። አወራን።
"ነገ እቃ ልገዛ ከግቢ እወጣለሁ እደውልልህና የሚመችህ ከሆነ እንገናኛለን" አለችኝ። እኔ በሀያ አራት ሰአት ውስጥ ቃልዬን ለማግኘት የማይመቸኝ ምንም ሰአት የለም። ሀኔታዋ ግር ቢያሰኘኝም በስንቱ ግራ ተጋብቼ እችለዋለሁ ብዬ መልሼ ተውኩት። ተሰነብቻት ስልኩን እንደዘጋችው ዝም ብዬ ባፈቅራት ነው የሚሻለኝ አልኩ ለራሴ ።
በንጋታው ቀኑን ሙሉ የቃልዬን ስልክ ስጠብቅ ነው የዋልኩት  አስር ሰአት አከባቢ ደወለች።
"ሄሎ ቃሌ ግቢ ነሽ ልምጣ ወይስ  ወጣሽ ?"
"ወጣሁኮ ኤፊዬ ኮኔል ነው ያለሁት እሩቅ ከሆንክ ቀረብ እንድትል ነው በቃ የምፈልገውን ገዛዝቼ እንደጨረስኩ እደውልልሀለሁ እሺ"
"እኔም እኮ ኮኔል አከባቢ ማለት ታይዋንጋ ነው ያለሁት የቱጋ ነሽ አንቺ ?"አልኳት።
ያለችበትን ነገረችኝ ከሶስት ደቂቃ በኃላ አገኘኋት።
"ልትገዛ የወጣችውን እየገዛች ቆየችና ጨርሻለሁ በቃ እንውጣ" ብላኝ እየወጣን ፑቲኩ በር ላይ የተሰቀለች አንዲት የምታምር ቀሚስ ላይ የኔም የቃልዬም አይኖች እኩል አረፉ።
"ቀሚሷ አታምርም ቃል?" አልኳት።
"ማማር ታምራለች ግን አሁን ላይ ፋሽን ስለሆነች ዋጋዋ አይቀመስም ኤፍዬ  ና እንውጣ ባክህ ብላ እንደመውጣት ስትል ዘወር አልኩና •••
"  እቺ ቀሚስ ስንት ነች ባባ" አልኩት ሻጩን። የጠራው ዋጋ አይደለም ቆሌ ልብስ ይገፋል።
ስቅቅ ስል ቃልዬ  አየችኝ።
"ኪኪኪኪ አላልኩህም  ኤፍዬ ና ባክህ እንሂድ" አለችኝ ክንዴን ይዛ እየጎተተች። ዛሬ ጥዋት የተከፈለውን  ያን መከረኛ እቁብ በሆዴ ረገምኩት ።  ኪሴ ውስጥ ያለው እንኳን ለመግዛት ለቀብዲም አይበቃምና ቃል ስትጎትተኝ  አፌን ዘግቼ  እየተጎተትኩ ከመውጣት  ውጪ አማራጭ አልነበረኝም።
ቀሚሷ ግን ከአይኔ አልጠፋ አለችኝ። በዛላይ ቃልዬም ወዳታለች።
በሰአቱ መግዛት ባልችልም  በሁለት በሶስት ቀን ውስጥ  እንደምገዛላት እርግጠኛ ነበርኩ።
ይህን ሁለት ቀን ባጃጇን በድሬ ጎዳናዋች ላይ ሁሉ እየጋለብኩ ሳስነጥሳት ታየኝ።
ከቃልዬ ጋር ትንሽ አብረን ቆይተን እንደተለያየን ነበር ቀሚሷን ለመግዛት ልዩ የስራ ዘመቻ የጀመርኩት።
.
.
ከ 100 ላይክ ቡኋላ ክፍል 26 ይለቀቃል
           

♥️ ተማሪዋ ♥️ ...
           .
           .
🌹...ክፍል 24...🌹

ሄሎ ኤፍዬ ደናነህ? ለቀቀህ?"
"ምኑ ቃልዬ?
" ትራፉኩ ካካካ ፣ ድብርቱ ነዋ"
"ምነው በዚህ ሰአት በሰላም ነው ምን ሆነች ብዬ ደነገጥኩ"
"ሰላም ነኝ ኤፍዬ ምን ሆናለሁ ብለህ ነው፣ ገባህ እንዴ ወደቤት?"
"አዋ እቤት ነኝ ቃልዬ"
"ድብርቱ አለቀቀህም ማለት ነው?"
"ሌላ ግዜ በዚህ ሰአት ስራ ላይ ነህ ብዬ ነዋ"
"አንቺስ እስካሁን እንዴት አልተኛሽም ቃልዬ?"
"እያሰብኩ"
"ስለምንድን ነው የምታስቢው "
"ስላንተ እና ስለኔ"
"ስለኔና ስላንቺ ምን?"
"እስቲ በዛሬዋ ቀን ምን ታስታውሳለህ?"
"በዛሬዋ ቀን ማለት ዛሬ?"
"አይ የዛሬ ስድስት ወር ልክ በዛሬዋ ቀን በሀያ ሰባት"
"ምን ላስታውስ ? ያንቺ ፍቅር ስሜንስ ሳያስረሳኝ ይቃራል ቃልዬ እስቲ አንቺ አስታውሽኝ"
"ልክ የዛሬ ስድስት ወር በዚች ቀን በዚች ሰአት  ምሽት ላይ ነበርኮ እዛ ሆቴል በር ላይ የተገናኘነው"
ስትለኝ ልቤ ተረጋጋ።
ስድስት ወር እንደሞላን በደፈናው ባውቅም ቀኗን ለይቼ አላሰብኳትም ነበር። ትኩስ ትንፋሽ በረጁሙ አስወጣሁና።
"ቅድም አብረን እያለን ለምን አልነገርሽኝም ቃልዬ ነው አንቺም ትዝ ያለሽ አሁን ነው?"
"እኔ ነገ ነው የምንገናኘው ስልህ ዛሬ ካልተገናኘን ሞቼ እገኛለሁ ብለህ ስትለኝ ቀኑን አስበህ ነው ብዬ አንተ እንድትነግረኝ ስጠብቅ ነበር አንተ ግን  ሌላ አለም ውስጥ ነበርክ ኤፍዬ ምን ብዬ ልንገርህ"

"ይቅርታ ቃልዬ ረበሽኩሽ አይደል?"
"አንተ መረበሽህ ነው የደበረኝ ለማንኛውም ይህን ላስታውስህ ብዬ ነው በቃ ተኛ ኤፍዬ እንደማፈቅርህ እንዳትረሳ እሺ" ቃላቶቿን  በጆሮዬ የሰማኋቸው ሳይሆን በደምስሬ በስሪንጅ የወሰድኩ እስኪመስለኝ ድረስ በሁለመናዩ ሲሰራጩ ተሰማኝ።
" እንዳትረሳ ማለት ምን ማለት ነው ቃልዬ?"
"ሆሆሆ ኪኪኪ ይሄ ደሞ ሌላ  ምን ማለት ይሆናል ? በቃ እሺ አፈቅርሀለሁ "
አለች። አዎ እንደዛ ነው የሚባለው  እንዳትረሳ ስትይ የመጨረሻ  የ መለያያ ንግግር አስመሰልሽዋ ታድያ ምን ላድርግ ቃልዬ ልላት አልኩና ካፌ መለስኩት።
"እኔም አፈቅርሻለሁ የኔ ማር"
"ቻው"
"ቻው ደና እደሪልኝ"
ኡፍፍፍፍፍ አልኩና ስልኩን ትራሴ ስር ወትፌ በጀርባዬ ስንጋለል።
አውርተን እስክንጨርስ አንዴ ፈገግ አንዴ ጭፍግግ እያለ ሲሰማን የነበረው ኪያ እኔን ተከትሎ በረጅሙ ተነፈሰና።
"ቆይ ለምንድን ነው ስልኩን ማንሳት የፈራኸው ኤፊ?"
"እኔ እንጃ!"
"አቦ ተወና ኤፊ ደሞ ሀይ በቃ እሺ ስሜትህን ሳልረዳ የማይሆን ነገር ተናግሬ ከሆነ ይቅርታ"
"ተጨማሪ ወሬ ለመስማት ብሎ ይቅርታ የሚጠይቅ ሰው አንተን አየሁ"
"አቦ እኔ ለወሬው ብዬ ነው እንዴ? ወንድሜ አደለህ እንዴ ያንተ ጉዳይ አያስጨንቀኝም ኤፊ"
"ባክህ አንተ ከራስህ ዉጪ ለማንም ተጨንቀህ አታውቅም"
"እሺ ስልኩን ለማንሳት የሸከከህ ለምን እንደሆነ ብቻ ንገረኝ"
"ኧረ ኪያ ልተኛበት ተወኝ ••• በቃ አንደኛ ቃልዬ ሰላም ያልሆነች መሰለኝ ሁለተኛ ቅድም ምን አውርተን ተጦላልበን እንደተለያየን ነግሬህ የለ ስለዛኪ ሌላ ወሬ ሌላ እውነት የምትነግረኝ መስሎኝ ነበር የፈራሁት እኔ ሌላ እሷ ሌላ አለም ውስጥ እንደነበርን ያውቅኩት ግን የደወለችው ልክ የዛሬ ስድስት ወር በዚህ ቀን መገናኘታችንን ልትነግረኝ መሆኑን ስትነግረኝ ነው" አበቃ ይሄው ነው ብዬው ተጠቅልዬ ተኛሁ።

እንቅልፍ አልወስድ ብሎኝ ከአንድ ሰአት በላይ ስገላበጥ ቆየሁ፣ ኪያ እንቅልፍ የወሰደው መስሎኝ ስለነበር ድንገት
" ኤፊ !" በማለት ሲጣራ  እየቃዠ መስሎኝ ዝም አልኩት።
" አንተ ኤፍሬም!" በማለት በድጋሚ ተጣራ ።
"አቤት  ኪያ  ምንድን ነው አልተኛህም እንዴ?" አልኩት ቀና ብዬ የክፍሉን መብራት እያበራሁ። ተነስቶ ፍራሹ ላይ ቁጭ ብሏል።
"አንተስ መች ተኛህ "
"እኔማ መች ተኝቼ አውቃለሁ ኪያ በግድ እኮ ነው እንቅልፍ የሚወስደኝ"
"ፍቅር ከያዘህ ወዲህ ነዋ በፊትማ ገና ጋደም እንዳልክ አልነበር••••" ሲል ብስጭት ብዬ•••|
" እንቅልፍ እንቢ ሲልህ ነቆራህን ለመቀጠል ነው የተነሳኸው?"
"ኧረ ጋደኛዬ ምን ሆነሀል   የምናገረው ነገር በሙሉ  ያንተን ስተትና ድክመት እያነሳሁ አንተን ለማብሸቅ እየመሰለህ የተቸገርከው አንተ እኮነህ፣ ለማንኛውም ዝም ብዬ ከስንት ወር በኋላ ዛሬ ዘለግ ላለ ግዜ ብናወራ እንዴት መግባባት አቃተን ቆይ ለምንድን ነው ኤፊ የምለው ነገር በሙሉ ያልጣመው ዋናው እኔን ማማከር የፈለገበት ምክንያት ምንድን ነው ብዬ እያሰብኩ ነበርና አሁን መጨረሻ ላይ ስልኩን ለምን ማንሳት እንዳልፈለክ የነገርከኝ ነገር አንድ ነገር አመላከተኝ"
"በህልምህ ነው በውንህ"
"ምኑ ኤፊ"
"ያመላከተህ ወይ የታየህ"
"አንተ ማሸፍ ከጀመርክ አይጣል ነው እስቲ ቁም ነገር እናውራ"
"በቁምነገር የሆዴን የውስጤን እውነት ሳካፍልህ እቃቃ ጫወታ መጫወት ያማረህ እኮ አንተ ነህ ኪያ"

"በቃ ይቅርታ ኤፊ ጋደኛዬ ታውቃለህ እኔ  ሌላው ነገር ላይ ትኩረት አድርጌ ያላስተዋልኩት ነገር ግን አንተን በጣም የረበሸህ ጉዳይ የዛ ዛኪ የተባለ ልጅ ጉዳይ መሆኑ ቆይቶ ነው የገባኝ። ልክ ነኝ አደል እራስ ምታት የሆነብህ የልጁ ጉዳይ ነው አይደል  ኤፊ?"
"እና እሺ ነው እንበል እና እሺ ምንድን ነው?"
"እንበል እና እሺ ምንድን ነው አይደለም ነው ወይ አይደለም በለኝ ኤፊ ያ ነው አደል ?
ቃልኪደን ዛኪ  ያክስቴ ልጅ ነው ብትልህም አምነህ ለመቀበል ተቸግረሀል አደል ኤፊ?"
"እኔ ነው አደለም እንድልህ ለምን ትጠብቃለህ ኪያ ቆይ እሱ ቢሆንስ ምን ልትለኝ ነው? "
አልኩት ጮክ ብዬ ። እንቅልፍ የወሰደው እስኪመስለኝ ድረስ  ከአንድ ሰአት በላይ ድምፁን አጥፍቶ ከተኛ በኋላ ምን ሊለኝ እንደተነሳ ግራ ገብቶኝ።
" ኤፊ የሱን ልጅ ጉዳይ በኔ ጣለው በቃ!"
"በኔ ጣለው ማለት?"
"አንተ ልጅቷ የድሬ ልጅ ስላልሆነች ከጎረቤትም ከሰፈሯ ልጆችም ስለልጁ እና ስለሷ የእውነት ዘመዷ ይሁን ፋሟ ማጣራት የማይቻል መስሎህ እንደተጨናነክ አሁን በደንብ ገብቶኛል ፣ ቅድምም ፍቅር ያዘኝ ስትለኝ ሌላ ታሪክ ውስጥ ገብቼ ንትርክ ውስጥ ገባን ሙሉውን ታሪክ ስትነግረኝ ደሞ  እስካሁን ምንም አለማድረጋችሁ •••ሌላ ሌላውን ነገር እያሰብኩ ሀሳቤ ተበታተንና እንዲሁ ያለውን ነገር ልትነግረኝ ብቻ እንጂ  የሆነ ያስጨነቀህ ጉዳይ እንዳለ አላስተዋልኩም ነበር አሁን ተኝቼ ሳስበው ያልኩህ ነገር ሁሉ ያልተዋጠልህ ለምን እንደሆነ ገባኝ። በቃ የልጁ ጉዳይ ሰላም እንደነሳህ ገባኝ። የሱን ጉዳይ እኔ በራሴ መንገድ አጣራለሁ እሱን ለኔ ተወው"
"እኮ በምን መንገድ?"
.
.
ከ 200 ላይክ ቡኋላ ክፍል 25 ይለቀቃል🌹
           

.♥️ ተማሪዋ ♥️ ...
           .
           .
🌹...ክፍል 23...🌹
.

ደስታዬ መሉ የሚሆነው ምንም ይሁን ምንም እኔም እሷም ፈልገን ስናደርገው ነው። አለመፈለግ ማለት ጭራሽ አለመፈለግ ሳይሆን የግዜ ጉዳይ ነው።
አንሶላ ለመጋፈፍ አሁን ላይ አልፈለገችም ማለት እስከመጨረሻው አትፈልግም ማለት እንዳልሆነ ግልፅ ነው ምን ያጠድፈኛል የት ይሄድብኛል ? እስቲ ንገረኝ የት ይሄድብኛል ኪያ? ይህ እንዲገባህኮ የግድ እንደኔ ማፍቀር አለብህ ብዬ አላስብም ነበር አሁን ግን እንደዛ እንዳስብ እያደረከኝ ነው" ስለው..

አዎ እስካሁን ባንተ እና በቃል ኪዳን መካከል የነገርከኝ በሙሉ አልገባኝም እንደዚህ አይነት ነገር ሊገባኝም አይችልም!"
"ምኑ ነው ያልገባህ ሁሉንም ነገር አንድ በአንድ በግልፅ አይደል እንዴ የነገርኩህ"
"ካካካ ታድያ እሱ አይደል እንዴ አልገባ ያለኝ"
"እንዴት?"
"ስድስት ወር ሙሉ አዲስ ነገር አለመኖሩ ነዋ፣ ሁሌ መገናኘት ፣ ማውራት፣ መሳሳቅ መለያየት ቆይ አንተና ቃልኪዳን ምንና ምን ናችሁ ? ቆንጆ ነችና አንተ ፊቷ ተቀምጠህ ያንን ቆንጆ ፊቷን በማሳቅና ስትስቅ በመመልከት ነው እንዴ አምሮትህን የምትወጣው? "
"አቦ በዚህ ቢራ አናትህን እንዳልልህ አንተ ልጅ!"
"ምታኝ ችግር የለውም ግን የምሬን ነው ኤፊ  ምንም እንኳን ሴት ልጅ የሚያስቃት የሚያጫውታት ወንድ ቢመቻትም ሁሌ በተረት ተረት ስትፋታት ግን ያቅራታል ። ህፃን ልጅ እንኳን ሁሌ ተረትተረት ብቻ እያወራህ ተኛ ብትለው አይሰማህም። ተረቱም የሚጥመው ሆዱ ሲሞላ ነው ፣ በኛ እድሜ ያሉ ሴቶች ደሞ ከሆድ ሞምላት ያለፈ ሌላ ፍላጎት ወይም አምሮት አላቸው።
ያ ደሞ ተፈጥሯዊ ነው ፣ ምናልባት ፋላጎቱ እና ውትወታው ካንተ ጫን ብሎ እንዲመጣ ትፈልግ ይሆናል እንጂ በፍቅር አብራህ ለመሆን ፍቃደኛ እስከሆነች ድረስ ተከትሎ የሚመጣውን ሁሉ ነገር ለመቀበል ዝግጁ ነች ማለት ነው ።
ይህንን እውነት ለመካድ አትሞክር!"
"እሱን አልካድኩም ባክህ ያልከውን ጉዳይ አስቤም አንስቼባትም አላውቅም አላልኩህም  አንድ ሁለቴም በግልፅ ባይሆንም ሀሳቡን አንስቼባት ነበር በአፀፋው ግን አራት ቀን ነው የቀጣችኝ"
"የቀጣችኝ ማለት?" አለ ኪያ ከተጋደመበት ብድግ ብሎ እየተቀመጠ።
"አይ ኪያ በቃ ስለዚህ ነገር ሲወራ ነው አደል ሁለመናህ ጆሮ የሚሆነው ተኝተህ አታወራኝም እንዴ ለምን ተነሳህ?"
"ካካካ አቦ ተዋ ካወራህ አውራ የምር ግን ሀሳቡን አንስተህባት ነበር ? አራት ቀን የቀጣችህስ በምንድን ነው!"
"በመጥፋት"
"በመጥፋት ማለት?"
"ፍቅር ጀምረን ሁለት ሶስ ወር ገደማ እንወሆነን በተገናኘን ቁጥር ልትሄድ ስትል በቀጥታ ሳይሆን በገደምዳሜው  ለምን አብረን አናመሽም ለምን እብረን አናድርም አይነት ጥያቄ በተደጋጋሚ ሳነሳባት ፈተና ጥናት ገለመሌ እያለች ለሰከንድ እንኳን ሳላገኛት አራት ቀን ተሰውራ በናፍቆት ልትደፋኝ ደረሰች። በአምስተኛው ቀን አልቻልኩም  የእውነት ሳላያት ባድር የምሞት ነው የመሰለኝ ።
ከተገናኘን በሶስተኛው እና በአራተኛው ቀን ግቢ አከባቢ ነኝ አንዴ ወጣ በይና አምስት ሰከንድ አይቼሽ ብቻ ልሂድ ቃልዬ ስላት።
" እእእር እኔና አንተ ከተገናኘን ቶሎ አንላቀቅም ኤፍዬ አልመጣም ትለኛለች። በቃ በአምስተኛው ቀን አልመጣም ለማለት ሼም እንዲይዛት ምን ላድርግ ብዬ ቀመር ቀመርኩና አንድ የምትወደውን ምግብ ሆቴል አሰርቼ የግቢው እራት ከመድረሱ ከሰላሳ ደቂቃ በፊት ግቢያቸው አከባቢ ሄጄ ደወልኩላት።
"ቃልዬ ምሳ ሰአት እዛ ቤት የምትወጂውን ምግብ አዘዝኩና ብቻዬን መብላት አቅቶኝ ነካክቼ ጥየው ወጣሁ ።
አሁን ሲርበኝ አብረን እንድንበላ አሰርቼ መጣሁ ነይና ባጃጅ ውስጥ አብረሽኝ በልተሽ ትመለሻለሽ፣ ያለበለዚያ እኔም አልበላውም ላንዱ የኔ ቢጤ ሰጥቼው ነው የምሄደው"
ስላት አልጨከነችም መጣች። አብረን በልተን ወደ ግቢ እስክትመለስ ናፍቆቴን አስታገስኩ።
አራት ቀን የቀጠችኝ በዛ ምክንያት መስሎ ስለተሰማኝ ከዛ ወዲህ እኔም ክላስ ይዘን እንዋል እንደር ብያት አላውቅም እሷም አራት ቀን ጠፍታ አታውቅም።"
ስለው ኪያ ፈገግ ብሎ ኤፊዬ አንጀቴን በላኸው የሚል በሚመስል አስተያየት እያየኝ
"ኤፍዬ አንተ እንደዛ ብለህ ስላሰብክ እንጂ ምናልባትም እንዳለችው ለጥናት ሊሆን ይችላል። አይ ኤፊ እውነትም ፍቅር እንጥልህ እስኪወርድ ነው ያጠናፈረህ ባክህ ይገርማል ካካካካ"

"አንተ በቃ የምነግርህን ነገር በሙሉ ለመሳቅና እና ለማብሸቅ ከመጠቀም በቀር ምንም እርባና ያለው ነገር አታወራም አደል ኪያ።
መቼም ስሜቴን ልትረዳኝ እንደማትችል እርግጠኛ ሆንኩ ካሁን በኋላ ካንተ ጋር ምንም ማውራት አልፈልግም" አልኩት ብስጭትጭት ብዬ።
"እኔንም ግራ አጋባኸኝ እኮ ኤፊ.... እኔ የምልህ ሁሉ አይጥምህም ምን ላድርግ? ፣ የምልህ ሁሉ የማይዋጥልህ ከሆነ ታድያ ምንድን ነው ልታማክረኝ የፈለከው•••?" አለኝ።
"እኔ እንጃ!" አልኩት።
"ቆይ የምታፈቅርህ ይመስልሀል?"
"እኔ እንጃ "
ካልወደደችህ ካላፈቀረችህ ካንተ ጋር የምትሆንበት ሌላ ምክንያት ያላት ይመስልሀል"
"እኔ እንጃ አላውቅም አልኩህ እኮ"
"ካፈቀረችህ ደሞ ሁሉ ነገሯን ላንተ ለመስጠት የምትሰስት ወይ የማትፈልግ ይመስልሀል"
"በናትህ ተወኝ ኪያ    እ.   ኔ.    እ.   ን.  ጃ  በቃ እኔ እንጃ"
"አቦ ያንጃጃህ ያባቴ አምላክ" ብሎኝ ተሸፋፍኖ ተኛ።
ትንሽ ቆይቶ •••
"ኤፊ"
"አቤት ምንድን ነው?"
"ፍቅራችሁን እኔ እንጃ ፍቅር ብየዋለሁ ካካካካካ"
የኪያን ሳቅ ላለመስማት ትራሱን ጆሮዬ ላይ ጭኜ ተኛሁ።

እኩለ ለሊት ነው። ከለሊቱ ስድስት ሰአት። ስልኬ አንቃጨለ ቃልዬ ነች የደወለችው። ደነገጥኩ።መብራቱን አብርቼ ስልኩ ላይ አፈጠጥኩ ግን አላነሳሀት።
ኪያም "ማነው በዚህ ሰአት የደወለው ኤፊ?" አለኝ ከተጋደመት ቀና ብሎ ዝም አልኩት። ስልኬ እየጠራ ነው።
ቃልዬ በዚህ ሰአት የደወለችው ምን ልትለኝ ይሆን? ቅድም ስንለያይ የሁለታችንም ስሜት ጥሩ አልነበረም።
ለምን ጠረጠረኝ ብላ ይሁን አይሁን ባላውቅም ቅር ብሏት ነበር።
እና አሁን ለምን ደወለች?
"ዛኪ ያክስቴ ልጅ አይደለም ቅድም ዋሽቻሀለሁ" ልትለኝ ይሆን የደወለችው? ማንሳት ፈራሁ። የመጀመሪያው ዙር ጠርቶ እንደዛጋ ወድያው ደግማ ደወለች። ቃልዬ በደናሽ ይሆን? አልኩ ።
ኪያ••••" አታነሳውም እንዴ ማነው?"አለኝ ።
"ቃልዬ ነች ማንሳት ፈራሁ ኪያ !" እያልኩ አነሳሁት ።

"ሄሄሄሄ.  ሄሎ ቃልዬ••••"

መልካም በዓል....🛖

... ላይክ ሼር እያረጋቹ ..👍

♥️ተማሪዋ♥️
🌹...ክፍል 22...🌹


ሁኔታዎቿ ያወዛገቡኝም ያንን ማረጋገጥ ባለመቻሌ ነው አይገባህም እንዴ ኪያ?"
"ገብቶኛል ኤፊ አንተ ያልገባህ ግን  ያንን የምታረጋግጥበት መንገድ አንዱ እፍታውን መውሰድ መሆኑ ነው። ቆይ እንዲህ ምድር ሰማዩ እስኪዞርብህ ያፈቀርካት ጡት እንድታጠባህ ነው እንዴ ወደድክም ጠላህም የትዳርም የፍቅርም ምሶሶው የሚተከለው ካንሶላው ስር ነው ።
ይልቅ ፍጠን፣ ከወንድ ጋር አየኋት አላየኋት እኔ የምፈልጋት ለ  ዘላቂ ሂወት ነው  ቅብርጥሴ እያልክ አሁን ስርስሯ ለሚሄደው ልጅ እፍታውን ታስረክብና  ዘላቂ የለ  አብረቅራቂ  የለ ሁሉንም አጥተህ እጅና እግርህን አጣጥፈህ ትቀመጣለህ ።

እፍታውን ካስረከበችው አንተ የምታጣው እፍታውን ብቻ እንዳይመስልህ ከነአካቴው እሷንም ታጣታለህ ፣ ዘወር ብላ አታይህም!"አለኝ።

"በቃ ኪያ ከዚህ የተሻለ ምክር የለህም?" አልኩት።

"እንግዲህ ከዚህ በላይ ምክር ከፈለክ የፍቅር እና የትዳር አማካሪ ባለሞያዎች ጋር ሂድ እኔ ያቅሜን መክሬሀለሁ!" እያለኝ ከተቀመጠበት ተነስቶ ወደ በሩ ተጠጋና በሩን ከፈት አድርጎ ቆም አለ።
"ምነው  የት ልትሄድ ነው ?"
"እንዲህ በፍቅር ተዝረክርከህ ወጥ በወጥ መሆንህን ለመክሊት አለመንገር አልችልም በቃ ካሁኑ አፌን እየበላላኝ ነው ፣ ሆድ ቁርጠትም ጀምሮኛል ኤፊዬ ሆዴንም ከሚያመኝ አፌንም ከሚበላኝ  ደውዬ ልንገራት ባክህ !"
አለኝ ።
ባዶ የቢራ ጠርሙስ ብድግ ሰደርግ እየሳቀ በሩን ከፍቶ ወጣ "የጨነቀ ለት አለ ሰውየው እኔነኝ ባለጌው  ሰው ነህ ብዬ ካንተ ጋር ማውራቴ  አንተ ስለመፍቻ እንጂ ስለፍቅር ምን ታውቃለህ ድሮስ"  አልኩት ጬክ ብዬ።
ኪያ ግቢ ውስጥ ቆሞ በዛ ሰሞን በተደጋጋሚ እየከፈትኩ ስሰማው የነበረውን የቴዲ አፍሮን ዘፈን
"ለይምሰል አይደለም ልቤ የሚወዳት
                   አይ ልቤ
እስከመቼም ቢሆን ምን ግዜም አይከዳት
              አይ ልቤ
ተኩላ ተኩላ ስትሄድ እያየሁዋት
                 አይ ልቤ
መልኳን ይዛው ወጥታ.  ታድያ እንዴት ልመናት
•••• •••• እያለ ጬክ ብሎ ሲዘፍን ሰማሁት••••

ትንሽ ቆይቶ ተመለሰ።
" እ ደውለህ ነገርካት ሆድህንስ ተሻለህ ? ለመክሊት ለመደወል ነው አደል የወጣኸው? እኔ  ለፍቅር እጅ መስጠቴን ስታውቅ ደስ አላት?  ለዚህ አቃጣሪነትህ በምላሹ ምን ልትሰጥት ተስማማች?"
"አቦ መስመር አትለፋ አንተ ደሞ ቀልድ አይገባህም እንዴ ኤፊ ሙት አልደወልኩም"
"ይሄን ግዜ ስልክ አላነሳ ብላህ ነው"
"ሀይ አልደወልኩም አልኩህ እኮ ምን አስቸኮለኝ ነገ አይደርስም እንዴ?"
"ይደርሳል ነገ ንገራት እሺ ፣ እኔ እሷ ሰማች አልሰማች የሚያስጨንቀኝ መስሎህ አትጃጃል፣ ደንታ የለኝም።
እኔ ቃልዬን ማፍቀሬን አለም ሁሉ ቢያውቅልኝ ደስታዬ ነው።እሷን በማፍቀሬ ደስተኛ ነኝ። ለማፍቀር ባትታደልም ማፍቀር መታደል ነው ሲባል ሰምተሀል መቸስ"

"ሃሃሃሃ መታደል የሚሆነው ግን ሙሉ ሲሆን ነዋ ወሬ ማሳመርማ ማን ብሎህ ኤፊ አንተና የኢትዬጲያ ብሄራዊ ቡድን ግን አንድ እንደሆናችሁ ታውቃለህ?"
"አላውቅም እንዴት ? ምን ለማለት ፈልገህ ነው?"
"በቃኣ የኢትዮጲያ ብሄራዊ ቡድን በጫዋታ ከማን ያንሳል ጫወታውን ለጉድ ይጫወተው የለ እንዴ፣ ትልቁ ችግሩ ምንድን ነው? ጎል ማግባት አደል እንዴ?"
"አዎ ነው የነሱ ተጫውተው ጎል አለማግባት ከኔ ጋር ምን ያገናኘዋል?"
"ካካካካ እስካሁን አልገባህም ኤፊዬ በደንብ ነው እንጂ የሚገናኘው ፣ አንተስ ሴት ልጅ ቀርበህ ጫወታ መች ተቸግረህ ታውቃለህ?  ለጉድ ትጫወተው የለ እንዴ፣ ካንተ ጋር የተወሰነ ደቂቃ አውርታ  ሶስት አራቴ ከልቧ ሳትስቅ የቀረች ሴት አለች እንዴ? እኔ እስከማውቀው የለችም።
" አየህ ይህንን የምታውቀው እኮ እኔ ከምቀርባቸው ሴቶች ስር ስለማትጠፋ ነው ።
ሁሉም ሰው ደካማ ጎን አይጠፋውም ያንተ ደካማ ጎን  ግን ያስጠላል"

"ሃሃሃ ኤፊ ያንተ ደካማ ጎን ደሞ ከቤህራዊ ቡድኑ ጋር መመሳሰሉ ይገርማል።
እንዴልኩህ እነሱ ተጫውተው ጎል አያገቡም ያንተም  ትልቁ ችግር አስቀህ አሳስቀህ በጎል ወይም በውጤት ማሳረጉ ላይ ነው ፣  ሹፌሩ እስከሚመጣ ሞተር የሚያሟሙቅ የከባድ መኪና  ረዳት  ይመስል  ሞተር አሙቀህ ሳትነዳ መውረድ አመልህ ነው።
ሞተር አሟሙቀህ ሳትነዳ የማትወርደው ከባጃጅህ ላይ ብቻ ነው ካካካ•••"
"ክፍታፍ ነገር ነህ ባክህ ፣ የምትናገረው ነገር  የቱንም ያህል እውነትነት ቢኖረው እንኳን አንተ ለማብሸቅና ለመሳቅ እንጂ ድክመቴን እንዳስተካክል አስበህ እንዳልሆነ ስለሚገባኝ ምንም ብትል አይዋጥልኝም"
"ካካካካ መስሎህ ነው ባክህ የግድ በትዛዝ መልክ መናገር የለብኝም ድክመቱን ማስተካከል የፈለገ በቀልድም መልክ ተነገረው በቁምነገር ዋናው ድክመቱን አምኖ ለመስተካከል ያለው ፍላጎት ነው" አለኝ።
" ስማ ኪያ አንዳንድ ሀሳቦች ትክክል የሚሆኑበት ቦታ አለ ያ ማለት ትክክል የማይሆኑበት ቦታና ሁኔታ የለም ማለት አይደለም።
አንድ ሀሳ ልክ ሊሆንም ላይሆንም የሚችለው ሀሳቡ ልክ ስላልሆነ ስለሆነ ብቻ ሳይሆን እንአውዱ እንደሁኔታው ስለሚወሰንም ጭምር ነው።
ስለዚህ ላንተ ትክክልየመሰለህን ነገር ሁሉ ከማውራትህ በፊት እኔ ያለሁበትን ሁኔታ በደንብ ለመረዳትና አንተ በምታስበው እና እኔ ባለሁበት እውነት መካከል ያለውን ልዩነት ለመረዳት ሞክር!"
"አቦ አንተ ልጅ አሁንስ  የማውቀው ኤፍሬም አልመስልህ አልከኝ እኮ ፣ መፈላሰፍ መጀመርህን ለምንድን ነው ያልነገርከኝ? ካካካካ•••አይ ፍቅር •••ፍቅር ምን የማያደርገው ነገር አለ ?የቀረህ የጥበብ ሰው መሆን ብቻ ነው ኤፊዬ ግጥም ምናምንስ መፃፍ አልጀመርክም? እስካሁን ካላፃፈክም ወደፊት መፃፍህ አይቀርም፣ አሁን ፈላስፋ አድርጎሀል፣ ትንሽ ቆይቶ ደግሞ ግጥም መጣጥፍ ምናም ያፅፍህና ከጥበቡ ጎራ ይቀላቅልሀል ሆሆሆሆ••••"
"ግልፍጥ ነገር ነህ ዝም ብለህ ገልፍጥ " አልኩት በገዛ እጄ ኪያ ምላስ ላይ ወድቄ እየተንጨረጨርኩ።
"ለማንኛውም ኤፊ ለመረዳት ሞክር የምትለኝ ምን እንደሆነ ሊገባኝ አልቻለም። ብሞክርም አሁን ከገባኝ የተለየ አዲስ ነገር አይገባኝም ።
እኔ በምለው ነገር እና አንተ ባለህበት እውነት መካከል ያለውን ልዩነቱን ምን እንደሆነ ከገባህ አንተው ንገረኝ "
"ልዩነቱማ ኪያ አንተ ለጭን እንጂ ለፍቅር ተንበርክከህ ስለማታውቅ የሁሉም ነገር መክፈቻም መዝጊያም ቁልፉ የሚገኘው ጭን ውስጥ ነው የሚመስልህ።
እኔ ደሞ እያልኩህ ያለሁት የእውነት ካፈቀርክ ከምታፈቅራት ልጅ የምትፈልገው ፍቅርን ነው ፣ ምንም ነገር ላይ አትቸኩልም፣  ምንም እንድትሆንልህ አትጫናትም እሷን ተጭነህ የምታደርገው ነገር ደስታ አይሰጥህም።
ምክንያቱም ስታፈቅር ከራስህ ደስታ በላይ የሷ ደስታ ያረካሀል፣ ከራስህ ፍትወት ይልቅ የሷ ፍላጎት ይመራሀል ስለዚህ ለራስህ ፍላጎትና ደስታ አትሽቀዳደምም።
ሁሉ ነገርህ ፣ሁሉ መሻት እና ፍላጎትህ ከሷ ፍላጎት ጋር አብሮ እንዲሄድ እንጂ ለኔ ፍላጌት ቅድሚያ ካልተሰጠው አልያም እኔ የፈለኩትን ነገር ሁሉ ለምንድን ነው አንቺም በተመሳሳይ ሁኔታና ግዜ ላይ የማትፈልጊው ብለህ ያዙኝ ልቀቁኝ አትልም።
ስለምታፈቅራት ሁሉ ነገርህን ትሰጣታለህ እንጂ እሷ ያላደረገችልኝ እሷ ያልስጠችኝ ምን አለ እያልክ እሱን አንተ በፈለክበት ግዜ ብቻ ለማግኘት ባገኘሀት ግዜ ሁሉ አትነዘንዛትም።
.
.
ከ 100 ላይክ ቡኋላ ክፍል 23 ይለቀቃል🌹
https://vm.tiktok.com/ZMh2s1nsh/

📌እስፕሪንግ ማቆንጠጫ ( spring clamp )


☎️ Contact us:- +251914855557 ☎️


JOIN OUR TIKTOK CHANNEL
https://vm.tiktok.com/ZMhYMxcmU/



#springclamp #Salodatrading

♥️ተማሪዋ♥️
🌹...ክፍል 21...🌹

አይ ኤፏ እኔ የባረኩትን ዳቦ ያልሽው ነገር ግን የመጨረሻ ነው የተመቸኝ ግንኮ ኤፋ አንተ ትባርካለህ እንጂ አትበላም ኤፊ ሙት አንተ ጀማምረህ የተውከውን ወይ የባረከውን እንጂ የቀመስከውን ግን ነክቼ አላውቅም!" አለኝ ሳቅ እየተናነቀው።
"በናትህ ኪያ ተወኝ በቃ፣ እራስህ ነህ ነካክተህ ወደዛ የወሰድከኝ እንጂ  እኔ ስላለፈ ነገር የማውራት ፍላጎቱም የለኝም ።"
"እሺ አሁን ስለተፈጠረው ነገር በቁም ነገር እናውራ በቃ እስቲ ያለህበትን ሁኔታ በግልፅ በተን ተንተን አድርገህ ንገረኝ "
"ትቸዋለሁ!"
"ለምን ኤፊ?"
"እህም ገና ፍቅር ያዘኝ ስልህ ጥሩንባ ይዘህ መለፈፍ የቃጣህ ፣ ሙሉውን ስሰማ እማ በድሬ ትቪ አልያም በድሬ ኤፍ ኤም ለሙሉ የድሬዳዋ ሰው ካልተናገርኩ ማለትህ የማይቀር ነው። እኔ የተለወጥክ መስሎኝ እንጂ ላንተ ሚስጥር ብሎ ማውራት  እኔን ለማብሸቅ ተጠቀምበት እንደማለት እንደሆነ እኔ ብቻ ሳልሆን ሁሉም ጓደኛችህ የሚያውቁት አመልህ ነው!"
ስለው ኪያም በተራው ተናደደደ። እስካሁን ሳቅ ሳቅ የሚለው ፊቱ ደመነ።
"አቦ እንግዲህ አታብዝዛዋ ሀይ ኤፊ ደሞ ፣ እስቲ ነገረኝ አንተ ቁም ነገር ኖሮህ ያውቃል እንዴ ? ሲጀመር ከየትኛዋ ሴት ጋር ነው ቁም ነገር ኖሮህ የሚያውቀው፣ ነካክቶ መተው አይደል እንዴ አመልህ ። ምነው ከሌላ ሰው ጋር የምታወራ መሰለህ እንዴ  ከልጅነት እስካሁን አብሮህ ከኖረ ከኔ ከኪያ ጋር እኮ ነው እያወራህ ያለኸው። እስቲ አንተ ሚስጥር ወይ ቁም ነገር ብለህ የነገርከኝን አንድ ነገር ንገረኝ ፌዘኛ እድሜ ልክህን ስታፌዝ አደል እንዴ የኖርከው !" አለኝ።
ወደኃላ ሄጄ ማሰብ ጀመርኩ። ክያ እውነት አለው። በቁም ነገር ያፈቀርኩት ቃልዬን ብቻ ነው።
"ለማንኛውም ልነግርህ ያሰብኩትን ትቸዋለሁ!"
"አቦ ተወዋ ታድያ !" ብሎኝ ወጣና አራት ቢራ ይዞ መጣ። አንዱን ለኔ አንዱን ለራሱ ከፍቶ መጠጣት ጀመረ።
ለብቻዬ በሀሳብ መወዝወዙ ቢቀልልኝ፣ ለኔ ያልታየኝን ለኪያ ቢታየው፣  እኔ ቃልዬን ማወቅ ከብዶኛል ፣ ቃልዬ ባህሪዋ እንዲህ ነው ብሎ አንድ ቦታ  መርጋት ተስኖኛልና ለኪያ ስለ ቃልዬ ስነግረው ፣ ከነገርኩት ነገር ተነስቶ ስለቃልዬ ያሚኖረው  መረዳት ምን ሊመስል እንደሚችል ፣ እንደጋደኛ እንደውንድምም እንዲነግረኝ ፈልጊያለሁና ለትንሽ ደቂቃዎች በዝምታ ከቆየን በኋላ በራሴ ፍላጎት  የኔን እና የቃልዬን የስድስት ወር የፍቅር ታሪክ ድንገት ከተዋወቅንባት ከዛች ምሽት ጀምሬ እስከዛሬዋ ቀን ያለውን ፣ የሚሰማኝን ስሜት፣ የሷን ባህሪና ሁኔታ ጭምር አንድ በአንድ በግልፅ ነገሩክት።
"እውነተም እየቀለድኩ መስሎት ነበር እንዴ ?" እስክል ድረስ በተገረመ ፊቱ ማውራት ከጀመርኩ ጀምሮ ቢራውን አንዴ እንኳን ሳይጎነጭ በተመስጦ ሲያዳምጠኝ ቆየ።

እንደጨረስኩ በመዳፉ ፊቱን ጠራረገ፣ በረጅሙ ተንፍሶ ወደጀርባው ጋለል ብሎ ግርግዳውን ተደግፎ ቢራውን በማንሳት አንዴ ተጎነጨና •••
"አቦ ይገርማል!" ብሎ ባዶው ወለል ላይ አይኑን ተክሎ ትንሽ ቆየና ፎቶዋን እንዳሳየው ጠየቀኝ ከሞባይሌ ላይ አሳየሁት።
"ዋው አስማት የሆነ ውበት ነው ያላት!" አለ።
"አስማት አስማት አስማት የሆነ ውበት ምን ማለት ነው?" አልኩት የእውነት አስማት የሆነ ውበት ምን አይነት እንደሆነ ስለማላውቅ ነው የጠየኩት ኪያ ግን
"አቦ ኤፍዬ አታልምጣ በቃ የሚገርም ነው ለማለት ነው " አለኝና አሁንም ወለሉ ላይ ተትክሎ ሲያስብ ቆየና
"ወንዶች ስንባል ግን እንገርማለን   አይ ወንዶች " አለ ። መልስ አልሰጠሁትም።
"አብዛኞቻችን ማለት ትችላለህ በቃ በፍቅር የምታጦዘን ሴት ልክ እንደቃልኪዳን አይነት ሴት ነች ። እውነቴን ነው እኔ ከታዘብኩት  አፈቀርኩህ ብላ ስሜቷን የምትገልፅ ፣ ናፈቅከኝ ብላ በየደቂቃው የምትደውል ፣ ሲብስባት ፍለጋ የምትመጣ፣ ለመገናኘት አንተ እንገናኝ እስክምትላት የማትጠብቅ ፣ ልታገኝህ ስትፈልግ የምታገኝህ፣ ልትስምህ ስትፈልግ የምትስምህ ሌላም ሌላም የሚሰማትን ሁሉ ይንቀኛል ይሰለቸኛል ሳትል  ፍቅሯንም ድርጊቷንም ስሜቷንም በግልፅ የምታሳየን ሴት ላይ መንጠባረር ያምረናል አደል? ሌሎቹን ተዋቸው መክሊትና ቤትን የተንጠባረርክባቸው ለዛ ነው አደል?"
"ኪያ ኪያ ኪያ እባክህ ከኔ ጋር በሰላም ማውራት ከፈለክ ስለቃልኪዳን ብቻ እናውራ ምነው አንተ ከነዚህ ሴቶች አናት ላይ አልወርድ አልክ እኔ እንኳን አናታቸው ላይ  ምናቸውም ላይ ተፈናጠህ መዋል ማደር ትችላለህ ግን ኪያ በቃ ስለነሱ እኔ ፊት አታውራ!"
"ኪኪኪ እሺ ቱግ አትበላ ምንድን ነው እኔ እነሱን ያነሳሁት እነሱ ያው የድሬ ሴቶች ግልፅ ናቸው። በመልክ ያው ከቃል ኪዳን አያንሱም፣   በነሱ እና በቃል ኪዳን መካከል ያለው የባህሪ ልዩነት በአዱገነትና በድሬ ሴቶች መሀል ያለውን ልዩነት ፍንትው አድርጎ ያሳያል ለማለት ነው ለምሳሌ •" ብሎ ሊያብራራልኝ ሲሞክር ምን ለማለት እንደፈለገ ስለገባኝ ደሜ ፈላ። ሳይጨርስ አቋረጥኩት።
"ኪያ እኔ የሚያስጠላኝና ብዙ ሰው ላይ የማየው ስህተት ምን እንደሆነ ታውቃለህ?"
"አላውቅም!"
"በአንድ ወይም በውስን ሰዎች ሁኔታ ላይ ተነስቶ ድፍን የከተማውን ሰው ለመፈረጅ የሚንጠሯሯጥ  ሰው በጣም ያስጠላኛል።
መክሊት እና ቤቲ እዚህ መጥተው ስለተነፋረቁ ድፍን የድሬ ሴቶች ነፍራቃ ናቸው ማለት ነው?
  ቃል ኪዳን የማትያዝ የማትጨበጥ ወፍ ስለሆነች ድፍን የአዱገነት ሴቶች ወፍ ናቸው ብሎስ መደምደም ይቻላል? እንደዛ ማሰብ  ሁላችንም እንደ ጣት አሻራችን የተለያየ ባህሪ እንደለን ካለመገንዘብ  ወይ ከመጀዘብ የመጣ ድፍረት እንደሆነ  ነው የሚገባኝ።
ያንተ አክስት መንታ ሴት ልጆች አሏት አደል?  የሁለቱ ባህሪ ግን ምን ያህል እንደሚለያይ እኔም እንተም እናውቃለን ።ኪያ ንፅፅሩንም ውድድሩንም ተወውና በቃልዬ ዙርያ ብቻ የምትለኝ ነገር ካለህ በለኝ፣  ከለልህ በቃ ይህን ጉዳይ እንተወውና ሌላ ነገር እናውራ"

"እሺ ኤፊ ቆይ ከቃል ኪዳን ጋር የመጀመሪያ ቀን እዛ ሆቴል አድራችሁ ጥዋት ላይ ካወራችሁት ወሬ ምን ተረዳህ እኔ እንኳን አሁን ስትነግረኝ አንድ ነገር ተረድቻለሁ አንተስ?" አለኝ።

" ያው ከዚህ ቀደም ከሌላ ወንድ ጋር ምንም ግኑኝነት እንዳልነበራት እና ድንግል ልትሆን እንደምትችል ፍንጭ ይሰጥ ነበር የዛን ቀን አውራሯ ቢሆንም ከአንደበቷ እንዲህ ነኝ የሚል ነገር ስላልወጣ ከመጠራጠር አያልፍም ስለዚህ እርግጠኛ መሆን ይከብዳል!"
"አይ ኤፊዬ በአንደበቷ እንድትነግርህ ለምን ትፈልጋለህ? አንደበቷ ምን ያደርግልሀል ? ከንግግር በላይ ማረጋገጥ የሚቻልበት ወሳኝ መንገድ አለኮ ይልቅ እዛ ላይ ፍጠን!"
"ማለት ምኑ ላይ የምፈጥነው?"
"ኤፍሬም ደሞ  እንደህፃን ልጅ ይሄ ኡፉ ነው እሺ ያቃጥላል እንዳትነካው ተብሎ ካልተነገረኝ  የምትለው ነገር አለህ ። በቃ ማድረግ ያለብህን አድርጋ ምን ብዬ እንድነግርህ ነው የምትጠብቀው?"
"ኪያ ደሞ  ዞረህ ዞረህ  ከሱ አናት ላይ አትወርድም እኔ እኮ ቃልን አፈቅራታለሁ።
እስከመጨረሻው የኔ እንድትሆን እፈልጋለሁ ፣ ዋናው ፍላጎቴም ያ ነው ።
እሷም ውስጤ ያለው ፍላጎት ገላዋን የመሻት ግዚያዊ ስሜት ሳይሆን  ዘላቂ አብሮነት  እንደሆነ እንድትረዳኝ ነው የምፈልገው።
በሷም ውስጥ ያ ፍላጎት እንዲኖር ነው ምኛቴ የተቸገርኩትም በኔ ልክ እሷም ያንን የኔን ምኞት የመኖር ፍላጎት እንዳላት ማወቅ ነው ።

ከ 200 ላይክ ቡኋላ ክፍል 22 ይለቀቃል🌹
 https://vm.tiktok.com/ZMhFYcYjr/

♥️ ተማሪዋ ♥️
🌹...ክፍል 20...🌹
የሳቁ ድምፅ  ያለንበትን ቤት ጣራ ገንጥሎ እቴቴ ቤት ድረስ የሚሰማ መስሎኝ እስክደነግጥ ድረስ ሳቀብኝ። ምን ሳቀብኝ ቆሌዬ እስኪገፈፍ አንባረቀብኝ ።

"ቆይ ከሳቅክ ስንት ግዜ ሆነህ ኪያ? ረዥም ግዜ ሆኖሀል እንዴ? " አልኩት ከሳቁ ረገብ እንዳለ።
"ካካካ •••ገና መች ተሳቀና ኤፊዬ በዚህ ጉዳይማ ቢያንስ በትንሹ ሶስቴ ከልቤ እንደምስቅ እርግጠኛ ነኝ!"
" ለምን አመት ሙሉ አትስቅም ለደንታህ ነው ባክህ!"
"ኪኪኪኪ የምሬን ነው ኤፊዬ አንተ አሁን መሳቄ ነው አደል የገረመህ....? ለቤቲ ስነግራት ከዚህ በላይ ነፍራለሁ ፣ ለመክሊት እማ ይህን ዜና ስነግራት በሳቅ ጧ ብላ ስትፈነዳ አብሪያት እንዳልፈነዳ ነው የምፈራው ካካካ•••!" ሲለኝ
"ድሮም ይሄን ነበር የፈራሁት !" የሚልለው ዘፈን ትዝ ያለኝ ።
የኪያ እንደዚህ ማሰብና  ማለት አብግኖኝ እኔ እራሴ በንዴት ጧ ልል ምን ቀረኝ? ምንም።
ቤቲና መክሊት አስራ ሁለተኛ ክፋል እያለሁ በተለያየ ግዜ መልካቸውን አይቼ ፍቅር ብጤ ልጀምር ልሞክር ብዬ ብቀርባቸውም  ፍቅር እራሱ ካልያዘኝ በቀር እኔ ስለፈለኩ ብቻ አሳድጄ ልይዘው  አልችልምና ሳንግባባ ቀረን ፍቅር በግዢ አይመጣ ምን ላድርግ እነሱ ሙዝዝ ንዝንዝ ሲሉ እኔ ፍዝዝ ድንግዝ  ችላ አልኳቸውና ተለያየን።
ያው ሴቶች ደሞ ችላ ሲባሉ እልህ ይሁን ፍቅር ብቻ የሆነ ሙጫ የሚያደርጋቸው ነገር አለ አይደል ሰፈር እና እቤት ድረስ እየመጡ መግቢያ መውጫዬን ሲዘገብኝ  እኔ ደሞ ጭራሽ እነሱን ባየሁ ቁጥር እሩጥ አምልጥ ይለኝ ጀመር።
ውስጤ እሩጥ፣ ተደበቅ፣ የለም አስብል፣ እያለ ካዘዘኝ ደግሞ ገና ሳያቸው ከመሸሽ፣ከመደበቅ፣ እያለሁ የለም ከማስባል በስተቀር ምርጫ የለኝም።
እኔ ሳመልጥ ያላቸው እጣ ፋንታ ከጓደኛዬ ከኪያ ጋር መፋጠጥ  ሆነ፣ መፋጠጡን ይፋጠጡ  ነገር ግን ኪያ አጋጣሚውን ይጠቀምበታል። ኪያ እንደዚህ አይነት አጋጣሚዎችን በመጠቀም በመላ ጓደኞቹ የተመሰከረለት እና ሰርተፍኬት የተበረከተለት ልጅ ነው።
እሱ ተዋውቆ ከጠበሳቸው ሴቶች ይልቅ የሚበዙት በጓደኞቹ ምክንያት የተዋወቃቸው ናቸው። የኪያ መጥበስ አንሶላ ስር እስከመደባበስ ነው ረጅሙ እድሜ። 
በኔ ምክንያት ኪያን ማግኘት ከጀመሩ በኃላ ንግግራቸው ኤፊ የት ሄዶ ነው? ለምንድን ነው ስልኬን የማያነሳው? ከሚል ጥያቄና ብሶት ወደ  መሞላፈጥ ትንሽ ቆይተው
"አማነው ኬያዬ? አንተም ዘጋኸኝ ምነው?"  ወደሚል መቆለማመጥ ይቀየራል። ኪያም የሚለውን ይላል ቀመሩን ይቀምራል። ትንሽ ቆይቶ የራሱን መረብ ይዘረጋል፣ የቻለሁን ያህል አጥምዶ እሱም ይጠመዳል። ትንሽ ቆይቶ ይጣዳል።
እኔ የተውኳት ሴት ላይ መጣድ ልማዱ ነው። ያ ግን አይመለከተኝም። አሁን ኤፍሬምን  ፍቅር ጥባጥቤ እየተጫወተበት ነው ብሎ ስቆ መክሊትን ሊያስቅብኝ ሲጣደፍ ሳየው ግን  ነደድኩ
ስማ ኪያ አንተ ሳቅ ግድ የለም ለነሱ ካወራህ  ግን ከኔ ጋር የመጨረሻችን ነው እወቀው!"
"እንዴ ኤፊ ምን ችግር አለው ። ምነው እነሱ መስማታቸው እንዲህ አሳሰበህ ፍቅር ያዘህ እንጂ ስሰርቅ አልተያዝክ ፣ መናገሬማ  አይቀርም ሁለቱም እንደዛ አፍቅረውህ እየየ ሲሉ ስታላግጥባቸው እነሱን የማፅናናት ሀላፊነት እኔ ላይ ነበር የወደቀው።

በተለይ መክሊት " ኤፍሬም በኔ ሳይሆን በፍቅር ላይ እንደቀለደ አንድ ቀን  ፍቅር ሲቀልድበት ያሳየኝ ይሆናል ፈጣሪ"  ስትል ኧረ ሀሳብ አይግባሽ ኤፍሬም ፍቅር ይዞት እንዳየሁ እኔ እራሴ  እነግርሻለሁ ያኔ አንቺ በተራሽ ትስቂበታለሽ  ብዬ ቃል ገብቻለሁ።

ቃል ደሞ ቃል ነው መክሊትማ መስማት አለባት ።
አሁን ትልቁ ነገር ያልከኝ ነገር እውነት መሆኑን ማረጋገጥ ብቻ ነው። ግን የምርህን ነው አደል?  እውነት ፍቅር እያንደፋደፈህ ነው••? ግን ማን ትሆን ልጅቷ በናትህ ? የእውነት ጀግና ነች! እማዬን ነው እምልህ አቦ ባገኛት እሸልማታለሁ።ግን የምር ፍቅር ያዘህ ኤፊ•••?"

"እንጃልህ! ቆይ አንተ ግን ምን አይነት ጓደኛ ነህ •••? ባንተ ቤት መቀለድህ ነው አደል?
ስማ መቀለድ ሁሌ አያስቅም እሺ የምትቀልድበትን ቦታ እና ሁኔታ ካልመረጥቅ የሚያሸማቅቅበትም ግዜ አለ።
እኔ በማይቀለድ ነገር ስትቀልድ እጅ እጅ ነው የምትለኝ።  ስድስት ወር ሙሉ ትንፍሽ ሳልልልህ የቆየሁትም ለዚህ ነበር። ላንተ መንገሩ ከጥቅሙ ጉዳቱ እንደሚያመዝን አውቃለሁ የተለወጥክ የበሰልክ መስሎኝ ነበር !"

"አቦ ኤፊ ደሞ ምንድን ነው እንደዚህ ማካበድ ፍቅር አመልህን  ቀየረው እንዴ አባቴ ተረጋጋ እንጂ ፣ ቆይ አንተ ፍቅር ያዘኝ ማለትህ  ያዘኝ ብቻ ሳይሆን አንደፋደፈኝ ስትል እንደመስማት የአመቱ ምርጥ ቀልድ አለ እንዴ ? እና አንተ ስትቀልድ እኔ ብቀልድ ምን ክፋት አለው በዛ ላይ ቃል ገብቻለሁ"

"ዝም በል ባክህ ወደዛ ቃል ገብቻለሁ ምናም ይላል እንዴ መክሊት ከኔ ጋር ስትጣላ በአፅናኝ ሙድ ገብተህ እትት እያልክ ቆይተህ የት ይዘሀት እንደዋልክ እና ምን እንዳደረጋችሁ የማላውቅ መሰለህ እንዴ•••? እኔ ግን እኔ ያልፈለኩትን እና የተውኩትን ነገር ሌላው ሲያነሳው የምንጨረጨር ተራ ሰው ስላልሆንኩ ስለዚህ ጉዳይ መስማቴን ላንተ እንኳን አልነገርኩህም ።

ባንተ ቤት ጉድህን አላውቅም ቃል ስለገባህላት ነው አደል የምትነግራት? ሃሃሃ  በዚህ ሰበብ ጠርቻት የማደርገውን ላድርግ አትልም ወራዳ።
ቆይ ቆይ ካሁን በኋላ ያቀመስኩህን ነገር የምደግምህ ስለኤፍሬም ስታወራልኝ ነው ብላሀለች እንዴ? ለምን እራስህን ችለህ አትንቀሳቀስም ሁሌ እንደዚህ አይነት ሙድ አይደብርህም እንዴ?  እውነትም ጣሰው በቃ አንተ የማትጥሰው ህግ የለም ማለት ነው? ያልተፃፈም ቢሆን የጓደኝነት ህግ የሚባል ነገር አለ እሺ ትክክለኛ ጓደኛ ብትሆን ተዋትም አብሯት ሆነም  የጋደኛህ ከነበረች ሴት ጋር አንሶላ መጋፍፍ በዘጋህ ነበር።

ደሞ ቃልዬን ባገኛት ሸልማት ነበር ስትል አታፍርም አብጄ ነው ላንተ የማስተዋውቅህ !" ስለው ኪያ ሆዱን ይዞ ፍራሹ ላይ እየተንደባለለ ሲስቅ በንዴት ከፊቴ ያለውን ባዶ የቢራ ጠርሙስ አንስቼ ወገቡን ልለው ምንም አልቀረኝም።
ስቆ ሲወጣለት •••" መስማትሽን ግን በዚህ አጋጣሚ መተንፈስሽ ደስ ይላል ዛሬ ነገ ሰማ እአልሰማ እያልኩ ከመሳቀቅ ገላገልሽኝ ካሁን ወዲህ በነፃነት   ኪኪኪ•••!
"ተው ባክህ አንተ ነህ የምትሳቀቀው ምነው እንዲህ ስታደርግ መክሊት የመጀመሪያህ ነች ምነው የመክብብን እና የአማረን ምን እንዳደረክ ረሳኸው እንዴ?"
"ካካካካ እነሱ እኮ ጀንጅንልን ብለው ልከውኝ ነው በቃ ሴቶቹ አንዳንዴ አስጅኝጃኙን ሳይሆን ጀንጃኙን የሚመርጡበት ግዜ አለ እኔ ምን ላድርግ? ካካካካ"
ስለነሱ አያገባኝም አንተ ሲጀመር እኔ ያልባረኩትን ዳቦ በልተህ ታውቃለህ እንዴ ? ልማድህ እኮ ነው!"
ስለው
"ኧረ ኤፍ ፍቅር ስይዝ ምላስም ይረዝማል እንዴ ዛሬ አልቻልኩህም ኪኪኪኪኪ•••"
ቃልዬ ትስቃለች፣ ጋደኛዬ ይስቃል •••በቃ አለም ሁሉ እየሳቀ ነው ማለት ነው! የኔ ጋር ብቻ ነው ሳቅ ምንጩ የደረቀው፣ ቆይ ፍቅር የሳቅ ምንጭ ያደርቃል እንዴ አልኩት ለራሴ። መልስ የለም ጥያቄ ብቻ።
.
.
300 ላይክ ቡኋላ ክፍል 21 ይለቀቃል🌹
https://vm.tiktok.com/ZMhLrAFDo/           

♥️ ተማሪዋ ♥️ ...
           .
           .
🌹...ክፍል 19...🌹
.
.

.
.
ምንጭ=- ከደራሲያን አለም የቴሌግራም ቻናል ✍
.
.
በቶሎ እዲለቀቅ ላይኩን በዛ አርጉት ቤተሰብ 🌹🌹♥️♥️
.
.
ነገ እንገናኝ ስትለኝ ዛሬ ካላገኘሁሽ ሞቼ እገኛለሁ ብዬ ወትውቼ አምጥቻት አስከፍቼ ስለመለስኳት ከፋኝ። መስራት ብፈልግም ደበረኝ፣ ጭራሽ ድውክውክ አልኩ።
ቀጥታ ወደ ቤቴ በማምራት ያን መጥፎ ስሜት እያባረረ ይገርፍልኝ ይመስል ሰፈር ውስጥ ካለች መደብር አምስት አባ ቢራ ገዛሁና ወደ ቤት ገባሁ።

ፍራሼ ላይ ቁጭ ብዬ መጠጣት ጀመርኩ። ገረዥ የሚሰራው ጋደኛዬ እስካሁን አልገባም ። ነገር ግን መምጫው ደርሷል።
ጋደኛዬ አባቱ "ጣሰው" እያሉ ሲጠሩት እናቱ ደግሞ "ኪያ" ብለው ነው የሚጠሩት። እኩያዬ ነው። እስከዚህ እድሜው እናቱ እና አባቱ በልጃቸው መጠሪያ ስም ላይ መስማማት አልቻሉም።
እናቱ የልጄ ስም ኪያ ነው ስትል አባቱ ደግሞ ጣሰው ነው ብያለሁ ጣሰው ነው እንዳሉ እሄው ሀያምናምን አመት አንዳቸው በአንደኛው ስም ሳይግባቡ ቀጥለዋል።
እሱም ኪያ እንጂ ጣሰው ሲባል ደስ አይለውም።
አባቱ ጣሰው ብለው ሲጠሩት ሶስቴ ካልተጣርሩ ባንድ ጥሪ ብቻ አቤት ባለማለት በጣሰው ሲጠራ ደስ እንደማይለው ለመግለፅ ቢሞክርም አባትየው አቤት እስከሚላቸው  አስሬ ይጠርቷል እንጂ ተሳስተው እንኳን  ክያ ብለው አይጠሩትም።

በአንድ እለት ግራ ግብት ብሎት " ኤፊ !  አባዬ ግን እዚህ ስም ላይ መጭጭ ያለበት ምክንያት እንቆቅልሹ መች እንደሚፈታልኝ ነው ግራ የገባኝ !" አለኝ። ሳቄን ስጨርስ •••
"እንቆቅልሹን እኔ ልፍታልሃ! አልኩት።
" ኤፊ ሙት እየቀለድኩ አደለም!  ። አቦ እስቲ አስበው የምጠራበት እኔ፣   ስሜን የመምረጥ መብት ያለኝ እኔ ፣ የሱን ካልፈለኩት እና እማዬ ባወጣችልኝ ስም መጠራት ከፈለኩ የሱ ሙጭጭ ማለት ሚስጥሩ ምን እንደሆነ ሊገባኝ አልቻለም!"
"እኔ ገብቶኛል ልንገርሀ ምን መሰለህ አባትህ ከሁለት ልጅ በላይ የመውለድ ሀሳብ አልነበራቸውም  ማዙኳሽ ደግሞ አራት ልጅ የመውለድ ፍላጎት ነበራቸው ። ስለዚህ ፋዙካሽ እሷ አራት መውለድ ስለምትፈልግ  ላለማርገዝ አትጠነቀቅም ብለው ስላሰቡ የራሰቸውን ጥንቃቄ ለማድረግ  ካንተ በላይ ያሉት ሁለቱ ከተወለዱ በኋላ ከማሚ ጋር ግኑኝነት የሚፈፅሙት  ኮንዶም እየተጠቀሙ ነበር።

አንተ ግን እንቢ እወለዳለሁ አልክና ኮንዶሙን ጥሰህ ወጣህ። እናትህ  አባትህ ሳይፈልጉ ስለተወለድክ ኪያ (የኔ) አሉህ ።
  አባትህ  ደሞ የዚህ ልጅ ስም ከታሪካዊ አመጣጡ ጋር የተቆራኘ መሆን አለበት ብለው ስላሰቡ  ኮንዶም ጥሶ የተወለደ ልጅ ስሙ ማን መባል እንዳለበት ሲያስቡ ጣሰው የሚል ስም መጣላቸው። ተመቻቸው። "
አልኩት ጋደኛዬ እንደዛን ቀን ሲናደድ አይቼው አላውቅም። ላብ በላብ እስክሆን አሯሯጠኝ። ግን አልያዘኝም። ከቆይታ በኋላ ስንገናኝ።
" አላውቅም ስልህ እውነት መሰለህ እንዴ ? ሀይ አባዬ እንደዛ ብሎ ያወጣልኝ እኔ እስክወለድ በጣም ተቸግሮ ስለነበርና እኔ ስወለድ ችግሩ ስለተቀረፈ ችግሩን ጣሰነው ለማለት ነው ጣሰው በቀለ ብሎ ከራሱ ስም ጋር አዋህዶ ሲጠራኝ ደስ ይለዋል አለቀ ። አንተ ቀልድ ችግር የለውም  ኤፊ ይሄን ነገር በቀልድም መልክ ከኔ ውጪ ለሌላ ሰው ታወራና እንጣላለን ። አንተ እየቀለድክ ነው።
ሰው ግን እውነት ነው የሚመስለው፣ እውነት መሰላቸው አልመሰላቸው ለደንታቸው ነው፣ ነገር ግን በተለይ እዛ የምሰራበት ገረዥ ውስጥ እንዲህ ብለህ ብታወራ እያበሸቁ ስራ አያሰሩኝም ፣ በተለይ ደሞ ያ ግልፍጥ ትዛዙ የሚባል ልጅ ይህን ቢሰማ ጭራሽ አይፋታኝም።
አመቱን ሙሉ ለመጣው ሰው ሁሉ እያወራ ነው የሚያበሽቀኝ " አለኝ።
ሁላችንም የሰፈር ጓደኞቹ ኪያ ብለን ነው የምንጠራው። አንዳንዴ በጣም ሲያበሽቀኝ አፉን ለማዘጋት።
"ተው እንጂ ጣሰው!" አለዋለሁ ። ያኔ ወይ ዝም ይላል ወይ ሰድቦኝ ይወጣል። እኔና ጋደኛዬ ብዙ ግዜ የማንግባባው በሴት ዙርያ ነው እሱ ለሴት  ያለው አመለካከት እና የሚያራምደው ሙድ ከኔ ጋር ተቃራኒ ነው።

እስካሁንም ስለቃል ያልነገርኩት ለዛ ነበር። ዛሬ ግን በቃል ዙርያ ባሰብኩ ቁጥር የሚሰማኝ ስሜት በራሴ ሀሰብ እና እስካሁን በመጣሁበት አካሄድ ትክክለኝነት እምነት እንዳጣ አድርጎኛልና ሲመጣ ልንገረውና የሚለኝን ልስማ ወይስ ይቅርብኝ ?  እያልኩ ስወዛገብ ቆየሁ።
በዛ ሰአት እቤት ውስጥ ሊያውም ቢራ ይዤ በፍፁም አድርጌው አላውቅም።
ኪያ  በሩን ገፋ አድርጎ ሲገባ••• ሁለት ተጠጥተው ያለቁ፣ አንድ የተጋመሰ፣ ሁለት ገና ያልተከፈቱ የቢራ ጠርሙሶች ከፊት ለፊቴ እንደተመለከተ አይኑን አሸት አሸት አደረገና••••
" እኔ አላምንም አንድ ነገር እማ አለ ኤፊ ምንድን ነው የሆንከው ••••?" አለኝ።
ምን እንደምለው  ግራ ገብቶኝ ዝም ብዬ ሳየው•••• እንባ ይሁን ብሶት ፣ ስካር ይሁን ፍቅር ብቻ የሆነ  የሚተናነቅ ነገር ተናነቀኝ ..

ምን እንደሆንኩ ለራሴ ግራ እስኪገባኝ እርብሽብሽ አልኩ። ዝም ስለው ጥያቄውን ደገመው።
"ምንም አልሆንኩም!" አልኩት።
"ኧረ ኤፊ በጤናህማ ስራ ትተህ ፣ በመሪው ፋንታ ቢራ ጨብጠህ ፣ እዚህ ቤት ውስጥ ብቻህን አትቆዝምም ነበር። እየተዝናናሁ ነው አትለኝም መቸስ መዝናናት ብትፈልግ የት እንደምትጠጣ ጠንቅቄ አውቃለሁ።
ምን እንደሆንክ ባላውቅም የሆነ ሙድ ውስጥ እንዳለህ መጠርጠር ከጀመርኩ ቆይቻለሁ !"

"ምን የተለየ ነገር አይተህ ነህ መጠርጠር ከጀመርክ የቆየኸው?

"እንዴ ምን ያላየሁት ነገር አለ ኤፍዬ መለዋወጥህ ላንተ አልታወቀህም እንዴ? ስንት ወር ሆነህ  ከኔጋ ካወራህ?
ስንት ወር ሆነህ  ዛሬ እሄን ያህል ሰራሁ ፣ ዛሬ እንዲህ አጋጠመኝ፣ ዛሬ እገሌን አገኘሁት ወይ እገኘሁዋት ብለህ ማውራት ከተውክ?
ቆየህ እኮ  እኔ እቤት ውስጥ እያለሁ ከነመፈጠሬ ረስተኸኝ ሙዚቃ ከፍተህ ወይ አብረህ ትዘፍናለህ ወይ በሆድህ ተደፍተህ ታዳምጣለህ።
እኔስ ስንት ወር ሆነኝ ኤፊን ምን አድርጌው ነው ብዬ ማሰብ ከጀመርኩ ?
አንዳንዴ ብቻህን ሁላ ታወራለህ  በፊት አይደለም ለእቁቡ የሚጣል ለሌላ የሚተርፍህ ልጅ በየሳምንቱ ለህትህ የምትሰጣት የዕቁብ ብር እስክታጣ ገንዘብ ታጠፋለህ ።
ባለፉት  አራት እና አምስት ወራት ውስጥ ከኔ ጋር የምታወራኮ ብድር መጠየቅ ስትፈልግ ብቻ ነበር ።

ቆይ መለወጥህ ደመነፍሷዊ ነው እንዴ አልታወቅህም ? ቆይ ምን አስቀይሜህ ነው ግን ወንድሜ ለምን በግልፅ አትናገርም?
ከመች ወዲህ ነው በኔና ባንተ መሀል ድብብቆሽ የተጀመረው?" አለኝ ።

በረጅሙ ተነፈስኩና•••"ተለውጬ ሊሆን ይችላል ነገርግን ካንተ ጋር የተያያዘ አይደልም ። ኪያ ሙት የምሬን ነው ካንተ ጋር የሚያገናኘው ምንም ነገር የለም!"

"እሺ መለወጥህን ማመንህ ነው ዋናው። ግን ለምን በምን ምክንያት ?"
"ፍቅር እያንደፋደፈኝ ነው ባክህ ኪያ ወንድሜ የምሬን ነው ። በቃ ፍቅር ቁም ስቅሌን እያሳየኝ ነው !" ስለው...
.
.
100 ላይክ ቡኋላ ክፍል 20 ይለቀቃል🌹
           

♥️ ተማሪዋ ♥️
🌹...ክፍል 18...🌹

ቆይ ማነው ዛኪ?" አልኳት ፈርጠም ብዬ።
"ለምን ማወቅ ፈለክ?"
"እንዴ ! ለምን ማወቅ ፈለክ ከማለት እገሌ ነው ማለት አይቀልም ቃል?"
"እሺ ዛኪ ነው!" ብላኝ እርፍ።
"ምን ማለትሽ ነው?"
"እንዴ እገሌ ነው በይኝ እላልክም ኤፊ ?ዛኪ ነዋ  ታድያ ማን ልበልህ?"
"ጥያቄዬ ስላልገባሽ ነው ወይስ እያላመጥሽ ቃል?"
"አልገባትም ብለህ ካሰብክ እስኪገባኝ አስረዳኛ ኤፊዬ!"
"እሺ ዛኪ የት ነው?"
"እህህህም ግቢ ነዋ ስናወራ ሰምተህ የለእንዴ?" አለችኝ የግርምት ፈገግታ ፈገግ ብላ በጨረፍታ አይታኝ ወደ ብርጭቆው እየተመለሰች።
"ገባኝ የግቢ ተማሪ ነው ፣ አንድ ላይ ነው የምትማሩት ማለት ነው?"
"አዎ ነው!" ብላኝ ዝም።
ሁኔታዋ ግራ  አጋባኝ። ምን እየሆነች ምን እያሰበች ፣እንዴት እንዴት ሆና  በምን አይነት ስሜት እያወራችኝ እንደሆነ ሊገባኝ  አልቻለም።
በርግጥ ቃልዬን ካወቅኳት ጀምሮ ቀስ በቀስ የሚገለጡ አዳዲስ ባህሪዋች አይባታለሁ። እስካሁን ድረስ  የቃል ባህሪ እንደዚህ ነው ብዬ ለመደምደም የተቸገርኩት አብረን በቆየን በተገናኘን ቁጥር በወሬና  በሁኔታዎች መሀል የማይባት አደዲስ ባህሪ እያምታታኝ ነው። የዛሬው ሁኔታዋ ደግሞ ተለየብኝ።
ላለመናደድ ከራሴ ጋር እየታገልኩ••••
"በቃ ወይ ስለዚህ ጉዳይ አናውራ እንዴ ቃልዬ ? ከደበረሽ ይቅር!"
"አንተኮ ነህ ኤፊ እዚህ  ከገባን ጀምሮ ልክ ያልሆንከው!"
"እሺ የኔን አልክድም፣  አንቺም ግን ስልኩ ከተደወለ በኋላ ልክ አይደለሽም ደብሮሻል!"
"አልደበረኝም ኤፊ ገርሞኝ ነው!*
" ምኑ ነው የገረመሽ?"
"ያንተ ሁኔታ!"
"የኔ ሁኔታ ምን ሆነ?"
"የሆንከውን እማ አንተው እወቀው !" ብላ አሁንም ዝም።እሷም  ይውጣላት እኔም ይውጣልኝ ብዬ በጥያቄዬ ገፋሁበት።
"ከዛኪ ጋር አብራችሁ ነው የምታጠኑት?"
"አልፎ አልፎ አዎ"
"እዚህ ግቢ ነው የተዋወቃችሁት?"ስላት " ኧረ በጭራሽ" ብላኝ እኔ ትቀጥላለች ብዬ ስጠብቅ  ዝም አለች አሁንም ።
"እና?"  ስላት "እና ምን •••?" ስትለኝማ ነደድኩ ብስጭት ያመነጨው  የሰውነቴ ሙቀት ጨመረ ።
እኔ በሷ ቦታ ብሆንና እሷ እዚህ ግቢ ነው የተዋወቃችሁት ብላ ብትጠይቀኝ እዚህ ግቢ አይደለም እኔና ዛኪ የምንተዋወቀው በዚህ ግዚ በዚህ ቤታ ገለመሌ ገለመሌ እያልኩ ሙሉ ታሪክ እንደማወራላት እርግጠኛ ነኝ። እሷም እንደዛ ነግራኝ የተጨነቀች ነፍሴን  እንደማሳረፍ አልያም እንደመገላገል. ዳር ዳሩን እየነካች  ሆን ብላ ትግስቴን  እያስጨረሰችኝ እንደሆነ ገባኝ።
ተሳክቶላታል  ትግስቴ ተንጠፍጥፋ አለቀች ። ብስጭትጭት ንድድድ አልኩ። ክፉ  አልናገራት ነገር ቃልዬ  ነች። አፈቅራታለሁ።
የነበረኝ አማራጭ  ይህን ርእስ ለግዜውም ቢሆን መዝለል እና ጥያቄዬን መተው ብቻ ነውና ።
"በቃ ተይው !" አልኳትና  ወደጀርባዬ ተደግፌ በረጅሙ ተነፈስኩ።
"ምኑን?" አለችኝ።
"በቃ ምንም አትንገሪኝ ትቸዋለሁ ካስጨነኩሽ ይቅርታ !" አልኳት።
አፏን በእጇ አፍና ከሳቋ ጋር ስትታገል። እቺ ልጅማ  እየሳቀች እኔን ልታሳብደኝ ነው። እኔ በንዴት እየተንተከተኩ እሷ ላለመሳቅ እስክትታገል ሳቋ መምጣቱ  እራሱ ይገርማል።
"በቃ ተናደድክ ኤፊ ?" አለችኝ ወደኔ ዞራ።
" ቀጥተኛ መልስ የማትመልሽልኝ ሆን ብለሽ እኔን ለማናደድ አልነበር ተሳክቶልሻል እንኳን ደስ አለሽ!"
"ቀጥተኛ ማለት እንዲህ ቀጥ ያለ?" አለችኝ የመሀል ጣቷን ሽቅብ ቀስራ በፈገግታ እየተመለከተችኝ።
መልስ አልሰጠኋትም   ሲያሻት እንድታጨረጭረኝ ፣ ሲያሻት እንድታስገርመኝ ፣ ሲያሻት እንድታስደስተኝ፣ ሲያሻት እንድትናፍቀኝ በልቤ ላይ ያነገሳትን ፍቅርን ግን  "እድሜህ ይጠር!"  አልኩት።
"ቆይምንድን ነው ማወቅ የፈለከው?" አለች በድጋሚ በተራዬ ለግዜውም ቢሆን መልስ ላለመስጠትና ዝም ለማለት ሞከርኩ።
"እ••••?" አለችኝ። በለስላሳ ጣቶቿ ፊቴን እየደባበሰች። እኔን አንዴ እሳት አንዴ በረዶ ለማድረግ ያላት ሀይል ሳይሆን የኔ እንዳሻት እንደፈለገች ስታደርገኝ ላለመደረግ ያለኝ እራስን የመቆጣጠር አቅም ዜሮ መሆን ግርም ቢለኝ ይሁና እልኩ በለሆሳስ።
"ምን ?" አለች።
"ም   ን   ም !" አልኩ እንደምንም።
"ኪኪኪኪ ••••አየ ኤፊ! ለማንኛውም ዛኪ ያክስቴ ልጅ ነው የቤተሰቦቻችን ቤትም ጎን ለጎን ነው ፣አንድ ግቢ በለው አብረን ነው ያደግነው። እንዳጋጣሚ ሆኖ ሁለታችንም ድሬ ዳዋ ዩንቨርስቲ ተመደብን። አባቴ ይህን እንደሰማ ሁለታችንንም አስጠርቶ   ከቤተሰብ ብዙ ኪሎሜትሮች  ርቄ መመደቤ አሳስቦት እንደነበርና ከሱ ማለት ከዛኪ ጋር አንድ ቦታ እንደተመደብን ሲያውቅ ደስ እንዳለው ከነገረን በኋላ••
" አደራ ትምህርታችሁን ጨርሳችሁ እስክትመለሱ እንደታላቅ ወንድም እና እንደታናሽ እህት ሁኑ፣ ልጄን አደራ ብታጠፋ እየተቆጣህ ትምህርቷ ላይ ብቻ ትኩረት አድርጋ እንድትማር እሺ የኔ ልጅ!" አለው
ከግቢ ሲያጣኝ የትነሽ ምናምን እያለ የሚደውልልኝ ለዛ ነው።ህፃን ልጅ አይደለሁም እንኳን እሱ አባዬም ተቆጣጥሮ ከምንም እንደማያድነኝ አውቃለሁ።
ነገር ግን አባዬን እንዲከፋው ስለማልፈልግ ዛኪ የትና ከማን ጋር እንደሆንኩ እንዲያውቅ አልፈልግም ። " አለችኝ።
ዝም አልኩ። ለሷ መልስ ባልሰጣትም ውስጤ ግን ብዙ ጫጫታ ተፈጠረ።
እስካሁን ባጭሩ እንደዚህ መናገር ስትችል  መነታረክ ለምን ፈለገች ታድያ? ምናልባት ምን ብላ እንደምትነግረኝ የታሪክ ፈጠራ ግዜ  ለማግኘት  እያማጠች አሁን የነሀረችኝን ያክስቴ ልጅ ነው•••የሚል እውነት ያልሆነ ዝምድና ለማዋለድ ይሆን ? የሚል ጥያቄ ያጠላበት፣ ጥርጣሬ የሸራረፈው  ከፊል ደመናማ ይሉት አይነት ደስታ ተሰማኝ።
ከነበርንበት ወጥተን ፣ግቢ በር ላይ አድርሻት፣ ተሰነባብተን እስከምንለያይ "እንሂድ በቃ ልሸኝሽ ፣ በቃ ቃልዬ ቻው ፣ቻው ኤፊ"  ከመባባል ውጪ አላወራንም።
ብቻዬን ስመለስ ግን ቃልዬን "ይጠረጥረኛል አያምነኝም !" ብላ እንድታስብ ያደረኳት እና ያስከፋኋት መሰለኝና  እርብሽብሽ አልኩ። መጠየቄ ጥፋት ባይሆንም ወቅቱ አልነበረም። ቢያንስ ለራሴ ቃል መታመን ነበረብኝ አልኩ። ቃልዬን ከማግኘቴ በፊት ምን እያልኩ ስፎክር እንደነበር አሰብኩት። ካገኘኋት በኋላ የሆንኩት፣ ያልኩት፣ ያሳየኋት ስሜት፣ የጠየኳት ጥያቄ በሙሉ ደግሜ ሳስበው በሷ ሳይሆን በራሴ ተገረምኩ።
ስሜቴን መደበቅ ፣የይምሰል መሳቅ፣ የይምሰል ማውራት መጫወት፣ የይምሰል ፊቴ ላይ የደስታ ስሜት ማንፀባረቅ የእውነት  ፍቅር ለያዘው ሰው የማይቻል መሆኑን ከማንም ሳይሆን ከራሴ አረጋገጥኩ።
እንዳገኘኋት ከልጁ ጋር ካየኋት በኃላ  ውስጤ የተፈጠረውን ምስቅልቅል ስሜት ደብቄ ምንም እንዳልተፈጠረ አድርጌ ለመተወን ድንቅ ተዋናይ መሆን  ነበረብኝ።
ሊያውም  አለማየሁ ታደሰን አልያም ሽመልስ አበራን።
ነገሩ የቱንም ያህል መተወን ቢቻል የሚቻለው በፊልም አልያም በትያትር እንጂ በእውነተኛ የፍቅር ሂወት ላይ ማን ይተውናል? ማንም።
የትኛውም ተዋናይ እኔ ቃልዬን ባፈቀርኳት ልክ በሚያፈቅራት  ሴት ፊት እኔ በተረበሽኩት ልክ ተረብሾ አይደለም ትወናው ውኔው ሁሉ ነው የሚጠፋበት።
ምክንያቱም ይህ ፍቅር ነው። ስለዚህ ምንም ያላየሁ ለመምሰል የሞከርኩት ሙከራ ፉርሽ ቢሆንብኝ በኔ ሳይሆን መፍረድ በፍቅር ነው።
ያን ሁሉ ጥያቄ ጠይቄ ወይ እውነቱን አላቅኩ ጭራሽ ተወዛግቤ ቁጭ።
200 ላይክ ቡኋላ ክፍል 19 ይለቀቃል🌹
https://vm.tiktok.com/ZMhJcwNLg/

♥️ ተማሪዋ ♥️
🌹...ክፍል 17...🌹

"አንቺን ከማፍቀሬ ዉጪ ምንም የሆንኩት የለም አልኩሽ እኮ ቃልዬ!"
"ታድያ ፍቅር ድብርት ይለቃል እንዴ ኤፍዬ••••?"
"አንዳንዴ!" አልካት።
"አንዳንዴ ማለት ምን ማለት ነው•••?"
"እራሱን ፍቅርን ጠይቂው እኔ ምን አውቃለኩ!"
"እና በምን ምክንያት እንደደበረኽ አታውቅም•••?
እያለችኝ ከቦርሳዋ ውስጥ ስልኳ ጠራ ። እጇን ከአንገቴ ላይ  ልታነሳና ስልኳን ከቦርሳዋ ልታወጣ ስትል አንገቴ ላይ ያለውን እጇን ያዝ አደረኩት።
ግራ በተጋባ ስሜት ትክ ብላ ብላ ስታየኝ•••
"እቀፊኝ እኔ አወጣልሻለሁ !" ብያት ቦርሳዋን ብድግ ሳደርገው።"ኪኪኪኪ •••ኧረ የሴት ቦርሳ ማየት ነውር ነው ኤፍዬ!"
"ምንም አላይም እሄው እጄን ልኬ ሞባይልሽን ብቻ ማውጣት " እያልኳት አይን አይኗን እያየሁ ስልኳን ከቦርሳዋ ውስጥ አውጥቼ እንደጨረስዩ የቦርሳዋን ዚፕ ዘግቼ ፊት ለፊታችን ባለው  ጠረቤዛ ላይ አስቀመጥከትና ።
ስልኳን እኩል ተመለከትነው።
የደወለው ዛኪ ነው! •••ተፋጠጥን፣  እንደተለመደው ከኔ መቶ ሜትር ርቃ እንዳታናግረው እንዳትነሳ •••አንገቴ ላይ ያለውን እጇን በግራ እጄ ያዝኩትና ••••
"ዛኪ ነው ደዋይሽ እንቺ አናግሪው!" አልኳት በቀኝ እጄ የያዝኩትን ስልክ እንድትቀበለኝ ወደሷ ጠጋ እያደረኩ። አልተቀበለችኝም ። ስልኳ እየጠራ ነው ።
ጥያቄ ባዘሉ አይኖቿ አንገቷን ወደ ቀኝ ዘመም አድርጋ በዝምታ አየችኝ።  እንደትቀበለኝ በአይኔ ወደ ስልኩ እያመለከትኳት እኔም ዝም ብዬ አየኋት•••ምንም ቃል ካፏ ሳይወጣ ስሜቱ ከአስተያየቷ የተቀዳ የሚመስል የግርምት ፈገግታ ወደ ጎን ፈገግ አለችና  ስልኩን ተቀበለችኝ። ዘገም ብላ ወደ ጆሮዋ አስጠጋችው።
እሷም እያየችኝ እኔም አይን አይኗን እያየኋት ነው።
"ሄ. ሄሎ ዛክ"
"ወዬ አዎ ይሰማኛል"
"አይ አይደለሁም። ኖኖ ቤተመፅሀፍትም አይደለሁም። እቃ ለመግዛት  ወደ ከተማ ወጣ ብያለሁ። 'አረዲ ' እየመሸ ነው•••'ኤኒዌይስ' እደውልልሀለሁ"
"እሺ ቻው!"
ተዘጋ። በቃ ይህንን ብቻ ብላ ወሬኣቸው አብቅቶ ስልኩ ተዘጋ።  እኔን ያቀፈችበትን እጇን በቀስታ አውርዳ ቦርሳዋን አነሳችና ስልኩን ቦርሳዋ ውስጥ ከተተችው።  ከልጁ ጋር ያወራችው ነገር ምንም ፍንጭ የማይሰጥ ድፍንፍን ያለ ነገር ሆነብኝ። ምን እንደምል ስለቸገረኝ እሷው የሆነ ነገር እስክትለኝ መጠባበቅ ጀመርኩ።
ያደረኩት ነገር ትክክል ይሁን ስተት ለማወቅ ቃልዬ  ቀጣይ የምትለኝን መስማት እንጂ በራሴ ትክክል ነው አልያም ስተት ነው ብዬ ለመደምደም ተሳነኝ ፣ ምክንያቱም ቃልዬ እንዲህ ሳደርግ ምን ይሰማት ይሆን? በሚል የተብሰለሰለ ስሌት ሳይሆን  ዛኪዋ በደወለባት በዛች ቅፅበት አጠገቤ ሆና እንድታናግረው ማድረግ እንዳለብኝ ባዘዘኝ ስሜት ተመርቼ ነበር አጠገቤ ሆና እንድታናግረው የተጫንኳት።
ያንን ያደረኩት ስለማፈቅራት ነው። ይሄ ሰው በደወለ ቁጥር ለምን እና ምን ለማውራት ካኔ አጠረብ ዘወር እንደምትል ውስጥ ውስጤን ሲከነክነኝ ውሎ ማደሩን ባልክድም   ያለ ፍላጎቷ እኔው አጠገብ ተቀምጣ እንድታወራ አስገድዳታለሁ ብዬ ጭራሽ አላስብኩም ነበርና ከማድረጌ በፊት ሳይሆን ካደረኩት በኋላ ምን ይሰማት ይሆን በሚል ጭንቀት ውስጤ መናጥ የጀመረው ወድያው ነበር።
ምክንያቱም በዚህ ምክንያት በኔና በቃልዬ መካከል አለመግባባት ቢፈጠር ያንን ለማስተናገና እንደአመጣጡ ለመቀበል  ዝግጁ አልነበርኩም።

ስልኳን ቦርሳዋ ውስጥ ካስገባች በኋላ ወደኔ ዞራ አልተመለከተችም። ከጠረጴዛው ላይ አጋምሳ ያስቀመጠችውን ውሃ አንስታ ጠጣችና ባዶውን ብርጭቆ ጠረጴዛው ላይ አንዴ ወደ ግራ አንዴ ወደቀኝ በቀስታ እያሽከረከረች ዝም አለች።

በቃ ለሶስት ለአራት ደቂቃዎች ዝም አለች። ጨነቀኝ። አራቱ ደቂቃ የአርባ ደቂቃ ያህል ረዘመብኝ።
በዝምታዬ ለመዝለቅ ወኔ አጣሁ። አስባ አስባ ድንገት  ካጠገቤ ብድግ ብላ የምትሄድ መስለኝ።
እንዴ ወዴት ነው ? ምናምን  እያልኩ ክንዷን ይዤ ላስቆማት  ስሞክር•••  አትንካኝ ብላ የምትጮኽብኝ፣ ምን ሆንሽ  ቃልዬ ስላት •••አትጥራኝ ! እንዳትከተለኝ ብላኝ ስትሄድ በአይነ ህሊናዬ ታየኝና ከእንቅልፉ ውሃ ተረጭቶበት እንደነቃ ሰው ብትት አደረገኝ።
"ቃቃቃ •••ቃልዬ!" አልኳት በደነገጠ ድምፅ።"ወዬ ኤፊ !" አለችኝ አይኗን ከብርጭቆው ላይ ሳትነቅል። በረጅሙ ተነፈስኩና••••
"ምነው ዝም አልሽ?" አልኳት።
"አንተስ ምነው ዝም አልክ?"
"አንቺ ዝም ስትይ"
"እኔም እንደዛው"
"እንደዛው ማለት?•••ደበረሽ እንዴ?"
"ምኑ?"
"እኔ እንጃ!
" አንተስ ደበረህ እንዴ?"
"ምኑ ነው የሚደብረኝ ቃልዬ?"
"እኔ እንጃ"
በመካከለችኝ እንደድቅድቅ ጨለማ የሚያስፈራው ድቅድቅ ፀጥታ መልሶ ሰፈነ።
እኛ ጋር ብቻ ሳይሆን አለም ሁሉ ዝም፣ ጭጭ፣ ረጭ ያለ መሰለኝ። እንዴት ይጨንቃል!"
"ኧረ ቃልዬ!" አልኳት ክንዷን ያዝ አድርጌ።ዝም አለች።
"እእእ •••እኔኮ አቅፈሽኝ ስለነበር  በቃ ለማናገር እንዳትነሺና  እንደዛው አቅፈሽኝ እንድንቆይ ስለፈለኩ ነው።  ከዛ ቦርሳውን ከፍተሽ  ስልክሽን ለማውጣት ስለናይመችሽ  ብዬ ነው ያቀበልኩሽ፣   ምን መስሎሽ ነው ቃልዬ?"
"አዎ ገብቶኛል ኤፊ !
" እና እንደዛ ማድረጌ ደበረሽ ቃል?
"አልደበረኝም ! ለምን ይደብረኛል ፣ ቢደብረኝ ለምን አናገርኩት?"
አለችኝ።  በአነጋገሯ ብስጭት አልኩ በውስጤ። አንዴ ተነካክቻለሁ እንግዲህ  ቃልዬ መናደዷ ካልቀረ ልግፋበት አልኩና•••
"ቆይ ማነው ዛኪ?" አልኳት ፈርጠም ብዬ።ቆይ ማነው ዛኪ?" አልኳት ፈርጠም ብዬ።
"ለምን ማወቅ ፈለክ?"
"እንዴ ! ለምን ማወቅ ፈለክ ከማለት እገሌ ነው ማለት አይቀልም ቃል?"
"እሺ ዛኪ ነው!" ብላኝ እርፍ።
"ምን ማለትሽ ነው?"
"እንዴ እገሌ ነው በይኝ እላልክም ኤፊ ?ዛኪ ነዋ  ታድያ ማን ልበልህ?"
"ጥያቄዬ ስላልገባሽ ነው ወይስ እያላመጥሽ ቃል?"
"አልገባትም ብለህ ካሰብክ እስኪገባኝ አስረዳኛ ኤፊዬ!"
"እሺ ዛኪ የት ነው?"
"እህህህም ግቢ ነዋ ስናወራ ሰምተህ የለእንዴ?" አለችኝ የግርምት ፈገግታ ፈገግ ብላ በጨረፍታ አይታኝ ወደ ብርጭቆው እየተመለሰች።
"ገባኝ የግቢ ተማሪ ነው ፣ አንድ ላይ ነው የምትማሩት ማለት ነው?"
"አዎ ነው!" ብላኝ ዝም
200 ላይክ ቡኋላ ክፍል 18 ይለቀቃል🌹
https://vm.tiktok.com/ZMh1bt6S8/           

📌የማጠፊያ የሚበራ ብርሃን ( hinge led light )


☎️ Contact us:- +251914855557 ☎️

JOIN OUR INSTAGRAM
https://www.instagram.com/p/C-soCvXogOj/?igsh=NTc4MTIwNjQ2YQ==

JOIN OUR FACEBOOK CHANNEL

https://www.facebook.com/share/r/wsEdZHGTqfJQLUQg/?mibextid=oFDknk


JOIN OUR TIKTOK CHANNEL
https://vm.tiktok.com/ZMh1bn3dg/

♥️ ተማሪዋ ♥️
🌹...ክፍል 16
የቷ ቃል ኪዳን••••?!"
"አንቺ ነሽ ሌላ ቃልኪዳን የት አውቃለሁ እኔ !"
"ሂድ ወደዛ አቦ ••••ምንድን ነው ግራ የምታጋባኝ!"
"ግራ ገብቶኝ ነዋ ቃልዬ!"
"እብድ ነገር ነህ!"
"ስላሳበድሽኝ አመሰግናለሁ እሺ•••••? በፍቅር ማበድ ግን  እንዴት ደስ ይላል ቃልዬ ••••? !"
"ኧረ ባክህ •••••በል እራስህን ችለህ  ብቻህን እበድ ኪኪ•••! እሺ እንዲሁ ሳስበው በወሬኣችን መሀል  ስለትራፊክ ህግ የምታወራው ተያይዘን እንድናብድ ስለፈለክ ሳይሆን አይቀርም. ኪኪኪኪኪ " አለች ።
እንደምንም ስትደውል ባለማንሳቴ ምክንያት የደበራትን ቃሌን ፈገግ አሰኘኋት።ለቃልዬ እንደዛ ብላትም እኔ ግን እንደዛ  የሳቅኩበት ሌላም ምክንያት ነበረኝ።
ያ ገራዥ የሚሰራው አብሮኝ የሚኖረው ጓደኛዬ ገና ስራውን በጀመረ ሰሞን የጠበሳት ልጅ ወሬው ሀሉ ስለመፍቻና እና ስለመኪና መለዋወጫ ሆኖባት።
ገራዥ የምትሰራ ሴት ፈልገህ ጥበስ እኔ በቃኝ!" እንዳለችው ትዝ ብሎኝ ነው። ያንን ሁኔታ እያነሳሁ ለወራት ጓደኛዬን ለማብሸቅ ተጠቅሜበታለሁ። ዛሬ ቃልዬ እንዲህ ስትለኝ ትዝ ያለኝ እሱ ነበር ። ለካ ወዶ አይደለም ጓደኛዬ አልኩ በልቤ።
"እሺ ስልኩስ ምን ሆኖ ነው ከእጅህ ላይ የወደቀው•••?" አለች ቃል።
"እያወራሁሽ ምህረት የለሹ ትራፊክ ከፊቴ መጥቶ ነዋ!•••ትንሽ ስተት ካየ ከሩቅ ነው የቅጣት ደረሰኙን እንደባንዲራ  እያውለበለበ የሚመጣው! ልመና አይገባው ምህረት፣  በቃ እሱ ደረሰኙን እያውለበለበ ሲመጣ አንቺ ብርሽን እያውለበለብሽ መጠበቅ ብቻ ነው ያለሽ አመራጭ! ፣ በቃ እንዳየሁት ስልኩን ለቀኩት ያው ባጃጅ ውስጥ ስለሆንኩ ስልኬ ምንም አልሆነም ወንበሩ ላይ ነው የወደቀው!"ስላት
" ኤፊዬ በቃ ወሬህ ከትራፊክ እና ከትራፉክ ህግ ሲወጣ ደውልልኝ እሺ ቻው !" አለችኝ ። ቻው ማለት አልቻልኩም ስልኩን ላለመዝጋት ብቻ  ስቄ እስክጨርስ ጠበቀችኝና••••
"ቻው በቃ!"  ብላ ዘጋችው።

እህህህህ አይ ቃልዬ። ስልቹ ነገር ነች ግን ። አሁን እንደዚህ ስትማረር በተገናኘን ቁጥር ስለትራፊክ ህግ እያወራሁ ያሰለቸኋት አትምመስልም። ያንን ጓደኛዬን ይዘዝብሽ አቦ በመፍቻ እና በመኪና መለዋወጫ እቃ ወሬ እያደነቆረሽ በህልምሽ ሁላ ገረዥ ብቻ እንዲታይሽ ያደርግሽ ነበር። ወጣም ወረደ አምልጦኝ ስቀባጥር ከገባሁበት ወጥመድ አምልጫለሁ። ካሁን ወዲህ እውነቱን ማጥመድ ብቻ ነው የኔ ስራ!።  እያልኩ ትንሽ ዘወር ዘወር ብዬ ሰራሁና በግዜ ወደ ቤት ገባሁ።
ቃልዬ ቅዳሜ ነው የምንገናኘው ብትለኝም በኔ ውትወታ አርብ አመሻሹ ላይ ለመገናኘት ተስማምታለች። ሰአቱ እየደረሰ ነው ። ያው ትናት ስላየሁት ነገር ምንም ነገር ትንፍሽ ላልል ለራሴ ቃል ገብቼ ላገኛት እየሄድኩ ነው።
ተገናኝተን ትንሽ እንደቆየን ግን ••••
"ቃልዬ!"
"ወዬ ኤፊ"
"ስንት የቅርብ ጓደኞች አሉሽ•••?"
"የቅርብ ጋደኛ •••? እዚህ ነው ነው አዲስ አበባ ኤፍዬ•••?"
"አይ እዚህ"
"እዚህ የለኝም ! አሉኝ ግን ያው ያን ያህል ነው ፣ ያን ያህል ማለት ወሰን ወይም ድንበር ያለው ቅርርብ አለ አደል በጋራ ጉዳዬች እና በትምህርት ዙርያ እንጂ ከዛ ያለፈ የግል ሚስጥሬን የማካፍላት በተለየ ሀኔታ የምቀርባት ጋደኛ የለችኝም"
"የወንድስ•••?" ልላት ብዬ ፈርቼ ተውኩትና በረጅሙ ተንፍሼ ዝም አልኩ።
"ኪኪኪኪኪ እንዴ ምነው በሀይል ተነፈስክ•••? ቆይ ለምን ጠየቅከኝ•••?
" ለምንም እንዲሁ ለማወቅ!"
"ዛሬ ግን ፉትህ ላይ የሚታየው ስሜትም መድህም ልክ አይደለም ሌላ ሰው ሆንክብኝ በሰላም ነው ኤፊዬ•••?   እቤት ሰላም ናቸው አይደል••••?"
"ደና ናቸው ቃልዬ!"
ከፊት ለፊቴ ተነስታ አጠገቤ ከጎኔ ተቀመጠችና እቅፍ አድርጋኝ•••
"ምን ሆንክብኝ ኤፊዬ•••? ምንድን ነው የሆንከው•••? እስቲ ንገረኝ•••!"
"ምን ሆንኩ ቃል •••? ምንም አልሆንኩም እኮ!"
" ስሜትህ  እኮ ልክ አይደለም ታድያ•••!"
ዝም አልኳት። እንዳቀፈችኝ በፀጥታ  ቆየን።
ሌላ ነገር ማውራት ሌላ ነገር ማሰብ ተሳነኝ፣ ስሜቴን መደበቅ ለይስመላ መሳቅ መጫወት አቃተኝ።
ፊቴ ላይ ቶሎ ቶሎ የምትመጣብኝ አሁን ከኔ ጎን የተቀመጠችው ቃል ኪዳን ሳትሆን ከዚራ መንገድ ላይ በሌላ ወንድ እቅፍ እና ጉያ ውስጥ ሆና ስትሄድ ያየህኋት ቃል ኪዳን ነች።
እኔ ሳልሆን ፍቅር የማስበውን ፣  የምናገረውን ፣ የማሳየውን ስሜት እስከመወሰን ሙሉ በሙሉ እንደተቆጣጠረኝ  አምኖ ካለመቀበል የመጣ ስህተት መሆነን አሰብኩ።
ብዙ ነገሬች መራራም ጣፋጭም ጎን አላቸው፣ ፍቅርም እንደዛው።
ለኔ ግን ጣፋጭ ጎኑን ደብቆ   መረር ካለው ጎኑ እንድጀምር  ተሰማኝ። ፍቅርን ታዘብኩት።
የንን ምስል መርሳት ያንን መጥፎ ስሜት መደበቅ አልችል አልኩ። እንደፎከርኩት የውስጤን በውስጤ ይዤ እንደበፊቱ ኤፍሬም መሆን የማይሞከር እውነት የማይወጣ አቀበት ሆኖብኝ ።
ከሷ ጋር ቁጭ ብዬ ከራሴ ስሜት ጋር ትግል ገጠምኩ፣ ትግሉን ግን በአሸናፊነት መወጣት አልቻልኩም ወሬዬ ሁሉ ከጥያቄ ውጪ ሊሆን አልቻለም •••
"ቃልዬ !"
"ወዬ ኤፊ!"
"ከግቢ ውጪ •••ማለት እዚህ ተመድበሽ መማር ከጀመርሽ በኋላ የተዋወቅሽው እና የምትቀርቢው የድሬ ሰው አለ እንዴ••••?
" የድሬ ሰው ማለት•••?"
"፣የድሬ ልጆች ማለቴ ነዋ!
" ብዙ የድሬ ልጆች ግቢ ይማራሉ እኔ በመጠኑ የምቀራረበው ግን ከአንዲት ልጅ ጋር ብቻ ነው!"
እኔ መጠየቅ የምፈልገው ሌላ የምጠይቅበት መንገድ ሌላ። እሷም እንድትነግረኝ የምፈልገው ስለወንድ ጓደኞቿ  የምትነግረኝ ግን ስለሴት ጓደኞቿ ብቻ ። በግልፅ አለመጠየቄ ያመጣው ውጤት መደናቆር ብቻ ሆነ።
አሁንም••••"እሺ !!" ብቻ ብያት ዝም አልኩ። ቃልዬ ግራ ገባት።ዝም ስል ይጨንቃታል። ተጫወት ብላ ትወተውተኛለች። ወሬ የምጀምረውም የምጨርሰውም  በጥያቄ ብቻ ሆነ። በአንደበቷ ባትናገረውም በሆዷ ግን••••
"ይሄ ልጅ ባጃጅ ሹፌር ከመሆኑ በፊት ወይ መርማሪ ፖሊያስ ወይም ደሞ ጋዜጠኛ ነበር መሰለኝ!" ብላ ሳትደመድም አትቀርም።
ፍቅር ግን  ይገርማል!።  በዛ ሁኔታ ውስጥም ሆኜ ቃልዬ የደበረኝ ስለመሰላት ከሌላ ግዜው በተለየ ሁኔታ ስትጨነቅልኝ ፣ በተለየ ሀኔታ ስታየኝ እና ስታቅፈኝ ሰውነቴ በደስታ ስሜት ይግል ነበር።
• አንዴ አንገቴን አንዴ ጣጦቼን በጣቶቿ መሀል እያስገባች ስትደባብሰኝ   ነፍሴ ሀሴት ታደርግ ነበር ። በህመምም ውስጥ ደስታ ማለት ይህ ስሜት ይሆን እንዴ እላለሁ ለራሴ።ምን እንደሆንኩ ለማወቅ ደጋግማ ስትጠይቀኝ ምንም አልሆንኩም ስላት ቆየሁ። የሆነ የሆንኩት ነገር ኖሮ እየደበኳት እንደሆነ ታውቋት ይሁን•••• ስራዋን ስለምታውቅ ብቻ መጠየቋን መተው አልቻለችም።
"ቆይ ምን እንደሆንክ ለምን አትነግረኝም••••!?"
100 ላይክ ቡኋላ ክፍል 17 ይለቀቃል🌹
https://vm.tiktok.com/ZMh1YaEcQ/
           

♥️ ተማሪዋ ♥️
🌹...ክፍል 15.
" ወጣ ብዬ ነበር ፣ አሁን ግቢ ገባሁ አንተ ግን ቅድም ባልተለመደ ሰአት የደወልከው በሰላም ነው•••?"
"ቤት በኩል  ገባሽ••••? •••••ደሞስ ያልተለመደ ማለት ምን ማለት ነው  ••••? " አልኳት። በዛች ቅፅበት  በመደወሏም  በጥያቄዋም ድንብርብሬ ወጥቶ ።
"ምን••••? ቤት በኩል ስትል ••••? አልገባኝም ኤፍዬ ምን ለማለት ፈልገህ ነው•••?"
"ቤት በኩል••••? የምን ቤት በኩል ••••? ቤት በኩል አልኩ  እንዴ ቃልዬ•••? ኧረ አላልኩም! "ስላት•••
"ኪኪኪኪኪኪኪኪ•••••!" ያንን ሳቋን ጆሮዬ ላይ ስትለቀው ይብስ ተደነባብሬ ስልኩ ከእጄ ላይ ወደቀ።
••••ቆይ ግን ሳቅ ሳቅ ያለው በምን ይስቃል••••• የሚል ተረት አልተረቱም እንዴ ሰዎቹ •••? ለበጎ ነው ። ስልኬ በወደቀበት ቅፅበር - ድንገት አዳልጦኝ ይሁን አምልጦኝ በጥየቋት ጥያቄ •••በምላሹ የተሰነዘረብኝን  አደናግር ጥያቄ  በምን መልኩ ማለፍ እንዳለብኝ ትንሽ ለማሰብ ግዜ አገኛለሁ••••እያልኩ ገናስልኬን ከወደቀበት ሳነሳው ደግማ ደወለች።
ለመጀመሪያ ግዜ የቃልዬን ስልክ ላለማንሳት መጨከን ቻልኩ። ጠርቶ ጠርቶ እንደዘጋ አፍታም ሳትቆይ አሁንም ደወለች፣
ምን እንደምላት እርግጠኛ ሳልሆን ማንሳት አልፈለኩም። አፍ ሲከዳ መጥፎ ነው። "ቤት በኩል አለፍሽ•••? የሚል ጥያቄ እንዴት ከአንደበቴ እንደወጣ ፈጣሪ ይወቀው። ይህን ግራ የገባው ጥያቄ አንስቼ " ቤት በኩል ገባሽ ስትል ምን ለማለት ፈልገህ ነው••••?" ስትለኝ
ምን ልበላት••••? እየተከታተልኳችሁ ስለነበር ቤት በኩል ሸውዳችሁኝ ወደ ግቢ እንዴሄዳችሁ ግራ ገብቶኝ ነው ።ወደ ግቢ የምትሄዱ ከሆነ ፣ ከነበራችሁበት ከከዚራ ወደላይ መኮረብ ለምን አስፈለጋችሁ•••?  ከዛው ቆማችሁበት ከነበረው ቦታላይ •••• ፊታችሁን ወደ ባቡር ጣብያው መልሳችሁ በለገሀር ወደ ነምበር ዋን ፣ ከነበርዋን በአዲሱ መንገድ ቀጥታ ወደ ግቢ መሄድ ትችሉ ነበር፣ በዛ መሄድ ካልፈለጋችሁ ደግሞ•••  ቀጥታ ወደ ዲፖ መጥታችሁ ሽቅብ ወደሳብያን በመውጣት ወደ ዩንቨርስቲው መሄድ ትችሉ ነበርኮለምንድን ነው ቀጥታ ወደላይ ወደ ኮኔል አልያም ወደ ሼል ወደሚወስደው መንገድ ወጥታችሁ እናንተም ዙርያጥምጥም ሄዳችሁ  እኔንም የሸወዳችሁኝ •••?  አልላት ነገር ተቸግሬ በማይታመን ሁኔታ ቤት በኩል ገባሽ የሚል ነገር አልተናገርኩም ብዬ ካድኳት።
በዛች ቅፅበት ቀላሉ እና ማሰብ ማሰላሰል የማያስፈልገው  መንገድ መካድ ብቻ ነበር። ምክንያቱም መካድ ምክንያትም ማስረዳትም አይጠይቅም። ብለህም ቢሆን በቃ አላልኩም ካልክ አላልኩም ነው ። አይተህም ቢሆን እአላየሁም ካልክ  አላየሁም ነው።  ነገር ግን መካድ ወይ በቀጣይ እንዳትታመን ያደርግሀል ፣ ወይ ጤንነትህ ጥያቄ ምልክት ውስጥ እንዲገባ ምክንያት ይሆናል።
በተናገርኩ በሰከንዶች ውስጥ አላልኩም ብዬ ስክዳት ምን ነካው ኤፊ ጤነኛ ነው ግን••?  ነው ፍቅር የሚናገረውንም አሳጥቶ ያስቀባጥረው ጀመር ብላ በማሰብ ይሆናል እንደዛ የሳቀችብኝ እንጂ መካዴ  ሳቅ የሚጭር  ሳይሆን ምናልባትም የሚያናድድ ነው።
ቆይ ፍቅር ግን ፍትሃዊ ነው•••? እሷን ከወንድ ጋር አየኋት እንጂ እኔን ከሴት ጋር አላየችኝ ታድያ መደናበር ፣መርበትበት የነበረባት እሷ እንጂ እኔ ነኝ እንዴ! እሷ እየሳቀች እኔ ማጣፊያው አጥሮኝ ግራ መጋባቴ ምን ይሉታል?
እርግጥ ነው እኔ የተደናበርኩት ከልጁ ጋር ተቃቅፋ ስትወዛወዝ እንዳየኋት እንድታውቅ ስላልፈለኩ ነው።
ስለዚህ ጉዳይ በተለይ አሁን ላይ እንድናወራ አልፈልግም። ከወንድ ጋር አየሁሽ! ልጁ  ማነው•••? ምንሽ ነው•••? ብዬ መጠየቅም የለብኝም።
እኔ በራሴ መንገድ እውነቱን ሳላጣራ እና ሳላውቅ አየሁሽ ገለመሌ ብሎ መጠየቅ •••በቀጣይ እንድትጠነቀቅ የማንቂያ ደውል ከመደወል ያለፈ ለኔ የሚፈይድልኝ ነገር አይኖርም።
ቃልዬን መጣላት እና ማጣት አልፈልግም።  ነገር ግን እንዳጣት የማልፈልገው እኔም የሷ ፣ እሷም የኔ ብቻ ከሆነች ብቻ ነው። ከዛ ዉጪ ያለው መንገድ ከደስታው ስቃዩ ያመዝናል።
ቃልዬ አታደርገውም እንጂ ምናልባት ከልጁ ጋር ሌላ ግኑኝነት ካላት አሁን ላይ ምንሽ ነው•••? ብዬ ብጠይቃት •••
"ምንም •••••! በቃ ምኔም አደለም! እንቀራረባለን አለቀ !". ትለኝና የኔን ጥያቄ ባጭሩ ቀጭታው እሷ በድብቅ አለሟን እንድትቀጭ ከማድረግ ያለፈ ሌላ ነገር ትለኛለች ብሎ ማሰብ መጃጃል ነው።
በሁለቱ መሀል ያለው ነገር ለኔ ጥሩም ይሁን መጥፎ ዜና ፣ እውነቱ ላይ መድረስ ያለብኝ በራሴ መንገድ እንጂ እሷን በማወጣጣት አይደለም።
ስለዚህ ምንም ፍንጭ ማሳየት የለብኝም። ቢሆንም ግን አልኩና ••••• " አፈቅራታለሁና በቃልዬ እና በኔ መካከል ችግር እንዲፈጠር አልፈልግም!" አልኩት ፈጣሪዬን ወደ ባጃጄ ጣራ ቀና ብዬ ።
ትንሽ ሄደት  እንዳልኩ ለቃልዬ ልደውልላት ስልኬን በእጄ እንደያዝኩ ከፊት ለፊቴ ምህርት የለሹን ትራፊክ ስላየሁር እሱን አለፍ ብዬ ባጃጄን ጥግ አስይዤ  አቆምኩና  ደወልኩላት።
ትራፊኩን ማየቴ ጥሩ ምክንያት ለጭንቅላቴ ስላቀበለው ምን እንደምላት እርግጠኛ ሆኜ ነበር የደወልኩት።
አንስታው ዝም አለችኝ።
"ሄሎ•••ቃልዬ •••ሄሎ ••••ቃል!"
"ለምን ደወልክ•••••?  መዝጋትህ ሲገርመኝ ጭራሽ ስደውል አለማንሳትህ •••አኩርፌሀለሁ እሺ ቆይ ምን ሆነህ ነው•••?
" አታኩርፊኝ ቃልዬ! ••• ዘግቼብሽ ሳይሆን ስልኩ ከእጄ ላይ ወድቆ ነው፣ ስትደውይ አለማንሳቴ ግን ግድ ነበር!"
"ግድ ነበር ማለት••••?"
"ሁለተኛውን የትራፊክ ህግ ለማክበር!"
"እየቀለድክ ነው ኤፊ••••?"
"ኧረ በጭራሽ ቃልዬ እየቀለድኩ አይደለም ከዚህ በፊት አንዱን አክብረናል ዛሬ ደሞ ሁለተኛውን ማክበር ስላለብን ነው ያላነሳሁት!"
"እህም ምን እያልክ ነው ከዚህ ቀደም እኔና አንተ ብቻ ያከበርነው የትራፊክ ህግ አለ እንዴ?"
"በደንብ እንጂ ቃልዬ ሁሉ ነገር ቢረሳ ያቺ ቀን ትረሳለች እንዴ•••? እኔና አንቺ በተዋወቅን ምሽት አብረን እንድናድር ያስገደደችን እኮ ከጠጡ አይንዱ የምትለው የትራፊክ ህግ ነች።  አሁን ደግሞ እየነዱ ስልክ አያናግሩ በተለይ ከፍቅር ጓደኛዎ ጋር እያወሩ መንዳት ያጋልጣል ለጉዳት ምክንያቱም ልቦ በፍቅረኛዎ ቃል ስለሚወሰድ ልብ ብሎ መንዳት አይቻልም ። ልብ ብለው ካልነዱ አይለይም ገደል እና መንገዱ !" ስላት ብሽቅ ብላ ቆይ አንተ ግን በቅርብ ነው እንዴ መንጃ ፍቃድ ያወጣኸው•••?"
"ማለት•••?" አልኳት።
"እኔ ምን አውቃለሁ የፍቅር እና የትራፊክ ህግ ተደበላልቆብሀልኮ ! ••አብረን ያደርነው የትራፊክ ህግ ለማክበር እእእእእ ስልኬን የማታነሳው የትራፉክ ህግ ለማክበር ••ቆይ የኔና ያንተ ፍቅር የሚመራው በትራፊክ ህግ ነው እንዴ!"
ስትለኝ የንግግሯ ቃና እና በንዴት እየተንተባተበች ቶሎ ቶሎ ቶሎመናገሯ ፣ ከተናገርችው ነገር ጋር ተደምሮ  ከነበርኩበት የመከፋት ስሜት ፈንቅሎ ከልቤ አሳቀኝ። በእርግጠኝነት ወላጆቼን ሞት ከነጠቀኝ በኋላ ለመጀመሩያ ግዜ ነበር እንደዚህ ከልቤ የሳቅኩት።"
https://vm.tiktok.com/ZMrE9sbQM/