"Piskent hayoti" gazetasi rasmiy kanal

ҲАЙРЛИ ТУН.
Қалб безовталигининг
давоси, қалбини Аллоҳга берганлар суҳбатларидан топилади.

Имом Раббоний
@piskenthayoti

«Ҳаёт ⸺ қувонч булоғи. Лекин қаерда бир булоқ бўлса, уни заҳарлайдиган кимсалар ҳам бор».

Фридрих Нитше, «Зардўшт таваллоси».
@piskenthayoti

Дуонинг кучи

⚖📜 Бир куни фақирона кийинган, маъюс бир аёл сабзавот дўконига кирди. Дўкон соҳибига тортинибгина яқин борди ва эри оғир хасталик туфайли бирор ишга ярамай, тўшакка ётиб қолгани, етти боласи борлиги, уларнинг очлик азобидан қийналаётганини айтди.
Сотувчи унга терс қараб:
- Эй, тиланчи хотин, дарҳол дўконни тарк эт! - деди.
Аёл эса болаларининг емак ейишга эҳтиёжи борлигини айтиб ёлворганча:
- Илтимос, жаноб, болаларимни қорнини тўйдириб, одамларнинг эшигига ишлагани жўнатаман.
Улар пул олиб келган заҳоти қарзингизни қайтараман, - деди.
Дўкондор аёлнинг илтижоларига парво қилмай, уни танимаслиги, доимий харидорларидан эмаслигини айтиб илтимосини рад этди.
Шу пайт дўкон ташқарисида турган бир мижоз сотувчи билан аёл ўртасида бўлаётган суҳбатни эшитиб қолди ва ичкарига кириб дўкондорга:
- Бу аёлга сўраган нарсаларини бер, мен кафил бўламан, қарзини қайтаради, - деди.
Унинг гапига кўра сотувчи аёлга қаради-да, истамайгина:
- Оладиган нарсаларингни рўйхат қилганмисан? - дея сўради.
Аёл тасдиқ маъносини бериб бош ирғади.
- Ундай бўлса уни тарозининг бир палласига қўй-да, иккинчи палласига ўзинг оладиган нарсаларни қўй. Рўйхат қоғозингни вазнига тенг нарсаларни бераман, - деди.
Аёл бир муддат турди-да, бошини қуйи эгиб чопонининг чўнтагидан бир қоғоз парчаси олиб тарозининг бир палласига қўйди.
Шу пайт дўкондор ва кафил мижознинг кўзлари ҳайратдан катта-катта очилди.
Тарозининг тош қўйиладиган палласи қоғоз парчасининг оғирлигидан чўкиб кетганди.
Дўкондор кафил мижозга қараб эзғин товушда:
- Ишонмайман...
Ишониладиган ҳолат эмас...
- деди.
Тарозининг махсулот қўйиладиган палласи керагидан ортиқ нарсалар билан тўлди.
Дўкондор ваъдага биноан аёл олган ҳамма егуликларни халтага жойлаб, қўлига тутқазди.
Зудлик билан нималардир ёзилган қоғозни қўлига олди-да, ўқиди.
Унда харид қилинадиган махсулотлар рўйхати эмас, қуйидаги сўзлар ёзилганди:
“Аллоҳим! Нимага эҳтиёжим борлигини ёлғиз Ўзинг биласан.
Шунинг учун ўзимни Сенга таслим этаман.
Ўзингга таваккал, Ўзинг омонат берган болаларимнинг ризқини етказ!”.
Дўкондор тош каби қотди-қолди.
Аёл унга ташаккур айтиб, дўкондан чиқди.
Аёлнинг харидига кафиллик қилган мижоз бир даста пулни дўкондорга берди ва “Қайтими керак эмас” деди. Мижоз дўкондан чиқиб кетаётиб тарози паллаларининг синганига кўзи тушди.
Нима сабабдан тарози палласи сингани ва дуонинг кучи нақадар залворли экани ёлғиз ЎЗИгагина маълум эди...

@piskenthayoti

САДОҚАТЛИ ДЎСТ

Бир аскар бошлиғига деди:
-Ўртоқ командир! Жанг майдонидан дўстим қайтмади. Сиздан уни қидириш учун у томонга боришга изн сўрайман.
Бошлиқ деди:
-Рухсат йўқ . Эҳтимол у ўлгандир. Бу учун сен ҳам ўз ҳаётингни хавфга солишингни ҳоҳламайман.
Аскар бошлиғи рухсат бермаганига қарамай дўстини қидириб кетди. Бир қанча вақт ўтгач дўстини елкасига ортганича қайтиб келди. У вафот этган эди. Унинг ўзи ҳам оғир яраланди. Уни бу ҳолда кўрган бошлиғи:
-Уни сенга ўлган, демаганмидим. Шу жасадни топиш учун ўзингни хатарга солишинг шартмиди?!- деди.
Аскар бошлиғига шундай деди:
-Мен уни топганимда у тирик эди. У менга фақат "сенинг келишингга ишонар эдим" , дея олди холос. Мен унинг кўзларида ўзимнинг мардлигим ва вафодорлигимни кўрдим. Шунинг ўзи менга етади!

@piskenthayoti

Бир одам даъватчи бўлиш учун кўп илмлар ўрганибди. Фақат охирги имтиҳон қолибди. Имтиҳон қуйидагича топшириқдан иборат экан:
🌸
- Кўчага чиқиб, ўзингдан кўра ёмонроқ бир одамни топиб кел.

Бўлажак даъватчи топшириқни бажариш учун кўчага чиқиб, айланиб юрибди. Бир ароқхўрнинг олдига келиб, шу мендан ёмонроқ одам бўлса керак, деб ўйлабди. Кейин, балки у тавба қилар, кейин мендан кўра яхшироқ ишларни қилар, деган ўйга бориб, дастлабки фикридан қайтибди.

Кейин бир ғайридиннинг олдига бориб, шу мендан ёмонроқ одам бўлса керак, деб ўйлабди. Кейин, у бир кун келиб ҳидоятга келса-чи, менинг эса ҳали оқибатим аниқ эмас-ку, деган ўйга бориб, бу сафар ҳам дастлабки фикридан қайтибди.

Кейин бир итга дуч келиб, шу мендан ёмонроқ бўлса керак, одам тополмадим, ҳеч бўлмаса шу итни олиб борай, деб ўйлабди. Кейин қиёмат кунида кофирларнинг, қанийди тупроқ бўлганимизда, дея пушаймон қилишларини ўйлаб, ит ҳам одамдан яхши бўлиш эҳтимоли бор экан, деган хулосага келибди.

Хуллас, ўзидан ёмон одам тополмай, ортига қайтибди ва устозига, бу топшириқни бажара олмаганини, ўзидан ёмонроқ одамни топа олмаганини айтиб, бўлган воқеаларни гапириб берибди. Шунда устози:

- Сен имтиҳондан ўтдинг, - деган экан.
📚📚📚📚📚📚📚📚📚📚📚
Холи ночорга ёмон гумонда бўлмаслик, ўзгага паст бахо бериб, кибрга берилмаслик одамийликнинг юксак чўққисидир.

@Jaloliddinrumiyy🕊

УЧ ДЎСТ

Бир кишининг учта дўсти бор экан...
У БИРИНЧИ ДЎСТИ билан жуда ҳам иноқ ва уни жуда ҳам яхши кўрар экан. Кунига энг камида 5-6 марта кўришмаса бўлмас экан... Хатто у ёнида бўлмаса, кўчага чиққиси ҳам келмас экан. Баъзи кунлар ухлаш олдидан ва хатто ярим тунда уйғониб кетса ҳам, у "ДЎСТ"и ҳақида ўй сураркан...

ИККИНЧИ ДЎСТИ билан эса ~ унчалик иноқ бўлмаса ҳам  кунига 1 ёки 2 кун кўришиб тураркан. Айрим пайтларда икки кунда бир, баъзан хафтада бир кўришишга ҳам тўғри келаркан. Бу "ДЎСТ"и ҳақида ҳам ўй сурар, аммо биринчи дўсти ҳақидек эмасди...

Бу инсоннинг яна бир УЧИНЧИ ДЎСТИ бор экан. Агар шуни ҳам дўст деб аташ жоиз бўлса. У учинчи дўсти билан аҳён -- аҳёнда, ойда бир ёки икки ойда бир, баъзида йилда икки ёки уч марта учрашиб тураркан. Бу дўсти ҳақида деярли ўйламасди ҳам...

Бир куни уйига "ШОХ" нинг ҳабарчилари келиб, МАКТУБ ташлаб кетишибди...
Мактубда Шоҳ уни Ўз "САРОЙИ"га чақирган, ундан бир қанча катта жиноятларда ГУМОН қилинаётгани ва агар АЙБСИЗлигини исботлай олса, унга зарар бермаслигини, акс ҳолда "ЭНГ ОЛИЙ ЖАЗО"га маҳкум эканлиги битилган эди...

....Узоқ ўйлаб, ғамга ботган инсон энг суянган ва энг қалин "БИРИНЧИ" дўстига борибди. Вазиятни билгач, дўсти саросимага тушиб қолибди, у билан бирга боролмаслигини айтиб узр сўрабди ва хатто остонасидан чиқиб, кузатиб ҳам қўймабди...

....ҲИЁНАТдан зарб еган киши "ИККИНЧИ" дўстига арз -- дод қилибди.. Иккинчи дўсти эса:
--- Дардингга шерикман, аммо сен билан то "САРОЙ ЭШИГИ"гача бора оламан, у ёғига ТАНҲО борасан, ~ дебди...

.... Аммо, бу унга ТАСКИН бермабди...

.... Умидсизликка тушиб, бир жойда ўтирганида, тасодиф, у кам эслайдиган ва кам учрашадиган УЧИНЧИ дўсти келиб қолибди. Дўсти хол -- аҳвол сўраса, айтишни ҳам хоҳлаб-хоҳламай ҳикоя қилибди.. Кутилмаганда, у умид ҳам қилмаган дўсти:
--- "Тур ўрнингдан, Шох ҳузурига бирга борамиз, мен сени АЙБСИЗ эканлигингга ВАКИЛ бўламан, ~ дебди...

БИРИНЧИ ДЎСТИМИЗ ~ бизнинг пулимиз, мол -- дунёмиз. Усиз кўчада ҳам юра олмаймиз, ўй ҳаёлимиз доимо унда.. Агар бизга ўлим келса (Шох ҳузурига чақирганда), остона хатлаб кузатмайди ҳам (чўнтак, ҳамён ва аллақаерларда қолиб кетади)...

ИККИНЧИ ДЎСТИМИЗ ~ аҳлимиз, фарзандларимиз. Уларни эрталаб бир, кечқурун бир кўрамиз.. Баъзида эрталаб кетгунча хали уйғонишмаган, қайтиб келганимизда ухлаб қолишган бўлади.. Шох ҳузурига чақирганда, улар бизни ғамгин ҳолда Шох дарвозаси - (ҚАБР) гача олиб бориб, қайтадилар...

УЧИНЧИ ДЎСТИМИЗ биз ойда, йилда бир қиладиган ~  "САВОБЛИ ҲАЙР АМАЛ" ларимиздир..Биз у билан жуда яқин бўлмасак - да, бизга ВАКИЛ бўладиган ва биз билан бирга кўтариладиган СОЛИҲ амалларимиздир...

@piskenthayoti

​​Бахт-саодатга эришишни хоҳлайсанми?
Ечими жуда осон: бошқаларга қилаётган насиҳатларингга ўзинг ҳам амал қил!

Бахтли бўлиш учун доимо шу бахтга интилмоқ ва уни англамоқ зарур. Бахт вазиятга эмас, кишининг ўзига боғлиқ

Л. Толстой

БАХТ-САОДАТ ҚАЕРДА?

Бу аср қанчалар тараққий топган аср бўлмасин, барибир фақирдир. Чунки ҳали ҳануз бахт-саодат ва вафо изланмоқда. Демак, тараққиёт ва бойликнинг ўзи бахт-саодатни тўлиқ таъминлаб бера олмас экан. Аслида бахт-саодат хотиржамликдадир.

"Ҳикматлар чашмаси"дан

Бахт бу сен севган инсон билан эмас. Бахт бу сени севган инсон биландир. Сен севган инсон осонгина қўл силтаб кетаверади, сени севган эса осонликча қўйиб юбормайди.

@piskenthayoti

Бахт нима ўзи!?
Аллоҳнинг ҳар бир берган куни, Яшаш имкони - бахт

Тақдирчи у нима?
Ҳар куни ўз қўлинг билан ёзиладиган китоб

Ота-она уларчи?
Сени яшашга ундайдиган талпинувчи мехрибонларинг

Опа-сингил, ака-ука ким?
Мисоли эт билан тирноқ улар билан хотиржам бўласан

Дунёчи!?
Дунё табассум

Ҳаётчи!?
Бахт борлиқ - омад, яхшилик ва муваффақият

Сизда буларнинг деярли  барчаси бор! Демак, Сиз Бахтлисиз! Табассум қилинг!

@piskenthayoti

ЎҚИШ

Нeга ўқимаймиз?
Нeга ўқишга бeрилиб кeтмаймиз?
Нeга энди китоб ўқиш бутун бир жамият ёппасига ғарқ бўладиган маданиятга айланмайди?
Нeга энди жамоат транспортларида ёппасига китоб ўқиётган кишиларни учратмаймиз?

   Мeн ҳақиқатни сeвганим учун ўқийман...
   Мутлоқ ҳақиқатни...
   Аслида бу ҳақиқат амри муҳол. Аммо билишнинг лаззати мeни ҳақиқатни доимо қидиришга ундайди. Буни эса китоб ўқишдан бошқасидан топа олмайсиз!

Абдулқодир Самарқандий

@piskenthayoti

Ўзбекистон Республикаси Президенти Шавкат Мирзиёев амалий ташриф билан Қозон шаҳрига келди. Аэропортда давлатимиз раҳбарини Татаристон Республикаси Раиси Рустам Минниханов ва бошқа расмий шахслар кутиб олди.
—
Президент Республики Узбекистан Шавкат Мирзиёев прибыл с рабочим визитом в город Казань. В аэропорту главу нашего государства встретили Раис Республики Татарстан Рустам Минниханов и другие официальные лица.

#Mirziyoyev #tashrif #Rossiya #sammit

Prezident.uz|Facebook|Instagram|YouTube|X

#_ўрганиш

Пискент туманида миграциядаги ёшларнинг оила аъзолари билан суҳбат ўтказилди.

Хусусан, мутасаддилар хорижга ишлаш ёки ўқиш учун кетган ёшларнинг хонадонига уйма-уй кириб, уларнинг оила аъзоларидаги мавжуд муаммо ва таклифларини тингладилар.

Ўрганишлар давомида билдирилган мурожаатлар ижроси юзасидан тегишли масъулларга кўрсатмалар берилди.

@piskenthayoti