O‘TKIRBEK MUHAMMAD SOBIR

@utkirbek_muhammadsobir

O‘TKIRBEK MUHAMMAD SOBIR (Uzbek)

O‘TKIRBEK MUHAMMAD SOBIR kanalimizga xush kelibsiz! Bu kanal o‘zbek yozuvchi va shoir O‘tkirbek Muhammad Sobirning ijodiy yaratmishlariga bag‘ishlangan. O‘tkirbek Muhammad Sobir - bu yozuvchilar va adiblar jamiyatida oziga xos o‘rni tutgan shaxs. U yozuvchilik san‘ati bilan taniqli, sherlari va hikoyalariga mamlakatimizda katta e'tibor qilinadi. Kanalimizda O‘tkirbek Muhammad Sobirning asarlari, intervyulari va shoirning hayoti bilan bog‘liq xabarlar va yangiliklar paydo bo‘lishi mumkin. Shuningdek, O‘tkirbek Muhammad Sobirning so‘zlariga ega bo‘lgan saqlangan video va audiolavhalar sizning ma’naviyat va ruhingizni o‘zi bilan o‘z ichiga oladi. Ushbu kanal orqali O‘tkirbek Muhammad Sobirning genial ijodiga oid eng so‘nggi yangiliklardan xabardor bo‘lmoqchi bo‘lsangiz, hech bo‘lmaganda kanalimizga obuna bo‘ling va uning o‘zidan batafsil bilib oling!

O‘TKIRBEK MUHAMMAD SOBIR

19 Nov, 11:03

Sen meni shunchaki yaratganing yo‘q...

O‘tkirbek Muhammad Sobir
Rustamjon domla Hamidov

https://t.me/utkirbek_muhammadsobir

6,195

O‘TKIRBEK MUHAMMAD SOBIR

27 Oct, 12:07

Men ertaning o‘ligiman,
Bugunimga kuymoq ne?
Alvidolar aytar ekan,
Kuygunimcha suymoq ne?

Balki o‘sha erta ham yo‘q,
Erta kechdir o‘limga?
Balki hozir nafasimdan
Oldin chiqar yo'limga?

Nima uchun jon koyitib
Yetmishimni o‘ylayin?
Sakson-u to‘qson, yuzni
Yetmay turib bo‘ylayin?

O‘chadigan shamimga
Bunchalar parvonaman?
Yo dunyocha mehr bor,
Yo shuncha devonaman?

Xayollarni har yoqqa
Sochmog‘imda hikmat yo‘q.
Barin boqiy tarafga
Burmoq uchun himmat yo‘q.

Kecha bugunni devdim,
Bugun esa ertani —
Suvi yo‘q dengizlarga
Sudrayapman kemani.

Men ertaning o‘ligiman,
Yo ertaga yetmayman.
Bugunning bu o‘yi bilan
O‘lib ketsam netgayman?..

O‘tkirbek Muhammad Sobir
Asaka, uy
27.10.2024
17:05

https://t.me/utkirbek_muhammadsobir

2,104

O‘TKIRBEK MUHAMMAD SOBIR

18 Oct, 11:26

Go‘zal maskandan qaytgandim, yangi kitob bilan kutib olishdi. Safarning barakalaridan biri shu bo'lsa, ajabmas.

Yana bir tarjima dunyo yuzini ko‘rdi. Alloh taolo siz aziz kitobxonlar oldida yuzimizni yorug‘ qilsin.

Uzoq va yaqindagi tuzoqlardan olis bo'lishga mazkur asar ham yordam bersa, degan umiddaman.

https://t.me/utkirbek_muhammadsobir

2,236

O‘TKIRBEK MUHAMMAD SOBIR

16 Oct, 08:58

Bolam, sendan keyin dunyo hech o‘nglanmadi. Uvoling tutdi olamni. 😢😢😢

https://t.me/utkirbek_muhammadsobir

2,423

O‘TKIRBEK MUHAMMAD SOBIR

14 Oct, 13:58

Bir necha yil oldin yozilgan "Hajga olib borsam jonim onamni" degan she‘rimni Elyorbek Rahmatov kuyga solibdi. Kichik o‘zgarishlar bor ekan, mayli. Tinglab ko'ringlar-chi?..

https://t.me/utkirbek_muhammadsobir

2,115

O‘TKIRBEK MUHAMMAD SOBIR

14 Oct, 13:54

Холиқ учун тер тўкишдан юз бурган махлуқ учун машаққат тортиш билан синалади.

2,033

O‘TKIRBEK MUHAMMAD SOBIR

12 Oct, 22:08

Замонимизни айблаймиз, айб бизда,
Замонимизнинг биздан бошқа айби йўқ!

Имом Шофеъ раҳматуллоҳи алайҳ

1,935

O‘TKIRBEK MUHAMMAD SOBIR

12 Sep, 18:23

Уйга қайтдим
Бир шеър ёзмай
Мадинадан.
Асли илҳом изин қувиб
Бормадим ҳам.
Маст эдим мен,
Сархуш эдим
Сакийнадан —
Сўздан олий, шеърдан аъло,
Руҳга малҳам.

Кўкка боқдим,
Кўкнинг кўзи менда эди,
Ҳавас эди нигоҳига тўлган ҳиси.
Оёғингни қаттиқ босиб юрма деди,
Бошга тож эт Расулуллоҳ босган изин.

Пойимда оқ мармар оппоқ денгиз мисол,
Сокин оқар яшил қубба қирғоғига.
Соҳил ошиб ета олмас,
Топмас висол,
У ҳам кўкдек боқар шоир қароғига.

Мен бахтлиман!
Кўзим ёши ёмғирда йўқ!
Денгизда йўқ кипригимга илашган нам!
Ҳиқилласам ҳовуридан туташиб чўғ,
Руҳим ёнгай Расулуллоҳ деб йиғласам!

Нима бўпти қалам бир бор йўнилмаса?
Нима бўпти шеъристонга бир сиғмасам?
Илҳом асли ҳаддин билур, ақли расо,
Сўзим ёнгай Расулуллоҳ деб йиғласам...

Бақийларга жон увушиб термилганда,
Кўнгилга шеър сиғармиди, шўри қурсин.
Дармон битгай дард битганда хаста танда,
Дарди йўқлар, Худо ҳаққи, бориб кўрсин.

Мадинага илҳом излаб
Борганим йўқ,
Ишқ изладим
Ҳар бир тошу деворидан.
Оташидан тушган эди
Бир лахча чўғ,
Ўлай дедим
Жон ёқувчи хуморидан.

Ўлай агар, ёлғон эмас, кетди илҳом,
Шеър не экан, сўз не экан Мадинада?..
Инграйвердим ич-ичимдан бомдоду шом,
Қоғоз тутмоқ ёдга тушмас сакийнада...

Яна борсам,
Яна ёнсам,
Шеърдан қолсам!
Соғинч байти асил илҳом овозидир.
Расулуллоҳ деб юракдан йиғлай олсам,
Бутун умр ёзмай ўтсам дил розидир!

Ўткирбек Муҳаммад Собир
Асака | 12.09.2024 | 23:18

6,076

O‘TKIRBEK MUHAMMAD SOBIR

09 Sep, 03:02

“Саҳиҳи Муслим“даги ҳадислардан бирида ширин жумла бор:

Расулуллоҳ соллаллоҳу алайҳи васаллам кулдилар ва: “Қадимда “Аллоҳим, менга жонимдан ҳам маҳбуброқ ҳабиб ато қил!“ деган одамга ўхшабсан“, — дедилар.

Ўша қадимги одамнинг гапидан илҳом олиб айтамизки:

Аллоҳим, менга жонимдан ҳам маҳбуброқ қилганинг Ҳабибинг муҳаббатини зиёда айла.

3,516

O‘TKIRBEK MUHAMMAD SOBIR

08 Sep, 07:07

Senga mendek intizor-u
Menga Sendek xaridor yo'q.

3,042

O‘TKIRBEK MUHAMMAD SOBIR

08 Sep, 06:44

"Labbay, Allohim, labbay" kitobi Umrada zarur hamroh. Safar oldidan o'qing va yon sumkaga solib qo'yishni unutmang.

https://t.me/utkirbek_muhammadsobir

2,792

O‘TKIRBEK MUHAMMAD SOBIR

04 Sep, 12:05

Shu Istanbul boshqacha-da.
Suyukli Uskudarga keldim. Shamsi Ahmad Posho majmuasidagi kutubxonaga kirdim. Biroz ishlashim kerak edi. Tushlik payti yaqinlashgan ekan. Bir xodim patnisda non, sho‘rva ko‘tarib keldi. Qo‘li qaytmasin deb sho‘rvani oldim. O‘y aralash ishladim...

Ishdagi ma‘lum reja bajarilsa, tashqariga chiqaman: eshikdan o‘tishim bilan dengiz...

Boshqa narsa yozmay qo‘yaveray-a?..

https://t.me/utkirbek_muhammadsobir

2,867

O‘TKIRBEK MUHAMMAD SOBIR

25 Aug, 15:10

🎵 Navruz Umar - Madinaga qachon boramiz

O‘tkirbek Muhammad Sobir she‘ri

4,362

O‘TKIRBEK MUHAMMAD SOBIR

24 Aug, 17:42

Пушаймонлар бошлаб келди ҳузурингга

Матнни муаллиф ўқиган

https://t.me/utkirbek_muhammadsobir

3,757

O‘TKIRBEK MUHAMMAD SOBIR

23 Aug, 12:51

Боғларга намозгар салқини тушди,¹
Мени асрларга асир эт, ё Рабб.
Қазолар юзидан юрак увушди,
Шомнинг қуёшида илисин бу қалб.

Хуфтонсиз дилимни этмагин хуфтон,
Субҳи содиқларда бергин садоқат.
Зуҳрда ўн бора ҳузурлансин жон,
Бутун бир умримга зикринг ҳаловат...

Ўткирбек Муҳаммадсобир

¹ Усмон Носир сўзи

4,251

O‘TKIRBEK MUHAMMAD SOBIR

20 Aug, 11:34

O'tkirbek Muhammad Sobir
Muhammad Rasul qori

Eslatma: ikkinchi she‘r bizniki emas.

3,439

O‘TKIRBEK MUHAMMAD SOBIR

04 Aug, 15:37

Вақт ўтиб қанчалар ўзгарар инсон!
Қай расмимга боқсам, мен эмасман.
Қайда эски кунлар, шавқу ҳаяжон,
Бу кулиб турган одам мен эмасман.
Ёлғондир, қайғусиз эканим ёлғон.

Жоҳид Сидқи Таранжи

https://t.me/utkirbek_muhammadsobir

5,008

O‘TKIRBEK MUHAMMAD SOBIR

23 Jul, 12:34

ЎЗИМНИ КЕЧИРСАМ ҲАММАДАН АВВАЛ

Ўткирбек Муҳаммадсобир
Абдукарим Мирзаев

https://t.me/utkirbek_muhammadsobir

4,534

O‘TKIRBEK MUHAMMAD SOBIR

04 Jul, 13:46

98 yoshli hamsafar otamizning so‘zlari

5,418

O‘TKIRBEK MUHAMMAD SOBIR

27 Jun, 07:05

Ilhaq bo'lsa poyingga dunyo,
Nigohing-la baxtiyor etsang,
Sen desalar, sen esa ammo
Madinani sog'inib ketsang.

Kel desalar har lahza intiq,
Sabrlarin beqaror etsang.
Xayr desang, umring bo'lib ziq,
Madinani sog'inib, ketsang.

O’tkirbek Muhammad Sobir
Oqtosh / 27.06.2024 / 11:48

4,861