Red-8

@rediet8

Red-8 Telegram Channel Promotion (English)

Are you a fan of red hot content and want to get your daily dose of excitement? Look no further than the Red-8 Telegram channel, brought to you by the username @rediet8. This channel is dedicated to all things red, from fashion and beauty trends to home decor ideas and lifestyle tips. Whether you're looking to add a pop of color to your wardrobe or spice up your living space, Red-8 has got you covered. Stay updated on the latest red-themed products, events, and inspiration that will ignite your passion for the color of love and power. Join us today and experience the world through rose-tinted glasses with Red-8!

Red-8

21 Jan, 19:57

ወንድም Gebrela Shewakena «ረስቶለታል!» የሚለው ግጥሜ ላይ የሲኒማ ነፍስ ዘርቶ አስደነቀኝ!
ሲኒማቶግራፊውንና ዳይሬክቲንጉን «Gebrela G Films»
ትወናውን Geza Geza Z Dbremrte
ዝማሬውን @ምንተስኖት ፈቀደ
ንባቡን እኔ ተወጥተነዋል።

እኔ እንደወደድኩት... እናንተም አይታችሁ ውደዱ...
የሰራውን ልጃችንንም አበረታቱ....
ሊንክ

https://youtu.be/TxjrBUjF-0A?si=l5R1Yij0lDPtBl0I

454

Red-8

07 Jan, 21:07

ለምን ይመስለናል
የሚሆነው ሁሉ የነበር የነበር ?
ይኖራቸው ይሆን
የሚመጣው እና ያሳለፍነው ድንበር ?
እየኖርን ያለነው
አዲስ የመሰለ ቀን እየቆጠርን
ስለረሳን ይሆን
ካሳለፍነው ጋራ እንደተቃጠርን?

እየኖርን ያለነው እንዳልነበረ ሰው
የሚመጣው መጥቶ እስክናስታውሰው
አይተን እስኪገባን ያላወቅነው ነገ
ባለፍንበት ትናንት የተደነገገ
ካከረምነው ጠላ፡ ከድፍድፍ ያደገ
ቅራሪ መሆኑን ገና ያልተቀዳ
ደርሶን ፉት ብለን እስከምንረዳ
ይሆን ወይ በተስፋ
ቀኑን የምንገፋ?

ይሆን ወይ በተስፋ ባዶ ጣሳ ታቅፈን
እሞላለሁ ብሎ ደጁ ያሰለፈን
የጊዜ አሳላፊው ሰክረን እንዳለፈን
ረስተነው እንጂ የምንጠብቀው
ተኑሮ ይሆናል ገና ያልታወቀው።

1,144

Red-8

07 Jan, 11:04

ዓመት በዓላት ወደልጅነታችን መልሰው የሚያስገቡ መስኮቶቻችን ናቸው።

በተለይ በተለይ ገና...

የክፍል የገና በዓል ዝግጅታችን፥ ቀኑ እስኪደርስ ጉጉታችን፡ የክፍል ክፍል ፉክክራችን፡ የዴስክ ላይ ፅድ እና ሪባኖቻችን፥ የገና መዋጯችን፥ ዛፋችን፥ የምንጠራቸው አስተማሪዎቻችን፡ ምንሰራው ድራማ፡ የብላክቦርድ የቾክ ዲዛይንና "ሜሪ ክሪስማስ"ፅሁፋችን፡ የገና መዝሙራችን፥ ድፎ ዳቦ፥ ለስላሳ... ከዛ ወደቤት ተመልሰን የምናከብረው በዓል ትዝታው...

እንኳን አደረሰን ❤

1,184

Red-8

05 Nov, 15:09

"ጨው ሆኖ መቅረት"
የግጥም ቪዲዮ ተከታተሉ...

https://vm.tiktok.com/ZMh4qj1AX/

2,324

Red-8

01 Nov, 15:25

Red-8 pinned «https://vm.tiktok.com/ZMhC6NX4K/»

Red-8

01 Nov, 15:19

https://vm.tiktok.com/ZMhC6NX4K/

2,480

Red-8

25 Oct, 19:42

https://vm.tiktok.com/ZMhHL2d8f/

2,649

Red-8

15 Oct, 08:36

Red-8 pinned «በቲክቶክ ይከታተሉ https://vm.tiktok.com/ZMhf1VHmt/»

Red-8

15 Oct, 08:21

በቲክቶክ ይከታተሉ

https://vm.tiktok.com/ZMhf1VHmt/

2,744

Red-8

07 Oct, 19:13

በቲክቶክ ይከታተሉ
https://vm.tiktok.com/ZMhSPwbPL/

2,778

Red-8

30 Sep, 19:01

#ስድስቱ ④

2,928

Red-8

23 Sep, 16:54

#ስድስቱ ③

3,188

Red-8

17 Sep, 19:02

#ስድስቱ ②

2,921

Red-8

16 Sep, 18:39

ባለፈው ዓመት ለደረሱኝ ስድስት አቤቱታዎች በአዲሱ ዓመት ስድስት የምላሽ ደብዳቤዎች ፃፍኩኝ። ...
የመጀመሪያው እነሆ...
#ስድስቱ ①

2,900

Red-8

03 Sep, 06:21

አሪቲ ጎፈሬ ፡ ቄጠማ ከመከም፣
ያስራ አንዱን ደዌ ፡ ዳብሼ ልታከም
ተውረግርጋ መጣች፡ ኮረዳ መስከረም።

የሰኔ ምንጣፍ ላይ
ሃምሌን ተንተርሳ
ነሀሴዋን ለብሳ
ባያት ደሜ ሞቀ፡
አምና መጣች ብዬ
ጥላኝ መኮብለሏ፡ ካቅሌ ላይ ተፋቀ።
ጣለኝ ያልኩት ገዴ፡ ቅኔ ቀን ሲያዝብኝ፡
ጭቃዋ ላይ ወደቅሁ፡ አደይ በቀለብኝ።

ኮረዳ መስከረም...

ይቺ በላዔ-ሰብ
ይቺ ድራኩላ...
ይቺ ድራ ኩላ
የዘመን መንትያ
ክራንቻዋን ስላ፡
ያረጁ ዐይኖቿን
እንደልጅ ተ´ኩላ
አምናና ካቻምና
ያስተረፈችውን
እድሜዬን ልትበላ፤.
መጣች እፍረት የላት
መጣች ረፍት የላት።
እሷ ምን ቸገራት?
ደንግላ ስትመጣ
አቅፌ የምለቀው
ቆዳዋ ይፋጃል...
እሷ እየታደሰች
እሷ እየደምቀች
የኔ ቀን ያረጃል።

መጣች ነጋ ደግሞ
መጣሽ ነጋ ደግሞ...
ኮረዳ መስከረም...

አወይ ጅል መሆኔ
ጡትሽን ማመኔ
ዳሌ ቅንፍሽን
ልታቀፍ ማለሜ፡
ለሚሸሸኝ ገላ
እድሜ መሸለሜ፡
ባከምሽኝ በወሩ
አርጅተሽ ስትሄጂ
ደግሞ መታመሜ፣
በያመት ስትደምቂ
በያመት መክሰሜ።
መስከረም ኮረዳ
ውበትሽ ሊከዳ
ሊሄድ ሊሸሽ ገላሽ
ለምን ይሞቀኛል
ደስ ደስ ይለኛል
አካለ ቢስ ጥላሽ?

ኮረዳ መስከረም
ምን አለሽ አደንዝዝ
ያምና ክዳትሽን
ካይምሮ የሚደልዝ
«ነበር!» የሚያስረሳ
የወደቀን ፍሬ
አብዝቶ ሚያስነሳ፤

ያበረድሽው ደሜን
ከራርሞ የሚያግል
ዝንትዓለም ተኝቼሽ
ያስመሰለሽ ድንግል።

አፍዝ ምን አለሽ?

መስከረም ኮረዳ፡
በአሮጊት እስትንፋስ
በልጅ ልስልስ ቆዳ፣
የሚያውረገርግሽ
ችክችካ ድለቃው
ሄደሽ ተደምስሶ
ትዝታ እስኪቀዳ፡
እንደ አምና ካቻምናው
እስክንከዳዳ፡
እድሜ ምናባቱ
ይሄው ረጲሳ
ይኸው ረገዳ።

(ቼቼ... ሼሼ... ቼቼ)

3,168

Red-8

24 Aug, 06:05

እዩዋት
መንግሥተ ሰማያት፡
በባሕር መካከል፡ በአጥማጅ የተጣለች
በዓይነት በዓይነት፡ ዓሣዎች የያዘች
መረብ ትመስላለች፤»
ብሎ በምሳሌ ፡ ነግሮን ነበርዝ ጌታ
እንኳንም የመጣሽ
ሚስጥሩ በሙሉ፡ ስናይሽ ተፈታ።

መንግስተ ሰማያት፡ በጻድቃን ልመና
ጅማትሽ ሳይደድር፡ ቋጠሮሽ ሳይፀና
እኛኑ ለማጥመድ፡ ገና ከመጣልሽ
ስንቱን መልካምና፡ የረከሰ ለየሽ?

ተውጦ ድምፃቸው
ለስልሶ ቆዳቸው
ዓሳ ከመሰሉን፡ ከእባቡ ከጊንጡ
ስውር መርዛቸው ፡ ሊነድፉሽ ሲያወጡ
ባንቺ የተነሳ ስንቱ ተጋለጡ?

መንግስተ ሰማያት ፡ ታናሺቱ መረብ
ደፋ ቀና እያሉ፡ በዓሦቹ ወረብ
ከሚያዜሙት መሀል፡ ያጠመድሽው ዓዞ
ሲበጥስሽ አይተን፡ በጥርሱ ገዝግዞ
ከአውሬነቱ ጋር ፡ ባንቺ ተዋውቀናል
የይምሰል ሀዘኑን፡ እንባውን ንቀናል
ከእንግዲህ በኋላ፡
ያንቺ እድል ቢጠምም፡ የዘርሽ ይቀናል።

መንግስተ ሰማያት ፡
Kingdom of heaven፡ የሰውነት ወንፊት
በክብር ስትቆሚ፡ ካበጀሽ ጌታ ፊት
በምኞት በሀሳብ፡ ድርጊት በወሬ
ላቆሰለሽ ፀላይ፡ ለነከሰሽ አውሬ
Heaven መንጓለያ ፡ መረብ ነሽ ለክሱ
የጣልሽው ነውና ፡ የሚፋጨው ጥርሱ።

3,530

Red-8

01 Aug, 06:26

ከ'ሳተ ገሞራ
እንደማር ወለላ
በጣት
ዝቆ ማውጣት
አውጥቶ ጣት መጥባት፣
መላስ ሲንጠባጠብ
በዲን ምላስ ማርጠብ
ቀላጭ ፍሙን ማኘክ
ማኘክና ማድቀቅ
ማድቀቅና ማላም
እንደዚያች ወላድ ላም
ላስ አርጎ እሳቱን
ቻል አርጎ ፍጅቱን
መዋጥ በዝምታ
እንዲያ ነው ይቅርታ።

በእግሮቻችን ዳና
ባተምነው ጎዳና
ስንጓዝ የቀና
እንቅፋት ሲቀስፈን
ጥጉን ተደግፈን
ቁስላችንን ማፈን፤

እግራችን ምስኪኑን
ዝምታ ክኒኑን
ዋጥ አርጎ የግዱን
ተወግቶ እንዳይደማ
አቁሳዩ ሳይሰማ
ግሽልጡን ደምድሞ
ቁስል ላይ ጠምጥሞ
ካህን መሆን መፍታት
ጸሎት ለእንቅፋት
ማድረስ በዝምታ፣
እንዲያ እንጂ... መች ዋዛ?
መች ቀላል ይቅርታ?

ይቅርታ መች ቀላል?
ለሰጪ ይከብዳል
ለሰጭ ካልከበደ፡ ተቀባይ ያለምዳል
ለማዳ ተቀባይ ፡ ከርሞ ያቃልላል
ከርሞ የቀለለ፡ ይነሳል ይወድቃል
ከዚያ በኋላማ ፡ምኑ ይጠየቃል?

እንቅፋት ይረክሳል፡ እግር ይደነዝዛል
የተጠመጠመው፡ ቁስል ያመረቅዛል
ድንጋይ የበዛበት፡ ድንጋይ ልብ ያፈራል
ከዛ በኋላማ ፡ ምኑ ይነገራል?
ማን ማንን ይፈራል? ማን ለማን ይራራል?
ጠጠር ያናቀፈው፡ ዓለት ሆኖ ያድራል።

ወድቀው ሳይነሱ
ሳይዘሩ ሳያርሱ
እንደ ኦሪት መና
ይቅር ከደመና
አይውረድ ከሰማይ፤
ሲያቀሉት ይከብዳል
ይቅርታና ሲሳይ።

የሬት የኮሶና
የግራዋ ድቃይ
ሲቀምሱት በስቃይ
«ሁለተኛ!» ብለው
እንደምጥ ላይደግሙት
በወለዱት ምለው
ፍም እሳት ተረግጠው
በጥፍር አፈሩን፡ሳር ቅጠሉን ቧጥጠው
ከፍሙ ማር ቆርጠው
ጎመራ እሳት ውጠው
አምጠው አምጠው
ማቅቀው ተንሰቅስቀው፡ በጊዜ ይሁንታ
እስኪነሱ ድረስ፡ መሞት ነው ይቅርታ።

(Red-)

ይቅርታ መች ቀላል?

3,478

Red-8

28 Jul, 15:46

https://youtu.be/Z2SjRFftMhM?si=1KYcK8ZdLjOSi5__

2,760

Red-8

28 Jul, 14:23

ከወንድሜ ከ Muhammed Edris Kassa ጋር ተነፋፍቀን ተገናኝተን...እንደወዳጅም... እንደልጅም የተጫወትነው... እነሆ

ሀረግ ፖድካስት

https://youtu.be/Z2SjRFftMhM?si=1KYcK8ZdLjOSi5__

2,732

Red-8

09 Jul, 07:00

ፃድቅ አያደርግም፡
በገዳይ መቀደም
ዝም በይ ያ'ቤል ደም!
ደርሰሽ አትጩኺ፡ እንደተበደለ
ለሁለት የጣሉት፡ ላንዱ እየታደለ
ፍቅር መተማመን፡ በእጣ ከጎደለ
የፉክክር ሜዳ፡ ከተደለደለ
ከዚያ በኋላማ፡ ሞት በዘር አይደለ?
ለሟች እና ገዳይ፡ ምን ይሰራል ድንበር
መጮህ አስቀድሞ፡
የደረሱበት ጋር፡ ላለመድረስ ነበር።

ፅጌሬዳ ቀንበጥ ፡ እሾኋ ሲወጋት
ብትጮህ እሪ ብትል፡ ተካይ ምን ያድርጋት?
እንዴት ትፀድቃለች?
እሷ ብትለሰልስ፡ ሌላውን ባትጎዳ
በዘሯ አይደለም ወይ ፡የመጣባት እዳ?

ፃድቅ አያሰኝም
በገዳይ መቀደም
ደርሰሽ አትጩኺ፡ዝም በይ ያ'ቤል ደም

እየበጠበጠ፡ ለጣለው ወላጁ
አንዴ እንደ ብርሌ፡ ከተበጀ ልጁ
ቢነቃም ባይነቃም፡ ለጠጅ የሚጋጭ
ሟችም ያው ገዳይ ነው፡ አልቀናውም እንጂ።

3,492

Red-8

04 Jul, 16:16

ይሄኔ...
አንተ ቆመህ ቢሆን ፡ ሌላ ደግ ያረፈው
እንዴት አሳምረህ ፡እንደምትጽፈው
እንደምን አራቅቀህ ፡ እንደምትዘክረው
ከፊትህ ያለፈ ፡ ሁሉ ምስክር ነው።

ከሥጋዋ አምልጣ፡ የሸፈተች ነፍስን
በዋዛ አሳስቆ፡ ገጥሞ መመለስን
ስለተካንክ አይደል፡ ቃል ማሰር መፍታቱን
ከሞት እየጠራህ፡ ያስነሳኸው ስንቱን?

በቃል እየደቁ፡ የሀሳብን ደረት
በስንኝ ቋጠሮ፡ ሂያጅን ለመሸኘት
በሳቅ በጨዋታ፡ ቀሪን ለማሞኘት
ካንተ በላይ ብቁ፡ እንደሌለ ሳውቀው
ታዲያ ምን ቆርጦኝ ነው?
ስትሄድ ልሸኝ ብዬ፡ ሆሄ የማስጨነቀው?

ይሄኔ...
አንተ ሳለህ ቢሆን ፡ ሌላው የተለየው
በታጠነ ዋዛ ፡ በተኳለ ወየሁ
አሳምረህ ከሞት፡ ቢታየኝ ስትድረው!
ሳልፅፍልህ ቀረሁ።

በሳግ እንጉርጉሮ ፡ ስንብት ለማድመቅ
በወግ በጨዋታ፡ ሞት ላይ ለመሳለቅ
ዋዛና ወዮታን፡ በወል ለመቃኘት
ተጓዥን በሙሾ ፡ ሹሞ ለመሸኘት
ለብቻህ በኪኑ፡ ስለተካንክበት
ማነው ከራስህ ላይ ፡ፈትቶ እሚጠመጥም?
እንዳልቋጥርልህ፡ አብሮህ አርፏል ግጥም።

- ያርምሞ ሥንብት -

2,730