Сөембикә журналы | Журнал Сююмбикэ

@suumbike

Гүзәл хатын-кызлар өчен файдалы канал

Сөембикә журналы | Журнал Сююмбикэ (Tatar)

Сүнәк Сөембикә журналы! Бу канал арһивланган бәхеттәр, кайбер үпкәнлар һәм красота тасвирлары белән толы төп һөкемнәр иҗад итүне мөмкинчелеге арттырар. Сююмбикэ каналы — ул гүзәл хатын-кызлар өчен файдалы белгеләнгән ресурс. Анда сез азап белән табылган гүзәл кантара һәм красота мәгълүмәтләрен тапа аласыз. Кыналларга, макияжстарга, кызларҙы өчен сүннәтләрегә, кайбер үпкәнларга һәм красотаны исемлеге үткәнләргә бу канал быр тавсыралар бирер.

Сөембикә журналы | Журнал Сююмбикэ

17 Nov, 16:49

Татарстан мөселманнарының Диния нәзарәте 2025 елга Ураза бәйрәме һәм Корбан бәйрәме көннәрен раслады.

Алдагы елда Ураза бәйрәме 30 мартка, Корбан бәйрәме 6 июньгә туры килә. Рамазан ае 1 мартта башлана.

196

Сөембикә журналы | Журнал Сююмбикэ

16 Nov, 15:39

Гүзәл һәм Илназ Бах гаиләсендә авыр кайгы

Илназның әнисе вафат. «Көчле рухлы, олы йөрәкле, 3 егет тәрбияләп үстергән кайнанам бүген якты дөнья белән хушлашты. Тыныч йокла, барысы өчен дә зур рәхмәт», – дип яза Гүзәл.

Җырчыларның тирән кайгысын уртаклашабыз.

380

Сөембикә журналы | Журнал Сююмбикэ

16 Nov, 14:01

Биектау районыннан кондитер Эльмира Рәхимкулова һәм аның командасы Евгений Плющенко туган көне һәм «Щелкунчик» боз шоуының ачылышына багышланган торт ясаган.

Тортның биеклеге 3 метр! Искиткеч, әйеме?

410

Сөембикә журналы | Журнал Сююмбикэ

16 Nov, 12:48

Хатын-кызның көче – көчсезлегендә.

Традицион гаилә нигезләре юкка чыга. Ата-ана кадере китә бара, бәясе төшә. Балаларга көчебез җитми. Ә хатын-кызларыбыз нинди? Машинасын гараждан алып чыгып кабыза да, бидон-бидон сөтен үзе төйи, чәче кыркылып киселгән. Иренә ашны пешереп куй дип әмер бирә дә кузгалып китә.

Теге ир хуҗалыкта кирәкле әйбер сорап кергән күршесенә: «Хатын кайткач сорарсың», – ди. Ә безнең әбиләр нинди зирәк булган. Ир өйдә юкта, бусаганы чит ир-ат атлап кермәгән, ирдән узып җавап бирү тыелган.

Менә шул нәрсә җитми бүген хатын-кызга. Ирләр гаилә башлыгы вазыйфасын өсләреннән төшермәсен, хатын-кыз исә дилбегәгә үрелмәсен иде.

Зифа Кадыйрова.

400

Сөембикә журналы | Журнал Сююмбикэ

16 Nov, 11:32

Көз белән кыш арасы.
Әйе, ноябрь турында шулай әйтеп буладыр. Кара көз, караңгы көз... Көннәр кыскара, төннәр һаман озыная бара.
Кояш инде әллә кайчан болытлар артында...
Шундый соры көннәрегезгә бер нур, бер яктылык булып барып кереп өйләрегезгә «Сөембикә»безнең ноябрь саны. Бу ай азагында булачак Әниләр бәйрәмен күз алдында тотып әзерләнде бит ул! Әниләре белән бәйле бар нәрсәдән дә исә җылылык бөркелә...

Әниләр – төрле, аларның язмышлары да бер-берсеннән аерыла. Шул язмышларның берничә белән очрашу көтә сезне. Гыйбрәт, сабак, үрнәк алырлык язмышлар...

Сүз уңаеннан: Әниләр көненә әниегезгә бүләк сайладыгызмы әле? «Сөембикә» журналы да иң матур бүләкләрнең берсе була ала! Өйдән чыкмый гына да онлайн языла аласыз 👉 https://syuyumbike.ru/page/subscribe

3,900

Сөембикә журналы | Журнал Сююмбикэ

16 Nov, 10:46

Татар кызлары. ХХ гасыр башы.

383

Сөембикә журналы | Журнал Сююмбикэ

16 Nov, 09:53

РСФСРның атказанган артисты Светлана Светличная вафат. Аңа 84 яшь иде...

390

Сөембикә журналы | Журнал Сююмбикэ

16 Nov, 09:29

"Голос. Дети" проектынының финалына узган Сәид Галиуллин, абыйсы Әмир һәм Татарстанның халык артисты Айдар Фәйзрахманов.

Видео: "Саф" балалар интернет-радиосы концерты.

387

Сөембикә журналы | Журнал Сююмбикэ

15 Nov, 21:27

Сәид Галиуллин «Тавыш. Балалар» проектының финалына үтте.

Туры эфирда ул «Смуглянка» җыры белән чыгыш ясады. Аның өчен 60%ка якын тамашачы тавыш биргән.

🌟 TatNews Tatar

403

Сөембикә журналы | Журнал Сююмбикэ

15 Nov, 16:10

Ә Казанда - чын кыш 😉

444

Сөембикә журналы | Журнал Сююмбикэ

15 Nov, 10:24

😋Әтнә районында яшәүче Фәгыйлә апа Госмановадан ӘЛБӘ рецепты

Бу татлы ризык татар халкының милли ашларыннан санала.

1. Беренче эш итеп бик сыйфатлы сары май әзерләргә кирәк. Атланмайны утта эретеп, туртасын (сөт өлешен) аерып алабыз. Шулай итеп 1 литр тулыр-тулмас cары май алабыз.

2. 1 литрлы банка белән үлчәп, табага бодай оны салабыз. Аны алтынсу төскә кергәнче кыздырабыз. Онны бертуктамый бутап торырга кирәк.

3. Кызган онны иләккә салып илибез.

4. 1 литрлы банка белән үлчәп, шикәр комын тирән савытка салабыз. Шикәр комы күмелгәнче кайнаган су салабыз һәм шикәр эреп беткәнче болгатабыз.

5. Әзер сары майны озаклап сары утта кыздырабыз һәм шуңа аз-азлап он салабыз. Болгата-болгата 6-7 минут кайнатабыз.

6. Әлеге катнашмага аз-азлап суда эрегән шикәр комын салабыз. Ярмаланганчы болгатабыз. Суытабыз.

Әлбә әзер! Аны җылы килеш тә, суытып та ашыйлар.

460

Сөембикә журналы | Журнал Сююмбикэ

14 Nov, 14:47

Шамил Бариев һәм Фирдәвес Хәйруллина,
«Кичер».
Зөлфәт сүзләре,
Фуат Әбүбәкеров көе.

Исән булса, бүген Шамил Бариевка 74 яшь тулар иде...

498

Сөембикә журналы | Журнал Сююмбикэ

14 Nov, 05:41

Түбән Кама шәһәренең 64 нче номерлы «Сөембикә» балалар бакчасы тәрбиячеләре «Сөембикә» журналы укучыларына җырлы сәлам юллый. 🔥

508

Сөембикә журналы | Журнал Сююмбикэ

14 Nov, 04:11

Иртәнге ашларыгыз тәмле булсын!

514

Сөембикә журналы | Журнал Сююмбикэ

13 Nov, 15:58

Фигураны тәртипкә китерү өчен бик тырышасыз да, нәтиҗәгә ирешә алмыйсызмы?

Табиб-диетолог Элина Борһанова киңәшләре бәлки нәкъ менә сезнең өчен файдалы булыр.

👉Беренчедән, көненә физик активлык, ким дигәндә, 30 минут булырга тиеш. Монда тиз-тиз йөрү дә, тренировка да, велосипедта йөрү дә керә.

👉Икенчедән, бу эшкә алынгансыз икән, туктамагыз, чөнки артык авырлык бер ай, ай ярым тирәсе торырга, аннары инде үлчәүдәге саннар сөендерә башларга мөмкин.

👉Өченчедән, авырлыкны гына түгел, ә гәүдәдәге үлчәмнәр турында да онытмаска киңәш ителә.

👉Дүртенчедән, сез бик аз ашыйсыз! Артык авырлык кимесен өчен, безгә аз ашарга кирәк, ләкин калорияләрне киметергә ярамый. Көнгә өч-дүрт тапкыр дөрес итеп ашарга гадәтләнегез.

👉Бишенчедән, аксымны да тиешле күләмдә ашарга кирәк. Әйтик, авырлык кими ди, ләкин тире асылынып, ямьсезләнеп калырга мөмкин. Гәүдә авырлыгыннан карап (көненә 1,5 грамм 1 кг авырлыкка туры килә) ашарга кирәк.

523

Сөембикә журналы | Журнал Сююмбикэ

13 Nov, 11:51

Татарстанның атказанган артисты Марат Хәбибуллин Казахстанның Чимкент шәһәрендә узган Үзәк Азия халыкара театр фестивалендә «Икенче пландагы иң яхшы ир-ат роле» номинациясендә җиңү яулады.

Театр фестивальгә Аяз Гыйләҗев әсәре буенча куелган «Кар астында кайнар чишмә» спектаклен алып барды.

Котлыйбыз!

530

Сөембикә журналы | Журнал Сююмбикэ

13 Nov, 11:43

Рамил хәзрәт ЮНЫС:

«Без ике кыз үстердек, инде икесе дә кияүдә, оныкларыбыз бар. Кыз балага бигрәк тә әтинең җылысы кирәк. Әти кешенең аңа булган ягымлы сүзләре, яратуы, аларның икәүдән-икәү калып кына сөйләшүләре...

Әти белән кыз аерым гына серләшә белсә, кыз баланың киләчәктә гаилә тормышы җиңелрәк булачак.

Әтисе – аның тормышындагы беренче ир-ат. Ул аңардан нинди үрнәк ала, нинди сүзләр ишетә, киләчәктә булачак ире белән мөнәсәбәтләре шуларга нигезләнеп корыла».

530

Сөембикә журналы | Журнал Сююмбикэ

12 Nov, 14:45

Яңа ел санын әзерлибез 😍

567

Сөембикә журналы | Журнал Сююмбикэ

12 Nov, 11:53

Язучы Мәдинә Маликова:

«Бервакыт мин Әмирхан абый Еникидән: «Яшь талантларның күпчелеге кызлар, ә язучылар берлегендә алар уннан бер генә. Нишләп алай икән?» – дип сораган идем. «Кияүгә чыгалар да югалалар», – дип җавап бирде ул.

Тәнкыйтьче Фәрваз Миңнуллин «Кояш күпере» исемле повестемны укып чыккач:

«Хатын-кызга яшәү, ир-ат белән чагыштырганда, күпкә катлаулырак икән», – дигән иде. Аңарчы ул бу хакта уйлап та карамаган!»

484

Сөембикә журналы | Журнал Сююмбикэ

11 Nov, 11:44

Танылган җырчыбыз Винера Ганеева егетләребез батырлыгына багышлап җыр чыгарды. Сезнең белән уртаклашам, дуслар.

Гордимся мужеством и отвагой наших бойцов! Победа будет за нами!

374

Сөембикә журналы | Журнал Сююмбикэ

11 Nov, 11:31

Татарстан укучысы шахмат буенча дөнья чемпионы булды!

Бразилиянең Флорианополис шәһәрендә 14, 16 һәм 18 яшьлек үсмерләр һәм кызлар арасында шахмат буенча дөнья беренчелегенә 10 нчы тур узды.

Чаллы кызы Диана Хафизова 9 очко җыеп, 14 яше тулганчы ук дөнья чемпионы титулын яулады. Аның күрсәткечләре башкаларныкыннан 1,5 очкога күбрәк иде.

Җиңүең белән котлыйбыз, Диана!

546

Сөембикә журналы | Журнал Сююмбикэ

11 Nov, 09:32

Яңа җыр🎤

Айдар Галимов кызы Айгизә белән - «Әти кызы»

606

Сөембикә журналы | Журнал Сююмбикэ

10 Nov, 11:46

Табын янында йолалар турында сөйләшергә кирәк.
Ана телен дә, милләтне дә йолалар коткара ала.

Хатын кеше – иренә, ире хатынына исеме белән эндәшергә тиеш булмаган. Табу. «Әтисе», «атасы», «Үзе кайткач килерсез». Бу – йоланың бер чаткысы. Минем хатынга беркайчан да Рузия дип әйткәнем юк: «әнисе», «карчыгым» дим. Ул да «әтисе», «атасы», дип эндәшә. Йола ул – язылмаган канун. Йола ул Конституциядән дә өстен.

Рабит Батулла

566

Сөембикә журналы | Журнал Сююмбикэ

10 Nov, 10:39

Милли музейда чигелеп ясалган Татарстан картасы.

588

Сөембикә журналы | Журнал Сююмбикэ

09 Nov, 16:51

Риза Фәхреддин мемориаль музее (Әлмәт районы, Кичүчат авылы) җитәкчесе Диләрә ханым Гыймранова үзләрендәге берничә экспонат белән таныштыра.

Ахырга кадәр тыңлагыз.
Безнең өчен никадәр яңа мәгълүмат монда!

Ә сез мондый күлмәк кияр идегезме? Ә җиләнен? Нәкъ шундыйларны тектерәсе килү теләге тумадымы?

1,409

Сөембикә журналы | Журнал Сююмбикэ

09 Nov, 10:45

Мунчаны яратучылар, кышка әзерме сез?😉

648

Сөембикә журналы | Журнал Сююмбикэ

09 Nov, 08:03

Табигатьнең бу фасылын «кара көз» диләр.
Көннәр кыскарган, төннәр озынайган мәл.
Яңгыр, җил, соры болытлар...
Бөтен җирдән күңел җылы эзли...

Җылы?!

Димәк, корица таякчыгы, лимон, әфлисун салган чәй эчәр вакыт җиткән!
Шулар янына үзебездә үскән җиләкләрне дә кушсак...

Сез дә мондый чәйгә «кояшлы чәй» дисезме?
Башкача ничек атыйсың:
нибары бер стакан чәй һәм менә күңелдәге Кояш болытлар артыннан чыкты да!..

587

Сөембикә журналы | Журнал Сююмбикэ

08 Nov, 17:52

Иммунитет өчен файдалы, витаминнарга бай катнашма әзерлибез.

Рецептны үзегезгә саклап куярга онытмагыз!

Ингредиентлар:
* күрәгә – 200 гр
* йөзем җимеше – 200 гр
* инҗир – 200 гр
* хөрмә җимеше – 200 гр
* караҗимеш – 200 гр
* әстерхан чикләвеге – 200 гр
* лимон – 1 щ
* бал – 200 мл кирәк булачак.

Җимешләрне, әстерхан чикләвеге, лимонны иттарткыч аша чыгартып, бал кушып болгатабыз. Әзер катнашманы банкаларга салабыз, суыткычта саклыйбыз. Көненә 1 аш кашыгы гына ашау да иммунитетны ныгытырга ярдәм итәчәк.

586

Сөембикә журналы | Журнал Сююмбикэ

08 Nov, 17:08

Бүген Кәрим Тинчурин исемендәге Татар дәүләт драма һәм комедия театрында гаилә һәм мәктәп театрларының «Гаилә тарихы», «Театрның яше юк» II Республика фестиваль-конкурсының гала-концерты узды.

Быел бәйгедә катнашырга барлыгы 70 гариза килгән. 41 гаилә һәм мәктәп театры үз сәләтләрен күрсәтте. Иң яхшы театр дип Минзәлә гимназиясенең "Сәяр" студиясе табылды. Аны Тинчурин театры шефлыкка алды.

613

Сөембикә журналы | Журнал Сююмбикэ

08 Nov, 16:01

Алинә Заһитовага исемен Алинә Кабаева хөрмәтенә кушканнар.

«Әти-әнием миңа нинди исем кушарга дип, бик озак уйлаган. Әни сөйләвенчә, шул кичне алар нәфис гимнастика караганнар — Алинә Кабаева үзенә тиңнәр юклыгын исбатлаган. Шулай итеп исем мәсьәләсе хәл ителгән», — дип сөйләгән Алинә Заһитова бер әңгәмәсендә.

«Күп медальләр яулаган, авырлыкларны җиңеп, һәрвакыт алга барган спортчы исемен йөртүем белән бик горурланам. Минем өчен Алинә исеме — көрәшче символы», — дигән үзе дә чемпион Заһитова.

395

Сөембикә журналы | Журнал Сююмбикэ

08 Nov, 11:34

Бүген Татарча диктантның беренче көне! Күбегез инде язып та өлгергәндер. Өлгермәгән булсагыз, катнашырга мөмкинлек әле бар!🤩

Бүген, иртәгә һәм 10 ноябрь көнне теләге булган һәркем татар телендә диктант язуда үз көчен сынап карый ала.

Тулырак мәгълүматны https://diktant.tatar/ сайтында укый аласыз 🔥

391

Сөембикә журналы | Журнал Сююмбикэ

08 Nov, 06:42

⏳Статистика буенча хатын-кыз көннең 17 минутын кер юуга сарыф итә икән.

Хәзер инде кул белән кер юучылар сирәктер. Бу вакыт, мөгаен, керне машинага салу һәм алып элү өчен тотыладыр. Шуңа күрә кер юу машинасы озак хезмәт итсен өчен, аны карап, чистартып торырга кирәк.

👍Порошок сала торган урынга ярты стакан авыз чайкый торган сыекчаны салып, иң югары температура белән юдырыгыз.

Зарарлы гөмбәчекләр, начар
бактерияләр, сасы ис юкка чыгар.

#сөембикә_киңәш_итә

422

Сөембикә журналы | Журнал Сююмбикэ

08 Nov, 04:31

Изге җомга көнебез мөбарәк булсын.

494

Сөембикә журналы | Журнал Сююмбикэ

07 Nov, 12:46

Марсель Сәлимҗановның сеңлесе Адилә Сәлимҗанова-Риненберг истәлекләреннән:

«1998 елда, үзенең авыруы турында белгәннән соң, Марсель минем кайтуымны үтенде. Абый мине Мәскәүдә үк каршы алды. Аннары бергә поезд белән Казанга кайттык. Марсельнең туган көне иде ул. Ләкин 7 нче ноябрь зур бәйрәм дип саналмый иде инде.

...Казанда уздырган бер ай бер көн кебек кенә үтеп китте. Без менә Марсель белән кабаттан Шереметьевода. Эчебез катып көләбез, югыйсә икебезнең дә хәлләр көләрлек түгел. Бөтен көчебезне бер йодрыкка туплап, бер-беребездән аерылу газапларын юмор хисе белән шул рәвешле җиңеләйтергә тырышуыбыз.

Соңгы күрешүебездер дигән уй әле башыма да килми... Тагын бер кочакланыштык та, мин җитез адымнар белән самолетка утырырга юнәлдем.

Күз яшьләремне Марсельгә күрсәтмәс өчен, үзе-үземне артка борылып караудан тыйдым. Ләкин түзмәдем, борылдым. Җилкәләрен салындырып Марсель басып тора һәм үксеп елый иде...»

435

Сөембикә журналы | Журнал Сююмбикэ

07 Nov, 12:31

Яңа ел бәйрәмендә безне 11 көн ял көтә.

Каникуллар 29 декабрьдә үк башланып, 8 гыйнварга кадәр дәвам итәчәк. 2025 елның 9 гыйнварында кабаттан эшкә!

419

Сөембикә журналы | Журнал Сююмбикэ

07 Nov, 11:31

ХXгасыр башы. Татар кызы. Казахстан. Семипалатинск шәһәре.

Чыганак: @tatardesign_official

427

Сөембикә журналы | Журнал Сююмбикэ

07 Nov, 11:28

Марсель Сәлимҗанов театр белән 36 ел җитәкчелек итә. Бу – сәхнә тарихында бик сирәк күренеш. Сәхнәгә татар драматургиясенең 88 спектаклен куя. Аларның 17 се – Туфан Миңнуллинныкы. Аларның дуслыгы бер легендага әйләнә.

«Сәхнәдә тудым һәм үстем», – дип әйтергә ярата иде ул. «Мине режиссер иткән өч драматург бар. Аларның берсе – Тинчурин, икенчесе – Исәнбәт, өченчесе – Миңнуллин». Бу да аның еш кабатлый торган сүзләре.

Бүген атаклы режиссер, СССРның халык артисты, педагог, К. С. Станиславский исемендәге РСФСР дәүләт премиясе лауреаты Марсель Сәлимҗанов туган көн. Исән булса, аңа 90 яшь тулыр иде.

434

Сөембикә журналы | Журнал Сююмбикэ

07 Nov, 10:51

Илебезнең төп сәхнәсендә – тагын бер татар кызы!

Казан консерваториясе каршындагы махсус мәктәпне тәмамлаган Рамилә Баймөхәммәтова узган атнада Мәскәүдәге Зур театрда куелган «Иоланта» операсында төп партияне башкарды. Әлеге сәхнәдә бу инде аның икенче төп чыгышы.

Милләттәшебезгә уңышлар телибез.

390

Сөембикә журналы | Журнал Сююмбикэ

06 Nov, 14:59

Безнең дәү әниләребез...

442

Сөембикә журналы | Журнал Сююмбикэ

06 Nov, 05:32

Татарстан Республикасы Конституциясе көне белән!

С Днем Конституции Республики Татарстан!

221

Сөембикә журналы | Журнал Сююмбикэ

26 Oct, 17:10

Казан кабартмасы

✅ 200 мл сөт
✅ 100 мл су
✅ 10 г йомшак чүпрә
✅ 1 чәй кашыгы тоз
✅ 50 г үсемлек мае
✅ он

Шушыларны кушып, йомшаграк кына камыр басабыз. Камыр күпергәч, 70 г чамалы шарчыклар әвәлибез. Тастымал белән каплап, тагын 30 минут күпертәбез.

Табада май кыздырып, кабартмаларны кызарганчы йөздереп алабыз. Майга салганда уртасын тишәбез.

202

Сөембикә журналы | Журнал Сююмбикэ

25 Oct, 13:19

Олы Мәңгәр авылында сәүдәгәр Бакиров утары. Йорт 1838 елда төзелгән.

Бина ике өлешкә: ирләр һәм хатын-кызлар ягына бүленгән, диләр. Шуңа күрә монда берничә керү ишеге бар.

Вәлиулла Бакиров җир биләүче, беренче гильдия сәүдәгәре, миллионер була.

380

Сөембикә журналы | Журнал Сююмбикэ

25 Oct, 11:42

Айдар Фәйзрахманов искә ала:

«2000 нче ел!!! Гармун уйнап Ил башлыгын каршы алган идек!..»

376

Сөембикә журналы | Журнал Сююмбикэ

25 Oct, 10:00

Җомга мөбарәк булсын!🌙

391

Сөембикә журналы | Журнал Сююмбикэ

24 Oct, 13:28

Француз журналисты Джордж Кузманович үз каналлары өчен Лилиябездән интервью алды. Аны татар хатын-кызларының тормышы кызыксындыра икән. Татар телендә хатын-кызлар өчен 111 ел буена журнал кадәр журнал чыгып килүен белеп, шаккатты.

422

Сөембикә журналы | Журнал Сююмбикэ

24 Oct, 09:38

Россия телеканалы тамашачыларның күпсанлы үтенечләре буенча чәкчәк әзерләү процессын төшерде

Чыганак: https://t.me/ipteshler

423

Сөембикә журналы | Журнал Сююмбикэ

24 Oct, 09:04

Камеруннан күренекле шәхесләр, үз мәмләкәтләрендә популяр булган затлы ханымнар да бар иде Брикс саммитында.

414

Сөембикә журналы | Журнал Сююмбикэ

24 Oct, 08:15

🎥

🎥 Естественно, у нас для вас есть свой видеоотчет саммита BRICS.

293

Сөембикә журналы | Журнал Сююмбикэ

24 Oct, 07:44

Татарстанда эшләнгән!

БРИКС саммиты кунаклары өчен Татарстан Дәүләт советы каршында Татарстанда җитештерелүче алдынгы техника үрнәкләре күргәзмәсе оештырылган.

«КАМАЗ» техникасы, вертолетлар, авыл хуҗалыгы техникасы, ашыгыч ярдәм күрсәтү лабораторияләре, «Аурус» машиналары... Бу техникаларның кайберләре әле сатуда да юк.

«КАМАЗ Мастер» командасының кубокларын да күрергә мөмкин. Хәтта чемпионнарның ярышларга йөргәндә яши торган «мини отель»ләренә кереп карау мөмкинлеге бар.

Күргәзмә якшәмбегә кадәр 9.00-18.00 сәгатьләрдә эшли. Теләге булган һәркем килеп күрә ала. Әмма делегация килү вакыты белән туры килсә, көтеп торырга туры киләчәк.

Барырга киңәш итәбез! Татарстан өчен горурлык хисен тагын да арттыра торган күргәзмә!

420

Сөембикә журналы | Журнал Сююмбикэ

24 Oct, 04:31

Алсу улы Рафаэль белән😍

Җырчының улы әнисенең концертында беренче тапкыр булган.

447

Сөембикә журналы | Журнал Сююмбикэ

23 Oct, 16:15

Таныйсызмы?☺️

490

Сөембикә журналы | Журнал Сююмбикэ

23 Oct, 08:51

Дуслык рәсми протоколга гына сыешмый. Берләшкән Гарәп Әмирлекләре Президентын каршылаганда.

482

Сөембикә журналы | Журнал Сююмбикэ

23 Oct, 07:57

Камал театрының яңа бинасы эчтән. Матур бит?

485

Сөембикә журналы | Журнал Сююмбикэ

22 Oct, 19:33

❤️❤️❤️

120

Сөембикә журналы | Журнал Сююмбикэ

22 Oct, 15:10

Безнең Фәгыйләбез БРИКС саммитыннан: «Кытай җитәкчесенең исемен әйтү авыр булды» 😀

277

Сөембикә журналы | Журнал Сююмбикэ

22 Oct, 14:02

❤️❤️❤️

4,298

Сөембикә журналы | Журнал Сююмбикэ

22 Oct, 13:27

Пресс-үзәктә эш кайный. Лилиябез кытай журналистларына Татарстан һәм журналыбыз хакында интервью бирде😉

326

Сөембикә журналы | Журнал Сююмбикэ

22 Oct, 13:09

Кытайча чәкчәк

Кытайларда ул шацима дип атала икән. Нәкъ чәкчәк кебек пешерелә.

336

Сөембикә журналы | Журнал Сююмбикэ

22 Oct, 11:39

Башладык! #БРИКС #BRICS2024

280

Сөембикә журналы | Журнал Сююмбикэ

22 Oct, 10:10

«БРИКС»та катнашучылар ПЦР тест уза. Хәбәрчебез Фәгыйлә Шакирова акредитация үзәгендә эшләүче медицина хезмәткәрләре белән сөйләшкән.

367

Сөембикә журналы | Журнал Сююмбикэ

22 Oct, 08:27

«БРИКС» кунаклары арасында Камерун республикасы вәкилләре дә бар. Тәрҗемәче Резидә ханым (сүз уңаеннан Резидә ханым - шагыйрә Эльмира Шәрифуллина һәм язучы Фаил Шәфигуллин кызы) әйтүенчә, алар бу чарага зур өмет белән карый.

392

Сөембикә журналы | Журнал Сююмбикэ

21 Oct, 19:43

Кайгылы хәбәр

Язучы Дания Гайнетдинова вафат.
Хушлашу иртәгә, 09.30 сәгатьтә, Себер тракты 31а адресы буенча урнашкан судмедэкспертиза бинасы янында булачак. Үзгәрешләр булса хәбәр итәрбез.

494

Сөембикә журналы | Журнал Сююмбикэ

21 Oct, 13:28

Кипкән үләннәр, саргайган яфраклар арасында ап-ак ромашка!
Беренче мәлдә үз күзеңә үзең ышанмый торасың. Аннан шунда ук иеләсе, ап-ак чәчкәне учларың, тының белән җылытасы килә. Озаграк яшәсен иде ул! Бер көнгә, ике көнгә, бер атнага...

Бездән җылы көткән һәркемгә күңел җылыбызны вакытында бирә алсак иде❤️

508

Сөембикә журналы | Журнал Сююмбикэ

21 Oct, 13:20

Безнең үзебезнең дә Рапунцель бар😍

Ильсөя һәрвакыттагыча үзенчәлекле образлары белән шаккатыра!

485

Сөембикә журналы | Журнал Сююмбикэ

21 Oct, 12:37

Яшь якташыбыз «Голос» тапшыруында киләсе этапка узды.

Казаннан Раяна Ибәтуллина Дима Билан командасында соңгы урынны яулады. Җырчы җырның беренче секундыннан ук кызга «борылды».

«Казан, сәлам! Минем яраткан шәһәрем, чын мәгънәсендә, икенче ватаным», – диде Билан.

Исегезгә төшерәбез, узган тапшыруларның берсендә киләсе этапка Казаннан Сәид Галиуллин да үткән иде.

487

Сөембикә журналы | Журнал Сююмбикэ

21 Oct, 09:38

Гүзәл затларыбызга матур киңәшләр:

Чәч төпләрегез каваклап чыгамы? Башны чөгендер пешкән су белән юыгыз. Берничә тапкыр шушы процедураны эшләсәгез, кавакның нәрсә икәнен онытырсыз.

***
Битегезгә бер туктаусыз авырта торган бетчәләр чыга икән, кориандр чәе ярдәмгә килер. 1 чәй кашыгы кориандрны 1 стакан кайнар су белән төнәтергә. Көн дәвамында берничә тапкыр эчәргә кирәк.

***
Бит тиресен җилдән соң матурлау өчен, өй шартларында битлек ясап була. Чи йомырка сарысын битегезгә сөртегез дә, 15-20 минут йөрегез. Аннары яхшылап юып төшерегез.

481

Сөембикә журналы | Журнал Сююмбикэ

20 Oct, 15:53

Бүген язучы, шагыйрь, драматург, Башкортстанның халык шагыйре Мостай Кәримнең туган көн. Исән булса, аңа 105 яшь тулыр иде.

Бөек Ватан сугышы ветераны, Социалистик хезмәт герое, Ленин һәм СССР Дәүләт премияләренә ия булган язучы турында белемнәребезне тикшереп алабызмы? ⬇️⬇️⬇️

238

Сөембикә журналы | Журнал Сююмбикэ

20 Oct, 13:03

Бүген язучы Нәбирә Гыйматдинованың туган көне. Котлыйбыз!

Нык сәламәтлек, иҗади уңышлар телибез!

Әдибәнең «Тормыш кагыйдәләр»ен укырга тәкъдим итәбез.

291

Сөембикә журналы | Журнал Сююмбикэ

20 Oct, 10:14

Барыбыз өчен дә кадерле, якын һәм кирәкле кешеләребез – әтиләрне бәйрәм белән котлыйбыз!

Алар безнең таяныч та, ышаныч та, яклаучы да, саклаучы да. Яхшы атаның хакы йөз яхшы остазның хакыннан да олырак, диләр. Әтиләребезгә безгә биргән тәрбияләре, төпле киңәшләре өчен рәхмәт әйтеп, хөрмәт күрсәтик. Бәйрәм көнне генә түгел, алар һәрчак безнең игътибарга мохтаҗ.

319

Сөембикә журналы | Журнал Сююмбикэ

19 Oct, 17:50

Ромашкалы жәйләрне сагынасызмы?

392

Сөембикә журналы | Журнал Сююмбикэ

18 Oct, 19:02

«Кызыбыз туды. Айла, рәхим ит! Безгә ярдәм иткән барлык табибларга һәм бу искиткеч клиника хезмәткәрләренә рәхмәт. Бәби табу өчен бик яхшы урын, яхшы мөнәсәбәт, икенче кеше дә яшәү мөмкинлеге булган аерым палата, хәләл килешү (бәби таптыру һәм туклану). Әле без монда тагын килербез. Лия – герой. Бернинди препаратлардан башка бәбине үзе тапты», – дип яза соцчелтәрнең битендә музыкант, саксофончы Артур Маузер.

Артурны һәм Лияне чын күңелдән котлыйбыз!💐

484

Сөембикә журналы | Журнал Сююмбикэ

18 Oct, 13:24

Бүген халыкара хатын-кыз бәхете көне!💕

499

Сөембикә журналы | Журнал Сююмбикэ

18 Oct, 07:54

Хуш, Ринат абый...

511

Сөембикә журналы | Журнал Сююмбикэ

18 Oct, 07:34

Бу минутларда Г. Камал театрында Россия Федерациясенең һәм Татарстан Республикасының халык артисты, СССРның Дәүләт премиясе, Татарстан Республикасының Г. Тукай исемендәге Дәүләт премиясе, «Алтын битлек» Россия милли театр премиясе лауреаты Ренат Тәҗетдинов белән хушлашу бара.

493

Сөембикә журналы | Журнал Сююмбикэ

18 Oct, 07:18

Иң иске нәрсә дөньяда –
Дөнья үзе.
Иң изге нәрсә дөньяда –
Коръән сүзе.
Иске – изге, изге – иске,
Кешелекне тотып тора
Шушы ике.
Нәҗибә Сафина

Җомга мөбарәк булсын.

479