Saw Nay Thar Channel

စစ်မှုမထမ်းချင်တဲ့ လူငယ်များအတွက် ရွှေးချယ်စရာ လမ်း ၃ လမ်းပဲ ရှိပါတယ်
စစ်မှုထမ်းရမယ့် အသက်အရွယ်အပိုင်းအခြားနဲ့ အကျုံးဝင်တဲ့ လူငယ်လူရွယ်အားလုံး ပြည်ပထွက်ခွင့် ပိတ်လိုက်တယ်

စစ်မှုထမ်းရမယ့်နာမည်စာရင်းကို ရပ်ကွက်ကို မကောက်ခိုင်းတော့ပဲ စစ်တပ်က တိုက်ရိုက်စာရင်းပြုစုပြီး အိမ်တိုင်ရာရောက် ဆင့်ခေါ်တာ ခေါ်ဆောင်တာ လုပ်လာတယ်

အခုဆိုရင် အမျိုးသမီးတွေကိုပါ နာမည်အတိအကျနဲ့ ဆင့်ခေါ်စာတွေ ပို့နေပြီ သိပ်မကြာခင် အိမ်တိုင်ရာရောက် လာခေါ်တော့မယ်

ဒီကြားထဲမှာ ကိုကိုကြီး အေးမောင်တို့ ပါဝင်တဲ့ နိုင်ငံရေးပါတီအစုအဖွဲ့တွေကပါ စစ်မှုထမ်းဦးရေ တိုးခေါ်ဖို့ စစ်တပ်ကို အဆိုပြုတယ်လို့ စစ်ကောင်စီက ကြေညာတယ်

စစ်မှုထမ်း အမှတ်စဥ် ၉ အထိတောင် ရှိသွားပြီဆိုတော့ ပျှမ်းမျှအားဖြင့် လူ ၄ သောင်းကျော် စစ်တပ်ရောက်သွားပြီ ဒါတောင် ပေါ်တာဆွဲခံရတဲ့စာရင်းမပါသေး

သိပ်ကြောက်ဖို့ ကောင်းတဲ့ ကိန်းဂဏန်းအချက်အလက်တွေဖြစ်တယ် ဒီကြားထဲ စစ်သင်တန်းတက်ပြီး ရှေ့တန်းလွတ်ခံရတာ ထောင်ချီ ​ေ_သ_သွားပြီဖြစ်တယ်

စစ်ခေါင်းဆောင်တွေဟာ စစ်ရှုံးလာတာနဲ့အမျှ တိုင်းပြည်ကို အဆိုးဆုံးသော အခြေအနေထိ ဆွဲချသွားမှာတော့ အသေအချာမြင်နေရတယ်

လူငယ်လူရွယ်တွေ အားလုံးဟာ စစ်မှုထမ်းမပါချင်ရင် ရွေးချယ်စရာ ၃ ခုပဲ မြင်မိတယ် PDF LDF ထဲဝင်တာရယ် တရားမဝင်နည်းလမ်းနဲ့ ပြည်ပထွက်တာရယ် တော်လှန်ရေး အင်အားစုတွေ ထိန်းချုပ်ထားတဲ့ဒေသတွေကို ထွက်ပြေးအခြေချ ရှောင်နေဖို့ရယ်ပဲ ကျန်ပြီဖြစ်တယ်

ဘဝပေး အခြေအနေက ဒီရွေးချယ်စရာ ၃ ခုလုံး အဆင်​မပြေဘူးဆိုရင်လည်း ဘယ်လိုမှ အကြံမပေးတတ်တော့ဘူး

တော်လှန်ရေးအင်အားစုတွေအနေနဲ့ ဒီအခြေအနေဆိုးတွေကို တွက်ချက်ပြီး စစ်တပ်ကို အချိန်ပေးလို့ မရဘူးဆိုတာ အလေးအနက်ထားစေချင်မိတယ်

၂၀၂၅ ထဲမှာ ကြီးမားတဲ့စစ်ရေးလှိုင်းကြီးတွေ ပြည်မထဲ ဖြစ်လာပြီး တိုင်းရင်းသားဒေသစစ်ရေးတွေနဲ့ ချိတ်ဆက်ပြီး တပြိုင်တည်း ဖြစ်စေချင်တော့တယ်

တိုင်းပြည်ဟာ သိပ်ဝမ်းနည်းဖို့ ကောင်းတယ် တော်လှန်ရေးပြီးသွားရင်တောင် အလုပ်လုပ်နိုင်မယ့် လူငယ် လူရွယ်တွေ အားလုံးဟာ စိတ်အနာတရတွေများစွာနဲ့ ရှင်သန်နေရတော့မှာဖြစ်တယ်

@@

ယနေ့ညနေပိုင်းက အဝေးပြေးကားနှစ်စီးကိုစစ်ကား(၂)စီးပိတ်ဖမ်းပြီ လူငယ်အရွယ် အမျိုးသား အမျိုးသမီး တွေကိုဖမ်းခေါ်သွားတယ် လို့သတင်းရရှိပါတယ်
ရန်ကုန်-သံဖြူဇရပ်-ရေး အပြန်သမားတွေပါ။
ရန်ကုန်-သံဖြူဇရပ်-ရေး..အဝေးပြေးကားနဲ့ခရီးသွားတဲ့မိသားစုထဲကလူငယ်လူရွယ်
အမျိုးသမီး-အမျိုးသားများ အိမ်ပြန်မရောက်ခဲ့ရင်
ကျိုက်မရောနဲ့မော်လမြိုင်...စစ်မှု့ထမ်းသင်တန်းကျောင်းမှာသွားရောက်စုံစမ်း ရှာကြည့်ကြပါ။ Crd

အမျိုးသမီးစစ်မှုထမ်းစာရင်း သာကေတတွင် စတင်ကပ်ထားဟုဆို

25 Jan 2025 By Ko Paing / MPA

အမျိုးသမီး စစ်မှုထမ်းစာရင်းကို သာကေတမြို့နယ်၊ ၇ အရှေ့ရပ်ကွက်အုပ်ချုပ်ရေးမှူးရုံးတွင် ကပ်ထားကြောင်း Rangoon Scout Network က သတင်းထုတ်ပြန်သည်။

ယင်းစာရင်းထဲတွင် ၇ အရှေ့ရပ်ကွက်၊အောင်သပြေအရှေ့ ၄လမ်း၊လမ်းအပေါ်ဘက်နေ အမျိုးသမီး ငါးဦးနှင့် လမ်းအောက်ဘက်နေ အမျိုးသမီး၁၅ဦး ပါကြောင်း သိရသည်။

“၇အရှေ့ အုပ်ကြီးရုံးမှာ အမျိုးသမီးစစ်မှုထမ်းစာရင်းကပ်ထားတာ ဟုတ်ပါတယ်။ အဲလိုကပ်ရုံတင်မကဘူး။ စစ်မှုထမ်းဆင့်ခေါ်စာတွေပါ စာအိတ်နဲ့ အမျိုးသမီးစစ်မှုထမ်းရှိတဲ့ အိမ်တွေထဲ ရောက်လာတယ်” ဟု သာကေတ၊၁၀တောင်ရပ်ကွက်နေ အမျိုးသမီးတစ်ဦးက ယနေ့ (ဇန်နဝါရီ ၂၅ရက်) မွန်းလွဲပိုင်း၌ MPAသို့ ပြောသည်။

သာကေတမြို့နယ်၊၇အရှေ့ရပ်ကွက်နှင့်၁၀ တောင်ရပ်ကွက်၊ခိုင်ရွှေဝါလမ်းရှိ အမျိုးသမီးအချို့ထံ စစ်မှုထမ်းဆင့်ခေါ်စာများ ယခုရက်အတွင်း ရောက်ရှိလာကြောင်း ၎င်းကဆိုသည်။

“အသေးစိတ်တော့မသိဘူး။အဲစာက အုပ်ကြီးရုံးက ရောက်လာတာတော့ မဟုတ်ဘူး။ဌာနဆိုင်ရာ ကလာတာလို့ ပြောတယ်” ဟု ၎င်းက ဆက်လက်ပြောသည်။

ဇန်နဝါရီ၂၃ရက်တွင် ကျောက်တန်းမြို့၊ရွှေကုန်းရပ်ကွက်နှင့် သန်လျင်မြို့၊ဗိုလ်ချုပ်ဘက် တို့တွင် အသက်၁၈နှစ် နှင့် ၂၇နှစ်ကြား စစ်မှုထမ်းအကျုံးဝင် အမျိုးသမီးများစာရင်း ကောက်ယူခဲ့သလို သာကေတမြို့နယ်၊ ၄ တောင်ရပ်ကွက်နှင့် တာမွေမြို့နယ်၊ မဂ္ဂင်လမ်းထဲတွင်လည်း စာရင်းကောက်သွားကြောင်း Rangoon Scout Network ကဆိုသည်။

ဇန်နဝါရီ ၂၃ရက်တွင် ပြည်သူ့စစ်မှုထမ်းနည်းဥပဒေကို စစ်ကောင်စီက အတည်ပြုခဲ့ရာ ယင်းနည်းဥပဒေအရ စစ် ကောင်စီလက်အောက်၌ တာဝန်ထမ်းဆောင်နေသည့် Non CDM ဝန်ထမ်းများလည်း စစ်မှုထမ်းရ မည်ဖြစ်သည်။

Rangoon Scout Network သည် ရန်ကုန်တိုင်းအတွင်း စစ်ကောင်စီ လှုပ်ရှားမှုနှင့် ပတ်သက်သည့် မြေပြင်သတင်းများနှင့် ထူးခြားဖြစ်စဥ်များကို အဓိကထား စုစည်းတင်ပြပေးနေသော နွေဦးတော်လှန်ရေးစာမျက်နှာ တစ်ခုဖြစ်သည်။

သတင်းအပြည့်အစုံဖတ်ရန် >>>> https://shorturl.at/Ptgo1
Telegram Link - https://t.me/MPANews
Twitter Link - https://twitter.com/mmpressphoto
MPA English Website - https://mpapress.com/en

စာတည်း - ML
#အမျိုးသမီး #စစ်မှုထမ်းစာရင်း #သာကေတမြို့ #MPA #Ko_Paing

AA ဆော်ချက်

မံစီမှထွက်ပြေးသွားသည့် စစ်ကောင်စီတပ်ဖွဲ့ဝင်များကို လမ်းတွင် ရုပ်အလောင်းများအဖြစ်ပြန်လည်တွေ့ရှိ၊ အချင်းချင်းပစ်သတ်ခဲ့သည်ဟုဆို

မံစီ - ဇန်နဝါရီ ၁၄၊ ၂၀၂၅။

မံစီမြို့မှစခန်းစွန့်ခွာထွက်ပြေးသွားကြသည့် စစ်ကောင်စီတပ်ဖွဲ့ဝင်များကို လိုက်လံရှာဖွေချိန် မိသားစုဝင်များနှင့်အတူ သေဆုံးနေသည့်ရုပ်အလောင်းများအဖြစ်ပြန်လည်တွေ့ရှိခဲ့ကြောင်း သိရသည်။

ဗန်းမော်မြို့ပြင်ရှိ ခ.လ.ရ (၄၇) တပ်စခန်းသို့ ပူးပေါင်းရန်သွားသည့်လမ်းတွင် ပိတ်ဆို့တိုက်ခိုက်ခံခဲ့ရသည့် စစ်ကောင်စီတပ်ဖွဲ့ဝင်များက အချင်းချင်းပစ်သတ်ခဲ့ကြောင်း ဖမ်းဆီးရမိခဲ့သည့်သုံ့ပန်းများပြောသည်ဟု မြေပြင်သတင်းရင်းမြစ်တစ်ဦးက The 74 Media ကိုပြောသည်။

“အသေကတော့ပိုများးတယ် အရှင်လည်းမိတယ်။ စစ်သုံ့ပန်း၊ အရှင်ဖမ်းမိတဲ့သူတွေ ပြောပြတာဗျ၊ လက်နက်ချမယ်တို့၊ မလိုက်တော့ဘူးပြောတဲ့သူတွေကိုဆို သတ်ပစ်ခဲ့ကြတာတဲ့။ သူတို့ထွက်ပြေးတဲ့ လမ်းကြောင်းနောက်လိုက်ပြီးရှင်းရတာ အဲ့လောက်လူတွေအများကြီးသေနေတာ တစ်ခါမှမတွေ့ဖူးဘူး။ တချို့နေရာတွေဆို မိသားစုတွေရောအပါ ၂၅၊ ၃၀ လောက်ကို တစ်နေရာထဲမှာ စုပြုံသေနေတာတွေ့ရတာ” ဟုပြောသည်။

တွေ့ရှိခဲ့သည့် ရုပ်အလောင်းများတွင် ကလေးများလည်းပါဝင်နေပြီး လသာအရွယ် ကလေးအလောင်းလည်း တွေ့ရှိခဲ့ကြောင်း သူကပြောသည်။

အဆိုပါ စစ်ကောင်စီတပ်ဖွဲ့ဝင်များမှာ မံစီမြို့ရှိ စစ်ကောင်စီခြေမြန်တပ်ရင်း (ခမရ - ၆၀၁)၊ (ခမရ - ၃၁၉) နှင့် အမှတ် ၃၅၂ အမြောက်တပ် စသည့်တပ်စခန်းများမှ ပြီးခဲ့သည့် ဇန်နဝါရီလ ၈ ရက်နေ့တွင် ထွက်ပြေးသွားသူများဖြစ်ကြောင်း သိရသည်။

The 74 Media ကတွေ့ရှိခဲ့သည့် ရုပ်သံမှတ်တမ်းတစ်ခုတွင်လည်း တောတွင်းတစ်နေရာတွင်သေဆုံးနေသည့် ရုပ်အလောင်းဆယ်ခုထက်မနည်းရှိနေပြီး မှတ်တမ်းရိုက်ကူးသူက ခ.မ.ရ ၃၁၉ မှ ထွက်ပြေးလာသည့် စစ်ကောင်စီတပ်ဖွဲ့ဝင်များဖြစ်ကြောင်းပြောထားသော်လည်း အဆိုပါနေရာမှာ မည်သည့်နေရာဖြစ်ကြောင်းကို အတည်ပြုနိုင်ခြင်းမရှိပါ။

မံစီမြို့မှ ထွက်ပြေးသွားသည့်စစ်ကောင်စီတပ်ဖွဲ့ဝင်များမှ အချို့မှာ လွတ်မြောက်နေဆဲဖြစ်ကြောင်း KIA တပ်ဖွဲ့ဝင်တစ်ဦးက ပြောသည်။

“တချို့တွေကိုတော့ ကျွန်တော်တို့ဖမ်းမိထားတာတွေရှိတယ်။ တချို့ကတော့ လွတ်မြောက်ထွက်ပြေးနေတုန်းပဲ။ တောထဲရှာနေတုန်း လက်နက်တွေပစ်ပြီး ယူနီဖောင်းတွေလည်းပစ်ထားတဲ့သူတွေလည်းရှိတယ်” ဟုဆိုသည်။

စခန်းသိမ်းတိုက်ပွဲအတွင်းမှထွက်ပြေးသွားသော စစ်ကောင်စီတပ်ဖွဲ့ဝင်များကိုကြားဖြတ်တိုက်မှုအတွင်း MA 1၊ MA 2၊ MA 3၊ MA 4 နှင့် ငဂျင်းမီးအပါအဝင် စုစုပေါင်း သေနတ်အလက် ၁၀၀ ကျော်သိမ်းဆည်းရမိခဲ့ကြောင်း ရှေ့တန်းတပ်ဖွဲ့ဝင်များထံမှသိရသည်။

ထို့အပြင် တော်လှန်ရေးတပ်ဖွဲ့ဝင်များ နယ်မြေရှင်းလင်းရေးလိုက်လံလုပ်ဆောင်နေစဉ် ထိခိုက်ဒဏ်ရာရရှိထားသည့် ၁၁ နှစ်ခန့်အရွယ် ကလေးငယ်တစ်ဦးကို ကယ်တင်နိုင်ခဲ့ကြောင်း သိရသည်။

KIA ပူးပေါင်းတပ်က မံစီနှင့် ဗန်းမော်မြို့နယ်ရှိ စစ်ကောင်စီတပ်စခန်းအားလုံးကို ပြီးခဲ့သည့် ဒီဇင်ဘာလ ၄ ရက်နေ့ကစ တစ်ပြိုင်နက်ထိုးစစ်ဆင်တိုက်ခိုက်ခဲ့ခြင်းဖြစ်ပြီး ထိုးစစ်တစ်လကျော်အကြာ ဇန်နဝါရီ ၈ ရက်နေ့တွင် မံစီမြို့ရှိ စစ်ကောင်စီခြေမြန်တပ်ရင်း (ခမရ - ၆၀၁) (ခမရ - ၃၁၉) နှင့် အမှတ် ၃၅၂ အမြောက်တပ်တို့ကို တိုက်ခိုက်သိမ်းပိုက်ခဲ့သည်။

သတင်း - Thu Ta၊ Pan Soon
ပုံ - မံစီမြို့စခန်းသိမ်းတိုက်ပွဲတွင် တွေ့ရသည့် တော်လှန်ရေးတပ်ဖွဲ့ဝင်အချို့

မွန်ပြည်နယ်မှာ လူငယ်တွေ ညအချိန် ဆက်တိုက်ဖမ်းဆီးခံနေရ

ဒီဇင်ဘာလ ၃၁ ရက်

မွန်ပြည်နယ်မှာ အခုလအတွင်း စစ်ကောင်စီက ညပိုင်းအချိန် လူငယ်တွေကို အကြောင်းအမျိုးမျိုးပြပြီး ဖမ်းဆီးမှုတွေ ဆက်တိုက်လုပ်ဆောင်နေတယ်လို့ ဒေသခံတွေက သံလွင်တိုင်းမ်ကို ပြောပါတယ်။

ဖမ်းဆီးမှုမှာ ဒေသန္တရအမိန့် ဖောက်ဖျက်မှု ကျူးလွန်သူတွေ၊ ညပိုင်းအပြင်ထွက်သွားလာသူတွေအပြင် ဧည့်စာရင်းအကြောင်းပြချက်နဲ့ နေအိမ်တွေ ဝင်ရောက်ဖမ်းဆီးမှုတွေအထိ ရှိလာခဲ့တာပါ။

သံလွင်တိုင်းမ်က စုံစမ်းမေးမြန်းမှုတွေအရ အခုလို ဖမ်းဆီးမှုတွေဟာ မွန်ပြည်နယ်ရဲ့ မြို့နယ် ၁၀ မြို့နယ်လုံးမှာ ဖြစ်ပွားနေတာဖြစ်ပြီး အဲဒီထဲမှာ သထုံခရိုင်ရဲ့ မြို့နယ်လေးခုမှာ အများဆုံး ဖမ်းဆီးခံနေရတာ ဖြစ်ပါတယ်။

သထုံဒေသခံတစ်ဦးက အရင်ကညပိုင်းအချိန် အပြင်ထွက်သွားလာသူတွေကိုသာ ဖမ်းဆီးရာမှာ အခုနောက်ပိုင်း ဧည့်စာရင်းအကြောင်းပြချက်နဲ့ နေအိမ်တွေအထိ ဝင်ရောက်ဖမ်းဆီးတာတွေ ရှိနေတယ်လို့ ပြောပါတယ်။

“အရင်တုန်းကကျတော့ ညအချိန်မတော် အပြင်ထွက်လို့ ဖမ်းတာမျိုးတို့ ဘာတို့ အဲဒီလိုမျိုး အ ကြောင်းပြချက်တွေနဲ့ ဖမ်းတယ်။ ဒီနောက်ပိုင်းကျတော့ အဲဒီလိုမျိုး မဟုတ်တော့ဘူး။ ဧည့်စာရင်း စစ်မယ်ဆိုပြီးတော့ ဝင်စစ်တယ်။ အဲဒီဧည့်စာရင်းစစ်တဲ့အိမ်မှာ ဒီစစ်မှုထမ်းဥပဒေနဲ့ အသက်ဝင်တဲ့ လူငယ်တွေရှိရင် တစ်ခါတည်း ခေါ်ဆောင်သွားတယ်” လို့ ဆိုပါတယ်။

ဖမ်းဆီးခံရတဲ့ လူငယ်အများစုကို စစ်ကောင်စီဘက်က ပြန်လွှတ်ပေးတာမရှိဘဲ စစ်မှုထမ်းအဖြစ် စစ်သားစုဆောင်းမှုတွေရှိနေပြီး ငွေကြေးတတ်နိုင်သူတချို့သာ ငွေပေးပြီး ပြန်လွှတ်လာတယ်လို့ ဒေသခံတွေက ပြောကြပါတယ်။

သံလွင်တိုင်းမ်ထံ သတင်းပေးလာတဲ့ ပေါင်မြို့နယ်က ဖမ်းဆီးခံရတဲ့ မိဘတစ်ဦးကတော့ သူ့သားဖြစ်သူဟာ ဇာတ်ပွဲသွားရင်း အတင်းအဓမ္မ ဖမ်းဆီးခံလိုက်ရပြီး ၁၀ ရက်ကြာတဲ့အထိ အဆက်အ သွယ် မရသေးဘူးလို့ ပြောပါတယ်။

မုဒုံဒေသခံတစ်ဦးကလည်း စစ်ကောင်စီဘက်က ညပိုင်းအချိန် လူငယ်တွေကို အတင်းအဓမ္မ ပေါ်တာဆွဲဖမ်းဆီးပြီး စစ်သားစုဆောင်းနေတဲ့အတွက် ညပိုင်းအချိန် အပြင်ထွက်သွားလာသူ မရှိသ လောက် နည်းပါးသွားပြီလို့ ပြောပါတယ်။

“ကျွန်တော်တို့ မုဒုံမြို့ပေါ် ရပ်ကွက်တွေမှာ ဖြစ်နေတာ။ လူပြတ်တဲ့ နေရာတွေမှာ အဓိထား စောင့်ဖမ်းတာ။ ပြီးခဲ့တဲ့ ရက်ကတော့ လူငယ် ၅/၆ ယောက်လောက် အဖမ်းခံရတယ်။ ဒီနောက်ပိုင်း ညပိုင်းဆိုရင် ဘယ်သူမှ အပြင်မထွက်ကြတော့ဘူး” လို့ ဆိုပါတယ်။

ညပိုင်းအချိန် လူငယ်တွေ ပေါ်တာဆွဲဖမ်းဆီးခံနေရပေမယ့် စစ်ကောင်စီပြောခွင့်ရ ဗိုလ်ချုပ် ဇော်မင်းထွန်းကတော့ အခုလိုဖြစ်စဉ် ၁၀ ခုမှာ ၉ ခုလောက်ဟာ မှန်ကန်မှုမရှိဘူးလို့ ပြီးခဲ့တဲ့ ရက်ပိုင်းအတွင်း တုံ့ပြန်ထား ပါတယ်။

ဒါပေမယ့် စစ်ကောင်စီနဲ့ နီးစပ်သူတွေရဲ့အဆိုအရ စစ်ကောင်စီဘက်က စစ်မှုထမ်းသင်တန်း လတိုင်းဖွင့်လှစ်နိုင် ရေးအတွက် ဒေသန္တရအမိန့် ဖောက်ဖျက်သူတွေနဲ့ စစ်မှုထမ်း အမည်စာရင်း ပါရှိသူတွေကို မထင်ရင်မထင်သလို ဖမ်းဆီးစစ်သားစုဆောင်းဖို့ ညွှန်ကြားထားတာပါ။

ဘီးလင်း ဒေသခံတစ်ဦးကလည်း စစ်ကောင်စီဘက်က ညပိုင်းအပြင်ထွက် သွားလာသူတွေအပြင် ပေါ်တာဆွဲ ဖမ်းဆီးမှုတွေပါ ရှိလာတာကြောင့် ဒေသတွင်းမှာ စိုးရိမ်ပူပန်မှုတွေ မြင့်တက်လာတယ်လို့ ပြောပါတယ်။

“ညနေကျရင် အာဝါဒါတွေပေါ့။ သောက်ပြီး စားပြီးတဲ့ ကလေးတွေ ည ၁၀ နာရီ/၁၁နာရီလောက် အပြင်မှာနေတဲ့ ကလေးတွေ အဲဒါတွေ့ရင် ခေါ်တင်သွားတယ်။ ပြီးတော့ ပေါ်တာဆွဲသလို ဖမ်းတာလည်း ရှိတယ်။ ဒေသခံတွေက ဘယ်လိုလည်းဆိုတော့ အတင်းအဓမ္မကြီး အိမ်ပေါ်တက် ဆွဲမယ့် အနေအထားမျိုး ဘာညာဒါကတော့ စိုးရိမ်နေရတယ်” လို့ ဆိုပါတယ်။

စစ်ကောင်စီက အခုလို ဒေသတွင်းရှိ လူငယ်လူရွယ်တွေကို ပေါ်တာဆွဲ ဖမ်းဆီးနေတဲ့အတွက် ပြည်သူတွေအကြား စိုးရိမ်ပူပန်မှုတွေရှိနေပြီး လမ်းသွားရင်တောင် မလုံခြုံမှု မရှိတော့တဲ့ အခြေအနေနဲ့ ကြုံနေရတယ်လို့ ဒေသခံတွေက ပြောကြပါတယ်။

မွန်ပြည်နယ်မှာတော့ စစ်ကောင်စီဟာ စစ်မှုထမ်း အပတ်စဉ် ၁ ကနေ အပတ်စဉ် ၈ အထိ လူငယ် ၁၇၀၀ ထက်မနည်း စစ်သားစုဆောင်းထားပါတယ်။

ဓာတ်ပုံ-CJ
#TLT
#HlaingInfo

မွန်ပြည်နယ်မှာ လူငယ်တွေ ညအချိန် ဆက်တိုက်ဖမ်းဆီးခံနေရ

မော်လမြိုင် ၊ ဒီဇင်ဘာ ၃၁

မွန်ပြည်နယ်မှာ အခုလအတွင်း စစ်ကောင်စီက ညပိုင်းအချိန် လူငယ်တွေကို အကြောင်းအမျိုးမျိုးပြပြီး ဖမ်းဆီးမှုတွေ ဆက်တိုက်လုပ်ဆောင်နေတယ်လို့ ဒေသခံတွေက သံလွင်တိုင်းမ်ကို ပြောပါတယ်။

ဖမ်းဆီးမှုမှာ ဒေသန္တရအမိန့် ဖောက်ဖျက်မှု ကျူးလွန်သူတွေ၊ ညပိုင်းအပြင်ထွက်သွားလာသူတွေအပြင် ဧည့်စာရင်းအကြောင်းပြချက်နဲ့ နေအိမ်တွေ ဝင်ရောက်ဖမ်းဆီးမှုတွေအထိ ရှိလာခဲ့တာပါ။

သံလွင်တိုင်းမ်က စုံစမ်းမေးမြန်းမှုတွေအရ အခုလို ဖမ်းဆီးမှုတွေဟာ မွန်ပြည်နယ်ရဲ့ မြို့နယ် ၁၀ မြို့နယ်လုံးမှာ ဖြစ်ပွားနေတာဖြစ်ပြီး အဲဒီထဲမှာ သထုံခရိုင်ရဲ့ မြို့နယ်လေးခုမှာ အများဆုံး ဖမ်းဆီးခံနေရတာ ဖြစ်ပါတယ်။

သထုံဒေသခံတစ်ဦးက အရင်ကညပိုင်းအချိန် အပြင်ထွက်သွားလာသူတွေကိုသာ ဖမ်းဆီးရာမှာ အခုနောက်ပိုင်း ဧည့်စာရင်းအကြောင်းပြချက်နဲ့ နေအိမ်တွေအထိ ဝင်ရောက်ဖမ်းဆီးတာတွေ ရှိနေတယ်လို့ ပြောပါတယ်။

“အရင်တုန်းကကျတော့ ညအချိန်မတော် အပြင်ထွက်လို့ ဖမ်းတာမျိုးတို့ ဘာတို့ အဲဒီလိုမျိုး အ ကြောင်းပြချက်တွေနဲ့ ဖမ်းတယ်။ ဒီနောက်ပိုင်းကျတော့ အဲဒီလိုမျိုး မဟုတ်တော့ဘူး။ ဧည့်စာရင်း စစ်မယ်ဆိုပြီးတော့ ဝင်စစ်တယ်။ အဲဒီဧည့်စာရင်းစစ်တဲ့အိမ်မှာ ဒီစစ်မှုထမ်းဥပဒေနဲ့ အသက်ဝင်တဲ့ လူငယ်တွေရှိရင် တစ်ခါတည်း ခေါ်ဆောင်သွားတယ်” လို့ ဆိုပါတယ်။

ဖမ်းဆီးခံရတဲ့ လူငယ်အများစုကို စစ်ကောင်စီဘက်က ပြန်လွှတ်ပေးတာမရှိဘဲ စစ်မှုထမ်းအဖြစ် စစ်သားစုဆောင်းမှုတွေရှိနေပြီး ငွေကြေးတတ်နိုင်သူတချို့သာ ငွေပေးပြီး ပြန်လွှတ်လာတယ်လို့ ဒေသခံတွေက ပြောကြပါတယ်။

သံလွင်တိုင်းမ်ထံ သတင်းပေးလာတဲ့ ပေါင်မြို့နယ်က ဖမ်းဆီးခံရတဲ့ မိဘတစ်ဦးကတော့ သူ့သားဖြစ်သူဟာ ဇာတ်ပွဲသွားရင်း အတင်းအဓမ္မ ဖမ်းဆီးခံလိုက်ရပြီး ၁၀ ရက်ကြာတဲ့အထိ အဆက်အ သွယ် မရသေးဘူးလို့ ပြောပါတယ်။

မုဒုံဒေသခံတစ်ဦးကလည်း စစ်ကောင်စီဘက်က ညပိုင်းအချိန် လူငယ်တွေကို အတင်းအဓမ္မ ပေါ်တာဆွဲဖမ်းဆီးပြီး စစ်သားစုဆောင်းနေတဲ့အတွက် ညပိုင်းအချိန် အပြင်ထွက်သွားလာသူ မရှိသ လောက် နည်းပါးသွားပြီလို့ ပြောပါတယ်။

“ကျွန်တော်တို့ မုဒုံမြို့ပေါ် ရပ်ကွက်တွေမှာ ဖြစ်နေတာ။ လူပြတ်တဲ့ နေရာတွေမှာ အဓိထား စောင့်ဖမ်းတာ။ ပြီးခဲ့တဲ့ ရက်ကတော့ လူငယ် ၅/၆ ယောက်လောက် အဖမ်းခံရတယ်။ ဒီနောက်ပိုင်း ညပိုင်းဆိုရင် ဘယ်သူမှ အပြင်မထွက်ကြတော့ဘူး” လို့ ဆိုပါတယ်။

ညပိုင်းအချိန် လူငယ်တွေ ပေါ်တာဆွဲဖမ်းဆီးခံနေရပေမယ့် စစ်ကောင်စီပြောခွင့်ရ ဗိုလ်ချုပ် ဇော်မင်းထွန်းကတော့ အခုလိုဖြစ်စဉ် ၁၀ ခုမှာ ၉ ခုလောက်ဟာ မှန်ကန်မှုမရှိဘူးလို့ ပြီးခဲ့တဲ့ ရက်ပိုင်းအတွင်း တုံ့ပြန်ထား ပါတယ်။

ဒါပေမယ့် စစ်ကောင်စီနဲ့ နီးစပ်သူတွေရဲ့အဆိုအရ စစ်ကောင်စီဘက်က စစ်မှုထမ်းသင်တန်း လတိုင်းဖွင့်လှစ်နိုင် ရေးအတွက် ဒေသန္တရအမိန့် ဖောက်ဖျက်သူတွေနဲ့ စစ်မှုထမ်း အမည်စာရင်း ပါရှိသူတွေကို မထင်ရင်မထင်သလို ဖမ်းဆီးစစ်သားစုဆောင်းဖို့ ညွှန်ကြားထားတာပါ။

ဘီးလင်း ဒေသခံတစ်ဦးကလည်း စစ်ကောင်စီဘက်က ညပိုင်းအပြင်ထွက် သွားလာသူတွေအပြင် ပေါ်တာဆွဲ ဖမ်းဆီးမှုတွေပါ ရှိလာတာကြောင့် ဒေသတွင်းမှာ စိုးရိမ်ပူပန်မှုတွေ မြင့်တက်လာတယ်လို့ ပြောပါတယ်။

“ညနေကျရင် အာဝါဒါတွေပေါ့။ သောက်ပြီး စားပြီးတဲ့ ကလေးတွေ ည ၁၀ နာရီ/၁၁နာရီလောက် အပြင်မှာနေတဲ့ ကလေးတွေ အဲဒါတွေ့ရင် ခေါ်တင်သွားတယ်။ ပြီးတော့ ပေါ်တာဆွဲသလို ဖမ်းတာလည်း ရှိတယ်။ ဒေသခံတွေက ဘယ်လိုလည်းဆိုတော့ အတင်းအဓမ္မကြီး အိမ်ပေါ်တက် ဆွဲမယ့် အနေအထားမျိုး ဘာညာဒါကတော့ စိုးရိမ်နေရတယ်” လို့ ဆိုပါတယ်။

စစ်ကောင်စီက အခုလို ဒေသတွင်းရှိ လူငယ်လူရွယ်တွေကို ပေါ်တာဆွဲ ဖမ်းဆီးနေတဲ့အတွက် ပြည်သူတွေအကြား စိုးရိမ်ပူပန်မှုတွေရှိနေပြီး လမ်းသွားရင်တောင် မလုံခြုံမှု မရှိတော့တဲ့ အခြေအနေနဲ့ ကြုံနေရတယ်လို့ ဒေသခံတွေက ပြောကြပါတယ်။

မွန်ပြည်နယ်မှာတော့ စစ်ကောင်စီဟာ စစ်မှုထမ်း အပတ်စဉ် ၁ ကနေ အပတ်စဉ် ၈ အထိ လူငယ် ၁၇၀၀ ထက်မနည်း စစ်သားစုဆောင်းထားပါတယ်။

သတင်း - သံလွင်တိုင်းမ်
ဓာတ်ပုံ-CJ

ပေါ်တာဆွဲကြမ်းလာတဲ့ ရန်ကုန်မှာ နှစ်သစ်ကူးညအတွက် ညမထွက်ရအမိန့်ကို တစ်ရက်တာ ပယ်ဖျက်ပေး

ဒီဇင်ဘာ ၃၁၊ ၂၀၂၄

စစ်တပ်က ပေါ်တာဆွဲကြမ်းနေတဲ့ ရန်ကုန်မှာ ဒီဇင်ဘာ ၃၁ ရက် နှစ်သစ်ကူးညအတွက် ညမထွက်ရအမိန့်ကို ပယ်ဖျက်ပေးလိုက်တယ်တယ်လို့ သိရပါတယ်

ညမထွက်ရအမိန့်ကို ဒီဇင်ဘာ (၃၁) ရက် ညပိုင်းမှ ၂ဝ၂၅ ခုနှစ် ဇန်နဝါရီ (၁) ရက်အထိ ပယ်ဖျက်ပေးထားတယ်လို့ စစ်ကောင်စီ ထိန်းချုပ်ထားတဲ့ ရန်ကုန်တိုင်းအစိုးရအဖွဲ့က ထုတ်ပြန်ပါတယ်။

ဒီဇင်ဘာလ (၃၁) ရက်တွင် ကျရောက်မည့် နှစ်သစ်ကူးညတစ်ညတာအား ညမထွက်ရအမိန့်ပယ်ဖျက်လိုက်ထာဖြစ်ပေမယ့် အများပြည်သူတွေအနေနဲ့ မိမိအိမ်မှာ သာမိမိနေထိုင်ဖို့သာသင့်တော်ကြောင်း တော်လှန်ရေးအင်အားစုတွေဘက်က တိုက်တွန်းထားပါတယ်။

အခုရက်ပိုင်းအတွင်း ရန်ကုန်မှာ စစ်ကောင်စီက ညပိုင်းတွေမှာ လူငယ်လူရွယ်တွေကို ပစ်မှတ်ထား စစ်မှုထမ်းဖို့ ပေါ်တာဆွဲ ဖမ်းဆီးမှုတွေမြင့်တက်လျက်ရှိပါတယ်။

နေ့စဉ်လူငယ်အချို့ ပျောက်ဆုံးနေပြီး မိသားစုနဲ့ အဆက်အသွယ်မရတဲ့ အခြေအနေတွေနဲ့လည်းရင်ဆိုင်နေရတာပါ။

ဒီနေ့ ဒီဇင်ဘာ ၃၁ ရက် နှစ်သစ်ကူးညမှာလည်း လူငယ်လူရွယ်တွေကို ပစ်မှတ်ထားပြီး စစ်မှုထမ်းဖို့ ခေါ်ဆောင်တာတွေ ရှိနိုင်တာကြောင့် အထူးသတိထားနေထိုင်ဖို့လည်း လိုအပ်မှာဖြစ်ပါတယ်။

စစ်ကောင်စီက ရန်ကုန်မှာ နှစ်သစ်ကူးညကို ရန်ကုန်မြို့ ၊ ပြည်သူ့ရင်ပြင်မှာ ခမ်းနားကြီးကျယ်စွာ ကျင်းပဖို့ စီစဉ်ထားပြီး ပြည်သူတွေအနေနဲ့ သွားရောက်ဖို့ မသင့်တော်ကြောင့် တော်လှန်ရေးအင်အားစုတွေဘက်က နှစ်စဉ် သတိပေးပြောကြားလေ့ရှိပါတယ်။

တစ်နိုင်ငံလုံးမှာ စစ်မျက်နှာဖွင့်ထားရတဲ့ စစ်ကောင်စီဟာ စစ်သားအင်အားလိုအပ်ချက်ကြီးမားနေပြီး ပြီးခဲ့တဲ့ စစ်မှုထမ်းအပတ်စဉ်(၆)ဟာ သတ်မှတ်ကာလမတိုင်ခင် သင်တန်းဆင်းပြီး ရှေ့တန်းနယ်မြေတွေကို ပို့ဆောင်ခဲ့ရတာပါ။

လတ်တလောမှာလည်း ရန်ကုန် အပါအဝင်မြို့ကြီးတွေမှာ စစ်မှုထမ်း အပတ်စဉ်(၈)အတွက် တပ်သားစုဆောင်းဖို့ လူလိုနေလို့ အကြမ်းဖက်ဖမ်းဆီးပြီး စစ်မှုထမ်းခိုင်းတဲ့ ဖြစ်စဉ်တွေဆက်တိုက်ဖြစ်ပေါ်နေပါတယ်။

ကျိုက်ထိုမှာ စစ်ကောင်စီတပ်သားတွေ အချင်းချင်း ပစ်ခတ်မှုဖြစ်ပြီး သုံးဦး သေဆုံး

ကျိုက်ထို၊ ဒီဇင်ဘာ ၃၀

မွန်ပြည်နယ် ကျိုက်ထိုမြို့နယ် အင်္ဂဘိုကျေးရွာမှာ တာဝါတိုင်စောင့်တဲ့ စစ်ကောင်စီတပ်ဖွဲ့ဝင်တွေ အချင်းချင်း ပစ်ခတ်မှုဖြစ်ပွားခဲ့တဲ့အတွက် သုံးဦး သေဆုံးခဲ့တယ်လို့ စစ်ကောင်စီတပ်နဲ့ နီးစပ်သူတွေက သံလွင်တိုင်းမ်ကို ပြောပါတယ်။

မနေ့ ဒီဇင်ဘာ ၂၉ ရက်နေ့ ညနေ ၆ နာရီအချိန်ခန့်မှာ အင်အား ခြောက်ဦးရှိတဲ့ တာဝါတိုင်စောင့်နေတဲ့ စစ်ကောင်စီတပ်ဖွဲ့ဝင်တွေ စကားများ ရန်ဖြစ်ရာကနေ အချင်းချင်း အပြန်အလှန် ပစ်ခတ်မှု ဖြစ်ပွားခဲ့တာပါ။

“သူတို့ အချင်းချင်း ပစ်ကြတာ။ ဘယ်ကစပြီး ဘယ်လိုဖြစ်လဲတော့ မသိဘူး။ ပစ်ပြီး ထွက်ပြေးသွားတဲ့ တပ်သားတစ်ဦးကိုတော့ တပ်က လိုက်ဖမ်းနေပြီ။ အခုထိတော့ မတွေ့သေးဘူး” လို့ စစ်ကောင်စီတပ်နဲ့နီးစပ်သူ တစ်ဦးက ပြောပါတယ်။

အဲဒီပစ်ခတ်မှုအတွင်း စစ်ကောင်စီတပ်ဖွဲ့ဝင် သုံးဦး သေဆုံးပြီး နှစ်ဦး ထိခိုက်ဒဏ်ရာရရှိခဲ့ကာ ပစ်ခတ်မှု စတင်ခဲ့တယ်ဆိုတဲ့ စစ်ကောင်စီတပ်သား တစ်ဦးကတော့ လက်နက်ခဲယမ်းတွေနဲ့အတူ ထွက်ပြေးသွားတာပါ။

ပစ်ခတ်မှုဖြစ်ပြီးနောက် ညနေ ၁၀ နာရီအချိန်ခန့်မှာ လက်နက်ကိုင်ဆောင်လာတဲ့ အမျိုးသား တစ်ဦးဟာ ကျိုက်ထိုမြို့နယ် ကျိုက္ကသာကျေးရွာက နေအိမ်တချို့ကို ဝင်စီးပြီးနောက် ငွေကြေးတချို့ ယူဆောင်သွားကာ လူတွေကိုတော့ ဘာမှမလုပ်သွားဘူးလို့ ဒေသခံတွေက ပြောပါတယ်။

ဒေသခံတွေကတော့ လက်နက်ကိုင်ဆောင်လာတဲ့ အမျိုးသားဟာ စစ်ကောင်စီတပ်ဖွဲ့ဝင် ဖြစ်နိုင်တယ်ဆိုတဲ့ သုံးသပ်ပြောဆိုတာတွေ ရှိနေပါတယ်။

ဒီနေ့ ဒီဇင်ဘာ ၃၀ ရက်နေ့ မနက် ၇ နာရီအချိန်ခန့်မှာ စစ်ကောင်စီတပ်က ကား ၅ စီးဟာ ကျိုက္ကသာကျေးရွာအနီး ပတ်ဝန်းကျင်မှာ ထွက်ပြေးသွားတဲ့ စစ်ကောင်စီတပ်သားကို လိုက်လံရှာဖွေနေတာပါ။

စစ်ကောင်စီတပ်က ကျေးရွာအနီးပတ်ဝန်းကျင်မှာ လိုက်လံရှာဖွေနေတဲ့ ကျိုက္ကသာကျေးရွာခံအမျိုးသားတွေဟာ ပေါ်တာဆွဲခံရမှာ စိုးရိမ်တာကြောင့် တိမ်းရှောင်နေကြရတယ်လို့ ဒေသခံတွေထံက သိရပါတယ်။

သတင်း - သံလွင်တိုင်းမ်
ဓာတ်ပုံ - Social Media

◘ သတင်းမှားဖြန့်သူတွေရဲ့ သားကောင်အဖြစ်မခံပါနဲ့

သတင်းမှားတွေဟာ စိတ်ခံစားလွယ်၊ တုံ့ပြန်လွယ်သူတွေကို အမြဲပစ်မှတ်ထားလေ့ရှိပါတယ်။

ဒါကြောင့် ဘာ React မှ မလုပ်ခင် ခဏရပ်၊ သေချာစဥ်းစားပြီးမှသာ တုံ့ပြန်ပါ။
ဒီအလေ့အကျင့်က ကိုယ်ကတဆင့် ဆိုရှယ်မီဒီယာမိတ်ဆွေတွေဆီ
သတင်းမှား ထပ်မဖြန့်မိအောင်လည်း ကာကွယ်ရာရောက်ပါတယ်။

" ခဏရပ်၊ သေချာစဉ်းစား၊ ပြန်လည်ဆန်းစစ်ပါ"

#FalseNews #PSMIL #PauseBeforeReacting #Myanmar #ThinkBeforeYouReact

စစ်တပ်အုပ်ချုပ်မှု အဆုံးသတ်စေဖို့ လက်နက်ကိုင်တော်လှန်ရေးနဲ့ ဖိအားပေးသွားမည် (ဖဒိုစောကွယ်ထူး၀င်း)

လက်နက်ကိုင် တော်လှန်ရေးနဲ့သာ မြန်မာနိုင်ငံမှာ ခေတ်အဆက်ဆက် စစ်တပ်အုပ်ချုပ်မှုကို အဆုံးသတ်စေမှာဖြစ်တယ်လို့ ကရင်အမျိုးသားအစည်းအရုံး KNU ဥက္ကဋ္ဌ ဖဒိုစောကွယ်ထူး၀င်းက ပြောကြားလိုက်ပါတယ်။

ဒီကနေ့ ကျရောက်တဲ့ ကရင်အမျိုးသားနှစ်သစ်ကူးနေ့ အထိမ်းအမှတ်အဖြစ် ပေးပို့လာတဲ့ သူ့ရဲ့မိန့်ခွန်းမှာ ဒီပြောဆိုချက်ကို ထည့်သွင်း ဖေါ်ပြထားတာဖြစ်ပါတယ်။ စစ်မှန်တဲ့ ဖက်ဒရယ် ဒီမိုကရေစီ ပြည်ထောင်စု စနစ်ပေါ်ပေါက်ရေး အတွက် ၁၉၄၉ခုနှစ်ကစတင်ခဲ့တဲ့ နှစ်ပေါင်း ၇၅ နှစ် ကြာလာပြီဖြစ်တဲ့ ကရင့်တော်လှန်ရေးအောင်မြင်ဖို့ ကရင်လူမျိုးတွေကြား ညီညွတ်ကြဖို့ လည်း ဖဒိုစောကွယ်ထူး၀င်းက တိုက်တွန်းသွားပါတယ်။

ဒါ့ပြင် စစ်တပ်ဖိနှိပ်မှုကို ရင်ဆိုင်နေရတဲ့ ပြည်သူတွေအားလုံးလွတ်မြောက်ရေး KNU အနေနဲ့ တော်လှန်ရေးအင်အားစုအသီးသီးနဲ့ ဆက်လက် ပူးပေါင်းဆောင်ရွက်သွားမယ်လို့လည်း အဲဒီကြေညာချက်မှာ ဖေါ်ပြထားပါတယ်။

ဒီဇင်ဘာလ (၃၀) ရက်နေ့ ကရင်နှစ်သစ်ကူးနေ့အထိမ်းအမှတ်အဖြစ် ကရင်လက်နက်ကိုင် အဖွဲ့အစည်းတွေ ထိန်းချုပ်ထားတဲ့ နယ်မြေတွအပါအ၀င် ဖားအံနဲ့ ရန်ကုန်မြို့တွေမှာ ကရင်ရိုးရာ အခမ်းအနားတွေကို စည်းစည်းကားကားကျင်းပခဲ့ကြပါတယ်။ အလားတူ ထိုင်းအပါအ၀င် ကမ္ဘာ့ နိုင်ငံအသီးသီးမှာ ရောက်ရှိနေကြတဲ့ ကရင်လူမျိုးတွေကလည်း နှစ်သစ်ကူး အထိမ်းအမှတ် ရိုးရာပွဲတွေကို ပြုလုပ်ခဲ့ကြပါတယ်။

အရှေ့တောင်အာရှနိုင်ငံများအသင်း (အာဆီယံ) ရဲ့ ဖေ့စ်ဘုတ်ခ် စာမျက်နှာမှာလည်း ဒီကနေ့ ကျရောက်တဲ့ ကရင်နှစ်သစ်ကူး အခါသမယအဖြစ် ကရင်လူမျိုးတွေရဲ့ ယဥ်ကျေးမှု အစဥ်အလာကို ဂုဏ်ပြုကြောင်း ဖေါ်ပြထားပါတယ်။
https://burmese.voanews.com/a/karen-new-year-knu-chair-pado-saw-gwe-htoo-win-/7918299.html

ကရင်အမျိုးသားအစည်းအရုံး KNU ဥက္ကဋ္ဌ ဖဒိုစောကွယ်ထူး၀င်း ယခင်မှတ်တမ်းဓာတ်ပုံ။ (Photo: KNU FB)

ဂွမြို့ တဖက်ကမ်း မကျေးငူ(မကျီးငူ)အနီးမှာ စစ်ကောင်စီ အချင်းချင်း တိုက်ပွဲဖြစ်

ဒီဇင်ဘာ ၊ ၂၈

ရခိုင်ပြည်နယ် ဂွမြို့ရဲ့ တဖက်ကမ်း မီတာ ၄၀၀ ခန့်သာ ဝေးတဲ့ မကျေးငူ(မကျီးငူ)ရွာ အနီးမှာ ဒီနေ့ည ၇နာရီ ခန့်က စတင်ပြီး စစ်ကောင်စီ အချင်းချင်း အပြန်အလှန် ပစ်ခတ်မှုတွေ ဖြစ်ပေါ်နေတယ်လို့ သိရပါတယ်။

“ရခိုင်အပို့ခံရလို့ ထွက်ပြေးလာတဲ့ စစ်သားတွေနဲ့ နောက်ကလိုက်ဖမ်းတဲ့ စစ်သားတွေ အပြန်အလှန် ပစ်နေကြပြီ၊ တော်တော်ကြမ်းနေတယ်၊ ရွှေယချိုင်မှာ ကျန်နေတဲ့ ရွာသားတချို့လည်း ပြေးကုန်ကြပြီ”လို့ မကျေးငူ(မကျီးငူ) ဒေသခံတဦးက DNA ကို ပြောပါတယ်။

ရခိုင်ပြည်နယ်တခုလုံးကို လက်လွှတ်ရမယ့် အခြေအနေ ရင်ဆိုင်နေရတဲ့ စစ်ကောင်စီဟာ ဧရာဝတီတိုင်း ပုသိမ်ကနေတဆင့် ကမ်းခြေပတ်လမ်းကို အသုံးပြုပြီး ချောင်းသာ ၊ မကျေးဇင်(မကျီးစင်)ကျောက်ချွန်တံတားက တဆင့် ရခိုင်ပြည်နယ်ထဲက ဂွမြို့နဲ့ အနီးဆုံး ရွှေယချိုင် ၊ မကျေးငူ(မကျီးငူ)ရွာတွေဆီကို အင်အား ဖြည့်တင်းနေတာပါ။

အဲဒီလို အင်အား ဖြည့်တင်းရာမှာ မကျေးငူ(မကျီးငူ)ရွာ အရောက်မှာ စစ်သား ၆၀ နီးပါး လက်နက်တွေနဲ့ အတူထွက်ပြေးခဲ့တဲ့အတွက် စစ်တပ်က လိုက်ဖမ်းဆီးရင် အပြန်အလှန် ပစ်ခတ်မှုတွေ ဖြစ်ပေါ်ခဲ့တာလို့ ဒေသခံက ပြောပါတယ်။

အပြန်အလှန် ပစ်ခတ်မှုတွေဟာ ညဦးပိုင်း ၇ နာရီခန့်က စတင်ခဲ့ပြီး ၈ နာရီကျော်တဲ့အထိ အသံတွေ ကြားနေရစဲလို့ သိရပါတယ်။

အဲဒီဒေသမှာ အင်တာနက်လိုင်း သိပ်မကောင်းသလို ဖုန်းအဆက်အသွယ်လည်း နေရာတိုင်းမှာ ဆက်သွယ်လို့ မရပဲ နေရာတချို့မှာသာ လိုင်းမိတယ်လို့ သိရပါတယ်။

DNA အနေနဲ့ ဂွဘက်ခြမ်းမှာ ရှိနေတဲ့ စစ်ရေးသတင်းရင်းမြစ်တွေဆီ ဆက်သွယ်အတည်ပြုဖို့ ကြိုးစားပေမယ့် ည ၁၀ နာရီခွဲကျော်တဲ့အထိ အဆက်အသွယ် မရခဲ့ပါဘူး ။

ဂွမြို့ဝန်းကျင်တနယ်လုံးမှာ စစ်ရေးအခြေအနေ ပြင်းထန်နေပြီး အာရက္ခတပ်တော်(AA)က ဂွမြို့ကို အလုံးစုံ ထိန်းချုပ်နိုင်ပြီလို့ သတင်းတွေထွက်ပေါ်နေပေမယ့် တရားဝင် သတင်းထုတ်ပြန်တာတော့ မရှိသေးပါဘူး ။

ပြီးခဲ့တဲ့ရက်ပိုင်းအတွင်း AA Info Desk ထုတ်ပြန်တဲ့ စစ်သုံ့ပန်း ဗိုလ်မှူးချုပ်ကျော်ကျော်သန်းနဲ့ အင်တာဗျူး ရုပ်သံဖိုင်မှာတော့ မေးခွန်းမေးမြန်းသူက အာရက္ခတပ်တော်(AA)ဟာ ရခိုင်ပြည်နယ်မှာ သိမ်းပိုက်ဖို့ စစ်တွေ ၊ ကျောက်ဖြူနဲ့ မာန်အောင် စတဲ့ မြို့ ၃မြို့သာ ကျန်တော့တယ်လို့ ထည့်သွင်းပြောကြားခဲ့ပါတယ်။

ဆက်စပ်သတင်းလင့်>>>https://www.facebook.com/share/p/1EL4NTznEM/

Website မှာလည်း ဖတ်ရှုနိုင်ပါတယ်။ >>>https://deltanewsagency.com/52790/
#ရခိုင်ပြည်နယ် #ဂွမြို့ #မကျီးငူကျေးရွာ #စစ်ကောင်စီ #အချင်းချင်းပစ်ခတ် #ဧရာဝတီတိုင်း
#DeltaNewsAgency #DNA
Delta News Agency Telegram - https://shorturl.at/lxKMR
Delta News Agency YouTube - https://shorturl.at/ahBL2
Delta News Agency Website - https://shorturl.at/ozAIM
Delta News Agency Podcast - https://shorturl.at/epwzH

AAက ဂွမြို့ကိုအပြီးသတ်သိမ်းပိုက်

ဂွမြို့မှ စစ်ကောင်စီတပ်၏နောက်ဆုံးလက်ကျန်
စခန်းဖြစ်သည့် အမှတ် (၅၆၂) ခြေမြန်တပ်ရင်း (ခမရ-၅၆၂)ကို အာရက္ခတပ်‌တော်(AA)က ယ‌နေ့(ဒီဇင်ဘာ ၂၈ ရက်နေ့)ည‌နေပိုင်း တွင်တိုက်ခိုက်သိမ်းပိုက်လိုက်ပြီး မြို့ကိုအလုံးစုံထိန်းချုပ်လိုက်ပြီဖြစ်သည်။

"၅၆၂ ရပြီ။ ဂွကို AA သိမ်းလိုက်ပါပြီ။ ညနေ ၆
နာရီမှာ အပြီးသတ်ရတာပါ။ ထွက်ပြေးနေတဲ့ စစ်ကောင်စီတပ်ဖွဲ့ဝင်တွေကို လိုက်ရှင်းနေတယ်။ အခုက မြို့ကိုထိန်းချုပ်လိုက်ပြီ" ဟု AAနှင့် နီးစပ်သည့်သတင်းရင်းမြစ်တဦးကပြောသည်။

ဂွမြို့မှ ခမရ(၅၆၂) နှင့် ခမ(၅၆၃)ကို AAက ဒီဇင်
ဘာ လလယ်တွင် ထိုးစစ်ဆင်တိုက်ခိုက်ပြီး ရက်
အနည်းငယ်အကြာတွင်ခမရ( ၅၆၃)ကို သိမ်းယူနိုင်ခဲ့ခြင်းဖြစ်သည်။

ဒီဇင်ဘာလ ၁၇ နှင့် ၁၈ ရက်နေ့များတွင် စစ်ကောင်စီတပ်မှ ဂွမြို့နယ်အလယ်ရွာနှင့် ဒီဇင်ဘာ
လ ၂၁ ရက်နေ့တွင် ခမရ (၅၆၃) အနီးရှိလူနေအိမ်များကို မီးရှို့ဖျက်ဆီးခဲ့ကြောင်း AA က ဒီဇင်ဘာ
လ၂၁ ရက်နေ့တွင်ထုတ်ပြန်ခဲ့သည်။ ထို့အပြင် ဂွမြို့ကို မကြာခင်သိမ်းနိုင်တော့မည်ဟု AAက ကြေ
ညာခဲ့သည်။

ရန်ကုန် ၊ဧရာဝတီတိုင်းမှ ပို့သမျှ စစ်ကူများကိုလည်း AA ကတိုက်ခိုက်ချေမှုန်းနေပြီး စစ်သားများမှာ ရခိုင်ပြည်နယ်နှင့် ဧရာဝတီတိုင်းဘက်သို့နေစဥ်ထွက်ပြေးနေသည်ဟုသိရသည်။ထွက်ပြေးနေသောစစ်သားများကို AA ကလိုက်လံတိုက်ခိုက်နေပြီး စစ်ရှုံးပြီးနောက် ပြည်သူ့နေအိမ်များမီးရှို့ဖျက်ဆီးကာစစ်ရာဇဝတ်မှုကျူးလွန်သူများကို AA ကမှတ်သားထားကာ ကျူးလွန်သူများ ၊ညွန့်ကြားသူများကို ပြင်းပြင်းထန်ထန်အရေးယူမည်ဟုလည်း အသိပေးထားသည်။

ထိုသို့ ကြေညာပြီး တစ်ပါတ်အကြာဒီဇင်ဘာ ၂၈ ရက်နေ့ ညနေပိုင်း၌ ဂွမြို့အား သိမ်း
ပိုက်ခဲ့ခြင်းဖြစ်သည်။သို့သော် AAက တရားဝင်မထုတ်ပြန်သေးပေ။

ဂွမြို့သည် ရခိုင်ပြည်နယ်၏ တောင်ဘက်အစွန်
ဆုံးမြို့ဖြစ်ပြီး ဧရာဝတီတိုင်းနှင့် ကုန်လမ်းရောရေလမ်းပါဆက်စပ်နေသည်။

စစ်ကောင်စီက ဒီဇင်ဘာ ၂၈ ရက်ညပိုင်းတွင် ငါးသိုင်းချောင်း၊ရေကြည်၊ ရွှေသောင်ယံမြို့နယ်များမှနေ၍ ဂွမြို့နယ်ဘက်သို့ လက်နက်ကြီးများ ပစ်ခတ်တိုက်ခိုက်နေကြောင်းသတင်းရရှိသည်။

AA က ဂွမြို့ကို သိမ်းပိုက်ပြီးနောက်ရခိုင်ပြည်နယ်
တွင် ၁၇ မြို့နယ်ရှိသည့်အနက် ၁၄ မြို့နယ်ကိုသိမ်းပိုက်နိုင်ခဲ့ခြင်းဖြစ်သည်။ စစ်တွေ၊ကျောက်
ဖြူ၊မာန်အောင်မြို့နယ်တို့ကိုသာ AA ကသိမ်းပိုက်ရန် ကျန်ပြီး စစ်တွေမြို့နယ်တွင် တိုက်ပွဲများ စတင်ဖြစ်ပွားနေပြီဖြစ်သည်။

ရခိုင်ရှိ တရုတ်စီမံကိန်း ၁၁ ခုအနက် ၁၀ ခုကို AA ထိန်းချုပ်

ဂျူချန်း

မဇ္ဈိမ။ ။ ရခိုင်ပြည်နယ်ရှိ တရုတ်ရင်းနှီးမြှုပ်နှံမှုစီမံကိန်း စုစုပေါင်း ၁၁ ခုအနက် ၁၀ ခုကို အာရက္ခတပ်တော်( AA )က ထိန်းချုပ်ထားကြောင်း သုတေသန အဖွဲ့တခုဖြစ်သည့် မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က ယနေ့( ဒီဇင်ဘာ ၂၈ ရက် )တွင် ထုတ်ပြန်သည်။

ISP-Myanmar မှ ဒီဇင်ဘာ ၂၄ ရက်နေ့ထိ ရရှိသည့် အချက်အလက်အရ သံတွဲနှင့် အမ်းမြို့ရှိ လေအားလျှပ်စစ်စီမံကိန်းများကို AA မှ အပြည့်အဝထိန်းချုပ်ထားပြီး ကျောက်ဖြူရေနက်ဆိပ်ကမ်းနှင့် အထူးစီးပွားရေးဇုန် စီမံကိန်း၊ မန္တလေး-ကျောက်ဖြူ ရထားလမ်းစီမံကိန်း၊ ကျောက်ဖြူ-နေပြည်တော် ကားလမ်းစီမံကိန်း၊ တရုတ်-မြန်မာ ရေနံနဲ့သဘာဝဓာတ်ငွေ့ပိုက်လိုင်းအပါအဝင် ကုန်သွယ်ရေးလမ်းကြောင်းတွေကို တစိတ်တပိုင်း ထိန်းချုပ်ထားကြောင်း ဖော်ပြထားသည်။

အာရက္ခတပ်တော်(AA)မှ ထိန်းချုပ်ထားသည့် စီမံကိန်းများအနက် တရုတ်-မြန်မာ သဘာဝဓာတ်ငွေ့ပိုက်လိုင်းစီမံကိန်းသည် အမေရိကန်ဒေါ်လာ ၁,၀၉၀ သန်း၊ မန္တလေး-ကျောက်ဖြူ ရထားလမ်းစီမံကိန်းသည် ဒေါ်လာ ၁၁,၀၀၀ သန်း၊ ရေနံပိုက်လိုင်း စီမံကိန်းသည် ဒေါ်လာ ၁,၅၀၀ သန်း၊ ကျောက်ဖြူရေနက်ဆိပ်ကမ်းနှင့် အထူးစီးပွားရေးဇုန်သည် ဒေါ်လာ ၉,၆၀၀ သန်း နှင့် ကျောက်ဖြူသဘာဝဓာတ်ငွေ့သုံး စွမ်းအင်စီမံကိန်းသည် ဒေါ်လာ ၁၈၀ သန်း တန်ဖိုးရှိကြောင်း ISP Myanmar မှ ပြုစုထားသည့် အချက်အလက်များအရ သိရသည်။

လက်ရှိတွင် အာရက္ခတပ်တော်(AA)မှ အနောက်ပိုင်းတိုင်း စစ်ဌာနချုပ် (နပခ) အပါအဝင် ရခိုင်ပြည်နယ်ရှိ အမ်း၊ ပေါက်တောမြို့၊ မင်းပြားမြို့၊ မြောက်ဦးမြို့၊ ကျောက်တော်မြို့၊ မြေပုံမြို့၊ ပုဏ္ဏားကျွန်းမြို့၊ ရမ်းဗြဲမြို့၊ ရသေ့တောင်မြို့၊ ဘူးသီးတောင်မြို့၊ သံတွဲမြို့၊ တောင်ကုတ်မြို့၊ မောင်တောမြို့နှင့် ချင်းပြည်နယ်ရှိ ပလက်ဝမြို့တိုကို အလုံးစုံသိမ်းပိုက်ထားပြီး လက်ရှိတွင် ဂွမြို့ကို အပြင်းအထန်ထိုးစစ်ဆင် တိုက်ခိုက်လျက်ရှိသည်။

နေပြည်တော်ရှိ စစ်ကောင်စီခေါင်းဆောင်များအား အရှုံးကိုလက်ခံရန်နှင့် ပြည်သူများအား လေကြောင်းဗုံးကြဲတိုက်ခိုက်ခြင်းများကို ရပ်တန့်ရန် AA ၏ ဖမ်းဆီးမှုကိုခံထားရသည့် အနောက်ပိုင်းတိုင်းစစ်ဌာနချုပ် နပခ ဒုတိုင်းမှုး ဗိုလ်မှူးချုပ် ကျော်ကျော်သန်း က တောင်းဆိုထားသည်။

စာတည်း - သန့်ဇော်(သန်လျင်)
ပုံအညွှန်း- AA ထိန်းချုပ်ထားသည့် တရုတ်စီမံကိန်းများ (ISP-Myanmar)
ပုံအညွှန်း- အာရက္ခတပ်တော် AA သင်တန်းဆင်းပွဲအခန်းအနားတခုတွင် AA စစ်ဦးစီးချုပ်နှင့် တပ်ဖွဲ့ဝင်များအား မြင်တွေ့ရစဉ် (ပုံဟောင်း)

#mizzima
#news
#ပြည်တွင်းသတင်း
#AA
#တရုတ်စီမံကိန်း
#ရခိုင်ပြည်နယ်
-----------------------------------------
Mizzima News in Burmese ရဲ့ Official telegram channel ဒီမှာ follow လုပ်ပါ https://t.me/mizzimatv
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U or https://tinyurl.com/donatemzm

ကျုံပျော်တွင် ဌာနလုံခြုံရေး စစ်သင်တန်းတက်ရန် ရုံးဌာနတခုကို Non CDM ဝန်ထမ်း ၅ ဦး စာရင်းပေးရ
DVB

ဧရာဝတီတိုင်း၊ ကျုံပျော်မြို့နယ်မှာ ဌာနလုံခြုံရေးအတွက် စစ်သင်တန်းတက်ရမယ်ဆိုပြီး ရုံးဌာနတခုကို Non CDM ဝန်ထမ်း ၅ ယောက် စာရင်းပေးနေရတယ်လို့ Non CDM ဝန်ထမ်းတွေဆီက သိရပါတယ်။

“ဒုက္ခပဲ၊ စစ်တောင် တိုက်ရမယ့်သဘောရှိတယ်။ မလွှဲသာလို့ မိသားစုကို ငဲ့ပြီး CDM မလုပ်ခဲ့တာ။ ဝင်ငွေ၊ ထွက်ငွေ၊ မိသားစုနဲ့ ကိုယ့်လုံခြုံရေး အဘက်ဘက်က အဆင်ပြေမနေပါဘူး။ အခု စာရင်းတွေကောက်နေတာတော့ တွေ့ရတယ်။
#DVB #news #ကျုံပျော် #NonCDMဝန်ထမ်း #စစ်သင်တန်း #စစ်ကောင်စီ

ဧရာဝတီခံစစ်အတွက် ဌာနဆိုင်ရာဝန်ထမ်းစာရင်းပြုစုနေသဖြင့် Non CDM များထွက်ပြေး

ရခိုင်ပြည်နယ်ကျရှုံးပါက ဧရာဝတီတိုင်းနှင့် ရန်ကုန်တိုင်းပါကျနိုင်သည်ဟုဆိုပြီး ခံစစ်အတွက် စစ်တိုက်နိုင်သော ဌာနဆိုင်ရာဝန်ထမ်းစာရင်းများပြုစုနေခြင်းကြောင့် Non CDM များ ထွက်ပြေးနေရကြောင်း ဧရာဝတီတိုင်းထွေအုပ်ဝန်ထမ်းတစ်ဦးက ပြောသည်။

ဧရာဝတီတိုင်းသည် စစ်ရှုံးနေသည့်စစ်ကောင်စီအတွက် စစ်သားစုဆောင်းရေးအများဆုံးလုပ်ပေးနေသော တိုင်းတစ်ခုဖြစ်ပြီး စစ်ထဲပါသွားသူတိုင်း အကျအဆုံးများနေခြင်းကြောင့် လူမရှိသည့်အဆုံး ဧရာဝတီတိုင်းခံစစ်ပြင်ရန် ဌာနဆိုင်ရာဝန်ထမ်းစာရင်းများကို ပြုစုနေခြင်းဖြစ်ကြောင်း သိရသည်။

Crd

လွိုင်ကော်တွင် စစ်တပ်က တပ်သားသစ် အဖြစ် အတင်း အဓမ္မစုဆောင်းခံရသူ ၄ ဦး သေနတ် ၃ လက် ယူဆောင်လာပြီး KNDF ထံ အလင်းဝင်

ရန်ကုန်၊ ဒီဇင်ဘာ ၁၈

ကရင်နီပြည်၊ လွိုင်ကော်မြို့နယ်တွင် အကြမ်းဖက် စစ်တပ်က တပ်သားအဖြစ် အတင်းအဓမ္မစုဆောင်းခံရသူ ၄ ဦး သေနတ် ၃ လက် ယူဆောင်လာပြီး အလင်းဝင်ရောက်ခဲ့ကြောင်း KNDF ဗဟို သတင်းနှင့် ပြန်ကြားရေး ဌာနက ထုတ်ပြန်ထားသည်။

ဒီဇင်ဘာလ ၁၁ ရက်နေ့တွင် လွိုင်ကော်မြို့နယ် ရှေ့တန်းနေရာ တစ်ခုတွင် ရောက်ရှိနေသည့် အတင်းအဓမ္မစစ်သားစုဆောင်းခြင်းခံရသူ တပ်သား ၄ ဦးသည် MA 1 အမျိုးအစား သေနတ် ၃ လက်နှင့် ခဲယမ်းများ ယူဆောင်ကာ ထွက်ပြေးလာပြီး KNDF တပ်ရင်းတပ်ဖွဲ့များထံ အလင်းဝင်ခဲ့ခြင်းဖြစ် ကြောင်း သိရသည်။

အကြမ်းဖက် စစ်ကောင်စီတပ်ဖွဲ့ဝင်များအနေဖြင့် စစ်အာဏာရှင်စနစ် သက်ဆိုးရှည်စေရေးနှင့် လူတစ်စု ကောင်း စားရေး အတွက် ပေးဆပ်လုပ်ကိုင်နေသောဘဝနှင့် ပြည်သူအပေါ် ကျောခိုင်းခြင်းမျိုး မပြုလုပ်ကြဘဲ လွတ်လပ်မျှတသော စနစ်တစ်ခုအမြန်ပေါ်ထွန်းနိုင်ရန် ပြည်သူသို့မျက်နှာမှု၍ ယုံကြည်စွာဖြင့် ဘက်ပြောင်းခိုလှုံကြရန် KNDF ဗဟိုက တိုက်တွန်းထားသည်။

AA နှင့် PDF များ စိမ့်ဝင်မှု မရှိစေရေး ရခိုင်ရိုးမနှင့်ဆက်စပ်နေသော ဧရာ၀တီတိုင်းမြို့နယ်များအားလုံးတွင် စစ်ကောင်စီက လုံခြုံရေး အထူးတင်းကျပ်နေ၊ ပုသိမ်တွင် မလိုအပ်ဘဲ ဝန်ထမ်းများ ယူနီဖောင်းဝတ်သွားလာခြင်းမပြုရန် တိုက်တွန်း

ရန်ကုန်၊ ဒီဇင်ဘာ ၁၈

ရခိုင်ပြည်နယ်ဘက်မှ AA နှင့် PDF များ ဝင်ရောက်မှု မရှိစေရေးနှင့် စိမ့်ဝင်မှု မရှိစေရေးအတွက် ရခိုင်ရိုးမနှင့်ဆက်စပ်နေသော ဧရာ၀တီတိုင်းမြို့နယ်များအားလုံးတွင် စစ်ကောင်စီက လုံခြုံရေး အထူးတင်းကျပ်နေကြောင်း ဒေသသတင်းရင်းမြစ်များနှင့် ထွေ/အုပ်သတင်းရင်းမြစ်တချို့ထံမှ သိရှိရသည်။

ယခုရက်ပိုင်းအတွင်း ဧရာ၀တီတိုင်းတွင် အဆိုပါ လုံခြုံရေး သတိပြုရန် အထူး ညွှန်ကြားချက်များ ထွက်ရှိလာခြင်းဖြစ်ပြီး ဂွမြို့နယ်၊ ရခိုင်ရိုးမနှင့် ဆက်စပ်လျက်ရှိသော ငါးသိုင်းချောင်း၊ သာပေါင်း၊ ချောင်းသာ၊ ရေကြည်၊ ကြံခင်းနှင့် မြန်အောင်မြို့နယ်တို့တွင် လုံခြုံရေး တင်းကျပ်မှုများ ဆောင်ရွက်ရန်၊ စစ်ဘေးရှောင်များကို အထူး တင်းကျပ်စွာ စိစစ်ရန်၊ ဂိတ်အဝင်အထွက်များကို တင်းကျပ်စွာ စစ်ဆေးရန် ၊ အထူးသဖြင့် လက်နက်ခဲယမ်း သယ်ယူမှုများမရှိစေရေး ဆောင်ရွက်ပြီး ရခိုင်ဘက်သို့ စားနပ်ရိက္ခာ၊ ဆေးဝါးနှင့် စက်သုံးဆီများ မရောက်ရှိအောင် တင်းကျပ်စွာ ဆောင်ရွက်ရန်လည်း စစ်ကောင်စီက ညွှန်ကြားထားကြောင်း သိရှိရသည်။

ယခုဒီဇင်ဘာလဆန်းပိုင်းအတွင်း ဧရာဝတီတိုင်းအတွင်း တိုင်းစစ်ဌာန – ဧရာဝတီ ပြည်သူ့ကာကွယ်ရေးတပ်မတော်ကို ဖွဲ့စည်းလိုက်ပြီး မဟာမိတ် EROs များနှင့် လက်တွဲ၍ ဧရာဝတီ တိုင်းအတွင်း တိုက်ပွဲများ ဝင်ရောက်နေပြီဖြစ်ကြောင်း ၊ တိုင်းစစ်ဌာန – ဧရာဝတီ PDF အဖွဲ့သည် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ အမှတ် ၂ စစ်ဒေသခွဲ၏ ကွပ်ကဲအုပ်ချုပ်မှုနှင့် ပြည်သူ့ဘက်တော်သား စစ်သည်တော်များနှင့် အတူ စစ်ကြောင်း၊ တပ်ရင်း၊ ဗျူဟာများ အဆင့်ဆင့် ဖွဲ့စည်းခဲ့ပြီးဖြစ်ကြောင်း၊ ထို့ပြင် အကြမ်းဖက်စစ်အာဏာရှင်စနစ်ချုပ်ငြိမ်းရေးအတွက် တိုင်းစစ်ဌာန – ဧရာဝတီ အနေနှင့် မဟာမိတ် EROs များနှင့် အတူ လက်တွဲ ပူးပေါင်း၍ ဧရာဝတီမြေအတွင်း ထိုးဖောက်ဝင်ရောက် တိုက်ပွဲဝင်လျက်ရှိကြောင်း အဆိုပါစစ်ဌာနက သတင်းထုတ်ပြန်ခဲ့သည်။

ထိုသို့ ဧရာ၀တီတိုင်းစစ်ဌာန ဖွဲ့စည်းလိုက်ပြီဖြစ်ကြောင်း ကြေညာချက်ထွက်ပေါ်လာပြီးနောက် စစ်တပ်လက်အောက်ခံ ပြည်သူ့စစ်များ၊ ပျူစောထီးများအနေဖြင့်လည်း မိမိတို့၏ ရပ်ရွာများအတွင်း AA နှင့် PDF များ ဝင်ရောက်လာခြင်းမရှိစေရေး အထူးသတိပြုကြရန်လည်း နယ်မြေခံတပ်ရင်းများသို့ သတိပေး နှိုးဆော်နေကြောင်း သိရှိရသည်။

ထို့ပြင် ဧရာ၀တီတိုင်း၊ ပုသိမ်မြို့နယ်တွင် ထွေ/အုပ်၊ စည်ပင်ဝန်ထမ်းများ အပါအဝင် ဌာနဆိုင်ရာ ဝန်ထမ်းများအနေဖြင့် မလိုအပ်သည့်နေရာများတွင် ယူနီ ဖောင်းဝတ်ဆင်ခြင်းမပြုလုပ်ရန် ညွှန်ကြားထားကြောင်း ဝန်ထမ်းအသိုင်းအ၀ိုင်းက ပြောဆိုသည်။

ပုသိမ်မြို့ အပါအဝင် ဧရာ၀တီတိုင်းအတွင်းသို့ PDF များ ပြန့်နှံ့ဝင်ရောက်လာပြီဆိုသော သတင်းများရရှိထားပြီး ယင်းသို့ ရရှိထားသည့်အတွက် ဝန်ထမ်းများအနေဖြင့် မိမိတို့၏ လုံခြုံရေးအတွက် အထူးသတိထားကြရန်၊ မိမိဌာနနှင့်ရုံးများ၏ လုံခြုံရေးကို အထူးသတိပြုကြရန်၊ ဌာနဆိုင်ရာ တာဝန်များကို ထမ်းဆောင်ရာတွင် မလိုအပ်သည့်နေရာများတွင် ဝန်ထမ်း ယူနီဖောင်းများ ဝတ်ဆင်ခြင်းမပြုကြဘဲ လုံခြုံရေး အသိ၊ လုံခြုံရေး သတိဖြင့် သွားလာကြရန် ညွှန်ကြားလာကြောင်း သိရှိရသည်။

"ခရီးသွားလာတာတွေ သတိထားဖို့၊ မလိုလားအပ်တဲ့နေရာတွေမှာ ယူနီဖောင်းဝတ်သွားလာတာတွေ မလုပ်ဖို့၊ ဝန်ထမ်းကတ်တွေကို ခရီးဝေးသွားတဲ့အခါမှာ ထားရစ်ဖို့ လုံခြုံရေး သတိပြုဖို့ ဌာနတွင်း ညွှန်ကြားတာပါ" ဟု ပုသိမ်မှ ဌာနဆိုင်ရာဝန်ထမ်းတစ်ဦးက ပြောဆိုသည်။

ဓာတ်ပုံ- စစ်အာဏာသိမ်းပြီးနောက် ဖျာပုံမြို့အဝင်တွင် စစ်ဆေးရေးဂိတ်ချထားပြီး လုံခြုံရေးတင်းကျပ်ထားစဉ်။

ရန်ကုန်တွင် အသက် ၁၈ နှစ်မှ အသက် ၃၅ နှစ်အတွင်း လူငယ်များ ပျောက်ဆုံးမှုများ များပြားနေပြီး မန္တလေးတွင်မူ ၁၅ ရက်အတွင်း လူငယ် ၁၂၅ ဦးကို စစ်တပ်က စစ်မှုထမ်းရန် ဖမ်းဆီးသွားဟု မန္တလေးသပိတ်အင်အားစု သတိပေး

ရန်ကုန်၊ ဒီဇင်ဘာ ၁၈

ရန်ကုန်တွင် အသက် ၁၈ နှစ်မှ အသက် ၃၅ နှစ်အတွင်း လူငယ်များ ပျောက်ဆုံးမှုများပြားနေကြောင်း လူပျောက်ကြေညာထားသူ မိဘဆွေမျိုးတချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။

သာကေတမြို့နယ်၊ အမှတ် ၉ ရပ်ကွက်တွင် နေထိုင်သူ အသက် ၂၆ နှစ်အရွယ် မောင်ကျော်စိုးသည် ရန်ကုန်မြို့အတွင်း Delivery ပို့ဆောင်ရေး အလုပ်သမားအဖြစ် လုပ်ကိုင်နေသူဖြစ်ပြီး ဒီဇင်ဘာလ ၁၄ ရက်နေ့ ညပိုင်းတွင် အလုပ်မှ ပြန်မလာတော့ဘဲ ပျောက်ဆုံးခဲ့ကြောင်း၊ မောင်ကျော်ကျော်စိုးတို့ မိသားစုသည် စစ်ကိုင်းဘက်မှ ပြောင်းရွှေ့လာသူများဖြစ်ပြီး ရန်ကုန်သို့ ရောက်သည်မှာ ၁ နှစ်ခန့်သာ ရှိသေးကြောင်း မိခင်ဖြစ်သူက ရန်ကုန်ခေတ်သစ်သတင်းဌာနထံသို့ ပြောဆိုသည်။

"မနက် ၉ နာရီဆို သားက ထွက်သွားပြီး ည ၉ နာရီလောက်ဆို ပြန်လာတာပဲ။ ဒီဇင်ဘာလ ၁၄ ရက်နေ့ကတော့ ပြန်ရောက်မလာဘူး။ သူ့ဖုန်းကိုဆက်တော့လည်း စက်ပိတ်ထားတယ်။ အိမ်ပြန်လာရင်း စစ်မှုထမ်းအဖြစ် စုဆောင်းခံရတယ်လည်း ကြားတယ်။ မေးသလောက်တော့ ဘာမှ ရေရေရာရာ မသိရသေးဘူး"ဟု မိခင်ဖြစ်သူက ရန်ကုန်ခေတ်သစ်သတင်းဌာနထံသို့ ပြောဆိုသည်။

ရန်ကုန်တိုင်းအတွင်းတွင် စစ်မှုထမ်း အပတ်စဉ် ၈ အတွက် လူပြည့်မီခြင်းမရှိသဖြင့် ပေါ်တာဆွဲ ဖမ်းဆီးမှုများ အလွန်များပြားနေကြောင်း၊ အထူးသဖြင့် ရန်ကုန်တိုင်းထွေ/အုပ်က အသက် ၁၈ နှစ်မှ အသက် ၃၅ နှစ်အတွင်း ကျန်းမာသန်စွမ်းသူ လူငယ်များသည် နိုင်ငံတော်ကာကွယ်ရေးအတွက် စစ်မှုထမ်းရန် မည်သည့်နေရာ၊ မည်သည့်အချိန်တွင်မဆို ခေါ်ယူနိုင်ကြောင်း၊ ယင်းသို့ ခေါ်ယူမှုမှာ ပြည်သူ့စစ်မှုထမ်းဥပဒေနှင့်ညီညွတ်မှုရှိကြောင်း အသိပေးညွှန်ကြားစာကို ထုတ်ပြန်ခဲ့ကြောင်း၊ ယင်းနောက် ရန်ကုန်မြို့တွင်ပင် ပေါ်တာဆွဲ ဖမ်းဆီးမှုများ သတင်းများ တောက်လျှောက်ဆိုသလို ထွက်ပေါ်လျက်ရှိကြောင်း ရန်ကုန်ခေတ်သစ်က စုံစမ်းသိရှိရသည်။

လူမှုကွန်ရက် ဖေ့ဘုတ်တွင်လည်း လူပျောက်ကြော်ငြာများ မြင်တွေ့နေရပြီး အသက် ၃၅ နှစ်အရွယ် ဦးချစ်မျိုးညီသည် ဒီဇင်ဘာလ ၁၃ ရက်နေ့ ညနေ ၆ နာရီ ရုံးမှ အိမ်သို့ ပြန်လာရာတွင် အိမ်ပြန်မရောက်ဘဲ လမ်းတွင် ပျောက်ဆုံးသွားကြောင်း၊ ဒီဇင်ဘာလ ၁၃ ရက်နေ့ ညနေ ၆ နာရီ ၁ မိနစ်အချိန် ဖုန်းအဆက်အသွယ်ရရှိခဲ့ပြီး နောက်ပိုင်းအဆက်အသွယ်မရတော့ဘဲ ယနေ့တိုင် ပျောက်ဆုံးနေဆဲဖြစ်ကြောင်း ၊ ဒေါပုံရဲစခန်းတွင် လူပျောက်တိုင်ကြားထားကြောင်း ဇနီးဖြစ်သူ Ei Ei Chaw အကောင့်ပိုင်ရှင်က လူမှုကွန်ရက်တွင် ရေးသားထားသည်။

အလားတူ ရွှေပြည်သာမြို့နယ်၊ အမှတ် ၅/ ၂ ရပ်ကွက်၊ သဇင်ပန်းခြံလမ်းနေ အသက် ၂၆ နှစ်အရွယ် မောင်မြတ်မင်းသူသည် ဒီဇင်ဘာလ ၁၅ ရက်နေ့ ညနေ ၅ နာရီခွဲအချိန် မုန့်သွားဝယ်ရာမှ ပျောက်ဆုံးသွားသဖြင့် တွေ့ရှိပါက မိသားစုထံသို့ ဆက်သွယ်ရန် ဖုန်းနံပါတ်နှင့်တကွ ကြေညာထားသည်။

ထို့ပြင် မန္တလေး သပိတ်အင်အားစုကလည်း ဒီဇင်ဘာလ ၁ ရက်နေ့မှ ဒီဇင်ဘာလ ၁၅ ရက်နေ့အထိ ၂ ပတ်တာကာလအတွင်း မန္တလေး ၇ မြို့နယ်မှ လူငယ် ၁၂၅ ဦးကို စစ်တပ်က စစ်မှုထမ်းရန် စုဆောင်းသွား​​ကြောင်း သတိပေးချက် ထုတ်ပြန်သည်။

"အောင်မြေသာဇံမြို့နယ်မှ ၂၁ ဦး၊ ချမ်းအေးသာဇံမြို့နယ်မှ ၇ ဦး၊ မဟာအောင်မြေမြို့နယ်မှ ၅ ဦး၊ ချမ်းမြသာစည်မြို့နယ်မှ ၅ ဦး၊ ပြည်ကြီးတံခွန်မြို့နယ်မှ ၃၆ ဦး၊ အမရပူရမြို့နယ်မှ ၁၇ ဦး ၊ပုသိမ်ကြီးမြို့နယ်မှ ၃၄ ဦး စုစုပေါင်း ၁၂၅ ဦး စစ်မှုထမ်းဥပဒေဖြင့် မတရားဖမ်ဆီးခံခဲ့ရကြောင်း၊ စစ်မှုထမ်းဥပဒေကို အကြောင်းပြုပြီး ဖမ်းဆီးရာတွင် တွေ့ရှိရသည်မှာ နေ့/ည မချိန်မရွေး ဖမ်းဆီးခြင်း ၊ ညအချိန်မတော် ဧည့်စာရင်း ဥပဒေကို အကြောင်းပြပြီး ဖမ်းဆီးခြင်းများကို ဆက်တိုက်ပြုလုပ်လာ​ကြောင်း မန္တလေးသပိတ်အင်အားစုက သတိပေးထားသည်။

ထို့ကြောင့် မန္တလေးမြို့နေ လူငယ်လူထုအနေဖြင့် အချိန်မတော် နေအိမ်ပြင်ပ သို့ သွားလာခြင်း ၊ မလိုအပ်ဘဲ ခရီးသွားလာခြင်း ၊ ပျော်ပွဲရွှင်ပွဲ များသို့ သွားလာခြင်းများကို တတ်နိုင်သမျှရှောင်ကြဉ်သင့်ကြောင်း၊ အကြမ်းဖက်စစ်တပ်၏ မတရားဖမ်းဆီး စစ်မှုထမ်းခြင်း မခံရစေရန် မိမိ ပတ်ဝန်းကျင်ရှိ စစ်ကောင်စီ ယန္တရား၊ လှုပ်ရှားမှုများကို မျက်ခြေမပြတ် လေ့လာအကဲခတ်ထားပြီး အန္တရာယ်တစုံတရာ ကျရောက်လာနိုင်သောအခြေအနေရှိပါက ကြိုတင်ရှောင်ရှားထားကြရန်လိုအပ်ကြောင်း၊ မိသားစု နှင့် ခြိမ်းခြောက်အကြပ်ကိုင်ခံရခြင်း ကဲ့သို့ မလွှဲမရှောင်သာ အခြေအနေများနှင့်ကြုံတွေ့ရပြီး တပ်သားသစ် စုဆောင်းခံရမည်ဆိုပါက ကြိုတင်ပြင်ဆင်ချိန်ရသည့်အခြေအနေ တွင် လိုအပ်သော ပြင်ဆင်မှုများကို ပြင်ဆင်ထားကြပါရန်၊ မိမိတို့ နေထိုင်ရာ ပတ်ဝန်းကျင် ၊ လက်လှမ်းမီရာများတွင် မတရားဖမ်းဆီးခံရမှုများရှိပါက သတင်းပေးပို့ကြပါရန် မန္တလေးသပိတ်အင်အားစု က တိုက်တွန်းထားသည်။

ဘားအံမြို့ပေါ်နှင့် မြို့နယ်တစ်၀ိုက်က လူငယ် ၁၀၀ခန့် အပတ်စဉ်(၈) စစ်မှုထမ်းသင်တန်းကျောင်းသို့ ပို့ခံရ...၊ စီမံချက်အရ တပ်သားသစ်ဉီးရေ ၂၀၀လိုသော်လည်း ၁၀၀၀န်းကျင်ခန့်သာရရှိ..

ဘားအံ၊ ဒီဇင်ဘာ ၁၈၊ ၂၀၂၄

ယခုရက်ပိုင်းအတွင်း ဘားအံမြို့ပေါ်အပါအ၀င် ဘားအံမြို့နယ်တစ်၀ိုက်ရှိ လူငယ်တချို့ကို စစ်ကောင်စီတပ်မှ အတင်းခေါ်ယူကာ စစ်သင်တန်းကျောင်းသို့ ပေးပို့လိုက်ပြီဖြစ်ကြောင်း Hpa-an News မှသိရှိထားပါတယ်။ ခေါ်ယူခံရသော လူငယ်အများစုမှာ မူလတန်း/အလယ်တန်းအဆင့်ကျောင်းနေဖူးသူများဖြစ်ကာ အချို့မှာမူ ငွေကြေးမတတ်နိုင်သောသူများဖြစ်ပြီး တစ်ဉီးလျှင် ၁၀သိန်းမှ ၁၅သိန်းကြားပေးကာ ခေါ်ယူသွားကြောင်း သိရပါတယ်။

Hpa-an Newsမှ စုံစမ်းသိရှိထားတဲ့ သတင်းတွေအရ အယောက် ၂၀၀လိုအပ်ပေမယ့် ရှာမရတော့တာကြောင့် ရသလောက် စစ်သင်တန်းကျောင်းသို့ ပေးပို့လိုက်ပြီဖြစ်ပါတယ်။ စစ်ကောင်စီက ယခုအခါ အပတ်စဉ် (၈)စစ်သင်တန်းကျောင်းကိုဖွင့်ဖို့စီစဉ်နေတာဖြစ်ပြီး သင်တန်းသားအမြောက်အများလိုအပ်နေတာကြောင့် လူငယ်များအနေနှင့် လမ်းသွားလမ်းလာ လူပြတ်သည့်နေရာများသို့သွားလျှင် သတိထား သွားလာသင့်ကြောင့် အသိပေးလိုပါတယ်။

ပုံ - မြစ်ကြီးနား စစ်မှုသင်တန်းကျောင်းသို့ ပေးပို့ခံရသော သင်တန်းသားများပုံ (ပုံအဟောင်း)

KNU ဌာနချုပ်နေရာဟောင်း မာနယ်ပလောရှိ စစ်ကောင်စီတပ်စခန်းကို အပြီးသတ် တိုက်ခိုက် သိမ်းပိုက်မှု စစ်တပ်ဘက်မှ အများအပြားသေဆုံးပြီး လက်နက်ခဲယမ်းများ သိမ်းဆည်းရရှိ

ရန်ကုန်၊ ဒီဇင်ဘာ ၁၇

ကရင်ပြည်နယ်၊ ကရင်အမျိုးသားအစည်းအရုံး - KNU ဌာနချုပ်ဟောင်း မာနယ်ပလောရှိ အကြမ်း ဖက်စစ်ကောင်စီတပ်စခန်းကို အပြီးသတ်သိမ်းပိုက်လိုက်ပြီဖြစ်ကြောင်း KNU ဗဟိုဌာနချုပ်၏ ပြောရေးဆိုခွင့်ရှိ သူ ပဒိုကလယ်စေးက ရန်ကုန်ခေတ်သစ်သတင်းဌာနထံသို့ အတည်ပြုပြောကြားသည်။

ယမန်နေ့ ဒီဇင်ဘာလ ၁၆ ရက် နံနက် ၁၀ နာရီခန့်က KNU တပ်မဟာ ၇ နယ်မြေ၊ KNU ဌာနချုပ် ဟောင်း မာနယ်ပလောဒေသရှိ အကြမ်းဖက်စစ်ကောင်စီတပ်စခန်းကို KNLA ပူးပေါင်းတပ်ဖွဲ့က ထိုး စစ်ဆင်တိုက်ခိုက်ခဲ့ရာ ညနေ ၄ နာရီခွဲခန့်တွင်အပြီးသတ်သိမ်းပိုက်နိုင်ခဲ့ခြင်းဖြစ်ကြောင်း၊ စခန်းသိမ်း တိုက်ပွဲအတွင်းအကြမ်းဖက်စစ်သား အများအပြားသေဆုံးပြီး လက်နက်ခဲယမ်းများလည်း သိမ်းဆည်း ရရှိထားကြောင်း သိရသည်။

“သိမ်းပိုက်မိတာ မှန်ပါတယ်။ အသေးစိတ်တော့ စိစစ်နေတုန်းပါ၊ စခန်းရှင်းလင်းနေတုန်းပါ၊ စစ် ကောင်စီဘက်ကလည်း စစ်ကြောင်းပြန်ထိုးနေတယ်” ဟု KNU ဗဟို ပြောရေးဆိုခွင့်ရှိ သူ ပဒိုကလယ်စေးက ရှင်းပြသည်။

ယင်းစခန်းသိမ်းတိုက်ပွဲအတွင်း အကြမ်းဖက်စစ်ကောင်စီတပ်က လေကြောင်းဖြင့် ပေါင် ၅၀၀ ဗုံး ၄ လုံး၊ ၂ ကြိမ်လာရောက်ကာကျဲချမှုရှိခဲ့ပြီး KNLA ပူးပေါင်းတပ်ဘက်မှလည်း ကျဆုံးသူရှိကြောင်း သိရ သည်။

အဆိုပါ အကြမ်းဖက်စစ်တပ်က ၁၉၉၅ ခုနှစ်က မာနယ်ပလောက်ကို ထိုးစစ်ဆင်တိုက်ခိုက် သိမ်းပိုက်ကာ ကျူး ကျော်တပ်စွဲထားခြင်းဖြစ်ပြီး စခန်း ၈ ခုဖြင့် မာနယ်ပလောဒေသကို စစ်ကောင်စီက ထိန်းချုပ်ထား ခြင်းဖြစ်ကြောင်း သိရသည်။

ဓာတ်ပုံ- ဖာပွန်မြို့နယ်၊ တောင်သုံးလုံးစခန်းသိမ်းတိုက်ပွဲမှ ရရှိထားသော လက်နက်ခဲယမ်းများ။

AA ကို ကြောက်လန့်၍ သာပေါင်းတွင် ပြည်သူ့လုံခြုံရေး စစ်သင်တန်းဆင်းများ ထွက်ပြေး၊ ဂွမြို့နယ်၊ ခမရ-၅၆၃ တပ်ရင်းသို့ ပို့ဆောင်ခံရသည့် ပုသိမ်မှ ရဲတပ်ဖွဲ့ဝင်များလည်း အလုံးအရင်းဖြင့် ထွက်ပြေးနေ

ရန်ကုန်၊ ဒီဇင်ဘာ ၁၇

ဧရာဝတီတိုင်း၊ သာပေါင်းမြို့နယ်တွင် ရပ်/ကျေး ပြည်သူ့လုံခြုံရေး သင်တန်းဆင်းထားသူများ ထွက်ပြေးနေ၍ အကြမ်းဖက် စစ်တပ်က နေအိမ်ကို ချိတ်ပိတ်ပြီး မိသားစုများကို ဖမ်းဆီးမည်ဟု ခြိမ်းခြောက်နေကြောင်း ပုသိမ်မြို့နယ် သတင်းအထူးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

နိုဝင်ဘာ ၂၂ ရက်နေ့ သာပေါင်းမြို့နယ်၊ ရပ်/ကျေး ပြည်သူ့လုံခြုံရေးအဖွဲ့ သင်တန်းဆင်းထားသူ ၅၀ ဦးထဲမှ ၁၅ ဦးက ခလရ ၃၀၈ တပ်ရင်းသို့ လာရောက်ခြင်းမရှိဘဲ ထွက်ပြေးသွားကြောင်း၊ သာပေါင်းမြို့နယ် မြို့နယ်စီမံအုပ်ချုပ်ရေးအဖွဲ့က နေအိမ်များကို ချိတ်ပိတ်ပြီး မိသားစုဝင်များကို ဖမ်းဆီးမည်ဟု ခြိမ်ခြောက်ခေါ်ဆောင်နေကြောင်း သိရသည်။

သာပေါင်းမြို့ အမှတ် ၃ ရပ်ကွက်မှ ပြည်သူ့စစ် ၂ ဦး၏ နေအိမ်များကိုလည်း အကြမ်းဖက် စစ်တပ်က ချိတ်ပိတ်ခဲ့ကြောင်း၊ ထို့ပြင် သာပေါင်းမြို့နယ်တွင် စစ်မှုထမ်း မပေးနိုင်သည့် မြို့နယ်စီမံ ဥက္ကဋ္ဌ မင်းဧရာထိုက် နှင့် စစ်မှုထမ်းဆင့်ခေါ်ရေး အဖွဲ့ ဗိုလ်မှူးသန်းနိုင်၊ ကျေးရွာအုပ်မှူးများလည်း လုံ/နယ် ဝန်ကြီး မိုးမင်းနိုင်က တွေ့ဆုံရန် ခေါ်ထားကြောင်း သိရှိရသည်။

အလားတူ ပုသိမ်မြို့နယ်တွင် နေထိုင်သည့် ရဲအုပ် ၁ ဦး အပါအဝင် ရဲတပ်ဖွဲ့ဝင်များကို အကြမ်းဖက် စစ်တပ်က ဂွမြို့နယ် ခမရ-၅၆၃ တပ်ရင်းကို ပို့ဆောင်ပြီး စစ်ဆေးရေးဂိတ်များတွင် တာဝန်ချထားစဉ် ထွက်ပြေးသွားကြောင်း သိရသည်။

ဒီဇင်ဘာလ ၁၀ ရက်နေ့တွင် ပုသိမ်မြို့နယ်၌ နေထိုင်သော ရဲအုပ် ၁ ဦး အပါအဝင် ရဲတပ်ဖွဲ့ဝင်များကို အကြမ်းဖက် စစ်တပ်က ဂွမြို့နယ် ခမရ-၅၆၃ တပ်ရင်းကို ပို့ဆောင်ပြီး စစ်ဆေးရေးဂိတ်များတွင် တာဝန်ထမ်းဆောင်ခိုင်းထားစဉ် ထွက်ပြေးသွားပြီး လက်ရှိချိန်ထိ ပြန်လည် ဖမ်းဆီးနိုင်ခြင်းမရှိသေးကြောင်း သိရှိရသည်။

ထို့ပြင် ခလရ ၃၆ တပ်ရင်း ကျုံပျော်မှအကြမ်းဖက် စစ်ကောင်စီ တပ်သားများလည်း ရေကြည်မြို့နယ် သောင်တန်းရွာ အနောက်ဘက်ကို ထွက်ပြေးသွားပြီး အကြမ်းဖက် စစ်တပ်က ရှာဖွေနေကာ ၄ ဦးကို ပြန်လည် ဖမ်းဆီးနိုင်ခဲ့ကြောင်း သိရသည်။

လတ်တလော AA က ဂွမြို့နယ်ကို သိမ်းပိုက်ရန် ထိုးစစ်ဆင်နေပြီး ယင်းသို့ ထိုးစစ်ဆင်နေမှုကြောင့် မကြာမီ ဂွမြို့နယ်ကို သိမ်းပိုက်ပြီး ဧရာ၀တီတိုင်းဘက်သို့ AA တပ်များ ဝင်ရောက်လာမည်ကို စစ်ကောင်စီနှင့် စစ်တပ်လက်အောက်ခံများအကြား အထူးကြောက်ရွံ့နေကြကြောင်း တပ်သတင်းရင်းမြစ်က ပြောဆိုသည်။

ယခုည ၈:၃၀ဝန်းကျင်၌ ဘားအံဆယ်အိမ်စုဘက်သို့စစ်ကားအချို့ ဝင်ရောက်နေရာယူနေတယ်လို့ သိရပါတယ်။ ကင်းပုန်းအတွက်လား ပေါ်တာဆွဲတာလားတော့ မသိရှိသေးပါ။ လူငယ်များ သတိထားလို့ရအောင်ပါ။

ဒီအကောင့်သုံးနေပါတယ်

ကျွန်တော် Saw Nay Thar facebook အကောင့်ကို အခုချိန်ထိပြန်ဝင်လို့မရသေးပါဘူး
Telegramကိုတော့ ဒီည ပြန်ရပါပြီး။
အခုလောလောဆယ် သုံးနေတဲ့ Facebook အကောင့်တစ်ခုကို follow ထားလို့ရအောင် လင့်ပို့ထားလိုက်ပါ့မယ်။

အားလုံးကို ကျေးဇူး တင်ပါတယ်။

https://www.facebook.com/profile.php?id=61566875692006&mibextid=ZbWKwL

မြဝတီဘက်မှဆင်းလာသည့် ကား​​တွေထဲ ၁၄/ မှတ်ပုံတင်ကိုင်​ဆောင်ထားသူများပါမပါ ထီလုံ​ခွေးတပ်ရင်း​ရှေ့မ​ရောက်ခင် အရိုးကိုက် BGF ဂိတ်မှ အထူးစစ်​ဆေး​နေပြီး ပြည်မထဲပြန်လည်ဝင်​​ရောက်ခွင့်ကို ထီလုံရဲ​ခွေးစခန်းမှူးမှ ပိတ်ထားဟု သတင်းရရှိ

Update News- ယနေ့ စက်တင်ဘာလ ၉ ရက်နေ့ တစ်ရက်လုံး လေယာဉ်ဖြင့် ဗုံးကျဲမှုများ နေရာအနှံ့အပြားတွင် ဆောင်ရွက်ရန်ရှိနေ၊ လေတပ်အသီးသီးမှ ယနေ့ ပျံသန်းရမည့် လေယာဉ် စာရင်း များပြားနေပြီး ရန်နိုင်မင်း စစ်ဆင်ရေး ဆောင်ရွက်နေဟုဆို

ရန်ကုန်၊ စက်တင်ဘာ ၉

အကြမ်းဖက်စစ်ကောင်စီက ယနေ့ စက်တင်ဘာလ ၉ ရက်နေ့ တစ်ရက်လုံး နေ့အချိန်နှင့် ညအချိန်တွင်ပါ လေယာဉ်ဖြင့် ဗုံးကျဲမှုများ နေရာအနှံ့အပြားတွင် ဆောင်ရွက်ရန်ရှိနေကြောင်း နေပြည်တော်စစ်ဘက်သတင်းရင်းမြစ်(ဖရဲသီး)က ရန်ကုန်ခေတ်သစ်သတင်းဌာနထံသို့ ပြောဆိုသည်။

"ဒီနေ့ လေတပ်အသီးသီးက ပျံသန်းမယ့် အတက် တိုက်လေယာဉ် List တွေ များနေတယ်။ ရန်နိုင်မင်း စစ်ဆင်ရေးအောက်မှာ ပျံသန်းကြမှာ။ လေယာဉ်အတက်များတာက ဗုံးကျဲမှုတွေ များနိုင်တဲ့သဘောပါ။ ဒီနေ့ တစ်နေ့လုံး ၊တစ်ရက်လုံး၊ တစ်ညလုံး လွတ်မြောက်နယ်မြေဘက်တွေ သတိထားရမယ်ထင်ပါတယ်" ဟု နေပြည်တော်စစ်ဘက်သတင်းရင်းမြစ်(ဖရဲသီး) က ပြောဆိုသည်။

ယနေ့ နံနက် ၁၀ နာရီ ၂၈ မိနစ်အချိန် ရှမ်းပြည်နယ်မြောက်ပိုင်း၊ လားရှိုးမြို့ကို င် အကြမ်းဖက်စစ်ကောင်စီက လေယာဉ်ဖြင့် ဗုံးများ ထပ်မံကျဲချသဖြင့် ပြည်သူများထိခိုက်မှုရှိကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယနေ့ စက်တင်ဘာလ ၉ ရက်နေ့ နံနက် ၁၀ နာရီ ၂၈ မိနစ်အချိန် စစ်ကောင်စီက လားရှိုးမြို့ ရပ်ကွက် ၁ အတွင်းသို့ လေယာဉ်ဖြင့် ဗုံး ၂ လုံး ကျဲချခြင်းဖြစ်ကြောင်း၊ လေယာဉ်ဖြင့် ဗုံးကျဲချမှုကြောင့် လတ်တလော ပြည်သူများ ထိခိုက်မှုရှိကြောင်း၊ အသေးစိတ်ကို မသိရှိရသေးကြောင်း ဒေသပြည်သူများက ပြောဆိုကြသည်။

"ရပ်ကွက် ၁ ၊ ဗျူဟာလမ်းနဲ့ တိုင်းရုံးဘက်လို့ ပြောတယ်။ ပြည်သူတွေ ထိခိုက်မှုရှိတယ်။ အကုန်လုံး ထွက်ပြေးနေရတယ်။ အဆောက်အအုံတွေ ပြိုကုန်တယ်။ ကားတွေလည်း ထိကုန်တယ်။ လေယာဉ်က ဝဲနေတုန်းပဲ။ ဗုံး ၂ လုံးကျဲပြီးသွားတာတောင် ထပ်ဝဲနေတယ်" ဟု လားရှိုးဒေသပြည်သူက ရန်ကုန်ခေတ်သစ်သတင်းဌာနထံသို့ပြောဆိုသည်။

ယနေ့ နံနက်ပိုင်း စစ်ကောင်စီက တိုက်လေယာဉ်ဖြင့် ဗုံးကျဲမှုမှာ တတိယအကြိမ်ဗုံးကျဲမှုဖြစ်ပြီး ပထမအကြိမ်အဖြစ် သြဂုတ် ၃၀ ရက်နေ့ ညနေ ၄ နာရီအချိန်တွင်လည်းကောင်း၊ ဒုတိယအကြိမ်အဖြစ် စက်တင်ဘာ ၈ ရက်နေ့ နံနက် ၄ နာရီတွင်လည်းကောင်း လေကြောင်းမှ ဗုံးကျဲတိုက်ခိုက်မှုများ လုပ်ဆောင်ခဲ့ကြောင်း သိရှိရသည်။

အကြမ်းဖက်စစ်ကောင်စီက "ရန်နိုင်မင်း စစ်ဆင်ရေး" အမည်ဖြင့် ဆုံးရှုံးထားသော နယ်မြေများအားလုံးကို ပြန်လည် တိုက်ခိုက်သိမ်းပိုက်ရန် စစ်ဆင်ရေးတစ်ရပ်ကို စက်တင်ဘာလ ၁ ရက်နေ့တွင် စတင်လိုက်ပြီး ယင်းစစ်ဆင်ရေးမှာ နိုင်ငံအဆင့် စစ်ဆင်ရေးဖြစ်ကာ လေကြောင်းတိုက်ခိုက်မှုနှင့် မြေပြင်ထိုးစစ်များကို အချိန်မရွေး ဆောင်ရွက်နေကြောင်း နေပြည်တော်စစ်ဘက်သတင်းရင်းမြစ်က အတည်ပြု ပြောဆိုထားသည်။

ဓာတ်ပုံ- အကြမ်းဖက် မင်းအောင်လှိုင် Su 30 အမျိုးအစား တိုက်လေယာဉ် သစ်ကို စစ်ဆေးနေစဉ်။ (ပုံအဟောင်းဖြစ်ပါသည်။)

◾သံတွဲက လက်ကျန် မောင်ရွှေလေးရေတပ်စခန်းကို AA သိမ်းပိုက်၊
◾စစ်ကောင်စီအလောင်းနဲ့ ဒဏ်ရာရသူတွေကို စစ်တွေသို့ သယ်ဆောင်

CJ Platform

ရခိုင်ပြည်(တောင်ပိုင်း)၊ သံတွဲမြို့ရှိ လက်ကျန် မောင်ရွှေလေးရေတပ်စခန်းကို အာရက္ခတပ်တော် AA က သိမ်းပိုက်လိုက်နိုင်ပြီဖြစ်တယ်လို့ CJ Platform ရဲ့ သတင်းရင်းမြစ်ထံမှ သိရပါတယ်။

“မောင်ရွှေလေး Sold Out သွားပြီ။ အလောင်းနဲ့ ဒဏ်ရာရသူတွေကို ရေယာဉ်နဲ့ စစ်တွေကိုသယ်သွားပြီ။ စစ်သင်္ဘောတွေတော့ကျန်သေးတယ်။ ရမ်းပစ်နေသေးတယ်” လို့ ၎င်းက ပြောပါတယ်။

အဲဒီရေတပ်ကို ပြီးခဲ့တဲ့ ဩဂုတ် ၂၄ ရက် မနက်ပိုင်းမှာ အာရက္ခတပ်တော် AA က စတင် ဝင်ရောက်တိုက်ခိုက်ခဲ့တာကြောင့် ငါးရက်အတွင်း သိမ်းပိုက်လိုက်နိုင်တာဖြစ်ပါတယ်။

စတင်တိုက်ခိုက်ချိန်မှာလည်း စစ်ကောင်စီရေတပ်က ဗိုလ်မှူးဖြိုးမောင်မောင်အပါအဝင် ရေတပ်သား ဆယ်နဲ့ချီ သေဆုံးခဲ့တယ်လို့ CJ Platform ရဲ့ တပ်တွင်း သတင်းရင်းမြစ်က ပြောကြားထားပါတယ်။ ဒါ့အပြင် အဲဒီနေ့တိုက်ပွဲအတွင်း ရိက္ခာတင် သင်္ဘောတစ်စင်းလည်း ပျက်စီးခဲ့ရတယ်လို့ ဆိုပါတယ်။

လတ်တလော အာရက္ခတပ်တော် AA တပ်တွေဟာ ရခိုင်တောင်ပိုင်း၊ ဂွမြို့နယ်အတွင်းက ကျိန္တလီမြို့ကို တိုက်ခိုက်နေသလို ဂွမြို့ကိုလည်း တိုက်ခိုက်တော့မယ်လို့ သတင်းတွေထွက်ပေါ်နေပါတယ်။

🖋ကိုထားဝယ်

ဓာတ်ပုံ - AA

#CJPlatform #ရခိုင်ပြည်(တောင်ပိုင်း) #သံတွဲမြို့

သံတွဲရှိ မောင်ရွှေလေး ရေတပ်စခန်းကြီးကို AA သိမ်းပိုက်ခဲ့ပြီး စစ်ကောင်စီက ပထမဆုံးအကြိမ် လက်လွှတ်ခဲ့ရသည့် ရေတပ်စခန်းဖြစ်လာ

ဧရာဝတီတိုင်းမ်
ဩဂုတ် ၂၈ရက်

ရခိုင်ပြည်နယ်၊ သံတွဲမြို့နယ်ရှိ မောင်ရွှေလေး ရေတပ်စခန်းကို အာရက္ခတပ်တော် (AA) က သိမ်းယူ လိုက်ပြီဖြစ်ကြောင်း သိရသည်။

သံတွဲမြို့နယ်တွင် နောက်ဆုံးကျန်ရှိနေသည့် စစ်ကောင်စီ၏ မောင်ရွှေလေးရေတပ်စခန်းကို ယနေ့ ဩဂုတ် ၂၈ ရက် နံနက်ပိုင်းတွင် AA က သိမ်းယူလိုက်ပြီး လက်နက်ခဲယမ်းများပါရရှိကာ နယ်မြေရှင်း လင်း ရေးလုပ်ဆောင်နေကြောင်း သိရသည်။

"ထွက်ပြေးသွားသူတွေကို လိုက်လံဖမ်းဆီးနေပါတယ်။ နယ်မြေရှင်းလင်းရေး လုပ်ဆောင်နေပြီလို့ သိထားပါတယ်" ဟု ရခိုင်သတင်းရင်းမြစ်က ဧရာဝတီတိုင်းမ်ကို ပြောသည်။

ပြီးခဲ့သည့် ဩဂုတ် ၂၅ ရက်နေ့က မောင်ရွှေလေးရေတပ်စခန်းတွင် စစ်ကောင်စီနှင့် AA တို့ တိုက်ပွဲပြင်း ထန်စွာဖြစ်ပွားခဲ့ပြီး AA က ရှော့တိုက်ဒုံးများဖြင့်ပါ ပစ်ခတ်ခဲ့သည့်အတွက် စစ်ကောင်စီဘက်မှ ဗိုလ်မှူး နှင့် အရာရှိများပါ သေဆုံးခဲ့ကြပြီး စစ်သင်္ဘောများပါ ထိခိုက်ပျက်စီးမှုရှိကြောင်း သိရသည်။

ထိုသို့ တိုက်ပွဲဖြစ်ပွားပြီး စစ်ကောင်စီက အလံဖြူထောင်ကာ စခန်းစွန့်ခွာထွက်ပြေးသူများ ယမန်နေ့ကအထိရှိ ‌ခဲ့ပြီး ယနေ့ နံနက်တွင် AA က စခန်းသိမ်းယူလိုက်ခြင်းဖြစ်ကြောင်း သိရသည်။

အလံဖြူထောင်ကာ ထွက်ပြေးသွားကြသည့် စစ်ကောင်စီတပ်ဖွဲ့ဝင်များသည် ရေတပ်အနီးရှိ တောင်ပေါ်နှင့် ကျေးရွာများအတွင်းသို့ ဝင်ရောက်ထွက်ပြေး သွားကြကြောင်း သိရသည်။

စစ်ကောင်စီဘက်က လေကြောင်းမှ တိုက်ခိုက်ခဲ့သည့် အတွက် မော်ရုံကျေးရွာအတွင်း အရပ်သား ဒါဇင်နှင့်ချီသေဆုံးမှုရှိကြောင်း သိရသည်။

ယခု မောင်ရွှေလေးရေတပ်စခန်းကို ဆုံးရှုံးလိုက်ရ ခြင်းမှာ စစ်ကောင်စီအတွက် ပထမဦးဆုံးရေတပ်စခန်းကြီးကို လက်လွှတ်လိုက်ရခြင်းဖြစ်ပြီး မောင်ရွှေလေးရေတပ်စခန်းကို ပြီးခဲ့သည့် ဇူလိုင် ၂၃ ရက်နေ့မှစတင်ကာ AA က ထိုးစစ်ဆင်တိုက်ခိုက်ခဲ့ ခြင်းဖြစ်ပြီး တစ်လကျော်ကြာ တိုက်ခိုက်ခဲ့ရခြင်းဖြစ် သည်။

စစ်ကောင်စီသည် မောင်ရွှေလေး ရေတပ်စခန်း တပ်မကျစေရေးအတွက် စစ်ကောင်စီက ကြည်း၊ရေ၊လေမှ စစ်ကူဖြည့်ကာ လက်နက်ကြီးများဖြင့် ခုခံမှုပြုလုပ်ခဲ့သော်လည်း သံတွဲတွင် လေဆိပ်သာမကဘဲ ရေတပ်စခန်းကိုပါ ဆုံးရှုံးခဲ့ခြင်းဖြစ်သည်။

ပုံစာ-သံတွဲရှိ မောင်ရွှေလေးရေတပ် ကို စစ်ခေါင်းဆာင်သွားရောက်ခဲ့စဥ် (ပုံဟောင်း)

#ရခိုင် #သံတွဲ #မောင်ရွှေလေး #ရေတပ်စခန်း #AAသိမ်းပိုက် #Ayeyarwaddy_Times

လားရှိုးကဲ့သို့ မြို့ပြတိုက်ပွဲများဖြစ်ပွားလာလျှင် အသက် ၃၅ နှစ် အထက် သက် ကြီးပိုင်း အမျိုးသားများ ပါဝင်သော ပြည်သူ့လုံခြုံရေးအဖွဲ့များက အဓိက ခုခံစစ်အဖြစ် တိုက်ပွဲဝင်ရမည်ဟု စစ်ကောင်စီက ညွှန်ကြား

ဘားအံ၊ ဩဂုတ် ၂၆

ရှမ်းပြည်နယ်မြောက်ပိုင်း၊ လားရှိုးမြို့ကဲ့သို့ မြို့ပြုတိုက်ပွဲများ ဖြစ်ပွားလာပါက အသက် ၃၅ နှစ်အထက် သက်ကြီးပိုင်း အမျိုးသားများ ပါဝင်သော ပြည်သူ့လုံ ခြုံ ရေးအဖွဲ့များသည် အဓိက ခုခံစစ်အဖြစ် တိုက်ပွဲဝင်ရမည်ဟု စစ်ကောင်စီက ညွှန်ကြားထားကြောင်း နေပြည်တော်၊ ပြည်ထဲရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဩဂုတ်လ ၁၆ ရက်နေ့က ဖွဲ့စည်းလိုက်သော အဖွဲ့ဝင် ၁၄ ဦးပါ ပြည်သူ့လုံခြုံ ရေးနှင့် အကြမ်းဖက်မှု နှိမ်နင်းရေးဗဟိုကြီးကြပ်ကွပ်ကွဲမှု အဖွဲ့က ပြည်နယ်/တိုင်း၊ ခရိုင်၊ မြို့နယ်နှင့် ရပ်ကွက်ကျေးရွာအဆင့် လုံခြုံရေး ကြီးကြပ်ကွပ်ကဲမှု အဖွဲ့များ ဖွဲ့စည်းလျက်ရှိကြောင်း၊ ဖွဲ့စည်းလိုက်သော ရပ်ကွက်နှင့်ကျေးရွာ ပြည်သူ့လုံခြုံရေးအဖွဲ့များသည် အခြေခံအကျဆုံးသော လက်နက်တပ်ဆင်မည့် ခုခံစစ်တပ်များဖြစ်ပြီး လားရှိုးကဲ့သို့ မြို့ ပြ တိုက်ပွဲများဖြစ်ပွားလာလျှင် စစ်တပ်နှင့်အတူ လက်တွဲ၍ တိုက်ပွဲဝင်ရမည်ဖြစ်ကြောင်း၊ စစ်ကောင်စီတပ်များက တပ်စခန်းများကို ကာကွယ်နေချိန်တွင် ပြည်သူ့လုံခြုံရေးအဖွဲ့များက မြို့ပြ၊ ရပ်ကွက်နှင့်ကျေးရွာများကို ကာကွယ်ရမည်ဖြစ်ကြောင်း ၊ လက်ရှိတွင် PDF များ စိမ့်ဝင်မှုကို ပြည်သူ့လုံခြုံရေးအဖွဲ့များက တားဆီးရှာဖွေ ဖမ်းဆီးရမည်ဟု ညွှန်ကြားချက်များရှိနေကြောင်း သိရှိရသည်။

"ပြည်သူ့လုံခြုံရေးနဲ့ အကြမ်းဖက်မှု နှိမ်နင်းရေး ဗဟိုကြီးကြပ် ကွပ်ကဲမှုရဲ့ အကြောင်း ရှင်းပြခိုင်းတာတွေ ရှိနေတယ်။ ဘာကြောင့် ဒီအဖွဲ့က အရေးကြီးလဲဆိုတာက အချက်အလက်တွေနဲ့ ရှင်းပြခိုင်းတာတွေရှိပါတယ်။ အဓိက ဒီအဖွဲ့က ပူးပေါင်းအဖွဲ့ဖြစ်တယ်။ လူထုကို အခြေပြုထားတဲ့ နောက်ဆုံး ခုခံစစ်လိုင်းဖြစ်တယ်။ ဒီအဖွဲ့မှာ အားလုံးက တက်တက်ကြွကြွ ပါဝင်ရမယ်။ လားရှိုးလို မြို့ပြ တိုက်ပွဲတွေဖြစ်လာရင် ကိုယ့်မြို့ ကိုယ့်ရပ်ရွာထဲကို တစ်ဖက် လက် နက်ကိုင်တွေ ဝင်မလာစေဖို့ နောက်ဆုံးအချိန်အထိ ခုခံစစ်ဆင်နွှဲရမယ်။ ကိုယ့်မြို့ ကိုယ့်ရွာ မပျက်အောင် ပြည်သူ့လုံခြုံရေးတပ်ဖွဲ့တွေကပဲ ကာကွယ်နိုင်မယ်ဆိုတာတွေကို ရှင်းပြဖို့ ထွေ/အုပ်ဘက်ကနေ ရပ်ကွက်/ကျေးရွာ အုပ်ချုပ်ရေးအဖွဲ့တွေဆီ ညွှန်ကြားထားတာရှိတယ်" ဟု နေပြည်တော်ပြည်ထဲရေး သတင်းရင်းမြစ်က ဆိုသည်။

ထို့ပြင် လက်ရှိ ပြည်ထဲရေးက စစ်ကောင်စီ၏ လုပ်ငန်းစဉ်များတွင် တက်တက်ကြွကြွ ပူးပေါင်းခြင်းမရှိသော ရပ်ကွက်နှင့်ကျေးရွာအုပ်ချုပ်ရေးမှူးများကို ကြံ့ဖွတ်ပါတီအမာခံများ၊ စစ်တပ်ထောက်ခံသူများနှင့် အစားထိုးလျက်ရှိကြောင်း၊ ယခု ပြည်သူ့လုံခြုံရေးအဖွဲ့များသည် လက် နက် တပ်ဆင်မည်ဖြစ်သည့် အ တွက် စစ်တပ်က အမှန်တကယ် အလုပ်လုပ်မည်ဟု ယုံကြည်စိတ်ချရသူများဖြင့်သာ လဲလှယ်အစားထိုးမှုများ လုပ်ဆောင်နေကြောင်း သိရှိရသည်။

"အရင် NLD ခေတ်ကတည်းက ရပ်/ကျေး အုပ်ချုပ်ရေးမှူးတွေဆိုရင် လဲဖို့ ။ ဖရဲသီးလို့ မသင်္ကာသူတွေ၊ သံသယရှိသူတွေကို ဖြုတ်ပြီး အစားထိုးတာတွေလည်းရှိတယ်။ ဒီပြည်သူ့လုံခြုံရေးတပ်တွေက လက်နက်တပ်ဆင်မှာဖြစ်လို့ တပ်အတွက် အမှန်တကယ်ယုံကြည်စိတ်ချရသူတွေကိုပဲ ရွေးချယ်ခန့်အပ်ဖို့တွေလည်း ညွှန်ကြားမှုရှိတယ်" ဟု နေပြည်တော်ပြည်ထဲရေး သတင်းရင်းမြစ်က ဆက်လက်ရှင်းပြသည်။

တစ်နိုင်ငံလုံး အတိုင်းအတာဖြင့် ရပ်ကွက်နှင့် ကျေးရွာအဆင့် ပြည်သူ့လုံခြုံရေးအဖွဲ့ ၂ လ အတွင်း အပြီး ဖွဲ့စည်းပြီး လက်နက်ပစ်ခတ်မှု သင်တန်းများကိုလည်း စစ်ကောင်စီက အမြန်ပို့ချသွားမည်ဖြစ်ကြောင်း သိရှိရသည်။

ဓာတ်ပုံ- အရပ်သားလူငယ်များကို တပ်သားအဖြစ် စုဆောင်းပြီး စစ်တပ်က စစ်သင်တန်းပို့ချနေသည့် မြင်ကွင်းများ။

ရဲဘော်တစ်ယောက်
တိုက်ပွဲမှာကျလို့
တိုင်းပြည်တာဝန်ကျေသွားတဲ့အခါ
သူ့မိသားစုတာဝန်ကို ဘယ်သူထမ်းပေးမလဲ။

မပြီးပြတ်သေးတဲ့ သူ့ရဲ့လုပ်လက်စ
တော်လှန်ရေးတာဝန်တွေကို
ဘယ်သူကူထမ်းပေးမလဲ။

တော်လှန်ရေးက ကြာဦးမလား
ခနခနမေးခံရလို့ ပြန်ဖြေလိုက်ပါတယ်
'' ဘယ်ချိန်ပြီးမယ်လို့ ထင်လဲ'' လို့
'' ကိုယ်ကရော ဘယ်အပိုင်းမှာ ပါဝင်နေပြီလဲ''

အားလုံးက ကိုယ့်ပေါ်မှာမူတည်ပါတယ်။
ဒီအချိန်မှာ ကိုယ့်မိသားစုအရေး ဦးစားပေးကြရင် ရေရှည်ရုန်းကန်ရမယ်၊ တော်လှန်ရေးကို ဦးစားပေးရင် မိသားစုအရေးကို ရေတိုအချိန်အတွင်း ပြန်ပြေလည်နိူင်တယ်။

#ကိုယ့်သားကို ရဲဘော် ပေးမလုပ်ချင်တဲ့ မိဘတွေရယ်
#တော်လှန်ရေးကာလအတွင်း နေသားကျသွားတဲ့ စီးပွားရေးသမားတွေနဲ့ အတ္တသမားတွေရယ်
#ရွာမီးလောင်မှ ချမ်းသာရေး ရှာနေကြတဲ့
သူခိုး ဓားပြတွေရယ်
#စစ်ဘေးရှောင်မဖြစ်ဖူးသေးလို့ ကိုယ်ချင်းမစာတတ်သေးတဲ့သူတွေရယ်ကြောင့်တော့

မလိုအပ်ဘဲစကားတွေများများပြောနေ၊လုပ်နေရတယ်ကွယ်။

03 Oct 2023
19 Aug 2024
#TheSameFeeling

https://www.facebook.com/share/p/CNtuXZG3yeyGmHje/?mibextid=qi2Omgလ

မျက်ရည်ခိုင်မှ နားထောင်ပါ
ကရင့်အာဇာနည်တစ်ယောက်ရဲ့ ချစ်သူ

အဲလိုဘဝ တွေအများကြီး ပဲ

Nay Myo Zin, a former military officer and political activist, claimed that the second chief of the junta regime - Vice-Senior General Soe Win - has fled the country, while Senior General Min Aung Hlaing is reportedly seeking political asylum in China. According to Nay Myo Zin, the claim is made based on several reports he received that indicate that a coup within the Tatmadaw, the military of Myanmar, has occurred against Senior General Min Aung Hlaing.

The Chindwin, however, is not unable to independently verify the report.

Nay Myo Zin has been jailed several times since he started his political activism in 2007, particularly during the Saffron Revolution. Despite his imprisonment, he has remained a vocal critic of the military junta regime and continues to advocate for political change in Myanmar.

If the reports about the military coup against the junta regime's chief and internal chaos, it could bring about significant changes to Myanmar's political landscape.

Photo/Old File

74th Karen Martyrs' Day