Qalam yoxud klaviatura✏️

Yaxshi sharoit kelmaydi, yaratiladi

Kutmang, hozir boshlang. Sharoitni eng yaxshi darajasiga yetkaza olmaysiz. Kichik imkoniyat paydo boʻlishi bilan undan foydalanish kerak. Oʻylab yurgan ishlarni boshlash kerak. Kutish faqat vaqt ketkazishdan boshqa hech narsa bermaydi.

Qarorni tez qabul qilishni oʻrganing. Barcha narsani tezlik bilan hozirning oʻzida hal qiling. Koʻp oʻylamang. Bu ishlarni ortga surilishiga yoki amalga oshmay qolib ketishiga olib keladi. Kutmang. Shunchaki, boshlang.

Hozir boshlab, sharoitni ishning davomida yaxshilab boring.

"Nimagadir erishishni chin dildan xohlasang butun olam senga madadkor bo‘ladi"

"Alkimyogar" Paulo Koelho

Kimni kuzatsangiz, siz - oʻshasiz

Kuzatayotgan insoningizga, koʻproq eʼtiborli boʻling. Koʻz nimani koʻrsa, ong shuni qabul qilishni boshlaydi. Doimiy hukumatni yomonlaydigan, oʻz(erkar yo ayol)ligiga hos boʻlmagan harakatlar qiladigan va gapiradigan insonlarni kuzatish fikrlashingizga ta'sir koʻrsatmay qolmaydi.

"Qozonga yaqin yursang qorasi yuqadi"

Oʻgʻil bolamisiz erkaklikni, hayotdan nolimaslikni oʻrgatadigan, haqiqiy erkaklik ruhini beradigan shaxslarni koʻproq tinglang.

Shaxsiy rivojlanish haqida kuzatishni boshlang. Toʻgʻri ovqatlanishga chorlaydigan insonlarni kuzating. Balki, hozir kuzatishingiz bilan bajara olmassiz, lekin bu sizni toʻgʻri tarafga qadamma - qadam yetaklashni boshlaydi. Moʻjiza sodir boʻlib sport bilan doimiy shugʻullanishni boshlab qolmaysiz, avval koʻrasiz, kuzatasiz, oʻrganasiz va siz ham qilishni boshlaysiz.

Muvaffaqiyatli insonlarni havas bilan kuzating, ulardan oʻrganing, hayotingizga tatbiq qiling.

Doimiylik muhim

Davomiylik muvaffaqiyatga erishishning eng asosiy sababi hisoblangan. Bu har bir sohada qoʻl keladigan va inkor etib boʻlmaydigan haqiqat.

Toshga uzluksiz ravishda (tanaffuslarsiz) suv tomchilab tursa, maʼlum bir vaqtda atigi birgina tomchi suvning tushishi toshni yoradi. Bu oxirgi tomchining qudrati emas, balki oldingi tomchilarning davomiyligidir.

Natija birdaniga koʻrinmaydi.

Harakatning davomiy boʻlishi har qanday maqsadga erishishga kishini yaqinlashtiradi. Baʼzilarda ertaroq, baʼzilarda kechroq.

Bugun 100 bet kitob oʻqiganingiz sizni aqlli, teran fikrlaydigan qilib qoʻymaydi, yillar davomida kunlik tarzda oʻqilgan kitoblargina teranlikka yetaklaydi.

Maqsadga yetishishda qilayotgan ishingizni hajmiga e'tibor bermang. Davomiylikka urgʻu bering!

#Bismillah
Hayotni yanada mazmunli va maqsadli oʻtkazish maqsadida bugundan bu kanalda shaxsiy fikrlarim, oʻrgangan bilimlarim, yangiliklarga munosabatlarim va qilmoqchi boʻlgan ishlarim haqida ulashib boraman.

Channel created