O'rmon xo'jaligi agentligi

27-Dekabr🎉
O’rmon xo’jaligi agentligi
Bosh mutaxassisi Khushnazarov Nurali Boykobilovichning tavallud topgan kuni

Hurmatli Nurali Boyqobilovich!

O‘rmon xo‘jaligi agentligi sizni muborak 60 yoshingiz bilan chin qalbdan tabriklaydi va samimiy ezgu niyatlarini izhor etadi.
Siz o‘tgan yillar davomida juda katta va sermazmun, yosh avlodlarga ibrat bo‘ladigan hayot yo‘lini bosib o‘tdingiz.
O‘rmon xo‘jaligi sohasida turli lavozimlarda faoliyat olib borib, mamlakatimiz va xalqimiz farovonligi yo‘lida qilayotgan fidokorona mehnatlaringiz har qancha tahsinga loyiq.
Mehnat faoliyatingiz davomida Siz malakali va yetuk rahbar, mehribon ustoz kabi fazilatlaringizni namoyon qilib, mehnat jamoasi o‘rtasida hurmat qozongansiz.
Siz oilada mehribon ota, nabiralaringizning suyukli bobosi, mehnat jamoasida yoshlarga jonkuyar murabbiy bo‘lib xizmat qilmoqdasiz.

Hurmatli Nurali Boyqobilovich!

Sizni yana bir bor Respublikamiz ko‘p sonli o‘rmonchilari nomidan tabarruk 60 yoshingiz bilan muborakbod etamiz.
Sizga Vatanimiz ravnaqi, tabiatimiz musaffoligi yo‘lidagi savobli ishlaringizda kuch-g‘ayrat, mustahkam sog‘liq, uzoq umr, oilangizga tinchlik, qut-baraka va baxt-saodat tilaymiz.

Qishda Tog‘da O‘rmonchilikda Nima Ishlar Qilish Kerak?

Qish fasli tog‘ va o‘rmonchilik faoliyati uchun maxsus ehtiyotkorlik va tayyorgarlikni talab etadi. O‘rmonchilikda qishki ishlar turlicha bo‘lib, ularning har biri o‘rmonning barqarorligi va ekologik muvozanatini saqlashga qaratilgan. Quyidagi ishlar ayniqsa muhim hisoblanadi:

1️⃣ Qor va muzdan xavfsizlikni ta’minlash:
Qishda o‘rmonchilar qorning to‘planishini kuzatib, yo‘llar va mashina yo‘llarida muzlar yoki qor tiqilib qolmasligini ta’minlaydilar. Bu yerga o‘tishning xavfsizligini saqlash uchun kerak.

2️⃣ Yovvoyi hayvonlarni oziqlantirish:
Qishda yovvoyi hayvonlar oziq-ovqat qidirish uchun qiyinchiliklarga duch keladi. O‘rmonchilar o‘rmon hududlarida yovvoyi hayvonlarni oziqlantirish uchun maxsus joylar tayyorlashadi.

3️⃣ O‘rmonning salomatligini tekshirish:
Qishki oylar o‘rmonlar uchun murakkab davr bo‘lishi mumkin. O‘rmonchilar daraxtlarning sog‘lig‘ini tekshiradilar, shikastlangan yoki qurigan daraxtlarni olib tashlashadi.

4️⃣ Yong‘in xavfsizligi:
Qishda ham o‘rmonlarda yong‘in xavfi mavjud. O‘rmonchilar yong‘in xavfsizligini ta’minlash uchun yong‘inga qarshi kurash usullarini kuzatib boradilar.

5️⃣ O‘rmonni saqlash va qarorlar qabul qilish:
O‘rmonlarni saqlash va ularni yangilash uchun zarur bo‘lgan barcha ishlarga tayyor bo‘lish, kerakli choralarni ko‘rish – bu o‘rmonchilik faoliyatining ajralmas qismidir.

6️⃣ Qishki o‘rmon manzaralari va ekologik o‘rganish:
Qishda o‘rmonni to‘g‘ri kuzatish va ekologik holatni o‘rganish ham juda muhim. O‘rmonchilar hududdagi tabiiy o‘zgarishlarni kuzatib, ekosistemada barqarorlikni saqlashga yordam beradi.

Qishda tog‘da o‘rmonchilik faolligi ayniqsa muhim, chunki bu tabiatning butun yili davomida muvozanatini ta’minlaydi. Har bir o‘rmonchi o‘z ishini nafaqat mutaxassis sifatida, balki tabiatni himoya qiluvchi faoliyat sifatida ko‘rib, o‘z mas’uliyatini chuqur his etadi. 🌲❄️

Siz ham tabiatni himoya qilishga qadam qo‘ying!

Munosabat

Ushbu murojaat yuzasidan hozirda O‘rmon xo‘jaligi agentligining mas’ul xodimlari tomonidan o‘rganish ishlari olib borilmoqda. O‘rganish natijalari bo‘yicha qo‘shimcha ma’lumot taqdim etiladi.

📹 Batafsil: YouTube havolasi

18-noyabr — O‘zbekiston Respublikasining Davlat bayrog‘i qabul qilingan kun

Davlat bayrog‘i O‘zbekiston Respublikasining 1991-yil 18-noyabrdagi 407-XII-sonli “O‘zbekiston Respublikasining Davlat bayrog‘i to‘g‘risida”gi qonuni bilan tasdiqlangan.

Davlat ramzlari har bir mamlakatning suvereniteti va mustaqilligini ifodalaydigan muqaddas timsollardir. O‘zbekistonning davlat ramzlari xalqimizning shon-sharafi, tarixiy xotirasi va intilishlarini o‘zida mujassam etib, shu yurtda yashovchi har bir fuqaroga g‘urur, faxr va iftixor bag‘ishlaydi.

Respublikamiz fuqarolari uchun Vatanimizning muqaddas ramzi — Davlat bayrog‘i aziz. Shu bois, bayrog‘imizga nazar solganimizda biz ruhan jo‘shqinlikni, azmu shijoatimiz oshganini, qalbimizda g‘urur va buyuk istiqbolga ishonch tuyg‘usini his etamiz.

Bugun milliy bayrog‘imiz turli bayram tantanalarida, mamlakatimiz a’zolari qatnashayotgan xalqaro miqyosdagi siyosiy, madaniy-ma’rifiy tadbirlarda, nufuzli sport musobaqalarida ham bayrog‘imiz Vatanimizning sha’ni, xalqimizning g‘ururini yorqin aks ettirmoqda. Xalqaro sport bellashuvlarida g‘alaba qozongan sportchilarimiz sharafiga yurtimiz bayrog‘i baland ko‘tarilgan lahzada har birimiz cheksiz hayajonga tushamiz, hech kimdan kam emasligimizdan g‘ururlanamiz.

🎉Bayrog‘imiz tinch va osoyishta osmon uzra mangu hilpirab tursin!

O‘rmon xo‘jaligi agentligi direktori Nizomiddin Bakirov

Respublikamiz daraxt resurslari kam mamlakatlar mintaqasida joylashgan bo‘lib, o‘rmon bilan qoplangan maydonlar darajasi o‘rtacha 8 foizni tashkil etadi. “Yashil makon” umumilliy loyihasida 3 ta asosiy strategik maqsad belgilangan.

Jumladan, har yili 200 mln tupdan manzarali, mevali daraxt va buta ko‘chatlarini, shu jumladan, har bir hudud va sohalar kesimida bahor mavsumida 125 mln tup, kuz mavsumida 75 mln tup daraxt va buta ko‘chatlarini ekish belgilab olingan. Shu bilan birga respublikamizning yashillik darajasini 30 foizga yetkazish ko‘zda tutilmoqda.

Shuningdek, davlat o‘rmon fondining o‘rmon bilan qoplangan maydonlarini yaqin yillar ichida 15 foizga, ya’ni 6,1 mln gektarga yetkazish maqsad qilingan.

Shu va “Yashil makon” umumilliy loyihasi doirasida hududlarda amalga oshirilayotgan ishlar xususida Ekologiya, atrof-muhitni muhofaza qilish va iqlim o‘zgarishi vazirligi huzuridagi O‘rmon xo‘jaligi agentligi mutaxassisi G‘anisher Xo‘jayev bilan suhbatlashdik.
• Bu yil “Yashil makon” umumilliy loyihasi doirasida qanday ishlar amalga oshirildi va daraxt ko‘chatlarini asrash, monitoringini olib borish, yashillik olamini saqlab qolish borasida qanday ishlar amalga oshirilmoqda?
• O‘rmon xo‘jaligi agentligi yashil qoplamalar, o‘rmonzorlar barpo etish bilan birga “Yashil makon” umumilliy loyihasi doirasida o‘rmon fondi yerlari va o‘rmonzorlardan tashqarida ham o‘rmonzorlar barpo etish va ko‘chat yetkazish bo‘yicha 2024 yil kuz oyida “Yashil makon” loyihasi uchun 17 mln tup ko‘chat yetkazib berish rejalashtirilgandi, lekin butun respublika bo‘yicha 30 mln tup ko‘chat zahirasini yaratib qo‘ydi.

“Yashil makon” umumilliy loyihasi doirasida o‘tgan davr mobaynida 11 ta Prezident hujjati, 7 ta Hukumat hujjati va 5 ta yig‘ilish bayoni qabul qilingan.

Shu davr mobaynida amalga oshirilgan ishlar natijasida jami 646 mln 443 ming tup daraxt va buta ko‘chatlari ekilib yashilmakon.eco platformasiga kiritildi.

Hududiy shtablar tomonidan ekilgan ko‘chatlar to‘g‘risida “Yashilmakon.eco” elektron platformasiga kiritilgan ma’lumotlarning haqqoniyligini o‘rganish maqsadida, 616 nafar ekologiya xodimi jalb qilinib, 557 ta planshet, 16 ta uchuvchisiz uchish qurilmasi hamda 250 ta “vlagomer” yetkazib berilgan.

Ko‘chatlarni agrotexnik talablarga mos ravishda ekish, ularni kelgusida parvarishlash, ya’ni sug‘orish, kasallik va zararkunandalarga qarshi kurashish tadbirlarini to‘g‘ri tashkil etish uchun sohaning ilmiy va malakali mutaxassislari jalb etilib, joylarda 914 ta amaliy seminar o‘tkazilgan.

Amalga oshirilgan ishlar natijasida 2024 yil bahorgi ko‘chat ekish mavsumida Respublika bo‘yicha 130 mln tupdan ziyod daraxt ko‘chatlari ekilgan.

137 ta chiqindi poligonlari atrofiga 5 qator qilib 264 ming tup (105 foiz) ko‘chatlar ekilib, “yashil belbog‘”lar barpo etildi.

Mahalliy hokimliklar, vazirliklar va idoralar tomonidan aholi punktlari va tuman markazlaridan uzoq bo‘lmagan hududlarda 257 ta “yashil bog‘lar” barpo etilib, ularning umumiy soni 517 taga yetkazildi.

Aholining hordiq chiqarishi uchun qulay sharoit yaratish maqsadida 80 ta “yashil jamoat parklari” tashkil qilindi.

Yakunlangan mavsumda ekilgan ko‘chatlarni sug‘orish maqsadida hududlarda 253 ta suv chiqarish qudug‘i va 2906 km uzunlikda sug‘orish tizimlari tashkil etildi. Sug‘orish manbasi mavjud bo‘lmagan hududlarga 991 ta maxsus texnika biriktirilgan.

Yangi ekilgan ko‘chatlarni saqlab qolish maqsadida sug‘orish va parvarish qilish tadbirlarini o‘z vaqtida amalga oshirish uchun dalolatnomalar bilan mas’ullarga biriktirildi.

Ijtimoiy soha ob’ektlari, jumladan sog‘liqni saqlash muassasalariga Ekologiya jamg‘armasi mablag‘lari hisobidan 500 ming tup, o‘rmon xo‘jaliklari tomonidan maktabgacha ta’lim muassasalariga 618 ming tup daraxt ko‘chatlari hamda maktablarga 2,1 mln tup qalamchalar beg‘araz yordam tariqasida yetkazib berilgan.

@urmon_gov_uz

Президент Шавкат Мирзиёев раислигида "Яшил макон” умуммиллий лойиҳасини амалга ошириш юзасидан ўтган видеоселектор йиғилишида белгиланган асосий вазифалар.

Батафсил — юқоридаги #инфографикада.

Facebook|Instagram|X

21-октябрь, Ўзбек тилига давлат тили мақоми берилган кун!

Абдулла Орипов

            ОНА ТИЛИМГА

Минг йилларким, булбул каломи
Ўзгармайди, яхлит ҳамиша.
Аммо шўрлик тўтининг ҳоли
Ўзгаларга тақлид ҳамиша.

Она тилим, сен борсан, шаксиз
Булбул куйин шеърга соламан.
Сен йўқолган кунинг, шубҳасиз,
Мен ҳам тўти бўлиб қоламан...

✍1965

O'rmon xo'jaligi agentligi pinned «»