🔮Жыл атлары ҳәм олар бойынша болжаўлар
ТЫШҚАН жылы (1972, 1984, 1996, 2008, 2020). Тышқан жылы халыққа қолайлы келеди, жақсы жыл деп есапланады, жаўын көп жаўады, гүзде егинниң өними мол болады. Егинниң баҳасы арзанлайды, бирақ, усы жылы тышқан көп туўады, сонлықтан оның егинге зыяны болады. Тышқан жылы туўылғанлар ақыллы болады. Тышқан түркий календарьда жылдың ортасында туўылған адам өтирикши, қызғаншақ, бирақ келбети келискен болады десе, қытай календарында тил тапқыш, жағымлы, керек сөзди таўып билетуғын, қызық әңгимешил, бирақ сықмар, лаўазымды жақсы көретуғын болады.
СЫЙЫР жылы (1973, 1985, 1997, 2009, 2021). Сыйыр жылы қыс суўық, қатты келеди, ҳайўанлар көп аўырады, егинниң өними төменлеп кетеди. Сыйыр жылы туўылғанлар талантлы, кеўилли, сөзшең, консерватив болады. Адамларға ҳақ нийет, ҳүрмет пенен қарайды. Сыйыр жылы [Қытайда Өгиз] түркий календарьда жақсы жыл. Усы жылы туўылған балалар ҳақ кеўил, ҳәрекетшең. Қытай календарында сыйыр жылы туўылғанлар мийнеткеш, жақсы, оның мийнети қуры кетпейди, жақсы жемис береди, ол өжет, қайтпас, оны өзгертиў қыйын, өзиниң алған бағытынан өлсе де қайтпайды.
ЖОЛБАРЫС жылы (1974, 1986, 1998, 2010, 2022). Жолбарыс жылы қыс ерте түседи, суўық болады. Егинниң өними мол болады, бул жылы туўылғанлар сулыў, сымбатлы болып келеди. Барыс жылы туўылғанлар ҳақ кеўил, жумсақ характерли болып келеди. Олар жетилискен адам болады. Жылдың аяғында туўылғанлар қорқақ, бирақ, ақыллы болады. Қытайларда жолбарыс өз қызығы менен жасайды, басқаның пикири менен есапласпайды. Қыс қысқа, бирақ жүдә қатты суўық болады.
ҚОЯН жылы (1975, 1987, 1999, 2011, 2023). Қоян жылы қыс турақсыз, тез-тез өзгерип турады. Жыл тынышсыз болады, адамлар бири-бири менен урысады. Усы жылы туўылғанлардың көпшилиги атақлы адамлар болады. Қоян жылы туўылғанлар бай болады, өзлерине исенимли, минези жақсы болады. Қытай календары бойынша, олар элегант адамлар, искусствоны жақсы көретуғын, әдебиятты, музыканы жақсы түсинеди. Бул жылы мийўе мол болады, қыс жумсақ, жыллы болады.
УЛЫЎ (Айдәрҳа) (1976, 1988, 2000, 2012, 2024). Улыў жылы жаўын көп болады, егин өнимли болады. Усы жылы туўылғанлардың ден саўлығы күшли, беккем, өзлерин жақсы көреди, жәмийетте атақлы адам болыўды жақсы көреди.
ЖЫЛАН жылы (1977, 1989, 2001, 2013, 2025). Жылан жылы жүдә суўық келеди. Егинниң өними мол болады. Бул жылы туўылғанлар ақыллы, бир сөзли, алға қойған мақсетине жетиў ушын гүреседи, көп сөйлемейди, сумлықлы болады. Бул жылы адам жағдайды түсинип, дурыс шешим қабыллаўы керек, биринши орында адамның актив ҳәрекети емес, ойлаўы, дурыс жолды таңлаўы турады.
ЖЫЛҚЫ жылы (1978, 1990, 2002, 2014, 2026). Жылқы жылы суўық болады. Егинниң өними аз болады. Усы жылы туўылғанлар шыдамлы, қыйыншылыққа төзимли, кеўилли, ақыллы, талантлы болады. Олар еркинликти, ҳеш кимнен ғәрезсиз болыўды жақсы көреди. Бул жылы адам шыдамлы болғаны жақсы.
ҚОЙ (Ешки) жылы (1979, 1991, 2003, 2015, 2027). Қой жылы қыс қатты келеди. Жыл табыслы, өнимдар болып келеди. Усы жылы туўылғанлар жалғызлықты жаман көреди, өтмиштеги өмирин умытады, жақсы жолдас, психолог болады.
МАЙМЫЛ жылы (1980, 1992, 2004, 2016, 2028). Маймыл жылы жаўын және қурғақшылық болады. Бул жылы туўылғанлар турақсыз, қарама-қарсылықлы характерли болады, бирақ, ақыллы, тез уғып алғыш, творчестволық уқыбы күшли болады.
ТАЎЫҚ жылы (1981, 1993, 2005, 2017, 2029). Таўық жылы қыс суўық ҳәм узақ болады. Усы жылы туўылғанлар талантлы, эгоист ҳәм батыл характерли болады.
ИЙТ жылы (1982, 1994, 2006, 2018, 2030). Ийт жылы қыс суўық болады. Адамлар арасында конфликт көп болады. Усы жылы туўылғанлар ҳадал, турақлы, тилге шешен, ҳақыйқатлық ушын гүресшең болады.
ДОҢЫЗ жылы (1983, 1995, 2007, 2019, 2031). Доңыз жылы тәшўишли, адамлардың жасаў жағдайы төменлеп кетеди. Усы жылы туўылғанлар қорықпас, дәў жүрек, тез ашыўланғыш болады. Урысты, тартысты жақтырмайды, тек туўры жол менен жүриўди жақтырады.
Дерек
🔔 Постты жақынларыңызға тарқатың.
👉 @XALIQ_USHIN - тек рәсмий ҳәм исенимли мағлыўматлар
