University of Gondar (UoG)

የጎንደር ዩኒቨርሲቲ ዓለም አቀፍ የአካል ጉዳተኞች ቀንን በተለያዩ ዝግጅቶች አከበረ
*******
የጎንደር የኒቨርሰቲ “የአካል ጉዳተኞችን የአማራርነት ሚና በማጉላት አካታችና ዘላቂ ልማትን ማረጋገጥ” (Amplifying the Leadership of Persons with Disabilities for an Inclusive and Sustainable Future)” በሚል መሪ ቃል፣ በዓለም አቀፍ ደረጃ ለ 33ኛ ጊዜ - በሀገራችን ደረጃ ደግሞ ለ 32ኛ ጊዜ የሚከበረውን ዓለም አቀፍ የአካል ጉዳተኞች ቀን ዛሬ ህዳር 28/2017 ዓ.ም በተለያዩ ዝግጅቶት አክብሯል፡፡

በእግር ጉዞ የተጀመረው ይህ መርሀ ግብር፣ በዩኒቨርሰቲው የአካል ጉዳት ጥናትና አገልግሎት ዳይሬክትር፣ በዩኒቨርሲቲው ማስተር ካርድ ፋውንዴሽን ስኮላርስ ፕሮግራም እንዲሁም በዩኒቨርሰቲው የአካል ጉዳተኞች ማህብር በጋራ በትብብር የተዘጋጀ ሲሆን፣ የጎንደር ዩኒቨርሲቲ ፕሬዚዳንት ዶ/ር አስራት አጸደወይን፣ የዕለቱ ልዩ የክብር እንግዳ አቶ መርሀፅድቅ መኮንን፣ የአማራ ክልል ሴቶች፣ ህጻናትና ማህበራዊ ጉዳይ ቢሮ ም/ኃላፊ ወ/ሮ ንጹህ ሽፈራው፣ የአማራ ክልል የአካል ጉዳተኛ ማህበራት ፌዴሬሽን ፕሬዚዳንት አቶ ፍሬሰላም ዘገየ፣ የዩቨርሲቲው ማስተር ካርድ ፋውንዴሽን ስኮላርስ ፕሮግራም ዳይሬክተር ዶ/ር ሞላልኝ በላይ (ስለ በዓሉ መልዕክት ያስተላለፉ)፣ የዩኒቨርሲቲው የአካል ጉዳት ጥናትና አገልግሎት ዳይሬክተር አቶ ታረቀኝ አስናቀ (እንግዶችን በእንኳን ደህና መጣችሁ ንግግር የተቀበሉ)፣ የዩኒቨርሰቲው የአካል ጉዳተኛ ተማሪዎች እንዲሁም የዩኒቨርሲቲው የአካል ጉዳተኛ ሰራተኞችና ጥሪ የተደረገላቸው እንግዶች በበዓሉ አከባበር ስነ-ስርዓት ላይ ተሳትፈዋል፡፡

በጎንደር ዩኒቨርሲቲ ያለው አሰራርና ሌሎች ምቹ ሁኔታዎች ለአካል ጉዳተኛ ተማሪዎችም ተስማሚ በመሆናቸው ተቋሙ በቀዳሚ ደራጃ እንዲመረጥ እንዳስቻለውና በአሁኑ ሰዓት በሌሎች የትምህርት ተቋማት ባልተለመደ ሁኔታ ከ 500 በላይ የአካል ጉዳተኛ ተማሪዎችን፣ ከ 86 በላይ የአካል ጉዳተኛ ሰራተኞችን እንዲሁም 22 የአካል ጉዳተኛ መምህራንን በልዩ ትኩረት ለማካተት እንደተቻለ ዶ/ር አስራት በመክፈቻ ንግግራቸው ተናግረዋል፡፡ ዩኒቨርሰቲው ከመማር ማስተማሩ በተጨማሪ ልዩ ድጋፎችን በማድረግና የተለያዩ መሰረተ ልማቶችን በማሟላት አካል ጉዳተኞች በትምህርት፣ በማህበራዊ ጉዳይና በኢኮኖሚ ተጠቃሚ እንዲሆኑ ለማድረግ በላቀ ሁኔታ እየሰራ እንደሚገኝም በፕሬዚዳንቱ ተገልጿል፡፡

ይህ በዓል ሲከበር አካል ጉዳተኞች ያሉባቸው ውስንነቶች የሚታወሱበት ሳይሆን፣ ለሀገራችን ብሎም ለዓለማችን ያላቸውን ጉልህ ድርሻ የምንዘክርበት እንዲሁም ጥንካሬአቸውን፣ አይበገሬነታቸውንና ቁርጠኝነታቸውን የምንዘክርብት ዕለት ጭምር እንደሆነ ዶ/ር አስራት በማጠቃለያ ሀሳባቸው ተናግረዋል፡፡

እንደ ሌሎች ሰዎች ሁሉ ሰብዓዊ ከበሬታ (Human Dignity) ሲገባቸው የአካል ጉዳተኞች በሀገራችን ብሎም በዓለም አቀፍ ደረጃ በሚገባቸው ልክ የሰብዓዊ መብቶች ባለቤት ሆነዋል ለማለት እንደሚያስቸግር ባደረጉት የቁልፍ ንግግር የገለጹት ደግሞ የዕለቱ የክብር እንግዳ አቶ መርሀ-ጽድቅ መኮነን ናቸው፡፡ ስለሆነም ከዚህ ስሁት አመለካከት በመላቀቅ እርስ በእርስ ተደጋግፎና ተሳስቦ የመስራት ባህል ማሳደግ እንደሚገባ በአቶ መርሀጽድቅ ንግግር አጽንኦት ተሰጥቶታል፡፡

የአማራ ክልል ሴቶች፣ ህጻናትና ማህበራዊ ጉዳይ ቢሮ ም/ኃላፊ ወ/ሮ ንጹህ በተመሳሳይ መልኩ በዕለቱ መርሀ ግብር አብይ መልዕክት አስተላልፈዋል፡፡ በሁሉም የህይዎት መስኮች ከአካል ጉዳተኞች ጋር ተያያዥነት ያላቸው ሚዛናዊ ያልሆኑ አመለካከቶችን፣ የተዛቡ አቋሞችንና ጎጂ ልማዶችን በጋራ መዋጋት እንደሚገባና፣ ሁሉም የህብረተሰብ ክፍል በአካል ጎዳተኞች እምቅ ችሎታና አስተዋጽኦ ረገድ ሊኖረው የሚገባውን ግንዛቤ ከፍ ለማድረገ ሰፊ ስራ መሰራት እንዳለበት በም/ል ኃላፊዋ መልዕክት ትኩረት ተደርጎበታል፡፡

በዕለቱ መሰናዶ አካል ጉዳተኝነትና አመራርነትን የተመለከተ ለውይይት የሚሆን መነሻ ጹሁፍ በዩኒቨርሲቲው የህግ መ/ር በሆኑት በ ዶ/ር በቀለ አዳነ ቀርቦ ከተሳታፊዎች ጋር ውይይት ተደርጓል፡፡ በዩኒቨርሰቲው የአካል ጉዳተኛ ተማሪዎች የተለያዩ ኪነ-ጥበባዊ ስራዎች ቀርበዋል፣ ስፖርታዊና የጎዳና ላይ ትይንቶችም ተከናውነዋል፡፡ በመጫረሻም በዩኒቨርሲቲው የአካል ጉዳተኛ ሰራተኞች ማህበር ፕሬዚዳንት በሆኑት በአቶ ስዩም ጥላሁን የማጠቃለያና የመዝጊያ ንግግር ተደርጎ ፕሮግራሙ ተጠናቋል፡፡
*******
ለልህቀት እንተጋለን!
የህዝብና ዓለምአቀፍ ግንኙነት ዳይሬክቶሬት
ህዳር 28/2017

በዓለም አቀፍ ደረጃ ከፍተኛ ልምድ ካላቸው ምሁራን ጋር የልምድ ልውውጥ ተካሄደ
******
ለበርካታ ዓመታት ኑሯቸውን አሜሪካን ሀገር አድርገዋል፡፡ በዚያው በአሜሪካን ሀገር ከመማር ማስተማሩ በተጨማሪ የተለያዩ ተቋማትን በኃላፊነት እየመሩ የሚገኙ ግለሰቦች ናቸው፡፡ ሁለቱ ግለሰቦች ከመደበኛ ስራቸውም በተጨማሪ በአሁኑ ጊዜ የወጡበትን ማህበረሰብ የኑሮ ሁኔታ ለማሻሻል በተለያዩ ዘርፎች እያገለገሉ የሚገኙ ሀገር ወዳድ ኢትዮጵያዊ ናቸው::

ዶ/ር ተፈሪ ጸጋየ - በሀገረ- አሜሪካ በግብርናው ዘርፍ የብሄራዊ ፕሮግራም ኃላፊ (USDA, ARS – United States Department of Agriculture, National Program Leader) እንዲሁም አቶ መዝገቡ ዘመነ - በሀገረ-አሜሪካ የአዕምሮ ጤና ክሊኒሻል፣ ካልሄርሀብ የተሰኘ ድርጅት መስራችና ዋና ስራ አስፈጻሚ (CIPM, ACSW, MSW and EDPM – Founder and CEO) ናቸው፡፡ እነዚህ ምሁራን በጎንደር ዩኒቨርሲቲ የተደረገላውን ግብዣ በመቀብል ህዳር 27/2017 ዓ.ም፣ በውጪ ሀገር ያካበቱትን ልምድና እውቀት ያለ ስስት ለዩኒቨርሲቲው ማህበረሰብ በዩኒቨርሲቲው አልሙኒየም ህንጻ የመሰብሰቢያ አዳራሽ አጋርተዋል፡፡

የጎንደር ዩኒቨርሲቲ ራስ-ገዝ ዩኒቨርሲቲ ለመሆን የሚያደርገውን ጉዞ በተመለከተ ያላቸውን ተሞኩሮ ከማካፈልም በተጨማሪ ዓለም አቀፍ ጥናትና ምርምሮችን ተወዳደሪ በሆነ መልኩ በማካሄድ እንዴት ተጨማሪ ገቢ ማስገኘት እንደሚቻል በዶ/ር ተፈሪ በገለጻ የቀረበ ሲሆን፣ ውጪ ሀገር ካሉ አቻ ዩኒቨርሲቲዎች ጋር በጋራ መስራትን በተመለከተ ደግሞ በአቶ መዝገቡ ከቀረበ በኋላ ከተሳታፊዎች ጋር ውይይት ተደርጓል፡፡

የጎንደር ዩኒቨርሲቲ በሚቀጥለው ዓመት ራስ-ገዝ ዩኒቨርሰቲ ለመሆን ለሚያደርገው ሁሉን አቀፍ ቅድመ ግጅት እገዛ ለመስጠት ብሎም በአለም አቀፍ ደረጃ ይበልጥ ተወዳዳሪ ለመሆን ለሚደረገው እንቅስቃሴና ቅድመ ዝግጅት፣ ምሁራኑ ፈቃደኛ ሆነው ከባህር ማዶ ያገኙትን ልምዳቸውን፣ እውቀታቸው ክህሎታቸው በማካፈላቸው በፕሬዚዳንቱ በኩል ልዩ ምስጋና ተችሯቸዋል፡፡ ፕ/ዳንቱ አያይዘውም በአለም አቀፍ ደረጃ ተወዳዳሪ የሆነ የሰው ኃይል ለመፍጠርና ተመራጭ ታቋም ለመገንባት መሰል የልምድ ልውውጦች ፋይዳቸው የጎላ መሆኑን ተናግረዋል፡፡

ያናገርናቸው አንዳአንድ ተሳታፊዎች ከስልጠናው በርካታ ልምዶችንና ተሞክሮዎችን እንዳገኙ ገልጸውልናል፡፡ ለአብነትም ፕ/ር ቡሻ ተአ - በምህራኑ ስለ አለም አቀፍ ዩኒቨርሲቲዎች ተሞክሮ በሚማርክ አቀራረብ ከመቅረቡም ባሻገር ከራሳቸው የስኬት ጉዞና ከህይዎት ተሞክሯቸው ብዙ ልምድና ዕውቀት እንዳገኙበት ገልጸዋል፡፡
***********
ለለህቀት እንተጋለን!
የህዝብና ዓለምአቀፍ ግንኙነት ዳይሬክቶሬት
ሀዳር 27/2017

ለመስክ ቡድን ስልጠና ፕሮግራም (TTP) ለሚወጡ የህክምናና ጤና ሳይንስ ኮሌጅ ተመራቂ ተማሪዎች የስራ ስምሪትና ትውውቅ ስልጠና መሰጠት ተጀመረ
*********
በጎንደር ዩኒቨርሲቲ ህክምናና ጤና ሳይንስ ኮሌጅ ለ2017 ዓ/ም የትምህርት ዘመን በመጀመሪያው ዙር ለመስክ ቡድን ስልጠና ፕሮግራም (TTP) ለሚወጡ ተመራቂ ተማሪዎች ከዛሬ ህዳር 27/2017 ዓ/ም ጀምሮ እስከ ነገ ህዳር 28/2017ዓ/ም ለሁለት ቀናት የሚቆይ በመስክ ቡድን ስልጠና (TTP) ዙሪያ የስራ ስምሪትና ትውውቅ ስልጠና በሳይንስ አምባ የመሰብሰቢያ አዳራሽ በመሰጠት ላይ ነው፡፡

በዚህ የትውውቅና የስልጠና መርሃ ግብር የጎንደር ዩኒቨርሲቲ ህክምናና ጤና ሳይንስ ኮሌጅና አጠቃላይ ሪፈራል ሆስፒታል ቺፍ ኤክስኪዩቲቭ ዳይሬክተር ዶ/ር አይንሸት አዳነ ፣ የጤና ትምህርትና የህክምና አገልግሎት ኮርፖሬት ዳይሬክቶሬት ዳይሬክተር አቶ ደምስ ሙላቱ ፣ የጤና ት/ት ኮርፖሬት ም/ዳይሬክተር አቶ ያደለው ይመር፣ የህብረተሰብ ጤና አጠባበቅ ተቋም ም/ዳይሬክተር ዶ/ር አዳነ ከበደ፣ የመስክ ቡድን ስልጠና አስተባባሪ አቶ ጋረደው ታደገ፣ አሰልጣኝ መምህራንና ተማሪዎች ተገኝተዋል፡፡

መርሀ-ግብሩን በንግግር የከፈቱት የጎንደር ዩኒቨርሲቲ ህክምናና ጤና ሳይንስ ኮሌጅና አጠቃላይ ሪፈራል ሆስፒታል ቺፍ ኤክስኪዩቲቭ ዳይሬክተር ዶ/ር አይንሸት አዳነ፣ ፕሮግራሙ ኮሌጁ ስራ ከጀመረበት ጊዜ አንስቶ አሁን ድረስ ዩኒቨርሲቲው በጉልህ የሚታወቅበት፣ መማር ማስተማሩን በጥሩ እይታ የሚያስቀጥል፣ ጥሩ ትዝታዎችንና የመማሪያ መድረኮችን የሚፈጥር ፕሮግራም እንደሆነ ተናግረዋል፡፡ ዶ/ር አይንሸት አያይዘውም ተማሪዎች በቆይታቸው ትኩረት ሊሰጧቸው የሚገቡ ጉዳዮችን በዝርዝር አቅርበው ቆይታቸው የተሳካ እንዲሆን ያላቸውን ምኞት ገልፀዋል፡፡

በመቀጠል ደግሞ በህክምናና ጤና ሳይንስ ኮሌጅ የህብረተሰብ ጤና አጠባበቅ ተቋም ም/ዳይሬክተር የሆኑት ዶ/ር አዳነ ከበደ፣ የመስክ ቡድን ስልጠና ፕሮግራም (TTP) ያለውን ሁለንተናዊ ፋይዳ በዝርዝር አቅርበው ተማሪዎች ቀጣይ ባላቸው የሶስት ሳምንት ጊዜ የማህበረሰቡን ማህበራዊና ኢኮኖሚያዊ ችግሮች በውል በመረዳት ባላቸው አቅም፣ጊዜና ሀብት የተመጠነ ፕሮጀክት በመስራት በ (TTP) የራሳቸውን አሻራ እንደሚያሳርፉ ያላቸውን እምነት ገልፀዋል፡፡

በ2017ዓ/ም የመጀመሪያው ዙር ለመስክ ቡድን ስልጠና ፕሮግራም (TTP) ለሚወጡ የህክምናና ጤና ሳይንስ ኮሌጅ ከሚድ ዋይፈሪ፣ ከአንስቴዥያ፣ ከፊዚዮ ቴራፒ፣ ከኢመርጀንሲና ክሪቲካል ኬር ነርሲንግ፣ ከኮምፕሪሄንሲቭ ነርሲንግና ከፋርማሲ ትምህርት ክፍሎች ተመራቂ ተማሪዎች በጎንደር ከተማ አስተዳደር በሚገኙ በተለያዩ የጤና ተቋማት ማለትም፣ በማራኪ፣በፖሊ፣ በምንትዋብና በገብርኤል ጤና ጣቢያዎች እንደሚወጡ የመስክ ቡድን ስልጠና አስተባባሪ የሆኑት አቶ ጋረደው ታደገ የገለፁ ሲሆን፣ ተማሪዎቹ በመስክ ቡድን ስልጠና (TTP) ቆይታቸው ሊያከናውናቸው የሚገቧቸውን ተግባራትንና ሌሎች አስተዳደራዊ ጉዳዮችን በዝርዝር አስረድተዋል፡፡

በዚህ የመስክ ቡድን ስልጠና (TTP) ፕሮግራም የስራ ስምሪትና ትውውቅ ስልጠና መርሃ ግብር በተለያዩ ምሁራን ስልጠና እየተሰጠ ሲሆን፣ የመስክ ቡድን ስልጠና (TTP) ፕሮግራም ታሪካዊ ዳራው ምን ይመስላል? የሚል ገለፃና የልምድ ተሞክሮ በጎንደር ዩኒቨርሲቲ የህብረተሰብ ጤና አጠባበቅ ተቋም መምህርና ተመራማሪ በሆኑት በፕ/ር አምሳሉ ፈለቀ ቀርቧል፡፡ በሌሎች የስራ ክፍል ኃላፊዎችና መምህራን ደግሞ በተያያዙ ርእሰ ጉዳዮች ዙሪያ ስልጠናው በመሰጠት ላይ ይገኛል፡፡
*********
ልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 27/2017ዓ/ም

Join Us for an Exciting Seminar on University Autonomy!

We are thrilled to invite you to our upcoming seminar on University Autonomy. This event will explore the importance of autonomy in higher education and its impact on institutional growth and academic freedom.

Don’t miss this opportunity to engage with experts on this critical topic. This seminar is a key part of the University of Gondar's current preparations for autonomy, helping us to better tailor our programs to meet the needs of our students and community, improve our research capabilities, and strengthen our partnerships both locally and internationally.

#UniversityAutonomy #HigherEducation #AcademicFreedom #Seminar #EducationReform

University of Gondar and University of Sinnar Sign Memorandum of Understanding.
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
On November 30, 2024, the University of Gondar and the University of Sinnar signed a Memorandum of Understanding to foster academic and research collaboration. The MoU was signed by Prof. Binyam Chakilu, Vice President for Research and Technology at the University of Gondar, and Prof. Dr. Abderrhman Ahmed Ismail, Vice Chancellor of the University of Sinnar.

The agreement is designed to strengthen ties between the two institutions through joint research projects, grant opportunities, and student and faculty exchange programs. Additionally, the MoU envisions creating internship opportunities across various fields of study.

The signatories expressed that the agreement marked a major milestone in both universities’ shared commitment to academic and research innovation, as well as global partnerships. They also said that both universities are dedicated to promoting cultural exchange.
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
Devoted for Excellence!
Public Relations Directorate
December 1, 2024

ለ 2017 ዓ/ም የትምህርት አመን የአንደኛ ዓመት ተማሪዎች የእንኳን ደህና መጣችሁ፣ የትውውቅ ፕሮግራም እና ለተማሪዎች በሚሰጡ አገልግሎቶች ላይ የግንዛቤ መፍጠሪያ መርሃ ግብር ተካሄደ፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
የጎንደር ዩኒቨርሲቲ አዲስ ወደ ዩኒቨርሲቲው ተመድበው ለሚገቡ ተማሪዎች በቅድሚያ የትውውቅና የስልጠና ፕሮግራሞችን እንደሚያካሂድ ይታወቃል፡፡

በተመሳሳይ በ2017ዓ/ም የትምህርት ዘመንም አዲስ ገቢ ለሆኑ የአንደኛ ዓመት ተማሪዎች የእንኳን ደህና መጣችሁ፣ የትውውቅ ፕሮግራም እና ለተማሪዎች በሚሰጡ አገልግሎቶች ላይ የግንዛቤ መፍጠሪያ መርሃ ግብር ዛሬ ህዳር 21/2017 ዓ/ም በማራኪና በአጼ ቴዎድሮስ ግቢ የተማሪዎች የመመገቢያ አዳራሽ ተካሂዷል፡፡

በዚህ መርሃ ግብር የአካዳሚክ ም/ፕሬዚዳንት ዶ/ር ካሳሁን ተገኘን ጨምሮ ዳይሬክተሮች፣ ዲኖችና ሌሎች የሚመለከታቸው የስራ ክፍል ኃላፊዎች ተገኝተዋል፡፡

ይህ መርሃ ግብር ወደ ዩኒቨርሲቲው ተመድበው አዲስ የመጡ ተማሪዎች በቆይታቸው ጊዜአት ውጤታማ የሚያደርጓቸውን ባህሪያት እንዲላበሱ የሚረዱ የተለያዩ ህጎችንና መመሪያዎችን ለማወቅ የሚያስችል ፕሮግራም እንደሆነ በመርሃ ግብሩ መክፈቻ ቁልፍ ንግግራቸው የገለፁት የአካዳሚክ ም/ፕሬዚዳንት ዶ/ር ካሳሁን ተገኘ፣ የትምህርት ዘመኑ ውጤታማ እንዲሆንላቸው ያላቸውን መልካም ምኞት ገልፀዋል፡፡

በዚህ መርሃ ግብር በተለያዩ የስራ ክፍሎች አጫጭር ገለፃ የቀረበ ሲሆን፣ በአቶ ቢትወደድ አድማሱ የሬጅስትራርና የጋራ ኮርሶች አሰራር፣ በአቶ አንዳርጌ ሰጣርገው ደግሞ የቤተ-መጻሕፍት አገልግሎትን በተመለከተ ገለፃ ቀርቧል፡፡

በተጨማሪም በዶ/ር ይታያል፣ በኢንስፔክተር ዋለ ፍቃዱና በዶ/ር ታደሰ ወ/ገብርኤል በተከታታይ በተማሪዎች አገልግሎት እና ዲስፕሊን ጉዳዮች፣ ከጥበቃና ደህንነት ጋር በተያያዙ ጉዳዮችና በጎንደር ዩኒቨርሲቲ ቤተሰብ ፕሮጀክት ጋር በተያያዘ አጫጭር ገለፃዎች ቀርበዋል፡፡

በመጨረሻም በተለያዩ የሥራ ክፍሎች በቀረቡት ገለፃዎች ላይ አስተያየጥና ጥያቄዎች እንዲሰጥባቸው ተደርጎ ሰፊ ውይይት ተካሂዶባቸው መርሃ ግብሩ ተጠናቋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨

ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 21/2017ዓ/ም

"ከወባ ነጻ አካባቢ ለተሻለች ኢትዮጵያ - Malaria free environment for better Ethiopia!" በሚል መሪ ቃል የወባ መከላከልና መቆጣጠር ግንዛቤ ፈጠራ ምክክር መድረክ በዛሬው ዕለት አካሂደናል።

በዕለቱ የአገር ሽማግሌዎችና የሀይማኖት አባቶችን ጨምሮ የፌደራል፣ የክልል፣ የተለያዩ ዞኖችና ከተማ አስተዳር ተወካዩች፣ ባለድርሻ አካላትና አጋር ድርጅቶች ተሳትፈዋል።

የወባ በሽታ በሀገራችን፣ በተለይ በክልላችን ተከስቶ ከፍተኛ ማኅበራዊና ኢኮኖሚያዊ ቀውሶችን እያደረሰና ከዚህ ቀደም ተከስቶ በማይታወቅባችው ከፍተኛ ቦታዎች (ደጋማ እና ወይና ደጋ) ሳይቀር ከፍተኛ ጉዳት እያደረሰ ነው፡፡ ከዚህ በተጨማሪ ለረጅም ጊዜ በቀጠሉ ግጭቶችና ጦርነቶች ምክንያት የጤና ተቋማት አገልግሎት መስጠት ባለመቻላቸው የወባ ሕክምናን ጨምሮ አስፈላጊ የጤና አጠባበቅ አገልግሎቶችን ለማዳረስ የበለጠ ፈታኝ አድርጎታል።

አሁን ያለንበት ሁኔታ የወባ ወረርሸኝን ለመቆጣጠር ፈታኝ ቢመስልም በዓለም አቀፍና በአህጉራችን ያሉት ተሞክሮዎች የሚያሳዩት ግን ሁሉም ባለድርሻ አካላት በቅንጅት፣ በትኩረትና ወጥ በሆነ መልኩ መከላከልና መቆጣጠር ላይ ከሠሩ የወባ በሽታን መቆጣጠር እና መከላከል ብቻ ሳይሆን ማጥፋትም እንደሚቻል ነው።

ከቅርብ ዓመታት በፊት 40 በመቶው ሕዝቧ በወባ ወረርሽኝ ይጠቃባት የነበረችዉ ግብፅ በያዝነው የፈረንጆቹ ዓመት ከወባ ነጻ የሚል የምስክር ወረቅት ከዓለም የጤና ድርጅት አግኝታለች፡፡

እኛም ሁሉን አቀፍ የወባ በሽታ መከላከል እና መቆጣጠር ሥራዎችን በትጋት፣ በቁርጥኝነትና በቅንጅት በመሥራት እንዲሁም ማኅበረሰቡን በማስተማር፣ በማነቃቃትና በማሳተፍ ሕዝባችን ከወባ በሽታ መታደግ እንችላለን፡፡

የጎንደር ዩኒቨርሲቲ የወባ በሽታን ለመከላከልና ለመቆጣጠር የወባ ምርምርና ሕክምና ማዕከል (Malaria Research and Treatment Center) እና የሕብረተሰብ ጤና አደጋዎች ምላሽ ማስተባበሪያ ማዕከል (public health emergency operations center) ከፍቶ ከተለያዩ አጋር አካላት ጋር በመተባበር፦

👉 በወባ በሽታ ምርመራ ላይ ባሉ ተግዳሮቶች፣

👉 በወባ ተዋስያን የመድሃኒት መላመድ መጠን እና ምክያቶች፣

👉 በከልላችን ያለው የወባ በሽታ አምጭ ተዋስያን ዘረመል ደረጃ ላይ ያሉ ስርጭት መጠንና አይነት እንዲሁም በወባ ትንኝ ዙሪያ በርካታ የምርምር ሥራዎች የተሠሩ ሲሆን በሕክምናውም ውጤታማ ሥራዎች እየተሠሩ ይገኛገሉ።

የወባ ወረርሽኝን ለመከላከልና ለመቆጣጠር መንግስትና ሌሎች ባለድርሻ አካላት ከሚያደርጉት ጥረት በተጨማሪ ሕዝባችንም የወረርሽኙን አስከፊነት በመረዳት፦

👉 ለወባ ትንኝ መራቢያነት አመቺ የሆኑ የታቆሩ ውኃዎች በማፋሰስና በማስወገድ፣

👉 በፀረ ትንኝ ኬሚካል አብሮ የተሸመነ አጎበር በአግባቡ በመጠቀም፣

👉 በበሮችና መስኮቶቹ ላይ እንደ ወንፊት ያለ መከለከያ በማድረግ፣

👉 ወባ በተደጋጋሚ ወደሚከሰትባቸው ቦታዎች ከመሄድ በፊት ወቅታዊ መረጃ በማግኘት፣

👉 ከጤና ባለሙያዎች የሚሰጡ ምክሮችን በመቀበልና በመተግበር እንዲሁም

👉 የወባ በሽታ ምልክት የሚያሳይን ሰው በአፋጣኝ የሕክምና እርዳታ እንዲያገኝ በማድረግ የወባ በሽታን እንድንከላከል በዚሁ አጋጣሚ አደራ እላለሁ።

በድህነት፣ ባለመረጋጋት እና በበሽታ ድርብርብ ፈተና የሚሰቃይ ኅብረተሰብ አምራች ሊሆን አይችልምና ከምንገኝበት አስከፊ ሁኔታ እንድንወጣ የሁላችንም ጥረትና ርብርብ አስፈላጊ ነው።

በአሜሪካ፣ በአውሮፓ፣ በእስያ እንዲሁም በአንዳንድ አፍሪካ አገራት ሳይቀር የሚደርሱትን ተከታታይና እጅግ አውዳሚ አደጋዎች በሚያስደንቅ አኳኋን የሚቆጣጠሯቸው እና የከፋ ጉዳት ሳይደርስ የሚቀረው ሁሉም አካላት በትብብርና በቅንጅት መንፈስ ስለሚሠሩ ነው። እኛም እንዲህ ዓይነቱን ዕሴት ልንላበስ ይገባል!

ሁላችንም ሚና አለን!

ሁላችንም ኃላፊነት አለብን!

እያንዳንዳችን በጎ አስተዋጽዖ ማድረግ እንችላለን!!!
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ዶ/ር አስራት አፀደ ወይን
የጎንደር ዩኒቨርስቲ ፕሬዚዳንት

በጎንደር ዩኒቨርሲቲ አሳታሚነት የተዘጋጀው “የእንደራሴው ፍኖት” የተሰኘ መጽሐፍ ተመረቀ፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
የጎንደር ዩኒቨርሲቲ ፕሬዚዳንት ዶ/ር አስራት አፀደወይን በጎንደር ዩኒቨርሲቲ አሳታሚነትና በዶ/ር አውግቸው አማረ አዘጋጅነት የተፃፈውን “የእንደራሴው ፍኖት” መፅሐፍ ምረቃ በንግግር ሲከፍቱ “በሀገራችን በተሰማሩበት የስራ ዘርፍ ሀገርንና ወገናቸውን የሚጠቅም ተግባራትን የፈፀሙ ግለሰቦች ሁሉ በታሪክ መዘከራቸው የተገባ ነው፡፡

የባለታሪኮችን ታሪክ ማዘጋጀት በቀደሙው ዘመን በቤተ-መንግስትና በቤተ-ክህነት አመካኝነት ወቅቱ በፈቀደው መንገድ ተዘግቦ ይቀመጥ የነበረ ሲሆን በዘመናዊው በአሁኑ ጊዜም በተለያዩ መስኮች ጉልህ አስተዋፅኦ ያደረጉ ሰዎች ታሪክ በታሪክ ሙሁራንና ፀሐፊዎች የማዘጋጀት ጥረት እየተደረገ ያለ ቢሆንም በግብራቸው ልክ ያልተመሰገኑና የተዘነጉም አያሌ ጀግኖችን ያሉ በመሆናቸው እንዚህን የሀገር ባለዉለታዎች በታሪክ መድረክ ስማቸው ይፃፍ ዘንድ እኛም ብሔራዊና ሙያዊ ኃላፊነት አለብን፡፡

በመሆኑም የጎንደር ዩኒቨርሲቲ የአቶ ባዩህ በዛብህን የህይወት ታሪክ መፅሐፍ እንዲዘጋጅ ሲወስን አቶ ባዩህ ለሀገር ያበረከቱትን ታላቅ ሚና በመገንዘብ ነው ፡፡ በዚህ መፅሐፍ ዝግጅት አስተዋፅኦ ያደረጋችሁ በሙሉ ልትመሰገኑ ይገባል፡፡ ” ብለዋል፡፡

በምረቃ ስነ-ስርዓቱ የክብር እንግዳ የሆኑት ተቀዳሚ ከንቲባ አቶ ቻላቸው ዳኘው በበኩላቸው “የጎንደር ዩኒቨርሲቲ ታላቁንና ሀገር ወዳዱን የአቶ ባዩህ በዛብህን የህይወት ታሪክ ማዘጋጀቱ ሊያሥመሰግናው ይገባል፡፡

አቶ ባዩህ በዛብህ ለከተማችንም ሆነ ለሀገራችን ከፍተኛ አሰተዋፅኦ ያደረጉ ሲሆን የርሳቸውና የሌሎች የሀገር ባለውለታ የሆኑ ግለሰቦች ታሪክ መዘከሩ ለልጆቻችንና ለወጣቶቻችን ትልቅ ትምህርት የሚሰጥ ነው” ሲሉ ተናግረዋል፡፡
የመፅሐፉ አዘጋጅ ዶ/ር አውግቸው አማረ የመፅሀፉን ዝግጅት በተመለከተ ማብራሪያ ያቀረቡ ሲሆን ሌሎች ሙሁራንም ስለ መፅሀፉ አጠቃላይ መረጃዎች በምረቃ በዓሉ ለተገኙ አካላት አጋርተዋል፡፡

አቶ ባዩህ በዛብህ በበኩላቸው ለተደረገላቸው ነገር በሙሉ ምስጋናቸውን አቅርበዋል፡፡
በምረቃ ስነ-ስርዓቱ የጎንደር ምክትል ከንቲባ ወ/ሮ ደብሬ የኋላ፣ባለታሪኩ አቶ ባህ በዛብህና ባለቤታቸው ወ/ሮ ዘርፌ አርአያ፣ምክትል ፕሬዚዳንቶች፤ዲኖችና በተለያዩ ኃላፊነቶች የሚገኙ ግለሰቦች፣መምህራንና የዩኒቨርሲው ሰራተኞች፣የጎንደር ከተማ ነዋሪዎች ተገኝተዋል፡፡

መፅሐፉ ሰባት ክፍሎች ያሉት ሲሆን የገፅ ብዛቱም ሁለት መቶ ሰላሳ ዘጠኝ መሆኑን ለመረዳት ተችሏል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 12/2017 ዓ.ም

በአብክመ የማዕድን ቢሮ እና በአራት ዩኒቨርሲቲዎች መካከል የጋራ ስምምነት ተካሄደ።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
የአብክመ የማዕድን ቢሮ ከጎንደር፣ ከባህርዳር፣ ከወሎና ከደብረብርሀን ዩኒቨርሲቲዎች ጋር በማዕድኑ ዘርፍ ምርምርና የካርታ ስራዎችን ለመስራት ህዳር 10/2017 ዓ.ም የጋራ ስምምነት ተፈራርመዋል፡፡

የማዕድን ቢሮው ከዚህ ቀደም ከጎንደር ዩኒቨርሲቲ ጋር በመተባበር በማዕድኑ ዘርፍ በጃዊ፣ በቋራ ገለጉ፣ በስማዳና ጃናሞራ ወረዳዎች ጥናቶች ተሰርተው የቀረቡ ሲሆን በ2016 ዓ.ም ደግሞ በአዳርቃይ ወረዳ ጥናት ለማድረግ ውል ተወስዷል፡፡

ከዚህ በተጨማሪም በ2017 ዓ.ም የጠለምት ወረዳ የማዕድን ሀብት አቅም ጥናት የካርታ ስራ ለመስራት በጎንደር ዩኒቨርሲቲ የጅኦሎጅ ትምህርት ክፍል መምህራን የቀረበውን ንድፈሀሳብ ተቀብሎ በመገምገም ለፕሮጀክቱ ማስፈፀሚያ 5.2 ሚሊዮን ብር ተመድቦ ወደ ስራ ተገብቷዋል፡፡
ስምምነቱን በአብክመ የማዕድን ቢሮ ኃላፊ አቶ ሃይሌ አበበ እና በጎንደር ዩኒቨርሲቲ የምርምርና ትብብር ምክትል ፕሬዚዳንት ተወካይ ዶ/ር ውለታው መኩሪያው ተፈራርመዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 12/2017ዓ/ም

፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
በአልማ አስተባባሪነት በጎንደር ዩኒቨርሲቲ የተገነባው የአዘዞ አጼ ፋሲል መለስተኛ ሁለተኛ ደረጃ ትምህርት ቤት ግንባታ የክልላችን ከፍተኛ ኃላፊዎች በተገኙበት በዛሬው ዕለት በደማቅ መርሐግብር ተመርቋል።
ሕንጻው፦
       👉 12 መማሪያ ክፍሎች ያሉት አንድ G+2 ህንፃ፣
       👉 4 የኮምፒውተርና የሳይንስ ላቦራቶሪ ክፍሎች እና
       👉 G+1 የቤተ መጽሐፍ ህንፃ የያዘ ነው።

የጎንደር ከተማ አስተዳደር ለዩኒቨርሲቲያችን ለሰጠው እውቅናና ሽልማት ከልብ እናመሰግናለን።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ዶ/ር አስራት አፀደ ወይን የጎንደር ዩኒቨርስቲ ፕሬዚደንት

በጎንደር ዩኒቨርሲቲ ሙሉ ድጋፍ የተገነቡት የአዘዞ አፄ ፋሲል ት/ቤት የመማሪያ ከፍሎች፣ የሳይንስ ላቦራቶሪዎችና የቤተ-መጻህፍት ህንጻ ግንባታዎች ተመረቁ።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
በአልማ አስተባባሪነት የጎንደር ዩኒቨርሲቲ ያስገነባው 12 የመማሪያ ክፍሎች ያሉት G+2 ህንፃ፣ 4 የኮምፒውተርና የሳይንስ ላቦራቶሪ ክፍሎች፣እንዲሁም የቤተ መፅሐፍ G+1 የ ህንፃ ግንባታዎችን በማጠናቀቅ ህዳር 12/2017 ዓ.ም ለ ምረቃ አብቅቷል።

የጎንደር ዩኒቨርሲቲ ፕሬዚዳንት ዶ/ር አስራት አጸደወይን፣ ሌሎች የዩኒቨርሲቲው ከፍተኛና መካከለኛ አማራሮች፣ ከአማራ ክልልና ከሌሎች ተቋማት የሚመለከታቸው አካላት፣ከዞን፣ ከወረዳ አስተዳደርና ከከተማ ከንቲባዎች፣ የኃይማኖት አባቶች፣ የአባት አርበኞች፣ የሀገር ሽማግሌዎች እንዲሁም ጥሪ የተደረገላቸው እንግዶች በምረቃ መርሀ-ግብሩ ላይ ተሳትፈዋል፡፡

ትምህር የምርጫ ጉዳይ ሳይሆን ለሰው ልጅ ህልውናና እድገት ቀዳሚውና መሰረቱ እንደሆነ በእንኳን ደህና መጣችሁ መልዕክታቸው ያስተላለፉት የጎንደር ከተማ ከንቲባ አቶ ቻላቸው፣ እንደ ከተማ አስተዳደር ለትምህርት ነክ ጉዳዮች ድጋፎችን ለማድረግና ለተማሪዎችም ሆነ ለመምህራን ምቹ ከባቢያዊ ሁኔታ ለመፍጠር ልዩ ትኩረት አድርገው እንደሚሰሩ ተናግረዋል፡፡

የተገነቡት የትምህርት መሰረተ ልማቶች ትውልድን ለመገንባት አይነተኛ ሚናን እንደሚጫወቱ በምረቃ ስነ-ስርዓቱ ላይ ባስተላለፉት መልዕክት የገለጹት ክብርት ዶ/ር ሙሉነሽ ሲሆኑ፣ ም/ርዕሰ መስተዳደ ሯ አክለውም የትውልድ ቅብብሎሹን በተሻለና ጤነኛ በሆነ መልኩ ለማስቀጠል፣ በራሳችን ጥረት በትብብር የምንገነባቸው መሰረተ-ልማቶች ተጠናክረው ሊቀጥሉ እንደሚገባ አሳስበዋል፡፡ ዶ/ር ሙለነሽ በመሰረተ-ልማቶቹ ግንባታ ላይ የበኩላቸውን አስተዋጽኦ ላበረከቱት በሙሉ ልባዊ ምስጋና አቅርበዋል፡፡

የጎንደር ዩኒቨርሲቲ በየጊዜው የሚያደርገውን የማህበረሰብ አቀፍ አገልግሎት በማድነቅ፣ ዩኒቨርሲቲውም ሆነ ሌሎች መሰል ተቋማት የማህበረሰባቸውን የኑሮ ሁኔታ ለማሻሻል በላቀ ሁኔታ ሊሰሩ እንደሚገባም መልዕክታቸውን አስተላልፈዋል፡፡

አልማ ጎንደርና አካባቢው ያለውን ከደረጃ በታች ያሉ ትምህርት ቤቶችን ለማስገንባት በ 2013 ዓ.ም የማሕበረሰብ ንቅናቄ ባደረገበት ወቅት የጎንደር ዩኒቨርሲቲ  የአጼ ፋሲል ት/ቤትን ለመገንባት ቃል ከገባ በኋላ ጥር 2013 ዓ/ም  ጀምሮ ወደ ስራ በመግባትና በማጠናቀቅ ለምረቃ ማብቃቱን የጎንደር ዩኒቨርሲቲ ፕሬዚዳንት ዶ/ር አስራት በማጠቃለያ መርሀ-ግብሩ ገልጸዋል፡፡ ተገንብተው ለስራ ዝግጁ የሆኑት እነዚህ መሰረተ ልማቶች የትምህርት ስልጠና ድጋፍ ስራዎችን ሳይጨምር 65 ሚልዮን ብር ወጪ እንደተደረገባቸው ከፕሬዚዳንቱ ንግግር ለመረዳት ችለናል፡፡

የጎንደር ዩኒቨርሲቲ የማሕበረሰብ ችግር ፈቺ ተቋም እንደመሆኑ፣ የሀገሪቱ የትምህርት ስርዓት እንዲሻሻል፣ ተደራሽና ሁሉን አካታች እንዲሆን ከማስቻል ባለፈ ዩኒቨርሲቲው በሚገኝበት አካባቢም ብዙ ጉልህ አበርክቶዎችን እያደረገ እንደሚገኝ ዶ/ር አስራት አያይዘው ተናግረዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 12/2017 ዓ.ም

፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
በ2017 ዓ.ም ወደ ጎንደር ዩኒቨርሲቲ የተመደቡ አዲስ ገቢ ተማሪዎች እና የ2016 ዓ.ም የሪሚዲያል ተማሪዎች ከዛሬ ህዳር 12 ዓ.ም ጀምሮ ወደ ዩኒቨርሲቲው በመግባት ላይ ናቸው፡፡

ውድ ተማሪዎቻችን እንኳን ወደ አንጋፋውና የሰላሙ ጎንደር ዩኒቨርሲቲ እና ወደ ታሪካዊቷ ጎንደር ከተማ በደህና መጣችሁ
በዩኒቨርሲቲው የሚኖራችሁ ቆይታ የስኬትና የውጤት እንዲሆንላችሁ እንመኛለን፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 12/2017ዓ/ም

የመፅሐፍ ምርቃት መርሀ-ግብር በጎንደር ዩኒቨርሲቲ
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

በጎንደር ዩኒቨርሲቲ አማካኝነት፣ የዩኒቨርሲቲው መምህር በሆኑት በዶ/ር አውግቸው አማረ የተፃፈውና በአቶ ባዩህ በዛብህ የሕይወት ታሪክ ላይ የሚያጠነጥነው "የእንደራሴው ፍኖት' የተሰኘው መፅሐፍ በዩኒቨርስቲው ማራኪ ግቢ ቅዳሜ ህዳር 14 ቀን 2017ዓ.ም ይመረቃል።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ህዳር 11/2017ዓ.ም

የ2017 ዓ/ም ሳምንታዊ የአካዳሚክ ሴሚናር ( colloquium ) መካሄድ ተጀመረ!
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
የጎንደር ዩኒቨርሲቲ የማህበራዊ ሳይንስና ስነ-ሰብዕ ኮሌጅ የ2017 ዓ/ም ሳምንታዊ የአካዳሚክ ሴሚናር ( colloquium ) ዛሬ ህዳር 10/2017 ዓ/ም የድህረምረቃ ፕሮግራሞች ዳይሬክቶሬት ዳይሬክተር ዶ/ር አስማማው አለሙን ጨምሮ ሌሎች የኮሌጁ መምህራንና የሚመለከታቸው አካላት በተገኙበት በአልሙኒዬም ህንፃ የመሰብሰቢያ አዳራሽ ተካሄደ፡፡

ይህ የአካዳሚክ ሴሚናር ( colloquium ) ላለፉት ሶስት ዓመታት ያለመቋረጥ ሲካሄድ እንደቆየና ከ160 በላይ ጽሁፎች እንደቀረቡ በእንኳን ደህና መጣችሁ ንግግራቸው የሚያነሱት በማህበራዊ ሳይንስና ስነ-ሰብዕ ኮሌጅ በእንግሊዝኛ ቋንቋና ስነፅሁፍ መምህር የሆኑት ዶ/ር አሰፋ አለሙ ፣ ከዚህ አመት ጀምሮ መርሃ ግብሩን በተጠናከረ መልኩ ለማከናወን ጋይድ ላይን ተዘጋጅቶለት ወደ ስራ መገባቱን ገልፀዋል፡፡ ለዚሀ ስኬትም የብዙ አካላት አስተዋዕፆ ነበረበት የሚሉት ዶ/ር አሰፋ ፕሮግራሙን ቀርጾ በመጀመርና ላለፉት ሶስት ዓመታት ቀዳሚ ሆኖ በማስኬድ በኩል ለሶሲዮሎጂ ት/ት ክፍልና አባላቱ በተለይም ለፕ/ር ቡሻ ታአ እና ለዶ/ር ሲሳይ ሳህሌ እንዲሁም ለማህበራዊ ሳይንስና ስነ-ሰብዕ ኮሌጅ ዲን ለነበሩት ለዶ/ር አገኘሁ ተሰማና ለኮሌጁ ዲን ለዶ/ር አዕምሮ አስማማው፣ በየደረጃው ፕሮግራሙን ለማጠናከር የድርሻቸውን የተወጡ የት/ክፍል ኃላፊዎንና ጽሑፋቸውን ያቀረቡ ግለሰቦችን አመስግነዋል፡፡

የጎንደር ዩኒቨርሲቲ የምርምር ዩኒቨርሲቲ እንደመሆኑ መጠን የድህረ ምረቃ ፕሮግራሞች ከማጠናከር አንፃር ይህ ፕሮግራም በጣም እስፈላጊ እንደሆነ በመ/ግብሩ የመክፈቻ ንግግራቸው የሚገልፁት የኮሌጁ ዲን የነበሩት ዶ/ር አገኘሁ ተሰፋ፣ በወጣው ጋይድ ላይን መሰረት በመመራት ተሳታፊዎች ጽሑፎችን በማቅረብ፣ በመከታተልና ሃሳብ በመስጠት አስተዋዕፆ እንዲያደርጉ አሳስበዋል፡፡

በዚህ ሳምንታዊ የአካዳሚክ ሴሚናር ( colloquium ) Ethiopian Indigenous Knowledge in Exile ( በስደት ላይ ያሉ ሀገር በቀል ቅርሶች ) በሚል ጥናታዊ ጽሑፋቸውን ያቀረቡት በሶሲዮሎጂ ት/ት ክፍል ኃላፊና መ/ር የሆኑት ዶ/ር ሲሳይ ሳህሌ በበኩላቸው ሴሚናሩ የፒ ኤች ዲ ተማሪዎች በአጭር ጊዜ ትምህርታቸውን ማጠናቀቅ እንዲችሉ ለማድረግ፣ ምሁራኑ የምርምር ስራዎቻቸውን ከሌሎች አቻ ባልደረቦቻቸው ጋር አቅርበው ሃሳብ እንዲቀበሉ፣ ያገኙትን እውቀት ወይም ግኝቶችን ደግሞ እንዲያሳውቁ ለማድረግ፣ ተማሪዎች ከመምህራን እንዲማሩ ማድረግና እንግዳ መምህራን በሴሚናሩ ቀርበው ለኮሌጁ ማህበረሰብ ያላቸውን እውቀት እንዲያጋሩ ታስቦ የተቋቋመ የአካዳሚክ ሴሚናር እንደሆነ ገልፀዋል፡፡

በተለያዩ ጊዚያት በትምህርትና በተለያዩ የስራ አጋጣሚዎች ከኢትዮጵያ ውጪ በተለይም በፈረንሳይ ውስጥ የሚገኙ ቅርሶችን የማየት እድሉ እንደገጠማቸው የሚያነሱት ዶ/ር ሲሳይ፣ ያዩትንና ያወቁትን ከመፃፍ ባሻገር ቢያንስ ለአካዳሚክ ማህበረሰቡ አለፍ ሲልም ለሌላው ማ/ሰብ ማሳወቅና ማጋራት ቢቻል ቁጭት ይፈጥራል፣ ያለንን ደግሞ የበለጠ እንድንጠቀምበትና እንድንጠብቅ ይረዳል በሚል ታስቦ የተሰራ እንደሆነ አያይዘው ተናግረዋል፡፡

በቀረበው ጽሑፍና ጋይድም በርካታ ሃሳቦች ተሰጥቶባቸው ሰፊ ውይይት ተካሂዷል፡፡

ይህ የአካዳሚክ ሴሚናር ለዩኒቨርሲቲው አዲስ ቢሆንም እንኳ ለሶስት ዓመታት ያለመቆራረጥ ማስኬድ መቻሉ ይበል የሚያስብል አሰራር እንደሆነ የድህረምረቃ ፕሮግራሞች ዳይሬክቶሬት ዳይሬክተር ዶ/ር አስማማው አለሙ በመርሃ ግብሩ የመዝጊያ ንግግራቸው ገልፀው፣ ወደፊት ትኩረት ይሻሉ ያሏቸውን ሀሳቦች በዝርዝር አቅርበዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 10/2017ዓ/ም

የኢንፎርማቲክስ ኮሌጅ በ3ት የትምህርት ዘርፎች የፒ.ኤች (የ3ኛ ዲግሪ) ፕሮግራሞችን የማስጀመሪያ መርሀ-ግብር (Inauguration Ceremony) አካሄደ።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

የጎንደር ዩኒቨርሲቲ የምርምር ዩኒቨርሲቲ መሆኑን ተከትሎ ከጊዜ ወደ ጊዜ በድህረ- ምረቃ የትምህርት ፕሮግራሞች ላይ ልዩ ትኩረት በመስጠት እየሰራ እንደሚገኝ ይታወቃል፡፡

የዩኒቨርሲቲው ኢንፎርማቲክስ ኮሌጅ እንደ ሎሎች ኮሌጆች ሁሉ አዳዲስ የድህረ-ምረቃ ፕሮግራሞችን ለማስጀመር ዓለማ ያደረገ የማስጀመሪያና የመክፈቻ መርሀ ግብር ዛሬ ህዳር 09/2017 ዓ.ም በአጼ ቴዎድሮስ ግቢ የስብሰባ አዳራሽ አካሒዷል፡፡

በዚህ የማስጀመሪያ መርሀ ግብር የዩኒቨርሰቲው የአካዴሚክ ም/ፕሬዚዳንት ዶ/ር ካሳሁን ተገኘ፣ የዩኒቨርሲቲው የምርምርና የቴክኖሎጂ ሽግግር ም/ፕሬዚዳንት ፕ/ር ቢኒያም ጫቅሉ (በዙም-Via Zoom) የኢንፎርማቲክስ ኮሌጂ ዲን ዶ/ር ወርቁ አበበ፣ ሌሎች የዩኒቨርሲቲው ዲኖች፣ የኢንፎርማቲክስ ኮሌጅ መምህራንና ተጋባዥ እንግዶች የዕለቱን መርሀ ግብር ተሳትፈዋል፡፡

ለሀገራችን አስፈላጊ በሆኑና ከዘመኑ ጋር ተመራጭ በሆኑ በ3ት የፒ.ኤ.ች ዲግሪ ፕሮግራሞች ማለትም - በዳታ ሳይንስ (PhD in Data Science)፣ በዲጂታል ትራንስፎርሜሽን (PhD in Digital Transformation) እንዲሁም በሳይበር ሴኩሪቲ (PhD in Cyber Security) ተማሪዎችን ተቀብሎ ለማስተማር የቅድመ ዝግጅት ስራዎችን ኮሌጁ በማጠናቀቅ ወደ ትግበራ እንደገባ ከኮሌጁ ዲን ከዶ/ር ወርቁ አበበ ያገኘነው መረጃ ያመለክታል፡፡

ተቋማት አሰራራቸውን ዲጂታላይዝ ባደረገቡትና ብዙም የተማረ የሰው ሀይል በሌላቸው የትምህርት ዘርፎች የ ፒ.ኤች.ዲ ፕሮግራሞች በመከፈታቸው እንደተደሰቱ በመክፈቻ ንግግራቸው የገለጹት ዶ/ር ካሳሁን፣ ፕሮግራሞቹ እንዲጀምሩ የተለያዩ ድጋፎችንና አስተዋጽኦ ላደረጉ አካለት በተልይም በዩኒቨርሲቲው የምርምርና የቴክኖሎጂ ሽግግር ም/ፕሬዚዳንት በሆኑት በ ዶ/ር ቢኒያም ጫቅሉ ለሚመራው ለነርቸር ፕሮጀክት አባላት በአካዳሚክ ም/ፕሬዚዳንቱ በኩል ልዩ ምስጋና ተችሯቸዋል፡፡

የዩኒቨርሰቲው የነርቸር ፕሮጀክት አባላት በበኩላቸው የተከፈቱትን የትምህርት ፕሮግራሞች ይበልጥ ለማጠናከር የክትትልና የድጋፍ አገልግሎታቸው እንደማይለያቸው ዶ/ር ቢኒያምና ዶ/ር ሸጋው አናጋው (በ Zoom) ያላቸውን መልካም ምኞት ገልጸዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 09/2017

በእንስሳት ደህንነትና ጥበቃ ላይ ተጨማሪ የግንዛቤ ትምህርት እንዲሰጥ ለማስቻል ከባለ ድርሻ አካላት ጋር የውይይትና የቃል ኪዳን ስምምነት መርሀ-ግብር ተካሄደ።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

የጎንደር ዩኒቨርሰቲ ስፓና (SPANA: Society for Protection of Animals Abroad/ Mobile Clinic) ፕሮጀክት - በእንስሳት ጤናና ደህንነት ላይ ትኩረት አድርጎ የሚሰራ ፕሮጀክት መሆኑ ይታወቃል፡፡

ፕሮጀክቱ ለቅድመ መደበኛና መጀመሪያ ደረጃ ተማሪዎች በእንስሳት ደህንነትና ጥበቃ ላይ ተጨማሪ ትምህርት እንዲሰጥ ለማስቻል ከባለ ድርሻ አካላት ጋር የውይይትና የቃል ኪዳን ስምምነት መርሀ ግብር ህዳር 08/2017 ዓ.ም በዩኒቨርሲቲው እንስሳት ህክምናና ሳይንስ ኮሌጅ የመሰብሰቢያ አዳራሽ አካሂዷል፡፡

በመርሀ-ግብሩ የጎንደር ዩኒቨርሲቲ የአካዳሚክ ም/ፕሬዚዳንትና የዩኒቨርሲቲው ፕሬዚዳንት ተወካይ ዶ/ር ካሳሁን ተገኘ፣ የዩኒቨርሲቲው የእንስሳት ህክምናና ሳይንስ ኮሌጅ ዲን ዶ/ር ሽመልስ ዳኛቸው፣ ከማዕከላዊ ጎንደር ዞንና ከጎንደር ከተማ አስተዳደር የመጡ የትምህርት ባለድርሻ አካላት፣ የእንስሳት ጤና ባለሙያዎችና የጋሪ ማህበራት እንዲሁም ጥሪ የተደረገላቸው እንግዶች ተገኝተዋል፡፡

እንስሳትን በመንከባከብ ደህንነታቸውን መጠበቅ ከተቻለ - ቀጥተኛ በሆነ መልኩ የሰውን ጤና እንዲጠበቅ ማድረግ እንደሆነ በእንኳን ደህና መጣችሁ ንግግራቸው የገለጹት ዶ/ር ሽመልስ፣ የእንስሳትን አጠቃላይ ደህንነት ‘የመጠበቁ’ ግንዛቤ ሊያድግ የሚችለው የትምህርት ፕሮግራሞች ለእንስሳት ልዩ ትኩረት እንዲሰጡ ተደርገው ሲዘጋጁ እንደሆነ ተናግረዋል፡፡

የእለቱን መርሀ ግብር በንግግር የከፈቱት የዩኒቨርሲቲው ፕሬዚዳንት ተወካይ ዶ/ር ካሳሁን ሲሆኑ፣ “እኛ አፍሪካውያን - በተለይም እኛ ኢትዮጵውያን አብዛኛው ህይወታችን ከእንስሳት ጋር በእጅጉ የተቆራኘ ሆኖ ሳለ፣ ተገቢውን እንክብካቤና ፍቅር በመስጠት በኩል ውስንነት አለብን፡፡” ብለዋል፡፡

ስለሆነም አሉ የ ፕሬዚዳንቱ ተወካይ ከሀገራችን የእንስሳት ሀብት በሚገባ ለመጠቀም፣ በትምህርት መርሀ-ግብር የተካተቱ ትምህርት አዘል ተጨማሪ የግንዛቤ ማስጨበጫ ስልጠናዎች ሊሰጡ እንደሚደባ አሳስበዋል፡፡

በመርሀ ግብሩ በእንስሳት ደህንነትና አጠባበቅ ላይ ትኩረት ያደረጉ የቡድን ውይይቶች ተደርገዋል፡፡

በፕሮጀክቱ አስተባባሪ በዶ/ር ነሲቡ ጥላሁን የማጠቃለያ ገለጻም ተደርጓል፡፡ በመጨረሻም ከመደበኛው የትምህርት መርሀ ግብር በተጨማሪ ለቅድመ መደበኛና መጀመሪያ ደረጃ ትምህርት የእንስሳትን ጤናና ደህንነት ለመጠቅ ተሳቢ ያደረገ ስምምነት፣ የዩኒቨርሲቲው የእንስሳት ህክምናና ሳይንስ ኮሌጅ ከማዕከላዊ ጎንደር ዞን (እንዲሁም ከጎንደር ከተማ አስተዳደር) ከመጡ የሚመለከታቸው አካላት ጋር የቃል ኪዳን ስምምነት ተስማምተዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 08/2017 ዓ.ም

በራይዛ ፕሮጀክት የተሰሩ ስራዎችን በጋራ መከታተልና መገምገም ላይ ያተኮረ የምክክር መርሃ ግብር ተካሄደ፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

የጎንደር ዩኒቨርሲቲ ራይዛ ፕሮጀክት (RISA: Research and Innovation Systems in Africa) ባለፉት ሁለት ዓመታት በፕሮጀክቱ የተሰሩ ስራዎችን ከባለ ድርሻ አካላት ጋር በጋራ መከታተልና መገምገም ላይ ዓላማ ያደረገ የምክክር መርሃ ግብር ዛሬ ህዳር 6/2017 ዓ/ም በኤች ዲ ፒ የመሰብሰቢያ አዳራሽ አካሄደ፡፡

በዚህ የጋራ የክትትልና ግምገማ መርሃ ግብር ከተጠቃሚ አርሶ አደሮች ጀምሮ ስራው ላይ የተሳተፉ የቀበሌ፣ የወረዳና የዞን ግብርና ባለሙያዎች፣ የዩኒቨርሲቲው የፕሮጀክት ቡድን አባላት፣ የተለያዩ የህብረት ስራ ማህበራት ተወካዮችና ሌሎች ባለ ድርሻ አካላት ተገኝተዋል፡፡

ይህንን የምክክርና የግምገማ መርሃ ግብር የጎንደር ዩኒቨርሲቲ የአካዳሚክ ም/ፕሬዚዳንት ዶ/ር ካሳሁን ተገኘ በንግግር የከፈቱ ሲሆን፣ የራይዛ ፕሮጀክት በጎንደር ዙሪያ ወረዳ ሰንዳባ እና ምጥርሀ ቀበሌዎች ላይ የሚኖሩ አርሶ አደሮች በተለይም በኢኮኖሚ አቅማቸው ዝቅተኛ የሆኑ ሴት አርሶ አደሮችንና የአካል ጉዳተኞችን የኑሮ ሁኔታ ለመለወጥ የተሰሩ ዘርፈ ብዙ ስራዎች ዙሪያ ያላቸውን አድናቆት ገልፀዋል፡፡

ይህ ፕሮጀክት ምርታማነትን የሚጨምሩ የተለያዩ ዘመናዊ የአሰራር ዘዴዎችን አርሶ አደሮቹ እንዲጠቀሙ በማድረግና የተለያዩ ግብአቶችን በማቅረብ፣ በተለያዩ ርዕሰ ጉዳዮች ላይ ደግሞ ተከታታይ የክህሎት ማበልፀጊያ ስልጠናዎችን በመስጠት በፕሮጀክቱ የታቀፉ የህብረተሰብ ክፍሎች አቅም እንዲፈጥሩ ከማድረጉም በላይ በአካባቢያቸው ያለውን ፀጋ በመጠቀም እራሳቸውን ከመቀየር ባለፈ ለአካባቢው ማህበረሰብ ሞዴል መሆን እንዲችሉ ያደረገ ስራ እንደሆነ ዶ/ር ካሳሁን አያይዘው ተናግረዋል፡፡

በጎንደር ዩኒቨርሲቲ የግብርናና አካባቢ ሳይንስ ኮሌጅ የገጠር ልማትና ግብርና ስርፀት መምህርና የፕሮጀክቱ ም/ስራ አስኪያጅ የሆኑት ዶ/ር ዳንኤል ንጉሴ በበኩላቸው በሁለት ዓመታት ውስጥ በፕሮጀክቱ የስራ አፈፃፀም ዙሪያ ተጠቃሚ አርሶ አደሮችንና የግብርና ባለሙያዎችን ባሳተፈ መልኩ እስካሁን በተሰሩ ስራዎች ላይ ሪፖርት አቅርበዋል፡፡

በ2ኛው ዓመት የራይዛ ፕሮጀክት ፕሮግራም አዳዲስ የድህረ ምርት ቴክኖሎጂዎችን ማስተዋወቃቸውን የሚገልፁት ዶ/ር ዳንኤል፣ ሩዝ ላይ የሩዝ መፈልፈያ ማሽኖችን፣ የሩዝን ጥራት የሚጠብቅና የኒውትሪሽን ዋጋውን የሚጨምር የመቀቀያ ማሽን የማስተዋወቅ ስራዎችን መስራታቸውን መርሃ ግብሩን አስመልክተው በሰጡት አስተያየት ገልፀዋል፡፡ ከዚህም በተጨማሪ ለአቮካዶ አምራቾች በጸሀይ ኃይል የሚሰራ የውሃ ፓምፕ በማቅረብና የሩዝና የአሳ ማርባትን በማስተዋወቅ ረገድ ሰፊ ስራዎች መሰራታቸውን ዶ/ር ዳንኤል አያይዘው ተናግረዋል፡፡

በአጠቃላይ ፕሮጀክቱ በባለ ብዙ ተዋናዮችን የሚሳተፉበትና ከታች ከቀበሌ ግብርና ገምሮ እስከ ግብርና ምርምር ማዕከልና እስከ ግብርና ሚኒስቴር ድረስ 27 የሚሆኑ አጋር አካላትን ያቀፈ በመሆኑ በዚህ ልክ አሳታፊ ማድረግ ከተቻለ የባለቤትነት ስሜትን እንደሚፈጥርና በዘላቂነት ለማስቀጠል አመች መሆኑን ዶ/ር ዳንኤል አክለው ገልፀዋል፡፡

በመጨረሻም በነበሩ ክፍተቶች፣ ወደፊት ደግሞ በዘላቂነት እንዲቀጥል ከዩኒቨርሲቲው፣ ከግብርና ቢሮውና ከተለያዩ የባለድርሻ አካላት ምን ይጠበቃል በሚል እና የገቢያ ትስስሩን ከመፍጠር አኳያም ምን መስራት እንደሚገባ በተሳታፊዎች ሰፊ ውይይት ተካሂዶባቸዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
ህዳር 6/2017ዓ/ም

ማስታወቂያ
፨፨፨፨፨፨፨፨

ማስታወቂያ
*****
ለ2017 የትምህርት ዘመን በጎንደር ዩኒቨርሲቲ ለተመደባችሁ አዲስ ተማሪዎች በሙሉ!
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

ለ2017 የትምህርት ዘመን በጎንደር ዩኒቨርሲቲ የተመደባችሁ አዲስ ተማሪዎች እንኳን ደስ አላችሁ!

የሁሉም አዲስ ገቢ ተማሪዎችና የ2016 ሪሜዲያል ተማሪዎች የምዝገባ ቀናት ሕዳር 12 እና 13/ 2017ዓ.ም ሲሆን የመጀመሪያ ቀን የመጀመሪያ ትምህርት ሕዳር 16/2017ዓ.ም መሆኑን በአክብሮት እንገልፃለን።
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
30/02/2017 ዓ.ም

Occupational Therapy Awareness Workshop at the University of Gondar.
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
On November 4-5, 2024, the Mastercard Foundation Scholars Program at the University of Gondar in collaboration with the Department of Occupational Therapy hosted a highly successful Occupational Therapy Internal Stakeholders Awareness Workshop, bringing together University of Gondar’ top management and faculty, occupational therapy professionals, and healthcare practitioners from Gondar to deepen understanding and enhance collaboration in the field of occupational therapy.

The workshop, which aimed to raise awareness among key internal stakeholders, was packed with insightful presentations, interactive discussions, and a visit to the occupational therapy clinic at the university’s comprehensive specialized teaching hospital. Participants who are faculty and health professionals in departments such as psychiatry, internal medicine, social work, sociology, psychology etc. explored occupational therapy practices, shared challenges and opportunities, and pledged to work together to improve the quality of occupational therapy services for diverse populations, especially for persons with disabilities.

A key highlight was the emphasis on community-based interventions and strategies to integrate occupational therapy more effectively into local healthcare systems. The event also marked a significant step toward strengthening professional networks and ensuring that individuals with disabilities have access to the support they need to lead independent and fulfilling lives.
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
Devoted for Excellence!
Public and International Relations Directorate
Nov. 8, 2024

በጎንደር ዩኒቨርሲቲ ሆስፒታል የፓናል ውይይት ተካሄደ !
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
በጎንደር ዩኒቨርሲቲ ሪፈራል ሆስፒታል በጡት ካንሰር ህክምና ላይ ትኩረት ያደረገ የፓናል ውይይት ጥቅምት 22/2017 ዓ.ም በሪፈራል ሆስፒታሉ የመሰብሰቢያ አዳራሽ ተካሂዷል፡፡

በውይይቱ የጎንደር ዩኒቨርሲቲ ሆስፒታል ዋና ሥራ አስፈጻሚ ዶ/ር አይንሸት አዳነ፣ የሆስፒታሉ ዋና ክሊኒካል ዳይሬክተር ዶ/ር መኳንንት መለሰ፣ ዶ/ር ዓለምፀሐይ ደርሶ የዓለም ፍሬ ፒንክ ሀውስ ካንሰር ፋውንዴሽን መስራች፣ የሆስፒታሉ ስፔሻሊስት፣ ጠቅላላ እና ኢንተርን ሀኪሞች፣ የስነልቡና ባለሙያዎች፣ የሃይማኖት አባቶች እና የካንሰር ታካሚዎች የውይይቱ ተሳታፊ ናቸው፡፡

በመርሃ-ግብሩ ዶ/ር መኳንንት መለሰ የሆስፒታሉ ክሊኒካል ዳይሬክተር የእንኳን ደህና መጣችሁ ንግግር ካደረጉ በኋላ የጎንደር ዩኒቨርሲቲ ሆስፒታል ዋና ሥራ አስፈጻሚ ዶ/ር አይንሸት አዳነ መርሃ-ግብሩን በንግግር የከፈቱ ሲሆን የካንሰር ህመም በዓለም አቀፍ ደረጃ ትኩረት ተሰጥቶ እየተሰራ ያለ መሆኑን ጠቅሰው የበሽታው ተጠቂዎች በጊዜው ከታከሙ መዳን ስለሚችሉ ወደፊት የግንዛቤ ማስጨበጫ ሥራ በስፋት እንደሚሰራ ተናግረዋል፡፡

የውይይቱ ዋና ዓላማም ለማህበረሰቡ ግንዛቤ ለመስጠት እና የካንሰር ህክምና አሰራሮችን ለማሻሻል ታስቦ የተካሄደ እንደሆነ በመርሃ-ግብሩ ተብራርቷል፡፡

በመቀጠልም የካንሰር ስፔሻሊስ ሀኪም በሆኑት በዶ/ር ኢዮኤል ነጋሽ እና በዶ/ር አማረ የሺጥላ የፓናል ውይይት ጽሑፍ ቀርቦ የካንሰር ታካሚዎች በተገኙበት በተሳታፊዎቹ የሙያና የምክር አስተያየት በስፋት ተሰጥቶ መርሃግብሩ ተጠናቋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም ዓቀፍ ግንኙነት ዳይሬክቶሬት
ጥቅምት 22/2017 ዓ.ም

የሀዘን መግለጫ
****
በጎንደር ዩኒቨርስቲ ህክምናና ጤና ሳይንስ ኮሌጅ ስፔሻላይዝድ ሆስፒታል የ2ኛ ዓመት የጠቅላላ ቀዶ ህክምና ሬዚደንት ሀኪም የነበረው ዶ/ር ጥበቡ አለነ ባጋጠመው ድንገተኛ አደጋ በ32 ዓመቱ ጥቅምት 9/2017ዓ/ም ህይወቱ አልፏል።

በዶ/ ር ጥበቡ አለነ ድንገተኛ ህልፈተ ህይወት የጎንደር ዩኒቨርሲቲ ማህበረሰብ የተሰማውን ጥልቅ ሀዘን እየገለፅን ፈጣሪ ለቤተሰቦቹ፣ ለጓደኞቹ እና ለስራ ባልደረቦቹ መጽናናትን እንዲሰጥልን እንመኛለን!!
********
የህዝብና ዓለም አቀፍ ግንኙነት ዳይሬክቶሬት
ጥቅምት 14 / 2017 ዓ.ም

ዜና እረፍት
********
ዶ/ር ጥበቡ ካሳ ሰኔ 19 ቀን 1923 ዓ.ም በደንቢያ ወረዳ በሰቀልት አምባጓሊት ከተማ ተወለዱ። ዶ/ር ጥበቡ የመጀመሪያ ደረጃ ትምህርታቸውን እስከ 8ኛ ክፍል በዳባት ከተማ ተከታትለዋል። በኋላም በ1949 ዓ.ም የጎንደር ጤና ሳይንስ ኮሌጅን በመቀላቀል በሳኒቴሽን ዲፕሎማቸውን ሰርተዋል። የመጀመሪያ እና ሁለተኛ ዲግሪያቸውን በጤና መኮንንነት ሰርተዋል። ወደ ጀርመን ሀገር በማቅናትም የኦፕቶታልሞሎጂ ትምህርታቸውን ተከታትለዋል።

ከ01/10/1964 ዓ.ም እስከ 30/10/1992 ዓ.ም ድረስ በቀድሞው ቀዳማዊ ሐይለስላሴ ዩኒቨርሲቲ ወይም በአሁኑ አዲስ አበባ ዩኒቨርሲቲ እና በጎንደር ዩኒቨርሲቲ ለረዥም አመታት በመምህርነትና በሀኪምነት እንዲሁም በአስተዳዳሪነት አገልግለዋል። ከጡረታ በኋላ የኮሶዬ የልማት ፕሮጀከት እስከተጠናቀቀበት ጊዜ ድረስ በፕሮጀከቱ ለስድስት አመታት ሰርተዋል። ለዩኒቨርሲቲው ካበረከቱት አስተዋጽኦ ባሻገርም፣ ዶ/ር ጥበቡ ካሳ በጤና ሚኒስትር እና የጎንደር ከተማ አስተዳደር ምክር ቤት አባል በመሆንም አገልግለዋል።

ዶ/ር ጥበቡ ባደረባቸው ህመም ምክንያት በህክምና ሲረዱ ቆይተው ጥቅምት 14 ቀን 2017 ዓ.ም በተወለዱ በ94 አመታቸው ከዚህ አለም በሞት ተለይተዋል። የቀብር ስነስርአታቸው ቤተሰቦቻቸውና ወዳጅ ዘመዶቻቸው በተገኙበት በአቡን ቤት ቅዱስ ገብርኤል ገዳም ቤተክርስቲያን ጥቅምት 15 ቀን 2017 ዓ.ም ተፈጽሟል።

ዶ/ር ጥበቡ ባለትዳር እና የሶስት ልጆች አባት ነበሩ።

የጎንደር ዩኒቨርሲቲ ማህበረሰብ በዶ/ር ጥበቡ ካሳ ህልፈተ ህይወት የተሰማውን ጥልቅ ሀዘን እየገለፅን ፈጣሪ ለቤተሰቦቹ፣ ለጓደኞቹ እና ለስራ ባልደረቦቹ መጽናናትን እንዲሰጥልን እንመኛለን!!
********
የህዝብና ዓለም አቀፍ ግንኙነት ዳይሬክቶሬት
ጥቅምት 15 / 2017 ዓ.ም

የጎንደር ዩኒቨርሲቲ የህክምና ሳይንስ 31ኛ ባች የምረቃ ክብረ በዓል ተከበረ
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

የጎንደር ዩኒቨርሲቲ የህክምና ሳይንስ 31ኛ ባች (ጎልደን ባች) የቀድሞ ተማሪዎች 10ኛ አመት የምረቃ ክብረ በዓላቸውን የዩኒቨርሲቲው ፕሬዚደንት ዶ/ር አስራት አጸደወይን የክብረ እንግዳ ሆነው በተገኙበት ጥቅምት 9 ቀን 2017 ዓ.ም በደማቅ ሁኔታ አከበሩ።

የጎልደን ባች ቤተሰቦች የዛሬ አስር አመት ዩኒቨርሲቲው 60ኛ አመት የምስረታ በዓሉን በሚያከብርበት ጊዜ የተመረቁ ተማሪዎች ሲሆኑ በአሁኑ ሰዓት ደግሞ የዩኒቨርሲቲው 70ኛ አመት እና የዩኒቨርሲቲ ሆስፒታሉ 100ኛ ዓመት የምስረታ በዓል በሚከበረበት ጊዜ የጎልደን ባች 10ኛ አመት የምርቃት በዓል መከበሩ ግጥጥሞሹን ሳቢ ያደርገዋል።

የጎልደን ባች አባላት እያበረከቱት ካለው ሞያዊ አስተዋፅዖ በተጨማሪ ፋውንዴሽን አቋቁመው ሞያቸውንና ጊዜያቸውን ለበጎ ስራ በማዋል ህዝባቸውና ሀገራቸውን ይበልጥ ተጠቃሚ ለማድረግ እንቅስቃሴ ጀምረዋል።

በ10ኛ አመት የምረቃ በዓላቸው ላይ የማህበረሰብ ችግርን ለመፍታት እና ከዩኒቨርስቲያቸው ጋር በጋራ እንዲሰሩ ጥሪ ቀርቧል።

ከዚህ ጋር በተያያዘ የዛሬ ሁለት ወር ገደማ የዩኒቨርሲቲው የጤና መኮንን ምሩቃን 55 ኛ አመት የምርቃት በዓላቸው ማክበራቸው ይታወሳል።
፨፨፨፨፨፨፨፨፨፨፨፨፨፨፨፨፨፨፨፨፨፨፨

ጥቅምት 11 ቀን 2017 ዓ.ም
ለልህቀት እንተጋለን!
የህዝብና አለም አቀፍ ግንኙነት ዳይሬክቶሬት

በከፍተኛ ትምህርት ተቋማት የትምህርትና የምርምር ስራዎችን ከሰው ፣ከእንስሳትና ከአካባቢ ጤና ጋር አቀናጅቶ የመስራት ልምድን የሚያዳብር የአቅም ማጎልበቻ ስልጠና ከጎንደር ዩኒቨርሲቲ የተለያዩ ትምህርት ክፍሎችና ኮሌጆች ለተውጣጡ አካላት በዋን ኸለዝ /One Health/ መሰጠት ተጀመረ፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨

ስልጠናውን በንግግር የከፈቱት የአካዳሚክ ምክትል ፕሬዚዳንትና የፕሬዚዳንት ተወካይ ዶ/ር ካሳሁን ተገኘ “ዋን ኸልዝ ዓለማቀፍ ድርጅት ነው ይህ ድርጅት በአሁኑ ወቅት ትኩረት ተሰጥቶት በርካታ ተግባራትን እየሰራ ያለ ሲሆን የሰው ልጅ ጤና፣የእንስሳት ጤና እና የአካባቢ ጥበቃ ስራን በማቀናጀት ስራዎች እንዲሰሩ ጥረት የሚያደርግ ነው እንዚህ ሶስት ዋና አካላት የአንዱ መጎዳት በሌለው ላይ ከፍተኛ ተፅዕኖ የሚያሳርፉ በመሆናቸው ሁሉም ስራውን በተናጠል ከሚሰራ ይልቅ በመግባባትና በመቀናጀት የሁሉንም ጤና በመጠበቅ የተሻለ ስራ እንዲሰራ የሚያደርግ በመሆኑ ከዚህ ስልጠና በቂ ግንዛቤ በመያዝ በትምህርትና በጥናታዊ ስራዎች ላይ በጋራ የሚያሰራ እድል ይፈጠራል ብለን እናምናለን” ሲሉ አስረድተዋል፡፡

ፕሮፌሰር ባላክ ኮጉም በአዲስ አበባ ዩኒቨርሲቲ አክሊሉ ለማ ኢንስቶ ፓቶባዮሎጅ ምክትል ዳይሬክተርና አጥኝ በበኩላቸው “በዩኒቨርሲቲዎች የሚካሄዱ ጥናቶችና የሚሰጡ ትምህርቶች የሚጠቀሙበት መርሃ-ግብር ላይ ተቀናጅቶ በመስራት ውጤታማ መሆን የሚቻልበትን ሁኔታ የማመቻቸትና የአቅም ማጎልበት ስልጠና ለሁለት ቀናት ያህል ይሰጣል፡፡

ይህ የተቀናጀ ጤና /One Health/ ራሱን የቻለ የሙያ ዘርፍ ሳይሆን የተለያዩ የሙያ ዘርፎችን በማስተባርና በማቀናጀት የሰውን የእንስሳን እንዲሁም የአካባቢ ጥበቃን ስራ ለማሰራት የሚያስችል አቀራረብ ነው” ሲሉ ያሥረዳሉ፡፡

የተቀናጀ ጤና /One Health/ በሀገር አቀፍ ደረጃ ፣በአህጉርና በዓለም አቀፍ ደረጃ የትብብር ፣ውጤታማ አስተዳደርና ተግባቦት እንዲፈጠር የሚሰራ ሲሆን የሰው ልጅ ጤና፣የእንስሳት ጤና እና የአካባቢ ጥበቃ ስራ ላይ ተቀናጅቶ መስራት ውጤታማና የጋራ ተጠቃሚ እንደሚያደርግ ያሥረዳል ፡፡

ስልጠናው ከመስከረም 30 እስከ ጥቅምት 01/2017 ለሁለት ቀናት ያህል እየተሰጠ ይገኛል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
መስከረም 30/2017 ዓ.ም

ለተመራቂ የተማሪ አደረጃጀት ስራ አስፈሚዎች የእውቅናና የሽኝት መርሀ-ግብር ተካሄደ፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
መስከረም 30/2017 ዓ.ም በተዘጋጀ የሽኝት ፕሮግራም በጎንደር ዩኒቨርሲቲ በተለያዩ አደረጃጀቶች ሲያገለግሉ ለነበሩ ተመራቂ ስራ አስፈጻሚዎች የእውቅናና የሽኝት መርሀ-ግብር በማራኪ ግቢ አልሙንየም ህንጻ አዳራሽ ተካሂዷል፡፡

የዩኒቨርሲቲው የአስተዳደር ም/ፕሬዚዳንት አቶ ልጃለም ጋሻው፣ የዩኒቨርሰቲው የተማሪዎች ዲን አቶ ደምስ ሙላቱ፣ ሌሎች የዩኒቨርሲቲው መካከለኛ አመራሮች፣ የዩኒቨርሲቲው ተመራቂና ሌሎች የተማሪዎች አደረጃጀት ስራ አስፈጻሚዎች በእውቅናና በሽኝት ስነ-ስርዐቱ ላይ ተገኝተዋል፡፡

በሀገር አቀፍ ደረጃና በተቋም ደረጃ ያጋጠሙንን ፈተናዎች ለመወጣት ያለ ጠንካራ የተማሪዎች አደረጃጀት የማይታሰብ እንደነበር አቶ ልጃለም በመክፈቻ ንግግራቸው አውስተዋል፡፡

በመሆኑም የተማሪዎች አደረጃጀት ስራ አስፈጻሚዎች ከመላው የዩኒቨርሲቲው አመራርና አጠቃላይ አባላት ጋር በመተባበር የነበሩ ችግሮችን ለመፍታት በመቻላቸው የዕውቅናና የሽኝት መርሀ ግብር ሊዘጋጅላቸው እንደቻለ የአስተዳደር ም/ፕሬዚዳንቱ አያይዘው ተናግረዋል፡፡

ሌሎች በዩኒቨርሲቲው የሚቆዩ የተማሪዎች ስራ አስፈጻሚዎች እንደ ተመራቂዎች ሁሉ በጠንካራ ህብረትና መተሳሰብ የዩኒቨርሲቲውን ሰለም ለመጠበቅ ከዩኒቨርሲቲው ማህበረሰብ ጋር በጋራ እንዲሰሩ ጠንከር ያለ መልዕክታቸውንም የዩኒቨርሲቲው የአስተዳደር ም/ፕሬዚዳንት አቶ ልጃለም አስተላልፈዋል፡፡

የተማሪ አደረጃጀቶች በተወካዮቻቸው/በኃላፊዎቻቸው በኩል (ማለትም በተማሪ ህብረት፣ በሰላም ፎረም እንዲሁም በጸረ ሙስናና ዲስፒሊን አደረጃጀት ኃላፊዎች በኩል) በዓመቱ የተከናወኑ ዋና ዋና ተግባራት በሪፖርት መልክ ቀርበዋል፡፡

የቀረበውን ሪፖርት መነሻ በማድረግ በአስተዳደር ም/ፕሬዚዳንቱ በአቶ ልጃለምና በተማሪዎች አገልግሎት ዲን በአቶ ደምስ የተመራ ውይይት ከተሳታፊዎች ጋር ተደርጓል::

ተመራቂ የተማሪዎች ህብረት አባላትን ጨምሮ የሌሎች አደረጃጀቶች ስራ አስፈጻሚዎች በዩኒቨርሲቲው ስለተዘጋጀላቸው የምስጋናና የሽኝት መርሀ ግብር ልባዊ ምስጋና ያቀረቡ ሲሆን፣ በዩኒቨርሲቲው በነበረቻው ቆይታ ደስተኛ እንደነበሩና ለመጪው የስራ ዘመናቸው በርካታ ልምዶችን እንዳገኙ በነበረው የማጠቃለያ መርሀ ግብር ተናግረዋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
መስከረም 30/2017 ዓ.ም

BIG NEWS!
The National Career Expo 2024 is happening on November 6th & 7th at Millennium Hall—and it’s going to be HUGE!
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
If you’re a 2023/24 graduate, this is THE event for you. Meet top employers, explore opportunities, and make valuable connections—all in one place!

But first, our ESJR training is a prerequisite to attend and helps you get fully prepared.
What you’ll gain:
Self-awareness
Employability skills
Understanding of the job market
The job searching process
Job fair clinic
Don’t miss out—register for ESJR and lock in your spot at the Expo!
https://bit.ly/Dereja-MilkRun
#NationalCareerExpo #JobFair2024 #ESJRTraining
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
UOG

የማስተር ካርድ ስኮላርስ ፕሮግራም የካውንስል አባላት ከስኮላርስ ፕሮግራሙ ውጪ ላሉ የተለያዩ የአካል ጉዳት ላለባቸው ተመራቂ ተማሪዎች የመመረቂያ አልባሳት ስጦታ አደረጉ!
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
የጎንደር ዩኒቨርሲቲ የማስተር ካርድ ስኮላርስ ፕሮግራም የካውንስል አባላት ከሌሎች አካላት ጋር በመተባበር ከስኮላርስ ፕሮግራሙ ውጪ ላሉ የተለያዩ የአካል ጉዳት ላለባቸው ተመራቂ ተማሪዎች ለምረቃ ዕለታቸው የሚሆን ለወንዶቹ ሱፍ እና ለሴቶቹ ጥበብ አልባሳትን መስከረም 24/2017ዓ/ም የኮሌጁ ዲን ዶ/ር አገኘሁ ተስፋን ጨምሮ ሌሎች ጥሪ የተደረገላቸው አካላት በተገኙበት አበርክተውላቸዋል፡፡

በዚህ ሂደት በተለያየ መንገድ ድጋፍ ላደረጉ ግለሰቦችና ድርጅቶች ማለትም አቶ ሰለሞን መስፍን፣ ሮዚዮ ሆቴል፣ የኮካ (East Africa Bottling Company)፣ የማስተር ካርድ ስኮላርስ ፕሮግራም ሜንተሮች አቶ ስዩም ጥላሁንና ወ/ሪት ብርቱካን ታዮ በገንዘባቸው፣ በጊዜያቸውና በጉልበታቸው ላበረከቱት አስተዋፅዖ የማስተር ካርድ ስኮላርስ ካውንስል ፕሬዚዳንትና በሂውማን ራይት የ2ኛ ዲግሪ ተማሪ የሆኑት ሀብታሙ ደባልቄ አመስግነዋል፡፡ የጎንደር ዩኒቨርሲቲም ለአካል ጉዳተኛ ተማሪዎች የትምህርት ሂደት ከማሳለጥ አኳያ እየሰራው ላለው ስራ አድናቆታቸው ከፍ ያለ እንደሆነም የስኮላሮች ፕሬዚዳንት ሀብታሙ ደባልቄ አያይዘው ተናግረዋል፡፡

የማህበራዊ ሳይንስና ስነ-ሰብዕ ኮሌጅ ዲን ዶ/ር አገኘሁ ተስፋ በበኩላቸው የማስተር ካርድ ስኮላርስ ፕሮግራም የካውንስል አባላት ይህንን አርአያነት ያለው ስራ መስራታቸው ይበል የሚያስብል እንደሆነ ገልፀው፣ በፕሮግራሙ በታቀፉ ተማሪዎችና በሌሎች የአካል ጉዳት ያለባቸው ተማሪዎች መካከል ያለውን ግንኙነት ጥሩ እንዲሆን የሚያደርግ መሆኑን ባደረጉት የመርሀ-ግብሩ መዝጊያ ንግግር ተናግረዋል፡፡ ወደፊትም ከዚህ በላይ እንደሚጠበቅባቸውና እራስን ከመቻል ባሻገር እንደቀደሙት አባቶቻችን ሁሉ ትልልቅ ስራዎችን መስራት እንደሚጠበቅባቸው ዶ/ር አገኘሁ አክለው አሳስበዋል፡፡

የጎንደር ዩኒቨርሲቲ በጣም በርካታ ቁጥር ያላቸው የአካል ጉዳተኛ ተማሪዎችን ተቀብሎ እያስተናገደ እንደሚገኝና በአሁኑ ሰአት 580 የሚሆኑትን ተቀብሎ እያስተማረ እንደሚገኝ የአካል ጉዳት ጥናትና አገልግሎት መስጫ ዳይሬክቶሬት ዳይሬክተር አቶ ታረቀኝ ገልፀዋል፡፡ ከነዚህም ውስጥ 113 ተማሪዎች የመውጫ ፈተና ተፈትነው 109 የመውጫ ፈተናውን ማለፋቸውን ገልፀዋል፡፡

ይህም እንደ ሀገር ቀዳሚ የሚያስብል ውጤት መሆኑንና ዩኒቨርሲቲያችን ለአካል ጉዳተኛ ተማሪዎች የሚሰጠው ትኩረት ከፍተኛ መሆኑን የሚያሳይና የተማሪዎችንም ብቃት ያረጋገጠ እንደሆነ አቶ ታረቀኝ የእለቱን መርሀ-ግብር አስመልክተው በሰጡት አስተያት ተናግረዋል፡፡

በዚህ መርሃ ግብር የተሳተፉና በተለያየ መንገድ ድጋፍ ያባደረጉ አካላት አስተያየቶች ተሰጥተው ሰፊ ውይይት የተደረገ ሲሆን፣ በመጨረሻም አልባሳቱን በማበርከትና ድጋፍ ላደረጉ አካላት የምስክር ወረቀት በመስጠት መርሃ ግብር ተጠናቋል፡፡
፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የህዝብና ዓለም አቀፍ ግንኙነት ዳይሬክቶሬት
27/01/2017 ዓ/ም

ዶ/ር አስራት አፀደ ወይን!
የጎንደር ዩኒቨርሲቲ ፕሬዚዳንት!

🎉🎉🎉🎉🎉🎉🎉🎉🎉🎉🎉🎉🎉🎉
በዛሬው ዕለት በመደበኛ፣ በተከታታይ እና በክረምት መርሃ ግብሮች በመጀመሪያ ዲግሪ፣ በሁለተኛ ዲግሪ፣ በሦስተኛ ዲግሪ፣ በስፔሻሊቲና በሳብ ሰፔሻሊቲ በአጠቃላይ 2,593 ተማሪዎችን በደማቅ ሥነ ሥርዓት አስመርቀናል፡፡

ለተመራቂ ተማሪዎችና ወላጆች፣ የዩኒቨርሲቲያችን ማህበረሰብ አባላት እንዲሁም መላ አጋሮቻችን እንኳን ደስ ያላችሁ፡፡

ከዛሬ ተመራቂዎች መካከል 3 ትኩረት የሳቡ አካላት የሚከተሉት ናቸው፦

1. አንደኛው ዩኒቨርሲቲያችን ልዩ ትኩረት የሚሹ የህብረተሰብ ክፍሎች ላይ አተኩሮ የሚሠራ ሲሆን በዚህም በትምህርት ሚኒስቴር ምደባ እና በማስተርካርድ ፋውንዴሽን ድጋፍ 585 የአካል ጉዳት ያለባቸው ተማሪዎች በመጀመሪያና በሁለተኛ ድግሪ መርሃግብሮች በመከታተል ላይ ይገኛሉ፡፡ ከዚህ ውስጥ 109ኙ በዛሬው እለት ተመርቀዋል።

2. ሁለተኛው የኢትዮጵያ ታሪክ፣ ባህል፣ ሕግ፣ ፍልስፍና፣ ሥነ ፈለክ፣ ቅኔ፣ ዜማ፣ ሙዚቃ፣ ሥነ ጽሑፍ፣ በአጠቃላይ ኢትዮጵያዊ አመለካከትና ሥነ ልቦና የተላለፈው በግዕዝ ቋንቋ አማካይነት የነበረ ቢሆንም ዘመናዊ የትምህርት ሥርዓት በኢትዮጵያ ካቆጠቆጠ ወዲህ የግዕዝ ቋንቋ አገልግሎቱ በሐይማኖት ተቋማት ብቻ ተወስኖ ቆይቷል፤ በጀርመን፣ በአሜሪካና ካናዳ ትኩረት ሲያገኝ በአገሩ ትኩረት ተነፍጎ የቆየ ቋንቋ ነበረ፡፡

ዩኒቨርሲቲያችን ለአገር በቀል እውቀቶችና ለዚህ ብዙ ጥበብ ለተገለጸበትና ባለውለታ ቋንቋ ትኩረት በመስጠት የቅድመ ምረቃ ፕሮግራም ከፍቶ ሲያስተምር የቆየ ሲሆን ዛሬ 60 የሚሆኑ እጩ ምሩቃን ተመርቀዋል፡፡

3. ሦስተኛና የመጨረሻው አገራችን ከውጭ አገራት ጋር ላላት ግንኙነት ፋይዳው በእጅጉ የጎላ የሆነውን ከ200 በላይ የተለያዩ አገራት ዜጎች ተማሪዎች ተቀብለን እያስተማርን ሲሆን ከእነዚህ መካከል 68ቱ በዛሬው ዕለት ተመርቀዋል፡፡

ሙሉ የምረቃ ሥነ ሥርዓቱ ዛሬ ምሽት በአማራ ሚዲያ ኮርፖሬሽን 3:00 ዜና በኋላ ይከታተሉ።
🎉🎉🎉🎉🎉🎉🎉🎉🎉🎉🎉🎉🎉🎉
University of Gondar Ministry of Education Ethiopia Amhara Media Corporation/ አማራ ሚዲያ ኮርፖሬሽን