@tatar_estrada @tatar_estrada Channel on Telegram

@tatar_estrada

24 Dec, 11:05

Илсөя Бәдретдинова белән интервьюдан өзек👇

“Бәләкәй идем әле. Әни каршысына утыртты да: “Менә бу галочка нәрсә дип атала”, - дип минем балчыкка буялган бутыема рәсем ясап куйды.
“Менә бу бутыйны пычрагы катканчы юып кую, иртәгә юуга караганда күпкә җиңелрәк! Син аны юып куй да, күз алдыңа бәләкәй генә галочка китер. Мин молодец, дип уйлап куй.Иртәгә иртән чистаны кияргә күпкә җиңелрәк булыр. Аннан кишер түтәлен ута. Ута да, күз алдыңа тагын теге “галочканы” китер. Мин молодец , дип эчеңнән әйтеп куй. Берәр кайчан менә шушы бәләкәй генә “галочкаларын” зуууур бел “галкага” әйләнәчәк! Син моны сизәчәксең һәм шул вакытта син аягыңда нык басып торачаксың. Син бит молодец, кызым! ",- диде.

1,354

@tatar_estrada

23 Dec, 13:03

Ришат, чын күңелдән котлыйбыз! 👏👏👏

1,758

@tatar_estrada

23 Dec, 07:07

Гүзәл Әхмәтова шәхси тормышы белән уртаклашырга яратмый. Шулай да аның турында имеш-мимешләрнең тынганы юк.
Бүген җырчы кечкенә кызы Амалияне тәрбияли. Аның әтисе турында мнә ниләр сөйли ул.

“Амалия әтисе белән аралашып тора. Баламның әтисен дошман итеп күрмим. Без бит Рәфис белән бик тиз өйлнештек. Артист кеше белән яшәү авыр. Аны аңлыйм - мин бит ике яшьтән сәхнәдә.
Гаилә тормышына үземне багышламадым дип тә әйтә алмыйм. Гаиләне дә, сәхнәне дә алып бардым. Нигә аерылыштыгыз, дип сорасагыз, иремнең дә, минем дә төгәл җавабыбыз юк. Ташлашмадык та без. Язмыш шулай кушкандыр. Кызыбыз өчен иремә рәхмәтлемен. Ул аның янына гел килә. Кызганыч, әмма гаилә булып кала алмадык. Алдагысы әйбәт булсын. Үземне бәхтле кеше саныйм”, - ди ул.

1,828

@tatar_estrada

23 Dec, 04:23

Бездә ПРЕМЬЕРА 🔥

Davlyan
“Кайларда”

Davlyan көе
Гөлфия Шакирова сүзләре

Рәхим итеп тыңлагыз 🫶🏼

Кушылыгыз https://vk.com/davlyan_group 📌

1,860

@tatar_estrada

22 Dec, 08:08

Салават Фәтхетдинов белән интервьюдан өзек
⠀
"Элегрәк өлкәннәр еш кына: “Бала кайгысы күрергә язмасын”, - дип әйтә иделәр. Ул вакытта бу “дежур” сүзләргә артык игътибар итми идем: бер колактан керә, икенчесеннән чыга. Бала проблемасы никадәр авыр булганын үзең бабай булгач кына аңлыйсың икән... Чирләсәләр дә борчыласың, уңышсызлыкларына көяләнәсең..."

2,060

@tatar_estrada

21 Dec, 07:59

"Татар җыры" булмый ди бүген 😔

2,145

@tatar_estrada

20 Dec, 16:06

Руслан Кирамутдинов белән интервьюдан өзек

– Элеккеге Руслан белән бүгенге Руслан арасында нинди аерма бар?
– Дөньяга карашым үзгәрде, күзләрем ачылды. Хәзер мин элеккеге беркатлы, самими Руслан түгел инде. Мондый чакта кемнең кем икәне дә яхшы күренә бит. Кирәкмәс кешеләр белән аралар өзелде.

Бу тормышта сиңа үзеңнән башка беркем дә ярдәм итә алмый. Кешегә түгел, үзеңә ышанырга кирәк. Мич башында ятып, эш пешми, диләр бит. Кешедән ярдәм көтеп, үзеңне кызганып ятсаң, аякка баса алмыйсың. Рухны тырышлык, эш ныгыта.

Биредә Русланның иҗатын сөючеләр бармы? Комментарийларда языгыз!

2,701

@tatar_estrada

20 Dec, 12:02

“Бик авыр вакытларыбыз. Олы улыбыз хәрби офицер Салават Шәвәлиев махсус операциядә. Исән-сау әйләнеп кайтуын көтәбез. Әлбәттә, анда киткән бар ир-егетләребез гаиләләре, якыннары янына тизрәк әйләнеп кайтсын.

Концерт афишаларыгыз күренми дип сорыйлар. Югалтмагыз. Алла боерса барысы да булыр. Сәхнәләрдә күрешербез”, - дигән теләктә калды автор-башкаручы Гөлфия Шәвәлиева.

ВК: https://vk.com/shavalieva_gulfiya
ТГ: https://t.me/GulfiyaShavali

2,361

@tatar_estrada

19 Dec, 14:03

«Яңа татар җыры»нда зур үзгәрешләр😱

Хәзер бәйгедә җиңеп чыккан җырның тулы авторлык хокуклары (исключительное право) авторда качалак!

Тулырак: https://vk.com/wall-68609075_33378

2,657

@tatar_estrada

19 Dec, 12:51

Халидә Бигичева хыянәт турында

- Ирем белән 30 ел бергә яшәгәннән соңаерылыштык. Сәбәбе - хыянәт. Хаҗдан кайтуга бу хәбәрне ишеттем. Мин аны гомерем буе хөрмәт итем яшәдем. Мишәр кызларын шулай тәрбияләп үстерәләр - ир-ат синнән бер адым алда булырга тиеш. Ә безнең очракта бер генә түгел, ә берничә адым иде. Шуңа күрә дә, бу хәбәр минем өчен аяз көнне яшен суккандай булды.
Ә мин аның алдында чиста булып калуым белән хәтта горурланам да. Фикеремдә генә дә аңа хыянәт иткәнем булмады. Ә тәкъдимнәр күп иде...
Мин аны гафу иттем. Ачу сакламыйм. Бер генә хатынны яраткан, аның өчен генә яшәгән ир-атны күрсәтегез әле миңа. Бер алдангачмы инде, андыйлар юк дигән фикергә киләсең...
Матур дөньяда бер-береңә хыянәт итми, шөкер итеп яшәсәк иде

2,359

@tatar_estrada

18 Dec, 10:18

Гүзәлия белән интервьюдан өзек

– Мин 10 балалы ишле гаиләдә үстем. Иң авыры - әти гомер буе эчте. Айнык килеш аны бик сирәк күрә идем. Тавышта үстек без. Мәктәптә дә мин парта артында дәрес турында түгел, әти турында уйлый идем: ул бүген ничек кайтыр микән – эчкән булырмы-юкмы...
Бу теманы минем беркайчан да кузгалтканым юк иде... Аның эзләре бик тирән калды. Аны кичерә алмадым. Ярый, миңа авыр сүз әйтәләр икән – үпкәләмим. Әмма әнигә авыр сүзләр әйткәч, кул күтәргәч – кичерүе бик авыр.
Еллар узган саен мин бу проблемага карашымны үзгәрттем. Нишләп алай булганын тирәнрәк уйлый башладым. Ул бит айнык чагында да тыныч кеше түгел иде. Без үскәндә урамда төнлә йөргән вакытлар күп булды. Мәктәптән кайтып, тиз генә эш эшләргә тотынсам да, борчылам: "Бүген өйдә тавыш булыр микән?", "Бүген өйдә кунарбыз микән?"...
4-5 яшьлек чагымда төнлә урамга чыгып, күккә карап, теләк теләгәнем дә хәтердә: "Аллаһы Тәгалә, әгәр дә син булсаң, бу йортка тынычлык бир. Үзем бәхетсез булсам да ярый, тынычлык кына бир", – дидем…

2,464

@tatar_estrada

17 Dec, 13:54

Хәния Фәрхи белән интервьюдан өзек 🖤🤲
⠀
"...Без Габделхәй белән гел бергә. Бәлки шуңадыр, күп булса да, нахак сүз безнең арага үтеп керә алмый. Дөрес булмаган сүз искән җил кебек оча да китә. Концертлар алдыннан афишалар эленгәч, китә инде төрле гайбәтләр. “Алар бергә яшәмиләр, эшлиләр генә”, - дип әйтүчеләр дә табыла. Тамашачы сине күкләргә күтәрерлек итеп ярата белә, шул ук вакытта мәрхәмәтсез дә ул. Бәхетсезлегеңә сөенеп гаҗәпләндерә ул сине. Бер нәрсә дә эшләп булмый, адәм баласы шулай яратылган. Мин аларны гаепләмим. Җырларның бит төрлесен җырлыйм. Гайбәт таралуда, бәлки, аларның да өлеше бардыр?!..
Кайбер кеше “картаюдан куркам, үзган гомеремне җәллим”, - дип әйтергә ярата. Ә мин узган гомеремне кызганмыйм. Эшләнгән эшләре, кылган гамәлләре белән кеше еллар узган саен матурая гына барырга тиеш дип уйлыйм. Күңеле белән картаймаса, картлык куркытырга тиеш түгел аны. Безнең халкыбызда ак әбиләр, ак бабайлар бар. Мин дә картлыгымны менә нәкъ шуларныкы сыман булсын иде дим”…
⠀

2,989

@tatar_estrada

16 Dec, 08:06

Бүген Эльмира Сөләйманованың вафатына 2 ел булды...😔

– Әтиле балачакның нәрсә икәнен белмим. Әти бездән киткәндә, энем белән бик бәләкәйләр идек. Әнинең бертуганнары сөйләве буенча, бер-ике яшьлек чагымда мин гел әтием алдында гына утырганмын, әмма үзем хәтерләмим. Юклыкта үсмәдек, әни кулыннан килгәнчә барысын да булдырырга тырышты. Ә әти турында ишеткән дә, белгән дә юк. Мине ничек өч-дүрт яшемдә ташлап чыгып китсә, шуннан бирле күренгәне юк. Энемне исә бер тапкыр да күрмәгән, аны бала тудыру йортыннан да барып алмаган. Кеше сөйләвенчә, ул минем тормышымның яңалыкларын, иҗатымны яхшы белә. Аның фамилиясен калдырганга да бик шат. Чөнки әни белән энем әнинең кыз фамилиясендә йөриләр, ә мин Сөләйманова булып калдым.
Әгәр дә әтине кире кайтару мөмкинлеге булса, кайтармас идем. Хәзерге тормышымнан бик канәгатьмен. Аллаһы Тәгалә булганыннан гына аермасын иде. Миңа моннан да артыгы кирәк түгел.

3,066

@tatar_estrada

15 Dec, 13:34

Почему стоит встретить Новый год в рестоклабе «Дым и Мясо»?

• Идеальное место для новогоднего корпоратива: с ведущим, Дедом Морозом и Снегурочкой, диджеем и жаркими танцами до утра.
• Незабываемая новогодняя ночь: программа с живым вокалом, караоке, подарками от ресторана и атмосферой настоящего праздника.
• Гастрономический восторг: авторские блюда, приготовленные на огне и дыму, и изысканные закуски для вашего стола.
• Уют и стиль: сочетание огня, дыма и шикарного интерьера в новогодней тематике создадут праздничное настроение.

Стоимость: 7500₽/чел.

Также ресторан «Дым и Мясо» поможет создать идеальный новогодний стол! Мы приготовим для вас блюда из нашего праздничного меню и доставим их в удобное время. Деликатесы из мяса, приготовленные с дымком и любовью, добавят вашему празднику атмосферу уюта и настоящего вкуса.

📍Профсоюзная, 23А
+79033449955

2,734

@tatar_estrada

15 Dec, 09:57

Ризат Рамазанов белән интервьюның дәвамы
⠀
«...Зинира белән Казанга китәргә җыенабыз, ә әти безгә эш кушып маташмакчы: “Кунак кызы кайтканда, син дә монда булганда, бакчадагы печәнне җыейк әле”, - ди. Зинира каршы килмәде. Яулык бәйләп, калош киеп чыгып киттек бакчага. Әти-әни булачак киленнәрен күз кырые белән генә тикшерә: “Тырмасын дөрес тотамы?”, “Дөрес эшлиме?”.
Зинира имтиханны бик әйбәт тапшырды. Әти эшкә карата вакчыл кеше, шунлыктан авылдагы кушаматы да – Немец. Бәрәңгене дә ул трактор белән утырттырмый, ә җеп сузып, көрәк белән. Ул Зинирага шундый бәя биргәч, димәк, ул чынлап та эш рәтен белә, афәрин кыз.
Эштән соң, Зинира белән әни чәй ясарга кереп киттеләр. Әти белән бакчада калдык. Ул күп сүзле түгел, шунда миңа: “Бу Зинирага карап торам, улым, бик тырыш, эшчән кыз. Әйдә, эчкындырма, өйлән әле”, - ди. Әти-әни фатыйхасын бирде. Күңелдә ышаныч туды. Диплом алган җәйне никах, көзгә туй гөрләттек. Аллага шөкер, “Керәсе ризык авызыңны ертып керә”, - диләр бит. 22 яшемдә өйләнермен дип уйламаган идем.

2,669

@tatar_estrada

14 Dec, 12:43

Новогодняя вечеринка «На рахате» обещает быть незабываемым событием!
Уютная атмосфера с новогодними декорациями для фотосессии, живое музыкальное выступление популярных артистов, участие в новогодних конкурсах, обновленное меню с самыми популярными позициями сети банкетных залов «Валенсия» порадует даже самых взыскательных гурманов!

*программа 19 декабря полностью на русском языке.
___
+7 (917) 437-09-59 - Зарина
Билеты без наценки
Меню входит в стоимость

3,159

@tatar_estrada

08 Dec, 09:38

Гөлсирин Абдуллина:

«Кызыгыз Сылу исемле, кем кушты? Каян таптыгыз? Нигә Гөлсылу, Айсылу тугел? Менә шундый сораулар бик күп килә. Һәм җавап итеп язып калдырам
Сылу исеме миңа бик күптәннән таныш, һәм якын. Минем карт әбинең исеме (бабайның әнисе) Сылу - Сылубикә иде. Сылубикә әби мине роддомнан алып кайткач бик кадерләп, яратып үстергән, әти -әниләр сөйләве буенча.

Мин Сылу бн йөкле вакытта миңа бер газетадан шалтыратканнар иде сораштыру буенча. Шунда әби-бабайларның исемен сорадылар. "Сылубикә" - исемен әйткәч, нинди матур сирәк, борынгы ишетелмәгән исем диеп куйдылар. Шунда "кылт" итеп башыма чиртте бит. Сылу - шундый матур исем, кызыбыз туса шулай дип кушасым килә бит инде.
Бик озак кына уйланып, бераз куркып та йөредем әле Азатка әйткәнче. Ошатыр микән, яратыр микән исемне дип? Берәр атна узгач Азатка әйттем:
- Миңа бик ошый торган кыз исеме бар "Сылу "дим.

Азат шундук ошатты!
Ул вакытта без баланың җенесен белми идек әле, ләкин күңелдә кыз - Сылуыбыз булачак дип йөрдек".

939

@tatar_estrada

07 Dec, 08:30

Рифат Зарипов белән интервьюдан өзек

- Рифат Зарипов кешедәге нинди сыйфатларны яратмый икән?

– Вәгъдәсендә тора белмәгән, җавапсыз кешеләрне яратмыйм. Алдашуны күралмыйм. Хөсетлекне җенем сөйми. Мин концертлар оештырып йөри башлагач, элек үзләренә ярдәм иткән дусларымның читләшүенә хәйран калдым. Үзем ихлас булгач, андый нәрсәне өнәмим.

– Димәк, дусларыңа ышаныч кимеде алайса...

– Әйе, халыкка таныла башлаганчы, дусларым күбрәк иде. Хәзер сирәгәя бара. Салават абыйның: «Сәхнәдә дуслар юк», – дигән сүзе ышандыра башлады. Үзем кешегә яхшылык кына теләгәч, ясалмалылыкка аптырап калам. Күңелең бай булуга ни җитә бит инде.

1,524

@tatar_estrada

05 Dec, 15:00

– Зинира, ялгышмасам, тугач та табиблар сине исән калмас дигән?
– Миңа 6 ай булганда, сепсис авыруы белән чирләгәнмен, каным зарарланган. Әнием белән өч ай тирәсе Уфа хастаханәсендә ятканбыз. Миңа берничә кешенең канын салганнар. Инде аяк-кулларым хәрәкәтләнә алмый башлагач, табиблар әниемә: “Балагыз исән калса да, гарип булачак”, – дигән. Әнием: “Балам исән калып, үз аякларында йөреп бәхетле булсын иде”, - дип Ходайдан сораган...

1,902

@tatar_estrada

04 Dec, 13:56

Алсу Фазлыева

«Гаиләдә мин иң өлкән бала булгангамы, әни мине һәрвакыт өлкән итеп күрә иде. Аның миңа мөнәсәбәте балага кебек булмады. Сабый гына булсам да, миңа таянганын сизә идем.
Авыл җирендә, үзегез беләсез, иркәләп утырыш юк иде. Бәлки булгандыр да, әмма әнинең мине алдына алып "уси-пуси" уйнап утырганын хәтерләмим. Ул миңа һәрчак таянды. "Әнинең ышанычын акларга тиешмен", - дигән әйбер миңа сеңеп калган. Минем өчен иң куркыныч әйбер - ул миңа карата әнинең күңеле кире кайтуы. Аллам сакласын».

2,511

@tatar_estrada

04 Dec, 09:07

🎄Новогодний розыгрыш! Разыгрываем сертификаты в Золотое Яблоко на сумму 100 000 руб.

Для участия нужно:

📌 Быть подписанным на каналы @kazan и @region116_kazan
📌 Нажать на кнопку «Участвую» под этим постом
❕ Нужно быть подписанным на оба канала.

🏆 10 призовых мест!

Каждому победителю отправим электронный сертификат на 10 тыс в ЗЯ (либо денежный эквивалент)

Итоги розыгрыша подведет умный бот случайным образом 19 декабря в 12:00.

1,670

@tatar_estrada

04 Dec, 05:43

Дилә Нигъмәтуллина белән интервьюдан өзек 👇
⠀
“...Берничә ел элек эстрададан югалып тордым. Иҗатымны күзәтеп баручылар белә: безнең әниебез чирләде. Ике елга якын без кадерлебезнең чире белән көрәштек...
Кулдан килгәнчә әнинең гомерен озынайтырга тырыштык. Табиблар аны 3 айдан соң үләчәк, диде. Шушы соңгы айларда тормышын җиңеләйтмәкче булдык. Әмма рак дигәннәре көннән-көн әнине ныграк “ашады”. Әни бөтенләй йөрмәс булды. 3 айдан артык яшәвен яшәде, әмма аңа бик авыр булды. Елына 3 тапкыр озак вакыт хастаханәдә ятып чыкты. Әле бит балам да бер яшьлек кенә, ул да игътибар таләп итә иде. Миңа үземә табиб та, психолог та булырга туры килә иде. Эмоциональ яктан бик җиңел булмады. Психологларга йөрүем аркасында гына акылдан шашмадым.
Әни күз алдымда “теге дөнья”га китеп барды. Аны югалтуны бик авыр кичердем. Чөнки соңгы елларда әни белән тагы да ныграк якынайган идек. Соңгы елларда әни белән көн-төн сөйләшә идек. Баксаң, мин әнине бөтенләй дә белмәгәнмен икән...”

2,152

@tatar_estrada

03 Dec, 07:53

Марат Яруллин белән интервьюдан өзек

– Сәхнәгә өч яшемдә абыйның чалбар балагына тотынып чыккан идем, дигәнегез бар. Абыегыз белән үскәч тә мөнәсәбәтләр үзгәрмәдеме? Белүемчә, Ринат та иҗат кешесе?
– Абый да, апа да иң якын кешеләрем. Әти-әни безне туган җанлы итеп тәрбияләде. Мәскәүгә килгәч, беренче вакытларда Гөлнара апам янында тордым. Ринат абый – уң кулым. Ринат белән Гөлнара Мәскәүдә иң шәп мәҗлесләр алып баручылар. Ринат 13 яшеннән туйларда баянда уйный иде.
– Ә кечкенә вакытта мөнәсәбәтләрегез ничек иде?
— Ринат дөресен әйтә, сине бәләкәй вакытта яратмый идем, ди…

2,277

@tatar_estrada

02 Dec, 08:20

Ләйсән Гимаева белән интервьюдан өзек👇

" Әти туган көне алдыннан вафат булды, Булатның туган көнендә – 20 февральдә китеп барды. 23 февральдә аңа 66 яшь тулыр иде. Сәламәтлеге белән проблемалар булды, ләкин болай иртә китер дип уйламадык. Бик авыр булды. 5 февральдә Казанда концертыбыз узды. Әти бик ошатып кайтып киткән иде. Аннары аның белән озаклап сөйләшеп утырдык. “Елдан-ел үсәсез, тагын да матуррак җырлар җырлый башладың, кызым, афәрин”, – дигән иде. Әти – җаваплы, үз эшен җиренә җиткереп башкара торган чын ир-ат иде. Алар безне иркәләп утырмады, эш белән үстерде. Безгә дөрес тәрбия биргәннәр дип уйлыйм".

2,824

@tatar_estrada

01 Dec, 15:58

Ринат Рахматуллин:
«Бу - чын мәхәббәт!»

3,133

@tatar_estrada

01 Dec, 11:02

Раяз Фасыйхов
– Өебездә һәрвакыт музыка яңгырады. Һәм безне әти-әни дә, мәрхүмә әбиебез дә сыйфатлы, җитди музыка белән тәрбияләде. Өйдә классик композиторларның пластинкалары яңгырап тора иде. 3,5 яшьтә минем гармун уйнау сәләтем ачылган. Йорт эчендә гармунда яхшы уйный белгән кеше генә уйный иде. Ә без малларга ризык әзерләгәндә, иске мунчада иске баянда уйнарга өйрәндек. Өй исә сәхнә ролен үтәде. «Хәзер сәхнә бөтен кешегә ачык. Кем тели, шул менеп җырлый», – диючеләр, бәлки, дөресен әйтәдер. Ә бездә алай түгел иде. Кечкенәдән үк сәхнәгә зур хөрмәт белән карарга өйрәттеләр. Әти белән әнинең профессиональ белемнәре булмаса да, безнең музыкага булган сәләтебезне күреп алып, иренмичә, җәяүләп, төрле конкурсларга йөрттеләр. Аннан соң, без әбиле йортта үсүебез белән дә бәхетле. Аның безнең арадан китүенә өч ел инде, шуңа күрә хәзер авылга кайту да элекечә үк рәхәт түгел.

3,200

@tatar_estrada

30 Nov, 11:17

Айгизә Галимова:

“Дуслар, еш кына Сезгә үземне борчыган әйберләр турында яза идем.Бүген күзләрем турында язам. Ул - минем балачакның иң авыр темасыдыр. Мин туганда сул як күзем бөтенләй ябык була.Әнием беркайчан да моның хакта сөйләми иде. Әмма мин аның табиблар белән сөйләшкәнен һәрчак тыңлап тора идем. Бу авыру птоз дип атала. Күз өстендә аны ачучы һәм ябучы мускуллар юк дигәнне аңлата. Киләчәктә, минем турда газеталарда: “Айгизә бигрәк инде, тәүге пластик операциясен 3 яшьтә үк ясаткан!” – дип язырлар әле, менә, күрерсез. Бер күз шулай калды: мин аны күз астындагы мускуллар белән ябам, ә өстәге күз кабагы, ябылмас өчен, операциядән соң тартырылып тегелеп куелган. Шуңа да мине күпләр, махсус миңа күз кыса икән дип уйлый. Ә йоклаганда мендәргә капланып йоклыйм, чөнки төнлә ярым-ябык бер күзем белән янымда йоклаган кешене куркытуым бар.
Кем иренми, барысы да миннән: “Ни өчен синең бер күзең бәләкәйрәк?” – дип сорый. Бәләкәйрәк түгел ул, ә ярымябык. Бу минем өчен кимчелек түгел, ә бер үзенчәлек кенә”.

2,952

@tatar_estrada

29 Nov, 11:03

Төкле аягың белән, Ибраһим! 🥰

Сау-сәламәт, бәхетле бала бул!

3,031

@tatar_estrada

27 Nov, 12:50

Ринатның сөйгәне Динара белән интервьюдан өзек 👇

"Безнең яшь аермабыз 25 елдан күбрәк инде. Баштарак, кеше сүзеннән курку, ни әйтерләр, дип уйлаулар булды инде ул. Әмма соңрак мин ныклы карар кабул иттем. Минем тормышны берсе дә яшәми бит, үз тормышым өчен мин үзем җаваплы. Әкренләп кеше сүзләренә игътибар итмәскә өйрәндем. Һәр кешенең үз тормышы, беркемнең дә бер кешене дә тәнкыйтьләргә, аңа гаеп ташларга хакы юк. Шул ук мине сөйләгән кешеләрнең балалары, оныклары белән нәрсә буласын беркем дә белми.
Гомумән, бәхетле кешеләрнең башкаларны тикшереп, гаепләп утырырга вакытлары юк. Минем, мәсәлән, кемдер турында уйлап утырырга вакытым да, теләгем дә юк. Мин үз тормышымнан кәнәгать. Үз тормышларында барысы да әйбәт булган кеше башкаларның тормышын чәйнәп утырмый. Бу тормышта дөрес яшәүнең формуласы язылмаган, аны һәркем үзе таба".

4,341

@tatar_estrada

26 Nov, 16:02

Линара Батталова белән интервьюдан өзек 👇

«Без Марат белән студиядә таныштык. Ул көне-төне шунда иде. Бик күп аралаша башладык, мин аның киңәшләрен сорый идем. Шул вакытта ул минем өчен якын кешемә әйләнде. Кайчандыр, мин авылда яшәгәндә "Казан егетләре" төркеменең фотографиясен кассетада карый идем, кем белгән, ничәдер еллар узып, шул егетләрнең берсенә кияүгә чыгармын дип.

Марат тормышта да, иҗатта да бик тәләпчән кеше. Әгәр миңа җыр ошаса, мин аны барып яздырам да, икенче көнне радиога да бирәм. Ә Маратта андый түгел. Ул һәрбер сүзгә бәйләнә, йөз тапкыр тыңлый, яздыра, туры китерә".

4,319

@tatar_estrada

26 Nov, 11:41

😍

3,749

@tatar_estrada

25 Nov, 12:59

Нинди матур яңалык! 🥰

3,605

@tatar_estrada

24 Nov, 08:09

Минем әнине Миләүшә "Безнең әни" ди. Мин дә тещага әни дип эндәшкәч, аны да "Безнең әни" дибез. Сезнең әниләрне дә, безнең әниләрне дә матур бәйрәм белән. Бәхетле булыгыз, ӘНИЛӘР ❤️

Ә миннән бәйрәмгә - музыкаль бүләк.

"Кирәк, әни"
Ильдус Давлянов көе
Гөлфия Шакирова сүз
Барлык музыкаль мәйданнарда!

ПРЕМЬЕРА: https://band.link/kiryak_eni

3,433

@tatar_estrada

23 Nov, 11:10

Фирдүс Тямаев белән интервьюдан өзек

– Син нинди әти?
– Усал. Таләпчән. Йомшак. Малайлар мине сагыналар, уйныйлар, ләкин киреләнгән чакларында каеш та эләгергә мөмкин. Бала әтисеннән дә курыкмагач, ничек була инде ул? Бүген аларның бөтен әйбере бар. Ә үскәч бит бик авыр булачак. Шуңа күрә улларымның чын ир-ат булып үсүләрен телим. Мин балаларны орышканда, Резидә эндәшми, чөнки беребез шелтәләгәндә, икенчебез якласа, баланы аеру була. Хатын-кызны чәчәк кебек кадерләргә, яратырга кирәк. Ә ир-ат чәчәк түгел. Ул гаиләдә дә, тормышта да үз тәртибен урнаштырып, барысын да матур гына алып барырга тиеш.

Җырчы белән килешәсезме?

4,241

@tatar_estrada

22 Nov, 10:51

Гөлназ Асаевага «БАШКОРТСТАННЫҢ АТКАЗАНГАН АРТИСТЫ» дигән мактаулы исем бирелгән 👏

Котлыйбыз! 🥰

4,294

@tatar_estrada

21 Nov, 07:12

Рифат Зарипов белән интервьюдан өзек 👇

"Без туганнар белән бергә эшли башлагач, тирә-юньдәге, олы яшьтәге кешеләр миңа киңәшләрен бирделәр. "Рифат, кем туганы белән эшли инде, акча бүлешеп, сугышып бетәсез бит, иң күбе - бер ел сезгә,"-диделәр. Казанга бергә күчеп, яши башлаганга 16-17 ел булды, ләкин хәзер дә шулай әйтүчеләр бар. Кайвакыт, сез нәрсә, бу әйберне көтәсез мәллә дип сорыйсы килә. Әгәр сез туганнарыгыз белән якын мөнәсәбәттә булмасагыз, дус-тату яшәмисез икән, без дә шулай ук яшибез дигән сүз түгел бит.
Миннән олырак булган кешеләргә мин дә киңәш биреп карыйм, сез дә туганнарыгыз белән аралашыгыз дип, ләкин шалтыратмыйм да, сөйләшмим дә дигән сүзләр ишетәм. Туганыңның синең алдыңда гаеп бар икән, димәк синең дә гаебең бар, ә алар миңа җавап итеп:" Тукта, бергә эшләвегезнең башы гына, күрерсең әле нәрсә белән бетәчәген,"- дигән сүзләр ишетәм. Күрергә язмасын, Аллага шөкер, ничек ниятләдек, шулай яшибез. Аллаһы Тәгалә шуннан аермасын. Безгә үзебезнеке җитә, кешенеке кирәкми".

4,855

@tatar_estrada

20 Nov, 10:28

Зәйнәб Фәрхетдинова белән интервьюдан өзек 👇

"Иң мөһиме- синең сүзеңә игътибар итсеннәр. Киңәшкә колак салырга кирәк, колакка салмасалар, аның бернинди дә файдасы юк. Шул ук никах, я туй вакытында нинди генә теләкләр әйтмиләр, ләкин анда шул сүзләрнең төбенә төшеп, тыңлап утыручылар бармы? Синнән өлкәнерәк булган кеше сиңа юк-бар сүз әйтми, барыбер аның нигезендә файдалы бер фикере була. Шуны ишетә белергә кирәк".

4,341

@tatar_estrada

19 Nov, 08:29

Гүзәл Уразова белән интервьюдан өзек 👇

"Ильдар мине радиодан тыңлап белсә, мин аны беренчерәк күрдем. Ул Салават Фәтхетдинов концертында чыгыш ясый иде. Ә танышуыбыз соңрак, гастрольләр вакытында Чаллыда булды.
Ильдар минем беренче һәм соңгы мәхәббәтем. Мин аны шулхәтле яратып кияүгә чыктым! Гомер буе без таныш булганбыз кебек, гомер буе сөйләшеп йөргәнбез кебек тоелды. Шул көннән башлап без инде гомеребезне бер-беребез белән уздырасы килгән нәтиҗәгә килдек. Күп тә вакыт үтмәде, булган, булмаган акчаларны җыеп, балдаклар алып, миңа 31 декабрь көнне тәкъдим ясады.
Ильдарда мин әтидә булган сыйфатларны күрәм. Ул шундый ук тугры, дөрес сүзле, аның янәшәсендә мин беркайчан да егылмасмын төсле."

4,863

@tatar_estrada

18 Nov, 08:07

Лилия Биктимерова белән интервьюдан өзек👇

- Фәдис әфәнде белән танышуыгыз ничегрәк булды?
- 2000 нче елда училище тәмамлаганнан соң, эшкә урнашырга дип, филармониягә килдем. Фәдис Ганиевка аның төркемендә җырлау теләген белдердем. Ул: “Минем төркемдә җырчылар әлегә җитәрлек”, – дип, мине кире какты. Соңыннан укытучым Фәрзәнә Фатхул кызы, Фәдис янына барып: “Лилия бит синең төркемдә генә җырлыйм дип әйтә. Ул да синең кебек калын тавышлы, тумышы белән синең яклардан”, – дигәч кенә, мине төркемгә алдылар. Ни өчендер Фәдис мине күрү белән, чәрелдек тавышлы дип уйлаган, ә ул нечкә тавышлыларны бөтенләй яратмый. Соңыннан инде аның белән якыннан танышып киттек, очраша башладык. 2003 нче елдан бергә яшибез.
⠀

4,804

@tatar_estrada

17 Nov, 17:46

Ләйсән Гыймаева һәм Булат Бәйрамов белән интервьюдан өзек
⠀
- Кризислы чорлар дип кайсы вакытны әйтә аласыз? “Бер-беребезгә туры килмибез, ахры” дигән уйларның башыгызга кергәне булдымы?
Ләйсән:
- Безнең очракта ул уйның мине бөтенләй борчыганы булмады. Ә кризислы чорга килгәндә, мөгаен, өйләнешкәннән соң беренче елдыр. Чөнки барысын да тәүге адымнардан башладык: эшкә урнаштык, хезмәт юлын башладык... Беренче бала тугач, ярты ел авыррак булды. Чөнки анда үзеңне ничек тотарга, ничек барсына да өлгерергә белмисең. Шул вакытта читен булды. Ләкин хатын-кыз вакыт узу белән бар авырлыкларны да оныта.
⠀
Булат:
- Мин дә шул беренче елларны атар идем. Бер-береңә яраклашу, ияләшү чорын. Беренче биш ел барыбер - күнегү. Балалар туганда хатын-кызның мәшәкатьләре арта, ә ир-ат аны аңламаска да мөмкин. Хатынына булышыр урынга, ул эгоист та булырга мөмкин әле. Бу чорда кризис була. Кемдер әйтә, янәсе, кризис 7 ел саен була икән, дип. Әмма уйласаң, кризис ул кешенең башында гына, ул үзенең шәхсән проблемасы.
⠀

3,473

@tatar_estrada

16 Nov, 15:03

Рөстәм Нәбиев белән интервьюдан өзек

«Минем әтигә үпкәм зур иде. Гомеремнең зур өлешен ансыз яшәдем. Миңа 2 яшь булганда ул абыем белән безне калдырып китте. Әти әнине үтереп, төрмәгә утырды

Безне әтинең апасы тәрбиягә алды. Аңа моның өчен зур рәхмәт.
Без әти белән күрешә идек, ләкин ул безнең тормышыбызга әллә ни катнашмады. Миндә балачак үпкәләре иде.

Өлкәнәйгәч, мин күп нәрсәне аңладым һәм кабул иттем. Без озак кына аралашмадык. Ә аннан мин беренче адымны ясадым һәм 55 яше белән котлау җибәрдем. Аннан соң безнең мөнәсәбәтләр яхшырды. Минем балаларым аны нык яраттылар.
Былтыр 4 майда әтием безне ташлап китте. Аңа 56 яшь иде…
Әйе, ул гади кеше түгел иде. Үз гомерендә бик күп хаталар эшләгән. Төзәтеп булмаслык, гафу итә алмаслык хаталар. Ләкин мин аны гафу иттем. Чөнки мин аның баласы һәм әтиемнең булуын теләдем.

Мин аны шулкадәр нык сагынам. Мин аны шулкадәр яратам, ләкин бервакытта да яратам дип әйтмәдем. Өлгермәдем. Әти-әниләрегезнең кадерен исән чакта белеп калыгыз!»

3,686

@tatar_estrada

15 Nov, 13:41

Алмаз һәм Зөлфирә Мирзаяновлар белән интервьюдан өзек👇🏼

Зөлфирә Мирзаянова:
"Күп гаиләләрдә баланы ана кеше карый: имезә, памперсын алыштыра. Безнең гаиләгә килгәндә, төнге якка чыкканда кызыбызны күбрәк Алмаз карый иде. Нәзирә дә Алмазга "әти, әти" дип кенә тора. Без әтисеннән башка ятмыйбыз да, уянмыйбыз да. Кызыбызга янында һәрвакыт икебез булуы кирәк, ләкин күбесенчә әтисенең булуы бик мөһим. Без әти-әни булу бәхетен 100% татыдык, Аллага шөкер."

Алмаз Мирзаянов:
"Миңа Нәзирәле булу тагын да бер кат үземнең яшьлегемә кайтып, гашыйк булган шикелле. Ул минем чып-чын гашыйк булу хисе. Минем аны гел күрәсем килеп тора, мин аның янына ашкынам. Нәзирә тууы белән мин тулыландым".

3,814

@tatar_estrada

14 Nov, 13:22

Ризат Рамазанов белән интервьюдан өзек👇🏼

"Үзең яшь вакытта күрмәгәнеңне балаларга күрсәтәсе килә. Алар дөрес тәрбия белән тәүфыйклы булып үссеннәр иде. Казанга килгәч, безгә беркем дә бернәрсәне китереп бирүче булмады. Мин 250 сумга вьетнам базарыннан алган бер сумка белән килдем, анда берничә эчке кием, ыштан бар иде.

Туйлар алып барабыз, аннары бер-ике айдан кайсыбер парлар аерылышкан икәннәрен беләбез. Туйда бер як машина, бер як фатыр алып бирә... Аны бит бергә эшләп алмагач, кадере, куанычы булмый. Шуңа күрә дә балаларга дөрес тәрбия биреп, киләчәктә үзләре эшләп, акчаның кадерен белеп, кечене кече итеп, олыны олы итә белсеннәр иде".

4,324

@tatar_estrada

13 Nov, 15:11

Артур Хасанов белән бар да яхшы 🤲

Ришат Төхвәтуллин аның белән бәйләнешкә чыккан.

- Синең төркемеңдә миңа берәр эш юкмы?
- Син главный исән кайт, брат, табырбыз!

4,881

@tatar_estrada

13 Nov, 13:04

Зөлфирә Мирзаянова белән интервьюдан өзек👇

"Мин үземдә кимчелекләр эзлим дисәм дә, дөрес булыр. Нәрсә булса да пешерсәм, Алмаз шул ук вакытта тәмле булган ди, килгән кунаклар да гел мактыйлар. Шулай да, башкалар янына барганда, кара әле, бу бит болай эшләгән икән, эх, ә мин алай эшләмәдем дип эчемә нинди дә булса корт кереп утыра. Шуңа күрә, бөтен яктан да камил булырга, өйрәнергә кирәк, чөнки без - хатын-кызлар бөтен эшне дә эшли белергә тиеш. Ир-ат эшеме ул, хатын-кыз эшеме, аны аерырга кирәк түгелдер. Чөнки төрле хәлләр була, мәсәлән, кран да ватылып чыгарга мөмкин. Шуңа күрә, аны да хатын-кыз рәтли белергә тиештер дип уйлыйм. Чөнки ирләрнең өйдә булмаган вакытына туры килә ала.

Безне әти-әни кечкенәдән бөтен эшне эшли белергә дип өйрәттеләр. "Эшләгәнең миңа булса, өйрәнгәнең үзең өчен булсын," - дип әйтә иде мәрхүм дәү әнием. Ашарга пешердең дә, шуның белән бетте түгел әле ул, өй чиста булуы - ул шарт, безнең хатын-кыз эше ул. Бер эштән дә куркырга кирәк түгел, ул бит үзебез өчен".

4,657

@tatar_estrada

12 Nov, 16:06

Иркә белән интервьюдан өзек 👇

"Ир-атка, гомумән, кычкырырга, тавыш күтәрергә ярамый. Иремне көнләшеп, беренче елларны әз-мәз хәлләр була иде, хәзерге вакытта мин 40тан узган хатын-кыз һәм минем үз-үземә ышануым бар, көнчелек юк. Әгәр дә берәр нәрсә була калса да, мин моны тыныч итеп кенә кабул итәчәкмен, чөнки бу тормыш. Ни генә булмасын, ир белән хатын-кыз арасында була торган мөнәсәбәттә китекләр булса да, иремне гомеремнең ахырына кадәр хөрмәт итеп яшиячәкмен. Ул менә дигән әти! Бик төпле кеше, мине беркайчан да үпкәләткәне булмады. Кул күтәрмәде, начар сүзләр әйтмәде, бәбиләрне тапкач та, гел ярдәм итте. Төннәрен мин берүзем бала күтәреп утырмадым, мин торсам, ул да тора иде. Аның кебек ирне эзләп табарга кирәк әле. Шундый ир иткән өчен, беренче чиратта, аның әнисенә зур рәхмәт. Һәм, миңа калса, минем дә өлешем кергәндер дип уйлыйм. Безнең гаиләдә иң зур хөрмәткә лаек кеше, әлбәттә, балаларымның әтисе - Артур.

5,198

@tatar_estrada

12 Nov, 10:34

Зөлфия Шакирова белән интервьюдан өзек
⠀
- Җәвит абыйга бик нык үпкәләгән чагыгыз булдымы?
- Булды. Мин самолетта очарга бик куркам. 1995 елда Когалымдагы гастрольдән соң самолетта бик куркыныч кайтканнан соң, башка утырмам дип, үз-үземә сүз биргән идем. Ул очкычның ишекләре фанера, урындыклары селкенеп тора, кыскасы, авария хәлендә иде. Җиргә утырганда, койрыгы өзелеп төшеп калыр дип курыктык. Аллаһыга шөкер, исән-сау кайттык.
Бер елны Җәвит, миңа әйтми генә, үзенең туган көненә Турциягә юллама аган. Миңа берничә көн кала гына хәбәр итте. Башта шаяртадыр дип уйладым. Баксаң, ул чынлап та билетлар алган икән һәм чемоданын да җыя башлады. "Самолеттан куркам, бармыйм" дигәнгә бик ачуланды. Минем ай-вайга карамыйча, әйберләрен алды да аэропортка юл тотты. Балалар белән аптырашта калдык. Шалтыратам - телефонын сүндергән. Ул мине аның артыннан чыгар дип уйлаган. Бармаганыма, ул - миңа, ә ул берүзе киткәнгә мин аңа үпкәләдем. Күпмедер вакыт сөйләшмәдек.

5,094

@tatar_estrada

11 Nov, 15:36

Кемнәр Эльвираны югалткан - борчылмагыз, аның белән бар да яхшы 🙏

4,861

@tatar_estrada

11 Nov, 15:01

Дуслар, 6 декабрь көнне барчагызны да Сәидә Мөхәммәтҗанованың “Ярату” дип исемләнгән зур масштаблы һәм матур җырлардан торган сольный концертына чакырып калабыз ❤️

❓КАЙЧАН: 6 декабрь, 19:00
❓КАЙДА: “ПИРАМИДА” концертлар залы

📍Билетларны сатып алу ➡️ https://kzn.kassir.ru/action/225503

Язылыгыз
ТГ: https://t.me/saidanur4
Вк: https://vk.com/saidanur4 🤗

4,807

@tatar_estrada

11 Nov, 12:03

ПРЕМЬЕРА | ҖАН АВАЗЫ 🕊

ЧУЛПАН ЮСУПОВА

Айгөл Вәлиуллина сүзе,
Риваль Хисмәтуллин көе

Җырны тыңларга: https://band.link/s3ovi

4,579

@tatar_estrada

10 Nov, 16:10

Рөстәм Асаев белән интервьюдан өзек

– Син бер үк елда әти дә, дәү әти дә булдың.
– Дүртенче тапкыр әти булганнан соң, өч ай узгач, кызым Гөлназ бәби тапты, дәү әти булдым. Күп балалы әти булырмын дип уйламаган идем. Аллаһы Тәгалә шулай насыйп иткән. Кеше әйберен урламадым, үземнең яраткан тормыш иптәшем тапкан балалар ул. Шуңа күрә дүртне дә, унны да алып кайтырга мөмкин. Әгәр хатыным алып кайтырга теләсә, мин каршы түгел.
– Рөстәм, балаларыңа үзенчәлекле исемнәр кушкансыз...
– Олы кызым Гөлназны беләсез инде. Икенче улым – Мөслим. Исеме кумирым Мөслим Магомаев хөрмәтенә кушылды. Өченче кызым Әминә – чын татар исеме, ул исемне бик яратам. Дүртенче улым – Хәбил, аның исеме спорт остасы Хәбил Бикташев хөрмәтенә кушылды. Балаларымның исемнәрен аңлатмалы сүзлекләрдән карадым. Минемчә, исем бик мәгънәле булырга тиеш.

4,380

@tatar_estrada

09 Nov, 09:22

Сиринә Зәйнетдинова белән интервьдан өзек 👇

"Без Айратым белән 4 ел очрашып йөргәннән соң, 3 курста укыганда гаилә корып җибәрергә булдык. Гаилә булгач, ул тулылана һәм балабыз тугач, 20 яшемдә академический отпуск алып, кызымны карарга авылга кайтып киттем. Ильвинаның 1 яшен тутыргач, укуымны дәвам иттем. Баланы калдырып китәргә бик авыр булды, әти-әни белән калса да, ул бит әле кечкенә иде, барлык уйлар аның турында гына булды. Ләкин белемле булу - ул минем зур хыялым иде. Минем үземне зәңгәр экраннарда күрәсем килде.
Хәзер дә яшәү көчен мин гаиләмнән алам. Гастрольләргә, ерак сәфәрләргә чыгып китәбез. Өйгә кайтып кереп, чәй куеп торучы ирең белән балаң булу - ул бик зур бәхет! "

4,982

@tatar_estrada

08 Nov, 11:20

Фирдүс Тямаев белән интервьдан өзек 👇

"Әтиебез бу дөньядан 45 яшендә китеп барды, 46 яшен тутырырга 10 көн калган иде. Мин ул вакытта студент, 4 курста укыган чак. Мин бер кызның вафат булган әтисенә багышлап җыр язган идем. 6 октябрь көнне өйгә кайттым, без әти белән иртәнге кадәр гармунда уйнап, җырлап утырдык һәм мин язган җырымны да аңа тыңлаттым. Әти бу җырны иртәнге 6:00 кадәр тыңлады, үзе елый, үзе тыңлый.

"Улым, мин бит тиздән китәм",- ди. Ә мин бернәрсә дә аңламыйм. 7 октябрь көнне әти матур туннарын киеп, мине Түбән Норлаттан автовокзалга озатты. Мин моңа бик аптырадым, чөнки аңа кадәр гел әни генә озата иде. Икенче көнне әти вафат булды. 18 яшькә кадәр әти күп киңәшләрен бирде. Бүгенге көнгә кадәр дә мин аның киңәшләре, девизлары белән яшим һәм балаларымны да шулай ук тәрбияләргә тырышам."

2,002

@tatar_estrada

07 Nov, 10:03

Илсөя Бәдретдинова белән интервьдан өзек 👇

"Күп югалтулардан соң, якыннарның, туганнарның кадерен белеп яши башлыйсың. Бөтен нәрсәне дә аек акыл белән кабул итәргә кирәк, гел генә начар булып бетми. Һәрбер начарлыктан соң яхшылык килә, һәрбер яхшылыктан соң авырлык килә һәм моны кабул итә белергә кирәк. Сиңа авыр булганда, башкаларны да рәнҗетмичә, елап, үзеңне борчып, тәэсир итә алмаган моментлар турында уйлап утырудан мәгънә юк."

2,505

@tatar_estrada

06 Nov, 15:54

Алия Төхвәтуллина белән интервьюдан өзек 👇

"Ришат Алимны беренче тапкыр кулына алырга курыкты, ләкин хәзерге вакытта памперсын да алыштыра, юындырырга да булыша, кулында да йөртә, бер эштән дә курыкмый. Улыбызны бик ярата. Гастрольләргә киткәндә күзләре яшьләнә, ярты сәгать саен шалтыратып хәлләрен белешә, сагына".

2,745

@tatar_estrada

05 Nov, 18:26

Аллаһыга шөкер 🤲

3,936

@tatar_estrada

05 Nov, 18:26

Артур Хасановны югалткан идек... аның белән бар да яхшы дип язды язылучыбыз 🙏

3,823

@tatar_estrada

04 Nov, 17:52

Татар эстрадасында МИНУС БЕР БУЙДАК

Илнат Фахруллин сөйгәне Регинага кияүгә чыгарга тәкъдим ясады. Һәм ул "Әйе!" дип җавап бирде 😍

Тәбриклибез яшьләрне!

4,698

@tatar_estrada

04 Nov, 14:53

Рината Тэй белән интервьюдан өзек

– 2019 ел – сезнең өчен бик авыр ел булган. Ирең авариягә эләккән. Син бу хакта социаль челтәрләрдә сөйләдең. Ә бу һәлакәттә кем гаепле?
– Әйе, бу авария турында мин социаль челтәрдә, үземнең сәхифәмдә генә сөйләдем. Минем ирем гаепле. Ни өчен шулай булганына без әле һаман да җавап таба алмыйбыз. Ул 2019 елның 25 октябрь көнне юл һәлакәтенә эләкте. Моны күреп торучылар да булган. Мин социаль челтәргә чыгаргач, директка язып җибәрделәр: «Без бу аварияне күрдек, абыем белән бара идек», – дип. Чаллы – Казан арасында ул туп-туры юлдан кинәт кенә сулга очып чыга: һәм фурага килеп бәрелә. Фура шул мизгелдә үк дөрләп яна башлый, аның йөртүчесе пассажир ягыннан сикереп чыгып өлгерә. Бәрелгәндә, ирем үзе утырган шофер ягы белән туры килә, төбе-тамыры белән бер көпчәге өзелеп чыгып оча, көпчәге генә дә түгел, тимерләре белән. Фура астында анысы яна, ә ирем өч тәгәрмәчтә бәрелеп-сугылып алга таба китә. Анда әле күпер, ул ничек күпердән бәрелеп төшмәгәндер!

4,344

@tatar_estrada

02 Nov, 14:11

Әнвәр Нургалиев белән интервьюдан өзек 👇

- Балаларны сез тәрбиягә аласыз икән, дип тә сөйләгәннәр иде.
- Андый ниятебез, чыннан да, бар иде. Балаларга үз фамилиямне дә бирермен, дигән идем. Чөнки Аиша – әтисе фамилиясендә, ә малайлар – юк. Салман белән Сәидне үз фамилиямә язасым килде. Юристлар исә, опекунлыкны миңа теркәсәк, балаларга хөкүмәттән тиешле льготалар, түләүләр килмәячәк, дип аңлатты. Шуңа күрә балаларның опекуны әбиләре һәм бабалары булачак.
Әтиләре дә килде. Аның белән кичә сөйләштем. Рәбиснең әлегә апаларда, балалар янында яшәп торуын телибез. Аиша да әтисен бик еш сорый, сагына иде. Рәбис балаларны карашырга әзер. Материаль яктан, әлбәттә, ярдәм итәчәкбез.
«Балаларны безгә бирегез, үзебез карыйбыз», – дип әйтүчеләр дә булды. Андый сүзләргә азрак аптырадык. Абыйсы, әби-бабайлары, апалары була торып, ничек ул сабыйларны кешегә бирик?!

3,987

@tatar_estrada

02 Nov, 06:19

Салават Миннеханов белән интервьюдан өзек 👇

"Без хәзер сәхнәдә күренмибез, ләкин без иҗаттан ерак китмәдек, иҗатташ дусларыбыз белән уртак проектларыбыз бар. Бәлки, сәхнәгә кайтмабыз да. 5 ел элек без бөтен хәрам булган чаралардан баш тартырга дип ниятләдек. Ул вакытта Гүзеләм бәби көтә иде, ипотекага йорт алдык. Ничек йөреп чыгасы булыр икән моны дип бик курыккан идем, ләкин Аллаһы Тәгалә безгә яңа юллар ачты. Без хәләл чаралар алып бара башладык. Хәзерге вакытта иҗаттан киттек дигән сүз түгел, иҗат тирәсендә мәш киләбез, эшлибез, ләкин җырлау, сәхнәдә селкенү күңелгә ятмый".

3,682

@tatar_estrada

01 Nov, 15:58

«Җырчыла күп, чын җырчылар аз. Биючеләр күп, бии белгәне аз. Музыкантлар күп, уйнаучысы аз. Йолдызлар ташкыны. Йолдызлар аз, йолдыз чиренә бирелүчеләр күп...»

Хәмдүнә Тимергалиева
(1949-2020)

3,799

@tatar_estrada

31 Oct, 13:44

Иркә: “Ул исән-сау, ул әйләнеп кайтты” 🙏

4,511

@tatar_estrada

31 Oct, 09:01

Руслан Кираметдинов белән интервьюдан өзек 👇

"Гаиләдәге булган әйберне кешегә чыгармыйм. Иҗат кешеләре, татар, урыс эстрадасы ашаганнарына хатле социаль челтәрләргә кертәләр, ләкин мин ул әйбердән читләшеп торам. Кеше артыннан бернәрсә сөйләп тә йөрмим. Мин туры сүзле кеше, шуңа мине яратып та бетермиләр".

4,923

@tatar_estrada

30 Oct, 07:28

Гөлназ Асаева белән интервьюдан өзек 👇

“Миңа баламны калдырырга авыр. Шундый әни булырмын дип бер дә уйламаган идем. Үзем картәтәй һәм нәнәй белән күбрәк үскәч, үземнең баламны үземә үстерү бик мөһим. Шуңа да минем баламның үсү процессында тулысынча катнашасым килә. Нянялар алып, әби-бабайларның карашуын сорау дөрес түгел дип саныйм. Динәгә бер-ике яшь булганда елап кала иде, ә хәзер ул үсте, аның белән сөйләшеп була, күп нәрсәне аңлый".

4,488

@tatar_estrada

28 Oct, 09:56

Ләйсән Гыймаева һәм Булат Бәйрамов белән интервьюдан өзек
⠀
-Кризислы чорлар дип кайсы вакытны әйтә аласыз? “Бер-беребезгә туры килмибез, ахры” дигән уйларның башыгызга кергәне булдымы?
Ләйсән:
-Безнең очракта ул уйның мине бөтенләй борчыганы булмады. Ә кризислы чорга килгәндә, мөгаен, өйләнешкәннән соң беренче елдыр. Чөнки барысын да тәүге адымнардан башладык: эшкә урнаштык, хезмәт юлын башладык... Беренче бала тугач, ярты ел авыррак булды. Чөнки анда үзеңне ничек тотарга, ничек барсына да өлгерергә белмисең. Шул вакытта читен булды. Ләкин хатын-кыз вакыт узу белән бар авырлыкларны да оныта.
⠀
Булат:
-Мин дә шул беренче елларны атар идем. Бер-береңә яраклашу, ияләшү чорын. Беренче биш ел барыбер - күнегү. Балалар туганда хатын-кызның мәшәкатьләре арта, ә ир-ат аны аңламаска да мөмкин. Хатынына булышыр урынга, ул эгоист та булырга мөмкин әле. Бу чорда кризис була. Бер-береңә яхшылык, игелек эшләргә ашкынсаң, андый кризисны урап та узарга була, дип уйлыйм.

4,537

@tatar_estrada

27 Oct, 13:07

Гүзәл Әхмәтова белән интервьюдан өзек 👇

– Бала әтисе белән аралашамы? Әтисен яратамы?
– Амалия әтисе белән гел аралашып тора. Баламның әтисен дошман итеп күрмим. Без бит Рәфис белән бик тиз өйләнештек. Һәркемнең үз язмышы, үз тормышы дигәндәй. Артист кешесе белән яшәве авыр. Аны аңлыйм – мин бит 2 яшьтән бирле сәхнәдә. Сәхнә эшем генә түгел – минем тормышым да.
Гаилә тормышына үземне бирмәдем дип тә әйтә алмыйм анысы. Гаиләне дә, сәхнәне дә бергә алып бардым. Нигә аерылыштыгыз дип сорасагыз, иремнең дә, аның да төгәл җавабы юк. Талашмадык та без. Язмыш шулай кушкандыр. Насыйп булмаган эш булмый диләр бит. Амалия әтисен бик ярата. Әйбәт әти ул. Гел килә, ярдәм итеп тора. Мин аңа рәхмәтле! Кызыбыз әтисенең дә, әнисенең дә барлыгын белеп үсә. Аларның аралашуына каршы түгелмен. Кызганыч, әмма гаилә булып кала алмадык.
Алдагысы әйбәт булсын. Үземне бәхетле кеше дип саныйм. Минем өчен бәхет әти-әниемнең, туганнарымның, кызымның исән-сау булуы. Булганына шөкер итеп яшәргә генә кирәк.

4,318

@tatar_estrada

26 Oct, 11:40

Эльвира редакциябез белән бәйләнешкә чыкты. Бар да яхшы, Аллага шөкер 🤲

Һәм шулай була күрсен дә! 🤲

5,830

@tatar_estrada

26 Oct, 06:51

Ришат Төһвәтуллинның әнисе Розалия ханым белән интервьюдан өзек
⠀
– Ришатның балачагы турында сорыйсы килә...

Ришат бик тыныч бала булды. Юмарт, шаян. Үзенә кирәк булса, хәйләкәрлеге дә бар иде.
Мәктәптә яхшы укыды дип әйтә алмыйм, уртача гына, малайларча. Үзем дә: «Укы!» – дип кыстамадым. VIII сыйныфны тәмамлаганда: «Әни, бер генә «3»ле чыкты!» – дип сөенче алды. «Әстәгъфирулла, калганнары «2»лемени?» – дип сораганны үзем дә сизми калдым. Баксаң, калганнары «4» һәм «5» булган икән. Укуының соңгы елларында, тырышлыгын җигеп, мәктәпне «3»леләрсез тәмамлады.

⠀

6,037

@tatar_estrada

25 Oct, 16:21

Данир Сабиров өченче бала - малайны ничек алып кайтып була икәне хакында концертында сөйләде 👇

"Язылучыларым, тамашачым миңа һәрвакыт: "Малай кирәк сезгә!" - дип яза. Ул кайдан яралган стериотипттыр инде ул?! Югыйсә, ике кызым үсеп килә бит инде, ник обязательно малай кирәктер ул?! Хәзер хатынны яратасы килгәндә дә, ул, мәсәлән, кәефсез икән: "Тамашачы сорый бит!" - дип әйтәм.

Аннары уйга баттым. Ир-ат бит инде тормышында 3 эшне башкарырга тиеш: агач утыртырга, йорт салырга һәм ул үстерергә. Агачын утырттым дип әйтә алмыйм, утырттыдым. Йортын да, концертларда эшләп, акча җыеп, кешедән салдырдым. Мин әйтәм, бәлки малайны да, кемнедер чакыртып...» (бөтен зал көлә).

5,115

@tatar_estrada

25 Oct, 13:21

Эльвира Фазлиева кайда икән? Социаль челтәрдәге соңгы посты 28 июль көнне булган. Язылучылары аны эзли 😢

Кем нинди дә булса хәбәр белә, бу пост астында язып калдырыгызчы 🙏

1,861

@tatar_estrada

25 Oct, 05:45

Ринат Рахматуллин:

"Җаным, рәхмәт сиңа! Нинди генә хәл булмасын, син һәрвакыт янәшәмдә булдың һәм ярдәм иттең!"

❓ Күз явын алырлык пар. Килешәсезме? 😍

1,926

@tatar_estrada

25 Oct, 04:20

Ришат Фазлиахметовның яңа җырын тыңлар өчен монда бас

1,861

@tatar_estrada

24 Oct, 08:11

«Иҗат юлыбызда бер буын тәрбияләдек дип тә әйтергә була. Һәм бу эшне дәвам итәбез. Әле генә тәпи киткән балалар да концертыбызга килә, залда һәрчак 150ләп бала биеп йөри. Безнең тамашаларга гаиләләр бәйрәмгә килгән кебек әзерләнәләр, алар безне ел да көтеп алалар, һәм бу безнең өчен аеруча куанычлы».

Сезнең Ильдар Хәкимов һәм Гүзәл Уразова тамашасында булганыгыз бармы? Шоу куялар, әйе бит? 😍

1,964

@tatar_estrada

24 Oct, 04:31

Азат Фазлыевтан уйландыра торган музыкаль композиция:

https://band.link/hUsgM

1,945

@tatar_estrada

22 Oct, 17:23

Алия Карачурина

«Ришат үзе «ир белән хатын бер җирдә эшләргәтиеш түгел» дип саный. Без сыналдык – мин 8 ел аның төркемендә эшләдем. Шуңа да ул мине сайлагандыр, миндә тукталгандыр, чөнки без гел бергә. Миңа алай бик кыен түгел. Кайчан кыен? Ришат бит инде ул – җитәкче. Ул минем белән дә төркемдә эшләгән һәр кеше белән сөйләшкән кебек сөйләшергә тиеш. Шуңа күрә кайбер вакытларда әзрәк тавышын үзгәртсә, эмоцияләр белән берәр нәрсә кычкырып әйтсә, мин шундый кеше – шунда ук елыйм. Ул шуңа: «Нигә шунда ук еларга тотынасың? Синең белән сөйләшеп тә булмый», – ди. «Шундый кеше мин. Елыйсы килә, бетте-китте», – дим. Шул вакытларда гына авыр. Ә ул бит инде әйтмичә булдыра алмый. Берәр кисәтү әйтергә кирәк булса, ул бит әйтергә тиеш. Ришатның ачуы чыкса, ничектер, мине читләтеп, кайбер кешеләргә акырып, миңа акырмаска тиеш түгел бит инде».

Чыганак: «Интертат»

2,554

@tatar_estrada

21 Oct, 16:32

Салават Фәтхетдиновның балачак хыялы - үз зоопаркын булдыру. Еллар узгач бу хыялы тормышка аша! Һәм аның йорт алдында бүген кемнәр генә яшәми икән 😍

2,698

@tatar_estrada

21 Oct, 13:01

Рәфинә Ганиуллина белән интервьюдан өзек 👇
⠀
«Биш баласын кочагына алып, әтидән аерылып киткәндә әниебезгә 42 яшь иде. Иң кечкенәбезгә – ике яшь, миңа, иң зурысына тугыз яшь тә юк иде әле. Шуннан соң без бабай йортында яшәдек. Әмма аралары шулай ерагайса да, әни бервакытта да әтигә карата начар сүз әйтмәде, безне дә шулай тәрбияләде. Хәзерге вакытта әти янына кайтып, хәлен белешеп торабыз. Ул безнең концертларыбызга да килә, елап карап утыра.
Әниебезнең хәле әле беркөй. Мөстәкыйль түгел. Аны киендерергә, ашатырга кирәк, үзе булдыра алмый. Сөйләшә алмагач үзенә дә кыен. 5 кыз бит без, чиратлашып карыйбыз. Бер атна - беребездә, бер атна - икенчебездә...
Табиблар төгәл генә бернәрсә дә әйтми. Баш мие белән бәйле диагнозлар шулай: алда ни көтәсен белмисең - яисә яхшырып китә, яисә кабатланырга да мөмкин. Булдыра алганча әнине саклыйбыз. Бар да яхшы булсын иде.
Ул үз акылында, барын да аңлый. Авыр кичерә үз хәлен: аралашасы да килә, рәхәтләнеп йөгереп йөрисе дә».

2,726

@tatar_estrada

21 Oct, 11:20

Руслан Кирамутдинов белән интервьюдан өзек 👇

– Элеккеге Руслан белән бүгенге Руслан арасында нинди аерма бар?
– Дөньяга карашым үзгәрде, күзләрем ачылды. Хәзер мин элеккеге беркатлы, самими Руслан түгел инде. Мондый чакта кемнең кем икәне дә яхшы күренә бит. Кирәкмәс кешеләр белән аралар өзелде.

Бу тормышта сиңа үзеңнән башка беркем дә ярдәм итә алмый. Кешегә түгел, үзеңә ышанырга кирәк. Мич башында ятып, эш пешми, диләр бит. Кешедән ярдәм көтеп, үзеңне кызганып ятсаң, аякка баса алмыйсың. Рухны тырышлык, эш ныгыта.

❓Биредә Русланның иҗатын сөючеләр бармы? Комментарийларда языгыз!

2,438

@tatar_estrada

19 Oct, 13:25

Әнвәр Нургалиев белән интервьюдан өзек (март, 2020) 👇
⠀
- Ана белән малай арасындагы мәхәббәтне берни белән дә чагыштырып булмый. Бигрәк тә төпчек бала булгангамы, без әни белән бер-беребезне сүзсез дә аңлыйбыз. Әнигә кыен булса, төшемә керә. Минем белән нидер булса, шунда ук ул сизеп ала. Шалтыратсам: “Балакаем! Нәрсә булды?” – дип сораша башлый. Шуңа күрә кайчак шалтыратырга да курка идем.
Сиксән яшен уздыргач, кинәт кенә әнинең сәламәтлеге начарайды. Сул аягын кистеләр. Хәле яхшырып, Раевкага кайткач, инсульт сукты. Әнием телсез калды. Минем иң зур теләгем газиз кешемнең теле ачылсын иде. Әниемнән башка тормышымны күз алдына да китерә алмыйм.
Без – авыл баласында, әнине кочаклап үбү дигән әйбер юк, кыенсынабыз. Әйе, авылга кайткач, иңеннән кочаклап алабыз, хәл сорашабыз. Әмма җайлап утырып сөйләшергә вакыт та җитми кала.
Кырык алты яшемә җитеп, беренче тапкыр әниемнең күкрәгенә башымны салып еладым. Ул мине башымнан сыйпый, ярата. Онытылмаслык мизгелләр...

3,089

@tatar_estrada

17 Oct, 08:53

Асылъяр белән интервьюдан өзек ⬇️

– Ничә еллап сәхнәдә күренми тордыгыз?

– 2012 нче елны минем соңгы сольный концертым узды. 2013 нче елда — улыбыз, 2016 нчы елда кызыбыз туды. Балаларны калдырып, сәхнә эшчәнлегенә бөтенләй кереп китүне дөрес дип тапмадым инде. Әлбәттә, әниләргә дә калдыру мөмкинлеге бар иде. Һәрберсе 3 яшькә кадәр, балалар бакчасына тапшырганчы, минем кулда булдылар инде.

– Әни җылысын тоеп үсәргә тиеш бала, шулай бит?

– Әйе, аннан соң уйлый идем инде мин, балаларның бу вакытларын берничек тә кайтарып алып булмый. Нинди генә зур теләгең, акча булса да. Аларның шушы күз карашларын, аның исләрен, беренче адымнарын, сүзләрен берничек тә кире кайтарып булмый. Менә мин шул якларын уйладым. Ә җырым һәрвакыт минем белән. Аны миннән беркем дә ала да алмый. Җырларымны яздыра киләм, интернет челтәренә әле дә куя барам. Хәзер менә эшкә чыктык, иҗат та әкренләп кенә үз юнәлешен ала.

Чыганак: «Татар Тодей»

3,534

@tatar_estrada

15 Oct, 06:49

Линара Батталова белән интервьюдан өзек

– Үзеңнән 13 яшькә өлкән, җитмәсә аерылган иргә кияүгә чыгарга курыкмадыңмы?
– Әйләнә-тирәмдәге барлык кешеләр дә никахыбызга каршы булды. Ләкин беркемнең дә сүзенә колак салмадым. Мөнәсәбәтләребезнең җитди булуын ачык белдем. Миңа башка кеше кирәкми иде. Аллаһка шөкер, 13 ел бәхетле гаилә булып яшибез.

– Маратның беренче никахыннан туган балалары белән яхшы аралашасызмы?
– Әлбәттә. Без баштан ук уртак тел таптык. Аларны бик яратам. Беренчедән, алар яхшы тәрбияләнгән. Әтиләре кебек үк диндә. Марат та намазда. Икенчедән, алар кызыбыз Камелияне сеңелкәш итеп кабул итте, якын күрде. Миннән еш кына: “Нигә икенчегә бармыйсың?” – дип сорыйлар…

3,947

@tatar_estrada

15 Oct, 05:49

Татар җырлары аккаунты ⬇️

https://t.me/tatarmusiclove

Язылыгыз ❤️

4,379

@tatar_estrada

14 Oct, 18:14

Данирның чәч күчереп утыртканын белә идегезме? 😳

Кем шулай ук Төркиягә барып чәч куертырга уйлый, контактлары:
+7 917 736 27 81

3,226

@tatar_estrada

13 Oct, 05:58

Фән Вәлиәхмәтов 🖤👇

"Бармак булмауның физик эш башкаруга тәэсире булды – әйбер кысып булмый иде, әмма гармунга бер йогынтысы да булмады. Әйе, яшь чакта оялдыра да иде, кызлар карамас дип, кулны кесәгә дә тыгып йөри идем. Тик, нишлисең, Ходай мине шулай яраткан. Бармаклар тумыштан шулай. Әни минем белән йөкле булганда, кулын комбайн барабанына кыскан да, үзенә бер нәрсә дә булмаган, ә карунындагы бала зәгыйфләнгән. Элек бит басуда калган көлтәләрне кыш та сукканнар. Күз алдына китерегез инде: ачы салкын, чиксез басу һәм анда авырлы хатын-кыз... “16 яшьтә комбайн йөртүчесе булып эшли идем, хәзерге кыз бала чәй эчкән савытын да юа алмый”, - дип сөйли иде, мәрхүмә. Чынлап-та, шулай. Кызганыч".

Урыны оҗмах түрендә булсын 🤲

4,057

@tatar_estrada

12 Oct, 18:01

Урыны оҗмах түрендә булсын 🤲

4,624

@tatar_estrada

12 Oct, 14:48

Айгөл Бариева белән интервьюдан өзек

– Әти-әниең турында бик еш язасың. Әгәр күрешүмөмкинлеге булса, аларга нәрсә әйтер идең?
– Әти-әнине бик сагынып яшим. Алар миңа бик җитми. Әгәр исән булсалар, сөйләшеп кенә калмас идем, алар өчен күп нәрсә эшләр идем. Әти белән әни бик күп әйберне белмичә, күрмичә яшьли китеп барды. Чит илләргә алып барыр, дөньяны күрсәтер, теләгән әйберләрен – тәмле ризыклар, матур киемнәр алып бирер идем. Оныклар рәхәтен күрми киттеләр. Кайвакыт: “Эх, Айлинәнең, Камилнең уңышларын күрсәләр, ничек сөенерләр иде”, – дип уйлыйм. Акыллы, файдалы киңәшләрен бирерләр иде дип юксынам аларны. Ләкин язмыштан узмыш юк. Әти-әниемнең урыннары оҗмахта, рухлары шат булсын. Оҗмахларга эләксәк, очрашырга насыйп булсын 🙏🏻

4,810

@tatar_estrada

12 Oct, 09:45

Җәвит Шакиров белән интервьюдан өзек

«Әнием бик каты авырып, япь-яшь килеш үлеп китте. Исеме Мәгълүфә иде, без, өч бала, ятим калдык.
Иң өлкәнебезгә - 11, ә миңа нибары биш кенә яшь иде. Әти үзенә иптәшкә, балаларына әни булырдай биш хатын алып кайтып карады, әмма безгә, шук балаларга, берсе дә түзмәде. Ә менә алтынчы булып төшкән әни, Аллаһыга шөкер, безне үз балаларыдай тәрбияләүче үги әни булды. Бик усал һәм таләпчән иде, әмма бер дә кыерсытканы булмады. Без дә аңа бер дә "үги" дип эндәшмәдек. Тиешле тәрбия бирде: мәктәптә, техникумда укытты, армиягә озатты, өйләнгәндә дә үзенең зур өлешен кертте. Өстебез һәрвакыт бөтен, чиста һәм пөхтә булды. Укытучылар безне үрнәк итеп куйганнары әле дә хәтердә.
Әниле булгач, гаиләбез тагы да ишәйде: бер сеңел белән бер энебез туды. Бишебез дә бик тату булдык. Төпчегебез Ләйсән әни белән яши, алар бергә булгач, без тыныч».

3,753

@tatar_estrada

11 Oct, 16:25

Гүзәлия белән интервьюдан өзек 👇
⠀
«Миңа калса, һәр хатын-кызда әни булу теләге бар. Яшьлек юләрлеге белән: “Нәрсәгә миңа бала кирәк?” – дип әйткәннәрне беләм, тик вакыт үтү белән ул кызлар хыялый әниләргә әйләнде. Бала кирәкми дигәннәр хәзер үз нарасыеннан аерыла да алмыйлар.
Әни буласы килә, әмма хәзер соң инде. Мин эгоист түгел. Балама да яхшы булсын дип телим. Бу яшемдә тапсам, ул сау-сәламәт булырмы?! Мин аны кырыктан соң тапкач, ул мәктәп беткәндә аңа ничә яшь була соң? Әнисе карт булу аңа кыенлыклар тудырмасмы соң?!.. Чөнки мине әни бик соң тапкан һәм хәрвакыт миннән: “Это твоя бабушка?” – дип сорыйлар иде. Үземә мең төрле сорау бирәм. Бүгенге экология белән миңа түгел, яшьләргә дә авырга узу, бала табу бик авыр бирелә. Хәзер минем өчен иң мөһиме – ул сәламәтлек".

3,036

@tatar_estrada

11 Oct, 14:32

Алмаз Мирзаянов белән интервьюдан өзек

«Мин бит 32 яшьтә генә өйләндем. Ничә ел очрашып йөреп, бәлки, мин өйләнмәс тә идем. Иртәрәк өйләнсәм, кадерен белмәс идем. Бала да тиз генә булмады бит… Мин аны шундый кадерлим хәзер. Минем аны Зөлфирәгә дә, бер кешегә дә бирәсем килми. Беренче вакытларда, Зөлфирә йокласын дип, төне буе кулымда тотып чыга идем.
Һәрнәрсәнең үз вакыты икән. Ышанырга кирәк, көтеп кенә утырырга кирәкми, юлларын эзләргә кирәк. Аллаһтан чын күңелдән сорарга кирәк, шул вакытта барысы да була икән».

3,006

@tatar_estrada

11 Oct, 12:16

Илсаф белән интервьюдан өзек 👇

- Гадәттә, дингә кеше ниндидер тормыш авырлыкларыннан соң килә.

- Әйе, әмма башыңа авырлыклар төшкәнче намазга бассаң, яхшырак була. Тамашачылар беләдер, минем беренче гаиләм бар иде. Миләүшә белән ике кызга гомер бирдек. Энҗебез бүген үзе гаилә корды, баласын үстерә, тик менә Айгөлебезнең гомере бик кыска булды. Балакаем 6 яшендә яман шеш белән авырды. Мәктәпкә 1нче сентярьгә генә бара алды, аннан соң йөрмәде. Чит ил табибларына да ярдәм сорап бардык, әмма афәт белән берничек тә көрәшеп булмады. Ел ярым интеккәннән соң, вафат булды.
Кайгы кичергәннән соң, алга таба яшәү өчен ике генә юл бар: беренчесе – төшенкелеккә бирелеп, эчүгә сабышу, икенчесе – үзеңдә көч табып, алга таба да яшәүне дәвам итү. Мин икенчесен сайладым.

3,240

@tatar_estrada

10 Oct, 17:30

Сынаулар, үлемнән бер адым калган мизгелләре дә бихисап. 6 ай колониядә булуы да тормыш китабында язылган булган, күрәсең. Хәзер ул тормышын яңа биттән башларга булган. Аны бу адымга илһамландыручы тормыш иптәше бар икән. Яшь аермасы 25 яшьтән артык булу да, мәхәббәткә киртә булмаган.

Динара белән интервьюдан өзек 👇

- Ринат Рахматуллин белән беренче тапкыр мәҗлестә очрашкан булгансыз икән. - Беренче тапкыр Ринатны мәҗлестә күргәч: “Әллә Ринат Рахматуллинга пародияме бу?”, - дип уйлап куйган идем. Соңгы елларда зур сәхнәдән дә бераз читләште, шуңа мәҗлескә чын Ринат Рахматуллин килүенә ышанмадым. Аны телевизордан гына күргәнем бар иде бит. Ринатның җырларын балачактан тыңлап үстем, шуңа күрә янына барып фотога төшәргә булдым.
- Шул көнне номерлар алыштыгызмы? - Юк инде, беренче очрашуда ук номерлар алышмадык. Мин бит аны җырчы буларак хөрмәт итеп, фотога төштем. Аннан социаль челтәргә Ринатның җырлавын кертеп, шәхси сәхифәсен билгеләп куйдым. Менә шуннан аралашып киттек.

Илгизә Галиуллина
"Шәһри Казан"

3,191

@tatar_estrada

10 Oct, 16:55

Илсаф белән интервьюдан өзек

– Кайгылы вакытларыңда акылдан язмаска, яшәргә каян көч таптың?
– Аллаһы Тәгаләгә якынаю, мәчеткә йөрү, вәгазьләр тыңлау, намаз укый башлау коткарды. Бу очракта дингә килү генә коткарып кала ала, башка чарасын күрмим. Диндә бөтен сорауга җавап, бөтен ярага азмы-күпме дәва бар. Яңадан аякка басуда тамашачымның, сәхнәнең ярдәме дә зур булды.

2,843

@tatar_estrada

10 Oct, 13:46

🥳 Разыгрываем сертификаты в Золотое Яблоко на сумму 50 000 руб.

Для участия нужно:

1. Быть подписанным на @region116_kazan

2. Нажать на кнопку «Участвую» под этим постом

Каждому победителю подарим электронный сертификат на 10 тыс в ЗЯ (либо денежный эквивалент)

Итоги розыгрыша подведет умный бот случайным образом 27 октября.
Приз можно будет получить только в Казани!

Перешли друзьям и близким чтобы повысить шансы на успех!

2,053

@tatar_estrada